Nolawi ኖላዊ

የዲያቆን አሸናፊ መኰንን 46ኛው መጽሐፍ

ርእስ:- መንፈሳዊ በረከት
የኤፌሶን መልእክት ትርጓሜ
ገጹ 433
ዋጋው 500 ብር


ቀድመው ለገዙት በስማቸው በፀሐፊው ፊርማ በክብር ይበረከትላቸዋል !

በእውነት የዘመኑ ድንቅ መስተዋት የሆነ ትርጓሜ ነው ! አሁን ቀድመው ይግዙና አገልግሎቱን ያግዙ !

ቀጥሎ ባሉት  የባንክ አድራሻዎች ያስገባችሁበትን ደረሰኝ በ 0911699907 ላይ በቴሌግራም ያስቀምጡልን !

አሸናፊ መኰንን ወርቁ
Ashenafi Mekonnen worku 
የኢትዮጵያ ንግድ ባንክ
1000165078482

አቢሲንያ ባንክ
23202573

ወጋገን ባንክ
0870286030101

አዋሽ ባንክ
Awash Bank
01320034656200

የማርቆስ ወንጌል ትርጓሜ 50

ማር.14-16

የመጨረሸው ክፍል

ዲያቆን አሸናፊ መኰንን

Live stream finished (1 hour)

Live stream started

እግዚአብሔር ቢፈቅድና ብንኖር ዛሬ ዓርብ  ጥር 9  ቀን 2017 ዓ.ም በኢትዮጵያ አቆጣጠር ምሽት 2 ፡ 00 ላይ ለ45 ደቂቃ የቀጥታ የስብከተ ወንጌል ስርጭት በቴሌግም ቻናላችን ይኖረናል:: ራሳችሁንና ወዳጆችን እንድትጋብዙ እንጠይቃለን ::

በክርስቶስ ሰላም

https://t.me/Nolawii

ባዶነት ሲሰማን 

ብርሃን አንድ ቢሆንም ጨለማዎች ግን ብዙ ናቸው ። ይህን ዓለም ለማበጀት ለመጀመሪያ ጊዜ የተሰማው የአዋጅ ድምፅ “ብርሃን ይሁን” የሚለው ትእዛዝ ነው ። “ብርሃን ይሁን” የሚለው አዋጅ የተሰማው በሦስት ምክንያት ነው፡- “ምድርም ባዶ ነበረች፥ አንዳችም አልነበረባትም ጨለማም በጥልቁ ላይ ነበረ የእግዚአብሔርም መንፈስ በውኃ ላይ ሰፍፎ ነበር” ይላል ። ዘፍ. 1፡2። ምድር ባዶ መሆንዋ ፣ ጨለማ በጥልቁ ላይ መሆኑ ፣ የእግዚአብሔር መንፈስ ሥራ ለመጀመር በዝግጅት ላይ መሆኑ ነበር ። ምድር ታላቅ ባዶነት ገጥሟት ነበር ። ይህ ባዶነት ያለ እጽዋት ፣ ያለ ፍጥረታት ፣ ያለ እንስሳት ፣ ያለ አፍላጋት ፣ ያለ ሰዎች ባዶና መላጣ ፣ ጉበት መሳይ ነበረች ። ባዶነትዋ አንዳች ያልነበረው ዕራቁትነት ነበር ። የሚኖርባት ምንም ነገር ፣ የሚያኖርም ምንም ነገር አልነበረባትም ። ይህንን ባዶነት ለማራቅ የተሰማው ቃል “ብርሃን ይሁን” የሚል ነው ። ይህ ባዶነት እንደገና የብርሃን ጸጋ ያልነበረው ጽኑ ጨለማ የዋጠው ነበር ። “ብርሃን ይሁን” የሚለው አዋጅ ባዶነትን የሚሞላ ነው ። ብርሃን ባዶነትን ያጋልጣል እንጂ እንዴት ባዶነትን ይሞላል ብንል በቃል አዋጅ የተሰማው ብርሃን ባዶነትን የሚሞላ ነበር ። እግዚአብሔር የነቢብ ፍጥረታትን በብርሃን አዋጅ መግለጥ ጀመረ ። 

ምድር ያኔ ስትፈጠር እንደ ነበረው ዛሬም የሚታይ በጎ ፣ የሚሰማ ብሥራት አጥታ ባዶነት ውስጥ ተቀምጣለች ። ዓይንና ጆሮን የሚይዙት ዘመናዊ መገናኛዎች የሚያሳዩንና የሚያሰሙን ክፉ ዜና ነው ። ጆሮ ደግ ነገርን ተርቧል ። ዓይንም ማረፊያ አጥቷል ። ስለ ደኖች ይወራል ፣ ሰው ግን ይጨፈጨፋል ። ብርሃን ክርስቶስ ነው ። ያለ እርሱ ምድር ምንም የሌላት ናት ። የእሳት እራት ለመሆንም የተዘጋጀች ናት ። ብርሃን ክርስቶስ ሥራውን ሲጀምር ባዶነታችንን ይሸፍናል እንጂ አያጋልጥም ። ሁሉ በእርሱ ሆነ የተባለለት ክርስቶስ በሥልጣን ቃሉ “ብርሃን ይሁን” እንዳለና ባዶነትን እንዳሸነፈ ዛሬም “ብርሃን ይሁን” ብሎ የነፍሳችንን ባዶነት ሊሞላው ይችላል ። ምድር ባዶነትዋን ለመሙላት ቃሉን ተቀብላለች ። ብርሃን በራሱ ስጦታ ነው ፣ የተሰጠንንም የምናየው በብርሃን ነው ።

ባዶነት ትልቅ ጩኸት ነው ። ባዶ ነገር ሁሉ ድምፅ ያስታጋባል ። ባዶነት ጸጥታ አይደለም ፣ ባዶነት ድምፅን ማጉላት ነው ። ባዶነት ያጠቃቸው ሰዎች ብዙ በመናገር ምንም አለማወቃቸውን ለመሸፈን ይሞክራሉ ። በምድር ላይ ታውቆ የሚነገር አለ ፣ እርሱም አዋቂ ያሰኛል ። ታውቆ የማይነገር አለ ፣ እርሱ ጨዋና ልከኛ ሰው ያሰኛል ። ታውቆ የሚነገረውን ያወቀም የሚሰማም እየጠፋ ነው ፣ ታውቆ የማይነገረውን የሚናገረውም የሚሰማውም እየፈላ ነው ። እውቀት ሲያንስ አፍ ሥራ ይበዛበታል ። ውኃ የሞላ እንስራ ጸጥ ይላል ፣ ጎዶሎው ይንቦጫቦጫል ። እሸት ፍሬ ያለው አገዳ ዘንበል ይላል ፣ ባዶ አገዳ ቀጥ ይላል ። በፍርድ ቤት ሰው ሰውን ሲገድል ያዩ ምስክሮች ይህን ስላወቁ በሊቅ መዝገብ አይጻፉም ። የመረጃ እውቀትም አዋቂ አያሰኝም ። ሰዎች የመረጃ እውቀትን ከሕይወት እውቀት መለየት አለባቸው ። ዜና ቶሎ ድርቆሽ የሚሆን ሲሆን ደግመው ቢያወሩት የሚሰለች የዕለት ድምፅ ነው ። ሕይወት ግን የዘመናት ርእስ ነው ። ምድር ባዶ ስለነበረች ታስተጋባ ነበር ። በመጀመሪያው የምድር ጉዞ የነበረው ሁነት በመጨረሻው የምድር ዘመን ይደገማል ። ሩጫ የጀመረበት ጋ ይጠናቀቃል ። ስለዚህም ባዶነት ፣ ማስተጋባት የመጨረሻ ዘመን ጠባይ ነው ። የመጨረሻው ዘመን ገዥ ሐሰተኛው መሢሕ የስድብ አፍ ተሰጠው ይላል ። ተሳዳቢነት ፣ ቅለት ፣ ሌላውን ማሳነስ የአውሬው ጠባይ ነው ። “ታላቅንም ነገርና ስድብን የሚናገርበት አፍ ተሰጠው” ይላል (ራእ. 13፡5)። ባዶነት የምድር ትልቅ ፈተና እየሆነ ስለመጣ አዋቂዎች ዱዳ አላዋቂዎች ደግሞ ተናጋሪ ሆነዋል ። ያልተጣሩ እውቀቶች በድፍረት ይነገራሉ ። ነጻነት ተብሎ የሚጠራው አንዱ አንዱን ማዋረድ ፣ ገዥዎችን መሳደብ ነው ። 

በሰለጠነው ምድር የአእምሮ ሕመም የብዙዎች ፈተና ነው ። እጆች ሥራ ሲቀልላቸው አእምሮ ሥራ በዝቶበታል ። የባዶነት ስሜት የአእምሮ ሕመምን እያመጣ ነው ። ማኅበራዊ ኑሮ መፍረሱ የሰው ልጆችን ዕድሜ አጭር እያደረገው ነው ። ሰዎች ላለመነካካት ፣ ላለመቀራረብ የሚያደርጉት ጥረት ፣ የተፈጠረው ግለኝነት ከፍተኛ የሆነ የብቸኝነት ስሜትን ወልዷል ። ለሌላው ዋጋ ላለመክፈል የሒሳብ ኑሮን እንደ ትልቅነት መቍጠር ደስተኛነትን አርቋል ። ምን አገባኝ ፣ እርሱም የራሱን ፣ እኔም የራሴን የሚለው የድንበር ኑሮ ሰዎች በባዶነት እንዲሰቃዩ አድርጓል ። ብዙዎች ሀብትን ሰብስበዋል ፣ ለእርካታ የሚሆን በጎነትን ግን አልሠሩም ። ደግነት የሌለበት ሀብት የባዶነት መነሻ ነው ። ብዙ ቢሊየነሮች ሁሉን ጨብጠው እርካታ ሲያጡ ወደ እርዳታ ፊታቸውን በማዞር እፎይ ማለት ይጀምራሉ ። በመስጠት ውስጥ ደስታ ተቀብሯል ። ድሆች ደስታ ፣ ባለጠጎች ገንዘብ አላቸው ። ገንዘባችንን ለድሆች ስንሰጥ ድሆች ደግሞ ደስታን ይለቁልናል ። ምነው የሰው ሁሉ አንገት አንድ በሆነልኝ እስኪሉ የመግደል ጥማት ያለባቸው ገዥዎች በባዶነት ይመታሉ ። ምድርን ባዶ ካደረጉ ባዶነት በግድ ይመጣል ። ዛሬ የሰው ልጆች ቍጥር አሳስቦናል የሚሉ ሰውን እንደ ጉድፍ እየጠረጉት ነው ። የወደፊት ትልቅ እቅድም ይኸው ሰውን እንደ ቆሻሻ ማጽዳት ነው ። ምድር ያለ ሰው ባዶ ናት ። ስለዚህም ለባዶነት ስቃይ ራሳችንን እያዘጋጀን ነው ። ብርሃን ሲበራልን ግን ሰው አስፈላጊ መሆኑን እንረዳለን ። አዎ ሰው ከነ ክፋቱ ጥሩ ነው ። 

ብርሃን የበራላቸው ቃለ እግዚአብሔርን ዕለታዊ ምግባቸው ያደርጋሉ ፣ ከሰዎች ጋር መገናኘት ፣ ደግሶ ሰዎችን ማብላት ፣ ከወዳጆች ጋር መጫወት ፣ በጎ አድራጎት ማድረግ ይፈልጋሉ ። ይህን ብርሃን ያጡ ሰዎች ከቃለ እግዚአብሔር ዜናን ያስቀድማሉ ። የሚገርመው የመረጡትን መርጠው ጨነቀኝ ማለታቸው ነው ። የሚያስጨንቅ ነገር ሰምቶ መጨነቅ ግድ ነው ። ለአማኝ ዜናው ትንቢቱን የሚያስተውልበት ፣ የጸሎት ርእስ ነው ። በንፍገት የተሞሉ ፣ ብቻዬን ልብላ የሚሉ ሰዎች በባዶነትና በጨለማ ውስጥ የሚኖሩ ናቸው ። የክርስቶስ አዋጅ ዛሬም ብርሃን ይሁን የሚል ነው ። መብራት የገባለት አካባቢ ቶሎ ያድጋል ፣ ብርሃን ክርስቶስን ያገኘ አእምሮ ይለማል ።

ባዶነት ሲሰማን እግዚአብሔር ከእኛ ጋር መሆኑን ማመን ይገባል ። ትልቁ ባዶነት ያለ ሰው ሳይሆን ያለ እግዚአብሔር መሆን ነው ። የቀጠልነውን ኃጢአት ማቆም ፣ ያቆምነውን ጽድቅ መጀመር የባዶነት መድኃኒት ነው ። ማኅበራዊነት ምርጫ ሳይሆን ግዴታ ነው ። የምንሰጠውም የምንቀበለውም አለ ።

ይቀጥላል
ዲያቆን አሸናፊ መኰንን
ጥር 6 ቀን 2017 ዓ.ም.

አንጋው

“ደግሞም ኢየሱስ፦ እኔ የዓለም ብርሃን ነኝ ፤ የሚከተለኝ የሕይወት ብርሃን ይሆንለታል እንጂ በጨለማ አይመላለስም ብሎ ተናገራቸው ።” ዮሐ. 8፡12።

“ተው አንጋው ተው አንጋው ብታነጋው ምነው ፣
ለተጨነቀው ሰው ቀኑም ጨለማ ነው ።”

ከዛሬ ነገ ይሻላል ብሎ ተስፋ ያደረገው ሰው ፣ ሌሊቱ አልፎ ቀን ይመጣል ብሎ የሚጠብቀው ፣ ከአራዊቱ ሰዓት ፣ ከሌባው ምጽአት መትረፍ የሚፈልገው ፣ ጨለማው ረዝሞበት ብርሃን የናፈቀው ፣ በጽልመት ውስጥ ሆኖ ጉንዳን የሚነክሰው ፣ ሚስቱ ምጥ ተይዛ የሚያቀብለው መፍትሔ ያጣው ፣ ልጁ ከእንቅልፍ ነቅቶ የሚበላ ቢለው የሚሰጠው መና የሌለው ፣ ቢጮህ የሚደርስለት ፣ ቢጣራ አቤት የሚለው ያጣው ፣ ራሱንም ዙሪያውንም ለማየት ውድቅቱ የከለከለው ፣ ፍጥረተ ዓለም አሸልቦ እርሱ የነቃው ፣ በተለመደው ሌሊት ሳይሆን በሕይወት ጨለማ የተጨበጠው ፣ እግር እያለው የማይራመደው ፣ እጅ እያለው ማጉረስ የማይችለው ፣ የኋላውም የፊቱም አልታይ ያለው ፣ አጠገቡ ማን እንዳለ ማስተዋል የተሳነው ፣ አለሁ እያሉት የሌሉ ሰዎች ያደከሙት ፣ መስጠትን አውቆ የሚያበድረው ያጣው ፣ ለሁሉ አልቅሶ የእርሱ ልቅሶ ግን አጋዥ የሌለው ፣ ትዳሩ ያመለጠው ፣ ተበድሮ ያሳደጋቸው ልጆቹ በደለኛ ያደረጉት ፣ የኖረላት አገር ሞት የፈረደችበት ፣ ያስተማረው ሕዝብ ስም የሰጠው ፣ የዘመድ ምቀኛ ፣ የወዳጅ ሸረኛ ያስጨነቀው ፣ ውኃ ይዞ ትን የሚለው ፣ ነገር ገብቶት ብቻውን የሚያወራው ፣ እምነቱ ቀዝቅዞበት ፣ ፍቅሩ የተፈተነበት ፣ ተስፋው እንደ ኩራዝ መብራት ጭል ጭል የሚልበት ያ ወገን የሚለው አንድ ነገር ብቻ ነው፡-

“ተው አንጋው ተው አንጋው ብታነጋው ምነው ፣
ለተጨነቀው ሰው ቀኑም ጨለማ ነው ።”

የቀን ጨለማ ከሌሊት ጨለማ ይከፋል ። በአገሩ ብዙ ጠብቆ ተስፋው የተሰበረ ፣ ክዶ የማይክደው ቤተሰቡ ያስጨነቀው ፣ የአካሉ ክፋይ ልጆቹ ባዕድ ያደረጉት ፣ የገዛ ጉልበቱ ሲከዳው የተበሳጨው ፣ እንዴት ይህን ያደርጋል ? ብሎ በሰው የፈረደው ነገር ሁሉ እርሱን ሊገዛው የመጣበት መንጋቱን ይለምናል ። የቀን ጨለማ ወራሪ ሆኖ የመጣበት ፣ ሰዉ እየሳቀ እርሱ ያለቅሳል ። የልቤን ለማን ልንገረው ? ብሎ ከስምንት ቢሊየን ሕዝብ አንድ ሰው ያጣል ። ጠላቶቹ ጉልበታም እየሆኑ  እርሱ ግን እየኮሰሰ የመጣ ይመስለዋል ። የሚያስፈራ ነገር ሳይሆን ራሱ ፍርሃት መንገድ ዘግቶ አላስወጣ አላስገባ ይለዋል ። ልቡ በድንገት ይመታል ፣ ፍጥረት ሥርዓቱን ጠብቆ እየተጓዘ ቢሆንም የተንገዳገደ መስሎ ይሰማዋል ። ሰው በራሱ ፣ በቤተሰቡና በአገሩ ሊያየው የሚፈልገው ነገር አለ ። የሚኖረውም ይህን ለማየት ነው ። ጸሎቱም፡- “ኢታርእየኒ ሙስናሃ ለኢየሩሳሌም - የኢየሩሳሌምን ጥፋት ፣ የአገሬን ውድመት አታሳየኝ የሚል ነው ። ራሱ ታጥቦ ጭቃ ሲሆንበት ፣ እየከፈለ ሲታወክ ፣ ክብሩን በማይመጥን ስፍራ ሲውል ፣ የሚመራቸው ሕፃናት ሲመሩት ብስጩ እየሆነ ይመጣል ። ያናደደውን ሰው መራቅ የቻለ ያናደደውን ኃጢአት ግን መለየት አይችልም ። በወጣትነቱ የጸናው ቤቱ ፣ ልክ ሳይሆን ልክ ነህ ይለው የነበረው ትዳሩ አሁን ጉልበቱ ሲደክም ወቃሽ ሲሆንበት በድንገት ሊወድቅ ያህል ይንገዳገዳል ። አገር መጠሪያ ፣ መኖሪያ ፣ መቀበሪያ ናት ። አገሩ ያልተረጋጋች ቤቱ ቢረጋጋም የውሸት ነው ። ማን ላይ ቆመሽ ማንን ታሚያለሽ ይባላል ። መቆሚያው አገር ነው ። አገር የተስፋ ዳቦ እየገመጠች ስትኖር ፣ ሚሊየኖች እንደ አንድ ሰው በአንድ ዓይነት ችግር ሲያልፉ ፣ ሰንሰለታማው መከራ መቁረጫ ሲያጣ አንጋው ከማለት የበለጠ ልመና የለም ። ማንበብና መጻፍ አይችልም የምንለው ያ የገጠሩ ሰው አንጋው እያለ የቀኑን ጨለማ ለአምላኩ ያስረክባል ።

ሊያጠቁት ያሉት ኑሮ መልሶ ሲያጠቃ ፣ ራእይ እሰጣለሁ ብለው ወጥተው ራእይን ሲነጠቁ ፣ ክፉዎችን ደግ አደርጋለሁ

ብለው አቅደው እንደ እነርሱ ክፉ ሲሆኑ ብዙዎችን እናያለን ። የክፋቱ ስበት የወጣውን ሁሉ እያወረደ ፣ የጽድቅ ደቀ መዛሙርትን እያሳነሰ ፣ የኃጢአት ግብረ አበሮችን እያበዛ ይስተዋላል ። የወደቀ አስተሳሰብ የነበራቸው ግለሰቦች ጥንትም ነበሩ ። የሚበዛው ማኅበረሰብ ግን ደግ ነበርና በእነርሱ ይሸፈን ፣ ይገሠጽ ነበር ። ዛሬ የማኅበረሰብ ውድቀት እያጋጠመ ሲመጣ ተው ባይም እየጠፋ ነው ። አዎ ነግቷል ብዙ ሰው የመሰማራት አቅም የለውም ። የሚታየው ብርሃን ወጥቷል ፣ የማይታየው ጽልመት ግን ቀኑን አጨልሞታል ። ቀኑን ለመግፋት ሰው ሁሉ ሲፈርድ ይውላል ። በሥልጣኑ ሊገቡበት የማይወደው አምላክ ፍርድ የእርሱ ገንዘብ ናትና የሚፈርዱትን ሰዎች ሳይቀጣ አይቀርም ። የሚገርመው ፈራጆቹን ጥሎ የተፈረደባቸውን ያነሣል ። በዚህ ሁሉ የቀን ጨለማ ፣ ንጋትን በሚያስናፍቀው ጽልመት እውነተኛው ብርሃን ማን ነው ? ቦግ ብሎ የማይጠፋው ፣ ቀጥሮ የማይቀረው ፣ መጣሁ ብሎ የማይረሳው ፣ አስጠብቆ እልም የማይለው ፣ ቃል ገብቶ ቃሉን የሚፈጽመው እውነተኛው ብርሃን ማን ነው ? የቀኑን ጨለማ የሚዋጋው ፣ በተስፋ የሚባርከው ፣ ንጋትነቱ የማይመሸው ፣ ለልብም የሚያበራው የእግዚአብሔር ልጅ ኢየሱስ ክርስቶስ ነው ።

አንተ የሕዝብ ንጋት ሆይ ድመቅ ፣ አንተ የብርሃን ትንታግ በየሰው ቤት ላይ እረፍ ፣ አንተ የምታድን እሳት ገለባነታችንን አስወግድ ። ኢየሱስ ክርስቶስ ጌታችን ሆይ እንወድሃለን ። አሜን ።

ይቀጥላል

ዲያቆን አሸናፊ መኮንን
ጥር 5 ቀን 2017 ዓ.ም.

ነጻነት ለሰው

“ክብር ለእግዚአብሔር በአርያም ይሁን ሰላምም በምድር ለሰውም በጎ ፈቃድ።” ሉቃ 2፡14

ዲያቆን አሸናፊ መኮንን

Live stream finished (1 hour)

Live stream started

እግዚአብሔር ቢፈቅድ ብንኖር ዛሬ እሑድ ጥር 4 ቀን 2017 ዓ.ም. በኢትዮጵያ አቆጣጠር ከጠዋቱ 4፡30 ላይ ለ45 ደቂቃ የቀጥታ ስርጭት በቴሌግራም ቻናላችን ላይ ይኖረናል ! ይህን ክቡር ገበታ ለራሳችሁና ለሌሎች ጋብዙ!

በክርስቶስ ሰላም


https://t.me/Nolawii

እንኳን ለ 2017 ዓ.ም. ለጌታችንና ለመድኃኒታችን ለኢየሱስ ክርስቶስ የልደት በዓል በሰላም አደረሳችሁ !

አይዞህ መሞት የለም

“ኢየሱስም፦ እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም ። እኔንስ ብታውቁኝ አባቴን ደግሞ ባወቃችሁ ነበር። ከአሁንም ጀምራችሁ ታውቁታላችሁ አይታችሁትማል አለው።” ዮሐ. 14 ፡ 6-7 ።

ንጉሥ ዳዊት ወደ ሥልጣን ከመምጣቱ በፊት ብዙ ትግል አሳልፎአል ። ዳዊት ያጽናናው ንጉሥ ሳኦል ካልገደልኩህ ብሎ አሳዶታል ። ከሞት የተረፈው ሰው ከጉድጓድ ያወጣውን ዳዊትን አልይህ ብሎ ጠልቶታል ። የእኔ ሕይወት ያለው የዳዊት መቃብር ላይ ነው በማለት ሳኦል አምኗል ። ሳኦል የዳዊት እርግጠኛ ጠላቱ ሲሆን የሳኦል ልጅ ዮናታን ደግሞ የዳዊት እርግጠኛ ወዳጁ ነበር ። ጨርሶ አይጨልምም ፣ ሁሉ ጠላት ሁሉ ወዳጅ አይሆንም ። ለዳዊት በእረኝነት አቅም የንጉሥ ጠላትን መሸከም ከባድ ነው ። ሰው ግን የተሰጠውን አልችልም አይልም ። ሳኦል የነገውን የዳዊት ክብር አይቶ ፈራ ፣ ዳዊት ደግሞ የዛሬውን ትግል አይቶ ተስፋ ቆረጠ ። መድረሻችን ከእኛ ይልቅ ለሚጠሉን ይታያቸዋል ። ዮናታን ምንም እንኳ አልጋ ወራሽ ቢሆንም ዳዊት እንዲነግሥ ይፈልግ ነበር ። ፍቅር ለወዳጁ ንግሥናንም ይለቃል ። እነዚህ ቡሩካን በብሉይ ኪዳን የሐዲስ ኪዳንን ኑሮ የኖሩ ነበሩ ። ዮናታን ዳዊት ተስፋ እንዳይቆርጥ ሊያበረታታው ሲሞክር ፣ ዳዊት ግን ሁሉም ነገር አብቅቷል የሚል ስሜት ውስጥ ገብቶ ነበርና እንዲህ አለ፡- “በእኔና በሞት መካከል አንድ እርምጃ ያህል ቀርቶአል ብሎ ማለ ።” /1ሳሙ.20፡3 / ምሎ ተስፋ ቆረጠ ፣ የሞትን ድምፅ ሰማ ።

ሕይወት ሳይሆን ሞት የሚሸተው ፣ በአቅሜ የማልመልሰው ጠላት መጥቶብኛል ፣ መደበቅ እንዳልችል ሠራዊት ያስሰኛል ፣ ዘመን እንደ ገደል ከድቶኛል እያለ የሚጨነቅ ሰው ብዙ ነው ። “አዲሱ ሬሳ የቆየውን አስነሣ” እንዲሉ ከልጅነቱ ጀምሮ ያሳለፈውን ትግል እያሰበ ፣ የዛሬን ማዕበል እየደመረ እኔ ለደስታ አልተሠራሁም ፣ እንባ ቀለቤ ፣ ልቅሶ ኑሮዬ ነው የሚል ዕለት ዕለት እየጨመረ ነው ። በሞትና በእርሱ መካከል አንድ እርምጃ የቀረ የሚመስለው ሰው ብዙ ነው ። ያዕቆብ በዚህ ስሜት ውስጥ ሆኖ የጭንቀት ሌሊትን ፣ የፍርሃት አዳርን አስተናግዶ ነበር ። ወንድሜ ይገድለኛል ብሎ በመፍራት የምጥ ሌሊት አሳለፈ ። የነደፋቸው ስልቶች ዕረፍት አልሰጡትም ። ለሚስቶቹና ለልጆቹ ለማማከር ልቡ አላዘዘውም ። ብቸኛው ያዕቆብ ካልባረከኝ አልለቅህም ብሎ ሙሉ አዳር በእንባ ጸለየ ። ሲነጋ ግን እንደ ፈራው አልነበረም ፣ ወንድሙ በፍቅር ተቀበለው ፤ የዘመናት ፍርሃቱ ከንቱ ነበር ። ቦታው ላይ ሲደርስ ሁሉም ነገር እንዳሰበው አልነበረም ። ዳዊትም አብቅቶልኛል ፣ ካልተገናኘን ስላደረግህልኝ በጎነት ሁሉ አመሰግናለሁ ብሎ ዮናታንን ቢሰናበትም እውነቱ ግን ያ አልነበረም ። ዮናታን ቀድሞ ሞተ ፣ ዳዊት በሳኦል ዙፋን ተቀመጠ ። እንደውም የምንሞት ሲመስለን ልንኖር ተፈቅዶልናል ማለት ነው ። ጠላት የሞትን ድምፅ ሲያውጅብን ከዘማሪው ዳዊት ጋር በመሆን “አልሞትም በሕይወት እኖራለሁ እንጂ፥ የእግዚአብሔርንም ሥራ እናገራለሁ” ልንል ይገባናል ። /መዝ. 117፡17/።

ድባቴዎች እየተጫጫኑ ሲመጡ ሰውነት መዛል ፣ ተኝተን ስንነሣም የድካም ስሜት ፣ ደጁን መፍራት ፣ ከሰዎች ጋር መገናኘት አለመፈለግ ፣ ካለንበት ዞን ላለመውጣት መጣር ፣ እሞታለሁ የሚል ፍርሃት እየተጫነን ይመጣል ። ከብዙ ውጣ ውረዶች ፣ ጠብቀናቸው የነበሩት ነገሮች ካለ መሳካታቸው የተነሣ ፣ በዙሪያችን የሚያረካ ነገር ፈልገን በማጣት ወደዚህ ስሜት ልንገባ እንችላለን ። ድባቴዎች እንደ ድንጋይ የሚጫኑ ፣ የራሳቸው ሙቀት ያላቸው እስር ቤቶች ናቸው ። ፈጥኖ መጸለይ ፣ ቃለ እግዚአብሔር መስማት ፣ ወደ ቤተ ክርስቲያን መሄድ ፣ ከወዳጆቻችን ጋር መጫወት አስፈላጊ ነው ። የሚሰማን የሞት ድምፅ ከሰማይ የመጣ ሳይሆን ድባቴ ያስከተለው መሆኑን በመገንዘብ መንቃት አለብን ። ሞት ሌባ ነውና ማንም ጋ መጣሁ ብሎ መጥቶ አያውቅም ። ከሁሉ በላይ በውስጣችን የሞት ድምፅ ስንሰማ ክርስቶስ እኔ ሕይወት ነኝ ያለውን ማስታወስ ይገባል ። በባሕሩ ማዕበል እየተወዘወዘ ያለው ጳውሎስ ፣ የቁም እስረኛ ሆኖ ወደ ሮም የሚወሰደው ሐዋርያ፡- “ብዙ ቀንም ፀሐይን ከዋክብትንም ሳናይ ትልቅ ነፋስም ሲበረታብን ጊዜ፥ ወደ ፊት እንድናለን የማለት ተስፋ ሁሉ ተቈረጠ” ብሏል ። /የሐዋ. 27፡20/። ክርስቲያን ተስፋ ቆርጦ አይቀርም እንጂ ተስፋ መቍረጥ ሊሰማው ይችላል ። ጳውሎስን ያበረታው ግን በሮም መናገሻ በቄሣር ፊት ወንጌልን ትሰብካለህ ያለው የጌታ ቃል ይፈጸማልና በባሕር ውስጥ አልቀርም የሚለው እምነቱ ነው ። ሰው ቃል እያለውም ይፈራል ፣ ተስፋ ይቆርጣል ።

የእኔ ነገር አብቅቷል የሚሉ ድምፆች እየተበራከቱ ነው ። ዙሪያውን ሲያይ ጨለማ ፣ ጆሮውን ቢቀስር የመርዶ ድምፅ የበዛበት ሰው ይደክመውና አብቅቷል ብሎ ለራሱ ይናገራል ። ይህ ድምፅ ብዙ ጊዜ በአፍ የማይናገሩት ለራስ ግን የሚነግሩት ነው ። ደቀ መዛሙርቱ ሁሉም ነገር አብቅቷል ፣ ጌታም ሊያዝና ሊሰቀል ነው ፣ እንዴት ነው የምንኖረው ( ጅምሩ ለምን አላልቅም አለ ( በሚል ተስፋ መቍረጥ ውስጥ ገብተው ፣ ሰዉ ሁሉ አድካሚ ሆኖባቸው ሳሉ ጌታችን እኔ ሕይወት ነኝ አላቸው ።

አዎ በራሳችን ፈቃድ አልመጣንምና በራሳችን ኃይል መኖር አንችልም ። ክፉ ጠረን ያለው የሞት ሽታ ሲመጣብን ክርስቶስ የሕይወት ሽታ መሆኑን ማመን አለብን ። ዓላማችን ቢጠፋንም እግዚአብሔር ግን በእኛ ላይ ዓላማ አለው ። ተረስተን በምድር ላይ የቀረን ፣ የማይኖር ኑሮ የተሰጠን አይደለንም ። ለቀኑ የሚሆን ኃይል ከሰማይ ይመጣል ። ክርስቶስ ለቆሰለው ሥጋችን ፣ ለዛለው መንፈሳችን ሕይወትን ይሰጣል ። መጠውለጋችንን ሊያለመልም እርሱ ወደ እኛ ይመጣል ።

አላበቃም ሕይወት ክርስቶስ ነው ። ትሞታለህ የሚለውን የጠላት ድምፅ አትስማ ፣ ክርስቶስ ሞትን የሚያሸነፍ ሕይወት ነው ። ጨለማ የራሱ ህልውና የለውም ፣ የብርሃን አለመኖር ጨለማን ይፈጥራል ። ሞትም ህልውና የለውም ፣ ክርስቶስ ሕይወት ካልሆነልን የሚበረታብን ነው ። ክርስቶስ ሕይወት በሆነበት ሞት የለም ። አይዞህ ወዳጄ መሞት የለም !

ዲያቆን አሸናፊ መኰንን
ታኅሣሥ 28 ቀን 2017 ዓ.ም.

የተወለደው የአይሁድ ንጉሥ ወዴት ነዉ?

ማቴ.  2፣ 1- 11

ዲያቆን አሸናፊ መኰንን


https://t.me/Nolawii

Live stream finished (1 hour)

Live stream started

እግዚአብሔር ቢፈቅድ ብንኖር ዛሬ እሑድ ታህሣሥ 27 ቀን 2017 ዓ.ም. በኢትዮጵያ አቆጣጠር ከጠዋቱ 4፡30 ላይ ለ45 ደቂቃ የቀጥታ ስርጭት በቴሌግራም ቻናላችን ላይ ይኖረናል ! ይህን ክቡር ገበታ ለራሳችሁና ለሌሎች ጋብዙ!

በክርስቶስ ሰላም


https://t.me/Nolawii

የዲያቆን አሸናፊ መኰንን 46ኛው መጽሐፍ

ርእስ:- መንፈሳዊ በረከት
የኤፌሶን መልእክት ትርጓሜ
ገጹ 433
ዋጋው 500 ብር


ቀድመው ለገዙት በስማቸው በፀሐፊው ፊርማ በክብር ይበረከትላቸዋል !

በእውነት የዘመኑ ድንቅ መስተዋት የሆነ ትርጓሜ ነው ! አሁን ቀድመው ይግዙና አገልግሎቱን ያግዙ !

ቀጥሎ ባሉት  የባንክ አድራሻዎች ያስገባችሁበትን ደረሰኝ በ 0911699907 ላይ በቴሌግራም ያስቀምጡልን !

አሸናፊ መኰንን ወርቁ
Ashenafi Mekonnen worku 
የኢትዮጵያ ንግድ ባንክ
1000165078482

አቢሲንያ ባንክ
23202573

ወጋገን ባንክ
0870286030101

አዋሽ ባንክ
Awash Bank
01320034656200

የማርቆስ ወንጌል ትርጓሜ 49

ማር.14፥ 3- 9

ዲያቆን አሸናፊ መኰንን

Live stream finished (1 hour)

Live stream started

እግዚአብሔር ቢፈቅድና ብንኖር ዛሬ ዓርብ  ታኅሣሥ 25  ቀን 2017 ዓ.ም በኢትዮጵያ አቆጣጠር ምሽት 2 ፡ 00 ላይ ለ45 ደቂቃ የቀጥታ የስብከተ ወንጌል ስርጭት በቴሌግም ቻናላችን ይኖረናል:: ራሳችሁንና ወዳጆችን እንድትጋብዙ እንጠይቃለን ::

በክርስቶስ ሰላም

https://t.me/Nolawii

እውነት ክርስቶስ ነው

“ኢየሱስም፦ እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም ። እኔንስ ብታውቁኝ አባቴን ደግሞ ባወቃችሁ ነበር። ከአሁንም ጀምራችሁ ታውቁታላችሁ አይታችሁትማል አለው።” ዮሐ. 14 ፡ 6-7 ።

እውነት በዘመናውያን አስተሳሰብ መሬት የረገጠችና የተረጋገጠች አይደለችም ። እውነት የግል ምልከታና እሳቤ ተደርጋ ትቆጠራለች ። ያንተ እውነት ላንተ ፣ የእኔ እውነት ለእኔ በሚል ያለመነካካት ሥልጣኔ ውስጥ ላለ ትውልድ ፣ እውነት እንደ ሰዉ የምትለያይ ናት ። ዘመናዊነቱ እያየለ ሲመጣ አንተ ትክክል አይደለህም ብሎ ሌላውን በፍቅር መውቀስ ፣ በሥልጣን መገሠጽ እንዳይኖር ያደርጋል ፣ ስብከትም መታገዱ አይቀርም ። እውነት ነፋስ እንደ ተሞላ ፊኛ የምትንቀዋለል ፣ ከምድር የለቀቀች ፣ ብትወርድም የማትጠቅም ፣ አቅጣጫዋን በነፋሱ መንገድ የምትለዋውጥ አይደለችም ። የሰው ልጆች እውነትን በየዕለቱ እየፈለጉ ከእውነት ግን እየራቁ ይመጣሉ ። ፍርድ ቤት ደጃፍ ላይ እውነትን ይፈልጋሉ ። እውነተኛ ፍቅርን ሲሹ ዘመናቸውን የጨረሱ የሚመስላቸው ሰዎች አሉ ። እውነተኛ ኑሮ የሌላቸውን ሰባክያን ሲወቅሱ የሚታዩ አያሌ ናቸው ። በትልልቅ ቦታ ላይ ያሉ ሰዎች ሲዋሹ የሚሰማቸው ሰው ያፍርላቸዋል ። ትልቅነት ያለ እውነት ትንሽነት ነው ። ሽንገላን ብንወዳጅም ሸንጋዮችን ግን አንወድም ። ልቡ እና ቃሉ የተለያዩበት ሰው ወዳጅ እንዲሆነን አንፈልግም ። እኛ ጋ እየበሉ ጠላት ጋ የሚውጡ ሰዎችን መቀበል ይከብደናል ። ሃይማኖት ለዋጮችም ሥራቸው ያጸይፈናል ። ሰው እሞትለታለሁ ላለው ዓላማ መኖር እንዴት አቃተው? የሚል ትዝብት በውስጣችን ይጮኻል ።

ያለ እውነት ፣ ፍርድ ገዳይን አወድሳ ሟችን የምትኰንን ናት ። ያለ እውነት ፍቅር የላይ ጥርስ እንጂ የልብ ግብዣ የሌለባት ናት ። ያለ እውነት እውቀት ውስጣዊ መዝገብን ማጣበብ ነው ። ያለ እውነት ወዳጅነት ሲገናኙ መወዳደስ ሲለያዩ መቦጫጨቅ ነው ። ያለ እውነት አገር መውደድ ሰውዬውን እየገደሉ ተራራ ሸለቆውን ማምለክ ነው ። ያለ እውነት አገልግሎት ሰማይን እያዩ ምድር ላይ መቅረት ነው ። ያለ እውነት ንግግር የውኃ ማስተላለፊያ ቦይ መሆን ፣ ሌላውን ማራስ ለራስ ግን መድረቅ ነው ። ያለ እውነት ትዳር በድብብቆሽ ዕድሜን መፍጀት ነው ። እውነት ሁሉን ነገር እርግጥ ፣ የታመነ ፣ የሚኖርለት ፣ የሚሞትለት መሆኑን ማኅተም የምታሳርፍ ናት ። ያለ እውነት ዙፋን አይጸናም ። ያለ እውነትም የሰው መንገድ ፍጻሜ የለውም ። በዚህ ዘመን ሰዎች ውሸትን ከእውነት በላይ እየኖርዋት ነው ። ውሸታቸውን እውነት ለማሰኘት ሲጥሩ እውነት የማድረግ አቅም ግን አላገኙም ። ሁልጊዜ ሰውን ማታለል እንደማይቻል ፣ የብልጣብልጥነት መጨረሻ ሞኝነት መሆኑን እያየን ነው ። የእውነት አገርዋ ወዴት ነው ? የምንልበት ዘመን ላይ ነን ።

እውነትን በድርቅና ብቻ የያዙ እውነትን ምሕረት የለሽ ያስብሏታል ። እውነትን ያለ ፍቅር የያዙ እውነትን ሰይፍ ያሰኝዋታል ። እውነትን የግል ገንዘባቸው ያደረጉ የሚመስላቸው ሌላው ከሀዲ እነርሱ ብቻ አማኒ እንደሆኑ አድርገው በማሰብ ላይ ይገኛሉ ። እውነት ግን የእግዚአብሔር ገንዘብ ፣ የመለኮት ወኪል ናት ። የጌታችን የኢየሱስ ክርስቶስ ሰው መሆን ከእውነት ጋር የተያያዘ ነው ። እርሱ በእውነት ሰው ሆነ እንጂ ሰው አልመሰለም ። ሞቱም አማናዊ እንጂ ተመስሎ ያለበት ተውኔት አይደለም ። በርግጥ ቤዛችን በመሆኑ ድነናል ። አማኑኤል እግዚአብሔር ከሥጋችን ሥጋ፣ ከነፍሳችን ነፍስ ነሥቶ ከእኛ ጋር ሆነ ማለት ነው ።  አዳም የበደለው በሐሰት ተታሎ ነው ፣ በእውነተኛ ተዋሕዶ ክርስቶስ አድኖናል ። የክርስቶስ ሰው መሆን እውነትና ምሕረት የተስማሙበት ነው ። እውነት ነጻ ታወጣለች ። እውነቱ የተገኘላቸው ሰዎች ከፍርድ ቤት በነጻ ሲለቀቁ ይታያሉ ። እውነት ሰውን ከአእምሮ እስር ቤት ትፈታዋለች ። ዳኛ ቢፈርድበት እንኳ ውስጡ ነጻ ነህ የሚለው ነጻ ነው ። ዳኛ በነጻ ለቆት ውስጡ እስረኛ ነህ የሚለው እሱር ነው ። ሕሊናም በሐሰት የሚወቅስበት ጊዜ ይኖራል ። ከአእምሮ መታወክ ምክንያቶች አንዱ ሕሊና በሐሰት ሲወቅስ የሚሰማ ሕመም ነው ። ከሁሉ የሚበልጠው በአንድ ልጁ ሰው መሆን እኛን የተዛመደው ፣ በአንድ ልጁ ሞትም እኛን የታረቀው የእግዚአብሔር እውነት ነው ።

እውነቱ የት ነው ( ግራ ገባን የሚሉ ሰዎች አሉ ። እውነትን አለማወቅ ግራ ያጋባል ። ይልቁንም የደቦ ፍርድ ባለበት በዚህ ዘመን እውነቱ የት ነው የሚለው የአደባባይ ጥያቄ ነው ። እውነት ከኑሮአችን ሩቅ በሆኑ አገራትና ሰዎች ላይ ስትጓደል እንኳ የሕመም ስሜት ይሰማናል ። የነፍስ መከራዋም እውነት ሲጓደል ማየት ነው ።

ጌታችን ኢየሱስ ክርስቶስ እውነት ሆኖ መጥቷል ። ግራ መጋባትን የሚያርቅ ፣ መደናገርን የሚያስቀር ፣ እስራትን የሚፈታ ፣ ፍርጃን የሚያነሣ የእውነት አዋጅ ሆኖ ተገልጧል ። ከመጻሕፍት የምትበልጠውን ወንጌል ፣ ከሃይማኖት የከበረችውን ክርስትና ሰጥቶናል ። የእኔ መጽሐፍ ይበልጣል ፣ የእኔ ክርስትና ይልቃል ብለን ሌላውን እንድናሳንስበት ግን አልሰጠንም ። የሰጠን ነገር ሁሉ ለመዳን የተሰጠን ነው ። የፍለጋ ሁሉ ማብቂያ እውነት ክርስቶስ ነው ። ዕርቃኑን ተሰቅሎ ያላፈረው እውነት ስለሆነ ነው ። ደግመው የሚናገሩት ፣ ጠፍተው የሚመለሱበት እውነት የእግዚአብሔር ልጅ ኢየሱስ ክርስቶስ ነው ። በዘመናት ሁሉ የነበሩ ፈላስፎች እውነት ምንድነው ? በማለት ፈልገዋል ፣ በዱር ገብተዋል ፣ መናኔ ንብረት ሆነዋል ። እውነት የጠቢባን ፣ የነገሥታት ፣ የባለጠጎች ጥልቅ ጥያቄ ናት ። ይህንን የነፍስ ሸለቆ የሞላው እውነት የሆነው ፣ በጲላጦስ ፊት የተከሰሰው ክርስቶስ ነው ። በችሎት አደባባይ እውነተኞች ሲከሰሱ ኖረዋል ፣ በቀራንዮ ግን ራሱ እውነት ተከስሶ ቆመ ። ለእውነት ስፍራ በሌላት ዓለም ክርስቲያንነትህን አበባ ይዞ የሚቀበለው የለም ።

ምስጋና ብርሃን ለምታወጣው እውነት ይሁን ! አሜን ።

ይቀጥላል

ዲያቆን አሸናፊ መኰንን
ታኅሣሥ 25 ቀን 2017 ዓ.ም.

ክርስቶስ መንገድ  ነው

“ኢየሱስም፦ እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም ። እኔንስ ብታውቁኝ አባቴን ደግሞ ባወቃችሁ ነበር። ከአሁንም ጀምራችሁ ታውቁታላችሁ አይታችሁትማል አለው።” ዮሐ. 14 ፡ 6-7 ።

መንገድ የጠፋው ሰው ይባዝናል ፣ ይንከራተታል ፣ ይንቀዋለላል ፣ ይፈራል ፣ ይጨነቃል ፣ ያገኘውን ሁሉ ይጠይቃል ፣ የነገሩትን ሁሉ ያምናል ፣ እየለፋ ይመለሳል ፣ ፀሐዩ ሲያዘቀዝቅ ዱር ላድር ነው ፣ አውሬ ሊበላኝ ነው ብሎ ይሸበራል ። መንገድ የጠፋው ሰው እዚህ ነኝ ብሎ ለማመልከትም ፣ ያለበትን አድራሻ ለመግለጥም አይችልም ። መንገድ ሲጠፋ የወደፊቱ ብቻ ሳይሆን አሁን ያሉበትም አይታወቅም ። መንገድ ሲጠፋ ብዙ ነገር ይባክናል፡- ጊዜ ፣ ጉልበት ፣ ገንዘብ ፣ ሕይወት ። መንገድ የጠፋው እናውቃለን ባዮች የማያውቁትን መንገድ ሲጠቁሙት እሺ ብሎ ይሄዳል ። ደፋር አላዋቂ ፈሪ አላዋቂዎችን ይመራል ። መንገድ የጠፋው ሰው እርሱ ብቻ አላዋቂ ሰዎች ሁሉ አዋቂ እንደሆኑ ይገምታል ። ሰዎች ለሰዓታት መንገድ ሊጠፋቸው ይችላል ። እስራኤላውያን ግን በምድረ በዳ ለዐርባ ዓመታት ያህል መንገዱ ጠፍቷቸዋል ። ባመኑ ሰዓት መንገዱ ወለል ብሎ ይታያቸዋል ፣ ጠላትም ወዶ ሳይሆን ተሸንፎ ጎዳናውን ይለቅላቸዋል ። ከእምነት ጎድለው በማየት ሲመላለሱ ግን መልሰው የበረሃ አዙሪት ውስጥ ይገባሉ ። ዙሪያውን ቢያዩት ከአድማሱ ጋር የተጋጠመ የአሸዋ ክምር ነው ። ምድረ በዳው ለምልክት የሚሆን አንድ ዛፍ እንኳ አልነበረውም ። የሚመጡትን ለመጠየቅ እንዳይቻል በዚያ መንገድ ማንም አይሄድም ነበር ። ያላቸው ብቸኛው መንገድ እግዚአብሔርን መስማት ነው ። እርሱ በግብጽ ምድር ደመላሽ ፣ በቀይ ባሕር መርከብ ፣ በምድረ በዳ ጓደኛ ፣ በጉዞው መሪ ፣ በበረሃው ጥላ ፣ በቃጠሎው እርካታ ነበረ ። እስራኤልን በበረሃ የመራ ዛሬም በበረሃው ዓለም ይመራናል ።

ብዙ ሰው መንገድ ጠፍቶታል ብንል ማጋነን አይሆንም ። መንገዱን ባገኝ ብሎ ሃይማኖት ይቀይራል ፣ እምነትን በፍልስፍና ይለውጣል ። ጽድቅን በኃጢአት ይተካል ። መድረሻውን ሳያውቅ የሚጓዝ ብዙ ነው ። ብቻ አለመቆም ነው እያለ ሲጓዝ የሚኖር ብዙ አለ ። ፎቅ ላይ የወጣ ወደ ላይ ቢሄድም ወደ ታች ሁለቱም ጉዞ ነው ። ስለሄድን እየደረስን አይደለም ። አለመቆም መሄድ ቢሆንም ግብ ግን ሊሆን አይችልም ። እየተረጋጋን ያለነው ባለመቆም ነው ። ቁልቁል እየወረድን ነው ። ስላልቆምን እየተጓዝን ይመስለናል ። መባዘን ፣ መቦዘን ፣ ሥራ መፍታት ፣ ትርጉም የሌለው ድካም ውስጥ መውደቅ የብዙዎች ኑሮ ነው ። ራስን በማሰቃየት መርካት ፣ ሁሉንም ነገር በጭንቅ ለማግኘት መሞከር ፣ ከአንዱ ሃይማኖት ወደ አንዱ መሰደድ ፣ መምህርን በመምህር መለወጥ ፣ አዋቂ ጠንቋይ መፈለግ ብዙዎችን መንፈሳዊ ዘማ ያደረገ ነው ። አልተቀመጡ ፣ አልቆሙ ፤ አልተራመዱ ፣ ወይ አልደረሱ ብዙዎች በመንቀዋለል ሽቅብና ቁልቁል ይላሉ ። እስከ ዛሬ የሄዱበት የኃጢአት መንገድ እረፍት እንደሌለው ቢገባቸውም ወይ ከቃለ እግዚአብሔር አሊያም ከኪሣራቸው መማር አልቻሉም ። መንገድ ሲጠፋ የሚከፈለው ዋጋ ብዙ ነው ። ከተጠሩበት ዘመን አንጻር አስተማሪ መሆን ሲችሉ ዛሬም መንገዱን ያላገኙ አያሌ ናቸው ። መንገዱን አለማግኘት ፈሪ ፣ ተጨናቂ ፣ ሁልጊዜ በጥያቄ ውስጥ ነዋሪ ያደርጋል ። መኖርም መሞትም ሊያስፈራ ይችላል ።

ጌታችን ወዳለበት የሚያደርሰውን መንገድ እንፈልጋለን ። እርሱ የነፍስ ጥማት ነውና የማይፈልገው ሰው የለም ። ያለ እርሱም እፎይ ማለት የማይቻል ነው ። ሩጫ ምንም መልካም ቢሆን የሚሸለመው የጀመረው ሳይሆን የፈጸመው ነው ። ብዙዎች ይጀምራሉ ፣ ግን መፈጸም አይችሉም ። መንገዱም ክርስቶስ ግቡም ክርስቶስ መሆኑን ማወቅ ፣ እርሱ አስጀማሪና አስፈጻሚ አልፋና ዖሜጋ መሆኑን መረዳት ልብን የሚያስደስት ነው ። በየትም ዓለም መንገድ የጠፋውን ሰው መንገደኛ ሁሉ ይራራለታል ። በአንዳንድ አገር ቆመው በትክክል ያመለክታሉ ፣ በሌላ አገር ትንሽ አብረው ተጉዘው በዚህ በኩል ሂድ ይላሉ ። ከሁሉ የሚያረካው ፣ ልብን ከፍርሃት ነጻ የሚያወጣው እኔም ወደዚያው ነኝ አብረን እንሄዳለን የሚል ወዳጅ ከተገኘ ነው ። በእውነት ሁላችንም የጽዮን መንገደኞች ነን ። አብረን ብንጓዝ ስጋት ይቀንሳል ፣ አብረው ሲጓዙ ሽፍታም ፣ ቀማኛም አያሰጋም ፣ አብረው ሲጓዙ ሳቁ ጨዋታው መንገድ ያጋምሳል ፣ አብረው ሲጓዙ ስንቅ ይቃመሱ ።

ያለ መንገድ መድረስ የለም ። ያለ ክርስቶስም ሰማይን መውረስ አይቻልም ። ምሥጢረ ጥምቀትና ምሥጢረ ቍርባን መሠረቱ ምሥጢረ ሥጋዌ ነው ። የምሥጢረ ሥጋዌ መሠረትም ምሥጢረ ሥላሴ ነው ። ከሦስቱ አካላት አንዱ አካል ሰው ሆኖ በአንድ አካልና ባሕርይ ተገልጦ በመስቀል ላይ ሞቶ መንገዱን ከፍቶልናል ። እርሱ መንገድ ነው ፣ ወደ ዘላለማዊ አባቱ ያደርሳል፤ ወደ ሕይወት እልፍኝ ያስገባል ። እርሱን ወልድ ዋሕድ ብሎ ማመን የዘላለም ሕይወት ያሰጣል ። ቅድመ ዓለም ከአብ ያለ እናት የተወለደውና ድኅረ ዓለም ከድንግል ማርያም ያለ አባት የተወለደው አንድ ክርስቶስ ብሎ ማመን እርሱ የመጨረሻው እውነት ፣ የሚያድነው ሕይወት ነው ። ያለ ክርስቶስ እውነትን ማወቅ ፣ ያለ ክርስቶስ በሕይወት መኖር አይቻልም ። የደመ ነፍስ ሕይወትን እንስሳትም እየኖሩት ነውና በዚያ የሚመካ ካለ እንደ እንስሳ ኖሮ ማለፍ ይችላል ፤ ክርስቶስ ግን ዘላለማዊ ሕይወትን ይሰጣል ።

ይቀጥላል

ዲያቆን አሸናፊ መኰንን
ታኅሣሥ 24 ቀን 2017 ዓ.ም.

መውጫው በየት ነው ?

ግራ መጋባት ፣ ወዴት ነው የምሄደው ? ብሎ መንገድ ላይ መቆም ፣ የትላንቱ ትዝታ ከአእምሮ ሙልጭ ብሎ ሲወጣ ፣ የነገው ተስፋ አልታይ ሲል መፍትሔው ምን ይሆን ?  አሁንም በእግዚአብሔር ቤት ውስጥ ነኝ ብለን ለራሳችን መናገር እንችላለን ። ምሥጢራትንም እየፈጸምን እንደሆነ ይታወቃል ። መላ ዘመናችንን ለአገልግሎት ሰጥተናል ። ታዲያ ይህ ጥቁር ቀን እንዴት ሊመጣ ቻለ ?  እያባበሉን ልቅሶ ፣ አይዞአችሁ እየተባልን መንቀጥቀጥ እንዴት መጣ ?  አዎ እነዚያ ዘመናት እግዚአብሔር እኛን ያሞላቀቀበት ፣ አፈር አይንካችሁ ብሎ የተሸከመበት ፣ ማንም አይናገራችሁ ብሎ አንደበት የሆነበት ፣ በክፉ ካየን ጋር የተጋጠመበት የምቾት ዘመናት ናቸው ። ሁልጊዜ እንዳማሩ መኖር ፣ እንዳማሩ መሞት ላይኖር ይችላል ፣  መታዘል ቢመችም በእግር መሮጥ ይበልጣል ፣ ማሙሽ መባል ቢያስደስትም አንቱ መባል ይልቃል ። የመረጥነውን ሳይሆን የተመረጠልንን ልንጋፈጥ እንችላለን ። ታዲያ ልብ ድው ድው ሲል ፣ አምባውን ለቆ ልውጣ እያለ ሲታገል ፣ ቃላት በፍርሃት ሲቆራረጡ ፣ በብርዱ ውኃ ሲጠማን አንድ ቃል ይሰማል ። “ልባችሁ አይታወክ ፤ በእግዚአብሔር እመኑ ፣ በእኔም ደግሞ እመኑ ።” ቅዱሳን ሐዋርያት የገጠማቸው ይህ ዓይነት ስሜት ነው ። እውነትን ሳይሆን ግምትን አመኑ ። በማመን ሳይሆን በማየት ለመኖር አቀዱ ። ሰው ሊለየኝ ነው ብለን ስናስብ እንኳ ያለውን ፍርሃት መግለጽ አይቻልም ። እግዚአብሔር ሊለየኝ ነው የሚል ክፉ ዜና በጣም አስጨናቂ ነው ። ብዙዎች ከእግዚአብሔር እጅ ሊጣሉ ትንሽ እንደ ቀራቸው አድርገው ያስባሉ ፣ ይናገራሉ ። ግን ማንን እንደ ጣለ ይጥላቸዋል ?  እነ እገሌን ጣለ ተብሎስ በታሪክ ተነግሮ ያውቃል ወይ ?

ይህ ዓለም የመቆያ እንጂ የመኖሪያ አይደለም ። ይህ ዓለም የመኖሪያ ቢሆን ኖሮ ከባድ ነበር ። ፍሥሐውም ጭንቁም ገደብ አለው ። በሐሰተኛው ዓለም እውነተኛውን ቤት ማግኘት አይቻልም ። ቤታችን በሰማይ ነው ። በእውነት ከሠራነው ሕንፃ የምንቀበርበትን መሬት ብዙ ዘመን እንኖርበታለን ። በሠራነው ሕንፃ የምንኖረው ሰባ ሰማንያ ዓመት ነው ። በመሬት ውስጥ ግን እስከ ምጽአት እንኖራለን ። አፈር ሁሉንም እኩል ያደርገዋል ። ሁሉም ወደ ዘመዱ ይሄዳል ። ሥጋም ወደ አፈር ፣ ነፍስም ወደ እግዚአብሔር ። በዚህ ዓለም ባለ ቤቶች ፣ በሰማይ ቤት አልባዎች ይሆናሉ ። በዚህ ዓለም ቤት አልባዎች በሰማይ ባለ እልፍኝ ባለ አዳራሽ ይሆናሉ ። ለዚህም ነዌና አልዓዛር ምስክር ናቸው /ሉቃ. 16፡19-31/። ዛሬ በደጃፋቸው ላይ ለማኝ እንዳይቀመጥ ውኃ የሚረጩ ፣ አባራሪ የሚልኩ በሰማይ በተቃራኒው ያገኛሉ ። በምድር ድሀ የተባለ በሰማይ ድሀ ሆኖ አይቀጥልም ፣ የምድሩ ጄነራል በሰማይም ጄነራል ሆኖ የሚገባ አይደለም ። እንኳን የሥጋን ክብር ሥጋንም እንደ ልብስ አውልቀነው እንሄዳለን ። ዓለም ፈራሽ ነው ፣ ሰማይ ጽኑ ነው ። በሰማይ ቦታ እንደ ተዘጋጀልን ሲገባን ቦታ አጣሁ ፣ ስፍራ አላገኘሁም ፣ ሁሉ ገፋኝ ፣ የሚቀበለኝ አጣሁ የሚል ብሶታችን ይጽናናል ። ብቻ በምድር ጌታ ፣ በሰማይ ከርታታ ከመሆን ይጠብቀን !

ሳቁ ካረፈደ የማይውልበት ፣ ከዋለ የማያመሽበት ዓለም ላይ ነን ። እስከ ሰማይ የሚደርስ ቅምጥልነት ፣ ጨዋታ አምጡ ባይነት ሊኖር አይችልም ። እውነተኛው ቤታችን በሰማይ ነው ። ለእውነተኛው ቤታችን ማመንና መኖር አለብን ። ወደ ሰማዩ ቤት በድሆች ሆድ በኩል ቅርስ መላክ አለብን ። ወንጌል እንዲስፋፋ መስጠት ግዳጃችን ነው ። አወይ ታድሎ አለመታደል ሰጥቶን መስጠት አለመቻላችን ነው ። ገንዘብ ባይኖርህ ፣ ጊዜ መስጠት ትችላለህ ፣ ጊዜ ቢያጥርህ ሕይወትህን ለአምላክ መስጠት ትችላለህ ። የማይሰጥ ሰው የለም ። በምድር የሠራነው ጎጆ ሲያፈስ የሚኖር ነው ። አንዱን ስንደፍነው አሥር ቀዳዳ ይሸነቆራል ። ጉልላቱን ደመደምኩ ስንል መሠረቱ ይናጋል ። ዓለም ሁልጊዜ ጉድለት ነው ። ዓለም ፍለጋው የማያልቅ ፣ የማይገኝ ነው ። በሰማይ ግን መኖሪያው ተዘጋጅቷል ። ሀብታም ባል የሞተባት በአንድ ዓይንዋ ስታለቅስ በአንድ ዓይኗ ትስቃለች ይላሉ ። ይህ ዓለም ቢሞትብን በዚያኛው ዓለም እንስቃለን ። ደቀ መዛሙርቱ ግራ ተጋብተዋል ። ልባቸው በፍርሃት ይናወጣል ። የጌታን የሞቱን ዜና ሰሙ ። ሞቱን ሲሰሙ ትንሣኤውን ግን ከልብ አልሰሙም ። የይሁዳን በልቶ ካጅነት ሰሙ ። ይህም ከማን ጋር ነበርን እስኪሉ በጥርጣሬ አናወጣቸው ። ከበግ ጋር ተኩላ ተሰማርቶ ነበር ። ቀጥሎ ምን ይሆን ?  በማለት ታወኩ ። ጌታ ግን ለሁከታቸው አልተዋቸውም ። ልባችሁ አይታወክ አላቸው ። አካላቸውና ገጽታቸው የሚታወክባቸው ሰዎች አሉ ። እነዚህ ሰዎች በውስጣቸው ምንም ስሜት የለም ። ከላያቸው ወይኔ ወይኔ እያሉ ያለቅሳሉ ፣ ልባቸው ግን አያዝንም ። ደቀ መዛሙርቱን የገጠማቸው ልባዊ መታወክ ነበር ። የልብ አምላክ ብቻ የሚያውቀውና የሚያረጋጋው ማዕበል መጣባቸው ።

እንዴት ይህ ቀን እንሻገረዋለን ?  ማለፊያው በየት በኩል ነው ? ይህን ቀን አልፈን ማውራት እንችል ይሆን ?  ብለው ጥያቄ አቀረቡ ። ጌታ መንገድ አላመለከታቸውም ፣ መላ በሉ አላላቸውም ፤ መንገዱ እኔ ነኝ አላቸው ። መንገዱ ከተገኘ መውጣት ይቻላል ። የብልሃት ያለ የሚል መንገዱን ሲያገኝ እፎይ ይላል ። የበረሃ አዙሪት የገጠመው ፣ የሚኖርበትን ከተማ መንገድ ያላገኘው በፍርሃት ይናጣል ። ድካሙ ትርፍ እያጣበት ፣ የረገጠውን መልሶ እየረገጠ አዙሮት ይወድቃል ። ውሻ ጭራውን ለመንከስ ሲሽከረከር እንደሚውል መንገዱን ያላገኘ እንዲሁ ይሆናል ። መንገዱ ግን ክርስቶስ ነው ። “ፍኖት ለኀበ አቡሁ ፤ አንቀጽ ዘመንገለ ወላዲሁ ውእቱ ኢየሱስ ክርስቶስ” በማለት ኦርቶዶክሳዊት ቤተ ክርስቲያን ታወድሰዋለች ። ትርጉሙ እንዲህ ነው፡-

“ወደ አብ ለመድረስ ጎዳናው ፣ ወደ ወለደው ለመግባት በሩ ኢየሱስ ክርስቶስ ነው።”



ይቀጥላል

ዲያቆን አሸናፊ መኰንን
ታኅሣሥ 22 ቀን 2017 ዓ.ም.

Live stream finished (1 hour)

የድሮ ምክር

"አቤቱ፥ አንተ አምላኬ ነህ፤ ድንቅን ነገር የዱሮ ምክርን በታማኝነትና በእውነት አድርገሃልና ከፍ ከፍ አደርግሃለሁ ስምህንም አመሰግናለሁ።"

ኢሳ. 25፥1

በዲያቆን አሸናፊ መኰንን

Live stream started

እግዚአብሔር ቢፈቅድ ብንኖር ዛሬ እሑድ ታህሣሥ 20 ቀን 2017 ዓ.ም. በኢትዮጵያ አቆጣጠር ከጠዋቱ 4፡30 ላይ ለ45 ደቂቃ የቀጥታ ስርጭት በቴሌግራም ቻናላችን ላይ ይኖረናል ! ይህን ክቡር ገበታ ለራሳችሁና ለሌሎች ጋብዙ!

በክርስቶስ ሰላም


https://t.me/Nolawii

የማርቆስ ወንጌል ትርጓሜ 48

ማር 14፥1-2

ዲያቆን አሸናፊ መኰንን

አዳምጡና አትርፉበት

Live stream finished (1 hour)

Live stream finished (1 hour)

የዲያቆን አሸናፊ መኰንን 46ኛው መጽሐፍ

ርእስ:- መንፈሳዊ በረከት
የኤፌሶን መልእክት ትርጓሜ
ገጹ 433
ዋጋው 500 ብር


ቀድመው ለገዙት በስማቸው በፀሐፊው ፊርማ በክብር ይበረከትላቸዋል !

በእውነት የዘመኑ ድንቅ መስተዋት የሆነ ትርጓሜ ነው ! አሁን ቀድመው ይግዙና አገልግሎቱን ያግዙ !

ቀጥሎ ባሉት  የባንክ አድራሻዎች ያስገባችሁበትን ደረሰኝ በ 0911699907 ላይ በቴሌግራም ያስቀምጡልን !

አሸናፊ መኰንን ወርቁ
Ashenafi Mekonnen worku 
የኢትዮጵያ ንግድ ባንክ
1000165078482

አቢሲንያ ባንክ
23202573

ወጋገን ባንክ
0870286030101

አዋሽ ባንክ
Awash Bank
01320034656200

ልባችሁ አይታወክ


በዲያቆን አሸናፊ መኰንን

"ልባችሁ አይታወክ፤ በእግዚአብሔር እመኑ፥ በእኔም ደግሞ እመኑ።"

ዮሐ.14፥1

Live stream started

ልባችሁ አይታወክ
በሚል ርእስ የዛሬ የእሑድ ማለዳ ስብከተ ወንጌል ይከናወናል !

እግዚአብሔር ያግዘን!

https://t.me/Nolawii

የእግዚአብሔር ቤተሰቦች

ዛሬ እሑድ  ኅዳር 8 ቀን 2017 ዓ.ም በኢትዮጵያ ሰዓት ከጠዋቱ 4፡30 ጀምሮ ለ45 ደቂቃ የቀጥታ የስብከተ ወንጌል ስርጭት ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

https://t.me/Nolawii

በክርስቶስ ሰላም  !

የእግዚአብሔር ቤተሰቦች

ዛሬ እሑድ  ኅዳር 8 ቀን 2017 ዓ.ም በኢትዮጵያ ሰዓት ከጠዋቱ 4፡30 ጀምሮ ለ45 ደቂቃ የቀጥታ የስብከተ ወንጌል ስርጭት ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

https://t.me/Nolawii

በክርስቶስ ሰላም  !

የማርቆስ ወንጌል ትርጓሜ 42

ጌታ መልስ አለው
ማር.12፥ 13- 17

ዲያቆን አሸናፊ መኰንን

Live stream finished (1 hour)

Live stream started

Live stream finished (11 minutes)

Live stream started

ዓለም ብላሽ

በጥሩ ጀምሮ በጥሩ አለመፈጸም እንዳሳዘነ ይኖራል ፣ የአገራችን ችግር አጨራረስ ነው። ዕለታዊውን እንደ ዘላለማዊ መኖር እየበረከተ ነው። ስንባላ፣ ስንነጣጠቅ፣ ስንፈራረድ፣ ስንጨካከን ዘላለም በምድር ላይ የምንኖር ይመስላል። ዓለም ብላሽ ነው። የተበላሸ  ሥርዓት የሚያስተዳድረው፣ የማይታዩ ረቂቃን አጋንንት የሚዘውሩት ፣ እግዚአብሔርን በገዛ ምድሩ እናስወጣው ብለው ሰውና ሰይጣን የሚመክሩበት ነው።  ዓለም ብላሽ ነው። የወደቁትን ስናይ ቆመው የሚያውቁ አይመስሉም። ያ ሁሉ ውበት ምነው በአንድ ጊዜ ረገፈ? ያ ሁሉ ቁመና ምነው መሬቱን ሞላው? የቆሙትን ስናይ የሚወድቁ አይመስሉም። የጠፋውን ስናይ የነበረ አይመስልም።  ያለውንም ስናይ የሚጠፋ  አይመስልም።  የነበረ ያለና የሚኖር እግዚአብሔር ብቻ ነው። አልፋ ወ ኦ እርሱ ብቻ ነው።

ዓለም ብላሽ ነው። ወተቱን የሚያጠቁር ማሩን የሚያመርር ነው፡፡ ሌባን የሚያወድስ፣ ንጹሑን የሚያረክስ ነው፡፡ ዓለም ብላሽ ነው፣ ያልሰጠ ስስታምን እያከበረ ሰጪውን ሰው የሚሳደብ ነው። ዓለም ብላሽ ምሁሩን እብድ፣ አላዋቂውን ሐቀኛ ብሎ የሚጠራ ነው። ዓለም ብላሽ ነው፣ ጥቂት ቀን የቀረውን ሽማግሌ አስለቅሶ  የሚሸኝ ነው። ዓለም ብላሽ ነው፣ እውቅውና አንቱታው ለሰይጣን ወድቀው ለሰገዱ የሚሰጥ ነው። ዓለም ብላሽ ነው፣ የጋራ ጥቅምን እንጂ የጋራ ፍቅርን የማያወራ ነው። ዓለም ብላሽ ነው፣ በአደባባይ እየሸመገለ በጓዳ መሣሪያ የሚሸጥ ነው። ዓለም ብላሽ ነው ፣ ባለቤቱ ያልበላውን ሀብት ወራሾች እበላለሁ ብለው የሚጋደሉበት ነው። ዓለም ብላሽ ነው፣ በእልልታ አግብተው በኡኡታ የሚኖሩበት ነው። ዓለም ብላሽ ነው፣ በፍቅር ጀምረው በመጋደል የሚፈጽሙበት ነው። ዓለም ብላሽ ነው፣ እየለመኑ የገቡ ፣ እየተሳደቡ የሚወጡበት ነው።

በዚህ ዓለም ላይ የተሰጠን ነገር ሁሉ የመንገድ አበል ነው፣ ዋናው ደመወዝ በሰማይ ነው ። በዚህ ዓለም ላይ ተልእኮ አለን። አደራችንን የምናስረክበው በሰማይ ነው። ጡረታ ስለ ወጣን ጨረስን ማለት አይደለም። አታስፈልጉም ስለ ተባልን የእኛ ነገር አበቃለት ማለት አይደለም ። እስከ ሕይወታችን ሕቅታ ድረስ ሥራ አለን። ዋጋ ከፋዩ እንደ እኛ ዋጋ ጠባቂ የሆነው ሰው አይደለም። ከሰው መጠበቅ ያስቀመጠንን ጌታ አለማወቅ ነው። ለመኖር እንጀራ እንደሚያስፈልግ ራእይም ያስፈልጋል። አበሉን እንደ መጨረሻ ደመወዝ ማየት ዋጋን ማሳነስ ነው። በሰማይ የዘላለም ሕይወት፣ የሕይወት አክሊል፣ የጽድቅ አክሊል ይጠብቀናል። የዘላለም ሕይወት ላመኑ፣ የሕይወት አክሊል ትሩፋት ለሠሩ፣ የጽድቅ አክሊል ወንጌልን ላገለገሉ ይሰጣል።

ዓለም ብላሽ ነው። ሰው ሲሞት ወደ እውነተኛው ቦታ ሄደ ይባላል። ይህ ዓለም ውሸት ነው። ውሸት ልብን አያሳርፍም። በጥንት አይሁድ ትውፊት ዓለም ስምንት ሺህ ዓመት ሲሞላት ታረጃለች ይባል ነበር ። ዓለም አርጅታ በቅባት ብዛት ተኳኩላ ቀርባለች። ዓለም በምርኩዝ ገብታለች። መሬቱ እንኳ ያለ ጉቦ ያለ ማዳበሪያ አያበቅልም። አዎ አዲሲቱን ዓለም እንጠብቃለን። ከአራዊት ዓለም በጉ ወደሚያስተዳድራት ዓለም እንሸጋገራለን።

ዲያቆን አሸናፊ መኰንን
ኅዳር 6 ቀን 2017 ዓ.ም.

የእግዚአብሔር ቤተሰቦች

ዛሬ ዓርብ ህዳር 6 ቀን 2017 ዓ.ም በኢትዮጵያ ሰዓት ከምሽቱ 1፡30 ጀምሮ ለ45 ደቂቃ የቀጥታ የስብከተ ወንጌል ስርጭት በቴሌ ግራም ቻናላችን  ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

በክርስቶስ ሰላም  !

https://t.me/Nolawii

ዓለም ዋሾ

እሳት ምንም ቢያምር በእጅ አይጨብጡትም ፣ ጽጌረዳ ምንም ቢዋብ ቀጥፈው አይበሉትም። ሕፃኑ እሳቱን ካልጨበጥኩ ብሎ ሲያለቅስ አዋቂዎች ባለማወቁ ያዝኑለታል። ዓለምን ሁሉ ካልጨበጥኩ ስንል ብዙ ያዩ አይ አለማወቅ ብለው ይሳቀቁልናል።  ሕፃኑ ልጅ ጽጌረዳውን ለመብላት ሲፋጠን ያርቁበታል። የሚያምር ሁሉ የሚበላ አይደለም። በዓለም ላይ ገዳይ ነገሮች ሁሉ ውብ ማስታወቂያ አላቸው። ጥሩ ነገር ማስታወቂያ አያስፈልገውም ። እሳትን ካልነካሁ ብሎ ሲያምፅ ወላጆች የሕፃኑን ጣት በትንሹ ያስነኩታል። ካልነካሁ የሚል ልቅሶው በማቃጠሉ ድንጋጤ ይዋጣል። እሳት ማቃጠሉን ለማወቅ መሞክር አላስፈለገንም። አውቀን መተው ችለናል። ሁሉን ቀምሼ ላረጋግጥ የሚል አንድ ቀን መርዝ ቀምሶ  ይሞታል። ዕድሜአችንና የተቀበልነው አካል ሁሉን ሞክሮ ለማረጋገጥ የሚበቃ አቅምና ጊዜ የለውም። ትእዛዝ የተሰጠው ክፉውን ያለ ጉዳት እንድናውቀው ነው። ዓለም እሳት ናት ፣ ሕፃን ልባችን ካልነካሁ ሲል በሽታን፣ ውድቀትን እናተርፋለን። ዓለም የሞትታይ ጽጌረዳ እንጂ የምትበላ እንጀራ አይደለችም።

ሕፃን ልጅ እሳትን ሥዕል፣ ጽጌረዳን ጮማ፣ እሾህን ጡት አድርጎ እንደሚያስብ ዓለምን ያመነም እንዲሁ ነው። እዳስሳለው ሲል መቃጠል፣ እበላለሁ ሲል መመረዝ፣ እጠባለሁ ሲል መወጋት ይገጥመዋል። ዓለም የወረት በጀት አላት። አቦ አቦ የምትልበት፣ አንቱ አንቱ የምታበዛበት ማደንዘዣ አላት። ማደንዘዣው ሲያበቃ ሕመሙ ይጀምራል። "የወረት ውሻ ስሟ ወለተ ጴጥሮስ" ይባላል።

ዓለም ዋሾ ናት። እምነት የጣልንበትን ነገር ከቦታው ስናጣው ትልቅ ጉዳት ይገጥመናል። ዓለም አባብላ አስገብታ እየገረፈች ታኖራለች። እንደ በሬ አስብታ ታርዳለች። አለሁ እያለች የመንፈቅ መንገድ ያህል ከእኛ ትርቃለች። ዓለም ዋሾ ናት። ለዘላለም የመጣች ትመስላለች፣ ፀሐይ ሲወጣ ወዲያው እንደ ጤዛ ትረግፋለች። ንጉሡና ባለሥልጣኖቻቸው ታስረው አይበቃም ተብለው ተገድለዋል። እነርሱ ላይ የፈረዱ የደርግ ባለ ሥልጣናት እዚያው ታስረዋል። እስር ቤቱ ዓለም ዋሾ ብሎ የሚመስክር ነው።

ዓለም ዋሾ ናት፣ ዓለም ዘማ ናት። ዓለም እንደ እባብ ለስልሳ የምትናደፍ ናት። ገደል ላይ እንደ ተገኘ ጠላት ገፍትራ የምትጥል ናት። ዓለም ይቅርታ ፣ ዓለም ማስተዛዘኛ የላትም። ዓለም አላውቀውም ብላ ስትክድ አፏን አይዛትም። ዘማ ሳለች ድንግል ነኝ ብላ ትቀርባለች፣ በእጅዋ እስክታስገባ እጅ ትሰጣለች ። ኑሮን አሳምራ ሕይወትን ትነጥቃለች። ውኃን አቅርባ እርካታን ትነሣለች። ጉንጭን እንቡጥ ጽጌረዳ አስመስላ ውስጥን ትጨርሳለች። ትልቅ ቤት አሠርታ ትንንሽ ቡና ቤት ስታንከራትት ታሳድራለች። በቀይ ምንጣፍ እያስኬደች እጅን በደም ታስታጥባለች። በመሐላ ትዳርን አስጀምራ የቤት ውስጥ ድራማ ታስጀምራለች። ይህች ዓለም መኖሪያዋ ኒው ዮርክ ፓሪስ አይደለም። መኖሪያዋ የሰው ልብ ነው። አበባ ሊረግፍ ሲል ያምራል። ዓለምም በመጨረሻው ቀን እውቀትና ውበትዋ ይበዛል።  ሊቁ የአገር ሰው እንዲህ እያለ ትዝብቱን ይገልጣል:-

ዓለም ዋሾ  ፣ዓለም ወረተኛ ፣ ዓለም አታላይ፣
ጎንደር ቴዎድሮስ ቤት አልነበርሽም ወይ ?
ትግራይ ዮሐንስ ቤት አልነበርሽም ወይ ?
ሸዋ ምኒልክ ቤት አልነበርሽም ወይ ?
ጎጃም ተክለ ሃይማኖት ቤት አልነበርሽም ወይ ?
ወሎ ሚካኤል ቤት አልነበርሽም ወይ ?
ዓለም ዋሾ  ፣ዓለም ወረተኛ ፣ ዓለም አታላይ
ወደ እኛ እንዳትመጪ
ከገባሽበት ቤት በደኅና ላትወጪ፣
በትልቁ ፋጋ ኮሶ ሳታጠጪ።

ዲያቆን አሸናፊ መኰንን
ኅዳር 5 ቀን 2ዐ17 ዓ.ም.

ለምትቀር ዓለም

በኪራይ ዓለም እየኖርህ ተከራይ ብለህ ሰውን የምትጠራ ፣ የሚከፍልህን የምታሰቃይ አንተ ሆይ ለገዛ ልጅህ መከራ እንደምታስቀምጥ ለምን ዘነጋህ? የጊዜ እንጂ የሰው ብርቱ የለውም። ትላንት የተወረሰባቸውን ረስተህ ዛሬ በቤትህ ሰው ታሰቃያለህ። ብሩን ወደህ ተከራዩን ትንቃለህ። በየዘመድ ቤት የተንከራተትህ ፣ የአንድ ቀን ማደሪያ የቸገረህ ነበርህ። ዛሬ እልፍኝ ከአዳራሽ የሰጠህ ሊባርክህ ብቻ አይደለም ሊፈትንህም ነው። የትላንት አከራይ ዛሬ ተከራይ ትሆናለህ። ግፍ ከተማን ያፈርሳል፣ ጽድቅ አገር ይሠራል። እግዚአብሔር የሰጠህ አደራ መሆኑን ዘንግተህ ግፍ ትሠራበታለህ። በግፍ ገንዘብ ልጆችህ በሱስ ያብዳሉ ። አንተም ጤና አላገኘህም። በማጉረምረም መከራ አይርቅም፣ በንስሐና በመለወጥ እንጂ።

የድሃ ልጅ ብለህ ስትሳደብ እንዴት አልፈራህም? ለነገሩ ድሀ ድሀ ብሎ መሳደብ ልማዱ ነው። በዓለም ላይ ጨካኝ የድሀ ልጅና ድህነትን ያየው ነው። ደግሞም ድሀ ወርቅ አይጠግብም። የገንዘብ ድህነት በአጋጣሚ ይወገዳል። የአእምሮ ድህነት በሎቶሪ አይወገድም፣ ብዙ መጣር ይፈልጋል። ማነው ባለጠጋ? የሰማይ የምድር ጌታ እንኳ በበረት ተወልዶ ዕርቃኑን ተሰቅሏል። ያንተ ካባ የአካል እንጂ የሕሊና መሸፈኛ መቼ  ይሆናል? ልጄ ጅማሬህና ፍጻሜህ ፍጹም ድህነት ነው። ዕራቁትህን መጥተሃል  ፣ዕራቁትህን ትሄዳለህ። ይዘህ አልመጣህምና ምንም ይዘህ አትሄድም። የዚህ ዓለም ሀብት በሰማያዊ አገር በአሻንጉሊት የሚደሰት ሽማግሌን የሚያስመስል ነው ። አሻንጉሊት ሕይወትም እውነትም የሌላት ለልጅ የምትመጥን ላዋቂ የማትመጥን  ናት ።

ያንን ችግር ተሻገርከው ማለት ችግር አለቀ  ማለት አይደለም። እግዚአብሔር የመከራ ድሀ አይደለምና አትታበይ። ተረኛ በዪ እንጂ ቋሚ የለም። እግዚአብሔር ጽዋውን እያዘዋወረ ስንቱን ይታዘበዋል። በዘመናት ሁሉ ረሀብን ታግሠውታል፣ ጥጋብን የታገሠ ጥቂት ነው።

የት እንደ ወደቀ ትዝ ያላለህን ሰው ሲቸግርህ አታስታውሰው። የወጣህበትን መሰላል በእግርህ አትገፍትረው ፣ አታቆሽሸው ። መውረጃው እንዳይቸግርህ ፣ ያቆሸሽከውንም መልስህ በእጅህ እንዳትጨብጥ አስተውል። ከመውጣትህ በፊት ስለ መውረድህ አስብ። ወጥቶ የቀረ ፣ ወርዶ የሞተ የለም። ስትወጣ እጁን የሰጠህ ሰው ስትወርድ በእግሩ ይረግጥሃል።

አንተ ተላላ ለነ ፈርዖን፣ ለእነ ናቡከደነፆር፣ ለእነ እስክንድር ለነ ቄሣር ለእነ ናፖልዮን ለነ ኃይለ ሥላሴ ያልሆነች ዓለም ለእኔ ትሆናለች ብለህ ካሰብህ ሞኝ ነህ።

ላይሞላ ዓለም የሰው ትዳር መቀማት፣ ነፃነትን ለባዕድ መሸጥ፣ ጠንቋይ ቤት ለፍጡር መስገድ፣ ፖለቲካ ቤት በባዶ ማጨብጨብ ፣ በግፍ በሚሞቱ ላይ መቀለድ፣ ሰውን  አፍኖ ማስከፈል ...ይህ ሁሉ የረከስንበት ግብር ነው። ቋሚዎቹን እኛን የሞቱት እየረበሹን ነው። እነዚያ ወጣቶች በዝምታ እየከሰሱን ነው። እንጀራው ተገኝቶ የማይበላው እንጀራ አጥተው የሄዱት ሊቃውንት ረግመውን ነው። መብሉ ቀርቦ ከመብላት መባላት የሆነብን የእነዚያ ምስኪኖች ረሀብ ከሳሽ ስለ ሆነብን ነው ።

አንተ ሆይ !
ሰው በኳስ፣ ሰው በአዝማሪ ይጫወታል። በግፍ የምትጫወተው እስከ መቼ ይሆን? ሞትን እየፈራህ ሞትን በሰው ለምን ትፈርዳለህ? ላንተ ሲነጋ ለሌሎች  ጨልሞ ነው። ላንተ ሲጨልም ለእነርሱ ይነጋል። ዛሬ የምታዝዘው ምስኪን ነገ አለቃህ ሆኖ ይመጣል። ሰው ያለ ማቋረጥ የሚጓዝ ነውና አንተ ሲደክምህ እርሱ ይደርስብሃል ።

ዓለም ቀሪ ናት። ዓለም ከኋላ ናት። ዓለም ቀጥራ የምትቀር ናት። ዓለም ሲከተሏት የምትሸሽ ጥላ ናት። ሁሉንም ጥለህ ትሄዳለህ። ያንተ ወርቅ በሰማይ እንደ ዝገት ነው። ዘመድ አዝማድም የጠዋት ጤዛ ነው። የምድር ፍቅር ከእንካ ጋር ነው። ሀብትና ንብረትም ይሸሽሃል ። ስትቆም ያጨበጨቡልህ ስትወድቅ ይረግጡሃል። በሆሳዕናና በ ስቀለው መሐል ያለው አምስት ቀን ነው። ሆሳዕና ብለው ሲያከብሩህ ልብህ አይኩራ ቀጥሎ ይሰቀል ብለው ይጮኻሉ።

ምን ቆንጆ ቢሆኑ ቢቀጥኑ እንዳክርማ፣
መጠቅለል አይቀርም በነጠላ ሸማ ።

ዲያቆን አሸናፊ መኰንን
ኅዳር 4 ቀን 2ዐ17 ዓ.ም.

Live stream finished (28 minutes)

Live stream started

የኪራይ ዓለም

ዓለም ሳትጠላው ቀድሞ የጠላት ሰው  ልቡን ከኀዘን ይጠብቃል። ዓለምን እየወደደ እርስዋ የጠላችው ስብራቱ ብርቱ ነው። ዓለም እስከ መጨረሻው የምትወደው ማንም የለም። ዓለም ወረተኛ ናት። በየሰው ቤት መዞር ትወዳለች። ካረፈደችበት ቤት አትውልም፣ ከዋለችበት ቤት አታድርም። ዓለም ስትመጣ የምታልፍ አትመስልም፣ ስትሄድም የምትመጣ አይመስልም። የነጋላቸው የሚመሽ  አይመስላቸውም፣ የመሸባቸውም መንጋቱን ይጠራጠራሉ። ቋሚ ነገር የለም፣ ሁሉም ነገር ለመለወጥ ይቸኩላል ። በእግዚአብሔር ሥርዓት ሌሊት ይቀድማል፣ ቀን ይከተላል። ዓለም ግን ጣፋጩን አስቀድማ ቀጥሎ እሬቱን ታልሳለች፣  ጣፋጩ ሐሰተኛ ፣ ምሬቱ እውነተኛ ነው።

ዓለም ኪራይ ናት። አንድ ቀን ውልቅ ብለው ይወጡባታል። በዓለም ላይ ሁሉም ተከራይ ነው፡፡ ተከራይ ጊዜያዊ ነው ፣ ሕይወትም በምድር ላይ ቆይታዋ አጭር ነው። ተከራይ ጓዝ ማብዛት የለበትም፣ ሰውም ትጥቁን አጠር ማድረግ አለበት። ተከራይ ምንም ቢከርም መውጣቱ አይቀርም፣ ሰውም ምንም ቢሰነብት መሄዱ አይቀርም። ተከራይ የራሱን መኖሪያ ይናፍቃል፣ ሰው ከመቆያ ዓለም ወጥቶ የሰማይ መኖሪያውን ሊናፍቅ ይገባዋል። ዓለም መቆያ ናት ፣ መኖሪያችን በሰማይ ነው። የለፋንበትን ማንም ይበላዋልና በቁመና መስጠት ይገባል። ለሚፈርሰው ቤታችን ለፍተን ለማይፈርሰው ቤታችን ምንም አለመሥራት አለመታደል ነው። ጠዋት ላይ የዕድር ጡሩንባ ሲነፋ አንድ ተከራይ ለቀቀ ማለት ነው። ተከራይ ሲለቅ ካሣ የለውም ፣ ሰውም ከሄደ በኋላ ተመልሶ አይመጣም። መንገዱ መሄጃ  እንጂ መመለሻ የለውም።  እስካሁን ሄደው የተመለሱ የሉም፣ በየቀኑ የሚሄዱ ግን ብዙ ናቸው። ሞትን ብናምንም መሞታችንን ግን አናምንም። እኛም ወደዚያው ነን። የሤራው ጉባዔ፣ የአድማው ስብሰባ ሞትን አለማሰብ ነው። ሰውን ብንንከባከበውም ሟች ነው፣ ታዲያ ለመግደል ለምን ፈጠንን ? እንቅልፍ አጥተን ስናሴር እንቅልፍ አጥተን ለምን አንጸልይም ?

ሁሉም ነገር ጊዜያዊ ነው፣ እግዚአብሔር ብቻ ዘላለማዊ ነው። ቤቱም መኪናውም እሳት ይበላዋል። በምንተኛበት ክፍል በኩል መንገድ ይወጣል። ደርሰን ስንመለስ የሚገኝ ነገር የለም። ያለውና የሚኖረው፣ ሳይለወጥ ሁሉን የሚለወጠው የእኛ አምላክ እግዚአብሔር ብቻ ነው። በአሥር ሚሊየን የሚቆጠር ሰው የገደሉ እነስታሊን ዛሬ የሉም። ገዳዩም ሟች ነው። ታላላቅ የጦር ሜዳ ጀግኖች ሞትን ማሸነፍ አልቻሉም። ብዙ ርስት የነበራቸው በሦስት ክንድ ከስንዝር መሬት ተጠቃለዋል። እኮ ታዲያ ክፋት ምን ይሠራል? 

አዛዥም ናዛዥም መሆን ለጊዜው ነው። ስንቱን የጣለ ያ ክንድ በቀጭን ፈትል ይታሰራል፣ መግነዙን ሊበጥስ ኃይል የለውም። ዛሬ በተወጠረ ልብስ የምናሳየው አካል ነገ ለመፍረስ ይቸኩላል። የኖርንለት ስም ተሽሮ የደበቅነው ስመ ክርስትና ሲጠራ ይውላል። ዓለም ኪራይ ነው። አንድ ቀን ጥለነው እንሄዳለን። ያ ቀን ዛሬ ሊሆን ይችላል። እኮ ያዘነብንን ያለቀሰብንን ሰው እንዴት ይቅርታ አንጠይቅም?

ልጄ ሆይ መንገድህን አሳምር።

ዛሬ ስትሾም በተሻረው ሰው ቦታ ላይ ነው። አንተም አንድ ቀን ትሻራለህ። ማማር ለሁልጊዜ አይደለም። ሁልጊዜም መመንዘር አይኖርም። ሁልጊዜ ደፋርነትም አይገኝም፣ ፍርሃት የሚያንቀጠቅጥበት ቀን ይመጣል። ዛሬ ሲጠሩህ አትሰማም፣ ነገ ብትጣራ የሚሰማህ አይኖርም። ልጄ ሆይ መንገዶች ሁሉ ወደ ሮም አያደርሱም። የሚያደርሰው መንገድ አንድ ነው። ሁሉ በሁሉ የሆነውን ክርስቶስን እመን!

ዓለም የኪራይ ቤት ናት። የፈረቃ ክርስትና ይብቃህ። ዓለም ከእንግዲህ ቤት አትሆንም። መታከትህ፣ መፍጨርጨርህ ፣ ማዘንህ፣ መተከዝህ በልክ ይሁን ። እያኖርህ ያለው የኖርክላቸው ሰዎች ሳይሆኑ የረሳኸው እግዚኣብሔር ነው። ለእርሱ እጅህን ስጥ። ምርኮኛን ልጄ ብሎ መጥራት ልማዱ ነው። ለአክባሪው ተማረክ !  እኔንም በተቀደሰች ጸሎትህ አስበኝ !

ዲያቆን አሸናፊ መኰንን
ኅዳር 3 ቀን 2017 ዓ.ም.

Live stream finished (1 hour)

ጻድቅ ግን በእምነት ይኖራል


ዲያቆን አሸናፊ መኰንን

Live stream started

ዛሬ እሑድ ጥቅምት 24 ቀን 2017 ዓ.ም. ከጠዋቱ 4:00 የቀጥታ የስብከት ስርጭ ት በኖላዊ የቴሌ ግራም ቻናል  ይኖረናል።


ሌሎች ወዳጆችን ጋብዙ !


https://t.me/Nolawii

ዛሬ እሑድ ጥቅምት 24 ቀን 2017 ዓ.ም. ከጠዋቱ 4:00 የቀጥታ የስብከት ስርጭ ት በኖላዊ የቴሌ ግራም ቻናል  ይኖረናል።


ሌሎች ወዳጆችን ጋብዙ !


https://t.me/Nolawii

የእግዚአብሔር ቤተሰቦች

ነገ እሑድ  ጥቅምት 24 ቀን 2017 ዓ.ም በኢትዮጵያ ሰዓት ከጠዋቱ 4፡00  ጀምሮ ለ45 ደቂቃ የቀጥታ የስብከተ ወንጌል ስርጭት ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

https://t.me/Nolawii

በክርስቶስ ሰላም  !

Live stream finished (1 hour)

የማርቆስ ወንጌል ትርጓሜ 40

ማር.11፥ 27- 33

ዲያቆን አሸናፊ መኰንን

Live stream started

የእግዚአብሔር ቤተሰቦች

ዛሬ ዓርብ ጥቅምት 22 ቀን 2017 ዓ.ም በኢትዮጵያ ሰዓት ከምሽቱ 1፡30 ጀምሮ ለ45 ደቂቃ የቀጥታ የስብከተ ወንጌል ስርጭት በቴሌ ግራም ቻናላችን ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

በክርስቶስ ሰላም  !

https://t.me/Nolawii

የተቆራረሰ ልብ

ያላቸው በሌላቸው ጨከኑ፣ አግኝተው ካልሰጡ ከቶ መቼ ሊሰጡ ነው ? ደግሞም የማይሰጥ  ድሀ ማነው ? ለድሀ ጥሩ ቃል መናገር እርሱም ምጽዋት ነው። የአፍ ጮማ መቁረጥ በድU  መሳለቅ፣ በእግዚአብሔር ማፌዝ ነው ። የማይቀበል ሁሉ ያለው ባለጠጋ ማነው? ገንዘብ ሰጥቶ ከድሀ  ደስታ ይቀበላል። ድሀ ማለት ምንም የማይሰጥ ማለት አይደለም፤ ባለጠጋ ማለትም ምንም የማይቀበል ማለት አይደለም። ለመስጠት ሀብተ ሥጋ ፣ ሀብተ ነፍስ ያስፈልጋል። ለመስጠት በሕይወት መኖር ያስፈልጋል። የማይሰጡ እጆች ዛሬ በሰይጣን ተገንዘዋል፡ ነገ በፈትል ይገነዛሉ። መስጠትም ዕድል ነው። ከሚቀበል ይልቅ የሚሰጥ የበለጠ ደስተኛ ነው። ወገን የጨከነባቸው ልባቸው ይቆራረሳል። በበረሃ በውኃ ጥማት እንደ ተሰነጣጠቀ መሬት ይሆናሉ። ያዘኑብን ደስታችንን ይዘውብናል። የእኛን ስንሰጣቸው የእነርሱን ሊሰጡን ተዘጋጅተው የሚጠብቁን አሉ።

እኔ ነኝ ማለት የማይችሉ፣ ራሳቸው ፍሬኑ  እንደ ተበጠሰ መኪና አልቆም ያላቸው፣ ጽድቅን እያዩ ኃጢአትን የሚግጡ፣ ሁልጊዜ እየማሉና ራሳቸውን እየገዘቱ በቆሻሻው ስፍራ የሚገኙ ልባቸው የተቆራረሰ ነው። ራስን ማጣት፣ የሚፈልጉትን አለማወቅ፣ በመንፈሳዊ ድንዛዜ መኖር፣ በእግዚአብሔር ቤት ሆኖ ከእግዚአብሔር መለየት፤ በፍቅር ቤት በቂም ፣ በጸሎት ቤት በትዝብት መኖር ያደከመው ልቦቹ የተቆራረሱ ናቸው ።

ሳይናገር ብልሃት የሚፈልግ ሞኝ፣ የልቤን ለምን አላወቁልኝም? ብሎ የሚጣላ ምስኪን ልቦቹ የተቆራረሱ ናቸው ። በግብጽና በከነዓን መካከል የሚኖር የሕይወት ጥጋብ፣ የነፍስ እርካታ የለውም። መርዛማ አሳቦች ይበክሉታል። ማኩረፍ ዘመዱ፣ ዝምታ አገሩ ይሆናል። ሰዎች አስረድተናቸውም ከተረዱን ዕድለኛ ነን። ሰው የሰውን ችግር ለመረዳት ራስ ወዳድነቱ መሰናክል ይሆንበታል። የሚጮኸው ከራሱ አንጻር ነው ። ከተማ ቢፈርስ ግድ የለውም፣ አጥሩ ሲነካ ግን ያመዋል። ሚሊዮን ሲረግፍ ሰምቶ እንዳልሰማ ያልፋል፣ ልጁ ሲያተኩሰው ግን ሆድ ይብሰዋል። መናገር የማይችሉ፣ በውስጣቸው በማጉረምረም የሚሰቃዩ ልባቸው የተቆራረሰ  ነው።

ፍቅርን ሰጥተው ጥላቻን ያተረፉ የመሰላቸው፣ ልቤን ሰጥቼ ቀልባቸውን እንኳ አልሰጡኝም ብለው የሚያስቡ የተቆራረሰ ልብ ይዘዋል። ይህ ስንጥቅጥቅ የመንፈስ ቅዱስ ዘይት ካልሆነ ምንም ሊያረጥበው አይችልም። የተቆራረሱ ልቦች ሰባራ አንገት፣ ስንኩል ጉልበት ይፈጥራሉ።

ጥላቻ ሰባኪ አላት፣ ጥላቻ ሠራዊት አላት፣ ጥላቻ  ደቀ መዝሙር አላት። በጥላቻ የተወጉ  ሰዎች የማይጣሉት ሰው የለም። የበደላቸውንና ያልበደላቸውን መለየት አይችሉም። እንዴት የቆመ ሰው ከሞተ ሰው ጋር ይጣላል? በጥላቻ የተመረዙ የጅምላ ፍረጃ፣ የጅምላ ፍጅት ያውጃሉ። ሰዎች ስለ ተመረዘው ቃላቸው፣ ስለሚገድል ፍላፃቸው ይጠሏቸዋል። በውስጣቸው የሚያሳልፉትን ስቃይ ግን ማንም አይረዳላቸውም። ካልታመመ የሚያሳምም፣ ባልታወከ የሚያውክ ማንም የለም።  ለሰው ሁሉ ቅን አመለካከት የሌላቸው የተቆራረሱ ልቦችን ይዘዋል።  የተቆረሰ ልብ ለሌላው የሚያዝን ነውና ያረካል፣ የተቆራረሰ ልብ ግን በጥማት ምድረ በዳ የሚያልፍ ነው። 

የተቆራረሱ ልቦች በራስ ሥራ ከማፈር የተነሣ ፣ ራስን ይቅር ካለማለት ይከሰታሉ። የተቆራረሰ ልብ ከሰዎች ብዙ ጠብቆ ጥቂት ባለመቀበል ይከሰታል። የጀመርኩት ሁሉ አይሳካም ፣ የተሳካው ዕድሜ የለውም ብሎ የሚያስብ ሰው የተቆራረሰ ልብ ይይዘዋል። ያን ጊዜ በደመና ውኃ ይጠማዋል። ሆዱን ባሕር ባሕር ይለዋል ። ሆደ ባሻነት ያስለቅሰዋል። የቆሙትን ትቶ የሞቱትን እያስታወሰ  ያዝናል። የተቆራረሰ ልብ መኖሪያውን ከመቃብር ሥፍራ ያደርጋል። የእኔ ነገር የሚል ልቅሶ ያስጀምራል። ሰውም እግዚአብሔርም ትተውኛል የሚል ሹክሹክታ ያመጣል።

የተቆራረሰ ልብ የሚድነው በንስሐ ፣ በእምነት ፣ መለኮትን ብቻ ተስፋ በማድረግ ነው ። አዎ ነገሥታት የመኖሪያ ፈቃድ ይስጡ ይሆናል ፣ የመኖር ፈቃድ የሚሰጥ ግን እግዚአብሔር ብቻ ነው። አንተ ወዳጄ ሆይ በእግዚአብሔር እኖራለሁ በል!

"መኖሪያህ የዘላለም አምላክ ነው፥ የዘላለምም ክንዶች ከአንተ በታች ናቸው፤" ዘዳ. 33፥27

ዲያቆን አሸናፊ መኰንን
ጥቅምት 22 ቀን 2017 ዓ.ም.

አንተ ጎጆ ተናገር 

የዘመናት እርጅናህን ጥቁረትህ ይናገራል። ብዙ ዋዕይና ጎርፍ የቻለው ጣሪያህ እውነተኛ መልኩን አጥቷል። አንተ ዘመኑን የማትመስል የጥንት ነህ። ሰውን የምትመስል የአፈር ቤት ነህ ። ማዝመም ሲያንስህ ነው ወይ? ስንቱን ጦርነት አሳልፈህ ያለኸው አንተ ነህ።  ሰዎች ገመናዬ የሚሉህ የንስሐ አባታቸው አንተ ነህ። ብዙ ምሥጢር የተሸከመ ማዝመሙ ፣ ባለ ታሪኩ በድጋፍ መቆሙ ወጉ አይደለም ወይ? ሽማግሌን ይኩሉታል፣ ጡረታም ሰፍረው ይንከባከቡታል። አረጀ ብለው አፍነው አይገድሉትም። አሮጌነት ብዙ የማየት ውጤት ነው። ፍሬ ያለው ዘንበል ይላል እኮ! አገዳዎቹ አጠገብህ ቀጥ ብለው ቆመዋል። ያንተን ያህል ዕድሜም ታሪክም የሌላቸው እዩኝ እዩኝ ብለዋል። የልጅ ልጅን ያሳደከው አንተ ጎጆ ስንቱን ችለኻል። ሰዎች ያላዩትን ሲናገሩ አንተ አይተህ ብዙ ሸፍነሃል። የሰማኸውን አላሰማህም ። እንደ አዲሶቹ አታስተላልፍም ። ድምፅ ማጉያ ሳይሆን ድምፅ ማፈኛ ተገጥሞልሃል ። አንተ ጎጆ ግዴለም ሙት። ሞት የተፈረደበት እንዲናገር ይፈቅድለታልና እባክህ ተናገር ። ጆሮ ጠገቦች አይለፍልፉ አንተ ተናገር። በልቶ  ካጆች አሮጌ ነው ቢሉህ አንተ ግን ተናግረህ ሙት ።

ያደግንብህ ልጅ ያሳደግንብህ አንተ ጎጆ ተናገር ። ማርያም ማርያም እየተባለ ሲወለድ አይተሃል፣ ሬሳው  ሲገነዝ እዚያው ነበርህ ። ጣሪያህ ቢያፈስም ፣ መሠረትህ ቢጎዳም ፣ የሠሩህ ባይኖሩ ፣ ዋጋ ያወጡብህና የሚቆጩልህ ጥርኝ አፈር ቢሆኑ አንተ ተናገር ። ይህን ቤቴን ለልጄ ሰጥቻለሁ ብለው ኑዛዜ ሲያጽፉ ዝም ብለህ ትሰማ ነበር። ገና ቆመህ ለመኖር ፣ ለማገልገል ፊትህ አልጠቆረም። ሰው ሲተኛ አንተ ቆመህ ነበር ። ዝናቡን ላንተ ሙቀትህን ለሰው ሰጥተህ ነበር ። በቀስታ ተሠርተህ በቅጽበት ፈረስህ። ባለሙያ ሠርቶህ ያለ ሙያ ፈረስህ። እንደ እኛ አንተም አይሞላልህም ፤  በርህ ሲጠገን ጣራህ  ያፈሳል፣ ጣራህ  ሲሠራ አፈርህ ይናዳል ።

አንተ የዘመን ምስክር በዝምታ የምትናገር ፣ ክቡር ዘበኛና ጦር ሠራዊት ሲታገሉ፣ ወታደርና ፖሊስ ሲናናቁ ፣ የእናት ልጆች በሁለት ጎራ ቆመህ ሲታኰሱ አንተ ምስክር ነህ። አፈር ነህና  ወደ አፈር መመለስ ግድ ቢሆንብህም አንተ የታሪክ ማኅደር ዝም አትበል ። ካንተ በዕድሜ የሚያንሱት ሰዎች ምርኩዝ ጨብጠዋል፣ ተንጋደው ይሄዳሉ፣ እያነከሱ ይገዛሉ ። ያንተ ማርጀት ያንተ ማዝመም ምንም አይደንቅም ።

ልጆች ለየብቻ መኝታ ክፍል ሳይሠራላቸው አንተ ጠባቡ በግድ ታፋቅር ነበር። በአንተ ውስጥ ያደጉ እስካሁን አልተለያዩም። ስንቱን ረሀብ ስንቱን ችግር በሆድህ ይዘህ አንድ ቀን ሳትተነፍስ ለአፈር በቃህ።  ማሞቂያ አይለኮስም ፣ የከሰሉ ፍም፣ ከበው የሚሞቁት ምድጃ፣ የሚጠበሰው እሸት ያንት ትዝታ ነው ። ባንተ ውስጥ የቁም ሻወር የለም፣ ያደለው ወንዝ ወርዶ፣ ሌላውም በርሜል ዘርግቶ ይታጠባል። በአሻራ የሚከፈት በር አንተ አታውቅም። ሳትዘጋ አድረህ ሌባ አይደፍርህም። የአሻራው በር ፣ ባለ ካሜራው ቤት ይደፈራል። የስፖንጅ ፍራሽ፣ የውኃ ፍራሽ ዛሬ መጥቷል። አልጋው ሲገኝ  እንቅልፍ ጠፍቷል። አንተ ውስጥ ግን መደብ ላይ ተኝቶ እንቅልፍ ይወስዳል። ልክ ነው የሚቆረቁረው አሳብ እንጂ መኝታው አይደለም። ባንተ ውስጥ እንቅልፉን የተኛው ተቀስቅሶ እንጀራ ብላ አልጠገብህም ይባል ነበር። በዛሬው ጌጠኛ ቤት ግን እራት መብላት ጥሩ አይደለም ተብሏል። ገንዘብ ፍቅርን አያመጣም፣ ፍቅር ግን ገንዘብን ያመጣል። ባንተ ውስጥ ቶሎ የማይበርድ የፍቅር ፍም ነበረ። ሰውን ሁሉ በሽተኛ ያደረገው ሴራሚክ በአንተ ዘመን አልነበረም። በእበት ተለቅልቆ ፣ ሳንቃ በሰም ተወልውሎ ኑሮ ያምር ነበር።

እንኳን የሚሞት የሚታመም ብዙ እንዳልነበረ አንተ ጥቁር ጎጆ ፣ በእኛው ጭስ ጠቁረህ የናቅንህ እስኪ ተናገር። ባማረው ቤታችን የማያምር የበሽታ ዝርዝር እየሰማን ነው። ባንተ ውስጥ 120 ዓመት የሚኖር ሰው ብዙ ነበር። ባማረው ቤት ግን ዕድሜ አልተገኘም። አይ ጉድ የዛሬው ኩራት በዛ። የድሀ ልጅ ያልነበረ ባለጠጋ፣ የሀብታም ልጅ ያልነበረ ድሀ የለም። ቡና ፈልቷል እገሌን ጥሩ ይባል ነበር፣ በትንሽ ገቢ ትልቅ ግብዣ ነበር። ዛሬ ገቢው ብዙ ስስቱም ልክ የለውም። አንተ ደሳሳ ጎጆ የትላንቱን ተናገር። ጎረቤቶች ሲጣሉ ይውሉብሃል፣ መልሰው አብረው ቡና ይጠጡብሃል። ለካ የሚያጣላቸው ፍቅር ነበር ። የአንዱን ልጅ አንዱ አጥብቶ በሽታ አልነበረም፣ ዛሬ ልጅ ለመሳም አስፈቅዱ ተብለናል ግን ሞት በዝቷል። ልጅ የወላጅ ብቻ ሳይሆን የማኅበረሰቡ ነበር ። ዛሬ ግን ልጅ ብቸኛ ነው ።

የመጣውን ሁሉ ጉልበት ሳሙ የተባለብህ አንተ ዕድሜ ጠገብ ጎጆ ተናገር ። የመጣው ሁሉ ወንዱን አጎትህ ፣ ሴቱን አክስትህ እየተባለ ያደገ ልጅ አይተሃል። ዛሬ ግን እንደ ጋኔን ወንዝ ለወንዝ መቁጠር ደክሞናል። እኮ መሰልጠን መሰይጠን ነው ወይ? እስከ ተናገር። በጋ ሲሆን የምትቀዘቅዘው ፣ ክረምት ሲሆን የምትሞቀው የትኛው ባለ ወረቀት ምሁር ሠርቶህ ነው? ለሰው የሚሆነውን አውቀሃል። ሞቋልና ልሙቅ ቀዝቅዟልና ልቀዝቅዝ አትልም ። የአሁኑ ቤት አይቋጥርም። የመጣውን ያሰራጫል። አየሁ አላየሁም ሰማሁ አልሰማሁም የሚሉ ሰዎች ኖረውብሃል። ሰው ወገን እንዳይዝ ክብ አርገው ሠሩህ፣ መለያየት እንዳይመጣ እንጀራው ክብ ሆነ። ማስተዋል እንዳይጠፋ ብዙ ዓይኖች ያሉትን እንጀራ አብረው ይቆርሱት ነበር :: ምናገባኝ እንዳይኖር  አንዱን ቤት ሌላኛው ቤት ተሸክሞት ነበር።

አንተ ጎጆ ተናገር ! አህያ በወለደች ታርፋለችና አንተ ዕረፍ ። እኛንም አሳራፊው ጌታ ያሳርፈን! አሜን።

ዲያቆን አሸናፊ መኰንን
ጥቅምት 21 ቀን 2017 ዓ.ም.

የሌለ ነገር መጠበቅ

ዓለም የጥበቃ ስፍራ ናት። ጥበቃም ለአንድ ቀን ቆሞ አያውቅም። ይመጣል የሚሉትን ነገር ግለሰቦች፣ መንግሥታት ይጠብቃሉ። ጥበቃ ባይኖርም ሕይወት ብዙ ጣዕም አይኖራትም ነበር ። 5500 ዘመን የሰው ልጆች ቡሩኩን መሢሕ ሲጠብቁ ነበር ። እርሱ ቀጥሮ አይቀርምና የማርያምን ሥጋ ለብሶ ተገለጠ። የመጀመሪያ ምጽአቱን አጠናቅቆ ሲሄድ በዚያው ሰዓት እመጣለሁ ጠብቁ ብሎ አሁንም ለጥበቃ አስገዛን (የሐዋ. 1:11)። ላለፉት ሁለት ሺህ ዓመታት ቤተ ክርስቲያን ሙሽራዋን የምትጠብቅ ሙሽራይት ናት። ጥበቃ አያልቅም። በጥበቃና በፍጻሜው መካከል ብዙ ዓይነት ነገሮች ይከሰታሉ። ብዙ ጨለማ ፣ ብዙ ኀዘን፣ ብዙ ሰቆቃ ይኖራል። መጠበቅ ዋጋ ያስከፍላል።

የዛሬ ሕፃናት ዘመናዊ ነገር ላይ ተጠምደው እናታቸው ስትሄድም ስትመጣም ትዝ አይላቸውም። "አንተ ሰላም አትለኝም ወይ?" ተብለው በግድ ተስበው ይስማሉ፣ እርሱም ከልባቸው አይደለም። የሚጠብቁት ነገር ስለ ሌለ መደነቅና መደሰት አልቻሉም። ልባቸው ሙቀት የለውም። እኛ ባደግንበት ዘመን ገበያ የሄደች እናታችንን በር ላይ ቆመን እንጠብቅ ነበር። መጠበቃችንን የሚያረሳሳብን ምንም ነገር የለም። ልባችን ይፈራል፣ የምንለያይ እየመሰለው ትንሹ ጭንቅላታችን ይወጠራል። እንባ እንባ ይለናል። በመንገድ የሚያልፉት "ምን ሆነህ ነው የምታለቅሰው?" ይሉናል። መልሳችንን ሰምተው "አይዞህ ትመጣለች" ብለው ያጽናኑናል። ማልቀሳችንን አይስቁበትም። ተገቢ እንደሆነ ያ ትውልድ ያምን ነበር። አዎ ያደግነው በመጠበቅ ነው ።

ንጉሡ እንዲወርዱ ብዙ ተደከመ። ንጉሡ ወረዱ ያስብነው መና ግን አልወረደም። ንጉሡ ያንን ሁሉ ተቃዋሚ ውኃ እንዳይረጭበት ይከለክሉ ነበር። ተዉ የማይል ገዳይ መጣ። አህያ ተማላ ጅብ አወረደች እንዲሉ  ። ጠብቀን ነበረ ፣ ግን አላገኘንም። "ደርግ ይውረድ እንጂ ሰይጣን በዙፋን ተቀምጦ ይግዛን" ተብሎ ነበር። የሚለዋወጡ ሰዎች እንጂ የሚለወጥ ነገር ታጣ። የጠበቅነው አልሆነም። መጠበቅ የሰው ታሪክ ነው ።

የሌለ ነገር መጠበቅ ግን ከባድ ነው። ድመት ስታልፍ ሌባ መጣ ብለው ሲጠብቁ የሚያድሩ ብዙ ናቸው። ትጋት አለ፣ የማይጠቅም ትጋት ነው።  የሌለ ነገር መጠበቅ እንቅልፍ ይነሣል፤ ፍርሃት ይነዛል። ውጤቱም አስደሳች አይደለም። ለፍቻለሁ አይቆጨኝም አያስብልም። እንደውም ራስን መታዘብ ያመጣል። አንዳንድ በሮች ተዘግተው ሰው አለ እያልን እንጠብቃለን። ድምፃችንን ቀንሰን እናወራለን። በጥንቃቄ እንራመዳለን። ቀኑ ሲጋመስ በሩን ስንከፍት ባዶ ቤት ነው። አገር አቀፍ ስብሰባዎች፣ አጠቃላይ የሃይማኖት ጉባዔዎች በማስታወቂያ መጣሁ ተቀበሉኝ በሚለው ድምፀት ያውኩናል። ሲያልቅ ምንም የለም። ዝናብ የሌላቸው ደመናዎች ናቸው። አዎ  የሰው ስብስብ ዝናብ የሌለው ደመና ነው።

የምንወዳቸው የማይወዱን፣ የምናከብራቸው ለእኛ ግድ የሌላቸው ሊኖሩ ይችላሉ::  በአንድ ሰው  ፍቅር ወዳጅነት የሚቀጥል እየመሰለን ብዙ እንደክማለን ፣ የሌለ ነገር መጠበቅ ጉም መዝገን ነው። ጥፋቱ የሰዎቹ አይደለም፣ የሌለ  ነገር የጠበቅን የእኛው ነው::  በዚህ ዓለም ላይ ትልቅ መክሊታችን ጊዜ ነው::  የሌለ ነገር መጠበቅ ጊዜ ይበላል። ልሂድ ባዩን መሸኘት፣  ጊዜ ገዳዩን ማሰናበት በሁለት ወገን የተሳለ ጽድቅ ነው ።

የሌለ ነገር መጠበቅ ሁልጊዜ እያፈርን እንድንኖር ያደርጋል። ከሁሉ በላይ ጊዜአችንን ያባክናል። በመጨረሻ የሐፍረት ካባ ያለብሰናል። እግዚአብሔርን መጠበቅ ግን ዋጋ አለው። እንደ አሳቡና እንደ ፈቃዱ ከሆነም ነገርን ሁሉ ለበጎ ይለውጠዋል። የመጣውን ትተን ያልመጣ መጠበቅ የሕይወት መተላለፍ  ያመጣል።

ዲያቆን አሸናፊ መኰንን
ጥቅምት 20 ቀን 2017 ዓ.ም

Live stream finished (1 hour)

አይዞአችሁ
ዮሐ. 16:33

በዲያቆን አሸናፊ መኰንን

Live stream started

ዛሬ እሑድ ጥቅምት 17 ቀን 2017 ዓ.ም. ከጠዋቱ 4:00 የቀጥታ የስብከት ስርጭ ት በኖላዊ የቴሌ ግራም ቻናል ይኖረናል።


ሌሎች ወዳጆችን ጋብዙ !


https://t.me/Nolawii

የእግዚአብሔር ቤተሰቦች

ነገ እሑድ ጥቅምት 17ቀን 2017 ዓ.ም በኢትዮጵያ ሰዓት ከጠዋቱ 4፡00 ጀምሮ ለ45 ደቂቃ የቀጥታ የስብከተ ወንጌል ስርጭት ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

https://t.me/Nolawii

በክርስቶስ ሰላም  !

Live stream finished (1 hour)

የማርቆስ ወንጌል ትርጓሜ 39

ማር 11፥ 11- 19

ዲያቆን አሸናፊ መኰንን

Live stream started

የእግዚአብሔር ቤተሰቦች

ዛሬ ዓርብ ጥቅምት 15 ቀን 2017 ዓ.ም በኢትዮጵያ ሰዓት ከምሽቱ 1፡30 ጀምሮ ለ45 ደቂቃ የቀጥታ የስብከተ ወንጌል ስርጭት ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

በክርስቶስ ሰላም  !

የእግዚአብሔር ቤተሰቦች

ዛሬ ዓርብ ጥቅምት 15 ቀን 2017 ዓ.ም በኢትዮጵያ ሰዓት ከምሽቱ 1፡30 ጀምሮ ለ45 ደቂቃ የቀጥታ የስብከተ ወንጌል ስርጭት ይኖረናል። እንድትከታተሉ በክርስቶስ ፍቅር እንጋብዛለን ! ሌሎች ወዳጆችንም ጋብዙ !

በክርስቶስ ሰላም  !

የእግዚአብሔር ቤተሰቦች !

መንፈሳዊ በረከት
የሚለውን መጽሐፍ አስቀድማችሁ የገዛችሁ በስማችሁ የተዘጋጀውን የፀሐፊው ፊርማ ያለበትን መጽሐፍ እንድትወስዱ እንጠይቃለን :: ስለ ቅንነታችሁ እግዚአብሔርን እናመሰግናለን :: ቀጥሎ ባለው ቁጥር ደውሉ

0910531997

እንኳን ደስ አላችሁ !



እግዚአብሔር ሆይ ተመስገን !

እንደገመትነው አይደለም

ያኰረፈን ስለ ኮራ፣ ዝም ያለን ጊዜው የእኔ ነው ብሎ አይደለም፤ እኛ ከማናውቀው ከራሱ ችግር ጋር እየታገለ ስላለ ነው። ፊቱ የተጨማደደው ፣ ዝም ብሎን የሄደው እኛን ጠልቶ አይደለም፤ የሕክምና ውጤቱ ደስ የማያሰኝ ስለ ነበረ ነው። እርሱ ስለ ካንሰር ያስባል፣ እኛ ስለ ፈገግታ እናስባለን። ያልመጣው፣ ቀጥሮን መንገድ ላይ ያቆመን የተሻለ ስላገኘ አይደለም። አደጋ ገጥሞት ፣ ራሱን ስቶ ነው። ስልካችንን ያላነሣው ይለምኑኛል ብሎ ሰግቶ አይደለም ፣ በአካል ለማግኘት ፈልጎ ነው።

ያልመጣው ጥሪያችንን ንቆ አይደለም፣ ያሠራልን ያገር ልብስ አልደርስ ብሎት ነው። የእናቱን ሞት ሰምቶ ከምቾት አገር ያልመጣው፣ አልነገረንም እንጂ በወረቀት ምክንያት ስለ ታሰረ ነው። ያላገለገለው ትንሽና ድሀ ስለሆንን ንቆን አይደለም፤ ልጁ ሞታበት ቀብር ላይ ስለ ነበረ ነው። ያልሰጠን ስለ ሰሰተ አይደለም፣ ንብረቱ ሁሉ ታግዶ ችግር ላይ ስለነበረ ነው። ጠይቀነው ዝም ያለን የራሳቸው ጉዳይ ብሎ አይደለም፣ ስለ እኛ ሰዎችን እየለመነ ስለ ነበረ ነው። ልቅሶአችንን ያልደረሰው ውለታ በላ ስለሆነ አልነበረም፣ የስምንት ዘመዶቹን መርዶ ሰምቶ ኀዘን ላይ ስለ ነበረ ነው። እየጠጣ ወደ ቤቱ የሚገባው በጣም ስለ ተመቸው አይደለም፣ መደበቅ የሚፈልገው ውስጣዊ አባራሪ ስለ መጣበት ነው። ሳይነግረን የመጣው ቀጠሮ ማስያዝ እንደሚገባው ረስቶ አይደለም፣ ከሞት ጋር እየታገለ ስለ ነበረ ነው። የጠባይ ለውጥ ያመጣው ምን ያመጣሉ ብሎ በእጁ ስላስገባን አይደለም፣ ከፍተኛ የአእምሮ ጭንቀት ገጥሞት ለመዋል ለማደር ተቸግሮ ነው። ዝምታን ያበዛው አስጠልተነው አይደለም፣ ብነግራቸው ይጎዳሉ ብሎ ነው ። ለመክፈል የዘገየው ብልጥ ሆኖ አይደለም፣ ከሥራ ስለ ተባረረ ነው።

ከሰው የሚሸሸው በደሉኝ ብሎ አይደለም፣ የገጠሙት ክፉዎች ሁሉን እንዳያምን ስላደረጉት ነው። አገር ካገር የሚዞረው ስለ ደላው አይደለም፣ የገዛ ትዳሩና ልጆቹ ጠላት ሆነውበት ነው፡፡ የሚነጫነጨው ሌላ ለምዶ አይደለም፣ ትሞታለህ የሚል ድምፅ ሰምቶ ነው። የሚቆጣው ሥራችን ስላላስደሰተው አይደለም፣ ከራሱ ጋር ያለውን ትግል ማንም ስላልተረዳለት ነ ው። ያመሸው ትዳሩ ላይ እየባለገ ስለ ነበር አይደለም፣ የደረሰበትን አደጋ ቢነግረን ይደነግጣሉ ብሎ ነው።

እንደገመትነው አይደለም። እርሱን ብንሰማውና እውነቱን ብናውቀው ራሳችንን ክፉ ነህ እንለው ነበር። ራስን ብቻ ማዳመጥ ትንሽ ሰው እንደሚያደርግ ይገባን ነበር። እኛን ስለ ልጃችን ጠባይ የሚመክረን እርሱ ልጅ ቀብሮ ነው። በነጻ የሚፈልገን ያለሁላቸው እኔ ብቻ ነኝ ብሎ ስላሰበ ነው ። እንዳላውካቸው ብሎ የሚሸሸን እርሱ የእኛን ችግር ሲካፈል የኖረ ነው። የዛሬውን ሳይሆን የትላንቱን ፣ ተራራ አብረን የገፋንበትን ቀን እናስብ ። ሃያ ዓመት የሳቀልን አንድ ቀን እንዲያኮርፍ እንፍቀድለት ። ዛሬ ደክሞት ነው ፣ መፈለግ የኛ ተራ ነው እንበል። ወዳጅ እንዲሁ አይጣልም። ወዳጅ በገንዘብ አይለወጥም። ደጉን ቀን እያሰቡ ያልፉታል እንጂ በአንዲት ሰባራ ቃል አይሸኙትም። ብቻ እንደገመት ነው አይደለምና እግዚአብሔር ሆይ ይቅር ይበለን !

ዲያቆን አሸናፊ መኰንን
ጥቅምት 12 ቀን 2017 ዓ.ም.

Live stream finished (26 minutes)

Live stream started

አትበል /2

ቤቴን ሠርቻለሁ፣ ጡረታዬን አስተካክያለሁ፣ ልጆቼን ቦታ ቦታ አስይዣለሁ ከዚህ በኋላ ዐርፌ መብላት መጠጣት ነው አትበል። ቤትም ጡረታም መተዳደሪያ እንጂ ሕይወት አይሆኑም። ልጆች ቦታ ቢይዙም ይህ ዓለም ለአንድ ራስም አስጨናቂ ነው። ብኖር ለጌታዬ እኖራለሁ በል። ቢሳካ ደስታ ነው፣ ባይሳካ ምኞትህ ዋጋ ወደሚያገኝበት ዓለም ትሄዳለህ። እንኳን አንተ ታላላቅ ነገሥታት ግቢያቸውን ደሴት ላይ ፣ መታጠቢያ ቤታቸውን በወርቅ ሠርተው ነበር። እንኳን መኖሪያ መቀበሪያ አላገኙም። ማን እንዳረፈ ታርፈለህ? ደግሞም ንብረት አያሳርፍም ፣ ሰውም ልብ አይጥሉበትም። ወደ እኔ ኑ ያለው ወደ ልቡ የጋበዘን ክርስቶስ ብቻ ዕረፍት ነው።

እኔን ካልነኩኝ ስለ ማንም ግድ የለኝም ፣ ለእኔ ችግር ማን ደረሰ ? አትበል። ችግር አልቆ አይቆምም፤ ክፉዎችም ክፋትን በቃኝ አይሉም። በሩቅ ያየሃቸው ክፉዎች ወደ አንተም ይመጣሉ። አንድ ውሻ አንድ ነገር አይቶ ሲጮህ ያላዩት መቶ ውሾች እርሱን ሰምተው  ይጮኻሉ ። የሌላው ኀዘን እንዲያሳዝንህ ፣ የሌላው ጩኸት እንዲሰማህ ይሁን። ከውሻ እንኳ አትነሥ ።

ይህን ያደረገው እገሌ ሳይሆን አይቀርም አትበል። ባላየኸው ነገር በንጹሕ ሰው ላይ ዕዳ አታሸክም። እንኳን ግምትህ ዓይንህም ይሳሳታል። ሰውን ያለ ኃጢአቱ እንኳን በአፍህ በልብህም አትኰንነው። የበደል አውራው ንጹሕ ላይ መፍረድ ነው። በርኩሱም እንዳትፈርድ ገደብ ተጥሎብሃል። ደግሞም ግምትህና ፍርድህ ሐሰተኛ ሆኖ ስታገኘው በራስህ ታፍራለህ።

ዲያቆን አሸናፊ መኰንን
ጥቅምት 11 ቀን 2017 ዓ.ም

ሌላ አጽናኝ

ዲያቆን አሸናፊ መኰንን

Live stream finished (58 minutes)

Live stream started

ዛሬ እሑድ ጥቅምት 10 ቀን 2017 ዓ.ም. በኢትዮጵያ አቆጣጠር ከጠዋቱ 4፡00 ላይ
በቴሌግራም ቻናላችን የቀጥታ ቃለ እግዚአብሔር ስርጭት ለ50 ደቂቃ ይኖረናል:: ሌሎች ወዳጆቻችሁንም ጋብዙ ::

በክርስቶስ ሰላም!



https://t.me/Nolawii

Live stream finished (24 minutes)

Live stream started

የእግዚአብሔር ቤተሰቦች ነገ እሑድ ጥቅምት 10 ቀን 2017 ዓ.ም.
ከጠዋቱ 4፡00 ሰዓት ላይ በቴሌ ግራም ቻናላችን የቀጥታ ቃለ እግዚአብሔር ትምህርት ይኖረናል::
የክርስቶስ ሰላም ከእናንተ ጋ ይሁን!



https://t.me/Nolawii

የማርቆስ ወንጌል ትርጓሜ 38

ማር.11፥ 1-10

#ዲያቆን #አሸናፊ #መኰንን

Live stream finished (1 hour)

Live stream started

Live stream finished (29 seconds)

Live stream started

የእግዚአብሔር ቤተሰቦች ! ዛሬ ጥቅምት 8 ቀን 2017 ዓ.ም. በኢትዮጵያ አቆጣጠር ከቀኑ
12: 00 ሰዓት የቀጥታ ትምህርት በቴሌግራም ቻናል በኖላዊ የማርቆስ ወንጌል ትርጓሜ ለ40 ደቂቃ ያህል ይሰጣል። ባላችሁበት እንድትሳተፉ እንጋብዛለን !

Live stream finished (49 seconds)

Live stream started