የሠራተኛ ድምፅ Voice of Workers

https://t.me/voiceofworkers2013cetu

የኮርፖሬሽኑ የሠራኞች ስፖርት ቡድን የበጋ ስፖርት ውድድሩን በድል ጀመረ
--------
ታህሳስ 27 2017 (ኢኮስኮ)
የኢትዮጵያ ሠራተኞች ማህበራት ኮንፌደሬሽን ባሰናዳው የ2017 ዓ.ም የበጋ ስፖርት ውድድር የኢትዮጵያ ኮንስትራክሽን ሥራዎች ኮርፖሬሽን(ኢኮስኮ) የሠራተኞች  የስፖርት ቡድን በመክፈቻው  ዕለት  በ200 ሜትር ሴቶች እና በ400 ሜትር ወንዶች የሩጫ ውድድር በሁለቱም ፆታዎች ከአንድ እስከ ሦስት ተከታትለው በመግባት የሜዳሊያ አሸናፊ ሆነዋል፡፡

በተጨማሪም ከ20 ተቋማት በላይ በሚሳተፉበት በዚህ ውድድር  የመክፈቻ ፕሮግራሙን በማድመቅ ለተከታታይ ሁለት ዓመት የዋንጫ ተሸላሚ ሆኗል፡፡

ውድድሩ ጠንካራ፣ ጤናማና አምራች ዜጋን የመፍጠር፣ በሰራተኞች መካከል መልካም ግንኙነትን የማጎልበት  ዓላማን ያነገበ ስለመሆኑም ነው የኢኮስኮ መሠረታዊ ሠራተኛ ማህበር ፕሬዚዳንት አቶ  አንተነህ ሙሉቀን የገለፁት። 

የኮርፖሬሽኑ የሠራተኞች  የስፖርት ቡድን በስምንት የውድድር ዓይነቶች የሚሳተፍ ይሆናል።

https://t.me/voiceofworkers2013cetu

የኢሠማኮ ፕሬዝዳንት አቶ ካሳሁን ፎሎ በበዓሉ የመክፈቻ ንግግራቸው መሰል ዝግጅቶችን ከማዘጋጀት ጋር ተያይዞ ያለውን ከፍተኛ ወጪ እና የስፖንሰርሺፕ አስፈላጊነት ላይ አፅንዖት ሰጥተዋል።ኢሠማኮ አዳዲስ ቅርንጫፎችን በተለያዩ አካባቢዎች እየከፈተ እንደመሆኑ ውድድሮችን በማዘጋጀት ስፖርታዊ እንቅስቃሴዎችን በክልል ደረጃ ለማስፋፋት ያለውን እቅድም አብራርተዋል። "ኢሠማኮ የሠራተኞችን ጤና እና ምርታማነት በስፖርት ለማላቅ ቁርጠኛ ነው" በማለት ከድርጅቶች፣ከሠራተኛ ማኅበራት እና ስፖንሰሮች የበለጠ ትብብር እና ድጋፍ እንዲደረግ ጥሪ አቅርበዋል.
በመክፈቻው በተደረገው የኢትዮጵያ የክፍያ መንገዶች ኢንተርፕራይዝ እና የኢሰት አፍሪካ ቦትሊንግ ኩባንያ (ኮካ ኮላ) የእግር ኳስ ጨዋታ በኢትዮጵያ የክፍያ መንገዶች ኢንተርፕራይዝ 5-1 በሆነ ሰፊ ውጤት ተጠናቋል።
በአትሌቲክስ፡
• በሴቶች 200 ሜትር፡-
o አሸናፊ፡ ፋሲካ ሞላ
o ሁለተኛ፡ ኤደን ሰላሙ
o ሶስተኛ ደረጃን፡ ወይንሽየት አዱኛ (ሁሉም የኢትዮጵያ ኮንስትራክሽን ሥራዎች ኮርፖሬሽንን ወክለው የመጡ ናቸው)ይዘው ሲያጠናቅቁ፤
• በወንዶች 400 ሜትር፡
o አሸናፊ፡ መስፍን መርዕድ
o ሁለተኛ፡ ጌታቸው ተፈሪ
o ሶስተኛ ደረጃን፡ ሰንቡ ወጋሪ
(ሁሉም የኢትዮጵያ ኮንስትራክሽን ሥራዎች ኮርፖሬሽንን ወክለው የተወዳደሩ ናቸው) ይዘው አጠናቀዋል፡፡
በገመድ ጉተታ፡
• በሴቶች ምድብ፡ ብራና ማተሚያ ድርጅት ሻምፒዮን ሆኖ ወጣ።
• በወንዶች ምድብ፡ የኢትዮጵያ ክፍያ መንገዶች ኢንተርፕራይዝ አሸናፊ ሆነዋል።
አዝናኝ በነበረው በባህላዊው የማሰሮ ሰበራ ውድድር በወንዶች፤
o አሸናፊ፡- አቶ ባለህልኝ ዘውዱ
o ሁለተኛ፡- አቶ አያሌ አህመድ
o ሦስተኛውን ቦታ፡- አቶ ዘገየ ኃይለሥላሴ ይዘው ሲያጠናቅቁ፣
• በሴቶች በተደረገ የማሰሮ ሰበራ ፡-
o አሸናፊ፡ ወ/ሮ ሰአዳ ሀሰን
o ሁለተኛ፡- ወ/ሮ ሂሩት ቀለመወርቅ
o ሶስተኛ ደረጃን፡- ወ/ሮ ሙሉ ረዲ በመያዝ አሸንፈዋል፡፡
ሻምፒዮናው ከተለያዩ ሴክተሮች የተውጣጡ ሠራተኞችን መሰብሰቡ ይህም የኢሠማኮን አንድነትን፣ ሰላምን እና ውጤታማ የሰው ኃይልን ለማፍራት ያለውን ተልዕኮ ያሳያል። መክፈቻው የተወዳዳሪነት ተሰጥኦዎችን ብቻ ሳይሆን በኢትዮጵያ ሠራተኞች መካከል ያለውን የትብብር መንፈስም አሳይተዋል።
ኢሠማኮ ስፖርትን ለሠራተኛ ጤና እና ተሳትፎ መሳሪያ አድርጎ ለማስተዋወቅ የሚያደርገው ጥረት በሰው ኃይሉ ውስጥ ተስፋ እና ጽናትን ማነሳሳቱን ቀጥሏል፣የዚህ አመት ሻምፒዮናም ለዚህ ቁርጠኝነት ማረጋገጫ ሆኖ ያገለግላል።
https://t.me/voiceofworkers2013cetu

ሠራተኞች ያንጸባረቁበት የ2017 የበጋ ወራት ስፖርት ሻምፒዮና በይፋ ተጀመረ
በኢትዮጵያ ሠራተኞች ማኅበራት ኮንፌዴሬሽን (ኢሠማኮ) በየዓመቱ የሚዘጋጀው የ2017 ዓ.ም. የሠራተኞች የበጋ ወራት ስፖርት ሻምፒዮና ባሳለፍነው እሑድ ታህሳስ 27 ቀን በኢትዮጵያ ስፖርት አካዳሚ በይፋ ተጀምሯል። “የሠራተኛው ስፖርት ለሠላም፣ ለጤንነት እና ለምርታማነት” በሚል መሪ ቃል የተካሄደው የዘንድሮው ሻምፒዮና በተለያዩ ድርጅቶች ውስጥ የሚገኙ ከ30 የሚበልጡ የሠራተኛ ማኅበራት ክለብ ቡድኖችን አሰባስቦ በታላቅ ስነ-ስርዓት መክፈቻውን አድርጓል።

የትራንስፖርትና መገናኛ ኢንዱስትሪ ፌዴሬሽን 48ኛ የምክር ቤት እና 13ኛ የጠቅላላ ጉባኤ ስብሰባውን አካሄደ
የትራንስፖርትና መገናኛ ሠራተኞች ማኅበራት ኢንዱስትሪ ፌዴሬሽን 48ኛ መደበኛ የምክር ቤት ስብሰባውን ሕዳር 11 ቀን 2017 ዓ.ም 13ኛ መደበኛ ጠቅላላ ጉባኤውን ደግሞ ሕዳር 12 ቀን 2017 ዓ.ም 11ኛ ፎቅ በሚገኘው የኢሠማኮ የመሰብሰቢያ አዳራሽ አካሄደ፡፡
የኢትዮጵያ ሠራተኛ ማኅበራት ኮንፌዴሬሽን ፕሬዝዳንት አቶ ካሳሁን ፎሎ ባደረጉት የመክፈቻ ንግግር ኢሠማኮ የሠራተኛውን ወቅታዊ ችግሮች በመለየት የሚመለከታቸው አካላት እንዲያውቁት ከማድረግ ጀምሮ ስትራቴጂካዊ እቅድ በማውጣት ጥያቄዎቹ ትኩረት እንዲያገኙና አገራዊ አጀንዳ እንዲሆኑ የመገናኛ ብዙሃንን በመጠቀም አጥጋቢ የሚባል ሥራ እየሠራ መሆኑን ተናግረዋል፡፡ አያይዘውም ከባላፈው ዓመት ጀምሮ በኢሠማኮ በኩል ጠንከር ተደርገው በተደጋጋሚ የተነሱት የዝቅተኛ ደመወዝ ወለል በአፋጣኝ ይወሰንና ከሠራተኛው ደሞዝ የሚቆረጠው ግብር ማሻሻያ እንዲደረግበት የቀረበው ጥያቄ ምላሽ ሳያገኝ መንግሥት የማክሮ ኢኮኖሚ ማሻሻያ ማድረጉን ተከትሎ የኑሮ ውድነቱን ይበልጥ ያባባሰው በመሆኑ ሠራተኛው ካለበት የኑሮ ጫና አንጻር ምላሽ የሚያስፈልጉት ጥያቄዎቹ እስኪመለሱ ድረስ መድረኩ የፈጠረላቸውን አጋጣሚ ሁሉ ከማንሳት የማይቆጠቡ መሆኑን ገልጸው፤ የም/ቤቱ አባላትም የበኩላቸውን ኃላፊነት እንዲወጡ ሲሉ ጠይቀዋል፡፡

የትራንስፖርትና መገናኛ ሠራተኞች ማኅበራት ኢንዱስትሪ ፌዴሬሽን ፕሬዚዳንት አቶ አባትሁን ታከለ ባቀረቡት የሥራ አስፈጻሚ የሥራ አፈጻጸም ሪፖርት በሀገራችን ባለው የፀጥታ ችግር ምክንያት በሠራተኞችን በማኅበር የማደራጀት፣ የሥራ ላይ ጉብኝት፣ለማኅበራት ክትትልና ድጋፍ ለማድረግ ፌዴሬሽኑ ባቀደው ልክ ለመከወን ባይችልም የኢንዱስትሪ ግጭቶችን በውይይት ለመፍታት፣ ያልተፈቱትን ለፍትህ አካል በማቅረብ እና ለማኅበር አመራሮች ስልጠና በመስጠት በኩል የተሻለ ሥራ መሠራቱን ገልጸዋል፡፡
ከዚሁ ጋር ተያይዞ የፌዴሬሽኑ ፕሬዚዳንት አቶ አባትሁን ታከለ ለሚቀጥሉት አምስት ዓመታት የዓለም ትራንስፖርት የአፍሪካ ቀጠና ቀጠና የመንገድ ትራንስፖርት ዘርፍ ምክትል ፕሬዝዳንት ሆነው መመረጣቸውና ይህም በሀገርና በፌዴሬሽን ደረጃ ትልቅ አስተዋፅዖ እንዲያበረክቱ የሚያስችላቸው መሆኑ ተገልጿል፡፡
የዚህን ዜና ዝርዝር በሠራተኛው ድምፅ የቴሌግራም ቻናለችን ይዘን የምንመጣ ይሆናል፡፡
https://t.me/voiceofworkers2013cetu

ጥቅምት 26 ቀን 2017 ዓ.ም. በተቋሙ የመሰብሰቢያ አዳራሽ ከኮንፌዴሬሽኑ ሠራተኞቹ ጋር በተደረገ ውይይት አቶ ደሪብሳ ለገሰ የኢሠማኮ የኢንዱስትሪ ግንኙነትና ማኅበራት ማደራጃ ም/ፕሬዝዳንት ላይ እንደተናገሩት በመዋቅራዊው ማሻሻያ ልክ በተዘጋጁ የሥራ መደቦች አዲስ የሠራተኞች ድልድል መካሄዱንና ሠራተኞቹም ከኅዳር 1 ቀን 2017 ዓ.ም. ጀምረው በየተመደቡበት የሥራ ዘርፍ ሥራቸውን እንደሚጀምሩ ገልጸዋል፡፡የተሻሻለው የኮንፌዴሬሽኑ መዋቅር ከሁለት አስርት ዓመታት በላይ ያስቆጠረ እንደነበር ያስታወሱት አቶ ድሪብሳ ከጊዜው ጋር ለመራመድና ዘመኑን የዋጀ ቁመና እንዲኖረው ለማስቻል መሻሻል እንደሚገባው ታምኖበት ድርጅታዊ ለውጥ መደረጉን ተናግረዋል፡፡ ይህ የመዋቅር ለውጥ ሲደረግ ሁሉም አልጋ ባልጋ እንዳልነበርና የራሱ ተግዳሮቶች እንደነበሩበት፣ነገር ግን እነዚህን ተቋቁሞ የተቋሙን ዘላቂ ለውጥ በሚያስጠብቅ መልኩ መሠራቱን አብራርተዋል፡፡ ይህን ተከትሎ የኮንፌዴሬሽኑን ተደራሽነት ታሳቢ ባደረገ መልኩ የሠራተኞች ምደባ መደረጉንም ጨምረው ገልጸዋል፡፡ ይህ የመዋቅር ማሻሻያ በተለይ ሠራተኞች በተከማቹባቸው ቦታዎች ተደራሽ ሆኖ ለመገኘትና ፍላጎቶቻቸውን መሰረት ያደረገ አገልግሎት ለመስጠት አስቻይ መሆኑ እንደታመነበት አብራርተዋል፡፡
ኢሠማኮ አሁን የደረሰበት ቦታ ያደረሱት የተቋሙ ሠራተኞች መሆናቸውን ያነሱት አቶ ድሪብሳ ተቋሙ የሚመሩት የአመራር አካላት የምርጫ ጊዜያቸው እንከፈቀደላቸው ብቻ የሚያገለግሉ መሆናቸውን ጠቅሰዋል፡፡ በመሆኑም ሠራተኛው እስካሁን ይዞት የመጣውን ይህን ተቋም ለማሸጋገር የሚያስችል ስሜት ይዞ በብቃትና በውጤታማት ለመሥራት ጥረት ማድረግ እንደሚገባው አስረድተዋል፡፡
አንዳንዴ ለውጥ ሲባል በሀሳብና በምኞት ብቻ ሳይሆን ጠንካራ ጎኖችን በማሳደግና ደካማ ጎኖችን ለማስቀረት ጥረት በማድረግ መሆን ይገባል ያሉት ም/ፕሬዝዳንቱ ለውጤታማነት የሚረዱ ተብለው የሚታሰቡ እቅዶችን ካለው ተጨባጭ የሰው ሀይልና ጊዜን በማቀናጀት መሥራት እንደሚገባ፣በሥራ ቦታ ላይ የሚታዩ ክፍተቶችን በማጥበብ የተሳካ ሥራ ለማከናወን በሠራተኞች መካከል እርስ በእርስ የመማማርና የመተራረም ልምድ ሊዳብር እንደሚገባ በማመልከት የተቋሙ መለወጥ የሠራተኛውም ጭምር መለወጥ መሆኑን በማሰብ ሁሉም ከሥራ አስፈጻሚው ጋር በመሆን የተሻለ ሥራ በመሥራት ስኬትን ለማምጣት መጣር ያስፈልጋል፡፡
አቶ ድሪብሳ በሥራ ቦታ ላይ የሚታዩ የተለያዩ ግድፈቶች በተለይ የሥራ ሰዓት አክብሮ በሥራ ገበታ መገኘት ላይ ትኩረት ሊደረግ እንደሚገባ አንስተው፣ ከምንም በላይ ሠራተኛው ሥራው ተቆጣጣሪው እንደሆነ አስቦ የሚጠበቅበትን ውጤት ለማግኘት እንዲችል ሌላ ተቆጣጣሪ ሳያስፈልገው ሊሠራ ይገባዋል ብለዋል፡፡ ሠራተኞች በሥራ ላይ የሚኖራቸውን ቆይታ ፍሬያማና መልካም በማድረግ ተቋሙንም ራሳቸውንም ለመጥቀም ቁርጠኛ መሆን አለባችሁ በማለት አደራ ብለዋል፡፡ በተጨማሪም ሁሉም ሠራተኛ የባለቤትነት ስሜት በውስጡ ሊያሰርጽና ለውጤታማነት ሊተጋ ይገባዋል ሲሉ አጽንኦት ሰጥተው መክረዋል፡፡
መዋቅሩ ከተሠራ በኋላ ባለው የሠራተኞች ድልድል ላይ ቅሬታ ያላቸው ሠራተኞች በተቀመጠው የቅሬታ ማቅረቢያ ስርዓት መሰረት ቅሬታቸውን እንዳቀረቡና ይህም በአግባቡና አስተዳደራዊ በሆነ መልኩ እንደሚታይ አስረድተዋል፡፡
የአስተዳደርና ፋይናንስ ም/ፕሬዝዳንት የሆኑት አቶ አብዱልሀኪም ሙሰማ በበኩላቸው በተቋሙ ውስጥ የሚሠሩ ሠራተኞች በሥራቸው ደስተኛ እንዲሆኑና ኑሯቸውም እንዲሻሻል ኮንፌዴሬሽኑ ያደረገውን ጥረት አድንቀው በመዋቅሩ ማሻሻያ መሰረት በተከፈተው የሥራ መደብ ከነበሩበት ወደ አዲስ ምደባ የተዛወሩ ሠራተኞች ለሥራው ብቁ ሆነው እንዲገኙ አስፈላጊውን ስልጠና እንዲያገኙ እንደሚደረግ ተናግረዋል፡፡ አቶ አብዱልሀኪም ሙሰማ ሠራተኞች ሁልጊዜም በተመደቡበት ቦታ በኃላፊነት ስሜት ለሥራው ውጤታማነት የሚፈለገውን ሙያዊ ስነ-ምግባርና ደንብ በመጠበቅ ሊሠራ እንደሚገባ ተናግረዋል፡፡ ይህን ተቋም እዚህ በማድረስ ረገድ የሠራተኛው በቁርጠኝነት መሥራት በዋናነት የሚጠቀስ መሆኑን አንስተው በቀጣይም በባለቤትነት መንፈስ መሥራት እንደሚገባ አሳስበዋል፡፡
በውይይቱ ላይ የነበሩ ሠራተኞች አስተያየታቸውን ያቀረቡ ሲሆን፤ከነዚህም መካከል በተደረገው የሥራ ድልድልና የደሞዝ ጭማሪ የተሰማቸውን ደስታ የገለጹ ይገኙበታል፡፡ በተጨማሪም ሠራተኞች በሥራ ቦታቸው ላይ አቅማቸውን አሳድገው በውጤታማነት ለመሥራት እንዲችሉ አስፈላጊው ስልጠናና አቅማቸውን አውጥተው እንዲጠቀሙ የሚያደርግ ሥራ ሊሰጣቸው እንደሚገባ አንስተዋል፡፡
https://t.me/voiceofworkers2013cetu

በኢትዮጵያ ሠራተኛ ማኅበራት ኮንፌዴሬሽን (ኢሠማኮ) ከኅዳር 1 ቀን ጀምሮ አዲስ የሥራ ድልድል ተግባራዊ እንደሚደረግ ተገለጸ
የኢትዮጵያ ሠራተኛ ማኅበራት ኮንፌዴሬሽን (ኢሠማኮ) ያደረገውን መዋቅራዊ ለውጥ ተከትሎ በባለሙያ ባስጠናው አዲስ የሥራ መደብና የሥራ ዝርዝር መሰረት ሠራተኞቹን ከኅዳር 1 ቀን 2017 ጀምሮ ተግባራዊ እንደሚያደርግ አስታወቀ።

በውይይቱ መክፈቻ ላይ ንግግር ያደረጉት የኢሠማኮ ምክትል ፕሬዝዳንት አቶ ድሪብሳ ለገሰ በአሁኑ ወቅት በሀገራችን ያለው የሥራ አጥነት መጠን ወደ 27 በመቶ አካባቢ ሲሆን ይህ ቁጥር በከተሞች ላይ ደግሞ ከፍተኛ ነው ብለዋል፡፡ ለችግሩ የመፍትሔ አቅጠጫ ለመጠቆም ኢሠማኮ እና የአለም ሥራ ድርጅት(ILO) በመተባበር ይህ የፖሊሲ ጥናት ረቂቅ ፅሁፍ መዘጋጀቱን ገልጸው፤ ረቂቅ የፖሊሲ ጥናቱ በሥራ ላይ ያሉ ወጣቶች በሠራተኛ ማህበራት ውስጥ ያላቸው ተሳትፎ እንዲያድግ እና ወጣቶች ላይ ያተኮሩ የሠራተኛ ፖሊሲዎችን ከፍ ለማድረግ ያለመ ብለዋል፡፡ በቀጥታ ጉዳዩ ከሚመለከታቸው አካላት መረጃ ተወስዶ የተሠራው የዚህ ጥናት ውጤት ኢሠማኮ የወጣቶችን ልማትና ኢኮኖሚያዊ አቅምን ለማበረታታት፣የወጣቶችን የስራ የማግኘት እድል መፍትሔ ለመጠቆም እና በሥራ ላይ ያሉ ወጣቶች በማኅበራት ውስጥ የሚኖራቸው ተሳትፎ እንዲጎለብት ስትራቴጂዎችን ለመቅረጽ እንደ መመሪያ ሰነድ ሆኖ የሚያገለግል ነው ብለዋል።
ለውይይት በቀረበው ረቂቅ የፖሊሲ ጥናት ላይ ተመስርቶ በቀረበው ምክረ ሃሳብ፤ የወጣቶችን በማኅበር የመደራጀት ምጣኔ ማጠናከር እና በወጣቶች የስራ እድል ፈጠራ ላይ የሚታዩ ተግዳሮቶችን መረጃዎችን በዲጂታል መንገድ መለዋወጥ፣በነባር የሠራተኛ ማህበራት መዋቅር ውስጥ የወጣት ኮሚቴዎችን መፍጠር፣ከትምህርት ተቋማት እና ከግሉ ሴክተር አካላት ጋር በመተባበር ከገበያ ፍላጎቶች ጋር የተጣጣሙ የሙያ ስልጠና ፕሮግራሞችን ማዘጋጀት እና ማስተዋወቅ፣ የወጣቶችን የስራ እድል የሚከለክሉት የሠራተኛ ህጎችን እንዲሻሻሉ ከፖሊሲ አውጪዎች ጋር መሳተፍ፣የወጣቶችን የስራ ስምሪት ስልቶች ሁሉን አቀፍ እና አካታች መሆናቸውን ለማረጋገጥ በመንግስት፣ በአሠሪዎች እና በማህበራት መካከል የሶስትዮሽ ትብብር ዘዴዎችን ማጠናከር። የወጣቶች የስራ ስምሪት እና የማህበራት ስልቶችን ውጤታማነት ለመከታተል እና ለመገምገም ጠንካራ ዘዴዎችን መተግበር ትኩረት ሊሰጣቸው የሚገቡ ስትራቴጂካዊ ተግባራት እንደሆኑ ተብራርቷል።
https://t.me/voiceofworkers2013cetu

የወጣት ሠራተኞችን በማኅበር የመደራጀት ምጣኔ ማጠናከር እና በወጣቶች የስራ እድል ፈጠራ ላይ የሚታዩ ተግዳሮቶችን ለመፍታት የሠራተኛ ማህበራት ምን መስራት እንደሚጠበቅባቸው በሚያመላከት የፖሊሲ ጥናት ረቂቅ ላይ ውይይት ተካሄደ

የኢትዮጵያ ሠራተኛ ማኅበራት ኮንፌዴሬሽን ከአለም ሥራ ድርጅት(ILO) ጋር በመተባበር ወጣቶች ሥራ ለማግኘት በሚያጋጥሟቸው ችግሮች፣ የወጣቶችን ኢኮኖሚያዊ አቅም ግንባታ እና የመደራጀት ተግዳሮትን ለመግታት የሠራተኛ ማኅበራት ሚና ምን መሆን እንዳለበት የሚያመላክት የፖሊሲ ጥናት ረቂቅ ፅሁፍ ላይ የኢሠማኮ የሥራ ኃላፊዎች፣ የILO ተወካዮች፣የ9ኙ ኢንዱስትሪ ፌዴሬሽን ተወካዮች እና ሌሎችም ባለድርሻ አካላት በተገኙበት ከጥቅምት 19 -20/ 2017 ዓ.ም የሁለት ቀናት የውይይት መድረክ አካሄደ፡፡

https://t.me/voiceofworkers2013cetu

መ/ሠ/ማኅበሩን በተመለከተ በ49ኛው ምክር ቤት ስብሰባ ቀርቦ በተደረገ ውይይት እና ለሥራ አስፈጻሚ ኮሚቴ በተሰጠው አቅጣጫ መሰረት በማኅበሩ አመራሮች ጋር ተደጋጋሚ ውይይት እንደተደረገ ገልጸዋል፡፡በዚህ ውይይት የውዝፍ መዋጮ አከፋፈል እና ማኅበሩ የኢሠማኮ ስፖርት ስለሚሳተፍበት ሁኔታ መነሳቱን አስረድተዋል፡፡ የቀድሞ አመራሮች ከንብረት ማስመለስ ጋር ተያይዞ በፍ/ቤት የተያዙ ጉዳዮችን እገዛ እንደሚፈልጉና ያለባቸውን ውዝፍ መዋጮ እንደሚፈልጉ በገለጹት መሠረትም ሙሉ በሙሉ መክፈላቸውን ገልጸዋል፡፡
የምክር ቤቱን ስብሰባ በንግግር የከፈቱት የኢትዮጵያ ሠራተኛ ማኅበራት ኮንፌዴሬሽን (ኢሠማኮ)ፕሬዝዳንት አቶ ካሳሁን ፎሎ ኢሠማኮ ዋነኛ ዓላማው የሠራተኞች መብትና ጥቅም እንዲከበር ሠራተኞችን በማኅበር ማደራጀት የተደራጁትም አቅማቸው አንዲጠናከር ስልጠና መስጠት፣ ችግሮችም ሲፈጠሩ በውይይትና በድርድር እንዲፈቱ አስፈላጊውን ጥረት ማድረግ ነው ብለዋል፡፡
ከዚያ ባሻገር ግን ጠበቃ አቁሞ ማገዝ በቅርንጫፍ ጽህፈት ቤትና በፌዴሬሽንም የህግ ባለሙያዎችን በመጠቀም ሠራተኛውን የማገዝ ሥራ እየሠራ ይገኛል ሰሉ ተናግረዋል፡፡ በአገር አቀፍ ደረጃ ሠራተኛና አሠሪን የሚመለከቱ ጉዳዮች በአማካሪ ቦርድ ላይ ተሳትፎ እንደሚያደርግና ሠራተኛውን የሚመለከቱ ህጎች ደንቦች ሲወጡ ተሳትፎ የማድረግ ሥራዎችን እንደሚሠራም ጭምር አብራርተዋል፡፡
የአሠሪና ሠራተኛ ወሳኝ ቦርድ አባላት ዳኞች የሚሆኑ ሰዎችን እንደሚያቀርብና በአህጉራዊውም ሆነ በዓለም አቀፍ ደረጃ የኢትዮጵያን ሠራተኞች ወክሎ በተለያዩ ጉዳዮች ላይ ተሳትፎ ማድረግና ወቅታዊ የሠራተኞች ችግሮችን በመለየት ለሚመለከታቸው የመንግስት አካላት የማቅረብ ሥራዎችን ይሠራል ብለዋል፡፡ ከዚህ በፊት አንኳር ችግሮች እንዲሆኑ የታመነባቸው ዝቅተኛ የደሞዝ ወለልን ለመወሰን በየዓመቱ የኢኮኖሚውን ሁኔታ እያየ የደሞዝ ወለል የሚከልስ ሆኖ እንዲሠራ የደሞዝ ቦርድ እንዲቋቋምና ታቅዶ ነበር፡፡ ነገር ግን ይህ የደሞዝ ቦርድ እስካሁን አለመቋቋሙን የገለጹት አቶ ካሳሁን በዚህ ምክንያት በተደጋጋሚ ለመንግስት ጥያቄ ሲቀርብ መቆየቱን አስረድተዋል፡፡ በተጨማሪም ካለው የኑሮ ውድነት የተነሳ ከደሞዝ የሚቆረጠው ግብር እንዲቀነስም ጥያቄ ሲቀርብ ቆይቷል፡፡ ይህ ጉዳይ በተደረገው ውይይት አቅጣጫ ተሰጥቶበት ነበር ግን ሊሰራበት አልቻለም፡፡ በዚህ የማክሮ ኢኮኖሚ ማሻሻያ መምጣትና የገንዘብ የመግዛት አቅም ማውረድም ሌላው አስቸጋሪ ጉዳይ ምላሽ አልተገኘበትም፡፡ ይህንኑ ችግር ለኢሠማኮ ጠቅላይ ምክር ቤቱ በዝርዝር ቀርቦ ምክር ቤቱ ከጥልቅ ውይይት በኋላ የመንግስት አካላትን ለማግኘት የሚደረገው ጥረት እንዲቀጥል፣ ጉዳዩን ለመገናኛ ብዙሃን በማቅረብ እንዲታወቅ ማድረግ ይህ ካልሆነ በሚመጣው የኢሠማኮ ጉባዔ ላይ አቅርቦ ጉባዔው የሚሰጠውን አቅጣጫ በመተግበር እንደሚቀጥል አስረድተዋል፡፡
ኢሠማኮ ይህን እየሠራ ያለው ባሉት አደረጃጀቶች በመጠቀም ነው፡፡ የሠራተኛ ማኅበር በባህርይው ብዛትንና ህብረትን የሚፈልግ ነው፡፡ ኃይል ሊሆነው የሚችለው ቁጥሩና ትብብሩ ነው፡፡ ተፅዕኖ ፈጣሪና ተደማጭ ለመሆን እንዲቻል መደራጀቱ ወሳኝ መሆኑን ያምናል ያሉት አቶ ካሳሁን ይህንን ከግምት ውስጥ በማስገባት ያልተደራጁ ሠራኞችን በማደራጀት ኃይልን በማጠንከርን ተደማጭነት ማሳደግ እንደሚያስፈልግ አብራርተዋል፡፡ ለዚህም ኮንፌዴሬሽ የመንግስት ሠራተኞችን ጭምር ለማደራጀት ጭምር ጉትጎታ እያደረገ መሆኑን አንስተዋል፡፡
የኢንዱስትሪ ፌዴሬሽኑ ከኢሠማኮ ጋር በመሆን የሠራተኞችን መብት ለማስከበር እየሠራ ነውያሉት አቶ ካሳሁን የሠራተኛ መሪ ሲኮን ለዚሁ መሰጠት ያስፈልጋል ሲሉም አስረድተዋል፡፡ ራሰን ቤተሰብን መተው በሀቅ ለሠራተኛ መብት መከበር መቆም ቁርጠኛ መሆንን እንደሚጨምርም አብራርተዋል፡፡
በዚህ የኢንዱስትሪ ፌዴሬሽኑ ምክር ቤት ስብሰባ ላይ ፕሬዝዳንቱ የሥራ አስፈጻሚ ሪፖርት ላይ እንዳስቀመጡት መሠረታዊ ማኅበራትን በተመለከተ ከድርጅት አመራሮች ጋር ውይይት በማድረግ በማኅበራት ላይ የሚፈጠር ጫናና ውጥረት ለማርገብ የተደረገውን ጥረት ሲደረግ፣ በህብረት ድርድር ወቅት ስምምነት ላይ ያልተደረሱባቸውን ሀሳቦች በማስታረቅ ሰጥቶ በመቀበል መርህ ሠራተኛው ተጠቃሚ የሚሆንበትን መንገድ እንዲከተሉ አቅጣጫ መሰጠቱን አብራርተዋል፡፡ከዚህ በተጨማሪም የሠራተኛ ማኅበር ለማደራጀት አስቸጋሪ በሆኑ ተቋማት ማኔጅመንትና ለማነጋገር የተደረገውን ጥረት አንስተዋል፡፡ ፌዴሬሽኑ የህብረት ስምነት የጊዜ ገደባቸው ላበቃ ማኅበራት ድርድር እንዲያደርጉ እንዲሁም አዲስ ለሚደራጁ ማኅበራት የግንዛቤ ማስጨበጫ በመስጠት ረቂቅ እንዲያዘጋጁ በማድረግ ድጋፍና ክትትል እንደሚያደርግ፣ስምንት ያክል ማኅበራት ያጋጠሟቸውን ችግሮች በማኅበራዊ ምክክሮሽ መፍታቱንና የሕግ ድጋፍ ለሚያስፈልጋቸው ማኅበራትም ድጋፍ ማድረጉን ገልጸዋል፡፡
በዚህ ሪፖርት ላይ በተቀመጠው መሠረት የሴት ሠራተኞችን ተሳትፎ ለማሳደግ የኢንዱስትሪ ፌዴሬሽኑ ባከናወናቸው ተግባራት አማካኝነት 54 ሴቶችን ወደ አመራር የማምጣት ሥራ መሠራቱንናየነበሩት የሴቶች ኮሚቴዎች ቁጥር እንዲያድግ መደረጉን አስረድተዋል፡፡ የኢንዱስትሪ ፌዴሬሽኑ በትምህርትና ሰልጠና ረገድም ያከናወናቸውን ተግባራትና የሠለጠኑ የማኅበር አመራሮችን ብዛት በቁጥር አስደግፈው አቅርበዋል፡፡የኢትዮጵያ ሠራተኛ ማኅበራት ኮንፌዴሬሽን በየዓመቱ የሚያካሂዳቸውን የሠራተኛው ቤተሰባዊ የስፖርት ውድድሮች ላይ የፌዴሬሽኑ ስር የሚገኙ አባል ማኅበራት በበጋ ወራት ውድድሩ ተሳታፊና የዋንጫ ተሸላሚ ለመሆን እንደቻሉ ገልጸዋል፡፡ ፌዴሬሽኑ ባለው የውጭ ግንኑነት ውጤታማ መሆኑንም በሪፖርቱ ላይ ተሰምቷል፡፡ በዚህ ሪፖርት የፌዴሬሽኑ የአስተዳደር ሥራዎች፣የፋይናስ እንቅስቃሴን፣ የማኅበራት መሪዎች የድጋፍ ፈንድና ሌሎች በሪፖርቱ የተካተቱ ነገሮች ለአባላቱ በፕሬዝዳንቱ አማካኝነት ቀርበዋል፡፡
የፌዴሬሽኑ የኦዲት ኮሚቴ በሰብሳቢው አቶ መሐመድ አወል አማካኝነት ባቀረበው ሪፖርት በኮሚቴው በትኩረት የታዩ ጉዳዮች ተዘርዝረዋል፡፡ የሥራ አስፈጻሚ ኮሚቴውን የሥራ እንቅስቃሴ፣የፋይናንስ፣ ማኅበራትን ማደራጀት፣የማጠናከርና የግጭት አፈታትንና የመሳሰለውን የተመለከተ ግምገማውን አቅርቧል፡፡የኦዲት ኮሚቴው ሪፖርቱ የእቅድ ክንውን አፈጻጸምን በተመለከተ ከእቅዱ ጋር ሲነጻጸር 99.31 በመቶ መሆኑን አስቀምጠዋል፡፡
በዚህ የኦዲት ኮሚቴ ሪፖርት ፌዴሬሽኑ በርካታና ውስብስብ ችግሮችን ማሳለፉንና ካጋጠሙት መካከልም በጸጥታ ምክንያት አዳዲስ ማኅበራት ማደራጀት አለመቻሉ፣ የሥራ አስፈጻሚ አባል በመጓደሉ በሥራ ላይ ጫና መፈጠሩ፣ በአሠሪ ጫና ምክንያት ማኅበራት ለመደራጀት የተፈጠረባቸው ጫና ከተጠቀሱት መካከል ይገኙበታል፡፡
በዚህ የጠቅላይ ምክር ቤት ስብሰባ ላይ በተጓደሉ የሥራ አስፈጻሚ ኮሚቴ አባላት ምትክ አመራሮችን እንዲመረጡ ተደርጓል፡፡ በዚሁ መሠረትም በተደረገ የስልጣን ድልድልና የሥራ ምደባ የፌዴሬሽኑ ማኅበራት ማደራጃና የማኅበራዊ ጉዳዮች መምሪያ ኃላፊ የነበሩት ወ/ሮ ብርጭቆ ተክኤ የፌዴሬሽኑ አስተዳደርና ፋይናንስ መምሪያ፣ አዲስ የተመረጡት አለማየሁ ገ/ወልድ ማኅበራት ማደራጃና ማኅበራዊ ጉዳዮች መምሪያ ኃላፊ ሆነዋል፡፡ አቶ ብርሃኑ ደበሌ ደግሞ ለኢንዱስትሪ ግንኙነት መምሪያ በተመላላሽነት እንዲሠሩ ተመርጠዋል፡፡

በተመሳሳይ በ24/01/2017 ዓ.ም. የፌዴሬሽኑ 14ኛ ጠቅላላ ጉባኤ ተካሂዶ የተለያዩ አጀንዳዎች ተነስተዋል፡፡የምክርቤቱና የጉባኤውን ውሎ የሥራ አስፈጻሚና የኦዲት ኮሚቴ ሪፖርትና አጠቃላይ ጉዳዮች ላይ የተደረገውን ውይይት፣ጥያቄና ምላሾች በቀጣይ ‹‹የሠራተኛው ድምጽ›› ጋዜጣችን በዝርዝር ይዘንላችሁ የምንመጣ ይሆናል፡፡
https://t.me/voiceofworkers2013cetu

የብርሃንና ሠላም ማተሚያ ድርጅት መሠረታዊ የሠራተኛ ማኅበር ወደ እናት ፌዴሬሽኑ ተመለሰ
ከተወሰኑ ዓመታት በፊት በመዋጮ ምክንያት ተለይቶ የነበረው የብርሃንና ሠላም ማተሚያ ድርጅት መ/ሠ/ማ እናት ፌዴሬሽኑ ወደ ሆነው የንግድ ቴክኒክና ህትመት ኢንዱስትሪ ሠ/ማ/ፌዴሬሽን መመለሱ ተገለጸ፡፡ የኢንዱስትሪ ፌዴሬሽኑ በ23/01/2017 ዓ.ም. ባካሄደው 50ኛ መደበኛ ምክር ቤት ስብሰባ ላይ የሥራ አስፈጻሚ ኮሚቴ ሪፖርት የፌዴሬሽኑ ፕሬዝዳንት አቶ አለማየሁ ደበሌ ባቀረቡበት ወቅት እንደተናገሩት ማኅበሩን ለመመለስ ብርቱ ጥረት ተደርጓል፡፡

የኢትዮጵያ ሠራተኛ ማኅበራት ኮንፌዴሬሽን ፕሬዝዳንት ካሳሁን ፎሎ በፊርማው ሥነ-ስርዓት ላይ ባደረጉት ንግግር ኮንፌዴሬሽኑ በሀገር ውስጥ በተለያዩ ድርጅቶች ውስጥ ተቀጥረው የሚሠሩ ሠራተኞች መብቶች እንዲከበሩ ከሚያደርገው እንቅስቃሴ በተጨማሪ በውጭ ሀገራት ተቀጥረው የሚሠሩ ዜጎች መብታቸው ተጠብቆ እዲሠሩ ጉዳዩ ከሚመለከታቸው አካላት ጋር በጋራ እንደሚሠራ ጠቅሰው፣ ለዚህም ከኢትዮጵያ የውጭ ሀገር ሥራ ስምሪት አገናኝ ኤጀንሲዎች ፌዴሬሽን ጋር በጋራ ለመሥራት በርካታ ጥረት ሲደረግ የነበረ መሆኑን አንዱ ማሳያ መሆኑን አስታውሰዋል፡፡ ይህ የመግባቢያ ሰነድ ወደ ትግበራ ሲገባ በውጭ ሀገር ሥራ ስምሪት የሚሰማሩ ዜጎች ከምልመላ ጀምሮ እስከሚሄዱበት የመዳረሻ ሀገራት እና ቆይታቸው ላይ በጋራ በሚመሰረተው የቅጥር እና የምልመላ አማካሪ ኮሚቴ (Migrant Workers Recruitment Advisory Committee) አማካኝነት መረጃዎችን በመሰብሰብ እና ልውውጥ በማድረግ የዜጎችን መብት ለማስከበር ከፍተኛ ሚና እንደሚኖረው አክለው ገልፀዋል፡፡ ፕሬዝደንቱ ከኢትዮጵያ የውጭ ሀገር ሥራ ስምሪት አገናኝ ኤጀንሲዎች አሠሪ ፌዴሬሽን ጋር በጋራ መሥራታቸው በርካታ ዜጎች ህጋዊ በሆነ መንገድ እንዲሰማሩ ከማገዝ በተጨማሪ ዜጎች ላይ የተለያዩ የሰብአዊ መብት ጥሰቶች እንዳይፈፀምባቸው መረጃዎችን ለመለዋወጥ የሚያስችል መሆኑን አስገንዝበዋል፡፡
ካሳሁን ፎሎ ሠራተኞችን በማኅበር የማደራጀት ሥራ የኢሠማኮ እንደመሆኑ በውጭ ሀገራት ያሉ ሠራተኞችም መደራጀት እንደሚያስፈልጋቸው፣ይህም ሠራተኞቹ የት እንዳሉ ለማወቅ ስለሚያስችል ጉዳት ሲደርስባቸው ክትትል በማድረግ የተሻለ ውጤት እንደሚያመጣ አረጋግጠዋል፡፡
አሠማኮ በውጭ ሀገራት ተቀጥረው የሚሠሩ ዜጎች መብት እንዲከበር ዓለም አቀፍ ከሆኑ አቻ ማኅበራት ጋር ጭምር የሁለትዮሽ ስምምነት በመፈራረም በጋራ እየሠራ እንደሚገኝ ገልጸው፤ ከዚህ ቀደም በተመሳሳይ በሊባኖሰ ፊናሶል ከሚባል የሊባኖስ ሠራተኛ ማኅበር ጋር፣ እንዲሁም ከኩዌት የሠራተኛ ማኅበራት ፌዴሬሽን ጋር ተፈራርሞ አፈጻጸሙ በሂደት ላይ እንደሚገኝ አስረድተዋል፡፡ ከነዚህም በተጨማሪ ኢትዮጵያውያን ሠራተኞች ከሀገር ሲወጡ ቅርብ ያሉ ሀገራትን አቋርጠው ስለሚሄዱ በመተላለፊያ የሚገጥማቸውን ችግር ለመቀነስ ከተቻለም ለማስቀረት ከደቡብ ሱዳን እና ከሶማሊያ ሠራተኛ ፌዴሬሽን ጋር በጋራ ለመሥራት የተፈራረሙበትን አጋጣሚ አስታውሰዋል፡፡
የኢትዮጵያ የውጭ ሀገር ሥራ ስምሪት አገናኝ ኤጀንሲዎች አሰሪዎች ፌዴሬሽን ፕሬዝዳንት አቶ ነቢል መሀመድ በበኩላቸው ፌዴሬሽኑ በውጭ ሀገር ሥራ ስምሪት በሥራ የሚሰማሩ ዜጎች መብት፣ ክብር እና ደህንነት እንዲጠበቅ ለኤጀንሲዎች ከመንግስትና ከአለም አቀፉ የሥራ ድርጅት (ILO) ጋር በመተባበር በርካታ የአቅም ግንባታ ስልጠናዎች ሲሰጡ መቆየታቸውን ጠቅሰው በተለይ ከባለድርሻ አካላት ጋር የስነ-ምግባር ደንብ አዘጋጅቶ እና አፀድቆ ኤጀንሲዎች ህግን፣ ዘርፉን በተመለከተ የወጣውን አዋጅ እና አለም አቀፍ መርሆዎችን በጠበቀ መልኩ ሀላፊነታቸውን እንዲወጡ በርካታ ሥራዎች መሠራታቸውን አስገንዝበዋል፡፡ ፕሬዝዳንቱ አክለውም ፌዴሬሽኑ በዋናነት የአባላቶቹን መብት ከማስከበር ባሻገር የዜጎች መብት፣ ጥቅም እና ደህንነት እንዲከበር የሚሠራ መሆኑን ጠቅሰው ከኢትዮጵያ ሰራተኛ ማህበራት ኮንፌዴሬሽን ጋር በዛሬው ዕለት የተፈረመው የመግባቢያ ሰነድም የዜጎችን መብት በማስከበር ረገድ ጉልህ ሚና የሚጫወት መሆኑን ገልፀዋል፡፡
https://t.me/voiceofworkers2013cetu

የኢትዮጵያ ሠራተኛ ማኅበራት ኮንፌዴሬሽንና የኢትዮጵያ የውጭ ሀገር ሥራ ስምሪት አገናኝ ኤጀንሲዎች አሠሪ ፌዴሬሽን የመግባቢያ ሰነድ ተፈራረሙ
- የተፈረመው ሰነድ በውጭ ሀገራት ተቀጥረው የሚሠሩ ሠራተኞችን መብት ለማስከበር ጠቀሜታው የጎላ ይሆናል የሚል ተስፋ ተጥሎበታል
የኢትዮጵያ ሠራተኛ ማኅበራት ኮንፌዴሬሽን ከኢትዮጵያ የውጭ ሀገር ሥራ ስምሪት አገናኝ ኤጀንሲዎች አሠሪ ፌዴሬሽን በውጭ ሀገር በሥራ የሚሰማሩ ዜጎችን መብት እና ደህንነት ለማስጠበቅ በመርህ ደረጃ ከዚህ ቀደም በጋራ አብሮ ለመሥራት ንግግር ሲደረግበት የቆየውን በአጋርነት የመሥራት ሀሳብ በኢሠማኮ ትንሿ የመስብሰቢያ አዳራሽ ወደ ተግባር ሊያሸጋግራቸው የሚችለውን የመግባቢያ ሰነድ ዛሬ መስከረም 23 ቀን 2017 ዓ.ም. የኮንፌዴሬሽኑ ሥራ አስፈጻሚዎችና የፌዴሬሽኑ የሥራ አመራር ቦርድ አባላት እንዲሁም የዓለም ሥራ ድርጅት ተወካይ፣እና ተጋባዥ እንግዶች በተገኙበት የመግባቢያ ሰነድ ተፈራመ፡፡

ለሥራ ኃላፊዎቹ የኢሠማኮን አጠቃላይ የሥራ እንቅስቃሴዎች መዋቅራዊ አሠራሩንና ከቅርንጫፍ ጽ/ቤቶችና ከኢንዱስትሪ ፌዴሬሽኖች ጋር በመሆን እየሠራቸው ያለቸው ተግባራት ቀርበዋል፡፡ የሶሊዳሪቲ ሴንተር ከፍተኛ ዳሬክተር ሻዋና ባዴር ኮንፌዴሬሽኑ የሠራተኞች መብት በማስጠበቅ ረገድ እያካሄደ ያለው ዘርፈ ብዙ ሥራዎች የሚደነቁ ናቸው ብለዋል፡፡ ሴቶችን ወደ ኃላፊነት ለማምጣት በሕገማኅበሩ ላይ ያደረገው ማሻሻያ ለብዙዎች አርአያ የሚሆን መሆኑን ዳይሬክተሯተናግረዋል፡፡ እርሳቸው የሚያውቁትን የተለያዩ አገራት የሠራተኛ ማኅበራት ተሞክሮ በማንሳት ኢሠማኮም ከየትኛውም የፖለቲካ ፓርቲ ጋር ባለመወገን የሠራተኛው ጥቅምና መብት በማስከበር ላይ ብቻ በማተኮር የሚሠራው ሥራ ለሥኬታማነቱ መሠረት መሆኑን አብራርተዋል፡፡ በሶሊዳሪቲ ሴንተር የአፍሪካ ፕሮግራም ዳይሬክተር የሆኑት ክሪስቶፈር ጆሀንሰን(ዶ/ር) ኢሠማኮ በክፍለ አህጉራዊ፣አህጉራዊና ዓለምአቀፍ የሠራተኞች እንቅስቃሴ ላይ ያለው እያከናወነ ያለው በርካታ ሥራዎች እንዳሉ ሆነው በአገር ውስጥም እንዲሁ የተሳካ ሥራ የሚያከናውንበትን ትጋት አድንቀዋል፡፡
አቶ ካሳሁን ፎሎ የኢሠማኮ ፕሬዝዳንት ለዚህ እንዳስቀመጡት በተለይ በክፍለ አህጉሩ ያለው የእርስ በርስ ግንኙነት አንዱ ከአንዱ ጋር ያለው መስተጋብራዊ ትስስር በአፍሪካ ቀንድ ጠንካራ የሆነ የሠራተኛ ማኅበራት ኮንፌዴሬሽን እንዲኖር ግድ እንዳስባለ አስቀምጠዋል፡፡ እነዚህ ሕዝቦች በጎሳ፣በባሕል፣በቋንቋ እንዲሁም በኃይማኖት የሚያስተሳስራቸው ውል በሥራ ላይ የሚያጋጥማቸው ችግርም እንዲሁ የጋራ እንዲሆን እንዳስቻለ በማንሳት እነዚህን ችግሮች በጋራ ለመፍታት ኢሠማኮ በጥንካሬ እየሠራ መሆኑን አስረድተዋል፡፡ የአፍሪካ ቀንድ የሠራተኛ ማኅበራት ኮንፌዴሬሽን በኖር በቀጠናው ለተመሠረተው የአሠሪዎች ኮንፌዴሬሽንም መነሻ ሊሆን እንደቻለ አብራርተዋል፡፡ፍልሰተኛ ሠራተኞችም ከቦታ ቦታ ተንቀሳቅሰው ሲሠሩ ደህንነታቸው ተጠብቆ እንዲሠሩ ለማድረግ ይህ ክፍለ አህጉራዊ ተቋም ትልቅ ድርሻ እንዳለው ገልጸዋል፡፡ ኢትዮጵያ ለዚህ የክፍለ አህጉራዊ ግንኙነት የተመቸች በመሆኗ ኢሠማኮ ይህን ኃላፊነት በብቃት ለመወጣት እየሠራ መሆኑን አስረድተዋል፡፡
በዚህ ውይይት ላይ የኢሠማኮ ሥራ አስፈጻሚ አካላት ኮንፌዴሬሽኑ ሠራተኞች መብታቸውና ጥቅማቸው ተጠብቆ እንዲሠሩና እንዲንቀሳቀሱ እያከናወነ ያለውን ተግባር ለሶሊዳሪቲ ሴንተር የሥራ ኃላፊዎች አብራርተዋል፡፡ ማኅበራዊ ጥበቃን ለማረጋገጥ በተለይ ለግል ሠራተኞች ማኅበራዊ ዋስትና መጠበቅ ኮንፌዴሬሽኑ ምን ያክል ርቀት ተጉዞ እንደሠራ ገልጸዋል፡፡
የሥራ ኃላፊዎቹ በሀዋሳ የኢንዱስትሪ ፓርክ ተገኝተው ከማኅበራትና ከሠራተኞች ጋር ውይይት ማድረጋቸው የበለጠ በኮፌዴሬሽኑ አየተከናወኑ ያሉ ተግባራትን ለማረዳት እንዳስቻላቸው ገልጸዋል፡፡ በዚህ የሥራ ጉብኝትና ውይይት ላይ የአፍሪካ ቀንድና የኢትዮጵያ ፐሮግራም ዳይሬክተር ሀናድ መሀመድ፣የዳይሬክተሯ ዋና አማካሪ ኪዳን ኪነይ እና የፕሮግራም ኦፊሰር ሳራ ዊንድ ተሳታፊ ነበሩ፡፡
https://t.me/voiceofworkers2013cetu

የሶሊዳሪቲ ሴንተር የከፍተኛ የሥራ ኃላፊዎች ኢሠማኮ ያካሄደው የመዋቅር ለውጥና ማሻሻያን አደነቁ
የኢትዮጵያ ሠራተኛ ማኅበራት ኮንፌዴሬሽን (ኢሠማኮ) በቅርቡ ያካሄደውንና ተግባራዊ በማድረግ እየሠራበት የሚገኘውን የመዋቅር ለውጥና ማሻሻያ የሚደነቅ መሆኑን የአሜሪካ ሶሊዳሪቲ ሴንተር ከፍተኛ የሥራ ኃላፊዎች ተናገሩ፡፡ የሥራ ኃላፊዎቼ በ22/01/2017 በኢሠማኮ ባካሄዱት የሥራ ጉብኝትና ከኮንፌዴሬሽኑ አስፈጻሚና የፌዴሬሽን አመራሮች ጋር ውይይት ባደረጉበት ወቅት በዚህ ለውጥ በሁሉም ዘንድ ለመቀበል አስቸጋሪ መሆኑንና ለረጀም ዓመታት ሲሠራበት የቆየውን መዋቅር በመቀየር የተሻለ አሠራር ለውጥ ለማምጣት ሲባል ይህን እርምጃ መውሰዱ የሚደነቅ ነው ብለዋል፡፡

https://t.me/voiceofworkers2013cetu