ማኅበረ ቅዱሳን ዋናው ማእከል

https://www.youtube.com/watch?v=ceVpXq0dztI

One of the Jews seized the coffin with his hands, which were separated instantly from his body and they remained attached to the coffin. He regretted his evil deed and wept bitterly. Through the supplications of the saintly apostles, his hands were reattached to his body, and he believed in the Lord Christ. When they placed the body in the tomb, the Lord hid it from them.
Saint Thomas the Apostle was not present at the time of Saint Mary’s departure. He wanted to go to Jerusalem and a cloud carried him there. On his way, he saw the pure body of Saint Mary carried by the angels and ascended to heaven with it. One of the angels told him, “Make haste and kiss the pure body of Saint Mary,” and he did.
When Saint Thomas arrived where the disciples were, they told him about Saint Mary’s departure and he said to them, “You know how I conducted myself at the resurrection of the Lord Christ, and I will not believe unless I see her body.” They went with him to the tomb, and uncovered the place of the body but they did not find it. Everyone was perplexed and surprised. Saint Thomas told them how he saw the holy body and the angels that were ascending with it. They heard the Holy Spirit saying to them, “The Lord did not will to leave her body on earth.” The Lord had promised his pure apostles to let them see her in the flesh once again. They were waiting for this promise to be fulfilled, until the 16th day of the month of Nehassie (August), when the promise was fulfilled and they saw her.
The years of her life on earth were 60 years. She was 12 years old when she left the temple. She spent 34 years in Joseph’s house, until the Ascension of the Lord, and 14 years with Saint John the Evangelist, according to the commandment of the Lord which he told her at the cross, “Behold, this is your son,” and to Saint John, “Behold, this is your mother.”
May Saint Mary’s intercession and blessings be with us; Amen!
Source: Coptic Synaxarium

The Departure of Saint Mary
Our Lady, the all pure, Virgin Saint Mary, the Mother of God, departed on Tir 21. As she was always praying in the holy sepulcher, the Holy Spirit informed her that she was about to depart from this temporal world. When the time of her departure arrived, the virgins of the Mount of Olives came to her, with the apostles, who were still alive, and they surrounded her bed. The Lord Jesus Christ, to Whom is the glory, with a host of thousands and thousands of angels came to her and comforted her. He also told her about the eternal joy that was prepared for her, and she rejoiced. Then, the apostles and the virgins asked her to bless them. She stretched her hand and blessed them all, and she gave up her pure spirit in the hand of her Son and God. He then took her spirit to the heavenly mansions.
The apostles prepared the body in a fitting manner and carried it to Gethsemane. Some of the Jews blocked their way to prevent them from burying the body.

ቅዱስ ጴጥሮስና ሐዋርያት ሁሉም ‹‹ወደ አንቺ እንድንመጣ መንፈስ ቅዱስ አዘዘን፤ በደመና ላይም በተጫን ጊዜ ወደ አንቺ እንደ ዐይን ጥቅሻ ፈጥነን ደረስን›› አላት፡፡ በዚያን ጊዜ የክብር ባለቤት ልጇ ወዳጇ ኢየሱስ ክርስቶስ እልፍ አእላፍ መላእክቱን አስከትሎ ወደ እርሷ መጣ፡፡ (ጥር ፳፩ ስንክሳር)
እንዲህም አላት ‹‹እናቴ ሆይ ከዚህ ዓለም ድካም ላሳርፍሽ መጥቻለሁ›› አላት፡፡ እርሷ ግን ‹‹ልጄ ሰማይና ምድር የማይወስኑህን ዘጠኝ ወር ከአምስት ቀን በማኅፀኔ ተሸክሜህ፤ በድንግልና ወልጀህ እሞታለሁን?›› አለችው፡፡ በዚህ ጊዜ በሲኦል የነበሩ ነፍሳትን ሁሉ አሳያትና ‹‹እናቴ ሆይ ሞትሽ ለእነዚህ ሁሉ ነፍሳት መዳን ምክንያት (ቤዛ) ይሆናቸዋል›› አላት፡፡ ‹‹እነዚህን ሁሉ ከማርክልኝስ ይሁን›› አለች፡፡ በዚህ ጊዜ ቅድስት ሥጋዋን ከክብርት ነፍሷ ለይቶ በቃለ አቅርንት በይባቤ መላእክት በክብር ነፍሷን ዐሳረጋት፡፡ (መዝገበ ታሪክ ቁጥር አንድ ገጽ ፻፶፭፣ ጥር ፳፩ ስንክሳር)
የእመቤታችን አማላጅነትና ተረዳኢነት አይለየን፤ አሜን!

አስተርዮ ማርያም
የማይታየው የታየበት፣ የራቀው የቀረበበት፣ የረቀቀው መለኮት በገዘፈ ሥጋ ማርያም የተገለጠበት፣ የወልድ ልጅነት በአብና በመንፈስ ቅዱስ የተመሰከረበት፣ በልደቱ፣ በጥምቀቱ አንድነት በሦስትነት እንዲሁም መለኮት በሥጋ ሥጋም በመለኮት በተዋሕዶ ተገልጦ ምሥጢሩ ገሃድ የሆነበት የመገለጥ የመታየት ጊዜ የሆነው ወቅት በቤተ ክርስቲያናችን አስተምህሮ ዘመነ አስተርዮ እየተባለ ይጠራል፡፡
በዚሁ በዘመነ አስተርዮ መካከል የሚገኝ ስለሆነ የእመቤታችን ቅድስት ድንግል ማርያም “በዓለ ዕረፍት አስተርዮ ማርያም” እየተባለ ይጠራል፡፡ ይህ አስተርዮ ማርያም የምንለው ታላቅ በዓል እናታችን እመቤታችን ከዚህ ዓለም ድካም ያረፈችበት መታሰቢያ ሲሆን ቀኑም ጥር ፳፩ ነው፡፡ ሰማይና ምድር የማይወስኑትን የወሰነች፣ ሞትን በሞቱ የመሻር ሥልጣን ያለውን፣ ዓለምን በመዳፉ የጨበጠውን የወለደች ክብርት ቅድስት እመቤታችን ከዚህ ዓለም ድካም የምታርፍበት ቀን በደረሰ ጊዜ ይኸውም ጥር ፳፩ ቀን በዕለተ እሑድ በ፷፬ ዓመቷ፣ በ፵፱ ዓ.ም መንፈስ ቅዱስ የዕረፍቷ ጊዜ መድረሱን ነግሯት በልጇ መቃብር ሆና ጸሎት ታድርስ ነበር፡፡ እንዲህም ብላ ጸለየች፤ ‹‹ልጄ ወዳጄ ሆይ ልመናዬን ተቀብለህ ደቀ መዝሙርህን ዮሐንስን በዚህች ሰዓት አምጣው፤ እንዲሁም በሕይወተ ሥጋ ያሉ ሐዋርያትን ሁሉንም፣ ነፍሳቸውንም የለየሃቸውን አምጣቸው፤ አንተ የሕያዋንና የሙታን አምላክ ነህና›› አለች፡፡ (የጥር ፳፩ ስንክሳር)
በዚህ ጊዜ ዮሐንስን ደመና ተሸክማ ከኤፌሶን አመጣችው፤ ምስጋናም አቀረበላት፤ ሁሉም ሐዋርያት የሞቱትም ከመቃብር ተነሥተው ወደ እመቤታችን ደርሰው ሰገዱላት፡፡ እንዲህም ስትል ጠየቀቻቸው፤ ‹‹ትነግሩኝ ዘንድ እሻለሁ፤ ከዚህ ዓለም እንደምለይ ከወዴት ሰማችሁ?›› አለቻቸው፡፡

በውይይቱ የኢትዮጵያ ኦርቶዶክስ ተዋሕዶ ቤተክርስቲያንና የሕንድ ማላንካራ ኦርቶዶክስ ቤተክርስቲያን በሚገኙባቸው የውጭ ሀገራት አንዱ ባንዱ የመገልገል እንድል የሚያመቻቹበት ሁኔታም እንደሚኖር  ተገልጿል።

ልዑካኑ አክለው እንደገለፁት በዐረብ ሀገራት ላይ ቤተክርስቲያንን ለማስፋፋት ያደረገችውን ጥረት በማድነቅ በሌሎች ክፍላተ ዓለማት ለምታደርገው እንቅስቀሴ ለመደገፍ ከጎን መሆናቸውን በማረጋገጥ ቃላቸውን ሰጥተዋል።

በመጨረሻም  በብፁዕ ወቅዱስ አቡነ ማትያስ የማጠቃለያ ሐሳብና ለልዑካኑ የበረከት ስጦታ በመስጠት ውይይቱ ተጠኗቋል።

ብፁዕ ወቅዱስ አቡነ ማትያስ የሕንድ ማላንካራ ኦርቶዶክስ ቤተክርስቲያን ልዑካንን በጽ/ቤታቸው ተቀብለው ማነጋገራቸው ተገለጸ

ጥር ፳ ቀን ፳፻፲፯ ዓ.ም.

ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት የሕንድ ማላንካራ ኦርቶዶክስ ቤተክርስቲያን ልዑካንን በጽ/ቤታቸው ተቀብለው ማነጋገራቸው ተገለጿል።

ሜትሮ ፖሊታን ማር ዩልዮስና ፋዘር ጆሲ ጃኮብ የብፁዕ ወቅዱስ አቡነ ማቴዎስ ሣልሳዊ መልዕክትን በመያዝ የመጡ ሲሆን የልዑካኑ መምጣት ዋነኛ ዓላማ ከዚህ በፊች ከአኀት አብያተ ክርስቲያናት ጋር በመንፈሳዊ አገልግሎት፣ በጤና ዘርፍ ፣ በትምህርት ና በዘርፈ ብዙ ጉዳዮች ላይ የነበረውን የጋራ  ስምምነት በኮሮና ምክንያት ተቋረጦ የነበረውን ዳግም  መቀጠል የሚያስችል ውይይት ለማድረግ  እንደሆነ ተገልጿል።

በተለይም  በውጭው ዓለማት የሚገኙ የኢትዮጵያ ኦርቶዶክስ ተዋሕዶ ቤተክርስቲያን  እና የሕንድ ማላንካራ ኦርቶዶክስ ቤተክርስቲያን የጋራ አገልግሎት የሚያገኙበትን ሁኔታ ለማመቻቸት ያለመ ነውም ተብሏል።

ብፁዕ ወቅዱስ አቡነ ማትያስ ቀዳማዊ ፓትርያርክ  ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት በልዑካኑ መምጣትና በገንቢ ሐሳቡ መደሰታቸው በመግለጽ በስምምነቱ መሠረት መተግበር እንደሚቻል የገለፁ ሲሆን ልዑካኑን በመላክ ስምምነቱ እንደገና እንዲጀመር ስላደረኩ የሕንድ ማላንካሳ ኦሮቶዶክስ ፓትርያርክን  አመስግነዋል።

በቅዱስነታቸው ምላሽና አቀባበል የተደሰቱት ልዑካኑ ከብፁዕ ወቅዱስ አቡነ ማቴዎስ ሣልሳዊ ለብፁዕ ወቅዱስ አቡነ ማትያስ ቀዳማዊ የተላከ ስጦታ ያበረከቱ ሲሆን ቅዱስ ፓትርያርኩ  ከዚህ ልዑክ ምላሽ በኋላ ወደ ኢትዮጵያ ጉብኝት እንደሚያደርጉም ገልጸዋል።

የሥራ ማስታወቂያ

በሐዋሳ ማእከል የግቢ ጉባኤያት የደረጃ አንድ ተተኪ መምህራን ሥልጠና እየተሰጠ እንደሚገኝ ተገለጸ።

ጥር ፳/፳፻፲፯

በማኅበረ ቅዱሳን ሐዋሳ ማእከል የግቢ ጉባኤያት ዋና አገልግሎት ክፍል አዘጋጅነት በሐዋሳ ዩኒቨርሲቲ ሥር ከሚገኙ አምስት ግቢ ጉባኤያት የተወጣጡ ከ120 በላይ የግቢ ጉባኤ ተማሪዎች የደረጃ አንድ ተተኪ መምህራን ሥልጠና እየወሰዱ ሲሆን ሥልጠናው ከዛሬ ዕለት ጀምሮ ማለትም ከጥር 19 እስከ የካቲት 01 2017 ዓ.ም ለተከታታይ 14 ቀናት ይሰጣል።

መምህር ተስፋዬ ፍቃዱ በማእከሉ የግቢ ጉባኤያት አገልግሎት ዋና ክፍል መደበኛ አስተባባሪ እንደተናገሩት ሥልጠናው በቅድስት ሥላሴ ቤተክርስቲያን ግቢ በሚገኘው ሐዋሳ ዩኒቨርሲቲ ዋናው ግቢ ጉባኤ መማሪያ አዳራሽ፣በወንዶ ገነት እና በይርጋዓለም በተመረጡ ቦታዎች እየተሰጠ እንደሚገኝ ገልጸዋል።

እየተሰጠ ባለው ሥልጠና ትምህርተ ሃይማኖት፣መጽሐፍ ቅዱስ ጥናት፣ነገረ ቅዱሳን፣የቤተ ክርስቲያን ታሪክ እንዲሁም የስብከት ዘዴን የያዘ ነው፡፡

በተለይም ሠልጣኞች በነገረ ቅዱሳን እና ሐዋርያዊ ተልዕኮ ትምህርቶች ዙሪያ መሠረታዊ ግንዛቤ ለማስጨበጥ የተዘጋጀ ሥልጠና እንደሆነም ተገልጿል።

በተጨማሪም የሥልጠናው ሌላኛው ዓላማ ሠልጣኞቹ የመስበክ፣የማስተማር እና መሰል ክህሎቶችን አዳብረው የስብከተ ወንጌል አገልግሎቶችን ለማስጀመር እና የቤተክርስቲያን ተተኪ አገልጋይ ለማፍራት ነው ተብሏል።

1386  አዳዲስ አማንያን የቅድስት ሥላሴ ልጅነትን አገኙ።

ጥር ፫ ቀን ፳፻፲፯ ዓ.ም

በደቡብ ኦሞ እና አሪ ዞኖች ሀገረ ስብከት ዳሰነች ወረዳ 1386  አዳዲስ አማንያን በማኅበረ ቅዱሳን የሐዋርያዊ ተልእኮ አስተባባሪነት የቅድስት ሥላሴ ልጅነትን አግኝተዋል።

ተጠማቂያኑ ባለፉት ወራት መሠረታዊ የቅድስት ቤተ ክርስቲያንን መሠረተ እምነት ሲማሩ  ከነበሩ ወገኖች መካከል  ሲሆኑ ሥርዓተ ጥምቀታቸው በኦሞ ብሔረ ብፁዓን አቡነ ዜና ማርቆስ ወአባ ጊዮርጊስ ዘጋስጫ  አንድነት ገዳም ዛሬ ጥር 3 ቀን 2017 ዓ.ም ተፈጽሟል።

በዕለቱ ብፁዕ አቡነ ፊሊጶስ የደቡብ ኦሞ እና አሪ ዞኖች ሀገረ ስብከት ሊቀ ጳጳስና የቅድስት ሥላሴ ዩኒቨርሲቲ ፕሬዚዳንት ተገኝተው ሥርዓቱን ፈጽመዋል።

ቅድመ ጥምቀት ሐዋርያዊ ተልእኮ ማስፋፊያ እና ሥርዓተ ጥምቀት ማስፈጸሚያ ተግባራት ሙሉ ወጪ በማኅበረ ቅዱሳን ተሸፍኗዋል፡፡

የማኅበረ ቅዱሳን የስብከተ ወንጌል እና ሐዋርያዊ አገልግሎት በተለያዩ አካባቢዎች  ባለፉት ወራት ባከናወናቸው የሐዋርያዊ ተልእኮ ማስፋፊያ ተግባራት 8547 አዳዲስ አማንያን ተምረው አምነው በመጠመቅ የቅድስት ሥላሴ ልጅነትን እንዲያገኙ  ማድረጉ ተገልጿል፡፡

ይህንን ሐዋርያዊ አገልግሎት ለመፈጸም የሚመለከተው ሁሉ በመሳተፍ ኦርቶዶክሳዊ ግዴታውን እንዲወጣ ጥሪ ቀርቧል።

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ 
ሊቀ ጳጳስ ዘአኵስም ወእጨጌ ዘመንበረ ተክለ ሃይማኖት  ወቅታዊ  ጉዳዮችን አስመልክተው  አባታዊ የሰላም ጥሪ አስተላለፉ።

በማኅበረ ቅዱሳን የጎንደር ማእከል “አደራ አለብኝ” በሚል መሪ ቃል መርሐ ግብር አከናወነ።

ጥር ፪ ቀን ፳፻፲፯ ዓ.ም

“አደራ አለብኝ” በሚል መሪ ቃል የማኅበረ ቅዱሳን ጎንደር ማእከል ታኅሣሥ 27 ቀን 2017 ዓ.ም በማእከሉ የስብከተ ወንጌል አዳራሽ የድኅረ ግቢ ጉባኤ መርሐ ግብር ማካሄዱ ተገልጿል፡፡

በመርሐ ግብሩ ከ140 በላይ የግቢ ምሩቃን የተሳተፉ ሲሆን "የአገልግሎት በር" በሚል ርዕስ ሥልጠና ተሰጥቷል።

በተለያዩ የአገልግሎት ዘርፎች ለረዥም ጊዜ ያገለገሉ አባላት የልምድ ልውውጥ በማካፈል አባላት ሥራ፣ ሁኔታ፣ ቦታና ጊዜ ሳይገድባቸው ባሉበት ሆነው ሐዊርያዊ አገልግሎታቸውን መፈጸም እንደሚገባቸው መልእክት ተላልፏል።

የብፁዕ ወቅዱስ አቡነ ማትያስ ቀዳማዊ ፓትርያርክ የጌታችን የኢየሱስ ክርስቶስ ልደት በዓል የእንኳን አደረስዎ መርሐ ግብር ተከናወነ።

ጥር ፩ ቀን ፳፻፲፯ ዓ.ም

የብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት የጌታችን የመድኃኒታችን የኢየሱስ ክርስቶስ ልደት በዓል የእንኳን አደረስዎ መርሐ ግብር በጽርሐ ተዋሕዶ ተካሂዷል።

በመርሐ-ግብሩ ብፁዓን አበው ሊቃነ ጳጳሳት፣ የየመምሪያ ኀላፊዎች የአዲስ አበባ ሀገረ ስብከት የሥራ ኃላፊዎች፣ የመንበረ ፓትርያርክ ጠቅላይ ቤተክህነት ሠራተኞች የአድባራትና ገዳማት አስተዳዳሪዎች እና ሌሎች ጥሪ የተደረገላቸው እንግዶች ተገኝተዋል።

የአዲስ አበባ ገዳማትና አድባራት አስተዳዳሪዎች በጽሑፍ የተደገፈ የእንኳን አደረሰዎ መልእክት ያስተላለፉ ሲሆን በዓሉን የተመለከተ ዝማሬ በሊቃውንት ቀርቧል።

ቅዱስ ፓትርያርኩም በመርሐ ግብሩ ለተገኙት እንግዶች የእንኳን አደረሳችሁ መልእክት አስተላልፈዋል።

ምንጭ የኢ/ኦ/ተ/ቤ መገናኛ ብዙኃን አገልግሎት ስርጭት ድርጅት/EOTC

በደብረ ዘመዳ ቅድስት ማርያም አንድነት ገዳም ለሚገኙ 80 የአብነት ተማሪዎች ድጋፍ ተደረገ።

ታኅሣሥ ፳፮/ ፳፻፲፯ ዓ.ም ማኅበረ ቅዱሳን

በሰሜን ወሎ ሀገረ ስብከት በራያ ቆቦ ወረዳ ስር ለምትገኘው ለደብረ ዘመዳ ቅድስት ማርያም አንድነት ገዳም ለሚገኙ 80 የቅዳሴ ጉባኤ ቤት ተማሪዎች የምግብ ቁሳቁስ በትናንትናው ዕለት ድጋፍ መደረጉ ተገልጿል።

በማኅበረ ቅዱሳን የወልድያ ማእከል የጽሕፈት ቤት ኃላፊ የሆኑት አቶ መለሰ አያሌው እንደገለጹት  ማእከሉ ከኢትዮጵያ ውጭ ከሚገኙ በጎ ፍቃደኛ ምእመናን የሰበሰበውን  ድጋፍ ማድረጉን  የገለጹ ሲሆን አሁን ካለው የኑሮ ውድነት እና የሰላም እጦት አንጻር ጉባኤ ቤቶች አሳሳቢ ደረጃ ላይ በመሆናቸው በተጠናከረ ሁኔታ ተጨማሪ ድጋፎች ሊደረጉ ይገባል ብለዋል።

በተመሳሳይም መሰል ድጋፍ በጋዞ ወረዳ ቤተ ክህነት ስር ለሚገኘው የዋሮ ቅዱስ ሚካኤል ለ30 የዜማ ጉባኤ ቤት የአብነት ተማሪዎችም ተበርክቷል በዚህም በአጠቃላይ ለሁለቱም ጉባኤ ቤቶች 170‚000 (ከአንድ መቶ ሰባ ሺ ብር በላይ ወጭ መደረጉን ተገልጿል፡፡

በአዲስ አበባ ሀገረ ሰብከት ሥር የሚገኙ አንዳንድ ሰንበት ትምህርት ቤቶች ለአብነት ያህል ላፍቶ ደብረ ትጉሃን ቅዱስ ሚካኤል ቤተ ክርስቲያን ፍኖተ ትጉሃን ሰንበት ትምህርት ቤት፣ የዘነብ ወርቅ ደብረ ከዋክብት አቡነ አረጋዊ እና ቅዱስ ገብረ ክርስቶስ ቤተ ክርስቲያን የፈለገ ሰላም ሰንበት ትምህርት ቤት፣ የቤተል ደብረ ይድራስ ቅዱስ ጊዮርጊስ ቤተ ክርስቲያን ፍሬ ሃይማኖት ሰንበት ትምህርት ቤት እና እንደእነዚህ ያሉ ሰንበት ትምህርት ቤቶች በቋንቋ የሚሰብኩ ሰባክያንን አገልግሎቱ ከሚፈለግበት አካባቢ እያስመጡ ያሠለጥናሉ፤ የአገልግሎት ተሞክሯቸውንም እያሳዩ ይገኛሉ። እነዚህ በጣት የሚቆጠሩ ሰንበት ትምህርት ቤቶች ይህን ከሠሩ ሁሉም ቢተባበሩ የተፈለገውን ውጤት ማምጣት ይቻላል። መልካም እየሠሩ ያሉ ሰንበት ትምህርት ቤቶችን አብነት በማድረግ ሁሉ ለእንደዚህ ያለው ተግባር መረባረብ “እኛም መጠመቅ እንፈልጋለን” ብለው ጥሪ ለሚያቀርቡ ምእመናን የድርሻቸውን ምላሽ ማዘጋጀት ይጠበቅባቸዋል።
“እኛም መጠመቅ እንፈልጋለን፤ እኛም እንደ እናንተ ኦርቶዶክስ መሆን እንፈልጋለን” ብለው ለሚጣሩት ወገኖቻችን ፈጥኖ ከመድረስ አኳያ ያለውን ጫና (ተግዳሮት) ሁሉም የየድርሻውን ቢወጣ የእነዚህን ጥምቀትን የተጠሙ ነፍሳት ጥያቄዎችን በሚገባ መመለስ  እንደሚቻል ሐመር በመልእክት ዐምድ ታስነብባለች።
.#ዐውደ ስብከት  ሥር” # “ክፉ ባልንጀርነት መልካሙን አመል ያጠፋል" በሚል ርእስ  ባልንጀራ የሚለውን ቃል ትርጉምና አከፋፈል ፣ከክፉ ባልንጀራ መራቅ አሰፈላጊ  እንደሆነና ክፋት ለሰው ልጅ የባሕርዩ  እንደአልሆነ ና ለማሳያ ያህል የተወሰኑትን በማንሳት ከክፉ ባልንጅርነት ተጠብቀን በመልካም ባልንጅረነት እንድንጠቀም መንገድ ታሳያለች ።
  #በትምህርተ ሃይማኖት ዐምድ ሥር “# “ቃል ሥጋ  ሆነ” (ዮሐ.፩፥፲፬)  ክፍል ሁለት  " በሚል ዐቢይ ርእስ በመልአከ ሰላም ቀሲስ ደጀኔ ሺፈራው  ጌታ ለምን እንደተወለደ  በዝርዝር ተዳሶበታል።
#ዐቢይ ጉዳይ  ዐምድ  ሥር  ደግሞ “# የቅድስት ቤተ ክርስቲያንን ሁለንተናዊ ችግር በመፍታት ረገድ የምእመናን ድርሻ   " በሚል ርእስ  ዓለምን ሊሞላ በሚገባው የቤተ ክርስቲያን አገልግሎት ውስጥ ቦታ ሊጠባቸው አይገባም፡፡ ‹‹ክርስትናችሁን ጠብቁ፣ ሲሞላላችሁ ጸበል ረጭተን፣ አጥምቀን፣ አቊርበን እናስተናግዳችኋለን፤›› ብቻ ተብለው የሚገፉ፣ ዘልቀው የመጡ ብቻ ተጨንቀውም ቢሆን በአገልግሎቱ ውስጥ ብልጭ፣ ብልጭ እንዲሉ ብቻ ማድረግ ሕዝባውያን ለቅድስት ቤተ ክርስቲያን ፍቅርና ቅርበት እንዲኖራቸው አያደርግም፡፡ ስለዚህ ከዚህ የተሻገረ ተሳትፎ እንደሚፈልጉ  ያሳያል።
በአፈጻጸም  ችግር ምእመናን የሰበካ ጉባኤ ተወካይ ሁነው ተመርጠው ግን ቢሮ አካባቢ ባሉት ሠራተኞች  ሥራው  ይያዝና የተመረጡ የሰበካ ጉባኤ አባላት አዝነው ለቅድስት ቤተ ክርስቲያን በዕውቀትና በሙያ ምንምአገልግሎት ሳይሰጡ ከተመረጡበት የፈቃድ አገልገሎት  እንደሚወጡ፤ የኦርቶዶክስ ተዋሕዶ ቅድስት  ቤተ ክርስቲያን አባላት የሆኑ ምእመናን በተወሰነ መልኩ በሰበካ ጉባኤ ላይ ይሳተፋሉ። ይሁን እንጂ ብዙ ጊዜ ለቍጥር መሙያ ያህል እንጂ በወሳኝነት ሚና ላይ ሲሳተፉ  ብዙ እንደማይታዩ ታስነብባለች ፡፡ሙሉውን ጥር ሐመር ያንብቡ !
•  #ክርስትና በማኀበራዊ ዐምድ ሥር  ደግሞ  "#“ድኾችንና ጦም አዳሪዎችን…ጥራ” "በሚል ርእስ 
በርካታ ሰዎች ቤታቸው ፈርሶባቸው፣ ሀብት ንብረታቸው ተወስዶባቸው፣  ሲያበሉ ሲያጠጡ የነበሩ አሁን አብሉኝ አጠጡኝ የሚሉ ሆነው፣ እንግዳ ሲቀበሉ የነበሩት የሚቀበላቸው አጥተው በየመጠለያው ወድቀው፣ አንዳንዶች ደግሞ ያንኑም እያጡት  በችግር ላይ ችግር ተደራርቦባቸዋልና እንደነዚህ ያሉትን በፍቅር ማስተናገድ እጅግ የበለጠ ዋጋ  እንዳለው በአጽንዖት ታሰተምራለች።
• #በእናስተዋውቃችሁ ዐምድ ሥር “#የስደተኞች መጠጊያ ጁባ ደብረ ምሕረት ቅዱስ ሚካኤል ቤተ ክርስቲያን " ክፍል ሁለት በሚል ርእስ  ከቅዱስ ሲኖዶስ ጋር ያለውን ግንኙነት ፣ ከሀገረ ስብከቱ ጋር ያለውን ግንኙነት ፣ በሀገር ውስጥ ካሉ ተቋማት ጋር ያለ ግንኙነት ፣የነበሩ ተግዳሮቶችን  ታስቃኛለች ።
•  #በነገዋ  ቤተ ክርስቲያን #ዐምድ  ሥር “ መንፈሳውያን ማኅበራት ለነገዋ ቤተ ክርስቲያን" በመ/ር ዳንኤል ሰይፈ ሚካኤል ክፍል ሁለት   በሚል ርእስ ስለ መንፈሳዊ ማኅበራት በዓለማውያን ዘንድ ፣ መንፈሳውያን ማኅበራት በቤተ ክርስቲያን ታሪክ፤ መንፈሳውያን ማኅበራት የአገልግሎት ተሳትፎ፤ በእኛ ዘመን ለጽዋ ማኅበር የሰጠነው ትርጉም መስተካከል እንዳለበት  በተለይም በአሁኑ ዘመን መልካም ማድረግ ከመቼውም ጊዜ በላይ በሚያስፈልግበት ወቅት ይህንን ብናደርግ ትርጉም  እንደሚኖረው  ሰፊ ጉዳይይዛለች።
#በኪነ ጥበብ ዐምድ "#ጥሪ" ክፍል -፩"በሚል የሴቶች አለባበስን  በተለይም ራቁታቸውን ስለሚሄዱ  ለመንፈሳዊ ሕይወት አጠራራችን እንደሚለያይ ታስነብባለች።
•  #የጥያቄዎቻችሁ መልስ ዐምድ “በዐልና አከባበሩ- # ክፍል ፪ " በሚል ርእስ #“በዓልንና የበዓል  አከባበርን” በተመለከተ የሚነሡ ጥያቄዎችን መሠረት በማድረግ በኢትዮጵያ ኦርቶዶክስ ተዋሕዶ ቤተ ክርስቲያን መንበረ  ፓትርያርክ ጠቅላይ ቤተ ክህነት የትምህርትና ማሠልጠኛ መምሪያ ዋና ኃላፊ የሆኑትን መጋቤ ሐዲስ ኀይለ እግዚእ አሰፋ ጋር የተደረገ የመጨረሻ   ጥያቄና መልስ ይዛለች  ። ለምሳሌ፦የብሉይ ኪዳንና የሐዲስ ኪዳን በዓል አንድነትና ልዩነት ።፤የበዓል አከባበር እንዴት መሆን እንዳለበት ፤በዓል ማክራችን ለምን እንደሚጠቅመን ፣ባናከብርስ ምን እንደሚቀርብን፣በዓል አከባበር ላይ የሚስተዋሉ ችግሮች ፤እነዚህን ችግሮች እንዴት መፍታት እንደሚቻል ከሊቁ ጋር የተደረገውን ምልልስ ይዛለች
   ሐመር መጽሔት #፴፪  ኛ ዓመት   ቁጥር ፩  በማሰራጨት ፡በማንበብና በማስነበብ የድርሻችን እንወጣ !
magazine @eotcmk.org  #ሐመር #መጽሔት  ዝግጅት  ክፍል

✍️ሐመር መጽሔት በጥር  ወር እትሟ!✍️
✍️".. እኛም ጥምቀትን እንፈልጋለን የሚሉ ምእመናን  ብዙ ናቸው ..) #ሐመር #መጽሔት  በጥር  በ፳፻፲፯ ዓ.ም መልእክት ዐምድ  ✍️      
                   ༺ ༻ 
  #የኅትመት ዘመን ፦#ጥር ፳፻፲፯  ዓ.ም
#አዘጋጅ ፦በኢትዮጵያ ኦርቶዶክስ ተዋሕዶ  ቤተ ክርስቲያን ማኀበረ ቅዱሳን በልማት ተቋማት አስተዳደር  በመጽሔት ዝግጅት ክፍል የሚዘጋጅ ትምህርታዊ መጽሔት
•  ገጽ ብዛት፦፳፰
   ዋጋ ፦፵ ብር 
•  ሐመር  መጽሔት  የኢትዮጵያ ኦርቶዶክስ ተዋሕዶ ቤተ ክርስቲያን ትምህርተ ሃይማኖት  ሥርዓትና ትወፊት ጠብቃ በልማት ተቋማት አስተዳደር  በመጽሔት ዝግጅት ክፍል በየወሩ የምትወጣ መንፈሳዊ መጽሔት ናት፡፡
•  ሐመር መጽሔት ፴፩ ኛ ዓመት  ቁጥር-፩    #ጥር  ፳፻፲፯  ዓ.ም መልእክት ዘማኅበረ ቅዱሳን " #ጥምቀትን የተጠሙ ነፍሳት "በሚል ዐቢይ መልእክት
አገልግሎቱን ከሚፈልጉት ምእመናን ቍጥር ጋር ባለመጣጠኑ የተጠመቁትም  ምእመናን የሚያነሡት ጥያቄ  “አጠመቃችሁን ነገር ግን እግዚአብሔርን የምናመልክበት፣ ሥጋ ወደሙን የምንቀበልበት ቤተ ክርስቲያን የለንም፤ የሚያስተምሩን መምህራን፣ ቀድሰው የሚያቈርቡን ካህናትና ዲያቆናትም የሉንም” የሚለውን ነው።

ለቡግና ወረዳ በድርቅ ለተጎዱ 600 ሕጻናትና ለ4 የጤና ተቋማት የማኅበረ ቅዱሳን ላልይበላ ወረዳ ማዕከል ድጋፍ አደረገ።

ታኅሣሥ ፳፬/ ፳፻፲፯ ዓ.ም ማኅበረ ቅዱሳን

በዛሬው ዕለት በማኅበረ ቅዱሳን ላልይበላ ወረዳ ማእከል በሀገር ዉስጥና በዉጭ ሀገር ከሚገኙ በጎ ፍቃደኞች የተገኘውን ከ3 ሚሊዮን ብር በላይ የሚገመት አስቸኳይ የዕለት ምግብ በሰሜን ወሎ ዞን ቡግና ወረዳ በድርቅ ለተጎዱ 600 ሕጻናትና ለ4 የጤና ተቋማት ድጋፍ አድርጓል።

መምህር አበበ ሰጥአርጌ የላልይበላ ወረዳ ማእከል የሕዝብ ግንኙነት እና ትብብር አገልግሎት ክፍል ኃላፊ እንዳሉት በቡግና ወረዳ ከሚገኙት ቀበሌዎች መካከል በብርኮ ቀበሌ ለ250 ሕጻናት እና በጉልሀ ቀበሌ ለ350 ሕጻናት በአጠቃላይ ለ600 ሕጻናት የዕለት ምግብ ድጋፍ ተደርጓል ብለዋል፡፡

በ4 የጤና ጣቢያዎች በሕክምና ላይ ለሚገኙ ሕጻናት አገልግሎት የሚዉል፣ ለአይና፣ለቅዱስ ሀርቤና ለቆብ እንዲሁም በርካታ ታካሚዎች በሚገኙበት የብርኮ ጤና ጣቢያ ድጋፍ መደረጉን መምህር አበበ ገልጸዋል፡፡

የላልይበላ ወረዳ ማእከልና የድጋፉ አስተባባሪ ግብረ ኃይል አባላት ድጋፍ ያበረከቱትን በሀገር ውስጥና በዉጭ ሀገር የሚገኙ በጎ ፍቃደኞችን በሕጻናቱና በጤና ተቋማቱ ስም አመስግነው አሁን በተከሰተዉ ድርቅ ምክንያት በርካታ ሕጻናት ከፍተኛ ለሆነ የጤና ችግርና ለሞት ተጋላጭ በመሆናቸው ሌሎች አካላት ተጨማሪ ድጋፍ እንዲያደርጉ ጥሪ ቀርቧል፡፡

በእቅበተ አእምሮ እና በቤተክርስቲያን ወቅታዊ ጉዳዮች ዙሪያ ለወጣቶቾ እና ለጽዋዕ ማኅበራት ሥልጠና ተሰጠ።

በሰሜን ወሎ ሀገረ ስብከት የዋድላ ወረዳ ቤተ ክህነት የኮን ደብረ ፀሐይ ቅዱስ ጊዮርጊስ ቤተክርስቲያን ከዋድላ ወረዳ ቤተ ክህነትና ከማኅበረ ቅዱሳን ኮን ወረዳ ማእከል ጋር በመቀናጀት “እቅበተ አእምሮ” በሚል ርዕሠ ጉዳይ በተለያየ ዘርፍ ለተሰማሩ ወጣቶች እና ለጽዋዕ ማኅበራት ሥልጠና ተሰጥቷል።

ሥልጠናው በዋናነት ወጣቱ ራሱን ከመናፍቃን እንዲጠበቅ እና የጽዋዕ ማኅበራትም እምነታቸውን ብሎም ቤተክርስትያናቸውን ነቅተው እንዲጠብቁ መሆኑን ለማወቅ ተችሏል።

የሐዲስ ኪዳን መምህር የሆኑት መምህር ኪነ ጥበብ ጌታሁን እንደገለጹት “ወጣቱ እራሱን ከሀሰተኛ ትምህርት ጠብቆ የእግዚአብሐርን መንግስት ለመውረስ መዘጋጀት አለበት” ሲሉ ተናግረው የጽዋዕ ማኅበራትም ቤተክርስትያን አሁን ያለችበትን ፈተና ተረድተው ለተለየ አገልግሎት ራሳቸውን ማዘጋጀት እንደሚገባቸው አሳስበዋል።

የማኅበረ ቅዱሳን ኮን ወረዳ ማእከል ሰብሳቢ አቶ ሻንበል አበራ በበኩላቸው ወጣቶች ሃይማኖታችውን አውቀው፤ቤተክርስትያናችውን እንዲጠብቁ አሳስበው የጽዋዕ ማኅበራትም ዘመኑን የዋጀ ትምህርትና የጽዋዕ መርሐ ግብር በማዘጋጀት አባላቶቻቸው የሥርአተ ቤተክርስቲያን አክባሪ መሆን ይጠበቅባቸዋል ብለዋል።

በሥልጠናው 134 ሠልጣኞች እንደተሳተፉ ታውቋል።

በማኅበረ ቅዱሳን የደሴ ወረዳ ማእከል “ወደ ቀደመው አገልግሎታችን እንመለስ!!” በሚል መሪ ቃል የአባላት የማነቀቂያ መርሐ ግብር ተካሄደ

በማኅበረ ቅዱሳን የደሴ ወረዳ ማእከል በትላንትናው ዕለት ታኅሣሥ 20 ቀን 2017 ዓ.ም በደቡብ ወሎ ሀገረ ስብከት አዳራሽ “ወደ ቀደመው አገልግሎታችን እንመለስ” በሚል መሪ ቃል የአባላት የማነቀቂያ መርሐ ግብር ተካሂዷል፡፡

በመድረኩም ከማኅበረ ቅዱሳን መሥራች ከነበሩት አባላት አንዱ መ/ታ ዶ/ር ይቻለዋል ጎሽሜ ስለ ማኅበረ ቅዱሳንና አገልግሎቱን አስመልክቶ ገለጻ ባደረጉበት ወቅት በፈቃደኝነት፣በቂ ጊዜ በመስጠት፣በዓላማ ጽናት፣በመንፈሳዊ ሕይወት በመጠንከር፣ አርዓያ በመሆን፣የሚከሰቱ ፈተናዎችን ለመቋቋም ዝግጁ በመሆንና በአገልግሎት የሚገኝ ዋጋን ተስፋ በማድረግ መንፈሳዊ ስራዎችን በመሥራት ማገልገል እንደሚገባ ተናግረዋል፡፡

የደሴ ማእከል ጽ/ቤት ኃላፊ ዲያቆን ሞላ ንጉሥ በበኩላቸው አጠቃላይ ስለ ማኅበረ ቅዱሳን የአገልግሎት፣ ተቋማዊ እሴት የገለጹ ሲሆን አባላት ከመቼውም ጊዜ በላይ ማኅበሩን እና ቤተ ክርስቲያንን ለማገልገል መትጋት እንደሚጠበቅባቸው ገልጸዋል፡፡

በተጨማሪም በመርሐ ግብሩ ላይ የደሴ ማእከል እያከናወናቸው ስለሚገኙት ተግባራት፣ስላጋጠሙ ችግሮች፣ማኅበረ ቅዱሳን ስላደረገው ተቋማዊ ለውጥ እና በአባላት የአገልግሎት ተሳትፎ ዙሪያ ሐሳቦች ተነስተው ውይይት ተደርጎባቸዋል፡፡

“የገና ስጦታ ለየኔታ” በሚል መሪ ቃል የገቢ ማሰባሰቢያ መርሐ ግብር መካሄዱ ተገለጸ

“የገና ስጦታ ለየኔታ” በሚል መሪ ቃል ለገዳማትና ለአብነት ትምህርት ቤቶች ማጠናከሪያና ማስፋፊያ የሚሆን የገቢ ማሰባሰቢያ መርሐ ግብር ታኅሣሥ 20 ቀን 2017 ዓ.ም በዮድ አብሲኒያ የባህል አዳራሽ ተካሄዷል።

በመርሐ ግብሩ የማኅበረ ቅዱሳን ዋና ሥራ አስፈጻሚ መምህር ዋሲሁን በላይ ና የማኅበረ ቅዱሳን ስራ አመራር አባል ቀሲስ ሙሉጌታ ስዩም (ዶ/ር) እንዲሁም ጥሪ የተደረገላቸው ምእመናን ተገኝተዋል።

ቀሲስ ዶ/ር ሙሉጌታ ሥዩም የእንኳን ደህና መጣችሁ ንግግር ያደረጉ ሲሆን “ጌታችን መድኃኒታችን ኢየሱስ ክርስቶስ ሲወለድ የሩቅ ምስራቅ ሰዎች የእጅ መንሻ፣ እንሰሳት እስትንፋሳቸውን እንደሰጡ እኛም የእርሱን አስተምህሮ ላስቀጠሉልን ለገዳማትና ለአብነት ትምህርት ቤቶች ካለን ላይ ማካፈል ይጠበቅብናል” በማለት ገልጸዋል።

ህዳር 15 የተጀመረው የገቢ ማሰባሰቢያ ዝግጅት እስከ ታኅሣሥ 30 ቀን 2017 ዓ.ም እንደሚቆይ የተገለጸ ሲሆን ምእመናን የተለያዩ አማራጮችን በመጠቀም ለገዳማትና ለአብነት ትምህርት ቤቶች ስጦታቸውን መለገስ እንደሚችሉ ተጠቁማል።

ምክትል ሰብሳቢው ጨምረው እንደገለጹት ማኅበረ ቅዱሳን ሠልጣኞቹን ከመመልመል ጀምሮ  መምህራን በመመደብ ተሳትፎ እንዳደረገ አንስተው  የደብረ ከዋክብት አቡነ አረጋዊ እና ገብረ ክርስቶስ ቤተ ክርስቲያን አስተዳደር ጽ/ቤት እና የፈለገ ሰላም ሰ/ት/ቤት ሥልጠናው በታቀደለት መልኩ እንዲጠናቀቅ ላደረጉት ከፍተኛ አስተዋጽኦ ምስጋናቸውን አቅርበዋል።

ለሠልጣኞቹ አባታዊ የአገልግሎት መመሪያ የሰጡት ብፁዕ አቡነ መቃርዮስ  በጠረፋማ አካባቢ ያለውን የስብከተ ወንጌል አገልግሎት መደገፍ በቤተ ክርስቲያን ውስጥ የሚገኙ ሁሉም አካላት ኃላፊነት ሊሆን እንደሚገባው ገልጸው የደብሩ አስተዳደር እና ሰ/ት/ቤት ያከናወኑት ተግባር ሊበረታታ እንደሚገባ ተናግረዋል።

በመጨረሻም ሥልጠናውን ለተከታተሉ ተተኪ መምህራን የመጽሐፍ ቅዱስ እና የምስክር ወረቀት ስጦታ ተበርክቶላቸዋል።

ከሸካ፣ ቤንች ሸኮ እና ምዕራብ ኦሞ ዞኖች ሀገረ ስብከት የተወጣጡ ደቀ መዛሙርት ተመረቁ

ማኅበረ ቅዱሳን ከደብረ ከዋክብት አቡነ አረጋዊ እና ገብረ ክርስቶስ ፈለገ ሰላም ሰ/ት/ቤት እና ከደብሩ አስተዳደር ጽ/ቤት ጋር በመተባበር ከሸካ፣ ቤንች ሸኮ እና ምዕራብ ኦሞ ዞኖች ሀገረ ስብከት የተወጣጡ ደቀ መዛሙርትን አሠልጥኖ አስመርቋል።

ለአንድ ወር በተለያዩ የቤተ ክርስቲያን አስተምህሮዎች ዙሪያ ሥልጠና ሲወስዱ ለቆዩት ሠልጣኞች በዛሬው ዕለት ብፁዕ አቡነ መቃርዮስ የምዕራብ ካናዳ ሀገረ ስብከት ሊቀ ጳጳስ በተገኙበት የምርቃት መርሐ ግብር ተከናውኗል።

በምርቃት መርሐ ግብሩ ላይ የደብሩ ሰ/ት/ቤት የሠልጣኞችን የትራንስፖርት እና የምግብ ወጪ ከመሸፈን ጀምሮ የመኝታ እና የሕክምና አገልግሎቶች በሙሉ በማሟላት ሥልጠናው ያለምንም ችግር እንዲጠናቀቅ ከፍተኛ ጥረት ማድረጉ ተገልጿል።

የደብሩ አስተዳደር ጽ/ቤት ሥልጠናው እንዲከናወን ፈቃድ ከመሥጠት ጀምሮ አስፈላጊውን ሁሉ ድጋፍ ሲያደርግ መቆየቱም በመርሐ ግብሩ ላይ ተነግሯል።

የማኅበረ ቅዱሳን ምክትል ሰብሳቢ የሆኑት ቀሲስ ዶ/ር ሄኖክ ፍቅሬ እንደተናገሩት ማኅበረ ቅዱሳን ቤተክርስቲያን በስብከተ ወንጌል እና ሐዋርያዊ አገልግሎቶች የምታከናውነውን አገልግሎት ለማጠናከር የተለያዩ ፕሮጀክቶችን ቀርጾ ተግባራዊ እያደረገ ይገኛል ያሉ ሲሆን ከቅርብ ጊዜያት ወዲህ የተለያዩ ሰ/ት/ቤቶች በዚህ አገልግሎት ላይ ከማኅበሩ ጋር በመተባበር እየሠሩ በመሆናቸው ከፍተኛ ውጤት እየተመዘገበ እንደሆነ ገልጸዋል።

ለደብረ ምሕረት አቡን ቤት ቅዱስ ገብርኤል የቅኔ ምስክር ጉባኤ ቤት የመጽሐፍ ስጦታ ተበረከተ።

በማኅበረ ቅዱሳን የጎንደር ማእከል በሀገረ አሜሪካ ሜኒሶታ እና አትላንታ የሚኖሩ ምዕመናንን በማስተባበር ለደብረ ምሕረት አቡን ቅዱስ ገብርኤል የቅኔ ምስክር ጉባኤ ቤት የመጽሐፍ ስጦታ በዛሬው ዐለት አበርክቷል።

የምስክር ጉባኤ ቤቱ መምህር የኔታ ነቅዓ ጥበብ እሸቴ እንደገለጹት ደቀ መዛሙቱ በመጽሐፍት ችግር ምክንያት ትምህርታቸውን ማቋረጥ የለባቸውም በማለት የተናገሩ ሲሆን ድጋፍ ያደረጉትን የሚኖሶታ እና አትላንታ ምዕመናንን አመስግነው መጽሐፍት በማንበብ ከጉባኤ ቤቱ ተመርቀው የሚወጡ ደቀ መዛሙርት ቤተክርስቲያንንና ሀገርን ለማገልገል ሙሉ ሰው እንዲኾኑ እንዲሁም የሚጠበቅባቸውን ከፍተኛ አስተዋጽኦ እንደሚያበረክቱ አሳስበዋል።

የተበረከተው የመጽሐፍ ድጋፍ ከ212 ሺህ ብር በላይ ወጭ የተደረገበት እንደሆነም ታውቋል።

✝️የጾም ቁርሳችን፣
ለወገኖቻችን✝️                                                                                                                                                                                                              +++
በሀገራችን በተለያዩ አካባቢዎች ባጋጠመው ማኅበራዊ ቀውስ ብዙ ወገኖቻችን ለችግር ተጋልጠዋል።
እርስዎም ለእነዚህ ወገኖች የጾም ቁርስዎን በመለገስ ቸርነትን ያድርጉ!
ድጋፍ ለማድረግ 
#በማኅበረ ቅዱሳን የማኅበራዊ ድጋፍና መልሶ ማቋቋም ሒሳብ ቁጥሮች፡-
1. በአሐዱ ባንክ - 0025393810901
2. በአቢሲንያ ባንክ - 37235458
3. በኢትዮጵያ ንግድ ባንክ - 1000309803648
4. በወጋገን ባንክ - 0837331610101
5. በአዋሽ ባንክ 01329817420400 
6. በወገን ፈንድ ፡- https://Www.wegenfund.com/mknu  መጠቀም የምትችሉ መሆኑን እንገልጻለን።
ለበለጠ መረጃ
09 84 18 15 44 ወይም
    09 20 27 42 98 ይደውሉ።
የማኅበረ ቅዱሳን ሙያ፣ ማኅበራዊና ኢኮኖሚያዊ አገልግሎት

ማኅበረ ቅዱሳን በሐድያና ስልጤ ሀገረ ስብከት ስልጤ ወረዳ ቤተ ክህነት ለቅበት አገልጋዮች ማቋቋሚያ ድጋፍ አደረገ፡፡
+++
በነሐሴ 2015 ዓ.ም በቅበት ከተማ በተከሰተ ጥቃት ከ1500 በላይ ምእመናን ከአካባቢው ተፈናቅለው በቡታጅራ ቅድስት ማርያም ቤተ ክርስቲያን ቅጽር ግቢ ተጠልለው ድጋፍ ሲደረግላቸው የነበረ መሆኑ ይታወቃል፡፡ በወቅቱም ማኅበረ ቅዱሳን ለእነዚህ ምእመናን በተጠለሉበት ቦታጅራ ከተማ በመገኘት ከ500 ሺህ ብር በላይ ወጪ የሆነበት የምግብ ግብዓትና የአልባሳት ድጋፍ ማድረጉ የሚታወስ ነው፡፡

ከወራት በኃላም በተፈጠረው አንጻራዊ ሰላም ወደ ቀያቸው ተመልሰው ኑሯቸውን የጀመሩ ቢሆንም የቅበት ደብረ ስብሐት ቅድስት ማርያም፣ ደብረ ሰላም ቅድስት አርሴማና የቆቶ ቅዱስ ጊዮርጊስ አብያተ ክርስቲያናት አገልጋዮች በገጠማቸው የገቢ እጥረት በቦታው ጸንተው ተገቢውን አገልግሎት ለመስጠት ተቸግረው ቆይተዋል፡፡ ለዚህም ለአገልጋይ ካህናት ዘላቂ የገቢ ምንጭ እንዲሆንና ለሌሎችም የገቢ ማስገኛ የልማት ለተግባራት መነሻ እንዲሆን የደብሩ ሰበካ ጉባኤ ያለውን አቅም ታሳቢ በማድረግ የከብት ድለባ ፕሮጀክት ተግግባራዊ ማድረግ በማስፈለጉ፣ ከአሜሪካ ሜሪላንድ ኆኅተ ምሥራቅ ቅድስት ኪዳነ ምሕረት ቤተ ክርስቲያን በተገኘ 333,0000 (ሦስት መቶ ሠላሳ ሦሰት ሺህ) ብር እና በአስኮ ደብረ ገነት ቅዱስ ገብርኤል አገልጋይ ከሆኑት መልአከ መንክራት ቀሲስ ስብሐት ሊቁ የንስሐ ልጆች በተገኘ 180,000 (አንድ መቶ ሰማኒያ ሺህ) ብር የገንዘብ ድጋፍ በድምሩ 5 በሬዎችን በመግዛት ከሥራ ማስኬጃ ገንዘብ ጋር ቦታው ድረስ ተገኝቶ  አስረክቧል፡፡ 

በዕለቱም ድጋፍ የተደረገላቸው አገልጋዮች የተሰማቸውን ደስታ ገልጸው በቀጣይ ተረጋግተው ለማገልገል እንደሚረዳቸው ተናግረዋል፡፡

የሥልጠና ኮሚቴው ጸሐፊ እና የፈለገ ሰላም ሰ/ት/ቤት አባል የሆኑት አቶ ማስተዋል አንዱዓለም በበኩላቸው ሰ/ት/ቤቶች በመሰል አገልግሎቶች ላይ ቢሳተፉ ለቤተ ክርስቲያን ተልእኮ መሳካት ትልቅ አስተዋጽኦ ማበርከት እንደሚቻል ገልጸው በደብሩ ባለፈው ዓመት ሥልጠናውን የወሰዱ ደቀ መዛሙርት በተሠማሩባቸው አከባቢዎች ስምንት መቶ ሃምሳ ኢ-አማንያን ማስጠመቅ በመቻላቸው ሥልጠናው አመርቂ ውጤት ማምጣቱን ያሳያል ብለዋል።

የደብረ ከዋክብት አቡነ አረጋዊ እና ቅዱስ ገብረ ክርስቶስ ቤተ ክርስቲያን ከሸካ፣ ቤንች ሸኮ እና ምዕራብ ኦሞ ዞኖች ሀገረ ስብከት የመጡ ደቀ መዛሙርትን እያስተማረ እንደሆነ ተገለጸ።

የደብሩ ሰበካ ጉባኤ፣ ከሰንበት ትምህርት ቤቱ እና ከማኅበረ ቅዱሳን ጋር በመተባበር ከደቡብ ክልል ሸካ፣ ቤንች ሸኮ እና ምዕራብ ኦሞ ዞኖች ሀገረ ስብከት የመጡ ሠላሳ አራት ደቀ መዛሙርትን ከኅዳር ሃያ ሰባት ቀን ጀምሮ እያስተማረ መሆኑን በአዲሰ አበባ ሀገረ ስብከት የደብረ ከዋክብት አቡነ አረጋዊና ቅዱስ ገብረ ክርስቶስ ቤተ ክርስቲያን አስተዳዳሪ የሆኑት መልአከ አርያም መንግሥቱ ዘለዓለም ገልጸዋል።

የደብሩ አስተዳዳሪ አክለውም በ፳፻፲፮ ዓ.ም ከጠረፋማ አከባቢ የመጡ ሃያ አምስት ደቀ መዛሙርትን ተቀብለው ማስተማራቸውን በመግለጽ በ ፳፻፲፯ ሰባ ሁለት ተማሪዎች  ለመቀበል  በዕቅድ ከተያዘው ውስጥ ጥሪ ከተደረገላቸው ሠላሳ ስድስት ተማሪዎች መካከል ሠላሳ አራቱን ተቀብለው እያሠለጠኑ እንደሚገኙ ተናግረዋል።

በፈለገ ሰላም ሰንበት ትምህርት ቤት የፕሮጀክቱ ዐቢይ ኮሚቴ ሰብሳቢና የማኅበረ ቅዱሳን መደበኛ አገልጋይ የሆኑት ተመስገን ቶማስ በበኩላቸው “ማኅበረ ቅዱሳን ከባለ ድርሻ አካላት ጋር በመተባበር በተለያዩ ጠረፋማ አከባቢዎች የሚገኙ ተተኪ መምህራንን በማፍራት በርካታ ሥራዎችን መሥራቱን በመግለጽ የዚህን ዓመት ሥልጠና ልዩ የሚያደርገው ሠልጣኞች በቋንቋቸው ጭምር እየተማሩ መሆኑ ነው” ብለዋል።

ሥልጠናው ለ ሁለት ሳምንት እንደሚቀጥል የገለጹት አስተባባሪው ታኅሣሥ ፳/፳፻፲፯ ዓ.ም ሠልጣኞቹ በደብሩ ዐውደ ምሕረት ላይ በልዩ ድምቀት እንደሚመረቁ አሳውቀዋል።

“የገና ስጦታ ለየኔታ” በሚል መሪ ቃል ከኅዳር ፲፭ እስከ ታኅሣሥ ፴ ቀን  ፳፻፲፯ ዓ.ም ድረስ የሚቆይ የገቢ ማሰባሰቢያና የስጦታ ዘመቻ በመካሄድ ላይ እንደሆነ ተገለጸ::

የጌታችን የመድኃኒታችን ኢየሱስ ክርስቶስ ልደት ወልደ እግዚአብሔር ፍጹም ሰው ሆኖ ዓለሙን ለማዳን መምጣቱን አሕዛብ ዓይተው ያመኑበት ዕለት እንደሆነ ይታወቃል፡፡ ሰብአሰገል ወርቅ፣ ዕጣንና ከርቤ እጅ መንሻ ያቀረቡት በዚህ ታላቅ ዕለት መሆኑን ታሳቢ በማድረግ ምእመናን በጾመ ነቢያት “የገና ስጦታ ለየኔታ” በሚል ገዳማትና አብነት ትምህርት ቤቶችን ይደግፉ ዘንድ የገቢ ማሰባሰቢያ መርሐ ግብር ተሰናድቷል፡፡

ማኅበረ ቅዱሳን በገዳማት እና በአብነት ትምህርት ቤቶች ላይ የሚያከናውናቸውን ፕሮጀክቶች ለማጠናከር “የገና ስጦታ ለየኔታ” በሚል መሪ ቃል ከኅዳር ፲፭  እስከ ታኅሣሥ ፴ ቀን ፳፻፲፯ ዓ.ም ድረስ የሚቆይ መርሐ ግብር እያካሄደ እንደሆነ ማስተባበሪያው ቀደም ሲል ማሳወቁ ይታወሳል፡፡

የስጦታ መርሐ ግብሩም ከ፳፻፲፬ ዓ.ም ጀምሮ እየተተገበረ የሚገኝ ሲሆን የ፳፻፲፯ ዓ.ም የጌታችን የመድኃኒታችን ኢየሱስ ክርስቶስ የልደት በዓል “ስጦታዬን ለእራሴ” ሳይሉ ሁለ ነገራቸውን ለቅድስት ቤተ ክርስቲያን ሰጥተው ለሚያገለግሉ ሊቃውንተ ቤተ ክርስቲያን እና ገዳማውያን እንድናበርክት ማስተባበሪያው ጥሪ ያስተላልፋል፡፡

ማኅበሩ በሀገር ውስጥና በውጪ ሀገር የሚኖሩ ምእመናንን በማስተባበር በገዳማትና በአብነት ትምህርት ቤቶች ላይ ከመቶ ስልሳ አምስት በላይ ፕሮጀክቶችን መተግበር እንደቻለና በዚህም በርካታ ሊቃውንተ ቤተ ክርስቲያንን ማፍራት እንዲሁም ገዳማትና አብነት ትምህርት ቤቶች እንዲጠናከሩ ማድረጉ ይታወቃል።

በጌዲኦ ኮሬና ቡርጂ ሀገረ ስብከት የስብከተ ወንጌል እና የአብነት ትምህርት አገልግሎቶችን ለማጠናከር የሚያስችል ምክክር ተከናወነ።

በማኅበረ ቅዱሳን ዋና ሥራ አስፈጻሚ  መምህር ዋሲሁን በላይ የተመራ ልዑክ ከጌዲኦ ኮሬና ቡርጂ ሀገረ ስብከት ጳጳስ ብፁዕ አቡነ ገሪማ እና ከሀገረ ስብከቱ የሥራ ኃላፊዎች ጋር ውይይት አደርጓል።

በዲላ ከተማ በተደረገው ውይይት ማኅበረ ቅዱሳን በሀገረ ስብከቱ ውስጥ በስብከተ ወንጌል እና ሐዋርያዊ አገልግሎት እንዲሁም የአብነት ትምህርት ቤቶችን ለማስፋፋት የተለያዩ ፕሮጀክቶችን ቀርጾ ተግባራዊ እንደሚያደርግ ተገልጿል።

ብፁዕነታችው በውይይቱ ላይ እንደገለጹት ማኅበረ ቅዱሳን ፕሮጀክቶችን በመቅረጽ ድጋፍ ለማድረግ ዝግጅት ማድረጉ እጅግ እንዳስደሰታቸው የተናገሩ ሲሆን ሀገረ ስብከቱ በተጠናከረ ሁኔታ ለቤተ ክርስቲያን እና ለምዕመናን አገልግሎት መስጠት እንዲችል የተለያዩ ጥረቶች እየተደረጉ ቢሆንም የአቅም ውስንነት አለበት ብለዋል።

ብፁዕነታቸው ጨምረው እንደተናገሩት ማኅበሩ አሁን በሀገረ ስብከቱ ሊያከናውናቸው ያሰባቸው ፕሮጀክቶች እንዲሳኩ አስፈላጊው ድጋፍ ይደረጋል ብለዋል።

በዕለቱ ብፁዕነታቸው  በሀገረ ስብከቱ የተከናወኑ ተግባራትን ለልዑካኑ ያስጎበኙ ሲሆን ማኅበሩ በሀገረ ስብከቱ የመጀመርያ የሆነና በ2018 ዓ.ም ለሚያስገነባው የአብነት ትምህርት ቤት የሚሆን 450 ካሬ ሜትር ቦታ መዘጋጀቱን አረጋግጠዋል።

በማኅበረ ቅዱሳን  የደቡብ ማእከላት ማስተባበርያ ጽ/ቤት ኃላፊ የሆኑት ቀሲስ አሰፋ በበኩላቸው  ብፁዕነታቸው ወደ ሀገረ ስብከቱ ከተመደቡበት ጊዜ ጀምሮ የተለያዩ ውጤታማ ተግባራትን እያከናወኑ መሆኑን ገልጸው በተለይም በሀገረ ስብከቱ ውስጥ ያሉ ሁሉንም አብያተ ክርስቲያናት እየዞሩ በመመልከት የተዘጉት እንዲከፈቱ አድርገዋል ብለዋል።

"ከሚቀበል ይልቅ ..."

Now is Giving Season. The $25 you donate to Mahibere Kidusan can
• help some soul become an Ethiopian Orthodox Tewahedo believer
• prevent someone from dying from hunger
• energize the now-Deacon to become the future ArchBishop
• help a lot of people hear the word of God
• shield our children here in USA from the rising worldly noise
Please spare few seconds and donate just $25 so that the services that rely on these donations resume as planned. Small money, but big impact, even bigger blessing.
When you donate, make sure to change the tip amount to 0.
"ከሚቀበል ይልቅ የሚሰጥ ብፁዕ ነው" ሐዋ 20፡35

https://www.every.org/mkus/f/2024-giving-tuesday

https://youtu.be/48VpDrn7n2Y?si=CoSaBR5by0LYPrN6

ገባሬ መንክራት  ሰማዕት ሰማዕት መርቆሬዎስ
ተራድአነ  በገሃድ ተራድአነ በገሃድ
አዝ......
ለአረማዊ ወጣት መድኃኒት የሆንከው
ከአራዊት ጠብቀህ ከሞት የታደግከው
ካለመኖር ወደመኖር የመለስከው
ተራዳን በሃይማኖት ሆነን ለደከምነው
አዝ....
ዛሬም በእኛ ዘመን እንደ ዑልያኖስ
ጣኦት የሚያመልኩ የወጡ  ከመንፈስ
ከርስት እንዳይለዩን እደር በእኛ መሐል
ጥበብ ኃይል ሁነን መርቆሬዎስ ኃያል
አዝ....
የሮማዊ ሰማዕት የጳጳሳት ደስታ
የእግዚአብሔር አገልጋይ የኢትዮጵያ አለኝታ
ከእስር ቤት ወጥቶ ሥዕልህ  በተአምር
ዑልያኖስን ገድሎ ተመለሰ በክብር
አዝማች....
የአብ ወዳጁ  የእግዚአብሔር  አገልጋይ
 ልመናችንን  አድርስ ወደአምላክ አዶናይ
  በሞት እንዳንጠፋ በሕይወት ጠብቀን
በአንተ ተማጽነናል  ኪዳንህን አምነን
አዝ.....

በዚሁ የአባላት ልዩ መርሐ ግብር ላይ በመ/ር ብርሃኑ አድማስ " እግዚአብሔርን ማየት" በሚል ትምህርተ ወንጌል፣ በቀ/ዶ/ር ይቻለዋል ጎሽሜ የማኅበረ ቅዱሳን የአገልግሎት ፈተናዎችና ጉዞን በተመለከተ ልምድ የማካፈል እና  በቀሲስ ዘማሪ ምንዳዬ ብርሃኑ እና በዘማሪት ብዙዓየሁ ተክሉ የመዝሙር  መርሐ ግብራት ተከናውነዋል፡፡


በመጨረሻም በብፁዕ አቡነ መቃርዮስ የምዕራብ ካናዳ ሀገረ ስብከት ሊቀ ጳጳስ አማካኝነት “እርፍ ይዞ ወደ ኋላ የለም፣ ማኅበራችሁን ጠብቁ ፣በገባችሁት ቃል መሠረት ቤተ ክርስቲያናችሁን አገልግሉ፡፡” በሚል አባታዊ ቡራኬ እና ቃለ ምዕዳን መርሐ ግብሩ ተጠናቋል፡፡

“ወደ ቀደመው ነገር እንመለስ” በሚል መሪ ቃል የአባላት የቃል ኪዳን ማጽኛ መርሐ ግብር ተካሄደ፡፡


በኢ/ኦ/ተ/ቤተ ክርስቲያን በሰ/ት/ቤቶች ማደራጃ መምሪያ ማኅበረ ቅዱሳን አዲስ አበባ ማእከል ወደ ቀደመ ነገር እንመለስ በሚል መሪ ቃል የአባላት የቃል ኪዳን ማደሻ መርሐ ግብር በደብረ ሰላም ቦሌ መድኃኔዓለም እና መጥምቀ መለኮት ቤተ ክርስቲያን በትላንትናው ዕለት አከናውኗል፡፡


በመርሐ ግብሩ ላይ ብፁዕ አቡነ መቃርዮስ የምዕራብ ካናዳ ሀገረ ስብከት ሊቀ ጳጳስን ጨምሮ የማኅበሩ የሥራ አመራር አባላት እና ከ2000 በላይ የአዲስ አበባ ማእከል አባላት ታድመዋል፡፡


በመርሐ ግብሩ ላይ የአዲስ አበባ ማእከል ሰብሳቢ ዲ/ን ኃ/ማርያም መድኅን የእንኳን ደህና መጣችሁ መልዕክት ሲያስተላልፉ  “ አዲስ አበባ ማእከል በተቋማዊ ለውጡ ትግበራ መሠረት የጀመረውን አዲሱን መዋቅራዊ አደረጃጀት ውጤታማ ለማድረግ ቀዳሚው ተግባር የአባላትን አገልግሎት ማጠናከር ነው” ብለዋል፡፡  ቀጥለውም “ አባላት ቃል ኪዳናቸውን አድሰው የአገልግሎት ተሳትፏቸውን እንዲያጠናክሩ እና ለቅድስት ቤተ ክርስቲያን ወደ ማኅበሩ ሲቀላቀሉ የገቡትን ቃል ሊፈጽሙ ይገባል “ ሲሉ የአጽንዖት መልዕክታቸውን አስተላለፍዋል፡፡


የአባላት ተቋማዊ ለውጥ ትግበራ ዐቢይ ኮሚቴ ሰብሳቢ ዲ/ን ሲሳይ ብርሃኑ በዕለቱ ለተገኙ ታዳሚዎች ስለ ጉባኤው ዓላማ እና የአባላት ድርሻን በተመለከተ “የአባላት የአገልግሎት በር” በሚል ርዕስ ጽሑፍ ያቀረቡ ሲሆን አባላት በተቋማዊ ለውጥ ትግበራ ተሳትፏቸው የጎላ እንዲሆን የሚሳተፉባቸው የአገልግሎት አማራጭ በሮች ክፍት ሁነው እንደሚጠብቋቸውና ገብተው እንዲያገለግሉ አማራጭ የአገልግሎት በሮችን በዝርዝር አስረድተዋል፡፡

"ወደ ቀደመው ነገር እንመለስ"

ልዩ የአባላት የቃል ኪዳን ማጽኛ መርሐ ግብር

በአዲስ አበባ ከተማ ለሚገኙ የማኅበረ ቅዱሳን አባላት በሙሉ የተዘጋጀ ልዩ የአገልግሎት ቃል ኪዳን ማጽኛ  መርሐ ግብር

እርስዎም በማኅበሩ ምሥረታ ጀምሮ በየትኛውም ወቅት በአባልነት ሲሳተፉ ከነበሩ በዚህ መርሐ ግብር ላይ እንዲገኙ ተጋብዘዋል።

ቀን፡ ኅዳር 22/2017 ዓ.ም
ሰዓት፡ ከቀኑ 7፡00 ሰዓት ጀምሮ
ቦታ፡ በቦሌ ደብረ ሳሌም መድኃኔዓለም እና መጥምቁ ዮሐንስ ካቴድራል አዳራሽ

ለተጨማሪ መረጃ፡- 0911898990

"ወደ ሁሉም አቅጣጫ መመለሻ ትራስፖርት ተዘጋጅቷል"

በተመሳሳይ ጊዜና ርእሰ ጉዳይ በሰቆጣ ማእከል በተሰጠው ሥልጠናም 43 ያህል ካህናት፣ መምህራንና ባለሙያዎች ተሳታፊ ሆነዋል፡፡ በእነዚህ ሥልጠናዎች የተሳተፉ ሠልጣኞች በሥልጠናው ጥሩ ግንዛቤና ልምድ እንዳገኙበት ገልጸው ወደ መጡበት አካባቢ ሲመለሱ ምእመናን ያለባቸውን ዘርፈ ብዙ ማኅበራዊ ቀውስ እንዲቋቋሙ የበኩላቸውን ድርሻ ለመወጣት እንደሚያስችላቸው ተናግረዋል፡፡

ማኅበረ ቅዱሳን ለሥልጠናው መሳካት ቦታ አስፈላጊውን ድጋፍ በማድረግ ጭምር ለተባበሩት የጉራጌ ሀገረ ስብከትና ማእከላትን እያመሰገነ ቀጣይ በሌሎች አካባቢዎች ለሚሰጠው ሥልጠናም በገንዘብና ቁሳቁስ ጭምር በመደገፍ የቤተ ክርስቲያን አካላት በቅንጅት አብረው እንዲሠሩ ጥሪውን ያቀርባል፡፡
ይህን የሥልጠና መርሐ ግብር በገንዘብ መደገፍ ለምትፈልጉም፡-
#በማኅበረ ቅዱሳን የማኅበራዊ ድጋፍና መልሶ ማቋቋም ሒሳብ ቁጥሮች፡-
1. በአሐዱ ባንክ - 0025393810901
2. በአቢሲንያ ባንክ - 37235458
3. በኢትዮጵያ ንግድ ባንክ - 1000309803648
4. በወጋገን ባንክ - 0837331610101
5. በአዋሽ ባንክ 01329817420400 መጠቀም የምትችሉ መሆኑን እንገልጻለን።

ኦርቶዶክሳዊ ቤተሰብን ማጠናከርና ማብቃትን መሠረት ያደረጉ የአመካካሪዎች ሥልጠና በተለያዩ ቦታዎች መሠጠታቸው ተገለጸ ።

የማኅበረ ቅዱሳን ሙያ፣ ማኅበራዊና ኢኮኖሚያዊ አገልግሎት በሥልታዊ ዕቅዱ ትኩረት አድርጎ ከሚሠራባቸው አገልግሎቶች አንዱ በመንፈሳዊ የምክክር አገልግሎት የሚሰማሩ ካህናትና ባለሙያዎችን በማሠልጠንና በበቂ ሁኔታ በማዘጋጀት ኦርቶዶክሳዊ ቤተሰብ የሚያጠናክሩ አካላትን ማፍራት አንዱ ነው።

በዚሁ መሠረት ከኅዳር 14 እስከ 15 ቀን 2017 ዓ.ም ድረስ በወልቂጤ ማእከል አስተባባሪነት በጉራጌ ሀገረ ስብከት መንበረ ጵጵስና አዳራሽ በተሰጠው ሥልጠና ከጉራጌና ምሥራቅ ጉራጌ አህጉረ ስብከት የተውጣጡ 31 ካህናት፣ ዲያቆንት፣ መምህራን፣ የሥነ-ልቦናና ሌሎች ባለሙያዎች ተሳትፈውበታል፡፡

በዚህ ሥልጠና ክብረ ክህነትና አበ ነፍስ፣ መንፈሳዊ የምክክር አገልግሎት አሰጣጥ፣ ኦርቶዶክሳዊ ጋብቻና የልጆች አስተዳደግ፣ የሱስ ችግሮችን ለማቃለል በኦርቶቶዶክሳዊ አስተምህሮ ዕይታ እንዲሁም ምጣኔ ሐብትና ማኅበራዊ ዕድገት ጉዳዮች ተዳሰውበታል፡፡
በወልቂጤ ከተማ በተሠጠው ሥልጠና ብፁዕ አቡነ መልከጸዴቅ የጉራጌ ሀገረ ስብከት እና የቅዱስ አቡነ ዜና ማርቆስ መንፈሳዊ ኮሌጅ መሥራችና የበላይ ጠባቂ ሊቀ ጳጳስ በቦታው በመገኘት ሥልጠናውን በጸሎት በመክፈት የሥራ መመሪያ የሰጡ ሲሆን፣ ሠልጣኞች ባገኙት ሥልጠና በመታገዝ ዘመኑን የዋጀ የቅድስት ቤተክርስቲያን ሁለንተናዊ አገልግሎት መስጠት እንዳለባቸው መልእክት አስተላልፈዋል፡፡

• ሐመር መጽሔት ፴፩ ኛ ዓመት ቁጥር -፲፩ ኀዳር ፳፻፲፯ ዓ.ም በመልዕክት ዐምድ “#እናንተ ግን የሌቦችና የቀማኞች ዋሻ አደረጋችሁት፤” በሚል ዐቢይ ርእስ በሁሉም መስክ ከወሬ ባለፈ ብልሹ አሠራርንና ዘረኝነትን በተግባር የሚፀየፍ አገልጋይ በታሰበው መጠንና ፍጥነት መፍጠር እንዳልተቻለ ፤በተቀደሰው ሥፍራ የጥፋት ርኵሰትን ማከናወን ሊቋቋሙት የማይችሉትን የእግዚአብሔር ቍጣ በራስ ላይ መጥራት ነው።
ሲገሠጹም ከመመለስ ይልቅ ለምን ታወቀብኝ ብሎ ሌላ በደል ለመጨመር መሯሯጣቸውና የእግዚአብሔርን ትዕግሥት መፈታተን መሆኑን አለመረዳታቸው ደግሞ ሌላው ጉዳይ እንደሆነ ፤ ችግር ዳር ሆኖ በማውራት፣ ማኅበራዊ ሚዲያ ላይ በማንሸራሸር፣ ከንፈር በመምጠጥና በተናጠልም እዚህም እዚያም በማለት የሚፈታ እንዳልሆነ ልንገነዘብና ሁላችንም ተገቢውን ሥራ ልንሠራ እንደሚገባ ፤ በማወቅም ሆነ ባለማወቅ ለአጥፊዎች መከታ፣ ሽፋንና ዋሻ የሆኑ አካላትም ከእነርሱ ጋር ከተሳሰሩበት ምድራዊ ማሰሪያ ይልቅ አባታቸው እግዚአብሔርና እናታቸው ቅድስት ቤተ ክርስቲያን እንደምትበልጥባቸው አስታውሰው አካሄዳቸውን በማስተካከል ከእውነት ጐን እንዲቆሙ ጥሪዋን ታስተላልፋለች።
. #ዐውደ ስብከት ሥር ‹‹ወዳጄ በእሾህ መካከል እንዳለ የሱፍ አበባ ነሽ››(መኃ.፪፥፪) በሚልርእስ ከመዝሙራት ሁሉ በሚበልጥ መዝሙሩ ጠቢቡ ሰሎሞን በመንፈሰ ትንቢት ስለ እመቤታችን ቅድስት ድንግል ማርያም ስለ ጌታችን አምላካችን መድኃኒታችን ኢየሱስ ክርስቶስ፣ ስለ ቅዱሳን ጻድቃን ስለ እውነተኞቹ ምእመናን (ክርስቲያኖች)፣ ስለ ቅድስት ቤተ ክርስቲያን ክብር ወዘተ. የተናገረው ነው፡፡ ጠቢቡ ሰሎሞን ትንቢቱን ምሳሌያዊ በሆነ አነጋገር ተናግሮታል፡ መሆኑን ያሳያል።
#በትምህርተ ሃይማኖት ዐምድ ሥር “#ኢየሱስ ክርስቶስ ትናንትና ዛሬ (ዕብ.፲፫፥፰)" በሚል ዐቢይ ርእስ የኢትዮጵያ ኦርቶዶክሳዊት ተዋሕዶ ቤተ ክርስቲያን ክርስቶስን በኦሪት፣በነቢያት ፣በወንጌል፣ እንዴት እንደምስብከው ሰፊ ትምህርት ይሰጣል፡፡ቅድስት ቤተ ክርስቲያን በሥርዓተ አምልኮቷ የክርስቶስን የባሕርይ አምላክነት በልዩ ልዩ መልኩ ታስረዳለች።
በሥርዓተ ቅዳሴዋ ውስጥ ቤተ ክርስቲያን ክርስቶስን እንደምትሰብከው ሁሉ ሥርዓተ ቅዳሴዋን እና ማኅሌት በምትፈጽምባቸው ንዋየ ቅድሳትም ትሰብከዋለች ።ቤተ ክርስቲያንን ሳያውቋት ሰዎች ስሟን እንዲሁ እናጠፋለን ብለው የሚያስቡበትን ልቡናቸውን ሽህ ጊዜ እንደገና መልሰው መላልሰው ሊያስቡበት ይገባል ። ይህን ሁሉ ቤተክርስቲያን ስታስተምር እየታየች ቤተ ክርስቲያን ስለ ክርስቶስ አታስተምርም ማለት ባላዩት ምስክር መሆን፤ ለራሱ ሳያውቅ እኔ ላሳውቅህ ማለትና ከአንተ ይልቅ እኔ ስለ አንተ አዋቂ ነኝ እንደ ማለት ይቆጠራል፡፡
#ዐቢይ ጉዳይ ዐምድ ሥር ደግሞ “‹‹ወይሠረዉ መፍቀርያነ ወርቅ፤ ወርቅን የሚወዱ ይነቀሉ›› (ቅዳሴ እግዚእ ቁ.፭) በሚል ዐቢይ ርእስ የወቅቱ የቤተ ክህነታችን ፈተና በጥልቀት ትዳስሳለች ።በአሁኑ ዘመን አንዳንድ የቅድስት ቤተክርስቲያን ባለሥልጣናት እንደ መንፈሳዊ መሪነት ሚናቸውን መወጣት ተስኗቸው እንደሚታዩ በመረጃ ትሞግታለች፡፡አንዳንድ የቅድስት ቤተክርስቲያን መሪዎች ብዙውን ጊዜ ከእግዚአብሔር አገልጋይነት ይልቅ እንደ ምድራዊ ምንደኛ፣ እንደ ፖለቲከኛ፣ እንደ ቢዝነስ ሰው ያለ የአካሄድ ዝንባሌን የሚያሳዩም መኖራቸውን ትጠቁማለች፡፡
በተለይ ገንዘብን በመሰብሰብና በማከማቸት ጥማት የታወሩትን ዛሬ ቅድስት ቤተ ክርስቲያን ፈተና ሆነውብኛል ብላ እስከ ማወጅ ደርሳለች፡፡-አንዳንድ የቤተ ክህነቱ ባለሥልጣናት የቅድስት ቤተክርስቲያን የመንፈሳዊ ኃላፊነት ቦታዎችን፣ የአገልጋዮችን ቦታ ገንዘብ ለሚሹ ሰዎች በገንዘብ የሚሸጡ እየተበራከቱ እንደሆነ በመረጃ ትሞግታለች፡፡-በቅድስት ቤተ ክርስቲያን የአገልግሎት መደቦችንና የክህነትን ሥልጣን እንደ ቢዝነስ የሥራ መደቦችን የመሸጥ እና የመግዛት አካሄድ ቅድስት ቤተ ክርስቲያንን በእጅጉ እየፈተናት ነው፡፡
የካህናት ቅጥርና ዝውውር፣ ስእለትና የምጽዋት ገንዘብ አስተዳደር፣ ቅድስት ቤተ ክርስቲያን የሰበሰበችው ገንዘብ የምታውልበት ዓላማ፣ የጥቂት አገልጋዮች ማካበት የብዙ አገልጋይ ካህናት መጎስቆል፣ የገንዘቡ አወጣጥና አገባብ፣ በግንባታ ሥራዎች ላይ ያለው የግዢና የገንዘብ አወጣጥ ሥርዓት የቅድስት ቤተ ክርስቲያን የኪራይ ቤቶች አስተዳደር፣ምእመናን ለቤተ ክርስቲያን አገልግሎት ማቀላጠፊያ ብለው የሚሰጡት ገንዘብ የሚተዳደርበት መንገድ፣ የቤተ ክህነቱ የአገልግሎት መደቦች ስያሜና ቁጥር፣ የንዋየ ቅድሳት አስተዳደር ጥያቄ፣ የሚነሣበት እየሆነ መምጣቱን ታሳያለች ፡፡ ሙሉውን #ከመጽሔቱ ይነበብ
#ክርስትና በማኀበራዊ ዐምድ ሥር ደግሞ "#ጭንቀት ክፍል_፪ "በሚል ርእስ መጋቤ ሐዲስ #አእምሮ ደምሴ #የኳታር ጸርሐ አርያም ቅድስት ሥላሴ ቤተ ክርስቲያን የብሉያትና የሐዲሳት ትርጓሜ መ/ር ደግሞ መንፈሳዊ ጭንቀት ስለሰማያዊው እና ዘለዓለማዊው ሕይወት መጨነቅና ማሰብ እንደሆነ በጥልቀት ያስተምራሉ፡፡ከመንፈሳዊ ጭንቀቶች ስቀምጣሉ፡፡ ሙሉውን ከሐመር መጽሔት ታገኛላችሁ፡፡
• #በእናስተዋውቃችሁ ዐምድ ሥር “ከገነተ ልዑል እስከ መንበረ ልዑል”በሚል ዐቢይ ርእስ በሚል ርእስ የመንበረ ልዑል ቅዱስ ማርቆስ ቤተ ክርስቲያንን ለመመሥረቱ ምክንያቶችና የአመሠራረት ሁኔታውን የሰንበትትምህርት ቤቱ አመሠራረት፣ የሊቃውንት አሻራ በመንበረ ልዑል ቅዱስ ማርቆስ ቤተ ክርስቲያን ሚያዝያ 30 ቀን 2016 ዓ.ም የምረቃ መጽሔትን በምንጭነት በመጠቀም ታስቃኛለች ።
• #በነገዋ ቤተ ክርስቲያን #ዐምድ ሥር የከፍተኛ ትምህርት ተቋማት ኦርቶዶክሳውያን ምሩቃን ለቤተ ክርስቲያን ያላቸው አስተዋፅኦ" በሚል ላለፉት ሠላሳ ዓመታት በመላው ዓለም በሚገኙ ከፍተኛ ትምህርት ተቋማት የግቢ ጉባኤያትን በመመሥረት ኦርቶዶክሳውያን ወጣቶች ስለ ቅድስት ቤተ ክርስቲያን አስተምህሮ፣ ዶግማ እና ቀኖና እንዲሁም ሥርዓት እንዲያውቁ፣ ራሳቸውንም ከክፉ ነገር በመጠበቅ መንፈሳዊ ሕይወታቸውን ማነጽ እንዲችሉ አገልገሎቱን በማጠናከር ከፍተኛ ሥራ ሲሠራ መቆየቱን ያሳያል ። የግቢ ጉባኤ ተመራቂዎች ከምረቃ በኋላ በቤተ ክርስቲያን ያላቸው ድርሻ ዘርፈ ብዙ ቢሆንም ዓበይት የሆኑትን ሐመር መጽሔት ታስቃኛለች፡:
#በኪነ ጥበብ ዐምድ "#በፍላጻ የተወጋ ልብ-ክፍል ፩ "በሚል እጅብ ባሉ ሀገር በቀል የተፈጥሮ ዛፎች በተከበበ ዐፀደ ቤተክርስቲያን ውስጥ መጸለይ እጅግ ይወዳል፡፡ ከዚያ ውጣ ውጣ አያሰኘውም፡፡ አንድ ቀን እንደልማዱ ሲጸልይ ቆይቶ ጸሎቱን ሲያበቃ ከአንድ ዛፍ ሥር አረፍ አለ፡፡ እጅግ የሚያስደስት መዐዛ ቢያውደው የትመጣውን ለማወቅ ከአንገቱ ተቃንቶ ዙሪያውን ሊቃኝ ጀመረ በማለት ግሩም የኪነጥበብ ጹሑፍ ታስነብባለች ።
• #በጥያቄዎቻችሁ መልስ ዐምዳችን “ወርኀ ጽጌን” ክፍል አንድን በተመለከተ የሚነሡ ጥያቄዎችን መሠረት አድርገን ምላሽ ይሰጡን ዘንድ መጋቤ ሐዲስ ተስፋ ሚካኤል ታከለን በወርኃ ጥቅምት ዝግጅታችን ማቅረባችን ይታወቃል፡፡ ቀጣይና የመጨረሻውን ክፍል ደግሞ ጌታ ወደ ግብፅ የተሰደደበት ምክንያት ለምንድ ነው?

በስደቱ ጊዜ እነ ኮቲባ ወደ ዝንጀሮና ጦጣ እንደተለወጡ ይነገራል ከሥነ ፍጥረት አንጻር ይስማማልን? የስደት ዐቢይ ምክንያቶችን እና ስደቱን ለምን በወርኀ ጥቅምት እናስባለን? ከወቅቱ ጋር የተሳሰረ ምሥጢር አለው የሚሉ ጉዳዮችን በሊቃውንት ምላሽ ይዛለች ።
ሐመር መጽሔት #፴፩ ኛ ዓመት ቁጥር ፲፩ በማሰራጨት ፡በማንበብና በማስነበብ የድርሻችን እንወጣ !

" ..በዚህ ወቅት በቅድስት ቤተ ክርስቲያን ላይ በስፋት የሚሰማውን ብልሹ አሠራር ማረምና ለቀጣዩ አገልግሎት መልክ ማስያዝ የካህናቱ ትልቅ ድርሻ ነው፡ ፡ ፡"#ሐመር መጽሔት
ሐመር መጽሔት #የኀዳር ወር ዕትም በሁሉም የማኅበሩ ሱቆች ትገኛለች
༺ ༻
#የኅትመት ዘመን ፦#ኀዳር ፳፻፲፯ ዓ.ም ቁ.፲ ፩
#አዘጋጅ ፦በኢትዮጵያ ኦርቶዶክስ ተዋሕዶ ቤተ ክርስቲያን ማኀበረ ቅዱሳን በልማት ተቋማት አስተዳደር በመጽሔት ዝግጅት ክፍል #በየወሩ የሚዘጋጅ ትምህርታዊ መጽሔት
• ገጽ ብዛት፦፳፰
ዋጋ ፦፵ ብር
• ሐመር መጽሔት የኢትዮጵያ ኦርቶዶክስ ተዋሕዶ ቤተ ክርስቲያን ትምህርተ ሃይማኖት ሥርዓትና ትወፊት ጠብቃ በልማት ተቋማት አስተዳደር በመጽሔት ዝግጅት ክፍል በየወሩ የምትወጣ መንፈሳዊ መጽሔት ናት፡፡

የማኅበረ ቅዱሳን አዳማ ማእከል በከተማው ከሚገኙ የመንፈሳውያን ማኅበራት ኅብረት እና ከሰ/ት/ቤቶች አንድነት ጋር በመተባበር የደም ልገሳ እና የጽዳት መርሐ ግብር አከናወነ።

ኅዳር 1 ቀን 2017 ዓ.ም የማኅበረ ቅዱሳን አዳማ ማእከል ከመንፈሳውያን ማኅበራት ኅብረት እና ከሰ/ት/ቤት አንደንት ጋር በመተባበር በከተማዋ ሠፊ ንቅናቄ የተደረገበት የጽዳት እና የደም ልገሳ መርሐ ግብር አከናውኗል።

የአዳማ ከተማ መስተዳደር እና የከተማው  ደም ባንክ ጋር በተባባሪነት በተሳተፉበት የደም ልገሳ መርሐ ግብር ላይ አቶ በሪሶ ዶሪ የአዳማ ከተማ መስተዳድር ከንቲባ ጽ/ቤት ኃላፊ፣ አቶ ሀብታሙ ግዛው የአዳማ ከተማ ማዘጋጃ ቤት ም/ኃላፊ እና አቶ ኤልያስ ታደሰ የአዳማ ከተማ ጸጥታ ዘርፍ እና የሃይማኖቶች ጉዳይ ኃላፊን ጨምሮ  ከ2000 በላይ  የአዳማ ማእከል አባላት፣ የግቢ ጉባኤያት ተማሪዎች ፤የአዳማ ከተማ የሰ/ት/ቤቶች አባላት እና በአዳማ ከተማ የሚገኙ የመንፈሳውያን ማኅበራት አባላት ተገኘተው ደም ለግሰዋል።

" መልካም ሥራ ለመሥራት አንታክት" ገላ 6፥9 በሚል መሪ ቃል የተከናወነው መርሐ ግብር የኢትዮጵያ ኦርቶዶክስ ተዋሕዶ ቤተ ክርስቲያን እና ምእመናን በአገራዊ ጉዳዮች ላይ ያላቸውን ንቁ ተሳትፎ የሚያሳይ እንደሆነ ተጠቅሷል።

የማኅበረ ቅዱሳን ስብከተ ወንጌል እና ሐዋርያዊ አገልግሎት ሦስት አብያተ ክርስቲያናትን አስገንብቶ አስመረቀ።

ማኀበረ ቅዱሳን በአሪና ደቡብ ኦሞ ዞኖች ሀገረ ስብከት ጥቅምት 23፣24 እና 25  ቀን 2017 ዓ.ም  ሦስት አብያተ ክርስቲያናትን አስገንብቶ በማጠናቀቅ ለአገልግሎት ክፍት አድርጓል፡፡

የማኅበረ ቅዱሳን ስብከተ ወንጌል እና ሐዋርያዊ አገልግሎት አብያተ ክርስቲያናቱን ያስገነባው ባለድርሻ እና ተባባሪ አካላትን በማስተባበር ሲሆን የሦስቱ አብያተ ክርስቲያናት ሙሉ የግንባታ ወጪ 15 ሚልዮን 4 መቶ ሺህ ብር መሆኑ እና ወጪውንም በአሜሪካን ሀገር የሚገኙ የስብከተ ወንጌል ቤተሰቦች መሸፈናቸው ተገልጿል።

አብያተ ክርስቲያናቱ የተገነቡት ቀደም ባሉት ጊዜያት የቅድመ ጥምቀት ትምህርት ተሰጥቷቸው አምነው ለተጠመቁ አዳዲስ አማንያን እና በቅርበት ቤተ ክርስቲያን ባለመኖሩ  ከምስጢራተ ቤተ ክርስቲያን እና ሥርዓተ አምልኮ ለመካፈል ሲቸገሩ ለነበሩ ምእመናን ነው ።
የተመረቁት ሦስቱ አብያተ ክርስቲያናት የወልባክ ቅዱስ ገብርኤል ፣ የጉዶ አሸከር አቡነ ተክለ ሃይማኖት እና የተንቤል ቅዱስ መርቆርዮስ አብያተ ክርስቲያናት ናቸው።
የአብያተ ክርስቲያናቱ ቅዳሴ ቤት ተከብሮ አገልግሎት በጀመረበት ዕለት ቀደም ባሉት ጊዜያት የቅድመ ጥምቀት ትምህርት ሲሰጣቸው የነበሩ 784 አዳዲስ አማንያን ተጠምቀው የቅድስት ሥላሴ ልጅነትን አግኝተዋል ።

በምርቃት መርሐግብሩ የአሪ እና የደቡብ ኦሞ ዞኖች ሀገረ ስብከት ልዑካን ፣ የማኀበረ ቅዱሳን ዋና ሥራ አስፈጻሚ እና ሌሎች ልዑካን እና የጂንካ ማእከል አባላት እንዲሁም የጽርሐ ጽዮን የሐዋርያት አንድነት የኑሮ ማኀበር ፣ የላፎቶ ደብረ ትጉኃን ሰ/ት/ቤት እና ጥሪ የተደረገላቸው የስብከተ ወንጌል ቤተሰቦች እና ሌሎች ጥሪ የተደረገላቸው እንግዶች ተገኝተዋል።

በአሜሪካን ሀገር በሳን ሆዜ ከተማ አዲስ ግቢ ጉባኤ ተመሠረተ፡፡

በዉጭ ዓለም ላለችው ቤተ ክርስቲያን ተረካቢ ለማፍራት እንዲሁም የከፍተኛ ትምህርት ቤት ተማሪዎች መንፈሳዊ ሕይወታቸውን ና ክርስትናቸውን ጠብቀው እንዲቆዩ የግቢ ጉባኤዎችን ማጠናከር አስፈላጊ በመሆኑ በማኅበረ ቅዱሳን የሳን ሆዜ ንዑስ ማእከል የቤይ ኤሪያ ግቢ ጉባኤ ምሥረታ ተካሂዷል፡፡

ግቢ ጉባኤው ጠንካራ ሆኖ እንዲቀጥልም ውይይት የተካሄደ ሲሆን የግቢ ጉባኤ ተሳትፎ በተማሪዎቹ ዘንድ ከፍተኛ ፍላጎት ያለ መሆኑን በማውሳት ለተግባራዊነቱ የሁሉም ኦርቶዶክስ ክርስቲያን ድርሻ መሆኑም ተጠቁሟል::

ግቢ ጉባኤ ለቤተ ክርስቲያን የሚጠቅሙ ነገ በምድረ አሜሪካ ቁልፍና ታዋቂ ካምፓኒዎች ውስጥ ተቀጥረው ቤተ ክርስቲያንን የሚደግፉ በሥነ ምግባር የታነጹ ኦርቶዶክስ ባለሙያዎችን የሚያፈራ ኦርቶዶክሳዊ ተቋም ነውም ተብሏል በመርሐ ግብሩ፡፡


በተለይም በቤይ ኤርያ እና አካባቢው የሚኖሩ ወላጆች ለከፍተኛ ተቋም ተማሪዎቻቸው ጊዜ ሰጥተው በግቢ ጉባኤ አገልግሎት ላይ ንቁ ተሳትፎ እንዲያደርጉ እና በቀጣይነትም ከዚህ በተሻለ ትጋት እንዲሳተፉ መምህራኑ አደራ ብለዋል፡፡

መጋቢት ፳፯ ቀን ኢየሱስ ክርስቶስ በመስቀል በተሰቀለ ጊዜ፤ የተሰቀለው የክብር ባለቤት ሰማይን የፈጠረ ነውና  ፀሐይ ጨልማለች፣ ጨረቃ ደም ሆኗል፣ ከዋክብት ረግፈዋል። የተሰቀለው የክብር ባለቤት ምድርንም የፈጠረ ነውና በምድር የቤተ መቅደሱ መጋረጃ ከላይ እስከ ታች ለሁለት ተቀዷል፤ ምድር ተናውጣ ዐለቶች ተሠንጥቀዋል፤ መቃብራት ተከፍተዋል፤ ከ፭፻ በላይ ሙታን ተነሥተዋል (ማቴ ፳፯ )፡፡

ከጌታችን ኢየሱስ ክርስቶስ የስቅለት መታሰቢያ ጋር ቤተ ክርስቲያን በ15ኛው መ.ክ.ዘ  የነበሩትን አቡነ መብዓ ጽዮንን ታስባለች፡፡ አቡነ መብዓ ጽዮን  አምላካችን ኢየሱስ ክርስቶስን  ‹‹ በዕለተ ዓርብ የተቀበልከውን  መከራ ግለጽልኝ ››ብለው በጸለዩ ጊዜ ጌታችን ኢየሱስ ክርስቶስ በዕለተ ዓርብ የተቀበላቸውን መከራዎች ሁሉ አሳያቸው፡፡
የጌታችን የመድኃኒታችን የኢየሱስ ከርስቶስን መከራ ካዩበት ቀን ጀምሮ ሕማሙን መከራውን ግርፋቱን እስራቱን በጠቅላላ አሥራ ሦስቱን ሕማማተ መስቀል በማሰብ ጀርባቸውን በአለንጋ ይገርፉ ፤ ራሳቸውን በዘንግ ይመቱ ነበር፡፡ 

የጌታችንን ሕማማተ መስቀል እያሰቡ ዘወትር ስለሚያለቅሱ ዐይናቸው ጠፍቶ ነበር፡፡ ነገር ግን እመቤታችን ቅድስት ድንግል ማርያም የብርሃን ጽዋ ይዛ መጥታ ዐይናቸውን ቀብታ አድናቸዋለች፡፡ በዚህ የተነሣ ‹‹በትረ ማርያም›› እየተባሉ እንደሚጠሩ ገድላቸው ያስረዳል፡፡ በዚህ መሠረት ጥቅምት ፳፯ ቀን ለአቡነ መብዓ ጽዮን ቃልኪዳን የገባበት ቀን በመሆኑ በየዓመቱ ጥቅምት ፳፯  ቀን ከጌታችን ከመድኃኒታችን ከኢየሱስ ክርስቶስ ዝክረ ጥንተ ስቅለቱ ጋር ይከበራል፡፡

  ወስብሐት ለእግዚአብሔር

ተዝካረ ስቅለቱ ለእግዚእነ

እንኳን ለመድኃኔዓለም ዓመታዊ ክብረ በዓል ዝክረ ጥንተ ስቅለት አደረሳችሁ አደረሰን::

ጥቅምት ፳፯ ዝክረ ጥንተ ስቅለቱን ቤተ ክርስቲያናችን ጌታችን በመስቀሉ ስለፈጸመልን የማዳን ሥራ “ በመስቀሉ ወበቃሉ አዕበዮሙ ለአበዊነ ”በመስቀሉና በቃሉ አባቶቻችንን ከፍ ከፍ አደረጋቸው እያለች እየዘመረች ታስበዋለች።

ከዚህም በተጨማሪ ጥቅምት ፳፯ በወርኀ ጽጌ ውስጥ ያለ በመሆኑ “ …እስመ ውእቱ ክብሮሙ ለቅዱሳን መድኃኒቶሙ ለጻድቃን አሠርገዋ ለምድር በጽጌ ሮማን ስብሐተ ዋሕድ ዘምስለ ምሕረት በመስቀሉ ወበቃሉ አዕበዮሙ ለአበዊነ ” እያለች የቅዱሳን ክብራቸው የጻድቃን መድኃኒት የሆነው ጌታ ምድርን በአበባ የሚያስጌጣት እንደሆነ በመመስከር ትዘምራለች ።

መጋቢት ፳፯ ጌታችን መድኃኒታችን ኢየሱስ ክርስቶስ የተሰቀለበት ጥንተ ስቅለቱ የሚታሰብበት ቀን ነው ፡፡ ይሁን እንጂ ሊቃውንተ ቤተ ክርስቲያን በዲሜጥሮስ ቀመር መሠረት አጽዋማትን በጠበቀ መልኩ ከትንሣኤ በዓል በፊት ያለውን ዐርብ “ስቅለት” ተብሎ እንዲከበር ሥርዓት ሠርተዋል፡፡መጋቢት ፳፯ ቀን በዐቢይ ጾም ስለሚውልና በወቅቱም ኀዘን እንጂ ደስታ ስለሌለ በዓል ማክበርም ስለማይፈቀድ፤ ወደ ጥቅምት ፳፯ ተዛውሮ ደስ ብሎን እንድናከብረው ቤተ ክርስቲያን ሥርዓት ሠርታለች ።

ጲላጦስ አይሁድን ከሁለቱ ማናቸውን ላድንላችሁ ትወዳላችሁ ቢላቸው በርባንን ፍታልን ክርስቶስ የተባለ ኢየሱስን ግን ስቀለው አሉ። ጲላጦስም በዚህ ሰው ደም ከመጣ ፍዳ ሁሉ ንጹሕ ነኝ ብሎ ባደባባይ እጁን ታጠበ። አይሁድ ደሙ በኛም በልጅ ልጆቻችንም ይሁን አሉ። እርሱም በርባንን ፈታላቸው ጌታንም አሳልፎ ሰጣቸው። ማቴ ፳፯ ፥፳፭

በማኅበረ ቅዱሳን የደብረ ታቦር ማእከል ወደ ከፍተኛ የትምህርት ተቋማት ለሚገቡ ተማሪዎች የሽኝት መርሐ ግብር አከናወነ።

የማእከሉ ሕዝብ ግንኙነት እና ትብብር አገልግሎት ዋና ክፍል በ2017 ዓ.ም ወደ ከፍተኛ የትምህርት ተቋማት ለሚገቡ ተማሪዎች የሽኝት መርሐ ግብር አካሂዷል፡፡

በግቢ ጉባኤ በተሻለ ውጤት ያለፉና አሁን ላይ በከፍተኛ ተቋማት በኀላፊነት ያሉ ወንድሞችና እህቶች ስለ ጊዜ አጠቃቀም፣ በመንፈሳዊ ሕይወት ጠንካራ ስለመሆንና ሌሎች ጉዳዮችን በተመለከተ ልምዳቸውን አካፍለዋል።

በመጨረሻም የቤተሰብን፣ የቤተ ክርስቲያንን እንዲሁም የሀገርን አደራ ከግምት ውስጥ በማስገባት በከፍተኛ የትምህርት ተቋማት ቆይታቸው ማወቅ ያለባቸውን እውቀት ቀስመው እንዲመለሱ የአደራ መልእክትና የሽኝት መርሐ ግብር ተከናውኗል፡፡

የማኅበረ ቅዱሳን የሀገር ውስጥ እና የውጭ ማእከላት የጽ/ቤት ኀላፊዎች የምክክር መድረክ ተከናወነ።

በኢትዮጵያ ኦርቶዶክስ ተዋሕዶ ቤተክርስቲያን በሰ/ት/ቤቶች ማደራጃ ማኅበረ ቅዱሳን በሀገር ውስጥ እና በውጭ ሀገራት በሚገኙ ማእከላቱ ውስጥ በመደበኛነት አገልግሎት እየሰጡ ከሚገኙ የጽ/ቤት ኀላፊዎች ጋር የውይይት እና የምክክር መርሐ ግብር ተካሂዷል።

ከጥቅምት 22 እስከ 24 ቀን 2017 ዓ.ም ድረስ በቆየው በዚህ መርሐ ግብር ላይ የማኅበሩን ሥልታዊ ዕቅድ ውጤታማ በሆነ መልኩ ለመፈጸም በሚያስችሉ መንገዶች ላይ ሰፊ ውይይቶች እና ሥልጠናዎች ተሰጥተዋል።

መርሐ ግብሩ የማኅበሩን ተቋማዊ የመፈጸም አቅም በማሳደግ እና ከባለድርሻ እና አጋር አካላት ጋር ግንኙነትን በማጠናከር ረገድ ትልቅ አስተዋጽኦ እንደሚኖረው ተጠቁሟል፡፡

በማኀበረ ቅዱሳን የአሜሪካ ማእከል ኤስድሮስ ሥነ መለኮት ሰሚናሪ በሥነ መለኮትና ግእዝ ቋንቋ ለሦስት ዓመታት ያስተማራቸውን 33 ደቀመዛሙርት አስመረቀ፡፡

ኤስድሮስ ሴሚናሪ ጥቅምት 23 ቀን 2017 ዓ.ም በሚዙሪ ግዛት ሴንት ሉዊስ ከተማ 21 ወንዶችና 12 ሴቶችን በድምሩ 33 ደቀ መዛሙርትን ማስመረቁ ተገልጿል፡፡

የኢትዮጵያ ቤተ ክርስቲያን ተስፋቸው መሆኗን የገለጹት ተመራቂ ደቀ መዛሙርት ወደፊትም ብዙ አገልግሎት እንደሚያበረክቱና በሰሚናሪው ቆይታቸው ያገኙት ትምህርት ለአገልግሎታቸው ከፍተኛ እገዛ እንደሚያደርግላቸው ጠቅሰው ኤስድሮስ ሴሚናሪ ላደረገላቸውም ድጋፍ ምሥጋና አቅርበዋል።

ከምርቃት ሥነ ሥርዓቱ አስቀድሞም ለተመራቂ ደቀ መዛሙርት ተጨማሪ የሕይወትና የአገልግሎት ስንቅ የሚያገኙበት ሥልጠና መሰጠቱ ተጠቅሷል፡፡

በመርሐ ግብሩ የተገኙት የኦሃዮና አካባቢው ሀገረ ስብከት ሊቀ ጳጳስ ብፁዕ አቡነ ሳሙኤል ለተመራቂዎች ዲፕሎማና የምስክር ወረቀት የሰጡ ሲሆን ማኅበረ ቅዱሳንን ከምሥረታ ጀምሮይ እንደሚያውቁትና አገልግሎቱን እንደሚደግፉ ገልጸዋል፡፡

የኤስድሮስ ሥነ መለኮት ሰሚናሪ በ2011 ዓ.ም በሰሜን አሜሪካ አህጉረ ስብከቶች እውቅና አግኝቶ ማስተማር የጀመረ ሲሆን ዘንድሮ ለሦስተኛ ጊዜ ያስመረቀ ሲሆን ሴሚናሪው በውጭ የሚኖሩ ትውልደ ኢትዮጵያውያንና የውጭ ሀገር ዜጎች የግእዝ ቋንቋንና ቤተ ክርስቲያንን የበለጠ እንዲያውቋት ጠንካራ ሥራ እየሠራ እንደሆነ ተገልጿል።

አደራ አለብኝ!

ዓለም አቀፍ የግቢ ጉባኤ ምሩቃን ኅብረት ጉባኤ

የ2017 ዓ.ም 2ኛ ዙር ቨርቹዋል ጉባኤ

ቀን፡ ጥቅምት  24/2017 ዓ.ም

ሰዓት፡ ምሽት 2፡00-3፡00

ሁሌም በየወሩ በግቢ ጉባኤያት ምሩቃን ዓለም አቀፍ ኅብረት የቴሌግራም ቻናል

https://t.me/gibigubayat_mirukan_hibret

በማኅበረ ቅዱሳን የሰሜን አሜሪካ ማእከል የኢንዲያና ግንኙነት ጣቢያ 5ተኛውን ሐዊረ ሕይወት አካሄደ::

የግንኙነት ጣቢያው ጽ/ቤት እንደገለጸው መነሻውን ከኢንዲያና ደብረ ሰላም ቅዱስ ሚካኤል ቤተ ክርስቲያን በማድረግ ቺካጎ ወደሚገኘው የደብረ ጽዮን መድኃኔዓለም ቤተ ክርስቲያን ቅዳሜ ጥቅምት 16 ቀን 2017 ዓ. ም በኢንዲያና ዙሪያ የሚገኙ ከ185 በላይ ምእመናንን ያሳተፈ መንፈሳዊ ጉዞ አካሂዷል።

በዕለቱ ምክረ አበውና በርካታ መርሐ ግብራት መከናወናቸው የተገለጸ ሲሆን በተጨማሪም ክርስቲያናዊ ቤተሰብ ምን መምሰል እንዳለበት የሕይወት ልምድና ትምህርት ተሰጥቷል ተብሏል፡፡

በመርሐ ግብሩ የአሜሪካ ማእከል ሥራ አስፈጻሚ አባልና አቅም ማጎልበቻና የሰው ሀብት ዋና ክፍል ኀላፊ ሊቀ ትጉሃን ቀሲስ ፍስሐ እሸቱ፣ የኢንዲያና ደብረ ሰላም ቅዱስ ሚካኤል ቤተ ክርስቲያን አስተዳዳሪ መልአከ ሰላም ቀሲስ ንጉሤ ገብሬ፣ ሰባኬ ወንጌል ብርሃኑ አድማስ፣ የማኅበረ ቅዱሳን ኢንዲያና ግንኙነት ጣቢያ አባላት እንዲሁም ምእመናን ተገኝተዋል፡፡

የማኅበረ ቅዱሳን ሕዝብ ግንኙነትና ትብብር አገልግሎት ማስተባበሪያ ለመሐል ማእከላት ሕዝብ ግንኙነትና ትብብር አገልግሎት ዋና ክፍል አባላት የልምድ ልውውጥ እና የሥልጠና መርሐ ግብር አካሄደ።

በዋና ማእከል ሕዝብ ግንኙነት እና ትብብር አገልግሎት ማስተባበሪያ የተዘጋጀው ሥልጠና ከደብረ ብርሃን፣አዳማ ፣አሰላ፣ወልቂጤ፣ወሊሶ ፣አምቦ እና አዲስ አበባ ማእከላት የተወጣጡ ከ 50 በላይ አባላት የተሳተፉበትና ለሁለት ቀናት የቆየ ሲሆን  ስለ አገልግሎት እና መሰል ጉዳዮች ውይይቶች እና የልምድ ልውውጥ ያካተተ ነበር።

ሥልጠናው ማኅበረ ቅዱሳንን እና አገልግሎቱን ከማስተዋወቅ አንጻር የሚዲያ አገልግሎት ጥቅም እና የሕዝብ ግንኙነት ሥራ ለማኅበረ ቅዱሳን አገልግሎት ያለው አስተዋጽኦ  ላይ ትኩረቱን ያደረገ ነበር፡፡

ማኅበረ ቅዱሳን በ8 ማእከላት ለሚገኙ ከ1,700 በላይ ተማሪዎች የመማሪያ ቁሳቁስ ድጋፍ አደረገ፡፡

የማኅበረ ቅዱሳን ሙያ፣ ማኅበራዊና ኢኮኖሚያዊ ጉዳዮች አገልግሎት ከአንድ ቤተሰብ ለአንድ ተማሪ በሚል መሪ ቃል ፕሮጀክት ቀርጾ ወላጆቻቸውን ላጡና መማር ላልቻሉ ተማሪዎች ድጋፍ ማድረጉን ከማስተባበሪያው ያገኘነው መረጃ ያመለክታል።

የማኅበረ ቅዱሳን ሙያ፣ ማኅበራዊና ኢኮኖሚያዊ አገልግሎት የፕሮጀክት ገቢ አሰባሰብ ባለሙያ ወይዘሮ ጣይቱ ማስረሻ እንደገለጹት በአቅም ማነስ: ሃይማኖታቸውና በማንነታቸው ምክንያት ተፈናቅለው መማር ላልቻሉ እንዲሁም በጠረፋማ አካባቢ ለሚገኙ አዲስ ተጠማቂ ተማሪዎችን ተደራሽ ያደረገ ድጋፍ ነው የተደረገው ብለዋል።

ይህ ፕሮጀክት አሁንም እንደቀጠለ መሆኑን ያነሱት የፕሮጀክት ገቢ አሰባሰብ ባለሙያዋ ወይዘሮ ጣይቱ ሁሉም ባለድርሻ አካል የበኩሉ አስተዋጽኦ እንዲያደርግ ሲሉ ጥሪ አቅርበዋል፡፡

MK TV || የቅዱስ ሲኖዶስ የጥቅምት ምልዓተ ጉባኤ መከፈቱን አስመልከቶ የተሰጠ መግለጫ
https://youtu.be/di8KPxTpwSo

https://www.youtube.com/watch?v=Zo1myj82qDI

የማኅበረ ቅዱሳን አዳማ ማእከል ከሰንበት ት/ቤቶች አንድነት ጋር በመተባበር የ2016 ዓ.ም የ12ኛ ክፍል ፈተና ከፍተኛ ውጤት በማስመዝገብ ወደ ዩኒቨርስቲ ለሚገቡ ተማሪዎች የሽኝት መርሐ ግብር አከናወነ፡፡

በመርሐ ግብሩ ተማሪዎች ወደ ከፍተኛ ትምህርት ተቋም ሲገቡ ስለሚጠበቅባቸው አካላዊ እና መንፈሳዊ ዝግጅት ሰፋ ያለ ምክር የተሰጣቸው ሲሆን 500 እና ከዚያ በላይ ውጤት ላስመዘገቡ ኦርቶዶክሳውያን ተማሪዎችም ሽልማት ተበርክቶላቸዋል፡፡

በመጨረሻም በከፍተኛ ት/ት ተቋም በሚኖራቸው ቆይታ የተሻለ ውጤት ማስመዝገብ እንዳለባቸው እና ጎን ለጎን በግቢ ጉባኤ የሚሰጠውን መንፈሳዊ ትምህርት በመከታተል በሁለት መልኩ የተሳለ ሰይፍ መሆን እንዲችሉ የአዳራ መልዕክት ተሰጥቷቸዋል፡፡

43ኛው አጠቃላይ ሰበካ መንፈሳዊ ጉባኤ ሁለተኛ ቀን ውሎ ተጀመረ።

በመንበረ ፓትርያርክ ጠቅላይ ቤተ ክህነት አዳራሽ ውስጥ እየተከናወነ የሚገኘው 43ኛው አጠቃላይ መንፈሳዊ ጉባኤ በትናንትናው ዕለት የ15 ሀገረ ስብከቶችን ሪፖርት አዳምጧል።

ዛሬ ሁለተኛውን ቀን የያዘው ጉባኤው ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት እና  ብፁዓን ሊቃነ ጳጳሳት በተገኙበት ተጀምሯል።

ጉባኤው በተመሳሳይ በዛሬው ውሎም የተለያዩ ሀገረ ስብከቶችን ሪፖርት እንደሚያዳምጥ ይጠበቃል።

በሀገር አቀፍ ደረጃ ከፍተኛ ውጤት ያመጡ ተማሪዎች ተሸለሙ።

ማኅበረ ቅዱሳን ከሰ/ት/ቤቶች ጋር በመተባበር በተለያዩ ቦታዎች ሲያስተምራቸው የነበሩ እና በ2016 ዓ.ም የ12ኛ ክፍል ፈተናን ለተፈተኑ ተማሪዎች ጥቅምት 3 ቀን 2016 ዓ.ም የሽኝት መርሐ ግብር ተከናውኗል።

በመንበረ ጸባኦት ቅድስት ሥላሴ ካቴድራል አዳራሽ በተከናወነው የሽኝት መርሐ ግብር ላይ ብፁዕ አቡነ ፊልጶስ የቅድስት ሥላሴ ዩኒቨርስቲ ፕሬዝዳንት እና የደቡብ ኦሞና አሪ ዞኖች ሀገረ ስብከት ሊቀ ጳጳስ ፣ ጥሪ የተደረገላቸው እንግዶች እና በ2016 ዓ.ም የ12ኛ ክፍል ሀገር አቀፍ ፈተናን የወሰዱ ተማሪዎች ተገኝተዋል።

ብፁዕነታቸው በተሰጠው ሀገር አቀፍ ፈተና ከፍተኛ ውጤት ላመጡት ተማሪ ዮናስ ንጉሠ እና ተማሪ ሄለን በርሀ የተዘጋጀውን የላፕቶፕ ኮምፒዩተር ሥጦታ ያበረከቱ ሲሆን በመርሐ ግብሩ ላይ ለተገኙት ተማሪዎችም አባታዊ መልእክታቸውን አስተላልፈዋል።

ተማሪ ዮናስ ንጉሠ ከ700 ጥያቄዎች 675 በመመለስ ከወንድ ተፈታኞች መካከል አንደኛ እንዲሁም ተማሪ ሄለን በርሀ ከ700 ጥያቄዎች 662 በመመለስ ከሴት ተፈታኞች መካከል አንደኛ መውጣታቸው ያታወቃል።

43ኛው አጠቃላይ የሰበካ መንፈሳዊ ጉባኤ የመጀመሪያ ቀን የከሰዓት በኋላ ውሎ ተጀመሯል።

በአሁኑ ሰዓት የተለያዩ አህጉረ ስብከቶች የ2016 ዓ.ም የአገልግሎት አፈጻጸም ሪፖርቶችን በማቅረብ ላይ ይገኛሉ።

በትምህርትና ሐዋርያዊ አገልግሎት በተለያዩ  ቋንቋዎች አገልግሎት እንዲሰጡ ለ1226 አገልጋዮች፣ ለ3650 የደረጃ 1 እና 2 ተተኪ አመራሮች ሥልጠና መስጠቱና ለ213 አገልጋዮች ወርሐዊ ደሞዝ በመክፈል ድጋፍና ክትትል ማድረጉ በሪፖርቱ ተጠቅሷል፡፡

ስብከተ ወንጌልን ተደራሽ ለማድረግ በአማርኛና ኦሮምኛ ቋንቋዎች በርቀት ትምህርት 111 በሞጁልና 68 በኢለርኒንግ የቅድስት ቤተ ክርስቲያንን መሠረተ እምነት ማስተማር መቻሉና ለዐይነ ሥውራን ወገኖች የውዳሴ ማርምና ሰኔ ጎለጎታ የጸሎት መጽሐፍ በብሬል ተዘጋጅቶ ተሰራጭቷል፡፡

ማኅበሩ በሰሜን ጎንደር ሀገረ ስብከት የደብረ ሐዊ ቅዱስ ያሬድ አንድነት ገዳም፣ በቡኖ በደሌ ሀገረ ስብከት የበደሌ ሁለገብ የገቢ ማስገኛ ፕሮጀክት ግንባታ ማከናወኑ ተገልጿል፡፡

ማኅበረ ቅዱሳን በተጨማሪም በምሥራቅ ወለጋ ሀገረ ስብከት የምስካበ ቅዱሳን ቅዱስ ዑራኤል ወሳሙኤል ዘዋልድባ ገዳም አብነት ትምህርት ቤት ግንባታ አከናውኗል፡፡

በሦስት አህጉረ ስብከት በድርቅ ለተጎዱና በሃይማኖት ተኮር ጥቃት ከስልጤ ዞን ቅበት ከተማ ተሰደው ለነበሩ ኦርቶዶክሳውያን የምግብና የገንዘብ ድጋፍ ማድረጉም በሪፖርቱ ተገልጿል፡፡

በተለያዩ 7 ቋንቋዎች የተዘጋጁ 261 መዙሙራትንና በ10 ቋንቋዎች 328 መዝሙራትን የያዘ ጥራዝ ለምእመናን ተደራሽ ማድረጉ በሪፖርቱ የተገለጸ ሲሆን በማኅበረ ቅዱሳን ቴሌቪዥን የተለያዩ ይዘቶችን በመጨመር የተመልካቾችን ፍላጎት ለማሳደግ የሚየስችሉ ሥራዎችን እየሠራ እንደሚገኝ በሪፖርቱ ተገልጿል፡፡

በ43ኛው አጠቃላይ ሰበካ መንፈሳዊ ጉባኤ ላይ የማኅበረ ቅዱሳን ዋና ዋና ሥራዎች ሪፖርት ቀረበ

በመንበረ ፓትርያርክ ጠቅላይ ቤተ ክህነት እየተከናወነ በሚገኘው አጠቃላይ መንፈሳዊ ጉባኤ ላይ የማኅበረ ቅዱሳንን ሥራዎች ሪፖርት የመንበረ ፓትርያርክ ጠቅላይ ቤተ ክህነት የመንፈሳዊ ዘርፍ ዋና ምክትል ሥራ አስኪያጅ የሆኑት ንቡረ እድ ኤልያስ አብርሃ አቅርበዋል።

በቀረበው ሪፖርትም ማኅበሩ 310 የግቢ ጉባኤ ተማሪዎችን በማስተማር ክህነትን እንዲቀበሉ ማድረጉ፣ ለዐይነ ስውራን የግቢ ጉባኤ ተማሪዎች ማስተማሪያ ዐምስት የኮርስ መጻሕፍት የድምጽ ትረካ አዘጋጅቶ ማሰራጨቱ ተገልጿል፡፡

በተጨማሪም በሀገር ቤት ዐርባ ሺሕ ፣በውጭ ሀገር ደግሞ አንድ መቶ ዐስራ ሁለት አዳዲስ አማንያን የሥላሴ ልጅነት እንዲያገኙ ማድረጉ ተጠቅሷል፡፡

በከንባታ ጠንባሮ ሀላባ፣ በደቡብ ኦሞና አሪ ዞኖች፣ በወላይታ ሶዶ፣ በካፋ፣ በጋሞና አካባቢው ዞኖች፣ በቤንች ሸኮ፣ ሸካና ምዕራብ ኦሞ ዞኖች እንዲሆም በዳውሮ አህጉረ ስብከት በካህናት እጥረት ተዘግተው የነበሩ 34 አብያተ ክርስቲያናት ካህናት ተቀጥሮላቸው አገልግሎት እንዲጀምሩ ተደርጓል ተብሏል፡፡

በደቡብ ኦሞና አሪ ዞኖች፣በወላይታ ሶዶ፣ በቤንች ሸኮ፣ ሸካና ምዕራብ ኦሞ ዞኖች አህጉረ ስብከት ለአዳዲስ አማንያን መገልገያ የሚውሉ ዐምስት ሕንጻ አብያተ ክርስቲያናትና ዐራት መካነ ስብከት አዳራሾችን አሠርቶ ለአገልግሎት ማዋሉ በሪፖርቱ ተጠቅሷል፡፡

በ169 የአብነት ትምህርት ቤቶች ለሚገኙ 224 መምህራንና 2018 ደቀ መዛሙርት የገንዘብ ድጋፍ የተደረገ ሲሆን 73 ተማሪዎችን የአባ ጊዮርጊስ ነጻ የትምህርት እድል ተጠቃሚ ማድረግ ተችሏል ተብሏል፡፡

“አሁን ባለን የአስተዳደር ክፍተቶችና በውስጣችን ያሉ ግልጽነት የጎደላቸው አሠራሮች ለአገልግሎታችን እንቅፋት እየሆኑብን ነው”ሲሉ ብፁዕ ወቅዱስ አቡነ ማትያስ ገለጹ፡፡

ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት 43ኛው ዓለም አቀፍ መደበኛ ጉባኤ መክፈቻ ላይ ለተገኙ ተሳታፊዎች መልእክት አስተላልፈዋል።

ቅዱስነታቸው በመልእክታቸው አሁን ባለን የአስተዳደር ክፍተቶችና በውስጣችን ያሉ ግልጽነት የጎደላቸው አሠራሮች ለአገልግሎታችን እንቅፋት እየሆኑብን ነው። በዚህ ጉባኤ በቤተ ክርስቲያናችን የሚታየውን  ችግር ለመፍታት በጥናት ላይ የተመሠረተ መፍትሔ ማምጣት ይገባል ሲሉ አፅዕኖት ሰጥተዋል፡፡

ቅዱስነታቸው ጨምረው እንደገለጹት ቅዱስ ሲኖዶስ ተግባራዊ እንዲሆን የወሰነውን የቤተ ክርስቲያን የ10 ዓመት መሪ ዕቅድ ውጤታማ ለማድረግ ሁላችንም በትብብር መሥራት ይገባናል ብለዋል።

በዛሬው ዕለት የተጀመረው 43ኛው አጠቃላይ መንፈሳዊ ጉባኤ ከሀገር ውስጥ እና ውጪ ከሚገኙ አህጉረ ስብከቶች፣ ከአዲስ አበባ ሀገረ ስብከት አድባራት እና ገዳማት እንዲሁም ከተለያዩ መንፈሳዊ ማኅበራት የተወከሉ ተሳታፊዎች በተገኙበት እየተከናወነ ይገኛል።