ጉባኤ ሐዋርያት

ትሑቱ አምላክ በማዕርገ ትምክሕት እና በአዕናቍ ክቡር ሸልሞ ሰውን ፈጠረው፤ ሰው ግን በምክረ-ጸላዒ በፈቃዱ ተታሎ ይህንን የትምክሕት ማዕርግ በአምላክ መልክ የመፈጠርን ዕንቍ ክብር አጣ ። ግና ሰውን ከአፈር ያበጀው ራሱ አምላክ ደቂቀ አዳምን በመልክ ሊመስላቸው የመውደዱ ምሥጢር ትሕትና ከመሆን በቀር ምንድር ነው? እንዲሁ ከማፍቀር በቀር በምን ቃል ይመረመራል ?

ጉባኤ ሐዋርያት። @Apostolic_Council

መልካም ዕለተ ሰንበት።

በእርግጥ ኀጢአት ቀቢጸ-ተስፋን አምጥቶ ነበረ አምላክ ግን በተቆረጠ ተስፋ ውስጥ እንድንኖር አልፈቀደም ከራሱ ከእግዚአብሔርና ከመንግሥቱ ጋር የሚያጣብቅ ፍጹም የሆነን ተስፋ በራሱ ታምኖ መሠረተ። ነቢዩ ኢሳይያስ በመንፈሰ ትንቢት ሞትን ለዘለዓለም እንዲዋጥ ያደርገዋል ብሎ የተናገረለት፤የእባቡ ጠላት የሚገለጥበትን ብሩህ ተስፋ ሰጠ።ይህ ተስፋ ቀና ብለን ከሰማይ የምንጠብቀው የሚያበራ የንጋት ኮከባችን ነው! የቢልዖር ልጅ በለዓም ትንቢትን ሲናገር እንደመሠከረው "አየዋለሁ አሁን ግን አይደለም ከያዕቆብ ኮከብ ይወጣል ከእስራኤልም በትር ይነሣል" በማለት ትንቢትን የተናገረለት ታላቁ ተስፋ የሴቲቱ ዘር የያዕቆብ ኮከብ የእስራኤል በትር ኢየሱስ ክርስቶስ ነው።

ከ-ANASTASIS"

ልደተ እግዚእ ! ❲የጌታ ልደት! 〕

አምላክ በሚያስደንቅ ትሕትና ሰው ሆነ። በእግዚአብሔር መልክ የሚኖረው የሁሉ ጌታ ዛሬ የባርያን መልክ ያዘ። አዳምን ከምድር አፈር ያበጀው ያ አምላክ ዛሬ በትሕትና ያንን ሥጋ ለበሰ የሰማይን ጣራ ያለ ካስማ የወጠራት ይህ አምላክ ዛሬ በበረት ጣራ ስር በሥጋ ተኛ! ምድርን ያለ ሸማ የዘረጋት ሕያው ጌታ ዛሬ ሰው በማይኖርባት በከብቶች በረት በትሕትና ተገኘ።
የኪሩቤል ጀርባ ዙፋን የሆነለት አምላክ ዛሬ ሣር ቅጠል ላይ በግርግም ተኛ።

የተዋረድነውን እኛን ሊያከብር አምላክ ሰው ሆነ።

እንኳን ለጌታችን ለኢየሱስ ክርስቶስ የልደት መታሰቢያ በዐል በሰላም አደረሰን በዐሉ በዐለ በረከት በዐለ ትፍስሕት ይሁንልን።

@Apostolic_Council

ኅቡር ህላዌሁ ምስለ አቡሁ በመለኮቱ...❲ባሕርዩ ከአባቱ ጋር በመለኮቱ አንድ የሚሆን❳

" እነሆ እርሱ ጳውሎስ አብን አምላኩ ለክርስቶስ አለው፤ በውኑ ወልድ ክርስቶስ በክብር ከአባቱ ያንሳልን? ከአብ አያንስም።አፍሮ ይህን የሚናገር ማንም ሰነፍ የለም፤መጽሐፍ ለአባቱ አንድ ልጅ እንደመሆኑ እንደ አባቱ ክብር ያለ ክብሩን አየን ያለ አይደለምን?"

ቅዱስ ዮሐንስ አፈወርቅ።

መልካም ዕለተ ሰንበት 🙏

፡ ምንት ውእቱ ንዴት ዘይከውን ቅድመ እግዚአብሔር ፈድፋደ ፡ ሥጋን ከመዋሐድ በቀር የበለጠ በእግዚአብሔር ዘንድ ምን ድኅነት አለ?

ጎርጎርዮስ ዘኑሲስ።

«ከመ ሰማይ ይእቲ».......(እንደ ሰማይ ናትና...)

ስለዚህ «ሠረቀ በሥጋ እምድንግል» (ከድንግል በሥጋ ወጣ ተባለ)....

«እስመ ብርሃን ውእቱ በአማን» (በእውነት እርሱ ብርሃን ነውና..) «አነ ውእቱ ብርሃኑ ለዓለም» (እኔ የዓለም ብርሃን ነኝ አለ)


መልካም ቀን..🙏

መዝሙር 8
¯¯¯¯¯¯¯¯¯¯
¹ አቤቱ ጌታችን፥ ስምህ በምድር ሁሉ እጅግ ተመሰገነ፥ ምስጋናህ በሰማዮች ላይ ከፍ ከፍ ብሎአልና።
² ከሕፃናትና ከሚጠቡ ልጆች አፍ ምስጋናን አዘጋጀህ ስለ ጠላትህ፥ ጠላትንና ቂመኛን ለማጥፋት።
³ የጣቶችህን ሥራ ሰማዮችን ባየሁ ጊዜ፥ ጨረቃንና ከዋክብትን አንተ የሠራሃቸውን፥
⁴ ታስበው ዘንድ ሰው ምንድር ነው? ትጐበኘውም ዘንድ የሰው ልጅ ምንድር ነው?
⁵ ከመላእክት እጅግ ጥቂት አሳነስኸው፤ በክብርና በምስጋና ዘውድ ከለልኸው።
⁶ በእጆችህም ሥራ ሁሉ ላይ ሾምኸው፤ ሁሉን ከእግሮቹ በታች አስገዛህለት፥
⁷ በጎችንም ላሞችንም ሁሉ ደግሞም የምድረ በዳውን እንስሶች፥
⁸ የሰማይንም ወፎች የባሕርንም ዓሦች፥ በባሕር መንገድ የሚሄደውንም ሁሉ።
⁹ አቤቱ ጌታችን፥ ስምህ በምድር ሁሉ እጅግ ተመሰገነ።

መልካም ሰንበተ ክርስቲያን ይሁንልን 🙏

† አጽነነ ርእሶ ወመጠወ ነፍሶ።
ራሱን አዘነበለ ነፍሱንም ሰጠ። ❲ዮሐንስ 19፥30❳

በዮሐንስ 15፥13 ነፍሱን ስለ ወዳጆቹ ከመስጠት ይልቅ ከዚህ የሚበልጥ ፍቅር ለማንም የለውም  ብሎ ጌታ እንደ ተናገረው ሕያው ነፍሱን ራሳቸውን ላዘነበሉ ዘርዓ-አዳም ሁሉ ቀና እንዲሉ ስለ እነርሱ አዘነበለላቸው።

ወደ ኤድን ገነት ጥቂት እንራመድና እግዚአብሔር አዳምን "አዳም ወዴት ነህ" አለው። እግዚአብሔር ይህንን ማለቱ አዳም ያለበት ሥፍራ ጠፍቶት አይደለም እርሱ ምሉዕ በኲለሄ ነውና ሁሉ በእርሱ ዘንድ የተራቆተም ነው ጨለማ ራሱ በእርሱ ፊት አይጨልምም። ከመደበቁ በላይ ወዴት ነህ የሚለው ቃል ከእግዚአብሔርና ከፈቃዱ ፊት መኮብለሉን አጕልቶ ያሳያል።
አዳም "ወዴት ነህ" ለሚለው የአምላክ ቃል የሰጠው ምላሽ  ውድቀቱን እንጂ የነበረበትን ሥፍራ እንዳልነበር ልብ እንበል።

እንደው በአዳም ተሸሸግሁ በሚለው ቃሉ ውስጥ ይህንን ንግግር የምናገኝ ይመስለኛል፦
«ከሕግህ ወረድኩ፣ ከፊትህ ጠፋሁ፣ ከትእዛዝህ ሳትኩ፣ ስለዚህ እንዴት አይሃለሁ? እንዴትስ እጎበኝሃለሁ? ፊቴንስ በደስታ እንዴት ወዳንተ አቀርባለሁ? ስለዚህ አዘንብዬ ተሸሽጌያለሁ።» 

ፊተኛው አዳም፦ በበደሉ ምክንያት በማዘንበሉ እርሱም ዘሩም (ዘርዓ-አዳም) ሁሉ እንዲያዘነብሉ አደረጋቸው

በኋለኛው አዳም ግን፦ እርሱ አዘንብሎ ኃጢአት የገዛውን ለኀጢአት የተገዛውን የሰውነት ባሕርይ ቀና አደረገው።

መጽሐፍም ሲናገር “በአንዱ ሰው አለመታዘዝ ብዙዎች ኃጢአተኞች እንደ ሆኑ፥ እንዲሁ ደግሞ በአንዱ መታዘዝ ብዙዎች ጻድቃን ይሆናሉ።”( ሮሜ 5፥19)

ተብሎ እንደ ተጻፈው አንዱ አዳም አዘንብሎ ሁላችንንም ዝቅ አድርጎን ነበር አንዱ ጌታችን ኢየሱስ ክርስቶስ አዘንብሎ ቀና አደረገን።

እርሱ በኪሩቤል ዘባን (ጀርባ) የሚቀመጥ ብሉየ-መዋዕል እንኳን ሊያዩት ክነፎቻቸውን ሸፍነው የሚያመሰግኑት "ነደ- እሳት" ነው። ግን ስለወደደን ብቻ ከንጽሕት ድንግል ከእመቤታችን ማርያም ተወለደና አዳነን ይህ ከእኛ  አይደለም ከእርሱ ብቻ ነውና።

ወስብሐት ለእግዚአብሔር።

መዝሙር 30
¯¯¯¯¯¯¯¯¯¯
⁴ ቅዱሳን ሆይ፥ ለእግዚአብሔር ዘምሩ፥ ለቅድስናውም መታሰቢያ አመስግኑ።
⁵ ቍጣው ለጥቂት ጊዜ ነው፥ ሞገሱ ግን ለሕይወት ዘመን፤ ልቅሶ ማታ ይመጣል፥ ጥዋት ግን ደስታ ይሆናል።

መልካም የምሥጋና ቀን፤መልካም ሰንበተ ክርስቲያን ይሁንልን🙏

የምሥጋና ቀን።

መዝሙር 118
¯¯¯¯¯¯¯¯¯¯
¹⁶ የእግዚአብሔር ቀኝ ከፍ ከፍ አደረገችኝ፤ የእግዚአብሔር ቀኝ ኃይልን አደረገች።
¹⁷ አልሞትም በሕይወት እኖራለሁ እንጂ፥ የእግዚአብሔርንም ሥራ እናገራለሁ።
¹⁸ መገሠጽስ እግዚአብሔር ገሠጸኝ፤ ለሞት ግን አልሰጠኝም።
¹⁹ የጽድቅን ደጆች ክፈቱልኝ፤ ወደ እነርሱ ገብቼ እግዚአብሔርን አመሰግናለሁ።
²⁰ ይህች የእግዚአብሔር ደጅ ናት፤ ወደ እርስዋ ጻድቃን ይገባሉ።
²¹ ሰምተኸኛልና፥ መድኃኒትም ሆነኸኛልና አመሰግንሃለሁ።
²² ግንበኞች የናቁት ድንጋይ፥ እርሱ የማዕዘን ራስ ሆነ፤
²³ ይህች ከእግዚአብሔር ዘንድ ሆነች፥ ለዓይናችንም ድንቅ ናት።
²⁴ እግዚአብሔር የሠራት ቀን ይህች ናት፤ ሐሤትን እናድርግ፥ በእርስዋም ደስ ይበለን።

ዕድሜን ለጨመረልን ምህረቱን ላበዛልን እግዚአብሔር ምሥጋናን እናቅርብ እንዲሁ መሽቶ አልነጋምና ቀናቶች የምህረቱ ውጤቶች ናቸው ሰይጣን የሚውጠውን ፈልጎ እንደሚያገሳ አንበሳ ሲዞረን ሊያጠፋን ወድዶ ግን ያልጠፋነው በእግዚአብሔር ምህረት እና ጥበቃ ብዛት የተነሣ ነው ገናም እንደምህረቱ እና እንደ ጥበቃው ብዛት ዕድሜን ይጨምርልናል ለጠላት ኀሳብ አሳልፎ አይሰጠንምና።ምሥጋና ይገባዋል ምሥጋና ለሥላሴ ይገባል።

መልካም ዕለተ ሰንበት ሰንበተ ክርስቲያን። መልካም የምሥጋና ቀን ይሁንልን አሜን።🙏

"ወደ አባቴ ወደ አባታችሁ ወደ አምላኬ ወደ አምላካችሁ..." ዮሐንስ ወንጌል 20፥17

የኢየሱስ ክርስቶስ ልጅነት የማይመረመር በዚህ ጊዜ ተገኘ በዚህ ጊዜ ያልፋል የማይባል ነው ልጅነቱም የባሕርይ እንደመሆኑ ቅዱሳን ከተቀበሉት ልጅነት ይለያል እኛስ በጸጋ በኵል የእግዚአብሔር ልጆች ሆነናል እርሱ ግን ለአብ የባሕርይ ልጁ ነውና አብን አባቴ አለው። ወበእንተ ህላዌ መለኮትሰ ይቤ አቡየ( የባሕርይ ልጅ ነውና አባቴ አለው)።

ባሕርየ መለኮቱን ሳይለቅ ወደ እኛ አንድነት ወይም ባሕርይ መጥቷልና ወይም የእኛን ባሕርይ ነሥቷልና አምላኪየ አምላኬ ሊል ተገባው «ወደለወ ይእዜ ከመ ይብል አምላኪየ በእንተ ምጽአቱ ኀቤነ እምኀበ እግዚአብሔር አቡሁ»
ግን ከባሕርይ አባቱ ከእግዚአብሔር ሳይለይ ወደ እኛ አንድነት ስለመጣ ዛሬ አምላኪየ ሊል ተገባው።

ስለዚህ እንዲህ እንበል፦እግዚአብሔር አብ አምላኩ ውእቱ ለወልድ ውእቱ በእንተ ትስብእቱ ወአቡሁ በእንተ መለኮቱ ቀዳማዊ። «ሰው ስለሆነ እግዚአብሔር አብ ለወልድ አምላኩ ነው ስለቀዳማዊ ባሕርዩ ደግሞ አባቱ ነው»

ለእኛስ..? እርሱ በሰጠን ጸጋ በኵል ልጆች ተብለናል «በእንተ ጸጋ ዘጸገወ ለአርዳኢሁ ይቤ አቡክሙ» ለደቀ መዛሙርቱ ስለ ሰጣቸው ልጅነት አባታችሁ አለ።

ስለዚህ የኢየሱስ ልጅነት ቀዳማዊ ልጅነት የባሕርይ በባሕርየ መለኮት በመተካከል ጅማሬ የሌለው በመሆኑ ከቅዱሳን የጸጋ ልጅነት ልጅነት ፍጹም የተለያየ ነው።

መልካም ዕለተ ሰንበት 🙏

ማጣቀሻ
ሃይማኖተ አበው ዘቅዱስ  ኤጵፋንዮስ ገጽ 177 ምዕራፍ 54 ከቍጥር 8-10

«እርሱስ ፈጽሞ አልተወንም»

እርሱስ  ፈጽሞ አልተወንም በከሀሊነቱ ተቀበለን እንጂ  በይቅርታው በቸርነቱ ብዛት  ወደ እርሱ  አቀረበን  እንጂ እንግዲህ ወዲህ  የእጆቹ  ፍጥረቶች  ወድቀን እንድንቀር  አልወደደም  በቸርነቱ  በይቅርታው  ብዛት  የሚታየውን የማይታየውን  ሁሉ  የፈጠረበትን አካላዊ ቃሉን  ላከልን  እንጂ  የሚታዩት ያላቸው የሚዳሠሡ ፍጥረቶች ናቸው  የማይታዩ  ያላቸውም  ረቂቃን  መላእክት ናቸው።

ወውእቱሰ ኢገደፈነ  ለግሙራ  አላ ተወክፈነ በክሂሎቱ ወአቅረበነ ኀቤሁ  በዕበየ  ሣህሉ ወምሕረቱ ወኢፈቀደ አንከ ንትገደፍ  ግብረ እደዊሁ ዳእሙ  በብዝኀ  ሣህሉ ወምሕረቱ ፈነወ ለነ ቃሎ  ዘገብረ ሎቱ  ኵሎ  ዘያስተርኢ ወዘኢያስተርኢ  እለሰ ያስተርእዩ ፍጡራን እለ  ይትገሀሡ  እሙንቱ  ወእለኒ ኢያስተርእዩ ፍጡራን መንፈሳውያን እሙንቱ

ሃይማኖተ አበው ዘቅዱስ ጎርጎርዮስ ዘኑሲስ ገጽ 124 ምዕራፍ 36 ቍጥር 15-16

መልካም ዕለተ ሰንበት ይሁንልን🙏

𝐅𝐨𝐫 𝐦𝐞, 𝐇𝐞 𝐢𝐬 𝐆𝐨𝐝, 𝐛𝐨𝐫𝐧 𝐢𝐧 𝐭𝐡𝐞 𝐟𝐥𝐞𝐬𝐡, 𝐟𝐫𝐨𝐦 𝐭𝐡𝐞 𝐡𝐨𝐮𝐬𝐞 𝐨𝐟 𝐃𝐚𝐯𝐢𝐝, 𝐞𝐯𝐞𝐧 𝐚𝐬 𝐇𝐞 𝐬𝐮𝐟𝐟𝐞𝐫𝐞𝐝 𝐨𝐧 𝐭𝐡𝐞 𝐂𝐫𝐨𝐬𝐬.

𝑀𝑎𝑟 𝐽𝑎𝑐𝑜𝑏 𝑜𝑓 𝑆𝑒𝑟𝑢𝑔𝑒 ܡܪ ܝܝܥܩܘܒ, 𝑆𝑦𝑟𝑖𝑎𝑛 𝐶ℎ𝑢𝑟𝑐ℎ 𝐹𝑎𝑡ℎ𝑒𝑟.

@Apostolic_Council

<< ከድንቅም ድንቅ >>
"መንክረ-መንክራት"

የአንጾኪያው ሊቀ ጳጳሳት ቅዱስ ባስልዮስ እንዳስተማረው።

የእግዚአብሔር ገቢረ ተኣምራት ሁሉ ግሩማን ናቸው አይመረመሩም። ቅዱስ ዳዊት ሥራህ ግሩምና ድንቅ ነው ይላልና....

ግና ከድንቅም ድንቅ አምላክ በሥጋ በአጭር ቁመት በጠባብ ደረት የተወሰነበት ከሃሊነቱ አይደንቅም..?? አይረቅም..? ኢሳይያስ ስለ ነገረ ትሥጉቱ ሲናገር የተወለደው ሕጻና ድንቅ መካር ኀያል አምላክ የዘላለም አባት የሰላም አለቃ ይለዋልና..(ኢሳይያስ 9፥6)  መንክር(ድንቅ) የሚባል ከሕሊናት ሁሉ የሚያልፍ የማይመረመር ሥራ ነው።

የአንጾክያ ሊቀ ጳጳሳት ባስልዮስ ሲናገር "እስመ ኢሳይያስ ነቢይ ክቡር በውስተ ነቢያት ሰመዮ መንክረ መንክርኒ ውእቱ ግብር ዘኢይትረከብ..." 'ከነቢያት መካከል የከበረ ነቢይ ኢሳይያስ መንክር(ድንቅ) ብሎታልና መንክር(ድንቅ) የሚባልም የማይመረመር ሥራ ነው። (ሃይ-አበው ዘባስልዮስ ም 96 ቍጥር 27)

ዓለማትን በእጁ የያዘ አሕዛብ ሁሉ በፊቱ በገንቦ እንዳሉ የውሃ ጠብታ የሆኑለት ሰማይ ዙፋኑ ምድርም መረገጫው የሆነ አምላክ ሥጋ ሆነ አበው እንደ ተናገሩትም <<ወልደቱሂ ኮነ ብርሃነ መድኀኒትነ>> (ልደቱም የደኅንነታችን መታወቂያ ሆነልን) ሃይ-አበው ዘባስልዮስ ምዕ 96 ቍጥር 23)

መልካም ዕለተ ሰንበት 🙏

የአምላክን ሰው መሆን ባሰብን ጊዜ ይህ የማይመረመር ታላቅ ደስታ ለዓለሙ ሁሉ የሚሆን እንደሆነ ቅዱሳት መጽሐፍት ያስተምሩናል ይህ ምክንያተ ፍሰሓ ግን ለሰብአውያን ብቻ ሳይሆን ለዓለመ መላእክትም ጭምር እንደሆነ አክለው ይነግሩናል ይህ ፍጹም ደስታ አምላክ በመወለዱ ያመሰገኑበት (ሉቃስ 2፥13) ሊያዩት የሚመኙት (1ጴጥሮስ 1፥12) ኀጥእ ንሰሐ በገባ ጊዜ የሚደሰቱበት ፍሰሐ ነው (ሉቃስ 15፥10) ። ጌታ መድኀኔ ዓለም ከኀጢአት የሚያድን ዕረፍተ ሥጋ ዕረፍተ ነፍስ ነው።


ሃይማኖተ አበው ዘቅዱስ ቄርሎስ   ገጽ 292 ክፍል 34 ምዕራፍ 75    ቍጥር 24

እፎኑ ኢንመልእ ፡ ፍሥሓ  እንዘ ፡ ንሬእዮ  ለእግዚእነ  መድኃኔ  ዓለም ተወሊዶ እምድንግል ፡ ቅድስት  ወእሙንቱ ዓዲ ፡ ያብዕሉ፡ ሶበ ይሬእዩ ፡ ፩ደ[አሐደ] ፡ ብእሴ ፡ኃጥኣ ፡ እንዘ ይኔስሕ፡ በከመ ይቤ፡ መድኃኒነ ፡ ኵሎሙ ፡ ቅዱሳን ፡ መንፈሳውያን ይሴብሑ ።

እንዲህ  ከሆነ ፡ የዓለም መድኃኒት ጌታችን ፤ ከንጽሕት  ድንግል ' ተወልዶ ፡ ስናየው እንደምን ደስ  አይለን? ዳግመኛ መድኃኒታችን ክርስቶስ ፡ ቅዱሳን መንፈሳውያን መላእክት ደስ ይላቸዋል ፡ እንዳለ እነርሱ ፡ አንድ ኃጥእ ሰው ንስሐ  ሲገባ ፡ ባዩ ፡ ጊዜ ፡ ደስ ፡ ይላቸዋል


መልካም ዕለተ ሰንበት ይሁንልን🙏

በከመ መሀረ ፊላታዎስ ሊቀ ጳጳሳት ዘእስክንድርያ ሃይ አበው ምዕራፍ 105 ቍጥር 3 ገጽ 472

ምሥጢረ ፡ ሥላሴ ፡ ይትከፈል ፡ ወኢይትከፈል ፤ ይትከፈሉ ፡ በአካላት ፡ ወበገጻት ፡ ወኢይትከፈሉ በመለኮት ፡ በከመ ፡ መሀሩነ ፡ አበው ንሰግድ ለአብ ወወልድ ፡ ወመንፈስ ፡ ቅዱስ ፡ አሐተ ፡ ስግደተ..

የሦስትነት ፡ ምሥጢር ፡ ይለያል ፤ አይለይም ፤ በአካላት ፤ በገጻት ፡ ይለያሉ ፤ በመለኮት ፡ ግን ፡ አይለ ዩም ፤ አባቶች ፡ እንደ ፡ አስተማሩን ፡ ለአብ ፡ ለወ ልድ ፡ ለመንፈስ ፡ ቅዱስ ፡ አንዲት ፡ ስግደትን ፡ እንሰግዳለን

አብ ከወልድ ፡ ተለይቶ ፡ የኖረበት ፡ ዘመን ፡ የለም ፥ወልድም ፡ ከመንፈስ ፡ ቅዱስ ፡ ተለይቶ ፡ የኖረበት ፡ ዘመን ፡ የለም፤ መንፈስ፡ ቅዱስም ፡ ከአብ ፡ ከወልድ፡ ተለይቶ ፡ የኖረበት ፡ ዘመን ፤ የለም ሥሉስ ቅዱስ በዘመኑ ፡ በቀኑ ፡ ሁሉ ፡ በግብርም ፡ በስምም ፡ ሳይለ ወጥ ፡ ሳይፋለስ ፡ ጸንቶ ፡ ያለ  ነው ፡ እንጂ ።

ጥንት ፡ የሌለው ፡ ቀዳማዊ ፡ ልጅ  ያለው ፡ እግዚአብ ሔር ፡ አብ ፡ ብቻ  ነው ፡ ዳግመኛ ፡ እርሱ ፡ ወልድም፡ አይመረመርም ፡ ማንም  መርምሮ አያገኘውም ።

አብ ፡ ከዘመን፡ በኋላ አልወለደውም ፡እርሱ ቀዳማዊ ወልድ፡፡ ከአብ ፡ ጋር ፡ በቅድምና  የነበረ ፡ ነው ፡ እንጂ የማይሞት  ነው ፡ ከማይሞት ፡ ከአብ ፡ ጋር ፡ ፈጣሪ ፡ ነው ፤ እንደ፡ አብም፡ ሁሉን የፈጠረ ' ነው ።

እንዲሁ መንፈስ ፡ ቅዱስም ፡ ከአብ  ከወልድ ፡ ጋር፡ በቅድምና ፡ የነበረ  ቀዳማዊ ፡ ነው ፤ በሥራውም ሁሉ ከአብ ከወልድ፡ ጋር፡ አንድ፡ ነው ።

ጉባኤ ፡ የቆመለት ፡ ቤተ ፡ ክርስቲያን፡ የተቀበለችው፡ ሐዋርያት ፡ ያስተማሩት ፡ እውነኛ ትምህርት፡ ይህ፡ ነው ።

ሃይማኖተ አበው ዘሠለስቱ ምዕት ምዕራፍ ፲፱ ገጽ ፶፩  ቍጥር ፮ እስከ ፲

መልካም ዕለተ ሰንበት ይሁንልን።🙏

ዛሬ ፡ አምላኬ ፡ አምላኬ ፡ ለምን ፡ ተውከኝ ፡ ይል ዘንድ ፡ ምን ፡ አተጋው ! እኛስ ፡ ቀድሞ ፡ አዳም ፡ በበደለ ፡ ጊዜ ፣ የተሠራችለትን ፡ ትእዛዝንም ፡ በአፈረሰ ፡ ጊዜ ፤ ከተሠራችለትም ' ሕግ ፡ እርሱ ፡ በተለየ ' ጊዜ ፤ ስለዚህ ፡ ነገር ፡ እግዚአብሔር ፡ የሰውን ፡ ባሕርይ ፡ ከእርሱ ፡ አርቆት ፡ ነበርና ፤ በፍዳም ፡ ተይዞ ፡ ሞትም ፡ ድል ፡ ነሥቶት ፡ ነበርና ፡ ስለዚህ ፡ እግዚአብሔር ፡ የእኛን ፡ ባሕርይ ፡ ወደ አለመለወጥ ' ሊመልሰው ' ወደደ ። ዘፍጥረት 3፥1-19። ሮሜ 15፥14-20
(ሃይማኖቸ አበው ዘቅዱስ ቄርሎስ ገጽ 323 ምዕራፍ 79 ቍጥር 36)

መልካም ዕለተ ሰንበት ይሁንልን።🙏

'እልመስጦአግያ"

...ወበመስቀሉ ኮነ

እልመስጦአግያ የሚለው ቃል በግዕዝ ትምህርተ ኅቡዓት ማለት ነው። ትምህርተ ኅቡዓት በሥጋ ሕሊና የማይመረመረውን ነገረ እግዚአብሔር እርሱ ራሱ በከሠተበት ልክ የምንማርበት ትምህርት ነው። መጽሐፍ ቅዱስ ሲናገር፦“ለፍጥረታዊ ሰው የእግዚአብሔር መንፈስ ነገር ሞኝነት ነውና አይቀበለውም፤ በመንፈስም የሚመረመር ስለ ሆነ ሊያውቀው አይችልም።”
(1ቆሮንቶስ 2፥14)
 
መንፈሳዊ ነገር በፈቃደ እግዚአብሔር ካልተገለጠ ዘወትር ኅቡዕ ነው ነገር ግን ቅዱስ ጳውሎስ “መንፈስም የእግዚአብሔርን ጥልቅ ነገር ስንኳ ሳይቀር ሁሉን ይመረምራልና ለእኛ እግዚአብሔር በመንፈሱ በኩል ገለጠው (1ቆሮንቶስ 2፥10)።” ብሎ እንደ ተናገረው ኅቡዕ የሆነው ነገረ እግዚአብሔር በምንችለው ልክ እግዚአብሔር በመንፈሱ በኩል ያስተምረናል።

በዚህ በሃይማኖተ አበው በእልመስጦአግያ ክፍል ላይ አበው ስለ ክርስቶስ መስቀል ማተኰር ያለብንን ሀሳብ በዚህ መልክ ያስተመሩናል፦ ተሰቅለ በእንቲአነ ፡ ወበመስቀሉ ፡ ኮነ፡ ሕይወትነ ፡ ጽንዕነ ፡ ቤዛነ።


ትርጓሜውም፦ ስለእኛ ፡ ተሰቀለ ፡ በመስቀሉም ጽናችን ፡ ቤዛችን ፡ ድኅነታችን ፡ ተደረገልን ።  ይኸውም ፥ከእግዚአብሔር ፡ የማትርቅ ፡ መቸም ፡ መች ፡ የማትለይ ፡ ሁል ፡ ጊዜ ፡ የማትመጠን  የቸርነቱን ፡ ብዛት ፡ በመናገር ፡ የማይፈጸም ፡ ደስታ ፡ ያለበት ፡ ረቂቅ ፡ ምሥጢር ፡ ነው ።

እልመስጦአግያ ምዕራፍ 2 ቍጥር 2

በዚህ ምንባብ ላይ አበው በ1ጴጥሮስ 2፥24 ላይ ያለውን ምንባብ ዋቢ አድርገዋል እንዲህ ይነበባል፦“ለኃጢአት ሞተን ለጽድቅ እንድንኖር፥ እርሱ ራሱ በሥጋው ኃጢአታችንን በእንጨት ላይ ተሸከመ፤ በመገረፉ ቁስል ተፈወሳችሁ።”

ጌታችን ኢየሱስ ኀጢአታችንን በመስቀሉ በማስወገዱ የጥልን ግድግዳ በመስቀሉ አፈረሰ ነገረ መስቀሉን ስናስብ እጅግ የሚደንቀን እውነት ይህ ነው።

በዚሁ በእልመስጦአግያ ምዕራፍ 2 ቍጥር 2 ላይ
ዘውእቱ ፡ ምሥጢር ፡ ኅቡዕ ፡ ፍሥሓ፡ ዘኢይትዌዳዕ ፡ በነጊር ፡ በዕበየ ፡ ትሩፋት ፡ ኵሎ ፡ ጊዜ ፡ እንተ ኢትትኌለቍ ፡ ወኢትርኅቅ ፡ እም ፡ እግዚአብሔር ፡ ወትረ ፡ ኢትሴስል ።



ይኸውም ፥ከእግዚአብሔር ፡ የማትርቅ ፡ መቸም ፡ መች ፡ የማትለይ ፡ ሁል ፡ ጊዜ ፡ የማትመጠን  የቸርነቱን ፡ ብዛት ፡ በመናገር ፡ የማይፈጸም ፡ ደስታ ፡ ያለበት ፡ ረቂቅ ፡ ምሥጢር ፡ ነው ።

ቅዱስ ጳውሎስ በመጀመሪያይቱ በቆሮንቶስ መልእክቱ ላይ፦“የመስቀሉ ቃል ለሚጠፉት ሞኝነት፥ ለእኛ ለምንድን ግን የእግዚአብሔር ኃይል ነውና።”
(1ኛ ቆሮንቶስ 1፥18)

የመስቀሉ ቃል የተባለው በቍጥር 23 ላይ የተሰቀለውን ክርስቶስን መስበክ እንደሆነ ቅዱስ ጳውሎስ ይናገራል በዚህ በመስቀሉ ቃል በኩል የዘላለም ሕይወት ድኅነት እና የኀጢአት ሥርየት ሁሉ አለ እግዚአብሔር መዳንን ሁሉ በልጁ በክርስቶስ አዘጋጅቶልናልና።
ስለዚህም ነው ዘውእቱ ምሥጢር ኅቡዕ የተባለው።

መልካም የመስቀል በዐል ይሁንልን።

ወንአምን በእሉ አስማት ዘተጠመቅነ ቦሙ።አብ ወወልድ ወመንፈስ ቅዱስ ዘከመ አዘዘነ ቃል ሥግው እግዚእነ ኢየሱስ ክርስቶስ።

በከበርንባቸው በእሊህ ስሞች በአብ በወልድ በመንፈስ ቅዱስ እንመን ሰው የሆነ ቃል ጌታችን ኢየሱስ ክርስቶስ እንደ አዘዘን።

ሃይማኖተ አበው ዘባስልዮስ  ምዕራፍ 32

መልካም ዕለተ ሰንበት ይሁንልን።

መንክር ውእቱ ልደትከ ኦ ወልደ እግዚአብሔር ከመዝ። የእግዚአብሔር ልጅ ሆይ መወለድህ እንዲህ ድንቅ ነው።

የሕጻናት ፈጣሪ-ፈጣሬ ሕጻናት በማኅጸነ ብእሲት አጥንትን የሚያገጣጥም ጅማትን የሚያስማማ ሥጋንም የሚያለብሳቸው በየጥቂቱም የሚያሳድጋቸው አምላክ መፍጠሩን በፈጸመ ጊዜ ጌትነቱን የሚገልጥበት አምላክ ለራሱ በድንግል ማኅጸን ሥጋን ፈጠረ ቅዱስ ኤፍሬም ወለሊሁ ፈጠረ ወላዲቶ ወእምኔሃ ነሥአ ሥጋነ ዘውእቱ ፈጣሪ እርሱም እናቱን ፈጠረ ከርሷም እርሱ የፈጠረውን ሥጋ ተዋሐደ።

መወለዱ እንዲህ ድንቅ ነው! ማሪ ያዕቆብ እንደ ተናገረው ትንንሽ ሕጻናትን የሚፈጠር ይዋሐደው ዘንድ ሥጋን ካንቺ ፈጠረ ሕጻናትን ልጆችን የፈጠረ እርሱ በማኅጸንሽ አደረ

ድንግል ታዝለው እና ታቅፈው ዘንድ በድንግል ማኅጸን ለራሱ ደረትን ፈጠረ በፍዳ ተይዞ ተጎድቶ የነበረ የአዳምን ባሕርይ ገንዘብ አደረገ የሚወደውን ደቀ መዝሙርንም በደረቱ አስጠጋው።


የቅዱስ ያዕቆብ ዘሥሩግ ነገረ ክርስቶሳዊ መደነቅ ከሰፊ ማብራሪያ ጋር ይቀጥላል።

ቃሌ Vs አክሊል።

https://t.me/Hokhmahstudies?videochat

ሊጀመር ነው ግቡ

ዛሬ ከምሽቱ 3:00 ላይ በወንድም ቃሌ እና አክሊል Sola Scriptura በሚል ርዕስ ውይይት ይኖራል።

ውይይቱን በቲክቶክ ለመከታተል ፦ https://vm.tiktok.com/ZMhRB4WtD/


ውይይቱን በቴሌግራም ለመከታተል።
https://t.me/Hokhmahstudies

ወወልደ አብ ዋሕድ ይሰመይ ብርሃነ.. <<የአብ አንድ ያ ልጅ ብርሃን ይባላል>>

ወወልደ አብ ዋሕድ ይሰመይ ብርሃነ እስመ ብርሃን ዘተወልደ እምብርሃን ኡይትበሀል ተወልደ እምድኅረ ብርሃን አላ በጊዜ ዘኮነ ቦቱ ውእቱ ብርሃን ይትረከብ ብርሃን ዘተወልደ እምኔሁ ወኅልው ወትረ ምስሌሁ ወብርሃንሂ ያጤይቀከ አምሳሊሁ ለወልድ ዘውእቱ ህልው ምስለ አብ በኵሉ ጊዜ እምቅድመ ኵሉ ዓለም። ወንነግረከ ወናሌብወከ ዘንተ ስመ ዘውእቱ ወልድ ከመ ውእቱ አሐዱ ህላዌ ምስለ አብ። አሜን።

የአብ አንድ ልጅ ብርሃን ይባላል ከብርሃን የተገኘ ብርሃን ከብርሃን በኋላ የተገኘ ነው አይባልምና ያ ብርሃን በተገኘ ጊዜ ከርሱ የተወለደው ብርሃን ተገኝቶ ከርሱ ጋር ህልው ሆኖ ዘወትር ይኖራል እንጂ ብርሃንም ዓለም ሁሉ ሳይፈጠር በጊዜው ከአብ ጋር ህልው የሚሆን የወልድን ነገር ያስረዳሃል። ይህንንም ስም ከአብ ጋር አንድ ባሕርይ እንደሆነ እንነግርሃለን እናስረዳሃለን ይኸውም ወልድ መባል ነው።  አሜን። ሃይማኖተ አበው ዘቅዱስ ቴዎዶስጦስ ምዕራፍ 53 ቍጥር 10-11 ገጽ 172-173

ነአምን በሥላሴ (በሥላሌ እናምናለን)  መልካም ዕለተ ሰንበት

እስመ ለዓለም ምህረቱ
ምህረቱ ለዘላለም ነውና..(መዝሙር 136)

የብርሃናት አባት የጊዜያት ሁሉ ባለቤት ታላላቅ ብርሃናትን ለጊዜያትና ለዘመናት ያበጃቸው በምህረቱ እና በቸርነቱ ብዛት መሻገርን አድርጎልናል እስመ ለዓለም ምህረቱ ብለን እንናገራለን..

መንገዳችንና ትንፋሻችንን ሁሉ በእጁ የያዘ አምላክ ዐዲሱን ዘመን እንደ ምህረቱ ብዛት ስላሳየን ምስጋና ይገባዋል።

እንኳን ለ2017 ዓም ዐዲስ ዐመት በሰላም አደረሰን።

@Yeshua_Apologetics_Ministry

➟የሹዋ ዐቅበተ እምነት አገልግሎት አላማ

ከክርስትና እምነት አንጻር ደርዛቸውን የጠበቁ ስነ መለኮታዊ ፍልስፍና፤ አመክንዮአዊና ታሪካዊ ጽሑፎችን ማቅረብ

በክርስትና ላይ የሚነሱ የተቃውሞ ሀሳቦችንና የኑፋቄ ትምህርቶችን መመከት

የሌላውን እምነተ መርህ ከሎጂክና ከታሪካዊ ዳራዎች አንጻር መመርመር።

-----
ቻናሉን በመቀላቀል ከአገልግሎቱ ተካፋይ ይሁኑ።🙏

አሐቲ ምልክና ወአሐቲ ሥምረት ወአሐቲ መንግሥት አሐቲ ስግደት ወአሐቲ አኰቴት ወአሐዱ ስብሓት ይደሉ  ለሥሉስ ቅዱስ። አሐቲ ምክር ወአሐቲ ሥልጣን ወ፩ዱ[ወአሐዱ] ክብር ወአሐቲ ፅንዕ ወ፩ዱ[ወአሐዱ] ህሉና ወ፩ዱ[ወአሐዱ] ፈቃድ ለሥሉስ ቅዱስ።

አንዲት አገዛዝ አንዲት ፈቃድ አንዲት ኀይል አንዲት መንግሥት አንዲት ስግደት አንዲት ምስጋና አንዲት ክብር አንድ ጽንዕ ለሥላሴ ይገባል፤ አንዲት ምክር አንዲት ሥልጣን አንድ ክብር አንዲት ጽንዕ፤ አንድ አኗኗር አንድ ፈቃድ ለሥሉስ ቅዱስ ነው። (ሃይማኖተ አበው ዘቅዱስ አግናጥዮስ ገጽ 37 ምዕራፍ 11 ቍጥር 7)

አሜን።

መልካም ዕለተ ሰንበት።

ቅዱስ ኤራቅሊስ ቶማስ ጌታዬ አምላኬ ያለበትን ቃል እንዲህ ይተረጒመዋል..

አንተ እግዚእየ ወአምላኪየ አንተ እምቅድመ ዓለም ወአንተ ዘይእዜ አንተ ሰማያዊ ወአንተ ምድራዊ።

"ጌታዬ ፈጣሪዬ አንተ ነህ ቅድመ ዓለም የነበርክ አንተ ነህ ዛሬም ያለህ አንተ ነህ ሰማያዊ ነህ ምድራዊም ነህ"
(ሃይማኖተ አበው ዘቅዱስ ኤራቅሊስ ምዕ 48 ገፅ 155 ቍጥር 89)

በምድር የተገለጠው ድኅነተ-ዓለምን የሰራው ዕሩቅ ብእሲ ወይም ሰው ብቻ የሆነ አልነበረም እርሱ ሰማያዊ ነው መስፍነ-መሳፍንት የሆነ መላእክት የሚሰግዱለት ቀዳማዊ፣ ወልድ-ዋሕድ አምላክ የሆነ ነውና እርሱ ሰማያዊ ነው...

ይኸው አምላክ ከክብሩ ሳይወርድ በትረ-ሥልጣኑን ሳይተው ሕያው አምላክ ባሕርያችንን የእርሱ ባሕርይ ገንዘብ አንድርጎ ተዛምዶናልና እርሱን ምድራዊ እንለዋለን።

አንዱን ሥግው ቃል አንተ ሰማያዊ ወአንተ ምድራዊ ብለን እንጠራዋለን። ምሥጋና ይገባዋል

https://t.me/Apostolic_Council

ሼር በማድረግ ብዙዎችን ተካፋይ አድርጓቸው። ተባረኩ🥰

እንኳን ወደ ጉባኤ ሐዋርያት በደህና መጣችሁ ወነአምን በአሐቲ ቅድስት ቤተክርስቲያን እንተ ላዕለ ኵሉ ጉባኤ ዘሐዋርያት "ሐዋርያት በሰበሰቧት ከሁሉ በላይ በምትሆን በአንዲት ቅድስት ቤተክርስቲያን እናምናለን"

►  ይህች ቤተክርስቲያን ብቸኛ ራሷ የቃል እና የስብከት ማዕከሏ የወልደ አብ ኢየሱስ ክርስቶስ እንደመሆኑ እኛም የሐዋርያትን  መሠረት ሳንለቅ ሌላም መሠረት ሳንመሰርት ሕያው የማዕዘን ራስ ድንጋይ ክርስቶስን የስብከት ማዕከላችን እናደርጋለን ።

➛"ንሕነሰ ንተሉ እምነተ አበዊነ ቅዱሳን እንበለ ተወላውሎ እንዳለው ቄርሎስ እኛም ያለ ማወላወል የደጋጉን የአባቶቻችንን ሃይማኖት እንይዛለን ቅዱሳን አበው ያስተማሩንን ክርስቶስን ማዕከል ያደረገ ትምህርት ሁሉ እያነሳን እንማማራለን። ቃለ መለኮት በሆነው እና ብቻውን በማይሳሳተው  በመጽሐፍ ቅዱስ ሚዛንና የመጨረሻ ሥልጣንነት ተመሥርተን አስተምህሮዋችንን ሁሉ እንቃኛለን በቅዱሳት መጽሐፍት መሠረትነት በተለያዩ መንፈሳዊ ርዕሶች እንማማራለን።

➛ ከእግዚአብሔር ቃል የተጣረሱ ሐዋርያዊ ወንጌልን የሚጻረሩ አስተምህሮዎችን ሁሉ እያነሳን በቃሉ ሥልጣን እንለያቸዋለን ከሐዋርያት የተቀበልነውን ቅዱሱን ወንጌል አጽንተን እንቀጥላለን።

ማዕከላችን ክርስቶስ መሠረታችን የእግዚአብሔር ቃል ነው  ቻናችንን ተቀላቀሉ ወንጌልን እንማር ተባረኩ።

1K ገብተናል .. አብራችሁን ቅዱስ ወንጌልን የምታገለግሉ ሁሉ እግዚአብሔር ይባርካችሁ.. በቀጣዩ ዘመናችን ከፍ ሊል የሚገባውን የክርስትና ማዕከል ክርስቶስን አድምቀን እንድንሰብክ ሐዋርያዊ ወንጌልን እንድንናገር እግዚአብሔር ጸጋውን ያብዛልን።..🤗

እስመ እግዚአብሔር ውእቱ ወአኮ ገብር ወተለዐለ ኀበ ስብሐተ እግዚአብሔር ወዳእሙ ነሥአ አርአያ ገብር እንዘ ሀሎ በ፩ዱ[በአሐዱ] ዕሪና ምስለ አብ ወኢኮነ ሰብእ ወእምዝ ረከበ ብዕለ መለኮት

እርሱ እግዚአብሔር ነውና ተገዥ ሆኖ ኖሮ ወደ እግዚአብሔርነት ክብር የደረሰ አይደለም ከአብ ጋር በአንድ ትክክልነት ሳለ የተገዥ ባሕርይን ነሣ እንጂ መለኮት ሰው ሆኖ ኖሮ ኋላ ክብር ያገኘ አይደለም። ሃይማኖተ አበው ዘቄርሎስ ምዕ 72 ቍ 9

ፊልጵስዩስ 2
¯¯¯¯¯¯¯¯¯¯
⁷ ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥
⁸ በምስሉም እንደ ሰው ተገኝቶ ራሱን አዋረደ፥ ለሞትም ይኸውም የመስቀል ሞት እንኳ የታዘዘ ሆነ።
⁹ በዚህ ምክንያት ደግሞ እግዚአብሔር ያለ ልክ ከፍ ከፍ አደረገው፥ ከስምም ሁሉ በላይ ያለውን ስም ሰጠው፤



መልካም ዕለተ ሰንበት።