قناة الشيخ أحمد الأهواني

✍️بعد 10 شهور من زواجه اكتشف هو وزوجته إنهم مبقوش قادرين يكملوا مع بعض
الزوج اتصل عليا وطلب مني أحدد له موعد وبالفعل لقيته جاي ومعاه زوجته علشان يحكوا ليا مشكلتهم اللي بدأت من قبل الزواج
الزواج تم بالرغم من رفض العيلتين ، وبعد ما شافها وعجبته في الرؤية الشرعية فوجئ بالمشكلات جايه من كل جانب
مشكلات بين العيلتين هو وخطيبته ملهمش دعوة بيها نهائي
الشاب قال للبنت: (طالما أنا وانتي عاوزين بعض ومفيش مشاكل إيه رأيك نتزوج ؟)
وبالفعل...قدر يكلم والدها في الموضوع ده والوالد وافق وتم الزواج في غفلة من الجميع

⬅️كلام الشاب كان بيوضح إن والدها (كلمته ضعيفة في البيت) وإن التحكمات كلها بسبب الأم ، وبسبب دا الشاب مكنش قادر يتفاهم مع أمها ودارت بينهم مشكلات كتيره وصلت دلوقتي إنه مبيكلمش حماته نهائي
كل المشكلات زي ما إحنا بنقرأ كدا (بين عيلتين)
أمه وإخواته دايمًا تدور بينهم وبين عيلة البنت مشكلات
أساس المشكلات كانت من (أم البنت نفسها) اللي بتحاول توصل للجميع إن زوج بنتها بقى خاتم في صباعها علشان تكيد أمه.. (وبالرغم إن مش هي دي الحقيقة ، بس دا العادي لإن كل أم مصرية بتشوف ابنها مركوب)😀
الشاب بقى واقف ما بين خسارته لأهله بسبب كلام بيتنقل لهم من والدة البنت (بعضه حقيقي والبعض الآخر مجرد نميمة)
وزوجته اللي بقى مش عارف يعيش معاها لإن علاقتها بيه بدأت تتغير
الإثنين قالولي اللي هتنصحنا بيه هنعمله فورًا ، والزوج أخبرني إن السبب الرئيسي اللي جينا لك فيه إني ضربتها جامد إمبارح ومش عارف أنا عملت كدا ليه 🤦‍♂

سألت الزوجين: (هو انتوا فعلًا عاوزين بعض وللا بتتلككوا ؟)
قالولي: (عاوزين بعض جدًا ، إحنا مشينا مشوار طويل ضد رغبة الجميع علشان نتزوج)
قلتلهم: (بس أنا شايف إن مفيش ما بينكم أي مشكلة ، دي كلها مشكلات خارجية)

وفي الوقت ده قلت للزوجة من باب إني أفهم دماغها👇

=انتي عارفه ياأختي إنك في اختيار (الأهل) مُسيرة مش مُخَيَّرَة ، فاهمه دي ؟

-أيوا طبعًا فاهمه كدا

=يعني ميعيبكيش إن والدتك اللي انتي مُسيرة فيها لإنك [مش بتختاريها بمزاجك] تطلع مش كويسة ، اللي يعيبك بس إنك تاخدي حاجة منها لإنك [مُخيرة] في طاعتك لزوجك وحسن تبعلك له وأخذ كلام خارجي

-أنا الحقيقة اكتشفت كل دا في أمي بعد زواجي ومش عاجبني اللي بتعمله نهائي ، ولو سألت زوجي هل أنا واخده منها حاجة وللا لأ هيقولك إني مليش علاقة بيها ولا باللي بتعمله خالص

(الزوج أكدلي ده ، وأخبرني إنها مطيعة وبتسمع كلامه وملهاش علاقة بكل اللي حاصل ، وساعتها سألتها)

=طب زوجك ضربك ليه ؟

-كل شوية وإحنا في البيت يقوللي أمك كذا ، وأهلك كذا ، بصراحة متحملتش فرديت عليه بعد مدة طويلة فضربني

قلت للزوج 👇

=ما هي زوجتك ملهاش علاقة بيهم أهوه ، ليه كل شوية تقعد تعيب في أهلها قدامها ؟...إنت عاوزني أكلمها في ردها عليك بعد ما فاض بيها والشيطان تملكها وأسيب السبب المباشر اللي مكنش له أي داعي وجعلها ترد عليك ؟

-ياشيخ أنا مشتمتهمش أنا كنت بوصفهم بس ، بقول مثلًا كذابين _ مش محترمين_ فَجَرَة ، وهكذا

=ياطيب ،ودا برضو صح ؟
في بعض الروايات لما أسلم عكرمة بن أبي جهل قال النبي ﷺ لأصحابه: (يَأْتيكم عِكْرمةُ بنُ أبي جَهلٍ مؤمِنًا مُهاجِرًا، فلا تَسُبُّوا أباهُ)
والرواية وإن كان فيها كلام في السند إلا إننا نفهم منها إن مش بالضرورة نقعد نشتم حد فنؤذي حد تاني إحنا باقيين عليه
زوجتك صدرها ضاق من سبك لأهلها في وقت هي أصلًا مش موافقاهم على تصرفاتهم ، بس هي هتعمل فيهم إيه ؟..دي مُسيرة في اختيارهم من البداية
إنت بتلومها علشان حاجة مجتش باختيارها ؟

-عندك حق ياشيخ ، بس أنا ضربتها وهي كانت عاوزه تاخد رأيك في الموضوع ده

الزوجة قالتلي 👇

-قبل الزواج كنت بقول إن فيه حاجتين مش ممكن أسامح فيهم (الخيانة والضرب) وبعد ما ضربني كدا بصراحة قلتله لازم نتطلق لإنك لما تضربني معناها إن الثقة ضاعت ما بيننا

=الخيانة حاجة مش كويسة طبعًا وذنب كبير واللي بيخون دا بيخون دينه قبل ما يكون بيخونك وربنا يعافيكوا منها ،
بس الضرب ياأختي عقوبة ثابتة في كتاب الله ، صحيح ممكن نتناقش في تطبيق العقوبة من الزوج (لإنه بيطبقها غلط) بس مش كل ما زوج يقَوِّم زوجته بهجر عمله بطريقة غلط أو بوعظ كان مُنفر مثلًا ، تقوم الزوجة تطلب الطلاق
فيه مراحل بناخدها في البداية لشرح دا للزوج خاصة إنكم تزوجتم ومفكرتوش تفهموا كل المعاني دي

-تمام ، فهمت ياشيخ معاك حق

=النبي ﷺ يقول: (إنَّ الشَّيطانَ يَجري مِن ابنِ آدمَ مَجرى الدَّمِ)
الدم هو الشئ الوحيد اللي بيوصل لكل أعضاء الجسم ، بيوصل للعين فتقع نظرة حرام ، لليد فتمتد للحرام ، وهكذا
ولو كل موقف الشيطان هيستدرجنا فيه ونقع في شئ هنخرب البيت هنكون أساسًا بنديه اللي هو عاوزه
انتي فاهمه حسن تبعلك لزوجك معناه إيه ؟

-والله ياشيخ بحاول أتعلم

=كويس جدًا ، الزوج غلطان إنه بيدخل مشكلات الخارج داخل بيته علشان عمره ما هيقدر يفهمك ولا تفهموا بعض بالشكل ده ، وانتي غلطانة علشان كان ممكن من البداية تبادري وتقوليله بطرية كويسة تعالى نفهم هل صح تقعد تشتم أهلي قدامي وللا لأ ؟
طريقتك وأسلوبك مع زوجك ولين طبعك معاه هيخلي حياتكم تستمر
ولازم تفهمي شئ ، أنا على يقين إن والدتك (اللي هتحجمي التعامل معاها على قدر الرحم وبس) هتحاول معاكي ثاني وثالث ورابع ، فلازم تكوني فاهمه إن سماعك كلمة تخص بيتك منها ذنب كبير ، ومجرد مجاراتها في سيرة زوجك غيبة محرمة والغيبة من الكبائر مش حاجة سهلة 🔥

-طب أتعامل معاها إزاي ؟

=متسمحيش لها (بلين وبلُطف) تجيب سيرة بيتك ، ولو حاولت تجيب سيرة بيتك قللي الزيارات والمكالمات وهي واحدة واحدة هتفهم ده وتمتنع عنه
وكدا كدا الزوج علاقته مقطوعة بيهم

وقلت للزوج هو كمان يطلع أهله من حياته بزوجته ويكتفي معاهم بالرحم وبس ويفصل بين العيلتين قدر المستطاع علشان المشكلات والتركيز في حياته ، ويبادر بالإنجاب علشان العيل غالبًا هيجمع العيلتين والزمن كفيل يداوي كل ده

وفي النهاية ، عاوز أقول لكل المتابعين والمتابعات👇

1/ بيوتكم خط أحمر ، متسمحوش لحد يتدخل فيها ولو كان من أقرب الناس

2/ كثرة المشغبات في بداية زواجكم بتطول فترة تعرفكم على بعض ، الإنشغال بفهم كل اللي حواليكم هيطول المدة جدًا والشيطان بيلعب معانا على عامل الوقت

3/ عقل النساء ضعيف ، لازم الرجال يستوعبوا ده ، متعملش شئ غلط في حياتك وتطالب زوجتك يكون عقلها في الصح أكبر من عقلك اللي هو نفسه مختارش الصح كطريق له ، (اسأل علشان حياتك تمشي مظبوط)

4/ نية بناء بيت مسلم نية كفاية جدًا إن حياتكوا تكمل وتستمر ، نية فيها إغاظة للشياطين اللي كل همهم وكمدهم إنكوا بتزودوا سواد المسلمين ، هيحاول يوقف نسلكوا ، هيحاول يشتت النسل ده ما بين هجر وطلاق ومشكلات... (خذوا حذركم)

5/ الأخوات المسلمات الطيبات...اذبحن هذه الشياطين بسكين بارد ، حسن تبعلك لزوجك واتباع ما يأمر به درجة قد تصل بكِ وإنتِ حبيسة الجدران لدرجات المجاهدين

#اللهم_اصلح_بنا 🤲
#تصحيح_مفاهيم_الزواج

=ههههههههه ، فعلًا
إنت مش واخد بالك كمان خطوبتك يامصطفى كنت بعالجلك بعض الحوارات فيها إزاي ؟

-حقيقي ، كنت بتقوللي كبر دماغك في حاجات كتير وتقعد تشرحلي عقلية الستات

=وهتحتاج كل دا في زواجك كمان ، فهمنا لنقص عقل الست بيخلينا نكون رحماء بطبيعتها مشفقين على قدراتها ، الست ناقصة العقل دي يامصطفى هي أمك وأختك وزوجتك وبنتك ، عمرنا ما نعاير واحدة ولا نلومها بطبيعة خلق الله لها ، النساء لو عقلهم كامل مكناش عرفنا نعيش معاهم أساسًا

-بس ياشيخنا يعني فيه ستات عقلهم يوزن بلد ، الستات دول منهم اللي تولت الحكم واللي بقت وزيرة و.. و...

=حقيقي ، وبرضو الأصل فيها نقص العقل ، وكل دول هتلاقي لهم مستشارين من الرجال العقلاء ، ولو الأمر ترك لها بالكلية الدنيا تخرب خالص

-بس أنا ملاحظ حاجة ، ملاحظ إن الصحابيات سلموا خالص لنقص العقل والدين وبدأوا يفهموا ويسألوا عن السبب لكدا

=فعلًا ، والنبي ﷺ بدأ يذكر لهن أمثلة على ذلك
(شهادة الرجل بشهادة امرأتين ويمكثن الأيام لا يصلين)
الصحابيات مكنوش أبدًا يعترضن على شرع الله ، الإعتراض على الشرع لم يظهر إلا من منافقات هذا الزمان للأسف

-طب نتعامل إزاي ياشيخنا مع نقص العقل والدين ده ؟

=تكون رحيم بزوجتك ، متكلفهاش فوق طاقتها ، ولا تطالبها تفهمك من أول مرة في كل كلمة بتقولها ، والتمس لها الأعذار إذا كان الموضوع فوق مستوى قدراتها ، صدقني هتعيش سعيد ومش هتتعب

-طب ما هي كدا ياشيخنا في كل حاجة هتحتج علينا بكدا ، تغلط وتعمل كوارث وتقول أنا ناقصة عقل!

=هنا بقى لازم الموضوع يرجع لتقديرك إنت للأمر ، وبسبب دا أنزل الله العقوبات الشرعية

-ربنا يبارك فيك ياشيخنا ، فهمت الحمد لله ، بإذن الله أعمل كدا

#يارب_نفهم 🤲

#ناقصات_عَقل_وَدين 🙇‍♀
(قراءة مُتَأَنية لفَهم الحَديث النبوي الشَريف)

-السلام عليكم ورحمة الله وبركاته ، إزيك ياشيخ أحمد

=وعليكم السلام ورحمة الله وبركاته ، الله يسلمك يامصطفى ، عامل إيه دلوقتي في زواجك ؟

-الحمد لله ياشيخنا ، أهو كل يوم بتعلم حاجة جديدة علشان حياتي تنجح ، بقالي يومين في حوار جديد زوجتي زعلانة مني بسببه مع إني مليش دعوة بيه نهائي والله ياشيخنا

=حوار إيه يادرش ؟

-زوجتي قاعدة تتخانق معايا علشان بقول إنها ناقصة عقل ودين ، وأنا والله ما قلت كدا ياشيخنا ، دا بوست قرأته عالفيس معصبها جدًا وخلي المود بتاعها مش كويس ومنكدة عليا آخر نكد

=ههههههه.. معقول ؟😀

-ياشيخنا دي حاجة مستفزة جدًا ، واحد طلع يقول عن النساء ناقصات عقل ودين ، زوجتي تلصق الكلام فيا أنا ليه مش فاهم ؟..لا وتقوللي كلكوا يارجالة شايفيننا كدا

=واحد مين ياابني اللي طلع يقول ؟..دا النبي ﷺ هو اللي قال كدا

-النبي ﷺ اللي قال كده ؟...قال كدا إزاي ؟

=سيدنا أبو سعيد الخُدري بيقول: (خَرَجَ رَسولُ اللَّهِ ﷺ في أضْحَى أوْ فِطْرٍ إلى المُصَلَّى، فَمَرَّ علَى النِّسَاءِ، فَقالَ: يا مَعْشَرَ النِّسَاءِ تَصَدَّقْنَ فإنِّي أُرِيتُكُنَّ أكْثَرَ أهْلِ النَّارِ فَقُلْنَ: وبِمَ يا رَسولَ اللَّهِ؟ قالَ: تُكْثِرْنَ اللَّعْنَ، وتَكْفُرْنَ العَشِيرَ، ما رَأَيْتُ مِن نَاقِصَاتِ عَقْلٍ ودِينٍ أذْهَبَ لِلُبِّ الرَّجُلِ الحَازِمِ مِن إحْدَاكُنَّ، قُلْنَ: وما نُقْصَانُ دِينِنَا وعَقْلِنَا يا رَسولَ اللَّهِ؟ قالَ: أليسَ شَهَادَةُ المَرْأَةِ مِثْلَ نِصْفِ شَهَادَةِ الرَّجُلِ قُلْنَ: بَلَى، قالَ: فَذَلِكِ مِن نُقْصَانِ عَقْلِهَا، أليسَ إذَا حَاضَتْ لَمْ تُصَلِّ ولَمْ تَصُمْ قُلْنَ: بَلَى، قالَ: فَذَلِكِ مِن نُقْصَانِ دِينِهَا)

-امممم..مش فاهم ياشيخ ، يعني النبي ﷺ في يوم العيد قال للنساء (تَصَدَّقْنَ فإنِّي أُرِيتُكُنَّ أكْثَرَ أهْلِ النَّارِ) ؟
يعني ياشيخنا دا كلام النبي ﷺ هيقوله يوم عيد ؟

=إيه اللي يفرق يوم عيد من يوم عادي في الموعظة يامصطفى ؟...النبي ﷺ ما كان يترك مناسبة إلا ويذكر أصحابه بما يقربهم من الجنة ويباعدهم عن النار فيها ، إحنا اللي علشان بعدنا عن روح هذا الدين بقينا نفصل آخرتنا عن حياتنا في وقت الفرحة بتاعتنا

-مش قصدي ياشيخ ، بس قصدي يعني إن ممكن الكلام ميبقاش زي كدا بالضبط يعني

=يعني إيه الكلام ميبقاش زي كدا بالضبط ؟

-يعني مثلًا مثلًا يعني يكون الحديث ضعيف أو يكون من الإسرائيليات يعني أو حاجة زي كدا

=يامصطفى ، الحديث دا موجود في البخاري ومسلم ، مُتفق عليه يعني ، فمفيش مجال لنفي صحة الرواية

-طب مش يمكن ياشيخنا يكون مثلًا أبو سعيد الخدري اللي روى الحديث زي ما سمعت منك دلوقتي مكنش واخد باله من الحتة دي ؟

=دا مش أبو سعيد الخدري بس اللي روى الحديث ، دا الحديث دا موجود في صحيح مسلم وابن ماجة مثلًا من رواية عبدالله بن عُمر بن الخطاب

-عبدالله بن عمر كمان ؟

=وموجود في سنن الترمذي من رواية أبي هريرة رضي الله عنه وعن الجميع

-طبعًا أكيد كدا الموضوع اختلف كتير ، طب ما يمكن ياشيخنا الحديث له مفهوم تاني إحنا مش واخدين بالنا منه

=بص يامصطفى ، النبي ﷺ وهو في رحلة المعراج اطلع على النار فوجد أكثر أهلها النساء
بدأ يحذرهم من كدا ويبعدهم عن الأسباب المباشرة اللي ممكن تخليهم في النار عياذًا بالله
ولما النساء سألوه عن سبب دخولهن النار قال سببين مباشرين (تُكْثِرْنَ اللَّعْنَ، وتَكْفُرْنَ العَشِيرَ)

-مش فاهم برضو ياشيخ ، هو كدا بيكفرهم يعني ؟

=لا يامصطفى ، (تُكْثِرْنَ اللَّعْنَ) كناية عن كثرة السب والشتم على لسان النساء ، والدعوات اللي بيستخدموها مثلًا باللعن لأي واحد بيضايقهم

-إنت هتقوللي 🤦‍♂

=و(تَكْفُرْنَ العَشِيرَ) كناية عن عدم شكرهن لأزواجهن وجحد فضل الزوج ، (تكفرن) بمعني تجحدن.. بيجحدوا فضل (العشير) اللي هو الزوج
النبي ﷺ مثلًا قال: (لو أحسَنْتَ إلى إحداهُنَّ الدَّهْرَ كُلَّه، ثمَّ رأَت منكَ شَيئًا، قالت: ما رأيتُ مِنك خيرًا قَطُّ!)
تخيل..بتمسح كل فضلك بأستيكة علشان غلطة أو حاجة زَعَّلَتها

-أنا كدا تقريبًا فهمت المناسبة ، يعني النبي ﷺ غالبًا انتهز فرصة تجمع النساء في يوم العيد وحذرهم من صفتين هما أساسًا ممكن يحصلوا بسبب تجمع زي ده

=بالضبط...مجالس الغيبة والنميمة اللي بتحصل في مثل هذه التجمعات والتخبيب لما كل واحدة أحيانًا هتتكلم عن زوجها والمقارنات ، فكان مهم يكلمهم عن الصفتين اللي هيحصلوا بسبب التجمعات دي حتى لو كان اليوم عيد ، صحيفة العمل لا تتوقف في الأعياد يادرش 😀

-ههههههه ، فعلًا.. بس يعني إيه بعدها يقول (ما رَأَيْتُ مِن نَاقِصَاتِ عَقْلٍ ودِينٍ أذْهَبَ لِلُبِّ الرَّجُلِ الحَازِمِ مِن إحْدَاكُنَّ) ؟

=(اللُّب) هو العقل ، ولُب الرجل الحازم يعني عقل الرجل صاحب الرجولة والحكمة
أهو عقل الراجل دا بقى ممكن يروح خالص ويذهب بسبب النساء هههههههه

-بصراحة دي اقتنعت بيها بعد الزواج ياشيخنا ، أكيد دا من كثرة المغالبات والزن عالفاضي والمليان والتحايل علشان شئ الزوج ممكن يرفضه أو شايف المصلحة في خلافه

=مثلًا ، ودي صفة مش كويسة في النساء لازم ينتهين عنها وتقول لزوجها سمعًا وطاعة طالما في المعروف مش تقعد تجادل

-طب إيه مناسبة بقى إنه يقول عن النساء ناقصات عقل ودين ؟....وبعدين يعلل دا بقوله (أليسَ شَهَادَةُ المَرْأَةِ مِثْلَ نِصْفِ شَهَادَةِ الرَّجُلِ ؟)
(أليسَ إذَا حَاضَتْ لَمْ تُصَلِّ ولَمْ تَصُمْ)
هي الحاجات دي عيوب في المرأة ياشيخنا ؟

=لا مش عيوب

-أمال الستات بيتعايروا بيها ليه ؟

=مين اللي بييعايرهم بيها ؟

-مين اللي بيعايرهم ؟..يعني الست بعد ما التزمت بأمر ربنا ومبقتش تصلي ولا تصوم وقت الحيض يتقال عنها إنها ناقصة دين ولما تستجيب للشهادة والشرع بيأمر القاضي يجيب معاها كمان واحدة تشهد تبقى ناقصة عقل ؟

=إنت جبت الكلام دا منين يادرش ؟

-من الحديث ياشيخ

=يامصطفى النبي ﷺ بيذكر للنساء فقط بعض الأشياء اللي بيدلل بيها على نقصان العقل والدين ، متفهمش من كلامه إن دي هي الحاجات اللي بسببهم بقى عندهم نقص في العقل والدين

-لا مش فاهم ، ياريت توضحلي

=النبي ﷺ لما النساء قالوا (وما نُقْصَانُ دِينِنَا وعَقْلِنَا يا رَسولَ اللَّهِ؟)
قالَ: (أليسَ شَهَادَةُ المَرْأَةِ مِثْلَ نِصْفِ شَهَادَةِ الرَّجُلِ)؟ النساء قُلْنَ: بَلَى
قالَ: فَذَلِكِ مِن نُقْصَانِ عَقْلِهَا
ثم قال (أليسَ إذَا حَاضَتْ لَمْ تُصَلِّ ولَمْ تَصُمْ)
قُلْنَ: بَلَى
قالَ: فَذَلِكِ مِن نُقْصَانِ دِينِهَا

النبي بيقول (من) نقصان عقلها ، (من) نقصان دينها

(مِن) في الحديث تُفيد التبعيض ، لأن الحديث يشير إلى أن نقصان العقل هو جزء من أسباب ذهاب لبّ الرجل الحازم، وليس هو العامل الوحيد
والناس بيركزوا في الحديث دا على نقطتين فقط (الإكثار من اللعن وكفران العشير) بالرغم إن النبي ﷺ ذكر (إذهابهن لعقل الرجل الحازم) كنقطة ثالثة رئيسية
يعني بسبب قلة وضعف العقل بقوا يذهبوا عقل الرجل الحازم ، ودي شوية شواهد من نقصان العقل والدين ، أمثلة فحسب النبي ﷺ ضربها للنساء

-هو فيه حاجات تانيه بتتعمل علشان كدا ؟

=أيوا طبعًا ، والعلماء أخذوا الصفة دي في النساء وعللوا بيها بعض الأحكام الشرعية كمان

-بسبب نقصان العقل والدين عللوا بعض الأحكام الشرعية ؟

=طبعًا ، هو النساء بس كان آخرهم ترك الصلاة وقت الحيض يعني ؟

-دا اللي أنا فهمته

=لا أبدًا ، الإمام البهوتي مثلًا في كشاف القناع علل عدم جواز تزويج المرأة نفسها أو غيرها بكونها ناقصة عقل ، ودا مش عيب فيها برضو

-فعلًا ، الست في الشرع محتاجة ولي في الزواج

=وكمان المرأة لا تتولى القضاء ولا الولايات العامة ولا تطلق نفسها وهكذا ، كل دا من كونها ناقصة عقل
عارف مثلًا الإمام ابن كثير (رحمه الله) في تفسير قوله تعالى (أَوَمَن یُنَشَّؤُا۟ فِی ٱلۡحِلۡیَةِ وَهُوَ فِی ٱلۡخِصَامِ غَیۡرُ مُبِینࣲ) قال إيه ؟

-قال إيه ؟

=قال رحمه الله (الْمَرْأَةُ نَاقِصَةٌ يَكْمُلُ نَقْصُهَا بِلُبْسِ الْحُلِيِّ مُنْذُ تَكُونُ طِفْلَةً، وَإِذَا خَاصَمَتْ فَلَا عِبَارَةَ لَهَا، بَلْ هِيَ عَاجِزَةٌ عَيِيَّة، أوَ مَنْ يَكُونُ هَكَذَا يُنْسَبُ إِلَى جَنَابِ اللَّهِ عَزَّ وَجَلَّ ؟! فَالْأُنْثَى نَاقِصَةُ الظَّاهِرِ وَالْبَاطِنِ، فِي الصُّورَةِ وَالْمَعْنَى، فَيَكْمُلُ نَقْصُ ظَاهِرِهَا وَصُورَتِهَا بِلُبْسِ الْحُلِيِّ وَمَا فِي مَعْنَاهُ، لِيُجْبَرَ مَا فِيهَا مِنْ نَقْصٍ)

-دا العلماء فعلًا كانوا بيتعاملوا مع الموضوع على إنه عادي خالص وبيعللوا بيه بعض الأحكام

=مش كدا وبس ، دا العرب كمان كانوا بيضربوا بالموضوع دا المثل لما كانوا يقولوا (حَدِّث حديثين للمرأة ، فإن أَبَت فَأَربِع) أو (فأَربَع)
يعني لو الست مفهمتش كلامك من مرتين (فَأربِع) يعني اسكت خلاص مش هتفهم ، أو (فَأَربَع) يعني تعيد كلامك 4 مرات علشان تفهم

-أمال إيه اللي بيطلع يقول إن الكلام كان لمجموعة خاصة من النساء النبي ﷺ قابلهم ؟

=دا واحد متخلف يامصطفى ، العلماء بيتكلموا عن الموضوع لعموم النساء في كل كلامهم بكل صراحة ، دا الصحابيات كمان تعاملن مع الأمر على إنه عادي برضو ، يعني معترضوش على النبي ﷺ وهو بيقول لهم كدا.. أبدًا
بل بدأوا يفهموا والنبي ﷺ يوضحلهم بعض أمارات ذلك

-أمال المعايرة دي جت منين ؟

=اللي بيعاير المرأة بكدا شخص متخلف عقليًا ، دا من تمام خلق الله للمرأة أن جعلها ناقصة عقل يامصطفى

-من تمام خلق الله لها ؟

=طبعًا ، إنت متخيل ربنا يجعل للست عقل كامل كالرجال ، هيتعاملوا إزاي مع أطفالهم ؟...دي بتقعد تتعامل طوال عمرها مع أطفال ، بتخلف دا ويكبر وتستقبل عيل جديد ، وتلاقيهم بيخترعوا كدا لغة غريبة تتكلم بيها مع الطفل

-آه والله ياشيخنا ، وأنا اللي كنت بقول لها يعني إيه (ياختشي كميلة وصغنططة وأمورة ، ياخي بووووو عووو تبي€¥£¢¢%¥€€£¢¥ ياخلاثو قلب أمه ياناسوا 😂)

✍️قالولي كفاية الأسبوع دا كلام عن التعدد... (وافقت وقلت ماشي..نديكوا وقت للراحة)
وفي وقت راحتكوا عملتلكوا بوست أشرحلكوا حديث (ناقصات عقل ودين) تقومي عاوزه تسيبي الدين وتمشي ؟
#مالِك_ياأختاه ؟🤔
#أول_تعليق 👇

✍️زوجتي وهي بتقرأ بوست (ناقصات عقل ودين) قعدت تتعجب من سعة الشريعة ورحمتها بضعف النساء ، وإن رب العالمين لم يفرض عليهن أمورًا فرضها على الرجال لضعف العقل عندهن...(مستمتعة بقعدتها في البيت وإنها مش هتحط راسها ودماغها بدماغ الرجال ولا تتبهدل)
من الآخر (عاجباها خلقتها كدا ومش منزعجة نهائي)
👈شوفوا بقى الست دي لما قرأت البوست👇

=ههههههههه ، فعلًا
إنت مش واخد بالك كمان خطوبتك يامصطفى كنت بعالجلك بعض الحوارات فيها إزاي ؟

-حقيقي ، كنت بتقوللي كبر دماغك في حاجات كتير وتقعد تشرحلي عقلية الستات

=وهتحتاج كل دا في زواجك كمان ، فهمنا لنقص عقل الست بيخلينا نكون رحماء بطبيعتها مشفقين على قدراتها ، الست ناقصة العقل دي يامصطفى هي أمك وأختك وزوجتك وبنتك ، عمرنا ما نعاير واحدة ولا نلومها بطبيعة خلق الله لها ، النساء لو عقلهم كامل مكناش عرفنا نعيش معاهم أساسًا

-بس ياشيخنا يعني فيه ستات عقلهم يوزن بلد ، الستات دول منهم اللي تولت الحكم واللي بقت وزيرة و.. و...

=حقيقي ، وبرضو الأصل فيها نقص العقل ، وكل دول هتلاقي لهم مستشارين من الرجال العقلاء ، ولو الأمر ترك لها بالكلية الدنيا تخرب خالص

-بس أنا ملاحظ حاجة ، ملاحظ إن الصحابيات سلموا خالص لنقص العقل والدين وبدأوا يفهموا ويسألوا عن السبب لكدا

=فعلًا ، والنبي ﷺ بدأ يذكر لهن أمثلة على ذلك
(شهادة الرجل بشهادة امرأتين ويمكثن الأيام لا يصلين)
الصحابيات مكنوش أبدًا يعترضن على شرع الله ، الإعتراض على الشرع لم يظهر إلا من منافقات هذا الزمان للأسف

-طب نتعامل إزاي ياشيخنا مع نقص العقل والدين ده ؟

=تكون رحيم بزوجتك ، متكلفهاش فوق طاقتها ، ولا تطالبها تفهمك من أول مرة في كل كلمة بتقولها ، والتمس لها الأعذار إذا كان الموضوع فوق مستوى قدراتها ، صدقني هتعيش سعيد ومش هتتعب

-طب ما هي كدا ياشيخنا في كل حاجة هتحتج علينا بكدا ، تغلط وتعمل كوارث وتقول أنا ناقصة عقل!

=هنا بقى لازم الموضوع يرجع لتقديرك إنت للأمر ، وبسبب دا أنزل الله العقوبات الشرعية

-ربنا يبارك فيك ياشيخنا ، فهمت الحمد لله ، بإذن الله أعمل كدا

#يارب_نفهم 🤲

#ناقصات_عَقل_وَدين 🙇‍♀
(قراءة مُتَأَنية لفَهم الحَديث النبوي الشَريف)

-السلام عليكم ورحمة الله وبركاته ، إزيك ياشيخ أحمد

=وعليكم السلام ورحمة الله وبركاته ، الله يسلمك يامصطفى ، عامل إيه دلوقتي في زواجك ؟

-الحمد لله ياشيخنا ، أهو كل يوم بتعلم حاجة جديدة علشان حياتي تنجح ، بقالي يومين في حوار جديد زوجتي زعلانة مني بسببه مع إني مليش دعوة بيه نهائي والله ياشيخنا

=حوار إيه يادرش ؟

-زوجتي قاعدة تتخانق معايا علشان بقول إنها ناقصة عقل ودين ، وأنا والله ما قلت كدا ياشيخنا ، دا بوست قرأته عالفيس معصبها جدًا وخلي المود بتاعها مش كويس ومنكدة عليا آخر نكد

=ههههههه.. معقول ؟😀

-ياشيخنا دي حاجة مستفزة جدًا ، واحد طلع يقول عن النساء ناقصات عقل ودين ، زوجتي تلصق الكلام فيا أنا ليه مش فاهم ؟..لا وتقوللي كلكوا يارجالة شايفيننا كدا

=واحد مين ياابني اللي طلع يقول ؟..دا النبي ﷺ هو اللي قال كدا

-النبي ﷺ اللي قال كده ؟...قال كدا إزاي ؟

=سيدنا أبو سعيد الخُدري بيقول: (خَرَجَ رَسولُ اللَّهِ ﷺ في أضْحَى أوْ فِطْرٍ إلى المُصَلَّى، فَمَرَّ علَى النِّسَاءِ، فَقالَ: يا مَعْشَرَ النِّسَاءِ تَصَدَّقْنَ فإنِّي أُرِيتُكُنَّ أكْثَرَ أهْلِ النَّارِ فَقُلْنَ: وبِمَ يا رَسولَ اللَّهِ؟ قالَ: تُكْثِرْنَ اللَّعْنَ، وتَكْفُرْنَ العَشِيرَ، ما رَأَيْتُ مِن نَاقِصَاتِ عَقْلٍ ودِينٍ أذْهَبَ لِلُبِّ الرَّجُلِ الحَازِمِ مِن إحْدَاكُنَّ، قُلْنَ: وما نُقْصَانُ دِينِنَا وعَقْلِنَا يا رَسولَ اللَّهِ؟ قالَ: أليسَ شَهَادَةُ المَرْأَةِ مِثْلَ نِصْفِ شَهَادَةِ الرَّجُلِ قُلْنَ: بَلَى، قالَ: فَذَلِكِ مِن نُقْصَانِ عَقْلِهَا، أليسَ إذَا حَاضَتْ لَمْ تُصَلِّ ولَمْ تَصُمْ قُلْنَ: بَلَى، قالَ: فَذَلِكِ مِن نُقْصَانِ دِينِهَا)

-امممم..مش فاهم ياشيخ ، يعني النبي ﷺ في يوم العيد قال للنساء (تَصَدَّقْنَ فإنِّي أُرِيتُكُنَّ أكْثَرَ أهْلِ النَّارِ) ؟
يعني ياشيخنا دا كلام النبي ﷺ هيقوله يوم عيد ؟

=إيه اللي يفرق يوم عيد من يوم عادي في الموعظة يامصطفى ؟...النبي ﷺ ما كان يترك مناسبة إلا ويذكر أصحابه بما يقربهم من الجنة ويباعدهم عن النار فيها ، إحنا اللي علشان بعدنا عن روح هذا الدين بقينا نفصل آخرتنا عن حياتنا في وقت الفرحة بتاعتنا

-مش قصدي ياشيخ ، بس قصدي يعني إن ممكن الكلام ميبقاش زي كدا بالضبط يعني

=يعني إيه الكلام ميبقاش زي كدا بالضبط ؟

-يعني مثلًا مثلًا يعني يكون الحديث ضعيف أو يكون من الإسرائيليات يعني أو حاجة زي كدا

=يامصطفى ، الحديث دا موجود في البخاري ومسلم ، مُتفق عليه يعني ، فمفيش مجال لنفي صحة الرواية

-طب مش يمكن ياشيخنا يكون مثلًا أبو سعيد الخدري اللي روى الحديث زي ما سمعت منك دلوقتي مكنش واخد باله من الحتة دي ؟

=دا مش أبو سعيد الخدري بس اللي روى الحديث ، دا الحديث دا موجود في صحيح مسلم وابن ماجة مثلًا من رواية عبدالله بن عُمر بن الخطاب

-عبدالله بن عمر كمان ؟

=وموجود في سنن الترمذي من رواية أبي هريرة رضي الله عنه وعن الجميع

-طبعًا أكيد كدا الموضوع اختلف كتير ، طب ما يمكن ياشيخنا الحديث له مفهوم تاني إحنا مش واخدين بالنا منه

=بص يامصطفى ، النبي ﷺ وهو في رحلة المعراج اطلع على النار فوجد أكثر أهلها النساء
بدأ يحذرهم من كدا ويبعدهم عن الأسباب المباشرة اللي ممكن تخليهم في النار عياذًا بالله
ولما النساء سألوه عن سبب دخولهن النار قال سببين مباشرين (تُكْثِرْنَ اللَّعْنَ، وتَكْفُرْنَ العَشِيرَ)

-مش فاهم برضو ياشيخ ، هو كدا بيكفرهم يعني ؟

=لا يامصطفى ، (تُكْثِرْنَ اللَّعْنَ) كناية عن كثرة السب والشتم على لسان النساء ، والدعوات اللي بيستخدموها مثلًا باللعن لأي واحد بيضايقهم

-إنت هتقوللي 🤦‍♂

=و(تَكْفُرْنَ العَشِيرَ) كناية عن عدم شكرهن لأزواجهن وجحد فضل الزوج ، (تكفرن) بمعني تجحدن.. بيجحدوا فضل (العشير) اللي هو الزوج
النبي ﷺ مثلًا قال: (لو أحسَنْتَ إلى إحداهُنَّ الدَّهْرَ كُلَّه، ثمَّ رأَت منكَ شَيئًا، قالت: ما رأيتُ مِنك خيرًا قَطُّ!)
تخيل..بتمسح كل فضلك بأستيكة علشان غلطة أو حاجة زَعَّلَتها

-أنا كدا تقريبًا فهمت المناسبة ، يعني النبي ﷺ غالبًا انتهز فرصة تجمع النساء في يوم العيد وحذرهم من صفتين هما أساسًا ممكن يحصلوا بسبب تجمع زي ده

=بالضبط...مجالس الغيبة والنميمة اللي بتحصل في مثل هذه التجمعات والتخبيب لما كل واحدة أحيانًا هتتكلم عن زوجها والمقارنات ، فكان مهم يكلمهم عن الصفتين اللي هيحصلوا بسبب التجمعات دي حتى لو كان اليوم عيد ، صحيفة العمل لا تتوقف في الأعياد يادرش 😀

-ههههههه ، فعلًا.. بس يعني إيه بعدها يقول (ما رَأَيْتُ مِن نَاقِصَاتِ عَقْلٍ ودِينٍ أذْهَبَ لِلُبِّ الرَّجُلِ الحَازِمِ مِن إحْدَاكُنَّ) ؟

=(اللُّب) هو العقل ، ولُب الرجل الحازم يعني عقل الرجل صاحب الرجولة والحكمة
أهو عقل الراجل دا بقى ممكن يروح خالص ويذهب بسبب النساء هههههههه

-بصراحة دي اقتنعت بيها بعد الزواج ياشيخنا ، أكيد دا من كثرة المغالبات والزن عالفاضي والمليان والتحايل علشان شئ الزوج ممكن يرفضه أو شايف المصلحة في خلافه

=مثلًا ، ودي صفة مش كويسة في النساء لازم ينتهين عنها وتقول لزوجها سمعًا وطاعة طالما في المعروف مش تقعد تجادل

-طب إيه مناسبة بقى إنه يقول عن النساء ناقصات عقل ودين ؟....وبعدين يعلل دا بقوله (أليسَ شَهَادَةُ المَرْأَةِ مِثْلَ نِصْفِ شَهَادَةِ الرَّجُلِ ؟)
(أليسَ إذَا حَاضَتْ لَمْ تُصَلِّ ولَمْ تَصُمْ)
هي الحاجات دي عيوب في المرأة ياشيخنا ؟

=لا مش عيوب

-أمال الستات بيتعايروا بيها ليه ؟

=مين اللي بييعايرهم بيها ؟

-مين اللي بيعايرهم ؟..يعني الست بعد ما التزمت بأمر ربنا ومبقتش تصلي ولا تصوم وقت الحيض يتقال عنها إنها ناقصة دين ولما تستجيب للشهادة والشرع بيأمر القاضي يجيب معاها كمان واحدة تشهد تبقى ناقصة عقل ؟

=إنت جبت الكلام دا منين يادرش ؟

-من الحديث ياشيخ

=يامصطفى النبي ﷺ بيذكر للنساء فقط بعض الأشياء اللي بيدلل بيها على نقصان العقل والدين ، متفهمش من كلامه إن دي هي الحاجات اللي بسببهم بقى عندهم نقص في العقل والدين

-لا مش فاهم ، ياريت توضحلي

=النبي ﷺ لما النساء قالوا (وما نُقْصَانُ دِينِنَا وعَقْلِنَا يا رَسولَ اللَّهِ؟)
قالَ: (أليسَ شَهَادَةُ المَرْأَةِ مِثْلَ نِصْفِ شَهَادَةِ الرَّجُلِ)؟ النساء قُلْنَ: بَلَى
قالَ: فَذَلِكِ مِن نُقْصَانِ عَقْلِهَا
ثم قال (أليسَ إذَا حَاضَتْ لَمْ تُصَلِّ ولَمْ تَصُمْ)
قُلْنَ: بَلَى
قالَ: فَذَلِكِ مِن نُقْصَانِ دِينِهَا

النبي بيقول (من) نقصان عقلها ، (من) نقصان دينها

(مِن) في الحديث تُفيد التبعيض ، لأن الحديث يشير إلى أن نقصان العقل هو جزء من أسباب ذهاب لبّ الرجل الحازم، وليس هو العامل الوحيد
والناس بيركزوا في الحديث دا على نقطتين فقط (الإكثار من اللعن وكفران العشير) بالرغم إن النبي ﷺ ذكر (إذهابهن لعقل الرجل الحازم) كنقطة ثالثة رئيسية
يعني بسبب قلة وضعف العقل بقوا يذهبوا عقل الرجل الحازم ، ودي شوية شواهد من نقصان العقل والدين ، أمثلة فحسب النبي ﷺ ضربها للنساء

-هو فيه حاجات تانيه بتتعمل علشان كدا ؟

=أيوا طبعًا ، والعلماء أخذوا الصفة دي في النساء وعللوا بيها بعض الأحكام الشرعية كمان

-بسبب نقصان العقل والدين عللوا بعض الأحكام الشرعية ؟

=طبعًا ، هو النساء بس كان آخرهم ترك الصلاة وقت الحيض يعني ؟

-دا اللي أنا فهمته

=لا أبدًا ، الإمام البهوتي مثلًا في كشاف القناع علل عدم جواز تزويج المرأة نفسها أو غيرها بكونها ناقصة عقل ، ودا مش عيب فيها برضو

-فعلًا ، الست في الشرع محتاجة ولي في الزواج

=وكمان المرأة لا تتولى القضاء ولا الولايات العامة ولا تطلق نفسها وهكذا ، كل دا من كونها ناقصة عقل
عارف مثلًا الإمام ابن كثير (رحمه الله) في تفسير قوله تعالى (أَوَمَن یُنَشَّؤُا۟ فِی ٱلۡحِلۡیَةِ وَهُوَ فِی ٱلۡخِصَامِ غَیۡرُ مُبِینࣲ) قال إيه ؟

-قال إيه ؟

=قال رحمه الله (الْمَرْأَةُ نَاقِصَةٌ يَكْمُلُ نَقْصُهَا بِلُبْسِ الْحُلِيِّ مُنْذُ تَكُونُ طِفْلَةً، وَإِذَا خَاصَمَتْ فَلَا عِبَارَةَ لَهَا، بَلْ هِيَ عَاجِزَةٌ عَيِيَّة، أوَ مَنْ يَكُونُ هَكَذَا يُنْسَبُ إِلَى جَنَابِ اللَّهِ عَزَّ وَجَلَّ ؟! فَالْأُنْثَى نَاقِصَةُ الظَّاهِرِ وَالْبَاطِنِ، فِي الصُّورَةِ وَالْمَعْنَى، فَيَكْمُلُ نَقْصُ ظَاهِرِهَا وَصُورَتِهَا بِلُبْسِ الْحُلِيِّ وَمَا فِي مَعْنَاهُ، لِيُجْبَرَ مَا فِيهَا مِنْ نَقْصٍ)

-دا العلماء فعلًا كانوا بيتعاملوا مع الموضوع على إنه عادي خالص وبيعللوا بيه بعض الأحكام

=مش كدا وبس ، دا العرب كمان كانوا بيضربوا بالموضوع دا المثل لما كانوا يقولوا (حَدِّث حديثين للمرأة ، فإن أَبَت فَأَربِع) أو (فأَربَع)
يعني لو الست مفهمتش كلامك من مرتين (فَأربِع) يعني اسكت خلاص مش هتفهم ، أو (فَأَربَع) يعني تعيد كلامك 4 مرات علشان تفهم

-أمال إيه اللي بيطلع يقول إن الكلام كان لمجموعة خاصة من النساء النبي ﷺ قابلهم ؟

=دا واحد متخلف يامصطفى ، العلماء بيتكلموا عن الموضوع لعموم النساء في كل كلامهم بكل صراحة ، دا الصحابيات كمان تعاملن مع الأمر على إنه عادي برضو ، يعني معترضوش على النبي ﷺ وهو بيقول لهم كدا.. أبدًا
بل بدأوا يفهموا والنبي ﷺ يوضحلهم بعض أمارات ذلك

-أمال المعايرة دي جت منين ؟

=اللي بيعاير المرأة بكدا شخص متخلف عقليًا ، دا من تمام خلق الله للمرأة أن جعلها ناقصة عقل يامصطفى

-من تمام خلق الله لها ؟

=طبعًا ، إنت متخيل ربنا يجعل للست عقل كامل كالرجال ، هيتعاملوا إزاي مع أطفالهم ؟...دي بتقعد تتعامل طوال عمرها مع أطفال ، بتخلف دا ويكبر وتستقبل عيل جديد ، وتلاقيهم بيخترعوا كدا لغة غريبة تتكلم بيها مع الطفل

-آه والله ياشيخنا ، وأنا اللي كنت بقول لها يعني إيه (ياختشي كميلة وصغنططة وأمورة ، ياخي بووووو عووو تبي€¥£¢¢%¥€€£¢¥ ياخلاثو قلب أمه ياناسوا 😂)

✍️بعض الناس إمبارح كان متعجب من البوست اللي اتكلمت فيه عن حاجة بعض الرجال للتعدد فقط من أجل (الكلام)
يعني مش ناقصُه علاقة مع زوجته ولا حاجة ، بس عنده شهوة في الرغي مع النسوان...(ودي حاجة غالبية الرجال بيتقفشوا بيها دلوقتي وزوجاتهم ميبقوش فاهمين الموضوع جاي منين)
👈الموضوع دا موجود عند النساء برضو... (وعاوز الرجالة يركزوا معايا جامد في البوست ده علشان محدش زوجته تقع فيه ويكون بسبب تقصير منه) [وطبعًا مفيش مبررات للحرام بس نقفل الثغرات على أد ما نقدر]

⬅️بعض النساء الشهوة دي موجودة عندهن والصالحات منهن بتطالب زوجها بكدا...تلاقيها دايمًا بتقول له (اتكلم معايا)
واحدة في مرة في مجلس صُلح قالتلي عاوزه اسألك سؤال: (لو أنا زوجي مبيتكلمش معايا المفترض مين اللي أكلمه ؟)...علشان توصللي باحترام مشكلة زوجها
الصالحات بيفرغوا رغباتهم العاطفية في ده (ومعندهمش غير كدا)

فيه صنف تاني الزوج لا يستجيب مطلقًا

مثلًا: فيه واحدة كانت كل يوم تتكلم عني ، في البداية قلت الوليه دي عبيطة أو مجنونة أو شئ من هذا القبيل ، وفي يوم حبيت أفهم الموضوع بصورة أعمق فاستفزيت زوجها في منشور لما عرفت هو مين وطلبت منه عالعام يسكت زوجته
الزوج اتصل بيا هاتفيًا وشتمني بألفاظ خارجة وقاللي: (لما تحب ترد عليها رد عليها لوحدها ، بتجيب سيرتي أنا ليه ؟)...(آه والله زي ما بقوللكوا كدا)🤦‍♂
من يومها أشفقت على الأخت جدًا والله ، مش لإنها بتعمل حرام حاشا لله ، ولكن لكونها مش شايفه رجل حقيقي في حياتها يخاف عليها ويدافع عنها وكل همه نفسه (رد عليها هي مش عليا)
حالة من الفَقد الست دي اتعرضت لها في زواجها جعلتها تقعد تنكش أي رجل على الفيس
هي دلوقتي مبقتش تتكلم عني...بدأت تبحث عن رجال آخرين لتفريغ العاطفة

واحدة تانيه كل يوم كانت تطلع تشتمني ، قعدت شهرين أتابع في صمت (هي الولية دي دوافعها إيه ؟)
[أنا واحد ياجماعة بهتم بالتفاصيل وعارف إن كل ظاهرة وراها شئ خفي]
اتفاجئت إنها متزوجة واحد هندي وعلشان مفيش لغة حوار تعطي المرادفات اللي هي كواحدة ست عاوزاها لجأت لمغازلة الرجال عالفيس...(دي لقيتها عامله فيا قصيدة شِعر من شات چي پي تي 🤦‍♂)

👈طب الرجالة ولهم حل في التعدد...طب النساء دول حلهم إيه ؟
في الوقت دا لو وقعت معايا مشكلة زي دي بنصح الزوج يتكلم مع زوجته ويعفها علشان لما ييجي يقومها متبقاش الثغرات جايه عليها من أخطاء هو نفسه واقع فيها

👈اتكلم مع زوجتك وعفها بالحلال ، اوعى تستهين بالفتن اللي حوالينا ، اقفل الثغرات اللي الشيطان بيفتحها كل يوم على بيتك علشان ينهار

وانتي ياأختي...متطوليش أوقات زعلك مع زوجك ، متديش للشيطان فرصة يلاقي فراغ في قلبه فيملأه بالأفكار الغلط

#وربنا_يصلح_البيوت 🤲
#تصحيح_مفاهيم_الزواج

✍️قال النبي ﷺ: (يُؤْجَرُ الرجلُ في نفقتِهِ كلِّها إلَّا في الترابِ)
⬅️التراب المقصود بيه هو البِناء وما زاد عليه
يعني: واحد بيبني بيت وبقى يزود على البناء سقف مُعَلَّق وستائر تغطي الجدران وحاجات من الرفاهية غير المطلوبة
يقول العلماء: (مثل هذه الأشياء قد يأثم صاحبها بفعلها لأنها من التبذير)
👈الشباب اللي بيجهزوا شققهم ويقعدوا يعملوا سقف معلق وزخرفة بالجبس .. (ممكن تأثم ياابني..اتزوج على طول)

⬅️تلاقيه بيجهز برضو شقته وقاعد يجيب من كل حاجة دستة
مسمعتش النبي ﷺ وهو بيقول: (فِرَاشٌ لِلرَّجُلِ ، وفِرَاشٌ لأهلِهِ ، والثَّالِثُ لِلضَّيْفِ ، والرَّابِعُ لِلشَّيْطَانِ)
ما زاد عن حاجتك فهي نصيب الشيطان من البيت

👈ياأخواتنا المؤمنات الطيبات: ارفضن كل مظاهر الترف ومما لا داعي منه ، الدنيا قنطرة للآخرة والبناء هناك

#تصحيح_مفاهيم_الزواج

✍️في كل منشور على الصفحة هتيجي فيه سيرة التعدد هتلاقي مثل هذه التعليقات .. دي عينة بسيطة جدًا منها

👈عينة من النساء اللي متربوش على تحمل الشرع ولا فهم جمال الشريعة ، ولا الموضوع عندهم نابع من الغيرة مثلًا أو توجيه النصح
دي ممكن تنسف كل مجهود شخص علشان اتكلم عن الصنم اللي النسـ.ـويات غرسوه في أفكارهم من الصغر (لا لشرع الله في التعدد)
هتلاقيهم بيرددوا شبهات (أفنان)... هو مفيش حاجة نصلحها في المجتمع غير التعدد ؟
ويبدأوا بقى يركبوا جواد النصيحة (كلمونا عن الأمانة والتقوى ومراقبة الله) 👀
ياأختي انتي لسه أساسًا مفهمتيش معنى ومقتضيات لا إله إلا الله وبقيتي مسلمة بجد
دا انتي كل ما تيجي سيرة حاجة تعباكي من الشرع مبتقدريش تستكتي وتخبي بلوتك

الثانية هتلاقيها بتكلمنا عن الأزمة الإقتصادية 🤣
ولو الزوج طلع مقتدر هتلاقيها بتكلمك عن العدل والشق المائل وشاغله نفسها بالرجال وخايفه عليهم
ياأختي خبي بلوتك انتي كمان والله النسـ.ـوية متغلغلة في أفكاركم وخايفين والله تقابلوا ربنا بكُره الشرع ومحاربته وعرقلة الوصول إليه بهذا الشكل

دي مش مجرد أطروحات بتطرأ على أذهانكم...دي تربية اتربيتوا عليها ودا نتاجها دلوقتي

#تصحيح_مفاهيم_الزواج

✍️من الوهلة الأولى وأول ما تقرأ الرسالة دي ممكن تتعجب من تصرف أختنا وتقول: (ما هو طالما زوجها مش في دماغه فأكيد ملهاش حق تقلق)
واحد تاني ممكن يقول: (طب وهي تشغل نفسها بالمستقبل وبشئ مش خاص بيها ليه ؟)

الحقيقة دا شعور طبيعي عند النساء واللي مش بتشعر بالشعور دا أكيد لسه قلبها لم يتعلق تعلقًا تامًا بالزوج أو إن فطرتها غير سوية (مبتغيرش)🤦‍♂

👈مشهد النساء في الغيرة وحب الحفاظ على الزوج دايمًا بيفكرني بموقف أم المؤمنين عائشة رضي الله عنها لما رأت جويرية بنت الحارث رايحه للنبي ﷺ تستعين به في كتابتها [لإنها كانت من نصيب ثابت بن قيس من السَبي وكانت عاوزه تتخلص من الرِق]
أم المؤمنين عائشة بتقول عن جويرية إنها (كَانَتِ امْرَأَةً حُلْوَةً مُلاَحَةً لاَ يَرَاهَا أَحَدٌ إِلاَّ أَخَذَتْ بِنَفْسِهِ)
يعني جميلة جدًا لو حد شافها ممكن تعجبه
تقول أم المؤمنين عائشة: (فَوَاللَّهِ مَا هُوَ إِلاَّ أَنْ رَأَيْتُهَا فَكَرِهْتُهَا وَقُلْتُ سَيَرَى مِنْهَا مِثْلَمَا رَأَيْتُ)
عندها قلق لحسن النبي ﷺ يتزوجها

⬅️أمهات المؤمنين رضي الله عنهن احتفظن بهذه الفطرة الطبيعية وأظهرنها (لإنها مش عيب) بل أحيانًا مش بيلاقوا أي حرج في نقل هذه التخوفات
ولكن....(ساعة التطبيق مكنتش تلاقي واحدة واقفة أمام شرع الله أبدًا زي ما بنشوف من نساء اليومين دول)

هو صحيح ياأختي أنا عارف إنك لو زوجك قرر يعدد مش هتعملي زي الفاجرات اللي بيقفوا أمام إعفاف أزواجهم
ولكن...عاوزك تحولي التخوف لعمل..(دي نصيحة ليكي والله)
عاوزك لما زوجك يكلمك عن صفة معينة بتعجبه تعمليها (حسبة لله)
عاوزك يوميًا متناميش غير لما تقوليله (محتاجني في أي شئ ؟)
عاوزك لما تلاقيه زعلان متتكبريش تبدأي يالمصالحة (دا شئ لا يقل منك أبدًا بل لازم تفهمي إنك بتعاملي ربنا في المقام الأول)
عادي جدًا لأي امرأة لما تحس زوجها عاوز يتزوج تتشقلب علشان ترضيه ولو فيه حاجة ناقصاها تعملها علشان ميعددش عليها (دي حاجة فطرية ، مفيش واحدة بتعرف إن زوجها هيجمع معاها أخري وتنشكح كدا وتقعد تضحك)
بس...(متخليش من ضمن الشقلبة دي إنك تقفي لمنع هذا أو تطلبي الطلاق أو.. أو... أو....)
(فارق كبير بين غيرة المؤمنات وفجور المنافقات)

#تصحيح_مفاهيم_الزواج

✍️كان قاعد معايا بيحكيلي مشكلته بعدما سقط في مستنقع الإباحية وإنه قدر بفضل الله يطلع منه ويتعافى
مشكلة الشاب دا إن المجال اللي هو بيشتغل فيه ملئ بالفتن (بيشتغل طبيب في إحدى المستشفيات) وإنه مش قادر يتعامل مع كل ده ، ولما تاب بعد كدا من الإباحية وتعافى منها تمامًا وبعد ما الموضوع وصل لزوجته وعرفته وصبرت عليه وتحملته بقى يحصل مشاكل كتير في بيته بسبب زوجته اللي كل شويه تكتشف إنه بيراسل واحدة علشان يتزوجها ، أو حتى بيراسلها على سبيل الحرام

الشاب قعد يكلمني إنه عاوز يحافظ على دينه ويحافظ على بيته من زوجة دايمًا بتطلب الطلاق لما تعرف حوار التعدد وبين إنه فعلًا هيقع في الفتنة (اللي هو نفشه شايف كتير من اللي حواليه في مجاله واقعين فيها)

قعدت أتكلم معاه في شوية حاجات يظبطها مع زوجته وبعد ما مشي من عندي فوجئت بيه بيكلمني بالليل وزوجته غضبانة جدًا وعاوزه تعرض عليا الأمر بنفسها
ودار بيني وبين الزوجة الحوار دا هاتفيًا👇

-بعد إذنك ياشيخ عاوزه أعرف هو قال لك على كل حاجة وللا لأ ؟

=هو فيه حاجات تانيه أكثر من اللي هو حكاها ليا ؟

-ما هو أنا متأكدة إنه مقلش لك كل شئ

=هو قاللي إنه كان مدمن إباحية وربنا مَن عليه وتاب ، هل دا صحيح ؟

-وأكتر من كدا ياشيخ كمان ، دا بعد توبته كمان لسه بيكلم نساء عالواتس وكل ما أكتشف واحدة بيكلمها يقعد يراضيني ويقوللي خلاص مش هكمل معاها

=ما شاء الله عليكي ياأختي ، هو قاللي إنك صبرتي معاه لما لقيتيه ماشي في سكة الحرام ، الكلام دا صحيح ؟

-أيوا والله

=وقاللي كمان إنك بتخربي الدنيا كل ما تلاقيه ماشي في سكة الحلال برضو ، مش كدا ؟

-تقصد إيه ؟

=أقصد إن ليكي موقف كويس كل ما تلاقيه بيعمل الحرام (بتصبري عليه وتحتويه) ولكن لما تلاقيه عاوز يعدد ويعف نفسه بالحلال بتخربي الدنيا وتطلبي الطلاق فهو بقى يسيب الحرام علشان ربنا ثم علشان زعلك وبقى يسيب الحلال كمان علشانك

-ياشيخ تعدد إيه بس ، ما هو أنا مش عاوزه أقول كل حاجة

(الزوج وهو جنبها قال لها قولي اللي انتي عاوزاه)

-ياشيخ هو أصلًا مش محتاج زيادة في العلاقة ولا شئ ، هيعدد إزاي وهو بيرجع من شغله تعبان ودايمًا مشغول عني

=ياأختي... هو مين قالك إن الرجالة بيعددوا بس علشان العلاقة ؟

-يعني إيه ؟

=يعني فيه مفهوم خاطئ عند بعض النساء إن دا بيكون هو سبب تعدد الرجال ، ودا سبب وإن كان فعلًا عند الغالبية ولكن زوجك عاوز يعدد علشان عنده شهوة الكلام مع النسوان

-يعني إيه ؟

=يعني زوجك كل مشكلته إنه عاوز يتكلم مع حد في الحلال ، امرأة واحدة لا تكفيه ، فبيدور على وسيلة زي الواتس والماسنچر وكل دي سكك حرام ، ولو كل ما هتكتشفي وسيلة وتهاجميه بسببها ويسيبها علشانك هيدور على وسيلة تانيه وهيتعلم مع الوقت يهرب من الضغط بتاعك إزاي ، انتي فاهمه اللي بقوله ؟

-أنا أول مرة أسمع الكلام ده

=ما هو انتوا لازم تكونوا فاهمينه في الرجالة علشان تستوعبوهم وتحلوا مشكلاتكم بنفسكوا ، انزلي ياأختي دوري لزوجك على واحدة يتزوجها ويفرغ معاها الطاقة الزيادة دي

-ياشيخ طاقة زيادة إيه ، دا هو أصلًا مبيتكلمش معايا

=ولا هيتكلم ياأختي ، طول ما هو مكبوت مش هيتكلم

-إزاي بس ، يعني عنده طاقة وعالأقل مش هيتكلم معايا بيها ؟

=انتوا فاهمين الموضوع غلط ، انتوا دايمًا فاهمين إن الكلمات مثلًا لو 10 كلمات فالزوج بعد التعدد هيخلي 5 كلمات ليكي و5 كلمات للثانية ، مش كدا ؟

-ايوا

=الموضوع مش كدا خالص ، لو مخزون الكلمات عند الرجل 10 كلمات وكان عنده گبت مش هيخرج منهم ولا كلمة ، نفسه بتتسد والكبت بيقفل يومه ، لكن لما يعدد ويلاقي متنفس تاني يفرغ فيه طاقة ربنا سبحانه وتعالى جعلها عنده لحكمة يعلمها هتلاقيه مستقبل للحياة كدا ونفسه اتفتحت وبقى يتكلم 50 كلمة مع الأولى و50 زيهم مع الثانية وغالب مشكلاتك اللي انتي شايفاها هتتحل
زوجك مكبوت ياأختي ، وأنا بقولك أهوه لو مش هتساعديه عالتعدد هتطلعي عيال لهم أب ماشي في الحرام وهتكوني بتسلمي زمام ولايتك لواحد انتي لا ترتضين دينه ، قربي من ربنا شوية وبلاش الشيطان يلعب في أساس بيتك ويخلي كل المفاهيم عندك تتغير

⬅️ياأخواتنا الطيبات...زوجك مش بالضرورة يعدد علشان نقص عندك ولا عيب بيكمله في زوجة ثانية
مش بالضرورة يعدد علشان انتي مش مكفياه في العلاقة
تعدد الرجل يرجع لأسباب في فطرته وغريزته نفسها
لو تفهمتي ده الموضوع عندك هيكون سهل وميسور ، وكتير من مشكلات أخواتنا انتهت تمامًا بعد تعدد أزواجهن وإنهاء وضع الگبت الذي يعيش فيه الزوج

لازم انتي كأخت تسعى لآخرتها ألا تتشبه بالفاجرات أكثر أهل النار 🔥
#تصحيح_مفاهيم_الزواج

✍️اذكر سببًا واحدًا لترك الزوجة بيت زوجها غير السبب اللي كلنا عارفينه

✍️العبارة بتاعة الأخت علقت مع باقي الأخوات 😀
مشكلة بعض الرجال إنهم بيتعاملوا مع زوجاتهم زي ما بيتعاملوا مع الأصدقاء

=فاهمه إيه ياابني ، النساء عقلهم ضعيف ميستوعبوش النقاشات ، مش كل ما هتقول لها حاجة كبيرة على قدراتها هتفهمها ، عاملها كطفلة

الأخت قاطعتنا وقالت: (أيوا أيوا ياشيخ ، أنا عاوزاه يتعامل معايا كإنه بيتعامل مع واحدة عبيطة)🤣🤣🤣

الزوج ولأول مرة يكتشف إزاي لما نكشنا عن السبب المباشر اللي مش عامل تفاهم بينه وبين زوجته الزوجة وجدت ضالتها (يعاملني زي ما بيعامل واحدة عبيطة)

الزوج بقى مش فاهم حاجة خالص ، بيقول لنفسه: (هو أنا فعلًا كنت بتعامل غلط ؟)

قلتله: ياطيب ، إنت أخ محترم وأكيد كان نفسك تتعامل مع زوجتك كويس وحواركم ميوصلش للمرحلة دي ، ولكن ، إنت كمهندس عقليتك تختلف عن عقلية أي ست بتتعامل بعاطفتها ومشاعرها خاصة مع زوجها ، مهما كانت دراستها ومهما كانت مؤهلاتها ، دي طاقة عندها ولازم تطلع والمَخرَج الطبيعي لأي بنت ناس هو الزوج [حتى لو كانت مهندسة زيه]
في الوقت ده بتقعد معاها تكلمها بالمنطق والعقل وتشرح وتعيد وتزيد وكأنك بتتكلم مع فيثاغورث
(دي ست ياابني 😀)
زوجتك بتقولك مش بعرف أتكلم في الموبايلات ومش بلاقي حاجة أقولها ، طب ما هو أهلك لما بييجوا البيت بتستقبلهم وبتقولوا إنها شاطرة جدًا في الطبخ والضيافة
عاوز زوجة سوبر مان في كل شئ ؟
النبي ﷺ يقول: (لَا يَفْرَكْ مُؤْمِنٌ مُؤْمِنَةً، إنْ كَرِهَ منها خُلُقًا رَضِيَ منها آخَرَ)..يعني لا تبغض وتكره زوجتك بسبب كرهك لخلق معين ، ممكن يكون عندها حاجة تانيه تعوضك
سألته: (الزوجة دي بتخرج معاك ؟)
قاللي: (نادرًا لما بنخرج أساسًا)
قلتله: (ليه نادرًا ؟...ليه متخرجوش مع بعض وتتكلموا ؟ أمال لما تخلفوا عيال هتعملوا إيه ؟ ياابني النبي ﷺ قاعد مع أم المؤمنين عائشة رضي الله عنها ييجي ½ ساعة يسمع منها حديث (أُم زرع) وياخد ويدي معاها ويفهم التفاصيل ، ربنا كلفه برسالة ودعوة وغزوات وفتوحات ونشر دين كامل ومع ذلك بيديها من وقته ، زوجتك دي لو طلقتها مش هتلاقي زيها تاني ، الست اللي تتوتر بفقد زوجها وتشتاق لغيابه وتبقى عاوزاه معاها دي مش هتعرف تعوضها تاني ، إنت إيه ؟...مش شايف النسوان حواليك لما افتقدوا أزواجهم استعاضوا بيهم بمناكفة الرجالة عالفيس ليل ونهار إزاي ؟...عاوز زوجتك كدا وهتبقى مبسوط يعني ؟)

قاللي: (لا حول ولا قوة إلا بالله ، تنصحنا بإيه ياشيخ ؟)

قلتلهم: (انتوا الإتنين تعاهدوني فكرة الطلاق متتفتحش على لسانكم تاني ، دا مش خيار متاح لحياتكم ، مش كل ما الشيطان يوصل لمرحلة اليأس من بيتكم تدوه أمل وبدل ما هو معين عندكم 3 أو 4 شياطين يقوم يسمع حد بيقترح الفكرة فينادي على 30 شيطان تانيين يعششوا في البيت ، انتوا دلوقتي هتخرجوا من عندي هتروحوا مكان هادئ تتعشوا سوا ، وكل فترة تحددوها هتخرجوا مع بعض حتى لو هتتمشوا وبس ، وإنت تسمع منها وتاخدها على أد عقلها وتقرأ السلاسل علشان تعرف تتعامل)

وانتي ياأختي...متتابعيش صفحتي... علشان مش هتستوعبي گم المشكلات اللي فيها وفطرتك هتتغير 😀

ونصحتهم يخلفوا علشان يلاقوا عيل يشغلهم بدل ما هما منشغلين ومركزين مع بعض أوي كدا

#وربنا_يوفقنا 🤲
#تصحيح_مفاهيم_الزواج

✍️بعد ما أخذ هو وزوجته قرار الإنفصال فكر ييجي يقعد معايا علشان ياخد رأيي في القرار اللي أخذوه

شاب كدا محترم ونحسبه على خير متزوج من 3 سنوات ومفيش أي توافق بينه وبين زوجته نهائي ، قرروا مع بعض ينفصلوا بكل احترام ومودة علشان شايفين الوضع بتاعهم مش هيبقى كويس خاصة لو أنجبوا بعد كدا أولاد
قعدت مع الشاب واتكلمت معاه حوالي ساعة وقعد يحكيلي عن حياتهم ماشيه إزاي
بدأت أغوص أكثر في حياة زوجته (بيتها _ أهلها _ الأب والأم والإخوات _ دراستها) وكل ما يخص حياتها تقريبا
وبعد كدا سألته بتتعامل معاها إزاي ؟
الشاب قعد يحكيلي عن طريقة تعامله معاها وإزاي إنها بتجادل ومش إجتماعية
وبعد شوية أسئلة واستفسارات قلتله: (بقولك إيه ، اوعى تطلق البنت دي)
الشاب اتعجب جدًا ، قاللي: (بعد كل اللي بقولهولك دا بتقوللي اوعى تطلقها ؟..دا إحنا الإثنين واخدين قرار مع بعض)
قلتله: (اوعى تطلقها ، قسمًا بالله هتندم)
طبعًا القَسَم بتاعي وأنا أصلًا مسمعتش منها كان هيجننه 😀
قلتله: (أنا متأكد إن المشكلة عندك إنت ، إنت اللي مش فاهم دماغها ولا عارف تتعامل معاها ، ولو أنا كنت دخلت في موضوعكم كنت هثبتلك ده ، دا غير إنك مهندس 😀)
قاللي: (مهندس🙄! بسيطة ياشيخ ، ممكن نيجي عادي)
قلتله: (متعرفهاش أنا مين ولا تديها صفحتي لحسن غالبية النساء مش بيفهموا اللي بقوله 🤣)

وبالفعل...بعد يومين لقيته جاي ومعاه زوجته وقعدنا حوالي ساعتين نتكلم
الشاب حكى قدامها كل اللي قالهولي وبعد كلامه دار بيني وبين الزوجة الحوار ده 👇

=زوجك ياأختي كان عندي وبيحكيلي عن قرار أخذتوه وهو الإنفصال ، الكلام دا صحيح ؟

-أيوا فعلًا ، إحنا قررنا الإنفصال لإن دا القرار الأصلح لحياتنا

=ما شاء الله عليكي ، فعلًا أحيانًا الطلاق بيكون هو الحل ، بس لما يكون هو الحل !

-مش فاهمه قصد حضرتك

=يعني لو الطلاق هيكون حل مناسب علشان تعيشي مع واحد يفهمك وهو يشوف نصيبه بيكون قرار كويس ، انتي شايفه إن قراركم صح ؟

-أكيد ، من وجهة نظرنا يعني

=طيب...تقدري تقوليلي إيه الحاجات اللي شايفه الطلاق حل مناسب بسببها ؟..ما هو أكيد يعني مش هتاخدوا القرار دا والدنيا حلوة

-أكيد طبعًا ، أنا ياشيخ واحدة طالعه من بيت محترم ومتدين والبيت غالبًا قافل على نفسه شوية ، وأنا عمري ما دخلت أهلي في مشاكلي ، من يوم ما تزوجت وزوجي كان لما يزعل مني يروح ينام في أوضة تانيه ، ولما قعدت أتكلم معاه في ده ألاقيه بيقوللي ببعد عن المشاكل ، وأنا مش بحب كدا ، أنا عاوزاه يتكلم معايا ويفهمني وناخد وندي مع بعض ، وبعدين كل شوية يوجه ليا إنتقادات ، أنا ست بيت شاطرة جدًا ولما بعمل حاجة بعملها بإتقان ، ومع ذلك دايمًا ينتقدني لأي هفوة ، كتير أوي يقعد يوجه ليا النقد ، طب ما الكمال لله وحده ، وموضوع مهم جدًا دايمًا يعاتبني فيه إني مش إجتماعية ، يتصل بمامته ويقوللي تعالي كلميها في الموبايل ، أنا مش بعرف أفتح حوار في الموبايلات ، بس لما بيزورونا بأقوم بالواجب معاهم والله وبرفع راسه قدام أي حد ، أنا نفسي مش فاهه هو نفسه في إيه أعملهوله ، ويقعد يناقشني كدا وياخد ويدي معايا في موضوعات وكل ما أناقشه يكلمني كدا بالعقل والمنطق و.....)

وهنا ابتسمت وقلت للزوج: (اتأكدت من كلامي ؟...مش أنا قلتلك ؟)
الزوجة طبعًا بقت مش فاهمه أي حاجة ولا عارفه إني أساسًا كنت فهمت مشكلتهم إيه قبل ما أسمع منها
(لإن كل دي كانت صفات مشتركة بين المهندسين لما بيتزوجوا أخوات على الفطرة كدا)
[مش عاوز المهندسين يزعلوا مني]😀

قلت للزوج 👇

=إيه اللي إنت شايفه في زوجتك بيخليك تفترض إنها بترفض مثلًا الطاعة أو القوامة ؟

-بقول لها ياشيخ في يوم إن الزوج من واجباته تربية زوجته فقالتلي: (هو أنا ناقصني تربية ؟)

=طيب...إيه رأيك لو نغير العبارة شوية

-إزاي ؟

وهنا قلت للزوجة: ياأختي..عندك مشكلة في قوامة زوجك ؟

قالتلي: لأ طبعًا

قلتلها: بتحبي طبعًا لو زوجك عاوز ياخد قرار يكون بالتشاور بينك وبينه ، مش كدا ؟

قالتلي: أكيد

قلتلها: لو اختلفتم ، هنمشي كلمة مين ؟

قالتلي: كلمته طبعًا ، أنا فاهمه إن القرار النهائي له علشان هو اللي له القوامة

وهنا قلت للزوج: يعني لما غيرنا طريقة [المرادفات] مش أكثر ظهر لنا زوجة فاهمه كل حاجة أهوه ، المشكلة نشأت غالبًا من ذكر لفظ دائم لزوجتك هي بس مش متعودة عليه ، هل هي بتقولك لأ على قراراتك ؟

قاللي: لأ خالص

قلتله: عارف يعني إيه لما تهجر زوجتك تروح تنام في مكان تاني ؟

قاللي: لأ

قلتله: أصل الهجر بيكون في الفراش (في المضاجع) ولما زوجتك دي اللي طالعه من بيت كويس ومحترم يتم هجرها لفترات وبالطريقة دي ومتتغيرش وتتوتر وصوتها يكون عالي وتنهار (دي أعراض الهجر الغلط على أي واحدة فطرتها سليمة) ، إنت اللي بتعالج غلط

-ما هو ياشيخ كل ما أقعد أشرحلها حاجة وأتكلم معاها بتغلَّبني

=هو إنت ليه بتتعامل معاها زي ما تكون بتتعامل مع البشمهندس مدبولي صاحبك ؟

-يعني إيه ؟...ياشيخ دي متعلمة وفاهمه

✍️بعد أخذه قرار التعدد وتحديد موعد بالفعل لزواجه الثاني زوجته طلبت منه الطلاق
الزوجة سألت بعض المشايخ وبعد سؤالها لهم قالوا لها: (لو عاوزه تتطلقي اتطلقي عادي)
ومنهم اللي قعد بين الزوج والزوجة وحلل الحاجات اللي الزوج عاوزها من زوجته واتفق مع الزوجة تعملها ، وبعد دا الزوج لقوه عاوز يتزوج تاني وماشي ومكمل في الموضوع
من يومين لقيت الزوج عندي في المطحن وبيقوللي إن زوجته معاه وعاوزين يدخلوني في مشكلتهم

الزوج أخ طيب والأخت نحسبها على خير من أهل الدين ، وفي بداية الكلام الزوج بدأ يتكلم إن الزوجة عاوزه تتطلق علشان هو هيتزوج تاني
بيقوللي إنها كل ما تسأل حد يهون عندها موضوع الطلاق وأنا ياشيخ لو طلقت بيتي هيتخرب وعيالي هيتربوا من غيري بعد 13 سنة زواج
قلتله: (طيب سيبني اسأل الزوجة شوية أسئلة بس أفهم منها لحسن تكون بتخبي عليا حاجة)

=ربنا يبارك فيكي ياأختننا ويحفظك ، واضح إنك من أهل الدين علشان بتسألي وتتحري في أمور دينك

-أيوا ياشيخ ، أنا بدرس علوم شرعية وبحفظ القرآن والحمد لله بربي عيالي تربية كويسة جدًا

=ما شاء الله تبارك الله ، ربنا يزيدك من فضله ، عاوز بس أفهم منك الأخ دا حياته معاكي عامله إزاي ؟

-هو كويس ومحترم ومتدين بصراحة ، بس كل شوية يكلمني في موضوع التعدد وأنا ياشيخ بسمع الموضوع دا مببقاش بطبيعتي خالص ، بدخل في حالة نفسية وبتغير معاه وصوته بيكون عالي حتى على العيال ، أنا مش قادره ياشيخ عالموضوع ده 😥

=لا ياأختي أنا مقصدش حالتك دي ، انتي لو معملتيش كدا متبقيش ست طبيعية أساسًا ، أي واحدة أكيد هتعرف إن زوجها هيجمع ما بينها وما بين واحدة تانيه أكيد يعني مش هتقعد تمشي تضحك في البيت ! الغيرة دي هي الفطرة اللي بنعرف بيها النساء اللي لسه محافظين على فطرتهم واللي فطرتهم انتكست خالص ، والحمد لله انتي مع كل ده بتحاولي تتحري في دينك وتسألي عن الحلال والحرام
أنا عاوز أعرف بس...هل زوجك دا مثلًا مش قادر يصرف عليكي وعالعيال ؟..تدينه ضعيف مثلًا وانتي عايشه معاه بالعافية ؟..بيضربك بيشتمك ؟...حالته معاكي ياأختي في المعاملات إيه ؟

-لا والله ، هو بس فيه حاجات كنت عاوزه أغيرها في الشقة وهو بيديني مواعيد ولسه معملهاش ، يعني هو أكيد لو حاطط خطة لعمل كل ده مكنش راح اتزوج تاني

=يعني ياأختي الأساسيات اللي عليها قوام البيت زوجك قايم بيها ؟

-أيوا بصراحة

=ما هو الفرعيات دي أكيد كلنا بنحط لها خطط والموضوع بيمشي والحياة بقت صعبة أكيد ، ياأختي... انتي عارفه إن اللي انتي فيه دا إبتلاء ؟

-أيوا عارفه ، أنا مش قادره عليه والله العظيم ياشيخ

=عارف ومقدر ده ، بس حابب أحكي ليكي حكاية كدا

-اتفضل

=عندنا في العاشر أخت طيبة زي حضرتك كدا من أهل الدين اتزوجت أخ ما شاء الله عليه من أهل القرآن ، وبعد الزواج الأخ زوجها دا مشي مع واحد مش كويس ودخل في سكة وطريق الإدمان ، وصل معاه الإدمان لحالة صعبة جدًا لدرجة إنه بقى ياخد حُقَن وبرشام والدنيا معاه راحت في سكة صعبة جدًا ، أختنا دي ربنا يبارك فيها قعدت تمشي معاه وتعالجه في المصحات العلاجية وصبرت عليه وقعدت على كدا ييجي 10 سنوات من العذاب وهي بين نار عياله اللي اتربوا عالقرآن هيشوفوا والدهم كدا وما بين زوجها اللي الجيران هيعرفوا عنه كدا وما بين بنتها اللي لو جه سن زواجها هتتزوج واحد يعرف عن والدها دا إزاي وهييجي منين ... و... و.... ، أنا نفسي لما عرفت بالمشكلة وقتها مبقيتش عارف أقول للأخت دي إيه
بس الحمد لله الزوجة دي وصلت معاه دلوقتي لبر الأمان ، ربنا يأجرها على صبرها 🤲

-لا حول ولا قوة إلا بالله ، اللهم آمين

=كنت داخل برضو في مشكلة أخت طيبة نحسبها على خير زوجها مشي في سكة الحريم عياذًا بالله ، أخت تانيه زوجها بقى ماشي في سكة الإباحية
عارفه الأخوات دول كلهم إبتلاءهم عامل إزاي ؟

-أكيد طبعًا إبتلاء صعب

=فيه مننا ياأختي اللي ربنا بيبتليه بابتلاء شديد وفيه مننا اللي بيكون الإبتلاء بتاعه هين شوية
في عز ما أخواتك دول ربنا ابتلاهم بأزواج مشيوا كلهم في سكة الحرام ومع ذلك صبروا عليهم وتحملوا ابتلاء ربنا وفهموا وأدركوا الحكمة ، انتي ربنا ابتلاكي بابتلاء في زوج رفض يمشي مع شيطانه ويكلم النساء في الحرام أو يشوف الإباحيات وقرر يعف نفسه بالحلال
كل دول صبروا وحاولوا يتعاملوا مع الإبتلاء برضا تام وانتي ربنا يحفظك عاوزه تتطلقي ؟
ياأختي هو لو ربنا شدد عليكي في الإبتلاء كان حصل معاكي إيه ؟

-بس ياشيخ أنا مش مقصرة معاه في حاجة

=ومين قال ليكي ياأختي إن الزوج بيتزوج علشان الزوجة بالضرورة تكون مقصرة ؟...انتي ممكن تكوني زي الفل ومع ذلك زوجك يتزوج عادي علشان عنده رغبة زيادة ، رغبة لما ربنا سبحانه علمها وجعلها في الرجال فتح أمامهم بابا في الحلال علشان محدش مننا يكون له عذر يوم القيامة لو مشي في طريق الحرام لشدة حاجته

-ياشيخ أنا لو اتزوج آخر الشهر فعلًا هكون مقصرة معاه ، مش هقدر أتعامل معاه زي الأول ، أنا بدخل في حالة نفسية صعبة أوي كل ما تيجي الفكرة في دماغي

(وساعتها بصيت للزوج وقلتله)

=بقولك إيه

-اتفضل ياشيخ

=زوجتك دي بعد زواجك هتقعد فترة مش قادره تتكلم معاك زي الأول ، هتلاقيها بتعيط وإنت مش هتبقى عارف هي بتعيط ليه ، هتعمل إيه ؟

-هحاول أهون عليها ومش هطلب منها كل اللي أنا عاوزه

=أهم من كل ده إنك تفهم إن زوجتك لو مش هتغير والغيرة دي مظهرتش عليها تبقى مش محتفظة بفطرتها ، أمهات المؤمنين ياأخي نفسهم كانوا بيغيروا على النبي ﷺ عادي
الغيرة دي فِطرة طبيعية ، ممكن تكسب قلبها بهدية أو خروجة أو تحسك بدأت تتعامل معاها أحسن كمان من الأول

-بإذن الله ياشيخ ، بإذن الله أشتغل على ده

وفي النهاية قلت للزوجين 👇

لازم تفهموا إن بيتكم المسلم دا من أكبر الحاجات اللي أرهقت الشيطان ، انتوا دخلتم عملية الزواج لوحدكم (زواج عبارة عن زوجين)
دلوقتي الشيطان بيتفاجئ بالزوجين دول بيخلفوا 3 عيال مسلمين
ذرية موحدة بتزيد يوم عن يوم ، أب صالح بيبحث عن الطرق الحلال بدل الحرام وأم عاوزه تعيش بالدين وتتحرى الحلام والحرام في عيشتها
شايفين كل دا عادي ؟
ياأختي أنا أبقى مجنون لما أنصحك بالطلاق في كل اللي قلتيه دا وأكون عون للشيطان في خطته
اللي انتي سألتيهم دول ياأختي مش هينفعوكي لما تلاقي ابنك بقى مدمن أو بنتك مشيت غلط لإن الشيطان أقنعك بإبعاد أبوهم عن حياتهم
وإنت ياأخي ... ملكش بركة إلا أختنا دي ، لو لقيتها غيرانة طبطب عليها واحتويها دي أم أولادك ولسه محتفظة بدينها
العامل الأكبر عليك علشان إنت اللي بإيدك القوامة

⬅️الحمد لله ، الإثنين تفهموا الموضوع ومشيوا مع بعض زي الفل وعملت معاهم جروب واتس علشان لما يحتاجوني في أي نصيحة يتواصلوا معايا بسرعة لإن خطوات الشيطان هتزيد معاهم كل ما الحلال في حياتهم مساحته هتزيد

كنت حاسس الشيطان واقف بعيد بيعيط عند الموقف😀

#اللهم_احفظ_بيوت_المسلمين 🤲
#تصحيح_مفاهيم_الزواج

✍️في زواجك...ما هي الأشياء التي تريد أن تراها في زوجتك ؟

✍️القايمه مش محل خلاف فقهي زي ما بعض الناس بيوهموكوا ياشباب
الخلاف اللي بيروج له البعض عبارة عن سؤال بيتم طرحه على الشيخ بتاعك غلط ، وبالتالي علشان الشيخ درويش كبير مش فاهم بيجاوبك بمنطوق سؤالك

⬅️لما تسأل شيخ عن القايمه قول له: (ياعم الشيخ ، ما قولك في ناس اتقدمت لبنتهم وعرضت مهر وتجهيز نفسي وبعدين طلبوا مني أمضي على نفسي إيصال أمانة فيه عزال شقتي والذهب اللي أنا جبته قبل كدا والإيصال دا عبارة عن ورقة قانونية ملهاش علاقة بأحوال الزواج ولا يعتبرها القانون اللي هيحكملي بيها من المهر ولو زوجتي خلعتني زي 82 % من حالات الطلاق في مصر هتاخد كل اللي في الإيصال ده)

وابقى قوللي الشيخ رد عليك في الخلاف دا إزاي 🙄

✍️ما شاء الله تبارك الله ، ربنا يثبتك ويبارك فيكي والله
(لسه فيه أمل والله والدعوة بتلاقي صدى كويس عند المؤمنات)
⬅️هو غالبًا النصيحة بتاعتي هتكون لزوجك مش ليكي
لو أمكن تكتبيلي رقم هاتفه في رسالة (صراحة) وأنا هتصل عليه لو أمكن
⬅️ياإخوة...اللي ربنا يرزقه بزوجة تستجيب لشرع الله يحافظ عليها ، يتعلم كيفية التعامل مع النساء علشان حياته لا تفسد
متخلوش النساء يلاقوا في بدع المجتمع حلولا لمشكلاتهن وإحنا عندنا دين لم يترك كبيرة ولا صغيرة إلا أحصاها

✍️إفتقاد الأزواج لنية العمل على إنجاح الحياة الزوجية ، من أكبر أسباب الطلاق في زماننا
النية دي مهمة جدًا ياإخوة ، بل لو كل واحد فينا حط في دماغه إرغام الشيطان بذلك له أجر كبير جدًا خاصة في زمن انتشرت فيه الشبهات والشهوات وصار الطلاق أكبر معول هدم في كيان الأسرة كلها
متمشيش ياأخي ورا حد يقولك ما بعد الطلاق أفضل وهو ميعرفش حياتك
متمشيش ياأختي ورا المخببات والمشايخ الضلالية اللي الطلاق عندهم عامل زي شربة المايه
#يارب_نفهم 🤲

https://www.facebook.com/share/v/12JJqdS2GqW/

✍️دا كان إتصال هاتفي من أحد الأشخاص بشيخنا الفاضل / مصطفى العدوي (حفظه الله)
المتصل بيسأل الشيخ عن حكم خروج الزوجة من بيت زوجها بغير إذنه ؟
فالشيخ وجه له سؤالًا آخَر وهو: (وهل زوجها يمنعها من الخروج تمامًا ؟)
المتصل نفى المَنع المُطلَق وأخبره بوجود مشكلة فخرجت مع والدها بدون إذنه
الشيخ لما سمع كلمة والدها قال: (هنا اختلفت المسألة شوية).. وقعد يقول له شوية فرضيات (يمكن أبوها قال لها تعالي اشربي الشاي _تعالي كلي آيس كريم) والأمر سهل
السائل قال: (دا أخذها معاه البيت)
الشيخ قال: (هو بيت راجل أجنبي ؟..مش بيت أبوها ؟)
وأخذ يوبخ السائل أنه رجل شديد وبين له أن قصة المرأة التي دخل أباها الجنة بسبب سماعها لأمر زوجها بعدم الخروج ولم تخرج في جنازة والدها رواية لا تصح
لما الزوج عَرَّض بأن الحُكم من هذا الحديث

#تعالوا_كدا_نفكر_مع_بعض 👇
أنا أتفهم أن الشيخ حفظه الله من الممكن أن يُهون على السائل أمرًا ما لإصلاح بيته (أحيانًا الواحد بيحتاج يعمل دا من باب الترفق بجهل الناس بالأحكام الشرعية)
وفي الحالة دي الشيخ كان هيكتفي بنصح السائل إنه يفهمها بالراحة وبشويش (دا لو كانت رجعت البيت أصلًا)
ولكن اللي حصل غير كدا تمامًا.. دا الشيخ تقريبًا في الڤيديو رسخ في أذهان الناس أن حكم خروج المرأة من بيتها بغير إذن زوجها مأخوذ من هذه الرواية الضعيفة..(اللي أنا نفسي عمري ما استشهدت بيها ولا شفت حد من العلماء المعتبرين بيتكلم بيها وحكم خروجها بغير إذن زوجها من الأمور التي لا يختلف فيها اثنان)
دا حتى النسـ.ـويات نفسهم مبينكروش المسألة دي إنكارًا مباشرًا ، كل اللي بيعملوه بيحاولوا يلتفوا حول هذا الحكم

ولإننا مش عارفين الزوجة رجعت وللا لسه عند والدها ، وهل الزوج بيتواصل معاها إزاي
وفيه حاجات مش واضحة في السؤال

بس حابب أوضح شوية أمور 👇

1/ موضوع إن الزوجين يكون فيه بينهم مشكلة فالأب يروح ياخد بنته تقعد عنده.. دي دلالة إن الأب نفسه قليل التربية والدين ومُتعدي على قوامة زوج ابنته
إلا في حالة إن الزوج يكون عمل فعل فيه إجرام وحياتها معاه بقت في خطر

2/ لازم نفهم ونعي إن الزوج ملوش بس حُكم على زوجته في الخروج من بيته هو نفسه ...لا أبدًا
دا الزوجة تُعَد ناشزًا إذا خرجت أصلًا من بيت والدها بغير إذن زوجها بعد انتقالها لبيت زوجها
(يعني وهي عندهم في زيارة وعاوزه تخرج تستأذن من زوجها)
(طب إزاي نصف زوج له كل الولاية دي بالتشدد وهو بيتكلم عن بيته ؟..أمال لما يحكم عليها في بيت والدها أصلًا هنقول عليه إيه ؟)

3/ هل اللي بيحصل في مثل هذه الموضوعات عبارة عن أب بيروح ياخد بنته تشرب (شاي) 🍮 وتاكل (آيس كريم) 🍦؟..بالرغم إنه يقدر يعمل دا باتصال هاتفي بزوجها وبإذنه أصلًا ، وللا أب بياخد بنته تقعد يومين فتزداد الفجوة بينها وبين زوجها ثم يدخل المخببين على الخط من هنا ومن هناك ؟
دا إحنا بنشوف في غالب المشكلات خطوات 🐾
(سيبها ترتاح يومين _ البنت زعلانة جدًا وبنحاول نهديها _ تعالى خد زوجتك واتحايل عليها ترجع _ امضي إيصال الأمانة دا علشان إنت ملكش أمان) 🙄

ياإخوة...الأبعاد الكارثية لمثل هذه الفتوى وغيرها الكثير من فتاوى شيخنا الفاضل / مصطفى العدوي (حفظه الله) صارت معول هدم لكثير من البيوت للأسف الشديد
وهذا راجع لجهل الشيخ بالواقع للأسف الشديد وهذا لا يدحض في علم الشيخ كما يقول بعض الجُهال ولا كما يعتقد البعض الآخر من صانعي الأصنام بأن كلام العلماء يُستَدَل به لا يُستَدَل له..(وهذا كله جهل محض)

نحب مشايخنا نعم ولكن لا نؤلههم ونجعلهم في درجة ليست للعلماء ، فالكل يؤخَذ من قوله وَيُرَد عليه إلا النبي ﷺ

#رسالة_أخيرة_للأزواج 👇
لا تسئ استخدام القوامة التي جعلها الله لك ، ولا يكون حالك كحال الأب الذي دعا وَلَدَه للعقوق بتعنته معه في الأوامر والنواهي
كن رؤوفًا بزوجتك ، سَل قبل زواجك عن كيفية تعاملك مع النساء ، نعم لك قوامة وولاية عليها ولكن لا يكون نشوزها بسبب كرهها لبعض أوامرك ونواهيك التعسفية التي لا تراعي فيها ربك

#رسالة_للزوجات 👇
مش كل حاجة تدخلي فيها أهلك ، أبوكي دا رحم لكِ فقط ، أوامرك ونواهيكي بعد زواجك بتاخديها من زوجك فحسب ، ولا طاعة لمخلوق في معصية الخالق

#رسالة_لأهالي_البنات 👇
اتقوا الله في بناتكم ، متخربوش البيوت بهذا التسلط الزائد وخلوا عندكم عقل ، لو مش فاهمين حدود قوامة زوج البنت وهتتعدوا عليها متحطوش إيديكوا في إيد رجالة من الأول

#تصحيح_مفاهيم_الزواج

✍️أكبر ما يؤكد لك نقص عقل النساء هو تأففهن من هذا الحديث النبوي الشريف 🤦‍♂

✍️الأخوات اللي بيقولوا إن الشباب بيتزوجوا علشان يلاقوا واحدة تصرف معاهم
⬅️بعد البوست اللي قبل ده عرفتوا إحنا كرجالة شايفين الشباب دول إيه ؟

✍️نظرتكم إيه للشاب اللي بيتزوج واحدة بتشتغل علشان تساعده في المصاريف ؟

#أحكام_التعدد_وشبهاته (👰👰🤵👰👰)

✍️علشان أعداء الإسلام يشيعوا الزنا والفجور في المجتمعات المسلمة كان لا بد من حرب كل ما هو شرعي ومن شأنه إغلاق الباب في وجه الفواحش
من بين خططهم كانت حرب شعيرة تعدد الزوجات ، علشان نشرح أحكامه ونرد على شبهاته كان مهم جدًا نعمل الحوار ده👇

-السلام عليكم ورحمة الله وبركاته ، إزيك ياشيخ أحمد

=وعليكم السلام ورحمة الله وبركاته ، الله يسلمك يامصطفى ، خير ياغالي قلتلي كنت عاوزني في موضوع مهم

-مهم جدًا والله ياشيخنا ، كنت قاعد مع زوجتي وبحكي معاها في التعدد وبقول لها الواحد نفسه اتفتحت عالزواج لقيتها قلبت وشها وقعدت تبرطم بكلام غريب أوي ياشيخ
قالتلي هو انتوا مش فاهمين في دينكم غير التعدد ، وتعدد إيه اللي بتتكلم فيه وإنت عمرك ما هتقدر تعدل ... حاسس بحرب ياشيخ عندي في البيت مش عارف أخمدها 🤦‍♂
صحيح ياشيخنا.. هو ليه الإسلام شرع التعدد ؟

=الإسلام لم يأت بالتعدد يامصطفى.. التعدد كان موجود قبل الإسلام ، الإسلام فقط حدد التعدد بعدد معين

-مش فاهم.. يعني إيه الإسلام لم يأت بالتعدد ؟

=يعني التعدد كان موجود قبل مجئ النبي محمد ﷺ وكان عدد الزوجات كتير جدًا ، سيدنا سُلَيْمَانُ مثلًا قال ذات يوم: (لَأَطُوفَنَّ اللَّيْلَةَ علَى مِئَةِ امْرَأَةٍ، أوْ تِسْعٍ وتِسْعِينَ، كُلُّهُنَّ يَأْتي بفارِسٍ يُجاهِدُ في سَبيلِ اللَّهِ)[البخاري ومسلم]

- 100 امرأة ياشيخ ؟..كان متزوج 100 ؟

=لا يامصطفى ، الـ100 دول هما اللي هيطوف عليهن في ليلة واحدة ، عدد زوجات سيدنا سليمان كان يفوق العدد دا بكتير

-بس الكلام دا كان زمان أوي ياشيخنا ، أنا بتكلم عن زمن النبي ﷺ من 1400 سنة يعني

=النبي ﷺ لما نزل عليه التشريع بجعل الزوجات 4 فقط ، بعض الصحابة نفسهم كان معاهم أكتر من العدد ده ، صحابي مثلًا زي سيدنا (غَيلانَ بنَ سَلَمَةَ الثقَفِيَّ) لما أسلم كان متزوج من 10 نساء ، كل النساء أسلَمْن معه ، النبي ﷺ قال له: (أَمسِكْ مِنهُنَّ أربعًا وفارِقْ سائِرَهُنَّ)

-وطلق الباقيين ياشيخ ؟

=طبعًا يامصطفى.. دا تشريع واجب التنفيذ

-دا على كدا بقى موضوع التعدد دا كان مشهور

=كان موجود يامصطفى ، الإسلام فقط حدد عدد للزوجات بعد ما كان العدد مفتوح ملوش حَد

=طب ياشيخ يعني ليه التعدد بالذات ربنا أمر بيه الرجال ، زوجتي دايمًا تتعجب من الموضوع ده ، تقوللي هو انتوا عملتوا كل أوامر الكتاب والسنة مش فاضل غير انكوا تعددوا ؟

-الله تعالى لم يأمر الرجال بالتعدد يامصطفى ، مين قال كدا
ربنا بيقول: (وَإِنۡ خِفۡتُمۡ أَلَّا تُقۡسِطُوا۟ فِی ٱلۡیَتَـٰمَىٰ فَٱنكِحُوا۟ مَا طَابَ لَكُم مِّنَ ٱلنِّسَاۤءِ [مَثۡنَىٰ وَثُلَـٰثَ وَرُبَـٰعَۖ] فَإِنۡ خِفۡتُمۡ أَلَّا تَعۡدِلُوا۟ فَوَ ٰ⁠حِدَةً أَوۡ مَا مَلَكَتۡ أَیۡمَـٰنُكُمۡۚ ذَ ٰ⁠لِكَ أَدۡنَىٰۤ أَلَّا تَعُولُوا۟)[سُورَةُ النِّسَاءِ: ٣]
يعني الموضوع باختيارك مفيش أمر ولا شئ

=طب ياشيخ ما هو بمناسبة الآية دي ، قرأت مقال قبل كدا بيتكلم عن إن الآية دي مش علشان التعدد ، الآية دي بتتكلم عن الزواج من اليتيمات ، يعني ممكن مع اليتيمات نعدد ولكن غيرهن لأ

-الناس زمان يامصطفى كانوا بيربوا اليتيمات من باب الكفالة ، ولما كانت اليتيمة بتكبر وتعجبه أو يطمع في مالها كان يتزوجها بمهر قليل على خلاف غيرها من النساء ، والموضوع دا كان بيسبب ظلم لليتيمات دول [يعني من باب إستغلال ضعفهن وگسرَتهن واليَد التي له عليها]...فربنا سبحانه وتعالى قال لهؤلاء (وَإِنۡ خِفۡتُمۡ أَلَّا تُقۡسِطُوا۟ فِی ٱلۡیَتَـٰمَىٰ) يعني لو نفسك حدثتك بالجَور على اليتيمة دي (فَٱنكِحُوا۟ مَا طَابَ لَكُم مِّنَ ٱلنِّسَاۤءِ مَثۡنَىٰ وَثُلَـٰثَ وَرُبَـٰعَۖ) فقدامك 4 غيرها

-فهمت ياشيخ ، بس ربنا بيقول برضو في نفس الآية بعد ذِكر الـ4 زوجات (فَإِنۡ خِفۡتُمۡ أَلَّا تَعۡدِلُوا۟ فَوَاحِدَةً)
وبيقول في آية ثانية: (وَلَن تَسۡتَطِیعُوۤا۟ أَن تَعۡدِلُوا۟ بَیۡنَ ٱلنِّسَاۤءِ وَلَوۡ حَرَصۡتُمۡۖ)
مش دا معناه النهي عن التعدد علشان محدش هيعدل ؟

=هو إنت فاهم العدل اللي ربنا بيتكلم عنه إيه ؟

-العدل ياشيخ ، هو العدل محتاج مفهومية ؟.. هل يُعقل مثلًا إن راتبك لما يكون 10.000 ج تصرف هنا 5000ج وهنا 5000ج ؟
ولو عملت دا في شهر أو شهرين ، هتكمل في العدل كل شهر إزاي ؟

=هههههه..مش هو دا العدل يامصطفى ، إنت فاهم غلط 😀

-غلط إزاي ياشيخ ؟... هو مش ( 5 = 2 ÷ 10 ) ؟
وللا إنت تقصد بقى إنه يكون متزوج 4 🙄

=الإمام ابن كثير يامصطفى بيقول في الآية دي: (لَنْ تَسْتَطِيعُوا أَيُّهَا النَّاسُ أَنْ تُسَاوُوا بَيْنَ النِّسَاءِ مِنْ جَمِيعِ الْوُجُوهِ، فَإِنَّهُ وَإِنْ حَصَلَ القسْم الصُّورِيُّ: لَيْلَةً وَلَيْلَةً، فَلَا بُدَّ مِنَ التَّفَاوُتِ فِي الْمَحَبَّةِ وَالشَّهْوَةِ وَالْجِمَاعِ)

-طب أنا زوجتي مكفياني ياشيخ ، التعدد بالنسبالي إيه ؟

=حرام ، علشان إنت عليك ديون وسبق وقلتلي زوجتك صابره عليك بالعافيه 🤣

-طب ياشيخنا حلو أوي الكلام ده ، إيه رأيك بقى في اللي بيقول لو كان التعدد أصلًا من الشرع مكنش النبي ﷺ مَنع (علي بن أبي طالب) منه لما كان هيتزوج من بنت أبي جهل بعدما أسلمت ؟

=الناس اللي بيرددوا الشبهة دي محدش منهم كلف نفسه يقرأ الرواية مظبوط يامصطفى

-إزاي ياشيخنا ؟

=الرواية بتقول: (عن الْمِسْوَر بْنَ مَخْرَمَةَ أَنَّ عَلِيَّ بْنَ أَبِي طَالِبٍ خَطَبَ بِنْتَ أَبِي جَهْلٍ ، وَعِنْدَهُ فَاطِمَةُ بِنْتُ رَسُولِ اللَّهِ ﷺ ، فَلَمَّا سَمِعَتْ بِذَلِكَ فَاطِمَةُ أَتَتْ النَّبِيَّ ﷺ ، فَقَالَتْ لَهُ : إِنَّ قَوْمَكَ يَتَحَدَّثُونَ أَنَّكَ لَا تَغْضَبُ لِبَنَاتِكَ ، وَهَذَا عَلِيٌّ نَاكِحًا ابْنَةَ أَبِي جَهْلٍ .
فَقَامَ رَسُولُ اللهِ ﷺ فَسَمِعْتُهُ حِينَ تَشَهَّدَ يَقُولُ : ( أَمَّا بَعْدُ فَإِنِّي أَنْكَحْتُ أَبَا الْعَاصِ بْنَ الرَّبِيعِ فَحَدَّثَنِي فَصَدَقَنِي ، وَوَعَدَنِي فَوَفَى لِي ، وإِنَّمَا فَاطِمَةُ بَضْعَةٌ مِنِّي يُؤْذِينِي مَا آذَاهَا ، وَإِنَّهَا وَاللَّهِ لَا تَجْتَمِعُ بِنْتُ رَسُولِ اللَّهِ وَبِنْتُ عَدُوِّ اللَّهِ عِنْدَ رَجُلٍ وَاحِدٍ أَبَدًا ) .
قَالَ : فَتَرَكَ عَلِيٌّ الْخِطْبَةَ . [رواه البخاري (3110) ، ومسلم (2449)]
واخد بالك يامصطفى من كل ده ؟

-لا مش واخد بالي ياشيخنا 😏

=فاطمة رضي الله عنها لما علمت بزواج زوجها (علي) عليها راحت للنبي ﷺ بتقول له (إِنَّ قَوْمَكَ يَتَحَدَّثُونَ أَنَّكَ لَا تَغْضَبُ لِبَنَاتِكَ ، وَهَذَا عَلِيٌّ نَاكِحًا ابْنَةَ أَبِي جَهْلٍ)
بتقول للنبي إن الناس اتكلموا إنك مبتغضبش لبناتك!... طب والناس يتكلموا في ده ليه وهما كلهم تقريبًا في الوقت دا كان عندهم بدل الزوجة اتنين وثلاثة

-آه صحيح فعلًا

=فاطمة بتقول لما بتشرح للنبي ﷺ زوجها هيتزوج مين فقالتله (وَهَذَا عَلِيٌّ نَاكِحًا ابْنَةَ أَبِي جَهْلٍ)
دي مش بتناديها باسمها بالرغم إنها كانت تعرفها بعد دخولها في الإسلام وقبله عادي

-آه فعلًا

=كمان النبي ﷺ بيقول (فَإِنِّي أَنْكَحْتُ أَبَا الْعَاصِ بْنَ الرَّبِيعِ فَحَدَّثَنِي فَصَدَقَنِي ، وَوَعَدَنِي فَوَفَى لِي)
أبو العاص ده كان زوج ابنته (زينب) أخت فاطمة ..يعني عديل سيدنا (علي) ... ودا معناه إن كان فيه إتفاق معين بين النبي ﷺ وأزواج بناته (عَلِي) نفسه كان يعرفه فمعترضش

-طب إيه هو ياترى ياشيخنا ؟

=الإمام النووي (رحمه الله) بيقول في شرحه للحديث ده (وَيَحْتَمِلُ أَنَّ الْمُرَاد تَحْرِيم جَمْعهمَا ... وَيَكُون مِنْ جُمْلَة مُحَرَّمَات النِّكَاح : الْجَمْع بَيْن بِنْت نَبِيّ اللَّه وَبِنْت عَدُوّ اللَّه)
ودا سبب عدم اعتراض علي رضي الله عنه لما النبي ﷺ قالها صريحة بالقَسَم (وَإِنَّهَا وَاللَّهِ لَا تَجْتَمِعُ بِنْتُ رَسُولِ اللَّهِ وَبِنْتُ عَدُوِّ اللَّهِ عِنْدَ رَجُلٍ وَاحِدٍ أَبَدًا)

-طب ياشيخنا مش ممكن نقول كمان كان بيراعي مشاعر فاطمة في اللي أبو جهل عمله مع والدها ؟

=إحتمالية كبيرة برضو يامصطفى ، عامله زي موقف النبي ﷺ لما قابل (وَحشي) وكان ذلك بعد إسلام وحشي فقال له: (أنتَ وَحْشِيٌّ ) ؟ قال : (نَعم)
قال : ( أنتَ قتَلْتَ حمزةَ ) ؟ قال : (قد كان مِن الأمرِ ما بلَغك)
فقال رسولُ الله ﷺ : ( أمَا تستطيعُ أنْ تُغيِّبَ عنِّي وجهَك ؟ )
بالرغم من إسلام وحشي إلا إن النبي ﷺ طلب منه يبعد عنه ، عاوز بقى فاطمة تتخيل إنها هتكون (ضرة) لبنت أبي جهل اللي كانت بتطرح بنفسها (سَلى الجزور) عن ظهره الشريف عند البيت وأبو جهل وصناديد قريش واقفين بيضحكوا ؟..فاطمة دي عاشت وشافت أبوها مع الناس دول كان بيحصلله إيه زي ما النبي ﷺ شاف عمه حمزة من وحشي حصلله إيه

-آه والله ياشيخ... دا كدا الموضوع بقى مختلف ، فعلًا الظَرف كان غير الظَرف خالص

=وكمان يامصطفى متنساش إن فيه كتير من المشكلات لا يُصلِح حال البيوت فيها غير التعدد

-إزاي ياشيخنا ؟..دا أنا شايفه سبب كل المشاكل 😏

=تخيل مثلًا يامصطفى إن الزوجة كبرت في السن وزوجها عنده طاقة زيادة وله منها أولاد والزوج هيقع في الفتنة لو متزوجش..لو مفيش تعدد هيعمل إيه ؟

-أكيد هيطلقها ويتزوج غيرها تعفه

=أهو تشريع التعدد بقى جعل للست دي مَخرَج في حالتها ، وكمان لو الزوج تزوج بامرأة وكان يحبها ولكن اكتشفوا إنها لا تنجب..لو مفيش تعدد ونفسه في الأولاد هيعمل إيه ؟

-أكيد طبعًا هيطلقها ويتزوج غيرها ينجب منها

=بتشريع التعدد بقى بقينا نحافظ على الأخت دي من الطلاق ، ومش بسبب قضاء ربنا قضاه عليها متعرفش تتزوج ، وكمان يامصطفى بسبب كثرة الحوادث والحروب بقت النساء عددهن يفوق عدد الرجال ، لو لكل رجل امرأة واحدة باقي النساء هيروحوا فين ؟

-دا غالبًا من أسباب العنوسة ياشيخنا

=فعلًا ، ولذلك من حكمة رب العالمين إنه جعل للرجل أكثر من امرأة

الكلام دا نقله من أقوال سيدنا ابْنُ عَبَّاسٍ، وعُبَيْدة السَّلْمَاني، وَمُجَاهِدٌ، وَالْحَسَنُ الْبَصْرِيُّ، وَالضَّحَّاكُ بْنُ مُزَاحِمٍ
العَدل مش زي ما النساء بيفهموه خالص

-تقصد يعني إن العدل المقصود بيه هو العَدل القلبي؟♥

=النبي ﷺ كان متزوج من 9 زوجات يامصطفى ، وكان يميل قلبيًا لعائشة مثلًا ، هل كدا النبي ﷺ لم يعدل ؟

-اممم..هو ينفع نقول النبي ﷺ مبيعدلش ؟

=وعلشان مينفعش يبقى لازم نفهم الشبهة دي كويس ، النبي ﷺ علشان الميل القلبي دا كان بيقول زي ما أم المؤمنين عائشة رضي الله عنها قالت: (كَانَ رَسُولُ اللَّهِ ﷺ يَقْسِمُ بَيْنَ نِسَائِهِ فَيَعْدِلُ ، ثُمَّ يَقُولُ: "اللَّهُمَّ هَذَا قَسْمي فِيمَا أَمْلِكُ، فَلَا تَلُمْنِي فِيمَا تَمْلِكُ وَلَا أَمْلِكُ) [يَعْنِي: الْقَلْبَ]
كان يَقسِم يعني تقسيم الليالي في المبيت ويدعو الله ألا يحاسبه على مالا يملكه _وهو القلب

-تقصد ياشيخنا إن الحب والميل القلبي لواحدة دون التانيين ملوش علاقة بالعدل ؟

=طبعًا..وإلا فالقلوب بيد الله ، المهم إن المَيل القلبي ده ميأثرش على الواحد فيطغى على إحداهن ويظلمها

-طب ما هو النفقة برضو ياشيخنا هتكون صعبة...يقسمها إزاي ؟

=الزوج مش مطالَب إنه لو أنفق على البيت دا 1000ج ينفق على البيت التاني نفس الـ1000ج ، العدل في الإنفاق هو إنه ميبقاش عامل تفاوت ملحوظ في مستوى معيشة زوجاته ، لو واحدة بتحب تاكل فراخ مثلًا وواحدة تانيه غاويه كباب وكفتة مينفعش نقول إن الزوج ظلم اللي بتاكل فراخ!
هو محقق لها المستوى المناسب لها من الرفاهية مش أكثر ، وكذلك في الكسوة نفس الشئ

-طب والمبيت يامولانا ؟

=هو دا مربط الفَرَس يامصطفى ، شايف النبي ﷺ كان معاه 9 زوجات إلا إنه كان حريص على جَعل ليلة لكل واحدة ، يدور على كل زوجة ليلة ، حتى إن أم المؤمنين (سَودَة بنت زَمعَة) رضي الله عنها وَهَبَت ليلتها لعائشة بسبب كبر سنها ولاسترضاء النبي ﷺ الذي كانت تعلم شدة حبه لعائشة ، يعني بالرغم من كل دا كان النبي ﷺ يَعدل في المبيت بينها وبين عائشة ومينفعش الطغيان في المبيت بغير رضا الزوجة

-طب وباقي اليوم ياشيخنا ؟

=باقي اليوم بتاع الزوج ، يقضيه مكان ما يحب

-طب ما هو كدا ياشيخ ممكن يكون بيحب واحدة أكتر من التانيين فيقضي عندها غالب النهار ، وبالتالي هيظلم الباقيين في الجِماع

=الجماع يامصطفى مش داخل في مفهوم العدل بعدد المرات ، يعني مش واجب على الراجل يجامع كل الزوجات أد بعض ، لإن دا بيختلف باختلاف الرغبة فيهن ، المحظور عليه إنه يسيب واحدة بغير جماع مدة قد تتضرر بسببها (والموضوع يختلف)
يعني ممكن في ليلة واحدة لا يجامعها ، وفي الليلة الثانية يجامع الأخرى...لا يكون آثمًا بهذا ، هو فقط يأثم بترك العدل في المبيت أو ترك باقي الأمور تركًا يظهر منه وقوع ضرر لإحداهن ، أو تكون عادته يسهر مع أصحابه في ليلة واحدة بالذات فيحصللها ضرر

-أفهم من كدا إن العدل الفعلي بيكون في المبيت ياشيخ والباقي بيتفاوت ؟

=طبعًا يامصطفى ، العدل في القلب والنفقة والجماع يتفاوتون ، وهذا ما وضحه الله بقوله: (وَلَن تَسۡتَطِیعُوۤا۟ أَن تَعۡدِلُوا۟ بَیۡنَ ٱلنِّسَاۤءِ وَلَوۡ حَرَصۡتُمۡۖ فَلَا تَمِیلُوا۟ كُلَّ ٱلۡمَیۡلِ فَتَذَرُوهَا كَٱلۡمُعَلَّقَةِۚ)...يعني كدا كدا مش هتقدروا تحققوا العدل الكامل ، ولكن لا تميل ميلًا زائدًا ملحوظًا لإحداهن فتذرها كالمعلقة (يعني لا هي متزوجة ولا هي مُطلقة)

-طب ياشيخنا بما إنك تعرفني كويس يعني وبنعمل مع بعض حوارات كتير وشايفني حريص ومجتهد في طلب العلم 😀...إيه رأيك في التعدد بالنسبالي ؟

=السؤال دا دليل على خيبتك التقيلة يامصطفى

-خيبتي 🤦‍♂

=طبعًا يامصطفى.. مفيش حاجة اسمها إيه رأيك أعدد ، التعدد دا تجري عليه الأحام التكليفية الخمسة زيه زي الزواج الأول بالضبط
ممكن يكون واجب ، وممكن يكون حرام ، وممكن يكون مباح أو مندوب أو مكروه

-إيه دا كله ياشيخنا ؟...حرام إيه بس ياشيخ...أنا بسألك عن التعدد ياشيخ مش بسألك عن المخدرات 🤣

=التعدد يامصطفى ممكن يكون بالنسبالك واجب..يعني تأثَم بتركه ، والحالة دي لو خُشيَت عليك الفتنة بتركه

-لو حاسس إني هتفتن يعني من غير زوجة ثانية ؟

=أيوا يامصطفى ، وممكن يكون مندوب أو مُستَحَب والوضع دا مثلًا لو اخترته لنفسك لتعف امرأة مسلمة أخرى..مع عدم حاجتك لذلك ، وكان معاك مقدرة تفتح بيتين

-الله يسترك ياشيخ ، أنا لسه بسدد في ديون زواجي الأول 😁

=وممكن يكون مُباح ، يعني تتزوج من غير أي سبب من اللي فاتوا

-زي مثلًا واحد بيحب النساء ، مش كدا ياشيخ ؟

=مثلًا ، وممكن يكون مكروه ودا لو كان تعددك سَيُخِل بأداء حقوقك مع الأولى إخلالًا لا يترتب عليه وقوع كبير ضرر بها...كعجز عن إشباعها في الجماع مثلًا
وممكن يكون التعدد حرام ..يعني تأثَم لو عددت

-آخد ذنوب لو عددت ؟...طب ليه ؟

=لو عجزت عن أداء الواجبات تجاه زوجاتك من (صداق ونفقة ووطء)

-اعتقد كمان ياشيخنا دا حل مناسب للرجال اللي بيكون شغلهم في أماكن بعيدة ، ممكن يعني يتزوج واحدة في البلد اللي فيها عمله

=تمام جدًا ، وفيه كمان حالة بنشوفها كتير لزوجة عاوزه تتفرغ لطلب علم أو طاعات معينة وقيام ليل وبسبب كثرة احتياجات زوجها مبقتش لاقيه وقت ، التعدد بيقسم الوقت على غيرها وبتشوف نفسها ، دا غير الزوجة اللي مش قادره توفي باحتياجات وإشباع زوجها ، فيه بعض الرجال يامصطفى إشباعهم وإعفافهم ممكن يكون بالكلام مثلًا أو الإهتمام الزائد والست لا تجيد كل هذا ، فالأمر في التعدد بيديها سعة وفُسحَة علشان رفع الضغط عنها

-لما كل دا في التعدد ياشيخنا أمال إيه بقى اللي تقولك (شرع الله ولكن لا أطيقه) ، واللي بيعتبروا تعدد الزوج نوعا من أنواع الطلاق للضرر
فين الناس دول من كلامك ياشيخنا ؟

=يامصطفى..النسوية علشان تنتشر في المجتمعات المسلمة كان لازم تنشر هذه الكفريات في أدمغة النساء ، واحدة واحدة يقنعوهم إن ربنا سبحانه شرع تشريع اجتمعت النساء على عدم قبوله (وحاشاه سبحانه)... لما تلاقي إن التعدد زمان كان عادي ودلوقتي بقى جريمة على الزوج وتشوف بعض الذكور نفسهم بيقولوا للراجل اللي بيعدد (ليه ياأخي تعمل كدا ما تحافظ على بيتك) وهما نفسهم اللي لو الراجل مشي في الحرام يقولوا للزوجة (عادي اتحملي كلنا عنينا زايغة ) هتعرف بجد المأساة اللي إحنا عايشينها

-يعني ياشيخ التعدد دا مينفعش يكون ضرر على الزوجة يبيح لها طلب الطلاق ؟

=أبدًا يامصطفى ، عُمر التعدد ما كان ضرر أبدًا ، الضرر هو اللي بييجي بعد التعدد من ظلم الزوجات وعدم العدل بينهن ودا مينفعش نحكم بيه قبل ما الزوج يقع فيه

-طب ولو وقع فيه ياشيخنا إيه حكمه في الشرع ؟

=يقول النبي ﷺ: (مَن كان له امرأتانِ ، يميلُ لإحداهُما على الأُخرى ، جاء يومَ القيامةِ ، أحدُ شقيْهِ مائلٌ)

-ياستير يارب ، الواد عباس ابن خالتي ياشيخنا كان متزوج اتنين ، كانت الأولى كل ما تقرفه وتنكد عليه يروح للتانيه ، دا هيبقى يوم القيامة ملوش شِق خالص

=لا يامصطفى ، مش دا اللي الحديث يقصده ، زوجة عباس كانت ناشز بتنكد عليه ، والناشر ملقاش قَسَم

-إزاي يامولانا ، هي مش زوجة ؟

=أيوا زوجة يامصطفى ، ولكن مش علشان زوجة يبقى لها كل الحقوق ، الناشز ملهاش نفقة ولا قَسَم في الليالي إلا لما تطيع زوجها حق الطاعة
قال ابن قدامة(رحمه الله) : (فإن قسم لإحداهما ثم جاء ليقسم للثانية فأغلقت الباب دونه، أو منعته من الاستمتاع بها، أو قالت لا تدخل علي، أو لا تبت عندي، أو ادعت الطلاق، سقط حقها من القسم، فإن عادت بعد ذلك إلى المطاوعة استأنف القسم بينهما، ولم يقض الناشز، لأنها أسقطت حق نفسها)

-أمال بقى لما تعرف إنها بتعمل كل دا علشان يطلق الثانية ياشيخ هتعمل إيه ؟

=دي مصيبة يامصطفى يُخشى عليها فيها من الوعيد
قال النبي ﷺ: (ولَا تَسْأَلُ المَرْأَةُ طَلَاقَ أُخْتِهَا لِتَكْفَأَ ما في إنَائِهَا)[البخاري ومسلم]

-يعني إيه ياشيخ ؟

=يعني لا تَطلُبُ المرأةُ مِن زَوجِها أنْ يُطلِّقَ ضَرَّتَها؛ لِتَقلِبَ ما في إناءِ أُختِها في إنائِها، أي: لِتَستأثِرَ بِخَيرِ زَوجِها وحْدَها وتَحرِمَ غيرَها نَصيبَها منه

-ياه...دا الشرع جميل أوي ياشيخ

=الناس لو اتبعوا الشرع يامصطفى هيرتاحوا والله وهيريحوا نفسهم

-طب سؤال أخير ياشيخنا ، لو بنتك هتقبل زوجها يتزوج عليها ؟

=يامصطفى أنا لو بلغني إن زوج بنتي عاوز يعدد هشجعه على كدا لإنه عنده دين وبحث عن طريق شرعي لإعفاف نفسه بالحلال ، عاوزني أأمن على بنتي مع واحد في حاجة للزواج

-طب واللي بيسألوا الزوج هتعدد ليه ؟..أو يطلبوا منه يقول أسبابه للتعدد ؟

=دول ناس معندهمش دين ولا فاهمين شرع ، لإن التعدد مش بالضرورة يكون له أسباب ، ومش بالضرورة الزوجة تكون مقصرة علشان زوجها يتزوج بغيرها معاها

-طب واللي بيعددوا من غير معرفة الزوجة الأولى ياشيخ ؟

=مفيش حَد بيعمل كدا غير لإنه تأكد إن الزوجة غالبًا هتنكد عليه ، ومش هتقبل الشرع ومش بعيد تطلب الطلاق ، تسألني بقى إنت عن الزوجة اللي معندهاش دين دي وللا تسألني عن الراجل اللي عاوز يعف نفسه وفي نفس الوقت يحافظ عالبيت الأول ؟

-وصلت.. وصلت يامولانا ، الله يجازيك كل خير يارب

=حبيبي يادرش 😍

#اللهم_فقهنا_في_ديننا 🤲

✍️دا كان تعليق من أختنا الفاضلة (علياء) على المنشور اللي كنت بتكلم فيه عن كلام الخاطب للمخطوبة عن التعدد ، واللي قلت فيه إن دا موضوع خاص بالرجل مينفعش يتفتح في الخطوبة ، ومينفعش الرجل يتكلم فيه لإنه موضوع إحتمالي (ممكن يحصل وممكن الرجل نفسه يكتفي بزوجته فيبقى فتح لنفسه باب لغيرة زوجته اللي هي أساسًا حاجة طبيعية)...ودا شئ ملوش داعي
نصحت كمان الرجال المتزوجين اللي سألوني (لو زوجاتنا هيزعلوا ويطلبوا الطلاق ويعملوا مشاكل) ؟
نصحتهم يعددوا بغير علم زوجاتهم (رحمة بهذه الزوجة المسكينة ورعاية لخاطرها وحفظا لدينها)

⬅️أختنا علياء زعلانة وكان لها عتاب عليا ، ولإني بقدر جدًا أخواتنا الطيبات اللي زيها فأنا بحتفظ لها بالخصوصية وبحذف أي شئ ممكن يوصل حد لها ، مع الإحتفاظ بالتعليق اللي بنبين من خلاله إزاي النسـ.ـوية انتشرت بأطروحاتها لواحدة زي علياء ومروة وأسماء وغيرهن من النساء (الطيبات)

#يا_أخت_علياء 👇
التعدد ياأختي شئ خاص بالرجل وحده لا دخل للنساء فيه ، رب العالمين لم يظلم المرأة أبدًا إذا ما دخلت في إطار القِسمَة..(الله خلقها ولم يُشرع ما تُظلَم به) وحاشاه سبحانه
قد يلجأ الزوج للتعدد وقد يستغنى عنه
هل هو نفسه عارف المستقبل ؟
الجواب : لا
ماذا لو اتفق معكِ على عدم التعدد ثم شعر من نفسه بفتنة في النساء بعدك ؟..هل تمنعيه ليقع في الحرام ؟
هذه هي الأطروحة النسـ.ـوية ياأختنا
أطروحة تبغي انتشار الفواحش في المجتمع تحت مسمى..(أصل الزوج قاللي مش هيعدد)

أختي الفاضلة...لو عاوزه تعيشي مسلمة صحيحة الإسلام ينبغي عليكِ أن ترفضي وقوع المعصية في الأرض
ينبغي عليكِ أن تعلمي أن الرجال يختلفون فيما بينهم في رغباتهم

ياأختنا...نفس هذا الزوج الذي سيعدد سنقف جميعًا في وجهه إن وقع عليكِ ظلم بتعدده هذا
هل يعد الوقوف في صف الرجال عندي هو تشجيعهم على تطبيق الشرع كي لا يقع أحدهم في حرام ؟

مش هتلاقي ليا منشور واحد ولا نصيحة لواحد من الناس (كدا من نفسي) بقول له: (إزاي لسه متزوج واحدة لحد دلوقتي)
ولكني لو علمت أنه سيقع في الحرام حتى لو كان متزوج من 3 نساء أقول له: (عليك بالرابعة ولا تعص ربك)

⬅️القاعدة اللي حضرتك بتقوليها في آخر التعليق (نو أمان لأي مان) دي تقوليها للراجل اللي ماشي في الحرام
دا اللي ملوش أمان فعلًا ياأختي..لكن اللي بيفرغ طاقته في حلال ، دا لازم يكون مصدر الأمان عندك

فكرة إن المتدين بيعدد وغير المتدين هيبصبص ويمشي في الحرام دي فكرة لو بسببها اخترتِ غير المتدين تبقي واحدة مغفلة... واحدة مش عاوزه طريق ربنا بجد ، بتختاري واحد فاسق ماجن على واحد بيخاف من عذاب الله....(هذا فضلًا عن عزوفك عن الزواج لأجل تطبيق الزوج للشرع في نفسه)

متخيلة ياأختي حميتك هذه وأنتِ لم تتزوجي ؟..شايفه طريقتك في التعليق عامله إزاي ؟
اللي زيك لما بتعرف تعدد زوجها بتخرب الدنيا والحياة الأسرية بتبوظ....(أنا اللي برجعها لمسارها لما بنصحه يخبي عليكوا)
أنا اللي بقفل ثغرة الشيطان نفسه يفتحها كان هيكون بسببها تشرد الأولاد ورؤيتهم لوالدهم (واحد مش محترم بيبصبص للنسوان لإنه مفتقد شئ)

ياأختي..انتي وغيرك لو عاقلين وفاهمين أول ما تحسي من زوجك بالرغبة دي قوليله: (لو عاوز تتزوج تاني اتزوج ، بس بالله متعملش حاجة حرام)
الست الصالحة هي التي تقول لزوجها: (أنا أصبر على غَيرَتي ولكني لن أصبر على معصية يقع فيها مَن جعله الله قوامًا عليا)

#ياأختنا_علياء 👇
(إذا أردتِ العلياء * فاخلعي من عقلك أطروحات الإماء * وتعلقي بشرع رب الأرض والسماء)

#كوني_حرَّة ☝
#تصحيح_مفاهيم_الزواج

✍️من أكبر الأخطاء في تربية البنات إنك تخلي كل طلباتها مُجابة ، فلما تتزوج زوج يقول لها: (يوم فيه ويوم مفيش) متصبرش وترجع تقول له: (مشفتش كدا في بيت بابا)
⬅️الحنية [المفرطة] في التربية أكبر غلط ، بتطلع بنت عمرها ما تقبل من زوجها شخط فيها ولو مرة في ساعة زهق أو تتحمل صوت عالي...(طبيعة الحياة مبتمشيش على وتيرة واحدة)
👈كل دا لا يتنافى مع حنيتك عليها وتدليعها واتخاذها كصديقة وتعمل بينك وبينها علاقة محبة علشان تفرغ طاقتها العاطفية الفطرية قبل الزواج معاك [عادي على فكرة] ، حنيتك ودلعك مينفعش يوصلوا لمرحلة إنها تعتقد إن الحياة كلها كدا ، فلما تتزوج تتفاجئ براجل طبيعي بيعاملها كزوجة عليها مسئوليات فتقارنه بالوالد
#سددوا_وقاربوا
#ربوا_بناتكوا_عالمسئولية

ليه البنت بتتزوج ؟....ليه الشاب بيتزوج ؟ 🤔
النوعية دي من الأسئلة قبل ما أهتم بالإجابة عليها بنصح السائل (يفضل على كدا)
أصل الموضوع مش حاجة مكتسبة هنديهاله في كلمتين...(دي غريزة..لو مش موجودة مش هتيجي وهيقرف اللي هيتزوجها أو هتتزوجه)
الغريزة دي تم وأدها في زماننا بـ(الإختلاط ، وكثرة الفواحش ، وتقدم سن الزواج لحد ما بقى يعدي سن بزوغ الشهوة الحقيقي ، ووضع أولويات أخرى غير الأولويات التي وضع الله الغريزة لأجلها ، وصناعة الـ(كارير) لكل طرف بعيدًا عن الأسرة ، ومجموعة من التعقيدات لهذه العملية من بدع الزواج صعبت الموضوع)
⬅️كل ده بقى تمهيد مباشر لظهور الشـ.ـذوذ في المجتمع واللي هيعدي من انتكاس الفطرة ده بيقول لنفسه (هو أنا هتزوج ليه ؟...مش حاسس بحاجة ؟)
👈أصل أنا الحقيقة مهما عملت علشان أشرح لبنت معاني السَگن وتكوين أسرة وغريزة الأمومة وبعدين تهز راسها كدا وتعمل اقتنعت فندبس شاب فيها ينبسط معاها لمدة 15 دقيقة كل شهر قبل ما تسيب البيت خالص وترجع لأهلها وتمرمطه في المحاكم..(ابقى مش بحل مشكلة ؟)
لو قعدت أقنع شاب برضو بالموضوع وهو مش في دماغه كل ده وتتدبس بيه بنت ناس محترمين عاوزه تعف نفسها بالحلال ونلاقيها بتشتكي الشكوى اللي بقت مشهورة دلوقتي للأسف (مش بيعفني علشان مهتم بشغله جدًا).. طب ما كدا أنا مش بحل 🤷‍♂
⬅️رأيي المتواضع للجواب عن هذا السؤال واللي لو عندك رأي غيره مُرَحَّب بيك طبعًا وعلى راسي
(اللي حاسس بكدا يخليه كدا ، الجواب مش مكتسب في حدود رأيي وفي حدود كل المشكلات اللي شفتها)
كفاية مراهم ومسكنات علشان فيه طرف بيتظلم
#تصحيح_مفاهيم_الزواج

#أول_تعليق

https://www.facebook.com/share/p/fv7YnDVKgzbw1HRZ/

✍️أخونا صاحب صفحة A to Z لتجهيز بيت الزوجية عامل بوست فيه العفش بالإمكانيات بالتكلفة
لو الحاجات دي تناسبكم ياشباب هتلاقوا البوست #أول_تعليق
وأي حد هيعمل خدمات للشباب هعملله إعلان عندي
(مهم جدًا تسأل وتستفسر قبل ما تعمل أي شئ)

هههههههههههههههههههههه
✍️الأبليكيشن خلص خلاص وإمكانياته جامدة جدًا بفضل الله ، الإخوة كل اللي معطلهم إنه محتاج سكينتين معجون 😃
⬅️مش متوفقين في تصميمات كويسة للواجهة لحد دلوقتي
أنا بقوللهم ننزله كدا وخلاص وهما محبكين الدنيا
#رأيكوا_إيه👇

✍️عاوزكوا تركزوا في الرسالة دي كويس جدًا ، وأنا هحكيلكوا القصة باختصار ، بس عاوز أقول لأختنا إني نزلتها لما اتكلمت مع الشاب اللي هي نفسها مش عاوزاه يشوفها علشان ميتضايقش...فمتقلقيش... (تابعي الكلام ده انتي وغيرك من الأخوات علشان مهم)

👈من كام يوم لقيت شاب جاي ليا من محافظة بعيدة [سفر 3 ساعات تقريبًا] وبيحكيلي عن بيت دخله عن طريق الموقع وإنه متمسك بالبنت جدًا وبيحكيلي عنها كلام طيب وبيقوللي: (هي دي اللي كنت بدور عليها من زمان)
الشاب اتقدم للبنت وقعد مع والدها وبعد أكتر من زيارة كلم والدها في الزواج الشرعي [دايمًا فعلًا بقول متتكلموش من أول زيارة]
الشاب اتكلم في حضور والده ، ووالده اتكلم بطريقة مش كويسة مع والد البنت ، البنت كمان كانت قالت لوالدها على موضوع الزواج الشرعي فالوالد كان متحفز للي هيدخل لدرجة إنه سأله عن الزواج الشرعي قبل ما الشاب يكلمه (اتكلم معاه في البداية يعني) فالشاب بعفوية أظهر إنه ميعرفش الموضوع ده لإنه اتسأل مفاجئ ومكنش عاوز يخرب الدنيا في البداية
الفكرة إن الدنيا اتعقدت لما والد البنت وجد الشاب ووالده بيتكلموا في نفس الموضوع اللي هو أظهر له إنه ميعرفوش في الزيارة الثالثة

#ركزوا_معايا_كويس 😳

1/ البنت وقعت في خطأ كبير في البداية لما كلمت والدها عن الزواج الشرعي ، وأنا دايمًا بنصح الأخوات ميتكلموش مع أهاليهم لإن مفيش أهل هياخدوا نصيحة من بنتهم...سيبي الشاب هو اللي يتكلم

2/ الشاب (اتلجلج) لما والد البنت فاتحه في الموضوع قبل الموعد اللي الشاب محدد يكلمه فيه ، والحل الأمثل اللي دايمًا بقول للشباب عليه إنه يضحك كدا لوالد البنت ويقول: (مستعجل ليه ياعمي ، مش يمكن بنتك ترفضني ؟..اديها فرصتها) مع ابتسامة كدا لطيفة

3/ أكبر غلطة الشاب عملها إنه اتفق في حضور والده ، الشاب عمل دا من باب إنه يكبر بالوالد ولكن الأهالي معندهمش الفكر اللي إحنا بنتكلم بيه ، الشاب ييقوللي أبويا خرب الدنيا وقعد يكلم والدها عن الشباب اللي بيتحبسوا والمشاكل اللي بتحصل من القايمه في الوقت اللي إحنا مش بنجيب سيرة القايمه أساسًا

4/ الشاب حزين جدًا على ضياع البيت دي منه ، وأعتقد البنت برضو مستاءة من اللي هيترتب على الموقف ده ، وعلشان كدا عاوز أوجه رسالة للشاب وغيره من الشباب ورسالة لأختنا وغيرها من الأخوات

⬅️كل شئ مُقدر ومكتوب ، واللي يكون من نصيبك مش هيروح لغيرك ، ومش معنى إن فيه أخطاء بتحصل في التطبيق تبقى دي نهاية العالَم..(لا أبدًا)
بالعكس...إحنا بنتعلم من كل تجاربنا
الشاب أنا نصحته يبتعد شويه ويعيد الكَرَّة كمان مرة ، وفي الوقت ده لو أختنا اتقدم لها حد تاني مفيش أي مشكلة...صحيح هو صَعَّب الموضوع عاللي هييجي تاني بس عادي إحنا كشباب بنفتح الطرق لبعض...(النية دي والله هتعمللكوا المعجزات)
الأخت متتكلمش مع أهلها نهائي في موضوع الزواج الشرعي... واللي هيدخل تاني ابعتيه ليا أفهمه يعمل إيه مع والدك لإن غالبًا أنا لازم أدخل معاه بنفسي المرة القادمة
عليكي بالدعاء والصلاة على النبي صلى الله عليه وسلم
والشاب كمان لازم يشتغل على نفسه في الذِكر وبإذن الله ربنا هيعوضهم خير
#تصحيح_مفاهيم_الزواج

سبحان الله

✍️واحدة من المشكلات اللي بتتعمل من اللاشئ وبيدخلوها في دماغ البنات هي دي 👈(زوجي هيعدد)😏
بيحاولوا يعملوا النقطة دي فزاعة علشان يطلعوا جيل كامل من كارهات الشرع المتربصات لدين الله
(عاوز أضربلكوا مثال بسيط)
شاب راح شركة يشتغل والشركة قبلت إنه يشتغل فيها ، قالوله وهو داخل خلي بالَك الشركة دي ممكن تستغنى عنك في أي وقت ، الشركة دي هتجيب غيرَك ، الشركة دي يوم ما هتزود موظفين هيزودوهم علشان يمشوا القديم
الشاب ده دخل الشركة وهو متربص ومقدرش يقدم أي شئ .. كان بيشتغل تحت ضغط واحد صاحبه بيكرهه عمله في دماغه
زميله معاه في نفس المكتب كان كل ما يسمع الشائعات دي يهز كتافه ويقول له: (وأنا أشغل نفسي ليه ؟..أنا أعمل اللي عليا وكل دا بتاع ربنا)
الشاب مشي من الشركة علشان كان بيشتغل مهزوز متذبذب مش قادر على إتخاذ أي قرار في حياته علشان مسلم ودانه لغيره 👂
وزميله اترقى وبقى مدير الشركة نفسها باجتهاده وتفوقه
⬅️ياأختنا...متخليش الحيزبونات الفاشلات يقنعوكي إنهم يعني كانوا زي الفل ومفيش منهم 2 وأزواجهم اتزوجوا عليهم...(دي نقطة)
متخليش برضو حد يوهمك إنك لو عملتي اللي ربنا أمرك بيه بالضرورة زوجك هيتزوج..(كام واحد يعني عدد في المحيط بتاعك ؟)
الراجل ممكن يعدد لسبب ولغير سبب...انتي ليه حاطه في دماغك أصلًا إن زوجك مش هيكتفي بيكي ؟
طب لو هو مش هيكتفي بيكي واتزوج...طب ما تفرحي إنه مش ماشي في الحرام زي زوج نوسة بنت خالتِك اللي مقضيها
👈ياأختنا... الله يقول {مَاۤ أَصَابَ مِن مُّصِیبَةࣲ فِی ٱلۡأَرۡضِ وَلَا فِیۤ أَنفُسِكُمۡ إِلَّا فِی كِتَـٰبࣲ مِّن قَبۡلِ أَن نَّبۡرَأَهَاۤۚ إِنَّ ذَ ٰ⁠لِكَ عَلَى ٱللَّهِ یَسِیرࣱ (٢٢) لِّكَیۡلَا تَأۡسَوۡا۟ عَلَىٰ مَا فَاتَكُمۡ وَلَا تَفۡرَحُوا۟ بِمَاۤ ءَاتَىٰكُمۡۗ وَٱللَّهُ لَا یُحِبُّ كُلَّ مُخۡتَالࣲ فَخُورٍ (٢٣) }[سُورَةُ الحَدِيدِ: ٢٢-٢٣]
فِی كِتَـٰبࣲ : خلاص كله مكتوب
لِّكَیۡلَا تَأۡسَوۡا۟ عَلَىٰ مَا فَاتَكُمۡ : متزعليش عالماضي
وَلَا تَفۡرَحُوا۟ بِمَاۤ ءَاتَىٰكُمۡۗ : متفرحيش بالموجود
⬅️افهمي عقيدتك كويس واشغلي نفسك بالله وبلاش تقعدي تخلي الشيطان يشتغلك بشوية أفكار
#تصحيح_مفاهيم_الزواج

✍️أنا متعجب جدًا من الوليه اللي قاعده تهري وتنكت في نفسها دي !
الناس عندي مكنوش مصدقين الرسالة الأولى من كمية الفُجر اللي وصلتله في إنها تشمَت في طفل صغير مات😥
بعد ما خربتي بيتك وطلعتي عين زوجك لإن أكيد الخلع دا بيسبقه مجموعة من الموبقات لا يعلمها إلا الله
⬅️عاوزك بس تعرفيني انتي أي حالة من حالات النواشز اللي بتتعرض عليا علشان أفهم موضوعك
أنا فعلًا مكنتش بتتريق عليكي ولا حاجة
فهمينا بس ياحاجة انتوا دين أبوكوا اسمه إيه علشان نعرف نتعامل

✍️لقيتهم في المطحن بيقولولي إن فيه واحد جه ليا وأنا مكنتش موجود وأصر يسيب معانا الرقم علشان عاوزك تتصل عليه
بعدها اتصلت عليه فعلًا واتشرفت بمعرفته واتفاجئت إنه كان جايلي من سفر بعيد جدًا عن العاشر ، لقيته أب لبنت من البنات اللي اتقدملهم عريس مؤخرًا والعريس لما قعد معاه كلمه في الزواج الشرعي
الكلام بينهم كان رايح جاي والشاب المتقدم قال له على اسمي ومكاني فالراجل صمم ييجي يفهم مني يعني إيه زواج شرعي
قعد يسألني في البداية عن اللي إحنا بنعمله علشان يوصل بيه ليوم يلاقي شاب داخل بيته يكلمه فيه ، وقاللي: (أنا جيتلك علشان أفهم بس لإني زوجت بناتي اللي قبلها وأول مرة أسمع عن الموضوع)
قعدت ببساطة شديدة أشرح لوالدنا والد البنت يعني إيه زواج شرعي
قعدت أكلمه عن الزواج في الإسلام أصلًا غايته وأهدافه إيه وإزاي على مدار 1400 سنة الزواج اتغيرت كل معالمه اللي نزل بيها الشرع وبقى بيعة وشروة وعملية تجارية بحتة لا تَمت للمودة والرحمة ولا بالميثاق الغليظ اللي كانوا موجودين في صدر التشريع بأي صلة
شرحت له ضمانات البنت بتكون إزاي وإزاي هو مش ملزم شرعًا يجهزها
بدأت آخد شوية نماذج في عيلته اتزوجوا عادي والبنت فعليًا لم تأخذ أي مهر ، بل بحسبة بسيطة كدا لو بنته أخذت مهر 1000ج بس هتكون أفضل من بنات عمها وكل بنات العيلة اللي أهاليهم دفعوا عفش أضعاف المهر الفعلي اللي جه واللي اتكتب كمان بعد ما العفش قيمته بتروح بالدخول
سألني عن المهر فقلتله إن ده حسب إمكانيات الشاب ، قلتله لو الشاب دا وافقك على مهر مش في إمكانياته علشان هيتكتب عليه يبقى نَصاب مش سالك ، بل إنت ممكن تختبره بكدا
⬅️الفكرة بقى إني مقفلتش معاه غير بعد ما قلتله: (ياحاج ، أنا لا أعرف الشاب ولا بنت حضرتك ، بس مهم جدًا تفهم دماغ الشاب دا ومتهتمش باللي كل الناس بيهتموا بيه)
قعدت معاه بقى أشرحله يسأل عليه إزاي ويفهم دماغه إزاي وأكلمه عن نوعيات الشباب لحد ما الراجل قعد يشكرني جدًا على حرصي على البنت ووعدني إنه مش هيزوجها غير كدا حتى لو محصلش نصيب مع نفس الشاب ده
(طب ما الموضوع بسيط والناس حلوين أهوه وعاوزين الشرع ، انتوا عاملينها أزمة ليه ؟)🤷‍♂
#تصحيح_مفاهيم_الزواج

✍️ما شاء الله تبارك الله 😍
إيه الرسايل اللي تفتح النفس دي 😀
خلص الأبليكيشن يا عمر أيمن الله يهديك ، الإنتاج متعطل
ربنا يباركلك في ذريتك وأهلك ومالك باأبو مسك ويصلح حالَك 🤲

✍️لقيت أحد الإخوة جايلي عالمطحن يقوللي إن أخته عاوزه تدخلني في مشكلة بينها وبين زوجها ، سألته زوجها فين ؟...فقاللي إنها عاوزه تاخد رأيي في موضوع طلاقها علشان تعرف هل ليها الحق في طلب الطلاق وللا لأ
بالفعل..الأخت ربنا يحفظها جت مع أخيها وقعدت تتكلم معايا إنها أخذت الإذن من زوجها بالعافية علشان تدخلني ، وإنها طلبت تدخلني أنا بالذات لشدة تأثر زوجها بكلامي [على حد قولها]
بتقوللي: (زوجي متعصب لك جدًا ، دا بيوالي ويعادي عليك)😃
الحقيقة الكلمة كانت غريبة عليا جدًا ، الفكرة إنها بتقوللي كنت كل ما اقرأ كلامك أحتج عليه بيه وإنك مبتقولش كذا يقوللي انتي بتجادلي وكذا وكذا ويقفل الموضوع لحد ما عملتله وعملتلك بلوك مع بعض 🙅‍♀
بس جيتلك علشان فاهمه إن محدش هيقدر يفهمني غيرك ومحدش يقدر يوصل كلامي لزوجي غيرك...(فهمت دا في الفترة اللي تابعتك فيها)

👈طبعًا رحبت بالأخت جدًا وبدأت تحكيلي الموضوع
، الأولاد دلوقتي في مرحلة الجامعة والأخت بتشتكي إن الزوج سايب كل المسئولية عليها بالكامل ومش مهتم بالعيال معاها ، هي بدأت تتعب جدًا من ده ، وفي وسط كل الضغوط دي الزوج دائم اللوم عليها في حقوقه الشرعية (مش بتستقبله لما بييجي من برا _ مبقتش تتعامل معاه باللطف بتاع زمان) وعلشان يعالج ده لما بتقصر معاه فيه بيهجرها
ولما سألتها الهجر بيكون إزاي ؟
قالتلي: (بيقعد بالأيام والأسابيع متجاهلني خالص ، كنت في البداية بقعد أعيط وأقول له قوللي اللي مزعلك مني وأنا أغير من نفسي بس كان بيتجاهلني برضو ومبيتكلمش ، وبعد سنوات دلوقتي وصلت لمرحلة إنه بقى مش فارق معايا أي حاجة ، أنا كمان بقيت أسكت واتعودت عالخصام والهجر)
قبل ما الزوجة تيجي وفي المشكلة الأخيرة قالت للزوج: (لو إنت هتهجرني ومش هتكلمني وهتطلع تكلم أصحابك برا البيت ، تفتكر أنا ممكن أتكلم مع مين ؟)
سألت أخوها عن علاقته بالزوج فقاللي: (أنا بحبه جدًا وعمري ما عملت مشكلة معاه ، ودايمًا كنت بصبر أختي ، بس لما لقيت أختي دايمًا تحكيلي مشكلاتها عرفت إن فيه حاجة غلط ، ولما أختي حكتلي عن شدة تأثره بكلامك طلبت منها صفحتك فلقيتك بتقول كلام مختلف تمامًا عن اللي بيحصل)
سألت الزوجة عن المصاريف مع مين فقالتلي: (هو بيديني مصروف للبيت وبيقول إنه مُسرف وإن أنا مُدَبرة ، بس هو اللي عليه الطلبات ودا مش وضعه من بداية زواجنا)

قلت للزوجة: (المشكلة دي لها حل عندي بإذن الله ، عاوز أقعد مع زوجك)
الأخت وبعد نقاش تاني (اللي هو هيتغير إزاي قلتلها متشيليش هَم... وصليني بس بالزوج)
بعد يومين لقيت الأخت جايه بعيالها (ولد وبنت في مرحلة الجامعة)
قالتلي: (علشان حضرتك تكون مُلم بالموضوع أكثر ، دول أولادنا هيكلموك بنفسهم)
قعدت مع الأولاد وفهمتهم إن الموضوع بسيط وسألتهم: (مين موافق الوالدة في طلب الطلاق ؟)
لقيت الإبن كان زمان رافض تمامًا بس دلوقتي مبقاش فارق معاه
البنت مش عاوزه الموضوع خالص ، فهمت ده لما قلتلهم: (حل مشكلة والدكم عندي متشيلوش هَم)
البنت زي ما أكون فتحت قدامها باب أَمَل كبير فقالتلي وهي فرحانة جدًا: (بجد ياشيخ ؟...ممكن والدنا يتغير ووالدتي متطلبش الطلاق تاني ؟)
قلتلهم: (ممكن جدًا ، طلب والدتكم للطلاق لا يجوز في حال إني ألاقي ثغرة أدخل منها لوالدكم ، بإذن الله مفيش أي سبيل هسيبه لإقامة البيت من تاني إلا وهعمله)

👈اتصلت بالزوج وهو جزاه الله خيرًا جه وقعد معايا ، قعدنا مع بعض حوالي 3 مرات نتكلم
قلتله: (لو فيه حاجة عندك غلط هتتكبر تعرفها ؟)
قاللي: (لا أبدًا مش ممكن أتكبر عالصح)
وبعد ما سمعت منه قلتله: (زوجتك لما حكتلي الموضوع كلامها متطابق مع كلامك بنسبة 100 % ، دا يوضح إنها امرأة صالحة عاوزه تحافظ على بيتها لحد آخر مرحلة ، إنت رأيك فيها إيه ؟
الراجل قعد يحكيلي كلام عنها كويس جدًا بس مبقاش فاهم إيه اللي غيرها كدا ، بيقوللي كنا زمان زي الفل

قلتله....ركز معايا في الكام مشكلة دول 👇

1/ هجر الزوجة عقوبة شرعية اتعملت علشان العلاج ، اتعملت علشان زوجة مجتش بالوعظ فالتدرج في العقوبة هو اللي وصل بيك للهجر (اللي هو التجاهل والإستغناء).. بمجرد ما الهجر يجيب نتيجة لازم نفهم إن العلاج حصل..بتكمل في العلاج ليه ؟
إنت لو بتاخد علاج وخفيت هتقعد تاخده تاني ؟..يحصلك مضاعفات وأعراض جانبية
أعراض زيادة الهجر الجانبية هي اللي وصلت الزوجة لمرحلة التعود عليه ، الهجر بقى روتين في حياتك والزوجة بدأت تتعايَش معاه خلاص ومبقاش له أي مفعول..(الزوجة أخذت منه مناعة)

2/ أولادك والإهتمام بيهم : ترك المسئولية كاملة على الزوجة بحجة انشغالك غلط تمامًا... الست متفهمش ده
، ثم توسيع مفهوم التربية في ذهنك لدرجة إنك تسيبهم خالص للأم تربيهم في وجودك كان لازم يعمل عندها ضغط نفسي متتحملوش خاصة مع زيادة أعباءهم ومشكلاتهم كل ما يكبروا
الإبن اللي في الجامعة ده الأم تفهمه إزاي ؟..مبقاش لاقي حد يكلمه وشويه وكان هيلجأ لحد من برا يديه معلومات غلط علشان مفيش حد في حياته

3/البنت اللي في مرحلة عاوزه (أب) في حياتها مبقتش لقياك جنبها ، تفتكر الأم تعوض بنت عن وجود عنصر (راجل) في حياتها إزاي ؟
البنت ياطيب اتعلقت بكلمة مني وأنا بقول لها إن فيه حل لمشكلة والدتها..زي ما تكون غرقانة وعاوزه تتعلق بأي قشاية

4/ مصروف البيت دا أكبر مصيبة الرجالة بيعملوها مع نسائهم ، اوعى تسيب لزوجتك مصروف بيت تقعد المسكينة تحسب في لوغاريتمات طوال الشهر وتعتقد إن عقلها الصغير ده ممكن يعمل كل الحسابات دي مضافًا إليها ترتيب بيتها ورعاية مصالحك ومصالح عيالك ، صحيح إنت اللي بتجيب طلبات بيتك بس الحسابات لوحدها توتر أي ست طبيعية .. إنت اللي تحسب وتشيل الهَم مش الست.... الست آخرها حدود بيتها وبس

5/ لجوء الزوجة للأخ تحكيله مشكلاتها مصيبة كبيرة ، لإنك مطالَب بكدا مش أخوها
طب لما زوجتك توصل لمرحلة إن سرها بقى مع حد برا البيت اللوم على مين ؟
شعورك إيه لما زوجتك تقولك إنت لك أصحاب وأنا أفضفض مع مين ؟...(طب ما هي معاها حق) 🤷‍♂

أنا ياإخوة أول مرة في حياتي ألاقي واحد مستجيب بالشكل ده ، فهمت ليه الزوجة بتقوللي زوجي متعصب لك 😂
الراجل معترضش على أي حاجة ، قاللي: (تصدق معاك حق وأنا كل دا كان فايتني ؟)😀

رحتلهم البيت كمان قعدت معاهم حوالي 3 ساعات بعد تواصل لمدة أسبوعين لتقريب وجهات النظر وحاولت أفهمهم يبدأوا الحياة إزاي من تاني
زوجته بتقوللي: (ابننا من يوم ما والده جه قعد معاك مبسوط جدًا بمعاملة أبوه له وقاعد يقوللي بركاتك ياشيخ أهواني 😂)

الحمد لله...ربنا وفقني وقدرت أنقذ بيت مسلم كان على وشك الإنهيار 🤲

شايفين الزوج اللي لو عرف غلط عنده ميكابرش ؟
شايفين الزوجة اللي لما وصلت لطريق مسدود بتدور على أي مَخرج لرجوع البيت تاني مش عاوزه طلاق لأجل الطلاق وخلاص ؟
شايفين الأخ اللي مش عامل زي الحقنة في حياة أخته ولكن بيحاول مع أخته حتى لو هيعوض غياب الزوج المؤقت من غير ما يقعد يحرضها عليه وبيدور عالحلول
(النموذج دا لازم نقف قدامه كتير والله)

#عاوزين_نعيش_مسلمين
#تصحيح_مفاهيم_الزواج

✍️إحنا مشكلتنا الحقيقية مشكلة عقيدة
كتير مننا مش عارفين يعني إيه ربنا..(آه والله زي ما بقوللكوا كدا)
عاوز رزق....بيلجأ لكل حَد إلا ربنا
عاوز عروسة... بيسلك كل طريق إلا طريق ربنا
عليه دَين.....يسأل كل الناس إلا ربنا
⬅️إنت فاهم بتعمل إيه ؟😏
إنت بتسأل الدنيا مَن لا يملكها وتركت مالكها الحقيقي
الدنيا اللي هي أساسًا لا تساوي عنده جناح بعوضة...(كل أمنياتك وطموحاتك أد إيه في الجناح ده ؟)
#افيقوا_يرحمكم_الله

✍️أختنا لا متزوجة ولا مخطوبة ومع ذلك مجرد التفكير إن زوجها (في المستقبل) ممكن يتزوج عليها عامللها حالة حزن كبيرة ، لدرجة إنها بتتمنى تعيش عيشة صعبة مع واحد مش هيعدد على إنها تعيش مرفهة مع مُعدد أو بيفكر فيه
⬅️مشكلة التعدد في مصر مش مشكلة غَيرَة..(أبدًا أبدًا الكلام دا مش صحيح).. دي مشكلة نظرة مجتمع 👀
دايمًا الست بتبص للناس حواليها هيقولوا عنها إيه
الستات زمان لما كان التعدد عادي ومفيش عندهن بُعبع الزوجة الثانية والأفلام والمسلسلات مكنوش دخلوا البيوت كانت الغَيرة فطرة برضو في قلوبهن..ولكنها غَيرَة منضبطة..(غيرة فطرها الله فيهن الذي شرع التعدد)
مكنوش يعترضوا ولا يقولوا مش قادرين ولا يقعدوا يولولوا ويصرخوا ويصيحوا في الموضوع
هي بس مكسوفة من جارتها اللي هتبصلها كدا من تحت لتحت وسلفتها اللي هتحس إنها انتصرت عليها ومجتمع كبير من المطلقات والمختلعات اللي رفضوا الأمر ووقفوا في وش الزوج وانتصروا في زعمهن بـ(ورقة طلاق)
⬅️غالبية النوعيات دي ممكن تلاقي أزواجهم ماشيين في الحرام عادي...(عندهم زميلات في الشغل ، بيتسرمحوا مع نسوان ، كل يوم بتقفشه بيعاكس جارتهم المتزوجة ، الماسنچر لو نطق هيحكي فضايحهم)
ولكن...المجتمع جعل التعدد جريمة وكل الموبقات اللي فاتت دي (واحد مقطع السمكة وديلها وحَبوب)
⬅️الحل دايمًا....إن المسلمة تعيش مسلم بالكتاب والسنة مش مسلمة بفروض المجتمع
تحب اللي يوافق الشرع وتبغض اللي الشرع يبغضه
تأهل قلبها علشان يحب الشرع وبس
👈عادي جدًا تبقى رغبتها إن زوجها يكتفي بها وحدها (دي فطرة مفيش أي مشكلة منها)... ويدعوها دا للإهتمام بنفسها وتلبية رغباته قدر الإمكان
ولكن لو زوجها قرر يتزوج متعملش زي المنافقات وترفض شرع ربنا وتتهم التشريع بإنه تشريع ظالم ولا تطيقه النساء زي ما بنشوف ليل ونهار
⬅️ياأختنا الفاضلة..فكري في اللي عليكي يكفيكي الله ما أهمك ، متخليش الشيطان يُحزِنِك ، انشغلي بربك وقللي المساحة اللي الشيطان واخدها في قلبك هترتاحي وسلمي كل أمورك لله واقفلي على بيتك بعد الزواج
#تصحيح_مفاهيم_الزواج

✍️تمرير كل هذه البلايا ووضعها في إطار كوميدي والناس يضحكوا ويستهينوا بكل هذا...(خطر جدًا)
دي قلة تربية من البيت بدايةً وتسيب وانحلال من الزوج الذي يسمح بتكراره

-بص..إنت ممكن تظبط كل حاجة في زواجك وتقفل كل الثغرات علشان ربنا يباركلك في حياتك
بس مصيبتَك إنك واخد زوجتك وعيشتها في شقة إسكان جايبها من غير ما تسأل 🙄

✍️أعرف عدد لا بأس به من الرجالة اللي متزوجين دون علم زوجاتهم
فيه منهم ناس خلفوا كمان وعيالهم كبروا وزوجاتهم ميعرفوش أي حاجة عن الموضوع
العامل المشترك بينهم جميعًا هو إن زوجاتهم لَم يُسلِمن على الحقيقة
يعني الست دي مكتوب في بطاقتها مُسلمة ولكنها ترفض شرع الله بكل ما أوتيت من قوة...(بمجرد ما تعرف هتخرب الدنيا وتطلب الطلاق)
العجيب في الأمر إن فيه عدد منهم قبل ما يتزوجوا في الحلال ويعفوا نفسهم وقعوا في ممارسات خاطئة ولما الزوجة عرفت هاجت شوية بس هدأت ثورتها بقول بعض الناس لها: (متخربيش بيتك علشان نزوة ، هو هيستقيم تاني)
👈دايمًا بطالب النوعية دي تراجع إسلامها ، تشوف قلبها فيه إيه غير الشرع ، ليه الشيطان استدرجها وبقى هواها على خلاف ما جاء به الدين
⬅️كل زوج بيعمل كدا علشان يعف نفسه في زمن الشبهات والشهوات عاوز أقول له: (ربنا يعينك ، إنت مثال محترم للمسلم صحيح الدين والديانة ، بس لما تختار تاني متختارش علشان قضاء وَطَرَك وبس.. مهم جدًا تختار مسلمة بجد كي لا تُلدَغ مرتين✌)
#تصحيح_مفاهيم_الزواج

✍️ابتعاد الناس عن الشرع هو سبب هَمهم

https://www.facebook.com/share/p/TEZmV6iwgyqDSmLR/

✍️أحد الشباب أسس مشروعه على فكرة جه وقعد يشرحهالي
شوفوا فكرته واتناقشوا معاه وقولولي رأيكم فيها
#أول_تعليق 👇

✍️شاب من الشباب أقنع والده يعدي عليا ويقعد يتكلم معايا في موضوع الزواج علشان الشاب مش قادر يقنعه باللي بنقوله
الأب ما شاء الله رجل فاضل محترم أول ما بدأ يتكلم معايا قاللي: (ابني ياشيخ من يوم ما تابعك وهو قاعد يكلمني في الزواج الشرعي وإنه هيجهز ومش هيكتب قايمه ، أروح للناس أنا أقول لهم إيه ؟...وبعدين ياشيخ ما كل الناس قدامنا بيكتبوا قايمه إيه اللي جرا يعني)
ابتسمت للراجل وبهدوء قلتله: (عندك حق ياحاج ، شباب كتير بيعملوا كدا فعلًا ، أنا نفسي أعرف عدد لا بأس به منهم في السجون ربنا يفرج عنهم ، عارف ياحاج ؟... بيسمعوا عني جوا السجن وبييحوا يقعدوا معايا علشان يظبطوا حياتهم ، مش كله بياخد الفرصة اللي ابنك واخدها دلوقتي وبيتعلم وهو لسه عالبر)
الراجل قعد مذهول كدا وساكت وقاللي: (بس يعني ياشيخ الموضوع مش كبير كدا)
قلتله: (فعلًا مش كبير... مش علشان فيه قدامنا 12 مليون قضية مطروحة أمام المحاكم كلها بسبب واحد نقول الموضوع كبير ، الموضوع بيكبر عند حضرتك بعد كام قضية ؟)🤔
قعد منصت جدًا ليا وهو مبتسم وبيضحك ، وانتهزت الفرصة دي وقلتله: (شوف ياحاج ، ابنك أهوه لسه عالبر ، قدامك تختار له حياته من دلوقتي ، إما تبدأ معاه صح أو تبدأ معاه غلط ، الزواج مش قايمه بس خالص ، دي منظومة كبيرة المخالفات طفحت عليها والبدع قلبت الميثاق الغليظ بتاعها وبقى حبل كبير بيكبل الشاب عن القيام بكل مهامه في الحياة ، عارف ياحاج ؟...إنت لو في يوم اتحرمت من عيال ابنك واتحطيت تحت طائلة المنظومة دي هتقول ياريتني كنت بدأت صح... بس غالبيتكم للأسف بيؤثروا السلامة الموهومة ويبصوا للناس والمجتمع بالرغم من وجود كل اللي بكلمك عنه... اختار ياحاج لابنك مظبوط ومتضيعش الولد)
الراجل قام سلم عليا وأخذ رقم موبايلي وقاللي والله كلامك سليم جدًا
والإبن قاللي: (ياخسارة كام شهر قاعد أقنع فيه ومفيش فايده)😃
#تصحيح_مفاهيم_الزواج

✍️ 21 سنة ومطلقهاش عادي 🙄

✍️لقينا الصفحة دي قبل تجميع الكارهين ، الحمد لله 😂
(ادعموا الصفحات الناشئة اللي زي دي ياشباب ، الناس اللي متعرفناش كل ما بيشوفوا عبطهم بيستجيبوا لدعوتنا والله)

✍️الطفل دا من كتر ما بقعد ألعب معاه وفرحان بيه بقى يجيلي لوحده مع والده ويلعب معايا وهو مش خايف
واحد بيقوللي قدام أبوه مين ده ؟...قلتلهم دا إنتاج مشروعي 🤣 (أبوه يقعد يضحك)🤣🤣🤣
الحكاية إن والد الطفل دا من حوالي 4 سنوات مَر عليا في المطحن ومكنتش شفته من سنين طويلة ، ولما بسأله عن زواجه عمل فيه إيه قاللي: (مش عارف أتزوج خالص ومش لاقي نصيبي)
يومها قعدت أكلمه عن الزواج الشرعي فقاللي: (بقولك مش لاقي بالطريقة العادية تقوللي شرعي)😃
قلتله: (إنت بس اللي مش رافض البدع بقلبك رفض تام ، لو أخلصت مع ربك في رفض كل البدع دي ربك هيرزقك)
ويومها قعدت أتكلم معاه إن الزواج دا رزق وميحملش هَمه خالص ، وإن ربنا قادر على كل شئ بس الموضوع محتاج حسن توكل وإنك تشتغل على نفسك شوية

الأخ مشي من عندي وهو مشحون إيمانيات كدا وخلاص مقتنع إقتناع تام إن طالما الرزق بيد الله يبقى ملوش لزوم أي تنازل
ثاني يوم لقيت واحد حبيبي أوي بيقوللي: (تعرف الشيخ فلان ؟)...[أخ مهندس فاضل عندنا من العاشر]
قلتله: (أيوا أعرفه)
قاللي: (زوجتي شافت بنت له في المسجد على وش زواج وقالتلي عنها ، فيه عندك شاب مناسب للناس دول ؟)
قلتله: (عندي.. عندي واحد لسه كان معايا إمبارح السن بتاعه ينفع سن البنت)...[البنت كان عندها 23 سنة]
👈اتصلت بالأخ فورًا بعدما اتصلت بوالد البنت ورتبت موعد ، ولقيت الشاب دا معدي عليا كدا وفرحان وقاللي: (هروح أقعد معاه وأتكلم بإذن الله)
وكان معاه كيس بقسماط كدا تركه معايا على ما يروح يقعد مع الراجل 😃
بعد شهر بيقولولي في المطحن: (ياشيخ أحمد.. هو كيس البقسماط دا بتاع مين ؟)
قلتلهم: بقسماط ؟😳..وافتكرت صاحبنا اللي راح يقابل الراجل ومسمعتش عنه حاجة من يومها...بتصل عليه لقيته بيقوللي: (ياشيخ أنا خلاص حددت موعد الشبكة أهوه وكنت لسه هتصل أعزمك وأعملهالك مفاجأة... إنت وديتني لراجل رافض يزوج بنته بغير الشرع أصلًا..بقى أشتغل مع ربنا صح 24 ساعة كدا يحصللي دا كله 🤣🤣🤣

👈الحمد لله...الأخ متزوج دلوقتي من 4 سنوات ، ودا ابنه ربنا يحفظه عنده دلوقتي 3 سنوات ، وأنا والرجالة في المطحن استحلينا كيس البقسماط وأكلناه 😂

ياشباااااب....اوعوا تتنازلوا علشان تحصلوا أقدار ربنا ، اللي مكتوب لك في اللوح المحفوظ كدا كدا جايلك متقلقش.. مفيش سبيل للتنازلات عن ذَرَّة في هذا الدين لإرضاء أي حَد
بيوت الناس المحترمين كتير والله بس انتوا تسيبوا معايا البقسماط 🤣
#تصحيح_مفاهيم_الزواج

#التعليق_الثاني 2️⃣
😏

#الرجولة_بتقولَّك_گمل 💪
✍️بمجرد أن تطاوَلَت عليه في الحديث قال لها: (إنتي مشوفتيش تربية..أبوكي معرفش يربيكي)
بكت الزوجة ومن شدة بكائها حَن لها واحتَضَنها فقالت له: (حقيقي ممكن أكون ناقصة تربية لإن والدي اعتمد عليك تكمل تربيتي معاه)🤔🤷‍♀
👈هو ده بالضبط اللي المفروض تعرفه وتستعد له..المرأة مخلوق ضعيف قليل الإستيعاب جدًا جدًا جدًا..مش كل ما تشوف منها شئ تهرع لوالدها وتتهمه بالتقصير في التربية وتفضحها قدام أهلها..(ممكن يكون عمل اللي عليه بس هي اللي مستوعبتش..أو تكون تزوجتها وهي لسه في مراحل التربية)
دورك أيها الـ(رَجل)أن تكمل ما نقص من تربية حماك...بل دورك أيضًا أن تهدم بعض ما قد بناه حماك من صفات قد لا تتوافق مع شخصيتك 💪
#ركز_في_المثال_ده 👇
⬅️المرأة الأنصارية كانت ممكن تراجع زوجها في رأي أو قرار...بل كان الزوج ممكن يستشيرها في أموره وهي لها تتدخل في إبداء الرأي...لكن نساء المهاجرين مكنش لهن الحق ده..(رجالة المهاجرين مبيدخلوش نسائهم في أي شئ)..طبيعتهم كدا 🤷‍♂
شايف عُمَر بن الخطاب بيقول لابن عباس إيه: (كنَّا معشرَ قريشٍ قومًا نغلِبُ النِّساءَ فلمَّا قدِمْنا المدينةَ وجَدْناهم قومًا تغلِبُهم نساؤُهم فطفِق نساؤُنا يتعلَّمْنَ مِن نسائِهم)..[يعني نساء المهاجرين بدأوا يتعلموا من نساء الأنصار]....يقول: (وكان منزلي في بني أميَّةَ بنِ زيدٍ في العوالي قال: فتغضَّبْتُ يومًا على امرأتي فإذا هي تُراجِعُني فأنكَرْتُ أنْ تُراجِعَني فقالت: ما تُنكِرُ أنْ أُراجِعَك فواللهِ إنَّ أزواجَ النَّبيِّﷺ لتُراجِعْنَه، وتهجُرُه إحداهنَّ اليومَ إلى اللَّيلِ قال: فانطلَقْتُ فدخَلْتُ على حفصةَ[راح فورًا لبنته حفصة علشان يشوفها بتعمل كدا مع النبي وللا لأ)🏃 فقُلْتُ: أتُراجِعينَ رسولَ اللهِ ﷺ ؟ قالت: نَعم وتهجُرُه إحدانا اليومَ إلى اللَّيلِ😱 قال: قد قُلْتُ: قد خاب مَن فعَل ذلك منكنَّ وخسِر، أفتأمَنُ إحداكنَّ أنْ يغضَبَ اللهُ عليها لغضبِ رسولِه ﷺ فإذا هي قد هلَكتْ لا تُراجِعي رسولَ اللهِ ﷺ ولا تسأَليه شيئًا وسَليني ما بدا لكِ
#لاحظت_حاجة ؟!🤔
عُمَر عرف موضوع بنته من زوجته مش من النبي ﷺ ..والنبي اللي هو الزوج تولى أمر إصلاح زوجته بنفسه دون تدخل والدها..(حتى لو كان هو النبي إلا إنه بيعلم الأمة)
👈طيب شوف سيدنا علي بن أبي طالب لما حَدَثَت مشكلة بينه وبين زوجته فاطمة بنت النبي والنبي راح بيته يسأل عليه فاطمة قالت للنبي إيه! قالَتْ: كانَ بَيْنِي وبيْنَهُ شيءٌ، فَغَاضَبَنِي، فَخَرَجَ، فَلَمْ يَقِلْ عِندِي (ترك البيت ولم يَقِل يعني ينام القيلولة)فَقالَ رَسولُ اللَّهِ ﷺ لِإِنْسَانٍ: انْظُرْ أيْنَ هُوَ؟ فَجَاءَ فَقالَ: يا رَسولَ اللَّهِ، هو في المَسْجِدِ رَاقِدٌ، فَجَاءَ رَسولُ اللَّهِ ﷺ وهو مُضْطَجِعٌ، قدْ سَقَطَ رِدَاؤُهُ عن شِقِّهِ، وأَصَابَهُ تُرَابٌ، فَجَعَلَ رَسولُ اللَّهِ ﷺ يَمْسَحُهُ عنْه، ويقولُ: قُمْ أبَا تُرَابٍ، قُمْ أبَا تُرَابٍ.
الشاهد إنه عالج المشكلة بنفسه..لم يذهب لأبيها..بيصلح بيته بنفسه.(بالرغم من إعتقادنا إن تربية النبي ﷺ مفيش أحسن منها إلا إن المرأة برضه أكيد هيحصل منها شئ بعد تركها لبيت والدها)
#دورك_مهم
#كيف_تتعايش_مع_العفريت (17)

✍️الرسالة دي جميلة جدًا ورائعة ، والأخت جزاها الله خيرًا بتتكلم فيها بكلام منطقي جدًا ومنضبط
بس لازم أختنا تعي بعض الأشياء
👈موضوع إن الشباب متوجس بزيادة (دا صحيح وموجود وواقع منقدرش ننكره) والواقع دا له شواهد ومبررات مسوغة من كل اللي بيحصل
لو أخواتنا يلاحظوا أنا بخفف من التوجس الموجود دا إزاي هيفهموا الموضوع
(حاربت دعوات ترك الزواج _ حاربت دعوات الريدبيل اللي نسيوا إن عندنا دين فيه كل شئ _ بدأت أفند كل الأمور المخيفة وأدور لها على حلول)
الأخوات اللي بيتزوجوا شرعي مش واخدين بالهم من شئ...مش واخدين بالهم إنهم استعانوا بالله فصرف الله عنهن كل شر
وكذلك كل شاب بيتزوج بنفس الطريقة..(انتوا عاوزين تستعينوا بالله وتعتمدوا عليه وتتدبسوا ؟)
👈الأخت اللي لقت شاب راح ومشي من غير أسباب تركز معايا
1/ ممكن يكون دا نتيجة الإستخارة (اللهم إن كنت تعلم أن زواجي من عتريس شر لي في ديني ومعاشي ... فاصرفه عني) فعتريس مشي لوحده 🚶
2/ ممكن يكون عتربس اكتشف شئ ومرضيش يخدش حياءك أو يجرحك فاتصل بكل احترام وقال لوالدك (كل شئ قسمة ونصيب ياعمي)
⬅️متزعليش..انتظري رزق ربنا ليكي ومتستعحليش
👈عاوزك تشوفي النسبة اللي لما اتوفقت حياتها بقت سعيدة جدًا ومرتاحين ولو نصيبك انتي والبعض لسه مجاش متستعجلوش
أنا كل يوم الشباب بقوا يعزموني عالعقائق مش الولائم😃
#تصحيح_مفاهيم_الزواج

✍️ استثمريها كي لا تأكلها الزكاة 💰

✍️فيه حاجة لازم أكلمكوا فيها ياشباب وتخلوا بالكوا وتركزوا جدًا مع اللي هقوله

بيجيلي مشكلات كتير لشباب بيتدبسوا في بنات يسيبوهم بعد أول حَمل..(حتى لو الحمل استمر أكتر من سنة) بتنتظر الحَمل وتمشي

فيه نوعيات تانيه بيمشوا بعد الزواج مباشرة ، إفتعال أي مشكلة وبعدين يمشوا

التدخل للحل بيتقفل تمامًا بمجرد المشي من البيت والشباب بيتفاجئوا بالمُحضَر بيخبط على بابهم من غير تفاهم ومفيش قدامه غير إنه يسايرهم في القضايا

#ركزوا_معايا 😳

فيه نوعية من البنات بترسم حياتها ومستقبلها على 10 سنوات هتبدأها من سن الـ20 : سن الـ30
الفترة دي ممكن تتزوج فيها 3 أو 4 مرات وبيتم الخُلع ببساطة والبنت تاخد القايمه وتحط مبلغها في البنك (دي اللي بتلجأ للحل السريع)

واحدة تانيه ممكن تشتغلك شوية لو قلبك ضعيف وتقلبك في اللي أكتر من ده وتساومك عالعيل وتسيبهولك عادي قصاد شوية تنازلات .. (بيشتغلوا عالنفقات شوية والمتجمد هيعوض بعض أتعاب المحامي)

القايمه اللي بـ½ مليون أو 1 مليون لما هتتكرر 3 أو 4 مرات... (بل أحيانًا تصل 6 و 7 مرات) هيكون مبلغ كويس لتأمين مستقبل الست طوال حياتها وهتعمل بيها مشروع
فيه نساء دلوقتي عملوا اللعبة دي مرة واحدة وفتحوا مشروع ، واحدة عملت عربية قهوة واكتفت بكده من باب إن القناعة كنز لا يفنى 🤗

👈صدمة الشباب ياجماعة بتكون كبيرة جدًا لما بيلاقوني مش مستغرب اللي بيحصل ، أنا بكون حزين جدًا وأنا بحكيلهم السيناريو وهما قاعدين يلعنوا في المشايخ اللي أفتوهم بالقايمه أساسًا ومحدش منهم عارف يحل اللغز ولا يطلعهم من الحفرة اللي وقعوا فيها

⬅️الشيخ مش جهة تنفيذية علشان يفتيك بشئ في بداية زواجك ويسيبك مع نفس الشئ علشان بيكون مش عارف أبعاده
حوار التلصيم والمسايرة اللي بيحصل من البعض لما يتزنق (هنعمل قايمه موافقة للشرع) دا حوار ناس مساطيل لإن القضاء ببساطة إتجاهات واللي القاضي بتاع دايرتك ممكن يقتنع بيه القاضي بتاع نفس الدايره اللي هيبدل معاه ممكن لعبتك متدخلش دماغه ببَصَلة

#ربنا_يسترها_عليكوا
#تصحيح_مفاهيم_الزواج

✍️الأخ دا جايلي من المنيا بيحكيلي عن إتفاق أخوه اللي لسه متخرج جديد
أخوه هيحيب 👇
120 جرام ذهب
125.000 كِسوة (الناس بيكسوا الكعبة هناك تقريبًا)😃
4 غُرَف

👈كل دا هيتكتب في القايمه بعد ما ييجي
⬅️الأخ لما شاف أخوه اللي لسه متخرج بيتفق مع الناس على كدا جالي جري وحس إن فيه حاجات غلط بتحصل 🤣
#الصفقة 💰

🐍

-ليه مشيتي من بيتك غضبانة بالرغم إن ربنا نَسَب البيت دا ليكي؟

=إنت كنت عاوزني أقعدله في البيت كمان ؟

-بس انتي رجعتي تاني لنفس البيت وانتي زعلانة برضو غصب عنه

=ما هو المحكمة نسبت ليا البيت بالتمكين😏

⬅️ما تخفيه الناشز من نفاق في قلبها تظهره لك المحكمة ، فلن تجد ناشزًا تُعظم حكم الله فوق أحكام القضاء أبدًا
#ما_لكم_كيف_تحكمون ؟🤔

=اخرج بيها وفسحها واعمل اللي إنت عاوزه ، ولو زوجتك محتاجه تروح تغير جو عند أهلها مفيش مشكلة تأذن لها بكده ، لكن لو لقيت في خروجها خطر عليها أو إيذاء وفتنة ليها اخرج معاها متسيبهاش لوحدها

-طب واللي كل يوم في الشارع على أي حاجة دي ياشيخ حكمها إيه ؟

=دي خالفت كل الأصول اللي فاتت يامصطفى ، وملهاش حجة عند ربها لو سألها عن ترك البيت باستمرار لغير حاجة في ظل مجتمع ملئ بكل ما تراه ، اللي بتشوفه من خروج امرأة لسنوات علشان تدرس علوم مش هتنفعها لأجل تحصيل شهادة واختلاطها ليس من الشرع في شئ يامصطفى ، والواجب على كل ولي أمر يتق الله فيمن هو تحت ولايته ، قال تعالى: (یَـٰۤأَیُّهَا ٱلَّذِینَ ءَامَنُوا۟ قُوۤا۟ أَنفُسَكُمۡ وَأَهۡلِیكُمۡ نَارࣰا وَقُودُهَا ٱلنَّاسُ وَٱلۡحِجَارَة)
وقال النبي ﷺ: (كُلُّكُمْ رَاعٍ ومَسْؤُولٌ عن رَعِيَّتِهِ ، فَالإِمَامُ رَاعٍ وهو مَسْؤُولٌ عن رَعِيَّتِهِ ، والرَّجُلُ في أهْلِهِ رَاعٍ وهو مَسْؤُولٌ عن رَعِيَّتِهِ)

-والله عندك حق يامولانا فعلًا الموضوع زاد عن الحد جدًا ، دا إحنا اللي بقينا نمشي على حافات الطريق منهم 🤣
شكرًا جدًا ياشيخ
#اللهم_احفظ_نسائنا 🤲
#اللهم_ارزقهن_العفاف 💓

=دا كمان فيه خروج مُستَحَب يامصطفى ، زي صلاة العيد ، شايف أُمِّ عَطِيَّةَ رَضِيَ اللَّهُ عَنْها بتقول إيه : (أَمَرَنَا رَسُولُ اللَّهِ ﷺ أَنْ نُخْرِجَهُنَّ فِي الْفِطْرِ وَالأَضْحَى الْعَوَاتِقَ [وَهِيَ مَنْ بَلَغَتْ الْحُلُم أَوْ قَارَبَتْ , أَوْ اِسْتَحَقَّتْ التَّزْوِيج] وَالْحُيَّضَ [اللي عندها الحيض] وَذَوَاتِ الْخُدُورِ [الأبكار] ، فَأَمَّا الْحُيَّضُ فَيَعْتَزِلْنَ الصَّلاةَ وَيَشْهَدْنَ الْخَيْرَ وَدَعْوَةَ الْمُسْلِمِينَ . قُلْتُ : يَا رَسُولَ اللَّهِ ، إِحْدَانَا لا يَكُونُ لَهَا جِلْبَابٌ . قَالَ : لِتُلْبِسْهَا أُخْتُهَا مِنْ جِلْبَابِهَا )
شايف التواصي بالخروج رايح فين ؟ (لِتُلْبِسْهَا أُخْتُهَا مِنْ جِلْبَابِهَا)

-طيب ياشيخ ما هو الخروج عادي أهوه برضو 😀

=الخروج لو عادي يامصطفى مكنش جه فيه نصوص تحددلك أمور معينة وتشرحه بالتفصيلات دي

-مش فاهم 😏

=يعني الخروج لو عادي ليه النبي ﷺ هينهى الرجال عن منع النساء من (الخروج للمسجد) وهيحث النساء على الخروج لصلاة العيد طالما كدا كدا بيخرجوا ؟..فكرت في دي؟

-اممم . فعلًا ، هو لو عادي مكنش قعد يشرح ويوضح أماكن وأزمنة وحالات معينة للخروج

=دا حتى لما تخرج مأمورة تمشي على حواف الطريق متمشيش في وسط الطريق ، إنت سمعت النبي ﷺ لما وجد الرجال اختلطوا بالنساء في الخروج من المسجد قال للنساء إيه ؟

-قال إيه ؟

=قالَ ﷺ للنِّساءِ: (استأخِرنَ فإنَّهُ ليسَ لَكنَّ أن تَحقُقنَ الطَّريقَ [يعني مينفعش تمشوا في وسط الطريق] عليكنَّ بحافَّاتِ الطَّريقِ فَكانتِ المرأةُ تلصَقُ بالجدارِ حتَّى إنَّ ثوبَها ليَعلَقُ بالجدارِ)
يعني ملابسها تتعلق بالجدار

-يعني حتى وهما في الصلاة المسموح بيها كان فيه ضوابط ؟

=دا مش كدا وبس ، دا الشريعة اللي رغبت في خروجهن للصلاة هي نفسها اللي حَدَّت من الخروج ده وبينت إن الخير في خلافه

-إزاي الخير في خلافه يعني ؟🙄

=أُمِّ حُميدٍ امرأةِ أبي حُميدٍ السَّاعديّ جاءتِ للنَّبيَّ ﷺ : فقالت: يا رسولَ اللهِ إنِّي أُحِبُّ الصَّلاةَ معك قال: ( قد علِمْتُ أنَّك تُحِبِّينَ الصَّلاةَ معي وصلاتُك في بيتِك [حجرة المعيشة] خيرٌ مِن صلاتِك في حجرتِك [الصالة] وصلاتُك في حجرتِك خيرٌ مِن صلاتِك في دارِك [فناء البيت مما يدخل في حدود مساحته في الخارج] وصلاتُك في دارِك خيرٌ مِن صلاتِك في مسجدِ قومِك وصلاتُك في مسجدِ قومِك خيرٌ مِن صلاتِك في مسجدي) قال: فأمَرَت فبُني لها مسجدٌ في أقصى شيءٍ مِن بيتِها وأظلَمِه وكانت تُصلِّي فيه حتَّى لقيَتِ اللهَ جلَّ وعلا
واخد بالك يادرش..يعني صلاتها في غرفة معيشتها أفضل 4 مرات من صلاتها خلف النبي ﷺ في مسجده

-يااااه ، للدرجادي ؟

=دا أم المؤمنين عائشة رضي الله عنها تقول بعد موت النبي ﷺ بسنوات قليلة: (لَوْ أنَّ رَسولَ اللهِ ﷺ وسلَّمَ رَأَى ما أحْدَثَ النِّساءُ لَمَنَعَهُنَّ المَسْجِدَ)...فين إحنا دلوقتي من فقه عائشة رضي الله عنها اللي هي أعلم مننا بالشريعة علشان نخالف لأي سبب..وفين نسائنا من نساء هذا الجيل؟
واخد بالك من فَهم الخروج للصلاة المأذون فيه كمان عندهم كان واصل فين؟

-بس يعني إيه اللي يضر امرأة تخرج ياشيخ بكامل حجابها الشرعي ؟..إيه المشكلة يعني ؟

=يقول النبي ﷺ: (المرأةُ عورةٌ فإذا خرجتْ اسْتَشْرَفَها الشيطانُ وأقربُ ما تكونُ مِن وَجْهِ ربِّها وهي في قَعْرِ بيتها)...شايف النبي ﷺ بيقول إيه؟
الشيطان بيعمل كدا مع المرأة حال خروجها لكونها عورة و"استشرَفَها الشَّيطانُ"، أي: تَطلَّعَ إليها الشَّيطانُ، فزيَّنَها للنَّاسِ، ورفَعَ البصرَ إليها، ووكَلَ النَّظرَ عليها؛ ليَغْوِيَها أو يغوِيَ بها غيرَها، فيُوقِع أحدَهما، أو كليْهما في الفتنةِ...وهو ده أكبر مفتاح شر تم فتحه على الأمة يامصطفى ، الناس اللي معتقدين إن الحجاب الشرعي مُبيح للخروج مش فاهمين إن فيه مشكلة في الخروج نفسه

-يعني خروج المرأة من بيتها أصلًا حرام ؟

=لأ مش حرام يامصطفى ، النبي ﷺ قال: (إنَّه قدْ أُذِنَ لَكُنَّ أنْ تَخْرُجْنَ لِحَاجَتِكُنَّ)

-يعني لازم الخروج يكون لحاجة أو لضرورة ؟

=الخروج في الأصل مباح بضوابط شرعية حتى في العبادات المشروعة ، ممكن المرأة تخرج لقضاء حاجياتها أو تخرج للتَنَزُه أو للصلوات ، ولكن ينبغي عليها ترك الخروج إذا وُجِدَ ما يُفسِده

-ما يُفسِده زي إيه ياشيخنا ؟

=زي المشهد اللي بنشوفه في صلاة العيد يادرش مثلًا ، والمشاهد اللي بنشوفها في المواصلات ، والمشاهد اللي بتتعرض ليها الأخوات في الشوارع

-بس صلاة العيد دي الخروج فيها مستحب زي ما كنت بتقوللي ؟

=صحيح ، ولكن لو المستحب هيجر علينا حرام يبقى مفيش مستحب يامصطفى
قال ابن مسعود رضي الله عنه: (ما تعبّدت الله امرأة بمثل تقوى الله وجلوسها في بيتها)
يعني غاية عبادة المسلمة بعد تقوى الله هي جلوسها وقرارها في بيتها

-يعني مش ممكن لما أتزوج أخرج بزوجتي ياشيخ ؟

#وَقَرۡنَ_فِی_بُیُوتِكُنَّ 🧕🏡
✍️مع تغير الزمان وأوضاع الناس ضاعت الكثير من ثوابت وأصول الشرع وسط ركام من الضلالات والبدع ، كان من بينها ضياع أحكام خروج المرأة المسلمة من بيتها ، فصرنا نرى ما نراه في شوارعنا ليل نهار ولا حول ولا قوة إلا بالله ، ولتأصيل هذا الأمر كان لا بد لنا من هذا الحوار 👇

-السلام عليكم ورحمة الله وبركاته ، إزيك ياشيخ أحمد ، كنت عاوز اسألك في حاجة كدا عملالي قلق شوية

=وعليكم السلام ورحمة الله وبركاته ، الله يسلمك يامصطفى ، اتفضل ياحبيبي تحت أمرك

-كل ما بقرأ لحضرتك ياشيخ وأشوف تشديدك في خروج النساء من البيوت وأقارن ده بالمجتمع المحيط والفتاوى المنتشرة أتلخبط ، مش عارف فين الصح وفين الغلط ، وليه المرأة ممنوع تخرج من بيتها ياشيخ ؟..ليه متقدرش تخرج مشوار مهم مثلًا أو تعمل أي مصلحة ؟

=مين قال إن المرأة مينفعش تخرج يامصطفى ؟..أنا قلت كدا ؟

-مش بالضبط يعني ، بس اللي بنفهمه من كلامك يعني لو طبقناه مش هنخرجهم خالص

=شوف يامصطفى ، أي حاجة لما تلاقي فيها خلاف لازم ترجع وتشوف الشرع بيقول فيها إيه ، الأصل للمرأة هو [القرار] في بيتها كما أمرها الله تعالى وقال: (وَقَرۡنَ فِی بُیُوتِكُنَّ وَلَا تَبَرَّجۡنَ تَبَرُّجَ ٱلۡجَـٰهِلِیَّةِ ٱلۡأُولَىٰۖ) [سُورَةُ الأَحۡزَابِ: ٣٣]
يعني الله تعالى أمرهن بالقرار في البيوت

-ولكن ياشيخ دا كان لأمهات المؤمنين مش لكل النساء ، أنا كدا فاهم الآية صح ؟

=لأ مش صح يامصطفى ، وعلشان علماء الإسلام كانوا عارفين إن هييجي ناس يفصلوا خطاب أمهات المؤمنين عن خطاب المؤمنات من أتباع الدين [من غير تخصيص] لتضييع الشرع لقينا واحد زي الإمام ابن كثير رحمه الله بيقول في الآية: (هَذِهِ آدَابٌ أَمَرَ اللَّهُ تَعَالَى بِهَا نِسَاءَ النَّبِيِّ ﷺ ، وَنِسَاءُ الْأُمَّةِ تَبَعٌ لَهُنَّ فِي ذَلِكَ)

-طب والتخصيص دا في إيه ياشيخ مثلًا ؟

=في الآية اللي بعدها مثلًا: (وَٱذۡكُرۡنَ مَا یُتۡلَىٰ فِی بُیُوتِكُنَّ مِنۡ ءَایَـٰتِ ٱللَّهِ وَٱلۡحِكۡمَةِۚ إِنَّ ٱللَّهَ كَانَ لَطِیفًا خَبِیرًا }[سُورَةُ الأَحۡزَابِ: ٣٤]
مش كل مسلمة مأمورة تنقل الشرع اللي في بيتها زي أمهات المؤمنين اللي كُن مأمورات بنقل الكتاب والسنة للأمة بعد موت النبي ﷺ علشان معاهم النبي
وعلشان كدا نلاقي واحد زي الإمام القرطبي (رحمه الله) في الجامع لأحكام القرآن يقول في آية [القرار]: (معنى هذه الآيةِ الأمرُ بلزومِ البيتِ، والخِطابُ وإن كان لنِساءِ النَّبيِّ ﷺ فقد دخَل غيرُهنَّ فيه بالمعنى ، هذا لو لم يَرِدْ دليلٌ يخصُّ جميعَ النِّساءِ، كيف والشَّريعةُ طافحةٌ بلزومِ النساءِ بيوتَهنَّ، والانكفافِ عن الخروجِ منها إلا لحاجةٍ)

-دا بيقول الشريعة طافحة بلزوم النساء بيوتهن ياشيخ 🙄

=طبعًا يامصطفى ، شوف الواقعة دي 👇
كان النبي ﷺ في بيت أم المؤمنين عائشة (رضي الله عنها) ، وفي هذه الليلة خَرَجَتْ سَوْدَةُ بَعْدَما ضُرِبَ الحِجَابُ لِحَاجَتِهَا [يعني أم المؤمنين سَودَة خرجت لقضاء الحاجة في الصحراء لإن العرب زمان مكنش في بيوتهم حمامات ، لما حد بيقضي حاجته كان بيطلع الصحراء ، والنساء بالذات كُنَّ يخرجن ليلًا كي لا يراهم الرجال ، والكلام دا كان بعد فرض الحجاب بالكامل]
وكَانَتِ سَودَة امْرَأَةً جَسِيمَةً لا تَخْفَى علَى مَن يَعْرِفُهَا ، فَرَآهَا عُمَرُ بنُ الخَطَّابِ فَقالَ: يا سَوْدَةُ، أما واللَّهِ ما تَخْفَيْنَ عَلَيْنَا، فَانْظُرِي كيفَ تَخْرُجِينَ [يعني عُمَر شافها وعرفها وهي منتقبة ومش باين منها حاجة بسبب إنها سمينة]
فَانْكَفَأَتْ رَاجِعَةً [يعني رجعت من غير قضاء الحاجة وراحت تشتكي للنبي ﷺ من اللي حصل من عُمَر رضي الله عنه]
تقول عائشة اللي شافت الواقعة علشان سَودَة راحت بيتها: (ورَسولُ الله ﷺ في بَيْتِي، وإنَّه لَيَتَعَشَّى وفي يَدِهِ عَرْقٌ [قطعة عَظم عليها بعض اللحم] ، فَدَخَلَتْ فَقالَتْ: يا رَسولَ اللَّهِ، إنِّي خَرَجْتُ لِبَعْضِ حَاجَتِي، فَقالَ لي عُمَرُ كَذَا وكَذَا، قالَتْ: فأوْحَى اللَّهُ إلَيْهِ ثُمَّ رُفِعَ عنْه، وإنَّ العَرْقَ في يَدِهِ ما وضَعَهُ، فَقالَ: إنَّه قدْ أُذِنَ لَكُنَّ أنْ تَخْرُجْنَ لِحَاجَتِكُنَّ)
[يعني الوحي نزل على النبي ﷺ بإن ربنا أذن للنساء الخروج لقضاء الحاجة]

-ياشيخ ، هو الموضوع للدرجادي كان محتاج وحي ؟🙄

=يامصطفى ، الشريعة شددت جدًا في خروج النساء مش زي ما بنشوف كدا
سَودَة نفسها مقدرتش ترد على عُمر اللي بينكر عليها الخروج والناس يعرفوها ، والنبي ﷺ نفسه منتظر الوحي في قضية زي دي

-ولكن ياشيخ النساء مباح لهن الخروج في نصوص تانيه كتير ، أنا سمعت إن النبي ﷺ قال: (لا تمنعوا إماءَ اللهِ مساجدَ اللهِ ، وبيوتهنَّ خيرٌ لهنَّ)
يعني الخروج مباح أهوه

🤣🤣🤣

✍️دا أخ طيب من يوم ما تابعنا وهو كل ما يقابل حد بيتزوج يلحقه ويكلمه عن الزواج الشرعي
لما عرف وقرأ إن أي حد ممكن يلحق نفسه في أي مرحلة بقى يتكلم في ده مع الشباب عادي
مفيش حاجة اسمها (أصل أنا خلاص اتفقت واللي كان كان ، فيه حاجة اسمها لما بعرف الشرع بتبعه على الفور مبتأخرش)
#طب_بتتعمل_إزاي ؟ شوفوا ياشباب المثال ده👇
شاب من المنصورة قاللي إن والده اتفق مع الناس خلاص ومش هينفع نغير حاجة
قلتله: (إنت هتقدر تجهز شقتك وتدفع مهر ؟)
قاللي: ( أقدر)
قلتله: (أهل البنت اشتروا حاجة ؟)
قاللي: (اشتروا المطبخ)
قلتله: (تقدر تشتريه منهم ؟)
قاللي: (عادي)
قلتله: (روح لهم البيت وقول لهم فيه واحد عاوز يكلمكم)
وبالفعل...الأخ راح وقال لهم كدا والناس رحبوا جدًا بالمكالمة
في بداية المكالمة وأنا بكلمهم قالولي: (للأسف ياشيخ هو والده اتفق معانا خلاص على كل حاجة)
قلتلهم: (لو حضرتك قبل ما تموت وصلك شئ من الشرع..تتبعه وللا تكبر دماغك ؟)
قالولي: (نتبعه طبعًا)
قلتلهم: (طب لو كبرتوا دماغكوا ؟)
قالولي: (نبقى ماشيين غلط)
قلتلهم: (الشاب دا لما كلمني وسألني عن الشرع في الزواج قلتله أهل البنت مش ملزمين يجهزوك وإنت والدك ألزمهم بكدا ، فقاللي أنا عاوز الشرع حتى لو هيكلفني ، هو لو معملش كدا يبقى مش هيتقي ربنا في بنتكم وتقلقوا عليها ، انتوا اشتريتوا حاجة ؟)
قالولي: (اشترينا مطبخ)
قلت للشاب: (اشتري منهم المطبخ وجهز شقتك كلها بنفسك وادفع مهر وحدده للناس من دلوقتي ، بناتنا مش بايرين عندنا علشان يطلعوا بمهر ناخده باليمين وندفع في بيوتهم أضعافه بالشمال ونطلعهم بإيصال أمانة كمان)
الناس قعدوا يضحكوا والشاب مكنش مصدق السهولة اللي الموضوع خلص بيها
👈ياناااااااس...(ومن يتق الله يجعل له مخرجًا)
#تصحيح_مفاهيم_الزواج

✍️ شوفوا ياشباب 😳

الست متحبش الراجل المتردد ، اللي بشوفه من كتير من الشباب في الموضوع ده يقلق بجد

الشاب يفضل يكلمني أسبوع كامل عن حاجة واحدة (هقول إيه لأهلها وهدرسها إزاي)🤷‍♂

-قرأت السلاسل ؟
=أيوا ياشيخ

-سمعت وقرأت التجارب ؟
=أيوا ياشيخ

-خايف من إيه ؟
=خايف تخفي عليا حاجة واتدبس

👈مش فاهمكوا بصراحة .. انتوا بتصلوا عالنبي ﷺ ليه ؟
👈بتستعينوا بالله وقاعدين تقيموا الليل وتدعوا ربنا في ثلت الليل الأخير ليه ؟

انتوا ياشباب بتتعاملوا مع ربنا إزاي بجد ؟

✍️لما بطالع سير الصحابة والتابعين (عُمَر وخالد والقعقاع) وغيرهم وألاقي إن الناس دول تصدوا لفارس والروم بالسلاح ومحدش قدر يرفع راسه في وجه الدين في زمانهم ، وأشوف زماننا اللي فيه بعض الدعاة بيسيبوا مناهجهم علشان هجمة من واحدة نسـ.ـوية أو واحد منسـ.ـون التصدي لها محتاج شوية كلمات عالكيبورد وشغل عالأرض بقول (تبًا لعجزكم)
هتقابلوا الصحابة دول تقولولهم إيه ؟😏

✍️حدثونا في بداية طلبنا للعلم عن هذا الصنف (أبا شِبر)
حمل شِبرًا بسيطًا من العلم فانتَفَشَ وظن نفسه شيئًا

اليوم نحن أمام نفس الصنف ولكن بشكل جديد

المدعو أحمد صابر لم يكتفِ بكونه من هذا الصنف ، بل بدأ يخرج ليتهم غيره بما فيه (ولا حول ولا قوة إلا بالله)

منشورات ولايڤات يُحدثنا فيها عن مشايخه ، بل بدأ يتعرض لشخصي ، نعم والله لشخصي !

وبالرغم أني ما ادعيت يومًا لنفسي شيئًا ، بل كلما ازددت في العلم أيقنت گم نحن مساكين
(فكُلما تعلمنا كان ذلك مدعاة لافتقارنا لله لا للكِبر)😥

في لايڤ واحد يخرج ليتحدث عن جهـ.ـلي (جهـ.ـلي أنا أحمد الأهواني) ويتفاخر بمشايخه ويُسَمي أحدَهم

يقول أني أَسُـ.ـب فلانًا وأقول عنه فقيه النسـ.ـوان...(كـ.ـذبًا وزورًا وبهتانًا بلا بينة كعادته)

يتم تفريغ اللايڤ بالكامل فيخرج شباب هذه الصفحة المحترمة (صفحة أمير البطيخ ) المَعنية بمناقشة هؤلاء الذين يعيشون في مياه البطيخ بعيدًا عن العلم الشريف ، يخرجون منه بعشراااااات الأخطاء ما بين أخطاء في اللغة وغيرها في القرآن ناهيك عن الطـ.ـعن والـ.ـزور والبـ.ـهتان والتجني علينا

ثُم ماذا ؟😏

أين مشايخه الذين أهلوه للكلام في دين الله ؟
أين هؤلاء الذين يتعلمون منه وماذا يعلمهم ؟

الإخوة قالوا لي: (إحنا ممكن نعمل كورس تعليم اللغة من أخطـ.ـاء صابر)
ودي فكرة شغالين عليها دلوقتي لإنها هتكون نافعة جدًا للشباب حتى يتأهلوا جيدًا لهذا العلم..(تسمع بنفسك الخطـ.ـأ ثم يشرحون لك تعديله بقاعدته)

وفي نشوة تجميع الشباب لكل هذا من خلال حلقاته في قناة التليجرام التي يضحك فيها على الناس ويُفتيهم اكتشفوا الصدمة الكبرى 😳

وأنا والله لا زلت حريصًا عليه...اغلق صفحتك وتب إلى الله من كل هذا قبل أن تَشهَد الأمة بأسرها على الفضـ.ـيحة الدينية التي لا تُغتَفَر والتي سأذكرها غدًا بإذن الله
تفرغ لطلب العلم فأنت لست أهلًا لشرح ما تشرح ودعك من المكابَرة ، وَلِمَ المكابَرة وإمام أهل السُنة ظل مع المحبرة إلى المقبرة ياصابر !

#انتظرونا_غدًا_بإذن_الله
#الرسالة_الثانية_لأحمد_صابر 2️⃣

(البيان الثاني) 👇

✍️حدثونا في بداية طلبنا للعلم عن هذا الصنف (أبا شِبر)
حمل شِبرًا بسيطًا من العلم فانتَفَشَ وظن نفسه شيئًا

اليوم نحن أمام نفس الصنف ولكن بشكل جديد

المدعو أحمد صابر لم يكتفِ بكونه من هذا الصنف ، بل بدأ يخرج ليتهم غيره بما فيه (ولا حول ولا قوة إلا بالله)

منشورات ولايڤات يُحدثنا فيها عن مشايخه ، بل بدأ يتعرض لشخصي ، نعم والله لشخصي !

وبالرغم أني ما ادعيت يومًا لنفسي شيئًا ، بل كلما ازددت في العلم أيقنت گم نحن مساكين
(فكُلما تعلمنا كان ذلك مدعاة لافتقارنا لله لا للكِبر)😥

في لايڤ واحد يخرج ليتحدث عن جهـ.ـلي (جهـ.ـلي أنا أحمد الأهواني) ويتفاخر بمشايخه ويُسَمي أحدَهم

يقول أني أَسُـ.ـب فلانًا وأقول عنه فقيه النسـ.ـوان...(كـ.ـذبًا وزورًا وبهتانًا بلا بينة كعادته)

يتم تفريغ اللايڤ بالكامل فيخرج شباب هذه الصفحة المحترمة (صفحة أمير البطيخ ) المَعنية بمناقشة هؤلاء الذين يعيشون في مياه البطيخ بعيدًا عن العلم الشريف ، يخرجون منه بعشراااااات الأخطاء ما بين أخطاء في اللغة وغيرها في القرآن ناهيك عن الطـ.ـعن والـ.ـزور والبـ.ـهتان والتجني علينا

ثُم ماذا ؟😏

أين مشايخه الذين أهلوه للكلام في دين الله ؟
أين هؤلاء الذين يتعلمون منه وماذا يعلمهم ؟

الإخوة قالوا لي: (إحنا ممكن نعمل كورس تعليم اللغة من أخطـ.ـاء صابر)
ودي فكرة شغالين عليها دلوقتي لإنها هتكون نافعة جدًا للشباب حتى يتأهلوا جيدًا لهذا العلم..(تسمع بنفسك الخطـ.ـأ ثم يشرحون لك تعديله بقاعدته)

وفي نشوة تجميع الشباب لكل هذا من خلال حلقاته في قناة التليجرام التي يضحك فيها على الناس ويُفتيهم اكتشفوا الصدمة الكبرى 😳

وأنا والله لا زلت حريصًا عليه...اغلق صفحتك وتب إلى الله من كل هذا قبل أن تَشهَد الأمة بأسرها على الفضـ.ـيحة الدينية التي لا تُغتَفَر والتي سأذكرها غدًا بإذن الله
تفرغ لطلب العلم فأنت لست أهلًا لشرح ما تشرح ودعك من المكابَرة ، وَلِمَ المكابَرة وإمام أهل السُنة ظل مع المحبرة إلى المقبرة ياصابر !

#انتظرونا_غدًا_بإذن_الله
#الرسالة_الثانية_لأحمد_صابر 2️⃣

✍️كتير من الشباب لما بينتكسوا بتسألهم عن سبب إنتكاستهم فيقولك: (لقيت الشيخ فلان بيعمل كذا وكذا)
بالرغم إن دا غلط وإن الأشخاص مش مقياس لصحة الدين إلا إن دي حاجة لازم كلما ننتبه لها كويس جدًا

أحمد صابر دا ياجماعة واحد صدر نفسه في الدعوة (مش عارف إزاي) وبدأ يعمل شللية مع بعض الناس ويتكلموا في بعض الأمور الكبيرة في الدين ، ولكنه وللأسف اصطدم بيا من ضمن المحطات اللي هو شغال عليها
(أيوا.... اصطدم وهو ماشي كدا بالكلام عني)

بدأ صابر يتكلم عني بكلام عجيب جدًا ويروج دا عالفيس بكل جُرأة لعله يجد مني خُذلان أو تكون على راسي بطحة أو عندي سبوبة خايف عليها فاتفاجئ بهدوئي المعهود والتركيز في دعوتي رغم المشغبات
مش كدا وبس...دا أنا عملت مع صابر حاجة خطيرة جدًا
طلبت منه أتناقش معاه علشان أفهم دماغه (زي ما بعمل في قعدات الصُلح كدا) وبعد يومين ثلاثة كنت فهمت الشخصية اللي قدامي بالكامل لإن مشكلته الكبيرة إنه سجللي ڤويسات واتكلم فيها وكنت عاوز أعرف قدر اللي بيكلمني في العلم والمروءة [دي خاصية ربنا مَن عليا بيها ربنا يديمها في طاعته]...(باقي السلسلة دي هتفهمكوا أنا اكتشفت إيه بشوية ڤويسات بسيطة)
لما اكتشفت المهزلة وعرفت قدره كويس طلعت من الجروب علشان مضيعش وقتي وهو طلع بعد كدا يقول إني هربت من النقاش وميعرفش أنا وصلت لإيه 😁
[في القعدات والمجالس العرفية برضو بيفكروني علشان بهز راسي ومبسوط أبقى بالضرورة راضي عن عجة وعياله مثلًا]

لما لقاني خرجت تأكد إن الناس اللي ضحكوا عليه ممكن يكون عندهم حاجات فعلًا وإني خايف فبدأ يوعد الناس إن فيه ليا فضايح هتظهر قريب وإنه معاه أدلة عليا ومصائب .. [زي ما هتشوفوا في التعليق الأول]
(كل دا وأنا بتابع وسايبه يغرق أكتر)

بدأ يقول للناس الفضايح دي مع المشايخ لحد ما دخلتله بنفسي عالعام في صفحته أطلب منه ينجز بقى علشان أنا متشوق لها [زي ما هتشوفوا في التعليق الثاني]🤣

المهم.... طلعت مرة واحدة كدا وضربت قنبلة في وش الكل لما الطبخة استوت وقلتلهم (اخرجوا الفضائح للناس ولا تستروا عليا)
دا أنا منشنت لبعض المشايخ كمان 🤦‍♂
ومن يومها يامؤمن والدنيا سكوووووووت خالص

طلع بعدها كدا ببيان يقول فيه إنه يبرئني من كل شئ في العِرض والمال وإني كنت فاهم غلط... آه والله زي ما بقولك كدا [الكلام هتلاقوه في التعليق الثالث]
(طب والكلام اللي فات كنت بتقوله بالثقة دي على أساس إيه ؟)🤔
مين معاك كنت واثق فيه لدرجة إنك ترمي واحد كدا بكل البهتان دا لمجرد وعده ليك ؟

المقرف في الموضوع إن أحمد بيبعت لناس عالخاص نفس التهم اللي معرفش يواجه بيها والناس لما تابعوني لقيتهم بيبعتوهالي (مقدروش يسكتوا على كل البهتان ده)

واحد منهم والله ياإخوة باعتلي ڤويس له كله كلام خطير جدًا (مش عارف إزاي واحد يقول الكلام دا عني) ولما الأخ لقاني مش باخد بكلام حد بغير بينة جه ليا يوريني كل حاجة بنفسه
دا كمان لما واجه أحمد بالكلام وقال له إنه هيوريني الكلام دا أحمد قعد يكلمه عن خيانة المجالس 😄
[الحاجات دي معايا والله ولولا إن صفحتي صفحة نظيفة كنت سمعتهالكوا علشان تتعجبوا من واحد بيطلع يبرئني عالعام والخاص عنده بشئ تاني]
لا والعجيب إنه ماشي بالوشاية بيني وبين بعض إخواننا في الدعوة (بيقول عنكوا كذا وكذا)🤦‍♂

⬅️معتقدش إني محتاج أذكركم بحكم نقل كلام الفساق عن مسلم بغير بينة ، ولا أقوللكم اللي بيقول في مسلم ما ليس فيه بيروح فين

- ياأحمد إنت لو عملت كدا مع داعية ضعيف أو مهزوز في دعوته ومعندوش القدرات اللي عندي في فهم الشخصيات ممكن يترك الدعوة بسببك إنت واللي معاك .. إنت فاهم ياابني إنت بتعمل إيه ؟
ياابني الشباب لما بيشوفوا النوعيات اللي زيك بيكرهوا الملتزمين وبينتكسوا وفيه منهم اللي بيلحد!

⬅️بإذن الله بكره هتنبسطوا جدًا لما نناقش اللايڤ الجميل اللي صابر طلع فيه يتكلم عن تأهيله العلمي ويتهمني فيه بالجهل وإني غير مؤهل للقضايا اللي بتكلم فيها..(أيوا.... كان بيعمل لايڤات ويحذفها بس الشباب ربنا يبارك فيهم كانوا بيجمعوا كل حاجة على مدار شهور)

(ياصابر...دعوة أنا فيها ستقفون أمامها طويلًا ورب الكعبة)

#انتظروني_غدًا_بإذن_الله
#الرسالة_الأولى_لأحمد_صابر 1️⃣

✍️حد ياإخوة اتبعتله كلام عني من أحمد صابر غير اللي وصلني ؟

✍️يعني بتكلم واحد من ورا أهلها 3 سنوات وإنت رايح تتزوجها إزاي طيب ؟
تظبيط حياتك قبل العقد..... أفضل من بعده
تظبيط حياتك بعد العقد...... أفضل من بعد الدخول
تظبيط حياتك بعد الدخول..... أفضل من بعد الإنجاب
تظبيط حياتك ومعاك عيل واحد.... أفضل من عيلين
تظبيط حياتك بعيلين...... أفضل من 3 عيال
تظبيط حياتك في خلفة الأولاد.... أفضل من لما تجيب بنات
⬅️ادرس الموضوع كويس وتأكد من المعلومة كويس جدًا ومتدبسش نفسك مع واحدة زي دي حتى لو كنت كتبت كتابَك..الشيطان مش هيسيبك وهيفضل راشق في حياتك طوال عمرك وهي من غير توبة (بشروطها) ولا هتنفعك
#تصحيح_مفاهيم_الزواج

✍️إمتى ممكن تسمح لزوجتك تشتغل ؟

✍️حالة (اللغوصة) اللي بتحصل من بعض الشباب في الخطوبة واللي الشاب بعدها بيكون فاهم إن ربنا هيكرمه وهو بيعمل كل المخالفات دي ... بقت حالة مقززة جدًا
👈لما شاب يكون خاطب والعلاقة بينه وبين خطيبته هتوصل إنه (ممكن ياخد موبايلها)
المشكلة مش إنك تاخده وتقلب فيه..لا أبدًا
المشكلة هي حالة الإنفتاح دي جتلك منين ؟🤔
واحد من يومين بياخد رأيي في ملابس خطيبته لما بتخرج البلكونة بهدوم البيت (½ كُم مثلًا أحيانًا)
قلتله: (إنت عرفت التفصيلة دي إزاي ؟)
قاللي: (في الموبايل)
قلتله: (إنت بتكلم خطيبتك في الموبايل ؟)
قاللي: (على بسيط يعني)
قلتله: (طب ياابني ما هي دي يادوب على مقاسك وإنت بتخالف... هتسيبها وإنت لسه كدا هتروح للأسوأ تاني طول ما إنت بتعمل الحرام)
⬅️ياشباب...انتوا بتوصلوا في الخطوبة لمرحلة التسامر والأريحية دي إزاي وفي نفس الوقت بتفهموني إنكم بتتزوجوا بالشرع ؟

✍️أنصحك تسيبها بلا تردد

✍️موبايل صاحبي بيرن لقيت الصورة دي
بقول له: (دا إيه ؟)
قاللي: (دا مهندس صاحبي كنا في الشغل دايمًا نختلف ، وعلشان أتعايش معاه عملتله الصورة دي ، بقى كل ما يرن عليا أضحك وأنسى المشاكل وأكلمه وأنا مبسوط)🤣
#فن_السلام_النفسي

✍️كان قاعد معايا واحد بيحكيلي عن مشكلة بيعاني منها

الأخ دا بينزل يوزيع منتج عندنا في العاشر ، عايش في بلد ريفي
التجارة كلها بتاعة والده وهو عايش هو وإخواته كلهم في بيت كبير
بيقوللي: (زوجتي بقت مش شايفاني خالص لإن كل حاجة بإيد أبويا ، أنا نفسي باخد مصروف منه ، زوجتي لو عاوزه حاجة بتطلبها من أبويا ولازم علشان نخرج نقدم أسباب لوالدي بخروجاتنا)
الوضع دا لسه موجود في الريف للأسف ، بيفقد الشخص شخصيته وقوامته قدام زوجته بصورة متتخيلوهاش
_ بيخلق نفسنة بين السلايف ، اللي بتعرف تتمحلس بتاخد حقها واللي هتعيش بطيخة ومبتعرفش تنافق بتروح في الرجلين للأسف
#الخصوصية_بتنتحر
#تصحيح_مفاهيم_الزواج

✍️ليه الرجالة ميفهموش تلميحات الستات لوحدهم ؟
الحقيقة الرجالة حاولوا كتير جدًا في فك رموز اللغة دي
منهم اللي نجح ومنهم اللي فشل ومنهم اللي لسه بيحاول يتعلمها ياأختنا....(نفسنا نتعلمها والله بس الكتالوج مُتغير)😀
👈شاب جديد داخل على زواج مكنش يفهم إن زوجته لما تقول له وهو في الشغل (أنا تعبانة النهارده)
يعني هات أكل معاك 🤣
(مسكين بات من غير عشا وهي زعلانة لإنه معرفش يفك رموز الشفرة)🤦‍♂
👈أخت برضو قعدت متضايقه وهو مش عارف هي متضايقه من إيه ، وبعد شهر ألح عليها في السؤال فقالتله: (مبقيتش تتصل عليا كتير زي الأول لما بتكون في الشغل ، مرة واحدة مش كفاية)🤣
👈ياأخواتنا...ما تيجوا نساعد بعض شوية
متعتمدوش على إننا بنعلم الغيب يعني
إحنا رجالة بس مش عرافين ومشعوذين 🤦‍♂
👈صرحي باللي انتي عاوزاه هتختصري الطريق والله وهتفهمي زوجك دماغك إيه
(هيفرح بيكي والله وهتبقي مبسوطة خالص بالطريقة الجديدة دي)
👈فترة الخطوبة والعَقد هتتكلمي فيها بس عن النقاط العريضة لحياتكم...(مش خصوصيات)
#تصحيح_مفاهيم_الزواج

https://www.facebook.com/share/v/1AnCEyxXyb/

#الرجال_لا_يقرأون_الفنجان 🙋‍♀🎙
✍️بعد زواجك أختي المسلمة ستمر عليكِ مرحلة تسمى بمرحلة (صراع التفاهمات)
قد تستغرق هذه المرحلة ما يقرب من الـ 7 سنوات [تقل أو تزيد]
تقل المدة بالتعاون وتزداد بالبُعد والجفاء والاستسلام للأمر الواقع
حالة صراع التفاهمات سببها الأساسي أن كليكُما لا يفهم طباع الآخَر
الأمر لا يتوقف فحسب على الطباع ، بل سيزداد الأمر عند الرجال
الرجل كائن عقلاني والمرأة لا تفكر إلا من خلال مشاعرها وعواطفها
هذا الصراع بين العقل والعاطفة يستغرف زمانًا طويلًا تسمع فيه هذه العبارات من المرأة 👇
(مش بيهتم بيا خالص _ يفكر في أي حد إلا فيا _ بطلب منه حاجات مش بيهتم بيها) وهكذا دواليك
وعندما تسمع من الزوج تجده يحكي لك أنه لا يفهم كل هذا وأحيانًا يتهمها بالكذب!
يقول لك: (بسألها على شئ لقيتها بتقوللي لو مهتم كنت عرفت لوحدك)🙈
تتصل به في العمل تحكي له عن تعبها وإرهاقها في هذا اليوم فيعرض عليها الذهاب للطبيب ولما رفضت رجع بيته فلم يجد طعامًا..(مكنش يعرف إنها لما تقول له تعبانة يعني هات أكل وإنت جاي)🤣
النساء كائن غير مفهوم تمامًا بالنسبة للرجال ، في الوقت الذي تمكث فيه أختي المتزوجة سنوات تتحسس هذا الزوج الخائن الكذاب الذي يداري عنها أشياءًا ويخفي غالب أمور حياته عنها تكتشف في النهاية أنه يتصرف بطبيعته وهذه طبيعة الرجال (واضحين ومفيش شئ بيخبوه)
👈المرأة التي تريد اختصار حياتها لتعيش السعادة هي المرأة التي ستفهم في الرجال هذه الطبيعة [العقل]
ومتى ما فهمت هذا الأمر فإن وساوس الشيطان ستخرج من ذهنها وستفهم أن زوجها شخصًا طبيعيًا يتصرف بطبيعته
⬅️بعض النساء بيعملوا مقارنة بين (حياتها مع إخوتها الذكور) وبين (حياتها مع زوجها)
وهذه مقارنة ظالمة ، فالأخ لا يُنتَظَر منه ما تنتظرينه من الزوج...(من هنا تكون المشكلة في بدايتها)
تطلعاتك مع زوجك عالية ، بالرغم من كونه ذَكرًا طبيعيًا كإخوتك الذكور
⬅️لو عاوزه فعلًا تتعايشي مع عفريت الرجال لا بد أن تفهمي طبيعتهم وتحترميها
#اشرحي_له_الكتالوج_ياأختاه 🤷‍♂
بعض الرجال بيكون تعبان جدًا في فهم اللغة الجديدة التي تحدثينه بها
يصل الأمر بالبعض لمرحلة تسمى بـ( الخرس الزوجي ) خايف يتكلم علشان مش عارفها هتحور الكلام فين لما يعدي على فلاتر مشاعرها ومصافي عواطفها 🤦‍♂
👈ممكن تقولي لزوجك (لما أقولك كذا بكون عاوزه كذا ، ولما أعمل كذا مش معناها إني بتهمك لاااا أبدًا أنا بس بكون عاوزه كذا)
⬅️التعامل مع الرجال سهل جدًا وبسيط ولكن يحتاج وضوح في التعامل...افصحي له عن رغباتك المُلِحَّة
👈نقاش بين زوجين والمشكلة الرئيسية أن الزوج لا يأتيها متى طَلَبَته...(المشكلة دي قعدت سنوات بينهما)
عنفت الزوج وحدثته عن حق المرأة في الإعفاف وهو يقول: (يامولانا مطلبتش حاجة أقسم بالله)
غشيم...مكنش يعرف أنها لما تتزين في أوقات معينة أكيد لها رغبة فيه وأن حياء المرأة يمنعها من الطلب
لما وقفت مع غباء الرجل قلت لنفسي: (الزوجة دي لو في مرة قالتله ياراجل لما أتزين لك أبقى عاوزاك كانت اختصرت على نفسها سنوات وسنوات)
👈لو وقفت الزوجة مع نفسها أمام الزوج الكريم الذي يلبي احتياجاتهم وقالت له: (لما اتصل بيك في الشغل وأقولك تعبانة ابقى هات أكل معاك)
الراجل هيفهم وهتختصري حياتك بدلًا من اتهامه بالبخل وانتي نفسك مش مصدقه إتهامك
👈الزوج الذي لا يمنعك عن أهلك ميعرفش إنك لما تقعدي تفكري بصوت عالي وتقولي نفسي أفضفض مع حد وأحكيله مشكلة ميفهمهاش غير ست زيي ، هو ميعرفش إنك كدا عاوزه تروحي لأمك
متعتبريش سكوته دليل مَنع وتقعدي في وَهم إنه بيمنعك عن أهلك وتندبي حظك إنه مبقاش زي حظ جارتك اللي زوجها راميها عند أمها من 3 سنين
(اطلبي.... اطلبي بلسانك فالرجال لا يقرأون الفنجان)🤣
#كيف_تتعايشين_مع_العفريت (4)

#الحياة_في_ظل_الأَسر 🙍‍♀
✍️هل تأملتم يومًا حياة الأسير ؟
إن الأَسر في ظل الإسلام قد اختلفت معانيه ، فرأينا نبينا ﷺ يوصينا بالأسير خيرًا
بل نزلت النصوص التي تُعَلم أصحابه كيف يعاملوهم (وَیُطۡعِمُونَ ٱلطَّعَامَ عَلَىٰ حُبِّهِۦ مِسۡكِینࣰا وَیَتِیمࣰا وَأَسِیرًا)
⬅️إن العلاقة الفوقية بين الآسِر والمأسور لم تسمح للطرف الأعلى بالطغيان إلا إن أخل الطرف الأدنى بطبيعته التي هو عليها
فمن غير المتوقع أن نرى أسيرًا يتطاوَل على مَن أَسَرَه (وإلا اختلفت المعاملة)

#تعالوا_نشوف_المفارقة_دي 👇
⬅️يقول النبي ﷺ: (استوصوا بالنساء خيرًا، فإنما هُنَّ عَوانٌ عندكم)[العواني جمْعُ عانيةٍ، أي: أسيرةٌ]
👈كثير من المصلحين يستخدمون هذا الحديث لوصية الرجل بالمرأة (وهذا أمر طبيعي ، بل هو المفهوم الأول من الحديث)
ولكن....هل لأختي المسلمة أن تفهم وضعها الذي ارتضاه لها نبيها ؟ (أسيرة في بيت زوجها) 🙄
هل ستدرك الفوقية التي ما إن انصاعَت لها قُدر لحياتها النجاح ؟
النساء لازم يفهموا الموضوع ده....(أنتِ أسيرَة في بيت زوجك)
استشعار فوقيتك على زوجك وترك هذه الحالة من الأسر لن تفلح مع رجل على أي حال

#الحكاية_دي_هتوضحلك_الموضوع 👇
👈جاءَت عَمَّة (الْحُصَيْنِ بْنِ مِحْصَنٍ) للنَّبِيَّ ﷺ فِي حَاجَةٍ فَفَرَغَتْ مِنْ حَاجَتِهَا [يعني عاوزه من النبي ﷺ طَلَب أو سؤال وخلاص ماشيه]، فَقَالَ لَهَا النَّبِيُّ ﷺ : (أَذَاتُ زَوْجٍ أَنْتِ [ يعني عندك زوج ] ؟ قَالَتْ : نَعَمْ . قَالَ : كَيْفَ أَنْتِ لَهُ [يعني عامله إيه معاه]؟ قَالَتْ : مَا آلُوهُ إِلَّا مَا عَجَزْتُ عَنْهُ [يعني لا أُقصر في خدمته وإرضائه إلا ما يفوق مقدرتي] . قَالَ : فَانْظُرِي أَيْنَ أَنْتِ مِنْهُ ، فَإِنَّمَا هُوَ جَنَّتُكِ وَنَارُكِ)
[يعني شوفي وضعك إيه عنده ، لإن زوجك هو جنتك ونارك]
⬅️حد واخد باله ؟
النبي ﷺ مهتم جدًا يفهمها قيمة الزوج ، ينبهها لفوقيته عليها ، وبعد ما عرف إنها مطيعة ومستسلمة وخاضعة أراد كمان يفهمها تهتم بوضعها من الزوج علشان هو السبب الأساسي في دخولها الجنة أو النار 🔥
للأسف...أي امرأة لن تفهم هذا لن تستطيع الحفاظ على بيتها
كثير من النساء يُحملن أنفسهن عبئًا زائدًا من التفكير (إزاي نمشي أمور الحياة _ اللي زوجي بيعمله دا غلط وهيأثر علينا بالسلب _ أنا بس بتكلم علشان المصلحة) وهكذا
ولو عاشَت في دور الأسيرة بحَق لارتاحَت وأَراحَت وفرغت ذهنها لما كلفها الله به وفقط

👈قال تعالى: (الرِّجَالُ قَوَّامُونَ عَلَى النِّسَاءِ)
⬅️قال ابن كثير (رحمه الله): ﴿الرِّجَالُ قَوَّامُونَ عَلَى النِّسَاءِ﴾ أَيِ: الرَّجُلُ قَيّم عَلَى الْمَرْأَةِ، أَيْ هُوَ رَئِيسُهَا وَكَبِيرُهَا وَالْحَاكِمُ عَلَيْهَا وَمُؤَدِّبُهَا إِذَا اعوجَّت}
⬅️عاوزك تعيشي معاني الفوقية دي وتعرفي وضعك علشان ترتاحي في حياتِك وزوجك يرضى عنك..الرجال كائن بسيط سهل الفَهم جدًا مش مُعَقَّد..(ضروري تفهمي الكتالوج)
#كيف_تتعايشين_مع_العفريت (3)

#إزاي_تدرس_خطيبتك (3) {إخوات خطيبتَك}
✍️وصلنا دلوقتي لمرحلة حَرِجَة جدًا من مراحل دراستك لخطيبتك في فترة الخطوبة...كل اللي فات ده كان عبارة عن دراسة شخصيتين بتفهمهم علشان تعرف تتعامل معاهم بعد الزواج بـ(أشخاصهم)يعني علشان شخصياتهم هُم وبس...المرحلة دي بقى هتدرس فيها شخصيات لازم تفهمها علشان هتتعامل مع زوجتك من خلال فهمك لهم(نظام زوجتك تابع لنظامهم)
#إزاي_الكلام_ده ؟.... و #مين_الشخصيات_دي؟ 🤔

(3) إخواتها : ركز كويس جدًا معايا وسيب اللي في إيديك دلوقتي 👇

-(أولًا) : (لو زوجتك عندها إخوة ذكور ومفيش بنات خاااااالص في البيت)
مُعامِل العاطفة عند زوجتك مش هيكون شديد أوي (لتربيتها ونشأتها بين إخوة ذكور)
هل ده فيه مشكلة معاك؟...لا أبدًا..بالعكس
العقل عند الراجل بيغلب العاطفة..وغالبًا بيحصل توافق في مثل هذه الحالات...(فدي هتكون ميزة لك لو كنت عقلاني وعاوز واحدة عقلانية شوية تجاريك في حياتك...أما لو كنت عاطفي بزيادة فهيحصل بعد الزواج مشاكل كتير بسبب حالة جمود زوجتك دي)
👈كيفية التعامل ودراسة الإخوة الذكور 👇
خلي بالَك كويس إن أخوها ده هيكون خال أولادَك..مش كدا وبس...دا هيكون بعد وفاة والدها هو الولي الإحتياطي بتاعها...(يعني لو بتقول دلوقتي وأنا مالي وماله تبقى غلطان)..لإنك كدا كدا بعد وفاة والدها هتتعرض له وكل المشكلات هتترمي في حِجره
🖊الإخوة الذكور أنواع....منهم الملتزم ومنهم غير الملتزم (النوعين ميعيبوش خطيبتك خاااالص ولا يعدِّلُوا منها)...خطيبتك ملهاش فيه..(دي نَقرَة ودي نَقرَة)
النوع الملتزم ده لو لمحت فيه ميوعة وضعف في الرجولة (تقلق منه)..والنوع الغير ملتزم لو لمحت فيه رجولة ونخوة (اكسبه في صفك وافهم إنه هينفعك عن الملتزم كمان)
دور على الراجل فيهم ومتحاسبش خطيبتك بإخواتها أبدًا ولا تلومها على أفعالهم (وَلَا تَزِرُ وَازِرَةࣱ وِزۡرَ أُخۡرَىٰ)...صلاحهم وفسادهم مش هيلزَمَك منه غير الرجولة....اللي هتطلبه في حماك هتطلبه فيهم
حاول تشوف في كل ده خطيبتك قريبه لمين أكتر...هتلاقيها بتحكي عنه..هتلاقي سرها أحيانًا معاه..هتلاقيه أحيانًا بيكلمك في حاجات من ورا الوالد علشان مصلحة أخته..هتلاقيها بتقولك كنت لسه بتكلم مع أخويا فلان عن كذا وكذا...(كَبَّر بيه لو لقيته بياخُد قرار من دماغه...دي فرصتك واوعاك تقولله مينفعش أتعدى عالوالد)....اللي هتصده ده هتحتاجه في يوم ياابني فبلاش تخسره
👈كتير من البيوت اتخربت بعد موت والد الزوجة بسبب إن الزوج مهتمش بخال عياله ومكنش مظبط العلاقة معاه....ظبطها معاه حتى لو مكنش ملتزم زيك...(يكفيك يكون راجل)
👈طب لو مَكَنَتش عنده صفات الرجولة؟
مش هقولك طبعًا افسخ الخطوبة علشان أخوها...لاااا أبدًا
بس هقولك اعمل معاه علاقة ود لو حصلت مشكلة بعد كدا يستحي منك..(عالأقل هتحَيِّده)
👈لو إخواتها الذكور متزوجين فمهم جدًا تفهم علاقة خطيبتك وحماتك مع نسوانهم إيه
مش عاوزك تقوللي ودا هيفيد بإيه....خليك عاقل وعسول كدا واشتري مني
زوجات الرجالة دول وعلاقاتهم مع حمواتهم وإخوات الرجالة الذكور هتفهمك الرجالة دول ممكن يكون لهم حُكم بعد كدا على زوجتك وللا كل ما هيتدخلوا هتتفاجئ بزوجتك بتقوللهم: (طب روحوا اظبطوا انتوا نسوانكوا الأول)🙄...[العلاقة المتوترة دي ممكن تكون لصالحك وممكن تكون ضدك]...غالبًا هتكون ضدك مش لصالحَك لسبب بديهي...لو أخوها راجل وهيجيبلك حق مش على هواها هتطلعه بالرد ده برا....ولو مش راجل أصلًا فخطيبتك هتتغاضى عن الرد وهتكبر بيه علشان ميوعته في صالحها
خلاصة الأمر ده: (اكسب إخواتها في صفك حتى لو واحد منهم وبس...هينفعك)

-(ثانيًا) : لو خطيبتَك عندها ذكور وإناث..الـ✌
دي غالبًا هرمون العاطفة عندها هيكون شغال..(فبلاش جمود بالله عليك في التعامل مع الشخصية دي)
حاول تاخد جرعات من سلسلة #كيف_تتعايَش_مع_العفريت علشان حياتَك تستقر مع القارورة دي🤣
👈على فكرة....(وضعك في ثانيًا أصعب من وضعك في أولًا بكتييييير)😏
لما كانوا رجالة بس كنت بتهتم بشخص قريب منها وخلاص...إنت دلوقتي محتاج تعرفها قريبة لمين من البنات وتختار شخص له كلمة مسموعة ورأي رشيد عالبنات كلهم
طب ليه؟🤔
ياابني بلاش تقع الوَقعَة اللي 70% من رجالة مصر وقعوا فيها
بعد موت حماك وتهميش زوجتك وإخواتها للأخ الذَگر بسبب مشاكل مستمرة بينهم وبين زوجته هتتفاجئ إنك قاعد على طاولة مفاوضااات كبيرة مع الأخت الكبيرة....(تخيل!)🙊
دي إحتمال تكون ناشز مع زوجها وهرموناتها ناقحه عليها وقاعدة بتحكم عليك وبتقرر زوجتك تعيش معاك إزاي
طب والراجل فين؟...ياابني الراجل(اللي هو الأخ)مكسور بسبب خلافاتهم المستمرة مع زوجته...(صعب تلاقي ست بتحب مرات أخوها..اللي بيظهر قدامَك شكليات)

#طب_يعني_أعمل_إيه ؟🤔
الحالة دي مش هينفع فيها تكسب أختها ولا حاجة زي ما نصحتَك مع أخوها...(دول نسوان يابا ملهمش عَهد ولا ذمة)...أقل كلمة شكوى من أختها هتهدم كل تاريخَك.....(إذا كانت زوجتك نفسها اللي شافت معاك العسل كله مع أي مشكلة بتقولك{ما رأيت منك خيرًا قَط}✋..فما بالَك بقى بأختها)😏
👈طب الحل إيه في الوضع الهباب ده؟
لو حماتَك عايشه وعندها ذرة عقل وبتخاف عالبيت هتقف مكان حماك بالضبط في وشهم كلهم
أما لو مَكَنَتش موجودة أو وجودها زي عَدَمه فمفيش قدامَك غير الحَزم مع زوجتك بعد كده💪 ....(لازم تستعد بكده من دلوقتي علشان متتفاجئش بكل المهاترات دي) وتوريها العين الحمرا وتوصللها إن دخول أي حَد في حياتنا خَط أحمر....(ولااازم يوصللها منك إن أي لعب في النقطة دي هتكون بدايته الطلاق من غير تفاهم)
وتقفل على بيتك خااااالص

👈لو خطيبتك إخواتها كلهم بنات بقى 🙈
فدي بقى دراستنا بُكرَه بإذن الله

✍️ رأيكم يا أفاضل👇

✍️اخترع الكفار بعض النظريات التي تساعدهم على فَهم طبيعة المومسـ*ـات عندهم فَنَقَلَها بنو جِلدَتِنا كما هي بلا أدنى تعديل
في الإسلام عندنا مبدأ يسمى (القوامة) ..وهي سلطة القَيم على مَن تحت ولايته من النساء
قال تعالى (ٱلرِّجَالُ قَوَّامُونَ عَلَى ٱلنِّسَاۤءِ)
قال ابن كثير رحمه الله: (الرَّجُلُ قَيّم عَلَى الْمَرْأَةِ، أَيْ هُوَ رَئِيسُهَا وَكَبِيرُهَا وَالْحَاكِمُ عَلَيْهَا وَمُؤَدِّبُهَا إِذَا اعوجَّت)
إن لم ترتدع المرأة بالدين ردعها الوَلي ، وَلضعف عقل النساء جُعِلَ الولي رادعًا لهن لنَقص العقل والدين

⬅️الريدبيل يعتمد على نظرية تُسمى بـ(السُلطة الأبوية)
يدندنون حولها كثيرًا....ولا خلاف معهم في ذلك (فلا مشاحة في الإصطلاح)
ولكن.........!
لقد وَصل بهن تضخيم وتفخيم هذه السُلطة لتَحل مَحل الدين ، بل لم يعد للدين كوازع ورادع أي اعتبار
(وهذا شأنهم في بلاد الكُـ.ـفر ككفار ملحدين ليس للدين دَخل في حياتهم)
فما حجة هذا الشاب المسكين التابع المنساق لهم في تركه لدينِه ؟

⬅️في السيرة النبوية يُحگى أن الصحابية الجليلة (أُمِّ كُلْثُومِ بِنْتِ عُقْبَةَ بْنِ أَبِي مُعَيط) هاجَرَت لرسول الله ﷺ
1/ والدها (عُقْبَةَ بْنِ أَبِي مُعَيط) زعيم من زعماء المشركين
2/ أخوها الأول (عُمَارَةُ بن عُقْبَةَ بْنِ أَبِي مُعَيط)
3/ أخوها الثاني( الْوَلِيدُ بن عُقْبَةَ بْنِ أَبِي مُعَيط)
[كلاهما كان كافرًا عند إسلامها]✌
حَلَقة السُلطَة الأبوية عند إسلامها كانت مفقودة تمامًا ، ومع ذلك فالوازع الديني هو الذي جعل لها هذا الموقف البطولي وبسببها وغيرها من المهاجرات نزلت سورة كاملة في القرآن تسمى بسورة (المُمتَحَنَة)

⬅️السلطة الأبوية وغرسها في أذهانهم هي التي جعلت التصور لهؤلاء الشباب عندما تحدثهم عن فتاة تائبة بمحض إرادتها (فقط بهداية رب العالمين) غير متصورة ومستبعدة تمامًا
هذه النظرية التي قادهم الغلو فيها لغض الطرف عن آلاف من الحالات لفتيات التَزَمن في بيئة غير صالحة
(الأب _ الأخ _ الأعمام _ الأخوال) كلهم على عقيدة التصوف مثلًا والبنت خالفتهم فيها لتكون على العقيدة الصحيحة
فأين السلطة الأبوية من كل هذا ؟🤔

⬅️بل إن الله تعالى لما ذَگر حال الصالحات القانتات قال (فَٱلصَّـٰلِحَـٰتُ قَـٰنِتَـٰتٌ حَـٰفِظَـٰتࣱ لِّلۡغَیۡبِ بِمَا حَفِظَ ٱللَّهُۚ)
أَيْ: حَافِظَاتٌ لِمَغِيبِ أَزْوَاجِهِنَّ بِحِفْظِ اللَّهِ وَمَعُونَتِهِ وَتَسْدِيدِهِ
فالأمر أولًا وآخرًا بحفظ الله لا بسلطة أبوية (مُنفَرِدَة) كما يذكرون لكم
بل إن السلطة قد تَضعُفُ في غياب الزوج وسَفره ؟
وَذكر الصالحات بأنهن حافظات للغيب معناه أنهن حفظن أزواجهن في غيبتهن والرادع هو (الدين)
وأرشد النبي ﷺ لهذا المعنى فقال: (خَيْرُ النِّسَاءِ الَّتِي إِذَا نَظَرْتَ إِلَيْهَا سَرَّتْكَ وَإِذَا أَمَرْتَهَا أَطَاعَتْكَ وَإِذَا غِبْتَ عَنْهَا حَفِظَتْكَ فِي نَفْسِهَا وَمَالِكَ)
فوازعها في حفظ نفسك ومالك في غيبتك هو الدين بحفظ الله☝
فأين التضخيم المتعمد لدور السلطة الأبوية بالله عليكم من ديننا ؟

⬅️يقول النبي ﷺ : (تُنْكَحُ المَرْأَةُ لأرْبَعٍ: لِمالِها، ولِحَسَبِها، وجَمالِها، ولِدِينِها، فاظْفَرْ بذاتِ الدِّينِ، تَرِبَتْ يَداكَ)
هل ترى كيف لما عَدَّد النبي ﷺ أقسام الناس في اختيار الزوجة نبهنا للقسم الرابع والأهم ؟ (قسم يهتم بالدين)

⬅️هذه النظريات التي أتتنا من عندهم صارت تصور المرأة وكأنها شيطان متى أُفسح له المجال ستلقي خبثها على المجتمع بأسرِه ، قادتهم فيها مئات وآلاف التجارب على المومـ.ـسات وبغايا الغرب والشرق والنواشز لتكون شاهدة على علومهم الضالة
⬅️انظر لهذا المخذول (أبو لمونة) وهو يقول لأحد الشباب الذي يحاول جاهدًا إفاقته (أزل عن المرأة بما فيها أمك سلطة الذكور المحيطة سيفجُرن)
ياغبي...تعيش بعض الأرامل عفيفات وقد يتخلى عنهن الأهل تملصًا من النفقات... فهل فَجَرن ؟
تعيش بعض المطلقات منبوذات من مجتمع فاسد لطلاقها من تارك للصلاة أو ساب لدين الله أو مثلك بلمونة..فهل انحرفن ؟
⬅️نحن لا نلغي سلطة القَيم من حساباتنا.. بالعكس ، فنحن من أشد المنادين بالاهتمام بهم وبدراستهم جميعًا ، بل وترك البيت عند نقصان بعض الصفات التي سيحتاجها الشاب منهم ، ولكننا أبدًا لا نهمش الدين ونجعله ثانويًا هكذا أو غير موجود بالكلية!
فالدين أساس كل تحركاتنا وعليه نُعَول

#استقيموا_يرحمكم_الله
#نظريات_أبو_لمونة (5)
#الخصاء_الفكري
#الحبة_الحمراء

✍️ بمجرد إنه يعرفني ؟🤔

✍️الإسلام فيه باب كبير اسمه باب (سَد الذرائع)
هذا الباب يهدف إلى سَد الطرق المؤدية إلى الحرام ، وقطع الأسباب الموصلة إليه
(طبعًا الباب دا مَعنِي في الأساس بالأمور المباحة والأمور التي قد يُتَوَصَّل بها إلى الحرام)

⬅️لما تلاقي مثلًا الإسلام يضع بعض الضوابط للناس زي أكل الحرام والإختلاط والخمور
متفهمش من كدا إن كل الناس لو اتفتح قدامهم الباب هيقعوا... (لا طبعًا)
ومع ذلك فالباب لازم يتقفل من البداية

#شوف_المثال_ده 👇
⬅️الله تعالى يقول لأصحاب النبي ﷺ في حال التعامل مع زوجات نبيهم (وَإِذَا سَأَلۡتُمُوهُنَّ مَتَـٰعࣰا فَسۡـَٔلُوهُنَّ مِن وَرَاۤءِ حِجَابࣲۚ ذَ ٰ⁠لِكُمۡ أَطۡهَرُ لِقُلُوبِكُمۡ وَقُلُوبِهِنَّ)

السؤال بين الصحابي وأم من أمهات المؤمنين يكون من وراء حجاب
العلة هي لأجل (طهارة القلوب)
هل يتصور أي شئ بينهما ؟..(بالطبع لا فهؤلاء أطهر الناس قلوبًا)
ومع ذلك ينبغي غلق كل ما يوصل للحرام بدايةً وليس بالضرورة حتمية الوقوع فيه

⬅️النبي ﷺ يقول: (إنَّ لكلِّ أمَّةٍ فتنةً وفتنَةُ أمَّتي : المالُ)
ويقول: (ما تَرَكْتُ بَعْدِي فِتْنَةً أضَرَّ علَى الرِّجالِ مِنَ النِّساءِ)
الفتنة العامة للجنسين (المال)
الفتنة الخاصة للرجال (النساء)
ومع ذلك...هل هناك رجال لا يسقطون في الفتنة؟...(نعم)
هل هناك رجال ونساء لا يسرقون أو يتعاملون في المال الحرام مهما حدث ؟..(نعم)
ومع هذا....فَسَد الذرائع المؤدية للحرام من أوجب الواجبات سواءًا سقطت أم لم تسقط
(يعني مش لازم علشان فيه سد للباب إنك لو اتعرضت للفتنة تقع)

⬅️الآن انظر لما كتبَه هذا المدعو (أبو لمونة) على غلاف صفحته مؤصلًا لفكره الذي استقاه من نظريات الريدبيل في شيطنة المرأة👇

هل كل النساء عاهرات.... (لا)
هل كل النساء لديهن القابلة لأن يصبحن عاهرات.... (نعم) .... [هكذا يقول]
إنه لا يُفَرق بين المبادئ الشرعية التي تنهى عن الإختلاط والقرب من الزنا وبين الوقوع فيه

⬅️ثم إذا فُطِرَت المرأة بطبيعتها على هذه القابلية واحتجت يوم القيامة على عُهرِها بطبيعة خِلقَتها...فهل هذا تخيير لها أم تسيير ؟
قال تعالى: { وَهَدَیۡنَـٰهُ ٱلنَّجۡدَیۡنِ }

⬅️إن هذه العلوم الكـ.ـافرة تُؤصل لمن يعتقد فيها بإمكانية (شقط العاهرات) بسهولة لأجل هذه القابلية ، ثم يشرحون ويوضحون لك مقوماتك لكي تعيش في هذا المستنقع ، فتجد مُعتنقها يسقط مباشرة في حياة (اللمونة _ الكرتونة) أي زريبة يتلقى فيها العاهرات..(مُحال أن تؤصل لتأصيلات ديننا في الإختيار)
ولو افرغوا جَهدًا للبحث عن أنسابهم بعد كل هذه النظريات لكان أولى بهم وأَجدَر ورب الكعبة

👈طبعًا مش كل النساء عندهن القابلية لأن يصبحن عاهرات ياأبو لمونة 🍋
اللمونة التي تجربها في أماكن قد لا يُقال لك فيها (لا) لا تدعوك لتعميم هذه النجاسة التي تتمرغ فيها أنت وغيرك على المسلمين
#الخلاصة: مش علشان الإسلام يدعوك لسد الذرائع المؤدية للحرام تخترع نظرية وتطبقها على النساء إن قابلية الوقوع في الحرام حتمية
لأ.... فيه شريفات (محصنات غافلات) إنت بس اللي آخرَك البنت اللي بتيجي بلمونة 🍋

#نظريات_أبو_لمونة (2)
#الخِصاء_الفكري
#الحبة_الحمراء

#ما_الحَل_في_عصبية_زوجي ؟🤷‍♀
✍️كانوا جميعًا يشهدون لها بالأدب ، تعلم حدودها ولا تتعداها
يُحكى أنها تربت في أحضان والد دومًا ما كان يَشتَد على الأبناء جميعًا ، كان الأبناء يردون عليه الكلمة بالكلمة ، ولكنها ما كانت تفعل ذلك
كانت دومًا تُبادر بالتودد والخضوع للوالد ولسان حالها: (دا مهما كان أبويا مينفعش أرد عليه)
كان الوالد يلين دومًا لها دونًا عن سائر الأبناء

👈تَزَوَّجَت حفظها الله ، واصطدمَت ولأول مرة بزوج يتعصب في المشكلات كما كان والدها
كانت تتعامل معه كزوجة لها حقوق وعلى زوجها واجبات
بعد مرور سنوات بدأت المشكلات بينهما تتفاقَم ، يزداد الزوج عصبية وتزداد هي في مُطالَبتِة بما عليه من واجبات

ثم سألت: ما الحل في عصبية زوجي ؟
رجعنا معها سنوات للوراء ، (لبيت الوالد)
سألناها عن تعاملها مع والدها الذي كان أشد عصبية من الزوج وكان يلين لها عند الخضوع والطاعة ، لِمَ لم تجربي ما فعلتيه مع الوالد ؟🤔

#وهذه_مشكلة_غالبية_النساء 🤦‍♀
تنتقل من بيت والدها وللوالد في قلبها مكانة عظيمة [مينفعش تحط راسها براسه مهما حدث]
ثم يأتيها زوج يأخذ الولاية من هذا الوالد
لماذا تغير التعامل مع الزوج ؟
أليس الزوج رجلًا كالوالد ؟
ألم يصبح هو صاحب الولاية عليها ؟
#ما_الجديد ؟...من أين أتت النِدِّيَة في التعامل ؟

أليس الذي قال في كتابه (وَبِٱلۡوَ ٰ⁠لِدَیۡنِ إِحۡسَـٰنࣰا)
هو الذي قال أيضًا (وَلِلرِّجَالِ عَلَیۡهِنَّ دَرَجَةࣱ)
⬅️طبيعة الرجال اللين لِمَن تخضع ، والعناد في وجه مَن تُعانِد
قوة المرأة في ضعفها...(ليس لديها سلاح أشد من هذا)
والرجال في هذا سواء
⬅️أَوصَت أُمامة بنت الحارث ابنتها عند زواجها فقالَت لها فيما قالَت 👇
(الصُحبَةُ بالقناعة، والمعاشرة بحُسن السمع والطاعة.
وكوني أشدَّ ما تكونين له إعظامًا؛ يكن أشدَّ ما يكون إكرامًا ، وأشد ما تكونين له موافقة؛ يكن أطولَ ما تكونين له مرافقة)
شايفين الست بتقول لبنتها إيه ؟
شايفين المعادلات المهمة اللي وضعتها لابنتها ليلة زفافها ؟....{فاهمه كتالوج الرجال}
( تُعظمينَه = يُكرمك) (توافقينَه = يُرافقك)
ابنتها بالوصية دي تزوجت من مَلِك كِندَة (الحارث بن عمرو)..كان ملك شديد مش هين أبدًا
مشيت بالتعليمات دي فأحبها وعَظُم مَوْقِعُهَا منه، وولدتَ له الملوك السبعة الذين ملكوا بعده اليمن !
⬅️هل لمسلمة أن تتخيل أن زوجها سيكون أعتى من فرعون ؟!
فرعون اللي قال (أَنَا۠ رَبُّكُمُ ٱلۡأَعۡلَى)
اللي قال (مَا عَلِمۡتُ لَكُم مِّنۡ إِلَـٰهٍ غَیۡرِی)
طول ما زوجته كانت في طوعه كان منقاد لها في قرارات مصيرية...(والله تقريبًا من أشد القرارات على البلد في الوقت ده)
(وَقَالَتِ ٱمۡرَأَتُ فِرۡعَوۡنَ قُرَّتُ عَیۡنࣲ لِّی وَلَكَۖ لَا تَقۡتُلُوهُ عَسَىٰۤ أَن یَنفَعَنَاۤ أَوۡ نَتَّخِذَهُۥ وَلَدࣰا وَهُمۡ لَا یَشۡعُرُونَ)
قدرت بدلالها على أعتى واحد في الأرض تربي في بيته أفضل واحد في الأرض في زمانه 🤷‍♂
👈مشكلة الكثير من النساء أنهن يرغبن أن تكون لهن الكلمة الأخيرة في النقاش
وليتها تتعلم الصمت وقت عصبية الزوج ، وهذا لا يقلل من شأنها
وهل قلل صمتها في وجه أبيها قبل ذلك من هذا الشأن ؟🤔
#كيف_تتعايشين_مع_العفريت (2)

#أبليكيشن_لتسكنوا_للزواج_الشرعي🎉
✍️تابعوا العداد التنازلي من هنا👇
https://letaskono-zwaj.com/

-اخترتها مُحجَّبة ياشيخ مش عارف إيه اللي جرالها !
=حجابها 👇

-عرفتها منين علشان تفضل متمسك بيها كدا ؟

=كَتَبت تعليق حلو في صفحة دينية فعرفت إنها بنت صالحة فدخلت كلمتها على طول

✍️إيه كمية الشباب اللي بياخدوا رأيي في بنت عرفوها من عالفيس دول ؟🤔

✍️هو الرد بتاعي صعب نفهمه ونعمل بيه ؟🤔
وللا إحنا اللي بنكلف نفسنا فوق طاقتها ؟

✍️رابط الصفحة الجديدة
https://www.facebook.com/profile.php?id=61565386572395&mibextid=ZbWKwL

✍️الصفحة دي لو اتقفلت ياشباب ابقوا ادخلوا عالصفحة الجديدة في أول تعليق

✍️ربنا يفرج كرب أخينا 🤲
جه ليا قبل ما يتزوج وحكالي كل تفاصيل البيت وقعدت معاه أحلل له في كل الشخصيات واللي ممكن يحصلله بعد الزواج منهم (دا كله بس من كلامه هو) ولكنه للأسف مأخدش بكلامي
⬅️ربنا ينصره عليهم...بس حابب أقول للشباب حاجة 👇

المغفلين اللي بيقولولكم صفات البنت مستترة وكلام قُصر الديل دا مش صحيح ، متروحش لحد خبرته ضعيفة وكل ما يتزوج يتخزوق وتاخد منه الخبرة
الكفـ*ـار اللي عملولكم نظريات الريدبيل دول كل واحد فيهم اتبهدل من مومسات الغرب وجايين يعملوا رجالة عليكم يا أحفاد الصحابة ، مش لازم تكون إنت اللي هتصفق له علشان يرفع خسيسته بيك
#هما_اللي_مغفلين
#تصحيح_مفاهيم_الزواج

✍️سلاسل الزواج الشرعي والعلاقات الأسرية 🤵👰
👈علشان تعرف حقوقَك لازم تفهَم.وعلشان تفهم لازم تتعلم..وانتي كمان ياست الكل..اتعلمي يعني إيه زواج 👨‍❤️‍👨👇

1/ إزاي تدرس خطيبتَك؟🤦‍♂
https://m.facebook.com/story.php?story_fbid=3597427230486484&id=100006577268085&mibextid=Nif5oz

2/ إزاي تدرسي خَطيبِك؟🤦‍♀
https://m.facebook.com/story.php?story_fbid=3611132869115920&id=100006577268085&mibextid=Nif5oz

3/سلسلة كيف تتعايَش مع العفريت؟ 👻 🤷‍♀
https://m.facebook.com/story.php?story_fbid=3261797027382841&id=100006577268085

4/ سلسلة كيف تتعايَشين مع العفريت👻 🤷‍♂
https://www.facebook.com/share/p/Mt6d8zNbiDEQ2oxC/?mibextid=oFDknk

5/سلسلة كَبَّر مُخَّك🧠🤵
https://m.facebook.com/story.php?story_fbid=3393158460913363&id=100006577268085

6/سلسلة گبَّري مُخِّك 🧠👰
https://m.facebook.com/story.php?story_fbid=3393875354175007&id=100006577268085

7/سلسلة قَطمُه أَحسَن مِن نَحتُه💝
https://m.facebook.com/story.php?story_fbid=3461151797447362&id=100006577268085

8/سلسلة الزواج الشرعي بين النظرية والتطبيق🧐
https://m.facebook.com/story.php?story_fbid=3473723746190167&id=100006577268085

9/التعدد قد يكون حلًا👰👰🤵👰👰
https://m.facebook.com/story.php?story_fbid=3574769249418949&id=100006577268085

10/سلسلة مناقشة فتاوى قائمة المنقولات 📚
https://m.facebook.com/story.php?story_fbid=3486165511612657&id=100006577268085

11/سلسلة يعني إيه فيمينِست ؟ 🤔👊
https://m.facebook.com/story.php?story_fbid=2561582807404270&id=100006577268085

12/ عيلة عجة 👴
https://m.facebook.com/story.php?story_fbid=3854183871477484&id=100006577268085&mibextid=Nif5oz

13/ طرق الشياطين لخراب بيوت المسلمين 🤔😈
https://www.facebook.com/share/p/FH9BRcJkXWLWds8J/?mibextid=oFDknk

14/ اتقوا الله في النساء 🧕❤
https://www.facebook.com/share/p/e3Y6ybpC7sk4ix73/?mibextid=oFDknk

15/ سلسلة تصحيح مفاهيم الزواج🤵👰
https://m.facebook.com/story.php?story_fbid=3799259083636630&id=100006577268085&mibextid=Nif5oz
16/ متفرقات لقضايا متعلقة بالزواج 💕
https://m.facebook.com/story.php?story_fbid=3915502008679003&id=100006577268085&mibextid=Nif5oz
👈حقوق النسخ والنقل والمشاركة والإقتباس مكفولة لكل مسلم ومسلمة ، انقل كيفما شئ وإن لم تذكر اسمي على ما نقلت (لا عليك)
#اللهم_اجعل_عملنا_خالصًا_لوجهك 🤲
#اقرأوا_حتى_لا_تُخدَعوا 🤷‍♂🤷‍♀

https://www.facebook.com/share/v/XMHB2WXQfjfzv1zt/

✍️الناس بيقولولي الڤيديو فهمنا إنت بتتكلم في إيه 🤣
#الڤيديو_أول_تعليق 👇

✍️لما الشاب يتهاون في الإختيار 😂

✍️الناس اللي لسه ميعرفوش شئ عني ، ياإخوة أنا بفضل ومدد من الله عندي صبر رهيب على الدعوة
عندي ثقة في دين ربنا قوية جدًا فوق ما تتخيل هتخليك تحس في كلامي بالكِبر أحيانًا..(هو مش كِبر نهائي عياذًا بالله واللي قعد معايا يعرف ده ، هو فقط إيمان بالمنهج)
لا يفرق معايا متابعين ولا أتباع ولا حد أساسًا
إحنا بنتبع كتاب لا يأتيه الباطل من بين يديه ولا من خلفه
⬅️فاللي بيشوف هجمة بتحصل عليا (ودا شئ طبيعي علشان دعوتي صعبة) ينتظر قليلًا لنهايتها علشان بفضل الله مفيش هجمة حصلت عليا غير وخرجت منها باللي أنا عاوز أوصله من فَهم لدين ربنا
واسألوا النسـ*ـويات والمنسـ*ـونين بخبروكم
واللي فاكر إني ممكن أقابل ربنا بأتباع يعتقدون ببعض آليات مناهج جت من عند الكفار يبقى ميعرفش خوفي إني أقابل ربنا وثمرة دعوتي واحد من دول عامل إزاي
#فمتخليش_الغَربَلة_تغُرَّك

✍️الإسكرينات اللي الشباب كانوا بيمنشنوا ليا عليها تدل أد إيه الشباب غلبان ومن السهل جدا ينضحك عليه ، وعرفتني إن اللي قاللهم وأقنعهم إن صفات الست مستترة كان بيتكلم ووضعه وإمكانيات معرفته فين

👈إسكرينة لواحد عرف واحدة عن حب 7 سنين ، وبعد ما تزوجها بكام سنة خانته مع واحد

👈إسكرينة تانيه لواحد خطب واحدة محفظة قرآن وكانت بتحفظ طفل في بيت ، والراجل صاحب البيت مطلق مراته ، وهي خانته مع الراجل ده

⬅️العجيب إني لما رديت عالشباب اتصدموا صدمة عمرهم
الشباب بيذكروا النماذج دي وكأن الشباب (المغفل) اللي وقعوا في النموذجين مساكين وياعيني كانوا هيعرفوا منين يعني الصفات المستترة دي

واحدة مشيت معاك 7 سنين في الحرام قبل الزواج منها...(متفاجئ إنها تخونك ؟...طب ما هي خانت والدها ياعم المغفل ، وللا هي علشان خيانتها كانت معاك إنت بقت الخيانة خيانة بالشيكولاتة ؟)
لا ورايح يتزوجها عادي 😏

واحدة تانيه اتزوجها محفظة قرآن...(كل مقوماته إنها محفظة)
بتحفظ في بيوت... ودي مصيبة أصلًا
لا كمان ورايحه بيت واحد مطلق زوجته تحفظ ابنه..(إنت معتمد على إن الواد مَحرَم معاها مثلًا ؟)🙄

⬅️عارفين بلاهة الشباب دي ظهرت منين ؟
الشباب دول بياخدوا حباية الوعي الحمرا من ناس كفار غالبيتهم مشيوا مع مومسات واتخزوقوا وبعد كدا بيعملولنا قواعد الألفا ورجل المستحيل 💪

البنات كمان بياخدوا أفكارهن من الإستشاريات الأسريات اللي غالبيتهن مطلقات (معرفتش تحافظ على بيتها وبتديكي نصايح تحافظي على بيتك)😂

المهم بقى إنك بتلحق بلاهتك دي باعتراضك علينا لما ننقلك الشرع وألاقيك بتقوللي: (أنا معاك ياشيخ إن التائبة تستر نفسها عادي ، بس التائبة دي هنعرفها منين ؟)
إنت طول ما إنت ماشي في الغيبوبة دي وبتلهث خلف المنتكسين دول مش هتعرفها فعلًا
#كبسولات_رجولة 💪