ቤተ ቅዱስ ዮሐንስ አፈወርቅ

፬

የቅዱስ ዮሐንስ አፈወርቅ ካልዕ ድርሳን ስለ ጌታችን ጥምቀት

የተወደዳችሁ ማኅበረ ምእመናን ወንድሞች ሆይ ለሐዲስ ልደት ቅድስት የምትሆን የጥምቀት ውኃ በሚቀደስበት ዕለት የነቢዩ የዘካርያስ ልጅ ዮሐንስ በገዳመ ዮርዳኖስ የሰበከውን ስብከት ስሙ፡፡ ከይሁዳ ሀገሮች ከሰማርያና ከኢየሩሳሌም አውራጃዎች ሁሉ አሕዛብ ወደ እርሱ በተሰበሰቡ ጊዜ ወደ እርሱ ሊጠመቁ ለመጡት አይሁድ በታላቅ ቃል አሰምቶ እንዲህ አላቸው፡፡

ዳግመኛም እንዲህ አላቸው እኔ በውኃ ለንስሓ አጠምቃችኋለሁ። ከእኔ በኋላ የሚመጣው ግን በመንፈስ ቅዱስ ለኃጢአት ሥርየት ያጠምቃችኋል፡፡ ከእኔ በኋላ የሚመጣው እርሱ ከእኔ ይበረታል፡፡ ከዓለም ሁሉ አስቀድሞ የነበረ ነው፡፡ ከእኔ በኋላ የሚመጣው በእጅጉ ከእኔ ይበልጣል፡፡ ልዕልናውን ልናገር አይቻለኝም፡፡ ከእኔ በኋላ የሚመጣው እርሱ ጌታየ ነው፡፡ የእግሩን ጫማ ማዘቢያም (ማሠሪያ) እፈታ ዘንድ አይቻለኝም፡፡

ዮሐንስ የጌታ ጫማ ያለው ምንድን ነው? እንደዚህ ያለውስ ሰው ስለ መሆኑ ሲናገር ነው፡፡ እንደሚበረታ ዮሐንስ ስለ እርሱ መሰከረ፡፡ ጌታ ከእርሱ ዘንድ ወደ እርሱ ለመጡት ሁሉም እንዲህ እያለ ሰበከ፡፡

እነርሱ ግን ዮሐንስ ሆይ ስለምን ራስህን ታሳንሳለህ? ብለው ዮሐንስን ተቃወሙት፡፡ እውነተኛ ነቢይ ሆይ አንተ የታላቁ ካህን የዘካርያስ ልጅ አይደለህምን? አንተ በኤልያስ የተመስልህ አናብስት ከፊትህ የሚሸሹልህ አይደለህምን?

ነቢይና ቅዱስ ሆይ አንተ መልአኩ ገብርኤል ስለ ልደትህ በቤተ መቅደስ የተናገረልህ አይደለህምን? አንተ የእግዚአብሔር የጸጋው ሀብት በላዩ የበዛለት ዮሐንስ አይደለህምን? ስለምን ከእኔ በኋላ የሚመጣው ከእኔ ይልቅ ይበረታል ትላለህ? ከአንተ የሚበልጥ የለም አሉት፡፡

ያን ጊዜ ዮሐንስ ለጌታው እንደ ሚታዘዝ ትሑት አገልጋይ ዝቅ ዝቅ አለ፡፡ በፊታቸውም እንዲህ ብሎ አሰምቶ ተናገረ፡፡ እናንተ የማታውቁትን ትናገራላችሁ፡፡ እኔ ደግሞ የማውቀውን እናገራለሁ፡፡ ከእኔ በኋላ የሚመጣው ከእኔ ይልቅ ብርቱ ነውና፡፡ እኔም በዚህ ሰማያዊ ንጉሥ ፊት መንገዱን ልጠርግ ተልኬያለሁና፡፡ እኔ በዚህ ንጉሡ ፊት አገልጋይ ነኝ፡፡

ዳግመኛም እንዲህ አላቸው፡፡ እኔ በቤት ውስጥ በማዕዘን ላይ እንደ ተቀመጠ መብራት ነኝ፡፡ እርሱ ግን ለሁሉ እንደሚያበራ ፀሐይ ነው፡፡ በእኔ ላይ ያደረው የሕይወት መንፈስ ነው፡፡ እርሱ ግን ለሁሉ ሕይወትን የሚያድል ነው፡፡ እኔ ንስሓን የምሰብክ ነኝ፡፡

ይቀጥላል....

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 89-103)

ለሌሎች ይደርስ ዘንድ ሼር ያድርጉ

ይህቺን ቻናል ተቀላቀሉና ከስንክሳሩ የተወሰዱና በስንክሳሩ ያልተካተቱ የቅዱሳንን ታሪክ እያነበብን ከሕይወታቸው እንማር

መዓዛ ቅዱሳን

https://t.me/meaza_kidusan12

፫

የቅዱስ ዮሐንስ አፈወርቅ ድርሳን ስለ ጌታችን ጥምቀት

እነሆ በዚች ዕለት በውኃ በመንፈስ ቅዱስና በእሳት እጠመቃለሁ፡፡ ውኃው የኃጢአትን እድፍ የማጠራበት ነው፡፡ በመንፈስ ቅዱስም መሬታውያኑን ሰማያውያን አደርግበታለሁ፡፡ በእሳቱም የኃጢአት እሾህን አቃጥልበታለሁ።

ዮሐንስም ይህን ነገር በሰማ ጊዜ በታላቅ ፍርሀትና መንቀጥቀጥ በብዙ ትሕትናም በጌታ ኢየሱስ ራስ ላይ እጁን ዘርግቶ አጠመቀው፡፡ ሰነፎች አይሁድ ይህን ባዩ ጊዜ ዮሐንስ ከክርስቶስ ይልቅ እጅግ ይከብራል፡፡ ክርስቶስም ከእርሱ ያንሳል፡፡ እንዲህስ ባይሆን ኑሮ ከእርሱ ባልተጠመቀም ነበር አሉ፡፡

እግዚአብሔር አብም የአይሁድን ሐሳብ ያውቃልና ይህችን ሐሳብ ከልቡናቸው ያርቅ ዘንድና እርሱ በመለኮቱ ክብር ከእርሱ ጋር አንድ የሆነ የሚወደው ልጁ እንደ ሆነ ያስረዳቸው ዘንድ ወደደ፡፡

ስለዚህ ሰማይን ከፍቶ መንፈስ ቅዱስን በርግብ አምሳል ሰደደ፡፡ በራሱ ላይም ተቀመጠ፡፡ በታላቅ ቃልም በእርሱ ደስ የሚለኝ የምወደው ልጄ ይህ ነው ብሎ ተናገረ። ዳግመኛም በሥጋ የተወለደው እርሱ በመለኮቱ ክብር ከእኔ ጋር አንድ ነው፡፡ ከቀደመ ግብሩ ሳይለወጥ ሰው ሆኗልና፡፡ እኔ የወለድሁት ማርያም ከወለደችው የተለየ አይደለም፡፡ በጎል የተኛው ሰብአ ሰገል ከሰገዱለት ልዩ አይደለም፡፡ እርሱ በኔ ህልው ነው፡፡ እኔም በእርሱ ህልው ነኝ፡፡

በሥጋውም ተገልጦ ይታያል፤ በመለኮቱ ተኣምራትን ያደርጋል፡፡ ከማርያም በሥጋ ለተወለደው ልደቱ አባትን አትፈልጉ፡፡ ከዓለም ሁሉ በፊት ከኔ ለተወለደው ልደቱም እናትን አትመርምሩ፡፡ መለኮቱንም ከትስብእቱ አትለዩ፡፡

በእርሱ መጨመርና መለየት የለበትምና፡፡ ክርስቶስ ብቻውን አምላክ ብቻውንም ሰው አይምሰላችሁ፡፡ ሰው የሆነ አምላክ ነው እንጂ፡፡ የዓለም ሁሉ መድኃኒት ወልድ ዋሕድ በተጠመቀ ጊዜ እግዚአብሔር አብ እንዲህ በማለት ተናገረ።

ዳግመኛም የወልድ ፊቱ በደብረ ታቦር በተለወጠ፣ መልኩም እንደ ፀሐይ በደቀ መዛሙርቱ ፊት ባበራ ጊዜ እግዚአብሔር አብ እንዲህ አለው፡፡ ‹‹በእርሱ ደስ የሚለኝ የምወደው ልጄ ይህ ነው፡፡ እርሱን ስሙት››፡፡

ይቀጥላል.....

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 55-67)

፪

የቅዱስ ዮሐንስ አፈወርቅ ድርሳን ስለ ጌታችን ጥምቀት

አቤቱ የሰማያት የምድር ጌታ ሆይ አሁንስ እኔን ባርያህን አጥምቀኝ፡፡ በእጅህ የሠራኸውንም አንፃው፡፡ መድኃኒት የሆነች ቀኝህንም ዘርጋ፡፡ ወደ መንግሥትህ በፍጥነት እሄድ ዘንድ ለኃጥአንም የዓለምን ኃጢአት የሚያስወግድ የእግዚአብሔር በግ ብየ እሰብክ ዘንድ በእርሷ ከልለኝ፡፡

አንተም ዮርዳኖስ ሆይ ዛሬ ከኔ ጋር ደስ ይበልህ፡፡ እግዚአብሔር አምላክህ በአንተ ዘንድ ቁሟልና፡፡ እናንተም ተራሮች፣ ኮረብቶች፣ ባሕሮች፤ ወንዞች፤ ፈሳሾች እና የውኃ ምንጮች ሁሉን የቀደሰውን እግዚአብሔርን አመስግኑት፡፡ አቤቱ አምላኬ ሆይ ባርከኝ፤ ውኆችንም ሁሉ አክብራቸው፡፡

ጌታችን ኢየሱስ ክርስቶስም መልሶ ለዮሐንስ እንዲህ አለው፡፡ አሁንስ ዝም በል፡፡ ሕጌንና ሥርዐቴን ልፈጽም እፈልጋለሁና፡፡ ልሠራው የወደድሁትንም አትቃወመኝ፡፡ ጠላት ዲያብሎስ ሰምቶ እኔን መጣላቱን እንዳይተው የመለኮቴን ክብር አትናገር። ዛሬ ለእኔ እና በእኔ ለሚያምኑ ሁሉ በደስታ ታላቅ ምልክት ይደረጋልና። ጥምቀቱን ለእኔ ፈልጌው አይደለም፡፡ በበደል ኃጢአት የቆሰሉትን እፈውስ ዘንድ ነው እንጂ፡፡

ሙታንን ሳስነሣቸውና ታላላቅ ታምራትን ሳደርግ ባየህ ጊዜ ለሰው ሁሉ የፍጥረታት ሁሉ ፈጣሪ እንደሆንሁ ንገራቸው፡፡ አመስግነኝ ለመንግሥቴም ስገድ። በአባቴ ቀኝ ስቀመጥ ባየህ ጊዜም አምላክነቴን ተናገር፡፡

እነሆ አሁን የመጀመሪያውን ትእዛዝ እፈጽም ዘንድ አዲሱን ሥርዐትም እጀምር ዘንድና በምእመናን ልቡና ውስጥ በደሜ እጽፈው በመንፈሴም አትመው ዘንድ፣ ወደ መስቀልም እወጣና ሕማማትንም እታገሥ ዘንድ፣ በመለኮቴም የቀደመውን በደል አጠፋ ዘንድ ወደ ሲኦል ወርጄ በዚያ የሚኖሩትን እሥረኞችንም አድናቸው ዘንድ፣ በጨለማና በሞት ጥላ ውስጥ ለሚኖሩትም የሥጋዬን መብራት አበራላቸው ዘንድ፣ በሦስተኛውም ቀን ከሙታን ተነሥቼ የሞትን ሥልጣኑን ሽሬ ኃይሉን አጠፋ ዘንድ እወዳለሁ፡፡

በእኔ ለሚያምኑ ሁሉ በሥላሴ ስም ልዩ የሆነች ጥምቀትን እሰጥ ዘንድ እነሆ ዛሬ ይህችን ጥምቀት እጠመቃለሁ፡፡ ስለዚህ ቃሌን ስማኝ፤ ለእኔም ታዘዝ፤ እጅህንም ዘርጋና አጥምቀኝም፡፡

እናቴ ማርያም በመፅነሷና በመውለዷ እንደ ታዘዘችኝ ቀኝህን ዘርጋና በዮርዳኖስ አጥምቀኝ፡፡ እናቴ ማርያም በጨርቅ እንደ ጠቀለለችኝ፣ አንተም ታዘዘኝ፣ አጥምቀኝም፡፡ እናቴ ማርያም በሕፃናት ልማድ ሐሊበ ድንግልናዋን እንደ አጠባችኝ፣ አንተም እጅህን በራሴ ላይ ጫን፡፡ ኪሩቤል የሚፈሩት ሱራፌልም የሚያመሰግኑት በእርሱ ያመነም የማይጠፋ እኔ ነኝና፡፡

ይቀጥላል......

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 55-67)

፩
የቅዱስ ዮሐንስ አፈወርቅ ድርሳን ስለ ጌታችን ጥምቀት

አንድ አምላክ በሚሆን በአብ በወልድ በመንፈስ ቅዱስም ክቡር የሆነ ቅዱስ ዮሐንስ አፈወርቅ ስለ ጌታችን ስለ መድኃኒታችን ኢየሱስ ክርስቶስ ጥምቀት የተናገረው ድርሳን ይህ ነው፡፡ ጸሎቱና በረከቱ በሁላችን ላይ ለዘለዓለሙ ጸንቶ ይኑር አሜን፡፡

የክርስቶስ ወዳጆች የተወደዳችሁ ወንድሞች ሆይ ቅድስት ስለምትሆን ስለዚች ዕለት የምነግራችሁን ትምህርቴን አድምጡኝ፡፡ እናንተ በትሕትናው ትመስሉት ዘንድና በአምልኮቱም ትደክሙ ዘንድ ጌታችን ጥምቀቱን በትሕትና እንዳደረጋት ዕውቁ፡፡ ትእዛዛቱን የሚፈጽም መልካሙን ነገር ያገኛልና፡፡ ቅድስት ጥምቀት ሁለተኛ ልደት እንደ ሆነች እርሱ አስረድቶናልና፡፡

የተወደዳችሁ ወንድሞቼ ሆይ ሰማያዊው ንጉሥ ወደ አገልጋዩ ወደ ዮሐንስ በትሕትና እንደ መጣ ተመልከቱ፡፡ ብዙ የመላእክት ሠራዊትን አስከትሎ አልመጣም፡፡ ከሰው እንደ አንዱ ሆነ እንጂ፡፡ በክፉዎችም መካከል ቆመ፡፡ መኳንንትን የሚፈርድባቸው ፍርድ በሚገባው ፊት ቀረበ፡፡ እርሱ ከሰማይ ስለጠፋው በግ ወርዷልና ወደ ጠፉት በጎች መሰማርያም ገባ፡፡

አጥማቂው ዮሐንስም ባየው ጊዜ በእናቱ ማኅፀን ሳለ በፍጹም ደስታ የሰገደለት እርሱ እንደ ሆነ ዐወቀ፡፡ አቤቱ ከእኔ ዘንድ ልትጠመቅ መጣህን? እኔ ከአንተ ዘንድ እጠመቅ ዘንድ እሻለሁ አለው፡፡ አቤቱ ጌታዬ ሆይ በመለኮትህ እሳት አታቃጥለኝ፤ ከእኔም የማይገባህን አትሻ፤ ትልቁ በትንሹ ይቀደስ ዘንድ ተገቢ አይደለምና፡፡

የሚያንሰው የሻማ ብርሃንም በፀሐይ ላይ ሊያበራ አይገባውምና፡፡ ፍጥረት በፈጣሪው ይታደሳል እንጂ ፈጣሪ በፍጥረቱ አይታደስም፡፡ ባለ መድኃኒትም ሕመምተኛውን ይፈውሰዋል እንጂ ሕሙሙ ባለ መድኃኒቱን አይፈውስም፡፡ ድኃም ከባለጠጋ ይበደራል እንጂ ባለ ጠጋ ከድኃ አይበደርም፡፡

አቤቱ ጌታዬ ሆይ ከዓለም ሁሉ አስቀድመህ የተወለድህና ብርሃንን እንደ ልብስ የተጎናጸፍህ አንተ ነህ፡፡ የመለኮትህ ክብርም አይታወቅም አይመረመርምም፡፡ አስቀድሞ በአብ ዘንድ ባለ ክብርህ በእናትህ ማርያም ማኅፀን ሳለህ እኔም በእናቴ በኤልሳቤጥ ማኅፀን ሳለሁ አውቅሃለሁ፡፡ ፍጥረት ሁሉ ለሰገዱለት እሰግድ ዘንድ ይገባል፡፡ ሰማይና ከዋክብት አንተን አውቀዋልና፡፡ ድርም በሰብአ ሰገልም መንሻን እጅ አቀረበችልህ፡፡ መላእክት በደስታ አመሰገኑህ፡፡ ነባብያን አባግዕ ለሆኑ ለእረኞች እረኛቸው አንተ ነህና እረኞችም ዘመሩልህ፡፡

ከዛሬ ጀምሮ ዝም እል ዘንድ አግባብ አይደለም፡፡ “የእግዚአብሔርን መንገድ ጥረጉ፤ ጥርጊያወንም አቅኑ” እያለ በምድረ በዳ የሚጮህ እኔ ነኝና። እኔ ሰው ነኝ፡፡ በላዬም ምንም ምን መለኮት አላደረብኝም፡፡ አንተ ግን ሰው የሆንህ አምላክ ነህ፡፡ በአምላክነትህም ዓለም ሳይፈጠር የነበርህ ነህ፡፡ አቤቱ ጌታዬ እኔ ኃጢአተኛ ባሪያ ነኝና በተቀደሰው ራስህ ላይ እጄን እጭን ዘንድ አይገባኝም፡፡ አይቻለኝም፡፡ ብርሃኑንም ንጹሕ አደርገው ዘንድ ሰዎች አንተ የሁሉ አምላክ እንደሆንህ ያውቁ ዘንድ እኔ ሌሎች ሰዎችን በአንተ ስም አጠምቃቸዋለሁ፡፡ አንተን በማጠምቅ ጊዜ ግን ምን እላለሁ? በማን ስም አጠምቅሃለሁ? በአብ ስም እንዳልል አብ ከአንተ የተለየ ጌታ አይደለም፡፡ በመንፈስ ቅዱስ ስም እንዳልልም መንፈስ ቅዱስም እነሆ ከአንተ የተለየ አይደለም፡፡ በጌትነትና በሥልጣን ከአንተ ጋር አንድ ነው እንጂ፡፡

ይቀጥላል......

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 55-67)

ሰላም የቤተ ቅዱስ ዮሐንስ አፈወርቅ ቤተሰቦች

በመምህር ቃለጽድቅ ሕግነህ ከተተረጎመው ድርሳነ ሠለስቱ ሊቃውንት (ቅዱስ ዮሐንስ አፈወርቅ፣ ቅዱስ ኤፍሬም ዘሶርያ፤ ቅዱስ ያዕቆብ ዘስሩግ) ከቀረቡት እጅግ ግሩም ከሆኑ ድርሳናት መካከል የቅዱስ ዮሐንስ አፈወርቅን ድርሳን ፪ በእንተ ጥምቀቱ ለእግዚእነ" እና ድርሳን ፫ "በእንተ ቃና ዘገሊላን" በተከታታይ የምናቀርብ ይሆናል

ለሌሎችም ይደርስ ዘንድ ይህንን https://t.me/beteafework የቻናሉን ሊንክ ሼር በማድረግ የአባላቱን ቁጥር ከፍ እናድርግ።

በእቅበተ እምነት ዙሪያ የሚያስተምር ቻናል ነው ይቀላቀሉ

https://t.me/orthodox_chrstianity

ልደተ እግዚእነ - የመጨረሻው ክፍል

ቅዱስ ዮሐንስ አፈወርቅ እንዳስተማረው

በዓሉን አፍአዊ በኾነ መልኩ ለማክበር ከብዙ ጊዜ በፊት አዲስ ልብስና አዲስ ጫማ ትገዛላችሁ፡፡ ብዙ መብልና ብዙ መጠጥ ታዘጋጃላችሁ፡፡ ሌላ ለዕለቱ የሚያስፈልጋችሁ ነገርም አስቀድማችሁ ታሰናዳላችሁ፡፡ ገላችሁን ትታጠባላችሁ፡፡ በሌላ መልኩ ደግሞ ስለ ነፍሳችሁ ምንም ደንታ የሌላችሁ፣ በርኵሰት የቆሸሻችሁ፣ ቃለ እግዚአብሔርን የተራባችሁና የተጠማችሁ ኾናችሁ ማየት በእውነት ያለ ሐሰት እጅግ የሚያበሳጭ ነው፡፡

ለምንድን ነው እንደዚህ የምታደርጉት? ለምንድን ነው ነፍሳችሁ ዕራቆቷ ሳለች፥ አፍአዊ ሰውነታችሁን ብቻ ንጹህ ልብስን የምታለብሱት? ለምንድን ነው ባልንጀራችሁ ለሚያየው ልብስ እጅግ የምትጨነቁ ኾናችሁ ሳለ፥ እግዚአብሔር ለሚያየው ልብስ ግን ግድየለሾች የምትኾኑት?

እስኪ ንገሩኝ! ይህ ምሥጢር መንፈሳዊ እሳት እንደ ኾነ አታውቁምን? ምንጭ፥ ውኆች በኃይል ከምድር ፈልቀው እንዲጎርፉ እንደሚያደርግ፥ ይህ ምሥጢርስ መለኮታዊ እሳት እንደ ኾነ አታውቁምን? ስለዚህ እማልዳችኋለሁ! ገለባ፣ ወይም ዕንጨት ወይም ደረቅ ሣር ከተሸከማችሁ ወደዚህ ምሥጢር አትቅረቡ - ኃጢአታችሁ ሳይኾን እናንተ ራሳችሁ ትቃጠላላችሁና፡፡

ዕንቊ፣ ወርቅና ነሐስ የተሸከማችሁ ከኾነ ቅረቡ፡፡ እነዚህ እንደ ገለባው፣ ወይም እንደ ዕንጨቱ፣ ወይም እንደ ደረቅ ሣሩ የሚቃጠሉ ሳይኾኑ ይበልጥ ጽሩያን፣ ንጹሃን የሚኾኑ ናቸውና፡፡ ስለዚህ ዕጥፍ ድርብ በቁዔትን ይዛችሁ ወደ ቤታችሁ ትመለሱ ዘንድ ዕንቊንና ወርቅን ነሐስንም የያዛችሁ እንደ ኾነ ወደ ምሥጢር ቅረቡ፡፡

ጥቂትም ቢኾን ክፉ ነገር አግኝቷችሁ ከኾነ ግን አስቀድማችሁ ይህን ከእናንተ አርቁት - አዎን ይህን ከነፍሳችሁ አስወግዱት፡፡ የተጣላችሁት ሰው ካለ ታረቁ፡፡ የተበደላችሁ ካላችሁ የበደላችሁን ሰው ይቅር በሉት፡፡ ቂም በቀላችሁን አስወግዱት፡፡ በውስጣችሁ የተፈጠረውን በጎ ያልኾነውንና ያበጠውን አሳብ በይቅርታ ምላጭ በጥታችሁ ሻሩት፡፡ ምንም ዓይነት ሁከት በልቡናችሁ አይኑር፡፡

እንደዚህ ብዬ የምነግራችሁም በዚህ ምሥጢር የምትቀበሉት፥ ንጉሠ ሰማይ ወምድር ክርስቶስን ስለኾነ ነው፡፡ ንጉሥ ደግሞ ሰላም የሰፈነበት፣ ፀጥታ የተሞላበትና የተረጋጋ ሊያድር ይገባዋል፡፡ ስለዚህ ንጉሥ ክርስቶስን የሚቀበለው ኹለንተናችሁ እንደዚህ ይኹን፡፡

አንተ ሰው እስኪ ንገረኝ! በራስህ ላይ ብዙ ጉዳትን የምታከማቸው ለምንድን ነው? አንድ ሰው የቱንም ያህል ጉዳት ቢያደርስብህም እንኳን፥ አንተ በራስህ ላይ የምታደርሰውን ጉዳት ያህል እርሱ በአንተ ላይ ጉዳት እንደማያደርስ አታውቅምን? "እንዴት?" ብለህ ትጠይቀኝ ይኾናል፡፡ እኔም እንዲህ ብዬ እመልስልሃለሁ፦ "ጉዳት ካደረሰብህ ሰው ጋር ባለመታረቅህ ሕገ እግዚአብሔርን ከእግርህ በታች ረግጠሃልና፡፡"

ጠላትህ ሰደበህን? ታዲያ እስኪ ንገረኝ! እግዚአብሔርን የምትሰድበው በዚህ ምክንያት ነውን? ከጠላትህ ጋር አለመታረቅ ማለት ጠላትህን መበቀል ማለት ሳይኾን ታረቁ ብሎ ሕግን የሰጠ እግዚአብሔርን መስደብ ነዋ!

ስለዚህ በዚህ አመካኝተህ ባልንጀራህን አትናቀው፤ ያደረሰብህን በደልንም አግንነህ አትመልከተው፡፡ ከዚህ ይልቅ በሕሊናህ እግዚአብሔርንና ፈሪሐ እግዚአብሔርን ስታስብ የሚከተለውን ነገር ልብ በለው፡፡ የትኛውን? ስፍር ቊጥር የሌለው በደል ደርሶብህ ሊኾን ይችላል፡፡ ውስጥህ ብዙ ተጎድቶ ሊኾን ይችላል፡፡ አንተ ግን ራስህን ጨክነህ ከዚህ አውጣው፡፡ አውጣውና ጎዳኝ ከምትለው ሰው ጋር ታረቅ፡፡ ይህን ስታደርግም ይህ እንዲደረግ ባዘዘው በእግዚአብሔር ዘንድ ታላቅ የኾነ ባለሟልነትን ታገኛለህ፡፡ ታላቅ የኾነ ክብር ትጎናጸፋለህ፡፡ አንተ ትእዛዙን በመተግበር እግዚአብሔርን በዚህ በምድር አክብረኸዋልና፥ እርሱም በሰማያት በታላቅ ክብር ይቀበልሃል፡፡ አንተ አሁን ላሳያሃት ጥቂቷን እርሱም በሰማያት እልፍ ዕጥፍ አድርጎ ይከፍልሃል፡፡ ስለዚህ ይህን ከማድረግ ቸል አትበል፡፡

እኛ ሥራ ሠርተን አንበቃምና፥ ከባሕርይ አባቱ ከአብ ከባሕርይ ሕይወቱ ከመንፈስ ቅዱስ ጋር በክብር፣ በጌትነት፣ በሥልጣንና በምልክና አንድ የሚኾን ጌታችንና መድኃኒታችን ኢየሱስ ክርስቶስ በቸርነቱና ሰውን በመውደዱ ርስቱን መንግሥቱን እንድንወርስ ይርዳን፡፡ ዛሬም ዘወትርም እስከ ዘለዓለሙ ድረስ አሜን!!!

ልደተ እግዚእነ - ፫

ቅዱስ ዮሐንስ አፈወርቅ እንዳስተማረው

“ፍርድቤቶች፥ ምክር ቤቶችም ሆይ! ደኅና ሰንብቱ፡፡ የዕለት ለዕለት ሥራዬ ሆይ! ከእነ ውጣ ውረድህ ደኅና ሰንብት፡፡ በሚቀጥሉት ቀናት ውስጥ ነፍሴን ላድናት ቆርጫለሁና፡፡ ‘ሰው ዓለሙን ኹሉ ቢያተርፍ፥ ነፍሱን ግን ቢያጎድል ምን ይጠቅመዋልና?’ (ማቴ.16፡26)፡፡” አዎን! ለሚቀጥሉት ቀናት እንዲህ እናድርግ!

ሰብአ ሰገል ከፋርስ አገር መጡ፡፡ እኛም ከዚህ ዓለም ጫጫታ ወጥተን ወደ ንጉሥ ክርስቶስ እንምጣ! እኛ ከፈቀድን ወደ እግዚአብሔር ለመቅረብ ሩቅ አይደለምና፡፡ እንዴት? ወደ እግዚአብሔር ለመቅረብ ባሕር ማቋረጥ አያሻንምና፤ ወደ አምላካችን ለመምጣት ወደ ተራሮች አፋፍ መውጣት አያስፈልገንምና፡፡

ታዲያ ምንድን ነው የሚያስፈልገን? ቤታችንን እንዝጋ፤ በደላችንን አስበን እናንባ - አብዝተንም እናልቅስ፡፡ ያን ጊዜ በእኛና በእግዚአብሔር መካከል የቆመው ግድግዳ ይደረማመሳል፡፡ ያን ጊዜ ወደ አምላካችን እንዳንቀርብ የከለከለን ዕንቅፋቱ ይወገዳል፡፡ አዎን ያን ጊዜ ወደ እግዚአብሔር ለመቅረብ ሩቅ ኾኖብን የነበረው መንገድ ቅርብ ይኾናል፡፡ “አምላክ ቅሩብ አነ እግዚአብሔር ወኢኮንኩ አምላከ ርኁቀ - [ስንለምንህ ባትሰማን ብትርቀን ነው ትሉኝ እንደኾነ] እኔስ በእውነት [ለለመነኝ ሰው] ቅርብ አምላክ ነኝ እንጂ ሩቅ አምላክ አይደለሁም” ይላልና እግዚአብሔር (ኤር.23፡23)፡፡ ዳግመኛም ክቡር ዳዊት እንዲህ ብሏልና፡- “ቅሩብ እግዚአብሔር ለኵሎሙ እለ ይጼውዕዎ - እግዚአብሔር ለሚለምኑት ኹሉ ቅርብ ነው” (መዝ.145፡18)፡፡

ብዙ ሰዎች ግን ምንም እንኳን እጅግ በዕውቀት ሕፃናትና ደንታቢሶች፣ ስፍር ቊጥር በሌለው ክፋትም የተሞሉ ቢኾኑም ቅሉ፥ ምንም ሳይዘጋጁ መቅረባቸው እንደ ምን ያለ ዕዳ - እንደ ምን ያለ በደልም እንደሚኾንባቸው አያስተውሉም፡፡ ይህን ሳያስተውሉም እንዲሁ እንደ ተራ ኅብስትና መጠጥ ቅዱስ ሥጋውንና ክቡር ደሙን ለመቀበል ይጣደፋሉ፡፡ ቅዱስ ሥጋውንና ክቡር ደሙን ለመቀበል የሚያስፈልገው ንጹህ ልብስ ሳይኾን ንጹህና የተዋረደ ልብ መኾኑን ሳያውቁ ይቀርባሉ፡፡

ንጹህና በሕሊናው ርኵስ አሳብ የሌለበት ሰው በየዕለቱ ከምሥጢሩ መሳተፍ ይችላል፡፡ በኃጢአት የተተበተበ ሰው ግን አስቀድሞ ንስሐ ሳይገባ ከዚህ ምሥጢር ሊሳተፍ አይገባውም፡፡ ደሙ “ስቴ ዘመኰንን - የሚፈርድ መጠጥ” ነውና፥ በዓመት አንድ ጊዜ ብቻ፥ ይህቺውንም በንስሐ ሳይታጠብና ሳይገባ’ው ወደዚህ መቅረቡ በበደል ላይ ሌላ በደል ከመጨመር ውጭ ምንም የሚያስገኝለት በቁዔት የለም፡፡

ለዚህም ነው፥ እንዲሁ ደንታቢሶችና አፍአዊ ዝግጅት ላይ ብቻ ትኩረት አድርጋችሁ ወደዚህ መለኮታዊ ምሥጢር እንዳትቀርቡ የምለምናችሁ! አዎን ለዚህ ነው፥ ከዚህ ቅዱስ ምሥጢር መሳተፍ ስትፈልጉ አስቀድማችሁ ንስሐ እንድትገቡ፣ ስንፍናችሁን ላለመድገምና እንደ ውሻ ወደ ትፋታችሁ እንዳትመለሱ በንስሐና በጸሎት ምጽዋትን በመስጠትና በመንፈሳዊ ተግባራት ኹሉ በመትጋት ለብዙ ቀናት ራሳችሁን እንድታዘጋጁ የምማጠናችሁ! (ምሳ.26፡11)፡፡

ይቀጥላል...

(ትርጉም በገብረ እግዚአብሔር ኪደ)

ልደተ እግዚእነ - ክፍል ፪

ቅዱስ ዮሐንስ አፈወርቅ እንዳስተማረው

በእርግጥ በዚህ በመሠዊያው ላይ ያለው የጌታችን ሥጋ እንደ ቀድሞ በጨርቅ የተጠቀለለ አይደለም፤ ፍጹም በመንፈስ ቅዱስ ነው እንጂ፡፡ እንደዚህ ብዬ ስናገር ምን ማለቴ እንደ ኾነም በወልድ ውሉድ በክርስቶስ ክርስቲያን የተሰኙት ይረዱታል፡፡ ሰብአ ሰገል ወደ ጌታችን መጥተው ሰገዱለት፤ እናንተ ሕሊናችሁን ንጹህ አድርጋችሁ ከመጣችሁ ግን እርሱን እንድትበሉትና ይዛችሁትም ወደ ቤታችሁ ትኼዱ ዘንድ እንፈቅድላችኋለን፡፡ ስለዚህ መባችሁን ይዛችሁ ቅረቡ - ነገር ግን ሰብአ ሰገል ይዘዉት እንደ መጡት መባ አይደለም፤ ከእነዚህ ይልቅ ልዑልና ቅዱስ የኾነ መባን ነው እንጂ፡፡ ሰብአ ሰገል ወርቅ ይዘው መጡ፤ እናንተ ግን በወርቅ ፈንታ በመጠን መኖርንና ንጹህ ምግባርን ይዛችሁ ኑ! ሰብአ ሰገል ዕጣን ይዘው መጡ፤ እናንተ ግን ነውር የሌለበት ንጹህ ጸሎትን ከመንፈሳዊ ዕጣን ጋር ይዛችሁ ኑ! ሰብአ ሰገል ከርቤ ይዘው መጡ፤ እናንተ ግን ትሕትናንና የተዋረደ ልብን ፍቅርንም ይዛችሁ ኑ! እነዚህን መባዎች ይዛችሁ ከመጣችሁ ከዚህ ቅዱስ ማዕድ (ከቅዱስ ሥጋውና ከክቡር ደሙ) ያለ ዕዳ መሳተፍ ይቻላችኋል፡፡

እንደዚህ ብዬ የምነግራችሁም በዚያች ሌሊት ብዙዎቻችሁ ከቅዱስ ሥጋውና ከክቡር ደሙ ለመሳተፍ እንደምትመጡ ስለማውቅ ነው፡፡ ስለዚህ አሁን እንደዚህ ብዬ መናገሬ ለድኅነት ያይደለ ለዕዳ ለፍዳ እንዳይኾንብን ነው፡፡ አዎን እንደዚህ ብዬ የምነግራችሁ - የምማጠናችሁ ወደ ቅዱስ ቁርባን ስትቀርቡ አስቀድማችሁ ልቡናችሁን ከርኵስ አሳብ ኹሉ ንጹህ እንድታደርጉ ስለምሻ ነው፡፡

እማልዳችኋለሁ! ከእናንተ መካከል አንድ ሰውስ እንኳ “እኔ በደሌን ሳስበው ያሳፍረኛል፤ ሕሊናዬ በብዙ ኃጢአት የተሞላ ነው፡፡ ከባድ ሸክምም አለብኝ” አይበለኝ፡፡ እናንተ ፈቃደኞች ከኾናችሁ ከአሁኗ ሰዓት ጀምራችሁ [ንስሐ ብትገቡና] ራሳችሁን ብትገዙ፣ ብትጸልዩ፣ ትግሃ ሌሊትንም ብታበዙ የሚቀጥሉት አምስት ቀናት የኃጢአት ቡትቶአችሁን አሽቀንጥራችሁ ለመጣል በቂ ናቸው፡፡ የጊዜው ማጠር አትመልከቱ፤ የእግዚአብሔርን ቸርነት አስቡ እንጂ፡፡ አታስታውሱምን? የነነዌ ሰዎች የእግዚአብሔር ቊጣ እንዲመለስ ያደረጉት በሦስት ቀናት ውስጥ ነበር፡፡ የጊዜው ማጠር ይህን ለማድረግ ዕንቅፋት አልኾነባቸውም፡፡ የልቡናቸው መመለስ እግዚአብሔርም ሊያደርግባቸው ከተናገረው ክፉ ነገር እንዲጸጸት አድርገውታል እንጂ (ዮና.3)፡፡

ዘማይቱ ሴትም በሽርፍራፊ ጊዜ ውስጥ ወደ ጌታችንና መድኃኒታችን ኢየሱስ ክርስቶስ መጥታ በደሏ ኹሉ ተሠርዮላታል (ሉቃ.7)፡፡ በዚህ ጊዜ አይሁድ፥ ሴቷ ማን እንደ ኾነች ቢያውቅ ኖሮ እንድትዳስሰው ባላደረገ ነበር ብለው አምተውታል፡፡ ጌታችን ግን ዘማይቱ ወደ እርሱ እንድትቀርብ በማድረግ እነርሱን ዝም አሰኝቷቸዋል፤ የሴቲቱንም ትጋት አመስግኖ ኃጢአቷን ኹሉ ይቅር ብሎ ሰዷታል፡፡

የዚህ መልእክቱስ ምንድን ነው? ሴቲቱ የመጣችው ትጉህ ሕሊናን ይዛ ነው፤ የመጣችው ሥርየተ ኃጢአትን ሽቶ በሚንበለበል ልብ ነው፤ አዎን ሴቲቱ ወደ ጌታችን የቀረበችው በደሏን ይቅር እንደሚላት ጽኑዕ እምነትን ገንዘብ አድርጋ ነው፡፡ ያን ጊዜ የተቀደሰ እግሩን ዳሰሰች፡፡ አለቀሰች፡፡ እንባዋን አፈሰሰች፡፡ እግሩን አራሰች፡፡ በራስ ፀጉሯም እግሩን አበሰች፡፡ እግሩን ሳመችው፡፡ ሽቱም ቀባችው፡፡

ወንዶችን ለዝሙት ትማርክበት የነበረው መንገድ የንስሐ መድኃኒትን አዘጋጀችበት፡፡ ለሴሰኝነት ታይበት የነበረው ዓይኗ አሁን የንስሐ እንባ ያፈስሱ ዘንድ ተጠቀመችበት፡፡ ብዙዎችን በበደል ዓዘቅት ይወድቁ ዘንድ ያጠመደችበት ፀጉሯ አሁን የጌታችንን እግር አበሰችበት፡፡ ዘማውያንን የማረከችበት ሽቶ አሁን የጌታችንን እግር ቀባችበት፡፡

እናንተም እንደዚህ አድርጉ፡፡ አዎ! እናንተም እግዚአብሔርን ያሳዘናችሁበት መንገድ መቅረቢያችሁ አድርጉት፡፡ በስርቆት እግዚአብሔርን አሳዝናችሁታልን? ያለ አግባብ የወሰዳችሁትን ገንዘብ ለባለቤቱ መልሱ፡፡ ጨምራችሁም ስጡ፡፡ ከዘኪዎስ ጋር ኾናችሁም፡- “ሰርቄ እንደ ኾነ አራት ዕጥፍ አድርጌ እመልሳለሁ” በሉ (ሉቃ.19፡8)፡፡ በአንደበታችሁ ብዙ ሰዎችን በማንጓጠጥና በመስደብ ፈጣሪያችሁን አሳዝናችሁታልን? ንጹህ ጸሎትን በመጸለይ፣ የሚረግሙአችሁን በመመረቅ፣ የሚበድሉአችሁንም በማመስገን በዚሁ አንደበታችሁ ተማፀኑት፡፡

እነዚህን ለማድረግም ብዙ ቀናትን አይሹም፡፡ እነዚህን ነገሮች ለማከናወን ብዙ ዓመታትን አይጠይቁም፡፡ እነዚህን ለማድረግ ከእናንተ የሚፈለገው በጎ ፈቃደኝነታችሁ ብቻ ነው፤ እንደዚህ ከኾነም በአንድ ቀን ውስጥ እነዚህን ማከናወን ትችላላችሁ፡፡ ስለዚህ ከክፋት ራቁ፡፡ በጎ ምግባርን ያዙ፡፡ ከእንግዲህ ወዲህ እነዚህን ኃጢአቶች ላለማድረግ ወስኑ፡፡ ይህን ካደረጋችሁም ወደ ምሥጢር መቅረብ ትችላላችሁ፡፡ ዕዳ በደልም አይኾንባችሁም፡፡ ከቀድሞ ክፉ መንገዳችን ብንመለስ፣ መልሰን ወደዚያ ኃጢአት ላለመውደቅም ብንወስን፥ እግዚአብሔር ከዚህ በላይ ከእኛ ምንም ነገር እንደማይሻ በእውነት ያለ ሐሰት እነግራችኋለሁ፡፡ ይህንንም የምለው አምላካችን መሐሪና ቸር ስለ ኾነ ነው፡፡ እርጉዝ ሴት ለመውለድ እንድምትቸኩል ኹሉ እግዚአብሔርም ሰውን ለመማር ይቸኩላልና - ይህ እንዳይኾን የሚከለክለው ኃጢአታችን ነውና፡፡

ስለዚህ በእኛና በእግዚአብሔር መካከል ኾኖ እንዳንተያይ የከለከለንን የበደላችንን አጥር እናፍርስ፡፡ በእነዚህ አምስት ቀናት ውስጥም ይህን ኹሉ በመተውና ሱባኤ በመያዝ ገና ከአሁኑ በዓሉን ማክበር እንጀምር፡፡

ይቀጥላል …

(ትርጉም በገብረ እግዚአብሔር ኪደ)

ልደተ እግዚእነ - ክፍል ፩

ቅዱስ ዮሐንስ አፈወርቅ እንዳስተማረው

ከበዓላት ኹሉ ይልቅ እጅግ የተከበረውና የተወደደው በዓል እየደረሰ ነው፡፡ አንድ ሰው ይህን በዓል “ርእሰ በዓላት” ብሎ ቢጠራው ልክ ነው፡፡ ለምን? ወልደ እግዚአብሔር በሥጋ የተወለደበት ዕፁብ ድንቅ በዓል ነውና፡፡

ይህ በዓል ለበዓለ ጥምቀት፣ ለበዓለ ትንሣኤ፣ ለበዓለ እርገትና ለበዓለ ኃምሳ ጥንታቸውና ምክንያታቸው ነው፡፡ ጌታችን በሥጋ ባይወለድ ኖሮ፥ ባልተጠመቀ ብሎም በዓለ ጥምቀት ባልነበረ ነበርና፡፡ የእግዚአብሔር ልጅ የሰው ልጅ ባይኾን ኖሮ፥ ባልተሰቀለ ብሎም በዓለ ትንሣኤ ባልነበረ ነበርና፡፡ አዎን አምላክ ሰው ባይኾን ኖሮ፥ መንፈስ ቅዱስን ባልላከ ብሎም በዓለ ኃምሳ ባልነበረ ነበርና፡፡ ስለዚህ ውኆች ከአንድ ምንጭ ፈልቀው በተለያየ ወንዝ እንደሚፈስሱ ኹሉ እነዚህ ከላይ የጠቀስናቸው በዓላትም መነሻቸው በዓለ ልደት ነው፡፡

ይህ በዓል ከሌሎች በዓላት ይልቅ ለየት የሚያደርገው ግን ለሌሎች በዓላት ጥንት በመኾኑ ብቻ አይደለም፤ በሌሎች በዓላት ከተደረጉት ምሥጢራት ይልቅ በዚህ ዕለት የተደረገው ምሥጢር ይበልጥ ዕፁብ ድንቅ ስለ ኾነም ጭምር ነው እንጂ፡፡ ይህንንም የምለው ጌታችንና መድኃኒታችን ኢየሱስ ክርስቶስ ምንም እንኳን ነውር የሌለበት ንጹሃ ባሕርይ ቢኾንም በመልዕልተ መስቀል ላይ ተቀሰቅሎ የሞተው አስቀድሞ በዚህ ዕለት መዋቲ ሥጋን ነሥቶ ስለ ተዋሐደ ነው፡፡ ምንም እንኳን እግዚአብሔር ቢኾንም ሰው ለመኾን ፈቃዱ ኾኗልና፣ የሰው ልብም መርምሮ ሊደርስበት የማይችለውን ትሕትና ገንዘብ አድርጓልና መንክር ነው፡፡ እጅግ የሚያስደንቀውና ፍጹም የማይደረስበት ይህ ነውና፡፡ ንዑድ ክቡር የሚኾን ጳውሎስም በመደነቅ እንዲህ አለ፡- “የዚህ የመልካም አምልኮ ምሥጢር ታላቅ ነው” (1ኛ ጢሞ.3፡16)፡፡ ታላቅ የኾነውስ ለምንድን ነው? “እግዚአብሔር በሥጋ የተገለጠ ነውና” (1ኛ ጢሞ.3፡16)፡፡ ዳግመኛም በሌላ ሥፍራ እንዲህ አለ፡- “የነሣውን ከአብርሃም ዘር እንጂ ከመላእክት የነሣው አይደለምና፡፡ ስለዚህም በነገር ኹሉ ወንድሞቹን ሊመስል ተገባው” (ዕብ.2፡16-17)፡፡

በመኾኑም ከሌሎች በዓላት ይልቅ ይህን በዓል እጅግ እወደዋለሁ፡፡ እናንተም ከእኔ ጋራ ይህን በዓል እጅግ ትወዱትና ታከብሩት ዘንድ እሻለሁ፡፡ ስለዚህ እማፀናችኋለሁ፤ እማልዳችኋለሁም! በታላቅ ንቃትና ትጋት ኾናችሁ ወደ ቤተ ክርስቲያን ኑ! አንድ ሰውስ እንኳ ከቤተ ክርስቲያን ቀርቶ በቤቱ እንዳያድር! አዎን ኑና ጌታችን በበረት ተኝቶ እንየው፤ ኑና ያ ከሕሊናት የሚርቀውና አስደናቂው ብርሃን በጨርቅ ተጠቅልሎ እንመልከተው፡፡

ወዮ! እርሱ እንኳን ልዑለ ባሕርይ ኾኖ ሳለ ስለ እኔና ስለ እናንተ ብሎ ከሰማየ ሰማያት ወርዶ በበረት ለመተኛት ያላፈረብን፥ እኛ ግን ቤታችንን እንኳን ትተን ወደ እርሱ ለመምጣት የማንፈቅድ ከኾነ ሊደረግልን የሚችለው ይቅርታ እንደ ምን ያለ ይቅርታ ነው? እኮ ሰብአ ሰገል - አዎን እነዚያ አረማውያንና የባዕድ አገር ሰዎች - ከፋርስ ተነሥተው በበረት የተኛውን ጌታ ለማየት መጥተው እያለ፥ እኛ ክርስቲያኖች ግን ይህን በረከት ለማየት ከቤታችን ተነሥተን ወደ ቤተ ክርስቲያን ለመምጣት የምንነጫነጭና የምንቸገር ከኾነ ሊደረግልን የሚችለው ቸርነት እንደ ምን ያለ ቸርነት ነው? እኔ ግን እላለሁ! እንዲህ የምንነጫነጨውና የምንቸገረው እምነተ ጎዶሎዎች ስለ ኾንን ነው፡፡ እምነት’ማ ቢኖረን ልክ ሰብአ ሰገል በበረት ተኝቶ ሳለ ለማየት እንደ መጡ፥ እኛም እርሱን ለማየት እዚህ በመጣን ነበር፡፡ ያኔ በበረቱ እንደ ተኛ አሁንም በዚህ መሠዊያ ላይ አለና፡፡

ይቀጥላል.....

(ትርጉም በገብረ እግዚአብሔር ኪደ)

#ቅዱስ_ኤፍሬም_ስለ_ልደተ_ክርስቶስ_እንዲህ_አለ፦

ጌታ ሆይ ቅድስት እናትህ ድንግል ሳለች አንተን ፀንሳ በመውለድ እናትነትን ገንዘቧ አደረገች፤ ድንግል ሆና ሳለች ከጡቶቿ ወተት ፈሰሰ፤ ድንግል ከሆነች መሬት ንጹሕ ምንጭ እንዲፈልቅ፤ እንዲሁ ድንግል ከሆነችው እናትህ ጡቶች ወተት ፈለቀ፡፡ እርሱዋ አንተን ብትሸከምህ አንተ ጽንዕ ሰጥተሃት ነው፤ በተራብክ ጊዜ አንተን ከጡቶቹዋ ትመግብህ ዘንድ፣ ነቢዩ ዳንኤል በታላቅ ተራራ የመሰለህ አንተን አንደ ሕፃናት ታቀፈችህ፤ በፈቃድህ የተጠማህ አንተን በእጆቹዋ በፍቅር ትዳብስህ ዘንድ፤ የምህረት እሳት የሆንኽ አንተ ክንዶቿን መለኮታዊው እሳት እንዳይቃጥላቸው ጠበቅኻቸው፡፡

ጌታ ሆይ እናትህ ግሩም የሆኑ ተአምራት የተፈጸሙባት መካን ናት። ወደ እርሱዋ የሁሉ ጌታ የሆነው ገባ፤ የአገልጋዩን አርአያ ነስቶ ተወለደ። የእግዚአብሔር ቃሉ የሆነ እርሱ ወደ እርሱዋ ገባ፤ ዝምተኛ ሆኖ ተወለደ። ነጎድጓድ የሆነው እርሱ ወደ እርሱዋ ገባ፤ ጭምት ሆኖ ተወለደ። እረኛ የሆነው እርሱ ወደ እርሱዋ ገባ፤ በግ ሆኖ በመወለድ በአባግዕ ቋንቋ ተናገረ፡፡

ጌታ ሆይ የእናትህ ማኅፀን ከተፈጥሯዊው ሥርዓት በተቃራኒው ፈጸመ፤ ሁሉን ያከናወነ በባለጸግነቱ ወደ እርሷ ገባ፤ ደሃ ሆኖ ተወለደ። ከሁሉ በክብር የሚልቀው እርሱ ወደ እርሷ ገባ፤ ትሑት ሆኖ ተወለደ። በክብሩ ገናና የሆነው እርሱ ወደ እርሱዋ ገባ፤ የባሪያውን መልክ ይዞ ተወለደ። ብርቱ የሆነው እርሱ ወደ እርሱዋ ገባ፤ ጥበቃ እንደሚያስፈልገው ሕፃን ሆኖ በማኅፀን ተገኘ። ፍጥረትን ሁሉ የሚመግበው መራብንና መጠማትን ገንዘቡ አደረገ፤ (አጣጣመ) ሁሉን በበረከቱ የሚያለብሰውና የሚያስጌጠው እርሱ ራቁቱን ተወለደ።

እኛን ለማዳን ሲል የእኛን ተፈጥሮ ገንዘቡ ላደረገ ለእርሱ ክብር ምስጋና ይሁን።

መልካም በዓለ ልደት......

ከቦሌ መድኃኔዓለም ወደ ቅዱስ ላልይበላ እንመለስና በአማራ ቴሌቪዥን የቀጥታ ስርጭት የጌታችን የመድኃኒታችን የኢየሱስ ክርስቶስን የልደት በዓል አከባበር የማኅሌት ሥነ-ሥርዓት እንከታተል

https://www.facebook.com/share/v/1GkSK9iwzc/

https://www.facebook.com/share/v/1GkSK9iwzc/

ጌታችን ስለተወለደባት ምሽት ቅዱስ ኤፍሬም አንዲህ አለ....
.
‹‹ይህች ምሽት ንጹሕ የሆነውና እኛን ሊያነጻን የመጣው (አምላክ) የተገለጠባት ንጽሕት ምሽት ናት፡፡ ጆሮአችን ንጹሕ ይሁን፤ ዓይኖቻችንም ወደ ንጹሕ ነገር ይመልከቱ፤ የልባችን ስሜት ቅዱስ ይሁን! ንግግራችንም አክብሮትን ይሞላ!

ይህች ምሽት የዕርቅ ምሽት ናት፤ ስለዚህ ማንም ሰው ወንድሙን ተቆጥቶ እንዳያስቀይም! ይህች ምሽት ለዓለም ሁሉ ሰላምን ያስገኘች ምሽት ስለሆነች ማንም ሰው አይሸበርባት፡፡ ይህች ምሽት የደግነት ምሽት ስለሆነች ማንም ሰው ክፉ አይሁን! ይህች ምሽት የትሕትና ምሽት ናትና ማንም ሰው እንዳይታበይባት! ይህች ምሽት የደስታችን ቀን ስለሆነች የበደሉንን አንበቀልባት! የበጎ ፈቃድ ቀን ናትና የጭካኔ ቀን አናድርጋት! የጸጥታ ቀን ናትና በቁጣ የምንነድባት ቀን አናድርጋት!

ዛሬ እግዚአብሔር ወደ ኃጢአተኞች የመጣበት ቀን ነው ፤ ስለዚህ ጻድቅ ሰው በኃጢአተኞች ላይ አይኩራባቸው! ዛሬ እጅግ ባለጠጋ የሆነው አምላክ ስለ እኛ ደሃ የሆነበት ቀን ነው፤ ስለዚህ ሀብታም ሰው ድሆችን ወደ ገበታው ይጥራቸው፡፡ ዛሬ ያልጠየቅነውን ሥጦታ የተቀበልንበት ዕለት ነው፡፡ ስለዚህ እጆቻቸውን ዘርግተው እየጮኹ ለሚለምኑን ሰዎች የእርዳታ እጃችንን እንዘርጋ!

የዛሬዋ ዕለት ለጸሎቶቻችን የሰማያትን በር ከፍታልናለች ፤ እኛም ይቅርታን ለሚጠይቁን ሰዎች በራችንን እንክፈት! ዛሬ አምላክ የሰውነትን ማኅተም በራሱ ላይ አተመ ፤ ሰውም የአምላክነትን ማኅተም ተጎናጸፈ!››

እንኳን ለአምላካችን ለጌታችንና ለመድኃኒታችን ለኢየሱስ ክርስቶስ የልደት በዓል በሰላም አደረሰን አደረሳችሁ!

የ፳፻፲፯ ዓም የአእላፋት ዝማሬ መርሐ ግብር በቦሌ ደብረ ሳሌም መድኃኔዓለም ካቴድራል ብፁዕ ወቅዱስ አቡነ ማትያስ ፓትርያርክ በተገኙበት እየተከናወ ነው።

መርሐ ግብሩን በቀጥታ ሥርጭት
➛ በጃንደረባው ሚዲያ ዩቲዩብ ቻናል
➛ በኢትዮጵያ ኦርቶዶክስ ተዋሕዶ ቤተ ክርስቲያን ቴሌቪዥን (EOTC TV)፣ በ
➛ ሀገሬ ቲቪ እና
➛ አርትስ ቲቪ እያስተላላፉት ይገኛሉ።

እንኳን ለበዓለ ልደቱ በሰላም አደረሳችሁ።

፪

የቅዱስ ዮሐንስ አፈወርቅ ድርሳን በእንተ ልደቱ ለእግዚእነ

ዛሬ እረኞች በፍጹም ደስታ ስለ በጎቹ ነፍሱን ወደ ሰጠው ቸር እረኛ መጡ፡፡ ዛሬ ካህናት የመልከ ጼዴቅ ምሳሌ ወደ ሆነው ወደ ታላቁ ሊቀ ካህናት መጡ፡፡ ዛሬ ከኃጢአት ቀንበር በታች የነበሩ ባሮችን ነፃ ያወጣቸው ዘንድ በባርያ መልክ የተገለጠውን አምላክ ያመልኩት ዘንድ መጡ፡፡ ዛሬ ዓሣ አሥጋሪዎች ሰዎችን ከአምልኮተ ጣዖትና ከዲያብሎስ አገዛዝ ነፃ ያወጧቸው ዘንድ ቅዱስ ወንጌልን መስበክ ሊማሩ ወደ ዓሣ አሥጋሪዎች አለቃ መጡ፡፡

ዛሬ ዘማ ሴቶች ዘማ ሴት የከበረ እግሩን ወደሳመችው፣ በዕንባዋ ወደ አጠበችው፣ በፀጉሯም ወደ ወለወለችው መጡ፡፡ ዛሬ ኃጥአን የዓለምን ኃጢአት ወደሚያስወግደው የእግዚአብሔር በግ መጡ፡፡ እንግዲህ ምን እላለሁ!? በፍጹም ደስታና በመንፈስ ቅዱስ ለኃይላት ጌታ ዛሬ በዓልን አደርግ ዘንድ ተገቢ ነውና፡፡

ዛሬ የእግዚአብሔር ወዳጆች በዓልን ያድርጉ፡፡ እኔም ስለዚህ በፍጹም ደስታ ወደ አምላኬና መድኃኒቴ ወደ ረዳቴም እጆቼን እጸፋለሁ፡፡ በሰማይ ምስጋና ይሁን በምድርም ሰውን ለወደደ እያልሁ ከመላእክት ጋራ ለእርሱ ምስጋናን አቀርባለሁ፡፡

ዛሬ ወልድ በሚደነቅ ጥበቡ ከቅድስት ድንግል ተወለደ፡፡ ከዓለም መፈጠር አስቀድሞ ቀዳማዊ አብ እንደ ወደደ፣ መንፈስ ቅዱስም በባለ ጠግነቱ ብዛት እንደ መረጣት በእኛ ባሕርይ ከቅድስት ድንግል ሰው ሆነ፡፡ ሰማያዊት ልደቱ ድብቅ ናት፡፡ ምድራዊ ልደቱ ግን ዛሬ ተገለጠች፡፡ ሰማያዊት ልደቱ ከአንዱ የተገኘች አንዲት ናት፡፡

ምድራዊት ልደቱም ከአባቱ ባሕርያዊ ክብር ሳይለይ ከድንግል የተገኘች አንዲት ናት፡፡ “መድኃኒት ከጽዮን ይመጣል ኃጢአትን ከያዕቆብ፣ አመፃንም ከእስራኤል ያስወግዳል” ብሎ መጽሐፍ ምስክር እንደሆነ፡፡ እነሆ ዛሬ የቤተ ክርስቲያንን ልጆች አነቃቸዋለሁ፤ አስረዳቸዋለሁም፡፡ ይህን ድንቅ ምሥጢርም እተረጕምላቸዋለሁ፡፡ ጽዮን የተባለች ቅድስት ድንግል ናት፡፡ መድኅን የተባለውም ከዓለም መፈጠር አስቀድሞ ከአብ የተወለደው ጌታችን መድኃኒታችን ኢየሱስ ክርስቶስ ነው፡፡

በፊቱ ከሚቆሙ መላእክት የተሠወረውን ይህንን ድንቅ ምሥጢር ባሰብሁ ጊዜ ምን እላለሁ!? ምንስ እናገራለሁ! የሰው ልጆችን ያድናቸው ዘንድ ከዓለም አስቀድሞ የነበረ አካላዊ ቃል የቅድስት ድንግልን ሥጋዋን ተዋሐደ፡፡ ድንግል ማርያም በእውነት ቅድስትና ንጽሕት ናትና፡፡ ከመልአኩ ገብርኤል ከሰማቸው ቃል በቀር በእርሷ ላይ ስለሆነው ነገር ምንም ምን አላወቀችም፡፡

መልአኩ ገብርኤልንም “ወንድ ስለማላውቅ ይህ እንዴት ይሆንልኛል” ብላ መለሰችለት፡፡ መልአኩም “መንፈስ ቅዱስ ወደ አንቺ ይመጣል፤ የልዑል ኃይልም ይጋርድሻል፤ ይህ የሚወለደውም ቅዱስ ልዩ ነው፤ የልዑል እግዚአብሔር ልጅም ይባላል፤” አላት፡፡

ዛሬ ስለተገለጠው ስለዚህ ድንቅ ምሥጢርና ለድኅነታችን ስለ ሆነው መንፈሳዊ በዓል ምን እላለሁ!? ምንስ እናገራለሁ!? ዛሬ የእሥረኞች ማሠሪያቸው ተፈታ፤ ዛሬ ሰማያውያን ደስ ተሰኙ፤ ዛሬ መላእክት ከሰው ልጅ ጋራ ተደሰቱ፤ ዛሬ የረከሱ አጋንንት አፈሩ፤ ዛሬ ተድላ ደስታ ያለበት ገነት ተከፈተ፤ ዛሬ ሰይጣን ወደ ጥልቁ ተወረወረ፤ ዛሬ የብረቱ መዝጊያ ተሰበረ፡፡

ይቀጥላል......

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 33-53)

፩

የቅዱስ ዮሐንስ አፈወርቅ ድርሳን በእንተ ልደቱ ለእግዚእነ

አንድ አምላክ በሚሆን በአብ በወልድ በመንፈስ ቅዱስ ስም ብፁዕ የሚሆን ቅዱስ ዮሐንስ አፈወርቅ ጌታችን ኢየሱስ ክርስቶስ ቅድስት ድንግል ከምትሆን ከእመቤታችን ከድንግል ማርያም ስለ መወለዱ የተናገረው ድርሳን ይህ ነው፡፡ ጸሎቱና በረከቱ በሁላችን ላይ ጸንቶ ይኑር ለዘለዓለሙ አሜን፡፡

ዛሬ በፍጥረት ሁሉ ዘንድ ስለሆነው ስለዚህ ምሥጢር ምን እላለሁ? ምንስ እናገራለሁ? ዛሬ ሰማያዊው አምላክ በሥልጣኑ ክብር ተገለጠ፡፡ እነሆ ዛሬ እረኞች ማወቅ የማይቻለውን ምሥጢር ሲናገሩ እሰማቸዋለሁ፡፡ የሰው ልጅ ጥበብ ሊረዳው አይችልምና፡፡

ዛሬ ይህቺ ምሥጢር የማትታወቅ ሕፀፅ ያለባት አይደለችም፤ በታላቅ ኃይል የተገለጠች ሰማያዊ ክብር ናት እንጂ፡፡ ዛሬ መላእክት ያመሰግናሉ፤ የመላእክት አለቆችም ይዘምራሉ፤ ኃይላትም እልል ይላሉ፤ ሥልጣናትም ያመሰግናሉ፤ ኪሩቤልም ይቀድሳሉ፤ ሱራፌልም ይባርካሉ፤ እረኞች የምሥራቹን ይናገራሉ፤ ሁሉም ያመልካሉ ይሰግዳሉም፡፡

ዛሬ መላእክት ስለምን በፍጥነት ይሮጣሉ? ሰማያዊውን አምላክ በምድር ላይ አይተዋልና፡፡ የሰው ልጅም ወደ ሰማያዊ ክብሩ ተመልሷልና፡፡ ስለ ሰው ልጅ ፍቅር ልዑሉ ዝቅ ዝቅ አለ፤ ወደ ምድርም ወረደ፤ ትሑቱም ከፍ ከፍ አለ፤ ወደ ሰማይም ዐረገ፡፡

ዛሬ ቤተ ልሔም ሰማይን መሰለች፡፡ ስለ ከዋክብት ፈንታ መላእክት እያመሰገኑ በውስጧ ታይተዋልና፤ ስለሚጠልቀው ፀሐይ ፈንታም ብርሃኑ የማይጠፋ የእውነት ፀሐይ ከእርሷ ወጥቷልና። ለፍጥረት ሁሉ የሚያበራ የእውነት ፀሐይን ስለ ወሰነችው፡፡ ስለ ቅድስት ድንግል እንናገር ዘንድ ቃል ይደክማል፤ ንግግርም መግለጥ ይሳነዋል፡፡ የሆነውን አልተረዳሁም፤ የተፈጠሩትንም አላወቅሁም። ነገር ግን አምላክ በፈቀደ ጊዜ ሰው ሆነ፡፡ ሰው ሁኖም የእጁን ሥራዎች አዳነን፡፡

ዛሬ ሁሉ ወደ እርሱ ፍቅር ፈጥኖ ይመጣል፡፡ ዓለም ከመፈጠሩ አስቀድሞ የነበረ ሰማያዊ አምላክ ያለ መለወጥ ሰው ሆነ፡፡ ቀዳማዊ ቃል ያለ መለወጥና ያለመለየት ሥጋን ተዋሐደ፡፡ ዛሬ ከፍጥረት ሁሉ ሥውር የሆነ ድንቅ ምሥጢርን ዐየሁ፡፡

ዛሬ መላእክት በፍጹም ደስታ አመሰገኑ፡፡ እንዲህ እያሉ “እንዴት ሰማያዊ ንጉሥ ወደ ምድር ወረደ?” ከእርሱ ጋራም መላእክትን፣ ኃይላትን፣ መናብርትን፣ሥልጣናትን አላስከተለም፤ ይዞ አልወረደም፡፡ ማንም ሊሄድባት በማይችል ድንቅ መንገድ መጣ እንጂ፡፡ ከቅድስት ድንግል ማርያምም በሥጋ ተወለደ፡፡

በተገለጠም ጊዜ መላእክት ሰው መሆኑን አላወቁም፡፡ ሰው ከሆነም በኋላ ከመለኮቱ ክብር አልተለወጠም፡፡ የምድር ነገሥታት የኃይላት ጌታ ለሆነው ሰማያዊ ንጉሥ ሊሰግዱለት መጡ እንጂ፡፡ ሴቶች ኀዘናቸውን ወደ ፍጹም ደስታ ይለውጥ ዘንድ ከድንግል ወደተወለደው መጡ፡፡ ዛሬ ሴቶች ድንቅ ምሥጢርን ያዩ ዘንድ ወደ ተወለደው ሕፃን መጡ። ቀዳማዊ አዳምን ያድነው ከኃጢአት ቍስልም ይፈውሰው ዘንድ አምላክ ዛሬ በሥጋ ተገለጠ፡፡

ይቀጥላል......

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 33-53)

ሰላም የቤተ ቅዱስ ዮሐንስ አፈወርቅ ቤተሰቦች

በመምህር ቃለጽድቅ ሕግነህ ከተተረጎመው ድርሳነ ሠለስቱ ሊቃውንት (ቅዱስ ዮሐንስ አፈወርቅ፣ ቅዱስ ኤፍሬም ዘሶርያ፤ ቅዱስ ያዕቆብ ዘስሩግ) ከቀረቡት እጅግ ግሩም ከሆኑ ድርሳናት መካከል የቅዱስ ዮሐንስ አፈወርቅን ድርሳን ፩ በእንተ ልደቱ ለእግዚእነ" (ድርሳን አንድ ስለ ጌታችን ልደት) በተከታታይ እናቀርባለን።

ለሌሎችም ይደርስ ዘንድ ይህንን https://t.me/beteafework የቻናሉን ሊንክ ሼር በማድረግ የአባላቱን ቁጥር ከፍ እናድርግ።

ስለታሙ የሐሜት ጥርስህ የሚያርፈው በወንድምህ ሥጋ ላይ ሳይሆን ነፍስ ላይ ነው። በዚህም ጥርስህ ወንድምህን በእጅጉ ትጎዳዋለህ፡፡ እንዲህ በማድረግህ አንተም እርሱንም ሌሎችንም ብዙ ሺህ ጊዜ ትጎዳቸዋለህ፡፡

በሐሜትህ አንተን የሚሰማህ ባልንጀራህ የሐሜት ተባባሪ ይሆናል፡፡ በዚህም ምክንያት እርሱንም በደለኛ ታደርገዋለህ፡፡ እርሱም በእርሱ ላይ ከነገሠበት ኃጢአት የተነሣ ለሌላ ለወዳጁ ምን መርጦ ማውራት እንዳለበት ሳያውቅ ከሐሜተኞች ጎራ ይቀላቀላል፡፡ እንዲህ ዓይነት ሰው ጻድቅ ልንለው እንችላለንን? እንዲህ ዓይነት ሰው በመጦሙ ትልቅ የጽድቅ ሥራን እንደፈጸመ ቆጥሮ ይኩራራል፡፡ ሰዎችን ወደ ኃጢአት እየመራ ትልቅ ሥራን እንደሠራ ሰው ራሱን በከንቱ ያስኮፍሳል፡፡ ከዚህ ጎን ለጎን ሊታይ የሚገባው ትልቁ ቁም ነገር ስለቤተክርስቲያን ጥቅም ሲባል የእንዲህ ዓይነቱን ሰው ንግግር ከመስማት መከልከል እንደሚገባ ነው፡፡ ምክንያቱም የዚህ ሐሜተኛ ወሬ እርሱን ብቻ ኃጢአተኛ የሚያሰኝ ጉዳይ ሳይሆን ቤተክርስቲያንንም ጭምር የሚያሰድብ ነውና፡፡

ስለዚህ በጦም ሰዓታችሁ ጊዜም ይሁን አይሁን ሦስት ነገሮችን በሕሊናችሁ ትይዙ ዘንድ እመክራችኋለሁ፡-
እነርሱም....
➛ ክፉ ከመናገር መከልከልን፣
➛ ማንንም ሰው እንደጠላት ከማየት መቆጠብንና
➛ እንደልምድ አድርጋችሁ ከያዛችሁት መሐላ ትርቁ ዘንድ እመክራቸኋለሁ፡፡"

(ቅዱስ ዮሐንስ አፈወርቅ ስለጾም በተናገረበት ድርሳኑ)

የጥምቀትን በዓል በወልድያ በድምቀት ለማክበር ቅድመ ዝግጅት እየተደረገ ነው።

በዓሉ የእኛ ነው ወደየትም አትዘንጥሉት፣ ሥርዓቱን ጠብቀን በዓላችንን እናከብራለን።

https://youtu.be/lU3CBnwIpSE

«ወንድምህን አትናቀው»

ወዳጄ ሆይ! ክርስቲያን ነህን? እንኪያስ በፍጹም ወንድምህን አትናቀው። እህትህን አትናቃት። ምንም ይሁን ምን ሰው አትናቅ። ይህ የምትንቀው ወንድም በተለይ ክርስቲያን ከሆነ ክርስቶስን እየሰደብከዉ እንደሆን አስተውል።

"እንዴት?" ያልከኝ እንደሆንም ይህ የምትንቀው ወንድምህ የከደርስቶስ ሕዋስ (ብልት) ኾኗል። የክርስቶስ ሕዋስ ከኾነ ደግሞ እሱን ናቅኸው ማለት ክርቶስን ናቅኸው ማለት ነው።

ወንድምህን የምትንቅ ከሆነም በጲላጦስ አደባባይ ጌታን ከገረፉት፣ እራቁቱን ከሰቀሉት፣ ሐሞትንና ከርቤን ቀላቅለው ከሰጡት፣ በፊቱ ላይም ከተፉበት ሰዎች በምንም አትተናነስም። ስለዘህ ወንድምህን ከመናቅ ተጠንቀቅ።

ቅዱስ ዮሐንስ አፈወርቅ

የብፁዕ አቡነ ኤርምያስ ጥሪ

ኑ! ልደትን በቅዱስ ላልይበላ አብረን እናክብር

https://youtu.be/BlLcp-27E1Y?si=dYVqi-0SfQDrISJR

https://yt.psee.ly/6wwuaw

ትተክልና ትነቅል ዘንድ ሥልጣንን ሰጠህ፡፡ ይህንንም ያደረኩልህ የጳጳሱን ቃል በመናቅ አይደለም፡፡ የፍቅሬን ጽናት ባንተ እገልጽ ዘንድ ነው እንጂ፡፡ ሐዋርያት ወዳልደረሱበት ሕዝብ በመምህርነት እልክህ ዘንድ በሚካኤል ቃል አዲስ ስም አወጣሁልህ፡፡ አንተም በማናቸውም ሥራ ከእነርሱ አታንስም፣ ሐዲስ ሐዋርያ አድርጌሃለሁና፡፡ ሰውን ሁሉ በእኔ ስም እያስተማርክ ታሳምን ዘንድ፣ ሚካኤልም ባሰብከው ሥራ ሁሉ ረዳት ይሁንህ፣ ሁል ጊዜ ካንተ አይለይም፤ በምትሄድበትም ጎዳና ሁሉ እርሱ መሪ ይሁንህ፤ እኔም ባለ ዘመንህ ሁሉ አልለይህም›› ካላቸው በኋላ ሰላምታ ሰጥቷቸው ዐረገ፡፡

ብፁዕ አባታችንም እጅ ነሥተው ‹‹ለእኔ ለኀጥኡ የማይገባኝ ሲሆን ይህን ሁሉ ጸጋ የጠኸኝ ስምህ በሰማይ በምድር የተመሰገነ ይሁን›› አሉ፡፡ ከዚያች ቀን ጀምሮ ሀብተ ኃይልን የተመሉ ሆኑ፡፡ ወደቤታቸው ተመልሰው ያላቸውን ሀብት ንብረት ሁሉ ለቤተ ክርስቲያን፣ ለድኆችና ለጦም አዳሪዎች ሰጥተው ጨረሱ፡፡ ከዚያም ‹‹አቤቱ ጌታዬ ኢየሱስ ክርስቶስ ሆይ! የመንግሥተ ሰማያትን በር ትከፍትልኝ ዘንድ እነሆ ቤቴን እንደተከፈተ ተውኩልህ›› ብለው ቤታቸውን እንደተከፈተ ትተው ወንጌልን ለማስተማር ወጡ፡፡ ጻድቁ አባታችን በሀገራችን ኢትዮጵያ እየተዘዋወሩ ሕዝቡን ከኃጢአት ወደ ገቢረ ጽድቅ፣ ከክህደት ወደ ኃይማኖት ስለመለሱት በዚህም የተነሣ ለኢትዮጵያውያን ብርሃን ተብለዋል፡፡

ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ከእኛ ጋር ትኑር ለዘላለሙ አሜን።

(ስንክሳር ዘተዋሕዶ ፌስቡክ ፔጅ)

#አቡነ_ተክለ_ሃይማኖት (#ታኅሣሥ_24)

ታኅሣሥ ሃያ አራት በዚህች ዕለት ጌታችን በቃሉ ''ሐዲስ ሐዋርያ'' ብሎ የሾማቸው የኢትዮጵያ ብርሃኗ የሆኑ የደብረ ሊባኖሱ አቡነ ተክለ ሃይማኖት ልደታቸው ነው፡፡

እግዚአብሔር አምላካችን ለኢትዮጵያ ሐዲስ ሐዋርያ አድርጎ የመረጣቸው ጻድቁ አባታችን ተክለ ሃይማኖት በሊቀ መላእክት በቅዱስ ሚካኤል አብሳሪነት ከአባታቸው ከካህኑ ጸጋ ዘአብና ከእናታቸው ከቅድስት እግዚእ ኀረያ መጋቢት 24 ቀን ተፀንሰው ታኅሣሥ 24 ቀን 1197 ዓ.ም ተወለዱ፡፡ ጻድቁ በተወለዱ በሦስተኛው ቀን ከእናታቸው ዕቅፍ ወርደው ‹‹አሐዱ አብ ቅዱስ አሐዱ ወልድ ቅዱስ አሐዱ ውእቱ መንፈስ ቅዱስ›› ማለትም ‹‹አንዱ አብ ቅዱስ ነው አንዱ ወልድ ቅዱስ ነው አንዱ መንፈስ ቅዱስ ቅዱስ ነው›› በማለት የፈጠራቸውን አምላክ አመስግነውታል፡፡ ወላጆቻቸውም ስማቸውን ፍሥሐ ጽዮን አሏቸው፡፡ ይኸውም የጽዮን ተድላዋ ደስታዋ ማለት ነው፡፡ የወላጆቻቸው የቀድሞ ስማቸው ዘርዐ ዮሐንስና ሣራ ይባል ነበር፡፡

ቅዱሳን አባቶቻችን እነ አቡነ ተክለ ሃይማኖትና እነ አቡነ ዜና ማርቆስ ሌሎቹም እነ አቡነ ሳሙኤል ዘወገግ፣ አቡነ ሕፃን ሞዐ፣ አቡነ አኖሪዮስ(ትልቁ)፣ አቡነ ገላውዲዮስ፣ አቡነ ማትያስ ዘፈጠጋርና አቡነ ቀውስጦስ ዘመሐግል የትውልዳቸው መሠረት ኢያሱ ለሌዋውያን ክፍል ትሆን ዘንድ ከለያት ከኢየሩሳሌም ነው፡፡ ስማቸውን የጠቀስኳቸው እነዚህ ቅዱሳን አባቶቻችን የወንድማማቾች ልጆች ሲሆኑ ከአዳም ጀምሮ 61ኛ ትውልድ ናቸው፡፡ ይኸውም እንዴት ነው ቢሉ ትውልዱ ከአዳም ጀምሮ በካህኑ አሮን በኩል የሆነውና የሌዋዊያን ሊቀ ካህን የነበረው የሳዶቅ ልጅ አዛርያስ በንጉሥ ሰሎሞን ዘመን ከታቦተ ጽዮንና ከብዙ ሌዋዊያን ካህናት ጋር ሊቀ ካህን ሆኖ ከኢየሩሳሌም ወደ ኢትዮጵያ መጥቶ አክሱም ተቀምጦ ኖረ፡፡ የኦሪትንም ሕግ እየዞረ ለኢትዮጵያ ሰዎች አስተማረ፡፡ ትውልዱም በአብርሃ ወአጽብሓና በአባ ሰላማ ዘመን እስከነበረው እንበረም የሚባለው ጻድቅ ድረስ ደረሰ፡፡ የእንበረምም ትውልድ ደገኛው ሕይወት ብነ በጽዮን ድረስ ደረሰ፡፡ ሕይወት ብነ በጽዮንም የደማስቆ ምድር ከሚሏት ከወለቃ ሀገር የመኮንን ልጅ የሆነችውን ወለተ ሳውልን አግብቶ አበይድላን ወለደ፡፡ አበ ይድላም በንጉሡ ድልዓዥን ዘመነ መንግሥት ለ150 ካህናት አለቃ ሆኖ በወለቃ ሀገር የክርስቶስን የወንጌል ሕግ እያስተማረ ብዙዎችን አጠመቀ፡፡ እስከ ሸዋ ምድር ድረስ እያስተማረ መጥቶ በሸዋ ምድር ተቀመጠ፡፡ ብዙ አብያተ ክርስቲያናትንም አሳነጸ፡፡ እጅግ አስደናቂ ተአምራትንም ያደርግ ነበር፡፡ ‹‹በሸዋ ጽላልሽ ተቀምጦ ሲያስተምርም በአንዲት ቀን እስከ ሁለት መቶ ሺህ ሕዝብ ያጠምቅ ነበር›› በማለት ገድለ አቡነ ተክለ ሃይማኖት ይመሰክርለታል፡፡

አበይድላ በመጨረሻ በፈቃደ እግዚአብሔር ከሸዋ ጽላልሽ ምድረ ዞረሬ ሚስት አግቶ ሀበነ እግዚእን ወለደ፤ ሀበነ እግዚእም በኩረ ጽዮንን ወለደ፤ በኩረ ጽዮንም ሕዝበ ቀድስን ወለደ፤ እርሱም ነገደ እግዚእ የተባለ ነው፡፡ ሕዝበ ቀድስም ብርሃነ መስቀልን ወለደ፤ እርሱም ዐቃቢነ እግዚእ የተባለ ነው፡፡ ብርሃነ መስቀልም ሕይወት ብነን ወለደ፤ እርሱም ሴትን ወለደ፡፡ ሴትም ወረደ ምሕረትን ወለደ፡፡ ወረደ ምሕረትም ዘካርያስን ወለደ፡፡ ዘካርያስም የእነ አቡነ ተክለ ሃይማኖት አባት የሆኑ 6 ወንድማማች ልጆችን ወለደ፡፡ እነርሱም እንድርያስ፣ አርከሌድስ፣ ዘርዐ አብርሃም፣ ዘርዐ ዮሐንስ ወይም ጸጋ ዘአብ፣ ቀሲስ ዮሐንስና ቀሲስ ዮናስ ናቸው፡፡ እንድርያስም ሳሙኤል ዘወገግን ወለደ፤ አርከሌድስም ሕፃን ሞዐን ወለደ፤ ዘርዐ አብርሃምም ታላቁን አኖርዮስን ወለደ፤ ዘርዐ ዮሐንስ ወይም ጸጋ ዘአብም ተክለ ሃይማኖትን ወለደ፤ ቀሲስ ዮሐንስም ዜና ማርቆስን ወለደ፣ ቀሲስ ዮናስ ደግሞ የፈጠጋሩን ማትያስንና ገላውዲዮስን ወለዳቸው፡፡ ገላውዲዮስም የመሐግሉ ቀውስጦስን ወለደ፡፡ እነዚህ ደጋግ ቅዱሳን በእናታቸውም በኩል እንዲሁ በዝምድና የተሳሰሩ ናቸው፡፡ ማቴዎስ የተባለው ደገኛ ክርስቲያን የሸዋ ገዥ የነበረ ሲሆን አንድ ወንድ ልጅ መድኃኒነ እግዚእንና ሦስት ሴቶች ልጆችን ወለደ፡፡ ሶስቱ ሴቶች ልጆችም እምነ ጽዮን፣ ትቤ ጽዮንና ክርስቶስ ዘመዳ ይባላሉ፡፡ ሦስቱ እኅትማማቾችም ደጋጎቹን አባቶቻችንን ወለዱልን፡፡ እምነ ጽዮን የእነ ዜና ማርቆስን እናት ማርያም ዘመዳንና ወለደች፡፡ ትቤ ጽዮንም ሕፃን ሞዐን ወለደች፡፡ ክርስቶስ ዘመዳ ደግሞ ታላቁን አኖሬዎስን ወለደች፡፡ የፈጠጋሩ ገዥ መድኃኒነ እግዚእ ደግሞ የተክለ ሃይማኖትን እናት እግዚእ ኀረያን ወይም በሌላ ስሟ ሣራን ወለደ፡፡

አቡነ ተክለ ሃይማኖት ከልጅነታቸው ጀምሮ በወላጅ አባታቸው በካህኑ ቅዱስ ጸጋ ዘአብ ግብረ ዲቁናን ሥርዓተ ቤተ ክርስቲያንን ሲያጠኑ ቆይተው በ15 እና በ22 ዓመታቸው ከእስክንድርያው ሊቀ ጳጳስ ከአቡነ ቄርሎስ (ጌርሎስ) ዲቁናንና ቅስናን ተቀብለዋል፡፡ ብፁዕ ወቅዱስ አባታችን ቅድስት ቤተክርስቲያንን በወጣትነት ዕድሜያቸው ያገለግሉ እንደነበር በዚህ ይታወቀል፡፡

ከዕለታት በአንዱ ቀን አባታችን ከጓደኞቻቸው ጋር ለአደን ወደ ዱር ሄደው ሳለ ሊቀ መላእክት ቅዱስ ሚካኤል ተገልጦ ታያቸው፡፡ ቅዱስ አባታችንም ‹‹እንደዚህ ባለ ገናንነት የማይህ ጌታዬ ማነህ?›› ባሉት ጊዜ ቅዱስ ሚካኤል ‹‹ዘወትር የምጠብቅህ ካንተ የማልለይ እናትህንና አባትህንም ስላንተ ከውኃ ስጥመትና ከምርኮ ያዳንኳቸው እኔ ሚካኤል ነኝ፡፡ ከእንግዲህ አውሬ አዳኝ አትሁን፤ ሰውን ወደ እግዚአብሔር ለመመለስ ሰውን በትምህርት የምታድን ሁን እንጂ፡፡ እነሆ እግዚአብሔር ጽኑዕ ሥልጣን ሰጥቶሃልና፤ ሙት ታስነሣለህ፤ ድውያንን ትፈውሳለህ፤ አጋንንትም አንተን በመፍራት ይሸሻሉ፡፡ ስምህ ፍሥሐ ጽዮን አይሁን፤ ተክለ ሃይማኖት ይሁን እንጂ፡፡ ትርጓሜውም ተክለ አብ፥ ተክለ ወልድ፥ ተክለ መንፈስ ቅዱስ ማለት ነው›› አላቸው፡፡

ቅዱስ ሚካኤል ይህን ሲነግራቸው ጌታችን በሥጋ ከደቀ መዛሙርቱ ጋር እንደነበር ሆኖ መልከ መልካም ጎልማሳ መስሎ ታያቸው፡፡ ጌታችንም ‹‹ወዳጄ እንዴት ሰነበትክ? ቸር አለህን?›› አላቸው፡፡ አቡነ ተክለ ሃይማኖትም ‹‹ጌታዬ ሆይ አንተ ማነህ?›› ብለው ሲጠይቁት ጌታችንም ‹‹እኔ የዓለም መድኃኒት ኢየሱስ ነኝ፤ በናትህ ማኅፀን ፈጥሬህ ያከበርኩህ እኔ ነኝ፡፡ በተወለድክ በሦስተኛው ቀን አሐዱ አብ ቅዱስ አሐዱ ወልድ ቅዱስ አሐዱ ውእቱ መንፈስ ቅዱስ ብለህ ታመሰግነኝ ዘንድ የምስጋና ሀብት ያሳደርኩብህ እኔ ነኝ፡፡ በርሃብ ዘመን በቤት የሚያሻው ምግብ ሁሉ ቅቤው፣ የስንዴው ዱቄት በእናት በአባትህ ቤት ይመላ ዘንድ በእጅህ ሀብተ በረከት ያሳደርኩብህ እኔ ነኝ፡፡ ያንን ሰው አንተን በተጣላ ጊዜ በነፋስ አውታር የሰቀለኩት በመዓት ጨንገር የገረፍኩት እኔ ነኝ፡፡ ውኃ ጠምቶህ በለመንከኝ ጊዜ ከደረቅ መሬት የጣፈጠ ውኃ ያመነጨሁልህ እኔ ነኝ፡፡ ከልጅነትህ ጀምሮ እስከ ዛሬ ድረስ ብዙ ተአምራት እያደረግሁ በአንተ እጅ የታመሙትን ያዳንኳቸው እኔ ነኝ፡፡ ወደፊትም አደርግልሃለሁ›› አላቸው፡፡ ይህንን ብሎ በእጆቹ ባረካቸውና ‹‹ንሣእ መንፈስ ቅዱስ›› ብሎ የሹመትን ሀብት አሳደረባቸው፡፡ ዳግመኛም ‹‹በምድር ያሰርከው በሰማይ የታሰረ ይሁን፤ በምድርም የፈታኸው በሰማይ የተፈታ ይሁን፤ አንተን የሰማ እኔን መስማቱ ነው፤ የላከኝ አባቴንም መስማቱ ነው፡፡ አንተን እንቢ ያለ እኔን እንቢ ማለቱ ነው፡፡ የላከኝ አባቴንም እንቢ ማለቱ ነው፡፡ ይህን ሥልጣን ቀድሞ ለሐዋርያት ሰጥቻቸው ነበር፡፡ ከሐዋርያትም ሹመትን የተቀበለ ጳጳሱ ትሾምና ትሽር፣

"ልጆቼ! የሚያሳፍር ነገር፣ የስንፍና ንግግር ወይም ዋዛ ፈዛዛ የማይገቡ ናቸውና በእኛ በክርስቲያኖች ዘንድ ከቶ አይሰሙ፡፡ እስኪ ንገሩኝ! የዋዛ ፈዛዛ ንግግር ጥቅሙ ምንድን ነው? እስኪ ንገሩኝ፤ አንድ ጫማ ሰፊ፣ ጫማ እየሰፋ በአንድ ጊዜ ሌላ ሥራ መሥራት ይችላልን? አይችልም፡፡ ከዋዛ ፈዛዛ የሚያሳፍር ንግግር ይወለዳል፡፡ የአሁኑ ጊዜ ደግሞ ለእኛ ለክርስቲያኖች ዋዛ ፈዛዛ የምንናገርበት ሳይኾን የንስሐችን ጊዜ ነው፡፡ እስኪ አሁንም ልጠይቃችሁና እናንተም መልሱልኝ! አንድ ቦክስ የሚጫወት ሰው ውድድሩን ችላ ብሎ ዋዛ ፈዛዛን ይናገራልን? እንዲህ የሚያደርግ ከኾነስ በተጋጣሚው በቀላሉ የሚሸነፍ አይደለምን? ታዲያ ባለጋራችን ዲያብሎስ‘ኮ የሚውጠውን ፈልጐ እንደሚያገሣ አንበሳ በዙርያችን ቁሟል፡፡ ጥርሱን እያንቀጫቀጨብን ነው፡፡ እኛን የሚጥልበት ወጥመድ በማዘጋጀት ላይ ነው፡፡ የደኅንነታችን መንገድ ላይ እሳት እየተነፈሰ ነው፡፡ ታዲያ ዲያብሎስ እንዲህ እኛን ለመጣል ሲተጋ እኛ ዋዛ ፈዛዛን፣ የሚያሳፍር ነገርን፣ የስንፍናንም ንግግር ስንናገር ቁጭ ልንል ይገባናልን?

የምወዳችሁ ልጆቼ! ጊዜው የምንተኛበት ጊዜ አይደለም፡፡ የተጋድሎ ጊዜ ነው እንጂ፡፡ ቅዱሳን ጊዜያቸውን እንደ ምን እንደሚያሳልፉት ማወቅ ትፈልጋላችሁን? እስኪ ብርሃነ ዓለም ቅዱስ ጳውሎስን አብረን እንስማው፤ እንዲህ ያለውን፡- “ሦስት ዓመት ሌሊትና ቀን በእንባ እያንዳንዳችሁን ከመገሠጽ እዳላቋረጥሁ እያሰባችሁ ትጉ”፤ … “በብዙ መከራና ከልብ ጭንቀት በብዙም እንባ ጽፌላችኋለሁ…”፡፡ … “የሚደክም ማን ነው፤ እኔ አልደክምምን? የሚሰናከል ማን ነው፤ እኔም አልናደድምን?”፤ “… በድንኳኑ ያለን እኛ ከብዶን እንቃትታለን”፡፡ ታዲያ እነ ቅዱስ ጳውሎስ ጊዜያቸውን እንዲህ ካሳለፉ፣ ኃጥአን የምንኾን እኛ ጊዜያችንን በሳቅና ስላቅ ልናጠፋ ይገባናልን? በክርስቶስ ፍቅር የማፈቅራችሁ ልጆቼ! በንግግሬ አትማረሩ፡፡

ጊዜው የተጋድሎ ጊዜ ነው፤ ታዲያ ስለ ምንድን ነው የዘፋኞችን መሣርያ አንሥተን ከዓለም ጋር የምንዘፍነው? በጦር ግንባር ያለ ወታደር ከጠላት ሊመጣ የሚችለውን ጥቃት ለመከላከል ከመዘጋጀት ይልቅ ጊዜውን በዋዛ ፈዛዛ ያጠፋልን? አያጠፋም፡፡ ታዲያ እኛም‘ኮ የክርስቶስ በጎ ወታደሮች ነን፡፡ ..."

(ቅዱስ ዮሐንስ አፈወርቅ)

እስኪ ንገረኝ! በባልንጀራህ ላይ የምትቀናው ለምንድን ነው? ሥልጣንንና በጎ ስምን ሲቀበል ስላየኸው ነውን? ክብርና ዝና ራሳቸውን ባልጠበቁ ሰዎች ላይ ምን ጉዳት እንደሚያመጣ አታስተውልምን? ወደ ትዕቢት፤ ወደ ውዳሴ ከንቱ፤ ወደ ዕብሪት፣ ወደ እንዝህላልነት፣ ይበልጥ ወደ ግድየለሽነት እንደሚወስዳቸው አታውቅምን? ይህ የምትቀናበት ሰው በእነዚህ ክፋቶች ከመያዙም በላይ ሥልጣኑና ዝናው ገና ከመታየታቸው የሚጠወልጉ ናቸው፡፡ እጅግ የሚከፋው ይህ ነውና፡- ከዚህ የሚመነጩ ክፋቶች የማያልፉ ሲኾኑ ከዚህ የሚገኘው ደስታ ግን እንደ ተባለው ገና ከመታየቱ የሚጠፋ ነው፡፡ ታዲያ ንገረኝ እስኪ፥ በዚህ ሰው ነው የምትቀናው?

“ባለ ሥልጣን ሲኾን'ኮ ብዙ ተዕዕኖ ያደርጋል፡፡ ኹሉንም ነገር እርሱ እንደ ወደደው ማድረግ ይችላል፡፡ የተቃወሙትን ይቀጣል፤ ያወደሱትን ደግሞ ይሾማል ይሸልማል፡፡ ማድረግ የሚፈልገውን የማድረግ ኃይልም አለው" ልትል ትችላለህ፡፡ እነዚህ ንግግሮች የዚህ ዓለምና ከምድር ጋር የተጣበቁ ሰዎች ንግግሮች ናቸው፡፡ መንፈሳዊውን ሰው ምንም ማንም ሊጎዳው አይችልምና፡፡

በምን መንገድ አብዝቶ ሊጎዳው ይችላል? ከሥልጣኑ ሊሽረው ይችላልን? ታዲያ ይኼ ምንድን ነው? ይህ በርትዕ ከተደረገ ጠቀመው እንጂ አልጎዳውምና፡፡ ሥልጣነ ክህነትን ሳይገባው የተቀበለን ሰው ያህል እግዚአብሔርን የሚያሳዝነው የለምና፡፡ ያለ ርትዕ ካደረገበት ግን ተጎጂው ካህኑ ሳይኾን ሌላው ነው። ያለ ርትዕ መከራን የሚቀበልና ይህንን በአኰቴት የሚታገሥ ሰው በእግዚአብሔር ፊት የበለጠ ባለሟልነትን (ሞገስን) ያገኛልና፡፡

ስለዚህ እንዴት ምግባርን ተላብሰን ራሳችንንም ክደን መኖር እንደ አለብን እንጂ እንዴት ሥልጣን፣ ክብርና ጌትነት ማግኘት እንዳለብን ዓላማ አድርገን አንያዝ፡፡ እግዚአብሔር የማይወዳቸውን ብዙ ነገሮች እንዲያደርጉ የሥልጣን ቦታዎች ሰዎችን ያባብላሉና፡፡ ሥልጣንን እንደሚገባ ለመጠቀምም ጽኑዕ የነፍስ (መንፈሳዊ) ብርታት ያስፈልጋልና፡፡ ሥልጣን የሌለው ሰው በፈቃዱም ይኹን ያለ ፈቃዱ ራሱን እንደሚገዛ ኹሉ፥ ጽንዓ ነፍስ ኖሮት ሥልጣን የሚይዝ ሰውም እንደዚሁ ፈቅዶም ይኹን ሳይፈቅድ ራሱን ይገዛል፡፡

(የማቴዎስ ወንጌል ቅዱስ ዮሐንስ አፈወርቅ እንደተረጎመመው ድርሳን 40 ገጽ 332-333
ገብረ እግዚአብሔር ኪደ የተረጎመው)

በብሥራተ መልአክ የወለዱ ብዙ አንስት ቢኖሩም እመቤታችን የወለደችው በብሥራተ መልአክ ፣ ምክንያተ ፅንስ የሆነ ዘርን ያለ መቀበል /እንበለ ዘር/፣ ያለ ተፈትሖ ማኀጸን / ድንግልናን ባለማጣት/ ነውና እናትነቷ ድንቅ ነው፡፡ ‹‹ያለ ዘርዐ ብእሲ የወለደችው እናቱ ናት በሥጋ ከእርሷ መወለዱም እንደ ሴቶች መጽነስ ሥርዓት ልማድ አይደለም፡፡ ድንግል ቃልን በሥጋ ያለ ዘርዐ ብእሲ ወለደችው፡፡››

ሃይማኖተ አበው ዘቄርሎስ 70፥25

#ታኅሣሥ_22

#ብሥራተ_ቅዱስ_ገብርኤል

ታኅሣሥ ሃያ ሁለት በዚህች ዕለት ብርሃናዊው መልአክ ቅዱስ ገብርኤል ለእመቤታችን አምላክን እንደምትወልድ ያበሰረበት መታሰቢያ ነው፡፡ ይኸውም ‹‹ልዑል እግዚአብሔር ሊቀ መላእክት ቅዱስ ገብርኤልን ‹ሂድና ለጽዮን ልጅ ለድንግል የእግዚአብሔር የባሕርይ ልጅ ወደአንቺ መጥቶ ኃይለ ልዑል ወልድ ሥጋሽን ለብሶ ሰው ይሆናል፤ ይኸውም ካንቺ የሚወለደው ጽኑዕ ነው ብለህ ንገራት› አለው፡፡ ‹ደንቆሮዎች የሚሰሙበት፣ ድዳዎቸ የሚናገሩበት፣ ዕውራንም የሚያዩበት፣ ሙታን የሚነሡበት፣ ለምጻሞች የሚነጹበት፣ ሐንካሳዎች የሚሄዱበት፣ በጨለማ ውስጥ የነበሩ ሰዎች ብርሃን የሚያዩበት ጊዜ እነሆ ደረሰ ብለህ ንገራት› አለው፡፡

ቅዱስ ገብርኤልም ይህን ሰምቶ በግንባሩ ተደፍቶ ልዑል እግዚአብሔርን ‹ጌታ ሆይ! የምትነግረኝ ይደረግ ዘንድ እንደምን ይሆናል?› አለው፡፡ ጌታም ‹የጀመርኩትን ቸርነት ፈጸምኩ፣ የወይን ግንድ ይቆረጣል (ወልደ እግዚአብሔር ይሞታል)፣ ወይራም ከበለስ ጋር ይተከላል (መስቀል ይተከላል)፣ ቅጽሮችም ይቀጸራሉ (ምግባር ከሃይማኖት ጋር ይሠራል)፣ የኤልፍና የሌሚ ወገን ይነሣል፡፡ ገብርኤል ሆይ! ሄደህ ለዳዊት ልጅ ‹እግዚአብሔር ከአንቺ ጋር ነውና ደስ ይበልሽ› ብለህ አብሥራት› አለው፡፡ ‹ለዘለዓለም ነግሦ የሚኖረውን እነሆ ትፀንሳለሽ በላት› አለው፡፡ መልአኩ ቅዱስ ገብርኤልም ይህን ሰምቶ ሰገደ፡፡ ልብሱንም በላዩ ይዞ በመስቀል ቀኝ ይወርድ ዘንድ ወደደ፡፡ ጌታም ‹መግባትህና መውጣትህ በፍቅር አንድነት ይሁን› አለው፡፡ ‹ዘካርያስን ረግመህ አንደበቱን እንዳሰርህ እርሷን እንዳታሳዝናት ይልቁንም አብዝተህ ደስ አሰኛት አንጂ› አለው፡፡ ቅዱስ ገብርኤልም ይህን ሰምቶ ፈጽሞ ደስ እያለው ሊባኖስ ከሚባል ተራራ እስኪሰማ ድረስ ክንፉን እያማታ ወረደ፡፡ በዚህም ጊዜ በዙሪያው ያሉ ሁሉ ‹ይህ የምንሰማው ምንድነው?› ይሉ ነበር፡፡ የተደረገበትንም ቦታ አላወቁትም ነበር፡፡››

እመቤታችንን በ3 ዓመቷ እናትና አባቷ ብፅዓት አድርገው ለእግዚአብሔር ሰጥተዋታልና ካህናትም በቤተ መቅደስ ከመካነ ደናግል አስገብተዋት በመልአኩ በቅዱስ ፋኑኤል አማካኝነት ኅብስት ሰማያዊ ጽዋዕ ሰማያዊ እየመጣላት ያንን እየተመገበች ቅዱሳን መላእክት እየጎበኟት 12 ዓመት ኖራለች፡፡ በ15 ዓመቷ ሊቀ መላእክት ቅዱስ ገብርኤል ለእመቤታችን ጌታችንን እንደምትወልድ በዚህች ዕለት አብሥሯታል፡፡ በመጀመሪያ እመቤታችን ውኃ ቀድታ ስትመለስ የጠተማ ውሻ እያለከለከ ሲመጣ ብታየው ለፍጥረት ሁሉ የምትራራ ናትና በወርቅ ጫማዋ ለዛ ለተጠማው ውሻ ውኃ ስታጠጣ አብሯት የነበሩ ሴቶች ‹‹ማድጋሽን አጎደልሺው፣ ቀድቼ እሞለዋለሁ እንዳትይ ጉድጓዱ ጥልቅ ነው መቅጃም የለሽም›› አሏት፡፡ ክብርት እመቤታችንም ‹‹ውሃ የሚገኘው ከወደላይ ነው እንጂ ከወደታች ነውን? ፍጥረቱን ያጠጣ ጌታ ይሞላልኛል›› አለቻቸው፡፡ ማድጋዋም በተአምራት ሞልቶ ተገኘ፡፡ ሴቶቹም ዳግመኛ ‹‹በዚህ ዘመን አምላክ ከድንግል ይወለዳል ይላሉ ካንቺ ይሆን?›› እያሉ ሲዘብቱባት ወዲያው ከወደኋላዋ ሊቀ መላእክት ቅዱስ ገብርኤል መጥቶ ‹‹እነሆ ትጸንሻለሽ›› አላት፡፡ እመቤታችንም ዞር ብትል የተናገራትን አጣችው፡፡ በዚህም ጊዜ ‹‹አባቴን አዳምን እናቴን ሔዋንን ያሳተ ጠላት ይሆናል›› ብላ ሄደች፡፡

ዳግመኛም እመቤታችን ከቤት ደርሳ ማድጋዋን ስታስቀምጥ መልአኩ አሁንም በድምፅ ‹‹እነሆ ትጸንሻለሽ›› አላት፡፡ እመቤታችንም ይህን ጊዜ ‹‹ምነው ይህስ ነገር ደጋገመኝ እንዲህ ያለውን ነገር ቤተ መቅደስ ሄደው ሊረዱት ይገባል›› ብላ ወደ ቤተ መቅደስ ሄዳ ወርቅና ሐር እያስማማች ስትፈት መልአኩ ቅዱስ ገብርኤል እሁድ ቀን በ3 ሰዓት በገሃድ ተገለጸላትና እጅ እየነሳ እየሰገደ አበሠራት፡፡ ‹‹የዕውነተኛ ንጉሥ እናቱ እመቤታችን ላንቺ ፍቅር አንድነት ይባል›› አላት፡፡ ዳግመኛም ‹‹አንቺ ከሴቶች ይልቅ ተለይተሸ ንዕድ ክብርት ነሽ›› አላት፡፡ አምላክን የወለደች በድንጋሌ ሥጋ በድንጋሌ ነፍስ የጸናቸ ክብርት እመቤታችንም የብርሃናዊውን መአልክ የቅዱስ ገብርኤልን ቃል በሰማች ጊዜ ‹‹እንዲህ ያለውን ሰላምታ እንደምን ይቀበሏል! እንዴትስ መቀበል ይቻላል? እንጃ›› አለችው፡፡ መልአኩ ቅዱስ ገብርኤልም ‹‹ማርያም ሆይ! መንፈስ ቅዱስ ያድርብሻል፣ ኃይለ ልዑል ወልድም ሥጋሽን ይለብሳልና አይዞሽ አትፍሪ›› አላት፡፡ ዳግመኛም ‹‹ይህ ካንቺ የሚወለደው ጽኑ ከሃሊ ነው፡፡ ስሙንም ኢየሱስ ትዪዋለሽ፣ እርሱ ታላቅ ይሆናል የልዑል ልጅም ይባላል፣ ጌታ አምላክም የአባቱን የዳዊትን ዙፋን ይሰጠዋል፣ በያዕቆብ ቤትም ላይ ለዘለላም ይነግሣል፣ ለመንግሥቱም መጨረሻ የለውም›› አላት፡፡ እመቤታችንም መልአኩን ‹‹ምድር ያለ ዘር ፍሬን አትሰጥምና እኔ ወንድ ስለማላውቅ ይህ እንዴት ይሆናል?›› አለችው፡፡ መልአኩም መልሶ ‹‹መንፈስ ቅዱስ በአንቺ ላይ ይመጣል፣ የልዑልም ኃይል ይጸልልሻል ስለዚህ ደግሞ ከአንቺ የሚወለደው ቅዱስ የእግዚአብሔር ልጅ ይባላል። እነሆም ዘመድሽ ኤልሳቤጥ እርሷ ደግሞ በእርጅናዋ ወንድ ልጅ ፀንሳለች፡፡ ለእርስዋም መካን ትባል ለነበረችው ይህ ስድስተኛ ወር ነው፣ ለእግዚአብሔር የሚሳነው ነገር የለምና›› አላት፡፡ ክብርት እመቤታችንም ይህን ጊዜ ‹‹እነሆኝ የጌታ ባሪያ እንደ ቃልህ ይሁንልኝ›› አለችው፡፡ መልአኩም ከእርሷ ዘንድ ሄዶ ተሠወረ፡፡ አካላዊ ቃልም በማኅፀኗ አደረ፡፡ በዚያችም ቅጽበት የእመቤታችን የፊቷ መልክ ተለወጠ፣ እንደፀሐይም አሸበረቀ፡፡

ለእግዚአብሔር ምስጋና ይሁን፤ ለቅዱሳን የተለመነች ክብርን የተመላች ድንግል ወላዲተ አምላክ ለእኛም ትለመነን! አምላካችን ልጇ በምልጃዋ ይማረን!

(ስንክሳር ዘተዋሕዶ ፌስቡክ ፔጅ)

ለተደረገላቸው ነገር ሁሉ አመስግነዋል!

፪
ራስን ዝቅ ስለማድረግ የቅዱስ ዮሐንስ አፈወርቅ ምክር

እጅግ የምወዳችኁ ልጆቼ! ምንም ያኽል የምግባር ማማ ላይ ብንወጣም ከኹሉም ይልቅ ጐስቋሎች እንደኾንን ልናስብ ይገባናል፡፡ ትዕቢትን ከልቡናችን ነቅለን ካልጣልን በቀር ምንም መንበረ ጸባዖትን ብንደርስም ጠልፎ እንጦርጦስ ይወረውረናል ብዬ በእውነት ያለ ሐሰት እነግራችኋለኁ፡፡

ዳግመኛም ትሕትናን በልቡናችን ውሳጤ የምናኖር ከኾነ ምንም ያኽል በኃጢአት ሸለቆ ብንወድቅም መንበረ ጸባዖትን ታደርሰናለች ብዬ በእውነት ያለ ሐሰት እነግራችኋለኁ፡፡ ከፈሪሳውያን ይልቅ ቀራጮች በእግዚአብሔር ዘንድ ባለሟልነትን ያገኙት ልበ ትሑታን ስለነበሩ ነው፡፡ ትዕቢት፣ ልቡናንም ከፍ ከፍ ማድረግ ከዲያብሎስ ይልቅ የከፋን እንኾን ታደርገናለች፡፡ ፈያታዊ ዘየማን ከሐዋርያት አስቀድሞ ገነት የገባው ልበ ትሑት፣ ኃጢአቱን ዐውቋት ይናዘዛት ስለነበር ነው፡፡ ኃጢአታቸውን ዘወትር የሚያስቡ ደግሞም የሚናዘዝዋት ሰዎች ንዑዳን ክቡራን ናቸው፡፡

ምንም ያኽል በጐ ምግባር እንደሠሩ የሚያውቁ፥ ነገር ግን ምንም በጐ ምግባር እንዳልሠሩ ኾነው ልቡናቸውን ዝቅ ዝቅ የሚያደርጉ ሰዎች ሹመት ሽልማታቸው እንዴት የበዛ ይኾን? ኃጢአተኛ ኾኖ ሳለ ራሱን ዝቅ ዝቅ የሚያደርግ ሰው በትዕቢት ከተያዘ ጻድቅ ሰው ይልቅ ንዑድ ክቡር ነው፡፡ እንግዲኽ ኃጢአተኛ ኾኖ ሳለ ራሱን ዝቅ ዝቅ የሚያደርግ ሰው ይኽን ያኽል ንዑድ ክቡር ከኾነ፥ ጻድቅ ኾኖ ሳለ ራሱን ዝቅ ዝቅ የሚያደርግ ሰው ደግሞ ከዚኽ ይልቅ እንዴት ይከብር ይኾን? የምግባሩ መዓዛ፣ የትሩፋቱ በጐ ጠረን እስከየትኛው ሰማይ ይወጣ ይኾን? አዎ! የዚኽ ሰው የምግባሩ ዕጣን መንበረ ጸባዖት ይደርሳል፡፡ በእውነት ያለ ጥርጥር በማዕከለ ሠራዊተ መላእክት ይገባል፡፡

ከዚኹ በተቃራኒ በበጐ ምግባር ያጌጠ ሰው ትዕቢተኛ በመኾኑ ብቻ ይኽን ያኽል ጉዳት የሚያመጣበት ከኾነ፥ በኃጢአት ዐዘቅት ተዘፍቀው ሳሉ ትዕቢትን የሚጨምሩ ሰዎች እንደምን ይዋረዱ ይኾን?

የምወዳችኁ ልጆቼ! ይኽን ኹሉ የምላችኁ በጐ ማድረግን ቸል እንል ዘንድ አይደለም፤ ከኹሉም አስቀድመን ልቡናን ከፍ ከፍ ማድረግ አስወግደን ልበ ትሑታን እንኾን ዘንድ ስለምሻ ነው እንጂ፡፡ ትሕትና የጥበብ ኹሉ መሠረት ናት፡፡ ምንም ያኽል በጐ ምግባር ቢኖረን፣ ምጽዋትም ቢኾን፣ ጸሎትም ቢኾን፣ ጾምም ቢኾን፣ ሌላም ብዙ የብዙ ብዙ ምግባር ቢኖረን የእነዚኽ ምግባራት መሠረት የሚኾን ትሕትናን ካልያዝን ቤታችን በአሸዋ እንደተሠራ ቤት ከንቱ የከንቱ ከንቱ ነው፤ ከጥቂት ጊዜ በኋላ መውደቁ አይቀሬ ነው፡፡ እነዚኽ በጐ ምግባራቶቻችን ያለ ትሕትና ብቻቸውን መቆም አይችሉም፡፡ ምንም ያኽል ትዕግሥተኞች ብንኾን፣ ደናግላን ብንኾን፣ ፍቅረ ንዋይ የጠፋልን ብንኾን፣ ሌላም እናንተ የምትጠቅሱት በጐ ነገር ቢኖረን ትሕትና ግን ከሌለን እነዚኽ ኹሉ ጥቅም የላቸውም፤ በእግዚአብሔር ዘንድም ንጹሐን መሥዋዕቶች አይደሉም፡፡

ስለዚኽ እጅግ የምወዳችኁ ልጆቼ! በቃላችንም፣ በግብራችንም፣ በሐሳባችንም ትሕትናን ገንዘብ እናድርግና ከላይ የጠቀስናቸውን በጐ ምግባራት በርሷ መሠረትነት እናንፃቸው (እንገንባቸው) ብዬ እማልዳችኋለኁ፡፡

ለሌሎች ይደርስ ዘንድ ሼር ያድርጉ

ይህቺን ቻናል ተቀላቀሉና ከስንክሳሩ የተወሰዱና በስንክሳሩ ያልተካተቱ የቅዱሳንን ታሪክ እያነበብን ከሕይወታቸው እንማር

መዓዛ ቅዱሳን

https://t.me/meaza_kidusan12

የእግዚአብሔር ክብር የተገለጠበት የሠለስቱ ደቂቅ እምነት

(በብፁዕ አቡነ ኤርምያስ)

https://youtu.be/sFzPDrCNPcY?si=Zl5Copp5elArmuev

፩

ራስን ዝቅ ስለማድረግ የቅዱስ ዮሐንስ አፈወርቅ ምክር

እግዚአብሔርን የምትወዱት አንድም እግዚአብሔር የሚወዳችኁ ልጆቼ! ትሕትናን ገንዘብ ማድረግ ምን ያኽል ጥቅም እንዳለው፥ በአንጻሩ ደግሞ ትዕቢትን ገንዘብ ማድረግ ምን ያኽል ጕዳት እንዳለው ታውቁ ዘንድ እወዳለኁ፡፡ ምንም ያኽል ምግባር ትሩፋት ቢኖረን፣ ብንጾም፣ አሥራት በኵራት ብናወጣ፣ ሌላም ብዙ የብዙ ብዙ ምግባራትን ብናደርግ ትሕትና ግን ከሌለን ከንቱ ነን ብዬ እነግራችኋለኁ፡፡

ምንም ያኽል ኃጥአን ሳለን ነገር ግን የተሰበረ ልቡና ካለን፥ በምግባር በትሩፋት አሸብርቀው ሳለ ትዕቢተኞች ከኾኑት ሰዎች ይልቅ በእግዚአብሔር ዘንድ ተወዳጆች ነን ብዬ እነግራችኋለኁ፡፡

ከቀራጩ በላይ ማን ኃጢአተኛ ነበር? /ሉቃ.18፡9-14/፡፡ ነገር ግን ይኽ ኃጢአተኛ ሰው ዓይኑን ወደ ሰማይ ቀና አድርጐ ሊያይ ባለመውደዱ፣ በምትመሰገንበት በቤተ መቅደስህ መቆም የማይቻለኝ ኀጥእ ነኝ በማለቱ ከማይቀማው፣ ከማይበድለው፣ ከማያመነዝረው፣ በሳምንት ኹለት ጊዜ ከሚጾመው፣ ከገንዘቡ ኹሉ ዓሥራት ከሚያወጣው ፈሪሳዊው ይልቅ በእግዚአብሔር ዘንድ ባለሟልነትን አገኘ፡፡ ይኽስ እንዴት ሊኾን ቻለ?

ይኽን ያኽል ምግባር ትሩፋትን ገንዘብ አድርጐ የነበረው ፈሪሳዊው የክፋት ኹሉ ስር የኾነውን ትዕቢት በልቡናው አኑሮ ስለነበር ነው ብዬ በእውነት እነግራችኋለኁ፡፡ ብፁዕ ጳውሎስም ይኽን በማስመልከት ሲናገር፡- “ነገር ግን እያንዳንዱ የገዛ ራሱን ሥራ ይፈትን፤ ከዚያም በኋላ ስለ ሌላው ሰው ያልኾነ ስለ ራሱ ብቻ የሚመካበትን ያገኛል” አለ /ገላ.6፥4/፡፡ ፈሪሳዊው ግን ይኽን አላደረገም፡፡ ይልቁንም ሌላውን ሰው ኹሉ እየኮነነ፥ በሕይወት ካለ ሰው ይልቅም እጅግ ጻድቁ ርሱ ብቻ እንደኾነ እያሰበ ወደ ቤተ መቅደሱ መጣ እንጂ፡፡ ይኽ ፈሪሳዊ ራሱን ያነጻጸረው ከዐሥር፣ ወይም ከአምስት ወይም ከኹለት ወይም ከአንድ ሰው ብቻ አይደለም፤ በዚኽ ዓለም ከሚኖሩ ሰዎች ርሱን የሚተካከለው ማንም እንደሌለ በአደባባይም ጭምር ተናገረ እንጂ፡፡ የሚተካከለው እንደሌለ ብቻም አይደለም፤ ዳግመኛም በሰው ኹሉ ላይ ፈረደ እንጂ፡፡ ይኽን በማድረጉም በሽቅድድሙ መም ላይ ወደቀ፡፡

ብዙ ዕቃዎችን የጫነች መርከብ ብዙ አስቸጋሪ የሚባሉ ማዕበላትን ተሻግራ ከወደቡ ጫፍ ልትደርስ ጥቂት ብቻ ሲቀራት ከዐለት ጋር ተላትማ እንደምትሰጥምና ጭናው የነበረው ኹሉ እንዳልነበረ እንደሚኾን ኹሉ ይኽ ፈሪሳዊም ብዙ ከጾመ፣ ሌላም ብዙ በጐ ምግባራትን ከያዘ በኋላ አንደበቱን ባለመግዛቱ ምክንያት የነበረውን ሀብተ ሥጋ ሀብተ ነፍስ ኹሉ አጣ፡፡ ምንም እንኳን ወደ ቤተ መቅደሱ ለጸሎት መምጣቱ በጐ ምግባር ቢኾንም ባደረገው ነገር ስለተመጻደቀበት፣ ራሱን ከፍ ከፍ ስላደረገበት ባዶውን ወደ ቤቱ ሔደ ብዬ በእውነት እነግራችኋለኁ፡፡

ይቀጥላል....

ይህ የሰሜን ወሎ መንበረ ጵጵስና ሀገረ ስብከት ሰ/ት/ቤቶች አንድነት የቴሌግራም ቻናል ነው።

በዚህ ቻናል የሀገረ ስበከታችን ሰንበት ት/ቤቶችን እንቅስቃሴ በተመለከተና ልዩ ልዩ ከአዲሱ የሰንበት ት/ቤቶች ሥርዓተ ትምህርት ጋር የተገናኙ ሁኔታዎች ይቀርቡበታል።

https://t.me/NWsunday_schools_andinet

https://t.me/NWsunday_schools_andinet

ይቀላቀሉ ለሌሎችም ያጋሩ

"ሰንበት ትምህርት ቤቶች የቤተክርስቲያን አጥር ናቸው።"

ቅዱስ ገብርኤል ሆይ እጅግ አጽናኝና አስደሳች የሆነውን
ምስጢረ ሥጋዌን ዜና ይዘህ ከሰማይ ወደ ምድር እንደወረድክ ድንግል ማርያም የአምላክ እናት ለመሆን ፈቃድዋ ሆኖ በተፈጸመ ጊዜ ደስ እንዳለህ እኛም እግዚአብሔርን በማክበርና ግዴታችንን በመፈጸም ደስ የምንሰኝበትን ጸጋ አሰጠን።

ጠበቂያችን ቅዱስ ገብርኤል ሆይ ሦስቱን ወጣቶች ከሚያቃጥል እሳት እንዳዳንካቸው እኛንም በዚህ ዓለም ከሚወራው ከሚታየውና ከሚሰማው ክፉ ቀንና እለት ሁሉ አድነን እየነደደ የሚለበልበንን የሃጢያት እሳትም አጥፋልን፡፡ የኑሮአችንን ቀጠሮ በክንፈ ረድኤትህ ከልለው ሰይጣን እንዳይሰለጥንብን፣ ክፉ አድራጊዎች፣ ሟርተኞች፣ ሰላቢዎች፣ ዘረኞችና ነፍሰ ገዳዮች እንዳያጠቁን ከልለን። ያንተን የእሳት አጥር ዘሎ ጠላት ያጠቃን ዘንድ ጠላት አይችልምና ጥበቃ ከእኛ ከባርያዎችህ አይለየን።

ቅዱስ ገብርኤል ሆይ በደል በተገኘብኝ ቁጥር እያለቀስሁ
እጠራሃለሁ ፡፡ ጎስቋላ የምሆን በጥቃትና በሀዘን ውስጥ
የምገኝ ልጅህ የአንተን ማፅናናትና ረዳትነት ያሻኛልና ፈጥነህ ናልኝ፡፡ ቅድስት ማርያምን ያበሰርክ ለዓለም ሁሉ የምታበስር ገብርኤል ሆይ በሰራዊት አምላክ ይዤሃለሁ በዚህች ሰዓት ፀሎቴንና ልመናዬን ስማ፡፡

#ሊቀ_መላእክት_ቅዱስ_ገብርኤል (#ታኅሣሥ_19)

ታኅሣሥ ዐስራ ዘጠኝ በዚህች ቀን ሊቀ መላእክት ቅዱስ ገብርኤል ሠለስቱ ደቂቅ ያዳነበት ነው፡፡ ንጉሥ ናቡከደነፆር ከአባታቸው ከይሁዳው ንጉሥ ከኢዮአቄም ጋር የማረካቸው አናንያ፣ ሚሳኤልና አዛርያ እግዚአብሔር በዚህች ዕለት መልአኩን ልኮ ታላቅ ተአምር አድርጎላቸዋል፡፡

ንጉሥ ናቡከደነፆር እነዚህን ወጣቶች በቤተ መንግሥቱ ውስጥ ጥበብን እያስተማረ ካሳደጋቸው በኋላ በባቢሎን ሀገሮች ሁሉ ውስጥ ሾማቸው፡፡ ከዚህም በኋላ ንጉሡ የወርቅ ምስል በሠራ ጊዜ መኳንንቱንና በግዛቱ ውስጥ ያሉ ሁሉ ለዚያ ምስል እንዲሰግዱ አዘዘ፡፡ በዚህም ጊዜ ለጣዖቱ ባለመስገድ እግዚአብሔርን ብቻ በማምለክ የጸኑት እነዚህ ሦስት ወጣቶች ብቻ ነበሩ፡፡ ስለ እነርሱ በመጽሐፍ ቅዱስ ላይ እንዲህ ተብሎ ነው የተጻፈው፡-
‹‹ንጉሡ ናቡከደነፆር ቁመቱ ስድሳ ክንድ ወርዱም ስድስት ክንድ የሆነውን የወርቁን ምስል አሠራ፤ በባቢሎንም አውራጃ በዱራ ሜዳ አቆመው፡፡ ንጉሡም ናቡከደነፆር መኳንንትንና ሹማምቶችን፥ አዛዦችንና አዛውንቶችን፥ በጅሮንዶችንና አማካሪዎችን፣ መጋቢዎችንም፣ አውራጃ ገዦችንም ሁሉ ይሰበስቡ ዘንድ፣ ንጉሡም ናቡከደነፆር ላቆመው ምስል ምረቃ ይመጡ ዘንድ ላከ፡፡ በዚያን ጊዜም መኳንንቱና ሹማምቶቹ፣ አዛዦቹና አዛውንቶቹ፣ በጅሮንዶቹና አማካሪዎቹ፣ መጋቢዎቹና አውራጃ ገዦቹ ሁሉ ንጉሡ ናቡከደነፆር ላቆመው ምስል ምረቃ ተሰበሰቡ፤ ናቡከደነፆርም ባቆመው ምስል ፊት ቆሙ፡፡ አዋጅ ነጋሪውም እየጮኸ እንዲህ አለ፡- ‹ወገኖችና አሕዛብ በልዩ ልዩ ቋንቋም የምትናገሩ ሆይ! የመለከትንና የእንቢልታን፣ የመሰንቆንና የክራርን፣ የበገናንና የዋሽንትን፣ የዘፈንንም ሁሉ ድምፅ በሰማችሁ ጊዜ፣ ተደፍታችሁ ንጉሡ ናቡከደነፆር ላቆመው ለወርቁ ምስል እንድትሰግዱ ታዝዛችኋል፡፡ ተደፍቶም የማይሰግድ በዚያን ጊዜ በሚነድድ እሳት እቶን ውስጥ ይጣላል፡፡› ስለዚህ በዚያን ጊዜ አሕዛብ ሁሉ የመለከቱንና የእንቢልታውን፣ የመሰንቆውንና የክራሩን፣ የበገናውንና የዘፈኑንም ሁሉ ድምፅ በሰሙ ጊዜ፣ ወገኖችና አሕዛብ በልዩ ልዩ ቋንቋም የተናገሩ ሁሉ ተደፉ፤ ንጉሡም ናቡከደነፆር ላቆመው ለወርቅ ምስል ሰገዱ፡፡

በዚያን ጊዜም ከለዳውያን ቀርበው አይሁድን ከሰሱ፡፡ ለንጉሡም ለናቡከደነፆር ተናገሩ እንዲህም አሉ ‹ንጉሥ ሆይ! ሺህ ዓመት ንገሥ፡፡ አንተ ንጉሥ ሆይ የመለከትንና የእንቢልታን፣ የመሰንቆንና የክራርን፣ የበገናንና የዋሽንትን፣ የዘፈንንም ሁሉ ድምፅ የሚሰማ ሰው ሁሉ ተደፍቶ ለወርቁ ምስል ይስገድ፤ ተደፍቶም የማይሰግድ በሚነድድ እሳት እቶን ውስጥ ይጣላል ብለህ አዘዝህ፡፡ በባቢሎን አውራጃ ሥራ ላይ የሾምሃቸው ሲድራቅና ሚሳቅ አብደናጎም የሚባሉ አይሁድ አሉ፤ ንጉሥ ሆይ! እነዚህ ሰዎች ትእዛዝህን እንቢ ብለዋል፤ አማልክትህን አያመልኩም፥ ላቆምኸውም ለወርቁ ምስል አይሰግዱም፡፡› ናቡከደነፆርም በብስጭትና በቍጣ ሲድራቅንና ሚሳቅን አብደናጎንም ያመጡ ዘንድ አዘዘ፤ እነዚህንም ሰዎች ወደ ንጉሡ ፊት አመጡአቸው፡፡ ናቡከደነፆርም ሲድራቅና ሚሳቅ አብደናጎም ሆይ! አምላኬን አለማምለካችሁ ላቆምሁትም ለወርቁ ምስል አለመስገዳችሁ እውነት ነውን? አሁንም የመለከቱንና የእንቢልታውን የመሰንቆውንና የክራሩን የበገናውንና የዋሽንቱን የዘፈኑንም ሁሉ ድምፅ በሰማችሁ ጊዜ ተደፍታችሁ ላሠራሁት ምስል ብትሰግዱ መልካም ነው፤ ባትሰግዱ ግን በዚያ ጊዜ በሚነድድ እሳት እቶን ውስጥ ትጣላላችሁ፤ ከእጄስ የሚያድናችሁ አምላክ ማን ነው?›› ብሎ ተናገራቸው፡፡ ሲድራቅና ሚሳቅ አብደናጎም መለሱ ንጉሡን ‹ናቡከደነፆር ሆይ! በዚህ ነገር እንመልስልህ ዘንድ አስፈላጊያችን አይደለም፡፡ የምናመልከው አምላካችን ከሚነድደው ከእሳቱ እቶን ያድነን ዘንድ ይችላል፤ ከእጅህም ያድነናል፡፡ ነገር ግን ንጉሥ ሆይ! እርሱ ባያድነን አማልክትህን እንዳናመልክ ላቆምኸውም ለወርቁ ምስል እንዳንሰግድለት እወቅ› አሉት፡፡

የዚያን ጊዜም ናቡከደነፆር በሲድራቅና በሚሳቅ በአብደናጎም ላይ ቍጣ ሞላበት፡፡ የፊቱም መልክ ተለወጠባቸው፡፡ እርሱም ተናገረ የእቶንም እሳት ይነድድ ከነበረው ይልቅ ሰባት እጥፍ አድርገው እንዲያነድዱት አዘዘ፡፡ ሲድራቅንና ሚሳቅንም አብደናጎንም ያስሩ ዘንድ ወደሚነድድም ወደ እቶን እሳት ይጥሉአቸው ዘንድ በሠራዊቱ ውስጥ ከነበሩት ኃያላን አዘዘ፡፡ የዚያን ጊዜም እነዚህ ሰዎች ከሰናፊላቸውና ከቀሚሳቸው ከመጐናጸፊያቸውም ከቀረውም ልብሳቸው ጋር ታስረው በሚነድድ በእቶን እሳት ውስጥ ተጣሉ፡፡ የንጉሡም ትእዛዝ አስቸኳይ ስለሆነ የእቶኑም እሳት እጅግ ስለሚነድድ፣ ሲድራቅንና ሚሳቅን አብደናጎንም የጣሉአቸውን ሰዎች የእሳቱ ወላፈን ገደላቸው፡፡ እነዚህም ሦስቱ ሰዎች ሲድራቅና ሚሳቅ አብደናጎም ታስረው በሚነድደው በእቶኑ እሳት ውስጥ ወደቁ፡፡ የዚያን ጊዜም ንጉሡ ናቡከደነፆር ተደነቀ ፈጥኖም ተነሣ፤ አማካሪዎቹንም ‹ሦስት ሰዎች አስረን በእሳት ውስጥ ጥለን አልነበረምን?› ብሎ ተናገራቸው፡፡ እነርሱም ‹ንጉሥ ሆይ! እውነት ነው› ብለው ለንጉሡ መለሱለት፡፡ እርሱም ‹እነሆ እኔ የተፈቱ በእሳቱም መካከል የሚመላለሱ አራት ሰዎች አያለሁ፤ ምንም አላቈሰላቸውም፤ የአራተኛውም መልክ የአማልክትን ልጅ ይመስላል› ብሎ መለሰ፡፡ የዚያን ጊዜም ናቡከደነፆር ወደሚነድደው ወደ እሳቱ እቶን በር ቀርቦ ‹እናንተ የልዑል አምላክ ባሪያዎች ሲድራቅና ሚሳቅ አብደናጎም! ኑ ውጡ› ብሎ ተናገራቸው፡፡ ሲድራቅና ሚሳቅም አብደናጎም ከእሳቱ መካከል ወጡ፡፡

መሳፍንቱና ሹማምቶቹም አዛዦቹና የንጉሡ አማካሪዎች ተሰብስበው እሳቱ በእነዚያ ሰዎች አካል ላይ ኃይል እንዳልነበረው፣ የራሳቸውም ጠጕር እንዳልተቃጠለች ሰናፊላቸውም እንዳልተለወጠ፣ የእሳቱም ሽታ እንዳልደረሰባቸው አዩ፡፡ ናቡከደነፆርም መልሶ ‹መልአኩን የላከ ከአምላካቸውም በቀር ማንም አምላክ እንዳያመልኩ ለእርሱም እንዳይሰግዱ ሰውነታቸውን አሳልፈው የሰጡትን የንጉሡንም ቃል የተላለፉትን በእርሱ የታመኑትን ባሪያዎቹን ያዳነ፣ የሲድራቅና የሚሳቅ የአብደናጎም አምላክ ይባረክ፡፡ እኔም እንደዚህ የሚያድን ሌላ አምላክ የለምና በሲድራቅና በሚሳቅ በአብደናጎም አምላክ ላይ የስድብን ነገር የሚናገር ወገንና ሕዝብ በልዩ ልዩም ቋንቋ የሚናገሩ ይቈረጣሉ፣ ቤቶቻቸውም የጕድፍ መጣያ ይደረጋሉ ብዬ አዝዣለሁ› አለ፡፡ የዚያን ጊዜም ንጉሡ ሲድራቅንና ሚሳቅን አብደናጎንም በባቢሎን አውራጃ ውስጥ ከፍ ከፍ አደረጋቸው፡፡›› ትንቢተ ዳንኤል 3፡1-30፡፡

ለእግዚአብሔርም ምስጋና ይሁን እኛንም በመልአኩ አማላጅነት ይማረን በረከቱም ከእኛ ጋር ትኑር ለዘላለሙ አሜን።

( ስንክሳር ዘተዋሕዶ ፌስቡክ ገጽ)

"ብርሃን ወደ አንድ ቤት ውስጥ ሲገባ ጨለማን እንደሚያስወግድ ሁሉ፤ እግዚአብሔርን መፍራት ወደ አንድ ሰው ልብ ሲገባም አለማወቅን (በኃጢአት የሚወድቅባትን) ያስወግዳል።"

#አባ_እንጦንስ

“ባትመለሱ እግዚአብሔር ሰይፉን ይስላል” (መዝ. 7፥12)፡፡

እግዚአብሔር እንደዚህ ዓይነት አነጋገርን የሚናገረው ለምን ይኾን? ሰማዕያኑ ከቁሳዊነት ጋር ካላቸው ቁርኝት የተነሣና በእነዚህ ጥንቱንም በሚያውቋቸው መንገዶች ሊያስፈራቸው ሊያስደነግጣቸው ብሎ ነው፡፡ ልብ በሉ! ወታደሮች የጦር ዕቃ መሣሪያን የሚታጠቁት ጠላታቸውን ለመቅጣት ነው፡፡ እግዚአብሔር የጦር ዕቃ መሣሪያ እንደ ያዘ ኾኖ መታየቱ ግን ሰዎችን ለመቅጣት ሳይኾን ፈርተን ወደ ቀልባችን እንድንመለስና ከመከራ [ሥጋ ከመከራ ነፍስ] እንድንድን ብሎ ነው፡፡ ስለዚህ “ሰይፍ” ብሎ መናገሩ የጥልቅ ፍቅሩ ምልክት ነውና የምንደነግጥ አንኹን፡፡

ቃላቱ ለመስማት እንኳን ጭንቅ የኾኑት ከፍጹም ቸርነቱ የተነሣ ነው፡፡ እንደምታውቁት፥ አባቶች ልጆቻቸውን እንዳይቀጧቸው ሲፈልጉ አምርረው ይቈጧቸዋል፡፡ እግዚአብሔርም እንደዚሁ በኃይላተ ቃላቱ ፍርሐታችንን ከፍ የሚያደርገው እንዳይቀጣን ስለሚፈልግ ነው፡፡  እሳተ ገሃነም እንዳዘጋጀ የሚነግረን በእሳተ ገሃነም እንዳይቀጣን ብሎ ነው፡፡ ስለ መንግሥተ ሰማያት ከተነገረው በላይ በወንጌላት ውስጥ ስለ ምረረ ገሃነም ተጽፎ የምናገኝበት ዋናው ምክንያትም ይህ ነው፡፡ ልል ዘሊላን የኾኑ ሰዎች ዘንድ የምረረ ገሃነም ፍርሐት ያህል ወደ ምግባር ስለማይመራቸውና ከክፋት እንዲርቁ ስለማያደርጋቸው፥ ስለዚሁ ምክንያት እግዚአብሔርም ከጣዕመ መንግሥተ ሰማያት ይልቅ አብዝቶ ስለ ምረረ ገሃነም ይናገራል፡፡ ስለዚህ የሚያስፈሩ የሚያስነግጡ ቃላትን ባደመጥን ጊዜ የሚሰጡን በቁዔት ብዙ የብዙ ብዙ ነውና የምንታወክ አንኹን፡፡

ይልቅ የእግዚአብሔር በአንድ መልኩ ታጋሽ፥ በሌላ መልኩ ደግሞ ፈታሒ በጽድቅ ኰናኒ በርትዕ መኾኑን እናስብ፡፡ አስታውሱ! እግዚአብሔር ታጋሽ ነው፡፡ ስለዚህም ተስፋ ድኅነት የለንም አንበል፡፡ ግን ደግሞ እግዚአብሔር እውነተኛ ፈራጅም ነው፡፡ ስለዚህም ልል ዘሊላን አንኹን፡፡ በዚህ ዓለም ብዙ የብዙ ብዙ ይታገሣል፤ በወዲያኛው ዓለም ግን እዚህ ካሳያቸው ትዕግሥቱ ረብ ጥቅም ያላገኙት ሰዎች ለምረረ ገሃነም አሳልፎ ይሰጣቸዋል፡፡ እንግዲያውስ ዕጣ ፈንታችን ፅዋ ተርታችን ይህ እንዳይኾን በዚህ ዓለም ሳለን ከትዕግሥቱ የምንጠቀም እንኹን ብዬ እነግራችኋለሁ፡፡

(ቅዱስ ዮሐንስ አፈወርቅ ውርስ በገብረ እግዚአብሔር ኪደ)

"ሰው ሆይ! ጻድቅ መሆንን ትወዳለህን? አዎን ትለኝ እንደሆነ፥ እንግዲያውስ ለራስህ ንፉግ ለሌላው ግን ቸር ሁን፡፡"

ቅዱስ ዮሐንስ አፈወርቅ

ሰላም ተወዳች ለጸበሉ ገብርኤል በተሰበሰበው 29247 ብር እግዚአብሔር ረድቶን
➛ ልብሰ ተክህኖ የአምስቱ ቀዳስያን
➛ ተዓምረ ማርያም ባለ 366ቱ
➛ ሃይማኖተ አበው
➛ የቅዳሴ ወንጌል
➛ ጸናጽልና
➛ ስንክሳር የዓመቱ ገዝተን ልከናል...ተባረኩልን

"የቂመኛ ሰው ጸሎት፣ በእሾህ መካከል እንደ ወደቀ ዘር ነው"

ማር ይስሐቅ

ምርጫው 6:00 ሰዓት ይጠናቀቃል

በSMS 9355 ላይ BIW08 በማለት ሜሴጅ ይላኩ! ብፁዕ አቡነ ኤርምያስን ይምረጡ!

በንስሐ ሕይወት ለመኖር የምንሻ ከሆነ ለወደቅንበት ኃጢአት ምክንያት መደርደርና ለራሳችን ይቅርታን ለመስጠት መሞከር የለብንም። ኃጢአትን ከፈጸሙና ከሠሩ በኋላ ለኃጢአት ያበቃ ሌላ ምክንያት ማቅረብና በዚያም አንፃር ለመጽናናት መሞከር በራሱ ኃጢአት ነው። በዚህ አይነት ለኃጢአቱ ምክንያት እየደረደረ የሚጽናና ሰው ኃጢአትን እየለመደ ወደ ባሰ አዘቅት ከመውረድ በቀር ንስሐ ለመግባት አይችልም። ምንም ምክንያት ቢደረድር ኃጢአት ምን ጊዜም ኃጢአት ነውና። ለሠራነወ ኃጢአት የተለያዩ ምክንያቶችን በማበጀት ራሳችንን እያጽናናን ነፃ ለመሆን መጣር የለብንም ።

ስለ ሰሩት ኃጢአት ምክንያትን የደረደሩ አዳምና ሔዋንም ባቀረቡት ምክንያት ከመቀጣት አልዳኑም ። እግዚአብሔርም አዳም ስለ አቀረበው ምክንያት "የሚስትህን ቃል ሰምተኻልና ከእርሱ እንዳትበላ ካዘዘዝኩህ ዛፍም በልተኻልና " በማለት ለኃጢአቱ የሚገባውን ቅጣት ሰጠው እንጂ አልተወውም። [ዘፍ3፥17] ይባስ ብሎ በእነርሱ ምክንያት በመጣው መርገም ቅጣቱ በትውልዳችን ሁሉ ሆነ እንደ እነርሱ ሁሉ እኛም ዘወትር ምክንያት በመደርደር ከኃጢአታችን የተነሣ ከሚመጣው ቅጣት ለማምለጥ የምንሞክር ሆንን ስለዚህ ንስሐ ለመግባት በጣም ስንቸገር እንታያለን ።

አቡነ ሺኖዳ ሣልሳዊ

"ጾምህና ምጽዋትህ ሁለት ዋጋ አላቸው፡፡ ከሰው ክብርን ሽተህ የምትጦም ከሆነ ኃጢአት በአንተ ላይ እንድትበረታ ደንቁርናህም እጅግ ጽኑ እንዲሆን እወቅ፡፡ ነገር ግን እጆችህን ለተቸገረ ሰው የምትዘረጋ ሕሊናህን ግን ወደ አምላክ የምታነሣ ከሆነ፣ እንዲሁም ስትጦም ጦምህን በእግዚአብሔር ፊት ያደረግህ እንደሆነ ከፈጣሪህ ዘንድ መልካምን ዋጋ ትቀበላለህ፡፡ ይህ ኃይለ ቃል “ለእናንተ በሰማይ መዝገብ ሰብስቡ መዝገብህ ባለበት ልብህ ደግሞ በዚያ ይሆናልና፡፡” (ማቴ.6፡21) ብሎ ጌታችን ካስተማረው ትምህርት ጋር አንድ ዓይነት ትርጉም ያለው ነው፡፡

ጦምና ምጽዋታችን በከንቱ ፈቃዳችን ምክንያት ለኃጢአት አሳልፎ እንዳይሰጠንና በደላችንንም እጥፍ ድርብ እንዳያደርግብን አምላካችን ይህን ማስተዋል ዘወትር ይሰጠን ዘንድ በዚህ የጦም ወቅት እንለምነው፡፡

(ቅዱስ ኤፍሬም)

በጸሎት ኃይል የሚያምን አንድ ጽኑዕ ክርስቲያን ነበር፡፡ ይህም ክርስቲያን ጥሪት የሌለው ደሃ፣ የሚበላ የሚቸግረው ረሃብተኛ፣ ልብሱ በላዩ ላይ አልቆ የታረዘ ምስኪን ነው፡፡ ከእለታት አንድ ቀን በጸሎት ሕይወቱ የነበረውን ትጋት በቅርበት ያውቅ የነበረው አንድ ወዳጁ እየተቆጣ 'ቢያንስ ለረሃብህ ማስታገሻ ቁራሽ ዳቦ እንኳን ማሰጠት ካልቻለ የአንተ ጸሎት ፋይዳው ምንድር ነው? ይቅርብህ በቃ! ፈጣሪህ አይሰማህም ማለት ነው' ሲል ተስፋ በሚያስቆርጥ ቃል ተናገረው፡፡ ያም ምስኪን ክርስቲያን እንዲህ ሲል መለሰለት፦ 'እግዚአብሔርማ አልረሳኝም። ለአንዱ ሰው ከዕለት እንጀራው የበለጠ አትርፎ በመስጠት ለእኔ እንዲያካፍለኝ መልእክተኛ አድርጎት ነበር፡፡ ነገር ግን ይህን አደራ የተቀበለው ሰው ዘነጋኝ፡፡ ስለዚህ እግዚአብሔር ሳይሆን አድራሹ ሰው ረስቶኛል!'

መጻሕፍት እንደሚያስተምሩን "የዕለት እንጀራችንን ስጠን" የሚለው ጸሎት ለመነኮሳት ሲሆን "ለዕለት"፣ በዓለም ለሚኖሩ ሰዎች ሲሆን ደግሞ "ለዓመት" የሚሆን እንጀራ ስጠን ማለት ነው። ታዲያ ለምን አንዳንዶች ከዓመት የሚተርፍ ብዙ እንጀራ ሲያገኙ፣ ሌሎች ደግሞ ለዕለት እንኳን የሚሆን ቁራሽ ያጣሉ ? መቼም 'ለሰው ፊት የማያዳላ' እግዚአብሔር "አድልዎ ቢኖርበት ነው" ብለን የድፍረት ቃል በእርሱ ላይ አንናገርም። (ሐዋ 10፥34) ይህ የሆነው እንደ ቅዱስ ዮሐንስ አፈወርቅ ትምህርት አትርፈው ያገኙ ሰዎች ምንም የሌላቸውን እንዲረዱ እና መግቦት የባሕርይው የሆነውን አምላካቸውን በጸጋ እንዲመስሉት ነው። በዚሁም ላይ በፈጠራቸው ሰዎች መካከል ያለውን የመተዛዘንና የፍቅር ትስስር የበለጠ ለማጠናከር ነው፡፡

'የዕለት እንጀራችንን ስጠን ለዛሬ' ብለን የለመንነው አምላክ ከዓመት እንጀራችን በላይ አትርፎ የሚሰጠን፣ የሚበቃንን ያህል ተመግበን በቀረው ለሌሎች አድራሽ መልእክተኞች እንድንሆን ነው። ስለዚህ ይህን የተጣለብንን አምላካዊ አደራ ባለመወጣት ድሆችን አንበድል፤ ተማርረው ከፈጣሪያቸውም ጋር እንዲጣሉ አናድርጋቸው።

(ዲያቆን አቤል ካሳሁን)

"የሰው ልጅ ብቸኝነት የሚሰማው ከሰው ሳይሆን ከእግዚአብሔር ሲርቅ ነው፡፡"

ምክረ አበው

ከቅዱስ ዮሐንስ አፈወርቅ ለኦሎምፒያስ የተላከ መልእክት

(ቅዱሱ ይህንን መልእክት ሲልክ በሕመም ላይ እያለ መሆኑን ልብ ይሏል።)

ተወዳጂት ሆይ! የገጠመሽ ነገር እንግዳ ወይም ያልተለመደ ነገር አይደለም፤ ያው የተለመደውና ለሕሊና ተስማሚ የኾነ ነው እንጂ፡፡ ይኸውም ኹልጊዜ አዘውትሮ በሚያገኝሽ መከራ የነፍስሽ ጅማቶች ይበልጥ ይጠነክሩ ዘንድ፣ ጉጉትሽና ኃይልሽ ለተጋድሎ ይጨምር ዘንድ፣ ከዚያም ታላቅ የኾነ ደስታን ታገኚ ዘንድ ነው፡፡ የመከራ ጠባይዋ እንደዚህ ነውና፡- ብርቱና ንጹህ ነፍስን ስታገኝ እነዚህ ከላይ የገለጽኩልሽን ነገሮች ታስገኛለች፡፡

እሳት በእርሷ ላይ የተጨመረችን የወርቅ ቅንጣት ንጹህ እንደምታደርጋት ኹሉ መከራም ወርቃማ ነፍሳትን ስታገኝ ይበልጥ ንጹሃንና ብሩሃን ታደርጋቸዋለች። ስለኾነም የተወደደው ጳውሎስ እንዲህ አለ፡- "መከራ ትዕግሥትን እንዲያደርግ፥ ትዕግሥትም አመክሮን" /ሮሜ.5፥3-4/፡፡ ስለ እነዚህ ምክንያቶች እኔም ደስ እሰኛለሁ፤ ሐሴት አደርጋለሁ፤ የአንቺን ብርታት እያሰብሁ እዚህ በብቸኝቴ እጽናናለሁ፡፡ ስለዚህ ምንም እንኳን ስፍር ቊጥር የሌላቸው ተኩላዎች ቢከቡሽም፣ ምንም እንኳን የክፉዎች ማኅበር በዙሪያሽ ቢኖሩም አንዳችም ቢኾን አልፈራም፡፡ ጌታችንና መድኃኒታችን ኢየሱስ ክርስቶስ ወደ ፈተና እንዳንገባ እንድንጸልይ እንዳዘዘን አሁን ያሉት ፈተናዎቸች እንዲያልፉ፣ ለወደፊቱም ሌሎች እንዳይኖሩ እጸልያለሁ እንጂ፡፡

እግዚአብሔር ፈቃዱ ኾኖ ፈተናዎች የሚኖሩ ከኾነ ግን ከዚያ ፈተና ብዙ ሀብታትን በምታገኝ በወርቃማው ነፍስሽ እተማመናለሁ፡፡ ታዲያ እነርሱ ራሳቸው እጠፋ እጠፋ የሚሉ ኾነው ሳለ አንቺን የሚያስፈሩሽ እንዴት ነው? ሀብትሽንና ንብረትሽን በማሳጣት ነውን? እነዚህስ በአንቺ ዘንድ ከአፈርና ከትቢያ ይልቅ የተናቁ እንደኾኑ ዐውቃለሁ፡፡ ከአገርሽና ከቤትሽ እንድትሰደጂ ስለሚያደርጉሽ ነውን? ይህስ በታላላቅና ሕዝብ በበዛባቸው ከተሞች ላይ ምንም ሰው እንደሌለባቸው በመቊጠር እንዲሁም ዓለማዊ ፍላጎቶችን ከእግርሽ በታች በመርገጥ እንዴት በአርምሞና በዕረፍት መኖር እንዲቻል ታውቂዋለሽ፡፡ እንደሚገድሉሽ በመዛት ነውን? ይህም ቢኾን በየጊዜው ይህን እየጠበቅሽ ተለማምደሸዋል፡፡ ወደ መታረድ ቢጎትቱሽም ሰውነትሽ አስቀድሞ ለዚህ ዓለም የሞተ ነውና፡፡ ከዚህ በላይስ ምን እንድነግርሽ ትፈልጊያለሽ? አንቺ ራስሽ ወደሽና ፈቅደሽ አብዝተሽ ያላደረግሽውን ነገር በአንቺ ሊፈጽም የሚችል አንድ ሰውስ እንኳን የለም፡፡ ምክንያቱም አስቀድመሽ በጠባቢቱና በቀናይቱ መንገድ በመጓዝ በእነዚህ ኹሉም ነገሮች ራስሽን ስታለማምጂ ኖረሻል፡፡

በሕይወትሽ ኹሉ ይህን አስደናቂ ጥበብ ስትለማመጂ ስለነበርሽም አሁን በፈተናው ውስጥ እንኳን ከፍ ከፍ ብለሽ ታየሽ፡፡ በሚደርሱት መከራዎች መደናገጥስ ይቅርና ጭራሽ በእነርሱ ምክንያት በፍስሐ ወሐሴት ዘልለሻል፡፡ በመንፈሳዊ ልምምድሽ ውስጥ ስትጠብቂያቸው የነበሩ ፈተናዎች ምንም እንኳን ሰውነትሽ ከሸረሪት ድር ይልቅ ደካማ ቢኾንም አሁን በቀላለ ድል የምታደርጊያቸው ኾነሻል፡፡ ምንም እንኳን ሴት ብትኾኚም፥ ካዘጋጁልሽ መከራ ይልቅ ሌላም ቢኾን ለመቀበል ዝግጁ ኾነሽ ጥርሳቸውን እያንቀጫቀጩና በቊጣ ነድደው የሚመጡ ወንዶች፥ ፌዛቸውን ከእግርሽ በታች ረግጠሸዋል፡፡ በምትቀዳጂው አክሊል ሽልማት እጅግ በጣም ደስተኛ ነሽ፤ በዚህ ብቻም ሳይኾን በፈተናው በራሱ እጅግ ደስተኛ ነሽ፡፡

የእንደዚህ ዓይነት ተጋድሎ ጠባዩ እንደዚህ ነውና፦ አክሊል ሽልማቶቹ ከመሰጠታቸው በፊት በፈተናው ውስጥ ዋጋቸውና ብድራታቸው አለ፡፡ ይኸውም አንቺ አሁን ያገኘሽው ደስታ፤ ሐሴት፤ መንፈስ ጠንካራነት፣ ጽናት፣ ትዕግሥት፣ ኹሉንም ነገር ድል አድርጎ የሚያሳይ ከፍ ያለ ኃይል፣ በማንኛውም እጅ የሚመጣውን ዛቻ እንደ ቁም ነገር እንዳትቈጥሪው ያደረገሽ ፍጹም ልምምድ፣ በብዙ የመከራ ሞጎዶች ውስጥ እንደ ዓለት ጸንቶ መቆም፣ ባሕሩ በዙሪያሽ ኾነ የፈለገውን ያኽል ስርግርግ ቢልም እንኳን አንቺ ታላቅ በኾነ ጽሞና ውስጥ መግባት ነው፡፡ እነዚህ ኹሉ ርስት መንግሥተ ሰማያት ከመውረስሽ በፊት በዚህ ዓለም የምታገኚያቸው የመከራ ሽልማቶች ናቸው፡፡ ይህን በዚህ ዓለም እንኳን ቢኾን በደስታ ተሞልተሸ፣ ሥጋ እንደ ለበሰ ሰው ሳትኾኚ ከዚህ የከፋ ነገር ቢመጣ እንኳን ለመቀበል ዝግጁ እንደኾንሽ በደንብ አድርጌ ዐውቃለሁ፡፡ ስለዚህ ደስ ይበልሽ! በራስሽና በአልጋቸው፤ ወይም በቤታቸው ሳይኾን በወኅኒ ቤት፤ በእግረ ሙቅ፣ በግርፋት ቅዱስ ሞትን በሞቱ ኹሉ ሐሴት አድርጊ፡፡ ማዘን የሚገባሽ እነዚህን ኹሉ ስቃያት ለሚያደርሱት ነው፡፡

ስለ ሥጋዊ ጤንነቴ ማወቅ ስላለብሽ በቅርብ ጊዜ ሲያሰቃየኝ ከነበረው ሕመም አሁን ደኅና መኾኔን ልንገርሽ፡፡ አሁን ጥሩ ኹኔታ ላይ ነው ያለሁት፡፡ ጥቂት የምፈራው ክረምቱ ሲመጣ ምናልባት የጨጓራ በሽታዬ እንዳይቀሰቀስብኝ ነው፡፡ ከአይሳውሪያናውያን ጋር በተያያዘ ግን አሁን በጣም ሰላም ነን፡፡

(ከቅዱስ ዮሐንስ አፈወርቅ ወደ ኦሎምፒያስ የተላኩ መልዕክቶች ገጽ 104-105 በገብረ እግዚአብሔር ኪደ የተተረጎመ)

ክርስቲያን ሆይ ይህን ልብ በል!!

ወገኔ ሆይ አንተ የእግዚአብሔር ልጅ፣ የእግዚአብሔር ወዳጆች ለተባሉት ወንድም/እኅት/፣ ከሐዋርያትና ከሰማዕታት ጋር ከበዛው ጸጋቸው ተካፋይ፣ ከእርሱም ምስክሮች ጋር አንድ ማዕድ የምትካፈል፣ የቅዱሳን ርስት ወራሽና ቅን በሆነው ፍርዱ ደስ ይልህ ዘንድ ከነቢያት የፍርድ ወንበር ላይ የተቀመጥክ፣ ከቅዱሳን መላእክት ጋር በምስጋና የምትሳተፍ፣ ከሱራፌልም ጋር የምትነጋገር፣ ከኪሩቤል ጋር በሰማያዊ ዙፋን ላይ የተቀመጥክ፣ ከክርስቶስ የጸጋ ስጦታ ተካፋይ የሆንክ፣ የብቸኛ ልጁ ሰርግ ታዳሚ ትሆን ዘንድ የተጠራህ የሰማያውያን ሠራዊተ መላእክት ወዳጅ፣ የሰማያዊቱ ኢየሩሳሌም ዜግነት ያለህ ነህ፡፡ አእምሮህ ውስጥ እነዚህ በክርስቶስ ለአንተ የተሰጡት የእግዚአብሔር ቸርነቶች ከተቀመጡ የጨለማው ዓለም ገዢ አገልጋዮች የሆኑ አንተን ሊያሰነካክሉህ አይችሉም፡፡ በንስሐ ጽና፡፡ ሕሊናን ከሚያቆሽሹ ከንቱ አስተሳሰቦች ራስህን ንጹሕ አድርግ፡፡ ከእነዚህ ፈጽመህ ራቅ ከንቱ በሆኑ አስተሳሰቦችም አትሸበር፡፡”

(አብርሃም ሶርያዊ)

እየጾምኩ ነው የሚል ሰው …

ተወዳጆች ሆይ! የምታደምጡ ብቻ አትኹኑ፤ ያስተማርኳችሁን ትምህርት ለሌሎችም በማስተላለፍ መምህራን ትኾኑ ዘንድ - ሐዋርያው ቅዱስ ጳውሎስ “አንዱ ሌላውን ያንጸው” (1ኛ ተሰ.5፥11)፤ ዳግመኛም “በፍርሐትና በመንቀጥቀጥም የራሳችኁን መዳን ፈጽሙ” ብሎ እንደ ተናገረው በስሕተት ጐዳና ያሉትን ታድኑ ዘንድ መረባችሁን ጣሉ ብዬ እማፀናችኋለሁ (ፊልጵ.2፥12)፡፡ ይህን ስታደርጉ ቤተ ክርስቲያን ከመቼውም ጊዜ በላይ ትሰፋለች፤ እኛም ይህን ዐይተን እጅግ ደስ እንሰኝባችኋለን፡፡ እናንተም ለወንድሞቻችሁ፣ ለእኅቶቻችሁ ባሳያችሁት ፍቅር በሰማያት ዘንድ ታላቅ ማዕረግና ክብር ታገኛላችሁ፡፡ እንደምታውቁት የእግዚአብሔር ፈቃድ እያንዳንዱ ክርስቲያን ስለ ራሱ መዳን ብቻ እንዲያስብ አይደለም፤ ወንድሙንም እንዲያንጽ ነው እንጂ፡፡ ሲያንጸውም በቃል ብቻ አይደለም፤ በተግባርም ጭምር እንጂ፡፡ የእግዚአብሔር ፈቃዱ እያንዳንዳችን በአኗኗራችን ክርስቶስን መስለን ታምነን እንድንኖርና ፍጥረት ኹሉ ወደ እግዚአብሔር መንግሥት እንዲገቡ ማድረግ ነው፡፡ ይኸውም ሰዎች ከምንናገረው በላይ የምንኖረውን ስለሚያምኑና ስለሚማርካቸው ነው፡፡ ብዙውን ጊዜ በተዋቡ ቃላት ስለ ይቅርታ ብንናገር ነገር ግን በሕይወታችን እጅግ ቂመኞችና ይቅርታን የሚቀበል ልብ የሌለን ከኾነ ቃላችንና ሕይወታችን ስላልተስማማላቸው ሰዎች የምንለውን ነገር አያምኑንም፡፡ የምንናገረውንና የምናስተምረውን የምንኖረው ከኾነ ግን ያምኑናል፡፡ እውነቱን ለመቀበልም አይቸገሩም፡፡ በቃል መነገሩ፣ በልብ መታሰቡ፣ በቅዱሳት መጻሕፍት መዘገቡ ከፍ ከፍ ይበልና ጌታችንና መድኃኒታችን ኢየሱስ ክርስቶስም እንዲህ ያለውን ክርስቲያን እንዲህ ሲል አመስግኖታል፡- “የሚያደርግም የሚያስተምርም እርሱ ንዑድ ክቡር ነው” (ማቴ.5፥19)፡፡ እንግዲህ ጌታችን ሲያስተምር በተግባር የሚሰጠውን ትምህርት በቃል ከሚሰጠው ትምህርት ይልቅ እንዳስቀደመው ታስተውላላችሁን? አያችሁ! ከተግባራችን በኋላ ቃላችን ባይከተል እንኳን ሰዎችን ወደ እውነት (ክርስቶስ) ለማምጣት በቂ ነው፡፡

ስለዚህ በቃላችን ከመናገር በላይ በተግባር ክርስቲያኖች መኾናችንን እናሳያቸው፡፡ እንደዚህ ካልኾነ ግን ብፁዕ ጳውሎስ እንዲህ ሲል ይወቅሰናል፡- “አንተ ሌላውን የምታስተምር ራስህን አታስተምርምን?” (ሮሜ.2፥21)፡፡ አንድ ሰው መንፈሳዊ ሕይወቱ የተስተካከለ መኾን እንደሚገባው ለመምከር የምናስብ ከኾነ እኛው ቀድመን የራሳችንን ሕይወት በተግባር ልንስተካከል ይገባናል፡፡ ይህን የምናደርግ ከኾነ የምንሰጠው ምክር ተአማኒነት አለው፡፡ የሌሎች ሰዎች ነፍስ መዳን የሚያስጨንቀን ከኾነ ከምንም በፊት እኛው ራሳችን ስለ ራሳችን መዳን እንጨነቅ፡፡ ሌሎች ሰዎች ራሳቸውን መግዛት እንዲችሉ የምንሻ ከኾነ ከማንም በፊት እኛው ራሳችን ያንን አድርገን እናሳያቸው፡፡

ትክክለኛ ጾም ማለትም ይኸው ነው፡፡ ለተወሰነ ሰዓት ከምግበ ሥጋ የመከልከላችን ዓላማም ራሳችንን መግዛት እንድንችል ነው፡፡

ስለዚህ እየጾምኩ ነው የሚል ሰው ካለ ከምንም በፊት፡- ትዕግሥተኛ፣ ልበ ትሑትና የዋህ፣ እግዚአብሔርን የሚፈራ ልቡና ያለው፣ የፍትወታትን ጅረት ከኹለንተናው የሚያስወግድ፣ ዘወትር በልቡናው ዕለተ ምጽአትን የሚያስብ፣ በእግዚአብሔር የፍርድ ዙፋን ፊት እንደሚቆም የማይረሳ፣ በፍቅረ ንዋይ ወጥመድ ተይዞ ምጽዋትን የማይጠላ፣ ወንድሙን ከልቡ የሚወድ ይኹን፡፡ እውነተኛ ጾም ማለት ይኼ ነውና፡፡

"ሰው ራሱን ቢያሳዝን፣ አንገቱንም እንደ ቀለበት ቢያቀጥን፣ ማቅ ለብሶ በአመድ ላይ ቢተኛም ይህ ጾም እግዚአብሔር ዘንድ የተመረጠ አይደለም፡፡” “ታዲያ እግዚአብሔር የመረጠው ጾም እንዴት ያለ ነው?” ትሉኝ እንደኾነም ነቢዩ ኢሳይያስ የእግዚአብሔር አፈ ንጉሥ ኾኖ እንዲህ ሲል ይመልስልናል “የበደልን እስራት ፍታ፤ ለተራበው እንጀራህን አጥግበው፤ ድኾችን ወደ ቤትህ አስገብተህ አሳድራቸው፡፡” እንዲህ ስታደርግ፡- “ያን ጊዜ ብርሃንህ እንደ ንጋት ይበራል፡፡ ፈውስህም ፈጥኖ ይወጣል” (ኢሳ.58፥5-8)፡፡

(ቅዱስ ዮሐንስ አፈውቅ - ኦሪት ዘፍጥረት፣ ድርሳን 8፡13-14 በገብረ እግዚአብሔር ኪደ የተተረጎመ)

እጅግ መሳጭ ከሆነው የቅዱስ ዮሐንስ አፈወርቅ መልዕክት ወደ ኦሎምፒያስ ከተላከ የተቀነጨበ ነው:-

"የአንድ ፈረስ ፈረስነቱ ምኑ ላይ ነው? በወርቅ ልጓም ማሸብረቁ፣ እጅግ ቅንጡ በኾነ ኮርቻው፣ ከሐር በተሠሩና በባለ ብዙ ኅብረ ቀለማት ባጌጠ ልብሱ፣ እጅግ በጣም በተጋጌጠ ቆቡ እንዲሁም በወርቅ ገመድ በተገመዱ ፀጉሮቹ ላይ ነውን? ወይስ እጅግ ፈጣንና ብርቱ በኾኑት እግሮቹ፣ ለመሮጥ በሚያመቸው በሰኮናው፣ ረጅም ጉዞና ውጊያም ለማድረግ ባለው ተነሣሽነቱ፣ በጦር ሜዳ ላይ በማይደነብር ባሕርይው፣ ሸሽቶ ማምለጥ ካለበትም ጋላቢውን ለማሸሽና ለማዳን ባለው ጉብዝናው ላይ ነው? አንድን ፈረስ መልካም ፈረስ የሚያስብሉት መጀመሪያ ላይ የጠቀስናቸው ነገሮች ሳይኾኑ በኹለተኛ ደረጃ ላይ ያስቀመጥናቸው ነገሮች አይደሉምን? አህያና በቅሎስ አህያና በቅሎ የሚያስብላቸው ምናቸው ነው? ደስ እያላቸው ሽክምን የመሸከም ኃይላቸው፣ ይህን ተሸክመው በቀላሉ ጉዞዎችን ማድረጋቸው፣ ለዚህም እንደ ዓለት የጠነከረ ሰኮና ስላላቸው አይደለምን? እነዚህ እንስሳት ይህን ተግባር ለማከናወን ከአፍአ የሚያደርጉት ጌጣጌጥ አስተዋጽኦ ያደርጋልን? በጭራሽ!

የምናደንቀው ወይንስ የትኛዉን ወይን ነው? ብዙ ቅጠልና ቅርንጫፍ ያለውን ወይስ ፍሬ አፍርቶ ጎንበስ ያለውን? ከአንድ የወይራ ዛፍ የምንጠብቀውስ ምንድን ነው? ትልልቅ ቅርንጫፎችና ለማየት ደስ የሚያስኝ ቅጠል እንዲኖረው ነው ወይስ በቅርንጫፉ ኹሉ ላይ ፍሬ እንዲያፈራ?

መልካም! በሰው ልጆች ዘንድም እንዲህ እያደረግን እንመልከተው፡- አንድን ሰው ሰው የሚያስበለው ምን እንደ ኾነና ይህንንም ምን እንደሚጎዳውና እንደሚያጠፋው እንየው፡፡ እናስ ሰውን ሰው የሚያስብለው ምኑ ነው? ድኽነት የሚያስፈራው ሀብቱ አይደለም፤ በሽታ የሚጎዳው ጤንነቱ አይደለም፤ ተቃውሞ ሊነሣበት የሚችለው የሕዝብ ውዳሴ አይደለም፤ ከፊት ለፊቱ ሞት በሚጠብቀው ሕይወተ ሥጋው አይደለም፤ ባርነትን ሊያስቀሩበት በማይቻለው ነጻነቱም አይደለም፤ እውነተኛ ዶክትሪንና የቅድስና ሕይወትን በጥንቃቄ ይዞ መገኘቱ ነው እንጂ።

ተመልከቱ! አንድ ሰው ራሱ እውነተኛ ዶክትሪንና የቅድስና ሕይወትን አስፈላጊ በኾነ ጥንቃቄ እስከያዘው ድረስ (ሌላ ሰውስ ይቅርና) ዲያብሎስም ቢኾን ሊወስድበት አይችልም። እጅግ ተንኰሎኛውና ጨካኝ የኾነው ጋኔንም ይህን ጠንቅቆ ያውቃል። የኢዮብን ሀብትና ንብረቱን ያጠፋበት ስለዚሁ ዋና ዓላማ ነበር።

ዲያብሎስ ይህን ያደረገው ኢዮብን ድኻ ለማድረግ አስቦ አልነበረም፤ ኢዮብ በእዚአብሔር ላይ ነቀፋን እንዲናገር እንጂ። ሰውነቱን በቁስል የመታው ሥጋው እንዲደክም ፈልጎ አልነበረም፤ የነፍሱን በጎነት ሊያሳጣው ወድዶ እንጂ፡፡ ኾኖም በአንድ ቅጽበት ያለውን ኹሉ ቢያሳጣውም፣ በእኛ እይታ እጅግ ክፉ መስሎ የሚታየን ከባለጸግነቱ አውርዶ እጅግ ድኻ ቢያደርገውም፣ በብዙ ልጆች ተከብቦ ይኖር የነበረውን ልጅ አልባ ቢያደርገውም፣ በአደባባይ ላይ ሰውን ከሚገርፉ ጨካኞች በላይ ከፍቶ መላ ሰውነቱን ቢገርፈውም (ምክንያቱም የቆስለ ሰውነትን በትላትል መበላት የሚገርፉትን ሰው በጥፍር ከመቧጠጥ በላይ ይፀናልና)፣ እጅግ ክፉ ተግሣጽን በገዛ ጓደኞቹ ቢያመጣበትም (ምክንያቱም ኢዮብን ለመጠየቅ መጥተው ከነበሩ ጓደኞቹ አንዱ፡- “እንደ ኃጢአቶችህ መጠን አልተቀጣህም" የሚሉና ሌሎች የነቀፋ ቃላትን ተናግሮታልና)፣ ከከተማውና ከገዛ ቤቱ አውጥቶ ወደ ሌላ ከተማ እንዲወጣ ብቻ ሳይኾን እዚያ ከሔደ በኋላም እጅግ በቆሸሽ ስፍራ እንዲኖር ቢያደርገውም ግን ከዚህ ኹሉ በኋላ እርሱ (ዲያብሎስ) ራሱ ባዘጋጀው መንገድ የበዛ ክብርን አመጣለት እንጂ ምንም ጉዳትን አላደረሰበትም። እጅግ ብዙ ነገሮችን ቢወስድበትም የምግባር ሀብቱን ይበልጥ ጨመረለት እንጂ ካለው ነገር አንዳችስ እንኳን አልወሰደበትም፡ ምክንያቱም ከእነዚህ ነገሮች በኋላ አስቀድሞ ከነበረው ነገር በላይ አግኝቷል፡፡

እንግዲህ ኢዮብ እነዚህን የሚያኽሉ መከራዎችን ከሰው ሳይኾን ከሰዎች ኹሉ እጅግ ከሚከፋው ከዲያብሎስ እንኳን ምንም ጉዳት ካልደረሰበት፣ እነ እገሌ ይህንና ያንን የመሰለ ጉዳት አደረሱብኝ የሚሉት ሰዎች ምን ዓይነት ምክንያትን ነው የሚያቀርቡት? እጅግ ታላላቅ ተንኰሎችን የተሞላ ዲያብሎስ አለ የሚለውን መንገድ በመጠቀም ከተንቀሳቀሰና ጦሩን ኹሉ ካራገፈ፣ ለዚህ አንድ ሰው ብቻ ይህን ኹሉ ክፉ ነገር በላዩ ላይ ከጨመረበት፣ hዚህ በላይ እጅግ ከፍቶም የዚህን ጻድቅ ሰው ቤተሰብ ኹሉ ቢገድልበትም አንዲት ጉዳትስ እንኳን ማድረስ ካልተቻለው፣ ይልቁንም አስቀድሜ እንደተናገርኩት ከጠቀመው፣ ሰዎች'ማ እነርሱ ራሳቸው ራሳቸውን ካልጎዱ በስተቀር እነ እገሌ እንዲህና እንዲህ አድርገው ጎዱን ብለው እንዴት ወቀሳን ማቅረብ ይቻላቸዋል?"

(ከቅዱስ ዮሐንስ አፈወርቅ ወደ ኦሎምፒያስ የተላኩ መልዕክቶች ገጽ 54-57 በገብረ እግዚአብሔር ኪደ የተተረጎመ)

ወዳጄ ሆይ መልካም ወዳጅ ትባል ዘንድ ምክር አለኝ፤ እግዚአብሔር አምላክህን ካላወቅክና ካልመሰልከው በቀር ባልንጀራህን፣ ወንድምህን፤ እኅትህን ከዛም አለፍ ሲል እናትህን አባትህን ከዚህም ሲከፋ የገዛ ሚስትህን ጤናማ በሆነ መውደድ ልትወዳቸው አትችልም፡፡

ስለዚህ ወዳጄ ይህን እርከን ተከትለህ ወደ እውነተኛው ወዳጅነት እለፍ፡፡ “በእምነት ላይ በጎነትን፤ በበጎነት ላይ እውቀትን፤ በእውቀት ላይ ራስን መግዛትን፤ ራስንም በመግዛት ላይ መጽናትን፤ በመጽናትም እግዚአብሔርን መምሰል፤ እግዚአብሔርንም በመምሰል የወንድማማች መዋደድ፤ በወንድማማች መዋደድ ላይ ፍቅርን ጨምሩ” (2ጴጥ.1፥7) እንዲህ አድርጎ ራሱን በቅድስና ያበቃ ሰው ራሱን ከራስ ወዳድነት በጠራ መልኩ ይወዳል። ስለዚህም ባልጀራውንም መውደድ ለባልንጀራው መልካም ወዳጅ መሆን ይቻለዋል፡፡

(ከመምህር ሽመልስ መርጊያ)

አፈወርቅ የዩቲዩብ ቻናልን ሰብስክራይብ ያድርጉ

https://www.youtube.com/@SaleGoldenMouth

ያም ወጣት መጋቢውን መልኩ እንዴት ነው ምን ይመስላል አለው መጋቢውም አካሉ አንተን ይመስላል አለው ይህንንም ብሎ ወደ ሥዕሉ ወስዶ ገልጦ አሳየው ወጣቱም በእገሌ በረሀ የታየኝ በእውነት ይህ ነው። በፈረሱም ላይ አፈናጥጦ ወደዚህ ያደረሰኝ ይህ ነው። እነሆ ታጥቋት በወገቡ ላይ ያየኋት የወርቅ መታጠቂያው ይቺ ናት። ስማኝ ልንገርህ እኔ በዚች አገር የምኖር አባቴም ስሙ ረጋ የሚባል መስፍን የሆነ እስላም የሆንኩ ሰው ነኝ። ክርስቲያንም ለመሆን ይች ምልክት ትበቃኛለች አሁንም በቦታ ውስጥ ሠውረኝ ለማንም ሥራዬን አትግለጥ። የክርስትና ትምህርትን አስተምሮ የእግዚአብሔርን መንገድ የሚመራኝን አምጣልኝ አለው። እርሱም ያለውን ሁሉ አደረገለት የክርስትና ጥምቀትንም አጠመቀው።

ከዚህም በኋላ ወደ ነቢያቸው መቃብር የሔዱ እሊያ እስላሞች በአንድ ወራቸው ደረሱ። ዘመዶቻቸውም ሊቀበሏቸው ወጡ። ይህን ወጣት የመስፍን ልጅ ግን አላገኙትም። አባቱም አደራ ያስጠበቀውን ወዳጁን በጠየቀው ጊዜ እርሱም በበረሀ ውስጥ ቀርቶ እንደ ጠፋ እያለቀሰ ነገረው አባቱም በሰማ ጊዜ ልብሱን ቀዶ አለቀሰ እንዲሁም ቤተሰቦቹ ሁሉም አርባ ቀኖች ያህል አለቀሱለት።

ከዚህም በኋላ በጥዋት ከቤተ ክርስቲያን ሲወጣ ይህን ክርስቲያን የሆነውን ወጣት አንድ እስላም አየው። ወደ ወላጆቹም ሒዶ እንዲህ ብሎ ነገራቸው ልጃችሁ በበረሀ ውስጥ የሞተ ከሆነ በመርቆሬዎስ ቤተ ክርስቲያን ደጅ ያየሁት እርሱን ባልመሰለኝ ነበር፤ እስቲ ሒዳችሁ አረጋግጡ። በሰሙም ጊዜ በስውር ሒደው ፈለጉት አግኝተውትም ይዘው ወሰዱት። እንዲህም አሉት በወገኖቻችን መካከል ልታሳፍረን ይህ የሠራኸው ምንድን ነው አሉት። እርሱም እኔ በሕያው እግዚአብሔር ልጅ በጌታዬና በፈጣሪዬ ኢየሱስ ክርስቶስ የማምን ክርስቲያን ነኝ ብሎ መለሰላቸው።

ይህንንም ሲል ታላቅ ሥቃይን አሠቃይተው ከጨለመ ጉድጓድ ውስጥ ጣሉት። ሽንታቸውን በላዩ እየደፉ የቤት ጥራጊም እያፈሰሱበት ያለ መብልና ያለ መጠጥ በዚያ ሰባት ቀንና ሌሊት ኖረ። እናቱ ግን ቀንም ሌሊትም በላዩ የምታለቅስ ሆነች ከልቅሶዋም ብዛት የተነሣ ከጉድጓድ አውጥተው እኛ ወደማናይህ ቦታ ሒድ አሉት። ወዲያውኑ ወደ አስቄጥስ ገዳም ሒዶ በዚያ እያገለገለና እየተጋደለ ሁለት ዓመት ኖረ።

ከዚህም በኋላ በላዩ የትንቢት ጸጋ ያደረበት አንድ መነኰስ ወደ ምስር ከተማ ሒደህ ሃይማኖትህን ከምትገልጽ በቀር በዚህ መኖር ለአንተ አይጠቅምህም አለው። ወዲያውኑ ተነሥቶ ወደ ምስር ከተማ ሔደ።

አባቱም በአየው ጊዜ ሐኪም ወደ ሚባል ንጉሥ ወስዶ ይህ ልጃችን ነበር የእስልምና ሃይማኖትን ትቶ ወደ ክርስቲያን ሃይማኖት ገብቷል አለው። ንጉሡም ስለአንተ የሚናገሩት ዕውነት ነውን አለው። እርሱም በበረሀ ውስጥ ሳለ በሌሊት ቅዱስ መርቆሬዎስ እንደ ተገለጸለትና ከእርሱ ጋር በፈረስ እንዳስቀመጠው፣ በምስር አገር ወዳለች ቤተ ክርስቲያኑ የሃያ ሁለት ቀን መንገድ እንደ ዐይን ጥቅሻ አድርሶ ከውስጥዋ እንዳስገባው፣ ሥዕሉንም አይቶ ያመጣው እርሱ መሆኑን እንደ ተረዳ ለንጉሡ ነገረው።

ንጉሡም በሰማ ጊዜ እጅግ አደነቀ። ታላቅ ፍርሀትም አደረበት አደርግልህ ዘንድ የምትሻውን ለምነኝ አለው። እርሱም በቅዱስ መርቆሬዎስ ስም ዳግመኛም በመላእክት አለቃ በቅዱስ ሚካኤል ስም ቤተ ክርስቲያን እንድሠራ ታዝልኝ ዘንድ እሻለሁ አለው።

ንጉሡም በአስቸኳይ እንዲታነፁለት አዘዘለት። በውስጣቸውም ታላላቅ የሆኑ ድንቆች ተአምራት ተገለጡ። እርሱም አበ ምኔት ሁኖ ወደርሱ ብዙዎች መነኰሳት ተሰበሰቡ። ሁለት ድርሳናትንም ደረሰ። ከሀዲያንንም አስተምሮ ወደ ቀናች ሃይማኖት መለሳቸው እግዚአብሔርንም አገልግሎ በሰላም አረፈ። ለዚህም መነኰስ የክርስትና ጥምቀትን በተቀበለ ጊዜ ያወጡለት ስም ዮሐንስ ነው።

ለእግዚአብሔርም ምስጋና ይሁን እኛንም በቅዱስ መርቆሬዎስ ጸሎት ይማረን በረከቱም ከእኛ ጋር ትኑር ለዘላለሙ አሜን።

(#ስንክሳር_ዘወርኀ_ኅዳር)

#ተአምር_ዘቅዱስ_መርቆሬዎስ - ፩

ከተአምራቱም አንዲቱ ዑልያኖስ በነገሠ ጊዜ ክብር ይግባውና ጌታችን ኢየሱስ ክርስቶስን ካደ። በዚያንም ወራት ቅዱስ ባስልዮስ የቂሣርያ ሊቀ ጳጳሳት ነበረ ተአምራቱ በተጻፉበት መጽሐፍ እንደተጻፈ ምእመናን በጽኑዕ ሥቃይ ዑልያኖስ ባሠቃየ ጊዜ መክሮ አስተምሮ ከስሕተቱ ይመልሰው ዘንድ ቅዱስ ባስልዮስ ወደርሱ መጣ።

ዑልያኖስም ቅዱስ ባስልዮስን በአየው ጊዜ ክብር ይግባውና ጌታችንን ሰደበ። ቅዱስ ባስልዮስንም አሠረው። በዚያ በእሥር ቤትም የቅዱስ መርቆሬዎስን ሥዕል አይቶ በፊቱ ቅዱስ ባስልዮስ ጸለየ ሥዕሉም ከቦታው ታጣ። ያን ጊዜ ወደ ዑልያኖስ ሒዷልና በጦርም ወግቶ ገደለውና ወዲያውኑ ወደቦታው ተመለሰ ከጦሩም አንደበት ደም ይንጠፈጠፍ ነበር። ቅዱስ ባስልዮስም ከሀዲ ዑልያኖስን እንደገደለው አውቆ እንዲህ ብሎ ተናገረ የክርስቶስ ምስክር ሆይ የእውነት ፀር የሆነ ዑልያኖስን ገደልከውን ያን ጊዜ አዎን እንደሚል ሥዕሉ ራሱን ዘንበል አደረገ ቅዱስ ባስልዮስም ደስ ብሎት እግዚአብሔርን አመሰገነ።




#ተአምር_ዘቅዱስ_መርቆሬዎስ - ፪

የዚህም የቅዱስ መርቆሬዎስ ሌላው ተአምር ከምስር አገር ከመሳፍንት ወገን የሆነ አንድ የእስላም ወጣት ነበረ የእስላሞችንም ሕጋቸውንና መጻሕፍቶቻቸውን ተምሮአል። በአንዲትም ዕለት ወደ ባሕር ዳርቻ በመንገድ አልፎ ሲሔድ አንድ የተፈረደበትን ሰው አገኘ። አስቀድሞ እስላም የነበረ አሁን የክርስትና ጥምቀትን የተጠመቀ የንጉሥ ጭፍሮችም ይዘውታል። ሊአቃጥሉትም ጉድጓድን ምሰው በውስጡ ታላቅ እሳት አንድደው አዘጋጅተውለታል። ብዙዎች ሰዎችም ሲቃጠል ለማየት ተሰብስበው ነበር።

ያም የመስፍን ልጅ ወጣት እስላም ወደ ተፈረደበት ሰው ቀረብ ብሎ "አንተ ከሀዲ ሰው ወደ ሲኦል ለመግባት ለምን ትሮጣለህ በኋላም በገሀነም እሳት ውስጥ ለመኖር አንተ እግዚአብሔርን ባለ ልጅ ታደርገዋለህና ሦስት አማልክትንም የምታምን ነህና ክፉ ነገር ነውና ይህን ስድብ ትተህ እኔን ስማኝ" አለው ።

ያ የተፈረደበትም እንዲህ ብሎ መለሰለት "እኛ የክርስቲያን ወገኖች ሦስት አማልክትን የምናመልክ ከሀድያን አይደለንም። አንድ አምላክን እናመልካለን እንጂ ይኸውም አብ ወልድ መንፈስ ቅዱስ ነው። ወልድ ከአባቱ ከእግዚአብሔር ልዩ አይደለም። የራሱ ቃሉ ነው እንጂ። መንፈስ ቅዱስም ሕይወቱ ነው። የሃይማኖታችን ምሥጢር ከአናንተ የተሠወረ ድንቅ ነው። ዛሬ ለአንተ ልብህ ጨለማ ነው በውስጡ የሃይማኖት ብርሃን አልበራም በኋላ ግን ልብህ በርቶልህ እንደ እኔ ስለ ክርስቶስ ስም በመጋደል መከራውን ትቀበላለህ።"

ያም ወጣት እስላም በሰማው ጊዜ እጅግ ተቆጣ ጫማውንም ከእግሮቹ አውልቆ አፉን ፊቱንና ራሱን ጸፋው። ይህ የምትለው ከእኔ ዘንድ አይደረግም እያለ አብዝቶ አሠቃየ። የተከበረው ሰማዕትም ይህን ያልኩህን አስበህ የምትጸጸትበት ጊዜ አለህ አለው።

በዚያንም ጊዜ ራሱን በሰይፍ ቆርጠው ሥጋውን ከእሳት ማንደጃ ውስጥ ጨመሩ ከዚህም በኋላ እሳቱ ከፍ ከፍ ብሎ እንደ ታላቅ አጥር ሆነ። የንጉሥም ወታደሮች እየጠበቁት ሦስት ቀን ኖረ። ከዚህም በኋላ ከቶ እሳት ምንም ሳይነካው እንደ ተፈተነ ወርቅ ሆኖ ሥጋውን አገኙት። ይህንንም ለንጉሥ ነገሩት። እርሱም እንዲቀብሩት አዘዘ።

ያ ወጣት እስላም ግን እያዘነ ወደ ቤቱ ገባ እርሱ ክርስቲያን እንደሚሆን ስለተናገረው ከኀዘኑ ብዛት የተነሣ የማይበላና የማይጠጣ ሆነ። እናቱና ወንድሞቹም ወደርሱ ተሰብስበው የማትበላ የማትጠጣ በአንተ ላይ የደረሰ ምንድን ነው አሉት። ክብር ይግባውና ለጌታችን ኢየሱስ ምስክር የሆነው የተናገረውን ነገራቸው። እነርሱም ይህ አሳች የተናገረውን ተወው በልብህ አታስበው እያሉ አጽናኑት። እርሱ ግን ከቶ ምንም አልተጽናናም።

በዚያም ወራት ወደሐሰተኛ ነቢያቸው መቃብር ለመሔድ የሚሹ ሰዎችን አይቶ ከእሳቸው ጋር መሔድ እፈልጋለሁ ብሎ ለአባቱ ነገረው። አባቱም እጅግ ደስ ብሎት የሚበቃውን ያህል የወርቅ ዲናር ሰጠው ለወዳጁም አደራ ብሎ ሰጠውና አብሮት ሔደ።

በሌሊትም ሲጓዙ እነሆ ብርሃን የለበሰ አረጋዊ መነኰስ ተገለጸለት በፊቱም ቁሞ ትድን ዘንድ ና ተከተለኝ አለው እንዲሁም ሁለተኛና ሦስተኛ ተገልጦ ተናገረው።

በደረሱም ጊዜ ሥራቸውን ፈጽመው ወደ አገራቸው ተመለሱ ሰባት ቀንም ያህል ተጓዙ። እነርሱም በሌሊት ሲጓዙ ስለ ሥጋዊ ግዳጅ ያ ወጣት ከገመል ላይ ወርዶ ለመጸዳዳት ዘወር አለ። ባልንጀሮቹም በበረሀ ውስጥ ትተውት ሔዱ ከእሳቸው ጋር የሚጓዝ መስሏቸዋልና በተነሣም ጊዜ ተቅበዘበዘ ወዴት እንደሚሔድ አላወቀምና አራዊትም እንዳይበሉት ፈርቶ ደነገጠ።

በዘያንም ጊዜ በምስር አገር በአባቱ ቤት አቅራቢያ ያለች የሰማዕት የቅዱሰ መርቆሬዎስን ቤተ ክርስቲያን አስታውሶ በልቡ እንዲህ አለ። ሰዎች ሁሉ በእርሷ ዘንድ እየተሳሉ ይፈጸምላቸዋል። በዚያንም ጊዜ የክርስቶስ ምስክር መርቆሬዎስ ሆይ በዚህ በረሀ ካሉ አራዊት አፍ በዛሬዋ ሌሊት ካዳንከኝና ያለ ጥፋት ካወጣኸኝ እኔ ክርስቲያን እሆናለሁ ብሎ ተሳለ።

ወዲያውኑ መልኩ የሚያምር ጎልማሳ የከበረ ልብስ የለበሰና የወርቅ መታጠቂያ በወገቡ የታጠቀ በፈረስ ተቀምጦ ወደርሱ መጣና አንተ ከወዴት ነህ እንዴት በዚህ በረሀ ውስጥ ጠፋህ አለው። ወጣቱም ስለ ሥጋ ግዳጅ ከገመል ላይ ወረድኩ ባልነጀሮቼ ትተውኝ ሔዱ አለው ባለ ፈረሱም ና በኋላዬ በፈረሱ ላይ ተፈናጠጥ አለው በዚያንም ጊዜ ወደ አየር በረረ በምስር አገር ወዳለች የቅዱስ መርቆሬዎስ ቤተ ክርስቲያን እንደ ዐይን ጥቅሻ አደረሰውና እንደተዘጋች ከውስጧ አስገባው። ከፈረሱም ላይ አውርዶ በዚያ አቆመው ወደ መጋረጃ ውስጥም ገብቶ ከእርሱ ተሠወረ።

የቤተ ክርስቲያኑም መጋቤ በሌሊት በመጣ ጊዜ ቤተ ክርስቲያኒቱን ከፍቶ ሲገባ ይህን ወጣት ከመካከል ቁሞ አገኘው። ደንግጦ ሊጮህ ፈለገ ጠቀሰውና ወደኔ ዝም ብለህ ና አለው ወደርሱም ሲቀርብ ይቺ ቦታ የማናት አለው የቤተ ክርስቲያኒቱ መጋቢም ይቺ በምስር አገር ያለች የቅዱስ መርቆሬዎስ ቤተ ክርስቲያን ናት። አንተን ግን ልቡ እንደ ጠፋ ሰው ስትናገር አይሃለሁ ከዚህ ምን አመጣህ አሁንም ንገረኝ አለው። ወጣቱም እንዲህ ብሎ መለሰለት ልቤ እንዴት አይጠፋ እኔ በዛሬው ሌሊት በእገሌ በረሀ ሳለሁ ፈረስ ላይ የተቀመጠ ሰው ተገለጠልኝና ከኋላው በፈረሱ አፈናጠጠኝ ከዚህም አድርሶ ተወኝ አለው።

መጋቢውም የዚያችን በረሀ ስም በሰማ ጊዜ አደነቀ እንዲህም አለው ልብህ ጠፍቷል በማለቴ መልካም የተናገርኩህ አይደለምን የምትናገረውን አታውቅምና የዚያ በረሀ መጠኑ የሃያ ሁለት ቀን ጉዞ የሚያስጉዝ ስለ ሆነ በእርግጥ አንተ ወንበዴ ነህ የቅዱስ ሰማዕት መርቆሬዎስ ኃይል ያለ ገመድ አሥሮሃል፣ እርሱ የዚህን ዓለም ክብር ንቆ የተወ፣ ክብር ይግባውና ስለ ክርስቶስ ስም ከሀዲዎች ጽኑ ሥቃይ አሠቃይተው የገደሉት፣ ክርስቶስም በመንግሥቱ ውስጥ የተቀበለው፣ በቦታዎችም ሁሉ አብያተ ክርስቲያናት ታነፁለት በውስጣቸውም እግዚአብሔርን ያመሰግኑታል። እርሱ መርቆሬዎስ ለተማፀነበት ሁሉ ይማልዳልና ድንቆች የሆኑ ታላላቅ ተአምራትንም ያደርጋልና።

#ኅዳር_25

#ቅዱስ_መርቆሬዎስ_ሰማዕት (ፒሉፓዴር)

አንድ አምላክ በሆነ በአብ በወልድ በመንፈስ ቅዱስ ስም
ኅዳር ሃያ አምስት በዚች ቀን የስሙ ትርጓሜ መርቆሬዎስ የሆነ ፒሉፓዴር በሰማዕትነት አረፈ። መርቆሬዎስም ማለት የአብ ወዳጅ ማለት ነው በሁለተኛ ትርጓሜ የኢየሱስ ክርስቶስ አገልጋይ ማለት ነው።

ይህም ቅዱስ አስሊጥ ከምትባል አገር ነው እርሷም የአባቱና የአያቱ አገር ናት እርሱ ግን ተወልዶ ያደገው በሮሜ ከተማ ነው። የአባቱና የአያቱ ሥራቸው አውሬ ማደን ነበር በአንዲት ዕለትም እንደልማዳቸው ለማደን ወጡ ከገጸ ከለባት ወገንም ሁለት ወንዶች ተገናኙአቸውና የቅዱስ መርቆሬዎስን አያት በሉት። ሁለተኛም አባቱን ሊበሉት ፈለጉ ከእግዚአብሔር የታዘዘ መልአክም ከለከላቸው፤ ከእርሱ የሚወጣ መልካም ፍሬ ስለአለ አትንኩት አላቸው።

ከዚህም በኋላ የእግዚአብሔር መልአክ ዙሪያቸውን በእሳት ከበባቸው። በተቸገሩ ጊዜም ወደ ቅዱስ መርቆሬዎስ አባት መጥተው ሰገዱለት። በዚያንም ጊዜ እግዚአብሔር ፍጥረታቸውን ወደገራምነት ለወጠውና እንደ በጎች የዋሆች ሆኑ። አብረውትም ወደ መንደር ገቡ።

ከዚህም በኋላ ቅዱስ መርቆሬዎስ በተወለደ ጊዜ ስሙን ፒሉፓዴር ብለው ጠሩት። የውሻ መልክ ያላቸውም በእነርሱ ዘንድ ብዙ ዘመናት የሚኖሩ ሆኑ ከዚህም በኋላ ክርስቲያኖች ሆኑ። የቅዱስ መርቆሬዎስ ወላጆች አስቀድሞ አረማውያን ነበሩና የክርስትና ጥምቀትንም ጸጋ በተቀበሉ ጊዜ የቅዱስ መርቆሬዎስን አባት ኖኅ ብለው ሰየሙት። እናቱንም ታቦት አሏት። ፒሉፓዴርንም መርቆሬዎስ ብለው ሰየሙት።

የውሻ መልክ ያላቸው ግን የእግዚአብሔር መልአክ በተገለጸላቸው ጊዜ እንደ ነገራቸው ለቅዱስ መርቆሬዎስ አባት የሚታዘዙና የሚያገለግሉ ሆኑ። ንጉሡም የኖኅንና የውሻ መልክ ያላቸውን ዜና በሰማ ጊዜ ወደርሱ አስቀረባቸው በዚያንም ጊዜ እግዚአብሔር በንጉሡ ፊት የቀድሞ ፍጥረታቸውን መልሶላቸው ንጉሡ ያቀረባቸውን ሁሉንም አራዊት አጠፏቸው።

ንጉሡም ይህን በአየ ጊዜ እጅግ ፈራ፤ የአራዊትንም ተፈጥሮአቸውን ያርቅ ዘንድ ወደ እግዚአብሔር እንዲማልድ የቅዱስ መርቆሬዎስን አባት ለመነው። እርሱም በለመነ ጊዜ ክብር ይግባውና ጌታችን ተፈጥሮአቸውን መልሶላቸው ገራሞች ሆኑ።

ከዚህም በኋላ የቅዱስ መርቆሬዎስን አባት ንጉሡ ወስዶ ገዥና የሠራዊት አለቃ አድርጎ ሾመው። የውሻ አርአያ ያላቸውም ይታዘዙለት ነበር። ከእርሳቸውም የተነሣ ሁሉም ይፈሩ ነበር።

ከዚህም በኋላ የቅዱስ መርቆሬዎስን አባት የሾመውን ንጉሥ ይወጋ ዘንድ ከሀዲ ንጉሥ ተነሣ። ንጉሡም ከጦር ሠራዊት ጋር የቅዱስ መርቆሬዎስን አባት ወደ ጦርነት ላከው። ከሀዲው ንጉሥ ግን እነዚያን የውሻ አርአያ ያላቸውን አባብለውና ሸንግለው ወደርሱ ያመጧቸው ዘንድ ወታደሮችን ላከ። በአመጧቸውም ጊዜ ሃይማኖታቸውን ይለውጡ ዘንድ አብዝቶ ሸነገላቸው፤ ባልሰሙትም ጊዜ ሊአሠቃያቸው ጀመረ አንዱ አምልጦ ሸሽቶ ወደ ጌታው ሔደ። ሁለተኛውም በሰማዕትነት ሞተ።

ከጦር ሜዳ የቅዱስ መርቆሬዎስ አባት በተመለሰ ጊዜ ሚስቱንና ልጁን ፈለጋቸው ግን አላገኛቸውም። ንጉሡ የሱ ወገኖች ድል እንደሆኑ በሰማ ጊዜ የቅዱስ መርቆሬዎስ አባት መኰንኑ የሞተ መስሎት ነበርና የቅዱስ መርቆሬዎስን እናት ወስዶ ሊአገባት ፈለገ። ከንጉሥ ወታደሮችም አንዱ ንጉሡ ያሰበውን በጽሙና ነገራት። እርሷም ይህንኑ ወታደር ከሀገር ውስጥ በሥውር ያወጣት ዘንድ ለመነችውና ከልጇ ከብፁዕ መርቆሬዎስ ጋር ወጥታ ወደ ሌላ አገር ሔደች።

ንጉሡም ከእርሱ የሆነውን የመኰንኑም የመርቆሬዎስን አባት ሚስቱን ለማግባት ማሰቡን እንዳይነግሩት አዘዘ። የውሻ መልኮች ያላቸው ከእርሱ ጋር እንዳሉ የተቆጣም እንደሆነ እንደሚአመጣቸውና አገሮችን ያጠፋሉ ብሎ ይጠራጠራልና ስለዚህ እጅግ ይፈራዋል።

ከዚህም በኋላ ደግሞ በንጉሡ ላይ ጦርነት ተነሣ። የቅዱስ መርቆሬዎስም አባት ወደ ጦርነቱ ወጣ በእግዚአብሔርም ፈቃድ ይዘው ማረኩት። ወደ ሮሜውም ንጉሥ አቀረቡት ንጉሡም ክርስቲያን ነበርና የተማረከው መኰንን ክርስቲያን መሆኑን በአወቀ ጊዜ አልገደለውም። በክብር አኖረው እንጂ እጅግም ወደደውና ከጥቂት ቀኖች በኋላ በመርዶሳውያን አገሮች ሁሉ ላይ ገዥ አድርጎ ሾመው።

ክብር ይግባውና በጌታችን ኢየሱስ ክርስቶስም ፈቃድ ሚስቱና ልጁ መርቆሬዎስ ወዳሉበት አገር ደረሰ። ሚስቱም በቤተ ክርስቲያን ደጃፍ በአየችው ጊዜ ባሏ አንደሆነ አወቀችው። እርሱ ግን አላወቃትም።

በአንዲትም ዕለት እርሱና ጭፍሮቹ ከእንግዳ ማረፊያ ቤት በወጡ ጊዜ ልጅዋን መርቆሬዎስን ወስዳ ያማሩ ልብሶችን አልብሳ ሒዶ ከመኰንኑ ፈረስ ላይ እንዲቀመጥ አዘዘችው። እርሱም አባቱ ነው። በተቀመጠ ጊዜም ጭፍሮች ይዘው ወደ መኰንኑ ፊት አቀረቡት መኰንኑም ልጁ እንደሆነ አላወቀምና በእርሱ ላይ ተቆጣ።

የመርቆሬዎስም እናት መጥታ ጌታዬ ሆይ እኛ መጻተኞች ነን አንተም መጻተኛ እንደሆንክ በአወቅሁ ጊዜ ልጅህ ሁኖ ልጄ ከአንተ ጋር እንዲሆን አሰብኩ አለችው። እርሱም ጠየቃት እንዴት እንደተሰደደችም መረመራት እርሷም ሚስቱ እንደሆነች ነገረችው በዚያንም ጊዜ አወቃት ልጁን መርቆሬዎስንም አወቀው እጅግም ደስ ብሏቸው እግዚአብሔርን አመሰገኑት ያንንም የእንግዳ ማረፊያ ቤት ቤተ ክርስቲያን አደረጉት እግዚአብሔርንም እያመሰገኑ በአንድነት ኖሩ።

ከዚህም በኋላ አባቱና እናቱ በሞቱ ጊዜ ንጉሡ ቅዱስ መርቆሬዎስን ወስዶ በአባቱ ፈንታ በመርዶሳውያን አገር ላይ ሾመው። ቅዱስ መርቆሬዎስም መኰንንነትን በተሾመ ጊዜ ያ ገጸ ከልብ ከርሱ ጋር ነበር ወደ ጦርነትም አብሮት የሚወጣ ሆነ።

ለመዋጋትም በሚሻ ጊዜ የቀድሞ የአራዊት የሆነ ተፈጥሮውን እግዚአብሔር ይመልስለት ነበር ማንም ሊቋቋመው የሚችል የለም። ለቅዱስ መርቆሬዎስም ታላቅ የድል አድራጊነት ኃይል ተሰጠው ዜናውም በሁሉ ቦታ ተሰማ ከቤተ መንግሥት ሰዎችም ከፍ ከፍ አለ።

እንዲህም ሆነ ያን ጊዜ በዚያን ወራት በሮሜ አገር ጣዖትን የሚያመልክ ዳኬዎስ የሚባል ንጉሥ አለ። ጠላቶቹም የበርበር ሰዎች ተነሡበት። እርሱም ከእርሳቸው ጋር ሊዋጋ ሠራዊቱን ሰብስቦ ወጣ። እነርሱ ግን እንደ ባሕር አሸዋ ብዙ ነበሩ ብዛታቸውንም በአየ ጊዜ ደንግጦ እጅግ ፈራ። ቅዱስ መርቆሬዎስም እግዚአብሔር ያጠፋቸው ዘንድ በእጃችንም አሳልፎ ሊሰጣቸው አለውና አትፍራ አለው።

ከዚህም በኋላ ቅዱስ መርቆሬዎስ የእግዚአብሔርን መልአክ በውጊያው ውስጥ አየው የተሳለ ሰይፍም በእጁ ውስጥ አለ ያቺንም ሰይፍ ሰጠውና እንዲህ አለው ጠላቶችህን ድል በአደረግህ ጊዜ ፈጣሪህ እግዚአብሔርን አስበው።

ጠላቶቹንም ድል አድርጎ በሰላም ተመለሰ መልአኩም ዳግመኛ ተገልጦለት ለምን የፈጣሪህን የእግዚአብሔርን ስም መጥራት ረሳህ አለው።

ጦርነቱም ከተፈጸመ በኋላ ንጉሥ ዳኬዎስ ለጣዖታቱ ዕጣን በማሳረግ በዓልን ሊያደርግ ወደደ። ቅዱስ መርቆሬዎስም ለበዓል ማክበር አብሮት አልወጣም ወደ ቤቱ ሔደ እንጂ። ሰዎችም ቅዱስ መርቆሬዎስ እንዳልመጣና ዕጣንን በማሳረግም እንዳልተባበረ አስረዱት።

በዚያንም ጊዜ ንጉሥ መልእክተኞችን ልኮ ቅዱስ መርቆሬዎስን ወደርሱ አስመጣው። በመዘግየቱም አድንቆ ለአማልክት ዕጣን ለማሳረግ ከእኔ ጋር ያልመጣህ የእኔን ፍቅር እንዴት ተውህ አለው። በዚያንም ጊዜ ትጥቁንና ልብሱን ወረወረለትና ንጉሡን እንዲህ አለው። እኔ ክብር ይግባውና ጌታዬ ኢየሱስ ክርስቶስን አልክደውም ለረከሱ ጣዖታትም አልሰግድም።

ንጉሥ ዳኬዎስም ይህን በሰማ ጊዜ እጅግ ተቆጣ። እርጥብ በሆኑ የሽመል በትሮች እንዲደበድቡት አዘዘ። ሁለተኛም ከላም ቆዳ በተሠራ ጅራፍ ይገርፉት ዘንድ አዘዘ ንጉሡ እንዳዘዘ ይህን ሁሉ አደረጉበት።

በዚያንም ጊዜ የአገር ሰዎች ስለ ቅዱስ መርቆሬዎስ እንዳይነሡበት ፈርቶ የቀጰዶቅያና የእስያ ክፍል ወደ ሆነች ወደ ቂሣርያ በብረት ማሠሪያ አሥሮ ላከው። በዚያም እንዲአሠቃዩት አዘዘ ከአሠቃዩትም በኋላ ንጉሥ ዳኬዎስ እንዳዘዘ ራሱን በሰይፍ ቆረጡትና ተጋድሎውን ፈጽሞ በመንግሥተ ሰማያት የሕይወት አክሊልን ተቀበለ።

የማይጠፋ ሰማያዊ አክሊልንም ተቀዳጅቶ ወደ ዘላለም ሕይወት ከገባ በኋላ በዓለሙ ሁሉ አብያተ ክርስተያናት ታነፁለት። እግዚአብሔርም ታላላቅ የሆኑ ድንቆች ተአምራትን በውስጣቸው ገለጠ።

ይቆየን....

"አንደበትህን 'ይቅር በለኝ (ይቅር በሉኝ)' ማለትን አስለምድ፤ እውነተኛ የኾነ ትሕትና ይሰጥሃልና።"

ባሕታዊው አባ ኢሳይያስ

"ከእናንተ እያንዳንዱ በመጾሙ ያገኘውን ጥቅም ውስጡን (ሕሊናውን) ይጠይቅ ዘንድ እማልዳችኋለሁ፤ እማፀናችሁማለሁ! ብዙ ጥቅም እንዳገኘ ከተረዳ ይህን ያገኘው በመበርታቱ ምክንያት እንደ ኾነ ይቍጠር፡፡ ምንም ነገር ያላገኘ እንደ ኾነ ግን ቀሪውን ጊዜ ተግቶ በመጾም የንግድ ዕቃዎችን (መንፈሳዊ በቁዔትን) ለማግኘት ይጠቀምበት፡፡

ወርሐ ጾሙ እስከሚፈጸም ድረስ ባዶ እጃችንን እንዳንቀርና ታላቅ የኾነ ትርፍን እናግኝ ዘንድ ራሳችንን ልል ዘሊላን አናድርግ፡፡ በዚህ መንገድ የጾምን ዋጋ ልናጣ አይገባምና፡፡ እስከ አሁን ድረስ የጾሙን ድካም ታግሠናልና፡፡ የጾምን ድካም ታግሠው እያለ የጾምን ፍሬ ጻማ አለማግኘት አለና፡፡

ከምግበ ሥጋ ርቀን እያለ ከምግበ ኃጢአት ካልራቅን፣ ሥጋ የማንበላ ኾነን እያለ የድኾችን ቤት ተስገብግበን የምንበላ (የማንመጸውት) ከኾነ፣ ወይን ጠጥተን የማንሰክር ኾነን እያለ በክፉ መሻት የምንሰክር ከኾነ፣ ቀኑን ሙሉ በአፋችን እንጀራ የማያልፍ ኾኖ እያለ በምኞት ዓይን የምንቅበዘበዝ ከኾነ የጾምን ፍሬ አናገኝምና፡፡ የጾምን ድካም እየደከምን እያለ የዓመፀኞችን ተውኔት የምንመለከት ከኾነ የጾምን ዋጋ እንደማናገኝ ዕወቅ፤ ተረዳም፡፡"

(ንስሐና ምጽዋት ቅዱስ ዮሐንስ አፈወርቅ እንዳስተማረው ገጽ -97)

"የቤተ ክርስቲያን ካህን ለአንተ እንደ መንፈሳዊ አባት ይኹንልህ፡፡ አንድ ሕመምተኛ ስውር በሽታዎቹን በግልፅ ለሐኪም እንደሚያሳይና ከዚያም እንደሚድን ኹሉ፥ አንተም ምሥጢሮችህን ለካህን በግልፅ ንገር፤ [ትድንማለህ]፡፡”

(ቅዱስ ጎርጎርዮስ ዘኑሲስ)

#ወደ_ገላትያ_ሰዎች - የቅዱስ ዮሐንስ አፈወርቅ ሐተታ

ዲያቆን ኃይሌ አለልኝ (Hayle Allelgn) የተተረጎመው #ወደ_ገላትያ_ሰዎች የቅዱስ ዮሐንስ አፈወርቅ ሐተታ ሙሉ ገቢው በራያ ቆቦ ወረዳ ለአረቋቴ ቅዱስ ቂርቆስ እና ቅዱስ ዮሐንስ አፈወርቅ ገዳም እንዲውል ታስቦ የተዘጋጀ መጽሐፍ በስርጭት ላይ ነው!

#ዋና_አከፋፋይ፦
አርጋኖን መጻሕፍት መደብር Areganon Book Store
#አድራሻ፦
4 ኪሎ ቱሪስት ሆቴል 80 ሜትር ወረድ ብሎ የቀድሞ ሪፍት ቫሊ ዩኒቨርሲቲ ሕንፃ የኦሮሚያ ኅብረት ሥራ ባንክ የሚገኝበት ሕንፃ ውስጥ
#ስልክ፦
+251 912044752
+251 954838117

ጾም እጅግ ግሩም የሆነ ነገር ነው፡፡ ኃጢአታችንን እንደማይጠቅም አረም ከውስጣችን ይነቅለዋል፡፡ እውነተኛው የጽድቅ ተክልም በውስጣችን ልክ እንደ አበባ እንዲያብብ ይረዳዋል፡፡ 
(ቅዱስ ባስልዮስ)

ከምግባራት ሁሉ ታላቁ ጸሎት ነው ነገር ግን የእርሱ መሠረቱ ጾም ነው፡፡ የምንጾምበት ምክንያት ርኩስ የሆነውን የሰይጣንን መንፈስ በነፍሳችን ውስጥ እንዳያድር ለመጠበቅ ነው፡፡ ሥጋችንን ለጾም ባስገዛነው ጊዜ ነፍሳችን ነፃነትን፤ ጥንካሬን ሰላምን፣ ንጽሕናን እንዲሁም እውቀትን ለመለየት እንድትበቃ ትሆናለች፡፡
(ጻድቁ ዮሐንስ ዘክሮስታንድ)

“የጋለ ብረትን ለመቀጥቀጥ የሚነሣ ሰው አስቀድሞ በብረቱ ምን ለመሥራት እንዳሰበ መወሰን አለበት፤ መጥረቢያ፥ ሰይፍ፥ ወይስ ማጭድ? እኛም በምን ዓይነት የሕይወት መስመር ፍሬ ለማፍራት እንዳሰብን አስቀድመን ልቡናችንን ማዘጋጀት አለብን፡፡”

አባ እንጦንስ

ሰላም ተወዳጆች
እጅግ ልብን ከሚመስጡ የቅዱስ ዮሐንስ አፈወርቅ ድርሳናት መካከል አንዱ የሆነውን "ድርሳን በእንተ ማርያም ኃጥእት"ን እያነበባችሁት ነው? እንዴት አገኛችሁት? ይቀጥል?

፪
....የቀጠለ
ድርሳን በእንተ ማርያም ኃጥእት
(ቅዱስ ዮሐንስ አፈወርቅ ድርሳን አምስት)

የተወደዳችሁ ወንድሞቼ ሆይ እነሆ አሁን የተቀደሰች ጾም መጥታለች፡፡ በፍጹም ደስታ በክብር ሁሉ እንቀበላት ዘንድ ይገባናል፡፡ ጸዋሚዎች እንደ ሆኑ ለሰው ይታዩ ዘንድ ፊታቸውን እንደሚያጠወልጉና እንደሚያጠቁሩ እንደ ሌሎች ሰዎች አንሁን፡፡ እነርሱ እንደ ግብዞች ይሆናሉና፡፡ እነርሱን አትምሰሉ፡፡ መንገዳቸውንም አንከተል፡፡ ነገር ግን በበጎ ሥራ የተዘጋጀን እንሁን እንጂ፡፡

ከእኛም እያንዳንዳችን ሁላችን እንጹም። የመንግሥተ ሰማያት በርም እንዲከፈትልን፤ እግዚአብሔር ለወዳጆቹና ትእዛዙን ለሚጠብቁት ካዘጋጀው በጎ ነገር የተለየንም እንዳንሆን መብራታችንን እናብራ፡፡

ወዳጆቼ ሆይ ስለምትመጣው ስለ ኋለኛዋ ዓለም ተድላና ደስታ ጥበብ፣ ዕውቀትና ማስተዋል ያለው ሰው ሁሉ ከዚህ ዓለም ጭንቀት ይራቅ፡፡ ስለዚህም የእግዚአብሔርን መንግሥት እናይ ዘንድ ልባችንን እናነጻ፣ ሕሊናችንንም ብሩህ እናደርግ ዘንድ ይገባናል፡፡ መስታወት ንጹሕ ያልሆነች እንደሆነ ፊትን በግልጽ ማሳየት አትችልም፡፡ ንጹሕ ባደረጓት ጊዜ ግን ፊትን በግልጽ ማሳየት ትችላለች፡፡

እንዲሁም ለእኛ ከኃጢአት ጉድፍ ልቡናችንን እናነጻ ዘንድ ይገባናል፡፡ ጥበብንና ይቅርታንም እንፈልግ፡፡ ትእዛዙን ለመፈጸምም አንስነፍ፡፡ ከእኛ መካከል አንዱንም አንዱን አናመካኝ፡፡ ብዙ ኃጢአትንም ሠርተናልና ይቅርታ አይገባንም አንበል፡፡

ወንድሞቼ ሆይ እንደዚህ ብላችሁ አታስቡ፡፡ ጠላት ዲያብሎስ ይህን በልባችሁ ውስጥ ይዘራልና፡፡ ነፍሳችሁን ታጠፏት ዘንድም ያደርጋችኋልና፡፡ ይህንን ሐሳብ ከእናንተ አስወግዱ። ወደ እግዚአብሔርም በበጎ ምግባርና በብሩህ ሕሊና ተመለሱ፡፡

ዳግመኛም የሕይወት እንጀራ እኔ ነኝ ወደ እኔ የሚመጣ ከቶ አይራብም፡፡ በእኔ የሚያምንም አይጠማም አለ፡፡ ያደረጋቸው የሰውነት ሥራዎች ሁሉ ስለ ሰው ድኅነት ያደረጋቸው ናቸውና፡፡

እነሆ የሰው ልጅ የጠፋውን በግ ፈልጎ ያድነው ዘንድ መጥቷልና ብሎ እርሱ ራሱ እንደ ተናገረ እንዲሁም ያቺ ኃጢአተኛ ሴት ለደዌዋ ፈውስን፣ ለኃጢአቷም ሥርየትን እንድታገኝ ወደ እርሱ ትመጣ ዘንድ ወደደ፡፡ ያች ሴት አመንዝራ እንደ ነበረች ክፉ ሥራዋም ብዙ እንደ ነበረ ተነግሮአልና፡፡ ደምግባቷ እጅግ ያማረ ሀብት ንብረቷም የበዛ ነበር፡፡

ሁል ጊዜም ከቀጭን የተልባ እግር ከሐር የተሠራ ልብስንም ትለብስ ነበር፡፡ ከሽቱዎች ሁሉ ያማረ ሽቱን ትቀባ በወርቅ በያክንትና ዕንቈ ባሕርይም በተባሉ ጌጦችም ታጌጥ ነበር፡፡ በክፉ ሥራዋም ትሄድ ነበር፡፡ በሁሉም ሀገራትና በአውራጃዎች ሁሉ ታሪኳን ትሰማ ነበር፡፡ ጠላትም ክፉ ሥራዋን ሁሉ እንዲጣፍጣት ያደርጋት ነበር።

ስለ እርሷና ስለ ሁሉም ሰዎች ጌታችን ከጌትነቱ ክብር ሳይለወጥ ከልዑል ማደሪያው ወረደ፡፡ ከጠላቶቻቸው እጅ ያድናቸው ዘንድ ከእነርሱ እንደ አንዱ ሆኖ በእነርሱ መካከል ተመላለሰ፡፡ ነቢዩ ኢሳይያስ በጨለማ የተቀመጠ ሕዝብ ታላቅ ብርሃን ዐየ፤ በሞት ጥላ ለተቀመጡትም ብርሃን ወጣላቸው በማለት እንደተናገረ ብርሃኑ በጨለማ ውስጥ ወጣ።....

ይቀጣላል......
(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 105-151)

፩
ድርሳን በእንተ ማርያም ኃጥእት
(ቅዱስ ዮሐንስ አፈወርቅ ድርሳን አምስት)

አንድ አምላክ በሚሆን በአብ በወልድ በመንፈስ ቅዱስ ስም ክቡር የሆነ ቅዱስ ዮሐንስ አፈወርቅ ጌታችን ኢየሱስ ክርስቶስን ሽቱ ስለ ቀባችው ኃጥእት ሴት የተናገረው ድርሳን ይህ ነው ጸሎቱና በረከቱ በሁላችን ላይ ይሁን ለዘለዓለሙ አሜን፡፡

ቅዱስ ዮሐንስ አፈወርቅ እንዲህ አለ፡፡ ሥራን ሁሉ እንሰማ ዘንድ እንደሚገባም እንቀበለው ዘንድ ተገቢ ነው አለ፡፡ ለንጉሡ እንደ ሥልጣኑ ገናንነት መጠን፣ ለሹሙም እንደ አገዛዙ መጠን፣ ለመስፍኑም ለምስፍናው እንደሚገባው መጠን ጸጋው ለአንዱም ለአንዱ ለየራሱ እንደሚሰጠው ይህ ነገር የታወቀ ነውና፡፡

ይህም ለዚህ ለኃላፊው ዓለም ነው፡፡ ለሚያልፈው ሥጋዊ ዓለም እንደዚህ ከሆነ ይልቁንም የጌቶች ጌታ የነገሥታትም ንጉሥ ወደ ሆነው አምላክ፡የሚያቀርበንን በጎ ሥራ እንፈልግ ዘንድ የቅዱሳን አባቶቻችንና የሰማዕታትን መታሰቢያ በዓላቸውን እናደርግ ዘንድ የሚገባን አይደለምን? መጨረሻ የሌላትን መንግሥተ ሰማያትንም እንወርስ ዘንድ በፍጹም ደስታ እንቀበለው ዘንድም የሚገባ ነው፡፡

ተዘጋጅተው የጌታቸውን መምጣት እንደሚጠብቁ ባሮችም የተዘጋጀን ልንሆን ይገባል፡፡ ለዚህ ኃላፊ ለሆነው ዓለም ከንጉሥ ወይም ከመኰንኑ ትእዛዝ በወጣ ጊዜ እነሆ መልእክቱን ፈጽመው ከፍ ከፍ ሲያደርጉትና ሲያከብሩት እንመለከታለንና፡፡

ለዚህ ለኃላፊው ዓለም እንዲህ የሚያደጉ ከሆነ ክብር ይግባውና በነገሥታና በባለሥልጣናት ላይ ኃይልና ሥልጣን ያለውን የጌታችንን ኢየሱስ ክርስቶስን ትእዛዛትን ከዚህ እጥፍ ከፍ ከፍ ልናደርጋቸውና ልናከብራቸው አይገባምን? ቅዱስ ወንጌል ጌታው በመጣ ጊዜ በጎ ሥራ ሲሠራ ያገኘው አገልጋይ ብፁዕ ነው ይላልና፡፡

በበጎ ሥራ የተዘጋጀን እንሆን ዘንድ፣ ሕሊናችንንም ብሩህ እናደርግ ዘንድ በነገር ሁሉ ዐይነ ልቡናችንን ወደ እግዚአብሔር እናነሣ ዘንድ በዚህ በኃላፊው ዓለም ጭንቀትም የማንጨነቅ፡እንሆን ዘንድ ይገባናል፤ የማያልፈውንና የማይጠፋውን ትተን በሚያልፈውና በሚጠፋው የምንደክም ከሆን ግን እነሆ ልብ እንደሌላቸው እንደ ሰነፎች እንሆናለን፡፡....

ይቀጥላል......
(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 105-151)

ሰላም የቤተ ቅዱስ ዮሐንስ አፈወርቅ ቤተሰቦች

በመምህር ቃለጽድቅ ሕግነህ ከተተረጎመው ድርሳነ ሠለስቱ ሊቃውንት ( ቅዱስ ዮሐንስ አፈወርቅ፣ ቅዱስ ኤፍሬም ዘሶርያ፤ ቅዱስ ያዕቆብ ዘስሩግ) ከቀረቡት ልብን ከሚመስጡት ድርሳናት መካከል ድርሳን አምስት "በእንተ ማርያም ኃጥእት" (ስለ ኃጢአተኛዋ ማርያም) በተከታታይ እናቀርባለን።

አንተ ሰው! ቊጥር የሌላቸው ክፋቶች ቢኖሩብህም እንኳ በጎ ምግባር በልጅህ ይኖር ዘንድ በማድረግ አካክሰው፡፡ ለክርስቶስ የሚኾን ተሽቀዳዳሚ (ሯጭ) አሳድግ!

ወዳጄ ሆይ! እንደዚህ ብዬ ስነግርህ አትፍራ፤ አትሸበርም፡፡ ልጅህ እንዳያገባ አድርገው አላልኩህም፡፡ ወደ ገዳም ወስደህ እንድታመነኩሰው ወይም የብሕትውና ሕይወትን እንዲመራ አድርገው አላልኩህም፡፡ እያልኩህ ያለሁት ይህን አይደለም፡፡ ልጅህ ቢመነኩስ እወድ ነበር፡፡ ብዙዎች ወደዚህ ሕይወት እንዲገቡ የዘወትር ጸሎቴ ነውና፡፡ ነገር ግን የምንኵስና ሕይወት [ሳይጠሩ ከገቡበት] ከባድ ሸክም ስለ ኾነ ሰዎች መነኰሳት ካልኾኑ ብዬ ግድ አልልም፡፡ ለአንተም እንደዚህ በግድ አመንኩሰው አልልህም፡፡ እያልኩህ ያለሁት ለክርስቶስ የሚኾን ተሸቀዳዳሚ አሳድግ ነው፡፡ በዚህ ዓለም አግብቶ፣ ልጆችንም ወልዶ የሚኖር ቢኾንም እንኳን ገና ከሕፃንነቱ አንሥቶ ሰውን የሚያከብር እንዲኾን አድርገህ አሳድገው ነው፡፡

ገና ጨቅላ እያለ በጎ በጎ ትእዛዛት በሕሊናው ጓዳ በልቡናው ሰሌዳ ላይ ከተቀረጸ፥ በሰም እንደ ታተመ ጸንቶ ይኖራል እንጂ ሲያድግ እነዚህን ትእዛዛት ሊያጠፋበትና ሊፍቅበት የሚችል ማንም አይኖርምና፡፡ ልጅህ አሁን ያለበት ዕድሜ ደግሞ በሚያየውና በሚነገረው በሌላም ነገር ኹሉ የሚንቀጠቀጥበት፣ የሚፈራበትና የሚደነግጥበት ዕድሜ ነው፡፡ ስለዚህ ልክ እንዳልደረቀ ሰም እንደምትፈልገው አድርገህ ቅረጸው፡፡ እንደዚህ አድርገህ ስታበቃ፥ መልካም ልጅ ቢኖርህ የመጀመሪያው ተጠቃሚ የምትኾነው አንተው ራስህ ነህ፡፡ እግዚአብሔር የሚጠቀመው ከአንተ በኋላ ነው፡፡ ስለዚህ የምትደክመው ለሌላ አካል ሳይኾን ለራስህ ነው፡፡

(ኦርቶዶክሳዊ ቤተሰብ ቅዱስ ዮሐንስ አፈወርቅ እንዳስተማረው" በገብረ እግዚአብሔር ኪደ የተተረጎመ ገፅ 86)

"ጀግና ከሆንክ በራስህ ላይ ጦርነት አውጅበት!!!
መቆጣት ከፈለግህ መጀመሪያ በራስህ ላይ ተቆጣ።

ልክስክነትህን፤ ስግብግብነትህን፤ ክፋትህን፤ ዝርክርክነትህን፤  ዘማዊነትህን ተቆጣው፤ ስንፍናህን ተቆጣው።

በዲያብሎስ ላይ ጦርነት ክፈትበት፤ የዘላለም ዕረፍትህን ለሚነጥቅህ፤ ከዘላለማዊ ርስት ለነጠቀህ፤ ከልጅነት ለሚያዋርድህ፤ ከእግዚአብሔር ከሚያጣላህ፤ ከክብር ካዋረድህ በእርሱ ላይ መጀመሪያ ተነሥ።››

ቅዱስ ዮሐንስ አፈወርቅ

መልእክት ከርዕሰ ሊቃውንት አባ ገብረ ኪዳን ግርማ

የተወደዳችሁ ኦርቶዶክሳውያን ምእመናን በያላችሁበት ሰላመ እግዚአብሔር ከሁላችን ጋር ይሁን።

አሐቲ ድንግል ከታተመችበት ጊዜ ጀምሮ መጽሐፉን ለማግኘት በምታደርጉት ርብርብ ለእመቤታችን ያላችሁን ፍቅርና ለኦርቶዶክሳዊ አስተምህሮ ያላችሁን ቅናት አሳይታችኁናል። በመሆኑም መጽሐፉ በተፈለገው ቁጥር መጠን መድረስ ባለመቻሉ አንዳንድ ሰዎች ከዋጋው በላይ እንደሚሸጡት ከወንድሞቻችንና እኅቶቻችን ጥቆማ ደርሶናል። በመሆኑም መጽሐፉ እየታተመ ስለሆነ ከዋጋው በላይ በመግዛት እንዳትጎዱ ለመጠቆም እንወዳለን።

ሰላም የቤተቅዱስ ዮሐንስ አፈወርቅ ቤተሰቦች በቻናሉ ዙሪያ ሀሳብ አስተያየት ካለ በዚህ ያድርሱን @natansolo

ተወዳጆች ሆይ ኑ አባቶቼና ወንድሞቼ እግዚአብሔር ለርስቱ ለመንግሥቱ የለያችሁ ምእመናን ሆይ ኑ፡፡ የልጅነትን ማኅተም ያለባችሁ የክርስቶስ ወታደሮች ሆይ ኑ፡፡ ልጆቼ ይኽን ለነፍሳችን ድኅነት እግዚአብሔር ያዘጋጀውን ትምህርት ትማሩ ዘንድ ኑ፤ ጊዜ ሳለልን እንመካከር ዘንድ ኑ፡፡ ኑ ዘለዓለማዊ ሕይወትን ገንዘብ እናድርግ፡፡ ነፍሳችንን እንገዛት ዘንድ እንቻኮል፡፡

ዓይነ ልቡናችን ብሩህ ይኾን ዘንድ ኑ በዕንባ እንታጠብ (እናልቅስ)፡፡ ባለጸጋዉም ድኻዉም፣ ልዑላንም ሕዝቦችም፣ ወጣቶችም ጐረምሶችም፣ ሽማግሎችም ሕፃናትም፣ በአጣቃላይ ጣዕመ መንግሥተ ሰማያትን መውረስ ከምረረ ገሃነም መዳን የምትሹ ሁላችሁም ኑ፡፡

ከክቡር ዳዊት ጋር ሆነን ምሕረቱ የበዛ ባለጸጋውን እግዚአብሔርን “ነጽረኒ ወስምዓኒ እግዚኦ አምላኪየ" አቤቱ ፈጣሪዬ ልመናዬን ሰምተኽ በዓይነ ምሕረትህ እየኝ፤ ተመልከተኝ፡፡ "አብርሆን ለአዕይንትየ ከመ ኢኑማ ለመዊት" የሞት እንቅልፍ እንዳያንቀላፉ ዓይኖቼን አብራቸው” ብለን እንለምነው /መዝ.13፥3-4/፡፡ ከመንገድ ዳር ተቀምጦ ይለምን እንደነበረው እንደ ዓይነ ስዉሩ ሰውም፡- “ተሣሃለኒ ኢየሱስ ወልደ ዳዊት" የዳዊት ልጅ ኢየሱስ ሆይ ማረኝ” ብለን እንጩኽ/ማር.10፥48/፡፡ ዝም እንል ዘንድ የሚቈጡን ቢኖሩም እንደ በርጠሜዎስ ልጅ እንደ ጠሜዎስ ዓይነ ልቡናችንን እስኪያበራልን ድረስ አብዝተን ወደ ብርሃን ክርስቶስ እንጩኽ፡፡ ስለዚኽ ወደ ክርስቶስ እንቅረብ፤ ብሩህ ልቡናንም ገንዘብ እናድርግ፡፡ ገጻችንም ከቶ አያፍርም፡፡ ኑ! ሃይማኖትንና ምግባርን አንድም ልጅነትን መንግሥተ ሰማያትን ለመያዝ እንሩጥ። ይኽን ያደረግን እንደኾነም የዚህ ዓለም ነገር ከንቱ ሆኖ ይታየናል፡፡ ስለዚህ ራሳችንን ንቁ እናድርግ፤ በዐሥራ አንደኛው ሰዓት ላይ ብንመጣም አይዘጋብንምና ኑ እንፍጠን፡፡ ምሽቱ ቀርቧል፤ ለኹሉም እንደየሥራው የሚከፍለው ልዑለ ባሕርይ ኢየሱስ ክርስቶስም ሊመጣ ነው፡፡
/#ንስሐ - #በቅዱስ_ኤፍሬም #መቅረዝ_ዘተዋህዶ_ብሎግ/

"ዲያብሎስ በእናንተ ላይ እጅግ ክፉ ነገርን በማምጣት አሳዝኖአችኋልን? እናንተም ኢዮብን አብነት አድርጋችሁ እግዚአብሔር ይመስገን በማለት አሳዝኑት፡፡ ዲያብሎስን ድል ማድረግ ስትሹ ይህን መሣርያ ዘወትር ያዙ፤ ምስጋና፡፡"

ቅዱስ ዮሐንስ አፈወርቅ

#ኅዳር_7

#ቅዱስ_ጊዮርጊስ_ሊቀ_ሰማዕት

ኅዳር ሰባት በዚህችም ቀን የልዳ ሀገር የሆነ የሰማዕታት አለቃ የታላቁ መስተጋድል የቅዱስ ጊዮርጊስ ቤተ ክርስቲያን የከበረችበት ነው ዳግመኛም ጌታችን በውስጧ ላደረገው ድንቅ ተአምር መታሰቢያ ሆነ።

ይህም እንዲህ ነው በውስጧ ድንቆች ተአምራት እንደሚሠሩ ከሀዲ ዲዮቅልጥያኖስ በሰማ ጊዜ ሊአፈርሳት አሰበ ስሙ አውህዮስ የሚባለውንም መኰንን ከብዙ ሠራዊት ጋር ላከው፤ ያም መኰንን በደረሰ ጊዜ የቅዱስ ጊዮርጊስ ሥዕል ወዳለበት አዳራሽ በትዕቢት ሆኖ ገባ። በሥዕሉም ፊት በብርጭቆ መቅረዝ መብራት ነበረ በቤተ ክርስቲያኒቱና በቅዱስ ጊዮርጊስ ላይ እየዘበተ በእጁ በያዘው በትር የመብራቱን መቅረዝ መትቶ ሰበረው የመቅረዙም ስባሪ ወደ ከሀዱው ራስ ደርሶ መታው ራሱንም ታመመ ፍርሃትና እንቅጥቅጥም መጣበት ወድቆም ተዘረረ ባልንጀሮቹም ወደ አገሩ ሊወስዱት ተሸከሙት በክፉ አሟሟትም ተጐሳቊሎ ሞተ ወስደውም ከባሕር ጣሉት ወገኖቹም ወደ ሀገራቸው አፍረው ተመለሱ።

ከሀዲ ዲዮቅልጥያኖስም ይህን በሰማ ጊዜ እጅግ ተቆጣ በልዳ ሀገር ያለች የቅዱስ ጊዮርጊስን ቤተ ክርስቲያን ያፈርሳት ዘንድ ራሱ ተነሥቶ ሔደ በዚያንም ጊዜ ከእግዚአብሔር የታዘዘ መልአክ መታው ሰባት ዓመት ያህልም ዐይኖቹ ታውረው አእምሮውንም አጥቶ ቁራሽ እንጀራም እየለመነ ኑሮ ሞተ።

ክብር ይግባውና ጌታችንም የቤተ መንግሥቱን ሰዎች አስነሣበት እርሱን አስወግደው ጻድቅ ሰው ቁስጠንጢኖስን በእግዚአብሔር ፈቃድ አነገሡት እርሱም በአዋጅ የጣዖታትን ቤቶች ዘግቶ አብያተ ክርስቲያናትን ከፈተ ለክርስቲያን ወገኖችም በሁሉ ዓለም ተድላ ደስታ ሆነ።

ለእግዚአብሔርም ምስጋና ይሁን እኛንም በቅዱስ ጊዮርጊስ ጸሎት ይማረን በረከቱም ከእኛ ጋር ትኑር ለዘላለሙ አሜን።

(#ስንክሳር_ዘወርኀ_ኅዳር)

ለክብርሽ ተደርሶ፥ ለፍቅር የተቆመ፤
ሥሙር ማኅሌትሽ፥ በቸር ተፈጸመ፤
ድንግል እመቤቴ፦
የኛ መከራ ግን፥ አለቅጥ ረዘመ!

እንኳን አደረሰን!

( Deacon Yordanos Abebe)

" ናሁ ሃገረኪ"
ድንቅ ያሬዳዊ ወረብ በፈለገ ሰላም ሰንበት ት/ቤት መዘምራን
https://youtube.com/watch?v=wCvcwvB7fA0&feature=shared

#ኅዳር_6
#ደብረ_ቁስቋም

ኅዳር ስድስት በዚህች ዕለት ክብርት እመቤታችን ከተወደደ ልጇ ጋር ከስደት በሚመለሱበት ጊዜ ደብረ ቁስቋም ገብተው ካገኛቸው ድካም ዐረፉ፡፡

አምላክን የወለደች በድንጋሌ ሥጋ በድንጋሌ ነፍስ የጸናች ክብርት እመቤታችን ከስደት በተመለሰች ጊዜ እንዲህ ሆነ፡- የብርሃን እናቱ ክብርት እመቤታችን ልጇን ይዛ ከእነ ዮሴፍ ጋር ወደ ምድረ ግብፅ ስትሰደድ ግብፅ ደርሰው በዚያ ቢቀመጡም ነገርን ግብፅ አልተመቸቻውም፡፡ ሕዝቡም በሰላም አልተቀበላቸውም፡፡ እንዲያውም በምድረ ግብፅ ብዙ ተሠቃይተዋል፡፡ ከግብፅም ተነሥተው ወደ ኢትዮጵያ በመጡ ጊዜ ግን ኢትዮጵያ ሕዝብ ሁሉ በሰላምና በፍቅር ተቀበላቸው፡፡ ከመንገዱና ከርሃብ ጥሙ ጽናት የተነሣ እጅግ ደክማለችና የኢትዮጵያ ሰዎች እመቤታችንን አይተው እጅግ አዘኑላት፡፡ ‹‹ይህችስ የነገሥታት ዘር ትመሥላለች ነገር ግን አንዳች ችግር አጋጥሟት ተሰዳ ወደ ሀገራችን መጥታለች..›› ብለው እንክብካቤን አደረጉላት፡፡ እግራቸውን አጥበው በክብር ማረፊያዎች ላይ አሳረፏቸው፡፡ መልካም መስተንግዶም አደረጉላቸው፡፡ እመቤታችንም ከድካሟ ካረፈች በኋላ ሀገሪቱን በእጅጉ ወደደቻትና የተወደደ ልጇን ‹‹ይህን ሀገርና ሕዝቧን በመላ ወድጃቸዋልሁና በዚህ እስከ መጨረሻው እንኑር›› አለችው፡፡ ጌታችንም ክብርት እናቱን ‹‹ይህች ቅድስት ሀገር ናት፣ በኋለኛው ዘመን የቅዱሳን መነኮሳት ቦታ ትሆናለች፡፡ በውስጧም እስከ ዓለም ፍጻሜ ድረስ እመሰገንባታለሁ፤ የአንቺም ስም ሳይጠራ አይውልባትም›› አላት፡፡

ከዚህም በኋላ ጌታችን ደመና ጠቅሶ በእርሷ ላይ ተቀመጡ፡፡ መልአኩ ቅዱስ ዑራኤልም መጣና እየመራቸው መላ ኢትዮጵያን ጎበኟት፡፡ እመቤታችንም ሀገሪቱንና ሕዝቦቿን ወዳቸዋለች ደስም ተሰኝታባቸዋለችና ጌታችን ለክብርት እናቱ ‹‹ይህችን ቅድስት ሀገር አሥራት አድርጌ ሰጠሁሽ›› አላት፡፡ እመቤታችንም እጅግ ተደስታ ‹‹ልጄ አምላኬ›› ብላ አመሰገነችው፡፡ ከዚህም በኋላ ከአንዱ ቦታ ወደ አንዱ ቦታ እየተዘዋወሩ መላዋ ኢትዮጵያን በኪደተ እግራቸው ባረኳት፡፡ ጌታችንም ‹‹በዚህ ቦታ እንዲህ ዓይነት ቤተ ክርስቲያን ይታነጻል፤ እከሌ የሚባል እንዲህ ዓይነት ቅዱስ ይነሣል…›› እያለ ብዙ ምሥጢራትን ለክብርት እናቱ ነገራት፡፡ ከዚህም በኋላ የስደቱ ዘመን ሲያልፍ ሄሮድስም በመጨረሻ ክፉ አሟሟትን ሲሞት መልአኩ ወደ ገሊላ አውራጃ እንዲመለሱ ነገራቸው፡፡ እመቤታችንም ‹‹ከዚህች ሀገርስ ባንሄድ እመርጣለሁ›› ስትለው የተወደደ ልጇ ግን ‹‹እናቴ ሆይ ጽድቅንና ፈቃድን ሁሉ ልንፈጽም ይገባናል›› ብሎ አጽናናትና ወደ ሀገራቸው ተመልሰው ሄዱ፡፡

ተመልሰውም ሊሄዱ ሲነሡ የኢትዮጵያ ሰዎች ልዩ ልዩ አምሐ እጅ መንሻ ሰጧቸው፡፡ ልዩ ልዩ ልብሶች፣ ወርቅ፣ ዕጣን፣ ከርቤ፣ ሽቱ እና ሥንቀቸውን በግመሎች ላይ ጭነው እመቤታችንንና የተወደደ ልጇንም በበቅሎ ላይ አስቀምጠው በክብር ሸኟቸው፡፡ እመቤታችንም ልጇን ታቅፋ በበቅሎ ተቀምጣ በበረሃው በመጓዝ ወደ መጣችበት አገር ሄደች፡፡ ኢትዮጵያንም የሰጧትን ብዙ እጅ መንሻዎች በግመሎች ጭና ይዛ ወደ አገሯ በተመለሰች ጊዜ ከአንድ ባሕር ዳር ደረሰች፡፡ ከዚያም የጀልባውን ባለቤት ‹‹እግዚአብሔርን ስለመውደድ አሻግረኝ›› ብላ ለመነችው፡፡ ባለጀልባውም ‹‹እነሆ ዕቃ የተጫኑ አምስት ግመሎችና ከአንቺ ጋር ከዚህም ሕፃን ጭምር አምስት ሰዎች እመለከታለሁ፣ አንቺ የተቀመጥሽባት በቅሎም አለች፡፡ ጀልባዋም ታናሽ ናት፣ የመቀመጫ ክፍሏም በውስጧ የተሳፈሩት ሰዎችም ተጨናንቀው ነው ያሉት፡፡ ስለዚህ እንዴት ላሻግርሽ እችላለሁ? ነገር ግን እመቤቴ ሆይ! ይቅርታ አድርጊልኝ ይህን በክፋት አላደረግሁትምና›› አላት፡፡

ክብርት እመቤታችንም የጀልባው ባለቤት ሊያሻግራት እንዳልቻለ በተረዳች ጊዜ ‹‹ልጄ ሆይ የእግዚአብሔር ልጅ እንደመሆንህ ይህን ትልቅ ወንዝ ለመሻገር የአምላክነትህን ሥራ ትሠራ ዘንድ እለምንሃለሁ›› ስትል ማለደችው፡፡ ያንጊዜም ጌታችን ክብርት እናቱን ‹‹የወለደሽኝ እናቴ ሆይ! አትዘኝ›› ብሎ አረጋጋት፡፡ ዳግመኛም ‹‹በእኔ ፈቃድ በአባቴ ፈቃድ በመንፈስ ቅዱስ ፈቃድ ካንቺ ሰው ሆኛለሁና ሰው መሆኔንም ከአባቴ በቀር መስተፍሥሒ ከሚሆን ከመንፈስ ቅዱስም በቀር ያወቀ የለም፡፡ ዳግመኛም በሕያዋንና በሙታን ለመፍረድ ለሁሉም እንደየሥራው እከፍለው ዘንድ እመጣለሁ፡፡ ያችንም ሰዓት የሰማይ መላእክትም ቢሆኑ የአዳም ልጆችም ቢሆኑም ከእኔና ከአባቴ ከመንፈስ ቅዱስም በቀር የሚያውቃት የለም፡፡ ያንጊዜ ‹ዐመፅን የሚናገር አንደበት ሁሉ ይዘጋል› ብሎ አባትሽ ዳዊት እንደተናገረ እከራከራለሁ የሚል አንደበት እንደድዳ ምላሽ ያጣል›› አላት፡፡

ክብርት እመቤታችን ማርያምም ይህንን ሁሉ ምሥጢር የተወደደ ልጇ የነገራትን ታስተውለው በልቧም ትጠብቀው ነበር፡፡ ጌታችንም አምላካችን መድኃኒታችን ኢየሱስ ክርስቶስም ለክብርት እናቱ ይህንን ከነገራት በኋላ ቀኝ እጁን ዘርግቶ ከወንዙ ማዶ ጢር በሚባል ተራራ ያሉትን ድንጋዮች ጠቀሳቸው፡፡ ያንጊዜም እነዚህ ድንጋዮች እየተገለባበጡ መጥተው እንደ ጀልባ ሆነው በወራጁ ወንዝ ላይ ተንሳፈፉ፡፡ ከዚያም እመቤታችንን ከሕፃኑ ጋር ከነቤተሰቧና ከነጓዟ አሻገረሯት፡፡

እነዚህንም ድንጋዮች ያዩ ሰዎች ሁሉ እጅግ አድንቀው ‹‹ብቻውን ድንቅ ተአምራት ያደረገ፣ እስራኤልን የፈጠረ እግዚአብሔር ይክበር ይመስገን የጌትነቱም ስም የተመሰገነ ነው›› እያሉ አመሰገኑ፡፡ እነዚህም የተባረኩ ሰዎች ወንዙን ከተሻገሩ በኋላ በዚህች አገር ለስምንት ቀን ተቀመጡ፡፡ ከዚህም በኋላ አምላክን የወለደች በድንጋሌ ሥጋ በድንጋሌ ነፍስ የጸናች ክብርት እመቤታችን ስለደረገላት መልካም ሥራ ሁሉ እግዚአብሔርን ፈጽማ እያመሰገነች ወደ አባቷ ወደ ዳዊት አገር ተመለሰች፡፡

ዳግመኛም በኋለኛው ዘመን ጌታችን በዚህ በደብረ ቍስቋም ቅዱሳን ሐዋርያቶቹን ሰበሰባቸውና ታቦትንና ቤተ ክርስቲያንን አክብሮ የቍርባን መሥዋዕትንም ሠርቶ ቅዱስ ሥጋውንና ክቡር ደሙን ለወገኖቹ ሰጣቸው፡፡ ለዚህም ነገር የእስክንድርያ አገር ሊቃነ ጳጳሳት ቅዱሳን አባቶቻችን ቄርሎስና ቴዎፍሎስ ምስክሮቹ ሆኑ፡፡

ለእግዚአብሔርም ምስጋና ይሁን አምላክን የወለደች የእመቤታችን የቅድስት ድንግል ማርያም በረከቷ ከእኛ ጋር ይኑር ለዘላለሙ አሜን ።

( ስንክሳር ዘተዋሕዶ ፌስቡክ ገጽ)

የፍቅር ሥራ ይህች ናት

ባልንጀራውን የሚረዳውን ክብር ይግባውና እግዚአብሔር ይረዳዋል፡፡ ለወንድሙ የሚነቀፍበትን ስም የሚያወጣውን ፈታሒ በርትዕ እግዚአብሔር እንዲሰደብ ያደርገዋል፡፡ ክፉ ስለ ሠራ ወንድሙን በቤቱ ለብቻው ሆኖ የሚመክረው ሰው ግን በምክሩ ዐዋቂ ይሆናል፡፡ ወንድሙን በዐደባባይ የነቀፈ ግን ኀዘን ያጸናበታል፡፡ ከሰው ተለይቶ ወንድሙን የሚመክር ሰው እነሆ የፍቅሩን ብዛት ያስረዳል፤ በባልንጀሮቹ ፊት የሚነቅፈው ግን የቅናቱን ጽናት ያስረዳል፣ የምቀኝነቱን ጽናት አስረዳ፡፡ 

ወዳጁን ተሠውሮ የሚመክር ሰው ብልህ ባለመድኃኒት ነው:: ያ እንዳዳነው መክሮ አስተምሮ ያድነዋልና፡፡ ወንድሙን በብዙ ሰው ፊት የሚያመሰግነው ሰው እሱ እውነተኛ ጠላቱ ነው፣ በውዳሴ ከንቱ ይጎዳ ብሎ ነውና።

ኀዘን ያለበት የርሕራሄ ምልክቱ የበደሉትን ሁሉ ይቅር ማለት ነው። የጠማማ ምልክቱ ጸብ ክርክር ነው፡፡ ወደ ክብር የሚያደርስ ረብህ ጥቅም ያግኝ ብሎ የሚመክር፣ የሚያስተምር በፍቅር ይመክረዋል፣ ያስተምረዋል፡፡ ቂም በቀል የሚሻ ሰው ፍቅር የለውም፡፡ አንድም እበቀለዋለሁ ብሎ የሚመክር ከፍቅር የተለየ ነው፡፡

ስሙ ይክበርና እግዚአብሔር በፍቅር ይመክራል፣ ያስተምራል፣ እበቀላለሁ ብሎ ያይደል፡፡ እሱስ በምሳሌው የተፈጠረው ሰውን ለማዳን ይገሥጻል፡፡ አንድ ጊዜስ እንኳን ቂም አይዝም፣ መዓትን አያዘጋጅም፡፡ የፍቅር ሥራ ይህች ናት፣ በቅንነት ትገኛለች፡፡ ቂም ለመያዝ እበቀላለሁ አትልም፣ በፍቅር ሰውን መናገር ነው።

ብልህ የሚሆን ቅን ሰው ክብር ይግባውና እግዚአብሔርን ይመስለዋል፡፡ ሰውን ክፉ ስላደረገ እበቀለዋለሁ ብሎ አይገሥጸውም፣ ሊመክረው ወዶ ነው እንጂ ሌሎችንም ለማስፈራት ነው እንጂ። ተግሣጽስ በፍቅር ካልሆነ ተግሣጽ አይባልም፡፡ በጎ ነገር ያደርግልኛል ብሎ በጎ የሚሠራ ኋላ ፈጥኖ ይተዋል፡፡

(ምክር ወተግሣጽ ዘማር ይስሐቅ - በዲ/ን ሞገስ)

ተወዳጆች ሆይ! ማለፍ መለወጥ በሌለባት በመንግሥተ ሰማያት ጸጋንና ክብርን እናገኝ ዘንድ በምግባር በትሩፋት እናጊጥ፡፡ በዚህ ዓለም የሚኖረን ውበትና ጌጥ ድንገት ታይቶ የሚጠፋ ነው፡፡ የማይቻል ቢኾንም ምንም በሽታ፣ ኀዘን፣ ብስጭት፣ ይህም የመሳሰለ ኹሉ ባያገኘን እንኳን የዚህ ዓለም ውበትና ጌጥ ሃያ ዓመት ነው፡፡ በወዲያኛው ዓለም የሚሰጠው የሚገኘው ክብር ግን በዝቶ ሲሰጥ ይኖራል እንጂ መቼም ቢኾን መች አያልፍም፡፡ አይለወጥም፡፡ እርጅና የለምና ቆዳው አይጨማደድም፡፡ ደዌ ሥጋ ደዌ ነፍስ አያገኘውም፡፡ ኀዘን አያወይበውም፡፡ በዚያ የምናገኘው ክብር፣ ውበት፣ ጌጥ ከዚህ ኹሉ የተለየ ነው፡፡ በዚህ ዓለም የምናገኘው ክብርና ውበት ግን የሚጠፋው ገና ከመምጣቱ ነው፡፡ ቢመጣ እንኳን አድናቂዎቹ ብዙ አይደሉም፡፡ ትሩፋትን ጌጥ ያደረጉ ሰዎች አያደንቁትም፡፡ የሚያደንቁት አመንዝሮች ናቸው፡፡

ስለዚህ ከዚህ ዓለም ከኾነው ክብር ልንለይ ይገባናል፡፡ መንግሥተ ሰማያትን እንወርስ ዘንድ ልንፈልገው የሚገባን ትሩፋትን ነው፡፡

(ቅዱስ ዮሐንስ አፈወርቅ)

አርዮስፋጎስ

ይህ የቴሌግራም ቻናል በወልድያ ደብረ ሲና ተክለሃይማኖት ቤ/ያን የሐዲስ ኪዳን ትርጓሜ መምህርና የሀገረስብከቱ ስብከተ ወንጌል ክፍል ሃላፊ የሆኑት የመጋቤ ሐዲስ ኤርምያስ አዳነ ነው።
➛ አርዮስፋጎስ ማለት ፦ግሪካዊ ቃል ሲሆን ለሕዝብ ይፋ የሆነ የምርምር አደባባይ ማለት ነው።
➛ ቻናሉ በመንፈሳዊ ምርምር እንጅ በሥጋዊ ምርምር ልንረዳቸው የማንችል ጥልቅ የቤተ ክርስቲያን መንፈሳዊ ትምህርቶች፣
➛ ስብከቶች እና ጽሑፎች የሚለቀቁበት እንዲሁም
➛ ሌሎች ተከታታይ ትምህርቶችን የሚያስተምሩበት የቴሌግራም ቻናል ነውና ይቀላቀሉ ሌሎችንም ይጋብዙ ዘንድ በእግዚአብሔር ስም እንጠይቃለን።

https://t.me/Ariosfagos1271

https://t.me/Ariosfagos1271

ሰላም የቤተ ቅዱስ ዮሐንስ አፈወርቅ ቤተሰቦች የኤፍራታ (የአረቋቴ) ደብረ መዊዕ ቅዱስ ቂርቆስ እና ቅዱስ ዮሐንስ አፈወርቅ አንድነት ገዳምን እንታደግ

ክርስቶስ በከበረ ደሙ የተቤዣችሁ በአብ በወልድ በመንፈስ ቅዱስ ስም የተወለዳችሁ የኢትዮጵያ ኦርቶዶክስ ተዋሕዶ ቤተ ክርስቲያን እምነት ተከታዮች ልጆቻችን በቅድሚያ ቸርነቱ የማያልቅበት የልዑል እግዚአብሔር ሰላም በያላችሁበት ይድረሳችሁ፡፡

እኛ በኢትዮጵያ ኦቶዶክስ ተዋሕዶ ቤተ ክርስቲያን በሰሜን ወሎ ሀገረ ስብከት በራያ ቆቦ ወረዳ የኤፍራታ (የአረቋቱ) ደብረ መዊዕ ቅዱስ ቂርቆስ እና ቅዱስ ዮሐንስ አፈወርቅ አንድነት ገዳም የምንገኝ ማኅበረ መነኮሳት መድኃኔ ዓለም ይክበር ይመስገን በጣም ደህና ነን፡፡

ይህንን መልእክት የምትመለከቱ የቤተ ክርስቲያኗ የቁርጥ ቀን ልጆች ሁሉችሁ ገዳማችሁን ታደጉት

ይህ ገዳም ከላይ እንደተገለጸው በራያ ቆቦ ወረዳ ዞብል ተራራ ሥር ያለ ገዳም ነው ቦታው ከመጀመሪያውም ብዙ የሚያውቀው ሰው ስለሌለ ማኅበረ መነኮሳቱ በብዙ ችግር የምናሳልፍ እንዲሁም በራሳችን ልማት አገዝ እና በአንዳድ ማኅበራት የቤተ ክርስቲያን ልጆች እርዳታ የምንኖር ሲሆን ኮረና አገባ እና በተለይም ከሐምሌ ወር 2013 ዓ.ም.ጀምሮ እስከ አሁን እያሳለፍነው ያለው የሕይወት ውጣ ውረድ በጣም ክባድ ነው እየደረሰብን ካለው ከባድ መከራ ይልቅ እየደረሰልን ያለው የእግዚአብሔር የፍቅር እርዳታ ታላቅ ነው። የቅዱስ ቂርቆስ እና የቅዱስ ዮሐንስ አፈወርቅ አምላክ ስሙ ይመስገን፡፡

የእግዚአብሔር ቤተሰቦች ልጆቻችን ይህ ኮረና ከገባ ጀምሮ በከባድ ችግር እያሳለፈ ያለገዳም እሁንም ገና በችግር ውስጥ ስለሆነ የገዳሙ ችግርም ከጊዜ ወደ ጊዜ እየባሰ ስለመጣ፦

1ኛ ከ24 ሰዓት አንድ ጊዜ የሚቀመስ በመጥፋቱ
2ኛ የሚለበስ ልብስ አለመኖር
3ኛ የቤተ ክርስቲያኑ ኮርኒስ ወድቆ የቤተ ክርስቲያን አገልግሎት መስተጓጎል ገጥሞን ተቸግረናል።

በሁሉም ዓለም የምትገኙ ልጆቻችን በምትችሉት ሁሉ የመናንያን መነኮሳትን በገዳም መጽናት ለሚወዱ በመንገር የእናንተ ያልሆነውን የእግዚአብሔር የሆነውን አሥራታችሁን በመሰብሰብ በገዳሙ አካውንት በኩል ገዳማችሁ ትታደጉት ዘንድ በቤተ ክርስቲያን ልጅነታችሁ ስም በትህትና እንጠይቃችኋለን።

ለምታደርጉልን ሁሉ የእግዚአብሔር ቸርነት፤ የእመቤታችን የቅድስት ድንግል ማርያም የእናትነት ፍቅር፤ የቅዱስ ቂርቆስ እና የቅዱስ ዮሐንስ አፈወርቅ ቃል ኪዳን የእናታችን ቅድስት ኢየሉጣ በረከት፤ የአበው ጸሎት አይለያችሁ አሜን! ሕይወታችሁን ይባርክ ቤተሰቦቻችሁን ይጠብቅ፡፡

“በእግዚአብሔር ሕዝብ ላይ ሰላምና ምሕረት ይሁን"አሜን።
በኢትዮጵያ ንግድ ባንክ
ለአረቋቴ ደብረ መዊዕ ቅዱስ ቂርቆስ አንድነት ገዳም
1000037590766

ብር ማስገባት አቅም የሌለን ሼር በማድረግ ከበረከት እንሳተፍ!!

(በቤተ ቅዱስ ዮሐንስ አፈወርቅ ቻናል አባላት የገባውን ለማወቅና ለማሳወቅ ያስገባችሁበትን በውስጥ መስመር @natansolo ይላኩልን)

"ሊቁ ቅዱስ ዮሐንስ አፈወርቅ ስንት ሰው ነው?" ቢሉ 'ይህን ያህል' አይባልም። ሊቁ አካሉ አንድ ይኹን እንጂ ብዙ ሰው ነው። መምህር፣ ባሕታዊ መልአክ፣ ካህን፣ መነኩሴ፣ ጳጳስ፣ ሊቀ ጳጳስ ሰማዕት ነው። በባቢሎን ወንዞች መካከል ኾኖ ጽዮንን የሚያስብ ጎርፍ የማያናውጠው ጽኑ ቤት፣ ውኃ የማያጠፋው የፍቅር እሳት፣ ጨለማ የማያደበዝዘው የወንጌል ኮከብ ነው። ዮሐንስ አፈወርቅ የመጽሐፍ ተርጓሚ ብቻ ሳይኾን ራሱ የመጻሕፍት ትርጓሜም ነው።"
በረከቱ ይደርብን

(ርዕሰ ሊቃውንት አባ ገብረ ኪዳን ግርማ)

"ለወፎች ክንፍ የተሰጣቸው በወጥመድ እንዳይያዙ ነው። ሰዎችም የማሰቡ ኃይልን የተሰጣቸው ኃጢአትን እንዲያስወግዱ ነው። እንግዲህ እንዲህ የማሰብ ኃይል ተሰጥቶን ሳለ ይባስ ብለን ከምድር አራዊት በታች የማናስተውል ከኾንን ሊደረግልን የሚችል ምህረት ወይም ይቅርታ እንደምን ያለ ምሕረት እንደምንስ ያለ ይቅርታ ነው?

በወጥመድ ተይዛ የነበረች ወፍ ድንገት ከወጥመዱ ብታመልጥ፤ ወደ ወጥመድ ገብቶ የነበረ አጋዘን ወጥመዱን በጣጥሶ ቢሄድ ከእንግዲህ ወዲህ በተመሳሳይ ወጥመድ እነዚህን መያዝ ከባድ ነው። የሕይወት ተሞክሮ ለሁለቱም ጥንቃቄን አስተምሯቸዋልና። እኛ ግን ምንም እንኳ በተመሳሳይ ወጥመድ ብንያዝም ተመልሰን ወደዚያ ወጥመድ እንወድቃለን፣ ምንም እንኳን በለባዊነት የከበርን ብንኾንም አእምሮ እንደሌላቸው እንሰሳት እንኳን ቀድመን አናስብም፤ አንጠነቀቅም!

ሴትን በማየት እልፍ ጉዳቶችን ተቀብለን ወደ ቤታችን የተመለስነው፤ በዝሙት ተመኝተንም ስናበቃ ለአያሌ ቀናት ያዘንነው ስንቴ ነው? ነገር ግን ከዚያ በኋላም ቢሆን በዚሁ ጉዳይ ላይ ጠንቃቆች አልኾንም፤ አንዱን ቁስል ሳናገግም ወደዚያ ክፉ ጠባይ እንወድቃለን፣ በተመሳሳይ መንገድ እንያዛለን፤ እጅግ ጥቂት ለኾነች የደስታ ሽርፍራፊ ብለንም ረጅምና ተደጋጋሚ ሥቃይን እንቀበላለን።

ዘውትር "በወጥመዶች መካከል እንደምትኼድ በገደልም መካከል እንደምትመላለስ ዕወቅ" የሚለውን ኃይለ ቃል ደጋግመን ለራሳችን ብንነግረው ግን ከእነዚህ ጉዳቶች ኹሉ እንጠበቃለን። (ሲራክ 9፥13)"

(ቅዱስ ዮሐንስ አፈወርቅ - ትምህርት በእንተ ሐውልታት መጽሐፍ በገብረ እግዚአብሔር ኪደ የተተረጎመ)

አንድ እውነት አለ። ሁሉ ሙሉ በሆነ ባማረና ባሸበረቀ ቪላ ብንኖር፣ የምንጠቀመው እጅግ ቅንጡ የሆነ መኪና፣ ዋጋው ውድ የሆነ ሽቱ፣ የሚያማምሩ ጌጠኛ ልብሶችና ጫማዎች፣ ከእንቁና ከአልማዝ የበለጡ ውድ ጌጣጌጦች ቢሆኑም ህይወታችን ጣዕም ሊኖረው የሚችለው ግን በመጽሐፍ ቅዱስ ብቻ ነው።

አርዮስፋጎስ

ይህ የቴሌግራም ቻናል በወልድያ ደብረ ሲና ተክለሃይማኖት ቤ/ያን የሐዲስ ኪዳን ትርጓሜ መምህርና የሀገረስብከቱ ስብከተ ወንጌል ክፍል ሃላፊ የሆኑት የመጋቤ ሐዲስ ኤርምያስ አዳነ ነው።
➛ አርዮስፋጎስ ማለት ፦ግሪካዊ ቃል ሲሆን ለሕዝብ ይፋ የሆነ የምርምር አደባባይ ማለት ነው።
➛ ቻናሉ በመንፈሳዊ ምርምር እንጅ በሥጋዊ ምርምር ልንረዳቸው የማንችል ጥልቅ የቤተ ክርስቲያን መንፈሳዊ ትምህርቶች፣
➛ ስብከቶች እና ጽሑፎች የሚለቀቁበት እንዲሁም
➛ ሌሎች ተከታታይ ትምህርቶችን የሚያስተምሩበት የቴሌግራም ቻናል ነውና ይቀላቀሉ ሌሎችንም ይጋብዙ ዘንድ በእግዚአብሔር ስም እንጠይቃለን።

https://t.me/Ariosfagos1271

https://t.me/Ariosfagos1271

#መጽሐፍ_ቅዱስ

በአንድ ተራራማ ስፍራ እርሻ በማረስ ከልጅ ልጁ ጋር የሚኖር አንድ ሽማግሌ ነበር፡፡ ይህ ሽማግሌ ዘወትር ፀሐይ ብርሃኗን ስትፈነጥቅ እየተነሳ መጽሐፍ ቅዱስን ያነባል፡፡ የልጅ ልጁ የአያቱን ተግባር ይከታተል ስለነበር እሱም ያያቱን ፈለግ በመከተል ጠዋት ጠዋት እየተነሳ መጽሐፍ ቅዱን ማንበብ ጀመረ፡፡

አንደ ቀን ታድያ አያቱን “አባባ መጽሐፍ ቅዱስን ለማንበብ እየሞከርኩ ነበር፡፡ ነገር ግን ልረዳው አልቻልኩም ደግሞም አንብቤ እንደጨረስኩ ወዲያውኑ እረሳዋለሁ እናም እንድረዳውና እንዳልረሳው ምን ማደረግ አለብኝ?” ሲል ጠየቀ፡፡

ሽማግሌው ምንም ድምጽ ሳያሰሙ “ከሰሉን ወደ ምድጃው ጨመሩና እንካ ይሄን የከሰል ቅርጫት ይዘህ ወንዝ ውረድና ውሃ ይዘህልኝ ተመለስ” አሉት፡፡ ልጁ ትዛዙን ለመፈጸም ወደወንዝ ወርዶ ውሃውን ይዞ ሊመለስ ቢመክርም ቅርጫቱ ውሃውን እያንጠባጠበ ቤት ከመድረሱ በፊት ፈሶ አለቀበት፡፡ ሽማግሌው የልጁን ሁኔታ እያስተዋሉ “አሁን ለሁለተኛ ጊዜ ይዘህ ስትመጣ ግን ፈጠን ፈጠን ብለህ ተመለስ ብለው” ድጋሜ ላኩት፡፡ አሁንም ልጁ እንደተነገረው በፍጥነት ውሃውን ቀድቶ ሊመለስ ቢሞክርም ቤቱ ሳይደርስ ውሃው ፈሶ አለቀበት፡፡ አያቱንም “በቅርጫት ውሃ ማምጣት ስለማይቻል ሌላ መያዥ ይስጡኝና ላምጣ” ሲል ጠየቀ፡፡ ሽማግሌ አያቱም “እኔ የምፈልገው የቅርጫት ውሃ ነው፡፡ ጠንክረህ ባለመሞከርህ ነው ፈሶ ያለቀብህ” በማለት እንደገና ላኩት፡፡ በዚህ ጊዜ ልጁ በቅርጫት ውሃን ማምጣት እንደማይቻል ቢያውቅም ለአያቱ ታዛዥነቱን ለማሳየት ከበፊቱ ፈጥኖ ለማምጣት ሲሞክር ውሃው ፈሶ ስላለቀበት ባዶውን ቅርጫት እያሳየ “ተመልከት አባባ! እዲሁ ነው የምደክመው እንጅ እኮ ጥቅም የለውም” አለ፡፡

ከዚህ ጊዜ ምልልስ በኋላ ሽማግሌው “እስኪ ቅርጫቱን ተመልከተው” አሉት፡፡ ልጁ ቅርጫቱን ሲመለከት ከዚህ በፊት የማያውቀው ቅርጫት ይመስል ቅርጫቱ የተለየ ሆነበት የከሰል መያዣ እያለ በጅጉ የቆሸሸ ነበር፡፡ አሁን ግን ሙልጭ ብሎ ጸድቷል፡፡ ውስጡን ሲመለከተው ከመንጻቱ የተነሳ የበፊቱ ቅርጫት አልመስለው አለ፡፡

ስለዚህ ልጄ መጽሐፍ ቅዱስን ስታነብ የሚሆነው እደሱ ነው፡፡ ላትረዳው ትችል ይሆናል ወይም ደግሞ ያነበብከውን ሁሉንም ነገር ላታስታውሰው ትችል ይሆናል ዳሩ ግን ባነበብክ ቁጥር ለውጨኛው የሚተርፍ ውስጣዊ ንጽህና እያመጣህ መሆኑን አትዘንጋ የመንፈስ ሥራ እንደዚህ ነው በማለት አስተማሩት፡፡

(ከምስጋናው ግሸን ወልደ አገሬ)

አርዮስፋጎስ

ይህ የቴሌግራም ቻናል በወልድያ ደብረ ሲና ተክለሃይማኖት ቤ/ያን የሐዲስ ኪዳን ትርጓሜ መምህርና የሀገረስብከቱ ስብከተ ወንጌል ክፍል ሃላፊ የሆኑት የመጋቤ ሐዲስ ኤርምያስ አዳነ ነው።
➛ አርዮስፋጎስ ማለት ፦ግሪካዊ ቃል ሲሆን ለሕዝብ ይፋ የሆነ የምርምር አደባባይ ማለት ነው።
➛ ቻናሉ በመንፈሳዊ ምርምር እንጅ በሥጋዊ ምርምር ልንረዳቸው የማንችል ጥልቅ የቤተ ክርስቲያን መንፈሳዊ ትምህርቶች፣
➛ ስብከቶች እና ጽሑፎች የሚለቀቁበት እንዲሁም
➛ ሌሎች ተከታታይ ትምህርቶችን የሚያስተምሩበት የቴሌግራም ቻናል ነውና ይቀላቀሉ ሌሎችንም ይጋብዙ ዘንድ በእግዚአብሔር ስም እንጠይቃለን።

https://t.me/Ariosfagos1271

https://t.me/Ariosfagos1271

"መላእክትን ማየት ትልቅ ተአምራት አይደለም፥ የራስን ስህተት መመልከት ግን ተአምር ነው።'

ቅዱስ አባ እንጦንስ

ከሰይጣን በቀር ምንም ጠላት አይኑርህ፡፡የሰዎችን ስህተት አትመራመር፤ የባልንጀራህ ኃጢአት አትግለጥ፡፡ የባልጀራህ ውድቀት ደጋግመህ አታውራ፡፡ በራስህ ኃጢአት ላይ ፍረድ እንጂ በሌሎች ላይ አትፍረድ ገዢያቸው አይደለህምና፡፡ኃጢአትን በፈጸመ ሰው ላይ ወቀሳ አታብዛ አንተም ትበድላለህና፡፡ ነገር ግን ከኃጢአቱ ይመለስ ዘንድ ረዳትና መካሪ ሁነው፡፡ ከወደቀበትም የስህተት ሥራ እንዲወጣ አበርታው፡፡ ተስፋውን በእግዚአብሔር ላይ ቢያደርግ ኃጢአቱን ልክ በእሳት ፊት እንደወደቀ ገለባ ፈጥኖ እንደሚወገድለት ንገረው፡፡

ቅዱስ፣ ጥንቁቅ፣ ግልጽና ብልህ ሁን፡፡ እርጋታን የተላበሰ ሰብእና ይኑርህ፡፡ ደስተኛ ሁን፤ ሰላምታህ በፈገግታ የታጀበ ንጹህ ይሁን፡፡ ንግግርህ የታረመ አጭርና በጨው እንደተቀመመ ጣፋጭ ይሁን፡፡ ቃላቶችህ የተመጠኑ እና ጤናሞች ሁሉም የሚረዳቸው ይሁኑ፡፡የጓደኛህን ምስጢር አትግለጥ፤ ለሚወዱህ ሁሉ የታመንክ ሁን፡፡ ወደ ጭቅጭቅ እና ንትርክ ከመግባት ራህን ጠብቅ፡፡ የሚሰሙህ ሁሉ እንዳይጠሉህ ወደ ጠብ አትግባ፡፡

(የምክር ቃል ከቅዱስ ኤፍሬም)

የዋልድባ አብረንታንት ገዳም ዘቤተ አቡነ ሚናስ ማኅበር የገዳሙን ማኅተም አስመስሎ በማሠራት ገንዘብ የሚቀበሉ ሰዎች መኖራቸውን ገለጸ፡፡

የገዳሙ አበምኔት መምህር ቆሞስ አባ ተስፋ ማርያም የገዳሙ መነኮሳት ነን የሚሉት የውሸት ማኅተም በማሠራት፣ ያለ ማኅበሩ እውቅና ተወክለናል በሚል ከምእመናን ገንዘብ እየተቀበሉ ነው ሲሉ ለማኅበረ ቅዱሳን ቴሌቪዥን ተናግረዋል፡፡

የገዳሙ ጸሎተ ምሕላ አሳራጊ አባ ገብረ ሥላሴ ተበጀ በበኩላቸው የዋልድባ አብረንታንት ገዳም ዘቤተ አቡነ ሚናስ ማኅበር ለሦስት ጊዜያት ጠፍቶ እንደገና በእግዚአብሔር ፍቃድና በአባቶቻችን ጽናት ተመልሶ የቀና ገዳም ነው ሲሉ ገልጸዋል፡፡

ከ40 ያላነሱ ዝጉኃን ባሕታውያንና ከ80 በላይ አረጋውያን የሚጦሩበት ለጊዜው በሰሜን ጎንደር ሀገረ ስብከት ሥር የሚገኘው ይህ ገዳም ባለፉት ጊዜያት በርካታ ፈተናዎችን ያስተናገደ ገዳም ነው ያሉት ደግሞ የገዳሙ ረእድ አባ ኃይለ መስቀል ወልደ ሳሙኤል ናቸው፡፡

ገዳሙ በሰሜኑ ጦርነት ምክንያት ከሀገረ ስብከት አስተዳደር ውጭ እንደነበር የጠቀሱት አባ ኃይለ መስቀል ወልደ ሳሙኤል በገዳሙ ስም ገንዘብ የሚሰበስቡ ሰዎችን ለማስቆምና ለባለድርሻ አካላት ለማሳወቅ ተግዳሮት እንደሆነባቸው ገልጸዋል፡፡

በተጨማሪም አቅመ ደካማ አረጋውያን ከሱባኤ ሲወጡ እንጀራ የሚቀምሱበት ማይለበጣ የሚባለው የገዳሙ ክፍል ባሳለፍነው ዓመት በጣለው ከፍተኛ ዝናብ ገደሉ ተንዶ ከስድስት በላይ የደካሞች መኖርያ ቤት መፍረሱ የተገለጸ ሲሆን የፈረሱትን ቤቶች መልሶ ለማሠራት ከሁለት ሚሊዮን ብር በላይ እንደሚየስፈልግ እና የተናደዉን ገደል ተፋሰሱን ለማስቀየር ከፍተኛ ወጭ ስለሚጠይቅ ገዳማውያኑን በፈተና ውስጥ መሆናቸው ተነግሯል፡፡

አባ ገብረ ኢየሱስ ኪዳነ ማርያም የሚባሉ ራሳቸውን የዋልድባ ገዳም ተወካይ አድርገው በተለያዩ ሚዲያዎች ቃለ መጠይቅ የሚያደርጉና በተለይም በውጭው ዓለም ከምእመናን ገንዘብ የሚሰበስቡ ሰው መሆናቸውን በመረዳት ድጋፍ ማድረግ የሚፈልጉ የገዳሙን ትክክለኛ ማኅተም በማረጋገጥና የገዳሙን አካውንት ብቻ እንዲጠቀሙ አበምኔቱ አሳስበዋል፡፡

አሁን ላይም ይህንን እና ሌሎች ጉዳዮችን ለመፍታት እንዲሁም መነኮሳት ነን በማለት የገዳሙን ገንዘብ ያለአግባብ የሚጠቀሙትን በሕግ ተጠያቂ የማድረግ ሂደት መጀመሩን አባቶች ተናግረዋል፡፡

የገዳሙ አካውንት፡ የኢትዮጵያ ንግድ ባንክ

1000018796779- ጎንደር ዐቢይ ቅርንጫፍ
1000064118742- አዲአርቃይ ቅርንጫፍ

ምንጭ፦ ከማኅበረ ቅዱሳን ብሮድካስት አገልግሎት

ልጆቼ! በድህነቴ ላይ ቸርነትን አድርጉልኝ፡፡ በዚህስ አልችልም ካላችሁ እሺ በቁስሌ ላይ ዘይትን አፍስሱልኝ፡፡ አሁንም ይህን ማድረግ ካልቻላችሁ ወደ እኔ ጠጋ በሉና አናግሩኝ፡፡ እናንተን ማየት፣ ከእናንተ ጋር መጨዋወት ይናፍቀኛልና፡፡

በገዛ ደሜ የገዛኋችሁ ልጆቼ! ከባድ ነገር እኮ አልለመንኳችሁም፡፡ እኔ የምፈልገው ትንሽ ዳቦ፣ ጊዜአዊ ማደርያ፣ እንዲሁም የሚያጽናኑ ቃላትን ብቻ ነው፡፡ “ይህ ሁሉ ማድረጌ ምን ይጠቅመኛል?” ካላችሁ ስለ ምሰጣችሁን ርስት መንግሥተ ሰማያት ብላችሁ አድርጉት፡፡ አሁንም ልባችሁ አልተነካምን? ስለ መንግሥተ ሰማያት አታድርጉት፤ ግን ደግሞ ስለ ሰብአዊ ርኅራኄ ይህን አድርጉልኝ፡፡ የእኔን መራቆት የሚያሳዝናችሁ በቀራንዮ አደባባይ ስለ እናንተ ብዬ የተራቆትኩት ብቻ ነውን? ታድያ አሁንም ‘ኮ በደጃችሁ ላይ ተጥዬ ዕራቆቴን ነኝ፡፡ ለምን አላዘናችሁልኝም? የታሰርኩት በቀራንዮ ብቻ ነውን? አይደለም፡፡ ታድያ እንደምን አታዝኑልኝም?

የማፈቅራችሁ ልጆቼ! በመስቀል ላይ ተሰቅዬ ሳለሁ “ተጠማሁ” እንዳልኩ ዛሬስ ስለ እናንተ ብዬ ደጋግሜ ይህን ቃል አልተናገርኩምን? ጕሮሮዬ ደርቆ ስለምን ትንሽ እንኳ አላሳዝናችሁም? ስለምንስ ይህ ሁሉ ፍቅር ስለ እናንተ መሆኑን ትዘነጉብኛላችሁ? የምለምናችሁ እናንተን ባለጸጋ ለማድረግ አይደለምን? ይህችን ትንሽ ቸርነት ስላደረጋችሁልኝ በዐይን ያልታየች፣ በጀሮ ያልተሰማች፣ በሰውም አእምሮ ያልታሰበች ርስት መንግሥተ ሰማያት እንድታገኙ ብዬ አይደለምን? ስለ እናንተ ብዬ ደሀ የሆንኩት ያኔ በመዋዕለ ሥጋዌዬ ብቻ እንደሆነ አታስቡ ልጆቼ! ዛሬም ቢሆን በደጃችሁ የተጣልኩት ስለ እናንተ ጥቅም እንደሆነ ተረዱልኝ፡፡

ከባድ ነገር ‘ኮ አልለመንኳችሁም፡፡ እስር ቤት መጥታችሁ ጠይቁኝ እንጂ አስፈቱኝ አላልኳችሁም፡፡ ታምሜ ጠይቁኝ እንጂ ፈውሱኝ አላልኳችሁም፡፡ ከጠየቃችሁኝ ብቻ በቂዬ ነው፡፡ እስኪ ልጠይቃችሁና እናንተም መልሱልኝ! በዚያ በአስፈሪው ቀን ስመጣ “ኑ እናንተ የአባቴ ብሩካን” የሚለውን ቃለ ሕይወት መስማት አትፈልጉምን? ዛሬ የሰጣችሁኝ ሁሉ የምረሳ ይመስላችኋልን? ያኔ በክብር ስመጣ ከእልፍ ወለዱ ጋር እንድሰጣችሁ አትሹምን? የማፈቅራችሁ ልጆቼ! ከደጃችሁ ተጥዬ የምለምናችሁ፣ ከበራችሁ ላይ ቆሜ ማደርያን የምጠይቃችሁ፣ እጄን ዘርግቼ እናንተን እናንተን የማየው ያኔ ትሉ ወደማይጠፋው እሳቱ ወደማያንቀላፋው እሳት እንዳትሄዱብኝ ብዬ ነው፡፡ ታድያ ይህን ለምን አትረዱልኝ ልጆቼ? ስለምን እንዳስቸገርኳችሁ ታስባላችሁ? ለእናንተ ጥቅም እንደሆነ እንዳትረዱ አዚም ያደረገባችሁ ማን ነው? ከእናንተ ጋር ቁጭ ብዬ ልብላ ስላችሁ ስለምን ትገፈትሩኛለችሁ? ይህን ያህል ቸርነት አድርጌላችሁ ሳለሁስ ስለምን በግልምጫ አያችሁኝ? ይህን ያህል መውደድ ወድጃችሁ ሳለሁ ስለምን በቅጡ ልታነጋገግሩኝ አልወደዳችሁም? ከአዳም ጀምሮ ዓለም እስኪያልፍ ድረስ ያለው ሕዝብ ሁሉ በአንድ አደባባይ ላይ ቆሞ፣ እልፍ አእላፍ መላእክት በዙርያዬ ረበው “ይህ/ ይህቺ ልጅ ወዳጄ ነው/ ናት፤ በመሆኑም በታላቅ ክብርና ዕልልታ አጅባችሁ ወደ ዘለዓለም ደስታዋ አግቡት/ አግቧት” የሚለውን ፍርዴ አትናፍቁምን?

ልጆቼ! እኔን ላለማየት ስለምን ፊታችሁን ትሸፍናላችሁ? ስለምን፡ታፍራላችሁ? እኔ ሳላፍርባችሁ ስለምን እናንተ አፈራችሁ?

ልጆቼ! ልባችሁ እንደተነካ አውቃለሁ፡፡ ነገር ግን ስሜት ብቻ አይሁን፡፡ ከንፈራችሁን ብቻ አትምጠጡብኝ፡፡ ከእናንተ የምፈልገው አንዲት ነገር ብቻ ነው፡፡ ከላይ የጠየቅኳችሁን ነገሮች ወደ ተግባር ቀይሯቸው፡፡ ለማይጠቅማችሁ ነገር አብዝታችሁ እየሮጣችሁ ለሚጠቅማችሁ ነገር አትስነፉ፡፡ “እኔኮ ሥጋ ለባሽ ነኝ፤ ይህን እንደምን እችላለሁ?” አትበሉኝ፡፡ አውቃለሁ! ነገር ግን ፈቃዳችሁን ብቻ ስጡኝ እንጂ እኔ ራሴ አደርግላችኋለሁ፡፡ “ያለ እኔ ምንም ልታደርጉ አትችሉም” ብዬ.ያስተማርኳችሁን ቃል ረሳችሁትን? /ዮሐ.15፡5/፡፡ እንግዲያውስ ከእናንተ የምፈልገው ፈቃዳችሁን ነው፡፡ አሁን ካላችሁበት ቦታ ተንቀሳቅሳችሁ ወጣ ስትሉ ታገኙኛላችሁ፡፡ አናግሩኝ! አፍቃሪያችሁ መድኃኔዓለም ነኝ፡፡

መቅረዝ ዘተዋሕዶ ብሎግ የተወሰደ

ከቅምሻ የቀጠለ
(ከኤፌሶን ወንዝ ከዲያቆን ሄኖክ መጽሐፍ)
በራስህ ክፉ ነገር አታድርግ

ወዳጄ ሆይ ሰውነትህ በአምላክ ደም የተገዛ ክቡር ሰውነት ነው። አካልህ "አንተ" እንጂ "ያንተ" አይደለም። "በዋጋ ተገዝታችኋልና ለራሳችሁ አይደላችሁም፤ ስለዚህ በሥጋችሁ እግዚአብሔርን አክብሩ" ይላል። ስለዚህ በከበረ የእግዚአብሔር ልጅ ደም የተገዛ ሰውነትህን ለሰይጣን በርካሽ አትሽጠው:: አትግደል የሚለው ሕግ ራስህንም ይጨምራል::

ቤተ መቅደስ የሆነ ሰውነትህን ለማፍረስ አታስብ። "ማንም የእግዚአብሔርን ቤተ መቅደስ ቢያፈርስ እግዚአብሔር እርሱን ያፈርሰዋል፤ የእግዚአብሔር ቤተ መቅደስ ቅዱስ ነውና፥ ያውም እናንተ ናችሁ" ፩ኛ ቆሮ. ፫፥፲፯ ሰዎች አስቀይመውህ ይሆን? "አሳያቸዋለሁ፤ ስሞት የእኔን ነገር ይገባቸዋል" ብለህ በሰዎች ተቀይመህ ራስህን አትጉዳ። እመነኝ ብትሞት ሰዎች ከሳምንት በላይ አያስታውሱህም። ለሕይወትህ ዋጋ ያልሠጡ ሰዎች ለሞትህ ዋጋ አይሠጡም። ፈጥነውም ይረሱሃል። ለሚረሱህ ሰዎች ብለህ የማይረሳህን አምላክ አታሳዝን። ሰው ስለ አንተ ግድ የለውም እግዚአብሔር ግን የራስህን ጸጉር ሳይቀር በቁጥር ያውቀዋል። እንኳንስ ራስህን ልትጎዳ አንዲት ጸጉር እንኳን ከአንተ እንድትወድቅ አይፈልግም። እግዚአብሔርን በኃጢአት ብታሳዝነው እንኳን ኖረህ ንስሓ እንድትገባ እንጂ እንድትሞት አይፈልግም። አባትህ ነውና ከእርሱ ጋር ባትሆንም እንድትኖር ይፈልጋል።

በምሳሌ ልንገርህ፦ ሁለት ሴቶች አንድን ሕፃን "የኔ ልጄ ነው" ብለው እየተከራከሩ ጠቢቡ ሰሎሞን ፊት ቀረቡ። ጠቢቡ ሰሎሞን ሰይፍ አመጣና "ልጁን ቆርጬ ለሁለት ላካፍላችሁ" አላቸው። አንደኛዋ ሴት "እሺ እንካፈል" ስትል እውነተኛዋ እናት ግን "ልጄ ከሚሞት እርስዋ ትውሰደው" አለች። እናት መሆንዋም በዚህ ታወቀ። (፩ኛ ቆሮ. ፫፥፩፮-፳፰)

ወዳጄ ያንተም ኑሮህ ከእግዚአብሔር ጋር ላይሆን ይችላል። ዓለም የራስዋ አድርጋህም ይሆናል። በሱስ ውስጥ ትዘፍቀህ፣ እንደ ሶምሶን በደሊላ እቅፍጀ፣ እንደ ዴማስ በተሰሎንቄ ውበት ተማርከህ ይሆናል። እግዚአብሔር ግን አባትህ ነውና ሞትህን አይፈልግም። "ልጄ ከሚሞት እርስዋ ትውሰደው" እንዳለችው እናት ፈጣሪህ ከነኃጢአትህም ቢሆን እንድትሞት አይፈልግም። ከእርሱ ጋር ባትኖርም መኖርህን ይፈልጋል። "የሟቹን ሞት አልፈቅድምና፥ ይላል ጌታ እግዚአብሔር፤ ስለዚህ ተመለሱና በሕይወት ኑሩ" ሕዝ. ፲፰፥፴፪

የይሁዳ ኃጢአቱ ጌታውን መሸጡ አልነበረም። ራሱን መግደሉ ነው። እግዚአብሔር የሚያዝነው ከበደልህ በላይ በእርሱ ተስፋ ቆርጠህ ራስህን ስትጎዳ ነው።

ወዳጄ የአንተን መኖር የሚፈልጉ ብዙ ናቸው። ፈጣሪ ወደዚህች ዓለም ያለ ምክንያት አላመጣህም። በአንተ አለመኖርም የሚጎድል ነገር አለ። አንተን የሚመስል ሌላ ሰው አልፈጠረምና ለዚህ ዓለም አንተን የሚተካ የለም፣ በክብር ወደዚህ ዓለም ያመጣህ አምላክ በክብር ወደራሱ እስኪወስድህ ድረስ "በራስህ ላይ ክፉ ነገር አታድርግ"

"የወኅኒውም ጠባቂ ከእንቅልፉ ነቅቶ የወኅኒው ደጆች ተከፍተው ባየ ጊዜ፥ እስረኞቹ ያመለጡ መስሎት ራሱን ይገድል ዘንድ አስቦ ሰይፉን መዘዘ። ጳውሎስ ግን በታላቅ ድምፅ፦ ሁላችን ከዚህ አለንና በራስህ ክፉ ነገር አታድርግ፡ ብሎ ጮኸ" ሐዋ. ፲፮፥፳፯-፳፰ ይህ ሰው እስረኛ ያመለጠ መስሎት ራሱን ሊያጠፋ ሲል ጳውሎስ "ሁላችን ከዚህ አለንና በራስህ ክፉ ነገር አታድርግ" አለው።

ወዳጄ አንተስ ተስፋ የቆረጥኸው ምን ያመለጠ መስሎህ ነው? የትምህርት ዕድል ያመለጠህ መስሎህ ነው? ገና ሺህ የትምህርት ዕድሎች አሉህ። ዕድሜህ ያመለጠህ መስሎህ ነው? ነገ የሚጠብቁህ ብሩሕ ዘመናት እኮ ቁጭ ብለው አሉ? የሚረዳኝ ሰው የሚያስብልኝ ሰው አጥቼያለሁ? ብለህ ከሆነም ካልሰሙህ ጥቂቶች በላይ ልንሰማህ የምንሻ "ሁላችን ከዚህ አለንና በራስህ ክፉ ነገር አታድርግ"

መከራ ጸናብኝ ኑሮ ጨለመብኝ የሀገሪቱ ሁኔታ ተስፋ አሳጣኝ ብለህ ይሆን? እኛስ አብረንህ አይደልንም? አብረን ከገባንበት ችግር አብረን ብንወጣ አይሻልም? ከአንተ በባሰ ሁኔታ የታሰርንና የተገረፍን ጳውሎሶችና ሲላሶች "ሁላችን በዚህ አለንና በራስህ ክፉ አታድርግ" ስንልህ ስማን። ይልቅ አንተም እንደ ወኅኒው ጠባቂ "እድን ዘንድ ምን ላድርግ ብለህ?" ነፍስህን የምታድንበትን መንገድ ወደ መቅደሱ ቀርበህ ጠይቅ።

ወዳጄ ይህንን ጽሑፍ ያነበብኸውም በሕይወት ስላለህ ነው። የአንተን ዓይን የሚጠብቁ ብዙ ጽሑፎች፣ የአንተን ጆሮ የሚፈልጉ ብዙ ድምፆች፣ የአንተን መሐረብ የሚፈልጉ ብዙ ዕንባዎች፣ የአንተን ሳቅ የሚፈልጉ ብዙ ቀልዶች ... ገና ብዙ ብዙ አሉ። ስለዚህ ሰይጣንን አሳፍረው። እንዲህ በለው "ጠላቴ ሆይ፥ ብወድቅ እነሣለሁና፥ በጨለማም ብቀመጥ እግዚአብሔር ብርሃን ይሆንልኛልና በእኔ ላይ ደስ አይበልህ" ሚክ. ፯፥፰

(ዲያቆን ሄኖክ ኃይሌ - የኤፌሶን ወንዝ ገጽ 9-14)

ቅምሻ ፩
(ከኤፌሶን ወንዝ ከዲያቆን ሄኖክ መጽሐፍ)
በራስህ ክፉ ነገር አታድርግ

ይድረስ ለተከፋኸው ወንድሜ መኖር ለደከመህ፣ ሕይወት ለታከተህ፣ የሚሰማህ ላጣኸው፣ የሚረዳህ ሰው ላላገኘኸው መከረኛው ወዳጄ!

ከሞት ውጪ ሌላ መፍትሔ አልታይ ካለህ የአንተ ቢጤ መከረኞቹ ጳውሎስና ሲላስ እስር ቤት ውስጥ ሆነው እንዲህ ይሉሃል። "በራስህ ክፉ ነገር አታድርግ" ሐዋ. ፲፮፥፳፰ አውቃለሁ ዙሪያው ገደል ሆኖብሃል። ምነው ባልተፈጠርሁ እስክትል ድረስ ተጨንቀሃል። ግን ይህ ስሜት በአንተ አልተጀመረም።

ሰው ሆኖ ተፈጥሮ ኑሮ ያልመረረው ማን አለ? መሞት ያልተመኘስ ማን አለ? ሞት ያማረህ አንተን ብቻ መሰለህ? "ስለ ምን ከማኅፀን አወጣኸኝ? ዓይን ሳያየኝ ምነው በሞትሁ" ያለውን ጻድቅ ኢዮብ አልሰማህም? (ኢዮ. ፲፥፲፰) "ከአባቶቼ አልበልጥምና ነፍሴን ውሰድ" ብሎ እንዲሞት የለመነውን ኤልያስን አላየኸውም? (፩ነገሥ. ፲፱፥፬) ዮናስንስ "አሁንም፥ አቤቱ፥ ከሕይወት ሞት ይሻለኛልና እባክህ፥ ነፍሴን ከእኔ ውሰድ፡ አለው" ሲል አልሰማኸውም? (ዮናስ ፬፥፫)

ወንድሜ እመነኝ ምክንያቱ ምንም ይሁን ምን መኖር ያላስጠላው ሰው በታሪክ ፈልገህ አታገኝም። ሞት ሞት የሸተተው ልቡ የተሰበረ ብዙ ነው። አንተ ላይ ብቻ የደረሰ ልዩ ፈተና የለም:: "ለሰው ሁሉ ከሚሆነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል" ይላል መጽሐፍ:: ፩ኛ ቆሮ. ፲፥፲፫

ምናልባት የልብህን መሰበር የኀዘንህን ጥልቀት አይቶ ምቹ ጊዜ አገኘሁ ብሎ ራስህን እንድትጎዳ ሰይጣን ሊገፋፋህ ይችላል። እንዴት እንዲህ ዓይነት ሃሳብ በልቤ ሊመጣ ቻለ ብለህ አትረበሽ። ሰይጣን ይህንን ክፉ ሃሳብ ላንተ ብቻ ሳይሆን ለክርስቶስም አቅርቦለታል።

"የእግዚአብሔር ልጅስ ከሆንህ፥ ወደ ታች ራስህን ወርውር" ብሎ ክርስቶስን እንኳን [ማንነቱን ሳያውቅ] ራሱን እንዲወረውር ሊገፋፋው የሞከረ ደፋር ነው። የእግዚአብሔር ልጅ የሆነ ሰው ግን ራሱን አይጎዳም። "ጌታ አምላክህን አትፈታተነው" "ሒድ አንተ ሰይጣን" ብለህ ሰይጣንን ገሥፀው። ሰይጣን ክርስቶስን "ከሕንፃ ጫፍ በመወርወር የእግዚአብሔር ልጅ መሆንህን አሳይ" ሲለው ክርስቶስ ሰይጣንን ሒድልኝ ብሎ በመገሠጹ በክብር ወደ ሰማይ ዐርጎ በእግዚአብሔር ቀኝ ተቀመጠ።

ወንድሜ ሆይ አንተም ሰይጣንን አትስማው ሃሳቡ ራስህን ጎድተህ ከፈጣሪህ እንድትጣላ ሊያደርግህ ነው። ሰይጣንን ከገሠጽከው በእግዚአብሔር ቀኝ ከበጎቹ ጋር ትቆማለህ። አሁን ያለህበት ችግር ያልፋል። የሚሰማህ ክፉ ስሜት መቼም የማይለወጥ አይምሰልህ። ኀዘኑም ፣ ብቸኝነቱም ፣ ተስፋ ቢስነቱም ያልፋል። ጨለማው ይነጋል:: የተዘጋው በር ይከፈታል። ችግሩ ሲፈታ አንተ ከሌለህ ግን ትርጉም የለውም። ስለዚህ ለሚፈታ ችግር የማይቀለበስ ውሳኔ አትወስን:: ራስን ማጥፋት ከጊዜያዊ ችግር ለመሸሽ ሲሉ ዘላቂ ችግር ውስጥ መግባት ነው:: ጊዜያዊ ሕመምን ለማስታገስ የዘላለም ሕመምን ለምን ትመርጣለህ?

"የሞተ ተገላገለ" ሲሉ ሰምተህ እንዳትታለል ሞት ዕረፍት የሚሆነው ራሱ እግዚአብሔር ሲጠራህ ብቻ ነው። "እናንተ ደካሞች ሸክማችሁ የከበደ ወደ እኔ ኑ እኔም አሳርፋችኋለሁ" ያለው ጌታ ሳይጠራህ ራስን ማጥፋት የዘላለም ስቃይ ያመጣል።

ወዳጄ "በራስህ አንዳች ክፉ አታድርግ" የሕይወትህን ዋጋ ታውቅ ይሆን? አንተ እኮ የእግዚአብሔር ልጅ ለአንተ ሲል የሞተልህ ነህ። ሊፈውስህ የቆሰለ፣ ሊያከብርህ የተዋረደ፣ ሊያረካህ የተጠማ፣ ሊያለብስህ የተራቆተ ለአንተ እኮ ነው። ክርስቶስ ስለ አንተ ሞቶአል። አንተን ግን የጠየቀህ እንድትሞትለት ሳይሆን እንድትኖርለት ነው። ለሞተልህ አምላክ እንዴት መኖር ያቅትሃል?

ይቀጥላል ......

(ዲያቆን ሄኖክ ኃይሌ - የኤፌሶን ወንዝ ገጽ 9-14)

የ፮ እሁድ ማኅሌተ ጽጌ በሊቀ መዘምራን ተስፋ ጽዮን

https://youtu.be/7NvahZyM3pU?si=gJwwP02gLIy6aLhG&sfnsn=mo

"የቤተ ክርስቲያን ካህን ለአንተ እንደ መንፈሳዊ አባት ይኹንልህ፡፡ አንድ ሕመምተኛ ስውር በሽታዎቹን በግልፅ ለሐኪም እንደሚያሳይና ከዚያም እንደሚድን ኹሉ፥ አንተም ምሥጢሮችህን ለካህን በግልፅ ንገር፤ [ትድንማለህ]፡፡”

(ቅዱስ ጎርጎርዮስ ዘኑሲስ)

አልቆም ያለ ደም

"በኋላውም ቀርባ የልብሱን ጫፍ ዳሰሰች፥ የደምዋም ፈሳሽ በዚያን ጊዜ ቆመ" ሉቃ. ፰፥፵፬

ከዐሥራ ሁለት ዓመትም ጀምሮ ደም የሚፈሳት ሴት ነበረች፥ ትዳርዋንም ሁሉ ለባለመድኃኒቶች ከስራ ማንም ሊፈውሳት አልተቻለውም። ደምዋ ፈስሶ አያልቅም ወይ? ዓሥራ ሁለት ዓመት ሙሉ? እንዴት ያለ ሕመም ነው?! ሰው በክፉ ሽታዋ እስኪርቃት ድረስ የማይቆም ደም። ባለ መድኃኒቶች ሊያቆሙት ያልቻሉትን የደም ጎርፍ የናዝሬቱ ባለ መድኃኒት በቀሚሱ ብቻ አቆመው። በልብሱ ጫፍ ብቻ። ሳያያት ሳይነካት እጁን ሳይጭንባት በልብሱ ጫፍ ብቻ የደምዋን ዝናብ እንዲያባራ አደረገው። የሕመምዋን ማዕበል ገሠጸው።

በልብሱ ጫፍ ብቻ የሚፈውስ ሐኪም እንዴት ያለ ነው? ቀጠሮ ሳይሠጥህ ሳያናግርህ ቀና ብሎ ሳያይህ ስትነካው ብቻ የምትድንበት ከሆነ እርሱ መድኃኒት የሚያዝ ሐኪም ሳይሆን ራሱ መድኃኒት ነው። የልብሱን ጫፍ የነካ ከዳነ ሥጋውን የበሉ ደሙን የጠጡማ ምንኛ ይድኑ ይሆን? ሊፈውሳት አስቦ አልነበረም የዓሥራ ሁለት ዓመት ሴት ልጅ ከሞት ሊያስነሣ መንገድ ሲሔድ ግን እግረ መንገዱን የዓሥራ ሁለት ዓመት የቁም ሙትዋን ፈወሳት። መድኃኔዓለም እንዲህ ነው። ወደ በሽተኛው ሳይሔድ በቃሉ ብቻ ተናግሮ ይፈውሳል፤ በሽተኛው ቤት ገብቶ በአልጋው ላይ ይፈውሳል። ሊፈውስ ሲሔድም ይፈውሳል። እናም የሴቲቱ አልቆም ያለ ደም በልብሱ ጫፍ ብቻ ቀጥ አለ።

ጌታዬ ሆይ የእኔንስ ደም የምታቆመው መቼ ነው? ምን ደም ፈስሶህ ያውቃል ካልከኝ ኃጢአት የሚባል ደም ሲፈሰኝ አይታይህም? አንተስ በቃልህ "ኃጢአታችሁ እንደ ደም ብትቀላ እንደ ባዘቶ ትጠራለች" ብለህ የለ? እንደ ደም የቀላው የእኔ ኃጢአት ነው። ይኸው ሲፈስ ከሴቲቱ በላይ ቆየ። ላቆመው ብል አልቆም አለኝ። ያላሰርኩበት ጨርቅ፣ ያልሞከርኩት ቅባት፣ ያልሔድኩበት ባለ መድኃኒት የለም። ገንዘቤን ከሰርኩ እንጂ ኃጢአቴ ግን መቆም አልቻለም። እንዲያውም መጠኑ እየጨመረ ነው። ባሕር ሆኖ ሊያስጥመኝ የደረሰ የኃጢአት ደም ከብቦኛል።

ለእኔ የሚሆን የቀሚስ ጫፍ ታጣ ይሆን? እኔ እንደ ሴቲቱ ታላቅ እምነት የለኝም ቀሚስህ ግን አሁንም ኃይል አለው። ልትፈውሰኝ ና አልልህም ስታልፍ ግን ልዳስስህና ልዳን። ጉዞህን ሳላሰናክል ሰው ሳይሰማ በልብስህ ጫፍ ብቻ ደሜን አቁምልኝ። የእኔን ደሜን መግታት ላንተ ምንህ ነው? ደምህንስ አፍስሰህልኝ የለ? እባክህን ደሜ ሳይቆም ሌላ ዓመት አልሻገር። እኔ ኃጢአቴን "ያለፈው ዘመን ይበቃል" ማለት ቢያቅተኝም አንተ ግን ይበቃሃል በልልኝ። በእምነት ማጣት የታጠፈውን እጄን ወደ ልብስህ ጫፍ ዘርጋልኝ። እኔ ማቆም ያልቻልኩትን የበደል ደም ጸጥ አድርገህ "አንድ ሰው ዳስሶኛል ኃይል ከእኔ ወጥቶአል" በል። እነጴጥሮስም ይደነቁ እኔም በሰላም ልሒድ።

(ዲያቆን ሄኖክ ኃይሌ - የኤፌሶን ወንዝ ገጽ 168-170)

የጌታ ስቅለት በአበው

"አደምን የፈጠሩ እጆቹ በመስቀል ቀኖች ተቸነከሩ ወዮ በገነት የተመላለሱ እግሮች በመስቀል ቀኖች ተቸነከሩ ወዮ የማይሞተው ሞተ ሞትን ይሽረው ዘንድ ሞተ ሙታንን ያድናቸው ዘንድ ሞተ የምትወዱት ሰዎች ፈጽሞ አልቅሱለት፡፡"
ቅዳሴ ዮሐንስ አፈወርቅ

“እጆቹን እግሮቹን በተቸነከረባቸው ችንካሮች መወጋቱንም እናምናለን፡፡ ነቢዩ ኢሳይያስ እርሱ ደዌያችንን ወሰደ ሕማማችንንም ተሸከመ፤ እኛን ለማዳን ኃጢአታችንንም ለማሥተሥረይ መከራ ተቀበለ እንዳለ፣ በባሕርዩ ሕማም የሌለበት ሲሆን በሥጋ የታመመ ነው፤ በእርሱ ከመከራ ሥጋ ከመከራ ነፍስ ድነናል አለ፡፡ በተገረፈና በተቸነከረም ጊዜ በመከራው ሁሉ መለኮትን ሕማም ተሰማው የሚል ሰው ቢኖር የተለየ የተወገዘ ይሁን፡፡”
ቅዱስ ጎርጎርዮስ ሊቀ ጳጳስ

‹‹የሚሠዋ በግ እርሱ ነው፤ የሚሠዋ ካህን እርሱ ነው፡፡ ከባሕርይ አባቱ ከአብ ከባሕርይ ሕይወቱ ከመንፈስ ቅዱስ ጋርም መሥዋዕት የሚቀበል እርሱ ነው፡፡ በፈቃዱ መከራን በሥጋው የተቀበለ መከራንም ሁሉ የታገሠ እርሱ ነው፡፡ እንደ በግ ሊሠዋ መጣ፤ በግ በሚሸልተው ሰው ፊት እንዳይናገር አልተናገረም፤ በአንደበቱ ሐሰት አልተገኘበትም፡፡››
ቅዱስ ጎርጎርዮስ ዘኑሲስ

‹‹ታመመ ሞትን ከተቀበለበት ከሥጋ ጋር ተዋሕዶ በመስቀል ላይ በፈቃዱ ለሥጋውያን ሞተ፤ ባሕርየ መለኮት ሥጋን ተዋሕዶ በማኅፀን ካደረ ጀምሮ ሥጋ ገንዘቡ እንደመሆኑ በሥጋ ይኸንን ሥርዐት ፈጸመ፡፡ ለማይመረመር ለመለኮቱ ባሕርይ እንደሚገባ ደግሞ እርሱ ኅብስት አበርክቶ ሁሉን ያጠግባል፤ አይራብም፤ አይጠማም፤ አይደክምም፤ አያንቀላፋም፤ አይታመምም፤ አይሞትም፤ ሕይወትን ለሁሉ ይሰጣል፡፡ ዳግመኛ በዛ በሲኦል ተገዝተው ያሉ ነፍሳትን ያድን ዘንድ በአካለ ነፍስ ወደ ሲኦል ወረደ በመለኮቱም ሲኦልን በዘበዘ››
ቅዱስ ቄርሎስ ዘእስክንድርያ
    
‹‹ሙሴም ሞትን ያጠፋ ዘንድ አልቻለም፤ እርሱንም ይዞ ገዛው እንጂ፤ ከእርሱም በኋላ የተነሡ ነቢያትንም ሁሉ ሞት ገዛቸው እንጂ፡፡ ክርስቶስ ግን በቸርነቱ ለሁሉ ሕይወትን ሰጠ›› 
ቅዱስ አቡሊዲስ ዘሮም

‹‹ምትሐት ያይደለ በእውነት ተራበ፣ ተጠማ እንጂ፡፡ ዳግመኛም ከኃጥአን ከመጸብሐን ጋር በላ ጠጣ፤ ያቀረቡለትንም በላ፡፡ ራሱን አሳልፎ ለመስቀል ሰጠ፤ እጁን እግሩን ተቸነከረ፤ ጎኑን በጦር ተወጋ፤ ከእርሱም ቅዱስ ምሥጢር የተገለጠበት ደምና ውኃ ፈሰሰ /ወጣ/፡፡››
ቅዱስ ባስልዮስ ዘቂሳሪያ

ጥቅምት 27 "በዓለ ስቅለት"

ጥቅምት 27 በዚህች ዕለት የአምላካችን የመድኃኔዓለም የስቅለቱ መታሰቢያ ነው።

መድኃኒታችን ለስም አጠራሩ ክብር ይግባውና በቸርነቱ ስለኹላችን ድኅነት ሲል ራሱን ወድዶ ፈቅዶ ለሞት አሳልፎ በመስጠት ፍጹም ፍቅሩን አሳይቶናል። በቅዱስ ወንጌልም እርሱም መድኃኒታችን " ከዚህ የሚበልጥ ፍቅር የለም" ብሎ ነግሮናል። እውነት ነው፣ ራስን ነፍስን ስለጠላት ነፍስ አሳልፎ ከመስጠት በላይ ምን ድንቅ ነገርና ምን ድንቅ ፍቅር አለ?

ቸሩ አምላካችንን የአስቆሮቱ ይሁዳ ሊያስይዘው የሊቃነ ካህናቱን አገልጋዮች እየመራ አመጣቸው። እነርሱንም ማንን ትፈልጋላችሁ ሲላቸው የናዝሬቱ ኢየሱስን አሉት፣ እኔ ነኝ ቢላቸው የቸሩን አምላክ ድምጽ ሰምቶ አይደለም መቆም በሕይወት መጽናት የሚቻለው የለምና ወደ ኋላቸው ተስፈንጥረው ወደቁ። ደጋግሞም እንዲህ ኾነ። በኋላ ግን እኔ ነኝ ብሎ በፈቃዱ ይሁዳ ስሞ አሳልፎ ሰጣቸው።

ከያዙት በኋላ እያዳፉና እየጎተቱ በሰንሰለት አስረው ወደ ቀያፋና ሐና ግቢ ወሰዱት፣ እስከ ሦስት ሰዓትም አላሳረፉትም ሲያሰቃዩት አድረዋል፣ በራሱም ላይ ሰባ ሦስት ስቊረት ያለው ወደ ሦስት መቶ እሾኾችን የያዘ የእሾህ አክሊል ጎንጉነው ቢያደርጉበት የራስ ቅሉን ቀዶ ገብቶ እስከ ልቡ ዘልቋል። እንደምን ጭንቅ ነው? እንዲህም አድርገው ደግሞ እያፌዙ ርኲስ ምራቃቸውን ይተፉበትና በዘንግም ደጋግመው ይመቱት ነበር። እየተፈራረቁ ያለ ምንም ርኅራኄ ቸሩን አምላክ ሥጋው እየተቆረጠ እስኪወድቅ ድረስ ስድስት ሺህ ስድስት መቶ ስድሳ ስድስት ጽኑዕ ግርፋትን ገርፈውታል። የገረፉበትም ጅራፍ በላዩ ላይ ሥጋን እየጎመደ የሚጥል፣ ሕመሙ አንጀት ሰርሥሮ የሚገባ በስለት የተያያዘበት ነበር።

በኋላም አላሳረፉትም እንዲህ አድርገውትም በሊቶስጥራ አደባባይ ያንን ዕርጥብ መስቀል አሸክመው ወደ ቀራንዮ ወሰዱት። እርሱ ግን ይህን ኹሉ ግፍ ሲያደርሱበት አንድም አልተናገረም ነበር። በቀራንዮም በአምስት ጽኑዕ ቅንዋት (ሳዶር፣ አላዶር፣ ዳናት፣ አዴራ እና ሮዳስ) ቸንክረው ዕርቃኑን ሰቀሉት።

በዚህች ቀን ድንግል ማርያም ልቧ በሐዘን ተሰበረ መጽናናትንም አልፈለገች ነበር፤ ወዳጁ ቅዱስ ዮሐንስም ፍፁም ለቅሶን አለቀሰ እናቱንም እናት ትሆነው ዘንድ በእግረ መስቀሉ አደራን ተቀበለ። ቅዱሳት አንስት በፍጹም ሀዘንና በዋይታ ዋሉ። በስልጣኑም ቅድስት ነፍሱን ከቅዱስ ሥጋው ለየ። ሰባት ድንቅ የኾኑ ተአምራትንም አድርጎ አምላክ መኾኑን ገለጠ። ይህም ጽኑዕ የኾነ ለሰማይ ለምድር የከበደ ነገር ሲከሰት ፀሐይ አምላኬን ዕርቃኑ እንዴት አያለሁ ብላ ጨለመች። ጨረቃ ደም ኾነች፣ ከዋክብቱም ረገፉ፣ ንዑዳን ክቡራን ንጹሐን መላእክትም ትዕግስቱን እያደነቁ በጽኑዕ ሐዘንና መደነቅ ከቅዱስ ዕፀ መስቀሉ ፊት እንደሻሽ ተነጠፉ።

አስራ አንድ ሰዓት በሆነም ጊዜ ዮሴፍና ኒቆዲሞስ ከታላቅ ክብርና ሐዘን ጋር ቅድስት ሥጋውን ከመስቀሉ አውርደው በክብር ገንዘው በአዲስ መቃብር ቀበሩት። በሦስተኛውም ቀን እንደተናገረ ተነሳ።

በዛሬዋ ቀን ቤተ ክርስቲያን የመድኃኔለምን የስቅለት በዓል በደማቁ ታከብራለች፤ ይህም የለውጥ በዓል ነው፡፡ ጌታችን መድኃኒታችን እየሱስ ክርስቶስ ደሙን ያፈሰሰው ስጋውን የቆረሰው መጋቢት 27 ቀን ነው፤ ይህ በዓል ግን በዐቢይ ጾም ስለሚውል በዐቢይ ጾም ሀዘን እንጂ ደስታ ስለሌለና በዓል ማክበር ስለማይፈቀድ፤ ወደ ጥቅምት 27 ተዛውሮ ደስ ብሎን እንድናከብረው ቤተ ክርስቲያን ስርዓት ሰርታልናለች፡፡

ከበዓሉ ረድኤት በረከት ይክፈለን

ሁለት ሰዎች በአንድ ጉዳይ አብረው ይፀልያሉ አንደኛው ፀሎቱ ተመለሰለት አንደኛው ሳይመለስለት ቀረ። በዚህ ጊዜ ፀሎቱ ያልተመለሰለት ሰው "ጌታ ሆይ ሁለታችንም እኩል ፀልየን ለእርሱ ሰጥተኸው ለእኔ ከለከልኝ ለምንድ ነው?" አለው። እግዚዘብሔርም "ለእርሱ ባልሰጠው ይጠፋል፣ ላንተ ከሰጠሁህ ደግሞ ትጠፋለህ" አለው ይባላል።

እግዚአብሔር ከራሳችን በላይ እኛን ያውቀናል። ለአንዳችን በመስጠት፣ አንዳችንን በመከልከል ዕድሜያችንን ያረዝመዋል። መስጠቱም መንሳቱም ሁለቱም በፍቅር ነውና በልመናችን በፀሎታችን የአንተ ፈቃድ ይሁንልን ማለት ተገቢ ነው። ስለሁሉም የእግዚአብሔር ስም የተመሰገነ ይሁን። አሜን!!

ሰላም ተወዳጆች በዚህ ግሩፕ የሐዲስ ኪዳን ትርጓሜ መምህር የሆኑት መጋቤ ሐዲስ ተውህቦ ጸጋ
➛ ወቅቱን መሠረት ያደረጉ ኦርቶዶክሳዊ ትምህርቶች
➛ የቅዱሳን አባቶች እና እናቶች ታሪክ
➛ የንጽጽር ትምህርቶች
➛ ከግሩፑ አባላት ለሚመጡ ማንኛውም ሃይማኖታዊ ጥያቄዎች ምላሽ መስጠትን ጨምሮ ሌሎች ተከታታይ ትምህርቶችን በማስተማር ላይ ይገኛሉና ሌሎች የዚህ የቴሌግራም ግሩፕ አባል እንዲሆኑ ይጋብዙ ዘንድ በእግዚአብሔር ስም እንጠይቃለን።

https://t.me/Tewhbotsega

https://t.me/Tewhbotsega

#ለቸሩ_መድኃኔዓለም_ዝም_አልልም
**
                      #ሼር_ሼር_ስለ_መድኃኔዓለም 🙏
          በከፋ ሀ/ስብከት ጌሻ ወረዳ ወዲት ገጠር ቀበሌ የዮፎ መድኃኔዓለም ቤተክርስቲያን ከ 1944-2017 ዓ.ም
#በፍታችን_ለሚከበረው_የጥቅምት_፳፯_ዓመታዊ_የቸሩ_መድኃኔዓለም_ክብር_በዓል_ሚክኒያት_በማድረግ_መረዳት_ባትችሉ_ሸር_አደረጉ_ስለ_መድኃኔዓለም--------
#ይህ_ቤት_ለመድኃኔዓለም_ይመጥናል_ወይ????😭😭😭😭😭😭

✥✥✥✥✥✥✥✥✥✥✥✥✥✥

ይህቺም ክርስቶስ በደሙ የመሰረታት  ጽላት የከበረባት፣ካህን የሚያገለግልባት፣ንግስ የሚከበርባት፣ወንጌል የሚዘራበት፣ሚስጢራት የሚፈጸሙባት በሞዛይክ እና ማርብል ከተሽቆጠቆጡ የከትማ አብያተክርስቲያናት ጋር በእኩሌታ መንፈስቅዱስ የሚሰራባት#በየዓመቱ_እንደ_ለሎቹ_አብያተክርስትያናት_ታቦት_የሚነግስባት  አማናዊ #የገጠሪቷ መቅደስ ናት ። የሰማይወምድር የነገስታቶች ንጉስ የጌቶች ጌታ፣የአምላኮች አምላክ፣ስሙም ድንቅ፣መካረ ኃያል፣ ኤልሻ ዳይ፣ አዶናዬ፣የተባለው፣ የቸሩ መድኃኔዓለም ቤተመቅደስ ናት

በአካባብ ከ30 የማይበልጥ በመከራ የተፈተነች የገጠርቷ ነፍስ ብቻ ነው ያለው።
በዚህ መሠረት በእነዚያ ጥቅት ነፍሳትና በእግዚአብሔር አጋዥነት #ከሚያዚያ 5/2013ዓ.ም ጀምሮ ምንም አይነት የገቢ ምንጭ ሳይኖራቸው መሠረት ጥሎ ስራውን የጀመሩ ብሆኑ በማህበራዊ ሚድያ በእናንተ በደጋጎች ድጋፍ ወደ ፍኒሽንግ ደረጃ ካደረስን ቦኋላ ስራው ቁሟል😭😭😭 ።
ስለሆነም አሁን የጎደሉ ማቴረያሎች ተሟልቶና ስራው ተጠናቅቆ በቅርቡ ቅዳሴ ቤቱ ይከበር ዘንድ ከመቸውም ግዜ በላይ የበረታ እጆቻችሁን እንድትዘረጉልን በስሙ እንወድቃለን🙏
የጎደሉ ማቴረያሎች
#ለሊሾ 50ኩ/ታ ሲሚንቶ 50*2400=120,000ብር
#ቀለም 64 ጋሎን  64*2200=136,400ብር
#መስታወት 62 ካሬ 62*2000=124,000ብር
#በር ከተሰራበት ለማስመጣትና ለመግጠም 70,000
#የውስጥ የስነ ስዕል ስራዎች የሚያስፈልጉ ነገሮች እንደ ገጠር አጥቢያ በጥቅቱ  =80,000ብር
                                      #ድምር=  530,400ብርነው

             ስለዚህ #የመድኃኔዓለም ውለታ የዋለላችሁ
                    #ስሙን ስትሰሙ ፍቅሩን የሚታስታውሱ
                    #ጥበቃውና ረዳትነቱ የተከታላችሁ
የስሙ አጋቾች እኔሆ የበረከት እጃችሁን #ከ10ብር ጀምራችሁ የሚትዘረጉበት የቤ/ያንቷ ህጋዊ ንግድ ባንክ አካውንት:_ 
                1000107255943
               ዮፎ መድኃኔዓለም ቤ/ን ህንፃ ማሰረያ....
     
       ለበለጠ መረጃ 0991122817/0917235781

ያስገባችሁትን የባንክ ስሊፕና የክርስትና ስማችሁን በውስ መስመረ አሳወቁን!

#ስለ_መድኃኔዓለም
#ስለ_ድንግልቱ_ልጅ
#ስለ_ዓለሙ_ጌታ
🤲🤲🤲🤲🤲🤲

#ለቸሩ_መድኃኔዓለም_ዝም_አልልም
**
                      #ሼር_ሼር_ስለ_መድኃኔዓለም 🙏
          በከፋ ሀ/ስብከት ጌሻ ወረዳ ወዲት ገጠር ቀበሌ የዮፎ መድኃኔዓለም ቤተክርስቲያን ከ 1944-2017 ዓ.ም
#በፍታችን_ለሚከበረው_የጥቅምት_፳፯_ዓመታዊ_የቸሩ_መድኃኔዓለም_ክብር_በዓል_ሚክኒያት_በማድረግ_መረዳት_ባትችሉ_ሸር_አደረጉ_ስለ_መድኃኔዓለም--------
#ይህ_ቤት_ለመድኃኔዓለም_ይመጥናል_ወይ????😭😭😭😭😭😭

✥✥✥✥✥✥✥✥✥✥✥✥✥✥

ይህቺም ክርስቶስ በደሙ የመሰረታት  ጽላት የከበረባት፣ካህን የሚያገለግልባት፣ንግስ የሚከበርባት፣ወንጌል የሚዘራበት፣ሚስጢራት የሚፈጸሙባት በሞዛይክ እና ማርብል ከተሽቆጠቆጡ የከትማ አብያተክርስቲያናት ጋር በእኩሌታ መንፈስቅዱስ የሚሰራባት#በየዓመቱ_እንደ_ለሎቹ_አብያተክርስትያናት_ታቦት_የሚነግስባት  አማናዊ #የገጠሪቷ መቅደስ ናት ። የሰማይወምድር የነገስታቶች ንጉስ የጌቶች ጌታ፣የአምላኮች አምላክ፣ስሙም ድንቅ፣መካረ ኃያል፣ ኤልሻ ዳይ፣ አዶናዬ፣የተባለው፣ የቸሩ መድኃኔዓለም ቤተመቅደስ ናት

በአካባብ ከ30 የማይበልጥ በመከራ የተፈተነች የገጠርቷ ነፍስ ብቻ ነው ያለው።
በዚህ መሠረት በእነዚያ ጥቅት ነፍሳትና በእግዚአብሔር አጋዥነት #ከሚያዚያ 5/2013ዓ.ም ጀምሮ ምንም አይነት የገቢ ምንጭ ሳይኖራቸው መሠረት ጥሎ ስራውን የጀመሩ ብሆኑ በማህበራዊ ሚድያ በእናንተ በደጋጎች ድጋፍ ወደ ፍኒሽንግ ደረጃ ካደረስን ቦኋላ ስራው ቁሟል😭😭😭 ።
ስለሆነም አሁን የጎደሉ ማቴረያሎች ተሟልቶና ስራው ተጠናቅቆ በቅርቡ ቅዳሴ ቤቱ ይከበር ዘንድ ከመቸውም ግዜ በላይ የበረታ እጆቻችሁን እንድትዘረጉልን በስሙ እንወድቃለን🙏
የጎደሉ ማቴረያሎች
#ለሊሾ 50ኩ/ታ ሲሚንቶ 50*2400=120,000ብር
#ቀለም 64 ጋሎን  64*2200=136,400ብር
#መስታወት 62 ካሬ 62*2000=124,000ብር
#በር ከተሰራበት ለማስመጣትና ለመግጠም 70,000
#የውስጥ የስነ ስዕል ስራዎች የሚያስፈልጉ ነገሮች እንደ ገጠር አጥቢያ በጥቅቱ  =80,000ብር
                                      #ድምር=  530,400ብርነው

             ስለዚህ #የመድኃኔዓለም ውለታ የዋለላችሁ
                    #ስሙን ስትሰሙ ፍቅሩን የሚታስታውሱ
                    #ጥበቃውና ረዳትነቱ የተከታላችሁ
የስሙ አጋቾች እኔሆ የበረከት እጃችሁን #ከ10ብር ጀምራችሁ የሚትዘረጉበት የቤ/ያንቷ ህጋዊ ንግድ ባንክ አካውንት:_ 
                1000107255943
               ዮፎ መድኃኔዓለም ቤ/ን ህንፃ ማሰረያ....
     
       ለበለጠ መረጃ 0991122817/0917235781

ያስገባችሁትን የባንክ ስሊፕና የክርስትና ስማችሁን በውስ መስመረ አሳወቁን!

#ስለ_መድኃኔዓለም
#ስለ_ድንግልቱ_ልጅ
#ስለ_ዓለሙ_ጌታ
🤲🤲🤲🤲🤲🤲

ሰላም ተወዳጆች በዚህ ግሩፕ የሐዲስ ኪዳን ትርጓሜ መምህር የሆኑት መጋቤ ሐዲስ ተውህቦ ጸጋ
➛ ወቅቱን መሠረት ያደረጉ ኦርቶዶክሳዊ ትምህርቶች
➛ የቅዱሳን አባቶች እና እናቶች ታሪክ
➛ የንጽጽር ትምህርቶች
➛ ከግሩፑ አባላት ለሚመጡ ማንኛውም ሃይማኖታዊ ጥያቄዎች ምላሽ መስጠትን ጨምሮ ሌሎች ተከታታይ ትምህርቶችን በማስተማር ላይ ይገኛሉና ሌሎች የዚህ የቴሌግራም ግሩፕ አባል እንዲሆኑ ይጋብዙ ዘንድ በእግዚአብሔር ስም እንጠይቃለን።

https://t.me/Tewhbotsega

https://t.me/Tewhbotsega

ሚ ዕጹብ በዝኃ ትሕትናኪ ማርያም እግዝእትየ
ምስለ ወልድኪ ባዕል ዘገብረ ሰማየ
ውስተ ደብረ ቁስቋም ኃደርኪ ተመሲለኪ ነዳየ
ኢረከብኪ ሰብአ በህየ ዘይሁበኪ ሲሳየ
ወእመ አኮ ለጽምኪ ማየ።

እመቤቴ ማርያም ሆይ የትሕትናሽ ብዛት ምን ያህል ነው? ሰማይን  ከፈጠረ ከባለ ጸጋው ልጇሽ ጋር ነዳይ መስለሽ በደብረ ቁስቋም አድረሻልና። በዚያም ለረኀብሽ ኅብስት ወይም ለጥምሽ ውኃ የሚሰጥሽ አልነበረምና።

ሰቆቃወ ድንግል

‹‹እስከ ማእዜኑ እግዝእትየ ማርያም ውስተ ምድረ ነኪር ትሄልዊ
ሀገረኪናሁ ገሊላ እትዊ
ለወልድኪ ሕፃን ዘስሙ ናዝራዊ
ለክብረ ቅዱሳን በከመ ይቤ ዖዝያን ዜናዊ
እምግብፅ ይጼውዖ አቡሁ ራማዊ፡፡››

ትርጉም፡-
እመቤቴ ማርያም ሆይ! ስሙ ናዝራዊ የሚባል ልጅሽን ለአዳምና ለሔዋን ክብር የባሕርይ አባቱ አብ ከግብጽ ይጠራዋል፣ማለት በግብጽ ስደት አይሞትም ኋላ በቀራንዮ ተሰቅሎ ዓለምን ያድናል ብሎ ነቢዩ ዖዝያን (ሆሴዕ) ትንቢት እንደተናገረ እስከ መቼ በባይድ አገር ትኖሪያለሽ? እነሆ ወደ አገርሽ ናዝሬት ተመለሽ፡፡

(ሰቆቃወ ድንግል)

ክበበ ጌራ ወርቅ ጽሩይ እምዕንቈ ባሕርይ ዘየኀቱ፣
ዘተጽሕፈ ብኪ ትእምርተ ስሙ ወተዝካረ ሞቱ፣
አክሊለ ጽጌ ማርያም ለጊዮርጊስ ቀጸላ መንግሥቱ፣
አንቲ ኵሎ ታሰግዲ ሎቱ፤
ወለኪኒ ይሰግድ ውእቱ፡፡

«የጊዮርጊስ የስሙ (የሰማዕትነቱ) ምልክትና የሞቱ መታሰቢያ የተጻፈብሽ፣ ባሕርይ ከሚባል፤ ከሚያበራ ዕንቊ ይልቅ፤ የጠራ የክብር ጌጥ የሆንሽለትና በክብር የነገሠብሽ የክብር አክሊል ማርያም ሆይ አንች ለጊዮርጊስ ሁሉን ታሰግጂለታለሽ፤ እሱ ግን ለአንች ይሰግዳል።»

ማኅሌተ ጽጌ

ሰው ሆይ! ልንገርህ፥ አንተም አድምጠኝ! ለሕንፃው ቤተ መቅደስ የምታመጣቸው ጌጣጌጦች አንድ ኢአማኒ ንጉሥ፣ ወይም ጨካኝ መሪ፣ ወይም ሌባ ሊዘርፋቸው ይችላል፡፡ ወንድምህ ሲራብ፣ እንግዳ ኾኖ ሲመጣና ሲታረዝ የምታደርግለት ማንኛውም ነገር ግን፥ እንኳንስ ጨካኝ መሪ፣ እንኳንስ ጨካኝ ሌባ፥ [የጨካኞች አባት የኾነው ዲያብሎስ እንኳን ሊዘርፈውስ ይቅርና ሊያይብህም] አይችልም፡፡ ገንዘብህ ኹሉ በማይጠፋ መዝገብ ውስጥ ይከማችልሃል፡፡

እርሱ ራሱ ታዲያ፦ “ድኾች ኹልጊዜ ከእናንተ ጋር ይኖራሉ፤ እኔ ግን ኹልጊዜ ከእናንተ ጋር አልኖርም" ያለው ለምንድን ነው (ማቴ.26፥11)? እንደዚህ ብሎ የተናገረው ጌታችን ተርቦ የምናገኘው ኹልጊዜ ሳይኾን በዚህ ዓለም ሕይወት ብቻ እንደ ኾነና ስለዚሁ ምክንያት የበለጠ ምጽዋትን ልናደርግ እንደሚገባን ሲነግረን ነው፡፡ የንግግሩን አጠቃላይ ትርጉም ልታውቅ ከፈለግህ ግን፥ ይህ ምንም እንኳን ከአፍአ ሲታይ እንደዚያ ቢመስልም ቅሉ ስለ ሴቲቱ ድካም እንጂ ለደቀ መዛሙርቱ የተነገረ እንዳልኾነ ተረዳ፡፡ ማለቴ፥ እምነቷ ገና ፍጹም ስላልኾነና ደቀ መዛሙርቱም ስለ እርሷ ሲያጉረመርሙ ስለ ነበሩ፥ ሕያው ያደርጋት ዘንድ ይህን ተናግሯል፡፡ ትበረታ፣ ትጸና ዘንድ ይህን እንደ ተናገረ ያስረዳ ዘንድም ጨምሮ፡- “ሴቲቱን ስለ ምን ታደክሟታላችሁ” አለ (ማቴ.26፥10)፡፡ እርሱ በርግጥም ኹልጊዜ ከእኛ ጋር እንደሚኖር ያስረዳ ዘንድም፦ “እነሆም እኔ እስከ ዓለም ፍጻሜ ድረስ ኹልጊዜ ከእናንተ ጋር ነኝ" አለ (ማቴ.28፥20)፡፡ ይህ የተነገረው፥ ለሌላ ለምንም ዓላማ ሳይኾን የደቀ መዛሙርቱ ተግሣጽ ያኔ እያቆጠቆጠ የነበረውን የሴቲቱን እምነት እንዳያደርቅ ሲባል እንደ ኾነ ከዚህ ኹሉ ግልፅ ነው፡፡

ስለዚህም በሐዲስና በብሉይ ኪዳን ያሉትንና ስለ ምጽዋት የተጻፉትን ሕጎች ኹሉ እናብብ እንትጋም እንጂ ስለ አንዳንድ የእግዚአብሔር የማዳን ሥራዎች የተነገሩትን እነዚህን ነገሮች አናምጣ፡፡ “ምጽዋትን ስጡ፤ እነሆም ኹሉ ነገር ንጹሕ ይኾንላችኋል" እንዲል፥ ምጽዋት ከኃጢአት ያነጻል (ሉቃ.11፥41)፡፡ “ከመሥዋዕት ይልቅ ምሕረትን አደርጋለሁ” እንዲል፥ ምጽዋት ከመሥዋዕት ይበልጣል (ሆሴ.6፥6)፡፡ “ጸሎትህና ምጽዋትህ በእግዚአብሔር ፊት ለመታሰቢያ እንዲኾን ዐረገ” እንዲል፥ ምጽዋት የሰማያትን ደጅ ይከፍታል (ሐዋ.10፥4)፡፡ ከድንግልና በላይ አስፈላጊው ነገርም ምጽዋትን ማድረግ ነው፡፡ እነዚያ [አምስቱ ሰነፎች] ደናግል ከሰርግ አዳራሹ የወጡት ስለዚሁ ምክንያት ነውና፤ ሌሎቹም [አምስቱ ልባም] ወደ ስርጉ አዳራሽ የገቡት በዚሁ ምክንያት ነውና፡፡

እንግዲያውስ ይህንን ኹሉ አስበን፡ ለዘለዓለም ክብር የክብር ክብር ገንዘቡ በሚኾን በጌታችን በኢየሱስ ክርስቶስ ቸርነትና ሰውን መውደድ, አብዝተን እናጭድ ዘንድና የሚመጡትን በጎ በነ ነገሮች እናገኝ ዘንድ አብዝተን እንዝራ፡፡

(የማቴወስ ወንጌል ቅጽ ፪ ድርሳን ፶ - ቅዱስ ዮሐንስ አፈወርቅ ማቴ.14፥23-36 በተረጎመበት ድርሳኑ ገጽ 526-528)

ልቡናውን ሰብስቦ መጸለይ አልችል ያለው ሰው አንድ ታላቅ አባትን እንዲህ ሲል ጠየቃቸው፦ "አባቴ የጸሎት መጽሐፍ ይዤ ስጸልይ ልቡናዬ አይሰበሰብልኝም፡፡ አፌ ቢያነበንብም ልቡናዬ አይተረጕምም፡፡ እርስዎ እንደነገሩኝ ደግሞ ቅዱሳን በፍጹም አሳባቸው እያሰቡና እያራቀቁ እንባንና ጸጸትን እየጨመሩ የደረሱትን እኛ በልባችን ሌላ እያሰብን በአፋችን ብቻ እንደእነርሱ ብንናገር እንደ ገደል እንደ ዋሻ ሆነን በእግዚአብሔር እንደመቀለድ ነው፤ ጸሎትም አይሆንልንም፡፡ እንግዲህ የአፍ ጸሎቴ ቅድመ እግዚአብሔር የማይደርስ ከሆነ ጸሎቴን ብተወው ይሻላል ወይስ ባልተወው ይሻላል?"

እርሳቸውም፦ "ዕውር ሰው በዘንጉ ምድር እየመታ ሲሄድ ከመንገድ ላይ ያለ እባብ ለጊዜው ድምጹን ሰምቶ ይመታኛል ብሎ እንደሚሸሽለት ሁሉ አንተም አስተውለህ ባትጸልይም በአፍህ ውስጥ የቃለ እግዚአብሔርን መንኳኳት እየሰሙ አጋንንት መሸሻቸው አይቀርምና ምንም ቅድመ እግዚአብሔር ባይደርስም ጸሎትህን አትተው። አጋንንትን ለማባረርም ጥቅም ነውና። ብዙ ከምትጸልየውም አንዳንድ ጊዜ ልብህ የሚወድቅባት ቃል ተጠራቅማ ወደ እግዚአብሔር ትደርሰልሃለች፤ ምንም ዝርወ ልብ ብትሆንም አፍህም ፍጥረቱ ነውና አንተው በዳይ አንተው አኵራፊ እንዳትሆን ባፍህም ብቻ ቢሆን መነጋገሩን አትተወው፡፡" ሲሉ መለሱለት።

(ምንጭ፦ ፍኖተ አእምሮ)

ባስልዮስ ሆይ! ንገረኝ...

በዚህ ዓለም የሥራ መስክ ገበሬ መርከብ ለመንዳት የማይነሣው፣ ወይም ወታደሩ የግብርናን ሥራ የማይሠራው፣ ወይም ሙያው መርከብ ነጂ የኾነ ሰው ጦር እንዲመራ እልፍ ጊዜ ቢጎተትም እንኳ እሺ የማይለው ለምንድን ነው? እያንዳንዱ ያለችሎታው ቢሰማራ የሚከተለውን አደጋ አስቀድሞ ስለሚያይ አይደለምን? ታዲያ ጥፋቱ ቁሳቁስና ንብረት በሚኾንበት ኹኔታ አስቀድመን ብዙ የምናስብና ግፊትና ግዴታን የማንቀበል ኾነን ሳለ፥ ክህነትን እንዴት እንደሚይዙትና እንደሚያገለግሉበት ለማያውቁ ቅጣቱ ዘለዓለማዊ በኾነበት ኹኔታ ግን ያለብዙ ማሰብና ማሰላሰል እንዲሁ በዘፈቀደ ወደዚህ ዓይነት ታላቅ አደጋ ውስጥ ዘለን እንገባለንን? የሌሎች ሰዎች ግፊትስ ምክንያት ሊኾነን ይችላልን? አንድ ቀን ፈታሒ በጽድቅ ኰናኒ በርትዕ የኾነው እግዚአብሔር ይጠይቀናል፡፡ ይህ ሰበብም አያድነንም፡፡

ከምድራዊ ነገሮች ይልቅ በመንፈሳዊ ነገሮች ላይ ይበልጥ ጠንቃቆች ልንኾን ይገባናልና፡፡ በትንንሽ ነገሮች ላይ ጠንቃቆች ስንኾን እንታያለንና፡፡ እስኪ ንገረኝ! አንድ ሰው የቤት ሥራ ሙያ ሳይኖረው ብትሠራልን ስንለው እሺ ብሎ ቢመጣና ከዚያ በኋላ ግን ዕንጨቱንና ድንጋዩን ቢያበላሽና የሠራው ነገር ወዲያውኑ ተበታትኖ ቢወድቅ በራሱ ፈልጎ አለመምጣቱና በሌሎች ግፊት ሥራውን መጀመሩ በቂ ምክንያት ሊኾነው ይችላልን? በጭራሽ! የሌሎችን ግፊትና ጥሪ አልቀበልም ማለት ነበረበትና በርግጥም ተጠያቂ ነው፡፡

ታዲያ እንዲህ እንጨትና ድንጋይ ለሚያበላሽ ሰው በጥፋቱ ከመጠየቅና ከመቀጣት ለመዳን ምንም ምክንያት ከሌለው፥ ነፍሳትን የሚያጠፋ፣ የእግዚአብሔርን ቤተ መቅደስ በግድየለሽነት የሚያንጽ ሰው’ማ እንዴት? የሌሎች ግፊትና ማስገደድ በቂ ምክንያት ይኾነኛል ብሎ ሊያስብ ይችላልን? እንዲህ ብሎ ማሰብስ ሞኝነት አይደለምን?

ፈቃደኛ ያልኾነን ሰው ማንም ሊያስገድደው እንደማይችል ለማሳየት ብዬ ሐተታ መስጠት አያስፈልገኝም፡፡ ነገር ግን ከዚህ በፊት እንደ ተናገርኩት ይህ ፈቃደኛ ያልኾነ ሰው እጅግ ተጭነዉትና ግድ ብለዉት ሌሎች ብዙ መንገዶችንም ተጠቅመው ወደዚህ ኃላፊነት አመጡት እንበል፡፡ ታዲያ ይህ ከቅጣት ሊታደገው ይችላልን? እማልድሃለሁ፤ በፍጹም ራሳችንን አናታልል! ሕፃናት ሳይቀሩ በቀላሉ በሚያውቁት ነገር ላይ እንደማናውቅ ኾነን አናስመስል፡፡ እንደማናውቅ ማስመሰላችን በዚያች ዕለት ላይ በእውነት ያለ ሐሰት ምንም አይጠቅመንምና፡፡

(በቅዱስ ዮሐንስ አፈወርቅ - በእንተ ክህነት መጽሐፍ)

ልጆቼ፦ እግዚአብሔርን በእምነት በፀሎት እንሻው ከእኛ የጠፋ ገንዘባችንን ነቅተን ተግተን በብዙ ድካም እንድንሻው እንዲሁ ሃሳባችንን ወደ እግዚአብሔር ልናቀርብ ይገባናል፤ ልጃችን ቢጠፋብን ፈልገን በቅርብ ያላገኘነው እንደሆነ ሃይላችንን በድካም ድካማችንን በሃይል የምንለውጥ አይደለንምን? የጠፋውን ልጃችንን ስለመፈለግስ እናገኘው ዘንድ የብሱን በእግር ባህሩን በመርከብ የምንዞር አይደለንምን? ፈልገንም ያገኘነው እንደሆነ ዳግመኛ እንዳይጠፋብን ለመጠበቅ እንተጋ የለምን?

እንዲህ ከሆነ መሐሪ እግዚአብሔርን በእምነትና በፀሎት እንሻው ዘንድ ምን ያህል ይገባን ይሆን? እግዚአብሔርን ፈልጉት ነጋዴ ወርቅ ቢጠፋበት ወርቁን ያገኘው እንደሆነ ሁሉን ቦታ እንደሚፈልግ እንዲሁ እግዚአብሔርን ፈልጉት እናት ልጇ ቢጠፋባት እስክታገኘው ድረስ አርፋ እንደማትቀመጥ እንዲሁ እግዚአብሔርን ፈልጉት እግዚአብሔርን እሹት ፈልጉት እስክታገኙት ድረስ በእምነት በፀሎት እሹት፡፡”

ቅዱስ ዮሐንስ አፈወርቅ

"ብዙ ጊዜ ሰዎች ብልህ ነን እያሉ ይሳሳታሉ። ነገር ግን ብልህ የሚባሉት ብዙ የተማሩና ብዙ ያነበቡ ብዙ የሚናገሩ ብቻ አይደሉም። ይልቁንም ጠቢባን የሚባሉት ጥብብት መጥበቢት ብልህ ነፍስ ያላቸው፤ የእግዚአብሔርንና የሰይጣንን ለይተው ለእግዚአብሔር ሆነው የሚኖሩ ናቸው። ፍጹም ምልዓተ ኃጢአትንና ከጦር ይልቅ የሚወጉ የኃጢአት እሾሀቸውን የነቀሉ ናቸው ጠቢባን።

ጠቢባንስ እግዚአብሔርን ያለጥርጥር በሙሉ ልብ የሚያምኑት፤ አምነውም እንደ ፈቃዱ የተከተሉት፤ በክንፈ ጸጋ ተመስጠው ከልብ በሚወጣ ውዳሴ ከእርሱ ጋር ተዋሕደው የሚኖሩ ናቸው። የነፍሳቸውን ረብሕ ጥቅም አውቀው ዕለት ዕለት ያንን የሚለማመዱ በእውነት ጠቢባን እነዚህ ናቸው።"

(ቅዱስ አባ እንጦንስ)

በስጦታ አሐቲ ድንግል ደርሳናለች

"ተወዳጁ ልጅሽ እንዲመግበኝ ትለምኝልኝ ዘንድ እማጸንሻለሁ"

እመቤቴ ድንግል ማርያም ሆይ እሰግድልሻለሁ። የመድኃኒት እናት ሆይ በመዓልትም በሌሊትም አማላጅ ትሆኝኝ ዘንድ እሰግድልሻለሁ። እመቤቴ ቅድስት ድንግል ማርያም ሆይ ከእርሱ የሚገኘውን ኃይልን ይሰጠኝ ዘንድ ከአንቺ ወደ ተወለደው ልጂሽ እንድትለምኝልኝ እማጸናለሁ። በመወለዱ ድኅነት የተገባሽ ሆነሻልና። በሔዋን ውድቀት ሆነ። አብ በመላእክት አለቃ በቅዱስ ገብርኤል አማካኝነት ሰላምን የላከልሽ እመቤቴ ቅድስት ድንግል ማርያም ሆይ እሰግድልሻለሁ። ሰላምታን ሰጠሽ ሰገደልሽም። ጸጋን የተመላሽ ሆይ እግዚአብሔር ከአንቺ ጋር ነውና ሰላምታ ይገባሻል። እነሆ ትጸንሻለሽ ልጅም ትወልጃለሽ፣ ስሙንም አማኑኤል ትይዋለሽ። የልዑል ኃይል ይጸልልሻል፤ ከአንቺ የሚወለደውም ቅዱስ ነው፤ እርሱም የልዑል ልጅ ይባላል አለሽ።

በተቀደሰው ስሙ ኅሊናዬን ልቡናዬን እንዲቀድስ ትለምኝው ዘንድ እማጸንሻለሁ። ንጽሕት ድንግል ማርያም ሆይ እሰግድልሻለሁ። የሕይወት ቃል ከአንቺ ሰው ይሆን ዘንድ በሥጋ ከአንቺ ይወለድ ዘንድ የተገባሽ የመድኃኒት እናት እመቤታችን ድንግል ማርያም ሆይ እሰግድልሻለሁ። ከአንቺ በመዋሐዱም እኛ ዳንን። እመቤቴ ድንግል ማርያም ሆይ እሰግድልሻለሁ። በእናታቸው ማሕፀን ሕፃናትን የሚስላቸው ከአባቱ እና ከመንፈስ ቅዱስ ጋርም ሁሉን የፈጠረው በማሕፀንሽ የተቀረጸብሽ የብርሃን እናት ሆይ እሰግድልሻለሁ። ረቂቅ ድንቅ ምሥጢርን ዓለምንም ካለመኖር ወደ መኖር ያመጣውን እመቤቴ ድንግል ማርያም ሆይ እለምንሻለሁ። በመንፈሳዊ ልደት ይወልደኝ ዘንድ ወደ እርሱ ዓለምና አዳኝ ወደ ሆነች ዕውቀት ከፍ ያደርገኝ ዘንድ ወደ እርሱ እንድትለምኝልኝ እለምንሻለሁ፣ አማጸንሻለሁ።

የሕይወት መገኛ የነገሥታት ንጉሥ የባለሥልጣናቱ ባለሥልጣን የአምላኮችን አምላክ በበረት ያስተኛሽው እመቤቴ ድንግል ማርያም ሆይ እሰግድልሻለሁ። አዳኝ ስለሆነው ስለስምሽ እንዲረዳኝ ትለምኝልኝ ዘንድም ወደ አንቺ እለምናለሁ፤ እማልዳለሁም። በማየቱ አዳምንና ከእርሱ ጋር ያሉትን ሁሉ ነጻ ያወጣውን በክንድሽ የታቀፍሽው እመቤቴ ድንግል ማርያም ሆይ እሰግድልሻለሁ።

በረቂቅ መመልከቱ እንዲመግበኝ ከሰይጣን መሰናክልም እንዲያድነኝ ትለምኝልኝ ዘንድ እለምንሻለሁ፤ እማጸንሽማለሁ። ዓለማትን ሁሉ ለሚመግበው ጡትሽን ያጠባሽው የመድኃኒት እናት እመቤቴ ድንግል ማርያም ሆይ እሰግድልሻለሁ፤ የሰማይ ኃይላት የሚመገቡትም ከእርሱ ነው። ነፍሴን በፈቃዱ ከጸጋው ይመግባት ዘንድ ወደ እርሱ እንድትለምኝልኝ እማጸንሻለሁ።

እመቤቴ ድግል ማርያም ሆይ ተወዳጁ ልጅሽ እንደ ፍጹም ፈቃዱ እንዲመግበኝ በየጊዜው በየሰዐቱ አማላጅ ሁኚኝ። ይህችም ወደ እርሱ የምትለምኝውን ልመና የተመላች መጽሐፍ ናት ። የለመንሁትን ሁሉ እርሱ ያደርግልሻልና። ኃጢአቴን ይቅር ይለኝ ዘንድ ወደ እርሱ እንድትለምኝልኝ እማጸንሻለሁ። ሰላምን ስለሰጠሽ ስለ አብ ከአንቺ ስለተወለደው አንቺንም ስለተዋሐደው ከአንቺም ሰው ስለሆነው ስለወልድ ፣ ስለቀደሰሽ፣ ከሦስቱ ቅዱስ ለአንዱ ማደሪያ ለመሆን እስከሚገባሽ ድረስ ስላነጻሽ ስለመንፈስቅዱስም እለምንሻለሁ። አገልጋይሽን ተወዳጁ ልጅሽ እንዲመግበኝ ትለምኝልኝ ዘንድ እማጸንሻለሁ። ለዘለዓለሙ አሜን።

#ቅዱስ_ባስልዮስ_ዘቂሳርያ
ዲያቆን ብርሃኑ አድማስ የተረጎመው

አንድ ምድራዊ ንጉሥ "ጠላቱን ያልወደደ ሰው በሞት ይቀጣል" ብሎ አዋጅ ቢያውጅ ሁሉም ሰው በአካለ ሥጋ ላለመሞት ሲል ሕጉን ለመጠበቅ የሚፋጠን አይደለምን? ወዮ! ምድራውያን ነገሥታት በሥጋዊ ሞት እንዳይቀጡን ብለን ፈርተን የሚያወጡትን ሕግ ለመፈፀም የምንፋጠን ሆነን ሳለ፥ ለነገሥታት ንጉሥ ለእግዚአብሔር ሕግ አለመታዘዛችን እንደ ምን ያለ ወቀሳ ያመጣብን ይሆን?

(ቅዱስ ዮሐንስ አፈወርቅ)

"ብርሃን ወደ አንድ ቤት ውስጥ ሲገባ ጨለማን እንደሚያስወግድ ሁሉ፤ እግዚአብሔርን መፍራት ወደ አንድ ሰው ልብ ሲገባም አለማወቅን (በኃጢአት የሚወድቅባትን) ያስወግዳል።"

አባ እንጦንስ

ለሁላችን መልስ ይሆነን ዘንድ ይህንን እንከታተል

https://youtu.be/SbdwDCfFwbk?si=_etgFUgQSwdJqsCf

ዛሬ ረቡዕ ምሽት ከ2:00 ሰዓት ጀምሮ በማኅበረ ቅዱሳን ቴሌቪዥን

ዛሬ ጥቅምት 20 የጻድቁ አባት ቅዱስ ዮሐንስ ሐፂር የእረፍታቸው መታሰቢያ ነው።

አባ ዮሐንስ ሐፂር ትምህርቶች፦

የጠላቱን ከተማ ለመቆጣጠር የዘመተ ንጉሥ አስቀድሞ የውኃውን መንገድ ይዘጋል፣ የእህሉንም መግቢያ ይይዛል። ያንጊዜ ጠላቶቹ ይራባሉ ይጠማሉ። በመጨረሻም እጃቸውን ይሰጣሉ። የነፍስን ፆር ለማሸነፍም በተመሳሳይ መንገድ መጠቀም ይገባል። አንድ ሰው በጾምና በረኃብ ከጸና የነፍሱ ጠላቶች ይዳከማሉ።

✟✟✟✟✟✟✟✟✟✟✟✟✟✟✟✟✟✟✟✟✟

እኔ በትልቅ ዋርካ ሥር የተቀመጠንና አራዊት ሊጣሉት የመጣን ሰው እመስላለሁ። ሊቋቋማቸው እንደማይችል ከተረዳ ሸሽቶ ወደ ዛፉ በመውጣት ነፍሱን ያድናል። በእኔም የተፈጸመው ይኼው ነው። በበዓቴ ተቀምጬ ክፉ ሐሳቦች ሊቃወሙኝ ሲመጡ፣ ልቋቋማቸው እንደማልችል ባወቅኹ ጊዜ በጸሎት ወደ እግዚአብሔር ሸሽቼ እመሸጋለሁ። በዚያም ከጠላቶቼ ፍላፃ እድናለሁ።

✟✟✟✟✟✟✟✟✟✟✟✟✟✟✟✟✟✟✟✟

መለወጥ የምትፈልግ ነፍስ በተመለከተ አባ ዮሐንስ እንዲህ አለ፦ በአንዲት ከተማ ውስጥ ብዙ ወዳጆች የነበሯት አንዲት አመንዝራ ሴት ነበረች። ከገዥዎቹ አንዱ ቀረባትና "መልካም ሴት ለመሆን ቃል ግቢልኝና አገባሻለሁ" አላት። እርሷም ቃል ገባችለትና ተጋቡ። ወደ ቤቱም ወሰዳት። የቀድሞ አፍቃሪዎቿ ያቺን ሴት ፈለጓት። እርስ በእርሳቸውም "ያ ልዑል ወደ ቤቱ ወስዷታል፤ ወደ ቤቱ ብንሄድ ይቀጣናል። ነገር ግን በጓሮ በኩል እንሂድ፣ ለእርሷም እናፏጭላት፥ የፉጨቱን ድምጽ ስትሰማ ከድርሱ ወርዳ ወደኛ ትመጣለች፤ በዚህም ያለ ችግር እናገኛታለን" ተባባሉ። ወደ ቤቷም ጓሮ ተጉዘው ያፏጩ ጀመር። እርሷ ግን የፉጨቱን ድምጽ ስትሰማ ጆሮዎቿን ደፈነች። ወደ ውስጣዊው እልፍኝም ገባች። በሩንም ጥርቅም አድርጋ ዘጋች። ይህች ሴት የእኛ ነፍስ ምሳሌ ናት። ወዳጆቿ የተባሉም ፈተናዎቿ ናቸው፣ ገዥ የተባለውም ክርስቶስ ነው፣ እልፍኝ የተባለውም ዘለዓለማዊው ቤት ነው። እነዚህም የሚያፏጩት ክፉዎች አጋንንት ናቸው፣ ነገር ግን ነፍስ ሁልጊዜም በክርስቶስ አምባነት ትሸሸጋለች።

✟✟✟✟✟✟✟✟✟✟✟✟✟✟✟✟✟✟✟

አባ ዮሐንስ ልቡናው ከእግዚአብሔር ጋር ስለነበረ ምድራዊ ነገሮችን ይዘነጋ ነበር። አንድ ቀን አንድ ወንድም ቅርጫት ሊወስድ ወደ አባ ዮሐንስ በአት መጣ። አባ ዮሐንስም ምን ፈልጎ እንደሆነ ጠየቀው። ያም ወንድም "ቅርጫት ፈልጌ ነው" አለው። አባ ዮሐንስ ወደ በኣቱ ተመለሰና ዘንግቶት ወደ ሽመና ሥራው አመራ። ጥቂት ቆይቶ ያ ወንድም አንኳኳ አባ ዮሐንስም ወጥቶ "ምን ፈልገህ ነው?" አለው። "ቅርጫት ስጠኝ ብየህ ነበር" ሲል መለሰለት። ተመልሶ ወደ በኣቱ ሲገባ ልቡናው በሰማያዊ ነገር ስለተመሰጠ ዘንግቶት ወደ ሽመና ሥራው እንደገና ገባ። ለሦስተኛ ጊዜ ያ ወንድም ሲያንኳኳ አባ ዮሐንስ ተመልሶ መጣና "ምን ፈልገህ ነው?" አለው። "ቅርጫት ስጠኝ ብየህ ነበር" አለና መለሰለት። አባ ዮሐንስም እጁን ይዞ እየጎተተ ወደ በኣቱ አስገባውና "ቅርጫት ከፈለግህ ያዝና ሂድ፣ በእውነቱ እንዲህ ላሉት ነገሮች እኔ ጊዜ የለኝም" አለው።

✟✟✟✟✟✟✟✟✟✟✟✟✟✟✟✟✟✟✟✟✟

አንድ ቀን አንድ ሰው ወደ አባ ዮሐንስ ሐጺር በኣት መጣና ሥራውን እያየ ያመሰግነው ጀመር። አባ ዮሐንስ ዝም አለውና ገመድ መሥራቱን ቀጠለ። እንግዳውም እንደገና ወሬውን ቀጠለ ፣ አባ ዮሐንስም ጸጥ አለው። ለሦስተኛ ጊዜ እንግዳው ወሬ ሲያበዛ "አንተ ወደ በኣቴ በመግባትህ እግዚአብሔር ወጥቶ ሄደ" ብሎ ተናገረው።

✟✟✟✟✟✟✟✟✟✟✟✟✟✟✟✟✟✟✟✟

አባ ዮሐንስ እንዲህ አለ፦ "የብሕትውናን ኑሮ በከተማ ውስጥ የሚኖር አንድ ሽማግሌ ነበረ። ያ ሰው በከተማው ውስጥ ከፍተኛ ቦታ የሚሰጠውና ባለዝናም ነበር። አንድ አረጋዊ አባት ከማረፉ በፊት ያንን ሰው ሊያየው እንደሚፈለግ ለዚያ ሰው ጥሪ ደረሰው። ያም ሰው በቀን ከተጓዝኩ ሰዎች ስለሚከተሉኝ ለኔ የተለየ ክብር ይሰጡኛል ብሎ አሰበ። ስለዚህም በሌሊት ሰው ሳያየው ለመጓዝ ወሰነ። በመሸ ጊዜም አሁን ማንም አያየኝም ብሎ ተነሣና ጉዞ ጀመረ። ነገር ግን ሁለት መላእክት ታዝዘው ፣ መብራት ይዘው መንገዱን ይመሩት ነበር። ይህንን የተመለከቱ የከተማው ሰዎች ወደ እርሱ ተሰበሰቡ ፣ መላ ከተማው ያንን የመላእክት ብርሃን እያየ ከኃላ ተከተለው። ከክብር በሸሸ ቁጥር የበለጠ ክብርን አገኘ። በዚህም "ራሱን ከፍ የሚያደርግ ሁሉ ይዋረዳል ፤ ራሱንም የሚያዋርድ ሁሉ ከፍ ከፍ ይላል።" የሚለው የወንጌል ቃል ተፈጸመ (ሉቃ. ፲፬፥፲፩)።

የአበው በረከት ይደርብን

https://youtu.be/9ZcuQRUaj6A?si=qMFrgbmouvpXvXSx

ንብ የምትሞተው መቼ ነው?
በቅዱስ ዮሐንስ አፈወርቅ

“የጥበበኛ ነፍስ መገለጫዋ ይሄ ነውና ሁል ጊዜ የምታመሰግኑ ሁኑ፡፡ ክፉ ደረሰባችሁን? ይህስ እናንተ ከፈቀዳችሁ ክፉ አይደለም፡፡ ሁል ጊዜ አመስግኑ፤ ክፉ የሆነባችሁም መልካም ይሆንላችኋል፡፡ ከተወደደው ኢዮብ ጋር ሆናችሁ “የእግዚአብሔር ስም የተባረከ ይሁን” እያላችሁ አመስግኑ /ኢዮብ.1፥21/፡፡

እስኪ ንገሩኝ! ደረሰብኝ የምትሉት ክፉ ነገር ምንድነው? በሽታ ነውን? ታድያ ይሄ እኮ አዲስ ነገር አይደለም፡፡ ምክንያቱም ሥጋችን መዋቲና ለስቃይ የተጋለጠ ነውና፡፡ ሀብት ንብረት ማግኘት አለብኝ የሚል መሻት ነውን? ታድያ ይሄ እኮ ምግኘት የሚቻል ነው፤ ካገኙት በኋላ ግን መልሶ የሚጠፋና በዚህ ዓለም ብቻ የሚቀር ነው፡፡ ከወንድሞች የሚደርስ ሐሜትና የሐሰት ወቀሳ ነውን? ታድያ ተጐጂዎቹ’ኮ የሚያሙንና በሐሰት የሚመሰክሩብን እንጂ እኛው አይደለንም፡፡ “ኃጢአት የምትሠራ ነፍስ ትሞታለች” እንዲል ተጐጂዎቹ ይህን ኃጢአት የሚሠሩት እንጂ እኛው አይደለንም /ሕዝ.18፥4/፡፡ ተጐጂው ምንም በደል ሳይኖርበት ክፉ የሚደርስበት ሰው ሳይሆን ክፉ የሚያደርሰው ሰው ነው፡፡ ስለዚህ በዚህ ምዉት በሆነ ሰው ልትቈጡ አይገባም፤ ከዚያ ይልቅ ከሞት ይድን ዘንድ ልትጸልዩለት ይገባል፡፡

ንብ መቼ እንደምትሞት አይታችሁ ታውቃላችሁን? የምትሞተው ሌላውን ስትናደፍ ነው፡፡ እግዚአብሔር በዚህች ፍጥረት በወንድሞቻችን ላይ ልንቈጣ እንዳይገባን ያስተምረናል፡፡ እኛው የምንቈጣ (የምንናደፍ) ከሆነ ግን ቀድመን የምንሞተው እኛው ነን፡፡ ስንቈጣቸው የጐዳናቸው ይመስለን ይሆናል፤ ነገር ግን እንደዚያች ንብ ተጐጂዎቹ እኛው ነን፡፡”

ከመቅረዝ ዘተዋህዶ ብሎግ

Telegram / Facebook

የዲያቆን ሄኖክ ኃይሌ የኤፌሶን ወንዝ መጽሐፍ ቅዳሜ ለሁሉም መጽሐፍ መደብሮች ትሰራጫለች።
የሽፋን ዋጋ 400ብር

ሙሉ ገቢው ለግሸን ደብረ ከርቤ ቅድስት ማርያም ቤተ ክርስትያን ሕንፃ ቤተ መቅደስ እድሳት የሚውል።

ዋና አከፋፋይ አርጋኖን መጻሕፍት መደብር
4 ኪሎ ቱሪስት ሆቴል የቀድሞ ሪፍት ቫሊ ዪኒቨርስቲ ሕንፃ

ስልክ
0954838117
0912044752 ይደውሉ!!

"አቤቱ ጌታዬ ንጉሤ ሆይ የራሴን ጥፋት አስመልክተኝ እንጂ በወንድሜ ላይ እንድፈርድ አታድርገኝ፡፡"

ቅዱስ ዮሐንስ አፈወርቅ

"ሊቅ በሊቅነቱ ቢያስተምርህ ሊቅ ትሆናለህ፤ ሊቅ በህይወቱ ቢያስተምርህ ግን ክርስቲያን ትሆናለህ፡፡"

ብፁዕ አቡነ ሺኖዳ ሣልሳዊ

የርዕሰ ሊቃውንት አባ ገብረ ኪዳን ግርማ አሐቲ ድንግል መጽሐፍን በባኮስ መጻሕፍት መደብር ያገኛሉ።

አድራሻችን፦
አምስት ኪሎ ቅድስት ማርያም ቤተ ክርስቲያን፥ አሐዱ ባንክ ፊት ለፊት

ለበለጠ መረጃ ➛ 0920888887

አባታችን ሆይ እንዴት ትላለህ?

እንደ ልጅ ካልኖርህ እንዴት "አባት" ትለዋለህ? ሌላውን ጠልተህ ራስ ወዳድ ከሆንክ እንዴት አባት "አችን" ብለህ በአንድነት ትጠራዋለህ? ምድራዊ ነገር ብቻ እያሰብህ እንዴት "በሰማያት የምትኖር" ትለዋለህ? ልብህ ከእርሱ ርቆ በአንደበትህ ብቻ እየጠራኸው "ስምህ ይቀደስ" እንዴት ትለዋለህ?

ሥጋዊና መንፈሳዊውን እየቀላቀልህ "መንግሥትህ ትምጣ" ለምን ትለዋለህ? መከራን በጸጋ የማትቀበል ከሆነ "ፈቃድህ ይሁን" ለምን ትላለህ? ለራስህ ሆድ እንጂ ለተራቡት ግድ የማይሰጥህ ከሆነ ለምን "እንጀራችንን ሥጠን" ትላለህ?

በወንድምህ ላይ ቂም ይዘህ "እኛም የበደሉልን ይቅር እንደምንል" እንዴት ትላለህ? የኃጢአትን አጋጣሚዎች ሳትሸሽ "ወደ ፈተና አታግባን" እንዴት ትላለህ? ክፉን ለመቃወም አንዳች ሳታደርግ "ከክፉ አድነን" እንዴት ትላለህ?
ጸሎቱን ከልብህ ሳትሰማውስ እንዴት አሜን ትላለህ?

ዲያቆን ሄኖክ ኃይሌ

ቀዳሜ ሰማዕት ቅዱስ እስጢፋኖስ (ጥቅምት 17)

ጥቅምት አስራ ሰባት በዚችም ዕለት የዲያቆናት አለቃ የሰማዕታት መጀመሪያ የሆነ የከበረ እስጢፋኖስ ለተሾመባት ቀን መታሰቢያ ናት።

ለዚህም ለከበረ እስጢፋኖስ የእግዚአብሔርን ኃይልና ጸጋ የተመላ ሰው እንደነበረና በሕዝቡም መካከል ታላላቅ ተአምራትንና ድንቅ ሥራን ይሠራ እንደነበረ የሐዋርያት ሥራ የተባለ መጽሐፍ ስለርሱ ምስክር ሆነ።

ከዚህም በኋላ አይሁድ ቀኑበት የሐሰት ምስክሮች የሚሆኑ ሰዎችንም አስነሡበት ይህን ሰው በሙሴና በእግዚአብሔር ላይ የስድብ ቃልን ሲናገር ሰምተነዋል እንዲሉ ሐሰትን አስተማሩአቸው። ሕዝቡንና ሽማግሌዎችን ጸሐፊዎችንም አነሣሡአቸው አዳርሱን ብለው ከበው እየጐተቱ ወደ ሸንጎ ወሰዱት።

የሐሰት ምስክሮችንም አቆሙበት እነርሱም ይህ ሰው በቤተ መቅደስ ላይ በኦሪትም ላይ ስድብን ሲናገር ተው ብንለው እምቢ አለ። የናዝሬቱ ኢየሱስ ቤተ መቅደሳችሁን ያፈርሰዋል ሙሴ የሰጣችሁን ኦሪታችሁንም ይሽራል ሲል ሰምተነዋል አሉ።

በአደባባይ ተቀምጠው የነበሩት ሁሉ ተመለከቱት ፊቱንም የእግዚአብሔርን መልአክ ፊት ሁኖ አዩት። ሊቀ ካህናቱም እውነት ነውን እንዲህ አልክ አለው። እርሱም እንዲህ አለ ወንድሞቻችንና አባቶቻችን ስሙ ወደ ካራን ከመምጣቱ አስቀድሞ በሶርያ ወንዞች መካከል ሳለ ለአባታችን ለአብርሃም የክብር ባለቤት እግዚአብሔር ተገለጠለት። ካገርህ ውጣ ከዘመዶችህም ተለይ እኔ ወደማሳይህ ሀገርም ና አለው።

ከዚህም በኋላ ከከላውዴዎን ወጥቶ በካራን ተቀመጠ አባቱም ከሞተ በኋላ ዛሬ እናንተ ወደ አላችሁባት ወደዚች አገር አመጣው። ከዚህም በኋላ የግዝረትን ሥርዓት ሰጠው ይስሐቅንም በወለደው ጊዜ በስምንተኛው ቀን ገዘረው እንዲሁ ይስሐቅም ያዕቆብን ገዘረው ያዕቆብም ዐሥራ ሁለቱን ነገድ አባቶችን ገዘረ።

የቀደሙ አባቶቻችንም በዮሴፍ ላይ ቀንተው ወደ ግብጽ አገር ሸጡት እግዚአብሔር ግን አብሮት ነበር። ከመከራው ሁሉ አዳነው በግብጽ ንጉሥ በፈርዖን ፊትም ዕውቀትን መወደድን ሰጠው በግብጽ አገር ሁሉና በቤቱ ሁሉ ላይ ሾመው። ነገርም በማስረዘም በሰሎሞን እጅ እስከተሠራችው ቤተ መቅደስ ያለውን ተረከላቸው።

ከዚህም በኋላ ድምፁን ከፍ ከፍ አድርጎ እናንተም እንደ አባቶቻችሁ ዘወትር መንፈስ ቅዱስን የምታሳዝኑት ዐይነ ልቡናችሁ የታወረ ዕዝነ ልቡናችሁ የደነቈረ አንገተ ደንዳኖች አላቸው። አባቶቻችሁ ከነቢያት ያላሳደዱት ያልገደሉት ማን አለ እናንተ ክዳችሁ የገደላችሁትን የአምላክን መምጣት አስቀድመው የነገሩዋችሁን ገደላችኋቸው።

በመላእክት ሥርዓት ኦሪትን ተቀብላችሁ አልጠበቃችሁም። ይህንንም ሰምተው ተበሳጩ ልባቸውም ተናደደ ተነሣሣ ጥርሳቸውንም አፋጩበት። በእስጢፋኖስም መንፈስ ቅዱስ አደረበት ሰማይም ተከፍቶ ኢየሱስ በእግዚአብሔር ቀኝ ተቀምጦ የእግዚአብሔርን ክብር አየ። እነሆ ሰማይ ተከፍቶ የሰው ልጅም በእግዚአብሔር ቀኝ ተቀምጦ አያለሁ አለ።

ጆሮአቸውን ይዘው በታላቅ ድምፅ ጮኹ በአንድነትም ከበው ጐተቱት። እየጐተቱም ከከተማ ወደ ውጭ አውጥተው በደንጊያ ወግረው ገደሉት የገደሉትም ሰዎች ልብሳቸውን ሳውል ለሚባል ጐልማሳ ልጅ ያስጠብቁ ነበር። ጌታዬ ኢየሱስ ክርስቶስ ሆይ ነፍሴን ተቀበል እያለ ሲጸልይ እስጢፋኖስን በደንጊያ ወገሩት።

ዘለፍለፍ ባለ ጊዜም ድምፁን ከፍ አድርጎ አቤቱ ይህን ኃጢአታቸውን ይቅር በላቸው በደልም አታድርግባቸው ይህንንም ብሎ አረፈ። ደጋግ ሰዎችም መጥተው የእስጢፋኖስን ሥጋ ወስደው ቀበሩት ታላቅ ልቅሶም አለቀሱለት።

ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ትድረሰን ለዘላለሙ አሜን።

(#ስንክሳር_ዘወርኀ_ጥቅምት)

ሁሌም ለጸሎት ስንቆም ይህንን ማለት አንዘንጋ
"እመቤቴ ሆይ ልጅሽ ሲታገሰኝ ልቤ የደነደነብኝ እኔን በምልጃሽ አስቢኝ።"

ቅዱሳን ለምን መከራ ይበዛባቸዋል?

ቅዱሳን ለምን በዓይነትም በብዛትም ልዩ ልዩ መከራዎች እንደሚደርስባቸው ለእናንተ ለምወዳችሁ የምነግራችሁ በቍጥር ስምንት ምክንያቶች አሉኝ፡፡ በመኾኑም በጣም ብዙ ምክንያቶች እያሉ አንድ ምክንያትስ እንኳን እንደሌለ አድርገን ከእንግዲህ ወዲህ በሚከሰቱ ነገሮች ብንሰናከል፣ ብንጠራጠርና ብንታወክ ምንም ይቅርታ ወይም ምሕረት እንደማይደረግልን በማወቅ በታላቅ ማስተዋል ኾነው ኹላቸውም ወደ እኔ ይዙሩ፡፡

ስለዚህ እግዚአብሔር መከራ እንዲርስባቸው የሚፈቅድበት የመጀመሪያው ምክንያት፥ በሚያሠሩአቸው ምግባራትና በሚፈጽሙአቸው ተአምራት በቀላሉ ወደ ድፍረት እንዳይገቡ ነው፡፡

ኹለተኛ ሌሎች ሰዎች [እነዚህ ቅዱሳን] ከሰዋዊ ባሕሪያቸው በላይ ግምት እንዳይሰጡአቸውና “ሰዎች ሳይኾኑ አማልክት ናቸው” ወደሚል ድምዳሜ እንዳይደርሱ ነው፡፡

ሦስተኛ የእግዚአብሔር ኃይል ድል ሲያደርግ፣ ሲያሸንፍ እንዲገለጥና በዚህም በታመሙና በታሰሩ ሰዎች ቃሉ እንዲሰፋ ነው፡፡

አራተኛ እነዚህ ሰዎች እግዚአብሔርን የሚያገለግሉት ሹመት ሽልማትን ሽተው ሳይኾን እነዚህን የሚያህሉ መከራዎችን እንኳን ተቀብለው ለእግዚአብሔር ያላቸው ፍቅር ቅንጣትም ታህል እንዳልቀነሰ እንዲታወቅና ጽናታቸው እጅግ ደምቆ እንዲታይ ነው፡፡

አምስተኛ ልቡናዎቻችን ስለ ምሥጢረ ትንሣኤ ሙታን እንዲያውቁ ነው፡፡ ምክንያቱም አንድ ጻድቅና የምግባሩ ሀብት የበዛለት ሰው እልፍ ጊዜ መከራዎችን ሲቀበል ብታይ ምንም እንኳን ወደህና ፈቅደህ ባይኾንም ሊመጣ ስላለው ፍርድ - ማለትም እነዚህ ሰዎች እነዚህን የሚያህሉ መከራዎችን የሚቀበሉት ለራሳቸው ካልኾነ፣ ያለ አንዳች ደመወዝና ክብር ካልኾነ፥ እግዚአብሔርም እንዲህ የሚደክሙትን ያለ አክሊል ሽልማት ይሰድዳቸው ዘንድ እንደዚህ ያለ ነገር ይደርስባቸው ዘንድ ባልፈቀደ ነበር ብለህ - ለማሰብ ትገደዳለህ፡፡ ለዚህ ዕለት ዕለት ለኾነ ድካማቸው ዋጋቸውን የማያሳጣቸው ከኾነ ግን፥ የዚህ ዓለም ሕይወት ካለፈ በኋላ ለአሁኑ ድካማቸው ዐሥበ ፃማቸውን (የትሩፋታቸውን ዋጋ) የሚቀበሉበት የኾነ ጊዜ ሊኖር ግድ ነው፡፡

ስድስተኛ ብዙ ጸዋትወ መከራ የሚደርስባቸው ሰዎች እነዚህ ቅዱሳን ምን ምን መከራ ይደርስባቸው እንደ ነበር አስታውሰው መጽናናትን እንዲያገኙ ነው፡፡

ሰባተኛ የእነዚህን ሰዎች ምግባር ጠቅሰን ስንነግራችሁና እያንዳንዳችሁን “ጳውሎስን ምሰሉት፤ ከጴጥሮስ የሚበልጥ ሥራን ሥሩ” ብለን ስንመክራችሁ ምግባራቸውን እየተመለከታችሁ “እንደ እኛ ሰዎች አልነበሩም” ብላችሁ እነርሱን አብነት ከማድረግ እንዳትሰንፉ ነው፡፡

ስምንተኛ አንድን ሰው የተባረከ ነው ወይም በተቃራኒው ነው ብሎ ለመጥራት አስፈላጊ ኾኖ ሲገኝ ማንን ብሩክ፣ ማንን ደግሞ ኅዙን (ኀዘንተኛ) እና ርጉም አድርገን ልንቈጥር እንደሚገባ’ን እንድናውቅ ነው፡፡

(ቅዱስ ዮሐንስ አፈወርቅ - ትምህርት በእንተ ሐውልታት መጽሐፍ በገብረ እግዚአብሔር ኪደ የተተረጎመ)

ኢየሱስ ክርስቶስ፡-

“ጨለማን ያሳደደው ብርሃን ዓለምን ሁሉ ያበራው ፋና የማይነዋወጥ መሰረትና የማይፈርስ ግንብ የማይሰበር መርከብና የማይሰረቅ ማህደር የለዘበ ቀንበርና የቀለለ ሽክም እርሱ ለአባቱ ኃይል ጥበቡም የሚሆን ኢየሱስ ክርስቶስ ነው፡፡

“ለሁሉ ያስባል፤ ሁሉንም ያጠግባል ለዕውራን ያዩ ዘንድ ብርሃንን ይሰጣቸዋል፡፡ የተዘጉ መስኮቶችን ይከፍታል ህሙማንን ይሰማቸዋል፡፡ የተደፈነችውን ጆሮ እንድትሰማ ያደርጋል፡፡ ከሰውነት የለምፅን ልብሶች ገፍፎ የስጋን መጎናፀፊያ ያለብሳል፡፡ የደረቀውን የእጅ ክንድ ያቀናል፣ የአንካሳውን እግር እንዲሄድ ያደርጋል ነፍስን ወደ ሕዋስዋ ይመልሳታል መንፈስንም በማደሪያዋ ያኖራታል፡፡ አለቆች ባሏቸው አጋንንት የእርያን መንጋ ያሰጥማል ከደከመችውም ሰውነት ደዌን ያርቃል፡፡

“ከክንፍህ የጽድቅ ፀሐይና የጥቅም ምንጭ የሚወጣ የጽድቅ ፀሐይ ኢየሱስ ክርስቶስ ሆይ ለአንተ ጌትነትና ክብር ምስጋናም ይገባሃል ለዘላለሙ አሜን፡፡”

(ቅዳሴ ዮሐንስ ወልደ ነጎድጓድ)

"ኹሌም በሄድኩበት የምናገረው አንድ ነገር አለኝ"!

"ቤተክርስቲያንን የሚያስቀጥሉ ሦስት ሰንሰለቶች አሉ እነርሱም:---
ትዳር ፣
ምልኩስና እና
ክህነት ናቸው።

እነዚህ እክል ስለገጠማቸው ነው ቤተክርስቲያን እየተቸገረች ያለቸው እንጂ ሌሎች ሰዎች ወይም አህዛብ ክፉ ስለሆኑ አይደለም። እነሱ ደግ የሚሆኑበት ዘመን ነገም እኔ አልጠብቅም ሰይጣን ባለበት መልካም ነገር አይመጣም።

እኛ ግን የጎደለን ይህ ነው፣ በተከበረ ትዳር፣ በተከበረ ምንኩስና እና በተከበረ ክህነት ቤተክርስቲያን ትቀጥላለች።

ምሳሌ "እንዴት?" ካልን፦
የተከበረ ትዳር የተከበረ መነኩሴ ይወልዳል።
የተከበረ መነኩሴ የተከበረን ጵጵስናን ያመጣል።
የተከበረ ጳጳስ የተከበረን ክህነትን ይሾምና
የተከበረው ክህነት የተከበረ ትዳርን ባርኮ ያጋባል።
የተከበረው ትዳር መልሶ እንደገና የተከበረ ካህንን ይወልዳል።

በዚህ ዑደት ነው ቤተክርስቲያን ተጠብቃ የምትኖረው። አሁን ግን ምንጩ ደፍርሷል።
ለዚህም ሁላችንም መስተካከል አለብን። አሁን እኔ ሁሉም ሥርዓት እየፈረሰ እንደሆነ ነው የሚሰማኝ!
ተምረን ማግባትና፣ ተምረን መመንኮስም ሆነ ክህነት መያዝን ማስቀጠል አለብን።"

ርዕሰ ሊቃውንት አባ ገብረ ኪዳን ግርማ

፮

በእንተ ንስሐ በቅዱስ አፍርሐት ዘሶርያ

ዳግመኛም እናንተ ተነሳሕያን ሆይ ስሙ! በኃጢአት የወደቀ ሰው ምክሩን ሰምቶ ቢመለስ እግዚአብሔርም ሊያመጣበት ካሰበው ቅጣት ይቅር እንደሚለው፣ ከኃጢአቱም ፊቱን እንደሚመልስ ‹‹አጠፋቸውና እደመስሳቸው ዘንድ በሕዝብ ላይና በመንግሥት ላይ ቁርጥ ነገርን ተናገርሁ፤ ስለ እነርሱ የተናገርሁባቸው ሕዝብ ከክፋታቸው ቢመለሱ፣ እኔ አደርግባቸው ዘንድ ካሰብሁት ክፉ ነገር እጸጸታለሁ›› (ኤር ፲፰፥፯፦ ፲) በማለት ተናገረን፡፡

እናንተ የገነት በር መክፈቻ የያዛችሁ” ሆይ ስሙ! በንስሐ ለመጣ ሰው በያዛችሁት ቁልፍ የመንግሥተ ሰማያትን በር ክፈቱለት፡፡ ስለዚህ የተመሰገነው ሐዋርያ ‹‹ወንድሞቻችን ሆይ ከእናንተ ወገን የተሳሳተ ሰው ቢኖር በመንፈስ ቅዱስ የጸናችሁ እናንተ እንዳትሳሳቱ ለራሳችሁ እየተጠበቃችሁ እንደዚህ ያለውን ሰው ቅንነት ባለው ልቡና አጽኑት›› (ገላ 6፥1) በማለት ይመክራል፡፡

በዚህ ምክሩ ላይም መንጋውን የምትጠብቁ ካህናት ስለ ራሳችሁም መጠንቀቅ እንዳለባችሁ እያስጠነቀቀ ነው፡፡

ሐዋርያው ስለ እራሱ ሲናገርም ‹‹ነገር ግን ለሌላ ሳስተምር እኔ እራሴ የተናቅሁ እንዳልሆን ሰውነቴን አስጨንቃለሁ፣ ሥጋዬንም አስገዛለሁ›› (1ቆሮ 9፡27) በማለት መምህራንም ለሌላው አርአያ መሆን እንጂ መሠናክል መሆን እንደሌለባቸው ይመክራል፡፡ ከእናንተ አንዱ በኃጢአት ቢወድቅ እንደ ጠላት አትዩት፡፡ ነገር ግን እናንተ በወንድማዊ ፍቅር ቀርባችሁ በመምከርና በመገሰጽ ወደ መንገድ መልሱት እንጂ (2ተሰ 3፥15)፡፡

(ቅዱስ አፍርሐት ዘሶርያ - በእንተ ንስሐ ከገጽ 49 ጀምሮ)

፭

በእንተ ንስሐ በቅዱስ አፍርሐት ዘሶርያ

እንግዲህ ወዳጆች ሆይ ሰው ኃጢአቱን ተናዝዞ ሲተዋት ምንኛ መልካም እንደሆነ ተመልከቱ! አምላካችን ንስሓን የሚንቅ አይደለምና፡፡ የነነዌ ሰዎች በደላቸው በበዛች ጊዜ እግዚአብሔር ነቢዩ ዮናስን ልኮ እንደሚያጠፋቸው ነገራቸው፤ እነርሱም የነቢዩን ስብከት ሰምተው ንስሐ ገቡ፡፡ እግዚአብሔርም ጥፋታቸውን ትቶ በምሕረት ዓይኖቹ ተመለከታቸው (ዮና 1፥2 ፣ 3፥1-6)፡፡

የእስራኤል ልጆችም ኃጢአትን ባበዙ ጊዜ ወደ ንስሐ ይመለሱ ዘንድ ተናግሯቸዋል፡፡ እነርሱ ግን አልተቀበሉትም፡፡ ስለዚህም በነቢዩ በኤርምያስ ‹‹ክዳተኞች ልጆች ሆይ! ተመለሱ፤ ቁስላችሁንም እፈውሳለሁ» (ኤር. 3፥22) አለ፡፡ ዳግመኛም በኢየሩሳሌም ጆሮ ‹‹ከዳተኛይቱ እስራኤል ወደ እኔ ተመለሽ›› (ኤር.3 ፥12) አለን፡፡

የእስራኤል ልጆችን ‹‹ልባችሁን አድሱ በእሾህም ላይ አትዝሩ። እናንተም የይሁዳ ሰዎች በኢየሩሳሌም የምትኖሩ ሆይ ስለ ሥራችሁ ክፋት ቁጣዬ እንደ እሳት እንዳይወጣ የሚያጠፋውም ሳይኖር እንዳይነድ ለአምላካችሁ ተገረዙ፤ የልባችሁንም ሸለፈት አስወግዱ›› አለ (ኤር.4፥3-4)፡፡

እነርሱ አልመለስ ስላሉም ባሏን ትታ በሔደች ሴት ምሳሌነት ‹‹ሰው ሚስቱን ቢፈታ ከእርሱም ዘንድ ሔዳ ሌላ ወንድ ብታገባ በውኑ ደግሞ ወደ እርሱ ትመለሳለችን? ያቺ ሴት እጅግ የረከሰች አይደለችምን? አሁንም እንደ ጌታሽና እንደ አባትሽ፤ እንደ ልጅነት ባልሽም አልጠራሽምን? ቁጣው ለዘለዓለም ይኖራልን? እስከ ፍጻሜስ ድረስ ይጠብቀዋልን?... ከዳተኛይቱ እስራኤል ያደረገችውን አየህን? ወደ ረዘመው ተራራ ሁሉ ወደ ለመለመ ዛፍም ሁሉ በታች ሔደች፤ በዚያም አመነዘረች፡፡ ይህንም ሁሉ ካደረገች በኋላ ወደ እኔ ተመለሽ አልኳት፤ ነገር ግን አልተመለሰችም›› (ኤር ፫፥፮፦ ፯) በማለት ወደ እርሱ ይመለሱ ዘንድ ወቀሳቸው፡፡

ሆኖም አሁንም ቢሆን እንደማይተዋቸው ሲነግራቸው ‹‹ወደኔ ተመለሱ እኔም ወደ እናንተ እመለሳለሁ›› (ሚል ፫ ፥፯፤ ኤር ፫ ፥ ፲፪) በማለት እንደጠራቸው፣ ንስሐቸውንም ተቀብሎ እንደሚምራቸው ነገራቸው። ዳግመኛም በእናንተ ላይ ያወጣሁትን ህግ እሽራለሁ። አለ።

እናንተም ተነሳሕያን እግዚአብሔር መንፈስ ቅዱስ በነቢዩ አድሮ ሁሉም በሥርዓት እንዲኖሩ ‹‹ዳድቅ ከጽድቁ ተመልሶ ኃጢአት ቢሠራ ይሞትበታል፡፡ ኃጢአተኛውም ከኃጢአቱ ተመልሶ ፍርድንና ጽድቅን ቢያደርግ በሕይወት ይኖርበታል›› (ሕዝ ፴፫ ፥ ፲፰) በማለት ጻድቁ ከጽድቅ ሥራው ተመልሶ ኃጢአት እንዳይሠራ ሲያስጠነቅቅ ለኃጢአተኞች ደግሞ የንስሐን ተስፋ ሰጠ፡፡

ዳግመኛም በነቢዩ ሕዝቅኤል ‹‹ከአፌ ቃሌን ስማ፤ ከእኔም ዘንድ አስጠንቅቃቸው፡፡ ኃጢአተኛውን ኃጢአተኛ ሆይ በእርግጥ ትሞታለህ ባልሁ ጊዜ ኃጢአተኛውን ከክፉ መንገዱ ታስጠነቅቅ ዘንድ ባትናገር፤ ያ ኃጢአተኛ በኃጢአቱ ይሞታል፤ ደሙን ግን ከእጅህ እፈልጋለሁ›› (ሕዝ ፫፥፲፯) ምክንያቱም አላስጠነቀቅኸውምና፡፡ ‹‹ነገር ግን ከመንገዱ ይመለስ ዘንድ ኃጢአተኛውን ብታስጠነቅቀው እርሱም ከመንገዱ ባይመለስ በኃጢአቱ ይሞታል፤ አንተ ግን ነፍስህን ታድናለህ›› (ሕዝ ˚ ፫ ፥፲፯-፳፩) በማለት ሁሉም ሰው ኃጢአተኛውን ከኃጢአቱ እንዲመለስ መምከር እንዳለበት ተናገረ፡፡

ይቀጥላል.....

(ቅዱስ አፍርሐት ዘሶርያ - በእንተ ንስሐ ከገጽ 49 ጀምሮ)

እግዚአብሔር ሰዎችን ኹሉ ሲፈጥራቸው በመንፈሳዊ ማንነታቸው እኩል አድርጎ ነው፡፡ እንዲህም ስለ ኾነ እያንዳንዱ ሰው በጎም ኾነ ክፉ ግብር ለመሥራት እኩል ዝንባሌ አለው፡፡ እግዚአብሔርን ለመታዘዝም ኾነ ላለመታዘዝ እኩል የመምረጥ ዕድል አለው፡፡ ከዚህ ውጪ በኾነ ነገር ግን ሰው ኹሉ እኩል አይደለም፡፡ አንዳንዱ እጅግ አስተዋይ ነው፤ ሌላው ደግሞ ደከም ያለ ነው፡፡ አንዳንዱ በሰውነቱ ብርቱና ጤናማ ነው፤ ሌላው ደግሞ ደካማና ሕመም የሚበዛበት ነው፡፡ አንዳንዱ ሰው መልከ መልካምና ማራኪ ነው፤ ሌላው ደግሞ አይደለም፡፡

ይህ ኹሉ ቢኾንም ግን በኾነ ነገር ስጦታው ያለው ሰው ስጦታው የሌለውን ሌላውን ሰው ሊንቀው አይገባም፡፡ እግዚአብሔር እንዲህ ለእያንዳንዳችን የተለያየ ስጦታን የሰጠን አንዳችን አንዳችንን እንድንጠቅም ነውና፡፡ እግዚአብሔር እያንዳንዳችን ከሌላው ወንድማችን የምንፈልገው ጥቅም እንዲኖር ያደረገው በመካከላችን መጠላላትና መለያየት እንዳይኖር ነው፤ እንድንፋቀርና አንድ እንድንኾን አስቦ ነውና፡፡

ስለዚህ ወዳጄ ሆይ! ወንድምህ ከአንተ ይልቅ አስተዋይና ዐዋቂ፥ ብርቱም ቢኾን በዚህ ቅር አይበልህ፡፡ ከዚህ ይልቅ እግዚአብሔርን አመስግን፤ ከወንድምህ አስተዋይነትና ዐዋቂነት ብርታትም ትጠቀማለህና፡፡ በዚህ ብቻ ሳታቆምም ራስህን፡- “ስጦታዬ ምንድን ነው? ወንድሜን እኅቴን በምን ልጠቅም እችላለሁ?” ብለህ ጠይቅ፡፡ ይህን ጥያቄ በትክክል ስትመልስ፥ እንደ መለስከው ምላሽም ስትተገብር በአንድ መልኩ በሚበልጥህ ሰው ቅር መሰኘትህን፥ በሌላ መልኩ ደግሞ የምትበልጠውን ሌላውን ወንድምህን መናቅህን ታቆማለህ፡፡

(ቅዱስ ዮሐንስ አፈወርቅ)

፬

በእንተ ንስሐ በቅዱስ አፍርሐት ዘሶርያ

ታክሞ ከበሽታው የዳነ ወታደር ግን ቀድሞ የቆሰለበት ቦታ ላይ ዳግመኛ እንዳይወጋ ይጠነቀቃል፡፡ ምክንያቱም ቀድሞ የተወጋበት ቦታ ላይ ዳግመኛ ከተወጋ ለባለ መድኃኒቱ ቁስሉን ማዳን አዳጋች ይሆንበታልና፡፡ ቁስሉ እንኳ ቢድን ጠባሳው ይቀራል፡፡ በዚህ ጊዜ ታማሚው ከቁስሉ ቢንድን እንኳ ዳግመኛ የጦሩን ልብስ መልበስ አይችልም፡፡ ደፍሮ የጦሩን ልብስ ከለበሰ ደግሞ እራሱን ለወቀሳ አሳልፎ እንደሰጠ ሁሉ ይጸጸታል፡፡

እናንተ የክርስቶስን የጦር ዕቃ የለበሳችሁ ሆይ እንግዲህ ተሸንፋችሁ በጦርነቱ ውስጥ እንዳትወድቁ የጦርነትን ጥበብ ተማሩ! ጠላታችን ተንኮለኛና ጥበበኛ ነውና፡፡ ነገር ግን ክንዱ ከክንዳችን የደከመ ነው፡፡

ስለዚህ ከእሱ ጋር ወደ ጦርነት እንገባ ዘንድ ይገባናል፡፡ ለማሸነፍ ግን ሁል ጊዜ ዝግጁዎች ሆነን መጠበቅ አለብን፡፡ ጠላታችን ከእኛ ጋር ሲዋጋ ለእኛ አይታየንምና፡፡ ውጊያችን እንደ እኛ ሥጋና ደም ካለው ጋር አይደለም፡፡ ስለዚህ ጠላታችንን ወደሚያየው እንጠጋ፡፡ እርሱ ከእኛ ያርቀዋል፡፡

እንግዲህ እናንተ በጦርነት ውስጥ የተወጋችሁ ሆይ አጥብቄ እመክራችኋለሁ፡- ‹‹በጦርነቱ ውስጥ ወደቅን›› ማለትን አትፈሩ! መድኃኒቱን በነፃ ውሰዱ፡፡ ንስሓ ግቡ፤ ክፉ ሳያገኛችሁ በፊት በሕይወት ኑሩ፡፡ እናንተ ባለ መድኃኒቶች (ካህናት) ሆይ በጥበበኛው ሐኪማችን መጽሐፍ" ላይ ጥበበኛው ባለ መድኃኒት ኃጢአተኞችን እንደማይተዋቸው እንደ ተናገረ ላስታውሳችሁ!

አዳም በበደለ ጊዜ ‹‹አዳም ወዴት አለህ?›› ብሎ ወደ ንስሓ ጠራው (ዘፍ 3፥8)፡፡ አዳም ግን ልቡናን ከሚመረምር ከእርሱ ኃጢአቱን ሰወራት፡፡ ስለዚህ ባሳሳተችው ሔዋን ላይ እርግማን ወረደባት፡፡ አዳምም ኃጢአቱን ባለመናዘዙ በእርሱ እና በልጆቹ ሁሉ ላይ ሞት ተፈረባቸው (ዘፍ 3፥10-19)፡፡

ቃየል በተንኮል የተሞላ ነውና ያቀረበው መስዋዕት በእግዚአብሔር ፊት ተቀባይነትን አላገኘም፡፡ እግዚአብሔርም የንስሓ ጊዜን ሰጠው፡፡ እርሱ ግን አልተቀበለም፡፡ እግዚአብሔርም “መልካም ብታደርግ ፊትህ የሚበራ አይደለምን? መልካም ባታደርግ ግን ኃጢአት በደጅ ታደባለች።” አለው (ዘፍ 4፥7)፡፡

ቃየልም በልቡናው ክፋት ተነሳስቶ ወንድሙ አቤልን ገደለውና ‹‹በምድር ላይ የተረገምህ ነህ፣ ምድርን ባረስህ ጊዜ እንግዲህ ኃይሏን አትሰጥህም፤ በምድር ላይ ኮብላይና ተቅበዝባዥ ትሆናለህ›› (ዘፍ 4፥11-12) ተብሎ ተረገመ፡፡ በኖኅ ጊዜ ለነበሩ ሰዎችም ንስሓ ይገቡ ዘንድ መቶ ሃያ ዓመታትን ሰጣቸው (ዘፍ 6፥3)፡፡ እነርሱ ግን ንስሓ አልገቡም፡፡ መቶው ዓመት ሲጠናቀቅም አጠፋቸው (ዘፍ 7፥23)፡፡

ይቀጥላል.....

(ቅዱስ አፍርሐት ዘሶርያ - በእንተ ንስሐ ከገጽ 49 ጀምሮ)

የከበረ ዮሐንስም ንጉሥ ሆይ እንዲህ አትበል እንዲህ አንተ እንደምትለው አይደለም የከበረች ድንግል እመቤታችንስ የክብር ባለቤት ጌታችን ኢየሱስ ክርስቶስ በሆድዋ ውስጥ በነበረ ጊዜ የእርሱ ኅብረ መልክ በሚለዋወጥ ጊዜ ከእርሱ ጋር መልኳ ይለወዋወጥ ነበር። በንጹሕ ብርሌ ውስጥ ውኃ በጨመሩ ጊዜ ውኃ መስሎ እንደሚታይ ወይን ጠጅም ቢጨምሩ ያንኑ መስሎ እንደሚታይ ወይም ከውስጡ በተጨመረው ቀይም ቢሆን ቀልቶ እንደሚታይ ቅጠልያም ቢገባበት ቅጠልያ መስሎ እንደሚታይ። ድንግልም በሆድዋ ውስጥ የልጅዋ መልክ በሚለዋወጥ ጊዜ ከእርሱ ጋራ መልኳ ይለዋወጥ ነበር። እንደ ሮማን አበባ የምትቀላበት ጊዜ አለ እንደ ናርዶስም የምታብለጨልጭበት ጊዜ አለ የለመለመ ቅጠል የምትመስልበትም ጊዜ አለ ከወለደች በኋላ ግን አልተለወጠችምና ዮሴፍ በአንድ በቀድሞው ኅብረ መልኳ ተወስናለት መልኳን ተረዳ ማለት ነው አለው። በዚያን ጊዜ በንጉሥ አዳራሽ ውስጥ ከወርቅ የተሠራ የእመቤታችን አምላክን የወለደች የድንግል ማርያም ሥዕል ነበረችና አፈ ወርቅ ዮሐንስ ልሳነ ወርቅ ዮሐንስ አፈ በረከት ዮሐንስ መልካም ተናገርክ የሚል ቃል ከእርሷ ወጣ።

ንጉሡና ከእርሱ ጋር ያሉት በሰሙ ጊዜ እጅግ አደነቁ እግዚአብሔርንም አመሰገኑት በዚያን ጊዜ ንጉሥ አዝዞ ወርቅ ሠሪ አስመጥቶ ለከበረ ዮሐንስ የወርቅ ልሳን አሠርቶ ለሚያየው ሁሉ መታሰቢያ ምልክት ሊሆን አምላክን ከወለደች ከእመቤታችን ከድንግል ማርያም ሥዕል ዘንድ ሰቀለው። ቅዱስ ዮሐንስንም ከዚያች ቀን ወዲህ ልሳነ ወርቅ ብሎ ጠራው አፈ ወርቅም ተብሎ እስከዛሬ ተጠራ።

ለእግዚአብሔርም ምስጋና ይሁን እኛንም በቅዱሳን ጸሎት ይማረን በረከታቸውም ከእኛ ጋር ትኑር ለዘላለሙ አሜን።

(#ስንክሳር_ዘወርኀ_ጥቅምትና_ግንቦት)

#ጥቅምት_13

#ቅዱስ_ዮሐንስ_አፈወርቅ

ጥቅምት አስራ ሦስት በዚችም ዕለት የዓለሙ ሁሉ መምህር የሆነ የከበረ አባት ዮሐንስ አፈወርቅ መታሰቢያው እንደሆነ ስንክሳሩ በስም ይጠቅሰዋል።

ይህም አባት ከእስክንድርያ አገር ሰዎች ወገን ነው የአባቱም ስም አስፋኒዶስ የእናቱም ስም አትናሲያ ነው እሊህም እጅግ ባለጸጎች ነበሩ ይህንንም ልጃቸውን በመልካም አስተዳደግ አሳደጉት ትምህርትንና ጥበብንም ሁሉ አስተማሩት እርሱ ወደ አቴና ሔዶ በመምህራን ቤት ተቀምጦ ትምህርትን ሁሉ ተምሮ በዕውቀቱ ከብዙዎች በላይ ከፍ ከፍ ብሏልና።

ከዚህም በኋላ ገና በታናሽነቱ መነኰሰ የዚህንም የኃላፊውን ዓለም ጣዕም ንቆ ተወ ከእርሱም ቀድሞ በዚሁ ገዳም ቅዱስ ባስልዮስ መንኵሶ ነበር በአንድነትም ተስማምተው ብዙ ትሩፋትን ሠሩ ወላጆቹም በሞቱ ጊዜ ከተውለት
ገንዘብ ምንም ምን አልወሰደም ለድኆችና ለምስኪኖች ሰጠ እንጂ ከዚያም በምንኵስና ሥራ በመጠመድ ፍጹም ገድልን እየተጋደለ ኖረ።

በዚያም ገዳም ሶርያዊ ጻድቅ ሰው ስሙ ሲሲኮስ የሚባል መነኰስ ነበረ እርሱም ወደፊት የሚሆነውን በመንፈስ ቅዱስ ያይ ነበር በአንዲት ሌሊትም ለጸሎት እየተጋ ሳለ ሐዋርያትን ጴጥሮስንና ዮሐንስን አያቸው ወደ ዮሐንስ አፈወርቅ ገብተው ጴጥሮስ መክፈቻ ሰጠው ወንጌላዊ ዮሐንስም ወንጌልን ሰጠው እንዲህም አሉት በምድር ያሠርከው በሰማይ የታሠረ ይሆናል በምድርም የፈታኸው ደግሞ በሰማያት የተፈታ ይሆናልና በውስጥህ መንፈስ ቅዱስ ያደረብህ አዲስ ዳንኤል ሆይ የክብር ባለቤት ከሆነ ከታለቅ መምህር ኢየሱስ ክርስቶስ ዘንድ ወደ አንተ ተልከናልና ዕወቅ እኔም የመንግሥተ ሰማያት መክፈቻ የተሰጠኝ ጴጥሮስ ነኝ።

ሁለተኛውም እኔም በመጀመሪያው ስብከቴ በከበረ ወንጌል ቃል አስቀድሞ ነበረ ያልኩ ይህም ቃል በጠላት ላይ የእሳት ሰይፍ የሆነ ዮሐንስ ነኝ። ለአንተም ከክብር ባለቤት ጌታ ኢየሱስ ክርስቶስ ዘንድ ወገኖችህ ምእመናንን በቀናች ሃይማኖት ታሳድጋቸው ዘንድ ዕውነተኛ አእምሮ ደግሞ ተሰጥቶሃል።

ጻድቅ ሲሲኮስም ይህን ራእይ በአየ ጊዜ ቅዱስ ዮሐንስ ቸር ታማኝ እረኛ ሁኖ እንደሚሾም ዐወቀ። ከዚህም በኋላ በቅዱስ ዮሐንስ ላይ የመንፈስ ቅዱስ ጸጋ በላዩ ወርዶ አደረበትና ብዙ ድርሳናትንና ተግሣጻትን ደረሰ ዲያቆን ሁኖ ሳለም የቤተ ክርስቲያንን መጻሕፍት ብሉያትንና ሐዲሳትን ተረጐመ። በአንዲት ሌሊትም ቅዱስ ዮሐንስ ሲጸልይ የእግዚአብሔር መልአክ በድንገት እንደ በረድ ነጭ በሆነ ልብስ ተገለጠለት ቅዱስ ዮሐንስም ሲያየው ደንግጦ በምድር ላይ ወደቀ መልአኩም አርአያውን ለውጦ እንደ ሰው ሁኖ ታየው ወዳጄ አዲስ ዳንኤል ሆይ አትፍራ ተነሣ አለው የቅዱስ ዮሐንስም ልቡ ተጽናንቶ ጌታዬ አንተ ማነህ ግርማህ አስፈርቶኛልና አለው የእግዚአብሔር መልአክም ትሠራው ዘንድ የሚገባህን ልነግርህ ወዳንተ የተላክሁ ነኝ።

አሁንም እግዚአብሔር አምላክ ያዘዘህን ለመሥራት ልብህን አበርታ ቃልህ ከጽንፍ እስከ ጽንፍ በአራቱ ማእዘን ይደርሳልና እልፍ አእላፋትም ትምህርትህን ተቀብለው ትእዛዝህን ሰምተው ወደ ፈጣሪያቸው እግዚአብሔር ተመልሰው ይድናሉና በእግዚአብሔር መንግሥትም ውስጥ የጸና የብርሃን ዐምድ ትሆናለህና። እነሆ የአንጾኪያ ሊቀ ጳጳሳት ወደ አንተ ይመጣል ከእርሱም ጋራ ሁሉም ካህናትና ዲያቆናት በየማዕረጋቸው የሚያዝህንም አድርግ የእግዚአብሐር ትእዛዝ ነውና ልትተላለፍ አይገባህም አለው። ከዚህም በኋላ ያ መልአክ ለአባ ፊላትያኖስ ተገልጦ ቅዱስ ዮሐንስን ቅስና እንዲሾመው አዘዘው በማግሥቱም ሊቀ ጳጳሳቱ መጣ ከርሱ ጋራም ካህናት አሉ ይህን ቅዱስ ዮሐንስንም ይዞ ቅስና ሾመው።

የቍስጥንጥንያ ሊቀ ጳጳሳትም በአረፈ ጊዜ ንጉሥ አርቃድዮስ ልኮ አስመጥቶ ቅዱስ ዮሐንስን በቍስጥንጥንያ ላይ ሊቀ ጵጵስና ሾመው አባቶቻችን ሐዋርያት እንደሚያደርጉት በሊቀ ጵጵስናው ሥራ ላይ ጸና ሕይወትነት በአላቸው ትምህርቶችና ተግሣጾች ሕዝቡን ሁልጊዜ የሚአስተምር ሆነ። ከኤጲስቆጶሳትም ሆነ ከመንግሥት ወገን ሕግን የሚተላለፉትን ሁሉ ይገሥጻቸዋል ማንንም አይፈራም ፊት አይቶም አያደላም።

የንጉሥ አርቃድዮስ ሚስት አውዶክስያም ገንዘብ ወዳጅ ስለሆነች የአንዲት ድኃ መበለት ቦታዋን በግፍ ወሰደች ያቺ መበለትም ወደ ቅዱስ ዮሐንስ መጥታ ንግሥት አውዶክስያ ቦታዋን እንደነጠቀቻት ነገረችው እርሱም የደኃዋን ቦታዋን መልሺላት ብሎ ከብዙ ምክር ጋር እንድትመልስላት ንግሥት አውዶክስያን ለመናት እርሷ ግን እምቢ በማለት አልታዘዘችለትም። ወደ ቤተ ክርስቲያን ገብታ ሥጋውን ደሙን እንዳትቀበል አውግዞ ለያት።

ቍጣንና ብስጭትንም ተመልታ ስለ ክፉ ሥራቸው ከሹመታቸው እርሱ የሻራቸውን ኤጲስቆጶሳት ሰበሰበች እነርሱም ንግሥቲቱን ስለ ተቃወመ ስደት እንደሚገባው በእርሱ ላይ ተስማምተው ጻፉ እርሷም አጥራክያ ወደ ሚባል ደሴት ሰደደችው።

ከዚያም በደረሰ ጊዜ የዚያች ደሴት ሰዎች በክፉ ሥራ ጸንተው የሚኖሩ ከሃድያን ሁነው አገኛቸው ቅዱስ ዮሐንስም አስተማራቸው ገሠጻቸውም በፊታቸው ስለ አደረጋቸው ድንቆች ተአምራት ወደ ቀናች ሃይማኖት አስገባቸው።

የሮሜ ንጉሥ አኖሬዎስና ሊቀ ጳጳሳቱ ዮናክኒዶስ ስለ ቅዱስ ዮሐንስ ስደት በሰሙ ጊዜ እጅግ አዘኑ በንጉሥ አርቃድዮስ ላይም በመቆጣት እንዲህ የሚል ደብዳቤ ጽፈው ላኩ ከዚህ ከክፉ ሥራ ተጠበቅ ትእዛዛችንንም ተቀብለህ የከበረ
ዮሐንስን ከስደቱ ከአልመለስከው በአንተና በእኛ መካከል ሰላም አይኖርም። መልእክታቸውንም በአነበበ ጊዜ እጅግ አዘነ ሚስቱንም አግዶ ልኮ ቅዱስ ዮሐንስን ከስደቱ መለሰው በተመለሰ ጊዜም የቍስጥንጥንያ ሰዎች በመመለሱ ታላቅ ደስታ አደረጉ። ከጥቂት ቀኖች በኋላም ንግሥቲቱ ወደ ክፋቷ ተመልሳ ሁለተኛ ወደ አጥራክያ ደሴት ሰደደችውና በዚያው አረፈ።

ንጉሥ አኖሬዎስና ሊቀ ጳጳሳት ዮናክኒዶስም በሰሙ ጊዜ መልእክትን ላኩ ሊቀ ጳጳሳቱም የከበረ ዮሐንስን ከስደቱ እስከምትመልሰው ድረስ ሥጋውንና ደሙን እንዳትቀበል አውዶክስያን አወገዛት። ከዚህም በኋላ የከበረ ዮሐንስን ይመልሱት ዘንድ ንጉሥ ላከ ግን ሙቶ አገኙት ሥጋውንም ተሸክመው ወደ ቊስጥንጥንያ ከተማ አደረሱት። የከበረ ዮሐንስም በተሰደደበት አገር እንደአረፈና ሥጋውንም ወደ ቍስጥንጥንያ ከተማ እንዳመጡ ወደ አባ ዮናክኒዶስ መልእክት ጽፈው አስረዱት። ሁለተኛም የሮሜ ሊቀ ጳጳሳት ወደ ቤተ ክርስቲያን ገብታ ሥጋውንና ደሙን እንዳትቀበል ልኮ አውድክስያን አወገዛት እየለመነችውም ስምንት ወር ያህል ኖረች በብዙ ልመናም ፈታት።

ነገር ግን ጭንቅ በሆነ ደዌ እግዚአብሔር አሠቃያት ያድኗት ዘንድ ገንዘቧን ለባለ መድኃኒቶች ጥበበኞች እስከ ሰጠች ድረስ ግን አልዳነችም ወደ ቅዱስ ዮሐንስ መቃብርም ሔዳ በእርሱ ላይ ያደረገችውን በደል ይቅር ይላት ዘንድ እየሰገደችና እያለቀሰች ለመነችው እርሱም ይቅር አላት ከደዌዋም ፈወሳት። ጌታችንም ከሥጋው ታላላቅ ድንቆች ታአምራትን ገለጠ።

ስለርሱም እንዲህ ተባለ በአንዲት ዕለትም ከንጉሥ አርቃዴዎስ ጋር ተቀምጦ ሳለ ንጉሡ እንዲህ አለው አባቴ ሆይ ስለ አንድ ቃል እንድታስረዳኝ እለምንሃለሁ። ይህም ቃል ከብዙ ጊዜ ጀምሮ በልቤ ውስጥ ይመላለሳል ወንጌላዊ ማቴዎስ ቅድስት ድንግል እመቤታችን ማርያምን የበኵር ልጅዋን እስከ ወለደች ድረስ ዮሴፍ አላወቃትም ስለምን አለ ወንዶች ሴቶችን እንደሚአውቋቸው ዮሴፍ አወቃትን አለው።

"መጥፎ ቀን እና ጥሩ ቀን የሚባል ነገር የለም። ያለው ጸሎት አድርገህ የወጣህበት ቀን እና ጸሎት ሳታደርግ የወጣህበት ቀን ነው። ያልጸለይክባቸው ቀናት በክፉ ምኞትና የሥጋ ፍላጎት የተሞሉ ስለሆኑ ክፉ ቀናት ናቸው።"


ቅዱስ ቄርሎስ ሣድሳዊ

፫

በእንተ ንስሐ በቅዱስ አፍርሐት ዘሶርያ

እናንተ የጥበበኛው ባለ መድኃኒት ተከታዮች የሆናችሁ ሐኪሞች ሆይ መዳን ለሚገባው መድኃኒት ትሰጡ ዘንድ ይገባችኋል፡፡ ቁስሉን ለሚያሳያችሁ ሁሉ የንስሓን መድኃኒት ስጡት፡፡በሽታውን ለመናገር ለሚያፍርም ቢሆን ሕመሙን ተናግሮ ድንኅነትን እንዲያገኝ እርዱት፤ ምከሩት፡፡

እርሱ 'ሲነግራችሁም ለሌላው አሳልፋችሁ አታጋልጡ፡፡ ምክንያቱም በጠላትና በሚጠሏቸው ዘንድ በዚህ ሰው ምክንያት ደኅና የሆነው ሁሉ የቆሰለ መስሎ እንዳይታይ ነው፡፡ ጠላት ወታደሮቹ እየወደቁ መሆኑን ባየበት አቅጣጫ በዚያ ያለ የጦር መስመር ከሁሉም መስመሮች ደካማ መስሎ ይታየዋል።

ስለዚህ በጦርነት ውስጥ የጠላት ቀስት አግኝቷቸው የጣላቸውን የጠላት ቀስት ያላገኛቸው ወታደሮች የወደቁትን ቁስለኞች ቁስል እያሰሩ ጠላት እንዳያያቸው ማድረግ ይገባቸዋል፡፡

ነገር ግን በጠላት ቀስት የተመቱ ቁስለኞች እንዳሉ ከተጋለጠ ለሁሉም ሰራዊት መጥፎ ስም ይሰጠዋል፤ የጦሩ መሪ የሆነው ንጉሡም ሰራዊቱን አጋልጦ በሰጠው ሰው ይናደዳል፡፡ ስለዚህም በጠላት ጦር ተመትተው ከወደቁት ይልቅ በሚከፋ ቁስል ይመታዋል፡፡

የጠላት ፍላጻ ያገኛቸው ሰዎች ደዌአቸውን ለባለ መድኃኒቶች ለማሳየት ፈቃደኞች ካልሆኑ ግን ባለ መድኃኒቶቹ ‹በቁስላቸው የደከሙትን አላዳናችሁም› የሚል ወቀሳ የለባቸውም፡፡ የቆሰሉትም ቢሆኑ ቁስላቸውን ደብቀው የጦሩን ልብስ መልበስ አይችሉም። ምክንያቱም የቁስላቸው ደዌ መላ ሰውነታቸውን መርዟልና፡፡

ሰውነታቸው ተመርዞ እያለ የጦሩን ልብስ ለብሰው ወደ ውጊያው ቢገቡም ቁስላቸው አመርቅዞ ክንዳቸው ይዝልና በውጊያው ውስጥ ይገደላሉ፡፡ በአስከሬናቸው ላይም የቀደመ ቁስል በተገኘባቸው ጊዜ ሁሉም ይሳለቅባቸዋል፡፡ ‹‹በደለኛና አታላይ›› ናቸው በመባልም አስከሬናቸው ወደ ውጭ ይጣላል፡፡

ይቀጥላል.....

(ቅዱስ አፍርሐት ዘሶርያ - በእንተ ንስሐ ከገጽ 49 ጀምሮ)

፪

በእንተ ንስሐ ➛ በቅዱስ አፍርሐት ዘሶርያ

በጦር ሜዳ ተሰልፈው የሚዋጉ ወታደሮች ከጠላታቸው የተወረወረ ቀስት ባገኛቸው ጊዜ፣ ባቆሰላቸውም ጊዜ ድኅነት ለማግኘት ብለው ፈውስ ሊሰጥ ለሚችል ባለ መድኃኒት እራሳቸውን ያሳያሉ፡፡ በጦር ሜዳ የቆሰለውን ወታደር ከቁስሉ ያዳነው ባለ መድኃኒትም ከንጉሡ ሽልማትን ያገኛል፡፡

ወዳጆች ሆይ በተጋድሎው ውስጥ ጠላት መጥቶ ያገኘው፤ የነደፈውም ቢኖር የንስሐ መድኃኒት ሊወስድ ይገባዋል፡፡ በጠላት የተመታ ሰውም በንስሓ ታላቅ ይሆናል፡፡ ምክንያቱም እግዚአብሔር የተጸጸተውን፣ እራሱንም ያዋረደውን አይተውምና።

ስለዚህ በነብዩ ሕዝቅኤል ‹‹እኔ ሕያው ነኝና ኃጢአተኛው ከመንገዱ ተመልሶ በሕይወት ይኖር ዘንድ እንጂ ኃጢአተኛው ይሞት ዘንድ አልፈቅድም›› (ሕዝ ፴፩፥፲፩) በማለት ተናገረ፡፡

በውጊያ ላይ የቆሰለ ወታደር ቁስሉ ይድንለት ዘንድ ለሐኪም ማሳየትን አያፍርም፡፡ ንጉሡም ቢሆን ከቁስሉ የዳነን ወታደር ወደ ሰራዊቱ መልሶ ይቆጥረዋል እንጂ አይተወውም፡፡ እንደዚሁ ሁሉ ጠላታችን ሰይጣን ያገኘው፣ በኃጢአት የጣለው ሰውም ኃጢአቱን በመናዘዝ የንስሐን መድኃኒት ተቀብሎ መዳንን ማፈር የለበትም፡፡

ቆስሎ ቁስሉን መናገር ያፈረና በቶሎ መድኃኒት ያልተደረገለት ወታደር ቁስሉ ወደ ካንሰር ይለወጥና አመርቅዞ መላ ሰውነቱን በመምታት ይጎዳዋል፡፡ ጉዳቱን ቶሎ የተናገረ ታማሚ ግን ታክሞ በመዳን ወደ ጦር ሜዳው ይመለሳል፡፡ ቁስሉን ባለመታከሙ ወደ ካንሰር የተለወጠበትና ያመረቀዘበት ሰው ግን ሊድን አይችልምና ወደ ጦር ሜዳው ሊመለስ አይችልም፡፡

እንደዚሁ ሁሉ በተጋድሎ ውስጥ ያለ ሰው እንደ ወታደር ነው። በተጋድሎ ውስጥ ያለ ሰው በኃጢአት ወድቆ "በኃጢአት ወድቄአለሁ" ብሎ የተናዘዘ የንስሓን መድኃኒት ያገኛል፡፡ ኃጢአቱን የደበቀ ግን ሊድን አይችልም፡፡ ምክንያቱም ታማሚው መድኃኒት አግኝቶ ከቍስሉ ሁሉ ይድን ዘንድ በሽታውን ሁለት ዲናር ወስዶ ለሚያክመው ባለ መድኃኒት አልተናገረምና።"

ይቀጥላል.....

(ቅዱስ አፍርሐት ዘሶርያ - በእንተ ንስሐ ከገጽ 49 ጀምሮ)

ለመፍታት ዕድል ስጡ፡፡ በእግዚአብሔር ስም ለመላው ኢትዮጵያውያን ወገኖቻችንና ልጆቻችን የምናስተላፈው ወቅታዊ መልእክታችን ይህ ነው፡፡

በመጨረሻም
በቅድስት ቤተ ክርስቲያናችን ሁለንተናዊ አገልግሎትና የስራ አፈጻጸም ላይ ለመምከርና ለመወሰን ኃላፊነት ያለው ቅዱስ ሲኖዶስ በዛሬው ዕለት መደበኛና ዓመታዊ ጉባኤውን የጀመረ መሆኑን ለሕዝበ ክርስቲያኑ እናበስራለን፡፡
እግዚአብሔር ጉባኤያችንን ይባርክ!
እግዚአብሔር አምላክ ኢትዮጵያንና ሕዝቦቿን ይባርክ!
ወስብሐት ለእግዚአብሔር አሜን::

አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም
ወዕጨጌ ዘመንበረ ተክለ ሃይማኖት

ጥቅምት ፲፪ ቀን ፳፻፲፯ ዓ.ም.
አዲስ አበባ፣ ኢትዮጵያ፤

መልእክተ ቅዱስ ፓትርያርክ
በስመ አብ ወወልድ ወመንፈስ ቅዱስ አሐዱ አምላክ አሜን!
•ብፁዕ አቡነ አብርሃም
የመንበረ ፓትርያርክ ጠቅላይ ቤተ ክህነት ዋና ሥራ አስኪያጅ፣ የባሕር ዳርና የሰሜን ጐጃም አህጉረ ስብከት ሊቀ ጳጳስ፤
•ብፁዕ አቡነ ሄኖክ የአዲስ አበባ ሀገረ ስብከት ሊቀ ጳጳስ፤
•ብፁዓን አበው ሊቃነ ጳጳሳት የቅዱስ ሲኖዶስ አባላት፤
ዓመቱን ጠብቆ ስለ አጠቃላይ ተልእኮአችን ለመወያየት በዚህ ጉባኤ የሰበሰበን አምላካችን ስሙ የተመሰገነ ይሁን፤
“ወይእዜኒ ግብኡ ኀበ ኖላዊሃ ወዓቃቢሃ ለነፍስክሙ፤ አሁንም ወደ እረኛችሁና ወደ ነፍሳችሁ ጠባቂ ተመለሱ” (1 ጴጥ 2÷!5)
ሁሉን የሚችል አምላካችን እግዚአብሔር በፍቅሩና በፍቅሩ መነሻነት ብቻ ፍጥረታትን በሙሉ እንደፈጠረ ቅዱስ መጽሐፍ ያስተምረናል፤ ከፈጠረም በኋላ የክብሩ ተሳታፊ እንዲሆኑ ወዶ ክብሩን አድሎአቸዋል፡፡ እግዚአብሔር ለፍጡራኑ ካደላቸው ነገሮች አንዱ በየዓይነታቸው ጠባቂና መሪ እያደረገ በፍጡራን ላይ ፍጡራንን መሾሙ ነው፤ ይህ ስጦታ በሰማይም ሆነ በምድር ላሉ ፍጥረታት የተሰጠ የሱታፌ መለኮት ስጦታ ነው፡፡
ይህም በመሆኑ ሁሉም ፍጡራን አራዊትም ሆኑ እንስሳት ይብዛም ይነስ ጠባቂና መሪ እንዳላቸው እናስተውላለን፤ በተለይም የፍጥረታት ቁንጮ የሆኑ መላእክትና ሰዎች መሪና ሹም እንዳሏቸው የማንክደው ሓቅ ነው፡፡ ቅዱስ መጽሓፍም ይህንን ደጋግሞ ያስረዳል፤ የእነዚህ ሁሉ ላዕላዊ ጠባቂና መሪ ደግሞ እግዚአብሔር ነው፤ እግዚአብሔር በፍጡራን ላይ ፍጡራንን ጠባቂዎች አድርጎ ሲሾም ፍጡራንን የክብሩ ተሳታፊ ለማድረግ እንጂ የእሱ ጥበቃ አንሶ ወይም ድጋፍ ሽቶ አይደለም፡፡ ስለሆነም ፍጹምና ላዕላዊ የሆነ ጥበቃው ሁሉንም ያካለለ ነውና ከእሱ ቊጥጥርና ጥበቃ ውጭ አንድም ነገር እንደሌለ የምንስተው አይደለም ፡፡

•ብፁዓን አበው ሊቃነ ጳጳሳት
•የቅዱስ ሲኖዶስ አባላት!
በአምሳለ እግዚአብሔር በተፈጠረውና በክብር መልዕልተ ፍጡራን በሆነው ሰው ላይ በዚህ ዓለም የተሾሙ ሁለት አካላት አሉ፤ እነሱም የመንፈስና የዓለም መሪዎች ናቸው፡፡ በተለይም የመንፈስ መሪዎችና ጠባቂዎች የተባሉት በመንፈስ ቅዱስ ተሹመን በዚህ ክርስቶሳዊ ጉባኤ የተሰበሰብነው እኛ የቅዱስ ሲኖዶስ አባላት ነን፡፡
ይህ ጉባኤ በሀገር ውስጥና በውጭ ለሚገኙና በሚሊዮኖች ለሚቆጠሩ የኢትዮጵያ ኦርቶዶክስ ተዋሕዶ ቤተ ክርስቲያን ምእመናን መሪና ጠባቂ ነው፤ ከዚያም ባሻገር እንደ ቃሉ እስከ ዓለም ዳርቻ ድረስ ቃሉን በመስበክ ፍጥረተ ሰብእን በሙሉ የመጥራት ተልእኮ ለእኛ የተሰጠ የቤት ስራ ነው፡፡ ከዚህ አኳያ የተሰጠን ኃላፊነት እጅግ በጣም ታላቅ እንደመሆኑ የሚጠበቅብን ውጤትም በዚያው ልክ ትልቅ ነው፤ ብዙ ከተሰጠው ብዙ ይፈለግበታል ያለው የጌታችን አስተምህሮም ይህንን ያስታውሰናል፡፡

ሁላችን እንደምንገነዘበው አሁን የምንገኝበት ዘመን የጸላኤ ሠናያት መንፈስ በእግዚአብሔር ሕዝብ ላይ ከምንም ጊዜ በበለጠ ጦሩን ሰብቆ የተነሣበት ጊዜ ነው፤ አሁን ያለው ዓለም በሀገራችንም ሆነ በሌላው ክፍለ ዓለም ላሉ ኦርቶዶክሳውያን ከባድ ፈተና ደቅኖብናል፡፡ ክፉው መንፈስ የሰውን አእምሮ በማዛባት ምእመናንን በቅዱስ መጽሐፍና በሕገ ተፈጥሮ ከተመደበላቸው የጋብቻ ሕግ በማስወጣት እንስሳት እንኳ የማይፈጽሙት ነውረ ኃጢአት እንዲፈጽሙ በመገፋፋት ላይ ይገኛል፡፡ በአማንያን ልጆቻችን ላይም በረቀቀ ስልት ግድያ፣ እገታ፣ አፈና፣ የመብት ተጽዕኖ እና አድልዎ በማድረግ እንደዚሁም በአስመሳይ ስብከትና አምልኮ ጣዖትን በማለማመድ ሕዝቡ ሳይገባውና ሳይጠነቀቅ ከእግዚአብሔር መንግሥት እንዲወጣ እያደረገ ነው፡፡

•ብፁዓን አበው ሊቃነ ጳጳሳት
•የቅዱስ ሲኖዶስ አባላት!
ክፉው መንፈስ በተራቀቀና በተራዘመ ስልት ሊውጠን በተነሣ ልክ እኛም ከእሱ እጥፍ በሆነ መለኮታዊ ኃይል ልንመክተው ካልቻልን በፈጣሪም ሆነ በትውልድ እንደዚሁም በታሪክ ፊት በኃላፊነት መጠየቃችን አይቀርም፡፡ መከላከል የምንችለውም ችግሩን በውል ከመረዳት አንሥቶ ሕዝቡን በደምብ በማስተማርና በመጠበቅ እንደዚሁም ለመሪነታችን ዕንቅፋት ከሚሆኑን ዓለማዊ ነገሮች ራሳችንን በማራቅ ነው፡፡ ሕዝቡም በዚህ ዙሪያ ሊያደምጠንና ሊከተለን የሚችለው መስለን ሳይሆን ሆነን ስንገኝለት ነው፡፡ ሕዝቡ ሊከተለን የሚችለው እሱን በብቃት ለመጠበቅ ዓቅሙም ተነሣሽነቱም ቁርጠኝነቱም እንዳለን ሲመለከት፣ እንደዚሁም ከዕለት ተዕለት ተግባራችንና አኗኗራችን የሚያየው ተጨባጭ እውነታ ኅሊናውን ሲረታ እንደሆነ አንርሳ፡፡

የምናስተምረው ሌላ የምንሰራው ሌላ ከሆነ ግን ከሕዝቡ አእምሮ መውጣታችን እንደማይቀር መገንዘብ አለብን፤ በመሆኑም በሰብእናችን፣ በአስተዳደራችን፣ በአመራራችንና በጥበቃችን ሁሉ እንደቃሉና እንደቃሉ ብቻ ለመፈጸም መትጋትና በቁርጥ መነሣት ጊዜው አሁን ነው እንላለን፡፡ ይህ ሲሆን በምእመናንና በእኛ መካከል ያለው ግንኙነት አስተማማኝና እንከን የለሽ ይሆናል፤ ይህ ከሆነ እውነትም የመሪነት፣ የእረኝነትና የመልካም ተምሳሌነት ኃላፊነታችንን በትክክል ተወጥተናል ማለት እንችላለን፡፡

•ብፁዓን አበው ሊቃነ ጳጳሳት
•የቅዱስ ሲኖዶስ አባላት!
የሰው ልጆች በዚህ ዓለም ሲኖሩ የተሟላ ሰላምና ጣዕመ ሕይወት ሊኖራቸው የሚችለው በመንፈሳዊ ኑሮአቸው የተሻለ ነገር ስላገኙ ብቻ አይደለም፡፡ ሰዎች ከሥጋዊ ክዋኔም ጭምር የተፈጠሩ እንጂ እንደመላእክት ሥጋ የሌላቸው መንፈስ ስላይደሉ ለኑሮአቸውና ለሥጋዊ ክዋኔአቸው የሚሆን ነገር ያስፈልጋቸዋል፡፡ በዚህም ዓለማዊው አስተዳደር የተመቻቸ መደላድል ሊፈጥርላቸው ግድ ነው፤ ዓለማዊው አስተዳደርም የመለኮትን ተልእኮ ለመፈጸም የተሾመ ሹመኛ እንደመሆኑ የእግዚአብሔርን ሕዝብ በትክልል መምራት ይጠበቅበታል፡፡ ምንም ቢሆን የተቀበለው ኃላፊነት የእግዚአብሔር ነውና በሚሰራው ሁሉ በሿሚው አምላክ ከመጠየቅ አያመልጥም፡፡

እኛም በዚህ ዓለም የእግዚአብሔር ወኪሎች ስለሆንን ቢሰሙንም ባይሰሙንም ዓለማውያን ሹማምንትን የማስተማርና የመምከር ኃላፊነት አለብን፡፡ ይህ የሁለታችን ኃላፊነት እንደ እግዚብሔር ፈቃድ ስንፈጽም የሕዝብ ሰላምና በረከት፣ ፍቅና አንድነት፣ ዕድገትና ልማት በአስተማማኝ ሁኔታ ይረጋገጣል፡፡ ነገር ግን በአሁኑ ጊዜ በሀገራችንም ሆነ በአካባቢያችን እየሆነ ያለው ይህ አይደለም፤ አለመግባባት በዝቶአል፣ ማኵረፍና መቀያየም ሰፍቶአል፤ ነገሩ ሁሉ ግራ የሚያጋባና የተመሰቃቀለ ሆኖ ይታያል፡፡

ችግሩ ከሕዝብ አልፎ የአምልኮ ስፍራዎችንና የአምልኮው ፈጻሚዎችን ዒላማ ያደረገ እግዚአብሔርን መዳፈር እየተለመደ መጥቶአል፤ ይህ ለአንድ ሀገር ወይም ሕዝብ የውድቀት ምክንያት ከሚሆን በቀር ከቶውኑም የዕድገት ምልክት ሊሆን አይችልም፡፡
ከሁሉም በላይ የሚያሳዝነው ደግሞ ይህ ክፉ ድርጊት እየተፈጸመ ያለው በእኛው ልጆች በኢትዮጵያውያን መሆኑ ነው፤ ስለሆነም በከተማም፣ በጫካም፣ በገጠርም በየትኛውም ስፍራ የምትገኙ ልጆቻችን ምንም ይሁን ምን ሀገርንና ሕዝብን ከመጉዳት ተቆጠቡ፡፡ በተለይም ከቤተ ክርስቲያንና ከሀገር እንደዚሁም ሕዝቡን ከሚያገለግሉ ካህናትና ሲቪል ሰራተኞች እባካችሁ እጃችሁን አንሡ፤ ቤተ ክርስቲያን እኮ የእናንተና የሕዝቡ ሁሉ እናት ናት፤ በእናታችሁ ላይ መጨከንን እንዴት ተለማመዳችሁት? አሁንም ንስሐ ግቡ ያለፈው ይበቃል፡፡ ልብ በሉ ከእግዚአብሔር ጋር መጣላት አይበጅም፤ ሰውን መጉዳትና እግዚአብሔርን መዳፈር አቁሙ፤ የእግዚአብሔር ገንዘብ የሆነውን ሥርዓተ አምልኮም ያለቦታው አታውሉ፤ ጥያቄአችሁን በሰላማዊ መንገድ

፩

በእንተ ንስሐ ➛ በቅዱስ አፍርሐት ዘሶርያ

ጌታችን ኢየሱስ ክርስቶስ ከሰማያት ወርዶ ሥጋችንን በመዋሐድ እንደ እኛ ሰው ቢሆንም ፍጹም ኃጢአት የሌለበት ነው። እርሱ እራሱን አስመልክቶ ‹‹እኔ ዓለሙን ድል ነስቼዋለሁ›› (ዮሐ ፲፮፥፴፫ ) በማለት ኃጢአት የሌለበት እንደ ሆነ ተናገረ፡፡

ጌታችን ፍጹም ኃጢአት የሌለበት መሆኑን ነብዩ ‹‹የእውነት ሕግ አፉ ውስጥ ነበረች፤ በከንፈሩም ውስጥ በደል አልተገኘበትም›› (ሚል ፮፥፪) በማለት ተናገረ፡፡ የተመሰገነው ሐዋርያም ‹‹ኃጢአት የሌለበት እርሱ እኛን ለእግዚአብሔር ያጸድቀን ዘንድ ስለ እኛ ራሱን እንደ ኃጥእ አድርጓልና›› (፪ቆሮ ፭፥፳፩) አለ፡፡

እንግዲህ ኃጢአትን አንስቶ በመስቀሉ ላይ ሊቸነክር እንጂ እርሱ ኃጢአት ያልሠራ እንዴት ራሱን እንደ ኃጥእ አደረገ?

ዳግመኛም ሐዋርያው ‹‹በእሽቅድምድም ስፍራ የሚሽቀዳደሙ ሁሉ እንደሚፋጠኑ አታውቁምን? ለቀደመው የሚደረግለት ዋጋ አለ፤ እንዲሁ እናንተም እንድታገኙ ፈጽማችሁ ሩጡ›› አለ (፩ቆሮ ፱፥ ፳፬) አለን፡፡

ከአዳም ጀምሮ ኃጢአት በሰው ልጆች ላይ ሠልጥኖ ነበር፡፡ ምክንያቱም ሕግን ከተላለፈ የመጀመሪያው ሰው ከአዳም ጀምሮ ኃጢአት ያልገዛው የለምና፡፡ ብዙዎቹን ነድፏል፣ ብዙዎቹንም አግኝቷቸዋል፣ ብዙዎቹንም ገድሏል፡፡ መድኃኒታችን የሆነው ጌታችን ኢየሱስ ክርስቶስ በሞቱ ሞትን እስኪደመስሰው ድረስ፣ ኃጢአት ያላጠፋው የሰው ልጅ አልነበረም (1ቆሮ.15፥55-57)። በመስቀል ላይ በተቸነከረበት ጊዜም ክንዱ እስኪሰበር፣ እስከ መጨረሻው ሰዓት ድረስ ብዙዎቹን ሲገርፍ ነበር፡፡

ለሁሉም በሽታ መድኃኒት አለ፤ ጥበበኛ ሐኪም ያየው ቁስልም ይድናል፡፡ እንግዲህ በተጋድሎአችን ውስጥ ጠላት ያገኘው ቢኖር የንስሐ መድኃኒት አለለት፡፡ እሱን መድኃኒት ቁስላቸው ላይ ያፈሰሱ ሰዎች ድኅነትን ያገኛሉ፡፡ እናንተ የጥበበኛው ሐኪማችን ተከታዮች የሆናችሁ ባለ መድኃኒቶች ሆይ ይህንን መድኃኒት ውሰዱ፡፡ በዚህ መድኃኒትም በቍስል የተመታውን ታድናላችሁና፡፡

ይቀጥላል.....

(ቅዱስ አፍርሐት ዘሶርያ - በእንተ ንስሐ ከገጽ 49 ጀምሮ)

"በውጊያ ላይ የቆሰለ ወታደር ቁስሉ ይድንለት ዘንድ ለሐኪም ማሳየትን አያፍርም፡፡ ንጉሡም ቢሆን ከቁስሉ የዳነን ወታደር ወደ ሰራዊቱ መልሶ ይቆጥረዋል እንጂ አይተወውም፡፡ እንደዚሁ ሁሉ ጠላታችን ሰይጣን ያገኘው፣ በኃጢአት የጣለው ሰውም ኃጢአቱን በመናዘዝ የንስሐን መድኃኒት ተቀብሎ መዳንን ማፈር የለበትም፡፡

ቆስሎ ቁስሉን መናገር ያፈረና በቶሎ መድኃኒት ያልተደረገለት ወታደር ቁስሉ ወደ ካንሰር ይለወጥና አመርቅዞ መላ ሰውነቱን በመምታት ይጎዳዋል፡፡ ጉዳቱን ቶሎ የተናገረ ታማሚ ግን ታክሞ በመዳን ወደ ጦር ሜዳው ይመለሳል፡፡ ቁስሉን ባለመታከሙ ወደ ካንሰር የተለወጠበትና ያመረቀዘበት ሰው ግን ሊድን አይችልምና ወደ ጦር ሜዳው ሊመለስ አይችልም፡፡

እንደዚሁ ሁሉ በተጋድሎ ውስጥ ያለ ሰው እንደ ወታደር ነው። በተጋድሎ ውስጥ ያለ ሰው በኃጢአት ወድቆ "በኃጢአት ወድቄአለሁ" ብሎ የተናዘዘ የንስሓን መድኃኒት ያገኛል፡፡ ኃጢአቱን የደበቀ ግን ሊድን አይችልም፡፡ ምክንያቱም ታማሚው መድኃኒት አግኝቶ ከቍስሉ ሁሉ ይድን ዘንድ በሽታውን ሁለት ዲናር ወስዶ ለሚያክመው ባለ መድኃኒት አልተናገረምና።"

እናንተ የጥበበኛው ባለ መድኃኒት ተከታዮች የሆናችሁ ሐኪሞች ሆይ መዳን ለሚገባው መድኃኒት ትሰጡ ዘንድ ይገባችኋል፡፡ ቁስሉን ለሚያሳያችሁ ሁሉ የንስሓን መድኃኒት ስጡት፡፡በሽታውን ለመናገር ለሚያፍርም ቢሆን ሕመሙን ተናግሮ ድንኅነትን እንዲያገኝ እርዱት፤ ምከሩት፡፡

(ቅዱስ አፍርሐት ዘሶርያ - በእንተ ንስሐ ገጽ 52-53)

ማሳሰቢያ
(ቅዱስ አፍርሐት በዚህ ድርሳኑ ውስጥ በዚህ ዓለም ስንኖር ፈተና እንዳለብን እና ይህንንም መንፈሳዊ ተጋድሎን በጦርነት አስመስሎ በምሳሌ የመንፈሳዊ ሕይወትን ውጊያዎች፣ በውጊያዎች ውስጥ መቍስል ሊያጋጥም እንደሚችል የሚናገርበትን፣ ድንገት በጦርነቱ ውስጥ የጠላት ፍላጻ ካገኘን እንዴት መታከም እንዳለብን የሚመከርበትን፣ በመንፈሳዊ ሕይወት ውስጥ ደግሞ መቍሰል እና መወጋት፣ መጎዳትም ሲያጋጥም ፍቱን መድኃኒት የሆነው ንስሓ እንደ ሆነ የሚያስረዳበትን፤ እንዲሁም ጌታችን መድኃኒታችን ኢየሱስ ክርስቶስን በጠቢቡ ባለ መድኃኒት በመመሰል፣ ካህናትን ደግሞ የእርሱ አገልጋዮች እንደሆኑ በምሳሌ የሚያስተምርበትን "በእንተ ንስሐ" ከሚል መጽሐፍ የቀረበውን ጽሑፍ በክፍል በክፍል ወደፊት የምናቀርብ መሆኑን እናሳውቃለን።)

#ሼር
#የካህኑን_ልጅ_እንድረስላት

በዓለም ዙርያ የምትኖሩ ልጅ የምትወዱ ኢትዮጵያውያን እና ኤርትራውያን ወገኖቼ በምስሉ የምናያት ህጻን ስርጉት ጥዑመ ልሳን ትባላለች።

ገና የአንድ አመት ከስምንት ወር ህጻን ስትሆን ዕድሏ ሆኖ መናገርም መንቀሳቀስም በሰላም መተንፈስም መቦረቅም አልቻለችም ከተወለደች ጊዜ ጀምሮ በህመም ላይ ነችና።

ወላጆቿ ምንም ገቢ ስለሌላቸው የተሻለ ህክምና ማግኘት አልቻለችም። ዛሬ ላይ #ወገን_ቢያግዘን_የተሻለ_ህክምና ብንሞክርላት ብለው ፊታችን ቆመዋልና ደጋግ ወገኖቻችን ከቻላችሁ በገንዘብ ካልቻላችሁ በሀሳብ፣ በጸሎትና ለሌሎች ረጂዎች እንዲደርስ ሼር በማድረግ እንድታግዟቸው እንማጸናችኋለን።

ቄስ ጥዑመ ልሳን ገደፋው
የኢትዮጵያ ንግድ ባንክ
1000561662014

ለበለጠ መረጃ
ቄስ ጥዑመ ልሳን ➛ +251967438386

"እግሮቻችሁ በብረት ችንካር እንደተተከሉ እንደ ፅኑ አምዶች ፀንታችሁ በቤተክርስትያን ትኖሩ ዘንድ እነግራችኋለሁ።"

ቅዱስ አትናቴዎስ