Jimma City Communication

Bulchiinsi Magaalaa Jimmaa rakkoo mana jireenyaa furuuf xiyyeeffannoon hojjetaa jira.

Jimmaa, Amajjii 18/2017 (WKMJ)
Bulchiinsi Magaalaa Jimmaa rakkoo mana jireenyaa furuuf xiyyeeffannoon hojjetaa kan jiru yemmuu ta'u, iddoo afuritti manneen jireenyaa baay'inaan ijaaree xumuree jira.

Manneen jireenyaa kunis sadarkaasaanii kan eeggattan yemmuu ta'u, kaafamtoota misoomaa dandamachiisuuf kan oolu ta'uun ibsameera.

Jilli Ministira Muummee Dr.Abiyyi Ahmed fi pirezdaantii MNO Obbo Shimallis Abdiisaatiin durfamu manneen ijaaraman kanneen daawwatee jira.

Kominikeeshinii Magaalaa Jimmaa

https://www.facebook.com/share/p/18WuqKSphK/?mibextid=oFDknk

Manni Qopheessaa Magaalaa Jimmaa konkolaataa bottee haaraa lama bituun galche

Jimmaa, Amajjii 10/2017(WKMJ)
Manni Qopheessaa Bulchiinsa Magaalaa Jimmaa konkolaataa bottee (shower truck) haaraa lama bituun galche.

Hojigaggeessaan Mana Qopheessaa Magaalaa Jimmaa Obbo Hayider Dirrib magaalaa saffisaan guddataa jirtuuf maashiniiwwan sadarkaa sanaan walgitu kan barbaachisu ta'uu himani. Konkolaataan botteen lamaan bitamanis hojii qulqullina magaalaaf, hojii magariisummaafi rakkoo balaa ibiddaa sababa garaagaraan magaalaa keenya keessatti mudatu ariitiin dhaamsuuf kan gargaaru ta'uu ibsaniiru.

Maashiniiwwan sadarkaa guddina magaalichaan walmadaalu ittifufiinsaan horachuuf kan hojjetamaa jiru ta'uus kaasaniiru.

Kominikeeshinii Magaalaa Jimmaa

Waadaarraa Hanga Aadeffannaa!
**
Badhaadhinni Itoophiyaa badhaatuu lammii hundaaf mijattu ijaaruudhaan guddina hunda galeessa mirkaneessuuf hojjataa jira.

Milkaahinoota hunda galeessa fayyadamummaa hawaasaa mirkaneessan galmeessaa kan jiru Paartiin Badhaadhinaa kallattiiwwan gurguddoo yaa’ii jalqabaatiin kaa’aman hojiirra oolchuun yaa’ii lammaffaa gaggeessuuf qophii irratti argama.

Koonfiransiin Paartii Badhaadhinaa haal duree yaa’ii 2ffaa sadarkaa hundee Godinaalee fi Magaalotaatti gaggeeffamaa jira.

Suuraan:
#MagaalaaJimmaa
#Adaamaa
#Baalee

Kantiibaan Magaalaa Jimmaa Obbo Xahaa Qamar Ayyaana Qillee sababeeffachuun ergaa baga geessanii dabarsan

Hordoftoonni Amantaa Kiristaanaa hundi, baga Ayyaana Qillee bara 2017 nagaan geessan!

Ayyaanni Qillee ayyaana guddaafi hordoftoota Amantaa Kiristaanaa biratti bara baraan kabajamuudha. Ayyaanni Qillee hordoftoota Amantaa kiristaanaa biratti guyyaa dhaloota Iyyasuus Kiristoos yaadachuuf kan kabajamu, mallattoo araaraa, nagaafi jaalalaati.

Ayyaana bara kanaa kan addaa taasisu yeroo itti Magaalaa keenya Jimmaan haaromsuuf, giddugala tuurizimiifi konfaransii taasisuuf hojiiwwan jajjaboon itti hojjetamaa jiranitti ta'uusaati. Hojiin misoomaafi nageenyaa akka milkaa'u taasisuu keessatti gaheen hawaasa keenyaa olaanaa waan ta'eef kabajaafi galata guddaan qabu ibsuun barbaada. Deeggarsi hawaasni keenya hojii misoomaafi nageenyaa irratti taasisaa jiru cimee itti fufuu qaba .

Ummanni keenya wayita ayyaana kana kabaju nageenyisaa akka hin boorofne qaamoolee nageenyaa waliin qindoomuun nageenyasaa eeggataa kabajachuun gaarii ta'a.

Akkasumas walgargaaruun aadaafi duudha ummata keenyaa waan ta'eef, hawaasni keenya kan qabu irraa waliif qoodee, inni qabu kan hin qabne gargaaruun ayyaanicha gammachuun waliin kabajuun barbaachisaadha.

Ayyaanni kun kan nagaa, gammachuufi kan badhaadhinaa akka isiniif ta'u hawwii kooti.

Irra deebi'uun baga Ayyaana Qillee bara 2017 nagaan geessan isiniin jedha!
Ayyaana gaarii!

Xahaa Qamar,
Kantiibaa Bulchiinsa Magaalaa Jimmaa
Muddee 28/2017
Jimmaa

Kominikeeshinii Magaalaa Jimmaa

Hojii qulqullina magaalaa keessatti hirmaannaan ummataa barbaachisaadha.

Jimmaa, Muddee 27/2017 (WKMJ)
Magaalaa Jimmaa gandoota garaagaraa keessatti jiraattonni ganama obboroon ka'uun duula qulqullinaa magaalaa gaggeessaniiru.

Hojiin qulqullina magaalaa hirmaannaa ummataatiin alatti milkaa'uu hin danda'u. Kanuma bu'uura godhachuudhaan jiraattonni magaalichaa guyyaa hunda naannoosaanii kan qulqulleessan yemmuu ta'u, torbanitti immoo guyyaa Guddaa (Dilbata) idileedhaan duulaan bahanii magaalasaanii akka qulqulleessan Bulchiinsi Magaalichaa kallattii kaa'een ummanni hirmaatee magaalaasaa qulqulleessaa jira.

Kominikeeshinii Magaalaa Jimmaa

Tuurizimiin dinagdee guddisuu keessatti gahee guddaa qaba.

Jimmaa, Muddee 29/2017 (WKMJ)
Bulchiinsa Magaalaa Jimmaatti dorgommiin biskileetii Oromiyaa mata duree" Tour De Coffee to the origin 2024" jedhuun Komishiinii Tuurizimii Oromiyaatiin qophaa'e eegalame.

Ittigaafatamaan Waajjira Paartii Badhaadhinaa Magaalaa Jimmaa obbo Waasee Girmaa sirna baniinsa dorggommichaarratti haasawaa taasisaniin, dorgommichi seena qabeessa ta'uu himanii, magaalaa seena qabeettiifi miidhagduu taate Magaalaa Jimmaatti gaggeeffamuun isaa milkaa'ina hojiiwwan magaalicha giddugala tuurizimiifi konfaransii taasisuuf hojjatamaa jiru kan jajjabeessu ta'uu dubbataniiru. Dorgommicha Jimmatti qopheessuu isaafis Komishinii Tuurizimii Oromiyaa galateeffataniiru.

Hoggantuun Komishiinii Tuurizmii Oromiyaa Aadde Lalisee Dhugaa gamasaaniin Magaalaan Jimmaa magaalaa seena qabeettii, hawwattuufi argama bunaa ta'uu isiin wal qabatee hojii bulchiinsi magaalichaa hojjataa jiru keessatti dorgommiin biskileetii buna beeksisuu irratti xiyyeeffate taasifamuun dorgommii murteessaa bakka sirriitti gaggeeffameedha jedhani.

Bulchaa Ittaanaan Godina Jimmaa obbo Yusuuf Shaaroo dorgommichi hojiiwwan misoomaa Godinaafi Magaalaa Jimmaa keessatti hojjatamaa jiru beeksisuu keessatti shoora olaanaa waan qaba jedhan.

Dorgommichis Magaalaa Jimmaa irraa jalqabee hanga Magaalaa Aggaarootti kan gaggeeffamu ta'uun ibsameera.

Kominikeeshinii Magaalaa Jimmaa

Waltajjiin sosochii "Oromiyaan haa Oomishtu" jedhu Magaalaa Jimmaatti gaggeeffame

Jimmaa, Muddee 19/2017 (WKMJ)
Bulchiinsa Magaalaa Jimmaatti waltajjiin sosochii "Oromiyaan haa Oomishtu" jedhu hoggantootaafi abbootii qabeenyaa hirmaachisuun gaggeeffame.

Kantiibaan Bulchiinsa Magaalaa Jimmaa Obbo Xahaa Qamar babal'achuun investimantiifi industirii sharafa biyya alaa dabaluu, carraa hojii uuumuufi ce'umsa teknooloojii dhugoomsuu keessatti gahee guddaa qabaachuu himan.

Industirii manufaakchariingii irratti xiyyeeffannee hojjechuun badhaadhina hundagaleessa mirkaneessuuf bu'uura ta'uus eeraniiru.

Hogganaa Ittaanaan Biiroo Investimentiifi Industirii Oromiyaa Obbo Ermiyaas Dammaqee Mootummaan Naannoo Oromiyaa industiriiwwan manufaakcheriingii babal'isuun oomishaalee qonnaa galtee godhachuun akka oomishaniifi fedhii biyya keessa jiru guutuuf xiyyeeffannoon hojjetamaa jira jedhan.

Biyyi keenya meeshaalee dheedhii gara alaatti erguun bu'aa isaa ammoo alarraa galchuun rakkoo sharafa alaaf saaxilamaa jirtu biyya keessatti sona itti dabaluun oomishuun bakka buusuuf hojjetamaa jiraachuu eeraniiru. Kanaafis qabeenya gurguddaa biyyi keenya qabduun biyya keessatti oomishuun guddinaafi misooma biyyaaf oolchuun akka barbaachisu himaniiru.

Kominikeeshinii Magaalaa Jimmaa

https://www.facebook.com/share/8QMX84nukKVHZ3uj/?mibextid=oFDknk

Qulqullina bunaa eeguun dinagdee biyya keenyaa haa utubnu!

Jimmaa, Muddee 16/2017 (WKMJ) Qindeessummaa Waajjira Daldalaa Bulchiinsa Magaalaa Jimmaafi Abbaa Taayitaa Bunaafi Shaayee Federaalaatiin agarsiifni bunaafi mi'eessituu biyyaalessaa Magaalaa Jimmaatti gaggeeffamuu har'a eegale.

Saganticha irrattti Daayirektera olaanaa Abbaa Taayitaa Bunaafi Shaayee Federaalaa Dr. Addunyaa Dabalaa akkasumas Hoggantoonni Naannoo, Godinaafi Magaalaa Jimmaa argamaniiru. Akkasumas, oomishtoonniifi investeroonni buna irratti hojjatan Godinaaleefi Magaalota Lixa Oromiyaa, Naannoo Kibba Lixa Itoophiyaafi Naannoo Gambeellaa irraa dhufan qooda fudhataa jiru.

Bulchaan Godina Jimmaa Obbo Tijjaanii Naasir keessummoota bakka garagaraa irraa saganticha irratti hirmaataniif ergaa baga nagaan dhuftanii dabarsanii, bunni utubaa dinagdee biyya keenyaa ta'uu ibsaniiru.

Abbaan Taayitaa Bunaa fi Shaayii Federaalaa Dr. Addunyaa Dabalaa, walitti dhufeenya dhiyeessitootaafi al-ergitootaa uumuun buna qulqullinni isaa mirkanaa'e kallattiin gabaa addunyaaf dhiheessuuf kaayyeffatee agarsiisa qophaa'eedha jedhan.

Bunni sharafa alaa biyya keenyaaf argamsiisu keessatti ga'een isaa ol aanaa ta'uu eeranii; Buna qulqullinni isaa mirkanaa'e gabaa alaaf dhiyeessuu irratti qindoominaan hojjechuun barbaachisaa ta'uu Dr. Addunyaan dhaamaniiru.

Hogganaa Biiroo Qonnaa Oromiyaa Obbo Geetuu Gammachuu, Bunni qulqullinni isaa mirkanaa'e maqaa biyyaafi dinagdee biyyaa ol kaasa jedhan.

Mootummaan biyyattii dinagdee qonnaan bultootaa guddisuuf inisheetiiviiwwan qonnaa garagaraa bocee hojjataa jiraachuu ibsanii; keessumattuu bunni dhandhama isaa osoo hin jijjiirin gabaa alaaf qaqqabsiisuuf xiyyeeffannoo olaanaan hojjataa jiraachuu dubbataniiru.

Agarsiifni bunaafi mi'eessituu biyyaalessaa kunis guyyoota 3f kan itti fufu ta'uun ibsameera.

Kominikeeshinii Magaalaa Jimmaa

Magaalaa Jimmaatti raawwiin hojiiwwan gurguddoo hanga ammaatti jiru qoratamaa jira.

Jimmaa, Sadaasa 28/2017 (WKMJ)
Bakka Kantiibaan Bulchiinsa Magaalaa Jimmaa Obbo Xahaa Qamar fi Ittigaafatamaan Waajjira Paartii Badhaadhinaa Magaalaa Jimmaa Obbo Waasee Girmaa argamanitti raawwiin hojiiwwan gurguddoo hanga ammaatti jiru qoratamaa jira.

Gabaasni raawwii hojiiwwan mootummaafi Paartii dhiyaatee ciminoonnii fi hanqinoonni mul'atan addaan bahuun kallattiin hojii yeroo ittaanuu kan kaa'amu ta'uun ibsameera.

Waltajjicharratti hoggantoonni magaalaafi gandootaa, dura bu'oonni manneen barnootaa, ekistenshinoonni fayyaa fi qindeessitoonni galii hirmaataa jiru.

Kominikeeshinii Magaalaa Jimmaa

https://www.facebook.com/share/p/NUcnbUVGkXJL2Q9M/?mibextid=oFDknk

Bulchiinsi Magaalaa Jimmaa Artiistoota seena qabeeyyii lamaaf lafa mana jireenyaa kenne.

Jimmaa, Sadaasa 24/2017 (WKMJ)
Bulchiinsi Magaalaa Jimmaa lafa mana jireenyaa Artiist Nafiisaa Abdulhaakimii fi Artiist Sittiinaa Abbaa Duulaaf kenne.

Kantiibaan Bulchiinsa Magaalaa Jimmaa obbo Xahaa Qamar, aadaafi duudhaa hawaasa keenyaa gama aartiin beeksisuu keessatti gaheen isaan bahatan guddaadha jedhan.

Kanaaf Bulchiinsi magaalichaa humnaafi dandeettii qabuun isaan bira dhaabbachuuf koree olaanoo waliin marii taasisee site plane lafa mana jireenyaa isaaniif kennuu eeran.

Isaanis kana hubatanii caalmaatti aadaafi duudhaa hawaasa keenyaa beeksisuu keessatti gahee isaanii akka bahatan dhaamaniiru.

Artiistoonni kunneen deeggarsa isaaniif godhameef Bulchiinsa Magaalaa Jimmaa galateeffataniiru.

Kominikeeshinii Magaalaa Jimmaa

Oduu Dhaddachaa

Bulchiinsa Magaalaa Jimmaatti himatamtuun namoota garagaraa irratti yakka gowwoomsuu raawwatte adabamuu ishee Manni Hojii Abbaa Alangaa Aanaa Bulchiinsa Magaalaa Jimmaa beeksise.

Himatamtuun Raahel Alamuu jedhamtu teessoon ishee Bulchiinsa Magaalaa Jimmaa Ganda Mandaraa Qocii taate, ta’e jettee badhaadhina hin malle argachuuf yaaduun gaafa guyyaa 25/01/2016 midhamtuu dhuunfaa 1ffaa Itaageny Geetaachoo jedhamtuun ani Yuunivarsiitii Jimmaan hojjadha mucaa kee kan Yuunivarsiitii Maqdallaatti baratu gara Yuunivarsiitii Jimmaatti siif jijjiirsisa jechuun qarshii 5,000 (kuma shan) yemmuu fudhattu, 2ffaa gaafa guyyaa 05/11/2015 miidhamaa dhuunfaa Ashannaafii Girmaa jedhamuun dhaabbata miti Mootummaa hojii ijaarsaa (Koonistiraakshinii) aanoolee irratti Yuunivarsiitii Jimmaa waliin hojjatutu jira, caalbaasii akka ati mootun si godha jechuun qarshii kuma dhibba tokkoo fi digdama (120,000) miidhamaa irraa fudhattee kan miliqxee fi 3ffaa miidhamtuu dhuunfaa Baanchuu Asaffaa jedhamtu irraa gaafa guyyaa 26/02/2016 Waldaa shammatota Yuunivarsitii Jimmaa irraan sukkaara gatii gadi aanaadhaan siif fida jechuun qarshii 20,000 (kuma diigdama) fudhattee miliqxee eeruun dhihaatee Abbaan Alangaa Aanaa Magaalaa Jimmaa Waajjira Poolisii waliin galmee qorachuun himatamtuun seera yakkaa bara 1996 bahe keeww.60/A fi 692/1 bira darbuun yakka gowwoomsuu namoota sadii irratti raawwatteef tarree himannaa sadii Mana Murtii Aanaa Magaalaa Jimmaatti dhiheessee Manni murtii ragaa Abbaa Alangaa dhagahee ragaan abbaa alangaa itti mirkaneesseera.

Himatamtuun keewwata jalatti himatamte jalatti ofirraa haa ittistu jedhus himatamtuun ragaa ittisaa hin qabu waan jetteef dhaddacha gaafa guyyaa 13/3/2017 ooleen adabbii himatamtuu ni barsiisa akkasumas fakkaattota ishee ni akeekkachiisa jedhuun adabbii hidhaa salphaa wagga 3 fi ji’a 3'n adabamtee jiraachuu Mana Hojii Abbaa Alangaa Aanaa Magaalaa Jimmaatti Abbaan Adeemsa Hojii Dhimmoota Yakkaa fi Hariiroo Hawaasaa Abbaan Alangaa Amiir Mahammadzeen himaniiru.

Manni Hojii Abbaa Alangaa Aanaa Magaalaa Jimmaa hawaasni Magaalaa keenya keessa jiraatu hunduu gocha yakkaa kana fakkaatu raawwachuu irraa of qusatee namoota yakka raawwatan saaxiluun akkasumas ragaa irratti bahuun ol aantummaa seeraa kabachiisuu keessatti gahee irraa eegamu akka bahatu dhaamsa isaa dabarseera.

Haqni hundaaf!

Kominikeeshinii Magaalaa Jimmaa

Magaalaa Jimmaatti duulli qulqullinaa qaamoolee hawaasaa hunda hirmaachise gaggeeffame.

Kominikeeshinii Magaalaa Jimmaa

"Magaalaa Jimmaatti ayyaanni hundeeffama Paartii Badhaadhinaa karaa milkaa'aa ta'een kabajame."- Obbo Waasee Girmaa

Jimmaa, Sadaasa 12/2017 (WKMJ)
Magaalaa Jimmaatti ayyaanni hundeeffama Paartii Badhaadhinaa Waggaa 5ffaa karaa galmaafi kaayyoo yaadame milkeesseen gaggeeffamee kan xumurame ta'uu Ittigaafatamaan Waajjira Paartii Badhaadhinaa Magaalaa Jimmaa Obbo Waasee Girmaa ibsaniiru.

Ayyaana hundeeffama waggaa 5ffaa Paartii Badhaadhinaa qophiiwwan garaagaraatiin abbaa paartichaa kan ta'an hawaasa waliin bifa ho'aan kabajuu ibsani.

Ayyaanicha marii seelii, konfaransii, marii paanaalii, daawwannaa hojiiwwan misoomaafi hojiiwwan tajaajaila lammummaa garaagaraa hojjechuun karaa fayyadamummaa ummataa mirkaneessuufi jijjiirama jalqabame itti fufsiisuun danda'amuun kan kabajame ta'uu obbo Waaseen eeraniiru.

Yemmuu ayyaana kana kabajnu hawaasni keenya bu'uura irraa barbaachisummaa hundeeffama paartichaa sirnaan hubachuun injifannoowan gurguddoo waggoottan shanan darban argaman irra dhaabbatee mul'ata Oromiyaa fi Itoophiyaa keessatti tokkummaa fi walqixxummaan sabaafi sablammootaa mirkanaa'ee fi biyya Afrikaa keessatti fakkeenya Badhaadhinaa taate ijaaruuf Paartichi qabatee jiru milkeessuu keessatti ga'ee isaa akka ba'atu bifa onnachiisuu danda'uun kan kabajame ta'uus himaniiru.

Obbo Waaseen hawaasni Magaalaa Jimmaa bu'uura Badhaadhinaa ta'uu himanii, hojii nageenyaafi misoomaa irratti tumsa taasisaa jiru hawaasni cimsee akka itti fufu dhaamaniiru.

Kominikeeshinii Magaalaa Jimmaa

https://www.facebook.com/share/p/vk1H8se7QL3cxV77/?mibextid=oFDknk

Badhaadhinni qulqullinaaf xiyyeeffannoo guddaa kennee hojjetaa jira.

Jimmaa, Sadaasa 8/2017 (WKMJ)
Magaalaa Jimmaatti kabaja hundeeffama Paartii Badhaadhinaa waggaa 5ffaa sababeeffachuun duulli qulqullinaa qaamoolee hawaasaa hunda hirmaachise gandoota magaalichaa hunda keessatti gaggeeffame.

Duula qulqullinaa kanarratti Kantiibaa Magaalaa Jimmaa Obbo Xahaa Qamar, Bulchaa Godina Jimmaa Obbo Tijjaanii Naasir fi Ittigaafatamaa Waajjira Paartii Badhaadhinaa Magaalaa Jimmaa Obbo Waasee Girmaa argamanii qaamoolee hawaasaa garaagaraa duula qulqullinaa irratti hirmaatan galateeffataniiru.

Kominikeeshinii Magaalaa Jimmaa

Magaalaa Jimmaatti jala bultii ayyaana daa'immanii sababeeffachuun sirni dungoo ibsuu raawwate

Jimmaa, Onkolooleessa 7/2017 (WKMJ
Magaalaa Jimmaatti jala bultii Ayyaana Daa'immanii akka adunyaatti yeroo 35ffaa akka biyya keenyaatti yeroo 19ffaaf kabajamu sababeeffachuun sirni dungoo ibsuu gaggeeffameera.

Hoggantuun Biiroo Dhimma Dubartootaafi Daa'immanii Oromiyaa Aadde Mabraat Baacaa sirna dungoo ibsuu kana irratti haasawaa taasisaniin, miidhaa daa'immaniifi dubartoota irra gahu ni balaaleffanna, hanbisuuf ni hojjenna jedhan.

Akka dungoo kanaatti ifnee daa'imman egereef abdii ni taanas jedhaniiru.

Waajjira Paartii Badhaadhinaa Magaalaa Jimmaatti Ittigaafatamtuun Damee Siyaasaa Aadde Alawiyyaa Abbaa Maccaa miidhaa daa'imman irra gahu ittisuuf qooda fudhattoota waliin qindoominaan hojjechuun barbaachisaa ta'uu himaniiru.

Kominikeeshinii Magaalaa Jimmaa

"Qormaatawwan mudatan hunda ceenee Badhaadhina hundagaleessa ni mirkaneessina."- Obbo Waasee Girmaa

Magaalaa Jimmaatti Ayyaanni hundeeffama Paartii Badhaadhinaa Waggaa 5ffaan sadarkaa seeliiwwaniitti bifa ho'aan kabajame.

Ittigaafatamaan Waajjira Paartii Badhaadhinaa Magaalaa Jimmaa Obbo Waasee Girmaa haasawaa saganticha irratti taasisaniin, ayyaana hundeeffama Paartii Badhaadhinaa waggaa 5ffaan injifannoo gama siyaasaatiin, dinagdee fi hawaasummaatiin galmaa'e yaadachuun kabajama jedhan. Miseensonni Paartii Badhaadhinaa hundi barbaachisummaa, kaayyoo fi galma hundeeffama Paartii Badhaadhinaa beekuu qabus jedhaniiru. Seeliin paartii keessatti bu'uura ta'uus himaniiru. Qormaatawwan mudatan hunda ceenee Badhaadhina hundagaleessa ni mirkaneessinas jedhan. Ayyaanni hundeeffama Paartii Badhaadhinaa waggaa 5ffaa har'a sadarkaa seeliiwwaniitti kabajamuu jalqabe sirnoota garaagaraatiin itti fufee kan kabajamu ta'uu ibsaniiru.

Kominikeeshinii Magaalaa Jimmaa

Magaalaa Jimmaa gandoota garaagaraa keessatti duulli qulqullinaa hirmaannaa ummataatiin gaggeeffame

Jimmaa, Sadaasa 1/2017 (WKMJ)
Bulchiinsa Magaalaa Jimmaa gandoota garaagaraa keessatti ummanni ganamaan bahuun duula qulqullina magaalaa irratti qooda fudhatee jira.

Magaalaa Jimmaa qulqulluu, miidhagduufi jireenyaaf mijooftuu taasisuuf xiyyeeffannoon hojjetamaa jira.

Kominikeeshinii Magaalaa Jimmaa

የአቡዳቢ አልጋወራሽ ግርማዊ ሼህ ኻሊድ ቢን መሃመድ ቢን ዛይድ እንኳን ወደ ኢትዮጵያ መጡ እላለሁ::

I welcome to Ethiopia His Highness Sheikh Khaled bin Mohamed bin Zayed Al Nahyan, Crown Prince of Abu Dhabi.

Qulqullina magaalaa eeguun dirqama lammummaati!

Jimmaa, Onkoloolessa 24/2017 (WKMJ)
Magaalaa Jimmaatti ummanni ganamaan bahee magaalaa qulqulleessee jira.

Kominikeeshinii Magaalaa Jimmaa

https://www.facebook.com/share/p/YVEft83LQKB4NkJD/

Like godhaa.