ሰኞ መርሃ ግብር / ማኅበረ ጽዮን

#ወንድሞቼ!
ከእናንተ መካከል አንድ አይነ ሥውር ሰው ወደ ጉድጓድ ገብቶ ሊወድቅ ሲል እጁን ዘርግቶ የማይደግፈው ማን ነው? ታድያ ወንድሞቻችንና እህቶቻችን በልቡናቸው ታውረው ወደ ሲዖል ጉድጓድ ለዘለዓለም ሲወድቁ እንደ ምን እጃችንን የበለጠ አይዘረጋም?ወገኖቼ!በነፍስም በሥጋም የታመመ ሰውን ስታዩ "ይህ የእኔ ሥራ አይደለም: የቀሳውስትና የመነኮሳት ሥራ እንጂ፡፡ ምክንያቱም ሚስት አለችኝ: ልጆችንም አሳድጋለሁ" አትበሉ፡፡

እስኪ ምሳሌ መስዬ ልጠይቃችሁ እናንተም መልሱልኝ፡፡ አንድ ትልቅ በወርቅ የተሞላ ሳጥን ወድቆ ብታዩ "ይህ እኔን አይመለከተኝም፡ ሌሎች መጥተው ያንሡት እንጂ" ትላላችሁን? ግራ ቀኛችሁን አይታችሁ በፍጥነት የምታነሡት አይደለምን?

ይህ ወደ ዘለዓለም ጉድጓድ እየወደቀ ያለው ወንድማችሁም ከዚያ ወርቅ በላይ ውድ የእግዚአብሔር ሀብት ነውና አንሡት እንጂ የበለጠ  እንዲወድቅ አትግፋት፡፡ እግዚአብሔር ይህን በተመለከተ በአፈ ያዕቆብ እንዲህ ብሏልና፡- "ወንድሞቻችን ሆይ! ከእናንተ ወገን ከጽድቅ ወጥቶ የበደለ ቢኖር መክሮ አስተምሮ ከበደሉ የመለሰው ቢኖር ራሱን አንድም ወንድሙን ከሞት እንዳዳነ ይወቅ፡፡ የራሱን አንድም የወንድሙን ብዙ ኃጢአቱን እንዳስተሠረየ ይወቅ፡፡ አንድም የወንድሙን ነፍስ እንዳዳነ ይወቅ"(ያዕ.5:19-20)፡፡

✞ ✞
✞ ቅዱስ_ዮሐንስ_አፈወርቅ ✞
✞ ✞

✞✞✞ ወስብሐት ለእግዚአብሔር ✞✞✞

✞✞✞✞✞✞✞✞✞✞✞✞✞✞✞✞✞
✞   @mahberetsion        ✞
✞   @segnomerhagbir    ✞
✞✞✞✞✞✞✞✞✞✞✞✞✞✞✞✞✞

"ቅዱስ፣ ጥንቁቅ፣ ግልጽና ብልህ ሁን፡፡ እርጋታን የተላበሰ ሰብእና ይኑርህ፡፡ ደስተኛ ሁን፤ ሰላምታህ በፈገግታ የታጀበ ንጹህ ይሁን፡፡ ንግግርህ የታረመ አጭርና በጨው እንደተቀመመ ጣፋጭ ይሁን፡፡ ቃላቶችህ የተመጠኑ እና ጤናሞች ሁሉም የሚረዳቸው ይሁኑ፡፡

የጓደኛህን ምስጢር አትግለጥ፤ ለሚወዱህ ሁሉ የታመንክ ሁን፡፡ ወደ ጭቅጭቅ እና ንትርክ ከመግባት ራህን ጠብቅ፡፡ የሚሰሙህ ሁሉ እንዳይጠሉህ ወደ ጠብ አትግባ፡፡ ከሰይጣን በቀር ምንም ጠላት አይኑርህ፡፡

የሰዎችን ስህተት አትመራመር፤ የባልንጀራህ ኃጢአት አትግለጥ፡፡ የባልጀራህ ውድቀት ደጋግመህ አታውራ፡፡ በራስህ ኃጢአት ላይ ፍረድ እንጂ በሌሎች ላይ አትፍረድ ገዢያቸው አይደለህምና፡፡

ኃጢአትን በፈጸመ ሰው ላይ ወቀሳ አታብዛ አንተም ትበድላለህና፡፡ ነገር ግን ከኃጢአቱ ይመለስ ዘንድ ረዳትና መካሪ ሁነው፡፡ ከወደቀበትም የስህተት ሥራ እንዲወጣ አበርታው፡፡ ተስፋውን በእግዚአብሔር ላይ ቢያደርግ ኃጢአቱን ልክ በእሳት ፊት እንደወደቀ ገለባ ፈጥኖ እንደሚወገድለት ንገረው፡፡

ተፈጥሮ እንደ መጽሐፍ ፍጥረታት እንደ ጽላት ይሁኑህ። ከእነሱ ሕግጋትን ተማር፤ በተመስጦ ሆነህ በመጽሐፍ ያልሰፈሩትን ምስጢራት ተረዳ፡፡

እግዚአብሔርን ከሚፈራ በቀር ባለጸጋ የሆነ ሰው ማነው? የእውነት እውቀት ከጎደለው ሰው በላይ ፍጹም ደሃ የሆነ ማን ነው? ሁል ጊዜም እውነተኛ ፍቅራችን ጸንቶ ይቀጥል ዘንድ ወደ እግዚአብሔር ጸልይ፡፡ እርሱን ለምነው፡፡ ስለ ቸርነቱ ምስጋና አቅርብ፤ ምክሬን ፈጽሞ ቸል አትበል፡፡"

(ምክር ወተግሳጽ ዘቅዱስ ኤፍሬም)

✞✞✞ ወስብሐት ለእግዚአብሔር ✞✞✞

✞✞✞✞✞✞✞✞✞✞✞✞✞✞✞✞✞
✞   @mahberetsion        ✞
✞   @segnomerhagbir    ✞
✞✞✞✞✞✞✞✞✞✞✞✞✞✞✞✞✞

እኔና ጓደኛዬ

(ቅዱስ ዮሐንስ አፈወርቅ ስለ ጓደኛው ባስልዮስ)

አንድ ዓይነት ፍላጎት ነበረን:: በተወለድንበት ሀገር ታላቅነት አንዳችን በሌላችን ላይ አንመካም:: ወደ ምንኩስናና ወደ እውነተኛው የሕይወት ፍልስፍና ጉዳይ ስንመጣ ግን ተለያየን:: እሱ ወደላይ ከፍ ሲል እኔ ደግሞ በዓለማዊ ምኞት መውረድ ጀመርሁ:: በወጣትነት ከንቱ ምኞት ክብደት ወደ ታች እስበው ጀመር:: ጓደኝነታችን ቢኖርም ቅርርባችን ግን ተሰበረ:: ምክንያቱም ፍላጎቶቻችን ተለያይተዋልና ውሎአችንን ማውራት አልቻልንም::

ቀስ ብዬ ወደ መንፈሳዊነት ስመጣ ግን ታግሦ በተዘረጋ እጅ ተቀበለኝ:: ከሌሎች ጋር ያለውን ጓደኝነት ትቶ ከእኔ ጋር ለማሳለፍ ፈቀደ:: ሆኖም ልዩነቶቻችንን ማጥበብ አልተቻለም:: በሕግ ችሎት ውስጥ ሁልጊዜ የሚውልና የዚያን መድረክ ደስታ የለመደ ሰው ሁሌም መጻሕፍትን ብቻ ከሚያይና ገበያ እንኳን ወጥቶ ከማያውቅ ሰው ጋር እንዴት አንድ መሆን ይችላሉ?

[ክህነት ሊሠጠን እንደሆነ] ዜናውን ያልሰማሁ መስሎት ሊነግረኝ መጣ:: 'ክህነት እንቀበል ወይስ አንቀበል?' በሚለው ላይ እሱ የእኔን ውሳኔ ሊከተል ወስኖአል:: እኔ ደግሞ [ለክህነት ብቁ ባልሆንም] የእርሱን ዓይነት ብቁ ሰው ወደ ኋላ ልጎትት አልችልም:: ስለዚህ እሺ አልሁ:: ክህነት የሚሠጥ ቀን ግን ተደብቄ አመለጥኩ:: እርሱ ግን ያለሁ መስሎት ተቀበለ:: ሳገኘው እጁን ስቤ በግድ ተባረክሁ:: አውቄ እንዳደረግሁት ሲያውቅ ተጎዳ:: ክህነትን ብቀበል አልጠላም ነበር:: በግ መሆን ያልቻለ ሰው ግን እንዴት እረኛ ሊሆን ይቻለዋል?

[St. John Chrysostom: On Priesthood] (Photo ትርጉም ባለው ቀን የተነሣ)

ጴጥሮሳዊ ቅጽበት

አርብ ዕለት ጌታ ከሰማቸው ስድቦች ሁሉ በፊት ጌታን የሚያቆስል አንድ ቃል ነበረ::
የሚወደው ደቀ መዝሙሩ ጴጥሮስ "አላውቀውም" እያለ ሲምል ሲገዘት ጌታ ሲሰማው ምንኛ ይሰማው ይሆን? እየሰማህ ስትታማ እንኩዋን ይከብዳል:: እየሰማህ አላውቀውም መባል ደግሞ የባሰ ነው::

ጴጥሮስ ያደረገው ታውቆት መራራ ለቅሶ አለቀሰ:: የእኔና የአንተ የአንቺ ጴጥሮሳዊ ቅጽበት መቼ ይሆን?

"በእግዚአብሔር ቤት መረቅናችሁ" መዝ ፻፲፯፥፳፮

የሀ/ም/ቅዱስ ገብርኤል ገዳም መራሔ ድኅነት ሰ/ት/ቤት የ2016 ዓ.ም የ12ኛ ክፍል  ተመራቂ ተማሪዎች ስም ዝርዝር


ስማችሁ በዚህ ዝርዝር ያልተካተተ እና ቅሬታ ያላችሁ ተማሪዎች አርብ 11:00 ትምህርት ክፍል ቢሮ በመገኘት  ወይም በዚህ አድራሻ
👉@BaB7fe   የ12ኛ ክፍል ውጤት ተቆጣጣሪዎችን በማግኘት ቅሬታችሁን ማቅረብ የምትችሉ መሆኑን እናሳውቃለን።


👉 የፌስቡክ ገፅ:https://www.facebook.com/profile.php?id=100069444095761

👉 የቴሌግራም አድራሻ: @SaintGebrielSundaySchool

👉 የዩቲዩብ ገፅ:የማኅበራዊ  https://youtube.com/@MerahiMedia19?feature=shared

✝ ለሰ/ት/ቤታችን ሰኞ እና አርብ መርሐግብር አባላት በሙሉ

👉ፈተና ያመለጣችሁ ተማሪዎች የመጨረሻ መፈተኛ ቀን ነገ ማክሰኞ (ሰኔ 18/2016 ዓ.ም) ቀን 11:00 መሆኑን እናሳውቃለን።

👉ይህንን ማካካሻ ፈተና ሊወስዱ የሚችሉት ከመጀመርያው ኮርስ ውጪ ያመለጣቸው ብቻ ይሆናሉ። የመጀመርያውን ተከታታይ ትምህርት ፈተና ያመለጣቸውን ተማሪዎች ይህ የማካካሻ ፈተና መርሐግብር አያካትትም ።

👉 የሰ/ት/ቤታችን 12ኛ ክፍል ተማሪዎች
በተቀመጠው መመዘኛ መሠረት ተመራቂ ለመሆን በየደረጃው በነበሩ ተከታታይ ትምህርቶች መሳተፍ እንዲሁም 12ኛ ክፍል ሲሰጡ የነበሩ ተከታታይ ትምህርቶችን (መመዘኛዎችን) ሁሉንም ማሟላት ግዴታ ስለሆነ ይህንን አውቃችሁ እንድትዘጋጁ ይሁን።


+ለበለጠ መረጃ መ/ድ/ሰ/ት/ቤት ትምህርት ክፍልን ያናግሩ።



👉 የፌስቡክ ገፅ:https://www.facebook.com/profile.php?id=100069444095761

👉 የቴሌግራም አድራሻ: @SaintGebrielSundaySchool

👉 የዩቲዩብ ገፅ:የማኅበራዊ  https://youtube.com/@MerahiMedia19?feature=shared

ሰኞ መርሃ ግብር / ማኅበረ ጽዮን pinned «✝ በስመ አብ ወወልድ ወመንፈስ ቅዱስ አሐዱ አምላክ አሜን✝ 🔈 የተወደዳቹ የእግዚአብሔር ቤተሰቦች የእመቤታችን የቅድስት ድንግል ማርያም የአስራት የአደራ ልጆች በወደደን ባፈቀረን ፍቅሩን እስከ ቀራንዮ መስቀል በገለፀልን በጌታችን በመድኃኒታችን በኢየሱስ ክርስቶስ ፍጹም ሰላምታ ሰላምታችንን እናቀርባለን። 🔈ቅዳሜ ዕለት 10:30 ላይ መንፈሳዊ ውይይት ስለሚኖረን ሁላችሁም ከታች…»

✝ በስመ አብ ወወልድ ወመንፈስ ቅዱስ አሐዱ አምላክ
አሜን✝

🔈 የተወደዳቹ የእግዚአብሔር ቤተሰቦች የእመቤታችን የቅድስት ድንግል ማርያም የአስራት የአደራ ልጆች በወደደን ባፈቀረን ፍቅሩን እስከ ቀራንዮ መስቀል በገለፀልን በጌታችን በመድኃኒታችን በኢየሱስ ክርስቶስ ፍጹም ሰላምታ ሰላምታችንን እናቀርባለን።

🔈ቅዳሜ ዕለት 10:30 ላይ መንፈሳዊ ውይይት ስለሚኖረን ሁላችሁም ከታች የተጠቀሱትን የመወያያ ርዕሶች ተዘጋጅተን እንድንመጣ ይሁን፡፡

♦️የመወያያ ርዕስ
✅ በዓለ ሀምሳ (ጰራቅሊጦስ) ማለት ምን ማለት ነው?

✅ ፲፪ቱ ሐዋርያት ከመመረጣቹው በፊት የነበራቸው ህይወት ምን ይመስላል?

✅ ፲፪ቱ ሐዋርያት በዓለም ላይ የነበራቸው ተጋድሎ ምን ይመስላል?

♦️ማሳሰቢያ

✅ሰዓት ማክበር ክርስቲያናዊ ግዴታችን ነው ፡፡

✅የመወያያ ርዕሱን መዘጋጀት አለብን፡፡

✅ሰዓት 10፡30

✅ቦታ ቅዱስ ገብርኤል ገዳም ሰንበት ትምህርት ቤት

telegram https://t.me/mahberetsion

ድነኀል ወይስ አልዳንክም?
ብጹዕ ወቅዱስ አቡነ ሺኖዳ ሣልሳዊ በአንድ መጽሐፋቸዉ እንዲህ ይላሉ። አንድ ወጣት ልጅ እንዲህ ብሎ ጠይቆኛል “አንድ ሰው ድነኀል ወይስ አልዳንኽም?” ብሎ ቢጠይቀኝ መልሴ ምንድ ነው?

መጀመሪያ ይሄ ሰዉ እዉነተኛ ኦርቶዶክስ እንዳልሆነ ማወቅ አለብህ። በእርግጠኝነት ይሄ ሰዉ ፕሮቴስታንት ነዉ ወይንም ቢያንስ በፕሮቴስታንታዊ ባህል ውስጥ ነዉ የሚኖረዉ፣ ባህሉም የፕሮቴስታንት ነው። ከዚህ በፊት የተቀበልካቸዉን ምስጢራትንና ጥምቀትን እንደ ምንም ቆጥሮ፣ በሃይማኖትህ ላይ ጥርጥር ለመሙላት በመሞከር፣ ባለፈዉ የሕይወት ዘመንህ ሁሉ አሕዛብ እንደነበርክ አድርጎ እንደ ገና እመንና ዳን ሊልህ ነው። ይሄ ሰዉ በፍጹም ኦርቶዶክስ ሊሆን አይችልም አነጋገሩም ይገልጠዋል።

ለማንኛዉም እንዲህ ብለህ ልትመልስለት ትችላለህ “በጥምቀት ከአዳም የውርስ ኀጢአት ድኜያለሁ፤ ይሄ ድኅነት የሚገኛዉ በደመ ክርስቶስ የቤዛነትንና የድኅነት ኀይል ነው። ነገር ግን የመጨረሻዉ ድኅነት በስጋ ስንለይ የሚገኝ ነው። አሁንም በውጊያ ላይ ነን “መጋዳላችን ከደምና ከሥጋ ጋር አይደለምና፣ ከአለቆችና ከስልጣናት ጋር ከዚህ ከጨለማ ዓለም ገዦች ጋር በሰማያዊም ስፍራ ካለ ከክፋት መንፈሳዊያን ሰራዊት ጋር እንጂ።” (ኤፌ. 6፥12)። ይሄንን ውጊያ ድል ስናደርግና ስናሸንፍ ድኅነትን እናገኛለን…”

በስጋ እስካለን ድረስ “ድል ነስተናል፤ ድኅነትን አግኝተናል” ልንል አንችልም። ስለዚህ ቅድስት ቤተክርስቲያን የቅዱሳንን ልደት አታከብርም ወይም የተጠመቁበትን ዕለት፤ ይልቁንም ከዚህ ዓለም የተለዩበትን ወይንም መስዋዕት የሆኑበትን ቀን ታከብራለች እንጂ። መጽሐፍ ቅዱስ እንዲህ ይላልና “ዋነኞቻችሁን አስቡ፣ የኑሮአቸዉንም ፍሬ እየተመለከታችሁ በእምነታቸዉ ምሰሉአቸዉ።” (ዕብ. 13፥7)። ስለዚህ በቅዳሴ ላይ የቅዱሳንን መታሰቢያ እናደርጋለን፤ በእምነት ፍጹማን የሆኑትንና ሕይወታቸውን በእምነት የፈጸሙትን፣ በአጸደ ነፍስ ያሉ ቅዱሳንን ሁሉ እናስባለን።

ይሄም የታላቁ አባ መቃርስን ከዚህ ዓለም መለየት እንዳስታውስ ያደርገኛል። ነፍሱ ከስጋው ተለይታ ስትሄድ “መቃርስ አንተ ድነኸል” እያሉ አጋንንት ነፍሱን አሳደዷት፤ ነገር ግን ገነት እስከሚገባ ድረስ “በጌታ ጸጋ ድኜያለኹ” አላላቸዉም ነበር…!

አባታችን ብጹዕ ወቅዱስ አቡነ ሺኖዳ ሣልሳዊ ከዛሬ ሃምሳ ዓመት በፊት ነገረ ድኅነትን አስመልክቶ ለፕሮቴስታንቶች መልስ ከሰጡበት “Salvation in the Orthodox Concept” ከተሰኘው መጽሐፍ ላይ የተወሰደ ነዉ።

Channel photo updated

Channel photo removed