ፍኖተ አበው ዘኦርቶዶክስ (መ/ር ንዋይ ካሳሁን)

https://youtu.be/2S46vQLgXPM?si=gFVG0StGNg5c0Mow

ትንቢት!!

አብይ እድሜ ካገኘ መርካቶ መካከል ቤተ ክርስቲያን እና መስጊድ በጋራ የያዘ ትልቅ የአምልኮ ስፍራ ይገነባል!!

ንዋይ ካሳሁን
ኅዳር 11 ቀን 2017 ዓ.ም

https://youtu.be/2S46vQLgXPM?si=hgyFT9A5_EFr3MFH

ኦሪትና ሐዲስ በንጽጽር

በምድረ በዳ ሙሴ ከእባብ መርዝ እንዲድኑ እግዚአብሔር ሙሴን አዝዞ ያዘጋጀው የነሐስ እባብ መጨረሻው ምን ኾነ?። የምሳሌውስ ፍጻሜ ምን ነበር? ከነ ማስረጃው።
ቢያንስ የ20 ሰው መልስ እጠብቃለኹ።

ከግብጽ ሲወጡ ሙሴ በምድረ በዳ የመራቸው ከ600 ሺህ በላይ የሚሆኑ ሰዎች ነበሩ። ከነዓን የገቡት ግን ሁለት ሰዎች ብቻ ናቸው።

ምርጫ ነው!!

Dogmatic personality
ሰውነቱ፣ አኗኗሩ፣ ሐሳቡ ዶግማዊ የኾነ ማለት ነው። አቋም አይቀይርም፣ ሐሳብ አያሻሽልም፣ ነገሮችን በተለየ መንገድ አያይም፣ ከሚፈልገው ነገር ውጭ መስማት መሞከር አይፈልግም።

እነዚኽ እስረኞች የሚሰቃዩት ታስረው የሚገደሉት ኦርቶዶክስ አማኞች ናቸው። የእስሩ ትእዛዝ የአብይ ነው!! ማስቆም ካልቻልን ገና ብዙ ስቃይ እናያለን።

ይኽ ዜና ታስታውሳላችሁ?

ወይስ አብይ ባደረገብን አዚም ረስተን እንደ ትክክል ቆጥረነዋል። በነገራችን ላይ የዚኽ ንግግር ውጤት የሃምሳ ሰዎች እስሩ መጨረሻ ምን ደረሰ? የገረመኝ ደግሞ ዜናውን አንባቢው ራሱ "የጊቢ ጉባዔ ፍሬ" ከሚባሉት አልጫ ኦርቶዶክሳውያን መካከል መኾኑ ነው። አይ እንጀራና ሃይማኖት!!

መጽሐፍ ቅዱስ እንማር

ከእስር ቤት ቀጥታ ወደ ንግሥና የተወሰደው ሰው ዮሴፍ ነው።

መጽሐፍ ቅዱስ እንማር

ሁለት ሰዎች በመጽሐፍ ቅዱስ ውስጥ በ ወሊድ ላይ እያሉ ሞተዋል፦

1. ራሄል ቢንያምን ስትወልድ ሞተች (ዘፍ 35፤ 16-19)

2. የፌንያስ ሚስት ኢካቦድን ስትወልድ ሞተች (1ሳሙ 4፤ 19-22)

"እንደ ሐሞት እስክትመር ድረስ እውነትን ተናገር" መጽሐፈ ወቅሪስ

ቤተ ክህነትም፣ ሀገረ ስብከቱም፣ ማኅበረ ቅዱሳንም ይኽንን አይነግሩንም እርዳታ ግን ይለምኑባቸዋል። ፕሮጀክት ይቀርጸባቸዋል።

ወንድሜ ዳንኤል ጥቂቶች የምናውቀውን ብዙዎች የማያውቁትን ጉዳይ በጥቂቱ የነገረን። በአጭሩ ቤተክህነትም ማኅበረ ቅዱሳንም ሕወሃት ይመራው እንደ ነበር ከእርሱ በላይ ምስክር የለም። ይኽንን ለማስረዳት በእጄ ያለ ዶክመንት አለ። የማኅበሩ አባላት 95% የኢህአዴግ አባላት መኾናቸውን። ሳላቀርበው ዳኒ በአጭሩ ነገረልኝ።
ዛሬስ ነው ጥያቄው? በዳንኤል የማይዘወር ማኅበረ ቅዱሳን አለ?

የሰውን መገኛ ተልዕኮ እና መድረሻ በግልጽ የሚናገር መጽሐፍ "መጽሐፍ ቅዱስ" ብቻ ነው።

በመጽሐፍ ቅዱስ ከሴቶች ብዙ ጊዜ የተጠቀሰችው "ሳራ" ስትሆን ከሃምሳ (50) ጊዜ በላይ ተጠቅሳለች። "ራሄል" ደግሞ ኹለተኛዋ ስትሆን ከአርባ (40) ጊዜ በላይ ተጠቅሳለች።

መጽሐፍ ቅዱስ እውነታዎች

አኹን በምድር ላይ የሚታየው ሕዝብ ኹሉ የመጣው ከኖህ ሦስት ልጆች ከሴም፣ ከካምና፣ ከያፌት ነው።

"ኖኅም ሦስት ልጆችን ሴምን ካምን ያፌትንም ወለደ።" ዘፍ.6:10

ኦሪትና ነቢያትን ለመሻር አልመጣኹም


ሕግን የፈጸመው ግን በአንድ መንገድ ብቻ አይደለም፤ በኹለተኛና በሦስተኛ መንገድም ጭምር ነው እንጂ፡፡ የመጀመሪያው መንገድ በኦሪት የተሰጡትን ትእዛዛት ኹሉ ባለማፍረስ ፈጽሞአቸዋል፡፡ በዚህ ረገድ ኹሉንም ለመፈጸሙ እርሱ ራሱ ለመጥምቁ ዮሐንስ ምን እንዳለው አድምጥ፣ እንዲህ ያለውን፡- “እንዲህ ጽድቅን ኹሉ መፈጸም ይገባናልና" (ማቴ.3፡15)፡፡ 

ለአይሁድም፡- “ስለ ኃጢአት ከእናንተ የሚወቅሰኝ ማን ነው?" ብሎአቸዋል (ዮሐ.8፡46)፡፡ ዳግመኛም ለደቀ መዛሙርቱ፡- “የዚህ ዓለም ገዥ ይመጣልና፤ በእኔ ላይም ምንም አያገኝም” ብሎአቸዋል ዮሐ.14፡30፡፡ ነቢዩም ይህን በማስመልከት ገና ከመጀመሪያው፡- “ኃጢአትን አላደረገም” ብሎአል። ኢሳ.53፡9

“ሕግን ፈጽሞአል” የምንልበት አንዱ መንገድ እንግዲህ በዚህ ረገድ ነው፡፡ ሌላው “ሕግን ፈጽሞአል" የምንልበት መንገድ ደግሞ በእኛ በኩል የሚፈጽመው ነው። ዕፁብ ድንቅ የሚያሰኘውም ይህ ነው፡- ሕግን የፈጸመው እርሱ ብቻ ሳይኾን እኛም እንድንፈጽመው ሰጥቶናልና፡፡ 

ብርሃነ ዓለም ቅዱስ ጳውሎስ ይህን ግልፅ ሲያደርገው፡- “የኦሪት ጽድቅ ፍጻሜስ ለሚያምኑበት ኹሉ በክርስቶስ ማመን ነው' ብሎአል። ሮሜ.10፡4 ዳግመኛም፡- “በእኛ የሕግ ትእዛዝ ይፈጸም ዘንድ ኃጢአትን በሥጋ ኰነነ" አለ ሮሜ.8፡3-4። ጨምሮም፡- “እንግዲህ ሕግን በእምነት እንሽራለንን? አንሽርም፤ ሕገ ኦሪትን እናጸናለን እንጂ" ብሎአል። ሮሜ.3፡31

 ሕገ ኦሪት ትጥር የነበረው ሰውን ጻድቅ ለማድረግ ነበርና፡፡ ነገር ግን ኃይል ስላልነበራት እርሱ መጥቶ በእምነት ሕግ ኃይልን እንድታገኝ አድርጎ የምትሻውን እንድትፈጽም አደረጋት፡፡ ኦሪት በጽሕፈት ያልተቻላትን በእምነት ሕግ ማከናወን እንድትችል አደረጋት፡፡ “እኔ ሕግን ልሽር አልመጣሁም” ያለው ለዚህ ነውና፡፡

አንድ ሰው አጥብቆ የሚጠይቅ ከኾነ ሕግ የተፈጸመበትን ሦስተኛ መንገድም ያገኛል፡፡ ይህስ እንደ ምን ነው? ቀጥሎ ሊሰጣቸው ባለው ሕገ ሐዲስ ነው፡፡

ቀጥሎ የሚሰጣቸው ትእዛዛቱ የቀደሙትን ትእዛዛት የሚሽሩ ሳይኾኑ ይበልጥ የሚያጸኑ ነበሩና፡፡ ለምሳሌ “አትግደል” የሚለው ሕግ “አትቈጣ' በሚል ሕግ ይበልጥ ጸና (ጠነከረ) እንጂ አልተሻረምና፡፡ ሌሎችም እንደዚሁ ይበልጥ ጸንተዋል፤ ፍጹማን ኾነዋል፡፡

በመኾኑም እንደምትመለከተው ከዚህ በፊት ማንም በማያስተውለው መልኩ ይህንኑ ዘር በልቡናቸው እርሻ ላይ ስለ ዘራ የኦሪትንና የወንጌል ትእዛዛትን ማነጻጸር በሚጀምርበት አንቀጽ ላይ ሲደርስ ኦሪትን እየተቃወመ እንደ ኾነ ማንም እንዳያስብ ለዚህ የሚኾን መድኃኒት ሰጣቸው፡፡ በምሥጢርም ቢኾን ቀድሞውኑ በተናገረው ይህን ዘር ዘርቶባቸው ነበርና፡፡ ለምሳሌ፡-

♦ “በመንፈስ ድኾች የኾኑ ብፁዓን ናቸው" ያለው ልንቈጣ እንደማይገባን ከተናገረው ጋር ተመሳሳይ ነውና፤

♦ “ልበ ንጹሃን ብፁዓን ናቸው” የሚለው “ወደ ሴት አይቶ" ካለመመኘት ጋር ተመሳሳይ ነውና፤

♦ “ብልና ዝገት በሚያጠፉት ሌቦችም ቈፍረው በሚሰርቁት ዘንድ" መዝገብ አለመሰብሰብ “የሚምሩ ብፁዓን ናቸው” ከሚለው ጋር አንድ ኅብረ መልክ አለውና


♦ “የሚያዝኑ”፣ “ሲነቅፉአችሁ” እና “ሲያሳድዱአችሁ" በእኔም የሚለው “በጠበበው ደጅ” ከመግባት ጋር የሚስማማ ነውና፤

♦ “ጽድቅን የሚራቡና የሚጠሙ ብፁዓን ናቸው” የሚለውም “ሰዎች ሊያደርጉላችሁ የምትወዱትን ኹሉ እናንተ ደግሞ እንዲሁ አድርጉላቸው” ማለት እንጂ ሌላ ምንም አይደለምና፤

♦ “የሚያስተራርቁ ብፁዓን ናቸው” ብሎ የተናገረውም፥ በመሠዊያው ላይ መባን ትቶ በመኼድ አስቀድሞ ከወንድም ጋር መታረቅ እንደሚገባ ከተናገረውና “ከባለጋራህ ጋር ፈጥነህ ተስማማ” ካለው ጋር ከሞላ ጎደል ያው ነውና፡፡


@የማቴዎስ ወንጌል ትርጓሜ (ቅዱስ ዮሐንስ አፈወርቅ፣ ተርጓሚ ገ/እግዚአብሔር ኪዶ)

ንዋይ ካሳሁን

እኔ ሕግንና ነቢያትን ለመሻር የመጣሁ አይምሰላችሁ” ማቴ.5፡17

እንዲኽ ብሎ የተናገረው ለምንድን ነው? “ሕግንና ነቢያትን ለመሻር መጥተሃል” ብሎ ማን ጠረጠረው? ወይም ማን ልትሽር መጥተሃል ብሎ ከስሶት ነው ይኽን መልስ የሰጠው? አስቀድሞ በተናገረው ነገር እንደዚህ ያለ ጥርጣሬ አልተነሣምና፡፡ ሰዎች የዋሃን፣ ትሑታን፣ ርኅሩኀን፣ ልበ ንጹሃን እንደዚሁም ጽድቅን የሚራቡና የሚጠሙ እንዲኾኑ ማዘዝ ማስተማር እንዲያውም ሕግንና ነቢያትን ማጽናት እንጂ መሻርን አያመለክትምና፡፡

ታዲያ ጌታችን ይህን ያለው ከምን አንጻር ሊኾን ይችላል? ይህንን የተናገረው እንዲሁ ወይም በከንቱ አልነበረም፡፡ ይልቁንም ቀጥሎ በብሉይ ከተሰጡት ትእዛዛት ይልቅ አሁን ጠንከር የሚሉ ትእዛዛትን ሊሰጣቸው ስለ ኾነ፥ ለምሳሌ “ለቀደሙት አትግደል እንደ ተባለ ሰምታችኋል፥ እኔ ግን እላችኋለሁ ቍጣም ቢኾን አትቈጡ” ብሎ ሊነግራቸው ስለ ኾነ። ማቴ.5፡22 

ግሩምና ልዑል የኾነ ትምህርት ሊያስተምራቸው ስለ ኾነ፥ ስማዕያኑ ይኽን እንግዳ ነገር ሲሰሙ በነፍሳቸው እንዳይታወኩ ወይም የሚያስተምራቸውን ነገር እንዲሁ ወደ መቃወም እንዳይገቡ ብሎ አስቦ አስቀድሞ ልቡናቸውን በዚኽ መንገድ ሲያዘጋጅ ነው፡፡

አይሁድ፥ ምንም እንኳን ሕጉን የማይፈጽሙት የነበሩ ቢኾኑም በሕሊናቸው ግን ክብር ነበራቸውና፡፡ ምንም እንኳን ዕለት ዕለት በገቢር ይሽሩት የነበሩ ቢኾኑም፥ በፊደል ደረጃ ምንም እንዲነካ አይሹም ነበርና፤ ከተጻፈው በላይ ማንም እንዲጨምርበት አይፈልጉም ነበርና፡፡ እንዲያውም ለልማት ያይደለ ለባሰ ጥፋት ኾነባቸው እንጂ ከተሰጣቸው ሕግ ጋርም (እርሱን ለመጠበቅ ብለው አስበው) ሌላ የራሳቸውን ወግ ጨምረዉበት ነበርና፡፡ እንደዚኽ በማድረግ ለምሳሌ ለወላጆች ሊሰጥ ይገባው የነበረው ክብር ለራሳቸው ይወስዱት ነበርና፡፡ ሌሎችም እንደዚሁ እነርሱ ሕጉን ላለመፈጸማቸው ነጻ የሚያደርጋቸውን አለአግባብ ይጨምሩ ነበርና፡፡

ስለዚኽ በመጀመሪያ ደረጃ ጌታችን ክርስቶስ ከካህናት ወገን ስላልነበረ ዕብ.7፡11 በተጨማሪም ቀጥሎ ሊነግራቸው ያሉት ሕጎች የቀደመውን ሕገ ኦሪትን የሚሽሩ ሳይኾኑ የሚያጠነክሩ ቢኾኑም ቅሉ ከአፍአ ሲታዩ ጭማሪ ስለሚመስሉ፥ እነዚህ ኹሉ ነገሮች ሊያውኩአቸው እንደሚችሉ ዐውቆ እነዚህን ወርቃማ ሕጎች (ወንጌልን) በሕሊናቸው ጓዳ በልቡናቸው ሰሌዳ ከመጻፉ በፊት፥ የሚጻፉበትን የልቡናቸው ጽላት ወለወለው፤ ሰነገለው፡፡ 

አስቀድሞ በልቡናቸው ጽላት ላይ የነበረውና ሊሰጣቸው ላለው ሕግ ዕንቅፋት ሊኾን የነበረውስ ምንድን ነበር?

 እንደ እነርሱ አሳብ ጌታችን እነዚህን ሕጎች ሲናገር የነበረው ሕግንና ነቢያትን ከመሻር አንጻር ነበር፡፡ ጌታችን እንግዲህ የፈወሰው ይህን ጥርጣሬአቸውን ነበር፡፡ ይህን ያደረገውም እዚህ ብቻ ሳይኾን ሌላም ቦታ ላይ ነበር፡፡ የእግዚአብሔር ተቃዋሚ እንደ ኾነ አድርገው ይቈጥሩት ስለ ነበር፥ ለምሳሌ “ሰንበትን አያከብርም” ይሉ ስለ ነበር፥ እንደዚህ ያለ ጥርጣሬአቸውን ሊፈውስላቸው ሽቶ አንዳንድ ጊዜ ጸሎት አቀረበ፤ አንዳንድ ጊዜ ደግሞ ምሳሌ “አባቴ እስከ ዛሬ ይሠራል፥ እኔም ደግሞ እሠራለሁ” በማለት ለባሕርዩ እንደሚስማማ አድርጎ ፈጸመ። ዮሐ.5፡17

አንዳንድ ጊዜ ግን (ጸሎት አቀረበ እንዳልሁት የመሰለ) በውስጣቸው እጅግ ከፍ ያለ አትሕቶ ርእስ ያለባቸውን ነገሮች ይፈጽም ነበር፡፡ ለምሳሌ በሰንበት የጠፋ በግን ስለ ማውጣት ሲናገር ማቴ.12፡11 ሕጉ ይጸና ዘንድ መደፍረሱን ሲጠቁም፣ ስለ መገረዝም ሲጠቅስ ያው ጥርጣሬያቸውን ሲፈውስ ነው።

በመኾኑም የእግዚአብሔር ተቃዋሚ እንደ ኾነ አድርገው እንዳያስቡት ሽቶ ብዙ ጊዜ ለመለኮታዊ ባሕርይው የማይስማሙ ቃላትን (በአትሕቶ ርእስ) ሲናገር እናየዋለን፡፡

በመኾኑም ለባሕርይው የማይስማሙና እጅግ ዝቅ ባለ መንገድ የተናገራቸው ብዙ ናቸው፡፡ እዚህም ላይ ከአፍአ ሲታይ ጭማሪ የሚመስልን ሕግ ሊናገር ስለ ኾነ አስቀድሞ በሕሊናቸው ሊፈጠር የሚችለውን ጥርጣሬ ያስወግድ ዘንድ ብዙ ነገሮችን ተናገረ፡፡ “ሕግን አልሻርሁም” ብሎ የተናገረው አንድ ጊዜ ብቻ አይደለምና፡፡ ይህን ደግሞ ደጋግሞ ተናግሮታል እንጂ፡፡ በዚሁም ላይ ሌላና ታላቅ የኾነ ነገር ጨምሮ ተናግሮአል፤ “እኔ ሕግንና ነቢያትን ለመሻር የመጣሁ አይምሰላችሁ" በሚለው ቃል ላይ፡- “ልፈጽም እንጂ ለመሻር አልመጣሁም” ሲልም ጨምሮ ተናግሮአል፡፡

ይህ ቃሉም የአይሁድን እልኸኝነት ብቻ ሳይኾን “ብሉይ ኪዳን የዲያብሎስ (የክፉ አምላክ) ሕግ ነው" ብለው የሚናገሩ ሐራ ጥቃዎችንም አፋቸውን የሚዘጋ ነው። ጌታችን የመጣው ዲያብሎስን ለመሻር ከኾነ᎙ ይህ ሕግ ያልተሻረው ይልቁንም በእርሱ በራሱ በጌታችን የተፈጸመው እንዴት ነው? በቂ የነበረ ቢኾንም ቅሉ “ለመሻር አልመጣሁም አላለምና፤ ልፈጽም እንጂ" በማለት የመቃወም ሳይኾን ይበልጥ የማጽናት ኃይለ ቃል ተናግሮአልና፡፡

“ያልሻረውስ እንዴት ነው? ሕግንና ነቢያትን የፈጸመው እንዴት ነው?” ብሎ የሚጠይቅ ሰው ሊኖር ይችላል፡፡ ስለ እርሱ የተባለውን በሥራ ሲያከናውነው ነቢያትን ፈጽሞአቸዋል፡፡ ስለ ኾነም ወንጌላዊው በተለያየ ቦታ ላይ፡- “በነቢይ የተባለው ይፈጸም ዘንድ ይህ ኾኖአል” ብሎአል፡፡ ለምሳሌ ጌታችን ሲወለድ ማቴ.1፡22-23፣ ሕፃናት “ሆሣዕና በአርያም'' እያሉ ሲዘምሩና በአህያ ላይ ሲቀመጥ ማቴ.21፡5-16፣ እንደዚሁም እነዚህን በመሰሉ በሌሎች ብዙ ኹኔታዎች ላይ ጌታችን በሥራው ነቢያትን ፈጽሞአቸዋል፤ እርሱ ባይመጣ ኹሉም አይፈጸሙም ነበርና፡፡
ይቀጥላል 

@የማቴዎስ ወንጌል ትርጓሜ (ቅዱስ ዮሐንስ አፈወርቅ፣ ተርጓሚ ገ/እግዚአብሔር ኪዶ)

ንዋይ ካሳሁን

ስሜትህን ሳይሆን እውነትን ተከተል