INSA - የኢንፎርሜሽን መረብ ደህንነት አስተዳደር - INSA

የአጭር ፊልም ውድድር አሸናፊዎች ተሸለሙ

አዲስ አበባ: ሕዳር 12/2017 ዓ.ም፡ የኢንፎርሜሽን መረብ ደህንነት አስተዳደር 5ኛውን ሀገር አቀፍ የሳይበር ደህንነት ወር በማስመልከት ባዘጋጀው የሳይበር ደህንነት ግንዛቤ ማስጨበጫ የአጭር ፊልም ውድድር ላይ አሸናፊ ለሆኑት ሽልማት ተበረከተላቸው፡፡

በተካሄደው ውድድር ላይ 1ኛ በመውጣት የሁለት መቶ ሺ ብር (200,000 ብር) አሸናፊ የሆኑት እነ ቢንያም ሰለሞን “ሰማያዊ ሽብር’ በሚል አጭር ፊልም ሲሆን፤ 2ኛ የወጣው ኤልያስ ብርሃኑ “የንስር ዓይኖች” በተሰኘ አጭር ፊልም የመቶ ሺ ብር (100,000 ብር) አሸናፊ ሆኗል፤ በውድድሩ የ3ኛነት ደረጃን የያዘው ሰዒድ አወል “ክሊክ” በሚል አጭር ፊልም የ50,000 ብር ተሸላሚ ሆኗል፡፡

በሽልማት መርሃ ግብሩ ላይ በመገኘት ለአሸናፊዎች ሽልማት የሰጡት የኢንፎርሜሽን መረብ ደህንነት አስተዳደር ም/ዋና ዳይሬክተር አቶ ዳንኤል ጉታ ባስተላለፉት መልዕክት የጥበብ ሥራ ሰውን ለማንቃት፣ለማስተማር ሁነኛ መንገድ በመሆኑ እኛን መሰል ተቋማት ይህንን መንገድ በመጠቀም የማሕበረሰቡን የሳይበር ደሕንነት ንቃተ ሕሊና ማጎልበት እና ባሕል መገንባት ላይ በትኩረት እንሰራለን ብለዋል፡፡ በ2016 ዓ.ም በተካሄደው 4ኛው የሳይበር ደህንነት ወር ላይ “ስውር ውጊያ” በሚል ርእስ አስተዳደሩ ባሰራው አስተማሪ ፊልም የተቋማትንና የማኅበረሰቡን የሳይበር ደህንነት ንቃተ ሕሊና ለማጎልበት የሚያስችል ውጤት መገኘቱን ያወሱት ም/ዋና ዳይሬክተሩ፤ አምና የነበረውን ተሞክሮ በማስፋት ዘንድሮም በርካታ ወጣቶችን ለማሳተፍ የሚያስችል የአጭር ፊልም ውድድር መዘጋጀቱና ጠቁመዋል፡፡
ተጨማሪውን ለማንበብ፡ • https://www.facebook.com/INSA.ETHIOPIA

የቁልፍ መሰረተ ልማት ደህንነትን በመጠበቅ የዲጂታል ሉዓላዊነትን ለማረጋገጥ የሚያስችል ንቅናቄ መፈጠሩ ተገለጸ

አዲስ አበባ፡ ሕዳር 12/2017 ዓ.ም፡ በኢንፎርሜሽን መረብ ደህንነት አስተዳደር (ኢመደአ) አዘጋጅነት ከጥቅምት 1 እስከ 30/2017 ዓ.ም ድረስ የተካሄደው 5ተኛዉ ሀገር አቀፍ የሳይበር ደህንነት ወር በስኬት መጠናቀቁን የኢመደአ ም/ዋና ዳይሬክተር አቶ ዳንኤል ጉታ ገለጹ፡፡ የወሩን መጠናቀቅ አስመልክቶ በዛሬው እለት ጋዜጣዊ መግለጫ ተሰጥቷል፡፡ በዚህም የሳይበር ደህንነት ወር ከተዘጋጀበት ዓላማ አኳያ ግቡን የመታ እንደነበር ም/ዋና ዳይሬክተሩ ገልጸዋል፡፡

በ5ተኛው ሀገር አቀፍ የሳይበር ደህንነት ወር በዋናነት የሀገራችንን ቁልፍ መሰረተ ልማት እና መሰረተ ልማቱን የሚያስተዳድሩ ተቋማትን የሳይበር ደህንነት በመጠበቅ የዲጂታል ሉዓላዊነትን ለማረጋገጥ የሚያስችል ንቅናቄ መፈጠሩን አቶ ዳንኤል ጉታ ተናግረዋል፡፡ የወሩ ንቅናቄ ዋና አላማ የተቋማትንና የዜጎችን የሳይበር ደህንነት ንቃተ ህሊና ንቅናቄን በማካሄድ የዲጂታል ሉዓላዊነታችንንና ብሄራዊ ጥቅማችንን ለማስጠበቅ የሚደረግ ጥረትን መደገፍ ነው፡፡ ከዚህ አኳያ የቁልፍ መሰረተ ልማት የሚያስተዳድሩ ተቋማትንና የማህበረሰቡን የሳይበር ደህንነት ግንዛቤ ከፍ በማድረግ የሳይበር ጥቃት መከላከል አቅምን ለማሳደግ የሚያስችሉ ምክክሮችና የውይይት መድረኮች መደረጋቸውን አቶ ዳንኤል ጉታ ገልጸዋል፡፡

5ተኛው ሀገር አቀፍ የሳይበር ደህንነት ወር መጠናቀቅን አስመልክቶ ጥቅል ሪፖርት በኢመደአ የኮሚዩኒኬሽና ሳይበር ደህንነት ባሕል ግንባታ ማዕከል ዳይሬክተር አቶ ቴዎድሮስ ኃይሉ ቀርቧል፡፡ ዳይሬክተሩ በሪፖርታቸው ካነሷቸው ዋና ዋና ነጥቦች መካከል፡
ተጨማሪውን ለማንበብ፡ • https://www.facebook.com/INSA.ETHIOPIA

“መከላከያ ኃይላችን ግዳጁን ከሚወጣባቸው ነባር ምህዳሮች ባሻገር አዲስ የጦርነት ምህዳር በሆነው የሳይበር ምህዳር ላይም አቅም ለመገንባት እየሠራ ነው” ክብርት ኢንጂነር አይሻ መሀመድ፣ የመከላከያ ሚንስትር

አዲስ አበባ፣ ሕዳር 11/2017 ዓ.ም፡- “መከላከያ ኃይላችን ግዳጁን ከሚወጣባቸው ነባር ምህዳሮች (የየብስ፣ የውሃ እና የአየር ምህዳሮች) ባሻገር የዘመናችን አዲስ የጦርነት ምህዳር በሆነው “የሳይበር ምህዳር” ላይ የሀገራችንን ሉዓላዊነት ለማስጠበቅ የሚያስችል አቅም ለመገንባት እየሰራ ነው” ሲሉ የመከላከያ ሚንስትር ክብርት ኢንጂነር አይሻ መሀመድ ገለጹ፡፡

የሀገር መከላከያ ሠራዊታችን የሀገራችንን ህገ መንግስትና ህገ መንግስታዊ ሥርዓት ከማንኛውም ጥቃት የሚከላከል እና ሉዓላዊነታችንን የሚያስከብር ጀግና ሠራዊት ከመሆኑም ባሻገር አለም አቀፍ ግዳጆችን በቁርጠኝነትና በሃላፊነት የመወጣት አኩሪ ገድል ያለው ሰራዊት እንደሆነ ጠላትም ወዳጅም የሚመሰክረው ሃቅ ነው፡፡

በኢንፎርሜሽን መረብ ደህንነት አስተዳደር አማካኝነት ለሦስት ወራት ያህል የሳይበር ደህንነት የአቅም ግንባታ ስልጠና ሲሰለጥኑ የቆዩ የኢፌዲሪ መከላከያ ሰራዊት አባላት በዛሬው ዕለት በተመረቁበት ወቅት ተገኝተው የስራ መመሪያና ማጠቃለያ የሰጡት ክብርት ኢንጂነር አይሻ መሀመድ መከላከያ ሰራዊት ከነባሩ ምህዳር ባሻገር በአዲሱ የሳይበር ምህዳር ላይም ተወዳዳሪ አቅም እየገነባ መሆኑን ገልጸዋል፡፡

የመከላከያ ሰራዊቱን ጀግንነት የዘመናችን የውጊያ ምህዳር በሆነው በሳይበር ምህዳር መድገም እንደሚገባ ተገለጸ

አዲስ አበባ፣ ሕዳር 11/2017 ዓ.ም፡- የመከላከያ ሰራዊታችን ጀግንነት የዘመናችን የውጊያ ሜዳ በሆነው “የሳይበር ምሕዳር” ላይም መድገም እንደሚገባ የኢንፎርሜሽን መረብ ደህንነት አስተዳደር (INSA) ዋና ዳይሬክተር ክብርት ወይዘሮ ትግስት ሃሚድ ገለጹ፡፡

ይህ የተገለጸው በኢንፎርሜሽን መረብ ደህንነት አስተዳደር አማካኝነት ለሦስት ወራት ያህል የሳይበር ደህንነት የአቅም ግንባታ ስልጠና ሲሰለጥኑ የቆዩ የኢፌዲሪ መከላከያ ሰራዊት አባላት በዛሬው ዕለት በተመረቁበት ወቅት ነው፡፡

በምረቃ ሥነ ሥርዓቱ ላይ ተገኝተው ንግግር ያደረጉት ክብርት ወይዘሮ ትግስት ሃሚድ የሳይበር ምህዳር የፖለቲካ፣ የኢኮኖሚ፣ የማህበራዊ፣ የባህል፣ የዲፕሎማሲ እና የወታደራዊ እውቀትና ፍልስፍናዎች የሚራመዱበት፣ የሚተሳሰሩበትና ለሁሉም ተዋናዮች እኩል እድልና አቅም ያስገኘ ምህዳር መሆኑን ተናግረዋል፡፡

“ይህን በዉል የተገነዘቡ ሀገራት በመስኩ ከፍተኛ መዋዕለ ንዋያቸዉን በማፍሰስና የሳይበር ጦራቸዉን መገንባት ችለዋል። በዚህ ሂደትም የመረጃ የበላይነትን በማረጋገጥ ጦርነትን በበላይነት ማጠናቀቅ የሚያስችል አቅም ፈጥረዋል” ያሉት ዋና ዳይሬክተሯ፤ ይሁን እንጅ ምህዳሩን በአግባቡ አውቀው ካልተጠቀሙበትና በተከታይነት ሳይሆን በመሪነት ካልተሳተፉበት ለበርካታ ኢኮኖሚያዊ፣ ማህበራዊና ፖለቲካዊ እንዲሁም የደህንነት ችግሮች የሚያጋልጥ መሆኑን ጠቁመዋል፡፡