ራስ አማራ|Ras se'ela kirstos

ከተማ መያዝን በተመለከተ ... አጭር ማሳሰቢያ❗️
-
በፋኖ ትግል ውስጥ ከተሞችን መቆጣጠር የአቅም ማሳያ ተደርጎ ይታያል። በጥቅሉ ሲታይ እውነትነት አለው። ከፕሮፓጋንዳ አንጻርም ዋጋው የሚናቅ አይደለም። ሆኖም ግን ከተማም ሆነ የትኛውንም መሬት መያዝ ብሎም መቆጣጠር ፖለቲካዊ እና ወታደራዊ ትርጉሙ ከትግል ስትራቴጂ እና ግብ አንጻር ሊመዘን ይገባል።

ከተሞች ላይ የሚደረጉ ውጊያዎች በሙሉ ለመያዝ እና ለመቆጣጠር ብቻ ያለሙ አለመሆናቸው ይታወቃል። ከተሞች ላይ በአብዛኛው የሚደረጉት የወረራ ጥቃቶች [Raids] ናቸው። ከዚህ ውጭ የቅጣት ስልት (punishment strategy) አካል ሆነው ግለሰቦች እና የአገዛዙ አቅም የሆኑ የተለዩ ኢላማዎች ላይ ጥቃት ለማድረግም ከተማ ተኮር ወታደራዊ ዘመቻዎች ይደረጋሉ። እነዚህ ውጊያዎች ልዩ ተልዕኮ ያላቸው እና ውስን ኢላማ ላይ ያተኮሩ ናቸው። እነዚህ ውጊያዎች በየአካባቢው ስኬታማ በሆነ መልኩ ተተግብረዋል። ይህ ግን ከተማ ለመያዝ ከሚደረግ ተጋድሎ የተለዬ ነው።

በትግሉ ውስጥ የትኛውንም መሬት መያዝ እና መቆጣጠር የመትከሉ ዋነኛ ቁም ነገር ነው። አስቀድሞ እንዳልነው የወቅቱ የአማራ ትግል በአማራ ህዝብ እና በአማራ መሬት ላይ የተከለ ነው። ይህም ባለፈው አንድ አመት በተጨባጭ የታዬ ሀቅ ነው። እናም ከተማም ሆነ የገጠር መሬት መያዝ ትርጉሙም ሆነ ዋጋው እጅግ የላቀ ነው።

<< መያዝ እና መቆጣጠር >> የሚለው ፖለቲካዊ እና ወታደራዊ ተጋድሎ የመትከሉ አንዱ አካል ቢሆንም ከዚያም የሚሻገር ትርጉም እና አመላካችነት አለው። እንደሚታወቀው አንድን ስፍራ መያዝ ብሎም መቆጣጠር በቀዳሚነት ወታደራዊ ተግባር ነው። ተጋድሎው ወታደራዊ ዘመቻን ከመከላከል ወደ ማጥቃት ያሻግረዋል። ከዚያም አልፎ የተያዘውን ይዞ ለመቆየት መሽጎ ወይም መሬት ይዞ መዋጋትንም ያካትታል። ይህ በትግሉ ውስጥ ወታደራዊ ዘመቻውን ከደፈጣ እና የወረራ ጥቃት አንድ ደረጃ ከፍ በማድረግ ወደ አዲስ ወታደራዊ እውነታን ያዘለ ነው። ይህ ተግባር ከገጠራማ አካባቢዎች ተሻግሮ ወደ ከተሞች ሲገባ እጅግ ትልቅ እና ውስብስብ ወታደራዊ እና ፖለቲካዊ ተለዋጮችንም ያዘለ ይሆናል።

ከተሞች እንደየደረጃቸው የፖለቲካ ማዕከሎች ናቸው። ያንንም ተከትሎ ጉዳዩ ከአስተዳደር እና ከኢኮኖሚያዊ እንቅስቃሴ ጋር በሰፊው ይገናኛል። በተጨማሪ ደግሞ ከተሞች በአገዛዙ ልዩ ትኩረት ስለሚሰጣቸው በእጅጉ የተመሸጉ ናቸው። እንዲሁም በከተሞች ላይ አገዛዙ በአንጻራዊነት ሰፋ ያለ የመረጃ እና የግንኙነት መረቦች አሉት። እናም ከተሞችን ለመያዝ ብሎም ለመቆጣጠር የሚደረጉ ተጋድሎዎች እነዚህን ተለዋጮች በአግባቡ ተሳቢ ማድረግ አለበት። እነዚህ ጉዳዮች የከተማ ወታደራዊ ዘመቻዎችን ልዩት ባህሪ ይሰጡታል።

በተጨማሪም ከተሞችን ለመያዝ የሚደረጉ ተጋድሎዎች ምትክ አስተዳደራዊ መዋቅርን የማስቀመጥ ሀላፊነትን ያስከትላል። ይህ በገጠሩ አካባቢ ያለ ሀላፊነት ቢሆንም ነገሩ በከተሞች ላይ ሲሞከር የራሱ ልዩት ባህሪያት ይኖሩታል። እንዲሁም ከተሞች ከገጠሩ ነዋሪ የተለዬ ማህበረ ፖለቲካዊ እና ማህበረ ኢኮኖሚያዊ ስሪት አላቸው። እናም ከተሞችን ለመያዝ የሚደረጉ ውጊያዎች የድህረ ውጊያ ነባራዊ ሁኔታዎችን በሰፊው ያገናዘበ መሆን አለበት።

መስዋዕትነት የትግሉ አንድ አካል ቢሆንም ስትራቴጂካዊ የሆነ ምዘና እና ስሌት ሲሰራ ተጨማሪ ጥንቃቄ እና ዝግጅት ባለበት አኳኋን ዘመቻዎች መታቀድ አለባቸው።

#AmharaRevolution

ከአማራ ፋኖ በጎንደር የተሰጠ መግለጫ ❗️

ድርጅት ምስረታ እና ተያያዥ ጉዳዮች
(በድጋሚ የተለጠፈ)
~ ~ ~
ድርጅት ምስረታ በድጋሚ አጀንዳ እየሆነ ነው። እንደ ቀዳሚው ሙከራ ይኼም የመጨረሻው አይደለም። ስለዚህም አሁንም በውጤቱ ሳይሆን በሂደቱ ላይ እናተኩር።

ጠንካራ አደረጃጀት የሚመሰረተው በሂደቱ ውስጥ በሚወሰዱ ውሳኔዎች በስተጀርባ መርህ እና ምክንያታዊነት የተከተሉ ብያኔዎች ሲሰጡ ነው። በተረፈ የአንድነት ሂደቱ መጀመሩ በራሱ ወሳኝ ምዕራፍ ለመከፈቱ በቂ ማሳያ ነው።

ምን አይነት አደረጃጀት ?
ጥላ ወይስ ድርጅት !?

በትግል ውስጥ የድርጅት ዋነኞቹ መሠረታዊ ችግሮች የሚከሰቱት አመሠራረት ላይ ነው። በአመሠራረት የሚሰሩ ስህተቶች ሰርሳሪ ተረከዞች ሆነው በኋላ ላይ ለውድቀት ይዳርጋሉ።

በአመሠራረት ወቅት ከሚሰሩ ስህተቶች መሀከል ዋነኛው ደግሞ ከግለሰብ ልዩነት የሚሻገሩ ሀልዮታዊ /የነቢብ/የሀሳብ ልዩነቶች ባልተታረቁበት አለያም ብያኔ ሳያገኙ የሚፈጠሩ ጥምረቶች ናቸው። እነዚህ ጥምረቶች አንድም በአቅላይነት፣ አንድም ጉዳዩን በሚገባ በመጠን ባለመረዳት፣ አንድም በችኮላ ወደ መፍትሔ በመሮጥ እንዲሁም አፈጻጸም መሳለጥን ከመዋቅራዊ ተግዳሮቶች በማስበለጥ እና ጊዜያዊ አሸናፊነትን ለመቆናጠጥ የሚወሰዱ ውሳኔዎች ናቸው። . . .
በዚህ አግባብ ውሳኔዎች ሲወሰኑ ብዙ ጉድለቶች አሉ፤ ከነዚህ መካከል በቂ የፖለቲካ ተዋስኦ አለመደረግ፣ የነባር ልዩነቶች መነሻቸው እና አይነታቸው በግልጽ አለመለየት፣ እንዲሁም ያለፉ ጉዞዎች ላይ የጋራ ግንዛቤ አለመወሰድ እና ቀጣይ ርዕዮተ አለማዊ መስመር የሚያስይዙ ብያኔዎች ሳይሰጡ ውሳኔዎች መወሰናቸው ትልቅ ጉድለት ነው።

እነዚህን ጠቃሚ የውስጣዊ የፖለቲካ ትግል መሠረታዊያን ያላማከለ ውሳኔ፣ የትግሉ መሪዎች ጊዜያዊ ስምምነት ከመሆን ባለፈ ዘላቂነት አይኖረውም። በተለያዩ ምክንያቶች መሠል የመሪ ቡድን ጥምረቶች ቢቀጥሉ እንኳ መሪ ቡድኖች በተናጠል እንዲሁም በጋራ ከማህበራዊ መሠረታቸው ጋር ልዩነት ውስጥ መግባታቸው አይቀሬ ነው። እንዲሁም እነዚያ በደንብ ያልጠሩ የቤት ስራዎች በትግሉ ሂደት ከወታደራዊ ድል በፊትም ሆነ በኋላ ውስጣዊ ችግር በመሆን እራሳቸው የህልውና ስጋት መሆናቸው አይቀሬ ነው።

#እናም በትግላችን ውስጥ ያሉ መሪ ቡድኖች አንድ ድርጅት ለመፍጠር የሚያደርጉት ሂደት ተገቢው #ውስጣዊ_ፖለቲካዊ_ትግል ሊካሄድበት ይገባል።

የፖለቲካ ትግሉም የመንገድ፣ የሀሳብ እና የራዕይ ግልጽነት መፍጠር መቻል አለበት። ከተማከለ መዋቅር እና አፈጻጸም በፊት የራዕይ አንድነት ቅድሚያ ሊሰጠው ይገባል።

ለዚህ እንዲያግዝ ድርጅት የመፍጠር ትግሉ #ሂደቱን የጠበቀ መሆን አለበት። ይህም ሲባል አንድ ወጥ ድርጅት ከመፍጠር በፊት የጋራ ጥላ የሚሆን ተቋም መገንባት ይቻላል። ይህም ድርጅት ምስረታ ወቅት የሚኖሩ ክፍተቶችን በሂደት ለመሙላት ያግዛል። በተጓዳኝ ደግሞ የድርጅታዊ አንድነት ጉዞ ውስጥ መነሳት ያለባቸው ጉዳዮች ተነስተው በዚያ ዙሪያ አስፈላጊውን ትግል ለማድረግ እና የጋራ አቋም ይዞ በስምምነት ወደ ድርጅት ምስረታ ለመሄድ #መሸጋገሪያ_መደላድል ሆኖ ያገለግላል። በሂደቱ መጥራት ያለባቸው ጉዳዮች ላይ ግልጽነት ተይዟ አቋም ከተወሰደ በኋላ ጥላ የነበረውን ተቋም ወደ አንድ የጋራ ድርጅትነት ያድጋል።

በድርጅት ምስረታ ሂደቱ . . .
ርዕዮተ አለማዊ ጥራት እና አላማ መር ክርክሮቹ በምንተ ዕፍረት አለያም ቅያሜ ፍራቻ አይቆሙም።
ከአማራ ብሄረተኝነት ያፈነገጠ መስመር፣ ጓዳዊ ትምምን' ን የሚያፈርስ አንጃነት እና ተለጣፊነት ፍጹም ተቀባይነት እንደማይኖራቸው ግልጽ ሊሆን ይገባል።

ዋነኞቹ የአማራ ትግል መሠረታዊያን ፦
ጥያቄው ~ የህልውና እና የፍትህ ነው፣
ዕሳቤው/መስመሩ ~ አብዮታዊ የአማራ ብሄረተኝነት ነው፣
መንገዱ/ስትራቴጂው ~ ህዝቡ እና መሬቱ ላይ መትከል ነው።
አንዱን የአማራ ትግል በሦስት የጠመዱ መሠረታዊያን ውስጥ ሆነን የትኛውንም ሀሳብ በአማራዊ ወንድማማችነት አስተናግደን፣ መወያየት እና መከራከር እንችላለን። ከዚህ የወጣውን ግን በሀሳብ ልዩነት ደረጃም ቢሆን አይስተናገድም።

ይኸው ነው።

#AmharaRevolution

እናሸንፋለን ❗️

በፋኖ የእስከ ዛሬ ጉዞ ለድሎቹ አስተዋጽኦ ካደረጉት አንዱ የማሸነፍን ግዴታነት ላይ ያለው አቋም ነው። መሸነፍ መጥፋት ነው የሚለው እምነት ትልቅ ገፊ ምክንያት ነው። ይህ እምነት ተጠናክሮ መቀጠል አለበት። የትግሉ ርዕዮት የሆነው የአማራ ብሄረተኝነት የቆመበት አንዱ ዕሳቤም የአማራ ህልውናን ማስከበር እና አሸናፊነት የአንድ ሳንቲም ሁለት ገጽታ እንደሆነ መታመኑ ነው።

#AmharaRevolution

በአማራ ብሄርተኛ አብዮተኞች ምክንያት የአማራ ህዝብ ከአዲስ አመት የሚልቅ የአዲስ ዘመን እና የታሪክ ምዕራፍ ጅማሮ ባለቤት ሆኗል።

የአማራ ህዝባዊ አብዮት እንዲነሳ ከጠየቀው ጀግንነት በላይ አብዮቱን ዳር ማድረስ ብዙ ትግል ይጠይቃል። ሁሉም ለዚህ ታሪካዊ ሀላፊነት የሚበቃ ለመሆን ሁሉም በያለበት ይትጋ።

መልካም የድል ዘመን!
እናሸንፋለን
#AmharaRevolution

የዘመነ ትውልድ ፤

የፋኖ መሪዎች ቀን ስለሆነ ስለአቢዮተኛውና እምቢተኛው ዘመነ፥  "የአቅምህን ያሕል አልሠራህም፣ ከአንተ የምንጠብቀው ብዙ ነው፤ ብዙ እጠብቃለሁ" ስላለኝና ስለሚለኝ ዘመነ ጥቂት ልበል !!

አስኳላን የዘለቀ ፣ ታሪክን ያነበበ፣ እምነትና ፅናትን ፣ መንከራተትና መሳደድን ኖሮበታል።
አንዳንዴ ደቡብ አፍሪካዊውን እምቢተኛ ማሌማን፣ አሊያም ፈረንሳዊውን Robespierreን ሊያስታውስህ ይችላል።
ከብርሃኑ ነጋም ፣ ከአሳምነው ፅጌም፣ ከኮለኔል ፍፁምም፣  ከታናሾቹም ከታላቆቹም ጋር ብዙ አሳልፏል።
ከብዐዴን እስከ አርበኞች ፣ ከግንቦት-7 እስከ አማራ ፋኖ በጎጃም...በየትኛውም አደረጃጀት የትግል እድልን ለመጠቀም ታትሯል።
በዚህ ሁሉ ማለፍ የትግል ርሃብና ልምድ እንጂ አድርባይነትንና ጥቅመኛነትን አይገልፁም።
"ምን እናርግልህ? ፣ ውጭ አገር እናመቻችልህ ፣ ድርጅት እንክፈትልህ ፣ ገንዘብ ይስተካከልልህ"... ያልቀረበለት ማማለያ የለም።
እሱ እቴ !!
ቀድሞ የነቃ ነው!!
ዛሬ ዘመነ ፥ ልጁን ፣ ወንድሞቹን፣ አጎቶቹን ፣ ዘመዶቹን ሁሉ በትግል ያሰለፈ ፥ ከአማራ አቢዮት መሪዎች አንዱ ነው።

የትግል ምዕራፎቹ ምስክርነት ይናገራል፤

ሀ) በመጀመሪያ የትግል ሰልፉ ብዙዎቻችን ሳይገባን ጠጋ ብሎ አያቸው ፣ ተረዳቸው፣ አይሆኑም። እናም ዱር ቤቴ አለ። ከአስመራ እስከ ካምፓላ ወቅት የፈጠራቸውን አደረጃጀቶች ተከትሎ ባዘነ።

ለ) ቀጥሎ የነቃ የበቃ ወጣት እንዲፈጠር ቀሰቀሰ።
ዘመነ የጎጃም ወጣትን ቀስቅሷል፣ አንቅቷል፣ አደራጅቷል፣ ድርጅት ፈጥሯል ፣ ወጥነት ያለው በተማከለ መዋቅራዊ ቁጥጥር ስር የታቀፈ የፖለቲካዊ፣ አስተዳደራዊና ወታደራዊ መዋቅር ፈጥሯል።

ሐ) ዛሬ ከጓዶቹ ጋር ድርጅት ፈጠረ። የአማራ ሕዝባዊ ኃይልን ከጓዶቹ ጋር አደራጀ። አሳደገ፣ አሰፋ ፡ ታላቅ ድል አድራጊ ሠራዊት፣ የፖለቲካና አስተዳደራዊ መዋቅር የዘረጋው "የአማራ ፋኖ በጎጃም" ተወለደ። የዘመነ የቀደሙ ፍላጎቶችና ልፋቶች  ሁሉ፡ በዚህ ምዕራፍ አንድ ከተቋጩ፣ ቀጣዮቹ ምዕራፎች ገና ብዙ ሥራ ፈላጊ በመሆናቸው ብርቱ እውቀትና ጉልበት ፈላጊ ናቸው።


ዘመነ በግልም በቡድንም ተፈትኗል፥ ይፈተናል፤

ዘመነ ተሳዷል ፣ ታስሯል ፣ ስንቱን የግድያ ሙከራ አምልጧል።
የትውልድ ቀዬው መርዓዊ ነዋሪዎች በፋሽስቶች የቤት ለቤት ጅምላ ጭፍጨፋ ተፈጅተዋል። ይሕ በአንዲት ጠባብ የወረዳ ከተማ ለኖረ ቤተሰቡና ቤተዘመዱ በሚገኙበት የተፈፀመ ግፍ ለአንድ ታጋይ ምን ማለት ይሆን!? ፤  ጓዶቹ ያውቃሉ።

ንግግሮቹ ለትርጉም ፣ ድርጊቶቹ ለስላቅ ሳይዳረግ እዚህ አልደረሰም።
ወደፊት ያለው ይብሳል !!
"ሰነፍ ነው" የሚሉት እንዳሉ "አርበኛ ጀግና ነው" የሚሉት ሞልተዋል። "ነፃ አውጪ ነው የሚሉት እንዳሉ "አስገዳይ ነው" የሚሉት አልታጡም። "የስልጣን ጥመኛ" የሚሉት እንዳሉት ሁሉ "ራሱን ለሕዝብ የሰጠ" የሚሉት አሉ።
ሌላው ቀርቶ በአካሉ ሙላት ታጋይነቱን ሊነጥቁት የሚከጅላቸው አልታጡም።
የሕልውና አደጋቸውን ዘመነ ፤ የሕልውና ትግላቸውን በዘመነ ላይ ያደረጉ ማየት ቢያሳዝንም የሒደቶች አካል ነው።

ከአደራጀው ተቋም ጓዶቹ ጋር መሻከር ተፈጥሯዊ ነውና አይጠፋም፣ ከሌሎች የፋኖ አደረጃጀት ጓዶቹ መካከል ከአንዳንዶች መፎካከር የትግል ደንብ ነው፣ አማራን ሳይሆን ኢትዮጵያን ከሚሉ ትችትና ዘለፋ ቀጥሏል፣ እምቢተኛ ታጋይ ኃይል ያደራጀባቸው የገዢ ቡድኖች ሊያጠፉት እንቅልፍ ማጣታቸው የሠርክ ተልዕኳቸው ነው።

ሌላው ይቅርና የሚቃረኑት ብቻ ሳይሆኑ በጭፍን የሚያወድሱት ፥ እሱን ለማወደስ የሚሔዱበት ርቀት፣ እሱን ለመከላከል ተቺዎችን የሚዘልፉበት መንገድ ሁሌም አወንታዊ አይደለም። "ለመውደድ ሲሉ ጠላትና ኮናኝ የሚያራቡ ደጋፊዎቹ ቀላል አይደሉም።

የተቋም ግንባታ ፈተናዎች ውስጥ የታለፉም የሚቀጥሉም አሉ፤

የጎጃምን ፋኖና አደረጃጀት የመከፋፈልና የመበተን ብርቱ ጥረት ታልፏል !!
➩ መጀመሪያ የአማራ ሕዝባዊ ኃይልን የማጥፋት/የመከለስና የመበረዝ አላማ ከሸፈ።
➩ በመቀጠል በዕዝና ሕዝባዊ ኃይል መካከል ንቃቃት ፈልጎ የመበተን አላማ ከሸፈ። ግን!  "የድማማ ስምምነት" አደረጃጀቱን ፖለቲካ-መር እንዲሆን አድርጎ ደምድሞታል።
➩ በጎጃም ሌላ ወታደራዊ ዕዝ የመፍጠር አላማ አልተሳካም።
➩ በቅርብ አንድ አማራዊ መዋቅር በመፍጠር ሒደት የመጣ ማሳነስና መግፋት አልተሳካም።
ትግሉን እና የፋኖ አንድነት መሰናክሎችን የሁለት ሰዎች ፉክክር የማስመሰል ትርክቱ ነገሩን ያለማጤን (False equivalence) ሆኖ ማጠልሸቱ ቀጥሏል። ለምን!? የሚለውን ጊዜ ይፍታው።

ዘመነ ከጎጃም አለፍ፡ ፋኖነትን ከስርዓቱ ጋር በመነጠጠል የበኩሉን ሚና ተወጥቷል። 
ከመቶ ጊዜ በላይ ድሮን ተጥሎበት የማይናወጥ  ወጥ መዋቅራዊ ቁጥጥር ያለው አንድ ኃይል የፈጠረ ነው።

ዘመነን ጠልቶ የሠራውን ድርጅት መውደድ እንዴት ያለ ነው!?፤

የጎጃምን ፋኖ እንወዳለን ፥ ገድሉን እናደንቃለን፥ ነገር ግን ዘመነን አንፈልግም የሚሉ ጥቂት አይደሉም።
የተዘነጋው ነገር ፦
ዘመነ የገነባው መዋቅርና ሠራዊት መሪዬ ብሎ ተቀብሎታል። መሪዎቹንና ድርጅቱን የሚቀበል፣ የሚያከብር፣ የሚጠብቅ መዋቅር ተፈጥሯል።
ድርጅቱ ብቻ ሳይሆን በመዋቅር ቁጥጥር ስር ያለው የጎጃም ሕዝብ መሪዬ ብሎታል። እናስ? ፥ ዘመነን ጠልተህ እንዴት ይሆናል?

በመውጫዬ ፥

ዘመነ የመሪነት ተክለ ቁመናው ጉድለት አያጣውም።
ፎቶ ሲደረድር ፖፑሊስት ሆኖ ይታየኛል !!
ርቱዕ አንደበቱ ስሜታዊ ሲሆንና ስል አንደበቱ ኢ-ፖለቲካዊ ሲሆኑ ደስ አይለኝም።
በእውቀት ፍለጋ የሰነድ ስራ ፣ በስልጠና ፣ በድርጅት መዋቅር ቁጥጥር ረፍት የለሽ ስራ ስለምጠብቅ ለትንሽ ትልቁ ጉዳይ እሱ ብቅ ብሎ ሲናገር ደስ አይለኝም።
ራሱን የትኩረት ማዕከል ሲያደርግና "እኔ" ብሎ ሲናገር ፤ ነገሮችን ከእሱ ጋር ሲያያይዛቸው ምቾት አይሰማኝም።

በዚህ ሁሉ መሐል ብዙ ብዙ ዘመነዎች ተፈጥረዋል!!

ብዙ ጀግኖችና አርበኞች ተሰልፈዋል። አንድ ታጋይ ትልቁ ስኬቱ የሚተኩትን ብቻ ሳይሆን የሚበልጡትን ታጋዮች ማሰለፍ መቻሉ ነው።
ዛሬ የጎጃም ትግል ከዘመነ በላይ ነው፤ የሌሎችም አማራ ፋኖ መሪወች ትግል ከመሪ ግለሰቦች በላይ ነው።
ከሁሉም ሕዝብ ይቀድማል፣ በመቀጠል ድርጅትና መዋቅር ይበልጣል፣ ከዚያም የቡድን አሠራር እና ጓዳዊነት  ከራስ በላይ ነው።
በዚህ መሐል የበለጠ መስከን፣ የበለጠ መጠንቀቅ፣ የላቀ የፖለቲካና ትግል እውቀት ትጥቅ አስፈላጊ ነው። ትግሉ የጉልበት/ብረት ብቻ አይደለም። ትግሉ ያለ እውቀት፣ ያለማስተዋል ፣ ያለ ፖለቲካ የሚሆን አይደለምና የላቀ ፖለቲካዊነትን ይፈልጋል።
የተጀመረ እንጂ ያለቀ ትግል የለም። የበለጠው የወደፊቱ ነው!!


[ማስታወሻ፥ መሠል የትግል መሪነት ምስክርነት የሚገባቸው የአማራ ልጆች በየስፍራው አሉ። ጊዜ ሲፈቅድ እንናገራለን።]

ጎንደርን መርጦ ማክበር ያልተሳካለት አገዛዙ የተናጠል ተጠቂነትን አጀንዳ ይዞ መጥቷል። ሆኖም ህዝባዊ የፋኖ ትግል የቆመለትን አላማ እንዲሁም የአገዛዙን ምንነት ተረድቷል። በመሆኑም እንደ ቀደመው የአሁኑም ከፋፋይ ፕሮፓጋንዳ አልተሳካም፤ አይሳካም።

የወቅቱ ፖለቲካዊ ትግል ህዝባዊውን አማራዊ አንድነት ወደ ወጥ የአደረጃጀት አንድነት የማሻገር ነው።

#AmharaRevolution

በአማራ ላይ ተፈጥረውና ተበይነው የጥቃት ፍሬ ካገኙት አሉታዊና ፀረ-አማራ ትርክቶች ጀርባ ስላሉት የአማራ እውነቶች እንወያይ ተብላችኋል!!

ነገ ቅዳሜ ከምሽቱ ሁለት ስዓት ጀምሮ !!

📌አንዳንድ ነጥቦች…‼️

የፋኖ መሪዎች ጫካ የገቡት ስርዓት ለመትከል ነውና አንበጥብጧቸው!!!

ጥቂት የፌስቡክ አውደልዳዮች የሕዝብን ትግል ለመከፋፈል ብቅ ብቅ እያሉ ነው። እየተካሄደ ያለው የሰፈር ጨዋታ አይደለም፤ የህልውና ትግል እንጅ። አንዳንዱ በግሉ ሲተች እኔ ጎንደሬ ስለሆንኩ ነው፤ እኔ ጎጃሜ ስለሆንኩ ነው እያለ ሲጃጃል እያየን ነው። ይህ ጨዋታ አልፎበታል።

የጎጃም፣ የሸዋ፣ የወሎና የጎንደር የትግል መሪዎች የጋራ ቤታቸውን ለማቆም ዝናብን፣ ብርድንና አገዛዙን ገጥመዋል።

አንተ አንድ ሰው ነህ በቃ! በዛ ላይ ሕዝብ አልወከለህም። እናም ድክመትህም ሆነ ጥንካሬህ የግልህ እንጅ የትውልድ አካባቢህ አይደለም። ጎንደሬ ተተቸ፤ ጎጃሜ ተሰደበ፣ ሸዋ ተገላመጠ፣ ወሎዬ ተንኳሰሰ የምትለው አንተ ማን ሆነህ ነው?

የፋኖ መሪዎች ነፍጥ ይዘው ጫካ የገቡት ሰፈራቸውን ነጻ በማድረግ የጎበዝ አለቃ ለመሆን አይደለም፣ ሀገር ለመረከብ እንጅ!

በመሆኑም በጋራ እየታገሉ ያሉ መሪዎችን አትከፋፍሉ፤ እረፉ‼️

#መውጫ:- ይህ ከአማራነት አንፃር የሚቆረቆሩትንና የሚሞግቱትን አይጨምርም❗️

https://t.me/Mulugetaanberber

♦ የአማራ ሕዝብ ጠመንጃ የሚተኩሰው ነገረኛ ስለሆነ ነው እንዴ ?!

የዳንኤል ክብረት ዕዳ

ቀደም ባለው ጊዜ የቤተ ክህነት ከ 2010 ዓ.ም ወዲህ ደግሞ የቤተ መንግስት "አማካሪና አዋቂ" የተደረገው ዳንኤል ክብረት መንግስታዊ የስድብ መጽሐፍ አስመርቋል። መጽሐፉ "የትርክት ዕዳ እና በረከት" ይሰኛል። ይህ የስድብ ሰነድ ቤተ መንግስት እራት በሚበሉና በሚያውደለድሉ የዘመኑ ተረኛ ሹማምንት ተመርቋል።

የመጽሐፉ መራቂና አድናቂ አለቃው ዐብይ አሕመድ ሲሆን "በአሁኑ አይነት እስከዛሬ መጽሐፍ አልጻፍክም ነበር" ሲል አሞካሽቶታል።ከመጽሐፉ ምርቃት በኋላም ማንነቱን እንደ እስስት በመቀያየር የሚታወቀው አቶ ዛድግ አብርሃ "የሞቱ ሰዎች ዕድል አግኝተው የዳንኤልን መጽሐፍ ቢያነቡት ምክሬ ነው "ሲል የማሽቃበጥን ክብረ ወሰን አሻሽሎታል።

ይህ የስድብና የአሉባልታ ሰነድ፤ የኢትዮጵያ ፖለቲካ በትርክት እንደተጎዳ ይገልጽና ኦነግ እና ህወሃትን በስማቸው ጠርቶ የትግል መነሻ እንዳላቸው ይገልጻል። የአገዛዙ አማካሪ ዳንኤል ክብረት ፤ የአማራን ብቸኛ ወታደራዊና ፖለቲካዊ ኃይል ፋኖን ራሱ ባወጣው ስያሜ ጃውሳ ብሎ ከሰየመው ዋል አደር ብሏል።

እኔ እስር ላይ ብሆንም መጽሐፉን አንብቤ ጨርሻለሁ ። የዘር ፍጅት ንግግር በማድረግ የሚታወቀው ዳንኤል ክብረት ፤ የአማራን ሕዝብ ትግል በስድብ ጀምሮ በስድብ ጨርሶታል ። ግለሰቡ የአማራን ልጆች ጃውሳ እያለ ለመሳደብ 104 ገጾችን ተጠቅሟል ።

ዳንኤል ክብረት ህወሃትና ኦነግ የትግል መነሻ እንዳላቸው ይገልጽና የአማራ ሕዝብ ወኪል ፋኖ ግን ዘራፊና ወንበዴ እንደሆነና የትግል መነሻም እንደሌለውም ያትታል። የሱ አለቃ ዐቢይ አሕመድ ስልጣን ከያዘ በኋላ 17 ባንኮችን ስለዘረፈ አካል በመጽሐፉ ላይ አልተጠቀሰም።

የዚህ መጽሐፍ ደራሲ አለቆቹ እነ ለንጮ ለታ፣ እነ ጃዋር መሐመድ ፣ እነ ሽመልስ አብዲሳና አዳነች አቤቤ እንዳይከፉ በሚል አማሮች በወለጋ በተደጋጋሚ መጨፍጨፋቸውን አላነሳም ። ባንክን የሚያክል ተቋም ቀርቶ የአንድ ግለሰብን ክብር ያልነካውን የፋኖ ታጋይ ግን በዘራፊነት ፈርጇል። በመሰረቱ አማራ ለህልውናው ለመታገል ዳንኤልንና አለቆቹን ማስፈቀድ አይገባውም! አላደረገውም። አያደርገውምም።

ዳንኤል ክብረት ጃውሳ፣ ዘራፊና ወንበዴ የሚላቸው የአማራ ወጣቶችን ነው። የአማራ ሕዝብ ለፍቶ ያሳደጋቸው እና ከአብራኩ የወጡት ወጣቶች ጠበንጃ ያነሱት ጸብ አጫሪ ስለሆኑ ነው ?!

በሚሉዮን የሚቆጠር ወጣት መኖሪያ ቀዬውን ፣ እናት አባቱን፤ ሚስት ልጁን፤ ትምህርቱን ትቶ ጫካ የገባው ዝናብና ብርድ የተሻለ ምቾት ስላላቸው ነው ?! የሚሉ ጥያቄዎችን ማንሳት የተገባ የሚሆነው "እየሱስን በአይኔ አየሁት፤ 10 ሚሊዮን ሕዝብ ሞቶ እኛ ሰላም ብንሆን፤ በሰው ልጅ አዕምሮ እንዳይታወሱ አድርጎ ማጥፋት ይገባል" ከሚል ግለሰብ ጋር አይደለም ።

ጸሐፊው ይህንን መጽሐፍ የጻፈው ከቤተ መንግስት ውዳሴና ግብዣ ላለመራቅ እንደሆነ ያነበበው ያውቀዋል። ሚሊዮኖች በይፋ የተሰደቡበት ይህ መጽሐፍ በዳንኤል ይጻፍ እንጅ ውስጡን የሞላው የኦሮሞ ብልጽግና የረጅም ጊዜ ዕቅድ ነው።

መጽሐፉ የአማራ ሕዝብን ትግል የሚያንቋሽሽና ሕዝብን ከሕዝብ የሚያጋጭ አደገኛ ሰነድ ነው። በእርግጥ ሕዝቡ እንኳን ለራሱ ለሌሎች የሚተርፍ ብልህነት ስላለው በድሪቶ መጽሐፍ የሚጋጭ አይደለም። ፋሲል ግንብን ያነጸ ፤ ላሊበላን የፈለፈለ ሕዝብ ቤተ መንግስት ገብቶ የሚያደሸድሽ ግለሰብ ድሪቶ ሰነድ ስለጻፈ አጀንዳ አያደርገውም።

በአራቱም ግዛቶች በትጥቅ፤ በቀሪው የሀገሪቱ ክፍሎች ደግሞ በውስጥ አርበኝነት የአማራ ሕዝብ ለሕልውናው እያደረገ ያለውን የሞት ሽረት ትግል "የጥቂት ጽንፈኞች ነው" እያሉ ማቃጠር የማሰብ ችሎታ ድክመትን ያሳያል። የአማራ ሕዝብ ለምን እንደሚታገል ለዳንኤል አለቃ ማስረዳት የአማራ ሕዝብ ግደታ አይደለም ።

የአማራ ሕዝብ የሁልጊዜ ግደታ ህልውናውን ማስቀጠል ብቻ ነው። ዳንኤል ክብረት ቤተ መንግስት የሚወራውና ከኦሮሞ ብልጽግና ሰዎች የሚወጣውን ቃል እንደ እውነተኛ ማስረጃ የሚቆጥር የአራት ኪሎ አፋሽ አጎንባሽ ነው። በአንድ ወቅት "የህወሓት ሰዎች እንዳይታወሱ መደረግ አለበት" ካለ በኋላ የሚታወሱበትን ሽልማት ለራሳቸው ለህወሓት ሰዎች በእጁ የሰጠና ሰብዓዊ ክብሩን ካለምንም ገፊ ምክንያት እያራከሰ ያለ ግለሰብ ነው።

መላው የአማራ ሕዝብ ሆ ብሎ የተነሳበትን ትግል የትቢተኛ ጎረምሶች አድርጎ ለትውልዶች በሚቀመጥ መጽሐፍ ላይ ማስፈር የግለሰቡንም ሆነ የአለቆቹን የማሰብ አቅም ዝቅተኛ መሆን ያመለክታል።

የአማራን ሕዝብ ትግል አለመውደድ፣ ማውገዝ፣ መርገም እንዳይሳካ መመኘትም ይቻላል ። ይህንን ምኞት ግን እውነት ነው ብሎ በመጽሐፍ መደረትና ትንታኔ መስጠት ራስን፥ እንደማታለል ይቆጠራል። በተመሳሳይ የአማራን ፖለቲካዊና ወታደራዊ ኃይል ፋኖን መስደብና ያልሆነ ስም መስጠትም ይቻል ይሆናል ፤ እውነታውን መቀየር ግን አይቻልም፤ አልተቻለምም።

ፋኖ የሚንቀሳቀሰው በአማራ ሕዝብ ውስጥ ነው። የአማራ ወታደራዊና ፖለቲካዊ ኃይል ፋኖ ከሕዝቡ ጋር ተባብሮና ተከባብሮ እየኖረ እየታገለ ሲሆን አብሮ አርሷል፤ አርሟል ፤ አዝመራ ሰብስቧል ። ይህን ታጋይ አንተ ባወጣከው ስም ጃውሳ አሊያም ወንበዴ ብትለው ቂም ከማትረፍና ታጋዩን ከማነሳሳት ውጭ እውነታውን መቀየር አይቻልም። የአማራን ታጋዮች የሚያውቃቸው የአማራ ሕዝብ ነው። አሳምነው ጽጌን ቢሮ ቁጭ ብሎ መሳደብ ይቻላል ፤ በአሳምነው ስም የሚምልና የሚታገል ሚሊዮን ወጣት እንዳለ መካድ ግን አይቻልም።

ዳንኤል ክብረት በመጽሐፉ ላይ የአሳምነው ጽጌ አስከሬን "ለምን በክብር ተቀበረ" ብሎ ጽፏል።

"አስከሬን ለምን በክብር አረፈ?" ብሎ መጽሐፍ የሚጽፍ የትኛውም ሰብዓዊ ፍጡር ጤንነቱ ያጠራጥራል። አንድ ህሊና ያለው ሰው ጤንነቱ ካልታወከ አሊያም በጥላቻ ካልሰከረ በቀር፤ "አስከሬን በክብር ተቀበረ" ብሎ አየተበሳጨ መጽሐፍ ሊጽፍ አይችልም።

አዎ! አሳምነው ጽጌ በክብር አርፏል፤ በክብር ሽኝቱ ላይም በርካቶች ተገኝተዋል። ዕለቱም በየዓመቱ ይዘከራል። የመጽሐፉ ደራሲ ዳንኤል ክብረትን ምንም ልንረዳው አንችልም ፤ ምክያቱም አሳምነው በአካል ቢለይም ሚሊዮኖች በስሙ እየማሉ ነው። የአማራ ሕዝብ በአሳምነው ጽጌ ስም ብርጌድ ፣ ሻለቃ፣ ክፍለ ጦር ... አቋቁሟል።

ነገ ከነገወዲያ ከተሞች፣ ሞሎች፣ የባቡርና የአውሮፕላን ጣቢያዎች ፣ አውራጎዳናዎች፣ ኢንዱስትሪዎች በአሳምነው ጽጌ ስም ይሰየማሉ። ይህ በቅርቡ እንደሚሆን የስሜን ያህል እርግጠኛ ነኝ። ባህር ዳር ከተማ የሚገኘው በላይ ዘለቀ ዓለም አቀፍ አውሮፕላን ማረፊያ ግንቦት 20 የሚል ስያሜ ነበረው፤ የአማራ ሕዝብ ባደረገው ትግል በአርበኛችን በላይ ዘለቀ ስም እንደተሰየመው ሁሉ ተቋሞቻችንን በአሳምነው ጽጌና በመሰል አርበኞቻችን የምንሰይምበት ጊዜ የቀረበ ነው።

በተመሳሳይ ዳንኤል ክብረት የዘመነ ካሴን ስም እየደጋገመ ጠቅሷል ። ዘመነንም በተመሳሳይ አለመውደድ ብቻ ሳይሆን መሳደብና መዝለፍ ይቻላል ፤ በዘመነ ካሴ ፤ አቅምና ችሎታ የአማራ ሕዝብ ላይበተን መሰባሰቡን መካድ ግን አይቻልም ።

ዘመነ በሰራቸው ወታደራዊ እና ፖለቲካዊ ስራዎች ምክንያት የአማራ ወጣቶች ለሕልውናቸው እየተዋጉ ሕዝባቸውን ከጥቃት የሚከላከሉበትን የፋኖ መከላከያ ሰራዊት መስርተዋል ። ዘመነ ካሴ ከሌሎች ወንድሞቹ ጋር ሆኖ የአማራን ወጣት ከባድ መሳሪያ አስታጥቆታል ። በጎንደር ፣ በሸዋ፣ በወሎና በጎጃም ያሉ ወጣቶች በዘመነ ካሴ፣ በአሳምነው ጽጌ፣ በምህረት ወዳጆ/ ምሬ/ ስም እየማሉ የሕዝባቸው የህልውና ጠባቂ ሆነዋል። መማርና መነገድ፤ እየቻሉ ወደ ህልውና ትግል የገቡት በሚሊዮን የሚቆጠሩ የአማራ ወጣቶች አርአያ ያደረጉት እነ ዘመነ ካሴን ነው።

የዳንኤል ከንቱ የ 104 ገጾች ስድብም ስድብ ሆኖ ይቀራል። በወለጋና በመተከል በቡራዩና በአጣዬ፤ በሻሸመኔና አርሲ የተጨፈጨፈው አማራ ነፍጥ ለማንሳት ምክንያት እንደሌለው ተደርጎ የተቆጠረው በቤተ መንግስቱ ዳንኤልና በእሱ አለቆች ብቻ ነው። አማራ በሰልፍ የጠየቀውን መብት ሲያጣ ሰይፍ አነሳ ብሎ ለማስረዳት ህሊናን ማሰራት ይጠይቃል።

በራሪ ጀት እና ድሮን ያላስቆመውን ግዙፍ የሕዝብ ትግል በራሪ መጽሐፍ ይቀለብሰዋል ብሎ ማሰብ የተገባ አይደለም !!!

ጋዜጠኛ ዳዊት በጋሻው
ከቂሊንጦ ማ/ቤት

ጀምረናል ገባ ገባ በሉ!

Join Zoom Meeting
https://us02web.zoom.us/j/4125482692?pwd=Ny6jGkXT3JaX42wKJaLhJnFblzGr3l.1

Meeting ID:  412 548 2692
Passcode: 1vfFXq

---

One tap mobile
+13092053325,,4125482692#,,,,*046161# US
+13126266799,,4125482692#,,,,*046161# US (Chicago)

---

Dial by your location
• +1 309 205 3325 US
• +1 312 626 6799 US (Chicago)
• +1 646 931 3860 US
• +1 929 205 6099 US (New York)
• +1 301 715 8592 US (Washington DC)
• +1 305 224 1968 US
• +1 719 359 4580 US
• +1 253 205 0468 US
• +1 253 215 8782 US (Tacoma)
• +1 346 248 7799 US (Houston)
• +1 360 209 5623 US
• +1 386 347 5053 US
• +1 507 473 4847 US
• +1 564 217 2000 US
• +1 669 444 9171 US
• +1 669 900 6833 US (San Jose)
• +1 689 278 1000 US

Meeting ID:  412 548 2692
Passcode: 046161

Find your local number: https://us02web.zoom.us/u/kq1XFcdZO

ከ $10 ዶላር ጀምሮ የኤቢሲ አባል ይሁኑ ‼

ሕዝባዊ የትግል ሚድያ እናጠናክር ‼



https://amharabroadcasting.com/members/

ባንዳነት አያሸንፍም፤ ምከሩ፤ ተመካከሩ!

እየተፈፀመብን ያለው በደል እንደሕዝብ በአማራነታችን መሆኑ ታውቆ ያደረ ነው። የጀመርነው የትግል ጉዞም በዚህ አውድ የተቃኘ ሆኖ ግስጋሴው ቀጥሏል። ሆኖም ግን ከፊሎቹ በአንድ በኩል ከፍርሃት የተነሳ በጉዞ ላይ ቁና ቁና እየተነፈሱ፣ በሌላ በኩል ደግሞ በስርአቱ ለየግላቸው በሚጣልላቸው የነብስ አድን ፍርፋሪና ለወደፊቱ ቃል በተገባላቸው መናኛ ጥቅማጥቅም እየጎመዡና ምራቃቸውን እያዝረበረቡ በየፌርማታው የወረዱ መሆኑ ይታወቃል።

ከመውረዳቸውም ባለፈ ወቅት እየጠበቁ ስርአቱ በሚያቀብላቸው መጋዝ እየገዘገዙ የምንጓዝበትን አማራዊ ሀዲድ ሊበጥሱ መከራቸውን ሲበሉ ይታያል። ይሔን ድርጊታቸውን ልማድ ወደማድረግ ስለተሸጋገሩ የውሸት ተራራ ሲከምሩ ሰው ምን ይለናል የሚል ይሉኝታም ማግኘት አልቻሉም። ሁሌም የሚደክሙት ቢያንስ ሌላውንም ጎትቶ የመጣል ውጤትን ለማግኘት ነው። ይህ የጥላቻ፣ ቅናት፣ ... ስሜት የሚፈጥረው ራስን የሚገድል መርዝ መሆኑ ነው። የውሸት ተራራቸው በስናፍጭ ታክል የእውነት ቅንጣጢት በደቂቃዎች እንደሚናድም ማሰብ ተስኗቸዋል። በቤተሰባዊ ምክር/ምክክር ከመታረም ይልቅ መላውን ቤተሰብም በውሸት ስሜት ኮርኩሮ በማሰባሰብና ወደ ጎጥ ንቅናቄ በማሳደግ የጎጥ ምሽግ ለመገንባት ሌትተቀን መከራቸውን ያያሉ። በተሳሳተ መንገድ እየዳከሩ መከራን ከመብላት ይልቅ አስተሳሰብን ማስተካከልና ወደ ተገቢው ሰልፍ መመለስ አይቀልም ነበር ወይ፤ ከሒደትም ሆነ ከውጤት አኳያ?
"ከአፈርሁ አይመልሰኝ" የውሸት ምክንያትና የስህተት መንገድ የትም አያደርስም!
ምከሩ፤ ተመካከሩ፤ ባንዳነት አያሸንፍም!

እነዚህ ለየግላቸው ዛሬ የሚጣልላቸውን ፍርፋሪና ለወደፊቱ አንጋጠው የሚጠብቁትን ድርጎ የአማራ ሕዝብ እየከፈለው ካለው ዋጋ እጅግ በልጦባቸው የምናገኛቸው ባንዳዎች ናቸው። የባንዳነት ትልቁ የስኬት ደረጃው መፈተን መቻሉ ነው። መጨረሻው ግን እንደአቧራ እየበነነ መጥፋት ነው። ክፋቱ ደግሞ በምርኩዝነት የተደገፉትንም አብሮ የሚያኮሰምን መሆኑ ነው። በዚህ ዘመን በምንም አውድ የዛሬን የባንዳነት ሚና ነገ በአርበኝነት ተረክ መተካት የሚያስችል አቅም ማግኘት ፈፅሞ አይቻልም። ከወረዱት ጋር መውረዱ መመለሻና መውጫ የሚያሳጣ አረንቋ ነው። ስለዚህ ራስንም ሆነ ሌላውን ከዚህ መንገድ መታደግ ነገን ማሳመር ነው። ምክንያቱም ስርአቱ በዚህ የሚድን እንዲሁም የአማራ ሕዝብ የድል ጉዞ በዚህ የሚሰናከል አይደለም።
ምከሩ፤ ተመካከሩ፤ ባንዳነት አያሸንፍም!

በአጠቃላይ ከዚህ የተሻለ ደረጃ ላይ የመገኘት አቅም የነበረው ቢሆንም የትውልዱ ግስጋሴ ይበል የሚያስብል ነው። የሚያጋጥሙትን ፈተናዎች በወጉ እየተጋፈጠ ነው። እንደትውልድ የሚደረገውን አማራዊ መንገድ የሚያስቆመው ምድራዊ ኃይል አለመኖሩን መገንዘብና ማስገንዘብ ተገቢ ጉዳይ ነው። ኃይላችንም ሆነ ድላችን ያለውም አማራነታችን ላይ ነው። ስለአማራነታችን ደግሞ ትላንትና ዛሬ በአማራነት ቆመን በተግባር እንዳሳየነው ሁሉ ነገም እንቀጥላለን። በሌላውም ሆነ በባንዳው በየጊዜው የሚያጋጥመን ፈተና የሚመነጨው ከአማራዊ ፅናታችን ነው። በመሆኑም የጉዞው ማቆሚያ ድል ብቻ ነው። ድሉ ደግሞ አማራዊ ህልውናን አረጋግጦ ነፃነት፣ ርትዕና ፍትሕ የሰፈነበት ስርአት በጋራ መገንባት ነው።

#አማራዊ_አይበገሬነት
#AmharaResilience 

@followers

አወድሶ ነጣይነት እና አኮስሶ ገፊነት ይቁም !!

የአማራ ፋኖ በየአካባቢው ከጠላት ጋር  የሚያደርገው ጦርነት የሕልውና እንዲሁም የፍትሕ ርትዕ መሆኑ የታወቀ ነው።

ለዚህ ደግሞ የጦርነቱን እድሜ የሚያሳጥሩ ዘመቻዎችን ያካሒዳል።

ለምሳሌ  በጎጃም የታወጀው ዘመቻ አላማ ጦርነቱን በማሳጠር ህዝቡ የሚከፍለውን መስዋዕትነት ማሳጠር እና የወገንን ወታደራዊ ብልጫ ማረጋገጥ ነው !!

ይሔ በየትኛውም አካባቢ በተለያየ ቅርፅ ተግባራዊ እየሆነ ያለና የሚገባ ነው !!

ይሔንን ዘመቻ ለመደገፍ ግን ነጥሎ ማወደስና ነጥሎ የማሳነስ ቃና ያለው መረጃና አስተያየት ማቅረብ ማንንም አይጠቅምም።

ለጀመሩት ልዩ ዘመቻ እና ዘመቻውን እየመሩ ላሉበት ጥበብ የአማራ ፋኖ በጎጃም አመራሮችን ክብር መስጠት ይገባል::
ታዲያ በሌላው ቀጠና ያለው የፋኖ አመራርም በተመሳሳይ ግለት ትግሉን እንዲገፋበት በሚያደርግ መንገድ አጀንዳውን ለህዝብ ማድረስ ይገባል እንጅ አንዱን ከፍ አድርጎ ሌላውን ማጣጣል አያስፈልግም::

የትኛውም ቀጠና ላይ በአማራ ጠላቶች ላይ የሚያርፍ ዱላ የሁሉንም አማራ አንገት ቀና ያደርጋል እና ፕሮፖጋንዳው ይህንን ሐቅ ለአፍታም እንዳይዘነጋ !!

ድጋፍህ በአማራ ብሔርተኝነት ርዕዮት ተጋድሎ እያደረገ ካለው የአማራ ሕዝብ ጋር መሆኑ ሊዘነጋ አይገባም።

አካባቢ ለይቶ በማወደስ ስም ተነጣይነትን ማስተጋባት ኢ-ፖለቲካዊ ነው።
አወድሶ ነጣይነት አኮስሶ ገፊነት አይጠቅመንም !!

ማስተዋል ይገባል።

ጎጠኛ አቆርቋዥነትንም ፣ በዜግነት የተጀቦነ ትግል ቀልባሽነትንም  በአማራነት ርዕዮትና መስመር እናሸንፋለን  ‼


#ድል ለአማራ ትግል !!
#AmharaRevolution

~ ማሕበራዊ ሚዲያው ላይ በደጋፊነት ሽፋን የሚታዩ የብሽሽቅ አካሔዶች ሊታረሙ ይገባል።

በደጋፊነት ስም የተጋነነ አድናቆትና ጠላትነትን የሚያዋልድ ዘለፋና ብሽሽቅ አይጠቅምም።

የወደድከው እንዲወደድና የደገፍከው እንዲደገፍ የሌላውን የወገን አካል ማጣጣልና ማዋረድ ተገቢ አይደለም። በዚያ መንገድም ተወዳጅና ተደናቂ መሆን አይቻልም።

መታወቅ ያለበት ነገር፦

ማሕበራዊ ሚዲያ ተጠቃሚው ከአማራ አጠቃላይ ሕዝብ መካከል ከ 10% አይበልጥም። አደጋ ላይ የወደቀው ደግሞ አማራነት ነው። ስለዚህ 10% የማይሞላው የማሕበራዊ ሚዲያ ተጠቃሚ ሙሉ አማራን ወክሎ ሲዘላለፍና ሲጓተት መባጀቱ አግባብም ሞራላዊም አይደለም።

ለሕዝባችን እንዘንለት፤ አማራነትን እናስቀድም!

ድል ለሕዝባችን!

📌ድህነትን ሳይሆን ድሃን የሚጠየፈው ፋሽታዊው የብልጽግና አገዛዝ በሚከተለው የጦርነት ፖሊሲ ኢትዮጵያ የምድር ሲዖል ሆናለች።

በተለየ ሁኔታ አዲስ አበባ ደሃ የማይኖርባት ከተማ ሆናለች። ከደሃ አልፎ መካከለኛ ገቢ የነበራቸው የኀብረተሰብ ክፍሎች መኖር የማይችሉበት ሁኔታ ተፈጥሯል።

• በድህነት ወለል የሚኖረው ዜጋ በከፍተኛ ተስፋ መቁረጥ ውስጥ ይገኛል፡፡ በከተሞች በገባው ረሃብ ራሳቸውን የሚያጠፉ ዜጎች ቁጥር በመጨመር ላይ ነው፡፡ የሴተኛ አዳሪዎች ቁጥር በእጥፍ እንደጨመረ የቅርብ ጊዜ ጥናቶች ያሰያሉ፡፡

በአዲስ አበባ ከተማ ብቻ ባለፉት ሦስት ዓመታት 60 ሺህ አዳዲስ ሴተኛ አዳሪዎች ገበያውን እንደተቀላቀሉ የአዲስ አበባ ዩኒቨርሲቲ የሶሺዎሎጅ ትምህርት ክፍል ተማሪዎች ጥናት ያሳያል፡፡

የመንግሥት ሰራተኛ የሆኑ ሴቶች በትርፍ ሰዓታቸው በዚህ ሕይወት ተሰማርተው ኑሯቸውን ለመደጎም እንደተገደዱ ጥናቶች ያሳያሉ፡፡

በኑሮ ውድነት ጫና በርካታ ዜጎች ስቃይ ውስጥ መግባታቸውን ተከትሎ አዲስ አበባን በመሰሉ ትልልቅ ከተሞች ራሳቸውን የሚያጠፉ ዜጎች ቁጥር እየጨመረ መጥቷል፡፡

አዲስ አበባ በቂ አብዩታዊ ሁኔታ ላይ ነች👇

• የኑሮ ውድነቱ 400% ጭማሪ የታየባት፤

• በኦሕዴድ ዘረኛ አገዛዝ ተቀፍድዳ የተያዘች፤

• ከሕዝብ ኪስ የተሰረቀች ከተማ፣

• ቤተሰቡን ማስተዳደር ያልቻለ የዩኒቨርሲቲ
መምህር የሚኖርባት፤

• እንደመጤና ሰፋሪ የሚታይ በግብር ጫና
ወገቡ የጎበጠ ነጋዴ፤

• ማንነት ወንጀል ሆኖ እየተሳደደ የሚታሰር
በሚሊዩን የሚቆጠር አማራ የሚኖርባት፤

• በፋሽስቱ የጦርነት ፖሊሲ የተፈጠረው ጦርነት በፈጠራቸውና እየፈጠራቸው ባሉ ጫናቸው የተነሳ፣ በምርት መራቆት፣ በገበያ ትስስር እጦት፣ በኃይል እጥረት በርካታ ኢንዱስትሪዎቿ የተዘጉባት፤ በሺህ የሚቆጠሩ ሰራተኞች ተቀንሰው የጎዳና ኑሮ ላይ የወደቁባት፤

• ዜጎች ከመኖሪያ ቤታቸው እየተነቀሉ ችግኝ
የሚተከልባት፤

• 30ሺሕ የኦሕዴድ ቢሊየነሮችን ለማፍራት ግብ ተቀምጦ፤ የአማራ፣ የጉራጌ፣ የትግሬ፣ ባለሃብቶች የሚሳደዱባት፤

• የዐቢይ አሕመድ የግል ጀኔራሎች ለማህበራዊ ብልግናቸው ለአንዲት ሴት እስከ 3 ሚሊየን ብር ከፍለው በሚዝናኑበት ከተማ፤

➽ መቶ ሺህዎች በከተማ ረሃብ የሚሰቃዩበት፤
➽ ጨርቅ አስጥሎ የሚያሳብዱ ማኀበራዊ ቀውሶች የበዙባት አዲስ አበባ ለሕዝባዊ አመፅ በቂ ምክንያት አላት…!!

★ በአዲስ አበባ ከተማ በማንኛውም ቀንና ሰዓት
ሕዝባዊ አመፅ ይነሳል…!!

★ ለከተማ ግንባር ዕድል ሆኖ መግቢያ በሩን
እያንኳኳ ያለው ሕዝባዊ ማዕበል ግባ በለው
ሊባል ይገባል…!!

#ቤተመንግሥቱንመያዝ #Occupythepalace #ፋኖ #EndFascism #በቃ #peoplepower

ኢትዮ 251 ሚዲያ
የነጻነት አንደበት!

~ ደራ ትኩረት ይሻል!

ከትላንት እስከዛሬ በአማራነቱ እየተዋደቀ ያለው የደራ አማራ በእጅጉ ትኩረት ይሻል።

ደራ እጅግ ስትራቴጂክ የአማራ ርስት ነው። በአባይ፣ በጀማ፣ በወለቃ እና ወግዲ ወንዞች የተከበበ የየብስ ደሴትም ነው። ከሰላሌ፣ መራቤቴ፣ ጃማ ደጎሎ እና ምስ/ጎጃም የሚዋሠን የየብስ ደሴት!

ከሰለልኩላ እስከ ሳላይሽ፣ ከጨካ እስከ ቱቲ፣ ከጉንደ መስቀል እስከ ቆፍቱ፣ ከአባዶ እስከ ሬማ አማራነት በሙሉ ሞገስ የሚንፀባረቅበት ተቀዳሚ ርስታችን ነው።

የጫካው ብልፅግና ኦነግና የከተማው የአብይ ወራሪ ሐይል ዙሪያውን ከቦ እና መውጫና መግቢያ ነስቶ በየቀኑ እያወደመው ቢሆንም በትግላችን ውስጥ በቂ ትኩረት ያልሠጠነው ህመማችን ነው።

ደራ ትኩረት ይሻል!