Ministry of innovation and technology (MinT) @mintethiopia Channel on Telegram

Ministry of innovation and technology (MinT)

@mintethiopia

Ministry of innovation and Technology (MinT) is a
governmental institution ...

Ministry of innovation and technology (MinT) (English)

The Ministry of Innovation and Technology (MinT) is a governmental institution dedicated to driving innovation and technological advancements in Ethiopia. As the leading authority in the country for promoting cutting-edge solutions and fostering a culture of innovation, MinT plays a crucial role in shaping the future of technology in Ethiopia. With a strong focus on research and development, MinT collaborates with industry leaders, academia, and other government agencies to create a vibrant ecosystem for innovation. By supporting startups, investing in emerging technologies, and providing training programs, MinT aims to position Ethiopia as a hub for technological excellence. Through its Telegram channel, @mintethiopia, MinT keeps the public informed about the latest initiatives, events, and opportunities in the innovation and technology sector. Followers can expect to receive updates on groundbreaking projects, funding opportunities, and educational resources that can help them stay ahead in the rapidly evolving tech landscape. Whether you are a tech enthusiast, a budding entrepreneur, or simply curious about the future of technology in Ethiopia, @mintethiopia is the go-to channel for staying informed and connected. Join the Ministry of Innovation and Technology on Telegram today to be part of the exciting journey towards a more innovative and technologically advanced Ethiopia!

Ministry of innovation and technology (MinT)

10 Jan, 16:19

የእረፍት ጊዜዎን በዌብ-ፕሮግራሚንግ፣ በአንድሮይድ ማበልፀግ፣ ዳታ ሳይንስ እና አርቲፊሻል ኢንተለጀንስ ዘርፎች ለ5 ሚሊዮን ኢትዮጵያውያን ወጣቶች የተዘጋጀውን የኮዲንግ መሠረታዊ ክህሎት ለማዳበር የሚያስችል ነጻ የኦንላይን ሥልጠና
በመውሰድ የዲጂታል ክህሎትዎን ያዳብሩ።

የስልጠናው ሊንክ፡-https://ethiocoders.et/
504
Ministry of innovation and technology (MinT)

10 Jan, 13:34

አሁን በደረስንበት ምዕራፍ ለህብረተሰቡ የሚኖረን ምክረ ሀሳብ የሚከተሉት ናቸው፡፡

1.      እኛም ሆንን የምንኖርበት ምድር አንዱ የህዋ አካል ስለሆነ፤ በሌሎች የህዋ አካላት ላይ የሚፈጠር ክስተት በአንድም ይሁን በሌላ መልኩ ተጽእኖው በምድራችን ላይ ሊያርፍ እንደሚችል መረዳት እና አስፈላጊውን ጥንቃቄ መውሰድ ላይ ብቻ ማተኮር፤

2.      ከተፈጥሯዊም ሆነ ከሰው ሰራሽ አካላት ወደ ምድራችን የሚመጡ ቁሶች በአብዛኛው የከባቢ አየር በሚፈጥረው ሰበቃ ተቃጥለው የሚያልቁ ሲሆን፤ ወደ ምድር የሚደርሱትም ቢሆኑ በአብዛኛው ምድራችንን በሸፈነው የውሃ አካል ወይም የሰው ልጅ በማይኖርባቸው ስፍራዎች ስለሚያርፉ የጎላ ሰብዓዊም ሆነ ቁሳዊ ተጽዕኖ አያደርሱም፡፡

3.      ይህ እንደተጠበቀ ሆኖ ከቃጠሎ ተርፎ መሬት የሚደርሰው ቁስ በመጠን አነስተኛ ቢሆንም በከፍተኛ ፍጥነት ስለሚጓዝ ያነሰም ቢሆን አካላዊ ጉዳት የማድረስ እድል ስላለው፤ ተመሳሳይ ክስተት በሚኖር ጊዜ በአካባቢው ያሉ ሰዎች ራሳቸውን ከአደጋ ሊከላከሉ በሚችሉበት ርቀት፤ አቅጣጫ እና መጠለያ ስር እንዲገኙ እንመክራለን፡፡

በኢኖቬሽንና ቴክኖሎጂ ሚኒስቴር የስፔስ ሳይንስ እና ጂኦስፓሻል ኢንስትቲዩት
661
Ministry of innovation and technology (MinT)

10 Jan, 13:34

እንደ አጠቃላይ ከህዋ፤ ከጋላክሲ፤ ከስርዓተ ጸሐይ፣ ከፕላኔቶች እና ከጨረቃዎች አፈጣጠር ጋር ተያይዞ ወደ ፕላኔትነት ሳይቀየሩ የቀሩ አለቶች አስትሮይድ ወይም ኮሜቶች ተብለው ይጠራሉ፡፡

በተለይም እኛ ባለንበት ስርዓተ ፀሐይ ውስጥ በማርስ እና በጁፒተር መካከል እንደ መቀነት በዙሪያው ተጠምጥመው ፀሐይን የሚዞሩ የተለያየ መጠን ያላቸው አስትሮይዶች አሉ፡፡

ምድራችንን ጨምሮ የህዋ አካላት በሙሉ በማያቋርጥ እንቅስቃሴ ውስጥ በመሆናቸው በሂደቱ በመሬት የስበት ኃይል ተጠልፈው በከባቢ አየራችን ውስጥ ሲዘልቁ እሳት የሚፈጥሩ ሲሆን፤ ከዚያ ተርፈው ወደ መሬት መድረስ የቻሉቱ ሜቲዮራይትስ ሲባሉ፤ የከባቢ አየር ሰበቃ የሚፈጥረውን እሳት መቋቋም ሳይችሉ ተቃጥለው አየር ላይ ሳሉ የሚያልቁት ደግሞ ሜቲዮርስ ይባላሉ፡፡

ከዚህ ጋር ተያይዞ የሜቲዮርስ ክስተት በያዝነው ሳምንት ሊኖር እንደሚችል የአሜሪካው ብሔራዊ የኤሮኖቲክስ እና ስፔስ አስተዳደር (NASA) አስቀድሞ የሰጠውን እ.አ.አ. የ2025 ትንበያ ያመላክታል፡፡

ይህ ትንበያ እ.አ.አ. ከታህሳስ 26 ቀን 2024 እስከ ጥር 16 ቀን 2025ዓ.ም ቁጥራቸው እስከ 200 የሚደርስ Quadrantids ተብለው የሚታወቁት የሜቲዮርስ ስብስብ ወደ ምድራችን ሊመጡ እንደሚችሉ ያመላክታል፡፡

በትንበያው መሰረት ወደ ምድር ሲቀርቡም ደማቅ እና የፈካ ብርሐንን ረዘም ላለ ጊዜ እንደሚያሳዩም ተጠቁሟል፡፡

ከላይ ከተጠቀሱት ሁለት ዋና ዋና ምክንያቶች የትኛው እንደሆነ በእርግጠኛነት ለመናገር ከቃጠሎ ተርፎ መሬት የደረሰ ቁስ አካል መገኘት ከፍተኛ ፋይዳ ስላለው፤ ክስተቱ በተፈጠረበት አካባቢ የሚኖሩ ሰዎች ይህንን መረጃ ካገኙ እንዲያጋሩን በትህትና እንጠይቃለን፡፡ 
520
Ministry of innovation and technology (MinT)

10 Jan, 13:34

ትናንት ምሽት በደቡብ ኢትዮጵያ ሀገራችን ክፍል ሰማይ ላይ ስለተፈጠረው ክስተት ከስፔስ ሳይንስ እና ጂኦስፓሻል ኢንስትቲዩት የተሰጠ ሳይንሳዊ ትንታኔ
     ======= SSGI =======
በጥር 1 ቀን 2017ዓ.ም. የስፔስ ሳይንስ እና ጂኦስፓሻል ኢንስትቲዩት ምሽት በደቡብ ኢትዮጵያ የሀገራችን ክፍል ሰማይ ላይ ስለታየው ክስተት በስፍራው በነበሩ የአይን እማኞች የተነሱ ተንቀሳቃሽ ምስሎችን መነሻ በማድረግ የክስተቱን መነሻ ባለን መረጃ ለመተንተን ተሞክሯል፡፡

በዚሁ መሰረት እየተቃጠለ ተቆራርጦ ወደ ምድር ሲጓዝ የታየው ቁስ ከሚከተሉት አማራጮች በአንዱ ሊከሰት  የሚችል ነው፡፡

1.     በሰው ሰራሽ የሰፔስ ቁሶች ምክንያት የተከሰተ

ከህዋ ወደ ምድር ሊወርዱ የሚችሉ ሰው ሰራሽ አካላት Space Derbies ተብለው የሚጠሩ ሲሆን፤ በዋናነት የአገልግሎት ግዜያቸውን ካጠናቀቁ የሳተላይት ቁርጥራጮች ወይም በስራ ላይ ካሉ ሳተላይቶች ወይም ወደ ህዋ ለማምጠቅ ከሚያገለግሉ ሮኬቶች በቴክኒካዊ ጉድለት የተወሰነ ክፍላቸው ከቁጥጥር ውጭ ሆኖ ወደ መሬት በስበት ኃይል ተምዘግዝጎ የሚመጣበት ክስተት ነው፡፡

እነዚህ ቁርጥራጭ አካላት ወደ መሬት ከባቢ አየር ሲገቡ በሰበቃ ምክንያት እሳት የሚፈጥሩ ሲሆን፤ በረዥሙ ጉዟቸው ፍጥነት እየጨመሩ እዛው ሳሉ ተቃጥለው የሚያልቁ ወይም ውሱን አካላቸው ብቻ ከቃጠሎው ተርፎ መሬት የሚደርሱ ናቸው፡፡

ለዚህ እንደ ማሳያ አድርገን ልናቀርብ የምንችለው የኬንያ ስፔስ ኤጀንሲ ማረጋገጫ የሰጠበትን፤ እ.አ.አ. በታህሳስ 30 ቀን 2024 በኬንያ ሙኩኩ በተባለች የገጠር መንደር የተገኘውን ከህዋ ወደ ምድር እየተቃጠለ የመጣ እና በመንደሯ ያረፈ ሰው ሰራሽ የስፔስ ቁስን ነው፡፡

2.     በተፈጥሯዊ የህዋ አካላት ምክንያት የተከሰተ
481
Ministry of innovation and technology (MinT)

09 Jan, 09:54

በኢኖቬሽንና ቴክኖሎጂ ሚኒስቴር የሀገራዊ ምርምርና ልማት መሪ ስራ አስፈፃሚ ዶ/ር ሀብታሙ አበራ በሀገራችን የምናካሂዳቸው ምርምሮች ብዙ የማህበረሰባችንን ችግር ከመፍታትም አልፈው የኢኮኖሚ እድገታችን ዘመኑን የዋጁ እንዱሆኑና እንዲፋጠኑ ለማድረግ ሚናው የላቀ ነው ብለዋል፡፡

ምርምር ብዙ ዋጋ የሚያስከፍል ዘርፍ ቢሆንም ይዞት የሚመጣው ውጤት ችግር ፈቺ ነው ያሉት የሀገራዊ ምርምርና ልማት መሪ ስራ አስፈፃሚው የዘርፉ ተዋናዮች  የተገኘውን ልምድ በመውሰድና በመጠቀም ለሀገራዊ ኢኮኖሚ እድገት ማዋል የሚቻልበትን ስራ በመስራት  አሻራ ሊያስቀምጡ እንደሚገባ ተናግረዋል፡፡

ስልጠናው በምርምር ፕሮጀክት አፃፃፍ፣ በስታቲክስ ዘዴዎችና ሌሎች ጉዳዮችን ማዕከል አድርጎ የሚሰጥ ሲሆን ከሀገር ውስጥና ከውጪ ሀገራት በዘርፉ ትልቅ አቅምና ልምድ ባላቸው አሰልጣኞች እየተሰጠ ይገኛል።
870
Ministry of innovation and technology (MinT)

09 Jan, 09:53

በሀገራችን የቴክኖሎጂውን አገልግሎት የበላይነት ለማረጋገጥ በእውቀት ላይ የተመሰረተ በምርምርና በፈጠራ የሚመራ ኢኮኖሚ ለመፍጠር ዘርፈ ብዙ ስራዎች እየተሰሩ መሆናቸውን ዶ/ር ባይሳ በዳዳ ገለፁ፡፡
================
የኢኖቬሽንና ቴክኖሎጂ ሚኒስቴር ከተለያዩ ተቋማት ለተውጣጡ ተመራማሪዎች በአካልና በኦንላይን ለሶስት ቀን የሚቆይ ስልጠና እየተሰጠ ነው፡፡

ስልጠናው በሀገር አቀፍ ደረጃ በምርምር ዘርፉ ላይ ለተሰማሩ አካላት የአቅም ማጎልበቻ  በመስጠት የተሻለ ውጤት ለማምጣት ያለመ ነው፡፡

የኢኖቬቨንና ቴክኖሎጂ ሚኒስትር ዴኤታ ዶ/ር ባይሳ በዳዳ አለም በቴክኖሎጂው ዘርፍ ላይ በሚያከናውኑት ምርምር እያደገና  እየተወሳሰበ ባለበት ደረጃ እኩል ለመራመድና ተጠቃሚ ለመሆን ከመቼውም ጊዜ በላይ እውቀትን ልንጋራና ልንጠቀምበት የምንችልበትን እድል መፍጠሩ አስገዳጅ ሆኗል ብለዋል፡፡

ኢትዩጵያ በቴክኖሎጂው ዘርፍ ብዙ አቅም እንደነበራት ቀደምት ታሪኮቿ ይናገራሉ ያሉት ሚኒስትር ዴኤታው ዛሬ ለዘርፉ ትኩረት የሰጡ ሀገራት በኢኮኖሚ እድገት ግንባር ቀደም መሆናቸውን ስናይ እኛ ራሳችንን ልንጠይቅና ዘርፉን እስትንፋሳችን አድርገን ልንጠቀምበት እንደሚገባ አስገንዝበዋል፡፡

በሀገራችን ዘርፉን ለማሳደግ መሰረተ ልማት ከመገንባት ባሻገር ከኢንዱስትሪ፣ ከዩኒቨርስቲ፣ ከምርምር ተቋማት ጋር በትብበር ውጤት ለማምጣት የሚያስችሉ ስነ-ምህዳሮች ላይ ሰፊ ስራዎች እየተሰሩ መሆኑን ገልፀዋል፡፡
997
Ministry of innovation and technology (MinT)

08 Jan, 11:12

ሰባተኛው የባዮ እና ኢመርጂንግ ቴክኖሎጂ  ዓመታዊ የምርምር ግምገማ ተካሄደ!
=========
የባዮ እና ኢመርንጂንግ ቴክኖሎጂ ኢንስቲትዩት ዓመታዊ በኢንስቲትዩቱ በሚካሄዱት የምርምር ፕሮጀክቶች ላይ ግምገማ  አካሂደዋል።

በምርምር ግምገማው በባዮቴክኖሎጂ እና በኢመርጂንግ ቴክኖሎጂ ማዕከል ስር በሚካሄዱ አዳዲስ ፣ከዚህ ቀደም የተጀመሩና ፤ የተጠናቀቁ የምርምር ስራ ውጤቶች ተገምግመዋል ።

በዚህም መሰረት 60 የሚሆኑ አዳዲስ ችግር ፈች የምርምር ንድፈ-ሀሳቦች ቀርበው የተገመገሙ ሲሆን 86  በሂደት ላይ የነበሩ ፕሮጀክቶች እንዲሁም 7 የተጠናቀቁ የምርምር ስራዎች ቀርበው ሀሳብና አስተያየት ተሰጥቶባቸዋል ።

ለአንድ ሳምንት የቆየው ይህ የኢንስቲትዩቱ የምርምር ግምገማ መረሀ-ግብር  በሁለት ዘርፎች የ10 ዳይሬክተሮች የምርምር ስራዎችና ሀሳቦችን በመገምገም ከወትሮው የተለየ አዳዲስና ጠንካራ  ችግር ፈች፣ ሀብት አመንጭና ስራ ፈጣሪ እንዲሁም ባዮ-ኢኮኖሚ ተኮር የምርምር ሀሳቦች ቀርበውበት ተመራማሪዎችን  ያነቃቃና ተሳታፊነትን ከፍ ያደረገ መሆን ችሏል።

በሂደት ላይ ላሉ የምርምር ስራዎችም  የሚጠናከሩበትና የሚጠናቀቁበት አቅጣጫ ላይ በምርምር ግምገማው ወቅት በኢንስቲትዩቱ  ዋና ዳይሬክተር ፕሮፌሰር ካሳሁን ተስፋዬ እና በም/ዋና ዳይሬክተር ዶ/ር ሀይሉ ዳዲ አማካኝነት አቅጣጫ ተሰጥቶበታል።
1,196
Ministry of innovation and technology (MinT)

06 Jan, 11:45

መልካም የገና በዓል
የኢኖቬሽንና ቴክኖሎጂ ሚኒስቴር
1,273
Ministry of innovation and technology (MinT)

06 Jan, 11:16

Exciting Opportunity for Startup business : Free Office Space at Innobiz K Ethiopia Incubation Center

The Ministry of Innovation and Technology invites Startups, with tech-based products, services, or R&D-focused solutions to apply for a 12-month free office space program at the Innobiz K Ethiopia Incubation Center. This program offers access to state-of-the-art facilities, including training rooms and maker spaces, as well as opportunities to utilize extensive networking platforms under the Center and the Ministry. Applications are open until January 25, 2025.

Apply:https://forms.gle/ynQKaBxdYLCvTUfY8

For more information use: +251911661675
1,426
Ministry of innovation and technology (MinT)

06 Jan, 11:16

ለስታርታፖች ፡ ነፃ የቢሮ ቦታ በኢኖቢዝ ኬ ኢትዮጵያ ኢንኩቤሽን ማዕከል ውስጥ።

የኢኖቬሽንና ቴክኖሎጂ ሚኒስቴር ስታርታፖችን፣ በቴክኖሎጂ ላይ የተመረኮዙ ምርቶችን፣ አገልግሎቶችን ወይም የምርምር ስራዎች እና ውጤት ተኮር መፍትሄዎችን ተጠቃሚ የሚያደርግ ምቹ የስራ ቦታ በኢንኖቢዝ ኬ ኢትዮጵያ ኢንኩቤሽን ሴንተር ለ12 ወራት አዘጋጅቷል።

ይህ ፕሮግራም የስልጠና ክፍሎችን እና የመስርያ ቦታዎችን ጨምሮ ዘመናዊ መገልገያዎችን እንዲሁም በማዕከሉ እና በሚኒስቴር መስሪያ ቤቱ ስር የተዘጋጁ ሰፊ የኔትወርክ መድረኮችን ለመጠቀም የሚያስችል እድሎች አሉት።

ይህንን እድል ለመጠቀም የሚፈልጉ መስፈርቱን የሚያሟሉ አመልካቾች ማመልከቻቸዎች እስከ ጥር 17 ወይም (January 25,2025) ማስገባት ይችላሉ።

ለማመልከት
https://forms.gle/ynQKaBxdYLCvTUfY8

ለተጨማሪ መረጃ
+251911661675
793
Ministry of innovation and technology (MinT)

06 Jan, 07:24

የድሬደዋ ከተማ አስተዳደር የ5 ሚሊዮን የኢትዮጵያ ኮደርስ አፈጻጸምን ከሚመለከታቸው አካላት ጋር በመተባበር እያከናወነ እንደሚገኝ ተገልጿል።

በሁሉም ክልሎችና ከተማ አስተዳደሮች የአምስት ሚሊዮን ኢትዮ ኮደርስ ፕሮግራም ለመከታተልና ለመደገፍ የተቋቋመው የፌደራል ስልጠና ድጋፍና ክትትል ቡድን የድሬድዋ ከተማ አስተዳደር አፈጻጸም ላይ ምልከታ አካሂዳል።

የድጋፍና ክትትል ቡድኑ የድሬደዋ ከተማ አስተዳደር የ5 ሚሊዮን የኢትዮጵያ ኮደርስ አፈጻጸም ዙሪያ ከከተማ አስተዳደሩ ከፍተኛ አመራሮች ፣ የካብኔ ጉዳዮች እና የከንቲባ ጽ/ቤት ሀላፊ እንዲሁም የከተማ አስተዳደሩ የኢኖቬሽንና ቴክኖሎጂ ኤጄንሲዎች ጋር ውይይት አድርጓል።

ከተማ አስተዳደሩ ኢንሼቲቩን ውጤታማ ለማድረግ ከባድርሻ አካላት ጋር በትብብር እየሰራ እንደሚገኝ በሱፐርቪዥኑ ለማረጋገጥ ተችሏል።

ከዚህ ጎን ለጎን የሱፐርቪዥን ቡድኑ ወጣቶች የኮደረስ ስልጠና እየወሰዱበት ያሉትን ማዕከላት እና ዳታ ሴንተር ላይ የአካል ምልከታ አካሂዷል።

ከተማ አስተዳደሩ በአምስት ሚሊዮን ኢትዮ ኮደርስ ስልጠና ላይ ሰርቲፊኬት ያገኙትን ወጣቶች ከካምፓኒዎች ጋር በማገናኘት የስራ ዕድል እንዲፈጥራላቸው እያደረጉት ያለው ጅምር እንቅስቃሴ እንዳለ ገልፆል፡፡
992
Ministry of innovation and technology (MinT)

04 Jan, 18:32

በማዕከላዊ ኢትዮጵያ ክልል የ5 ሚሊዮን የኢትዮጵያ ኮደርስ አፈጻጸም ውጤታማ ለማድረግ በክልሉ ከሚገኙ ዩንቨርሲቲዎች ጋር በቅንጅት መስራት እንደሚገባ ተገለጸ።

በሁሉም ክልሎችና ከተማ አስተዳደሮች የአምስት ሚሊዮን ኢትዮ ኮደርስ ፕሮግራምን ለመከታተልና ለመደገፍ የተቋቋመው የፌደራል ስልጠና ድጋፍና ክትትል ቡድን በማዕከላዊ ኢትዮጵያ ክልል የ5 ሚሊዮን የኢትዮጵያ ኮደርስ አፈጻጸምን ዙሪያ ምልከታውን አካሂዳል።

በተደረገው ምልከታ ክልሉ ስልጠናውን ውጤታማ ለማድረግ የተለያዩ አደረጃጀቶችን በመፈጠር እየሰራ እንደሚገኝ ተጠቁሟል።

በተለይም በዩንቨርሲቲዎች፣ኮሌጆች ሆስፒታልና ምስል ተቋማት የግንዛቤ ፈጠራ ስራዎች እየተሰሩ እንደሚገኙ ተገልጿል።

ቴክኒካል ድጋፍን የሚጠይቁ እና ሌሎች ተግዳሮቶችን ለመፍታት በክልሉ ከሚገኙ ዩንቨርሲቲዎች ጋር በቅንጅት መስራት እንደሚገባ የፌደራል ኢትዮ ኮደርስ ስልጠና ድጋፍና ክትትል ቡድን አመላክቷል።

የኮዲንግ መሠረታዊ ክህሎት ለማዳበር የሚያስችለውን ነጻ የኦንላይን ሥልጠና እድሎች ተጠቃሚ ለመሆን https://ethiocoders.et/ በዚህ ሊንክ ላይ ይመዝገቡ።
390
Ministry of innovation and technology (MinT)

04 Jan, 17:50

በሶማሌ ክልል የ5 ሚሊዮን የኢትዮጵያ ኮደርስ አፈጻጸምን ዝርያ ምልክት ተካሂዷል።

“የ5 ሚሊዮን የኢትዮጵያ ኮደርስ" ለክልሎች ድጋፍ እና ክትትል ለማድረግ የተቋቋመው የፌደራል ኢትዮ ኮደርስ ስልጠና ድጋፍና ክትትል ቡድን በሶማሌ ክልል  የስልጠና አፈጻጸሙን ከባለድርሻ አካላት ጋር በመገምገም ቀጣይ አቅጣጫዎችን አስቀምጧል።

የኢትዮ ኮደስ ፕሮግራም ሂደት ለመከታተል በሚደረገው በዚህ የድጋፍና ክትትል ፕሮግራም የክልሉ ወጣቶች በስልጠናው ንቁ ተሳትፎ እያደረጉ እንደሚገኝ ተመላክቷል።

በዌብ-ፕሮግራሚንግ፣ በአንድሮይድ ማበልፀግ፣ ዳታ ሳይንስ እና አርቲፊሻል ኢንተለጀንስ ዘርፎች የኮዲንግ መሠረታዊ ክህሎት ለማዳበር የሚያስችለውን ነጻ የኦንላይን ሥልጠና የክልሉ ወጣቶች በመውሰድ ላይ መሆናቸው የተመላከተ ሲሆን አሁንም የስልጠእድሎችን ያልተጠቀሙ ወጣቶች መጠቀም እንዲችል ጥር ቀርቧል።

የኮዲንግ መሠረታዊ ክህሎት ለማዳበር የሚያስችለውን ነጻ የኦንላይን ሥልጠና እድሎች ተጠቃሚ ለመሆን https://ethiocoders.et/ በዚህ ሊንክ ላይ ይመዝገቡ።
374
Ministry of innovation and technology (MinT)

04 Jan, 17:47

የሐረሪ ክልልን “የ5 ሚሊዮን የኢትዮጵያ ኮደርስ" ስልጠና አፈጻጸምን የፌደራል ኢትዮ ኮደርስ ስልጠና ድጋፍና ክትትል ቡድን ገምግሟል።

በግምገማው ክልል ለኢትዮ ኮደርስ ስርጠና ከፍተኛ ትኩረት በመስጠት እየሰራ እንደሚገኝ ተመላክቷል።

ከክልሉ የኢኖቬሽንና ቴክኖሎጂ ኤጄንሲ እና ከሚመለከታቸው አካላት ጋር ስለ ስልጠናው የተወያየው ይህ ቡድን የተጀመሩ ጥንክር ስራዎች ተጠናክረው እንዲቀጥሉ አቅጣጫዎችን አስቀምጧል።

ከዚህ ቀደም ስልጠናውን ለወሰዱ የክልል ወጣቶች በክብርት አይሻ ሙሃመድ የስልጠናውን ሰርትፍኬት በመስጠት እውቅና ተሰጣቸዋል።

የኮዲንግ መሠረታዊ ክህሎት ለማዳበር የሚያስችለውን ነጻ የኦንላይን ሥልጠና እድሎች ተጠቃሚ ለመሆን https://ethiocoders.et/ በዚህ ሊንክ ላይ ይመዝገቡ።
307
Ministry of innovation and technology (MinT)

27 Dec, 07:17

የኢትዮጵያ ዳያስፖራ አገለግሎት ዋና ዳይሬክተር ክቡር አምባሳደር ፍጹም አረጋ ብዙ ሀገር ወዳድ ኢትዮጵያዊያን ወደ ሀገራቸው በመምጣት እንደዚህ ያለ እድል በመፍጠር ያላቸውን እውቀት በማጋራት የድርሻቸውን እየተወጡ ነው ብለዋል፡፡

በሀገራችን የሌሉ በውጪ ሀገራት ያሉ ባህሎችን፣ እውቀቶችንና የአሰራር ስርዓቶችን ወደ ሀገራችን እንዲመጡና እንድንጠቀምባቸው የሚያስችል ምቹ ሁኔታዎችን በመፍጠር የኢኮኖሚ እድገታችን ማገዝ ከሁሉም ኢትዮጵያውያን የሚጠበቅ ተግባር መሆኑን አንስተዋል፡፡ 

የእያንዳንዱን ተቋም ጥንካሬ በማጣመር ለእውቀት ሽግግር፣ ለአቅም ግንባታ እና ለዲጂታል ትራንስፎርሜሽን ጠንካራ መሰረት ለመጣል መሰራት እንዳለበት በፕሮግራሙ ላይ ተነስቷል፡፡
391
Ministry of innovation and technology (MinT)

27 Dec, 07:09

በሳይንስ፣ ቴክኖሎጂና ዲጂታል ዘርፉ ላይ አለም አቀፍ እውቅና ያለው የሰው ሀይል ለማፍራት ሁሉም በትብብር ሊሰራ ይገባ ዶ/ር ይሹሩን አለማየሁ።
====================
በግዕዝ ትምህርትና ስልጠና ድርጅት እና በካሊፎርኒያ ዩኒቨርስቲ በ275 ኮርሶች ላይ የአጭርና የረጅም ጊዜ ስልጠና ለመስጠት የሚያስችል የትብብር ስምምነት ተካሂዷል።

ስምምነቱ በአለም አቀፍ ደረጀ በተግባር ብቁና ተወዳዳሪ የሆነ የሰው ሀይል ለማፍራት የሚያስችል የአጭርና የረጅም ጊዜ ስልጠና ለመስጠት  ያለመ  ትብብር ነው።

በስምምነቱ ላይ የተገኙት የኢኖቬሽንና ቴክኖሎጂ ሚኒስትር ዴኤታ ዶ/ር ይሹሩን አለማየሁ ኢትዮጵያውያን ባለሙያዎች እና ተማሪዎች በአለም አቀፍ ደረጃ እውቅና ያላቸው የትምህርት ማስረጃዎች፣  ዕውቀቶችን፣ ተግባር ላይ የተመሰረቱ ችሎታዎች በማጎልበት በየጊዜው እየተለዋወጠ ያለውን የአለም ዲጂታል ኢኮኖሚ ለመምራት በሚያስችል ራዕይ ላይ ያተኮረ ነው ብለዋል፡፡

ኢትዮጵያ በዲጂታል ኢኮኖሚ፣ በአይሲቲ መሠረተ ልማት ዝርጋታ እና አዳዲስ ቴክኖሎጂዎችን በመቀበል በዲጂታል አብዮት ጫፍ ላይ ትገኛለች ያሉት ክቡር ሚኒስትር ዴኤታው የትብብር ተቋሙ በክህሎት ልማት ላይ የሚደረግን ኢንቨስትመንት ብቻ ሳይሆን ኢትዮጵያ በአለም አቀፍ የፋይናንሺያል እና ዲጂታል ገበያዎች ውስጥ በምታደርገው ሚና ላይ ጭምር ከፍተኛ አስተዋፅኦ እንደሚያደርግ ገልፀዋል፡፡
403
Ministry of innovation and technology (MinT)

25 Dec, 13:52

ለስልጠና ዕድል ተጠቃሚዎች የወጣ ማስታወቂያ
===========================
የኢኖቬሽንና ቴክኖሎጂ ሚኒስቴር የሀገራችንን የምርምር፣ቴክኖሎጂና ኢኖቬሽን ልማት ስነ-ምህዳር ውጤታማ በሆነ መንገድ ለመምራትና በመንግስት የተለዩ የልማት ግቦችን ለማሳካት  ፖሊሲዎችን፣ ስትራቴጂዎችን፣ፕሮግራሞችን እና ፕሮጀክቶችን ቀርጾ በመስራት ላይ ይገኛል።

ከዚህ ጋር በተያያዘ በ2014 ዓ.ም ተሻሽሎ በጸደቀው የሀገራዊ ሳይንስ፣ቴክኖሎጂ እና ኢኖቬሽን ፖሊሲ ላይ ከተቀመጡ ቁልፍ የዘርፉ ልማት ሥራዎች ውስጥ አንዱ የሰው ሀይል ልማት በመሆኑ ሚ/ር መስሪያ ቤታችን በምርምር፣ ቴክኖሎጂና ኢኖቬሽን ልማት ሥራ የተሰማሩ ወጣት ተመራማሪዎችን እና የፈጠራ ባለሙያዎችን ተጠቃሚ የሚያደርግ online ስልጠና አመቻችቷል።

ስልጠናው ጥር 1 ቀን 2017 ዓ.ም ከጠዋቱ 2፡30 ይጀምራል።

የዕድሉ ተጠቃሚዎች ይህ ማስታወቂያ ከወጣበት ቀን ጀምሮ እስከ ታህሳስ 26 / 2017ዓ.ም ከታች በተገለጸው አድራሻ (web link) በመጠቀም ማመልከት የምትችሉ መሆኑን ለመግለጽ እንወዳለን።

http://www.mint.gov.et/announcement-for-training-opportunity-beneficiaries

ለበለጠ መረጃ +251 937904166 ላይ ይደውሉ።
1,708
Ministry of innovation and technology (MinT)

25 Dec, 08:26

የኮዲንግ ሥልጠና ለ5 ሚሊዮን ኢትዮጵያውያን ወጣቶች!

በዌብ-ፕሮግራሚንግ፣ በአንድሮይድ ማበልፀግ፣ ዳታ ሳይንስ እና አርቲፊሻል ኢንተለጀንስ ዘርፎች የኮዲንግ መሠረታዊ ክህሎት ለማዳበር የሚያስችሉ ነጻ የኦንላይን ሥልጠና እድሎች ተጠቃሚ ለመሆን https://ethiocoders.et/ ይመዝገቡ፡፡

የኦንላይን ስልጠናውን በተሰጡት 8 ሳምንታት ለሚያጠናቅቁ ብቁ ሰልጣኞች ዓለም አቀፍ ተቀባይነት ያለው ሰርተፊኬት ይበረከትላቸዋል፡፡

ተሰጥዎን በማውጣት፤ ነገን እንለውጥ!!!
1,182
Ministry of innovation and technology (MinT)

24 Dec, 14:51

በተጨማሪም በሚኒስቴር መስሪያ ቤቱ እና ተጠሪ ተቋማት ከ2011- 2017 በጀት አመት የአረንጋዴ አሻራ እና የክረምት በጎ አድራጎት ስራዎች በአዲስ አበባ ከተማ አስተዳደር እና በዙሪያው ባሉ  አከባቢዎች፣ በድሬዳዋ ከተማ አስተዳደር፣ በአለልቱ ከተማ፣ በመንዲዳ ከተማ፣ በደቡብ ምዕራብ ኢትዮጵያ፣ በኮምቦልቻ ከተማ  ስራዎቹ ተከናውነዋል።

በአጠቃላይ 51  የአቅመ ደካማ ቤተሰቦች ቤት እድሳት እና ግንባታ እንዲሁም የተማሪዎች የፅህፈት መሳሪያ ቁሳቁስ ድጋፍ፣ የደም ልገሳ ተግባራት ተከናውነዋል፡፡

ሁሉም ተጠሪ ተቋማት በበጎ አድራጎት እና በአረንጓዴ ልማት አሻራ ውጤታማ እንቅስቃሴ ያደረጉ ሲሆን በተለየ መልኩ 19 የአቅመ ደካማ ቤቶችን በመገንባትና ለአረንጓዴ ልማት መርሃ ግብር የጂኦስፓሻል መረጃዎችን በማቅረብና በማደራጀት የስፔስ ሳይንስና ጂኦስፓሻል ኢንስቲትዩት ልዩ ተሸላሚ ሆኗል።
1,247
Ministry of innovation and technology (MinT)

24 Dec, 14:51

የአረንጋዴ አሻራ በሀገር የኢኪኖሚ እድገት ውስጥ ሰዎች የተሻለ ኑሮ እና መልካም አከባቢ እንዲኖራቸው ከማድረግ አንፃር ከፍተኛ ሚና አለው።  ዶ/ር በለጠ ሞላ
===================
የኢኖቬሽንና ቴክኖሎጂ ሚኒስቴር እና ተጠሪ ተቋማት  ከ2011 በጀት አመት ጀምሮ በሀገር አቀፍ ደረጃ እየተካሄደ የሚገኘው የአረንጋዴ አሻራ መርሃ ግብርና የበጎ አድራጎት ተግባራት ስር የተሻለ አፈጻጸም ላሳዩ ተጠሪ ተቋማት እና ሰራተኞች እውቅና የመስጠት መርሃ ግብር አካሂዷል።

በፕሮግራሙ ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ  መንግስት በሚሰጠን አቅጣጫ መሰረት  የአረንጋዴ አሻራ መርሃ ግብር፣ የአቅመ ደካማ ቤቶችን እድሰት እና ግንባታ ስራ እና ሌሎች የበጎ አድራጎት ስራዎችን አጠናክረን እንስራለን ብለዋል።

የአረንጋዴ አሻራ ችግኝ ተከላ ለማስቀጠል መትከል ብቻ ሳይሆን የተተከሉትን መንከባከብ አለብን ያሉት ክቡር ሚኒስትሩ አረንጋዴ አሻራ ችግኝ ተከላ በሀገር የኢኪኖሚ እድገት ውስጥ ሰዎች የተሻለ ኑሮ እና መልካም አከባቢ እንዲኖራቸው  ከማድረግ አንፃር ከፍተኛ ሚና አለው ብለዋል፡፡

በመድረኩም በሀገር አቀፍ ደረጃ በ2011 ዓ.ም የተጀመረውን የአረንጓዴ አሻራ ንቅናቄ መርሀ ግብር  የኢኖቬሽንና ቴክኖሎጂ ሚኒስቴር እና ተጠሪ ተቋማት አስተዋፅኦ ምን ይመስል እንደነበር ቀርቧል።

በዚህም የአረንጓዴ አሻራ መርሃ ግብርን ሀገራዊ እንቅስቃሴ የሚያሳይ የዲጂታል ፕላት ፎርም በማልማት የተከላ መርሀ ግብር መረጃ ፣ የአረንጋዴ አሸራ ትግበራ ቀጥታ እንቅስቃሴ፣ ለአረንጋዴ አሻራ ልማት የተለዩ ቦታዎችን ማመላከትና መሰል ስራዎች መስራት ተነስቷል።
965
Ministry of innovation and technology (MinT)

24 Dec, 14:04

በሀገራችን በዚህ ዘርፍ ላይ የተሰማሩ ማንኛውንም ተቋም በማበረታታትና በመደገፍ ዲጂታል ኢትዮጵያን 2025 እውን ከማድረግም አልፎ አለምን በመዘወር ላይ የሚገኘውን ቴክኖሎጂ ባለቤት ለመሆን በትብብር መሰራት እንዳለበት አስገንዝበዋል፡፡

በኤመራልድ ኢንተርናሽናል ኮሌጅ የዳታ ሳይንስና ቴክኖሎጂ ጉዳዮች ዳይሬክተር ዶ/ር ፈድሉ ኑርሁሴን በዳታ ሳይንስ ልዩ የአቅም ግንባታ ስልጠናዎች ላይ በማተኮር በኢትዮጵያ የፋይናንስ ዘርፍ ውስጥ ፈጠራን እና ተወዳዳሪነትን ለማጎልበት እየተሰራ መሆኑን ገልፀዋል፡፡

የሀገራችን የፋይናንስ ዘርፍ በፍጥነት እያደገና እየተቀየረ ባለው የዓለም ገበያ ተወዳዳሪ ሆኖ እንዲቀጥልና ለፋይናንስ ኢንዱስትሪው ቀጣይነት ያለው ዲጂታል ለውጥ ወሳኝ ሚና የሚጫወቱ ባለሞያዎችን የማፍራት ግብ እንዳለው ተናግሯል፡፡
 
የዳታ ሳይንስ ትምህርትና ምርምር ተቋም የሆነው ኤመራልድ ኢንተርናሽናል ኮሌጅ እና የባንኮች ጥምረት የስልጠና ተቋም በዘርፉ ላይ የትብብር ስራውን አጠናክሮ እንደሚቀጥል ተጠቁሟል፡፡
828
Ministry of innovation and technology (MinT)

24 Dec, 14:04

በኢትዮጵያ የዲጂታል ኢኮኖሚውን ለማጎልበት በዘርፉ ክህሎት ክፍተት ላይ የሚሰሩ ተቋማትን ማበረታታትና መደገፍ ወሳኝ ሚና እንዳለው ዶ/ር ባይሳ በዳዳ ገለፁ፡፡
====================
የኢኖቬሽንና ቴክኖሎጂ ሚኒስቴር ሚኒስትር ዴኤታ ዶ/ር ባይሳ በዳዳ በሀገራችን የዳታ ሳይንስ ትምህርትና ምርምር ተቋም የሆነው ኤመራልድ ኢንተርናሽናል ኮሌጅ እና የባንኮች ጥምረት የስልጠና የፕሮግራም ማስጀመሪያ ላይ በክብር እንግድነት ተገኝተው የመክፈቻ ንግግር አካሂደዋል፡፡

ኤመራልድ ኢንተርናሽናል ኮሌጅ የዲጂታል ኢኮኖሚውን ለማጎልበት በዳታ ሳይንስ የሰው ሀይል ግንባታ ላይ ከተለያዩ ተቋማት ጋር በትብብር ለመስራት ያለመ ነው፡፡

የኢኖቬሽንና ቴክኖሎጂ ሚኒስትር ዴኤታ ዶ/ር ባይሳ በዳዳ ሀገራችን የዲጂታል ኢኮኖሚውን በማበልፀግ አለም የውድድር ዘርፍ አድርጋ እየተጠቀምችበት ያለውን ዘርፍ ለመጋራትና ለመጠቀም ልዩ ትኩረት ተሰጥቶ እየተሰራ ነው ብለዋል፡፡

ዳታ ለአንድ ሀገር ከወርቅ በላይ ነው ያሉት ክቡር ሚኒስትር ዴኤታው በዲጂታል ዘርፉ ላይ ያለንን ክህሎት ለማጎልበት የአምስት ሚሊዮን የኢትዮጵያውያን ኮደሮች ኢንሼቲቪ ስልጠናን በመውሰድ  ክህሎታቸውን ሊያዳብሩ እንደሚገባ ገልፀዋል፡፡
746
Ministry of innovation and technology (MinT)

08 Dec, 22:05

ኢትዮዽያ በአልጀሪስ እየተከሄደ ባለው 3ኛው የአፍሪካ ስታርታፕ ጉባኤ ላይ እየተሳተፈች ነው።
====
በአልጀሪያ አልጀርስ ከተማ 3ኛው የአፍሪካ ስታርታፕ ጉባኤ (African Startup Conference) እና አውደ-ርዕይ ተከፈተ።

በጉባኤው 4 የኢትዮጵያ ስታርታፖችን ያሳተፈ ሲሆን ከተለይዩ የአፍሪካና ሌሎች ሀገራት ከ350 በላይ ኤክስፐርቶች፣ 300 በላይ ኢንቨስተሮች፣ 45 የአፍሪካ ኢኖቬሽን ሚኒስትሮች፣ ከ25000 በላይ ተሳታፊዎች በተገኙበት ኢትዮጵያ የጉባኤው የክብር ዕንግዳ ሆና ተወክላለች።

ኮንፈረንሱን የአልጄሪያ ጠቅላይ ሚኒስትር የከፈቱት ሲሆን፤ በዚህ ኮንፈረንስ የኢኖቬሽንና ቴክኖሎጂ ሚኒስቴር ሚኒስትር ዴኤታ ዶ/ር ባይሳ በዳዳ የጉባኤው የክብር ዕንግድነትን ወክለው በጉባኤው መክፈቻ ላይ አፍሪካ በኢኖቬሽን ላይ የተመሰረተ ለውጥ ለማምጣት ያላትን ፍላጎት የሚያሳይ እና የአፍሪካን የኢኖቬሽን ስነ-ምህዳር ለማጠናከር ያለውን ቁርጠኝነት የሚያሳይ መሆኑን ገልፀዋል።

የኢትዮጵያ መንግስት በዲጂታል ፋይናንስ፣ በናሽናል አይዲ፣ በቴሌኮም እና ምቹ የስታርታፕ ስነ-ምህዳር በመፍጠር መጠነ ሰፊ ተግባራትን በማከናውን ላይ ትገኛለች ብለዋል።

አክለውም "Reimagine Africa with AI" አርቴፊሻል ኢንተለጀንስ እንደ ረቂቅ ፅንሰ ሀሳብ ሳይሆን እንደ ማደጊያ መሳሪያ ሆኖ ለግብርና፣ ለጤና፣ ለትምህርት እና አስተዳደር ያሉ ዘርፎችን የመቀየር አቅም እጅግ ከፍተኛ መሆኑን ገልጸዋል።

3ኛው የአፍሪካ ስታርታፕ ጉባኤ እና አውደ-ርዕይ የአፍሪካ ስታርታፕ ከ2025 እስከ 2063 የትግበራ ዕቅድ፣ በኢትዮጵያ የቻምበር ኦፍ ኮሜርስ ተወካይ ፓናል፣ በአርቴፊሻል ኢንተለጀንስ ላይ ያተኮሩ ፓናል የሀገራት የሚኒስትሮች ውይይቶችና፣ የአፍሪካ ስታርታፕ ጉባኤ ዲክላሬሽን እና አውደ-ርዕዩ በመካሄድ ላይ ይገኛል።
94
Ministry of innovation and technology (MinT)

08 Dec, 22:04

መንግስት ከተሞችን ለማሳደግ ከፍተኛ ትኩረት ሰጥቶ አየሰራበት ያለውን እቅድ ለማሳካት አሮጌ ቤቶችን እና ሌሎች ሰው ተኮር በሆኑ ልማቶች ላይ ከተለያዩ አካላት ጋር በትብብር እየሰራን እንገኛለን ብለዋል።

በክረምት መረሀ ግብር በተለያዩ ክልሎች እየተከናወኑ ያሉ የችግኝ ተከላ፣ መማር ላልቻሉ ተማሪዎች የቁሳቁስ ድጋፍ፣ የአቅመ ደካሞች ቤቶች እድሳትና በአዲስ መልክ ሰርቶ ከማስረከብ ባለፈ ከተሞችን በዲጂታል ለማዘመን የሚደረጉ ስራዎች ተጠናክረው እንደሚቀጥሉ ተጠቁሟል። በዚሁም መሠረት የኮምቦልቻ ከተማ፣ የኢትዮጵያ ስፔስ ሳይንስና ጂኦስፓሻል ተቋም፣ የወሎ ዩኒቨርሲቲ ቴክኖሎጂ ኮሌጅ የኮምቦልቻ ከተማን የዲጂታል አድራሻ ስርአት ለማልማት የሶስትዮሽ ስምምነት የፊርማ ስነስርአትም የተካሄደ ሲሆን በጂአይኤስ እንዲሁም በማዳበሪያ አዘገጃጀት ስልጠና ለወሰዱ ወጣቶች የሰርተፊኬት ሽልማት ተሰጥቷል።
86
Ministry of innovation and technology (MinT)

08 Dec, 22:04

የኢኖቬሽንና ቴክኖሎጂ ሚኒስቴር በኮምቦልቻ ከተማ የገነባቸውን የአቅመደካማ ቤቶች አጠናቆ አስረከበ።
=================
የኢኖቬሽንና ቴክኖሎጂ ሚኒስቴር እና ተጠሪ ተቋማት በተለያዩ ክልሎች ከሚያደርገው የችግኝ ተከላና የአቅመ ደካማ ቤቶች እድሳት መርሃ ግብር ውስጥ በኮምቦልቻ ከተማ በአዲስ መልክ የገነባቸውን 7 የመኖሪያ ቤትች በማጠናቀቅ የከተማው ከፍተኛ አመራሮችና ባለድርሻ አካላት በተገኙበት ለአቅመደካሞች ቁልፍ አስረከቡ።

የኢኖቬሽንና ቴክኖሎጂ ሚኒስትር ዶ/ር በለጠ ሞላ የሀገራችንን የኢኮኖሚ እድገት ለማጎልበት በምናደርገው ርብርብ ውስጥ የአቅመ ደካሞችን ህይወት የኑሮ ሁኔታ ሊደግፉ በሚችሉ ዘርፎች ላይ ትኩረት ተሰጥቶ መሰራት እንዳለበት ገልፀዋል።

የተሰሩት የአቅመ ደካሞች ቤቶችን ሰርተን ስናስረክብ ቀጣይ ሌሎች ከዚህ በላይ መስራት እንዳለብን አቅም ከመሆን ባሻገር ሌሎች ተቋማትና ባለሀብቶች እንዲህ ባሉ ዘርፍ ላይ የድርሻቸውን እንዲወጡ መነሻ ሊሆኑ እንደሚችሉ አስገንዝበዋል።

የስራችን ውጤት የሚለካው ለዜጎቻችን ባደረግነው ተጨባጭ ውጤት ነው ያሉት ክቡር ሚኒስትሩ በክረምት ካከናወናቸው መርሀ ግብር ውስጥ የተጀመሩ የአቅመ ደካማ የቤቶች ግንባታ ስራዎች በዚህ መልኩ ተጠናቀው ውጤት ላይ ደርሰው ስናያቸው በሁላችንም ዘንድ ከፍተኛ እርካታን ይፈጥራሉ ብለዋል።

የኮምቦልቻ ከተማ ከንቲባ ክቡር መሀመድ አሚን በአለም ላይ ብዙ ሀገሮች ጂዲፒያቸውን የሚያገኙት ከከተሞቻቸው ሲሆን ይህንን ውጤት ለማምጣት በሀገራችን በማደግ ላይ ያሉ የከተሞቻችንን ውስብስብ ችግሮች ለመፍታትና ደረጃቸውን ለማሳደግ ሁሉን ባሳተፈ መልኩ መሰራት እንዳለበት ገልፀዋል።
80
Ministry of innovation and technology (MinT)

06 Dec, 07:19

ለ5 ሚሊዮን ኢትዮጵያውያን ወጣቶች በአርቲፊሻል ኢንተለጀንስ፣በዌብ-ፕሮግራሚንግ፣ በአንድሮይድ ማበልፀግ እና ዳታ ሳይንስ ዘርፎች በተዘጋጀው ነጻ የኮዲንግ መሠረታዊ ክህሎት ለማዳበር የሚያስችለውን የኦንላይን ሥልጠና ተጠቃሚ ለመሆኝ በ https://ethiocoders.et/ ላይ ይመዝገቡ።
1,029
Ministry of innovation and technology (MinT)

05 Dec, 16:13

ኢትዮጵያ በሁሉም የህብረተሰብ ክፍል ላይ ተጽእኖ በሚያሳድር የዲጂታል የለውጥ ጎዳና ላይ እንደምትገኝ ዶ/ር ይሽሩን አለማየሁ ገለፁ።
=================
የኢኖቬሽንና ቴክኖሎጂ ሚኒስቴር 2ኛውን የኢትዮጵያ የኢንተርኔት አስተዳደር ጉባኤ የዘርፉ ተዋናዮች በተገኙበት አካሂዷል።

በጉባኤው ማጠቃለያ ላይ የኢኖቬሽንና ቴክኖሎጂ ሚኒስትር ዴኤታ ዶ/ር ይሹሩን አለማየሁ ለሁሉም ኢትዮጵያዊያን የማይበገር እና ደህንነቱ የተጠበቀ የሳይበር ምህዳር ለመፍጠር በመንግስት እና በግሉ ሴክተሮች እንዲሁም በአለም አቀፍ አጋርነት መካከል ያለው ትብብር ቁልፍ ሚና አለው ብለዋል።

የዲጂታል ዘርፉ ሁሉን አሳታፊ ፣ ጤነኛ እና ዘላቂ እድገት እንዲኖረው የሚያስችሉ በርካታ የህግ ማዕቀፎች እንዲወጡ እና ስራ ላይ እንዲውሉ በትኩረት እየተሰራ መሆኑን ተናግረዋል።

የወደፊታችንን አሃዛዊ ቅርፅ እየቀረፅን ስንሄድ ፈጠራን የሚያበረታቱ፣ የግለሰብ መብቶችን የሚያስጠብቁ ፖሊሲዎችን ተግባራዊ ለማድረግ በሁሉም ዘርፎች እና ባለድርሻ አካላት በጋራ መስራታችን እና የዲጂታል አብዮቱ ጥቅሞች ሁሉም የሚጋሩት መሆኑን ማረጋገጥ ይገባል ብለዋል።

በዝግጅቱ በተካሄደው የፓናል ውይይት ላይ የኢትዮ ቴሌኮሙኒኬሽን ዋና የቴክኖሎጂ ኦፊሰር አቶ ታሪኩ ደምሴ የኢትዮጵያን ዲጂታል አቅም ሙሉ በሙሉ እውን ለማድረግ በዲጂታል መሠረተ ልማት፣ በተመጣጣኝ ዋጋ እና በዲጂታል ክህሎት ላይ አየተሰራ መሆኑን ገለፀዋል።

ለኢትዮጵያ ስኬታማ የዲጂታል መፃኢ ጉዞዎች እርስ በርስ የተሳሰሩ የመረጃ አስተዳደር፣ የሳይበር ደህንነት፣ የአርተፊሻል ኢንተለጀንስ፣ የዲጂታል መብቶች እና ሁለንተናዊ የተደራሽነት ጉዳዮችን የሚፈታ የተቀናጀ እና ሁሉን አቀፍ ስትራቴጂ ላይ መሰራት እንዳለበት ተሳታፊዎች አንስተዋል።
1,276
Ministry of innovation and technology (MinT)

05 Dec, 14:33

የስነ ምግባር ግንባታ ላይ የሚውል አቅም የሀገር ግንባታ ላይ የሚደረገውን ጥረት ውጤታማ ለማድረግ ወሳኝ ነው።ፎዚያ አሚን ዶ/ር
====
የኢኖቬሽንና ቴክኖሎጂ ሚኒስቴር ከስነ-ምግባርና ጸረ ሙስና ኮሚሽን ጋር በመተባበር ስልጠና እየሰጠ ይገኛል።

ስልጠናው ስነ-ምግባራዊ አመራርነት ለተቋማዊ ተልዕኮ ስኬት በሚል ርዕስ የተዘጋጀ ሲሆን ለኢኖቬሽንና ቴክኖሎጂ ሚኒስቴር እና ተጠሪ ተቋማት አመራሮች እየተሰጠ ነው።

በስልጠናው መክፈቻ ላይ የኢኖቬሽንና ቴክኖሎጂ ሚኒስትር ዴኤታ ዶ/ር ፎዝያ አሚን የስነ ምግባር ግንባታ ላይ የሚውል አቅም የሀገር ግንባታ ላይ የሚደረገውን ጥረት ውጤታማ ለማድረግ ወሳኝ መሆኑን አንስተዋል።

የሰነ-ምግባር ግንባታ ብልሹ አሰራርን ከምንጩ ለመከላከል የሚኖረው ሚና የጎላ መሆኑን የጠቀሱት ዶ/ር ፎዚያ አሚን ለተቋም ስኬታማነት የተቋሙን ማህበረሰብ በስነምግባር መገንባት እንደሚገባ ተናግረዋል።

በዝግጅቱ ላይ የሰነ-ምግባርና ጸረ ሙስና ኮሚሽን ተወካይ አቶ ሃረጎት አብርሃ ተቋማት ከስነ ምግባር ግንባታ ጎን ለጎን የሙስና መከላከል ስራን ለመስራት ለተቋማት የሙስና ተጋላጭነት ስጋት የሚፈጥሩ አሰራሮችን በጥናት መለየት እንደሚገባ አስገንዝበዋል።

በሀገር አቀፍ ደረጃ የሙስና መከላከል ስራን በቴክኖሎጂ በመደገፍ ለመስራት ከሚንስቴር መስርያቤቱ ብዙ እንደሙጠብቁ በግልጽ የተጀመሩ የሙስና መከላከል ስራዎች ተጠናክረው እንዲቀጥሉ የዘርፉ ተቋማት አመራሮች በቅንጅት መስራት እንደሚገባቸው አቶ ሃረጎት አንስተዋል።

ስነ-ምግባራዊ አመራርነት ለተቋማዊ ተልዕኮ ስኬት በሚል ርዕስ የተዘጋጀውን ስልጠና የሚኒስቴሩ ፣የስፔስ ሳይንስና ጂኦስፓሻል ኢንስቲትዩት፣የባዮና ኢመርጂንግ ቴክኖሎጂ ኢንስቲትዩት፣የኢትዮጵያ ቴክኖሎጂ ባለስልጣን እንዲሁም የኢትዮጵያ አእምሯዊ ንብረት ባለስልጣን አመራሮች እየወሰዱ ይገኛሉ።
951
Ministry of innovation and technology (MinT)

05 Dec, 11:54

የኢትዮጵያ የኢንተርኔት አስተዳደር ጉባኤ አማካሪ ኮሚቴ ሰብሳቢ አቶ ተሾመ ወርቁ በዓለም ዙሪያ ያሉ ግለሰቦችን የንግድ ድርጅቶችን እና መንግስታትን የማገናኘት ሀይል ያለው  በይነ መረብ ላይ ጥንቃቄና መተባበርን የሚሹ ፈተናዎች በጋራ መሰራት አለበት ብለዋል።

ጉባኤው ለኢትዮጵያ ዲጂታል ሰነምህዳር እድገት  ወሳኝ በሆነው  አሳታፊ የበይነ መረብ አስተዳደር ጉዳዮች ላይ  የጋራ የሆነ ውጤት ለማምጣት ያለመ መሆኑን ገልፀዋል።

የኢኖቬሽን እና ቴክኖሎጂ ሚኒስቴር የዳበረ ዲጂታል ስነ-ምህዳር ለመፍጠር  ከሁሉም ባለድርሻ አካላት ጋር የሚያደርገውን ትብብር አጠናክሮ እንደሚቀጥል ተጠቁሟል።
787
Ministry of innovation and technology (MinT)

05 Dec, 11:54

ሀገራችን የለውጥ ሃይል ፣ የግንኙነት መረብና የእድገት ሞተር  በሆነው ኢንተርኔት ላይ በትኩረት እየሰራች መሆኑን ዶ/ር በለጠ ሞላ ገለፁ።
=================
ሁለተኛው ብሔራዊ የበይነ-መረብ አስተዳደር ጉባኤ ፣ የትምህርት እና የምርምር፣ የመንግስት ተቋማት ፣ የሲቪል ማህበራት፣የግሉ ዘርፍ ተወካዮች፣ባለድርሻዎች እና ወጣቶች በተገኙበት "ለወደፊቷ  ዲጂታል ኢትዮጵያ የብዙኀን ባለድርሻ አካላት ትብብር " (Multi-Stakeholder Collaboration for Ethiopia's Digital Future) በሚል መሪ ቃል  ጉባኤው ተካሂዷል።

በጉባኤው ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ ሀገራችን ባለፉት 4 አመታት በአገር በቀል የኢኮኖሚ ማሻሻያ እና በዲጂታል ኢትዮጵያ 2025  ማዕቀፎች ላይ የዲጂታል ልማቱን ለማሳካት በርካታ ስራዎችን ማከናወኗን ገልፀዋል።

ሀገራችን በዲጂታል ኢኮኖሚ እድገት ላይ የምናልመው ውጤት እንዲመጣ የግሉ ዘርፍ ዳታ ማዕከላትን በማስፋፋትና አዳዲስ የዲጂታል አገልግሎቶችን በማሳለጥ በከፍተኛ ደረጃ የበኩሉን አስተዋፅዖ እያደረገ መሆኑን አንስተዋል።

አካታች ዲጂታል ኢኮኖሚን ለማረጋገጥ የዲጂታል እውቀት ያለውን ወሳኝ ድርሻ በመረዳት መንግስት በተለይ የ 5ሚሊዮን ኮደሮች  ፕሮግራም በመንደፍ ተግባራዊ ማድረጉ ኢትዮጵያን በአለምአቀፍ ዲጂታል ትራንስፎርሜሽን ካርታ ላይ ለማስቀመጥ ሚናው ከፍተኛ ነው ብለዋል።
808
Ministry of innovation and technology (MinT)

29 Nov, 14:48

በደቡብ ትብብር ድርጅት የቴክኖሎጂና ኢኖቬሽን ዘርፍ ሃላፊ ዶ/ር ሹመቴ ግዛው ኢትዮጵያ የድርጅቱ መስራች ሀገር ከመሆኗም ባለፈ ቴክኖሎጂን ለማልማትና ለመጠቀም የሰጠችው ትኩረት ከሌሎች አባል ሀገራት ተመራጭ ሆና ዓውደ ርዕዩን ለማዘጋጀት አስችሏታል ብለዋል፡፡

ሳይንስ፣ ቴክኖሎጂና ኢኖቬሽን የማይቀርበት መንገድ ነው ያሉት ዶ/ር ሹመቴ ግዛው  በዓውደ ርዕዩ የቴክኖሎጂ አልሚዎችን፣ ሳይንቲስቶችን፣ የንግድ ማህበረሰቡን፣ የትምህርት ተቋማትን፣ የሲቪል ማህበረሰቡን፣ የህዝብ እና የግል ዘርፍ ተዋናዮችን ከደቡባዊ ትብብር ድርጅት (OSC) አባል ሀገራት እና ከሰፊው አለማቀፍ ደቡባዊ የሚገኝ ህብረተሰብን ተጠቃሚ እንደሚያደርግ ገልፀዋል፡፡

በዓውደ ርዕዩ አዳዲስ አገር-በቀል የቴክኖሎጂ ኤግዚቢሽኖች፣ የፓናል ውይይቶች፣ ሃካቶንስ (Hackathons) ውድድሮችና ሌሎች ፕሮግራሞች እንደሚካሄዱ በጋዜጣዊ መግለጫው ላይ ተጠቁሟል፡፡
732
Ministry of innovation and technology (MinT)

29 Nov, 14:48

ኢትዮጵያ ከሌሎች ሀገራት በትብብር የምታገኛቸውን የቴክኖሎጂ እውቀቶችን መጠቀም የምትችልበት ስነ-ምህዳር ላይ እየተሰራ መሆኑን  ዶ/ር ባይሳ በዳዳ ገለፁ፡፡
==========================
የኢኖቬሽንና ቴክኖሎጂ ሚኒስቴር ከደቡባዊ ትብብር ድርጅት (OSC) ጋር በመተባበር የሚበለፅጉ ፈጠራዎችንና  አዳዲስ ቴክኖሎጂዎችን ከአለም አቀፍ መድረኮች ጋር ለማጣጣምና አጋርነቶችን ለማጎልበት የሚያስችል ከ28 በላይ አባል ሃገራት የሚሳተፉበት ታላቅ የቴክኖሎጂ ዓውደ ርዕይ ከህዳር 23-24፣ 2017 ዓ/ም  በአዲስ አበባ ሳይንስ ሙዚየም እንደሚካሄድ ጋዜጣዊ መግለጫ ተሰጥቷል፡፡

ጋዜጣዊ መግለጫው የሰጡት የኢኖቬሽንና ቴክኖሎጂ ሚኒስትር ዴኤታ ዶ/ር ባይሳ በዳዳ ሀገራችን ከተለያዩ የቴክኖሎጂ አቅም ካላቸው ከአለም አቀፍ ሀገራት ጋር የጠበቀ ትስስር በመፍጠርና ልምድ በመጋራት የኢኮኖሚ ምህዋሩን  በአጭር ጊዜ ሊዘውሩ የሚያስችሉ አማራጮች ላይ  ትኩረት ሰጥታ እየሰራች መሆኑን ገልጸዋል፡፡

ኢትየጵያ ብዙ የወጣት ሀይል አላት ያሉት ሚኒስትር ዴኤታው ያለንን የሰው ሀይል በቴክኖሎጂው ዘርፍ በማሰማራት ብቁ ሆኖ ራሱንና ሀገሩን መቀየር የሚችልበትን እውቀት፣ልምድና ትጋትን በመላበስ የሁሉን አቀፍ ኢኮኖሚ ተሳታፊና ባለቤት ሆኖ ለመሰለፍ እንዲህ ያሉ ዓውደ ርዕዮች ወሳኝ ሚና አላቸው ብለዋል፡፡

ዝግጅቱም በትምህርት እና ክህሎት፣ በፋይናንስ ቴክኖሎጂ፣ በዘላቂ ትራንስፖርት፣ በንጹህና ተመጣጣኝ ኃይል፣  በዘላቂ ግብርና እና በተቀናጀ ጤና አገልግሎት ዘርፍ ላይ የዓውደ ርዕዩን ጎብኚዎች ሳይጨምር ከሃገር ውጪ ያሉና የዲፕሎማሲ ማህበረሰቡን ጨምሮ ወደ 200 የሚጠጉ ተሳታፊዎች ሲኖሩ፤ 300 የሃገር ውስጥ ተሳታፊዎች እንደሚገኙ ገልፀዋል፡፡
675
Ministry of innovation and technology (MinT)

29 Nov, 12:14

በሌላ በኩል በእንስሳት ጤና ላይ ያተኮረ አህጉራዊ ማዕከል (ዲ.አር.ሲ.) ማቋቋም፣ ከብሔራዊ የእንስሳት ህክምና ተቋም፣ ከብሔራዊ ጸጸ ዝንብ ማጥፊያ ማዕከል እና የአፍሪካ ብሔራዊ የእንስሳት ጤና ምርመራ ማዕከልን በማቀናጀት ለታሰበው (Regional Designated Center) ላይ ያተኮረ ውይይት የተካሄደ ሲሆን ይህም ተቀባይነት በማግኘት ወደ ስራ እንደሚገባ ታምኖበታል።

በውይይቱ ላይ ሚስተር ሁዋ ሊዩ የኤጀንሲውን ቁርጠኝነት በማረጋገጥ በአፍሪካ ህብረት ኮሚሽን፣ ቻይና እና IAEA በተለያዩ የጋራ ተጠቃሚነት ውጥኖች ላይ ለመፈራረምና ለመስራት የተዘጋጀውን እና ለአፍሪካ ህብረት የተላከውን የሶስትዮሽ የመግባቢያ ሰነድ ለማፋጠን የሚኒስትሩን ድጋፍ ጠይቀዋል።

ሚኒስትሩ በነዚህ ኤጀንሲዎች ውስጥ ኢትዮጵያውያን እና አፍሪካውያን በቴክኒክ እና አስተዳደራዊ ቦታዎች ላይ እንዲሳተፉ እና እንዲቀጠሩ ሊታሰብበት እንደሚገባ ያነሱ ሲሆን በሃላፊዎቹ በኩልም ውይይት ተደርጎበት ወደ ተግባር እንደሚገባም ተገልጿል።

እየተካሄደ በሚገኘው ፕሮግራም ላይ በተደረጉ የፓናል ውይይት ላይ ሚኒስትሩ በነበራቸው ቆይታ ኢትዮጵያ ከአለማቀፉ የአቶሚክ ኢነርጂ ኤጀንሲ በተለያዩ ዘርፎች የተደረጉላትን ድጋፎች አንስተው ያመሰገኑ ሲሆን በቀጣይ ድጋፉ ተጠናክሮ እንዲቀጥል የሀገራቸውን ቀዳሚ የልማት እቅዶች (national priorities) አስረድተዋል።
708
Ministry of innovation and technology (MinT)

29 Nov, 12:14

በኢትዮጵያ የማስተማሪያ ሆስፒታሎች ውስጥ ተጨማሪ አዳዲስ የካንሰር ህክምና ማዕከላት እንዲቋቋሙ ጥሪ ቀረበ።
=========================
የኢፌዲሪ የኢኖቬሽንና ቴክኖሎጂ ሚኒስትር ዶ/ር በለጠ ሞላ ከዓለም አቀፉ የአቶሚክ ኢነርጂ ኤጀንሲ ምክትል ዋና ዳይሬክተር ሚስተር ሁዋ ሊዩ ጋር በሁለትዮሽ ጉዳዮች ላይ ተወያይተዋል።

በኦስትሪያ ቬና እየተካሄደ ባለው የቴክኒክ ትብብር ፕሮግራም የሚኒስትሮች ኮንፈረንስ ላይ በመሳተፍ ላይ የሚገኙት የኢኖቬሽንና ቴክኖሎጂ ሚኒስትር ዶ/ር በለጠ ሞላ በኢትዮጵያ እየተከናወኑ የሚገኙ የዘርፉ ስራዎችን ያቀረቡ ሲሆን ጎን ለጎን ከአለማቀፍ ተቋማት አመራሮች ጋር የተናጥል ውይይት አደረገዋል።

ሚኒስትሩ ከዓለም አቀፉ የአቶሚክ ኢነርጂ ኤጀንሲ ምክትል ዋና ዳይሬክተር ሚስተር ሁዋ ሊዩ ጋር ባደረጉት ውይይት በኢትዮጵያ የማስተማሪያ ሆስፒታሎች ውስጥ ተጨማሪ አዳዲስ የካንሰር ህክምና ማዕከላት እንዲቋቋሙ በመጠየቅ መንግስት ለጀመረው ጥረት የኤጄንሲው የተለመደ ድጋፍ ተጠናክሮ እንዲቀጥል ጠይቀዋል፡፡

በኢትዮጵያ የኒውክሌር ሳይንስና ቴክኖሎጂ ማዕከልን ለማቋቋም የተጀመረውን ስራ በማገዝ ረገድ የቴክኒክ፣ የፋይናንስ እና የሰው ሃይል ልማት ውጥኖችን በማካተት የዓለም አቀፉ የአቶሚክ ኢነርጂ ኤጀንሲ (IAEA) ድጋፍ እንዲያደርግም ጠይቀዋል።

ሚኒስትሩ በIAEA Atoms 4 Food ኢኒሸቲቭ ላይ ለመተባበርና ኢትዮጵያ የዚሁ ተጠቃሚ እንድትሆን ጽኑ ፍላጎት እንዳላቸው ገልጸው ከግብርና ሚኒስቴር ጋር በመሆን ሀገራዊ ቅድሚያ የሚሰጣቸው ጉዳዮችን ለይተው ጥያቄ እንደሚቀርብም ጠቁመዋል።
579
Ministry of innovation and technology (MinT)

29 Nov, 10:59

የኢፌዲሪ የኢኖቬሽንና ቴክኖሎጂ ሚኒስትር ዶ/ር በለጠ ሞላ ከተባበሩት መንግስታት የኢንዱስትሪ ልማት ድርጅት አመራሮች ጋር ተወያይተዋል።
==============
በኦስትሪያ ቬና እየተካሄደ ባለው የቴክኒክ ትብብር ፕሮግራም የሚኒስትሮች ኮንፈረንስ ላይ በመሳተፍ ላይ የሚገኙት የኢኖቬሽንና ቴክኖሎጂ ሚኒስትር ዶ/ር በለጠ ሞላ ከተባበሩት መንግስታት የኢንዱስትሪ ልማት ድርጅት (UNIDO) ምክትል ዋና ዳይሬክተሮች ሚስ ፋቱ ሀይዳራ እና ሚስተር ሲዮንግ ዦው ጋር በተለያዩ አጀንዳዎችን ላይ የሁለትዮሽ ውይይት አድርገዋል።

በውይይቱ ላይ የኢኖቬሽን እና ቴክኖሎጂ ሚኒስቴር እና የኢንዱስትሪ ሚኒስቴር አዳዲስ የማምረቻ አሰራሮችን ለመቀመር የUNIDO ድጋፍን በመጠየቅ በመካከላቸው የትብብር ጥረቶች አስፈላጊ መሆኑን ሚኒስትሩ አፅንዖት ሰጥተው አንስተዋል።

የተባበሩት መንግስታት የኢንዱስትሪ ልማት ድርጅት (UNIDO) ምክትል ዋና ዳይሬክተሮች ሚስ ፋቱ ሀይዳራ በውይይቱ ላይ ለሚኒስትሩ እንደገለጹት በህዳር 2024 መጀመሪያ ሳምንት UNIDO እና የኢትዮጵያ መንግስት በጋራ ያዘጋጁትን ፕሮግራም የአለም የረሃብ ኮንፈረንስ እውቅና ሰጥተዋል ብለዋል።

እንደ ኢትዮጵያ አይነት የአግሮ ፕሮሰሲንግ ኢንዱስትሪ ፓርኮች የተቀናጀ ራዕይ እና ቆራጥ እርምጃ አስፈላጊ መሆኑን ሃላፊዋ አጽንኦት የሰጡ ሲሆን ይንንም የኢትዮጵያ ጥረት ከUNIDO በኩል ለሌሎች ምሳሌ አድርገው እንደሚጠቀሙት ተገልጿል።

የኢኖቬሽንና ቴክኖሎጂ ሚኒስትሩ ዶ/ር በለጠ ሞላ UNIDO የአፍሪካ የልህቀት ማእከልን ለመገንባት ኢትዮጵያን በመመርጣቸው አመስግነው ይህንኑም በሙሉ አቅም ወደሚፈለገው ውጤት ለማድረስ ከ UNIDO ጋር በቅርበት በመተባበር በቁርጠኝነት እንደሚሰሩ ሚኒስትሩ አረጋግጠዋል።
692
Ministry of innovation and technology (MinT)

29 Nov, 10:59

ሚኒስትር ዶ/ር በለጠ ከሌላኛው የ UNIDO ምክትል ዋና ዳይሬክተር ሚስተር ሲዮንግ ዦው ጋር በነበራቸው ቆይታ ኢትዮጵያ፣ ቻይና እና UNIDOን ያካተተ የሶስትዮሽ ተነሳሽነት ተፈጻሚነት ያላቸውን ቴክኖሎጂዎች ለማሳደግ በሚቻልባቸው ጉዳዮች ላይ ተወያይተዋል።

በውይይቶቹ ቀጣይ በUNIDO በተያዙና ለኢትዮጵያ ሊደረጉ ስለታቀዱት የማኑፋክቸሪንግ ዲጂታላይዜሽንና ኢኖቬሽን ስራወች ላይ የትብብር ስልቶችን የለዩ ሲሆን ይህንን በ UNIDO የተያዘውን የዲጂታላይዜሽን ውጥን እውን ለማድረግም የሁለትዮሽ ቡድን ተመስርቶ ዲዛይኖቹ ላይ co-work እንደሚያደርጉ ስምምነት ላይ ተደርሷል።

በፍጥነት ወደ ስራ ለመግባት የሰነዶች ዝግጅት እንዲደረግ ሚስተር ዦው ያነሱ ሲሆን የኢኖቬሽንና ቴክኖሎጂ ሚኒስትር ዶ/ር በለጠ ሞላ ኢትዮጵያ አስፈላጊውን ሁሉ ለማድረግ ዝግጁነቷን አረጋግጠዋል።
613
Ministry of innovation and technology (MinT)

29 Nov, 04:26

የኮዲንግ መሠረታዊ ክህሎት ለማዳበር የሚያስችሉ ነጻ የኦንላይን ሥልጠና እድሎችን በአርቲፊሻል ኢንተለጀንስ፣በዌብ-ፕሮግራሚንግ፣ በአንድሮይድ ማበልፀግ እና ዳታ ሳይንስ ዘርፎች በhttps://ethiocoders.et/ ላይ በመመዝገብ ተጠቃሚ ይሁኑ!
998
Ministry of innovation and technology (MinT)

28 Nov, 10:49

ኢትዮጵያ የዓለም አቀፉ አቶሚክ ኢነርጂ ኤጀንሲ መስራች አባል እንደመሆኗ መጠን ከኤጀንሲው ለሚደረግላት ድጋፍ አመስግነው፣ ከሰውሀይል ልማት በተጨማሪ እንደ ሬይስ ኦፍ ሆፕ (Rays of Hope)፣ Atoms for Food, Zodiac, Nutec Plastics እናመሠል የኤጀንሲው ኢኒሸቲቮች እንዲሁም በማሪ ስኮሎዶቭስካ-ኩሪ ፌሎውሺፕ ባሉ ፕሮግራሞች ላይ የበለጠ ትብብር ለማድረግና ተጠቃሚነትን ለማረጋገጥ የተጠናከረ ግንንኙነት እንዲቀጥል ጠይቀዋል።

ሚኒስትሩ ንግግራቸውን ሲያጠቃልሉ “ሀገራት በኒውክሌር ሳይንስ በዘላቂነት እንዲታገዙ ለማስቻል IAEA በተልእኮው ላይ ለማበረታታት በምናደርገው ጥረት ተባብረን መስራት አለብን” ያሉ ሲሆን የድርጅቱ ተባባሪ አካላትና አባል ሃገራት አስፈላጊውን ትብብር እና ድጋፍ እንዲያጠናክሩ ጥሪያቸውን አስተላልፈዋል።

የሚኒስትሮች ስብሰባ የቀጠለ ሲሆን ሚኒስትሩ ከአለማቀፉ የባለብዙ ወገን ተቋማት መሪወች ጋር ልዩ ልዩ የሁለትዮሽ ውይይት እንደሚያደርጉና የኢትዮጵያን ዘርፈብዙ ጥረት እንደሚያስረዱ የተገለጸ ሲሆን ይህም ተሳትፎ የበለጠ ውጤታማ አጋርነት እና አበርክቶዎች ይኖሩታል ተብሎ ይጠበቃል፡፡
1,077
Ministry of innovation and technology (MinT)

28 Nov, 10:48

የኢ.ፌ.ዲ.ሪ. ኢኖቬሽንና ቴክኖሎጂ ሚኒስትር ዶ/ር በለጠ ሞላ በኦስትሪያ ቬና እየተካሄደ ባለው የቴክኒክ ትብብር ፕሮግራም የሚኒስትሮች ኮንፈረንስ ላይ በመሳተፍ ላይ ናቸው።
======================
በኮንፈረንሱ ላይ ንግግር ያደረጉት የኢኖቬሽንና ቴክኖሎጂ ሚኒስትር ዶ/ር በለጠ ሞላ በኒውክሌር ሳይንስ፣ ቴክኖሎጂ እና አፕሊኬሽን ጉዳዮች ላይ ኢትዮጵያ በዘርፉ የጀመረቻቸውን ስራዎችና ትብብሮች አቅርበዋል።

የኒውክሌር ሳይንስ ማህበረ-ኢኮኖሚያዊ ልማትን በማረጋገጥ በጤና፣ በምግብ፣ በሀይል፣ በኢንቫይሮመንት እና በማኒፋክቸሪንግ አንገብጋቢ የሆኑ አለም አቀፍ ተግዳሮቶችን በመወጣት ረገድ ያለውን ወሳኝ ሚና አጽንኦት ሰጥተው የገለጹት ሚኒስትሩ ሀገራቸው ይህንን የተረዳ እቅድ በመያዝ በመስራት ላይ መሆኗን አንስተዋል።

ኢትዮጵያ በተለይም የኒውክሌር ቴክኖሎጂን በመጠቀም የምግብ ዋስትናን ለማጠናከር፣ የኒውክሌር ህክምናን ለማስፋፋት እና ራሱን የቻለ የኑክሌር ሳይንስ እና ቴክኖሎጂ ማዕከል ለማቋቋም ያላትን ቁርጠኝነት አረጋግጠዋል።

እያይዘውም የአረንጓዴው ሌጋሲ ተነሳሽነት ለአካባቢ ጥበቃ ዘላቂነት ያለን ቁርጠኝነት ከብዙ ማሳያዎች አንዱ ነው ብለዋል።
888
Ministry of innovation and technology (MinT)

23 Nov, 17:54

የጥራት መንደር የሀገር ውስጥ ምርቶቻችን በአለም ገበያ የሚኖራቸውን ተወዳዳሪነት በማላቅ በአለም የእሴት ሰንሰለት የሚኖራቸውን ተሳትፎ የሚያጎለብት ነው። ክቡር ጠቅላይ ሚኒስትር ዶ/ር አብይ አህመድ።

በጥራት መንደር ከተገነቡት የቢሮ ህንጻዎች ውስጥ አንዱ በኢኖቬሽንና ቴክኖሎጂ ሚኒስቴር ለኢትዮጵያ ቴክኖሎጂ ባለስልጣን ቢሮ አገልግሎት የተገነባ ነው።

የኢኖቬሽንና ቴክኖሎጂ ሚኒስትር ዶ/ር በለጠ ሞላ የጥራት መንደር ትልቅና ውብ ሀገራዊ ፕሮጀክት ነው ብለዋል።
1,065
Ministry of innovation and technology (MinT)

23 Nov, 11:36

በዝግጅቱ ላይ የገንዘብ ሚንስትር ድኤታ ዶ/ር እዮብ ተካልኝ ባለፉት አመታት በተሰሩ ስራዎች በአጭር ግዜ በሀገር ውስጥ ትልቅ አቅም እንዳለ የታወቀበት እና ሀገራችን ለስታርትአፖች ምቹ እንድትሆን የመንግስት አቅጣጫ የተቀመጠበት እንዲሁም የዘርፉ ተዋንያን የጋራ ቅንጅት የተፈጠረበት መሆኑን ተናግረዋል።

የረቂቅ አዋጁ በስታርትአፕ ዘርፍ የሚስተዋሉ ችግሮችን ለመፍታትና የፋይናንስ አቅርቦትን ለማመቻቸ እንደሚያግዝ ተጠቅሷል።

በፕሮግራሙ ማጠቃለያ ላይ ኢትዮጵያ በአለም እቅፍ ደረጃ የሚያወዳድር ያልተነካ ሃብት እንዳላት ያነሱት የኢንዱስትሪ ሚኒስትሩ አቶ መላኩ አለበል አፍሪካ በአለምአቀፍ ገበያዊ ተወዳዳሪ እንድትሆን ይህንን ሃብት በስትራቴጂ መምራትና መጠቀም አለብን ለዚህም የቲምቡክቱ ኢኒሻቲቭ አይነተኛ ሚና ይኖረዋል ብለዋል።

የተባበሩት መንግስታት የልማት ፕሮግራም የአፍሪካ ዳይሬክተር ወ/ሮ አሁና ኢዚያኮንዋ ቲምበክቱ በአፍሪካውያን መካከል ያለውን የኢኖቬሽን ስነ-ምህዳርን ለማሳደግ የሚደረገውን ጥረት ለማገዝ አቅም የሚፈጥር ነው ያሉ ሲሆን ኢንሼቲቩ ውጤታማ እንዲሆን መንግስትን መንግስታዊ ያልሆኑ ድርጅቶች ፍ
የዘርፉ ተዋንያን በትብብር ሊሰሩ ይገባል ብለዋል።

በውይይቱ ከፍተኛ የመንግሥት ኃላፊዎች፣የልማት አጋር ድርጅቶች፣ስታርትአፖች፣የዘርፉ ባለሞያዎችና ሌሎች የዘርፉ ተዋናዮች ተገኝተዋል።
1,378
Ministry of innovation and technology (MinT)

23 Nov, 11:36

የአገር በቀል ምጣኔ ኃብት ማሻሻያው ለግሉ ዘርፍ ተሳትፎ በሰጠው ትኩረት በርካታ ሥራ ፈጣሪዎች ኢኮኖሚውን እየተቀላቀሉ ነው።ዶ/ር በለጠ ሞላ
==============
በኢትዮጵያ ለስታርት አፕ ስነ ምህዳርን በማመቻቸት ተቋማዊና ሕጋዊ አሰራርን የሚዘረጋ ረቂቅ አዋጅ እና የቲምቡክቱ ኢኒሼቲቭን መጀመርን ለማስተዋወቅ ያለመ ዝግጅት በሳይንስ ሙዝየም ተካሂዷል።

የረቂቅ አዋጁ ዓላማ ለስታርት አፕ ተቋማዊና ሕጋዊ ድጋፍን በመስጠት በኢትዮጵያ የዘርፉን እድገት ማሳለጥ ሲሆን የቲምቡክቱ ኢንሼቲቭ ለዚህ አላማ መሳካት ትልቅ ሚና እንደሚኖረው ተገልጿል።

በዝግጅቱ ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ መንግስት ለስታርታአፖ ሰነ ምህዳር ግንባታ የሰጠው ትኩረት እንደ ሀገር ኢኮኖሚያዊ፣ ማህበራዊ፣ አስተዳደራዊ እና ተቋማዊ ተግዳሮቶችን በታላቅ፣ የሀገር ውስጥ ማሻሻያዎች ለመፍታት ያለን ሀገራዊ አቅም ለጠቀም የሚያስችል ነው ብለዋል።

ይህ እቅድ የኢኮኖሚ ዕድገትን፣ ድህነትን ቅነሳን፣ ኢነርጂ ልማትን፣ ፈጠራን እና የሰው ሃብት ካፒታል ልማትን ጨምሮ ቁልፍ ዘርፎችን ያቀፈ መሆኑን አንስተዋል።

በተለይም የአገር በቀል ምጣኔ ኃብት ማሻሻያ ለግሉ ዘርፍ ተሳትፎ በሰጠው ትኩረት በርካታ ሥራ ፈጣሪዎች ኢኮኖሚውን እየተቀላቀሉ ነው ያሉት ሚኒስትሩ የስታርትአፕ አዋጅ እና የቲምቡክቱ ኢንሼቲም ይህንን እንደሚያጠናክር ተናግረዋል።

ይህ ውጤት እንዲመጣ እና በተጀመረው መልኩ ተጠናክሮ እንዲቀጥል የኢትዮጵያ ካፒታል ገበያ ባለስልጣን በማቋቋም፣የሳይንስ፣ ቴክኖሎጂ እና ኢኖቬሽን ፖሊሲ በማሻሻል፣ NEST እና ስታርትአፖ ኢትዮጵያን በማዘጋጀት እንዲሁም የዲጂታል ትራንስፎርሜሽን ካውንስል በመመስረት በርካታ ስራዎችን መስራቱን ሚኒስትሩ አንስተዋል።
1,030
Ministry of innovation and technology (MinT)

22 Nov, 15:10

በኢትዮጵያ አስተናጋጅነት የተካሄደው 13ኛው የአፍሪካ የኢንተርኔት አስተዳደር ጉባኤ ታንዛንያን የ2025 አስተናጋጅ ሀገር በማድረግ ተጠናቀቀ፡፡
===========================
ከህዳር 11 እስከ ህዳር 13 “Building our Multistakeholder Digital Future” በሚል መሪቃል በኢትዮጵያ የተባበሩት መንግስታት የአፍሪካ ኢኮኖሚክ ኮሚሽን (UNECA) የተካሄደው 13ኛው የአፍሪካ የኢንተርኔት አስተዳደር ጉባኤ ተጠናቋል።

የኢኖቬሽንና ቴክኖሎጂ ሚኒስቴርና ከተባበሩት መንግስታት የአፍሪካ ኢኮኖሚክ ኮሚሽን ጋር በመተባበር ባዘጋጁትጉባኤ የሳይበር ደህንነትና ወንጀል፣ ኢመርጂንግ ቴክኖሎጂ፣ የኢንተርኔት አስተዳደር፣ አርተፊሻል ኢንተለጀንስ፣ የዲጂታል ሰባዊ መብቶች፣ በዘርፉ ሁለንተናዊ የተደራጀ አህጉራዊ ግኑኝነትን መፍጠር እና ሌሎች አጀንዳዎች ተዳሰውበታል

በፎረሙ ማጠቃለያ ላይ ንግግር ያደረጉት የኢኖቬሽንና ቴክኖሎጂ ሚኒስትር ድኤታ ይሽሩን አለማየሁ የአፍሪካ ዲጂታል ጉዞን ውጤታማ ለማድረግ ሁሉም ባለድርሻ አካላት፣ መንግስታት፣ የግሉ ዘርፍ ተዋናዮች እና አለም አቀፍ አጋሮች በቅንጅት መስራት እንደሚገባ ተናግረዋል።

በተለይም በተመጣጣኝ ዋጋ ዘላቂ የብሮድባንድ መሠረተ ልማት ላይ ኢንቨስትመንቶችን እንዲያጠናክሩ የሚያስችሉ ፓሊሲዎችን ተግባራዊ በማድረግ አፍሪካውያን ተጠቃሚ ማድረግ ይገባናል ብለዋል።

በተለይም የዲጂታል አገልግሎቶችን ከሳይበር አደጋዎች የሚከላከሉ ስራዎች መጠናከር አለባቸው ያሉት ሚኒስትር ዴኤታው በዲጂታል መድረኮች ላይ የዜጎችን እምነት ለመፍጠር ከግሉ ሴክተር እና ከትምህርት ተቋማት ጋር መሰራት እንዳለበት አንስተዋል።
921
Ministry of innovation and technology (MinT)

22 Nov, 15:10

እያይዘውም በመላው አፍሪካ ያሉ መንግስታት ፈጠራንና ውድድርን የሚያበረታቱ ፖሊሲዎችን በመቅረጽ የዜጎችን መብት የሚያስጠብቁ ስራዎችን በትኩረት እና በትብብር መስራት ይኖርብናል ብለዋል።

ከአፍሪካ ውጭ ያሉ ተጋባዥ ሃገራትን ጨምሮ 68 ሀገራት የተሳተፉበት ይህ አህጉራዊ ጉባኤ በቀጣይ በሳዉዲ ለሚካሄደው የአለም ኢንተርኔት አስተዳደር ጉባኤ እንደ አፍሪካ የሚወሰዱ አጀንዳዎች ተለይተውበታል ተብሏል።

በኢትዮጵያ አስተናጋጅነት ሲካሄድ የቆየው 13ተኛ የአፍሪካ ኢንተርኔት አስተዳደር ጉባኤ በ2025 የሚካሄደውን 14ተኛው የአፍሪካ ኢንተርኔት አስተዳደር ጉባኤ ታንዛንያ እንድታስተናግድ ውስኔ በማሳለፍ ተጠናቋል።
1,025
Ministry of innovation and technology (MinT)

22 Nov, 13:10

በአርቲፊሻል ኢንተለጀንስ፣በዌብ-ፕሮግራሚንግ፣ በአንድሮይድ ማበልፀግ እና ዳታ ሳይንስ ዘርፎች የኮዲንግ መሠረታዊ ክህሎት ለማዳበር የሚያስችሉ ነጻ የኦንላይን ሥልጠና እድሎችን በhttps://ethiocoders.et/ ላይ በመመዝገብ ተጠቃሚ ይሁኑ!
950
Ministry of innovation and technology (MinT)

22 Nov, 05:24

መሠረተ ልማት፣ ተመጣጣኝ አቅም እንዲሁም ዲጂታል ክህሎትን ጨምሮ በAI-የተዘጋጁ ቴክኖሎጂዎች ፍትሃዊ ተደራሽነትን የማረጋገጥ ቁልፍ ተግዳሮቶችን በተመለከተ ከተለያዩ የአፍሪካ ሀገራት የመጡ ሀገራት ተወካዮች ተሞክሮዎቻቸው አቅርበዋል።

ትምህርትን፣ ጤናን፣ ግብርና እና ፋይናንስን ጨምሮ አንዳንድ የአፍሪካን ልዩ ማህበራዊ-ኢኮኖሚያዊ ተግዳሮቶችን ለመፍታት በAI እንዴት መጠቀም እንደሚቻል ለማጉላት ሰፊ ስራዎችን መስራት እንደሚጠበቅ ተነስቷል።

በAI እና ዲጂታል ማካተት የወደፊት አዝማሚያዎችን እና እድሎችን ለመለየት እና ለአካታች አርቲፊሻል ኢንተለጀንት አስተዳደር የፖሊሲ ምክሮች፣ በውይይት የተነሱ ተዛማጅ ጉዳዮች ግብአት እንደሚሆኑ ተጠቅሷል።
1,077
Ministry of innovation and technology (MinT)

22 Nov, 05:24

ኢትዮጵያ ለአርቲፊሻል ኢንተጀንስ ከፍተኛ ትኩረት በመስጠት እየሰራች ትገኛለች። ዶ/ር ይሹሩን አለማየሁ
======================
13ኛው የአፍሪካ የኢንተርኔት አስተዳደር ጉባዔ “Building our Multistakeholder Digital Future” በሚል መሪቃል በኢትዮጵያ የተባበሩት መንግስታት የአፍሪካ ኢኮኖሚክ ኮሚሽን (UNECA) በመካሄድ ላይ ነው፡፡

በፎረሙ ሁለተኛ ቀን ውሎ አርቲፊሻል ኢንተለጀንስ፣ የአፍሪካ ዲጂታል ንግድ ፕሮቶኮልን ከአፍሪካ ዳታ ፍትህ አጀንዳ ጋር ማጣጣም፣የበይነመረብ አስተዳደር፣ በወጣቶች የዲጂታል ትራንስፎርሜሽን ጉዞን መምራት፣ በአፍሪካ ውስጥ የስርዓተ-ፆታ ምላሽ፣ የሳይበር ደህንነት ፖሊሲ፣ የሳይበር ወንጀል እና አካታች የበይነመረብ ዙርያ ውይይቶች ተካሂዷል።

በአርቲፊሻል ኢንተለጀንስ ዘመን በአፍሪካ ውስጥ ዲጂታል ማካተት ያለበት ሁኔታ፣ ተግዳሮቶች እና የወደፊት ዕይታዎች በሚል ርዕስ በተካሄደው ውይይት ላይ የኢኖቬሽንና ቴክኖሎጂ ሚኒስቴር ሚኒስትር ዴኤታ ዶ/ር ይሹሩን አለማየሁ ተሳትፈዋል።

በውይይቱ ኢትዮጵያ ለአርቲፊሻል ኢንተጀንስ ከፍተኛ ትኩረት በመስጠት እየሰራች መሆኗን ያነሱት ሚኒስትር ዴኤታው አፍሪካዊያን ለአርቲፊሻል ኢንተለጀንስ በቂ ትኩረት ሰጥተን ልንሰራ ይገባል ብለዋል።

በአርቲፊሻል ኢንተለጀንስ ቴክኖሎጂዎች ሚና ላይ በማተኮር በአፍሪካ ውስጥ ያለውን የዲጂታል ማካተት ሁኔታ ለመገምገም፣ በAI-ተኮር ቴክኖሎጂዎች ፍትሃዊ ተደራሽነትን የማረጋገጥ ቁልፍ ተግዳሮቶችን ለመዳሰስ እየተሰሩ ያሉ ስራዎች ተጠናክረው ሊቀጥሉ ያሉት ሚኒስትር ዴኤታው በሀገራችን ኢትዮጵያ በአርቴፊሻል ኢንተለጀንስ ከጅምሩ እየተሰሩ ያሉ ስራዎች አበረታችና ተስፋሰጪ በመሆናቸው የበለጠ አጠናክረን በትኩረት ልንሰራ ይገባል ብለዋል።
941
Ministry of innovation and technology (MinT)

20 Nov, 16:47

በሁለተኛው ኢትዮ እስራኤል የኢኖሼሽን ሳምንት ላይ የተነሱ ሃሳቦችን ወደ ተግባር የሚያስገባ የጋራ ጥምር ኮሚቴ ይቋቋማል።
===========
የኢኖቬሽናን ቴክኖሎጂ ሚኒስትር ክቡር ዶ/ር በለጠ ሞላ ከ እስራኤል አምባሳደር አቭርሃም ንጉሴ ጋር ተወያዩ

ውይይቱ በሁለተኛው የኢትዮ- እስራኤል የኢኖቬሽን ሳምንት ዝግጅት ወቅት በሁለቱ ሀገራት መግባባት ላይ በተደረሱባቸው ጉዳዮች ዙሪያ ያተኮረ ነበር።

በውይይቱ ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ በኢኖቬሽንና ቴክኖሎጂ ዘርፍ በጋራ ለመስራት መግባባት ላይ የተደረሰባቸውን ስራዎች አጠናክሮ ለማስቀጠል ከሁለቱም ሃገራት በኩል ጥምር ኮሚቴ በማቋቋም ወደ ስራ መግባት እንዳለበት አንስተዋል።

ሚኒስትሩ እያይዘውም በኢትዮጵያ ያለውን የኢኖቬሽን ስነ-ምህዳር ለማሳደግ እየተሰሩ ያሉ ስራዎች ከእስራኤል ልምድ በመውሰድ ለማጠናከር በፍጥነት ወደ ስራ መግባት እንዳለበት ተናግረዋል።

በኢትዮጵያ የእስራኤል አምባሳደር ክቡር አቭረሃም ንጉሴ የሁለቱ ሃገራት የኢኖቬሽን ሳምንት ጥሩ የልምድ ልውውጥ የተደረገበት ስኬታማ ዝግጅት መሆኑን ተናግረዋል።

በተለይም የዝግጅቱን እልም ከግብ ለማድረስ ሚኒስትሩ ያቀረቡት ሃሳብ ገዥ መሆኑን በማረጋገጥ ባስቸኳይ ወደ ስራ እንዲገባ አስፈላጊውን ሁሉ ድጋፍ ለማድረግ ያላቸውን ቁርጠኝነት አረጋግጠዋል፡፡

በሁለቱ ሀገራት መካከል የሚቋቋመው የጋራ ኮሚቴ ላይ ከመግስት ተቋማት፤ ከግል እና ከ ብዝሃ መንግስታት ተባባሪ ድርጂቶች በማካተት እንዲቋቋም አቅጣጫ የተሰጠ ሲሆን ይንኑ በቅርብ ጊዜ እውን እንደሚያደርጉ መግባባት ላይ ደርሰዋል፡፡
518
Ministry of innovation and technology (MinT)

20 Nov, 13:37

አምባሳደሯ በተለይም የዲጂታል ክፍያ አገልግሎት፣የዲጂታል ንግድ ምዝገባ፣ፍቃድ አወጣጥ መሰል የኢ-ሰርቪስ አገልግሎቶች የሚበረታቱ ናቸው ብለዋል።

በቀጣይ የዲጂታል ኢኮኖሚውን ከማጠናከር በተጨማሪ ሌሎች ጉዳዮችን በማካተት በጋራ ለመስራት ቁርጠኛ መሆኑን በኢትዮጵያ የአውሮፓ ህብረት አምባሳደር ወይዘሮ ሶፊ ከኢመስበርገር ተናግረዋል።
720
Ministry of innovation and technology (MinT)

20 Nov, 13:37

የአውሮፓ ህብረት የኢትዮጵያ ዲጂታል ኢኮኖሚ ልማት እንዲጠናከር እያደረገ የሚገኘው ድጋፍ ውጤታማ ነው።ዶ/ር በለጠ ሞላ
============
የኢኖቬሽንና ቴክኖሎጂ ሚኒስትር ዶ/ር በለጠ ሞላ በኢትዮጵያ የአውሮፓ ህብረት አምባሳደር ክብርት ሶፊ ኢመስበርገር ጋር ተወያይተዋል።

ውይይቱ የኢትዮጵያን ዲጂታል ኢኮኖሚ እንቅስቃሴን ለመደገፍ በሚያስችሉ ጉዳዮች ዙሪያ ላይ ያተኮረ ነው።

በውይይቱ ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ በዲጂታል ኢትዮጵያ እየተከናወኑ ያሉ ስራዎችን በማስረዳት የአውሮፓ ህብረት እያደረገ ለሚገኘው ድጋፍም ምስጋናቸውን አቅርበዋል።

ሚኒስትሩ ዲጂታል ክህሎትን ከማሳደግ አንጻር የአምስት ሚሊዮን ኢትዮጵያን ኮደርስ ኢንሸቲቭን በማስጀመር እየሰራ መሆኑን ገልጸው የሀገሪቱን ዲጂታል ኢኮኖሚ ለማንቀሳቀስ የሚያስችል ክህሎት ያለው የሰው ሃይል ለመፍጠር ትልቅ ተስፋ እንደተጣለበት አንስተዋል።

የአውሮፓ ህብረት የኢትዮጵያ ዲጂታል ኢኮኖሚ ልማት እንዲጠናከር እያደረገ የሚገኘው ድጋፍ ውጤታማ መሆኑን የተናገሩት ሚኒስትሩ በተለይም የዲጂታል ኢትዮጵያን ጉዞ እውን ለማድረግ በህብረቱ ድጋፍ የተጀመሩ ስራዎች ውጤታቸው በሀገር ኢኮኖሚ ግንባታ ላይ ጎልቶ የታየ መሆኑን ተናግረዋል።

ሚንስትሩ እያይዘውም የአውሮፓ ህብረት ላደረገው ውጤታማ ድጋፍ አመስግነው መስል ድጋፎች ተጠናክረው እንዲቀጥሉ ጥሪ አቅርበዋል።

በኢትዮጵያ የአውሮፓ ህብረት አምባሳደር ወይዘሮ ሶፊ የኢትዮጵያ የዲጂታል ኢኮኖሚ ጉዞ ትልልቅ ለውጦችን በማስተናገድ ላይ መሆኑን ተናግረዋል።
683
Ministry of innovation and technology (MinT)

19 Nov, 16:09

Public Consultation and Launch Event

https://www.eventbrite.com/e/public-consultation-and-launch-event-tickets-1083811361959?aff=oddtdtcreator
1,130
Ministry of innovation and technology (MinT)

19 Nov, 12:49

በፕሮግራሙ መክፈቻ ላይ በአዲስ አበባ ሳይንስና ቴክኖሎጂ ዩኒቨርስቲ ተባባሪ ፕሮፌሰር እና በኢትዮጵያ የኢንተርኔት ሶሳይቲ ፕሬዚዳንት የሆኑት ዶ/ር አስራት ሙላቱ ኢንተርኔት የአለም ዜጎች ኃይል እንዲፈጥሩ፣ እንዲተሳሰሩ እና አዳዲስ ነገሮችን እንዲፈጥሩ የሚያስችል መሳሪያ በመሆኑ አለምን እየቀየረ እንደሚገኝ ተናግረዋል፡፡

አያይዘውም በጤና፣ በትምህርት እና ሌሎች መሰል ጉዳዮች አንገብጋቢ ፈተናዎችን ለመፍታት ያለንን የኢንተርኔት የመጠቀም አቅም ማሳደግ፣ ተደራሽ ማድረግ፣ ብሎም ደህንነቱ የተጠበቀ የዲጂታል ስነምህዳር ለመፍጠር በጋራ መስራት ይገባል ብለዋል፡፡
1,295
Ministry of innovation and technology (MinT)

19 Nov, 12:49

“ኢንተርኔት ለመላው ኢትዮጵያውያን" በሚል መሪ ቃል የዘንድሮው የኢንተርኔት ሶሳይቲ ፎረም በመካሄድ ላይ ይገኛል።
================
ኮንፈረንሱ በኢትዮጵያ እና በአፍሪካ የኢንተርኔት አስተዳደር ሀላፊዎች፣ ፖሊሲ አውጪዎች፣ ሲቪል ማህበረሰብ፣ የቴክኖሎጂ ልሂቃን እንዲሁም ጉዳዩ የሚመለከታቸው ከፍተኛ ሀላፊዎች የተሳተፉበት ሲሆን በበይነ መረብ ተደራሽነት፣ ዲጂታል ማካተት ላይ ያሉ ቁልፍ ተግዳሮቶች በመለየት ግንዛቤ ለመፍጠር እና በጥር 2025 ለሚካሄደው አለማቀፉ የኢንተርኔት ኮንፈረንስ ቅድመ ዝግጅት ለማድረግ ያለመ ነው፡፡

በፕሮግራሙ ላይ የተገኙት የኢኖቬሽንና ቴክኖሎጂ ሚኒስትር ዴኤታ ዶ/ር ይሹሩን አለማየሁ መንግስት የግል ዘርፍ ተዋናዮች፣ ሲቪል ማህበረሰብ እና አካዳሚዎችን በማሳተፍ እየተሰሩ ያሉ ስራዎችን በመደገፍ የዲጂታል ኢትዮጵያ ጉዛችንን እውን ልናደርግ ይገባል ብለዋል።

ኢንተርኔት የእድገት መሰረት፣ ግለሰቦችን፣ ማህበረሰቦችን እና ሀገሮችን የሚያገናኝ ድልድይ ሆኗል ያሉት ክቡር ሚኒስትር ዴኤታው በገጠር ለሚገኙ አርሶአደሮች በየጊዜው የአየር ሁኔታ መረጃን ከመስጠት በተጨማሪ ወጣት የስራ ፈጣሪዎች የአለማቀፍ ገበያ እንዲያገኙ እና ትስስር እንዲፈጥሩ ያግዛል ብለዋል፡፡

ከዚህ በተጨማሪም በዲጂታል ስነ-ምህዳር ግንባታ፣ የዲጂታል መሰረተ ልማት በማስፋፋት የህዝብ አገልግሎት አሰጣጥን በማሻሻል፣ የሳይበር ደህንነትን በማጠናከር፣ ለስራ ፈጠራ ምቹ ሁኔታዎችን በማመቻቸት ዙሪያ መንግስት የአሰራር ስርዓትን ከመዘርጋት ጀምሮ በትኩረት እየሰራ ይገኛል ብለዋል፡፡
1,033
Ministry of innovation and technology (MinT)

19 Nov, 06:59

የሕዝባችንን ከፍተኛ ቁጥር የሚይዘውን የአርሶአደር እና አርብቶአደር ማኅበረሰባችንን የሕይወት ዘይቤ የሚያሳድግ የገጠር ኮሪደር ሥራ ጀምረናል። ከተሞችን በኮሪደር ልማት በመለወጥ ሥራ ላይ አትኩረን እየሠራን ባለንበት ወቅት የገጠር ኮሪደር ሥራ ደግሞ የገጠሩ ማኅበረሰብም ራሱን በሚያስችል፣ ዘላቂ እና ማኅበረሰብ ተኮር በሆነ መንገድ መንደሩን እንዲለውጥ ያስችለዋል።

We have launched the Rural Corridors Initiative to uplift the livelihoods of farming communities, which make up the largest segment of our population. While we focus on transforming urban centres through corridor development, this initiative ensures that rural communities also evolve, turning their villages into self-sustaining, sustainable, and community-centred hubs.

#PMOEthiopia
1,110
Ministry of innovation and technology (MinT)

17 Nov, 13:55

በዌብ-ፕሮግራሚንግ፣ በአንድሮይድ ማበልፀግ፣ ዳታ ሳይንስ እና አርቲፊሻል ኢንተለጀንስ ዘርፎች የኮዲንግ መሠረታዊ ክህሎት ለማዳበር የሚያስችሉትን ነጻ የኦንላይን ሥልጠና እድሎች ተጠቃሚ ለመሆን https://ethiocoders.et/ ይመዝገቡ፡፡
1,568
Ministry of innovation and technology (MinT)

17 Nov, 10:44

የሳይንሰ ግራንት ካውንስል ኢኒሼቲቭ 17 የአፍሪካ ሃገራትን ምርምርና ኢኖቬሽን እንቅስቃሴዎችን የሚደግፉ አካላትን አቅም ማጠናከር አላማ አድርጎ በIDRC(ካናዳ) ፣ FCDO (UK), NRF( ደቡብ አፍሪካ), Sida (ስዊድን), DFG (ጀርመን) አና ኖርዌ መስራችነት ሌሎች የቴክኒካል ኢጀንሲዎችና አጋሮችን በማካተተ በ2015 የተመሰረተ ኢኒሼቲቭ ነው፡፡

ኢኒሼቲቩ በምዕራፍ 1 እና 2 ተከፍሎ ከ2015 እስክ 2025 አየተገበረ ሲሆን ሶስተኛው ምዕራፍ ከ2026 ጀምሮ ለመተግበር በዝግጅት ላይ ነው፡፡

በዋናነት ትኩረት የሚያደርገው፤ የአባል ሃገራት የምርምርና ኢኖቬሽን ግራንት የመስጠት አቅም፤ በምርምርና ኢኖቬሽን የግል ዘርፍ ተሳትፎ ፤ የምርምር አስተዳደር አቅም፤ የትብብር ፕሮጀክቶች፤ ስትራቴጂክ ግንኙነትና የምርምር ውጤቶችን የመጠቀም አቅም፤ አካታችነት አና አዳዲስ የኢኖቬሽን ፈንዲንግ ኤጀንሲዎችን የማቋቋም አቅም መገንባት ላይ ነው፡፡
1,577
Ministry of innovation and technology (MinT)

17 Nov, 10:44

ኢትዮጵያ እ.አ.አ ከ2000 አስከ 2022 ከ828 ሚሊዮን ዶላር በላይ ለምርምር ግራንት ወደ ሃገር ማስገባቷ ተጠቆመ።
========
የኢኖቬሽንና ቴክኖሎጂ ሚንስቴር ኢትዮጵያን ወክሎ የካውንስል እብል የሆነበት አለም አቀፍ የሳይንስ ግራንት ካውንስል (Science Grant Council Initiative) አና ከሰሃራ በታች የአፍሪካ ሀገራት የግሎባል ምርምር ካውንስል (Sub-Sahara Regional Global Research Council) አመታዊ ጉባኤ በቦትስዋና ተካሂዷል።

በጉባኤው ኢኖስዒቲቭ ባስጠናው ጥናት መሰረት ኢትዮጵያ እንደ አውሮፖዉያን አቆጣጠር ከ2000 አስከ 2022 ከ828 ሚሊዮን ዶላር በላይ ከተላያዩ አለም አቀፍ የምርምር ፈንድ አቅራቢዎች ማስገባትቷ ተገልጿል።

በዚህም ኢትዮጵያ ከ17 ሀገራት ውስጥ 6ተኛ ደረጃ ላይ የምትገኝ ሲሆን ኬንያ ቀዳሚ ስፍራን ይዛለች፡፡ጥናቱ በርካታ ጉዳዮችን ያካተተና በቀጣይ ለአባል ሃገራት በተጋጀው የዲጅታል ፕላትፎርም አማካኝነት ተደራሽ የሚደረግ ነው፡፡

ለ5 ቀናት በተካሄደው ጉባኤ በርካታ የጥናትና ምርምር ስራዎች የቀረቡ ሲሆን የአፍሪካን ኢኖቬሽን ከማጎልበት አኳያ ኢኖቬሽን ኤጀንሲዎች ሚና እና ኔትዎክ መመስረት፤በምርምር ስራ የተለያዩ ሃገራት ተሞከሮ፤ የክትትልና ግምገማ ማዕቀፍ፤አንዲሁም በካወንስሉ አባል የአፍሪካ ሀገራት በትብብር የተሰሩ ምርመሮች ዙርያ ለአባል ሀጋራት ካውስንስል ተወካዮች ቴክኒካል ድጋፍ ከሚያደርጉላቸው አካላት ጋር ውይይቶች ተደርገዋል፡፡

በጉባኤው በተካሄዱ የፓናል ውይይቶች ላይ እና ሌሎች ፕሮግራሞች ላይ በኢኖቬሽንና ቴክኖሎጂ ሚኒስቴር የምርምር ልማት መሪ ስራ አስፈጻሚ ዶ/ር ሀብታሙ አበራ እንዲሁም የኢኖቬሽን ልማት መሪ ስራ አቶ ሰላምይሁን አደፍርስ በኢትዮጵያ በኩል ያለውን ተሞክሮና የሚገጥሙ ተግዳሮቶችን አቅርበዋል።
1,228
Ministry of innovation and technology (MinT)

13 Nov, 15:17

የአለምአቀፍ ኢኖቬሽን ኢንዴክስ ሪፖርት ትኩረቱን  በተቋም አካባቢ፣ በሰው ካፒታል እና ምርምር፣ መሠረተ ልማት፣ በገበያ ውስብስብነት፣ በንግድ ሥራ ውስብስብነት፣  በእውቀት እና በቴክኖሎጂ ውጤቶች፣ በፈጠራ ውጤቶች ላይ መሰረት በማድረግ እንደ ሀገር የተሰሩ ስራዎች የዳታ ክምችት ላይ መሰረት አድርጎ የሚሰጥ ደረጃ ነው፡፡

የግሎባል ኢኖቬሽን ኢንዴክስ ደረጃን ለማሳደግና መረጃን ለማጎልበት ከሚመለከታቸው ክልላዊና አለም አቀፍ ድርጅቶች አላማ እና ስልቶች መሰረት በማድረግ መሰብሰብ, ትንተና እና ሪፖርት ላይ በትብብርና በትኩረት መሰራት እንደለበት የመድረኩ ተሳታፊዎች አንስተዋል።
749
Ministry of innovation and technology (MinT)

13 Nov, 15:17

ኢትዮጵያ  በአለም አቀፍ የኢኖቬሽን ኢንዴክስ ያላትን ደረጃ ለማሳደግ እየተሰራ መሆኑ ተገለፀ፡፡
========================
በኢኖቬሽንና ቴክኖሎጂ ሚኒስቴር የተዋቀረ ኮሚቴ የኢትዮጵያ ደረጃ ለማሳደግ ከ2020- 2024 ዓ.ም በኢትዮጵያ የአለም አቀፍ ኢንዴክስ ሪፖርት ላይ ጥናት በማካሄድ ከሚመለከታቸው አካላት ጋር መክረዋል፡፡

መድረኩ የግሎባል ኢኖቬሽን ኢንዴክስ ደረጃን ለማሳደግ በሚያስችሉ ዘርፎች ላይ የነበሩ ክፍተቶችን በመለየት ከፍተኛ ትኩረት ሰጥቶ በመስራት ኢትዮጵያ ያለችበትን ደረጃ ለማሻሻል ያለመ ነው።

የኢኖቬሽንና ቴክኖሎጂ ሚኒስትር ዶ/ር በለጠ ሞላ እንደ ሀገር የምናከናውናቸው ተግባራት እና ያሉን እምቅ ሀብቶች በአግባቡ በማጥናትና በማደራጀት መረጃ ለሚፈልጉ አለማቀፍ ድርጅቶች በመስጠት የሀገራችን ገፅታ መገንባት ይጠበቅብናል ብለዋል፡፡

ኢትዮጵያ ትልቅ ሀገር ናት ያሉት ክቡር ሚኒስትሩ ሀገራዊ ስራዎቻችንን ዲጂታላይዝ በማድረግ የሁለም ተቋማት  ተጠቃሚነትን ለማረጋገጥ የሚያስችሉ የግንዛቤ መድረኮችን በመፍጠር ያሉንን የመረጃ ሀብት ማግኘትና መጠቀም የምንችልበት ስርዓት መፈጠር  እንዳለበት ተናግረዋል።

የኢኖቬሽንና ቴክኖሎጂ ሚኒስትር ዴኤታ ዶ/ር ባይሳ በዳዳ ኢትዮጵያ በአለማቀፍ  ኢኖቬሽን ኢንዴክስ ያላትን ደረጃ  ወደ ውጭ ከምንልካቸው ምርቶች የሚፈለገውን ገቢ ለማግኘት እና በኢትዮጵያ ኢንቨስት በሚያደርጉ አካላት ላይ ተፅዕኖ እንዳያሳድር ሁሉም በዘርፉ ላይ በትብብር መስራት እንዳለበት አስገንዝበዋል።
701
Ministry of innovation and technology (MinT)

12 Nov, 07:46

የ5 ሚሊዮን ኢትዮጵያዊያን ኮደሮች ኢኒሼቲቭ ስልጠና እድሎችን በርካቶች እየተጠቀሙበት ይገኛሉ፡፡ እርስዎም በዚህ የመመዝገቢያ ሊንክ https://ethiocoders.et በመግባት የእድሉ ተጠቃሚ ይሁኑ!
1,429
Ministry of innovation and technology (MinT)

10 Nov, 06:21

እያይዘውም ይህ አዲስ እድል ኢትዮጵያውያን ገንቢዎች  የGoogle Playን አለምአቀፍ ታዳሚዎች በቀጥታ በማስገኘት  መተግበሪያዎቻቸው  ሰፊ እይታን እንዲያገኝ እና አለም አቀፍ ተወዳዳሪ እንዲሆን ያስችላል ብለዋል።

የሀገር ውስጥ ገንቢዎችን በማበረታታት ከአካባቢው፣ከማህበረሰቡ ወግና አኗኗር ጋር ተዛማጅነት ያላቸውን መተግበሪያዎች በማልማት እንዲሁም ለአለማቀፍ ገበያው የሚመጥን ስራ ለመስራት አቅም ያላቸውን የዘርፉ ባለሞያዎች ያበረታታል።
1,831
Ministry of innovation and technology (MinT)

10 Nov, 06:21

የጎግል ፕሌይ የአልሚዎች ምዝገባ ኢትዮጵያውያን አልሚዎችን መቀበል መጀመሩ ለኢትዮጵያ የዲጂታል ኢኮኖሚ ግንባታ ትልቅ ተጽእኖ የሚፈጥር ነው።ዶ/ር በለጠ ሞላ
===============
የጎግል ፕሌይ አልሚዎች ምዝገባ ኢትዮጵያውያን አልሚዎችን መቀበል ጀምሯል።

ይህ ምዕራፍ የሀገር ውስጥ የቴክኖሎጂ ተሰጥኦ ባለቤቶች መተግበሪያዎቻቸውን በዓለም ላይ ካሉት ትላልቅ ዲጂታል መድረኮች ላይ እንዲያትሙ አዲስ እድሎችን ይከፍታል።

በጉዳዩ ዙሪያ የኢኖቬሽን እና ቴክኖሎጂ ሚኒስትር ዶ/ር በለጠ ሞላ መንግስት የዲጂታል ኢኮኖሚውን ለመገንባት በርካታ ተነሳሽነቶችን በመተግበር እየሰራ መሆኑን ገልጸው ይህ አዲስ ጅማሮ የተከናወኑ ተግባራት ውጤት ነው ብለዋል።

የጎግል ፕሌይ የአልሚዎች ምዝገባ ኢትዮጵያውያን አልሚዎችን መቀበል መጀመሩ ለኢትዮጵያን የዲጂታል ኢኮኖሚ ግንባታ ትልቅ አቅም የሚፈጥር ነው ያሉት ሚኒስትሩ ይህንን እድል ተጠቅመው የዘርፉ ባለሙያዎች ችግር ፈቺ መተግበርያዎችን በማልማት በዲጂታል ኢኮኖሚ ግንባታ ሂደት የድርሻቸውን እንደሚወጡ ጥሪ አቅርበዋል።

ሚኒስትሩ እድሉ Google ካምፓኒ ኢትዮጵያን እንዲያካትት በተደረገ ጥረት የመጣ ውጤት መሆኑንም አንስተዋል።

በሚኒስቴሩ አማካሪ የሆኑት አቶ ሰለሞን ሙሉጌታ ለኢትዮጵያውያን ስታርታፖች ምቹ ሥነ-ምህዳርን ለማዳበር ከሚተገበሩ ሰራዎች መካከል በአለም አቀፍ የዲጂታል መድረኮች እንዲሳተፉ የሚያስችሉ አለማቀፋዊ ግንኙነቶችን ማጠናከር ወሳኝ በመሆኑ እድሉን ለማመቻቸት የተለያዩ ስራዎች ሲከናወኑ መቆየታቸውን ተናግረዋል።
1,575
Ministry of innovation and technology (MinT)

09 Nov, 11:14

የኢትዮጵያ አእምሯዊ ንብረት ባለስልጣን ዋና ዳይሬክተር ወልዱ ይመሰል ላለፉት አምስት ቀናት ሲካሄድ የነበረው ብሄራዊ የአእምሯዊ ንብረት ሳምንት ሦስት ብሄራዊ ወርክሾፖች የተካሄዱበት መሆኑን ተናግረዋል።

በመርሃ ግብሩ የአእምሯዊ ንብረት ጥበቃ ለአነስተኛና መካከለኛ ኢንተርፕራይዞች፣ ዩኒቨርስቲዎችና የምርምር ተቋማት ያለው ፋይዳ እንዲሁም የህግ አውጪዎችና አስፈጻሚዎች ግንዛቤና ድጋፍ አስፈላጊነት የዳሰሱ ወርክፖሾፖች ውጤታማ እንደነበሩም ዋና ዳይሬክተሩ ተናግረዋል።
1,352
Ministry of innovation and technology (MinT)

09 Nov, 11:14

ፈጠራ፣ ቴክኖሎጂና ኢኖቬሽን፣ የማህበረሰቦች ዕውቀት፣ ባህልና ዕሴቶች የሥልጣኔ ምሶሶዎች ናቸው፡፡ዶ/ር ባይሳ በዳዳ
==============
በአለም አእምሯዊ ንብረት ድርጅት (WIPO) እና በኢትዮጵያ አእምሯዊ ንብረት ባለስልጣን ትብብር እንዲሁም በጃፓን ፓተንት ጽ/ቤት (JPO) አጋርነት ሲካሄድ የቆየው ብሄራዊ የአእምሯዊ ንብረት ሳምንት ተጠናቋል።

በዝግጅቱ ላይ የተገኙት የኢኖቬሽንና ቴክኖሎጂ ሚኒስትር ድኤታ ዶ/ር ባይሳ በዳዳ የአእምሯዊ ንብረት ሳምንቱ የአእምሯዊ ንብረት ስርዓት ዓለም አቀፋዊ ይዘት፣ ልምድ፣ የህግ ማዕቀፍ እና ተግባራዊነትን በማሳየት የሃገራችንን የአእምሯዊ ንብረት ሥርዓት ለማሻሻል የጋራ ግንዛቤ እንዲኖረን አስተዋጽዖው የጎላ ነው ብለዋል።

ፈጠራ፣ ቴክኖሎጂና ኢኖቬሽን፣ የማህበረሰቦች ዕውቀት፣ ባህልና ዕሴቶች የሥልጣኔ ምሶሶዎች ናቸው ያሉት ሚኒስትር ዴኤታው መንግስት ለሳይንስ፣ ቴክኖሎጂና ኢኖቬሽን ዘርፉ ከፍተኛ ትኩረት ሰጥቶ  እየሰራ መሆኑን ተናግረዋል።

ሚንስትር ድኤታው አያይዘውም ሃገራችን በጀመረችው ዘላቂ የልማት ግቦችን የማሳካት ጉዞ እየተተገበረ ባለው ሃገር በቀል /Home grown/ የኢኮኖሚ ፖሊሲ ዘመኑ በሚጠይቀው የቴክኖሎጂ አቅምና ዲጂታል ስርዓት መደገፍ ያስፈልጋል ብለዋል።

በለፉት የለውጥ አመታት አስፈላጊ የሆኑ የስነምህዳር ግንባታ ስራዎች እየተከናወኑ መሆናቸውን ያነሱት ሚኒስትር ድኤታው የመሠረተ ልማት ግንባታ ስራዎች፣ ነገን ታሳቢ ያደረጉ ሀብት፣ ፈጣራና የሰው ሀብት ልማት ስራዎች የዘርፉን አፈጻጸም ከማሳደግ አንጻር ጉልህ ሚና እንደሚኖራቸው አንስተዋል።
1,327
Ministry of innovation and technology (MinT)

08 Nov, 04:51

ማዕከሉ የኒውክሌር ምርምርን ከማከናወን ባለፈ ለተለያዩ ዘርፎች ግብዓት በማቅረብ ለኒውክሌር ታዳሽ ሃይል አቅርቦትም መደላድል የሚጥል መሆኑንም ሚኒስትሩ ተናግረዋል።

የሩሲያ ሳይንስና ከፍተኛ ትምህርት ምክትል ሚንስትር ኤች ኮንስታንቲን ሞጊሌቭስኪ በበኩላቸው ሀገራቸው ከኢትዮጵያ ጋር የሚደረገውን ግንኙነት በተለያዩ መስኮች አጠናክራ የመቀጠል ፍላጎት እንዳላት ገልፀዋል።

ክቡር ምክትል ሚኒስትሩ በሰው ሃብት ልማት ከመላው አፍሪካ ከ35ሺ በላይ ተማሪዎች በሩስያ በመማር ላይ መሆናቸውን ጠቅሰው በርከት ያሉ ኢትዮጵያውያን ተማሪዎች በሩስያ እንዲማሩ ሀገራቸው አስፈላጊውን ሁሉ እንደምታደርግም ተናግረዋል።

በተለይም የኢትዮጵያና ሩሲያ የጋራ የባዮሎጂካል ምርምር ማዕከል እና የኒውክሌር ሳይንስና ቴክኖሎጂ ማዕከሉ ሲቋቋም የስራ እድል ከመፍጠር ባለፈ የሁለቱ ሀገራት ሙህራን በእነዚህ ማዕከላት ልምዳቸውን እንዲያዳብሩ እንደሚያግዝም እንስተዋል።

በውይይቱ በቀጣይ የመግባቢያ ስምምነት በመፈረም ወደ ስራ እንደሚገባ ስምምነት ላይ ተደርሷል።
1,434
Ministry of innovation and technology (MinT)

08 Nov, 04:50

ኢትዮጵያና ሩሲያ በዘርፈ ብዙ መስኮች ላይ የሚሰሯቸውን የትብብር ስራወች አጠናክረው እንደሚቀጥሉ ተገለጸ
=====
የኢኖቬሽንና ቴክኖሎጂ ሚንስትር ክቡር ዶ/ር በለጠ ሞላ በሩሲያ ሳይንስና ከፍተኛ ትምህርት ምክትል ሚንስትር ኤች ኮንስታንቲን ሞጊሌቭስኪ ከተመራው ከፍተኛ የልዑካን ቡድን ጋር በጽህፈት ቤታቸው ተወያይተዋል።

ውይይቱ በርካታ የሁለትዮሽ ጉዳዮችን የዳሰሰ ሲሆን የኒውክሌር ሳይንስና ቴክኖሎጂ ትብብርን በተመለከተ፣ የኢትዮጵያና ሩሲያ የጋራ የባዮሎጂካል ምርምር ማዕከልን እውን ስለማድረግ፣ በሩስያ ዩንቨርሲቲዎች በኢኖቬሽንና ቴክኖሎጂ ዘርፍ የሰው ሃብት ልማትን እንዲሁም የሩሲያ ቋንቋን በኢትዮጵያ ለማስተማር ባለው ፍላጎት ላይ ያተኮረ ነበር።

በውይይቱ ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ፤ ሁለቱ ሀገራት ያላቸውን ረጅም የወዳጅነት ዘመን ገልጸው ፤ሀገራቱ ያላቸውን እምቅ አቅም በማስታወስ አሁንም በስፋት ሊሰሩ የሚገባቸው በርካታ እድሎች መኖራቸውን ገልጸዋል።

የሩሲያ ልዑክ የኢትዮጵያና ሩሲያ የጋራ የባዮሎጂካል ምርምር ማዕከል በኢትዮጵያ ለማቋቋም የተጀመረው ጥረት ሁለቱ ሀገራት በዘርፉ ለሚያደርጉት እንቅስቃሴ አጋዥ ነው በማለት ስምምነቱ ወደ ተግባር እንዲለወጥ አንስተዋል።

ለዚህም በጉዳዩ ዙርያ በትኩረት ይሰራል ያሉት ሚኒስትሩ የሰው ሃይል ልማትን በተመለከት ሩስያ ለሀገራችን የምታደርገው ድጋፍ እንደሚያደንቁ ጠቁመው ይሄው ተግባር ተጠናክሮ እንዲቀጥል ገልጸዋል።

በሩስያና እትዮጵያ ትብብር የሚቋቋመው የኒውክሌር ሳይንስና ቴክኖሎጂ ማዕከል የኢኖቬሽንና ቴክኖሎጂ ሚኒስቴር ከሮሳቶም ጋር በጥሩ የመግባባት መንፈስ እየሰሩ መሆኑን የጠቀሱት ሚኒስትሩ ባጭር ጊዜ የመጨረሻውን የአዋጭነት ጥናት ስምምነት ሰነድ እንደሚፈርሙ አብራርተዋል።
971
Ministry of innovation and technology (MinT)

07 Nov, 07:11

በዝግጅቱ ላይ የፓሪስ ኢንዱስትሪያዊ ንብረት ስምምነት እንዲሁም የማድሪድ ዓለም አቀፍ የንግድ ምልክት ምዝገባ ፕሮቶኮል መተግበርያ አዋጆችን የህዝብ ተወካዮች ምክርቤት ሰሞኑን ማጽደቁ ለዘርፉ እመርታ መሆኑ የተገለጸ ሲሆን በዓለም ንግድ ድርጅት እና ተያያዥ የዓለም ስርዓት ውስጥ በመግባት የዘርፉን ሚና ለማሳደግ እንደሚያግዝ ተጠቁሟል፡፡

ለህግ አውጪዎችና ባለድርሻ አካላት በተዘጋጀው ወርክሾፕ የአእምሯዊ ንብረት ስርዓት ዓለም አቀፋዊ ይዘት፣ ልምድ፣ የህግ ማዕቀፍ እና ተግባራዊነትን የሚመለከቱ ውይይቶች ተከናውኗል፡፡
1,188
Ministry of innovation and technology (MinT)

07 Nov, 07:11

በብሄራዊ የአእምሯዊ ንብረት ሳምንት የህግ አውጭዎች ሴሚናር ተካሂዷል።
=============
ከዓለም አእምሯዊ ንብረት ድርጅት እና ከጃፓን ፓተንት ጽ/ቤት ጋር በመተባበር እየተካሄደ በሚገኘው ብሄራዊ የአእምሯዊ ንብረት ሳምንት የዘርፉን ባለሞያዎች ያሳተፈ የህግ አውጭዎች ሴሚናር ተካሂዷል።

በዝግጅቱ ላይ የኢኖቬሽንና ቴክኖሎጂ ሚኒስትር ድኤታ ክብርት ፎዚያ አሚን (ዶ/ር) በ10 ዓመቱ ዕቅድ ኢኖቬሽን፣ ቴክኖሎጂ እና ዲጂታል አገልግሎት ትኩረት የተሰጠው መሆኑን አውስተው ለፈጠራዎች መበረታታትና የስራ ዕድል ፈጠራ የአእምሯዊ ንብረት ጥበቃ ስርዓት ቁልፍ ጉዳይ ነው ብለዋል፡፡

ለዚህም ለዘርፉ በቂ ትኩረት መስጠትና ባለስልጣኑ እያከናወናቸው የሚገኙ የህግ ማዕቀፍ ማሻሻያና፣ ሌሎች የሪፎርም ስራዎችን መደገፍ እንደሚያስፈልግ ዶ/ር ፎዚያ አብራርተዋል፡፡

የኢትዮጵያ አእምሯዊ ንብረት ባለስልጣን ዋና ዳይሬክተር አቶ ወልዱ ይመስል ኢትዮጵያ ሃገራዊ የቴክኖሎጂ አቅሟ እንዲያድግ፣ ኢኮኖሚያዊ፣ ማህበራዊ፣ ባህላዊና ቴክኖሎጂያዊ ዕድገት እንዲረጋገጥ የአዕምፘዊ ንብረት ስርዓት ከፍተኛ አስተዋፅዖ አለው ብለዋል።

እያይዘውም በህግ ማዕቀፍና ተቋማዊ አቅም ግንባታ ስራዎች ላይ የህግ አዉጭዎች እና የባለድርሻ አካላት ትብብር አስፈላጊ መሆኑን ተናግረዋል፡፡

በዓለም አእምሯዊ ንብረት ድርጅት የአፍሪካ ዲቪዥን ተጠባባቂ ዶ/ር ሎሬታ አሲዱ እና የአለም አቀፍ ክላሲፊኬሽንና ስታንዳርድ ዲቪዥን ዶ/ር ኩኒኮ ፉሺማ በአእምሯዊ ንብረት ጥበቃ ስራዎች የህግ ማዕቀፎች የሚኖራቸው ፋይዳና ተያያዥ ጉዳዮች ላይ ንግግር አድርገዋል።
967
Ministry of innovation and technology (MinT)

05 Nov, 04:29

በዝግጅቱ ላይ በስታርትአፕ ስነ ምህዳር ግንባታ፣በኢመርጂንግ ቴክኖሎጂ፣በታለንት ልማት እና ትምህርት፣በግንባታ ቴክኖሎጂና ሽግግር ላይ እስራኤል ያላት ተሞክሮ በሉእካን ቡድኑ ቀርቧል።

በኢትዮጵያ ያለውን የኢኖቬሽን ስነ-ምህዳር ለማሳደግ እየተሰሩ ያሉ የኢኖቬሽን ስትራቴጂክ ማዕቀፍ እና መሠረተ ልማት እንዲሁም አዳዲስ አሰራሮችን ለዘላቂ ልማት ለመጠቀም የተጀመሩ ስራዎች ለእስራኤል የሉእካን ቡድን ቀርቧል፡፡
728
Ministry of innovation and technology (MinT)

05 Nov, 04:29

ሁለተኛው የኢትዮ-እስራኤል ኢኖቬሽን ሳምንት በተለያዩ ዝግጅቶች መካሄድ ጀመረ፡፡
=====================
በኢኖቬሽንና ቴክኖሎጂ መስክ በኢትዮጵያና እስራኤል መካከል ያለውን ፈጠራን እና  ትብብር ለማጠናከር እንዲሁም የልምድ ልውውጥ ለማድረግ ያለመው ይህ ዝግጅት ለአራት ቀናት የሚካሄድ ነው፡፡

ሁለተኛው የኢትዮ-እስራኤል ኢኖቬሽን ሳምንትን የከፈቱት የኢኖቬሽንና ቴክኖሎጂ ሚኒስትር ዶክተር በለጠ ሞላ የኢትዮጵያን የፈጠራ ገጽታ ወደ ላቀ ደረጃ ለማሸጋገር አለም አቀፍ ትብብር ያለው ጠቀሜታ የጎላ መሆኑን ተናግረዋል።

"ኢትዮጵያ በአዲስ የፈጠራ ዘመን ገደል ላይ ትገኛለች"ያሉት ሚኒስትሩ ለዚህም ቴክኖሎጂን ለመቀበል የሚጓጓ ወጣት ፣ ቁጥራቸው እየጨመረ የመጣ ስታርትአፕ እና አካባቢን ለማሳደግ ቁርጠኛ የሆነ መንግስት በቅንጅት ለፈጠራ አመች፣ ለለውጥ ዝግጁ ሁኔታ ላይ እንገኛለን ብለዋል።

እስራኤል በአስደናቂ የስታርትአፕ ባህሏ እና በቴክኖሎጂ እድገቷ ትታወቃለች ያሉት ሚኒስትሩ  የእስራኤል የፈጠራ ሞዴል ለኢትዮጵያ ትምህርት ሰጭ በመሆኑ የትብብር ማዕቀፍ በመመሥረት በጋራ፣ ሃሳቦች የሚያብቡበት፣ ስታርትአፖች የሚበለፅጉበት፣ ቴክኖሎጂ ለኢኮኖሚ ልማት ማበረታቻ የሚሆንበትን ሁኔታ መፍጠር እንችላለን ብለዋል።

በዝግጅቱ ላይ በኢትዮጵያ የእስራኤል አምባሳደር የተከበሩ አቫራሃም ንጉሴ በዓለም ላይ ስኬታማና ግንባር ቀደም የፈጠራ እና ስታርትአፖ ሥነ-ምህዳርን በማቋቋም እንዲሁም በመንከባከብ ሀገራቸው ያላትን ልምድ በዚህ ፕሮግራም ለኢትዮጵያ የዘርፉ ባለሙያዎች እንደሚያጋሩ አንስተዋል።

ኢትዮጵያ በተፍጥሮ ሃብትና በሰው ሃይል የታደለች መሆኗን የገለጹት አምባሳደሩ ይህንን ሀብት በቴክኖሎጂ እና በኢኖቬሽን በመደገፍ ለኢኮኖሚ እድገት ለመጠቀም የሚደረገውን ጥረት ሀገራቸው እንደምታግዝም ተናግረዋል።
708
Ministry of innovation and technology (MinT)

04 Nov, 13:07

ስልጠናው ከኢትዮጵያ ግብርና ምርምር ኢንስቲትዩት እና ከ23 የምርምር ማዕከላት፣ ከኦሮሚያ ፣ ከአማራ፣ ከትግራይ ፣ ከአፋር፣ ከሶማሌ፣ ከጋምቤላ፣ ከኢትዮጵያ ማእከላዊ ክልሎች፣ ከደቡብ እና ከደቡብ ምዕራብ ግብርና ምርምር ኢንስቲትዩት እና ከግብርና ሚኒስቴር የተውጣጡ ተመራማሪዎች እና ከፍተኛ ሀላፊዎች ተሳትፈውበታል።
868
Ministry of innovation and technology (MinT)

04 Nov, 13:07

በአርቴፊሻል ኢንተለጀንስ ያለን አቅም በማሳደግ ቀጣይነት ያለው ልማትና ኢኮኖሚያዊ ትራንስፎርሜሽን ለማረጋገጥ መስራት ይኖርብናል፡፡ዶ/ር ባይሳ በዳዳ
================
የኢትዮጵያ የግብርና ምርምር ኢንስቲትዩት ከኢኖቬሽንና ቴክኖሎጂ ሚኒስቴር፣ ከኢትዮጵያ አርቴፊሻል ኢንተሌጀንስ ኢንስቲትዩት፣ ፣ ከአዲስ አበባ ቴክኖሎጂ ኢንስቲትዩት እና ከግብርና ሚኒስቴር ጋር በመተባበር በኢትዮጵያ የግብርና ምርምር Ai አፕሊኬሽኖችን መጠቀም ( AI for resilient food systems) በሚል ርእስ ከተለያዩ ተቋማት ለተውጣጡት ሀላፊዎች እና ተመራማሪዎች ስልጠና እየተሰጠ ይገኛል።

በስልጠናው ማስጀመር ፕሮግራም ላይ የኢኖቬሽንና ቴክኖሎጂ ሚኒስትር ዴኤታ ዶ/ር ባይሳ በዳዳ በአርቴፊሻል ኢንተለጀንስ ያለን አቅም በማሳደግ ቀጣይነት ያለው ልማትና ኢኮኖሚያዊ ትራንስፎርሜሽን ለማረጋገጥ መስራት ይኖርብናል፡ ብለዋል።

Ai የሰብል ምርትን ማሳደግ፣ የአፈር ጤና አጠባበቅ፣ ተባዮችን እና በሽታን የመቆጣጠር እና የግብርና ምርቶችን የማሳደግ አቅም ከፍ ያደርጋል ያሉት ክቡር ሚኒስትር ዴኤታው መንግስት የምግብ ዋስትናን የሚያረጋግጥ እና ዘላቂ እና በግብርና የለማ አከባቢን ለመፍጠር እየሰራቸው ያሉ ስራዎች በቴክኖሎጂ በመደገፍ የበኩላችንን ድርሻ መወጣት ይጠበቅብናል ብለዋል፡፡

ስልጠናው በኢትዮጵያ ውስጥ የሚገኙ የሳይንስ መሪዎች፣ ተመራማሪዎች እና የግብርና ባለሙያዎች አርቴፊሻል ኢንተሌጀንስ ለግብርና ምርምር ማመልከቻዎች፣ ለዕፅዋት ጥበቃ፣ ለዕፅዋት ማራባት፣ ለአፈር ጤና እና ውሃ አስተዳደር፣ ለእንስሳት እርባታ ፣ ለባዮቴክኖሎጂ እና የምግብ ሳይንስ ላይ እንዴት እንደሚተገበር እና ይሀንን በመጠቀም በግብርና ምርምር እና የምግብ ምርታማነትን ለማጎልበት የሚያስችል ክህሎትን ማሳደግ ላይ ያለመ ነው።
796
Ministry of innovation and technology (MinT)

04 Nov, 11:00

የስራ ቅልጠፍና ለማምጣት በአለም ባንክ ከተለዩት 10 ጠቋሚዎች መካከል በንግድ እና ቀጠናዊ ትስስር ሚኒስቴር "ንግድ ለመጀመር"፣ በገቢዎች ሚኒስቴር "ግብር ለመክፈል" በኢትዮጵያ ኤሌክትሪክ አገልግሎት “መብራት ለማግኘት” እንዲሁም በአዲስ አበባ ከተማ አስተዳደር የግንባታ ፈቃድን እና ቁጥጥር ባለስልጣን "ግንባታ ፍቃድ ለማግኘት" ጥቂቶቹ ሲሆኑ እነዚህን ጠቋሚዎች መሰረት በማድረግ የተለዩትን አገልግሎቶች ዲጂታይዝ የተደረጉና በሂደት ላይ የሚገኙም አሉ።

የከተሞች የግንባታ ፍቃድ አገልግሎትን በባህርዳር፣ድሬድዋ እና አዳማ ከተማ የፕሮጀክት ማስጀመሪያ መርሀግብር አስቀድሞ የተከናወነ ሲሆን የከተሞቹን የግንባታ ፍቃድ አገልግሎት አሰጣጥ ሂደት እና ፍላጎት መሰረት ባደረገ መልኩ በኢኖቬሽን ቴክኖሎጂ ሚኒስቴር አማካኝነት የንግድ ፖርታሉ ለምቷል።

በቀጣይም ፖርታሉ ወደ ስራ ከመግባቱ በፊት የለማው ፖርታል በተሰበሰበው የልማት ፍላጎት መሰረት መሆኑን ለማረጋገጥ እና ፍተሻ ለማድረግ ከከተሞቹ ለመጡ የግንባታ ፍቃድ እና ኢ.ኮቴ ባለሞያዎች የማረጋገጫ እና ፍተሸ መርኀግብር እየተከናወነ ይገኛል።

በሚሰበሰበው ግብዓት ተመስርቶ ማስተካከያዎች በማድረግ በቀጣይ ከከተማ አስተዳደሮቹ ጋር በመተባበር ወደ ስራ ይገባል።
783
Ministry of innovation and technology (MinT)

04 Nov, 11:00

ኢትዮጵያን ለንግድ ስራ ምቹ እንድትሆን ለማስቻል የዲጂታላይዜሽን ስራዎች ትኩረት ተሰጥቶት እየተሰራ ነው።
===========
የኢኖቬሽንና ቴክኖሎጂ ሚኒስቴር ሀገር አቀፍ የንግድ ፖርታል የተጠቃሚ ግብአት ማሰባሰብያ እና ሲስተም ፍተሻ መርሀግብር በማካሄድ ላይ ነው።

ሀሳቡ በክቡር የኢ.ፌ.ድ.ሪ ጠ/ሚ ዶ/ር አብይ አህመድ የተጠነሰሰ ሲሆን የቢዝነስ ፖርታሉ አላማ የተመረጡ የመንግስት አገልግሎቶችን በኦንላየን አማካኝነት ተደራሽ ማድረግ፣ ተገልጋዮች አገልግሎት ለማግኘት የሚያወጡትን ወጪ እና ግዜ በመቀነስ የንግድ ስራን ቀልጣፋ ማድረግ ነው።

የኢኖቬሽንና ቴክኖሎጂ ሚኒስትር ዴኤታ ዶ/ር ይሽሩን አለማየሁ ኢትዮጵያን ለንግድ ስራ ምቹ እንድትሆን ለማስቻል የዲጂታላይዜሽን ስራዎች ትኩረት ተሰጥቶት እየተሰራ ነው ብለዋል።

የኢትዮጵያን የንግድ ምኅዳሩን እና ሁኔታ በማሻሻል ለንግድ ስራ እና ኢንቨስትመንት ምቹ ለማድረግ  አንድ ወጥ የሆነው የብሄራዊ የንግድ ፖርታል በአውሮፓ ህብረት ድጋፍ  ለምቶ በአዲስ አበባ ከተማ አስተዳደር ባሉ የግንባታ ፍቃድ እና ቁጥጥር ቢሮዎች አስቀድሞ ወደ ስራ መግባቱንም ሚኒስትር ዴኤታው ጠቅሰዋል።


ሚኒስትር ድኤታው እያይዘውም አገልግሎቱን ወደ ክልል ከተሞች ለማስፋፋት የተለያዩ ስራዎች ሲሰሩ መቆየታቸውን ገልጸው ኢትዮጵያን የአለም የንግድ ድርጅት አባል ለማድረግ የንግድ ስራዎችን የሚያቀሉ አሰራሮችን ተግባራዊ ማድረግ እንደሚገባ ተናግረዋል።
826
Ministry of innovation and technology (MinT)

02 Nov, 13:47

የኢኖቬሽንና ቴክኖሎጂ ሚኒስቴር የ5 ሚሊዮን ኢትዮጵያዊያን ኮደሮች ኢኒሼቲቪ ስልጠናን ላጠናቀቁ የሚኒስቴሩ ሰራተኞች እውቅና ሰጥቷል።


እውቅና የሰጣቸው ሰራተኞች በኢትዮ ኮደርስ ኢኒሼቲቭ እየተሰጡ የሚገኙ ስልጠናዎችን ላጠናቀቁ ሰራተኞች ነው።

ዓለም የደረሰበት የዲጂታል ኢኮኖሚ ባለቤት ለመሆን በ5 ሚሊዮን ኢትዮጵያዊያን ኮደሮች ኢኒሼቲቪ ስልጠና ሁሉም እራስን በማብቃት፣ስራ በመፍጠርና ሀብት በማፍራት የተገኘው እድል ተጠቃሚ እንዲሆኑ ያለመ ነው።

በእውቅና መስጠት መርሃ ግብሩ ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ የኢትዮጵያን በዲጂታል ኢኮኖሚ እንቅስቃሴ ውጤታማ ለማድረግ በቀጣይ ለሚኖሩ እድሎች ዛሬ ላይ መሰረት ለመጣል በመጀመሪያ ራሳችንን በክህሎት ማብቃት አለብን ብለዋል።

ለዚህም በዲጂታል ኢኮኖሚ ግንባታ ውስጥ ዲጂታል ክህሎትን ማሳደግ ላይ በትኩረት እየተሰራ ነው ብለዋል።

አያይዘውም የ5 ሚሊዮን ኢትዮጵያዊያን ኮደሮች ኢኒሼቲቭ ስልጠና ስንሰለጥን ትኩረታችን ያገኘነውን እውቀት ተጠቅመን ራሳችንን፣ተቋማችንን፣ሀገራችንንና አለማችንን ማገልገል የሚያስችል ብቃት ላይ መሆን እንዳለበት አሳስበዋል።

በምንመራው ዘርፍ ላይ በጠቅላይ ሚኒስትሩ እየተደረገልን ያለው ከፍተኛ ድጋፍ ክፍተት እንዳይኖርና እምርታዊ ለውጥ እንድናስመዘግብ ስለሆነ ሁላችንም ተግተን መስራት ይጠበቅብናል ብለዋል።

የተዘጋጀ ብቁ የሰው ሀይል ሲኖረን ሁሉንም እናሳካለን ያሉት ክቡር ሚኒስትሩ ሁሉም ተቋማት በቀጣይ እንዲህ ያለ መድረክ በመፍጠር የ5 ሚሊዮን ኢትዮጵያዊያን ኮደሮች ኢኒሼቲቭ ስልጠና እንዲሰለጥኑ ማድረግ እንዳለባቸው መልዕክት አስተላልፈዋል።

ሰልጣኖች ያገኙት ክህሎት ትልቅ አቅም እንደፈጠረላቸው በመግለጽ የተፈጠረውን ክህሎት ስራ ላይ በማዋል ውጤት ለማስመዝገብ የሚጠበቅባቸውን እንደሚያደርጉ ተናግረዋል።
1,166
Ministry of innovation and technology (MinT)

02 Nov, 05:55

የባዮ ኢኮኖሚ ስትራቴጂ ፈጠራና ምርምርን የሚያበረታታ ስነምህዳር በመፍጠር በባዮ ቴክኖሎጂ የሚደረጉ ምርምሮች እና የኢኖቬሽን ስራወችን ለማበረታታት ይረዳል።ዶ/ር ባይሳ በዳዳ
=====
የኢኖቬሸንና ቴክኖሎጂ ሚኒስቴር ከሚመለከታቸው አካላት ጋር በመተባበር የባዮ ኢኮኖሚ ስትራቴጂ በማዘጋጀት ላይ ይገኛል።

ስትራቴጂው ፈጠራንና ምርምርን የሚያበረታታ ስነ-ምህዳር በመፍጠር በባዮ ቴክኖሎጂ በሚደረጉ ምርምሮች እና የኢኖቬሽን ስራወችን ለማበረታታት የሚያግዝ መሆኑን የኢኖቬሽንና ቴክኖሎጂ ሚኒስቴር ዴኤታ ዶ/ር ባይሳ በዳዳ ተናግረዋል።

የባዮ ኢኮኖሚ ሃገራቱ ያላቸውን ተፈጥሯዊ ታዳሽ ስነ ህይወታዊ ሀብቶችን ዘላቂነትን መሰረት ባደረገ እና ውጤታማ በሆነ መንገድ በመጠቀም የአካባቢያዊ ተጽእኖ በማያስከትል መልኩ ማህበራዊ እና ኢኮኖሚያዊ ተጠቃሚነትን ማረጋገጥ አላማ ያደርገ መሆኑ ተነስቷል።

የኢኖቬሽንና ቴክኖሎጂ ሚኒስትር ድኤታ ዶ/ር ባይሳ በዳዳ የዘርፉ ባለሙያዎችን ባሳተፈዕ የስትራቴጂ ዝግጅቱ የግምገማ መድረክ ላይ ኢትዮጵያም የበለፀገ ስነ-ህይወታዊ እና የተለያዩ የተፈጥሮ ሀብቶች ባለቤት እንደመሆኗ እነዚህን ሃብቶች በመጠቀም ፤ ዘለቄታዊ ግብርናን በማስፋት ምርታማነትን በማጎልበት የምግብ ዋስትናን ለማረጋጋጥ ያስችላል ብለዋል።

እያይዘውም ሃገራችን ያላትን ሰፊ የብዝሃ ህይወት ሃብት ፤ሰፊ ሊሰራ የሚችል ወጣት የስራ ሃይል በፈጠራና በምርምር በማገዝ ተኪ ኢንዱስትሪ ምርቶች ላይ ትኩረት ተደርጎ እንዲሰራ ያግዛል ብለዋል።

በአለም ላይ ከ 70 በላይ ሃገራት አፍሪካዊያንን ጨመሮ ባዮ ኢኮኖሚያቸው ላይ በሰፊው በመስራት ኢኮኖሚያዊ ና አካባቢያዊ ተጠቃሚነትን እያረጋገጡ እንደሚገኝ እንዲሁም በባዮ ኢኮኖሚ GDP 4 trilion (4.7 %) እንደሆና ይህም ወደ 30 trilion ሊያድግ እንደሚችል ይገመታል።
761
Ministry of innovation and technology (MinT)

31 Oct, 13:18

https://www.ethiocoders.et ይህ ማስፈንጠርያ ለአምስት ሚሊዮን ኢትዮጵያን የተመቻቸውን የኢትዮ ኮደርስ ኢንሼቲቭ ስልጠና እድሎች የሚያገኙበት ነው።

ይፍጠኑ....ይህ ወርቃማ እድል አያምልጥዎ....ማስፈንጠርያውን.በመክፈት....
ይመዝገቡ.....ስልጠናውን በመውሰድ.... አለም አቀፍ ተቀባይነት ያለውን ሰርትፍኬት በእጅዎ ያስገቡ።
1,109
Ministry of innovation and technology (MinT)

31 Oct, 10:15

የቀይ ባሕር ተጠቃሚነት ሰላማዊ በሆነ መንገድ ኢትዮጵያን ያስፈልጋታል።

ክቡር ጠቅላይ ሚኒስትር ዐቢይ አሕመድ (ዶ/ር)
1,158
Ministry of innovation and technology (MinT)

31 Oct, 08:51

ኮዲንግ እና የመረጃ ትንተናን ጨምሮ በርቀት ስራዎች ለ26 ሺህ ዜጎች የስራ እድል ተፈጥሯል።
================
ክቡር ጠቅላይ ሚኒስትር ዐቢይ አሕመድ (ዶ/ር) ከህዝብ ተወካዮች ምክር ቤት አባላት ለቀረቡላቸው ጥያቄዎች በሰጠት ማብራርያ የስራ እድል ፈጠራን በተመለከተ በተያዘው በጀት ዓመት ለ4 ነጥብ 3 ሚሊዮን ዜጎች የስራ እድል ለመፍጠር እቅድ መያዙን ተናግረዋል፡፡

ከዚህም ውስጥ 700 ሺህ ለሚሆኑት የውጭ ሀገር የስራ ስምሪት ለመፍጠር እቅድ የትያዘ እቅድ ነው ብለዋል።

ክቡር ጠቅላይ ሚኒስትሩ በንግግራቸው ባለፉት ሶስት ወራት ለሰለጠኑ ለ100 ሺህ ዜጎች በውጭ ሀገር የስራ ስምሪት ተፈጥሯል ብለዋል፡፡

በኦንላይን ስራ ፣ ኮዲንግ ፣የሶፍትዌር ልማትን እና የመረጃ ትንተናን ጨምር 26 ሺህ ዜጎች በሀገር ውስጥ ሆነው ለተለያዩ ሀገራት ድርጅቶች የመስራት እድል ተፈጥሮላቸዋል ብለዋል።
1,259
Ministry of innovation and technology (MinT)

31 Oct, 08:08

ጠቅላይ ሚኒስትር ዐቢይ አሕመድ(ዶ/ር) ከምክር ቤት አባላት ለቀረቡ ጥያቄዎች በሰጡት ማብራሪያ

ከወርቅ፣ ከቡና፣ ከመብራት፣ ትልቅ ለውጥና እምርታ እያመጣን ነው፣

ኢትዮጵያ ታክስ ከማይሰበስቡ ሀገራት ተርታ ናት፣

በዚህም በቀጣይ አንድ ነጥብ 5 ትሪሊዮን ገቢ እንደሀገር ያስፈልጋል፣

ህግን ያልተከለ ዘረፋ ለመከላከል ተጨማሪ ስራ ይሰራል፣ እንሰራለን

18 የነበሩት የባንኮች ቁጥር አሁን 33 ደርሰዋል፣

ባላፉት ሶስት ወራት በተለያየ መንገድ ከውጭ ወደ ኢትዮጵያ 3 ነጥብ 4 ቢሊዮን ዶላር ገቢ ሆናል፣

ባለፈው በጀት ዓመት የመጀመሪያዎቹ ሶስት ወራት ከውጭ ወደ ኢትዮጵያ የመጣው ሃብት 400 ሚሊዮን ዶላር ነበር፣

በማክሮ ኢኮኖሚ ማሻሻያው 27 ቢሊዮን ዶላር ወደ ኢትዮጵያ እንደሚመጣ ይጠበቃል፣

ሀገር እየተቀየር ሲሄድ የማይቀየሩ ሰዎች አሉ፣

ባለፉት 6 ዓመታት ኮመርሺያል ብድር አልወሰድንም፤ ዕዳን እየቀነስን ወደ ምንዳ እየተጓዝን ነው፣
912
Ministry of innovation and technology (MinT)

31 Oct, 07:57

“ባለፉት ሶስት ወራት ከ20 የማያንሱ ዓለም አቀፍ ኮንፈረንሶች በኢትዮጵያ ተካሂደዋል” ክቡር ጠቅላይ ሚኒስተርር ዐቢይ አህመድ (ዶ/ር)
==============
ባለፉት ሶስት ወራት ከ20 የማያንሱ ዓለም አቀፍ ኮንፈረንሶች ተካሂደዋል ሲሉ ጠቅላይ ሚኒስተርር ዐቢይ አህመድ (ዶ/ር) ገለጹ፡፡

ባለፈው ዓመት ዓመቱን ሙሉ 20 ዓለም አቀፍ ኮንፈረሶችን አላካሄድንም፤ ዘንድሮ በሶስት ወር ብቻ 20 የሚደርሱ ዓለም አቀፍ ኮንፈረንሶችን አካሂደናል ብለዋል፡፡

በቀጣይም በርካታ ዓለም ዓቀፍ ኮንፈረንሶች በኢትዮጵያ ይካሔዳሉ ሲሉ አመላክተዋል፡፡

የኮሪደር ልማት እና በኢትዮጵያ የተፈጠረው አውድ ዓለም አቀፍ ጎብኚዎችን ኮንፈረንሶችን ለመሳብ እድል መፍጠሩን አንስተዋል፡፡

ባለፉት ዓመታት የግሉ ሴክተር ከመንግስት ጋር በመተባበር የተገነቡት የገበታ ፕሮጀክቶች ውጤት እያስገኙ መሆኑን አብራርተዋል፡፡
666
Ministry of innovation and technology (MinT)

31 Oct, 07:45

ጠቅላይ ሚኒስትር ዐቢይ አሕመድ(ዶ/ር) ከምክር ቤት አባላት ለቀረቡ ጥያቄዎች በሰጡት ማብራሪያ‼️

✍️ በአፍሪካ ትልቁን የአውሮፕላን ማረፊያ ለመገንባት እንቅስቃሴ ተጀምሯል፣

✍️ አዲስ የሚገነባው የአውሮፕላን ማረፊያም በዓመት ከ100 አስከ 130 ሚሊዮን መንገደኞችን ያስተነናግዳል

✍️ በተያዘው በጀት ዓመትም የአገልግሎት ዘርፉ 7 ነጥብ 1 በመቶ እድገት እንደሚያስመዘግብ ይጠበቃል፣

✍️ የኢትዮጵያ አየር መንገድ 124 አዳዲስ አውሮፕላኖችን አዟል፣

✍️ 72 ትላልቅ ፕሮጀክቶች ወደ ስራ ይገባሉ ፣

✍️ባለፉት ዓመታት በኢትዮጵያ ታምርት ንቅናቄ የኢንዱስትሪ ዘርፉን ለማነቃቃት ከፍተኛ ስራ ተከናውኗል፣

✍️ የኢንዱስትሪ ዘርፉም በተያዘው በጀት ዓመት 12 ነጥብ 8 በመቶ እንደሚያድግ ይጠበቃል፣

✍️ በተለይ ከኃይል አቅርቦት ጋር ተያይዞ ሲነሱ የነበሩ ችግሮችን በመፍታት ረገድ የተሻል ስራ ተከናውኗል

✍️ የኢንዱስትሪዎችን የማምረት አቅም 67 በመቶ ማድረስ ተችሏል፣

✍️ በቱሪዝም ዘርፍ ከ20 ባላይ አለማ ቀፍ ኮንፍረሶች አካሒደናል፣

✍️ ከቅርቡ ፍራንኮቫሎታን በሚመለከት ማስተካከያ ይደረጋል፣

✍️ በኤክስፖርት ዘርፍ የሚታይ የሚጨበጥ ለውጥ አምጥተናል፤ ባለፉት 3 ወራት 1 ነጥብ 5 ቢሊዮን ዶላር ገቢ ተገኝቷል

✍️ ባላፉት ሶስት ወራት ሪሚታንስ 24 በመቶ አድጓል፣
766
Ministry of innovation and technology (MinT)

25 Oct, 13:21

የ5 ሚሊዮን የኢትዮ ኮደርስ ኢንሼቲቭ ሰልጣኞች በቀጣይ የሀገሪቱ የዲጂታል ኢኮኖሚ አቅም ናቸው።ዶ/ር በለጠ ሞላ
===================
የኢኖቬሽን እና ቴክኖሎጂ ሚኒስቴር ከፍተኛ አመራሮችና ሰራተኞች ሀገራዊ የ2017 የመጀመሪያው የ100 ቀን እቅድ የማክሮ ኢኮኖሚ ማሻሻያው ባመጣው ለውጥ ውስጥ የኢኖቬሽንና ቴክኖሎጂ ዘርፍ የነበረው ሚና ላይ መክረዋል።

የኢኖቬቨንና ቴክኖሎጂ ሚኒስትር ዶ/ር በለጠ ሞላ ሀገራዊ ኢኮኖሚው ለማጎልበት የተወሰደውን የማክሮ ኢኮኖሚ ማሻሻያው ለውጥ በመጠቀም ከቴክኖሎጂ የሚጠበቀውን ውጤት በማስመዝገብ ዓለም የደረሰበት እድገት ላይ ለመድረስ ያለንን አቅም አሟጠን መጠቀም አለብን ብለዋል።

የ5 ሚሊዮን ኮደርስ ስልጠና የተቋሙ አንኳር ስራ ነው ያሉት ክቡር ሚኒስትሩ የዲጂታል ኢኮኖሚያችን ግንባታ እንዲሳካ የኮደርስ ስልጠና በመሰልጠን ዜጎች የተሟላ የዲጂታል ክህሎት እንዲኖራቸው እንደሚያስችል አስገንዝበዋል።

ክቡር ሚኒስትሩ አያይዘውም የ5 ሚሊዮን የኢትዮ ኮደርስ ኢንሼቲቭ ሰልጣኞች በቀጣይ የሀገሪቱ የዲጂታል ኢኮኖሚ አቅም ናቸው ብለዋል።

ሀገራዊ የ2017 የመጀመሪያው የ100 ቀን እቅድ አፈፃፀም ሪፖርት ያቀረቡት የኢኖቬሽንና ቴክኖሎጂ ሚኒስትር ዴኤታ ዶ/ር ባይሳ በዳዳ ሀገራችን በኢኮኖሚ እንድትበለፅግ ብዙ ሆነን እንደ አንድ ተናበን ከሰራን ያቀድናቸውን ወደ ውጤት መቀየር እንደሚቻል ገልፀዋል።

ሀገራዊ የኢኮኖሚ እድገታችን ፈጣንና እምርታዊ ለውጥ እንዲያመጣ አቅዶቻችን ተጨባጭ የሆኑ ውጤቶች ላይ የተመሰረቱ መሆን አለባቸው ብለዋል።

በቀረበው ሪፖርት ላይ ለተነሱ ጥያቄዎች የሚኒስቴር መስሪያ ቤቱ ከፍተኛ አመራሮች ተገቢውን ምላሽ የሰጡ ሲሆን ሀገራዊ የልማት አፈፃፀሞችን ለተቋማትና ለሚመለከታቸው የማህበረሰብ ክፍሎች ማቅረብ ወሳኝ ሚና እንዳለው ተሳታፊዎች ገልፀዋል።
1,204
Ministry of innovation and technology (MinT)

25 Oct, 10:44

ከላይ የተዘረዘሩትን የጨረራ ጥቅሞች ገቢራዊ ለማድረግ የጨረራ አመንጭ መሳሪያዎች ወይም ቴክኖሎጂዎች በብዙ ዘርፎች የተለያዩ ዓላማዎችን ለማሳካትም ጥቅም ላይ እንዲውሉ ይደረጋል፡፡

ቴክኖሎጂው የሚኖረውን አሉታዊ ተጽዕኖ በቀጣይ ጽሁፎች የምናደርስ ይሆናል

#የኢትዮጵያ ቴክኖሎጂ ባለስልጣን
https://www.facebook.com/infoeta
671
Ministry of innovation and technology (MinT)

25 Oct, 10:44

የጨረራና ኑክሌር ቴክኖሎጂዎች ለሰው ልጆች የሚያበረክቱት ጥቅም

ለጨረራ በመጋለጥ የሚገኙ ጥቅሞችን በማይገድብ አግባብ ሰዎች ከጨረራ እንዲጠበቁ አገልግሎት መስጠት ያስፈልጋል፡፡

ዛሬ ላይ በኑክሌር ፋሲሊቲዎች እና አክስለሬተሮች በሰው ሰራሽ መንገድ የሚመረቱ ራዲዮኑክላይዶች በስፋት ጥቅም ሲሰጡ ይስተዋላሉ፡፡ እነዚህ የጨረራ ቁሶች በዓለማችን ዙሪያ ለህክምና፣ ኢንዲስትሪ፣ ግብርና ምርምርና ትምህርት ዓላማዎች አገልግሎት ላይ ይውላሉ፡፡

የጨረራና ኑክሌር ቴክኖሎጂ በሰለጠነ ማህበረሰብ ውስጥ በተጨባጭ የሚስተዋሉ ሰፋፊ ችግሮችን ለመቅረፍ የሚያገለግል ብቻ ሳይሆን ለማህበራዊና ኢኮኖሚ ዘርፎቻችን እጅግ አስፈላጊ ነው፡፡

ባለንበት ዘመን ጨረራ ለሰው ልጅ የተለያዩ ጥቅሞችን በመስጠት ላይ የሚገኝ ሲሆን ከነዚህ አገልግሎቶች ውስጥ በህክምና፣ ትምህርት፣ ኢንዱስትሪና የኤሌክትሪክ ሃይል ማመንጨት ዘርፎች የሚሰጣቸው ጥቅሞች ተጠቃሽ ናቸው።

ከዚህ በተጨማሪም ጨረራ በግብርና፣ በአርኪዮሎጂ ምርምር ስራዎች የቅሪተ-አካላትን ዕድሜ ለማወቅ (Carbon dating)፣ የህዋ ምርምር ለማካሄድ (Space exploration)፣ በወንጀል ምርመራ ስራ የህግ ተፈጻሚነትን ለማሳለጥ (law enforcement)፣ የማዕድን ፍለጋን ጨምሮ የምድርን አወቃቀር፣ ዝግመተ-ለውጥ ሂደትና በምድር ስርዓት ውስጥ ያሉ እንቅስቃሴዎችን እንዲሁም የተፈጥሮ ማዕድናትና የሀይል ምንጭ ሃብቶችን ለማጥናት (Geology including mining) አገልግሎት ከመስጠቱም ባሻገር ሌሎች ጥቅሞችም አሉት፡፡
616
Ministry of innovation and technology (MinT)

25 Oct, 08:02

ስልጠናው የተሻለ የቴክኖሎጂ ክህሎት እንድናገኝ አስችሎናል
==
የኢትዮጵያን ኮደርስ ዲጂታል ስልጠና በቴክኖሎጂው የተሻለ ክህሎት እንድናገኝ አስችሎናል ሲሉ በሐረሪ ክልል ስልጠናውን እየተከታተሉ የሚገኙ ወጣቶች ገለጹ።

በሐረሪ ክልል ከ 2ሺህ 600 በላይ ወጣቶች የኢትዮጵያን ኮደርስ ዲጂታል ቴክኖሎጂ ስልጠና እየወሰዱ ይገኛሉ።

በዲጂታል ቴክኖሎጂ ዘርፍ የነበራቸውን ክህሎት በማዳበር የተሻለ ክህሎት እንዲያገኙ እያስቻላቸው መሆኑንም ገልፀዋል።

በተለይ ለወጣቱ እንደዚህ ዓይነት ስልጠናዎችን መስጠት አገሪቷ በዲጂታል ቴክኖሎጂ እያከናወነች የምትገኘውን ስራ በማገዝ ትልቅ አስተዋጽዎ እንደሚያበረክት ጠቁመዋል።

ስልጠናው የራስን አቅም ከመገንባት ባለፈ ለአገር የሚጠቅም በመሆኑ ስልጠናው ተጠናክሮ እንዲቀጥል ጠይቀዋል።

የሐረሪ ክልል የኢኖቬሽንና ቴክኖሎጂ ኤጀንሲ ኃላፊ አቶ ጀማል ኢብራሂም በሀገሪቱ የዲጅታል ቴክኖሎጂ ስትራቴጂ ተቀርፆ ወደ ስራ መገባቱን ገልፀው፣ ስልጠናው ትውልዱን በዲጂታል ቴክኖሎጂ በማነፅ አገሪቱ ያላትን የሰው ሀይል ውጤታማ በሆነ መንገድ ለመጠቀም የሚያስችላትን እድል የሚፈጥር መሆኑንም ገልፀዋል።

በክልሉ በሚገኙ ሁለተኛ ደረጃ ትምህርት ቤቶች ተማሪዎች ስልጠናውን እንዲወስዱ እየተሰራ ነው ያሉት ኃላፊው፣ በተለይ በክልል ደረጃ ዲጂታል ሐረሪን ከመገንባት አኳያ የኢትዮ-ኮደርስ ስልጠና ወሳኝ መሆኑን አስረድተዋል።

በተያዘው የ2017 በጀት ዓመት ለ9 ሺ ወጣቶች ስልጠናውን ለመስጠት ታቅዷል። እስካሁን ባለው ሂደት ከ2 ሺ 600 በላይ ወጣቶች ስልጠናውን እየተከታተሉ እንደሚገኙ ጠቁመዋል።

በሀረሪ ክልል በአጠቃላይ 27 ሺ ወጣቶችን ለማሰልጠን እቅድ ተይዞ እየተሰራ መሆኑን የክልሉ ኮሙዩኒኬሽን ዘግቧል።

ስልጠናውን ለመውሰድ በዚህ ሊንክ ይመዝገቡ
https://ethiocoders.et
686
Ministry of innovation and technology (MinT)

25 Oct, 06:45

ስታርታፕች ውጤታማ ስራ ፈጣሪዎች እየሆኑ ነው።ዶ/ር ባይሳ በዳዳ

የኢኖቬሽንና ቴክኖሎጂ ሚኒስትር ድኤታ ዶ/ር ባይሳ የአፍሪካ የግብርና ምርቶች ዲጂቲል ሞል የመሆን ርዕይን በመያዝ በመስራት ላይ የሚገኘው ችፕችፕ (ChipChip)የተሰኘው ስታርትአፕ ጎብኝተዋል።

ሰታርታፑ ከተመሰረተ 11 ወር ገደማ የሆነው ሲሆን ማህበራዊ ግብይትን በማበረታታት ቀጥታ ከማሳው በመረከብ በዲጂታል ገበያ ፕላትፎርም በቅናሽ ለማህበረሰቡ የሚያቀርብ ነው።

ይህ በኢኮመርስ የኤሌክትሮኒክ ግብይት ላይ እየሰራ የሚገነው ቺፕቺፕ ገበሬዎችን በቀጥታ ከሸማቾች ጋር የማገናኘት ተልዕኮ ይዞ የተመሰረተ ሲሆን በድርጅቱ የተፈጠሩ መተግበሪያዎችን በመጠቀም በግሩፕ የሚገዙ ሰዎችን ያበረታታል።

በአሁኑ ስአት ለ117 ሰዎች ቀጥታ የስራ እድልን የፈጠረ ሲሆን ከ10ሺህ በላይ ሰዎች በተዘዋዋሪ ከዚህ ስታርትአፕ ጋር ይሰራሉ።

ስታርታፑን የጎበኙት ዶ/ር ባይሳ በዳዳ መንግስት ምቹ ስነ-ምህዳርን በመፍጠር ረገድ በርካታ ስራዎችን በመስራት ላይ መሆኑን አንስተው ስታርታፕች የማህበረሰብን ህይዎት ከሚያቀሉ ስራዎቻቸው በተጨማሪ ውጤታማ ስራ ፈጣሪዎች እየሆኑ ነው ብለዋል።

ሚኒስትር ድኤታው የችፕችፕ አባላት የሀገርና የማህበረሰብን ፍላጎት የተገነዘቡ ስራዎችን በመስራት መሆናቸውን ጠቅሰው ለሌሎች ስታርትአፖች አርአያ የሚሆኑ ናቸው ብለዋል።

ስታርትአፑ በቅርቡ ኦስትርያ በተካሃደው ውድድር ከ830 ተወዳዳሪዎች ውስጥ ኡጋንዳንና ካሜሮንን በመከተል ኢትዮጵያን ወክሎ ሶስተኛ በመውጣት የ250ሺ ዶላር ማሸነፉን ዋና ስራ አስኪያጅ ወጣት አሚር ሬድዋን ተናግረዋል።

ወጣት አሚር በቀን ከ3 ሺህ በላይ ትዕዛዞችን እንደሚያስተናግዱ የተናገሩት ሲሆን ከ70ሺህ በላይ ተጠቃሚዎች እንዳላቸው እንዲሁም በአመቱ 780ሺህ ዶላር በድርጅታቸው ማንቀሳቀሳቸውን አንስተዋል።
831
Ministry of innovation and technology (MinT)

24 Oct, 12:00

በዲጂታል ዓለም ውስጥ የዜጎችን ፍትሃዊ ተጠቃሚነት ለማረጋገጥ ቅንጅታዊ አሰራር ወሳኝ መሆኑን የኢኖቬሽንና ቴክኖሎጂ ሚኒስትር ዴኤታ ይሽሩን አለማየሁ (ፒ ኤች ዲ) ተናገሩ። 
==========
ኢትዮ ቴሌኮምና ጂ ኤስ ኤም ኤ በጋራ ያዘጋጁት የኢትዮጵያ ዲጂታል ኢኮኖሚ ትራንስፎርሜሽን ላይ ያተኮረ መድረክ በአዲስ አበባ ተካሂዷል። 

በመደረኩ ላይ የተገኙት የኢኖቬሽንና ቴክኖሎጂ ሚኒስትር ዴኤታ ይሽሩን አለማየሁ (ፒ ኤች ዲ) የዲጂታል ኢኮኖሚ ተጠቃሚነት በሀብታምና በድሃ እንዲሁም በከተማና በገጠር ያለ ልዩነት ሁሉን ያካተተ መሆኑን ማረጋገጥ ይገባል ብለዋል።

በዲጂታል ቴክኖሎጂ ትግበራ ዙሪያ ኢትዮጵያ መሰረታዊ ለውጦችን እያደረገች መሆኑን ያብራሩት ሚኒስትር ዴኤታው የዲጅታል ልዩነትን (digital divide) በመፍታት የዜጎችን ፍትሃዊ ተጠቃሚነት ለማረጋገጥ ቅንጅታዊ አሰራር ወሳኝ መሆኑንም ተናገረዋል። 

የዲጂታል አሰራር በትምህርት፣ በጤና፣ በግብርና፣ በፋይናንስ እና በሌሎችም መስኮች የማይተካ ሚና እየተጫወተ ስለመሆኑ ያብራሩት ሚኒስትር ዴኤታው ይህንን ታሳቢ በማድረግ መንግስት የዲጂታል መሰረተ ልማት ዝርጋታ ላይ በትኩረት እየሰራ ነው ብለዋል። 

የኢትዮ ቴሌኮም ዋና ሥራ አስፈጻሚ ፍሬህይወት ታምሩ ሀገራችን ሙሉ ለሙሉ ዲጂታላይዝ ለማድረግ ከሌሎች አጋር አካላት ጋር በመሆን እየተሰራ መሆኑን ተናግረዋል።

የኢትዮጵያ የዲጂታል ኢኮኖሚ በ2028 1.3 ትሪሊዮን ብር በላይ በጠቅላላ የሀገር ውስጥ ምርት(GDP) ላይ ሊጨምር እንደሚችል ጂኤስኤምኤ(GSMA) የተባለ አለምአቀፍ ድርጅት ሪፖርት ላይ ተመላክቷል

በተጨማሪም ለመንግሥት ከ1 ሚሊየን በላይ አዳዲስ የሥራ ዕድሎችን እንደሚፈጥርና ተጨማሪ 57 ቢሊየን ብር ከታክስ ገቢ እንደሚያስገኝም በሪፖርቱ ላይ ተገልጿል።
1,027
Ministry of innovation and technology (MinT)

19 Oct, 11:13

አለም አቀፉ የህዋ ዩኒቨርሲቲ በኢትዮጵያ ቨርቹዋል ካምፓስ ለመክፈት ቃለ ገባ።

በጣሊያን እየተካሄደ በሚገኘው 75ኛው አለም አቀፍ የጠፈር ተመራማሪዎች ጉባኤ ላይ የተሳተፉት የኢኖቬሽንና ቴክኖሎጂ ሚኒስትር ዴኤታ ዶ/ር ይሽሩን አለማየሁ ከአውሮፓ የህዋ ኤጀንሲ ዋና ዳይሬክተር ጆሴፍ አሽባቸር፣ ከተባበሩት አረብ ኢመሬቶች የህዋ ምርመር ተቋም ሀላፊዎች፣ከፈረንሳዩ አለም አቀፍ የህዋ ዩኒቨርሲቲ ፕሬዝዳንት ጆህን ዊንሲቨን (ፒ ኤች ዲ)፣ ከጣልያን የህዋ ኤጀንሲ ኃላፊዎች እና የጠፈር ተመራማሪዎች ጋር የተለያዩ ውይይቶችን አድርገዋል።

ሚኒስትር ድኤታው በህዋ ሳይንስ መስክ የግሉ ዘርፍ ከፍተኛ ተሳትፎ እያደረገ በመሆኑ በዘርፉ ኢትዮጵያውያንን ተጠቃሚ ለማድረግ በሚቻልባቸው ጉዳዮች ዙሪያ ነው የተወያዩት።

ለህዋ ምርምር የሚያገለግሉ የተለዩ እቃዎችን በኢትዮጵያ እንዲመረቱ (outsourcing) እና የስራ እድል እንዲፈጥሩ የአውሮፓ የህዋ ኤጀንሲ ለኢትዮጵያ እድሉን እንዲሰጥ ሚንስትር ዴኤታው ጠይቀዋል።

ፈረንሳይ የሚገኘው የአለም አቀፉ የህዋ ዩኒቨርሲቲ ፕሬዝዳንት ጆህን ዊንሲቨን (ፒ ኤች ዲ) በኢትዮጵያ ቨርቹዋል ካምፓስ ለመክፈት ቃል ገብተውላቸዋል።

የአውሮፓ የህዋ ኤጀንሲ ዋና ዳይሬክተር ጆሴፍ አሽባቸር በበኩላቸው የህዋ ሳይንስ መሳሪያ ተገጣጣሚ እቃዎች በኢትዮጵያ እንዲመረቱና የስራ እድል እንዲፈጥሩ ሁኔታዎችን እንደሚያመቻቹ ተናግረዋል።

ስታርታፖችን መደገፍና የስራ እድል መፍጠር፣ በረጅምና የአጭር ጊዜ ስልጠና የወጣቶችን አቅም መገንባት፣ የጋራ የሳተላይት ግንባታ እና መሰል ጉዳዮች ላይም በጋራ መስራት በሚቻልበት ሁኔታ ላይ ውይይቶችን አድርገዋል።

በጣልያን በተካሄደው 75ኛው አለም አቀፍ የጠፈር ምርምር ጉባኤ ላይ ከ11ሺ በላይ የዘርፉ ተቋማት ተወካዮችና እና ባለሙያዎች ተሳትፈውበታል።
698
Ministry of innovation and technology (MinT)

18 Oct, 15:11

ሴቶች የሚሳተፉበት የኢኮኖሚ አውድ የማደግ እና የመለወጥ እድሉ የሰፋ ነው።ዶ/ር በለጠ ሞላ
=====================
በኢትዮጵያ ኢንፎርሜሽን ቴክኖሎጂ ፓርክ ውስጥ በሚገኘው ኢኖቢዝ-ኪ ኢትዮጵያ ኢንኩቤሽን ማዕከል የተካሄደው በአይሲቲ ዘርፍ የተሰማሩ ሴት ስታርታፖችን ያሳተፈው ብሩህ የአይሲቲ ኢኖቬሽን ውድድር ተጠናቋል።

በውድድሩ ከ37 በላይ የፈጠራ ስራዎች የቀረቡ ሲሆን ምርጥ 10ቹ እያንዳንዳቸው የ100ሺህ ብር ሽልማት አግኝተዋል።

ዝግጅቱን የኢኖቬሽንና ቴክኖሎጂ ሚኒስቴር ፣የስራና ክህሎት ሚኒስቴር ፣ የኢንተርፕረነርሺፕ ልማት ኢንስቲትዩት(EDI) እና የተባበሩት መንግሥታት የልማት ፕሮግራም(UNDP) በመተባበር አዘጋጅተውታል።

የኢኖቬሽንና ቴክኖሎጂ ሚኒስትር ዶ/ር በለጠ ሞላ በውድድሩ የተሳተፉ ስታርታፕችን ተዘዋውረው የጎበኙ ሲሆን ያቀረቧቸው ስራዎች በዘርፉ የተሻለ ውጤት የማስምዝገብ ተስፋ ያሏቸው፤ኢትዮጵያን በትልልቅ መድረኮች ማስጠራት የሚችሉ ስታርታፖች መሆናቸውን ተናግረዋል።

በሀገራችን ሴቶች ላይ ያለውን የስራ ጫና ተቋቁመው በስራ ፈጠራ በመሳተፉ ህይዎትን ሊያቀሉ የሚችሉ የፈጠራ ስራዎችን በመፈጠር ለዚህ ድል የበቁ ሴቶች ሊበረታቱ ይገባል ያሉት ሚኒስትሩ ባለሙያዎቹ ጠንክረው መሥራት እንደሚገባቸው መልእክት አስተላልፈዋል።

ሚኒስትሩ አያይዘውም ሴቶች የሚሳተፉበት የኢኮኖሚ አውድ ተስፋ ያለው የማደግ እና የመለወጥ እድሉ የሰፋ ነው ያሉ ሲሆን የሀገራችን ግማሽ የህዝብ ቁጥር የሚይዘት ሴቶች በሚደረገው የኢኮኖሚ እንቅስቃሴ  ውስጥ ድርሻቸው እንዲጎላ ለማስቻል የሚመለከታቸው አካላት በትኩረት ሊሰሩ ይገባል ብለዋል።
876
Ministry of innovation and technology (MinT)

18 Oct, 15:11

በዝግጅቱ ላይ የስራና ክህሎት ሚኒስትር ዴኤታ አቶ ሰለሞን ሶካ ለዚህ እድል ለበቁ ስታርታፖቹ የእንኳን ደስ ያላችሁ መልዕክት ያስተላለፉ ሲሆን የቀረቡ ስራዎች የማህበረሰብን ችግር ከመፍታት አንጻር የሚደነቁ መሆናቸውን አንስተው እንዲህ መሰል እድሎችን በመፍጠር ሴቶች በስራ ፈጠራ የተሻለ ውጤት እንዲያስመዘገቡ ይሰራል ብለዋል።


አቶ ሰለሞን ሶካ ተወዳዳሪዎች በኢኮሜርስ፣ በትምህርት፣ በጤና በተለያዩ  ኢኮኖሚያዊና ማህበራዊ ዘርፎች  ላይ ይዘው የቀረቧቸው ችግር ፈቺ ቴክኖሎጂዎች  ዲጂታል ኢትዮጵያ ዕውን  እንድትሆን የሚደረገው ጥረት ተስፋ ሰጪ መሆኑን የሚያመላክቱ መሆናቸውን  ገልፀዋል፡፡
916
Ministry of innovation and technology (MinT)

17 Oct, 16:52

የኢኖቬሽንና ቴክኖሎጂ ሚንስትር ዶ/ር በለጠ ሞላ በኢትዮጵያ ከጃፓን አምባሳደር  ጋር ውይይት እካሄዱ።
===========
በኢትዮጵያ የጃፓን አምባሳደር ሚስተር ሽባታ ሂሮኖሪ  (Ambassador Shibata Hironori) በኢኖቬሽንና ቴክኖሎጂ ሚኒስቴር  ተገኝተው ከኢኖቬሽንና ቴክኖሎጂ ሚኒስትር ዶ/ር በለጠ ሞላ ጋር ውይይት አካሂደዋል፡፡

ውይይት በቴክኖሎጂ ልማትና ሽግግር፣ በስታርትአፕ ድጋፍ፣በአቅም ግንባታ፣የጃፓን ኢንቨስተሮችን በማምጣት እንዲሁም በዲጂታል ልማት ላይ ያተኮረ ነው።

የኢኖቬሽንንና ቴክኖሎጂ ሚንስትር ክቡር ዶ/ር በለጠ ሞላ ከጃፓን መንግሥት ጋር ቀደም ብለው ለተጀመሩ በርካታ የትብብር ስራዎች ያላቸውን አድናቆት እና ምስጋና ገልጸው በቀጣይ በዘርፉ በተለይም በዲጅታል አቅም ግንባታ፣ በስታርትአፕ ልማት ድጋፍ ስራዎች በጋራ ለመስራት ያላቸውን ፍላጎት አንስተዋል።

ሚንስትሩ አያይዘውም የኢትዮ-ጃፓን የቢዝነስ ትብብር እና የጃፓን ቴክኖሎጂ ባለቤቶችና ባለሃብቶችን ወደ ኢትዮጵያ ለመሳብ ምቹ ሁኔታዎች መኖራቸውን አስገንዝበው  አምባሳደር ሽባታ ሂሮኖሪ በቆይታቸው ይህንኑ ለማሳካት እንዲያግዙ ጠይቀዋል፡፡

በውይይቱ ላይ አምባሳደር ሽባታ ሂሮኖሪ  ኢትዮጵያ ለጀመረቻቸው ዘርፈ ብዙ የልማት ስራዎች የጃፓን መንግስትና ህዝብ አስፈላጊውን ሁሉ ድጋፍ እና ትብብር ለማድረግ ቁርጠኛ መሆናቸውን ገልጽዋል።

በተለይ የወጣቶች የዲጅታል ክህሎት አቅም ግንባታ ስልጠና ከ ጃይካ ጋር፣ የስታርትአፕ ልማት ድጋፍ ስራዎች እንዲሁም ከሳፋሪኮም እና ሲሚቶሞ ጋር የተጀመሩ የትብብር ስራዎችን ጠቅሰው ሌሎች የትብብር ማዕቀፎችንም ለማካተት በትኩረት መሆናቸውን አንሰተዋል፡፡

በውይይቱ በጋራ ለመስራት ስምምነት ላይ የተደረሰባቸውን ጨምሮ ሌሎች መሰል ስራዎችንና ትብብሮችን አጠናክረው እንደሚሄዱም አረጋግጠዋል፡፡
1,184
Ministry of innovation and technology (MinT)

17 Oct, 08:20

ኢትዮጵያ በጣሊያን እየተካሄደ በሚገኘው 75ኛው አለም አቀፍ የጠፈር ተመራማሪዎች ጉባኤ ላይ እየተሳተፈች ነው።
=========

ኮንፈረንሱ ''ኃላፊነት የተሞላበት የህዋ አጠቃቀም ለዘላቂነት'' በሚል መሪ ቃል እየተካሄደ ሲሆን ከ 11 ሺህ በላይ የዘርፉ ምሁራን፣ ኢንዱስትሪዎች እንዲሁም መሪዎች እየተሳተፉበት ይገኛሉ።

በፕሮግራሙ ላይ የኢኖቬሽንና ቴክኖሎጂ ሚኒስትር ዴኤታ ይሽሩን አለማየሁ (ፒ ኤች ዲ) እየተሳተፉ ሲሆን መድረኩ ለኢትዮጵያ የህዋ ፕሮግራም አለም አቀፍ አጋሮችን ለማግኘት የሚጠቅም መድረክ መሆኑን ተናግረዋል።

ሚንስትር ዴኤታው በፈረንጆቹ በ2028 ጨረቃ ላይ ለሚደረግ የሰው አልባ መንኮራኩር ተልዕኮ ኢትዮጵያ አንዷ አካል እንድትሆን የሚያስችለውን ፕሮጀክት እየመሩ ሲሆን መድረኩ ኢትዮጵያ በዘርፉ ቀዳሚና ተጠቃሚ ለማድረግ የሚያስችሉ አጋጣሚዎችን ለመፍጠር እንጠቀምበታለን ብለዋል።

አለም አቀፉ የህዋ ምርምር ፌደሬሽን ያዘጋጀው ይህ መድረክ በትምህርት ዘርፍም ሆነ ኢንደስትሪ ደረጃ በህዋ ላይ ያሉ አዳዲስ ክስተቶችንና የዘርፉ እድገት ያለበት ደረጃ ሁሉም ሰው እንዲያውቅ ለማደረግ የሚዘጋጅ ነው።

በዘርፉ ያሉ ባለሙያዎች በአንድ መድረክ እንዲገናኙና በጋራ መስራት የሚችሉባቸውን አማራጮች እንዲያዩም ለማስቻል ነው።

ፕሮግራሙን የጣሊያኑ ፕሬዝዳንት ሰርጊዮ ማቴሬላ የከፈቱት ሲሆን የአሜሪካው የጠፈር ምርምር ተቋም፣ ከአውሮፓ የህዋ ኤጀንሲን ጨምሮ ከመላው አለም የተውጣጡ የጠፈር ተመራማሪዎች እየሳተፉ ነው።
1,216

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.