ርትዕት ሃይማኖት ዘኦርቶዶክስ ተዋሕዶ

አቡነ ሚካኤል ለጥቂት ደቂቃዎች ጸሎት እንዲያደርጉ ጠይቀው ተፈቀደላቸው። ጸሎታቸውን አድርሰው ሲያበቁ

መስቀላቸውን በግንባራቸው አድርገው፤ “በል እንግዲህ የፈለከውን አድርግ” በማለት ተናገሩ። ወዲያውኑ የወታደሮቹ አዛዥ የተኩስ ትዕዛዝ ሰጠ። ከእነ አቡነ ሚካኤል እና ከአርበኞች ፊት ለፊት በተርታ ተደርድረው ጠመንጃቸውን ያነጣጠሩት የጠላት ወታደሮች የእሩምታ ተኩስ ተኮሱ። ብፁዕነታቸውና ሁለቱ አርበኞች በተተኮሰባቸው ጥይት ተመተው ወደቁ። ብፁዕነታቸው ኅዳር ፳፭ ቀን ፲፱፻፳፱ ዓ.ም. በፋሽስቱ እጅ በመትረየስ ጥይት ተደብድበው ለእናት ሀገራቸው ለኢትዮጵያ የነፃነት ታጋይ አርበኛ መሆናቸውን አስመስክረው ሰማዕትነትን በመቀበል ሕይወታቸውን አሳልፈው ሰጡ፡፡ስዊድናዊው ኮሎኔል ካውንት ካርል ስለ ብፁዕ አቡነ ሚካኤል ሲናገር፤
“ብፁዕ አቡነ ሚካኤል ከማልዘነጋቸው ቆራጥ ኢትዮጵያውያን አርበኞች አንዱ ናቸው፡፡ ጳጳሱ በሞት ፊት ያሳዩት ድፍረት እና የሀገር ፍቅር ስሜት ምንጊዜም አይረሳኝም፤” በማለት ገልጿቸዋል፡፡ የቀብራቸውም ሥነ ሥርዓት በአግባቡ አልተፈፀመም ነበር። አቶ ወልደ አብ የተባሉ የአገር ፍቅር ያደረባቸው የአካባቢው ነዋሪ በሌሊት ተነሥተው ቀበሯቸው። ብፁዕ አቡነ ሚካኤል ከተረሸኑ በኋላ አጽማቸው ከነበረበት አልባሌ ሥፍራ ተለቅሞ በሣጥን ተደርጎ፣ በጎሬ ደብረገነት ቅድስት ማርያም ቤተክርስቲያን በክብር የተቀመጠው፤ ጠላት ከሀገር ተባሮ ነፃነት ከተመለሰ ከ1935 ዓ.ም. በኋላ ነው፡፡

የሰማዕትነት መታሰቢያ

የኢትዮጵያ ኦርቶዶክስ ተዋሕዶ ቤተ ክርስቲያን  ቅዱስ ሲኖዶስ ለጎሬው ብፁዕ አቡነ ሚካኤል ቅድስናን ሰጥታለች፡፡ ግንቦት ፲፬ ቀን ፳፻፰ ዓ.ም. መሥዋዕት በሆኑባት ጎሬ ከተማ በሚገኘው  በደብረ ገነት ቅድስት ማርያም ቤተ ክርስቲያን ደጀ ሰላም ውስጥ ሐውልት ቆሞላቸዋል፡፡ በጎሬ ከተማ ውስጥ በ፲፱፻፷ ዓ.ም. በስማቸው የተቋቋመው አቡነ ሚካኤል አንደኛ ደረጃ ትምህርት ቤት፤ በማስታወሻነት ተገንብቷል።

የኢሊባቡር ሀገረ ስብከት ሊቀ ጳጳስ የነበሩት ብፁዕ አቡነ ቄርሎስ የአቡነ ሚካኤልን ፎቶ ግራፍ ከግብጽ አሌክሳንድርያ አስመጥተው በጎሬ ከተማ ቅድስት ማርያም ቤተክርስቲያን ፊት ለፊት በሚገኘው አደባባይ ላይ ከ፲፱፻፶፪ ዓ.ም እስከ ፲፱፻፷፯ ዓ.ም ድረስ በመስታወት ውስጥ አስቀምጠውት ነበር። በደርግ አስተዳደር ወቅትም በቦታው መንገድ አቋርጦ ያልፍበታል ተብሎ ፎቶ ግራፋቸው እንዲነሣ ተደረገ።


የሰማዕቱ ብፁዕ ወቅዱስ አቡነ ሚካኤል የምስክርነት ሐውልት ግንቦት ፲፬ ቀን ፳፻፷ ዓ.ም. በብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት፣ ብፁዓን ሊቃነ ጳጳሳት፣ የአርበኞች ማኅበር ፕሬዝዳንት፣ ማኅበረ ካህናት እና ማኅበረ ምእመናን በተገኙበት ሰማዕትነትን በተቀበሉበት በጎሬ ከተማ ተመርቋል፡፡

ምን እናድርግ?

ሰማዕተ ጽድቅ ብፁዕ አቡነ ሚካኤል በፋሺስት ኢጣሊያ እጅ ለቅድስት ኦርቶዶክስ ተዋሕዶ ቤተክርስቲያንና ለኢትዮጵያ ፍቅር በጠላት ጥይት ተደብድበው የተገደሉ የሀገር ባለውለታ ናቸው፡፡ ይሁንና እኒህ ሰማዕት በሀገር አቀፍ ሰደረጃ ሲወሱ አይታይም፡፡ በዓለማችን ላይ በርካታ ሀገራት ለራሳቸው ታላላቅ ሰዎች ሐውልት ያቆማሉ፣ መንገድ ይሰይማሉ፤ ይህን የሚያደርጉት ሌሎች ታላላቅ ሰዎች እንዲፈጠሩ ለማበረታታት ነው፡፡ በእኛ ሀገር ግን ያለውን ሁኔታ ስናይ ከዚህ ተለየ ነው፡፡

እኚህን ታላቅ ለሀገርና ለቤተክርስቲያን ሲሉ ሰማዕት የሆኑ አባትን ስንቶቻችን እናውቃቸዋለን? ስንቶቻችንስ ታሪካቸውን ጠንቅቀን እናውቃለን? በሀገር አቀፍስ ደረጃ የሚታወሱበት ምን ተሠራላቸው? ይሄ የሁላችንም ጥያቄ ሊሆን ይገባል፡፡

የኢሉባቦር ሀገረ ስብከት ሰማዕቱን ለማዘከር የአቅሙን ያህል እየሠራ እንደሚገኝ ይታወቃል፡፡ ሊቀ ትጉኃን ብርሃኑ መንገሻ እንደጸናገሩት የሀገረ ስብከቱ ዋና ሥራ አስኪያጅ እንደተናገሩት “ሰማዕቱ ብፁዕ አቡነ ሚካኤል በዓለም አቀፍ ደረጃ በታሪክ ቢታወቁም፤ በሀገር አቀፍ ግን ብዙ አልተነገረላቸውም፤ ስለዚህ ትውልዱ ትኩረት ሰጥቶ ሰማዕቱ የሚዘከሩበትን ሥራ መሥራት ይገባል” ብለዋል፡፡ ብፁዕ አቡነ ኤውስጣቴዎስ (ዶ/ር) የኢሉባቦር ሀገረ ስብከት ሊቀ ጳጳስ እንደተናገሩት “ለቤተክርስቲያን ሲሉ ሰማዕቱ ብፁዕ አቡነ ሚካኤል ሰማዕት የሆኑት ለሁሉም ኢትዮጵያውያን ነው  በሀገር አቀፍ ደረጃ ሊዘከሩ ይገባል” በማለት አብራርተዋል፡፡ ቅዱስ ሲኖዶስም የሰማዕቱን ጉዳ ትኩረት በመስጠት አርበኞች ማኅበር፣ ሀገር ወዳድ ኢትዮጵያውያን ሁሉ የሰማዕቱ ብፁዕ አቡነ ሚካኤል በሀገር አቀፍ ደረጃ እንዲዘከሩ ማድረግ ይገባል እላለሁ፡፡ እናንተስ ምን ትላላችሁ?
የሰማዕቱ ብፁዕ አቡነ ሚካኤል ረድኤትና በረከት ይደርብን

EOTC TV (በኢትዮጵያ ኦርቶዶክስ ተዋሕዶ ቤተ ክርስቲያን የመገናኛ ብዙኃን ሥርጭት አገልግሎት ድርጅት):
ሰማዕቱ ብፁዕ አቡነ ሚካኤል ቀዳማይ                                                                                                                                                                                                                                                                   
በመ/ር ጌታቸው በቀለ                                                                                                                                                                                                                                                  “እኔ የማምነው በአንድ እግዚአብሔር ነው። የምቀበለው የነፃነታችን ምልክት የሆነውን የኢትዮጵያን ሰንደቅ አላማ ብቻ ነው።ኢጣሊያ የሚባል ገዥ አላውቅም።ለፋሺስት ኢጣሊያ የተገዛ እንደ አርዮስ የተረገመ ይሁን። እንኳንስ ሕዝቡ ምድሪቱም እንዳትገዛላቸው አውግዣለሁ።” ብለው ለእናት ሀገራቸው ኢትዮጵያና ሕዝቧ ሲሉ በፋሲሽት ኢጣሊያ በመትረየስ ጥይት ተደብድበው ሰማዕት የሆኑበትን 88ኛ ዓመት ኅዳር ፳፭ ቀን ፳፻፲፯ ዓ.ም እናዘክራለን፡፡ ታሪኩን እንደሚከተለው እንመለከተዋለን፡፡
                                                                                                                                                                                                                                                                 ግንቦት ፳፭ ቀን ፲፱፻፳፩ ዓ.ም ከአራት አባቶች ጋር ለመጀመሪያ ጊዜ ወደ ግብፅ በማቅናት ብፁዕ አቡነ ሚካኤል ተብለው ወደ ኢትዮጵያ ተመልሰዋል፡፡ ከብፁዕነታቸው ጋር ጵጵስናን ከተቀበሉት ሌሎች ብፁዐን አባቶች መካከል፤  ብፁዕ አቡነ ጴጥሮስ፣ ብፁዕ አቡነ ይስሐቅ እና ብፁዕ አቡነ አብርሃም ይገኙበታል፡፡
                                                                                                                                                                                                                                                                 ግፈኛው ፋሺስት የኢጣልያ በ፲፱፻፳፰ ዓ.ም ኢትዮጵያን በወረረ ጊዜ ሀገራቸውን በአጥንታቸው እሾኽነት አስከብበው፣ በደማቸው የኦርቶዶክሳዊት ተዋሕዶ ሃይማኖትን ክብር አስጠብቀዋል፡፡ በሀገረ ስብከታቸው፣ ሕዝቡን ሰብስበው ለጠላት እንዳይገዛ በማስተባበር፣ የቤተ ክርስቲያኑን ክብር እንዲጠብቅ በማደፋፈር የአርበኝነት ተግባር ፈጽመዋል፡፡ 
 
የብፁዕ አቡነ ሚካኤል በጠላት እጅ መውደቅ
                                                                                                                                                                                                                                                                በኅዳር ወር ፲፱፻፳፱ ዓ.ም በፋሽስቱ የጦር አዛዥ በኮሎኔል ማልታ የሚመራው የፋሺስት ኢጣሊያን ጦር የጎሬን ከተማ ተቆጣጠረ። አቡነ ሚካኤል ደግሞ በጎሬ ከተማ አጠገብ ‘ሳንቤ ቀበሌ’ በምትባል ስፍራ ሆነው ሕዝቡ ጠላትን እንዲከላከል በመቀስቀስ ላይ ነበሩ። ብፁዕነታቸው ከብዙ አርበኛ ወንድሞቻቸው ጋር ከሀገር ወደ ሀገር በመዟዟር ቃለ ወንጌል በማስተላለፍ ላይ እንዳሉ ከሁለት አርበኞች ማለትም፤ ከግራዝማች ተክለ ሃይማኖት እና ከቀኛአዝማች ይነሱ ጋር በመሆን ከጎሬ ደብረ ገነት ቅድስት ማርያም ቤተ ክርስቲያን ወረድ ብሎ በሚገኝ ሰቢ ከሚባል ጫካ ሲደርሱ ይህን የሰማው የፋሽስት ጦር በአፋጣኝ ወታደር ልኮ አስከበባቸው። ከብፁዕነታቸው ጋር የነበሩት አርበኞች ከከበቧቸው የኢጣሊያ ጦር ጋር ተኩስ ከተለዋወጡ በኋላ የጠላት ጦር ከአቅማቸው በላይ በመሆኑ እያፈገፈጉ ሳለ፤ አቡነ ሚካኤል በቅሎዋቸው ላይ ተቀምጠው መንገድ እንደ ጀመሩ በኢጣሊያ ወታደሮች ተያዙ።
                                                                                                                                                                                                                                                              የአቡነ ሚካኤልን ጠንካራ አቋም ከተረዳው ጠላት ተልከው የመጡት መልዕክተኞችም አቡነ ሚካኤል ከጣሊያን ጋር እንዲስማሙ፤ ሕዝቡን እንዲያባብሉ፤ “ለኃያሉ የኢጣሊያ መንግሥት ለመገዛት ቃል ይግቡና ሕዝቡም እንዲገዛልን ይስበኩልን። ይህንን ካደረጉ እንለቅዎታለን።” በማለት በልዩ ልዩ መደለያ ጭምር አባበሏቸው። ብፁዕ አቡነ ሚካኤል ግን ከሀገራቸው ከኢትዮጵያ ጠላት ጋር እንደማይተባበሩ በጽናት ሲገልጹ፤ “እኔ የማምነው በአንድ እግዚአብሔር ነው። የምቀበለው የነፃነታችን ምልክት የሆነውን የኢትዮጵያን ሰንደቅ አላማ ብቻ ነው።  ኢጣሊያ የሚባል ገዥ አላውቅም።  ለፋሺስት ኢጣሊያ የተገዛ እንደ አርዮስ የተረገመ ይሁን። እንኳንስ ሕዝቡ ምድሪቱም እንዳትገዛላቸው አውግዣለሁ።” በማለት በዚያ ለተሰበሰበው ሰው ሁሉ ውግዘታቸውን አሰሙ። 
                                                                                                                                                                                                                                                                   ሰማዕትነትን መቀበል

የጠላት ጦር አዛዥ ኮሎኔል ማልታ እሥረኛውን ጳጳስ ከእሥር ቤት አስመጥቶ ሕዝቡ በተሰበሰበበት አደባባይ አቀረባቸው። ከጎሬ ጊዮርጊስ ቤተክርስቲያን በታች አሮጌው ቄራ አጠገብ ጉድጓድ ተቆፈረ።
                                                                                                                                                                                                                                                                በጉድጓዱ ዳር በሁለት ስመጥር አርበኞች በቀኛዝማች ይነሱ እና በግራዝማች ተክለ ሃይማኖት መካከል ጳጳሱ እንዲቆሙ ተደረገ። በዚህን ጊዜ

#ሠናይ_ሰንበት
#እርሱ_ግን_ተኝቶ_ነበር በሚል ርእስ በ ኦቶና ደብረ ጽዮን ቅድስት ማርያም ቤተ ክርስቲያንን አርፍደናል!!!

👉ማቴ 8፡23-27

• ወደ ታንኳም ሲገባ ደቀ መዛሙርቱ ተከተሉት
• እነሆም ማዕበሉ ታንኳዪቱን እስኪደፍናት ደረስ በባህር ታላቅ መናወጥ ሆነ፤ እርሱ ግን ተኝቶ ነበር
• ደቀ መዛሙርቱም ቀርበው ጌታ ሆይ አድነን ጠፋን እያሉ አስነሡት
• እርሱም እናንተ እምነት የጎደላችሁ ስለምን ትፈራላችሁ አላቸው፤ ተነሥቶም ባህሩን ገሠጸው፤ ታላቅ ጸጥታም ሆነ
• ሰዎቹም ነፋሳትና ባህር ስንኳን የሚታዘዙለት ይህ ማነው ብለው ተደነቁ። መ

ማብራሪያ ፦

ታንኳ ምንድነው?

1. የኖኅ መርከብ
2. ኦሪት
3. ሥጋዌ/ትስብእት
4. ወንጌል
5. ጥምቀት
6. ንስሐ/ተአምኖ ኃጣውእ
7.ተባህትዎ
8. ምንኲስና
9. ሰማዕትነት
10. መስቀል
11. ቤተ ክርስቲያን

👉ደቀ መዛሙርቱ ማለት?

 አበው
 ነቢያት
 ሐዋርያት
 ሰማዕታት
 መነኰሳት
 ባህታውያን
 ሊቃውንት
 መምህራን
 ምእመናን ማለት ናቸው

👉ተከተሉት ማለት፦👇

• አብነት/አርአያ/ምሳሌ አደረጉት ማለት ነው
• ‹‹እኔ መንገድና እውነት ሕይወትም ነኝ፤ ከእኔ በቀር ወደ አብ የሚመጣ የለም ›› ዮሐ 14፡6፡፡
• ‹‹እኔንም የሚያይ የላከኝን ያያል›› ዮሐ 12፡45፡፡
• ‹‹እንግዲህ እኔንም የምትመስሉ ሁኑ ብዬ እለምናችኋለሁ›› 1.ቆሮ 4፡4፡፡
• ‹‹ እኔ ክርስቶስን እንደምመስል እናንተም እኔን ምሰሉ›› 1.ቆሮ 11፡1

👉ሁከተ ባህር

• ባህር የዚህ ዓለም ፤ የሲኦል፤የመቃብር፤የዘመነ ብሉይ ፤ የዘመነ ሐዲስ ምሳሌ
• ሁከት/ማዕበል ሞገድ የስቃየ ሲኦል የመርገመ ሥጋ ወነፍስ ምሳሌ
• በዚህ ዓለም በነቢያት በሐዋርያት በባህታውያን በመነኰሳት በሰማዕታት በምእመናን የሚደርሰው ፈተና ምሳሌ ነው

👉የማዕበሉ መንሥኤ

1. ሥርዓተ ተፈጥሮ፡- መዝ 103፡32
2.  የጌታችን አምላክነት ምስክር፡- ‹‹ባህርኒ ሰገደት ሎቱ ወአእኰተቶ›› እንዲል ቅ.ያሬድ ባህር በድንጋጼ በመገዛት በመጨነቅ በመታወክ አምላክነቱን መስክራለች፤ የማትችለው አምላክ ተገልጧልና፡፡ መዝ 113፡3 ‹‹ባህርኒ ርእየት ወጐየት›› እንዲል፡፡
3. የሰይጣን መጨነቅ፡- ጌታችን ሰይጣንን እያሳደደው ስለሆነ ፤ ይልቁንም በጌርጌሴኖን ሁለት በጭንቅ የተያዙ ሰዎች ላይ ያደሩ ብዙ መናፍስትን የሚያሰወጣ ነውና ሰይጣን አስቀድሞ ማዕበል መ መገድ በማስነሣት የጌታን መምጣት ለመቃወም ሞክሯል

👉የጌታ መተኛት

1. ለአጽድቆተ ትስብእት ፡- የጌታችን መተኛት ሰው መሆኑን ምትሐት አለመሆኑን ያጠይቃል
2. ለአርእዮ ትሕትና፡- በመርከብ መተኛት ራሱን ዝቅ ማድረጉን ያመለክታል (ወመድኅንሰ ኮነ ይሰክብ ከመያርእየነ ትሕትናሁ›› እንዲል ግእዝ በግእዝ ወንጌል ትርጓሜ
3.  በትጋሃ ሌሊት የሚያድር መሆኑን ያመለክታል፡- ሉቃ 21፡37
4. ቤት የሌለው መሆኑን ያጠይቃል፡- ራሱን የሚያስጠጋበት ደሳሳ ጎጆ እንደሌለው ተናግሮ ነበርና፤ ማቴ 8፡ 20
5. አምላክነቱን ለመግለጥ፡- ‹‹እስከ የሐውር ኀበ ሀገረ ጌርጌሴኖናውያን ኮነ ሁከት ዐቢይ እስመ መድኅን ሆኮ ለባህር ወአደንገፆ ከመ ያጠይቅ ለልበ ሐዋርያት ከመ ውእቱ እግዚአ የብስ ወባህር›› ዮሐ.አፈ

6. ትዕግሥቱን ለማሳየት፡- ንቃህ እግዚኦ ለምንት ትነውም እንዲል

👉ደቀ መዛሙርቱ ቀርበው ቀሰቀሱት

• ቀርበው የሚለው ቃል ባለሟል መሆናቸውን ያሳያል
• ምሥጢሩ ግን በየጊዜው የሚነሱ ወዳጆቹ በጸሎታቸው በምልጃቸው የሚቀሰቅሱት መሆኑን ያመለክታል ፤ ሉቃ 18፡1
• በብሉይ ኪዳን ነቢያት ካህናት ደም አፍሰው ስብ አጢሰው ከስቃየ ሲኦል እንዲያድናቸው መማፀናቸውን ያሳያል
ዛሬም
• ከሀገራችን ከዓለማችን መከራ እንዲርቅ በጸሎት መቀስቀስ መማለድ አለብን
• እግዚአብሔር የሚተኛ አምላክ ሆኖ አይደለም እንደንጠይቀው ይፈልጋል ፤ ፈቃዳችንን ይሻል መገዛታችንን ይሻልና ነው
• በአንድነትና በእምነት በሚደረግ ጸሎት መከራው ጸጥ ይላልና ነው
• በብዙ እንድንለምነው ይፈልጋልና
የአምነት መጉደልና ፍርሃት
• የእምነት መጉደል ፍርሃትን ያመጣል
• ሐዋርያት ገና ፍጹማን አለመሆናቸውን ያሳያል
• ከማእበለ ባህር አስቀድሞ የሐዋርያትን ልብ ባህር ሞገደ ፍርሃት ገሠጸ
• ከዚያም ማዕበለ ሞገዱን ጸጥ አደረገ
ተደነቁ!
• ባህርና ነፋሳት የሚታዘዙለት ይህ ማነው ብለው ተደነቁ
• ይህ ማነው ብለው የተደነቁበትን ቃል ማቴ 16፡13 ላይ በክፍሉ እንመለከተዋለን
• ተአምራቱ ከሙሴ ከኢያሱ ከኤልሳዕ ልዩ ነውና ይህ ማነው ብለው ተደነቁ.....

ፍቅሩን በልባችን ይሳልልን!!!

መጋቤ ሐዲስ ነቅዐጥበብ ከፍያለው

❤ድንግል_ማርያም❤
#ርእሰ_ሊቃውንት_አባ_ገብረኪዳን_ካስተማሩት_#13


❤ እግዚአብሔር ጸጋን ሁሉ የዘገበባት የጸጋ ማህደር እመቤታችን ናት።

በቃና ዘገሊላ ወይኑ አልቆ ሳለ ሰው ሁሉ እየተቸ ነበር። አሳብ የለውም። ተበድረው ጠምቀውት ይሆን። አይልም። ማለቁን ብቻ አይቶ እየተቸ ነው። ችግራቸውን ያየች የጠራ አይን ያላት ርግብ ማናት? ወላዲተ አምላክ ቅድስት ድንግል ማርያም። የሁላችንንም ችግር ትመልከትልን እመቤታችን🙏። በርግጥም ታይልናለች።

እኔ ከዚህ በኋላ የምፈልገው። ሁልጊዜም እንደምትወዷት አውቃለሁ እመቤታችን። ግን ከዚህ ትምህርት በኋላ በትክክል እመቤታችን ቅርባችሁ እንደሆነች እንድታስቡ እፈልጋለሁ። በቃ እንደምትሰማችሁ አጠገባችሁ እንዳለች።
እመቤታችን እንደዚህ አድርጊልኝ እሺ። እናታችሁን ማማ እንደዚህ አድርጊልኝ እሺ እንደምትሉት።
እርግጠኛ እንድትሆኑ እንፈልጋለሁ።

እመቤታችን በጣም በጣም ችግሮቻችን ትመለከታለች፣ ድካም ትረዳለች። እናታችን ናት።


{🔊ርእሰ ሊቃውንት አባ ገብረኪዳን ግርማ
(በርእሰ አድባራት ወገዳማት ጣና ቅዱስ ቂርቆስ ገዳም የ፬ቱ ጉባኤያት ምስክር መምህር)}

#በርን_መዝጋት

#ርእሰ_ሊቃውንት #አባገብረኪዳን ካስተማሩት #12


🔻ኁር ሕዝብየ ወባእ ቤተከ ወእጹ ኆኅተከ
ህዝቤ ሆይ ወደቤትህ ግባ፤ ደጅህንም ዝጋ
ይላል ኢሳይያስ 26


🔻ቤት ያለው ልብን ነው።
ወደቤትህ ግባ ያለው፦
ወደ ልብህ ግባ ህዋሳቶችህን ሰብስባቸው ማለት ነው።

ደጅን መዝጋት ማለት የማይረቡ ወሬወች ወደኛ እንዳይገቡብን ማድረግ ነው።ልብን የሚያረክሱ ነገሮችን ከመስማት መጠንቀቅ።


🔻አይንን መጠበቅ። ሚጦን ለአእይንትየ ከመ ኢይርአያ ከንቶ
አይኖቼ ከንቱ/ክፉ ነገሮችን እንዳያዩ መልሳቸው ብሏል ቅ/ዳዊት
በአይን የሚገባው ልብን ያረክሰዋል።

በጆሮ የሚገባው ልብን ያረክሰዋል። ልብን እንዳያሰናክለው አይንን፤ ጆሮን መጠበቅ ።



🔴 አባቶች ይሄን በ2 በምሳሌ ያስረዱታል።

🔶1ኛ
አንድ እብድ ድንጋይ እያነሳ ወደ ቤትህ ይወረውራል። ድንጋዩም መጠራቀም ይጀምራል። በውጭ ቆመህ ዝም ብለህ ብታየው ምን ይሆናል? 1ቀን ሲወረውርበት ዋለ፣ ሁለት ቀን ፣ ሶስት ቀን እያለ ቢደጋገም... ድንጋዩ ቤትህን ይሞላና እብዱ ከቤትህ ያስወጣኀል።


🔶እብድ የተባለ ማን ነው?
ሰይጣንና የሰይጣን ሰዎች የሚወረውሯቸው ቃላት ናቸው። እነዚያን ወደ ጆሮህ ሲገቡ ዝም ብለህ የምታዳምጥ ከሆነ ከልብህ ትወጣለህ ነው።

ቤቱን ድንጋይ ሞላው ማለት ልብህ ውስጥ የማይረቡ ነገሮች ሞሉበት ማለት ነው።


🔹ስለዚህ ድንጋዩን መጀመሪያ ሲወረውር አውጣው ማለት መጀመሪያ እንደሰማህ ሀሳብን አውጥተህ ጣል ነው።

ወይ አትስማ አሊያም ነገሩን እንደሰማህ ወዲያው እንደከንቱ ተወው። መልሰህ አታንሰላስለው ነው።


🔶2ኛ
ያየኸውንና የሰማኸውን ነገር እንደ እሳት አድርገው ይላሉ። ያየነው የሰማነው ነገር ወደ ምኞት ይቀየራል። ምኞት ወደ ተግባር ይለወጣል።


🔹እሳት ድንገት ብትይዝ (ድንገት እጅህ ላይ ቢያርፍ) ምን ታደርገዋለህ? ወርውረው ነው። ብትይዘው ምን ያደርግኀል? ሳያቃጥል አይለቅህም። ክፉ ሀሳብም ወዲያው እንዳየህና እንደሰማህ ካላስወገድከው ከዋለ ካደረ ነብስህን ሳያቃጥላት አይለቅህም።

ስለዚህ እሳት ነውና አይተህ ሰምተህ ወደልብህ የገባውን ነገር ወዲያው አውጥተህ ጣል። ሽሸው ሀሳቡን።


🔹ለዚህ ነው ማር.ይስሃቅ በቀዳሚ ጉየይ ወበካልእ ጉየይ ወበሳድስ ተንስእ ወተቃተል ያለው። ይሄንን ሀሳብ ሽሸው። ስለዚህ በርን መዝጋት።


🔻ከቤት መውጣት
ዲና የምትባል ነበረች ኦ.ዘጸአት ም34 ላይ ያለችው። የያእቆብ ልጅ ናት። እና እሷ ሳይቸግራት ከሰፈር ወጣ አለችና በሴኬም ያሉ ሰዎች ሁሉ አገኟት።

ከወጣቶች ጋር ተሰብስቦ ያለ አንድ ወጣት ጠለፈና አስነወራት። ክብሯን አጣች። በዚህም ምክንያት ደግሞ ወንድሞቿ ሄደው ህዝብ አጠፉ። ገደሉ። 


🔻ይቺ ዲና የምትባለው ነብስ ከልቧ ወጥታ የምትኮበልል ናት።
ሁሉን ማየት ደስ የሚያሰኛት ፣ የምትቅበዘበዝ፣ ሁሉን መስማት፣ ሁሉን መነካካት ደስ የሚያሰኛት፣ ከሁሉ የምትሆን፣ ከሁሉ የምትደርስ፣ ይቺ ነብስ ናት ዲና።

እራሷም ክብሯን አጣች ወንድሞቿም ነብስ ገደሉ። በዚህ ምክንያት አባቷ ያእቆብ ድንኳን ነቅሎ ተሰደደ።


🔹በእኛ ምክንያት መከራ የሚመጣው ሁሉን ልየው ፣ ሁሉን ልስማው በማለታችን ምክንያት ነው።

🔹እንሞክረው ተብሎ የተጀመረ ነገር ነው መከራ ሁኖ ከሰዎች ልብ አልወጣ ያለው። እንደቀላል የተጀመረ ነገር። ስለዚህ ሁሉን ከማየትና ሁሉን ከመስማት መቆጠብ።

የማይረባንን ነገር። ሁሉ ትምህርት ቤታችን አይደለም። ሁሉ መምህራችን አይደለም። መውጣት አለብን ከዚያ የማይረባን ከመስማት ፣ መውጣት አለብን።




🔊ርእሰ ሊቃውንት አባ ገብረኪዳን ግርማ

(በርእሰ አድባራት ወገዳማት ጣና ቅዱስ ቂርቆስ ገዳም የ፬ቱ ጉባኤያት ምስክር መምህር)

https://t.me/abagebrekidan/6341

ሰናፍጭ አትከፈልም

ክርስቲያን የማይከፈል ነው። ከፈጣሪው ከባልንጀራው መለየት የለባቸውም። ፍየል ልማዱ መከፈል ነው። ፍየል ይለያያል እየተነጠለ ያስቸግራሉ። ኃጥአንም መለየትን የሚወድ የገዛ ፈቃዱን  ይከተላል። 

ክርስቲያን ሁሌም ለአንድነት ይኖራል። መወሐድ አንድነት ነው። ፍየል ብቻውን መሄድ ይወዳል። ምክንያት እየፈለጉ መለያየት ፍየልነት ነው። ክርስቲያን ሁሌም መኖር ያለበት ለአንድነት ነው። ኦርቶዶክሳዊነት ተዋሕዶአዊነት፣ ኅብረታዊነት ነው። ሥጋና መለኮት እንዳልተለያዩ ሁሉ ክርስትያን ከክርስቲያን መለየት የለበትም። 

ወደ እግዚአብሔር ቤት በአንድ ልብ እንሄዳለን። ወደ እግዚአብሔር መንግስት። አባታችን አንድ እግዚአብሔር ነው። እናታችን አንዲት ቤተ ክርስቲያን ናት። መብላችን አንድ ሥጋ ነው። መጠጣችን አንድ ደም ነው። ሊቀ ካህናታችን አንድ ነው። ኢየሱስ ክርስቶስ ነው። ፓትርያርክ እንኳ ቢሆን በክርስቶስ ስም ነው የሚናዝዘው ። ብዙ ቄስ አለ አንድ ሊቀ ካህን አለ። ብዙ ቀዳሽ አለ እንድ ቅዳሴ አለን። ብዙ አስተማሪ አለ ትምህርታችን አንድ ነው። ማኅጸናችን አንዲት ጥምቀት ናት። 

መንግሥት ሰማያትን የሚወርስ አንድነት ያለው ነው። ከመለየት ኅብረት ይሻላል። ቅዱስ ጳውሎስ ትንቢትም ይሁን ሌላ ብቻ ማኅበሩ የሚታነጽበት ይሁን። "እንዲሁ ደግሞ እናንተ መንፈሳዊ ስጦታን በብርቱ የምትፈልጉ ከሆናችሁ ቤተ ክርስቲያንን ለማነጽ እንዲበዛላችሁ ፈልጉ።" 1ቆሮ 14:12

ለመለያየት ምክንያት አይጠቀስም። ከሰውም ከእግዚአብሔር ጋር ኅብረት ያላቸው መንግሥት ሰማያትን ይወርሳሉ። መተባበሪያችን ማዕከል ክርስቶስ ነው። እኛ ሕዋስ እርሱ ራስ ነው።

ዝቅ የምታደርገው አካል ክብርህ ነው። ዐይን ለማየት፣ ጆሮ ለመስማት ነው። 
እግዚአብሔር በጥንቃቄ አካልን ገጥሞታል። የፈጠረን አሳምሮን ነው። አካላት ሲታመሙ እንኳ ይተባበራሉ። ተፈጥሮአችን ኅብረታዊ ነው። አብ ወልድ መንፈስ ቅዱስ አንድ ጌትነት ናቸው።

ሰናፍጭ ክፉ ሽታ ታርቃለች

ወንጌል ክፉ ኃጢአትን ታርቃለች። ክፉ ጠባይና ኃጢአት መጥፎ ሽታ ነው። “በሚድኑቱና በሚጠፉቱ ዘንድ ለእግዚአብሔር የክርስቶስ መዓዛ ነንና” 1ቆሮ. 2:15

እኛ የክርስቶስ መዓዛ ነን። ማለት የክርስቶስ መታወቂያ ነን። እኛን አይተው ሰዎች ክርስቶስን ያውቁታል ማለት ነው። የማን መዓዛ ነን? ብለን መጠየቅ ነው። 

“ሰላም ለቃልኪ እምአስካለ ወይን ጥዑም
ወእምድምፀ ናብሊስ አዳም ዘያረስኦ ለሕማም ማርያም ድንግል ዘብርሃነ ሕይወት ተቅዋም እመ ተሀውከ በላዕሌየ ማዕበለ ዝንቱ ዓለም ከመ ያርምም ገስጺዮ መሐ ሪት እም”

ሕማምን ከሚያስረሳው ካማረው የማኅሌት ዕቃ ድምጽና ከወይን ፍሬ ይልቅ ለሚጣፍጥ ቃልሽ ሰላምታ ይገባል፤
የሕይወት ብርሃን መቅረዝ ድንግል ማርያም ሆይ የዚኽ ዓለም ማዕበል በላዬ ላይ በተነዋወጠ ጊዜ አዛኝቱ እናት ዝም እንዲል ገስጪው” (መልክአ ማርያም)

ልጁ ተሰቅሎበት ዝም የሚል ሰው ሰምተን እናውቃለን ወይ? ልጇ ተሰቅሎ ምንም አላለችም። 33 ዓመት አብራ ኖራ እናት ነኝ ብላ አላወራችም። ዘለፋም ተግሳጽም ወጥቷት አያውቅም። የሕይወት መዓዛ ሊኖረን ይገባል። 

ሰናፍጭ ሥጋን  ከመበስበስ ትጠብቃለች

ሥጋን ከጨው ጋር ሆና እንዳይበሰብስ ትጠብቃለች። ወንጌል ሰው እንዳይበስብስ ታደርጋለች። የዘለዓለም መንግሥት የምታወርሰን ወንጌል ናት። 

ሰናፍጭ ልሙጽ (ወጥ) ናት

ክርስቶስ ድንጋይ ልሙጽ ነው። በአጋንንትም በሞትም አልተያዘም። ለሰይጣን ለመናፍቅ አትያዙ ማለት ነው። 

ሰናፍጭ ሌሎችን ዘሮች ትነቅላቸዋለች

የክርስቶስ ወንጌል ሥር ሲሰድ ሌላ የኃጢአት ዘር ይነቅላል። ወንጌል የአይሁድን የአሕዛብን የመናፍቃን የክህደት ዘር ነቃቅላለች። 

የአጋንንትን ተንኮል ነቃቅሎ ያጠፋል። አጋንንት ብቻችንን ስንሆን ብዙ ክፋት ይመጣለ። ይጠቅሱልናል። የክርስቶስን ቃል ስንጥጠቅስበት ይነቀላል። 
ክፉ ሕሊና “አንተን እንዳልበድል፥ ቃልህን በልቤ ሰወርሁ” 119:11

የእግዚአብሔር ቃል በልባችን እየሰደደ ሲሄድ የተንኮል የክፋት ሥር እየተነቀለ ይሄዳል። በራሱ ይነቀላል። ዛሬ ላንለወጥ ይችላል። ራሱ እየተነቀለ ይሄዳል። በሂደት። “ሕጠተ ደዌ ዘበቆለ ሶክ” መልክአ ኢየሱስ

ተግሳጽ ቡሩክ ወንጌል ናት። ከሕሊናዬ የበቀለ እሾክ ይየሚወገደው በወንጌል ነው። 

የሀገር መከራ የቤተ ክርስቲያን ፈተና የሚነቀለው በወንጌል ነው። የነገሥታትን ተንኮል የሚነቅለው ወንጌል ነው። ሀገርን ቤተ ክርስቲያንን ለመታደግ ብቸኛው መንገድ ወንጌል ነው። 

መጀመሪያ ወንጌል ሥር ይስደድብን። ወንጌል ሥር ከሰደደ ሁሉም ነገር ይቀላል። ወንጌል ሥር ሲሰድ ጥቅርጥር ይጠፋል። መለያየት ይጠፋል። የክፋትን ሁሉ ሥር ነቅላ የምትጥል ወንጌል ናት። በቤተክርስቲያን የሚታየው ችግር ወንጌል ሥር ሳይሰድ ንሰሐ ግቡ፣ ቁረቡ እንላለን። ይኽንን የማያደርጉት ይሰማሉ እንጂ ሥር አልሰደደም። 

ክፋት የሚጠፋው ሁሌ ስንማር ነው። ቃሉን በቃል እንያዝ፣ ጥቅስ እናጥና። ሲቀደስ እናዳምጥ፣ በቀን አንድ ቃል እንያዝ። ወንጌል ሥር ሲሰድ ሌላው ሥር ይነቀላል። 

ንዋይ ካሳሁን

#ርእሰ_ሊቃውንት_አባ_ገብረኪዳን_ካስተማሩት_#11

♻️ ወከንቱ ተአምኖ በሰብእ በእግዚአብሔር ንገብር ኃይለ👉 (በሰው መታመን ከንቱ ነው፤
#በእግዚአብሔር ኃይል እናደርጋለን። )

ወውእቱ የአስሮሙ ለእለ ይሳቅዩነ
👉(መከራ የሚያጸኑብንን እርሱ ያዋርዳቸዋል።)

🏵#እግዚአብሔር የታመነ ረዳት ነው።🥰
🏵የማይጠረጠር ወዳጅ።🥰
🏵ስንለወጥ የማይለወጥ🥰
🏵ሰኞ ንጹሕ ሁነዋል ልውደዳቸው፤ ማክሰኞ ረክሰዋል ልጥላቸው የማይል።🥰
🏵ደግ ወዳጅ🥰
🏵ሲወዱት የሚወድ ሲጠሉት የሚጠላ ወዳጅ ሞልቷል።
እየጠላነው የሚወደን ግን #እግዚአብሔር ነው።🥰

🤍#እሱን ተስፋ አድርገን፤ ተስፋችን ካስተካከልነው፤
🤍ልባችን በሙሉ ወደ #እርሱ ያርፋል።
🤍ልብን የሚያሳርፈው #እግዚአብሔር ነው።

🖤ተስፋ ያደረግነው ነገር በሙሉ አሁን የለም። ልባችን ከመባከን ውጭ ማለት ነው።

💛"በተስፋ ደስ ይበላችሁ።" ያለ ቅዱስ ጳውሎስ ስለዚህ ነው።

💛"ተስፋሰ ኢያስተኃኀፍር"(ተስፋ ደግሞ አያሳፍርም።)

💛"ወዘሰ ያስተርኢ ኢኮነ ተስፋ"
(የሚታየው ደግሞ ተስፋ አይደለም)

💭የማይታየውን #እግዚአብሔር ተስፋ አድርጉት። አይናችሁን ወደ ላይ ስቀሉት።



{ርእሰ ሊቃውንት አባ ገብረኪዳን ግርማ በርእሰ አድባራት ወገዳማት ጣና ቅዱስ ቂርቆስ ገዳም የ፬ቱ ጉባኤያት ምስክር መምህር}

🌼 መቅደስህን አጥራ 🌼

በሕይወትህ ለሚመጡ ሰዎች ቦታ ፈልግላቸው ቅኔ ማህሌት ነው? ወይስ ቅድስት ወይስ መቅደስ? ያንተ ስም ያንተ ማንነት ለሰዎች አጀንዳና ርዕሰ ጉዳይ እንዲሆን አትፍቀድ !

ለራስህ ድንብርና ልኬት ይኑርህ ለፍቅርህም ለጥላቻህም ልክ ይኑረው ለነገሮችም ቁጥብ ሁን ሳቅና ለቅሶህም ለሌሎች ትዝብት እንዳይሆን ተጠንቀቅ!

ሰዎች በማንነትህ ላይ እንዳይረማመዱብህ ከፈለከ መቅደስህን አጽዳው:: ለሰው እንደ ቤ/ክ 3 ክፍላት አሉት::
1.ቅኔ ማህሌት:- ሊቃውንትና ንኡሰ ክርስቲያን እንደሚቆምበት + አንተም ውስጥ ትውውቅህ ንኡስ ለሆኑና ትውውቅህ ጥቂት ለሆኑ ሰዎች የሚኖርህ ቦታ ሊኖረው ይገባል።

2.ቅድስት የቆራቢ ምዕመናን መቆሚያ ሲሆን ባንተም ውስጥ አጠገብህ ሆነህ ጓዳና ምስጢርህን በመጠኑ ሚያቁ የተመረጡ ወዳጆች ብቻ የምታኖርበት የልብ ቦታ ነው።

3.መቅደስ ደግሞ ክህነት ያላቸው ብቻ የሚገቡበት ሲሆን ባንተ ሕይወትም ውስጥ ብቸኛ ጓደኞች ብቸኛ ወዳጆች ምትላቸው የፍቅርህን ሥልጣን አንተን መተቸት መውቀስ የፈቀድክላቸው ገመናህን የሚሸፍኑ  የተመረጡ ወዳጆች ቦታ ቅድስተ ቅዱሳን ነው።።

      ስለዚህ ሰው ከሆንክ የመጣውን ሰው ሁሉ መቅደስህ ውስጥ አታስገባ መቅደስህን አጽዳው በፈረሰው በኩል ማይቆምልህ ምስጢርህን ማይጠብቅልህ የእሱ አብሮ መሆን ችግር ለሆነብህ መቅደስህን አጽዳው!
   ቤትህን ቤተሰብህን ትዳርህን ሁሉን ኑሮህን ለሁሉ አትግለጥ ቁጥብነት ይኑርህ!  ለኑሮህ መንጦላዕት /መጋረጃ/ ይኑረው የራስህን ሕይወት አንተ ሳትፈቅድለት እንዲያጤንህ አትፍቀድለት !
  

#ርእሰ_ሊቃውንት_አባ_ገብረኪዳን_ካስተማሩት#10

⏰ሰው ሲያልቅ የሚቀረን የመጨረሻ ገንዘባችን #እግዚአብሔር ነው። የበላም በልቶ ይሄዳል፣ የጠጣም ጠጥቶ፣ ያመሰገነም አመስግኖ ይሄዳል። ሁሉም ይሄዳል። መልክም ጥሎ ይሄዳል ጤናም፤ ሀብትም፤ ሹመትም ሁሉም ጥሎ ይሄዳል። ጥሎ የማይሄድ #እግዚአብሔር ብቻ ነው። #እግዚአብሔር ግን ከልጆቹ ቢጠፉም ቢበድሉም ቢያንሱም ቢያድጉም ሰው በተለወጠ ቁጥር የማይለወጥ ነው። ባህሪው አይለወጥም ። የሰው የሀጢአት ብዛት #የእግዚአብሔርን ቸርነት አይለውጠውም።  ባለም ሁሉ ያለ የሀጢአት ብዛት #የእግዚአብሔርን አንዷን  የቸርነት ጠብታዋን  እንኳን አያክልም። #የእግዚአብሔር ፍቅር❤ በሰው ልብ ተተክላ የምትኖር ከምድር እስከ ሰማይ የተዘረጋች ምንም የሚያናውጻት የሌለ ጽኑ ዛፍ ናት። ስለዚህ ነው "ማይ ብዙህ ኢይክል አጥፍኦታ ለፍቅር ወአፍላግኒ ኢያንቀለቅልዋ" ተብሎ የተጻፈው። (ወንዞችና ፈሳሾች ሁሉ ቢበዙ #የእግዚአብሔርን የፍቅር ዛፍ መንቀል አይችሉም። #የእግዚአብሔር ፍቅር❤ የማትነቀል የህይወት ዛፍ ናት። በምእመናን ልቡና ጸንታ የምትኖር ደግሞ እሳት ናት።)


{ርእሰ ሊቃውንት አባ ገብረኪዳን ግርማ በርእሰ አድባራት ወገዳማት ጣና ቅዱስ ቂርቆስ ገዳም የ፬ቱ ጉባኤያት ምስክር መምህር}

✞✞✞ ✝በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✝✞✞✞

❖ ሐምሌ ፭ ❖

✞✞✞✝ እንኩዋን ለብርሃናተ ዓለም ቅዱሳን #ዼጥሮስ #ወዻውሎስ ዓመታዊ የዕረፍት በዓል በሰላም አደረሳችሁ ✞✞✞✝

=>ፍጡር ቢከብር ከእመ ብርሃን ቀጥሎ የእነዚህን
ቅዱሳን ያህል የሚከብር አይኖርም:: ለቤተ ክርስቲያን
ያልሆኑላት ምንም ነገር የለምና እርሷም "ብርሃኖቼ:
ዐይኖቼ: ዕንቁዎቼ" ብላ ትጠራቸዋለች::

+" ✝ቅዱስ ዼጥሮስ ሊቀ ሐዋርያት✝ "+

=>የዮና ልጅ ስምዖን ዼጥሮስ (ኬፋ) የተባለው በጌታችን
ንጹሕ አንደበት ነው:: ይሔውም ዓለት (መሰረት) እንደ
ማለት ነው::
¤በቤተ ሳይዳ ከወንድሙ እንድርያስ ጋር ዓሳ በማጥመድ
አድጐ

¤ሚስት አግብቶ ዕድሜው 56 ሲደርስ ነበር ጌታችን
የተቀበለው:: በዕድሜውም ሆነ በቅንዐቱ:
በአስተዋይነቱም መሠረተ ቤተ ክርስቲያን ተብሏል::
ለሐዋርያትም አለቃቸው ሆኗል:: (ማቴ. 16:17, ዮሐ.
21:15)

+ጌታችን ኢየሱስ ክርስቶስ በተያዘባት ሌሊት ለሰራው
ስሕተት ንስሃ ገብቶ ምሳሌም ሆኗል:: ቅዱስ ዼጥሮስ
እንደ እረኝነቱ ሐዋርያትን ጠብቆ ለጸጋ መንፈስ ቅዱስ
ሲያበቃ ከበዓለ ሃምሳ በሁዋላም ለሁሉም ሃገረ ስብከት
አካፍሏል:: ምንም የርሱ ክፍል ሮሜ ብትሆንም አርድእትን
ስለ ማጽናት በሁሉም አሕጉራት ዙሯል::

+በስተእርጅናው ብዙ መከራዎችን ተቀብሏል:: አሕዛብ
ግብራቸው እንደ እንስሳ ነውና በአባታችን ላይ ቀልደዋል::
እርሱ ግን ሁሉንም ታግሷል:: የቅዱሱን ታሪክ ለመናገር
ከመብዛቱ የተነሳ ይከብዳልና ልቡና ያለው ሰው
ሊቃውንትን ሊጠይቅ እንደሚገባ እመክራለሁ::

+ቅዱስ ዼጥሮስ መልካሙን ገድል ተጋድሎ በ66 ዓ/ም
የኔሮን ቄሳር ወታደሮች ሲሰቅሉት ለመናቸው::
"እባካችሁን? እኔ እንደ ጌታየ ሆኜ መሰቀል አይገባኝም"
አላቸው:: እነሱም ዘቅዝቀው ሰቅለው ገድለውታል:: በበጐ
እረኝነቱም የማታልፈውን ርስት ከነመክፈቻዋ ተቀብሏል:: በሰማዕትነት ሲያርፍም ዕድሜው ወደ 88 አካባብ ደርሶ
ነበር::

✝=>#የቅዱስ_ዼጥሮስ መጠሪያዎች:-✝

1.ሊቀ ሐዋርያት
2.ሊቀ ኖሎት (የእረኞች / ሐዋርያት አለቃ)
3.መሠረተ ቤተ ክርስቲያን
4.ኰኩሐ ሃይማኖት (የሃይማኖት ዐለት)
5.አርሳይሮስ (የዓለም ሁሉ ፓትርያርክ)

+"+✝ #ቅዱስ_ዻውሎስ_ሐዋርያ ✝+"+

=>የቤተ ክርስቲያን መብራቷ ቅዱስ ዻውሎስን እንደ ምን
ባለ ዐማርኛ እንገልጠዋለን?
¤ስለ እርሱ መናገርና መጻፍ የሚችልስ እንደ ምን ያለ
ሰው ነው?
¤የዓለምን ነገር ሲጽፍ በኖረ እጄስ እንደ ምን
እጽፈዋለሁ?
¤ይልቁኑስ የርሱን 14ቱን መልዕክታትና ግብረ ሐዋርያትን
መመልከቱ ሳይሻል አይቀርም::

+#ቅዱስ_ዻውሎስ ከነገደ ብንያም #ሳውል የሚባል
የጠርሴስ ሰው ሲሆን ምሑረ ኦሪት: ቀናተኛና ፈሪሳዊ
ነበር:: ጌታ በደማስቆ ጐዳና ጠርቶ በ3 ቀናት ልዩነት
ምርጥ ዕቃ አደረገው:: ይህ የሆነው በ42 ዓ/ም: ጌታ
ባረገ በ8ኛው ዓመት ነበር:: ከዚያማ ብርሃን ሆኖ አበራ::
ጨው ሆኖ አጣፈጠ::

+ከኢየሩሳሌም እስከ ሮም: ከእንግሊዝ እስከ እልዋሪቆን
(የዓለም መጨረሻ) ወንጌልን ሰበከ:: ስለ ወንጌል
ተደበደበ: ታሠረ: በእሳት ተቃጠለ:: በድንጋይ ተወገረ:
በጦር ተወጋ:: ባፍም በመጣፍም ብሎ አገለገለ::
በየቦታውም ድንቅ ድንቅ ተአምራትን ሠራ:: ለ25 ዓመታት
ቀንና ሌሊት ያለ መታከት ወንጌልን ሰበከ::

+እርሱን የመሰሉ: እርሱንም ያከሉ ብዙ አርድእትን አፍርቶ:
በ67 ዓ/ም በኔሮን ቄሳር ትእዛዝ አንገቱ ተቆርጧል::
ከ14ቱ መልዕክታቱ ባሻገር ቅዱስ ሉቃስ ወንጌልን ሲጽፍ
አግዞታል:: ልክ ቅዱስ ዼጥሮስ ማርቆስን እንዳገዘው
ማለት ነው::

=✝>የቅዱስ ዻውሎስ መጠሪያዎች:-✝

1.ሳውል (ከእግዚአብሔር የተሰጠ)
2.#ልሳነ_ዕፍረት (አንደበቱ እንደ ሽቱ የሚጣፍጥ)
3.#ልሳነ_ክርስቶስ (የክርስቶስ አንደበቱ)
4.#ብርሃነ_ዓለም
5.#ማኅቶተ_ቤተ_ክርስቲያን (የቤተ ክርስቲያን መቅረዝ)
6.#የአሕዛብ_መምሕር
7.#መራሒ (ወደ መንግስተ ሰማያት የሚመራ)
8.#አእኩዋቲ (በምስጋና የተሞላ)
9.#ንዋይ_ኅሩይ (ምርጥ ዕቃ)
10.#መዶሻ (ለአጋንንትና መናፍቃን)
11.#መርስ (ወደብ)
12.#ዛኅን (ጸጥታ)
13.#ነቅዐ_ሕይወት (የሕይወት ትምሕርትን ከአንደበቱ
ያፈለቀ)
14.#ዐዘቅተ_ጥበብ (የጥበብ ምንጭ / ባሕር)
15.#ፈዋሴ_ዱያን (ድውያንን የፈወሰ) . . .

=>ጌታችን እግዚአብሔር የአባቶቻችንን ብርሃን ያብራልን::
ከበረከታቸውም ያድለን::

=>ሐምሌ 5 ቀን የሚከበሩ ዓመታዊ የቅዱሳን በዓላት=
1.ቅዱስ ዼጥሮስ ሊቀ ሐዋርያት
2.ቅዱስ ዻውሎስ ብርሃነ ዓለም
3.ቅዱሳን 72ቱ አርድእት (ዛሬ ሁሉም ይታሠባሉ)
4.ቅዱስ ሳቁኤል ሊቀ መላእክት
5.ቅድስት መስቀል ክብራ (የቅዱስ ላሊበላ ሚስት)
6.ቅዱሳን ዘደብረ ዓሣ
7.ቅዱሳት አንስት (ዴውርስ: ቃርያ: አቅባማ: አቅረባንያና
አክስቲያና-የቅዱስ ዼጥሮስ ተከታዮች)

=>ወርሐዊ በዓላት
1.አቡነ ገብረ መንፈስ ቅዱስ
2.ቅዱስ ዮሐኒ ኢትዮዽያዊ
3.ቅዱስ አሞኒ ዘናሒሶ
4.ቅድስት አውጋንያ (ሰማዕትና ጻድቅ)

=>+"+ ጌታ ኢየሱስም መልሶ እንዲህ አለው:: "የዮና
ልጅ ስምዖን ሆይ! በሰማያት ያለው አባቴ እንጂ ሥጋና
ደም ይሕንን አልገለጠልህምና ብጹዕ ነህ:: እኔም
እልሃለሁ:: አንተ #ዼጥሮስ ነህ:: በዚህችም ዓለት ላይ
ቤተ ክርስቲያኔን እሠራለሁ:: የገሃነም ደጆችም
አይችሏትም:: የመንግስተ ሰማያትንም መክፈቻዎች
እሰጥሃለሁ:: በምድር የምታሥረው ሁሉ በሰማያት የታሠረ
ይሆናል:: በምድርም የምትፈታው ሁሉ በሰማያት የተፈታ
ይሆናል::" +"+ (ማቴ. 16:17)

=>+"+ በመሥዋዕት እንደሚደረግ የእኔ ሕይወት
ይሠዋልና:: የምሔድበትም ጊዜ ደርሷል:: መልካሙን
ገድል ተጋድያለሁ:: ሩጫውን ጨርሻለሁ:: ሃይማኖትን
ጠብቄአለሁ:: ወደ ፊት #የጽድቅ_አክሊል ተዘጋጅቶልኛል::
ይሕንም ጻድቅ: ፈራጅ የሆነው ጌታ ያን ቀን ለእኔ
ያስረክባል:: +"+ (2ጢሞ. 4:6)

<<< ወስብሐት ለእግዚአብሔር >>>


" ፍቅር ያጌብረኒ ከመ እንግር ዜናሆሙ ለቅዱሳን"::/የቅዱሳንን ዜና(ታሪክ) እንድመሰክር ፍቅር ያስገድደኛል::  አባ ጊዮርጊስ ዘጋስጫ /መጽሐፈ ምሥጢር/
https://t.me/zikirekdusn

በቤትህ ያለው ዳቦ ለተራበው ሰው የሚውል(ንብረቱ) ነው፥ በልብስ ማስቀመጫህ ውስጥ ያለው የማትጠቀመው ኮት የችግረኛው ገንዘቡ ነው፥ በጫማ ማስቀመጫህ ውስጥ አልፈልገውም ብለህ ሊበላሽብህ የሆነው ጫማ የደሃው ጫማ (ጫማ ለሌለው ገንዘቡ) ነው ፥ ያከማቸኸው ገንዘብ ለድሃው የሚገባው ነው....

ዛፍ በፍሬው ይታወቃል፥ ሰውም በድርጊቱ፡፡ መልካም ስራ መቼም አይጠፋም፡፡ መልካም እርዳታን የሚዘራ፥ ወዳጅነትን ያጭዳል፡፡ ደግነትን የሚተክል ፍቅርን ይሰበስባል፡፡

"ቅዱሳት መጻሕፍትን ማንበብ ብቻ የለብንም፥ ነገር ግን ካነበብነው ተምረን ማደግ አለብን፡፡ በመጽሐፍ ቅዱስ ምንም የማይጠቅም ነገር እንዳልተጻፈ ተገንዘብ፡፡

አሁንም ለጥንካሬ፣ ለመታገስ፣ ለመዳን፣ ለመለወጥ ጊዜ አለህ! ተኝተሃልን? ንቃ! ኃጢአት ሰርተሃልን? እንግዲያውስ  መስራቱን አቁም፡፡

#ቅዱስ_ባስልዮስ_ዘቂሳርያ

"" ከማኅጸን ቀድሼሃለሁ "" (ኤር. ፩:፭)

"ክብረ ድንግል ማርያም ወገድለ ቅዱስ ኤርምያስ ነቢይ"

(ግንቦት 5 - 2016)

መምህር ዲ/ዮርዳኖስ አበበ

💦https://www.youtube.com/@ZikereKedusan

💦https://t.me/zikirekdusn

#ርእሰ_ሊቃውንት_አባ_ገብረኪዳን_ካስተማሩት#9

🖍 " #የህይወት_መጽሐፍ  📖"

❤️ በዓለም ላይ የመጀመሪያው በጣም የሚወደድ ሰው ክርስቶስ ነው። በዓለም ላይ ብዙ ጠላት ያለው ሰውም እርሱ ነው። የሚያስደንቀውም እሱ ነው።

🔵 በዮሐንስ ራእይ መጽሐፍ እንደሰማችሁት ጌታ በመጣ ጊዜ የህይወት መጽሐፍ ተገልጦ ይነበባል ይላል።

🔵 ያን ጊዜም የሰወች ሁሉ ስራቸው ይነበባል ፣ ጌታም ለሁሉ እንደስራው ይከፍለዋል። (ዮ.ራዕ ም-22)

🔴 የህይወት መጽሐፍ የሚባለው፦

❶ኛ የስላሴ ልብ ነው።
ስለዚህ የህይወት መጽሐፍ ተገልጦ ይነበባል ሲል፦
ስላሴ ችለውት ታግሰውት የኖሩትን ነገር ሁሉ አውጥተው ለፍርድ ያቀርቡታል ማለት ነው።
"ሰጣኢሁ ለኩሉ ክቡት"="የተሰወረውን የምትገልጠው አንተ ነህ" ተብሏል።

❷ኛ ወንጌል ናት።
ስለዚህ የህይወት መጽሐፍ ተገልጦ ይነበባል ሲል፦
በእለተ አሁድ፣በየጉባኤው፣ በቤተክርስቲያን አውደምህረት...ወዘተ መምህራን ያስተማሩን ወንጌል ያን ጊዜ ለፍርድ ትቀርባለች ማለት ነው።
ወንጌል የህይወት መጽሐፍ ናት። ስለዚህ አንድ ሰው የሚከፈለው በወንጌል በሰራው መጠን ነው።
ለዚህ ዓለም ነገስታት ህግ ይሰራሉ፣ በሰሩት ህግ መጠን ክፉ ለሰራ ፍርድ ይሰጠዋል፣ በጎ ለሰራ ደግሞ ይፈረድለታል።

🔵 አሁን በዓለምም ታውቁታላችሁ የፍትሐብሔር ህግ፣ የወንጀለኛ መቅጫ ህግ፣ የቤተሰብ ህግ፣ የሰራተኛ አስተዳደር ህግ፣ የሀገር ህገመንግስት የሚባሉ ይሰራሉ። ይሄ ሁሉ ሰው ሁሉ እንደስራው የሚከፈልበት ነው። ልክ እንደዚሁ ወንጌል የህይወት መጽሐፍ ናት። ህይወታችን ያለው በዚች ወንጌል ውስጥ ነው። መጽደቅና መኮነን የምታውቁት በወንጌል ነው። በወንጌል ሰው ይለካል።

⚪ የወርቅ ዘንግ ውሰድና መቅደሱን ለካው አለኝ ይላል። ራእየ ዮሐንስ ምዕ.11 ላይ።
መቅደስ የተባልን እኛ ነን መቅደስ የእግዚአብሔር ማደሪያ እንደሆነ
እኛም የእግዚአብሔር ማደሪያ ስለሆን።
ለካው ማለት ፍትሀ እግዚአብሔር ነው። እግዚአብሔር ሰውነታችንን የሚለካው በወንጌል መጠን ነው። ምናልባት አንዳንድ ጊዜ ሰይጣን ተንኮለኛ ስለሆነ በተመላለስንበት ቁጥር የጸደቅን እንዲመስለን እያደረገ እንድንረሳና ምን ውስጥ እንዳለን እንኳን ላናውቅ እንችላለን። እና ተፈረደብንም አልተፈረደብንም በዚህ መጽሐፍ ህይወታችን ይለካል። እንግዲህ ለዚህ መጽሐፍ ነው ዋጋ መከፈል ያለበት።


{ርእሰ ሊቃውንት አባ ገብረኪዳን ግርማ በርእሰ አድባራት ወገዳማት ጣና ቅዱስ ቂርቆስ ገዳም የ፬ቱ ጉባኤያት ምስክር መምህር}

#ethio #orthodoxmedia #yordanos_abebe - የቤተክርስቲያን በሽታዎች - መምህር ዮርዳኖስ አበበ - notiat_media

"" ቅዱስ አትናቴዎስ ሐዋርያዊ ""

"ስንክሳር (ግንቦት ፰/8)"

(ግንቦት 7 - 2016)

🛑በዩቲብ https://youtu.be/V_dGGVkfvOw?si=ALe4dvgM9ay0fzXE

https://t.me/zikirekdusn

✝✝✝እንኳን አደረሳችሁ✝✝✝

✝✝

#ምስጢረ_ማዕዶት ""


⛪️ዝክረ ቅዱሳን ጉባኤ ዘጎንደር
'
" ፍቅር ያጌብረኒ ከመ እንግር ዜናሆሙ ለቅዱሳን"::/የቅዱሳንን ዜና(ታሪክ) እንድመሰክር ፍቅር ያስገድደኛል:: አባ ጊዮርጊስ ዘጋስጫ /መጽሐፈ ምሥጢር/
https://t.me/zikirekdusn

"ንጉሥ ከእርሱ ርቀን የነበርን እኛ ቤዛችን በሚሆን በልጁ ሕማም ከእርሱ ምን ያህል ክብር እንዳገኘን ዐወቅህን? ሞት ጠፋ፣ ዲያብሎስም ድል ተነሣ፣ ሲዖል ታወከ፣ በኃጢአት የተፈረደው ፍርድ ተፋቀ፣ ሰይጣን ያመጣው ስሕተት ጠፋ። እንዳልነበረም ሆነ ገነት ተከፈተ ትንሣኤ ተገለጠ"

 ሳዊሮስ ዘአንጾኪያ