Ramadan ረመዳን

እንዲሁ  ሞልቶ ለማይሞላ ዱንያ  እንደሮጥን  ቀኑ በሳምንት ሳምቱም በወር ወሩም  አመት ያስከተለ  አንድ ቀን እንኳን ሳንረጋጋ  የተሰጠን ጊዜም  ወደ ማለቂያው እየበረረ   ይገኛል, ረመዳንም ከመቶ ቀን ያነሰ ይቀረዋል
 
አንድም ቀን ቁርአን ቀርተን ላናቅ እንችላለን በሳምንት አንድ ግዜ  እንኳን  ጅምአ  ሱረቱል ካህፍ ብንቀራ

አንድም ቀን ሱብሂ  በጀመአ ላንሰግድ እንችላለን በሳምንት አንድ ግዜ  እንኳን  ጅምአ ሱብሂን በጀመአ  እንዴት ያቅተናል

አንድም ቀን ምድር ላይ በዋናነት የምንኖርለትን አላማ  ገምግመን ወይም ተሳስበን  ላናቅ እችላለን   በሳምንት    አንድ ግዜ  እንኳን  ጅምአ
ከአስር እስከ መግሪብ እናስተንትን ተፈኩር    እእቲካፍ  እናድርግ

🪐ያ የትኛችሁ ሥራው ይበልጥ ያማረ መኾኑን ሊሞክራችሁ ሞትንና ሕይወትን የፈጠረ ነው፡፡ እርሱም አሸናፊው መሓሪው ነው፡፡67:2
🪐«ያ ከእርሱ የምትሸሹት ሞት እርሱ በእርግጥ አግኛችሁ ነው፡፡ ከዚያም ሩቁንና ቅርቡን ዐዋቂ ወደ ኾነው ጌታ ትመለሳላችሁ፡፡ ትሠሩትም የነበራችሁትን ሁሉ ይነግራችኋል» በላቸው፡፡62:8

"ድንቅ ታማኝነት" በአንድ ወቅት ዑመር ኢብኑል ኸጣብ (ረዲየላሁ አንሁ) ተቀምጦ እያለ ሁለት ወጣቶች አንድን የገጠር ሰው እየገፈታተሩ ይዘው መጥተው ዑመር (ረዲየላሁ አንሁ) ፊት ለፊት አቆሙት፡፡ ዑመርም “ምንድን ነው አላቸው?”

ወጣቶችም “የሙእሚኖች መሪ ሆይ! ይሄማ አባታችንን ገድሎ ነው፡፡ ”አሏቸው፡፡ ዑመርም (ረዲየላሁ አንሁ) ወደ ሰውየው ዘወር ብለው “አባታቸውን ገደልክባቸውን?” ሲሉ ጠየቁት ሰውየውም “አዎ ገደልኩት” ሲል
መለሰላቸው፡፡ “እንዴት ገደልከው?” ሲሉ ደግመው ጠየቁት “መሬቴ ላይ ከነግመሉ ገባ፡፡ እንዲከለከል ነገርኩት መከልከል አልቻለም፡፡ ዱላ ስወረውርበት ድንገት ጭንቅላቱ ላይ አረፋና ገደልኩት” አላቸው፡፡ ዑመር (ረዲየላሁ አንሁ) “ነፍስን ያጠፋ ነፍሡ ይጠፋል፤ ስለዚህም አባታቸውን እንደገደልክ ትገደላላህ” አሉት፡፡

ሰውዬውም እንዲህ አላቸው “ምድርን ያለምሰሶ ባቆመው አምላክ እለምንሃለሁ አንዲት ሌሊት እንድትተወኝ፤ ወደ ገጠር ሄጄ ለባለቤቴና ለልጆቼ እንደምገደል ነገሬያቸው ልመለስ ፡፡ በአላህ ስም
እምላለሁ ከአላህ ውጭ ረዳት የላቸውም ከዚያም እኔ” አላቸው ፡፡ ዑመር ኢብኑል ኸጣብ (ረዲየላሁ) “አንተ ገጠር ሂደህ እስክትመለስ ማነው ተያዥ(ዋስ)
የሚሆንህ?” አሉት፡፡ ተሰብስበው የነበሩት ሰዎች ሁሉ ፀጥ አሉ፡፡ ስለእርሱ
ምንም የሚያውቁት ነገር የለም፡፡ ስሙን አያውቁ፣ ቤቱን አያውቁ፣ ዘሩን
አያውቁ… እንዴት ተያዥ ይሁኑት! ተያዥነቱ የጥቂት ገንዘብ… የመሬት…
አሊያም ደግሞ የእንስሳ አይደለም፡፡ ተያዥነቱ (ዋስትናው) የነፍስ ጉዳይ
ነው፡፡ አንገትን በሠይፍ የመቀላት ተያዥነት (ዋስትና)! ፤ ሰዎቹ ዝም እንዳሉ ነው፡፡ ዑመር (ረዲየላሁ አንሁ) ልዩ ስሜት ውስጥ ተዘፍቀው ውሳኔ መስጠት አቅቷቸዋል፡፡ ሰውየው ላይ ፈጣን ውሳኔ ሠጥተው እንዲገደል ቢያደርጉ እዚያ
ልጆቹ በርሃብ ይሙቱ ማለት ነው፡፡ ያለተያዥ ለቅቀውት እንዳይሄድ የተገዳይ
ቤተሠቦችን የደም መብት ማጓደል ነው… ምን ያድርጉ .. ግራ በተጋባ መንፈስ ውስጥ ናቸው ዑመር (ረዲየላሁ) ፡፡ ጀምዓው አሁንም ፀጥ እንዳለ ነው፡፡
ዑመርም አቅርቅረዋል፡፡ ቀና ብለው ወደ ወጣቶቹ ተመለከቱና “ይቅርታ
ታደርጉለታላችሁ? አፉ ትሉታላችሁን?” አሏቸው፡፡ “በፍፁም!” አሉ ወጣቶቹ
“አባታችንን የገደለማ የግድ መገደል አለበት እንጂ ያ አሚረል ሙእሚኒን…
የምን ይቅርታ ነው …” ዑመር አሁንም ተስፋ አልቆረጡም “ይህን ሰው ማን
ነው ተያዥ የሚሆነው… ማነው የሚዋሠው?” አሉ፡፡ በዚህ ጊዜ አቡ ዘር
አልጊፋሪ ብድግ ብለው “እኔ እዋሠዋለው! እኔ ተያዥ እሆነዋለሁ!” አሉ፡፡
ዑመር (ረዲየላሁ አንሁ) “ግድያ ነው፡፡” አሏቸው፡፡ “ግድያ ቢሆንም” አሉ አቡ ዘር፣
ዑመር “ታውቀዋለህ?” ሲሉ ጠየቋቸው ፡፡ “አላውቀውም” አሉ አቡ ዘር፡፡
“እንግዲያ እንዴት ዋስ (ተያዥ) ትሆነዋለህ?” አሉቸው ዑመር “በፊቱ ላይ
የሙእሚን ባህሪ ተመልክቻለሁ፣ አይዋሽም ቃሉንም ይሞላል ኢንሻአላህ
አሉ፡፡ ” ዑመር (ረዲየላሁ አንሁ) “ያ አባ ዘር ሆይ! ከሦስት ቀን ካለፈ ዑመር ይተወኛል ብለህ ታስባለህ?!” “አላህ ይብቃኝ (አላሁል ሙስተአን)” አሏቸው ዑመርን

ሰውየው እራሱን እንዲያዘጋጅና ቤተሰቦቹን እንዲሰናበት ከእርሱ በኋላ
ሁኔታቸውን እንዲያስተካክል ሦስት ቀን ተሠጥቶት ሄደ ፡፡ ተመልሶ ቅጣቱን
ሊቀበል ይመጣል፤ ምክንያቱም ግድያ ነውና፡፡ ከሦስት ቀን በኋላ ዑመር
ቀጠሮውን አልረሡትም፡፡ አሱር ላይ የከተማው ሰው እንዲሠባሰብ አዘዙ፡፡
ወጣቶቹም መጡ ሰውም ተሠባሰበ፡፡ አቡዘርም ዑመር ፊት ለፊት ተቀመጡ
ዑመር (ረዲየላሁ ) “ሠውየው የት አለ?” አሉ፡፡ “አላወቅኩም የሙእሚኖች መሪ
ሆይ!” አሉና አቡዘር ወደ ፀሃይዋ መመልከት ጀመሩ፡፡ ፀሃይዋም ከተለምደ
ውጭ እጅግ ፈጥና የምትሄድ ሆና ታየቻቸው፡፡ ልትጠልቅ ጥቂት ሲቀራት
ሠውየው ብቅ አለ ዑመር (ረ.አ ) በደስታ አላሁ አክበር አሉ፡፡ ሙስሊሞችም
አብረዋቸው አላሁ አክበር አሉ፡፡ ዑመር (ረዲየላሁ) “ወይ አንተ ሰው ስለአንተ
አናውቅ፣ አገርህን አናውቅ፣ እዛው በትቀር ምን ይውጠን ነበር? ቃልህን
አክብረህ ለመገደል መጣህ?” አሉት

“አንቱ የሙእሚኖች መሪ ሆይ! አንቱን
ብዬ ሳይሆን ሚስጥርና የተደበቀን ሁሉ የሚያውቀው ጌታ ከበላይ አለብኝ
ብዬ ነው፡፡… ተመልከት ያ አሚረል ሙእሚኒን ልጆቼን እንደ በራሪ ጫጩት
ውሃ የላቸው፣… ዛፍ የላቸው፣… እንዲሁ ጥያቸው ነው ለመገደል የመጣሁት… ከሰዎች ዘንድ ቃላቸውን መሙላት ተወግዷል እንዳይባል ሰግቼ
ነው፡፡” አለ፡፡ ዑመር ኢብኑል ኸጣብ (ረ.አ.) “ለምን ተያዥ (ዋስ) ሆንከው?”
ሲሉ አቡ ዘርን ጠየቁት፡፡ “ከሠዎች ዘንድ መልካም የሚሠራ ጠፋ እንዳይባል ሠጋሁ” አሉ አቡ ዘር፡፡ ዑመር (ረዲየላሁ) ቆሙና ወጣቶቹን “ምን ትላላችሁ?” አሏቸው፡፡ ወጣቶቹም እያለቀሱ “ይቅር ብለነዋል፡፡ ቃሉን ለማክበሩና ለእውነተኝነቱ” አሉ… እንዲህም አከሉ “ከሠዎች ዘንድ ይቅርታ ማድረግ አፉ መባባል ተወገደ እንዴ እንዳይባል ሠጋን” አሉ፡፡ ዑመር (ረዲየላሁ) “አላሁ አክበር!” አሉ፡፡ እንባቸው ፂማቸው ላይ ይንጠባጠብ ነበር…
ሱብሃነላህ !

1.🔷ያ ፉርቃንን(ቁርኣን)  በባሪያው ላይ   ለዓለማት አስጠንቃቂ  ይኾን ዘንድ ያወረደው (አምላክ) ክብርና ጥራት ተገባው፡፡ 
2.🔹(እርሱ) ያ የሰማያትና የምድር ንግሥና የእርሱ ብቻ የኾነ፣ ልጅንም ያልያዘ፣ በንግሥናውም  ተጋሪ የሌለው፣ ነገሩንም ሁሉ የፈጠረና በትክክልም ያዘጋጀው ነው፡፡
3.🔹(ከሓዲዎች) ከእርሱም ሌላ ምንንም የማይፈጥሩን፣ እነርሱም የሚፈጠሩን፣ ለነፍሶቻቸውም ጉዳትን ለመከላከል ጥቅምንም ለማምጣት የማይችሉን ሞትንና ሕይወትንም መቀስቀስንም የማይችሉን፣ አማልክት ያዙ፡፡
4.🔹እነዚያም የካዱት ይህ (ቁርኣን ሙሐመድ) የቀጠፈው በእርሱም ላይ ሌሎች ሕዝቦች ያገዙት የኾነ ውሸት እንጂ ሌላ አይደለም አሉ፡፡ በእርግጥም በደልንና እብለትን ሠሩ፡፡          
5.🔹አሉም «የመጀመሪያዎቹ ሰዎች ተረቶች ናት፡፡ አስጻፋት፡፡ እርሷም በእርሱ ላይ ጧትና ማታ ትነበብለታለች፡፡»    
6.🔹 «ያ በሰማያትና በምድር ውስጥ ያለን ምስጢር የሚያውቀው አወረደው፡፡ እርሱ መሓሪ አዛኝ ነውና» በላቸው፡፡
25.🔹ሰማይም በደመና የምትቀደድበትንና መላእክትም መወረድን የሚወርድበትን ቀን (አስታውስ)፡፡
26.🔹እውነተኛው ንግሥና በዚያ ቀን ለአልራሕማን ብቻ ነው፡፡ በከሓዲዎችም ላይ አስቸጋሪ ቀን ነው፡፡                 
27.🔹 በዳይም «ከመልክተኛው ጋር ቀጥተኛን መንገድ ይዤ በኾነ ዋ ምኞቴ!» እያለ (በጸጸት) ሁለት እጆቹን የሚነክስበትን ቀን (አስታውስ)፡፡
28.🔹 «ዋ ጥፋቴ! እገሌን ወዳጅ ባልያዝኩ ኖሮ እመኛለሁ፡፡
 29.📣 (የእምነት ቃልን) ከመጣልኝ በኋላ ከማስታወስ በእርግጥ አሳሳተኝ» (ይላል)፡፡ ሰይጣንም ለሰው አጋላጭ ነው፡፡(25:29)⁉️

የነቢዩ ሙሐመድ (ﷺ) ሚናና ተልዕኮ

ነቢዩ ሙሐመድ (ﷺ) ለመላው የሰው ዘር የተላኩ የመጨረሻው ነቢይ እንደመሆናቸው መጠን ተልዕኮዋቸው በሚከተሉት አበይት ነጥቦች ላይ ያተኩራል :;

🌴በማንኛውም መልኩ እና ትርጓሜው አምላክ ፍፁም አንድ ብቻ መሆኑን ማረጋገጥ :: ማለትም የሰው ልጅ የጌታውን ፍፁም አንድነት እንዲገነዘብ እና መለኮታዊውን መመሪያም በሁሉም የሕይወት መሥኮች ተግባራዊ በማድረግ

ለፈጣሪው ተገዢነቱን ማረጋገጥ በአንፃሩም ከአንዱ አምላክ ውጭ ለማንም ለምንም ኀይል አለማጎብደድ አለመስገድ

🌴የሰው ልጆችን ሁሉ እኩል ወንድምማማቾች የመሆናቸውን ጉዳይ በተግባር መተርጎም ለወደፊቱም ይህንን ሐቅ በአስተማማኝ መሠረት ላይ ማስቀመጥ

🌴 በሁሉም መሥክ የተሟላውንና እንከን የለሹን መለኮታዊ የሕይወት ፈር : ኢስላምን : ለመላው የሰው ዘር ማስተዋወቅ : በተግባርም ሰርቶ ማሳየት ::

🌴የመጨረሻ መለኮታዊ መልዕክት የሆነውን ቁርኣንን ለሰው ልጆች ማስተላለፍ

🌴ይህ መልዕክት ; ነቢዩ ሙሐመድ (ﷺ) ያመጡት መልዕክት : ከተልዕኮው ስፋት እና ሁለንተናዊነት የተነሣ የዘርም ይሁን የቋንቋ ወይም የፓለቲካ ድንበሮች አይገድቡትም ::

ነቢዩ ሙሐመድም. (ﷺ) የተላኩት ለመላው የሰው ዘር እንጂ : እንደ ቀደምቱ ነቢያት ለአንድ አካባቢ ሕዝብ : ወይም ለአንድ ዘር ብቻ አይደለም :: ቁርአን የሚመሰክረውም ይህን ሐቅ ነው

" ... ለሰዎች ሁሉ መልዕክተኛ ኾነህ ላክንህ : መስካሪም በአላህ በቃ ::" (አል - ኒሳእ : 79)

"(ሙሐመድ ሆይ ) ! ለዓለማት እዝነት አድርገን እንጂ አላክንህም ::"
( አል - አንቢያ : 107)

" አንተ ነቢዩ ሆይ ! እኛ መስካሪ አብሳሪና አስጠንቃቂ አድርገን ላክንህ :: ወደ አላህም በፈቃዱ ጠሪ : አብሪ ብርሃንም ( አድርገን ላክንህ )" (አል - አሐዛብ : 45 - 46 )

የሰው ልጅም የነቢዩ ሙሐመድን (ﷺ) መልዕክት ከልብ ተቀብሎ እንዲተገብር ቁርኣን ይመክራል :; ይህው ነው የህይወት ትርጉምም, መንገድም

"እናንተ ሰዎች ሆይ ! መልዕክተኛው እውነትን ከጌታቹሁ አመጣላቹሁ : እመኑም : ለናንተ የተሻለ ( ይኾናል ) :
ብትክዱም ( አትጎዱትም ) : በሰማያትና በምድር ያለው ሁሉ የአላህ ነውና : አላህም አዋቂ ጥበበኛ ነው"( አል - ኒሣእ : 170 )

"ሙሐመድ : ... የአላህ መልዕክተኛ እና የነቢዮችም መደምደሚያ ነው ::
(አል - አህዛብ : 40)

" መልዕክተኛውን የሚታዘዝ ሰው በእርግጥ አላህን ታዘዘ ... "(አል - ኒሳእ : 80)

ሙሀመድ ሆይ :--

«እኔ አምላካችሁ አንድ አምላክ ብቻ ነው ማለት ወደኔ የሚወረድልኝ ቢጤያችሁ ሰው ብቻ ነኝ፡፡ የጌታውንም መገናኘት የሚፈልግ ሰው፤ መልካም ሥራን ይሥራ፡፡ በጌታውም መገዛት አንድንም አያጋራ» በላቸው፡፡ ካህፍ 18 :110

☞እራስህን ፈትሽ/ሺ

📚ሱፍያን ኢብን ዑየይና ፦

"ቀኔ የሞኞች አይነት ከሆነ፣ ለሊቴ የጃሂሎችን ከመሰለ በተማርኩት ዒልም ምን ተጠቀምኩ!?"

[አኽላቁል ዑለማ ሊል ኣጁሪይ (44)]

☞ሸይኽ ዐብዱረዘቅ አል በድር፦

☞ይህ ጣሊበል ዒልም ትኩረት ሊሰጠው የሚገባ ታላቅ ምክር ነው። ሰለፎች የተማሩት እውቀት በተግባራቸው ላይ ይስተዋል ነበር። እውቀታቸው በዒባዳቸው፣ በማህበራዊ ህይወታቸውና በስነምግባራቸው ላይ ይንፀባረቃል።


☞ልኩን ያወቀ ሰው አላህ ይዘንለት!

»»»ታላቁ የሙስሊሞች ኸሊፋ የነበረው ዑመር ኢብኑ ዐብዲልዐዚዝ ልጁ በአንድ ሺህ ዲርሀም የጣት ቀለበት እንደገዛ ሰማ። ወዲያውኑ ይህን ደብዳቤ ፃፈለት!

"በአንድ ሺህ ዲርሀም የጣት ቀለበት እንደገዛህ ሰምቻለሁ። ይህን ቀለበት ሽጠህ አንድ ሺህ የተራቡ ሰዎችን መግብበት። ለራስህ የነሀስ ቀለበት ግዛና በቀለበቱ ላይ "ልኩን ያወቀ ሰው አላህ ይዘንለት" ብለህ ፃፍበት!" አለው.

   ድንቅ ታሪክ

በሙሳ ዐ.ሰ ዘመን ነው....አንድ በጣም ድህነት ያጎሳቆላቸው ለዘመናት በችግር እና በረሀብ የኖሩ ባልና ሚስት ነበሩ።

      ይሁን እንጂ ይህን ሁሉ ዘመናት በሰብር አሳልፈዋል...። እናም አንድ ቀን እቤታቸው ጋደም ብለው ሳለ ሚስት ለባለቤትዋ፦"ሙሳ አላህን ማናገር የሚችል ነቢይ ነው አይደል?" ብላ ትጠይቀዋለች።

 እሱም፦"አዎን" ይላታል። "ታዲያ ለምን እሱጋ ሄደን ስለ ሁኔታችን አንነግረውም አላህንም ስለኛ ያናግረው ሀብታም እንዲያረገን ቀሪ ህይወታችንን በድሎት እንድንኖርም ይጠይቅልን።" አለችው።
ባልም በሚስቱ ሀሳብ ይስማማና ሌሊቱ እንደነጋ ጉዞ ወደ ሙሳ ዐ.ሰ ቤት ጀመሩ። ሙሳንም ዐ.ሰ አገኟቸው። ስለድህነታቸው ነግረዋቸውም በዚህ ጉዳይ እሳቸው አላህን እንዲለምኑላቸው ጠየቋቸው።

 ሙሳም ዐ.ሰ አላህን ለመኑላቸው። አላህም፦"ሙሳ ሆይ! እኔ እነዚህን ሰዎች በችሮታዬ ለአንድ አመት ያህል ሀብታም አደርጋቸዋለሁ አንድ አመት ካለፈም ወደነበሩበት ድህነት እመልሳቸዋለሁ።" ብሎ መለሰላቸው።

  እሳቸውም ጥንዶቹ ጋ በመሄድ አላህ ዱዓቸውን ሙስተጃብ እንዳደረገላቸው ሀብታምም እንደሚሆኑ ነግረዋቸው እናም ግን ለአንድ አመት ብቻ እንደሚቆይ አክለው ነገሯቸው። እነዚህ ምስኪኖችም የሰሙትን ማመን ተሳናቸው። በአጭር ግዜ ውስጥ ካለሰቡበት መንገድ ሀብታም መሆን ጀመሩ።ማንም ከሚኖረው የተሻለ ኖሮ መኖርም ጀመሩ።

እናም አንድ ቀን ይህች ብልህ ሚስት ለባሏ እንዲህ አለችው፦"ይህ ፀጋ ይህ ድሎት ለአንድ አመት ብቻ እንደሚዘገይ ታውቃለህ አይደል? ስለዚህ በዚህ ንብረታችን አንድ መልካም ስራ እንስራ" ባልይውም በሀሳቧ ይስማማል።

ከዚያም በከተማዋ ግንባር ቦታ ላይ አደባባይ መልክ አንድ ትልቅ ቤት ይገነቡና 7 በር አበጁለት። ለሰውም መተላለፊያ ሰሩ። ቤቱ ተገንብቶ ካለቀ በኋላ እዛ ቤት ውስጥ ምግብ እያዘጋጁ ለአላፊ አግዳሚ ጠዋት ማታ ምግብ ይቀልቡ ጀመር...። በዚህ ሁኔታ ሳሉ ወራት አስቆጠሩ።

ሙሳም በትኩረት ይከታተሏቸው ነበር። ማይደርስ ቀን የለምና ያ የተወሰነላቸው ቀን ቀጠሮውን ጠብቆ ከች አለ። እነሱ ግን የቀጠሮ ቀኑ ሁላ ትዝ አላላቸውም በስራቸው ተጠምደዋል። ያ ቀጠሮ ቀናቸው አለፈ እነሱ ግን ያው ናቸው ምንም አልቀነሱም ብቻ በስራቸው ተጠምደዋል....

ሙሳም ዐ.ሰ ባዩት ሁኔታ ተገርመው፦ "ያ ረብ ቃል የገበኽላቸው ለ አንድ አመት ሆኖ ሳለ እንዴት እስካሁን እልደኸዩም?" ብለው አላህን ጠየቁ። /እዚጋ እሳቸው ሰዎቹን ተመቃኝተው ሳይሆን የአላህን ሂክማ ለማወቅ ነው የጠየቁት/

ቸር የሆነው አላህም፦ "ሙሳ ሆይ! ለነዚህ ጥንዶች ከፀጋ በሮቼ አንዲትን በር ስከፍትላቸው...እነሱ ደሞ 7 በር ከፍተው ባሪያዎቼን መቀለብ ጀመሩ። ሙሳ ሆይ! እነሱ ይሄን ሲያረጉ አይቼ የከፈትኩላቸውን በር መዝጋት ከበደኝ"አለው።

ሴት ልጅ

ﻭَﺍﻟْﻤُﺆْﻣِﻨُﻮﻥَ ﻭَﺍﻟْﻤُﺆْﻣِﻨَﺎﺕُ ﺑَﻌْﻀُﻬُﻢْ ﺃَﻭْﻟِﻴَﺎﺀُ
ﺑَﻌْﺾٍ ۚ ﻳَﺄْﻣُﺮُﻭﻥَ ﺑِﺎﻟْﻤَﻌْﺮُﻭﻑِ ﻭَﻳَﻨْﻬَﻮْﻥَ ﻋَﻦِ
ﺍﻟْﻤُﻨْﻜَﺮِ
”ኣማኝ ወንዶችና ኣማኝ #ሴቶች ከፊሎቻቸው ለከፊሉ ረዳቶች ናቸው በመልካም ያዛሉ ከመጥፎ የከለክላሉ።” (ሱራ 9:71)

ነብዩ. (ﷺ)  ግን “ከአማኞች ኢማኑ(እምነቱ) የተሟላው ስነ ምግባሩ ያማረው ነው፡፡ ከናንተ በላጫቻችሁ #ለሴቶቻቸው በላጭ የሆኑት ናቸው” ብለው ነበር፡፡ [አስሶሒህ፡ 284]

ረሱል (ሰዐወ)  እንዲህ አሉ                    #ሴትን ልጅ #የሚያልቅ ሰው የለም እርሱ #የላቀና የተከበረ ሰው ቢሆን እንጂ

#ሴትን #የሚያዋርድ ሰው የለም እርሱ #የተዋረደ ሰው ቢሆን እንጂ ።

*WISDOM FOR WOMEN👩🏻👩🏻‍🦱👵🏻*

1. A First Class degree won't make you a first class wife, rather, your submission and respect will.

2. The woman who respects her husband is the best wife anyone would ever have.

3. Your character and attitude will go a long way in determining whether your husband will wish he never regret getting married to you.

4. To be a great wife, you need more anger management skills than nagging skills.
,,,
5. Be a leader at work or anywhere else, but be a companion at home... it's wisdom.

6. Don't compete with your husband, complement him.

7. Your strength is in humility and submission, not in strife and contention.

8. Be tender, every man respect a tender woman but firm.

9. Never punish your husband by starving him of food or sex, he may be forced to get it outside.

10. There is nothing wrong in accepting that you are wrong when you are wrong.

11. Prepare to forgive your husband if he wrongs you. For a forgiving wife is better than a vengeful wife.

12. Make a decision to be a good wife, you will need it in the long run.

የአላህ መልእክተኛ صلى الله عليه وسلم እንዲህ ብለዋል

✅ ሴት ልጅ አምስት ወቅት ሰላቷን (በትክክል) ከሰገደች፣ የረመዷን ፃም ከፃመች፣ ብልቷን ከዝሙት ከጠበቀችና ባሏንም (በመልካም) ከታዘዘች ከጀነት በሮች በፈለግሽውን መርጠሽ ግቢ ትባላለች። (ኢብኑ ሂባን)

“ሦስት ሰዎች ወደ ነቢዩ (ሰ.ዐ.ወ) ሚስቶች ቤቶች መጡና ስለ አምልኮአቸው ሁኔታ ጠየቁ። በተነገራቸውም ጊዜ ሁኔታውን ለማሣነስ ሞከሩ። እንዲህም አሉ። ‘ታዲያ እኛ ከነቢዩ (ሰ.ዐ.ወ) አንፃር የት ነን። በርግጥ እርሣቸው የቀደመውም ሆነ የቀረው ሀጢዓታቸው ሁሉ ተምሮላቸዋል።’ ካሉ በኋላ አንደኛቸው ‘እኔ እድሜዬን በሙሉ ለሊቱን እሰግዳለሁ።’ አለ። ሁለተኛው ሰው ‘እድሜ ልኬን እፆማለሁ። ፈፅሞ አላፈጥርም።’ አለ። ሦስተኛው ደግሞ ‘እኔ ከሴቶች እርቃለሁ። ፈፅሞ አላገባም።’ አለ። በዚህ ሁኔታ ላይ ሳሉ የአላህ መልእክተኛ (ሰ.ዐ.ወ) መጡ። ‘እናንተ ናችሁ ወይ እንዲህ እንዲያ ያላችሁት?’ በማለት ጠየቋቸው። በማስከተልም ‘ወላሂ እኔ ከናንተ ይበልጥ አላህን ፈሪ እና ጠንቃቃ ነኝ። ነገርግን እፆማለሁ አፈጥራለሁ፤ እሰግዳለሁ እተኛለሁ፤ ሴቶችንም አገባለሁ። ከኔ መንገድ ያፈነገጠ ከኔ አይደለም።’ አሏቸው።”   ቡኻሪና ሙስሊም

ሳውዲአረቢያ ለአዲስ ተጋቢዎች  ከሁለት ሚሊዮን ብር በላይ ብድር ትሰጣለች , ትውልዱን ከዝሙት ለመጠበቅ እንደዚህ አይነት ነገሮች ማመቻቸት ያስፈልጋል

አብደላህ ብኑ ኡመር(ረ ዐ) እንዲህ አሉ ፣  አንድ ቀን የአላህ መልክተኛ ﷺ ወደ  እኛ ዞሩና እንዲህ አሉን " …

🔥— ብልግና በህዝቦች መሀል በአደባባይ አይስፋፋም አላህ በነሱ ላይ ወረርሽኝ በሽታ ያመጣባቸው ቢሆን እንጂ ፣ እንዲሁም ከነሱ በፊት በነበሩ ህዝቦች ያልነበሩ በሽታዎች የሚመጡ ቢሆን እንጂ

🔥— ሰዎች ሚዛንንና ስፍርን አያጎድሉም በድርቅ፣ በቸነፈር እና በባለስልጠን አምባገነንነት ቢፈተኑ እንጂ

🔥— ሰዎች ከሀብታቸው ዘካን አይከለክሉም ከሰማይ ዝናብን የተከለከሉ ቢሆን እንጂ ፣ እንስሳዎች ባይኖሩ ኖሮ አንድም አይዘንብላቸውም ነበር

🔥— የአላህንና የመለእክተኛውን ቃል አይጥሱም በውጭ ጠላት የተወረሩና ከይዞታቸውም የሚወስዱባቸው ቢሆን እንጂ

🔥— መሪዎቻቸው በአላህ ባወረደው ኪታብ ካልመሩና  አላህ ከወረደው መመሪያ የሚመቻቸውን ብቻ አይመርጡም አላህ ጦርነትን በመሀላቸው የሚያደርግባቸው ቢሆን እንጂ

የሙሳ ጎረቤት በጀነት

ነብዩ ሙሳ  አላህን በጀነት ውስጥ ጎረቤቴን አሳየኘ ብለው ጠየቁ  አላህም አላቸው ባለህበት ቦታ ሆነህ   ወዳንተ መቶ በአጠገብህ የሚያልፈው ሰው ጎረቤትህ ነው አላቸው. ሙሴም ማን ወደሳቸው መቶ እንደሚያልፍ ጥቂት ከጠበቁ በኃላ የሆነ ወጣት መቶ በአጠገባቸው አለፈ ከዛም ሙሳ የት እንደሚኖር  ለማወቅ  ተከተሉት.

ከተከታተሉት ብኃላ ወደሆነ  አጠር  ያለ  የደሀ   ቤት ሲገባ ተመለከቱት  ከውጭም ሆነው ይከታተሉት ጀመር, ልጁም  በእድሜ የገፉ ሴት ተሸክሞ ወንበር ላይ አስቀመጣቸው  ከቦርሳውም የሆነ ነገር አውጥቶ ሰጣቸው ነብዩ ሙሳም በአትኩሮት  ይከታተሉት ጀመር.

በልታ ከጨረሰችም ብኃላ ውሃ ሰጣት ከዛም እጆን ወደ ላይ አንስታ ዱአ አደረገች ሙሳም ስለምን ዱአ እንዳደረገች አልተሰማቸውም ነበር
ግን እንቅስቃሴዋን ከውጭ ሆኖ ያይ ነበር. ከዛም ያ ወጣት ልጅ ዱአውን ከጨረሰች ብኃላ ተሸክሞ ቤቱ ውስጥ አስገባት.

ወጣቱም ሲወጣ ሙሳ ቁም አለው ይች ሴት
ማናት አለው  አልመለሰላትም  ለምን ትጠይቀኛለህ አለው  ሙሳም በአላህ ይሁንብህ ይች  ሴት  ማናት ንገረኘ አለው  ልጁም አለ እናቴ ናት. የሆነ ነገር  አውጥተህ ስትሰጣት አይቻለው ምንድነው የሰጠሃት አለው ልጁም ጉበት ነው የሰጠሁዋት ከማርጀቷ በፊት ጉበት ስለምትወድ  እያመጣሁ ሰጣታለሁ አለው. ውሃ  ከሰጣት ብኃላ  እጆን ወደላ ከድርጋ ዱአ ስታደርግ ነበር ስለምድነው ዱአ ያደረገችው ⁉️ ልጁም አለ ከልጅነቴ ጀምሮ ዱአ ታደርግልኛለች እንዲህም ብላ

አላህ ሆይ ልጄን የሙሳ ጎረቤት አድርገው ብላ አለ በጨረሻም እኔ ሙሳ የኢምራን ልጅ  ነኘ  አላህን ጎረቤቴን  በጀነት  አሳየኘ  ብየው  አንተን  አመላክቶኝ  ነው  የተከታተልኩህ , የናትህን ዱአ አላህ ተቀብሏታል አለው ልጅም አለቀስ ሙሳም ላይ ተጠመጠመ

ስለዚህ ወላጆቻችንን ከመርዳት አዘግይ በእዝነት ከተንከባከብናቸው ጀነት ሸልማታችን ነው

           ሱረቱል  ጁምአ

(1) 💎 በሰማያት ያለው በምድርም ያለው ሁሉ ለአላህ ንጉሥ፣ ቅዱስ፣ አሸናፊ፣ ጥበበኛ ለኾነው ያሞግሳል፡፡                                          (2)  💎እርሱ ያ በመሃይሞቹ ውስጥ አንቀጾቹን (ቁርኣንን) በእነርሱ ላይ የሚያነብላቸው፣ (ከማጋራት) የሚያጠራቸውም፣ መጽሐፍንና ጥበብን የሚያስተምራቸውም የኾነን መልክተኛ (ሙሐመድን) ከእነርሱው ውስጥ የላከ ነው፡፡ እነርሱም ከእርሱ በፊት በግልጽ ስሕተት ውስጥ ነበሩ፡፡
(3)💎 ከነሱም ሌሎች ገና ያልተጠጉዋቸው በኾኑት ላይ (የላከው ነው)፡፡ እርሱም አሸናፊው ጥበበኛው ነው፡፡
(4)💎 ይህ የአላህ ችሮታ ነው፡፡ ለሚሻው ሰው ይሰጠዋል፡፡ አላህም የታላቅ ችሮታ ባለቤት ነው፡፡
(5) 💎የእነዚያ ተውራትን የተጫኑትና ከዚያም ያልተሸከሟት (ያልሠሩባት) ሰዎች ምሳሌ መጽሐፎችን እንደሚሸከም አህያ ብጤ ነው፡፡ የእነዚያ በአላህ አንቀጾች ያስተባበሉት ሕዝቦች ምሳሌ ከፋ፡፡ አላህም በዳዮችን ሕዝቦች አይመራም፡፡
(6) 💎«እናንተ አይሁዳውያን የኾናችሁ ሆይ! ከሰው ሁሉ በስተቀር እናንተ ብቻ ለአላህ ወዳጆች ነን ብትሉ እውነተኞች እንደኾናችሁ ሞትን ተመኙ» በላቸው፡፡
(7)💎 እጆቻቸውም ባስቀደሙት ኃጢአት ምክንያት በፍጹም አይመኙትም፡፡ አላህም በዳዮቹን ዐዋቂ ነው፡፡
(8)💎 «ያ ከእርሱ የምትሸሹት ሞት እርሱ በእርግጥ አግኛችሁ ነው፡፡ ከዚያም ሩቁንና ቅርቡን ዐዋቂ ወደ ኾነው ጌታ ትመለሳላችሁ፡፡ ትሠሩትም የነበራችሁትን ሁሉ ይነግራችኋል» በላቸው፡፡
(9) 💎እናንተ ያመናችሁ ሆይ! በዐርብ ቀን ለስግደት ጥሪ በተደረገ ጊዜ ወደ አላህ ማውሳት ኺዱ፡፡ መሸጥንም ተዉ፡፡ ይህ የምታውቁ ብትኾኑ ለእናንተ በጣም የተሻለ ነወ፡፡
(10)💎 ሶለቲቱም በተፈጸመች ጊዜ በምድር ላይ ተበተኑ፡፡ ከአላህም ችሮታ ፈልጉ፡፡ አላህንም በብዙ አውሱ፡፡ ልትድኑ ይከጀላልና፡፡
(11) 💎 ንግድን ወይም ዛዛታን ባዩ ጊዜም ቆመህ የተዉህ ሲኾኑ ወደእርሷ ይበተናሉ፡፡ አላህ ዘንድ ያለው ዋጋ ከዛዛታም ከንግድም በላጭ ነው፡፡ «አላህም ከሰጪዎቹ ሁሉ ይበልጥ ሲሳይን ሰጭ ነው» በላቸው፡፡

❤️ ነብዩ ﷺ  “ከአማኞች ኢማኑ የተሟላው ስነ ምግባሩ ያማረው ነው፡፡ ከናንተ በላጫቻችሁ ለሴቶቻቸው በላጭ የሆኑት ናቸው” ብለው ነበር፡፡ [አሶሒሐህ፡ 284]
መልእክተኛው ﷺ “በሴቶች ጉዳይ አደራችሁን” ብለው ነበር፡፡ [ቡኻሪና ሙስሊም]
❤️ ነብይ ﷺ “ከምትበሉት አብሏቸው፡፡ ከምትለብሱትም አልብሷቸው፡፡ አትምቷቸውም፡፡ ...” ይላሉ፡፡ [ሶሒሕ አቢ ዳውድ፡ 1861]
ልክ አንተ በሚስትህ ላይ ሐቅ እንዳለህ ሁሉ ሚስትህም ባንተ ላይ ሐቅ አላት፡፡ 
- (وَلَهُنَّ مِثۡلُ ٱلَّذِی عَلَیۡهِنَّ بِٱلۡمَعۡرُوفِۚ)
❤️ለእነሱም (ለሴቶቹ) የዚያ በነርሱ ላይ ያለባቸው (ሃላፊነት) አምሳያ (ሐቅ በባሎቻቸው ላይ) አላቸው፡፡” [አልበቀራህ፡ 228]
- (وَعَاشِرُوهُنَّ بِٱلۡمَعۡرُوفِۚ)
(በመልካም ተኗኗረዋቸው፡፡) [አኒሳእ፡ 19]
❤️“አዋጅ! ለናንተ በሴቶቻችሁ ላይ ሐቅ አላችሁ፡፡ ለሴቶቻችሁም በናንተ ላይ ሐቅ አላቸው.”  [ሶሒሑልጃሚዕ፡ 7880]
❤️ “ለቤተሰብህም ባንተ ላይ ሐቅ አለ፡፡ እያንዳንዱን ባለ ሐቅ ሐቁን ስጥ!” [ቡኻሪ]
-❤️“ለሚስትህ ባንተ ላይ ሐቅ አለ፡፡” [ቡኻሪና ሙስሊም]

❤️ ነብዩ ﷺ “ዱንያ መጣቀሚያ ናት ፤ ከመጣቀሚያዎቿ ሁሉ በላጩ ደግ (ሷሊሐህ) የሆነች ሴት ናት” ይላሉ፡፡ [ሙስሊም]

ይቺ ምድር የሰው ልጅ ከመኖሩ በፊት የጂኒዎች መኖሪያ ነበረች አልታዘዝም ብለው ብዙዎቹ  ስላመፁ  ብዙዎቹ እንዲጠፉ  ተደረጉ  የተረፉትም  በምድር  ላይ ይገኛሉ ከነሱ ውስጥም አማኘ አለ ከሀዲም አንደዚሁ በአንድ ወቅት የተወሰኑ የዲኒ ስብስብ  ቁርአን አዳምጠው አስደናቂ መፀሀፍ እንደሆና  እንዲህ ብለው ተናግረዋል

(1) (ሙሐመድ ሆይ!) በል «እነሆ ከጂን የኾኑ ጭፈሮች (ቁርኣንን) አዳመጡ፡፡‹እኛ አስደናቂ የኾነን ቁርኣን ሰማንም› አሉ ማለት ወደእኔ ተወረደ፡፡
(2) ‹ወደ ቀጥታ መንገድ የሚመራን (ቁርአን ሰማን)፡፡ በእርሱም አመንን፡፡ በጌታችንም አንድንም አናጋራም፡፡›
(3) ‹እነሆም የጌታችን ክብር ላቀ፡፡ ሚስትንም ልጅንም አልያዘም፡፡›
Al-Jinn 72:1-4


🔰ይህ ቁርኣን ወደዚያች እርሷ ቀጥተኛ ወደ ኾነችው መንገድ ይመራል፡፡ እነዚያንም በጎ የሚሠሩትን ምእመናን ለእነሱ ታላቅ ምንዳ ያላቸው መኾኑን ያበስራል፡፡17:9

🔥እነዚያም በመጨረሻይቱ ዓለም የማያምኑት ለእነሱ አሳማሚ ቅጣትን አዘጋጅተንላቸዋል፤ 17:10

ዝነኛዋ አነቃቂ ተናጋሪዋና ( motivational speaker) አስተማሪዋ  ሰባሪማላ  ከታሚል  ባሁን መጠሪያዋ ፋጡማ በመጀመሪያ የመካ ጉዞዋ  እንዲህ አለች

"በዚህ ሀገር ይህን ያህል ጥላቻ ለሙስሊሞች ለምን ብይ ራሴን ጠየኩ  እና  ገለልተኛ  ሆኜ ቁርአን ማንበብ ጀመርኩ  ከዛም እውነትን ተረዳሁ  አሁን ከራሴ በላይ እስልምናን እወዳለሁ"

ሙስሊሞችንም  ቁርአን በዙሪያቸው  ላሉት ሁሉ እንዲያነብት  ማስተዋወቅ አለባቸው አለች በተጨማሪም

" እናተ ሙስሊሞች በቤትችሁ የደበቃችሁት ድንቅ መፀሀፍ አላችሁ አለም ይሀን መፀሀፍ ሊያነብ ይገባል "  አለች

ሙስሊም ያልሆኑ ሰዋች ብዙ ጊዜ  በደፈናው ለእስልምናና  ለሙስሊሞች ጥላቻ አላቸው  ይህም እስልምናን ማንም ካወቀው  ሀቅ መሆኑን ስለሚረዳ  ይህን ለመከላከል ሰይጣን በሩቂ እንዲጠሉት ስለሚያደርጋቸው ነው, በሰይጣንና ተከታዮቹን  የስም   ማጥፋት   ሳይታለል   ሚዛናዊ   ሆኖ እስልምናን ለመረመረ በቀላሉ  እውነተኛው እምነት  መሆኑን ይረዳል.

ዶ/ር  ቶምፕሶን በጀርመን ሆስፒታል ውስጥ የሚሰራ እንግሊዛዊ ሀኪም ሲሆን  እውነትን ከልቡ በመፈለግ ቁርአንን አጥንቶ  እስልምናን ተቀብሎ  ወደ መካ በመገጓዝ ኡምራ አድርጓል  አላህ መልካም ስራውን ይቀበለው  በኢማኑም ላይ ያጠንክረው 

በዚህ ዘመን ያለን ሰዎች በትምህርትም ይሁን በሌላ ምክንያት በርከት ያሉ መፀሀፍትን አንብበናል ቁርአንን የመጀመሪያው ሀምሳ ገፅ  ብቻ እንኳን በነፃ አይምሮ ያነበበ የፈጣሪ መፀሀፍ እንደሆነ ለመረዳት አይከብደውም
ስለዚህ ስንትና ስንት መፀሀፍ አንብበን እንዴት ከፈጣሪ የተላከልንን አንድ መፀሀፍ ሙስሊም ላልሆኑ ሰዎች  እንዲያነቡት  አንጋብዝም⁉️

እናንተ  ያመናችሁ ሆይ! ከእናንተ ውስጥ ከሃይማኖቱ የሚመለስ ሰው አላህ (በእነርሱ ስፍራ) የሚወዳቸውንና የሚወዱትን፣ በምእመናን ላይ ትሑቶች፣ በከሓዲዎች ላይ ኀያላን የኾኑን በአላህ መንገድ የሚታገሉን የወቃሽን ወቀሳ የማይፈሩን ሕዝቦች በእርግጥ ያመጣል፡፡ ይኸ የአላህ ችሮታ ነው፤ ለሚሻው ሰው ይሰጠዋል፤ አላህም ችሮታው ሰፊ ዐዋቂ ነው፡፡ 5:54