ዲያቆን ያረጋል አበጋዝ

በዓለ ጥምቀት

እንኳን አደረሳችሁ!

ጥምቀት ሥርዓቱ ከብሉይ ኪዳን ይጀምራል፡፡ አንድ አይሁድነትን ያልተቀበለ አዲስ ሰው ወደ ይሁዲነት ሲመጣ ከማኅበረ አይሁድ ከመቀላቀሉ አስቀድሞ ግዝረትን እና በውኃ  መታጠብን (መጠመቅ) እንዲፈጽም ይደረጋል፡፡ ይህም ለመንጻት ሥርዓት በዘሌዋውያን ካህናት  አማካኝነት  ይፈፀም ነበር፡፡ ውኃ መንጽኢ ነውና ማንም ሰው በተለያየ ምክንያት ቢረክስ  የሚነጻበት  (የኅፅበት) ሥርዓት ለእያንዳንዱ  ምክንያት ነበረው፡፡  (ዘሌ. ፲፬፥፲፭-፳፪) ይህንንም ተዘርዝሮ እናገኘዋለን፡፡ ይህም በእውነት በውኃ ላይ የእግዚአብሔር  መንፈስ እንዳደረበት  ያስረዳል፡፡ (ዘፍ.፫፥፪) ተያይዞ እስከ ዘካርያስ ልጅ ቅዱስ ዮሐንስ ደርሷል፡፡

በመልአኩ  ቅዱስ ገብርኤል  ብሥራት የተወለደው  ጻድቅ፣ ቅዱስ ሐዋርያ ሰማዕት፣ መጥምቀ መለኮት ቅዱስ ዮሐንስ የዮሐንስ በረሃ በሚባለው እና ከሕፃናቱ ጀምሮ ባደገበትምድረ በዳ በሚገኝ ዋሻ ውስጥ በብሕትውና ተወስኖ ሲኖር ቆይቶ ለክርስቶስ  መንፈቅ ሲቀረው  በ፴  ዘመኑ የዮርዳኖስ  አውራጃ  በምትሆን በይሁዳ  ‹‹ነስሑ  እስመቀርበት መንግሥተ ሰማያት፤ መንግሥተ ሰማያት በልጅነት፣  ልጅነት  በሃይማኖት ልትሰጥ ቀርባለችና በወንጌል አምናችሁ ንስሐ እያለ ሰበከ፤ በነቢይ ‹‹የጌታን መንገድ አዘጋጁ፤  ጥርጊያውንም አቅኑ  እያለ  በምድረ በዳ  የሚጮህ  ሰው ድምፅ›› እንደ  ተባለለት፡፡ (ኢሳ.፵፥፫፣ማቴ.፫፥፫)

ቃሉን የተቀበሉም ስለ ኃጢአት ስርየት ኃጢአታቸውን እየተናዘዙ በፈለገ ዮርዳኖስ በእደ ዮሐንስ ይጠመቁ ነበር፡፡ ይህም አማኞችን  ለክርስቶስ  ጥምቀት የሚያዘጋጅና በእግዚአብሔር  መንግሥት ውስጥ ለመሆን የሚያበቃ ነበር፡፡ ‹‹እኔስ ለንስሐ በውኃ አጠምቃችኋለሁ፤ ጫማውን እሸክም ዘንድ የማይገባኝ ከእኔ በኋላ የሚመጣው ግን ከእኔ ይበረታል፤  እርሱ በመንፈስ ቅዱስና በእሳት ያጠምቃችኋል›› (ማቴ.፫፥፲፩) ክርስቶስም ናዝራዊ ከተባለበት (ማቴ. ፥፳፫) ከናዝሬት  ወደ ዮርዳኖስ  ጥር ፲፩   ቀን  ወረደ፤  ቅዱስ  ዮሐንስም  ስለ  እርሱ  መሰከረ  ‹‹ነዋ በግዑ ለእግዚአብሔር  ዘያአትት ወያሴስል ኃጢአተ ዓለም፤ እነሆ  የዓለምን ኃጢአት  የሚያስወግድ የእግዚአብሔር  በግ፡፡›› (ዮሐ.፩፥፳፱)

ዮሐንስም ክርስቶስ በእርሱ እንዲጠመቅ መምጣቱን ባየ ጊዜ ወትሮ ባሪያ ወደ ጌታው ይሄዳል  እንጂ እንዴት ይህ ይሆናል?  አለው፤ ትሕትናን ከእናቱ ተምሯልና፤  ‹‹የጌታዬ  እናት ወደ  እኔ ትመጣ ዘንድ  እንዴት  ይሆንልኛል?››  እንዳለች ቅድስት ኤልሳቤጥ፡፡ (ሉቃ.፩፥፵፫)  ደግሞስ ሌላውን ሁሉ በስምህ አጠምቃለሁ፤  አንተን  በማን ስም አጠምቃለሁ?  ቢለው  ‹‹ወልዱ  ለቡሩክ ከሣቴ ብርሃን ተሣሃለነ››፤ ‹‹አንተ  ካህኑ ለዓለም በከመ  ሢመቱ  ለመልከ  ጼዴቅ››  ብለህ  አጥምቀኝ ብሎታል፤  ብርሃንን  የምትገልጥ የቡሩክ  አብ የባሕርይው  ልጅ ይቅር  በለን፤  እንደ  መልከ  ጼዴቅ  የዓለም ሁሉ ካህን  አንተ  ነህ››  እያልክ  አጥምቀኝ ብሎታል፤  ከዚያም ዮሐንስ ሊያጠምቀው ወደ ዮርዳኖስ ገብቷል፡፡

ዮርዳኖስ  የጥምቀቱ ቦታ  እንዲሆን  ጌታ የፈቀደው  አስቀድሞ  ትንቢት  አናግሮ  ምሳሌ መስሎ ‹‹ባሕርኒ ርእየት ወጎየት ወዮርዳኖስኒ ገብአ ድኅሬሁ ርእዩከ ማያት እግዚኦ  ርእዩከ ማያት ወፈርሁ፤ አቤቱ ውኆች አዩህ፤ ውኆችም አይተውህ ፈሩህ፤ ጥልቆችም ተነዋወጡ፤ ውኆችም ጮሁ፡፡›› (መዝ. ፸፮፥፲፮) ‹‹ባሕር  አየች፤  ሸሸችም፤  ዮርዳኖስም  ወደ ኋላ  ተመለሰ፤››  (መዝ.፻፲፫፥፫) ዮርዳኖስ መነሻው ከላይ ነቁ፤ አንድ ነው፤ ዝቅ ብሎ በደሴት ይከፈላል፤  ከታች ወርዶ ይገናኛል፡፡ የሰውም ልጅ አባቱ አንዱ አዳም ሲሆን እስራኤልና  አሕዛብ በግዝረት በቁልፈት  ተለያይተዋልና፡፡ ከታች ወርዶ እንደገና በወደብ እንዲገናኝ ሕዝብ እና አሕዛብ  በክርስቶስ  ጥምቀት አንድ  ሆነዋል፤  ከዚህም  የተነሣ  ጌታ የሁለቱ  ወንዝ  መጋጠሚያ  ላይ  በመጠመቅ አንድነታችንን  መልሶልናል፡፡  ይህንን  ውለታ በማሰብ (ይህን  የነጻነት  በዓል)  እናከብራለን፡፡

ከዚህም በላይ  የሥላሴ  ምሥጢር እኛ በምንረዳው መልኩ ያየንበትን በዓል የዕዳ ደብዳቤያችን የተፋቀበትን ቀን፣ ነጻነታችንን ያወጅንበትን፣ የእግዚአብሔር  ልጆች የሆንበትን  ዕለት  ከበዓልም  የሚበልጥ  ዐቢይ  በዓል  አድርገን  አናከብረዋለን፡፡  ይህንንም  ቀን  ቀድሶ  የሰጠን  ቅዱስ አምላክ ምስጋና ይድረሰው፤ አሜን፡፡
ከበዓሉ በረከት ረድኤት ያሳትፈን!

“እንኳን ለከተራ በዓል አደረሳችሁ!”

የከተራ በዓል ምሳሌያት

በበዓለ ጥምቀት ዋዜማ የታቦታቱ ወደ ወንዝ መውረድና የባሕረ ጥምቀቱ መዘጋጀት ሃይማኖታዊ ታሪክና ምሳሌ አለው፡፡ የቃል ኪዳኑን ታቦት አክብሮ መጓዝና ወደ ወንዝ መወረድ የተጀመረው በአሮን ልጅ በአልዓዛር ጊዜ ነው፡፡ ኢያሱ በሙሴ እግር ተተክቶ ሕዝበ እስራኤልን እየመራ ከዮርዳኖስ ወንዝ ሲደርስ ባሕሩ ከሁለት ይከፈልና ወራጁም ይቆም/ይከተር/ ነበር፡፡ እስራኤል ዘሥጋ ወደ ምድረ ርስት ለመግባት የዮርዳኖስን ወንዝ ሲሻገሩ፡- ድንኳን ጥለው የቃል ኪዳኑን ታቦት በድንኳን ውስጥ አድርገው ሌዋውያኑ በዙሪያው፣ ካህናቱ ደግሞ በውስጥ ኾነው እግዚአብሔርን እያመሰገኑ አድረው በማለዳ ተሻግረዋል /ኢያሱ 3÷8-9/፡፡ ካህናቱ የቃል ኪዳኑን ታቦት አክብረው የወንዙን ዳርቻ በረገጡት ጊዜ እንደ ክረምት ማዕበል ይወርድ የነበረው ውኃ ግራና ቀኝ ተከፍሎ እንደ ግድግዳ ወደ ላይ ቆሟል፡፡

ሕዝቡ ተሻግሮ እስከሚያበቃ ታቦተ ጽዮንን ያከበሩት ካህናት ከወንዙ መሐል ይቆሙ ነበር፡፡ በዚህ መሠረት ‹‹ወተጠምቃ እገሪሆሙ ለካህናት›› ይህም ‹‹የካህናት እግሮቻቸው የዮርዳኖስን ውኃ በመርገጣቸው እንደ ጥምቀት ሆናቸው›› በሐዲስ ኪዳነ ጌታችን ለመሠረተው ሥርዐተ ጥምቀት ምሳሌ ነበር፡፡ ቤተ ክርስቲያናችን የጥምቀትን ዋዜማ ከተራ ብላ የጠራችው ከዚህ በመነሣት ነው፡፡

ጌታችን በተጠመቀ ጊዜ የዮርዳኖስ ወንዝ የላይኛው ሸሽቶ ወደ ላይ ተመልሶ ሽቅብ ፈሷል፡፡ የታቹም ወደ ታች ሸሽቷል፡፡ የላይኛው ፈሳሽ ተቋርጦ እንደ ክምር ተቆልሎ ቀርቷል።ቅዱስ ዳዊት የተመለከተውም ይህንኑ ነው። ከአዳም ጀምሮ እስከ ክርስቶስ ድረስ በዘር ይወርድ የነበረው ፍዳ መርገም በክርስቶስ ቤዛነት ተቋርጦ ፤ የታቹም ፈጽሞ መድረቁ ኀጢአተ አዳም የመጥፋቱ ምሳሌ ነው፡፡

እስራኤል ፈለገ ዮርዳኖስን ተሻግረው ወደ ኢያሪኮ መሔዳቸው ምእመናን በጥምቀት ከኀጢአት ቍራኝነት ተላቀው እግራቸውን ወደ ልምላሜ ገነት ወደ ዕረፍተ መንግሥተ ሰማያት አቅንተው ለመሔዳቸው ምሳሌ ነው፡፡ ኢያሱ የጌታ፣ እስራኤል የምእመናን፣ ዮርዳኖስ የጥምቀት፣ ምድረ ርስት የገነት መንግሥተ ሰማያት ምሳሌ ነው፡፡

ታቦቱን አክብሮ የሚሔደው ካህን የቅዱስ ዮሐንስ፣ታቦቱ የጌታችን፣ ባሕረ ጥምቀቱ የዮርዳኖስ ወንዝ፣ ታቦታቱን አጅበው የሚሔዱትና በዓሉን የሚያከብሩት ምእመናን ወደ ቅዱስ ዮሐንስ እየመጡ የንስሐ ጥምቀት ሲጠመቁ የነበሩት ሰዎች ምሳሌዎች ናቸው፡፡ ታቦታቱ በጥምቀት ዋዜማ ከመንበራቸው ወደ ጥምቀተ ባሕር መውረዳቸውና በዚያ ማደራቸው ጌታችን መድኃኒታችን ኢየሱስ ክርስቶስ በእደ ዮሐንስ በፈለገ ዮርዳኖስ ከማታው ጀምሮ መውረዱንና ተሰልፎ ተራውን ሲጠብቅ ማደሩን ያጠይቃል፡፡ ‹‹ጥምቀት የሞቱና የትንሣኤው ምሳሌ ነው፡፡ ከኃጥአን ጋር ተቆጥሮ እንዲጠመቅና እንዲሰቀል የተጻፈውን ቃል ንስሐና ጥምቀት የማያስፈልገው ሲሆን ነገር ግን ፍጹም ኃጥእ መስሎ በዮሐንስ እጅ ጥምቀትን ለመፈጸም በማየ ዮርዳኖስ ተጠመቀ፡፡››
ጌታችን የተጠመቀበት ወርኀ ጥር በእስራኤላውያን ዘንድ የዝናብ፣ የበረዶ ወራት ነው፡፡ ከወንዝ ዳር ያለ መጠለያ መዋልና ማደር አይቻልም፡፡ በመኾኑም ከዮሐንስ ለመጠመቅ የሚሄዱ ሰዎች ሁሉ በዮርዳኖስ ዙሪያ ድንኳናቸውን ተክለው ያርፉ ነበር፡፡ በዚህ አንጻር ዛሬም በባሕረ ጥምቀት ዙሪያ ድንኳኖች ዳሶች ይጣላሉ፡፡

በሀገራችን በተለያዩ አካባቢዎች በተለይ በአክሱም የንግሥት ሳባ መዋኛን ‹‹ማይ ሹም›› በጎንደር ዐፄ ፋሲል ያሠሩት  ባሕረ ጥምቀት፣ በላስታ ቅዱስ ላሊበላ ያሠራው ባሕረ ጥምቀት፣ በሸዋ የዐፄ ዘርዐ ያዕቆብ ፍርድ መስጫ አደባባይን፣ አርባ አራት ታቦታት የሚያድሩበትን የሸንኮራ ሜዳን “ራቡቴ ወንዝ” በአዲስ አበባ ደግሞ ጃንሆይ ሜዳን /ጃንሜዳን/ ወዘተ ለአብሕርተ ምጥማቃት እንደ ምሳሌ መጥቀስ ይቻላል፡፡ እነዚህ ቦታዎች ዛሬም ድረስ ተከብረው ይገኛሉ፡፡ እኛ በዚህ ወቅት ታቦት ይዘን፣ከወንዝ ወርደን፣ ድንኳን ተክለን በማክበራችን ይፈጸማል፡፡

👇👇👇👇👇👇👇
የማኅበረ ቅዱሳን የማኅበራዊ ሚዲያ አውታሮች ይቀላቀሉ
ቴሌግራም፡- http://t.me/mkpublicrelation
የማኅበረ ቅዱሳን ብሮድካስት አገልግሎት፡- http://www.facebook.com/eotcmkidusan/
ድረገጽ፡- http://www.eotcmk.org
ዩ ቲዩብ፡- http://www.youtube.com/user/EOTCMK
            :- https://www.youtube.com/@-zemawetibebzmk7905

ከተራ ምንድን ነው?

ከተራ 'ከበበ' ካለው የግእዝ ግሥ የወጣ ነው፡፡ ፍችው ውኃ መከተር፣ መገደብ ማለት ነው፡፡

በጥምቀት ዋዜማ ታቦተ ሕጉ ከቤተ መቅደስ ወጥቶ ውኃ ባለበት አካባቢ ስለሚያድር የየአጥቢያው ሕዝብ እየተሰበሰቡ በወንዝ ዳር ወይም በምንጭ አካባቢ ድንኳን ይተከላሉ፡፡ ድንኳንም ከሌለ ዳስ ሲጥሉ ይውላሉ፡፡ የምንጮች ውኃ እንዲጠራቀም ይከተራሉ (ይገድባሉ) ጉድጓድ እየተቆፈረ ውኃው እንዳይሄድ በመገደብ ለመጠመቂያ (ለጥር 11) ዝግጁ የሚያደርጉበት ዕለት ነው፡፡

በተጨማሪ በአቅራቢያ የሚገኙት ቤተክርስቲያናት ተሰብስበው ከዚሁ ከተቆፈረው ገንዳ ወይም ከተገደበው ጅረት አጠገብ ባለው ዳስ ወይም ድንኳን ታቦቶቻቸውን ያሳድራሉ ሊቃውንቱም በዚያው እግዚአብሔርን በማህሌት ሲያመሰግኑ ያድራሉ።

በበዓለ ጥምቀት የታቦታቱ ወደ ወንዝ መውረድ መድኃኔ ዓለም ክርስቶስ በእደ ዮሐንስ ለመጠመቅ ከገሊላ ወደ ዮርዳኖስ የመሄዱ ምሳሌ ነው፡፡ ታቦቱ የጌታችን፣ ምሳሌ ሲሆኑ ካህናቱ የመጥምቁ ዮሐንስ ምሳሌ ናቸው፡፡ መዘምራኑና ሕዝቡ ደግሞ ዮሐንስ ያጠመቃቸው ሕዝቦች ምሳሌዎች ናቸው፡፡

መልካም የከተራ በዓል

"የተጠራነው እንድንቀደስ ነው"

#ዲያቆን_ያረጋል_አበጋዝ

በስመ አብ ወወልድ ወመንፈስ ቅዱስ ፩ አምላክ፡፡ አሜን፡፡

እንኳን ለቅድስት ሥላሴ ዓመታዊ ክብረ በዓል አደረሰን አደረሳችሁ!!
አጋዕዝተ ዓለም ቅድስት ሥላሴ

ሥሉስ ቅዱስ (አብ ወልድ መንፈስ ቅዱስ) ማለት በሦስነት ዓለምን ካለመኖር ወደ መኖር አምጥተው የፈጠሩ ለዘመናቸው ኀልፈት በመንግሥታቸው ሽረት የሌለበት ዓለምን ፈጥረው የሚመግቡ እነሱ ዓለሙንና በውስጧ ያለውን ሲያስገኙ አስገኝ የሌላቸው በባሕር በየብስ በሰማይ በምድር ምሉኣን የኾኑ ናቸው፡፡ ባሕርያቸው ባሕርያቸውን ያመሰግነዋል፡፡

ሥላሴ በስም በአካል ፫ በባሕርይ በህልውና በመለኮት ፩ አንድ ናቸው፡፡ በስመ አብ ወልድ መንፈስ ቅዱስ ይባላሉ፡፡ በግብር አብ ወላዲ ወልድ ተወላዲ መንፈስ ቅዱስ ሠራፂ፤ አብ መውለድ ማሥረፅ ፤ ወልድ መወለድ መንፈስ ቅዱስ መሥረፅ ግብራቸው ነው፡፡

አካል ማለት ከራስ ጠጉር እስከ እግር ጥፍር ድረስ ሲኾን እንደ አንድ ሰው አካል ፈራሽ በስባሽ አይደለም፡፡ ለአብ ለወልድ ለመንፈስ ቅዱስ ለየራሳቸው ፍጹም አካል ፍጹም ገጽ ፍጹም መልክ አላቸው፡፡ አብ ልብ ወልድ ቃል መንፈስ ቅዱስ እስትንፋስ ሲኾኑ በአብ ልብነት ወልድ መንፈስ ቅዱስ ያስባሉ፡፡ በወልድ ቃልነት አብ መንፈስ ቅዱስ ይናገራሉ፡፡ በመንፈስ ቅዱስ እስትፋስነት አብ ወልድ ሕያዋን ናቸው፡፡

ይህም የኩነት ስም ነው ይባላል፡፡ የአንድነት ስማቸው እግዚአብሔር፣ አምላክ ፣ጸባኦት፣ ኤልሻዳይ፣ አዶናይ፣ መለኮት፣ ፈጣሪ፣ መሓሪ የመሳሰለው በነጣለ ግስ የሚነገረው ስም ነው፡፡ አብ ወላዲ አሥራፂ ወልድን ተወላዲ መንፈስ ቅዱስን ሠራፂ ብለን ፫ቱን አንድ አምላክ አንላለን እንጅ ፫ አምላክ አንልም ይህም ሲባል አንድነታቸው ሦስትነታቸውን አይጠቀልለውም ሦስትነታቸው አንድነታቸውን አይለያውም፡፡ በባሕርይ በፈቃድ በሥልጣን ፩ድ ናቸው፡፡

ጥቅመ ሰናኦር
ዛሬ ጥር 7 የሚከበረው በዓል ታሪክ በአጭሩ ከጥፋት ውኃ በኋላ በምድር ላይ ከተራቡት ከካም ዘሮች ናምሩድ በምድር ላይ ኀያል መኾን ጀመረ፡፡ ዘፍ ፲፥፱ ከምሥራቅ ተነሥተው ሰናኦር በምትባል ሜዳ ላይ ስማችንን እናስጠራው ዘንድ ወደ ሰማይ የሚደርስ ግንብ እንሥራ ተባባሉና በእሳት ተኮሰው መሥራት ጀመሩ፡፡

ወርዱ ፫ ክንዱ ቁመቱ ፲ ክንድ ፩ ወገን የሚኾን አቈልቋዩ ፫ ክንድ ቁመቱ ፭ ሺህ ፬፻፴፫ ክንድ ከ፪ ስንዝር በአንድ ጎን አቈልቋዩ ፲፭ ምዕራፍ የሚኾን ግንብ በ፵፭ ዓመት ሠሩ፡፡ በዚህ ጊዜ ሥላሴ “ንዑ ንረድ ወንዝርዎ (ወንክዐዎ) ለነገሮሙ” ይላል፡፡ ኦ.ዘፍ. ፲፩፥፩ ትርጉም ኑ ወርደን ቋንቋቸውን እንደባልቅ ብለው በዐሳብ ለዩአቸው፡፡ ይህም የኾነበት በትዕቢታቸው ነው፡፡ ጦር ወደ ሰማይ እየወረወሩ አኹን አብን ወጋነው አኹን ወልድን ወጋነው አኹን መንፈስ ቅዱስን ወጋነው እያሉ ሲዘብቱ ባቢል የሚል ጥልቅ ነፋሰ ተልኮ ሕንጻቸውን ንዶታል፡፡ እነሱንም ተበታትነዋል፡፡ ስለዚህ ሰናኦር ባቢል ባቢሎን ተብላለች፡፡ ዝሩት (የተበተነች) ማለት ነው፡፡

የአጋዕዝተ ዓለም ቅድስት ሥላሴ በረከት ረድኤት አይለየን፡፡

ምንጭ፡- መድበለ ታሪክ ዘሐምሌ 7

https://youtu.be/yeXPiC244Fs?si=bruFvYD3MsCMBeIj

https://youtu.be/Xda6sdQjGks?si=Pv2recqj7wKJNsQG

https://youtu.be/ou4rfhAo36g?si=qCUtjTvLKKbVC4Wd

ብዙዎች በሰርጋቸው ቀን "የአገራችን ባሕል ነው" የዘፈን ድግስን ያዘጋጃሉ። ወይም ደግሞ "ቤተሰብ እሺ አይልም" በማለት እንደሚቸገሩ ይናገራሉ። ነገር ግን ይህን የቅዱስ ዮሀንስ አፈወርቅ ቃል ማስታወስ ይገባል

"ጋብቻ ዝሙትን የምናጠፋበት መድኃኒት ነው። ስለዚህ በዲያብሎስ ስራ (በዘፈን) ጋብቻን አናቃልል። ከዚህ ይልቅ አሁን የሚያገቡ ሰዎች በቃና ዘገሊላ እንደ ኾነው ያድርጉ። በመካከላቸው ጌታችን ክርስቶስ እንዲኖር ያድርጉ። "እንዴት ይህን ማድረግ ይችላሉ? ብሎ የሚጠይቅ ሰው ሊኖር ይችላል። ካህናትን በመጥራት! 'እናንተን የሚቀበል እኔን ይቀበላል እኔንም የሚቀበል የላከኝን ይቀበላል' ይላልና (ማቴ 10:40)። ስለዚህ ዲያብሎስን አርቁት። የሴሰኝነት ዘፈኖችን፣ የርኵሰት ዜማዎችን፣ ሥርዓት የለሽ ጭፈራዎችን፣ የሚያሳፍሩ ቃሎችን፣ ዲያብሎሳዊ ትርኢቶችን፣ ሁከቶችን፣ቅጥ ያጡ ሳቆችን፣ ሌሎች እነዚህን የመሰሉ አግባብ ያይደሉ ነገሮችንም አስወግዱ። በእነዚህ ፈንታም የጌታችን ክርስቶስ ቅዱሳን አገልጋዮችን ጥሩ ፣ በእነርሱም በእውነት ያለ ሐሰት ከእናቱና ከወንድሞቹ ጋር በሰርጋችሁ ላይ ይገኛል። " በሰማያት ያለውን የአባቴን ፈቃድ የሚያደርግ ሁሉ እርሱ ወንድሜ እኅቴም እናቴም ነው" ብሏልና (ማቴ 12:50)።
አንዳንድ ሰዎች እንደዚህ ያሉ ተግሣጻትን ስለምናገርና የጥንት ባሕሎችን ስለማስቀር አሰልቺና አስቸጋሪ እንደ ኾንኩ አድርገው እንደሚያስቡ ዐውቃለው። ነገር ግን እነርሱ ስለ ተቃወሙኝ በፍጹም አልጨነቅም። እኔ የምፈልገው በእናንተ ዘንድ ተቀባይነትን ማግኝት ሳይኾን የእናንተን ጥቅም ነውና። ከዚህ ጥበብ ጥቅምን እንድታገኙ እንጂ እንድታመሰግኑኝ አልፈልግምና። ስለዚህ "ይህ ባሕል ነው" ብሎ አንድ ሰውስ እንኳ አይንገረኝ። ኀጢአት በድፍረት የሚፈፀምበት እስከ ኾነ ድረስ ባሕሉን እርሱት። ክፉ ሣራ የሚሰራባቸው እስከ ኾኑ ድረስ ባህሎቹ የቱንም ያህል ጥንታውያን ቢሆኑ ከእናንተ አስወግዷቸው። ክፉ ስራ የማይሰራባቸው ከኾኑ ግን ያልተለመዱ እንኳን ቢሆኑ ተቀበሏቸው።

On Marriage and Family Life

by :St John Chrysostom

የቤት ዕቃዎችን መግዛት ስንፈልግ፥ በጣም እንጠነቀቃለን፡፡ የሻጮቹን ማንነት አይተን፣ የዕቃዉንም ጥንካሬ አገላብጠን ተመልክተን ነው የምንሸምተው፡፡ ሚስት ስናገባም ከዚህ የበለጠ ልንጠነቀቅ ይገባናል፡፡ የገዛነው ዕቃ ችግር ቢኖርበት ለሸጠልን ሰው መመለስ እንችላለን፡፡ ሚስት ስናገባ ግን ወደ ቤተሰቦቿ መመለስ አንችልም፤ እስከ ዕድሜአችን ፍጻሜ ድረስ ከእኛ ጋር ነው የምትኾነው፡፡ ክፉ ናት ብለን ብንመልሳት፥ በሕገ እግዚአብሔር መሠረት አመንዝራ እንኾናለን፡፡ ስለዚህ ሚስት ስትመርጡ የሀገራችሁን ሕገ መንግሥትን ብቻ አታንብቡ፤ ከኹሉም በፊት ሕገ ቤተ ክርስቲያንን አንብቡ እንጂ፡፡

#ቅዱስ ዮሐንስ አፈወርቅ

✞  ጥር 4 የቅዱስ ዮሐንስ ወንጌላዊ ዓመታዊ በዓል
የወንጌላዊ ዮሐንስ ድንቅ ታሪክን አባ ጊዮርጊስ ዘጋሥጫ ለዮሐንስ በደረሰለት ውዳሴ
ሃሌ ሉያ ሃሌ ሉያ ሃሌ ሉያ ኮከብን ብለን ጠራንህ፤ የጽድቅ ፀሓይ ያሳደገህ ባጠገቡ (በጉያውም) ያስቀመጠህ ኮከብን ብለን ጠራንህ፤ በአፉ የሳመኽ በመታጠቂያውም ያስታጠቀኽ ኮከብን ብለን ጠራንኽ፤ የተሰወረውን ምስጢር ያሳየኽ የጸጋውን ወንጌል የሰጠኽ ኮከብን ብለን ጠራንኽ፤ ዮሐንስ እንዳንተ ያለ ማን ነው ታማልደን ዘንድ ማለድንኽ።

√ ሊቁ አባ ጊዮርጊስ ዘጋሥጫ በዚህ ክፍል ላይ ተጋድሎው ሕይወቱ እንደ ኮከብ የደመቀውን ዮሐንስን አመስግኖታል፤ ይህ ዮሐንስ ቊጥሩ ከ12ቱ ሐዋርያት መካከል ሆኖ የዘብዴዎስ እና የሰሎሜ ልጅ ሲሆን በእኛ ትውፊት እናቱን ማርያም ባውፍልያ ይላታል።

√ ጌታችን ያዕቆብንና ወንድሙን ዮሐንስን ከአባታቸው ከዘብዴዎስ ጋር በታንኳ መረባቸውን ሲያበጁ ዐየ፤ ጠራቸውም እነርሱም ወዲያው ታንኳይቱንና አባታቸውን ትተው ተከትለውታል። [ማቴ. 4፥21-22]

√ ጌታም ኹለቱን ወንድማማቾችን ቦአኔርጌስ ብሏቸዋል፤ ትርጓሜውም የነጐድጓድ ልጆች ማለት ነው። [ማር. 3፥17]

√ ጌታችን ምስጢረ መንግሥትን ለመግለጽ ወደ ታቦር ተራራ ይዞት ወጥቷል፤ በጌቴሴማኒም ምስጢረ ጸሎትን ሲያሳይ ከጌታ ጋር ነበርና "የምስጢር ሐዋርያ" ይባላል።

√ ጌታችን ይወድደው የነበረው ደቀ መዝሙር ርሱ ነውና "ፍቁረ እግዚእ" (የጌታ ወዳጅ) ሲባል በምሴተ ኀሙስም ምስጢረ ቊርባንን ሲመሠርት ከጐኑ የተጠቀመጠው ርሱ ዮሐንስ ነበርና ሊቁ “የጽድቅ ፀሓይ ያሳደገኽ ባጠገቡ ያስቀመጠኽ” ብሎታል፡፡

√ ጌታችን ሲጠራው የ25 ዓመት ወጣት እንደ ነበር ሄሬኔዎስ የተባለ ደቀ መዝሙሩ ጽፏል፡፡

√ ቅዱስ ጳውሎስ “Pillars of the Church- አዕማደ ቤተክርስቲያን” ብሎ ከሚጠራቸው ሐዋርያት አንዱ ዮሐንስ ነው። [ገላ. 2፥9]

[ሊቁ ዮሐንስ አፈ ወርቅና አውግስጢኖስ ስለ ዮሐንስ ሲመሰክሩ]

√ “ቅዱስ ዮሐንስ ጌታችንን እስከ መስቀል ድረስ የተከተለ ብቸኛ ሐዋርያ ነውና ጌታም ዮሐንስ ካሳየው ፍቅር ከ100 (መቶ) ዕጥፍ በላይ እናቱን እናት አድርጎ ሰጠው፡፡ ምንኛ የታደለ ሐዋርያ ነው” ይላሉ፡፡ [ዮሐ. 19፥20-27]

√ ጌታችን በጸሎተ ኀሙስ ለደቀ መዝሙርቱ ትሕትናን ሊያስተምር ከእራት በኋላ ተነሥቶ ልብሱን አኑሮ “ወነሥአ መክፌ ዘለንጽ ወቀነተ ሐቌሁ” ይላል ዘርፍ ያላት ዝናር አንሥቶ ወገቡን ታጠቀ ሥራ የምታሠራ የምታስጌጥ ስትኾን ኢዮአብ ወደ ሰልፍ ሲገባ እየለበሳት ይገባ እንደነበረች ያለች ናት፤ ልብሰ መንድያ ይላታል በሺሕ ዘሓ (ድር) የተሠራች ናት።

√ “ወወደየ ማየ ውስተ ንብቲራ ወአኀዘ ይሕጽብ እገሪሆሙ ለአርዳኢሁ ወመዝመዘ በውእቱ መክፌ ዘቀነተ” በመታጠቢያው ውሃ ጨመረ የደቀ መዛሙርቱንም እግር ሊያጥብና በታጠቀበትም ማበሻ ጨርቅ ሊያብስ ጀመረ ይላል።

√ ይህቺ የታጠቀበትን ለዮሐንስ ወንጌላዊ ሰጥቶት ጌታ በታጠቀበት ቢታጠቅ ሕገ ሥጋ ጠፍቶለታል ፍቁረ እግዚእ ያሰኘው ይኽ ነውና ሊቁ “በመታጠቂውም ያስታጠቀኽ” በማለት አመስግኗል፡፡

√ “በአፉ የሳመኽ” ማለቱ የሮሙ ንጉሥ ጢባርዮስ ቄሳር የጌታን ነገር አይሁድ በግፍ ጠልተው ተመቅኝተው ሰቅለውት እንደሞተ እንደተነሣ እንዳረገ ሰምቶ የጌታዬን እናት ማን ባመጣልኝ እኔ ቋሚ ለጓሚ፤ ሚስቴ ገረድ ደንገጥር በኾንላት ብሎ ተመኘ፤ ተመኝቶም አልቀረ “ወለአከ ኢየሩሳሌም ሰራዊተ ወሐራ ወአዋልደ ብዙኃተ ወኅጽዋነ” ይላል ወደ ኢየሩሳሌም ብዙ ደንገጥሮች ሰራዊትና ጭፍራ እንደዚሁም የሴት ደናግልና ባለሟሎችን በክብር አጅበው ያመጧት ዘንድ ላከ።

√ ጌታም የእናቱን ተድላ ነፍስ እንጂ ተድላ ሥጋን አይሻምና

እናቴ ሆይ ከዚህ ዓለም መንግሥት ክብር የሚበልጥና የሚያስደንቅ የጌትነቴን ክብር ታዪ ዘንድ በጎ ዕረፍት ወዳለበት ወደ ሰማይ አሳርግሽ ዘንድ ተነሥተሸ ቁሚ አላት፤ ከዚያም ወደ ገነት አግብቶ በገነት ላሉ ነፍሳት መድኀኒታችኊ እነኋት ርሷን አመስግኑ ብሏቸው አመስግነዋታል፡፡

በእርሱም ሐዘን እንዳይጸናበት ዮሐንስ ወንጌላዊን ላከለት ከዚያም ንጉሡን ስለ ጌታችን ሥጋዌ አስተማረው፤ ንጉሡም የሚቻልህም ከሆነ በመስቀል ላይ ተሰቅሎ እንዳየኸው ሥዕሉን ሥለህ አሳየኝ አለው፤ ዮሐንስም ንጉሥ ሆይ እሺ በርሱ ላይ የተፈጸመውን ሁሉ ሥዬ አሳይሆለኊ አለው፤ ከዚያም ዮሐንስ በዕለተ ዐርብ ጌታን እንደሰቀሉት አድርጎ ሣለው።

ብፁዕ ዮሐንስም የጌታችንን የኢየሱስ ክርስቶስን ሥዕል ሠርቶ ከፈጸመ በኋላ ራሱን ወደታች ዝቅ አድርጎ የሕያው እግዚአብሔርን ልጅ ሥዕል ተሳለመ፤ በዚችም ዕለት የዚሆ ሥዕል ከናፍር ከብፁዕ ዮሐንስ ከናፍር ጋር ለብዙ ሰዓት ተያይዞ ቆየ ይህም ጽንዐ ፍቅራቸውን ለማጠየቅ ነው፡፡ በዚያን ጊዜ የመድኅን ጌታ ሥዕል ንጉሥና በዚያም የቆሙ ሁሉ እያንዳዳንዳቸው እየሰሙት ወዳጄ ዮሐንስ ዮሐንስ እያለ ድምፅ አሰምቷልና ሊቁ አባ ጊዮርጊስ ይኽነን ተናገረ፡፡

[ሊቁ አባ ጊዮርጊስ በዚኽ መጽሐፉ ላይ]

የተሰወረውን ምስጢር ያሳየኽ የጸጋውን ወንጌል የሰጠኽ ኮከብን ብለን ጠራንኽ በማለት ለዮሐንስ የተገለጸለትን ሰማያዊ ምስጢር ተናግሯል። ይኸውም ቅዱስ ዮሐንስ ንጽሐ ሥጋ፣ ንጽሐ ነፍስ፣ ንጽሐ ልቡና ተሰጥቶት ሰማያዊ የአንድነት የሦስትነት ምስጢር ተገልጾለት።

“በመጀመሪያው ቃል ነበረ ቃልም በእግዚአብሔር ዘንድ ነበረ ቃልም እግዚአብሔር ነበረ ይህ በመጀመሪያው በእግዚአብሔር ዘንድ ነበረ” እያለ ወንጌሉን ሲጽፍ መልአኩ ከውቅያኖስ አስኳሉ በወጣለት እንቊላል እየቀዳ ውሃውን ሲያፈስስ ዐየው።

ዮሐንስም በአድናቆት ሆኖ “ምን ያደርግልኻል” ብሎ መልአኩን ጠየቀው፤ “ይህንን ውሃ በዚኽ እየቀዳኊ አፍስሼ ለማድረቅ ነው” አለው፤ ዮሐንስም “ያልቅልኻልን” አለው፤ መልአኩም “ይኽስ ፍጡር ነው ቁም ነገር የለውም ይፈጸማል፤ አንተስ የማይፈጸመውን ባሕርየ እግዚአብሔርን እፈጽማለኊ ብለኽ ጀምረህ የለም” አለው፤ ያን ጊዜ ዮሐንስ “ከእግዚአብሔር የተላከ ስሙ ዮሐንስ የሚባል አንድ ሰው ነበረ” በማለት ወንጌሉን መጻፍ ጀምሯል፡፡

ቅዱስ ዮሐንስ ከወንጌል በተጨማሪ ሦስት መልእክታትን ሲጽፍ፤ በ98 ዓ.ም በፍጥሞ ደሴት ሳለ የዓለም ፍጻሜ ነገር ተገልጾለት ራእዩን ከጻፈ በኋላ ጥር 4 እንደተሰወረ ይነገራል፤ የቅዱስ ዮሐንስ በረከት በዝቶ ይደርብን፡፡

ማጣቀሻ
መጽሐፈ ሰዓታት ንባቡና ትርጓሜው ከመጋቤ ሐዲስ ዶ/ር ሮዳስ ታደሰ

በፖለቲካው ዐውድ ብዙ የተባለለት የ66ቱ አብዮት፣ ቤተ ክርስቲያን ውስጥ በቂ ውይይት አልተደረገበትም። ቤተ ክርስቲያን በሂደቱ ስለገጠማት ነገር ከውጪ ተነገራት እንጂ፣ በራሷ መነጽር ኵነቱንም ሆነ ታሪኩን ገምግማለች ማለት አይቻልም። ስለዚህ እንደ ኤማሁስ ቤተ ክርስቲያንም የአብዮቱን 50ኛ ዓመት በራሷ መነጽር መገምገም አለባት በሚል እምነት ሲሠሩ የቆዩ ነገሮች ነበሩ። ይኼ ውይይት የዚያ ውጤት ነው። እንደወትሮው ሙሉ ውይይቱን እንድትከታተሉ፣ አዳምጣችሁም አሳባችሁንም እንድታጋሩን እንጠይቃለን።

https://youtu.be/etaDulBBQaQ?si=0HZVEI1N8K0vXPtz

https://youtu.be/IBJz-TYKufQ?si=IF9VdGp92cJ44fje

Dn. Yaregal Abegaz

https://youtu.be/6xciw1_-eCE?si=GA8ICdsrjNpo8lfj

የምግብ ፍቅር

ዲያቆን ብርሃኑ አድማስ

ዛሬ በዳዊት ከተማ ጌታ ተወልዶላችኋል የሚል የመላእክትን ስብከት ከመስማት፣ ቤዛ ኵሉ ዓለም ዮም ተወልደ (የዓለሙ ሁሉ ቤዛ ዛሬ ተወለደ) የሚል ዝማሬን መዘመር ከመቻል በላይ ዕጹብ ድንቅ ነገር የለም። ክርስትና ይኼንን የምሥራች ለዓለም ይዞ የመጣ ነው። በዓለ ልደትን በተመለከተ የቀረበውን ውይይት እንድትመለከቱ እንጋብዛችኋለን

https://youtu.be/NLF9VjZxcKI?si=by_Z8NPmhG-yqIX3

ብርሃናውያን መላእክት በጨለማ ላለው አዳምና ልጆቹ ከጨለማ የሚያወጣቸው ወልድ በተሰጣቸው (በተወለደላቸው) ጊዜ ተደስተው ‹‹..ክብር ለእግዚአብሔር በአርያም ይሁን ሰላምም በምድር ለሰውም በጎ ፈቃድ አሉ፡፡›› (ሉቃ.፪፥፲፫)

ውድ አንባብያን! ይህን የተቀደሰ ዕለት በደስታ፣ በፍቅርና በሰላም እናከብር ዘንድ ከጥልና ከጥላቻ ርቀን፣ በንስሐ ነጽተን፣ ከአምላካችን ከእግዚአብሔር ጋር ታርቀን፣ በወንድማማችነት ፍቀር ተሰባስበን ይሁን!

መልካም በዓል!

‹‹ወልድ ተሰጠን›› (ኢሳ.፱፥፮)

እንኳን አደረሳችሁ!

ነቢየ እግዚአብሔር ልዑለ ኢሳይያስ የታነገረው ይህ ቃል ለጊዜው በምርኮ በጭንቅ ለነበሩ፣ በሰናክሬም ዛቻ፣ በብልጣሦር የግፍ አገዛዝ አስጨንቋቸው ምድራዊ ሕይወታች በመከራ አዘቅት ሰጥሞ ለነበሩት ለእስራኤላውያን ቢሆንም የመከራው ጊዜ አልፎ ከስደት እንደሚመለሱ፣ በተድላ ደስታ የሚኖሩበት መልካም ጊዜ እንደሚመጣ ሲሆንም ፍጻሜው ግን በጽመት አዘቅት ሰጥመው፣ በመከራ ፍኖት ተጉዘው ኑረውም፣ ሞተውም የዲያቢሎስ ምሮኮኞች የሲኦል ግዞተኞች ለነበሩ ለአዳምና ለልጆቹ የጽድቅ ፀሐይ ክርስቶስ ከድንግል ማርያም ተወልዶ፣ በሞቱ ሞትን አጥፍቶ ከዲያሎስ አገዛዝ ከጨለማ ሕይወት እንደሚያወጣቸው የተነበየው ነው:: (ኢሳ.፱፥፮ አንድምታ)

ጌታችን መድኃኒታችን ኢየሱስ ክርስቶስ በተወለደ ጊዜ ልዑለ ቃል ነቢየ ኢሳይያስ ‹‹ወልድ ተውህበ ለነ፤ ወልድ ተሰጠን›› በማለት እንደተናገረው ከብርሃን የተገኘ ብርሃን ወልድ ሲወለድልን የጨለማው የሰው ልጆች ሕይወት በራ፤ ቤተ ልሔም አቅራቢያ መንጎቻቸውን ሲጠብቁ ለነበሩ እረኞች እስካሉበት ቦታ ድረስ ባሕረ የብርሃን ወንዝ (የብርሃን ጎርፍ) ፈሰሰላቸው፤ በአዳምና ሔዋን በደል ምክንያት በሰዎችና በቅዱሳን መላእክት መካከል የነበረው የጠብ ግድግዳ ፈርሶ፣ ሰላም ተመልሶ ፍቅር ነግሦ በአንድ ላይ ሆነው ምሥጋና የባሕርይው ገንዘቡ ለሆነ ፈጣያቸው በተፈጠሩበት ዓላማ መሠረት አዲስ ምሥጋንን አቀረቡ፡፡ ‹‹መላእክት ከኖሎት ኖሎት ከመላእክት ጋር አንድ ሆነው አመስግነዋል፡፡›› (ሉቃ ፪፥፲፬ አንድምታ)

የእግዚአብሔርን ጥበብ እንናገራለን" ፩ቆሮ ፪÷፯

የተወለደው (ሰው የሆነው) ማነው?

እግዚአብሔር ሰው ሆነ ስንል ምን ማለት ነው?

እግዚአብሔር ለምን ሰው መሆን አስፈለገው?
  - ሰውን በተፈረደበት የሞት ፍርድ ውስጥ መተው
  - ሰውን ማዳን

    ዲ/ን ያረጋል አበጋዝ

የጌታችን ልደት እና የመላእክት አገልግሎት

በዲያቆን አለልኝ ጥሩዬ

ለአምስት ሺሕ አምስት መቶ ዘመን በዓለም ላይ ሠልጥኖ የነበረውን ጨለማ ያስወግድ ዘንድ እግዚአብሔር አምላክ ሰው ኾነ፡፡ ከቅድስት ድንግል ማርያም የተወለደው አማናዊው ብርሃን ፀሐየ ጽድቅ ክርስቶስ በሥጋ ተገለጠ፡፡ ‹‹ብርሃን ዘበአማን ዘያበርህ ለኵሉ ሰብእ ለእለ ይነብሩ ውስተ ዓለም፤ በጨለማ ውስጥ ለሚኖር ሕዝብ ታላቅ ብርሃን ወጣላቸው›› እንዳለ ቅዱስ ኤፍሬም በውዳሴው (ኢሳ. ፱፥፪)፡፡ ቀዳሚ ቃል ኢየሱስ ክርስቶስ ከእመቤታችን ከሥጋዋ ሥጋ፣ ከነፍሷ ነፍስ ነስቶ ሰው በኾነ ጊዜም ቅዱሳን መላእክት በቤተ ልሔም ተገኝተዋል፡፡ ይህንም ቅዱስ ሉቃስ ‹‹ወግብተ መጽኡ ብዙኃን ሐራ ሰማይ፤ የሰማይ መላእክት በድንገት መጡ›› በማለት ገልጾታል (ሉቃ. ፪፥፲፫)፡፡ በድንገት መባሉም አመጣጣቸው ግሩም በመኾኑ ነው፡፡ ቅዱሳን መላእክት ቀድሞ አመጣጣቸው ጻድቃንን ለመርዳት፣ ሰማዕታትን ከስለት ለመታደግ፣ የተቸገረውን ለማጽናት ነበር፡፡
ዛሬ ግን ስለ ሰው ፍቅር ከሰማይ የወረደውን፣ በጎል (በበረት) የተጣለውን፣ በጨርቅ የተጠቀለለውን አምላክ ከሰው ልጅ ጋር በአንድነት ለማመስገን መጡ፡፡ ‹‹ዮም አሐደ መርዔተ ኮኑ መላእክት ወሰብእ ከመ ይሰብሕዎ ለክርስቶስ ንጉሥ፤ ሰውና መላእክት፣ ንጉሥ ክርስቶስን ያመሰግኑ ዘንድ ተባበሩ›› እንዲል፡፡ መላእክት በተፈጥሯቸው የማይሞቱ (ሕያዋን) ሲኾኑ ሰው ደግሞ ሟች ነው፤ ሞት ይስማማዋል፡፡ በጌታችን ልደት ግን መላእክትና የሰው ልጆች በአንድ ማኅበር፣ በአንድ ቃል ‹‹ስብሐት ለእግዚአብሔር›› እያሉ እግዚአብሔርን አመስግነዋል፡፡ በአዳም ኀጢአት ምክንያት ፈርሶ የነበረው የመላእክትና የሰው ልጆች ማኅበር ከተቋረጠ ከብዙ ዘመን በኋላ በኢየሱስ ክርስቶስ ልደት እንደ ገና ተጀመረ፡፡ ይህ የምስጋና ኅብረትም ምድር እንደ ልብስ ተጠቅልላ ስታልፍ ወደ ፊት በምትመጣዋ በአዲሲቷ ዓለም፣ በአዲሱ ሰማይ፣ በአዲሱ ቤተ መቅደስ ይቀጥላል (ራእ. ፳፩፥፩-፬)፡፡
አንድነታችን እንደማያቋርጥና በሰማይም እንደሚቀጥል አረጋዊ መንፈሳዊ ሲገልጥም ‹‹እሉሂ ወእልክቱሂ በአሐዱ ኁባሬ አልቦ ማዕከሌነ ወማዕከሌሆሙ፤ በእኛ በደቂቀ አዳም እና በቅዱሳን መላእክት መካከል ልዩነት የለም›› ይላል፡፡ ይህም የኾነው በጌታችን መወለድ ምክንያት ነው፡፡ በጌታችን ልደት ምክንያት እኛም ዳግመኛ ተወለድን፡፡ የጌታችን ልደት የእኛም የክርስቲያኖች ዅሉ ልደት ነው፡፡ ከሦስቱ የቀጰዶቅያ አባቶች (The three Cappadocian Fathers) አንዱ፣ ታላቁ የቤተ ክርስቲያን አባት ሊቁ ቅዱስ ባስልዮስ ዘቂሣርያ ይህን ምሥጢር ሲገልጥ ‹‹The nativity of Christ is the birthday of the whole human race – የክርስቶስ ልደት የመላው ሰው የልደት ቀን ነው›› ሲል መስክሯል (Hyman of praise to the mother of God)፡፡
ሊቃውንት እንዳስተማሩን እግዚአብሔር አምላክ ዓለምን ከፈጠረበት ጥበቡ ይልቅ ዓለምን ያዳነበት ጥበቡ ይበልጣል፡፡ ጌታችን መድኀኒታችን ኢየሱስ ክርስቶስ የተወለደበት እና ዓለምን ያዳነበት ምሥጢር ከምሥጢራት ዅሉ በላይ ነው፡፡ ይህን ምሥጢር ከማድነቅ ሌላ ሊናገሩት አይቻልም፡፡ ሊቁ ቅዱስ ዮሐንስ አፈወርቅም በመገረም ይህን ጥበብ እንዲህ ሲል ይገልጸዋል፤ ‹‹ምን እላለሁ? ምንስ እናገራለሁ? ከዘመን አስቀድሞ የነበረው እርሱ ሕፃን ኾኗልና፡፡ እኔ ፈጽሜ አደንቃለሁ፡፡ ከሰማየ ሰማያት በላይ የሚኾን፣ በዘለዓለማዊ ዙፋን የሚኖር እርሱ በበረት ተጣለ፡፡ ከሥጋዌ አስቀድሞ አይዳሰስ የነበረ አንዱ እርሱ በምድራውያን እጅ ተዳሰሰ፡፡ ኀጢአትን የሚያስተሰርይ እርሱን በጨርቅ ጠቀለሉት፡፡ ይህን ወዷልና፤›› (ሃይማኖተ አበው ዘዮሐንስ አፈ ወርቅ፣ ፷፮፥፲፯)፡፡ ቅዱስ ዲዮስቆሮስም በቅዳሴው የእግዚአብሔርን ሰው የመኾን ምሥጢር እንዲህ በማለት ገልጾታል፤ ‹‹በጐለ እንስሳ ተወድየ አሞኀ ንግሡ ተወፈየ ወከመ ሕፃናት በከየ እንዘ ይስእል እምአጥባተ እሙ ሲሳየ፤ በእንስሳት በረት ተጨመረ፡፡ የንጉሡንም እጅ መንሻ ተቀበለ፡፡ ከእናቱ ጡቶች ምግብን እየለመነ እንደ ሕፃናት አለቀሰ፤›› (ቅዳሴ ዲዮስቆሮስ ቍ. ፲፯)፡፡
በዚህ ታላቅ በዓላችን የምናደንቀው ሌላው ምሥጢር እግዚአብሔር ወልድ በቅድስት ድንግል ማርያም ማኅፀን፣ በኅቱም ድንግልና ተፀንሶ በኅቱም ድንግልና የመወለዱ ረቂቅ ምሥጢር ነው፡፡ ሊቃውንተ ቤተ ክርስቲያን ይህን ድንቅ የሥጋዌ ምሥጢር ግሩም፣ ዕፁብ እያሉ ያደንቁታል፡፡ ሐዋርያውያን አበውን ተከትለው ከተነሡ የቤተ ክርስቲያን ጠባቆች (Apologists) መካከል አንዱ ቅዱስ ሄሬኔዎስም ፩ኛ የእመቤታችን ዘለዓለማዊ ድንግልና፣ ፪ኛ ድንግል ማርያም አማኑኤል ጌታን መውለዷ እና ፫ኛ የማይሞተው አምላክ መሞት በእግዚአብሔር የዝምታ ሸማ የተጠቀለሉ ሦስት ምሥጢሮች መኾናቸውን ይናገራል፡፡ ኢትዮጵያዊው ቄርሎስ የተባለው አባ ጊዮርጊስ ዘጋሥጫም በመጸሐፈ አርጋኖን ድርሰቱ ይህን ድንቅ የተዋሕዶ ምሥጢር በሚከተለው መልኩ ይገልጠዋል፤
‹‹ሦስቱን ደጆች ያልከፈተ የአብን ልጅ ጥበብ አደንቃለሁ፤ ያለ መለወጥ በኅቱም ድንግልና በመወለዱ፣ የመቃብሩን ደጅ ሳይከፍት በመነሣቱ፣ ደቀ መዝሙርቱ ተሰብስበው ወዳሉበት ቤት በተዘጋ ቤት በመግባቱ እና በሩን ሳይከፍት በመውጣቱ ስለነዚህም ሦስት ደጆች ልቤ አደነቀች፡፡ ከሁለቱ ይልቅ የመጀመሪያው እጅግ ያስደንቀኛል፡፡ ምክንያቱም ሁለቱን ከዚህ በፊት በመጽሐፍ ቅዱስ አውቃቸዋለሁ፡፡ የመቃብሩን ደጅ የሚመስለው ነገር አለ (ዮሐ. ፳፥፲፱)፡፡ ብልጣሶር የተባለ ዳንኤልን በአንበሶች ጕድጓድ ውስጥ በጣሉት ጊዜ ጕድጓዱን በታላቅ መዝጊያ ዘጉት፡፡ ዳንኤልም በረሃብ እንደ ተጨነቀ ልዑል እግዚአብሔር ባየ ጊዜ መልአኩን ወደ ነቢዩ ዕንባቆም ላከ (ዳን. ፮፥፲፮-፲፯)፡፡ በራሱም ፀጕር አንሥቶ ተሸክሞ ወስዶ ዳንኤል ወዳለበት ጕድጓድ አገባው፡፡ ዳንኤልና ዕንባቆም እንጀራውንና ንፍሮውን በልተው እግዚአብሔርን አመሰገኑ፡፡ ዕንባቆምም ደጅ ተዘግቶ ሳለ ወጣ፡፡ ስለ ቤቱ ደጅም የሚመስል ነገር አለ፡፡ የእግዚአብሔር መልአክ ከሰማይ ወርዶ ጴጥሮስን ከግዞት ቤት እንዳወጣው በሐዋርያት ሥራ ተጽፏል፡፡ ጴጥሮስንም ካወጣው በኋላ ደጁ ተቈልፎ ዘበኞች በዅሉ ወገን ይጠብቁ ነበር (ሐዋ. ፲፪፥፮)፡፡  ለእነዚህ ለሁለቱ ደጆች ለቅዱሳን የተገኘውን ምክንያት አገኘሁ፡፡ ስለ ድንግልናሽ ደጅ እጠናለሁ፤ ግን ምክንያት አላገኘሁም፡፡ በድንግልና የኖረች ሴትም አላየሁም፡፡ እንደዚህ ዓይነት ነገር ኾኖ አያውቅም፡፡ ኢኮነ እምቅድመ ዝ ወኢኮነ እምድኅረ ዝ – ከዚህ በፊት አልተደረገም፤ ከዚህ በኋላም አይደረግም፤›› (አርጋኖን ዘቀዳሚት)፡፡
በአጠቃላይ በዓለ ልደት፣ በሰውና በእግዚአብሔር መካከል እርቅ የተፈጸመበት በዓላችን ነው፡፡ ለሞት ከመገዛት የዳንበት፤ ጨለማው ተወግዶልን የብርሃን ልጆች የኾንበት፤ የእባብ ራስ የተቀጠቀጠበት፤ ከምድር ወደ ሰማይ ያረግንበትና ከመላእክት ጋር ኾነን ለእግዚአብሔር ምስጋና ያቀረብንበት፤ ከነቢያት ኅብረት ጋር አንድ የኾንበት በዓል ነው፡፡ ድንቅ የተዋሕዶ ምሥጢር የተፈጸመበትን ይህን ልዩ በዓል በመንፈሳዊ ሥርዓት ማክበር ይገባናል፡፡

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡፡

#ማህበረ_ቅዱሳን

https://youtu.be/TqkIAZgJuPw?si=bQ2PAGEATrVg4ZDs

#ዜና-ድጋሚ-ኅትመት
አሐቲ ድንግል 4ኛ ግዜ ታትማለች

በግዮን መጻሕፍት መደብር ነባር እና አዳዲስ መጽሐፍትን ለማግኘት ቻናሉን Join ያድርጉ።
እንዲሁም በመላው አለም ለምትኖሩ ውድ አንባቢዎች በDhl እና በኢትዮጵያ ፖስታ አገልግሎት መጽሐፍትን እንልካለን ይዘዙን። አድራሻ መናገሻ ገነተ ጽጌ ቅዱስ ጊዮርጊስ ቤተክርስቲያን ለበለጠ መረጃ በ0913083816 ይደውሉ።
t.me/GhionBookStore1623

https://youtu.be/8XIQLAFytsE?si=NIDlT2rEBbO4COBQ

https://youtu.be/YV6TY0bbF0M?si=Xd3q7R0-KG1oWj7k

«ወንድምህን አትናቀው»

ወዳጄ ሆይ! ክርስቲያን ነህን? እንኪያስ በፍጹም ወንድምህን አትናቀው። እህትህን አትናቃት። ምንም ይሁን ምን ሰው አትናቅ። ይህ የምትንቀው ወንድም በተለይ ክርስቲያን ከሆነ ክርስቶስን እየሰደብከዉ እንደሆን አስተውል።

"እንዴት?" ያልከኝ እንደሆንም ይህ የምትንቀው ወንድምህ የከደርስቶስ ሕዋስ (ብልት) ኾኗል። የክርስቶስ ሕዋስ ከኾነ ደግሞ እሱን ናቅኸው ማለት ክርቶስን ናቅኸው ማለት ነው።

ወንድምህን የምትንቅ ከሆነም በጲላጦስ አደባባይ ጌታን ከገረፉት፣ እራቁቱን ከሰቀሉት፣ ሐሞትንና ከርቤን ቀላቅለው ከሰጡት፣ በፊቱ ላይም ከተፉበት ሰዎች በምንም አትተናነስም። ስለዘህ ወንድምህን ከመናቅ ተጠንቀቅ።

ቅዱስ ዮሐንስ አፈወርቅ

የማኅበረ ቅዱሳን አዲስ አበባ ማዕከል እያስገነባ ላለው የሕንፃ ፕሮጀክት የአገልግሎት እና የድጋፍ ጥሪ አቅርቧል !

ታኅሣሥ 23 ቀን 2017 ዓ.ም (ተ.ሚ.ማ/አዲስ አበባ)

" ኑ ትውልድ ላይ እንሥራ ሀገር እና ቤተክርስቲያንን እናድን " በሚል መሪ ቃል የተጀመረው ይሕ ባለ 12 ወለል የሕንፃ ግንባታ ፕሮጀክት በርካታ ዓላማዎች እንዳሉት ተገልጿል። በዋናነትም የሕፃናት እና ወጣቶች የስብእና ፣ የክህሎት እና ሙያዊ ሥልጠና የሚሰጥበት ፣ የስነ ልቡና እና የኦርቶዶክሳዊ ቤተሰብ ልዩ ልዩ አገልግሎቶች የሚሰጡበት ፣ የአብነት ትምህርትን ጨምሮ ሌሎች ዓለም አቀፋዊ ፣ ሀገር አቀፋዊና ሃይማኖታዊ ግንዛቤ ማስጨበጫ ሥልጠናዎች የሚሰጡበት መሆኑን የማዕከሉ ሰብሳቢ ዲያቆን ኃይለማርያም በዛሬው መግለጫ ተናግረዋል።

በተያያዘም ፕሮጀክቱ አሁን ካለው የከተማ እና አካባቢ ልማት ጋር ተጣጥሞ ከመንግሥት አካላት እና ከአካባቢው ማኅበረሰብ ጋር ተገቢውን ውይይት በማካሄድ ግንባታው እንተደተጀመረ ተነግሯል።

አጠቃላይ የሕንፃው በጀት አራት መቶ ሚሊዮን ብር እንጀሚፈጅ ሲገለጽ ይሕንን ገንዘብ ለማሰባሰብ የተለያዩ የገቢ ማሳበቢያ መርሐግብር መካሄዱን ፣ በአሁኑ ሰዐትም የበረከት ባለ አንድ መቶ ብር ልዩ የእጣ እና ሽልማት ማሰባሰቢያዎች እየተከናወኑ መሆኑ ተጠቅሷል።

የፕሮጀክቱ አምባሳደር የሆኑት ሎሬት ጋሽ አያልነህ ሙላት እና አርቲስት ንብረት ገላው " ትውልድ ላይ እንሥራ ሀገርን እና ቤተክርስቲያንን እናድን" በማለት በሀገር ውስጥም ሆነ ከሀገር ውጪ የሚገኙ ምእመናን የበኩላቸውን ድጋፍ እንዲያደርጉ ጥሪ አቅርበዋል።

በማኅበረ ቅዱሳን የአዲስ አበባ ማእከል ሁለንተናዊ የሕፃናት እና ወጣቶች የስብእና መገንቢያ ፕሮጀክት ድጋፍ ማድረጊያ የባንክ አካውንት ቁጥሮች

1. አሐዱ ባንክ 470002505310101

2. የኢትዮጵያ ንግድ ባንክ 1000303949112

3. ሕብረት ባንክ 4131111274007010

4. አቢሲኒያ ባንክ 68960665

5. ዳሽን ባንክ 0088211311011

6. አዋሽ ባንክ 01304868950900

7. ንብ ባንክ 7000020208177

8. ቡና ባንክ 1099528000065

9. ዓባይ ባንክ 1891119601313011

FCY ha

1. 0003488710601 Mahibere Kidusan Addis Ababa Center Children and Youth Training Project FCY/ Dollar Account Ahadu Bank Swift Code: AHUUETAA

2. 1171161364012 Dashen Bank sost kutir Mazoria Branch Swift code DASHETAA

https://youtu.be/YV6TY0bbF0M?si=7x04QuH1Yvw0_4v-

https://youtu.be/0GhIFnxuY4M?si=mfeUnFt3yNHtP2mi

https://youtu.be/YV6TY0bbF0M?si=KYzk9ZnccDfGk2W3

ፍትሐ ነገሥት ብሔረ ሕግ ወቀኖና

በዲበኩሉ ዘውዴ

#ዜና_ድጋሚ_ኅትመት

"ዮሐንስ ዘሰዋስው በምሥራቁ ቤተ ክርስቲያን ዘንድ በእጅጉ ተወዳጅና ከፍተኛ ተጽእኖ ፈጣሪ የሆነ መጽሐፍ ነው፡፡ እንዲያውም በገዳማዊ ሕይወት ውስጥ ከወንጌል ቀጥሎ ተጠቃሹና ተሰሚነት ያለው መጽሐፍ ይህ መጽሐፍ መሆኑ በስፋት የተነገረለት ነው፡፡ እስከ ዛሬ ወደ እኛ ባለመምጣቱ የቀረብንን ይኸው ዛሬ መጽሐፉ ተተርጉሞ በመቅረቡ አንድ ጉድለት ተሸፍኗል፡፡ መጽሐፉ የክርስትና ሕይወትን ምንነት በአግባቡ ለመረዳትና ለመኖር በሚሹ ዘንድ ሁሉ የሚፈለግና የሚጠቅም መሆኑ ግልጽ ነው፡፡ ይህ እንዳለ ሆኖ በተለይ ደግሞ እግዚአብሔር አምላካቸውን በገዳማዊ ሕይወት ለሚያገለግሉ ጠቀሜታው እጅግ የጎላ ነው፡፡"
            ዲያቆን ያረጋል አበጋዝ

ይህ ለረጅም ጊዜ ከገበያ ጠፍቶ የነበረውና ግሩም የሆነ መጽሐፍ አሁን በድጋሚ ታትሞ  ለገበያ ቀርቧል።
በግዮን መጻሕፍት መደብርም ዘወትር በልዩ ቅናሽ ታገኙታላችሁ።

መጥምቀ መለኮት ቅዱስ ዮሐንስ ወደ እስር ቤት እንደገባ ነበር ጌታ ስብከቱን የጀመረው። ታዲያ ወንጌላዊው ቅዱስ ማቴዎስ ከዮሐንስ እስር በኋላ የጌታን መገለጥ የተናገረው በብርሃን መውጣት መስሎ ነው። አስቀድሞ ነቢዩ ኢሳይያስ "በጨለማ ይኖር የነበረ ሕዝብ ታላቅ ብርሃን ወጣለት" ብሎ የተናገረው የጌታን መገለጥ እና በገሃድ መታየት ተከትሎ ስለመጣው ብርሃናዊ ሕይወት መሆኑን ወንጌላዊው በትርጉም ይነግረናል። ብርሃን ዘበአማን፣ ብርሃን ዘበጽድቅ ኢየሱስ ክርስቶስ ከመጣ በኋላ በብርሃን መኖር፣ በብርሃን መመላለስ ለሰዎች ተሰጥቷል። ቤተ ክርስቲያንም በዚህ ሳምንት ምስክርነቷ ስለዚሁ ነው። ውይይቱ እነሆ።

https://youtu.be/YV6TY0bbF0M?si=lqNSw3ckO3fAuDj2

‹‹እኔ በእግዚአብሔር ፊት የምቆመው ገብርኤል ነኝ›› (ሉቃ.፩፥፲፱)

የእግዚአብሔር መልአክ #ቅዱስ_ገብርኤል የስሙ ትርጓሜ ‹‹እግዚእ ወገብር፤ አምላክ ሰው ሆነ ሰው አምላክ ሆነ›› ማለት ነው፤ ‹‹ሰላም ለዝክረ ስምከ ዘኢይተረጐም ምሥጢር ባሕቱ ይመስል ብሂለ እግዚእ ወገብር፤ ገብርኤል ሆይ ተመራምሮ ለማይደረስበት ስም አጠራርህ ሰላም እላለሁ፤ ነገር ግን አምላክ ሰው ሆነ ሰው አምላክ ሆነ ማለት ይመስላል›› እንዲል፡፡ (መልክዐ ቅዱስ ገብርኤል)
#ቅዱስ_ገብርኤል የጌታችን መድኃኒታችን የኢየሱስ ክርስቶስን መምጣት እና ሰው መሆን ለመናገር ተልኮ የምሥራች ዜናን ያበሠረ፤ በዲያቢሎስ የተንኮል ወጥመድ ገብተው ለተሰናከሉት ፈጥኖ ለርዳታ የሚደርስ፣ በጨለማ እና በሞት ጥላ ውስጥ ለሚኖሩት ሁሉ የብርሃን ፋና ያበራ፣ ሰብአ ሰገልን የመራ መልአክ ነው፡፡ ከቀድሞ ጀምሮ ቅዱሳን ነቢያት ከእግዚአብሔር ተልከው መንፈስ ቅዱስ እንዳናገራቸው ዓለምን ስለማዳን ከጽዮን የሚወጣ ከያዕቆብ በደልን የሚያርቅ ጌታ ‹‹ይወርዳል ይወለዳል›› በማለት በየወገናቸው እና በየዘመናቸው የተናገሩትን የነቢያትን ትንቢት ያስፈጸመና የምሥራችን ቃል የተናገር፣ የጨለማ አበጋዝ በሆነ በሰይጣን ተንኮል ከእፉኝት መርዝ የከፋ በሰው ልቦና ውስጥ አድሮ የነበረውን የኀዘን ስሜት ያጠፋ የእግዚአብሔር መልአክ #ቅዱስ_ገብርኤል ነው፡፡

ቅዱስ ገብርኤል እና ክብሩ

ቅዱስ ሉቃስ እንደጻፈው መልአኩ #ቅዱስ_ገብርኤል ሁል ጊዜም ለደስታና ለምሥራች የሚላክ መልአክ ነው፤ በተለይም ስለ ልደተ ክርስቶስ ለድንግል ማርያም ለመጀመሪያ ጊዜ የምስጋና እና  የክብር ሰላምታ ያበሠረ በመሆኑ ‹‹አብሳሬ ትስብእት (መልአከ ብሥራት) መጋቤ ሐዲስ›› ተብሎ ይጠራል፡፡
#ቅዱስ_ገብርኤል ከሌሎች መላእክት ተለይቶ መላእክት ከተፈጠሩ በኋላ አምላካቸውን ለማወቅ ‹‹መኑ ፈጠረነ›› እያሉ ሲባዝኑ ሳጥናኤል ‹‹እኔ ፈጠርኳችሁ›› ሲል ቅዱስ ገብርኤል ግን የፈጠረንን አምላክ እስክናውቅ ድረስ በያለንበት እንቁም እንጽና፤ ንቁም በበህላዌነ እስከ ንረክቦ አምላክነ›› በማለት መላእክትን ያረጋጋ መልአክ ነው፡፡ (አክሲማሮስ. ገጽ.፴፭) በዚህም አባቶቻችን እንደሚሉት መልአኩን የመጀመሪያው የተዋሕዶ ሰባኪ ነው፡፡ ምክንያቱም ከፍጥረታት አስቀድሞ አምላኩን ዐውቆ ስብከት የጀመረ መልአክ ነውና፡፡ በዚህም ምክንያት ጌታ ‹‹ወበእንተዝ ይደልዎ ከመ ይጹር ዜናሃ ለማርያም፤ድንግል ማርያምን ያበስር ዘንድ የተገባው ሆነ›› እንዲል፤ ነገረ ሥጋዌውን ለድንግል እንዲያበሥር አድሎታል፤ ከዚህ በኋላም ደጋግ ሰዎችን ለመርዳት የሚወጣ የሚወርድ ሆኗል፡፡
#ቅዱስ_ገብርኤል ከሌሎች መላእክት ተለይቶ ዘወትር በምንጸልያቸው ጸሎቶች ስሙ የሚጠራ መልአክ ነው፡፡ ይኸውም በዘወትር ጸሎቶች በአቡነ ዘበሰማያት፣ በሰላመ ቅዱስ ገብርኤል፣ በውዳሴ ማርያም፣ በይዌድስዋ መላእክት እና በመሳሰሉት ጸሎቶች ዘወትር ስሙ የሚጠራ መልአክ ነው፡፡
#ቅዱስ_ገብርኤል ካህናት አባቶች እንደሚሉት ስእለት ሰሚ እንዲሁም ፈጥኖ ደራሽ መልአክ ነው፡፡ በዚህም ምክንያት በክርስቲያኖችም ዘንድ እጅግ ተወዳጅ መልአክ ነው፡፡ ስለዚህም ፈጥኖ ደራሹ መልአክ፣ ስእለት ሰሚው መልአክ ይባላል፡፡ በሀገራችንም ክብረ በዓሉ በቁልቢ ገብርኤል እና በተለያዩ ቦታዎች እጅግ በርካታ ሕዝበ ክርስቲያን በተገኙበት ይከበራል፡፡
የአምላክ እናት እመቤታችን ቅድስት ድንግል ማርያምም ከሌሎች መላእክት ሁሉ በይበልጥ መልአኩ ቅዱስ ገብርኤልን እንደ ምትወደው በድርሳነ ገብርኤል ላይ ተጽፏል፤ ‹‹ርእዩኬ አኃዊነ ዘከመ ታፈቅሮ እግዝእትነ ማርያም ለቅዱስ ገብርኤል እምኲሎሙ መላእክት እስመ አብሠራ ልደተ ወልድ እግዚእነ ኢየሱስ ክርስቶስ፤ ወውእቱ ከመ ያፈቅራ ወይረድኣ በጊዜ ምንዳቤሃ ለነኒ ይርድአነ በጊዜ ምንዳቤነ፣ ወንድሞቻችን ሆይ፥ እመቤታችን ድንግል ማርያም ከመላእክት ሁሉ ይልቅ ቅዱስ ገብርኤልን በይበልጥ እንደምትወደው ተመልከቱ፤ የልጅዋን የጌታችን የኢየሱስ ክርስቶስን ከእርሷ መወለድ ያበሠራት እርሱ ነውና›› እንዲል፡፡ (ድርሳነ ገብርኤል ዘኅዳር ምዕራፍ ፪፥ ቁጥር ፲፫)
#ቅዱስ_ገብርኤል ብርሃናዊ መልአክ ነው፤ ቅዱስ ዮሐንስ ወልደ ነጎድጓድ በራእዩ እንዲህ በማለት ተናግሯል፤ ‹‹ከዚህ በኋላ ታላቅ ሥልጣን ያለው ሌላ መልአክ ከሰማይ ሲወርድ አየሁ፤ ከክብሩም የተነሣ ምድር በራች፡፡›› (ራእ.፲፰፥፩)
ነቢዩ ዳዊት ‹‹መላእክቱን የእሳት ነበልባል የሚያደርግ›› እንዳለው ቅዱስ ገብርኤል ነበልባላዊ መልአክ ነው፡፡ (መዝ.፻፫፥፬)
ቅዱስ ገብርኤል ኃያል መልአክ ነው፤ ቅዱስ ዮሐንስ በራእዩ ‹‹ብርቱ መልአክ ደመና ተጎናጽፎ ከሰማይ ሲወርድ አየሁ፤ በራሱም ላይ ቀስተ ደመና ነበረ፤ ፊቱም እንደ ፀሐይ እግሮቹም እንደ እሳት ዐምዶች ነበሩ፤ የተከፈተችንም ታናሽ መጽሐፍ በእጁ ያዘ፤ ቀኝ እግሩንም በባሕር ላይ ግራውንም በምድር ላይ አኖረ፤ እንደሚያገሳም አንበሳ በታላቅ ድምጽ ጮኸ›› በማለት መስክሯል፡፡ (ራእ.፲፥፩)
#ቅዱስ_ገብርኤል የመላእክት አለቃ ነው፤ በራማ በሠፈሩት ዐሥሩ የነገድ ሠራዊት ላይ የአርባብ አለቃ ነው፡፡ ነቢዩ ሄኖክም ‹‹በሠራዊት ሁሉ ላይ የተሾመ መልአክ ቅዱስ ገብርኤል ነው››  ይላል፡፡ በዚህም ምክንያት የራማው መልአክ ተብሎ ይጠራል፡፡ (ሄኖክ.፲፥፲፬)
#ቅዱስ_ገብርኤል ፈጣን መልአክ ነው፤ ሊቃውንተ ቤተ ክርስቲያን እንደሚሉት በመድኃኒታችን በኢየሱስ ክርስቶስ ሥነ ስቅለት ጊዜ በመስቀል ላይ የደረሰበትን መከራ አይቶ አላስችለው ቢል ሰይፍ ወርውሯል፤ ‹‹ዓለምም የሚያልፈው #ቅዱስ_ገብርኤል የወረወረው ሰይፍ ሲያርፍ ነው›› ይላሉ፡፡ ይህ በእንዲህ እንዳለ መልኩም ሰይፍ እንደወረወረ ከዚህ በታች በተጻፈው መልኩ እንገነዘባለን ይኸውም፡-
ሰላም ለሰኰናከ ወለመከየድከ ክልኤ
ታሕተ ዐውደ መስቀል ዘቆማ በዕለተ ድልቅልቅ መውዋዔ
ሰይፈ ቁጥዓ ገብርኤል ዘመላኅከ ቅድመ ጉባኤ
አንስትሰ ሶበ ሰምዓ ቃለ ዚኣከ በቋዔ
ኀበ ሐዋርያት ሖራ ይንግራ ትንሣኤ
ትርጉም፡- ገብርኤል ሆይ፥ በዚያ ድብቅልቅና ሽብር በሆነበት ዕለት ከጌታ እግረ መስቀል ሥር ለቆሙት ተረከዞችህና ጫማዎችህ ሰላም እላለሁ፤ ገብርኤል ሆይ የጌታን ትዕግሥት የአይሁድን ግፍ ተመልክተህ በታላቅ ዐደባባይ ላይ ሰይፈ ቁጣህን አምዘገዘግኸው ቅዱሳት አንስት ግን ክርስቶስ ተነሥቷል ስላልካቸው የትንሣኤውን ምሥራች ይነግሩ ዘንድ ወደ ሐዋርያት ሄዱ›› እንዲል፡፡ ስለዚህ ቅዱስ ገብርኤል ከዓለም በፊት አምላኩን ያወቀ ዓለም ልታልፍ ስትልም የወረወረው ሰይፍ እንደሚያርፍ ሊቃውንቱ ያስረዳሉ፡፡
በሀገራችን በተለምዶም ‹‹ሚካኤል እንደአየህ ገብርኤል እንዳያይህ›› የሚባል አባባል አለ፤ ይኸውም የመልአኩ ተራዳኢነት እንዳለ ሁኖ ተነግሮ ለማይሰማ አካል ግን መልአኩ ፈጣን እንደሆነ እንገነዘባለን፡፡ በተለያዩ የመጽሐፍ ቅዱስ ክፍሎችም የቅዱስ ገብርኤልን ቁጣ የምንሰማ እና የምናይ ሲሆን ለምሳሌም ካህኑ ዘካርያስ የመልአኩን ቃል ባለመስማቱ (ባለመቀበሉ) ዲዳ ሁኗል፡፡በተጨማሪም በኢ-አማንያንም ዘንድ ሳይቀር መልአኩ ቅዱስ ገብርኤል ይፈራል፡፡ (ሉቃ.፩፥፲፩)

ቅዱስ ገብርኤል እና ተራዳኢነቱ

#ቅዱስ_ገብርኤል ቅዱሳን ሰማዕታትን ገድላቸውን እንዲፈጽሙ እሳቱንና ስለቱን ተሳቀው ወደኋላ እንዳይመለሱ ተጋድሏቸውን እንዲጨርሱ ይረዳቸዋል፡፡ (ዳን.፫፥፳፭) ክርስቶስ በስደት ሲሰደድም ሲመለስም እንዲናገር የተላከ መልአክ ነው፡፡ (ማቴ.፪፥፲፱፣ሉቃ.፪፥፰)
#ቅዱስ_ገብርኤል የእግዚአብሔር ባለሟል ነው፤ ‹‹እኔ በእግዚአብሔር ፊት የምቆመው መልአኩ ቅዱስ ገብርኤል ነኝ›› እንዲል፡፡ ቅዱስ ገብርኤል በእግዚአብሔር ፊት የምቆመው ማለቱ ለእግዚአብሔር የተወሰነ ፊት ኖሮት ማለትም እንደ ንጉሥ ወታደር በእግዚአብሔር ፊት ተገትሮ የሚቆም መሆኑን  ለመግለጽ አይደለም፡፡ ምንጊዜም ከእግዚአብሔር የማይለይ መሆኑን እና አማላጅነቱን ለመግለጽ ነው እንጅ፡፡ (ሉቃ.፩፥፲፱)
#ቅዱስ_ገብርኤል  ምእመናንን የሚጠብቅ ጠባቂ መልአክ ነው፤  ስለዚህም ምሥክር የመጽሐፍ ቅዱስ ጥቅሶችን እንመልከት፤ ‹‹በመንገድህ ሁሉ ይጠብቁህ ዘንድ መላእክቱን ስለአንተ ያዛቸዋል፤እግርህም በድንጋይ እንዳትሰናከል በእጆቻቸው ያነሡሃል››እንዲል (መዝ.፺፩፥፲፩)፡፡ ‹‹የእግዚአብሔር መልአክ በሚፈሩት ሰዎች ዙሪያ ይሠፍራል፤ ያድናቸውማል››(መዝ.፴፬፥፩)፤ ‹‹በመንገድህ ይጠብቅህ ዘንድ ወዳዘጋጀሁትም ስፍራ ያገባህ ዘንድ እነሆ እኔ መልአክን በፊትህ እሰድዳለሁ፡፡››(ዘጸ.፳፫፥፳)

ቅዱስ ገብርኤል እና ክብረ በዓሉ

የኢትዮጵያ ኦርቶዶክስ ተዋሕዶ ቤተ ክርስቲያን የቅዱሳን መላእክትን ወርኃዊ እና ዓመታዊ በዓላቸውን በጸሎት እና በምስጋና ታከብራለች፡፡ በተለይም ታኅሣሥ ፲፱ ቀን የመልአኩ የቅዱስ ገብርኤል በዓል የሚከበርበት ምክንያት ብርሃናዊው መልአክ ቅዱስ ገብርኤል አግብርተ እግዚአብሔር አናንያ አዛርያ ሚሳኤልን (ሠለስቱ ደቂቅን) ከእቶነ እሳት ያዳነበት ዕለት በመሆኑ ነው፡፡ በግእዝ የተጻፈው መጽሐፍ ቅዱስም ‹‹ትማልም አሲረነ ሠለስተ እደወ ወደይነ ውስተ እቶነ እሳት  ዮምሰ እሬኢ አርባዕተ እደወ እንዘ ያንሶሰዉ ማዕከለ እሳት ፍቱሐኒሆሙ ወገጹ ለራብዓይ ወልደ እግዚአብሔር ይመስል››፤ ትናንት ሦስት ሰዎች አስረን ከእሳቱ እቶን ጥለን ነበር፤ ዛሬ ግን ዐራት ሆነው ከእሥራታቸው ተፈትተው በእሳቱ ውስጥ ሲመላለሱ አያለሁ፤ ዐራተኛውም የእግዚአብሔርን ልጅ ይመስላል፤ በማለት ይገልጸዋ፡፡ (ወዲያውም ከእቶኑ ሂዶ‹‹ አንትሙ ሲድራቅ ወሚሳቅ ወአብድናጎ አግብርተ እግዚአብሔር ንዑ ፃዑ ዝየ፤ ኑ ውጡ›› አላቸው ብር ብር እያሉ ከእሳቱ ውስጥ ወጥተዋል፤ በልብሳቸው ላይም ጥላሸት እንኳን አልተገኘም፤ ናቡከደነጾርም ይህን አይቶ አምላክ እግዚአብሔር ይመስገን አለ፤ ንጉሡም አዋጁን በአዋጅ መልሶ ለሕጻናቱ በሹመት ላይ ሹመት በክብር ላይ ክብር ጨምሮላቸዋል)፡፡
የመልአኩ የቅዱስ ገብርኤል በረከት እና ተራዳኢነት ከሁላችን ጋር ይኑር፤ አሜን፡፡

#ማህበረ_ቅዱሳን

✝️የጾም ቁርሳችን፣
ለወገኖቻችን✝️                                                                                                                                                                                                              +++
በሀገራችን በተለያዩ አካባቢዎች ባጋጠመው ማኅበራዊ ቀውስ ብዙ ወገኖቻችን ለችግር ተጋልጠዋል።
እርስዎም ለእነዚህ ወገኖች የጾም ቁርስዎን በመለገስ ቸርነትን ያድርጉ!
ድጋፍ ለማድረግ 
#በማኅበረ ቅዱሳን የማኅበራዊ ድጋፍና መልሶ ማቋቋም ሒሳብ ቁጥሮች፡-
1. በአሐዱ ባንክ - 0025393810901
2. በአቢሲንያ ባንክ - 37235458
3. በኢትዮጵያ ንግድ ባንክ - 1000309803648
4. በወጋገን ባንክ - 0837331610101
5. በአዋሽ ባንክ 01329817420400 
6. በወገን ፈንድ ፡- https://Www.wegenfund.com/mknu  መጠቀም የምትችሉ መሆኑን እንገልጻለን።
ለበለጠ መረጃ
09 84 18 15 44 ወይም
    09 20 27 42 98 ይደውሉ።
የማኅበረ ቅዱሳን ሙያ፣ ማኅበራዊና ኢኮኖሚያዊ አገልግሎት

https://youtu.be/zz193a3ZpRo?si=JXoFA-7bNMXdTl74

የጌታችን በዐለ ልደት መቼ? ለምን?

👉 መድኃኒታችን የተወለደበት ቀን ይታወቃልን?

👉 የልደት በዐል የሚከበርበት ቀንስ በምዕራባውያንና በእኛ ቤተክርስቲያን ለምን ተለያየ?

👉 የእኛ ቤተ ክርስቲያን ልደትን ለምን ታኅሣሥ ፳፱ ታከብራለች? ምዕራባውያንስ የልደትን በዐል ለምን December 25 ያከብራሉ?

በዲ/ን ያረጋል አበጋዝ

https://youtu.be/sYdNxLlRxJU?si=0sdpy-xKDDM3jKWj

https://youtu.be/nC0m10v8dAk?si=PUQQ9O3xGZO2SecS

#ጥንተ_አብሶ

https://youtu.be/RQoUjN6nvZY?si=y0BFnJdLZy5OVhoX

ዘመነ ስብከት 'ይመጣል፣ ይወለዳል' ካሉ ነቢያት ጋር በመንፈስ አንድ ሆነን የጌታን ልደት የምንሰብክበት ዘመን ነው። "ዛሬ ተወለደ" እያልን ከመዘመራችን በፊት፣ እንደ ነቢያቱ ልደቱን አስቀድመን እንሰብካለን። ከስብከት እስከ ልደት ያሉት ጊዜያት ከነቢያቱ ጋር በመንፈስ፣ ከእረኞቹ ጋር በአካል መገኘትን የሚያጠይቁ ናቸው። የስብከት ቀለማት ምሥጢር በመክፈቻነት የቀረበበት ይኼን ቪዲዮ ያድምጡ።

https://youtu.be/nC0m10v8dAk?si=c9NRl-x-Yd1Ttl-W

Orthodox Spirituality: A Practical Guide for the Faithful and a Definitive Manual for the Scholar

By : Dumitru Stăniloae

While initially this book was intended for use in Romanian theological schools it provides an excellent overview of the path to theosis according to Orthodox Tradition. It gives you deep insights into the lived Eastern Spirituality of the Orthodox Tradition. It is most useful also in understanding your personal Spiritual path.

“የገና ስጦታ ለየኔታ” በሚል መሪ ቃል ከኅዳር ፲፭ እስከ ታኅሣሥ ፴ ቀን  ፳፻፲፯ ዓ.ም ድረስ የሚቆይ የገቢ ማሰባሰቢያና የስጦታ ዘመቻ በመካሄድ ላይ እንደሆነ ተገለጸ::

የጌታችን የመድኃኒታችን ኢየሱስ ክርስቶስ ልደት ወልደ እግዚአብሔር ፍጹም ሰው ሆኖ ዓለሙን ለማዳን መምጣቱን አሕዛብ ዓይተው ያመኑበት ዕለት እንደሆነ ይታወቃል፡፡ ሰብአሰገል ወርቅ፣ ዕጣንና ከርቤ እጅ መንሻ ያቀረቡት በዚህ ታላቅ ዕለት መሆኑን ታሳቢ በማድረግ ምእመናን በጾመ ነቢያት “የገና ስጦታ ለየኔታ” በሚል ገዳማትና አብነት ትምህርት ቤቶችን ይደግፉ ዘንድ የገቢ ማሰባሰቢያ መርሐ ግብር ተሰናድቷል፡፡

ማኅበረ ቅዱሳን በገዳማት እና በአብነት ትምህርት ቤቶች ላይ የሚያከናውናቸውን ፕሮጀክቶች ለማጠናከር “የገና ስጦታ ለየኔታ” በሚል መሪ ቃል ከኅዳር ፲፭  እስከ ታኅሣሥ ፴ ቀን ፳፻፲፯ ዓ.ም ድረስ የሚቆይ መርሐ ግብር እያካሄደ እንደሆነ ማስተባበሪያው ቀደም ሲል ማሳወቁ ይታወሳል፡፡

የስጦታ መርሐ ግብሩም ከ፳፻፲፬ ዓ.ም ጀምሮ እየተተገበረ የሚገኝ ሲሆን የ፳፻፲፯ ዓ.ም የጌታችን የመድኃኒታችን ኢየሱስ ክርስቶስ የልደት በዓል “ስጦታዬን ለእራሴ” ሳይሉ ሁለ ነገራቸውን ለቅድስት ቤተ ክርስቲያን ሰጥተው ለሚያገለግሉ ሊቃውንተ ቤተ ክርስቲያን እና ገዳማውያን እንድናበርክት ማስተባበሪያው ጥሪ ያስተላልፋል፡፡

ማኅበሩ በሀገር ውስጥና በውጪ ሀገር የሚኖሩ ምእመናንን በማስተባበር በገዳማትና በአብነት ትምህርት ቤቶች ላይ ከመቶ ስልሳ አምስት በላይ ፕሮጀክቶችን መተግበር እንደቻለና በዚህም በርካታ ሊቃውንተ ቤተ ክርስቲያንን ማፍራት እንዲሁም ገዳማትና አብነት ትምህርት ቤቶች እንዲጠናከሩ ማድረጉ ይታወቃል።

https://youtu.be/bKoOGpo9WtU?si=hfO07KckVVGLr6XT

"ሁልጊዜ መሞገሥ የክርስቶስ መስቀልን ያስረሳል
ብዙ ጊዜ የተገኘ መሞገሥ ትምክህትን እንጂ ስጋትን አያሳይም።
እኛንም የገጠመን ይሄ ነው።
ተሞጋሽ ጳጳሳት፣ተሞጋሽ፣ሊቃውንት፣ተሞጋሽ ካህናት፣ተሞጋሽ ማኅበራት፣ተሞጋሽ ሰባክያን ...ስለሆነ ያሉን መወቀስን እና ተዋርዶ መሥራትን አንወዳትም።
ተሞጋሽ ሰው ስሜቱን እየተከተለ እንጂ ስሜቱን እየቀደመ በዓላማ መሄድ ይከብደዋል።
ባዶ ሙገሳ ብቻ በጎ እና ትሁት አገልጋይ መንፈስን ከሀገራችን ከደብራችን ያጠፋል።
በትሁት ልቡና በዓላማ ለሚያገለግል ሰውም ተሞጋሾች የፊት አጥሮች ወይም የኋላ ገመዶች ይሆኑበታል።
በዚህ ሁኔታ በወንጌል ስም የሚፈጸም ወንጀል፣በጽድቅ ስም የሚፈጸም ክፋት፣ በርህራሄ ስም የሚሠራ ጭካኔ፣...ቤተ ክርስቲያንን ምን ያህል እንደጎዳት ማወቅ አይከብድም።
ሙገሻና ምስጋና ተሸክሞ በትክክል መራመድ ለማይችል ሰው እርግማን ይሻለዋል።ወይም በዱላ መደብደብ ይሻለዋል።
በዚህ የሙገሳ መንገድ የዓውደ ምህረት ጩልሌዎች በሙገሳ ብዛት አንድ ቀን ምእመኑን ገነት የሚያስገቡት ይመስላሉ።
በዚህ ምክንያት ሕዝበ ክርስቲያኑም የመከራ አገልጋይ ሁኖ ሊኖር የተፈጠረ ይመስል በተሞጋሾች ህልውናው ተረሳ።
በሰላም ጊዜ ሀብቱን በመከራ ጊዜ ሕይወቱን እየሰጣ ያደለባቸው ተሞጋሾች ችግሩን ታገሠው፣ መከራውን አገልግለው አይነት ማታለያ ሰብከው ወደ ማያውቀው የሰቆቃ ኑሮ ይከቱታል።
ስለዚህ አቅዶ መሥራትን፣ቀድሞ መገኘትን፣የኑሮ ጨውነትን፣ነገን ማየትን..ምእመኑ ስለማይማር ድንቡልቡል ተከታይ ብቻ እየሆነላቸው መጣ።
ጎበዝ፦ተወቅሰው የማያውቁ ተሞጋሾች በበዙበት ቤት መኖር በጣም ያስፈራል።
ፌዝና ቧልታ፣መሞገሥ፣አቦ አቦ መባል..የአገልጋይነት ልቡና ጠላቶች ናቸውና።
ተሞጋሽ መሪዎች እንኳን በመንፈሳዊ በዓለማዊም እንኳን ሀገር አጥፊዎች ትውልድ ጨራሾች ነው የሚሆኑት።
እኛ ተዋርደን ከሙገሳው ወርደን አፈር ልሰን ሠርተን በኢትዮጵያ ያለች ቤተ ክርስቲያን ከመጥፋት ብትድን ጥሩ ነው።
ክርስቶስም ክብርን የገለጸልን ጨርቅ ለብሶ መስቀል ተሸክሞ ነው።
የክርስቶስ ወዶ ፈቅዶ መዋረዱ ግን ለምእመናን ክብር ነው።
እስቲ እንዋረድ እና ለምእመናን፣ለገዳማት፣ለጉባኤያት ህልውና እና ክብር የማሆን የተቆጠረ ዘመን ተሻጋሪ ተግባር እንሥራ።
"እንደ ግብዞች አትሁኑ ለሰው ይታዩ ዘንድ በምኩራብና በመንገድ ማዕዘን ቆመው መጸለይን ይወዳሉና እውነት እላችኋለሁ ዋጋቸው ውዳሴ ከንቱን ተቀብለዋል።"ማቴ.፮፥፭ እንዲል። እናት የነገ አባቶች ናችሁ ባዶ መክበስበስን እና መሞገሥን የገሀነም ያክል ተጸየፉት እኔን ጉድፍ እናንተ አሳዩኝ የእናንተንም እኔ ላሳይ አንድ ልብ ሁነን ትሁት አገልጋይነትን እንላበስ።".... ከሥልጠናው የተወሰደ..

የንታ ገብረመድኅን እንየው

How to overcome sorrows? 

There is no person on earth who has never had sorrows. A baby is born and he is afraid of losing his mom and dad. He grows up, finds a girlfriend, gets married and is constantly afraid of losing her. Their babies are born, and fear is born together with them: that they might fall ill, and that they might lose them. Then we lose our parents, and then our health. In addition, throughout our lives we are haunted by the fear of our own death.  Our whole life consists of fears, which are rather objective. It is impossible not to lose anything in one’s life, and stupid are those people who convince themselves that everything is alright.  
Our earthly life is always related to a burden. Any day joy may be replaced with sorrow. We should not expect to have paradise on earth. Paradise exists only in Heaven. We can have it on earth, but only partially, when we accept the scenario of God, and it will become easier and even joyful for us to endure sorrows. 
#archpriestSergiyBaranov
"Fly high"

https://youtu.be/8LcguC3CTVE?si=ghTB5i51tHPDenKp

ወዳጄ ሆይ

የትዕቢት መርዝ ተጠራቅሞ አብጦብሃልን? እንኪያስ ወደ #ቅዱስ_ሥጋዉና_ክቡር_ደሙ ቅረብ፤ ስለ ወዳጆቹ ሲል አርአያ ገብርን የነሣ ትሑቱ ጌታም ትሕትናን ያስተምርሃል፡፡

የስግብግብነት ትኩሳት አስቸግሮሃልን? ወደ #ቅዱስ_ሥጋዉና_ክቡር_ደሙ ቅረብ፤ ደግነትንም ትማራለህ፡፡

የምቀኝነት ብርድ አስቸግሮሃልን? እንኪያስ ወደ #ሰማያዊው_መዓድ ቅረብ፤ ምህረት ማድረግንም ገንዘብ ታደርጋለህ፡፡

ትዕግሥትን የማጣት እከክ ይዞሃልን? እንኪያስ ወደ #ቅዱስ_ሥጋዉና_ክቡር_ደሙ ቅረብ፤ ራስን መግዛትንም ገንዘብ ታደርጋለህ፡፡ በመንፈሳዊ ሕይወትህ ልል ዘሊል ብትሆን ይህን #መንፈሳዊ_መዓድ ተመገብና ብርቱ ትሆናለህ፡፡

ቆሽሸሃልን? እንኪያስ ወደዚሁ መብልና መጠጥ ቅረብ ብዬ እመክርሃለሁ፤ ንጽሕናንም ገንዘብ ታደርጋለህ፡፡”

#ቅዱስ_ቄርሎስ_ዘእስክንድርያ

ይህን መንፈሳዊ ቻናል ሰብስክራይብ ብታደርጉ በዚህ ሚድያ የሚቀርቡ ድምጽ ወምስሎችን ቶሎ ቶሎ በማግኘት ታተርፉበታላችሁ። ለወዳጅዎም ያጋሩ።

https://youtube.com/@emmauspress?si=61FgD6SnKwDQFaJS

The authentic understanding of the Orthodox Christian faith transcends festival flair and entertainment. Genuine faith cannot be forced through pseudo conversions. Anyone who thinks he can make others Orthodox through festivals and entertainment is desperately fooling himself.

https://youtu.be/MzGfQuKzgsc?si=ZI46rExP1dwh97GB

On Fasting and Feasts

By:Saint Basil the Great

In this new collection of sermon translations-Basil addresses such issues as drunkenness, hesitations over baptism, community benefits of fasting, how to be thankful when facing loss and disaster, and the mystery of the incarnation. Also included are three sermons on local martyrs Julitta, Mamas, and Barlaam. This small volume of elegant translations will be a vital and valued resource for anyone interested in religion and the body, early Christian spiritual disciplines, and their application to the Church today.

መንፈሳዊነት ምንድን ነው ?


፩. መንፈሳዊነት ማለት ከእግዚአብሔር ጋር ያለ ኅብረትና አንድነት ነው፡፡

፪. መንፈሳዊነት ስሜትን፣አእምሮንና መንፈስን ሲገዛ ነው፡፡

፫. መንፈሳዊነት ጥረት፣ተጋድሎ፣ ውጣ ውረድ ነው

፬. መንፈሳዊነት ጊዜና ቦታ የማይወስነው ነው፡፡

፭. መንፈሳዊነት የኑሮ ሁኔታ የማይወስነው ነው፡፡

በዲ/ን ያረጋል አበጋዝ

https://youtu.be/Z4NzIiZSoQ4?si=6hNbD_WtR8HH3dvI

#ዲያቆን_ያረጋል_አበጋዝ

#ስለ_እርሱ_አንብቡ

እግዚአብሔር በአሳባችሁ ውስጥ እንዲኖር ስለ እርሱ አብዝታችሁ #አንብቡ ።
እርሱን ለማወቅ ስለ እርሱ #አንብቡ ። እርሱን ካላወቃችሁት እንዴት እርሱን ልትወዱት ትችላላችሁ ?

ስለ እርሱ #አንብቡ ፤ ስታነቡ ግን በሳይንሳዊ ወይም በፍልስፍና ጠባይ አታንብቡ ወይም ደግሞ ስለ እርሱ ጥናታዊ ጽሑፍ ወይም ትምህርት ለመስጠት አታንብቡ ። ነገር ግን ወደ እርሱ ጥልቀት ለመግባት ወይም እርሱ ወደ እናንተ ጥልቀት እንዲገባ #አንብቡ። ለነፍሳችሁ ውድ የሆኑትን የእርሱን ባሕርያት ለማወቅ ስትሉ #አንብቡ ይህ እውቀት አሳባችሁ ከእርሱ ጋር እንዲጣበቅና ፍቅሩ ከእናንተ ልብ ጋር እንዲቀናጅ ያደርግላችኋልና ። ስለ ስምምነቱ ስትሉም #አንብቡ ። ከወደዱት ሰዎች ጋር ስላለው ግንኙነት በጠላቶቹ ላይ ስላለው አቋም ስትሉ #አንብቡ !

እግዚአብሔር ቸር እንደ ሆነ ቀምሳችሁ ታዩ ዘንድ ስለ እርሱ #አንብቡ ። ታዲያ ንባባችሁ ለልባችሁ ምግብ እንዲሆን እንጂ እንዲሁ ተራ ንባብ እንዲሆን አትፍቀዱ ።

ስለ እግዚአብሔር ብዙ ካነበባችሁ በእርሱ ዘንድ ያለውን ፍጹምነት በሙሉ ታገኛላችሁ ።

ከወደዳችሁት ስለ እርሱ ማንበባችሁን ትቀጥላላችሁ ። እግዚአብሔር ስለ እርሱ የሚያነቡትን ስለ እርሱ ዜና የሚጠይቁትን ከእርሱ ታሪኮች መካከል አንዱን ለማወቅ የሚናፍቁትንና እርሱን የሚያደንቁትን ሰዎች ይወዳቸዋል ። ስለ እርሱ ከመጽሐፍ ቅዱስ ወይም ከአባቶች ብሒሎች ወይም ከቤተክርስቲያንና ከቅዱሳን ታሪክ ልታነቡ ትችላላችሁ ። በማንኛውም ሁኔታ ውስጥ የእግዚአብሔር እጅ ለመዳሰስ ስትሞክሩ በጥበቡ በኃይሉና በርኅራኄው ውስጥ እንደምትወዱት ታውቃላችሁ ።

#አቡነ_ሺኖዳ_ሳልሳዊ

ለካህን መናዘዝና ቀኖና መቀበል ለምን?

* የተሐድሶዎች ትምህርት ለካህን ስለመናዘዝና ቀኖና ስለመቀበል
* በዚህ ጉዳይ ላይ የተሐድሶዎች መሠረታዊ ስህተቶች
* ለንስሐ አባት መናዘዝና ቀኖና መቀበል በመፅሀፍ ቅዱስ ትምህርት
* ቀኖና የሚሰጥባቸው ምክኒያቶች
* ንስሐ አባትና ቀኖና በአበው ትምህርት

~ +++++ ~~

“ነቢዩ ናታን ንጉሥ ዳዊትን ኃጢአቱን ከነገረው በኋላ ወዲያውኑ ኃጢአቱን እንዳመነ አጽናንቶት ነበር፡፡ ሆኖም ብፁዕ ዳዊት ግን ምንም እንኳ እግዚአብሔር ደግሞ ኃጢአትህን አርቆልሃል፡ ኣትሞትም' (2 ሳሙ. 12፡13) የሚለውን የነቢዩን ቃል የሰማ ቢሆንም ንስሐ ከመግባት ግን አልተመሰለም፡፡ ንጉሥ የነበረ ቢሆንም በልብሰ መንግሥት ፋንታ አመድ ለበሰ በወርቅ ዙፋን ላይ በመቀመጥ ፋንታ በመሬት ላይ፣ ያውም በአመድ ላይ ተቀመጠ፡፡ በአመድ ላይ የተቀመጠ ብቻ ሳይሆን አመድንም ምግቡ አደረገ፤ እርሱ ራሱ “አመድን እንደ እህል ቅሜያለሁና፣ መጠጤንም ከእንባዬ ጋር ቀላቅያለሁና” (መዝ 101፡9) ብሏልና፡፡ ወደ ኃጢአት የተመለከተው ዓይኑ በዕንባ እስኪሟሟ ደረሰ፤ “ሌሊቱን ሁሉ አልጋዬን አጥባለሁ፣ በዕንባዬም መኝታዬን አርሳለሁ፤ ዓይኔ ከቍጡ ዕንባ የተነሣ ታወከች” እንዳለ፡፡ መዝ. 6፡6-7 መኳንንቱ እህል እንዲቀምስ በለመኑት ጊዜ እንኳ አልሰማቸውም፡፡ ጾሙን እስከ ሰባት ሙሉ ቀናት አራዘመ፡፡ ንጉሥ የነበረው እርሱ እንዲያ ባለ ሁኔታ ንስሐ ከገባ ተራ ግለሰብ የሆንከው አንተ ንስሐ ልትገባና ልትናዘዝ አይገባህምን?” (ቅዱስ ቄርሎስ ዘኢየሩሳሌም፣ ትምህርት 2 በእንተ ንስሐ ወሥርየተ ኀጢአት፣ ቁ 12)


#መድሎተ_ጽድቅ

#ዲያቆን_ያረጋል_አበጋዝ

#የሚፈውስ_እንባ

ሰውን የምታድን #ክርስቶስ ሆይ! ከአንተ በቀር ማን ያድነኛል? የድኅነት ምንጭ ከኾንከው ከአንተ በቀር የታመመችውን ነፍሴን ማን ይፈውሳታል? አቤቱ ሆይ! እንኪያስ የታመመችውን ችግረኛ ሴት እንደፈወስካት እኔንም ከጥፋት ከመረረ ገሃነም አድነኝ፡፡ ምሕረት ቸርነትኅ በእኔ ላይ ትኹን፡፡ ጠላቴን ድል አደርገው ዘንድ እርዳኝ፡፡ ብርቱ በምትኾን ክንድኅ ደካማ የምኾን እኔን አበርታኝ፡፡ አበርታኝና ለተጋድሎ የተዘጋጀኹ እንደኾንኩ ዐይቶ ጠላቴ ይራድ፤ ይንቀጥቀጥ፤ ይፈርም፡፡ አበርታኝና ጠላቴ የተዋረደ ይኹን፡፡ አበርታኝና ጠላቴ (ዲያብሎስ) በሐፍረት ከፊቴ ይመለስ፡፡ አበርታኝና እኔም ስምኽን ከፍ ከፍ ላድርገው፡፡

አቤቱ ሆይ! ጐስቋላ የምኾን #እንባዬን ተቀበልልኝ፤ ዕዳዬንም ፋቅልኝ፡፡ ፍቅርኅ የእኔን የበደለኛውን የክፉ ምግባሬ ፍሬ ይደምስስልኝ፤ ምረረ ገሃነምም አያግኘኝ፡፡ ቸርና ሰው ወዳጅ ሆይ! ዕዳዬን ደምስስልኝና ጠላቴ ይፈር፡፡ ፈተናውን ድል አደርግ ዘንድ፥ ድል አድርጌም ዘወትር ከአንተ ጋር እኖር ዘንድ ምሕረት ቸርነትኅ ከእኔ ጋር ትኹን፡፡

አቤቱ ሆይ! #አልቅሳ ሰምታኻታልና፥ #በሚፈውስ_እንባ አጥባኻታልና፥ ፍጥረትን ኹሉ ለፈጠርከው ለአንተም ቤተ መቅደስህ አድርጋኻታልና በደለኛ የምትኾን ሰውነቴ፥ ከባሕርይ አባትኅ ከአብ ከባሕርይ ሕይወትኅ ከመንፈስ ቅዱስ ጋር ታከብርኻለች፡፡ አሜን!!!

#ቅዱስ_ኤፍሬም_ሶርያዊ

#ገብረ_እግዚአብሔር_ኪደ

ብፁዓን ንጹሐነ ልብ

ዶ/ር እጓለ ገብረዮሐንስ

-መግቢያ
-ደብረ ሰላም ወይም ስለ እርቅ አስፈላጊነት
-(የምግባረ ሠናይ መስክር)
-የሥነ ምግባር ጥያቄ (1)
-የሥነ ምግባር ጥያቄ (2)
-ሕገ ልቡና ብርሃነ ልቡና የሕሊና ወቀሳ(በፈላስፎች ዘንድ በነቢያት ዘንድ) ቃለ ሕይወት ፍኖተ ሕይወት
-የኮረብታው ትምህርት (ነጠላ ትርጓሜ) (1)
-የኮረብታው ትምህርት (ነጠላ ትርጓሜ) (2)
-የክርስቲያን አርአያነት
-ኦሪት እና ነቢያት
-ስድስቱ የወንጌል ቃላት
-የኮረብታው ትምህርት ስለ ምጽዋት አሰጣጥ (3)
-የኮረብታው ትምህርት ስለ ጸሎት
-ስለ ጾም
-ለዘላቂው ሀብት ስለ ማሰብ
-ስለ ኑሮ መጨነቅ እንደማይገባ
-በሌሎች ላይ መፍረድ እንደማይገባ
-ስለ መሻት እና ጥረት አስፈላጊነት
-እንደ ወርቅ የነጠረው ሕግ
-ስለ ጠባብ የሕይወት መንገድ እና በር
-ዛፍ በፍሬው ሰው በሥራው ይታወቃል
-ስለ ተግባራዊው ብልህ ሰው
-አንቀጸ ብጹዓን (ንባብ እና ትርጓሜው)
-ለጾም፣ ለጸሎትና ለምጽዋት
-በእንተ ትእዛዛት
-ታሪክ እና ተረት
-ያን መቃብር
-መዝገበ መጻሕፍት (ዋቢ መጻሕፍት)
-መፍትሔ ቃላት
-ሥነ ምግባራዊ ትምህርት
-የዶክተር እጓለ ገብረዮሃንስ ሥራዎቻቸው እና የሕይወት ታሪካቸው ባጭሩ

ሮማዊው ሲሴሮ "መጽሐፍ የሌለበት ክፍልና ነፍስ የተለየው ሥጋ አንድ ናቸው" ይላል። በዚህ ዙር ስለ ንባብ ባህላችን ተወያይተናል።

https://youtu.be/QKDw1LQyb6M?si=kWDw0c-DVIKlR49K

ትምህርት

#ዲያቆን_ያረጋል_አበጋዝ

ጥልቅ ማሰላሰልና ንባብ ለምን ያስፈልገናል? ከቀሲስ አባተ አሰፋ ጋር ዘለግ ያለ ውይይት አድርገናል። መልካም ቆይታ።

https://youtu.be/QKDw1LQyb6M?si=kWDw0c-DVIKlR49K

“ትምክህት እንግዲህ ወዴት ነው? እርሱ ቀርቶአል።” (ሮሜ 3፥27)
***
በፕሮቴስታንቱ ዓለም ይህ የቅዱስ ጳውሎስ ንባብ የሚተረጎመው ሕግን መፈጸም ለመጽደቅ አይጠቅምም በሚል ነው። በአብዛኛው የሚሰጠው ምክንያት ሕግ መፈጸም ስላልተቻለ ሕግን ፈጽሞ መጽደቅ አይቻልም ነው። “ትምክህት እንግዲህ ወዴት ነው? እርሱ ቀርቶአል። በየትኛው ሕግ ነው? በሥራ ሕግ ነውን? አይደለም፥ በእምነት ሕግ ነው እንጂ።” የሚለውም በሥራ ሕግ መጽደቅ ስላልተቻለ ትምክህት ቀርቷል፤ በወንጌል የሚጸደቀው በእምነት ብቻ ነው ተብሎ ይደመደማል። (ሮሜ 3፥27)
በጣም ጽንፈኛ የሚባለው ፕሮቴስታንታዊ ትርጉም ደግሞ በጀርመናዊው ሮበርት ቡልትማን (1884-1976) የተቀነቀነው ትርጉም ነው። ይህን አስተምህሮ የሚያቀነቅነው Bultmann School እየተባለ ይጠራል። ቡልትማን እንደሚለው በመልካም ሥራ ለመጽደቅ ማሰብ ኃጢአት የሆነው የሰው ዘር ሕግን መፈጸም ስላልቻለ ብቻ አይደለም። ቢችል ራሱ እግዚአብሔር የሕግ ፈጻሚዎች ባለ እዳ እንዳይሆን በሕግ መጽደቅ አይቻልም። በአዲስ ኪዳን ብቻ ሳይሆን በብሉይ ኪዳን ጭምር ሕግን ፈጽሜ ልጽደቅ ብሎ ማሰብ በራሱ ኃጢአት ነው ይላል። ስለዚህ ሕግን መፈጸም አለመቻል ብቻ ሳይሆን ፈጽሞ ለመጽደቅ መሞከር ራሱ ኃጢአት ነው።
ይህ እይታ ብዙ ችግሮች አሉበት። አንደኛው መጽሐፍ ቅዱስን ያልተከተለ ነው። የትም ቦታ ላይ መጽሐፍ ሕግን የፈጸመ አይጸድቅም አይልም፤ በእግዚአብሔር ፊት ሕግን የሚፈጽሙ ይጸድቃሉ ይላል እንጂ። (ሮሜ. 2፥13-16) የእግዚአብሔርን ሕግ ለመፈጸም እና በዚያ ለመጽደቅ ማሰብ ኃጢአት ነው አይልም። ሁለተኛው በመጽሐፍ ቅዱስ ሕግ ከእምነት ተለይቶ የተሰጠበት ጊዜ የለም። የብሉይ ኪዳን ሕግ ራሱ እግዚአብሔር ከግብጽ ባርነት አውጥቶ ፍቅሩን ከገለጸላቸው በኋላ የተሰጠ የኪዳን ሕግ ነው። (ዘጸ. 20) የሕጉ መጀመሪያ በእግዚአብሔር ማመንን እና ከእርሱ በቀር ሌሎች አማልክትን አለመከተልን የሚያዝ ነው። በመሆኑም እምነትን እና ሕግን መፈጸምን ተጻራሪ (antithetical) አድርጎ መተርጎም በብሉይ ኪዳንም በጥንት ቤተ ክርስቲያንም የሌለ ተሐደሶአዊ እሳቤ ነው። ሁልጊዜም ሕግን መፈጸም ከቸርነቱ የተነሣ ላመኑት ለእግዚአብሔር መታዘዝ ሆኖ እንጂ የእምነት ተቀናቃኝ ሆኖ ተሰጥቶ አያውቅምና። የእግዚአብሔር ሕግ የእምነት መታዘዝ ነው። በመሆኑም እግዚአብሔር ራሱ በሰጠው ሕግ ባለ እዳ ሊሆን አይችልም፤ የሕጉ ምንጭ የእርሱ ቸርነት ያለበት ፈቃዱ ነውና።
በአዲስ ኪዳን ቅዱስ ጳውሎስ የተቃወመው በክርስቶስ ከማመን የወጣውን (ወይም እንደ ተጨማሪ ነገር የሚቆጥረውን) እና ከአሕዛብ የመጡ በክርስቶስ እምነት አንድ የሆኑ ክርስቲያኖችን 'አልተገዘራችሁም፤ ስለዚህ ከእኛ ጋር በአንድ ማእድ መቀመጥ አይገባችሁም' የሚል እሥራኤላዊ ትምክህት ያለበትን የሕግ ሥራ የሚሰብኩ አይሁድ ዘመም ክርስቲያኖችን የተመለከተ እሳቤ ነው። ይህ መሆኑ ይታወቅ ዘንድ ዝቅ ብሎ "ሰው ያለ ሕግ ሥራ በእምነት እንዲጸድቅ እንቆጥራለንና" ካለ በኋላ "ወይስ እግዚአብሔር የአይሁድ ብቻ አምላክ ነውን? የአሕዛብስ ደግሞ አምላክ አይደለምን? አዎን፥ የተገረዘን ስለ እምነት ያልተገረዘንም በእምነት የሚያጸድቅ አምላክ አንድ ስለ ሆነ የአሕዛብ ደግሞ አምላክ ነው" በማለት ያስተምራል። ይህ ንግግሩ አጠቃላዩን ሕግን የሚቃወም እንዳይመስልበት ደግሞ "እንግዲህ ሕግን በእምነት እንሽራለንን? አይደለም፤ ሕግን እናጸናለን እንጂ" ብሎ ይደመድማል። (ሮሜ. 3፥27-31)
***
("ሕግ ከጽዮን ይወጣል" (ኢሳ. 2፥3) የተባለላትን የታቦተ ጽዮን መታሰቢያ በዓል እያደረግን ሕግን በተሳሳተ ትርጉም ለሚያጣጥሉ የበዓሉ በረከት ይደርሳቸው ዘንድ ይህ ተጻፈ።)

ኅዳር ጽዮን
"ጽዮን" ማለት "ጸወን አምባ፣ መጠጊያ" ማለት ነው:: ጽዮን የሚለው ስም በቁሙ ለቅዱስ ዳዊት ተራራና ለኪዳኑ ጽላት ሲያገለግል በትንቢታዊ ምሥጢሩ ግን ለድንግል ማርያም፣ ለቤተ ክርስቲያንና ለዘለዓለማዊት ርስት ያገለግላል፡፡

ኅዳር ፳፩ ቀን በታቦተ ጽዮን የተፈጸሙ ታላላቅ ተአምራት የሚታሰቡበት ቀን ነው፡፡ በዚህ ቀን ቅድስት ቤተ ክርስቲያናችን የታቦተ ጽዮንን ተአምራት እግዚአብሔር ቃል ቅድስት ድንግል ማርያምን ታቦቱ አድርጎ ከፈጸማቸው ታላላቅ የድኅነት ሥራዎች ጋር በማነጻጸር እመቤታችን ቅድስት ድንግል ማርያም በነገረ ድኅነት ውስጥ ያላትን ድርሻ በስፋት ታስተምራለች፡፡

ነቢዩ ሙሴ አርባ ቀንና አርባ ሌሊት ጸልዮና ጹሞ ዐሥርቱ ቃላት የተጻፈበትን ጽላት ከእግዚአብሔር የቃል ኪዳኑን ታቦት ‹ታቦተ ጽዮንን› እንደተቀበለ መጽሐፍ ቅዱስ ይገልጻል፡፡

ታቦተ ጽዮን ከማይነቅዝ እንጨት የተቀረጸችበት ምክንያት የእመቤታችን ድንግል ማርያምን ንጽሕና ለማመልከት ነው፡፡ በውስጥም በውጪም በጥሩ ወርቅ የተለበጠች መሆኗ ደግሞ የእመቤታችን ድንግል ማርያም ቅድስናዋንና በሁለት ወገን ድንግል የመሆኗ ምሳሌ ነው፡፡

ንጉሥ ዳዊት የእግዚአብሔርን የቃል ኪዳን ታቦት ከአቢዳራ ቤት ወደ ጽዮን ከተማ ባስመጣበት ወቅት በታቦቷ ፊት በሙሉ ኃይሉ በደስታ እየዘለለ ለእግዚአብሔር በዝማሬ ምስጋና አቅርቧል፡፡ ‹‹ለንጉሥ ዳዊትም “እግዚአብሔር የአቢዳራ ቤት የነበረውን ሁሉ ስለ እግዚአብሔር ታቦት ባረከ” ብለው ነገሩት፡፡

ዳዊትም ሄዶ የእግዚአብሔርን ታቦት ከአቢዳራ ቤት ወደ ራሱ ከተማ በደስታ አመጣት፡፡ ከእርሱም ጋር የእግዚአብሔርን ታቦት የተሸከሙ ሰባት መሰንቆ የሚመቱ መዘምራን ነበሩ፤ በሬዎችንና በጎችን ይሠዉ ነበር፡፡ ዳዊትም በእግዚአብሔር ፊት በገና ይደረድር ነበር›› እንዲል፤ ነቢዩ ዳዊት በቃል ኪዳኑ ታቦት ፊት የተቀኘው ለሰው ልጆች ሁሉ የመዳናችን ምክንያት የሆነችውን ቅድስት ድንግል ማርያምንና ጌታችን መድኃኒታችን ኢየሱስ ክርስቶስን ሲያመስገን ነው፡፡ (፪ሳሙ.፮፥፲፪-፲፬)

ታቦተ ጽዮን እስራኤል የዮርዳኖስን ባሕር ለመሻገር በተቸገሩ ጊዜ ነቢዩ ኢያሱ እግዚአብሔር አምላክ በነገረው መሠረት ካህናቱ የቃል ኪዳኑን ታቦት ይዘው በሕዝቡ ፊት ወደ ዮርዳኖስ እንዲሄዱ ነገራቸው፤ እነርሱም እንደታዘዙት አደረጉ፤ ታቦቱን የተሸከሙት የካህናቱ እግሮች በውኃው ዳር ሲጠልቁ ከላይ የሚወርደው ውኃ ቆመ፤ የእግዚአብሔርን የቃል ኪዳን ታቦት የተሸከሙ ካህናት በዮርዳኖስ መካከል በደረቅ መሬት ጸንተው ቆመው ነበር፤ ሕዝቡም ሁሉ ዮርዳኖስን ፈጽመው እስኪሻገሩ ድረስ እስራኤል ሁሉ በደረቅ መሬት ተሻገሩ፡፡ (ኢያ. ፫፥፩-፲፯)

እስራኤላውያን በመካከላቸው የቃል ኪዳኑ ታቦት በያዙ ቁጥር በጦርነታቸው ሁል ጊዜ ያሸንፉ ነበሩ፡፡ ነገር ግን ልዑል እግዚአብሔር ሕዝበ እስራኤል ስለበደሉት እንዲሁም የኤሊ ልጆች አፍኒንና ፊንሐስ በደላቸውና ክፋታቸው ስለበዛ ታቦተ ጽዮን ተማርካ ወደ ፍልስጥኤም ሄደች፡፡ በዚያ በአሕዛብ ምድርም ልዩ ልዩ ተአምራትን እያደረገች ፍልስጥኤማውያንን ስለአስጨነቀቻቸው የፍልስጥኤማውያን አለቆች የቃልኪዳኑን ታቦት ልዩ ልዩ ገጸ በረከቶችን አስይዘው ወደመጣችበት በሠረገላ አድርገው በክብር ሸኝተዋታል፡፡ (፩ኛ.ሳሙ. ፭፥፩-፲፭)
ሀገራችን ኢትዮጵያም በንግሥተ ሳባ አማካኝነት ለታቦተ ጽዮን መቀመጫ እንድትሆን የእግዚአብሔር ፈቃዱ ሆኗል፡፡ ይህም እንዲህ ነበር፤ ንግሥተ ሳባ የንጉሥ ሰሎሞንን ጥበብ ለማድነቅ ምድረ እስራኤል ድረስ መጓዟን ተከትሎ ከንጉሡ ቀዳማዊ ምኒልክን ፀነሰች፡፡

ቀዳማዊ ምኒልክ ከአደገ በኋላ አባቱን ሊጠይቅ ሂዶ ወደ ኢትዮጵያ ሲመለስ አብረውት አንድ ሺህ ሁለት መቶ እስራኤላውያን የበኩር ልጆች፣ ሦስት መቶ ዐሥራ ስምንት በአዛርያስ የሚመሩ ሌዋውያን ካህናትም አብረውት ለጉዞ ተነሡ፡፡ የብሉይ ኪዳን መጻሕፍትንና ሌሎች በርካታ ቁሳቁሶችን ይዘውም ነበር።

ነገር ግን ታቦተ ጽዮንን አዛርያስና ካህናቱ ተማክረው ቀዳማዊ ምኒልክ እንኳን ሳይሰማ በምሥጢር ይዘዋት ሊመጡ ተስማሙ፡፡ ዕቅዳቸውን ለማሳካት በታቦተ ጽዮን አምሳያ ሌላ ታቦት አዘጋጅተው ለመሄድ በሚነሡበት ዕለት ሌሊትም ወደ ቤተ መቅደስ ይዘውት ሄዱ፡፡

ከቤተ መቅደስ ሲደርሱም የእግዚአብሔር ፈቃድ ነበርና የቤተ መቅደሱ በር ተከፍቶ እና ውስጡም በብርሃን ተሞልቶ ታቦተ ጽዮንም ከመንበሯ በመነሣት ከፍ ብላ አገኟት። በዚህም የአምላክን ፈቃድ ተረድተውና እግዚአብሔርን እያመሰገኑ በፍጥነት ይዘዋት ወጡ፡፡ በአምሳያዋ የሠሩትንም ቅርፅ በመንበሩ ላይ አስቀምጠው ሄዱ።

የንጉሡ ወታደሮች በፍጥነት ቢጓዙም ቀዳማዊ ምኒልክ እና አዛርያስ ታቦተ ጽዮንን ይዘው ሲጓዙ እጅግ ፍጣን ስለበር ሊደርሱባቸው አልቻሉም። መጽሐፈ ክብረ ነገሥት ይህንን ሲጠቅስ ‹‹ከመሬት አንድ ክንድ ያህል ከፍ ብለው ይሄዱ ነበር›› በማለት ይገልጸዋል። ባሕረ ኤርትራን ከተሻገሩና ግብፅ ከደረሱ በኋላ ዕረፍትን ባደረጉ ጊዜ አዛርያስ ለቀዳማዊ ምኒልክ ታቦተ ጽዮንን ይዘዋት እንደመጡ ነገረው፡፡

አያይዞም ‹‹አንተም ብትሻ ታቦቷንም ወደ ሀገሯ ልመልሳት ብትል አትችልም፤ አባትህ ሰሎሞንም ሊወስዳት ቢመጣ አይሆንለትም›› አለው። ከቦታ ቦታ ይዣት እንቀሳቀሳለው ቢልም ያለ ፈቃዷ ምንም እንደማያደርግና ሁሉ ነገር በአምላክ መልካም ፈቃድ እንደሚፈጸም ነገረው። ቀዳማዊው ምኒልክም ይህን ሲሰማ ተደሰተ፤ ሕዝቡና ሠራዊቱ በሙሉ ልዑል እግዚአብሔርን አመሰገኑ፤ ከግብፅ ምድር ወጥተው እስከ ኢትዮጵያ በታላቅ እልልታና ሆታ እግዚአብሔርን እያመሰገኑ መጡ።

ኅዳር ፳፩ ቀን አክሱም በደረሱ ጊዜም እናቱ ንግሥተ ሳባ ተቀበለችው፤ ደስታና እልልታውን ተመልክታ ያገኙት ነገር እንዳለ ብትጠይቀው ታቦተ ጽዮንን እንዳመጧት ነገራት፡፡ የእርሷም ደስታ እጥፍ ድርብ ሆነ። ታቦቷንም በርእሰ አድባራት ወገዳማት አክሱም ጽዮን ማርያም ቤተ ክርስቲያን አስቀመጡአት፡፡

ከዚያም ዘመን ጀምሮ በየዓመቱ ኅዳር ፳፩ ቀን ብዙ ምክንያቶች ቢኖሩም በታቦተ ጽዮን የተፈጸሙ ታላላቅ ተአምራትን በማሰብ ቅድስት ቤተ ክርስቲያናችን ታከብራለች፡፡
ወስብሐት ለእግዚአብሔር!!!
ምንጭ፤
ክብረ ነገሥት ተርጓሚ ሥርግው ገላው (1994 ዓ.ም)
መዝገበ ታሪክ ቊጥር 1 (መምህር ኅሩይ ኤርምያስ)

የዕለቱ ወንጌል
የማቴዎስ ወንጌል ምዕራፍ፡23

በዚያን ጊዜ ኢየሱስ ለሕዝቡና ለደቀ መዛሙርቱ እንዲህ ብሎ ነገራቸው፦
ጻፊዎችና ፈሪሳውያን በሙሴ ወንበር ተቀምጠዋል።
ስለዚህ ያዘዟችኹን ዅሉ አድርጉ፥ጠብቁትም፤ነገር፡ግን፥እየተናገሩ አያደርጉትምና፥እንደ ሥራቸው
አታድርጉ።
ከባድና አስቸጋሪ ሸክም ተብትበው በሰው ትከሻ ይጭናሉ፥እነርሱ ግን በጣታቸው ስንኳ ሊነኩት አይወዱም።
ለሰውም እንዲታዩ ሥራቸውን ዅሉ ያደርጋሉ፤ስለዚህ፥ዐሸን ክታባቸውን ያሰፋሉ፥ዘርፉንም ያስረዝማሉ፥
በምሳም የከበሬታ ስፍራ፥በምኵራብም የከበሬታ ወንበር፥
በገበያም ሰላምታና፦መምህር ሆይ መምህር ሆይ ተብለው እንዲጠሩ ይወዳሉ።
እናንተ ግን፦መምህር ተብላችኹ አትጠሩ፤መምህራችኹ አንድ ስለ ኾነ እናንተም ዅላችኹ ወንድማማች ናችኹ።
አባታችኹ አንዱ ርሱም የሰማዩ ነውና፥በምድር ላይ ማንንም፦አባት ብላችኹ አትጥሩ።
ሊቃችኹ አንድ ርሱም ክርስቶስ ነውና፦ሊቃውንት ተብላችኹ አትጠሩ።
ከእናንተም የሚበልጠው አገልጋያችኹ ይኾናል።
ራሱን ከፍ የሚያደርግ ዅሉ ይዋረዳል፥ራሱንም የሚያዋርድ ዅሉ ከፍ ይላል።
እናንተ ግብዞች ጻፊዎችና ፈሪሳውያን፥መንግሥተ ሰማያትን በሰው ፊት ስለምትዘጉ፥ወዮላችኹ እናንተ አትገቡም የሚገቡትንም እንዳይገቡ ትከለክላላችኹ።
እናንተ ግብዞች ጻፊዎችና ፈሪሳውያን፥በጸሎት ርዝመት እያመካኛችኹ የመበለቶችን ቤት ስለምትበሉ፥ወዮላችኹ፤ስለዚህ፥የባሰ ፍርድ ትቀበላላችኹ።
እናንተ ግብዞች ጻፊዎችና ፈሪሳውያን፥አንድ ሰው ልታሳምኑ በባሕርና በደረቅ ስለምትዞሩ፥በኾነም ጊዜ ከእናንተ ይልቅ ኹለት ዕጥፍ የባሰ የገሃነም ልጅ ስለምታደርጉት፥ወዮላችኹ።
እናንተ፦ማንም በቤተ መቅደስ የሚምል ምንም የለበትም፤ማንም በቤተ መቅደስ ወርቅ የሚምል ግን በመሐላው ይያዛል የምትሉ፥ዕውሮች መሪዎች፥ወዮላችኹ።
እናንተ ደንቈሮዎችና ዕውሮች፥ማናቸው ይበልጣል ወርቁ ነውን፧ወይስ ወርቁንየቀደሰው ቤተ መቅደስ፧ደግማችኹም፦ማንም በመሠዊያው የሚምል ምንም የለበትም፤ማንም በላዩ ባለው መባ የሚምል ግን በመሐላው ይያዛል ትላላችኹ።
እናንተ,ደንቈሮዎችና ዕውሮች፥ማናቸው ይበልጣል መባው,ነውን ወይስ መባውን የሚቀድሰው መሠዊያው፧እንግዲህ በመሠዊያው የሚምለው,በርሱና በርሱላይ ባለው ዅሉ ይምላል፤ በቤተ መቅደስም የሚምለው በርሱና በርሱ በሚኖረው ይምላል፤
በሰማይም የሚምለው በእግዚአብሔር ዙፋንና በርሱ ላይ በተቀመጠው ይምላል።እናንተ ግብዞች ጻፊዎችና ፈሪሳውያን፥ከአዝሙድና ከእንስላል ከከሙንም ዓሥራት ስለምታወጡ፥ፍርድንና ምሕረትን ታማኝነትንም፥በሕግ ያለውን ዋና ነገር፡
ስለምትተዉ፥ወዮላችኹ፤ሌላውን ሳትተዉ ይህን ልታደርጉ ይገ፟ባ፟ችኹ ነበር።እናንተ፡ዕውሮች፡መሪዎች፥ትንኝን፡የምታጠሩ፡ግመልንም፡የምትውጡ።እናንተ ግብዞች ጻፊዎችና ፈሪሳውያን፥በውስጡ ቅሚያና ሥሥት ሞልቶ ሳለ የጽዋውንና የወጭቱን ውጭ ስለምታጠሩ ወዮላችኹ።
አንተ ዕውር ፈሪሳዊ፥ውጭው ደግሞ ጥሩ እንዲኾን አስቀድመኽ የጽዋውንና የወጭቱን ውስጡን አጥራ።
እናንተ ግብዞች ጻፊዎችና ፈሪሳውያን፥በውጭ አምረው የሚታዩ በውስጡ ግን የሙታን ዐጥንት ርኵሰትም ዅሉ የተሞሉ በኖራ የተለሰኑ መቃብሮችን
ስለምትመስሉ፥ወዮላችኹ።
እንዲሁ እናንተ ደግሞ በውጭ ለሰው እንደ ጻድቃን ትታያላችኹ፥በውስጣችኹ ግን ግብዝነትና ዐመፀኝነት ሞልቶባችዃል።
እናንተ ግብዞች ጻፊዎችና ፈሪሳውያን፥የነቢያትን መቃብር ስለምትሠሩ የጻድቃንንም መቃብር ስለምታስጌጡና፦
በአባቶቻችን ዘመን ኖረን በኾነስ፥በነቢያት ደም ባልተባበርናቸውም ነበር ስለምትሉ፥ወዮላችኹ።
እንግዲያስ የነቢያት ገዳዮች ልጆች እንደኾናችኹ በራሳችኹ ላይ ትመሰክራላችኹ።
እናንተ ደግሞ የአባቶቻችኹን መስፈሪያ ሙሉ።
እናንተ እባቦች፥የእፍኝት ልጆች፥ከገሃነም ፍርድ እንዴት ታመልጣላችኹ፧
ስለዚህ፥እንሆ፥ነቢያትንና ጥበበኛዎችን ጻፊዎችንም ወደ እናንተ እልካለኹ፤ከነርሱም ትገድላላችኹ ትሰቅሉማላችኹ፥ከነርሱም በምኵራባችኹ ትገርፋላችኹ ከከተማም ወደ ከተማ ታሳድዳላችኹ፤ ከጻድቁ ከአቤል ደም ዠምሮ በቤተ መቅደስና በመሠዊያው መካከል እስከገደላችኹት እስከበራክዩ ልጅ እስከዘካርያስ ደም ድረስ በምድር ላይ የፈሰሰው የጻድቅ ደም ዅሉ ይደርስባችኹ ዘንድ።
እውነት እላችዃለኹ፥ይህ ዅሉ በዚህ ትውልድ ላይ ይደርሳል።
ኢየሩሳሌም ኢየሩሳሌም ሆይ፥ነቢያትን የምትገድል ወደ ርሷ የተላኩትንም የምትወግር፥ዶሮ ጫጩቶቿን ከክንፎቿ በታች እንደምትሰበስብ ልጆችሽን እሰበስብ ዘንድ ስንት ጊዜ ወደድኹ!አልወደዳችኹምም።
እንሆ፥ቤታችኹ የተፈታ ኾኖ ይቀርላችዃል።
እላችዃለኹና፥በጌታ ስም የሚመጣ የተባረከ ነው እስክትሉ ድረስ ከእንግዲህ ወዲህ አታዩኝም።

https://youtu.be/szZFIAvYX20?si=Y3KTKIBcz4OAl9r8

የዕለቱ ወንጌል

የሉቃስ ወንጌል ምዕራፍ፡11፤16-26

#ዜና_ድጋሚ_ኅትመት

ዘአወፈየኒ አወፈይኩከ-፦
                የሰጠኝን ሰጠሁህ"
ውድ ኦርቶዶክሳውያን በብዙ ፈተና ውስጥ ሁኘ ባለችኝ ትንሽ ጊዜ በትንሿ መረዳቴ ይሄንንን መጽሐፍ፦"ከመዝ ነአምን" በሚል ርዕስ
ለማበርከት ሞክሬያለሁ።
ኦርቶዶክሳዊነትን ለማስረዳት በተቻለኝ መጠን የደከምሁበት ቢሆንም ከአጠገቤ መጻሕፍትን ባለማግኘቴ ግን እንደ ሚገባ ጽፌዋለሁ ብየ አላስብም።
ስለሆነም ርቱዓን ኦርቶዶክሳውያን የጠመመውን አቃንታችሁ፣የጎደለውን ሞልታችሁ፣የገደፍሁትን አርትታችሁ እንድታነቡት እማፀናለሁ።ግድፈተ ቃለ ካለም ግድፈቱ የእኔ ብቻ ነው እንጂ የቤተ ክርስቲያኗ አይደለም።
ከመጀመሪያው ጀምሮ አንብበን ከጨረስን በኋላ ቆም ብለን ወደ ኋላ ብናስበው ለአባቶች
ትምህርት መግቢያ የሚሆነንን የኦርቶዶክሳዊነት መነሻ ትምህርት እናገኝበታለን ብየ ተስፋ አደርጋለሁ።
የእኔ ደስታየ አንብበን ወደ ላይ ወደ አባቶቻችን ሐዋርያት በኅሊና ደርሰን ለልቡናችን
ድጋፍ የሚሆን ኦርቶዶክሳዊ መረዳትን ካገኘንበት ነው።
ስለሁሉም ነገር አሁን በመንፈሳዊ ተጋድሎ ላለው ትውልድ እና ከእኔ በኋላ ለሚነሣው
ትውልድ ኦርቶዶክሳዊ ሐሳቤን በጽሑፍ እንዳስተላልፍ የረዳኝን እግዚአብሔርን
አመሰግነዋለሁ።
“ጸልዩ ለነ ከመ ይሩጽ ቃለ እግዚአብሔር” ፪ ተሰ ፫፥፩

መምህር ገብረ መድኅን እንየው

የዕለቱ ወንጌል

የዮሐንስ ወንጌል ምዕራፍ፡10፤ 1-22

‘’ይኸውም የእግዚአብሔር መልኩ ነው፤ ቀምቶ እግዚአብሔር የሆነ አይደለም። ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ ለሞትም ይኸውም የመስቀል ሞት እንኳ የታዘዘ ሆነ።’’ ፊል 2፥6-8

የውይይቱ ጭብጥ፦ አንድዮ ርእስ (Kenosis)

እነኚን ሃሳቦች በዐቢይ አነሳን

- የምዕራፉን ጥቅል ዐውድ

- በጥቅሉ ለመወያየት የመረጥነውን ጥቅስ በተወሰኑ አባቶች ትርጓሜ ማብራራት። የተጠቀምናቸውን አባቶች ከነ መጻሕፍቱ በ description ላይ አኑረናል።

- “ራሱን ባዶ አደረገ” ማለት ምን ማለት ነው? ራስ (Self) ምንድነው? ክርስቶስ ማነው? አኛስ?

-“ራሱን አዋረደ” ማለትስ ምን ማለት ነው? ትሕትና ምንድነው? እና ከእኛ ጋር ምን ያገናኘዋል?...

ተመልከቱና ሃሳብ አስተያየት ስጡበት።

https://youtu.be/oiPF_eQHtCc?si=Fin8JNZRTINvpnnR

ጸሎት

#ጸሎት በሕይወታችን ውስጥ ደንብና መደበኛ ልምምድ መሆን አለበት ፤ ይህም በጽድቅና በአክብሮታዊ አቋቋም እንዲሁም ፍጹም በሆነ ትኩረት ሊከናወን ያስፈልጋል። በጸሎት ጊዜ ከእግዚአብሔር ጋር ስንነጋገር ለእርሱ የሚገባውን ተገቢ ክብር መስጠት አለብን የጸሎትን ታላቅ ጥቅም ማወቅ አለብን። በግላችንም የተለየ ምላሽ መኖራቸውን መገንዘብ አለብን። ጸሎት ከእግዚአብሔር ጋር በእውነት የመነጋገር ያህል የሆነለት ሰው #ምድራዊ_መልአክ ሆኖ ተለውጧል ማለት ነው።

እግዚአብሔር አምላክ ከእርሱ ጋር ስንነጋገር የተዋቡ ቃላትን እንድንጠቀም አይጠይቀንም። ይሁን እንጂ የምንነጋገራቸው ቃላት ከተዋበ ነፍሳችም ተፈንጥቀው መውጣት አለባቸው ጸሎት በተለመደበት ሰዓት ሲቀርብ ሽምጋዮችን፤ስርዐቶችን ወይም ቀጠሮዎችን አይሻም። የእግዚአብሔር ደጆች ዘወትር ክፍት ስለሆኑ እርሱ እኛን ይጠብቀናል እራሳችንን ከእግዚአብሔር የምናገል ወይም የምናርቅ ከሆንን ሙሉ በሙሉ በራሳችን ሀሳብ መደገፍ ይጀምራል ማለት ነው። እርሱ ዘወትር ቅርብ ነው። በተለየ ሁኔታ አንደበተ እርቱ መሆን አያስፈልገንም። እኛ የተፈለገውን ያህል ድምጻችንን ዝግ አድርገን ብንናገር እንኳን እርሱ ይሰማናል። በጸሎት ጥበብ ውስጥ የተራዘመን መመሪያዎችን ማስቅመጥ አስፈላጊ አይደለም። ለመጸለይ መፈለጋችን በራሱ በቂ ነው።

በቂው ነገር የጸሎት ዘዴ ነው እኛ መጸለይ ያለብንን ከልባችን ሆነን መንፈዊዊ ዕድገት የሚሻ ጸጸት ውስጥ ሆነን ሌሎች ሰዎችን ይቅር ለማለት የእርሱን ይቅርታ መጠየቅ እንዲሁም የእውነት ትሁት ሰው መሆን ነው። እግዚአብሔር  እንደሚፈልገን ሆነን የምንጸልይ ከሆነ። ጸሎታችን ባለ መታከት የምናቀርብ ከሆነ፤ በጸሎታችን ውስጥ ለእኛም ሆነ ለሌሎች ነፍሳት ጥቅም ጉዳይ ላይ የምናተኩር ከሆንን ጸሎታችን አድማጭ ተቀባይ ያገኛል።

በምንጸልይበት ጊዜ ጸሎታችን መጋነን የለበትም ፤ ጥረቶቻችን ሙሉ ለሙሉ በመቀበል ሐሳብ ላይ ብቻ ማተኮር የለባቸውም። ዋናው አላማችንና አስፈላጊ ነገር ነፍሳችንን የተሻለ ማድረግ ነው ፣ ይህም ሊሆን የሚችለው በጸሎት አማካኝነት ነው። ይህን ጉዳይ አላማው አድርጎ የሚጸልይ ሰው ከዓለማዊ ነገሮች ኃይል ይበልጥ ብርቱ ይሆናል ከእርሱ ጋር በላይም ከፍ ብሎ ሊከናወንለት ይችላል።

#ቅዱስ_ዮሐንስ_አፈወርቅ

የዕለቱ ወንጌል

የሉቃስ ወንጌል ምዕራፍ፡8፤ 3-12

ከአእምሮ በላይ የሆነው የክርስትናችን ምሥጢር እዚህ ቃል ውስጥ ይገኛል። ከሁሉ በላይ፣ ሁሉ የእርሱ፣ ሁሉ በእርሱ የሆነ አምላክ ራሱን ባዶ አደረገ። የፍቅር ጥጉ ይኼ ነው። ከቅዱስ ጳውሎስ ጀምሮ ብዙ ቅዱሳን ይኼ ፍቅር ውስጣቸው ዘልቆ ገብቷልና፣ ራሱን ለሰጣቸው አምላክ መልሰው ራሳቸውን ለመስጠት ሲፈቅዱ በታላቅ ደስታ ነበር። የክርስቲያናዊ ሕይወት አልፋና ኦሜጋ ይኼው ነውና።



https://youtu.be/oiPF_eQHtCc?si=qNH6uzUz_aXnClbN

ምጽዋት

* ምጽዋት በመጽሀፍ ቅዱስ ትምህርት

* ምጽዋት በአበው ትምህርት

++++++++~~++++++

ከጥምቀት በኋላ የሚሠሩ ኃጢአቶችን ማስወገጃና ማጠቢያ መንገድ ማግኘት መቻል ምን ያህል ታላቅ ነገር መሆኑን ልብ በል! ምጽዋት መስጠት ምን ያህል ታላቅ ዋጋ እንዳለው አስተውል፡፡ እርሱ ምጽዋት ስጡ ባይለን ኖሮ፣ 'ገንዘብ መስጠትና ከሚመጣው ክፉ ነገር በምጽዋት አማካይነት መዳን የሚቻል ቢሆን ኖሮ እንዴት ጥሩ ነበር' የሚሉ ስንት ሰዎች በኖሩ ነበር! ነገር ግን አሁን እግዚአብሔር ለእኛ ካለው ቸርነት የተነሣ በምጽዋት አማካይነት ከሚመጣው ክፉ ነገር መዳን የምንችልበትን ዕድል ስለ ሰጠንና ይህን የሚቻል ስላደረገልን እንደገና ብዙዎች ተመልሰው ግድ የለሾች ሆነው ይታያሉ፡፡ አይ፣ እኔ ምጽዋት እሰጣለሁ እኮ ትል ይሆናል፡፡ ይህ ምንድን ነው? ሆኖም ግን መቀነቷን ፈትታ ሁለት ሣንቲሞችን እንደ ሰጠችው ሴት ያህል አልሰጠህም፡፡ ኧረ የእርሷን ግማሽ ያህል፣ እርሷ ከሰጠችው ጥቂቱን ያህል እንኳ አልሰጠህም፡፡ ካለህ ገንዘብ ብዙውን ክፍል ጥቅም በሌለው ነገር ላይ ታባክነዋለህና፡፡ በመጠጥ፣ በመባልዕት ቅጥ ባጣ አባካኝነት እያዋልክ ራስሀን ብቻ ሳይሆን ሌሎችንም እንደ አንተ እንዲያባክኑና ገንዘባቸውን በማይጠቅማቸውና ተገቢ ባልሆነ ነገር ላይ እንዲያጠፉት ፈተና ትሆንባቸዋለህና፡፡ በዚህም ቅጣትህ እጥፍ ድርብ ይሆንብሃል፤ የራስህ ጥፋት አንሶህ ሌሎችንም ወደ ጥፋት መርተሃቸዋልና፣ የኃጢአት ምክንያት ሆነሀባቸዋልና፡፡ (ቅዱስ ዮሐንስ አፈ ወርቅ፣ ትርጓሜ ወንጌለ ማቴዎስ፣ ክፍለ ትምህርት 67፣ ቁ. 5)


#መድሎተ_ጽድቅ
#ዲያቆን_ያረጋል_አበጋዝ

ከአእምሮ በላይ የሆነው የክርስትናችን ምሥጢር እዚህ ቃል ውስጥ ይገኛል። ከሁሉ በላይ፣ ሁሉ የእርሱ፣ ሁሉ በእርሱ የሆነ አምላክ ራሱን ባዶ አደረገ። የፍቅር ጥጉ ይኼ ነው። ከቅዱስ ጳውሎስ ጀምሮ ብዙ ቅዱሳን ይኼ ፍቅር ውስጣቸው ዘልቆ ገብቷልና፣ ራሱን ለሰጣቸው አምላክ መልሰው ራሳቸውን ለመስጠት ሲፈቅዱ በታላቅ ደስታ ነበር። የክርስቲያናዊ ሕይወት አልፋና ኦሜጋ ይኼው ነውና።

https://youtu.be/bGT-i1Wmokc?si=RNUsCVn8oEQ8fMSK

ጾመ ነቢያት (የገና ጾም)


#ጾመ_ነቢያት በየዓመቱ ከኅዳር ፲፭ ቀን ጀምሮ እስከ በዓለ ልደት ዋዜማ ድረስ የሚጾም፤ ከሰባቱ አጽዋማት መካከል አንደኛው ጾም ነው፡፡ እግዚአብሔር አምላክ ዓለምን ለማዳን ሲል የሰውን ሥጋ ስለ መልበሱ፤ ወደ ግብጽ ስለ መሰደዱ፤ በባሕረ ዮርዳኖስ ስለ መጠመቁ፤ በትምህርቱ ብርሃንነት ጨለማውን ዓለም ስለ ማብራቱ፤ ለሰው ልጆች ድኅነት ልዩ ልዩ መከራን ስለ መቀበሉ፤ ስለ መሰቀሉ፣ ስለ ሞቱ፣ ትንሣኤው፣ ዕርገቱና ዳግም ምጽአቱ በየዘመናቱ የተነሡ ቅዱሳን ነቢያት በመንፈስ ቅዱስ ተቃኝተው ትንቢት ተናግረዋል፤ ትንቢቱ ደርሶ፣ ተፈጽሞ ለመመልከትም ‹‹አንሥእ ኃይለከ ፈኑ እዴከ፤ ኃይልህን አንሣ፤ እጅህን ላክ›› እያሉ በጾም በጸሎት ተወስነው አምላክ ሰው የሚኾንበትን ጊዜ በቀናት፣ በሳምንታት፣ በወራትና በዓመታት እያሰሉ ሲጠባበቁ ቆይተዋል፡፡

ይህ ጾም የእግዚአብሔርን ሰው መኾን ሲጠባበቁ የኖሩት የነቢያት ትንቢትና ጸሎት በጌታችን መወለድ ፍጻሜ ያገኘበት ወቅት በመኾኑ ‹‹#ጾመ_ነቢያት (#የነቢያት_ጾም)›› እየተባለ ይጠራል፡፡ ለአዳም የተነገረው የድኅት ተስፋ ስለ ተፈጸመበትም ‹‹#ጾመ_አዳም (#የአዳም_ጾም)›› ይባላል፡፡ ስለ እግዚአብሔር ሰው መኾን በስፋት ትምህርተ ወንጌል የሚሰጥበት ወቅት በመኾኑም ‹‹#ጾመ_ስብከት (#የስብከት_ጾም)››፤ የጾሙ መጨረሻ (መፍቻ) በዓለ ልደት በመኾኑ ደግሞ ‹‹#ጾመ_ልደት (#የልደት_ጾም)›› በመባል ይታወቃል፡፡ እንደዚሁም ‹‹ጾመ ሐዋርያት›› ይባላል፡፡ ቅዱሳን ሐዋርያት ‹‹በዓለ ትንሣኤን ዐቢይ ጾምን ጾመን እናከብረዋለን፤ በዓለ ልደትንስ ምን አድርገን እናከብረዋለን?›› በማለት ነቢያት የጾሙትን ከልደተ ክርሰቶስ በፊት ያለውን ጾም ጾመዋልና፡፡

በተመሳሳይ መልኩ ይህ ጾም ‹‹#ጾመ_ፊልጶስ (#የፊልጶስ_ጾም)›› ተብሎ ይጠራል፡፡ ሐዋርያው ቅዱስ ፊልጶስ በአፍራቅያና አውራጃዋ ዅሉ እየተዘዋወረ በጌታችን አምላካችንና መድኀኒታችን ኢየሱስ ክርስቶስ ስም ወንጌልን በማስተማር፣ ድንቅ ድንቅ ተአምራትን በማድረግ ብዙዎችን ወደ አሚነ እግዚአብሔር ሲመልስ ቆይቶ ትምህርቱን በማይቀበሉ የአፍራቅያ ሰዎች አማካይነት በሰማዕትነት ዐርፏል፡፡ ደቀ መዛሙርቱ ሥጋውን ሊቀብሩ ሲሉም ስለ ተሰወረባቸው የሐዋርያውን ሥጋ ይመልስላቸው ዘንድ ሱባዔ ይዘው፣ በጾም በጸሎት ተወስነው በለመኑት ጊዜ እግዚአብሔር ልመናቸውን ተቀብሎ በ፫ኛው ቀን መልሶላቸው ሥጋውን (አስከሬኑን) በክብር አሳርፈውታል፡፡ ደቀ መዛሙርቱ የሐዋርያውን ሥጋ ካገኙ በኋላ እስከ ጌታችን ልደት ድረስ ጾመዋል፡፡ ስለዚህም ጾመ ነቢያት ‹‹ጾመ ፊልጶስ›› እየተባለ ይጠራል፡፡ ከዚሁ ዅሉ ጋርም ወልደ አምላክ ክርስቶስን በግብረ መንፈስ ቅዱስ እንደምትፀንሰው እመቤታችን ቅድስት ድንግል ማርያምን መልአኩ ቅዱስ ገብርኤል ካበሠራት በኋላ እመቤታችን ‹‹ሰማይና ምድር የማይወስኑትን አምላክ ፀንሼ ምን ሠርቼ እወልደዋለሁ?›› በማለት ጌታችንን ከመውለዷ አስቀድማ ጾማዋለችና ይህ ጾም ‹‹#ጾመ_ማርያም›› በመባልም ይታወቃል፡፡

በአጠቃላይ በዚህ በገና ጾም ነቢያትም ሐዋርያትም ጾመው በረከት አግኝተውበታል፡፡ እኛ ምእመናንም እንደ እነርሱ በረከትን እናገኝ ዘንድ ይህንን ጾም መጾም እንደሚገባን የቤተ ክርስቲያን አባቶች ሥርዐት ሠርተውልናል፡፡ በዚህም መሠረት የነቢያት፣ የሐዋርያት፣ የጻድቃንና የሰማዕታት አምላክ ከእመቤታችን ቅድስት ድንግል ማርያም፣ ከቅዱሳን ነቢያትና ሐዋርያት በረከት እንዲያሳትፈን፤ መንግሥቱንም እንዲያወርሰን ዅላችንም በዚህ በጾመ ነቢያት ወቅት በጾም በጸሎት ተወስነን እግዚአብሔርን ልንማጸነው ይገባል፡፡

ምንጭ፡-

ፍትሐ ነገሥት ንባቡና ትርጓሜው፣ አንቀጽ ፲፭፡፡

ጾምና ምጽዋት፣ ዲያቆን ቃኘው ወልዴ፤ ገጽ ፵፯ -፶፡፡

ወስብሐት ለእግዚአብሔር፡፡

#ማኅበረ_ቅዱሳን

ጾም ሙሽሪትን ትመስላለች፤ ሙሽሪትን በሠርግ አዳራሽ ኾነው የሚቀበሏት ሰዎች ቤቱን ያስጌጡታል፤ ይሸልሙታል፡፡ ወደ ሠርጉ አዳራሽ የሚገባውን ሰው የሠርግ ልብስ ለብሶ እንደኾነ፣ የቆሸሸ እንዳልኾነ አይተው ያስገቡታል፡፡ እኛም እንዲኽ ልንኾን ይገባናል ብዬ እነግራችኋለኹ፡፡ ልቡናችንን በማንጻት፣ ልል ዘሊል ከመኾን በመራቅ፣ የክፋት እርሾን በማስወገድ፣ ከጾም ጋር አብረው የሚመጡትን የሚያጅቧትን መልካም ምግባራትንም ለመቀበል የልቡናችንን ውሳጤ በመክፈት የምግባር እናት፣ የማስተዋል እንዲኹሉም ለሌሎች ምግባራት ኹሉ ንግሥት የምትኾን ጾምን ልንቀበላት ይገባናል ብዬ እነግራችኋለኹ፡፡ ይኽን ያደረግን እንደኾነ ታላቅ ሐሴት እናደርጋለን፤ ርሷም ቁስለ ነፍሳችንን ትፈውስልናለች፡፡

በሌላ አገላለጽ ብነግራችኹ ሐኪሞች በአንድ ታማሚ ሰውነት ውስጥ ያለውን ቆሻሻ፣ መርዘኛ ፈሳሽን ማስገድ ሲፈልጉ መጀመሪያ የሚያደርጉት ነገር ቢኖር ታማሚው ምግብ ከመውሰድ እንዲቈጠብ ነው፡፡ ታማሚው ለጊዜው ምግብን ከመብላት ካልተከለከለ ሓኪሞቹ የሚሰጡት መድኃኒት እንደተፈለገው ውጤት አይሰጥም፡፡

እኛም ቁስለ ነፍስ ቁስለ ሥጋ የምትፈውሰውን ጾም ስንቀበላት ከዚኽ በላይ ልንኾን ይገባናል ብዬ እነግራችኋለኹ፡፡ ድኅነተ ሥጋ ድኅነተ ነፍስን የምንሻ ከኾነ ልቡናችንን ንጹሕና ንቁ በማድረግ ልንወስዳት ይገባናል፡፡ እንዲኽ ካልኾነ ግን ከጥቅሟ ይልቅ ጉዳቷ ያመዝናል፡፡

#ቅዱስ_ዮሐንስ_አፈወርቅ

#ነህምያዊ_አገልግሎት

" ትልቅ ሥራ እሠራለኹ እወርድም ዘንድ አይቻለኝም ሥራውን ትቼ ወደ እናንተ
በመውረዴ ስለ ምን ሥራው ይታጐላል "
መጽሀፈ ነህምያ 6፥3

https://youtu.be/3SK5ly9CG5w?si=XcETxaktrhLdJi3g

#ዲያቆን_ሄኖክ_ሀይሌ

https://nypost.com/2024/11/19/science/earliest-jesus-is-god-inscription-found-deemed-greatest-discovery-since-the-dead-sea-scrolls/

1. ጾም በመጽሐፍ ቅዱስ ትምህርት

2. የጾም አስፈላጊነትና ጠቀሜታ

3. ጾም የታወቀ ጊዜ ያለው መሆኑ

4. በጾም ወቅት የማይበሉ ምግቦች ስለ መኖራቸው

5. ጾም በእግዚአብሔር ዘንድ ዋጋ ያለው ስለ መሆኑ

6. ጾም በቅዱሳን አባቶች ትምህርት

በዲያቆን ያረጋል አበጋዝ

https://youtu.be/bGT-i1Wmokc?si=aDaV9Li0NS-u-yfP

አንድ አምላክ በሚሆን በአብ በወልድ በመንፈስ ቅዱስ ስም አሜን

ኅዳር 12-ከጽንፍ እስከ ጽንፍ የሚበር ንሥረ አርያም የሚባል ውዳሴው እንደ ማር የጣፈጠ ንዑድ ክቡር የሆነ ለፍጥረቱ ሁሉ የሚማልድ የመላእክት አለቃ ቅዱስ ሚካኤል የተሾመበት ዕለት ነው፡፡

የመላእክት አለቃ ቅዱስ ሚካኤል፡- ሚካኤል ማለት በዕብራይስጥ ቋንቋ ሚ-መኑ' ካ-ከመ' ኤል-አምላክ ማለት ሲሆን በአንድነት ሲነበብ ‹‹መኑ ከመ አምላክ-እንደ እግዚአብሔር ያለ ማን ነው›› ማለት ነው፡፡ አንድም ለእግዚአብሔር አሸናፊ ድል አድራጊ የቸርነትና የርህራሄ መገኛ መዝገብ ማለት ነው፡፡
ገናናው መልአክ ቅዱስ ሚካኤል ዲያብሎስን ወደ ጥልቁ ጥሎት በእርሱ ምትክ ከሁሉ የበላይ ሆኖ በተሾመበት በዚህ ዕለት በበዓሉ መታሰቢያ በኅዳር 12 ቀን የክብር ባለቤት በሆነ በእግዚአብሔር ፈቃድ ክንፎቹን ወደ ሲኦል ያወርዳል፣ ኃጥአንንም ወደ አዲሲቱ ምድር ያወጣቸዋል ይኸውም የመላእክት አለቃ የሚካኤል ሠራዊት ይሆናሉ፡፡ ይቅርታ የተደረገላቸውና ምሕረት አግኝተው በአንድ ጊዜ በክንፉ ያወጣቸው ስፍር ቁጥር የላቸውም፡፡ ቅዱስ ሚካኤል በየዓመቱ በኅዳር 12 ቀን እንዲህ እያደረገ እልፍ ነፍሳትን ያወጣል፡፡ የቤተ ክርስቲያን ወገኖች የሆኑትን ሁሉ እንደሥራቸው ወደ ምሕረት ቤት ወደ ሰማያዊት ኢየሩሳሌም ይወስዳቸዋል፡፡ ከዚህም በኋላ ወደ አብ መጋረጃ ውስጥ ይገባል፣ በዚህች ዕለት ምድራዊትና ሰማያዊት ስለሆነች ምሕረቱም ከመንበሩ በታች ይሰግዳል፡፡ ስለውኃ ምንጮች፣ ስለ ወይን ቦታዎች፣ ስለ ምድር ፍሬዎች በምድርም ላይ ስለሚኖሩ ስለ ሰው ልጆች ነፍስ ሁሉ፣ ስለ እንስሳትም፣ ስለ ሰማይ ወፎችም፣ ስለ ባሕር ዓሣዎችም፣ በምድር ላይና በባሕር ውስጥ ስለሚንቀሳቀሱ ሁሉ የምሕረት ባለቤት ከሆነ ከአብ ዙፋን በታች ሁልጊዜ በማመስገን ይሰግዳል፤ ልመናውንም እስኪሰማውና የምሕረትንም ቃል እስኪያስተላልፍለት ድረስ ከእግረ መንበሩ ሥር አይነሣም፡፡
ለዚህ ዓለም ምሕረትን የሚለምኑ ቅዱሳን መላእክትም በየዓመቱ ኅዳር 12 ቀንበእግዚአብሔር የዙፋኑ ዓውደ ምሕረት ዙሪያ ተሰብስበው ስለ ሰውና ስለ እንስሳትም ሁሉ ምሕረትን የሚለምን ቅዱስ ሚካኤል ከአብ መጋረጃ ውስጥ በወጣ ጊዜ ቸርና መሐሪ አብ ለቅዱስ ሚካኤል የሰጠው ልብሱን እነዚያ መላእክት ይመለከታሉ፣ ይቅርታን የማግኘት ምልክታቸው ነውና፡፡ ስለዚህ እነዚህ ቅዱሳን መላእክት በምድር ላይ ምሕረት እንደተደረገ ሰውንም እንስሳትንም ይቅር እንዳለ በዚህ ዓለምም የሚሆነውን ሁሉ አይተው ቅዱስ ሚካኤል በለበሰው ልብስ አምሳል ያውቁታል፡፡
ስንክሳሩ እንደሚለው ይህ እጅግ የከበረ ገናና መልአክ ቅዱስ ሚካኤል ‹‹ከቅዱሳን ሰማዕታት ጋራ በመሆን ገድላቸውን እስኪፈጽሙ ድረስ የሚያጽናናቸውና የዘወትር ጠባቂአቸው ሆኖ የሚራዳቸው እርሱ ነው፡፡›› የብዙዎቹንም ቅዱሳን ገድል ስንመለከት የዘወትር ጠባቂያቸው ቅዱስ ሚካኤል ነው፡፡
ቅዱሳን በሕይወት ሳሉ ይህ ገናና መልአክ ቅዱስ ሚካኤል ረዳትና የዘወትር ጠባቂ፣ እንደጓደኛም አማካሪ ሆኖ የተበቃቸውን ስንቱን ቅዱሳን ዘርዝረን እንቸላለን፡፡ እርሱ ያልረዳው ቅዱስ የለም፡፡ መከራውን ያላስታገሰው ሰማዕት የለም፡፡ ለቅዱሳኑ እንዲህ እንደጓደኛቸው ሆኖ ሲጠብቃቸው ይኖራል፡፡ ነገር ግን ቅዱስ ሚካኤል ለኃጥአንና አምላካቸውን ለካዱ ሰዎች ደግሞ በቁጣ ለመቅሰፍት ይመጣባቸዋል፡፡ ሰናክሬም በእግዚብሔር ላይ ክፉ በመናገሩ በአንዲት ሌሊት ብቻ 185,000 (መቶ ሰማንያ አምስት ሺህ) ሠራዊቱን ቅዱስ ሚካኤል በብርሃን ሰይፉ ፍጅቷቸው አድሯል፡፡ 2ኛ ነገ 19፡35፣ ኢሳ 37፡36፡፡
እግዚአብሔርን ለሚወዱና እርሱንም ለሚያከብሩት መታሰቢያውንም ለሚያደርጉለት ግን ከሚፈልጉት ነገር ከቶ አያሳጣቸውም፣ ዘወትርም ይጠብቃቸዋል፣ በኋላም በአማላጅነቱም ከሲኦል እሳት ያድናለቸዋል፡፡

++++++++++~~~+++++++++++

እነሆ ይህ ገናና ክቡር መልአክ ቅዱስ ሚካኤል ያደረገው ተአምር ይህ ነው፡- ‹‹የእግዚአብሔር ወዳጅ የሆነ ስሙ ዱራታዎስ የሚባል አንድ ሰው ነበረ፡፡ የሚስቱም ስም ቴዎብስታ ነው፡፡ እነርሱም ሁልጊዜ ያለማቋረጥ የዚህን የከበረ መልአክ የቅዱስ ሚካኤልን የበዓሉን መታሰቢያ ያደርጉ ነበር፡፡ ከዚህም በኋላ በሀገር ውስጥ ችግር በሆነ ጊዜ ገንዘባቸው አለቀ፡፡ ለቅዱስ ሚካኤልም ለበዓሉ መታሰቢያ የሚያደርጉትን እስኪያጡ ድረስ ቸገራቸው፡፡ ዱራታዎስም ሸጦ ለመልአኩ በዓል መታሰቢያ ያደርገው ዘንድ የእርሱንና የሚስቱን ልብስ ይዞ ወጥቶ ሄደ፡፡
የመላእክት አለቃ ቅዱስ ሚካኤልም በታላቅ መኮንን አምሳል ለዱራታዎስ ተገለጠለትና ወደ ባለጸጎች ሄዶ በእርሱ ዋስትና በአንድ ዲናር አንድ በግ እንዲወስድ፣ ሁለተኛም ወደ ባለ ስንዴ ዘንድ ሄዶ በእርሱ ዋስትና ስንዴን እንዲወስድ ዳግመኛም ወደ ዓሣ አጥማጅ ዘንድ ሄዶ አንድ ዓሣ እንዲወስድ ነገር ግን ወደቤቱ ሳይርስ የዓሣውን ሆድ እንዳይቀድ አዘዘው፡፡ ዱራታዎስም እንደታዘዘው አደረገ፡፡ ወደቤቱም በተመለሰ ጊዜ ቤቱ ሁሉ በበረከት ተመልቶ አገኘው፡፡ እርሱም እጅግ ተደስቶ የዚህን የክበር መልአክ የመታሰቢያውን በዓል አደረገ፡፡ ጦም አዳሪዎችንና ድኆችን ጠርቶ አጠገባቸው፡፡
ከዚህም በኋላ ለዱራታዎስና ለሚስቱ ቅዱስ ሚካኤል ሁለተኛ ተገለጠላቸው፡፡ ዱራታዎስንም የዓሣውን ሆድ እንድሰነጥቅ አዘው፡፡ በሰነጠቀውም ጊዜ 300 የወርቅ ዲናር በዓሣው ሆድ ውስጥ ተገኘ፡፡ ቅዱስ ሚካኤል ዱራታዎስንና ሚስቱን ቴዎብስታን እንዲህ አላቸው፡- ‹‹ከዚህ ዲናር ወስዳችሁ ለባለ በጉ፣ ለባለ ዓሣውና ለባለ ስንዴው ዕዳችሁን ክፈሉ፡፡ የቀረውም ለፍላጎታችሁ ይሁናችሁ እግዚአብሔር አስቧችኋልና በጎ ሥራችሁን፣ መሥዋዕታችሁንና ምጽዋታችሁን አስቦ በዚህ ዓለም አሳመረላችሁ፣ በኋለኛውም መንግሥተ ሰማያትን አጀጋጀላችሁ›› አላቸው፡፡
እነርሱም ይህን ነገር ሲሰሙ ደነገጡ፡፡ የከበረ ገናናው መልአክም ‹‹ከመከራችሁ ሁሉ ያዳንኳችሁ የመላእክት አለቃ እኔ ሚካኤል ነኝ፣ መሥዋዕታችሁንና ምጽዋታችሁን ወደ እግዚአብሔር ፊት ያሳረግሁ እኔ ነኝ፡፡ አሁንም በዚህ ዓለም ከበጎ ነገር እንድታጡ አላደርጋችሁም›› አላቸው፡፡ ይህንንም ከነገራቸው በኋላ ወደ ሰማያት ወጣ፡፡ እነርሱም በፍርሃትና በክብር ሰገዱለት፡፡››
የመላእክት አለቃ ቅዱስ የሚካኤል ጥበቃው አይለየን! ከበዓሉ በረከት ይክፈለን!

" ስለ እኛ የሚማልደው ....."

👉 " ስለ እኛ የሚማልደው ክርስቶስ ኢየሱስ " ምን ማለት ነው?
👉 ቅዱስ ዮሐንስ አፈወርቅ ሮሜ 8፥34ን ምን ብሎ ተረጎመው
👉 "መካከለኛ" የተባለበት ምክኒያት
👉 የቅዱሳን አማላጅነት ትምህርት የኢየሱስ ክርስቶስን መካከለኛነት ይቃወማል/ይጋፋል ?

+++++++++++++~~~++++++++++

ታዲያ እንዲህ ከአብ ጋር በከሃሊነትና በሥልጣን አንድ የሆነ እርሱ እኛን ለመርዳት ማላጅ መሆን እንዴት ያስፈልገዋል? እንዴት እርሱ አማላጅ ይሆናል? እንዴት ይማልዳል ይባላል? የተፈረደባቸውንና የተኮነኑትን ነጻ ያወጣቸውና ያዳናቸው እርሱ፣ ከሞት ፍርድና ከኩነኔ ነጻ ያወጣና ያዳነ እርሱ፣ ጻድቃንና ልጆች ያደረጋቸው እና እጅግ ከፍ ወዳለ ክብር ያወጣቸው እርሱ፣ ይህን ሁሉ ከፈጸመና ካከናወነ በኋላ፣ ባሕርያችንን በየማነ አብ በዘባነ ኪሩብ ካስቀመጠው በኋላ፣ በጣም ቀላል ስለሆኑት ነገሮች ማላጅ መሆን እንዴት ያስፈልገዋል? ሲዖልን በሥልጣኑ የበዘበዘ፣ ሞትን በኃይሉ የሻረ፣ ልጅነትንና ትንሣኤን የሰጠ፣ ባሕርያችንን ከራሱ ባሕርይ ጋር አዋሕዶ በሰማያት በንጉሡ ዙፋን ላይ ያስቀመጠው እርሱ፣ ስለ ጥቃቅን ነገሮች ለምን ለማኝ ማላጅ ይሆናል?

(ቅዱስ ዮሐንስ አፈ ወርቅ፣ ትርጓሜ መልእክተ ሮሜ)

#መድሎተ_ጽድቅ

#ዲያቆን_ያረጋል_አበጋዝ

የቅዱስ ጎርጎርዮስ ዘታቴቭ

በተለይ ይህኛው መጽሐፍ በጣም መነበብ ያለበት ነው።
ይህ አርመናዊ ሊቅ የአርመንያው ቶማስ አኩይናስ ተብሎ የሚጠራ እና መጽሐፉም ከ Summa theologica ጋር የሚነጻጸር ነው።
ይህ አባት ኦርቶዶክሳዊ ፍልሱፍም ከመሆኑ አንጻር የሚያነሳቸው አመክንዮዮችና ፍሰቱ በጣም የሚያረካ ነው።

By: Paulos mar Gregorios

Synopsis

Questioning the very legitimacy of Western liberalism and the modern secular civilization it has given rise to, Dr. Gregorios critically examines the values of the European Enlightenment of the eighteenth and nineteenth centuries, and the corporate drive of European peoples by which they have dominated the external world. He shows that both Capitalism and Marxism, as well as Modern Science and Technology are creations of the same spirit, he argues.
The powerful light of Critical Rationality emitted by the European Enlightenment is like the light of the sun. It is bright and helpful for seeing this world in detail, but too bright to let us see the night sky and the vast expanses of the universe. This “light too bright” eclipses the Transcendent. Dr. Gregorios invites us to appropriate the other Enlightenment of the overall-religious-cultural outlook in a new way and to relate it to the valid insights of the European Enlightenment.

የዶክተር አለማየሁ ዋሴ እመጓ መጽሐፍ በቅርብ ዘመን ከተጻፉ መጻሕፍት መሀከል በብዛት የተነበበና ከፍተኛ ተወዳጅነት ያገኘ መጽሐፍ ነው ቢባል ማጋነን አይሆንም። የዚያኑ ያህል መጽሐፉ አወዛጋቢ ነገርም አላጣውም። መጽሐፉ በእውነተኛ ታሪክ ላይ የተመሠረተ ታሪክ ነው ወይንስ ልቦለድ ከሚለው ጀምሮ መጽሐፉ ጥቆማ የሚሰጥበት የቅዱሱ ጽዋዕ በኢትዮጵያ መገኘት አሁንም ድረስ አፍላ አጀንዳ ነው። የአሁኑ ዳሰሳችን የሚመለከተው ይኼንን መጽሐፍ ነው። ተከታተሉ፤ አስተያየታችሁንም አጋሩን


https://youtu.be/Y1sFLZRDkVI?si=OUZ5QYLQsVO9fTnV

ከሰው ተለይቶ ወንድሙን የሚመክር ሰው እነሆ የፍቅሩን ብዛት ያስረዳል፤ በባልንጀሮቹ ፊት የሚነቅፈው ግን የቅናቱን ጽናት ያስረዳል፣ የምቀኝነቱን ጽናት አስረዳ፡፡ 

ወዳጁን ተሠውሮ የሚመክር ሰው ብልህ ባለመድኃኒት ነው:: ያ እንዳዳነው መክሮ አስተምሮ ያድነዋልና፡፡ ወንድሙን በብዙ ሰው ፊት የሚያመሰግነው ሰው እሱ እውነተኛ ጠላቱ ነው፣ በውዳሴ ከንቱ ይጎዳ ብሎ ነውና።

ኀዘን ያለበት የርሕራሄ ምልክቱ የበደሉትን ሁሉ ይቅር ማለት ነው። የጠማማ ምልክቱ ጸብ ክርክር ነው፡፡ ወደ ክብር የሚያደርስ ረብህ ጥቅም ያግኝ ብሎ የሚመክር፣ የሚያስተምር በፍቅር ይመክረዋል፣ ያስተምረዋል፡፡ ቂም በቀል የሚሻ ሰው ፍቅር የለውም፡፡ አንድም እበቀለዋለሁ ብሎ የሚመክር ከፍቅር የተለየ ነው፡፡

ስሙ ይክበርና እግዚአብሔር በፍቅር ይመክራል፣ ያስተምራል፣ እበቀላለሁ ብሎ ያይደል፡፡ እሱስ በምሳሌው የተፈጠረው ሰውን ለማዳን ይገሥጻል፡፡ አንድ ጊዜስ እንኳን ቂም አይዝም፣ መዓትን አያዘጋጅም፡፡ የፍቅር ሥራ ይህች ናት፣ በቅንነት ትገኛለች፡፡ ቂም ለመያዝ እበቀላለሁ አትልም፣ በፍቅር ሰውን መናገር ነው።

ብልህ የሚሆን ቅን ሰው ክብር ይግባውና እግዚአብሔርን ይመስለዋል፡፡ ሰውን ክፉ ስላደረገ እበቀለዋለሁ ብሎ አይገሥጸውም፣ ሊመክረው ወዶ ነው እንጂ ሌሎችንም ለማስፈራት ነው እንጂ። ተግሣጽስ በፍቅር ካልሆነ ተግሣጽ አይባልም፡፡

#ማር_ይስሐቅ

#ምክር_ወተግሣጽ_ዘማር_ይስሐቅ
#ዲያቆን_ሞገስ

- መጣጥፉን ከማገባደዴ በፊት ወንድሜ አረጋ አቋም ያልወሰደበት መሠረታዊ ጉዳይ ጥቂት ማለት ይኖርብኛል። ሣምራዊቷ ሴት እውነት እንደተባለችው ዘረኛ ነበረች ወይ? እዚህ ጉዳይ ላይ ከ4 አመት ገደማ በፊት የወንድሜን የዲያቆን ሄኖክ ኃይሌን ኃተታ ተቃርኜ ሣምራዊቷ ሴት ዘረኛ መባሏ ስህተት መሆኑን በማስረጃ ያሳየሁበትን መጣጥፍ ፌስቡክ ላይ አጋርቼ ነበር። ይህንን ሃሳብ አሁንም መልሼ በማስረጃ substantiate ለማድረግ ተገድጃለሁ። በውይይቱ ውስጥ አይሁዳውያንና ሣምራውያን ያላቸው በቁርሾና በጥላቻ የተሞላ ታሪክ ምን እንደሚመስል በስፋት ተወያይተንበታል። የነበራቸው ልዩነት በዋናነት ነገረ መለኮታዊ / Theological እንደነበርም አንስተናል። ሣምራዊቷ ሴት ከጌታ ጋር በነበራት ውይይት ውስጥም አንዱ አቢይ መነጋገርያ ጉዳያቸው የነበረው የአምልኮ ቦታን (በገሪዛንና በኢየሩሳሌም አምልኮ መፈጸምን) ማዕከል ያደረገ የነበረው ለዚህ ነው። ይህች ሣምራዊት ሴት "አንተ አይሁዳዊ ስትሆን ሣምራዊት ከምሆን ከእኔ እንዴት ውሃ ትጠይቃለህ" ማለቷን በተመለከተ ግብጻዊው የነገረ መለኮት ሊቅ ታድሮስ ማላቲ እንዲህ ይላሉ ፦

"አይሁዳውያን ሳምራውያንን ምን ያሕል እንደሚጠሉ ታውቃለች...ሣምራዊቷ ሴት በጌታችን ጥያቄ በእጅጉ ተደንቃለች። ለአንድ አይሁዳዊ ከሣምራዊት ሴት ውሃ መጠየቅ ፈጽሞ የማይታሰብ ነገር ነውና። አይሁዳውያንና ሳምራውያን ጠላቶች ናቸውና ለጥያቄው እንድትመልስለት መጠበቁም ደንቋታል። በአይሁዳውያንና በሣምራውያን መካከል ምንም አይነት ግብይት የተከለከለ ነበርና ምንም የንግድ ግንኙነት የላቸውም። ከሣምራውያን እቃ መዋስና ከእነርሱ ጋር አንድ ማእድ መጋራት በአይሁዳውያን ዘንድ በጥብቅ የተከለከለ ነበርና።>> Fr Tadros Malaty, The Gospel according to St John, Chapter 4, The conversation with the Samaritan woman

- ከላይ ከምናነበው የታድሮስ ማላቲ ኃተታ ቢያንስ ሁለት መሠረታዊ ቁም ነገሮች እንረዳለን።

1) የሴቲቱ ጥያቄ አይሁዳዊ ሣምራዊት ስሆን ሳይንቀኝ ፣ ሳይጸየፈኝ እንዴት ውሃ ይጠይቀኛል ከሚል ግርምት የመነጨ መሆኑን ነው።
2) ሌላው ቁም ነገር ታድሮስ "ለአንድ አይሁዳዊ ከሣምራዊት ሴት ውሃ መጠየቅ ፈጽሞ የማይታሰብ ነገር ነውና" ያሉት ነው። ይህም ማግለልና መጸየፍ በዚህ የታሪክ ዐውድ ብንመለከተው አይሁዳዊ የሚያደርገው እንጂ ሣምራውያን የሚያደርጉት አለመሆኑ ነው። ሰፊውን ታሪክ ስንመለከት የምንረዳው ሠማርያውያን ጽዩፋን ፣ አይሁድ የሚጸየፉ እንደሆኑ በቀላሉ እንረዳለን።

ሌላም ምንጭ እንጥቀስ

"The Samaritan woman’s surprise is therefore entirely understandable: Jesus was a Jew and she was both a Samaritan and a woman. From her perspective, she dismisses him as a Jew; later on, Jews will dismiss him as a Samaritan (8:48). But if Jesus cannot be other than alien, he nevertheless wins some Jews and some Samaritans. At this point, however, the woman is not about to be won: she cannot fathom what would possess a Jew to ask her for a drink." D.A carson, The Gospel according to john, [The commentary on the Samaritan woman]

- ይህም ምንጭ ከላይ ያልነውን ቁም ነገር ነው የሚደግምልን። ይህች ሣምራዊት ሴት አይሁዳዊ ወንድ ውሃ ሲጠይቃት ጨርሶ የማትገምተው ፣ ልትረዳውም የሚቸግራት ነገር ነው። ስለዚህም ጥያቄዋ ግርምት ፣ ግራ መጋባት ፣ ጥርጣሬ ወዘተ የተመላበት እንጂ "ደግሞ ብዬ ብዬ ለአይሁዳዊ ውሃ ልስጥ?" የሚል ትዕቢትና ዘረኝነት ጨርሶ አይታይባትም። በዋናነት ሣምራዊት በመሆኗ ሲቀጥል በማህበረሰቡ የተገፋች ምስኪን በመሆኗ ይህ አይነቱ ትዕቢትም ሊኖራትም አይችልም። ዘረኝነት anachronism ነው የምንለው ለዚህ ነው። ሴቲቱ ፍጹም ተገቢና ቅንነት ላይ የተመሰረተ ጥያቄ ነው የጠየቀችው። ቅዱስ ዮሐንስ አፈወርቅ ይህንን ክፍል ሲተረጉም እንዲህ ይላል ፦ " አይሁዳዊ መሆኑን እንዴት አወቀች? ምናልባትም ከአለባበሱና ከንግግሩ ዘዬ (Accent) ይሆናል። ይህች ሣምራዊት ሴት ምን ያህል #ትሑት እንደሆነች ተመልከቱ። ሣምራውያን ከአይሁዳውያን ጋር ኅብረት የላቸውም አላለችም። ነገር ግን አይሁዳውያን ከሣምራውያን ጋር ኅብረት የላቸውም ስትል አደነቀች እንጂ" St John Chrysostom, Homilies 31:4] ዮሐንስ አፈወርቅ በዚህ ኃተታው ሣምራዊቷ ሴት እርሷን ነክቶ ከአይሁዳውያን እንዳይገለል እንደሳሳችለት ጭምር ይነግረናል። ታዲያ ይህችን ያለ ስሟ ስም መስጠት ፣ በዘረኝነት መክሰስ ትልቅ በደል አይደለምን? ይህንን የሚያጠናክሩ ሌሎችም ምንጮች እየጠቀስሁ ማብራርያዬን መቀጠል እችላለሁ። የተወሰኑትን ውይይቱ ላይ ያነሳናቸው በመሆኑ መድገም አስፈላጊ ላይሆን ይችላል።

- የትችታችን ማጠንጠኛ የነበረውን የሣምራዊቷ ሴት ዘረኛ ተብሎ የመከሰስ ጉዳይን ወደ ጎን ብለን አረጋ ከላይ "የሳምራውያን እና የአይሁዳውያንን ያሚያክል መናናቅና መንገድ እሰከመቀየር የሚያደርስ ንቀት ጌታችን አፍርሶ ማኅበረሰባዊ ሐፍረቷ በጠራራ ጸሐይ ብቻዋን ወደ ውኃ ጉድጓድ እስከመሄድ ያደረሳትን ሣምራዊት ቦታዋ ድረስ ሄዶ ማግኘቱ የዛሬውን የዘር ልዩነት ከንቱነት ማስተማሪያነት ሆኖ መቅረቡ እንዲያውም ድንቅ ማንጻጸሪያ እንጂ የሚያስነቅፍ ሊሆን አይችልም፡፡" ያለውን እንመልከት። በመጀመርያ ይህ ነጥብ እኛም ሆነ የተቸናቸው ሰዎች ያላሉት ነገር መሆኑን ልብ ማለት ያስፈልጋል። ይህንን ሃሳብ ውይይቱ ላይ የሰማው አረጋ ብቻ ነው። ነገር ግን ይህ ሃሳብ በራሱ ትክክል አይደለም። የጌታ ወደ ሣምራዊቷ ሴት በብዙ ድካም መሄድ የዘር ልዩነትን ከንቱነት ለማሳየት አይደለም። ይህንን ለመረዳት ጌታ ከሣምራዊቷ ሴት ጋር የነበረውን ንግግር በትኩረት ማንበብ በቂ ነው። የንግግራቸው ማጠንጠኛ የነበረው ከላይ የጠቀስሁት የሥርዐተ አምልኮ ቦታ ልዩነት ነበር። ጌታም ሲመልስላት ያላት የሚከተለውን ነበር

²¹ ኢየሱስም እንዲህ አላት፦ አንቺ ሴት፥ እመኚኝ፥ በዚህ ተራራ ወይም በኢየሩሳሌም ለአብ የማትሰግዱበት ጊዜ ይመጣል።
²² እናንተስ ለማታውቁት ትሰግዳላችሁ፤ እኛ መዳን ከአይሁድ ነውና ለምናውቀው እንሰግዳለን።
²³ ነገር ግን በእውነት የሚሰግዱ ለአብ በመንፈስና በእውነት የሚሰግዱበት ጊዜ ይመጣል አሁንም ሆኖአል፤ አብ ሊሰግዱለት እንደ እነዚህ ያሉትን ይሻልና፤
²⁴ እግዚአብሔር መንፈስ ነው፥ የሚሰግዱለትም በመንፈስና በእውነት ሊሰግዱለት ያስፈልጋቸዋል።

- ከዚህ ንግግር በግልጽ እንደምንረዳው የጌታችን መሠረታዊ መልእክት አይሁዳዊም ሆነ ሣምራውያን ያላቸው የአምልኮ ቦታ ልዩነት ፋይዳ እንዳበቃ ፣ አማናዊው መቅደስ እርሱ እንደሆነ እየነገራት ፣ የሐዲስ ኪዳንን ሥርዐተ አምልኮ መሠረታዊ ጭብጥ እያስረዳት ነው። ይህንን በተመለከተ የትኛውንም ትርጓሜ ማጣቀስ ይቻላል። ሁሉም ትርጓሜዎች ይህንን በመመስከር ይተባበራሉ። ስለዚህ ጌታ የዘር ልዩነትን ለመሻር አይደለም ወደ ሣምራዊቷ ሴት የሄደው። በመጀመርያ ልዩነታቸው ነገረ መለኮታዊ እንጂ የዘር አይደለም። ሲቀጥል የወንጌሉም ማዕከላዊ

መልእክት የሚነግረን ጌታ የሄደበት ምክንያት ሌላ ትልቅ ነገረ መለኮታዊ ፋይዳ ያለው ነገር መሆኑን ነው። ይህም ከላይ የጠቀስነው የሐዲስ ኪዳንን ሥርዐተ አምልኮ መሠረታዊ ጭብጥ የተመለከተ ነው።

- ለማጠቃለል ያህል ውይይቱ መነሳቱ መልካም ነው። የምንፈልገውም እርሱን ነበርና። ነገር ግን ሲሰነዘሩ ከነበሩ ብዙ አስተያየቶች መረዳት እንደቻልሁት በትክክል የተባለውን ነገር የመረዳት ፍላጎት ችግር መኖሩን ፣ የተባለውን ነገር ጨርሶ ለማዳመጥ የትዕግስት እጦት መበርከቱን ፣ ብሎም ከጭብጡ ይልቅ ሌሎች አይረቤ ጉዳዮች ላይ የመመሰጥ ዝንባሌ መኖሩን ነው። እውነቱን ለመናገር ውይይታችን ጭብጥ ተኮር ቢሆን ሁላችንም እንማማር ነበር። ጉዳዩን personal በማድረግ ወይም prejudiced ሆኖ በመናገር ምንም የምናተርፈው ቁም ነገር የሚኖር አይመስለኝም። እየተባለ ያለውን ነገር በቅጡ እንረዳ ፥ Fact ከኪሳችን አንምዘዝ ፣ ለምንለው ነገር ማስረጃ አምጥተን እንነጋገር ፣ በሃሳብ ፈንታ ግለሰብን በማጥቃት Ad hominem fallacy አንፈጽም። በተለይ ደግሞ እንደ አረጋ ካሉ ታላላቅ ወንድሞቻችን ብዙ ቁምነገር እንደምናገኝ የምናምን በመሆኑ እንዲሁ በጨበጣው በመተቸት የምናገኘውን ቁምነገር ባያሳጡን እንወዳለን። ነገር ግን ስለሰጠውም አስተያየት ፥ እርሱ የሰጠውን አስተያየት መሠረት አድርጌ ሃሳቤን በደንብ እንዳፍታታ ለፈጠረልኝ ጥሩ አጋጣሚ ወዳጄ አረጋን አመሰግነዋለሁ።

ቸር ጊዜ
3/3/2017

The elephant in the room

አረጋ ወዳጄ ነው። በፌስቡክ ቆይታዬ እርሱም እንደተናገረው ሃሳቦች እንለዋወጥ ነበር። የተለያዩ መጻህፍትና አርቲክሎች አንዳችን ለአንዳችን በኢሜይል እንላላክም ነበር። እናወራ የነበረው ፌስቡክ ላይ ስለነበር ከፌስቡክ ከወጣሁ በኋላ ግን ከአረጋ ጋር ሙሉ በሙሉ ተጠፋፍተናል። ከረጅም ጊዜ በኋላ አረጋን ያነበብሁት ከላይ ያያያዝሁት ውይይታችንን ያሄሰበትን ጽሑፍ ፌስቡክ ላይ ያሉ ወዳጆቼ ሲያጋሩኝ ነው። ጽሑፉን አነበብሁት። በአብዛኛው ነገር አልስማማም። ምንም እንኳን ከአብዛኞቹ ሃሳቦቹ ጋር ባልስማማም ቅሉ ወዳጄ አረጋ ጊዜ ወስዶ ውይይታችንን ተመልክቶ አስተያየት በመስጠቱ ደስ ብሎኛል። አንድም የምንሻው ውይይት ማጫር የነበረ በመሆኑ አንድም ደግሞ በዚሁ አጋጣሚ ብዙ የተሳሳቱ አረዳዶችን ለማጥራት እድል የሚፈጥር በመሆኑ ነው። በብዙ ጉዳዮች ቢነቅፈንም እኔንም ሆነ ኤማሁስን በተመለከተ ስለሰጠው አድናቆትም እጅግ ላመሰግነው እወዳለሁ። በሂሱ ግን መሠረታዊ ሃሳቡን ስቶታል ብዬ ነው የማስበው። መጣጥፌ ከአረጋ ጽሑፍ ውስጥ ሃሳብ የሆኑት ላይ ብቻ ትኩረት ያደርጋል።

- ለመጣጥፌ The elephant in the room የሚል ርእስ የሰጠሁበት መሠረታዊ ምክንያት ይህ ነው። እርሱም አረጋ የክርክሩ ሰበዝ የሚመዘዝበትን መሠረታዊ መነሻ ጨርሶ የዘነጋ አስተያየት የሰጠ በመሆኑ የተነሳ ነው። ይህም ሣምራዊቷ ሴት ዘረኛ ናት የሚለው ክስ ይገባታል ወይንስ አይገባትም የሚለው መነሻ ነው። ሌሎቹ ሃሳቦች ይህንን መነሻ በተመለከተ የሃሳብ ጥራትና መግባባት ሲኖር የሚቀጥሉ ናቸው። የትችታችን መሠረታዊ ማጠንጠኛ "አንተ አይሁዳዊ ስትሆን ሣምራዊት ከምሆን ከእኔ እንዴት ውሃ ትጠይቃለህ" ማለቷ ዘረኝነት ነው መባሉን በተመለከተ ነው። አረጋ ይህንን ዋና ጉዳይ ፈጽሞ ዘንግቶታል። ያቀረብናቸውንም መከራከሪያዎች እንዳላየ አልፏቸዋል። እዚህ ጉዳይ ላይ አቋሙን ግልጽ ካላደረገ ወደ ሌሎች ጉዳዮች መሄዱ ፋይዳ ቢስ ነው። የክርክሩን ፍሰት በአጭሩ ለማስቀመጥ ያህል ፦

1) ሣምራዊቷ ሴት "አንተ አይሁዳዊ ስትሆን ሣምራዊት ከምሆን ከእኔ እንዴት ውሃ ትጠይቃለህ" ማለቷ ዘረኝነት ነው "ውሃ ሲጠይቃት ዘር መጠየቅን ምን አመጣው ፥ ሳምራዊቷ ሴት ዘረኛ ናት" የሚል ሰፊ ተቀባይነት ያለው ሃሳብ አለ።
2) ይህ ሃሳብ ከታሪክና ከአበው ድጋፍ አለው ወይ የሚለውን አጠየቅን።
3) ታሪክም አበውም የሚነግሩን በተቃራኒው መሆኑን demonstrate አደረግን።

- በዋናነት የክርክራችን ፍሰት ከላይ በጠቀስኋቸው 3 ነጥቦች ይጠቃለላል። ስለዚህ እኛ ያነሳነውን ሃሳብ ለመተቸት መጀመርያ ሣምራዊቷ ሴት በዘረኝነት የምትወነጀል ናት ወይ የሚለው ላይ አቋም መውሰድ ግዴታ ነው። በቤቱ ውስጥ በገሃድ ሲንጎማለል ቢታይም አረጋ የዘነጋው ትልቁ ዝሆን ይሄ ነው። ይህንን በተመለከተ ምንም አቋም ያልወሰደው አረጋ የሚከተለውን ይለናል።

"ቃላቱና እጠቃቀሙ ይለያይ እንጂ በጥንት የነበረን ክስተት ከአሁኑ ጋር አገናዝቦ መልእክት ማስተላለፍ አንዲያውም ጎብዝ የሚያሰኝና ትርጉም የሚሰጥ ነገር ነው፡፡ ችግር የሚሆን የነበረው ብቸኛ ትርጉም ይኸ ነው፣ ያኔ የተነገረው ለዛሬው ለእኛ ጠብና ልዩነት አስተማርያ ነው ቢባል ነበር፡፡ የሳምራውያን እና የአይሁዳውያንን ያሚያክል መናናቅና መንገድ እሰከመቀየር የሚያደርስ ንቀት ጌታችን አፍርሶ ማኅበረሰባዊ ሐፍረቷ በጠራራ ጸሐይ ብቻዋን ወደ ውኃ ጉድጓድ እስከመሄድ ያደረሳትን ሣምራዊት ቦታዋ ድረስ ሄዶ ማግኘቱ የዛሬውን የዘር ልዩነት ከንቱነት ማስተማሪያነት ሆኖ መቅረቡ እንዲያውም ድንቅ ማንጻጸሪያ እንጂ የሚያስነቅፍ ሊሆን አይችልም፡፡"

- አረጋ የክርክራችን መነሻም ሆነ መድረሻ ፈጽሞ እንዳልገባው የሚያሳብቀው ይህ አስተያየቱ ነው። ትችቱ ሙሉ በሙሉ dislocated የሆነ ትችት ነው። ምክንያቱም እኛ የተቸናቸው ጸሐፍያን ነጥብ ጌታ ይህችን ሴት አድካሚ የሦስት ቀን መንገድ ተጉዞ የውሃ ጉድጓድ አጠገብ ማግኘቱ የዘር ልዩነትን ሲሽር ነው የሚለው ፈጽሞ አይደለም። ይልቁንም ከላይ የጠቀስነውን የሣምራዊቷን ሴት "አይሁዳዊ ስትሆን ሣምራዊት ከምሆን ከእኔ ውሃ እንዴት ትጠይቃለህ" የሚለውን አነጋገር ነው።

እዚህም ላይ የሃሳባቸውን ፍሰት በቅደም ተከተል ለማስቀመጥ ልሞክር።

1) ሣምራዊቷ ሴት ውሃ ስትጠየቅ "አይሁዳዊ ስትሆን" ብላ የዘር ጥያቄ ውስጥ የምትገባ ዘረኛ ናት።
2) ጌታም ጥያቄዋ የዘር ስለነበረ ምንም አስተያየት ሳይሰጥ አለፋት።
3) እኛም በዚህ ዘመን "አንተ አማራ ስትሆን ኦሮሞ ከምሆን ከእኔ ፣ ጉራጌ ስትሆን ወላይታ ከምሆን ከእኔ ፣ ትግሬ ስትሆን አማራ ከምሆን ከእኔ እንዴት ውሃ ትጠይቃለህ ወዘተ" የምንለው ነፍሳችን በዘረኝነት ስለቆሰለች ነው።

- ከላይ በቅደም ተከተል መነሻውንና ድምዳሜውን ተቀምጧል። ስለዚህም በዘመናችን ያለውን ዘረኝነት ከሣምራዊቷ ሴት አነጋገር አንጻር ለመናገር (ውሃው ሣምራዊ ነው ወይስ አይሁዳዊ? የቆሰለች ነፍስ ስለዘር ታወራለች የሚል ድምዳሜ ላይ ለመድረስ) መጀመርያ ሣምራዊቷ ሴት ዘረኛ ናት የሚለውን መነሻ መቀበል የግድ ነው። ይህንን መነሻ ካልተቀበልን ከድምዳሜው ጋር ጨርሶ ልንስማማ አንችልም። ወዳጄ አረጋ የዘነጋው መሠረታዊ ቁም ነገር ይሄ ነው። ከላይ የጠቀስሁት ይህ አስተያየቱ እውነት ውይይታችንን በደንብ ተከታትሎታል ወይ? ወይስ እስቲ የሚሉትን ብለው ይጨርሱና እተቻቸዋለሁ እያለ ነው የሰማን አሰኝቶኛል። ምክንያቱም እኛ እየተቸን ያለነው ሣምራዊቷ ሴት ያለ በደሏ በዘረኝነት መከሰሷና ይህ ታሪክ ሊል ያልፈለገውን ነገር በግድ ቆንጥጦ የማናገርን ስሁት አካሄድ እንደነበረ ደጋግመን አንስተናልና። ጥንት የነበረን ክስተት ከዛሬ ጋር አገናዝቦ መተረክ ችግር አለው የሚል ነገር ፈጽሞ አልተናገርንም። ይልቁንም የዛሬን ሁነቶች እንዲደግፉልን ያመጣናቸው ጥንታዊ ምሳሌዎች ዛሬ ካለው ሁኔታ ጋር በትክክል የሚገጥሙ መሆናቸውን ማረጋገጥ ከዚህም ሲሻገር መሠረታዊ መልእክታቸው ምን እንደሆነ መረዳት ያስፈልጋል የሚለውን ደጋግመን ስናጸና ነበር። የዛሬን ሁነቶች መሠረት አድርጎ ታሪክን ወደ ኋላ ለመተርጎም መሞከር Anachronism ይባላል። ይህም ታሪክ Anachronize ተደርጓል የሚል ሙግታችንን በውይይቱ ላይ አቅርበናል። አረጋ ግን መነሻውን ሙሉ በሙሉ ላለማየት እየጣረ የነበረ በመሆኑ ዋናውን ቁም ነገር ሳይነካው ነው የቀረው።

- ከላይ ባቀረብሁት ኃተታ መሠረት ይህንን ታሪክ የዘረኝነትን እኩይነት ለማስተማር ሣምራዊቷ ሴት የጠየቀችው ጥያቄ የዘረኝነት ነው እርሷም ደንበኛ ዘረኛ ናት የሚለውን መነሻ (premise) መቀበል ያስፈልጋል። አረጋ እዚህ ጉዳይ ላይ ቁርጥ አቋም አልወሰደም። ስለዚህ ታሪክ ከዘረኝነት አንጻር መጠቀስ ይገባዋልም ፣ አይገባውምም ለማለት ምንም መሠረት የለውም። ምክንያቱም የመነሻው/premise (ሣምራዊቷ ሴት ዘረኛ ናት የሚለውን ማለት ነው) ትክክል መሆን አለመሆን ላይ ምንም ሳይሉ መደምደሚያውን (Conclusion) መደገፍ ምንም ስሜት ሊሰጥ አይችልምና።

ለቅዱሳን የተሰጠ ቃልኪዳን ለመዳናችን ያለው አስተዋጽኦ

#ዲያቆን_ያረጋል_አበጋዝ

ፈውስ እና ድኅነት

በዲያቆን ያረጋል አበጋዝ

ነገረ ቤተክርስቲያን በሣምራዊቷ ሴት" በሚለው ውይይታችን ላይ የተሰጡ አስተያየቶችን ስለመቃኘት ፦

- ከአንድ ወር ገደማ በፊት በዮሐንስ ወንጌል ምዕራፍ አራት ላይ ያለውን ሣምራዊቷ ሴት ከጌታችን ኢየሱስ ክርስቶስ ጋር ያደረገችውን ተዋስዖ ያተትንበት ውይይት በኤማሁስ በኩል ቀርቦ የነበረ መሆኑ ይታወሳል። ውይይቱ አየር ላይ ከዋለ በኋላ ከዚህም ከዚያም የተለያዩ አስተያየቶች ሲሰነዘሩ ይስተዋላል። ደጋግመን እንደምንለው አስተያየቶቹ መሰረታዊ ጭብጡን ወደ ጎን ያደረጉና ፣ የተባለውን ነገር ትተው ባልተባለ ነገር ላይ የሚያተኩሩ ሆነው ይገኛሉ። ይህ መሆኑ ደግሞ ጭብጥ ተኮር የሆነ ፣ በቅንነት ሃሳቡን ለመረዳት የሚሞከርበትና substance ያለው ተቃራኒ ሃሳብ አምጥቶ የሚሞገትበት ጠቃሚ ውይይት እንዳይደረግ ያግዳል። ስለዚህም እዚህና እዚያ ያሉ ጉንጭ አልፋ ጉዳዮች ላይ በከንቱ መጠመድና መባከን ይፈጠራል። ውይይት ምንጊዜም ቢሆን ጭብጥ ተኮር መሆን አለበት። ወደ ሁነቶችና ወደ ግለሰቦች ከተቀነሰ ውይይት ሳይሆን ተርታ ሃሜት ነው የሚሆነው። በቅርቡ የውስጣዊ ተዋስዖን አስፈላጊነት በተመለከተ ባደረግነው ውይይት ላይ ይህንን ነጥብ በስፋት የሄድንበት በመሆኑ እዚህ ላይ ልደክምበት አልሻም።

- ሣምራዊቷን ሴት በተመለከተ የተወያየነው ውይይት በሦስት መሠረታዊ ሃሳቦች የተዋቀረ ነው። የመጀመርያው ክፍል ይህንን የወንጌል ክፍል ለመረዳት እጅግ አስፈላጊ የሆነው የሣምራውያንና የአይሁዳውያንን ማንነት ፣ በመካከላቸውም የነበረው ታሪካዊ ግንኙነት ምን ይመስል እንደነበረ ያነሳንበት ክፍል ነው። ሁለተኛው ደግሞ የዚህ ታሪክ ትርጓሜና ፋይዳ ምን እንደሆነ ያተትንበትና የወንጌሉ መሠረታዊ ጭብጥ ምን እንደሆነ በስፋት ለማብራራት የሞከርንበት ክፍል ነው። ሦስተኛው ክፍል ደግሞ ይህን ታሪክ በተመለከተ ከታሪክ መዛግብትም ሆነ ከአበው ትርጉም አንጻር አድራሻ የማይገኝላቸውን አተያዮች ያሄስንበት ክፍል ነው። የውይይቱ መሠረታዊ መዋቅር ይህን ይመስላል።

- የወይይቱ አወቃቀር ምን እንደሚመስል ያነሳሁበት መሠረታዊ ምክንያት ብዙ አስተያየት ሰጪዎች የውይይቱ ማዕከላዊ ጭብጥና ማጠንጠኛ ምን እንደሆነ ፈጽሞ የዘነጋ አስተያየት ሲሰጡ ስለታዘብሁ ነው። ይህ ታሪክ የዘረኝነትን መጥፎነት ከማስተማር አንጻር ዋቢ የመሆኑ ነገር ለምን ትክክል እንዳልሆነ ያነሳንበት ክፍል ከውይይቱ አስር ደቂቃ እንኳን ያልወሰደና እንደ ኅዳግ ማስታወሻ የታከለ ነገር እንጂ የውይይቱ ማዕከላዊ መልእክት እርሱ እንዳልሆነ ተስቷል።
በርግጥ ይህን ጉዳይ በራሱ ጉዳይ ብናደርገውም በራሱ ምንም ነውር የለበትም። (ይህንን ጉዳይ ጉዳይ አድርጌ ወንድማችን ዲያቆን ሄኖክ ኃይሌ የኤፍራጥስ ወንዝ በሚል ርእስ ባሳተመው እስትግቡዕ ውስጥ ሣምራዊቷን ሴት በሚመለከት የጻፈው ላይ ያቀረብሁት ሂስ እዚሁ ቻነል ላይ ይገኛል። ፍላጎቱ ያለው ሰው ወደ ኋላ ሄዶ ሊመለከተው ይችላል) ነገር ግን የውይይቱ ዋና ማጠንጠኛ ሳምራዊቷ ሴት የቤተክርስቲያን ምሳሌ መሆኗ ፣ ጌታም በውሃ ዳር ያጫት መሆኑ በአበው ዘንድ ትልቅ ትኩረት የተሰጠው መሆኑን ማውሳት መሆኑ ውይይቱን በደንብ የተከታተለ ሁሉ በቀላሉ የሚገነዘበው ነገር ነው።

ሣምራዊቷ ሴት ዘረኛ ናት የሚለው ፍጹም ሃሳዊ ውንጀላ ለምን ተገቢ እንዳልሆነ በውይይቱ ውስጥ አንድ ፥ ሁለት ተብለው የሚቆጠሩ መከራከሪያዎች አንስተን ሞግተናል። ምንም እንኳን ቀዳሚው የውይይታችን አጀንዳ እርሱ ባይሆንም ሣምራዊቷ ሴት ይህ ውንጀላ ይገባታል የሚል ቢኖር ማስረጃ ጠቅሶ ይሞግተን ብለን challenge አድርገን ነበር። ነገር ግን ይህን በማድረግ ፈንታ ከጀርባ ያላችሁ ፍላጎት ሌላ ነው ፥ እገሌን ለማጥቃት ነው ወዘተ የሚሉ ከጭብጡ ጋር ግንኙነት የሌላቸው ነገሮች ይነገራሉ። ይህም ቀድሜ እንዳልሁት ስልጡን የሆነ ፣ ሃሳብና ማስረጃ ላይ ያተኮረ ውይይት ላለመዳበሩ ትልቅ ምክንያት ይመስለኛል። ስለዚህም አንደኛ ውይይቱ በተደረገበት ዐውድ ይደመጥ። ማዕከላዊ መልእክቱን ያገለለ አረዳድ ትክክል አይደለምና። ሁለተኛ ያነሳችኋቸው ነጥቦች ትክክል አይደሉም የሚል ቢኖር አንድ ሁለት ብለን ላነሳናቸው መከራከርያዎች አንድ ሁለት ብሎ ይሞግተን።

ብዙዎች የማይስማሙት ያለመስማማት መብታቸውን ለመጠቀም ያህል ብቻ ይመስላል። ምክንያቱም አልስማማም ያለ ሰው አልስማማም የሚል አቋም ሳይሆን የማይስማማባቸውን ነጥቦች ማቅረብ ነው ያለበት። ከሃሳብ ጋር እንጂ ከአቋም ጋር ሙግት አይገጠምምና። ሦስት በተዋስዖዎቻችን ውስጥ ቀናነት (good faith) ይኑር። አንድ ሰው አለመስማማቱን ሲገልጽ ቢያንስ ውይይቱን አዳምጦ መሆን መቻል አለበት። ውይይቱን ፈጽሞ ሳያዩ አስተያየት መስጠት በጣም አሳፋሪ ነው። ባጭሩ ጭብጥ ላይ በማተኮር ፍሬያማ ውይይት ለማድረግ እንሞክር።

ለዝግጅት የተጠቀምንባቸው ይህንን ታሪክም በስፋት ለመረዳት ለሚሻ እጅግ ጠቃሚ የሆኑ ማጣቀሻዎች ፦

1) ወንጌል ቅዱስ ንባቡና ትርጓሜው
2) አባ ምሥራቅ ጥዩ - የዮሐንስ ወንጌል ማብራርያና አስተንትኖ
3) Raymond E. Brown, The Gospel according to john, a new translation with introduction and commentary
4) Tadros Malaty, The Gospel according to St John, part one, chapters 1-8
5) D.A carson, The Gospel according to john
6) John Behr, John the theologian and his paschal gospel, a prologue to theology
7) David H. Stern, Jewish new testament commentary
8) Sister Thomas Aquinas Goggin, S.C.H (Translator), Saint John Chrysostom, commentary on saint John the apostle and the evangelist, homilies 48-88

አንድ አንድ ሰው የሃይማኖት መርኆ የሚቀርጸው ከዕቅበተ እምነት እና መናፍቃንን ከማሳፈር ወይም ከመብለጥ አንጻር ብቻ ሲኾን ጥልቅ ለኾነው ኦርቶዶክሳዊ ነገረ መለኮት ዓለምን መፈተሽ ለሚያስችለው ኦርቶዶክሳዊ ንጻሬ ዓለም ደንታ የሌለው ይኾናል። የእንደዚኽ አይነቱ ሰው የኹል ጊዜ ፍላጎት ነገር ኮሽ በማይልበት ቤተ ክርስቲያን መኖርን መናፍቃኑን ማስቀናት ነው። ተባብሮ የውጭ ጠላት እንደማሳፈር እንደ ደላው ሰው በውስጥ ተዋስዖ ማድረግን እንደ ቅብጠት ይቆጥረዋል። ይህ ሰው ቤተ ክርስቲያን በዘመናት እንዴት እውነትን ከሀሰት እየለየች እንደተሻገረች የገባው አይመስልም። በዚህ ምክንያት በውስጥ የሚደረግን ተዋስዖ አጥብቆ ይጸየፋል።

ሌላኛው አይነት ሰው ደግሞ ስለ ትክክለኝነቱ ከመጨነቅ ይልቅ ተያያዥ ጉዳዮች ያሳስቡታል። የግል ጉዳዩ የሚወደው ሰባኬ ወንጌል ዘመዱ የኾነ ጳጳስ ወይም ያስቀጠረው ጳጳስ... ወ.ዘ.ተ ቀስፎ ስለሚይዘው የውስጥ ተዋስዖን ይጸየፋል።

ከዚህ ውጭ የኾነው እምነቱን በመጠየቁ የሚያጣው የሚመስለው የእምነቱን ጉዳይ ለተወሰኑ ሰዎች ሰጥቶ እነሱን እያመነ መኖር የሚፈልግ ሰነፍ ሰው ነው። አብዛኛው ሰው የእምነት ፍርሃት አለበት። ለዚህ ማሳያው የምንዘምራቸው መዝሙራት ሳይቀሩ "አንተ ባታውቅም ኦርቶዶክስ መልስ አላት" የሚል አሳብ ያላቸው ናቸው። ለእንደዚህ ዓይነት ሰው በውስጥ የሚደረግ ተዋስዖ ስጋት ነው።

ውስጣዊ ተዋስዖ የቤተ ክርስቲያን ተልእኮ አካል አይደለምን?
እንደ ተለመደው አሳብ አስተያየት ትለመናላችኹ።
ኤማሁሳውያኑ በመንገድ እንዲኽ ተወያዩበት


ኢዮብ ወንድወሠን

https://youtu.be/VYm1SakDhR8?si=lDnLABDv8OcolyqA

ቤተ ክርስቲያናችን በዘመናችን ከገጠሟት ተግዳሮቶች መሀከል አንዱ ምናልባትም ዋናው የውስጥ አቅሟ (ሰብአዊም ሆነ ቁሳዊ ሀብቷ) ለዋና ዓላማዋ መዋል አለመቻሉ ነው የሚል ጽኑ አቋም አለን። ውስጣዊ ጥንካሬ የቆምንበትን ዓላማ ከዳር የሚያደርስ፣ የውጪውንም ፈተና ማሸነፍ የሚቻልበትን አቅም ፈጣሪ ነው። ነገር ግን ውስጣዊው አቅም እንዲህ በቀላሉ የሚመጣ ነገር አይደለም። ጨከን ብሎ መነጋገር እና መተማመን ይፈልጋል። ከዚሁ አንጻር ውስጣዊ ተዋሥኦን በተመለከተ ግራ ቀኙን ለመቃኘት የሞከርንበትን ይኼን ቪዲዮ ያድምጡ፤ የተዋሥኦውም አካል ይሁኑ።

https://youtu.be/VYm1SakDhR8?si=lDnLABDv8OcolyqA

https://youtu.be/rT2byvf-n1w?si=Hnn7Pq0xXwBDvhHx

https://youtu.be/tzpIxaBQPxk?si=yU6oclKF5o1nFT2-

ክፍል አምስት እነሆ!

https://emmauspresset.com/1013/

Dn. Yaregal Abegaz

ተዝካረ ስቅለቱ ለእግዚእነ

እንኳን ለመድኃኔዓለም ዓመታዊ ክብረ በዓል ዝክረ ጥንተ ስቅለት አደረሳችሁ አደረሰን::

ጥቅምት ፳፯ ዝክረ ጥንተ ስቅለቱን ቤተ ክርስቲያናችን ጌታችን በመስቀሉ ስለፈጸመልን የማዳን ሥራ “ በመስቀሉ ወበቃሉ አዕበዮሙ ለአበዊነ ”በመስቀሉና በቃሉ አባቶቻችንን ከፍ ከፍ አደረጋቸው እያለች እየዘመረች ታስበዋለች።

ከዚህም በተጨማሪ ጥቅምት ፳፯ በወርኀ ጽጌ ውስጥ ያለ በመሆኑ “ …እስመ ውእቱ ክብሮሙ ለቅዱሳን መድኃኒቶሙ ለጻድቃን አሠርገዋ ለምድር በጽጌ ሮማን ስብሐተ ዋሕድ ዘምስለ ምሕረት በመስቀሉ ወበቃሉ አዕበዮሙ ለአበዊነ ” እያለች የቅዱሳን ክብራቸው የጻድቃን መድኃኒት የሆነው ጌታ ምድርን በአበባ የሚያስጌጣት እንደሆነ በመመስከር ትዘምራለች ።

መጋቢት ፳፯ ጌታችን መድኃኒታችን ኢየሱስ ክርስቶስ የተሰቀለበት ጥንተ ስቅለቱ የሚታሰብበት ቀን ነው ፡፡ ይሁን እንጂ ሊቃውንተ ቤተ ክርስቲያን በዲሜጥሮስ ቀመር መሠረት አጽዋማትን በጠበቀ መልኩ ከትንሣኤ በዓል በፊት ያለውን ዐርብ “ስቅለት” ተብሎ እንዲከበር ሥርዓት ሠርተዋል፡፡መጋቢት ፳፯ ቀን በዐቢይ ጾም ስለሚውልና በወቅቱም ኀዘን እንጂ ደስታ ስለሌለ በዓል ማክበርም ስለማይፈቀድ፤ ወደ ጥቅምት ፳፯ ተዛውሮ ደስ ብሎን እንድናከብረው ቤተ ክርስቲያን ሥርዓት ሠርታለች ።

ጲላጦስ አይሁድን ከሁለቱ ማናቸውን ላድንላችሁ ትወዳላችሁ ቢላቸው በርባንን ፍታልን ክርስቶስ የተባለ ኢየሱስን ግን ስቀለው አሉ። ጲላጦስም በዚህ ሰው ደም ከመጣ ፍዳ ሁሉ ንጹሕ ነኝ ብሎ ባደባባይ እጁን ታጠበ። አይሁድ ደሙ በኛም በልጅ ልጆቻችንም ይሁን አሉ። እርሱም በርባንን ፈታላቸው ጌታንም አሳልፎ ሰጣቸው። ማቴ ፳፯ ፥፳፭

መጋቢት ፳፯ ቀን ኢየሱስ ክርስቶስ በመስቀል በተሰቀለ ጊዜ፤ የተሰቀለው የክብር ባለቤት ሰማይን የፈጠረ ነውና ፀሐይ ጨልማለች፣ ጨረቃ ደም ሆኗል፣ ከዋክብት ረግፈዋል። የተሰቀለው የክብር ባለቤት ምድርንም የፈጠረ ነውና በምድር የቤተ መቅደሱ መጋረጃ ከላይ እስከ ታች ለሁለት ተቀዷል፤ ምድር ተናውጣ ዐለቶች ተሠንጥቀዋል፤ መቃብራት ተከፍተዋል፤ ከ፭፻ በላይ ሙታን ተነሥተዋል (ማቴ ፳፯ )፡፡

ከጌታችን ኢየሱስ ክርስቶስ የስቅለት መታሰቢያ ጋር ቤተ ክርስቲያን በ15ኛው መ.ክ.ዘ የነበሩትን አቡነ መብዓ ጽዮንን ታስባለች፡፡ አቡነ መብዓ ጽዮን አምላካችን ኢየሱስ ክርስቶስን ‹‹ በዕለተ ዓርብ የተቀበልከውን መከራ ግለጽልኝ ››ብለው በጸለዩ ጊዜ ጌታችን ኢየሱስ ክርስቶስ በዕለተ ዓርብ የተቀበላቸውን መከራዎች ሁሉ አሳያቸው፡፡

የጌታችን የመድኃኒታችን የኢየሱስ ከርስቶስን መከራ ካዩበት ቀን ጀምሮ ሕማሙን መከራውን ግርፋቱን እስራቱን በጠቅላላ አሥራ ሦስቱን ሕማማተ መስቀል በማሰብ ጀርባቸውን በአለንጋ ይገርፉ ፤ ራሳቸውን በዘንግ ይመቱ ነበር፡፡

የጌታችንን ሕማማተ መስቀል እያሰቡ ዘወትር ስለሚያለቅሱ ዐይናቸው ጠፍቶ ነበር፡፡ ነገር ግን እመቤታችን ቅድስት ድንግል ማርያም የብርሃን ጽዋ ይዛ መጥታ ዐይናቸውን ቀብታ አድናቸዋለች፡፡ በዚህ የተነሣ ‹‹በትረ ማርያም›› እየተባሉ እንደሚጠሩ ገድላቸው ያስረዳል፡፡ በዚህ መሠረት ጥቅምት ፳፯ ቀን ለአቡነ መብዓ ጽዮን ቃልኪዳን የገባበት ቀን በመሆኑ በየዓመቱ ጥቅምት ፳፯ ቀን ከጌታችን ከመድኃኒታችን ከኢየሱስ ክርስቶስ ዝክረ ጥንተ ስቅለቱ ጋር ይከበራል፡፡

ወስብሐት ለእግዚአብሔር

Mahibere kidusan

የማርክሳዊነት የገደል ማሚቱዎች

'ወደ ርስታችን ያልተመለስንበት ኢዮቤልዩ' የተሰኘውን ጽሑፍ መሠረት አድርጎ ጥቅምት 17 ፣ 2017 ዓ.ም. በዐውደ ፋጎስ የውይይት ክበብ የተደረገ አቅርቦት ።

https://youtu.be/kiG8GWoTlW8?si=jKY1v3A3cSCu1NHB

ቅድስት ቤተ-ክርስቲያን አምጣ የወለደችው የመምህረ ወንጌል የዲ/ን ያረጋል አበጋዝ የተወሰኑ የመጽሐፍ
ቅጂዎች ስላሉን ማግኝት ትችላላችሁ።
በግዮን መጽሐፍ መደብር ደርዛቸውን የጠበቁ ነባርና አዳዲስ መጽሐፍቶችን ያገኛሉ። ለበለጠ መረጃ
በ0913083816/0931144330

https://youtu.be/GfpAu4o5Qpw?si=bhAmTetLPoA4oHGY

https://youtu.be/SXZqXgQFLow?si=7FMXEs-NJp3Gmw0A

ይህ የዲያቆን ያረጋል አበጋዝ ድንቅ መጽሐፍት ፤ከሳይንስ፤ ጋር የተገናኙ፤ ፍልስፍናዊ ፤ጉዳዮች ፤ከክርስትናዊ ፤ በሰፊው የሚዳስስ ፤መጽሐፍ ነው።

እያለቀ ስለሆነ እንዳያመልጥዎት የተወሰነ ቅጂዎች አሉን ይጎብኙን ግዮን ፤መጻሕፍት፤ መደብር ፤ዘወትር በልዩ ቅናሽ እንጠብቃችኋለን።

Rock and Sand: An Orthodox Appraisal of the Protestant Reformers and Their Teachings

Book by Josiah B. Trenham

This book has been written for three purposes. First, to provide the Orthodox reader with a competent overview of the history of Protestantism and its major traditions, from its beginnings in the 16th century to the present day. This overview relies heavily upon the Reformer’s own words as well as the creeds of various Protestant faiths, in order to avoid misrepresentation and caricature. Second, to acquaint Orthodox and non-Orthodox readers with a narrative of the historical relations between the Orthodox East and the Protestant West. Finally, to provide a summary of Orthodox theological opinion on the tenets of Protestantism.

ሰዎች ላይ እንዳልፈርድ ምን ላድርግ?
በዲያቆን ያረጋል አበጋዝ

ምስጢር ከሚፈስበት፣ከሚቀዳበት ከጉባኤ ቤት የተሰጠ የምስጢር መአድን አቅርብንላችኋል። "ከመዝ ነአምን" በመምህር የኔታ ገብረ መድኀን እንየው የተበረከተ።  የጉባኤ ቤት ምስጢር የፈሰሰበት መጽሐፍ ነው።
መጽሐፍን እኛ ዘንድ በግዮን መጽሐፍት መደብር ዘወትር በልዩ ቅናሽ ያገኙታል።ገቢው ሙሉ ለሙሉ ለምሥራቀ ፀሐይ ጉባኤ ቤት የሚውል ነው። አንድም ከበረከቱ እንሳተፍ አንድም ምስጢሩን ከየኔታ እንቅዳ።

አድራሻ:-መ/ገ/ጽ/ቅ/ጊዮርጊስ ቤተ-ክርስቲያን
ለበለጠ መረጃ 0913083816 /0931144330

" ለራስ ጥቅም ሌሎችን ማስቀደም "

     በዲ/ን ያረጋል አበጋዝ

በዚህ ጽሑፍ አንድ ሰው ራሱን ለመጥቀም እንዴት ማድረግ እንዳለበት ከቅዱሳት መጻሕፍት አንጻር ለማየት እንሞክራን።ለዚህ ጉዳይ አስተማሪ የሆኑትን የመጽሐፍ ቅዱስ ክፍሎች እንዳስሳለን

Modern Orthodox Thinkers: From the Philokalia to the Present

By Andrew Louth, one of the most respected authorities on Orthodoxy, introduces us to twenty key thinkers from the last two centuries.

አሐቲ ድንግልን ነገ እሁድ ሱቃችን ክፍት ስለሆነ ከ3 ሰዓት ጀምሮ እስከ 8 ሰዓት በግዮን መጻሕፍት ታገኙታላችሁ።

Paulos Mar Gregroios

Meaning and Nature of Diakonia:

አሐቲ ድንግል ዛሬ ቅዳሜ ከስዓት በግዮን መጻሕፍት ታገኙታላችሁ።

እግዚአብሔር በመጽሀፍ ቅዱስ "ክፋትን እፈጥራለሁ" ሲል ምን ማለቱ ነው?

#ዲያቆን_ያረጋል_አበጋዝ

የማርክሳዊነት የገደል ማሚቶዎች
=====================
በ "ያ" ትውልድ የተጻፉ መጻሕፍት እና የተደረጉ ጥናቶች ፣ ውይይቶች እና መጠይቆችም ነበሩ ።  ዳሩ ግን በዚያን ጊዜም ሆነ አሁን በመሠረታዊነት መነሣት የነበረባቸውን ማርክሳዊም ሆነ ተዛማጅ ፍልስፍናዊ ጉዳዮችን በሚገባ አንሥተው  በጥልቀት ተወያይተውባቸዋል ለማለት አያስደፍርም ። አሁንም ቢሆን የደፈረሰው አልጠራም ። ሐሳቦቻችንም ሆኑ ሩጫዎቻችን ቦታ ቦታ አልያዙም - መደምደሚያም ባይሆን መሰብሰቢያ ምዕራፍ አላገኙም ። 

በ "ያ"  ትውልድ ዋና ገዢ ሐሳብ ማርክሳዊነት ነበር ። ከደርግ ዘመን በኋላ ደግሞ በተቃራኒው ማርክሳዊነት እንደ ርእዮት ተቀባይነት ያጣ መስሏል ። ነገር ግን አሁን ያሉ ተዋሥኦዎች የማርክሳዊነትን መነሻዎች በውስጣቸው ያቀፉ ሆነው ይገኛሉ ። ወይም ማርክሳዊነትን አንቀበልም ቢሉም እንኳን ግቦቻቸው ማርክሳዊነት የእኔ ናቸው ከሚላቸው ግቦች እምብዛም ፈቀቅ ያላሉ ሆነው ይገኛሉ ።

  እንደምመለከተው ከሆነ ፥ ተዋሥኦዎቻችን - ተዋሥኦ ሊባሉ ከቻሉ - ከመሠረታዊ ጥያቄዎች ተፋትተዋል ። ብዙ ጊዜ ዐቢይ ጉዳያችን “ወቅታዊው” እና “ተግባራዊው” ነገር ነው ። መሠረታዊ እና ሐሳባዊ ፣ ረቂቅ የሆኑትን ጥያቄዎች ጉዳይ ማድረግን ከሥራ ፈትነት ቆጥረነዋል ። ነገር ግን ተዋሥኦዎቻችን ፍሬ ያፈሩ ዘንድ እንዲህ ወዳሉት ጥያቄዎች መመለስ እንዳለባቸው አምናለሁ ። በዚህ አቅርቦትም ለማጠየቅ የምሞክረው ይህን ነጥብ ነው ።
Synopsis by  በርናባስ ሽፈራው
ቀን :- እሁድ በ17/02/2017 ዓ.ም ከቀኑ 8:00 ላይ
ቦታ :- በኢትዮጵያ ብሔራዊ ቤተ መዛግብትና ቤተ መጻሕፍት (ወመዘክር) አዳራሽ

አገልግሎትን የተረዳንበት መንገድ እንኳን ለሰማዩ ለምድራዊነት የማይመጥን ነው!

አገልጋይነት እና አገልግሎት ምንድን ነው? በተለይ በዚህ ዘመን የኢትዮጽያ ቤተ ክርስቲያን አንዱ እና ዋነኛው ችግር "አገልጋይ" ከተባሉ ሰዎች የሚመነጭ አይመስላችኹም?

በተለይ በእንደዚህ አይነት ጊዜ ወደ መሠረታዊው የነገረ መለኮት እሳቤ ወደ አበው ትርጓሜ እና አረዳድ ወደ ከበረው የጌታ ትምህርት መለስ ብሎ ጉዳዩን መዳኘት እና እልባት መስጠት ብቻ እና ብቻ መፍትሔ ይኾናል።

አገልግሎትን የተረዳንበት መንገድ እንኳን ለሰማዩ ለምድሩም ማፈሪያ ያደረገን ከኾነ ለምን አንጠይቅም? "አገልግሎት ምንድን ነው?"
ለውይይት ማጫሪያነት ኤማሁስ አገልግሎትን እንደዚ በአጭሩ ፈክራለች።
እንደ ተለመደው ለውይይት ክፍት ነው መድረኩ!

ኢዮብ ወንድወሰን

https://youtu.be/S92e2ZjnF5M?si=yxkFjyNRY7xFZVkR

በዚህ ውይይታችን ስለ 'አገልግሎት' ለመነጋገር የመረጥነውን የወንጌል ክፍል ማለትም ማቴ 20÷20-28 ለመረዳት የሚያስፈልገውን መሠረታዊ ዓውድ ከማንሳት በመጀመር ፦

- አገልግሎት (Diakonia) ምንድነው? ዘመናዊ የነገረ መለኮት ምሁራን 'አገልግሎት' ን ከቅዳሴ በኋላ ያለ ቅዳሴ (liturgy after the liturgy) ይሉታል ምን ማለት ነው? የሚለውንና

- አገልግሎትን እውነተኛ አገልግሎት (authentic diakonia) የሚያሰኙት ምን ምን ናቸው? የሚለውን ጨምሮ ሌሎችንም ነጥቦች በብዙ ያይደለ በጥቂቱ አንስተናል።ሃሳብ አስተያየታቹ አይለየን።

መልካም ቆይታ!

https://youtu.be/S92e2ZjnF5M?si=7souBSHH1vmU4SyX

ኤጲስ ቆጶስ የሚለው ማዕረግ በጥንቱ የሮማ ቤተሰባዊ መዋቅር ውስጥ 'አንድ ሮማዊ ጌታ በሚያስተዳድረው ቤት ውስጥ የሚሠሩ አገልጋዮች አለቃ - master of slaves' የሚጠራበት ስም ነበር። ክርስቲያኖች ስሙን ከዚያ ነበር የወሰዱት። በእግዚአብሔር ቤት ካሉ አገልጋዮች መሀከል አንዱ ግን ታላቁ አገልጋይ ስም ኤጲስ ቆጶስ መባሉ የጥንቶቹ ተምኔት ምን እንደሆነ በግልጥ ያሳያል። ዛሬ ይኼ የአገልጋይነት መንፈስ የሚገኘው የት ይሆን? የሚለው የእኛ የቤት ሥራ ነው። አገልግሎትን በተመለከተ የተወያየነውን እንደ ወትሮው እንድታዳምጡ፣ አሳባችሁንም እንድታጋሩን ግብዣችን ነው።

https://youtu.be/-M_tj2UM-oE?si=45QsJ9fFkpY9620M

https://youtu.be/DDu6pzl94eg?si=CeEWPbrekzeqKJyd

https://youtu.be/-M_tj2UM-oE?si=MCde2OEO46zQ_u9s

የግል ምልከታየ
ዕቅበተ እምነት ላይ እንጂ ተቋማዊ ጥበቃ ላይ ብቻ ማተኮር ማደክደክ ነው።
ላይኛው ተቋም ለእውነት ሥራ ዝግጁ አይለም።
ከትናንት እስከ አሁን በቤተ ክርስቲያን ላይ ለደረሰው ውስጣዊ መከራ ተቋሙ የችግር ባለቤት ሳይሆን ራሱ ችግር ነው።
በተለይም የውጭ መከራዎችን እንደ እባብ ሰይጣንን ተጭኖ እየመጣ አዳማውያንን የሚያስትበት ቤት ከሆነ ሰነባብቷል።
ህልው ሁኖ አጀንዳ የሚሰጣችሁ ማን ነው?ይሄንን የማያውቅ ሰው ይኖራል? ካላ በጣም ፈዛዛ ነው።
ይልቅስ እንደ ባለቅኔው የጥፋት መልእክቱ ደርሶና የላካችሁ ሰውየ ደኅና ነውወይ? አትሏቸውም?
ይሄንን የምጽፈው በግል ሁኖ አንዳንድ የቤቱን ተንኮል ያልተረዱ የዋሓን ምእመናን ዛሬም ሲደናገሩ በማየቴ ነው።
የማይፈወሰው ድውይ የማይመለሰው ጊጉይ ሁኖ መድኃኒቱን እያማሰነ እንደገና በደዌ እያመረቀዘ የጥፋት ቫይረስ ተሸካሚ ሁኖ ከተገለጸ ቆይቷል።
አሁንም የአትርሱኝ ጩኸት ወዲያ ወዲህ ሲያወራ ቢሰማም ምእመናንን ዕረፍት ለመንሳት፣ለማደናገር፣የንትርክ አጀንዳ ለመስጠት፣ለሥርዓቱ ጥበቃ ይጠቅማል ተብሎ የተሰጠውን የተልእኮ ዓላማ ለመፈጸም ሲባል..ነው እንጂ የቤተ ክርስቲያን ጉዳይ የሚመለከተው ሁኖ አይደለም።
ይሄ ጉዳይ በደንብ ተነጋግረውበት ተወያይተውበት የአትርሱኝ አስታውሱኝ አጀንዳ እንጂ የእውነት አይደለም።ሁሉም የሚሠሩት አብረው ነው።
ዋናው ጉዳይ ምእመናንን ማደናገር፣ዕረፍት መንሳት፣እምነቱን እንዲተው ማወክ፣ሥርዓቱን መጫን፣ምእመናንን ማሳቀቅ፣ጭር ሲል አልወድም...ነው።
ቢያንስ ሞቱ እንግልቱ ይቅርና ምእመናን ሀዘናቸውን እንኳን ዕርም አውጥተው እንዳያዝኑበት ዲሪቶውን አምጥቶ ይጭንባቸዋል።
እኔ በግሌ ከነነዌ ምህላ እና ከሐምሌ 9/1015 ዓ.ም.ጀምሮ ጨርሸ ትቻቸዋለሁ።ረቂቅ ውንብድናውን እስከ ጥግ አይቸዋለሁ።
እኔ ግን የለውጥ መንገዱን እስካገኘው እፈልገዋለሁ።ከሕይወቴ አብልጬጬ እጨነቅለታለሁ።ሁልጊዜም ቤተ ክርስቲያን የደረሰባትን ሳስበው አንጀቴ ይላወስብኛል።
ወደ መፍትሄው ብቻ ዓይናችንን እናዙር።
የቤቱ ስም የእኛ ነው ሥራው ግን የአጥፊዎች ነው።
ሁለንተናው ኦርቶዶክሳዊ እስኪሆን ድረስ ዓይናችንን ወደ መፍትሄው ብቻ እናዙር።

ገብረመድኅን እንየው

መንፈሳዊነት ምንድን ነው ?


፩. መንፈሳዊነት ማለት ከእግዚአብሔር ጋር ያለ ኅብረትና አንድነት ነው፡፡

፪. መንፈሳዊነት ስሜትን፣አእምሮንና መንፈስን ሲገዛ ነው፡፡

፫. መንፈሳዊነት ጥረት፣ተጋድሎ፣ ውጣ ውረድ ነው

፬. መንፈሳዊነት ጊዜና ቦታ የማይወስነው ነው፡፡

፭. መንፈሳዊነት የኑሮ ሁኔታ የማይወስነው ነው፡፡

በዲ/ን ያረጋል አበጋዝ

አንድ አምላክ በሆነ በአብ በወልድ በመንፈስ ቅዱስ ስም ጥቅምት አምስት ቀን የታላቁ አባት አቡነ ገብረ መንፈስ ቅዱስ (ገብረ ሕይወት) የዕረፍታቸው መታሰቢያ ነው።

ጻድቁ አባታችን አቡነ ገብረመንፈስ ቅዱስ ዕረፍቱ መጋቢት 5 ቀን ነው ይህ ደግሞ በታላቁ ዓብይ ጾም ወቅት ነው ፍትሐ ነገሥት አንቀጽ 15 ላይ በዐቢይ ጾም በዓል ማክበር ይከለክላል የሐዘን ወቅት ነውና ከበሮ አይመታም እልልታና ጭብጨባ የለም ፍጹም ሐዘን እንጂ የመጋቢት 27 ስቅለት ጥቅምት 27 ቀን እንደሚከበረው ሁሉ ወደ ጥቅምት 5 ቀን ተዛውሮ እንዲከበር ተደረገ፡፡

ለእግዚአብሔርም ምስጋና ይሁን እኛንም በጻድቁ ጸሎት ይማረን በረከቱም ከእኛ ጋር ትኑር ለዘላለሙ አሜን።

Life after Death According to the Orthodox Tradition offers an accessible and well organized synthesis of the ancient Christian understanding of death and the afterlife. French philosopher and patrologist Jean-Claude Larchet draws both from Scriptures and a multiplicity of early Christian writings, both Greek and Latin, in demolishing false conceptions such as reincarnation, whilst setting forth with clarity an authentically Christian understanding.

በዮሐንስ ወንጌል ምዕራፍ 4 የሳምራዊቷን ሴት ከጌታ ጋር የነበራትን ንግግር መሠረት አድርገን የቅዱሳት መጻሕፍት ፍካሬ (Biblical Hermeneutics) እንዴት መሆን አለበት? የሚለውንና ሌሎችንም ርእሰ ጉዳዮች በጥቂቱ ዳሰንበታል።የትኩረት ነጥቦቻችንም፦

- የመጀመሪያው ታሪካዊ ዓውድ (Historical Context) ሲሆን ሳምራውያን እነማን ናቸው? ከአይሁዳውያን ጋር የነበራቸው መሠረታዊ ልዩነት ምንድነው? እና መሠል ነጥቦች ተዳሰውበታል።

- ሁለተኛ የወንጌሉ ክፍል ዋና ጭብጥ ምንድነው? የሚለው ሲሆን ነገረ ቤተክርስቲያን እንዲሁም ነገረ አምልኮ ወይም ነገረ ቤተ-መቅደስ (Worship and Temple theology) የተዳሰሰበት ነው። '....his encounter with the Samaritan woman (4.1–42) also provides a number of images relating Jesus to the Temple as the place of worship...'{1} እንዲል።

- ሦስተኛ በታሪኩ ላይ የሚስተዋሉ የተዛቡ (distorted) አመለካከቶችን ከታሪካዊው እውነታ እና ከወንጌሉ መሠረታዊ ጭብጥ በመነሳት ያኄስንበት ነው። ተመልካታችሁ ሃሳብ አስተያየታችሁን ስጡን።

ሠናይ ቆይታ!



1.John Behr, John the Theologian and His Paschal Gospel (Oxford University Press, 2019), 144.

https://youtu.be/f2aunKpPPBY?si=x1PP7owrI-fBT5cT

https://youtu.be/9MpqBWzz4-I?si=oMzNy6bsZmm1cPCS

https://youtu.be/KwMMbJnxeV4?si=de1djVkY58LAswLZ

እንኳን አደረሰን!

ሰማዕቷ ቅድስት አርሴማ

++++++++++++++++++++++++++++++++++++

በከሀዲው ዲዮቅልጥያኖስ ዘመነ መንግሥት ንጉሡ መልኳ (ሥነ ላህይዋ) ውብ የሆነች ብላቴና ሊያገባ ወዶ መልእክተኞችን መርጠው ያመጡለት ዘንድ ላከ። እነርሱም መላ ሀገሪቱን ሲያስሱ ከቆዩ በኋላ ንጽሕት ቅድስት አርሴማ እናታችንን በአንድ በሮሜ ባለ ገዳም ውስጥ ከሌሎች ደናግል ጋር አገኟትና ሥዕሏን ስለው ለንጉሡ ላኩለት። ብፅዕት እናታችን ቅድስት ንጽሕት መርዓተ ክርስቶስ ቅድስት አርሴማም ሥነ ላህይዋ እጅጉን ልዩ የሆነ መልከ መልካም ነበረች።

ንጉሡም ይህን ሥዕል እንዳየ በልቡ በእጅጉ ፈቀዳ፤ እንዲያመጡለትም አዘዘ። ይህን እንደሰሙ እኒያ ደናግልና ቅድስት አርሴማ የገዳሙም እመምኔት የሆነችው ቅድስት አጋታ ሸሽተው ወደ አርማንያ ሄዱ። በዚያም ሳሉ ንጉሥ ድርጣድስ የሚገዛው ግዛቱ ነበርና ከንጉሡ ድዮቅልጥያኖስ መልእክት ደርሶት ሲያስፈልጋት ከደናግሉ ጋራ አገኛቸው። እርሱም በመልከ መልካምነቷ በእጅጉ ተስቦ እንዲህ ያለችቱንማ ለራስ ነው እንጂ ማን ሞኝ አለ በሚል ለንጉሡ ድዮቅልጥያኖስ መሥጠቱን ትቶ ለራሱ እዚያው አኖራት። ከደናግሉም ጋራ ካሠራቸው በኋላ ቅድስት እናታችንን ብዙ ሊያታልላት ሞከረ። እርሷ ግን በመንፈሳዊ ሕይወቷ ፍጹም ጥብዓት ያለባት ራሷንም ለቸሩ አምላካችን ለኢየሱስ ክርስቶስ ሙሽራ ያደረገች ናትና ለሰማያዊ ሙሽርነቷ የታመነች ሆነች። ንጉሡም ደጋግሞ ቢሞክር አልሆንለት አለ። በኋላም እመ ምኔቷን እንድታባብላት ላካት፤ እመ ምኔቷ ግን ይበልጡኑ አጽናናቻት፤ ‹‹አይዞሽ! እንዲ ላለው ምድራዊ ኃላፊ ነገር እንዳትታለይ፤ ሰማያዊ ሙሽርነትሽንና ንጽሕናሽን አጽኚ›› ብላ እንዲያውም ይበልጥ አስጨከነቻት። በኋላም ንጉሡ በግድ ይዞ ሊሄድ ቢል ኃይለ መንፈስ ቅዱስ አድሮባት ነበርና ያንን በጦር የጎለመሰ ሰውነት ያለውን ብርቱ ንጉሥ ከመሬት ፈጠፈጠችው። ንጉሡም አንዲት ትንሽ ወጣት እንደምን ጣለችኝ ብሎ እጅግ አፈረ።

ንጉሡም በዚህ ሁሉ ተቆጥቶ ቅድስት አርሴማን ሥቃይዋን ሊያበዛባት ወዶ እኒያን ደናግል እርሷን ፊት ለፊታቸው አሠራትና አንድ በአንድ አንገታቸውን ቀላቸው። እርሷ ግን ‹‹አይዟችሁ!›› እያለች ታጽናናቸው ነበር። የሚደንቀው ትሰቀቃለች ብሎ ያደረገላት ነገር እንዲያውም ቅዱሳኑ ሰማያዊ አክሊልን ሲቀበሉ ትመለከትበት ነበር። በኋላም ‹‹አንቺንስ እንደሌሎቹ ቶሎ አልገድልሽም›› ብሎ እጅግ ብዙ ሥቃያትን አሠቃያት። ከእነዚህም አንደኛው ሁለቱን ድንግል ጡቶቿን ቆረጠ፤ ይህም አልበቃ ብሎት ሁለቱን ዐይኖቿን አወጣ፤ እርሷም እንዲህ ሳለች እመቤታችን ንጽሕት ድንግል ማርያም የብርሃን ልዩ ዐይኖችን ሰጠቻት። በመጨረሻም ማሠቃየትን በሰለቸ ጊዜ ከእኒያ ከቀሩት ደናግል ጋራ በመስከረም ሃያ ዘጠኝ ቀን አንገቷን ሰየፈና ሁላቸውም የሰማዕትነትን የድል አክሊል ተቀዳጁ። እኒህም ቁጥራቸው ሰባ አምስት ወንዶችና ሠላሳ ዘጠኝ ሴቶች ነበሩ።

ቅድስት አርሴማ ከሃያ ሰባቱ ደናግል ጋራ ሰማዕትነት ከተቀበለች በኋላ ንጉሡ ድርጣድስ ፈጽሞ ታመመ ታወከ። ቅዱስ ጎርጎርዮስም ሊቀ ጳጳሳትን አስቀድሞ አሥሮት ነበር። (ይኸውም በትውፊት ታላቅ ወንድሟ እንደኾነ ይገራል)። በኋላም ቅዱስ ጎርጎርዮስን ፈታውና ከደዌው ዳነ፤ የቅዱሳን ደናግል እና የቅድስት አርሴማንም የቅዱሳን ሰማዕታቱን ዕፅም ፍልሠታቸው በዚህ በቅዱስ ጎርጎርዮስ እንዲደረግ ሆነ፤ ይህም ታኅሣሥ ስድስት ቀን ነው፡፡ እንዲሁ ደግሞ የእርሷ ማኅበርተኞች የሚባሉ የመቶ ዐሥራ ዘጠኝ ሰማዕታት ዝክራቸው ነው። ከዚያም በስሟ ያማረ ቤተ ክርስቲያን ሠርተው እንዲሁ ያከበሩበት ነውና እናከብረው ዘንድ ይገባናል።

ለእግዚአብሔር አምላካችን በዚህች ድንቅ የክርስቶስ ሙሽራ ቅድስት አርሴማ እና በደናግሉም ሁሉ ጸሎት ይማረን፤ ለዘላለሙ አሜን።

ምንጭ:- መጽሐፈ ስንክሣር ዘወርኃ መስከረም

Mahebre kidusan

Emmaus press application

- ማኅሌት ወይም የምስጋና ነገረ መለኮታዊ ትርጓሜ (Theology of Doxa) ምንድን ነው?

- ምስጋና ስንል ምን እያልን ነው? ውስጡ ምን ምን ነገሮች አሉት?

- ዘመን ምንድነው? ዘመነ ጽጌስ?

- ተፈጥሮ በማኅሌት ጽጌ ? አባ ጽጌ ድንግል ተፈጥሮን ለማንሳት ለምን ፈለገ? The conception of Creation as a Sacrament....እና ሌሎችም ሃሳቦች እንደመግቢያ ተዳሰውበታል። ተመልክታችሁ ሃሳብ አስተያየት ትሰጡን ዘንድ ግብዣችን ነው።

https://youtu.be/JUQJQqQdHhE?si=l5PAEAItfVbX5nRC

https://emmauspresset.com/1002/

ፈሪሳዊነት

https://youtu.be/Dh1Ssdk5HrM?si=lVwKnrIYraZvrYNI


#ዲያቆን_ብርሀኑ_አድማስ