መፅሐፈ ሔኖክ (Metshafe Henok)

"እስመ ሕፃን ተወልደ ለነ ወልድ ተውህበ ለነ ወቅድመት ኮነ ዲበ መትከፍቱ ወይሰመይ ስሙ ዓቢየ ምክረ አበ ዓለም ወመልአከ ሰላም ፤ ሕፃን ተወልዶልናል፤ ወልድም ተሰጥቶናልና፤ አለቅነትም በጫንቃው ላይ ይሆናል፤ ስሙም ድንቅ መካር፤ ኀያል አምላክ የዘለዓለም አባት የሰላም አለቃ ተብሎ ይጠራል::" ኢሳ፱፡፮


ሰላም ለኩልክሙ እንቋዕ አብሐክሙ ለብርሃነ ልደቱ ለመድኃኒነ ኢየሱስ ክርስቶስ።
እንኲዋን ፱ኙ ዐበየት በዓላት አንዱ ለሆነዉ ለልደት በዓል   አደረሳችሁ።

#ቅዱስ_ኤፍሬም_ስለ_ልደተ_ክርስቶስ_እንዲህ_አለ፦

ጌታ ሆይ ቅድስት እናትህ ድንግል ሳለች አንተን ፀንሳ በመውለድ እናትነትን ገንዘቧ አደረገች፤ ድንግል ሆና ሳለች ከጡቶቿ ወተት ፈሰሰ፤ ድንግል ከሆነች መሬት ንጹሕ ምንጭ እንዲፈልቅ፤ እንዲሁ ድንግል ከሆነችው እናትህ ጡቶች ወተት ፈለቀ፡፡ እርሱዋ አንተን ብትሸከምህ አንተ ጽንዕ ሰጥተሃት ነው፤ በተራብክ ጊዜ አንተን ከጡቶቹዋ ትመግብህ ዘንድ፣ ነቢዩ ዳንኤል በታላቅ ተራራ የመሰለህ አንተን አንደ ሕፃናት ታቀፈችህ፤ በፈቃድህ የተጠማህ አንተን በእጆቹዋ በፍቅር ትዳብስህ ዘንድ፤ የምህረት እሳት የሆንኽ አንተ ክንዶቿን መለኮታዊው እሳት እንዳይቃጥላቸው ጠበቅኻቸው፡፡

ጌታ ሆይ እናትህ ግሩም የሆኑ ተአምራት የተፈጸሙባት መካን ናት። ወደ እርሱዋ የሁሉ ጌታ የሆነው ገባ፤ የአገልጋዩን አርአያ ነስቶ ተወለደ። የእግዚአብሔር ቃሉ የሆነ እርሱ ወደ እርሱዋ ገባ፤ ዝምተኛ ሆኖ ተወለደ። ነጎድጓድ የሆነው እርሱ ወደ እርሱዋ ገባ፤ ጭምት ሆኖ ተወለደ። እረኛ የሆነው እርሱ ወደ እርሱዋ ገባ፤ በግ ሆኖ በመወለድ በአባግዕ ቋንቋ ተናገረ፡፡

ጌታ ሆይ የእናትህ ማኅፀን ከተፈጥሯዊው ሥርዓት በተቃራኒው ፈጸመ፤ ሁሉን ያከናወነ በባለጸግነቱ ወደ እርሷ ገባ፤ ደሃ ሆኖ ተወለደ። ከሁሉ በክብር የሚልቀው እርሱ ወደ እርሷ ገባ፤ ትሑት ሆኖ ተወለደ። በክብሩ ገናና የሆነው እርሱ ወደ እርሱዋ ገባ፤ የባሪያውን መልክ ይዞ ተወለደ። ብርቱ የሆነው እርሱ ወደ እርሱዋ ገባ፤ ጥበቃ እንደሚያስፈልገው ሕፃን ሆኖ በማኅፀን ተገኘ። ፍጥረትን ሁሉ የሚመግበው መራብንና መጠማትን ገንዘቡ አደረገ፤ (አጣጣመ) ሁሉን በበረከቱ የሚያለብሰውና የሚያስጌጠው እርሱ ራቁቱን ተወለደ።

እኛን ለማዳን ሲል የእኛን ተፈጥሮ ገንዘቡ ላደረገ ለእርሱ ክብር ምስጋና ይሁን።

መልካም በዓለ ልደት......

#ታኅሣሥ_22

#ብሥራተ_ቅዱስ_ገብርኤል

ታኅሣሥ ሃያ ሁለት በዚህች ዕለት ብርሃናዊው መልአክ ቅዱስ ገብርኤል ለእመቤታችን አምላክን እንደምትወልድ ያበሰረበት መታሰቢያ ነው፡፡ ይኸውም ‹‹ልዑል እግዚአብሔር ሊቀ መላእክት ቅዱስ ገብርኤልን ‹ሂድና ለጽዮን ልጅ ለድንግል የእግዚአብሔር የባሕርይ ልጅ ወደአንቺ መጥቶ ኃይለ ልዑል ወልድ ሥጋሽን ለብሶ ሰው ይሆናል፤ ይኸውም ካንቺ የሚወለደው ጽኑዕ ነው ብለህ ንገራት› አለው፡፡ ‹ደንቆሮዎች የሚሰሙበት፣ ድዳዎቸ የሚናገሩበት፣ ዕውራንም የሚያዩበት፣ ሙታን የሚነሡበት፣ ለምጻሞች የሚነጹበት፣ ሐንካሳዎች የሚሄዱበት፣ በጨለማ ውስጥ የነበሩ ሰዎች ብርሃን የሚያዩበት ጊዜ እነሆ ደረሰ ብለህ ንገራት› አለው፡፡

ቅዱስ ገብርኤልም ይህን ሰምቶ በግንባሩ ተደፍቶ ልዑል እግዚአብሔርን ‹ጌታ ሆይ! የምትነግረኝ ይደረግ ዘንድ እንደምን ይሆናል?› አለው፡፡ ጌታም ‹የጀመርኩትን ቸርነት ፈጸምኩ፣ የወይን ግንድ ይቆረጣል (ወልደ እግዚአብሔር ይሞታል)፣ ወይራም ከበለስ ጋር ይተከላል (መስቀል ይተከላል)፣ ቅጽሮችም ይቀጸራሉ (ምግባር ከሃይማኖት ጋር ይሠራል)፣ የኤልፍና የሌሚ ወገን ይነሣል፡፡ ገብርኤል ሆይ! ሄደህ ለዳዊት ልጅ ‹እግዚአብሔር ከአንቺ ጋር ነውና ደስ ይበልሽ› ብለህ አብሥራት› አለው፡፡ ‹ለዘለዓለም ነግሦ የሚኖረውን እነሆ ትፀንሳለሽ በላት› አለው፡፡ መልአኩ ቅዱስ ገብርኤልም ይህን ሰምቶ ሰገደ፡፡ ልብሱንም በላዩ ይዞ በመስቀል ቀኝ ይወርድ ዘንድ ወደደ፡፡ ጌታም ‹መግባትህና መውጣትህ በፍቅር አንድነት ይሁን› አለው፡፡ ‹ዘካርያስን ረግመህ አንደበቱን እንዳሰርህ እርሷን እንዳታሳዝናት ይልቁንም አብዝተህ ደስ አሰኛት አንጂ› አለው፡፡ ቅዱስ ገብርኤልም ይህን ሰምቶ ፈጽሞ ደስ እያለው ሊባኖስ ከሚባል ተራራ እስኪሰማ ድረስ ክንፉን እያማታ ወረደ፡፡ በዚህም ጊዜ በዙሪያው ያሉ ሁሉ ‹ይህ የምንሰማው ምንድነው?› ይሉ ነበር፡፡ የተደረገበትንም ቦታ አላወቁትም ነበር፡፡››

እመቤታችንን በ3 ዓመቷ እናትና አባቷ ብፅዓት አድርገው ለእግዚአብሔር ሰጥተዋታልና ካህናትም በቤተ መቅደስ ከመካነ ደናግል አስገብተዋት በመልአኩ በቅዱስ ፋኑኤል አማካኝነት ኅብስት ሰማያዊ ጽዋዕ ሰማያዊ እየመጣላት ያንን እየተመገበች ቅዱሳን መላእክት እየጎበኟት 12 ዓመት ኖራለች፡፡ በ15 ዓመቷ ሊቀ መላእክት ቅዱስ ገብርኤል ለእመቤታችን ጌታችንን እንደምትወልድ በዚህች ዕለት አብሥሯታል፡፡ በመጀመሪያ እመቤታችን ውኃ ቀድታ ስትመለስ የጠተማ ውሻ እያለከለከ ሲመጣ ብታየው ለፍጥረት ሁሉ የምትራራ ናትና በወርቅ ጫማዋ ለዛ ለተጠማው ውሻ ውኃ ስታጠጣ አብሯት የነበሩ ሴቶች ‹‹ማድጋሽን አጎደልሺው፣ ቀድቼ እሞለዋለሁ እንዳትይ ጉድጓዱ ጥልቅ ነው መቅጃም የለሽም›› አሏት፡፡ ክብርት እመቤታችንም ‹‹ውሃ የሚገኘው ከወደላይ ነው እንጂ ከወደታች ነውን? ፍጥረቱን ያጠጣ ጌታ ይሞላልኛል›› አለቻቸው፡፡ ማድጋዋም በተአምራት ሞልቶ ተገኘ፡፡ ሴቶቹም ዳግመኛ ‹‹በዚህ ዘመን አምላክ ከድንግል ይወለዳል ይላሉ ካንቺ ይሆን?›› እያሉ ሲዘብቱባት ወዲያው ከወደኋላዋ ሊቀ መላእክት ቅዱስ ገብርኤል መጥቶ ‹‹እነሆ ትጸንሻለሽ›› አላት፡፡ እመቤታችንም ዞር ብትል የተናገራትን አጣችው፡፡ በዚህም ጊዜ ‹‹አባቴን አዳምን እናቴን ሔዋንን ያሳተ ጠላት ይሆናል›› ብላ ሄደች፡፡

ዳግመኛም እመቤታችን ከቤት ደርሳ ማድጋዋን ስታስቀምጥ መልአኩ አሁንም በድምፅ ‹‹እነሆ ትጸንሻለሽ›› አላት፡፡ እመቤታችንም ይህን ጊዜ ‹‹ምነው ይህስ ነገር ደጋገመኝ እንዲህ ያለውን ነገር ቤተ መቅደስ ሄደው ሊረዱት ይገባል›› ብላ ወደ ቤተ መቅደስ ሄዳ ወርቅና ሐር እያስማማች ስትፈት መልአኩ ቅዱስ ገብርኤል እሁድ ቀን በ3 ሰዓት በገሃድ ተገለጸላትና እጅ እየነሳ እየሰገደ አበሠራት፡፡ ‹‹የዕውነተኛ ንጉሥ እናቱ እመቤታችን ላንቺ ፍቅር አንድነት ይባል›› አላት፡፡ ዳግመኛም ‹‹አንቺ ከሴቶች ይልቅ ተለይተሸ ንዕድ ክብርት ነሽ›› አላት፡፡ አምላክን የወለደች በድንጋሌ ሥጋ በድንጋሌ ነፍስ የጸናቸ ክብርት እመቤታችንም የብርሃናዊውን መአልክ የቅዱስ ገብርኤልን ቃል በሰማች ጊዜ ‹‹እንዲህ ያለውን ሰላምታ እንደምን ይቀበሏል! እንዴትስ መቀበል ይቻላል? እንጃ›› አለችው፡፡ መልአኩ ቅዱስ ገብርኤልም ‹‹ማርያም ሆይ! መንፈስ ቅዱስ ያድርብሻል፣ ኃይለ ልዑል ወልድም ሥጋሽን ይለብሳልና አይዞሽ አትፍሪ›› አላት፡፡ ዳግመኛም ‹‹ይህ ካንቺ የሚወለደው ጽኑ ከሃሊ ነው፡፡ ስሙንም ኢየሱስ ትዪዋለሽ፣ እርሱ ታላቅ ይሆናል የልዑል ልጅም ይባላል፣ ጌታ አምላክም የአባቱን የዳዊትን ዙፋን ይሰጠዋል፣ በያዕቆብ ቤትም ላይ ለዘለላም ይነግሣል፣ ለመንግሥቱም መጨረሻ የለውም›› አላት፡፡ እመቤታችንም መልአኩን ‹‹ምድር ያለ ዘር ፍሬን አትሰጥምና እኔ ወንድ ስለማላውቅ ይህ እንዴት ይሆናል?›› አለችው፡፡ መልአኩም መልሶ ‹‹መንፈስ ቅዱስ በአንቺ ላይ ይመጣል፣ የልዑልም ኃይል ይጸልልሻል ስለዚህ ደግሞ ከአንቺ የሚወለደው ቅዱስ የእግዚአብሔር ልጅ ይባላል። እነሆም ዘመድሽ ኤልሳቤጥ እርሷ ደግሞ በእርጅናዋ ወንድ ልጅ ፀንሳለች፡፡ ለእርስዋም መካን ትባል ለነበረችው ይህ ስድስተኛ ወር ነው፣ ለእግዚአብሔር የሚሳነው ነገር የለምና›› አላት፡፡ ክብርት እመቤታችንም ይህን ጊዜ ‹‹እነሆኝ የጌታ ባሪያ እንደ ቃልህ ይሁንልኝ›› አለችው፡፡ መልአኩም ከእርሷ ዘንድ ሄዶ ተሠወረ፡፡ አካላዊ ቃልም በማኅፀኗ አደረ፡፡ በዚያችም ቅጽበት የእመቤታችን የፊቷ መልክ ተለወጠ፣ እንደፀሐይም አሸበረቀ፡፡

ለእግዚአብሔር ምስጋና ይሁን፤ ለቅዱሳን የተለመነች ክብርን የተመላች ድንግል ወላዲተ አምላክ ለእኛም ትለመነን! አምላካችን ልጇ በምልጃዋ ይማረን!

(ስንክሳር ዘተዋሕዶ ፌስቡክ ፔጅ)

"መስቀል ቤዛችን ነው" ለምን ይባላል ?

« አኮ ከመ ይትርአይ አላ ከመ ይትኀለይ»

ሰላም ለሁላችሁ ይሁን ።መስቀል ቤዛችን ነው የምንለው በመስቀል ላይ በክርስቶስ ደም የተሰራውን የቤዛነት ሥራ ነው እንጂ ዕፀ መስቀሉን አይደለም።ዕፀ መስቀሉማ በክርስቶስ ኢየሱስ ለተፈጸመልን ቤዛነት የመዳናችን ምልክት ነው።ቤዛችን የእግዚአብሔር ልጅ ኢየሱስ ክርስቶስ ብቻ ነው።

ቤዛ ማለት ምትክ፣ነጻ አውጪ ፣ዋጋ ከፍሎ የሚያድን አዳኝ ማለት ነው።በብሉይ ኪዳን መጻሕፍት በብዛት  እንደምናነበው ሰዎች ምሕረትና ይቅርታን ለማግኘት ቤዛ የሚሆኗቸውን የበግና የጊደሮችን መስዋዕት በመገናኘው ድንኳን በማቅረብ እጃቸውን በእንስሶቹ ላይ ጭነው ኃጢአታቸውን ይናዘዙ ነበር።የሰዎቹን በደል የተሸከመው በግ ይሰዋና በደሙ መፍሰስ የኃጢአትን ሥርየት ያገኙ ነበር።ዘሌ 4፥1

ሌላም ምሳሌ ብንመለከት አብርሃም ልጁ ይስሐቅን ሊሰዋ ሲል እግዚአብሔር ልጅህን ፍታው ብሎ በይስሐቅ ፈንታ ነጭ በግ ሰጥቶታል ነጩ በግ ለይስሐቅ ቤዛ ሆነው ይስሐቅ ሊቀበል የነበረውን ስቃይና ሞት ወስዶ ነጻ አወጣው።ኢየሱስ ክርስቶስ የዓለሙን ኃጢአት በደሙ ያስተሰረየ የእግዚአብሔር በግ ነው።እርሱ ክርስቶስ ብቸኛው የሰው ልጆች ሁሉ ቤዛ ነው።“በውድ ልጁም፥ እንደ ጸጋው ባለ ጠግነት መጠን፥ በደሙ የተደረገ ቤዛነታችንን አገኘን እርሱም የበደላችን ስርየት።” ነው ተብሎ ተጽፏል።ኤፌሶን 1፥7

መስቀል ማለት መከራ ማለት ነው።መስቀል ቤዛችን ነው ስንል ደግሞ የክርስቶስ መከራና ሕማም የነፍሴ ቤዛ ነው ማለታችን ነው።

ዕፀ መስቀሉ ግን  ከባርነት ወደ ነጻነት፣ከሞት ወደ ሕይወት በክርስቶስ ደም ለተሸጋገርንበት ድኅነት የማረጋገጫ አርማችን ነው። ዕፀ መስቀል ከዲያብሎስ ቀስት የምናመልጥበት መንፈሳዊ መሣሪያችን ነው ። ዕፀ መስቀል የክርስቶስ ተከታዮች መለያ ምልክታችን ነው።ስለሆነም በመስቀል ላይ የተሰዋውን የእግዚአብሔር  በግ እያሰብን ዕፀ መስቀሉን  እናከብረዋለን፣እንስመዋለን፣በመቅደሳችን ጉልላት ላይም  ከፍ አድርገን እናስቀምጠዋለን።

በቤተርስቲያናችን መስተብቊዕ ዘመስቀል በተባለው ጸሎት ላይ ይህ ቃል ይገኛል።

«መስቀለ ክርስቶስሰ ቤዛነ ወኃይልነ። አግዓዘ ጻድቃነ ወኃጥአነ እምግብርናተ ሰይጣን ጻላዒነ።ነሲዖ ሥልጣነ እምኃበ እግዚአብሔር አምላክነ።»

«የክርስቶስ መስቀል ቤዛችን ኃይላችን ነው።ከእግዚአብሔር በወሰደው ሥልጣን ጻድቃንና ኃጥአንን ከጠላታችን ዲያብሎስ ባርነት ነጻ አድርጓል።»

ትምህርተ ኅቡአት በተባለው ታላቅ ጸሎት ላይ ደግሞ ቤዛ የተባለው  መስቀል በአዕምሯችን ዕለት ዕለት የምናስበው የክርስቶስ ሕማምና መከራ እንጂ የሚታየው ግዙፉ ዕፀ መስቀል አለመሆኑን እንዲህ በግልጽ አስቀምጦታል።

«ዘእምትካት ኅቡአ ኮነ ይእዜሰ ክሡት  ምሥጢር ኮነ ለምዕመናን አኮ ከመ ይትርአይ አላ ከመ ይትኀለይ ውእቱ ዝንቱ መስቀል ወቦቱ ንትመካሕ ከመ ንሰብሖ።»

«ለዘመናት ለምዕመናን ስውር የነበረው ምሥጢር  ዛሬ የተገለጠ ሆኗል ይህውም የምነመካበትና የምናመሰግነው መስቀል በአዕምሮ የሚታሰብ እንጂ በዓይን የሚታይ አይደለም።»

ስለዚህ "መስቀል ኃይላችን ነው"፣ "መስቀል ቤዛችን ነው" ፣"መስቀል የነፍሳችን መዳኛ ነው"እያለ የሚጸልይ ክርስቲያን በክርስቶስ መከራና ሕማም የነፍስ ድኅነት በማግኘቱ የኢየሱስ ክርስቶስ ደም ሕያው መታረቂያና መጽደቂያው መሆኑን እየመሰከረ ነው።ክርስቲያን በልቡ አምኖ በአፋ መስክሮ ይጸድቃል።

በአንገታችን የምናስረውና በሰውነታችን የምንነቀሰው የመስቀል ምልክት ደግሞ  በደሙ የዳንን፣ጽድቅን በክርስቶስ ቤዛነት ያገኘን ሕዝቦች በመሆናችን በደሙ ድኛለሁ እያልን የምንመስክርበት ምልክታችን ነው። ጌታ ክርስቶስ በሰው ፊት የሚመሰክርልኝን በሰማያዊ አባቴ ፊት እመሰክርለታለው ስላለ መስቀሉን በግልጽ በአንገታችን አስረን የክርስቶስ መሆናችንን ልናውጅ ይገባል ከቃል በላይ መስቀሉ ብዙ ይናገራል።

"በኢየሱስ፡ክርስቶስም፡በኾነው፡ቤዛነት፡በኩል፡እንዲያው፡በጸጋው፡ይጸድቃሉ።" ሮሜ 3፥24

የመስቀሉ በረከት ከሁላችን ጋር ይሁን።

እባካችሁ ለሌሎችም ሼር አድርጉት።

መ/ር ታሪኩ አበራ

ወዳጄ ሆይ ከመብል ሽሽ፤ ከመጠጥም ራቅ፡፡ ጥጋብ ስንፍናን ትወልዳለችና፡፡ ጾምን ጠብቅ። በጾም ኃጢአት ይሠረያልና፡፡ እንዳይጠግብ፣ የሚጋልበውንም እንዳይጥለው ፈረስን እንደሚለጕሙት አንተም እንዲሁም ሥጋህ በፍትወት ነፍስህም በኃጢአት እንዳይወድቅ አፍህን ከመብልና ከመጠጥ ለጕም፡፡ ጌታችን እንበላና እንጠጣ ዘንድ አላዘዘንምና፡፡ ነገር ግን ወደ ፈተና እንዳትገቡ ጹሙ ጸልዩ አለን እንጂ፡፡

የሰማይ ወፎችን ተመልከቱ፡፡ ስለ መብል በወጥመድ ውስጥ ይወድቃሉና፡፡ አጥማጆችም በሚያጠምዱበት ጊዜ ወጥመዱን በመብል ይሠውሩታልና፡፡ እንዲሁም ሰይጣን ጣፋጩን ተስፋ አስደርጎ መራራውን ይሰጣል፡፡ ዳግመኛም ብዙውን ተስፋ አስደርጎ ትንሽን ይሰጣል፡፡ አዳምን አምላክ እንደሚሆን ተስፋ እንዲያደርግ አደረገው፡፡ ነገር ግን ከገነት ዕራቍቱን አስወጣው፡፡

በጌታውም ዘንድ የተናቀ አደረገው፡፡ በዚህም መርገምን ወረሰ፡፡ በእርሱ ምክንያትም ምድር ተረገመች፡፡ ሞትም በሰው ላይ ሁሉ ሠለጠነ። የሚበር ወፍ ወደ ምድር ካልተመለከተ ወደ ወጥመድ አይወርድም፡፡ እንዲሁም ለሚጾም ሰው ልቡ በሰማይ ያለውን ያስብ ዘንድ ሥጋው በኃጢአት እንዳይወድቅ ለሰውነቱ ምኞቷን ይከለክላት ዘንድ ይገባል፡፡

ጾም የጸናች ናት፡፡ ትሕትናም የንስሓ ራስ ናት፡፡ በጾም ኤልያስ ከመላእክት ጋር ተቆጥሯልና፡፡ ኤልሳዕም የመምህሩን የኤልያስን መንገድ ተከተለ፡፡ ዕጥፍ ድርብ በረከቱንም አገኘ፡፡

ወንድሞቼ ሆይ በአጋንንት ላይ በሥጋ ድል ማድረግን እናገኝ ዘንድ በጾምና በበጎ ሥራ ሁሉ የመምህሮቻችንን መንገድ እንከተል፡፡ ንጹሕና የተመረጠ ጾምን እግዚአብሔር ይወዳል፡፡ አመፃ ስንፍና ናት፡፡ እግዚአብሔር አማፅያንን ፈጽሞ ይጠላቸዋል፡፡ በአፉ እየጾመ ወንድሙን ለሚገድል ለእርሱ ወዮለት፡፡ በአፉ ጾምን ለሚያውጅ በአንደበቱ ደግሞ አመፃን ለሚናገር ለእርሱ ወዮለት፡፡

ወንድሜ ሆይ አፍህ ከጾመ ልብህም እንዲሁ ይጾም ዘንድ እለምንሃለሁ፡፡ እነሆ ዐይንኖችህ ክፉን ከመመልከት ይጹሙ፡፡ እጆችህና እግሮችህም ከክፉ ሁሉ ይጹሙ፡፡ የጠላት ወጥመዱ ብዙ ነውና፡፡ በንጉሥ ፊት ተጋዳይ ወታደርን ልትሆን ብትወድ የጦር ዕቃን ትይዝ ዘንድ ተገቢ ነው፡፡ እንዲሁም ከሰይጣን ወጥመድ መዳን የሚወድ ሰው የክርስቶስን ትዕዛዙን ይጠብቅ፡፡ ከገሃነም እሳት ትድን ዘንድ ከትዕቢት ራቅ፡፡ መንግሥተ ሰማያትንም ትወርስ ዘንድ ትሕትናን ፈልግ፡፡

ወዳጄ ሆይ እኔስ ከመብልና ከመጠጥ ትሸሽ ዘንድ ጾምንም በፍጹም ልብህ ትከተላት ዘንድ እፈልጋለሁ፡፡ ትሑታንን ውደዳቸው ከትዕቢተኞችም ራቅ፤ ከጥላቻ ፈቀቅ በል፤ ሰላምንም ፈልጋት፡፡ የክርስቶስን ትዕዛዝ ትፈጽምም ዘንድ በፍቅር ሩጥ፡፡ በአንተ ላይ የኃጢአት ፍሬ እንዳይታይም ከልብህ ቂምንና በቀልን አስወግድ፡፡ ክፉ ሕሊና በመጣብህ ጊዜ በጌታችን በመድኃኒታችን በኢየሱስ ክርስቶስ በምታስፈራ የፍርድ ዐደባባይ የምትቆምባትን የፍርድ ቀን አስባት፡፡

(ቅዱስ ኤፍሬም ድርሳን በእንተ ጾም ➛
በድርሳነ ሠለስቱ ሊቃውንት መጽሐፍ ገጽ 195-199 በመምህር ቃለጽድቅ ሕግነህ የተተረጎመ)

እጅግ መሳጭ ከሆነው የቅዱስ ዮሐንስ አፈወርቅ መልዕክት ወደ ኦሎምፒያስ ከተላከ የተቀነጨበ ነው:-

"የአንድ ፈረስ ፈረስነቱ ምኑ ላይ ነው? በወርቅ ልጓም ማሸብረቁ፣ እጅግ ቅንጡ በኾነ ኮርቻው፣ ከሐር በተሠሩና በባለ ብዙ ኅብረ ቀለማት ባጌጠ ልብሱ፣ እጅግ በጣም በተጋጌጠ ቆቡ እንዲሁም በወርቅ ገመድ በተገመዱ ፀጉሮቹ ላይ ነውን? ወይስ እጅግ ፈጣንና ብርቱ በኾኑት እግሮቹ፣ ለመሮጥ በሚያመቸው በሰኮናው፣ ረጅም ጉዞና ውጊያም ለማድረግ ባለው ተነሣሽነቱ፣ በጦር ሜዳ ላይ በማይደነብር ባሕርይው፣ ሸሽቶ ማምለጥ ካለበትም ጋላቢውን ለማሸሽና ለማዳን ባለው ጉብዝናው ላይ ነው? አንድን ፈረስ መልካም ፈረስ የሚያስብሉት መጀመሪያ ላይ የጠቀስናቸው ነገሮች ሳይኾኑ በኹለተኛ ደረጃ ላይ ያስቀመጥናቸው ነገሮች አይደሉምን? አህያና በቅሎስ አህያና በቅሎ የሚያስብላቸው ምናቸው ነው? ደስ እያላቸው ሽክምን የመሸከም ኃይላቸው፣ ይህን ተሸክመው በቀላሉ ጉዞዎችን ማድረጋቸው፣ ለዚህም እንደ ዓለት የጠነከረ ሰኮና ስላላቸው አይደለምን? እነዚህ እንስሳት ይህን ተግባር ለማከናወን ከአፍአ የሚያደርጉት ጌጣጌጥ አስተዋጽኦ ያደርጋልን? በጭራሽ!

የምናደንቀው ወይንስ የትኛዉን ወይን ነው? ብዙ ቅጠልና ቅርንጫፍ ያለውን ወይስ ፍሬ አፍርቶ ጎንበስ ያለውን? ከአንድ የወይራ ዛፍ የምንጠብቀውስ ምንድን ነው? ትልልቅ ቅርንጫፎችና ለማየት ደስ የሚያስኝ ቅጠል እንዲኖረው ነው ወይስ በቅርንጫፉ ኹሉ ላይ ፍሬ እንዲያፈራ?

መልካም! በሰው ልጆች ዘንድም እንዲህ እያደረግን እንመልከተው፡- አንድን ሰው ሰው የሚያስበለው ምን እንደ ኾነና ይህንንም ምን እንደሚጎዳውና እንደሚያጠፋው እንየው፡፡ እናስ ሰውን ሰው የሚያስብለው ምኑ ነው? ድኽነት የሚያስፈራው ሀብቱ አይደለም፤ በሽታ የሚጎዳው ጤንነቱ አይደለም፤ ተቃውሞ ሊነሣበት የሚችለው የሕዝብ ውዳሴ አይደለም፤ ከፊት ለፊቱ ሞት በሚጠብቀው ሕይወተ ሥጋው አይደለም፤ ባርነትን ሊያስቀሩበት በማይቻለው ነጻነቱም አይደለም፤ እውነተኛ ዶክትሪንና የቅድስና ሕይወትን በጥንቃቄ ይዞ መገኘቱ ነው እንጂ።

ተመልከቱ! አንድ ሰው ራሱ እውነተኛ ዶክትሪንና የቅድስና ሕይወትን አስፈላጊ በኾነ ጥንቃቄ እስከያዘው ድረስ (ሌላ ሰውስ ይቅርና) ዲያብሎስም ቢኾን ሊወስድበት አይችልም። እጅግ ተንኰሎኛውና ጨካኝ የኾነው ጋኔንም ይህን ጠንቅቆ ያውቃል። የኢዮብን ሀብትና ንብረቱን ያጠፋበት ስለዚሁ ዋና ዓላማ ነበር።

ዲያብሎስ ይህን ያደረገው ኢዮብን ድኻ ለማድረግ አስቦ አልነበረም፤ ኢዮብ በእዚአብሔር ላይ ነቀፋን እንዲናገር እንጂ። ሰውነቱን በቁስል የመታው ሥጋው እንዲደክም ፈልጎ አልነበረም፤ የነፍሱን በጎነት ሊያሳጣው ወድዶ እንጂ፡፡ ኾኖም በአንድ ቅጽበት ያለውን ኹሉ ቢያሳጣውም፣ በእኛ እይታ እጅግ ክፉ መስሎ የሚታየን ከባለጸግነቱ አውርዶ እጅግ ድኻ ቢያደርገውም፣ በብዙ ልጆች ተከብቦ ይኖር የነበረውን ልጅ አልባ ቢያደርገውም፣ በአደባባይ ላይ ሰውን ከሚገርፉ ጨካኞች በላይ ከፍቶ መላ ሰውነቱን ቢገርፈውም (ምክንያቱም የቆስለ ሰውነትን በትላትል መበላት የሚገርፉትን ሰው በጥፍር ከመቧጠጥ በላይ ይፀናልና)፣ እጅግ ክፉ ተግሣጽን በገዛ ጓደኞቹ ቢያመጣበትም (ምክንያቱም ኢዮብን ለመጠየቅ መጥተው ከነበሩ ጓደኞቹ አንዱ፡- “እንደ ኃጢአቶችህ መጠን አልተቀጣህም" የሚሉና ሌሎች የነቀፋ ቃላትን ተናግሮታልና)፣ ከከተማውና ከገዛ ቤቱ አውጥቶ ወደ ሌላ ከተማ እንዲወጣ ብቻ ሳይኾን እዚያ ከሔደ በኋላም እጅግ በቆሸሽ ስፍራ እንዲኖር ቢያደርገውም ግን ከዚህ ኹሉ በኋላ እርሱ (ዲያብሎስ) ራሱ ባዘጋጀው መንገድ የበዛ ክብርን አመጣለት እንጂ ምንም ጉዳትን አላደረሰበትም። እጅግ ብዙ ነገሮችን ቢወስድበትም የምግባር ሀብቱን ይበልጥ ጨመረለት እንጂ ካለው ነገር አንዳችስ እንኳን አልወሰደበትም፡ ምክንያቱም ከእነዚህ ነገሮች በኋላ አስቀድሞ ከነበረው ነገር በላይ አግኝቷል፡፡

እንግዲህ ኢዮብ እነዚህን የሚያኽሉ መከራዎችን ከሰው ሳይኾን ከሰዎች ኹሉ እጅግ ከሚከፋው ከዲያብሎስ እንኳን ምንም ጉዳት ካልደረሰበት፣ እነ እገሌ ይህንና ያንን የመሰለ ጉዳት አደረሱብኝ የሚሉት ሰዎች ምን ዓይነት ምክንያትን ነው የሚያቀርቡት? እጅግ ታላላቅ ተንኰሎችን የተሞላ ዲያብሎስ አለ የሚለውን መንገድ በመጠቀም ከተንቀሳቀሰና ጦሩን ኹሉ ካራገፈ፣ ለዚህ አንድ ሰው ብቻ ይህን ኹሉ ክፉ ነገር በላዩ ላይ ከጨመረበት፣ hዚህ በላይ እጅግ ከፍቶም የዚህን ጻድቅ ሰው ቤተሰብ ኹሉ ቢገድልበትም አንዲት ጉዳትስ እንኳን ማድረስ ካልተቻለው፣ ይልቁንም አስቀድሜ እንደተናገርኩት ከጠቀመው፣ ሰዎች'ማ እነርሱ ራሳቸው ራሳቸውን ካልጎዱ በስተቀር እነ እገሌ እንዲህና እንዲህ አድርገው ጎዱን ብለው እንዴት ወቀሳን ማቅረብ ይቻላቸዋል?"

(ከቅዱስ ዮሐንስ አፈወርቅ ወደ ኦሎምፒያስ የተላኩ መልዕክቶች ገጽ 54-57 በገብረ እግዚአብሔር ኪደ የተተረጎመ)

#ተአምር_ዘቅዱስ_መርቆሬዎስ - ፩

ከተአምራቱም አንዲቱ ዑልያኖስ በነገሠ ጊዜ ክብር ይግባውና ጌታችን ኢየሱስ ክርስቶስን ካደ። በዚያንም ወራት ቅዱስ ባስልዮስ የቂሣርያ ሊቀ ጳጳሳት ነበረ ተአምራቱ በተጻፉበት መጽሐፍ እንደተጻፈ ምእመናን በጽኑዕ ሥቃይ ዑልያኖስ ባሠቃየ ጊዜ መክሮ አስተምሮ ከስሕተቱ ይመልሰው ዘንድ ቅዱስ ባስልዮስ ወደርሱ መጣ።

ዑልያኖስም ቅዱስ ባስልዮስን በአየው ጊዜ ክብር ይግባውና ጌታችንን ሰደበ። ቅዱስ ባስልዮስንም አሠረው። በዚያ በእሥር ቤትም የቅዱስ መርቆሬዎስን ሥዕል አይቶ በፊቱ ቅዱስ ባስልዮስ ጸለየ ሥዕሉም ከቦታው ታጣ። ያን ጊዜ ወደ ዑልያኖስ ሒዷልና በጦርም ወግቶ ገደለውና ወዲያውኑ ወደቦታው ተመለሰ ከጦሩም አንደበት ደም ይንጠፈጠፍ ነበር። ቅዱስ ባስልዮስም ከሀዲ ዑልያኖስን እንደገደለው አውቆ እንዲህ ብሎ ተናገረ የክርስቶስ ምስክር ሆይ የእውነት ፀር የሆነ ዑልያኖስን ገደልከውን ያን ጊዜ አዎን እንደሚል ሥዕሉ ራሱን ዘንበል አደረገ ቅዱስ ባስልዮስም ደስ ብሎት እግዚአብሔርን አመሰገነ።




#ተአምር_ዘቅዱስ_መርቆሬዎስ - ፪

የዚህም የቅዱስ መርቆሬዎስ ሌላው ተአምር ከምስር አገር ከመሳፍንት ወገን የሆነ አንድ የእስላም ወጣት ነበረ የእስላሞችንም ሕጋቸውንና መጻሕፍቶቻቸውን ተምሮአል። በአንዲትም ዕለት ወደ ባሕር ዳርቻ በመንገድ አልፎ ሲሔድ አንድ የተፈረደበትን ሰው አገኘ። አስቀድሞ እስላም የነበረ አሁን የክርስትና ጥምቀትን የተጠመቀ የንጉሥ ጭፍሮችም ይዘውታል። ሊአቃጥሉትም ጉድጓድን ምሰው በውስጡ ታላቅ እሳት አንድደው አዘጋጅተውለታል። ብዙዎች ሰዎችም ሲቃጠል ለማየት ተሰብስበው ነበር።

ያም የመስፍን ልጅ ወጣት እስላም ወደ ተፈረደበት ሰው ቀረብ ብሎ "አንተ ከሀዲ ሰው ወደ ሲኦል ለመግባት ለምን ትሮጣለህ በኋላም በገሀነም እሳት ውስጥ ለመኖር አንተ እግዚአብሔርን ባለ ልጅ ታደርገዋለህና ሦስት አማልክትንም የምታምን ነህና ክፉ ነገር ነውና ይህን ስድብ ትተህ እኔን ስማኝ" አለው ።

ያ የተፈረደበትም እንዲህ ብሎ መለሰለት "እኛ የክርስቲያን ወገኖች ሦስት አማልክትን የምናመልክ ከሀድያን አይደለንም። አንድ አምላክን እናመልካለን እንጂ ይኸውም አብ ወልድ መንፈስ ቅዱስ ነው። ወልድ ከአባቱ ከእግዚአብሔር ልዩ አይደለም። የራሱ ቃሉ ነው እንጂ። መንፈስ ቅዱስም ሕይወቱ ነው። የሃይማኖታችን ምሥጢር ከአናንተ የተሠወረ ድንቅ ነው። ዛሬ ለአንተ ልብህ ጨለማ ነው በውስጡ የሃይማኖት ብርሃን አልበራም በኋላ ግን ልብህ በርቶልህ እንደ እኔ ስለ ክርስቶስ ስም በመጋደል መከራውን ትቀበላለህ።"

ያም ወጣት እስላም በሰማው ጊዜ እጅግ ተቆጣ ጫማውንም ከእግሮቹ አውልቆ አፉን ፊቱንና ራሱን ጸፋው። ይህ የምትለው ከእኔ ዘንድ አይደረግም እያለ አብዝቶ አሠቃየ። የተከበረው ሰማዕትም ይህን ያልኩህን አስበህ የምትጸጸትበት ጊዜ አለህ አለው።

በዚያንም ጊዜ ራሱን በሰይፍ ቆርጠው ሥጋውን ከእሳት ማንደጃ ውስጥ ጨመሩ ከዚህም በኋላ እሳቱ ከፍ ከፍ ብሎ እንደ ታላቅ አጥር ሆነ። የንጉሥም ወታደሮች እየጠበቁት ሦስት ቀን ኖረ። ከዚህም በኋላ ከቶ እሳት ምንም ሳይነካው እንደ ተፈተነ ወርቅ ሆኖ ሥጋውን አገኙት። ይህንንም ለንጉሥ ነገሩት። እርሱም እንዲቀብሩት አዘዘ።

ያ ወጣት እስላም ግን እያዘነ ወደ ቤቱ ገባ እርሱ ክርስቲያን እንደሚሆን ስለተናገረው ከኀዘኑ ብዛት የተነሣ የማይበላና የማይጠጣ ሆነ። እናቱና ወንድሞቹም ወደርሱ ተሰብስበው የማትበላ የማትጠጣ በአንተ ላይ የደረሰ ምንድን ነው አሉት። ክብር ይግባውና ለጌታችን ኢየሱስ ምስክር የሆነው የተናገረውን ነገራቸው። እነርሱም ይህ አሳች የተናገረውን ተወው በልብህ አታስበው እያሉ አጽናኑት። እርሱ ግን ከቶ ምንም አልተጽናናም።

በዚያም ወራት ወደሐሰተኛ ነቢያቸው መቃብር ለመሔድ የሚሹ ሰዎችን አይቶ ከእሳቸው ጋር መሔድ እፈልጋለሁ ብሎ ለአባቱ ነገረው። አባቱም እጅግ ደስ ብሎት የሚበቃውን ያህል የወርቅ ዲናር ሰጠው ለወዳጁም አደራ ብሎ ሰጠውና አብሮት ሔደ።

በሌሊትም ሲጓዙ እነሆ ብርሃን የለበሰ አረጋዊ መነኰስ ተገለጸለት በፊቱም ቁሞ ትድን ዘንድ ና ተከተለኝ አለው እንዲሁም ሁለተኛና ሦስተኛ ተገልጦ ተናገረው።

በደረሱም ጊዜ ሥራቸውን ፈጽመው ወደ አገራቸው ተመለሱ ሰባት ቀንም ያህል ተጓዙ። እነርሱም በሌሊት ሲጓዙ ስለ ሥጋዊ ግዳጅ ያ ወጣት ከገመል ላይ ወርዶ ለመጸዳዳት ዘወር አለ። ባልንጀሮቹም በበረሀ ውስጥ ትተውት ሔዱ ከእሳቸው ጋር የሚጓዝ መስሏቸዋልና በተነሣም ጊዜ ተቅበዘበዘ ወዴት እንደሚሔድ አላወቀምና አራዊትም እንዳይበሉት ፈርቶ ደነገጠ።

በዘያንም ጊዜ በምስር አገር በአባቱ ቤት አቅራቢያ ያለች የሰማዕት የቅዱሰ መርቆሬዎስን ቤተ ክርስቲያን አስታውሶ በልቡ እንዲህ አለ። ሰዎች ሁሉ በእርሷ ዘንድ እየተሳሉ ይፈጸምላቸዋል። በዚያንም ጊዜ የክርስቶስ ምስክር መርቆሬዎስ ሆይ በዚህ በረሀ ካሉ አራዊት አፍ በዛሬዋ ሌሊት ካዳንከኝና ያለ ጥፋት ካወጣኸኝ እኔ ክርስቲያን እሆናለሁ ብሎ ተሳለ።

ወዲያውኑ መልኩ የሚያምር ጎልማሳ የከበረ ልብስ የለበሰና የወርቅ መታጠቂያ በወገቡ የታጠቀ በፈረስ ተቀምጦ ወደርሱ መጣና አንተ ከወዴት ነህ እንዴት በዚህ በረሀ ውስጥ ጠፋህ አለው። ወጣቱም ስለ ሥጋ ግዳጅ ከገመል ላይ ወረድኩ ባልነጀሮቼ ትተውኝ ሔዱ አለው ባለ ፈረሱም ና በኋላዬ በፈረሱ ላይ ተፈናጠጥ አለው በዚያንም ጊዜ ወደ አየር በረረ በምስር አገር ወዳለች የቅዱስ መርቆሬዎስ ቤተ ክርስቲያን እንደ ዐይን ጥቅሻ አደረሰውና እንደተዘጋች ከውስጧ አስገባው። ከፈረሱም ላይ አውርዶ በዚያ አቆመው ወደ መጋረጃ ውስጥም ገብቶ ከእርሱ ተሠወረ።

የቤተ ክርስቲያኑም መጋቤ በሌሊት በመጣ ጊዜ ቤተ ክርስቲያኒቱን ከፍቶ ሲገባ ይህን ወጣት ከመካከል ቁሞ አገኘው። ደንግጦ ሊጮህ ፈለገ ጠቀሰውና ወደኔ ዝም ብለህ ና አለው ወደርሱም ሲቀርብ ይቺ ቦታ የማናት አለው የቤተ ክርስቲያኒቱ መጋቢም ይቺ በምስር አገር ያለች የቅዱስ መርቆሬዎስ ቤተ ክርስቲያን ናት። አንተን ግን ልቡ እንደ ጠፋ ሰው ስትናገር አይሃለሁ ከዚህ ምን አመጣህ አሁንም ንገረኝ አለው። ወጣቱም እንዲህ ብሎ መለሰለት ልቤ እንዴት አይጠፋ እኔ በዛሬው ሌሊት በእገሌ በረሀ ሳለሁ ፈረስ ላይ የተቀመጠ ሰው ተገለጠልኝና ከኋላው በፈረሱ አፈናጠጠኝ ከዚህም አድርሶ ተወኝ አለው።

መጋቢውም የዚያችን በረሀ ስም በሰማ ጊዜ አደነቀ እንዲህም አለው ልብህ ጠፍቷል በማለቴ መልካም የተናገርኩህ አይደለምን የምትናገረውን አታውቅምና የዚያ በረሀ መጠኑ የሃያ ሁለት ቀን ጉዞ የሚያስጉዝ ስለ ሆነ በእርግጥ አንተ ወንበዴ ነህ የቅዱስ ሰማዕት መርቆሬዎስ ኃይል ያለ ገመድ አሥሮሃል፣ እርሱ የዚህን ዓለም ክብር ንቆ የተወ፣ ክብር ይግባውና ስለ ክርስቶስ ስም ከሀዲዎች ጽኑ ሥቃይ አሠቃይተው የገደሉት፣ ክርስቶስም በመንግሥቱ ውስጥ የተቀበለው፣ በቦታዎችም ሁሉ አብያተ ክርስቲያናት ታነፁለት በውስጣቸውም እግዚአብሔርን ያመሰግኑታል። እርሱ መርቆሬዎስ ለተማፀነበት ሁሉ ይማልዳልና ድንቆች የሆኑ ታላላቅ ተአምራትንም ያደርጋልና።

https://youtu.be/4DXVWjXIxm4?si=1XAEgtnDHmkkpOFv

እኔና ጓደኛዬ

(ቅዱስ ዮሐንስ አፈወርቅ ስለ ጓደኛው ባስልዮስ)

አንድ ዓይነት ፍላጎት ነበረን:: በተወለድንበት ሀገር ታላቅነት አንዳችን በሌላችን ላይ አንመካም:: ወደ ምንኩስናና ወደ እውነተኛው የሕይወት ፍልስፍና ጉዳይ ስንመጣ ግን ተለያየን:: እሱ ወደላይ ከፍ ሲል እኔ ደግሞ በዓለማዊ ምኞት መውረድ ጀመርሁ:: በወጣትነት ከንቱ ምኞት ክብደት ወደ ታች እስበው ጀመር:: ጓደኝነታችን ቢኖርም ቅርርባችን ግን ተሰበረ:: ምክንያቱም ፍላጎቶቻችን ተለያይተዋልና ውሎአችንን ማውራት አልቻልንም::

ቀስ ብዬ ወደ መንፈሳዊነት ስመጣ ግን ታግሦ በተዘረጋ እጅ ተቀበለኝ:: ከሌሎች ጋር ያለውን ጓደኝነት ትቶ ከእኔ ጋር ለማሳለፍ ፈቀደ:: ሆኖም ልዩነቶቻችንን ማጥበብ አልተቻለም:: በሕግ ችሎት ውስጥ ሁልጊዜ የሚውልና የዚያን መድረክ ደስታ የለመደ ሰው ሁሌም መጻሕፍትን ብቻ ከሚያይና ገበያ እንኳን ወጥቶ ከማያውቅ ሰው ጋር እንዴት አንድ መሆን ይችላሉ?

[ክህነት ሊሠጠን እንደሆነ] ዜናውን ያልሰማሁ መስሎት ሊነግረኝ መጣ:: 'ክህነት እንቀበል ወይስ አንቀበል?' በሚለው ላይ እሱ የእኔን ውሳኔ ሊከተል ወስኖአል:: እኔ ደግሞ [ለክህነት ብቁ ባልሆንም] የእርሱን ዓይነት ብቁ ሰው ወደ ኋላ ልጎትት አልችልም:: ስለዚህ እሺ አልሁ:: ክህነት የሚሠጥ ቀን ግን ተደብቄ አመለጥኩ:: እርሱ ግን ያለሁ መስሎት ተቀበለ:: ሳገኘው እጁን ስቤ በግድ ተባረክሁ:: አውቄ እንዳደረግሁት ሲያውቅ ተጎዳ:: ክህነትን ብቀበል አልጠላም ነበር:: በግ መሆን ያልቻለ ሰው ግን እንዴት እረኛ ሊሆን ይቻለዋል?

[St. John Chrysostom: On Priesthood] (Photo ትርጉም ባለው ቀን የተነሣ)

ጴጥሮሳዊ ቅጽበት

አርብ ዕለት ጌታ ከሰማቸው ስድቦች ሁሉ በፊት ጌታን የሚያቆስል አንድ ቃል ነበረ::
የሚወደው ደቀ መዝሙሩ ጴጥሮስ "አላውቀውም" እያለ ሲምል ሲገዘት ጌታ ሲሰማው ምንኛ ይሰማው ይሆን? እየሰማህ ስትታማ እንኩዋን ይከብዳል:: እየሰማህ አላውቀውም መባል ደግሞ የባሰ ነው::

ጴጥሮስ ያደረገው ታውቆት መራራ ለቅሶ አለቀሰ:: የእኔና የአንተ የአንቺ ጴጥሮሳዊ ቅጽበት መቼ ይሆን?


▫️@diyakonhenokhaile
https://t.me/diyakonhenokhaile

፬
....የቀጠለ
ድርሳን በእንተ ማርያም ኃጥእት
(ቅዱስ ዮሐንስ አፈወርቅ ድርሳን አምስት)

ኃጢአተኛዋ ሴት እያለቀሰችና ደረቷን እየደቃች እንዲህ ብላ አሰበች፡፡ እንዴት እንደምትድንም አታውቅም ነበር፡፡ የጴጥሮስን መራራ ልቅሶን የተመለከተና ንስሓውን የተቀበለ ወደ ክብሩም የመለሰው፣ የቀራጩ ጩኸትም ከእርሱ ያልተሠወረ የልብን የሚያውቅ እግዚአብሔር ዳግመኛም የዚችንም ሴት ዕንባዋን ቸል አላለም፡፡ ያን ጊዜም ያቺ ሴት በንጹሕ ልብና በብሩህ ሕሊና እንደተመለሰች ዐወቀ፡፡

እርሷ ግን በእውኑ ቸሩ መምህር ሌሎችን ሰዎች እንደተቀበላቸው ይቀበለኝ ይሆንን? አናግረው ዘንድ አንድ ሰዓት ያክል ይታገሠኝ ይሆንን? በውኑ ስንፍናዬን ሁሉ እነግረው ዘንድ ወደ እርሱ ያቀርበኝ ይሆንን? የመዋረዴንና የኀፍረቴን ነገር ይሰማ ዘንድ ይቀበለኝ ይሆንን? በውኑ አንዲት ቃልን ይመልስልኝ ይሆንን? ብላ አሰበች፡፡

ዳግመኛም ነፍሴ ሆይ ምሕረት ቀርባለች፡፡ ባለመድኃኒቱም በዚህ አለ፡፡ መድኃኒቱም ሩቅ አይደለም፡፡ በእውኑ የምትደፍሪ መድኃኒትሽንም ተስፋ የምታደርጊ ከሆነ ወደ እርሱ ሂጂ አለች፡፡ ከዚህ በኋላ በሃይማኖት ጸናች፡፡ እንደዚህ ስትልም አሰበች:: ስለ ኃጥአን ሲል ወደ ዓለም የመጣው ይህ አይደለምን? ስለ እነርሱ እንደ እነርሱ ሰው የሆነ በመካከላቸውም የተመላለሰ ይህ አይደለምን? የኃጢአተኛውን መመለሱን እና ሕይወቱን እንጂ ሞትን አልፈቅድም ያለ እርሱ አይደለምን? አለች፡፡

ዳግመኛም መልሳ መቶ በግ ያለው ሰው ቢኖር ከእነሱም አንዱ ቢጠፋ ያልጠፉትን ዘጠና ዘጠኙን በበረሃ ትቶ የጠፋውን ይፈልግ ዘንድ የሄደ አይደለምን? ባገኘውም ጊዜ በትክሻው የተሸከመው ከአልጠፉትም ከዘጠና ዘጠኙ ይልቅ በእሱ ፈጽሞ ደስ ይሰኛል ብሎ የተናገረ እርሱ አይደለምን?

አሁንም መልሳም እናንተ ደካሞች ሸክማችሁ የከበዳችሁ ወደ እኔ ኑ እኔም አሳርፋችኋለሁ ያለ እርሱ እንዲህስ ከሆነ ለምን እሰንፋለሁ? ለምንስ ንስሓን አልፈልግም? እንደ እኔ ክፉን ሥራ የሠራ ሊሰንፍ አይገባውም፡፡ በእኔ መንገድም የሄደ ወደ ንስሓ ይመለስ ዘንድ ይገባዋል፡፡

እነሆ አሁን ወደ እሱ እሄዳለሁ የሚቀበለኝም ከሆነ ሰውነቴን በፊቱ እጥላታለሁ፡፡ በቸርነቱ ብዛትና በምሕረቱ ይቅር ባይ እንደሆነ እነሆ ዐወቅሁ፡፡ ካልተቀበለኝና ቸል ካለኝም እቈጣ ዘንድ ተገቢ አይደለም አለች፡፡

ይህንንም ተናግራ በሃይማኖት ጸናች፡፡ ፈጥና ተነሥታም ገንዘቧን ሁሉ ወርቋን፣ ብሯን፣ ልበሷንና የገዛችውንም ሁሉ ሰበሰበች። እርሱ የሁሉ ፈጣሪ ነውና ይህን ገንዘብ ወደ ጌታ ወስጄ ባይቀበለኝ እንግዲህ ምን አደርጋለሁ? አለች፡፡

እርሱም ያመኑበትንና የተከተሉትን ወርቅ ወይም ብር በመቀነታችሁ አትያዙ ብሎ አዝዟቸዋልና፡፡ ነገር ግን እኔ ወደ ገብያ እሄዳለሁ ለጌታ ላቀርበው የሚገባኝንም እገዛለሁ፡፡.....

ይቀጥላል.....

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 105-151)

፫
....የቀጠለ
ድርሳን በእንተ ማርያም ኃጥእት
(ቅዱስ ዮሐንስ አፈወርቅ ድርሳን አምስት)

እንዲሁም ለዚያች ሴት የጸጋው ባለጠግነት በእርሷ ላይ ወጣ፡፡ ከሞት ወደ ሕይወት፤ ከክፋትም ወደ በጎነት ነፃ አወጣት፡፡ ስሟንም በዓለም ሁሉ እንዲዘክሩ አደረጋት፡፡ ከዚህም በኋላ ከዕለታት በአንዲት ቀን በቀደመው ግብሯ ሳለች የሐር ልብስን ለብሳ፣ አብዝታ አጊጣና ሽቱን ተቀብታ መልኳን በመስታውት ተመለከተች፡፡ የዐይኗ ውበት፣ የጉንጮቿ ቀይነትና የመልኳም ማማር አስደሰታት፡፡ ውበቷንም ስትመለከት ለአንድ ሰዓት ያክል ቆየች፡፡

ከዚህም በኋላ በጎ ሐሳብ ወደ እርሷ መጣ፡፡ ሞት ሆይ መጥተህ ይህን የምታስወግደው የመልኬን ደምግባትስ የምትለውጠው አይደለምን? አለች ይህስ በጎ መዓዛ ያለው ሽታ ወደ ክርፋቱ የሚለወጥ አይደለምን፡፡ የዚህስ ኃይልና ብርታት ፍጻሜው እርጅና እና ድካም አይደለምን? ዛሬ የሚወዱኝስ ነገ የሚነቁኝ አይደሉምን? ዛሬ ይቀርቡኝ ዘንድ የሚወዱስ ነገ ከእኔ የሚርቁ አይደለምን?

እንዲህስ ከሆነ ከልቅሶና ከፍጹም ኵነኔ በቀር ከዚህ ሁሉ እንግዲህ ምን አገኛለሁ? የዚህን ዓለም ገንዘብ ሁሉ ባተርፍ ከሥጋ ድካም ከእርጅና እና ከዐይን መጥፋት ሊያድነኝ ይችላልን? ከዚህስ ሁሉ ቢያድነኝ በውኑ ከሞት ሊያድነኝ ይችላልን? እነሆ ይህ ነገር አይቻልም፡፡

ነፍሴ ሆይ ቃልን ሁሉ እንዳገኘ የሚናገር ሰው በዚያ በፍርድ ቀን ይፈረድበታል ያለውን የዓለሙን ሁሉ ፈራጅ ምን ትመልሽለታለሽ? አለች፡፡ ነፍሴ ሆይ ጥርስ ማፋጨት ወዳለበት፣ ወደ ጥልቁ ጨለማ፣ ትሉ ወደማያንቀላፋበት ቅዝቃዜው ወደማይሞቅበትና እሳቱ ወደማይጠፋበት ይወስዱሽ ዘንድ ከእውነተኛው ፈራጅ ትእዛዝ በወጣ ጊዜ እንዴት ትሆኚ ይሆን?

ነፍሴ ሆይ በዚች ሰዓት የሚረዳሽ ማነው? ነፍሴ ሆይ በውኑ በዚህ ዓለም ያገኘሽው መጽናናት ይልቁንም ወዳጆችሽ ኃጢአት ስለ መሥራትሽ በውኑ ይጠቅሙሻልን አለን? ኅብሩ ልዩ ልዩ በሆነ ከቀጭን የተልባ እግር በተሠራ ልብስ ስትደሰት የኖርህ ሰውነቴ ሆይ በምስጋና ጌታ እና ክፉ ሥራህን ሊሰሙ በሚቆሙ የብዙ ብዙ በሆኑ በመንፈሳውያን መላእክት ፊት ዕርቃንህን ስትቆም እንዴት ትሆን ይሆን?

ነፍሴ ሆይ በእውኑ በዚህ በሚያስፈራ የፍርድ ዐደባባይ የሚረዳሽ አለን? የዚህ ዓለም መብልስ በወዲያኛው ዓለም የትል ሲሳይ በምትሆኚ ጊዜ በእውኑ ይጠቅምሽ ይሆንን? ነፍሴ ሆይ በዚህ ዓለም የተደሰትሽው ምን ይረባሻል? ምንስ ይጠቅምሻል? ዐይኖቼ ሆይ በውኑ የሞት ጥላ በጋረዳችሁ ጊዜ የሚጠቅማችሁ የሚረባችሁ ኵል አለን?

አፌ ሆይ በውኑ መራራ የሞት ጽዋን በምትጠጣ ቀን የሚረባህ የሚጠቅምህ የዚህ ዓለም መብል አለን?

በአንተ ብዙዎችን የሸነገልሁብህ አንደበቴ ሆይ ሞት ዝም ባሰኘህ ጊዜ ምን ትሆን ይሆን? በውኑ ከዓለሙ ፈራጅ ጋር መመላለስ ይቻልህ ይሆንን? በቀለበትና በእንሶስላ ስታጌጡ የኖራችሁ እጆቼ ሆይ የሚያስፈራ ሞት በመጣ ጊዜ ምን ትሆኑ ይሆን? ሁል ጊዜ ወደ ዝሙት ስትሮጡ የነበራችሁ እግሮቼ ሆይ ሞት ባሠራችሁ ጊዜ ምን ትሆኑ ይሆን? ማምለጥንም ትፈልጋላችሁ፡፡ ግን አይቻላችሁም፡፡....

ይቀጥላል.......

(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 105-151)

፪
....የቀጠለ
ድርሳን በእንተ ማርያም ኃጥእት
(ቅዱስ ዮሐንስ አፈወርቅ ድርሳን አምስት)

የተወደዳችሁ ወንድሞቼ ሆይ እነሆ አሁን የተቀደሰች ጾም መጥታለች፡፡ በፍጹም ደስታ በክብር ሁሉ እንቀበላት ዘንድ ይገባናል፡፡ ጸዋሚዎች እንደ ሆኑ ለሰው ይታዩ ዘንድ ፊታቸውን እንደሚያጠወልጉና እንደሚያጠቁሩ እንደ ሌሎች ሰዎች አንሁን፡፡ እነርሱ እንደ ግብዞች ይሆናሉና፡፡ እነርሱን አትምሰሉ፡፡ መንገዳቸውንም አንከተል፡፡ ነገር ግን በበጎ ሥራ የተዘጋጀን እንሁን እንጂ፡፡

ከእኛም እያንዳንዳችን ሁላችን እንጹም። የመንግሥተ ሰማያት በርም እንዲከፈትልን፤ እግዚአብሔር ለወዳጆቹና ትእዛዙን ለሚጠብቁት ካዘጋጀው በጎ ነገር የተለየንም እንዳንሆን መብራታችንን እናብራ፡፡

ወዳጆቼ ሆይ ስለምትመጣው ስለ ኋለኛዋ ዓለም ተድላና ደስታ ጥበብ፣ ዕውቀትና ማስተዋል ያለው ሰው ሁሉ ከዚህ ዓለም ጭንቀት ይራቅ፡፡ ስለዚህም የእግዚአብሔርን መንግሥት እናይ ዘንድ ልባችንን እናነጻ፣ ሕሊናችንንም ብሩህ እናደርግ ዘንድ ይገባናል፡፡ መስታወት ንጹሕ ያልሆነች እንደሆነ ፊትን በግልጽ ማሳየት አትችልም፡፡ ንጹሕ ባደረጓት ጊዜ ግን ፊትን በግልጽ ማሳየት ትችላለች፡፡

እንዲሁም ለእኛ ከኃጢአት ጉድፍ ልቡናችንን እናነጻ ዘንድ ይገባናል፡፡ ጥበብንና ይቅርታንም እንፈልግ፡፡ ትእዛዙን ለመፈጸምም አንስነፍ፡፡ ከእኛ መካከል አንዱንም አንዱን አናመካኝ፡፡ ብዙ ኃጢአትንም ሠርተናልና ይቅርታ አይገባንም አንበል፡፡

ወንድሞቼ ሆይ እንደዚህ ብላችሁ አታስቡ፡፡ ጠላት ዲያብሎስ ይህን በልባችሁ ውስጥ ይዘራልና፡፡ ነፍሳችሁን ታጠፏት ዘንድም ያደርጋችኋልና፡፡ ይህንን ሐሳብ ከእናንተ አስወግዱ። ወደ እግዚአብሔርም በበጎ ምግባርና በብሩህ ሕሊና ተመለሱ፡፡

ዳግመኛም የሕይወት እንጀራ እኔ ነኝ ወደ እኔ የሚመጣ ከቶ አይራብም፡፡ በእኔ የሚያምንም አይጠማም አለ፡፡ ያደረጋቸው የሰውነት ሥራዎች ሁሉ ስለ ሰው ድኅነት ያደረጋቸው ናቸውና፡፡

እነሆ የሰው ልጅ የጠፋውን በግ ፈልጎ ያድነው ዘንድ መጥቷልና ብሎ እርሱ ራሱ እንደ ተናገረ እንዲሁም ያቺ ኃጢአተኛ ሴት ለደዌዋ ፈውስን፣ ለኃጢአቷም ሥርየትን እንድታገኝ ወደ እርሱ ትመጣ ዘንድ ወደደ፡፡ ያች ሴት አመንዝራ እንደ ነበረች ክፉ ሥራዋም ብዙ እንደ ነበረ ተነግሮአልና፡፡ ደምግባቷ እጅግ ያማረ ሀብት ንብረቷም የበዛ ነበር፡፡

ሁል ጊዜም ከቀጭን የተልባ እግር ከሐር የተሠራ ልብስንም ትለብስ ነበር፡፡ ከሽቱዎች ሁሉ ያማረ ሽቱን ትቀባ በወርቅ በያክንትና ዕንቈ ባሕርይም በተባሉ ጌጦችም ታጌጥ ነበር፡፡ በክፉ ሥራዋም ትሄድ ነበር፡፡ በሁሉም ሀገራትና በአውራጃዎች ሁሉ ታሪኳን ትሰማ ነበር፡፡ ጠላትም ክፉ ሥራዋን ሁሉ እንዲጣፍጣት ያደርጋት ነበር።

ስለ እርሷና ስለ ሁሉም ሰዎች ጌታችን ከጌትነቱ ክብር ሳይለወጥ ከልዑል ማደሪያው ወረደ፡፡ ከጠላቶቻቸው እጅ ያድናቸው ዘንድ ከእነርሱ እንደ አንዱ ሆኖ በእነርሱ መካከል ተመላለሰ፡፡ ነቢዩ ኢሳይያስ በጨለማ የተቀመጠ ሕዝብ ታላቅ ብርሃን ዐየ፤ በሞት ጥላ ለተቀመጡትም ብርሃን ወጣላቸው በማለት እንደተናገረ ብርሃኑ በጨለማ ውስጥ ወጣ።....

ይቀጣላል......
(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 105-151)

፩
ድርሳን በእንተ ማርያም ኃጥእት
(ቅዱስ ዮሐንስ አፈወርቅ ድርሳን አምስት)

አንድ አምላክ በሚሆን በአብ በወልድ በመንፈስ ቅዱስ ስም ክቡር የሆነ ቅዱስ ዮሐንስ አፈወርቅ ጌታችን ኢየሱስ ክርስቶስን ሽቱ ስለ ቀባችው ኃጥእት ሴት የተናገረው ድርሳን ይህ ነው ጸሎቱና በረከቱ በሁላችን ላይ ይሁን ለዘለዓለሙ አሜን፡፡

ቅዱስ ዮሐንስ አፈወርቅ እንዲህ አለ፡፡ ሥራን ሁሉ እንሰማ ዘንድ እንደሚገባም እንቀበለው ዘንድ ተገቢ ነው አለ፡፡ ለንጉሡ እንደ ሥልጣኑ ገናንነት መጠን፣ ለሹሙም እንደ አገዛዙ መጠን፣ ለመስፍኑም ለምስፍናው እንደሚገባው መጠን ጸጋው ለአንዱም ለአንዱ ለየራሱ እንደሚሰጠው ይህ ነገር የታወቀ ነውና፡፡

ይህም ለዚህ ለኃላፊው ዓለም ነው፡፡ ለሚያልፈው ሥጋዊ ዓለም እንደዚህ ከሆነ ይልቁንም የጌቶች ጌታ የነገሥታትም ንጉሥ ወደ ሆነው አምላክ፡የሚያቀርበንን በጎ ሥራ እንፈልግ ዘንድ የቅዱሳን አባቶቻችንና የሰማዕታትን መታሰቢያ በዓላቸውን እናደርግ ዘንድ የሚገባን አይደለምን? መጨረሻ የሌላትን መንግሥተ ሰማያትንም እንወርስ ዘንድ በፍጹም ደስታ እንቀበለው ዘንድም የሚገባ ነው፡፡

ተዘጋጅተው የጌታቸውን መምጣት እንደሚጠብቁ ባሮችም የተዘጋጀን ልንሆን ይገባል፡፡ ለዚህ ኃላፊ ለሆነው ዓለም ከንጉሥ ወይም ከመኰንኑ ትእዛዝ በወጣ ጊዜ እነሆ መልእክቱን ፈጽመው ከፍ ከፍ ሲያደርጉትና ሲያከብሩት እንመለከታለንና፡፡

ለዚህ ለኃላፊው ዓለም እንዲህ የሚያደጉ ከሆነ ክብር ይግባውና በነገሥታና በባለሥልጣናት ላይ ኃይልና ሥልጣን ያለውን የጌታችንን ኢየሱስ ክርስቶስን ትእዛዛትን ከዚህ እጥፍ ከፍ ከፍ ልናደርጋቸውና ልናከብራቸው አይገባምን? ቅዱስ ወንጌል ጌታው በመጣ ጊዜ በጎ ሥራ ሲሠራ ያገኘው አገልጋይ ብፁዕ ነው ይላልና፡፡

በበጎ ሥራ የተዘጋጀን እንሆን ዘንድ፣ ሕሊናችንንም ብሩህ እናደርግ ዘንድ በነገር ሁሉ ዐይነ ልቡናችንን ወደ እግዚአብሔር እናነሣ ዘንድ በዚህ በኃላፊው ዓለም ጭንቀትም የማንጨነቅ፡እንሆን ዘንድ ይገባናል፤ የማያልፈውንና የማይጠፋውን ትተን በሚያልፈውና በሚጠፋው የምንደክም ከሆን ግን እነሆ ልብ እንደሌላቸው እንደ ሰነፎች እንሆናለን፡፡....

ይቀጥላል......
(ድርሳነ ሠለስቱ ሊቃውንት በመምህር ቃለጽድቅ ሕግነህ የተተረጎመ ገጽ 105-151)

+ ለእንቅልፋሞች መልካም ዜና +

እንቅልፍ ሲበዛ የስንፍና ምልክት መሆኑ ሳይታለም የተፈታ ነው:: "ድሀ እንዳትሆን እንቅልፍን አትውደድ፤ ዓይንህን ክፈት፥ እንጀራም ትጠግባለህ” ፤ “የእንቅልፍም ብዛት የተቦጫጨቀ ጨርቅ ያስለብሳል" የሚሉት ጥቅሶች ለዚህ ምስክር ናቸው:: (ምሳሌ 20:13 ፣ 23:21)

ሆኖም በእንቅልፋቸው የተጠቀሙ ብዙ ሰዎችም አሉ:: አንቀላፍቶ ሚስቱን ያገኘው አዳም እንዴት ይረሳል? ከኤሳው ጋር ሲታገል የኖረው ያዕቆብ ሲባረክ ያደረውስ በእንቅልፉ አልነበር? ያዕቆብማ ምነው ባልነቃ ያሰኛል:: ሰማይ ድረስ መሰላል ወጥቶ መላእክት ሲወጡና ሲወርዱ ያየው በእንቅልፉ ምክንያት ነበር:: በባቢሎን ምርኮ ዘመን የነበረው አቤሜሌክ ደግሞ የእንቅልፋሞች ንጉሥ ቢባል አያንስበትም:: የኢየሩሳሌምን ጥፋት አታሳየኝ ብሎ ሲጸልይ የነበረው ይህ ሰው በፈጣሪ ፈቃድ ለስድሳ ስድስት ዓመታት ያህል ተኝቶ ነበር:: ከእንቅልፉ ሲነሣም እንቅልፍ ሳይጠግብ እየተበሳጨ ነበር:: ማንቀላፋቱ ግን ብዙ ጉድ ከማየት አዳነው:: (ተረፈ ኤርምያስን ይመልከቱ)

ዛሬ ግን በቤተ ክርስቲያን ታሪክ የአቤሜሌክን የእንቅልፍ ክብረ ወሰን የሰበሩ ሰባቱ እንቅልፋሞች (The Seven Sleepers) የተሰኙ ቅዱሳንን እንተዋወቅ:: ወቅቱ የሮም ነገሥታት አላውያን የነበሩበት ክርስቲያኖች በግፍ እየተገደሉ የነበረበት ዘመነ ሰማዕታት ነው:: ክርስቲያን መሆን ወንጀል በነበረበት በዚያ ወቅት ክርስቲያኖች ከአንበሳ ጋር እየታገሉ በመስቀል እየተሰቀሉ በሰይፍ እየተቀሉ እየሞቱ የነበረበት ዘመን ነው::

በንጉሥ ዳክዮስ ዘመነ መንግሥት (249-251) ታዲያ በንጉሣዊ ምክር ቤቱ ውስጥ አባል የነበሩ ሰባት ወጣት ልዑላን ድንገት ክርስትናን ተቀብለው "ለጣዖት መሥዋዕት አንሠዋም" ብለው አሻፈረኝ አሉ፡፡ ወጣቶቹ ይህን በማድረጋቸው የሚከተለውን ጽኑ ቅጣት ያውቁ ነበረና ፈርተውም በቅርብ ወዳለ አንድ ተራራ ሸሽተው በዋሻ ውስጥ ተደበቁ።
@diyakonhenokhaile

በዚያ ዋሻ ውስጥ ተደብቀው እያሉ ታዲያ ሰባቱንም እንቅልፍ ይጥላቸዋል፡፡ ንጉሥ ዳክዮስ አሳድዶአቸው ሲመጣ ተኝተው እንዳሉ ያያል:: አውሬው ንጉሥ ሁኔታውን ሲያውቅ እዚያው ዋሻ ውስጥ ይሙቱ ብሎ የዋሻውን መግቢያ በር በግንብ አስደፍኖት ሔደ፡፡

ይህ ሁሉ ሲሆን ወጣቶቹ እንቅልፍ ላይ ናቸው::

ከመቶ ሃምሳ እስከ ሁለት መቶ ዓመታት ገደማ ከሆነ በኋላ እነዚህ ወጣቶች ከእንቅልፋቸው ይነቁና የረሃብ ስሜት ይሰማቸዋል፡፡ ከእነርሱ አንዱን ወደ ከተማ ሔዶ ምግብ እንዲገዛላቸው ይልኩታል፡፡

ዋሻው የተዘጋበት በር ከዘመን ብዛት ፈርሶ ነበርና የተላከው ወጣት ከዋሻው በቀላሉ ወጥቶ ወደ ከተማ አቀና፡፡ ወደ ከተማ ገብቶ ለሰባቱም የሚበቃቸውን ምግብ አገኘና ሂሳብ ሊከፍል ከኮሮጆው ሳንቲም አወጣ፡፡ ያወጣው ገንዘብ ግን ከሁለት መቶ ዓመታት በፊት መገበያያ የነበረውን 'የጣዖት አምላኪዎቹን' ነገሥታት የወርቅ ሳንቲም ነበር። ሰባቱ ያንቀላፉ ቅዱሳን ከእንቅልፍ የነቁበት ያ ዘመን ዘመነ ሰማዕታት አልፎ የኤፌሶን ከተማ ሙሉ በሙሉ ክርስቲያናዊት ከተማ በሆነችበት ደግ ዘመን ነበር፡፡
@diyakonhenokhaile

የሰባቱ ወጣቶች ዝና ወዲያው በወቅቱ የነበሩት ክርስቲያን ነገሥታትና ሊቃነ ጳጳሳት ዘንድ ደረሰ፡፡ ወጣቱ ወደ ዋሻው ከተመለሰ በኋላ ግን ሰባቱም ቅዱሳን ድጋሚ እንቅልፍ ጣላቸው፡፡ ለሁለተኛ ጊዜ ሲተኙ ግን እስከወዲያኛው በክብር አሸለቡ፡፡ ለእነዚህ ሰባት ሰማዕታት በሥፍራው ትልቅ ቤተ መቅደስ ተሠርቶላቸዋል፡፡

"እኔ ተኛሁ አንቀላፋሁም፤ እግዚአብሔርም ደግፎኛልና ነቃሁ" መዝ.3:5

“የኤፌሶን ወንዝ” ገፅ 64 የግርጌ ማስታወሻ ላይ የተወሰደ

ሙሉ ገቢው ለግሸን ደብረ ከርቤ ቅድስት ማርያም ቤተ ክርስቲያን እድሳት የሚውለው የኤፌሶን ወንዝ መጽሐፍ የመጀመሪያ እትም እያለቀ ነው:: እርስዎ እጅ ገብቶ ይሆን?

አርጋኖን መጻሕፍት መደብር Areganon Book Store

#share

▫️@diyakonhenokhaile
https://t.me/diyakonhenokhaile

አህያና ግርዛት

አሁን ሐዲስ ኪዳን ነው:: መገረዝ ግዴታ አይደለም:: ዋናው ጥምቀት ነው:: ባንገረዝ ምንም አይጎድልብንም:: በዚህ ጉዳይ በመጀመሪያዋ ቤተ ክርስቲያን ውዝግብ ተነሣ:: አሕዛብ ሳይገረዙ ኖረዋልና ጸረ ግዝረት ሆኑ:: አይሁድ ደግሞ እንዴት ግዝረት እንተዋለን አሉ::

ወደ ክርስትና የተጠሩት እነዚህ ሁለት ወገኖች ሁለቱም ከራሳቸው አመጣጥ አንጻር እውነት አላቸው:: አሕዛብ የማያውቁትን ነገር መቀበል ሊገደዱ አይችሉም:: ክርስትናም አላስገደዳቸውም:: አይሁድ ደግሞ የኖሩበትን መተው አይችሉም:: ክርስትናም ግዝረትን ባይጠይቅም አልከለከለም::

በመጨረሻ በብዙ ምክር የሐዋርያት ቤተ ክርስቲያን አሕዛብንም ያላገለለ እስራኤልንም ያላቃለለ ውሳኔ ወሰነች:: ውሳኔውን በጥሩ ቃል በመልእክቱ ቅዱስ ጳውሎስ እንዲህ ሲል ገልጾታል::

“ማንም ተገርዞ ሳለ ተጠርቶ እንደ ሆነ፥ ወደ አለመገረዝ አይመለስ፤ ማንም ሳይገረዝ ተጠርቶ እንደ ሆነ አይገረዝ፡፡ ... እያንዳንዱ በተጠራበት መጠራት እንደዚሁ ይኑር" 1 ቆሮንቶስ 7:18፣ 20

በዚህ መሠረት ኦሪትን ተቀብለው ተገርዘው ወደ ክርስትና የተጠሩት እስራኤል በመገረዛቸው ይቀጥሉ እንጂ ወደ አለመገረዝ አይመለሱ ተባለላቸው:: ሳይገረዙ የተጠሩት አሕዛብ ግን መገረዝ የእነርሱ ልማድ አልነበረምና አይገረዙ ተባለ:: ይህ ለእስራኤል የተወሰነ ውሳኔም እንደ ኢትዮጵያ ኦሪትን ተቀብላ ለኖረችና ተገርዛ ሳለ የተጠራች (ሐውልቶችዋ ሳይቀር የተገረዘ ወንድን የሚያሳዩባት) ሀገርም ላይ ይጸናል::

ይህ ውሳኔ ለሁሉም እንደ ግዝረት ያሉ ሕግጋት ይሠራል::

“ማንም ተገርዞ ሳለ ተጠርቶ እንደ ሆነ፥ ወደ አለመገረዝ አይመለስ፤ ማንም ሳይገረዝ ተጠርቶ እንደ ሆነ አይገረዝ”

"ማንም አህያ እየበላ ተጠርቶ እንደ ሆነ አህያ ወዳለመብላት አይመለስ ፤ ማንም አህያ ሳይበላ ተጠርቶ እንደሆነም አህያ አይብላ"

እስራኤል በግዝረት ቀጥሉ ሲባሉ ደስ አላቸው አሕዛብም አትገረዙ ሲባል ደስ አላቸው:: ለእስራኤል ሔደህ የአሕዛብን ዜና ብትነግራቸው ምንም እንኩዋን ግዝረት ግድ ባይሆንም ቅር ይላቸዋል:: የአህያ መበላት ዜናም የሚያስደስተው አህያን እንዴት ልንተው እንችላለን ብለው ለተጨነቁ አሕዛብ ብቻ እንጂ ለእኛ ሆድ የሚበጠብጥ ዜና ነው::

ከዚያ ውጪ እንደ ክርስቲያን ብሉ ብለን ልንሰብከው የሚገባን የሕይወት እንጀራ ሥጋ ወደሙ ብቻ ነው::

እያንዳንዱ በተጠራበት መጠራት ይኑር!

ዲ/ን ሄኖክ ኃይሌ
2017 ዓ.ም
አዲስ አበባ
ቄራ(የበሬ)

#share

▫️ @diyakonhenokhaile
https://t.me/diyakonhenokhaile

ቀዳሜ ሰማዕት ቅዱስ እስጢፋኖስ (ጥቅምት 17)

ጥቅምት አስራ ሰባት በዚችም ዕለት የዲያቆናት አለቃ የሰማዕታት መጀመሪያ የሆነ የከበረ እስጢፋኖስ ለተሾመባት ቀን መታሰቢያ ናት።

ለዚህም ለከበረ እስጢፋኖስ የእግዚአብሔርን ኃይልና ጸጋ የተመላ ሰው እንደነበረና በሕዝቡም መካከል ታላላቅ ተአምራትንና ድንቅ ሥራን ይሠራ እንደነበረ የሐዋርያት ሥራ የተባለ መጽሐፍ ስለርሱ ምስክር ሆነ።

ከዚህም በኋላ አይሁድ ቀኑበት የሐሰት ምስክሮች የሚሆኑ ሰዎችንም አስነሡበት ይህን ሰው በሙሴና በእግዚአብሔር ላይ የስድብ ቃልን ሲናገር ሰምተነዋል እንዲሉ ሐሰትን አስተማሩአቸው። ሕዝቡንና ሽማግሌዎችን ጸሐፊዎችንም አነሣሡአቸው አዳርሱን ብለው ከበው እየጐተቱ ወደ ሸንጎ ወሰዱት።

የሐሰት ምስክሮችንም አቆሙበት እነርሱም ይህ ሰው በቤተ መቅደስ ላይ በኦሪትም ላይ ስድብን ሲናገር ተው ብንለው እምቢ አለ። የናዝሬቱ ኢየሱስ ቤተ መቅደሳችሁን ያፈርሰዋል ሙሴ የሰጣችሁን ኦሪታችሁንም ይሽራል ሲል ሰምተነዋል አሉ።

በአደባባይ ተቀምጠው የነበሩት ሁሉ ተመለከቱት ፊቱንም የእግዚአብሔርን መልአክ ፊት ሁኖ አዩት። ሊቀ ካህናቱም እውነት ነውን እንዲህ አልክ አለው። እርሱም እንዲህ አለ ወንድሞቻችንና አባቶቻችን ስሙ ወደ ካራን ከመምጣቱ አስቀድሞ በሶርያ ወንዞች መካከል ሳለ ለአባታችን ለአብርሃም የክብር ባለቤት እግዚአብሔር ተገለጠለት። ካገርህ ውጣ ከዘመዶችህም ተለይ እኔ ወደማሳይህ ሀገርም ና አለው።

ከዚህም በኋላ ከከላውዴዎን ወጥቶ በካራን ተቀመጠ አባቱም ከሞተ በኋላ ዛሬ እናንተ ወደ አላችሁባት ወደዚች አገር አመጣው። ከዚህም በኋላ የግዝረትን ሥርዓት ሰጠው ይስሐቅንም በወለደው ጊዜ በስምንተኛው ቀን ገዘረው እንዲሁ ይስሐቅም ያዕቆብን ገዘረው ያዕቆብም ዐሥራ ሁለቱን ነገድ አባቶችን ገዘረ።

የቀደሙ አባቶቻችንም በዮሴፍ ላይ ቀንተው ወደ ግብጽ አገር ሸጡት እግዚአብሔር ግን አብሮት ነበር። ከመከራው ሁሉ አዳነው በግብጽ ንጉሥ በፈርዖን ፊትም ዕውቀትን መወደድን ሰጠው በግብጽ አገር ሁሉና በቤቱ ሁሉ ላይ ሾመው። ነገርም በማስረዘም በሰሎሞን እጅ እስከተሠራችው ቤተ መቅደስ ያለውን ተረከላቸው።

ከዚህም በኋላ ድምፁን ከፍ ከፍ አድርጎ እናንተም እንደ አባቶቻችሁ ዘወትር መንፈስ ቅዱስን የምታሳዝኑት ዐይነ ልቡናችሁ የታወረ ዕዝነ ልቡናችሁ የደነቈረ አንገተ ደንዳኖች አላቸው። አባቶቻችሁ ከነቢያት ያላሳደዱት ያልገደሉት ማን አለ እናንተ ክዳችሁ የገደላችሁትን የአምላክን መምጣት አስቀድመው የነገሩዋችሁን ገደላችኋቸው።

በመላእክት ሥርዓት ኦሪትን ተቀብላችሁ አልጠበቃችሁም። ይህንንም ሰምተው ተበሳጩ ልባቸውም ተናደደ ተነሣሣ ጥርሳቸውንም አፋጩበት። በእስጢፋኖስም መንፈስ ቅዱስ አደረበት ሰማይም ተከፍቶ ኢየሱስ በእግዚአብሔር ቀኝ ተቀምጦ የእግዚአብሔርን ክብር አየ። እነሆ ሰማይ ተከፍቶ የሰው ልጅም በእግዚአብሔር ቀኝ ተቀምጦ አያለሁ አለ።

ጆሮአቸውን ይዘው በታላቅ ድምፅ ጮኹ በአንድነትም ከበው ጐተቱት። እየጐተቱም ከከተማ ወደ ውጭ አውጥተው በደንጊያ ወግረው ገደሉት የገደሉትም ሰዎች ልብሳቸውን ሳውል ለሚባል ጐልማሳ ልጅ ያስጠብቁ ነበር። ጌታዬ ኢየሱስ ክርስቶስ ሆይ ነፍሴን ተቀበል እያለ ሲጸልይ እስጢፋኖስን በደንጊያ ወገሩት።

ዘለፍለፍ ባለ ጊዜም ድምፁን ከፍ አድርጎ አቤቱ ይህን ኃጢአታቸውን ይቅር በላቸው በደልም አታድርግባቸው ይህንንም ብሎ አረፈ። ደጋግ ሰዎችም መጥተው የእስጢፋኖስን ሥጋ ወስደው ቀበሩት ታላቅ ልቅሶም አለቀሱለት።

ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ትድረሰን ለዘላለሙ አሜን።

(#ስንክሳር_ዘወርኀ_ጥቅምት)

                          †                          

  [  🕊 የኖህ የቃልኪዳኑ ምልክት 🕊 ]  

🌼▬▬▬▬▬▬▬▬▬▬▬▬🌼


"ቀስተ ደመና ማርያም ትእምርተ ኪዳኑ ለኖህ
ዘእግዚአብሔር ሤመኪ ለተዝካረ ምሕረት ወፍትሕ
ህየንተ ቀሰፋ ለምድር ወአማሰና በአይኀ፡፡
በእንቲአኪ አሠርገዋ በጽጌ ኲሉ አቅማሕ
ከመበከዋክብት አሠርገዎ ለሰማይ ስፉሕ፡፡"

[ ለምሕረትና ለፍርድ መታሰቢያ አድርጎ ያኖረሽ የኖህ የቃልኪዳኑ ምልክት ቀስተ ደመና ማርያም ምድርን በጥፋት ውሃ ስለመታትና ስለ አጠፋት ፈንታ ፤ ሰፊ ሰማይን ስፍር ቁጥር በሌላቸው ከዋክብት እንደ አስጌጠው ሁሉ በአንቺ ምክንያት ልዩ ልዩ በሆኑ አበባዎች ፍሬዎች ምድርን አስጌጣት ፤ በአንቺ ምክንያት በምድር በጎ በጎ ተዓምራት ተደረገ፡፡ ]

[ አባ ጽጌ ድንግል ]

†                       †                      †
💖                    🕊                   💖

በአዲስ አበባና በሰፋፊ ከተሞች የሚገኙ አብያተ ክርስቲያናት በሀብት አስተዳደር እንጂ በብዛት የሚታሙ አይደሉም፤ በሽያጭ የሚወገዱት ዣንጥላ፣ ጧፍ፣ ዕጣን፣ ዘቢብ እንደ ችግር የሚነሱ አይደሉም፣ ሌሎቹ ግን ለምሳሌ ልብሰ ተክሕኖ፣ ምንጣፎች፣ ጽዋ፣ ጻሕል፣ ዕርፈ መስቀል፣ መጋረጃዎች፣ አንዳንዴም መንበሮች በሽያጭ የማይወገዱ በመሆኑ ከፍተኛ የንብረት መጨናነቅ እየፈጠሩ ለብክነትና ለብልሽት ይዳረጋሉ፤ በመሆኑም በከፍተኛ የንዋየ ቅድሳት ዕጥረት የሚቸገሩ በገጠር የሚገኙ እጅግ ብዙ አብያተ ክርስቲያናት አሉ፤ ለእነዚህ አብያተ ክርስቲያናት ትርፍ ንብረቶች በሥርዓት የሚተላለፉበት ሁኔታ መመቻቸት አለበት፣ በገንዘብ ደረጃ ከፍ ያለ ዓቅም ያላቸው አብያተ ክርስቲያናት ለመዘጋት የተቃረቡ አብያተ ክርስቲያናትን በቋሚነት የመርዳት ኃላፊነትም ሊሠመርበት ይገባል፡፡
+ + + + +
4. የአብነት ትምሕርት ቤቶች
ቅድስት ቤተ ክርስቲያንን በብዙ መልኩ ይበልጥ ለማገልገል፣ የኢትዮጵያን ታሪክ በደንብ ለመገንዘብ (ታሪካችን በአብዛኛው ተሰንዶ ያለው በግዕዝ ስለሆነ)፣ የአብነት ትምሕርት ቤቶች በተለያዩ አብያተ ክርስቲያናት ሊከፈቱ ይገባል፡፡ የአብነት ተማሪዎች ትምህርት ቤት ፍለጋ ከሀገር ሀገር መዞርም ሆነ በየመንደሩ እየዞሩ ቁራሽ መለመን (አኩሪና የበረከት ምንጭ ቢሆንም) ጊዜ ያለፈበት አሠራር ሆኗል፡፡ በመሆኑም በሁሉም አሕጉረ ስብከቶች ለዚህ አገልግሎት አብያተ ክርስቲያናት መለየት ይገባቸዋል፡፡ የመጽሐፍ መምሕር፣ የአቋቋም መምሕር፣ የድጓ መምሕር፣ የቅኔ መምሕር እየተባሉ በየአብያተ ክርስቲያናቱ የተመደቡ ባለሙያዎች ሥራ ሊሰጣቸው ይገባል፡፡

ሕጻናትና ወጣቶች ብቻ ሳይሆኑ ካለበቂ ዕውቀት (በድምጫ ብቻ) ዲያቆን፣ ካሕን፣ መሪጌታ የሆኑ ሁሉ የሚማሩበት፣ የዓቅም ማሻሻያ የሚያገኙበት ሊሆን ይገባዋል፡፡ የቤተ ክርስቲያን አገልጋዮች ከአብነት ትምሕርት ቤቶች ሊወጡ ይገባል፡፡ ካህናት በሁለት በኩል የተሳሉ ሰይፎች (ሰይፍ ዘክልኤ አፉሁ) መሆን ይገባቸዋል፡፡ በዘመናዊው ዕውቀትም ሆነ በዓለማዊው ዕውቀት የበቁ ከሆኑ ጥቅማቸው ለቤተ ክርስቲያን ብቻ ሳይሆን ለሀገርና ለዓለም ይተርፋል፡፡
+ + + + +
5. ዘመናዊ ትምህርት ቤቶችን ማስፋፋት (ከሙዓለ ሕጻናት እስከ ከፍተኛ የትምህርት ተቋም)
በብዙ የሀገራችን ክፍሎች የሚገኙ አብያተ ክርስቲያናት ሰፋፊ መሬት (ይዞታ) ያላቸው ናቸው፡፡ ጥቂት አብያተ ክርስቲያናት ረዘም ላለ ጊዜ ዘመናዊ ትምሕርት ቤት ከፍተው የማስተማር ልምድ አላቸው፡፡ በመሆኑም ለዚህ አገልግሎት የሚውሉ አብያተ ክርስቲያናት ተለይተው የግንባታና መሰል ፈቃዶች በሀገረ ስብከቶች በኩል እንዲያልቁ ተደርጎ የሚያስተምሩበት ሁኔታ መመቻቸት አለበት፡፡
በቅድስት ቤተ ክርስቲያን ሥር በሚገኙ ትምሕርት ቤቶች የተማሩ ልጆች (ዜጎች) ሀገርን በፖለቲካው፣ በማኅበራዊው፣ በኢኮኖሚው፣ በቴክኖሎጂው የሚመሩና የሚያሻግሩ በምግባርና በሃይማኖት የታነጹ ይሆናሉ፡፡
+ + + +
6. የሕክምና ተቋማትን ማስፋፋት በተመለከተ
የዚህ ጽሑፍ አቅራቢ እስከሚያውቀው ድረስ በቅድስት ቤተ ክርስቲያን ባለቤትነት የሚተዳደሩ የሕክምና ተቋማት፤ሲግናል አካባቢ የሚገኘው ምግባረ ሠናይ ጠቅላላ ሆስፒታልና ቅድስት ልደታ የጤና ሳይንስ ኮሌጅ ናቸው፡፡ እነዚህ ተቋማት እንኳን ለኢትዮጵያ ለአንድ አገረ ስብከትም ያንሳሉ፡፡ በመሆኑም በሀገረ ስብከት ደረጃ የሚተዳደሩ ሆስፒታሎች፣ ከፍተኛ ክሊኒኮች፣ ክሊኒኮችና ኮሌጆች ሊኖሩ ይገባል፡፡
በጠቅላይ ቤተ ክሕነት ሥር ደግሞ ቢያንስ አንድ ቲቺንግና ሪፈራል ሆስፒታል ሊኖር ይገባል፡፡
+ + + + +
7. የጎጆ ኢንደስትሪና መካከለኛ ፋብሪካዎችን በተመለከተ
ቅድስት ቤተ ክርስቲያን የምትገለገልባቸው ብዙ ንዋያተ ቅድሳት ከውጪ ሀገር የሚገቡ ናቸው፡፡ ለምሳሌ የመጾር መስቀል፣ ጽዋ፣ ዘቢብ፣ መጋረጃ፣ ምንጣፍ፣ ልብሰ ተክህኖ እና የመሳሰሉት፡፡ እነዚህን ንዋያተ ቅድሳት በሀገር ውስጥ በዚያውም በአብያተ ክርስቲያናት ቢመረቱ ለሀገርም ሆነ ለቤተ ክርስቲያን የሚኖረው ትርጉም እጅግ ከፍ ያለ ነው፡፡ በመሆኑም ምርቶቹን መሠረት አድርጎ ጠቅላይ ቤተ ክህነትና አሕጉረ ስብከቶች የልየታ ሥራ በመሥራት የሚመረቱበትን አሠራርና የገበያ ተሥሥር እንዲኖራቸው ማድረግ ያስፈልጋል፡፡
በሕትመት በኩል ዕድሜ ጠገቡ ትንሣኤ ዘጉባዔ ማተሚያ ድርጅት ዘመኑን የዋጀ ሊሆንና የአገልግሎት አድማሱን ሊያሰፋ ይገባል፡፡
+ + + + +
8. የፕሮጄክት አስተዳደርን በተመለከተ
በተለያዩ አብያተ ክርስቲያናት የሚታዩ ፕሮጄክቶች የጠለቀ ጥናት ያልተደረገባቸው፣ በአጥቢያ ቤተ ክርስቲያን ደረጃም ቢሆን ስምምነት ያልተደረሰባቸው (የአንድ ወገን ፍላጎት ብቻ የሆኑ) የሚጀመሩበትና የሚጨረሱበት ጊዜ የማይታወቁ፣ ተደራራቢ (በአንድ ጊዜ ሁለት ሦስት ፕሮጄክቶች) የሆኑ፣ ኃላፊዎች ሲቀያየሩ የሚቆሙ፣ የገንዘብ አሰባሰብ፣ አወጣጥ፣ አስተዳደር ዘዴ ያልተበጀላቸው (ለምዝበራ የተጋለጡ)፣ ተገቢ የሆነ የክትትል የድጋፍ እና የቁጥጥር አሠራር ያልተበጀላቸው ናቸው፡፡ በእነዚህና መሰል ምክንያቶች አንድ ቀላል ፕሮጄክትን ለመፈጸም ብዙ ዓመታትን ይወስዳል፡፡ በአብያተ ቤተ ክርስቲያናት ቅጥር ግቢ ውስጥ ያሉና ዓመታትን ያስቆጠሩ ብረቶች፣ ጠጠር፣ አሸዋ እና የደረቁ ሲሚንቶዎችን መመልከት በቂ ይመስለኛል፡፡
በመሆኑም በአዲስ አበባ ሀገረ ስብከት በክፍለ ከተማ ደረጃ በሌሎች አሕጉረ ስብከቶች ደግሞ በሀገረ ስብከት ደረጃ በባለሙያ (ቅጥርና በበጎ ፈቃደኛ ባለሙያዎች) የተደራጀ የሥራ ክፍል ሊያደራጅ ይገባል፡፡ የሥራ ክፍሉ በየአጥቢያ አብያተ ክርስቲያናት የሚቀርቡ ፕሮጀክቶችን የሚመረምር፣ የአካል ጉብኝት በማድረግ ለአጥቢያ ቤተ ክርስቲያኒቱ የሚሆን ፕሮጄክቶችን የሚቀርጽ፣ የሚከታተል፣ የሚደግፍና የሚቆጣጠር እንዲሁም የእርምት እርምጃ የሚወስድ ሊሆን ይገባዋል፡፡
+ + + + +
9. የሥነ ምግባር መከታተያ መምሪያ
ቅድስት ቤተ ክርስቲያን መንፈሳዊትና ሰማያዊት ብትሆንም በምድር ያለች፣ በምድራውያን ሰዎች የምትተዳደር ናት፡፡ ምድራውያን ሰዎች ደግሞ ሊያለሙም ሊያጠፉም ይችላሉ፡፡ በመሆኑም በአብየተ ክርስቲያናትና በሌሎች መዋቅሮች የሚታዩ የአስተዳደር ብልሹነቶችን የሚመለከት፣ የሚመረምር፣ የውሳኔ ሃሳብ የሚያቀርብ ቢያንስ በክፍለ ከተማ ደረጃ መዋቅርና በአጥቢያ አቤ ክርስቲያን ደረጃ አንድ ባለሙያ ሊመደብ ይገባል፡፡
+++++++
የቤተ ክርስቲያን ደጆች በምሕረትና በሃይማኖት እንዲከፈቱ ያድርግልን፡፡

ሼር በማድረግ አድርሷቸው

ቅምሻ ፪ - ከአሐቲ ድንግል

ድንግል ማርያም እግዚአብሔር ስለመረጣት ነው ንጽሕት የሆነችው ወይስ ንጽሕት ስለሆነች ነው እግዚአብሔር የመረጣት?

አንዳንዶች ስለ ድንግል መመረጥ ሲነገር ሲሰሙ ሲመርጣት ላትመረጥ ነውን? እርሱ ጠበቃት እንጂ እርስዋ ምን አደረገች ሲሉ ይሰማሉ። እግዚአብሔር ሰለመረጣት ነው ንጽሕት የሆነችው የሚለው አደገኛ ክህደት ነው። ለምን ቢሉ እግዚአብሔር ለሰው ልጅ የሰጠውን ነፃ ፈቃድ የሚንድ ነውና። ዳግመኛ እርሷ እግዚአብሔር ስለመረጣት ብቻ ከሆነ ንጽሕት የሆነችው እያንዳንዱ ሰው ንጹሕ የማይሆነው እግዚአብሔር ስላልመረጠው ነው ወደሚል የቅድመ ውሳኔ ክህደት የሚያመራ ጠማማ መንገድ ነው።

እንዲህ ከሆነ ደግሞ በዓለም ላይ ለሚሠሩ የርኩሰትና የአመፅ የበደል ውድቀቶች ሁሉ ተጠያቂው እግዚአብሔር እንጂ ሰው አይደለም ብሎ እግዚአብሔርን መሳደብ ነው። ምክንያቱም እግዚአብሔር የመረጠው ብቻ ንጹሕ ከሆነ ሁሉም የመንጻት ሥልጣን ካልተሰጠው በበደለኛነት ዘመናቸውን የፈፀሙ ሰዎች ተጠያቂ መሆን የለባቸውም፤ ከኃጢአት ለመንጻት ቢፈልጉ እንኳን አልተመረጡምና አይችሉም ማለት ነዋ! እንዲህ ከሆነ ሰዎች ሁሉ ሊድኑ እና እውነቱን ወደ ማወቅ እንዲደርሱ የሚወድ እግዚአብሔር (ጢሞ. ፪፥፫) ፈቃዱ ወዴት አለ? እርሱ የመረጣቸው ብቻ የሚነጹ ከሆነ ባልመረጣቸው ላይ ለምን ይፈርድባቸዋል? ፈታሒ በጽድቅነቱስ ወዴት አለ?

ነገር ግን ርቱዕ የሆነው የሐዋርያዊት ቤተክርስቲያን የቀና የጸና አስተምህሮዋ እንዲህ አይደለም። እግዚአብሔር ሰዎችን ፍጻሜያቸውን አስቀድሞ አይቶ ይመርጣል እንጂ ወስኖ መርጦ የፈጠረው ሰው የለም። በወንጌል የእግዚአብሔር መንግስት በመካከላችሁ ናት ማለቱም ሰው ለመዳን የሚያስችለው ለመምረጥ የሚያበቃው ኃይል በእጁ እንዳለ ሲያጠይቅ ነው። በስሙ ለሚያምኑ የእግዚአብሔር ልጆች ይሆኑ ዘንድ ሥልጣንን ሰጣቸው የተባለውም ለዚህ ነው። በስሙ ለሚያምኑ የተሰጣቸው ስልጣን  የተባለው ለመዳንም ላለመዳንም የሰው ነፃ ፈቃድና ልጅነት እንደተሰጠ ሲያስረዳ ነው። እግዚአብሔር ወደ አቤልና ወደ መስዕዋቱ ተመለከተ የተባለውም አቤል የልቡን ቅንነት የመስዕዋቱን መበጀት ስሙርነት አይቶ ተመልክቶ አቤልን ተቀበለው እንጂ አቤል እንዲያ እንዲሆን አድርጎ ወሰኖ መርጦ አልፈጠረውም። በአንፃሩ ወደ ቃየልና መስዕዋቱ አልተመለከተም ማለት የቃየልን የልቡን ጥመት አየና የመስዕዋቱን አለመበጀት አይቶ አልተቀበለውም  ነገር ግን እግዚአብሔር ለክፋት ወስኖ አልፈጠረውም። እግዚአብሔር ሲኦል የሚገቡ ሰዎች እንዳሉ አውቆ ሲኦልን አዘጋጀ እንጂ ሲኦል በሚገቡ ሰዎች ላይ አስቀድሞ እንዲገቡ አድርጎ ወስኖ አልፈጠረም።

እናቱ ድንግል ማርያምን ከእናቷ ማሕፀን መርገም እንዳይኖርባት የጠበቃት እርሱ ነው ቅድመ ዓለም የአምላክ እናት እንድትሆን የመረጣትም እርሱ ነው። ነገር ግን ፍፃሜዋን በነፍስ በስጋ በአፍኣ ንጽሕት እንድትሆን አውቆ መረጣት እንጂ እርሱ ሰለወሰነ የጠበቃት የመረጣት አይደለችም። በዘመኗ ሁሉ በቅድስናዋ ተሸልማ እንደምትኖር አውቆ ከመርገም አነጻት፥ ኖሮባት አይደለም እንዳይኖርባት ጠበቃት እንጂ!

መንፈስ ቅዱስ ጠበቃት አነፃት መባሉም ፍፃሜዋን አይቶ መርገም እንዳይኖርባት ጠበቃት ማለት ነው እንጂ በዓለም ኃጢአት እንዳትሰራ ከለከላት ማለት አይደለም። ንጹህ ሆኖ መፈጠርማ አዳምም ተፈጥሮ ነበር በተፈጥሮ የተሰጠውን ንጹህ ጠባይ በቅድስና መጠቀም አልተቻለውም እንጂ እርሷ ግን ንጽሕናን ቅድስናን ደራርባ ይዛ ተገኝታለችና በዛው ድንግልናዋ ለአምላክ እናትነት በቃች። የሕይወት ፍሬን አፈራችበት እንዲመርጣት እግዚአብሔርን የሳበ በአምላክ ዘንድ ሞገስን የያዘ ንጽሕና ይዛ ተገኝታለችና እንድትመረጥ ሆና ተገኝታለች። ንጹሃንን ለክብር መምረጥማ ለፈጣሪ ድንቅ አይደለም ከእርስዋ ይልቅ ጠላቶቹን እኛን በደሙ ፈሳሽነት ይቅር ማለቱ አይደንቅምን?.......(ቀጣዩን መጽሐፉን ገዝተው ያንብቡ)

(ከርዕሰ ሊቃውንት አባ ገብረኪዳን ግርማ አሐቲ ድንግል ገፅ 272-277 ላይ የተቀነጨበ)

"እግዚኦ ሰማዕነ በዕዘኒነ ወአበዊነሂ ዜነዉነ ግብረ ዘገበርከ በመዋዕሊሆሙ በመዋዕለ ትካት"መዝ፣43፥1
   አቤቱ ባባቶቻችን ዘመን ያደረግኸውን ነግረውን ነበር እኛም በጆሯችን ሰምተን ነበር
      ዘመን ማለት ረዘም ያለ ጊዜ ፣የምንሠራው ሥራ የተከናወነበት ማለት ሲሆን ሰው በሥራው ሲደሰት ዘመኑ ዕረዳኝ ዘመኑ ለእኔ ጥሩ ነው ይላል ያልተመቸው ደግሞ አይ ዘመን ብሎ ያማርራል
     አበው ሲተርቱ ዘመን የሰጠው ቅል ድንጋይ ይሰብራል ይላሉ ለአንባብያን ልተወውና
   ለእውነተኛ ሳይሆን ለሃሰተኛ ለሚሠራ ሳይሆን ለወሬኛ .......
   ሁላችሁም የመንፈስ ቅዱስ አባቶቼ ወንድሞቼ ልጆቼ እንኳን ጨለማ ክረምቱን ኢይኩን ጒያክሙ በክረምት ከላይ ውሃ ከታች ውሃ ከሆነበት ወደፀሐይ ወጣበት ዘመነ ማቴዎስ አደረሳችሁ ጤና ሰላም በረከት ንስሐ መግቢያ ይሁንላችሁ ይሁንልን
     ወደ ታሪኩ ልመለስና አበው ስለሙሴ የእስራኤል መሪ ሲተርኩልን  እንሰማ ነበር ከድቅድቅ ጨለማ ባርነት ያሻገራቸውን ባሕሩን ውሃ የበዛበትን ኤርተራ ባሕር ጨለማና ሐሩር የጸናበትን በብሩህ ደመና መርቶ ነፃ የወጡበት ዘመን ዕለተ ምሕረት ዓመተ ምሕረት ትባላለች
  ይኸውም የደመናው ዓምድ በድንኳኑ ደጃፍ ሆኖ ሙሴን ሲያነጋግረው ለምምረው ምሕረት አደርጋለሁ ለምራራለትም ርኅራኄ አደርጋለሁ አለው ይህ ዘመን ዕለት ዓመተ ምሕረት ይባላል
   እኛም ጠቁሮ የነበረው ደመና ብሩህ ሆኖ በሰማይ ሲሄድ ለሙሴ የምሕረትን ቃል ያሰማበትን ያህል አዲስ ዘመን አደረሰን የንስሐ ዕድሜ ሰጠን በማለት እናስባለን አደረሳችሁ እንባባላለን
   ፦ዓመተ ምሕረት ስንል ፤ዓመት የተፈጸመበት ጊዜ ምሕረት ደግሞ ጥፋት ወደ ልማት ሞት ወደ ሕይወት መቀየር መለወጥ ነው
  በዓመተ ምሕረት ጊዜ ምን ያስፈልጋል  ብንል አይስተዋይ መሪ እንደሙሴ ፤ራሱን ዝቅ አድርጎ ሰግዶ ተንበርክኮ ንስሐ የሚገባ ተከታይ አማኝ ያስፈልጋል
  ሙሴ ወዮ እነዚህ ሕዝብ የሠሩት  ምን ዓይነት የከፋ ኃጢአት ነው አሁን ግን አቤቱ ኃጢአታቸውን ይቅር በል ያለዚያ ግን ከጻፍኸው መጽሐፍ እኔን ደምስሰኝ ብሎ እንደጸለየ የሚጸልይ ፤ ፈጣሪን በምንለምንበት ጾም ጸሎት በሚያዝበት በገዳም ሆኖ ቤተክርስቲያን መጸለይ መለመን ነበር እንጂ ሕዝብን ትቶ አሜሪካ አዲስ አበባ ከተማ በተመቸ ቤት መቀመጥ አልነበረም ወሬ በማሳመር  ሳይሆን በተግባር ሠርቶ አድርጎ ማሳየት ነበር እንጂ አልነበረም ን?
   ሕዝብም ተደፍቶ ተንበርክኮ በቤተክርስቲያን ደጃፍ የአካል ሳይሆን ከልብ ወድቆ የሚጸልይ እንጂ አንገተ ደንዳና ያልሆነ መለስ ቀለስ ብሎ ክፉና ደጉን ማየትና መመርመር የቻለ ከትዕዛዙና ከሕጉ ፈጥኖ ፈቀቅ ያላለ ወርቅ ብሩን ያላመለከ መሆን ይገባው ነበር
   እነዚህ በሌሉበት እንደዚህ ካልሆንን መሪውም እንደ ሙሴ  ተከታዩም እንደ ሕዝበ እስራኤል ሳንሆን ምሕረት እንዴት ሊመጣ ሊገኝ ይችላል?
  እንግዲህ ከዛሬ ጀምራችሁ በእዚአብሔር ቤተ መቅደስ ድንጋይ በድንጋይ ላይ ከመነባበሩ በፊት የነበረውን ሁኔታ ወደ አለፈው ዘመን አስቡ (ሐጌ2፥15)
  የእግዚአብሔር ቤተ መቅደስ ሰው እየረከሰ ሃያ ሠላሳው በአንድ ጉድጓድ እየተቀበረ ከቤቱ መውጣት ያልቻለበት ዝርፊያው በሞላበት ተገቢ አይደለም የሚል የጠፋበትን የአለፈውን ዘመን እንድናስብ ይነግረናል
   ኃጢአት ሥጋ ነስቶ ተገለጠ ኃጢአት መሥራት የሰው ገንዘብ መዝረፍ ጽድቅ ሆነ ፈሪሀ እግዚአብሔር ጠፋ አንገት ደነደነ ልብ ተደፈነ እንግዲህ የመጽናናት ዘመን እንዲመጣልን አስቀድመን ለእኛ የመረጠውን አምላካችን ኢየሱስ ክርስቶስ እንዲልክልን ኃጢአታችንን ይደመስስልን ዘንድ ንስሐ እንግባ እንመለስም "ይቆየን "

ቃለ በረከት ዘብፁዕ ወቅዱስ አቡነ ማትያስ ቀዳማዊ ፓትርያርክ ዘኢትዮጵያ

በስመ አብ ወወልድ ወመንፈስ ቅዱስ አሐዱ አምላክ አሜን!
በሀገራችን በኢትዮጵያ በገጠርና በከተማ የምትኖሩ፤ ከሀገር ውጭ በተለያዩ አህጉር የምትገኙ፤ የሀገራችንን ዳር ድንበር ለመጠበቅና ለማስከበር በየጠረፉ የቆማችሁ፤  በሕመም ምክንያት በየፀበሉና በየሆስፒታሉ ያላችሁ፤ እንዲሁም የሕግ ታራሚዎች ሆናችሁ በየማረሚያ ቤት የምትገኙ ኢትዮጵያውያንና ኢትዮጵያውያት በሙሉ፡፡

ሁለመናችንን በሐዲስ ምግብና እየመገበ የሚጠብቀን አምላካችን እግዚአብሔር እንኳን ከዘመነ ዮሐንስ 2016 ዓ.ም. ወደ ዘመነ ማቴዎስ 2017 ዓ.ም. በሰላም አደረሰን አደረሳችሁ!!

‹‹ሐድሱ መንፈሰ ልብክሙ፤ የልባችሁን መንፈሳዊ አእምሮ አድሱ›› (ኤፌ. ፬÷፳፫)፤ በገሃዱ ዓለም በግልጽ እንደምናስተውለው ከሞላ ጎደል የማያረጅ የለም የማይታደስም የለም፤ መታደስ ባይኖር ኖሮ ሕይወታውያን ፍጡራን በሕይወት መቀጠል አይችሉም ነበር፤ የዘመን መታደስም የሥነ ፍጥረት አንዱ አካል ነው፤ እኛ ሰዎችም የሕዳሴው መሪዎች ሆነን የተሾምንባትን ምድር በየጊዜው በልማት እንድናድሳት እግዚብሔር አዞናል፤ የሃይማኖት ትልቁ ተስፋም መታደስ ላይ የተመሠረተ ነው፤ ዘመንም እንደ ሌላው ያረጃል፤ ይታደሳልም፤ “ወናሁ እገብር ኵሎ ሐዲሰ እነሆ ሁሉን አዲስ አደርጋለሁ” የሚለው የእግዚአብሔር ቃልም የዚህ አስረጅ ነው፤ በዚህ ሕገ እግዚአብሔር መሠረት እነሆ አሮጌውን ዘመን የምንሸኝበት አዲሱን ዘመን ደግሞ የምንቀበልበት ምዕራፍ ላይ ነን፤የተወደዳችሁ የመንፈስ ቅዱስ ልጆቻችን ኢትዮጵያውያንና ኢትዮጵያውያት፡-

ፍጥረታትን በማደስ ሕይወትን የማስቀጠል ሥልጣን በዋናነት የእግዚአብሔር ብቻ መሆኑ ለጥያቄ የሚቀርብ አይደለም፤ ይሁን እንጂ ሰውም ሥነ ፍጥረትን በማደስና በማጐስቈል ረገድ ያለው ሚና ቀላል አይደለም፤ ይህም ሰው በምድር ላይ እንዲሠለጥን ወይም ፍጥረትን እንዲገዛና እንዲመራ በፈጣሪ ከተሰጠው ሥልጣን የሚመነጭ ነው፤ ዛሬም ዓለማችን በመታደስ ያይደለ በማርጀት ላይ የምትገኘው ከሰዎች ድርጊት የተነሣ እንደሆነ እንገነዘባለን፤ የአየሩ መለወጥ፣ የበረዶው መቅለጥ፣ የሙቀቱ ማሻቀብ፣ የዝናሙ ማጥለቅለቅ፣ የባሕሩ መናወጥ ወዘተ. እየተፈጠረ ያለው ኃላፊነት ከጐደለው የሰው አጠቃቀም የተነሣ እንደሆነም ተደጋግሞ እየተነገረን ነው፤ እኛም በዓይናችን እያየን ነው፤

ከዚህ በተለየ ደግሞ በተወሰነ ደረጃም ቢሆን ሰው ምድረ በዳውን ወደ ሐመልማለ ገነት ሲቀይር የሚስተዋልበት ሌላ ገጽታ አለ፤ ይህ የሚያሳየው ሰው በሥነ ፍጥረት ላይ የማደስና የማጐስቈል ብሎም የማጥፋት ሚና ያለው መሆኑን ነው፤ ሰውም እንደሌላው ሥነ ፍጥረት የሚያረጅም የሚታደስም ነው፤ ይህም በብዙ አቅጣጫ ሊከሠት ይችላል፤ ሰዎች በተናጠልም ሆነ በጋራ በማወቅም ሆነ ባለማወቅ ሁለቱንም ማለትም ማርጀትና መታደስን ሊያስተናግዱ ይችላሉ፤ ሰዎች በመንፈሳዊ፣ በኢኮኖሚያዊ በማኅበራዊና በመልካም አስተዳደር ወዘተ. የላቀ ዕድገትን ሲያስመዘግቡ በመታደስ ላይ እንደሆኑ ይታወቃል፤ የዚህ ተቃራኒ የሆነውን ይዘው እየተጓዙ ከሆነ ደግሞ ተቃራኒውን ወይም ማርጀትን እያስተናገዱ እንደሆነ ይታወቃል፤ ነገር ግን የእግዚአብሔር ፈቃድ ሰዎች በመንፈሳቸውም ሆነ በአእምሮአቸው፣ በነፍሳቸውም ሆነ በአካላቸው በመታደስ እንዲኖሩ እንጂ እርጅና እንዲጫጫናቸው አይፈልግምና “የልባችሁን መንፈስ አድሱ” በማለት ያስተምረናል፤

የተወደዳችሁ የመንፈስ ቅዱስ ልጆቻችን ኢትዮጵያውያንና ኢትዮጵያውያት!

የክርስትና ሃይማኖት የመጨረሻው ግብ የፍጥረት መታደስ ነው፤
ይህም ማለት የሃይማኖቱ አስተምህሮ መዳረሻ ከሞት በኋላ ትንሣኤ ከዚያም ፍጻሜና እንከን የሌለው ጣዕመ ሕይወት አለ ብሎ ሰውን ለዘላለማዊ ሕዳሴ ማብቃት ነው ማለት ነው፤
ከዚህ አንጻር የሰው የመጨረሻ ዕድሉ ማርጀት ሳይሆን መታደስ እንደሆነ እንገነዘባለን፤ እግዚአብሔር የሰውንና የፍጥረታትን መታደስ የሚሻው በሰማያዊው ዓለም ብቻ ሳይሆን በምድራዊው ዓለምም ጭምር ነው፤ ለዚህም ነው በየወቅቱ የሥነ ፍጥረትን ውበት እያደሰ የሚመግበን፤ አሁን ትልቁ ጥያቄ የሚሆነው እኛስ እንደ እግዚአብሔር ፈቃድ ለመታደስ ተዘጋጅተናል ወይ? የሚለው ነው፤ ዛሬ እያንዳንዳችን ይህንን ጥያቄ አንሥተን ኅሊናችንን በጥልቀት መጠየቅ አለብን፤ በዚህም ሳናበቃ መልሱን በትክክል ማግኘት አለብን፤ በሁለንተናችን ለመታደስም ቈራጥ ውሳኔ በራሳችን ላይ ማሳለፍ አለብን፤ አዲሱ ዘመን አዲስና ብሩህ የሆነ የደስታ ሕይወት ሊያጐናጽፈን የሚችለው በዚህ መንፈስ ተቀብለን ስንጠቀምበት ነው፤

የተወደዳችሁ የመንፈስ ቅዱስ ልጆቻችን ኢትዮጵያውያንና ኢትዮጵያውያት!

እኛ ኢትዮጵያውያን ለብዙ ዘመናት የታደሱ ያይደሉ በርካታ ዓመታት ተጭነውን አልፈዋል፤ ቀድሞ እንበልጣቸው ከነበሩ አህጉር በታች ሆነንም በርካታ ዓመታትን አስቈጥረናል፤ የእርስ በርስ ግጭት፣ ረኃብ፣ ጦርነት፣ ድህነት፣ ኋላ ቀርነት የመልካም አስተዳደር እጦት በዓለም ፊት ልዩ መለያችን ሆኖአል፤ ዛሬም ከዚህ አልተላቀቅንም ብቻ ሳይሆን እንዲያውም አጠናክረን ለማስቀጠል ውል የገባን እስክንመስል ድረስ እየቀጠልንበት እንገኛለን፤ በእውነቱ እንዲህ የመሰለ ልምድ ልናፍርበትና ንስሐ ልንገባበት እንጂ ልናስቀጥለው አይገባም፤

በተፈጥሮ የታደለች ሁሉንም አሟልታ የምትገኝ ኢትዮጵያን የመሰለች ሀገር ይዘን ከሰው በታች ሆነን ስንገኝ በስንፍናችሁ ከምንባል በቀር የሀብተ ጸጋ እጥረት አለባችሁ የሚለን አናገኝም፤
ስለዚህ አሁንም ለኢትዮጵያውያን ልጆቻችን በአጽንዖት የምናስተላልፈው መልእክት ኢትዮጵያ ለኢትዮጵያውን አይደለም ለዓለም የሚተርፍ ሀብተ ጸጋ አላትና ለኔ ለኔ በመባባል የሕዝባችንን ሰቆቃው አናስረዝም፤

ኢትዮጵያ የሁሉም ኢትዮጵያውያን ናት የሚለውን ጥሬ ሓቅ በደምብ አላምጠን መዋጥ አለብን፣ ከዚያም በእኩልነትና በአንድነት ሀገራችንን እናድስ፤ ከሌሎች በደባል የሚመጡ ነገሮችን ሳይሆን የሀገሪቱ በሆኑ ዕሤቶች እንመራ፤ ለበርካታ ዓመታት የተሸከምነው ደባል የአስተዳደር ስልት ከኢትዮጵያ ሕዝብ ጋር የሚጣጣም ሆኖ አልተገኘም፤ የኢትዮጵያ ሕዝብ ከምንም ከማንም በላይ በፈጣሪው እንደሚመካ እሱንም አጥብቆ እንደሚያምን ልኂቃኖቻችን ተገንዘቡልን፤

እኛ ኢትዮጵያውያን ከሦስት ሺሕ ዓመታት በላይ ባስቆጠረ ታሪካችን ከእግዚአብሔር ተለይተን አናውቅም፤ በዚህም ተጠቃሚዎች እንጂ ተጐጂዎች የሆንበት ጊዜ የለም፤ በለመደው እምነት ባህልና ዕሤት ሕዝቡን ብንመራው ሁሉም ነገር ቀላል ይሆንልናል፤ ከዚህ ውጭ እንምራህ ብንለው ግን ያጋጠመንን ችግር ማስቀጠል ነው የሚሆነው፤ ስለዚህ የሁሉም መነሻ ማለትም የክፋትም ሆነ የደግነት መነሻ ውሳጣዊ አእምሮአችን ነውና እሱን በማደስ በአዲሱ ዓመት አገራችንን እንድናድስ በዚህ አጋጣሚ ጥሪያችንን እናስተላልፋለን፡፡

በመጨረሻም

አዲሱ ዘመን በሃይማኖት መንፈስ ግጭትን በውይይት፤ መለያየትን በአንድነት፤ አለመግባባትን በዕርቅ ፈትተን በመታደስ ማማ ላይ የቆመ ማኅበረ ሰብን ለመገንባት ሁላችንም ጥረት እንድናደርግ በእግዚአብሔር ስም መልእክታችንን እናስተላልፋለን፡፡

አዲሱ ዓመት የሰላም የዕርቅ የእኩልነትና የአንድነት ያድርግልን፡፡
እግዚአብሔር አምላክ ኢትዮጵያንና ሕዝቦቿን ይባርክ!

ወስብሐት ለእግዚአብሔር!!
አሜን::

አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም
ወዕጨጌ ዘመንበረ ተክለ ሃይማኖት

መስከረም 1 ቀን 2017 ዓ.ም.
አዲስ አበባ፣ ኢትዮጵያ

#ፊልክስዩስ_ክፍል ፩
ፊልክስዩስ ማለት ገብረ ክርስቶስ ማለት ነው፡፡ አንድም መፍቀሬ አኃው ማለት ነው፡፡ ሀገሩ ሶርያ ነው፡፡ ጌታ ለአበው ትምህርት የሚሆነውን ነገር በማናቸውም ባልበቃ ሰው አድሮ መናገር ልማዱ ነው፡፡ እግዚአብሔር የእኛን ድኅነት ይወዳል ነገር ግን ፈቃዱን ባለመፈጸማችን ከድኅነት እንርቃለን፡፡ ዲያብሎስ ደግሞ የእኛን ጥፋት ይወዳል፡፡ እኛም ፈቃዱን ፈጽመን በፈቃዳችን እንጠፋለን፡፡ ነገር ግን እንዲህ መሆን የለብንም፡፡ እግዚአብሔር ቀድሞ ሰውን ይጠቀም ብሎ በሕገ ልቡና ፈጠረው፡፡ በዚያ መጠቀም ባይሆንለት ሕገ ኦሪትን ሠራለት፡፡ ኋላ ደግሞ በዚያ መጽደቅ ባይቻለው ከሰማየ ሰማያት ወርዶ ከእመቤታችን ተወልዶ ሰው ሆኖ ሥጋ ለብሶ ሕገ ወንጌልን ሠራ፡፡ ሥጋውን ደሙን ሰጠ፡፡
                      #ክፍል #ቀዳማዊ
ተስእሎ 1፦ ጸሎተ ሥጋ በአንሳሕስሖ ከናፍር ጸሎተ ነፍስ ያለ አንሳሕስሖ ከናፍር የሚጸለይ ነው፡፡ ጸሎተ ልብ ካልደረሱበት አይታወቅም፡፡ ጾም የሚለው ደግሞ ውሎ ውሎ መብላትን፣ ሲርብ መተውን፣ ምግብ አለማሻሻልን፣ ጊዜ አለመለዋወጥን ነው፡፡ ሁሉን ጥሎ ጌታን የተከተለ ሥራው ፍጹም ነው፡፡ አብርሃም እንግዳ መቀበልን ይወድ ነበር እግዚአብሔርም በረድኤት አደረበት፡፡ ዳዊትም ትሑት ነበር እግዚአብሔር በረድኤት አደረበት፡፡ ኤልያስም ከሰው መለየትን ብቸኝነትን ይወድ ነበር እግዚአብሔር በረድኤት አደረበት፡፡ ደዌ ዘንጽሕ የሚባለው እንደ ጢሞቴዎስ ግብር (ሱባኤ) ገብተው የሚያመጡት የፈቃድ ደዌ ነው፡፡ ተስእሎ 3፦ ፍቅረ ዓለምን ፍቅረ ንዋይን ተው፡፡ ጻድቃን የሰይጣንን ጾርና የባሕርይን ጾር ታገሡ፡፡ ፈቃደ ሥጋን ድል ነሡ፡፡ በትምህርት ውዳሴ ከንቱ የለም፡፡ ከትሩፋተ ሥጋ ትሩፋተ ነፍስ ይበልጣል፡፡ ወአፍቅሮ እግዚአብሔር ይኄይስ እምአፍቅሮ ፍጡራን፡፡ ፍጡራንን ከመውደድ እግዚአብሔርን መውደድ ይበልጣል፡፡ ተስእሎ 4፦ ጌታ ዋጋ የሚሰጥ እንደ ኅሊና ቅንነት መጠን ነው፡፡ ተስእሎ 5፦ በሰው ዘንድ ስሙ በበጎ የሚጠራ (ሠናየ ዝክር) ብዙ ኃጢአትን እየሠራ እግዚአብሔርን የሚያሳዝነው ሰው ነበረ፡፡ ሲሞት ወደ ገሀነም ገባ፡፡ በዓለ መቅጹትም ወርቅ ሳለው በደዌው ጊዜ የለኝም ብሏቸው አኃው በተልዕኮ ያመጡትን ገንዘብ እያወጣጡ ይረዱት ነበር፡፡ በጊዜ ሞቱ አኃውን ጠርቶ ወርቁን በአንድ ወገን ቀብሮ እንዳይታይበት ይህንም አትንኩ ይህንም አትንኩ የትሩፋት ደሜ የነጠበበት ይህ ነውና ከዚህ ላይ ቅበሩኝ አላቸው፡፡ ከቀበሩት በኋላ ወርቁ ተቃጥሎ ሬሳውን ማቃጠል ጀመረ፡፡ ቢቆፍሩት ወርቅ ሲያቃጥለው አዩ፡፡ ሠናየ ዝክርን ትዕቢት በዐለ መቅጹትን ፍቅረ ንዋይ ጎዳቸው፡፡ አባ ስልዋኖስ እስከ አፍንጫው የሚወርድ የማቅ ቆብ ሰፍቶ ምንም ምን ሳያይ ይኖር ነበር፡፡ ይቅርታህን ቸርነትህን ስጠን ብለን እግዚአብሔርን እንለምነው፡፡ ተስእሎ 7፦ አሞንዮስ ጾር በተነሣበት ጊዜ ጾር የሚነሣበትን አካሉን በእሳት ይተኩሰው ነበር፡፡ ኤጲስ ቆጶስነትንም ግድ እንሹምህ ባሉት ጊዜ ግራ ጆሮውን ቆረጠው፡፡ መልከ መልካም መባልን ስለጠላ መልከ ክፉ ይበሉኝ ብሎ ይህን አደረገ፡፡ ተስእሎ 8፦ የጻድቃን ነፍሳት ከሥጋቸው በተለዩ ጊዜ ወደ ገነት ይሄዳሉ፡፡ ተስእሎ 10፦ አባ መቃራ እለእስክንድራዊ ከተጠመቀ ጀምሮ እስከ ስልሳ ዓመት ስለክብረ ቁርባን ምራቁን እንትፍ ብሎ አያውቅም፡፡ ሥጋውን ደሙን ከተቀበሉ በኋላ ማየ መቊረርን ኅብስተ በረከትን መቅመስ ይገባል፡፡ አንድ ሰው ሥጋውን ደሙን ከተቀበለ በኋላ ትፋት ቢመጣበት በሽተኛ ቢሆን በልብሱ ቁራጭ ተቀብሎ ያሻሸው፡፡ ኋላ በውሃ አጥቦ በብርት ተቀብሎ ጨርቁንም በእሳት አቃጥሎ አመዱንም ውሃውንም አድርጎ ከወራጅ ውሃ ወስዶ ይጨምረው፡፡ እርሱ እግዚአብሔር ባወቀ ይቀበለዋል፡፡ ተስእሎ 12፦ ልቡናህ በሰይጣነ ጸሪፍ እጅ እንዳይያዝ መጻሕፍትን ተምሬያለሁ ብለህ አትታበይ፡፡ ተስእሎ 13፦ ተዘክሮ እግዚአብሔር የተለየውን ልቡና ሰይጣነ ዝሙት ሰይጣነ ቊጥዓ እጅ ያደርገዋል፡፡ ተስእሎ 15፦ በጌታ ዘንድ እንደ ንጽሐ ልብ የከበረ የለም፡፡ ተስእሎ 16፦ አባ ኤዎስታጤዎስ ከትህርምት ብዛት ሰውነቱ ደርቆ ነበረ፡፡ እሳት እርጥቡን እንጨት እንደሚያደርቀው ፈሪሀ እግዚአብሔርም በሰው ስታድር ሰውነትን ታደርቃለች፡፡

© በትረ ማርያም አበባው                                                                                                                                                                                                                                                                                                                                                                                                                                                              

#ቡሄ፣ #ጅራፍ_ማስጮህ፣ #ችቦ_ማብራትና #ሙልሙል_ዳቦ ሃይማኖታዊ ምስጢራቸው ምንድነው?

ደብረ ታቦር ጌታችን ኢየሱስ ክርስቶስ ያዕቆብን፣ ዮሐንስንና ጴጥሮስን ይዞ ወደ ታቦር ተራራ ከወሰዳቸው በኋላ በዚያ ብርሃነ መለኮቱን የገለጠበትና ሙሴና ኤልያስን ጠርቶ የህያዋንና የሙታን አምላክነቱን ያሳየበት ከዘጠኙ የጌታ ዓበይት በዓለት ውስጥ አንዱ ነው። ቤተክርስቲያናችንም የተለያዩ ስርዓቶችን በመፈፀም አክብራው ታልፋለች፡፡
በደብረ ታቦር በዓል የሚፈጸሙ (#ቡሄ፣ #ጅራፍ ማስጮህ፣ #ችቦ ማብራትና #ሙልሙል_ዳቦ) ትውፊታዊ የሃይማኖት ሥርዓቶች ምሳሌዎች ምን እንደሆነ እናያለን፡፡

#ቡሄ
ቡሄ ማለት ብራ፣ ብርሃን፣ ደማቅ ማለት ነው፡፡ ከስሙ ትርጉም እንደምንረዳው ጌታችን ብርሃነ መለኮቱን የገለጠበት በዓል ስለሆነ ብራ፣ ብርሃን ደማቅ የሚል ፍቺ ያለው ስያሜ ተሰጥቶታል፡፡
አንድም ቡሄ ማለት ወቅቱ የክረምት ጨለማ አልፎ የብርሃን ወቅት ስለሚመጣ ሰማይም ከጭጋጋማነት ወደ ብሩህነት የሚለወጥበት የመሸጋገሪያ ወቀት ስለሆነ ብራ ተብሏል፡፡
"ቡሄ ከዋለ የለም ክረምት ዶሮ ከጮኸ የለም ሌሊት እንዲሉ"
አንድም ቡሄ ቡኮ /ሊጥ/ ማለት ነው፡፡ በዚህ በዓል ቡኮ ተቦክቶ ዳቦ/ሙልሙል/ ተጋርሮ የሚታደልበት በዓል ስለሆነ ይህ ስያሜ ተሰጥቶታል፡፡

#ሙልሙል_ዳቦ
ሙልሙል ዳቦ አመጣጡ ጌታችን ብርሃናዊ መለኮቱን በገለጠበት በዚህ ዕለት በደብረ-ታቦር አካባቢ የነበሩ ህፃናት እረኞች ቀኑ የመሸ ስላልመሰላቸው /ጌታችን በብርሃን አካባቢውን ሞልቶት ስለነበረ/ በዛው ሆነው ከብትና በጎቻቸውን እየጠበቁ ሲቆዩባቸው የሰዓቱን መግፋት የተመለከቱ ወላጆች በችቦ ብርሃን ተጠቅመው ለልጆቻቸው የሚቀመስ ሙልሙል ዳቦ ይዘው ወዳሉበት መምጣታቸውን ያሳያልና ታሪኩን እየዘከርን በዓሉን እናከብራለን፡፡
አንድም እንደ ሐዋርያት የምስራች ሲነግሩን ወንጌል ሊሰብኩልን በየደጃፋችን መጥተው "ቢሄ በሉ" የሚሉትን ታዳጊዎችን ይበሉት ዘንድ ይሰጣቸዋል ይህም መጽሐፋዊ ነው ጌታችን ደቀ መዛሙርቱን በደረሳችቡት ሁሉ ተመገቡ /ማቴ 10፥12/ ብሏልና ህፃናቱም የጌታን በዓል ሊያበስሩ ሲመጡ ዳቦ መስጠት ልማዳዊ ብቻ ሳይሆን ህፃናቱም የደቀመዛሙርት ምሳሌ ናቸው፡፡ መዝሙራቸው ደግሞ የምስራች ወንጌል ይዘው የመምጣታቸው ምሳሌ ነው፡፡ ሐዋሪያት በገቡበት ሀገር ሁሉ አስተምረው አጥምቀው የፀጋ ልጅነትን አሰጥተው እንደሚቆዩ ሁሉ ልጆችም ዘምረው አመስግነው መርቀው ውለዱ ክበዱ የመንግሥተ ሰማያት ወራሾች ያድርጋችሁ ብለው አመስገነው ይሄዳሉና በሐዋሪያት ህፃናቱ ይመሰላሉ፡፡

#ችቦ_ማብራት
ችቦ የጌታችንን ብርሃነ መለኮት መገለጥን የሚያመለክት ነው፡፡ ጌታችን በደብረ ታቦር መለኮቱን ሲገልጥ ብርሃን አካባቢውን ሞልቶት ነበርና ያንን በዘመናችን ለመግለጥ የበዓሉ ዋዜማ ማታ ችቦ አብርተን አምላካችንን እናመሰግናለን፡፡ አንድም ደግሞ የችቦ ታሪክ ከላይ እንደገለፅነው የእረኞቹ ወላጆች ይዘውት የመጡት ብርሃን ነው፡፡

#የጅራፍ_ምሳሌነት
በደብረ ታቦር በዓል በትውፊታዊ መልኩ የሚታየው ሚስጥር በእየሩሳሌም ስለሚሆነው የጌታችን ሞቱ ምሳሌ ነው፡፡ በዚህ በዓል ጅራፍ መገመዱ እና ማጮሁ ሁለት አይነት ምሳሌ አለው፡፡
#የመጀመሪያው ጌታችን በዕለተ አርብ የደረሰበትን ግርፋትና ህማም እናስብበታለን፣
#ሁለተኛው ደግሞ ድምፁን ስንሰማ የባህሪ አባቱን የአብን የምስክርነት ቃልና በግርማው ሲገለጥ የተሰማውን ነጎድጓድ ያስታውሰናል፡፡ የጅራፍን ትውፊታዊ ውርስ መጽሐፋዊ ትምህርቱንና ምስጢሩን ከትውልድ ጠብቆ ማስተላለፉ ተገቢ ነው፡፡

በአጠቃላይ በዓለ ደብረ ታቦር ከነዚህ ምስጢር ካላቸው ትምህርቶችና ትርጓሜያቱ ከትውልድ ወደ ትውልድ በቅብብል እንደመጣልን እኛም ሃይማኖታዊ ትውፊቱን ሳይለቅ ማስተላለፍ ይጠበቅብናል፡፡ የዚህ ነገር ባለ ድርሻ አካላት ደግሞ ወጣቶችና ወላጆች ናቸው፡፡ አንዳንድ ጊዜ በቡሄ ጨዋታ የሚሰሙ ግጥሞች ስድብ ፊዝና ሳቅ ይታይባቸዋል ተጫዋቾቹም ከሰጡን እንመርቃለን ካልሰጡን እንራገማለን አይነት መልዕክት ያስተላልፋሉ። የሚብሰው አሳባቢ ነገሩ ደግሞ ኃይማኖታዊ ስርዓቱን ወደ ገንዘብ ማግኛ መቀየሩ ነው፡፡ ስለሆነም ይህን ነገር በተለይ የነገ የሀገር ተረካቢና የቤተክርስቲያን ተተኪ የሆኑት ወጣቶች ማስተካከል ይኖርባቸዋል፡፡ ወላጆችም ሕፃናት በየደጃፋችን ላይ በዓሉን ሊያበስሩ ሲመጡ አስደንግጦ ከማባረር በሚገባው መልኩ አስተምረን መርቀን ማስተናገድ ይጠበቅብናል ባህሉም እንዳይተው የበኩላችንን አደረግን ማለት ነው።

ከበዓሉ በረከት ያሳትፈን

(ምንጭ - ጽሐፈ ታሪክ ወግሥ ገጽ 307 በመምህር አፈወርቅ ተክሌ )

...ሁለቱ ጸሐፍያን በደብረ ታቦር ...
ክፍል ሁለት

ቅዱስ ኤፍሬም " የብሉይ ኪዳን ጸሐፊዎች የሐዲስ ኪዳን ጸሐፊዎችን አዩ " በማለት በደብረ ታቦር ተራራ ከኤልያስ ውጪ ዐራት ግሩማን ጸሐፊያን እንደነበሩ መረዳት እንችላለን ፡፡ ከእነዚህ ጸሐፊያን መካከል ግን የሙሴንና የወንጌላዊው ቅዱስ ዮሐንስን ነገር ግን ለማንጻጸር የተመቸ ነው ፡፡ ለምን? ብለን መጻሕፍትን ስንመረምር

° የተሸፈነውን ሐዲስ ኪዳን የጻፈልን ሙሴ ፥ የተገለጠውን ብሉይ ኪዳን ከጻፈልን ቅዱስ ዮሐንስ ጋር ተገናኝተዋልና ፡፡

° " ዓለሙም በእርሱ ሆነ " ብሎ የተናገረው የሐዲስ ኪዳኑ ዘፍጥረት(የዮሐንስ ወንጌል) ጸሐፊ ከብሉይ ኪዳኑ የኦሪቱ ዘፍጥረት ጸሐፊ ጋር ተገናኝቷልና ፡፡

° " በመጀመርያ እግዚአብሔር ሰማይና ምድርን ፈጠረ " ብሎ የሥነ ፍጥረትን መነሻ የጻፈው ቅዱስ ሙሴ " በመጀመርያ ቃል ነበር ብሎ " ብሎ ፍጥረት የተፈጠረበት የቃልን ነገር ከተናገረው ቅዱስ ዮሐንስ ጋር ተገናኝቷልና ፡፡

° ስለ መላእክት መፈጠር ያልተናገረው ሙሴ " ሁሉ በእርሱ ሆነ " ብሎ ነገረ ፍጥረትን ጠቅልሎ ከጻፈው ዮሐንስ ጋር ተገናኝቷልና ፡፡

° " ጨለማም በጥልቁ ላይ ነበረ፤ የእግዚአብሔርም መንፈስ በውኃ ላይ ሰፍፎ ነበር፡፡ እግዚአብሔርም፦ ብርሃን ይሁን አለ ፤ ብርሃንም ሆነ ( Darkness, Light, and Life) " ብሎ የጻፈው ሙሴ " በእርሱ ሕይወት ነበረች፥ ሕይወትም የሰው ብርሃን ነበረች፡፡ ብርሃንም በጨለማ ይበራል፥ ጨለማም አላሸነፈውም ::(Life, Light, and Darkness)" ብሎ ከጻፈው ወንጌላዊው ጋር ተገናኝቷልና ፡፡

° " ካህኑም ስለ ሠራው ኃጢአት በእግዚአብሔር ፊት በበደል መሥዋዕት በግ ያስተሰርይለታል የሠራውም ኃጢአት ይቀርለታል፡፡" ብሎ የእስራኤል ዘሥጋን ኃጢአት ስለሚያስተሰርየው በግ የጻፈው ሙሴ " እነሆ የዓለምን ኃጢአት የሚያስወግድ የእግዚአብሔር በግ፡፡ " ብሎ የእስራኤል ዘነፍስን ኃጢአት ስለሚያስተሰርየው የእግዚአብሔር በግ ከጻፈው ወንጌላዊ ጋር ተገናኝቷልና ፡፡

" ጀርባዬንም ታያለህ፤ ፊቴ ግን አይታይም፡፡ " ተብሎ ምስጢር የተሰወረው ሙሴ " ኢየሱስም ይወደው የነበረ ከደቀ መዛሙርቱ አንዱ በኢየሱስ ደረት ላይ ተጠጋ፤ "ተብሎ ብዝኃ ምስጢር ከተገለጠለት ዮሐንስ ተገናኝቷልና ፡፡

° የኤደን ገነቱ የሰርግ ታሪክ ጸሐፊ ከቃናው የሰርግ ታሪክ ጸሐፊ ተገናኝቷልና።

° የብሉይ ኪዳኑ ወንጌል(ዘፍጥረት ) ጸሐፊ ሙሴ " አባታችሁ አብርሃም ቀኔን ያይ ዘንድ ሐሤት አደረገ " አየም ደስም አለው፡፡" ብሎ ኦሪት ሳትሰራ ወንጌል እንደነበረች ከመሰከረለት ወንጌላዊ ዮሐንስ ጋር ተገናኝቷልና ፡፡

ስለዚህም በታቦር ተራራ የብሉይ ኪዳን ጸሐፊ የሐዲስ ኪዳኑን ጸሐፊ አየ ፡፡

እግዚአብሔር አምላክ ልቡናችንን የታቦር ተራራ አድርጎ በመለኮታዊ ብርሃኑ እንደ ሊቀ ነቢያት ሙሴ አእምሮአችንንና ማደሪያ ቤተመቅደሱ የሆነውን ሰወነታችንን ያብራ፡፡ መለኮታዊው ብርሃኑም ለአእምሮአችን ማስተዋልን በመጨመር በጽድቅ እንድንመላለስ ያብቃን ለዘለዓለሙ አሜን!!!

henok.haile

...ሁለቱ ጸሐፍያን በደብረ ታቦር ...
ክፍል አንድ

በሕይወት ታሪካችን ብዙ የቅርብ ፣ የሩቅም ወዳጆች አሉን ፡፡ እጅግ ቅርብ በሆኑን ወዳጆቻችን በኩል ለእነርሱ ቅርብ ፥ ለእኛ ደግም በጣም ሩቅ ስለሆኑ ሰዎች ሰምተናል ። ስለ ማንነታቸው ፣ አስተሳሰባቸው ፣ ፍልስፍናቸው ፣ ተጽዕኖ ፈጣሪነታቸው ፣ ዝናቸው ባጠቃላይ ስለ ነገረ ሥራቸው ሁሉ የተደነቅን ከመስማታችን የተነሳ በአካል ሳናውቃቸው የልብ ወዳጆቻችን የሆኑ ብዙዎች አሉ ። ታዲያ! እነዚህን ሰዎች በአጋጣሚ በአካል ብናገኛቸው ምን የሚፈጠር ይመስላችኋል ? ስለምን እናወራቸው? ምንስ እንጠይቃቸው ይሆን? ይህን ጥያቄ እንድንጠይቅ ከሚያጓጉን ታሪኮች አንዱ በደብረ ታቦር የተፈጸመው ነው ፡፡

እንደ አንድ ልብ መካሪ እንደ አንድ ቃል ተናጋሪ ሆነው ሦስቱ ወንጌላውያን ጌታችን መድኃኒታችን ኢየሱስ ክርስቶስ ብርሃነ መለኮቱን የገለጠበትን ምስጢር አዘል ታሪክ በተመሳሳይ ሁኔታ መዝግበዋል ፡፡ ምንም እንኳን ሶስቱ ወንጌላውያን በደብረ ታቦር ተራራ የተከናወነውን ድንቅ ክስተት ቢመዘግቡም የተለያየ የታሪክ አጻጻፍ ተክትለዋል ፡፡ አንዱ ያጎደለውን አንዱ አንዱ እየጨመረ ፣ አንዱ የረሳውን አንዱ እያስታወሰ ጽፈዋል። ማቴ 17÷ 1-9 , ማር 9÷ 2-10 ,ሉቃ 9÷ 28-36

ጌታችን መድኃኒታችን ኢየሱስ ክርስቶስ ብርሃነ መለኮቱን እስከገለጠበት እስከዚያች ቀን ድረስ ለሐዋርያት ፥ እስራኤላውያን አብልጠው ስለሚወዱት ሙሴ እንዲሁም “ አስቀድሞ ይመጣል ሁሉንም ያቀናል " ተብሎ ስለ ተነገረለት ኤልያስ ፥ ብዙ ጊዜ ስማቸውን እያነሳ ብዙ አስተምሯቸዋል ፡፡ ታዲያ! በክርስቶስ አንደበት ስለ እነዚህ ታላላቅ አባቶች ታሪክና ድንቅ ሥራ የተገረሙ ሲሰሙ የነበሩ ሐዋርያት እነዚህን አባቶች ምን ያህል ማየትና መነጋገር ሽተው ይሆን? የሐዋርያትና የእነዚህ አባቶች መገናኘት አስደናቂ ገጠመኝ ነው ፡፡

ይህን የደብረ ታቦር ታሪክ በተመለከተ የሶርያውያን ፀሐይ ፣ የኤዴሳው ዲያቆን ቅዱስ ኤፍሬም የጌታችን መድኃኒታችን ኢየሱስ ክርስቶስ ብርሃነ መለኮት የተገለጠበት ተራራ ላይ የተፈጸመውን

"There the authors of the old covenant saw the authors of the new. Holy Moses saw Simon Peter the sanctified; the steward of the Father saw the administrator of the Son... The virgin of the old covenant (Elijah) saw the Virgin of the new (John); the one who mounted on the chariot of fire and the one who leaned on the breast of the Flame. And the mountain became a type of the Church, and on it Jesus united the two covenants :...

'የብሉይ ኪዳን ጸሐፊዎች የሐዲስ ኪዳን ጸሐፊዎችን አዩ ፤ ቅዱሱ ሙሴ ቅዱስ ጴጥሮስን አየው የአብ እንደራሴ የወልድን አገልጋይ ተመለከተው፡፡ የብሉይ ኪዳኑ ድንግል ኤልያስ የሐዲስ ኪዳኑን ድንግል ዮሐንስን አየው፡፡ በእሳት ሰረገላ ላይ የተሳፈረው ኤልያስ ወደ እሳታዊው ክርስቶስ ደረት የተጠጋውን ዮሐንስን አየው፡፡ የታቦር ተራራ የቤተ ክርስቲያን ምሳሌ ሆነ ፤ ክርስቶስም ሁለቱን ኪዳናት አዋሐዳቸው!' " በማለት በንጽጽር ድንቅ ምስጢር ይነግረናል ።

https://youtu.be/2mgQKp2W4rI?si=5Bvrhq7IJXUbf4WN

#ከብዙዎቹ ጥቂቶቹ የኢትዮጵያ ነገስታት።
.
152ቱ የኢትዮጵያ ነገስታት ዝርዝር ፡-
.
አቀማመጡ...
የንግስና ተራ => የነገስታቱ ስም =>የነገሱበት
ዘመን=> መነሻና መድረሻ ሲሆን፤
የቀን አቆጣጠሩ ደግሞ ከክርስቶስ ልደት በፊት
(ከዓመተ-ዓለም) ጀምሮ ወደ ዓመተ-ምህረት የሚያድግ
ይሆናል።
.
1ኛ. ሰብታህ ለ30ዓመት= (ከ2545 - 2515)
2. ኤልክትሮን 30= 2515-2485
3. ነቢር 30= 2485-2455
4. አሜን 1ኛ 30= 2455-2434
5. ነህሴት (ናይስ) 21= 2434-2404
6. ታርኬም 30= 2404-2375
7. ሳባ 1ኛ 29 = 2375-2345
8. ሶፋሪድ 30=2345 -2315
9. እስክንዲ 25= 2315-2390
10.ሆህይ ሰጥዎ 35= 2390-2355
11. አህይጥ 20= 2235-2205
12. አድጋስ 30 =2205-2180
13. ባኩንዶን መሊስ 25 =2180-2145
14. ማንቱራያ ሀቃቤ 35 =2145-2115
15. ራክሁ ድድሜ 30= 2115-2085
16. ሳቢ 1ኛ 30= 2085-2055
17. አዜጋን ፈርዖን 30= 2055-2035
18. ሱስሃል አቶዛኔስ 20= 2035-2020
19. አሜን ዳዊዛ 2ኛ 15= 2020-2000
20. ራሚን ጻሃቲ20 =2020-2000
21. ዋኑና 3ቀን
22. ጲኦሪ 1ኛ 15= 2000-1985
23. አክናሁስ (ሳባ 2ኛ) 55= 1885-1930
24.ነክህቲ ካልንሶ 40= 1930-1890
25. ኮሲዮጲ ንግስት 19= 1890-1871
26. ሳቢ 2ኛ 15= 1871-1856
27. ኢትዮጲስ 1ኛ 56= 1856-1800
28. ሳንክዱን ኖወርኦሪ 30= 1800-1770
29. ቱትኢምሒብ 20= 1770-1750
30.ሒርሐቶር 1ኛ 20= 1750-1730
31. ኢትዮጲስ 2ኛ 30= 1730-1700
32. ሰኑካ 2ኛ 17= 1700-1683
33. ቦኑ 1ኛ 8= 1683-1675
34.ሙማዚስ 4= 1675-1671
35. አሩአሳ 7ወር
36. አሚን አሳሮ 30 =1671-1641
37. ኦሪ 30= 1641-1611
38. ጲኦሪ 2ኛ 15= 1611-1596
39. አሚን ኢምመሐት 1ኛ 40= 1596-1556
40. ጳውሶ 15= 1556-1541
41. አክቲሳኒስ 10= 1541-1531
42. ማንዲስ 17= 1531-1514
43. ፕሮተውስ(ጵሮተውስ) 33= 1514-1481
44. አሞይ 21== 1481-1460
45. ካንሲ 5= 1460-1455
46. ቦኑ 2ኛ 2= 1455-1453
47. ሳቢ 3ኛ 15=1453-1438
48. ጃጎንሶ 20= 1438-1418
49. ሰኑካ 3ኛ 10= 1418-1408
50. አንጋ ቡስ 1ኛ 50 =1408-1358
51 ሚአሙር 2 ቀን
52 ከሊና 11= 1358- 1347
53 ዛግዱር 40= 1347- 1307
54 ሒርሐቶር 2ኛ 30= 1307 – 1277
55 ሒርሐቶር 3ኛ 1= 1277 – 1276
56 ኔክቲ 4ኛ 20 =1276 – 1256
57 ቲቶን ሶትዩ 10 =1256 – 1246
58 ሒርመንቱ 1ኛ 1ወር
59 አሚን ኢምሐት 2ኛ 5= 1246 – 1241
60 ኮንሳብ 1ኛ 5= 1241 – 1236
61 ኮንሳብ 2ኛ 5= 1236 – 1231
62 ሰኑካ 4ኛ 5= 1231 – 1226
63 አንጋቦ(ሕዝባይ) 40= 1226 – 1186
64 አሜን አስታት 30= 1186 – 1156
65 ሔርሖር 16= 1156 – 1140
66 ፒያንኪያ 1ኛ 9= 1140 – 1131
67 ፕኖትሴም 1ኛ 17= 1131 – 1114
68 ፕኖትሴም 2ኛ 41= 1114 – 1073
69 ማሳሔርታ 16= 1073 – 1057
70 ራሜን ፔርኮም 14 =1057 – 1043
71 ፕኖትሴም 3ኛ 7 =1043 – 1036
72 ሳቢ 4ኛ 10= 1036 – 1026
73 ታዋስያ ዴውስ 13= 1026 – 1013
74 ማክዳ ንግስት 31= 1013 – 982
75 ምንሊክ 1ኛ ( ዳዊት ) 25= 982 – 956
76 ሐንድዩን 1= 957 – 956
77 ሲራህ (ሲራክ) ቶማይ 1ኛ 26= 956 – 930
78 አሚን ሆቴፕ ዛግዱር 41= 930 – 889
79 አክሱማይ ራሚሱ 20 =889 – 869
80 ሲራህ አውስዩ 2ኛ 38= 869 – 831
81 ታዋስያ 2ኛ 21= 831 – 810
82 አብራልዩስ ፒያንክያ 2ኛ 32= 810 – 778
83 አክሱማይ ወረደ ፀሐይ 2ኛ 23= 778 – 755
84 ካሳሕታ ሐንድዩን 13= 755 – 742
85 ሳባካ 12 =742 – 730
86 ኒካንታ ቅንዳኬ 2ኛ 10 =730 – 720
87 ፃውዕቲርሐቅ( ወረደ ነጋሽ ) 49= 720 – 671
88 አርድ አሜን አውስያ 6= 671 – 665
89 ገስዩ 6 ሰዓት
90 ኒአትሚኦሙን 4= 665 – 661
91 ቶማፅዩን ፒያንኪያ 3ኛ 12= 661 – 649
92 አሚን አሳሮ 3ኛ 16= 649 – 633
93 ቢያንክያ አውጥዩ 4ኛ 34= 633 – 559
94 ዙዋሬ ንብርችት እስፑርታ 41= 599 – 558
95 ስይፋይ ሐርሲኦተው 12= 588 – 546
96 ረምሓይ ናስቶሶናን 14= 546 – 532
97 ሐንዲው አብራ 11= 532 – 521
98 ሶፎልያ ነቢኮን 31= 521 – 490
99 አግልቡል ስዌኮስ 21= 490 – 469
100 ጵስመሪት( ወረደ ነጋሽ ) 21= 469 – 448
101 አውስያ ቡራኮስ 12= 448 – 436
102 ቀኒዝ ጵስሚስ 13= 436 – 423
103 አጵራስ 10= 423 – 413
104 ካስሕታ ወልደ እሗሁ 20= 413 – 393
105 ኢላልዮን ተኦኒኪ 10= 393 – 383
106 አትሲርክ አሚን 3ኛ 10= 383 – 373
107 አትሲርክ አሚን 4ኛ 10= 373 – 363
108 ሐንዲና 10= 363 – 353
109 አትሲርክ አማን 5ኛ 10= 353 – 343
110 አትሲርክ አሚን 6ኛ 10= 343 – 333
111 ኒካውላ ቅንዳኪ 3ኛ 10= 333 – 323
112 ባሰሁ 7= 323-316
113 ኒካውሲስ ቅንዳኪ 4ኛ 10= 316-306
114 አርካሚን 2ኛ 10= 306-296
115 አውጥጥ አራውራ 10= 296-286
116 ከልአሶ ከሊትሮ 2ኛ 10= 286-276
117 ዙዋሬ ንብረት 2ኛ 16= 276-260
118 ሶትዮ 14= 260-246
119 ሰይፋ 13= 246-233
120 ኒኮሲስ ቅንዳኪ 5ኛ 10= 233-223
121 ረምኃይ አርካሚን 4ኛ 10= 223-213
122 ፌልያሁር ኔክሀት 15= 213-198
123 ሐንዲ ኢውኪራራ 20= 198-176
124 አግህቡ ብሴ ህራን 10= 176-166
125 ሉላይ ኮዋዊሚኑን 20= 166-146
126 መስዕኒ ቁራርሜር 8 =146-138
127 ነአሳይ ብሲንቲ 10 =138-128
128 ኡትቢኑ ካዊር 10= 128-118
129 ሶፌልያ አብራሚን 20= 118-98
130 ሠናይ 10 98-88
131 አውሲና ንግስት 11= 88-77
132 ዳዊት 2ኛ 10 =77-67
133 አግልቡል 8= 67-59
134 በዋውል 10= 59-49
135 በረዋስ 10= 49-39
136 ዳኒ ዳድ 10= 39-29
137 አሞይ መሐሲ 5= 29-24
138 ንኮትሪስ ህንዶኬ ንግስት 6ኛ 10= 24-14
139 ኖልኪ 4 =14-10
140 ለዛይ 2= 10- 08
141 ባዜን 17= 8 ዓ.ዓ –9 ዓ.ም
142 ሠሮጡ (ጽንፈ አለገድ) 21= 9 - 30
143 አካኀታህጽንፈ አለገድ 2= 30-32
144 ሆርኤምትኩ 2ኛ 2= 32-34
145 ጌርሳሞት 8= 34-42
146 ሐተዘ ባሕር አሰግድ 28= 42-70
147 ምነሲሕ ግርማሶር 7= 70-77
148 ሰጥዋ ግራማ አሰፌር 9= 77-86
149 አድገለ 2ኛ 10ዓ ከ 6 ወር 86-96
150 አግባ 6 ወር 96-97
151 ሠርዓዳ 16 =97-113
152 መሊሰ አላሚዳ 4= 113-11

እንኳን አደረሳችሁ ለቅዱስ ገብርኤል አመታዊ ክብረ በአል አደረሳችሁ አደረሰን❤️❤️

የጴንጤዎች ልሳን ከመንፈስ ቅዱስ ወይስ ከሰይጣን | የሐዋርያት ሥራ 2 ፥ 4 | ክፍል 3 | | መምህር ዘበነ ለማ
https://youtube.com/watch?v=CbixEsCNzrc&si=WWnboOltKmbq9rqx

የጴንጤዎች ልሳን ከመንፈስ ቅዱስ ወይስ ከሰይጣን | የሐዋርያት ሥራ 2 ፥ 2 3 | ክፍል 2 | መምህር ዘበ...
https://youtube.com/watch?v=wzIBsv1gfsA&si=OhkLrm_QIZaIpSE5

የጴንጤዎች ልሳን ከመንፈስ ቅዱስ ወይስ ከሰይጣን ክፍል 1 || መምህር ዘበነ ለማ
https://youtube.com/watch?v=uVywgtDCc20&si=RH1dMoBS-qgKwg55

ፆሙን የበረከት ፆም ያድርግልን እንኳን አደረሰን!!!

ፆመ_ሐዋርያት (ሰኔ_ፆም)
መቼ_ይገባል?ለምንስ_ይፆማል‼
2016'ዓ'ም ሰኔ 17 ሰኞ ይጀመራል።
👉ይህ ፆም ከቤተ ክርስቲያናችን የአዋጅ ፆሞች ውስጥ አንዱ ሲሆን ቅዱሳን ሐዋርያት ጌታቸንን ምሣሌ አድርገው የጾሙት ፆም ነው።
💒 የሰኔ ፆም :- ይህ ፆም የሀዋርያት ፆም በመባል ይታወቃል ስለ ምን የሐዋርያት ፆም ተባለ ቢሉ በበአለ ጴራቅሪጦስ ሀዋርያት መንፈስ ቅዱስን ከተቀበሉ በኃላ የፆሙት ፆም ስለሆነ ነው።

የሚገባበት ቀን በየአመቱ የተለያየ ቢሆንም የፆሙ ማብቂያ ዕለት ግን ሐምሌ 5 ድረስ ነው ። ሐምሌ 5 ሁለቱ ሀዋርያት ጴጥሮስ እና ጳዉሎስ ሰማዕትነትን የተቀበሉበት እለት ነው ።
እኛም ይህን ጾም የምንጾመው የሐዋርያትን በረከት ለመላበስ፣ እነርሱ ድል ያደረጉትን ዓለም እንድናሸንፈው አምላካችንን ለመማጸን በመሆኑ ይህንን ‹‹መሣሪያ›› አንጣለው ጾሙም ለመላው ክርስቲያን የተሰጠ ነው።

ፆሙን የበረከት ፆም ያድርግልን!!!

በኦርቶዶክሳዊት ተዋሕዶ ቤተ ክርስቲያን ያለን ምዕመናን ከጌታችን ልደት ቀጥሎ በታላቅ ድምቀት የምናከብረው የልደት በዓል የእመቤታችንን የቅድስት ድንግል ማርያም የልደት ቀን ነው፡፡ ስለ ቅዱስ ዮሐንስ ‹‹በመወለዱ ብዙዎች ደስ ይላቸዋል (ሉቃ 1፡14)›› ከተባለ የድንግል ማርያም ልደት ምንኛ የሚያስደስት ይሆን?! የነቢያቱ ትንቢት የተፈፀመበት፣ የታየው ራዕይም በገሀድ የተከናወነበት፣ የብሉይ ኪዳን ማብቂያ የሐዲስ ኪዳን መጀመሪያ ናትና ልደቷ ለሰው ልጆች ሁሉ (ለሕያዋን ሁሉ) ታላቅ የደስታ ቀን ነው፡፡ ሰማያውያን ቅዱሳን መላእክትም በንጽህናዋ በቅድስናዋ ተደንቀው “እህትነ ነያ/እህታችን እነኋት” ብለው ያመሰግኗታል፡፡ በዘመናችን ያሉ የሰዎች ልደት በድምቀት የሚከበር ከሆነ ለሰው ልጅ መዳን ምክንያት የሆነች የአምላክ እናት የተወለደችበት ቀን ምንኛ ሊከበር ይገባው ይሆን?! ቤተ ክርስቲያን የቅድስት ድንግል ማርያምን ልደት በታላቅ ድምቀት የምታከብረው ከዚህ ታላቅ በዓል በረከት ረድኤትን እንድናገኝበት ነው፡፡ የሕይወት ክርስቶስ እናት ዛሬ ተወልዳለችና፡፡

በኦርቶዶክሳዊት ተዋሕዶ ቤተ ክርስቲያን ትዉፊት መሰረት ሐና እና ኢያቄም ከአይሁድ ለማምለጥ ተሰደዉ በአድባረ ሊባኖስ ስር እመቤታችንን ወለዱ፡፡ በወቅቱ ከቤት የወጡት ለሽሽት ነበርና ስንቅ ስላልያዙ ምግባቸዉ ‹‹ንፍሮና ጥራጥሬ›› ነበር፡፡ይህንን ትዉፊት በመያዝ በዓሉ ከቤት ዉጭ ንፍሮ እየተበላ ይከበራል፡፡ነገር ግን በበጎ ነገሮች ሰበብ ክፉ ዓላማዉን ማስፈጸም የሚፈልገዉ ዲያቢሎስ በማር መካከል መርዝን ከሚጨምርባቸዉ መንፈሳዊ በዓላት አንዱ የግንቦት ልደታ (የእመቤታችን የልደት በዓል) ነዉ፡፡ በዚህ ዕለት አንዳንዶች ባለማወቅ ሌሎች ደግሞ በድፍረት ‹‹ለአድባር አዉጋር ነዉ፤ ቆሌዉን ለመለመን ነዉ›› እያሉ ለማያውቁት አምልኮ ንፍሮ የሚበትኑ፣ ቡና የሚረጩ፣ ቅቤ የሚቀቡ፣ የከብት ደም የሚያፈሱ አሉ፡፡ እውነታው እነዚህ በእርግጥም ጣዖት አምላኪዎች ናቸው፡፡ እኛ ኦርቶዶክሳውያን ክርስቲያኖች ግን እነዚህን የሃይማኖት ለዋጮች ሥራቸውን እንጸየፋለን፡፡ ስለሆነም ከእንደዚህ ዓይነቱ ባዕድ አምልኮ በመለየት ይህንን ታላቅ በዓል በተገባና በተረዳ ነገር ልናከብረው ይገባል፡፡ ቤተ ክርስቲያናችን በሠራችልን ሥርዓት መሰረት በቀናች በተዋሕዶ እምነት ሆነን፤ በምሕረቱ የጎበኘንን አምላካችንን ብቻ እያመለክን፤ የድኅነታችን ምክንያት የሆነችውን ድንግል ማርያምንም እያመሰገንን ልናከብረው ይገባል፡፡ አምላካችን እግዚአብሔር ከእመቤታችን ረድኤት በረከት ይክፈለን፡፡ አሜን፡፡

ለሌሎችም ሼር አድርጉት