Psychology (ሥነ-ልቦና) Zone 🧠

ለድሬዳዋ፣ ሀረር፣ ምስራቅ እና ምዕራብ ሀረርጌ ከተሞች ለምትገኙ ነፃ የኦንላይን ስልጠና!

የቴዲ ጎሳ የስልጠና ካውንስሊንግ እና ምርምር ማዕከል ከማስተር ካርድ ፋውንዴሽን በተገኘ የገንዘብ ድጋፍ ከአሜሪካን ኮሌጅ ኦፍ ቴክኖሎጂ ጋር በመተባበር ለሚያከናውነው የመስራት ፕሮግራም ነፃ የኦንላይን 34 (Soft skill) እና 22 (Hard skill) ስልጠናዎች በአጠቃላይ 56 ስልጠናዎች፤ በስራ ላይ እና ከስራ ውጪ ላሉ የተለያዩ የማህበረሰብ ክፍሎችን በሰርተፍኬት የማብቃት እንዲሁም እድገታቸውን የማጠናከር ስልጠና ለመስጠት ዝግጅቱን ጨርሶ እየጠበቃችሁ ይገኛል።

በዚህ ሊንክ ይመዝገቡ ይሰልጥኑ፤ ሰርቲፋይድ ይሁኑ: actacademy.et

ስልክ: 0922012854
          0943274318

ለበለጠ መረጃ የተያያዘውን ፋይል ይመልከቱ።

ለማህበራዊና ስነልቦናዊ ልማት እንተጋለን!

@melkam_enaseb

ከበዓል ማግስት ሚመጣ መከፋት (Post Holiday Blues)

የበዓላት ሰሞን ብዙ ጊዜ ደስታን ያመጣል፣ ነገር ግን ሲያበቃ ዝቅተኛ ስሜት እንዲሰማን ሊያደርግ ይችላል— ይህም Post Holiday Blues ይባላል።

እነዚህ ስሜቶች ብዙዎች ላይ የሚከሰቱ እና ብዙ ጊዜ ጊዜያዊ ናቸው። ከበአል ጋር በተያያዘ የስሜት ከፍታ፣ ገንዘብ ነክ ጭንቀት፣ የብቸኝነት ስሜት እንደምክኒያት ይነሳሉ።

ይህንን ስሜት ለመቋቋም የሚከተሉትን ስልቶች እንጠቀም፦

1. ወደ ተለመደው መደበኛ ሁኔታችን ቀስበቀስ መመለስ፦ ለእንቅልፍ፣ ለጤናማ አመጋገብ እና ለአካል ብቃት እንቅስቃሴ ቅድሚያ በመስጠት የዘወትር ተግባራችንን እንደገና ለማስጀመር ትናንሽ እና ሊሳኩ የሚችሉ ግቦችን ማዉጣት።

2. ለራስ ርኅራኄን ማሳየት፦ ያለፍርድ ስሜትን ለመረዳትና በዓሉ ምን ትርጉም እንደሰጠን ማሰብ።

3. አዲስ እቅድ ማውጣት፦ ለምሳሌ ከጓደኞች ጋር መገናኘት፣ አዲስ የትርፍ ጊዜ ማሳለፊያ መንገድን መሞከር ወይም የአንድ ቀን ጉዞ ማድረግ እና አዲስ ሰፈር ወይ ከተማ መጎብኘት የመሳሰሉ የሚያጓጉ ነገሮችን ማቀድ።

4. ጤናማ የገንዘብ አጠቃቀምን መከተል፦ በጀት ማውጣት ጭንቀትን ሊያቀል ይችላል።

5. አካላዊ እንቅስቃሴ ማድረግ፦ ቀለል ያለ የእግር ጉዞ ስሜትን ሊያሻሽል ይችላል። የሚያዝናኑንን እንቅስቀሴዎች መሞከር ለምሳሌ መደነስ፣ ኳስ መጫወት።

6. ከሰዎች ጋር ጊዜ ማሳለፍ፦ ከጓደኛ፣ ከቤተሰብ ጋር በመገናኘት ወይም በበጎ ፈቃደኝነት ተግባራት ላይ ማገልገል።

7. ነገሮችን ምናይበትን መንገድ መቀየር፦ ይህንን ጊዜ አዲስ ሀሳቦችን ለማሰብ፣ ምስጋናን ለመለማመድ እና በግል እድገት ላይ ለማሰላሰል መጠቀም።

ይህም ሆኖ ስሜቶች ከቀጠሉ ወይም ከአቅም በላይ ከሆኑ ከአእምሮ ጤና ባለሙያ ጋር መነጋገር። አስታውሱ፣ ብቻችሁን አይደላቹም፣ ብሩህ ቀናት ወደፊት አሉ።

ለማማከር: 0704156858 ይደውሉ ወይም መልክት ያስቀምጡ!

ዶ/ር ይቅናሸዋ ሰለሞን (የአእምሮ ህክምና ስፔሻሊስት)

Via: Hakim

@melkam_enaseb

⬇️

ለመላው የክርስትና እምነት ተከታዮች እንኳን ለጌታችን ለመድኃኒታችን ለኢየሱስ ክርስቶስ የልደት በዓል በሰላም አደረሳችሁ፣ አደረሰን።

መልካም በዓል!

@melkam_enaseb

ገናን ለአእምሮ ጤናማ በሆነ መንገድ ማክበር!

ደስታን ማጣጣምን፣ ጭንቀትን መቀነስን እና ግንኙነቶቻችንን ማዳበርን ያካትታል።

አንዳንድ ጠቃሚ ምክሮች እነሆ፡-

1. እንዲሆኑ ምንመኛቸውን ነገሮች ተጨባጭነት ማረጋገጥ፦ ጭንቀትን ለመቀነስ ፍጽምናን ከመጠበቅ ይልቅ ትርጉም ባለው ጊዜ እና ቀለል ባለ መንገድ መደሰት ላይ ማተኮር።

2. ራስን መንከባከብን ማስቀደም፡- የዕረፍት ጊዜን ቅድሚያ መስጠት፣ ሚዛናዊ አመጋገብ እና የአልኮል አጠቃቀምን መቀነስ ከተቻለም ማቆም።

3. ግንኙነቶችን ማሳደግ፦ ከሚወዷቸው ሰዎች ጋር ጊዜ ማሳለፍ፣ ወይም ማህበራዊ ዝግጅቶችን መቀላቀል እና ብቸኝነት ከተሰማን ከበጎ ፈቃደኞች ጋር በጋራ ለማክበር መሞከር።

4. አስቀድሞ በማቀድ በጀት ማውጣት፦ የጊዜ አጠቃቀምን አስቀድሞ ማቀድ፣ የፋይናንስ እቅድ ማዘጋጀት እና በመጨረሻው ደቂቃ ጭንቀትን እና ከመጠን በላይ ወጪን ማስወገድ።

5. አመስጋኝ መሆን እና ስጦታ መስጠትን መለማመድ፦ ምናመሰግንበትን ነገር ማሰብ ትንሽም ቢሆን፣ በደግነት ስራዎች መሳተፍ።

ጤናማ የሆነ የገና በአልን በማስተዋል፣ በህይወታችን ላሉ ሰዎች ቅድሚያ በመስጠት እና ርህራሄን ለራስ እና ለሌሎች በማሳየት እናክብር።

መልካም በአል!

ለማማከር: 0704156858 ይደውሉ ወይም መልክት ያስቀምጡ!

ዶ/ር ይቅናሸዋ ሰለሞን (የአእምሮ ህክምና ስፔሻሊስት)

Via: Hakim

@melkam_enaseb

የንጥረ ነገር አጠቃቀም ችግር| Substance use disorder! 

በቅርቡ የተጠና ጥናት እንዳመለከተው በአለማችን ላይ በአመት 11.8 ሚሊዮን የሚሆኑ ሰዎች በዚህ ችግር ምክንያት ለሞት እንደሚዳረጉ ነው፡፡

እንዲሁም 2 በመቶ የሚሆኑ የአለማችን ሰዎች የችግሩ ሰለባ እንደሚሆኑም መረጃው ያሳያል፡፡

Substance use disorder| የንጥረ ነገር አጠቃቀም ችግር ምንድን ነው?

አንድ ሰው በተለያየ ጊዜያቶች ለረጅም ጊዜ የተለያዩ አነቃቂ ንጥረ ነገሮችን በመጠቀም እራሱን ለከፋ የጤና ሁኔታ የሚዳርግ ከሆነ  Substance use disorder/ የንጥረ ነገር አጠቃቀም ችግር አለበት እንላለን፡፡

ሰዎች ይህ ችግር አለባቸው የሚባለው 3 ነገሮችን ሲያሳዩ ነው።

1. በቋሚነት የሚያደርገው ከሆነ
2. ለማቆም በሚሞክርበት ጊዜ የሚቸገር ከሆነ
3. በማቆሙ ምክንያት የሚመጡ የህመም ስሜቶች ካሉ

መንስኤው ምንድን ነው?

- የጓደኛ ተፅዕኖ
- አካባቢያችን ላይ አጋላጭ ሁኔታዎች ካሉ
- ብዙ ትርፍ ሰአት መኖር (ስራ ማጣት)
- አንዳንዴ ደግሞ በቤተሰብ ይሄ ችግር ካለ ሊተላለፍ ይችላል፡፡

ምልክቶቹ ምንድን ናቸው?

- የምንጠቀመውን ነገር ሰአት ጠብቆ የፍላጎት ስሜት መሰማት
- ንጥረ ነገሩን ካልተጠቀምን የመነጫነጭ እና የድብርት ስሜት መኖር
- ከጊዜ ወደ ጊዜ መጠኑን እየጨመሩ መሄድ ተጠቃሽ ናቸው፡፡

የሚያመጣው ተፅዕኖ ምንድን ነው?

- እራስን መጠራጠር መጀመር
- ሀላፊነትን ለመቀበል መቸገር
- የቤተሰብ መረበሽ
- የኢኮኖሚ ውድቀት ሊያስከትል ይችላል፡፡

ህክምናዎቹ ምንድን ናቸው?

- ለማቆም የቆራጥነት ስሜት እንዲኖር ማድረግ
- ያለበት ደረጃ ከፍተኛ ከሆነ ንጥረ ነገሩን ከሰውነቱ እንዲወጣ ማድረግ
- በማገገሚያ ማዕከላት ለተወሰነ ጊዜ መቆየት
- የስነ ልቦና ህክምና መውሰድ ዋና ዋናዎቹ ናቸው፡፡

ነገር ግን ለዚህ ችግር ትልቁ ህክምና የሚጀምረው ከራሱ ከግለሰቡ ነው። በመጨረሻም ሱስ እንደማንኛውም በሽታ ስለሆነ ይህ ችግር ያለባቸው ሰዎች ተገቢውን ህክምና ማግኘት አለባቸው፡፡

አቶ ልዑል አብርሀም (የስነልቦና ባለሙያ)

Via: ኢትዮ ኤፍ ኤም 107.8

@melkam_enaseb

⬇️

ስልጠናው ስድስት ቀን ብቻ ቀረው!

አዲስ የtelegram (online/ Live) ስልጠና- በ ዶ/ር ኢዮብ ማሞ

“የግል ሕይወትን ማደረጃት”/ "Organizing Personal Life"

•  ሕይወታችሁ ዝብርቅር እንዳለ የሚሰማችሁ ከሆነ፣

•  የየእለት ተግባራችሁን በስርአት ማደራጀት ግር የሚላችሁ ከሆነ፣

•  አንድን የጀመራችሁትን ነገር እስከፍጻሜ መቀጠል የሚያታግላችሁ ከሆነ፣

•  ሃሳባችሁን ማደራጀት፣ መሰብሰብ እና ወደ ተግባር መለወጥ ግራ የሚገባችሁ ከሆነ፣

•  ማሕበራዊ ግኑኝነታችሁ መልክ ያጣና ግራ የሚያጋባ ከሆነ፣

•  በአጭሩ ሕይወታችሁን ማደራጀት የምትፈልጉ ከሆነ፣ ይህ ስልጠና ለናንተ ነው።

የስልጠናው ቀናት፦ ጥር 1፣ 8፣ 15፣ 22፣ 29 (ለአምስት ኃሙስ ምሽቶች)

የስልጠናው ሰዓት፦ አምስቱም ሀሙሶች ከምሽቱ 3:00 - 5:00 (በኢትዮጵያ አቆጣጠር)

የስልጠናው ክፍያ: ለአምስቱም ሀሙሶች ጠቅላላ ክፍያ (1000) ብቻ

ለመመዝገብ፡- በ @FikrConsultSupportbot ኢንቦክስ በማድረግ መረጃ ይቀበሉ!

@melkam_enaseb

ጥር ወር ላይ ስፒች ቴራፒ የባህርይ ቴራፒ!

ልጆች የትምህርት ቤት እረፍት የሚሆኑበት ሰአት ላይ ለልጅዎ ስፒች ቴራፒና የባህርይ ቴራፒ ይፈልጋሉ?

እንግድያውስ ጃዚኤል (ማህሌት) ስፒች ቴራፒ ለ15 ቀን ወይም ለ1 ሳምንት በተከታታይ ቀን ከሰኞ እስከ ቅዳሜ ድረስ ቴራፒዎችን ለመስጠት ዝግጅታችንን ጨርሰናል።

ቴራፒያችን አንድ ለአንድ ሲሆን ቴራፒው ለወላጆች ከዛ በኃላ መቀጠል የሚችሉበትን መንገድም አመቻችተናል።

⬇️ ይደውሉና! ይመዝገቡ!

0940103047
0954999933

አድራሻ:- መገናኛ-ሲቲሞል 3ኛ ፎቅ ስለሺ ስህን ህንፃ አጠገብ! 

(ጃዚኤል or ማኅሌት Speech and Language Therapy clinic)

Telegram group——https://t.me/Jazielspeechtherapyclinic

@melkam_enaseb

Adjustment Disorder!

ህይወት በውጣ ውረድ የተሞላች ናት። ኢኮኖሚያችን ተናግቶ ኪሳችን ባዶ ሁኖብን፤ አልያም ከህግ አንጻር ትክክል ያልሆነን ነገር ፈጽመን ፍርድ ቤት የሚያስቆም ነገር ገጥሞን፤ የፍቅርና ትዳር ህይወታችን እክል ገጥሞት፤ የትምህርት ውጤታችን አሽቆልቁሎብን ተጨንቀንና ተጠብበን ይሆናል።

ብዙዎቻችን እኚህን ጊዜያት እንደአመጣጣቸው አለሳልሰን አሳልፈናቸው ይሆናል። ለእንዳንዶች ደሞ እነዚህ የህይወት ሁነቶች ለከባድ የስሜት እና ስነልቦና ቀውስ መንስኤ ሲሆኗቸው ይስተዋላል።

አጀስትመንት ዲሶርደር፦ በተፈጠሩብን አስደሳችም ሆኑ አስከፊ የጭንቅ ሁነቶች ምክንያት የሚመጣ የአእምሮ ህመም ነው።

እንደ DSM 5 ገለጻ ከሆነ አንድ ሰው አጀስትመንት ዲሶርደር አለበት ለማለት ምልክቶቹ ሁነቱ በተከሰተ በ 3 ወራት መከሰት ይኖርባቸዋል ሁነቱ በተፈታበት 6 ወራት ውስጥ ደሞ ምልክቶቹ መሻር አለባቸው ይላል።

የህመሙ ዋና ዋና ምልክቶች፦

- ድባቴ፣ የብቸኝነትና ተስፋ የመቁረጥ ስሜት፣ ራስን ዝቅ የማድረግ እና ወቀሳ፣ ራስን የመነጠል፣ የመቅበጥበጥ፣ ድንጉጥ የመሆን፣ ግልፍተኝነት፣ ከልክ ያለፈ ጭንቀት

አካላዊ ምልክቶች (የምግብ ፍላጎት መቀነስ፣ እንቅልፍ የማጣት ህመሞች እና የመሳሰሉ)
- ራስን የማጥፋት ሃሳብ
- አደንዛዥ እጽ መጠቀም መጀመር (ምናልባትም ነገሮችን ለመቋቋም ሲባል የሚጀመር)...
- የባህርይ ለውጥ

አንዳንዶች ለህመሙ ተጋላጭነታቸው ለምን ይጨምራል?

አንድ ሰው አስጨናቂ ሁነት ሲገጥመው ነገሮቹን ለማሰናሰል የተለያዩ ሂደቶችን ያልፋል።

1. ሁነቱን የተመለከቱ መረጃዎች ለአእምሯችን ስለሚደርሱ የሁነቱን መከሰት እናገናዝባለን።

2. ሁነቱን ለመርሳት በመሞከር እና በትውስታ መሃል ሄድ መጣ እያለ ይቆያል። ከዚህ ጋርም ተያይዞ ስለ አስተሳሰባችን፣ ስነ-ባህርይ፣ ስነ-ማህበራዊ ነገሮችን በተመለከተ አእምሯችን መረጃዎችን ያጠናቅራል።

3. ሁነቱን በተመለከተ የተጠናከሩ መረጃዎችን አእምሯችን በአስተሳሰብ ማዕቀፋችን በማካተት፣ ለመላመድ መሞከር እና ትርጉም ለመስጠት ይሞክራል።

ይህ ስራ በተገቢው አኳኋን ካልተካሄደ ለስሜት መቃወስ ምልክቶች መጋለጥ ያስከትላል።

ሰዎች ለአስጨናቂ ሁነቶች ተያያዥ ስሜቶች ልምዱ ከሌላቸው፤ ለሚያጋጥማቸው ክስተት በቀላሉ ከመላመድና ወደቀደመ ህይወታቸው ቶሎ ከመመለስ ይልቅ ስለሁነቱ ራስን መውቀስ ይቀናቸዋል፣ ለሌሎች አዋይቶ መፍትሄ ከመፈለግ ይልቅ ብቻ ለመጋፈጥ ይጥራሉ፡፡ ይህም ለድብርት አልያም ጭንቀት እንዲጋለጡ ያደርጋቸዋል::

ከልክ በላይ በድሎት የኖሩ እና ሁሉንም ነገር በሰዎች እርዳታ ማለፍ የለመዱ ሰዎች ክስተቶችን በራሳቸው ለመጋፈጥ ዝግጁነት ስለሚጎላቸው፣ በሚያጋጥማቸው ውጣ ውረድ ስሜታቸው ሲጎዳ እና ለስነ ልቦና ቀውስ ሊጋለጡ ይችላሉ።

አንዳንዶች ደሞ ፈተና ያጠነክራቸዋል፡፡ Resilience ያዳብራሉ።

የህክምናው አበይት አላማዎች፦

- ምልክቶችን እና ተጓዳኝ ህመሞችን (እንደ እጽ ተጠቃሚነት ያሉ) ማከም
- የተፈጠረው አስጨናቂ ሁነትን መፍታት
- ወደ ቀደመ አቋማቸው መመለስ

ስነ ልቦናዊ ህክምና፦

- Supportive psychotherapy (ታካሚዎች ስሜታቸውን እንዲገልፁ ማድረግ፣ መመካከር፣ የመፍትሄ ሃሳቦችን መዘየድ..)
- Cognitive behavioral therapy (አረዳዳችንን እና የባህርይ ማፈንገጦችን ማቃናት)
- Interpersonal therapy- የተፈጠሩ ክስተቶችን (ሃዘን/grief፡ የሚና ለውጦች/role transition፡ ብቸኝነት/interpersonal deficit፤ መቃቃር/dispute) ለይቶ መፍትሄ ማበጀት
- Meditation training (ጽሞናን እና አርምሞን መሰረት ያደረገ) እና የመሳሰሉ…

የመድሃኒት ህክምና፦

- እንደ ህመሙ ምልክቶች ደረጃ መድሃኒቶች ሊታዘዙ ይችላሉ።
- እንቅልፍ ማጣትን፣ የጭንቀትና የድባቴ ምልክቶችን ለማከም መድሃኒት ሊሰጥ ይችላል።

ማጠቃለያ፦ በፈተና ውስጥ እያለፋ ላሉ ሰዎች ከንፈር ከመምጠጥ የዘለለ እዝነት ማሳየት፣ አለንላችሁ በማለት ከጎናቸው መቆም እና ያጋጠማቸውን ችግር በተመለከተ በጋራ መፍትሄ ማፈላለጉ እጅግ ወሳኝ ሚና አለው።

ቸር ይግጠመን!

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

⬇️

⬆️ Urgent Vacancy!

@melkam_enaseb

የመርሃ ግብር ጥቆማ!

ወርሃዊው የሜንታል ሄልዝ አዲስ መርሃ ግብር ቅዳሜ ታህሳስ 26 ቀን 2017 ዓ.ም አትላስ አካባቢ በሚገኘው በአዶር አዲስ ሆቴል ከቀኑ 10፡00 ሰዓት ላይ ይደረጋል።

የዚህ ወር ርዕስም፡- “ቦርደርላይን ፐርሰናሊቲ ዲስኦርደርን መረዳት” የሚል ሲሆን የዚህ ወር እንግዳ አቶ ጴጥሮስ ሃጎስ ናቸው፡፡ 

ለመታደም ይህን መስፈንጠሪያ ይጫኑና ይመዝገቡ፡፡ ⬇️

https://forms.gle/ErdfV7uCCR2Y3Lzs8

@melkam_enaseb

ማንነት እና ሰውነት!

ለመሆኑ Identity/Self ምንድን ነው?

ማንነት ሰፊ ጽንሰ ሃሳብ ቢሆንም እንዲህ ልንረዳው እንችላለን..'መገለጫችን የሆነ፣ ከሌሎች የምንለይበት ሲሆን፤ አካላዊ አፈጣጠራችንን፣ ስነልቦናዊ እና ማህበራዊ መዋቅራችንን ያካትታል'

አለማወቅ በተሰኘው የዶ/ር ዳዊት ወንድማገኝ መጽሃፍ አንድ ድንቅ ምልልስ እናገኛለን...

'ሰው መሆን የተሰጠን ወይንም ይዘነው የመጣነው ሲሆን ማንነት ግን ከዚያ በኋላ የጨመርነው ነው። ማንነት ሸክም ነው....የሚጨመር በመሆኑ የግድ ጨማሪ ያስፈልገዋል። ይህንን የሚጨምሩልን ደግሞ ከእኛ በፊት የነበሩ ሰዎች ናቸው። የቀደሙት ሰዎች የኑሮ ገጠመኞቻቸውን ከእነርሱ በኋላ ለሚመጣው ያወርሱታል።'

ዊኒኮት የተባለ የስነልቦና ሊቅ ሁለት አይነት ማንነቶች ይኖሩናል ይለናል። True እና False Self። ሁለቱን ማንነቶች አስማምቶ ማስኬዱ ለጤናማ ስነልቦና ወሳኝ ነው ይላል።

- እውነተኛው ማንነታችን፦ ማስመሰል የሌለው (Authentic)፣ በየትኛውም አውድ ውስጥ ከእውነታው አለም አንጻር ራስን የሚቀበል ማንነት ነው።

- ሃሰተኛው ማንነታችን፦ ማስመሰል ያለበት፣ ምናባዊ የሆነ (illusion)፣ ወላጆቻችን በሰፉልን ልክ እንጂ በአቅማችን ያልሆነ፣ ፍጽምናን (perfectionist) እና በሌሎች ዘንድ ሞገስ ማግኘትን የሚሻ እና ወቀሳን አብዝተን እንድንፈራ የሚያደርገን ማንነታችን ነው። (ይህን ማንነታችን ይሆን በአለማወቅ መጽሃፍ 'ማንነት ሸክም ነው' ተብሎ የተገለጸው?)

እንደ Eric Eriksson አረዳድ ከሆነ ሰዎች በተለይም በአስራዎቹ እድሜያቸው ስለ ማንነታቸው አብዝተው ይጠይቃሉ። ይህን ጊዜ 'Identity Vs role confusion' ብሎ ይሰይመዋል። ስለማንነታችን በአግባቡ መረዳት ላይ ከደረስን ጽኑ ማንነት ይኖረናል.. አልያ ግን የማንነት ቀውስ ይከተላል። ይህ የማንነት ቀውስም በራስ አለመተማመንን፣ አይናፋርነትን እና ራስን ለመግለጽ መቸገርን አለፍ ሲልም አመጸኝነትን ያስከትላል።

በእኔ አመለካከት ማንነታችን ተፈጥሮ በሰጠችን እንዲሁም በኑሮአችን በሚኖሩን ገጠመኞች (በምንኖርበት ባህል፣ ሃይማኖት፣ ማህበራዊ እሴቶች) እየተገነባ የሚሄድ ነው። የ Nature እና  Nurture ድምር ውጤት።

መሆን የምንፈልገው (Ideal self) እና የሆንነው (Real self) ሳይጣጣሙ ሲቀሩ ለስነልቦና አለመረጋጋት እና ቀውስ ያጋልጣል። ብዙዎቹ ይህን ተቃርኖ መቋቋም አቅቷቸው ሲሰበሩ ይስተዋላል።

መቀየር እና ማሻሻል የምንችላቸው ማንነት ላይ መስራት፤ መቀየር የማንችለውን ደግሞ አምኖ መቀበል ያስፈልጋል።

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

⬇️

⬆️ 'የኦቲዝም ምስጢሮች' መፅሀፍ የምርቃት ዝግጅት ላይ ተካፋይ እንዲሆኑ በአክብሮት ተጋብዘዋል።

@melkam_enaseb

ከአስደንጋጭ ገጠመኝ በኃላ የሚደርስ የአዕምሮ ጭንቀት (Post-Traumatic stress Disorder)

የህይወት ገጠመኝ የሌለው ሰው ይኖር ይሆን? ይብዛም ይነስም ሁላችንም ዛሬ እስካለንበት ድረስ ለመልካም ነገር ወይም ደግሞ ለመጥፎ ነገር ተጋልጠናል። ብዙ ሰዎች እጅግ አስደንጋጭ ነገር በራሳቸው አልያም በቤተሰቦቻቸው ላይ ገጥሟቸው ተጨንቀው፣ ተረብሸው ኑሮን በመከራ ይኖራሉ።

በአደጋ፣ በተሽከርካሪ፣ በወንጀል፣ በድብደባ፣ በስለት መወጋት፣ በጦርነት፣ በጾታዊ ትንኮሳ፣ በተፈጥሯዊ አደጋ፣ ወዘተ በኃላ የሚፈጠር የአዕምሮ ህመም ድህረ ሰቀቀን ጭንቀት (PTSD) በመባል ይታወቃል።

ስርጭት፦

ሴቶች ላይ ይበዛል። 10 በመቶ በሴቶች/ ጾታዊ ጥቃት ስለሚበዛ፣ 4 በመቶ በወንዶች/ ከግጭት ጋር በተያያዘ፣ በወታደሮች ላይ 30 በመቶ እንደሚጠጋ ጥናቶች ያሳያሉ። ወጣቶች ላይ ስርጭቱ ከፍተኛ ነው።

አጋላጮች፦

ማንም ሰው ከዚህ ችግር የተጠበቀ አይደለም። ነገር ግን ማህበራዊ ተሳትፏቸው አነስተኛ የሆኑ ሰዎች የበለጠ ሊጠቁ ይችላሉ፤ እንደ ምሳሌ ብቸኛ ሰዎች፣ ትዳር የሌላቸው/ በሞት አልያም በፍቺ ሊሆን ይችላል፣ ከፍተኛ ድህነት ውስጥ ያሉ፣ የወንጀል ስለባ የሆኑ፣ አብዝቶ የሱስ ተጠቃሚዎች፣ አንዳንድ የስብእና ችግር አይነቶች፣ ተያያዥ ጭንቀቶች እንዲሁም ድባቴ በጥቂቱ የሚጠቀሱ ናቸው።

ምልክቶቹ፦

1. ለአሰቃቂ ነገር ተጋላጭ ከሆኑ በኋላ የሚፈጠር፦

በራሳቸው ላይ የተፈጠረ ገጠመኝ ሲሆን፣ ሌሎች ሰዎች ላይ ሲደርስ መታዘብ፣ በቤተሰብ አባል ላይ መድረሱን ሲያውቁ፣ እና ተደጋጋሚ አጋላጮች ሲኖሩ/ የአደጋ ጊዜ ሰራተኞች።

2. ተመላላሽ፣ ጣልቃ ገብ የሆነ የሚረብሽ ትውስታ፣ ቅዠት፣ ሰመመን ውስጥ መግባት፦

አደጋው እንደ አዲስ በእውን የሚፈጠር ይመስላቸዋል፣ ሁኔታውን እንደነበረው ይተገብሩታል፣ ፍንጭ የሚሰጡ ነገሮች ሲሰሙ፣ ሲያዩ ይረብሻቸዋል።

3. የጸና ሽሽት ውስጥ ይገባሉ፦

ስለሁኔታው ትውስታ የሚሰጣቸውን ላለመስማት፣ ላለማየት፣ ሰዎችንም ላለማግኘት በጽናት ይሸሻሉ። ትውስታውንም ለመርሳት ሱስ ይጠቀማሉ።

4. አሉታዊ አስተሳሰብ እና ስሜት ይኖራቸዋል፦

''እኔ መጥፎ ነኝ፣ ማንም ሰው አይታመንም፣ አለም ክፉ ናት'' የሚሉ አስተሳሰቦች በግለሰቡ ላይ ይነግሳሉ። እራስን መውቀስ፣ እራስን ለማጥፋት መገፋፋት፣ ሌሎችን መውቀስ እንዲሁም ለከፋ የአዕምሮ ጤና መታወክ፣ ሱሰኝነት ብሎም ክፋት ይዳርጋሉ። ፍርሃት፣ ቁጭት፣ ቁጣ መግለጫቸው ይሆናል። እነዚህ ስሜቶች ቁጥጥር ከሌላቸው ሌሎች ሰዎችን ሳያውቁት ሊጎዱ ይችላሉ።

5. ድንጉጥ እና ደንታ ቢስ ሊሆኑ ይችላሉ፦

ቶሎ ይቆጣሉ፣ ሁሉንም ነገር በነቂስ ይከታተላሉ፣ ይበረግጋሉ፣ ይወራጫሉም። እንቅልፍ ላይ ይሰቃያሉ፣ በህይወታቸውም ደንታ ቢስ ይሆናሉ።

ህክምናው፦

የስነልቦና እንዲሁም የመድኃኒት ናቸው። ጊዜ የሚፈልግ እና ቀስ በቀስ በሂደት የሚስተካከል የህመም አይነት ስለሆነ በጊዜ ህክምና ከተገኝ ውጤታማና አመርቂ ይሆናል።

ዶ/ር መሀመድ ንጉሴ (MD, Psychiatrist)

@melkam_enaseb

⬇️

⬆️ ስለ አዕምሮ ሕመም ምን ያህል ያውቃሉ?

#AMSH

@melkam_enaseb

ጃፓኖች ሁሉም ነገር ላይ እጅግ ስነ ስርዓት አላቸው ይባላል። በቀደመ ህይወቴ ጃፓናዊ ነበርኩኝ መሰለኝ እኔም ስርዓት አበዛለሁ።😄 በእርግጥ የኔ የጤና አይደለም። በፀበልም በፀሎትም የማይድን OCD (Obsessive Compulsive Disorder) አለብኝ። የችግሩ አንደኛው ምልክት ነገሮች ሁሉ በስርዓት እንዲደራጁ አለቅጥ መሻት ነው። እኔም የሚታይብኝ ይሄኛው ምልክት ነው።

የተዛነፈ ነገር ማዬት አልችልም። የማላውቀው ሰው ኮሌታ ራሱ ካልተስተካከለ እጄን ይበላኛል። የምግብም ይሁን የቡና ስፍራ አሁንም አሁንም ሳስተካከል፣ ሲኒ ሆነ ብርጭቆ በልክ ስደረድር፣ ምንጣፍ ለማንጠፍ መስመር ሳሰምር ላየኝ ድሮዊንግ ተጨንቆ እየሰራ ያለ ሲቪል ኢንጂኒየር ነው የምመስለው። የተዝረከረከ ነገር አልወድም። አልጋ ሳነጥፍ ውጥር አድርጌ ነው። መጅሊስም ይሁን ፍራሽ ሰው ተቀምጦ በተነሳ ቁጥር ነው የማስተካክለው። ጫማ ሲቀመጥ ከተንሻፈፈም ከተደራረበም ተነስቼ አስተካክላለሁ። ደርቆ የገባ ልብስ ቶሎ ካልተጣጠፈ የሆነ የተሸከምኩት ነገር ያለ እስኪመስለኝ ነው የሚከብደኝ። ያልተተኮሰ ልብስ በተዓምር አለብስም። ልብሴ ላይ ትንሽ ጠብታ ነገር አርፎ ማስወገድ ካልቻልኩ ትኩረቴ እዛ ላይ ሆኖ ይውላል። አብሮ የማይሄድ ወይም ከላይም ከታችም የተዥጎረጎረ አለባበስ ያቅለሸልሸኛል። ዲዛይነር ብሆን የሚዋጣልኝ ይመስለኛል። የብር ኖት የባንክ ሠራተኛ እንኳን እንደኔ አያስተካክሉም። ፅሁፍ ላይ ግድፈት እንዳይኖር በጣም እጠነቀቃለሁ። አለቆች ትንሽ ካወቁኝ በኋላ "መቼም አንቺ አትሳሳቺም" እያሉ ሳያነቡ መፈረም ይጀምራሉ። እምነታቸው በበሽታዬ ላይ ኃላፊነት ያሸክመኛል።🤦‍♀️ እንኳን ቢሮ ፌስቡክ ላይም ስፅፍ የአንዲትም ፊደል ስህተት አልፈልግም። ለአፃፃፉ ግድ የሌለው ሰው ራሱ ይገርመኛል። የቢሮ ጠረጴዛዬ ላይ አንዲት ወረቀት ያለ አግባብ አትገኝም።

ፎቶ ሳነሳ ባለሙያ ይመስል አንግል፣ ሴንተር፣ ፎከስ እላለሁ። የተጣመመ ፎቶ የማይረብሻቸው ሰዎች ታድለው። የምቀርፃቸውን የኸሚስ ቪድዮዎች ያየ አንድ ጓደኛዬ እንደውም እንቅስቃሴ ካለመኖሩ የተነሳ በስታንድ ካሜራ ነው ወይ የምትቀርጪው ብሎኛል። ለነገሮች ውበትና Details ስጨነቅ አርክቴክት ይቀናብኛል።

ሲበዛ ቀጠሮ አከብራለሁ። ሌላው ቀርቶ ፖስት ራሱ በተሸራረፈ ሰዓት መፖሰት አልወድም። 1 ሰዓት 5 ሰዓት እንደዛ። የአንድ የሁለት ደቂቃም ልዩነት አልፈልግም። በምንም ነገር ፐርፌክሽን ያስደስተኛል። ግድየለሽነት፣ ቸልተኝነት ያናድደኛል። የቱንም ያክል ቢበዛ ከቢሮ ሥራ ጨርሼ ነው የምወጣው። ካልሆነ ልቤ እዛው ተንጠልጥሎ ነው የሚያድረው። ልሠራው ያሰብኩት 5 ነገር ኖሮ አንዱ እንኳን ከጎደለ ይደብረኛል። ጓደኞቼ "ሞራልሽ የወታደር ነው!" ይሉኛል። አቡዳቢ እያለሁ ጂም ከለሊቱ 7 ሰዓት ሊዘጋ እኔ 6 ሰዓት ሄጄ አውቃለሁ። ምክንያቱም ቀድሜ አስቤዋለው።🤣 ያሰብኩትን ነገር ካልፈፀምኩ የአዕምሮዬ መንገድ ይጨናነቃል። የሰውም ጉዳይ ቢሆን ሳላሳካ መተው አልችልም። በነገራችሁ ላይ ይሄ ችግር ቀላል እንዳይመስላችሁ። በዚህ ሰበብ የፈረሱ ትዳሮች ሁሉ አሉ። ደግነቱ እኔ እየመረረኝም ቢሆን ራሴ አስተካክላለሁ እንጂ ሰው አልጫንም። ቢያመኝም ቢደክመኝም ለዚህ ሲሆን አልሰንፍም። ምናልባት ልጆች ሲኖሩኝና ቤቱን እያመሳቀሉ ጢምቢራዬን ሲያዞሩት እንደ ኩፍኝ ካልወጣልኝ በቀር ነገርዬው በዋዛ የሚተውም አይደለም። ለማንኛውም መስመር የያዘች ቅድዬ ተመኘሁላችሁ!

ፏ_ያለች_ቅድዬ!

(Atiqa Ahmed Ali)

@melkam_enaseb

About Perfectionism OCD by Atiqa Ahmed Ali...⬇️

⬆️ በአዲስ አበባ የሚገኙ የሥነ-ልቦና ማዕከላት፤ ስልካቸውና አድራሻቸው።

#mentalhealth #addisababa #MHSUA #psychology #psychiatry

@melkam_enaseb

እንደው ለመሆኑ የተለየ ፍላጎት ላላቸው ሰዎች የምንሠጠው ስም/አጠራር/ስያሜ እንዴት ይኾን?

እውን ስያሜዎቻችን ጤናማ፣ ሚዛናዊ፣ ተገቢ ናቸውን?

ላሳስብዎት! ወዳጆቼ ይህ ፅሑፍ ግላዊ ዕይታ ብቻ ነው፤ ወጥ የሃሳብ ፍሰትም የለውም።

፩| በ'ኔ ጊዜያዊ አመለካከት 'አካል-ጉዳት' የሚለው ሐረግ በ 'Ontological Semantics' እና 'Pragmatical Lexicography' መነፅር ሳጤነው ተገቢ ኾኖ አላገኘሁትም፤ ይልቁንም ሐረጉ ከሚወክለው ውጪ ለሌሎች አይነት 'ልዩ-ፍላጎት' ላላቸው መጠቀም ተገቢ አይመስለኝም።

በተጨማሪም ‛አካል-ጉዳተኛ፣ አካለ-ስንኩል፣ አካለ-ጎዶሎ’ እነዚህ ሐረጎች የተለያየ ሐሳብ አላቸው ብዬ አላስብም፤ ቃላቱን በጥልቀት ብንፈትሻቸው/ብንመረምራቸው የጎላ ልዩነት አይታይባቸውም፤ ሆኖም ለቃላቱ እንደ ማኅበረሰብ የምንሠጠው ዕይታና ልማድ ልዩነትን ፈጥሯል።

ነገር-ግን በአማርኛ ቋንቋ በአንዳንድ ተናጋሪዎች ሥር-የሠደዱና የተለመዱ ቃላትና ንግግሮች፦

ደንቆሮ፣ ሽባ፣ ደደብ፣ ስንኩል፣ ዲዳ፣ አንካሳ፣ አስቀያሚ፣ አካለ ጎዶሎ፣ ቆማጣ፣ ደንባራ፣ ድውይ፣ እውር፣ እብድ፣ ዘገምተኛ ወ.ዘ.ተ

የደንቆሮ ለቅሶ መልሶ መልሶ
የእውር አዝማሪ የደንቆሮ ተጣሪ
የቆማጣ ፈትፋች የእውር ተሟጋች
ቆማጣን ከማከም ድንጋይ መሸከም

፪| በአዕምሮ ዕድገት ኹኔታዎች (Neurodevelopmental Conditions) ላይ በማኅበረሰባችን ጥቅም ላይ የዋሉ በርካታ ስያሜዎች አሉ። ለምሳሌም ከ6ቱ የአዕምሮ ዕድገት ኹኔታዎች መካከል አንዱ 'Intellectual Developmental Disorder' ነው።

በስፋት የምንጠቀማቸው ሁለት ስያሜዎች ሲኖሩ አንደኛው 'የአዕምሮ ዕድገት ዝግመት' ሲኾን ይህም ዘገምተኝነት ዘገም ማለት፣ ቀስ ማለትን ይገልፃል። ከሳይንሱ ብያኔ አንፃር መዝገም የሚለው ይገልፀው ይኾን? ፣ ሁለተኛው 'የአዕምሮ ዕድገት ውስንነት' ነው፤ ይህም መወሰን፣ መገደብ እና ውስን ወይም ትንሽ መሆንን ያመለክታል። ከሳይንሱ ብያኔ አንፃርስ ይህ ቃል ይገልፀው ይኾን?

ብዙ-ጊዜ የምንጠቀማቸው የተለመዱ ቃላት፦

ውስንነት | ችግር | እክል | መዛባት | ጉዳት | ተጋላጭ | ፍላጎት | ተግዳሮት | ህመም | ወ.ዘ.ተ

ከዚህ በታች ለተዘረዘሩት እና ላልተዘረዘሩት የእንግሊዝኛ ቃላት ተገቢ ትርጉም/ፍቺ ያስፈልጉናል፦

Disorder | Deficit | Impairment | Discripancy | Disturbance | Difficulties | Disability | handicap | retarded | vulnerable | syndrome | problem | Dis |e.t.c

አዎ! እንግሊዝኛውና የሀገራችን የአተረጓጎም ጉዳይ ጥናት ሊደረግበት፤ ትኩረት ሊሠጠው ይገባል!

ዋኖስ መስፍን (@WanosMesfin)
የልዩ-ፍላጎት ትምህርት ባለሞያ

@melkam_enaseb

⬇️

Attachment styles!

ትልቆች ሆነን ስለራሳችን እንዲሁም ስለሌሎች የሚኖረን አተያይ እና ተግባቦት: በልጅታችን ከወላጅ/አሳዳጊዎቻችን: በተለይም ከእናታችን ጋር የሚኖረን ግንኙነት እና መቀራረብ መሰረት የሚቃኝ ነው።

በተለይም የመጀመርያዎቹ 3 አመታት ይህ Attachment የሚከወንበት ወሳኝ ጊዜ እንደሆነ ይነገራል። ይህ Attachment ካደግን በኋላ በሚኖሩን ግንኙነቶች ይገለጣል።

1. Anxious/Preoccupied

ስለራሳቸው አነስተኛ ግምት ያላቸው ናቸው። ከራሳቸው ይልቅ ሌሎችን አግዝፈው ያያሉ። ለራሳቸው በሚኖራቸው አነስተኛ ግምት ምክንያት: በጓደኝነት መሃል መከዳትን አብዝተው ይፈራሉ። ዘወትር ጓደኞቻቸው እንደማይከዷቸው መተማመኛን እንዲሰጧቸው ይሻሉ። ይህ ጓደኞቻቸው ላይ መታከትን ሊፈጥር ይችላል። አብዝተው Reassurance ይፈልጋሉ።

2. Avoidant/Dismissive

ለራሳቸው የተሻለ ምልከታ አላቸው። በአንጻሩ ለሌሎች አሉታዊ ምልከታ ይኖራቸዋል። ብቻቸውን መሆንና ነገሮችን በራሳቸው ማድረግን ይመርጣሉ። ከሌሎች ሰዎች ጋር መቀራረብን እንደ ጥገኝነት ሊቆጥሩት ይችላሉ። በዚህም ምክንያት ጋብቻንና ሌሎች መወዳጀቶችን ሲሸሹ ይስተዋላል።

3. Disorganized

ስሜታቸውን መግራት አይችሉበትም፤
በመፈለግና አለመፈለግ መሃል ይዋልላሉ፡ ስሜትን ለማጋራት ይሰስታሉ ምክንያቱም እንጎዳለን ብለው ስለሚያስቡ። ግልፍተኝነት፣ ስሜትን ለመቆጣጠር መቸገር፣ ራሳቸው ላይ ጉዳት ማድርስ (በሰበብ አስባቡ ራስን ለማጥፋት ማንገራገር እንዲሁም መሞከር) እና የስሜት መለዋወጦችን መለያ ባህርያቸው ናቸው።

4. Secure

የተረጋጉ እና በሚኖራቸው ግንኙነቶች መተማመን ያላቸው ናቸው። ግንኙነቶቻቸው የተረጋጉ እና ሰላማዊ ናቸው። ነገሮችን ከስሜታዊነት ይልቅ በጥበብና በብልሃት ስለሚፈቷቸው የስነልቦና ልዕልናቸው ከፍ ያለ ነው።

የናንተ Attachment style የቱ ነው?

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

⬇️

በዓለም አቀፍ ደረጃ የአዕምሮ በሽታዎች በከፍተኛ ሁኔታ እየጨመሩ እንደሚገኝ ጥናት አመላክቷል!

ፋይናንሻል ታይምስ ጋዜጣ የጥናት ውጤት ጠቅሶ ባስነበበው ዘገባ ድብርት፣ ጭንቀት፣ መገለል እና ሌሎችም ከአዕምሮ ህመም ጋር የሚያያዙ በሽታዎች በወረርሽኝ ደረጃ እየተስፋፉ መሆኑን ጠቅሷል፡፡

በኒው ዮርክ ዩኒቨርሲቲ የኤፒዲሚዮሎጂ ፕሮፌሰር የሆኑት ኬት ፒኬት የችግሩ ስፋት በተለይም በወጣቶች ላይ በጣም አሳሳቢ ነው ሲሉ ለፋይናንሻል ታይምስ ተናግረዋል።

በአለም አቀፍ ደረጃ ለድብርት፣ ጭንቀት እና ሌሎችም የአዕምሮ በሽታዎች መጨመር ከፍተኛ የኑሮ ውድነት፣ ጦርነት እና ግጭት እንዲሁም የማህበራዊ ትስስር ገጽ አጠቃቃም ቀዳሚ ምክንያት ሆነው ተጠቅሰዋል፡፡

እንደ የአለም ጤና ድርጅት መረጃ በአሁኑ ወቅት 280 ሚሊየን የሚሆኑ ሰዎች በድብርት የሚሰቃዩ ሲሆን ከዚህ ውስጥ 28 በመቶውን የሚሸፍኑት ከ18-29 የእድሜ ክልል ውስጥ የሚገኙ ወጣቶች ናቸው፡፡

ጭንቀትን በተመለከተ አራት በመቶ የአለም ህዝብ በአዕምሮ ጭንቀት ውስጥ የሚኖር ሲሆን አጠቃላይ ቁጥሩ ደግሞ ከ301 ሚሊየን እንደሚሻገር መረጃው አመላክቷል፡፡

Via: Alain

የአዕምሮ ጤንነታችንን መንከባከብ አለብን!

'ያለ አእምሮ ጤና፤ ጤና የለም!'

@melkam_enaseb

Mental Health Matters!

በሰዎች ተከበው ብቻቸውን የሆኑ እና ብቸኝነት የሚያሰቃያቸው ብዙ ሰዎች አሉ። በአካል አብረን ስለዋልን አብረን ስላደርን አብረን ነን ማለት አይደለም። አብረውን ካሉ ሰዎች ጋር በስነልቦናም በመንፈስም ልንገናኝ ይገባል። Spiritual and Emotional Intimacy ሊኖረን ይገባል ደስተኛ ሆነን ሰዎችን ደስተኛና ጤናማ ለመሆንም ለማድረግም።

ብዙ ነገራችን አብሮ መዋል ወይም ማደር ላይ ብቻ ስለሚመሰረት ብዙዎች የውስጣቸውን መከፋት፣ ብሶት፣ ጭንቀት እና ፍርሀት አብረዋቸው ላሉ ሰዎች ማጋራት ሳይችሉ ቀርተው በጭንቀት፣ በድብርት የሚሰቃዩ ብዙዎች ናቸው። አለፍ ሲልም ራሳቸውን የሚያጠፉ ሰዎች እየተበራከቱ ነው።

ከጎናችን ላለ ሰው የአእምሮ ሁኔታ ቅድሚያ መስጠት እጅግ በጣም አስፈላጊ ነገር ነው። ስሜታችንን ልንፈታተሽ ይገባል። እንዴት ነህ? ዛሬ ምን አስደሰተህ? ዛሬ ምን አስከፋሽ? ወዘተ... የሚሉት ጥያቄዎች ትንሽ ቢመስሉም ተጠይቀው ለሚመልሱት ሰዎች ግን እፎይታን ይሰጣል።

የሚሰማችሁን በውስጣችሁ አምቃችሁ አትያዙ። ንስሀ አባት የሌላችሁ የንስሀ አባት ይዛችሁ ስለመንፈሳዊ ጤናችሁ ተመካከሩ። ስነልቦናዊ እና እለታዊ ጉዳዮችን የቅርቤ ለምትሉት ሰው አጋሩ። የሚሰማችሁን አምቃችሁ አትያዙ!! ከጎናችሁ ያለን ሰው አዋሩ።

ከፍ ያለ የስሜት መረበሽ ሲገጥማችሁ የህክምና እርዳታ ለማግኘት ሞክሩ። ከምንም ነገር በላይ ደግሞ በፀሎት ትጉ።

ድብርት ቅብጠት አይደለም ህመም ነው።

(Rafatoel Worku)

@melkam_enaseb

የምስራች መልካም ዜና ለድሬዳዋ እና አካባቢዋ!

ምንም እንኳን የአዕምሮ ህመም በምስራቁ ሀገራችን በብዛት ቢታይም ይህንን ያማከለ እና ለአእምሮ ህክምና ታስቦ የተዘጋጀ የህክምና ማዕከል አለመኖሩ ብዙውን የምስራቅ ህዝብ ወደ አዲስ አበባ እንዲያማትር ሲያስገድደው አስተውለናል፡፡ ይህንን መጉላላት ለመቅረፍ ቤካንሲ ልዩ የአዕምሮ ህክምና ለምስራቅ ሀረርጌ እንዲሁም ድሬዳዋ አካባቢ በተዳረጀ መልክ ብቁ ከሆኑ የአእምሮ ህክምና እና ስነልቦና ባለሞያዎች ጋር በመሆን ድሬደዋ ላይ ከትሞ ይጠብቆታል፡፡

በቤካንሲ ክሊኒክ የምንሰጣቸው አገልግሎቶች፦

- ጠቅላላ የአዕምሮ ህክምና                        
- ድንገተኛ የአዕምሮ ህክምና
- የተመላላሽ የአዕምሮ ህክምና
- የሱስ ማገገም እና ታሀድሶ ህክምና
- የተኝቶ ህከክምና
- የህጻናት የአዕምሮ ህክምና
- የወጣቶች እንዲሁም የአዛውንቶች የአዕምሮ ህክማኛ
- የግል እና የቡድን የንግግር ህክምና (ሳይኮራፒ)
- አጠቃላይ የአዕምሮ ጤና ምዘና
- የትዳር ማማከር አገልግሎት ህክምና

አድራሻ፡- ድሬደዋ ከኦርቢት ሆቴል ገባብሎ ማሪያም ሰፈር ት/ቤት ፊትለፊት

ስልክ ቁጥር፡- 0961767778/ 0252111678

አዕምሮን መንከባከብ፣ ህይወትን መቀየር!

@melkam_enaseb

Four factor model ከስነ ልቦና ህክምናዎች አንዱ የሆነው Cognitive and behavioral therapy መሰረት ካደረገባቸው ጽንሰ ሃሳቦች አንዱ ነው።

የነገር አረዳዳችን፤ ከስሜታችን፣ የሰውነት ጤና እና ባህርይ/ ክዋኔዎቻችን ጋር እንዴት እንደሚገናኝ የሚያስረዳ ምስል ነው።

ሃሳብና አረዳዳችን ሚዛናዊ በሆነ ቁጥር አዕምሯዊና አካላዊ ጤናችን የተስተካከለ ይሆናል።

የሚያጋጥሙንን ክስተቶች በጭፍን ከመደምደም ይልቅ በተረጋጋና በሰከነ መንፈስ ከተለያየ አቅጣጫ ለመረዳት መሞከርን መለማመድ ጥሩ ነው።

ያኔ የሚረብሹን ስሜቶች መቀነስ ይጀምራሉ። የተሻለ የመፍትሄ ሃሳብን የማፍለቅ ችሎታችን ይዳብራል።

በሂደት ሚዛናዊው እና ንቁው የአዕምሯችን ክፍል (prefrontal cortex) እየደረጀ ይመጣል።

ንቃተ ህሊናችንን እናዳብር!
Let's be consciousness!

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

የአዋቂዎች መለያየት ጭንቀት (Adult Separation Anxiety Disorder)

የአዋቂዎች መለያየት ጭንቀት ሲባል ከቤት ወይም ከአጋር ሰው ሲለዩ የሚፈጠር የማያቋርጥ እና ከመጠን በላይ የሆነ ፍርሃት አልያም ጭንቀት ነው። ይህ ችግር ብዙውን ጊዜ በልጅነት የሚከሰትና በኋላም ወደ አዋቂነት የሚሸጋገር ሆኖ ይገኛል፤ መቼም መጀመርያ ወደ መዋለ ህጻናት ሲሄድ ያላለቀሰ ልጅ የለም ብዬ መናገር ባልደፍርም፣ ያለቀሱ ልጆች በኋላ ለይ ደፋር ሲሆኑ ይስተዋላል። ነገር ግን ከእነዚህ ዉስጥ ጥቂቶቹ ባያለቅሱም ከቤት አልያም ከወላጅ የመለየት ጭንቀቱ በጣም ጸንቶ በአዋቂነት ህይወታቸው ለይ ይሰርጻል። ከቤት ውጭ ወይም ያለ አጋር የሚከናወኑ ዋና ዋና እንቅስቃሴዎች ለይ ውስንነቶች ይስተዋላሉ።

ስርጭት፦ በአዋቂዎች ውስጥ ያለው ስርጭት ከ 1% እስከ 2% እንደሚሆን ይገመታል።

የምርመራ ምልክቶች፦

1. ከመለያየት ጋር በተያያዘ የሚፈጠር የተጋነነ እና ከመጠን በላይ ፍርሃት፣ ጭንቀት ሲኖር፤ ከሚከተሉት ምልከቶች ውስጥ ቢያንስ ሶስት መኖር አለበት።

• ከቤት ርቀው ወይም ከአጋር ተለይተው መሄድን ሲያስቡ ከመጠን በላይ መጨነቅ ሲኖር።
• ከአጋራቸው በሚለያዩበት ጊዜ የማያቋርጥ እና ከመጠን በላይ ስጋት። ለምሳሌ (የሚጠፉ፣ የሚጠለፉ፣ አደጋ የሚደርስባቸው፣ የሚታመሙ፣ የሚሞቱ) ይመስላቸዋል።
• መለያየትን በመፍራት ምክንያት ከቤት ውጭ ወደ ትምህርት ቤት፣ ወደ ሥራ ወይም ወደ ሌላ ቦታ ለመሄድ ፈቃደኛ አለመሆን ብሎም የማያቋርጥ እምቢተኝነት መኖር።
• ከቤት ዉጭ ወይም ካለ አጋር ሌላ ቦታ ማደር ከመጠን በላይ መፍራት ወይም አለመፈለግ።
• ከመለየት ጋር በተያያዘ የሚኖር ተደጋጋሚ የሌሊት ቅዠት መኖር።
• ከአጋር አልያም ቤት መለየት በሚጠበቅበት ጊዜ በተደጋጋሚ አካላዊ ምልክቶች ሲኖር፤ ለምሳሌ (ራስ ምታት፣ የሆድ ህመም፣ ማቅለሽለሽ፣ ማስታወክ፣ ወዘተ...)።

2. ፍርሃቱ፣ ጭንቀቱ ወይም ሽሽቱ የማያቋርጥና ቢያንስ (ለ4 ሳምንታት ለልጆች እና ለ6 ወር ለአዋቂዎች) ሲከሰት።

3. ፍርሃቱ በስራ፣ ትምህርት፣ እንዲሁም ሌሎች የህይወት መስኮች ለይ ተጽዕኖ ሲፈጥር።

ህክምና፦

ሁለት አይነት ህክምና አሉት። እንዚህም የስነ-ልቦና ህክምና እና የመድሃኒት ህክምና ናቸው። እንዚህ ህክምና አይነቶች በባለሙያ፣ በታካሚ እንዲሁም የአጋር ትብብር የሚሰጡ ሲሆኑ፤ ጊዜ እና ትዕግስትን ይፈልጋል። ነገር ግን ወደ ህክምና ከተመጣ ዉጤታማ መሆኑ አይቀርም።

ዶ/ር መሀመድ ንጉሴ (MD, Psychiatrist)

@melkam_enaseb

⬇️

የመርሃ ግብር ጥቆማ!

ወርሃዊው የሜንታል ሄልዝ አዲስ መርሃ ግብር ቅዳሜ ህዳር 28 ቀን 2017 ዓ.ም አትላስ አካባቢ በሚገኘው በአዶር አዲስ ሆቴል ከቀኑ 10፡00 ሰዓት ላይ ይደረጋል።

የዚህ ወር ርዕስም፡- “ፈንክሽናል ድባቴን መረዳት” የሚል ሲሆን የዚህ ወር እንግዳ ወ/ሮ ሰሚራ ኑርአዲስ ናቸው፡፡ 

ለመታደም ይህን መስፈንጠሪያ ይጫኑና ይመዝገቡ፡፡ ⬇️

https://forms.gle/FHNokggVCXRB5WYx5

@melkam_enaseb

የስነ ልቦና ማማከር ሆነ ማንኛውም እርዳታ ይፈልጋሉ?

እንግዲያውስ በአንድ ጥሪ ርቀት ብቻ እንገኛለን። ቴሌ ሳይካትሪን ይጠቀሙ! መጓጓዝ አይጠበቅብዎትም! እንግዳ መቀበያ ክፍልም መጠበቅ አያሻዎትም!

ቀጠሮ ለማስያዝ 8187 ይደውሉ ወይም [email protected] ላይ መልዕክትዎን ያስቀምጡልን።

(ስጦታ የአእምሮ ህክምና እና የሱስ ማገገሚያ ማዕከል)

@melkam_enaseb

የተጎዳ ስሜትና የተዛባ ስነ-ልቦና ምልክቶች!

የስሜት ጉዳት ወይም የስነ-ልቦና መቃወስ መንስኤዎችና ምልክቶቹ በርካታ ናቸው፡፡ የስሜት ጉዳት እና የስነ-ልቦና መቃወስ ስር ሳይሰድ በጊዜ መፍትሄ ካላገኘ የሚያስከትለው ችግር ከባድ ሊሆን ይችላል፡፡ መፍትሄ ለመፈለግ ከሚረዱን ምልክቶች መካከል አንዱን እንጥቀስ፡፡ ይህ ምልክት ከአንዱ ጥግ ወደ ሌላው ጥግ የሚወዛወዝ ሁኔታ ጉዳይ ነው፡፡ 

1. በሆነ ባልሆነ ማልቀስ፣ ወይም ደግሞ ትርጉም በማይሰጥ ነገር በጣም መሳቅና የተደሰቱ ማስመሰል፡፡

2. ዝም ማለትን ማዘውተር፣ ወይም ደግሞ ብዙ የማውራት ዝንባሌ፡፡

3. ካለልክና ብዙ መመገብ፣ ወይም ደግሞ ምግብን መመገብ አለመቻል፡፡

4. ከልክ በላይ ብዙ መተኛት፣ ወይም ደግሞ እንቅልፍ በማጣት መቸገር፡፡

5. በትንሹም በትልቁም ለሁሉም ነገር መጨነቅና አጉል መጠንቀቅ፣ ወይም ደግሞ ለሁሉም ነገር ግድ የለሽ መሆንና ራስን መጣል፡፡

6. ከሰዎች ጋር ካለልክ መጣበቅና ትኩረትንና አብሮነትን መፈለግ፣ ወይም ከሰዎች ሁሉ መራቅና ለብቻ መሆንን ማዘውተር፡፡

7. ሰዎች ስለእኛ ምን እያሰቡ እንደሆነ መገመትና መጨናነቅ፣ ወይም ስለማንም ሰው ምንም ግድ ያለመስጠትና ፀረ-ማህበራዊ ባህሪያትን መግለጽ፡፡

ሁላችንም ብንሆን አልፎ አልፎ እንደዚህ አይነት ልምምዶችን ልንለማመድና መለስ ልንል እንችላለን፡፡ ሆኖም፣ ሁኔታው ለሳምንታትና ለወራት ከቆየና የማይቀንስ ከሆነ ችግሩ በራሱ ይሄዳል ብሎ ከማሰብና ለመቀልበስ አስቸጋሪ የሚሆንበት ደረጃ ላይ እስከሚደርስ ከመጠበቅ የራስ በራስ እርምጃና ማስተካከያ መውሰድ፣ አልሆን ካለ ደግሞ የባለሞያ እገዛ ማግኘት አስፈላጊ ነው፡፡

(ዶ/ር እዮብ ማሞ)

@melkam_enaseb

የልዩ-ፍላጎት ትምህርት ስልጠና!

ስልጠናው የሚፈጀው ጊዜ 3 ወር

ከስልጠናው ትኩረቶች በጥቂቱ፦
 
- ልዩ-ፍላጎትን ማካተት
- የባህሪ ቴራፒ
- የንግግርና ቋንቋ ቴራፒ
- የክዋኔ ቴራፒ
- መሰረታዊ ምዘና
- ሌሎች ተያያዥ ጉዳዮች

ስልጠናው በዘርፉ ብቁ በሆኑ ባለሙያዎች የሚሰጥ ይሆናል።

ለበለጠ መረጃ ⬇️

   0960605715
   0932710374
   0954842701

@melkam_enaseb

ጣፋጭ ውጥረት| "Sweet Spot of Stress"

በፈረንጆቹ 'Our Individual Zone of Optimal Functioning (IZOF)' ይባላል፤ በግርድፉ ሲተረጎም "ተግተን የምንተገብርበት የግል የውጥረት ልኬታችን" እንደ ማለት ነው!

በቀን ተቀን የስራ እና የህይወት ውጣውረዳችን ውስጥ አነሰም በዛ ውጥረት ያጋጥመናል...ዋናው ቁምነገር ግን በተፈጠረው እና በእኛ ግብረመልስ መካከል ያለውን ሚዛን ማስጠበቅ ላይ ነው።

ጭንቀትን ልክ እንደ ፊኛ እናስበው፡-

- በጢቂቱ የተወጠረ ፊኛ አየር ላይ እንደማይንሳፈፈው ሁሉ ውጥረት የሌለበት ኑሮ አሰልቺ የህይወት ተሳትፎ ነው።

- ያለማቋረጥ ፊኛን በአየር ብንሞላው ደግሞ እንደሚፈነዳው፡ የማያቋርጥ ጭንቀት ወደ ተስፋ መቁረጥ ያመራናል።

- በልኩ የተወጠረ ፊኛ በአየሩ ላይ እንደሚንሳፈፈው ሁሉ ጤናማ የሆነ ውጥረት እንድንነሳሳ፣ እንድናከናውን፣ እንድንተጋ እና እንድናድግ ይረዳናል።

አሁን ጥያቄው "የእኛ ጤናማ የውጥረት ልክ እስከ ምንድን ነው? እናውቀውስ ይሆን ወይ?" ነው።

ጤናማ የሆነ ውጥረት ወደፊት ለመግፋት፣ ወደላይ ለማደግ ብሎም መልካም ውጤትን ለመውለድ አስፈላጊ ነው፤ ይህም ማለት እድገት የሚፈጠርበት፣ ፈጠራ የሚበለፅግበት፣ እና የመቋቋም አቅም የሚገነባበት ልኬት ነው እንደ ማለት ነው።

ለማደግ የግድ መለጠጥ አለብን ነገር ግን እስክንበጠስ መሆን የለበትም!

ስለዚህ ጣፋጭ የሆነው ውጥረት፦ የማደጋችን መንስኤ፣ የውጤታማነታችን ጥንስስ ነው...የእኛን ምርጥ ውጤታማነት ማምጣት ከፈለግን በምቾቱ ቀጠና (Comfort Zone) ሳይሆን በውጥረቱ መንገድ መጓዝ ግድ ነው!

ጥበብ እና ማስተዋል ለሰው ልጆች ሁሉ!

ሣሙኤል ተክለየሱስ (ዓለም አቀፍ የሕይወት ክህሎት አሰልጣኝ እና የቢዝነስ አማካሪ)

@melkam_enaseb

አራቱ ተግባቦቶች!

ከሰዎች ጋር ዕለት ተዕለት በሚኖረን ግንኙነት ወቅት የሚኖረንን የተግባቦት አይነቶች በአራት ከፍለን ማየት እንችላለን።

1- Aggressive (ቁጡ/ሃይለኝነት ያጠላበት):-

እነዚህ ሰዎች ሃሳባቸውን በሃይለ ቃል እና በስሜታዊነት በመግለጽ ይታወቃሉ። ሲያወሩ ጠረጴዛ እየደበደቡ፣ ደምስራቸው ተገታትሮ፣ በከፍተኛ የንዴት ስሜት ውስጥ ሆነው፣ ቡጢ ጨብጠው ነው። የራሳቸውን ሃሳብ ሌሎችን በሚጎዳ መልኩ መግለጻቸው ችግር ይፈጥራል።

2- Passive:-

ሁሉን በጸጋ የሚቀበሉ፣ ሽቁጥቁጥ፣ ሃሳባቸውን ለመግለጽ ፈራ ተባ የሚሉ አይነት ናቸው። እነዚህ ሰዎች ችግር ቢከሰት ባይከሰት የማይደንቃቸው፣ ለስሜታዊነት ሩቅ የሆኑ፣ ነገር በሩቅ የሚሸሹ ናቸው። የራሳቸውን ጥቅም ለሌሎች በማሳለፋቸው ምክንያት ለብዝበዛ ሊጋለጡ ይችላሉ።

3- Passive-Aggressive:-

እነዚህ ሰዎች የታመቀ ሃይለኝነት ቢኖራቸውም ሃሳብ አስተያየታቸውን ፊት ለፊት ለማቅረብ ይፈራሉ። ይልቁንስ ብስጭት እና ቅሬታቸውን በህቡዕ መፈጸም ይቀናቸዋል። ማለትም ስም በማጥፋት፣ ስራን በማበላሸት፣ በመለገም እና በመሳሰሉት ንዴታቸውን ሲገልጹ ይስተዋላሉ። እነዚህ ሰዎች ለራሳቸውም ሆነ ለሌሎች አደገኞች ናቸው።

4- Assertive:-

ሃሳብ አስተያየታቸውን ሚዛናዊ በሆነ ሁኔታ በቀጥታ መግለጽን የተካኑ ናቸው። እንደነዚህ አይነት ሰዎች የሚፈጠሩ ቅራኔዎችን በጥበብ መፍታት መለያቸው ነው። በዚህም መሰረት ሁለቱንም ወገን የሚጠቅም መፍትሄ ላይ ይደርሳሉ።

እናንተስ ከሰዎች ጋር ስታወሩ፣ ስታወጉ፣ ስትወያዩ አልያም ስትከራከሩ የትኛውን አይነት ተግባቦት ትጠቀማላችሁ?

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

የስብእና መታወክ (personality disorder)

የስብዕና መታወክ የሚጀምረው ስብዕናችን እያደገ ሲመጣ ወይም አዕምሯችን በሚበስልበት በጉርምስና ዕድሜ ላይ መሆኑ ይነገራል፡፡

እንዲሁም የተለመደ እና ለረጅም ጊዜ የሚቆይ የስነ ልቦና ችግር መሆኑ ይጠቀሳል፡፡

የሰው ልጅ ማንነት በአስተሳሰብ እና በድርጊቶች ላይ ተጽእኖ በሚያሳድሩ ልዩ  ባህሪያት የተሰራ እደሆነ ይነሳል፡፡

የስብዕና መታወክ ያለባቸው ሰዎች ለመሥራት እና ከሌሎች ጋር አወንታዊ ግንኙነት ለመመሥረት ሊከብዳቸው ይችላል፡፡

በአለማችን ላይ 7.8 በመቶ የሚሆኑ የማህበረሰብ ክፍሎቸ የዚህ ችግር ሰለባ መሆናቸውን መረጃዎች ያሳያሉ፡፡

የስብዕና መታወክ ምን ማለት ነው?

የተዛባ አመለካከት፣ የተዛባ ድርጊት፣ የተዛባ አስተሳሳብ እና ባህሪ አንድ ላይ ሲደመሩ የሚመጣ ነው፡፡ የተዛባ ስንል ደግሞ ቀን በቀን ባለው ህይወታችን ውስጥ ወጣ ያለ ባህሪያት ስናሳይ ነው፡፡

መንስኤዎቹ ምንድን ናቸው?

- በቤተሰብ ይህ ችግር ካለ
- ያደግንበት አካባቢ
- ተፅዕኖ የመቋቋም አቅማችን ተጠቃሽ ናቸው።

ምልክቶቹ ምንድን ናቸው?

- ተጣራጣሪ መሆን (ሰዎችን አለማመን)
- ሰዎችን ለመቅረብ አለመፈለግ
- ነገሮችን እንደ አዲስ ለመሞከር መፍራት
- አንዳንዴ ከሌላው ሰው የተሻልን ነን ብሎ ማሰብ ተጠቃሽ ናቸው፡፡

ነገር ግን ይህ ችግር ያለባቸው ሰዎች ብዙውን ጊዜ እነዚህን ነገሮች ስለማያስተውሏቸው እንደዚህ አይነት የስነ ልቦና ችግር እንዳለባቸው ላይገነዘቡ ይችላሉ፡፡

የሚያመጣው ተፅዕኖ ምንድን ነው?

- የተጠራጣሪነት ስሜት ስላላቸው ከሰዎች ጋር ለመቀላቀል መቸገር
- ምቹ ያልሆነ የስራ ቦታ እንዲፈጠርባቸው ማድረግ
- ከማህበራዊ ህይወት መገለል ሊያጋጥማቸው ይችላል፡፡

ህክምናዎቹ ምንድን ናቸው?

የስነ ልቦና ባለሙያን በማግኘት የስነ ልቦና ህክምና ማድረግ ዋነኛው ነው፡፡

በመጨረሻም ችግሩን ለመከላከል ልጆችን በምናሳድግበት ሰዓት በጥሩ መልኩ ማሳደግ የተሻለ ማንነት ይዘው እንዲወጡ ለማድረግ እንደሚረዳ እና ይህ የስነ ልቦና ችግር በቀላሉ ከተደረሰበት ወዲያው መቅረፍ የምንችለው ስለሆነ በጊዜ ባለሙያዎችን ማማከር ይገባል፡፡

አቶ ልዑል አብርሀም (የስነልቦና ባለሙያ)

@melkam_enaseb

⬇️

ልጆች ልክ እንደወላጅ (Parentification)

ወላጆች በጽኑ ሲታመሙ፣ በሞት ሲለዩ፣ በሱስ፣ በአለመግባባትና መሰል ጉዳዮች ቤተሰቡን ማስተዳደር ሲሳናቸው እና በመሳሰሉ ምክንያቶች ልጆች የወላጅን ሚና ተክተው ቤተሰብን እንዲያስተዳድሩ ሊገደዱ ይችላሉ።

ይህ ጉዳይ በሃገራችን በስፋት ይስተዋላል። በተለይም የመጀመርያ ልጆች ታናናሾቻቸውን ልክ እንደ ወላጅ ሆነው እንዲያሳድጉ ሃላፊነት ሲወስዱ ማየት የተለመደ ነገር ነው። ታናናሾቻቸውን ለማሳደግ ራሳቸውን መስዋዕት ያደረጉ ብዙ አሉ።

እነዚህን ሃላፊነቶች በሁለት ከፍለን ማየት እንችላለን:-

1. Instrumental/ቁሳዊ/ parentification- ይህ ልጆች የቤተሰብን ቁሳዊ/አካላዊ ፍላጎት እንዲያሟሉ ሃላፊነት ሲጣልባቸው ነው። ለቤተሰቡ ምግብን ማቅረብ፣ ስራ ሰርቶ ገቢ ማስገኘት፣ የቤተሰብ ቢዝነሶችን ማሳለጥ እና የመሳሰሉ ጉዳዮችን እንዲከውኑ ይጠበቅባቸዋል።

2. Emotional Parentification- ይህ ደግሞ ለቤተሰቡ ስነልቦናዊና እና የስሜት ድጋፍን የመስጠት ሃላፊነት የተጣለባቸውን ይመለከታል።

ስነልቦናዊና ማህበራዊ ዳራው ምን ይመስላል?

- ይህን ሃላፊነት በተለይም ከአፍላነታቸው ጀምረው የተሸከሙት እንደሆነ እንደ የእድሜያቸው የሚጠበቀውን ስነልቦናዊና ማህበራዊ የእድገት ደረጃዎች (psychosocial development) እንዳያሳኩ እንቅፋት ሊሆንባቸውና ለተለያዩ ስነልቦናዊና ማህበራዊ ቀውሶች ሊያጋልጣቸው ይችላል።

- በእድሜያቸው አለመብሰል ምክንያት አስቸጋሪ አጋጣሚዎችን የመቋቋምያ መንገዶቻቸው (coping) በደምብ የዳበሩ አለመሆኑ ለችግር ተጋላጭነታቸውን ይጨምረዋል። ነገሮችን በጥልቀት እንድንመዝን እና እንድናገናዝብ የሚያደረገው የአንጎላችን ክፍል (Prefrontal cortex) ስራውን በደምብ መከወን የሚጀምረው በሃያዎቹ እድሜያችን ገደማ እንደሆነ ይታመናል። አንዳንድ ቀድመው የሚበስሉ (early matures) እንዳሉ ሆነው።

- በትምህርት አለመግፋት፣ በኢኮኖሚ አለመደራጀት፣ ለጭንቀት፣ ለድብርት ህመም፣ ለአጽ ተጠቃሚነት፣ የስብዕና መዛነፍና ለመሳሰሉ ማህበራዊና ስነልቦናዊ ችግሮች የሚጋለጡት ብዙ ናቸው።

- ደግሞም በሌላ አንጻር ቤተሰብ በመምራት ሂደት የሚኖራቸው ተሞክሮ መልካም ከሆነ በራስ መተማመናቸው የዳበረ እና ችግሮችን የመቋቋም እና የመፍታት ችሎታቸው የተሻለ ሊሆን ይችላል። Internal locus of control ይኖራቸዋል።

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

⬇️

ሰዎች ተስፋ ለምን ይቆርጣሉ?

ተስፋ ለሰዉ ልጅ የተሰጠዉ ትልቁ ስጦታዉ ነዉ። ይህም ሰዎች ነገን እዲናፍቁ የሚያደርግ ነዉ፡፡

ለመኪና መንቀሳቀስ ጎማ እደሚያስፈልግ ሁሉ ተስፋም ለሰዉልጅ እንዲሁ ነዉ። ተስፋ ከሌለ ጨለምተኝነት ይበዛል፡፡

የተስፋ መቁረጥ ስሜት የሰዉ ልጆች በተለይ በሕይወታቸዉ አስቸጋሪ ዉጣ ወረድ ዉስጥ ሲገቡ ወይም የማያልፉት የሚመስል ፈተና ሲገጥማቸዉ በዉስጣቸዉ የሚፈጠር ከፍርሀት፣ ከስጋት እና ከእምነት ማጣት የሚፈጠር እጅግ ከባድ ስሜት ነዉ፡፡

- ከዚህ ባለፈ ሰዎች ተስፋን በሶስት መንገድ ሊያጡ ይችላሉ፤ በሰዎች፤ በሃሳቦች፤ በነገሮች፡፡

- ተስፋ ብዙም ባይሆን ከድብርት እና ጫና ጋር የሚገናኝበት ባህርይም አለዉ፡፡

- አንዳንድ ጊዜም ይህ ነዉ የሚባል ምክንያት ሳይኖረን ተስፋ ልንቆርጥ እንችላለን፡፡

- በአንድ ነገር ሰዎች ያልረኩ ከሆነና ከሚጠበቅባቸዉ ነጥብ በታች የሚያመጡ ከሆነ የዚህ ስሜት ተጠቂ የመሆን ዕድል ሊኖራቸዉ ይችላል፡፡

ታዲያ ይህ የስሜት ቀዉስ ከባድ በመሆኑ ከዚህ ስሜት ለመዉጣት ከፍተኛ ትግልና ረጅም ጊዜ የሚጠይቅ ነዉ፡፡

የተስፋ ማጣት መገለጫዎች፦

የኃዘን ወይም የድብርት ስሜት፤ የምግብ ፍላጎት መቀነስ እና የእንቅልፍ እጦት፤ የራስን ጽዳት እና የጤንነት ሁኔታ ችላ ማለት ከቤተሰብ፣ ከጓደኞችና ከሚኖሩበት ማህበረሰብ መራቅ፣ በትምህርት፣ በሥራ እና በልዩ ልዩ ማህበራዊ እንቅስቃሴዎች ተሳታፊ አለመሆን፡፡

ከፍተኛ የጥፋተኝነትና የሃፍረት ስሜት  መሰማት (ሕይወቴ ትርጉም የላትም፣ ለሌሎችም ሰዎች ሸክም ነኝ፣ በሥራዬም ውድቀት እንጂ አሸናፊነት አልቀዳጅም ብሎ ማሰብ) የተስፋ እጦት ከሚፈጠራቸዉ ስሜቶች መካከል  የተወሰኑት ናቸዉ፡፡

ታዲያ የእነኚ ስሜቶች ድምር ራስን ወደ መጉዳት እና ከፍ ሲልም እራስን ለማጥፋት የተለያዩ መንገዶችን ወደ መፈለግ ይመራል፡፡

ከተስፋ መቁረጥ እንዴት እራስን መጠበቅ ይቻላል?

- ችግርን በአግባቡ መረዳት

- ከትናንት መልካሙን እየወሰዱ ክፉዉን አርቆ መጣል እነዲሁም አዲሲ ነገር ለማወቅ፤ ለመስራት እራስን ለለዉጥ ዝግጁ ማድረግ ተገቢ ነዉ፡፡

- ተስፋ መቁረጥ ከተደጋጋሚና አሰልቺ ሕይወት የሚመነጭ ሊሆን ስለሚችል ሥራቹሁን፣ አካባቢያቹሁን ወይም ለነገሮች ያላቹሁን ዕይታ መለወጥ ከቻላችሁ የችግሩ ተጋላጭ አትሆኑም፡፡
  
- ይህ ማንኛዉም የሰዉ ልጅ የሚሰማዉ  ነዉ ብሎ ማሰብ እና በእኛ ላይ ብቻ እንዳልተፈጠረ ማሰብ፡፡

በተጨማሪም ሁሉም አዲሲ ቀን የራሱ በረከት እናዳለዉ በማሰብ ትናንት የወደቃቹ ከሆነ ነገ እንደምትነሱ በማመን፣ ትናንት ከከሰራቹ  ነገ እንደምታተርፉ በማሰብ፣ ትናንት ያጣቹትን ነገ እንደምታገኙት በማሰብ በአሉታዊ ሳይሆን በአዉንታዊ በማየት ነገን የተሸለ ማድረግ ይቻላል፡፡

በመጨረሻም እርዳታ መጠየቅ የበታችነት ባለመሆኑ፤ አንዱን የከበደዉ ቀንበር ላንዱ በመቅለሉ በዚህ የስሜት ቀዉስ ዉስጥ ያሉ ሰዎች ስነልቦና ባለሙያዎችን፤ እንዲሁም አጠገባቸዉ ያሉ ከነሱ በላይ ሰዎችን ማማከር  ዕርዳታን መጠየቅ ይገባል፡፡

አቶ ልዑል አብረሃም (የስነልቦና ባለሙያ)

@melkam_enaseb

⬇️

#WorldMentalHealthDay
October 10, 2024

የአእምሮ ጤንነትን እንዴት መጠበቅ እንችላለን?

- ሁልጊዜ እራስን ደስተኛ ማድረግ
- ከሰዎች ጋር ጊዜዎትን ማሳለፍ፣ ብቻ አለመሆን
- ዘላቂነት ያለው አስተሳሰብ መኖር
- የተሰጠንን ነገር ደጋግመን ማሰብ
- የበጎፋቃድ ተግባሮችን ማድረግ
- በራስ የመተማመን ስሜትን መላመድ 
- የፈጠራ ችሎታዎን ማዳበር
- ጤናማ እንቅልፍ ማግኘት
- ጤናማ የአመጋገብ ስርአት መከተል
- በራሳችን መድኃኒቶችን አለመውሰድ
- ጭንቀትን ማስወገድ
- ስሜታዊ/ብስጩ አለመሆን
- የአካል ብቃት እንቅስቃሴ ማድረግ

የአእምሮ ሀኪም ጋር መሄድ ያለብን መቼ ነው?

- በእለት ተለት እንቅስቃሴያችን በሚያጋጥሙን ምክኒያቶች ልንናደድ ወይም ልንጨነቅ እንችላለን ነገር ግን ምንም ምክኒያት ሳይኖረን የምንጨነቅ፣ የምንረበሽ እና ከልክ ያለፈ ፍርሃት የሚሰማን ከሆነ።
- ምክኒያቱ ያልተረዳነው ጭንቀት እና መረበሽ በስራችን፣ በትምህርታችን፣ በውጤታማነታችን እና በማህበራዊ ግንኙነታችን ላይ ተፅእኖ ካመጣ።
- የመረበሽ እና የመጨነቅ ስሜቱ ለረጅም ጊዜ ከቆየ።
- በዙሪያችን ያሉ የቅርብ ቤተሰብ፣ ጓደኛ እና የትዳር አጋር የምናሳየውን አዲስ ስሜት አይተው ሁኔታህ ጥሩ አይመስልም ምንሆነሃል/ሻል ብለው እስኪጠይቁ የሚያደርስ ሁኔታ ላይ ከደረስን።
- የሚሰማዎት ጭንቀት ከልክ በላይ ሆኖ እርሱን ለመርሳት የአልኮል መጠጥ እና የእንቅልፍ መድሃኒቶችን መፈለግ ከጀመሩ።
- ከሚሰማዎት ጭንቀት ብዛት "አሁንስ ብሞት ይሻላል" የሚል ሀሳብ ከጀመሮት። 
- ያልተለመደ ሃሳብ ማለትም ሰዎችን መጠራጠር እና ያልተለመዱ ድምፆችን መስማት ከጀመሩ በግዜ የስነ-ልቦና አማካሪ/ የስነ-አዕምሮ ሐኪም ጋር በመሄድ የንግግር ወይም የመድሃኒት ህክምና ያግኙ።

@melkam_enaseb

#WorldMentalHealthDay

"ሥራ የመስራት እድሜ ላይ ከደረሱ ስድስት አዋቂዎች አንዱ የአዕምሮ ጤና ችግር ያጋጥማቸዋል" - ዶ/ር ቴዎድሮስ አድሃኖም

የ2024 #የዓለም_የአእምሮ_ጤና_ቀን በዛሬው እለት እየተከበረ ይገኛል።

ከአለም ህዝብ 60 በመቶ የሚሆኑ ሰዎች በስራ አለም ላይ እንደሆኑ የአለም ጤና ድርጅት መረጃ ያሳያል።

በስራ ላይ ካሉት ሰራተኞች ውስጥም ግማሽ የሚሆኑት የአእምሮ ጤና ችግር እንደሚያጋጥማቸው የአለም ጤና ድርጅት ዳይሬክተር ዶ/ር ቴዎድሮስ አድሃኖም በዛሬው እለት የዓለም የአእምሮ ጤና ቀንን አስመልክተው ባስተላለፉት መልእክት ተናግረዋል።

ሰራተኞችን ለአእምሮ ጤና ችግር የሚዳርገው ምንድነው?

-  ዝቅተኛ የስራ ክህሎት፣ ችሎታ እና አፈፃፀም

- ከመጠን በላይ የሆነ የሥራ ጫና፤ የሰራተኞች እጥረት፤ አድልዎ፣ መገለል፣ ጥቃትና ትንኮሳ

- ረጅም፣ ያልተገደቡ እና ተለዋዋጭ የስራ ሰዓቶች

- አሉታዊ ድርጊቶችን የሚደግፍ ድርጅታዊ ባህል

- ከሥራ ባልደረቦች በቂ ድጋፍ አለማግኘት

- በቂ ያልሆነ ክፍያ፣ የሚጋጩ የሥራ ፍላጎቶች

ሰራተኞች የአእምሮ ጤና ችግር በሚገጥማቸው ጊዜም ሰዎችን ማውራት፣ ባለሙያ ማማከር ወይም እራሳቸውን ማረጋጋት እንደሚኖርባቸው ዶ/ር ቴዎድሮስ ገልፀዋል። Via: TM

@melkam_enaseb

የመርሃ ግብር ጥቆማ!

ወርሃዊው የሜንታል ሄልዝ አዲስ መርሃ ግብር ቅዳሜ ጥቅምት 2 ቀን 2017 ዓ.ም አትላስ አካባቢ በሚገኘው በአዶር አዲስ ሆቴል ከቀኑ 10፡00 ሰዓት ላይ ይደረጋል::

የዚህ ወር ርዕስም፡- “ሳይኮሲስን ማወቅ” የሚል ሲሆን የዚህ ወር እንግዳችን ዶ/ር ኢማኑኤል አስራት ናቸው፡፡

ለመታደም ይህን መስፈንጠሪያ ይጫኑና ይመዝገቡ፡፡ ⬇️

https://forms.gle/8fFLdEJNMgZkayri9

@melkam_enaseb

ቨርቹዋል ኦቲዝም ምንድነው? 

ቨርቹዋል ኦቲዝም ከሁለት ዓመት በታች የሆኑ ሕፃናት በብዛት ስክሪን እንደ ቴሌቪዥን፣ ስልክ፣ ታብሌት የመሳሰሉትን በብዛት በመጠቀም የሚፈጥረ ሁኔታ ነው።

ከሶስት አመት በታች የሆኑ ስክሪን እንደ ቴሌቪዥን፣ ስልክ፣ ታብሌት የመሳሰሉትን በብዛት የሚጠቀሙ ልጆች የተለያዩ የባህርይ እክሎች እና የተግባቦት እክሎች ያጋጥማቸዋል።

የቨርቹዋል ኦቲዝም ምልክቶች፦

- ከፍተኛ እንቅስቃሴ (እረፍት የለሽ መሆን)
- ትኩረት ማድረግ አለመቻል
- ጨዋታዎች ላይ ፍላጎት መቀነስ
- ማህበራዊ መስተጋብር ወይም ተግባቦት አለመኖር
- ተለዋዋጭ ስሜት
- የመረዳት እክል
- የንግግር እና ቋንቋ መዘግየት
- የተገደበ የአይን ግንኙነት እና ማህበራዊ መስተጋብር
- ተደጋጋሚ ባህሪያት ወይም የተገደበ ፍላጎት
- ስሜትን የማቋቋም እክል
- ለነገሮች ስሜታዊነት (sensitive)

የቨርቹዋል ኦቲዝም መንስኤ፦

ቨርቹዋል ኦቲዝም ህፃናት በሞባይሎች፣ በታብሌት፣ በቴሌቭዥን፣ በኮምፒውተሮች እና በላፕቶፕ ስክሪን ላይ የረዘመ ጊዜ ሲያሳልፉ የሚፈጠር ሁኔታ ነው።

የቨርቹዋል ኦቲዝም ቴራፒዎች፦

- በዋነኛነት የባህርይ ቴራፒ እና የስፒች ቴራፒ
- የስክሪን ጊዜን ማቆም ወይም መገደብ
- የአካል እንቅስቃሴዎችን መጨመር
- ፊት ለፊት የሚናገሩበትን መንገድ መፍጠርና ማስተዋወቅ
- ምቹና ደጋፊ አካባቢ መፍጠር

በማህሌት አዘነ (ስፒች ላንጉጅ ቴራፒስት)

@melkam_enaseb

ደስተኛ ለመሆን የሚያግዙ አምስት ልማዶች!

የስነልቦና ባለሙያዎች ማንኛውም ሰው በቀላሉ ተግብሯቸው ደስተኛ ሊሆንባቸው የሚችሉ በሚል የዘረዘሯቸውን አምስት ልማዶች እንመልከት፡፡  

1. ለሰዎች ደግ መሆን ወይም በጎ ማድረግ

ሰዎች ካላቸው ነገር ላይ ቀንሰው ለሰዎች በጎ ነገርን ማድረግ ደስታ ከሚፈጥሩ የመኖር ትርጉም ጥያቄን ከሚመልሱ ልማዶች መካከል አንዱ ነው፡፡ ከመልካምነት በመነጨ ስሜት ለሌሎች ሰዎች የሚደረግ መልካምነት ሰዎች ስለሚገኙበት ሁኔታ አመስጋኝ እንዲሆኑ፣ በራሳቸው እንዲተማመኑ እና ስለራሳቸው መልካም ስሜት እንዲሰማቸው ያደርጋል፡፡ 

በዚህ ምግባር ምክንያት በማህበረሰብ ውስጥ እና በሚገኙበት አካባቢ ሰዎች የሚሰጧቸው አክብሮት እና ተቀባይነት ስለሚጨምር በሰዎች ዘንድ መወደዳቸው ደስታን ይፈጥራል ተብሏል፡፡ ትንሽ የሚባል የደግነት ምግባር የለም የሚሉት የስነልቦና ተመራማሪዎቹ ሰዎች አካባቢያቸውን በደንብ ቢቃኙ መልካም ለመሆን ገንዘብ ማውጣት የማይጠይቁ ምግባሮችን ያገኛሉ ብለዋል፡፡

2. አመስጋኝነት

ምስጋና በሀይማኖታዊው ትእዛዛትም በጎ ምግባር ተደርጎ የሚወሰድ ነው። ስለተሰጣቸው ነገር የሚያመሰግኑ ሰዎች ስለጎደላቸው ስለማይጨነቁ እንዲሁም በቁሳቁሳዊ ጉዳዮች ራሳቸውን ለማነጻጸር ጊዜ ስለማይኖራቸው ደስተኞች መሆን እንደሚችሉ ተገልጿል፡፡

ሰዎች ወደ መኝታቸው ከማቅናታቸው በፊት አልያም ከቅርብ ሰዎቻቸው ጋር ሲወያዩ አመስጋኝ ስለሆኑባቸው፣ በሕይወታቸው ስለተሰጧቸው ነገሮች ማመስገንን ልማድ ማድረግ አለባቸው ተብሏል፡፡ ለምሳሌ በነጻነት መንቀሳቀሳቸው፣ በህመም አልጋ ላይ ባለመዋላቸው፣ ሙሉ አካል እና ሙሉ ጤና ስላለቸው እንዲሁም ለሌሎች ውድ የሆኑ እነርሱ ጋር ግን ያሉ ነገሮችን በመቁጠር አመስጋኝ እንዲሆኑ ይመከራል፡፡ 

3. መልካም ግንኙነትን ከሰዎች ጋር መመስረት

የሰው ልጅ በምድር ላይ ብቸኛ ይሆን ዘንድ መልካም አይደለም፡፡ ከቤተሰብ፣ ከልጆች፣ ከጎረቤት፣ ከጓደኛ በአካባቢ ከሚገኙ ሰዎች ጋር ግንኙነትን የተቃና ማድረግ የደስተኛነት ሚስጥር ከሆኑ ልማዶች መካከል አንዱ ተደርጎ ተጠቅሷል፡፡

ሰዎች ከሌሎች ጋር የሚኖራቸው መስተጋብር አካባቢያቸው ከጭንቀት እና ድብርት እንዲሁም ያለመፈለግ ስሜትን ስለሚያጠፋ ለመኖር ተጨማሪ ምክንያትን የሚያክል ነው ሲሉ የስነ ልቦና ተመራማሪዎች ተናግረዋል። በችግር እና ደስታ ጊዜ በአቅራቢያ የሚገኝ ሰው መኖር እንዲሁም በወዳጆች መከበብ ሰዎች ደህንነት እና በራስ መተማመን እንዲሰማቸው ያደርጋል፡፡

4. መልካም ዜናዎችን በተገቢው መጠን ማጣጣም

በርካታ የጭንቀት እና የሀዘን ዜናዎች በሞሏት አለም ውስጥ መልካም ዜናዎች ከብዙ ጊዜ አንድ ጊዜ የሚገኙ በመሆናቸው በልካቸው መከበር ይገባቸዋል፡፡ በህይወት ውስጥ የሚያጋጥሙ መልካም አጋጣሚዎችን እና የስኬት ወሬዎችን ከቅርብ ሰዎች ጋር በመሰባሰብ ማክበር ህይወት አንድ አይነት እና አሰልቺ እንዳትሆን ከማገዙም በላይ በተሰፍ የተሞላ ነገ እንዲኖር ያደርጋል፡፡ በዚህም በስራ እና በህይወት ስላጋጠሙን ስኬቶች ደስታን በተገቢው መንገድ መግለጽ ይመከራል፡፡

5. ከሰዎች አለመጠበቅ

ለሰዎች ስኬት እና ውድቀት ቀዳሚ ሃላፊነቱን የሚወስዱት ራሳቸው ናቸው። መልካም ወዳጅነትን መመስረት ለደስተኛነት ወሳኝ ቢሆንም ደስተኛነት በሰዎች ላይ መንጠልጠል አይኖርበትም፡፡ 

ለሰዎች በሰጠናቸው መጠን ምላሽ የምንጠብቅ ከሆነ የታሰበው ሳይሆን ሲቀር ደስተኛ አለመሆንን እና ስለራስ መጥፎ ስሜት እንዲሰማ በማድረግ ከሰዎች መራቅን እና ብቸኝነትን ያስከትላል፡፡ በመሆነም ደስተኛ ለመሆን የሚፈልጉ ሰዎች የደስተኘነት ምክንያታቸው በሰዎች ላይ መመርኮዝ የለበትም ይላሉ የሰነ ልቦና ባለሙያዎች።

Via: Alain

@melkam_enaseb

⬇️

እንኳን ለአዲሱ አመት አደረሳችሁ!

ወርሃዊው የሜንታል ሄልዝ አዲስ መርሃ ግብር ቅዳሜ መስከረም 4 ቀን 2017 ዓ.ም አትላስ አካባቢ በሚገኘው በአዶር አዲስ ሆቴል ከቀኑ 10፡00 ሰዓት ላይ ይደረጋል።

የዚህ ወር ርዕስም፡- “በአዲስ አመት አዲስ ማንነት!” የሚል ሲሆን የዚህ ወር እንግዳችን ዶ/ር ምህረት ደበበ ናቸው፡፡

ለመታደም ይህን መስፈንጠሪያ ይጫኑና ይመዝገቡ፡፡ ⬇️

https://forms.gle/pyDAgWPBPhc6BCDh7

@melkam_enaseb

ይህ አመት!

የአዕምሮ ደስታ፣ ሰላም፣ እረፍት የምታገኙበት፤ ካሳሰባችሁና ካስጨነቃችሁ የማያልቅ የሕይወት ውጣ ውረድ እፎይ የምትሉበት፣ ሕይወታችሁ የሚለወጥበት፣ አስተሳሰባችሁ መልካምና ቀና የሚሆንበት፣ ያላቀዳችሁ የምታቅዱበት፣ ያቀዳችሁ ያቀዳችሁትን የምታሳኩበት አመት ይሁንላችሁ፡፡

🌼መልካም አዲስ አመት!🌼

@melkam_enaseb

የክረምት ድባቴ!

የክረምት ድባቴ በምን ይከሰታል?

ክረምት ከስነልቦና አንፃር ከስሜት መቀያየር ጋር ይያያዛል፡፡ ክረምት ማለት የፀሀይ ብርሀን የሚቀንስበት ዝናብ እና ቅዝቃዜ ያለበት ወቅት ስለሆነ ቀደም ካለው አየር ሁኔታው ሲቀየር ስሜታችንም አብሮ ሊቀያየር ይችላል፡፡

አብዛኛውን ጊዜ ክረምት ከመደበት፣ እንቅስቃሴ ከመቀነስ እና ደስተኛ ካለመሆን ጋር ይያያዛል፡፡ በክረምት የጭለማው መብዛት የድባቴው ስሜት እንዲመጣ አስተዋፅኦ ያደርጋል፡፡

ይህም የሚፈጠረው ጭንቅላታችን ስሜቶችን የሚያስተናግደው አዕምሯችን ውስጥ በሚፈጠር ኬሚካል ስለሆነ ነው፡፡

ጨለምለም ሲልም ’’ሜላቶኒን’’ የተባለ ሆርሞን በብዛት ይመረትና ድካም ድካም የማለት፣ እንቅልፍ የመፈለግ እና ለመንቀሳቀስ አለመፈለግ ይፈጠራል፡፡

የድባቴ ስሜቱ የሚመጣበት ዋናው  ምክንያትም የፀሀይ ብርሀን በመቀነሱ እና ጨለማ በመጨመሩ ምክንያት ሆርሞኑ በአብዛኛው በመመረቱ ነው።

የሚያመጣው ተፅዕኖ ምንድን ነው?

-  የምንሰራውን ስራ ለመስራት መቸገር
-  መንቀሳቀስ አለመፈለግ
-  ምንም ነገር ለማድረግ ፍቃደኛ አለመሆንን ሊያስከትል ይችላል፡፡

እንዴት መከላከል እንችላለን?

-  አስተሳሰባችንን ማስተካከል
-  ስራ ለመስራት መሞከር
-  የአካል ብቃት እንቅስቃሴዎች ማድረግ
-  ያለንበት አካባቢ በበቂ ሁኔታ ብርሀን እንዲኖረው ማድረግ ተገቢ ነው፡፡

በመጨረሻም በክረምት ወቅት የሚከሰት ድባቴን ለማስወገድ ስሜቱን በማሸነፍ ለመንቀሳቀስ መሞከር፡፡

ዶ/ር በላይ ሀጎስ (በአዲስ አበባ ዩኒቨርሲቲ የስነ ልቦና አስተማሪ እና ተባባሪ ፕሮፌሰር)

Via: ኢትዮ ኤፍ ኤም 107.8

@melkam_enaseb

Schizotypal Personality disorder

ከ Cluster A የስብዕና መዛነፎች (Paranoid, SCHIZOTYPAL እና Schizoid) አንዱ ነው።

እንደሌሎቹ የስብዕና መዛነፎች ሁሉ ይህም የስብዕና መዛነፍ ምልክቶች መታየት የሚጀምሩት ከጉርምስና እድሜ ጀምሮ ነው።

መገለጫዎቹ:-

1. ሁኔታዎች በሙሉ እነሱ ላይ እንዳነጣጠሩ ይሰማቸዋል፤ ሰዎች ሁሉ ስለነሱ የሚያወሩ ይመስላቸውና ይረበሻሉ።

2. ወጣ ያሉ አስተሳሰቦችን በማራመድ ይታወቃሉ። ወጣ ላሉ ፍልስፍናዎች፣ የሴራ ትርክቶች (Conspiracy theories)፣ telepathy እና ስድስተኛ የስሜት ህዋስ ላሉ ጉዳዮች ትልቅ ቦታን ይሰጣሉ። የሰዎችን ስሜት ማንበብ እና ነገሮችን ቀድመው መረዳት እንደሚችሉ፣ የሌሎችን እንቅስቃሴ የመቆጣጠር ችሎታ እንዳላቸው ሲናገሩ ይስተዋላል።

3. ወጣ ያሉ ባህርያትን ያራርምዳሉ:- ለምሳሌ ወጣ ያሉ፣ አብረው የማይሄዱ እና ከማህበረሰብ ባህል ያፈነገጡ አለባበሶች ሲለብሱ ይስተዋላል።

4. ስሜት ህዋሶቻቸው የሌለን ነገር እንዳለ አድርገው፣ ያለን ነገር ደግሞ አዛብተው ይረዳሉ።

5. ንግግራቸው ለመረዳት የሚያስቸገር ሲሆን፣ ወጋቸውን በአጭር ከመቋጨት ይልቅ ዙሪያ ጥምጥም መሄድ እና ከልክ በላይ ማብራራት ይቀናቸዋል።

6. ሲበዛ ተጠራጣሪዎች ናቸው፣ ፊታቸው አይፈታም።

7. ብቸኞች ናቸው፤ ሰዎችን ለመቅረብ ይቸገራሉ። ከቅርብ ዘመዶቻቸው ሌላ የሚቀርቡት ወዳጅ አይኖራቸውም። ይህም የሚሆነው አንድም ከተጠራጣሪነታቸው፣ ደግሞም የተለየን ነን ብለው በማሰባቸውም የተነሳ ነው። ሰዎች ጋር ተቀላቅለው በቆዩ ቁጥር የመረበሽ ስሜታቸው ከመቀነስ ይልቅ ይጨምራል፣ ጥርጣሬያቸው ስለሚያይል።

በነገራችን ላይ:- ይህ የስብዕና መዛነፍ በ Schizophrenia spectrum and other psychotic disorders ውስጥም የሚካተት ነው።

ህክምናው:- የስነልቦና ህክምና እና መድሃኒት (በተለይም የጸረ-ሳይኮሲስ መድሃኒቶች) የሚታዘዙ ይሆናል።

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

⬇️

Paranoid Personality Disorder|የተጠራጣሪነት የስብዕና መዛነፍ

በማህበረሰባችን ስለመጠራጠር አስፈላጊነት የሚያወሱ የተለያዩ ምሳሌያዊ ንግግሮችን መጥቀስ ይቻላል።

'ያልጠረጠረ ተመነጠረ'
'... ያመነ: ጉም የዘገነ'...

ታዲያ ጥርጣሬ ሲበዛ በራስ ጥላ የሚያስበረግግ አንዳች ክፋ የመንፈስ ደዌ ይሆንብናል።

አንዳንድ ሰዎች አሉ መጠራጠር የባህርይ ገንዘባቸው የሆነ ጥላቸውን ሳይቀር የሚጠረጥሩ እነዚህ ሰዎች፦

- ያለ በቂ ማስረጃ ሰዎችን ከመሬት ተነስተው መጠራጠር ይቀናቸዋል። ዘወትር ያለ በቂ ምክንያት ሰዎች እያሴሩባቸው እንደሆነ ያስባሉ።

- የትዳር አጋራቸውን እንዳልታመኗቸው ሁሉ ይጠረጥሯቸዋል።

- ሰዎች ማመን ዳገት የመውጣት ያህል ይከብዳቸዋል። የነዚህን ሰዎች እምነት ለማግኘት መሞከር ተራራን እንደመግፋት ነው ይላሉ የቀረቧቸው።

- ከሌሎች ጋር ከማውራት ይቆጠባሉ፤ በንግግራችን ብንጠቃስ ብለው ስለሚያስቡ።

- ሁሉንም ነገር በአይነቁራኛ እና በጥርጣሬ አይን ማየት ልማዳቸው ነው።

- ቂመኞች ናቸው፤ ነገር በቀላሉ አይረሱም።

አንዳንድ ሰዎች ላይ እነዚህ ምልክቶች ከአስራዎቹ እድሜ ጀምረው ሊታዩ እና በተለያዩ የህይወት መስኮቻቸው ላይ ጥላቸውን ሊያጠሉባቸው ይችላሉ። ይህ ከልክ ያለፈ የተጠራጣሪነት የባህርይ መዛነፍ Paranoid Personality Disorder ይሰኛል። ከ Cluster A የስብዕና መዛነፎች አንዱ ነው።

ዶ/ር እስጢፋኖስ እንዳላማው (የአዕምሮ ህክምና ስፔሻሊስት)

@melkam_enaseb

'ምን ሆኛለሁ?' መፅሀፍ!

የስነ ልቦና ባለሞያዋ ትዕግስት ዋልተንጉስ እና ጋዜጠኛና ደራሲ ቴዎድሮስ ተክለአረጋይ የተጣመሩበት 'ምን ሆኛለሁ?' መፅሀፍ!

አንዳንድ ጊዜ የማትፈልጉትን ነገር ስታደርጉ ራሳችሁን ታገኙታላችሁ። አንዳንድ ጊዜ የምታደርጉት ድርጊት ራሳችሁን የሚጎዳ ይሆናል። ይሄኔ 'ምን ሆኛለሁ?' ትላላችሁ። መልሱ የሚገኘው ወደ ልጅነት ሄዶ የስነ ልቦና ውቅርን በመመርመር ነው።

የምታደርጉት ድረጊት ግራ አጋብቷችሁ 'ምን ሆኛለሁ?' ብላችሁ ከጠየቃችሁ ይሄ መፅሀፍ ልጅነታችሁን በመመርመር ራሳችሁን በተሻለ እንድትረዱ ያግዛችኋል።

መፅሃፉን ገዝታችሁ እንድታነቡት እንጋብዛለን!

@melkam_enaseb

ይቅርታ!

ይቅር ባይነት ይቅር ለሚለውም ሆነ ይቅርታ ለሚደረግለት ሰው ጠቃሚና አስፈላጊ ተግባር ነው። 

የይቅርታ 6 ጥቅሞች፡-

1.ስሜታዊ ፈውስ፡- ይቅርታ የስሜት ቁስልን የመፈወስ ኃይል አለው። ይቅር ባይ ሰው ቁጣን፣ ንዴትን እና ሌሎች አሉታዊ ስሜቶችን እየተላቀቃቸው እንዲሄድ ያስችለዋል። እነዚህን አሉታዊ ስሜቶች በመልቀቅ ይቅርታ ስሜታዊ ፈውስ ያመጣል እና ወደ ውስጣዊ ሰላም እና ደህንነት ይመራዋል።

2.የጭንቀት መቀነስ፡- ቂም መያዝ የማያቋርጥ ጭንቀትና ውጥረትን ይፈጥራል። ይቅር ስንል እራሳችንን ከአሉታዊ ስሜቶች የማያቋርጥ ሸክም ነፃ እናደርጋለን፣ ይህም የጭንቀት ደረጃዎችን ይቀንሳል። ይህ ደግሞ በአካላዊ እና በአዕምሮአዊ ጤንነታችን ላይ በጎ ተጽእኖ ይኖረዋል።

3. የተሻሻለ ግንኙነት፡- ጤናማ እና አወንታዊ ግንኙነቶችን ለመጠበቅ ይቅርታ አስፈላጊ ነው። መግባባትን፣ መተሳሰብን እና ርህራሄን ያሳድጋል፣ ይህም የተበላሹ ግንኙነቶችን ለመጠገን እና ለማጠናከር ያስችለናል። ይቅር በመባባል፣ ለተሻለ ግንኙነት፣ እምነት እና ከሌሎች ጋር ለመስማማት መሰረት እንጥላለን።

4.ደስታን መጨመር፡- ቁጣንና ንዴትን መያዛችን በሕይወታችን ውስጥ ያለንን አጠቃላይ ደስታ እና እርካታ ይቀንሳል። በሌላ በኩል ይቅርታ መራራነትን እንድንተው እና የበለጠ ደስታን እና እርካታን እንድንለማመድ ያስችለናል። ይቅርታን በመምረጥ፣ ወደ ህይወታችን ለመግባት ለአዎንታዊ ስሜቶች እና ልምዶች ቦታ እንፈጥራለን።

5.ግላዊ እድገት እና ፅናት፡- ይቅርታ ለግል እድገት እና ፅናት ሀይለኛ መሳሪያ ነው። የራሳችንን ድክመቶች መጋፈጥ፣ ኢጎአችንን ትተን መተሳሰብን እና መረዳትን ማዳበርን ይጠይቃል። በይቅር ባይነት፣ ጽናትን እንገነባለን፣ ስሜታዊ አእምሮአችንን እናሳድጋለን፣ እናም ግጭቶችን እና ውድቀቶችን ለመቋቋም የበለጠ ዝግጁ እንሆናለን።

6.የተሻለ የአእምሮ እና የአካል ጤና፡- ይቅርታ ከብዙ አእምሯዊና አካላዊ የጤና ጠቀሜታዎች ጋር የተያያዘ እንደሆነ በጥናት ተረጋግጧል። የደም ግፊትን ይቀንሳል፣ የድብርት እና የጭንቀት መታወክ አደጋዎችን ይቀንሳል፣ እና አጠቃላይ የልብና የደም ቧንቧ ጤናን ያሻሽላል። ይቅርታ በበርካታ ደረጃዎች ላይ ደህንነትን ያበረታታል።

ማጠቃለያ፣ ይቅርታ በስሜታዊ፣ አእምሯዊ እና አካላዊ ደህንነታችን ላይ በጎ ተጽዕኖ የሚያሳድሩ የተለያዩ ጥቅሞችን ይሰጣል። ይቅርታን በመምረጥ ለፈውስ፣ ለእድገት እና ለተሻለ ግንኙነት እድል እንፈጥራለን።

(Seid Ahmed)

@melkam_enaseb

⬇️

የመርሃ ግብር ጥቆማ!

ወርሃዊው የሜንታል ሄልዝ አዲስ መርሃ ግብር ቅዳሜ ሰኔ 29 ቀን 2016 ዓ.ም አትላስ አካባቢ በሚገኘው በአዶር አዲስ ሆቴል ከቀኑ 10፡00 ሰዓት ላይ ይደረጋል።

የዚህ ወር ርዕስም፡- “A Journey to Deal with Secondary Trauma of Health Professionals and Gender-Based Violence Survivors” የሚል ሲሆን የዚህ ወር እንግዳችን ዶ/ር ሰብለ ሃይሉ ናቸው፡፡

ለመታደም ይህን መስፈንጠሪያ ይጫኑና ይመዝገቡ። https://forms.gle/gMnmRBBSfhR7YyYB6

@melkam_enaseb