Addis Admass

የአቅርቦትና ፍላጎት አለመጣጣም፣ ስለመድኃኒቶቹ አጠቃቀም በማህበረሰቡ ውስጥ ያለው ግንዛቤ ዝቅተኛ መሆን፣ ወጥ የሆነ ጠንከራ ክትትልና ቁጥጥር ያለ መኖር በዋናነት የሚነሱ ችግሮች ሲሆኑ፤ ችግሩን በዘላቂነት ለመፍታት ግን ሁሉን አቀፍ ተግባራዊ ስራ መስራት እንደሚያስፈልግ ይነገራል፡፡

የጸረ ተህዋስያን መድኃኒት መላመድን ለመቀነስ ማህበረሰቡን በሁሉም የመገናኛ ዘዴዎች ተጠቅሞ ማስተማር፣ ማሳወቅና ማስገንዘብ አስፈላጊ ስለመሆኑም ይጠቀሳል፡፡

በምግብና መድኃኒትና ቁጥጥር ባለስልጣን የመድኃኒት መረጃና አጠቃቀም ዴስክ አስተባባሪ አቶ ኃይለማሪያም እሸቴ፤ በጸረ ተህዋስያን መድኃኒት አጠቃቀም ዙሪያ ማህበረሰቡ ያለው ግንዛቤ አናሳ በመሆኑ መድኃኒቶችን አላግባብ የመጠቀም ሁኔታ እየሰፋ መምጣቱን ተናግረዋል፡፡

ባለስልጣኑ ከመድኃኒት አቅርቦት ባሻገር የክትትልና ቁጥጥር ስራዎችን እየሰራ እንደሚገኝ የገለፁት ኃላፊው፤ የችግሩን መጠን ለመቀነስ እንዲያስችል መድኃኒት አቅራቢዎች፣ ተጠቃሚዎችና አምራቾች ጥንቃቄ እንዲያደርጉ አሳስበዋል፡፡

መድኃኒቶች ማዳን የማይችሉበት ደረጃ ቢደርሱ ምን ሊከሰት እንደሚችል መገመት ቀላል መሆኑን አንስተው፤ ሰው በየትኛውም መድኃኒት አጠቃቀም ዙሪያ የሀኪሙ የምርመራ ውጤትና ትእዛዝ፣ በቂ የፋርማሲ ባለሙያ ውሳኔ ሳይሰጥበት መጠቀሙ ተገቢ አለመሆኑን ይመክራሉ፡፡

ከህዳር 9 እስከ 15 የጸረ ተህዋስያን መድኃኒት በጀርሞች መላመድን ለመቀነስ የግንዛቤ ማስጨበጫ ሳምንት እናስተምር፣ እናሳውቅ፣ አሁን እንተግብር በሚል ሀሳብ በሀገር አቀፍ ደረጃ ይከበራል፡፡

የፀረ ተህዋሲያን መድሃኒቶች መላመድ ለሰው ልጆች ስጋት እየሆነ ነው
በዓለም አቀፍ ደረጃ የጸረ ተህዋስያን መድኃኒቶች ያለ አግባብ ስራ ላይ በመዋላቸው መድኃኒቶቹ ከተህዋስያን ጋር በቀላሉ እንዲላመዱ እንደሚያስችላቸው ይገለፃል፡፡

በዚህም በየዓመቱ በጸረ ተህዋስያን መድኃኒት መላመድ ምክንያት በዓለማችን ከ1 ሚሊዮን በላይ ሰዎች ለህልፈት ይዳረጋሉ፡፡

እንደ ፈረንጆች አቆጣጠር በ2019 በኢትዮጵያ በገለልተኛ አካላት በተሰራ አንድ ጥናት ከ52 ሺህ በላይ ሰዎች መድኃኒቶችን አላግባብ በመጠቀማቸው ለህልፈተ ህይወት መዳረጋቸው ተገልጿል፡፡

በፀረ ተህዋሲያን መድሃኒቶች መላመድ ምክንያት ብዙ ዋጋ ተከፍሎባቸውና ዓመታትን ወስደው የተገኙ መድሃኒቶችን ዋጋ ቢስ የሚያደርግ ሲሆን በሽታውንም ለማከም አስቸጋሪ እንደሚያደርግ ይገለፃል፡፡

ከዚህ በተጨማሪም እንደአብነት ቀዶ ሕክምና፣ ኬሞቴራፒና ሲ ሴክሽን እንዲሁም ሌሎች የህክምና ሂደቶችን የበለጠ አደጋ ውስጥ የሚጥል እንደሆነ የዓለም ጤና ድርጅት መረጃ ያሳያል፡፡

አስተዳደራዊ ቅጣት አወሳሰድ
ቢሮዉ ወይም ጽሕፈት ቤቱ የተሰጠዉን ተግባር እና ኃላፊነት ወይም በደንቡ ላይ የተቀመጠዉን የሆቴልና መሰል አገልግሎት ሰጪ ተቋም ግዴታ መሰረት በቁጥጥር ባለሙያ የተደረሰባቸዉ የህግ ጥሰት ሲኖር፡-
1. የቁጥጥር ባለሙያው ባከናወነው የቁጥጥር ተግባር ያገኘውን ውጤት በዚህ መመሪያ አባሪ ላይ በተያያዘ ቅፅ ና ቼክ ሊስት መሰረት አስፈላጊዉን መረጃ በመሙላትና ተጨማሪ መረጃ በማያያዝ አስተዳደራዊ እርምጃ እንዲወሰድ ከውሳኔ ሃሳብ ጋር ለክትትልና ቁጥጥር ባለሙያ የቅርብ ኃላፊ 24 ሰዓት ውስጥ ያቀርባል፤
2. በዚህ አንቀፅ ንዑስ አንቀጽ (1) በተደነገገዉ መሰረት በቀረበዉ የክትትል እና ቁጥጥር ዉጤት መሰረት በደንቡ አንቀጽ 18 መሰረት እንደ ጉዳዩ አፈፃፀም ወይም አግባብ ወይም የጥፋት ድግግሞሽን መሰረት በማድረግ ቢሮዉ ወይም ጽሕፈት ቤቱ አማካኝነት አስተዳደራዊ እርምጃ ይወስዳል፣ ዉሳኔዉን ተግባራዊ ያደርጋል፡፡

የአዲስ አበባ ከተማ አስተዳደር የባህል፣ ኪነ-ጥበብና ቱሪዝም ቢሮ የሆቴልና መሰል አገልግሎት ሰጪ ተቋማት ባለሙያዎች የደንብ ልብስ አለባበስ ደንብ ቁጥር 178/2016 መሰረት ክልከላ እና አስተዳደራዊ ቅጣት አወሳሰድ እንደሚከተለው ተጠቅሷል፡፡
ክልከላ!!
በዚህ መመሪያ ክፍል ሦስት ስለደንብ ልብስ አለባበስ፤ የጌጣጌጥ እና የመዋቢያ አጠቃቀም ከተደነገገው ውጭ አገልግሎት መስጠት የተከለከለ መሆኑ እንደተጠበቀ ሆኖ በማንኛውም የሆቴልና መሰል አገልግሎት ሰጪ ተቋም፡-
1. ከደንብ ልብሱ በላይ ሌላ ተደራቢ፣ ከተፈቀደው ውጭ ቀላቅሎ መልበስ፣ ከሸሚዝ ስር ረዥም የሚታይ ልብስ መልበስ፤
2. የደንብ ልብሱን ሳያሟሉ መልበስ፤
3. የሸሚዙን ቁልፍ ክፍት ማድረግ፣ ሸሚዙን ከሱሪ ወይም ከቀሚስ ወደ ውጪ ማድረግ፤
4. የእጅ ጣት ጥፍር ማሳደግ፣ ቀለም መቀባት ወይም ጥፍር ልጥፍና ሙሌት መሰራት፤
5. ማንኛውም ዓይነት በህክምና ያልታዘዘ መነጽር ማድረግ፤
6. የደንብ ልብሱን ንጽህና ሳይጠብቁ ወይም ሳያስተኩሱ መልበስ፤
7. ማንኛውም ዓይነት የከንፈር ቀለም ያለዉ ቻፒስቲክ ወይም ሊፒስቲክ መቀባት፤
8. ባለሙያዎቹ የለበሱት ቀሚስ ከሆነ ቅዱ ከኃላ ያልሆነ የለበሰ፡፡
⬇️

በመኖር አጸድ ውስጥ
(በእውቀቱ ስዩም)
ጊዜ ከሰው መሀል- መርጦ ሲያቀማጥል
ማጣት አለ ደሞ፥
የወለዱትን ልጅ፥ ጉድፍ ላይ የሚያስጥል
በተፈሰከ ቀን፥ ጾምን የሚያስቀጥል::
እድልና ትግል በሚጫወቱበት
በደልዳላው ስፍራ
አለቃና ጭፍራ-
-ቃል ሲለዋወጡ፥ ውልና መሀላ
“አብረን እናድጋለን” ቢባል ለይስሙላ
ወንዙን ሳያጎድል ፥ሐይቁ መች ሊሞላ፤
ጸሐይ ብትወጣ
ፍጥረት በጠቅላላው ጸጋዋን ቢቀበል
የደመናም ጠበል፥
ለሁሉ ቢደርስም
አንደኛው አያድግም፥ አንዱን ሳያከስም::

በለሚ ኩራ ክፍለ ከተማ ፖሊስ መምሪያ የመሪ ሉቄ አካባቢ ፖሊስ ጣቢያ የወንጀል ምርመራ ማስተባበሪያ ኃላፊ ኢንስፔክተር ሰለሞን አበበ እንደገለፁት የግል ተበዳይ ተጠርጣሪዋን ለስራ ሲቀጥሯት ያቀረበችው የተያዥ ፎርም የራሷን ፎቶ በትክክል እንዳይለይ አድርጋ የለጠፈች ሲሆን የግል ተበዳይም ይህንን ሳያረጋግጡ በእምነት የቀጠሯት መሆኑን ገልፀው ህብረተሰቡ የቤት ሰራተኛ በአጋዥነት መቅጠሩ ተገቢ ቢሆንም በህጋዊ መንገድ በቂ ተያዥ በማስቀረብ የተያዣቸውን አድራሻና ማንነት በአግባቡ በማጤን መቅጠር እንደሚገባና ውድ የሆኑ ንብረቶችንና ገንዘቦችን ደህንነቱ በተጠበቀ ቦታ በማስቀመጥ በተገቢው ሊቆጣጠሩና ንብረታቸውን ከስርቆት ወንጀል ሊታደጉ እንደሚገባም ተናግረዋል። ዘጋቢ ፦ዋና ሳጅን አዳነ
*

በቤት ሰራተኝነት ተቀጥራ ከምትሰራበት ቤት ከ2 ሚሊየን ብር በላይ የሚገመት ንብረት እና ገንዘብ ሰርቃ የተሰወረች ተጠርጣሪ በቁጥጥር ስር መዋሏን የአዲስ አበባ ፖሊስ ገለፀ።
***
ተጠርጣሪዋ ወንጀሉን የፈጸመችው በለሚ ኩራ ክፍለ ከተማ ወረዳ 2 አያት ዞን1 ተብሎ ከሚጠራው አካባቢ ጥቅምት 22 ቀን 2017 ዓ/ም ነው፡፡ ተጠርጣሪዋ በደላላ አማካኝነት በቤት ሰራተኝነት ከተቀጠረችበት መኖሪያ ቤት በሶስተኛው ቀን ቆይታዋ የግል ተበዳይ ወደ ስራ በሄዱበት ወቅት አጋጣሚውን በመጠቀም በቤቱ ውስጥ የተቀመጠውን የተለያዩ ሀገራት ገንዘቦች እንዲሁም የተለያዩ የወርቅ ጌጣጌጦችን ሰርቃ በመሰወሯ የግል ተበዳይ የተፈፀመባቸውን የወንጀል ድርጊት ለመሪ ሉቄ አካባቢ ፖሊስ ጣቢያ አመልክተዋል፡፡
ተጠርጣሪዋ የወንጀል ድርጊቱን ከፈፀመች በኋላ የግል ተበዳይ ጋር ከመቀጠሯ በፊት በክፍለ ከተማው ወረዳ 14 አባዶ አካባቢ ኮንዶሚኒየም ቤት ለሦስት ወራት ተከራይታ በነበረበት ቤት ተደብቃ በክትትል የፖሊስ አባላት ከሰረቀቻቸው የተለያዩ አልባሳት፣ የተለያዩ የሴትና የወንድ ጫማዎች፣ 18 ሺህ የአሜሪካ ዶላርና የህንድ ሩፒ፣ የተለያዩ የወርቅና ልዩ ልዩ ጌጣጌጦች ጋር በቁጥጥር ስር መዋሏን ከክ/ከተማው የተገኘው መረጃ ያስረዳል። በተጨማሪም በሁለት የተለያዩ ስሞች የነዋሪነት መታወቂያ እንደተገኘባትም ተገልጿል።

የማክሮ ኢኮኖሚ ማሻሻያውን ተከትሎ ከፍተኛ መነቃቃት ካሳዩ ዘርፎች አንዱ የማዕድን ዘርፍ ነው። በተለይ በወርቅ ምርት ላይ የታየው መነቃቃት ለዚህ ጥሩ ማሳያ ነው። በጋምቤላ ክልል ስራ የጀመረው ''ኢትኖ ማይኒንግ'' የወርቅ ማምረቻ ፋብሪካ የኢትዮጵያን የማዕድን አቅሞች ወደ ልማት ለመቀየር ለተጀመረው ጉዞ ትልቅ አቅም የሚፈጥር ነው።

የማህበረሰቡን እሴት ባልጠበቀ መልኩ መካነ መቃብር ቦታ በመሄድ ሙዚቃ ከፍተው ሲጨፍሩ የነበሩ ቲክቶከሮች ተያዙ። Addis Ababa Police

ከሩሲያ  የሶፍትዌር ኩባንያ  የስራ እድል ያገኘው የ7 ዓመቱ ህጻን

የሰባት አመቱ ኮዲንግ ባለሙያ ሰርጌይ ከሩሲያ የሶፍትዌር ኩባንያ ፕሮ32 አስተዳደር ቡድንን እንዲቀላቀል የስራ ግብዣ ቀርቦለታል፡፡

ታዳጊው ‘የኮዲንግ ሞዛርት” የሚል ቅጽል ስም የተሰጠው ሲሆን በዩቲዩብ ላይ በሚያቀርባቸው የፕሮግራሚንግ የማስተማሪያ ቪዲዮዎች ታዋቂነትን ያተረፈው ሰርጌይ በኮዲንግ ብቃቱ እና በማስተማር ችሎታው አድናቆትን አትርፏል።

ይህንን ተከትሎ የሩሲያ የሶፍትዌር ኩባንያ  ፕሮ32 ማሰልጠኛ ኃላፊ ሆኖ ድርጅቱን እንዲቀላቀል የስራ ቅጥር ደብዳቤ ልኮለታል።

ነገር ግን በሩሲያ ህግ መሰረት አንድ ሰው ገንዘብ የሚያስገኝ ስራ ለመስራት እድሜው 14 አመት መድረስ አለበት፡፡

ስለዚህም ሰርጌይ እድሜው ለቅጥር እስከሚደርስ ድረስ ድርጅቱን ማገዝ በሚችልበት ሁኔታ ዙሪያ ከወላጆቹ ጋር መወያየቱን የፕሮ32 ዋና ስራ አስፈፃሚ ኢጎር ማንዲክ ለቢቢሲ ወርልድ ሰርቪስ ተናግሯል፡፡

ቤተሰቦቹ ልጃቸው ባገኘው እድል በጣም ደስተኛ እንደሆኑ እና ሰርጌይ ኩባንያውን እስኪቀላቀል በጉጉት እንደሚጠብቁ ገልጸውልኛል ብሏል፡፡

ታዳጊው ሰርጌይ 3ሺህ 500 ተከታዮች ባሉት የዩትዩብ ቻናሉ ላይ በሩሲያኛ እንዳንዴም በተሰባበረ በእንግሊዘኛ በሚለቃቸው ስለኮዲንግ፣ ፓይቶን፣ ፕሮግራሚንግ፣ ሰው ሰራሽ አስተውሎት እና ስለ ተለያዩ ቴክኖሎጂዎች በማስተማር ‘የኮዲንግ ሞዛርት’ ለመባል ችሏል፡፡ AddisWalta

የከንቲባ አዳነች አቤቤ መልዕክት‼️
በከያኒት ዓለም ፀሐይ ወዳጆ በመታደስ ላይ የሚገኘውን የቢትወደድ ኃ/ጊዮርጊስ ኃ/ሚካኤል የቀድሞ መኖሪያ ቤት፣ የመጀመሪያው የማዘጋጃ ቤት፣ የመጀመሪያ ፍርድ ቤት፣ ከ119 ዓመታት በፊት የተገነባውንና ለእቴጌ ጣይቱ የባህልና ትምህርት ማዕከል ሆኖ የሚያገለግል የቅርስ ቤት እድሳት ጎብኝተናል።
ከያኒት ዓለም ፀሐይ እያደረገች ላለችው ተምሳሌታዊ ሥራ እያመሰገንኩ አብዛኛውን እድሳት በጥሩ ሁኔታ በመስራት ላይ የምትገኝ ሲሆን ቀሪ ስራዎችን ደግፈን በተሻለ ሁኔታ ለቱሪስት መስህብነት እና ለታለመለት አላማ እንዲውል እናደርጋለን።
ትናንት ወረት መሆን የሚችሉትን ከዛሬ ጋር በማስማማት ለነገ እንዲተላለፍ በማለት ክቡር ጠቅላይ ሚኒስትራችን በቤተ መንግስትና በመላዉ ሀገራችን ያሉትን በማልማትና በሀገራችን ያሉ ቅርሶች በተገቢው መንገድ በማደስ ባስጀመሩን መሰረት እንደ አዲስ አበባ ጥንታዊ ቅርሶችን ከዛሬ ጋር በማስተሳሰር ለነገ ለማሻገር እድሳት የሚፈልጉት እድሳት በማድረግ በማዘመን ለቱሪዝም በሚያገለግል መልኩ በማስተዋወቅ፣ ሀብት ለማፍራት እንዲሁም ለትውልድ እንዲተላለፍ ተገቢውን ትኩረት ሰጥተን ከአራት ኪሎ እስከ ፒያሳ የሚገኙ ቅርሶችን በአዲስ መንገድ በልዩ ሁኔታ በኮሪደር ልማት ስራችን አድሰናል።
ማደስ፣ ማዘመን፣ ማስተዋወቅ፣ ቱሪዝምን በመጠቀም ሀብት መፍጠር እንዲሁም ትውልድ እንዲማርበት ማቆየት ተገቢ ሲሆን ያረጀ እና አሮጌው ሁሉ ቅርስ ባለመሆኑ ፈርሶ ዘመኑን በሚዋጅ ደረጃ ማልማት አስፈላጊ ነው።
ፈጣሪ ኢትዮጵያን እና ህዝቦቿን ይባርክ

https://youtu.be/zq4ehojWKWs

https://t.ly/qK6SZ

https://t.ly/_fJKE