Ethiopian Enterprise Development (የኢትዮጵያ ኢንተርፕራይዝ ልማት)

የኢትዮጵያ ኢንተርፕራይዝ ልማት ከዩኒዶ ግሎባል ማርኬት አክሰስ ፕሮግራም ጋር በማር ማቀነባበር የተሰማሩ ኢንተርፕራይዞችን መደገፍ በሚቻልበት ሁኔታ ላይ ውይይት አካሄደ

EED (ህዳር 27/2017 ዓ.ም)

የተቋሙ ምክትል ዋና ዳይሬክተር አቶ አብዱልፈታ የሱፍ ከዩኒዶ ግሎባል ማርኬት አክሰስ ፕሮግራም ከመጡ ልዑካን ጋር በማር ማቀነባበር የተሰማሩ ኢንተርፕራይዞች ያሉባቸውን ችግሮች መፍታት የሚያስችል ድጋፍ በሚያገኙበት ሁኔታ ላይ ተወያይተዋል፡፡

ም/ዋና ዳይሬክተሩ በውይይቱ ላይ እንደገለጹት የአምራች ዘርፉን ለማሳደግ የተለያዩ ስራዎች እየተሰሩ መሆኑን ገልጸው በተለይም የገጠር ኢንዱስትሪያላይዜሽን ኤንሼቲቭ አዳዲስ አነስተኛና መካከለኛ አምራች ኢንተርፕራይዞችን ወደ ዘርፋ በስፋት ለማስገባትና ዘርፉን ለማሳደግ ትልቅ አቅም እንደሚሆን ተናግረዋል፡፡

በዘርፉ የተሰማሩ አምራች ኢንተርፕራይዞች ተወዳዳሪና ውጤታማ እንዲሆኑ በሙያ ስልጠና፣ በዘመናዊ ቴክኖሎጂ፣ በምርት ጥራት ሰርተፍኬት እንዲሁም በገበያ ትስስር ዙርያ ከአጋዥ ተቋማት ጋር በቅርበት መስራት እንደሚገባም ጠቁመዋል፡፡

ለልዑካን ቡድኑ በሀገራችን ሰፊ የማር ምርት መኖሩን በመጥቀስ ያለውን ሃብት ግን ከአመራረት ጀምሮ እስከማቀነባበር ድረስ በሚስተዋሉ ችግሮች በተገቢው ሁኔታ ጥቅም ላይ አለመዋሉን ገለፃ ተደርጓል፡፡

የዩኒዶ - ግሎባል ማርኬት አክሰስ ፕሮግራም በማር ማቀነባበር የተሰማሩ ኢንተርፕራይዞችን በአቅም ግንባታ ስልጠና፣ በቴክኖሎጂ፣ በገበያ ትስስር በፓኬጅንግ መሰል ድጋፎችን ተደራሽ በማድረግ ከተቋሙ ጋር በጋራ እንደሚሰራ የልዑካን ቡድኑ መሪ ሚስተር ቾንግ ዉ ገልጸዋል፡፡

#ኢትዮጵያ_ታምርት_እኛም_እንሸምት

የኢትዮጵያ ኢንተርፕራይዝ ልማት አመራርና ሰራተኞች 19ኛውን የኢትዮጵያ ብሔሮች ፣ ብሔረሰቦችና ህዝቦች ቀንን አከበሩ

EED ህዳር 26 ቀን 2017 ዓ.ም

የኢትዮጵያ ኢንተርፕራይዝ ልማት አመራርና ሰራተኞች "አገራዊ መግባባት ለኅብረ ብሔራዊ አንድነት" በሚል መሪ ቃል 19ኛውን የኢትዮጵያ ብሔሮች ፣ ብሔረሰቦችና ህዝቦች ቀንን በፓናል ውይይት አክብረዋል።

የተቋሙ ዋና ዳይሬክተር ዶ/ር አለባቸው ንጉሴ ቀኑን አስመልክተው ባስተላለፉት መልዕክት እንደገለፁት ቀኑ ብሔሮች ፣ ብሔረሰቦችና ህዝቦች በሀገራችን ብዝሃነትን ሊያስተናግድና ዴሞክራሲን ሊገነባ የሚችል ስርዓት እንዲተገበር በጋራ የወሰኑበት ህገ መንግስት የፀደቀበት እንደሆነ ተናግረዋል።

ልዩነቶችን በማክበርና አብሮነትን በማጠናከር ጠንካራ ሀገር መገንባት ይገባናል ያሉት ዋና ዳይሬክተሩ መንግስትም በዋና ዋና ሀገራዊ ጉዳዮች ላይ የጋራ መግባባት እንዲፈጠር የምክክር ኮሚሽን አቋቁሞ እየሰራ መሆኑን ጠቅሰዋል።

ዋና ዳይሬክተሩ አክለውም እንደ ተቋም የኢንተርፕራይዝ ልማቱ እንዲጠከርና ውጤታማ እንዲሆን ዘርፉ ላይ ያለው አመራርና ሰራተኛ በጋራና በተቀናጀ መንገድ እርብርብ ማድረግ እንዳለበትም አሳስበዋል።

በዕለቱ ኅብረ ብሔራዊ ፌዴራል ስርዓት በኢትዮጵያ ፣ ተግዳሮቶቹና የመፍትሔ ሃሳቦች በሚል ርዕሰ ጉዳይ የተዘጋጀ ሰነድ ቀርቦ በተሳታፊዎች ሰፊ ውይይት ተደርጓል።

የተቋሙ የዋና ዳይሬክተር ጽ/ቤት ሃላፊ አቶ ግርማው ፈረደ ሰነዱን ሲያቀርቡ እንዳብራሩት በሀገረ መንግስት ግንባታ የሚስተዋሉ ልዩነቶችን በሰለጠነ መንገድ በመፍታት አንድነቷ የተጠበቀ ኅብረ ብሔራዊ ሀገር መገንባት እንደሚገባ አስገንዝበዋል።

አንድነትን በማጠናከር ሰላምን ማስጠበቅና ልማትን ማስቀጠል እንደሚገባ የጠቀሱት አቶ ግርማው ለዚህም ሁሉም ዜጋ የበኩሉን ድርሻ መወጣት እንዳለበት አመላክተዋል።

የመድረኩ ተሳታፊዎች በበኩላቸው በሰጡት አስተያየት የፌዴራል ስርዓቱ በህዝቦች መካከል ልዩነቶችን የሚያሰፋና የችግር ምንጭ እንዳይሆን በተገቢው መንገድ መተግበር አለበት ብለዋል።

መድረኩ የኢትዮጵያ ህዝብ መዝሙር በመዘመር ተጠናቋል።

#ኢትዮጵያ_ታምርት  #እኛም_እንሸምት

https://youtu.be/d8JUlV51h5g?si=CpfshnYcW60wvD_s

በሀዋሳ ከተማ #የሊዝ_ፋይናንስ_ተጠቃሚ በመሆን #ስኬታማ የሆነ አምራች ኢንተርፕራይዝ ተሞክሮ የሚያስቃኝ ዝግጅት

"የኛ ምርት ፣ ለእኛ" የአምራች ኢንተርፕራይዞች ባዛር !

EED ህዳር 24 ቀን 2017 ዓ.ም

የኢትዮጵያ ኢንተርፕራይዝ ልማት ከጆርካ ኤቨንትስ ጋር በመተባበር ከታህሳስ 18- 27/2017ዓ.ም በአዲስ አበባ ፍልውሃ አካባቢ በሚገኘው ፊንፊኔ ሆቴል አጠገብ የሚካሄድ አነስተኛና መካከለኛ አምራች ኢንተርፕራይዞች የሚሳተፉበት ባዛር አዘጋጅቷል፡፡

“የኛ ምርት ፣ ለእኛ'' የአምራች ኢንተርፕራይዞች ባዛር! በሚል መሪ ቃል በሚካሄደው በዚህ #ሀገር_አቀፍ ባዛር በአልባሳትና የቆዳ ውጤቶች፣ በእንጨትና ብረታብረት ውጤቶች፣ በአግሮፕሮሰሲንግ፣ በኬሜካልና ኬሜካል ውጤቶች፣ በጌጣጌጥና ማዕድን ፣ በኮንስትራሽን ግብዓት የተሰማሩ አነስተኛና መካከለኛ አምራች ኢንተርፕራይዞች ይሳተፋሉ፡፡

ባዛሩ ለገበያ ተመራጭ በሆነ ቦታ የሚካሄድ በመሆኑ ጥሩ ሽያጭና የገበያ ትስስር ለመፍጠር እንዲሁም ዘላቂ ደንበኞችን ለማፍራት ምቹ ሁኔታን ይፈጥራል፡፡

ስለሆነም አነስተኛና መካከለኛ አምራች ኢንተርፕራይዞች ፈጥናችሁ በመመዝገብ የባዛሩ ተሳታፊዎች በመሆን ግብይት አከናውኑ፤ ምርቶቻችሁን አስተዋውቁ፤

#ባዛሩ ከታህሳስ 18- 27/2017 ዓ.ም ይካሄዳል፤

"የኛ ምርት ፣ ለእኛ ''የአምራች ኢንተርፕራይዞች ባዛር !

ሀገር አቀፍ የአነስተኛና መካከለኛ አምራች ኢንተርፕራይዞች ባዛር ሊካሄድ ነው

EED ህዳር 22 ቀን 2017 ዓ.ም

የኢትዮጵያ ኢንተርፕራይዝ ልማት ከጆርካ ኤቨንትስ ጋር በመተባበር ከታህሳስ 18- 27/2017ዓ.ም በአዲስ አበባ ፍልውሃ አካባቢ በሚገኘው ፊንፊኔ ሆቴል አጠገብ የሚካሄድ አነስተኛና መካከለኛ አምራች ኢንተርፕራይዞች የሚሳተፉበት ባዛር አዘጋጅቷል፡፡

“የኛ ምርት፣ ለእኛ'' የአምራች ኢንተርፕራይዞች ባዛር በሚል መሪ ቃል በሚካሄደው በዚህ #ሀገር_አቀፍ ባዛር በአልባሳትና የቆዳ ውጤቶች፣ በእንጨትና ብረታብረት ውጤቶች፣ በአግሮፕሮሰሲንግ፣ በኬሜካልና ኬሜካል ውጤቶች፣ በጌጣጌጥና ማዕድን ፣ በኮንስትራሽን ግብዓት የተሰማሩ አነስተኛና መካከለኛ አምራች ኢንተርፕራይዞች ይሳተፋሉ፡፡

ባዛሩ ለገበያ ተመራጭ በሆነ ቦታ የሚካሄድ በመሆኑ ጥሩ ሽያጭና የገበያ ትስስር ለመፍጠር እንዲሁም ዘላቂ ደንበኞችን ለማፍራት ምቹ ሁኔታን ይፈጥራል፡፡

ስለሆነም አነስተኛና መካከለኛ አምራች ኢንተርፕራይዞች ፈጥናችሁ በመመዝገብ የባዛሩ ተሳታፊዎች በመሆን ግብይት አከናውኑ፤ ምርቶቻችሁን አስተዋውቁ፤

#ባዛሩ ከታህሳስ 18- 27/2017 ዓ.ም ይካሄዳል፤

"የኛ ምርት፣ ለእኛ'' የአምራች" ኢንተርፕራይዞች ባዛር!

አምራች ኢንተርፕራይዞችን በእውቀት መደገፍ የሚያስችል የክህሎት ስልጠና  ዘርፉን ለሚደግፉ ባለሙያዎች  ተሰጠ

EED ህዳር 20/2017 ዓ.ም

የኢትዮጵያ ኢንተርፕራይዝ ልማት ከአዲስ አበባ ከተማ አስተዳደር ኢንዱስትሪ ልማት ቢሮ  ጋር በመተባበር በተቋሙ ወርክ ሾፕ በሻማ ማምረት ፣ በፕላስቲክና በወረቀት ስራ ለ10 ቀናት በንድፈ ሀሳብና በተግባር የተደገፈ የክህሎት ስልጠና ዘርፉን ለሚደግፉ ለአዲስ አበባ ከተማ አስተዳደር ኢንዱስትሪ ቢሮ  ባለሙያዎች ስልጠና ሰጠ፡፡

በስልጠናው የተሳተፉት ባለሙያዎች እንደተናገሩ ስልጠናው በተግባርና በንድፈ ሀሳብ የተደገፈ በመሆኑ በቀጣይ በመዲናዋ ላሉ አምራች ኢንተርፕራይዞች ለምንሰጠው ድጋፍ አቅም እንደሚሆናቸው ተናግረዋል፡፡

በዚህ ስልጠና በ2 ዙር ለ38 ባለሙያዎች ስልጠና ተሰጥቷል፡፡

የኢትዮጵያ ኢንተርፕራይዝ ልማት ባሉት የማሰልጠኛ ወርክሾፖችና አሰልጣኝ ባለሙያዎች በልዩ ልዩ የማኑፋክቸሪንግ ዘርፎች የዘርፉን ምርትና ምርታማነት ማሳደግ የሚያስችሉ የተግባር ስልጠናዎችን ለኢንተርፕራይዞችና አስፈፃሚ አካላት እየሰጠ ይገኛል፡፡

#ኢትዮጵያ_ታምርት  #እኛም_እንሸምት

በአነስተኛና መካከለኛ ኢንተርፕራይዞች ዙሪያ የሚያጠነጥነው ‹‹አምራች እጆች›› የቴሌቪዥን ፕሮግራም ክፍል 16 ሰኞ ህዳር 23 ቀን 2017 ዓ.ም ከምሽቱ 3፡30 ጀምሮ በኢትዮጵያ ቴሌቪዥን ይጠብቁ፡፡

በኢትዮጵያ ታምርት ንቅናቄ ግንዛቤ ማስጨበጫ  መድረክ ጎለጎን የብረታብረት ፋብሪካ ጉብኝት ተካሄደ።

ህዳር 20/2017 ዓ.ም

የኢንዱስትሪ ሚኒስቴር በኢትዮጵያ ታምርት ንቅናቄ ለአምራች ኢንዱስትሪ ዘርፍ ዕድገት በመንግስት እየተሰሩ ያሉ ስራዎችና ውጤታማነት እንዲረጋገጥ ግንዛቤ ለመፍጠር  ከተካሄደው መድረክ ጎለጎን በኦሮሚያ ክልል ቢሾፍቱ ከተማ የሚገኘውን ስቲሊ አር.ኤም.አይ. ኃላ/የተ/የግ/ ማህበር ብረታ ብረት ማምረቻ ፋብሪካን በኢትዮጵያ ኢንተርፕራይዝ ልማት ዋና ዳይሬክተር ዶ/ር አለባቸው ንጉሴ የተመራ የፌዴራል የኦሮሚያ ክልልና የቢሾፍቱ ከተማ አስተዳደር አመራሮች ልዑክ ጉብኝት አካሂዷል ።

እንደ ሀገር ያለውን የብረታብረት አቅርቦትና ፍላጎት ለማሻሻል ፋብሪካው እሴት በመጨመር እያመረተ ያለበት የስራ እንቅስቃሴ እንዲሁም ምርቶቹን ለገቢያ እያቀረበ ስለመሆኑ ተመልክተዋል ።

በፋብሪካው የስራ ዕድል በመፍጠር፣ እሴት በመጨመር ገቢ ምርት ለመተካትና ምቹ ስራ ቦታ ለመፍጠር እየሰራ ያለው ስራ አበረታች መሆኑን ተገልጿል።

#ኢትዮጵያ_ታምርት
#እኛም_እንሸምት

እንደ ሀገር ፍላጎትን ማሟላት የሚያስችል ኢኮኖሚ ለመገንባት በአምራች ኢንዲስትሪና በቴክኖሎጂ ተወዳዳሪ መሆን ያስፈልጋል
=====================
ህዳር 19/2017 ዓ.ም

የኢንዱስትሪ ሚኒስቴር በኢትዮጵያ ታምርት ንቅናቄ ለአምራች ኢንዱስትሪ ዘርፍ ዕድገት በመንግስት እየተሰሩ ያሉ ስራዎችና ውጤታማነት እንዲረጋገጥ ግንዛቤ ለመፍጠር ከቢሾፍቱ ከተማ አስተዳደር አመራሮች ጋር ውይይት አካሂዷል::

በውይይት መድረኩ ላይ የኢትዮጵያ ኢንተርፕራይዝ ልማት ዋና ዳይሬክተር ዶ/ር አለባቸው ንጉሴ መንግስት በዋናነት ትኩርት አድርጎ እየሰራ ያለው ግብርናውን በማዘመን ቴክኖሎጂ በመጠቀም ኢኮኖሚያዊውን ወደ አምራች ኢንዱስትሪ ዘርፍ ኢንዲቀየር  መሆኑን ገልፀዋል፡፡

የአስተሳሰብና የአሰራር ለውጥ ካላመጣን #የአምራች_ኢንዲስትሪ ኢኮኖሚ ሊለውጥ አይችልም ያሉት ዋና ዳይሬክተሩ ኢኮኖሚ የሚመራው በአስተሳሰብ፣ በፖሊሲ፣ በአሰራርና በቴክኖሎጂ በመሆኑ ግብርናችንን በማዘመን አምራች ኢንዱስትሪውን ምርታማነት ለማረጋገጥ መስራት ያስፈልጋል ብለዋል፡፡

አምራች ኢንዲስትሪው ማደግ ካልቻለ የአንድ ሀገር ኢኮኖሚ ተወዳዳሪ መሆን አይቻልም ያሉት ዶክተር አለባቸው ጥሬ ምርቶቻችን ላይ እሴት በመጨመር ለሀገር ኢኮኖሚ ዕድገት የሚኖረውን ድርሻ ማሳደግ  የሁሉም ተቋማት ኃላፊነት መሆኑን ጠቁመዋል፡፡

የግብርና እና የማዕድን ዘርፉ ምርቶችን እሴት በመጨመር ለሀገር ውስጥ እና ለውጪ ገበያ ማቅረብ ያስፈልጋል ያሉት ዶ/ር አለባቸው ሁለቱ ዘርፎች ሲያድጉ የአገልግሎት ዘርፉ እዚህ ላይ ከተመሰረተ ጤናማ ኢኮኖሚ መገንባት እንደሚቻል አስረድተዋል፡፡

የዲጂታል ኢኮኖሚ መከተል ከቻልን ግብርናን፣ አምራች ኢንዱስትሪን፣ ማዕድን፣ ቱሪዝምን ማሻገር እንችላለንም ብለዋል።

የሀገር ኢኮኖሚ እንዲለወጥ  ሁሉም በርፍ ተደጋግፎ እንዲያድግ መስራት እንደሚያስፈልግ ተናግረዋል፡፡

በተመሳሳይ የአስተሳሰብ ቅኝት ውስጥ ሆነን ካልሰራን ሀገራችንና ህዝባችን ልንጠቅም  አንችልም ስለዚህ ወደ ተግባር እንዲለወጥ የአምራች ኢንዱስትሪ ዘርፍ በመደገፍ እንደ ሀገር ፍልጎትን ማሟላት የሚያስችል ኢኮኖሚ ለመገንባት በአምራች ኢንዲስትሪና በቴክኖሎጂ ተወዳዳሪ መሆን ያስፈልጋል ብለዋል፡፡

በኢትዮጵያ ታምርት ንቅናቄ አምራች ኢንዱስትሪዎች የሚገባቸውን ያክል ውጤታማ እንዲሆኑ ችግር እንዳያጋጥማቸው እንስራ ያሉት ዶ/ር አለባቸው ንጉሴ የአምራች ኢንዱስትሪ ዘርፍ ዕድገት የብዙ ተቋማትና ሴክተር የጋራ እሳቤ ተግባር ውጤት በመሆኑ ጤናማና ምቹ የስራ ሁኔታ በመፍጠር ሁኔታዎችን አጣጥሞ መስራት ከተቻለ በሀገር ውስጥ ያለትን አምራቾች ምርታማነት ማሳደግ ተጨማሪ ኢንቨስትመንትን መሳብ እንደሚቻል ገልፀዋል፡፡

#ኢትዮጵያ_ታምርት_እኛም_እንሸምት

የኢትዮጵያ ታምርት ንቅናቄ ዉጤታማ በማድረግ የአምራች ኢንዱስትሪ ማነቆዎችን መፍታት ለአገራችን ብልፅግና መረጋገጥ ወሳኝ መሆኑ ተገለፀ

ህዳር 19/2017 ዓ.ም

በኢትዮጵያ ታምርት ንቅናቄ አደረጃጀትና አተገባበር ዙሪያ በጋምቤላ ከተማ የውይይት መድረክ ተካሂዷል፡፡

በመድረኩ የኢትየጵያ ኢንተርፕራይዝ ልማት ም/ዋና ዳይሬክተር የሆኑት አቶ አብዱልፈታ የሱፍ  የኢትዮጵያ ታምርት ንቅናቄ በከፍተኛ አመራሩ መሪነት ዉጤታማ ለማድረግ በልዩ ትኩረት መሰራት አለበት ብለዋል።

አመራሩ የአምራቾችን ችግር መፍታት፤ የገጠር ኢንዱስትሪያላይዜሽን ኤንሼቲቭን በመተግበር አዳዲስ አምራች ኢንተርፕራይዞችን ወደ ዘርፋ በስፋት ለመሳብ በክልሉ ውስጥ ያሉ እምቅ የኢንቨስትመንት ጸጋዎችን በጥናት በመለየት መስተዋወቅ ይገባልም ብለዋል፡፡

የክልል ም/ል ርዕሰ መስተዳደርና የከተማና መሠረተ ልማት ቢሮ ሀላፊ እንዲሁም የክልሉ የኢትየጵያ ታምርት ንቅናቄ ስትሪንግ ኮሚቴ ሰብሳቢ የሆኑት ዶክተር ጋልዋክ ሮን በበኩላቸው እንደ ሀገር በኢትየጵያ ታምርት ንቅናቄ በተፈጠረው ቅንጅታዊ አሰራር በክልሉ የሚገኙ አምራች እንዱስትሪዎችን የግብዓትና የፋይናንስ አቅርቦት እየተሻሻለ በመሆኑ የተፈጠረውን  አደረጃጀት  የጋራ እቅድ እስከ ዞንና ወረዳ ድረስ በማውረድ ወደ ተግባር መቀየር ትኩረት የምንሰጠው ነው ብለዋል፡፡

የአምራች ኢንዱስትሪ ልማት ኢንስቲትዩት ዋና ዳይሬክትር የሆኑት ዶ/ር ሚልኬሳ ጃጋማ  የአምራች ኢንዱስትሪዎችን ችግር በቅንጅታዊ አሰራር  ለመፍታት የኢትየጵያ ታምርት ንቅናቄ ቁልፍ መሳሪያ መሆኑን ጠቁመው በተለይ በከፍተኛ አመራሩን ግንዛቤና ቅንጅታዊ አሰራር በማጠኛከር  ባለቤትነት ከመመራት አንፃር ትኩረት ሊሰጠው እንደሚገባ በውይይቱ ማጠቃለያ ያነሱ ሲሆን የንቅናውን አደረጃጀትና የዘርፉን መዋቅራዊ አደረጃጀት በማጠናከር ከፍተኛ ትኩረት ሊሰጠው ይገባል ብለዋል፡፡

በመጨረሻም ኢትየጵያ ታምርት ንቅናቄ የመጡ ለውጦችንና በቀጣይ  በሚሰሩ የትኩረት አቅጣጫዎች ዙሪያ የውይይት ሰነድ ቀርቦ ለአመራሩ ግንዛቤ  መፍጠር ተችሏል፡፡

የኢትዮጵያ ኢንተርፕራይዝ ልማት ለተቋሙ ሴት ሰራተኞች በማህፀን በርና በጡት ካንሰር በሽታ ላይ የግንዛቤ ማስጨበጫ ስልጠና ሰጠ

EED (ህዳር 13/2017 ዓ.ም

ተቋሙ ሴቶችን በሚያጠቃው የማህፀን በርና ጡት ካንሰር ላይ ሴት ሰራተኞች በበሽታዎች ላይ የተሻለ ግንዛቤ ይዘው መከላከል እንዲችሉ ከአዲስ አበባ ጤና ጥበቃ በመጡ የጤና ባለሙያዎች ግንዛቤ እንዲይዙ የሚያስችል መድረክ አመቻችቷል።

የተቋሙ ዋና ዳይሬክተር ጽ/ቤት ሃላፊ አቶ ግርማው ፈረደ በመድረኩ ተገኝተው እንደተናገሩት በማህፀን በርና በጡት ካንሰር ላይ ሴት ሰራተኞች እውቀትና ግንዛቤ ኑሯቸው ቅድመ መካከል በማድረግ ጤናማ ህይወት መምራት እንዲችሉ የግንዛቤ ማስጨበጫ መድረክ ማዘጋጀቱን ገልፀዋል።

በሽታው ሴቶችን የሚያጠቃና ለሞት የሚዳርግ በመሆኑ ሴቶች በአግባቡ አውቀው በመከላከል ራሳቸውንና ተቋማቸውን ማገልገልና መጥቀም እንዳለባቸው ተናግረዋል።

የተቋሙ የሴቶችንና ማህበራዊ ጉዳይ አካቶ ትግበራ ስራ አስፈፃሚ ወ/ሮ ትዕግስት ድጋፌ በበኩላቸው እንደገለፁት በማህፀን በርና በጡት ካንሰር በሀገራችን ብዙ ሴቶችን እያጠቃና እየጎዳ ያለ በመሆኑ ሴት ሰራተኞች ግንዛቤ በመውሰድ ጤናቸውን አስቀድመው በመጠበቅ ከአላስፈላጊ ወጭና ጉዳት ማዳን አለባቸው ብለዋል።

በመድረኩ የማህፀን በርና የጡት ካንሰር ምንነት፣ ተጋላጭ በሚያደርጉና መከላከያ መንገዶች እንዲሁም ተያያዥ በሆኑ ሁኔታዎች ላይ ግንዛቤ ተፈጥራል።

በዕለቱ በተቋሙ ሰራተኛ ለነበሩና በጡሮታ መ/ቤቱን ለለቀቁ ሴት ሰራተኞች የሽኝት ፕሮግራምም ተከናውኗል።

ጣዕመ መካኒካል ኢንጅነሪንግ በትግራይ ክልል በመቐለ ከተማ ልዩ ልዩ ማሽኖችን እያመረተ ለገበያ እያቀረበ የሚገኝ ኢንተርፕራይዝ ነው፡፡

🟩 ጣዕመ መካኒካል ኢንጅነሪንግ

ጣዕመ መካኒካል ኢንጅነሪንግ በትግራይ ክልል በመቐለ ከተማ ልዩ ልዩ ማሽኖችን እያመረተ ለገበያ እያቀረበ የሚገኝ ኢንተርፕራይዝ ነው፡፡

ኢንተርፕራይዙ ቀደም ሲል በ2007 ዓ.ም 57 ሺህ ብር መነሻ ካፒታል በሽርክና ማህበር ልዩ ልዩ ማሽኖችን በማምረት ወደ ስራ የገባ የብረታ ብረት ኢንጅነሪንግ ሲሆን በስራው የተሻለ ውጤትና አቅም መፍጠር ሲችል በ2012 ዓ.ም እንደገና በየግል መስራት መጀመራቸውን የጣዕመ መካኒካል ኢንጅነሪንግ ባለቤትና ስራ አስኪያጅ አቶ ጣዕመ ገ/ሚካኤል ይገልፃል፡፡

ጣዕመ መካኒካል ኢንጅነሪንግ የግብርና፣ የኮንስትራክሽንና የማዕድን ማሽኖችን እያመረት መሆኑን የሚገልፀው ስራ አስኪያጁ አብዛኛው ማሽኖች በትዕዛዝ የሚመረቱ መሆኑን በመጥቀስ ተጠቃሚዎቹም ባለሃብቶች፣ ማህበራትና በደደቢት ማይክሮ ፋይናንስና በካዛ ካፒታል ዕቃ አክሲዮን ማህበር በኩል የሚመጡ አካላት የማሽኖች ተጠቃሚ እየሆኑ መሆናቸውን ተናግሯል፡፡

ኢንተርፕራይዙ ማሽኖችን በተጠቃሚው ትዕዛዝ ማቅረብ በመቻሉና የመለዋወጫ እንዲሁም የማሽን ተከላና አጠቃቀሙ ላይ ስልጠና የሚሰጥ እንዲሁም ጥራት ያላቸው ማሽኖችን በተመጣጣኝ ዋጋ እያቀረበ በመሆኑ ከውጭ ከሚገቡ ማሽኖች የተለየ ያደርገናል የሚለው ስራ አስኪያጁ ማሽኖችን በማምረት ከትግራይ ክልል በተጨማሪ ወደ አፋርና አማራ ክልሎች እየላኩ መሆኑንም ጠቅሷል፡፡
በቀጣይ ወደ አዲስ አበባ ገበያ ለመግባት የቅድመ ዝግጅት ስራዎች እየተሰሩ መሆኑን የሚገልፀው አቶ ጣዕመ በሂደት ለሀገሪቱ የሚጠቅሙ ትልልቅ ማሽኞችን በማምረት ከውጭ የሚመጣውን ለመተካት እንዲሁም ተደራሽነቱንም ከሀገር ውስጥ አልፎ ለምስራቅ አፍሪካ ገበያ ለማቅረብ እቅድ ይዞ እየሰራ መሆኑንም ተናግሯል፡፡

የማሽን ስራ ዋናው መለዋወጫ በመሆኑ 90 በመቶው የሚሆነውን በኢንተርፐራይዙ ይመረታል የሚለው ጣዕመ 10 በመቶው የሚሆነውን ደግሞ በቀላሉ የሚገኙትን መለዋወጫዎች ጥቅም ላይ የሚውሉ መሆናቸውን ተናግሯል፡፡

ጣዕመ ወደዚህ ስራ ከመግባቱ በፊት ከ9ኛ ክፍል ጀምሮ ከትምህርቱ ጎን ለጎን ከማሽን አምራች ኢንዱስትሪዎች ተቀጥሮ ሲሰራ ስለነበር በዘርፉ የተሻለ እውቀትና ልምድ ማግኘት እንደቻለም ገልጿል፡፡

ኢንተርፕራይዙ በመንግስት የፋይናንስና የማምረቻ ቦታ ድጋፍ አግኝቶ እየሰራ እና ውጤታማ እየሆነ በመምጣቱ አሁን ላይ ያለው ካፒታል ከ40 ሚሊዮን በላይ ደርሷል፡፡ ለ45 ዜጎች የስራ ዕድል መፍጠር ችሏል፡፡ መንግስት ባመቻቸው በኢትዮጵያ ታምርትና በሌሎች ኤግዚቢሽንና ባዛሮች ላይ በመሳተፍ ምርቶቹን እየሸጠና እያስተዋወቀ እንዲሁም ከትልልቅ ድርጅቶች ጋራ በጋራ መስራት የሚያስችለውን ስምምነት እየፈፀመ እንደሚገኝም አቶ ጣዕመ ገልጿል።

በቀጣይ ኢንተርፕራይዙ በስፋት አምርቶ የገበያ መዳረሻውን ለማስፋት የፍይናንስ ድጋፍ እንደሚያስፈልገውም ስራ አስኪያጁ ተናግሯል፡፡

👉 አድራሻ፡- በትግራይ ክልል መቐለ ከተማ 06 ቀበሌ መስፍን ክላስተር ማዕከል
☎️ስልክ፡- 09 14 30 62 61/09 14 34 81 11 ማግኘት ይቻላል፡፡

#ኢትዮጵያ_ታምርት_እኛም_እንሸምት!

የኢትዮጵያ ኢንተርፕራይዝ ልማት ከኢንዱስትሪ ሚኒስቴር ጋር በመተባበር ለተስፋ አዲስ ፓረንትስ ቻይልድሁድ ካንሰር ድርጅት (ታፕኮ) የተለያዩ ቁሳቁሶችን ድጋፍ አደረገ

EED ህዳር 11/ 2017 ዓ.ም

የኢትዮጵያ ኢንተርፕራይዝ ልማት ከኢንዱስትሪ ሚኒስቴር ጋር በመተባበር ለተስፋ አዲስ ፓረንትስ ቻይልድሁድ ካንሰር ድርጅት (ታፕኮ) ሁለት ዘመናዊ የልብስ ስፌት ማሽን እንዲሁም ለስራ ማስጀመሪያ የሚሆን 3 ጣቃ ጨርቅ፣ ክሮች፣ ዚፕና ሌሎች አክሰሰሪዎችን በስጦታ ለገሰ

በርክክብ ሥነ-ስርአቱ ላይ በመገኘት ንግግር ያደረጉት የኢትዮጵያ ኢንተርፕራይዝ ልማት ዋ/ዳይሬክተር ፅ/ቤት ሀላፊ አቶ ግርማው ፈረደ እንደገለፁት የልማት መስሪያ ቤቱ ከክረምት በጎ ፍቃድ አገልግሎት በተጨማሪ እንዲህ አይነት ተመሳሳይ ድጋፎችን በማድረግ ማህበራዊ ሀላፊነቱን እየተወጣ ነው ብለዋል፡፡

ከወራት በፊት በኢንዱስትሪ ሚኒስቴር ሚንስትር ክቡር አቶ መላኩ አለበል አነሳሽነት ታፕኮ የኢትዮጵያ ኢንተርፕራይዝ ልማትን መጎብኘቱን ገልፀው በጉብኝቱ ወቅት የተገባውን ቃል በመጠበቅ በዛሬው እለት ለልብስ ስፌት ስራ ማስጀመሪያ የሚሆኑ ቁሳቁሶችን መለገሱን አቶ ግርማው አብራርተው በቀጣይም የልማት መስሪያ ቤቱ ፍቃደኛ ለሆኑ ወላጆች የልብስ ስፌት ሙያ ስልጠና እንደሚሰጥ ጠቁመዋል::

የታፕኮ ማኔጂንግ ዳይሬክተር ሳራ ኢብራሂም ለተበረከተላቸው ድጋፍ ምስጋና አቅርበው በቀጣይ የስጋጃ እና የሽመና ስራ ለማስጀመር የሚረዱ ማሽኖችና ስልጠና እንዲሰጥላቸው ጠይቀዋል::

ታፕኮ በአሁኑ ወቅት ከአዲስ አበባ በተጨማሪ በጅማ፣ ጎንደር እና መቀሌ ማዕከላቱ የካንሰር ታማሚ ህፃናትን ህይወት ማዳን ላይ ትኩረቱን በማድረግ ከ1,400 በላይ ለሆኑ ህፃናትና ወላጆች ማህበራዊ፣ ኢኮኖሚያዊ እና ስነ-ልቦናዊ ድጋፎችን የሚሰጥ መንግስታዊ ያልሆነ የበጎ አድራጎት ድርጅት ነው

Addis Zemen Today

https://t.me/ethpress/39339

10ኛው የአፍሪካ ጨርቃ ጨርቅ እና ፋሽን ሳምንት (ASFW) ተከፈተ፡፡
===
EED ጥቅምት 29/2017 ዓ.ም

ከ30 ሀገራት የተውጣጡ የጨርቃ ጨርቅ እና ቆዳ ኢንዱስትሪዎች በአፍሪካ ሶርሲንግ ፋሽን ሳምንት (ASFW) ከዛሬ ጥቅምት 29 እስከ ህዳር 2 /2017 ዓ.ም እንደሚካሄድ ተገልጿል ፡፡

የፋሽን ሳምንቱ የኢንዱስትሪ ሚኒስቴር ሚንስቲር አቶ መላኩ አለበል እና የቱሪዝም ሚኒስቴር ሚኒስትር ወ/ሮ ሳላማዊት ካሳ እና  ሌሎች በርካታ እንግዶች በተገኙበት ተከፍቷል፡፡

ሚኒስትሩ አቶ መላኩ እንዳሉት አፍሪካ በተፈጥሮ ሃብት የበለፀገች እና ትልቅ አምራች ሃይል ያለባት እንደመሆኗ አሁን ያለችበት ድህነት የማይገባት ነው ብለዋል ፡፡

ሚኒስትሩ አክለውም አፍሪካን ለመቀየር አመራር እና ተቋምን መገንባት ይገባናልም ብለዋል፡፡

ከሁለት አመት በፊት በጀመር ነው ኢትዮጵያ ታምርት ንቅናቄ በጨርቃ ጨርቅ፣ በቆዳ ዘርፍ እና  በኢንዱስትሪ ውጤቶች ተስፋ ሰጪ ለውጥ እየተመዘገበ መሆኑን ተናግረዋል፡፡

በዝግጅቱ ከ60 በላይ ሀገራት የሚመጡ ከ7 ሺህ በላይ የንግድ ትስስሩን የሚያሳልጡ ተሳታፊዎች ተገኝተዋል ።

በጨርቃጨርቅና ቆዳ ፋሽን  ሳምንቱ ልምድና ተሞክሮ የሚቀሰምባቸው  የዘርፉን ችግሮች መፍታት ላይ ያተኮሩ ኮንፈረንሶችና የፓናል ውይይቶች እንደሚኖሩም ይጠበቃል ።

የአፍሪካ ሶርሲንግና ፋሽን ሳምንት በ10 አመት ቆይታው ከ50 ሺህ በላይ አዳዲስ ሥራዎችን መፍጠር የቻለ መሆኑም ተገልጿል።

#ኢትዮጵያ_ታምርት_እኛም_እንሸምት


🟫  Portal  https://www.manuf-sme.gov.et/

🟦 ፌስቡክ፡- ethiopianenterprisedevelopment

🟩 ዩትዩብ፦ https://www.youtube.com/@ethiopiaenterprise

🟫 ኢ-ሜይል፡- [email protected]

ጠቅላይ ሚኒስትር ዐቢይ አሕመድ (ዶ/ር) የ’ዓለም ከረሃብ ነጻ’ ጉባኤ ማጠናቀቂያ ላይ ያደረጉት ንግግር

"ጠንካራ የዘርፍ ማህበራት መኖር ለአምራች ዘርፉ እድገት ትልቅ አቅም ይፈጥራል"

አቶ ጳውሎስ በርጋ ፤ የኢትዮጵያ ኢንተርፕራይዝ ልማት ም/ዋና ዳይሬክተር

EED ጥቅምት 28/ 2017 ዓ.ም

የኢትዮጵያ ኢንተርፕራይዝ ልማት ከክልል እና ፌዴራል ዘርፍ ማህበራትና ባለድርሻ አካላት ጋር በአምራች ኢንተርፕራይዞች ምርትና ምርታማነት እንዲሁም ተወዳዳሪነት ዙሪያ ውይይት አካሄደ፡፡

የኢትዮጵያ ኢንተርፕራይዝ ም/ዋና ዳይሬክተር አቶ ጳውሎስ በርጋ በመድረኩ እንደገለፁት የአምራች ኢንተርፕራይዝ ዘርፍ ችግሮች እንዳሉበት ሁሉ ብዙ መልካም እድሎችም የተሞላ በመሆኑ ይህን መልካም ዕድል መጠቀም የሚችል ጠንካራ ማህበር ያስፈልጋል ብለዋል፡፡


ተወዳዳሪ የሆኑ አምራቾችን መፍጠር የሚችል ጠንካራ የዘርፍ ማህበራት መኖር በሀገር ውስጥ የሚመረቱ ምርቶች በአለም ገበያ ተፎካካሪ እንዲሆኑ በማስቻል ለዘርፉ እድገት ትልቅ አቅም ይፈጥራል ብለዋል፡፡


በመድረኩ የመሠረተ ልማት አቅርቦት ችግር፣የመብራት መቆራረጥ፣የብድር አቅርቦት ውስንነት፣ የፕሮፐርቲ ታክስ ጫና ፣ የማምረቻና መሸጫ ሼዶች አቅርቦት ፣ የዘርፍ ማህበራት አደረጃጀት ፣ የክላስተር ልማት ፣  እና  መሰል ጉዳዮች ተነስተው ከመድረክ ምላሽ ተሰጥቶባቸዋል፡፡


ውድ ተከታዮቻችን ስለኢትዮጵያ ኢንተርፕራይዝ ልማት ወቅታዊ አዳዲስ መረጃዎች ለማግኘት ከታች ያሉትን ገፆቻንን ይጎብኙ ቤተሰብ ይሁኑ።

🟫  EED Portal  https://www.manuf-sme.gov.et/

🟨 ቴሌግራም፦👇https://t.me/ethiopianenterprisedevelopment

🟦 ፌስቡክ፡- ethiopianenterprisedevelopment

🟩 ዩትዩብ፦ https://www.youtube.com/@ethiopiaenterprise

🟫 ኢ-ሜይል፡- [email protected]

🙏 ከኛ ጋር ስለሆናችሁ ከልብ እናመሰግናለን!።

"በዘርፍ ዘላቂ ልማትን ለማረጋገጥ የአምራች ኢንተርፕራይዞችን ምርትና ምርታማነት እንዲሁም ተወዳዳሪነት ላይ በትኩረት መስራት ይገባል"

አቶ  አብዱልፈታ የሱፍ ፤ የኢትዮጵያ ኢንተርፕራይዝ ልማት ም/ዋና ዳይሬክተር

EED ጥቅምት 28/ 2017 ዓ.ም

የኢትዮጵያ ኢንተርፕራይዝ ልማት ከዘርፍ ማህበራትና ባለድርሻ አካላት ጋር በአምራች ኢንተርፕራይዞች ምርትና ምርታማነት እንዲሁም ተወዳዳሪነት ላይ የውይይት መድረክ አካሄደ፡፡

የኢትዮጵያ ኢንተርፕራይዝ ም/ዋና ዳይሬክተር አቶ አብዱልፈታ የሱፍ በመድረኩ እንደገለፁት የአምራች ኢንተርፕራይዞች ምርትና ምርታማነት ማደግ የተወዳዳሪነት አቅምን በመፍጠር ጠንካራ የሀገር ኢኮኖሚ ለመገንባት ከፍተኛ ሚና እንዳለው ተናግረዋል፡፡

ሀገራችን ለዘርፉ የተመቻቹ በተገቢው ሁኔታ ተጠቅሞ የአምራች ኢንተርፕራይዞች ምርትና ምርታማነትን ማሳደግ እንዲሁም የተወዳዳሪነት አቅምን መገንባት ይገባል ያሉት ም/ዋና ዳይሬክተሩ በዚህ ላይ የዘርፍ ማህበራትና ባለድርሻ አካላት ሚናቸውን ሊወጡ ይገባል ብለዋል፡፡

በዘርፉ የተወዳዳሪነት አቅምን መፍጠር የሚቻለው ምርትና ምርታማነትን ማሳደግና በጥራት አምርቶ የገበያ መዳረሻን ማስፋት ሲቻል በመሆኑ ዘርፉ ብቃት ባለው የሰው ሃይል እንዲመራ በማድረግ ፣ የተሻሻሉ ቴክኖሎጂዎችን መጠቀም፣ የፈጠራ አቅምን በስፋት ማሳደግ እንዲሁም የምርት ጥራት ላይ በትኩረት በመስራት በአስር አመቱ የልማት ዕቅዶችን ማሳካት ሲቻል እንደሆነ አይይዘው አመላክተዋ፡፡ 

ውድ ተከታዮቻችን ስለኢትዮጵያ ኢንተርፕራይዝ ልማት ወቅታዊ አዳዲስ መረጃዎች ለማግኘት ከታች ያሉትን ገፆቻንን ይጎብኙ ቤተሰብ ይሁኑ።

🟫  EED Portal  https://www.manuf-sme.gov.et/

🟨 ቴሌግራም፦👇https://t.me/ethiopianenterprisedevelopment

🟦 ፌስቡክ፡- ethiopianenterprisedevelopment

🟩 ዩትዩብ፦ https://www.youtube.com/@ethiopiaenterprise

🟫 ኢ-ሜይል፡- [email protected]

🙏 ከኛ ጋር ስለሆናችሁ ከልብ እናመሰግናለን!።

የአዕምሯዊ ፈጠራን የሚያበረታቱ ማዕከላት ሊበራከቱ እንደሚገባ ተጠቆመ

EED: ጥቅምት 28/ 2017 ዓ.ም

በአለም አዕምሯዊ ንብረት ድርጅት  የአፍሪካ ዲቪዥን ቀጠናዊና ብሄራዊ ልማት ዘርፍ ተጠባባቂ ዶ/ር ሎሬታ አሲዱ ሜክሲኮ የሚገኘውን የኢትዮጵያ ኢንተርፕራይዝ ልማት ወርክ ሾፕ እና ክሪየቲቭ ሀብ ጎበኙ፡፡

ከጥቅምት 25-29/ 2017 ዓ.ም ጀምሮ ለአንድ ሳምንት እየተከበረ በሚገኘው   የብሄራዊ አዕምሯዊ ንብረት ጥበቃ ሳምንት ላይ ለመሳተፍ የተገኙት ዶ/ር ሎሬታ አምራች ኢንተርፕራይዞች አዳዲስ የአዕምሯዊ ንብረቶች መፍለቂያ ቦታ መሆናቸውን አመላክተው በጉብኝታቸው የተመለከቷቸው የፈጠራ ስራ ማበልፀጊያ ቦታዎች በሌሎች የሀገሪቱ ክፍሎችም ሊበራከቱ እንደሚገባ ጠቁመዋል፡፡

የኢትዮጵያ ኢንተርፕራይዝ ልማት ለጌርጌሴኖን የአዕምሮ ህሙማን መርጃ ማዕከል የተለያዩ አልባሳትን ድጋፍ አደረገ

EED ጥቅምት 27/2017 ዓ.ም

የኢትዮጵያ ኢንተርፕራይዝ ልማት ከኢንተርፕራይዝ አንቀሳቃሾችና ከሰራተኞች ያሰባሰበቸውን አልባስትን ለጌርጌሴኖን የአዕምሮ ህሙማን መርጃ ማዕከል አስረክቧል፡፡

ከረሃብ ነፃ አለም ዓለማቀፍ ጉባኤ የምግብ ዋስትናን ለማረጋገጥ  ያለንን የጋራ ቁርጠኝነት ለማጠናከር ወርቃማ እድል ነው፡፡
አቶ መላኩ አለበል
=====
EED ጥቅምት 26/2017 ዓ.ም

ኢትዮጵያ ባለፉት አስርት አመታት የግብርና እና የኢንዱስትሪ ዘርፎችን በማጠናከር  የምግብ ዋስትን ለማረጋገጥ እና ኢኮኖሚያዊ ለውጥ ለማምጣት  እየሰራች መሆኑን የኢፌዴሪ ኢንዱስትሪ ሚኒስቴር ሚኒስትር አቶ መላኩ አለበል ገልፀዋል፡፡

ከባህላዊ የግብርና አሰራር ወደ አግሮ ፕሮሰሲንግ እና የግብርና ቢዝነስ ሞዴልነት መሸጋገር አስፈላጊ መሆኑን በገንዘብ  እሴት የሚጨምር አምራች ኢንዱስትሪ መፍጠር ላይ መንግስት ትኩረት በማድረግ እየተሰራ ነው ያሉት ሚኒስትሩ የኢትዮጵያ ታምርት ንቅናቄ አምራች ኢንዱስትሪ ዘርፉ ጠንካራና ራሱን የቻለ ኢኮኖሚ ከማድረግ ባሻገር  የግል ኢንቨስትመንትን የሚስብ እና የግብርና ውጤቶችን ወደ ከፍተኛ ዋጋ ወደ ሚሰጡ ምርቶች የሚቀይር ሀገራዊ ዕቅድ ለማሳካት ቁልፍ ሚና የሚጫወት ተግባር መሆኑን ጠቁመዋል፡፡

ጉባኤው ረሃብን ለማስቆም እና በአለም አቀፍ ደረጃ ማህበረሰቦችን ለማገልገልና ዘላቂ የምግብ ዋስትናን እውን  ለማድረግ የጋራ ቁርጠኝነታችንን ለማጠናከር የሚያስችል   ነው ብለዋል፡፡

ረሃብን ለማስወገድ የቆረጡ አእምሮዎችን እና በድህነት ላይ የዘመቱ ልቦችን በአንድ ላይ በማሰባሰብ ለመስራት  በጋራ መምከር የአፍሪካን ቀጣይ እጣፋንታ የሚወስን ትልቅ የትውልድ ኃላፊነት ነው ብለዋል፡፡

የኢትዮጵያን  በአፍሪካ ዘላቂ የማኑፋክቸሪንግ ልማትን በመገንባት ከረሃብ ነፃ አለምንእውን ለማድረግ እየተሰራ ያለውን ስራ በውጤታማነት በመተግበር  አርአያ ለመሆን  እንደምትሰራ አስረድተዋል።

#ኢትዮጵያ_ታምርት_እኛም_እንሸምት
https://www.manuf-sme.gov.et/

ኢትዮጵያ የምግብ ዋስትናን ለማረጋገጥ የሰራች ያለውን ስራ አጠናክራ ትቀጥላለች
ጠቅላይ ሚኒስትር ዐቢይ አሕመድ (ዶ/ር)
========
EED ጥቅምት 26/2017 ዓ.ም

ኢትዮጵያ የምግብ ዋስትናን ለማረጋገጥ እየሰራች ያለውን ስራ ይበልጥ አጠናክራ እንደምትቀጥል የኢፌዴሪ ጠቅላይ ሚኒስትር ዐቢይ አሕመድ (ዶ/ር) ገለጹ።

ጠቅላይ ሚኒስትሩ አድዋ ድል መታሰቢያ ሙዚየም እየተካሄደ ባለው ከርሃብ ነጻ አለም ጉባኤ ላይ ባስተላለፉት መልዕክት የተፈጥሮ አደጋ፣ የአየር ንብረት ለውጥ፣ በአለም የሚስተዋሉ ግጭቶች ከርሃብ ነጻ አለምን ለመፍጠር የሚደረገውን ጥረት በታቀደው ልክ እንዳይሄድ እንዳደረጉት ተናግረዋል።

ኢትዮጵያ ባለፉት ስድስት አመታት ርሃብን በመዋጋት ተሞክሮ የሚወሰድበት ውጤት አስመዝግባለች ያሉት ዶ/ር ዓቢይ የምርጥ ዘር አቅርቦት እጥረትና የግብርና ግብአት አቅርቦት እጥረት ፈተና መሆኑን ጠቁመዋል።

ባለፉት  አመታት ኢትዮጵያ በግብርና ማሻሻያ ላይ ትኩረት ሰጥታ መስራቷንና ድርቅን መቋቋም የሚችሉ ሰብሎችን በመዝራት ምርታማነት ማሳደግ መቻሏን የተናገሩት ጠቅላይ ሚኒስትሩ አለምን የተፈታተኑ ታላላቅ ችግሮች ቢኖሩም ጥረትን በመጨመርና ፈጠራ የታከለባቸውን ስራዎች በመተግበር ዘመናዊ የግብርና ስራን በመስራት ፈተናዎችን መቋቋም እንደተቻለ ገልፀዋል።

በአረንጓዴ አሻር መርሀ 40 ቢሊዮን ችግኞችን በመትከል አለም አቀፍ ፈተና የሆነውን የአየር ንብረት ለውጥ ተጽዕኖን በመከላከል የተሰራው ስራ በግብርናው ላይ ምርታማነትን ለመጨመር ትልቅ ሚና እንዳለው የገለፁት ዶክተር ዐቢይ ኢትዮጵያ ረሃብን ለመግታት ከባለ ድርሻ አካላት ጋር በትብብር በመስራት የጀመረችውን ስራ አጠናክራ ትቀጥላለች ብለዋል።

#ኢትዮጵያ_ታምርት_እኛም_እንሸምት
https://www.manuf-sme.gov.et/

ከርሃብ ነፃ የሆነች ዓለም አለማቀፍ ኮንፈረንስ የነፃነት ተምሳሌት በሆነችው ኢትዮጵያ  የአድዋ ድል መታሰቢያ ሙዚየም መካሄዱ ርሃብን ለመዋጋት ትክክለኛው ቦታ ነው  (ሙሳ ፋቂ ማሃመት የአፍሪካ ህብረት ሊቀመንበር )

#ኢትዮጵያ_ታምርት_እኛም_እንሸምት
https://www.manuf-sme.gov.et/

ከረሃብ ነፃ አህጉር መፍጠር እንደሚቻል ኢትዮጵያ በምግብ ምርታማነት ላይ ያስመዘገበችው ስኬት ማሳያ ነው (ገርድ ሙለር)
======
EED ጥቅምት 26/2017 ዓ.ም

ከረሃብ ነፃ አህጉር መፍጠር እንደሚቻል ኢትዮጵያ በምግብ ምርታማነት ላይ ያስመዘገበችው ስኬት ማሳያ መሆኑን የተባበሩት መንግሥታት የኢንዱስትሪ ልማት ድርጅት ዋና ዳይሬክተር ገርድ ሙለር ገለፁ።

በዓለም ላይ ረሃብ ትልቅ ፈተና በመሆኑ በአለም አቀፍ ፖለቲካ እና በመንግስታቱ ድርጅት ዋና አጀንዳ ሆኖ መቀመጥ አለበት ብለዋል።

ምድር ሁሉንም የመመገብ አቅም አላት ያሉት ዋና ዳይሬክተሩ የረሃብ አደጋን ለማስወገድ የጋራ እርምጃ መውሰድ እንደሚያስፈልግ ጠቁመዋል።

በሀብታሞች እና በድሆች መካከል ያለው ልዩነት እየሰፋ መቀጠል እንደሌለበት ያነሱት ገርድ ሙለር አጀንዳችንን እውን ለማድረግ በተለያየ  መንገድ ማካፈልን መማር ያስፈልጋል ብለዋል።

ዋና ዳይሬክተሩ አክለውም አዳዲስ ቴክኖሎጂዎችን መጠቀም እንዲሁም በቀጣዮቹ ጊዜያት ረሃብን ለመዋጋት ሀገራት ለዚህ ከፍተኛ ትኩረት መስጠት  ተጨማሪ ኢንቨስትመንት ማውጣት እንዳለባቸው ጠቁመዋል።

በመጨረሻም ዋና ዳይሬክተሩ ገርድ ሙለር ኢትዮጵያ በምግብ ምርታማነት ላይ ላስመዘገበችው ለውጥ እና ጠቅላይ ሚኒስትር ዐቢይ አሕመድ(ዶ/ር) ለሰጡት አመራር አድናቆታቸውን ገልፀዋል።

ጉባዔው ዛሬን ጨምሮ ለሚቀጥሉት ሦስት ተከታታይ ቀናት  የሚቀጥል ይሆናል።

#ኢትዮጵያ_ታምርት
#ኢትዮጵያ_ታምርት_እኛም_እንሸምት
https://www.manuf-sme.gov.et/

"በማኑፋክቸሪንግ የበለፀገች ሀገር የመገንባት ርዕይ ለማሳካት በምርትና ምርታማነት እንዲሁም ጥራት ላይ በትኩረት መስራት ይገባል"
አቶ አብዱልፈታ የሱፍ
የኢትዮጵያ ኢንተርፕራይዝ ልማት ም/ዋና ዳይሬክተር

EED ጥቅምት 24/2017 ዓ.ም

የኢትዮጵያ ኢንተርፕራይዝ ልማት የአምራች ኢንተርፕራይዞችን የምርት ጥራት፣ ምርታማነትና ተወዳዳሪነት ለማሳደግ  በአዘጋጀው ሰነድ ዙሪያ ለተቋሙ ለባለድርሻ አካላት በአዳማ ከተማ የግንዛቤ ማስጨበጫ ስልጠና ሰጠ፡፡

ስልጠናውን የሰጡት የልማት መስሪያ ቤቱ ም/ዋና ዳይሬክተር አቶ አብዱልፈታ የሱፍ ባቀረቡት ሰነድ እንደ ሀገር የምናልመውን በማኑፋክቸሪንግ የበለፀገች ሀገር የመገንባት ርዕይ ለማሳካት በምርትና ምርታማነት እንዲሁም ጥራት ላይ በትኩረት መስራት እንደሚገባ በዘርፋ ውጤት ያስመዘገቡ ሃገራትን ተሞክሮ በመጥቀስ አስፈላጊነቱን አብራርተዋል።

በሀገራችን የኢንተርፕራይዝ ልማቱን የሚደግፉ ምቹ ሁኔታዎች መኖራቸውን የጠቀሱት አቶ አብዱልፈታ  በተለይም በምርትና ምርታማነት እንዲሁም ጥራት ላይ መስራትና የኢንተርፕራይዞችን የተወዳዳሪነት አቅም  ማሳደግ እንዲቻል ባለሀብቱን መደገፍ፣ ቴክኖሎጂን የመጠቀም ባህልን ማዳበር፣ ቅንጅታዊ አሰራርን ማጠንከር እንደሚያስፈልግ አብራርተዋል።

አምራች ኢንተርፕራይዞች በምርት ጥራት ምርታማነት ተወዳዳሪ መሆን ከቻሉ በሀገራችን ባለው  ሰፊ ገበያና የገበያ መዳረሻ ተጠቃሚ መሆን የሚችሉበትን እድል ይፈጥራሉ በሂደትም ለትውልድ የሚተርፍ ድርጅት መገንባት እንደሚቻል የገለፁት ም/ዋና ዳይሬክተሩ በዘርፉ ያለው እድል ቁጭት ፈጥሮብን በትጋትና በፅናት ልንሰራ ይገባል ብለዋል፡፡

በመድረኩ የተለያዩ ገንቢ  ጥያቄዎችና አስተያየቶች ቀርበው ከመድረክ ምላሽ ተሰጥቶበታል፡፡

"ምርታማነትና ጥራት የዘመኑ መወዳደርያ እና ገበያ ላይ መዝለቂያ መስፈርቶች ናቸው፡፡"

ዶ/ር አለባቸው ንጉሴ የኢትዮጵያ ኢንተርፕራይዝ ልማት ዋና ዳይሬክተር

EED ጥቅምት 23/2017 ዓ.ም

የኢትዮጵያ ኢንተርፕራይዝ ልማት መካከለኛ አመራሮችና ሰራተኞች በምርት ፣ ምርታማነትና ተወዳዳሪነትን ማረጋገጥ ለአምራች ኢንዱስትሪ ዘርፍ ህልም ስኬት የምርት፣ ምርታማነትና ተወዳዳሪነት ምንነትና አስፈላጊነት እንዲሁም አተገባበር ዙሪያ የግንዛቤ ማስጨበጫ ስልጠና ወሰዱ፡፡

በስልጠናው የመክፈቻ ንግግር ያደረጉት የኢትዮጵያ ኢንተርፕራይዝ ልማት ዋና ዳይሬክተር ዶ/ር አለባቸው ንጉሴ የኢትዮጵያ ኢንተርፕራይዝ ልማት ዋነኛ ተግባር  አነስተኛና መካከለኛ አምራች ኢንተርፕራይዞች እንዲደራጁ ፤ እንዲጠናከሩ ፣ ውጤታማና ተወዳዳሪ በመሆን ለራሳቸው እንዲሁም ለዜጎች ዘላቂ የስራ ዕድል በመፍጠር የአምራች ኢንዱስትሪው መሠረት በማስፋት የሀገር ኢኮኖሚ ግንባታ ላይ የበኩላቸውን አስተዋፆ እንዲወጡ መደገፍ እንደሆነ አመላክተዋል፡፡


ምርታማነትና ጥራት የዘመኑ መወዳደርያ እና ገበያ ላይ መዝለቂያ መስፈርቶች እንደሆኑ የገለፁት ዋና ዳይሬክተሩ 4 አመታትን ባስቆጠረው የ10 ዓመቱ የልማት ዕቅድ መጨረሻ የአምራች ኢንዱስትሪዎችን የማምረት አቅም አጠቃቀም 85 በመቶ ለማድረስ የታቀደ ቢሆንም እስካሁን ማሳካት የተቻለው 59 በመቶ ብቻ ነው፡፡ በመሆኑም በቀጣይ አምራች ኢንተርፕራይዞችን ለመደገፍ የምንሰራቸው ስራዎች ውጤታማ እንዲሆኑ በጥራትና በፍጥነት መስራት እንደሚገባ አሳስበዋል፡፡

“አማራ ክልልን ባለፉት ዓመታት የኢንዱስትሪ ማዕከል አድረገነዋል”- ጠቅላይ ሚኒስትር ዐቢይ አሕመድ (ዶ/ር)
******
EED ጥቅምት 21/2017
አማራ ክልልን ባለፉት ዓመታት የኢንዱስትሪ ማእከል አድረገነዋል ሲሉ ጠቅላይ ሚኒስትር ዐቢይ አሕመድ (ዶ/ር) ገለጹ፡፡
ጠቅላይ ሚኒስትሩ የኢትዮጵያ ፌዴራላዊ ዲሞክራሲያዊ ሪፐብሊክ 6ኛው የሕዝብ ተወካዮች ምክር ቤት 4ኛ ዓመት የሥራ ዘመን 3ኛ መደበኛ ስብሰባ ላይ ከሕዝብ እንደራሴዎች ለተነሱላቸው ጥያቄዎች ምላሽ እና ማብራሪያ እየሰጡ ነው፡፡
ሚኒስትሩ በሰጡት ማብራሪያ አማራ ክልልን ባለፉት ዓመታት የኢንዱስትሪ ማዕከል መሆን መቻሉን ጠቅሰው፤ ባለፉት ዓመታት በክልሉ የጨርቃ ጨርቅ፣ የዘይት፣ የሲሚንቶ እና ሌሎች ፋብሪካዎችን መገንባታቸውን በአስረጂነት ጠቀሰዋል፡፡
የክልሉን የመንገድ ግንባታ ችግርም ለመፍታት ከፍተኛ ጥረት መደረጉን እንዲሁም በባህር ዳር ከተማ በኢትዮጵያ ተሠርቶ በማያውቅ መልኩ ድልድይ መገንባቱን አንስተዋል፡፡
የኮሪደር ልማት፣ የመገጭ ግድብ፣ የፋሲል ቤተ መንግስት እድሳት እና ሌሎች የልማት ስራዎች በክልሉ እየተከናወነ መሆኑን አብራርተዋል፡፡
አማራ ክልል ካልተቀየረ ኢትዮጵያ ስለማትቀየር አማራ ክልል እንዲቀየር ተባብረን እንስራ ብለዋል፡፡

“ከኃይል አማራጭ ይልቅ የሰላም አማራጭ ውጤቱ ከፍተኛና ተመራጭ ነው" - ጠቅላይ ሚኒስትር ዐቢይ አሕመድ (ዶ/ር)
******
EED ጥቅምት 21/2017
ከኃይል አማራጭ ይልቅ የሰላም አማራጭ ውጤቱ ከፍተኛና ተመራጭ ነው ሲሉ ጠቅላይ ሚኒስትር ዐቢይ አሕመድ (ዶ/ር) ተናገሩ፡፡

ጠቅላይ ሚኒስትሩ የኢትዮጵያ ፌዴራላዊ ዲሞክራሲያዊ ሪፐብሊክ 6ኛው የሕዝብ ተወካዮች ምክር ቤት 4ኛ ዓመት የሥራ ዘመን 3ኛ መደበኛ ስብሰባ ላይ ከሕዝብ እንደራሴዎች ለተነሱላቸው ጥያቄዎች ምላሽ እና ማብራሪያ እየሰጡ ነው፡፡

እኛ ከማንም በላይ ሰላም እንፈልጋለን ያሉት ጠቅላይ ሚኒስትሩ፤ ጦርነትን በወሬ ሳይሆን በተግባር ስለምናውቀው እንዲሁም ብዙዎችን ስለቀጠፈብን አንፈልገውም ብለዋል፡፡

በዚህ ሀገር ላይ የሚጨበጥ ለውጥ ለማምጣት ሰላም እጅጉን ወሳኝ በመሆኑ ሰላም የምንፈልገውና የምንመኘው ጉዳይ መሆኑን ሁላችሁም ልትገነዘቡ ይገባል ሲሉ አስታውቀዋል፡፡

ከኃይል አማራጭ ይልቅ የሰላም አማራጭ ውጤቱ ከፍተኛና ተመራጭ መሆኑንም አስገንዝበዋል፡፡

ጠቅላይ ሚኒስትር ዐቢይ አሕመድ(ዶ/ር) ከምክር ቤት አባላት ለቀረቡ ጥያቄዎች በሰጡት ማብራሪያ‼️
✍️ እንደሀገር የደሞዝ ማሻሻያና ጭማሬ ለማድረግ ወስነናል፣ ጥቅምት ወር ጀምሮ ተግባራዊ ይደረጋል፣
✍️ ባለፉት ጥቂት ዓመታት 249 ሺህ ቤቶችን መሰራት ዝቅተኛ ገቢ ላላቸው ነዋሪዎች አስተላልፈናል፣
✍️ ባላፉት ስድስት ዓመታት መንግስት ምንም አይነት የንግድ ብድር አልወሰደም፣
✍️ የኢትዮጵያ የብድር ጫና ከአጠቃላይ ሀገራዊ ምርት ከነበረበት ከ30 በመቶ ወደ 13 ነጥብ 7 በመቶ ዝቅ ብሏል፣
✍️ በሚቀጥሉት ዓመታትም ይህን አሃዝ ከ10 በመቶ በታች ዝቅ ለማድረግ ይሰራል፣
✍️ ባለፉት ስድስት ዓመታት አየር መንገድና ቴሌን ሳይጨምር 13 ቢሊዮን ዶላር እዳ ተከፍሏል፣
✍️በተለይ የማክሮ ኢኮኖሚ ማሻሻያው በወርቅ ምርት ወጪ ንግድ ላይ ትልቅ ለውጥ አምጥቷል፡፡
✍️ ባለፉት ሶስት ወራት ከወርቅ ወጪ ንግድ 500 ሚሊዮን ዶላር ገቢ ተገኝቷል፣
✍️በቡና ምርትም በበጀት ዓመቱ 2 በሊሊዮን ዶላር ገቢ ይጠበቃል፡፡
✍️ የኢኮኖሚ ስርዓታችን እጅግ የተዘጋ ነበር፣
✍️ የማክሮ ኢኮኖሚ ማሻሻያ ለኢትዮጵያ የማንሰራራት ዘመን መሰረት የሚጥል ነው፣
✍️ ብልጽግና ድሃን ይወዳል፣ ነገር ግን ድህነትን ይጠላል፤ስለምንጠላውም አጥብቀን ድህነትን እንበቀለዋለን፣

በዚህ ዓመት 72 ትላልቅ የኢንዱስትሪ ፕሮጀክቶች ሥራ ይጀምራሉ - ጠቅላይ ሚኒስትር ዐቢይ አሕመድ (ዶ/ር)


EED ጥቅምት 21/2017
በዚህ ዓመት 72 ትላልቅ የኢንዱስትሪ ፕሮጀክቶች ስራ እንደሚጀምሩ ጠቅላይ ሚኒስትር ዐቢይ አሕመድ(ዶ/ር) ገለጹ።

ጠቅላይ ሚኒስትሩ የኢፌዴሪ ፕሬዚዳንት ታዬ አፅቀሥላሴ መስከረም 27 ቀን 2017 ዓ.ም ለሕዝብ ተወካዮችና ለፌዴሬሽን ምክር ቤቶች የጋራ ስብሰባ ያደረጉትን የመክፈቻ ንግግር አስመልክቶ፤ ከምክር ቤቱ አባላት ለቀረቡ ጥያቄዎች ምላሽና ማብራሪያ ሰጥተዋል።

ከኢንዱስትሪው በዚህ ዓመት 12 ነጥብ 8 በመቶ እድገት ይጠበቃል ያሉት ጠቅላይ ሚኒስትሩ፥ እያንዳንዱ ፋብሪካ ችግሩ እንዲፈታ ከፍተኛ ስራ መከናወኑን ገልጸዋል።

በዚህም የኤሌክትሪክ፣ የቴሌኮም፣ የባንክና ሌሎች አገልግሎቶች መቀረፋቸውን ተናግረዋል። ከመሬት አቅርቦት፣ ከመንግሥታዊ አገልግሎትና ከጉምሩክ ጋር የተያያዙ በርካታ ችግሮች እየተፈቱ ነው ብለዋል። በዚህ ዓመትም 72 አዳዲስ ከፋብሪካ በላይ የሆኑ ኢንዱስትሪዎች ሥራ እንደሚጀምሩ ጠቅሰዋል።

ሥራ የሚጀምሩትም 9 የጨርቃጨርቅ፣ 41 የምግብና መጠጥ፣ አራት የኮንስትራክሽንና ኬሚካል፣ 15 የቴክኖሎጂ ና ሦስት የሚሊተሪ ኢንዱስትሪዎች ናቸው ብለዋል።
ከመከላከያ ጋር ተያይዞ ከውጭ ይመጡ የነበሩ ምርቶችን ከመተካት ባለፈ ለአፍሪካ ገበያ በማቅረብ ተጨማሪ ገቢ መፍጠር እንደሚያስፈልግ ጠቅሰዋል። እነዚህ 72 ፋብሪካዎችች ሥራ ሲጀምሩ ቀድመው ከነበሩት ተጨማሪ ኃብት ያመጣሉ ነው ያሉት።

በአገራዊ ለውጡ 50 በመቶ ኢንዱስትሪ ፓርኮች በሀገር ውስጥ ባለኃብቶች እንዲያዙ በማድረግ በተኪ ምርትም ከፍተኛ እመርታ መምጣቱን ጠቅሰዋል። በጥቅሉ በዚህ ዓመት የኢንዱስትሪዎች የምርት አቅም ከ59 በመቶ ወደ 67 በመቶ ዕድገት ይጠበቃል ብለዋል።

በበጀት ዓመቱ በተለያዩ ዘርፎች የተሰማሩ 72 ትላልቅ ፋብሪካዎች ሥራ ይጀምራሉ – ጠ/ሚ ዐቢይ (ዶ/ር)

EED ጥቅምት 21፣ 2017
በተያዘው በጀት ዓመት በተለያዩ ዘርፎች የተሰማሩ 72 ትላልቅ ፋብሪካዎች ሥራ እንደሚጀምሩ ጠቅላይ ሚኒስትር ዐቢይ አሕመድ (ዶ/ር) ገለጹ፡፡

ጠቅላይ ሚኒስትር ዐቢይ (ዶ/ር) የኢንዱስትሪ ዘርፍን በሚመለከት ለሕዝብ ተወካዮች ምክር ቤት አባላት በሰጡት ማብራሪያ÷በዘርፉ በተያዘው በጀት ዓመት 12.8 በመቶ እድገት ይጠበቃል ብለዋል፡፡


ኢንዱስትሪ በዚህ ዓመት ከፍተኛ እድገት እንደሚያመጣ የተጠበቀበት ዋናው ምክንያትም ባለፉት ዓመታት ኢትዮጵያ ታምርት በሚል ንቅናቄ የጀመርነው ሥራ የሚጨበጥ ፍሬ እንደሚያመጣ ስለሚጠበቅ ነው ብለዋል፡፡

እንዲሁም ኢንዱስትሪን ባለፈው ዓመትና በዚህ ዓመት መጀመሪያ በእቅድ ደረጃ እያንዳንዱ ፋብሪካ ምን ችግር እንዳለው፤ ምን ብናግዘው ምርታማነቱ እንደሚያድግ በጋራ ለመስራት ጥረት ተደርጓልም ነው ያሉት፡፡

ከፋብሪካዎች ጋር የሚያያዝ መብራት ከሞላ ጎደል ተፈትቷል ያሉት ጠቅላይ ሚኒስትሩ÷ከቴሌና ከባንክ ጋር የሚያያዝ ችግርም ከሞላ ጎደል መፈታቱን አንስተዋል፡፡

በተያዘው በጀት ዓመትም በተለያዩ ዘርፎች የተሰማሩ 72 ትላልቅ ፋብሪካዎች ሥራ ይጀምራሉ ብለዋል ጠቅላይ ሚኒስትሩ በማብራሪያቸው፡፡

በዚህ መሰረትም በጨርቃ ጨርቅ ላይ 9፣ በምግብና መጠጥ 41፣በኮንስትራክሽንና ኬሚካል 4፣ በቴክኖሎጂ 15 ፕሮጀክቶች እዲሁም 3 ሚሊተሪ ፋብሪካዎች ኢንደስትሪዎች በዚህ ዓመት ምርት ይጀምራሉ ብለዋል፡፡

ከመሬት አቅርቦትና ከእኛ አሰራር ጋር የሚያያዙ በርካታ ችግሮች መፍትሔ እያገኙ መጥተዋል ሲሉም ገልጸዋል፡፡

ተጨማሪ ስራ የሚያስፈልገውና ኢንዱስትሪዎች ድጋፍ የሚፈልጉት ከጉምሩክ ጋር የሚያያዝ ስራ እንደሆነም አጽንኦት ሰጥተዋል፡፡

ኢንዱስትሪ ዘርፉ በበጀት ዓመቱ 12.8 ዕድገት ይጠበቅበታል
==========================
የኢትዮጵያ ታምርት ሀገራዊ ንቅናቄ በፈጠረው ተናቦና ተቀናጅቶ መስራት ለአምራች ኢንዱስትሪ ዘርፉ ማነቆ የነበሩ የመሰረተ ልማትና ፋይናንስ አቅርቦት እንዲሁም የአገልግሎት አሰጣጥ ስርዓታችን በእጅጉ መሻሼል በማሳየታቸው የአምራች ኢንዱሰትሪ ዘርፉ 12 % የኮንስትራክሽን ዘርፉ 12.3% ዕድገት ለማስመዝገብ እቅድ ተይዞ እየተሰራ መሆኑን ጠቁመዋል።

በያዝነው በጀት ዓመት 72 ትላልቅ የአምራች ኢንዱስትሪ ፕሮጀክቶች ወደ ስራ እንደሚገቡ የጠቀሱት ጠቅላይ ሚኒስትሩ 20 ተጨማሪ የሻይ ፋብሪካዎችን በመገንባት ወደ ስራ ለማስገባት ስምምነት ላይ ላይ መደረሱን ገልፀዋል።

ሁሉም ተቋማት የኢትዮጵያ ታምርት የተፈጠረውን አደረጃጀት በአግባቡ ቢጠቀም ዘርፉን መደገፍ ከቻሉ አምራች ኢንዱስትሪ ዘርፉ የተሻለ አፈፃፀም ማስመዝገብ እንደሚችል ተናግረዋል።

የአምራች ኢንዱስትሪዎች የስራ ማነቆ የሆነውንየጉምሩክ አሰራር የተቀላጠፈና የተሻለ አገልግሎት እንዲያገኙ ለማስቻል የአሠራር ማሻሻያ እየተካሄደ መሆኑን ገልፀዋል።

በዚህ ዓመት የግብርናው ዘርፍ 6 ነጥብ 1 በመቶ ዕድገት ያስመዘግባል - ጠ/ሚ ዐቢይ አሕመድ (ዶ/ር)

EED 21/2017 በተያዘው በጀት ዓመት የግብርናው ዘርፍ 6 ነጥብ 1 በመቶ ዕድገት ያስመዘግባል ተብሎ እንደሚጠበቅ ጠቅላይ ሚኒስትር ዐቢይ አሕመድ (ዶ/ር) ገለጹ።

ጠቅላይ ሚኒስትር ዐቢይ አሕመድ (ዶ/ር) እየተካሄደ ባለው የሕዝብ ተወካዮች ምክር ቤት 4ኛ ዓመት የሥራ ዘመን 3ኛ መደበኛ ስብሰባ ከምክር ቤት አባላት ለቀረቡላቸው ጥያቄዎች ምላሽና ማብራሪያ እየሰጡ ይገኛል።

በማብራሪያቸውም በ2017 በጀት ዓመት 8 ነጥብ 4 በመቶ ዕድገት ለማስመዝገብ ዕቅድ ተይዞ እየተሰራ መሆኑን ገልጸዋል።

በዚህም በግብርናው ዘርፍ ባለፉት ዓመታት ከፍተኛ መነቃቃት መፈጠሩን ገልጸው በዚህ ዓመት በተሰራው ሰፊ ስራ 6 ነጥብ 1 በመቶ ዕድገት ያስመዘግባል ተብሎ እንደሚጠበቅ አመላክተዋል።

በሰብል፣ በጥጥ እና በሆልቲካልቸር ተደምሮ ክረምትና በጋ ከታረሰው 30 ሚሊዮን ሄክታር መሬት 1 ነጥብ 4 ቢሊዮን ኩንታል ምርት ለመሰብሰብ መታቀዱንም ጠቁመዋል።

ኢትዮጵያ በዓመት 26 ሚሊዮን የዶሮ ጫጩት ታዘጋጅ እንደነበር ያስታወሱት ጠቅላይ ሚኒስትሩ በዚህ ዓመት 150 ሚሊዮን ጫጩት ታዘጋጃለች፤ ይህም የሌማት ትሩፋት ያመጣው እመርታ ነው ብለዋል።

EED ጥቅምት 21፣ 2017 ጠቅላይ ሚኒስትሩ ከምክር ቤት አባላት ለቀረቡላቸው ጥያቄዎች ምላሽና ማብራሪያ እየሰጡ ነው፡፡

በሰጡት ምላሽ ካነሷቸው ዋና ዋና ጉዳዮች መካከል፡-

👉 እንደ ሀገር በተለያዩ ተቋማት እና ዘርፎች ሪፎርም ሥንሠራ ቆይተናል፤ ከዚህ ዓመት ጀምሮ እንደ ሀገር የምናንሠራራበት ጊዜ ነው፡፡ በርካታ ውጤቶችም ይጠበቃሉ፡፡ ቀጣዩ የማጽናት ጊዜ ይሆናል፡፡

👉 አንዳንዶች ትፈርሳላችሁ ቢሉም፤ እንደማንፈርስ እንደ ሀገር በተግባር እያሳየን ነው፡፡ ይህ ጥንካሬ በይበልጥ ተጠናክሮ ይቀጥላል፡፡

👉 ባለፈው ዓመት 8 ነጥብ 1 በመቶ የኢኮኖሚ ዕድገት አስመዝግበናል፤ ይህም እጅግ አበረታች እና ለተለያዩ ዓለም አቀፍ ተቋማት ሁሉ አስደማሚ ሆኗል፡፡

👉 በያዝነው ዓመት ደግሞ 8 ነጥብ 4 በመቶ የኢኮኖሚ ዕድገት ለማስመዝገብ በቅንጅት ርብርብ እያደረግን ነው፡፡

👉 የግብርናው ዘርፍ ብቻ በዚህ ዓመት 6 ነጥበ1 በመቶ ዕድገት ያስመዘግባል ብለን እንጠብቃለን፤ ለዚህም አስፈላጊውን ሁሉ እያደረግን ነው፡፡

👉 30 ሚሊየን ሔክታር መሬት በማረስ 1 ነጥብ 4 ቢሊየን ኩንታል ምርት ይጠበቃል፡፡

👉 በአረንጓዴ ዐሻራ፣ በደን ልማት፣ በአትክልትና ፍራፍሬ እንዲሁም በጥምር ግብርና በሁሉም መስክ ከፍተኛ የሆነ እምርታ ተመዝግቧል፡፡

👉 ባለፈው ዓመት ከቡና ምርት ከፍተኛ ውጤት ተመዝግቧል፤ ዘንድሮ ከብራዚልና ቬትናም በስተቀር ኢትየጵያን የሚበልጣት የለም፤ በተያዘው ዓመት ከቡና ምርት 2 ቢሊየን ዶላር ገቢ ይጠበቃል፡፡

ከዚህ ዓመት ጀምሮ ለኢትዮጵያ እንደ ሀገር ሀገራዊ ማንሰራራት የምንጀምርበት ዓመት ነው - ጠቅላይ ሚኒስትር ዐቢይ አሕመድ (ዶ/ር)

ጠቅላይ ሚኒስትር ዐቢይ (ዶ/ር) በተገኙበት እየተካሄደ በሚገኘው የሕዝብ ተወካዮች ም/ቤት መደበኛ ስብስባ ላይ በምክር ቤቱ አባላት ከተነሱ ጥያቄዎችና አስተያየቶች መካከል፡-

👉 ከፌዴራል እና ክልሎች በኢንቨስትመንት መሬት አቅርቦት ላይ የሚስተዋሉ ብልሹ አሰራሮች የትኞቹ ናቸው፣ እንዴትስ ሊታረሙ ይችላሉ?

👉 በ2017 በጀት ዓመት የመንግስት ገቢን ለማሳደግ ምን ምን ተግባራትን ለማከናወን ታስቧል? የፋይናንስ ዘርፉ የእስካሁን አፈጻጸም ምን ይመስላል?

👉 በሀገሪቱ የሚስተዋሉ የሰላም እና የጸጥታ ችግሮችን በዘላቂነት ለመፍታት ምን ታስቧል?

👉ሀገራዊ ገዢ ትርክት እንዴት መገንባት ይቻላል? በተለያዩ አካባቢዎች የሚስተዋሉ ብልሹ አሠራሮችንስ ለማረምና ለማስተካከል እንደ መንግሥት ምን እየተሠራ ነው?

👉ሕዝቡን እየፈተኑ የሚገኙትን የጸጥታ ስጋት፣ የኑሮ ውድነት፣ ሌብትና ብልሹ አሰራርን እንዲሁም ኮንትሮባንድና ሕገ ወጥነትን ትርጉም ባለው ሁኔታ ለመቀነስ ምን ታስቧል?

👉በኢኮኖሚ ማሻሻያው የኢኮኖሚ ጫና ሊፈጠርባቸው የሚችሉ በዝቅተኛ የኑሮ ደረጃ የሚኖሩ የሕብረተሰብ ክፍሎችን ለመደገፍ እየተከናወነ ያለው ሥራ የደረሰበትደረጃ ቢብራራ?

👉አካታችነት እና አሳታፊነትን እውን ለማድረግ በተቋማት ዘንድ ያለው ዝግጁነት ምን ይመስላል?

የሚሉትን ጨምሮ ሌሎች ጉዳዮችንም የምክር ቤቱ አባላት በጠቅላይ ሚኒስትሩ ምላሽና ማብራሪያ እንዲሰጥባቸው እያነሱ ነው፡፡

6ኛው የህዝብ ተወካዮች ምክርቤት 4ኛ ዓመት የስራ ዘመን 3ኛ መደበኛ ስብሰባ እየተካሄደ ነው

ፕሬዘዳንት አምባሳደር ታየ አፅቀስላሴ ለሁለቱ ምክርቤቶች ያቀረቡት  ዕቅድ ላይ የመንግስትን  አቋም ለመስማት የህዝብ ተወካዮች ምክርቤት አባላት ለጠቅላይ ሚኒስትሩ ማብራሪያ ይሰጡ ዘንድ ጥያቄዎችን በማቅረብ ላይ ናቸው።

አካል ጉዳተኝነት ያላገደው ስራ ፈጠሪ ወጣት ሃይልሽ ገ/ስላሴ

ሐይልሽ አጠቃላይ ሞደፊኬሽንና ብረታብረት ኢንተርፕራይዝ በትግራይ ክልል መቐለ ከተማ የሚገኝ የባጃጅና የሞተር ብስክሌቶችን ሞዲፊኬሽንና ልዩ ልዩ የብረታብረት ስራ እየሰራ የሚገኝ ኢንተርፕራይዝ ነው፡፡

" የማክሮኢኮኖሚክ ሪፎርሙ ለዘመናት የዘርፉ ማነቆ ሆኖ የቆየውን የውጭ ምንዛሪ ችግር መፍታት ችሏል"
ዶ/ር አለባቸው ንጉሴ
የኢትዮጵያ ኢንተርፕራይዝ ልማት ዋና ዳይሬክተር

EED ጥቅምት 15/2017 ዓ.ም

የኢትዮጵያ ኢንተርፕራይዝ ልማትና የኢትዮጵያ ካይዘን ልዕቀት ማዕከል አመራሮችና ሰራተኞች የመጀመሪያ ሩብ አመት ዕቅድ አፈፃፀማቸውን በጋራ በመገምገም ላይ ይገኛሉ፡፡ 

በመድረኩ የመክፈቻ ንግግር ያደረጉት የኢትዮጵያ ኢንተርፕራይዝ ልማት ዋና ዳይሬክተር ዶ/ር አለባቸው ንጉሴ  በቅርቡ ተግባራዊ የተደረገው የማክሮኢኮኖሚክ ሪፎርም ለዘመናት የዘርፉ ማነቆ ሆኖ የቆየውን የውጭ ምንዛሪ ችግር መፍታት ከመቻሉም ባሻገር አካታችና ዘላቂ የኢኮኖሚ ዕድገትን ከማምጣት አኳያ ተጨባጭ ለውጥ ማምጣቱን ገልፀዋል። በዚህ ሪፎርምም ውስጥ የአምራች ዘርፉ በተሻሻለ ውጤታማነት እንዲጓዝ በልዩ ትኩረት መንቀሳቀስ እንደሚገባ አሳስበዋል። 

በመድረኩ የ2017 ዓ.ም የመጀመሪያ 100 ቀናት  የማክሮኢኮኖሚክ ሪፎርም እና ዋና ዋና የኢኮኖሚ ዕቅድ አፈጻጸም ሪፖርት  ያቀረቡት የኢትዮጵያ ኢንተርፕራይዝ ልማት ም/ዋና ዳይሬክተር አቶ አብዱልፈታ የሱፍ በበኩላቸው ማክሮ ኢኮኖሚክ ሪፎርሙ በተሟላ ደረጃ ተግባሪዊ መደረግ ከጀመረ በኋላ የውጪ ምንዛሪ አሰራር ሥርዓት በመሻሻሉ  በኢኮኖሚ ውስጥ የነበሩ ሰፊ ውጤታማ ያልሆኑ አሰራሮች ተቀይረዋል፡፡

በዚህም ብልሹ አሰራሮች እንዲወገዱና ውድድር እንዲበረታታ በማድረጉ በበጀት አመቱ የመጀመሪያ ሩብ አመት አዳዲስ ቀጥተኛ የውጭ ኢንቨስትመንት ማሳደግ ከመቻሉም ባሻገር በዘርፉ የተቀመጡ የተኪ ምርትና የኤክስፖርት መጠን ማደግ ችሏል ብለዋል።  አቶ አብዱልፈታ አያይዘውም የማምረት አቅምና ምርትና ምርታማነትን የማሳደግ ሀገራዊ ግቦች ከማሳካት አኳያ የማክሮኢኮኖሚ ማሻሻያው የታለመ የማበረታቻ ስርዓት እንዲኖር ስለሚያዝ የነበረው ሚና ጉልህ እንደነበረ አያይዘው ጠቅሰዋል፡፡

በመድረኩ የ2017 ከመጀመሪያ 100 ቀን የተሟላ የማክሮ ኢኮኖሚክ ሪፎርም አፈፃፀሞ ባሻገር የኢትዮጵያ ኢንተርፕራይዝ ልማት እና የኢትዮጵያ ካይዘን ልዕቀት ማዕከል የሩብ አመት ዕቅድ አፈፃፀም ቀርቦ ውይይት ተደርጎባቸዋል።

#ኢትዮጵያ_ታምርት  #እኛም_እንሸምት

ብስራት ጋርመንት በትግራይ ክልል መቐለ ከተማ በ2012 ዓ.ም በመቶ ሺህ (100,000) ብር መነሻ ካፒታል ልዩ ልዩ አልባሳትን በማምረት ወደ ስራ የገባ አምራች ኢንተርፕራይዝ ነው፡፡

🟩 ብስራት ጋርመንት

ብስራት ጋርመንት በትግራይ ክልል መቐለ ከተማ በ2012 ዓ.ም በመቶ ሺህ (100,000) ብር መነሻ ካፒታል ልዩ ልዩ አልባሳትን በማምረት ወደ ስራ የገባ አምራች ኢንተርፕራይዝ ነው፡፡

የኢንተርፕራይዙ በመንግስት በተመቻቸለት የማምረቻ ቦታ በአብዛኛው የልጆች ሙሉ ልብስ፣ ቲሸርቶችን፣ የሴቶች ቱታዎችንና ልዩ ልዩ አልባሳትን የሚያመርት ሲሆን ሽፎንና ሸሚዞችን እንዲሁም በአብዛኛው ከደንበኞች በሚመጣ ትዕዛዝ ልዩ ልዩ አልባሳትን እያመረተ ለገበያ እያቀረበ ይገኛል፡፡ 

በ3 ማሽንና በ4 የሰው ሃይል ስራ የጀመረው ኢንተርፕራይዙ አሁን ላይ 40 ማሽኖች በመያዝ በቀን እስከ 2 ሺህ ቲሸርቶችን የማምረት አቅም ላይ ደርሷል፡፡ ካፒታሉንም ወደ 10 ሚሊዮን አሳድጓል፡፡ ለ50 ዜጎች ቋሚና ጊዚያዊ የስራ ዕድል መፍጠር ችሏል፡፡

የኢንተርፕራይዙ መስራችና ባለቤት ወጣት ገ/ኪዳን ተክሌ ወደ ጋርመንት ስራ ከመግባቱ በፊት    የኮብልስቶንና የህትመት ስራ ሲሰራ እንደነበር ገልፆ፤በሂደት ወደዚህ ስራ መምጣቱን ተናግሯል፡፡

የጋርመንት ምርቶችን በጥራትና ተጠቃሚው በሚፈልገው ዲዛይን ማምረት ከተቻለ የገበያ ችግር አይኖርም የሚለው ወጣቱ ስለሆነም አምራቾች ለምርቶቻቸው ጥራት የቅድሚያ ቅድሚያ መስጠት እንዳለባቸው ይመክራል፡፡

ኢንተርፕራይዙ ምርቶቹን በትግራይ ክልል በመቐለና አካባቢው በተጨማሪ ለአዲስ አበባ ገበያም እያቀረበ እንደሆነ የሚገልፀው የኢንተርፕራይዙ ባለቤት በቀጣይ ምርቶቹን በዓይነትና በመጠን በማሳደግ በሀገር ውስጥ ገበያ በስፋት ለመግባት አልሞ እየሰራ መሆኑን ገልጿል፡፡  

ኢንተርፕራይዙ ጥራት ያላቸውን የምርት ግብዓቶችን ለማግኘት ከሁለትና ሶስት ነጋዴዎች ግዥ እንደሚያከናውን የሚጠቅሰው ወጣት ገ/ኪዳን በመንግስት የግብዓት ትስስርና የፋይናንስ ድጋፍ እንዲደረግለት ጠይቋል፡፡

ድጋፎችን ማግኘት ከተቻለ ምርቶችን በጥራትና በስፋት መስራት እንደሚቻልም ገልጿል፡፡

👉አድራሻ፡- ብስራት ጋርመንት መቐለ ከተማ እንደማሪያ አዲሽ፤ አዲሀቂ በተለምዶ ዱባይ ተራ፤ ቀዳማይ ወያነ ላጪ ታክሲ፤ እንዲሁም አደዋ ሸዊት ሆቴል አካባቢ ይገኛል

☎️ ስልክ፡-09-45-10-31-42/09 20-86-04-21

የአነስተኛና መካከለኛ ኢንተርፕራይዝ ፋይናንስ ፕሮጀክት በአምራች ኢንተርፕራይዞች ውጤታማነት ላይ ከፍተኛ አስተዋፅኦ እያደረገ እንደሚገኝ ጥናት አመለከተ

በፕሮጀክቱ ተጠቃሚ የሆኑ አምራች ኢንተርፕራይዞች በሽያጭ፣ በስራ ዕድል ፈጠራና በምርታማነት ከ20 በመቶ በላይ እድገት አሳይተዋል

EED ጥቅምት 13/2017 ዓ.ም

የኢትዮጵያ ኢንተርፕራይዝ ልማት በአነስተኛና መካከለኛ ኢንተርፕራይዝ ፋይናንስ ፕሮጀክት አምራች ኢንተርፕራይዞችን በፋይናንስና የንግድ ልማት ፓኬጆች መደገፍ ለሀገራዊ ኢኮኖሚው ያመጣውን ውጤት  በተመለከተ የተጠናውን የተፅዕኖ ግምገማ  ጥናት ከባለድርሻ አካላት ጋር ተገመገመ

በመድረኩ በኢትዮጵያ ኢንተርፕራይዝ ልማት የዋና ዳይሬክተር ጽ/ቤት ሃላፊ አቶ ግርማው ፈረደ እንደገለፁት የአነስተኛና መካከለኛ ኢንተርፕራይዝ ፋይናንስ ፕሮጀክት አምራች ኢንተርፕራይዞችን ከመደገፍ አኳያ  ያስገኘውን ውጤት በመገምገም፤ በትግበራ ወቅት የነበሩ ክፍተቶችን ለመለየትና  በቀጣይ በምን መንገድ መደገፍ አለበት  የሚሉ ሀሳቦችን በማንሳት  ለድጋፍ ሂደቱ ተጨማሪ ግብዓት መስጠት እንደሚገባ አስገንዝበዋል።

የፕሮጀክቱ አስተባባሪ ወ/ሮ የመንዝወርቅ ግረፌ በበኩላቸው በግምገማ ወርክሾፑ ላይ እንደገለፁት ፕሮጀክቱ አነስተኛና መካከለኛ አምራች ኢንተርፕራይዞችን በሊዝ ፋይናንስ፣ በስራ ማስኬጃና በንግድ ልማት አገልግሎት ሲደግፍ መቆየቱን ጠቁመው፤ የተሰጡ  ድጋፎች ምን ያክል ውጤት አምጥተዋል የሚለውን ለማወቅ በፖሊሲ ጥናት ኢንስቲትዩት እንዲጠና መደረጉን ተናግረዋል።
ጥናቱን በባለድርሻ አካላት መገምገምና በተነሱ ነጥቦች ላይ መወያየትና ተጨማሪ ግባቶችን ማግኘት የሚያስችል  ወርክሾፕ መዘጋጀቱንም ገልፀዋል።

በተደረገው ጥናት አምራች ኢንተርፕራይዞች በሊዝ ፋይናንስ፣ በስራ ማስኬጃ ብድርና በንግድ ልማት አገልግሎት ተጠቃሚ መሆናቸው በምርትና ምርታማነት፣ ቢዝነሳቸውን በማሳደግና በማስፋፋት እንዲሁም በስራ ዕድል ፈጠራ ላይ ከፍተኛ ውጤት ማምጣት  ያስቻለ መሆኑ ተገልጿል።

የስራ ማስኬጃ ብድርና የንግድ ልማት አገልግሎት ድጋፎች ለብቻቸው ወስደው ካመጡት ውጤት ይልቅ  የሊዝ ፋይናንስና የስራ ማስኬጃን እንዲሁም የሊዝ ፋይናንስንና የንግድ ልማትን በጥምረት ተጠቃሚ የሆኑት የተሻለ ውጤት ያሳዩ በመሆኑ ፕሮጀክቱ በቀጣይ ድጋፎችን አቀናጅቶ መስጠት እንዳለበት በጥናቱ ተመላክቷል።

በመቀሌ ከተማ የሚገኙ አምራች ኢንተርፕራይዞች የኢትዮጵያ ኢንተርፕራይዝ ልማት ሁሉን አቀፍ ድጋፍ እያደረገላቸው መሆኑን ገለፁ፡፡

በጨርቃጨርቅ ፓተርንና ስፌት ዙሪያ በሁለት ዙር ሲሰጥ የነበረው ስልጠና ተጠናቀቀ

EED ጥቅምት 11/2017 ዓ.ም

የኢትዮጵያ ኢንተርፕራይዝ ልማት ከአዲስ አበባ ከተማ አስተዳደር ኢንዱስትሪ ልማት ቢሮ ጨርቃጨርቅና ቆዳ ውጤቶች ዘርፍ ለተውጣጡ 40 አመራሮችና ባለሙያዎች በአልባሳት ፓተርን ዝግጅትና ስፌት ዙሪያ በሁለት ዙር ሲሰጥ የነበረውን ስልጠና አጠቃለለ፡፡
በማጠቃለያ ፕሮግራሙ ላይ የተገኙት የኢትዮጵያ ኢንተርፕራይዝ ልማት ስራ አመራር ዋና ስራ አስፈፃሚ አቶ ከላሊ ወ/ገብርኤል እንደገለፁት በስልጠናው የተሳተፉ ባለሙያዎች በፅንሰ ሀሳብና በተግባር ልምምድ ያገኙትን ዕውቀትና ክህሎት ለአምራች ኢንተርፕራይዞች እንዲያስተላልፉ ጠይቀዋል፡፡

በጨርቃጨርቅ አልባሳት ፓተርን ዝግጅትና ስፌት ዙሪያ ሲሰጥ የነበረው ስልጠና መሬት ላይ ያለውን የአምራች ኢንተርፕራይዞች ችግር ከመፍታት አንፃር ትልቅ አስተዋፆ እንዳለው የገለፁት የአዲስ አበባ ከተማ አስተዳደር ኢንዱስትሪ ልማት ቢሮ የጨርቃጨርቅ አልባሳትና ቆዳ ውጤቶች ድጋፍ ዳሬክቶሬት ዳይሬክተር አቶ ሙሉሃብት ገነቴ ገለፁ፡፡

ስልጠናው አምራቾች ከፖተርን ዝግጅት ጋር በተያያዘ የሚያጋጥማቸውን ብክነት እና የምርት ጥራት ችግሮች እንዲቀርፉ የሚሰጠውን የቴክኒክ ድጋፍ ደረጃ እንደሚያሳድገው የገለፁት አቶ ሙሉሃብት በቀጣይ ተከታታይነት ያለውና የአምራቾችን ችግር የሚፈቱ ስልጠናዎችን የልማት መስሪያ ቤቱ እንዲሰጥ ጥሪ አቅርበዋል፡፡

#ኢትዮጵያ_ታምርት #እኛም_እንሸምት

የልማት መስሪያ ቤቱ የተቋም ሀብት ዕቅድ ስርዓት - ERP ለመተግበር የሚያግዝ ስልጠና ሰጠ

EED ጥቅምት 9/ 2017 ዓ.ም

የኢትዮጵያ ኢንተርፕራይዝ ልማት በሰው ሃብት አስተዳደር ፣ በመኪና ስምሪት አስተዳደር እና በመረጃ አስተዳደር ዘርፎች ላይ የተቋም ሀብት ዕቅድ ስርዓት (Enterprise resource planning) ለመተግበር የሚያስችለውን ስልጠና ዛሬ ጀመረ፡፡

የተቋሙ ዋና ዳይሬክተር ዶ/ር አለባቸው ንጉሴ በመክፈቻ ስነ ስርአቱ ላይ እንደተናገሩት ተቋሙ ከሳይበር ሶፍት ጋር በመተባበር የተቋም ሀብት ዕቅድ ስርዓት ትግበራ ላይ ሲሰራ ቆይቷል፡፡

የስልጠናው አላማ ለተቋም ሀብት ዕቅድ ስርዓት በተዘጋጁት ሞጁሎች ላይ የተግባር ልምምድ  በመስጠት የስራ ክፍሎቹን  ወደ ሙሉ  ትግበራ በማስገባት ወቅቱ የሚጠይቀውን ዘመናዊ አሰራር ተግባራዊ ለማድረግ እንደሆነ ዋና ዳይሬክተሩ ጠቁመዋል፡፡

የተቋም ሀብት ዕቅድ ስርዓት (ERP) መተግበር ወጪ ቆጣቢ በሆነ መልኩ  ፈጣን ፣ትክክለኛና ቀልጣፋ የሰው ሀብት እና የተሽከርካሪ ስምሪት አስተዳደር ፣ የመረጃ፣የማህደር እንዲሁም የኦንላይን የአይቲ ድጋፍ እንዲኖር በማድረግ በተቋሙ ያለውን የመረጃና የዶክመንት አያያዝ ችግር ይቀርፋል ብለዋል፡፡

በተጨማሪም ሰልጣኞች የተግባር ስልጠና ልምምዱን በአግባቡ በመረዳት እና በመያዝ የሚጠበቅባቸውን ኃላፊነት መወጣት እንደሚጠበቅባቸው አሳስበዋል፡፡

🟩 ቤሬ ሐር

HANDMADE ETHIOPAN SILK

ኢንተርፕራይዙ በደቡብ ኢትዮጵያ ክልል አርባ ምንጭ ከተማ የሚገኝ ሲሆን የሐር ትሎችን ከማራባት ጀምሮ ጨርቅ ሆኖ እስኪወጣ ድርስ ሂደቶችን ጠብቆ የሚሰራ በኢትዮጵያ የመጀመሪያው ድርጅት ነው፡፡ የሚያመርታቸውን የሐር አልባሳትን በአርባ ምንጭና በአዲስ አበባ ከተማ በጥራት ተደራሽ በማድርግ ላይ ያለ ድርጅት ነው፡፡

ቤሬ ሐር

HANDMADE ETHIOPAN SILK

ኢንተርፕራይዙ በደቡብ ኢትዮጵያ ክልል አርባ ምንጭ ከተማ የሚገኝ ሲሆን የሐር ትሎችን ከማራባት ጀምሮ ጨርቅ ሆኖ እስኪወጣ ድርስ ሂደቶችን ጠብቆ የሚሰራ በኢትዮጵያ የመጀመሪያው ድርጅት ነው፡፡ የሚያመርታቸውን የሐር አልባሳትን በአርባ ምንጭና በአዲስ አበባ ከተማ በጥራት ተደራሽ በማድርግ ላይ ያለ ድርጅት ነው፡፡

የቤሬ ሐር ኢንተርፕራይዝ መስራችና ስራ አስኪያጅ አቶ ገለታ ሐይሉ እንደተናገሩት ስራውን ከመጀመራቸው በፊት በዕህል ንግድ ላይ ተሰማርተው እንደነበርና በአንድ ወቅት ሳይንስና ቴክኖሎጅ ምርምር ከመልካሳ ምርምር ማዕከል በራዲዩ በሐር ልማት ዙሪያ ሲተላላፍ በመስማት ወደ ስራው እንደገቡ ያስታውሳሉ፡፡

ድርጅቱ በ1997 ዓ.ም በ200 ካሬ ሜትር ቦታ፣ በ600 ሺህ ብር ካፒታልና በአምስት የሰው ሐይል እንደተጀመረ የሚናገሩት ስራ አስኪያጁ በወቅቱ መንግስት ለዘርፉ ትኩረት በመስጠት አሁን ያሉበትን የመስሪያ ቦታ እንደሰጣቸው ተናግረዋል፡፡

ከዚህ ቀደም የሐር ክሩን ብቻ በማምረት ለሚሸምኑ ድርጅቶችና ግለሰቦች ሲሸጡ እንደነበርና አሁን ላይ ባካበቱት ልምድ የራሳቸውን ዲዛይነርና የሽመና ባለሙያዎችን በመቅጠር ያለቀለት በእጅ የተሰሩ የሐር ልብሶችን በማምረት ለገበያ እንደሚያቀርቡ አቶ ገለታ ተናግረዋል፡

የሐር ክር ለቀዶ ጥገናና ለፓራሹት መውረጃነት አገልግሎት ላይ ሲውል ልብሱ ደግሞ የሰውነትን ሙቀት በመቆጣጠር ምቾት የሚሰጥ እንዲሁም ፕሮቲን ያለው በመሆኑ በዓለም ደረጃ እጀግ ተፈላጊ ምርት አድርጎታል ያሉት ስራ አስኪያጁ በኢትዮጵያ በሐር ልማት ላይ የተሳተፉ ባለሀብቶች የሉም ብለዋል፡፡

የስራውን ሁኔታና የዘርፉን አዋጭነት ለማስገንዘብ ቤሪ ሐር ልማት ድርጅት እንደ አንድ የምርምር ተቋም ሆኖ እያገለገለ እንደሚገኝና ከስራው ስፋት አንጻር በራሱ ማሳ ላይ የሚያመርተው ምርት አልበቃ ብሎት በአካባቢው ያሉ 200 አርሶ አደሮችን በማሰልጠን ምርት እንደሚወስድ አብራርተዋል፡፡

የሐር ምርት በውጭ ሐገር ደረጃ ካለው ተፈላጊነት አንጻር ኤክስፖርት ለማድረግ ፍላጎት ቢኖርም በምርት አቅርቦት፣በዘርፉ የሰለጠነ የሰው ሐይል፣ ፋይናንስ፣ የቦታና የማሽን አቅርቦት ችግር ምክንያት በስፋት ኤክስፖርት ማድረግ እንዳልተቻለና እነዚህ ችግሮች የሚቀረፉ ከሆነ በስፍት በማምረት የውጭ ገበያውን መቆጣጠር እንደሚቻል ተናግረዋል፡፡

ቤሬ ሐር ኢንተርፕራይዝ ከ80 በላይ ለሚሆነ ዜጎች የስራ ዕድል የፈጠረ ሲሆን አጠቃላይ ካፒታሉም ከ30 ሚሊየን ብር በላይ ነው፡፡

👉አድራሻ፡- በደቡብ ኢትዮጵያ ክልል አርባ ምንጭ ኤርፖርት 800 ሜትር ገባ ብሎ ና አዲስ አበባ ከተማ ቦሌ መድሐኒዓለም ገልፍ አዚዝ 1ኛ ፎቅ

☎️ ስልክ፡- 09 77 07 85 15

🌐 BER HAR፡- በማለት በሁሉም የሶሻል ሚዲያ አማራጮች ማግኘት ይችላሉ

ዓለም አቀፍ ኮንፈረንሱ ኢትዮጵያ በግብርና፣ ኢንዱስትሪው እና ቱሪዝም ዘርፍ ያስመዘገበቻቸውን ስኬቶች ለዓለም የምታስተዋውቅበት ዕድል  ይፈጥራል
፡፡፡፡፡፡፡፡
EED ጥቅምት 8/2017 ዓ.ም

ኢትዮጵያ  የምታስተናግደው ርሀብ አልባ ዓለምን እውን ማድረግ ይቻላል (WORLD WITH OUT HUNGER IS POSIBLE)  አለም አቀፍ ኮንፍረንስ  በአዲስ አበባ ከጥቅምት 26 እስከ 28 ቀን 2017 ዓ.ም ይካሄዳል፡፡ 
  
የኢንዱስትሪ ሚኒስቴር ሚኒስትር ዴኤታ አቶ ሀሰን መሀመድ  አፍሪካን  እየፈተነ ያለው የምግብ ዋስትና አለመረጋገጥ  ለከፋ ችግር እና እንግልት እየዳረገ መሆኑን ገልጸው  በተለይም የሀገር ኢኮኖሚን ከማረጋጋት እና አምራች ዜጋን ከመፍጠር አኳያ  የሚፈጥረው ጫና ከፍተኛ በመሆኑ የዓለም ሀገራት  በጋራ መምከር እንደሚያስፈልግ አንስተዋል፡፡

ኢትዮጵያ  የምታስተናግደው ርሀብ አልባ ዓለምን እውን ማድረግ ይቻላል (WORLD WITH OUT HUNGER IS POSIBLE)  አለም አቀፍ ኮንፍረንስ  የምግብ ዋስትና አለመረጋገጥ  ችግርን  በዘላቂነት ሊፈታ የሚችል የመፍትሄ ሀሳቦችን እንደሚያስቀምጥ  ይጠበቃልም ብለዋል፡፡ 

ኮንፈረንሱ ኢትዮጵያ በግብርና፣ በኢንዱስትሪና በቱሪዝም ዘርፍ የተገኙ ስኬቶችን ለአለሙ ማህበረሰብ የምታስተዋውቅበት እድል እንደሚፈጥር ገልጸዋል፡፡

ለኮንፈረንሱ አስፈላጊው  ቅድመ ዝግጅት እየተካሄደ መሆኑንም አክለዋል፡፡

#ኢትዮጵያ_ታምርት
#እኛም_እንሸምት

የኢንዱስትሪ ሚኒስቴር እና የተባበሩት መንግስታት የንግድ እና ልማት ኮንፈረንስ በአፍሪካ ያደጉ ሀገራት ልዩ ፕሮግራሞች የአፍሪካ ክልላዊ ቢሮ በጋራ ለመስራት በሚያስችሉ ጉዳዮች ዙሪያ ውይይት አካሄዱ፡፡
=====
EED ጥቅምት 06/2017 ዓ.ም

የኢንዱስትሪ ሚኒስቴር ሚኒስትር አቶ መላኩ አለበል የተባበሩት መንግስታት የንግድ እና ልማት ኮንፈረንስ በአፍሪካ ያደጉ ሀገራት ልዩ ፕሮግራሞች የአፍሪካ ክልላዊ ቢሮ ኃላፊ ዳያን ሳይንዞጋን በፅ/ቤታቸው ተቀብለው አነጋግረዋል ።

የአምራች ኢንዱስትሪውን ዘርፍ ለማሳደግ በሀገር አቀፍ ደረጃ የተጀመረውን የኢትዮጵያ ታምርት ንቅናቄን ለመደገፍ ፍላጎት እንዳላቸው እና አብሮ ለመስራት ዕቅድ ማውጣቸውን ሚኒስትሩ ተናግረዋል፡፡

በተለይም በንቅናቄው የአቅም ግንባታ ዘርፍ ድጋፍ ለማድረግ እና ያሉትን ክፍተቶች ለመሙላት ፍላጎት እንዳላቸው ያነሱት አቶ መላኩ አለበል በቅርቡ ባለሙያ ከውጪ በመላክ ይህን ስራ እንደሚጀምሩ ውይይት ማድረጋቸውን ገልፀዋል፡፡

የተባበሩት መንግስታት የንግድ እና ልማት ኮንፈረንስ በአፍሪካ ያደጉ ሀገራት ልዩ ፕሮግራሞች የአፍሪካ ክልላዊ ቢሮ የኢትዮጵያ ታምርት ንቅናቄ የአቅም ግንባታ ዘርፍ ድጋፍ በማድረግ በጋራ በትብብር ለመስራት ተስማምተዋል፡፡

#ኢትዮጵያ_ታምርት
#እኛም_እንሸምት

የአዲስ አበባ ከተማ አስተዳደር ኢንዱስትሪ ቢሮ ባለሙያዎች አምራች ኢንተርፕራይዞችን ምርትና ምርታማነት ለማሳደግ የሚያስችል ስልጠና ማግኘታቸውን ገለፁ

EED ጥቅምት 6/2017 ዓ.ም

የኢትዮጵያ ኢንተርፕራይዝ ልማት ከአዲስ አበባ ከተማ አስተዳደር ኢንዱስትሪ ልማት ቢሮ ጨርቃጨርቅና አልባሳት ዘርፍ ለተውጣጡ 40 አመራሮችና ባለሙያዎች በጨርቃጨርቅ አልባሳት ፖተርን ዝግጅትና ስፌት ዙሪያ በሁለት ዙር ስልጠና በመስጠት ላይ ይገኛል፡፡

በስልጠናው የተሳተፉት ባለሙያዎች እንደተናገሩ ስልጠናው በተግባርና በንድፈ ሀሳብ የተደገፈ በመሆኑ በቀጣይ በመዲናዋ ላሉ አምራች ኢንተርፕራይዞች ለምንሰጠው ድጋፍ ጠንካራ ስንቅ ይሆነናል ብለዋል፡፡

በተለይ በጨርቃጨርቅና አልባሳት አምራቾች ከፖተርን ዝግጅት ጋር በተያያዘ የሚያጋጥማቸውን ብክነት እና የምርት ጥራት ችግሮችን በመቅረፍ ምርትና ምርታማነታቸውን ለማሳደግ የሚያስችል የቴክኒክ ድጋፍ ለመስጠት የሚያበቃ አቅም ከስልጠናው ማግኘት እንደቻሉ ገልጸዋል፡፡

በመጀመሪያው ዙር 20 ሰልጣኞች ሜክሲኮ በሚገኘው የኢትዮጵያ ኢንተርፕራይዝ ልማት ወርክሾፕ ስልጠናቸውን እየተከታተሉ ሲሆን ሁለተኛ ዙር ሰልጣኞች በቀጣይ ሳምንት ስልጠናቸውን መከታተል እንደሚጀምሩ የስልጠናው አስተባባሪዎች ተናግረዋል፡፡

#ኢትዮጵያ_ታምርት #እኛም_እንሸምት

የኢትዮጵያ ኢንተርፕራይዝ ልማት አመራርና ሰራተኞች የሰንደቅ ዓላማ ቀንን አከበሩ

EED ጥቅምት 04/2017 ዓ.ም

የተቋሙ አመራርና ሰራተኞች “ሰንደቅ ዓላማችን ለብሔራዊ አንድነታችን፣ ለሉዓላዊነታችንና ለኢትዮጵያ ከፍታ!” በሚል መሪ ሃሳብ ለ17ኛ ጊዜ እየተከበረ የሚገኘው የዘንድሮው የሰንደቅ ዓላማ ቀንን አክብረዋል