Ayu ZeHabesha-Official (አዩ ዘሀበሻ)

በምዕራብ ወለጋ 42 የጤና ተቋማት መዘረፋቸው ተገለጸ‼️
በኦሮሚያ ክልል ምዕራብ ወለጋ ቤጊ ወረዳ 42 የጤና ተቋማት መዘረፋቸውን ተከትሎ አግልግሎት ማቆማቸው ተገልጿል።

100 ሺሕ የሚገመቱ ነዋሪዎች ባሉበት የቤጊ ወረዳ አብዛኛው የጤና ተቋማት በመዘረፋቸውና በመጎዳታቸው፤ አስቸኳይ ሕክምና የሚፈልጉ እንዲሁም ለሕይወት አስጊ የሆኑ የጤና እክሎች ያጋጠማቸው ታካሚዎች አገልግሎት እንዳያገኙ አድርጓል ሲል ዓለም አቀፉ የቀይ መስቀል ማህበር አስታውቋል።  ለአብነትም በዚያው አካባቢ ከአምስት በላይ ወረዳዎችን ያስተናግዳል የተባለው የጉዱሩ የመጀምሪያ ደረጃ ሆስፒታል ግድግዳው በጥይት መመታቱና የዉኃ ማጠራቀሚያ ገንዳው ጉዳት የደረሰበት መሆኑ የተገለጸ ሲሆን፤ አልጋዎች፣ የቀዶ ሕክምና መሳሪያዎች፣ መድሃኒቶች እና አምቡላንሶችም መዘረፋቸው ተመላክቷል።

የሆስፒታሉ ሜዲካል ዳይሬክተር ኹሉም መድኃኒቶችና ቁሳቁሶች መወሰዳቸውንና የድንገተኛ መድኃኒቶች እጥረት መኖሩን ጠቅሰው፤ ምንም ዓይነት የቀዶ ጥገና ክፍል አለመኖሩን እንዲሁም በውሃ ማጠራቀሚያ ገንዳው ላይ በደረሰው ጉዳት የውሃ አቅርቦት እጥረት መኖሩን ተናግረዋል።

በተመሳሳይ በተለያዩ አካባቢዎች ተፈናቅለው በሺዎች የሚቆጠሩ ዜጎች ወደ ከተማ ሲገቡ የሕክምና ፈላጊዎች ቁጥር በከፍተኛ ሁኔታ የሚጨምር ቢሆንም፤ አገልግሎት በቀላሉ ማግኘት የማይችሉ መሆኑ ነው የተገለጸው።

በክልሉ እየተካሄደ ያለው ግጭት ወሳኝ የሆኑ መሰረተ ልማቶች ላይ በተለይም የጤና እና የውሃ ተቋማት ላይ ከፍተኛ ጉዳት ማድረሱም ተነግሯል።

ዓለም አቀፉ ቀይ የመስቀል ኮሚቴ ከኢትዮጵያ ቀይ መስቀል ማኅበር ጋር በመተባበር በኦሮሚያ ክልል ምዕራባዊ ክፍል ሥራውን ቢቀጥልም ችግሮችን ለመፍታት በርካታ ፈተናዎች እንዳሉበት ተመላክቷል።

በአካባቢው ራሱን የኦሮሞ ነጻነት ሠራዊት ብሎ በሚጠራውና በመንግሥት ኦነግ ሸኔ በሚል በአሸባሪነት የተፈረጄው ታጣቂ ቡድን በሚሰነዝረው ጥቃት፤ እንደ ቡቡል፣ ቤጊ፣ ኮንዶሌ፣ ባሎ፣ ባሬዳ እና ኮምቦልቻ ያሉ አካባቢዎች ክፉኛ ጉዳት የደረሰባቸው መሆኑ የተገለጸ ሲሆን፤ የሰብአዊ ድጋፍ አቅርቦት እጥረት መኖሩም ተጠቁሟል።

በኦሮሚያ ክልል በተለያዩ ቦታዎች በንጹሐን ዜጎች ላይ እየደረሰ ያለው ቅጥ ያጣ እገታ ግድያ ግፍና ሰቆቃ ገደቡን አልፏል‼️
የኢትዮጵያ ዜጎች ለማኅበራዊ ፍትህ (ኢዜማ) በኦሮሚያ ክልል ውስጥ እለት ከእለት እየጨመረ የመጣው የንጹሐን ዜጎች መፈናቀል፣ እገታ፣ አፈና እና ግድያ በከፍተኛ ሁኔታ ያስጨንቀዋል፡፡ በተለይ እራሱን "የኦሮሞ ነፃነት ሠራዊት" እያለ የሚጠራው ኦነግ ሸኔ የተባለው የሽብር ቡድን በተለያዩ የኦሮሚያ ክልል ዞኖች በዜጎች ላይ እያደረሰ ያለው ውድመት እና እንግልት ቀን በቀን እየተባባሰ መጥቷል፡፡

የተለያዩ ፖለቲካዊ ፍላጎቶችን በሰላም በድርድር እና በውይይት ለመፍታት መሞከር ቅድሚያ የሚሰጠው ጉዳይ መሆኑ ላይ ግርታ ባይኖርም ለሰላም ነው እየተባለ ንጹሐን ዜጎች ላይ በጠራራ ጸሐይ እየደረሰ ያለው ቅጥ ያጣ አፈና፣ ግድያ፣ ግፍና ሰቆቃ ሊታገሱት ይገባል ማለት ሊሆን ፈጽሞ አይችልም፡፡

በጥቅምት ወር 2015 ዓ.ም. የተፈረመውን የፕሪቶሪያውን ስምምነት ተከትሎ ባወጣነው መግለጫ በተለያዩ አካባቢዎች ላይም ለሰላም ውይይትና ድርድር በር አንዲከፈት አሳስበን የነበረ ሲሆን ይህን ተከትሎም በጋምቤላ እና በቤኒሻንጉል ክልል የነበሩ ታጣቂዎች በሰላማዊ መንገድ ትጥቅ እንደፈቱ ተዘግቧል፡፡ መንግሥትም የሰላም በሩን ከፍቶ በኦሮሚያ ክልል እየተንቀሳቀሰ ከሚገኘው ኦነግ ሸኔ ከሚለው አሸባሪ ቡድን ጋር ታንዛኒያ ላይ ሰላማዊ ውይይት እንደጀመረ ሲያሳወቅ ተስፋ አድረገን የነበረ ቢሆንም ከድርድሩ በኃላ የሽብር ቡድኑ ጥፋት እየባሰበት ሲመጣ እንጂ ሲቀንስ ወይም ጨርሶ ሲጠፋ አላስተዋልንም፡፡ ይህም ንጹሐን ዜጎች በገዛ ሀገራቸው ለአፈና እና ግድያ እየዳረጋቸው መደበኛ እለታዊ ሕይወታቸውን ተረጋግተው እንዳያከናውኑ እያደረጋቸው ነው፡፡

በመንግሥት በኩል የተለያዩ ምክንያቶችን በማቅረብ ቡድኑን ጨርሶ ለማጥፋት እንዳልተቻለ ሲገለጽ ቆይቷል፡፡ ጠቅላይ ሚኒስትሩ በተደጋጋሚ በሕዝብ ተወካዮች ምክር ቤት ስለጉዳዩ ሲጠየቁ፤ የሸኔ የሽብር ቡድንን አስቸጋሪ አወቃቀር በመጥቀስ እርምጃ ለመውሰድም ኾነ ለመደራደር የሚመሩት መንግሥት መቸገሩን ሲገልፁ ሰንብተዋል፡፡

በዚህ ወቅት የሽብር ቡድኑ አባል ነን የሚሉ ታጣቂዎች በወለጋ ሁለት ዞኖች፣ በምዕራብ፣ ምስራቅ እና ሰሜን ሸዋ ዞኖች፣ በሱሉልታ ወረዳ ቦቁ ጎልባ፤ ኤካ ጋጆና፤ ቦቁ ሁሩታ እና ሞዬ ጋጆ በሚባሉ ቀበሌዎች፤ በዝዋይ፣ መቂ፣ ሰዴን ሶዶ ወረዳ፣ የአዳ ባርጋ ወረዳ፣ ኩዩ ወረዳ፣ ገርበ ጉራቻ፣ ዋጫሌ ወረዳ፣ በአዳማ፣ በመተሀራ፣ በምስራቅ እና ምዕራብ ሐረርጌ ዞኖች፣ በአርሲ ዞን፣ እንዲሁም ከአዲስ አበባ ከተማ በቅርብ እርቀት ላይ በሚገኙ ቦታዎች ላይ ንጿሃን ዜጎችን እያገተ እና እየገደለ ፣ የትራንስፖርት እና እቃ ማጓጓዣ መኪና ሹፌሮችን እያፈነ እና በርካታ የጸጥታ ስጋት የሆኑ ተግባራት እየፈጸመ እንዳሻው እየተንቀሳቀሰ የዜጎችን ህልውና እየተፈታተነ፣ ሀገራችንንም የምድር ሲኦል እያደረገ ነው፡፡ በሌሎች የሀገራችን አካባቢዎች ጭምር የሚንቀሳቀሰው ኦነግ ሸኔ፤ ኢሞራላዊ በኾነ መንገድ የሃይማኖት ሥፍራዎችን ሳይቀር እያዋረደ ነው።

ይህንን የሚያክል የሀገር ህልውና ችግር በየእለቱ እንደተራ ዜና እየሰሙ ማለፍ የማይቻልበት ደረጃ መድረሱን የሚመለከታችሁ የመንግሥት የጸጥታ መዋቅሮች ልብ ልትሉት ይገባል፡፡ በምንም መልኩ የዜጎች በሕይወት የመኖር ዋስትና በመንደር ሽፍቶች ሲገፈፍ በቸልታ ሊታለፍ አይችልም፡፡

መንግሥት የሚጠየቀውን መስዋዕትነት ኹሉ ከፍሎ የዜጎችን ደኅንነት ካላስጠበቀ፤ አስፈላጊነቱ ጥያቄ ውስጥ ሊገባ እንደሚችል መገንዘብ ያስፈልጋል፡፡ የኢትዮጵያ ሕዝብ በሁሉም ሥፍራ በሰላም ወጥቶ መግባት፣ ተንቀሳቅሶ መሥራት፣ ያለሰቀቀን መኖር እና የደኅንነቱ መጠበቅ እንደ ዳገት ሊከብደው አይገባም፡፡

በተደጋጋሚ እንደገለጽነው የመንግሥት በጣም ትንሽ የሚባለው ኃላፊነት የሀገርን ሰላም እና ደኅንነት ማስጠበቅ ነው፡፡ ይህንን መሠረታዊ መንግሥታዊ ግዴታ አለመወጣት የአቅም ማጣት ወይም የግዴለሽነት ችግር ነው፡፡ መንግሥት ያለበትን ሁኔታ በግልጽ አሳውቆ፤ ሕዝብን በማስተባበር ዘመቻ በማካሄድ የሽብር ቡድኑን አደብ ማስገዛት ይጠበቅበታል፡፡ ይህንን አለማድረግ ግን የቸልተኝነት ወይም የግድያው ተባባሪነትን ማሳያ ከመኾን ያለፈ ትርጉም የለውም፡፡ እዚህ ጋር መረሳት የሌለበት ዋና ጉዳይ ግን መሰል አይነት በደሎች የሚፈጥሩት ብሶት ዜጎች በራሳቸው ተደራጅተው ሰላምና እና ደህንነታቸውን ወደ ማስጠበቅ ይገቡና ወደ አላስፈላጊ ትርምስ ውስጥ ሊያስገባን እንደሚችል ነው፡፡ ይህን ከግንዛቤ በማስገባት ነገ ዛሬ ሳይሉ አፋጣኝና የማያዳግም እርምጃ መውሰድ እንደሚኖርበት መንግስትን ልናሳስብ እንወዳለን፡፡

ምንም እኳን ላለፉት ጥቂት ዓመታት መንግሥት በሀገር ውስጥ እና በውጭ የሽብር ድርጅቶች እንዲሁም በታሪካዊ የኢትዮጵያ ጠላቶች ሴራ ተጨባጭ የሰላም እና ደኅንነት ቀውስ ውስጥ መግባቱን ብንገነዘብም፤ ባለንበት ወቅት በራሱ አንደበትና በመገናኛ ብዙኀን እንደምንመለከተው መንግስት ጠንካራ የፀጥታ መዋቅር ማደራጀቱን እና የማያዳግም የሰላም ማስከበር ሥራ እያከናወነ መኾኑን እየገለጸ ስለኾነ፤ የሸኔ የሽብር ቡድን እስካሁኗ ሰዓት ድረስ እንዳሻው መፈንጨት ምንም አይነት ምክንያት ሊቀርብበት የማይችል ሙሉ በሙሉ የመንግሥት የራሱ ድክመት መሆኑን ሊያምን ይገባል፡፡

በሕዝብ ይሁንታ የመንግስት መንበር ይዣለሁ ብሎ የሚያምን ኃይል ከመንግሥት ኃላፊነት ቀዳሚ የሆነውን መተላለፊያ ኮሪደሮች ማስከበር አለመቻል ሰበብ እንጂ ምክንያት ሊገኝለት አይችልም። እንዲህ አይነት አንገብጋቢ እና ቅድሚያ ሊሠጣቸው የሚገቡ ጉዳዮች ቢኖሩም አስቸኳይ እና አንገብጋቢ ባልሆኑ ችግሮች ላይ ትኩረት መሥጠቱ ዜጎችን ለከፍተኛ ጥርጣሬ ዳርጓል። በመኾኑም፤ ይህንን ሀገራዊ የኅልውና አደጋ በመገንዘብ የሚከተሉትን አስቸኳይ እና ዘላቂ እርምጃዎች እንዲወስድ እንጠይቃለን፡፡

1ኛ/ የፌደራል መንግሥት በየጊዜው የጥፋት ተልዕኮውን እያሰፋና የራሱን ኃይል ለማግዘፍ የሚፍጨረጨረውን ኦነግ ሸኔን አደብ ለማስያዝና ዜጎችን ከሰቆቃ ለመታደግ ያጋጠሙትን ተግዳሮቶች ለህዝብ በይፋ እንዲያሳውቅ!

2ኛ/ ባለፉት ጊዜያት በተደጋጋሚ እንደገለጽነው በራሱ ብልጽግና መንግሥት ውስጥ ተሰግስገው ለአሸባሪው ቡድን ሚስጥራዊ ድጋፍ በማድረግ የህዝብን ሰቆቃ የሚያባብሱና የቡድኑን እኩይ ተግባር በቸልታ የሚመለከቱ በተዋረድ ያሉ አካላትን ቁርጠኛ ሆኖ በመታገል ምንጩን እንዲያደርቅ!

3ኛ/ አሸባሪው ቡድን በዚህ ወቅት አፋፍሞ በየአቅጣጫው እየፈጸመ ያለውን መርህ አልባ እንቅስቃሴ ከወዲሁ እንዲሽመደመድ ካላደረገና ትጥቅ በፍጥነት ማስፈታት ካልቻለ የተጀመረውን ድርድር ማስቀጠል አዳጋች እንደሚሆንበት አጥብቀን መግለጽ እንሻለን።

በመጨረሻም እነዚህ ከላይ የተዘረዘሩ አስቸኳይ የመፍትሔ እርምጃዎች ካልተወሰዱ በአሸባሪው ሸኔ ከዚህ ቀደም ለተፈጸሙትም ኾነ ከዚህ በኋላ ለሚፈጸም ግድያ፣ መፈናቀል፣ እገታ፣ ውድመት እና ሰቆቃ ከጠቅላይ ሚኒስትሩ ጀምሮ በየደረጃው ያሉ የፌደራል እና የክልሉ ከፍተኛ የሥራ ኃላፊዎች በህሊና፣ በሕግ፣ በሕዝብ እና በታሪክ ተጠያቂ እንደሚኾኑ ሊያውቁት ይገባል፡፡
የኢትዮጵያ ዜጎች ለማኅበራዊ ፍትህ (ኢዜማ)

ሳዑዲ አረብያ ለመጀመሪያ ጊዜ ለአረፋ ኹጥባን(ሃይማኖታዊ ንግግርን)በ20 ቋንቋ ስትተረጉም የቢላልን ሀገር ቋንቋ በአማርኛም እንደሚተረጎም ይፋ ሆኗል።
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

ብሄራዊ ምርጫ ቦርድ ህወሃትን ወደ ህጋዊ ሰውነት እንዲመልስ የህወሓት አመራሮች ከመንግሥት ጋር ውይይት መጀመራቸውን አንድ የህወሓት ከፍተኛ አመራር ለሪፖርተር ገልጸዋል።
ምርጫ ቦርድ ህወሃትን እንደገና ላለመመዝገብ እና ህጋዊ ሰውነት ላለመስጠት ያሳለፈው ውሳኔ ትክክል ያልሆነ እና ፖለቲካ ውሳኔ መሆኑን ጊዚያዊ አስተዳደሩ አስታውቋል። ከምርጫ ቦርድ ጋር በቴክኒካዊ ጉዳዮች ላይ የምንወያይበት ምክንያት የለም፣ጉዳዩ በቅርቡ በውይይት እንደሚፈታ እናምናለን ብለዋል(አዩዘሀበሻ)።
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

ዋግነር ውጊያ ለማቆም መስማማቱን የቤላሩስ ፕሬዝዳንት አሌክሳንደር ሉካሴንኮ ተናገሩ‼️
ፕሬዝዳንት ሉካሼንኮ ከዋግነር መሪው ይቪግኒ ፕሪጎዥን ጋር በስልክ ተወያይተዋል።

የፕሬዝዳንት ሉካሼንኮ ጽህፈት ቤት ባወጣው መግለጫ፥ ቀኑን ሙሉ በተደረገው ምክክርም  ፕሪጎዥን በሩሲያ ደም አፋሳሽ ግጭት ውስጥ ላለመግባትና የተጀመረውን ውጊያ ለማቆም መስማማቱን አስታውቋል።

የቅጥረኛ ወታደር ቡድኑ መሪ ተዋጊዎቹ የደህንነት ዋስትና እንዲሰጣቸው ቅድመ ሁኔታ ማስቀመጡንም መግለጫው ማመላከቱን አርቲ አስነብቧል።

ፕሬዝዳንት ሉካሼንኮ ከሩሲያው አቻቸው ቭላድሚር ፑቲን ጋርም መወያየታቸው የተነገረ ሲሆን፥ ከጥቂት ደቂቃዎች በፊት የወጣው ዘገባ ውጥረቱን እንደሚያረግበው ይጠበቃል።

በዩክሬኑ ጦርነት ባክሙትን በመቆጣጠር ለሩሲያ ወታደሮች አስረክቦ የወጣው ዋግነር ትናንት ምሽት በተዋጊዎቼ ላይ ጥቃት ደረሰ በሚል በሩሲያ መከላከያ ሃይል ላይ ውጊያ መጀመሩን ገልጾ ነበር።

በደቡባዊ ሩሲያ የምትገኘውን ሮስቶቭ ከተማ በመቆጣጠርም ወደ ሞስኮ በመገስገስ ላይ መሆኑን ማሳወቁ ይታወሳል። #AlAin
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

በደቡብ ወሎ ደላንታ ወረዳ ወገልጤና ከተማ መከላከያ ሰራዊት ትናንት ወደ ከተማዋ ገብቷል። በዚህም ከ2:00 በኋላ ምንም አይነት የሰው እንቅስቃሴ የለም። ሰሞኑን በአቅራቢያው የነበረው የተኩስ ልውውጥ ቆሞል።

በኢትዮጵያ ያለው የኮሌራ ወረርሽኝ በከፍተኛ ሁኔታ እየጨመረ በመምጣቱ መስፋፋቱን ቀጥሏል‼️
እስካሁን በኮሌራ የተያዙ ሰዎች ብዛት 11,407 - ከነዚህም 22 በመቶው ከአምስት አመት በታች የሆኑ ህጻናት ሲሆኑ - በኦሮሚያ፣ ሶማሌ፣ ደቡብ ክልል እና ሲዳማ ክልሎች 79 ወረዳዎች 156 ሰዎች መሞታቸው ተዘግቧል። OCHA እንዳስታወቀው የአሁኑ ወረርሽኝ በኢትዮጵያ ውስጥ ይህን ያህል ቁጥር ሲመዘገብ የመጀመሪያ ነው ብሏል።
የተመዘገበው ሞት በአብዛኛው ከ0 እስከ 14 አመት እድሜ ያላቸው ናቸው (ከዚህ ውስጥ 26 በመቶው ከአምስት አመት በታች የሆኑ ህጻናት ናቸው). ከጠቅላላው ተጎጂዎች ውስጥ፣ ከ95 በመቶ በላይ የሚሆኑት ምንም አይነት የኮሌራ ክትባት (ኦ.ሲ.ቪ.) አልተቀበሉም። ትልቁ የሞት መጠን በጉጂ ዞን (21 በመቶ)፣ በመቀጠል ሊባን (16 በመቶ)፣ ምስራቅ ባሌ ዞኖች (9.6 በመቶ) እና ባሌ (9 በመቶ) ናቸው። የኦ.ሲ.ቪ መጠን ውስንነት እና በቂ የውሃ፣ የንፅህና እና የንፅህና አገልገሎት ባለመኖሩ በ79ኙ ወረዳዎች ውስጥ የሚኖሩት ከ7.7 ሚሊዮን በላይ ሰዎች ለከፍተኛ ስጋት ተጋልጠዋል(አዩዘሀበሻ)።
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

በሰሜን ወሎ ግዳን ወረዳ ሙጃ ከተማ አቅራቢያ ምሽቱን የተኩስ ድምጽ እንደሚሰማ ነዋሪዎቹ ለአዩዘሀበሻ ገልፀዋል። ተኩሱ የአሳምነው ፅጌን የመታሰቢያ ቀን አክብረው ሲመለሱ በነበሩ የፋኖ አባላት እና የመንግሥት የፀጥታ አካላት መካከል እንደሆነ ምንጮች ጠቁመዋል።
ከዚህ በተጨማሪ በደቡብ ወሎ አማራ ሳይንት ወረዳ የተኩስ ልውውጥ ሲካሄድ ውሏል።
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

በቦረና ድርቅ ምክንያት ከሕዝብ የተሰበሰበው ገንዘብ ለተጎጂዎች አልደረሰም ተባለ‼️
በኦሮሚያ ክልል ቦረና ዞን በድርቅ የተጎዱ ነዋሪዎችን ለመደገፍ እና መልሶ ለቋቋም በአገር ውስጥ እና በውጭ ከሚኖሩ ኢትዮጵያውያን የተሰበሰበው ገንዘብ አልደረሰንም ሲሉ በድርቁ የተጎዱ ሰዎች ለቪኦኤ ኦሮምኛ ተናግረዋል፡፡

"ድርቁ በተከሰተበት ወቅት ሲደረግ የነበረው ሰብአዊ ድጋፍ ጥሩ የነበረ ቢሆንም፤ ተሰበሰበ የተባለው ገንዘብ ወዴት እንደገባ አናውቅም።" ሲሉ ነው የድርቁ ተጎጂዎች ያስረዱት።

በወቅቱ በርካታ ሰዎች በማህበራዊ ሚዲያ በዘመቻ መልክ ብር ከተሰበሰቡ በኋላ ገንዘቡ ወዴት እንደገባ የሚታወቅ ነገር የለም ያሉት ተጎጂዎቹ፤ ለእነርሱ በእርዳታ የመጣ እህል ገበያ ላይ ሲሸጥ እንደነበርም ጠቁመዋል።

የቦረና ዞን የቡሳ ጎኖፋ መምሪያ ተጎጂዎችን መልሶ ለማቋቋም የክልሉ መንግሥት በሕዝቡ ሥም የሰበሰበውን ገንዘብ እንዲሰጥ በተደጋጋሚ መጠየቁን እና መልስ እየጠበቀ መሆኑም ተመላክቷል።

የኦሮሚያ ክልል ቡሳ ጎኖፋ ቢሮ የተሰበሰበው ገንዘብ በክልሉ መንግሥት አቅጣጫ ሰጪነት በቡሳ ጎኖፋ ቢሮው አካውንት በተለያዩ ባንኮች 1 ነጥብ 4 ቢሊዮን ብር እንደሚገኝ አመላክቷል።

ቢሮው አክሎም፤ የተሰበሰበው ገንዘብ በትክክል ሥራ ላይ እንዲውል እና በድርቁ የተጎዱ ሰዎችን በሚገባ መልሶ ለማቋቋም የተለያዩ ፕሮጀክቶች ተቀርጸው ወደ ሥራ እንደሚገባ በመገለጽ፤ ያንን ለማድረግ ግን ጊዜ ያስፈልጋል ብሏል።

በሕዝብ ሥም ገንዘብ ሲሰበስቡ የነበሩ እና ለግል ጥቅማቸው ሲያውሉ የነበሩ ሰዎችም በሕግ አግባብ ተጠያቂ እንዲሆኑ ተደርጓል ነው የተባለው።

በእርዳታ አሰጣጥ ሂደቱ ከታዩ ክፍተቶች መካከል በትክክል መረዳት ያለባቸው ሰዎች ሳይረዱ በማታለልና በብልጠት መረዳት የሌለባቸው ሰዎች እርዳታ ሲወስዱ እንደነበር ጠቅሶ፤ ይህን የማጥራት ሥራም ጎን ለጎን እየተሰራ እንደሚገኝ ገልጿል።  

የክልሉ መንግሥት በተጎጂዎቹ ሥም የሚሰበሰበው ማንኛውም የእርዳታ ገንዘብ በቡሳ ጎኖፋ ቢሮ እውቅና ብቻ እንዲሰበሰብ እና ግለሰቦች በራሳቸው ሥም የሚሰበስቡት ገንዘብ እንዳይኖር መመሪያ ሰጥቶ እንደነበር ይታወሳል።
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

የብርጋዴር ጄኔራል አሳምነው ጽጌ 4ኛ አመት የመታሰቢያ ቀን በትውልድ ቀዬው ላስታ ላሊበላ በደመቀ ሁኔታ ተከብሮ ውሏል።
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

በባለፈው አንድ ሳምንት ብቻ 100 ሰዎች መገደላቸው ተገለጸ‼️
በአንድ ዓመት ውስጥ 5 ሺሕ 676 ሰዎች መሞታቸው ሪፖርት ተደርጓል‼️
ባለፈው ሳምንት ከሰኔ 3-9/2015 በተለያዩ የኢትዮጵያ አካባቢዎች በተፈጠሩ የፖለቲካ ግጭቶች ምክንያት 100 ሰዎች መገደላቸውን፣ የግጭት ሁኔታ መረጃዎችን የሚያቀርበው “ኢትዮጵያ ፒስ ኦብዘርቫቶሪ” አስታውቋል።

ዓለም አቀፍ የግጭት ሁኔታ እና የክስተት የመረጃ በመሰብሰብና በመተንተን የሚታወቀው “The Armed Conflict Location & Event Data Project” የተሰኘ ግብረ ሰናይ ድርጅት ይህንኑ ሥራ በኢትዮጵያ እንዲሠራ በፕሮጀክት ደረጃ ያቋቋመው፣ “Ethiopia Peace Observatory” የተባለው ተቋም ባወጣው ሳምታዊ ሪፖርት፤ በሳምንቱ ከተገደሉት 100 ሰዎች መካከል 35ቱ ሰላማዊ ሰዎች መሆናቸውን አስታውቋል።

በሳምንቱ 19 የፖለቲካ ግጭቶች በተለያዩ ክልሎች መከሰታቸውን የገለጸው ሳምንታዊ ሪፖርቱ፤ በተለይ በአማራ እና በኦሮሚያ ክልል በመንግሥት የጸጥታ ኃይሎች እና በታጠቁ ኃይሎ መካል ውጊያዎች ሲደረጉ እንደነበር ጠቁሟል።

በኹለቱ ክልሎች አለመረጋጋት እንደቀጠለ ሲሆን፤ በሌሎች አካባቢውች ደግሞ በአንጻሩ ሰላማዊ ሁኔታዎች መኖራቸው ተመላክቷል፡፡ በአማራ ክልል የተከሰቱ የፖለቲካ ግጭቶች እና አለመረጋጋቶች መንግሥት “በጽንፈኛ ኃይሎች” ባላቸው አካላት ላይ እየወሰደ ካለው እርምጃ ጋር የተያያዘ መሆኑንም ተቋሙ አስታውቋል።

በኦሮሚያ ክልል ውጊያዎች እና በሰላማዊ ሰዎች ላይ የሚደርሰው ጥቃት መቀጠላቸውን የተቆመው የተቋሙ ሳምንታዊ ሪፖርት፤ ባለፈው ሳምንት በክልሉ በመንግሥት ኃይሎች እና በ“ኦነግ-ሸኔ” መካከል ሰባት የውጊያ ኩነቶችን መመዝገቡን ይፋ አድርጓል፡፡

ከሰኔ 3/2014 እስክ ሰኔ 9/2015 ባለው አንድ ዓመት ውስጥ በኢትዮጵያ በ1 ሺሕ 103 የፖለቲካ ግጭቶች ምክንያት 5 ሺሕ 676 ሰዎችን ሞት ሪፖርት ተደርጓል፡፡ ከሟቾቹ መካከል በሰላማዊ ሰዎች ላይ በተሰነዘሩ ጥቃቶች ምክንያት ሪፖርት የተደረጉ የሟቾች 2 ሺሕ 587 መሆናቸው ታውቋል፡፡
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
https://t.me/Ayuzahabeshaofficial
https://t.me/Ayuzahabeshaofficial

በኦነግ ሸኔ ታግተው ከ50 ሚሊየን ብር በላይ ለተጠየቁ ሹፌሮች ገንዘብ እየተሰበሰበ ነው ተባለ‼️
ከአምስት ቀን በፊት በኦሮሚያ ክልል ሰሜን ሸዋ ዞን ኩዩ ወረዳ ገርበ ጉራቻ ከተማ አካባቢ ለታገቱ ከ50 በላይ ሹፌሮች፣ እገታውን የፈጸሙት የኦነግ ሸኔ ታጣቂዎች የጠየቁትን ከ50 ሚሊዮን ብር በላይ ህዝቡ እየሰበሰበ መሆኑን ከምስራቅ ጎጃም ዞን አስተዳደር ፖሊስ መምሪያ መናገራቸው ተሰምቷል።
በዚህም በደብረ ማርቆስ እና ደንበጫ መካከል አማኑኤል ከተማ ላይ የታገቱ ሹፌሮች ይለቀቁልን በሚል ለሦስት ቀናት ያህል መንገድ ተዘግቶ እንደነበር የተጠቀሰ ሲሆን፤ መፍትሔ ባለመገኘቱ የታጋቾቹ ቤተሰቦች በየቦታው ጨርቅ አንጠፈው የተጠየቁትን ገንዘብ በመለመን ላይ ናቸው ተብሏል።

"እኛም ግራ ገብቶናል" ያሉ አንድ የሥራ ኃላፊ፤ "አብዛኛው ሹፌሮች የታገቱት ከዚህ አካባቢ ስለሆነ ሕዝቡ ልጆቻችን ይፈቱልን በማለት መንገድ ተዘግቶ ነበር።" ካሉ በኋላ፣ "ሕግ እና መንግሥት ባለበት አገር ሰው ታግቶ በሚሊየን ክፈሉ እየተባለ ነው፣ አጣርታችሁ ለመንግሥት ይፋ አድርጉ የሚሰማ ካለ።" ሲሉ ተደምጠዋል።
አክለውም፤ "ከታገቱት ውስጥ ዕድል ቀንቶት ለአንድ ሰው አንድ ሚሊየን ከፍሎ የሚለቀቅ አለ። አልፎ አልፎ እየከፈሉ እየተለቀቁ ነው፣ ክፍሎ ያልተለቀቀም አለ" ብለዋል።
ከ50 በላይ ሹፌሮች ታግተው ከ50 ሚሊየን ብር በላይ ነው የተጠየቀው ያሉት የሥራ ኃላፊው፤ "በዚህ ኑሮ ውድነት ምንም የሌለው ድሃ ልጆቹን ለማትረፍ በየቦታው ጨርቅ አንጥፎ እየለመነ ነው። የሚመለከተው አመራር ማብራሪያ ይስጥ።" ሲሉ አሳስበዋል።
👉ለትክክለኛ ወቅታዊ መረጃዎች ቻናላችንን join በማድረግ ተከታተሉ👇👇👇
http://t.me/ayuzahabeshaofficial
http://t.me/ayuzahabeshaofficial

ፑቲን የዋግነር አመጽ የሀገር ክህደት ነው አሉ‼️
ዋግነር ተዋጊዎቼ በሩሲያ ጦር የአየር ጥቃት ተገድለዋል በሚል በሩሲያ የጦር ጀነራሎች ላይ የአመጻ ጥሪ ማስተላለፉ ይታወሳል የሩሲያው ፕሬዝዳንት ቭላድሚር ፑቲን የዋግነር ቅጥረኛ ቡድንን በሀገር ክህደት ከሰሱ።
ፑቲን ከጥቂት ስአታት በፊት በቀጥታ በቴሌቪዥን ባስተላለፉት መክዕክት፥ ዋግነር የጦርነት አዋጅ ማወጁን ኮንነዋል።
ድርጊቱ የሀገር ክህደት ወንጀል ነው ያሉት ፕሬዝዳንቱ፥ የዋግነር ተዋጊዎች በሩሲያ መከላከያ ሃይል ላይ እንዳይተኩሱ አሳስበዋል።
“በሩሲያ መከላከያ ላይ ጦር የሚያነሳ የትኛውም አካል እርምጃ ይወሰድበታል” ሲሉም ነው በአስቸኳይ መግለጫቸው ያስጠነቀቁት።ሩሲያን ለመጠበቅ የትኛውንም እርምጃ እወስዳለሁ ያሉት ፕሬዝዳንት ፑቲን፥ በሮስቶቭ ያለው ሁኔታ ለማረጋጋትም “ወሳኝ እርምጃ” ይወሰዳል ብለዋል።
ዋግነር ከዩክሬን ወደ ሩሲያ ገብቶ በሮስቶቭ ከተማ የሚገኙ ወታደራዊ ማዘዣዎችን መቆጣጠሩን የቡድኑ መሪ ይቪግኒ ፕሪጎዥን ትናንት ምሽት መናገሩ ይታወሳል።
በከተማዋ ታንኮቹን ማስገባቱንና የመንግስት ተቋማትን መክበቡን የሚያሳይ ምስልንም ለቋል።ዛሬ ጠዋትም የሩሲያ መከላከያ ሚኒስትር ሰርጌ ሾጉ ፊት ለፊት መጥተው ካላናገሩን ወደ ሞስኮ እንዘልቃለን ሲል መዛቱን ሬውተርስ ዘግቧል።
በዩክሬን ለወራት ተዋግቶ የባክሙት ከተማን ነጻ ያወጣው የዋግነር ቡድን፥ የሩሲያ መከላከያ ሃይል በቂ የጦር መሳሪያ እና ተተኳሽ ድጋፍ አላደረገልንም በሚል ሲከሰው ቆይቷል።
የሩሲያ መከላከያ ሃይል በበኩሉ ቡድኑ ይህን ወቀሳም ሆነ ትናንት ዋግነር ያቀረበው የተዋጊዎቼ ተገድለውብኛል ክስ ውድቅ አድርጎታል።

እልቂት ከመፈጠሩ በፊትም የዋግነር መሪው እጅ እንዲሰጥ እና ተዋጊዎቹም ከሩሲያ መከላከያ ሃይል ጋር ግጭት ውስጥ ከመግባት እንዲታቀቡ ጥሪ እየቀረበላቸው ነው።

በአምባሰል ወረዳ ሰርግ ላይ በተተኮሰ ጥይት የአንድ ሰው ህይወት ሲያልፍ በአምስት ሰዎች ላይ ደግሞ ከባድ የአካል ጉዳት ደርሷል
በደቡብ ወሎ በአምባሰል ወረዳ 01 ቀበሌ ሊሞ ሰርግ ላይ በተተኮሰ ጥይት የአንድ ሰው ህይወት ሲያልፍ በአምስት ሰዎች ላይ ደግሞ ከባድ የአካል ጉዳት መድረሱን የወረዳው ፖሊስ ጽህፈት ቤት አስታወቀ።

ድርጊቱ የተከሰተው ትናንት ሰኔ 15/2015 ዓ.ም ነው፤ ቦታው ደግሞ በአምባሰል ወረዳ 01 ቀበሌ ሊሞ አባራጆ ተብሎ በሚጠራው ሰፈር ነው።

በሰርግ ላይ ለደስታ መግለጫ በሚል በተተኮሰ ጥይት የአንድ ሰው ህይወት ማለፉንና በአምስት ሰዎች ላይ ደግሞ ከባድ የአካል ጉዳት መድረሱን በአምባሰል ወረዳ ፖሊስ ጽህፈት ቤት የታክቲክ ወንጀል ምርመራ ክፍል ኃላፊ ኢንስፔክተር መስፍን ይመር ገልፀዋል፡፡

ከባድ የአካል ጉዳት የደረሰባቸው ግለሰቦች በደሴ ሪፈራል ሆስፒታል ህክምና በመከታተል ላይ መሆናቸው አስረድተዋል። ወንጀሉን ፈፅሟል የተባለው ተጠርጣሪ በክትትል ላይ መሆኑን የአምባሰል ወረዳ ኮሙኒኬሽን ዘግቧል
https://t.me/Ayuzahabeshaofficial

የኢትዮጵያ ፓስፖርት ለሌላ አገር ዜጎች በህገ ወጥ መንገድ እየተሰጠ እንደሚገኝ ተገለጸ፡፡ ከሽብርተኝነት እስከ ዓለም አቀፍ ወንጀሎች ማስፈጸሚያ ሊውል የሚችለውን ድርጊት ማስቆም ያልተቻለበትን ምክንያት ፋና ብሮድካስቲንግ ኮርፖሬት ያገኘውን መረጃ መሰረት በማድረግ ተቋማትን ጠይቋል።
የኢሚግሬሽን ዜግነት አገልግሎት እና የአዲስ አበባ ከተማ አስተዳደር የሲቪል ምዝገባና የነዋሪነት አገልግሎት ኤጀንሲ ችግሩ መኖሩን እንደሚያምኑ ገልፀዋል።
በኢሜግሬሽንና ዜግነት አገልግሎት የጉዞ ሰነዶች አሰጣጥ ዳይሬክተር ቡድን መሪ ዓለምጸሀይ አንባቸው÷ ከአገር የሚወጡ የኢትዮጵያን ፓስፖርት በህገ ወጥ መንገድ የሚይዙ የውጭ ዜጎች በርካቶች ስለመሆናቸውም ተናግረዋል። ይህ ደግሞ ለአገር ትልቅ አደጋ እንዳለው ነው የሚጠቅሱት። ኢትዮጵያ ከጎረቤት ሀገራት ጋር የባህል፣ ቋንቋ እና ማንነት መጋራት ያላት በመሆኑ ለማጥራት ሂደቱ ትልቅ ፈተና እንደሆነበት አንሰተዋል። ከዚህ በላይ በተቋማት ውስጥ ያለው ብልሹ አሰራር ለችግሩ እድል ሰጪ ሆኖ መገኘቱን አንስተዋል።
የአዲስ አበባ ከተማ አስተዳደር የሲቪል ምዝገባና የነዋሪነት አገልግሎት ኤጄንሲ ዋና ዳሬክተር ዮናስ አለማሁ በበኩላቸው የሀሰተኛ መረጃ ፈተና እና የፈፃሚዎች ክፍተት ችግሩን እንዳባባሰው ይናገራሉ።
የሲቪል ምዝገባ የነዋሪዎች አገልግሎት እና የኢሜግሬሽንና ዜግነት አገልግሎት ጉዳዩን የፈጸሙ አካላት ላይ እርምጃ መወሰዱን ገልፀዋል፡፡
በዚህም የኢሜግሬሽንና ዜግነት አገልግሎት አንድ መቶ ሃያ አምስት ግለሰቦች በህግ ተጠያቂ እንዲሆኑ ማድረጉን አስታውቋል።
የአዲስ አበባ ከተማ አስተዳደር የሲቪል ምዝገባ እና የነዋሪነት አገልግሎት ኤጀንሲ ደግሞ አንድ መቶ ሀምሳ ሶስት ግለሰቦችን በህግ ተጠያቂ ማድረጉን ጠቁሟል።
ከዚህ ወስጥም ሀምሳ ዘጠኘ የሚሆኑት የተቋሙ ሰራተኞች መሆናቸውን ገልጿል፡፡