ገብረ እግዚአብሔር ኪደ

ታትሟል!

የመጀመሪያው ቅጽ ከድርሳን ፩-፳፬ የነበረ ሲኾን፥ ይህ አሁን የታተመው ኹለተኛው ቅጽ ደግሞ ከድርሳን ፳፭-፶ ያሉትን 26 ድርሳናት የያዘ ነው። ትጠቀሙበት ዘንድ እጋብዛችኋለሁ።

እግዚአብሔር ቢፈቅድና ብንኖር፥ የቅዱስ ዮሐንስ አፈ ወርቅ ተወዳጅ ሥራ የኾነው የማቴዎስ ወንጌል ቅጽ ፪ መጽሐፍ በቀጣይ ሳምንት ይወጣል!

🌻 ሌላ ዕድል 🌻

በሕይወት ዘመናችን ብዙ ዕድሎችን እንደምንፈልግ የታወቀ ነው፡፡ የሥራ ዕድል፣ የደመወዝ እድገት ዕድል፣ የትምህርት ዕድል፣ የዲቪ ዕድል፣ የኮንዶሚንየም ቤት ዕድል፣ የሎተሪ ዕድል፣ ብቻ እዚህ መዘርዘር የማንችላቸው በጣም ብዙ ዕድሎች እንዲገጥሙን እንመኛለን፡፡ ከመመኘትም አልፈን እነዚህን ለማግኘት ብለን ብዙ ጥረቶችን እናከናውናለን፡፡ እነዚህን ዳር ለማድረስ ብለን የሚበላ ብናጣ እንኳን ያገኘናትን ብቻ ተቃምሰን አያሌ ቀናትን እናሳልፋለን፡፡ በውኃ ጥም ጉሯሯችን እስኪደርቅ ድረስ እንታገሣለን፡፡ እንቅልፍ አጥተን እንታትራለን፡፡ አንዴ ወይም ኹለቴ ያመለጠንን ዕድል መልሰን ለማግኘት ስንል የሞት ሽረት ትግል እናደርጋለን፡፡

እንደዚህ መጣጣሩ፣ መፈለጉ፣ መጓጓቱ በራሱ ጤናማ ነው፡፡ ምክንያቱም የሰው ልጅ ሲፈጠር የተሻለ ነገርን ለማግኘት የተፈጠረ ነው፡፡ ችግሩ “የተሻለ ነገር ምንድን ነው?” የሚለውን መለየቱ ላይ ነው፡፡ የተሻለ ነገር የተባለው ፈጣሪው ነው፡፡ ፈጣሪውን እንዲፈልግ፣ ፈጣሪውን እንዲያገኝ፣ ከፈጣሪው ጋር እንዲገናኝ ውስጡ የሚገፋፋው ኾኖ የተፈጠረ ነው፡፡ ክፍተቱ የሚመጣው ይህን በሌሎች ነገሮች ሊሞላው ስለሚሻና ዋናውን ግብ መርሳቱ ነው፡፡ ቀዳማዊ አዳም አምላክ ለመኾን መመኘቱ በራሱ ጤናማ ነበር፡፡ ችግሩ የጸጋ አምላክ ሳይኾን የባሕርይ አምላክ ለመኾን በምክረ ከይሲ መታለሉ ነው፡፡ ለመብላት መጓጓቱ በራሱ ጤናማ ነበር፡፡ ችግሩ ዕፀ ሕይወትን ጨምሮ ሌሎች ብዙ መብሎች እያሉለት የተከለከለውን መብላቱ ነው፡፡ ስለዚህ የሰው ልጅ የተሻለ ነገርን ፈልጎ መውደቁ በድንገት የመጣት እንግዳ ነገር ሳይኾን ራሱ የሰው ልጅ የተሻለ ነገርን የማግኘት ኃይል በውስጡ ስለ ነበረና ያንንም ለማግኘት ስለ ተፈጠረ ነው፡፡

አሁን ዓለማዊነት ከወሰደብን ኦርቶዶክሳዊ መነጽሮች አንዱ ይኼ ነው፡፡ የተሻለ መብል፣ የተሻለ መጠጥ፣ የተሻለ ቤት፣ በአጠቃላይ የተሻለ ሕይወት መኖር ሲባል ቅዱስ ሥጋው፣ ክቡር ደሙ፣ መንግሥተ ሰማያት፣ በአጠቃላይ ከእግዚአብሔር ጋር በተሻለ የቅድስና ሕይወት መኖር ሳይኾን ከላይ የገለጽናቸውን ቁሳዊ ነገሮች ብቻ ማግኘት እንደ ኾነ በቀጥታም በዘዴም ወስዶብናል፡፡ ኦርቶዶክሳዊ ነጽሮታችንን በብልሐት ነጥቆ ከላይ በጠቀስናቸው ርእዮተ ዓለሞች ገዝቶናል፡፡ ቁስ አቅርቦ ዋናውንና መንፈሳዊውን ማንነታችን ጋርዶብናል፡፡

አንድ ሰው እስከ ማስተርስና እስከ ፒ.ኤች.ዲ. ድረስ እየተማረ መንፈሳዊ ትምህርትን ለመማር ግን “ጊዜ የለውም”፡፡ አንዳንዱ’ማ ጊዜ ብቻ ሳይኾን ጥንቱንም አሳቡ የለውም፡፡ ይህን ትምህርት ለመማር ብዙ ጊዜ፣ ብዙ ገንዘብ፣ ብዙ ጉልበት፣ ብዙ መሥዋዕት ይከፍላል፡፡ መማሩ በራሱ ምንም ክፋት ባይኖረውም ቅሉ የሚመራው የዓለማዊነት ነጽሮት ብቻ ከኾነ ግን ችግር ነው፡፡ ዓላማውን የሳተ ሕይወት ነው፡፡ ሕይወት አልባ “ሕይወት” ነው፡፡ ይህ ሰው ትምህርቱን ጨርሶ የተሻለ ደመወዝ ቢከፈለው፣ የተሻለ ድርጅት ቢመራ፣ የተሻለች መኪና ቢያሽከረክር ይህን እርሱ ስኬት ብሎ ቢያስበውም ቅሉ ከመንፈሳዊ ሕይወት የተራቆተ ጉዞ ከኾነ በኦርቶዶክሳዊ አተያይ ትርጉም አልባ ጉዞ ይባላል፡፡

ተመልከቱ! አሁን አዲስ ዓመት ደርሷል፡፡ የተሻለ ነገርን ለማግኘት ብለንም ልክ እንደከዚህ በፊቶቹ ዓመታት ብዙ ዕቅዶችን አቅደናል፡፡ ከላይ እንደ ተናገርነው ይህ በራሱ ጤናማ ነው፡፡ ነገር ግን ዓላማውን የሳተ ዕቅድ እንዳይኾን ማስተዋል ያስፈልገናል፡፡ የተወሰደብንን ኦርቶዶክሳዊ አተያይ መልሰን ገንዘብ ልናደርገው ይገባናል፡፡ አዲሱ ዓመት የተሰጠን ይህን እንድናከናውንበት ነውና፡፡

ወደዚህ ዓመት የተሸጋገርነው በራሳችን ብርታት አይደለም፡፡ የተሸጋገርነው “ሰው በእንጀራ ብቻ አይኖርም” እንዲል ምግብ ስለ በላን፣ ወይም ንጹሕ ውኃ ስለ ጠጣን፣ ወይም ንጹሕ አየር ስለ ተነፈስን ብቻ አይደለም፡፡ የተሻገርነው ወደ ሌላ ዕድል ነው፡፡ የተሻገርነው ወደ ሌላ “እንደ ገና” ነው፡፡ የተሸጋገርነው የተሻለውን ነገር እንድናገኝ ነው፡፡ የተሸጋገርነው አምና ላይ እግዚአብሔር ወደ ንስሐ አባቶቻችን ሔዶ ምግባር ትሩፋት ባያገኝብን ጠባቂ መላእክቶቻችን “ተራድተን ሥራ እስክናሠራው ድረስ የዘንድሮውን ተወው፤ ምናልባት በሚመጣው ዓመት ሃይማኖት ቢይዝ ምግባር ቢሠራ” ብለው ማለደውልን ነው (ሉቃ.13፡8)፡፡ የተሸጋገርነው አምና ያልመጸወትነውን ዘንድሮ እንድንመጸውት፣ አምና የተጣላነውን ዘንድሮ እንድንታረቀው፣ አምና የተሻለ ሕይወት ነው ብለን የተጓዝነውን መንገድ አስተካክለን ወደ ኦርቶዶክሳዊ ሕይወት እንድንመለስ፣ ዓለማዊ መነጽራችንን አውጥተን ኦርቶዶክሳዊ መነጽራችንን ገንዘብ እንድናደርግ ብሎም በዚህ የሕይወት መስመር እንድንጓዝ፣ የኦርቶዶክሳዊነት ጠባይ ያልኾነውን በዘርና በቋንቋ በወንዝም መቧደንን አሽቀንጥረን ጥለን ዘርና ቀለም የሌለበትን ሕይወት ገንዘብ እንድናደርግ ነው፡፡ የተሸጋገርነው ከትናንቱ ውድቀታችን እንድንነሣ ነው፡፡

ወንድሜ ሆይ! አምና ንስሐ ለመግባት ዐቅደህ “አልተሳካልህምን”? እኅቴ ሆይ! ቅዱስ ሥጋውን ክቡር ደሙን ለመቀበል አስበሽ አልቻልሽምን? በያዕቆብ መሰላል የሚመሰለውን ኦርቶዶክሳዊ ሕይወት መጓዝ ጀምረህ/ሽ ወደ ኹለተኛው እርከን፣ ወደ ቀጣዩ ማዕርግ ለመውጣት አቅቶህ/ሽ ወድቀሃልን/ ወድቀሻልን? ወይስ እዛው ባለህበት ወደ ላይም ሳትወጣ ወደ ታችም ሳትወርድ (maintenance phase ላይ) ቆመሃልን? ሰውን የሚወድ እግዚአብሔር ሌላ ዕድል ሰጥቶሃል! መፍቀሬ ሰብእ እግዚአብሔር ሌላ እንደ ገና አሰናድቶልሃልና ተስፋ አትቁረጥ! አንተ ብቻ ከምኞት ያለፈ ፈቃደኝነትን አሳይተህ በተግባር ጥቂት ጥረትን ጀምር እንጂ ስፍር ቊጥር የሌላቸው መላእክት አንተን ለመርዳት ከአጠገብህ ናቸው፡፡ እመብርሃን ከፊትህ ናት፡፡ ቅዱሳን ኹሉ በቃል ኪዳናቸው አንተን ለመርዳት የታመኑ ናቸው፡፡
“መልካም አዲስ ዓመት ይኹንልን” ብለን መልካም ምኞታችንን የምንለዋወጠው ይህን ሕይወት ገንዘብ ለማድረግ ነው፡፡

ይህን “ሌላ ዕድል” በአግባቡ እንድንጠቀምበት ከባሕርይ አባቱ ከአብ፣ ከባሕርይ ሕይወቱ ከመንፈስ ቅዱስ ጋር ጌትነት፣ ኃይልና ክብር ገንዘቡ የኾነው ጌታችን ኢየሱስ ክርስቶስ ይርዳን፤ አሜን!
(Re_posted)

ሰላም ለእናንተ ይኹን!

ድጋሚ በቅዱስ ዮሐንስ አፈ ወርቅ ሥራ መጥቻለሁ።

ከዚህ በፊት የማቴዎስ ወንጌል ቅጽ አንድ ወጥቶ ብዙ ሰው ተጠቃሚ ኾኗል። አሁን ደግሞ ቅጽ ኹለቱ አልቆ ለኅትመት ዝግጁ ኾኗል።

ቅጽ አንድ ከድርሳን 1-24 ያጠቃለለ ሲኾን፥ ቅጽ ኹለት ደግሞ ከድርሳን 25-50 የያዘ ነው።

እግዚአብሔር ቢፈቅድ በአዲሱ ዓመት የኅትመት ብርሃን ያያል።

#አስደሳች_ዜና

#የቅዱስ_ዮሐንስ_አፈ_ወርቅ_መልክዕ መጽሐፍ ታተመ።

"ሰላም ለዝክረ ስምከ፤

ፍካሬው ፊትን የሚያስደስት እጅ መንሻ ሐሤት ለሚባልና ትርጉሙ ደስታ ለተባለ የስም አጠራርህ ሰላምታ ይገባል ፡፡ የቅድስት ቤተ ክርስቲያን ጩኸ ቷን የምትሰማ ቅዱስ ዮሐንስ አፈ ወርቅ ሆይ ! ጩኸቴን በየሰዓቱ ስማ ፤ ነፍሴንም አንጻት ከኃጢ አት አገዛዝም ነጻ እወጣ ዘንድ ንስሓን ስጠኝ፡፡"

ከ ባኮስ መጻሕፍት መደብር ያገኙታል!

https://youtu.be/zQXZB3xYoj8?si=p8eCBu0GNsPrXNAH

"ማንን ላግባ?" የሚለው የሥልጠና መጽሐፍ በውስጡ ምን ምን አካቷል?

መጽሐፉ በዋናነት ስድስት ክፍለ ጊዜዎችን የሚሸፍን ሲኾን፡-

#አንድ፡- በኦርቶዶክሳዊት ተዋሕዶ ቤተ ክርስቲያን አስተምህሮ መዳን ጉዞ ነው - እግዚአብሔርን ለመምሰል የሚደረግ ጉዞ! ይህን ጉዞ ለመጓዝም እግዚአብሔር ለሰው እንደ ዓቅሙ የሚሰጠው የጉዞ መስመር (ጥሪ) አለው:: ለአንዳንዱ የድንግልናን ጸጋ ሲሰጠው ለሌላው የጋብቻን ጸጋ ይሰጠዋል፡፡ የኹለቱም ዓላማቸው መንግሥተ እግዚአብሔርን መውረስ - መዳን እንደ መኾኑ፥ ወጣቶች ጥሪያቸው የትኛው የጉዞ መስመር እንደ ኾነና ይህን እንዴት መለየት እንደሚችሉ በመጀመሪያው ክፍለ ጊዜ ይዳስሳል፡፡

#ኹለት፦ ትዳር በሃይማኖትም በማኅበረሰብም ዘንድ ቅቡል ስለ ኾነ፡ ሌሎች ሰዎች ሲያገቡ እነርሱ ካላገቡ የዕድለቢስነት ስሜት የሚፈጥርባቸው ሰዎች ቍጥራቸው ቀላል አይደለም፡፡ ክርስቲያኖች ማግባት ያለባቸው ግን ጋብቻ አንዱ የድኅነት መንገድ ስለ ኾነ ነው፡፡ በመኾኑም ወጣቶች ጥሪያቸው ማግባት ከኾነ ስለ ጋብቻ ምንነትና ዓላማ ሊኖሯቸው ስለሚገቡ መሠረታዊ ነጥቦችን በኹለተኛው ክፍለ ጊዜ ያስመለክታል፡፡

#ሦስት፦ ወጣቶች አሁን ስለ ትዳር ያላቸው ግንዛቤ በዋነኝነት የተማሩት ከወላጆቻቸው/ ከአሳዳጊዎቻቸው/ ከትምህርት ቤት/ ካነበቡት/ ከሰሙት ነው፡፡ ስለዚህም “የትዳር አጋር ይኾነኛል/ ትኾነኛለች" ብለው ለመምረጥ ከመነሣታቸው በፊት ራሳቸውን እንዲመለከቱ/ እንዲያውቁ፣ መለወጥ ያለባቸውን እንዲለውጡና ኦርቶዶክሳዊ የትዳር ጉዞን ለመጀመር በምን ረገድ መዘጋጀት እንዳለባቸው በሦስተኛው ክፍለ ጊዜ ይቃኛል፡፡

#አራት፦ ከውሳኔዎች ኹሉ እጅግ ከፍ ያለ ጥንቃቄ ውሳኔ ከሚያሻቸው ጉዳዮች አንዱና ዋነኛው የትዳር አጋርን በመምረጥ ረገድ የሚደረግ ውሳኔ ነው:: መዳረሻቸውን መንግሥተ ሰማያት ወይም እሳተ ገሃነም የማድረግ ዓቅም ያለው ነውና። በመኾኑም ወጣቶች እንደሚገባ ራሳቸውን ከለወጡና እንደ ዓቅማቸው ብቁ አድርገው ካዘጋጁ በኋላ የወደፊት የትዳር አጋራቸውን እንዴት በከፍተኛ ጥንቃቄ እንደሚመርጡ፣ በተለይም እንደ ተባለው መዳረሻቸውን የሚወስነው ኋኝነታቸውን (their Compatibilities) እንዴት አድርገው ማየት እንዳለባቸው በአራተኛው ክፍለ ጊዜ ይዳስሳል፡፡

#አምስተኛ፡- ወጣቶች ውሳኔያቸው ትክክል ይኹን አይኹን ማወቅ የሚችሉበት ምትሐታዊ ቀመር የለም፡፡ ስለዚህም ከመወሰናቸው በፊት ምን ማድረግ እንዳለባቸው በአምስተኛው ክፍለ ጊዜ ያስቃኛል፡፡

#ስድስተኛው፡- በትዳር አጋር ምርጫ ብቻ ሳይኾን በኹሉም የሕይወት ዘርፍ እርግጠኛ እየኾንን እንወስናለን ማለት አስቸጋሪ ነው:: የሚቻለውን ያህል እግዚአብሔር በሰጠን አእምሮ ከእኛ የሚጠበቀውን ማድረግ ነው:: ከዚህ ውጪ ያለው እምነት ነው፡፡ በመኾኑም በስድስተኛው ክፍለ ጊዜ የወሰኑት ውሳኔ ትክክል መኾኑን እንዴት እንደሚያውቁና ወደ ቀጣዩ ደረጃ - ወደ ዕጮኝነት - እንዴት እንደሚያሳድጉት፣ ምናልባት ግንኙነታቸው ጤናማ ካልኾነ ደግሞ ሲያቋርጡት በምን ረገድ ጥንቃቄ ማድረግ እንዳለባቸው አስዳስሶ ሥልጠናውን ያሳርጋል።

ጥንዶች አንዳቸው ለሌላኛቸው የሚያደርሱት ጸሎት ❗

በቅዱሱ ሐዋርያህ [በተወዳጅ] ጳውሎስ በኩል አንዳችን የሌላኛችንን ሸክም እንሸከም ዘንድ ያስተማርከን እግዚእነ ወአምላክነ ኢየሱስ ክርስቶስ ሆይ! ቅዱስ የኾነውን ትእዛዝህን እፈጽም ዘንድ፥ እንደ ምሕረትህ የሚስቴን ሸክም በ[መንፈሳዊት] ፍቅር መሸከም ይቻለኝ ዘንድ ጸጋህን አትንሳኝ፤ ትሰጠኝ ዘንድ እማልድሃለሁ! ፍጹምና ሰላምን የሚያጎናጽፍ ፍቅርህን ወደ እኛ በመላክም፣ በአንድ ልብ በአንድ አሳብ በመጠበቅም፣ በአሚን እንድንጸና በማድረግም ትዳራችንን ባርክልን። አንተ በምትሰጠው ደስታ ደስ እንድትሰኝና በነገሮች ኹሉ አንተን ደስ ማሰኘት ይቻላት ዘንድ በሚስቴ (የክርስትና ስሟ ጥቀስ) ላይ ፍቅርህን አሳድርባት። ለዘለዓለም ቅዱስ የኾነውንና አብ ወልድ መንፈስ ቅዱስ የተሰኘ [የሦስትነት] ስምህን በአንድነት ማክበር ማግነን ይቻለን ዘንድም ከጸብ ከክርክር ከፈተናም [ኹሉ] ጠብቀን፤ በሰላምና በአንድነት አጽናን፤ ዛሬም ዘወትርም እስከ ዘለዓለሙ ድረስ፥ አሜን!

© Orthodox Faith

#የዕለቱ_ስፔሻል
📚 የመጽሐፉ ርእስ፦ "ማንን ላግባ?"
📚 አዘጋጅ፦ ገብረ እግዚአብሔር ኪደ
📚 ይዘት፦ ትምህርተ ኖሎት (ማሠልጠኛ ማኗል)
📚 የገጽ ብዛት፦ 123
📚 የሽፋን ዋጋ፦ 200 ብር
📚 ለዕለቱ የተተመነለት ዋጋ፦ 150 ብር
-------------------
📍 ይህ መጽሐፍ፥ ወጣቶች እግዚአብሔርን ደስ የሚያሰኙበት መንገድ ጋብቻ ከኾነ ለዚህ ጉዞ እንዴት መዘጋጀት እንዳለባቸው የሚያሠለጥን ነው። ማንን ላግባ ቢልም ቅሉ ዕጮኛ ያላቸውም ያገቡትም ቢኾኑ ቢያነቡት በብዙ መንገድ ይጠቅማቸዋል።
-----------------
➡ ይጎብኙን - ለዐቢይ ፆም ሙሉ በምናወጣቸው የየዕለቱ ቅናሾች ተጠቃሚ ይኹኑ!
-------------
➡ አድራሻችን፦ አምስት ኪሎ፥ አሐዱ ባንክ ፊት ለፊት
ስ.ቁ. 0920888887
-----------------
https://t.me/Bakosbookstore

ስንናደድ ለምን እንጮሃለን ?

አንድ ብልህ አረጋዊ አባት በገዳም የሚኖሩ ደቀ መዛሙርትን ሰብስበው እንዲህ ሲሉ ጠየቋቸው :-

" ስንናደድ ለምን እንጮሃለን ? ሰዎች ሲበሳጩ ስለምን እርስ በእርሳቸው ይጯጯሀሉ ?"

ደቀ መዛሙርቱ ለጥቂት ደቂቃ ዝም ብለው ካሰቡ በኋላ ከመካከላቸው አንዱ ተነስቶ እንዲህ ሲል መለሰ :-

" ስንናደድ መረጋጋት ስለሚያቅተን እንጮሀለን "

አረጋዊው አባትም ቀጠል አድርገው '' አብሮህ ያለው ሰው ከአጠገብህ ሆኖ ሳለ ታዲያ ስለምን ትጮህበታለህ ? በለሰለሰ ድምፅ መነጋገር የማይቻል ነገር ነውን ? ስትበሳጭ ስለምን ሌላኛው ሰው ላይ ትጮሀለህ ? "

ደቀ መዛሙርቱ በየተራ እየተነሱ የመሰላቸው ኹሉ መለሱ ። ነገር ግን አንዱም የደቀ መዛሙርቱ ምላሽ እኚህን ብልህ አረጋዊ አባት ስላላረካቸው የራሳቸውን ጥያቄ እንዲህ ሲሉ መለሱ:-

" ሁለት ሰዎች በሚበሳጬበት ሰዓት ልባቸው እጅግ ይራራቃል ይህን ርቀት ለመቀነስ እና ለመደማመጥ ደግሞ የግድ መጮህ አለባቸው ! አምርረው በተቆጡ መጠን በመካከላቸው ሰፊ መራራቅ ስለሚፈጠር ለመደማመጥ ይበልጡን መጮህ ግድ ይላቸዋል ።

አረጋዊው አባት ሌላ ጥያቄም አስከተሉ :-

"ሁለት ሰዎች ሲዋደዱስ ምን ይፈጠራል ? ይልቅ በለሰለሰ ድምፅ ያነጋገራሉ፡፡ ' ለምን ካላችሁኝ ምክንያቱ ልባቸው በጣም ስለሚቀራረብ ነው ! በመካከላቸው ያለው ርቀት ጥቂት ስለሚሆን እጅጉን እየተዋደዱ በመጡ ቁጥር ቃል ማውጣቱንም ትተው በሹክሹክታ ያወራሉ ። በመጨረሻም መንሾካሾክም ሳያስፈልጋቸው ዓይን ለዓይን በመተያየት ብቻ ይግባባሉ። እንዲህ ነው ሁለት የሚዋደዱ ሰዎች የሚቀራረቡት ።"

" በምትከራከሩ ጊዜ ልባችሁ እንዲራራቅ አትፍቀዱለት ፣ ይበልጥ የሚያራርቃችሁንም ቃላት አትጠቀሙ !ምክንያቱም አንድ ቀን በመካከላችሁ ያለው ርቀት እጅግ ከመርዘሙ የተነሳ ዞሮ መመለሻው መንገድ ይጠፋባችኋል ! "

" ፍቅር ልብን የተረጋጋ እና ሕይወትን የሚሰጥ ሲያደርገው በአንጻሩ ጥላቻ ደግሞ የተረበሸ ያደርገዋል በዚህም ሌላውን የሚጠሉ ራሳቸውን ያሰቃያሉ ! ከፍቅር በላይ ምን ጣፋጭ ነገር አለ ? "
"ለእኛ ያለህ የማይቋረጥ ፍቅርህ ከአባትም፣ ከእናትም ፣ ከሚስት እና ከባልም የሚበልጥ አቤቱ ፍቅር የሌለን ባሪያዎችህን ማረን አሜን !!! "

ምንጭ :- አባ ዮሐንስ ክሮንስታት የተባሉ የሩሲያ ኦርቶዶክስ ቤተክርስቲያን አባት እንደጻፉት

ትርጉም ዲ/ን ዶ/ር ዳዊት ከበደ

#ማንን_ላግባ በሚል የተዘጋጀው የማሠልጠኛ ማኗል መጽሐፍ በገበያ ላይ ውሏል።

"ማንን ላግባ?" ለሚሉ

በቅርቡ❗

#የበዓል_ስጦታ!

በቅርቡ ለንባብ የበቃውና የሚነበብ ሳይኾን ዕጮኛሞች እንዲያወሩበት የሚፈለገው መጽሐፍ፥ መግዛት ለማይችሉ 10 ሰዎች ለበዓል መውሰድ ይችላሉ።

መስፈርቱ፦

፩. መግዛት የማይችሉ
፪. ተማሪዎች - በተለይም የመጨረሻ ዓመት የዩኒቨርሲቲ ተማሪዎች። ወይም ደግሞ የጉባኤ ቤት ተማሪዎች።

#ለቡ፥ መጽሐፉን ከባኮስ መጻሕፍት መደብር መውሰድ ይችላሉ።

ኦርቶዶክሳውያን ወጣቶች ወደ ጋብቻ ከመግባታቸው በፊት እንዲሠለጥኑ የሚመከርበት ምክንያት ጋብቻ ዓላማው ጽድቅ ስለ ኾነ ነው። ግቡ ራስንም ሌላውንም ማዳን ስለ ኾነ ነው።

ይህን እንዴት መከወን እንደሚቻል ቀድሞ መማር ደግሞ ከውድቀት ይጠብቃል። ቢወድቁ እንኳን ለይቅርታ ብሎም ለንስሓ ቅርብ ያደርጋል። ከገቡ በኋላ ለማወቅ መሞከር በጣም ብዙ ዋጋ ያስከፍላልና። በነፍስ በሥጋ ይጎዳልና።

አሁን ያለው ባሕል በየጊዜው ተቀያያሪና ከክርስቲያናዊ አስተምህሮ እጅጉን እየራቀ ያለ ነው። ሲቀያየር ደግሞ ልዩ ልዩ ፈተናዎችን ይዞ ነው። ስለዚህም በዚህ ወጀብ መካከል እንዴት ቀዝፎ መዋኘት እንደሚቻል ማወቅ ያለብን ቀድመን እንጂ ትን ሲለንና በሞት አፋፍ ላይ ኾነን አይደለም።

ሥልጠናው እንዲኾን የሚመከረው የሰርግ ቀን ከመቆረጡ በፊት ነው - በትንሹ ከ6 ወር በፊት! ለምን ከተባለም ውሳኔያቸውን እንደ ገና ሊያዩ ወይም አንዳንድ መስተካከል ያለባቸው ነገሮችን ለማስተካከል ጊዜ ሊፈልጉ ይችላሉ።

ሥልጠናውን እንደ ቀላል ማየትም አያስፈልግም። በጣም ትንሿ ነገር እግዚአብሔር ወደሚጠላው ወደ ፍቺ ልታደርስ ትችላለችና።

የጋብቻ ትምህርትን አስቸጋሪ ከሚያደርጉት ነገሮች አንዱ፥ ጥንዶች እገዛ ፈልገው የሚመጡት ጉዳያቸው ሥር ከሰደደና እነርሱም ብዙ ከተቋሰሉ በኋላ ነው። ማከምና ቀድሞ መከላከል ግን እኩል ጉልበት ገንዘብ ጊዜ አይፈጁም። ስለዚህም ለጠቅላላ ዕውቀት ይህን ማወቁ መልካም ነው፦

1⃣ የቅድመ ጋብቻ ትምህርት ለዕጮኛሞች መሰጠት ያለበት የሰርግ ቀናቸውን ከመወሰናቸው በፊትና ከመጋባታቸው ከ6 ወር በፊት ነው።

2⃣ የድኅረ ጋብቻ ትምህርት ደግሞ ጥንዶች ከተጋቡ ከ6 ወራት በኋላ መውሰድ አለባቸው።

እነዚህ ጊዜያት የተመረጡበት የራቸው ምክንያት አላቸው።

💍 መነነ ሞተ እንደ ኾነ ኹሉ፥ አገባም ሞተ ነው። 💍

የምናኔ ሕይወት እግዚአብሔርን ደስ ለማሰኘት ሲባል ሀገርን፣ አባትንና እናትን፥ በአጠቃላይ ዓለሙንና በዓለሙ ያለውን ኹሉ ትቶ መውጣት ነው። ዓለምን ከተዉ በኋላ በዓለም ውስጥ ያለውን አይሹም፤ በዚያ አይማረኩም።

ኦርቶዶክሳዊ የትዳር ሕይወትም እግዚአብሔርን ደስ ለማሰኘት ሲባል ባል ሚስቱን፥ ሚስት ባሏን ተከትለው የሚወዷቸውን አባት እናታቸውን ትተው የሚጓዙበት ነው። አባት እናታቸውን ከተዉ በኋላ ተመልሰው ከትዳር አጋራቸው በላይ በወላጆቻቸው፣ በጓደኞቻቸው፣ ይህንንም በመሰለ በሌላ ነገር የማይማረኩበት ነው። ቅድሚያ ለትዳር አጋራቸው እየሰጡ የሚሔዱበት ሕይወት ነው። መነነ ሞተ እንደ ኾነ ኹሉ፥ አገባም ሞተ ነውና።

ይህን ተረድተነው መጓዝ እንደ ዓቅማችን የልማድ ክርስቲያን ከመኾን ይጠብቀናል።

የኅዳር 30 ወንጌል ሉቃ.19:11-27 ላይ ስለ ምናን ይናገራል። ዓሥር የተሰጠው ሌላ ዓሥር አትርፎ፣ አምስት የተሰጠውም ሌላ አምስት አትርፎ ሲሸለሙ፥ አንድ የተቀበለው ግን እርሷንም በጨርቅ ጠቅልሏት ሲጠየቅበት እናነባለን።

የ2016 ዓ.ም. አዲስ ዓመት ከገባ እነሆ በቀን 90 ቀናት አለፉ። ታዲያ በዚህ የሩብ ዓመት ጊዜ ውስጥ በወንጌሉ እንደ ተገለፀው ጌታችን መጥቶ ቢጠይቀን (ኦዲት ቢያደርግ) ምን ይኾን መልሳችን?

1⃣ ካለፉት 12 እሑዶች ውስጥ ምን ያህል አስቀድሰሃል?

2⃣ በዚህ የሦስት ወር ጊዜ ውስጥ ከጸሎት አንጻር ምን አሻሽለሃል? ስንት መጽሐፍ አንብበህስ ተጠቅመሃል?

3⃣ ምንስ አመካኝተሃል?

4⃣ የምድር ላይ ቆይታህ በሥስት ወር መቀነሱን አስተውለኸው ይኾን?

5⃣ በአዲስ ዓመት አዲስ አደርገዋለሁ (እቀይረዋለሁ) ብለህ ያቀድኸው ምን ነበር? ጌታ ቢመጣ በስንት ከተማ ይሾምሃል?

አቤቱ፥ ጌታዬ ኢየሱስ ክርስቶስ ሆይ! ኃጥእ በደለኛ የምኾን እኔን ማረኝ ይቅር በለኝ😭

ኦርቶዶክሳዊ የትዳር ጉዞ ማለት የመዳን ጉዞ ስለ ኾነ፡-
💍 ከመጽናናት በላይ ማጽናናትን፣
💍 ሌላው እንዲረዳን ከመሻት በላይ ሌላውን ለመረዳት መጣርን፣
💍 ለመፈቀር ከመሻት በላይ ለማፍቀር መሞከርን፣
💍 ይቅርታ እንዲጠይቁን ከመጠበቅ በላይ ይቅርታ ማድረግን እየተለማመዱ የሚጓዙበት ነው፡፡
💍 መጽሐፍ፡- “ከሚቀበል ይልቅ የሚሰጥ ብፁዕ ነው” ያለው ይህንንም ነውና፡፡

አንዳንድ ሰዎች በትዳራቸው ውስጥ አንዳንድ መንገራገጭ ሲገጥማቸው "ምን ይሻላል?" ብለው ጠይቀውህ ሲያበቁ መኾን ያለበትን ስትነግራቸው ያንገራግራሉ። ለምን ከተባለም፦

🔸 ፩ኛ፥ በኾነ ምትሐት ወይም የኾነ መድኃኒት በመዋጥ 'ችግሩ' የሚፈታ ያስመስሉታል። እንደዚህ ዓይነት መድኃኒት ግን የትም የለም።

🔹 ፪ኛ፥ የነገርካቸው ነገር በአጭር ጊዜ ውስጥ እንዲሠራ ይጠብቁና ተስፋ ወደ መቁረጥ ይገባሉ። ነገር ግን እንኳንና መድኃኒቱ ችግሩም በአጭር ጊዜ እነርሱ ደርሷል ወዳሉት ደረጃ አልደረሰም፤ የዓመታት ጥርቅም ነው።

🔸 ፫ኛ፥ ለችግሩ መባባስ የእነርሱ ድርሻም እንደሚኖርበትና ራሳቸውንም እንዲያዩ ስትነግራቸው ይህን ትተው ከእነርሱ ጋር ኾነህ የትዳር አጋራቸውን እንድትነቅፍላቸው እንድታማላቸው ይሻሉ። ወይም የትዳር አጋራቸው ቢቀየር ችግሩ እንደሚፈታ በማመን እነርሱ ትክክል መኾናቸውን እንድታረጋግጥላቸው ይፈልጋሉ። አዋጪውና የሚያኖረው ግን ራስን መቀየር እንጂ ሌላ ሰውን ለመቀየር መዳከር አይደለም።
.
.
.
በጣም በጣም ትምህርት፣ ሥልጠና ያስፈልጋል።