FDRE Defense Force - የኢፌዴሪ መከላከያ ሠራዊት

የሠላምና ፀጥታ ተግባራትን አጠናክሮ ለመቀጠል የህብረሰቡ ድጋፍ አሥፈላጊ መሆኑ ተጠቆመ፡፡
           
የኢፌዴሪ መከላከያ ሠራዊት ህዳር 12 ቀን 2017 ዓ.ም
   
በምዕራብ ሸዋ ዞን ኤጄሬ ወረዳ ሃማሮ ቀበሌ የማህበረሰብ ክፍሎች ጋር በሰላምና ፀጥታ ዙሪያ ያተኮረ ውይይት ተካሄዷል፡፡
    
በውይይቱ የ6ኛ ዕዝ ምክትል አዛዥ ለውጊያ ድጋፍ አገልግሎት ብርጋዲየር ጀኔራል መኮነን በንቲ የሜጀር ጀኔራል ሙልጌታ ቡሊ ፖሊ ቴክኒክ ኮሌጅ አዛዥ ብርጋዲየር ጀኔራል አበበ ዋቅሹማ የወረዳው ዋና አስተዳዳሪ አቶ አዱኛ ብሩ እና የቀበሌው አመራሮች ተገኝተዋል፡፡

ብርጋዲየር ጀኔራል መኮነን በንቲ በአካባቢው የተጀመሩ የሰላምና የፀጥታ ተግባራት ተጠናክረው እንዲቀጥሉ ማህበረሰቡ ከፀጥታ ሃይሎች ጋር የሚያካሄደውን ትብብር አጠናክሮ መቀጠል እንደሚገባው ተናግረዋል።

የህዝብ ሰላም መሆን እረፍት የሚነሳቸው እንደ አሸባሪው የሸኔ ቡድን ያሉ እና ከእነርሱ ጋር የጥቅም ተጋሪ የሆኑ ሆድ አደር የውስጥ ጠላቶችን ህዝቡ ለፀጥታ ሃይሉ አጋልጦ በመስጠት ሰላምን በአካባቢያቸው ማፅናት እንዳለባቸው ተናግረዋል፡፡
ዘገባው የእዙ የሠራዊት ስነ-ልቦና ግንባታ ነው፡፡

የኢፌዴሪ መከላከያ ሠራዊት ዩቲዩብ
https:///channel/UCgcF4HWzgNZRsmMlUlb8ebQ

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ኢትዮጵያ በደቡብ ሱዳን ሠላም ከማስከበር ባሻገር በልማቱም ዘርፈ አጋዥ መሆኗ ተገለፀ።

የኢፌዴሪ መከላከያ ሠራዊት ህዳር 12 ቀን 2017 ዓ.ም

ኢትዮጵያ ለደቡብ ሱዳን ህዝብ ሰላም ከማስከበሩ ባሻገር በመሰረተ ልማቱም ዘርፈ ብዙ ድጋፎች በማበርከት ላይ እንደምትገኝ በደቡብ ሱዳን ባለመሉ ሥልጣንና ልዩ መልዕክተኛ አምባሳደር ነቢል ማሃዲ ገልፀዋል።

በ18ኛ ሞተራይዝድ ሻለቃ የሜዳሊያ ስነ-ሥርዓት ላይ ተገኝተው ንግግር ያደረጉት በደቡብ ሱዳን ባለመሉ ሥልጣንና ልዩ መልዕክተኛ አምባሳደር ነቢል ማሃዲ የኢትዮጰያ ሰላም አሰከባሪ ለደቡብ ሱዳን ህዝብ ሰላም መስፈን ከፍተኛ አስተዋፅኦ ማበርከቱን ተናግረዋል። ሁለቱ ሃገራት ጠንካራ ትስስር ያላቸው  መሆናቸውን በመጠቆም።

የኢትዮጵያ ሰላም አስከባሪ ግዳጁን በላቀ ብቃት የሚወጣ መሆኑን በተባበሩት መንግስታት በደቡብ ሱዳን የሰላም ማስከበር አስመስክሯል ብለዋል።

ኢትዮጵያ በደቡብ ሱዳን የሰላም ማስከበር ተልዕኮ   ባበረከታቸው አስተዋፅኦም ለአለማችን ሃገሮችም
እያበረከተችው የሚገኘው ሁለንተናዊ ድጋፍ ህዝባዊነቱን የሚያረጋግጥ መሆኑንም ተናግረዋል።

አምባሳደር ነቢል በደቡብ ሱዳን ለሚገኘው የሰላም አስከባሪ ስኬታማነት ላበረከቱት ድጋፍ የ18ኛ ሞተራይዝድ ሻለቃ ያዘጋጀው ስጦታ ተብርክቶላቸዋል።

ዘጋቢ አምታታው ከበደ
ፎቶ ግራፍ ዮዲት ብዙወርቅ

የኢፌዴሪ መከላከያ ሠራዊት ዩቲዩብ
https:///channel/UCgcF4HWzgNZRsmMlUlb8ebQ

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

2ተኛው የ2024 የአፍሪካ ሠራዊት የስፖርት ፌስቲቫል የመክፈቻ ስነ-ስርዓት በደማቅ ሁኔታ ተካሂዷል።

የኢፌዴሪ መከላከያ ሠራዊት ህዳር 12 2017 ዓ.ም

በናይጀሪያ አቡጃ ከተማ አስተናጋጅነት ለአንድ ሳምንት የሚቆይ ከ25 የአፍሪካ ሀገሮች  የተውጣጡ 1184 ስፖርተኞች የሚሳተፉበት የመላው አፍሪካ የጦር ሀይሎች የስፖርት ፌስቲቫል የመክፈቻ ስነ ስርዓት በልዩ ልዩ ወታደራዊ ትርኢቶች እና ችቦ በማብራት በደማቅ ሁኔታ ተጀምሯል።

በመክፈቻ ኘሮግራሙ ላይ የቡድኑ መሪው እና የመቻል ስፖርት ክለብ ዳይሬክተር ብርጋዲየር ጀነራል ኑሩ ሙዘይንና በናይጀሪያ የኢትዮጵያ ኤምባሲ ባለ ሙሉ ስልጣን አምባሳደር ለገሰ ገረመው እንዲሁም የኢትዮጵያ ፖለቲካ ዘርፍ ሀላፊ አቶ ምስግና ተክሉ በፕሮግራሙ ላይ ታድመዋል።

የመቻልን ስፓርት ክለብ ወክለው በፕሮግራሙ ላይ የተገኙት የልዑካን ቡድን አባላትም የሀገራቸውን ሰንደቅ አላማ በማውለብለብ በታዳሚው ፊት በክብር አልፈዋል

ዘጋቢ ቃልኪዳን በላቸው 
ፎቶ ግራፍ ቃልኪዳን በላቸው

የኢፌዴሪ መከላከያ ሠራዊት ዩቲዩብ
https:///channel/UCgcF4HWzgNZRsmMlUlb8ebQ

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

የመከላከያ ሳይበር ዋና ዳይሬክቶሬት በሶስት ዙር ያሰለጠናቸውን አባላቱን አስመረቀ።

የኢፌዴሪ መከላከያ ሠራዊት ህዳር 12 ቀን 2017 ዓ.ም
 
የመከላከያ ሳይበር ዋና ዳይሬክቶሬት ከኢንፎርሜሽን መረብ ደህንነት አስተዳደር  ጋር በጋራ እና በትብብር ለመስራት የተፈረመውን የመግባቢያ ስምምነት ተከትሎ በኢንፎርሜሽን መረብ ደህንነት አስተዳደር ዋና መስሪያ ቤት የሳይበር ደህንነት ኦፕሬሽን ማእከል ፕላት ፎርም ላይ በሶስት ዙር ያሰለጠናቸውን የሳይበር ደህንነት ኤክስፐርቶች እና ሙያተኞች አሥመርቋል።

የስልጠናውን ሂደት አስመልክቶ ንግግር ያደረጉት የመከላከያ ሳይበር ዋና ዳይሬክቶሬት ዳይሬክተር ብርጋዲየር ጄኔራል ደረጀ ደመቀ ሀገራዊ ለውጡን እና ተቋማዊ ሪፎርሙን መሰረት በማድረግ መከላከያ በውስን አውዶች ብቻ የተወሰነ ከመሆን ወጥቶ ከምድር እስከ አየር ከባህር እስከ ስፔስና ሳይበር  ድረስ ተደራሽ ይሆን ዘንድ የተደረገውን ጥረት ተከትሎ የተመሠረተው የመከላከያ ሳይበር ዋና ዳይሬክቶሬት በሰው ሀይል አቅም ግንባታ፣በቴክኖሎጂና በአሰራር ስርአት ቀረጻና ዝርጋታ አተኩሮ በመስራት የተለያዩ ስኬቶች መገኘታቸውን ጠቁመዋል።

የኢንፎርሜሽን መረብ ደህንነት አስተዳደር በሳይበር ደህንነት እና ተቋም ግንባታ ላይ ያካበተውን ልምድና ተሞክሮ ተጠቅሞ በአቅም ግንባታና በተለያዩ ዘርፎች ላደረገው ድጋፍም አመስግነዋል።

የኢንፎርሜሽን መረብ ደህንነት አስተዳደር ዋና ዳይሬክተር ወይዘሮ ትዕግስት ሃሚድ በበኩላቸው የመከላከያ ሠራዊታችን ጀግንነት የዘመናችን የውጊያ ወይም የጦርነት ምህዳር በሆነው የሳይበር ምህዳር ላይም ይህ አቅሙ እንዲደገም ምህዳሩን የሚመጥን ዕውቀት ፣ክህሎት እና አስተሳሰብ መላበስና በቀጣይነት እያሳደጉ መሄድ ግድ መሆኑን ገልጸዋል ።

የዕለቱ የክብር እንግዳ የመከላከያ ሚኒስቴር ሚኒስትር ክብርት ኢንጅነር አይሻ መሃመድ ለሰልጣኞች የምስክር ወረቀት ከሰጡ በኋላ ባስተላለፉት መልዕክት መከላከያ ሃይላችን የዘመናችን አዲስ የጦርነት ምህዳር በሆነው የሳይበር ምህዳር ላይ የሃገራችንን ሉዓላዊነት ለማስጠበቅ የሚያስችል አቅም መገንባት እንዳለበት በውል በመገንዘብ በዘርፉ ላይ ለረጅም ጊዜ ያህል የአቅም ግንባታ ስራወች እየተሰሩ መቆየታቸውን ገልጸዋል።

በዛሬው ዕለት የተመረቁት የሠራዊት አባላትም ይህንኑ የሠራዊቱን ሁለንተናዊ የሳይበር ደህንነት አቅም የማሳደግ ጥረት አካል መሆናቸውን ገልፀዋል።

የመከላከያ መሠረተ ልማት ከቁልፍ መሰረተ ልማቶች መካከል የሚመደብ መሆኑን ያወሱት ሚንስትሯ በተቋሙ ላይ የሚደርስ የሳይበር ጥቃት ተፅዕኖ በሃገር ጥቅም ላይ ትልቅ እንድምታ ያለው መሆኑን አብራርተው ተመራቂዎች ከስልጠናው ባገኙት ዕውቀት የክፍሎቻቸውን አቅም ከማጠናከር ባሻገር በተቋማችን ውስጥ የሳይበር ደህንነት የክትትልና ሞኒተሪንግ ስራን አጠናክረው ሊቀጥሉ እንደሚገባ አስገንዝበዋል ።

ዘጋቢ ድምሩ ህሩይ
ፎቶግራፍ ዕፀገነት ዴቢሳ

የኢፌዴሪ መከላከያ ሠራዊት ዩቲዩብ
https:///channel/UCgcF4HWzgNZRsmMlUlb8ebQ

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official