Tesfaab Teshome

"እብዱ ደራሲ"
(ተስፋኣብ ተሾመ)

አንዲት መንፈስ መጥታ ማሪያም ነኝ አለችኝ፤ ከዛም ጩቤ ይዤ እንዲዞር፥ ጓድ መንግስቱ ሃይለማርያምን እንድገድል፥ በየጎዳናውም እንድሰግድ አዘዘችኝ። እኔም ሳላመነታ ታዘዝኳት"

ከላይ ያለው ንግግር የልጅ ጨዋታ ቢመስልም የታላቅ ደራሲ እና ጋዜጠኛ የእለት ተዕለት ገጠመኝ ነው።
እሱ እውነተኛ ሰው ሳይሆን በልብወለድ የተሳለ አይታመኔ ገፀባህርይ ይመስላል። ጎዳና ተዳዳሪነት ፥ ልመና፥ የአሮጌ መፅሐፍ ነጋዴነት ፥ የአእምሮ መታወክ(እብደት)፥ ደራሲነት ከህይወት ጓዳናዎቹ መካከል ናቸው።

ትክክለኛ ስሙ ሂሩይ ሚናስ ሲሆን አውግቸው ተረፈ የሚለው የብእር ስሙ ደግሞ ዝነኛ ሆኗል። ለሁለት አመታት ያህል የአይነስውር መሪ ነው። በልመና ስራ የተሰማራን አይነስውር ይመራል፥ በልመና የተገኘውን ገቢ ለእኩል ተካፍሏል።

በጎጃም ደጀን የተወለደው ሂሩይ በ1950ቹ የእህል ለማኝ ነበር። በልመና ያገኘውን እህል በመሸጥ የእለት ተዕለት ኑሮውን መርቷል።

እንደማንኛው ሰው ትዳር መሰረተ፥ ጎጆ አቆመ። ከትዳር በኋላ ሚስቱ ልጅ ስትወልድ ጭንቅ መጣ። እመጫት ሚስቱን የሚያበላት ነገር አልነበረውም። ደራሲው አላመነታም። ወደ ሆቴል አቅንቶ ትርፍራፊ ለምኖ ይዞላት ሄደ። ወላዷ ሴት ትርፍራፊ መብላት አልሆንልሽ ብሏት 'በረሃብ ብሞት ይሻለኛል' አለች። የሚያደርገው ግራ የገባው ደራሲ ተንሰቅስቆ አለቀሰ፥እንደ ህፃን ልጅ ተነፋረቀ።

ለ3 አመታት ያለ አናጋሪ ብቻውን በአንድ ቤት የኖረው አውግቸው የአእምሮ መታወክ ችግር ክፉኛ ጎድቶታል። "ከ1972-1974 ቀን በቀን ጫት እየቃምኩ ከጠዋት እስከማታ ማንበቤ እና በዚህ ወቅት ሳላቋርጥ እበሳጭና እንቅልፍ አጣ ስለነበርኩ ነው ያበድኩት። እንቅልፍ ማጣት፥ ብዙ ማንበብ ፥ የገንዘብ እጦት አሳብዶኛል" ይላል።

ለእንቅልፍ ችግሩ መድሃነት ፍለጋ ሃኪም ዘንድ ሄዶ ነበር። አለመታደል ሆነና ለችግሩ የተሰጠው መድሃኒት ሌላ ችግርን ፈጠረበት። የተሳሳተ መድሀኒት ተሰጥቶት እግርና ወገብ ለሚያሸማቅቅ በሽታ ዳርጎት ብዙ ርቀት መራመድ የማይችል ሆኗል። ቀሪ እድሜውን ሁሉ በዛች የተሳሳተች መድሃኒት ጦስ ሲቸገር ኖሯል።

በእብደት ዘመኑ 'ማሪያም ነኝ' የምትል መንፈስ የምታናግረው ሲሆን እሱ ለመንፈሷ ከመታዘዝ ውጪ የሚያደርገውን አያውቅም። በየመንገዱ እንዲሰግድ ታዘዋለች። ሳያመነታ ይተዘዛል። በጎዳና መሓል በግንባሩ ተደፍቶ ለሱ ብቻ ለምትታየው መንፈስ ይሰግዳል። መንፈሷ ጩቤ እንዲይዝ አዛው ጩቤ ታጥቆ መዞር ጀምሯል። የጩቤው አላማ ያስቃል። 'በታጠቅከው ጩቤ ከሰይጣን ጋር ትፋለምበታለህ' ብላዋለች።

ለደራሲው 'ማሪያም ነኝ' ብላ ራሷን ያስተዋወቀችው መንፈስ ነገረ ስራ ሁሉ ግራ አጋቢ ነው። አንድ እለት የተለየ ተልዕኮ ሰጠችው። "ወደ ቤተመንግስት ሂድ ከጓድ መንግስቱ ሃይለማርያምጋ ፍልሚያ ግጠም፥ ፕሬዝዳንቱን ሳትገድል እንዳትመለስ" አለችው። ሳያመነታ ታዘዛትና ወደ ቤተመንግሥት አቀና።
ቤተመንግሥት ሄዶ ጠባቂዎቹን "ጓድ መንግስቱ ሃይለማሪያምን ፍልሚያ ገጥሜ ልገድለው ስለምፈልግ አገናኙኝ" አለ።

በድርጊቱ የተቆጡ ጠባቂዎች ሊገድሉት ይችሉ ነበር። ነገር ግን የአእምሮ መታወክ እንዳለበት በመታመኑ በይቅርታ ተሸኘ።

መንፈሷ ሌላ ተልዕኮ ሰጠችው። "በባህርዳር በኩል ወደ ሱዳን ሂድ፥ ትራንስፖርት አትጠቀም፥ ከአዲስ አበባ እስከ ሱዳን ያለውን መንገድ በእግርህ ተጓዝ" አለችው። ደራሲና ጋዜጠኛ አውግቸው ተረፈ ሳያቅማማ ታዘዛት። ጉዞ ከጀመረ በኋላ በእጁ የያዘውን ገንዘብ ሁሉ በመንገዱ ጨረሰ።...

ደብረ ማርቆስ ሲደርስ ወደ አእምሮው ቢመለስም የሚባለው የለውም። በኪሱ አንዳች ገንዘብ ስላልነበረ ወደ ፖሊስ ጣቢያ አቀና። "የድርጅቴን ገንዘብ ሰርቄ ስለጠፋው እሰሩኝ" አላቸው። አለመታደል ሆነና ፖሊስ ጣቢያው ምግብ አልነበረውም። ይኸን ሲያውቅ አላመነታም፥ የለበሰውን ሱሪ አውልቆ በ15 ብር ሸጠ።

አውግቸው አንድ የተለየ ነገር ያደርግና መንፈሷ ትታው ስትሄድ ያደረገውን በማስታወሻው ይፅፋል።

..... "እብድ ማለት ሰይጣን ያለበት ማለት አይደለም። የአእምሮ ችግር ተጠቂ ሰዎችን ማግለልና ማሰቃየት ችግራቸውን ማባባስ ነው" ይል ነበር አውግቸው ተረፈ።

በነገራችን ላይ "እብዱ" የሚል ዝነኛ መፅሐፍም አለው።


@Tfanos
@Tfanos

ጀዋር መሐመድ "አልፀፀትም" በሚለው መፅሐፉ እንደነገረን ከሆነ አያቱ ያልተለመደ አይነት ሰው ነው። (17 ሚስቶችን አግብቷል)

ከእለታት በአንዱ የጀዋር አያት አጎት የሚሆነው ልጅ ወደ ሰውዬው ሄደ።

"አጎቴ አንዲት ሴት ወድጃለሁ እና ወደ ልጅቷ ቤተሰብ ሽምግልና ይሂዱልኝ" አለ። ይሄኔ የጀዋር አያት ተስማሞቶ ወደ ልጅቷ ቤተሰብ ሄደ። ልጅትን ሲያያት ቆንጆ ናት።

"ይቅርታ ልጅቷ ላንተ አትሆንህም" በማለት ለአጎቱ ልጅ መለሰለት። ልጁ በአጎቱ ሃሳብ ተስማምቶ ልጅትን ተዋት። ከቆይታ በኋላ ግን የጀዋር አያት ያቺን ልጅ አገባት።

የአጎቱ ልጅ በነገሩ ግራ ተጋብቶ "አትሆንህም ብለውኝ አገቧት?" ብሎ ጠየቀ።
ይሄኔ ሰውዬ "ላንተ አትሆንም አልኩ እንጂ ለእኔ አትሆነኝም መች አልኩ" ብሎ መለሰ።

የጀዋር መፅሐፍ ለየት ያሉ ነገሮችን ጭምር የያዘ ነው።


@Tfanos

"ባምቢ ሀበሻ" ከቅርብ ጊዜ ወዲህ በማህበራዊ ትስስር ገፆች ዝነኛ ስም ነው።

እኔ ያወቅኳት "የባምቢን ብልግና ስሙ" ተብሎ ሲነገር ነው። ወሲባዊ ምስሎቿ በማህበራዊ ገፆች ተለቀቁባት። በየአቅጣጫው ብልግናዋ ተነገረ። ሰው ሁሉ አወገዛት።

በሷ ቦታ መሆን ከባድ ነው። ከእንዲህ ያለ ችግር በኋላ ራስን እስከማጥፋት ይደረሳል።

ባምቢ ግን ጠንካራ ናት። ስህተቷ አልሰበራትም። ጥፋቷ አላጠፋትም። በጥንካሬ ቀጥላለች።

ይህ ልዩ የአእምሮ ጥንካሬ ይፈልጋል። የስሜት ብልህነት ይጠይቃል።

ባምቢ ባለፈችበት መንገድ አልፎ አልመክሰም አቅም ይፈልጋል።

አንዳንድ ነገሮች በንድፈ ሃሳብ ደረጃ ቀላል ይመስላሉ። በእውነተኛ ህይወት ሲከሰቱ ግን ካባድ ናቸው።

ከባዱን አድርገዋለች

@Tfanos

https://youtu.be/fAjeErbl4_8?si=KrVJkgwpnqfX5ws9

https://www.instagram.com/tesfa_abteshome/profilecard/?igsh=MTZxc2xxYWZ5cGM5cQ==

ቤቲ ሰሞኑን ስለ ጀዋር ተናግራለች።

ፕሬዝዳንት ማሜ የሚባለውን ቂላቅል ሰው "እስክንድርን ለመምታት ጀዋር ነው ያመጣው" ብላች። ጀዋር ፈሪ እና አለአዋቂ መሆኑን ረጅም ደቂቃዎች ወስዳ አብራሪታለች።

ጀዋር የኢትዮጵያ ቡና ደጋፊዎችን "ስልጣን ስንይዝ እናጠፋቸዋለን" ብሏል ብላናለች።

ያለችው ሁሉ እውነት ነው ብለን እንውሰድላት እና ጥያቄ እናንሳ

ቤቴልሄም እስከዛሬ የማንን ጎፈሬ እያበጠረች ነበር? ይህን ሁሉ ጉዳይ ከዚህ በፊት ያላወራችው ለምንድነው?

መልሱ ቀላል ነው። ጥቅመኛ ስለሆነች!

ጊዜ እና ሁኔታ እየጠበቁ ማድነቅ ጊዜ እና ሁኔታ እየጠበቁ መተቸት ጥቅመኝነት ነው።

የሚያውቁትን መረጃ ለጥቅማቸው የሚያቻቹ ሰዎች ራሳቸውን ለሸቀጥነት ያቀረቡ ናቸው!

በእርግጥ ቤቴልሄም ከሰዎች ጋር በግል ያወራችውን ግላዊ ጉዳይ በመፅሐፍ አሳትማ የምትሸጥ ህሊና ቢስ ነች!

@Tfanos

ለብልግና ከፋዮች ነን!
* * *

ደደ.ብ እና ባለጌ በሚገንበት ዘመን ላይ ነን። ጋጠወጥ ሰዎች የህዝብን ትኩረት በቀላሉ ያገኛሉ። ባለጌ በመሆናቸው የተነሳ ይሸለማሉ።

ከታች ምስሏ የተያያዘው ግለሰብ በአንድ ፖድካስት እንግዳ ነበረች። እንግዳ ሆና የቀረበችው ከህይወት ልምዷ ለማስተማር ወይም ሰዎችን ለማዝናናት አይደለም። የእንግድነቷ ምክኒያት ለጋጠወጥነቷ እውቅና ፍለጋ ነው።

እየሰከረች የምታድር መሆኗን ተናገረች፥ አላማ የለሽ ህይወት መምራቷን በኩራት አወራች ፥ በጥፋቶቿ ፀፀት አልባ መሆኗን ያለ ሀፍረት መሰከረች።

ምን ችግር አለው?

አንዳች ነገር በተፈጠረ ቁጥር "ምን ችግር አለው?" ማለት ልማዳችን ሆኗል። ችግርማ አለው!

እንዲህ አይነት ሰዎች በአደባባይ ተቀባይነት ባገኙ ቁጥር ታናናሾቻቸውን ያሰናክላሉ። እነሱን መከተል የሚፈልግ ሰው ይፈጠራል። በጥፋት ጎዳና ያሉትም የመታረም ፈቃደኝነት ያጣሉ።

ወደ ዋናው ነጥቤ ልምጣ!

ከቅርብ ጊዜ ወዲህ ሰዎች የለየለት ጋጠወጥነት ውስጥ የሚገኙበት ዋነኛው አላማ እውቅና ፍለጋ ነው። ብልግናቸው የሚፈልጉትን እውቅና ይሰጣቸዋል። ይህ ሳያንስ ለብልግናቸው ገንዘብ ይከፈላል።

በዚህ ዘመን ፌመስ መሆን ከሚያመጣቸው በረከቶች አንዱ የብራንድ ስፖንሰር መሆንና ማስታወቂያ መስራት ነው።

ማስታወቂያ አስነጋሪ ድርጅቶች ትኩረታቸውን የሚስበው የሰውዬው ዝና ብቻ ነው። ሰውዬው ምን አይነት ማንነት አለው ለሚለው ግድ አይሰጠውም።

ህዝብ ተሳድቦ ፥ ሰው አሳስቶ ፥ ወሲባዊ ቅሌት ውስጥ ተዘፍቆ ፥ ማህበራዊ ጥፋት ፈፅሞ ዝነኛ ለሆነ ሰው ዝነኛ በመሆኑ ብቻ ማስታወቂያ ማሰራት ለብልግና ክፍያ መፈፀም ነው።

በነገራችን ላይ ማስታወቂያ አስነጋሪ ድርጅቶች ማስታወቂያ ሲያሰሩ ለራሳቸው ጥቅም ማሰብ አለባቸው። ማስታወቂያ ሲያሰሩ ስለሚያገኙት ነገር መጨነቅ ይኖርባቸዋል።

ዳሌዋን እየወዘወዘች ሴሰኛ ተከታይ ላፈራች ሴት የማስታወቂያ መክፈል ገንዘቡን አልባሌ ቦታ መወርወር ነው። ተካታዮቿ ትኩረታቸው ወሲብ እንጂ ሌላ ረብ ያለው ነገር አይደለም። የሴት ቂ.ጥ ተከትሎ ለተኮለከለ ሚሊዮን ሰው ሪል ስቴት ግዙኝ ብሎ የመናገርን ያህል አለአዋቂነት የለም።

Via ተስፋኣብ ተሾመ

@Tfanos

የምወዳቸውን ሰዎች ሌሎች ሰዎች እንዲወዷቸው ማድረግ ይሆንልኛል።

ልደቱ አያሌውን በኔ የተነሳ የወደዱት ጓደኞች አሉኝ። የተስፋዬ ጫላን መዝሙሮች አስወድጃቸው ከተስፋዬ መዝሙሮች በፍቅር የወደቁ ጓደኞች አሉኝ።

አርሰን ቬንገርን እና ሊዮ ሜሲን በእኔ የተነሳ የወደደች ልጅ አለች። ፊልፕ ያንሲን በኔ የተነሳ የወደደ ጓደኛ አለኝ።

የምወዳቸውን ሰዎች ሌሎች ሰዎች እንዲወዱ ማድረግ ይቀናኛል።

የጌታሁን ሄራሞን የፌስቡክ ፅሁፎች በእኔ የተነሳ አድኖ ማንበብ የጀመሩ አሉ። ሀውለትን ስለምወዳት የወደዳት ሰው አለ።

(

በዘመነ ሚኒሊክ ረሃብ አለንጋውን አነሳ። የሚበሉት የቸገራቸው በየአቅጣጫው ይወድቁ ጀመር። ዜጎች በረሃብ ሞቱ።

በዛን ወቅት አንዲት እናት ያልተለመደ ነገር አደረገች ተባለ። ከሰውነት ወደ አውሬነት ተለወጠች። ህፃን ልጅን ለመብልነት አዋለች። አዎን ህፃን ልጅ በላች። (ባልሳሳት የጳውሎስ ኞኞ መፅሐፍ ላይ ይመስለኛል ይህን ያነበብኩት)

ያኔ አስችሏቸው ሰውን ያህል ነገር መመገብ ባይሆንላቸውም፥ በደህናው ጊዜ ለመብልነት የማይውሉ ባዕድ ነገሮችን የተመገቡ ሰዎች ነበሩ። የሞቱ እንስሳትን ፥ የአእፋትን ኩስ ወዘተ በመመገብ ረሃብን ለማምለጥ የሞከሩ ነበሩ።

እንደ ሐገር የተራብነው ትላንት ብቻ አይደለም። ረሃብ እየደጋገመ ጎብኝቶናል ፥ ጠኔ ደጋግሞ ረግጥናል። የሚበላ ማጣት አዋርዶናል።

በዘመናዊ አለም ረሃብ የመንግስት ጥፋት ውጤት ነው። ረሃብን የተሳሳተ ፖሊሲ ያዋልዳል።

በንጉሱ ዘመን ረሃብ ነበር። ያኔ የንጉሱ ተቃዋሚዎች "ህዝብ ተርቦ ንጉሱ ለውሻቸው ይደግሱ ነበር" አሉ። ዛሬም ድረስ ጃንሆይን የሚቃወሙ ሰዎች "በ66ቱ ረሃብ ሃይለስላሴ ጥፋት ሰርተዋል። ህዝብ ተርቦ እሳቸው የቅንጦት ጉዳይ ላይ አተኩረዋል" በማለት ያብጠለጥሏቸዋል።

በ ዘመነ ደርግ 19 77 ብሔራዊ ውርደትን የሚያከናንብ ረሃብ ተከሰተ። ዜጎች የሚበሉትን አጥተው በመደዳ ሞቱ።
ያኔ ህዝብ በረሃብ አለንጋ ሲገረፍ ደርግ የአብዮቱን አስረኛ አመት ያከብር ነበር። ከፍተኛ በጀት መድቦ ስልጣን የያዘበትን አስረኛ አመት መታሰቢያ ደግሷል።

ሹሟምንቶቻችን ህዝብን መናቅ መለያቸው ነው። የህዝብ ሞት ግድ አይሰጣቸውም።

ዛሬም ዜጎቻችን በረሃብ እየተቀጠፉ ነው። ጦርነት እና የፖሊሲ ውድቀት የፈጠረው ችግር ዜጎችን ለችግር ዳርጓል። በዚህ ሁሉ መሐል መንግስታችን ትኩረቱ ሌላ ነው።

ዜጎች የሚበሉትን አጥተው ሳለ መንግስት ገንዘቡን ከተማን ለማስዋብ እና ቤተመንግሥት ለማደስ እያዋለው ነው።

በተመሳሳይ እንቅፋት መመታት እጣፈንታችን ሆኗል። አባቶቻችን የወደቁትን አወዳደቅ እንድንደግመው ተፈርዶብናል።


Via ተስፋአብ ተሾመ

@Tfanos
@Tfanos

https://vm.tiktok.com/ZMkrvxcP4/

ጀዋር ሰሞንኛ አጀንዳ ነው። ተከታታይ ትችት "ፀሐዩ" መንግስት ላይ እየሰነዘረ ይገኛል። ጀዋርም በአፀፋው ትችት እየተቀበለ ነው።

ከመንግስት ተቃዋሚዎች አንዳንዶቹ "አናምነውም" ሲሉ የመንግስት ደጋፊዎች ደግሞ ጀዋርን በማብጠልጠል ለመንግስታቸው ያላቸውን ውግንና እያሳዩ ነው።

ጀዋር መንግስትን መተቸቱ ፋይዳ አለው። ዝም ብለን የምናጣጥለው አይደለም። ይህ ማለት ግን ጀዋር ላይ ጥያቄ ማንሳት የለብንም ማለት አይደለም።

ጀዋር ላይ ጥያቄ (ትችት) ካነሱ ሰዎች መካከል የቴዎድሮስ ፀጋዬ ጥያቄዎች ስሜት ሰጥተውኛል።

እውነት ለመናገር ጀዋር ከመጀመሪያው ጀምሮ የዚህ መንግስት ተቃዋሚ እንደነበር ማስመሰል "ሞ.ኝ ላድርጋችሁ" ማለት ነው የሚሆነው።

ጀዋር መንግስት ላይ ትችት መሰንዘሩ ፋይዳው ብዙ ነው።

የእሱ ድምፅ የአንድ ግለሰብ ድምፅ ብቻ አይደለም። ተደማጭ ነው። ሚሊዮኖች ላይ ተፅዕኖ ማሳደር ይችላል። ባለስልጣናቱን ማስበርገግ ይችላል።

ጀዋር "የመደመርን ኳልኩሌተር ሰርቻለሁ" ባይ ነበር። ዛሬ ትርጉም ባለው መንገድ ሲቃወም የትላንት የትግል አጋሮቹ የዛሬ የመንግስት ሹማምንት ላይ ተፅዕኖ ማሳደር ይችላል።

ብልፅግና ዛሬም ደጋፊዎች አሉት። ደጋፊዎቹ ለድጋፋቸው የተለያየ ምክኒያት አላቸው። ከደጋፋዎቹ መካከል አንዳንዶቹ በብሔር የተነሳ ይደግፉታል።በብሔር ማንነታቸው የተነሳ "የኛ መንግስት" ብለው የሚደግፉት አሉ።

ጀዋር በኦሮሞ ፖለቲካ ውስጥ ትልቅ ምልክት ነው። ግዙፍ ስብዕና ነው። እርሱ በግልፅ በከፍተኛ አቅም ይሄን መንግስት ሲቃቀም "የኛ መንግስት" ብለውት ከሚደግፉት መካከል የተወሰኑትን ደጋፊዎች የማሳጣት አቅም አለው።

ጀዋር እንኳንም በዚህ መጠን ተቃወመ!

Via ተስፋኣብ ተሾመ

@Tfanos
@Tfanos

ስለ ኢንጂነር ቢጃይ ናይከር ማብራሪያ መስጠት ያስፈልጋል? አይመስለኝም!

ደፋር ነው። ያልተለመደ መንገድ ለመሄድ አይፈራም። ህልመኛ ነው። ሩቅ ያስባል።

ለሐገሩ ያለውን ፍቅር የሚገፀው በተግባር ነው።

ገንዘብ ኖሯቸው የስራ ሃሳብ ለቸገራቸው ጥራት ያላቸውን የስራ ሃሳቦች በነፃ ይሰጥ ነበር። የስራ ሃሳብ ኖሯቸው እጅ ላጠራቸው ደግሞ ቀኝ እጁን ዘርግቶ ገንዘብ ቸሯቸዋል።

ስለ ሰሞኑን ውድድር ሰምታችኋል። ቤጃይ ካሸነፈ 10 ሚሊዮን ብር ይሸለማል። ዋናው ነገር 10 ሚሊዮን ማሸነፉ አይደለም። ቤጃይ የሚሸለመውን ብር ለሌሎች መልሶ ሊሸልም ወስኗል። ስለዚህ እሱ እንዲያሸንፍ ድምፅ መስጠት በርካቶች የበረከቱ ተቋዳሽ እንዲሆኑ መርዳት ነው።

ቤጃይን ይምረጡ

ለመምረጥ ወደ አጭር ቁጥር 9355 በቴክስት BIW01ብለው ይላኩ።
መምረጣችሁ የሚያረጋግጥ መልዕክት በቴክስት ይደርሳችኋል።

ሉሲፈር ስለሚባል ጳጳጳስ 👇

https://vm.tiktok.com/ZMk6gLdf2/

"ሉሲ ምን ያህል እውነት ነች?"
(ተስፋኣብ ተሾመ)
* * *

ልጆች ሳለን "ሰው ከዝንጀሮ መጣ" ሲባል እንሰማ ነበር። ሳይንስ የሰው ዘር መነሻ ዝንጀሮ እንደሆነ እንደሚያምን ሰምተን በልጅ አእምሯችን የሳይንስ ቂ.ልነት ላይ ተሳለቅን። ትንሽ ከፍ ስንል ግን የሰው ዘር መነሻ ዝንጀሮ ሳይሆን ዝንጀሮ መሰል መሰል ዝሪያ እንደሆነ ሰማን። በጉርምስናችን ወቅት "ምናልባት ሳይንስ ነጥብ ይኖረው ይሆናል" አለን።

የዝግመተ ለውጥ አራማጆች ሃሳባቸውን ለማፅናት አስረጅ አድርገው ከሚያቀርቧቸው ሳይንሳዊ ግኝቶች መካከል አንዷ ሉሲ ናት። የሉሲ ነገር "ኢትዮጵያ የሰው ዘር መገኛ" እንድትሰኝ ማድጉ ይታወቃል።

ዘለቀ ሀይሉ የሚባል ፀሐፊ አለ። ከብዙ ምርምር በኋላ 'ሉሲ ምን ያህል እውነት ነች?' የሚል መፅሐፍ ፃፈ። መፅፉ በ133 ገፅ የተቀነበበ ነው። (የዛሬ አመት በአንድ ቀን እድሜ መፅሐፉን አነበብኳት)
ፀሐፋው የዝግመተ ለውጥን ቲዮሪ በአስረጅ ሞግቷል። እውነት ያይደለ ፥ በማስረጃ ሊዳብር የማይችል ፥ ሳይንስ መሰል ልብ-ወለድ እንደሆነ ገልጿል።

ሐገራችን የሰው ዘር መገኛ መሆኗን ለማስረዳት የምንጠቅሳትን ሉሲ ጉዳይ ውሸት እንደሆነ የተገለፁ አንዳንድ ሐሳቦችን እናንሳ..

"ቂም አያታችን" እንደሆነች የተነገረላት ሉሲ ከአካሏ መካከል የተገኘው 40 በመቶ ብቻ ነው። እንግዲህ ባለምያዎች ትንታኔ የሰሩት ከግማሽ በታች በሆነ ቅሪተ-አካል ላይ ተመስርው ነው። ይህ ደግሞ ለአሳሳች ድምዳሜ አጋላጭ ነው። ፀሐፊው እንደሚያብራራው አንዳንድ ትንታኔዎች ሆን ተብሎ የዝግመተ ለውጥ ሃሳብን እንዲደግፉ ተደርጓል።

ሉሲ ወደ ሰው የሚደረግ የዝግመተ ለውጥ ሽግግርን የምትወክል ተደርጋ ብትነገርም እውነታው ግን ሌላ ነው ይላል መፅሐፉ። "ሉሲ ኤፕ ናት" በማለት ይደመድማል ፀሐፊው ዘለቀ። (ኤፕ ማለት ጭራ የሌላቸው የዝንጀሮ ዝሪያዎች ናቸው። እንደ ችምፓዚ እና ጎሬላ ያሉ ማለት ነው)

የሉሲ አንጎል ስፋት የኤፕን ያህላል ፥ የራስ ቅሏ የኤፕ ይመስላል ፥ እንደ ኤፕ ዛፍ ላይ ለመውጣት የሚረዳ አጥንት ፥ የቺምፓዚን የመሰለ ረጅም የእጅ ክንድና ረጃጅም ጣቶች አሏት።
ወደ ውስጥ የታጠፉ የፊት እጆቿ ምድርን ተደግፎ የመራመድ ተላምዶዋን የሚያሳይ ነው። የእጅ አንጉዋ መዋቅር ፥ የኤፓችን አይነት ከወገብ በላይ ከበድ ያለ አካል ፥ ወዘተ አላት ሉሲ።
የመንጋጋ ቅርጿ እንደ ሰው 'U' መሰል ሳይሆን እንደ ኤፕ 'V' መሰል ነው። እኚህን የመሳሰሉ ነገሮች የሚያሳዩት ሉሲ ኤፕ እንደሆነች ቢሆንም አሳሳች በሆነ መንገድ ተገልፃለች ይላል ፀሐፊው። ለዚህም የተለያዩ ሳይንቲስቶችን እና የህትመት ውጤቶችን ምስክሮች አቅርቧል።

መፅሐፉን አንብቡት። ዝግመተ ለውጥን ጥያቄ ውስጥ የሚከቱ በርካታ መረጃዎች ያነሳል።


@Tfanos

"የሐይማኖት የለሾች ዘመን ከደጅ ነው"
(ተስፋአብ ተሾመ)
* * *

ትላንት ሀይማኖት የሀይል ምንጭ ነበር፥ ከሃይማኖት ማህፀን ስልጣን ይወለድ ነበር፥ ሐይማኖት ቢገፋ የማይወድቅ ይመስል ነበር። ዛሬ ግን የሐይማኖት ስልጣን ወደ ነበርነት ተገፍትሯል። ሴኩላሪዝም ገለታ ይግባውና ሐይማኖት ስልጣን አደላዳይ ሚናውን ትርጉም ባለው መንገድ ተነጥቋል። (እዚህ ጋ ልዩ ሁኔታዎች መረሳት የለባቸውም)

ሐይማኖቶች በእጃቸው ያለውን የሚያጡበት ፍጥነት አስገራሚ እና ኢ-ተገማች ነው። ከጥቂት ጊዜ በፊት ሐይማኖቶች የስልጣን ምንጭ ነበሩ። ይህን ትርጉም ባለው ሁኔታ አጥተውታል። ከጥቂት ጊዜ በፊት ሐይማኖቶች እና ሐይማኖቶኞች የስነምግባር ምንጭ ነበሩ። ዛሬ ይህ አደጋ ላይ ወድቋል።

ቀላል ቁጥር የሌላቸው ሰዎች ጥብቅ ሀይማኖተኞችን በጥርጣሬ የሚመለከቱ ሆነዋል። ነጠላ ለባሾችን የሚጠራጠሩቱ፥ ባለሂጃብቹን የማያምኑቱ ፥ መፅሐፍ ቅዱስ የያዘውን ቀጣፊ አድርገው የሚያስቡ ቀላል ቁጥር የላቸውም። ፓስተር አሊያም ቄስ ወይንም ኡስታዝ የማይታመንበት ዘመን ላይ ደርሰናል። በየጥጋጥጉ "ሀይማኖተኞች ክፉ ናቸው" ሲባል እንሰማለን።

መስቀል የተሸከሙ ፥ መፅሐፍ ቅዱስን የሸከፉ፥ ቁርአን የያዙ ሌቦች በየአከባቢያችን ሞልተዋል። ስለ ማሪያም እየተናገሩ ነውረኛ የሆኑቱ ብዙ ናቸው። የኢየሱስን ስም መነገጃ ያደረጉቱ ተቆጥረው አያልቁም። በአንደበታቸው ስለ አሏህ ርህራሄ የሚናገሩ በልባቸው ጨካኝ የሆኑ ሰዎች እልፍ ናቸው።
ቀስ በቀስ ሃይማኖት እና ስነ-ምግባር ፍቺ ፈፅመው ሀይማኖተኝነት እና ክፋት መጋባት የጀመሩ መስለዋል።

ፍትህ ሲዛባ የሃይማኖት አባቶች ከማንም ቀድመው "የፍትህ ያለህ" ማለት ነበረባቸው። ፍርድ ሲጓደል፥ ደሃ ሲበደል የሃይማኖት አባቶች "ይህ ጥፋት ነው" የማለት እዳ ነበረባቸው። እነርሱ ግን በሚያሳዝን ሁኔታ ህሊናቸውን ለሹማምንት ለማከራየት ፈቀዱ። ለሆዳቸውም አደሩ።

ዛሬ ላይ የኢ-አማኙ ቁጥር እየጨመረ ነው። "ኤቲስት ነኝ" የሚሉ ሰዎች በዝተዋል። ለይቶላቸው ሀይማኖት የለሽ ከሆኑት በተጨማሪ ከሐይማኖት ተቋማት ጋር ያላቸውን ህብረት ያቋረጡቱ ቁጥራቸው ቀላል አይደለም።

በአንድ ወቅት ኢ-አማኝ መሆን የተለየ ሰው መሆን ነበር። አንድ ሰው "ኤቲስት ነኝ" ካለ "ከሰው መለየት ፈልገህ ነው" ሊባል ይችል ነበር። በእርግጥ ዛሬም ብዙሃኑ አማኝ ነው። ነገ ግን ነገሩ የተገላቢጦሽ የሚሆንበት ዘመን ሩቅ አይደለም።

ብዙሃኑ ሀይማኖት የለሽ የሚሆኑበት ዘመን ከደጅ ነው። ነገ ላይ አንድ ሰው አማኝ ሆኖ ሲገኝ እንደ ብርቅ ይታይ ይሆናል። "አማኝ ነኝ" የሚልን ሰው "ከብዙሃኑ መለየት ፈልገህ ነው አማኝ የሆንከው?" ብለን የምንጠይቅበት ጊዜ እየመጣ ነው።

ለሃይማኖት የለሽነት ብዙ ሰበብ ይኖረዋል። ከብዙ ሰበቦች መካከል አንዱ የሃይማኖት ተቋማት የገቡበት ስነ-ምግባራዊ ውድቀት ነው።

የሐይማኖት ተቋማት ዘረኝነት የሚፈለፈልበት ፥ ሴሰኝነት የነገሰበት ፥ ገንዘብ የሚመለክበት ፥ የስልጣ ሽኩቻ ያለበት... ኢ-ስነምግባራዊ ተቋማት መሆናቸው ሐይማኖት የለሾች እንዲበዙ ሰበብ ከሆኑ ጉዳዮች መካከል አንዱ ነው።


@Tfanos
@Tfanos

"ክፈል፥ ክፈዪ፥ ክፈሉ"
(ተስፋአብ ተሾመ)
* * *

የዛሬ አመት አከባቢ አንድ ሰው ደወለልኝ። ከወራት በኋላ ነበር የደወለልኝ። ከሰላምታ በኋላ "ምን ልታዘዝ" አልኩ። ትብብር ጠየቀኝ።

"ትብብርህ ያስፈልገኛል" ሲለኝ ሁለቴ ሳላስብ "የምችለው ከሆነ አደርገዋለሁ" አልኩ።
"ከአንድ ድርጅት ጋር የማስታወቂያ ውል ተዋውለናል፥ የማስታወቂያ ስክሪፕት ፃፍልኝ" አለኝ። መጀመሪያ ላይ ግልፅ አልሆነልኝም ነበር። ሲያብራራልኝ ነው የገባኝ። እሱ ለሚሰራው ማስታወቂያ እኔ ስክሪፕት እንድፅፍለት ነው የፈለገው።

በትህትና እንዲከፍል ነገርኩት። "ጥሩ ፅሁፍ አዘጋጅልሃለሁ። ነገር ግን ትከፍላለህ። አንተም ገንዘብ የምታገኝበት ስራ እንደመሆኑ መጠን እኔም ተገቢውን ክፍያ ባገኝ ጥፋት አይደለም" አልኩት። ተበሳጨብኝ።

አንድ ሰው እንዲጠቀም ሌላ ሰው መጎዳት የለበትም። ሞያም ሆነ ተሰጥኦ እንደ አስፈላጊነቱ ከክፍያ ነፃ ይሆናል። ነገር ግን አንድ ወገን እንዲጠቀም ሌላ ወገን በብላሽ ማገልገል የለበትም።

ያ ለማስታወቂያ ፅሁፍ ገንዘብ እንዲከፍለኝ የጠየቅኩት ሰው ዛሬ በስንት ጊዜ አገኘሁት። ሰላም ልለው ስል ዘግቶኝ እና ገላምጦኝ አለፈ። አኩርፎኛል ማለት ነው። እርሱ ገንዘብ ለሚያገኝበት ስራ እኔ በነፃ ማገልገል ነበረብኝ ማለት ነው።

በጓደኛሞች መካከል ክፍያ መኖር የሌለበት የሚመስላቸው ሰዎች አሉ። ከጓደኞች የተጋነነ ክፍያ አለመቀበል ፥ እንደ አስፈላጊነቱም በነፃ መስራት አግባብ የሚሆንበት ጊዜ አለ። ነገር ግን ጓደኝነት የስራ ክፍያን እንደሚነጥቅ ማሰብ ጥፋት ነው።

ለአገልግሎት ክፈል! የሰዎችን ሞያ እና ክህሎት አክብር!


@Tfanos
@Tfanos

"በፍቅር ስም..."
* * *

ልጆች ነበርን። ልጅነታችን አካላዊ ብቻ ሳይሆን አእምሯዊም ጭምር ነበር። በዛ በልጅነታችን ወራት "የፍቅር ጀብድ" ሰማን።

አንድ ወጣት ራሱን ማጥፋቱ ተነገረ።
"ምነው ራሱ ላይ ጨከነ?" ተባለ በመገረም። "ፍቅር ይዞት ነበር። ተፈቃሪዋ ስትገፋው ራሱን ገደ.ለ" ተባለ። የአፍቃሪነቱን ብርታት አዳነቅን። እውነተኛ አፍቃሪ እንደሆነ መሰከርንለት።

ልጆች ሳለን ብዙ የፍቅር ታሪኮችን እንሰማ ነበር። ያፈቀራትን ስላጣ በገመድ የተሰቀለ ወጣት ታሪክ ሰምተናል። ተፈቃሪዋን ለማግኘት ባለመቻሉ መርዝ የጠጣ ወንድ ታሪክ ሰምተናል። በማፍቀሩ የተነሳ አእምሮውን አጥቶ ያበደ ሰው ታሪክ ሰምተናል። ብዙ የፍቅር ታሪኮችን ሰምተናል።

እንዲህ ያሉ ሰዎች "እውነተኛ አፍቃሪዎች" እንደሆኑ ሲነገረን ኖረናል። የተነገረንን አምነናል። ሙዚቃው እውነተኛ አፍቃሪነትን ከስቃይ ጋር ያዛምዳል። ፊልምና ድራማው ፍቅር ማለት ስቃይ ነው ብሎ በይኗል። ግጥሙ ሁሉ ፍቅርን ከመከራ ጋር በአንድ ሰፍቷል።

አልታወቀንም እንጂ በፍቅር ስም መከራን የምንሰብክ ሆነናል። የጥሩ እናትነት መለኪያ ልጅን በአግባብ ማሳደግ መሆኑን ዘንግተን በረሃብ አለንጋ መገረፍ አስመስለናል። ጥሩ እናት የምንለው ብዙ የተሰቃየችውን ነው።

የምርጥ አፍቃሪነት ተመስሌቱ ካፈቀራት ሴት ጋር የተረጋጋ ቤተሰብ ከመሰረተው በላይ ራሱን ያጠፋው ወይም አእምሮውን የሳተው ከሆነ አንዳች ስህተት አለ ማለት ነው።

አንድ ሰው ራሱን ካጠፋ ጉዳዩ ፍቅር አይደለም። እኔ በፍፁም እንዲህ ያለ ነገርን ከፍቅር ጋር ማዛመድ አይሆንልኝም። ራሱን የሚያጠፋ ሰው ራሱ ላይ ለመጨከን የሚያደርግ የቀደመ አስቻይ ሁኔታ ያስፈልገዋል። አፍቅሮ ማጣት የተዳፈነውን የተስፋ መቁረጥ ገሃድ ያወጣዋል።

"የኔ ካልሆንሽ ራሴን እገድ.ላለሁ" የሚል ሰው አፍቃሪ አይደለም። ራሱ ላይ ያስጨከነው ፍቅር ሊሆን አይችልም። ለራሱ የማይራራ ላፈቀራት ሴት አይሆንም። የጊዜ ጉዳይ እንጂ ሰምሮለት ሴቷን የራሱ ቢያደርግ እንኳን ለሀዘን ይዳርጋታል።

"የእኔ ካልሆንሽ ራሴን አጠፋለሁ" ለሚል ሰው መፍትሄው የፍቅር ጥያቄውን መቀበል ሳይሆን ሰውዬውን ወደ ስነልቦና ባለሞያ መላክ ነው።

ለህይወቱ ዋጋ የማይሰጥ ፥ ነገውን ለአንድ ሰው ብሎ የሚያጨልም ፥ የፈለገውን ሲያጣ በፀጋ መቀበል የማይችል ሰው ብዙ ነው። እንዲህ አይነቱ ሰው ሁል ጊዜም የአደጋ ምልክት እንደሆነ ይሰማኛል።

በፍቅር ስም ብዙ ስህተቶችን ስንሰብክ ኖረናል። በፍቅር ስም የተነገሩ የተሳሳቱ ብያኔዎች ካልተስተካከሉ ብዙ ሰዎች በፍቅር ስም አላስፈላጊ ዋጋ ሲከፍሉ ይኖራሉ።

ለራሱ ዋጋ የሚሰጥ ሰው አፍቅሩ። የነገ ተስፋው ላይ ምራቁን የማይተፋ፥ በመገፋት መካከል ሳይወድቅ መራመድ ከሚደፍር፥ ቢወድቅ እንኳ ለመነሳት ከሚጥር ጋር ተጣመሩ። ነገር ግን ራሱን በገዛ እጁ ገፍትሮ መጣል ከሚወድ ጋር ራስን ማጣመር ለውደቀት መመቻቸት ነው።

ተፋቀሩ ፥ ደግሞም ተጣመሩ። ነገር ግን መሸከም የሌለበችሁን ሸክም አትሸከሙ።
በፍቅር ስም መሸከም የሌለባችሁን ሸክም በፍፁም አትሸከሙ።
የሚመለከታችሁን እና የማይመለከታችሁን ለዩ። የሚያጎብጣችሁን አዳዲስ ቀንበር ራሳችሁ ላይ አትጫኑ።

በፍቅር ስም አላስፈላጊ ዋጋ መክፈል የሚወድ ሰው ነገ ዋጋ እንደማያስከፍላችሁ እርግጠኛ አትሁኑ....



@Tfanos
@Tfanos

"ራሳችንን ብናጠፋ ይሻለናል"
(ተስፋአብ ተሾመ)
* * *

ዶክተሮች "ብንሄድ ይሻለናል" እያሉ ነው። መሰረት ሚዲያ በሰራው ዜና በኑሮ ጫና የተነሳ የጤና ባለሞያዎች "በጋራ እራሳችንን እና.ጥፋ" የሚል እቅድ ይዘዋል።

ምክኒያቱ የኑሮ ጫና ነው። ጥያቄያቸው ከመንግሥት ምላሽ ሊያገኝ አልቻለም። አንዳንድ ሐኪሞች ኩላሊታቸውን መሸጥ ፈልገው ሳይሰምርላቸው ቀርቷል። ስለዚህ መፍትሄው ራስን መግ.ደል መስሏቸዋል።

መምህራን የኑሮ ጫናን መቋቋም እንዳቃታቸው ይታወቃል። በቀን ሶስቴ ለመብላት የሚቸገሩ የዩኒቨርስቲ መምህራን አሉ። ደሞዛቸው መሰረታዊ ፍላጎታቸውን አያሟላም። መምህራን ፥ጋዜጠኞች ፥ ዶክተሮች ወዘተ ከደህነት ወለል በታች ናቸው። ድህነታቸው መሰረታዊ ፍላጎታቸውን የማይሞላ ነው።

በሐገራችን የሚቸገሩት ስራ አጦች ብቻ አይደሉም። ሰዎች ስራ እየሰሩ በቀን 3ቴ መመገብ የማይችሉ ሆነዋል።

ልጆች ሳለን ዶክተር መሆን ብርቅ ነገር ነበር። ዶክተር የሆነ ያልፍለት ነበር። ዛሬ ግን ዶክተሮች ረሀብተኞች ሆነዋል።

ሐገሬውን ተመልከቱ። ራስን ማጥፋት መደበኛ ሆኗል። "ኮሪደር ልማት" የሚሉት መንግስታዊ ስላቅ ቤታቸውን እያፈረሰባቸው ራሳቸውን ያጠፉ ሰዎች አሉ። ኑሮ ከብዷቸው ራሳቸውን የገደ.ሉ ጥቂት አይደሉም። ይህ ሁሉ ሳያንሰን ዶክተሮች "በጋራ ሰብሰብ ብለን ራሳችንን እናጥፋ" እያሉ ነው።

የአረብ ፀደይ የሚባለውን አብዮት የቀሰቀሰው ቡአዚዝ የሚባል ወጣት ራሱን በእሳት አቃጥሎ መግደ.ሉ ነበር። ቡአዘዝ ራሱ ላይ የለኮሰው እሳት አብዮት ወልዶ ሹማምንትን ላይ ነደደ።

በእርግጥ የቡአዚዝ እሳት ስንጥር ነው። የግመልን ወገብ የሰበረ ስንጥር!

አንድ ግመል ብዙ ሸክም ነበረበት። ጀርባው ላይ ከአቅሙ በላይ የተጫነ ሸክም ያለበት ግመል አንዲት ስንጥር ስትጨመርበት ወገቡ ተሰበረ። የግመሉን ወገብ የሰበረው ስንጥሩ ሳይሆን የቀደመው ጭነት ነው።
የቡአዚዝ ራሱን ማጥፋት ስንጥር ሆኖ የአረብን አብዮት ቀሰቀሰ።

ስለ እኛ ሐገር መገመት አይቻልም። በየእለቱ ሕዝቡ ላይ ሸክም ይጫንበታል። ዜጎች ሸክሙ አጉቡጧቸዋል።

በዚህ ሁሉ መሐል ትልልቅ አእምሮዎች እየመከኑ ነው። ባለ ተስፋ ወጣቶች ተስፋ እያጡ ነው። ራስን ማጥፋት መፍትሄ እየሆነ ይመስላል።


@Tfanos

አልኮል አልጠጣም። መጠጣት ላለመፈለጌ የተለየ ማብራሪያ ማቅረብ ያለብኝ አይመስለኝም። አለመፈለግ በጣም በቂ ምክኒያት ነው።

ሁል ጊዜ የሚገጥመኝ አሰልቺ ችግር አለ። ለተለያዩ ሰዎች እንደማልጠጣ የማብራራት ግዴታ ውስጥ እገባለሁ። ጉዞ ሲኖር ፥ አዳዲስ ሰዎች ስተዋወቅ ወዘተ የመጠጥ ግብዣ ይቀርብልኛል። በትህትና እንደማልጠጣ እናገራለሁ።

"እኔ አልኮል አልጠጣም" ብዬ ስናገር ጋባዤ ፈቃዴን እንዲያከብር ብፈልግም ይህ በቀላሉ አይሰምርም።

"ለዛሬ ብቻ ጠጣ" እባላለሁ። እድሜ ዘመኔን ያልጠጣሁ ሰው ለአንድ ቀንስ ብዬ ለምን እጠጣለሁ?

"ይቺን ብትጠጣ ምንም አትሆንም" እባላለሁ። "እንዲህ እና እንዲያ ያደርገኛል" የሚል ምክኒያት ካላቀረብኩ በቀር "ምንም አያደርግህም" የሚል ማብራሪያ ማቅረቡን ምን አመጣሁ?

"መስከር እንጂ ጥቂት መጠጣት ሀጢያት አይደለም" የሚሉኝ አሉ። ላለመጠጣቴ ሃይማኖታዊ ምክኒያት ሳላቀርብ ሀይማኖታዊ ማብራሪያ ማቅረብ ምን ይባላል?

"እኔ ደስ እንዲለኝ ጠጣ" የሚሉኝ አሉ። ደስታ የማይጠኝን ነገር ለሰዎች ደስታ ብዬ የማደርገው ለምንድነው?

እኔ የሚጠጡ ጓደኞች አሉኝ። ባይጠጡ ደስ ይለኛል። ነገር ግን ፍላጎታቸውን አከብራለሁ። አብረን ለማሳለፍ አንቸገርም። አዳዲስ ሰዎችን ስተዋወቅ ግን መከራዬን አያለሁ።

አሁን አሁን ከተለያዩ ሰዎች ጋር ሰብሰብ ብለን ራት መብላት ካለብን ቀድሜ "እኔ አልኮል አልጠጣም። የምገኘው የማትጨቀጭቁኝ ከሆነ ብቻ ነው" ብዬ ማስረዳት ጀምሬያለሁ። የጉዞ ግብዣ ሲኖር "እኔ አልኮል አልጠጣም። ጠጣ ካልተባልኩ ነው የምገኘው" እላለሁ።

በተለይ አንዳንድ ሰዎች ሁለት ቢራ ከጠጡ በኋላ የማይጠጣን ሰው አልኮል ለመጋበዝ የሚፈጥሩት ጭቅጭቅ ልብ ያወርዳል።

ሱስ የሚያስይዝ ነገር አልወድም። አልጠጣም፥ አልቅምም፥አላጨስም። ለዚህ ብዙ ዝርዝር ምክኒያት ማቅረብ አይጠበቅብኝም። አለመፈለግ በቂ ምክኒያት ነው። ግን አንዳንድ ሰው ደረቅ ነው። ማስገደድ ይወዳል።

የሰውን ምርጫ እንደማክበር ያለ ስልጣኔ የለም።


@Tfanos

የመፅሐፍ ህትመት አስቸጋሪ ነው። ብዙ ፈታኝ ነገሮች አሉት። በተለይ ከመፅሐፍ ቤቶች ገንዘብ መሰብሰብ ወደ ተራራ የመሮጥ ያህል ነው።

አንድ መፅሐፍ ቤት አለ። ነገን ፍለጋ መፅሐፍን ተቀብሎ እንዲያከፋፍሉ ከተሰጣቸው መካከል ነው። በተለመደው የመፅሐፍ ሽያጭ አካሄድ መሰረት መፅሐፉን ሸጦ ሲጨርስ ክፍያ መፈፀም ይኖርበታል።

ሰሞኑን በጣም ገንዘብ አስፈልጎኝ ነበር። ብድር ፍለጋ መውጣት አልፈለግኩም። ያ መፅሐፍ መሸጫ ገንዘቤን እንዲሰጠኝ ደወልኩ። "ብር ስጡኝ" ብዬ ጠየቅኩ ሳይሆን ለመንኩ ነው የሚባለው። ለመፅሐፍ ቤቱ ባለቤት ብቻ ሳይሆን ለሚስቱ ጭምር ብሬን እንዲሰጡኝ ደጋግሜ ለመንኩ።

ያለሁበትን አስቸጋሪ ሁኔታ ለሁለቱም አስረድቻለሁ። የግድ ብር እንደሚያስፈልገኝ ነግሬያቸዋለሁ። የመፅሐፍ ቤቱ ባለቤት በደወልኩ ቁጥር "ይኸው አሁን አስገባለሁ" ይለኛል። ነገር ግን አያስገባም።

በእርግጥ "ለዛ ቤት መፅሐፍህን እንዳትሰጥ፥ ገንዘብህን ማግኘት በጣም አስቸጋሪ ነው" ያለኝ ሰው ነበር። ነገር ግን ሌላ ደራሲ "ግድ የለህም። እኔን እመነኝ እና ስጠው" ብሎኝ ሰጠሁት።

ከስምንት ወራት በፊት ላስገባሁት እና ለተሸጠ መፅሐፍ ብር ልመና ገብቻለሁ። ንብረት ከመሸጥ ብሬን መለመን ይሻላል ብዬ እየለመንኩት አለሁ....


@Tfanos

ኢትዮጵያን የሚወክለን ክፋ.ት ነው
(ተስፋአብ ተሾመ)
* * *

አንድ ወጣት መታረ.ዱን ሰማን። ሰው እንደ እንደእንስሳ ተጋድሞ በአንገቱ ስለት አለፈበት ተባለ። ቪዲዮውን አላየሁትም። ማየትም አልፈልግም።

ከጥቂት አመታት በፊት Is is ኢትዮጲያውያንን አንበርክኮ ሲያ.ርዳቸው ሁላችንም ተደናግጠን ነበር። "የሰው ልጅ በዚህ ልክ እንዴት ይከፋል?" ተባባልን። የ አይ ኤስ ድርጊት የፈጠረብን ድንጋጤ ሳይለቀን በደቡብ አፍሪካ ሰዎች በህይወት ሳሉ እሳት ተለቀቀባቸው። ያኔ እኛ እንዲህ ያለ ክፋት የማንፈፅም እንደሆንን ይሰማን ነበር።

ሩቅ የሚመስለው ቀርቦ ለማየት ጥቂት እድሜ ብቻ በቃን። በገዛ ሐገራችን ሰው ተዘቅዝቆ ተሰቀለ። ወንድም ወንድም ላይ ጨከነ።
"እንዲህ ያለ ነውር እኛን አይወክለንም" ብለን እያሰብን ሳለ ነውር ተደጋገመ። ሰዎች በእሳት ሲቃጠሉ ተመለከትን ፥ ነብሰ-ጡሮች የጭካኔ ሰለባ ሆኑ፥ ህፃናት አንገታቸው ላይ ሰይፍ ገባ፥ ወጣቶች በድንጋይ ተወ.ግረው ተገ.ደሉ፥ ሴቶች ማህፀናቸው የጦር ሜዳ ሆነ ፥ አዛውንቶች በመደዳ ተረ.ሸኑ፥ ጭካኔ መደበኛ ሆነ።

ከመቀሌ እስከ ሞያሌ፥ ከአሶሳ እስከ ሀዋሳ ፥ ከወላይታ እስከ ሰበታ.... የክፋት አይነት ታየ። በአራቱም መአዘን ሁሉም አይነት ነውር ተደረገ።

ባለፉት ጥቂት አመታት ብቻ እምነት ተቋማት እሳት በልቷቸዋል፥ አዛውንቶች ተዋርደዋል ፥ ከተሞች ወድመዋል ፥ እርስ በእርስ ተጠቃቅተናል።

"አንድ ነን" እያልን ስንመፃደቅ የከረምን ቢሆንም እርስ በእርስ ምን ያህል እንደምንጠላላ እና ለመጠፋፋት አጋጣሚዎችን ስንጠብቅ እንደኖርን ያለፉት አመታት ምስክሮች ናቸው። ኦርቶዶክሳዊያን ሲጠቁ ጮቤ ይረግጡ የነበሩቱ ጥቂት አልነበሩም። ሙስሊሞች ሲበደሉ ሀሴት ያደርጉ የነበሩቱ ቀላል ቁጥር የላቸውም። አማራ ሲታ*ረድ የሚፈነደቁቱ ተቆጥረው አያልቁም። በትግራዋይ ሞ.ት የተሳለቁቱ ቀላል ቁጥር የላቸውም። ለኦሮሞ ሞ.ት ደንታ ቢስ የሆኑቱ እልፍ ናቸው። ከሶስቱ ብሔር ውጭ ለሆኑቱ ደግሞ ማንም ግድ የለውም።

በሐገራችን ከእለት ወደ እለት ብዙ ጥፋት እንሰማለን። አጋንንት የሰው ገላ ለብሰው ይንቀሳቀሱ ይመስል ጨካኞች ሆነናል። ነገር ግን መመፃደቃችን ዛሬም ከእኛ ጋር ነው።

ብዙ ፀያፍ ነገር ከተፈፀመ በኋላ "ይሄ ድርጊት አይወክለንም" እንላለን። ታዲያ የሚወክለን ምንድነው? መራራውን እውነት መቀበል አለብን። የእስከዛሬው ጥፋት ይወክለናል።

ዘረ.ኛ መሆናችንን ማመን አለብን። ጨካኝ እና ፅንፈኛ መሆናችንን መካድ አይጠቅመንም። አለአዋቂነት እንዳስገበረን መቀበል ይኖርብናል። እኛን የሚወክለን ክፋት ነው። ይህን ካላመንን አንድንም።

በሽታችንን ካላመንን ልንፈወስ አንችልም። እውነቱን እንቀበለው። እርስ በእርስ እንጠላላለን፥ አለአዋቂ ነን ፥ ፅንፈኛም ነን... ይህ ነው የሚወክለን


@Tfanos

እስራኤል ተሽመ ወንድሜ ነው። በቀን አንድ ቴክስት ይልክልኛል። አንዳንዴ የሱን መልእክቶች አንብቤ ስጨርስ ወደ ቸርች መመለስ ያምረኛል።

ችግሩ ወደ ቸርች ከሄድኩ አመታት ተቆጥረዋል። በነዚህ አመታት ምንም አይነት የመሄድ ፍላጎት ኖሮኝ አያውቅም። እናቴ ፥ ወንድሞቼ ፥ ጓደኞቼ በሙሉ የሃይማኖት ሰዎችን በስጋት እንደማይ ያውቃሉ።
አንድ ሰው ጥብቅ ሃይማኖተኛ ከመሰለኝ ወዲያው ያንን ሰው እንድጠነቀቀው የሚገፋፋኝ ነገር አለ። ሐይማኖተኞችን ሀሉ ግብዝ እና ርህራሄ አልባ አድርጌ እንዳስብ የሚገፋኝ ምን እንደሆነ አላውቅም። እናቴ በዚህ ነገር ገስፃኝ ታውቃለች።

ለማንኛውም እስራኤል ጥሩ ነገሩ በቀን አንድ የፅሁፍ መልእክት ይልክልኛል። አንዳንዴ የመፅሐፍ ቅዱስ ሃሳብ ሲልክልኝ "ወደ ቸርች ልመለስ ይሆን?" እላለሁ።

ከታች ያለው የትላንት መልእክቱ ነው።

“ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ።”
— ማቴዎስ 28፥19-20

መገረም ቦታውን ካልጠበቀ አቅም ይጨርሳል ። ብዙ ሰዎች በተለዩአቸው ሰዎች በመገረም አቅማቸውን ይጨርሳሉ ።
🔥 ወዳጄ ብዙ በተለዩህ ሰዎች በማዘን እና በመገረም አቅም አልባ ከመሆን ይልቅ ሁል ጊዜ አብሮህ ባለው ጌታ በመገረም እና በመደሰት መበርታት ያስደስታል።
🔥🔥አብሮህ ካሉ ደግሞም ከሚኖሩም ብዙ ሰዎች ይልቅ ሁልጊዜም አብሮህ ሊሆን ቃል የገባው ጌታ ይበልጣል ። ስለዚህ መገረምህን ሁል ጊዜም አብሮህ ያለው ጌታ ይውሰደው!!
ብሩክ ነህ የተወደደ ቀን

መውጫ፥ ጴንጤ እና ሲንግል ሴቶች "ጌታ በልቤ አክብዶሃል" ልትሉት ከፈለጋችሁ አድራሻውን ተቀበሉኝ።

ሲንግል እና ኤቲስት ሴቶች "ዳርዊን በልቤ አክብዶሃል" ብላችሁ ለእኔ መልእክት ስደዱ

ሐገሩን የሚወድ ሰው ኢፍትሃዊነትን የመቃወም ሐላፊነት አለበት።

በደል ዜጎች ለሐገራቸው ያላቸውን በጎ ስሜት ያኮላሻል። ኢፍትሃዊነት ሐገር ጠል ዜጋ ይፈጥራል።

ሐገሩን የሚወድ ለሐገሩ ዜጎች ህይወት ግድ ይሰጠዋል።

ሐገርህን ትወዳለህ? ከኢፍሀዊነት ጋር አትተባር፥ ግፍን ተቃወም።
ሐገርሽን ትወጃለሽ? ዜጎች ሲበደሉ ዝም አትበይ!


@Tfanos

"አንኳኩ አይከፈትላችሁም፥ ጠይቁ አይመለስላችሁም"
(ተስፋኣብ ተሾመ)
* * *

ወልቃይት የማን ነው?

ዛሬ የአማራ እና የትግራይ ወጣት ደማቸውን አፍስሰው ፥ አጥንታቸውን ከስክሰው ወልቃይትን ለትግራይ አልያም ለአማራ ቢያደርጉት ለተርታ ዜጎች ፋይዳው ምንድነው?

የፖለቲካ ትግል ሲደርግ "የዚህ ትግል አጀንዳ ለእኔ ፋይዳ አለው ወይ? ህዝቤስ ምን ይጠቀማል?" ብሎ መጠየቅ ጤነኝነት ነው። እንግዲያውስ ወልቃይት የትግራይ ቢሆን አሊያም የአማራ ቢሆን ለተርታ ዜጎች ፋይዳው ምንድነው?

በእኛ ሐገር ሁኔታ መሬት የመንግስት ንብረት ነው። የመንግስት ንብረት ለሚሆን ጉዳይ ህይወት መክፈል ምን ያህል ተገቢነት ይኖረዋል? እንግዲህ ጥያቄውን ለታጋዮች ልተወው።

"ምን ታስባለህ?" ለሚል ጠያቂ "መሬት ብሔር አልባ ሆኖ የግለሰብ እንዲሆን እመኛለሁ" የሚል መልስ አለኝ።

በአንድ እንቅፋት ደጋግሞ መመታት ብሔራዊ ግዴታችን የሆነ ይመስል ትላንት የመታን እንቅፋት ዛሬም ይደግመናል። "አንኳኩ አይከፈትላችሁም፥ ጠይቁ አይመለስላችሁም" የሚል እርግማን የተጫነብን ይመስል አያቶች የጠየቁት ጥያቄ በልጅ ልጆች ዘመንም ምላሽ አይሰጠውም።

ከግማሽ ክፍለ-ዘመን በፊት "መሬት ለአራሹ" የሚል ጥያቄ የተነሳ ቢሆንም ዛሬም ጥያቄው መልስ አልተሰጠውም። አባቶቻችን የባለባት ጭሰኛ እንደሆኑቱ ሁሉ እኛም የመንግስት ጭሰኛ ነን። መሬታችን የመንግስት ነው!

የቅርብ ዘመን ታሪክ እናንሳ፥

ባድመ ጦርነት ያስከተለው የኢኮኖሚ ድቀት ሳያገግም በ93/94 አመተምህረት ድርቅ ተከሰተ። ድርቁ ጡንቻው በርትቶ ሚሊዮኖች ለረሃብ ተዳረጉ። ኢህአዴግ መራሹ መንግስት በብዙ ተቸገረ፥ ወገቤን አለ።

ድርቅ ተፈጥሮ ወለድ ክስተት ነው። ማስቀረት በኛ አቅም የሚቻል አይደለም። ረሃብ ግን የፖሊሲ ውድቀት ውጤት ነው። ዜጎች ከተራቡ መንግስት ፖሊሲውን መፈተሽ ግዴታው ነው።

በወቅቱ ሚሊየኖች ለረሃብ መዳረጋቸውን ተከትሎ ለመንግሥት የፖሊሲ ማሻሻያ ምክር ተለገሰ።
"የመሬት ፖሊሲው የችግር ምንጭ ነው። ስለዚህ መሬት የመንግስት መሆኑ ቀርቶ ወደ ግል ካልተዛወረ ኢትዮጵያ በምግብ ራሷን የመቻል እድሏ ዝቅተኛ ነው። ዝናብ ባጠረ ቁጥር ሚሊየኖች ለረሃብ መጋለጣቸው ይቀጥላል" የሚል ምክር ለትልልቆቹ የኢሃዴግ ባለስልጣናት ተነገረ። ኢህአዴግ ግን "በመቃብሬ ካልሆነ የመሬት ሕጉን አላሻሽልም" አለ።

በረከት ስምኦን "የሁለት ምርጫዎች ወግ" የሚል መፅሐፍ አለው። በመፅሐፉ የፈረንጆችን የፖሊሲ ማሻሻያ ምክር እምቢ ማለታቸውን በጀብድ ፅፏል።
"መሬት የመንግስት መሆን አለበት" የሚሉ ሰዎች ከሚያቀርቡት ዝነኛ መሟገቻ መካከል አንዱ "መሬት የግል ከሆነ ባለ ሀብቱ ገበሬውን አታሎት በብላሽ መሬቱን ይገዛበታል" የሚል ነው። ይህ አስቂኝ መከራከሪያ ነው። ከገበሬው በተሻለ ካድሬ ለገበሬው ሊያስብ አይችልም። ገበሬው የመሬት ጥቅም ጠፍቶት በርካሽ ይሸጠዋል ማለት የገበሬውን ንቃተ ህሊና መናቅ እና "ካንተ ይልቅ እኔ ላንተ አውቅልሃለሁ" ብሎ መመፃደቅ ነው።

የሐገሬውን ስነልቦና መረዳትም አስፈላጊ ነው። በኛ ሐገር ሁኔታ ገበሬው መሬቱን በትንሽ ጥቅም አሳልፎ ከመስጠት ይልቅ ለመሬቱ የተጋነነ መውደድ ያለው ነው። ለቁራሽ መሬት ደም እስከመቃባት ይደርሳል። ገበሬው አይደለም መሬቱን የዘር ሰብሉን እንኳ እንዴት በጥንቃቄ እንደሚይዘው ይታወቃል። በረሃብ አለንጋ እየተገረፈ እንኳ መሬቱን መሸጥ የማይመርጥ ህዝብ ባለበት ሐገር "መሬቱ የናንተ ከሆነ ባለሃብት አታሎ በርካሽ ይገዛችኋል" ብሎ መቀለድ የህዝቡን ስነ-ልቦና አለመረዳት ነው።

እውነት ለመናገር መንግስት የሐገር አስተዳዳሪ እንጂ የሐገር ሐብት ባለቤት አይደለም። መሬት የመንግስት ነው ማለት "መንግስት አስተዳዳሪ ሳይሆን የሐገሪቱ ባለንብረት ነው" ከማለት አይተናነስም።

በእርግጥ መንግስት መሬትን የዜጎች ሃብት ካደረገ ለአምባገነንነት የሚረዳውን ትልቅ አቅም እንደሚያጣ ስለሚገነዘብ "መሬት የመንግስት ነው" በሚለው የገገ*ማ ሕግ ይፀና ይሆናል።
ይህ ሁሉ ቢሆንም መሬት የአራሽ እንዲሆን ከመመኘት አንቦዝንም።
በሩ ባይከፈትም እናንኳኳለን፥ ጥያቄው መልስ ባይሰጠውም እንጠይቃለን። እንደ ታላላቆቻችን ሁለ መሬት ለአራሹ እንላለን።

መሬት ለአራሹ!



@Tfanos

"የኑኖ ወድነት ከእለት እለት እየጨመረ ነው"

"ይበላችሁ፥ 27 የጨለማ አመታት ብላችሁ አይደል? የእጃችሁን ነው ያገኛችሁት"

"ሰላም ጠፍቷል። ዜጎች ከቦታ ቦታ መንቀሳቀስ አልቻልንም"

"27ቱን አመት ጨለማ ብላችሁ አይደል? የእጃችሁን ነው ያገኛችሁት"

"ሙስና ተንሰራፋ። ምን ተሻለ?"

"27 አመቱን ጨለማ ብላችሁ አይደል? የእጃችሁን ነው ያገኛችሁት"

"ፍቅረኛዬ ማገጠችብኝ"

"27ቱን አመት ጨለማ ብለህ አይደል? የእጅህን ነው ያገኘኸው"

"እገሌን እንቅፋት መታው"

"27ቱን አመት ጨለማ ብሎ አይደል? የእጁን ነው ያገኘው"

(የወያኔ ደጋፊዎች ሆይ፥ በሳር ቅጠሉ '27ቱን አመት ገለመሌ' አትበሉ። የብልፅግና ሀጢያት ለህወሓት ሀጢያት ማስተሰረያ አይሆንም። የአብይ ሰባቱ አመት አንባገነንነት የህወሓትን 27 አመት ዴሞክራሲያዊ አያደርገውም

መውጫ፥ "27ቱን አመት እንዲህ እና እንዲያ ብላችሁ" የሚለው ወቀሳ "ህወሃትን በመቃወማችሁ ነው ለዚህ ችግር የተዳረጋችሁት። ስለዚህ ህወሃትን መቃወም ስህተት ነበር" የሚል ድምፀት አለው። ነገ ከብልፅግና የከፋ ስርአት ቢመጣ ዛሬ ብልፅግናን መቃወም ስህተት ሊሆን እንደማይችለው ሁሉ ትላንት ህወሃትን መቃወም ስህተት ሊሆን አይችልም።!

@Tfanos

ከናሁ ቴሌቪዥን ጋር የነበረኝን ቆይታ ያልተመለከታችሁ ከታች ባለው ሊንክ ልትከታተሉ ትችላላችሁ
👇

https://youtu.be/j24NdvKIM_Q?si=qihdPR3CcOoSerDV

"ስለ አለማየሁ ገላጋይ"
(ተስፋአብ ተሾመ)
* * *

መፅሐፍ ሳነብ መጀመሪያ የማየው "ምስጋና" የሚለውን ነው። ደራሲው ያመሰገናቸውን ሰዎች ማንነት በቁም ነገር እመለከታለሁ።

በተለይ የወጣት ደራሲያንን ስራዎች የምስጋና ገፅ ላይ ትልልቅ ደራሲያን ስማቸው መኖሩን አጣራለሁ።
ቀዳሚ ሆኖ ተከታይን ማበረታታት ፥ ታላቅ ሆኖ ታናሽን ማገዝ ፥ ስመ- ጥር ሆኖ ስም የለሹን ማስተማር ጥሩ ልብ እንደሚፈልግ የማምን ነኝ።

የወጣት ደራሲያንን መፅሐፍት የምስጋና ገፅ በተለየ ቁም ነገር አየዋለሁ።

በብዙ ወጣት ደራሲያን መፅሐፍት ላይ አለማየሁ ገላጋይ ይመሰገናል። የእድሜ ታላቅነቱ ፥ የስሙ ዝነኝነት ፥ የስራው ተወዳጅነት ትምክህተኛ ሳያደርገው ወጣቶችን ለማገዝ ባይሞክር ኖሮ ይመሰገን ነበር?

"ነገን ፍለጋ" መፅሐፍ ከተፃፈ በኋላ ለህትመት ከመሄዱ በፊት ምክር እና አስተያየት ፍለጋ ብዙ የማይከፈቱ በሮችን ማንኳኳት ነበረብኝ። ይህ የእኔ ተሞክሮ ብቻ አይደለም። ከወጣት ፀሐፊያን መካከል በቁጥር ጥቂት የማይሆኑቱ ተመሳሳይ መንገድ ተጉዘዋል።

ወጣቶች በሚያዘጋጁት የኪነጥበብ ፕሮግራሞች አለማየሁ አለ። ጀማሪዎች የፃፉትን ለመገምገም እና ለማረም አይቦዝንም። ይህ ጥሩ ሰው መሆንን ይፈልጋል።

አለማየሁን በትክክል ያገኘሁት አንድ ቀን ብቻ ነው። ያገኘሁት ቀን "በርካታ ወጣት ደራሲያን በመፅሐፋቸው ሲያመስግኑህ ስመለከት ጥሩ ሰው እንደሆንክ አምኛለሁ" አለማለቴ ይቆጨኛል።


@Tfanos

ልደቱ አያሌው ከቀዶ ጥገና ህክምና በኋላ ወደ ቤቱ ገብቷል።

ልደት ሰሞኑን የቀዶ ጥገና ህክምና የተደረገለት ሲሆን በዚህም ተጨንቀው ለነበሩ ወዳጆቹ "አመሰግናለሁ" ብሏል።

የልደቱ አጭር መልእክት 👇

በጭንቀት ላይ ለሰነበታችሁ ዘመድ ወዳጆቸ እና የትግል አጋሮቸ በሙሉ።
ለገጠመኝ የጤና ችግር ከአንድ ቀን በፊት የተካሄደልኝ የቀዶ ጥገና ህክምና በጥሩ ሁኔታ ተጠናቋል። የፈጣሪ ፈቃድ ሆኖ አሁን ላይ ጤናየ በጥሩ ሁኔታ ስለሚገኝም ከሆስፒታል ወጥቸ ወደ ቤቴ ተመልሻለሁ። ስለ ደህንነቴ ተጨንቃችሁ በፀሎትና በሀሳብ ስታግዙኝ ለሰነበታችሁ ወዳጅ ዘመዶቸ በሙሉ ልባዊ ምስጋናየን አቀርባለሁ። አሁን ረዥም ጊዜ የፈጀው የህክምናየ ሂደት በመጠናቀቅ ላይ ነው። ስለሆነም ወደ አገሬ ተመልሸ ለመሄድ የነበረኝ ከፍተኛ ፍላጐትና ጉጉት ዕውን ሊሆን በመቃረቡ ደስ ብሎኛል።
ከአክብሮት ጋር
ልደቱ አያሌው
ህዳር 1 ቀን 2017 ዓ.ም

@Tfanos

ቴሌቪዥን ማየት ለምትወዱ ዛሬ ከቀኑ 8 ሰአት ጀምሮ በናሁ ቴሌቪዥን እንግዳ ነኝ

https://vm.tiktok.com/ZMhqQA66R/

አዲስአበባ ፥ መብት አልባ ከተማ
(ተስፋኣብ ተሾመ)
* * *

አንድ አዲስ አበቤ "የአንድ ሐገር ዜጎች ሆነን ሳለ ባይተዋርነት እጣ ፈንታችን ሆኗል። በግዛታችን ስደተኞች ፥ በሐገራችን መ.ጤዎች እንሆን ዘንድ ተፈርዶብናል።
በሐገራችን የልጅ መብት ሲገባን ከማደጎ ልጅ በታች ሆነናል። ምክኒያቱም ኢትዮጵያዊ ነን" ብሎ ቢናገር እውነት አለው።

"ለብሔረሰቦች መብት ቆሜያለሁ" የሚለው ፖለቲካችን በብሔሮች ዘንድ አድሎ ያደርጋል። ስለብዝሃነት በተሰበከ ማግስት ብዙሃኑ ይገፈተራሉ። ስለ ሃይማኖቶች እኩልነት እየተነገረ ሐይማኖቶች ይጨቆናሉ።

ፖለቲካችን መብትን ከቀማቸው መካከል አዲስ አበቤዎች ይገኙበታል። በሚያስገርም ሁኔታ አዲስ አበባ እና አዲስ አበቤ በሕግ ጭምር የመብት ገደብ ተጥሎባቸዋል።
የሕግ ገደቡ ሳያንስ በቀጥታ እና በተዘዋዋሪ አዲስ አበቤን መገፍተር እና ማሳነስ 'የፌደራሊዝም' መገለጫ መስሏል።

ሕገመንግቱ ለአዲስ አበቤ ከነፈጋቸው መብቶች ጥቂቶቹን እንመልከት

የሕገመንግስቱ አንቀፅ 47 የፌደራል መንግስቱ አካላት ማንነትን የሚያብራራ ሲሆን ክልሎች "ብቻ" የፌደራሉ መንግስት አባላት መሆናቸውን ደንግጓል። ሁሉም ሰው እንደሚገነዘበው አዲስ አበባ ክልል አይደለችም። በዚህ ግልፅ ድንጋጌ መሰረት አዲስ አበባ የፌደራሉ መንግስት አካል/አባል/ አይደለችም።

ምናልባት "አዲስ አበባ ለወደፊቱ ክልል ሆና የፌደራል መንግስት አካልነትን እድል ታገኛለች" የሚል ቅን ሰው ቢኖር ሕገመንግስቱ በ አንቀፅ 47 ቁጥር 2 ላይ በግልፅ የአዲስ አበባ ክልል የመሆን መብት ላይ ገደብን አኑሯል። በሕገመንግስቱ መሰረት ክልል የመሆን መብት የተሰጣቸው በዘጠኙ ክልሎች ያሉ ብሔር ብሔረሰቦች ብቻ ናቸው።
አዲስ አበባ ብዙ ሚሊዮን ዜጎችን ያቀፈች ብትሆንም የፌደራል መንግስት አካል እንዳትሆን በመንግሥት የተፈረደባት ናት

ሕገመንግስቱ አንቀፅ 61 ስለፌደሬሽን ምክር ቤት ያወራል።
አንቀፅ 61 ቁጥር 1ን መሰረት አድርገን የአዲስ አበቤን ጉዳይ ብንገመግም አዲስ አበቤ ውክልና አልባ ሆኗል።

"የፌደሬሽን ምክር ቤት በፌደራሉ መንግስት አባል ክልሎች የሚገኙ ብሔሮች ፥ ብሔረሰቦች ፥ ህዝቦች በሚልኳቸው አካላት የሚወከሉበት ምክር ቤት ነው" ይላል
በዚህ መሰረት አዲስ አበባ እና ነዋሪዎቿ በፌደሬሽን ምክር ቤት ውክልና እንዳይኖራቸው በሕገመንግስቱ ተከልክለዋል

የሕገመንግስቱ 62ኛ አንቀፅ የፌደሬሽን ምክር ቤት ስልጣን ምን እንደሆነ ያትታል።
በዚህ መሰረት ፌደሬሽን ምክር ቤት ሕገመንግሥት መተርጎም ፥ የራስን እድል በራስ መወሰን ፥ የሕገመንግስት አጣሪ ጉባኤ ማደራጀት ፥ የበጀት ድጎማ ቀመር ማበጀት ወዘተ ሚና አለው። አዲስ አበባ በዚህ ጉዳይ ውክልና አልባ ናት።

አዲስ አበባ ርዕሰ መዲና ከመሆኗ በተጨማሪ ከፍተኛ የተማረ የሰው ሃይል ያቀፈች ከፍተኛ ኢኮኖሚ የምታንቀሳቅስ በሚሊዮን የሚቆጠሩ ዜጎችን የያዘች ከተማ ብትሆንም የከተማው ህዝብ በሕገመንግስቱ የመብት ገደብ ተጥሎበታል።

እንደ ሀረሪ ያሉ ከአዲስ አበባ አንፃር ጥቂት ህዝብ የያዙ ክልሎች የተሰጣቸው መብት ለአዲስአበባ ነዋሪ ተነፍጓል።

ለምን ?


Join me

@Tfanos
@Tfanos

#ነገን_ፍለጋ

የአንባቢ አስተያየት

የፍልሚያችን ውጤት
(ተስፋኣብ ተሾመ)
* * *

ጭቆናን ለማክሰም
ያለአንዳች መታከት፥ በብርቱ ብንተጋም
አርነት ለመውጣት
በፅኑ ተጋድለን ፥ጡንቻችን ቢዝልም

ከፍልሚያችን ማግስት፦
የተቀናጀነው፥ የመራብ ነፃነት
ማሳካት የቻልነው ፥የመታረዝን መብት
ሃብታችን የሆነው ፥የህመም ክምችት
የተማርነው ጥበብ፥ ሳይደክሙ መፎከት።

በመፋለም ብዛት፥ ቀድሞ የታነፀው፥ ስለፈራረሰ
ከልብ ምንጫችን ላይ፥ የሚፈልቀው ኹሉ ፥ስለደፈረሰ
ርቱዕ የነበረ ፥አንደበታችንም ፥ባ'ፍረት ተለጎመ
ከልባችን መዝገብ ፥ድል ማድረግ ተፍቆ፥ መሸነፍ ታተመ


@Tfanos

የጥንቆላ ታሪክ አንድ


ሰውዬው መንገደኛ ነው። መሸበትና "የመሸብኝ እንግዳ ነኝ" ብሎ ሰው ቤት አደረ።

ለሊቱን ጅቦች ስሪያ ጀመሩ። ይሄኔ እንግዳውን ያሳደረችው ሴት ሌላ ሆነች። ተለወጠች። ፀጉሯ ተንጨባሮ ታጓራ ጀመር። በሩን ከፍታ ወጣች። ስሪያ ላይ ካሉት ጅቦች ጋር ተቀላቀለች።

በእንግድነት የገባው ሰው ፍርሃት ይዞት ለነፍሱ ሸሸ። ሸሽቶ አመለጠ።

ወራት አለፉ።

"ሴትይቱ ወለደች" ተባለ።
"ወንድ ወለደች ወይስ ሴት?" ተብሎ ተጠየቀ።
"የለም የለም የወለደችው ሰው ሳይሆን ጅብ ነው። የወለደችው ሙት ጅብ ተቀበረ" ተባለ።

የመሸበት እንግዳ ሆኖ ከሴቴይቱ ቤት ያደረ እና ታሪኩን የሚያውቅ ሰው የተናገረው ነው ይባላል።

ይህን እንደ እውነት መቀበል ወይንም ውሸት ነው ማለት የአንባቢው መብት ነው።

ታሪኩን የነገረኝ ጓደኛዬ በረከት ጋሻው ነው።


@Tfanos

"የእግዚአብሔር ስዕል"
(ተስፋአብ ተሾመ)
* * *

ሰአሊው እግዚአብሔር፦
በወጠረው ሸራ ፥ሰማይ በተባለ
ቀለማት አጣቅሶ ፥አንድ ስዕል ሳለ

በፅልመት ተከባ፥
ዳሩ ግን የፈካች፥ ፍልቅልቅ ጨረቃ
የብርሃንን ፀዳል፥ ወጋገኑን ታጥቃ
በግዙፍ ሸራ ላይ፥ ትታያለች ደምቃ

ከዋክብት በሞላ ፥ እጅግ ተኮሳምነው
በጨረቃ ድምቀት ፥ ይታያሉ ፈዘው

በትኩረት ለቃኘ፦
በጨረቃ ውስጠም፥ ሌላ ምስል አለ
በእግዚሃር የተስራ ፥አንቺን የመሰለ
አንቺን የወከለ

ይህ ያንቺ ምስል፦
በጨረቃ ፀዳል፥ ፀዳልን ተላብሷል
ቅንጣትሽ በሞላ ፥ከውበት ይልቃል
ውበትን ያስንቃል!

አስተውይ፦
ቃላት እንዳይገልጠው፥ ለጎላው ውበትሽ ፥ውበትን የቸረ
ከጨረቃ ብርሃን ፥የተወረወረ ፥ብርሃን ነበረ

ልብ አርጊ ፦
ጨረቃ እንድትፈካ ፥ ፍካት የለገሰ
በእግዜር የተሰራ፥ ምስልሽ ነበረ፥ ውበት ያለበሰ

አንቺ ማለት ፀሐይ ፥እኔ ጨረቃ ነኝ
ያላንቺ ብርሃን ፥መድመቅ ማይቻለኝ

ያቺ ውብ ጨረቃ፦
ያንን ክፉ ጽልመት፥ 'ምትጋደርበት፥ ጉልበት ምታገኘው
አንቺን የወከለች፥ ፀሐይ ስትኖር ነው፡፡

እግዚሃር ሰአሊውም፡-
ቅንጣሽን ሙሉ ፥ውበትን አልብሶ፥ ምስልሽን የሰራው
እኔን በወከለች፥ በጨረቃ ላይ ነው፡፡

ስለዚህ.....
ግጥሙን ጨርሺው


@Tfanos

"መንገዳችን......"
(ተስፋአብ ተሾመ)
* * *

አባት ሆይ፥
አብረሃም ለሳራ ፥ሄዋንም ለአዳም፥
ካንተ ዘንድ ሲሆኑ
ስንት'ዜ በርትተው ፥ ስንት ጊዜ ሳቱ
ስንት ጊዜስ ባከኑ??
ስንት ጊዜ ተነስተው፥ ስንት ጊዜ ወደቁ
እንደምንድን ኖረው ፥ እንዴትስ ፀደቁ?

የንጉስ ዳዊት ልጅ ፥ አንድ ሺህ ሲያገባ
ስንት ጊዜ ስቆ ፥ ስንት'ዜስ አነባ
ጎልያድን ያህል ፥ በወንጭፍ የጣለ
የንጉስ ዳዊት ልብ ፥በሜልኮል መነሻ
ስንት ጊዜ ዛለ?

እኔ እንደሆንኩ:-
ይህ ትንሽ ልቤ ፥አንተ የሰራሃትን
ኢምንት የከጀለ
እርሷን ጣኦት ሊያደርግ ፥አምላኩን ገደለ

@Tfanos

ሻሸመኔ ጣምራ የሚባል ድርጅት አለ። ያሳደገን ቤት ነው።
በየሳምንቱ ቅዳሜ የኪነጥበብ ፕሮግራም ይዘጋጃል። በግሌ ስነ-ፅሁፍ እና የሬዲዮ ፕሮግራም አዘገጃጀትን የተማርኩበት ቤት ነው። (ከጣምራ ላገኘሁት በጎ ነገሮች ሁሉ በተለየ ሁኔታ Biruk Yergalem ን ማመስገን ይኖርብኛል)

ጣምራ ቅዳሜ የሚቀርበው የኪነጥበብ ፕሮግራም ቅዳሜን ከእኛጋ ይሰኝ ነበር። መግቢያ ዋጋ አለው። አንድ ብር ሙሉ ይከፈልበታል።

ያኔ እኔ እና Abel Abneh "የገጣሚያን አንደበት" የሚል በጣምራ መድረክ የሚቀርብ ፕሮግራም ጀመርን። ወላህ በአጭር ጊዜ ፈመስን። (እድሜያችን አስራዎቹ መጨረሻ ነበር) የገጣሚያን አንደበት ፕሮግራም በጣም ተወዳጅ በመሆኑ የተነሳ መጨረሻ ላይ የሚቀርብ ፕሮግራም ሆነ። እስከመጨረሻው ታዳሚዎች በጉጉት ይጠብቀናል።

ክቡራት እና ክቡራን አንባቢያን ሆይ የዮሐንስ ሞላን አዲስ መፅሐፍ ያስተዋውቃል ብላችሁ ስትጠብቁ ራሴን አስተዋወቅኩ አይደል? የቻርልስ ዳርዊን አምላክ ይቅር ይበለኝ።

ለማንኛውም እኔ እና አቤል ያኔ የ Yohanes Molla ን ግጥሞች ደጋግመን እናቀርብ ነበር። የዮሐንስን ግጥሞች አቅርበን ብዙ ጭብጨባ እና አድናቆት ተቀብለናል። በዮሐንስ ግጥሞች ድጋፍ ሴቶቸ ጀንጅነናል፥ ከንፈር ስመናል፥ ሴቶች እንትን እንዲሰጡን መጀንጀኚያ አድርገን ተጠቅመናል።

ዮሐንስ "በከንፈርሽ በራፍ" የተሰኘ ሶስተኛ የግጥም መድብሉን ሊያሳትም ነው።

መውጫ ፥ ያኔ እኔና አቤል የገጣሚያን አንደበትን ስናቀርብ እድሜያችን አስራዎቹ መጨረሻ ነበር። አሁን የሁለታችን እድሜ በጣም ቆሷል። ስለዚህ የኛን እድሜ ገምታችሁ የዮሐንስ እድሜ የትየለሌ እንደሆነ መገመት የምትፈልጉ ሰዎች ጌታ ይባርካችሁ

@Tfanos

አባይ ግድብ ተገድቦ ሲያልቅ ግድቡ ያለበት ክልል ቢገነጠልስ? እንደው በሆነ መንገድ ወደብ ብናገኝና ወደቡ ያለበት ክልል ቢገነጠልስ?

አሁን ባለው ሁኔታ ክልሎች እጩ ሐገራት ናቸው። የሆነ ቀን ከመኝታችን ስንነሳ ሐገር ሆነው ይጠብቁን ይሆናል።

ከግዜ ወደ ግዜ ብሔራዊ ስሜት እየሞተ ነው። በአንፃሩ ብሔርተኝነት ገንግኗል።

ጋምቤላ በደቡብ ሱዳን አማፂያን ሲጠቃ መንግስት ሊከላከለው አልሞከረም። አልሸባብ ሱማሌን ሲያተራምስ ፌደራል መንግስት ጆሮ ዳባ ብሏል። ሱዳን በአማራ ክልል በኩል ስትገባ መከላከያ ቸል ብሏል። ኤርትራ ደግሞ በመንግሥት ግብዣ ትግራይን ወራለች።

መንግስት ለሉአላዊነት የሚሰጠው ግምት ዝቅተኛ በሆነበት ሁኔታ ክልሎች 'ኢትዮጵያ በቃችን' ላለማለታቸው ምንድነው ማረጋገጫው?

በየሄዱበት ባይተዋር የተደረጉ ዜጎች ፥ በማንነታቸው የተጠቁ የተሳደዱ እና የተገደሉ ዜጎች "ከኢትዮጵያ ተገንጥለን ራሳችንን የቻልን ሐገር ካልሆንን በቀር ራሳችንን ማዳን አንችልም" ብለው ቢገነጠሉስ?

በግልፅ አማርኛ ፥ ኢትዮጵያ የመፍረስ ስጋት አለባት። ይሄን ስጋት በአግባቡ ተረድቶ ለመፍትሔው ከመስራት ይልቅ "ኢትዮጵያ አትፈርስም" በሚል ምናብ ወለድ ፕሮፖጋንዳ ህዝብ ለማደንዘዝ ይሞከራል።

በዚህ ሁኔታ ዜጎች ለብሔራዊ ጥቅም አይደለም ህይወት ገንዘብ ለመስጠት ባይፈልጉ ይፈረዳል ?

(ተስፋኣብ ተሾመ)

@Tfanos
@Tfanos

የመሪ ያለህ !
(ተስፋኣብ ተሾመ)


ኢትዮጵያ ውስጥ ብዙ ችግር እያለ ሕዝቡ ዝምታን መምረጡ ስንፍና አልያም ግድ የለሽነት የሚመስላቸው ሰዎች አሉ። ይህ ስህተት ነው።

ሕዝብ እንዴት መተባበር እንዳለበት አያውቅም።

ፖለቲካ የሙሉ ጊዜ ስራቸው የሆኑ አካላት ካልመሩት በቀር ህዝብ መንግስታትን ለመጋፈጥ ቢሞክር ችግር ይከሰታል። ባንክና ታንክ ካለው አካል ጋር ሕዝብ ቢጋፈጥ የእሳት እራት ከመሆን አይተርፍም።

ይልቅ ፖለቲካ የሙሉ ጊዜ ስራቸው የሆነላቸው ሰዎች ቸልታ አሳሳቢ ነው። የፓርቲዎች ስንፍና የሚወቀስ ነው።

ሕዝብ መሪ ይፈልጋል።

ሚሊዮን ሰዎች እንዴት ይግባባሉ? ሚሊዮን መረጃዎች እንዴት ይተነተናሉ እንዴትስ ይተገበራሉ?፥ ህዝብ መረጃን እንዴት ይቀባበላል?፥ ግብ ላይ ለመድረስ የሚረዳው ስትራቴጂ ምንድነው?

ለጥያቄዎቹ መልስን ማበጀት የሚችለው መሪ ነው።

የፖለቲካ መሪ የጠፋው ለምንድነው?

የደርግ ዘመን እሳት ሙህራንን በላ፥ መምራት የሚችሉትን አኮላሸ። የኢህአዴግ ዘመን በተደራጀ መንገድ ድንቁ*ርናን አመረተ። ፖለቲካ እውቀት መሆኑ ቀርቶ ተራ ነገር ሆነ። ጥቂት አዋቂዎች የቀደሙትን የበላው እሳት እንዳይበላቸው "ፖለቲካን በሩቁ" አሉ።

መሪ የለንም። መተማመን የለም። የአንዱ መሪ ለሌላው ጠላ*ት ነው። የጋራ መሪም የጋራ አላማም የለም።

ለምንድነው መሪ አልባ የሆንነው? ሕዝባችን መሪ ለመውለድ መክነ ወይስ የተወለዱ መሪዎች ተጨናገፉ?


@Tfanos

በዘመነ ጀንሆይ ጊዜ ተራማጅ የነበሩቱ አፄ ሃይለስላሴን ለውጥ እንዲያመጡ ጠየቁ። ንጉሱ ገገሙ። ይሄኔ ወታደሩ አፄውን ቋንቋ ቀይረው አዋሩት። ቋንቋው ጉልበት ነበር። ያኔ ጃንሆይ እጅ ሰጡ። ሞትም ተከተለ።

ደርግን በሃሳብ ለመሞገት የሞከሩ ነበሩ። እነ መንጌ ግን ደነ*ቆሩ። ይሄኔ ህወሃት እና መሰሎቹ ደርግን በሚሰማው የጉልበት ቋንቋ አዋሩት። ደርግ ተሸነፈ። መንጌም ፈረጠጠ!!

ኢህአዴግን በጨዋነት የሞገቱ ነበሩ። ነገር ግን ኢህአዴግም እንደቀደሙቱ ሁሉ ደንቆ*ሮ ነበርና አልሰማም። ይሄኔ በጉልበት አዋሩት። ድንጋ*ይ ይዘው የወጡቱ ደረታቸውን ለጥይ ት ሰጡ። ይሄኔ እምቢታው ሲያይል ኢህአዴግ ተሸነፈ።

አሁን ተራው የብልፅግና ነው። ተው ሲሉት አይሰማም። ስህተቱን ማረም አይፈልግም። የደ*ነቆረ ይመስላል። እናም አልሰማ ያለውን በጉልበት ቋንቋ ያሰሙታል ወይስ ድንገት ብልፅግና ባኖ መንገዱን ያርማል? ይሄን ጊዜ ይመልሳል።

(አርስቶትል 'ቀጥሎ የሚመጣው የቀደመውን ይመስላል' ይላል። ፕሮፌሰር መስፍን ደግሞ 'ከታሪኩ የማይማር ስህተቱን እንደ እንስሳ ይደጋገማል' ይላል። ዞሮ ዞሮ ጊዜ ጌታ!)


@Tfanos

እስራኤል ተሾመ ይባላል። ወንድሜ ነው።

ብዙ ነገሩ የሚገርመኝ ታናሽ ወንድሜ ነው።
ዝርዝር ነገሮችን ትቼ ጥቂት ብቻ ልመስክር።

ከሚገመተው በላይ ሃላፊነት የሚሰማው ሰው ነው። ለሰዎች ስሜት ይጠነቀቃል። በእርምጃው ማንንም ላለመጉዳት ጥረት ያደርጋል።

ሐቀኛ ነው። እንደ ጉራ ቁጠሩት እና እኔ እና እስራኤል ለእናታችን ምንም ነገር ከነገርናት ታምነናለች። እንደማንዋሽ እና ቃላችንን እንደምትጠብቅ እርግጠኛ ናት።

እስራኤል ሀቀኛ ነው የምለው ወንድሜ ስለሆነ ሳይሆን ሀቀኝነቱን እርግጠኛ ስለሆንኩ ነው።

በየቀኑ ረዘም ላለ ሰአት ተንበርክኮ ይፀልያል። መዝሙር ይሰማል። መፅሐፍ ቅዱስ ያጠናል። መንፈሳዊ መፅሐፍት ያነባል።

ማታ ማታ ወደ ቤት ሲገባ ዳቦ ወይም የሆነ ነገር ይዞ መግባት መለያው ነው።

ገና ሩብ ክፍለ ዘመን ሳይኖር ከእድሜው የገዘፈ ስክነት አለው።

ጴንጤዎች ስለ ቃለ-ህይወት ቤተክርስቲያን ወግ አጥባቂነት ታውቃላችሁ አይደል? ወግ አጥባቂዋ ቃለ ህይወት እስራኤልን ለአገልግሎት አምና ሀላፊነት ሰጥተዋለች። ይህ ብቻ ስለ እርሱ ይመሰክራል።

ዛሬ ልደቱ ነው። መልካም ልደት Israel Teshome
(ባለፈው የቤታችን የመጨረሻ ልጅ Dawit Teshom ልደት ነበር። እዚህ ምድር ላይ በአንደኛ ደረጃ የምወደው ሰው ዳዊት ነው። እንዴት ባለ መንገድ መልካም ልደት እንደምለው ግራ ገብቶኝ አለፈ)

ዘማሪት Soreti Moges እስራኤል ወንድሜ መሆኑን ያወቀች ግዜ "የእናት ሆድ ዥንጉርጉር ለመሆኑ ማሳያ ናችሁ" ብላኛለች። ጌታ ይገስፃት እና ሶሬቲ እኔን ሀጢያተኛ አድርጋ ነው የምታስበው


የረሳሁት ነገር ፥ እስራኤል ተሾመ በየቀኑ ቴክስት ይልክልኛል። የመፅሐፍ ቅዱስ መልእክት እና ማበረታቻ ሃሳቦችን ይልክልኛል። እንዲቀናኝ ፥ እግዚአብሔር እንደሚረዳኛ ወዘተ በየቀኑ በአጭር የፅሁፍ መልክት ይነግረኛል።

መልካም ልደት በድጋሚ

"ልጠይቅህ"
(ተስፋኣብ ተሸመ)

በመንበርህ፥ ተሰይመ
በዙፋንህ ፥ ተደላድለ
ኹሉ በእጅህ፥ ሆኖ ሳለ
ልብህ ለግፍ ፥ ተቻኮለ ፤

ፈገግታዬን ፥ ልትቀማ
ማጉረምረሜን ፥ ልትሰማ
ያለመጠን ፥ በርትተኻል
እንዳነባ ፥ ታትረኻል፤

ልጠይቅህ?
ፍስሃዬ፥ እንዲከስም
ድብዝዝ ቀኔ፥ እንዲጨልም
ትጉ መሆን ፥ ምን ይባላል?
ፅዩፍ ድርጊያህ ፥ ያኮራሃል?

ልጠይቀህ

ብሩህ ጀምበር ፥ ያጠለቀ
ፋኖስ ኩራዝ ፥ ከነጠቀ
መጠለያ ፥ ያፈረሰ
መታጎሪያ ፥ ከቀለሰ
የእንባ ጎርፍን ፥ የፈጠረ
ያለቀሰን ፥ ካነወረ
ነፃነትን ፥ የጨቆነ
የተከፋን ፥ ከኮነነ
ባርነትን ፥ የፈጠረ
በድል ስሜት ፥ ከፎኮረ

ይኽ ሁሉ ፥ በምን አግባብ ፥ ይመዘናል?
ነውር እንደ ጌጥ ፥ ይጠቀሳል?

(ከረሳኸው)

መሳቅ ሲያርህ፥
ፈገግታዬን ፥ ቀምተኻል
መፍካት ሲያሻህ፥
የኔን ፀሐይ፥ አክስመኻል
ልጠይቅህ፥ የከወንከው፥ ያኮራኻል?


@Tfanos

የሐይስኩል ተማሪ እያለሁ አንድ የወጣቶች ፕሮግራም ላይ ተሳተፍኩ። የፕሮግራሙ አስተባባሪ ጥያቄ ጠየቀ። "በህይወታችሁ የማትወዱት ሰው ማን ነው?" አለ። አንዱ ተጣድፎ "እናቴን አልወዳትም" አለ።

መጀመሪያ በጣም ደነገጥኩ። "ሰው እንዴት እናቱን ይጠላል?" ብዬ ተገረምኩ። ቆይቼ ግን ልረዳው ሞከርኩ። ልጁን ብዙ ጊዜ አስታውሰዋለሁ። በተለይ በእናቶች ቀን ምናምን ሲሆን

አንዴ ታክሲ ውስጥ "እንደ ወንድሜ የምጠላው ሰው የለም" ያለ ልጅ ሰምቼ ነበር። መጀመሪያ ላይ "ሰው እንዴት የገዛ ወንድሙን ይጠላል" ብዬ ነበር። ቆይቼ ልረዳው ሞከርኩ።

አባቷን ትጠላ የነበረች ሴት አውቃለሁ። "ጌታ ኢየሱስ ልቤን እስኪፈውሰው ድረስ አባቴን እጠላለሁ ነበር" ብላኝ ታውቃለች።

ዛሬ ፌስቡክ ስለ አባቶች ሲወራ ውሏል። አንዳንዶች አባታቸውን ይጠሉታል።

ለምን ጠሉት? ልንረዳቸው ይገባል። የመጥላት ሀራራ ስላለባቸው አይደለም።

በእንዲህ ያለ ሁኔታ ላሉ ሰዎች "አባታችሁን ውደዱ" የሚል ምክር መስጠት ረብ የለውም። ወላጆቹን የሚጠላ ልጅ ቀርበን ብናደምጠው በቂ ገፊ ሰበብ ይኖረዋል።

የሰዎችን ስሜት መረዳት መቻል ትልቅ ትብብር ነው።


@Tfanos

ታክሲ ውስጥ መጨረሻ ወንበር ላይ ተቀምጫለሁ። ብዙ ጊዜ መጨረሻ ወንበር ነው ምርጫዬ

በጥግ በኩል ዩኒፎርም የለበሰች ፥ እዴሜዋ 16 የምትሻገር የማትመስል ሴት ከወንድ ጋር ትሳሳማለች። ከንፈር ለከንፈር ይሳሳማሉ። ጡቶቿን ይዳብሳል።

እንደሁሉም ተሳፋሪ ችላ ልላቸው ሞከርኩ። ግን ነገረ ስራቸው ስለከበደኝ እያመነታሁ ለመገሰፅ ሞከርኩ።

"ተው" ለማለት በሞከርኩበት ቅፅበት ነውረኛው እኔ መስዬ ታየሁ። ከሌላ ተሳፋሪ ግልምጫ ከጥንድቹ ስድብ ተቀበልኩ። ረዳቱ "ፋራ" እንደሆንኩ አሳወቀኝ።

ራሴን በስነምግባር የላቀ ሰው አድርጌ አልቆጥርም። ጨዋ የሆንኩ ያህል ተሰምቶኝ አያውቅም። ሁሌ ሀጢያተኝነት ይሰማኛል።

አንዳንዴ የዘመኔን ተጋሪዎች ድርጊት እያሰብኩ እደነግጣለሁ። "የሚሰራው ነገር ሁሉ እንደኔ አይነቱ ጨዋ ያልሆነን ሰው ማስደንገጡ ያለንበትን የሞራል ውድቀት ደረጃ ያሳያል" እላለሁ።

አንዳንድ ሀጢያቶች ሀጢያተኞችን ጭምር ያስደነግጣሉ።


@Tfanos

ሮፍናን በሐዋሳ ያዘጋጀው የሙዚቃ ኮንሰርት እንደተሰረዘ እየተነገረ ነው።

ኢትዮጵያ በሕግ ፋንታ በጎበዝ አለቆች እየተመራች ነው። ሕግ ተሸንፎ የመን.ጋ ፍርድ መንበሩን ተቆጣጥሯል።

የሆኑ ሰዎች "ሮፍናን ኢሉሚናቲ ነው ገለመሌ" የሚል ቅስቀሳ ስለሰሩ ኮንሰርት የሚሰርዝ አስተዳደር የኋላቀርነት ማሳያ ነው።
የሀዋሳ ከተማ አስተዳደር መመራት ያለበት በሕግ ብቻ ነበር። ነገር ግን አስተዳደሩ ሕግ ላይ ምራቁን ተፍቷል።

ኢትዮጵያ ሐይማኖት አይደለችም። መዝፈን የሚፈልግ ኢትዮጵያዊ ይዘፈን ፥ መዘመር የሚፈልግም እንዱሁ።
የሀይማኖተኞች መብት መከበር እንዳለበት ሁሉ ሀይማኖተኞችም የሌላለውን መብት ማክበር አለባቸው።

ሴኩላሪዝም ይከበር።

የዘፈን ኮንሰርት በተዘጋጀ ቁጥር ዘፋኞች ላይ ዘመቻ የሚከፍቱ ሀይማኖተኞች መብትና ግዴታቸውን ማወቅ አለባቸው። ማንም ሰው በግዳጅ ኮንሰርት አይገባም። ፈቅዶ ለሚገባ ሰው ሀይማኖተኛ ነኝ ባይ ድንበር መጣስ የለበትም።

የምታመልኩት አምላክ የናንተን ጥብቅና አይፈልግም

@Tfanos

አምባገነኖች ጉልበት አላቸው። የጉልበታቸው ምንጭ ህዝብ እንዴት መተባበር እንዳለበት አለማወቁ ነው።

ህዝብ መተባበር ሲችል ጉልበተኝነታቸው ያበቃል።


@Tfanos

ራዲዮ ለምትወዱ ዛሬ ከ10 ሰአት ጀምሮ መናኸሪያ Fm 99.1 ላይ እንግዳ ስለሆንኩ አድምጡን