✨✨...ወርቃማው የሰሀቦች ታሪክ✨✨
✨✨ ክፍል 2✨✨
...ቢላል ለዘመኑ ሰዎችና ከእርሱ በኋላ ለመጣው ትውልድ እንዲሁም እምነት ለሚጋሩትም ሆነ ለማይጋሩት ወገኖች ያስተማረው ትምህርት ቢኖር የሕሊና ነፃነትና ሉአላዊነት ምድርን የሞላ ንዋይም ሆነ አሰቃቂ ቅጣት ሊበግረው እንደማይችል ነው ። ቢላል እርቃኑን በትኩስና አሸዋማ መሬት ላይ እንዲንከባለልና ቋጥኝ ድንጋይም ደረቱ ላይ እንዲጫን ተደርጓል። ግን እምነቱን ሊቀይር አልፈቀደም።በተከታታይና በተደጋጋሚ ኢ-ሰብአዊ ድርጊት ተፈፅሞበታል።
የቁረይሽ ሹማምንት አንድን ባሪያ ሊያሳምኑና ወደ ቀድሞው እምነቱ ሊመልሱት ባለመቻላቸው ቁጭትና ሀፍረት ስለተሰማቸው ክብራቸውን ለመጠበቅ ሲሉ ቢላል ቢያንስ ቢያንስ ስለ አማልክቶቹ ጥቂት በጎ ነገር እንዲናገር ጠይቀውት አሻፈረኝ አለ። ህይወቱን ከስቃይ ምናልባትም ከሞት ለማዳን አማልክታቸውን ከልቡ እንኳ ባይሆን ማመስገን በቂ ነበር። ታላቁ ቢላል ግን ከስጋዊ ህመም መንፈሳዊ የበላይነትን በመምረጡ ለጠላቶቹ ጥያቄ ጥያቄ ምላሽ ለመስጠት ፍቃደኛ አልሆነም። ይልቁንም በተደጋጋሚ "አሐድ...አሐድ" በማለት የመለኮትን አንድነት ያውጅ ነበር። "ላት" እና "ዑዝዛ" የተሰኙ ጣዖታትን እንዲያወሳ ያለመታከት ይጠይቁታል። መልሱ ግን " አሐድ...አሐድ" ነበር። እኛ የምንለውን ደግመህ በል በማለት ይገርፉታል።
በምፀታዊ ቃልም :- "እናንተ የምትሉትን ለመናገር ምላሴ አይችልም..." ይላቸዋል። " ላት" እና " ዑዝዛ " ጌታዎች ናቸው ካልክ አንተንም እምነትህንም እንተዋችኋለን፡በርግጥ እኛ ራሳችን ስቃይ ተቀባዮች የሆን ይመስል አንተን በማሰቃየት ደክመናል። ጭንቅላቱን በመነቅነቅ " አሐድ...አሐድ" የሚል ምላሽ ከመስጠት ባሻገር እጅ አልሰጠም-ቢላል። ቁረይሾች ተስፋ አልቆረጡም። እናሰቃየው እሱ የኛ ወገን ነው። እናቱም የኛው ደንገጡር ነበረች።
በመስለሙ እኛን የቁረይሽ መዛበቻ አያደርገንም። ቢላል ግን ለተንኮላቸው አልተንበረከከም፡-" አሐድ...አሐድ " በማለት የአላህን አሀዳዊነት ገለፀላቸው።
ቁረይሾች ቢላል ነፍሱን እስኪስት ድረስ ደበደቡት። አቡበክር( رضي الله عنه) ቢላል ከሚሰቃይበት ቦታ ደረሱ። ደብዳቢዎቹውንም ወቀሱዋቸው፡ አንድ ሰው አምላኬ አላህ ነው! በማለቱ ብቻ ልትገድሉት ትሻላችሁን ? ከዚያም ኡመያህ ኢብን ኸለፍን ፦ "ቢላልን ከገዛህበት ዋጋ ጨምሬ እከፍልሀለው። ልቀቀው " አሉት። ኡመያህ በቢላል ተስፋ የቆረጠ በመሆኑ ከሚገለው ገንዘብ ቢያገኝበት የተሻለ መሆኑ ተሰማው ፤ በአቡበክር رضي الله عنه ጥያቄ ከልብ ተደስቷል። አቡበክር رضي الله عنه ቢላልን ከገዙት በኋላ ነፃነቱን አወጁለት። አቡበክር ሲዲቅ رضي الله عنه ቢላልን ተረክበው ሊሄዱ ሲሉ ኡመይያ እንዲህ በማለት ተሳለቀ፦ " በላት እና ዑዝዛ እምላለሁ! በአንድ ወቄት ወርቅ ካልሆነ አልገዛህም ብትለኝ እንኳን እሸጥልህ ነበር!" አቡበክርም رضي الله عنه " በአላህ ስም እምላለሁ ! በመቶ ወቄት ወርቅ ካልሆነ አልሸጥልህም ብትለኝ ኖሮ የጠየከውን እከፍልህ ነበር "።
አቡበክር رضي الله عنه ቢላልን ወደ መልዕክተኛው ﷺ በመውሰድ ነፃ መውጣቱን አበሰሩዋቸው። ትልቅ ደስታ ሆነ። ነቢዩ ሙሐመድ ﷺ ወደ መዲና ከተሰደዱ በኋላ " አዛን" ማሰማት አስፈላጊ ሆኖ በተገኘበት ወቅት ይህን ተግባር እንዲፈፅም አንድ ሰው መምረጥ የግድ ሆነ። የዘር አድሎ የማያውቀው ኢስላም ቢላልን "በሙአዚን"ነት መረጠ።
በሙስሊሞችና በቁረይሾች መካከል የነበረው ቅራኔ ወደ ወታደራዊ ፍጥጫ ተቀየረ። የቁረይሽ ሠራዊት ወደ መዲና ተመመ። በርካታ የቁረይሽ ሹማምንትም በጦርነቱ ተሳታፊ ለመሆን በሙሉ ልብ ተነስተዋል። ቢላል ላይ ኢ-ሰብአዊ ድርጊት ሲፈፅም የነበረው ኡመያ ኢብን ኸለፍ ግን ከሀገሩ ለመውጣት ባለመፈለጉ ምክንያት ፈጥሮ ለመቅረት አስቦ ነበር።
ጓደኛውና በቢላል ላይ እኩይ ድርጊት እንዲፈፅም ሲያበረታታው የነበረው ዑቅበት ኢብን አቢ ሙዓይጥ የኡመያን በጦርነቱ ተሳታፊ ያለመሆን ሰማ ።ሴቶች ጪስ የሚሞቁበት ሸክላ በመውሰድም ወዳጆቹ በተሰበሰቡበት እንዲህ አለው፦ "የዐሊይ አባት ሆይ! በዚህ ሸክላ ጪስ ሙቅበት፥ አንተ ሴት ነህ! " አለው። ኡመያ የሀፍረት ማቅ መልበሱ ስለተሰማው፦ " አንተንም ሆነ ይዘህ የመጣኸውን ነገር አላህ ያጥፋችሁ..." በማለት ብስጭቱን ከገለፀ በኋላ ወደ ጦር ሜዳ ለመዝመት ዝግጅት ጀመረ ። ክስተቱ አስገራሚ ነው። ዑቅበት ኢብን አቢ ሙዓይጥ በቢላል እና ወገን ዘመድ በሌላቸው ሙስሊሞች ላይ ጥቃት እንዲፈፀም የሚያበረታታ ሰው ነበር። ዛሬ ኡመያ ኢብን ኸለፍን ወደ በድር ጦርነት እንዲሄድ አስገድዶታል። ምናልባትም የሁለቱም የሕይወት ፍፃሜ ቀርቦ ይሆናል።
ውጊያው ተጀመረ። ሙስሊሞች...
...ይቀጥላል
@HANIF_TUBE02
✨✨ ክፍል 2✨✨
...ቢላል ለዘመኑ ሰዎችና ከእርሱ በኋላ ለመጣው ትውልድ እንዲሁም እምነት ለሚጋሩትም ሆነ ለማይጋሩት ወገኖች ያስተማረው ትምህርት ቢኖር የሕሊና ነፃነትና ሉአላዊነት ምድርን የሞላ ንዋይም ሆነ አሰቃቂ ቅጣት ሊበግረው እንደማይችል ነው ። ቢላል እርቃኑን በትኩስና አሸዋማ መሬት ላይ እንዲንከባለልና ቋጥኝ ድንጋይም ደረቱ ላይ እንዲጫን ተደርጓል። ግን እምነቱን ሊቀይር አልፈቀደም።በተከታታይና በተደጋጋሚ ኢ-ሰብአዊ ድርጊት ተፈፅሞበታል።
የቁረይሽ ሹማምንት አንድን ባሪያ ሊያሳምኑና ወደ ቀድሞው እምነቱ ሊመልሱት ባለመቻላቸው ቁጭትና ሀፍረት ስለተሰማቸው ክብራቸውን ለመጠበቅ ሲሉ ቢላል ቢያንስ ቢያንስ ስለ አማልክቶቹ ጥቂት በጎ ነገር እንዲናገር ጠይቀውት አሻፈረኝ አለ። ህይወቱን ከስቃይ ምናልባትም ከሞት ለማዳን አማልክታቸውን ከልቡ እንኳ ባይሆን ማመስገን በቂ ነበር። ታላቁ ቢላል ግን ከስጋዊ ህመም መንፈሳዊ የበላይነትን በመምረጡ ለጠላቶቹ ጥያቄ ጥያቄ ምላሽ ለመስጠት ፍቃደኛ አልሆነም። ይልቁንም በተደጋጋሚ "አሐድ...አሐድ" በማለት የመለኮትን አንድነት ያውጅ ነበር። "ላት" እና "ዑዝዛ" የተሰኙ ጣዖታትን እንዲያወሳ ያለመታከት ይጠይቁታል። መልሱ ግን " አሐድ...አሐድ" ነበር። እኛ የምንለውን ደግመህ በል በማለት ይገርፉታል።
በምፀታዊ ቃልም :- "እናንተ የምትሉትን ለመናገር ምላሴ አይችልም..." ይላቸዋል። " ላት" እና " ዑዝዛ " ጌታዎች ናቸው ካልክ አንተንም እምነትህንም እንተዋችኋለን፡በርግጥ እኛ ራሳችን ስቃይ ተቀባዮች የሆን ይመስል አንተን በማሰቃየት ደክመናል። ጭንቅላቱን በመነቅነቅ " አሐድ...አሐድ" የሚል ምላሽ ከመስጠት ባሻገር እጅ አልሰጠም-ቢላል። ቁረይሾች ተስፋ አልቆረጡም። እናሰቃየው እሱ የኛ ወገን ነው። እናቱም የኛው ደንገጡር ነበረች።
በመስለሙ እኛን የቁረይሽ መዛበቻ አያደርገንም። ቢላል ግን ለተንኮላቸው አልተንበረከከም፡-" አሐድ...አሐድ " በማለት የአላህን አሀዳዊነት ገለፀላቸው።
ቁረይሾች ቢላል ነፍሱን እስኪስት ድረስ ደበደቡት። አቡበክር( رضي الله عنه) ቢላል ከሚሰቃይበት ቦታ ደረሱ። ደብዳቢዎቹውንም ወቀሱዋቸው፡ አንድ ሰው አምላኬ አላህ ነው! በማለቱ ብቻ ልትገድሉት ትሻላችሁን ? ከዚያም ኡመያህ ኢብን ኸለፍን ፦ "ቢላልን ከገዛህበት ዋጋ ጨምሬ እከፍልሀለው። ልቀቀው " አሉት። ኡመያህ በቢላል ተስፋ የቆረጠ በመሆኑ ከሚገለው ገንዘብ ቢያገኝበት የተሻለ መሆኑ ተሰማው ፤ በአቡበክር رضي الله عنه ጥያቄ ከልብ ተደስቷል። አቡበክር رضي الله عنه ቢላልን ከገዙት በኋላ ነፃነቱን አወጁለት። አቡበክር ሲዲቅ رضي الله عنه ቢላልን ተረክበው ሊሄዱ ሲሉ ኡመይያ እንዲህ በማለት ተሳለቀ፦ " በላት እና ዑዝዛ እምላለሁ! በአንድ ወቄት ወርቅ ካልሆነ አልገዛህም ብትለኝ እንኳን እሸጥልህ ነበር!" አቡበክርም رضي الله عنه " በአላህ ስም እምላለሁ ! በመቶ ወቄት ወርቅ ካልሆነ አልሸጥልህም ብትለኝ ኖሮ የጠየከውን እከፍልህ ነበር "።
አቡበክር رضي الله عنه ቢላልን ወደ መልዕክተኛው ﷺ በመውሰድ ነፃ መውጣቱን አበሰሩዋቸው። ትልቅ ደስታ ሆነ። ነቢዩ ሙሐመድ ﷺ ወደ መዲና ከተሰደዱ በኋላ " አዛን" ማሰማት አስፈላጊ ሆኖ በተገኘበት ወቅት ይህን ተግባር እንዲፈፅም አንድ ሰው መምረጥ የግድ ሆነ። የዘር አድሎ የማያውቀው ኢስላም ቢላልን "በሙአዚን"ነት መረጠ።
በሙስሊሞችና በቁረይሾች መካከል የነበረው ቅራኔ ወደ ወታደራዊ ፍጥጫ ተቀየረ። የቁረይሽ ሠራዊት ወደ መዲና ተመመ። በርካታ የቁረይሽ ሹማምንትም በጦርነቱ ተሳታፊ ለመሆን በሙሉ ልብ ተነስተዋል። ቢላል ላይ ኢ-ሰብአዊ ድርጊት ሲፈፅም የነበረው ኡመያ ኢብን ኸለፍ ግን ከሀገሩ ለመውጣት ባለመፈለጉ ምክንያት ፈጥሮ ለመቅረት አስቦ ነበር።
ጓደኛውና በቢላል ላይ እኩይ ድርጊት እንዲፈፅም ሲያበረታታው የነበረው ዑቅበት ኢብን አቢ ሙዓይጥ የኡመያን በጦርነቱ ተሳታፊ ያለመሆን ሰማ ።ሴቶች ጪስ የሚሞቁበት ሸክላ በመውሰድም ወዳጆቹ በተሰበሰቡበት እንዲህ አለው፦ "የዐሊይ አባት ሆይ! በዚህ ሸክላ ጪስ ሙቅበት፥ አንተ ሴት ነህ! " አለው። ኡመያ የሀፍረት ማቅ መልበሱ ስለተሰማው፦ " አንተንም ሆነ ይዘህ የመጣኸውን ነገር አላህ ያጥፋችሁ..." በማለት ብስጭቱን ከገለፀ በኋላ ወደ ጦር ሜዳ ለመዝመት ዝግጅት ጀመረ ። ክስተቱ አስገራሚ ነው። ዑቅበት ኢብን አቢ ሙዓይጥ በቢላል እና ወገን ዘመድ በሌላቸው ሙስሊሞች ላይ ጥቃት እንዲፈፀም የሚያበረታታ ሰው ነበር። ዛሬ ኡመያ ኢብን ኸለፍን ወደ በድር ጦርነት እንዲሄድ አስገድዶታል። ምናልባትም የሁለቱም የሕይወት ፍፃሜ ቀርቦ ይሆናል።
ውጊያው ተጀመረ። ሙስሊሞች...
...ይቀጥላል
@HANIF_TUBE02
