Adhanom Mitiku / አድኃኖም ምትኩ

ቆንጆ መፅሃፍ ወጥቷልናል እያነበብን

ጊዜ ሃያል ነው ። የከበደን ይቀላል ፣ ግራ የገባን መስመር ይይዛል፣ የምንፈራውን ስናየው ሳቅ ይታገለናል።

አሻግረን ብርሃን እናያለን ፤ጠንክረን እንሰራለን ፤ ያሸነፍን ሲመስለን አንታበይም ፤ በወደቀ ላይ አንፈርድም ፤በትንሽ በትልቁ አንማረርም ፤በረባው ባረባው አንቀደድም ፤ላለው አናሽቃብጥም ።

ስንገሰፅ እንሰማለን ፤ ቅር ያለንን እናሳያለን ፤ ስንወድ መውደዳችንን አንደብቅም ፤ ስናደንቅ አድንቆታችን ለሚገባው ሰው እንሰጣለን ።

ድክመት ድክመት ላይ አንመሰጥም ፤ ውድቀታችንን ጠቅልለን አናላክክም ፤ ይሉንታ ቢስ አንሆንም ።

ግፍን እንፈራለን ፤ ያዘነ ላይ አንስቅም፤ የጉብዝና ወራታችን ወቅት አንመፃደቅም ። መስገብገባችንን አደብ አናሲዘዋለን ፤ ውድድራችን ከራሳችን ትላንት ጋ ነው፤ ትግላችን ከህልማችን ጋ ነው።

ከትላንታችን እንማራለን ፤ ታላላቆቻችን እንሰማለን ታላላቆቻችን በምክንያት እንሞግታለን ፤ አድናቆታችን አምልኮት የለበትም ፤ ስኬታችንን በመርሃችን እንለካለን ፤ እራሳችንን እንገዛለን ።

የማይነጋ ጨለማ የለም... ይነጋል ፣ የጠወለገው ይለመልማል ፣ የጎደለው ይሞላል ።

አሜን ❤🙏
Adhanom Mitiku

ትንሽ አምሮውን ያመዋል ። መቼ እንደለመደኝ መቼ እንደለመድኩት አላቅም ። ትልቅ ሰው ነው አጠር ያለ ነው አንገቱን ከመድፋት ብዛት አንገቱ ትንሽ ቁልምም ይላል ቀና ብሎ ሲሄድ አላቅም መሬት እያየ ነው የሚሄደው ...

ሲያየኝ ፈገግ ብሎ ነው ሁሌ ሙሉ ስሜን የሚጠራኝ ። ስምን ቁልምጫ የሚያደርገው ለካ አጠራር ውስጥ ያለው ቃና ነው !

የሆነ ቀን ልብስ ሰጠሁት አንድ ሁለቱን ወስዶ አንድ ሁለቱን ለኔ አይሆንም የወጣት ነው ይሄ ለሌላ ሰው ስጠው ብሎ መለሰልኝ ...

መኪና ይዤ ያየኝ ቀን ፊቱ ላይ ያየሁት ደስታ እና ኩራት አበዛዝ ...የሆነ ቀን መኪናዋን ሸጥኳት ባገኘኝ ቁጥር ለብዙ ግዜ መኪናህስ? መኪናህን አትነዳትም ? መኪናህን አቁመሃት ነው
መኪናህስ ? ጥያቄውን አደባብሼ አልፈዋለሁ

የኮራበትን መኪና ሸጥኩበት ኣ !

ግርማ መኪናውን እኮ ሸጥኩት አልኩት ። ግዴለም ሌላ ግዜ ደሞ ትገዛለህ ብሎ አፅናናኝ

University እየተማርኩ ባገኘኝ ቁጥር
ከአንደኛ አመት ጀመሮ መቼ ነው የምትመረቀው ይለኛል
ከሶስት አመት በኋላ ከሁለት አመት በኋላ በዚህ አመት እያልኩ እነግረው ነበር የሆነ ቀን የመመረቂያችንን እለት ሰምቼ ስለነበር

መቼ ነው የምትመረቀው ሲለኝ
ሃምሌ 15 አልኩት። ለአንድ ለሁለት ወር ከአስራምስት ቀን የሆነ ቢሮ intern ስራ ጀመርኩ ተጠፋፋን ... መግቢያ መውጫዬን ቀየርኩ

ሀምሌ 15 ለምርቃቴ ስጦታ አሽጎ አመጣልኝ
የመፅሃፍ ቅዱስ ጥቅስ ነው እንዲ ይላል

"እግዚአብሔርን አመስግኑ፤ ቸር ነውና፥ ምሕረቱ ለዘላለም ነውና። መዝሙረ ዳዊት 136:1

ለብዙ አመት ከአልጋዬ ፊት ለፊት ሰቅዬው አየው ነበረ

የተሰማኝ ደስታ ፣ኩራት ወደር አልነበረውም ተሰጥቶኝ በዛ ልክ ደስ ያለኝ ስጦታ ጥቂት ነው ።

ግርማ በደረቁ ገንዘብ ስጠኝ አይለኝም ቻርጀር ግዛልኝ፣ ለሬድዮኔ ባትሪ ግዛልኝ ፣የስልኬ ባትሪ አልሰራ አለ ፣እያለ ነው ገንዘብ የሚጠይቀኝ

ስሰጠው ለፍቶ ካስተማረው ታናሽ ወንድሙ የተቀበለ አይነት ነው አቀባበሉ ምስጋና አያበዛም ደረስክልኝ ጎሽ ኑርልኝ ፈገግታ ይሰጠኛል

ካዛንችሳችን እየፈረሰብን የነበረ ሰሞኑ" በቃ ተለያየን አይደል" አለ እንደ ድሮ ሲጠራኝ ፈገግ ብሎ አልነበረም ..ለመጨረሻ ግዜ ያተያየነው ያኔ ነው ።

አሁን ግርማ አርፏል ቀብር አምስት ሰዓት አሉኝ

ፈገግ እያልክ ስለጠራኸኝ ፣
እንደምትወደኝ ስላሳየኸኝ ፣
ቅር ያለክን በስሞታ መልክ ስለምትነግረኝ ፣ በምንም ሆኔታ ውስጥ አይተኸኝ ሰላም ሳትለኝ ስለማታልፍ ። እቤት እመጣለሁ ብለህ በቀጠሮ ስለምትመጣ፣

ችርስ 😪😪

May his soul find eternal peace and everlasting comfort.

አለን 🙌❤

መወደዳችንን አንለምደውም ፣ስንፈለግ ትርጉም ይሰጠናል ፣ አልነበርንም ከማለታችን በፊት የት ጠፋህ ስንባል ደስስ ይለናል ፣
ሃብታችን ወዳጆቻችን ናቸው ።
መመኪያችን አምላካችን ነው ። በፈተናችን ለመፅናት እንታገላለን ። ያለን እንዲታወቀን እምንፈልገው እንዲገለጥልን እንፀልያለን ።

ህይወት ከከበደችው በላይ እንዳናከብዳት ጥበብ እንቃርማለን ። ሃዘናችንን አናጎላውም ለእጦታችን ፊት አንሰጥም ደስታችንን ችላ አንልም

ኻዬ❤

ሦስት የተለያየ ጊዜ የተነቀስኩት ንቅሳት አለ።

የግራ ክርኔ ላይ በላቲን ቋንቋ እንዲህ ይላል 'Veni Vidi Vici' "መጣሁ፣ አየሁ፣ አሸንፌ ሄድኩ" ዓይነት ነው ትርጉሙ። 'university' ተማሪ እያለሁ ነበር የተነቀስኩት ።

ድሮ ሕይወት ማሸነፍ ትመስለኝ ነበር። ዓለምን የማበጃጃት ይመስለኝ ነበር ።

ደርሼ ሳይ ግን እንደሱ አልሆነም!

መጀመሪያ የነቀሰኝ ልጅ ጋር ሄጄ የቀኝ ክርኔ ላይ 'Amor Fati' የሚል ተነቀስኩ፤ ይሄም ላቲንኛ ነው። "ዕድልን መውደድ" ይሉት ትርጉም አለው። ዕድል ሁሉ የሚወደድ መስሎኝ ነበር።

ምድር ርህራዬ ያላት፤ የምትሰጠው ሁሉ የምንችለውን፤ መስሎኝ ነበር...ግን ዕድል የሚሻሟትም እንደሆነ አየሁ።

ላስታውሰው የማልፈልገውን ሽንፈት ጠጣሁ። እየመረረኝ... እየጎመዘዘኝ...ተጋትኩ።

I stand alone and stumble.

ሦስተኛው እንደ ድሮ ንቅሳቴ ብዙ ሰው በማይረዳው ላቲንኛ አይደለም። በቲሸርት ስሆን በሚታይ መልኩ ተነቀስኩ። የማወሳስበው ነገር የለኝም። ለማጨስ ውሰጥ ለውስጥ አልሄድም። ሱቁ ጋር ነው ሲጋራዬን የምለኩሰው፤ ማንንም ለማስደመም ቃላት አላሳምርም። የጉብዝናዬን ወራት አልተርክም።
. . .

ለሦስተኛ ጊዘ ተነቀስኩ...

'Tired soul' ይላል።

'መሸነፍን ቆዳ ላይ ማሳል ምን ጥቅም ይሰጣል?' አለኝ ።

"ማሸነፍንስ ቆዳ ላይ ማሳል ምን ጥቅም አለው?" አልኩት።

'ጥሩ ጊዜ ሲመጣልህ፤ ንቅሳቱ ክፉ ነገርህን እንዳያስታውስህ ነው!' አለኝ።

አላመንኩትም!

ስንቴ ወድቄ እጅ እንደ ሰጠሁ አላወቀም። መውደቅን ማመን ካላስፈላጊ መጋጋጥ እንደሚያድን አላወቀም ። መውደቅን ማመን ካላስፈላጊ ትግል እንሚያድን አያውቅም።

ይልቅ...

እንዴት እንደወደኩ በጠይቀኝ ... !!
© Adhanom Mitiku

አባቴ መጠጥ ወዳጅ ነው... ግን ሰክሮ የረበሸበትን አንድም ቀን አላስታውስም። ሲጠጣ ትንሽ ፈነሽነሽ ያለ ፊት ያሳየናል፣ በየመሃሉ ስማችንን እየጠራ...

'አጠፋሁ? ' ይላል ...

'ተመስገን!' ይላል ....

አደጉልኝ እያለ፥ ይወዱኛል እያለ፥ ጠጅ መጠጫ አላጣሁም፥ ሚስቴ ትወደኛለች፥ እያለ ነው መሰለኝ...!

አምሽቶ ከገባ ዘው አይልም፤ እናቴን "ዓለም ሆዴ ልግባ ?" ብሎ ነው። እናቴን ያከብራታል። ይወዳታል። ለኹለት አመት ከስድስት ወር የአልጋ ቁራኛ ሁናበት ታውቃለች። ጨቅላ ነበርኩ፤ ሌሎቹም ከኔ ብዙ አይበልጡም ነበር ...

እናቴ "እኔ ከታመምኩት በላይ ተጎሳቁሎ፤ ልብሱ ላዩ ላይ አልቆ ነው ያስታመመኝ" ትላለች።

እንደሚወዳት አሳይቷታል ፣እንደምትወደው ሲገባ ሲወጣ እየተንከባከበች አሳይተዋለች ።

"መርቀኝ እለዋለሁ..."

'እንደኔ የምትወድህ እኔ እንደምወዳት ዓይነት ሚስት ይስጥህ፤ ፍቅር ካለ ኑሮ ብዙ አይከብድህም። ስታጠፋ ከታረምክ ህይወት አታሸንፍህም።' ይላል።

መርቀኝ እንጂ ስለው።

'ደስ ብሎህ ኑር' ይላል ። ጌታዬ ለኔ እንደራራው ይራራልህ ይለኛል ።

"ትወደኛልህ እንዴ" ስለው።

ዝም ብሎ በስስት እያየኝ 'ጅል ነህ እንዴ?' ይላል።

ከዚህ ቤተሰብ ተወልደን እንዴት ፍቅር አያንበረክከንም ታድያ!?
©Adhanom Mitiku

ጠብቀኝ ብቻ ነበር ያለቺኝ ....

ተሸበርኩ ፣ ግርግር ፈጠርኩ ፣ ትንሽ ብቻ ጠብቀኝ ያለቺኝ አይመስልም ነበር።

ከመጠበቅ ጋር ጥሩ ትዝታ የለኝም .....!

ወንድሜ እቤት ጠብቀኝ እንዳትወጣ ብሎኝ ወደ ውጪ ወጣ የሆነ ነገር ይዞ ነበር መሰለኝ እቃ ለመቀበል ይመስለኛል ።

ቆየ ....

ጩኸት ስሰማ ወጣሁ ግርግር አለ ግርግሩን እየገላለጥኩ ሳይ ወንድሜ ነው ። ወግተውት እያጣጣረ ... ሲያቃስት ደረስኩ .....ሆስፒታል ሳይደርስ ሞተ

እጮኛዬ ትንሽ ግዜ ስጠኝ ብላኝ እየጠበኳት መሞሸሯን ሰማሁ "እንኳን ደስ አለሽ አልኳት" ምን ይሰማት ይሆን? ትስቅ ይሆን? አሳዝናት ይሆን? ትሸልል ይሆን? ፀፀት ይሰማት ይሆን? ብቻ ያመመኝ መጠበቄ ነበር ።

አጎቴ ሁለት አመት ጠብቀኝ እኔ ያለሁበት አገር እወስድሃለሁ ለመኖር ህልምህን ለማሳካት ምቹ ነው ብሎኝ በአንድ አመት ከአስር ወር በኋላ ጠፋ ...ድምፁን ሰምተን አናውቅም

ጠብቀኝ ስባል እፈራለሁ .....

መጠበቄን ለመርሳት እርምጃ እቆጥራለሁ፣ ኮሚቴ አዋቅራለሁ ፣ የድሮ ህንድ ፊልም አያለው ፣ ድሮ አስረኛ ክፍል ስለህልሙ የነገረኝን የክላሴን ልጅ እንዴት ሆንክ ለማለት ስልኩን አፈላልጋለሁ ...በዚህ ሁሉ መሃል እየጠበኩ እንደሆንኩ ልቤ አይዋሽልኝም ።

ቁስላችን አይሞትም ይቀበራል እንጂ ።
©Adhanom Mitiku

ጠንካራ መስያት ነው ። የምታየው ብቻ መስያት ነው ። ለሷ ያለኝ ቦታ ያሳየኋት እና የነገርኳት ብቻ መስሏት ነው።

ሌላም ሰው እኔ ያልኳትን ብሏት ዋሽቷት ስላገኘችው፤ ቃልም፣ ተግባርም  ማመን አቁማ ነው ።

ስታገኘኝ 'Dead inside' የሚል ፅሁፍ ያለበት ቲሸርት  መልበሴን አላስታወሰችውም ።ሳቄ የቲሸርቴን መልዕክት ከልሎት ነበር ።

የማያቁኝ፣  ያልሰሙኝ  የሰጡአት አስተያየት ልቧን ተጭኖት ነው ። የተሰበረ ሁሉ የሚጠገን መስሏት ነው ። ጊዜ ሁሌ አዳኝ መስሏት ነው ። 

ከልጅነቴ ጀምሮ የሚራራልኝ አልነበረም!!

ልጅ እያለሁ:-

አባቴ ይወደኝ ነበር ። አንድ ነገር ሳይዝልኝ ቤት አይገባም ፣ ሳያጫውተኝ አይተኛም። መንገድ ስንሄድ እሽኮኮ ያደርገኝ ነበር ። ላገኘው ሁሉ "ልጄ ነው"  ይል ነበር።  ዘና ያለ ነው ፣ ሙዚቃ  ይወዳል፣ ተጫዋችም፣ ዝምተኛም ፣ ሳቂታም፣  ኮስታራም  ነበር ።

ከእናቴ ጋር  ብዙ ግዜ ቢጨቃጨቁም ፤ ሁለቱም  ይወዱኝ ነበር ። ፍቅር አሰጣጣቸው ለየቅል ነው ። ሰው ለሚወደው  የሚሰጠው የሚችለውን ሁሉ ነው ።

የሆነ ቀን ፀባቸው ከሮ ፍርድቤት ቆሙ ። ይዘውኝ ሄዱ።  የሚያወሩት ስለ መለያየት፣ ስለተቆራጭ ምናምን ነበር።

አይን አይኔን እያየ "አላምናትም፤ ይሄ ልጅ ራሱ የኔ አይደለም" አለ ። አላመንኩም : ውሸቴን ነው ይላል ብዬ ጠበኩት ህይወት እንደዚ አይነት ቀልድ እንደማታውቅ አላቅም ነበር ።

ልጄ አይደለም ካለኝ በኋላ የተወራውን መስማት አልተቻለኝም ።

"ይሄ ልጅ ራሱ የኔ አይደለም " ያለው   ፊቱ ፣ ሁኔታው ድምፁ ፤ እርግጠኝነቱ ከልቤ አልጠፋ አለ።
እናቴ  እጄን ይዛ ወደ ቤት ተመለስን ።

አደባባይ ላይ "ልጄ አይደለም" ያለኝ ከሰጠኝ ፍቅር ሁላ ስለበለጠብኝ ውስጤ ደነገጠብኝ ።
   
የሚታይ ነው የሚሰማ መታመን ያለበት ??

ለምን ይዘውኝ ሄዱ ? ፣ እማኝ ባለበት ስካድ ማየት እኔን ከማበላሸት ውጪ ምን ይጠቅማል ?? ያን ቀን አባት አልባ ሆኜ ተመለስኩ ።

ዘግኖ ባዶ ማግኘት ህይወት ውስጥ አዲስ አይደለም !!
       © Adhanom Mitiku

https://t.me/adhanom05/3312

https://t.me/adhanom05/3310

መፅሃፋችንን በሃርድ ኮፒ ማገኝት እንዳልተቻለ ክፍለ ሃገር ውጪ አገር መላክም አሎነልንም ። ቱባ ላይ ማግኘት እንችላለን አሁን ❤
https://tuba.et
በትረካም ጥሩ አደርገው እየሰሩት ነው 🙏

"ምከረኝ" አለችኝ "ከመምከር ጋር ጥሩ ታሪክ የለኝም" አልኳት ።

አላመነችኝም ... ለማሳመን አልጣርኩም።
"ምራኝ እሺ " አለችኝ "ሲከተሉኝ እፈራለሁ ቀድሞ ግራ ይሂድ ቀኝ ይሂድ ሳሰላስል እደናበራለሁ" አልኳት ።
ትህትና መሰላት ።

"መንገድ የጠፋበት ሰው ቢመራ የት ያደርሳል?" አልኳት
"አለማወቅ ምቾት አለው" አለችኝ።
"አለማወቅን ካላወቅን ነው ምቾት ያለው" አልኳት።

"እንደምትወደኝ ንገረኝ" አለችኝ።

"እወድሻለሁ"
"እሺ ምከረኝ" አለችኝ ።
ድንገት ጭንቅላቴ ላይ ከመምከር ጋር ያለኝ ታሪክ መጣብኝ...

ጓደኛዬ ነበረች ፤ ሃዘን ገጠማት የምትወደው ሰው፣ አንድ ያላት ሰው ሞተባት። መሰበሯ ሲጠነክር መከርኳት።
"ሃኪም ነኝ፤ የሞተ ሰው በየቀኑ አያለሁ ፣ ሲሰቃዩ የነበሩ ሰዎች፣ መኖር ሰፈልጉ የነበሩ ሰዎች፣ መዳን ብቻ የሚፈልጉ ሰዎች ሲሞቱ አያለው።

ሲሞቱ ትክ ብዬ አያቸዋለሁ፣ ህመማቸው ነው የሚቋጨው ፣ ትግላቸው ነው የሚቀርላቸው ፣ መሞት ለሟቹ እረፍት ነው የሚመስለኝ" ብዬ ገጠመኜን እያጣቀስኩ ነገርኳት .....
በሳምንቱ ሞተች እራሷን ገድላ።

ለማኖር ነበር የመከርኳት ፤ አይኗን በልቅጣ ቀልቧን ሰጥታኝ ስትሰማኝ ሞት እረፍት ነው ብላ እንድትጠነክር ነበር ። ግን መኖርን ነበር የቀማኋት መሰለኝ.......

የቱ አፋፍ ላይ ቆማ ሰምታኝ ይሆን ?
'ለምንናገረው ይሁን እንዴት ሰምተውን ለሚተረጉሙት ትርጓሜ ኋላፊነት መውሰድ ይቻለናል ?' አያልኩ መብከንከን ፀፀትም ተከተለኝ።

በሃሳብ ጭልጥ ስል አይታ "አትመክረኝም?" አለች ።
ፈገግ አልኩ ...

ይልቅ እንጠጣ እስኪ።
©Adhanom Mitiku

መንገድ ጠፍቶን ስንደናበር ላረጋጉን ፣ ወደቅን ስንላቸው ላልፈረዱብን ። በድለናቸው ይቅርታን ለሰጡን ፦

ሚስጥራቸውን ላጋሩን፣ ደስታችን ለተካፈሉ፣ ሃዘናችንን ቦታ ለሰጡት ፣ ለተጠነቀቁልን ፣አጋርነታቸው ወረት ለሌለበት ፣ በቆሚነት የኛ ለሆኑ ።

እንድናምናቸው ለሆኑ ፣ ደግነታቸው ለማይስተን ፣ ለሚወዱን ፣ ሊረዱን ግማሽ መንገድ ለሚመጡ ፣ ለሚያበረቱን

ችርስ ለነሱ 🙏

ኑሩልን ❤

©Adhanom Mitiku

ጠላ እየጠጣን ከጓደኞቼ ጋ ተሰባስበን እየቀደድን ሳለ ፦

ምድር ላይ የትኛውን ገጠመኝህን በይበልጥ ትወዳዋለህ የሚል ቀደዳ ጀመርን

ፍሬንድ ቀጠለ

"አንድ እለት እሁድ ጠዋት እናቴ ቡና እየጠጣች ፣ እየመከረችኝ ፣ እየመረቀችኝ ፣ እየሰደበችኝ ሳለ

በጣምምም ደስስ የሚልሽ ምን ብታገኝ ነው አልኳት አጠያየቄ ድንገት ነበር

ላሊበላ ፣ አክሱም ጽዮን ፣ ውቅሮ ማርያም ካዲ ብሄድ ደስ ይለኛል አለቺኝ

ፊቷ ላይ ያለው ምኞት የደስታ ዳር ይመስል ነበር። ። በነጋታው ስጣደፍ ሄጄ ቢሮ አንድ መቶ ሺ ብር ተበደርኩ ፍቃድ ወሰድኩ

ሎተሪ ደረሰኝ ብያት ላሊበላ ፣ አክሱም ጽዮን ፣ ውቅሮ ማርያም ካዲ ወሰድኳት ደስስ አላት ፀለየች ፣ ለነዲያን መፀወተች ፣ እጄን ይዛ መረቀቺኝ ።

ከዛ ከተመለስን በኋላ ሶስት ወርም አልቆየች ትንሽ አሞት ሞተችብኝ። ሳለቅስ ፣ ሳዝን ያፅናናኝ እና ያበረታኝ ህልሟን ማሳከቴ ነበር

ቀጠለ ሌላ ፍሬንድ ፦

"አንድ ቀን ክላስ ቀጥቼ ዩኒፎርሜን እንደለበስኩ ጠላ ቤት ደቅ ብዬ አባቴ ከጓደኞቹ ጋር ከች አለ ሳየው ስካሬ ጠፋ ።

ልጄ ነው ብሎ ለፍሬንዶቹ አስዋወቀኝ ። ሃይለኛ ስለነበር እዛው ካልገደልኩ ይላል ብዬ ነበር። ምንም አላለኝም ። እንደውም የጠጣሁበትን ከነ ፍሬንዶቼ ከፈለልኝ ። ቀድሜው ወጣሁ ፦

አላመንኩትም የሚገድለኝን አገዳደል እያሰብኩ ስፈራ ስቸር እቤት አምሽቼ ገባሁ ። እሱ ምንም አላለኝም ።

በሳምንቱ "ጋሻው ዛሬ ትምህርት የለህም አይደል "

"አዎ"
"በቃ ዛሬ አብረን እንዋል አለኝ" እሺ ብዬው የሚሰራበት
አብረን ሄድን

ውሎውን አዋለኝ ። የሆነ ህንፃ ይጠብቃል ፣ ህንፃው ጋ የሚቆም መኪና ይጠብቃል ፣ መኪና ያጥባል ።

የጠበቀበትን እና ያጠበበትን ብር እንዲሰጡት ደጅ ይጠናል ፤ ትንሹም ትልቁም ይጠራዋል ፣ ያዙታል ያን ቀን አባቴ በጣም አሳዘነኝ

ከፊቱ ገሸሽ ብዬ አለቀስኩ

እንዴት እንደሚያሳድገኝ ያኔ ነው የገባኝ ። ምን እያለ እንደመከረኝ ፣ በእኔ ጉዳይ ለምን እንደሚናደድ ገባኝ

የዛ ቀን ህይወቴ ተቀየረ ።

ሌላ ፍሬንድ ቀጠለ ፦

"አንድ ቀን እቃ ጠፍቶኝ ቤታችንን ሳምሰው
የታናሽ እህቴ ዲያሪ አገኘሁት በማላውቀው ምክንያት የማስሰውን ነገር ትቼ ደቅ ብዬ ማንበብ ስጀምር ።

ጥጋቤ ፣ ድፍረቴ እልሄ ተነፈሰ ። የግሩፕ ጠብ አጓጉል ውሎዬ ጣጣ ለመጀመሪያ ጊዜ ገባኝ። ለመጀመሪያ ጊዜ መፍራት ጀመርኩ ፤ ለቤተሰባችን ምን ያህል እንደማስፈልግ ማስታወሻዋ ነገረኝ"

ለካ አንዳንድ ቀን ብቻውን ዘመን ያህላል !!
© Adhanom Mitiku

ታናሽ እህቴ ናት በአስራ ሶስት አመት እበልጣታለሁ ። እሷ ላይ ያለኝ ስልጣን የአለቃ ነው ። 'exercise' የማደረገው ስልጣን ብዙ ነው የአፍሪካ መሪዎች ዜጎቻቸው ላይ ካላቸው ስልጣን አያንስም ። እሷም ስልጣኔ ነው ብዬ 'exercise' የማደርገውን በፀጋ ተቀብላለች ።

ልጄ ትመስለኛለች ምግብ በጋራ ስንበላ ቀድሜ ነው በቃኝ የምለው ። ከሷ ጋር እንዳልሻማ ፍቅሬ እና ሃላፊነቴ ይገታኛል ።

ሁኔታዋን አየዋለሁ ሲዶክካት፣ ስትደሰት እንቅስቃሴዋን አስተውላለሁ ። ከጓደኛዋ እንዳታንሳ 'Invest' አደርግባታለሁ ።

የሆነ ፊልም እያየን መጥፎ ገፀባህሪ ስታይ "ኤፍሬም ፊልም ስለሆነ ነው እንጂ: እንደዚህ አይነት ሰው በትክክለኛ ህይወት የለም አይደል? " ትላለች

ሰው የማርያምን ስም ጠርቶ የሚዋሽ አይመስላትም ፣ ለገንዘብ ብሎ ሰው ጓደኛውን የሚክድ አይመስላትም ፣ የውሸት ለቅሶ ያለ አይመስላትም ። ንፁህነቷ ያስደነግጠኛል ። ብስለት የሚባለውን እውቀት ማጥመቅ ፈልጌ አጠማመቁ ግራ ይገባኛል ።

ስለዓለም ክፋት መንገር እጀምር ና አለምን የምታይበት መነፅር እንዳይንሸዋረር እሰጋለሁ ።

'Feminist ' አደረገችኝ። ትሁቴን እያሰብኩ መደፈር፣ ድብደባ፣ ጭቆና እቃወማለሁ ። ትሁቴን ስለማስብ ሴት አታልሎ ወደ አልጋ መውሰድ አልችልም ። ትሁትን እያሰብኩ ገራገር እንስቶች ላይ 'Advantage ' ለመውሰድ አልሞክርም ።

ትሁቴ የመጀመርያ ልጄ ነች ። በሷ ጉዳይ አልራቀቅም ፣ በሷ ምክንያት ሴቶች ላይ በደል አልሰራም ።

ትሁቴ እንዳትኮርጀኝ ሰክሬ አልንገላወጅም ፣ የማይረባ ጓደኛዬን እቤታችን አላመጣም ፣ ትልቅ ለመሆን እባትላለሁ ።

የአንዳንድ ታናሽ አሻራ እንደ መምህር አይነት ነው !!
© Adhanom Mitiku

የሆነ ቀን አሞኝ አልጋ ላይ ብዙ ጌዜ ከረምኩ ምኔም እምድን አይመስልም ነበር እሚያስቡልኝ አምላክ ሞቴን ቢያፋጥንልኝ ጥሩ እንደሆነ በልባቸው የተመኙልኝ ይመስለኛል ...

እኔ ግን ዳንኩ

የሆነ ግዜ ሱስ ጀመርኩ ጫት ሲጋራ መጠጥ ፊቴን እስኪቀይረው ተከተብኩ አዬ መና ቀረ ተባልኩ

እኔ ግን ሱስ አቆምኩኝ ።

የሆነ ቀን ጓደኞቼ ሁሉ አልፈው እኔ አስረኛ ክፍል ወደኩ ሁሉም በጋራ አዘኑልኝ ብለን ነበረ አሉኝ ሰፈር ቀረ አሉኝ እኔ ግን ተመልሼ private ተፈትኜ አልፌ እስከሁለተኛ ድግሪ ድረስ ተማርኩ

የሆነ ግዜ እናቴ ለቆሶ ልቴድ ፈልጋ ነጠላ ስትበደር አይቻት እኔ ሳድግ አምስት ቅያሪ ነጠላ እገዛልሻለሁ አልኩኝ የሰሙ ሰዎች ሳቁብኝ ለምን እንደሳቁ አላቅም እኔ ግን ስራ ስይዝ አረ አምስት ነጠላ ምን ይሰራል እያሉኝ ጥለቱን እየቀያየርኩ ገዛው ....

ትላንት ብዙ አይሆንምን አልፌያለሁ ። ብዙ አበቃለትን ተሻግርያለሁ ፣ ነገ የተሻለ እንደሚሆን ትላንት ምስክሬ ነው ።

መሞከር ፣መማር፣ ለመሻሻል መጣር ፣መታገስ አናቆምም ሁሉም ይስተካከላል ❤
©Adhanom Mitiku

በጣም ደስስ ያላችሁ መቼ ነው ??

የምወደው ልጅ ነበር ። እርጋታው ህልሙ መልኩ ሁኔታውን
እወደዋለሁ ስህተቱን ድክመቱን ሳይቀር ነበር የምታገሰው ።

ብጥር ...ብጥር... ከኔ ጋ ማቆየት አልቻልኩም ።

ጊዜ ሄደ ...

እኔም ሄድኩኝ

ሌላ መስመር ሌላ ኑሮ ሌላ ጠዓም አየሁኝ እሱ
ዘግይቶ ወደ ምፈልገው መንገድ መጣ

ዳር ዳር አለ እንዳልገባኝ ሆንኩኝ እብረን እንድንሆን ጠየቀኝ ..ዋጋሽ ገብቶኛል ወድጄሻለሁ አለኝ ።

አልታበይኩም አልጎረርኩም ሰነፍ ነው ቀድሞ ደርሶ ባረፈደ የሚያሾፈው ። ብስለት የሚለካው የሆነልን ሲመስለን በያዝነው አቋም እና ሁኔታ ነው ።

በትህትና አልችልም አልኩት ።

Timing is every thing ፀሎቴ ውስጥ ህልሜ ውስጥ ቅዠቴ ውስጥ ማሳካት የምፈለገው ውስጥ እምይዘው አቋም ውስጥ እሱ ነበር ። ጊዜ ሁኔታ አጋጣሚ ተደራረበ እና አንዱም ውስጥ ጠፋ !!

ምንም ስላላዋጣ ግዜ ልቤ ውስጥ የተወለደውን ፍቅር አደብዝዞት ነበር ። ልቤ ውስጥ የተከማቸውን ፍቅር ስላልወደደው ፍቅሬን ፊት ነስቼው በግዜ ብዛት ተነነ ።

ብቻ መወደድ ከብዶኝ ስለነበር ሳስታውሰው እረፍት አይሰማኝም ነበር ። እረፍት የሌለው ፍቅር ምኑን ፍቅር ነው ??

ናፍቆኝ ጓጉቼ ሳገኘው አይኑ ለኔ ስሜት አልባ እንደሆነ ስለሚነግረኝ ናፍቆቴ ወደ ድብርት ይቀየራል ።

የሚለኝን ያደረገውን የሆነውን ሁኔታውን ትርጉም አየሰጠው ስቀምር የማድር እንደነበርኩ እኔን ካልሆነ አይገባውም !!

ዛሬ ሁኔታሽ አንቺነትሽ ሁሉ ትርጉም ሰጠኝ አብረን እንሁን አለኝ ። ዘግይቶ ነበር Timing is every thing

እንደማይሆን እያወኩ ፍላጎት እንዳለኝ ምልክት ሰጥቼ አልበድለውም !!

" አልችልም" አልኩት

ቁርጣችንን አልነግር እያሉ እንደሚበድሉን መሆን አልፈለኩም ተፈላጊ የመሆኔን እርሃብ ለማስታገስ ወለም ዘለም እያልኩ አልበድለውም

በትህትና " አልችልም ሌላ የህወት መንገድ ላይ ነኝ " አልኩት ። እየመከርኩ አልተመፃደኩም ። መልካሙን ሁሉ እንዲገጥመው ግን በልቤ ተመኝቼለታለሁ ።

ትክክለኛ ነገር ትክክለኛ የሚያደርገው timing ነው !
timing is every thing እንዲሉ አበው!!
© Adhanom Mitiku

እናቴ ስሟ ጌጤ ነው ። ጉሊት ነበር የምትውለው፤ ሻሜታ ትሸጥ ነበር። ትምርት ከሌለኝ ይዛኝ ትሄድ ነበር። አዘንጣኝ ነበር የምትሄደው እኔ ከሌለሁ ልጄን ይመቱብኛል ብላ ነበር መስርያ ቤቷ የምትወስደኝ ።

መስርያቤቷ አጥር ፣ ጣርያ፣ የለውም። ወለሉን ድንጋይ ረብርባ ከፍ አድርጋዋለች።
ጥግ ላይ የምትቀመጥበት ወደጎን የረዘመ ዱካ ነበራት።

ደግ ናት፤ ፀሃይ ቀጥቅጧት የምታመጣውን ገንዘብ አትሰስትም ። ስትሰራ ውላ ደከመኝ እያለች ስትማረር ሰምቻት አላውቅም።

በየምክንያቱ "ቸርነቴ" እያለች ትጠራኛለች ።

አንገቷ ረጅም ነው ሃብል የሚመስል ንቅሳት አንገቷን አጥለቅልቆታል ። ከፊቷ ፈገግታ አይጠፋም ። ለለማኝ ገንዘብ ሰጥታ ሲመርቋት ሁለት እጇን ዘርግታ "አሜን አሜን" ትላለች። ጥሩ ነገር ከተደረገላት "ግንባርህ አይታጠፍ ...እግዚአብሔር ይስጥህ.....
አትጣ ...ጤና ይስጥህ" ትላለች።

ሰው ትወዳለች ፣ ስራ ትወዳለች ፣ አመስጋኝ ናት ...
የዚች ልጅ ተሁኖ ሰነፍ እና ክፉ መሆን እንዴት ይቻላል ? !
© Adhanom Mitiku

የአንድ አባት ምክር ፦

ሃብታም ነው ብለህ ፣ስልጣን አለው ብለህ ፣ ያሳልፍልኛል ብለህ ፣ ያግዘኛል ብለህ፣ ባለሃብት ነው ብለህ ቀልቡን ለመግዛት የምትሆነውን መሆን በፊቱ ሞገስ ለማግኘት ብለህ የምትሄደውን እርቀት

ለአምላክ ብታደርገው

ታሪክህ ይቀየራል !!
©Adhanom Mitiku

ተሰብሬ አውቃለሁ ሁኔታዬ አይመስልም አይደል ?? ጀርባዬን ሰጥቼ ቆሜ ተገፍቼ አውቃለሁ አወዳደቄን ያከፋው የገፋኝ ሰው ላይ የነበረኝ እምነት ነው !!

እምነቴ ሲናድ ድባቴ መላአካላቴ ውስጥ ተሰራጭቶ ነበር ። ጠዋትም ማታም ስተኛ እና ስነሳ የሚሸኘኝ ድባቴ ነበር ።

ቀን ተጠራቅሞ ድባቴ ሞተ !!

የጣለኝ አይነት ተግባር ሳይ ድባቴዬ ከሞተበት አፈር ልሶ ይነሳል ።

ማን ነበር የሰበረኝ ???

እኛ ማለት ያላወራነው ገመናችን ነን !!

ገመናችን ፍርሃታችን ውስጥ ፣ ብዙ የማናብራራው ሃሳብ ውስጥ፣ አልያ ከምናወራው በተቃራኒ የቆመ ሃቅ ውስጥ ጥቅልል ብለን የተደበቅን ይመስለኛል

ስለ እምነት የሚተነትነው የተካደ ወይ የካደ ይመስለኛል ፣ ስለሃብት የሚተነትነው ገንዘብ ገዢ እንደሆነ በሆነ መንገድ ጀርባውን የገረፈው እውነት ያለው ይመስለኛል ?

ዋጋ ያላስከፈለን ነገር ቢኖረንም በየደቂቃው አናስታውሰውም!!

ሃይለኛ ነኝ ፣ ሃይለኛ ነኝ ፣ ሃይለኛ ነኝ የሚለው ሰነፍ ነው ደካማ ነው ብለው እንዳያጠቁት የሚፈራ የመስለኛል .... :-

እኛ ያላወራነው ወይ ብዙ ግዜ የምናወራው ተቃራኒ ነን እላለሁ ...!

ሰው አዘውትሮ ከሚተነትነው ጉዳይ ጋር ያስተሳሰረው የህይወት ድር አይጠፋውም ሳይፈልገው ምላሱ አይኑ ጆሮው ቀልቡን ይስብበታል ።

ማን ነበር ግን የሰበረኝ ??

የተሰበርንበት ቦታ ፣ ታሪክ ፣ ሁኔታ ፣ አይነት ይለያያል እንጂ ማን አለ ያልተሰበረ?!
©Adhanom Mitiku

☕
ከውድቀታችሁ ጋር ለማያብሩ ፣አሳልፈው ለማይሰጧችሁ ፣ በሌላችሁበት ለሚከራከሩላችሁ ፣ ስትደክሙ ሊያጠነክሯቹ ለሚታትሩት

ችርስ ለነርሱ 🙏

ጥሩ ነገር ሲያገኙ ለሚያጋሯችሁ ፣ ስታጠፉ ለማይስቁላችሁ፣ ለሚፀልዩላችሁ፣  የማትወዱትን ነገር ሆነ ብለው ለማያስታውሷችሁ፣ መውደዳቸው ምላሳቸው ላይ ብቻ ለሌለ ቅን ሰዎች

ችርስ ለነርሱ  🍷🍷
ኑሩልን ❤

"ትንሽ ቦታ"

ስሜታዊ ሆኖ ለተናገረን ፣ ሊረዳን ፈልጎ ለሳተ ፣ ኑሮ አስክሮት ለገፋን ፣ ንዴት ገፍቶት ላጠፋ ፣ ግዜ አጣሁ ብሎ ላልጎበኘን ፣ ስናሸንፍ ላላጨበጨበ፣ ስንወድቅ ላላነሳን ፣ ስናስብለት ላልተረዳን ፣ ማደጋችንን ላላየ ፦

"ትንሽ ቦታ ለይቅርታ" አኑረናል

አማረልን ብለን ላሳዘንን ፣ አጉል ተስፋ ለሰጠነው ፣ ውድቀት ላይ ለሳቅነው ፣ ብልግናን ላጎላናው ፣ ድድብናን ላነፈስነው ፣ ማድረግ ችለን ላላደረግነው ፣ ችለን ለተጣመምነው ።

ለራሳችን ይቅርታ አደርገናል...

ቺርስ ለአዲስ ዘመን
ቺርስ ለተስፋችን
ቺርስ❤🙏.
©Adhanom Mitiku

ኤደን ደማቅ ጥቁር ነች ። የጥርሷ እና የአይኗ ንጣት ጥቁረቷን ያጎለዋል ። ልበ ደንዳና የምትባል አይነት ነች ። አወራሯ ፣ አደናነቋ ፣ አገራረሞ የእናት ነው።

ተንከባካቢ ነች ።አባቷ ስድስት ኪሎ university ያስተምራል ፤ ምስጉን የታሪክ ፕሮፌሰር ነው ።

መጀመርያ አካባቢ ሁኔታዬን እያየች የግርምት ፈገግታ የፈገገች ይመስለኝ ነበር ( አሁን ፈርዶብኝ እንጂ ፈገግታን መመርመር ነበረብኝ? )

ኤደንን አወቅኳት ፤ ሳውቃት አመንኳት ፤ እሷ ጋ ነፃ ሆንኩ ። ድሮ እናቴ ጋ ስሆን የሚሰማኝ 'security' ይሰማኛል።

ኤዱ ጥያቄ መጠየቅ ትወዳለች ።

ስለራሴ ተጠይቄ የማላውቀውን ፣ አስቤው የማላውቀውን ፣ ደጋግሜ ያሰብኩትን ነገር በፍቅር ትጠይቀኛለች

ለራሴ እንደማወራ ሆኜ ሳልጠነቀቅ ፣ ሳልሰጋ አጫውታታለሁ ። ትሰማኛለች አሰማሟ ርህራዬ አለው ። ሳወራ በትኩረት እንደ ተከታታይ ፊልም አይኗን ፣ ጆሮዋን ሰጥታ ትከታተለኛለች ።

ከራሴ ጋ እተዋወቅ ጀመር ። ገጠመኝ ያልኩትን 'incident' ጠቅላላ ስቶሪ አደረገችልኝ ። ሳወራት ቀለል ይለኛል ።

"መንገደኛው ሁሉ ይወቅኝ አልልም ። ልቤ ውስጥ ያለውን እውነት በእኔ ልክ ሁሉም ጋ ይስረፅ አልልም ። እንከን አልባ ለመሆን አልሞክርም"ያለቺኝ ቀን ያለቺው እውነት እንደነበር ኑሮዋን ሳጤነው ደረስኩበት

ታድላ አልኩ !

ሁኔታዋ ከሰዎች ጋ ያላት መቀራረብ ሰላማዊ ነው ። ራሷን በየቦታው አታስረዳም ። ስለ'ኔ ሳወራ እኔም እኔም እያለች እንደ'ኔ ጨዋታ አታደፈርስም ።

የሆነ ሰው ቱግ ሲል ፣ በተገቢው "treat" ካላደረጋት በእርጋታ ታስረዳለች ፤ አልያ ታልፈዋለች አባቴ "ሰነፍ ነው ለአፀፋ የሚቸኩለው ይላል" ትላለች ።

የሆነ ቀን እያወራን
"ከሁሉም ነገር ጋ ራስን ማገናኘት ፤ በሁሉም ቦታ ራስን ለማስከበር መሞከር ፤ ሁሉም ሰው ቀልቡን ይስጠኝ አይባልም" አለችኝ። አባባሏ እንደምክር አይደለም ቀለል አድርጋ ነው። በጊዜው ያስፈልገኝ ነበር ፤ የወረወረቺው ሃሳብ ሳልከራከር ፣ ሳላብራራ ዋጥኩት

ራሴን በእርጋታ እንዳጤነው ፍርሃት እና ስጋቴን እንዳየው አደረገችኝ ።

ትላፋኛለች ፣ ትስመኛለች ፣ ታደምጠኛለች ። ቅሬታዬን ስነግራት "ትክክል ነው ግን እስቲ እንደዚህስ ሊሆን አይችልም?" ትላለች ።

ከብዙ አቅጣጫ ሁኔታውን ታሳየኛለች ። ስናደድ ፣ ሲደብረኝ በጥሞና ሁኔታዬን ማኔጅ ማድረግ አለመደችኝ ።

ቅር ያለኝን ነገር ተረጋግቼ እንድናገር ፤ ምንም አይነት ኮተት ሃሳብ አልጋ ላይ ይዤ እንዳልሄድ ሁሉንም ነገር በ "serious" እንዳልወስደው በኑሮዋ አስተማረችኝ

Don Miguel Ruiz የፃፈውን The Four Agreements"
Mark Manson የፃፈውን The Subtle Art of Not Giving a F*ck" Eric Ries የፃፈውን "The Lean Startup"
የአቡነ ሺኖዳን የነፍስ አርነት Daniel Goleman የፃፈውን "Emotional Intelligence" ብዙ መፅሃፎችን በቁምነገር እየተከታተለች አስነቡችኝ

እሷ ኑሮዋ ፣ ፍቅሯ ያስነበበችኝ መፅሃፎች

አዳኑኝ !

ጎበዝ አስተማሪ ነበረች ፣ ጎበዝ ተማሪ ነበርኩ እና
ዳንኩ !
መፈለግ እና መትጋት የማያበጀው ነገር የለም !!

© Adhanom Mitiku

በጨረፍታ የተሰማ ፀሎት

አምላኬ ሆይ፦ ፀሃይ ከመንገድ ወጥቼ
ይቀጥቅጠኝ ፤ዶፍ ዝናብ መጠለያ አጥቼ ይደብድበኝ ፤ የታክሲ ሰልፍ ያማረኝ ፤ የቀጠርኳት እንስት ቀርታብኝ ሰፈሯ ሄጄ ልንጎራደድ ይሄ ሁሉ እንዲሆንብኝ ከዚ አልጋ ብቻ አላቀኝ እንደሰው ልራመድ 🙏
.
.
የብዙ ሰው ምሬት ላንዳንዱ የሰርክ ፀሎቱ ነው።

©Adhanom Mitiku

ተሳካላት አሉኝ እየተሳቀቁ እማዝን መስሏቸው ..

.....ስስቅ ገረማቸው

ተያቸው !!

ስኬትሽ .....

አብረን የወጠነው ፣አብረን ያወጣነው፣ አብረን ያወረድነው ፤ ፀሎቴም መሆኑ ስላልገባቸው ነው !!!
@adhanom mitiku

Life is a beautiful lie💔

ድሮ... ቆንጆ ስለሆነች ብቻ ነበር የወደድኳት ። ስቀርባት አራዳ ናት! አንድ ቀን በፀሃይ ተገናኝተን ስንቃደድ፥ ስንጫወት አስተናጋጇ መጥታ ይቅርታ ልወጣ ነው ሂሳብ አለችን ...

ፈረቃዋን ጨርሳ ልትሄድ መስሎን ነበር፤ ለካ መሽቶ ሊዘጋ ነው። የምንወደው ሰው እንደኛው መለክያ ስናገኘው ሰዓቱ አልመጎተቱ ነው አይደል?

ያልተመቸን ቦታ ሁሉ ሰዓቱ አይበርም!!
ተፈጥሮ እንደ ምላስ We had an amazing time!! ብሎ አይዋሽም!!

ስቀርባት መልኳን ትበልጠዋለች ...!

ከሚሰማት 'ርቃ አታስመስልም፤ ጥላቻ አያሳድዳትም ፣ የበታቾቿ ላይ አትቀማጠልም። የወደቀ ላይ አትንጠራራም... ደስታዋ ቁስ ላይ አልተንጠለጠለም...።

ትወጂኛለሽ እላታለሁ...?

አስከሰማይ ነው የምወድህ ትላለች...አንገቴ ስር እየተወሸቀች። አወዳደዷ ስር አለው...ድንገት ተገንብሮ ውድቅ ሊል ይችላል የሚባል አይነት አይደለም።

እዚህ ጋ...መዋደድ ባይኖር መኖር ይሰለቻል ብለን መኖርን እናበሽቀዋለን!!
© Adhanom Mitiku

ከእንቅልፌ ስነቃ ደሞ ነጋ ብዬ አውቃለሁ ። አስር ብር ወድቆብኝ የማንሳት አቅም አጥቼ ከዛፍ እንደወደቀች ቅጠል ቸል ብያት አውቃለሁ ።

አይኔን እያዩ ሲያሳንሱኝ ሳይደብረኝም ደስ ሳይለኝም ቀርቶ ያውቃል ..... እየተሰደቡ ስሜት አልባ ፊት ማሳየት እንዴት ተቻለኝ... አልኩኝ

የሆነ ቀነ እንደዋዛ ኑሮዬ ላይ ገባች .... አለባበሷን በደንብ ስመለከት ውበቷ ሲታየኝ ባወራችው ጎረምሳ ስቀና እሷን ለማግኘት ቶሎ ቶሎ የሚያድገውን ፂሜን ስቆረጥ ለሁለት ብር ከረዳት ጋ ስጨቃጨቅ ...

ያላመነቺኝ ሲመስለኝ ስምል ...አልገባኝም ደግመሽ አብራሪልኝ ስላት

"ዛሬም አታገኘኝም እንዴ ?" ስትለኝ ቀጠሮ ስሰርዝ ...ፖለቲካው ኢኮኖሚው ተጭኖኝ ችላ ስለው
.
.
ለደበረው ሰው አዚ ጋ አንድ ፍቅር አምጣለት ማለት ስከጅል

ምን አልኩ መሰለሽ .....
'ባልወድሽ ኖሮ ድብርትን አልችለውም ነበር '
©Adhanom Mitiku

እናቴ ሁሌ ነበር አግቢ የምትለኝ ፣ በተረት ፣በታሪክ በሃዘን አስታካ ስለ ትዳር ነበር የምትወተውተኝ ። በመወትወት ከማይሆነው ነገር ውስጥ አንደኛው ትዳር ነው ።

ውትወታዋ በቶሎ ፍሬ አላፈራም ። ውትወታዋ ስለሚያስጨንቀኝ ክፍት ያለ ፊት ሳሳያት ጨዋታ ትቀይራለች ።

አብሪያት ሳድር ፀሎቷ ውስጥ በየቦታው አለሁ ።

ሰመረልኝ እና ....!

" እናቴ ላገባ ነው የምወደዉ ልጅ አግኝቻለሁ መስመር እስኪይዝ ነው ያላጫወትኩሽ"

"ምን አልሺኝ ?"ብላ ብድግ አለች

እጮኛዬ ሽማግሌ ሊልክ ነው አልኳት።

እምባዋ ቃላቷን ቀደመው !

ጥሩ ሰው ነው ?? ትዋደዳላቹ ??

"አዎ" አልኳት በፈገግታ ሌላ አልጠየቀችኝም ።

አገላብጣ ሳመቺኝ ። ደስታዋ ወደር አልነበረውም ።
አንጋጣ ተመስገን አለች ።

ደስታዋ አንጀቴን በላኝ ። እናት ከሃዘናችን በላይ ደስታችን ያስለቅሳታል ። የልጅ ሃዘን ለእናት እምባ አይደለም ስብራት ነው !!

መሰበር የምንፈራው ለሚወዱን ሰዎች ብለንም ነው ። እኛ እኮ የኛ ብቻ አይደለንም !!
© Adhanom Mitiku

ሙስሊም ነው ። ለአላህ የሚታመን ሙስሊም ።

ለአላህ የሚገዛ'ው አላህ የማይወደውን ባላማድግ ነው ። አላህ የማይወደው ተደረገ ብሎ በስድብ ዘብ ሲቆም፣ ሲጣላ አይቼው አላውቅም ።

ሱሪው ያሳጥራል ፣ፂሙ እጅብ ያለ ነው ። ፈገግታው ፈራጅ እንዳልሆነ ምስክር ነው ። ሃጥያቴን ስነግረው አንዱን እንኳን ሳልቀንስ ነው ፣ እያዘነ ነው የሚሰማኝ ፣ "አይዞሽ ዱኣ አደርግልሻለሁ ወላሂ !! " ይላል

እረጋ አባባሉን እወደዋለሁ !! ሲራመድ አረማመዱ ጥድፊያ የለውም ። እሚያቀውን ሲናገር መታበይ የለበትም።

ፊቱ ላይ ፈገግታ አይጠፋም ።

ደስ ይላል ። ማንም ፊት የማላደርገውን እሱ ፊት አደርጋለሁ ለማንም የማልነገረውን ለሱ እነግራለሁ።

ለአላህ ታማኝ ነው !

ምግባሩ ፣መንገዱ ፣ ወሬው ምስክር ነው !!
ለኣምላኩ ታማኝ እንደሚሆን ቅዱስ የለም ፣ ደብቆ እንደሚሰጥ ቅዱስ የለም ፣ የሰው ሃጥያት እያዘነ አንደሚሰማ ቅዱስ የለም ።

ሳገኘው እረፍት ይሰማኛል !!

ያልጠበቀውን ትንሽ መልካም ነገር ሳደርግለት ፊቱ ላይ ደስታ ይጥለቀለቃል ። አይኑ እምባ ሙልት ይላል በደስታ ወላሂ አመሰግናለሁ ይላል

ወዳጅነት ያውቃል ፣ ጨዋታ ይችላል ፣ ሰው ነው !!

ወላሂ እወድሃለሁ እለዋለሁ !!
©Adhanom Mitiku

ስለማልችል ነው ....

ክብሬን እየተነካ መሳቅ ፤ መቀራረብን ለማሳየት ለበጣ እና ስድብ አልታገስም ።

የሆነ የስራ እድል አለ ብዬ ፣ የሆነ ጥቅም ስለሚገኝ የሆነ ትልቅ ደረጃ ያለ ሰው ስለሆነ ብዬ በማልወደው መንገድ ሲያወራኝ ደስ እንዳለኝ መሆን አልችልም ።

የሆነ ሰው ደስ እንዲለው ብዬ የማላምንበት ጉዳይ እንዳመንኩ ሆኜ ስተውን መዋል አልችልም ፤ ፋራ ላለመባል አራዳ ለመምሰል ያውቃል እንድባል በሰው የጣዕም ልኬት ስንሸራሸር መዋል አልችልም !!

በነገ ተስፋ መቁረጥ ፣ለማደግ አለመጣር የተሻለ አለመመኘት ፣ለመማር ዝግጁ አለመሆን አልችለም!!

ባለኝ አለመደሰት አመስጋኝ አለመሆን ፤እሚወዱኝን ጨዋ ሰዎች አለመውደድ አልችልም !!

ራሱን ከማያከብር ጋ እይታዬን ከማያከብር ጋ መወዳጀት አልችልም !!

አንዳንድ አለመቻሎች ደስስስ ይላሉ ❤

© Adhanom Mitiku