ERA ኢትዮጵያ መንገዶች አስተዳደር

የአላባ - አለምገበያ - ውልባረግ መንገድ ከባድ ጥገና እየተደረገለት ይገኛል

ሀላባ ፣ የካቲት 6 ቀን 2017 ዓ.ም (ኢመአ)፡ የሃላባ ዞንን ከስልጤ ዞን ጋር የሚያስተሳስረው የአላባ-አለምገበያ-ውልባረግ መንገድ በሻሸመኔ ዲስትሪክት ከባድ የመንገድ ጥገና እየተደረገለት ይገኛል።

ከፍተኛ የትራፊክ ፍሰትን የሚያስተናግደው የአላባ-አለምገበያ-ውልባረግ መንገድን ደረጃውን በጠበቀ እና ለትራፊክ እንቅስቃሴ ምቹ ለማድረግ በሻሸመኔ መንገድ ጥገና ዲስትሪክት ከባድ የመንገድ ጥገና እየተደረገለት ይገኛል።

በስካሁኑ የስራ እንቅስቃሴ የአስፋልት ሚክስ ማምረት፣ የቤዝ ኮርስ እና አስፓልት ኮልድሚክስ ማጓጓዝ፣ 450ሜ.ኩ የአስፋልት ፕቺንግ (ኮልድሚክስ)እና የፔቭመንት ሪኮንስትራክሽን ስራዎች የተሰሩ ሲሆን ቀሪ ስራዎችን ክረምት ከመግባቱ አስቀድሞ ለማጠናቀቅ ከፍተኛ ትኩረት ተሰጥቶት እየተሰራ ነው።

የመንገድ ጥገናው 10 ኪሎ ሜትር የሚሸፍን ሲሆን ከዚህም ውስጥ ወደ 3 ኪሎ ሜትር የሚሆነው የመንገዱ ክፍል ከባድ ጥገና ተደርጎለታል። የተበላሹ የመንገድ ክፍሎችን በአስፋልት የመሙላት ስራዎችም እየተሰራ ይገኛል።

በአሁኑ ወቅት ከ150 ሚሊዮን ብር በላይ በራስ ሀይል (ሻሸመኔ ዲስትሪክት ) የከባድ ጥገና ስራው ትኩረት ተሰጥቶት እየተከናወነ ነው።

የጥራት ደረጃውን በጠበቀ መልኩ እየተጠገነ የሚገኘው ይህ መንገድ ለረጅም ጊዜ አገልግሎት እንዲሰጥ በትኩረት እየተሰራ ሲሆን በመስመሩ በእጅጉ የተጎዳውን ቅድሚያ ሰጥቶ ጥገናውን በማከናወን የትራፊክ ፍሰቱን ምቹ እንዲሆን ተደርጓል።

መንገዱ ካለው ከፍተኛ ኢኮኖሚያዊና ማህበራዊ ጠቀሜታ አንጻር ከባድ ጥገና እየተደረገለት ነው።

የመንገዱ ተጠቃሚዎች እና አሽከርካሪዎች በበኩላቸው የከባድ መንገድ ጥገና ስራው በመካሄድ ላይ መሆኑ ያለውን የትራፊክ መጨናነቅ ከመቀነሱም ባሻገር በመንገዱ ብልሽት ይደርስባቸው የነበረውን የተሽከርካሪ መለዋወጫ ወጪ ከማስቀረቱም ባለፈ ይወስድ የነበረውን የጉዞ ጊዜ በእጅጉ ያሳጥረዋል ብለዋል።

በየአካባቢዎቹ የሚመረተውን በርበሬን ጨምሮ የተለያዩ የግብርና ምርቶችን በቀላሉ ወደ መሀል ከተማ በማድረስ ገበያውን በማረጋጋት አምራችና ሸማቾችን በሰፊው ተጠቃሚ ያደርጋል።

በተጨማሪም በመስመሩ የሚመላለሱ የድንጋይ ከሰል የጫኑ ተሽከርካሪዎችን በተቀላጠፈ በምቹ መንገድ ያሰቡበት ቦታ ለማድረስ ያስችላል።

የኢትዮጵያ መንገዶች አስተዳደር ከመንገድ ፕሮጀክቶች ግንባታ ጎን ለጎን በበርካታ የሀገሪቱ የተለያዩ ክፍሎች የሚገኙትን ጉዳት የገጠማቸውን መንገዶች በራስ ሀይልና በኮንትራክትሮች የመደበኛ፣ የወቅታዊ እና የከባድ መንገድ ጥገና እያካሄደ ይገኛል ።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://www.youtube.com/@ethioroads?sub_confirmation=1

https://www.youtube.com/watch?v=02WEw-dqqoc

የዎላይታ ሶዶ ከተማ መንገድ ግንባታ ፕሮጀክት በተያዘለት ጊዜ ለማጠናቀቅ እየተሰራ ነው

ሶዶ፣ የካቲት 4፣ 2017 (ኢ መ አ):- በደቡብ የኢትዮጵያ ክልል  በዎላይታ ዞን የሚገኘው የዎላይታ ሶዶ ከተማ መንገድ ግንባታ ፕሮጀክትን በተያዘለት ጊዜ ለማጠናቀቅ  እየተሰራ ይገኛል ።

የከተማ መንገዱ 12 ነጥብ 39 ኪሎ ሜትር የሚሸፍን ሲሆን፣የመንገድ ግንባታ ፕሮጀክቱ በሁለት ሎት ተከፍሎ እየተሰራ ይገኛል።

ሎት 1 ከሌዊ እስከ ሶዶ ግብርና ኮሌጅ(7.14) ኪሎ ሜትር ሲሆን ሎት 2 ከጦና አደባባይ እስከ አረካመውጫ መገንጠያ ድረስ (6.3) ኪ.ሜትር  የሚዘልቅ ነው።

አሁን ላይ የአፈር ቆረጣና እና ሙሌት ፣የውሃ ቱቦ ቀበራ፣ የድጋፍ ግንብ እና አርማታ ፣የቱቦ ማምረት ስራ እና ቤዝኮርስ ስራዎች ተሰርተዋል። አጠቃላይ አፈፃፀሙ 15 በመቶ ደርሷል። 

ግንባታውን ለማከናወን መንግስት (2,620,119,958.46 )ሁለት ቢሊዮን ስድስት መቶ ሃያ ሚሊዮን አንድ መቶ አስራ ዘጠኝ ሺህ ዘጠኝ መቶ ሃምሳ ስምንት ብር ከአርባ ስድስት ሳንቲም ፈሰስ ያደርጋል።

ግንባታውን ተረክቦ እያከናወነ የሚገኘው አለማቀፉ ቻይና ፈርስት ሃይዌ ኢንጂነሪንግ  ኮ. ኤልቲዲ /CFHEC/ነው ።

ግንባታው  ትኩረት ተሰጥቶት እየተሰራ ሲሆን በአጭር ጊዜ ውስጥ ጥሩ የአፈጻጸም ደረጃ ላይ ማድረስ ተችሏል። በ2018 ዓ .ም ሙሉ በሙሉ ለማጠናቀቅ ዕቅድ ተይዞ እየተሠራ ይገኛል ።

ጂ.ኤን ዋይ ምህንድስና አማካሪ ከደወል አማካሪ መሃንዲሶች ጋር በጣምራ በመሆን የማማከር እና የቁጥጥር ሥራውን እያከናወኑ ይገኛሉ።

የመንገድ ግንባታው ሲጠናቀቅ ከዚህ ቀደም የነበረውን  የትራፊክ መጨናነቅን ከመቀነሱም ባለፈ የከተማዋን ሁለንተናዊ ዕድገት ያፋጥናል።

መንገዱ የእግረኛ እና የመንገድ አካፋይን ጨምሮ በከተማ 34 እና 21.5 ሲሆን በገጠር ከተማ 13ነጥብ 6 ሜትር የጎን ስፋት እንዲኖረው ተደርጎ በመገንባት ላይ ነው።

ከተማዋ በፈጣን ዕድገት ላይ የምትገኝና የደቡብ ክልል የፖለቲካና አስተዳደር ማዕከል በመሆኗ የመንገዱ መገንባት ከፍተኛ ማህበራዊ እና ኢኮኖሚያዊ ፋይዳ አለው ።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://youtu.be/P_xEnAGTFOo

Call for side event

https://youtu.be/P_xEnAGTFOo

ሀገር  አቀፉ  የመንገድ  ሴክተር  ጉባኤ  ምክክር   ተካሄደ

ጎንደር ፣ ጥር 30፣ 2017 (ኢመአ):- ሀገር  አቀፉ  የመንገድ  ሴክተር  ጉባኤ  ምክክር  ከፍተኛ   የፌደራል እና  የክልል  የሥራ ኃላፊዎች  እንዲሁም  የከተማ አስተዳደሮች  በተገኙበት  ተካሄዷል።

በጉባኤው  ላይ የፌደራል  የክልሎች እና የከተማ  መስተዳድር   የመንገድ ኤጀንሲዎች  የ 2017  በጀት  ዓመት   የስድስት ወራት መደበኛና  ወቅታዊ  የመንገድ  ግንባታ  እና  ጥገና እቅድ  አፈፃፀም ሪፖርት ቀርቧል።

የመንገድ  ኤጀንሲዎቹ  በበጀት  አመቱ  ያከናወኑትን  አጠቃላይ  የመንገድ  ግንባታ  እና  ጥገና  አፈፃፀም  አስመልክቶም  ግምገማ  ተደርጓል።

መድረኩ  በመላው  ሀገሪቱ  የዜጎችን   ፍላጎት  የሚመጥን  የመንገድ  ሽፍን  ለማሳደግ  መንግስት  በሰጠው ልዩ  ትኩረት  የመንገድ ልማት  ማዕቀፍን  በመተግበር  ተጨባጭ ውጤት ለማምጣት  የሚያግዝ  መሆኑን የከተማና  መሰረተ ልማት ሚኒስቴር  ሚኒስትር  ክብርት ጫልቱ ሳኒ ገልፀዋል።

አያይዘውም በመንገድ ዘርፋ የታየው ስኬት አመርቂ  ውጤት የታየበት በመሆኑ ለህብረተሰቡ  ተገቢውን  ምላሽ  ለመስጠት የዘርፉ  አስፈፃሚዎች  የጋራ  ቅንጅት   በመፍጠር  መሥራት ይገባቸዋል ብለዋል።

በሀገሪቱ የተከሰቱ  የፀጥታና አለመረጋጋት ችግሮች ፣ የበጀት እና የግብአት እንዲሁም የማሽነሪ መለዋወጫ እጥረቶች የመንገድ ግንባታዎችን እና  ጥገናዎች ለማካሄድ ችግሮችን መፍጠራቸው ታውቋል።

ይህንን ለመፍታት የመንገድ ፈንድ ገቢን ለማሳደግ እና በቀጣይ የመንገዶች ጥገና  ሽፋንን ለመጨመር  የሚያስችል ስትራቴጂክ እቅድ  ተይዞ እየተሰራ  እንደሚገኝ ተጠቁሟል።

በአስር አመቱ መንገድ ልማት ዘርፍ 
ፕሮግራም የተገኘውን ውጤት የበለጠ ለማሻሻል እና የሚጠበቀውን ውጤት ለማምጣት  አስፈላጊው ድጋፍ ተጠናክሮ ይቀጥላል ተብሏል።

ከዚህም ባሻገር በዘርፉ የተነሱ  ችግሮችን  ለመፍታትና  ደረጃ  በደረጃ  መፍትሄ ለማምጣት  የመንገድ ኤጀንሲዎች ፎረም ምስረታ ተከናውኗል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://youtu.be/XEWd5H9e3O4

የሀሚድ  ድልድይ  ተለዋጭ  መንገድ   አገልግሎት  መስጠት  ጀመረ

የወልድያ  ሮቢት  የመንገድ   ክፍል የሆነው   የሀሚድ   ድልድይ  ተለዋጭ  መንገድ   ተሰርቶ አገልግሎት መስጠት ጀምሯል።

በድልድዩ  ጉዳት   የተፈጠረውን   የትራንስፖርት  መስተጓጎል   ለመፍታት  በተደረገው  ከፍተኛ  ጥረት  የተለዋጭ  መንገዱ ለአነስተኛ እና  ለትላልቅ  መኪኖች አገልግሎት  እየሰጠ ይገኛል።

ለድልድዩ ዘላቂ መፍትሄ  እስኪገኝ  ድረስ ድልድዩን  የሚጠቀሙ  ተሽከርካሪዎች በመጠባበቅ እንዲተላለፉ የኢትዮጵያ  መንገዶች አስተዳደር  ያሳስባል።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

የሀሚድ  ድልድይ  አገልግሎት እንዲሰጥ  ለማድረግ እየተሰራ ይገኛል

የወልድያ   ሮቢት   የመንገድ   ክፍል   በሆነው   የሀሚድ   ድልድይ  ላይ  ጉዳት መድረሱን ተከትሎ የተስተጓጎለውን የትራንስፖርት  አገልግሎት  ለማስጀመር  እየተሰራ  ይገኛል።

የሀሚድ  ወንዝ  የብረት ድልድይ  ላይ  ጉዳት  ያጋጠመው  ከተፈቀደው  በላይ  ትርፍ  ጭነት  በጫነ  ተሽከርካሪ  የተነሳ  ሲሆን   ይህም   የትራንስፖርት   መስተጓጎል  እንዲፈጠር ምክንያት ሆኗል።

በድልድዩ  ጉዳት   የተፈጠረውን  የትራንስፖርት  መስተጓጎል   ለመፍታት    በጊዜያዊነት  የተለዋጭ  መንገድ   ተሰርቶ አነስተኛ  ተሽከርካሪዎች  እንዲሸጋገሩ  የተደረገ  ሲሆን   ትልልቅ  መኪኖች  እንዲያልፉ  ለማስቻል  ጥረቶች  ተጠናክረው  ቀጥለዋል፡፡

በአሁኑ ወቅት  ለድልድዩ   ዘላቂ  መፍትሄ   ለመስጠት  ይቻል  ዘንድ   በኢትዮጵያ  መንገዶች  አስተዳደር  በኩል  ከፍተኛ  ክትትል  እየተደረገ  ይገኛል።

የድልድዩ   ተጠቃሚዎችም  መስሪያቤቱ   ድልድዩን  ጠግኖ  አገልግሎት  እስኪሰጥ  ድረስ  በትእግስት እንዲጠባበቁ  መልእክቱን  ያስተላልፋል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

ከአዲስ  አበባ  የሚወጡ  4  የፍጥነት መንገዶች ለመገንባት ጥናት እየተደረገ ይገኛል

ከአዲስ    አበባ   በተለያዩ   መስመሮች   የሚወጡ   4   አዳዲስ   የፍጥነት   መንገዶችን  ለመገንባት  የሚያስችል  ጥናት እየተደረገ  ይገኛል፡፡

ጥናቱ   እየተደረገ   የሚገኘው    ከአዲስ  አበባ ደሴ ፣ከአዲስ  አበባ  ጅማ ፣ከአዲስ  አበባ  ደብረማርቆስ  እና  ከአዲስ አበባ  ነቀምት    በሚዘልቁት   መንገዶች  ላይ  ነው፡፡

እነዚህ    የፍጥነት  መንገዶች   የሚገነቡበት   የጥራት  ደረጃ ፣ የሚኖራቸውም   አጠቃላይ የጎን  ስፋት  ከፍ  ያለ  እና  የሚገነቡበት  መልክአ  ምድር  አብዛኛውን   ተራራማ  ቦታዎችን  የሚሸፍን  በመሆኑ  ከፍተኛ  የሆነ   ወጪ እና   የቆረጣ   ስራዎችን  የሚጠይቁ  ናቸው፡፡

በጥናቱ   መሰረት   ፕሮጀክቶቹ   የሚኖራቸው   ርዝመት   በአማካይ   300  ኪሜ   ሲሆን   ግንባታቸውም   በተለያዩ  ምዕራፎች  እና  በተወሰነ   ኪሎሜትር ተከፋፍሎ የሚጀመር ይሆናል፡፡

በአሁኑ  ወቅት  የፕሮጀክቶቹ  የአዋጭነት፥ እንዲሁም  መሰረታዊ  የዲዛይንና  የዝግጅት ሥራ እየተከናወነ ሲሆን ለዝግጅት  ሥራው  የሚያስፈልጉ   የጥናት  ስራዎችንም  ለማጠናቀቅ  እየተሰራ ነው።

አራቱን  የፍጥነት  መንገዶች  ለመገንባት የሚያስፈልገው   ወጪ  የሚሸፈነው  በመንግስትና   የግል   አጋርነት  ትብብር   ነው፡፡

ከፍጥነት  መንገዶቹ  መካከል  የአዲስ  ጅማ እና አዲስ ደብረ ማርቆስ ፕሮጀክቶች ለገንዘብ ሚኒስቴር የመንግስት የግል  አጋርነት  ቦርድ  የቀረቡ  ሲሆን  ቀሪዎቹም  በቅርቡ  ይቀርባሉ  ተብለው ይጠበቃል ።

ፕሮጀክቶቹም   በገንዘብ  ሚኒስቴር  የመንግስት  የግል  አጋርነት  ትብብር  ቦርድ   ከጸደቁ  በኋላ  ወደ ቀጣይ ስራ ይገባሉ።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://youtu.be/XEWd5H9e3O4

https://www.youtube.com/@ethioroads?sub_confirmation=1

https://youtu.be/LKg2TeYs5XI?si=DkhxV_RGptGt_Gz1

https://youtu.be/g4t49GRgLEE?si=GiHJkB3WSTYoQoyV

የአጣጥ ማዞሪያ - ጉንችሬ - ቆሴ - ጌጃ - ሌራ መንገድ ስራ ቀሪ ስራዎችን የማጠናቀቂያ ፕሮጀክት እየተካሄደ ይገኛል

አዲስ አበባ ፤ ጥር 15 /2017 (ኢመአ)፦ ሦስት ዞኖችን የሚያስተሳስረው የአጣጥ ማዞሪያ - ጉንችሬ - ቆሴ - ጌጃ - ሌራ መንገድ ቀሪ ስራዎችን የማጠናቀቂያ ፕሮጀክት እየተካሄደ ይገኛል፡፡

በአስፋልት ኮንክሪት ደረጃ እየተገነባ የሚገኘው መንገዱ 97.01 ኪሎሜትር ርዝማኔ ያለው ሲሆን በወረዳ 21 ሜትር፣ በቀበሌ 12 ሜትር፣ በገጠር ደግሞ 10 ሜትር የጎን ስፋት አለው፡፡

በዚህ ፕሮጀክት ላይ የአስፋልት ማንጠፍ ስራ፤ የሰብ ቤዝ እና ቤዝ ኮርስስራ፤ የጠረጋና ምንጣሮ፣የአፈር ቆረጣ፣ የተመረጠ አፈር ሙሌት ሥራ ፤ የውሃ ማፋሰሻ ትቦዎች፤ የድልድይ ስራዎች እንዲሁም የጠጠር መፍጨት ሥራ በመከናወን ላይ ናቸው፡፡

የመንገዱን ግንባታ ሀገር በቀሉ አለማየሁ ከተማ ጠቅላላ የስራ ተቋራጭ በማከናወን ላይ ይገኛል፡፡

የፕሮጀክቱን የማማከርና የቁጥጥር ሥራ አይዲኮን ኢንፍራስትራክቸር ዴቨሎፕመንት አማካሪ ኃ.የተ. የግ. ማ. እየሰራው ነው፡፡

ለፕሮጀክቱ ግንባታ የሚውለው 5,106,525,941.61 (አምስት ቢሊዮን አንድ መቶ ስድስት ሚሊዮን አምስት መቶ ሃያ አምስት ሺ ዘጠኝ መቶ አርባ አንድ) ብር በኢትዮጵያ መንግስት ተሸፍኗል፡፡

በአጣጥ ማዞሪያ - ጉንችሬ - ቆሴ - ጌጃ - ሌራ የመንገድ ግንባታ ሂደት ላይ ያጋጠሙ የወሰን ማስከበር ችግሮችን ለመፍታት የኢትዮጵያ መንገዶች አስተዳደር ከወረዳና ከዞን አስተዳደሮች ጋር በጋራ እየሰራ ይገኛል፡፡

የመንገድ ፕሮጀክቱ ሲጠናቀቅ የጉራጌ ፣የሀድያ ፣የስልጤ ዞኖችን እንዲሁም ሌሎች ስድስት ወረዳዎችን በቀላሉ በማገናኘት የእርስ በእርስ ትስስርን በማጠናከር ረገድ ከፍተኛ ጥቅም ይሰጣል፡፡

በተጨማሪም በአካባቢው በስፋት የሚገኙትን የእንሰት ተክል ፣የበቆሎ፣ የበርበሬ፣ የቡና እንዲሁም የተለያዩ ፍራፍሬዎችን በቀላሉ በማውጣት የገበያ ተደራሽነትን ለማስፋፋት ያግዛል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

Notice of invitation

በወራቤ - ቦዠባር የመንገድ ግንባታ ፕሮጀክት አስፋልት ንጣፍ ተጀመረ

አዲስ አበባ ፤ ጥር 14 /2017 (ኢመአ)፦ የጉራጌ ዞንን ከስልጤ ዞን ጋር በሚያገናኘው የወራቤ - ቦዠባር የአስፋልት ኮንክሪት የመንገድ ግንባታ ፕሮጀክት አስፋልት ማንጠፍ ተጀመረ።

41.3 ኪሎ ሜትር በሚረዝመው በዚህ የመንገድ ግንባታ ፕሮጀክት ላይ ከአስፋልት ንጣፍ ጎን ለጎን የአፈር ቆረጣና ሙሌት ፣ የውሀ ማፋሰሻ ስራዎች፣ የ 1 ድልድይ እና 40 የውሀ ማፋሰሻ ፉካዎች ፣5 አነስተኛ ድልድዮች፣ የመንገድ ዳር እና የትራፊክ ምልክት ሥራዎች እየተሰሩ ናቸው፡፡

በአሁኑ ወቅት የመንገድ ፕሮጀክቱ 54.4 በመቶ የደረሰ ሲሆን ቀሪ የግንባታ ስራዎች በተያዘላቸው እቅድ መሰረት እየተከናወኑ ይገኛሉ፡፡

መንገዱን ለመገንባት የሚውለው የገንዘብ መጠን 2,777,252,940 (ሁለት ቢሊዮን ሰባት መቶ ሰባ ሰባት ሚሊዮን ሁለት መቶ ሃምሣ ሁለት ሺህ ዘጠኝ መቶ አርባ) ብር የተሸፈነው በኢትዮጵያ መንግስት ነው፡፡

የመንገዱ አጠቃላይ የጎን ስፋት በዞን ከተማ 21.5 ሜትር ፣በወረዳ 21 .5 ሜትር፣ በቀበሌ 15 ሜትር እና በገጠር ደግሞ 10 ሜትር ነው፡፡

ግንባታውን እያከናወነ የሚገኘው የስራ ተቋራጭ የአማራ መንገድ ስራዎች ድርጅት ሲሆን ኤስጂ አማካሪ መሐንዲሶች ኃላ/የተ/የግ/ማ የማማከሩንና የቁጥጥሩን ሥራ እየሰራ ይገኛል፡፡

ፕሮጀክቱ በተያዘለት ጊዜና ጥራት መጠናቀቅ ይችል ዘንድ በኢትዮጵያ መንገዶች አስተዳደር የቡታጅራ የመንገድ ፕሮጀክቶች ማስተባበሪያ ጽ/ቤት በኩል ክትትልና ድጋፍ እየተደረገበት ነው፡፡

መንገዱ በዋናነት የወራቤ ፣ኩተሬ ፣ ቃዋቆቶ እና ቦዠባር ከተሞችን በቅርበት በማስተሳሰር ረገድ ከፍተኛ ጥቅም ይሰጣል ፡፡

ከዚህም ጎን ለጎን በአካባቢው የሚመረቱ እንደ ገብስ፣ ስንዴ እና የቅመማ ቅመም ምርቶችን ለገበያ ለማቅረብ የሚያስችል ነው፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

በጋምቤላ ክልል የተጀመሩ የመንገድ ግንባታ ፕሮጀክቶች አፈፃፀምን አስመልክቶ ውይይት ተካሄደ

አዲስ አበባ ፤ ጥር 12 /2017 (ኢመአ)፦ በጋምቤላ ክልል የሚገኙ የመንገድ ግንባታ ፕሮጀክቶች አፈፃፀምን አስመልክቶ በክልሉ ርዕሰ ከተማ ውይይት ተካሂዷል፡፡

በውይይቱ ላይ በምክትል ርዕሰ መስተዳድር ማዕረግ የጋምቤላ ክልል ርዕሰ መስተዳድር ወይዘሮ አለሚቱ ኡሞድ ፣ የኢመአ ዋና ዳይሬክተር ኢንጂነር መሐመድ አብዱራህማን እና ሌሎች የፌዴራልና የክልሉ ከፍተኛ የስራ ኃላፊዎች ተሳትፈዋል።

በወቅቱ የተቋሙ ዋና ዳይሬክተር ኢንጂነር መሐመድ አብዱራህማን ኢመአ ውስጣዊ አሰራሮችን በማጠናከርና የፕሮጀክት ፈፃሚዎችን በማትጋት በሁሉም አካባቢዎች በግንባታ ሂደት ላይ የሚገኙ የመንገድ ፕሮጀክቶችን አፈፃፀም ለማሻሻል በትኩረት እየተሰራ መሆኑን ገልፀዋል፡፡

አክለውም በጋምቤላ ክልል በሂደት ላይ የሚገኙ የመንገድ ግንባታ ፕሮጀክቶችን በማፋጠንና ተጀምረው በአፈፃፀም ችግር ምክንያት የተቋረጡትን በማስቀጠል ለህብረተሰቡ የመንገድ መሰረተ ልማት ጥያቄዎች ምላሽ ለመስጠት በትጋት እንደሚሰራም አረጋግጠዋል።

ተቋሙ በክልሉ እያከናወናቸው ለሚገኙት የመንገድ ፕሮጀክቶች ስኬታማነት የክልሉ መንግስት ድጋፍና ትብብር ተጠናክሮ ሊቀጥል እንደሚገባውም ዋና ዳይሬክተሩ ጠይቀዋል።

በምክትል ርዕሰ መስተዳድር ማዕረግ የክልሉ ርዕሰ መስተዳድር ወይዘሮ ዓለሚቱ ኡሞድ በበኩላቸው ክልሉ ቀደም ሲል በነበሩት ዓመታት በሚጠበቀው ደረጃ የመንገድ መሰረተ ልማት ተጠቃሚ ሳይሆን መቆየቱን አስረድተዋል፡፡ ይሁን እንጂ ከቅርብ ጊዜ ወዲህ የክልሉን ህዝብ የመንገድ መሰረተ ልማት ጥያቄዎች ለመፍታት በፌዴራል መንግስት የተጀመሩት ስራዎች የሚበረታቱ ቢሆንም በተወሰኑ የመንገድ ፕሮጀክቶች ላይ የአፈፃፀም ችግሮች የሚስተዋሉ መሆናቸውን ገልጸዋል።

በመሆኑም የኢትዮጵያ መንገዶች አስተዳደር በክልሉ በሂደት ላይ የሚገኙ መንገዶች ግንባታን ለማፋጠንና የተቋረጡትን ለማስቀጠል የክልሉ መንግስት ድጋፉን አጠናክሮ ይቀጥላል ብለዋል።

ኢመአ በዚሁ በጀት ዓመት መሰል መድረኮችን ከሌሎች ክልሎች ጋር ማካሄዱ የሚታወስ ሲሆን ፣ ውይይቱ ባልተካሄደባቸው ክልሎች በቀጣይ የሚያካሄድ ይሆናል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

መልካም በዓል !!

Title ECOROADS for Ethiopia
Date Wednesday January 22,
Via virtual
Time morning 9:00-10:00 am
Link: https://meet.google.com/int-kbuw-vxp

https://www.youtube.com/watch?v=AxdRNK69Duo

የአዘዞ-ጎንደር መንገድ ግንባታ ፕሮጀክትን በቅርቡ ለማጠናቀቅ እየተሠራ ነው

አዲስ አበባ ፣ ጥር 8 ቀን 2017 ዓ.ም (ኢ መ አ) አጠቃላይ 12 ነጥብ 5 ኪሎሜትር ርዝመት የሚሸፍነውን የአዘዞ-ጎንደር የአስፋልት ኮንክሪት መንገድ ግንባታ ፕሮጀክት በቅርቡ ለማጠናቀቅ ሰፊ እንቅስቃሴ እየተደረገ ይገኛል፡፡ የፌደራል መንግስት በመደበው 1 ነጥብ 5 ቢሊዮን ብር ግንባታው እየተከናወነ የሚገኘው ይኸው ፕሮጀክት ከዚህ ቀደም በሌላ የሀገር በቀል የስራ ተቋራጭ አማካኝነት ግንባታው ሲከናወን ቆይቶ ከአፈጻጸም ውስንነት ጋር በተያያዘ ውሉ መቋረጡ ይታወቃል።

የፕሮጀክቱን ቀሪ ሥራዎች በፍጥነት ለማጠናቀቅ እንዲቻል በኢትዮጵያ መንገዶች አስተዳደር የጎንደር መንገድ ጥገና ዲስትሪክት ግንባታውን ተረክቦ እየሠራ ይገኛል። ከ28 እስከ 38 ሜትር የጎን ስፋት እንዲኖረው ተደርጎ በመገንባት ላይ በሚገኘው በዚሁ ፕሮጀክት አብዛኛው የስትራክቸርና ተጨማሪ ዋና ዋና የፕሮጀክቱ ስራዎች የተጠናቀቁ ሲሆን ፣ አሁን ላይ የአስፋልት ማንጠፍ ስራዎች በመካሄድ ላይ ናቸው፡፡

በአሁኑ ወቅት በመንገዱ የቀኝ አቅጣጫ ሙሉ በሙሉ አስፋልት የማንጠፍ ስራ የተጠናቀቀ ሲሆን ፣ የግራው አቅጣጫ ደግሞ 1.5 ኪሎ ሜትር ሲቀር የአስፋልት ንጣፍ ተደርጎለታል፡፡

የመንገዱ የግንባታ ሂደት በመዘግየቱ ምክንያት የአካባቢው ነዋሪዎች ለትራንስፖርት መስተጓጎል ችግር ሲዳረጉ የነበረ ሲሆን ፤ አሁን ላይ የግንባታ ሂደቱ እየተፋጠነ በመሆኑ ችግሩ እየተቀረፈ ይገኛል፡፡

መንገድ ተገንብቶ ሲጠናቀቅ ከዚህ ቀደም ይስተዋል የነበረውን የከተማውን የትራንስፖርት እንቅስቃሴ ችግር የሚያቃልል ከመሆኑም ባሻገር ከሰሜን ጎንደር ወደ መተማ እና ሌሎች የማዕከላዊ ጎንደር አካባቢዎች የሚደረገውን የትራንስፖርት ፍሰት ያሳልጣል ተብሎ ይታመናል።

ዲስትሪክቱ አሁን ላይ ከዚህ ፕሮጀክት በተጨማሪ 700 ሜትር የጎንደር ከተማ አስፋልት ስራ እና ሌሎች ተጨማሪ ተግባራትን በማካሄድ ላይ ይገኛል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

የመሀልሜዳ - ግሼራቤል -መኮይ-ሚላሚሌ (ሎት 1፡ መሀልሜዳ - ጦርመሳያ) የአስፋልት ኮንክሪት መንገድ ግንባታ 61 ነጥብ 5 በመቶ ደረሰ

አዲስ አበባ ፣ታህሳስ 25 ቀን 2017 ዓ.ም (ኢ መ አ) በሰሜን ሸዋ ዞን ውስጥ የሚገኙትን የወረዳና የቀበሌ ከተሞችን የሚያስተሳስረው የመሀል ሜዳ - ግሼራቤል - መኮይ- ሚላሚሌ (ሎት 1፡ መሀልሜዳ - ጦርመሳያ) የመንገድ ፕሮጀክት 61.5 በመቶ ደርሷል፡፡

በፕሮጀክቱ የስራ እንቅስቃሴ ላይ የአፈር ቆረጣ እና ሙሌት፣ የውሀ ማፋሰሻ ቱቦና ፉካ ቀበራ ፣ የአራት ድልድይ ግንባታ እንዲሁም 18 ኪሎ ሜትር የሚሆን የአስፋልት ንጣፍ ሥራ እየተከናወነ ይገኛል፡፡

65.5 ኪሎ ሜትር ርዝማኔ የሚሸፍነው ይኸው መንገድ በወረዳ 21 ሜትር ፣ በቀበሌ 12 ሜትር ፣ በገጠር 10 ሜትር የጎን ስፋት እንዲኖረው ተደርጎ በመገንባት ላይ ነው፡፡

በመንገዱ የግንባታ ሂደት ያጋጠሙ የወሰን ማስከበር እንዲሁም ሌሎች ተያያዥ ችግሮችን ለመፍታት ኢመአ የተለያዩ ጥረቶችን እያደረገ የሚገኝ ሲሆን ይህም ፕሮጀክቱን በሚፈለገው ፍጥነት እንዲሄድ የሚያስችለው ይሆናል፡፡

ግንባታውን እያካሄደ ያለው ዦንግሚ ኢንጂነሪንግ ግሩፕ ሊሚትድ ሲሆን የማማከርና የቁጥጥሩን ስራ ኢንፍራስትራክቸር ዴቨሎፕመንት ኮንሰልታንትስ (አይ.ዲ.ሲ.ኦ.ኤን) እያከናወነው ይገኛል፡፡

ለፕሮጀክቱ የሚውለው (1,781,238,954.95) አንድ ቢሊዮን ሰባት መቶ ሰማንያ አንድ ሚሊዮን ሁለት መቶ ሠላሳ ስምንት ሺ ዘጠኝ መቶ አምሳ አራት ብር ከዘጠና አምስት ሣንቲም በኢትዮጵያ መንግስት የሚሸፈን ነው፡፡

ከዚህ ቀደም መንገዱ በጠጠር ደረጃ የነበረ ሲሆን ካለው ጠቀሜታ አንፃር በአስፋልት ኮንክሪት ደረጃ እንዲገነባ ተደርጓል፡፡

የዚህ መንገድ መገንባት በመንገድ ኮሪደሩ ስር የሚገኙትን የወጀድ፣ ግራኝ፣ ዳርገኝ፣ ጦር መሳያ ከተሞችን ከመሀል ሜዳ ከተማ ጋር በቅርበት ከማገናኘት ጎን ለጎን የጓሳ ኮሚዩኒቲ ጥብቅ ፓርክን ተደራሽ ለማድረግ ብሎም በአካባቢው የሚመረቱ የተለያዩ የግብርና ምርቶች ለማውጣት የሚያስችል ነው፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://www.youtube.com/playlist?list=PLyLRzvCfdqUeh0mhyi55icUyQR_lR93Gq

በአቦምሳ - አሰኮ - ዲቡ ወንዝ የመንገድ ፕሮጀክት አስፋልት ማንጠፍ ተጀመረ
አዲስ አበባ፣ ታህሳስ 22 ቀን 2017 ዓ.ም (ኢመአ) 60 .91 ኪሎ ሜትር በሚረዝመው የኮንትራት አንድ አቦምሳ - አሰኮ - ዲቡ ወንዝ የመንገድ ፕሮጀክት ላይ የአስፋልት ንጣፍ ተጀምሯል፡፡

መነሻውን አቦምሳ ከተማ አድርጎ ዲቡ ወንዝ ላይ በሚያበቃው በዚህ የመንገድ ፕሮጀክት የአስፋልት ንጣፍ ስራ ጎን ለጎን የአፈር ድልዳሎ፣ የምርጥ ጠጠር፣ የድልድይ ግንባታ ስራዎች በመካሄድ ላይ ናቸው፡፡

በአሁኑ ወቅት የፕሮጀክቱ አጠቃላይ የግንባታ እንቅስቃሴ 36.43 በመቶ የደረሰ ሲሆን ይህንንም በማጠናከር በተቀመጠው እቅድ መሰረት ለማስኬድ በትኩረት እየተሰራ ነው።

ፕሮጀክቱ በሚፈለገው ፍጥነት ለማስኬድ ብሎም በግንባታ ሂደቱ ላይ ያጋጠሙ የፀጥታና አለመረጋጋት እንዲሁም የካሳ ክፍያ ችግሮችን ለመፍታት በኢትዮጵያ መንገዶች አስተዳደር በኩል የቅርብ ድጋፍና ክትትል እየተደረገበት ይገኛል፡፡

የመንገድ ግንባታውን ሐቨሪም ኮንስትራክሽን ጠቅላላ የስራ ተቋራጭ ከአለማየሁ ከተማ ጠቅላላ የስራ ተቋራጭ ጋር በጣምራ እያከናወኑት ይገኛል፡፡

የፕሮጀክቱን የማማከር እና የቁጥጥር ስራ መታፈሪያ ኮንሰልቲንግ ኢንጂነርስ ከኤልዳ ኮንሰልቲንግ ኢንጂነር ጋር በጋራ በመሆን እየሰሩት ነው፡፡

መንገዱ በወረዳ 19 በቀበሌ 16 ፣ በገጠር 10 ሜትር የመንገድ ትከሻን ጨምሮ አጠቃላይ የጎን ስፋት ያለው ነው ።

ግንባታውን ለማከናወን የሚያስችለውን ሁለት ቢሊዮን ሁለት መቶ ስልሳ ሚሊዮን ስምንት መቶ ዘጠና ዘጠኝ ሺህ አርባ ሶስት (2,260,899,043) ብር በኢትዮጵያ መንግስት ተሸፍኗል።

የአቦምሳ-አሰኮ-ዲቡ ወንዝ የመንገድ ግንባታ ፕሮጀክት ሲጠናቀቅ በዋናነት በአርሲ ዞን ስር የሚገኙ በርካታ የወረዳ እና የቀበሌ ከተሞችን በቅርበት በማስተሳሰር የኢኮኖሚ ዕድገትን ለመፍጠር የሚያስችል ይሆናል፡፡

በተጨማሪም በአካባቢው በስፋትየሚገኙትን የጤፍ ፣ የስንዴ ፣ የገብስ ፣ የማሽላ ፣ የበቆሎ ፣ የሽንኩርት እና የጫት ምርቶች ወደ ገበያ አውጥቶ በመሸጥ ነዋሪዎች ከምርታቸው ተጠቃሚ እንዲሆኑ ከማድረግ አንጻር ጠቀሜታው የላቀ ነው።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://youtu.be/2rvYBfM0pts

የኮንስትራክሽን ኢንዱስትሪ የባለድርሻ አካላት የምክክር መድረክ እየተካሄደ ይገኛል

አዲስ አበባ፣ ታኅሣሥ 16፣ 2017 (ኢ መ አ):- የኮንስትራክሽን ኢንዱስትሪ የባለድርሻ አካላት የምክክር መድረክ ቃሊቲ በሚገኘው የኢትዮጵያ መንገዶች አስተዳደር የመንገድ ምርምር ማዕከል እየተካሄደ ይገኛል።

የኮንስትራክሽን እመርታ ለሀገር ግንባታ በሚል መሪ ሐሳብ የሚካሄደው መድረኩ፥ የኮንስትራክሽን ዘርፉ የሚገኝበት ነባራዊ ሁኔታ (ደረጃ)፣ የዘርፉ ቁልፍ ፈተናዎች እንዲሁም ቀጣይ አቅጣጫዎችን በተመለከተ ትኩረቱን አድርጓል።

የከተማ ልማት እና ኮንስትራክሽን ሚኒስቴር ባሰናዳው በዚሁ መድረክ ላይ ከፍተኛ የመንግስት ኃላፊዎች፣ የሥራ ተቋራጮች፣ አማካሪ መሀንዲሶች እንዲሁም ሌሎች የዘርፉ ተዋንያን ይሳተፉበታል።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://youtu.be/H9W4cQBZZzM

በአማራ ክልል እየተከናወኑ ያሉ የፌደራል የመንገድ ግንባታ ፕሮጀክቶችን አስመልክቶ ውይይት ተካሄደ

አዲስ አበባ ፣ ታኅሣሥ 15 ፣ 2017 (ኢ መ አ):- በአማራ ክልል እየተከናወኑ ያሉ የፌዴራል የመንገድ ግንባታ ፕሮጀክቶች አፈጻጸምን አስመልክቶ የኢትዮጵያ መንገዶች አስተዳደርና የአማራ ክልል ከፍተኛ የመንግስት የሥራ ኃላፊዎች ውይይት አካሂደዋል፡፡

በዕለቱም የክልሉ ርዕሰ መስተዳደር አቶ አረጋ ከበደ እና የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱራህማን የተገኙ ሲሆን በግንባታ ላይ ያሉ የመንገድ ፕሮጀክቶች ያሉበትን አሁናዊ ሁኔታ የሚያመላክት ሪፖርት ቀርቦ ውይይት ተደርጎበታል፡፡

በክልሉ በአንዳንድ ፕሮጀክቶች ከጸጥታ፣ ከወሰን ማስከበር ፣ የተቋራጮች አቅም ውስንነት እና ግንባታቸው ከተጀመረ በኋላ የሚስተዋሉ የዲዛይን ማሻሻያ ስራዎች ጋር የተያያዙ ችግሮች በፕሮጀክቶቹ አፈጻጸም ሂደት ላይ ተፅዕኖ ስለማሳደራቸው ተገልጿል፡፡
በመንገድ ግንባታ ፕሮጀክቶቹ ላይ የሚስተዋሉ ችግሮቹን ለመፍታት የኢትዮጵያ መንገዶች አሥተዳደር እና የክልሉ መንግሥት በጋራ በመስራት አፋጣኝ መፍትሄ መስጠት እንዳለበት አጽንኦት ተሰጥቷል፡፡

ለፕሮጀክቶቹ መዘግየት ምክንያት የሆኑ ችግሮችን በመቅረፍ ፕሮጀክቶችን በተቀመጠላቸው የግንባታ ጊዜ እንዲጠናቀቁ የቅርብ ክትትል የሚያደርግ ከሁለቱም አካላት የተውጣጣ ኮሚቴ ተቋቁሟል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://youtu.be/ahOJIeoHk9c

https://youtu.be/fonstQjpD8k

https://www.youtube.com/@ethioroads?sub_confirmation=1

https://youtu.be/75mpwA1Y9kY

የተቋማችን የመንገድ ምርምር ማዕከል ከጃፓን ድርጅት/ JICA/ ጋር በመተባበር አውደ ጥናት አካሄደ

አዲስ አበባ፣ ህዳር 27/2017 ዓ.ም (ኢመአ) ፦ የኢትዮጵያ መንገዶች አስተዳደር የመንገድ ምርምር ማዕከል ከጃፓኑ አለም አቀፍ የልማት ድርጅት /JICA/ ጋር “Establishing competence in Geotechnics and landslides management towards mitigating landslide hazards in road infrastructures” በሚል አርዕስት አውደ ጥናት አካሄደ።

የአውደ ጥናቱ ዋና አላማ በመሬት መንሸራተት እና ተያያዥ ጉዳዮች ላይ እያጋጠሙ ያሉ ችግሮችን አስመልክቶ ለመወያየት የሚያስችል መድረኮችን መፍጠር ነው።

በመረሃ ግብሩ ላይ በቁጥር ስድስት የሚሆኑ ጥናታዊ ጽሁፎች የቀረቡ ሲሆን እነዚህ ጥናታዊ ጽሁፎች በፌደራል መንገድ መሰረተ ልማት ላይ በየጊዜው እያጋጠሙ ላሉ የመሬት መንሸራተት መንስኤዎች ምላሽ ለመስጠት የሚያስችሉ መሆናቸው ተገልጿል፡፡

በመድረኩ ላይ የቀረበዉን ጥናት በተመለከተ ተሳታፊ ከሆኑ ባለድርሻ አካላት ለተነሱ የተለያዩ ጥያቄዎች በጥናቱ አቅራቢዎች ምላሽ ተሰጥቶበታል።

ከዚህም በተጨማሪ በዘርፉ ሊያጋጥሙ የሚችሉ የመሬት መንሸራተትን ለመቀነስ የሚያስችሉ እርምጃዎች እና የወደፊት ተግባራትን አስመልክቶ በቡድን በመከፋፈል ተወያይተዋል፡፡

የኢመአ የጂኦቴክንክ እና የመሬት መንሸራተት ጥናት ቡድን ከJICA ጋር በመተባበር የመሬት መንሸራተት መቆጣጠሪያ መመሪያዎችን አስመልክቶ በዘርፉ ላሉ ባለሙያዎች እያደረገ ያለው የአቅም ግንባታ እና ልምድ ልውውጥ ስራ አመርቂ ውጤቶችን አሳይቷል።

JICA ለኢትዮጵያ የመንገድ ዘርፍ ልማት በተለያየ መልኩ አስተዋጽዖ ከሚያደርጉ የልማት አጋሮች መካከል አንዱ ነው።

በአውደ ጥናቱ ላይ ከተለያዩ ዩንቨርስቲ የተውጣጡ ባለሙያዎች ፣ አማካሪ ድርጅቶች እና በዘርፉ የተሰማሩ ባለድርሻ አካላት ተሳትፈውበታል።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

የሻሸመኔ - ሐዋሳ አስፋልት መንገድ ወቅታዊ ጥገና በአጠረ ጊዜ ለማጠናቀቅ እየተሠራ ነው።

ሐዋሳ፣ ኅዳር 25፣ 2017 (ኢ መ አ):- ከሻሸመኔ እስከ ሐዋሳ ባለው ዋና መሥመር እየተከናወነ የሚገኘው ወቅታዊ የአስፋልት መንገድ ጥገና በአጠረ ጊዜ ለማጠናቀቅ እየተሠራ ነው።

መንገዱ በአገልግሎት ብዛት በመጎዳቱ እና ለትራፊክ እንቅስቃሴ ምቹ ባለመኾኑ ነው ጥገናው ያስፈለገው። የመንገድ ጥገናው 13 ኪሎሜትር የሚሸፍን ኾኖ፥ በከባድ ጥገና ደረጃ እድሳት እየተደረገለት ይገኛል።

አሁን ላይ 10 ኪሎ ሜትር የሚኾነውን የመንገድ ክፍል ሙሉ በሙሉ በማንሳት አስፋልት የመደረብ እና የመንገድ ትከሻ ሥራዎች ተሠርተዋል።

ይህም በመኾኑ አሸከርካሪዎችን እንዲሁም  ኅብረተሰቡን ለእንግለትና ለትራንስፖርት መጉላላት ይዳርጉ የነበሩ ችግሮችን መቅረፍ  ተችሏል። 

የመንገድ ጥገናውን በኢትዮጵያ መንግዶች አስተዳደር የሻሸመኔ መንገድ ጥገና ዲስትሪክት በራስ ኃይል እያከናወነ ይገኛል። ለጥገናው 122 ሚሊዮን ብር ወጪ ተደርጓል።

የመንገድ ጥገናው አደጋን ከመቀነስ እና ጊዜን ከመቆጠብ ባሻገር፣ በርካታ ሀገራትን የሚያስተሳስረው ግዙፉ የትራንስ አፍሪካን ሀይዌይ ፕሮጀክት አካል በመኾኑ ከፍተኛ ጠቀሜታ አለው።

ይህ በእንዲህ እንዳለ የመስመሩን ከፍተኛ የትራፊክ ፍሰት ይበልጥ ደረጃውን በጠበቀ መልኩ ማስተናገድ የሚያስችል የሞጆ - ሐዋሳ ፍጥነት መንገድ ፕሮጀክት አካል የኾነው ባቱ - አርሲ ነገሌ - ሐዋሳ መንገድ ግንባታ ላይ መኾኑ ይታወቃል።

ከመንገድ ግንባታው ጎን ለጎንም በአገልግሎት ብዛት፥ በድንገተኛ ፥ እንዲሁም በተፈጠሯዊ አደጋዎች ሳቢያ እጅግ የተጎዱ በተለያዩ የሀገራችን ክፍሎች የሚገኙ መንገዶችን፥ ተቋማችን ቅድሚያ ትኩረት በመስጠት እንዲጠገኑ እያደረገ ይገኛል።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

የጎዴ - ቀላፎ - ፈረፈር ምዕራፍ አንድ መንገድ ግንባታ ፕሮጀክት የአስፋልት ንጣፍ ስራ በመካሄድ ላይ ነው

አዲስ አበባ፣ ኅዳር 20፣ 2017 (ኢ መ አ):- በሶማሌ ክልል ሸበሌ ዞን የጎዴ - ቀላፎ - ፈረፈር መንገድ ግንባታ ፕሮጀክት ላይ የአስፋልት ንጣፍ ስራ እየተካሄደ ነው።

በአስፋልት ኮንክሪት ደረጃ እየተገነባ የሚገኘው የመንገድ ግንባታ ፕሮጀክቱ 97 ነጥብ 06 ኪሎሜትር ርዝመትን ይሸፍናል።

በመንገድ ግንባታ ፕሮጀክቱ አሁን ላይ የ37 ነጥብ 63 ኪሎሜትር የአስፋልት ንጣፍ ተከናውኗል።

በተጨማሪም የቤዝ ኮርስ እና የአስፋልት ጠጠር የማምረት ፣ የአፈር ቆረጣና ሙሌት ፣ የሰብ ቤዝ ፣ የአነስተኛ የውኃ መተላለፊያ ቱቦዎች ፣ ከልቨርቶች እንዲሁም የድልድይ ግንባታ ስራዎች እየተከናወኑ ይገኛሉ።

የመንገድ ግንባታ ፕሮጀክቱ አሁናዊ አጠቃላይ አፈጻጸም 66 ነጥብ 66 በመቶ ወይም 64 ነጥብ 51 ኪሎሜትር ደርሷል። ግንባታውን በተቀመጠለት ጊዜ ለማጠናቀቅም በትኩረት እየተሠራ ይገኛል።

ተቋማችን በግንባታ ሂደት ወቅት የሚገጥሙ ውስንነቶችን በመለየት መፍትሄ ለመስጠት አስፋላጊውን ድጋፍ እና ክትትል እያደረገ ይገኛል።


ግንባታውን በማከናወን ላይ የሚገኘው ዓለም-አቀፉ ቻይና ሬይል ዌይ ሰቨንዝ ግሩፕ ነው። የፕሮጀክቱን የምህንድስና ማማከር እና የመቆጣጠር ስራ ደግሞ ስታድያ የምህንድስና ሥራዎች አማካሪ ከንዑስ አማካሪ ጂ እና ዋይ ኢንጂነሪንግ ኮንሰልት ጋር በጣምራ በማከናወን ላይ ይገኛሉ።

ለግንባታው የሚውለው 1,530,000,000.00 (አንድ ቢልዮን አምስት መቶ ሰላሳ ሚሊዮን) ብር ወጪ በፌደራል መንግስት በጀት ነው የተሸፈነው።

መንገዱ ተጠናቆ አገልግሎት መስጠት ሲጀምር የክልሉን የመንገድ መሠረተ ልማት አውታር ከማስፋቱም ባሻገር በመስመሩ የሚገኙትን የጎዴ እና ቀላፎ ወረዳዎች ማኅበራዊ እና ኢኮኖሚያዊ ግንኙነት ይበልጥ ያሳልጣል። ከዚህም ባሻገር በመንገድ ክልል ውስጥ የሚገኙ አነስተኛ መንደሮች ወደ ከተማ የሚያድጉበትን ምቹ አጋጣሚን ይፈጥራል።

በተጨማሪም የሸበሌን ወንዝ ተከትለው የሚመረቱትን የግብርና ምርቶች በጥራትና ፍጥነት ወደ ማዕከላዊ ገበያ በማድረስ የአርሶ አደሩን ይበልጥ ተጥቃሚነት ያረጋግጣል።

እንዲሁም በፍየል ፣ ግመል እንዲሁም በመሰል የቁም እንስሳት ንግድ ላይ ለተሰማሩ ግለሰቦች ምቹ የገበያ ትስስርን እንደሚፈጥር ይታመናል።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

Workshop on Landslide

Distribution
- Addis Ababa University
- Addis Ababa Science and Technology University
- Adama Science and Technology University
- Arbaminch University
- Bahir Dar University
- Jimma University
- Mekele University
- Ethiopian Association of Civil Engineers (EACE)
- Ethiopian Consulting Engineers and Architects Association (ECEAA)
- Ethiopian Disaster Risk Management Commission (EDRMC)
- Ethiopian Geological Institute (GIE)
- Ethiopian Geotechnical Society (EGS)
- AEC Consulting Engineers Plc
- AIC Progetti S.P.A.
- ALERT Engineering Plc
- Beza Engineers Kenya Limited (Kenya)
- Best Consulting Engineer Plc
- Civil Works Consulting Engineers Plc (CWCE)
- Consulting Engineers Group Ltd
- CORE Consulting Engineers Plc
- CRTE Consultancy
- Ethiopian Engineering Corporation (EEC)
- G & Y Engineering Consulting Plc
- Gondwana Engineering Plc
- Hong-IK Engineering and Consultants Co. Ltd.
- IMS Engineering Inc.
- LEA Associates South Asia Pvt Ltd
- Net Consulting Engineers Plc
- Omega Consulting Engineers Plc
- Prominent Engineering Solution Plc
- Pure Consulting Engineers Plc
- STADIA Engineering
- YLS Engineering Plc.

call for abstract

የመካነ ኢየሱስ/እስቴ - ስማዳ መንገድ ግንባታ በተያዘው ዓመት ለማጠናቀቅ እየተሠራ ነው

አዲስ አበባ፣ ኅዳር 10፣ 2017 (ኢ መ አ):- በአማራ ክልል ደቡብ ጎንደር ዞን'ን ከደቡብ ወሎ ዞን ጋር የሚያገናኘው የመካነ ኢየሱስ/እስቴ - ስማዳ መንገድ ግንባታ በተያዘው ዓመት ለማጠናቀቅ እየተሠራ ነው።

50 ነጥብ 4 ኪሎሜትር የሚሸፍነው የመንገድ ፕሮጀክቱ፣ በአስፋልት ኮንክሪት ደረጃ በመገንባት ላይ ይገኛል።

አሁን ላይ የ47 ኪሎሜትር የአስፋልት ንጣፍ ሥራ ተሠርቷል። በቀሪው የፕሮጀክቱ ክፍል ማለትም ወገዳ ከተማ ላይ የአፈር ቆረጣ እና ሙሌት፣ የውኃ ማፋሰሻ፣ የሰብቤዝ እና ቤዝኮርስ ሥራዎች እየተሠሩ ይገኛሉ። በተጨማሪም የአምስት ድልድዮች ግንባታ ሙሉ በሙሉ ተጠናቅቋል።

የመንገድ ግንባታው አጠቃላይ አፈጻጸም አሁን ላይ 90 ነጥብ 9 በመቶ የደረሰ ሲኾን፣ ቀሪ ሥራዎችን በዚህ ዓመት ለማጠናቀቅ አስፈላጊው ዝግጅት ተደርጓል።

በፕሮጀክቱ የከተማ ክልል የሚስተዋለው የጸጥታ ችግር ለፕሮጀክቱ መቋረጥ ምክንያት የነበረ ቢኾንም፤ የኢትዮጵያ መንገዶች አስተዳደር ከየአካባቢው የመስተዳድር አካላት ጋር ባደረገው ጥረት ግንባታውን  ወደ ተሻለ የአፈጻጸም ደረጃ ላይ ማድረስ ተችሏል።

ግንባታውን ዓለም አቀፉ 'ቻይና ኮሙኒኬሽን ኮንስትራክሽን ካምፓኒ' እያከናወነ ይገኛል።
ለግንባታው የሚውለው 1,925,451, 264.41 (አንድ ቢሊዮን ዘጠኝ መቶ ሃያ አምስት ሚሊዮን አራት መቶ ሃምሳ አንድ ሺህ) ብር በፌደራል መንግስት ነው የሚሸፈነው። 'ፕሮሚናንት ኢንጅነሪንግ ሶሉሽንስ' ግንባታውን የመቆጣጠር እና የማማከር ሥራ እየሠራ ይገኛል።

የመንገድ ፕሮጀክቱ ሲጠናቀቅ ቀድሞ ከእስቴ ወደ ስማዳ ለመጓዝ ይወስድ የነበረውን 3 ሰዓት የጉዞ ጊዜ በግማሽ ያሳጥረዋል። በሥፍራው የሚገኙትን ትንንሽ መንደሮች ደረጃውን በጠበቀ መንገድ በማገናኘት ወደ ከተማ የሚያድጉበትን ምቹ ዕድል ይፈጥራል፡፡የሕዝብ ለሕዝብ ትስስሩን በማሳለጥም የተለያዩ የማኅበራዊ እና ኢኮኖሚያዊ መስተጋብሮችን ያጠናክራል፡፡
በአካባቢው በስፋት የሚመረቱትን ጤፍ፣ ስንዴ፣ ገብስ፣ ሽንብራ፣ ኑግ፣ ባቄላ፣ ጓያ፣ ድንች እና መሰል የግብርና ምርቶች ወደ ማዕከላዊ ገበያ በፍጥነት እና በጥራት ማድረስ ያስችላል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

መንግስት መንገድ ለማኅበረ-ኢኮኖሚያዊ እና ለሀገር ግንባታ ያለውን ጠቀሜታ በመገንዘብ፣ ለመንገድ መሠረተ-ልማት ዝርጋታ በየጊዜው ከፍተኛ መዋዕለ ነዋይ ፈሰስ ያደርጋል፡፡ ከፍተኛ የሀገር ሀብት የሚፈስበት የመንገድ ሃብት የሚጠበቅበትን አገልግሎት እንዲሰጥ ተገቢ ጥበቃ እና እንክብካቤ ያስፈልገዋል፡፡ መንገዶችን ለብልሽት ከሚዳርጉ ምክንያቶች አንዱና ዋነኛው ከተፈቀደው ክብደት በላይ በመጫን መጓዝ ነው። በዚህ ረገድ የኢትዮጵያ መንገዶች አስተዳደር በመላው ሀገሪቱ ባቋቋማቸው 14 የክብደት እና መጠን መቆጣጠሪያ ጣቢያዎቹ በኩል ቁጥጥር ያደርጋል፡፡

የተሽከርካሪዎችን ክብደት የመቆጣጠር ዋና ዓላማ በመንገዶች ላይ የሚንቀሳቀሱ ተሽከርካሪዎች ከተፈቀደላቸዉ የአክስል ክብደት መጠን በላይ ጭነት ጭነዉ በከፍተኛ ወጪ የተገነቡ የመንገድ አውታሮች ላይ ጉዳት እንዳይደርስ የመከላከል እንዲሁም መንገዶች እና ድልድዮች ዲዛይን ለተደረጉበት የአገልግሎት ጊዜ በጥሩ ሁኔታ ላይ ሆነው አገልግሎት መስጠት እንዲችሉ ማድረግ ነዉ፡፡

ከዚህም አኳያ ተቋሙ የተሽከርካሪ ክብደትና መጠንን ለመወሰንና ለመቆጣጠር በወጣው የሚኒስትሮች ምክር ቤት ደንብ ቁጥር 491/2014 አንቀጽ 20 ንዑስ አንቀጽ 6 መሰረት “በዚህ ድንብ ላይ የተሽከርካሪ ክብደትን በመተላለፍ ለተቀመጡት ቅጣቶች የሚከፈል ክፍያ ለኢትዮጵያ መንገዶች አስተዳደር የሚከፈል ሲሆን የተሽከርካሪ መጠንን በመተላለፍ ለተቀመጡ ቅጣቶች የሚከፈል ክፍያ ለሚኒስቴሩ ይከፈላል” በሚል በግልፅ እንደተመለከተው ትርፍ የጫነ ተሽከርካሪ ለጫነው ትርፍ ጭነት ቅጣት ተቀጥቶ፣ ቅጣቱን ኢ.መ.አ. ለዚሁ አገልገሎት በከፈተው ሂሳብ ቁጥር ገቢ የሚደረግ ሲሆን፣ ትርፍ የጫነ ተሽከርካሪ ጉዞውን መቀጠል የሚችለው ጭነቱን ካስተካከለ በኋላ ብቻ ነው።

በደንቡ አንቀጽ 3 ንዑስ አንቀጽ 1 መሰረት “ይህ ደንብ በማናቸውም የኢትዮጵያን መንገድ በሚጠቀሙ ጠቅላላ ክብደታቸዉ ከ3,500 ኪሎ ግራም በላይ በሆኑ ተሽከርካሪዎች፣ የተጣመሩ ተሽከርካሪዎች እና ተሳቢዎች ላይ ተፈጻሚ ይሆናል” በሚል የደንቡን ተፈፃሚነት ወሰን አስቀምጧል::

በደንቡ አንቀጽ 9 መሰረት ለእያንዳንዱ አክስል የተፈቀደ ከፍተኛ ክብደት የሚከተለው ነው፡-
I. የነጠላ አክስል (Axle) ሁለት ወይም ሶስት ጎማዎች የተገጠሙለት ተሽከርካሪ የፊት እና የኋላ የአክስል (Axle) ክፍሎች ጠቅላላ የክብደት መጠን የሚከተለዉ ነዉ፡-
ሀ) የፊት አክስል (የመሪ አክስል) Steering Axle የክብደት መጠን ከ7.7 ቶን (77 ኩንታል) መብለጥ እንደሌለበት፤
ለ) ከመሪዉ አክስል (Steering Axle) ዉጪ ሆኖ ነጠላ ጎማ የተገጠመለት ተሸከርካሪ ከሆነ ጠቅላላ ክብደቱ ከ8 ቶን (80 ኩንታል) መብለጥ እንደሌለበት፤
ሐ) የኋላዉ የአክስል ክፍል አራት ጎማዎች የተገጠሙለት ከሆነ የአክስል ክብደቱ ከ10 ቶን (100 ኩንታል) መብለጥ እንደሌለበት፡፡

II. የተሸከርካሪዉ የአክስል ክፍል ባለ ሁለት (Tandem Axle Unit) ወይም ባለሶስት (Tri-dem axle) ሲሆን፣ ለተሽከርካሪዉ የማይፈቀድ የአክስል (Axle) ክብደት መጠን እንደሚከተለዉ ነዉ፡-
ሀ) ስምንት ጎማዎች ለተገጠሙለት የጥንድ አክስል (Tandem Axle) ጠቅላላ የአክስል ክብደቱ በአንድ ላይ ተደምሮ ከ18 ቶን (180 ኩንታል) መብለጥ እንደሌለበት በሕጉ ላይ ተቀምጧል፡፡
ለ) እያንዳንዳቸው አክስሎች ላይ አራት ጎማ የተገጠመላቸው ባለ ሶስት አክስል ክፍል (Tri-dem axle) ጠቅላላ የአክስል ክብደቱ በአንድ ላይ ተደምሮ ከ24 ቶን (240 ኩንታል) መብለጥ እንደሌለበት በሕጉ ላይ ተቀምጧል፡፡

በደንቡ መሰረት በሚደረግ የአክስል ክብደት ቁጥጥር ላይ በሚታዩ ተግዳሮቶች የቁጥጥር ሂደቱ ላይ አሉታዊ ተፅኖ እየፈጠሩ የሚገኝ ሲሆን፣ ለዚህም ከምንግዜውም በላይ ከሚመለከታቸው አካላት ጋር በጋራ እና በቅንጅት መስራት ያስፈልጋል ነገር ግን ደንቡን ለማስፈፀም ከፍተኛ ሚና ያላቸው እና ሚዛን ጣቢያዎቸ በተተከሉብት አካባቢ የሚገኙ አንዳንድ የመስተዳደር አካላት በሚፈለገው ልክ ድጋፍ እያደረጉ ባለመሆኑ በትርፍ ጭነት ቁጥጥር ሂደቱ ላይ አሉታዊ ተጽዕኖ እየፈጠረብን ይገኛል፡፡

ስለሆነም ከፍተኛ መዋለ ንዋይ የወጣባቸ ለሀገራችን ኢኮኖሚያዊ እድገት ጉልህ ሚና ያላቸው የመንገድ እንዲሁም ድልድይ ሀብታችንን በትርፍ ጭነት ምክንያት ከሚደርስ ጉዳት ለመከላከል በጋራ እንድንሰራ ለሁሉም የህብረተሰብ ክፍል ሀገራዊ ጥሪያችንን እያቀረብን በተለይም የፀጥታ እንዲሁም የክልልና ዞን መስተዳድር አካላት የምንጊዜም ትብብራችሁ ተጠናክሮ እንዲቀጥል ስንል እንጠይቃለን፡፡ በቁጥጥር ሥርዓቱ ላይ የሚስተዋሉ ማንኛውም ችግሮች ካሉ፣ ተገልጋዮች ከሥር በተቀመጡት የጥቆማ አማራጮች እንዲያሳውቁን እንጠይቃለን።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

20ኛውን የሌበር ቤዝድ ፕራክቲሽነርስ አህጉራዊ ኮንፈረንስ  አስመልክቶ ጋዜጣዊ  መግለጫ ተሰጠ


አዲስ አበባ፣ ህዳር 5 \2017 ዓ.ም በመጪው ግንቦት   ወር  የሚካሄደውን 20ኛው የሌበር ቤዝድ ፕራክቲሽነርስ አህጉራዊ ኮንፈረንስ  አስመልክቶ ጋዜጣዊ መግለጫ ተሰጠ።


የ20ኛው አህጉራዊ ኮንፈረንስ  አስቸጋሪ ሁኔታዎችን የሚቋቋም እና ከችግር ቶሎ ማገገም የሚችል እንዲሁም ከተለዋዋጭ ሁኔታዎች ጋር መላመድ የሚችል ማህበረሰብ በመገንባት  አሁንም ወደፊትም የሰው ልጅን የማይተካ ሚና በሚሹ በርካታ የስራ ዘርፎች ዙሪያ የልምድ ልውውጦች የሚካሄዱበት እና  የፖሊሲ ግብዓት የሚገኝበት  ጉባኤ ነው፡፡


ኮንፈረንሱ “የበለጠ የሰው ኃይል በሚጠቀሙ የኢንቨስትመንት አማራጮች  ጠንካራ ማህበረሰብ እና ጤናማ አካባቢን እንፍጠር” (Resilient Communities and Healthy Environment: the Employment Intensive Investment Program approach) በሚል መሪ ሃሳብ  ነው የሚካሄደው፡፡


በመጪው ግንቦት ወር ኢትዮጵያ የምታስተናግደዉ ይኸው አህጉራዊ  ኮንፈረንስ  በዘላቂ የልማት ግቦች ሁሉን አቀፍ የኢኮኖሚ እድገትን ለማምጣት ፣ ድህነትን እና ረሃብን ለማጥፋት እንዲሁም ሌሎች የተቀመጡ ግቦችን በቀጥታም ሆነ በተዘዋዋሪ  በማሳካት ረገድ ከፍተኛ አስተዋፅኦ ይኖረዋል ተብሎ ይታመናል፡፡


በተጨማሪም በዚሁ መድረክ መንግስታት ፣ የግሉ ዘርፍ ተዋናዮች፣ ፋይናንሰሮች እና የልማት አጋሮች ለወጣቶች ሰፊ የስራ እድል በሚፈጥሩ እና ክህሎታቸውን በሚያሳድጉባቸው የመሰረተ ልማት ዝርጋታ እና ተያያዥ መስኮች  ላይ ምክክር ያደርጋሉ፡፡


በ20 ኛው አህጉራዊው ኮንፈረንስ ላይ የልማት አጋሮች ፣ የዓለም አቀፍ ተቋማት ፣ የግሉ ዘርፍ ተወካዮች ፣ ምሁራንና ተመራማሪዎች የሚሳተፉበት ሲሆን ሰፊ የስራ እድል በሚፈጥሩ የመሰረተ ልማት ኢንቨስትመንቶች እና ተያያዥ ጉዳዮች ውጤታማ የሃሳብና የልምድ ልውውጦች  ይካሄዱበታል።


በተጨማሪም ሀገራት በመሠረተ ልማቶች ዝርጋታ እንዲሁም ሌሎች የኢንቨስትመንት መስኮች ለዜጎች ጥራት ያለው የሥራ ዕድል በስፋት ሊፈጥሩ የሚችሉባቸውን መንገዶች በተመለከተ የተለያዩ ጥናቶች ይቀርባሉ ፣ የመስክ ጉብኝቶች ይካሄዳሉ ፣ የአገራት ተሞክሮ ቀርቦ ውይይት ይደረግበታል።
 

ይህ ኮንፈረንስ ከላይ የተጠቀሱትን ዓላማዎች ከማሳካት ባሻገር በተጓዳኝ በሚካሄዱ ኩነቶች አማካኝነትን  ሀገራችን  የማስተዋወቅ ዕድል የሚፈጥር ከመሆኑም ባሻገር  የዲፕሎማቶች መቀመጫ የሆነችው አዲስ አበባ ተመራጭ የኢንቨስትመንት እና የቱሪስት መዳረሻ መሆኗን በተጨባጭ ለማሳየት ትልቅ እድል የሚፈጥር ነው፡፡


በዚህም መሰረት ሀገሪቷ በከተማና የገጠር ኮሪደር ልማት እና ሌሎች የኮንስትራክሽንና መሠረተ ልማት ሥራዎች ረገድ ያሳካቻቸውን ውጤቶች እና ያላትን ተሞክሮ የምታካፍልበት እንዲሁም እንደ ህዳሴ ግድብ ያሉ አገራዊ ሜጋ የመሰረተ ልማት ፕሮጀክቶች የሚኖራቸውን አገራዊና አህጉራዊ ፋይዳ ጭምር የበለጠ የምታስተዋውቅበት ይሆናል ተብሎ ይጠበቃል።


ኢትዮጵያም ከዚህ ቀደም 17ኛውን አህጉራዊ ኮንፈረንስ በስኬት ማካሄዷ የሚታወስ ሲሆን  የዘንድሮውንም በተሳካ መልኩ ለማዘጋጀት የመንግስት ተቋማትን እና ባለድርሻ አካላትን ያካተተ አገራዊ አዘጋጅ ኮሚቴ ተቋቁሟል።


ፕሮግራሙን የዓለም ሥራ ድርጅት (ILO) የከተማና መሰረተ ልማት ሚኒስቴር እንዲሁም የኢትዮጵያ መንገዶች አስተዳደር  በጋራ የሚያዘጋጁት ሲሆን ፣ ፕሮግራሙን  ለማካሄድ የሚያስችሉ የቅድመ ዝግጅት ሥራዎች እየተካሄዱ ነው፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

የኦሮሚያ ክልልን ከአማራ ክልል ጋር የሚያስተሳስረው የሙከጡሪ ኮከብ መስክ የመንገድ ግንባታ ፕሮጀክት 88 በመቶ ደርሷል

አዲስ አበባ ፣ ጥቅምት 27 ቀን 2017 ዓም (ኢ መ አ):-በኦሮሚያ ክልል ሰሜን ሸዋ ዞን የውጫሌ ወረዳ መቀመጫ የሆነችውን የሙከጡሪ ከተማን በአማራ ክልል ሰሜን ሸዋ ዞን የእንሳሮ ወረዳ ለሚ ከተማን በማገናኘት እስከ ኮከብ መስክ የሚዘልቀው የሙከጡሪ ኮከብ መስክ የመንገድ ግንባታ ፕሮጀክት በአሁኑ ወቅት 88 በመቶ ደርሷል ፡፡

59 ኪሎ ሜትር የሚረዝመው ይህ ፕሮጀክት አሁን ላይ 52 ኪሎ ሜትር ያህሉ በአስፋልት ተሸፍኗል፡፡ ከዚህ በተጨማሪም ሙከጡሪ ከተማ ውስጥ የመንገድ ዳር ውሃ ማፋሰሻ ክዳኖች ፣ በገጠር የመንገድ ዳር ማፋሰሻ ቦይ ፣ ለሚ ከተማ ውስጥ አደባባይ እንዲሁም አስር ሜትር የማፋሰሻ ቱቦ የመቅበር ስራ እየተገባደደ ሲሆን ፣ ፕሮጀክቱ አሁን ላይ የማገባደጃ ስራዎች ይቀሩታል፡፡

ግንባታውን እያከናወነ የሚገኘው ዓለም አቀፉ ቻይና ሪልዌይ ቁጥር ሶስት ኢንጂነሪንግ ግሩፕ ሲሆን የማማከሩንና የቁጥጥር ስራውን ኤልዳ ኢንጂነሪንግ ኮንሰልትንት ከዳምራ ኮንሰልቲንግ ጋር በጥምረት እያከናወኑት ይገኛሉ ፡፡ ለግንባታው የሚውለው ሰባት መቶ ስልሳ ስምንት ሚሊዮን ስድስት መ ሃያ ሁለት ሺ ብር በኢትዮጵያ መንግስት እየተሸፈነ ነው ፡፡

መንገዱ በገጠር 10 ሜትር ፣ በቀበሌ 12 ሜትር ፣ በወረዳ ደግሞ 21 ሜትር ስፋ እንዲኖረው ተደርጎ ነው በመገንባት ላይ የሚገኘው፡፡

መንገዱ ተገንብቶ ሲጠናቀቅ በሚያልፍባቸው አካባቢዎች የሚገኙ የኦሮሚያ እና አማራ ክልል ህዝቦችን ማህበራዊ እና ኢኮኖሚያዊ ግንኙነት ይበልጥ ያጠናክራል ፤ ከዚህም ባሻገር በአካባቢው የሚመረቱ የአዝርእት ምርቶችን እና ጀማ ወንዝ አካባቢ የሚገኙ የማዕድን ምርቶችን በቀላሉ ወደገበያ ለማድረስ ያስችላል፡፡ እንዲሁም የመንገድ ደረጃውን ጠብቆ መገንባት በቅርቡ ግንባታው ተጠናቆ ወደ ማምረት ሂደት የገባው በሃገሪቱ ትልቁ የለሚ ሲሚንቶ ፋብሪካ ምርቱን በቀላሉ ወደ ገበያ እንዲያቀርብ ከማድረግ አንጻር ከፍተኛ አስተዋጽኦ ያበረክታል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

4ኛ/ የክልል ፍርድ ቤቶች በተሸሻለው አዋጅ መሰረት ከካሳ ክፍያ ጋር በተያያዘ የፌዴራል ተቋማቱ ተከፋይ የሚሆኑባቸውን ክሶች የመዳኘት ስልጣን የፌዴራል የመጀመሪያ ፍርድ ቤት መሆኑ በግልጽ የተደነገገ መሆኑን በመገንዘብ ክሶቹ በፌዴራል የመጀመሪያ ፍርድ ቤት እንዲታዩ ማድረግ የሚጠበቅባቸው በመሆኑና ለአዋጁ ተግባራዊነት የበኩላቸውን ሚና እንዲጫወቱ ተጠይቋል፤

5ኛ/ ከሐምሌ 4 ቀን ጀምሮ የሚቀርቡ የንብረት ይነሳልኝ ጥያቄዎች የካሳ ክፍያ በነባርም ሆነ በአዳዲስ ፕሮጄክቶች ላይ ክፍያ የመፈጸም ኃላፊነት የክልልሎች በመሆኑ የማሻሻያ አዋጁ ሙሉ ለሙሉ ተግባራዊ ለማድረግ እና አዋጁ እንዲያመጣ የታሰበውን ለውጥ ለማስገኘት ሁሉም ባለድርሻ አካላት በትኩረት እንዲሰራ ተጠይቋል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበትና ተነሺዎች መልሰው የሚቋቋሙበትን ለመወሰን የወጣው የማሻሻያ አዋጅ ቁጥር 1336/2016 ወደ ተግባር ለማስገባት ውይይት ተካሄደ

አዳማ፣ ጥቅምት 21 ቀን 2017 ዓ.ም (ኢመአ)፡ ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበት እና ተነሺዎች መልሰው የሚቋቋሙበትን ለመወሰን የወጣው የማሻሻያ አዋጅ ቁጥር 1336/2016 ወደ ተግባር ለማስገባት ከባድርሻ አካላት ጋር በአዳማ ከተማ ውይይት ተካሄደ ።

በውይይት መድረኩ ዋና ዓላማ ለህዝብ ጥቅም ሲባል መሬት የሚለቀቅበት፣ ለተነሺዎች ካሳ የሚከፈልበትና መልሰው የሚቋቋሙበትን ለመወሰን በወጣው አዋጅ ቁጥር 1161/2011 መሰረት ገማች ኮሚቴ የማቋቋም፣ ግምት የመስራትና ካሳ የመክፈል እና ንብረቶች የማስነሳት ስልጣን ለተሰጣቸው የክልል መስተዳድሮች እና ከካሳ ክፍያ ጋር የሚቀርቡ አቤቱታዎችን የመዳኘትና ውሳኔ የመስጠት ስልጣን ያላቸው የክልል ፍርድቤቶችና የፍትህ አካላት እና የፌድራል የመሰረተ ልማት ዘርጊ ተቋማትየማሻሻያ አዋጅ ቁጥር 1336/2016 ለውጥ ባደረገባቸው ኃላፊነቶች ላይ ግንዛቤ ማስጨበጥ ነው፡፡

በዚሁ መሰረት በተለይም ከግምት ሥራ ጋር በቀጥታ የሚገናኙ የክልል ርዕሰ መስተዳድሮች፣ የየመሬት አስዳደደር ቢሮዎች፣ የገጠር መሬት አስተዳደር ቢሮዎች፣ የከተማ አስተዳደር ቢሮዎች፣ የጠቅላይ ፍርድቤቶች፣ የፍትህ ቢሮዎች ፣ የተፈጥሮ ኃብት ቢሮዎች፣ የግብርና ቢሮዎች እና ከፌድራል መሰረተ ልማት ዘርጊ ተቋማትና ሌሎች ጉዳዩ የሚመለከታቸው ተቋማት መካከል የፌድራል የመጀመሪያ ፍርድቤት፣ የከተማ እና መሰረተ ልማት ሚኒስቴር፣ የኢትዮጵያ መንገዶች አስተዳደር፣ የፍትሕ ሚኒስቴር፣ የቆላማና መስኖ ሚኒስቴር ፣ የኢትዮጵያ መብራት አገልግሎት፣ የኢትዩጲያ መብራት ኃይል፣ የኢትዮ ቴሌኮም ፣ የግብርና ሚኒስቴር እና የገንዘብ ሚኒስቴር የሥራ ኃላፊዎች ተሳትፈዋል ።

መድረኩን በንግግር የከፈቱት የከተማ እና መሠረተ ልማት ሚኒስቴር ሚኒስትር ዴኤታ ክቡር አቶ የትምጌታ አሥራት የግንዛቤ ማስጨበጫ ሥራው ወደ ሁሉም ክልሎችና ከተሞች ብሎም ቀበሌዎች የማውረዱና ንቅናቄ በመፍጠር የተሟላ ግንዛቤ መፍጠር ጊዜ የማይሰጠው መሆኑን አስገንዝበዋል፡፡ አያይዘውም ለሥራው ስኬታማነት ሚኒስተር መ/ቤቱ አስፈላጊውን ድጋፍ ሁሉ ለማድረግ ዝግጁ መሆኑን ገልጸዋል።

በተጨማሪም ሁሉም ባለድርሻ አካላት የማሻሻያ አዋጁ እንዲወጣ ገፊ ምክነያት የሆኑትን እጅግ የተጋነነ ነጠላ ዋጋ፣ ምርታማነት ፣ ህገወጥ ግንባታ ፣ተገቢነት የጎደላቸው ክሶች መበራከት መሆኑን ግንዛቤ ውስጥ ማስገባት እጅግ አስፈላጊ መሆኑንና ይህንን አዋጅ ተግባራዊ በማድረግ አስከአሁን የተስተዋሉትን ከካሳ ክፍያ ጋር የተያያዙ መስመር ያልተከሉ አሰራሮችን ፈር ማስያዝ ከሁሉም ባለድርሻ አካላት የሚጠበቅ መሆኑን በአጽእኖት ገልጸዋል፡፡

በመድረኩ ዓዋጅ ቁጥር 1161/ 2011 እና አዋጅ ቁጥር 1336/ 2016 በከተማና መሰረት ልማት ሚኒሰቴር በኩል ቀርበው ሰፊ ውይይት እና ማብራርያ ተደርጎባቸዋል። በአዋጅ ቁጥር 1336/ 2016 መሠረት ከሐምሌ 4 ቀን 2016 ዓም ጀምሮ በይፋ የካሣ ክፍያ ሥርዓት ሙሉ በሙሉ መብቱ ከፌደራል ላይ ተነስቶ ለክልል መሠጠቱ ተገልጿል።

በመድረኩ ላይ የማሻሻያ አዋጅ ቁጥር1336/2016 እና የተሸሻለው አዋጅ ማስፈጸሚያ ረቂቅ ደንብ በተመለከተ ገለጻ የተደረገ ሲሆን የሰነዶቹ ዋና ጭብጥ የካሳ ክፍያ የመፈጸም ኃላፊነት ከፌድራል የመሰረተ ልማት ዘርጊ ተቋማት ለክልሎች የተላለፈ መሆኑን፣ ከካሳ ክፍያ ጋር በተያያዘ የሚቀረቡ ክሶች የፌድራል ተቋማቱ ተካፋይ የሚሆኑባቸው ሆኖ ሲገኝ ክሳቸው የሚቀርበው በፌድራል የመጀመሪያ ፍረድቤት መሆኑን፣ ማናቸውም በፍረድቤት የሚሰጡ ውሳኔዎች ፍጻሜ የሚያገኙት የፌድራል የመጀመሪያ ፍርድቤት ፕሬዜደንት ትእዛዝ ሲሰጡ መሆኑን ተገልቷል፡፡

የተሸሻለውን አዋጅ መማስፈጸሚያ ረቂቅ ደንብ አስመለልክቶ በተደረገው ገለጻ የማሻሻያ ደንቡ ትኩረት ያደረገባቸው ለውጥ በተደረገባቸው ድንጋጌዎች ለአፈጻጸም በሚያመች መልኩ ዘርዘር ተገርጎ የቀረበ መሆኑና ሥራ ላይ የነበረው በሚኒስትሮች ምክረቤት የጸደቀው ደንብ ቁጥር 472/2012 ወደፊት ተሸሽሎ በሚወጣው ደንብ ተሸሽሎ አንድ የተጠቃለለ ደንብ እንደሚወጣ ተገልቷል፡፡

በአዋጆቹ እና በረቂቅ ደንቡ ዙሪያ ከተሳታፊዎች ጥያቄዎችና ገንቢ አስተያየቶች የቀረቡ ሲሆን በቀረቡት አስተያየቶችና ጥያቄዎች ላይ ማብራሪያና ምላሽ ተሰጥቶባቸዋል፡፡

ከፌድራል አልሚ ተቋማት መካከል የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱረሕማን የመንገድ ፕሮጀክቶች በተያዘላቸው የጊዜ ገደብ ተሰርተው እንዲጠናቀቁ በማስቻል ረገድ በግንባታ ሥፍራ ያሉ ቤቶችና ንብረቶች በአዲሱ አዋጅ መሰረት በአፋጣኝ በማንሳት ሁሉም ባለድርሻ አካላት በባለቤትነት ስሜት ኃላፊታቸውን እንዲወጡ አሳስበዋል፡፡

በሌላ በኩል የማሻሻያ አዋጁ ለውጥ ያደረገበት ከካሰ ክፍያ ጋር የተያያዙ ክሶች የፌድራል ተቋማቱ ዋና መስሪያቤት በሚገኝበት የፌድራል የመጀመሪያ ፍርድ ቤት እንዲሆን ፣ በተቋማቱ ሂሳብ ላይ እግድ የመስጠት ፣ የተቋማቱ ዋና ሥራ አስፈጻሚዎች ተገደው ውሳኔዎችን እንዲፈጽሙ የማድረግ ስልጣን ለፌድራል የመጀመሪያ ፍርድ ቤት ፕሬዚዳንት የተሰጠ ቢሆንም አሁንም የክልል ፍርድ ቤቶች አዳዲስ ክሶችን እየተቀበሉ መሆኑን እና የፍርድ አፈጻጸምም በስፋት ወደ ባንክ እየተላከና በመንግስት ገንዘብ ላይ ተገቢ ያልሆነ ጫና እያሳደረ በመሆኑ የክልል ፍርድ ቤቶች በአዋጁ መሰረት ክሶችን እንዲያስተናግዱ ተጠይቋል፡፡

ከገንዘብ ሚኒስቴር የመጡት የሥራ ኃላፊ በበኩላቸው በጀትን አስመለክቶ የቀረቡትን ጥያቄዎች በተመለከተ ለከሳ ክፍያ የሚውለው ገንዘብ ሶስት ምንጮች እንደሚኖሩት አነሱም፡- የፌድራል መንግስት ለክልሎች ከሚመድበው የበጀት ድጋፍ፣ ክልሎች ከሚሰበስቡት ገቢና የፌድራል መንግስት ፕሮጄክቶችን ታሳቢ በመድረግ ከሚመድበው በጀት እንደሚሆን ገልጸው ክልሎች በራሳቸው በጀት የካሳ ክፍያ ሥራዎችን ማከናወን መጀመር እንደሚገባቸውና ጎን ለጎን ጥያቄዎችን ማቅረብ እንደሚቻል አስረድተዋል፡፡

በተጨማሪም ከፌድራል መንግስት ለካሳ ክፍያ የሚመደበው በጀት ክልሎች አቅም እየፈጠሩና ገቢያቸውን እያሳደጉ ሲሄዱ የካሳ ክፍያ ሙሉ ለሙሉ በክልሎች የሚፈጸም መሆኑን መረዳት እንደሚያስፈልግ አብራርተዋል፡፡

በመድረኩ ማጠቃለያላይ ከቡር አቶ የትምጌታ አስራት የከተማና መሰረተ ልማት ሚኒስተር ዴታ የሚከተለውን አቅጣጫ ሰጥተዋል ፡-
1ኛ/ ሁሉም ባለድርሻ አካላት በተሸሻለው አዋጅና በተደረገው የኃላፊነት ለውጥ መሰረት ኃላፊነታቸውን እንዲወጡ፣

2ኛ/ ውዝፍ ክፍያ ማለት አዋጁ ከጸናበት ከሐምሌ 4 ቀን 2016 በፊት በተቋማቱ ተልከው ክፍያ በመጠባበቅ ላይ የሚገኙ መሆኑን፣

3ኛ/በወረዳ/ከተማ አስተዳደሮች እጅ የሚገኙ የግምት ሰነዶች በክልሎች በኩል ክፍያቸው መፈጸም የሚገባው መሆኑን፣

በዲስትሪክቱ የጥገና ስራዎች በመከናወን ላይ ይገኛሉ

አዲስ አበባ፣ ጥቅምት 20 ቀን 2017 ዓ.ም (ኢመአ) ፡- የኮምቦልቻ መንገድ ጥገና ዲስትሪክት የተለያዩ የመደበኛና ወቅታዊ የጥገና ስራዎች በማካሄድ ላይ ይገኛል፡፡

የኮምቦልቻ ዲስትሪክት በ2017 በጀት ዓመት የወልዲያ ከተማ አስፋልት ስራ ፕሮጀክትን ጨምሮ 1,070 ኪሎ ሜትር የመንገድ ጥገና ስራዎችን ለማካሄድ አቅዶ እየሰራ ይገኛል፡፡

በበጀት ዓመቱ እነዚህን የጥገና እና የግንባታ ስራዎች ለማካሄድ ለዲስትሪክቱ የተመደበው ጠቅላላ የገንዘብ መጠን 1,234,465,659 (አንድ ቢሊየን ሁለት መቶ ሰላሳ አራት ሚሊየን አራት መቶ ስልሳ አምስት ሺህ ስድስት መቶ ሀምሳ ዘጠኝ ብር) ነው፡፡

በዚህም ረገድ በበጀት ዓመቱ አራት ወራት ውስጥ 387,161,309 ብር ወጪ በማድረግ 320 ኪሎ ሜትር የሚሸፍኑ በርካታ ስራዎችን በራስ ሀይል ለማከናወን ተችሏል፡፡

በተጨማሪም ቴዎድሮስ ስሜነህ ጠቅላላ የስራ ተቋራጭ እና ኢትዮ ካናዲያን ቢዝነስ ግሩፕ በተባሉ የግል የስራ ተቋራጮች እንዲሁም በአማራ መንገድ ስራዎች ድርጅት 16,110,103 ብር ወጪ በማድረግ 13.88 ኪሎ ሜትር የጥገና ስራዎችን ለማከናወን ተችሏል፡፡

በአጠቃላይ በዲስትሪክቱ ባለፉት የበጀት ዓመቱ አራት ወራት ውስጥ 403,271,412.99 ብር ወጪ በማድረግ 333.67 ኪሎ ሜትር ወይም የዕቅዱን 89.39 በመቶ ስራ ለማከናወን ተችሏል፡፡

በአካባቢው አልፎ አልፎ የሚስተዋሉ የጸጥታ እና የወሰን ማስከበር ችግሮች በዲስትሪክቱ ስራዎች ላይ ተፅዕኖ ቢያሳድሩም ፤ ዲስትሪክቱ እነዚህን ችግሮች በመቋቋም በርካታ ስራዎችን እያከናወነ ይገኛል፡፡

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

https://www.youtube.com/@ethioroads?sub_confirmation=1

https://t.me/iloethiopia2025

CALL FOR PAPERS


Office of the Conference Secretariat
Ethiopian Roads Administration (ERA),
Ras Abebe Aregay Street,
Post Office Box: 1770,
Website: www.iloethiopia2025.gov.et

በበጀት አመቱ በሁሉም የሀገሪቱ ክፍሎች ለመንገዶች ጥገና ተገቢዉ ትኩረት ተሰጥቶ ይሰራል

አዲስ አበባ፣ ጥቅምት 6፣ 2017 (ኢ መ አ):- በበጀት አመቱ በሁሉም የሀገሪቱ ክፍሎች ለመንገዶች ጥገና ተገቢዉ ትኩረት ተሰጥቶ ይሰራል፤ ለመንገዶች ጥገና የሚውል መዋእለ ነዋይ የማሰባሰብ ሥራም ይከናወወናል ።

በአዋጅ ቁጥር 66/1989 ተቋቁም የመንገድ ጥገና ገቢ የማሰባሰብ ተግባራትን ያከናውን የነበረው የኢትዮጵያ መንገድ ፈንድ ጽህፈት ቤት በአዋጅ ቁጥር 1263/2014 ከየካቲት 1 ቀን 2014 ዓም ጀምሮ ከኢትዮጵያ መንገዶች አስተዳደር ጋር መቀላቀሉን ሥራው በኢትዮጵያ መንገዶች አስተዳደር የመንገድ ፈንድ ዳይሬክቶሬት አማካኝነት እየተከናወነ ይገኛል፡፡

የመንገዶች ጥገና ሥራው በዋና በዋናነት በፌዴራል ደረጃ በኢትዮጵያ መንገዶች አስተዳደር፣ በሁለቱ የከተማ አስተዳደሮች፣ በክልሎችና በክልሎቹ በሚገኙ ዋና ዋና ከተሞች የሚከናወን ነው፡፡

የመንገድ ፈንድ ገቢ የሚሰበሰበው ለመንገድ ጥገና ከተጣለ የነዳጅ ታሪፍ፣ ተሽከርካሪ ዘይት እና ቅባት ሽያጭ ላይ ከተጣለ ታሪፍ፣ ከመንገድ ጠቀሜታ ክፍያ፣ በክብደት ላይ የተመሠረተ ዓመታዊ የተሽከርካሪ ፈቃድ ማደሻ ክፍያ እንዲሁም በሕግ ከተፈቀደ ክብደት በላይ በመጫን ከሚጣል ቅጣት ላይ ነው።

በተለያዩ መንገዶች ገቢ ከመሰብሰብ ባለፈም የተሰበሰበውን ገንዘብ ለመንገድ ኤጀንሲዎች በተቀመጠላቸው ቀመር መሠረት ማከፋፈል እና ለመንገድ ኤጀንሲዎች የተሰጠው ገንዘብ ለታለመት ዓላማ መዋሉን የመከታተል ሥራ ይሰራል።

በተጨማሪም ፈንዱ በ2017 በጀት ዓመት ክብደት ላይ የተመሠረተ ዓመታዊ የተሽከርካሪ ማደሻ ክፍያ በዲጅታል አማራጭ እንዲጀመር ለማድረግ የሚያስችሉ የተለያዩ እንቅስቃሴዎችን እየተደረጉ ይገኛሉ።

የመንገድ ፈንድ በከፍተኛ የሀገር ሀብት የተገነቡ መንገዶች እና ድልድዮች በተቀመጠላቸው የዲዛይን ዕድሜ መሠረት እንዲያገለግሉ፣ አስፈላጊው ጥገና እንዲደረግላቸው እና ተገቢውን አገልግሎት መስጠት እንዲችሉ፣ ለፌዴራል (ለመንገድ ጥገና ዲስትሪክቶች )፣ ለከተማ እና ክልል መንገድ ኤጀንሲዎች በየዓመቱ የበጀት ድልድል ያደርጋል።

በዚህ ዓመትም የመንገድ መልሶ ግንባታ (Rehabilitation)፣ የመንገድ ማሻሻያ (Upgrading) ሥራ ቁልፍ የትኩረት መስኮች ላይ የተለያዩ ግቦችን ተቀምጠው እየተሠራ ይገኛል።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads

የሳውላ -ቃቆ ሎት-2 የመንገድ ግንባታ ፕሮጀክት እየተካሄደ ይገኛል

ጂንካ፣ ጥቅምት 4 ቀን 2017 ዓ.ም (ኢ መ አ) ፡ በደቡብ ኦሞ ስር የሚገኘው የሳውላ -ቃቆ ሎት- ሁለት መንገድ ፕሮጀክት በራስ ሀይል ነው እየተካሄደ የሚገኘው ።

የግንባታው አሁናዊ አጠቃላይ አፈፃፀም 64 በመቶ የደረሰ ሲሆን ይህንኑ እንቅስቃሴ አጠናክሮ ለመቀጠል እየተሰራ ነው።

በእስካሁኑ የግንባታ እንቅስቃሴ ከተሰሩ ስራዎች ውስጥ የአፈር ቆረጣ እና የሙሌት የድሬኔጅ ፣ የሰቤዝ ፣የግንብ ፣እንዲሁም የቤዝ ኮርስ ስራዎችን በመሰራት ላይ ነው ።

29 ነጥብ7 ኪሎ ሜትር የሚሸፍነው የሳውላ -ቃቆ የመንገድ ፕሮጀክት በግራቭል እና ዲቢኤስቲ ደረጃ በኢትዮጵያ መንገዶች አስተዳደር ሶዶ ዲስትሪክት በራስ ሀይል እየተገነባ ነው።

ፕሮጀክቱን ለማካሄድ አገልግሎት ላይ የሚውለውን 442,339,654.92 ብር የሚሸፈነው ኢትዮጵያ መንግስት ነው።

ከዚህ ቀደም ምንም አይነት የመንገድ መሰረተ ልማት ያልተዘረጋበት መንገድ በመሆኑ ለመንገዱ ተጠቃሚዎች እጅግ አስቸጋሪ ሆኖ ቆይቷል።

የሳውላ- ቃቆ መንገድ ፕሮጀክት ተገንብቶ ሲጠናቀቅ ከፍተኛ ኢኮኖሚያዊ እና ማኅበራዊ ጠቀሜታን የሚያስተናግድ ይሆናል።

ይህ ፕሮጀክት ከአዲስ አበባ- ጂንካ ለመጓዝ በኮንሶ አርባምንጭን በማቋረጥ 784 ኪሎ ሜትር ይወስድ የነበረ ሲሆን የመንገዱ መገንባት ከጂንካ -ቃቆ- ሳውላ- በወላይታ ሶዶ -አዲስ አበባ ለመሄድ በተሽከርካሪ እስከ 150 ኪሎ ሜትር ያሳጥረዋል።

የመንገዱ መገንባት በርካታ ዞኖችን ወረዳዎችን እና ቀበሌዎችን እንደ ጫሊ፣ በኒታ፣ አሾ እና ሌሎችንም በመንገድ መሰረተ ልማት የሚያገናኝ ይሆናል።

ይህ መንገድ የተሽከርካሪዎችን የጉዞ ጊዜን በማሳጠር ያሰቡት ቦታ መድረስ ከማስቻሉም ባለፈ ካላስፈላጊ የተሽከርካሪ መለዋወጫ ወጪ በመቀነስ መንገዱ የጎላ አስተዋጾዖ ይኖረዋል።

በዞኑ በስፋት የሚገኘውን የማር እና የሰብል ምርቶችን እንደ በቆሎ ማሽላ እንዲሁም የቅባት እህሎችን የለውዝ ምርት ውጤቶችን ወደ ማዕከላዊ ገበያ በጥራት እና በፍጥነት በማድረስ አምራችና ሸማቾችን ያገናኛል።

በመንገድ ፕሮጀክቱ ውስጥ አነስተኛ፣ ከፍተኛ ፍሳሽ ማስተላለፊያ ቱቦዎች፣ ከልቨርቶች እንዲሁም የድልድዮች ግንባታ ተካቶ እየተሰራ ይገኛል፡፡

በኢትዮጵያ የኮንስትራክሽን ዲዛይን እና ሱፐር ቪዥን ስራዎች ኮርፖሬሽን ፕሮጀክቱን የማማከር እና የመቆጣጠር ሥራ እያከናወነ ይገኛል።

የመንገድ ፕሮጀክቱ ግንባታ የጎን ስፋት ትካሻን ጨምሮ በከተማ 14 ሜትር ስፋት ሲኖረው በገጠ 7 ሜትር ስፋት እንዲኖረው ተደርጎ በመገንባት ላይ ነው።

በተጨማሪ
› አጭር መልዕክት 8561
› ፖስታ ሳጥን ቁጥር 1770
› ድህረገጽ www.era.gov.et
› ፊስቡክ https://www.facebook.com/www.era.gov.et
› ቴሌግራም https://t.me/ethioroads
› ትዊተር https://twitter.com/EthiopiaRoadsAd
› ኢሜል [email protected]
› ዩቲዮብ www.youtube.com/@ethioroads