RN.05 - Channel

የካሊፎርንያው ሰደድ እሳት
~~~~~
እስካሁን ድረስ ከ16 ሰው በላይ መሞቱን
ከ 137 ሺ በላይ ሰዎች መፈናቀላቸውን
ከ 135 ቢሊዬን ዶላር በላይ ውድመት መድረሱን
ያም ሆኖ እስካሁን ድረስ እሳቱን ማቆም ባለመቻሉ ነገ ምን ሊከሰት እንደሚችል መገመት አዳጋች መሆኑንና በአሁኑ ሰአት የሎስ አንጀለስ ሰደድ እሳት ወደ ሆሊውድ መንደር እያቀና መሆኑን
የከተማዋ ነዋሪዎች ለቀው እንዲወጡ የተነገራቸው መሆኑን ቢቢሲ ዘግቧል

#RN05

🚩 "አያቶላህ" እና መስቀለኞቹ!!
~~~~
#የአቅልአይምሮ_ትዝብት_ለRN05
.
አክሱም ላይ የሴትን ልጅ ልብስ የሚገፉት መምህራንና ባለስልጣናት የተገኙት ከልጅነታቸው ጀምረው ሲጋቱ ባደጉበት የኢስላም ጠልነት ትርክት ሰበብ ነው። ለዚህ ደግሞ በዋነኛነት በአካባቢው ለዘመናት ኢስላምና ሙስሊሞችን በማርከስ መሰረታዊ የአምልኮ፣የቀብርና ሙስሊም መስሎ የመማርና የመኖር መብት እንዲነፈጉ ያደረገችው የኢትዬ ኦርቶዶክስ ቤተ ክርስትያን ስትሆን ይህንኑ ተከትለው ነገስታቱና መሪዎች ቀጥለው የሚመጡ ናቸው ። በሶስተኛው ረድፍ ደግሞ ተምረውም አይምሮአቸው ስለ እኩልነት መገንዘብ ያልቻለ፣የለውጥና የእድገት መሰረታቸው እውቀትና ማገናዘብ ሳይሆን ጥላቻ መር የሆነ ትርክት የሆነባቸው ምሁራንና ኤሊቶቻቸው ናቸው።
.
ለዚህም ነው #ቴዎድሮስ በእንግድነት የጋበዘውን ፖለቲከኛ #ጃዋር_መሀመድን "አያቶላ በሉኝ ትላለህ ወይንም ይሉሀል " በማለት የመስቀለኞችን የማይረባ የጥላቻ እንቶፈንቶ ካላነሳ በቀር ዝግጅቱ የተሟላ እንደማይሆን የተሰማው።
.
ደግሞም ለምን ይህንን ጠየክ ሲባል "መስቀል አድርጎ ፖለቲካ የሚያካሂድ ባገኝ እጠይቃለሁ " ማለቱ። በእርግጥ ኢትዬጵያ ውስጥ ሰው መስቀሉን አድርጎ ሀይማኖቱን እየተገበረ በሀገሪቱ ፖለቲካ ሲናኝ ኖሯል መብቱም ነውና አሁንም ወደፊትም ይኖራል። እሱ ራሱ የሀገሪቱ ፖለቲካ ላይ እየዋለና እያደረ ከሸሚዙ ስር መስቀል ወይንም ክር እንደሚኖረው ምን ጥርጥር አለው።
.
በተረፈ ጃዋር ሀገራዊ እንጂ ምንም አይነት ኢስላማዊ የመንግስት ለውጥ እንዲፈጠር ባልሰራበት ሁኔታ ሀጅ ሲያደርግ የለበሰውን አልያም አልፎ አልፎ በአላት ላይ ያጠለቀውን ቶብና በገብረ የማይጀምረውን መጠርያ ስሙን የጠሉ ሰዎች የሰጡትን ስም አንስቶ የማይሸማቀቀውን ሰው ለማሸማቀቅ መሞከር ሙስሊም ሆነህ በሀገሪቱ የፖለቲካ ምኽዋር ውስጥ ከዃላ ተጭነህ እንጂ ገቢና ላይ ወይንም እየሾፈርክ መታየት የለብህም የሚለው የመስቀለኞች አስተሳሰብ አሁንም ህያው መሆኑን የሚያሳይ ነው።ያ ካልሆነ ግን እንደ ጠያቂ ተጠያቂውን አያቶላ ሊያስብሉ የሚችሉትን ድርጊቶችን ነቅሶ አውጥቶ ባቀረበለት ነበር ።
.
ቴዲ ይህንን ማለቱ በፖለቲካ ሽፋን የሀይማኖት አጀንዳን የሚያራምዱ ማለቱ ነው ከተባለ ደግሞ እንደሚለው እውነትም መስቀሉን አንግቦ ፖለቲካ የሚሰራን ሰው መሞገት የሚሻ ከሆነ እነሆ በጥቆማ እንተባበረዋለን። ስልኩን አንስቶ ወደ አክሱም ከተማ ትምህርት ቤት ዳይሬክተሮች፣ ወደ አክሱም ከተማ ከንቲባና ለዘመናት ይህ ኢስላም ጠልነት እንዲሰርጽ ወዳደረገችውና አሁንም አቋሟን ወዳልቀየረችው ቤተክህነት ለመድረስ ወደ ትግራይ እና አዲስ አበባ የኦርቶዶክስ ቤተ ክርስትያን ጽህፈት ቤቶች ይደውል። በርግጥም እዛ መስቀልን አንግበው ከኢስላምና ከሙስሊሞች መብት የጸዳ ትምህርትና ሀገር ሊያስገኝ የሚችልን ፖለቲካ ሲሰሩ ያገኛልና።
.
ወደ ጃዋር ቃለምልልስ ስመለስ ጃዋር ከሙስሊምነቱ ይልቅ በኦሮሞነቱ ላይ ፎከስ ስለሆነና የታገለለትም ዋነኛ የፖለቲካ አጀንዳ የሀይማኖት እኩልነትና መብት ሳይሆን የብሄር ብሄረሰቦች ነጻነት በመሆኑ በቃለ ምልልሱ መጨረሻ ላይ ቴዲን በኦሮሞ ጠልነት ሲከስ በኢስላሞፎቢክነት ሳይከሰው አልፏል። በርግጥም ቴዲ እስከ ትግራይ ጦርነት ድረስ በብሄሮች እኩልነት የማያምን ቀኝ አሀዳዊ፣ የአጼዎችን ትርክት አስቀጣይ አጀንዳ እራማጅና ጨፍላቂ እንደነበረ የአደባባይ ሚስጥር ነው። ሌላው መታወቅ ያለበት ቴዲም ሆነ በተለይ የሰሜኑ ኤሊቶች ምንም ተራማጅ ቢመስሉ እስልምናንና ሙስሊሞችን በተመለከተ አብዛኞቹ የግራኝ አህመድ ሲንድረም ተጠቂና መስቀለኞች ናቸው።
.
ለዚህም ነው ክርስትያኑ ዜጋችን አናሳ በሆነበት ሙስሊም በዝ የሀገራችን ክልሎች ያለው ምሳሌያዊ የሀይማኖት መከባበር ትንሽ የተነካ ሲመስላቸው እጅግ የሚጮሁትን ያህል በአማራ ክልልም ሆነ በትግራይ ክልል ውስጥ ሙስሊሙ ዜጋ ላይ ላይ ለዘመናት የሚካሄደውን ጭቆና ለዘመናት በተጋቱት የጥላቻ ትርክት ምክንያት እንደ ኖርማል የሚያልፉት ለማለት ነው!
ይሄው ነው!

* **** (መስቀለኞች የሚለው ቃል የሚወክለው መስቀል ያደረገ ክርስትያን ምእመንን ሳይሆን በክርስትና እና በባህል ስም እስልምናና ሙስሊሞች ላይ አልመውና አቅደው በመዝመት ባይሳካላቸውም ብዙ እልቂት ያስከተሉ በታሪክ የማይዘነጉ አሁንም በተለያዩ መንገዶች ያንን ተልእኮ የሚፈጽሙ ኢፍትሀዊያንን ነው!)
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

‼️ ልክ እንደ አክሱም ሃዉልት ቆሞ ቀሮቹ አክሱማውያን ፊርኣዎኖች‼️
~~~~~~~~~~~~~~~~~
#የቢላል_ትዝብት
.
ባለፈው ባስነበብኳችሁ ጽሁፍ በልዑል ራስ መንገሻ ሥዩም ዘመነ ስልጣን የአክሱም ሙስሊሞች መብታቸውን እንዲከበር ላቀረቡት ጥያቄ ልዑሉ የሰጡትን ምላሽና መሻኢኮቹም መብታቸውን ለማስከበር የሄዱበትን ርቀት ማንሳታችን ይታወሳል 👉https://shorturl.at/EHNV7 ፡፡ ታድይ ያንን ስመለከት የታዘብኩት ሁለት ነገሮችን ነው።
.
1️⃣ኛ. ቢያንስ በአለፉት ስልሳ ምናምን አመታት የትግራይ ባለሥልጣናት ምን ያህል እንደ #አክሱም-ሃውልት ተቸክለው የቀሩ መሆናቸውን ሲሆን፤
.
2️⃣ኛው ደግሞ #የሙስሊሙ_መሪዎች በአለፉት ስልሳ ምናምን አመታት ወደፊት ሳይሆን ምን ያህል ወደኋላ መሄዳቸውን ነው። የዛሬ ስልሳ ምናምን አመታት የክፍለሃገሩ አስተዳደር መብታቸውን ለማክበር ፈቃደኛ አለመሆኑን ሲያረጋግጡ ደረጃ በደረጃ ይግባኝ በማለት እስከ #ንጉሡ ድረስ ደርሰው ነበር።
.
የአሁኖቹ የሙስሊም መሪዎች ግን፣ ምንም እንኳን ያሉበት ሁኔታ ከስልሳ ምናምን አመታት በፊት ከነበረው በጣም የተሻለ ቢሆንም፣ መብቶቻቸውን ለማስከበር በህግ አግባብ ደረጃ በደረጃ ከመሄድ ይልቅ ደረጃቸውንና የሚወክሉትን ህዝብ ቁመና በማይመጥን መልኩ #ባለሥልጣናትንና የትምህርት ቤት #ርዕሠ_መምህራንን መለማመጥን ነው እንደ መፍትሄ የወሰዱት። ይህ አሳዛኝም አሳፋሪም ነው። ከዚህ አንጻር #የትግራይ_እስልምና_ጉዳዮች_ጽህፈት_ቤት የአክሱም ተማሪዎችን #ከትምህርት_ገበታ_መገለል ለአንዴና ለመጨረሻ ጊዜ በህግ አግባብ ለመፍታት ጉዳዩን ወደፍርድ ቤት መውሰዱ ጥሩ ጅማሬ ነው።
.
የአክሱም ሙስሊም ሴት ተማሪዎችን የእምነትና የመማር ነፃነት አስመልክቶ እየተደረጉ ያሉትን እንቅስቃሴዎች ተከትሎ በተለይ ሙስሊም ካልሆኑ ትግራዋዮች ሲባሉ እየሰማኋቸው ያሉ ሁለት በጣም አስገራሚ የሆኑ ነገሮች አሉ። አንደኛው “ #አታካብዱ፣ የትግራይ ህዝብ ሲጨፈጨፍ የት ነበራችሁ፣ ያኔ ዝም ስላላችሁ አሁን አትንጫጩ” የሚል ሲሆን ሌላኛው ደግሞ የሂጃቡ ጥያቄ ጎላ ብሎ የወጣው የፖለቲካ ፍላጎትን ለማስፈፀም ተብሎ እንጂ ጉዳዩ ይህንን ያህል ትኩረት ሊሰጠው የሚገባ ሆኖ አይደለም” የሚል ነው።
በመሰረቱ የትግራይ ህዝብ እንደ ህዝብ ሲጨፈጨፍ ሙስሊም ክርስቲያን በሚል ሳይሆን በጅምላ ነበር። በሌላ በኩል ደግሞ የተቀረው የሃገሪቱ ህዝብ ክርስቲያን ሙስሊም ሳይል ነው ጦርነቱን የደገፈው፣ ደግፏል! የተቃወመውም ሙስሊም ክርስቲያን ሳይል ተቃውሟል። ታዲያ እውነታው ይህ ሆኖ ሳለ ልክ እንደ ክርስትያኑ ትግራዋይ ሁሉ የጥቃት ሰለባ የሆነውን ሙስሊም ትግራዋይ ገና የቁስሉ ጠባሳ እንኳን ጠፈፍ ሳይል መልሶ የጭቆና ሰለባ ማድረግ በምን ህሊና ነው አመክኗዊ የሚሆነው?
.
#ትግራዋይ የሆኑ ሙስሊም ተማሪዎች ላይ እየደረሰ ያለውን ጭቆና መቃወም ለፖለቲካ አላማ ነው ብሎ የሚያስበው ጭቆናው እንዲሳለጥ ወይንም እንዲዳፈን የሚሻው ይህ አካል ጉዳዩ የፖለቲካ መጠቀሚያ መሆኑን የማይፈለገው ከሆነ እንዲህ በትእቢት ተወጥሮ ምን ታመጣላችሁ በሚል ከመመፃደቅ ይልቅ ጭቆናውን በማቆም “ የፖለቲካ ሴራውን” ማክሸፍ አይሻለዉምን?
.
ጀዋር መሃመድ አልፀፀትም በሚል ባሳተመው መጽሃፉ ውስጥ በአንድ አጋጣሚ አሰላ እየተማረ ሳለ የሚማርበት ትምህርት ቤት ሴት ተማሪዎች ሂጃብ ለብሰው እንዳይገቡ ተከልክሎ እንደነበረና እሱም ይህንን እንደሰማ ሌሎች ወንዶችና ለወትሮው ሂጃብ የማይለብሱ ሴቶች ተማሪዎችን በማስተባበር “ባለሂጃቦቹ ካልገቡ ሁላችንም አንገባም!” በሚል ተቃውሞ ቀስቅሶ የትምህርት ቤቱ ሃላፊዎች እጃቸው ተጠምዝዞ ተማሪዎቹ ላይ ተጥሎ የነበረው የሂጃብ እቀባ እንዲነሳ ማድረጉን ተርኮልናል።
.
ምንም እንኳን አንዳንድ #ክርስትያን የሆኑ የትግራይ ተወላጆች ሙስሊም ተማሪዎች ላይ እየተፈፀመ ያለውን በደል በመቃወም ድምፅ ማሰማታቸው ባይካድም ባለሥልጣናቱ ላይ ተጽዕኖ መፍጠር በሚችል ደርጃ ጠንካራ ተቃውሞ አለማየታችን አሳዛኝም አሳፋሪም ነው። በእኔ እምነት የአክሱም ተማሪዎች በሙሉ በጅምላ ወጥተው ሙስሊሞች ላይ እየተፈጸመ ያለውን የመብት ረገጣ በጽኑ ሊያወግዙና የትምህርት አድማ በማድረግ ባለሥልጣናቱ ላይ ጫና ሊፈጥሩ ይገባ ነበር ባይ ነኝ። ሁልጊዜ ማሰብ ያለብን አንድ ጨቋኝ አንዱን ጨቁኖ ሲያበቃ ፊቱን ወደሌላኛው ማዞሩ የማይቀር መሆኑን ነው። #በጎጃም፣ #በጎንደር የሙስሊሞች ንብረት እየተመረጠ ሲወድም፣ የሙስሊም #ባለሃብት እየተመረጠ ሲዘረፍ ከበሮ ሲደልቅ የነበረ ሁሉ አሁን ሙስሊሙን ሲዘርፍ የነበረው ወንበዴ ሙስሊሙን ዘርፎ ሲያበቃ እነሆ አሁን ፊቱን ወደ #ከበሮ_ደላቂዎቹ አዞሮ በጅምላ እያስለቀሳቸው ይገኛል። ስለዚህ ወገኖች ከጨቋኝ ጋር አንተባበር። ጨቋኝን ለማሸነፍ ጭቆናን በጋራ እንከላከል!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩ለፌደራል መጅሊሱ አስተማሪ የሆነው የትግራይ መጅሊስ እርምጃ!
~~~~~~
#የአቅል_አይምሮ_ትዝብት_ለRN05
.
በአክሱም ሙስሊም ሴቶች "ሂጃብ ለበሳችሁ" ወይንም "ሙስሊም መሰላችሁ" ተብለው ግዴታ የሆነባቸውንና የዜግነትም መብታቸው የሆነውን ትምህርትን መከልከላቸውን ተከትሎ የትግራይ መጅሊስ ከቀናት በፊት ችግሩ በእስቸኳይ እንዲስተካከል ያ ካልሆነ ግን ከቀናት በዃላ ሰላማዊ ትግል እንደሚያደርግ ማሳሰቡ ይታወሳል።
.
እውነቱን ለመናገር መጅሊሱ ሊገጥመው ከሚችለው ክልላዊና ፖለቲካዊ ተጽእኖ አንጻር፣ እንዲሁም የመጅሊሱ አመራሮች ጥንካሬና ተሞክሮን በመጠራጠር፣ ከዚህ ቀደም በመላ ሀገሪቱ እንደተለመደው ት/ቤቶቹን ከመለማመንና መግለጫዎችን ከማውጣት ውጭ ሌላ እርምጃ ይወስዳል ብሎ የጠበቀ ብዙ እንዳልነበረ በወቅቱ ከነበሩ ግብረ መልሶች መረዳት ቀላል ነበር።
.
ያም ሆኖ የትግራይ መጅሊስ መግለጫዎችን አውጥቶ፣ ት/ቤቶቹንም አነጋግሮ የሚሻሻል ሳይሆን የሚብስ ነገር ስለገጠመው እንዳለውም ጉዳዩን ወደ ፍርድ ቤት መውሰዱን አሳውቋል።
.
ይህም እርምጃ የትግራይ ክልል መጅሊስን እጅግ የሚያስመሰግነው ሆኗል፣ ምክንያቱም በመሰረቱ ጉዳዩን ዛሬ ፍርድ ቤት ስላደረሰው ነገ መፍትሄ ይገኛል የሚል ድምዳሜ ላይ ማንም እንደማይደርስ ይታወቃል ነገር ግን ይህ እርምጃ በተለይ የሙስሊሙ መብት በተደጋጋሚ ሲጣስ በልመና፣ በምልጃ፣በሽምግልናና በደጅ ጥናት ብሎም በብጣቂ ትርጉም የለሽ መግለጫ ብቻ ለመፍታት ጊዜንም፣ ጉልበትንም፣የሙስሊሙ ህብረተሰብ ሞራልንም ሲገድል ለከረመው መቀመጫውን አዲስ አበባ ላደረገው የፌደራል መጅሊስ "መብት በህግና በትግል እንጂ በዳይን ላለማስቀየም በሚደረግ የልመናና የደጅ ጥናት ልምምድ አይገኝም !" የሚልን ጠንካራ መልእክት አስተላልፏል።
.
በእርግጥም ህጋዊ መብት ሲጣስ ህጋዊ አካሄድን ተከትሎ የማህበረሰቡን መብት ማስጠበቅ ካልቻለ እንግድ ያው ፌደራል መጅሊሱ የህግ ክፍል አለኝ ማለቱ አመራሮቹ የግል ክብራቸው ሲነካ እንዲሟገት ያቋቋመው ይሆን? ብሎ መጠየቅ በርግጥም አግባብ የሚሆነው ለዚሁ ነው።
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🎯የትግራይ ሙስሊሞች የገና ዉሎ አልተጨቆንኩም እስኪሉ ድረስ የተጨቆኑ ህዝቦች ማሳያ!
❓ለመሆኑ አክሱም መጀመርያ የመቃብር ቦታ የነፈገችው ሰው ማን ነው? በመመለስ ይሳተፉ!
~~~~~~~~~~~~~~~
#የአቅል_አይምሮ_ትዝብት_ለrn05
.
በጭቆና ቀንበር ዉስጥ ያሉት የትግራይ ሙስሊሞች ዛሬ የገናን በአል ወጥተው እንዲያከብሩ ተደርገዋል፡፡
እንዲህ ያለዉን በጭቆና ብዛት የሚከሰት አይገመቴን ነገር ዶ/ር #ኢብራሂም_ሙሉሸዋ ጥሩ አድርጎ ይገልጸዋል፡፡ በእሱ አባባል እንዲህ አይነት የተገለበጠ ነገር የሚከሰተው "አልተጨቆንኩም እስክትል ድረስ ስትጨቆን ነው!" ይላል፡፡ እዉነት ብሏል፡፡ እናም አልተጨቆንኩም እስኪሉ ድረስ የተጨቆኑት አክሱማዊያን ሙስሊሞች ከሃይማኖታቸው ዉጭ የሆነዉን የገናን በአል በማክበርና አብሮ በመጨፈር ደስተኛ መሆናችሁን እንጂ አለመጨቆናችሁን አሳዩ ተብለዋል፡፡
.
በርግጥም እምቢ ቢሉ የት ሊገቡ? ለምሳሌ መቃብር የነፈገቻቸው #አፓርታይዳዊትዋ አክሱም ከተማ መኖርያም ትከለክላቸው ዘንድ ምን ይገዳታል? ኢትዮጵያ ዉስጥ #የህግም #የመንግስትም ከለላ ከሌላቸው #ማህበረሰቦች ዉስጥ #ሙስሊሙ ግምባር ቀደሙ ነውና!
በነገራችን ላይ #አክሱም መጀመርያ #የቀብር ቦታ የነፈገችው ለማን እንደሆነ ያውቃሉ ? እንግድያው ለማን እንደሆነ ይጻፉልን? በቅርቡ እንመጣበታለን፡፡ በሃሰት የተዶለቱ ትርክቶች ሊራገፉ ግድ ይላልና
.
ምስል፡ ትግራይ ሙስሊም ሚድያ

🚩የአክሱም የመስጊድ ጥያቄና እስከ ንጉሱ ድረስ ያደረሰው የልዑል ራስ መንገሻ ሥዩም ምላሽ!
🔺ቁጭ ብለው የሰቀሉት ቆሞ ማውረድ እንዳይቸግር!
~~~~~~~~~~~~~~~~~~~
#የቢላል_ትዝብት
.
" #የትውልድ_አደራ" በሚል ርእስ የተጻፈውን የ #ልዑል_ራስ_መንገሻ_ሥዩም ግለ-ታሪክ የሚተርክ መጽሃፍ በኣጋጣሚ ወመዘክር ውስጥ አግኝቼ አንብቤ ጨረስኩት። ልዑሉ ብርቱ፣ ታታሪ ሠራተኛና ተራማጅ የሆነ አመለካከት ያላቸው ሰው ሆነው ነው ያገኘኋቸው፣ በአንድ ጉዳይ ላይ ሲቀር። ልዑል ራስ መንገሻ በ #ሃይለሥላሴ ዘመነ መንግሥት በተለያዩ ሚኒስቴር መስሪያቤቶችና መንሥታዊ ተቋማት ውስጥ ከመስራታቸውም በላይ የመጨረሻዎቹን 12 አመታት በዘመኑ አጠራር የትግራይ ክፍለሃገር አስተዳዳሪ በመሆን አገልግለዋል። የትግራይ ክፍላ ሃገር አስተዳዳሪ በነበሩበት ዘመን በ #ትግራይና #አፋር ውስጥ በተለያዩ እንደ መንገድ፣ የግድብ ስራና የመሳሰሉ የልማት ስራዎች ላይ ከፍተኛ ትኩረትን ሰጥተው ይንቀሳቀሱ እንደነበር ይናገራሉ። በወቅቱ የትግራይ ክፍለ ሃገር አስተዳዳሪ እንደመሆናቸው መጠን በክፍለ ሃገሩ እየተዘዋወሩ የተለያዩ ስራዎች ሲያከናውኑ በተጓዳኝም ከሕዝብ ጋር እየተገናኙ ይወያዩና የሕዝቡን እሮሮና አቤቱታም ያዳምጡ እንደነበር ይተርካሉ።
.
በአንድ ወቅት #አክሱም ከተማ ላይ ግድብ እያሰሩ ሳለ ታላላቅ #አክሱማውያን #መሻኢኮች ልዑሉ ያሉበት ድረስ መጥተው ሊያነጋግሯቸው እንደሚፈልጉ ገልጸው ቀጥሮ እንዲይዙላቸው ይጠይቃል። ልዑሉም መርሃባ ብለው ቀጠሮ ይዘውላቸው በቀጠሮው ቀን ሲገናኙ መሻኢኮቹ በገዛ ሃገራቸው እምነታቸውን የሚተገብሩበት መስጊድ እንደሌላቸው ገልጸው መስጊድ የሚያንጹበት ቦታ እንዲሰጣቸው ይጠይቃሉ። ልዑሉም ችግራቸውን እንደሚረዱ ገልጸው "ነገር ግን አክሱም ''የእመቤታችን'' #ታቦተ_ጽዮን ያለበት ቦታ ነው⛪️። ከተማው የእርሷ ክልል ነው። የሌላ እምነት መጸለያ ቦታ መስራት አይቻልም። #ሙስሊሞች #መካ ላይ #ቤተክርስቲያን መስራት እንደማይፈቀድላቸው ማለት ነው" ካሉ በኋላ አክሱም ሙስሊሞች ከመካ በስደት ሲመጡ ያስተናገደች ፍትሃዊ ግዛት መሆኗን አብራርተው "ከፈለጋችሁ ከአክሱም ክልል ውጪ 25/30 ኪሎ ሜትር ወጣ ብሎ ወደ #ሽሬ የሚወስደው መንገድ ላይ ቦታ ልምራችሁና እዚያ ስሩ" የሚል መልስ ሰጠኋቸው ይላሉ ልዑሉ። መሻዒኮቹም ለተሰጣቸው ቦታ አመስግነው ነገር ግን የተሰጣቸው ምላሽ እንዳላረካቸው በመግለጽ ይግባኝ ለማለት አገር-ግዛት ሚኒስቴር ሄዱ። ሆኖም ሚንስቴሩ የልዑሉን ሃሳብ በመደገፍ የመሻዒኮቹን ጥያቄ ውድቅ አደረጉ። መሻኢኮቹ አሁንም ተስፋ ሳይቆርጡ ይግባኝ ብለው #ንጉሡ ዘንድ ደረሱ። ንጉሡም እዚያ እንዲያስተዳድራችሁ የላክነው ሰው መንገሻ የሰጣችሁ ቦታ ላይ ስሩ በማለት መለሷቸው።
.
ልዑል ራስ መንገሻ ይህንን ከላይ የጠቀስኩትን ታሪክ ሲዘክሩ አቀራረባቸው መልካም እንደሰሩና ፍርሃዊ ሰው ስለመሆናቸው እንደማሳያ አድርገው ነው። ነገር ግን ልዑሉም ሆኑ አሁን መስገጃ እየከለከሉ ያሉት #ወገኖች አንድ ያልተገነዘቡት ወይንም ሊገነዘቡት ያልፈለጉት እውነታ አለ፤ ይኸውም አክሱማውያንም ሆኑ #ኢትዮጵያውያን_ሙስሊሞች በአጠቃላይ አክሱማውያን\ኢትዮጵያውያን እንጂ ስደተኞች አለመሆናቸውን ነው። ልዑሉ ራሳቸው የእናታቸው አባት (አያታቸው) መሃመድ የሚባሉ #የወሎ_ባላባት እንደነበሩ በመጻፋቸው ነግረውናል። አክሱም የአክሱማውያን ሙስሊሞችም ሃገር ነች፤ ስለዚህ እንደ ዜጋ የሃይማኖት መብታቸው በምንም መልኩ ሊገደብ አይገባም ብቻ ሳይሆን አይቻልምም!
____________________________
🔺መካ ቅድስናዋ ለክርስትያኖች ሳይሆን ለሙስሊሞች እንደሆነው ሁሉ አክሱምም "ቅዱስ" ብትሆን ቅድስናዋ ለኢትዮጵያውያን ኦርቶዶክስ ክርስቲያኖች እንጂ ለአክሱም ሙስሊሞች ወይንም ለሌላ እምነት ተከታዬች አይደለም። የኢትዮጵያ ኦርቶዶክ ክርስቲያኖች አክሱምን "ቅድስት" ከተማ ናት ማለት መብታቸው ነው፣ ነገር ግን ይህንን እምነታቸውን ሌሎች እምነት ተከታዮች ላይ የመጫን መብት የላቸውም። የኢትዮጵያ ሙስሊሞችም እኮ ሐረርን ቅድስት ከተማ ናት ይላሉ፤ ከዝያም አልፎ ሐረርን #የአለም_ሙስሊሞች 4ኛዋ ቅድስት ከተማችን ይሏታል፡፡ ታዲያ ሐረር ከኢትዮጵያም አልፎ የአለም ሙስሊሞች ቅድስት ከተማ ስለሆነች ከአሁን በኋላ ቤተክርስቲያን ሊኖር አይገባም ወይንም ያሉት ቤተክርስቲያናት በሙሉ ይፍረሱ አልያም ወደ መስጂድነት ይቀየሩ ቢባል ያስኬዳል እንዴ?
_________________________________
.
🔺ደግሞስ ስለአክሱም በተነሳ ቁጥር መካ ለምን ይነሳል? ኢትዮጵያውያን ሙስሊሞች መካ ላይ የመወሰን ሥልጣን አላቸው እንዴ? የመካ ጥያቄ የመካ ነዋሪዎች ጉዳይ እንጂ የአክሱም ሙስሊሞች ጉዳይ አይደለም። መካ ላይ ቤተክርስቲያን መስራት ፈልጎ የተከለከለ የመካ ክርስቲያን አለ ወይ? ቢኖርስ፣ የአክሱም ሙስሊሞች መበቀያ ናቸው እንዴ?
___________________________________
.
የአክሱም መስጊድ ክልከላ የሃይል ጉዳይ እንጂ የሃይማኖት እንዳልሆነ ግልጽ ነው። ሙስሊሞች አቅም የላቸውም፣ ምን ያመጣሉ በሚል ግብዝነት ካልሆነ በስተቀር “ በጽዮን ማርያም ክልል” በሃይማኖት በግልጽ የተወገዙ ስካር፣ ዝሙት፣ ቁማር፣ ሴትኛ አዳሪነት ወዘተ በይፋ እየተፈጸመ #ማርያምን ከልብ የሚወዱና የሚያከብሩ ሙስሊሞች ፀሎት የሚያደርሱበት መስጊድ እንዳይሠሩ መከልከል ሃይማኖታዊ አመክዮ ሊኖረው አይችልም - ይህ ከሃይማኖተኝነትና ከ"ቅድስና" ትርክት እይታ አንጻር ሲሆን በአንድ በህገ መንግሥት የምትመራ ሃገር ውስጥ ካለው አስተዳደራዊ አመክንዮ አንጻር ደግሞ የአንድ እምነት ተከታዩች አንድን ቦታ "የተቀደሰ" ብለው ስለሰየሙት ብቻ ፍላጎታቸውን የከተማይቱን ቅድስና በማያምኑ ምዕመናን ላይ እንዲጭኑ ሊፈቀድ አይገባም። ሁሉም ኢትዮጵያዊ የሚገዛበት አንድ ህገ መንግሥት ካለ የኢትዮጵያውያን ሙስሊሞች #መሲጊድ 🕌 የመገንባት መብት በሁሉም የሃገሪቱ ክልሎች፣ ከተሞች፣ ዞኖች፣ ወረዳዎችና ቀበሌዎች ያለምንም መሸራረፍ ሊከበር ይገባል፡፡ ይህ #የመቀበርያ_ቦታንም ሆነ ሙስሊም ሆኖ #የመማር_መብትን ብሎም ሌሎች ሃይማኖታዊ መብቶችን ያካትታል። አለበለዚያ ግን ጊዜ ተለዋዋጭ ነውና ኋላ ላይ ቁጭ ብለው የሰቀሉት ቆሞ ማውረድ ሊያስቸር እንደሚችል ማሰብ መልካም ይመስለናል!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩❗️ይድረስ ለመጅሊሱ! - ከቄሱ በላይ ካቶሊክ ነኝ ማለት ትርፉ አለመታመንና ዉድቀት ነዉ !
~~~~~~~~~~~~~~
#RN05
.
አልጀዚራ አረብኛ ስለ አክሱም ተማሪዎች ሂጃብ ለብሶ ወይንም ሙስሊም ሆነው መማር መከልከላቸውን ዘገቧል፡፡ አንዳንድ የዉጭ ሚድያዎችም እንዲዘግቡት እየተደረገ ነው፣ ይህ ጅማሮ ነው! ወደፊት የአክሱም ስም ሲነሳ እንደሚባለው "ቅድስት" ሳትሆን ጨቋኝ፣ አፋኝና ዜጎች ተወልደው በኖሩበት ከተማ ሲሞቱ መቀበር እንኳ የሚከለከሉባት የአፓርታይድ ከተማ እንደሆነች አለም እንዲያውቅ መስራቱ የግድ ይላል። በተደጋጋሚ እንደምንለው ይህ ለላሊበላም ሆነ ለሌሎች መሰል ከተሞች ይሰራል። በሀገር ክብር ስም የዜጎች ሁለንተናዊ መብቶች ሲገፈፉ ዝም ብሎ ማየት ከወንጀልና ከወንጀለኞች ጋር መተባበር ነው። በጭቆናና በባርነት የሚከበር የሀገርና የተቋም ስም የለምና!
.
ታድያ በሚገርም ሁኔታ አንዳንድ ግለሰቦችም ሆኑ ተቋማት ተበዳይም ሆነው ሳለ ቢያንስ በህጋዊ መንገድ እስከ ጥግ ድረስ በመሄድ ታግለው በዳያቸዉን በማንበርከክ ህጋዊ መብታቸዉን ለምን እንደማያስከብሩ ሲጠየቁ ያለቦታው የሀገርን ወይንም የተቋማትን ክብር ለመጠበቅ ብለው ችላ ያሉ መሆኑን ሰበብ በማድረግ ስንፍናቸዉ ዉስጥ ሊደበቁ ሲሞክሩ ይታያሉ፡፡
.
ለዚህ ማሳያ የሚሆን አንድ ሰሞኑን ያጋጠመንን የአስተሳሰብ ግሽበት ያለበት አጋጣሚ በምሳሌነት እናንሳ! ነገሩ እንዲህ ነው፦
የ#RN05 ባልደረባ ወደ መጅሊስ ይደውላል። የደወለው የኢትዬጵያ አየር መንገድ ሙስሊሞች ላይ የሚያደርሰውን ቀጣይ በደል በተመለከተ ጥቆማ ደርሶናልና ምን እያደረጋችሁ ነው ለማለት ነበር።
.
ባልደረባችን ወደሚመለከተው የመጅሊሱ ሰው ጋር ከደወለ በዃላ " ባለፈው ከአየር መንገዱ አመራሮች ጋር ተወያይታችሁ እንደነበርና ተቋሙ ሙስሊሞች ላይ እየፈጸመ ያለውን የመብት ጥሰት እንዲያቆም ስምምነት ላይ መድረሳችሁን ገልጻችሁ ነበር ፣ ግን አሁንም በተለይ በቴክኒክ ክፍሉ በኩል ባሉ ተማሪዎችና ሰራተኞች በኩል ሂጃብ መልበስ መከልከልን ጨምሮ የተለያዩ የመብት ጥሰት ጥቆማዎች ደርሰውናልና እናንተ ምን የምታውቁት ነገር አለ? " ይላቸዋል።
.
የመጅሊሱም ሰው " አዎ ተነጋግረን ነበር ነገር ግን ችግሮቹ እንደቀጠሉና አሁንም የተለያዩ የመብት ጥሰቶች እንዳሉ እናውቃለን! እናንተም የደረሷችሁ ቅሬታዎች እኛም ዘንድ ደርሰዋል" አሉት፡፡ ባልደረባችንም በመቀጠል " ታድያ ይህንን ካወቃችሁ ለምን ዝም አላችሁ? ለምን አልተከታተላችሁም? ለምንስ ወደ ቀጣዩ እርምጃ አልተሸጋገራችሁም?" የሚል ጥያቄ አስከተለ።
.
አስደንጋጩን መልስ የሰማው ይህንን ጥያቄውን ተከትሎ ነበር።
.
የመጅሊሱ ሰው ሲመልሱ " አዎ ልክ ነህ ግን እኛ ጉዳዩን በዝግታ የያዝነው አየር መንገዱ የሀገራችን ገጽታ ስለሆነና አለም አቀፍ ስለሆነ ስሙ እንዳይጎድፍ ብለን ነው! " ነበር ያሉት
.
በዚህ የደነገጠው ባልደረባችንም "እንዴት ነው ነገሩ? የዜጎችን ህጋዊ መብት በማክበር የራሱን ስም ማስከበር የአየር መንገዱ የራሱ ጭንቀት ሊሆን ሲገባ፣ እናንተ ደግሞ የሙስሊሙ ማህበረስብ መብት መጣስ ጭንቀታችሁ ሊሆን ሲገባ እንዴት እንዲህ ታስባላችሁ? የሚል ጥያቄና ሀሳብ በመገረም አንስቶ ጥቂት ከተወያዩ በኋላ በመጨረሻም በጥቆማው መሰረት ከተቋሙ ጋር ቀጠሮ ወስደው ዳግም እንደሚነጋገሩ ገልጸውለት ውይይታቸው ለጊዜው አበቃ ( እስካሁን ግን የተሰማ ነገር ባይኖርም)።
.
ይህን ማንሳታችን የሀገርን ክብርና የሀገራችን ተቋማት ስምና ክብራቸዉን የምንጠብቅበት መንገድ የዜጎችን መሰረታዊ መብት ነፍጎ ለጭቆናና ለባርነት የሚዳርግ፣ በዚህም ሂደት እነርሱንም አምባገነን የሚያደርግ እስካልሆነ ድረስ መሆኑን መገንዘብ አስፈላጊ መሆኑን ማስገንዘብ ግድ ስላለን ነው። ይህ አስተሳሰብ እስካልተቀየረና እስካልተስተካከለ ድረስ፣ ተቋማት ለምን ሲባል እንደተቋቋሙ፣ በቅድምያ የማን ጉዳይ ሊያስጨንቃቸው እንደሚገባና ለእነሱ እንደተቋም መፈጠርም ሆነ መኖር መሰረት የሆነው ዋነኛ አጀንዳቸዉን ከዘነጉ ነገሮች ልክ አይመጡምና በጊዜ ሊስተካከሉ ይገባል ብለን እናምናለን፡፡ለምን ቢሉ ነገሮች የሚጀመሩት ከአስተሳሰብ ነዉና፡፡
.
በመሆኑም ኢትዬጵያ ውስጥ ያለው የሙስሊሞች የማመን፣የማምለክ፣ ሙስሊም መስለው የመማርና የመስራት፣ ማንነታቸውን ጠብቀው የመኖርና ሞቶ የመቀበር ተፈጥሯዊና ህጋዊ የዜግነት መብታቸው እስካልተከበረ ድረስ ጉዳዩን አለም አቀፍ ማድረጉን ሁሉም እንዲረባረብበት ለማሳሰብ ነው። ይህ መሆን ያለበት የሙስሊሙ መብት ስለተደፈረ ብቻ ሳይሆን ሃሳቡ የክርስትያኑም ሆነ የሌላው ዜጋ መብቶች ሲጣሱ መሟላት ያለባቸው የዉይይትና የንግግር ሂደቶች ከታለፉና መንግስትም ሆነ ተቋማቶቹ የዜጎችን መብት ካላከበሩ በአለም ፊት እንዲታወቁ ማድረግና አስገዳጅ ሂደት ዉስጥ እንዲገቡ ማድረጉ ሁሌም የሚሰራበት፣ መሆንም ያለበት ሂደት ነው፡፡
.
ስለዚህ የሙስሊሙ ተቋም የተቋቋመው ከምንም በፊት በዋናነት የሚወክለዉን ህዝብ መብት መከበርና አለመከበር እንዲያስጨንቀው እንጂ ሃገሪቱን ማን ይምራት ማን፣ አየር መንገዱ በአለም ፊት ተወቀሰ አልተወቀሰ፣ የአክሱም ስም በአለም ፊት ጠፋ አልጠፋ ሊሆን አይገባም>> ለምን ቢሉ ለመንግስት የሚጨነቁ በቂ የመንግስት አካላት አሉ፣ ለአየር መንገዱ ህልዉና 24/7 የሚሰሩና ለስሙ የሚጨነቁ የራሱ በቂ ተቋማት አሉት፣ አክሱምም ሆነ ሌሎች ከተሞች ስለከተማቸው ስምና ክብር እንዲጨነቁ የተቀመጡ መሪና አስተዳደር አላቸዉና ነው፡፡ በመሆኑም የመጅሊሱን እገዛና ጭንቀት የሚፈልገው ሙስሊሙ ማህበረሰብ እንጂ ሌሎች አለመሆናቸዉ ግንዛቤ ሊያዝ ይገባል፡፡
.
#ከቄሱ_በላይ_ካቶሊክ መሆን ትርፉ ዉድቀት ነዉና !
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

· Just now ·
📌‼️ አዲስ ተቋቋመ ስለተባለው #NEJASHI_TV ለሚመለከተው ሁሉ
~~~~~~~~~~~~~~~
#RN05
.
#ቢላል_ሚዲያ፣ #ጄይሉ_ሚዲያና #መርከብ_ሚዲያ የሚባሉ 3 እስላማዊ ቴሌቪዥን ጣብያዎች ተጣምረው አንድ #ነጃሺ የሚባል ቴሌቪዥን ማቋቋማቸውን ሰምተናል። በመጀመሪያ 3ቱ እስላማዊ የቴሌቪዢን ጣብያዎች ተጣምረው አንድ መሆናቸው በተጠናከረና የአቅም ብክነትን በሚቀርፍ መልኩ ሕዝበ ሙስሊሙን ለማገለል የሚያግዝ ነው ብለን ስለምናምን ለእርምጃው ያለንን ዳጋፍ ለመግለጽ እንወዳለን። እስላማዊ ሚዲያዎች ያሏቸውን ውስን የሰውና የፋይናን አቅም አስተባብረው አንድ ጠንከር ያለ ሚዲያ ከማቋቋም ይልቅ በሰውም ሆነ በፋይናንስ ሃይል ደካም የሆኑ በርካታ ሚዲያዎችን በማቋቋም ከፍተኛ የሆነ የሃብት ብክነትን ሲያስከትሉ ስለነበረ የእነዚህ ሶስት ሚዲያዎች መጣመር ለሌሎች ዘርፎችም አርአያ ይሆናል የሚል ተስፋ አለን።
.
ይህ እንደተጠበቀ ሆኖ አዲስ የተቋቋመው ሚዲያ #ነጃሺ ተብሎ መሠየሙን ተከትሎ አንዳንድ ደንበኝቻችን እየደወሉ #ራድዮ_ነጋሺ ( #RN05 ) ከዚህ አዲስ ከተቋቋመው ሚዲያ ጋር ግንኙነት ይኑረው አይኑረው ጠይቀውናል። ራዲዮ ነጋሺ #20_አመታትን ያስቆጠረና በእስላማዊ ሚድያ ታሪክ ቀደምት ተብለው ከሚጠቀሱት ጥቂት ሚዲያዎች መካከል አንዱ እንደመሆኑ መጠን በሚዲያ አውድ ነጃሺ የሚለው ሥም ከራዲዮ ነጋሺ ጋር መቆራኙቱን እንረዳለን፤ ሆኖም ግን ይህ ነጃሺ በሚል የተሠየመው አዲስ ጣብያ ከሬዲዮ ነጋሺ ጋር ምንም አይነት ንክኪ እንደሌለው ለማስታወቅ እንወዳለን።
.
ራዲዮ ነጋሺ 20 አመታትን ያስቆጠረና በእስላማዊ ሚድያ ታሪክ ቀደምት ተብለው ከሚጠቀሱት ሚዲያዎች መካከል አንዱ እንደመሆኑና በሚዲያም አውድ ነጃሺ የሚለው ሥም ከራዲዮ ነጋሺ ጋር የተቆራኘ መሆኑን ታሳቢ በማድረግ የነጃሺ ቴሌቪዥን መስራቾች የጣብያቸውን ስያሜ ነጃሺ ለማለት ሲወስኑ ጣብያችንን ቢያማክሩ መልካም እንደነበረ ይሰማናል፤ ሆኖም ግን ጣብያችን
የቴሌቪዥኑን መመስረት ያወቀው ልክ እንደማንኛውም ሰው በሶሻል ሚዲያ አማካኝነት እንጂ አስቀድሞ የደረሰው መረጃ እንደሌለ ለማስታወቅ እንወዳለን።
.
#ራድዮ_ነጋሺ ( #RN05 ) የዝግጅት ክፍል

በእንቅርት ላይ ጆሮ ደግፍ‼️

የአክሱም ሙስሊሞች በአክሱም ኑሯቸው ምድራዊ ጀሃነብ ነው። በመስጂድና መቀበሪ ስፍራ ክልከላ የሚሰቃዩት ስቃይ ሁላችንም እናውቀዋለን። የሁለት ደቂቃ አዛን ለማውጣት እንኳ «ያልነበራችሁ ፀባይ አታምጡ ድምጹን ቀንሱት፤ መካና መዲና እንጂ እዚህ እኮ ምንም ነገር የላችሁም» እየተባሉ በስቃይና ሰቀቀን ተውጠው ይኖራሉ። ይህ ስቃይና እንግልት አልበቃ ያላቸው ደግሞ ልጆቻቸው በወሳኝ ጊዜ ከትምህርት ገበታ እያስቀሯቸው ይገኛሉ። በህመማቸው ሌላ ህመም በስቃያቸው ሌላ ስቃይ ያክሉባቸዋል😭

እንዲህ ዓይነት ጭካኔ ይህ የአውሬነት ባህሪ አክሱም የት ያደርሳት ይሆን? ይህ እብሪትና ማን አለብኝነት ይጠቅማት ይሆን?

ትግራይ ሙስሊም ሚድያ ፣ ትግራይ ሙስሊም ሚድያ

#RN05

👀🔴ገራሚው የትግራይ መጅሊስ፣ የትምህርት ቤቱ ሃላፊና የተማሪዎቹ ምስክርነት!
~~~~~~~~~~~~~~~~~~~~~~~
#RN05
.
______________________________________
➡️" እኛ የምንፈልገው ፍትህ ነው። ሂጃባችንን አድርገን ነው መማር የምንፈልገው። ያለ ሂጃብ ሸሪዓም አይፈቅድም አስቸኳይ እና ዘላቂ መፍትሄ ይሰጠን " - ተማሪዎች
➡️ " የአክሱም ሙስሊም ሴት ተማሪዎች በአጠቃላይ ሁሉም የሉም ከትምህርት ገበታ ላይ ወጥተዋል " - የክልሉ እስልምና ጉዳዮች ከፍተኛ ም/ቤት
➡️ " ማንም ተማሪ በትምህርት ቤት ሃይማኖትን የሚያንጸባርቅ ነገር ማድረግ የለበትም " - የአክሱም ሁለተኛ ደረጃ ትምህርት ቤት
_____________________________________
.
በትግራይ ፣ አክሱም ከተማ ሴት ሙስሊም ተማሪዎች ላለፉት 2 ሳምንታት ሂጃብ ለብሰው ወደ ትምህርት ቤት መግባት እንደተከለከሉና በዚህም ምክንያት ከትምህርት ገበታ ዉጭ መደረጋቸውን የትግራይ እስልምና ጉዳዮች ከፍተኛ ም/ቤት አሳውቋል።
መጅሊሱ በዚህ ዓመት ከሂጃብ መልበስ ጋር በተያያዘ በአክሱም በሚገኙ ትምህርት ቤቶች ውዝግቡ የጀመረው ጥቅምት ወር ላይ ሲሆን ተቋሙ ለክልል ትምህርት ቢሮ አሳውቆ አውንታዊ ምላሽ ቢሰጠውም በተግባር የተቀየረ ነገር ግን እንደሌለ ነው ያሳወቀው።
🚩 የምክር ቤቱ ፀሀፊ ሓጂ መሓመድ ካሕሳይ፡
.
👉 "ፀጉራቸውን ሸፍነው ትምህር ቤት ዉስጥ እንዲታዩ አልተፈቀደም> ፀጉሯን መሸፈን ደግሞ የአንድ ሙስሊም ሴት ሃይማኖታዊ ግዴታ ነው።
.
👉"ሃይማኖት በፖለቲካ ጣልቃ አይገባም፣ ፖለቲካም በሃይማኖት ጣልቃ አይገባም የሚል አንቀጽ በህገ መንግስቱ ተቀምጦ እያለ አሁን ፖለቲካው በሃይማኖት ጣልቃ እየገባ ነው።" "ሴት ሙስሊም ተማሪዎች ከትምህርት ቤት ዩኒፎርም ጋር የሚመሳሰል የፀጉር መሸፈኛ ሂጃብ መጠቀም እንደሚችሉ በ2000 የወጣ ሀገር አቀፍ መመሪያ አለ። ስለዚህ ዝም ብለን የምናየው ነገር አይሆንም።"
.
👉በአሁኑ ሰአት ከአራት ትምህርት ቤቶች ተማሪዎች ከትምህርት ገበታ ተፈናቅለዋል።
.
👉ዋናው ደግሞ 3 ወር ሲማሩ የነበሩ የ12ኛ ክፍል ተማሪዎች ለብሔራዊ ፈተና የኦንላይ ምዝገባ የሚደረግበት በዚህ ወቅት ነው ያፈናቀልዋቸው እናም ምዝገባዉ በዚህ ሳምንት ያልቃል፡፡ የአክሱም ሙስሊም ተማሪዎች በዚህ ምክኛት እስካሁን ድረስ አልተመዘገቡም። የአክሱም ሙስሊም ሴት ተማሪዎች በአጠቃላይ ሁሉም ትምህርት ላይ የሉም፣ ከትምህርት ገበታ ላይ ተገለዋል፤ እስካሁን ተከልክለው አልገቡም። ችግሩ እንዲፈታ ከክልሉ ትምህርት ቢሮ እና ከአክሱም ከተማ አስተዳደር ትምህርት ቢሮ ጋር ውይይት እየተደረገ ነው " ብለዋል።
.
🚩ተማሪዎቹ በበኩላቸው ፡
👉" በጦርነት ምክንያት ለ2 ዓመታት ከሌሎች ተማሪዎች ወደኃላ ቀርተናል አሁን ደግሞ በሂጃብ ምክንያት ፈተና ሊያመልጠን ነው።
.
👉ፎርሙ እያመለጠን ነው። ሌሎች ተማሪዎች በሂጀብ ፎርም እንደሞሉ ነው የምናውቀው። እኛ የምንፈልገው ፍትህ ነው። ሂጃባችንን አድርገን ነው መማር የምንፈልገው።
.
👉ያለ ሂጃብ ሸሪዓም አይፈቅድም ፤ መፍትሄው ደግሞ በጣም አስቸኳይ እና ዘላቂ መሆን አለበት። እስካሁን መብታችን እየተከበረ አይደለም " ብለዋል።
.
🚩 የአክሱም ሁለተኛ ደረጃ ትምህርት ቤት ፡
ምክትል ርዕሰ መምህር ገ/መስቀል ገ/እግዚአብሔር ፦
👉"ትምህርት ቤቶች ከሃይማኖት እና ከፖለቲካ ነጻ መሆን አለባቸው ' "የትግራይ ክልል የትምህርት ቤቶች አደረጃጀት መመሪያ ማንም ተማሪ በትምህርት ቤት ሃይማኖትን የሚያንጸባርቅ ነገር ማድረግ የለበትም።" ይላል
👉ክርስቲያኑ መስቀል ወይም መጠምጠሚያ ፤ ሙስሊሙም ሂጀብ ወይም ኮፍያ ማድረግ አይፈቀድለትም። የትምህርት ቤቱ መለያ ዩኒፎርም ብቻ ነው መለበስ የሚገባው።
👉የተወሰኑ ተማሪዎች ሂጃባቸውን አናውልቅም ብለው ነበር አሁን ግን ተማሪዎች የትምህት ቤቱን መመሪያ ተከትለው እየገቡ ናቸው። አሰራሩ ለዓመታት የቆየ ነው " ብለዋል።
🚩 አንድ በጉዳዩ ላይ ቃላቸውን የሰጡ የክልል ትምህርት ቢሮ ሰራተኛ ፤
👉" በክልሉ ትምህርት ቤቶች ተግባራዊ እየሆነ ያለው በ1995 የወጣ መመሪያ ነው በዚያ መመሪያ ትምህርት ቤቶች የራሳቸውን መተዳደሪያ ማውጣት እንደሚችሉ ይደነግጋል " ሲሉ ተናግረዋል።
.
🚩🚩 የክልል ትምህርት ቢሮ እና የአክሱም ከተማ አስተዳደር ምላሽ ለመስጠት ፍቃደኛ አልሆኑም።
.
@ቲክቫህ ኢትዮጵያ
@የቪኦኤ ሬድዮ ጣቢያ ትግርኛ አገልግሎት

https://t.me/RNZeroFive

ሼር👆

https://youtu.be/eo9yH4O8XSI
አነጋጋሪውና ሃሳባቸው ትክክል ሆነም አልሆነ ኢትዮጵያ ከቀሯት ጥቂት ፖለቲካ አዋቂዎች መሃል የሆነው ጀዋር መሐመድ ዳግም ተከስቷል! የብልጽግናው ጎራ ዋነኛ አጀንዳም ሆኗል!


#RN05

አክሱም መስጂድን ብቻ ሳይሆን ሂጃብንም ማየት ተጠይፋለች!
~~~
#RN05

በሒጃባቸው ምክንያት በር የተዘጋባቸው የአክሱም ሙስሊም ሴት ተማሪዎች የኛ ድምፅ ይሻሉ!

እነዚህ የአክሱም ሙስሊም ሴቶች ዛሬም የኛ ድምፅ ይሻሉ! በሒጃባቸው ምክንያት አትገቡም ተብለው በር ላይ ከቆሙ ሳምንታት ተቆጠሩ! የ12ኛ ክፍል ተፈታኞች ናቸው በሒጃባቸው ምክንያት ፎርም እንዳይሞሉ ተከልክለዋል። ትምህርትቤቱ ውስጥ ጥቂት ሴቶች ናቸው ያሉት ሙስሊም ሴቶች ደግሞ በጣት የሚቆጠሩ ናቸው።

እነዚህ ሴቶች በተለያዩ በደሎች አልፈው ነው እዚህ የደረሱት! በድርብርብ በደል እና ጭቆና አልፈው እዚህ ቢደርሱም በሒጃባቸው ምክንያት በሩ ተዘግቶባቸዋል።

Mohammedawel Hagos

#Justice_for_axum_muslim_female_students

🚨 ስለታፋኙ ድምጻችን ይሰማ ክሪቲካል ስናስብ!
~~
#የአቅል_አይምሮ_ትዝብት_ለrn05
.
ድምጻችን ይሰማ ሰሞኑን በሚደረግና ሚልዮን ብሮችን በሚያሸልም ውድድር ላይ በሰላም ዘርፍ ተሳታፊ እንደሚሆን ተገልጾ ነበር። አሁን ደግሞ "ጩኸት ስለበረከተ ከግለሰቦች ጋር መወዳደር አይመጥነኝምና አልወዳደርም ብሎ እግሩን ሰበሰበ" መባሉን ሰማን! እናም ትዝብት አዘል ጥያቄዎቻችንን እንድናነሳ ተገደድን!
.
ለመሆኑ :-
.
🔴- ይህ ደብዛው እንዲጠፋ ተደርጎ የነበረው ድምጻችን ይሰማ እንዴት የሚልዬን ብሮች ሽልማት የሚያስገኝ ውድድር አለ ሲባል ከተሸሸገበት ብቅ ሊል ቻለ?

🔴- ውድድሩ የሚሊዬን ብሮች መሆኑ ቀርቶ የመቶ ብሮች ቢሆን፣ አልያም ብር የማያሸልም ነገር ግን እውቅና የሚያስገኝ ታላቅ ሀገር አቀፍና አለም አቀፍ መድረክ ቢገኝ ስሙን ለማደስና ለማስጠበቅ ሲባል ከግለሰቦች ጋርም ቢሆን እየተጋፋና "አለሁ ፣ልዘከር እንጂ ልረሳ አይገባም!" እያለ እንዲወዳደር ይደረግ ነበርን?

🔴 እውን በአሁኑ ሰአት ድምጻችን ይሰማ ነኝ የሚለው አካል ማን ነው? የሚወከለውስ በማን ነው?

🔴- ድምጻችን ይሰማ ነኝ ያለው አካል ውድድሩን ሊሳተፍ ሲወስን በንቅናቄው መስዋእትነትን ለከፈለው የትግሉ ባለቤት ተናግሯልን?

🔴- ለመሆኑ ድምጻችን ይሰማን ከጣለበት አንስቶ፣ አቧራውን አራግፎ የሚልዬን ብሮች ሽልማት ወደሚያስገኘው የሰላም ዘርፍ ውድድር ያመጣው በዃላም የኦንላይን ጩኸት ሲበዛበት ከውድድሩ እንዲወጣ ያደረገው አካል ሁለቱ ውሳኔዎች ላይ የደረሰው በውይይትና በፍጭት ነው ወይንስ በግለሰቦች ግብታዊና የመሻት ውሳኔ ?

🔴 -ለመሆኑ የድምጻችን ይሰማን ድምጽ እንዳይሰማ አፍነው የያዙት አካላት ሲያሻቸው ይለቁታል ማለት ነውን?

🔴- የህዝብ የነበረው የድምጻችን ይሰማ ትግልን ከኪሱ እያወጣ ሲሻው የሚጠቀምበት አካል ማን ነው?

🔴- ድምጻችን ይሰማ አሁን ተቋም ነው ወይንስ ግለሰብ?

🔴-ተቋም ካልሆነ ውድድሩን ፈልጎ መልሶ ጩኸት ሲበዛበት የሰረዘው ማን ነው?

🔴- ውድድሩን ቢያሸንፍስ ሽልማቱን የሚቀበለውና የሚያስተናብረው ማን ነበር?

🔴- ሽልማቱስ የትኛው የድምጻችን ይሰማ ጉዳይ ላይ ይውል ነበር?
በነዚህ ጉዳዬችስ ዙርያ ማብራርያ ያልተሰጠው ስለምን ነው?

🔴- ድምጻችን ይሰማ ከነበረበት ሀገራዊና አለምአቀፋዊ እድገቱ አውርዶና ስሙ እንዳይወሳ፣እንዳይጠና፣እንዳይዘከር አድርጎ ሲያበቃ የግለሰቦች ንብረት እንዲሆን ያደረገው ማን ነው?

- ሌላም ሌላም!!!
ህዝብ ዝም ቢልም ይታዘባል! ስለ ከፈለውም ዋጋ ያገባዋል! ለማለት ነው።
.
ይሄው ነው!!

🚩በጋዛ ዙርያ - ሊቀ ፓፓሱና የእስራኤል መንግስት ተናቆሩ!
~~~~~~~~~~~~~~~~
#RN05
.
_______________________
👉"እስራኤል በህጻናት ላይ የፈጸመችው ጭካኔ ነው ! ይህ ጦርነት አይደለም" ፖፕ ፍራንሲስ
.
👉"ፓፓሱ ስለ ታገቱብን ከ100 በላይ ዜጎች መናገር አይፈልጉም" የእስራኤል የዉጭ ጉዳይ መ/ቤት
_______________________
.
ወደ 1.4 ቢልዮን ገደማ የሚጠጋ የአለም ካቶሎክ እምነት ተከታይን በበላይነት የሚመሩትና መቀመጫቸዉን በቫቲካን ያደረጉት ፓፓስ ፍራንሲስ ከቅርብ ጊዜ ወዲህ እስራኤል በጋዛ ዉስጥ የምታደርገዉን ወረራና ግድያ ሲተቹ መስማት እየተለመደ መጥቷል፡፡ ለወትሮው በዚህ ጉዳይ ብዙም ሲናገሩ የማይደመጡት እኚህ ፓፓስ ከቅርብ ጊዜ ወዲህ አልፎ አልፎ እያነሱ ያሉት የተቃዉሞ ሃሳብ በምላሹ የእስራኤል ባለስልጣናት ቁጣና ትችት እያስከተለ ይገኛል፡፡
.
ፓፓሱ በትላንትናው ቅዳሜ እንደፈረንጆቹ ዲሴምበር 21/2024 ተከታዩን የገና በአል አስመልክቶ ለፓፓሶችና የተለያዩ የእምነቱ መምህራን ባደረጉት ንግግር
እስራኤል በሰሜን ጋዛ ህጻናትን ጨምሮ ከአንድ ቤተሰብ ብቻ 10 ሰዎች በአንዴ የተገደሉበትን የሰሞኑን የእስራኤል ጥቃት በማንሳት "እስራኤል የምታካሂደው ጦርነት ሳይሆን ጭካኔ ነው!" ሲሉ ተችተዋል፡፡ ከዚህም በተጨማሪ ሊቃነ ጳጳሳቱ ባለፈው ወር በታተመ መፅሃፍ ዉስጥ "በጋዛ ውስጥ እየሆነ ያለው ነገር አንዳንድ አለም አቀፍ ባለሙያዎች የዘር ማጥፋት ባህሪ አለው ብለዋል" የሚል ሃሳብ ማካተታቸው ሌላው የእስራኤልን ባለስልጣናት ያስቆጣና ለምላሽ የጋበዘ ጉዳይ ሆኗል፡፡
.
ፓፓሱ አያይዘዉም ገናን አስመልክቶ የእየሩሳሌም ፓትርያርክ ወደ ጋዛ ለመግባትና የእምነቱን ተከታዮች ለማግኘት ቢጠይቁም በእስራኤል መከልከላቸዉን አጥብቀው ኮንነዋል፡፡ ይህንኑ ተከትሎ የእስራኤል የውጭ ጉዳይ ሚኒስቴር " እስራኤል እየታገለችና ራስዋን እየተከላከለች ያለችው የእስራኤልን ልጆች ከሚገድሉ፣ ከህጻናት ጀርባ ከሚደበቁ፣ እንዲሁም ከ 100 በላይ ታጋቾችን በመያዝ እና በማንገላታት ላይ ካሉት ከሀማስ አሸባሪዎች ጋር ነው፡፡ ጭካኔ ከተባለም ይህ የሃማስ ስራ ነው ጭካኔ፣ ግን እንደ አለመታደል ሆኖ ርዕሰ ሊቃነ ጳጳሱ እነዚህን የሃማስ ወንጀሎች ሁሉ ከመናገር ችላ ማለትን መርጠዋል” ሲል ሊቀ ፓፓሱን ወቅሷል፡፡
.
በፍልስጤም በተለይም በጋዛ የሚገኙ የካቶሊክና ሌሎች ክርስትያኖች እንደ ሙስሊም ወንድሞቻቸው ሁሉ በራሳቸዉና በልጆቻቸው ላይ ቤቶችን በቦምብ እያፈረሱባቸዉና እየተገደሉ ከመሆኑም በላይ ታሪካዊ ቤተ እምነቶቻቸዉም ሆን ተብሎ ኢላማ ስለመደረጋቸው ሲናገሩ ይደመጣል፡፡
.
እየሱስ የተወለደበት ነው የሚባለው የፍልስጤም ምድር ቤተልሄም ዉስጥ እንኳ ከአለፈው አመት ጀምሮ በእስራኤል የጋዛ ዘመቻ ምክንያት የገናን በአል ለሁለተኛ ጊዜ ማክበር እንዳልቻሉ የካቶሊክና የኢቫንጄሊካል ቤተ እምነቶች ተወካዮች ለተለያዩ የመገናኛ አውታሮች ተናግረዋል፡፡
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩ኢስላም ጠሉ ግለሰብ በጀርመን የገና ገበያ የፈጸመው አሰቃቂ ወንጀል አነጋጋሪ ሆኗል!
~~~~~~~~~~~~~~~~
"ወንጀሉን የፈጸመው ሰው ጸረ ኢስላም እንደሆነ እናውቃለን..." የሀገር ዉስጥ ጉዳይ ሚንስቴር
.
#RN05
.
በጀርመን ማግድቡርግ ከተማ በገና በዓል መገበያያ ስፍራ በነበሩ በርካታ ሰዎች ላይ አንድ ግለሰብ መኪናውን በከፍተኛ ፍጥነት በማሽከርከር በፈጸመው ጥቃት 5 ሰዎች ሲሞቱ ወደ 400 ገደማ ሰዎች ቆስለዋል። በጥቃቱ የተጠረጠረ አንድ በሙያው ሐኪም የሆነ የ 50 አመት እድሜ ያለዉ የሳውዲ አረቢያ ዜጋ በቁጥጥር ሥር መዋሉ ታውቋል።
.
ጀርመኖች የገና በዓል ቀደም ብለውና በከፍተኛ ቁጥር በየገና ገበያው እንደሚያሳልፉ ይታወቃል፤ ይህንኑ ተከትሎ በዚሁ የገና ወቅት ከ 8 አመት በፊት አንድ የጭነት መኪና የያዘ ግለሰብ በህዝቡ መሃል ገብቶ አደጋ እንዳደረሰ የሚታወቅ በመሆኑ ዘንድሮም አደጋ ሊደርስ እንደሚችል የጀርመን ፖሊስ ማሳሰብያ ሰጥቶ እንደነበር ተነግሯል፡፡
.
እንግዲህ በዚህ ሁኔታ ነበር ከበርሊን አቅራብያ ባለችው ማግደምቡርግ በምትባለው ከተማ ጀርመኖች በብዛት በገና ገበያ ላይ በተሰባሰቡበት ወቅት ከላይ የተገለጸው ግለሰብ በተከራየው መኪና ሰዎቹ ላይ በከፍተኛ ፍጥነት በማሽከርከር እስካሁን ድረስ 5 ሟችና ከ 400 በላይ ቁስለኛ ያደረጋቸው ነው የተባለው፡፡
.
የሃገሪቱ መራሄ መንግስት ኦላፍ ሾልስ በቦታው ተገኝተው ባደረጉት ንግግር በድርጊቱ እጅግ ማዘናቸዉንና ህጉ የሚፈቅድላቸዉን ተከትለው ሁሉንም ነገር እንደሚያደርጉ፣ በተርፈ ጥላቻን ማስፋፋት መልካም አለመሆኑን ለህዝባቸው ተናግረዋል፡፡ በዚህም ወቅት ከከተማው ነዋሪ "እንዴት እንዲህ ሊሆን ይችላል?" በሚል የቁጣና የቅሬታ ተቃዉሞን አስተናግደዋል፡፡
.
ከእሳቸው ጋር አብረው ከነበሩት የተለያዩ ፓርቲ አባላትና ባለስልጣናት መካከል የሳክሶኒ አንሃልት የሃገር ዉስጥ ጉዳይ ሚኒስትሯ ተጠርጣሪው ከ 1990 ዎቹ ጀምሮ እስልምናን የለቀቀ መሆኑንና በ 2006 በጀርመን ጥገኝነት ጠይቆ ቋሚ የመኖርያ ፈቃድ ያገኘ መሆኑን አዉስተዋል፡፡
.
እንደ ታገስ ሻው፣ WDR እና NDR የተሰኙ ሚድያዎች በምርመራ ዘገባዎቻቸው እንዳሳወቁት ግለሰቡ ከ 1990 ዎቹ ጀምሮ ከእስልምና የወጣና በ 2006 በጀርመን ሃገር በሃይማኖትና በአጠቃላይ ሳዉዲ ባለው የፖለቲካና የመናገር ነጻነት እጦት ሰበብ ጥገኝነት ጠይቆ ቋሚ የመኖርያ ፈቃድ እንደተሰጠው ፣ ከዛ በኋላ በግል ገጾቹ ላይ ጸረ እስልምና ጥላቻ ሲያራምድ እንደቆየ ዘግበዋል፡፡
.
በተያያዘ ዜናም የሳዉዲ መንግስት በጀርመኗ ማግድቡርግ ከተማ የተፈጸመው ድርጊት እጅግ እንዳዘነና ሃገራቸዉና መንግስታቸው ድርጊቱንም እንደሚያወግዙ በዉጭ ጉዳይ ሚንስትሩ በኩል መግለጻቸው ተዘግቧል፡፡
.
ቪድዮዉን ለማየት የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive
.
@followers @highlight
-----

“ የሚላስ የሚቀመስ የለም ” - የአካባቢው ነዋሪዎች ለቲክቫህ ኢትዮጵያ

“ ችግር እንዳለ ይታወቃል ” - የአማራ ክልል አደጋ ስጋት ሥራ አመራር ኮሚሽን

በአማራ ክልል ሰሜን ወሎ ዞን ቡግና ወረዳ በምግብ እጥረት ሳቢያ በሺዎች የሚቆጠሩ ሰዎች እንደተጎዱ፣ በተለይ ጨቅላ ህፃናት የከፋ ስቃይ ላይ እንደሆኑ የአካባቢው ነዋሪዎች ለቲክቫህ ኢትዮጵያ ተናግረዋል።

“ ጉዳዩ በጣም አሳዛኝ ነው። በእኛ ቦታው ያልሆነ ሰው አይገባውም ” ሲሉም የሁነቱን አስከፊነት አስረድተዋል።

ስሜ ከመነገር ይቆይ ያሉ የመረጃ ምንጭ በበኩላቸው፣ “ በቡግና ወረዳ ጉልሃ ቀበሌ አንድ ህፃን በምግብ እጥረት ሞቷል ” ብለዋል።

የቡግና ወረዳ ጤና ጥበቃ ጽህፈት ቤት ኃላፊ አቶ ገብረ መስቀል አለሙ በበኩላቸው፣ በክልሉ ባለው ግጭትና ተፈጥሯዊ ተፅዕኖ ምክንያት ወረዳው ለድርቅና ለምግብ እጥረት በመጋለጡ ህፃናትን ጨምሮ ከ10 በላይ ሰዎች መጎዳታቸውን ሰሞኑንን ለቢቢሲ አማርኛ መናገራቸው አይዘነጋም።

በወረዳው በተከሰተ የምግብ እጥረት በተለይ ጨቅላ ህፃናት ስለተጎዱ ነዋሪዎቹ የድረሱልን ጥሪ ማሰማታቸውን በመግለጽ ችግሩን ለመቅረፍ ምን እየተሰራ ነው ? ሲል ቲክቫህ ኢትዮጵያ የጠየቀው የቡግና ወረዳ ኮሚዩኒኬሽን ጽህፈት ቤት፣ “ እኛ ጋር ስራ የለም ” የሚል አጭር ምላሽ ሰጥቷል።

ጽሕፈት ቤቱ፣ “ እውቅናው የለኝም ” ያለ ሲሆን፣ ጉዳዩን እንደሚያውቁት ነዋሪዎች መናገራቸውን ብንገልጽለትም፣ “ እስካሁም ምንም አይነት በሪፓርትም የመጣ ነገር የለም ” ብሏል።

ቲክቫህ ኢትዮጵያ ከቡግና ወረዳ በተጨማሪም ለአማራ ክልል ስጋት አደጋ ሥራ አመራር ኮሚሽን ተመሳሳይ ጥያቄ ያቀረበ ሲሆን፣ ኮሚሽኑ ችግሩ መኖሩን አምኗል።

የኮሚሽኑ የህዝብ ግንኙነት ኃላፊ ወ/ሮ ፍቅሬ ሙሉጌ በሰጡን ቃል፣ “ ጉዳዩ በኛ ቁጥጥር ውስጥ ነው። ከእኛ አቅም ውጪ የሆነ ነገር የለም ” ሲሉ ተናግረዋል።

አክለውም፣ “ ችግር እንዳለ ይታወቃል። ድጋፍ እየቀረበ ነው። ምንም የተለዬ ነገር የለም” የሚል ምላሽ ሰጥተዋል።

“ የአምናውን ድርቅ ችግር ተቋቁመናል አሁን እንዲያውም ጥሩ ነው ምርት አምርተዋል ” ሲሉ ተናግረዋል።

ድጋፍ እየተደረገላቸው ከሆነ ምን ያክል ድጋፍ ተደርጓል ? ሰሞኑን ያደረጋችሁት ድጋፍ ነበር ? በተለይ ሰሞኑን ህፃናቱን የሚመግቡት እንደተቸገሩ ነዋሪዎቹ እየገለጹ ነው፣ ስንል ለወ/ሮ ፍቅሬ ተጨማሪ ጥያቄ አቅርበናል።

እሳቸውም በምላሻቸው፣ “ በቂ ድጋፍ እየተደረገላቸው ነው በተለመደው አግባብ (ድጋፉ የሚሰጥበት ቀመር አለው) ድጋፍ እየደረሳቸው ነው ” ከማለት ውጪ የችግሩን አስከፊነት ከመግለጽ ተቆጥበዋል።

ነዋሪዎቹ የላኳቸው ፎቶዎች ህፃናቱ በምግብ እጥረት እንደተጎዱ የሚመሰክሩ እንደሆኑ ገልጸን፣ ድጋፍ ካለ ጉዳዩ እንዴት በዚህ ልክ ጉዳት እንዳደረሰ ማብራሪያ እንዲሰጡ ቲክቫህ ኢትዮጵያ ኃላፊዋን ጠይቋል።

በዚህም፣ “ ይለካል እኮ ማልኑውትሬሽን፣ ሞዴሬት የሆኑት እየተለካ ምግብ ሁሉ ይሰጣቸዋል ለእናቶች፣ ለህፃናት ” የሚል ምላሽ ሰጠተዋል።

“ ለዩኒሴፍም ይቀርባል። ለአዋቂዎች ደግሞ እህል ይቀርባል። የገንዘብ ደጋፍም ይሰጣልና ክትልትል እየተደረገ ነው ” ያሉት ወ/ሮ ፍቅሬ፣ “ በመሀል ደግሞ በህመምም በምንም ጉዳት ሊያጋጥም ይችላል ” ነው ያሉት።

የቡግና ወረዳ ኮሚዩኒኬሽንና ኮሚሽኑ ይህን ይበሉ እንጂ የቡግና ወረዳ ጤና ጥበቃ ጽህፈት ቤት ግን ለቢቢሲ አማርኛ በሰጠው ቃል፣ “ ማህበረሰቡ ምርት ባለማግኘቱ እናቶች ልጆቻቸውን ባግባቡ መግበው የተሻለ የጤና እድገት እንዳይኖራቸው አድርጓል ” ብሏል።

በሌላ በኩል ፤ የሰሜን ወሎ አደጋ መከላከልና ምግብ ዋስትና ማስተባበሪያ ጽሕፈት ቤት ኃላፊ አቶ አለሙ ይመር ዛሬ ለቪኦኤ በሰጡት ቃል " አካባቢው በፋኖ ታጣቂዎች ስር በመሆኑ ለተከሰተው የምግብ እጥረት መንግሥት በቶሎ ምላሽ መስጠት አልቻለም " ብለዋል።

የአካባቢው የሀገር ሽማግሌዎችና የኃይማኖት አባቶች በአደረጉት ጥረትም አሁን ላይ የርዳታ እህል ወደ ስፍራው እየተጓጓዘ መሆኑን አስታውቀዋል።

የወረዳው ነዋሪ ያለበትን የምግብና የጤና ችግር ለፋኖ ታጣቂዎችና ለመንግሥት አካላት ለማስረዳት ከተመረጡት 18 ግለሰቦች መካከል አንዱ ነበርኩ ያሉት ቄስ ገብረ እግዚአብሔር ዝናቤ ይርዳው " በአካባቢው የመንግሥት ባለሥልጣናትና በፋኖ ታጣቂዎች መካከል በተደረሰው ስምምነት መድኃኒቶችንና አልሚ ምግቦች ወደ ወረዳው እየገቡ ነው " ብለዋል።

የኤሪካ ኤምባሲ ደግሞ ፤ የምግብ እጥረት ቀውስ ሰለመኖሩ የወጡ ሪፖርቶችን እየተከታተለ እንደሆነ አመልክቷል።

ቀውሱ መወገዱን ለማረጋገጥ እንደሚሠራም ጠቅሷል።

ኤምባሲው ቀውሱን በተመለከተ ዝርዝር መረጃዎችን አላካተተም።

የኢትዮጵያን ሕዝብ ለመደገፍ ፣ አጋሮቹ በአሁኑ ሰዓት በችግሩ በተጠቁት አብዛኞቹ ስፍራዎች የምግብ እና አልሚ ንጥረ ምግቦች ስርጭትን ያጠናከሩ መሆናቸውን አክሏል።


ዘገባው የ tikvahethiopia ነው

መጀመርያ ለሕዝቡ ስለ ሠላም በመናገር፣ ከዚያ ደግሞ ዲፕሎማቶቸን በመቀጠል ደግሞ የአገሪቱን ባለሥልጣናት የአማፂ አመራሮችን በማግኘት የተቻለኝን ሳደርግ ነበር። ብዙ ሞከርኩ። ግን እያየሁት የመጣሁት ነገር፣ ጊዜ ለመግዣ እንጂ አገሪቱን ወደ አጠቃላይ ሠላም፣ ሥር ነቀል ሠላማዊ ለውጥ ለማምጣት ቁርጠኝነቱም ፍላጎትም እንደሌለ፣ እንዳውም ነገሮች ረገብ ሲሉ ወደ ነበረበት ሲመለሱ ስላየሁ ይህ ነገር በዚሁ ከቀጠለ እየተባባሰ ነው የሚሄደው፤ ዝም ማለቱ እና መምከሩ፣ መለማመጡ፣ መለመኑ ብዙም አላስኬደም። . . . እኔ በዚያ መቀጠሉ ዋጋ ስለሌለው ነው።
.
ቢቢሲ፡- ስለዚህ ወደ ቀደመው የነቃ የፖለቲካ ተሳትፎህ ተመልሰሃል?

ጃዋር፦ ወደ ቀደመው መመለስ አይቻልም። ወደፊት ብቻ ነው መሄድ የሚቻለው።(ሳቅ)
.
ቢቢሲ፡- ይህንን ያነሳሁት ቀጣዩ ምርጫ ብዙም ሩቅ አይደለም በሚል ነው። አንተ ደግሞ በኦፌኮ ውስጥ አባል እና አመራር ነህ፤ በቀጣይ በኢትዮጵያ ፖለቲካ ውስጥ ምን ሚና ይኖርሃል ለማለት ነው?
.
ጃዋር- ቀልጣፋ ሚና ይኖረኛል። እኔ አሁን መናገር እና መጻፍ የጀመርኩት እነዚህ ልጆች[የብልጽግና ሰዎች] በጣም አደገኛ ነገር ውስጥ ነው የገቡት። Total ignorance and arrogance (እልም ያለ ድንቁርና እና እብሪተኝነት)።
.
ቢቢሲ- የብልጽግና ሰዎች ማለትህ ነው?

ጃዋር-የብልጽግና ሰዎች ዐቢይ እና በአካባቢው ያሉ ሰዎች Total ignorance and arrogance[እልም ያለ ድንቁርና እና እብሪተኝነት] ውስጥ ናቸው። ይህ ነው የማይባል ጥጋብ ውስጥ ገብተዋል።

ጀዋር መሐመድ ከቢቢሲ አማርኛ ጋ ምን አወጋ?!
~~~~
#RN05
.___

" አብይ አምባገነን እንደሚሆን ለእኔ ግልጽ ነበር.. ሰውን ግን ማሳመን አልቻልኩም" ጀዋር መሐመድ
_____

ጃዋር ከትውልድ አንስቶ በፖለቲካ ህይወቱ የተጓዘበትን ህይወቱ ላይ የሚያጠነጥን 'አልጸጸትም' የተሰኘውን መጽሐፍ ታህሳስ 10. 2017 በኬንያዋ መዲና ናይሮቢ ማስመረቁን ተከትሎ በኢትዬጵያ ፖለቲካዊና አሁናዊ ጉዳዮች ፣ በኢትዮጵያ ፖለቲካ ውስጥ ስለሚኖረው የራሱ ሚና ወዘተ በሚመለከቱ ጉዳዬች ዙርያ ለቢቢሲ አማርኛ ቃለ መጠይቅ ሰጥቷል።
------------

ቢቢሲ- ጠቅላይ ሚኒስትር ዐቢይ ወደ ስልጣን እንደመጡ ብዙ በጎ ነገሮች በንግግርም፣ በተግባርም ታይቶ ነበር። ሆኖም ብዙም ሳይቆይ የትግራይ ጦርነት ተከሰተ፤ አሁንም በኦሮሚያ እንዲሁም በአማራ ክልሎች ግጭቶች እንደቀጠሉ ነው። ረሃብ፣ መፈናቀል እንዲሁም የከተማ ኑሮ ውድነት የአገሪቱ ገጽታ ሆኗል። በአንተ እምነት ኢትዮጵያ መስመር ስታ እዚህ ውስጥ የገባችው የቱ ጋር ነው?
.
ጃዋር፡- ዐቢይ ከመጀመርያውም መስመር ላይ አልነበረም። . . . [መጀመርያ አካባቢ] እኛ ከህወሓቶች ጋር እንደራደር ነበር፤ ስልጣን እንደሚለቁ፤ ማዕከላዊ ስልጣን እንደሚለቁ፣ ስምምነት ላይ ከደረስን በኋላ፣ ስልጣን ከለቀቁ በኋላ ማን ይሁን? የሚለው ሲመጣ የዐቢይ ስም በመምጣቱ አነጋግሬው ነበር።ያኔ ለእኔ ግልጽ ነበር።
.
ኢትዮጵያ ከኢህአዴግ አንድ ፓርቲ አገዛዝ፣ ወደ መድብለ ፓርቲ፣ ወደ ዲሞክራሲያዊ ስርዓት መሄድ፣ መሻገር ነበረባት፤ ወደ ግጭት የማያደርስ ያለው ብቸኛ አማራጭ እርሱ ብቻ ነበር።

ገና ስልጣን ሳይይዝ፣ገና ስሙም ሳይታወቅ፣ለእኔ ከእርሱ ጋር በነበረኝ ውይይት የዲሞክራሲ ስርዓት የመገንባት ፍላጎት እንደሌለው ግልጽ ነበር።አምባገነናዊ ስርዓትን ከአንድ ፓርቲ ወደ አንድ ግለሰብ የማሻገር ህልም እንዳለው ለእኔ ግልጽ ነበር። ለዚያ ነው የተቃወምኩት።
.
በወቅቱ ግን ሰዉ የሚያየው ነገር የለውጥ ስሜቱ ወያኔ [ህወሓት] ብቻ ትጥፋ እንጂ ማንም ይምጣ የሚለው ስሜት በጣም ጠንካራ ስለነበር እኔ ሰዉን ማሳመን አልቻልኩም። መጀመርያ ኦህዴዶችን፣ ቀጥሎ ሕዝቡን ማሳመን አልቻልኩም። በዚያ ምክንያት አቆምኩ እንጂ ለእኔ በጣም ግልጽ ነበር።
.
ከዚያ በኋላ የመጀመርያው አንድ ዓመት ሲደረግ የነበረውን ሳየው ነበር። ተወያይተን ይህንን ሽግግር እንምራ የሚለው ሲመጣ እኔ አሻግራችኋለሁ ማለት፤ የጋራ ፍኖተ ካርታ ይምጣ ሲባል አያስፈልገንም የሚል ምላሽ ተሰማ።በጎ በጎው በሚታይበት ወቅት ራሱ በውስጥ በውስጡ ወደ ዲሞክራሲ የሚያሸጋግረው ኃዲድ ተስቶ ነበር። መጨረሻ ላይ የለየለት ወደ ምርጫ ሲገባ፣ ተፎካካሪ ይሆናሉ ተብለው የሚታሰቡ ኃይሎችን ወደ መምታት ሲገባ ነው ሰዉ የነቃው እንጂ ከጅምሩም ዐቢይ ኢትዮጵያን ወደ ዲሞክራሲ የማሻገር ፍላጎት ፈጽሞ ኖሮት አያውቅም።
.
ቢቢሲ፦በአገሪቱ በአማራ እና ኦሮሚያ ክልሎች ጦርነቶች እንደቀጠሉ ናቸው፤ በትግራይ ክልልም ግጭትን በዘላቂነት የማቆም የፕሪቶርያ ስምምነት ሙሉ በሙሉ ተግባራዊ አልሆነም። . . . አሁንም ወደ ዲሞክራሲ የመመለስ፣ አገሪቱን ወደ መስመር የመመለስ እድል አለ ብለህ ታምናለህ?
.
ጃዋር፦ ቢጠብም እድል አለ። ግን አሁን እነ ዐቢይ በያዙት አመለካከት እና ትምክህተኛነት ወደ ትክክለኛው መስመር መመለስ የሚችሉ አይመስለኝም። ምክንያቱም ኢትዮጵያን አይረዷትም። ኢትዮጵያን ብቻ ሳይሆን ብሔር ብሔረሰቦች ያሉበትን (Multi ethnic) የሆነን አገር፣ አሁን ባለው ዓለም ተጨባጭ ሁኔታ እና ኢትዮጵያ ባለችበት ተጨባጭ ሁኔታ አይረዱም። ለመረዳትም ፍላጎት የላቸውም። ኢትዮጵያ ውስጥ አንድ የብልጽግና ደሴት የሚባል ተፈጥሯል። ዐቢይ እና እርሱ አካባቢ ያሉ ሰዎች ብቻ የሚንሸራሸሩበት፣ ሌላውን ሕዝብ ፈጽሞ ያገለለ፣ የሌላውን ሕዝብ አኗኗር የማይረዳ።
.
በቅርቡ [አዲስ አበባ] ሄጄ የሆነ ነገር ፌስቡክ ላይ ጽፌ ነበር። 'ሕዘቡ ጠውልጓል እነርሱ ደንዝዘዋል' የሚል፤ እውነቴን ነበር። ሕዝቡን ተዘዋውሬ አየሁት። ከተማ ውስጥ ቀንም ማታም እየዞርኩ ሕዝቡን አየው ነበር። ከዚያ ደግሞ ቱባ ቱባ ሚኒስትሮችን አገኘኋቸው።
ስለ ኢኮኖሚ ስታወራ፣ 'ኢኮኖሚውማ እንደዚህ አድጎ አያውቅም' ይሉሀል. . . በየቤቱ ማር እና ወተት በቧንቧ የሚፈስ ነው የሚያስመስሉት።
.
ስለ ጦርነት ስታወራ አማራ ክልል. . እነሱ እኮ ተከፋፍለዋል፤ እየጠፉ ነው። ኦሮሚያ ክልል ምንም ችግር የለም። ትግራይ የራሳቸው ጉዳይ. . . ያምኑታል ደግሞ [ጠቅላይ ሚኒስትሩን]። . . . የራሳቸውን ውሸት ያምኑታል። እነርሱ በያዙት አመለካከት ወደ መስመር መመለስ አንችልም። ነገር ግን ዝም ብለን እንመለከታለን? ዝም ብለን ደግሞ አንመለከትም። አገራችን ነው ሕዝባችን ነው። የለፋንበት ነው፤ እድሜያችንን ያጠፋንበት ነው። We are not going let them take us down [ብልጽግናዎች ይዘውን እንዲጠፉ አንፈቅድላቸውም]። ራሳቸው ብቻ ሳይሆን አገር ይዘው ሊወድቁ ነው። እኛ ኢትዮጵያን ሕዝቦቿ ወደ መንገድ መመለስ እንችላለን? አዎ መመለስ እንችላለን። እነሱን ግን ይመልሱናል ብለን የምንጠብቅ ከሆነ ባለፉት ስድስት ዓመታት አገሪቷን ከከተተበት መከራ ወደባሰበት ነው ይዘውን እየሄዱ ያሉት።
.
ቢቢሲ፦ ጃዋርን ከመታሰሩ በፊት የሚያውቁት ሰዎች መንግሥት ላይ የሠላ ትችት ሲያቀርብ ፣ ፖለቲካው ላይ በነበረው ንቁ ተሳትፎ ነው ።ከእስር በኋላ ግን መሀል ላይ ያለ የአሸማጋይነት ሚና ያለውን ጃዋር ነው ያየነው። እስር ቤት አንተ ላይ ያመጣው ለውጥ ምንድን ነው?

ጃዋር፦በእስር ቤት ወቅት እኔ ብቻ እስር ቤት መሆኔ አይደለም ትልቁ ነገር። ባለፈውም እንዳልኩት እኔ ትቻት የታሰርኩት ኢትዮጵያ እና እኔ ከእስር ቤት ወጥቼ ያገኘኋት ኢትዮጵያ የተለያዩ ነበሩ።

እስር ቤት ከመግባቴ በፊት የችግር ዳመናው፣ የጦርነት ዳመናው የተሰበሰበ ነበር። ከእስር ቤት ስወጣ እሳት በየቦታው ተቀጣጥሎ ነበር። ስለዚህ እንደ አንድ ተሰሚነት እንዳለው እና ተጽዕኖ ፈጣሪ ሰው ምን ባደርግ ነው አገር እና ሕዝብ ማዳን የምችለው? ብዬ አሰብኩ። ወጥቼ ወደ አክቲቭዝም እና ወደ ትችት ብመለስ በእሳቱ ላይ ሌላ ቤንዚን መጨመር ሆኖ ታየኝ። ስለዚህ ያንን ተወት ላድርገው እና ያለኝን ተሰሚነት፣ ያለኝን ትስስር፣ መስተጋብር በማማከር፣ በመገሰጽ፣ የዲፕሎማቲክ ማኅበረሰቡም እንዲረባረብ፣ መስራት ላይ አተኮርኩ። ከእስር ከወጣሁም በኋላ ሕዝቡንም ወደ ዲያስፖራው ሄጄ ስለ ሠላም ስናገር ከፍተኛ ተቃውሞ ይደርስብኝ ነበር። ያንን ማድረግ የምችለው እኔ ብቻ ነበርኩ።
.
ከትግሉ ጋር ተያይዞ ያለኝ የፖለቲካ ካፒታል ነበር።ያንን የፖለቲካ ካፒታል ውጪ አገር ሄጄ በመመንዘር፣ በወቅቱ ሕዝቡ በተለያየ ወገን ያለውን ጦር በመደገፍ በጣም ተከፋፍሎ ስለነበር፣የጦርነት ገበያ እንዲጠብ እና የሠላም ገበያ እንዲሰፋ፣ መንግሥትም ሆነ ጫካ ያሉት አማፂያን ጫና ተደርጎባቸው ወደ ሠላም ይመጣሉ በሚል ነበር ያንን ስሰራ የነበረው።

አነሰም በዛ ፍትህ ከሌለ የወርቅ ሚዛንና መዶሻ ብቻቸዉን ጌጥ እንጂ ምን ሊሆኑ?
~~~~~~~~~~~~~~
#የአቅል_አይምሮ_ትዝብት_ለrn05
.
የ69 አመቱ ወግ አጥባቂ የቀድሞ የፈረንሳይ ፕሬዝዳንት ኒኮላስ ሳርኮዚ በሙስናና ተያያዥ ወንጀሎች ሳብያ የ 3 አመት እስራት የተፈረደባቸው ቢሆንም የፈረንሳዩ የከፍተኛ የሰበር ሰሚ ችሎት 2 አመቱን አንስቶ በአንድ አመት ጽኑ እስራት ወደ ዘብጥያ እንዲወርዱ የመጨረሻ ፍርድ በመስጠት መዝገባቸዉን ዘግቷል። ከዚህም በተጨማሪ በዉሳኔው መሰረት ሳርኮዚ በሃገሪቱ ዉስጥ በሚካሄዱ ፕሬዝደንታዊ ምርጫዎች እንዳይሳተፉ ለ 3 አመታት ታግደዋል፡፡
.
ሳርኮዚ በጠበቃቸው በኩል እንደገለጹት ዉሳኔዉን የሚቀበሉ ቢሆንም ሽትራስቡርግ ወደሚገኘው የአዉሮፓ የሰብአዊ መብት ፍ/ቤት አቤት እንደሚሉ ነው ያሳወቁት፡፡ ይህ ሂደት በፈረንሳይ የቀድሞ ፕሬዝደንቶች ታሪክ እስር ይተፈረደባቸው የመጀመርያው ሰው ሆነዋል::
.
ከሚዛንና መዶሻ ይልቅ ፍትህ ማለት ይህም አይደል?!

🚩እብድ ጠፋ የምንል እብዶች ባንሆንስ!
👉ማህበራዊ ህጸጽ
~~~~~~~~~~~~~~
.
#የአቅል_አይምሮ_ትዝብት_ለrn05
.
"ሀገራችን ንጹህ የሆነችው፣ ያደገችው፣ የተመነደገችው ወይንም የበለጸገችው እኛ ወንጌላዊያን መጥተን ስለያዝናት ነው" የሚል ድምዳሜ ያለው ንግግር ከአንድ ሰባኪ ብቻ ሳይሆን ከብዙዎች መሰማት ከጀመረ ቆየት ብሏል፡፡
.
በበኩሌ ይህ ሃሳብ ምንም ችግር የለበትም ባይ ነኝ፣ ነገር ግን ችግር የሚመጣው ሃገሪቷን የምናስተዳድራት እኛ የወንጌል ሰዎች ነን ካሉ ከፊሉን ብቻ ሳይሆን ሙሉ ለሙሉ ሃላፊነቱን መውሰድ ግድ እንደሚላቸው የዘነጉ እንደሆነ ነው!

እስከቅርብ ጊዜ ድረስ በተለይ የአማራው ኤሊቶችና የቤተ ክህነት ልሂቃን "ኢትዮጵያን እኛ ሰራናት፣ በእኛ ስልጣንና አመራር ስር በቆየችበት ወቅት ሁሉ ታፍራና ተከብራ የቆየች አደረግናት፣ ህዝቡንም አሰለጠነው፣ ሌላው ቀርቶ እንዴት መብላት እንዳለበት ሁሉ አስተማርነው ወዘተ" ሲሉ ማዳመጥ የተለመደ ነበር፡፡
.
በመሰረቱ ይህም ችግር አልነበረበትም! ነገር ግን የአማራው ኤሊትና የቤተክህነት ልሂቃን እስካሁንም ሊያርቁት ያልቻሉት ችግር የገጠማቸው " እንግድያው ሃገሪቱን የሰራችሁትና የመራችሁት እናንተ ከሆናችሁ ፣ የሃገር መሪነትና አስተዳዳሪነት ከፊል ስለማይሆን፣ ጥሩ ጥሩዉን ብቻ መርጣችሁ ልትቀጥሉ አትችሉምና በሃገሪቱ ዉስጥ ለተበላሹ፣ ለጠፉ ነገሮች፣ለድህነታችን፣ ለኋላ ቀርነታችን፣ ለገባንበትና ከልጅ ልጆቻችን ለተላለፉ ምቅልቅሎቻችን በአጠቃላይ በተሰሩ ጥሩ ነገሮች እንደተኩራራችሁት ሁሉ ለተሰሩ መጥፎ ነገሮችም ሁሉ ሃላፊነቱን አብራችሁ ልትወስዱ ይገባል!" የሚለዉ ፍትሃዊ ጥያቄ በአብዮትም፣ በለዉጥም ፣በትግልም ስም ገፍቶ ሲመጣባቸው በአግባቡ መመለስ አለመቻላቸው ነው፡፡
.
እናም ወንጌላዊያን ሆይ በእናንተው ምስክርነት ደጋግመን እየሰማን እንዳለነው ዛሬ አገሪቱን የምታስተዳድሩት እንደ አንድ ኢትዮጵያዊ የፖለቲካ ማህበረሰብ አካል ሳይሆን እንደ ወንጌላዊያን ሆናችሁ ከሆነ ዛሬ ጠያቂ ባይኖርም ነገ በሃገሪቱ ዉስጥ ለተሰሩ በጎ ነገሮች ብቻ ሳይሆን ለተሰሩ ክፉ ነገሮች፣ በደሎች፣ ግድያዎች፣ አፈናዎች፣ ድህነትና ኢፍትሃዊነቶች ወዘተም የምትጠየቁት በወንጌላዊ ማንነት መሆኑን ልትገነዘቡ እንደሚገባ ነው፡፡
.
እናንተ የወንጌል ሰዎች ሆይ! ሃገር ማስተዳደር ዉስጥ እንዲህ ሃላፊነቱን በደስታና በሁካታ ወስዳችሁ እኛ ስለሆንን ሰራነው ያላችሁት በጎ ነገር ብቻ ሳይሆኑ ራሳችሁን ልትሸሽጉበት እንጂ ልትገልጹበት የማትወዷቸው ክፉ ነገሮችም እንደሚሰሩ በመገመት አካሄዳችሁን ካሁኑ ማስተካከሉ መልካም ነው ፡፡ ጠያቂ የሚመጣው ሁሌም ዘግየት ብሎ ነዉና!
.
ሀገርን ማስተዳደር ማለት ድሉንና ግዳዩን ብቻ እየመረጡ የሚለቅሙበት መስክ ሳይሆን ለእያንዳንዱ ዜጋ ደህንነትና ዋስትና እንቅልፍ የሚታጣበት፣ ለልማቱም ለጥፋቱም ሙሉ ሃላፊነቱን የሚወስዱበት እጅግ የከበደ ሃላፊነት ነው፡፡
.
እናም የተከበሩ "አገልጋይ" ሆይ የእነንትናን እስር ቤት ባዶ አድርገንና አጽድተን የራሳችንን እንደሞላነው ሁሉ፣ ምናልባት የነበሩንን እብዶች አጥፍተን የራሳችንን እብዶች እንደምንፈጥር ወይንም እንደምንተካቸው ማሳያ ባይሆኑ ለማለት ነው !
.
መቼም እብድነት ከተማ ስለቆሸሸ የሚመጣና ከተማ ስላማረና ስለሰፋ ብቻ ብን ብሎ የሚጠፋ አይደለም! ይልቁንም የተለያዩ የማህበራዊና የስነ አይምሮ ችግሮች የሚያመጡት ፣በተለይ እንደኛ ባሉ ሀገራት ደግሞ ድህነቱም ተጨምሮ የሚፈጥረው ነው ብዬ ከእርሶ ጋር መሟገት የእርሶን ምድራዊና "መለኮታዊ " እውቀቶን መዳፈር ነዉና በዚሁ ልተወው!
.
ይሄው ነው
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

ያልሆነውን መልአክ ካደረከው በዃላ ሰይጣን ሆነብኝ ብትል፣ የሰየጠንከው አንተው ሆነህ እንደሁ? ትባላለህ!
~~~~
#የአቅል_አይምሮ_ትዝብት_ለrn05
.
ያኔ መርህ ይኑር! የሀገራት ግንኙነት በሀገራዊና ህዝባዊ ጥቅሞች ላይ እንጂ በግል ፍላጎት ሊመራ አይገባም ስንል.. "ኢሱን የተቸ የኢትዬጵያ ጠላት ነው! " ያሉን፣ ሙሉ ስማቸውን እንኳ መጥራት መዳፈር እየመሰላቸው "ኢሱ" ሲሊ የነበሩ፣ እንዲሁም " ኢሱ ከማንም በላይ በኢትዬጵያ ፍቅር እንቅልፍ ያጣ ነው!" ሲሉን የነበሩ ሁሉ ምነው አሁን ኢሳያስ አፈወርቂን አያሳየን አሉሳ!
.
እንዲሁም ሰውየው ቶሎ ቶሎ ወደ ኢትዬጵያ ካልተመላለሱ ምነው ጠፉ ለማለት ይዳዳቸው የነበሩት ካድሬዎች፣የወቅቱ ተከፋይ አክቲቪስቶችና ኢሱን ካላሳዩ በቀር ዝግጅቶቻቸው የማይደምቁላቸው የነበሩት መጠየቅ የተሳናቸው የመንግስት ሚድያዎች ምነዋ ዛሬ ላይ ሰውየውን ያልወገረ የሀገር ጠላት አሉሳ!
.
ጎበዝ ስንወድም በመርህና በልኩ፣ስንጠላም በመርህና በልኩ ቢሆን አይሻልምን? መውደድም መጥላትም በዘመቻ ሲሆን አደጋ አለውና!!!
.
አየህ! ያልሆነውን መልአክ አድርገህ ስታበቃ ሰየጠነብኝ ብትል፣ የሰየጠንከው አንተው ሆነህ እንደሁ? ትጠየቃለህ፣ትመረመራለህ። ምክንያቱም ያንተ የተጣደፈ ወይንም ትክክል ያልሆነ ፍላጎት ካልሆነ በቀር መልአክም ሆነ ሰይጣን ሁለቱም እጅግ ተቃራኒ የሆነውን ባህሪያቸውን ላንተ ሲሉ አይቀይሩምና!

🚩መሬት ከሌላ አለም በመጡ አካላት እየተጎበኘች ነዉን? ይህን ያምናሉ? አያምኑም?ለምን?
~~~~~~~~~~~~~~~~~~~~~~~~
#የአቅል_አይምሮ_ትዝብት_ለrn05
.
ሰሞኑን "መሬት ከሌላ ሶላር ሲስተም በመጡ አካሎች እየተጎበኘች ነው!" የሚል ዜና እየተናፈሰ ይገኛል! "በቅርቡም የሰው ልጆችና ከሌላ ሶላር ሲስተም የመጡ አካሎች በግልጽ ግንኙነት ይጀምራሉ!" የሚሉ ገለጻዎች በሰፊው እየተነገሩ ነው፡፡
.
ሰሞኑን በኒውጀርሲና በሌሎች የአሜሪካ ከተሞች፣ በህንድ፣ በቻይና ፣ በእንግሊዝ ታዩ የተባሉ ለየት ያሉ በራሪ አካላት እጅግ መነጋገርያ ሆነዋል፡፡
.
አልፎ አልፎ ስለ UFO ወይንም በራሪ አካላት መኖር መረጃ አለን የሚሉ ጥቂት ግለሰቦች ምስክርነታቸዉን ቢሰጡም ሳይንቲስቶችና ለጉዳዩ ቅርበት ያላቸው የሰሜን አሜሪክና የምእራቡ አለም ፖለቲከኞች በመሬት ላይ ካለነው ከሰው ልጆች ዉጭ ሌላ ህይወት ያለው ፍጡር የለም ሲሉ መቆየታቸው ይታወቃል፡፡ አሁን ደግሞ የተገላቢጦሹ ዋና አጀንዳ ሆኗል፡፡
.
በዚህ ጉዳይ እርሶ ምን ያስባሉ? ከእምነትዎ አኳያስ ምን አይነት አስተምህሮቶች አሉ? በርግጥም ከመሬት ሌላ ባሉ በሶላር ሲስተማችንም ዉስጥ ሆነ ከእኛ ሶላር ሲስተም ዉጭ ሌሎች ፍጡሮች ያዉም ከሰው ልጆች በላይ የረቀቁ አሉ ብለው ያምናሉ?

ይጻፉልን!! . @followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

https://www.youtube.com/playlist?list=PLxBKcHPbDDbXYdlfTiLtRNKYmM4L8TPkS

አቶ ታዬ ደንደአ በዋስ ከተለቀቁ በኋላ ከማረሚያ ቤት በር ‘ወዳልታወቀ ሥፍራ’ መወሰዳቸውን ባለቤታቸው ተናገሩ
~~~~~~~~~~~~~~~~
#RN05
ፍርድ ቤት ከእስር በዋስ እንዲለቀቁ የፈቀደላቸው የቀድሞው የሰላም ሚኒስትር ዲኤታ አቶ ታዬ ደንደአ ከማረሚያ ቤት ከወጡ በኋላ በፀጥታ ኃይሎች ተይዘው ወደማይታወቅ ቦታ መወሰዳቸውን ባለቤታቸው ለቢቢሲ ተናገሩ።
አቶ ታዬ ደንደአ በዋስ እንዲለቀቁ ፍርድ ቤት መወሰኑን ተከትሎ ዛሬ ረቡዕ ከሰዓት በኋላ ከቂሊንጦ ማረሚያ ቤት ቢለቀቁም ከበር ላይ ‘በደኅንነት አባላት እና የፌደራል ፖሊስ መለያ በለበሱ ኃይሎች’ መወሰዳቸውን ባለቤታቸው ወ/ሮ ስንታየሁ ዓለማየሁ ገልጸዋል።
.
የቀድሞ የሰላም ምክትል ሚኒስትር እና የኦሮሚያ ክልል ምክር ቤት አባል አቶ ታዬ ደንደአ በዋስ እንዲለቀቁ የወሰነው የፌደራል ጠቅላይ ፍርድ ቤት ሰበር ሰሚ ችሎት ሰኞ፣ ኅዳር 23/ 2017 በዋለው ችሎት ነው።
ዛሬ ኅዳር 25/2017 አቶ ታዬ በዋስ ይለቃቀሉ በሚል በቂሊንጦ ማረሚያ ቤት ሲጠባበቁ እንደነበረ የተናገሩት የአቶ ታዬ ባለቤት ወ/ሮ ስንታየሁ ለቢቢሲ እንደገለጹት፣ ባለቤታቸው “እስካሁን ወዳላወቁት ሥፍራ” ተወስደዋል።
ከሰዓት በኋላ ወደ 11 ሰዓት ገደማ ላይ አቶ ታዬ ከቂሊንጦ ማረሚያ ቤቱ በር ላይ መወሰዳቸውን እና እስካሁን ድረስ ወደየት እንደተወሰዱ ማወቅ እንዳልቻሉ ተናግረዋል።
.
“ሰኞ በዋለው ችሎት ይግባኝ ብሎ ስለነበር በ20 ሺህ ብር ዋስ እንዲለቀቅ እና ጉዳዩን ከውጭ ሆኖ እንዲከታተል ተወስኖለት ነበር። ለአንድ ዓመት ተለያይተን ስለነበር ጓጉተን ስንጠብቀው ነበር” ብለዋል ወ/ሮ ስንታየሁ።
አቶ ታዬ ከማረሚያ ቤቱ ከመውጣታቸው በፊት በአካባቢው “ሲቪል የለበሱ እና ማስክ ያደረጉ ሁለት የደኅንነት አባላት እንዲሁም ሌሎች የታጠቁ ሰዎችም ነበሩ። የፌደራል ፖሊስ ዩኒፎርም የለበሱም ነበሩ” ያሉት ባለቤታቸው “ተለቆ ከቂሊንጦ ማረሚያ ቤት በር ሊወጣ ሲል ውጭ ላይ የነበሩት ያዙት” ሲሉ የተከሰተውን ለቢቢሲ አስረድተዋል።
.
አቶ ታዬ ከጠዋት 5 ሰዓት አንስቶ በዋስ ለመውጣት ሲጠባበቁ እንደነበር የገለጹት ባለቤታቸው፣ እሳቸው እና የተቀረው ቤተሰባቸው ማረሚያ ቤቱ ደጃፍ ላይ ሲጠባበቅ “ሲቪል የለበሱና ማስክ ያደረጉት ሁለት የደኅንነት አባላት ሲገቡ እና ሲወጡ፣ በስልክ በተደጋጋሚ ሲነጋገሩም እያየን ነበር” ብለዋል።
አክለውም “ከእኛ ቀድመው ነው በፍጥነት ሄደው ደርሰው የያዙት። ሲይዙት ግብግብ ነበር” ብለዋል። “ለዚህ እንደተዘጋጁ የሚያሳዩ ብዙ እንቅስቃሴዎች ስለታዘብኩ፣ በሕግ አምላክ ይሄ ሰው ሊያመልጥ አይደለም፤ በዋስ ወጥቶ ጉዳዩን ከውጭ ሆኖ ሊከታተል ነው። እናንተም ከኢትዮጵያ ሕዝብ ነው የወጣችሁት፣ አታንገላቱን ወዴት እንደሚሄድ ንገሩን ብንል ምላሽ አላገኘንም” ሲሉ ገልጸዋል።
.
አቶ ታዬ ‘በፓትሮል መኪና’ እንደተወሰዱ የገለጹት ወ/ሮ ስንታየሁ “አሁን የት እንዳለ አላውቅም። እዚ ነው ያለው መጥታችሁ መጠየቅ ትችላላችሁ ያለንም አካል የለም” ብለዋል። አቶ ታዬ ወዴት እንደሚወሰዱ ቢጠይቁም “በጥድፊያ ነው የወሰዱት፤ አንዱን ስጠይቅ ‘ወዴት እንደምንወስደው አናውቅም፤ ይዛችሁት ኑ ነው የተባልነው’ አሉኝ። ‘ለሌላ የሕግ ጉዳይ ይፈለጋሉ’ የሚል አንድ ቃል ብቻ ከፖሊስ ሰምቻለሁ። ጠመንጃ የያዙት ሁለቱ ግን ግብግብ ነው የጀመሩት” ሲሉ አስረድተዋል። አቶ ታዬ በወቅቱ “ምንድን ነው የሆነው ነገር? ወዴት ነው የምሄደው?” ብለው ሲጠይቁ እንደሰሙና ምላሽ ግን እንዳልተሰጣቸው ተናግረዋል። “የቂሊንጦ ማረሚያ ቤት የፍርድ ቤትን ትዕዛዝ አክብሮ ለመልቀቅ ቢወስንም የያዙት አካላት ከውስጥ መረጃ እየተከታተሉ ነበር። የተሰጠው ወረቅት እንኳን ምን እንደሚል በውል ሳያነብ እና ሳይረዳ በቅርብ የነበረው ፓትሮል ውስጥ እየተገፈተረ ሄደ” ብለዋል።
.
ወ/ሮ ስንታየሁ አያይዘውም “የሕግ አካል እጅ ከሆነ ያለው ሊደወለልን ይችላል ብለን እናስባለን። ካልሆነ ደግሞ አድረን እንፈልጋለን” ብለዋል።
የፌደራል ጠቅላይ ፍርድ ቤት ሰበር ሰሚ ችሎት አቶ ታዬ ደንደአ 20ሺህ ብር የዋስትና ገንዘብ በማስያዝ ወይም በዋስ እንዲፈቱ ብያኔ ማሳለፉ ይታወሳል።
ባለፈው ዓመት ከሥልጣን ከተነሱ በኋላ ለእስር የተዳረጉት አቶ ታዬ፣ ሁከትና ብጥብጥ በማነሳሳት፣ ፀረ-ሰላም ኃይሎችን በመደገፍ እንዲሁም የጦር መሣሪያ ሕጉን በመተላለፍ ወንጀሎች ተከሰው ነበር። የፌደራል ከፍተኛ ፍርድ ቤት ልደታ ምድብ 1ኛ የሕገ መንግሥትና ሕገ መንግሥት ላይ የሚፈጸሙ ወንጀሎች ችሎት ከዚህ ቀደም ከሦስቱ ክሶች መካከል በሁለቱ፣ ሁከት እና ብጥብት በማነሳሳት እና የፀረ- ሰላም ኃይሎችን ድጋፍ ማድረግ ክሶች በነጻ አሰናብቷቸው ነበር።
.
የጦር መሣሪያ ወንጀሎችን በተመለከተ የቀረበባቸውን ክስ እንዲከላከሉ ፍርድ ቤቱ በዚያኑ ችሎት ውሳኔ ያሳለፈ ሲሆን አቶ ታዬ ጉዳዩን እናውቃለን የሚሉ አምስት የመንግሥት ባለሥልጣናትን ለምስክርነት ጠርተው ነበር።
በምስክርነት ካቀረቧቸው መካከል በቅርቡ ከኃላፊነታቸው የተነሱት የቀድሞው የሰላም ሚኒስትር አቶ ብናልፍ አንዷለም እና የፌደራል ፖሊስ ምክትል ኮሚሽነር መላኩ ፈንታ ምስክርነታቸውን መስጠታቸው ይታወሳል። በቀሪዎቹ የመንግሥት ባለሥልጣናት ምስክርነት ለመስማት ፍርድ ቤቱ ለታኅሣሥ 3/2017 ተለዋጭ ቀጠሮ ሰጥቷል።
.
አቶ ታዬ በምስክርነት ቀርበው ያስረዱልኝ ካሏቸው መካከል የአገሪቱ ጠቅላይ ሚኒስትር ዐቢይ አሕመድ እና የአዲስ አበባ ከንቲባ አዳነች አቤቤ ይገኙበታል።
ዐቃቤ ሕግ በአቶ ታዬ ደንደአ ላይ ሦስት ተደራራቢ ክሶችን የመሠረተው ባለፈው ዓመት ሚያዚያ 2016 ዓ. ም. ነበር።
.
አቶ ታዬ ባለፈው ዓመት ታኅሣሥ ወር መጀመሪያ ላይ በተደረገባቸውም ክትትል መንግሥት ሸኔ እያለ ከሚጠራው የኦሮሞ ነጻነት ሠራዊት አመራሮች ጋር ግንኙነት በመፍጠር “መንግሥትን ለመጣል ሲያሴሩ” በቁጥጥር ሥር መዋላቸውን የፀጥታ እና ደኅንነት የጋራ ግብረ ኃይል መግለጹ ይታወሳል። አቶ ታዬ በአገሪቱ ስላለው የሰላም ሁኔታ እና በመንግሥት ውስጥ ስላሉ ጉዳዮች ለመገናኛ ብዙኃን በመናገር እንዲሁም በማኅበራዊ ሚዲያዎች ላይ ሐሳባቸውን በመግለጽ የሚታወቁ ሲሆን፣ በአገሪቱ የሚካሄደውን ግጭት በተመለከተ ከቢቢሲ ጋር ባደረጉት ቃለ ምልልስ ላይ መንግሥትን ከተቹ በኋላ በጠቅላይ ሚኒስትሩ ከሥልጣናቸው ተሰናብተዋል።
ይህንንም ተከትሎ በማኅበራዊ ሚዲያ ገጻቸው ላይ ጠቅላይ ሚኒስትር ዐቢይ አሕመድ ላይ ጠንከር ያለ ትችት እና ክስ በሰነዘሩበት ምሽት በፀጥታ ኃይሎች ከቤታቸው ተወስደው አንድ ዓመት ለሚጠጋ ጊዜ በእስር ላይ ቆይተው ነው በፍርድ ቤት ውሳኔ በዋስ ሊወጡ የነበረው።

ስትጠብቁት የነበረው የቡሃራ ድንቅ ጉዞ እነሆ ተጋበዙ!!
RN05||ቡሃራ(#BUHARA)የማይታመኑ ጥንታዊ ዉብ መስጂዶችና መድረሳዎች አምባ፣ የታዋቂው የሃዲስ ሊቅ የአልቡሃሪ ከተማ የ#RN05 ባልደረባ ጉብኝትና ቅኝት2 https://youtu.be/lHs7xwARDGM
#RN05

ብልጽግና 5ኛ አመቱን አከበረ ፣በበአሉም ላይ ጠቅላያችንም አሉ
🚩የዛሬ 5 አመት!!
👉ንትርክ የምናቆምበት፣ጥርጣሪ የሚጠፋበት
👉ወንድማማች የምንሆንበት
👉መገዳደል የሚቆምበትተባብሮ የሚሰራበት
👉ኢትዮጵያ ዉስጥ መንቀሳቀስ፣ መስራት፣መፍጠር የማይከለከልበት
👉ሰው በዘሩና ሃይማኖቱ የማይገለልበት ፣
👉ሰው በሰዉነቱ የሚከበርበትና የሚወደድበት
👉ኢትዮጵያዊነት ብርቅ፣ ፍቅርና ከፍታ የሚሆንበት
👉ኢትዮጵያዊነት የሚያሳፍርና የምንናቆርበት ሳይሆን የምንወደዉና የምንኖረው ብሎም የምንሰራው የሚሆንበት አይነት ትርክት ኢትዮጵያ ዉስጥ ይገነባል!
---
መቼ? 👉 የዛሬ 5 አመት!!
----
እኔም አልኩ 👉 እስከዛስ ድረስ? አሁን በምን አይነት ትርክት ምን አይነት ኑሮ እየኖርን ነው? ይህስ ትርክት እስከሚቀጥለው 5 አመት እንድንኖርበት እየተጋበዝን ነዉን?
እነዚህ ፋታ የማይሰጡና ህዝባችንን እየፈጁ ያሉ ችግሮች መሬት ላይ ወርደው እለት ተእለት እያየናቸው ያሉ ነባራዊ እዉነታዎች እንጂ ተራ ትርክቶች ባለመሆናቸው ፓርቲያቸው እነዚህን ችግሮች ለመቅረፍ ዛሬዉኑ መነሳቱን ለምን አልነገሩንም?
ብሎ የጠየቀ አልሰማሁም?ወይንስ እኔም መጠየቅ አልነበረብኝም?!!
#የአቅል_አይምሮ_ትዝብት_ለrn05

ውድ ቤተሰቦቻችን ሆይ!! ይህንን የቻናላችንን ሊንክ 👉t.me/RNZeroFive  ለወዳጆቻችሁ ሁሉ በመላክ እንዲቀላቀሉን አድርጉ!

ሌላ ድንቅ ቅኝት ከሰሞኑ!
~~~~~~~~~~~~

በሱኒ እስልምና ታሪክ ውስጥ በጣም ወሳኙ የሀዲስ ሊቅ ተብሎ በሰፊው የሚነገርለት ሙስሊም ሙሃዲስ ነው - አል-ቡካሪ። ነባር ስራዎቹ ሳሂህ አል-ቡኻሪ፣ አል-ታሪክ አል-ከቢር እና አል-አዳብ አል-ሙፍራድ የተባሉትን የሐዲሥ ስብስቦችን ያካትታሉ።

ታድያ የዚህ በእያንዳንዱ ሙስሊም ልብ ዉስጥና የመጽሃፍ መደርደርያ ላይ የማይጠፋው ታላቅ ሊቅ ሀገርና ከተማ የት ነው? ባልደረባችን ባደረገው የኡዝቤክስታን ጉዞው የሙሃዲሱን ትዉልድ ሃገርና ከተማ ጎብኝቶ ለእናንተም የሚያስጎበኝበትን ዝግጅት ጨርሷል፡፡

ልክ ባለፈው #ሳማርካንትን እንዳስቃኘናችሁ ሁሉ ( https://youtu.be/EbzWcXlXPn8 ) የሙሃዲስ አል ቡሃሪም ከተማ ከነታሪኩ ከሰሞኑ ወደ እናንተ ይደርሳል!

ዝግጁ _????

የ #RN05 ቅኝት

🚩የሸይኻ ፋጡማ አይነ-ስውራን አዳሪ ትምህርት ቤት ዳይሬክተር ሙስሊም ተማሪዎችን ሰብስበው አነጋገሩ የሚል ቀልድ
~~~~
#የአቅል_አይምሮ_ትዝብት_ለRN05
_________

ኢ ፍትሃዊነትን ለጊዝያዊ እሽታ የሚለዉጥ ማህበረሰብ በረጅም ጊዜ መዋቅራዊ በደል ደጋግሞ ይጠቃል፡፡
__________

በሸይኻ ፋጡማ አይነ-ስውራን አዳሪ ትምህርት ቤት እየሆነ ያለው በአጭሩ
.
👉ትምህርት ቤቱ በኢሚሬትስ ንጉስ እናት በጀት አማካኝነት ተመሰረተ""
👉ማየት ለተሳናቸው ኢትዮጵያዊያን ሁሉ ክፍት ተደረገ
👉የትምህርት ቤቱ ስም በሩ ላይ "ሼካ ፋጢማ" ግቢ ዉስጥ ደግሞ "ብርሃን" ተብሎ ተሰየመ
👉እንደተለመደው ሙስሊም ተማሪዎች ተመርጠው ሰላትና ሂጃብ ተከለከሉ
👉ተማሪዎች አቤቱታ አቀረቡ ሙስሊሙ ማህበረሰብ ቁጣዉን ገለጸ
👉የትምህርት ቤቱ አስተዳደር ይባስ ብሎ በር ላይ ቆመው ሂጃብና መስገጃ ምንጣፍ መቀማት ጀመሩ
👉ሂጃብና ሰላት የመማር መብቴን ሊቀማ አይገባም ይህንንም እድል ስለማላገኝ ማንነቴና እምነቴ ተጠብቆ መማር እችላለሁ ያሉትን ተማሪዎች በእርዳታ ገንዘብ እንጂ ራሳቸው ካልገነቡት ትምህርት ቤት አፈናቀሏቸዉ
👉ይሄ ሂጃብና ሰላት እርም የተደረገበትን ትምህርትን ቤት የጠቅላይ ሚንስትር አብይ ባለቤት፣ ከመከታተል አልፈው ከኮርያ የሙዚቃ ባንድ አምጥተው የሚያስዘፍኑበት ወይንም የሚያዘምሩበት ቦታ ሆነ ( https://shorturl.at/MOAkZ )
👉ሙስሊሙ ጩኸት ሲያበዛና ጥያቄዉን ማቅረብ አልተው ብሎ መጅሊሱን ሲያስጨንቅ መጅሊሱ ለከተማዋ ከንቲባ ጉዳዩን አቀረበ፡፡
👉ከንቲባዋም ጉዳዩ ተጣርቶ እልባት ያገኛል አሉ፣ ይህንን ባሉ ማግስት የትምህርት ቤቱ ዳይሬክተር ልክ ይሄ ሁሉ ወንጀል የተፈጸመው በእሳቸው አስተዳደር ዉስጥ ያልሆነ ይመስል ሙስሊም ተማሪዎችን ሰብስበው ይቅርታም ሳይጠይቁ ምንም የማያዉቁ መስለው ከዛ ይልቅ ባለዉለታ ሆነው ብቅ አሉ "በቃ መስገጅ ትችላላችሁ" አሉ
👉በትንሹ ይረካል የሚባለው ሙስሊሙ ማህበረሰብና አክቲቪስቱም ይህንን ሲሰሙ ፈጣሪያቸውን አመሰገኑ፣ ቀጥሎም መጅሊሱን እና የከተማዉን አስተዳደር አመሰገኑ ከዛም እርስ በእርስ መመሰጋገን ጀመሩ
.
እንደተለመደው የሙስሊሙ ተቋማት ሁሌ ባለስልጣናትን ወይንም ግለሰቦችን በመለማመን በአጭር መንገድ የሚገኝና ለአጭር ጊዜ ብቻ የሚቆይ የመብት ጥየቃ ሂደት ላይ እንደሚያዘወትሩ ይታወቃል፡፡
.
እዉነተኛ መብት የሚከበረው ግን በአንድ ወቅት ሆን ብለው ሲያጠቁ የነበሩ አካላትን በጎነት በመሻትና ቃላቸዉን መተማመኛ በማድረግ አይደለም፡፡ እዉነተኛ መብት የሚከበረው ህጋዊ በሆነ መንገድ ሲኬድ ብቻ ነው፡፡
.
በመሆኑም ትምህርት ቤቱ ሙስሊም ተማሪዎችን ነጥሎ በእምነታቸው ምክንያት በማጥቃት ህገመንግስታዊ የመማር መብታቸዉን በመንጠቁ ዋነኛ ተጠያቂ ሊሆኑ የሚገባቸው የትምህርት ቤቱ ዳይሬክተር ተማሪዎቹን ሰብስበው የነፈጓቸዉን ህጋዊ መብት ምጽዋት አድርገው እንዲያቀርቡላቸው መፍቀድ ሌላ ስላቅ ነው፡፡ መሆን የነበረበት ዳይሬክተሯ እሳቸው በሚያስተዳድሩት ቅጥር ግቢ ዉስጥ ስለተደረገው የመድሎና አፓርታይድ መሰል ወንጀል ይጠየቁ ዘንድ የፍርድ ቤት መጥር ያ እንዲደርሳቸው ማድረግ ነበር፡፡
.
የዚህም ዋና ፋይዳ በመላ ሃገሪቱ የተንሰራፉ ህዝብን እንደፈለጋቸው የሚያንገላቱና የራሳቸዉን አስተሳሰብና እምነት ሌላው ላይ ያለህግ በግድ የሚጭኑ አካላት የሚሰሩት ወንጀል ሲነቃባቸው መልሰው የመብት ሰጪነትን ገጸባህሪ ለብሰው እንዲጫወቱ እድል የሚሰጣቸው ሳይሆን ፍርድ ቤት ቀርበው የሚሞገቱ መሆኑ እንዲገባቸዉና እንዲጠነቀቁ ማድረጉ ነው፡፡
.
በቀድሞ መንግስታትም ይሁን በአሁኑ የባለስልጣናት የበጎነት ስልክ እኮ ከሙስሊሞች ላይ የተገፈፉ ብዙ መብቶችን አስመልሷል! ነገር ግን እነዚህ መብቶች ህግ ሆነው እንዲቀረጹ ስራ ባለመሰራቱ ሰበብ ባለስልጣናት ባኮረፉ ወይንም በተቀየሩ ቁጥር ተመሳሳይ ወንጀሎች ሙስሊሙ ማህበረሰብ ላይ ይፈጸማል፡፡
.
ለምሳሌ ኢትዮጵያ ዉስጥ ማንኛዉም ሂጃብና ሰላት የሚከለክሉ ትምህርት ቤቶች ለምን ይህንን ታደርጋላችሁ ሲባሉ ቶሎ የሚመልሱት ተመሳሳይ መልስ "እኛ እስልምናን በመጥላት፣ ሙስሉሙንም ከትምህርት ገበታው ለመግፋት ብለን ሳይሆን የትምህርት ቤት የአለባበስ ህግ ስላለ እንዲሁም ት/ቤት ውስጥ መስገድን የሴኩላር ህግ ስለሚከለክል ነው " ብለው በዘመነ ኢህአዴግ ወቅት የወጣዉን የትምህርት ቤቶች የአለባበስና የሰላት ክልከላ ህግ ይጠቅሳሉ፡፡ ችግሩ ያለው እዚህ ጋር ነው ። የሙስሊሙ ተቋማት ይህ በወረቀት ላይ ሰፍሮ በትምህርት ሚኒስቴር ዶሴ ዉስጥ ህግ ሆኖ የተቀመጠዉን አንቀጽ ይሰረዝልን በሱ ፈንታ የተማሪዎቹን የመልበስና የመስገድ ሃይማኖታዊ መብት የሚገልጽ ግልጽ ያለ አንቀጽ ይስፈርልን የሚል ህጋዊና ለሁሌም ቦታና በሁሉም ቦታ የሚሰራ ህግ ለማስቀረጽ ከመስራት ይልቅ አሁንም እባካችሁን እያሉ በየባለስልጣናቱ ቢሮ መንከራተትና በጥሩ ግንኙነት ወይንም በመለሳለስ ግዚያዊ መፍትሄን በማስገኘት ላይ መጠመድን ዋነኛ ብልሃት ተደርጎ መያዙን ታዝበናል፡፡
.
አሁንም ቢሆን በመላ ሃገሪቱ የሚገኙ ትምህርት ቤቶች ለዘለቄታው እንዲተገብሩት የሚያስገድድ ያ ካልሆነ ግን እውቅናቸዉን የሚያስቀማ የሆነ ህግ ይረቅ ዘንድ ከህግ አዉጪው አካል ጋር ተግባብቶም ሆነ ተናንቆ መስራት ያስፈልጋል፡፡ ይህ ከሆነ ብቻ ነው በሃገሪቱ ዉስጥ ፟፟፟፟፟፟ ተማሪዎች መብታቸው የሚከበረው ያዉም ህግ ሆኖ እንኳ ለመጣስ ወደኋላ የማይሉ ሃይሎች መኖራቸው ሳይረሳ
.
ከዛ ዉጪ ግን ዳይሬክተሯ በበላይ የስልክ ጫና ሃሳባቸዉን ስለቀየሩ፣ ከንቲባዋ ጋር ጥሩ መግባባት ስላለ ጠ/ሚንስትሩ ተው እንጂ ስላሉ የህዝብ መብት በዘላቂነት አይከበርም! ለዚህም ነው "ኢ ፍትሃዊነትን በጊዝያዊ እሽታ የሚለዉጥ ማህበረሰብ በረጅም ጊዜ መዋቅራዊ በደል ደጋግሞ ይጠቃል፡" ማለቴ ! ለማለት ነው
.
ይሄው ነው
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩የሶርያ ብጥብጥ አሳድ ለሰራው ወንጀል ፍትህ ለማስፈን ወይንስ 👉
----- 👉የነዳጅ በርሜል ለማንከባለል ? ----
~~~~~~~~~~~~~~~~~~~~~
#የአቅል_አይምሮ_ትዝብት_ለrn05
.
በዩ ኤስ ኤ አማካንነት አዉሮፓዊያን ሩስያ ላይ ማእቀብ ከጣሉ በኋላ የኢነርጂ ችግር ገጥሟቸዋል፡፡ አሁን አዉሮፓዊያን ጋዝ በዉድ ዋጋ የሚገዙት ከህንድ ነው፡፡ ህንድ ደግሞ ጋዙን በቅናሽ የምትገዛውና ለአዉሮፓዊያኖች በዉድ የምትሸጠው ከሩስያ ነው፡፡ ስለዚህ ሩስያ ላይ ማእቀብ ጥለናል ምንም አይነት የንግድ ግንኙነት የለንም የሚሉት አዉሮፓዊያን የሩስያን ጋዝ እጅግ በዉድ ዋጋ በተዘዋዋሪ ከህንድ እየገዙ ይገኛሉ፡፡
.
የአዉሮፓ ጉልበት ኢንዱስትሪ ነው ፣ ኢንዱስትሪ ደግሞ ያለ ኢነርጂ የማይታሰብ ነው በመሆኑም ከሩስያ ጋር የተቆራረጡት አዉሮፓዊያን አጣብቂኝ ዉስጥ ገብተዋል፡፡ እንደዉም በአዉሮፓ ፓርላማ ዉስጥ "እየተደበቃችሁ የሩስያን ጋዝ የምትሸምቱ ሀገሮች..." እየተባባሉ መወነጃጀል ጀምረዋል፡፡ አዉሮፓ ዉስጥ ኑሮው እያሻቀበ ነው ፣ ብዙ ፋብሪካዎች የስራ ሰአት ቀንሰው በከፊል ሃይል እየሰሩ አልያም ሰራተኞቻቸዉን አባረው እየዘጉ ነው፡፡ የአዉሮፓ ፖለቲካ "የትም ፍጪው ኢነርጂዉን አምጪው " አይነት ሆኗል፡፡
.
አሜሪካን ደግሞ አዉሮፓዊያኑን የባሰ ጨምቃ መተንፈሻ እያሳጣቻቸው ነው፡፡በተለያዩ ጦርነቶች ዉስጥ እንዲገቡ አድርጋቸዋለች፡፡ አሁን ደግሞ ይባስ ብሎ የትራምፕ መመለስ የአዉሮፓ ምርቶች የአሜሪካ ገበያ ዉስጥ ከፍተኛ የቀረጥ ጭማሪ እንደሚገጥማቸው አልያም አሜሪካ ድረስ መጥተው ማምረት እንደሚገባቸው እየገለጹላቸው ነው፡፡
.
ስለዚህ አዉሮፓዊያን አሁን የኢነርጂ ጥማታቸዉን ሊያረኩ የሚችሉት ሶርያን በመቆጣጠር ነው፡፡ ሶርያ ደግሞ በዲክታተሩ አሳድ የምትመራ ሃገር ናት፡፡ አዉሮፓዊያን ግን አሳድን ማስወገድ የሚሹት ሃገሪቱን ለመታደግ፣ አሳድ ላጠፋቸው ሶርያዊያን ፍትህን ለመስጠት ሳይሆን ምስሉ ላይ እንደሚታየው ከ2012 በፊት በአብዛኛው የአዉሮፓ ሀገራት በቅናሽ ይሸምቱት የነበረዉን የሶርያ ነዳጅ ሃብት በተዘዋዋሪ ለመያዝ ያለመ እንጂ ሌላ አይደለም!
.
በዛዉም ሩስያንና ኢራንን በሶርያ በኩል ለመድፈቅም ያለመ በመሆኑ ቀጣዩ የጦርነት ቀጣና በአዉሮፓዊያን በሚደገፉ ተቃዋሚዎች አሳድን በማስወገድ አሻንጉሊት መንግስት ለማቆም የሚደረግ ትንቅንቅ ነው፡፡
.
ከወዲሁም የሚታወቀዉና ብዙ ሊባልለት የሚችለው የእስራኤል አጀንዳ ሌላኛው የመጋረጃው ጀርባ አጀንዳ ነው ለማለት ነው
.
ማስታወሻ *** የዚህ ትዝብት አላማ ከመጋረጃው ጀርባ ያለዉን የነዳጅ በርሜል እና ሴራ ማሳየት እንጂ አሳድ ሊነካ የማይገባው ጥሩ መሪ አድርጎ መሳል አይደለም፡፡ አጀንዳዉም ስለሱ ስላልሆነ በዝርዝር ስለሱ ስራዎች ማዉሳት አላስፈለገም፡፡
.
ይሄው ነው!
እናንተስ ምን አላችሁ? ጣፉና እናንብባችሁ!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩"ምርኮኞቼን እስክትመልሱ ተኩስ ላቁምና ከዛ በኋላ ልቀጥል!" ጋዛ ላይ የተያዘው የታሳሹ ናትያንያሁ ፍልስምና_!
~~~~~~~~~~~~~~
#የአቅል_አይምሮ_ትዝብት_ለrn05
.
ታሳሹ ኔታንያሁ ለጋዛ የተኩስ አቁም መዘጋጀታቸዉን ነገር ግን ጦርነቱን ሙሉ ለሙሉ ማቆም እንደማይፈልጉ ተናገሩ፡፡
.
በአለም አቀፉ የወንጀለኞች ፍ/ቤት የእስር ማዘዣ የወጣባቸው የእስራኤሉ ጠቅላይ ሚኒስትር ከሊባኖሱ ሂዝቡላህ ጋር ተገደው ከፈጸሙት የተኩስ አቁም ስምምነት በኋላ ለመጀመሪያ ጊዜ ከቻናል 14 ጋር ባደረጉት ቃለ ምልልስ በጋዛ የተኩስ አቁም ለማድረግ መዘጋጀታቸዉን ነገር ግን ጦርነቱን በዘላቂነት እንደማያቆሙ የተናገሩ ሲሆን በተኩስ አቁም ስምምነትና ጦርነትን በዘለቄታው በማቆም መካከል ልዩነት አለ ማለታቸዉን አልጃዚራ ዘግቧል፡፡
.
ብዙዎች ከተናገሩት በተቃራኒው የሚገኙ በመሆናቸው ቃላቸው አይታመንም የሚሏቸው ታሳሹ (WANTED) ጠቅላይ ሚንስትር ኔታንያሁ እስራኤል ከሃማስ ጋር የጀመረችውን ጦርነት እንደሚቀጥሉ ገልፀው በሃማስ የተያዙብን ምርኮኞቻችንን ለማስለቀቅ በሚደረገው ጥረት ተስፋ አለኝ ሲሉ እርስ በእርስ የሚጋጩ ሃሳቦችን ተናግረዋል።
.
“መልሱ ግልጽ ነው፡ እኔ የተኩስ አቁም ለማድረግ ዝግጁ ነኝ፣ ይህ ደግሞ ታፍነው የተወሰዱትን ምርኮኞች እንዲለቀቁ ይረዳል ብለን እናስባለን" ነው ሲሉ የተደመጡት።
.
በአለም ፍርድ ቤት የጦርና በሰዉ ልጅ ላይ በተደረገ ወንጀል ወንጀለኛ ተብለው የተፈረጁት ናታንያሁ ሁሌም ጋዛን በተመለከተ የሚከተሉት የተኩስ አቁም ስምምነት ህሳቤ " ታፍነው የተወሰዱብን ዜጎች እስኪመለሱልን ድረስ ተኩስ እናቁምና ከዛ በኋላ ግን ተኩሱንም ሆነ ግድያዉን እንቀጥላለን " የሚል በመሆኑ ምክንያት በዚህ ያልተስማማውና ዘላቂ የጦርነት ማቆም ስምምነትን ከሚጠይቀው ሃማስ ጋር ከአንድ ጊዜ በላይ ታጋቾችን የማስመለስ ስምምነት ላይ መድረስ ሳይችሉ ቀርተዋል፡፡
.
በተራዘመው ጦርነትም ፍልስጤማዊያን ላይ ከሚደርሰው የጅምላ ፍጅት ባሻገር በእስራኤል ጦር አማካኝነት በየጊዜው ጋዛ ዉስጥ በሚወሰደው እርምጃ ምርኮኞቹም እየተገደሉ መሆኑ በመሰማቱ ስጋት ያደረባቸው የታጋች ቤተሰቦች በመላ እስራኤል ያማያቋርጥ ተቃዉሞ በማሰማት ናታንያሁ ከሃማስ ጋር ቋሚ የተኩስ አቁም ስምምነት እንዲያደርጉና ታጋች ቤተሰቦቻቸዉን እንዲያመጡላቸው መወትወታቸዉን ቀጥልዋል፡፡ ይህም የእስራኤልን መንግስት እረፍት የነሳ ገፊ ሃይል ከመሆኑም ባሻገር ታሳሹ ጠ/ሚንስትርና መንግስታቸው ከፍልስጤም ባሻገር ከሊባኖስ ፣ ከሶርያ፣ ከኢራቅ፣ ከየምንና ከኢራን ጋር የሚያደርጉት ዘርፈ ብዙ ጦርነት እስራኤል በሃገሪው ብቻ ሳይሆን በአለም አቀፍ ደረጃም ከፍተኛ ዉግዘት እያስከተለባት መሆኑ፣ ይህንንም ተከትሎ በሃገር ዉስጥ ያለው የሰላም ብቻ ሳይሆን የኢኮኖሚም ሁኔታ እጅግ በጣም በመናጋቱ በጦርነት ፍላጎቱን ማሳካት ያልቻለው የእስራኤል መንግስት ወደ ሰላም ከመምጣት ዉጪ ብዙ አማራጮች እንደሌሉት ተንታኞች ይናገራሉ፡፡
.
ለወትሮው ጦርነት ማቆምን በፍጹም ስትቃወም የነበረችዉና በተመድ መድረኮችም በዩ ዬስ ኤ አማካኝነት ሃሳቡን ዉድቅ ስታስደርግ የነበረችው እስራኤል በሊባኖስ አሳካዋለሁ ያለቻቸው አጀንዳዎች አንዳቸዉንም ሳታሳካ አስገዳጅ በሆነ ሁኔታ አሁንም በዩ ዬስ ኤ አማካኝነት ወደ ተኩስ አቁም ስምምነት ሰሞኑን መምጣቷ ይታወሳል፡፡
.
ይህንኑ ተከትሎም ተፈላጊው ጠ/ሚንስትር በጋዛም ይህንኑ የተኩስ አቁም ስምምነት ከመድገም ዉጭ አማራጭ የላቸዉም ሲሉ ለጉዳዩ ቅርበት ያላቸው ተንታኞች ሲናገሩ መስማት የተለመደ ሆኗል፡፡ ያም ሆኖ ሌሎች ደግሞ በሊባኖስ ባጡት ድል ለተበሳጩት ለሳቸዉና በዙርያው ላሉ አክራሪ ባለስልጣናት ከአጣብቂኝ ለመዉጣት ጋዛ ላይ የበለጠ በትራቸዉን ሊያሳርፉባት ይችላሉ ሲሉ ተደምጠዋል፡፡
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩ጎበዝ እንደ ሀገር ተርበናል እንዴ? ወይንስ ሟርት ይሆን?
❓ለመሆኑ በአለም አይን ረሃብ ማለት ምንድ ነው?
~~~~~~~~~~~~~
#የአቅል_አይምሮ_ትዝብት_ለRN05
.
በ1977 ተርበን ስናበቃ አለም ከንፈሩን ሲመጥብን፣ የቻለዉንም በበጎ አድራጎቶች በኩል ሲጥልልን ነበር፡፡ ከዛም አልፎ አሉ የሚባሉ ሙዚቀኞች "እኛ የአለም ህዝብ ነን" የሚል ቃና ያለው ዜማ በስማችን አቀንቅነው ዳጎስ ያለ ፈረንካ ለምነዉልን ነበር፡፡
.
ጊዜ ያመጣዉን ጊዜ አረጋጋዉና የሞተው ሞቶብን ፣ የተፈናቀለው ተፈናቅሎብን ሲያበቃ እንደሃገርና እንደህዝብ ድህነታችን ባይቀረፍም ረሃባችን ፋታ አገኘ! ታድያ ያኔ ለምን ተራቡ አላችሁን? ለምን ከንፈር መጠጣችሁብን? ለምንስ ፈረንካና እህል በስማችን ሰበሰባችሁልን? ለምንስ አዜማችሁልን ወይንም ዘፈናችሁብን? አላልንም
.
ይልቁኑም እኛ የ3ሺ ዘመን ስልጣኔና ታሪክ አለን የምንል ህዝቦች በደርግ መንግስት አስተባባሪነት በተራችን የኛኑ ዜመኞቻችንና ለእስክስታዉም ትክሻሞቻችንን ልከን አለሙን ሁሉ "እህል ይስጥልን! ቤታችሁን ጥጋብ ያድርገው! እኛ ያየነዉን ረሃብ አያሳያችሁ!" የማለትን ያህል በቃልም በዳንኪራም ምስጋና አቀብን! "ህዝብ ለህዝብ ደራሽ ነው!" ብለን!
.
እነሆ አሁንም ከዘመናት በኋላ ተርበዋል፣ ተጠምተዋል ብለው አዜሙብን አሉ!
ይህንን የሰማው መንግስታችንም መቆጣቱን ሰማን! ጠቅላያችንም "እኛን ረሃብ አይገልጸንም!" ማለታቸዉን ስንሰማ ለመሆኑ ተርበናል እንዴ? እየተባባልን እርስ በእርሳችን መጠያየቅ ገባን!
.
ጎበዝ አልተራብንም እንዴ? ወይንስ ተርበናል?! ከተራብን ቢዜምብንስ?! ካልተራብን ግን ለምን?!
.
ለመሆኑ በየዘመናቱ ረሃብ ማለት ምን ማለት ነው? ቆዳ ከአጥንት ጋር ተጣብቆና አልላቀቅም ብሎ በዛው መከንቸር ብቻ ነው?! ወይንስ ረሃብ ማለት ኑሮን አለመቻል? ሰርቶ ደሞዝ አለማግኘት?! መኖር ብልሃቱ ጠፍቶብን እንበላው ፣እንለብሰው ፍለጋ ቢሻው ብን ብለን እንለቅ በሚል በየብሱም በባህሩም መሰደድ ይሆን? ቪኪፒድያ ረሃብ ማለት መልከ ብዙ መሆኑን ያብራራና በአጭሩ ሲጠቀልለው ከላይ እንደተባለው ቆዳና አጥንት ደረጃ ሳያደርሰው በአጭሩ "ረሃብ ማለት ጤናማ ሆኖ በህይወት ለመኖር የሚያስችለዉ ምግብ እጥረት!" ነው ይለዋል፡፡ ልብ አድርግ ይላስ ይቀመስ ማጣት አላለዉም ይልቅ እጥረት ነው ያለው! ስለዚህ አለም ረሃብተኛ ብሎ ሲል እኛ እንደምንተረጉመዉና ቢያንስ 77ን እንደምናስታዉሰው ቆዳና አጥንቱ ተጣብቆ የሞተዉን ማለቱ ሳይሆን ወፍራምም ሆኖ ግን የምግብ እጥረት ያለበትን ማለቱ ነው፡፡
.
እናም እኛ አልተራብንምም፣ ተርበናልምም ከማለቴ በፊት ለመሆኑ ዘመናዊው ረሃባችን ምን ያህል የጠና ይሆን? ስል የአለም ሃገራት የረሃብ ሰንጠረዥን ለመቃኘት ወደድኩ፣ ታድያ እንደሰንጠረዡ ከሆነ ሃገራችን በጥጋብ ከተወዳደሩ 127 ሃገራት 102ኛ ነች ሲል የ 2024 መረጃዉን ዘረገፈልኝ ፣ ይህ ማለት ነገሩን ብንገለብጠው በጠኔ ወይንም ረሃብ ከተወዳደሩ 127 የአለም ሃገራት ዉስጥ 25ኛ ነን እንደማለት ማለት ነው፡፡ እንደሰንጠረዡ ከኛ የባሱ 24 ረሃብተኞች ሀገራት አሉ ማለት ነው፡፡
.
እንዲሁም መረጃው እንደፈረንጆቹ ከ 2016 ጀምሮ እስካሁን ማለትም ላለፉት 8 አመታት የጠኔም ሆነ የጥጋብ ደረጃችን ያልተቀየረ መሆኑን ነው የሚያሳየው!
.
እንግዲህ ብንቆጣም ፣ ብንቀጣም በመረጃ በመሆኑ መረጃዉን አይተን አልተራብንም ብለን መደሰት፣ የመጨረሻ 127ኛ አልሆንምም ብለን መጽናናት አልያም እንዴት ከኛ የባሱ 24 ሃገራት እያሉ ያዜሙብናል ብለን መቆጣትም የእኛው ፈንታ ነው!
.
እናም ካልተራብን አለም ሁሉ መጥገባችንን መስማቱና ማየቱ አይቀርምና አልተራብንም ብሎ ከማኩረፍ ባናገሳባቸዉም በልቶ ማሳየቱ የተሻለ ይመስለኛል ለማለት ነው
ይሄው ነው!
.
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

.

🚩ይህ መንግስት ከህዝቡ ጋር ክፉኛ መጣላቱን ከሚገልጹ ማሳያዎች አንዱ ነው!
👉ኢፍትሃዊነት ለጊዜው የማይታይ- ስር ለስር የሚሄድ ጎርፍ ነው
~~~~~~~~~~~~~~~~~~
#የአቅል_አይምሮ_ትዝብት_ለRN05
.
" በኮሪደር ልማቱ ራሳቸውን ያጠፍት አባት ታሪክ " (ጠበቃቸው እንደተናገሩት)
.
አርብ እለት ፒኮክ መናፈሻ አካባቢ አትክልት በማምረት ስራ የሚተዳደሩ ቤተሰቦች እና ልጆቻቸው ቢሮዬ መጡ።'ሰፈሩ ለልማት ሊነሳ ነው እየተባለ ነው።ከወላጆቻችን ዘመን ጀምሮ በአካባቢው ለ73 አመታት ቆይተናል።ድንገት ተነሱ ብንባል ምን ይዋጠን!?' አሉኝ።
.
'መጀመሪያ የምትሄዱበትን ቦታ ማመቻቸት የመንግስት ግዴታ ነው።ያ ሳይሆን ለማስነሳት እንቅስቃሴ የሚደረግ ቢሆን ለፍርድ ቤት አቤቱታ አቅርቤ እግድ እንዲሰጣችሁ አደርጋለሁ!' ብያቸው ተለያየን።ቅዳሜ ጉዳዩ የሚታይበትን አግባብ ሳዘጋጅ ዋልኩ።
.
እሁድ ጠዋት ደወሉልኝ ።ከቤተክርስትያን ስንመለስ ቤታችን እየፈረሰ አገኘነው አሉ። ከባልደረባዬ ጋር ሄድን ።አይዟችሁ ብለን መትረፍ የሚችለውን ለማስቆም እንሞክራለን አልናቸው ።እስከ ማታ ለሰብአዊ መብት ኮሚሽን ጨምሮ ለሚመለከታቸው አካላት የህግ አቤቱታዎችን ስናዘጋጅ አመሸን።
.
ሰኞ ጠዋት ኮሚኒቲው ህጋዊ የህብረት ስራ ማህበር ያላቸው በመሆኑ በማህበራቸው ስም ሊቀመንበሩ አቶ ዱላ ኑርጋ ውክልና እንዲሰጡን ተነጋገርን።ትላንት ከሰአት ሊቀመንበሩ የጠበቃ ውክልና ለመስጠት የማህበሩን የመመስረቻ ጽሁፍ ስላጡት ለማክሰኞ ጠዋት እንደሚሰጡን ተነጋገርን ።
ዛሬ ጠዋት አቶ ዱላ ከቤታቸው ሲወጡ የማህበሩ አባላት ሰፈር ውስጥ ለማፍረሻ የመጣ ዶዘር ቆሟል።ሌሎች አባላቶች ለኛ ውክልና ለመስጠት ውልና ማስረጃ እየጠበቋቸው ነው።አብራቸው ከቤት የወጡትን ባለቤታቸውን ' መጣሁ እየሄድሽ ጠብቂኝ !' ብለዋት ወደ ቤት ተመለሱ።በአንዲት ቀጭን ሲባጎ እራሳቸውን አንጠልጥለው ተገኘ።
.
ዛሬ ጠዋት 3:00 ላይ እኔ አቤቱታዬን ይዤ የአቶ ዱላን ስልክ ስጠብቅ ከሌሎች አባላቶች ተደወለልኝ።ከዛ ወዲህ ያለው ቢነገርም ጥቅም የለውም።
ሰፈሩ መፍረሱ እና መልሶ መልማቱ ላይ ተቃውሞ የሌለውን ኮሚኒቲ በ2 እና በ3 ሰአት እያዋከቡ ማስወጣት መውደቂያውን ሳያውቅ ማሳቀቅ መጨረሻው ይሄ ነው።
.
አቶ ዱላ ለ20 አመት በሊቀመንበርነት ያገለገሉትን ከ70 አመት በላይ በአንድ ቦታ የቆየውን ለፍቶ አዳሪ ማህበረሰብ 'ፌይል አደርጌያቸዋለሁ' ብለው እራሳቸውን አጥፍተዋል።እኔም ያንን ኮሚኒቲ ፌይል አድርጌዋለሁ።ትላንት አቤቱታውን ባስገባ ምናልባት ሊቀመንበሩ ከውሳኔው ይቆጠብ ይሆን?!ከጠዋት ጀምሮ በሰቀቀን ውስጥ ነኝ!
.
ቀብራቸው ነገ ይፈጸማል! ጽናቱን ለቤተባቸው !!
ጠበቃ አንዷለም ቡኬቶ/ @ ማለዳ

RN.05 ||ሶማሌ ላንድ በህዝብ ፍትሃዊ ምርጫ ያደረገችው የመንግስት ለዉጥና ኢትዮጵያን ጨምሮ በአካባው ሃገራት ላይ ያለው እንደምታ https://www.youtube.com/watch?v=WgTN4iECrmw

🚩ከእስራኤል ቀጥላ ማይናማር ! ገዳዮቹ ከፍርድ እንደማያመልጡ ተሰማ!
~~~~~~~~~~
#RN05
.
ከሄግ የተሰማው ሌላ የፍትህ ዜና - የተባበሩት መንግስታት ዋና አቃቤ ህግ ካሪም ካን በምያንማር የሮሂንጋ ሙስሊሞች ላይ የሰብአዊ መብት ወንጀሎችን በመፈጸም በተጠረጠሩበት የወታደራዊ መሪ ላይ የእስር ማዘዣ ጠይቀዋል። ከጥልቅ እና ከገለልተኛ ምርመራ በኋላ በግልበጣ ስልታን የያዙት የጁንታው መሪ ሚን አንግ ህሌንግ በሰብአዊነት ላይ ለፈጸሙት ወንጀሎች ተጠያቂ ናቸው ብሎ ለመደምደም በቂ ምክንያቶች አሉ ሲሉ የአለማቀፉ የወንጀለኞች ፍ/ቤት ዋና አቃቤ ካሪም ካን ከሄድ በሰጡት መግለቻ ገልጸዋል።
.
የአለም አቀፉ የወንጀለኞች ፍርድ ቤት ማይናማር በሮሂንጊያ ሙስሊም ወገኖቿ ላይ ፈጽማዋላች ያላቸውን ወንጀሎች በተመለከተ በየደረጃው ምርመራ ሲያደርግ መቆየቱ ይታወቃል። ይህ እርምጃ እንደፈረንጆቹ በ2017 ና 2018 በሺዎች የሚቆጠሩ የሮሂንጋ ሙስሊሞች የተገደሉበት እና ከ 700,000 በላይ በአብዛኛው ወደ ባንግላዴሽ የተፈናቀሉበትን የማይናማር ወታደራዊ ጥቃት በፈጸሙ አካላት ላይ የእስር ማዘዣ የሚያወጣ መሆኑ ነው የተሰማው።
.
የአለም አቀፉ የወንጀለኞች ፍርድ ቤት ከቀናት በፊት በተለይ ጋዛ ዉስጥ በፍልስጤማዊያን ንጹሃን ላይ በፈጸሙት ኢሰብአዊ ወንጀል ሳብያ በናትያንያሁ እና የቀድሞ የጦር ሚንስትራቸው ጋላንት ላይ የእስር ማዘዣ ማዉጣቱ ይታወቃል፡፡
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

ለሁሉም ጊዜ አለው እንዲሉ - ክራቫታቸውን አድርገው የተኩስ አቁሙን ስምምነት መርቀዋል።

🚩 አዉሮፓ ናታንያሁን ለማሰር ይዘጋጅ ተባለ!
~~~~~~~~~~~
#RN05
.
ዛሬ በእስራኤሉ ጠ/ሚር በናታንያሁና የቀድሞ የጦር አዛዣቸው ጋላንት ላይ የወጣዉን የአለማቀፉ ከፍተኛ የጦር ወንጀለኞች ፍርድ ቤት የእስር ማዘን በተመለከተ የአዉሮፓ ህብረት የዉጭ ፖሊሲ ሃላፊ ጆሴፍ ቦሬል👉 https://youtu.be/G1F_27F7I7c
.
"ይህ ICC ያወጣው የእስር ማዘዣ ፍ/ቤቱ ከየአዉሮፓ ህብረት ጋር ባለው ስምምነት መሰረት የሚያስገድድ አሳሪ ህግ በመሆኑና 27ቱ አባል ሃገራትን የሚመለከት በመሆኑ ፣ሁሉም አባል ሃገራት ለፍርድ ቤቱ ዉሳኔ ተገዢ በመሆን ለተፈጻሚነቱ ሊተባበሩ ይገባል" ሲሉ ተናግረዋል፡፡

.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

ሰበር መረጃ
~~
#RN05

ናትያንያሁ የእስር ማዘዣ ወጣባቸው
--------------------
.
የአለም አቀፉ ከፍተኛ የጦር ወንጀለኞች ፍርድ ቤት ICC ናታንያሁንና የቀድሞ ጦር ሚንስትሩ ጋላንት ላይ በተገኙበት እንዲታሰሩ ማዘዣ ማውጣቱ ታውፕቀ።

አምስተርዳም ህዳር 21/2011 የአለም አቀፉ የወንጀለኞች ፍርድ ቤት ዳኞች የእስራኤሉ ጠቅላይ ሚኒስትር ቤንያሚን ኔታንያሁ እና የቀድሞ የመከላከያ ሃላፊቸው እንዲሁም የሃማስ መሪ ኢብራሂም
በጦር ወንጀሎች እና በሰብአዊነት ላይ ወንጀል ፈጽመዋል ሲል የእስር ማዘዣ አውጥቶባቸዋል። .

እርምጃው የመጣው የአይሲሲ አቃቤ ህግ ካሪም ካን እ.ኤ.አ በሜይ 20 ላይ በሃማስ በእስራኤል ላይ ከደረሰው ጥቃት Oct.7, 2023 ጋር በተገናኘ በተጠረጠሩ ወንጀሎች የእስር ማዘዣ እየጠየቀ መሆኑን እና በጋዛ የእስራኤል ወታደራዊ ካወቀ በኋላ ነው።

እስራኤል ክሱን ውድቅ ብታደርግም አይ ሲ ሲ እስራኤል የፍርድ ቤቱን የዳኝነት ስልጣን መቀበሏና አለመቀበሏ አያሳስበኝም ነው ያለው።

ይህ ለ6 ወራት ያህል ሲጠበቅ የነበረው ውሳኔ ይፋ መሆኑን ተከትሎ የICC አባል ሀገራት ሁሉ ወንጀለኞቹን በተገኘበት ለማሰር እንደሚገደዱ ስምምነታቸው የሚያረጋግጥ በመሆኑ ናታንያሁን ማሰር የማይፈልጉት አውሮፓ ሀገራት ቢያንስ እነ ናታንያሁ ወደ ሀገራችን እንዳይገቡ እንደሚያደርጉ ይጠበቃል።

እስራኤልና አሜሪካን ይህ ማዘዣ እንዳይወጣ ከወጣ ግን በተለይ በዋና አቃቤህግ ላይ እርምጃ እንደሚወስዱ ሲዝቱ እንደነበር ይታወሳል።
.
**** ይህ ውሳኔ እደምታው፣ ጠቀሜታውና ተፈጻሚነቱን እንዴት ያኩታል? ጻፉልን!!!

---------
***ይሄው ነው! በመሆኑም ባለስልጣኖቻችን ሶማሌላንድ መመላለስ ያለባቸው ከወደብ ይልቅ ስለ ዲሞክራሲ ለመማር ቢሆን ጥሩ ነው - ይህ መልካም ጥቆማ ነው!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

ባለስልጣኖቻችን ሶማሌላንድ መመላለስ ያለባቸው ከወደብ ይልቅ ስለ ዲሞክራሲ ለመማር ቢሆን ጥሩ ነው!
~~
#RN05
.
ኤፍ ቢ ሲ እንደዘገበው አብዲራህማን ሞሃመድ አብዲላሂ የሶማሊላንድ ፕሬዚዳንት በመሆን መመረጣቸው ተሰምቷል፡፡

የሶማሊላንድ ምርጫ ኮሚሽን የዋዳኒ ፓርቲ እጩ አብዲራህማን መሀመድ አብዲላሂ የሀገሪቱ ፕሬዚዳንት ሆነው መመረጣቸውን ይፋ አድርጓል።

አብዲራህማን በምርጫው 63 ነጥብ 92 በመቶ ድምጽ በማግኘት ያሸነፉ ሲሆን፥ የወቅቱ የሶማሊላንድ ፕሬዚዳንት ሙሴ ቤሂ 34 ነጥብ 81 በመቶ ድምጽ በማግኘት ድል ሳይቀናቸው ቀርቷል።

በምርጫው ሂደት ውስጥ ሦስት የፖለቲካ ፓርቲዎች ማለትም ዋዳኒ፣ ኩልሚዬ እና ካህ ቁልፍ ተዋናዮች ሆነው መታየታቸው ተጠቁሟል።

የሀገሪቱ ምርጫ ኮሚሽን በሶማሊላንድ ዲሞክራሲያዊ ጉዞ ውስጥ ትልቅ ምዕራፍ መሆኑን በመግለጽ ህዝቡ ላሳየው ተሳትፎ አመስግኗል።

አዲስ የተመረጡት ፕሬዚዳንት በሚቀጥሉት ቀናት ቅድሚያ የሚሰጧቸውን ጉዳዮች ያሳውቃሉ ተብሎ እንደሚጠበቅ ሙስታክባል ሚዲያ ነው የዘገበው፡፡

የሶማሊላንድ ፕሬዚዳንታዊ ምርጫ ባለፈው ሳምንት ሕዳር 4 ቀን 2017 መካሄዱ ይታወቃል።

---------
***ይሄው ነው! በመሆኑም ባለስልጣኖቻችን ሶማሌላንድ መመላለስ ያለባቸው ከወደብ ይልቅ ስለ ዲሞክራሲ ለመማር ቢሆን ጥሩ ነው - ይህ መልካም ጥቆማ ነው!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

ናታንያሁ ቤታቸው ላይ ዳግም ጥቃት ተፈጸመ
~~~~~~~~~~~~
#RN05
.
የሂዝቡላህን ቃል አቀባይን መግደሏን ያሳወቀችው እስራኤል በሌላ በኩል በሰሜን እስራኤል በሚገኘው የናታንያሁ መኖሪያ ቤት ላይ የቦምብ ጥቃት መፈጸሙ ተዘግቧል።
የእስራኤል ፖሊስ እንዳሳወቀው በሰሜን እስራኤል ካሳሪያ ከተማ ወደ ሚገኘው የጠቅላይ ሚኒስቴር ቤንያሚን ናታንያሁ መኖሪያ ቤት ነው ሁለት ቦምቦች የተወረወሩትና ግቢ ውስጥ ያረፉት፡፡
.
የቦምቡ ጥቃት በተፈጸመበት ወቅት ናታንያሁም ሆኑ ቤተሰቦቻቸው በቤት ዉስጥ እንዳልነበሩ የጠቀሰው የሃገሪቱ ፖሊስ በጥቃቱ ተሳትፈዋል ተብለው የተጠረጠሩ 3 ሰዎችን መያዙን አሳውቋል፡፡
.
አንዳንድ ባለስልጣናት በጥቃቱ የናትያንያሁ ተቀናቃኝ ፓርቲ ሰዎች እጅ ሊኖርበት ይችላል ብለው እንደሚያምኑ እንደሚችሉ በመግለጽ ወቀሳ የሰነዘሩ ቢሆንም የተቃዋሚ ፓርቲ አመራሮች በበኩላቸው ጥቃቱን የሚያወግዙ መሆኑን አሳውቀዋል፡፡
.
ባለፈው ወር በሄዝቡላህ ተሞከረ ከተባለው ጥቃት ጋር የናትያንያሁ መኖርያ ቤቶችን ያማከለ ጥቃት ሲደረግ ይህ ለሁለተኛ ጊዜ መሆኑ ታውቋል፡፡
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

በሴራ የተሞላዉና ችላ የተባለው የሱዳኑ ቀዉስ
~~~~~
#RN05
.
የሱዳን ጦርነት አሁንም ቀጥሏል በጣም ውስብስብ እና አሳሳቢ ሁኔታ ላይ ይገኛል።
.
ዋና ዋናዎቹ ነጥቦች የሚከተሉትን ያካትታሉ፡
.
#የተቀጣጠለ_ግጭት: የሱዳን ጦር (SAF) እና ተቃዋሚው (RSF) መካከል ያለው ግጭት አሁንም ቀጥሏል በአጭር ጊዜ ውስጥ ሊቆም ይችላል የሚያስብል ምልክት ከቶ አይታይም።
.
#ሰብዓዊ_ቀውስ: በሚሊዮኖች የሚቆጠሩ ሰዎች በጦርነቱ ሞተዋል፣ ቆስለዋል አካላቸው ጎሏል፣ ተጎድተዋል፣ በአጠቃላይ ወደ 14 ሚልዮን የሚጠጉ ዜጎች ከቤታቸው ተፈናቅለው አስቸጋሪ ሁኔታ ውስጥ ይገኛሉ። የምግብ፣ ውሃ እና መድሃኒት እጥረት ከባድ ችግር ሆኗል።
.
#የመሠረተ_ልማት_ውድመት: ሆስፒታሎች፣ ትምህርት ቤቶች እና ሌሎች የህብረተሰብ አገልግሎት መስጫ ተቋማት ተጎድተዋል ወይም ሙሉ በሙሉ ወድመዋል። ይህም የህዝቡን ህይወት አስቸጋሪ አድርጎታል።
.
#ኢኮኖሚያዊ_ቀውስ: ጦርነቱ ቀድሞውኑ የተዳከመዉን የሱዳንን ኢኮኖሚ በከፍተኛ ሁኔታ ጎድቷል። ዋጋ ግሽበቱ በከፍተኛ ደረጃ ጨምሯል፣ ይህ በመሆኑም ብዙ ሰዎች በድህነት ውስጥ ወድቀዋል።
.
#ክልላዊ_ተጽእኖ: የሱዳን ጦርነት በአጎራባች አገራት ላይም ተጽእኖ እያሳደረ ነው። በተለይ ወደ አጎራባች ሃገራት በተለይም ወደ ቻድ ብዙ የሱዳን ስደተኞች ፈልሰዋል። ይህም አድሮ የሚፈነዳ ቀዉስ አሳድሯል፡፡
.
#አለም_አቀፍ_ጥረቶች: አለም አቀፉ ማህበረሰብ የሱዳንን ችግር ለመፍታት ጥረት እያደረገ ነው ቢባልም በእስራኤልና በዩክሬይን ላይ ያተኮረው የምእራቡ አለም የሱዳኑን ቀዉስ የሚገባዉን ያህል ብዙም ትኩረት የሰጠው አይመስልም። የአፍሪካ ህብረትም ሆነ የአፍሪካ ሀገራት ደግሞ አጀንዳና በጀቱን ከምዕራቡ አለም ስለሚጠብቁ ይመስላል በራስ ተነሳሽነት ጦርነቱን ለማስቆም እያደረጉ ያሉት ጥረት እዚህ ግባ የሚባል አልሆነም፡፡ እስራኤልንና ሊባኖስን፣ ራሽያንና ዩክሬንን ለማሸማገል የሚጥሩት የአረብ ሃገራት የሱዳኑን ጦርነት ለማስቆም ከመስራት ይልቅ ባላቸው የተለያዩ አጀንዳዎች ሰበብ ጦርነቱ ላይ ቀጥታም ይሁን በተዘዋዋሪ ተሳታፊ ስለመሆናቸው እየተነገረ ይገኛል።
.
ዋና ዋና ስጋቶች:
.
#የሲቪሎች_መጠቃት: በሲቪሎች ላይ የሚደርሱ ጥቃቶች እየጨመሩ መምጣታቸው በጣም አሳሳቢ ሆኗል።
#የክልሉ_አለመረጋጋት: የሱዳን ጦርነት በክልሉ አለመረጋጋትን ሊያባብስ ይችላል።
#የሰብአዊ_ቀውሱ_መባባስ: በሚቀጥሉት ወራቶች ሰብዓዊ ቀውሱ ሊባባስ ይችላል።
.
ይህ ቀድሞ በጋራ ሃገሪቱን ሲመሩ በነበሩ አሁን ግን አንጃ ፈጥረው ሀገሪቱን ወደማይኖርባት የሰቆቃ ቀጠና እየቀየሯት ያሉበት የእርስ በእርስ ጦርነት የተጀመረው በረመዳን ወር ወይንም እንደ አዉሮፓዊያኖቹ አፕሪል 15 2023 እንደነበር ይታወሳል፡፡
.
****እርሶስ ስለሱዳን ምን ያስባሉ? ኢትዮጵያስ ላይ የሚፈጥረው ተጸኖ ይኖር እንደሁ እንዴት ያዩታል ይጻፉልን!!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

👆

https://www.youtube.com/c/RN05channel

👆 እግረመንገዳችሁንም ዩትዩብ ቻናላችንን ሱብስክራይብ እያደረጋችሁ!

https://youtu.be/EbzWcXlXPn8 RN.05 || ሳማርካንት(#SAMARKANT) ዘመናት ያልሻሩት ታሪካዊ አሻራ! የRN05 ታሪካዊ ጉዞ በኡዝቤክስታን Nov 2024

🚩የፋሺስታዊ አቋም ቀለብ መርህ አልባነት ነው!
~~~~~~~~~~~
#የአቅል_አይምሮ_ትዝብት_ለRN05
.
በሃገር ወዳድነት ስም ራሳቸዉን ከሌላው የተሻሉ አድርገው የሚያዩና በእነሱ የሚወከሉ ሌሎችም ትናንትናቸውና ዛሬያቸው ይህንን በእስክሪን ሾት የተወሰዱትንና የተያያዙትን ሁለት ፎቶዎች ይመስላል! የትግራይን ህዝብ ለማጥፋት ተግተው እንደሰሩት ሁሉ አሁንም በሌላ መልኩም ቢሆን የአማራንም ህዝብ እንዲጠፋ እየሰሩ ነው፡፡ ራሳቸዉን "የኢትዮጵያዊነት ልክ " አድርገው የሚያዩ ምሁርም ይሁኑ ጋዜጠኛ ፣ፖለቲከኛ ነኝም ይበሉ ጀሌ አክቲቪስቶች ሁሌም ይሄው ናቸው፡፡ ደስታቸዉንም ሆነ ሃዘናቸዉን መጥነው አይደቁሱም፡፡ ያለበቂ አመክንያዮ ለማጎብደድ እንደሚሽቀዳደሙት ሁሉ መልሰው ጠላን ሲሉም ያለ አመክንዮ ነው፡፡
.
አላማና ፍላጎታቸው እዉነትም ኢትዮጵያዊያን በአንድ ሃገረ ህዝብ ህሳቤ ህልዉናቸዉ ተጠብቆ ፣መብታቸው ተከብሮ እኩል በሰላምና በፍቅር እንዲኖሩ አይደለም፡፡ ከዛ ይልቅ እነሱ የሚፈልጉት ሁሉ ይሆን ዘንድ እንጂ! እነሱ የሚፈልጉት ደግሞ የእነርሱ ሃሳብ፣ ታሪክ፣ ባህልና ትርክት ገዢ ሆኖ በዚሁ መመዘኛ የጠሉት እንዲጠፋ የወደዱት እንዲከርም ማድረግ ነው፡፡ ያ ባይሆንማ ኖሮ በትግራይ ሲደረግ ትክክል ነው፣ በኦሮምያም ሲደረግ ትክክል ነው! መንግስት ሊታገዝ ይገባል! ተጨማሪ ግድያ እንዲፈጸም ገንዘብ ሰብስበን እንስጠው ወዘተ ሲሉ የነበሩ ሁሉ ዛሬ መንግስት ተመሳሳይ ግፍ አማራ ክልል ዉስጥ ሲፈጽም በተመሳሳይ በደገፉት እንጂ ባልተቃወሙ ወይንም ደግሞ ጦርነቱ ትግራይና ኦሮምያ ክልል ዉስጥ ሲደረግ ትክክል - አማራ ክልል ዉስጥ ሲደረግ ደግሞ ስህተት የሆነበትን ምክንያት በበቂ ማስረዳት በቻሉ ነበር፡፡ ለዚህ ነው መርሃቸው ስለ ዜግነት መብት መጣስ ፣ ስለ ሰብዓዊ መብት መሸርሸር መጨነቅ አይደለም የምንለው፡፡ እነሱን እስካስደሰተ ድረስ የዜጎች ሰብዓዊ መብት ሲጣስ ዋነኛዉን ከለላና ድጋፍ የሚሰጡ፣ "ይበለው! ይጥረገው!" ከማለት ዉጭ ለህጻናት እና ሴቶች እንኳ የማይራሩ ፕሮፌሰሮች፣ ተንታኞች፣ የሚድያ፣ የፖለቲካ፣ የሃይማኖት ሰዎችና መሰል ጨካኝ የሃገርንና የዜጋን ክብር በፋሺስታዊና በጥላቻ ስካር የሚመዝኑ ሰዎችን በበቂ መታዘብ ተችሏል፡፡
.
አሁን ደግሞ እነዚሁ ሃይሎችና ሚድያዎቻቸው ትላንት ያለ መርህና መመዘኛ በጭፍን ሲደግፉት የነበረዉን መንግስት ከመቃወም አልፈው እንደግፍሃለን ፣አይዞህ ሲሉት የነበሩትና እንደ ልዩ ፍጡር ሲስሉት የነበረው ፋኖ ላይ ዘመቻ ጀምረዋል፡፡ ይህንን እያደረጉ ያሉት ደግሞ መንግስት የሚከተለው ፖሊሲ ትክክል፣ ፋኖ የሚከተለው ግን የተሳሳተ ሆኖ አግኝተዉት ሳይሆን፣ ፋኖ እነሱ እንደጠበቁት በፍጥነት ድል ሊቀዳጅላቸዉና ጥማቸዉን ሊቆርጥላቸው ብሎም ሊያነግሳቸው ባለመቻሉ ነው፡፡ የአማራ ህዝብ ላይ እየደረሰ ያለው መከራ ቆርቁራቸው ግን በፍጹም አይደለም፣ ያ ቢሆንማ ኖሮ ጦርነቱንም ገና ከጅምሩ ህዝቡ ላይ ሊያመጣ የሚችለዉን መዓት በማሰብ በቅጡ በመቱት ነበር! ያኔ ግን ጦርነት የአንድዮሽ መንገድ ብቻ ይመስል እሳቱ በማይነካቸው ርቀት ላይ ሆነው ወሬያቸው ሁሉ "ይጀመር እንጂ ድል የኛ ነው!" የሚል ብቻ ነበር፡፡
.
እነዚሁ መርህ አልቦዎች ታድያ የጠሉትን ሁሉ "ጸረ ኢትዮጵያዊና የግብጽ ቅጥረኛ" ሲሉ እንዳልነበር አሁን አሁን "ግብጽ ሆይ ድረሺልን!"፣ "ኢሳያስ ሆይ እባክህ ቶሎ ና!" ሲሉ ይደመጣሉ፡፡ መርህ አልባ የሆነ አካል ቋሚ መመዘኛ ስለሌለው እየተቀያየረ ምንንም ነገር ሊያደርግ ይችላልና!!
.
ከምስኪኑ የክልሉ ህዝብ ዉጭ እና ከጥቂት አርቆ አሳቢዎች በቀር አብዛኞቹ የሰሜን ምሁራን እና ኤሊቶች ባህሪያቸው እንደዚሁ ነው፡፡ እንደ መርህ አልባ አባወራ ያሻቸዉን ማድረግ የሚችሉ፣ አርፈህ ተቀመጥ ከማለት አንስቶ ያሻቸዉን በቁንጥጫ፣ ያሻቸዉን በቀበቶም ልክ የሚያስገቡ አድርገው ራሳቸዉን መሳል ይቀናቸዋል፡፡ ትልቁ ስንፈተ ባህሪያቸው መርህ አልባ መሆን ነው፡፡ የሚያሳዝነው ግን ባልተመጠነና ሌላዉን በሚወጋ ፋሺስታዊ ዲስኩራቸው ሰበብ ምስኪኑ የአማራ ገበሬ በሌሎች ዘንድ በሌላ አይን እንዲታይ ማድረጋቸው ነው፡፡
.
ፋሽስታዊ አቋም ቀለቡ መርህ አልባነት ሲሆን ምክንያቶቹ ደግሞ ብዙ ናቸው ከነዝያ ዉስጥ ራስን ፍጹምና ከሌላው የበለጠ ወይንም የተለየ ሃገር ወዳድና ተቆርቋሪ አድርጎ በመዉሰድ ሌላዉ ግን የሚጠረጠር ፣የማይታመን፣ሃገር አፍራሽ፣ ባንዳ የመሆን እድሉ የሰፋ አድርጎ በማየት የእነሱ ጥበቃና ክትትል ብሎም ማረምያ የሚያስፈልገው አድርጎ ማሰብ አንዱ ሲሆን በማያቋርጡ የበላይነት ፍላጎትቶች መታወርና እኩልነትን መጥላት ከጥቂቱ መሃል የሚጠቀሱት ናቸው!
.
ይሄው ነው!
.
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩በአንድ የእስራኤል ባለስልጣን ጡጫ የሚረግፈው የአረብ ሃገራት መሪዎች የጋራ መግለጫ
~~~~~~~~~~~~~~~~~~~~~~~~~~~~~~
#የአቅል_አይምሮ_ትዝብት_ለRN05
የአረብ እና የሙስሊም ሀገራት እስራኤል ከያዘችባቸው ግዛቶች እንድትወጣ ጠየቁ። ይህንን የጠየቁት ሰሞኑን በሳውዲ አረቢያ ዉስጥ የአረብ እና የሙስሊም ሀገራት መሪዎች ባካሄዱት የመሪዎች ጉባኤ ማጠናቀቅያ ላይ ሲሆን ትላንት ሰኞ 10/11/2024 ባወጡት የጋራ መግለጫ ነው፡፡
.
እነዚሁ መሪዎች በመግለጫቸው እስራኤል ከያዘችባቸው የተለያዩ የአረብ ሃገራት ግዛቶች ሙሉ በሙሉ ለቃ እንድትወጣ ነው የጠየቁት። እንደፈረንጆቹ ከሰኔ 4 ቀን 1967 በፊት በነበረው የድንበር አከላለል ላይ በመመስረት "እስራኤል ከዛ በኋላ በሃይል የያዘቻቸው የተለይዩ የአረብ ግዛቶችን ይዞታ" ለቃ ካልወጣች በቀር በአካባቢው "ፍትሃዊ እና ሁሉን አቀፍ ሰላም ሊመጣ አይችልም “ ነው ያሉት በመግለጫቸው፡፡ ይህም ማለት ዌስት ባንክን ፣ምስራቅ እየሩሳሌምን ፣ የጋዛ ሰርጥን እና የጎላን ኮረብታዎችን መልሳ ትለቅላቸው ዘንድ ነው እስራኤልን በመግለጫቸው የጠየቁት፡፡
.
ከዚህ በተጨማሪም መግለጫቸው “እስራኤል የከፈለቻቸዉ የፍልስጤም አካባቢዎች ማለትም የጋዛ ሰርጥ እና ዌስት ባንክ የአንድ ፍልስጤም ግዛቶች ስለሆኑ እንዲቀላቀሉና ዋና ከተማቸዉም ምስራቅ እየሩሳሌም መሆን አለበት” ይላል። መሪዎቹ ለዓለም አቀፉ ማህበረሰብ ባስተላለፉት መልእክት ደግሞ ለእስራኤል የጦር መሳርያ ድጋፍ የሚያደርጉ ሃገራት ከድርጊታቸው እንዲታቀቡ ጠይቀዋል፡፡
_____________
እነዚህ መሬት ላይ ያለዉን እዉነታ ያልተገነዘቡ የሚመስሉ ወይንም ተገንዝበዉም ቢሆን ከመግለጫና ከመጠየቅ ዉጭ ምንም አይነት ተጽእኖ መፍጠር የማይችሉ የሚመስሉት ሃገሮች መሪዎች ያወጡትን መግለጫ የማይከተልና የማይፈጽም አካል ላይ ምን አይነት ፖለቲካዊ ፣ ኢኮኖሚያዊ አልያም ዲፕሎማሲያዊ እርምጃ ሊወስዱ እንደሚችሉ ለመግለጫችው ድምቀት ሲሉ እንኳን ሳይጠቅሱ ቀርተዋል፡፡
.
ይህ በእንዲሁ እንዳለ ሁሌም ከፈለጉትና ከተናገሩት በላይ በመፈጸም የሚታወቁት የእስራኤል መንግስት ባለስልጣናት በተቃራኒው እንኳን የያዟቸዉን የአረብ ሃገራት ቦታዎችን ሊመልሱ ቀርቶ ተጨማሪ መሬቶችን በሰፈራ ሊይዙ እንዳቀዱ በይፋ መናገር ብቻ ሳይሆን መርሃ ግብር መንደፋቸዉን አሳውቀዋል፡፡
.
በዶናልድ ትራምፕ የመጀመርያ የስልጣን ዘመን እንዲቆም የተደረገዉን በሰፈራ አማካኝነት የፍልስጤም ቀሪ መሬትን የመዉረር ዘመቻ በማስቀጠል በዌስት ባንክ አዲስ ሰፈራ ለማድረግ ያለመ መሆኑን ነው የእስራኤል ቀኝ አክራሪው የፋይናንስ ሚኒስትር ስሞትሪች ያሳወቀው፡፡
.
የተለያዩ የሚዲያ ዘገባዎች እንደሚጠቁሙት፣ በሚቀጥለው ዓመት ለዚሁ የሰፈራ ዕርምጃ ያመች ዘንድ አስፈላጊው መሠረተ ልማት እንዲዘጋጅ በመከላከያ ሚኒስቴርና በሲቪል አስተዳደር በኩል ላሉት የሰፈራ ክፍሎች መመሪያ መሰጠቱ ነው የታወቀው፡፡ ጽንፈኛው ስሞትሪች አሁን ተግባራዊ ማድረግ የሚሻው እ.ኤ.አ. በ 2020 እንዲቋረጥ የተደረገዉንና ከ 1967 ጀምሮ ቀስ በቀስ እያካሄዱ በአሁኑ ጊዜ 30 ከመቶ ያህሉን የሸፈነዉን የዌስት ባንክ የሰፈራ ፕሮግራም ማስቀጥረል ነው፡፡ የሰፈራ ፕሮግራም ማለት በፍልስጤም ምድር ባለቤቶቹን እያባረሩ መሬታቸው ላይ ይሁዲዎችን ማስፈር ማለት ነው፡፡ ለዚህም ነው የእስራኤል ቀኝ አክራሪው የፋይናንስ ሚኒስትር ስሞትሪች ዌስት ባንክን የእስራኤል ሉዓላዊ አካል ለማድረግ ጊዜው አሁን ነው ያለው!
.
ይህ ነው እንግዲህ የአረብ ሃገራት መሪዎች ስብስብን መግለጫ ቀልድ የእስራኤልን የአንድ ባለስልጣን ፍላጎት ደግሞ የሚጨበጥና የሚዳሰስ የሚያድርገው ዜና!
*** ከዚሁ ሳንወጣ እስራኤል በፍልስጤምና በሶርያ እየወሰደችው ያለዉን የጅምላ ጭረሳ እርምጃ አምርረው የሚቃወሙ እንዳሉ ሁሉ ከመግለጫው ጀርባ እስካሁን ድረስ በሚስጥር እስራኤልን በንግድም በዲፕሎማሲም የሚያግዙ በተለይ የአረብ ሃገራት መሪዎች መኖራቸው በስፋት ይነገራል፡፡
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

በበለጸጉ ሙስሊም ሀገሮች እየተመኩ" እስልምና አላበለጠገንም" ማለት ምን የሚሉት ነው?
~~~~~~~~~~~~~~~~
#የአቅል_አይምሮ_ትዝብት_ለRN05
.
በሙስሊም ሀብታም ሀገሮች የገንዘብ ድጋፍ እየተመኩ ፕሮጀክቶችን የሚቀርጹት ጠቅላያችን " እስልምና በሀገራችን እንደ ቆይታው ለብልጽግና አልጠቀመንም! ድህነታችንን አላስወገደልንም!" ሲሉ ማድመጥ ከሰሞኑ ገራሚ ትዝብቶቼ መሀል አንዱ ሆኗል!
.
ጠቅላያችን በዚህ ንግግራቸው አላበለጸጉንም ያሏቸው ሀይማኖቶች እስልምናና ኦርቶዶክስ ክርስትና ናቸው። ምናልባት እሳቸው ስለሚከተሉት ስለ ፕሮቴስታንቲዝም ዝም ያሉን ወይ በሀገራችን እድሜው የሚቆጠረው ከ1950ዎቹ መጨረሻ በመሆኑ በንጽጽር ገና ለጋ ስለሆነ ሊገመገም አይገባም ብለው ይሁን አልያም "እያበለጸገን" ያለው እሱ ስለሆነ እንደሁ አላብራሩልንም!
.
ለነገሩ ሀገር ያበለጽጉ፣ ፍትህን ያነግሱ ዘንድ ተከጅለውም ሆነ በጉልበት ወንበር የሚሻሙ ነገር ግን ሀገራቸውንና ህዝብቻውን አደህይተው ራሳቸውን የሚያበለጽጉ ፖለቲከኞች ያሏት ሀገር ሁሌም ለድክመታቸው፣ ለወንጀላቸውና ለክሽፈታቸው የሆነ ሀይማኖት ወይንም ማህበረሰብን ሰበብ ማድረጋቸው የተለመደ ነው።
.
ውድ ጠቅላያችን ሆይ እሺ እነዚህ ሀይማኖቶች ናቸው ያደኸዩንና ያስራቡን እንበልና ከእርሶ ጋር እንስማማ። አሁን መንበሩ ላይ ያሉት እርሶና በሀይማኖት ከተሰላ ደግሞ ፕሮቴስታንቲዝም ነው እንበል። እንግድያው ሜዳውም ፈረሱም ይኼው እንደሚባለው ከበለጸጉ ሙስሊም ሀገሮችም ቢሆን እየወሰዱ ከቀድሞዎቹ በተሻለ ስራ ይፍጠሩልን፣ ያብሉን፣ ያበልጥጉን፣ ሀገራችንን ሰላምን እንጂ ጦርነትን የማንሰማባት ሀገር ያድርጉልን፣ሀገር ጥሎ ከመሰደድ ወጥተን ወደ ሀገራችን ለመመለስ የምንጋፋ ያድርጉን ወዘተ።
.
ያ ካልሆነ ግን ነገ እርሶ ተሰናብተው ተረኛው ሲመጣ እዛው እፓርላማ ውስጥ ዛሬ እርሶ በተቀመጡበት ወንበር ላይ ተቀምጦ እርሶንም ሀይማኖቶንም እርሶ ሌሎቹን በሰፈሩበት ቁና ሲሰፍር ፣ልክ ዛሬ እንደታዘብነው ተረኞች መታዘባቸው አይቀሬ ነው።
.
እነሆ ታሪካችን ይሄው ነው!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

ዶናልድ ትራምፕም አሉ "በአሜሪካን ዉስጥ ታይቶ የማይታወቅ ዲፖርቴሽን አካሂዳለሁ!"
.
ግርም የሚለኝ ነገር በተለይ አሁን አሁን አሜሪካንን ጨምሮ አዉሮፓዊያን በተለይ ተቃዋሚዎች ወደ ምርጫ ሲመጡ ህዝባቸዉን የሚያማልሉት በተሻለ ኢኮኖሚ፣ ለህዛባቸው በሚያደርጉት የኑሮ ማቅለያ፣ በተሻለ የቀረጥ ቅነሳ ፕሮግራማቸው ፣ ድህነትን በመቀነሻ ዘዴያቸው ወዘተ ሳይሆን የዉጭ ዜጎችን እንዴት እንደሚጠሉ በማሳየትና ቢፈጽሙትም ባይፈጽሙትም የዉጭ ዜጎችን የሚያባርሩ መሆኑን በመንገር ነው! ይህ መንግስቶቻቸዉም ሆኑ ህዝቦቻቸው ያሉበትን ሁኔታ የሚያሳይ ነው፡፡ በሌላ በኩል እነዚሁ የምእራቡ ሃገራት ያለ ዉጪው አለም በተለይ አፍሪካ ሃገራት አንጡራ ሃብትና ያለዉጭ ዜጎች የሰው ሃይል ምንም መሆናቸዉን መካድ ደግሞ በሰላሙ ጊዜ የማይቻላቸው ጉዳይ ነው፡፡
.
እናንተስ ምን አላችሁ?
.
#የአቅል_አይምሮ_ትዝብት_ለRN05

የናታንያሁ መንግስት ፍትግያ
.
ናታንያሁ የብዙ ንጹሃን ደም በእጁ አለበት የሚባለዉንና ቀኝ እጁ የነበረው የመከላከያ ሚኒስትሩን ዮአቭ ጋላንትን ማባረሩ ታወቀ!
ዬአቭ ጋላንት "" ምንም አይነት ምግብና ዉሃ ብሎም መድሃኒት ወደ ጋዛ አይገባም! አዉሬዎቹን እንደ አዉሬ እንበቀላቸዋለን!" በሚለዉና "የናትያንያሁ የጦር እቅድ ግቡ የማይታወቅ ነው!" በሚል ትችታቸው ይታወቃሉ!
.
#RN05
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

የፌደራል መጅሊሱን የፌስቡክ ገጽ አማተርኩት፡፡ እጅግ ሰቅጣጭና መነጋገርያ ስለሆነው ስለ ደራው አሰቃቂ የሼሆችና ቤተሰቦቻቸው አፈናና ግድያ ምንም ያለው ነገር ባለመኖሩም ተገርምኩ!
.
ጉዳዩ ለፌደራል መጅሊስ የሚበቃ አይደለም ማለት ነዉን ስልም ጠየኩ?
#የአቅል_አይምሮ_ትዝብት_ለRN05

ሰበር መረጃ
=======
.
🚩 ከ72 ዓመታት በላይ ያስቆጠረው የሙስሊሙ ተቋም ሊፈርስ መሆኑ ታወቀ
~~
.
#RN05
.
በመሃል አዲስ አበባ እምብርት ፒያሳ ላይ ከአዲስ አበባ ማዘጋጃ ቤት ፊትለፊት የሚገኘው ጥንታዊው የሙስሊም ት/ቤት ሊፈርስ መሆኑ ተሰማ።
.
ዛሬ 3/11/2024 ( በኢትዮ 24/2/2017)በአወሊያ አዳራሽ በነበረው የወላጆች ስብሰባ ስለ አወሊያ የፒያሳው ቅርንጫፍ 1ኛ ደረጃ ት/ቤት ወቅታዊ ሁኔታ በትምህርት ዙሪያ በተጠራ ስብሰባ በበርካታ ወላጆች ጠንከር ያሉ ጥያቄዎች ሲነሱ እንደነበር ለጣቢያችን #RN05 የደረሱ ታማኝ መረጃዎች አረጋግጠዋል። ወላጆቹ ካነሷቸው ጥያቄዎች መካከልም ልጆቸው የት/ቤታቸው የመፍረስ አደጋ ስጋት እንደፈጠረባቸው አንስተው ስለጥንታዊ ተቋማቸው ወቅታዊ ሁኔታ ዘርዘር ያሉ ጥያቄዎችን በማንሳት ማብራሪያ እንዲሰጣቸው ለተቋሙ አስተዳደር ጥያቄ አቅርበዋል።
.
በጉዳዩ ላይ ለወላጆች ማብራሪያ የሰጡት የአወሊያ ስራ አስኪያጅ አቶ ሰይድ አስማረም ጉዳዩ እውነት እንደሆነ አረጋግጠው በሂደቱ ላይ ግን ጉዳዩን የሚከታተል በኢትዮጵያ እስልምና ጉዳዮች ጠቅላይ ም/ቤት ስር አምስት አባላት ያሉት በኡስታዝ አቡበከር አህመድ ሰብሳቢነትና በኡስታዝ ካሚል ሸምሱ ም/ሰብሳቢነት የሚመራ ኮሚቴ ክትትል እየተደረገበት እንደሆነ ገልጸዋል። ኮሚቴው ከተዋቀረ ከ2ወራት በላይ እንዳስቆጠረ ያወሱት ሰራ አስኪያጁ ከመንግስት አካላት ጋር የቅርብ ጊዜ ስብሰባውን ያለፈው አርብ ጥቅምት 22/2017 እንዳደረገ አብራርተዋል።
ስራ አስኪያጁ ``ሙስሊሙ የመንግስትና የልማት ደጋፊ`` መሆኑን ገልጸው ኮሚቴው ተለዋጭ ቦታ ለመረከብ አማራጭ ቦታዎችን እያማተረና የስምምነት ጫፍ ላይ እንደደረሰ`` አውስተዋል። ስራ አስኪያጁ በገለጻቸው ት/ቤቱ በ2016 የት/ት ዘመን ክልላዊ ፈትና 100% የ6ኛ እና 8ኛ ክፍል ተማሪዎችን በማሳለፍ ውጤታማ የሆነ ት/ቤት ሲሆን በክ/ከተማ ደረጃም የዋንጫ ሽልማት እንዳገኘ ገልጸዋል።
.
ይህ ቦታ በዓለም አቀፍ የሙስሊም ሊግ ዋና ጸሃፊና በአዲስ አበባ ከንቲባ የጠ/ም/ቤቱ ባሉበት የዛሬ ዓመት ገደማ በአዲስ መልክ እንዲገነባ የ900,0000,000 /የዘጠኝ መቶ ሚሊዮን/ ብር የ19 ወለል (ፎቅ) ግንባታ ሊሰራበት የመሰረተ-ድንጋይ እንደተጣለበት በበርካታ ሚዲያዎች መዘገቡን በዛሬው ዕለት በነበረው ገለጻ ተወስቷል።
.
ለዚሁ አዲሱ ግንባታ ከሚያስፈልገው ተጨማሪ 5ሺ ካሬ ገደማም የአዲስ አበባ መሬት ማኔጅመንት በስሩ ከሚያስተዳድራቸው ቦታዎች ከ3ሺህ ካሬ በላይ የሚሆነውን ቦታ መስጠቱን የመሰረት ድንጋዩ በጣለበት ዕለት ከንቲባዋ ይፋ ማድረጋቸው አይዘነጋም።
.
ፎቶ👉 1. አወልያ አሁን ያለበት ሁኔታና
2. በ9 መቶ ሚልዮን ብር በጀት መሰረተ ድንጋይ የተታለበት ሊገነባ የታሰበው ዲዛይንን
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

👆በጽሞና ይነበብ

በጽሞና ይነብብ!!!
.
◼ ኢትዮጵያና የእስልምና ትብብር ድርጅት (Organization of Islamic Cooperation (OIC)

እ.ኤ.አ. በ1969 የተመሰረተው የእስልምና ትብብር ድርጅት (OIC) 57 አባላት ያሉት ሲሆን 56ቱ የተባበሩት መንግስታት ድርጅት አባል ሀገራት ሲሆኑ 48ቱ ሀገራት የሙስሊም አብላጫ ቁጥር ያላቸው (Muslim Majority) ሀገራት ናቸው። አንዳንድ አፍሪካዊ አገሮች የሙስሊም አብላጫ ቁጥር ባይኖራቸውም የድርጅቱ አባል ለመሆን በቅተዋል።

ከሰሃራ በስተደቡብ ባሉ የአፍሪካ ሀገራት የሚከተሉት የሙስሊም አብላጫ ቁጥር የሌላቸው (Muslim majority) ያልሆኑ እንደ ጋቦን (11.2%)፣ ኡጋንዳ (11.5%)፣ ቶጎ (14%)፣ ካሜሩን (18%)፣ ሞዛምቢክ (18%)፣ ቤኒን (24%) የድርጅቱ አባል ናቸው። እነዚህ ምሳሌዎች የሚያረጋግጡት የሙስሊም አብላጫ ቁጥር ያላቸው (Muslim Majority) አገር መሆን የድርጅቱ አባል ለመሆን መስፈርት እንዳልሆነ ነው። በተጨማሪም እንደ ሩሲያ እና ታይላንድ ያሉ ቁጥራቸው የማይናቅ የሙስሊም ህዝቦች ያሏቸው ጥቂት አገሮች ታዛቢ ሆነው ተቀምጠዋል።

"አገራችን ኢትዮጵያ የእስልምና ትብብር ድርጅት (Organization of Islamic Cooperation (OIC) አባልነት ይገባታል" የሚሉ ዜጎቿ ከሚያቀርቧቸው መከራከሪያዎች ጥቂቶቹ የሚከተሉት ናቸው…

1/ ኢትዮጵያ ከእስልምና ጋር ያላት ታሪካዊ ትስስር

ኢትዮጵያ ከእስልምና ጋር ያላት ታሪካዊ ትስስር እጅግ ጥንታዊ ነው። ኢትዮጵያ የነብዩ ሙሐመድን ባልደረቦች ጨምሮ የመጀመሪያዎቹን የእስልምና እምነት ተከታዮች በመቀበልና በማክበር ትታወቃለች። ይህ የጥንት ሙስሊሞችን የመቀበል እና የማስተናገድ ታሪካዊ ተግባር ኢትዮጵያ ከእስልምና እምነት ጋር ያላትን የቆየ ግንኙነት ያሳያል።

2/ የመጀመሪያው የሶላት ጠሪ (አዛን አድራጊ) ሐበሻዊው ቢላል መሆን፤

ኢትዮጵያ በእስልምና ታሪክ ውስጥ ትልቅ ቦታ እንዲኖራት ካደረጉ ምክንያቶች አንዱ የነቢዩ ሙሐመድ ባልደረባ የነበሩት ቢላል ኢብኑ ረባህ የትውልድ ቦታ መሆኗ ነው። ቢላል በእስልምና የመጀመሪያው ሶላት ጠሪ (ሙአዚን) ነበር። የእሱ ትሩፋት ኢትዮጵያ ለእስልምና መስፋፋት ያደረገችውን አስተዋጽኦ በማሳየት የእስልምና ትብብር ድርጅት አባል እንድትሆን ጥሩ ድጋፍ ይሆናታል።

3/ የሐበሻ ሴቶች በእስልምና ታሪክ የተጫወቱት ሚና፤

ኢትዮጵያ በእስልምና የመጀመሪያው ዘመን ትልቅ ሚና ከነበራቸው ሴቶች ጋር ባላት ግንኙነት እውቅና አግኝታለች። ከነዚህም መካከል ኡሙ አይመን የተባለች ኢትዮጵያዊት ነቢዩ እናታቸው ከሞቱ በኋላ እሳቸውን በመንከባከብ እና በማሳደግ ስሟ ጎላ ያለ ነው። የእርሷ ሚና ኢትዮጵያ የመላው የዓለም ሙስሊም ማህበረሰብ መሪ የሆኑትን ነቢይ በመንከባከብ እና ፍቅር በመስጠት ያበረከተችውን አስተዋፅኦ የሚያሳይና ያላትንም ፋይዳ አጉልቶ የሚያሳይ ነው።

4/ የሙስሊም አብላጫ ቁጥር ባላቸው አገራት የኢትዮጵያውያን ሙስሊሞች ሚና፤

ኢትዮጵያ ከፍተኛ ቁጥር ያላቸው የእስልምና እምነት ተከታይ ዜጎች ያሏት አገር ስትሆን አብዛኞቹ በተለያዩ ምክንያቶች ለሥራና ለኑሮ የሙስሊም አብላጫ ቁጥር ወዳላቸው (Muslim Majority) አገራት ተሰደዋል። ኢትዮጵያውያን ሙስሊሞች በእነዚህ ሀገራት መገኘታቸው በኢትዮጵያ እና በሌሎች እስላማዊ ሀገራት መካከል ያለውን ባህላዊ እና ማህበራዊ ትስስር በማጠናከር ለእስልምና ትብብር ድርጅት አባልነት መብቃቷን የበለጠ ያመቻችላታል።

5/ የሙስሊሙ ህዝብ ቁጥር ከፍተኛነት፤

ኢትዮጵያ ከፍተኛ ቁጥር ያለው የእስልምና እምነት ተከታይ ዜጎች ያላት ቢሆንም በታሪክ ግን "የክርስትያን አገር" ተብላ እንድትታወቅ ከፍተኛ ስራ ተሰርቷል። ነገር ግን በአገሪቱ ልዩ ልዩ ክፍሎች የሙስሊሙ ማህበረሰብ በብዛት መገኘት ሀገሪቷ ሀይማኖታዊ ብዝሃነት የተላበሰች መሆኗን አሳይቷል። ይህ መመዘኛ አገሪቱ የእስልምና ትብብር ድርጅትን በመሳሰሉ እስላማዊ ድርጅቶች ውስጥ እውቅና እና ውክልና እንደሚያስፈልጋት አጉልቶ የሚያሳይ ነው።

በማጠቃለያው ኢትዮጵያ ከእስልምና ጋር ያላት ታሪካዊ ትስስር፣ በእስልምና ታሪክ ያበረከተችው ጉልህ አስተዋፅዖ፣ በአገር ውስጥም ሆነ በውጪ የሚገኙ ኢትዮጵያውያን ሙስሊሞች መኖራቸውና ለሃይማኖታዊ መልክዓ ምድሯ የተለያየ እውቅና መሰጠቷ የእስልምና ትብብር ድርጅት አባል በመሆኗ ሂደት ሊኖር የሚችልን ተግዳሮት እንደሚያስወግድ ይታመናል።

ኢትዮጵያ ከእስልምና ትብብር ድርጅት ጋር በመተባበር የሙስሊም ህዝቦቿን ጥቅም በአለም አቀፍ መድረክ ስትወክል ከሌሎች እስላማዊ ሀገራት ጋር ያላትን ዲፕሎማሲያዊ፣ ባህላዊ እና ኢኮኖሚያዊ ግንኙነትም የበለጠ ማጠናከር እንደምትችል ይታመናል። በተለይም ከህዳሴው ግድብ መገንባት ጋር ተያይዞ ከግብጽ ጋር የተፈጠረውን ፍጥጫ ለማርገብና ጉዳዩን ፍትሃዊና ዲፕሎማሲያዊ በሆነ መንገድ ለመፍታት እንደሚያግዝ ይታመናል።

◼ ኢትዮጵያ ከፍተኛ ቁጥር ያለው ሙስሊም ህዝቧን እና የአጎራባች ማስበረሰብ አባላትን ግምት ውስጥ በማስገባት የእስልምና ትብብር ድርጅትን ልዩ ፕሮግራም መቀላቀል ከሚያስገኘው ጥቅም ልትቋደስ ትችላለች።

➤ የኢኮኖሚ እድገት፤

የእስልምና ትብብር ድርጅት (OIC) በአባል ሀገራት መካከል ንግድ እና ኢንቨስትመንትን ያመቻቻል። ይህም ኢትዮጵያ እጅጉን ለሚያስፈልጋት "የውጭ ቀጥታ ኢንቨስትመንት" መንገድ የሚከፍት ሲሆን ይህም የኢኮኖሚ ልማትን እና የስራ እድልን ይፈጥራል። በተጨማሪም OIC የኢትዮጵያን መሠረተ ልማት እና ኢንዱስትሪ ለማዘመን የሚረዱ የንግድ ስምምነቶችን እና የቴክኒክ ድጋፍ ፕሮግራሞችን ያቀርባል።

➤ የፖለቲካ ሽምግልና፤

በአባል ሀገራቱ ውስጥ የሚነሱ ግጭቶችን በመፍታት የእስልምና ትብብር ድርጅት ባለው ሰፊ ልምድ ውይይቶችን በማመቻቸት እና በኢትዮጵያ የፖለቲካ ጉዳዮች ላይ ሰላማዊ መፍትሄዎችን በማፈላለግ ረገድ ጠቃሚ መድረክ ሊሆን ይችላል። ስለ አካባቢው ጥልቅ ግንዛቤ ያለው ገለልተኛ አስታራቂ ሆኖ ድርጅቱ የሚጫወተው ሚና ውስብስብ የፖለቲካ ተግዳሮቶችን ለመፈተሽ አጋዥ ሊሆን ይችላል።

➤ ማህበራዊ ልማት፤

የእስልምና ትብብር ድርጅት ድህነት፣ እኩልነት እና የትምህርት ተደራሽነት እጦትን በመሳሰሉ ጉዳዮች ላይ በማህበራዊ ልማት በስፋት በመሳተፍ ኢትዮጵያ ከዚህ የልማት ፕሮግራም ከፍተኛ ጥቅም እንድታገኝ ሊያደርግ ይችላል። የገንዘብም ሆነ የእውቀት ድጋፍ ለኢትዮጵያ እጅጉን ያስፈልጋታል።

➤ የተጠናከረ አካባቢያዊ ትስስር፤

የእስላማዊ ትብብር ድርጅትን መቀላቀል ኢትዮጵያ ሙስሊም ከሚበዙባቸው ጎረቤቶቿ ጋር ያላትን ግንኙነት እንድታጠናክር ያስችላታል። ይህም የኢኮኖሚ አጋርነትን በማጎልበት በአካባቢያዊ ደኅንነት ጉዳዮች ላይ የፖለቲካ ትብብርን ያሳድጋል። የኢትዮጵያን አጠቃላይ አቋምም ያጠናክራል።

➤ ሥነ ሕዝባዊ መጣጣም፤

ኢትዮጵያ የእስላማዊ ትብብር ድርጅትን ብትቀላቀል ከአባል አገራት ህዝብ ጋር መጣጣም መፍጠር፣ አካባቢያዊ ሚናዋንም ማሳደግ ትችላለች።

" አጋቾቹ ከጠየቁት 2 ሚሊዮን ብር 1.4 ሚሊዮን ብር ከፍለን ሌላውን እየፈለግን ነበር ግን ቀድመው ጀናዛቸውን ላኩልን " - ቤተሰቦች

በኦሮሚያ ክልል፣ ሰሜን ሸዋ ዞን ደራ ወረዳ ገንዳ አረቦ ተብሎ በሚጠራው አካባቢ በታጣቂዎች ታግተው የነበሩ የሀጂ አህመድ መስጅድ ኢማም ሼይኽ ሙሀመድ መኪን ሸይኽ ሙሀመድ አሪፍ አብረዋቸው ታግተው ከነበሩት 12 የሚሆኑ የቅርብ ቤተሰቦቻቸው ጋር መገደላቸው ተሰምቷል።

የዛሬ ወር ገደማ ሸይኹ የሱብኺ ሶላት አሰግደው በሚመለሱበት ወቅት ነበር እሳቸውንና ቤተሰቦቻቸውን  ጨምሮ ከ30 በላይ የአንድ አካባቢ ሰዎች በታጣቂዎች መታገታቸው የተገለጸው።

በወቅቱ ከታገቱት ሰዎች በተጨማሪ ከ80 በላይ የሚሆኑ የቀንድ ከብቶች መዘረፋቸውም ተገልጿል።

በተደረገው የገንዘብ ድርድር ከታገቱት ሰዎች መካከል የሸይኹ እናትና ባለቤታቸው ጨምሮ ጥቂት ሰዎች የተለቀቁ ቢሆንም ሼይኽ ሙሀመድ መኪንን ጨምሮ 12 የሚሆኑ የቅርብ ቤተሰቦቻቸው ተገድለዋል።

አጋቾቹ ከጠየቁት 2 ሚሊዮን ብር 1.4 የሚሆነው ከፍለው ቀሪውን እየፈለጉ እንደነበር የተገለፁት ቤተሰቦች " ነገር ግን ቀድመው ጀናዛ ላኩልን የተፈፀመብንን ከባድ ግፍ ነው ያጣነው ታላቅ አሊም፣ አስታራቂ ሽማግሌ የነበሩ ሰው ነበር ያለምንም ምክንያት ነው በግፍ የተገደሉት " ሲሉ ቤተሰቦቻቸው ለሀሩን ሚዲያ ገልጸዋል።

መረጃው የሀሩን ሚዲያ ነው

#RN05

በኦሮሚያ ክልል ታግተው የነበሩት ኢማም ከነ 12 ቤተሰቦቻቸው ተገደሉ
~~~~~~~~~~~~~~~~~
#RN05

- ሀሩን ሚዲያ፣ ጥቅምት 22/2017 እንደዘገበው በኦሮሚያ ክልል ሰሜን ሸዋ ዞን ደራ ወረዳ ገንዳ አረቦ ተብሎ በሚጣራው አካባቢ ከሀጂ አህመድ መስጅድ በታጣቂዎች ታግተው የነበሩት የሀጂ አህመድ መስጅድ ኢማም ሼይኽ ሙሀመድ መኪን ሸይኽ ሙሀመድ አሪፍ አብረዋቸው ታግተው ከነበሩት 12 ቤተሰቦቻቸው ጋር በዛሬው ዕለት መገደላቸው ተሰምቷል።
.
ሼይኽ ሙሀመድ ከሳምንታት በፊት የሱብኺ ሶላት አሰግደው በሚመለሱበት ወቅት ነበር ቤተሰቦቻቸውን ጨምሮ ከ30 በላይ የሚሆኑ የአካባቢው ሰዎች ታግተው መወሰዳቸው የተገለፀው። ከቀናት በኋላ በተደረገ የገንዘብ ድርድር የኢማሙን እናት እና ባለቤት ጨምሮ ጥቂት ሰዎች መለቀቃቸው ተጠቁሟል።
ኢማሙን ጨምሮ 12 ቤተሰቦቻቸው ግን በዛሬው እለት መገደላቸው ተሰምቷል። ግድያው የተፈፀመው መንግስት "አሸባሪ" ብሎ በፈረጀው የኦነግ ሸኔ ታጣቂዎች አማካኝነት መሆኑን ከስፍራው ለሀሩን ሚዲያ የደረሱ መረጃዎች ያመላክታሉ።
ሼይኽ ሙሀመድ መኪን የታላቁ አሊም ሼይኽ አህመድ ደራ የልጅ ልጅ ሲሆኑ የሃጂ ሙሀመድ ወሌ የወንድም ልጅ መሆናቸው ተገልጿል። ሼይኽ ሙሀመድ መኪን የሃጂ አህመድ መስጅድ እና ኻሪማ ኸሊፋ በመሆኑ በርካታ ደረሶችን እያስተማሩ እንደነበር ተሰምቷል።

ለመስዋእትነት እንጂ ለማዕድ የማይጠራው የትግራይ ክልል ሙስሊም!
~~~~~~~~~~
#የአቅል_አይምሮ_ትዝብት_ለRN05
.
ይህ ህዝባቸዉ ሞቶና ቆስሎ ካዳናቸው በኋላ በኢጎና በተለያዩ ምክንያቶች መልሰው ያንኑ ህዝብ መከራ ዉስጥ የሚጨምሩ ፖለቲከኞች ምሳሌ ለመሆን ተቃርበው የነበሩትና በተለያየ ስምና ማልያ የትግራይ ክልልን የሚመሩት አመራሮች ህዝባቸዉን ሌላ ማጥ ዉስጥ ሳይከቱ ወደ መግባባት መመጣታቸው ዘላቂ ከሆነ ያ ከመከራቸው እንጂ ከድሎታቸው ለማያካፍሉት ምስኪን ህዝብ የደስታና የእፎይታ ዜና ነው፡፡
.
በዚህ ረገድ ሰዎቹን በማቀራረቡ ረገድ የተሳተፉ ግለሰቦችና ተቋማት ሊመሰገኑ ይገባል፡፡ ሌላኛው ዋነኛው ጥያቄዬ በዚህ የእርቅ ሂደት ዉስጥ ሙስሊሙን የሚወክል አካል ማየት አልቻልኩም፡፡ ምናልባት የእርቁን መድረክ ያመቻቹ አካላት ከሙስሊሙ ዉጭ ያሉ ሊሆኑ ይችላሉ፡፡ ያ ከሆነ ደግሞ ያሻቸዉን ጠርተው ሊሆን ይችላል፡፡ በርግጥ በነጻነት የሚንቀሳቀስና የዚህን የእርቅ ሂደት ፖለቲካዊ ፋይዳ እንደማህበረሰብ የሚረዳ አካል በሂደቱ ዉስጥ ለመሳተፍ ጥሩ ምክንያትና ፍላጎት እንደሚኖረው ይጠበቃል፡፡ በመሆኑም የክልሉ ሙስሊም ፈተናዎቹ እንዳሉ ሆነው በራሱ ዳተኝነት ወደ ኋላ የሚል ከሆነ አካሄዱን ሊያስተካክልና መስዋእትነትን በሚከፍልበት ክልሉ ዉስጥ ባሉ ፖለቲካዊና ማህበራዊ ጉዳዮች ላይ በንቃት መሳተፍና ስለ ተገቢ ዉክልናው በመጨነቅ በትጋት ሊሰራ ይገባል፡፡
.
ያም ሆኖ ግን ይህ ሂደት የክልሉ ሙስሊም ለመስዋእትነት እንጂ ለግብር ወይንም ወሳኝ ጉዳዮች ላይ እንዲታይ የማይፈለግ ይሁን ወይንስ ራሱ የማይሳተፍ እንደሁ ጥያቄ እንዳነሳ አስገድዶኛል፡፡ በዉክልና በጣም የማምን በመሆኔ ለመሆኑ በክልሉ ሙስሊሙ በቂ ዉክልና አለዉን? የሚል መሰረታዊ ሃሳብ ሳላነሳ ማለፍ አልወደድኩም፡፡
.
የክልሉ ሙስሊም ማህበረሰብ እንደ ክልሉ ተወላጅ እኩል ገፈት ቀማሽ ከመሆኑ ባሻገር በክልሉ ወሳኝ ፖለቲካዊ ፣ማህበራዊና ሌሎች ሁነቶች ሲሳተፍ የማይታየው ድርብ ተጨቋኝ ለመሆኑ ሌላ ማሳያ ይሆን? በክልሉ ሲወርድ ሲዋረድ የመጣዉና ሙስሊሙን ጨምሮ ሁሉም ችላ ያለው መስጂድ የመስራትና የመስገድ የሃይማኖት ነጻነቱ የተገደበ መሆኑ እንዳለ ሆኖ ለመሆኑ በፖለቲካው ፣ በስልጣንና የእኩል ተጠቃሚነት ሂደቶች ዉስጥ ዉክልና አለዉን? የሚል ትዝብት አጭሮብኛል!
የለዉም ከሆነ.... በርግጥም መፍትሄው ላይ መነጋገሩ የግድ ይላል ለማለት ነው፡፡
ይሄው ነው!
.
ሃሳባችሁን ክተቡ!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

በቀድሞውየ NGO ጫማ የሚራመደው ህጋዊው መጅሊስ !
~~~~~~~~~~~~~~~~~~~~
#RN05
የአዲስ አበባ ከተማ እስልምና ጉዳዮች ከፍተኛ ም/ ቤት በገጹ እንዳስነበበው ሰሞኑን በከተማው በሚገኙ አንዳንድ ትምህርት ቤቶች ከሙስሊም ሴት ተማሪዎች አለባበስ ጋር በተያያዘ የተፈጠረውን ችግር ለመፍታት በመዋቅሮቹ አማካኝነት በየደረጃው ተከታታይ ውይይቶችን ሲያደርግ መቆየቱን ገልጿል።
ትላንትና የከፍተኛ ምክር ቤቱ ከፍተኛ አመራሮች እና ስራ አስፈፃሚዎች የአዲስ አበባ ከተማ አስተዳደር ሰላምና ጸጥታ ቢሮ ኃላፊ፣ የአዲስ አበባ ከተማ ፓሊስ ኮሚሽን ኮሚሽነር እንዲሁም የትምህርት ቢሮ ኃላፊዎች በተገኙበት በጉዳዩ ላይ ውይይት መደረጉን ተገልጿል።
በዚሁም መሰረት ችግሩ በተደጋጋሚ እየተከሰተ ያለና ዘላቂ መፍትሔ የሚያሻው ከመሆኑ አንጻር ከፍተኛ ም/ቤቱ ከፌደራል መጅሊስ እንዲሁም ከሚመለከታቸው የመንግስት አካላት ጋር በመሆን በጉዳዩ ላይ ዘላቂ እልባት የሚያመጣ የመፍትሔ ሀሳብ እንዲያቀርብ ከስምምነት መደረሱ ተነግሯል።
ከወሩ መጀመሪያ አካባቢ ጀምሮ ከትምህርት ገበታ የተገለሉ ተማሪዎችን በተመለከተ ግን በጊዜያዊነት ከመገለላቸው በፊት ይስተናገዱ በነበረበት ሁኔታ ወደ ትምህርት ገበታቸው እንዲመለሱና ትምህርታቸውን እንዲከታተሉ ከስምምነት መደረሱን ምክር ቤቱ ይፋ አድርጓል።
--------------
የRN05 ማስታወሻ
.
ይህ የአዲስ አበባ መጅሊስ የጀመረው እንቅስቃሴ ጊዝያዊ መፍትሄ በማስገኘት በኩል ጠቃሚ እርምጃ ነው፡፡ ከዚህ ቀደምም እንዲህ አይነት ጠቃሚ ግን ደግሞ ዘላቂ ሊሆኑ ያልቻሉ ጊዝያዊ መፍትሄዎች መገኘታቸው አይዘነጋም፡፡ ቢሆንም የዜጎች የመማር መብት ሊከበር የሚገባው በጸጥታ አካላትና በሚመለከታቸው የትምህርት አካላት መልካም ፍላጎትና ትብብር ላይ ብቻ ተንጠልጥሎ ሊሆን አይገባም፣ ምክንያቱ ደግሞ እነዚህ አካላት ህግን ሳይሆን ግለሰብን የሚወክሉ በመሆናቸው መልካም ፈቃዳቸዉን በነፈጉ ወይንም በሌሎች ሰዎች በተቀየሩ ጊዜ ጥያቄው ዳግም እንደ አዲስ መምጣቱ የማይቀር ነውና፡፡ እስካሁንም እየሆነ ያለው ይሄው ነው፡፡
.
ከዛ ይልቅ የዜጎች የመማር መብት መከበር ያለበት በህግ እና ሲጣስ ደግሞ ሊታረም የሚገባው በፍርድ ቤት ሊሆን ይገባል፡፡ ያኔ ብቻ ነው መብት ገፋፊ አካል በመልካም ፈቃድ ወይንም በጊዝያዊ ተጽእኖ ሰበብ ተመልሶ መብት ሰጪ ሳይሆን ለጣሰው ህግ ተጠያቂና ዋጋም ከፋይ የሚሆነው፡፡ በመሆኑም እንዲህ አይነት የመብት ጥሰቶች ሲከሰቱ የመጅሊሱ አመራሮች ልክ ያኔ NGO እንደነበሩበት ዘመን በየባለስልጣናቱ ቢሮ ከሚኳትኑና ጉዳዩንም የግድ የጸጥታ ጉዳይ ከሚያስመስሉት ጉዳዩን መያዝና አስተማማኝ በሆነ ሁኔታ የተማሪዎችን መብት አስከብሮ ሲያበቃ ለሌላውም መማርያ ይሆኑ ዘንድ መብት ገፋፊዎች ፍርዳቸዉን እንዲያገኙ በማድረግ ጉዳዩ ዳግም አጀንዳ እንዳይሆን ማድረግ የሚገባው የተቋሙ የህግ ክፍል ነው እንላለን፡፡
.
የተቋሙ ህጋዊ መሆንም ፋይዳው ይሄው ነው! ለማስታወስ ያህልም ህዝበ ሙስሊሙ መጅሊሱ ከ NGO ነት ተላቆ ህጋዊ እንዲሆንለት የታገለው የባለስልጣናትን በጎ ፈቃድ ከመጠየቅ ወጥቶ መብቶቹን በህጋዊ መንገድ እንዲያስከብርለት ነው! ስለዚህም ነው መጅሊስ ሆይ የቀድሞዉን የ NGO ጫማህን አዉልቅና ህጋዊዉን አጥልቅ የምንለው!
ኢትዮጵያ ዉስጥ ያለዉን የህዝበ ሙስሊሙ ታሪክና ትርክት በደምብ የሚገነዘብ አካል የሙስሊሞች ተወካይ ድርጅት ከምንም በላይ በቅድምያ የሚያስፈልገዉና ብዙ ኢንቨስት ሊያደርግበት የሚገባው ዲፓርትምርንት ቢኖር የህግ ዲፓርትመንት መሆኑን ለአፍታም አይዘነጋም !
ይሄው ነው!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

አረብ ሊግም ቢሆን እንገባለን #RN05

#RedSea

" ዓለም ዛሬ ይስማ የቀይ ባህር አክሰስ ሰላማዊ በሆነ መንገድ ኢትዮጵያ ያስፈልጋታል " - ጠ/ሚ ዐቢይ አህመድ (ዶ/ር)

🟢 " ወይ እኛ ወይም ልጆቻችን ይህንን ያሳኩታል "🟢

የኢትዮጵያ ጠቅላይ ሚኒስትር ዐቢይ አህመድ (ዶ/ር)  ጠቅላይ ሚኒስትሩ " ኢትዮጵያ የማይናወጥ ብሔራዊ ጥቅም አላት ዓለም ዛሬ ይስማ የቀይ ባህር አክሰስ ሰላማዊ በሆነ መንገድ ኢትዮጵያ ያስፈልጋታል " ሲሉ በዛሬው ፓርላማ ላይ ተናግረዋል።

ይህንን ሲናገሩ የፓርላማ አባላት ዘለግ ያለ ከፍተኛ ጭብጨባ አሰምተዋል።

" በዚህ (ቀይ ባህር) ጉዳይ የምንደብቅ የሚመስለው ካለ ተሳስቷል " ያሉት ጠቅላይ ሚኒስትሩ " በጦርነት ፣ በኃይል አንፈልግም በቂ ሪሶርስ ነው በማንኛውም ህግ በማንኛውም የሀገር ልምምድ ኢትዮጵያ ይገባታል " ብለዋል።

" ብዙዎች እኮ ይላሉ 120 ሚሊዮን ህዝብ መቆለፍ ነውር ነው ይላሉ ፤ አንዳንድ የተገዙ ኢትዮጵያውያን ባይገባቸውም ወይ እኛ ወይ ልጆቻችን ያሳኩታል ፤ ይሄ ምንም ጥርጥር የለውም እውነት ስለሆነና ሎጂካል ነገር ስለሆነ " ሲሉ ተደምጠዋል።

" ይህንን አስታኮ ' ነገ ውጊያ ይነሳል ' ብለው የሚያስቡ ሰዎች አንዋጋም ከማንም ጋር የመዋጋት ፍላጎት የለንም " ሲሉ ተናግረዋል።

" ' ኢትዮጵያን ሊወሩ ይችላሉ ሀገራት ' የሚል ስጋት ያለባቸው ሰዎች አልፎ አልፎ ስለሚነሱ ኢትዮጵያን ማንም ሰው ዛሬ በኃይል መውረር አይችልም ማንም !! " ሲሉ ገልጸዋል።

" ለመመከት የሚያስችል በቂ አቅም አለን። ስንገዛ ስንሸምት የነበርናቸውን በውጊያ ክፍተት የገጠሙንን ነገሮች ማምረት ጀምረናል። እናመርታለን ፣ ሰው አለን ጀግኖች ነን ከነኩን ግን ለማንም አንመለሰም " ብለዋል።

ይህንን ሲናገሩም የፓርላማ አባላት በጭብጨባ አቋርጠዋቸው ነበር።

ኢትዮጵያ የወረራ ስጋት እንደሌለባት የገለጹት ጠቅላይ ሚኒስትሩ " በአጼ ሚኒሊክ ዘመነ መንግሥት ብዙ አቅም ባልነበረበት ኢትዮጵያውያን አባቶቻችን አድዋ ላይ ሄደው አሸንፈው ነጻነት ማስከበር ከቻሉ ያኔ 5 ሚሊዮን ነበሩ ዛሬ 120 ሚሊዮን ነው የጀግንነት ደሙ እንዳለ ነው ስጋት አይግባችሁ ማንም ቢመጣ አሳፍረን እንመልሳለን እኛ ግን ማንንም አንነከም " ብለዋል።

ዘገባው የ @TikvahEthiopia ነው

የአ.አ መጅሊስ ለከተማዋ ትምህርት ቢሮ " የሙስሊም ሴት ተማሪዎች ላይ እየደረስ ስላለው ጫናና እንግልት" የየጻፈው

#RN05

🚩በአንድ ወቅት የተቃወምከዉን ድርጊት በሌላ ወቅት ዝም ካልክ አንተ የት ነህ?!
~~~~~~~~~~~~~~
#የአቅል_አይምሮ_ትዝብት_ለRN05
.
ይህ ከታች የሚታየው ደብዳቤ በጣም በአጭሩ "ኒቃብ ወይንም በእነሱ አገላለጽ (የአፍ መሸፈኛ ማስክ) ለብሶ መማርም ሆነ ት/ቤት ቅጥር ግቢ ዉስጥ መገኘት ወንጀል ነው ! አይቻልም" የሚል ነው፡፡ ምክንያቱ ደግሞ በተሻሻለው ህግ በትምህርት ቤት ዉስጥ ሃይማኖታዊና ፖለቲካዊ ተግባር መፈጸም ስለማይፈቀድ!" የሚል ነው፡፡
.
ይህ ደብዳቤ የተጻፈው ከ7 አመት በፊት ቢሆን ኖሮ የተጨማደደዉን ወረቀት ተኩሰው፣ በየማእዘኑ እንዲበተን የሚያደርጉትና በዉስጥም ለየሚድያዎቹ የሚያደርሱት ሰዎች ዛሬ ያንን ለማድረግ ሼም ይዟቸዋል! ወይንም ሌላ አጀንዳ ላይ ናቸው፡፡
.
በመሰረቱ ኒቃብ መከልከል ብቻ ሳይሆን እንደ ሼካ ፋጢማት አይነት የአይነስዉራን ት/ቤቶች ዉስጥ ሂጃብም ሆነ ሰላት መስገድ መከልከሉን ሁሉም ሰምቷል፡፡ ትምህርት ቤቱም ያለምንም ማብራርያ ግቢ ዉስጥ ሲገባ ሌላ መጠርያ እንዲኖረው መደረጉን ሁሉም አይቷል ሰምቷል፡፡ ከዚህም ዉጭ 32 መስጂዶች በአንዴ እንዲፈርሱ ተደርገው እስካሁን ጥቂቱም መተካታቸው አልተሰማም፡፡ ያም ሆኖ የሚጮህም፣ የሚጠይቅም የለም! ሁሉም ያሻዉን ያገኘ መስሏል፡፡
.
እነዚህ በደሎች በቀድሞ ስርዓቶች ተፈጽመዋል፡፡ ሙስሊሙ ግን ታግሏቸው ለዉጥ አምጥቷል፡፡ አሁን ግን እነዚህንና ሌሎችን በደሎች ሁሉም በጸጋ የተቀበላቸው ይመስላል፡፡ ምክንያቱም የሙስሊሙ ግምባር ነን የሚሉት አካላት በህዝበ ሙስሊሙ ላይ የሚፈጸሙ ግፍና በደሎችን የሚመዝኑት በበደሉ አይነትና በሚያስከትለው አሉታዊ ዉጤት ሳይሆን በምንገፋፋቸዉና በምንተቃቀፋቸው በዳይ ስርዓቶች ማንነት በመሆኑ ይመስለኛል! ለዚህም በላእላዩ ወገን በኩል የሚሰጠው ምክንያት "እኔም ሲስተሙ ዉስጥ አለሁበትና ከቻልኩ ዉስጥ ለዉስጥ በዘዴ ካልሆነ ዝም በማለት አልፈዋለሁ!" ሲሆን ከታች ላለው ህዝብ ደግሞ በተዘዋዋሪ የሚተላለፈው መልእክት " ጥቂትን የሰጠን አካል ብዙዉን ቢወስድብን ችግር የለም !"የሚል መስሏል፡፡ ይህም ከ "ለመብታችን መቼም እንታገላለን!" ወደ "ግዴለም እንታገሳለን!" የተቀየረ መንገድ ሆኗል ማለት ይቻላል፡፡ ይህንንም መንገድ ተከትለው ብዙ መዋቅሮች የህዝቡን መሰረታዊ መብቶች በተደራጀና በተጠና መልኩ ሲጥሱ ማየት የተለመደ ሆኗል፡፡
.
እናም ትዝብቴን ሳጠናቅቅ
.
ስማኝማ "በአንድ ወቅት ሲፈጸም የተቃወምከውና መብቴ ይከበር ያልክበት ተመሳሳይ በደል በሌላ ወቅት ሲፈጸም ዝም ካልክ - ያኔ ከበዳዩ አካል በርቀት ላይ ነበርክ፣ አሁን ግን የበዳዩ አካል ቅርብ ሰው ሆነሃል ማለት ነው! " የሚል ፍልስፍና ላይ እንድደርስ አድርጎኛል!
,
በርግጥ ይህንን መጻፍ ብዙዎችን እንደሚያበሳጭና ከልማት አደናቃፊዎች ጋር እንደሚያስመድብ እረዳለሁ! ቢሆንም ይሄው ነው! የእናንተስ ሃሳብ ምን የሚል ነው?!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

____________________________________
"በእስራኤል የጅምላ ጭፍጨፋ እስካሁን ድረስ 2,672 ተገድለዋል፣ 12,468 ቆስለዋል" የሊባኖስ የጤና ሚንስትር
____________________________________
ይህ ሊባኖስ ነው! አለምም እያየ ነው!
የአካባቢው ሃገራት ችላ ያሉትና በጋራ ሲሰሩበት የማይታየው ጥያቄ፡ " ቀጣዩስ ማነው? እስከየትስ ነው" የሚለው ነው?!
#RN05

🚩ለወትሮው ሙስሊም ጠል የሚባሉት ትራምፕን ሙስሊሞች ሊመርጥዋቸው? ምን ቢያዩባቸው?!
~~~~~~~~~~~~~
#RN05
.
___________________
"አምላህ ሁለት ጊዜ ህይወቱን ያተረፈው ለምክንያት ነው!" በሚቺጋን የሙስሊሞች ተወካይ
_________________
.
የሚቺጋን አሜሪካን ሙስሊሞች እጩ ተወዳዳሪ ዶናልድ ትራምፕን እንደሚመርጡ ይፋ አድርገዋል፡፡ ይህንንም ያደረጉት ከዶናልድ ትራምፕ ጋር ባደረጉት ዉይይት የቀድሞው ፕሬዝደንትና የአሁኑ እጩ ተወዳዳሪ እንደነጮቹ ካሌንደር ኖቬምበር መጀመርያ ሳምንት ላይ የሚደረገዉን የዘንድሮዉን የፕሬዝደንትነት ዉድድር ካሸነፉ የጋዛንና የዩክራይንን ጦርነት እንደሚያስቆሙ ቃል የገቡ በመሆናቸው እንደሆነ ሲናገሩ ተደምጠዋል፡፡
.
እስካሁን ባለው የአሜሪካ የፕሬዝደንታዊ ምርጫ ሂደት አሜሪካዊ ሙስሊሞችና አብዛኞቹ የአረብ ሃገር ማንነት ያላቸው ዜጎች ይመርጡ የነበሩት የዲሞክራት እጩዎችን እንደነበረ ይታወቃል፡፡ ዘንድሮ ግን በተለይ የጆ ባይደን መንግስት የጋዛ ጦርነትን ካማስቆም ይልቅ ያለምንም ቅድመ ሁኔታ ለእስራኤል ባደረገው ድጋፍ ሰበብ ብዙዎች የሸሹ ሲሆን አዲሷ እጩ በበኩላቸው የባይደንን ሌጋሲ ከማስቀጠል በቀር የጋዛዉን ጦርነት ለማስቆም ይህ ነው የሚባል ጠንካራ አቋም ባለማሳየታቸው ብዙ ትዉልደ አረብ አሜሪካዊያንና ሙስሊሞች ዲሞክራቶችንም ሆነ ሪፐሊካኖችን ላለመምረጥ የወሰኑ መሆኑ መነጋገርያ እንደነበረ ይታወቃል፡፡
.
ይህንኑ የተገነዘቡ የሚመስሉት ዶናልድ ትራምፕ በግልጽ ቋንቋ "የመካከለኛው ምስራቅንና የዩክሬንን ጦርነት እንደሚያስቆሙ ቃል ገብተዋል" በሚል ለወትሮ ሙስሊም ጠል ናቸው ለሚባሉት ትራምፕ በሚቺጋን የምርጫ ቅስቀሳቸው ወቅት ሙስሊሞች ይህንን የድጋፍ መግለጫ መስጠታቸው አዲስ አነጋጋሪ ክስተት ሆኗል፡፡
.
**** እርሶስ ይህንን ዜና እና የትራምፕን ቃል ብሎም የሙስሊም አሜሪካዊያንን ዉሳኔ እንዴት ያዩታል? አስተያየቶን ይጻፉልን!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

የወዳጅነት የሚመስለው የእስራኤል ጥቃት በኢራን ላይ !
~~~~~~
#RN05
______
"በኢራን ላይ የወሰድኩትን የተሳካ ጥቃት አጠናቅቅያለሁ! " እስራኤል
" የመከላከል አቅሜ ከፍ ያለ መሆኑን አሳይቻለሁ!" ኢራን
_____
.
እስራኤል ወሩን ሙሉ የዛተችበትን ኢራን ላይ ግብረ መልስ የመስጫ ጥቃት ፈጽማለች። የእስራኤል ጦር ይህ የተወሰደው እርምጃ በጥቅምት ወር መጀመሪያ አካባቢ ኢራን በእስራኤል ላይ ለወሰደችው የባለስቲክ ሚሳኤል ጥቃት አጻፋ እንደሆነና ጥቃቱም በቴህራን ወታደራዊ ኢላማዎች ላይ ያነጣጠረ እንደነበር ነው የገለጸው።
.
ምንም እንኳን እስራኤል ወደ 20 የሚጠጉ የኢራን የጦር ተቋሞችን ኢላማ ያደረገ ጥቃት በተሳካ ሁኔታ ፈጽምያለሁ ብትልም ፣ ኢራን በበኩሏ ጥቃቱ መፈጸሙን አምና ነገር ግን የደረሰ ይህ ነው የሚባል ትልቅ ጉዳት አለመኖሩን ይልቁንም የአየር መከላከያ ስርአቷ የእስራኤልን ጥቃት በተሳካ ሁኔታ ማክሸፉንና ይህም ኢራን ያላት የመከላከል አቅም ጠንካራ መሆኑን ያስመሰከረ ነው ብላለች።
.
ቴህራን 2 የሰራዊቷ አባላት ከመገደላቸው ውጪ የደረሰው ጉዳት መጠነኛ ነው ብላለች። አሜሪካ በበኩሏ የእስራኤል ጥቃትን በተመለከተ መረጃው እንደነበራት ነገር ግን ተሳትፎ እንዳላደረገች ገልጻለች። ያም ሆኖ ኢራን እስራኤል ላይ ዳግም የመልስ ጥቃት እንዳትፈጽም ጠይቃለች።
.
እስራኤል ኢራንን ለመቅጣት እወስደዋለሁ ስትል የነበረው እርምጃ ቀድሞ እንደዛተችው በሰፊና ወሳኝ ኢላማዎች ላይ ሳይሆን በተመጠነ አጸፋ ብቻ የፈጸመች መሆኑንና ለዚህም የአሜሪካ ውትወታ ሰበብ ስለመሆኑ የተገለጸ ሲሆን ይህም ለስለስ ያለ ምላሽ በተለይ አክራሪ የእስራኤል የካቢኒ አባላትን እንዳላስደሰተ ለጉዳዩ ቅርበት ያላቸው ተናግረዋል።
.
በሌላ በኩል የኢራን ባለስልጣናት በጉዳዩ ዙርያ ቀዝቀዝ ያሉ ምላሾችን መስጠታቸው የደረሰው ጉዳት ካሰቡትም ያነሰ እስከሆነ ድረስ ጦርነቱን የመቀጠል ፍላጎት የሌላቸው ስለመሆኑ ማሳያ ነው ተብሏል።
.
ከዚሁ ጋር ተያይዞ እስራኤል የወሰደችውን ይህንን እርምጃ በተመለከተ ባልተለመደ መልኩ ቅድምያ ኢራንን ጨምሮ ለተለያዩ ሀገራት ማሳወቋ እየተዘገበ ይገኛል። ይህም እስራኤልም ሆነች አሜሪካ ኢራንን እንደሌሎች የአካባቢው ሀገራት ያለምንም ኪሳራ እንዳሻቸው ሊያጠቋት እንደማይችሉ በመረዳት ጥቃቱን ለማቀዝቀዝና የጦር ልምምድ በሚመስል መልኩ ለማርገብ የታለመ እንደሆነ ነው ተንታኞች የሚገልጹት። ይህም እስራኤል ኢራን ላይ የወሰደችው የመልስ ምት የወዳጅነት አስመስሎታል!
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

🚩ትራምፕ ቢያሸንፍ ምን ይመጣል?
❓የትራምፕ መምጣት የሚያሰጋቸው እነማን ናቸው? ለምን?
~~~~~~~~~~
#የቢላል_ትዝብት
.
የአሜሪካ ምርጫ 11 ቀናት ብቻ ቀረው እየተባለ ነው። ቀድሞ መምረጥ የፈለገ መምረጥ ከጀመረ ሰነባብቷል። መቸም የአሜሪካ ምርጫ አሜሪካኖችን ብቻ ሳይሆን ቅሉንም ጨርቁንም ነው የሚያነጋግረው። በተለይ አውሮፓውያን ከሃገራቸው ምርጫ ይልቅ የአሜሪካ ምርጫ ነው የሚያስጨንቃቸው። ወሬያቸው በሙሉ "ትራምፕ እየመጣ ነው፣ ጉድ ሊፈላ ነው!" የሚል ነው። የትራምፕን መምጣት በጭንቀት ተወጠረው እየተጠባበቁ እንደሆነ ለመደበቅ እንኳን አይሞክሩም። ከአሜሪካ ሊብራሎች ባልተናነሰ ምናልባትም በከፋ ደረጃ የትራምፕን መምጣት የማይፈልጉት አውሮፓውያን ናቸው ቢባል ብዙ ማጋነን አይሆንም። ከአራት አመታት በፊት ስልጣን ላይ በነበረበት ጊዜ ያደረገውን ያስታውሳሉ። የአሜሪካ የጭን ውሾች የሆኑት አውሮፓውያን ትራምፕ "አላስነካችሁም!" ብሉ መከራቸውን አብልቷቸዋል። እንደ ሰፈር ጎረምሳ ወይንም የሽፍታ አለቃ "ገንዘብ ካልከፈላችሁኝ ለደህንነታችሁ ዋስትና አልሰጥም!" ብሎ አስደንግጧቸዋል። ከአለም አቀፉ የፓሪስ የአካባቢ ብክለት ስምምነት አሜሪካንን ከመሳብ አልፎ ከሰሜን አትላንቲክ የጦር ቃልኪዳን ወይንም (NATO) ስምምነትም እውጣለሁ እያለ ሲያሸብራቸው ቆይቷል። አሁንም ቢሆን "ስልጣን ላይ ልውጣ እንጂ ሁልሽንም ልክ አስገባለሁ!" እያለ ነው። ትራምፕ ከመጣ ዩክሬይን ከሩስያ ጋር ከመስማማት ውጪ አማራጭ አይኖራትም። አውሮፓውያን እንደሆኑ አሜሪካንን ተከትለው ካልሆነ በስተቀር ለብቻቸው ዩክሬይንን ለማስታጠቅ እጃቸውን እንደማያነሱ የታወቀ ነው። በመሰረቱ አውሮፓውያንም ሆኑ የባይደን አሜሪካ ዩክሬይንን እያስታጠቁ ያሉት ዩክሬይን ሩስያን ታሸንፋለች በሚል ሳይሆን በዩክሬናውያን የህይወት መስዋእትነት ሩስያን እናዳክማለን በሚል ስሌት ነው። ለፖለቲካ ቁማር ጨዋታ እንግዳ የሆነው ትራምፕ ይሄ አይነቱ ስሌት አይገባውም። ስለዚህ በግዢ እንጂ በነፃ የሚሰጥ ነገር በትራምፕ አለም ቦታ የለውም።
.
ከአውሮፓውያን ውጪ የትራምፕ መምጣት የሚያስጨንቀው ብዙ አይደለም። "ትራምፕ የመጣ እንደሆነ እስራኤል ፈቶ ይለቅብናል" የሚሉ አንዳንድ ድምፆች ከአንዳንድ ሙስሊሞች ሲነገር ይደመጣል፣ ነገር ግን ብዙዎች በትራምፕና ራሱን በይፋ "ጽዮናዊ ነኝ!" በሚል በኩራት በሚያውጀው ባይደን መካከል ምንም ልዩነት እንደሌለ ነው የሚያምኑት። ትራምፕ ባይደን ያላደረገውን ምን ማድረግ ይችላል ብለን ብንጠይቅ አጥጋቢ መልስ የምናገኝ አይመስልም። ባይደን ለእስራኤል መሳሪያ ከማስታጠቅ፣ የዲፕሎማሲ ድጋፍ ከመስጠት፣ ከጥቃት ከመከላከል አልፎ የአሜሪካ ወታደሮችን እስከመላክ የዘለቀ ድጋፍ አድርጓል። ከዚህ በላይ ምን የሚደረግ ነገር አለ? እንዲያውም የትራምፕ መምጣት አውሮፓውያንን ገለል ስለሚያደርግና አውሮፓውያኑ ራሳቸውን ችለው አቋም እንዲይዙ ሊያስገድዳቸው ስለሚችል በጎ ጎን ሊኖረው ይችላል የሚሉ አሉ።
.
በተረፈ ግን አረቦችን ጨምሮ ቻይናም ትሁን ሩስያ የትራምፕን መምጣት በጉጉት የሚጠብቁት ነው የሚመስሉት። ትራምፕ የተመረጠ እንደሆነ አሜሪካ ትልቅ የውስጥ ቀውስ ውስጥ እንደምትገባ መገመት ይቻላል። ትራምፕ የፖለቲካን ጨዋታና ባህል የማያውቅ ብቻ ሳይሆን ለማወቅም የማይፈልግ፣ በራሱ ሃሳብና ፍላጎት ብቻ የሚመራ፣ ለህግ የበላይነት ቅንጣት ታክል ክብር የሌለው፣ ቢቻለው አምባገነን መሪ ለመሆን የሚመኝ ሰው በመሆኑ ለአሜሪካ የልብ ህመም እንደሚሆን ይታሰባል። የአሜሪካ ልብ ህመም ደግሞ ለሌሎች በአሜሪካ ሶፍትና ሃርድ ፓወር መከራቸውን እያዩ ላሉ ሀገራት የልብ ፈውስ እንኳን ባይሆን በእፎይታ የመተፈሻ ጊዜ ሊሰጣቸው እንደሚችል ይገመታል። በተለይ እንደ ብሬክስ ያሉ በመቋቋም ላይ ያሉ አለም አቀፋዊ ተቋማት ከትራምፕ ሥልጣን ላይ መውጣት ጋር ተያይዞ ሊፈጠር የሚችለውን የአሜሪካ ቀውስ በመጠቀም አቅማቸውን ሊያጎለብቱ የሚችሉበት መልካም አጋጣሚ ሊፈጠርላቸው ይችላል። ለማንኛውም በሐያት ቆይተን የሚሆነውን ለማየት ያብቃን! አሜን!
.
*** የናንተንም ሃሳብ አካፍሉን!!!!
..........
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

"እስራኤል እስካሁን 128 ጋዜጠኞችን ገድላለች" ሲፒጄ
~~~~~
#RN05
.
እስራኤል ከምትወነጀልባቸውና ምናልባትም ወደፊት ዋጋ ከምትክፕፍልባቸው ወንጀሎች መሀል ጋዜጠኞች ላይ ያነጣጠረው ጥቃቷ አንዱ ነው።
.
እስራኤል ልክ እንደ ጋዛው ሁሉ በሊባኖስም ጋዜጠኞችን መግደሏን መቀጠሏ እየተዘገበ ይገኛል። እስራኤል በሊባኖስ ሃስባያ በተሰኘው ከተማ ውስጥ በፈጸመችው ጥቃት ሶስት ጋዜጠኞች መገደላቸው ነው የተዘገበው።
.
በመካከለኛው ምስራቅ ብቸኛዋ ዴሞክራሲያዊት ሀገር በሚል ለራሷ የምታጨበጭበው እስራኤል ምንም እንኳን ጋዜጠኞች ላይ ያነጣጠረ ጥቃት አልፈጽምም ብላ ብትሟገትም የጋዜጠኞች መብት ተሟጋቹ ሲፒጄ ባወጣው መግለጫ የጋዛው ጦርነት ከተጀመረ ወዲህ ቢያንስ 128 ጋዜጠኞችና የሚዲያ ባለሙያዎች መገደሏን ነው የገለጸው።
.
እስራኤል እንደ አልጀዚራ አይነት ሚድያዎችን ከማሸጓም ባለፈ እሷ የማታዛቸው ማንኛውም አይነት ሚድያዎችንና ጋዜጠኞችን ማየት እንደማትፈልግና ይህ ሳይሆን ሲቀር ግን የሚድያ ባለሙያዎች ላይ ያነጣጠረ ጥቃት እንደምትፈጽም ሲገለጽ ቆይቷል።

.#RN05
..........
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

.

ፎቶ- ሮይተርስ

Current Monitor የተሰኘው ገጽ አንድ ኮሎኔልን ጨምሮ 13 የእስራኤል ወታደሮች በሂዝቡላህ ታጣቂዎች መማረካቸውን በ ኤክስ ገጹ አስነብቧል።

ገጹ እንዳለው ከሆነ ጉዳዩ እስራኤል ውስጥ መደናገጥን የፈጠረ ሲሆን ሂዝቡላህ በጉዳዩ ዙርያ መግለጫ ይሰጣል ተብሎ እንደሚጠበቅ ነው::
---
እስራኤላውያን ተዋጊዎችና መንግስታቸው መማረክንና መግደልን እንጂ መ'ማረክና መገደልን ብዙ ስለማይጠብቁ ፣ ወይንም ራሳቸውን የተለዩ ፍጥረቶች አድርገው ስለሚስሉ በእንደዚህ አይነት ወቅት በከፍተኛ ሁናቴ እንደሚረበሹ ብዙዎች ይናገራሉ። ለዚህም ይመስላል ብዙዎች ከመቶ ሺ ፍልስጤማዊያን ህይወት ይልቅ የአንድ እስራኤላዊ ህይወት የበለጠ ዋጋ ያለው አድርገው ያስባሉ ሲሉ የሚገልጿቸው።
.
#የአቅል_አይምሮ_ትዝብት_ለRN05
..........
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

በሶማሌላንድ ምርጫ ጠ/ሚ አብይ ጣልቃ መግባት ይኖርባቸው ይሆን?
~~~~~~~~~~~~~~~
#የቢላል_ትዝብት
.
ሶማሌላንድ ብሄራዊ ምርጫ ለማድረግ እየተዘጋጀች መሆኑን እየሰማን ነው። የምርጫ ካርድ ውጪ ሃገር ታትሞ በአውሮፕላን ሃርጌሳ ሲገባ ሁሉም ተፎካካሪ ፓርቲዎች በተገኙበት አቀባበል ተደርጎለታል። በመሠረቱ ብሄራዊ ምርጫ ለሶማሌላንድ ብርቅ አይደለም። አሁን በሥልጣን ላይ ያለው ሙሴቢሂ በትረ ሥልጣኑን እስከጨበጠበት አጋጣሚ ድረስ ሶማሌላንድ በርካታ ከሞላ ጎደል ስኬታማ ምርጫዎችን አድርጋለች። ሆኖም ሙሴቢሂ ስልጣን ላይ ከወጡ ጊዜ አንስቶ በተከሰቱና በተኩስ የታጀቡ የእርስ በርስ ግጭቶችና ሌሎች የፖለቲካ አለመረጋጋቶች የተነሳ ምርጫ በወቅቱ ሳይካሄድ እስከ አሁን ዘልቋል።
.
ምርጫውን አስመልክቶ ከአካባቢው እየተሰሙ ያሉት ጭምጭምታዎች እንደሚሉት ከሆነ ሙሴቢሂ አብዲ ምርጫውን የሚያቸንፉ አይመስልም። "ሙሴቢሂ ሥልጣን ላይ የሰነበቱ እንደሆነ ግጭት ውስጥ መግባታችን አይቀርም፣ ሰዉየው ለሶማሌላንድ የህልውና አደጋ ናቸው!" የሚሉ ድምፆች በስፋት እየተደመጡ እንደሆነ እየሰማን ነው። ሌላው ቀርቶ የራሳቸው ጎሣ መሪዎች ሳይቀሩ ሙሴቢሂ ገለል እንዲሉ ምክረሃሳብ እየሰጡ እንደሆነ ነው እየተሰማ ያለው።
.
ይህ እየተሰማ ያለው ነገር እውነት ከሆነና ሙሴቢሂ ክሥልጣን ከተወገዱ በእሳቸዉና በዶክተር አብይ መካከል የተፈረመው የመግባብያ ስምምነት ታሪክ ማህደር ውስጥ እንደሚገባ አንዳንድ ተንታኞች አስተያየት ሲሰጡ ተሰምተዋል። በእርግጥም ሙሴቢሂ ሥልጣን የለቀቁ እንደሆን ሶማሌላንድ ከኢትዮጵያ ጋር የተፈራረመችው የመግባቢያ ስምምነት ቀጣይነት ይኖረዋል ተብሎ አይታሰብም። ይሄ ለኢትዮጵያ መንግሥትም ጭምር ግልጽ ነው። ግልጽ ያልሆነው ግን በዚህ ሂደት ውስጥ የኢትዮጵያ መንግሥት የሚወስደው ሚና ነው። የሙሴቢሂ ጀልባ ስትሰምጥ ዝም ብሎ ይመለከታል ወይንስ እንድትንሳፈፍ እጅ ያቀብላል?
.
አንዳንድ የፖለቲካ ተንታኞች ሙሴቢሂ ከሥልጣን እንዳይወርዱ ዶክተር አብይ እንቅስቃሴ ሊያደርጉ ይችላሉ የሚል ስጋት እንዳላቸው እየተናገሩ ነው። የስጋቱ ምንጭ ደግሞ ዶክተር አብይ ሰዉየዉን በሥልጣን ላይ ለማቆየት የሚያደርጉት እንቅስቃሴ በተፎካካሪ ፓርቲዎቹ መካከል ግጭት አስነስቶ ሃገሪቱን ወደከፋ መከራ ውስጥ ሊጨምራት ይችላል በሚል ነው።
.
በእርግጥም ሃገሯ ውስጥ ምንም አይነት ፍትሃዊ ምርጫ አድርጋ የማታውቀው ኢትዮጳያ በሶማሌላንድ ምርጫ ውስጥ ግልጽ ጣልቃ ገብነት ካሳየችና የምርጫው ውጤት ላይ ጫና ከፈጠረች ግጭት እንደሚፈጠርና የሶማሌ ህዝብ ለከፍተኛ መከራ ተጋላጭ እንደሚሆን የሚያጠራጥር አይደለም። ስለዚህ የብልጽግና መንግሥት ልክ እንደ ከዚህ ቀደሙ የኢህአዴግ መንግሥት የሶማሌ ህዝብ መከራ ደራሲ ለመሆን ካላማረው በስተቀር በሶማሌ ላንድ ምርጫ ውስጥ ጣልቃ ከመግባት ራሱን ሊያቅብ ይገባል የሚል እምነት አለኝ። አሻፈረኝ ብሎ ጣቱን የጠነቆለ እንደሆነ ግን በእርግጥ ሶማሌ ላይ ከባድ ችግር ሊፈጥር ይችላል፤ ነገር ግን የባህር በሩን ጉዳይ በዚህ አይነት ፈጽሞ ሊያሳካው አይችልም።
..........
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

መጥፎና ጥሩ ዜና
~~~~
#RN05
.
መርካቶ ሸማ ተራ በትላንትናው ምሽቱ ከባድ የእሳት አደጋ እንደደረሰበት ይታወቃል።

በዚህም ሳብያ የገበያ ማዕከሉን የተዛመተው እሳት ከፊል ህንጻውን አውድሞታል።

እስካሁን ሰው ላይ ስለደረሰ ጉዳት የተባለ ነገር የለም።

አደጋው እንደደረሰ ዘራፊዎችም የተረፈውን ሀብት ለመውሰድ የነበራቸ ግብግብ ብዙዎችን ማስቀየሙ ይታወሳል።

በዚህ የእሳት ቃጠሎ ሰበብ በርካቶች ለብዙ አመታት የደከሙበት ንብረታቸው በአንድ ምሽት አመድነት ሆኗል።

መልካሙ ዜና ደግሞ :-

የአዲስ አበባ ከተማ አስተዳደር "በአደጋው የደረሰውን የጉዳት መጠን ዝርዝር ጥናት አድርገን ከባለሃብቶች እና ከህብረተሰቡም ጋር በመሆን በፍጥነት መልሶ የማቋቋም ስራ ይሰራል ፤ ቦታውንም ወደ ቀደመው የንግድ ተግባር እንዲመለስ የማድረግ ስራ እንሰራለን" ማለታቸው ነው።

በቀደሙት ግዝያት ሆን ተብለውም ይሁን በተለያዩ ምክንያቶች የሚወድሙ የንግድ ማእከላትን ወደ ቀድሞ ይዞታቸው ከመመለስ ይልቅ በአብዛኛው ሲታጠፉ ማየት የተለመደ ነበር። በዚህም ሰበብ ብዙዎች በአንድ ጀምበር ወደ ባዶነት ይቀየሩ እንደነበር ይታወሳል

‼️ እስራኤል ሆይ! በሠፈረሽው ቁና መሰፈርሽ አይቀርም!
~~~~~~~~~~~~~~~~~
#የቢላል_ትዝብት
.
እስራኤል በፍልስጤም ህዝቦች ላይ ከፍተኛ የዘር ማጥፋት የጅምላ ጭፍጨፋ ዘምቻዋን ከጀመረች ጊዜ እንስቶ በርካት የፍልስጤም ህዝቦች ትግል መሪዎች ላይ ግድያ ፈጽማለች። ሆኖም በእነኝህ ሁሉ ግድያዎቿ ሌሎች አዳዲስና ቀድሞ ከነበሩትም በበለጠ አመራር የመስጠት ብቃት ያላቸው መሪዎች ወደፊት እንዲመጡ ከማድረግ በዘለለ የተጀመረውን ትግል ማስቆምም ሆነ ማዳከም አልቻለችም። በቅርቡ የተሰውት የሃማስ መሪዎች ከእነሱ ቀደም ብለው ከነበሩት መሪዎች ድርጅቱን ተረክበው ሲመሩ የነበሩ ታጋዮች ናቸው። ከእነሱ ቀደም ብለው በነበሩት መሪዎች አመራር ሰጪነት ከባድ ፍልሚያዎች ተደርገዋል። የቀድሞዎቹ መሪዎች ተሰውተው በአዳዲስ አመራሮች ሲተኩ አዳዲሶቹ ቀድመዋቸው ከነበሩት በበለጠ በመደራጀት ትግሉን በአንድ ደረጃ ከፍ አድርገው ጠላታቸው ላይ አሳማሚ በትር አሳርፈው ተሰውተዋል። ጥቅምት 7 2023 ፍልስጤማውያን ታጋዮች እስራኤል ላይ ያሳረፉት በትርም ሆነ ከዚያም በኋላ እስከ አሁን እያደረጉ ያለው ተጋድሎ ቀደም ብሎ ከነበሩት ፍልሚያዎች በሙሉ በእጅጉ የተለየና ጽዮናውያኑ የፍልጤም ህዝቦችን ለማንበርከክ ፈጽሞ እንደማይችሉ በግልጽ ያመላከተ ነው።
.
የመሪዎቹ መገደል ለአጭር ጊዜም ቢሆን ችግር መፍጠሩ የሚጠበቅ ቢሆንም በረጂም ጊዜ ግን የሚኖረው ተፅዕኖ ቀጣዮን የትግል ምእራፍ ይበልጡኑ ስኬታማ ማድረግ እንደሚሆን ምንም የሚያጠራጥር አይደልም። የፍልስጤምም ሆነ የሌባኖስ ታጋዬች የሚያደርጉት ተጋድሎ ፍትሃዊ የሆነ መነሻ ያለው በመሆኑ ተጋድሎው በመሪው መገደል የሚቆም ሳይሆን ያለ መሪም እንኳን የሚቀጥል ነው። ሂዝቡላህ ለሶስት አስርተ አመታት ሲመራው የነበረው መሪውና ምክትሉ ቢገደሉም ትግሉ ለደቂቃዎችም አልተገታም። እንዲያውም አልፎ እንደ ጭራቅ የሰው ደም የሚቀለበውን የጽዮናውያን መሪ ንብረት እስከማጥቃት የደረሰ ኦፕሬሽን ማሳካት ችለዋል።
.
እስራኤል እንደለመደችው ሰማይ ሰማዩን እየበረረች ቤት ከማፍረስና መሳርያ ያልታጠቁ ህጻናትና ሴቶችን ከመግደል በዘለለ ድንበር ሰብራ ለመግባት ያደረገቻቸው ሙከራዎች በሙሉ ከባድ ዋጋ እያስከፈሉዋት ከሽፈዋል። እስራኤል አሸናፊ መስላ ለመታየት የፈለገችውን ያህል ብትጋጋጥም ጭንብሏ ተጋልጦ እርቃኗን ቀርታለች። እስራኤል እንኳንስ ኢራንን የሚያክል ሃገር ይቅርና ሃማስና ሂዝቡላህን የመሳሰሉ በጣም ውሱን አቅም ያላቸውን ቡድኖች እንኳን ካለ አሜሪካና አውሮፓውያን እርዳታ ማሸነፍ እንደማትችል አሳይታናለች። የእስራኤል ቴክኖሎጂም ሆነ ገደብ የሌለው አረመኔያዊ ጭካኔዋ አስፈሪነቱ አክትሟል። የጊዜ ጉዳይ ቢሆን እንጂ በሰፈረችው ቁና መሰፈሯ እንደማይቀር እነሆ ገሃድ ሆኗል፤ ኢንሻ አላህ!
.
.........
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

❗️እየተበራከቱ የመጡት ቅጥ ያጡ የሬስቶራንቶች የመሰልቀጥ ማስታወቅያዎች
~~~~~~~~~~~
#የአቅል_አይምሮ_ትዝብት_ለRN05
.
አንዳንድ ማስታወቅያዎች አላማቸው ግራ አጋቢ ነው፡፡ አንዳንድ ሬስቶራንቶች ምግባቸዉን ለማስተዋወቅ የግድ አንድ ወይንም ሁለት ኪሎ ስጋ በአንዴ ጠቅልለን ካልጎረስን የሚሉ ግለሰቦችን እየከፈሉ ማስታወቅያ ማሰራት እጅግ ግራ አጋቢ ነው፡፡
.
አንድ ምግብ ጥሩ መሆኑን ለማስተዋወቅ የግድ ከእምነትና ከስነምባር ዉጭ የሆነ የወጥቅና ሰልቅጥ ማስታወቅያ የግድ ማሰራት አለባቸው ያለው ማነው?
.
ማስታወቅያ እኮ ራሱ ጥበብ እንጂ ግብግብ አይደለም፡፡ ሰዉየው ምግቡ በጣም ስለጣፈጠው አላስቻለዉምና አብዝቶ ማንሳት ጀመረ እንዳይባል እንኳን ገና ምግቡ ይጣፍጥ ይምረር፣ ጨው ይብዛው ይነሰው ሳይቀምስ ነው በሁለት እጁ በሚመስል አስቀያሚ ሁኔታ ሳፋዉን ሙሉ በአንድ ጉርሻ ለመሰልቀጥ የሚጥረው፡፡
.
ይህ ከባህላችን ፣ ከስነምግባርና ከአንዳንድ ሃይማኖቶች የአበላል ስርዓት ጋር እጅግ የሚቃረን ነው፡፡ ሌሎቹም ሃይማኖቶች ይህንን የማያበረታቱ መሆኑ እንዳለ ሆኖ በተለይ ከእስልምና እምነት አኳያ ሲታይ ምግብን ተስገብግቦ መብላትን ወይንም መሰልቀጥን እጅግ የሚጠየፍና በሁለት እጅ ሳይሆን ቢቻል በሁለት ጣት እያነሱ መመገብን የሚመክር ነው፡፡
ታድያ አንዳንድ የሙስሊም ምግብ ቤት ነን የሚሉ ሬስቶራንቶች እንዴት በቢስሚላ ጀምሮ ትሪዉን ሁሉ በአንድ ምት ካልሰለቀጥኩ የሚል ፣ ከዛም ከአፉ ስፋት በላይ ሆኖ መጉረስ ያቃተዉን መልሶ በትሪው ላይ የሚያዝረከርክ፣ ለተመልካች አስጎምጂ ሳይሆን እጅግ አስጸያፊ ማስታወቅያ ከፍለው ይሰራሉ? ለመሆኑ የንግድ ተቋማቶቻችን ምን ያህል እሴቶቻቸዉን ያውቃሉ? ምን ያህልስ ያንን ይጠብቃሉ?
.
ሌላው ብዙ ህዝብ ኑሮ ከብዶት እንኳን ለመሰልቀጥ በቀን አንዴ በቅጡ መብላት በተቸገረበት በዚህ ሰአት እንዲህ አይነት መረን የለቀቁና የተዝረከረኩ ማስታወቅያዎች መብዛታቸው የንግድ ተቋማቶች ማለት ምንም አይነት ኤቲክስ፣ ሞራል ፣ግብረገብና የማህበረሰባቸዉን ማህበራዊና ነባራዊ ሁኔታዎችን ብሎም እሴቶቻቸዉን አይጠብቁም ማለት ነዉን?? እዉነቱን ለመናገር በራሳቸው የሚተማመኑና ጥራት ያለው ነገርን የሚያቀርቡ ተቋሞች እንዲህ ያለ ስርዓት የለሽ ማስታወቅያ ያሰራሉ ተብሎ አይጠበቅም፡፡
እናም ቢታረም ለማለት ነው ! ይሄው ነው?
የእናንተስ ፅብት ምን አይነት ነው? ጻፉና እናንብበው!!
.........
.
@followers @highlight
-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

ውድ የRN05 ታዳሚያን ለንቁ ተሳትፏችሁ ምስጋና ይግባችሁ! የቴሌግራም ግሩፕ ሊንካችንን ሼር ማድረጉንም አትዘንጉ
👉t.me/RNZeroFive