Hilina Belete

ኅዳር 15 በዓሉ ነው። እስኪ ታሪኩን፣ ገድሉን በጥቂቱ ያድምጡ።

https://youtu.be/UY64Oe5BPLY?si=NfPJAe_X0orhJLrZ

መቅደስ ወደ መቅደስ ውስጥ የገባችበት ዕለት ምን ይደንቅ?
ማኅደረ መለኮት ወደ ማኅደረ መለኮት ውስጥ የገባችበት ዕለት ምን ይረቅ?
ኆኅተ ብርሃን ወደ ኆኅተ ብርሃን ውስጥ የገባችበት ዕለት!
ለዛሬ ወር ያድርሰን!
(ፎቶ:- ኤረር በዓታ ገዳም)

አበባ፣ ፍሬውና ምሳሌነታቸው

https://youtu.be/ebJAfnRkKjA?si=8kqApNCfZrWA6WFk

የማትረግፍ አበባ የማትጠወልግ
ዘውትር 'ምታብብ
መዓዛ ቅዱሳን ድንግል ማርያም ናት
መድኃኒተ ሕዝብ
...
የሲና ሐመልማል እሳት የተስማማት
መቃጠልን 'ማታውቅ የመለኮት ሌማት
የእርሷ ድንግልና ዘላለማዊ ነው
የማትረግፍ ሲላት ያሬድን አየነው
...
ተቀጥፋ የቆየች የአቤሜሌክ ቅጠል
66 ዓመት ደርቃ ሳትቃጠል
መስጠት ያላቆመች የልምላሜዋን ጠል
ፍሬዋ ክርስቶስ አበባ ናት ድንግል
...
ከአሮን በትር ላይ አብባ የተገኘች
የደረቀን ዓለም ማለምለም ታውቃለች
አባ ጊዮርጊስም አላት ፈርከሊሳ
እንደ አንበሳ ኃጢአቱን ድል እንድትነሳ
...
የምታሳሳ እናት ውብ ናት እንደ አበባ
በምልጃዋ ያመነ ስንቱ ገነት ገባ
አባ ጽጌ ድንግል ማበቧን ያወቀው
ማኅሌቷን ታጥቆ ተመስጦ ነጠቀው
...
በጽጌ ማኅሌት ንዒ ንዒ እያልን
እኛም ከሊቁ ጋር ልንጠራት ሌት አለን
አበባ ነፍሳችን ጠውልጋ እንዳትረግፍ
የምልጃዋ ጥላ በእኛ ላይ ይረፍ።

ዜማ:- ቀሲስ ግርማ አዳነ
ግጥም:- ዲ/ን ሕሊና በለጠ ዘኆኅተብርሃን

https://youtu.be/pPA--15XgA4?si=ohvj079wDCoxpjCE

ኦርቶዶክሳውያን ሴቶች ሲሣሉ ጸጉራቸው ይሸፈናል። የማርያም እንተ ዕፍረት ግን ይገለጣል።
በማርያም እንተ ዕፍረት፣ በማርያም እኅተ አልአዛርና በማርያም መግደላዊት መካከል ልዩነታቸው እንዲህ ተብራርቷል።
ሦስቱም ሽቱ የያዙበት ጊዜ አለ። ሁለቱ ቀብተዋል። አንዷ አልቀባችም። ሁለቱ እንተ ዕፍረት ይባላሉ።

ሊቀ ሊቃውንት ሥሙርን በዘኆኅተ ብርሃን በኩል ያድምጡና ያትርፉ።

https://youtu.be/gBmf1opk8A4?si=zHpjadVTyVp3zlhw

በልቅሶና በጩኸት የወርቅና የብር መፈተን የሆነ መፈተንሽ እንደ ምን ያለ ፍጹም ድንቅ ነገር ነው? ... የፈጣሪ የኢየሱስ እናት ሆይ! ቀን በፀሐይ ሐሩር፣ ሌሊትም ፍጹም ምሳሌ በሌለው ውርጭ ልምላሜያዊ ሰውነትሽ እንደ ምን ጠወለገ?... 'ከመ ዘእሳት ዘሐቅል ሕሊናየ ውእየ' ... እመቤቴ ማርያም ሆይ! ሀገርን የሚጠብቁ ሰዎች 'የእኔንና የተወደደ ልጄን ልብስ ገፈፉ' በማለት በተናገርሽው ነገርሽ ሕሊናዬ እንደ በረሓ እሳት ተቃጠለ..... እንደ ውኃ ፈሰስሁ፤ ዐጥንቴ ሁሉም ተበተነ፤ ኃይሌም እንደ ገል ልምላሜን ዐጥቶ ደረቀ፤ ምላሴም በጉረሮዬ ውስጥ ዱረቀ"
(አባ ጊዮርጊስ ዘጋስጫ)

- ኢየሱስ በዚህ ይሸፈናልን?
- ምንኩስና ስንፍና ነውን?
- ኦርቶዶክስን የመዝለፍ ልምምድ
- የኑሮ መቃወስ
- ክርስቲያናዊ መፍትሔው ምንድን ነው?

https://youtu.be/_jQWWGPBl7I?si=LvhvJwvN-kaw9L_P

ውድ የእመቤታችን ወዳጆች!
እንኳን ለብዙኃን ማርያም በዓል አደረሳችሁ!
የማርያም ወዳጅ የሚለውን ይህን ትምህርት ተጋበዙልኝ!

https://youtu.be/L0skZvJ1_w4?si=9JnpmdmHzhMgZg29

"ዓለም ከመፈጠሩ አስቀድሞ ከእግዚአብሔር ጋር ያለ ትእምርተ መስቀል የከበረ ነው።
እግዚአብሔር ምሳሌው የሆነ ትእምርተ መስቀል ከሁሉ አስቀድሞ ተፈጠረ። በሱ አምሳል አዳምን ፈጠረው።
ለመላእክትም የመስቀል ምልክት አክሊል አላቸው። እንደ መብረቅ ያለ ዘውድም አላቸው። የመስቀል አምሳል በትርም አላቸው። ፊታቸውንም በመስቀል ምልክት ይሸፍናሉ። የመስቀል ማዕዘን አራት እንደ ሆነ የመንበሩም ጎኖቹ አራት ናቸው።
ይህ መስቀል የሄኖስ የሽቱ እንጨቱ ነው። የአብርሃም የወይራ እንጨቱ፣ የይስሐቅ የነጭ ሐረጉ፣ የያዕቆብ የዕጣኑ እንጨት ነው።
ይህ መስቀል የሙሴ የሃይማኖት በትሩ ነው። ይህ መስቀል ክንድን በኤፍሬምና በምናሴ ራስ ላይ በማስተላለፍ የጥላ ምልክት ነው።
ይህ መስቀል የኤርምያስ የሎሚ በትሩ ነው። የኢሳይያስ የስሙ መታሰቢያ ነው።
ይህ መስቀል በሰሎሞን ያለ የእንኮይ እንጨት ነው። ከእንኮይ አነሳሁህ፤ በዚያም የወለደች እናትህ ታመመች ብላ ይህች ሙሽራ ስለ ሙሽራዋ ብዙ ተናግራለችና። ስለ መስቀሉም ከጥላው በታች መቀመጥን ወደድሁ አለች...."
ድርሳነ መድኃኔ ዓለም ዘቀዳሚት

እንኳን ለብርሃነ መስቀሉ በዓል አደረሳችሁ!

የስኬት ሕይወት

https://youtu.be/AJdcoh7ykKk?si=8SN2P4yu7fl7Cnpm

በጾም የተጀመረ ነገር ፍጻሜው መልካም ነው። ጌታችን የ3 ዓመት ከ3 ወር አገልግሎቱን የጀመረው በጾም ነው። ሐዋርያት የተልእኮአቸው ጅማሬ በጾም የተባረከ ነበር። በጥንት ዘመን ባለ ትዳሮች የትዳር ዘመናቸውን የሚጀምሩት በጾም ነበር። ተክሊል ፈጽመው 40 ቀናትን ይጾሙና ሰርግን ያደርጋሉ። አበው የተጋድሎ ዘመናቸው የሚጀመረውም የሚፈጸመውም በጾም ነው። እኛም አዲሱን ዓመት በጾም ጀምረናል። እግዚአብሔር የባረከው የሰላምና የበረከት ዘመን ያድርግልን!

እንኳን ለዘመነ ማቴዎስ አደረሳችሁ!

ዲ/ን ሕሊና በለጠ

እንኳን ለጾመ ፍልሠታ አደረሳችሁ!
ይህችን ተጋበዙልኝ!

https://youtu.be/pkSgA0pDmU8?si=vYXES45Xo-S5Vwi_

ይህች እጅ ውዳሴ ማርያምን የጻፈች እጅ ናት። የቅዱስ ኤፍሬም ቀኝ እጅ ናት። ከ13ቱ የግሪክ ክልሎች መካከል አንዱ በሆነው በመካከለኛው መቄዶንያ ውስጥ በሚገኘውና "የገነት አንድ ማዕዘን (ጥግ)" ተብሎ በሚታወቀው የቅዱስ ኤፍሬም ገዳም ውስጥ ትገኛለች። በገዳሙ ዋናው ቤተ ክርስቲያን ውስጥ ይህች ቅድስት እጅ ከቅዱስ ኤፍሬም የግድግዳ ላይ ሥዕል (fresco) እና ከእመቤታችን ሥዕል ጋር በአንድነት ትገኛለች። በረከቱ ይደርብን! ለመሳለም ያብቃን!

ሐምሌ 15 የቅዱስ ኤፍሬም በዓሉም አይደል?
እስኪ ይህችን የሕይወት ታሪኩን ከዘኆኅተ ብርሃን ሚዲያ ላይ ተጋበዙልኝ!
https://youtu.be/30odpzraaF4?si=zyzydc2dvSzFDLjC

ቅዱስ ኤፍሬም ጥበብን ያስተምረው ዘንድ እግዚአብሔርን ለመነ። በደረሰበት ቦታም አንዲት ሴት ትኩር ብላ አየችው። እርሱም "ምነው?" አላት። እርሷም "እኔስ አንተን ማየቴ አያስገርምም፤ ከወንድ ተፈጥሬአለሁና። አንተ ግን የተፈጠርክበትን አፈር ትተህ እኔን ማየትህ ይገርማል" አለችው። ቅዱስ ኤፍሬምም ጥበብን ከማይጠብቅበት ሥፍራ በማግኘቱ እግዚአብሔርን እያመሰገነ ሔደ።

እንኳን ለቅዱስ ኤፍሬም በዓለ ዕረፍት አደረሳችሁ!

ፈቃደ እግዚአብሔር

https://youtu.be/FdtM5zw5TzQ?si=MPqE2e2U9ZQIuBPf