House of Peoples' Representatives of FDRE

 
የአካባቢያዊ ተፅዕኖ ግምገማ ረቂቅ አዋጅ ወቅቱ የደረሰበትን ኢኮኖሚያዊ፣ ማህበራዊና ሌሎች ለውጦች ከግምት ውስጥ ያስገባ መሆኑ ተገለጸ
---------------------------
(ዜና ፓርላማ) ህዳር 12 ፡ 2017 ዓ.ም፤ በሥራ ላይ የሚገኘው የአካባቢ ግምገማ አዋጅ ከ21 ዓመታት በኋላ ሊሻሻል መሆኑና አዋጁ ወቅቱ የደረሰበትን ኢኮኖሚያዊ፣ ማህበራዊና ሌሎች ለውጦች ከግምት ውስጥ ያስገባ መሆኑ ተገለፀ።

የውሃ ፣ መስኖ እና ቆላማ አካባቢና የአካባቢ ልማት ጉዳዮች ቋሚ ኮሚቴ በአዋጁ ዙሪያ ከባለድሻ አካላት ጋር ይፋዊ የሕዝብ ውይይት አካሂዷል።

የቀድሞው አዋጅ ያልዳሰሳቸውን ጉዳዮች በማካተት አዲሱ ረቂቅ አዋጅ የአካባቢያዊ ተፅዕኖ ግምገማ አዋጅ በሚል መዘጋጀቱ ተገልጿል።

ኘሮጀክቶች ተግባራዊ በሚሆኑበት ወቅት በአካባቢና በማህበረሰቡ ላይ የሚያደርሱትን ተፅዕኖ በአግባቡ የመገምገም አቅም እንደሚያሳድግ ተመላክቷል።

በፕሮጀክቱ አተገባበር ጉዳት ሊደርስባቸው የሚችሉ የማህበረሰብ ክፍሎች ስለ ፕሮጀክቱ ግንዛቤ እንዲኖራቸውና አስተያየት እንዲሰጡ የማድረግ ኃላፊነት በባለሥልጣኑ ላይ የሚጥል ነው።

የይሁንታ ፈቃድ ሳያገኙ ኘሮጀክቶችን በሚጀምሩ አካላት ላይ ከ 500 ሺህ እስከ 10 ሚሊዮን ብር ቅጣት እንደሚጣልም በረቂቅ አዋጁ ላይ ተገልጿል።

የአካባቢና ማህበራዊ ተፅዕኖ ጥናትና ውጤትን እንደ ቅድመ ሁኔታ ሳያስቀምጡ ፈቃድ የሚሰጡ አካላትም ሊቀጡ ይገባል የሚሉ ሀሳቦች በውይይቱ ተነስተዋል።

ኘሮጀክቶች ከተጠናቀቁ በኋላ በአካባቢው ላይ ያደረሱትን ተፅዕኖ እና ለውጦች ወደነበሩበት ሊመልሱ ይገባል ተብሏል።

ባለ ፕሮጀክቶች በየሁለት ዓመቱ የአካባቢና ተፅዕኖ ግምገማ ማድረግ እንደሚገባቸውም በቀረበው ረቂቅ አዋጅ ላይ ተመላክቷል።

ይሁንታ ፈቃድ ያገኙ የፕሮጀክት ባለቤቶች በየሶስት ዓመቱ የአካባቢና ማህበራዊ ተፅዕኖ አጠባበቅ ዕቅዶችን ለባለሥልጣኑ ሊያቀርቡ እንደሚገባ በረቂቅ አዋጁ ተመልክቷል።

(በ በለጠ ሙሉጌታ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

የተፈጥሮ አደጋዎች የከፋ ጉዳት እንዳያደርሱ ኮሚሽኑ በትኩረት መሥራት እንዳለበት ተመላከተ
-----------------------------------------
(ዜና ፓርላማ) ህዳር 12 ፣ 2017 ዓ.ም፤ በአገሪቱ የሚከስቱ የተፈጥሮ  አደጋዎች የከፋ ጉዳት እንዳያደርሱ ኮሚሽኑ በትኩረት መሥራት እንዳለበት ቋሚ ኮሚቴው አመላክቷል።

በኢፌዴሪ የሕዝብ ተወካዮች ምክር ቤት የውጭ ግንኙነትና ሰላም ጉዳዮች ቋሚ ኮሚቴ ይህንን ያመለከተው የኢትዮጵያ አደጋ ስጋት ሥራ አመራር ኮሚሽንን የ2017 በጀት ዓመት የመጀመሪያውን የሩብ ዓመት የዕቅድ አፈጻጸም ሪፖርት በገመገመበት ወቅት ነው።

የውጭ ግንኙነትና ሰላም ጉዳዮች ቋሚ ኮሚቴ ሰብሰቢ የተከበሩ ዲማ ኖጎ (ዶ/ር) በሰጡት አስተያየት፣ በተለያዩ የሃገሪቱ ክፍሎች የሚከሰቱ የተፈጥሮ  አደጋዎች የከፋ ጉዳት እንዳያደርሱ በትኩረት መሥራት እንደሚገባ ጠቁመዋል።

የተከበሩ ሰብሳቢው አያይዘውም ውጤታማ የአደጋ ስጋት ቅነሳ ሥርዓትን ለመገንባትና ለማሳደግ ከአሥር ተቋማት ጋር ታቅዶ ሁሉም ተግባራዊ መሆናቸው፣ ቀልጣፋና ውጤታማ የአደጋ ምላሽ ሥርዓት መዘርጋቱ፤ አስቸኳይ የምግብ ድጋፍ  የሚፈልጉ ወረዳዎች መለየታቸው እና የበልግ ወቅት የሰብዓዊ ድጋፍ እቅድ መዘጋጀቱን ቋሚ ኮሚቴው በጥንካሬ ከተመለከታቸው መካከል መሆናቸውን ገልጸዋል።

በመጀመሪያው ሩብ ዓመት ታቅድው ያልተከናወኑ ተግባራት በቀጣዮቹ ሩብ ዓመታት በትኩረት መሰራት እንዳለባቸውም የተከበሩ ዶክተር ዲማ ኖጎ ጨምረው አብራርተዋል።

የቋሚ ኮሚቴ አባላት በሰጡት አስተያየትም፣ በተፈጥሮና በሰው ሰራሽ አደጋዎች ለሚፈናቀሉ ሰዎች በውጭ አገራት የሚደረገው ድጋፍ አስተማማኝ ባለመሆኑ የአገር ውስጥ ድጋፍን ሊጠናከር  እንደሚገባም ተናግረዋል።

የሚገኘውንም ድጋፍ ከብልሹ አሠራርና ብክነት ለመጠበቅ ኮሚሽኑ አቅዶ መሥራት እንዳለበት ጠቁመው፤ በእያንዳንዱ ክልል ለሚፈናቃሉ ሰዎች ክልሎችም በባለቤትነት ሊሠሩ እንደሚገባ የቋሚ ኮሚቴ አባላቱ ጨምረው አስገንዝበዋል።

የኢትዮጵያ አደጋ ስጋት ሥራ አመራር ኮሚሽን ኮሚሽነር ክቡር አምባሳደር ሽፈራው ተክለማርያም (ዶ/ር) በሰጡት ማብራሪያ፣ በአንዳንድ አካባቢዎች በሚደርሱ የተፈጥሮ  አደጋዎች የከፋ ጉዳት እንዳይደረስ ኮሚሽኑ በትኩረት ለመሥራት እየተንቀሳቀሰ መሆኑን ጠቁመው፤ በተፈጥሮ እና በሰው ሰራሽ አደጋዎች ለሚፈናቀሉ ሰዎች በውጭ ድጋፍ ብቻ ሳይሆን የራስን አቅም በመጠቀም የአገር ውስጥ ድጋፍን በመጠናከር ምላሽ ለመስጠት እየተሠራ መሆኑን አብራርተዋል።

ክቡር ኮሚሽነሩ አክለውም፣ በአንዳንድ አካባቢዎች በሚከስቱ አደጋዎች ትክክለኛ የተፈናቃይ ቁጥር የማይሰጡ አካላት መኖራቸውን ጠቁመው፤ ብልሹ አሠራርንና ብክነትን ለመከላከል ሁሉም አካባቢዎች በየአካባቢያቸው  ምላሽ እንዲሰጡ በማድረግ ችግሩ የሚፈታ መሆኑን አስረድተዋል።

(በ ጋሹ ይግዛው)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

"We have gained good experiences from the House that help our country transform in all sector "

---- South Sudan Parliamentary Delegation ---

(Parliament News) November 21, 2024, The parliamentary delegation of South Sudan has expressed that they got good experiences from the House of People's Representatives of FDRE that help their country to transform in all sector.

The delegation is sharing experiences with the Plan, Budget and Finance as well as Government Expenditure, Administration and Control Standing Committees in the House.

Honorable Dessalegn Wodaje, Chairman of the Standing Committee of Budget and Finance, gave a detailed explanation and shared his experience to the delegation about the powers and duties of the House and its Standing Committee, as well as the major national reforms carried out in the country.

He explained that Ethiopia carried out major reforms in the wheat farm sector and was able to produce up to 230 million quintals of wheat per year during summer irrigation and rainy season.

Honorable Dessalegn explained to the delegation that major reform works have been carried in green legacy, economic sector, Renaissance Dam and corridor development.

The Chairman of the Standing Committee of Government Expenditure, Adminstration and Control, Honorable Yeshiembet Demese (Dr.) explained that whether the country's budget is being properly spent for its intended purpose will be monitored and controlled by the Standing Committee.

In the House of People's Representatives, the Deputy Secretary General of the Office of Professional Affairs, Nigussie Meshesha (Dr.) gave an introductory presentation to the delegation.

In his statement, he stated that Ethiopia and South Sudan are brotherly peoples with a long history of shared culture, blood-related border, language and economy.

He explained that Ethiopia is a country that has been able to show its solidarity with South Sudan since the 1960s by being by its side during its struggle for independence and many challenges.

Dr. Nigussie mentioned that Ethiopia will continue to strengthen its partnership for the overall development of South Sudan. In particular, they explained about the achievements recorded in the Renaissance Dam and irrigation development, health and education sectors.

Dr. Nigussie said that the house will work together to further strengthen the ties between the two countries.

On the other hand, the South Sudanese parliamentary delegation said that Ethiopia is our second home which has been contributing greatly to the sovereignty of South Sudan and the progress of the struggle.

The delegation said that when our country gets into food security, internal strife and ethnic conflict, Ethiopia is the first to come to us to solve the problem. We chose Ethiopia because it has better experience.

The experience sharing will continue tomorrow.

(By Simenew Sifared)

For more news follow us on:-
Facebook http://www.facebook.com/hoprparliament
YouTube
https://www.youtube.com/@FDREHOPR
Telegram    https://t.me/ParlamaNews
twitter   http://twitter.com/fdrehopr
Website.  www.hopr.gov.et

“ሀገራችንን በሁለንተናዊ ዘርፍ ለማሻገር ከሕዝብ ተወካዮች ምክር ቤት ጥሩ ልምድ አግኝተናል”
    
    ---- የደቡብ ሱዳን የፓርላማ ልዑካን ቡድን ---

( ዜና ፓርላማ) ሕዳር 12፣ 2017 ዓ.ም. ፤ ሀገራችንን በሁለንተናዊ ዘርፍ ለማሻገር ከሕዝብ ተወካዮች ምክር ቤት ጥሩ ልምድ እንዳገኙ የደቡብ ሱዳን የፓርላማ ልዑካን ቡድን ገልጿል፡፡

የልዑካን ቡድኑ ከሕዝብ ተወካዮች ምክር ቤት በጀትና ፋይናንስ እንዲሁም ከመንግስት ወጪ፣ አስተዳደርና ቁጥጥር ጉዳዮች ቋሚ ኮሚቴዎች ጋር የልምድ ልውውጥ እያደረገ ነው፡፡

በልምድ ልውውጡ ወቅት፣ በሕዝብ ተወካዮች ምክር ቤት የበጀትና ፋይናንስ ጉዳዮች ቋሚ ኮሚቴ ሰብሳቢ የተከበሩ አቶ ደሳለኝ ወዳጄ ለልዑካን ቡድኑ ስለ ምክር ቤቱ እና  ስለ ቋሚ ኮሚቴያቸው ስልጣንና ተግባር እንዲሁም በሀገሪቷ የተከናዎኑ ትልልቅ ሀገራዊ ሪፎረሞችን አስመልከቶ  ዝርዝር ማብራሪያ አቅርበው ልምድ አጋርተዋል፡፡

በማብራሪያቸውም፣ በተለይም ኢትዮጵያ በስንዴው ዘርፍ ከፍተኛ ሪፎርም አካሂዳ በዓመት እስከ 230 ሚሊዮን ኩንታል ስንዴ በበጋ መስኖ እና በዝናብ ወቅት ማምረት መቻሏን አብራርተዋል፡፡

በአረንጓዴ አሻራ ፣ በኢኮኖሚ ዘርፍ ፣ በህዳሴ ግድብ እና በኮሪደር ልማት በኩልም አበይት የሪፎርም ስራዎች መከናዎናቸውን የተከበሩ አቶ ደሳለኝ ለልዑካኑ ቡድኑ አስረድተዋል፡፡

በምክር ቤቱ የመንግስት ወጪ ፣ አስተዳደርና ቁጥጥር ጉዳዮች ቋሚ ኮሚቴ ሰብሳቢ የተከበሩ የሺእመቤት ደምሴ (ዶ/ር)  በበኩላቸው፣ ምክር ቤቱ ያጸደቀው  የሀገሪቷ በጀት ለታለመለት ዓላማ በአግባቡ ምን ያህል እየዋለ እንደሆነ ክትትል እና ቁጥጥር እንደሚያደርግ የቋሚ ኮሚቴያቸውን ኃላፊነት አስረድተዋል፡፡

በሕዝብ ተወካዮች ምክር ቤት የጽ/ቤቱ ምክትል ዋና ፀሃፊ ሙያዊ ዘርፍ ንጉሤ መሸሻ (ዶ/ር) ለልዑካን ቡድኑ የመግቢያ ገለጻ አቅርበዋል፡፡ በገለጻቸውም፣ ኢትዮጵያ እና ደቡብ ሱዳን የጋራ ባህል፣ የደም ትስስር  ድንበር፣ ቋንቋና ምጣኔ ሃብት ያስተሳሰራቸው የረጅም ጊዜ ታሪክ ያላቸው እህትማማች ሕዝቦች መሆናቸውን ገልጸዋል፡፡

ኢትዮጵያ ደቡብ ሱዳን በልዓላዊ የነጻነት ትግሏ እና በበርካታ ፈተናዎቿ ወቅት ከ1960ዎቹ ጀምሮ ከጎኗ በመሆን ያላሰለሰ ጥረት በማድረግ አጋርነቷን ማሳየት የቻለች ሀገር መሆኗን አብራርተዋል፡፡

ለደቡብ ሱዳን ሁለንተናዊ እድገት ኢትዮጵያ አጋርነቷን አጠናክራ እንደምትቀጥል ዶ/ር ንጉሤ ጠቅሰው፣ በኢትዮጵያ መንግስት የተከናዎኑ ዋናዋና የኢኮኖሚ እና የማህበራዊ ዘርፎችን እንቅስቃሴዎች አስመልክቶ ለልዑካኑ አስረድተዋል፡፡

በተለይም፣ በህዳሴ ግድብ እና በመስኖ ልማት ፣ በጤናው እና በትምህርቱ ዘርፎች የተመዘገቡ ስኬቶችን አስመልክተው ማብራሪያ አቅርበዋል፡፡ የሁለቱን ሀገራት ትስስር የበለጠ ለማጠናከር በጋራ እንደሚሰራም ዶ/ር ንጉሤ ገልጸዋል፡፡

የደቡብ ሱዳን የፓርላማ ልዑካን በበኩላቸው፣ ኢትዮጵያ ለደቡብ ሱዳን ሉዓላዊነት እና በትግሉ ወቅት በነበረው ሂደት ከፍተኛ አስተዋጽኦ ስታደርግ የቆየች ሁለተኛ ቤታችን ናት ብለዋል፡፡

ሀገራችን በምግብ ዋስትና ፣ በውስጣዊ ሽኩቻ እና  የጎሳ ግጭት ውስጥ ስትገባ  ችግሩን ለመፍታት ቀድማ የምትደርስልን ኢትዮጵያ ነች ያሉት የልዑካን ቡድኑ፣  ኢትዮጵያን  መርጠን  የመጣነው ኢትዮጵያ የተሻለ ልምድ ስላላት ነው ብለዋል፡፡

በተደረገላቸው ገለጻም ፣ ሀገራቸውን  በሁለንተናዊ ዘርፍ ለማሻገር ጥሩ ተሞክሮ ማግኘታቸውን ተናግረዋል፡፡
የልምድ ልውውጡ ነገም ቀጥሎ የሚውል ይሆናል፡፡

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

ተቋሙ በአገልግሎት ዘርፉ የጀመረውን ለውጥ አጠናክሮ ማስቀጠል እንዳለበት ቋሚ ኮሚቴው አሳሰበ
--------------------
(ዜና ፓርላማ) ህዳር 12፣ 2017 ዓ.ም፤ በዜጎች የሚነሱት ቅሬታዎችን ለመፍታት የኢሚግሬሽንና ዜግነት አገልግሎት የጀመራቸውን የለውጥ ሥራዎች አጠናክሮ ማስቀጠል እንዳለበት ቋሚ ኮሚቴው አሳስቧል።

በኢፌዴሪ የሕዝብ ተወካዮች ምክር ቤት የውጭ ግንኙነትና ሰላም ጉዳዮች ቋሚ ኮሚቴ ይህን ማሳሰቢያ የሰጠው የኢሚግሬሽንና ዜግነት አገልግሎትን የ2017 በጀት ዓመት የመጀመሪያ ሩብ ዓመት የዕቅድ አፈጻጸም በገመገመበት ወቅት ነው።

የውጭ ግንኙነትና ሰላም ጉዳዮች ቋሚ ኮሚቴ ሰብሰቢ የተከበሩ ዲማ ኖጎ (ዶ/ር) በሰጡት አስተያየት፣ የተቋሙን አሠራር በማዘመንና የሰው ኃይሉን በማጠናከር ከኅብረተሰቡ የሚነሱ ቅሬታዎችን ለመፍታት የተጀመሩ የለውጥ ሥራዎች ተጠናክረው መቀጠል እንዳለባቸው አሳስበዋል።

ሰብሳቢው አያይዘውም፣ የሥራ አካባቢዎችን ምቹ በማድረግ ብልሹ አሠራርንና ሙስናን መከላከልና መቆጣጠር ከለውጡ አመራር የሚጠበቅ ተግባር መሆኑን ጠቁመው፤ ኢትዮጵያ ከጎረቤት አገሮች ጋር ያላትን ድንበር ለመቆጣጠር ከባለድርሻ አካላት ጋር በቅንጅት መሥራት እንደሚገባ አስገንዝበዋል።

የሴቶችን ብቃት በሥልጠናዎች ለማሳደግና በተቋሙ የሚሰሩ እናቶች ተረጋግተው እንዲሰሩ የህፃናት ማቆያ መኖሩ ለተቋሙ ሥራ መቀላጠፍ ጠቃሚ በመሆኑ ተጠናክሮ መቀጠል እንዳለበት የተከበሩ ዶክተር ዲማ ኖጎ ጨምረው ገልጸዋል።

የቋሚ ኮሚቴው ምክትል ሰብሳቢ የተከበሩ ፈትሂ ማህዲ (ዶ/ር) በበኩላቸው፣ የተቋሙ አዲስ አመራሮች የነበረውን ችግር ለመፍታት ያደረጉትን ጥረት አድንቀው፤ ግልፅ የአሠራር ሥርዓትን በመዘርጋትና ጥፋተኛ ሰዎችን ተጠያቂ በማድረግ እንዲሁም ቴክኖሎጂን በመጠቀም ብልሹ አሠራርንና ሙስናን በዘላቂነት መከላከልና መቆጣጠር እንደሚቻል ጠቁመዋል።

ምክትል ሰብሳቢው አክለውም፣ በሕጋዊ መንገድ ፓስፖርት የሚያገኙ ከሆነ የውጭ አገር ዜጎችና ትውልደ ኢትዮጵያዊያን ለምን በሕገ ወጥ መንገድ ፓስፖርት ለማግኘት ይፈልጋሉ? የሚለውን ጥያቄ ለመመለስ ተቋሙ ራሱን መፈተሽ እንዳለበትም አሳስበዋል።

የቋሚ ኮሚቴው አባላት በሰጡት አስተያየት፣ በኅብረተሰቡ የሚነሱ ቅሬታዎችን ለመፍታት በተቋሙ የሰው ኃይል አደረጃጀት፣ ብቃትና ሥነ-ምግባር ላይ በትኩረት መስራት እንደሚገባ አስገንዝበዋል።

አባላቱ አክለውም፣ የውጭ አገር ዜጎች ኢትዮጵያዊያን የሚሠሯቸውን ሥራዎች እየሠሩ በአገሪቱ ዜጎች ላይ ጫና እንዳይፈጥሩና የመኖሪያ ፈቃድ የሌላቸው የውጭ ዜጎች የደህንነት ስጋት እንዳይሆኑ የድንበር ቁጥጥሩን ማጠናከር እንደሚገባ አሳስበዋል።

የፓስፖርት ዋጋ ጭማሪው የኅብረተሰቡ የመክፈል አቅምን ያላገናዘበ እንደሆነ ከኅብረተሰቡ ቅሬታ እየተነሣ በመሆኑ ስለተቋሙ አጠቃላይ አሠራርና ስለፓስፖርት ዋጋ ጭማሪው ለኅብረተሰቡ የግንዛቤ ማስጨባጫ ትምህርት መስጠት እንደሚገባ አባላቱ ጨምረው አስገንዝበዋል።

የአሚግሬሽንና ዜግነት አገልግሎት ዋና ዳይሬክተር ክብርት ወይዘሮ ሰላማዊት ዳዊት በሰጡት ማብራሪያ፣ በተቋሙ ውስጥ የነበረውን ብልሹ አሠራርና ሙስናን ለመከላከልና ለመቆጣጠር ቴክኖሎጂን በመጠቀም በትኩረት እየተሠራ መሆኑን ጠቁመው፤ በድንበር አካባቢ ያለውን ቁጥጥር ለማጠናከር ከሚመለከታቸው ባለድርሻ አካላት ጋር በቅንጅት እየተሰራ መሆኑን አስረድተዋል።

ዋና ዳይሬክተሯ አክለውም፣ ተቋሙ ለፓስፖርት ከሚያወጣው ወጪና ከሌሎች አገሮች የፓስፖርት ዋጋ ጋር ሲነፃፀር ተቋሙ ለፓስፖርት የሚያስከፍለው ዋጋ ዝቅተኛ መሆኑን ገልጸው፤ ኅብረተሰቡ በየአካባቢው ፓስፖርት ማግኘት እንዲችል በአዲስ አበባ አራት ቅርንጫፎችንና ከአዲስ አበባ ውጭ ማዕከላዊ በሆኑ ቦታዎች አሥር ቅርንጫፎችን ከፍተው ለኅብረተሰቡ በቅርብ አገልግሎት እየሰጡ መሆኑን አብራርተዋል።

ኅብረተሰቡ ስለ ተቋሙ አጠቃላይ አሠራርና ፓስፖርቱን በየአካባቢው ባሉ ቅርንጫዎች መውሰድ እየቻለ ወደ አዲስ አበባ መጥቶ እየተጉላላ በመሆኑ ከመገናኛ ብዙሃን የአየር ሰዓት ገዝተው የግንዛቤ ማስጨበጫ ትምህርት ለመስጠት በዝግጅት ላይ መሆናቸውን ዋና ዳይሬክተሯ ጨምረው ተናግረዋል።

(በ ጋሹ ይግዛው)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

ቋሚ ኮሚቴው ፣ ሚኒስቴር መስሪያ ቤቱ ሊያስራ የሚያስችል መዋቅር በመዘርጋት ሪፎርም ማድረጉን በጥንካሬ ተመለከተ
----------------------
(ዜና ፓርላማ) ህዳር 11፣ 2017 ዓ.ም፤ በህዝብ ተወካዮች ምክር ቤት የውሃ፣ መስኖ፣ ቆላማ አካባቢና አካባቢ ልማት ጉዳዮች ቋሚ ኮሚቴ የመስኖና ቆላማ አካባቢ ሚኒስቴርን የ2017 በጀት ዓመት የሩብ አመት እቅድ አፈፃፀም ሪፖርት ገምግሟል።

በግምገማው  ወቅት ሚኒስቴር መስሪያ ቤቱ ሊያስራ የሚያስችል መዋቅር በመዘርጋት ሪፎርም ማድረጉን ቋሚ ኮሚቴው በጥንካሬ ተመልክቷል።

የቋሚ ኮሚቴው ሰብሳቢ የተከበሩ ፈትያ አህመድ ሚኒስቴር መስሪያ ቤቱ የውስጥ አሰራሩን መርምሮ እንዲሁም ፕሮጀክቶች ያሉበትን ሁኔታ መሬት ወርዶ በማየት በመምራት ረገድ አሁን ያለው ቅንጅታዊ አሰራር ተጠናክሮ መቀጠል እንዳለበት ጠቁመዋል።

በሌላ በኩል የሚኒስቴር መስሪያ ቤቱ ዕቅድና ሪፖርት መሬት ላይ ባለው እውነታ ልክ ከአፈፃፀሙ ጋር የተናበበ መሆን እንዳለበት ገልጸው ተቋሙ ያስቀመጣቸው ግቦች እና ዕቅዶች ከነአፈፃፀማቸው ግልፅ በሆነ መንገድ በሪፖርት ለቋሚ ኮሚቴው  ልታሳውቁ ይገባል ብለዋል።

አክለውም ሚኒስቴር መ/ቤቱ  የሃገራችንን የምግብ ዋስትና የማረጋገጥ ተልዕኮ ያለው በመሆኑ የሚጠበቅበትን ውጤት ለማምጣት ቅንጅታዊ አሰራሩን ሊያጠናክር እንደሚገባ ሰብሳቢዋ  አስገንዝበዋል።

የመስኖና ቆላማ አካባቢ ሚኒስቴር ሚኒስትር አብርሃም በላይ (ዶ/ር) የተያዙ ፕሮጀክቶችን በሚፈልገው ልክ  ማቀድ እንደሚያስፈልግ ገልጸው፣ ነገር ግን ሰህተቶች መቀጠል ስለሌለባቸው ይህን ለማስተካከል ሲባል የአሰራር ስርአቶችን ማሻሻል አስፈላጊ በመሆኑ ውጤታማ ስራ መሰራት የሚያስችል አደረጃጀት ፀድቆ ወደ ስራ የተገባበት ሁኔታ መኖሩን ገልፀዋል።

መቀጠል እና መቋረጥ ያለባቸውን እንዲሁም በኮንትራክተር ድክመት ያልተሰሩትን ሳይቶች  ወርደው ባደረጉት ክትትል መለየት መቻላቸውን አንስተው፣  በዚህ መልኩ ስራዎችን ለይተው የተጀመሩ ፕሮጀክቶችን የማስቀጠል ስራ እየሰሩ መሆናቸውን ጠቁመዋል።

በሌላ በኩል ተቋሙ የተሰጠውን ተልዕኮ በብቃት እንዲፈጽም፤ ብሎም ተጠያቂነትን ከማስፈን ረገድ፤ እንዲሁም ሚኒስቴር መስሪያ ቤቱ ስራዎችን በሚፈልገው ልክ እንዲያጠናቅቅ ልዩ የበጀት ድጋፍ እንደሚያስፈልግ ገልጸው ለዚህም የቋሚ ኮሚቴው ድጋፍ ያስፈልገናል ሲሉ ጠይቀዋል።

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

"ሚዲያዎች አቅማቸውን እንዲያጠናክሩ መንግስት በትኩረት ይሰራል"

  --- የዲሞክራሲ ጉዳዮች ቋሚ ኮሚቴ ---

(ዜና ፓርላማ) ህዳር 11 ቀን ፣ 2017 ዓ.ም ፣ አዲስ አበባ፣ በህዝብ ተወካዮች ምክር ቤት የኢትዮጵያ መገናኛ ብዙሃን አዋጅ ቁጥር 1238/2013ን ለማሻሻል ከመገናኛ ብዙሃን ባለስልጣን መስሪያ ቤት እና ከተለያዩ የመንግስትና የግል ሚዲያዎች፣ ከዕንባ ጠባቂ ተቋም፣ ከሰብአዊ መብቶች ተቋም፣ ከሲቪክ ማህበረሰብ እንዲሁም ከሚመለከታቸው ተቋማትት ጋር ውይይት አደርጓል።

የዲሞክራሲ ጉዳዮች ቋሚ ኮሚቴ ሰብሳቢ የተከበሩ አቶ እውነቱ አለነ ረቂቅ አዋጁን በማስመልከት ሁሉም የውይይቱ ተሳታፊዎች ሀሳባቸውን በነፃነት በማንሸራሸራቸው የሁሉም ድምፅ እንደተሰማና በቀጣይም ሊበረታታ እንደሚገባ አስገንዝበው፣ አዋጁ ሲሻሻል የሚዲያውን ኢንዱስትሪ እንዳያቀጭጭ ተደርጎና በዓለም ላይ ተወዳዳሪ የሆኑ ተቋማትን ለመፍጠር የመንግስት ፍላጎት ነው ብለዋል።

በሥራ ላይ ያለው አዋጅ ክፍተት እንዳለበትና ሀሳብን በነፃነት የመግለፅ መብት ህገ-መንግስታዊ ቢሆንም በሚዲያ የሚገለፀው ሃሳብ ህዝብን ከህዝብ ጋር የሚያጋጭ ከሆነ ተጠያቂነትን ሊያሰፍን እንደሚገባ ሰብሳቢው ተናግረው፣ በተቻለ መጠን ሀሳብንና ነፃነትን ለመግለፅ ሚዛናዊ መሆን እንደሚገባ አሳስበዋል።

የተከበሩ አቶ እውነቱ አክለውም የቀጥታ ሥርጭትን በተመለከተ የሌሎች ሀገራትን ተሞክሮ በመውሰድ ማዳበር እንደሚሻል አስረድተው፣ መታየትና መካተት ያለባቸው ጉዳዮች አሉ የሚሉ አካላት ካሉ በፅሁፍ ማቅረብ እንደሚችሉና ጠንካራ ተቋማትን ለመፍጠር እንዲቻል እንዲሁም ሚዲያ ነፃነቱን ጠብቆ እንዲሰራና ቋሚ ኮሚቴው የበኩሉን ድርሻ ይወጣል ብለዋል።

የቋሚ ኮሚቴው ምክትል ሰብሳቢ የተከበሩ አቶ አዝመራ አንደሞ በውይይቱ ላይ ብዙ ግብዓት እንደተገኘና በቀጣይ፣ ረቂቅ አዋጁን በመፈተሽ ወቅቱን ከግንዛቤ ውስጥ በማስገባት ለመገናኛ ብዙሃን እንቅፋት እንዳይሆንና ሀገርን ለማሻገርና የህዝብን ጥቅም ለማስከበር ሲባል አዋጁ እንዲሻሻል በትኩረት እንደሚሰራ አብራርተዋል።

አያይዘውም ለዲሞክራሲ እድገትና መበልፀግ ሚዲያዎች ወሳኝ ሚና እንዳላቸው ምክትል ሰብሳቢው ጠቁመው፣ ረቂቅ አዋጁ በቸኮላ የተዘጋጀ እንዳልሆነና ከዚህ በፊት ሌሎች ረቂቅ አዋጆች ሰፊ ውይይት ተደርጎባቸው እንደሚሻሻሉ ሁሉ ይህ የመገናኛ ብዙሃንም አዋጅም ከሚመለከታቸው ባለድርሻ አካላት ጋር በቂ ውይይት እንደተረገበትና በቀጣይም እንደሚደረግ ተናግረዋል።

የኢትዮጵያ መገናኛ ብዙሃን ባለስልጣን ምክትል ዋና ዳይሬክተር  አቶ ዮናታን ተስፋዬ አዋጅ 1238/2013 ላለፉት ሦስት ዓመታት የይዘት እና የስርጭት ሥራዎችን ለመስራት አስቸጋሪ ጊዚያትን ተቋሙ እንዳሳለፈና እንቅፋት እንደሆነባቸው አስረድተው፣ በሥራ ላይ ያለው አዋጅ ተቋሙን በማንና እንዴት እንደሚመራ በግልፅ ባለመቀመጡ ተፅዕኖ እያሳደረባቸው መሆኑን አስገንዝበዋል።

ቀጣይ ረቂቅ አዋጁ ሲፀድቅ የቦርዱ አባላት ለሚዲያው ቅርበትና አግባብነት ያላቸው ሁነው እንደሚዋቀርና የባለስልጣኑ ዋና ዳይሬክተር በህገ መንግስቱ በተጣጣመ አግባብ በጠቅላይ ሚኒስቴሩ አቅራቢነት በፓርላማ እንደሚሾም ምክትል ዋና ዳይሬክተሩገልፀው፤ የባለስልጣኑ የበላይ አመራሮችና ሰራተኞች ከማንኛውም የፖለቲካ ፓርቲ ነፃ፣ ገለልተኛ እና ፕሮፌሽናል እንዲሆን የሚደረግ የሰራተኛ አስተዳደር ደንብ ሊፀድቅ እንደሚገባም አብራርተዋል።

አቶ ዮናታን አክለውም የተቋሙን ተልዕኮ የማስፈፀም አቅም በማጠናከር ቦርዱ በፖሊሲ ጉዳዮች ላይ እንዲወስንና ከህገ-መንግስት ድንጋጌዎች ዓለም አቀፍ ሥምምነቶች፣ ከፖሊሲና ከነባራዊ እውነታ ጋር መጣጣም እንዳለበት አስረድተው፣ ከኬኒያ፣ ከናይጀሪያ፣ ከደቡብ አፍሪካ፣ ከታንዛኒያ፣ ከአሜሪካና ከተለያዩ የአውሮፓ አገራት ተሞክሮ መወሰዱንም ተናግረዋል።

(በ መስፍን አለሰው)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

“ ሀገራዊው የሲቪል ሰርቪስ ሪፎርም ስኬታማ እንዲሆንና የመንግስት አገልግሎት አሰጣጥ እንዲሻሻል ኮሚሽኑ በትኩረት ሊሰራ ይገባዋል”

-- የተከበሩ ነገሪ ሌንጮ ( ዶ/ር) --

( ዜና ፓርላማ) ሕዳር 11፣ 2017 ዓ.ም. ፤ ሀገራዊ የሲቪል ሰርቪስ ሪፎርም ስኬታማ እንዲሆንና የመንግስት አገልግሎት አሰጣጥ እንዲሻሻል ኮሚሽኑ በትኩረት ሊሰራ እንደሚገባ በሕዝብ ተወካዮች ምክር ቤት የሰው ሃብት ልማት ፣ ሥራ ስምሪትና ቴክኖሎጂ ጉዳዮች ቀሚ ኮሚቴ ሰብሳቢ የተከበሩ ነገሪ ሌንጮ (ዶ/ር) አስገንዝበዋል፡፡

ቋሚ ኮሚቴው የፌዴራል ሲቪል ሰርቪስ ኮሚሽንን የ2017 በጀት አመት የአንደኛ ሩብ ዓመት ዕቅድ አፈጻጸም ገምግሟል፡፡
በግምገማው፣ ሪፎርሙ ውጤታማ እንዲሆን እና የታሰበው ሀገራዊ ለውጥ በአጭር ጊዜ እንዲሳካ ኮሚሽኑ ጥብቅ ክትትል በማድረግ ወደ ተግባር ማስገባት እንዳለበት ሰብሳቢው አሳስበዋል፡፡

ሪፎርሙ ሀገራዊ አጀንዳ ሆኖ ተገልጋዩ እና አገልግሎት ሰጪው እርካታ እንዲያገኙ ለማስቻል በከፍተኛ ሃላፊነት ሊሰራ እንደሚገባ ነው ዶ/ር ነገሪ ያብራሩት፡፡

የመንግስት አገልግሎት አሰጣጥን ለማሻሻል እየተለወጠ የመጣውን አሰራር ለተገልጋዩ ህብረተሰብ የግንዛቤ ማስጨበጫ ስልጠና ሊሰጥ እንደሚገባ ዶ/ር ነገሪ ተናግረዋል፡፡

የጸደቀውን የመንግስት ሠራተኞች አዋጅን ተግባራዊ ለማድረግ ደንቦች እና መመሪያዎች ጸድቀው ወደ ተግባር እንዲገባ ኮሚሽኑ ክትትል ማድረግ እንዳለበትም ሰብሳቢው ገልፀዋል፡፡

አዋጁን በተመለከተ ከአዋጁ አውድ ውጭ ትርጉም ለመስጠት እየተንጸባረቁ ያሉ ሀሳቦች በመኖራቸው የአዋጁን አስፈላጊነት እና ዓላማ፣ ለተቋማት ፣ ለሕዝብ እና ለሀገር የሚሰጠውን ጥቅም ግምት ውስጥ በማስገባት የአዋጁን ዋና ዋና የትኩረት ጉዳዮች ግልጽ ማድረግ እንደሚያስፈልግ አስገንዝበዋል፡፡

ችግሮችን ለመፍታት ሀገራዊ ሪፎረሙ ትልቅ ፋይዳ ስላለው ኮሚሽኑ ሪፎረሙ ላይ በትኩረት ሊሰራ እንደሚገባው ሰብሳቢው በአጽንኦት አሳስበው፣ በኮሚሽኑ የሚሰጡ ስልጠናዎች ይዘትን ማእከል ያደረጉ እንዲሆኑ በተለያዩ ቋንቋዎች ሁሉንም ሊያገለግል በሚችል መልኩ የስልጠና ማንዋል ማዘጋጀት እንደሚያስፈልግም ሰብሳቢው ጠቅሰዋል፡፡

በግምገማው፣ ሀገራዊ ሪፎርሙ እስከታች ድረስ ተፈጻሚ እንዲሆን የተጀመሩ ስራዎች አበረታች መሆናቸውን፣ የጸደቀው የመንግስት አገልግሎትና አስተዳደር ፖሊሲ ማስፈጸሚያ ሰነዶችና የሕግ ማዕቀፎች ማዘጋጀት ማችሉን፣ የሲቪል ሰርቪሱን አካታችነትና ብዝሃነትን የማረጋገጥ ስርዓትን የተሰሩ ስራዎች ውጤታማ መሆናቸውን ቋሚ ኮሚቴው በጥንካሬ ከጠቀሳቸው መካከል ይገኙበታል፡፡

የፌዴራል ሲቪል ሰርቪስ ኮሚሽን ኮሚሽነር መኩሪያ ኃይሌ (ዶ/ር) በበኩላቸው፣ የተጀመሩ የተቋማት መዋቅር ማጠናከር መቻሉን ፣ ሀገራዊ ሪፎርሙን ለመተግበር 75 ሚሊዮን ዶላር መፈቀዱን ፣ የፌዴራል ሴክተር ተቋማት ወደ ሪፎርም እንዲገቡ ክትትል እና ድጋፍ እየተደረገ መሆኑን አብራርተዋል፡፡

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

የኢትዮጵያ አየር መንገድ ግሩፕ የሚያከናውናቸውን ተግባራት የበለጠ በማጠናከር የኢትዮጵያና የአፍሪካ ኩራት የሚለውን ስሙን ማስጠበቅ አለበት

-----ቋሚ ኮሚቴው----

(ዜና ፓርላማ) ህዳር 11 ቀን ፣ 2017 ዓ.ም.፤ አዲስ አበባ፤ በኢ.ፌ.ዲ.ሪ የህዝብ ተወካዮች ምክር ቤት የመንግስት ልማት ድርጅቶች ጉዳዮች ቋሚ ኮሚቴ የኢትዮጵያ አየር መንገድ ግሩፕ የሚያከናውናቸውን ተግባራት የበለጠ በማጠናከር የኢትዮጵያና የአፍሪካ ኩራት የሚለውን ስሙን ማስጠበቅ እንዳለበት አሳስቧል።

ቋሚ ኮሚቴው ይህን ያለው የኢትዮጵያ አየር መንገድ ግሩፕን የ2017 በጀት አመት የሩብ አመት የዕቅድ አፈጻፀም ሪፖርት በገመገመበት ወቅት ነው፡፡

የቋሚ ኮሚቴው ሰብሳቢ የተከበሩ ፕሮፈሰር መሀመድ አብዶ አየር መንገዱ ዓለምዓቀፍ ስታንዳርዱን ተከትሎ መስራት መቻሉን እና በኢትዮጵያ፣ በአፍሪካ ብሎም ዓለምዓቀፍ ደረጃ ተቀባይነት ያለው አየር መንገድ መሆኑን ገልጸዋል፡፡

በቀጣይም አየር መንገዱ ያለውን ዝናና ክብር አስጠብቆ ለመሄድ አላሰራ ያሉ አዋጆች ካሉ እንዲሻሻሉ ማቅረብ እና የደንበኞች የቅሬታ መነሻ የሆኑ ጥቃቅን ስሞታዎችን አስፈላጊ መረጃ ከመስጠት ጀምሮ መፍታት እንዳለበት አሳስበው፤ የቋሚ ኮሚቴውን ድጋፍ ለሚሹ ጉዳዮች ቋሚ ኮሚቴው የበኩሉን ድጋፍ እንደሚያደርግም ነው የተከበሩ ፕሮፌሰር መሀመድ አብዶ ያስገነዘቡት፡፡

የቋሚ ኮሚቴው ምክትል ሰብሳቢ የተከበሩ ዶ/ር፣ ኢ/ር ስለሺ ኮሬ በበኩላቸው የኢትዮጵያ አየር መንገድ ለረጅም ዘመን መዳረሻዎቹን እና አገልግሎቱን እያሰፋ የመጣ፣ የአፍሪካ ተምሳሌት የሆነ ተቋም መሆኑን ገልጸዋል፡፡ የተቋሙ በርካታ አፈጻፀሞች ከ95 በመቶ በላይ መሆናቸውንም በጥንካሬ አንስተዋል።

ምክትል ሰብሳቢው በቀጣይ ትኩረት ያስፈልጋቸዋል የተባሉ ነጥቦችን ያስቀመጡ ሲሆን፤ በአገልግሎት አሰጣጡ ላይ የሚነሱ ጥቃቅን ቅሬታዎችን መፍታት፣ በደህንነትና ቅድመ ጥንቃቄ ላይ ማተኮር፣ ዝቅተኛ አፈጻፀም ያላቸውን ስራዎች ማሻሻል፣ የአውሮፕላን መለዋወጫዎች ችግሮችን ለዘለቄታው መፍታት እንደሚገባ አስገንዝበዋል፡፡

አያይዘውም የበላይ አመራሩ በሰራተኞች ዘንድ የሚነሱ ቅሬታዎችን በየደረጃው መፈታት እና ማወያየት እንደሚገባም ነው ምክትል ሰብሳቢ የተከበሩ ዶ/ር፣ ኢ/ር ስለሺ ኮሬ ያመላከቱት፡፡

የቋሚ ኮሚቴው አባላት በበኩላቸው አየር መንገዱ የሀገሪቱን ሰንደቅ ዓላም ተሸክሞ ከሀገር ሀገር የሚዞር፣ ጥሩ ስምና ዝና ያለው፣ አካታች እና የሀገሪቱ ከፍተኛ የኢኮኖሚ አለኝታ መሆኑን ገልጸዋል፡፡

በቀጣይም ተቋሙ አገልግሎቱን ይበልጥ ለማስፋት በየክልሉ የተጀመሩ የአውሮፕላን ማረፊያ ግንባታዎችን እና ጥገናዎችን ማፋጠን እና ከሌሎች ባለድርሻ አካላት ጋር ያለውን ቅንጅታዊ አሰራሮች ማጠናከር እንዳለበት አሳስበዋል፡፡

የኢትዮጵያ አየር መንገድ ግሩፕን የዕቅድ አፈጻፀም ሪፖርትን፤ የኢትዮጵያ አየር መንገድ ዋና ስራ አስፈጻሚ አቶ መስፍን ጣሰው ያቀረቡ ሲሆን፤ ከቋሚ ኮሚቴው እና አባላት ለተነሱ ጥያቄዎችና አስተያየቶች ምላሽና ማብራሪያም ሰጥተዋል፡፡

ዋና ስራ አስፈጻሚው ከቋሚ ኮሚቴው የተነሱ አብዛኛዎቹን አስተያየቶች አየር መንገዱ ለስራው ማጠናከሪያ በግብአትነት እንደሚወስዳቸውም ገልጸዋል፡፡

በቀጣይም አየር መንገዱ አውሮፕላንን ጨምሮ በሀብት፣ በሰው ሃይል እና በቴክኖሎጂ በማጠናከር ከዚህ የተሻለ አገልግሎት ለመስጠት በትኩረት እንደሚሰራም ዋና ስራ አስፈጻሚ አቶ መስፍን ተናግረዋል፡፡

(በ ኃይለሚካኤል አረጋኸኝ)


ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

Parliamentarian Dialogue on Population and Development, held here in Addis Ababa
-----------------------------------
(Parliament News), 20th November 2024:
Parliamentarian Dialogue on Population and Development, held here in Addis Ababa. The Dialogue is part of African Parliamentarians’ Forum on Population and Development which is envisioned for a controlled and Healthy population for all.

Ethiopian parliamentarians, members of women parliamentarian Caucus and officials from ministry of planning and national statistics office participated in the Dialogue in which Ethiopian population status: challenges & opportunities have been discussed to have shared experiences among the participants.

On his welcoming remarks, Hon. Mr. Dessalegn Wodajao, who is Chairperson of Planning, Budget & Finance Affairs Standing Committee in Ethiopian Parliament, noted that Ethiopia has exhibited remarkable achievement to meet the Sustainable Development Goals ( SDGs) and he urged that African Parliamentarians to play important roles to promote population issues and for alignments of laws and government policies in development.

Paper entitled ‘African Parliamentarian Forum on Population and Development in Attainment of ICPD & AADP goals’ was presented by coordinator of APFPD, Mr. Wamala Musa Buyungo.

Musa reflected strategic objectives, and roles of MPs to meet population challenges. He noted that MPs should be working to ensure that the existing laws and policies to be in line with international instruments to meet challenges of population and development. Also, to bridge the gap between the national parliaments and the community via outreach and public engagement programs, advocacy & communication works with proper budget allocation.

Finally, Ethiopian Parliamentary Network on Population and Development has been urged to devise strategies to be responsive to challenges of population and development in legislative engagements.

For more news follow us on:-
Facebook http://www.facebook.com/hoprparliament
YouTube
https://www.youtube.com/@FDREHOPR
Telegram    https://t.me/ParlamaNews
twitter   http://twitter.com/fdrehopr
Website.  www.hopr.gov.et

"ረቂቅ አዋጁ ከመጽደቁ በፊት ከሌሎች ህጎች ጋር የተናበበ እንዲሆን ጥንቃቄ ሊደረግ ይገባል"

--- ቋሚ ኮሚቴው ---

(ዜና ፓርላማ) ኅዳር 11፣ 2017 ዓ.ም፤ በሕዝብ ተወካዮች ምክር ቤት የፕላን፣ በጀት እና ፋይናንስ ጉዳዮች ቋሚ ኮሚቴ ረቂቅ አዋጁ ህግ ሆኖ ከመጽደቁ በፊት ከሌሎች ህጎች ጋር የተናበበ ሊሆን እንደሚገባ አሳስቧል።

ቋሚ ኮሚቴው ይህን ማሳሰቢያ የሰጠው በዛሬው እለት የአረንጓዴ አሻራና የተጎሳቆለ መሬት ማገገሚያ ልዩ ፈንድ ረቂቅ አዋጅን አስመልክቶ የአስረጂ መድረክ ባካሄደበት ወቅት ነው።

የቋሚ ኮሚቴው ሰብሳቢ የተከበሩ አቶ ደሳለኝ ወዳጄ በረቂቅ አዋጁ ዓላማና አሰፈላጊነት ላይ ግልጽ ማብራሪያ የተሰጠበት መድረክ መሆኑን ገልጸው፤ አዋጁ ህግ ሆኖ ከመውጣቱ በፊት ከህገመንግስቱ ጋር የማይጣረስ እንዲሆን በትኩረት ሊታይ እንደሚገባ አሳስበዋል።

የልዩ ፈንዱን የበጀት ድልድል አስመልክቶ ለጊዜው የፌዴሬሽን ምክር ቤት የድጎማ ቀመር ተግባራዊ ሊሆን ይገባል ያሉት የቋሚ ኮሚቴው ሰብሳቢ ዋና ቀመር ግን ከሁለት ዓመት ባልበለጠ ጊዜ ውስጥ ሊወጣ እንደሚገባ አስገንዝበዋል።

የአካቶ ትግበራው በረቂቅ አዋጁ በንዑስ አንቀፅ ይካተት በሚል ከመድረክ የተነሳው በቋሚ ኮሚቴው ተቀባይነት አግኝቶ የሚፈተሽ መሆኑን ገልጸዋል።

የቋሚ ኮሚቴው ምክትል ሰብሳቢ የተከበሩ አብርሃም አለማየሁ(ዶ/ር) በበኩላቸው ረቂቅ አዋጁ ከሚመለከታቸው ተቋማት ጋር በጥልቀት መታየት እንዳለበት ጠቁመው፤ የልዩ ፈንድ ቀመር፣ የአዋጁ ደንብ መመሪያዎች በግልጽ ተለይተው ሊቀመጡ ይገባል ብለዋል።

የኢትዮጵያ ደን ልማት ዋና ዳይሬክተር አቶ ከበደ ይማም ልዩ ፈንዱ በፌዴራል መንግሥት የበላይነት በሁሉም ክልሎች በፍትሀዊነት ተፈጻሚ እንደሚሆን ገልጸው፣ በሌለ በኩል የተጎሳቆለ መሬት ማገገሚያ ማለት የተራቆተ መሬት ምርታማ እንዲሆን ቀድሞ ወደነበረበት መመለስ ስለመሆኑ አብራርተዋል።

ልዩ ፈንዱን በተሻለ መንገድ ተግባራዊ ለማድረግ አዲሱ ቀመር በሁለት ዓመት ውስጥ እንደሚወጣ ዋና ዳይሬክተሩ ገልፅዋል።

በገንዘብ ሚንስቴር የአየር ንብረት ፋይናንስ አማካሪ አቶ ሻረው እርቅይሁን በበኩላቸው የልዩ ፈንዱ ዋና ዓለማ በኢትዮጵያ የተጎሳቆሉና የተራቆቱ መሬቶች እንደገና አገግመው የተሻለ ምርት እንዲሰጡ ማስቻል ነው ብለዋል።

ዘርፉ ወጣቶችንና ሴቶችን የተሻለ የኢኮኖሚ ተጠቃሚ እንዲሆኑ የሚያስችል ነው ያሉት አቶ ሻረው፤ ፈንዱን ለመተግበር በክልሎች የቴክኒክ ኮሚቴ የሚዋቀር መሆኑን ገልጸዋል።

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

ረቂቅ አዋጁ በእንስሳት ሃብት ልማት ዜጎችን ተጠቃሚ ለማድረግ እንደሚያግዝ ተጠቆመ
--------------------------------
(ዜና ፓርላማ) ህዳር 11 ቀን፣ 2017 ዓ.ም፤ አዲስ አበባ፤ በሕዝብ ተወካዮች ምክር ቤት የግብርና ጉዳዮች ቋሚ ኮሚቴ በእንስሳት ሃብት ልማት ዘርፉ ዜጎችን ተጠቃሚ ለማድረግ ረቂቅ አዋጁ እንደሚያግዝ አመላክቷል፡፡ የግብርና ጉዳዮች ቋሚ ኮሚቴ በእንስሳት ጤና እና ደህንነት ረቂቅ አዋጅ ላይ ከባለድርሻ አካላት ጋር ውይይት አድርጓል፡፡

የግብርና ጉዳዮች ቋሚ ኮሚቴ ሰብሳቢ የተከበሩ አቶ ሰለሞን ላሌ ኢትዮጵያ የአለም እንሰሳት ጤና ድርጅት አባል በመሆኗ አዋጁ ያንን ስታንዳርድ በሚያስጠብቅ መልኩ እንደተዘጋጀ ጠቁመው ከዘርፉ ተጠቃሚ ለመሆን እና በዓለም ገበያው ተወዳዳሪ ለመሆን ረቂቅ አዋጁ ጠቀሜታው የጎላ ነው ብለዋል፡፡

በእንሳሳት ሃብት ልማት ዘርፍ የምግብ ዋስትናን ለማረጋገጥ እና የውጭ ምንዛሪ ገቢን ለማስገኘት ረቂቅ አዋጁ ጠቃሚ መሆኑን የተከበሩ አቶ ሰለሞን ላሌ አክለው ገልጸዋል፡፡

የግብርና ሚኒስቴር ሚኒስትር ዴኤታ ፍቅሩ ረጋሳ (ዶ/ር) አዲሱ ረቂቅ አዋጅ ሀገራዊ እና ዓለም አቀፋዊ ነባራዊ ሁኔታን ባገናዘበ መልኩ የተዘጋጀና የነበሩ የአሰራር ክፍተቶችን ሊፈታ የሚችል መሆኑን አስረድተዋል፡፡

ሚኒስትሩ ዴታው አያይዘውም፤ የእንስሳት ምዝገባና ልየታ በረቂቅ አዋጂ መመላከቱ ህገ ወጥ የእንስሳት ግብይትን ለመከላከል እና ለመቆጣጠር የሚያግዝ መሆኑን ጠቁመዋል፡፡

የእንሰሳት ተዋጽኦ ውጤቶችን ደህንነት እና ጥራት በማስጠበቅ ምርትና ምርታማነትን በማሳደግ ሀገራችን ከዘርፉ ተጠቃሚ ለማደረግ ረቂቅ አዋጁ የሚያግዝ መሆኑን ሚኒስትር ዴኤታው አስረድተዋል፡፡

የተሰጡትን አስተያየቶች በግብአትነት በመጠቀም በቀጣይ ረቂቅ አዋጁ እንዲጸድቅ ቋሚ ኮሚቴው የበኩሉን እገዛ እንዲያድርግ ሲሉ ፍቅሩ ረጋሳ (ዶ/ር )ገልጸዋል፡፡

ሌሎች ተሳታፊዎች በበኩላቸው፤ ረቂቅ አዋጁ ብዙ ችግሮችን የሚፈታ እና ሀገራችን ከዘርፉ ጥቅም ልታገኝ የሚትችልበትን እድል የሚፈጥር መሆኑን ጠቁመዋል፡፡

ከሚቋቋመው ቦርድ ሃላፊነት እና ተግባር ጋር በተያያዘ እንዲሁም ተቀራራቢ እና አሻሚ የሆኑ ቃላቶችን በቀጣይ በደንብ መታየት እንዳለባቸው የመደረኩ ተሳታፊዎች አመላክተዋል፡፡

በውይይት መድረኩም ከግብርና ሚኒስቴር፤ የክልሎች እና ከተማ አስተዳደሮች የግብርና ቢሮ ኃላፊዎች እንዲሁም ሌሎች ጥሪ የተደረገላቸው የዘርፉ ምሁራን ተሳትፈዋል፡፡

( በመኩሪያ ፈንታ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

ኢንስቲትዩቱ ፣ የማህበረሰብ አቀፍ ዝርያን ማሻሻል ስራውን አጠናክሮ መቀጠል እንዳለበት ቋሚ ኮሚቴው ገለጸ
-------------------------------
(ዜና ፓርላማ) ሕዳር 10፣ 2017 ዓ.ም.፤ የኢትዮጵያ እንስሳት ልማት ኢንስቲትዩት የማህበረሰብ አቀፍ ዝርያን ማሻሻል ስራውን አጠናክሮ መቀጠል እንዳለበት በሕዝብ ተወካዮች ምክር ቤት የግብርና ጉዳዮቸ ቋሚ ኮሚቴ ገልጿል። ቋሚ ኮሚቴው በኢንስቲትዩቱ ሆለታ ማዕከል የመስክ ምልከታ አድርጓል።

በምልከታውም ፣ የማህበረሰብ አቀፍ ዝርያን ማሻሻል መቻሉን ፣ ተጀምረው ቆመው የነበሩ ፕሮጀክቶች ግንባታቸው እንዲጀመር ማድረጉን እና ለእንስሳት የተመጣጠነ መኖ ማቀነባበሪያ ግብዓት የሚሆን የበቆሎ ግዥን ለመቀነስ በቆሎ ማምረት መጀመሩን የቋሚ ኮሚቴው አባልና የቡድኑ መሪ የተከበሩ አቶ አለሙ ዳምጠው በጥንካሬ ጠቅሰዋል።

እንዲሁም ፣የእንስሳት መኖ ምርት ማቀነባበሪያ መኖሩን ፣ በሴቶች ፎረም እየለማ ያለ የጓሮ አትክልት ስራ መጀመር ፣ የመኖ ድርቆሽ አሰባሰቡ ጥሩ መሆኑን፣ በምርጫ ክልል ለተነሱ ጥያቄዎች ምላሽ መሰጠት መቻሉን ፣ የሪፎርም የቅድመ ዝግጅት ስራዎች ውጤታማ መሆናቸውን እና የሆለታ ማዕከልን የይዞታ ማረጋገጫ ካርታ መኖሩን ቡድኑ በጥንካሬ ከጠቀሳቸው መካከል ዋናዋናዎቹ ናቸው።

በሌላ በኩል የተጀመሩ የማዕከላት ግንባታ በተቀመጠላቸው ጊዜና መርሃ ግብር እንዲጠናቀቁ ጥብቅ ክትትል መደረግ እንዳለበት ፣ በሂደት ላይ ያሉ የሪፎርም ስራዎች ተጠናክረው መቀጠል እንዳለባቸው ፣ በተቋሙ መፈታት ያለባቸው ጉዳዮች ትኩረት ተሰጥቷቸው እንዲፈቱ የቡድኑ አስተባባሪ አቶ አለሙ አስገንዝበዋል።

በተጨማሪም ፣ የበጀት ችግሩ በዝርዝር ተጠንቶ ለሚመለከተው አካል ቢቀርብ ፣ የበቆሎ ምርት ግብዓት እንዲሰፋ እና ሌሎች ግብዓቶች ላይም ቢሰራ፣ የተጀመሩ የከብቶች በረት ተጠናክረው ወደ ትግበራ እንዲገቡ በትኩረት መሰራት እንዳለበት የቡድኑ አባላት ገልጸዋል።

የኢትዮጵያ እንስሳት ልማት ኢንስቲትዩት ዋና ዳይሬክተር ዶ/ር አስራት ጤራ በኢንስቲትዩቱ የተከናዎኑ ዋና ዋና ተግባራትን አቅርበዋል ።

ኢንስቲትዩቱ በሌማት ትሩፋት ፣ በኮሪደር ልማቱ ተነሽ ለሆኑ ዜጎች እና በሞት ለተለዩ የኢንስቲትዩቱ የስራ ባልደረቦች ድጋፍ መደረጉን ዋና ዳይሬክተሩ አብራርተዋል።

የኢንስቲትዩቱን ስራ ቀጣይነት ባለው መልኩ ለማስቀጠል ከፌዴራል ፖሊስና ከክልል ባለድርሻ አካላት ጋር በቅንጅት እየተሰራ መሆኑን ዶ/ር አስራት ጠቅሰው፣ በቋሚ ኮሚቴው በኩል የተሰጡ አስተያየቶችን በቀጣይ እንደሚሰሩባቸው ገልጸዋል።

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

የሕዝብ ተወካዮች ምክር ቤት የቀረበለትን ረቂቅ አዋጅ መርምሮ አጸደቀ
---------------------------
(ዜና ፓርላማ) ህዳር 10 ፣ 2017 ዓ.ም ፤ የሕዝብ ተወካዮች ምክር ቤት 4ኛ ዓመት የሥራ ዘመን በ5ኛ መደበኛ ስብሰባው የፌዴራል መንግሥት ሠራተኞች ረቂቅ አዋጅን መርምሮ በአብላጫ ድምጽ ጽድቋል፡፡

በሕዝብ ተወካዮች ምክር ቤት የሰው ኃብት ልማት፣ ሥራ ስምሪት እና ቴክኖሎጂ ጉዳዮች ቋሚ ኮሚቴ ሰብሳቢ የተከበሩ ነገሪ ሌንጮ (ዶ/ር) ሪፖርት እና የውሳኔ ሃሳብ ለምክር ቤቱ አቅርበዋል፡፡

የቋሚ ኮሚቴው ሰብሳቢው አያይዘውም ከተለያዩ ሚኒስቴር መስሪያ ቤቶች፤ ከሲቪል ሰርቪስ ኮሚሽን እና ከዴሞክራሲ ተቋማት የሥራ ኃላፊዎች ሰፊ ውይይት በማድረግ ለረቂቅ አዋጁ በቂ ግብአት በመሰብሰብ እንዲዳብር ማድረግ መቻሉን ለምክር ቤቱ አስረድተዋል፡፡

የፌዴራል የመንግሥት መሥሪያ ቤቶች የተሰጣቸውን ኃላፊነት፣ ተግባርና ተልዕኮ በብቃት፣ በጥራትና በውጤታማነት እንዲወጡ ለማድረግ፣ ዘመናዊ የሆኑ የአሠራር ሥርዓት በመከተል፤ ቀልጣፋ የመንግሥት አገልግሎት ለመስጠት የሚያስችል ሥርዓት በሕግ መደንገግ አስፈላጊ ሆኖ መገኘቱ የረቂቅ አዋጁን ዓላማ መሆኑን አብራርተዋል፡፡

ኢትዮጵያን የሚመስል የሠራተኞች ስብጥር ብዝኃነት እና አካታችነትን ያገናዘበ የመንግሥት አገልግሎትና አስተዳደር ሥርዓት ለመገንባት ረቂቅ አዋጁ የሚያግዝ መሆኑን ዶክተር ነገሪ ሌንጮ አክለዋል፡፡

የፍትህ ተቋማት ከስራ ባህሪያቸው አንፃር አዋጁን ያፀደቁ ስለሆነ ይህ ረቂቅ አዋጅ ከሌሎች ተቋማት አዋጅ አይጣረስም ወይ በሚል ከምክር ቤቱ ለተነሳው ጥያቄ፤ የቋሚ ኮሚቴ ሰብሳቢው አጠቃላይ የሀገሪቱን የሲቪል ሰርቫንት የሚመለከት ረቂቅ አዋጅ ቢሆንም አንዳንድ ተቋማት ከስራ ባህሪያቸው አንጻር በሚመለከታቸው የተቋማት የስራ ኃላፊዎች ታይቶና ተመዝኖ ምላሽ የሚሰጣቸው መሆኑን አስረድተዋል፡፡

የምክር ቤቱ አባላት በበኩላቸው፤ ረቂቅ አዋጁ በሰራተኛው ዘንድ መነቃቃት የሚፈጥር የማበረታቻም ስርዓት ያለው መሆኑን በጥሩ ጎን አንስተዋል፡፡

የመንግሥትን የመፈፀም ብቃት በማጎልበት፣ የተገልጋዩን ፍላጎት የሚያረካ የሀገርን እድገት የሚያፋጥን ሰራተኛ ለመፍጠር ረቂቅ አዋጁ የሚያግዝ መሆኑን የምክር ቤቱ አባላት ጠቁመዋል፡፡

የፌዴራል መንግሥት ሠራተኞች ረቂቅ አዋጅ፤ አዋጅ ቁጥር 1064/2010 የነበረው፤ ተሻሽሎ በአዲሱ አዋጅ ቁጥር 1353/2017 ሆኖ በሶስት ተቃውሞ፣ በእራት ተአቅቦ በአብላጫ ድምጽ ጸድቋል፡፡

(በመኩሪያ ፈንታ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

ኢንተርፕራይዙ የስራ ትኩረት የሚሹ ያልፀደቁ መመሪያዎችና የአሰራር ማንዋሎች ትኩረት ሊሰጣቸው እንደሚገባ ቋሚ ኮሚቴው አስገነዘበ
-------------------------------                      
(ዜና ፓርላማ) ህዳር 10፣ 2017፣ ዓ.ም፣ ሃዋሳ፤ በሃዋሳ ዩኒቨርሲቲ የገቢ ማመንጫ ኢንተርፕራይዝ የስራ አመራር ቦርድ ትኩረት የሚሹ ያልፀደቁ መመሪያዎችና የአሰራር ማንዋሎች ትኩረት ሊሰጣቸው እንደሚገባ ቋሚ ኮሚቴው አስገንዝቧል።

በሕዝብ ተወካዮች ምክር ቤት የመንግስት ወጪ አስተዳደርና ቁጥጥር ጉዳዮች ቋሚ ኮሚቴ በሃዋሳ ዩኒቨርስቲ ገቢ ማመንጫ ኢንተርፕራይዝ የክዋኔ ኦዲት ግኝት ላይ በዋና ኦዲተር የተጠውን የማሻሻያ ሃሳብ ተከትሎ ቋሚ ኮሚቴው ባስቀመጣቸው አቅጣጫዎች መሠረት የተወሰዱ የማስተካከያ እርምጃዎችን በአካል ተገኝቶ ለማረጋገጥ ምልከታ አድርጓል።

በምልከታውም፣  የኢንተርፕራይዙን የስራ አመራር ትኩረት የሚሹ ያልፀደቁ መመሪያዎችና የአሠራር ማንዋሎች መኖራቸውን መረዳት ችሏል።

የቋሚ ኮሚቴው ምክትል ሰብሳቢና የቡድኑ አስተባባሪ የተከበሩ ወ/ሮ አራሬ ሞሲሳ የገቢ ማመንጫ ኢንተርፕራይዙ የተቋቋመበትን አላማ ከግብ ለማድረስ በኦዲት ግኝቱ መሠረት ቋሚ ኮሚቴው ያስቀመጠውን አቅጣጫ ተከትሎ የተደረጉ የማሻሻያ እርምጃዎችን በየሦስት ወሩ በሪፖርት ማሳወቁን በጥንካሬ አንስተዋል።

በሌላ በኩል የሰው ሀብት አመራርና ልማት፣ የንብረት አስተዳደር፣ የፋይናንስ አስተዳደር፣ የሽያጭ አፈፃፀምና ቁጥጥር፣ የግዥ አፈፃፀም እና የውስጥ ኦዲት እንዲሁም የዩኒቨርስቲው ባለሙያዎች ኢንተርፕራይዙን እንዲጠቀሙ የሚያስችሉ መመሪያዎች ተዘጋጅተው ለቦርድ የቀረቡ ቢሆንም መፅደቅ አለመቻላቸው በአሰራር ላይ ክፍተት የሚፈጥር መሆኑ ተመላክቷል።

በቀጣይ ተጋላጭነትን ለመቀነስ በፍጥነት ፅድቆ ወደ ስራ ሊጋባ ይገባል ሲሉ ምክትል ሰብሳቢዋ አፅንዖት ሰጥተው አሳስበዋል።

ምክትል ሰብሳቢዋ አክለውም፣  በግኝቱ መሰረት የእርምት እርምጃ የተወሰደባቸው መኖራቸው ኢንተርፕራይዝ ለጉዳዩ የሰጠውን ትኩረት የሚያሳይ መሆኑን በጥንካሬ ገልጸዋል።

በኦዲት ግኝቱ ያልነበሩ ግን ደግሞ በስራ የታዩ ተግባራት መኖራቸውን ቋሚ ኮሚቴው በጉብኝቱ ወቅት የተመለከተ በመሆኑ በስራ ያሉ ነገር ግን በመመሪያ ያልፀደቁ የአሰራር ስርዓት ሊዘረጋላቸው የሚገቡ ተግባራት ትኩረት ሊሰጣቸው ይባል ሲሉ የተከበሩ ወ/ሮ አራሬ አስገንዝበዋል።

በሃዋሳ ዩኒቨርስቲ ተ/ፕሬዚዳንት ችሮታው አየለ (ዶ/ር) ከህግ አንፃር መስተካከል የሚገባቸው እና ኢንተርፕራይዙን ውጤታማ የሚያደርጉ የአሰራር ስርዓቶች መኖራቸውን አንስተዋል።

ኢንተርፕራይዙ ከመምህራንና ከባለሙያ ጋር በምን መልኩ እንደሚሰራ ግልፅ አሰራር አለመኖሩን ጨምሮ ኢንተርፕራይዙ ውጤታማ እንዲሆን ምሁራን ሊያግዙ የሚችሉበት የህግ አግባብ ሊኖር ይገባል ነው ያሉት።

በሚኒስትሮች ምክር ቤት የወጣው ህግና መመሪያ የዩኒቨርስቲው ፕሬዚዳንት በኢንተርፕራይዙ ላይ ያለው ሚና እጅግ አናሳና የውሳኔ አካል እንዲሆን የሚያስችል አለመሆኑን ጠቁመው፣ ነገር ግን ፕሬዚዳንቱ ኢንተርፕራይዙን የሚከታተልበት አሠራር ሊኖር እንደሚገባ ጠቁመዋል።

የኢንተርፕራይዙ ስራ አስኪያጅ ወንድሙ አክሊሉ (ዶ/ር) የሚያሰሩ ደንብና መመሪያዎች ተዘጋጅተው እንዲፀድቁ ለቦርዱ ቢቀርቡም፣ ነገር ግን ፈጥኖ ፀድቆ ወደ ስራ ባለመገባቱ በ 2017 የታቀዱ ስራዎች ክፍተቶች እንዳይፈጠሩ ሲባል ስራዎች እየተሰሩ ያሉበት ሁኔታ መኖራቸውን ገልፀዋል።

ቋሚ ኮሚቴው በበኩሉ መመሪያዎችና የአሰራር ማንዋሎች በአስቸኳይ መፅደቅ እንዳለባቸው፤ በአይ አር ሂሳብ ኤፍ ኤስ የሚደረገው የሂሳብ መዝገብ ተጠናቅቆ በዋና ኦዲተር ወይም በሚወክለው አካል ኦዲት መደረግ እንዳለበት ጠቁመዋል።

ኢንተርፕራይዙ የተቋቋመበት የመመስረቻ ሰነድ ቁጥር 456 /2012 መሠረት ድጋሚ ሊስተካከል እና መቋቋሚያ ካፒታሉ በአይነት ያሉትን ጨምሮ ሊመዘገብና በኢንተርፕራይዙ የሂሳብ መግለጫ ማሳየት እንደሚያስፈልግም ቋሚ ኮሚቴው አስገንዝቧል።

እንዲሁም የሃዋሳ ዩኒቨርሲቲ አዲስ አበባ የእንግዳ ማረፊያ ለመግዛት ከኢንተርፕራይዙ የወሰደውን 35 ሚሊዮን 75 ሽህ ብር ህግና መመሪያ በሚፈቅድ መልኩ ለኢንተርፕራይዙ ተመላሽ ማድረግ እንዳለበት ቋሚ ኮሚቴው ሊተኮርበት እንደሚገባ አስገንዝቧል።

(በ ለምለም ብዙነህ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

"ለሀገራዊ ምክክሩ ስኬት መንግስት የጸና አቋም አለው"

--- የተከበሩ ተስፋዬ በልጅጌ (ዶ/ር) ---

(ዜና ፓርላማ) ሕዳር 10፣ 2017 ዓ.ም፤ የኢትዮጵያ ሀገራዊ ምክክር በስኬት ይከናወን ዘንድ መንግስት የጸና አቋም እንዳለው በህዝብ ተወካዮች ምክር ቤት የመንግሥት ዋና ተጠሪ ሚኒስትር የተከበሩ ተስፋዬ በልጅጌ (ዶ/ር) አስታወቁ፡፡

የተከበሩ ተስፋዬ በልጅጌ ዶ/ር ይህንን ያሉት በዛሬው እለት የኢትዮጵያ ሀገራዊ ምክክር ኮሚሽን የስራ አፈጻጸም ሪፖርት ለምክር ቤቱ ሲቀርብ የመንግስትን አቋም በገለጹበት ወቅት ነው፡፡

የተከበሩ ተስፋዬ (ዶ/ር) ለሀገራዊ ምክክሩ ስኬት አስቻይ ሁኔታዎችን በመፍጠር መንግስትም ሆነ የኢፌዲሪ የህዝብ ተወካዮች ምክር ቤት በርካታ ተግባራትን ስለማከናወናቸውና ኮሚሽነሮቹም አበረታች ስራዎችን እየሰሩ ስለመሆኑ አስረድተዋል፡፡

መንግስት ከቀድሞ ትርክቶች ጋር ተያይዘው የሚነሱና ኢትዮጵያዊያን ተግባብተው የጋራ ሀገር እንዳይመሩ እንቅፋት የሆኑባቸው ችግሮች በምክክር እና በውይይት ይፈታሉ የሚል ጽኑ እምነት እንዳለው ነው የመንግሥት ዋና ተጠሪ ሚኒስትሩ ያስገነዘቡት፡፡

ሀገራዊ ምክክር ኢትዮጵያን ለዘመናት ከቆየችበት የግጭት አዙሪት ለማውጣት ተስፋ የተጣለበት ወሳኝና ታሪካዊ ስራ በመሆኑ መንግስትን ጨምሮ በሀገሪቱ የሚገኙ የፖለቲካ ፓርቲዎች በጋራ በኃላፊነት ስሜት ክትትልና ድጋፍ ማድረግ እንደሚኖርባቸውም አሳስበዋል፡፡

(በ አበባው ዮሴፍ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

"ሀገራዊ ምክክሩ ሀገርን ለማሻገር የሚከናወን ስራ ነው"

-- የተከበሩ አቶ ታገሰ ጫፎ ---

(ዜና ፓርላማ) ሕዳር 10 ፣ 2017 ዓ.ም፤ የኢትዮጵያ ሀገራዊ ምክክር ኮሚሽን ኢትዮጵያን ለማሻገር የሚያስችል ስራ እያከናወነ ስለመሆኑ የህዝብ ተወካዮች ምክር ቤት አፈ ጉባኤ የተከበሩ አቶ ታገሰ ጫፎ ገለጹ፡፡

6ኛው የሕዝብ ተወካዮች ም/ቤት 4ኛ ዓመት የስራ ዘመን በ5ኛ መደበኛ ስብሰባው የኢትዮጵያ ሀገራዊ ምክክር ኮሚሽን የስራ አፈጻጸም ሪፖርት በማዳመጥ ሰፊ ውይይት አድርጓል፡፡

ሀገራዊ ምክክሩ መሰረታዊ በሆኑ ሀገራዊ ጉዳዮች ላይ መግባባት ለመፍጠር የሚያግዝና በሀገራችን ለልዩነት እና ለግጭት ምክንያት ለሆኑ ጉዳዮች እልባት ለመስጠት እንደሚያስችል የተከበሩ አቶ ታገሰ አስገንዝበዋል፡፡

የኢትዮጵያ ሀገር መንግሥትን ለማጽናት የሀገራዊ ምክክሩ ሚና ወሳኝ በመሆኑ የምክር ቤት አባላትን ጨምሮ የሚመለከታቸው ባለድርሻ አካላት ሁለንተናዊ ድጋፍ ማድረግ እንደሚጠበቅባቸው አፈ ጉባኤው አመላክተዋል።

የሀገራችን ህዝቦች ውስጣዊ ችግሮቻቸውን በምክክር መፍታታቸው ሀገራችን ለውጫዊ ተግዳሮት ተጋላጭ እንዳትሆን ስለማስቻሉ የተከበሩ አቶ ታገሰ አስረድተዋል፡፡

የኢትዮጵያ ሀገራዊ ምክክር ኮሚሽን ዋና ኮሚሽነር ፕሮፌሰር መስፍን አርዓያ የኮሚሽኑን ሪፖርት ለምክር ቤቱ ያቀረቡ ሲሆን፤ የምክር ቤቱ አባላት የተለያዩ አስተያየቶችንና ጥያቄዎችን አንስተዋል፡፡

እስካሁን ባለው ሂደት ከትግራይ እና ከአማራ ክልል እንዲሁም ከኦሮሚያ ክልል ጥቂት ወረዳዎች በስተቀር በሁሉም ክልሎችና ከተማ መስተዳድሮች የአጀንዳ ማሰባሰብ እና በሀገራዊ ምክክር ጉባኤው ተሳታፊዎችን የመለየት ስራ መጠናቀቁን ኮሚሽነሩ ገልጸዋል፡፡

በኦሮሚያ ክልል 98 በመቶ የተጠናቀቀ መሆኑንና ያለው ቀሪ ስራ በቀጣዮቹ ሁለት ሳምንታት እንደሚጠናቀቅ፤ በተመሳሳይ በአማራ እና በትግራይ ክልሎች የአጀንዳ ማሰባሰብ እና የተሳታፊዎች ልየታ በቀጣዮቹ ጊዜያት ለማከናወን እየተሰራ ስለመሆኑ ነው ኮሚሽነሩ የገለጹት፡፡

(በ አበባው ዮሴፍ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

የባሌ ዞን የኩታ ገጠም የስንዴ ልማት ውጤታማና የተቀናጀ ስራ የታየበት መሆኑ ተጠቆመ
-------------------------------
(ዜና ፓርላማ) ህዳር 10 ቀን፣ 2017 ዓ.ም፤ በሕዝብ ተወካዮች ምክር ቤት የግብርና ጉዳዮች ቋሚ ኮሚቴ በኦሮሚያ ክልል የባሌ ዞን የኩታ ገጠም የስንዴ ልማት ውጤታማና የተቀናጀ ስራ የታየበት በመሆኑ ተጠናክሮ ሊቀጥል ይገባል ብሏል።
ቋሚ ኮሚቴው ፤ በዞኑ ያካሄደውን የመስክ ምልከታ አስመልክቶ የማጠቃለያ ግብረመልስ ሰጥቷል።

የመስክ ምልከታው ቡድን መሪ የተከበሩ ወ/ሮ አልማዝ ወዳጆ እና ሌሎቹም የቋሚ ኮሚቴው አባላት በዞኑ በስፋት እየተመረተ ያለው የኩታ ገጠም የስንዴ ልማት ውጤታማና የተቀናጀ ስራ የታየበት መሆኑን እና ተጠናክሮ መቀጠል እንዳለበት ገልጸዋል።

በቀጣይ በስንዴ ልማት የታየውን ውጤታማ ስራ በሌሎችም ምርቶች ላይ መስራት እንደሚያስፈልግ ጠቁመዋል። ዞኑ እንደ ሀገር የተያዙ የዘርፉን ዕቅዶችን ለማሳካት እያደረገ ያለው ጥረት አበረታች መሆኑን የቋሚ ኮሚቴው አባላት ተናግረዋል።

በእንስሳት እርባታና በግብርናው ዘርፍ ለሴቶችና ወጣቶች የስራ ዕድል ፈጠራ ትኩረት ሰጥቶ ሊሰራባቸው እንደሚገባም ጠቁመዋል ።

በህብረት ስራ ማህበራት ላይ የኦዲት ሥራ በተሟላ መልኩ መከናወን እንዳለበት፣ ከሰብል ልማት ስራው ስፋት አኳያ የሜካናይዜሽን ስራዎች መስፋፋት እንዳለባቸው እንዲሁም የገበያ ትስስር መፍጠር ትኩረት ሰጥቶ ሊሰራባቸው እንደሚገባ የቋሚ ኮሚቴው አባላት ገልጸዋል ።

የክልሉ የግብርና ቢሮ ተወካይ አቶ ነቢ ሞርኬ በግብርናው ዘርፍ እንደ ሀገር የተያዙ የልማት ስራዎችን ለማሳካት እየተሰራ መሆኑን ጠቁመው፤ በቀጣይም በተሰጡ አስተያየቶች መሰረት በየደረጃው ካሉ አካላት ጋር በመተባበር ጥንካሬዎችን ለማስቀጠል ክፍተቶችን ለማረም የሚሰሩ መሆናቸውን ተናግረዋል ።

የዞኑ ግብርና ጽህፈት ቤት ምክትል ኃላፊ አቶ ሰለሞን ዳዲ በዘርፉ ያሉ ግቦችን ለማሳካት እየተሰራ ያለው ስራ አመርቂ መሆኑን ጠቁመዋል ።

አርሶእና አርብቶ አደር ጋር ያለው ተክኖሎጂ አጠቃቀም እየተሻሻለ መምጣቱ፣ በ2016/17 የዘር ወቅት የተዘሩ ኢኒሼትቮች ክንውን እና በክላስተር መዝራት ያለው አፈፃፀም የተሻለ መሆኑን ገልጸዋል ።

የሙጃ አረም ከመድሃኒት ጋር በመላመዱ በስንዴ ምርት ላይ ተፅዕኖ ማሳደሩ፤ እንሰሳት ለማዳቀል የሚያስፈልጉ ግብዓቶች (Liquid Nitrogen) በተፈለጉ ግዜ አለመገኘት እና በዞኑ የእንሰሳት ምርምር ማዕከል አለመኖር እንደችግር አንስተዋል።

በተጨማሪም የጥራጥሬ እህሎች መካናይዝድ ለማድረግ የሚያጭድ ማሽነሪ አለመኖር፤ የገበያ ትስስር በተገቢው አለመኖር እንደችግር አንስተዋል።

የዞኑ ምክትል አስተዳዳሪ አቶ አብርሃም ሃይሌ በበኩላቸው በዞኑ በሰብል ልማት እና በፍራፍሬ ላይ በስፋት እየተሰራ መሆኑን ገልጸው፤ በቀጣይ በእንስሳት እርባታ ላይ ለመስራት እንቅስቃሴ መጀመሩን ተናግረዋል ።

በሌላ በኩል ዘመናዊ ቴክኖሎጂዎች በስፋት እንዲገቡ ቢደረግ፣ አሰራሮችን በዘመናዊ መልኩ ለማከናወን የኔትወርክ ችግር እንዳለ ጠቁመው፤ ቋሚ ኮሚቴው እገዛ እንዲያደርግላቸው ጠይቀዋል።

(በፋንታዬ ጌታቸው)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

"በርካታ ፈተናዎች በማለፍ ጠንካራ ሕብረ ብሔራዊ አንድነት ያላት ሀገር አየተገነባች ነው "

---  የተከበሩ ተስፋዬ በልጂጌ (ዶ/ር) ----

(ዜና ፓርላማ) ህዳር 10፣ 2017 ዓ.ም፤ በርካታ ፈተናዎች በመቋቋምና በማሳለፍ ጠንካራ ሕብረ ብሔራዊ አንድነት ያላት ሀገርን የመገንባት ሥራ መንግሥትና ፓርቲያቸው በፅናት አየፈፀመ መሆኑን ዋና የመንግሥት ተጠሪ ሚኒስትር እና የብልፅግና ፓርቲ የሥራ አስፈፃሚ አባል የተከበሩ ዶ/ር ተስፋዬ በልጂጌ ገለጹ።

የተከበሩ ዶ/ር ተስፋዬ እንዳሉት  ለጋራ ህልሞቻችን በጋራ እንድንቆም መንግሥትና የብልፅግና ፓርቲ ጠንክሮ አየሠራ ያለ መሆኑን ገልፀዋል።

እንደ ዶ/ር ተስፋዬ ገለፃ የተጋመደ የጋራ ማንነት ያለን ሕዝቦች በመሆናችን ይሔኑኑ ለማፅናት መንግሥትና የብልፅግና ፓርቲ ከመቼውም በበለጠ ጠንክሮ እየሠራ ያለ  መሆኑን ገልፀዋል ።

በመሆኑም የሰብዓዊ ክብርና የዜጎች ክብር እንዲጠበቅ እንዲሁም ሀገራዊ ልዕልና እንዲረጋገጥ ፓርቲያችን ይሠራል ብለዋል። ከዚሁ ጋር በተገናኘ የፖለቲካ ሪፎርሙን አጠናክረን መጓዝ አለብን ሲሉ ገልጸዋል ።

በተጨማሪም ሀገራዊ መግባባትን ለማምጣት የትርክት ግንባታ ላይ በግንባር ቀደምትነት የምክር ቤቱም ኃላፊነት በመሆኑ ሀገራዊ የምክክር ኮሚሽን እንዲሳካ መሥራት እንደሚገባ አስገንዝበዋል ።

ይህ በእንዲህ እንዳለ አዎንታዊ የሠላም ባህል ግንባታ እንዲኖር የምክር ቤት አመራርና አባላትም ኃላፊነታቸውን ሊወጡ እንደሚገባ አስረድተዋል።

በተጨማሪም የምክር ቤት አባላቱ የተቋም ግንባታን በማጠናከርና አገልጋይ አመራርና አባል እንዲኖር ጠንክረው ሊሰሩ እንደሚገባ ገልፀዋል ።

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

" መንግሥት የፍትሐዊ ተጠቃሚነት በማረጋገጥ በኩል የሚነሱ ችግሮችን በሠላም በመፍታት  የሚጨበጡ ለውጦችን አስመዝግቧል "

-- ምክትል አፈ-ጉባኤ ሎሚ በዶ --

(ዜና ፓርላማ)፣ ህዳር 09፣ 2017 ዓ.ም.፤ መንግሥት የፍትሐዊ ተጠቃሚነት በማረጋገጥ በኩል የሚነሱ ችግሮችን በሠላም በመፍታት  የሚጨበጡ ለውጦችን ማስመዝገብ መቻሉን የሕዝብ ተወካዮች ምክር ቤት ምክትል አፈ-ጉባኤ የተከበሩ ወ/ሮ ሎሚ በዶ አሰገነዘቡ

የተከበሩ ወ/ሮ ሎሚ በዶ ይሔን የገለፁት “የህልም ጉልበት ለእምርታዊ ዕድገት” በሚል ርዕስ ለሁለቱ ምክር ቤቶች ጽ/ቤቶች አመራሮችና ሠራተኞች በተሰጠው ሥልጠና ላይ ከተሳታፊዎች ለተነሱ ጥያቄዎችና አስተያየቶች ምላሽ በሰጡበት ወቅት ነው።

የውይይት መነሻ የሚሆነውን ጽሑፍ በሕዝብ ተወካዮች ምክር ቤት ጽ/ቤት ምክትል ዋና ፀሐፊ ንጉሤ መሸሻ (ዶ/ር) ቀርቦ 
ከተሳታፊዎች ለተነሱ ጥያቄዎችና አስተያየቶች ምላሽና ማብራሪያ የሰጡት የተከበሩ ወ/ሮ ሎሚ በፍትሐዊ ተጠቃሚነት ለይ የሚነሱ ችግሮችን በሠላም ለመፍታትና ለመመለስ መንግሥት እየሠራ ነው ሲሉ ገልፀዋል፡፡

የሕዝባችን ፍላጎት ሠላም፣ ልማት፣ ዴሞክራሲና የተቀላጠፈ አገልግሎት ነው ያሉት የተከበሩ ወ/ሮ ሎሚ፣ ከመንግሥት ሠራተኛው የሚጠበቀው በሕዝብ ፍላጎት ላይ በመመስረት በታማኝነት ማገልገል መሆኑን ጠቁመዋል።

በኑሮ ውድነት የሚታየውን የአቅርቦትና የፍላጎት አለመመጣጠን በኩል በቂ ምርትን በማምረት እንዲሁም በንግድ ስርዓቱ ላይ የሚታዩ ችግሮችን እየተከታተሉ በመፍታት ረገድ ሰራተኞች የድርሻቸውን መወጣት ይገባቸዋል ብለዋል፡፡

አክለውም ከሠላምና ፀጥታ አኳያ መንግሥት ቅሬታ አለን ከሚሉ የታጠቁ ኃይሎች ጋር ችግሮችን በጠረጴዛ ዙሪያ በሠላመዊ መንገድ ለመፍታት ዝግጁ መሆኑንም ገልጸዋል፡፡

እንደ ምክትል አፈጉባኤዋ ገለፃ መንግሥት ያሉ ጫናዎችን በመቋቋም በሀገራዊ ልዕልና ዕሳቤ ሀገራችንን ወደተሻለ ደረጃ የማሸጋገር ሥራን በከፍተኛ ደረጃ እያረጋገጠ የመጣ ነው። በዚህም ከፍተኛ የመንግሥት አመራሮችና የለውጡ መሪዎች ሊመሰገኑ ይገባል ብለዋል።

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።