The Voice of Amhara የአማራ ድምፅ

https://youtu.be/vgFGbGA1nJo?si=_fW9nq_JCxQWLpCu

https://www.youtube.com/live/TpvDUOKYOL0?si=6AdyCAKS-kCyWoqd

ሰሞኑን በፋኖ የተማረከው የአገዛዙ ሰራዊት እጣ ፋንታው ምንድን ነው?

ከአገዛዙ ጋር ለመደራደር  እንደ ቅድመ ሁኔታ ያስቀመጣችሁት ቀይ መስመር   አለ ወይ?

የግብፅን እና የሶማሊያን ጉዳይ እንደት ታዩታላችሁ?

እነዚህን እና መሰል ጥያቄዎችን አንስተንለት  የወሎ ፋኖ የፖለቲካ ዘርፍ ኃላፊ ሔኖክ አድሴ ምላሽ ሰጥቷል።

እስከ ዛሬ አይነኬ ተብለው  የተተው ጥያቄዎች ዛሬ ምላሽ ተሰጥቶበታል።
ይከታተሉ።

https://youtu.be/LXfYlNIXmHU?si=GRzCeCSgtrlytD2U

የልዩ ኃይል አዛዥ ፋኖን ተቀላቀለ።

የቀድሞው የአማራ ልዩ ኃይል አባይ ክፍለ ጦርን ሲመሩ የነበሩት  ኮሎኔል ፈንታው መኩየ የአማራ ፋኖ በወሎን በይፋ ተቀላቀለ::

የአማራ ፋኖ በተደጋጋሚ የሚያደርገውን ጥሪ ተከትሎ የክፍለ ጦሩ አዛዥ  "በሳደገኝ ሕዝብ ላይ አልተኩስም" በሚል ዛሬ ሰሜን ወሎ ቃሊም በተባለ አካባቢ የአማራ ፋኖ በወሎን  መቀላቀሉ ታውቋል።

በቀጣይም ጥሪዉን መሰረት በማድረግ በተለያየ አደረጃጀት ታቅፋችሁ የብልፅግና ሥርዓትን በማገልገል የምትገኙ የአማራ ተወላጆች ፋኖን በመቀላቀል የአማራን ህዝብ ህልዉና ለማረጋገጥ እንድትታገሉ ስንል ሁሌም በራችን ክፍት መሆኑን ጭምር በመግለፅ መልክታችንን እናስተላልፋለን ሲል የአማራ ፋኖ በወሎ አስታውቋል።

ትናንት ቅዳሜ ቀኑ 6: 00 ጀምሮ እስከ ሌሊቱ 7:00 ድረስ ከሰሜን ወሎ ወልዲያ በቅርብ እርቀት በምትገኘው ቃሊም አካባቢ በተደረገወረ ጦርነት ከመቶ በላይ የአገዛዙ ሰራዊት እጅ መስጠቱን እና በርካታ የጦር መሳሪያ መማረኩን የክፍለ ጦሩ አመራሮች ለአማራ ድምፅ ተናግረዋል።

የአማራ ፋኖ በወሎ አሳምነው ክ/ጦር ፣  ባለሽርጡ ክ/ጦር እና ታጠቅ ብርጌድ በጋራ በከፈቱት ማጥቃት ከመቶ በላይ የሚሆኑ የአገዛዙ ሰራዊት እስከ ቅዳሜ እኩለ ሌሊት ድረስ መማረኩን የክፍለ ጦሩ እና የብርጌዱ አመራሮች ለአማራ ድምፅ ገልፀዋል ።

ከዚሁ ጋር ተያይዞ በርካታ የነፍስ ወከፍ  እና የቡደን መሳሪያ መማረኩንም ነው የተናገሩት ።

ከወልዲያ በእስከ ሰሜን ምዕራብ የምትገኘው ተረራማዋ ቃሊም ለወታደራዊ ተልዕኮ ወሳኝ አካባቢ መሆኗን የሚገልፁት አመራሮቹ የቃሊም ህዝብ ላደረገው ተጋድሎም አመስግነዋል።

"" የኢትዮጵያ አየር መንገድ ዜጎቼን ያለ አግባብ እያንገላታብኝ ነው "" ኤርትራ

የኢትዮጵያ አየር መንገድ ወደ አስመራ የሚያደርገውን በረራ አቋረጠ።

ቀደም ሲል የኤርትራ መንግስት የኢትዮጵያ አየር መንገድ ዜጎቼን ያለአግባብ  እያንገላታብኝ ነው ሲል ስሞታ ሲቀርብ እንደነበር ይታወቃል።


የመንገደኞች ሻንጣ ሳይቀር በኢትዮጵያ አየር መንገድ ውስጥ በተደጋጋሚ እየጠፋ በመሆኑ ይህንን ካላስተካከለ በስተቀር ወደ አስመራ እንዳይበር እግድ እጥላለሁ ማለቱ ይታወሳል።

በዛሬው እለት ደግሞ የኢትዮጵያ አየር መንገድ ወደ ኤርትራ ዋና ከተማ አስመራ የሚያደርገውን በረራ ከነገ ጀምሮ እንደሚያቋርጥ አስታውቋል፡፡

አንድ አውቶቢስ ሙሉ ተሳፋሪዎች በኦነግ ሸኔ ታገቱ !

ዛሬ ጧት በኦሮሚያ ክልል ከገብረ ጉራቻ ከተማ ትንሽ ራቅ ብሎ አንድ የህዝብ ማመላለሻ አውቶብስ ወደ አዲስ አበባ ሲያመራ ተሰፋሪዎች በሙሉ በታጠቁ ሀይሎች ታፍነው መወሰዳቸው ታውቋል።

ዝርዝሩን ይዘን እንመለሳለን።

የኦሮሚያ ክልላዊ መንግሥት የዞን አደረጃጀት እና አሁን የሚጠሩበትን የዞኖችን ስም ሳይቀር መልሶ ለማዋቀርና ስያሜውንም ለመቀየር ጥናቱን አጠናቅቄያለሁ እያለ ነው።

ቀደም ሲል በአማርኛ የተሰየሙ የዞንና የወረዳ ስያሜዎች እንደሚቀየሩ ነው መረጃዎች የሚጠቁሙት።

የመዋቅር ማሻሻያው ከወረዳም ዝቅ ብሎ የቀበሌ አደረጃጀትም ለውጥ እንደሚደረግበት ነው የተነገረው ።

ይሄው የአደረጃጀት እና የስያሜ ለውጥ ይደረግበታል የተባለው ጥናት ከመጪው ሳምንት ጀምሮ ተግባራዊ እንደሚሆን ተገልጿል ።

"ይድረስ ለዳንኤል ክብረት"

በዳዊት በጋሻው (ከቂሊንጦ እስር ቤት)

የአገዛዙ ታጣቂዎች በአማራ ተፈናቃዮች ካምፕ  ገብተው  አምስት ሠዎችን ገደሉ።

ከወለጋ ተፈናቅለው በራያ ቆቦ አቧሬ  በሚገኘው የተፈናቃዮች ካምፕ ውስጥ የአገዛዙ ታጣቂዎች ገብተው አምስት ሰዎችን እንደገደሉ  ከጥቃቱ የተረፉ ተፈናቃዮች ለአማራ ድምፅ ተናገሩ።

የአገዛዙ ታጣቂዎች ወደ ካምፑ የገቡት """ከወለጋ ኦሮሞ አፈናቀለን በሚል  የኦሮሞን ህዝብ ስም ታጠፋላችሁ  አሁንም በቂም በቀል ከፋኖ ጋር ወግናችሁ  እየወጋችሁን ነው"" እንዳሏቸው ከጥቃቱ የተረፉ ተፈናቃዮች ገልፀውልናል።

የኦሮሙማ ብልፅግና ወደ ስልጣን ከመጣ ወዲህ በመቶ ሺህ የሚቆጠሩ አማሮች ከኦሮሚያ እና አዲስ አበባ ዙሪያ   ተፈናቅለው በአማራ ክልል በተለያዩ  ወረዳዎች በሚገኙ ካምፖች ተጠልለው በችግር ውስጥ  ይገኛሉ።

በተለያዩ አደጋዎች ቆስለው በባህርዳር  ከተማ ውስጥ በሚገኙ የህክምና ተቋማት እየታከሙ የሚገኙ ወጣቶችን ስትዋጉን ነው የቆሰላችሁት በሚል ዛሬ ወዳልታወቀ ስፍራ ተወስደዋል። 

  የመኪና አደጋ የደረሰባቸውን ሰዎች ሳይቀር ከተኙበት አልጋ ላይ ግልኮስ ነቅለው እንደወሰዷቸው ነው ቤተሰቦቻቸው ለአማራ ድምፅ የገለፁት።

በተመሳሳይ ሰሞኑን በሰሜን ወሎ ቆቦ ከተማ  ጤና ጣቢያ ውስጥ አደጋ ደርሶባቸው  ሲታከሙ ያገኞቸውን ሦስት አርሶ አደሮች ከወሰዷቸው በኋላ  ከተማዋ  መግቢያው ላይ  ተረሽነው መገኘታቸውን ቤተሰቦቻቸው ለአማራ ድምፅ  ተናግረዋል።


በዚሁ ሰሞን በወልዲያ ከተማ አንድ ወጣት በግል የጤና ክሊንክ ሲታከም በመገኘቱ ሀኪሙን ሳይቀር ሰውረዋቸው እንደነበር መዘገባችን ይታወሳል ። ታካሚው  እስካሁን የት እንደገባ አይታወቅም።

የአገዛዙ ሰራዊት በአማራ ክልል ባሉ ሆስፒታሎች እና ጤና ጣቢያዎች  እንድሁም በግል ጤና ክሊንክ የሚሰሩትን ሰራተኞች ሳይቀር በእባብ የተነደፈ ወጣት  እንኳ ቢሆን እንዳታክሙ  ሲሉ እያስፈራሯቸው መሆኑን በተለያዩ ሆስፒታል እና ጤና ጣቢያዎች የሚሰሩ ባለሙያዎች ለአማራ ድምፅ ተናግረዋል።

ሞት የተፈረደባቸው እስረኞች ፍርዱ እንዲፈጸምባቸው ፕሬዝዳንት ሳህለ ወርቅን ዘውዴን በደብዳቤ ተማፀኑ።

በቃሊቲ ማረሚያ ቤት የሚገኙና የሞት ፍርድ የተወሰነባቸው ታራሚዎች ቅጣቱ እንዲፈጸም የሀገሪቱን ፕሬዝዳንት ሳህለ ወርቅ ዘውዴን በደብዳቤ ጠይቀዋል።

የሞት ፍርዱ እንዲፈጸምባቸው የጠየቁት በለጠ አሰፋ አምሜ፣ ጀበሳ ድንቁ ኦርዶፋ፣ ባዩ ጌታነህ ዜና፣ ግርማ ገዛኸኝ ማሞ እና መስታወት ጌታነህ ወ/የስ ናቸው።

ታራሚዎቹ  ከ17 ዓመታት በላይ በእስር መቆየታቸውን ቤተሰቦቻቸው ለአማራ ድምጽ ተናግረዋል።

የሲቪልና ፖለቲካ መብቶች አለም አቀፍ ቃል ኪዳን፤ ማንኛውም የሞት ቅጣት የተፈረደበት ሰው ይቅርታ የመጠየቅ ወይም የሞት ቅጣቱ ወደ እስራት እንዲቀየርለት የመጠየቅ መብት እንዳለው ይደነግጋል። በተጨማሪም በሁሉም ጉዳዮች ይቅርታ ወይም ምህረት ማድረግ ወይም የሞት ቅጣቱን ወደ እስራት ቅጣት መለወጥ ይቻላል ይላል።

የሞት ቅጣቱ እንዲፈጸምባቸው የጠየቁት  እስረኞቹ ፤ የሞት ፍርዱ ወደ ቁጥር እስራት እንዲቀየር ቢያመለክቱም  ምላሽ እንዳላገኙ ነው ቤተሰቦቻቸው ለአማራ ድምጽ የገለፁት ።

ታራሚዎቹ ፤ አሁን ላይ የኢትዮጵያ ፍትሕ ሚኒስቴር  በሚሰጠው ምህረትና ይቅርታ ተጠቃሚ አለመሆናቸውንና ነገ የሚሉት ተስፋ እንደሌላቸው በመግለጽ የሞት ፍርዱ እንዲፈጸምባቸው ፕሬዝዳንት ሳህለ ወርቅን በደብዳቤ ጠይቀዋል።

በይቅርታና በምህረት ተጠቃሚ ካለመሆናቸውም በላይ በማረሚያ ቤቱ የሚቀርበው ምግብና ያለው አያያዝ አስከፊ በመሆኑ በሕይወት ከመቆየት መሞትን መምረጣቸውን ገልጸዋል።

የአገዛዙ ሰራዊት አዛዦች  እና  የሰሜን ወሎ ዞን አስተዳደር አመራሮች እንደ መኖሪያ ካምፕ ሲጠቀሙበት ከነበረው ስቴዲዬም በፋኖ ተመትተው መበተናቸውን የአማራ ፋኖ በወሎ የሕዝብ ግንኙነት  ኃላፊ አበበ ፈንታው ለአማራ ድምፅ ገለፀ።

የአገዛዙ ሰራዊቱ ከፍተኛ  አዛዦች ፣ መኮነኖች ፣  የጉባላፍቶ እና  የወልድያ አመራሮች  ቤተሰቦቻቸውን ጨምሮ ለስድስት ወራት ያህል  መሽገውበት የነበረው የሺክ መሐመድ አሊ አላሙዲን ስቴዲዬም ዙሪያ በተደረገው ኦፕሬሽን መበታተናቸውን ነው የህዝብ ግንኙነት ኃላፊው የነገረን።

ቀደም ሲል ጀምሮ የአማራ ፋኖ በወሎ በወልዲያ ከተማ እና በዙሪያው ያሉ ወረዳዎች ላይ ጥቃት ሲፈፅም የብልፅግና አመራሮችን ጨምሮ የገዢው ሰራዊት አዛዦች እና ቤተሰቦቻቸው  ስቴዲዬሙን እንደ  ካምፕ አድርገው ሲጠቀሙበት  እንደነበር ያስታወሰው ፋኖ አበበ፣  በዛሬው እለት ልዩ ኦፕሬሽን በመስራት እንዲበተኑ አድርገናል ብሏል። 

የአማራ ፋኖ በወሎ የአሳምነው ክፍለ ጦር በአርበኛ ጌታሁን ሲሳይ የሚመራው 4ኛ ሻለቃ የፈፀመው ልዩ ኦፕሬሽን መሆኑንም ጨምሮ ነግሮናል።

በኦፕሬሽኑ ምን ያህል እንደሞቱ እና እንደ  ቆሰሉ  ወደ ፊት አጣርተን የምንገልፅ ይሆናል ሲል የወሎ ፈኖ የሕዝብ ግንኙነት ኃላፊው አበበ ፈንታው ለአማራ ድምፅ ገልጿል።

በወሎ ግንባር ተሽከርካሪ እንዳይንቀሳቀስ የተላለፈው መመሪያ  ተግባራዊ ሆኖ መዋሉን የወልድያ ፣ የመርሳ ፣ የሀይቅ እና የደሴ ነዋሪዎች ለአማራ ድምፅ  ገለፁ።

ነዋሪዎቹ እንደተናገሩት ትናንት በወሎ ግንባር የሚገኘው የፋኖ እዝ ከአምቡላንስ በስተቀር ሌላ ተሽከርካሪ እንዳይንቀሳቀስ  ያወረደውን መመሪያ ተከትሎ በዋና ዋና  አውራ ጎዳናዎች የነበረው የተሽከርካሪ እንቅስቃሴ ተገትቶ መዋሉን ነው የገለፁልን።

በከተማ ውስጥ ለውሰጥ አገልግሎት የሚሰጡ የባለ ሶስት እግር ተሽከርካሪዎች ግን አገልግሎት ሲሰጡ ውለዋል።

ይሁን እንጂ ከኮምቦልቻ እስከ ደሴ ያለው አውራ መንገድ ለተሽከርካሪዎች  ክፍት እንደነበር የደሴ እና የኮምቦልቻ ነዋሪዎች ለአማራ ድምፅ  ተናግረዋል።

ከአምቡላንስ በስተቀር ማንኛውም  ተሽከርካሪ መንቀሳቀስ እንደማይቻል ተገለፀ።  

ነገ ሰኞ ነሐሴ 13/2016 ዓ/ም ከንጋቱ 12:00 ጀምሮ  በሁሉም  የወሎ ቀጠና ግንባር ዋናው አውራ ጎዳና ለተሽከርካሪዎች ዝግ እንደሚሆን ታውቋል ።

በሁሉም የወሎ ግንባር እንቅስቃሴዎች ስለሚገቱ ህዝቡ ጥንቃቄ እንዲያደርግም ተጨማሪ መልእክት ተላልፏል።

ጋዜጠኛ ቢልልኝ ባዩ በፀጥታ ኃይሎች ታፍኖ ተወሰደ ።

ዛሬ ማምሻውን በአዲስ አበባ ቦሌ አራብሳ ተብሎ በሚጠራው አካባቢ ባልታወቁ የፀጥታ ኃይሎች በኃይል ታፍኖ መወሰዱን የዐይን እማኞች ለአማራ ድምፅ ተናግረዋል።

የአዲስ አበባ ፖሊስ ሰሌዳ የለጠፈ ተሽከርካሪ  ውስጥ የነበሩ ሲቪል የለበሱ ሰዎች ድንገት ወርደው  በኃይል ገፍተው እንዳስገቡት በስፍራው ነበርኩ ያሉ አንድ የዐይን እማኝ ለአማራ ድምፅ  ገልፀዋል።

ቢልልኝ ባዩ በኢትዮጵያ ሳተላይት ቴሌቪዥን (ኢሳት) ውስጥ ለአምስት  አመታት ያህል በሪፖርተርነት ፣ በፕሮግራም አቅራቢነት እና የዜና መሪ( አንከር)  ሆኖ አገልግሏል።

  የኦነግ ሸኔ ታጣቂዎች በአማራ ተወላጆች ላይ የሚፈፅሙትን ጭፍጨፋ ሲያጋልጥ መቆየቱም ይታወሳል።

በሽብር ወንጀል ተጠርጥረው በማረሚያ ቤት የሚገኙትን እና ያልተያዙ የአማራ ተወላጆችን ኃብትና ንብረት  ለማገድ ፍትሕ ሚኒስቴር ከአቃቢያነ ሕጎች ጋር በሚስጥር እየመከረ መሆኑ ተሰማ ። 

የአማራ ሕዝብ ተገዶ የገባበትን የህልወና ጦርነት ደግፋችኋል በሚል ፖለቲከኞች ፣ ጋዜጠኞች፣ የማኅበረሠብ አንቂዎች እና  የአማራ ሲቪክ ማሕበራት መሪዎች በሽብር ወንጀል ተጠርጥረው መታሰራቸው ይታወቃል።

ይህንኑ ምክንያት  በማድረግ የፍትሕ ሚኒስቴር በእስር ላይ የሚገኙትን እና ያልተያዙትን እንድሁም በውጭ አገር የሚገኙትን ተጠርጣሪዎችን ጨምሮ ኃብት ንብረታቸው እንዳይንቀሳቀስ ለማገድ እየመከረ መሆኑን አንድ ስማቸው እንዲገለፅ  ያልፈለጉ አቃቢ ሕግ ለአማራ ድምፅ ገልፀዋል።

ጠቋሚያችን እንደነገሩን በባንክ ያላቸውን ገንዘብ ፣ቋሚ እና ተንቀሳቃሽ ኃብታቸው እንዲታገድ በሚል ሰሞኑን ውይይት መደረጉን ነው የገለፁልን።

ይህንን የኃብት እገዳ የሚያስፈፅምና አፈፃፀሙን የሚከታተል ቡድን መቋቋሙን የነገሩን ጠቋሚያችን ጉዳዩ በሚስጥር እንዲፈፀም መመሪያ መተላለፉን ነው የተናገሩት ።

"You shoot at the army to withdraw from the Amhara region. In Oromia, you are saying OLA Shene is killing you. The solution is to leave Oromia and return where you came from. "The Asko district administrator said"

This is what IDPs who fled the recent attack by OLA Shene militants in Asko District of Arsi zone told our reporters.

"We have left our kebele. Our cattle are scattered in the field. Our hurd earned livelihood worked hard is still there," said an evacuee who did not want to be named while talking to Amhara Voice on the phone.

"OLA Shene evicted us from our home. When we request to the Asko district administration to send us security forces, he said you want the army to leave the Amhara region and here you are crying the army to shoot at Oromos.

The evacuees told Amhara Voice that thousands of Amhara farmers are fleeing to Asko district.

It is reported that six Amharas including the prist of St. Gabriel church were killed in recent attack.

""በአማራ ክልል መከላከያ ይውጣልን ብላችሁ ትተኩሱበታላችሁ። ኦሮሚያ ውስጥ  ኦነግ ሸኔ ገደለን ትላላችሁ ። መፍትሄው ኦሮሚያን ለቆ ወደ መጣችሁበት መመለስ ነው "" የአርሲ ዞን አስኮ  ወረዳ አስተዳዳሪ

ይህ በአርሲ ዞን አስኮ ወረዳ ሰሞኑን በኦነግ ሸኔ ታጣቂዎች የተፈፀመውን ጥቃት በመሸሽ በርካታ አማሮች ቤት ንብረታቸውን ጥለው የወጡ  ተፈናቃዮች   ለአማራ ድምፅ የተናግሩት ነው ።

""ቀበሌያችንን ጥለን ወጥተናል ። ከብቶቻችን ሜዳ ላይ እንደተበተኑ ናቸው። የደከምንበት  ንበረት  እዚያው ቀርቷል "" ይላሉ አንድ ስማቸው እንዲገለፅ ያልፈለጉ ተፈናቃይ ለአማራ ድምፅ በስልክ ሲናገሩ።

""ከመኖሪያችን ኦነግ ሸኔ አፈናቀለን ። የፀጥታ ሀይል ይድረስልን ብለን ለአስኮ ወረዳ አስተዳደር ብናመለክትም አማራ ክልል መከላከያ ይውጣልን ትላላችሁ እዚህ ደግሞ ኦሮሞን ይውጋልን እያላችሁ ወገኖቻችን ላይ እንዲተኩስ ታለቅሳላችሁ ብሎ አስተዳዳሪው መልሶናል"" ይላሉ።


ጥቃቱን በመፍራት በሺህ የሚቆጠሩ የአማራ አርሶ አደሮች ወደ አስኮ ወረዳ እና ወደ ሌሎች የአርሲ ዞን ወረዳዎች እየሸሹ መሆኑንም ተፈናቃዮቹ ለአማራ ድምፅ ተናግረዋል።

ሰሞኑን በአርሲ ዞን  አሰኮ ወረዳ ጢዮ ቀበሌ  ቅዱስ ገብርኤል ቤተ ክርስቲያን አገልጋይ ካህንን ጨምሮ ስድስት  የኦርቶዶክስ እምነት ተከታይ አማሮች  በኦነግ ሸኔ ታጣቂዎች መገደላቸውን በትናንትናው እለት መዘገባችን ይታወቃል።