የአዲስ አበባ ሰንበት ት/ቤቶች አንድነት

እንኳን አደረሳችሁ !
የአዲስ አበባ ሀገረ ስብከት የሰንበት ትምህርት ቤቶች አንድነት በአዲስ አበባ ለሚገኙ ሰንበት ትምህርት ቤቶች ፤ ለሰንበት ተማሪዎች ፤ አገልጋዮች እንዲሁም ለመላው የኢ/ኦ/ተዋህዶ እምነት ተከታዮች የእንኳን አደረሳችሁ መልክት አስተላልፎል።
ምንጭ:- የአ/አ/ሀ/ስ የሰንበት ት/ቤቶች አንድነት

በስመ አብ ወወልድ ወመንፈስ ቅዱስ አሐዱ አምላክ አሜን።

የ2017ዓ.ም የ1ኛ ወሰነ ትምህርት ማጠቃለያ የ4ኛ፣ 8ኛ እና 10ኛ ክፍል የሙከራ(ሞዴል) ምዘና በሀገረ ስብከት ደረጃ እንደሚሰጥ ይታወቃል። በመሆኑም ምዘናው #የካቲት_22_እና_23 ስለሚሰጥ ከላይ የተጠቀሱትን ክፍሎች እያስተማራችሁ የምትገኙ ሰንበት ትምህርት ቤቶች ከወዲሁ ተማሪዎቻቹን እንድታዘጋጁ እናሳስባለን።

ምዘናው በአ/አ/ሰንበት ትምህርት ቤቶች አንድነት ትምህርት ክፍል ተዘጋጅቶ በፒዲኤፍ በክ/ከተማቹ ትምህርት ክፍል በኩል የሚላክላቹ ሲሆን በየአጥቢያችሁ ፕሪንት በማድረግ በተጠቀሰው ቀን ምዘናውን የምታከናውኑ ይሆናል። ምዘናውን የወሰዱትን ተማሪዎች ውጤትና መረጃም ከምዘናው ጋር በሚላክላቹ ቅጽ መሠረት እንድትልኩልን ከወዲሁ እናሳስባለን።

#ምዘናው_የሚያካትታቸው_ትምህርቶች
~>4ኛ ክፍል/ከ1ኛ-4ኛ ክፍል/:- መሠረተ ሃይማኖት፣ ግእዝ እና ክርስቲያናዊ ሥነምግባር
~>8ኛ ክፍል/7ኛ እና 8ኛ ክፍል/:- መሠረተ ሃይማኖት፣ ግእዝ እና ክርስቲያናዊ ሥነምግባር
~>10ኛ ክፍል/9ኛ እና10ኛ ክፍል/:- ቅዱሳት መጽሐፍት ጥናት (መጽሐፈ መነኮሳት)፣ ግእዝ፣ ጠቅላላ እውቀት (ጥናትና ምርምር ዘዴ)

#የሙከራ_ምዘናውን_ያልወሰደ_ተማሪ_የማጠቃለያ_ምዘና_መውሰድ_አይችልም!

ረድኤተ እግዚአብሔር አይለየን!

በአዲስ አበባ ሰንበት ትምህርት ቤቶች አንድነት ትምህርት ክፍል የምዘናና እውቅና ንዑስ ክፍል

#እግዚአብሔር_ይመስገን!!!

"መልካም ማድረግን ለሌሎችም ማካፈልን አትርሱ፤ እንዲህ ያለው መስዋዕት እግዚአብሔርን ደስ ያሰኘዋልና፡፡"  ዕብ. 13፡17

የ2017 ዓ.ም የጌታችን የመድኃኒታችን የኢየሱስ ክርስቶስ የልደት በዓልን ምክንያት በማድረግ በክፍለ ከተማችን ምግባረ ሰናይ እና የማኅበረ ቅዱሳን የየካ ክ/ከተማ ወረዳ ማዕከል እንዲሁም የክ/ከተማችን ሰንበት ት/ቤቶች አንድነት (ልማትና በጎ አድራጎት ክፍል) አስተባባሪነት በየካ አባዶ ጥምቀተ ባህር ድጋፍ የሚያስፈልጋቸውን ተረጂዎች በማሰባሰብ፤ የአዲስ አበባ ሀገረ ስብከት ሊቀ ጳጳስ ብፁዕ አቡነ ሄኖክ በተገኙበት፣ የየካና ለሚ ኩራ ክፍላተ ከተማ ቤተ-ክህነት ሥራ አስኪያጅ ክቡር መልአከ ምህረት ዘካርያስ ሐዲስ በተገኙበት፣ የክ/ከተማው ምግባረ ሰናይ ኃላፊ ክቡር መልአከ ምህረት በተገኙበት፣ የክ/ከተማው የመምሪያ ኃላፊዎች፣ የደብራት አስተዳዳሪዎች፣ የማኅበረ ቅዱሳን የወረዳ ማዕከል ሥራ አመራሮች፣ የክ/ከተማው ሰንበት ት/ቤቶች አንድነት ሥራ አመራሮች እንዲሁም ሥራ አስፈጻሚዎች፣ ሊቃውንተ ቤተ-ክርስቲያን አባቶች ካህናት፣ መምህራነ ወንጌል፣ ዘማሪያን፣ የመንግስት ከፍተኛ ባለስልጣናት እና የተለያዩ እንግዶች በተገኙበት ከምገባ ባሻገር ዘይት፣ ሽሮ፣ ፓስታ፣ መኮሮኒ እንዲሁም ከሕጻናት እስከ አዋቂዎች አልባሳትን ጨምሮ ከ500 በላይ ለሚሆኑ ወገኖቻችን ድጋፍ ተደርጓል፡፡
ምንጭ:-የየካ ክ/ከተማ ሰንበት ት/ቤቶች አንድነት ልማትና በጎ አድራጎት ክፍል

በብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ 
ሊቀ ጳጳስ ዘአኵስም ወእጨጌ ዘመንበረ ተክለ ሃይማኖት የተላለፈ አባታዊ ጥሪ

መድኃኒት ተወልዶላችኋል!

“እስመ ናሁ ተወልደ ለክሙ ዮም መድኅን ዘውእቱ ክርስቶስ እግዚእ ቡሩክ በሀገረ ዳዊት-እነሆ፥ ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋል፡፡ (ሉቃ.2፥11)

ቅዱስ ሉቃስ ጌታችን መድኃኒታችን ኢየሱስ ክርስቶስ በቤተልሔም ሲወለድ ስለነበረው የልቱን ነገር ሲተርክ “በዚያን ሌሊት በቤተ ልሔም ይኖሩ የነበሩ እረኞችም ከብቶቻቸውን ሲጠብቁ የእግዚአብሔር መልአክ በእረኞቹ አጠገብ ቆመ፤ የእግዚአብሔርም ብርሃን በዙሪያቸው በራ፤ በጣምም ፈሩ፡፡ መልአኩም እንዲህ አላቸው እነሆ ለእናንተና ለሕዝቡ ሁሉ የሚሆን ደስታ የሚሆን ታላቅ የምሥራች እነግራችኋለሁና አትፍሩ፤ እነሆ፥ ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋል፡፡ እናንተም ባገኛችሁት ጊዜ ምልክቱ እንዲህ ነው፡፡ ሕፃን በጨርቅ ተጠቅልሎ በበረት ውስጥ ተኝቶ ታገኙታላችሁ፤ ድንገትም ከዚያ መልአክ ጋር ብዙ የሰማይ መላእክት እግዚአብሔርን እያመሰገኑ መጡ፡፡” በማለት ቤተልሔምን በዓይነ ሕሊናችን እንድናይ አድጎ በሥዕላዊ አገላለጽ ይነግረናል፡፡ (ሉቃ.2፥11-13) ቅዱስ ሉቃስ በዚህ የወንጌሉ ክፍል ከድኅነታችን ጋር በቀጥታ የሚገናኙ መሠረታዊ ነገሮችን ነገሮናል፡፡ ከእነዚህም መካከል፡-

1.የእግዚአብሔርም ብርሃን በዙሪያቸው በራ፤
ይህ ብርሃን ፀሐይ ወይም ጨረቃ አይደለም፡፡ ልዩ የእግዚአብሔር ብርሃን ነው፡፡ ጌታችን የመድኃኒታችን ኢየሱስ ክርስቶስ ሌሊት ተወልዶ በማብራት የብርሃናት ፈጣሪ እውነተኛ ብርሃን መሆኑን አሳየን፡፡ ቅዱስ ዮሐንስ በወንጌሉ በዓለም ላይ ጨለማ እንደነበረ እውነተና ብርሃን በመጣ ጊዜ ጨለማ እንዳለሸነፈው ገልጾልናል፡፡ (ዮሐ.1፡9) አስቀድሞ ኢሳይያስም በጨለማ ይሄድ የነበረ ሕዝብ ብርሃን አየ በጨለማና በሞት ጥላ ለነበሩ ብርሃን ወጣላቸው፡፡ (ኢሳ 9፡2) በማለት በሥጋ ስለሚገለጠው ብርሃን ተናግሮ ነበር፡፡ ክርስቶስ እስኪወለድ ድረስ በአዳም ኃጢአት ምክንያት ዓለም ሁሉ ማለትም የአዳም ልጆች ሁሉ በጨለማ ተውጠው ነበርና ቅዱስ ሉቃስ ጨለማውን የሚያስወግድ ብርሃን እንደተወለደ ነገረን፡፡

2. ለእናንተና ለሕዝቡ ሁሉ የሚሆን ደስታ
የእግዚአብሔር መልአክ በለሊት ከብቶቻቸውን ሲጠብቁ ለነበሩና ከተገለጠው ብርሃን የተነሳ እጅግ ፈርተው ለነበሩ እረኞች ለእናንተና ለሕዝቡ ሁሉ የሚሆን ደስታ ታላቅ የምሥራች እነግራችኋለሁና አትፍሩ አላቸው፡፡ በዚህም የክርስቶስ መወለድ ለእረኞችና ለዓለም ሁሉ ደስታ መሆኑን ይነግረናል፡፡ ለአምስት ሺ አምስት መቶ ዘመናት ከሰው ልጅ ደስታ ርቆ የአዳም ዘር ሁሉ በኀዘን ተውጦ ነበርና ለእናንተና ለሕዝቡ ሁሉ የሚሆን ደስታ ታላቅ የምሥራች እነግራችኋለሁና አትፍሩ በማለት የኀዘንና የፍርኃት ዘመን እንደተወገደ የምህረት ዘመን እደመጣ ደስታችንም እንደተመለሰ ደስታው ደግሞ ለሕዝብም ለአሕዛብም በአጠቃላይ ለዓለም ሁሉ መሆኑን ነገረን፡፡

3.መድኃኒት ተወልዶላችኋል
በበደል ምክንያት ቆስለን ፍጹም ፈውስ የሚያመጣ መድኃኒት የሚያስፈልገን ታማሚዎች ነበርንና የምሥራቹን የነገረን የእግዚአብሔር መልአክ ዛሬ በዳዊት ከተማ መድኃኒት ተወልዶላችኋል አለን፡፡ በዚህም በቤተልሔም ከድንግል ማርያም ተወልዶ በግርግም ተኝቶ ያያነው ክርስቶስ አዳምንና ልጆቹን ከኃጢአታቸው የሚያድናቸው ከቁስላቸውም የሚፈውሳቸው መድኃኒት መሆኑን ተረዳን፡፡

4.የሰማይ መላእክት እግዚአብሔርን እያመሰገኑ መጡ
ወንጌላዊው ሉቃስ የጌታን ልደት ሲተርክ የነገረን ሌላው ቁም ነገር “የሰማይ መላእክት እግዚአብሔርን እያመሰገኑ መጡ” የሚል ነው፡፡ ይህም በሰውልጅ መዳን መላእክት እንደሚደሰቱ እና በኃጢአታችን ምክንያት አጥተነው የነበረውን የመላእክትና የሰው ልጆች አንድነት በጌታችን ልደት እንደተመለሰ የሚያሳይ ነው፡፡ በዚህም የጋራ ዝማሬ በምድር ላይ ሰላም እንደሆነ ተገልጧል፡፡ በልደተ ክርስቶስ ሰውና እግዚአብሔር መላእክትና ሰው፣ ነፍስና ሥጋ፣ ሰማይና ምድር፣ ሕዝብና አሕዛብ ታርቀዋልና በምድር ሰላም ኾነ ሰውና መላእክትም በአንድነት ዘመሩ፡፡
በአጠቃላይ የጌታችን የመድኃኒታችን ኢየሱስ ክርስቶስ ልደት፡- የእግዚአብሔር ብርሃን  በጨለማ ለነበርነው ሁሉ የበራበት፣ ፍርኃት የተወገደበት፣  ለእረኞቹና ለሕዝቡ ሁሉ የሚሆን ደስታ ደስታ ታላቅ የምሥራች የተነገረበት፣ ሰውና መላእክትም በአንድነት የዘመሩበት ታላቅ የደስታ በዓል ነው፡፡
ሊቁ ቅዱስ ዮሐንስ አፈወርቅ እግዚአብሔር አምላክ የሰውን ዘር በሙሉ ያዳነበትን ድንቅ ሥራ ሲገልጽ “ምን እላለሁ? ምንስ እናገራለሁ? ከዘመን አስቀድሞ የነበረው እርሱ ሕፃን ሆኗልና፡፡ እኔ ፈጽሜ አደንቃለሁ፡፡ ከሰማየ ሰማያት በላይ የሚሆን፣ በዘለዓለማዊ ዙፋን የሚኖር እርሱ በበረት ተጣለ፡፡ ከሥጋዌ አስቀድሞ አይዳሰስ የነበረ አንዱ እርሱ በምድራውያን እጅ ተዳሰሰ፡፡ ኀጢአትን የሚያስተሰርይ እርሱን በጨርቅ ጠቀለሉት፤ ይህን ወዷልና፤›› (ሃይማኖተ አበው ዘዮሐንስ አፈወርቅ፣ ፷፮፥፲፯) በማለት የመወለዱንና የትሕትናውን ነገር እያደነቀ ይናገራል፡፡
ይህ በዓል የአምላክ ትሕትና የታየበት የተዋረደው የሰው ልጅ ደግሞ መክበሩ የተገለጠበት በዓል ነው፡፡ ስለሆነም ልደተ ክርስቶስ ከትዕቢት ይልቅ ትሕትናን እንድንይዝ፣ ከጥላቻ ይልቅ ሰላምን እንድንሰብክ፣ ጌታችን ወደ ተዋረድነው የሰው ልጆች መጥቷልና በኑሮ ከእኛ ዝቅ ወዳሉት በትሕትና እንድንሄድ ደግፈንም እንድናነሳቸው፣ የእውነተኛው ብርሃን ልጆች ነንና በሕይወታችን የብርሃን እንጂ የጨለማ ሥራ እንዳይታይ፣ ለሰው ሁሉ የደስታ እንጂ የኀዘን ምክንያት እንዳንሆን የክርስቶስ ልደት ያስተምራናል፡፡ ስለዚህ ክርስቶስ ተወልዶ ውሉደ እግዚአብሔር ያደረገን ክርስቲኖች የፍቅርና የሰላም ሰዎች በመሆን፣ ከጨለማ ሥራ በመራቅ ትሕትናንም ገንዘብ በማድረግ የክርስቶስ ልጆች መሆናችንን ልናሳይ ይገባል፡፡

እንኳን ለጌታችን ለመድኃኒታችን ለኢየሱስ ክርስቶስ በዓለ ልደት በሰለም አደረሳችሁ!
መልካም በዓል ይሁንልን!

መጋቤ ሐዲስ ጸጋ ወ/ትንሣኤ
በመንበረ ፓትርያርክ ጠቅላይ ቤተ ክህነት
የሰንበት ት/ቤቶች ማደራጃ መምሪያ ሓላፊ

(የሰንበት ትምህርት ቤቶች አንድነት)

#መልእክተ_ቅዱስ_ፓትርያርክ
በስመ አብ ወወልድ ወመንፈስ ቅዱስ አሐዱ አምላክ አሜን፡፡

በሀገራችን በኢትዮጵያ በገጠርና በከተማ የምትኖሩ፤
ከሀገር ውጭ በተለያዩ አህጉር የምትገኙ፤
የሀገራችንን ዳር ድንበር ለመጠበቅና ለማስከበር በየጠረፉ የቆማችሁ፤
በሕመም ምክንያት በየፀበሉና በየሆስፒታሉ ያላችሁ፤
እንዲሁም የሕግ ታራሚዎች ሆናችሁ በየማረሚያ ቤቱ የምትገኙ ኢትዮጵያውያንና ኢትዮጵያት በሙሉ፤

በምሉእ ፍቅሩ ሰውን ከባርነት ወደ ነጻነት ለመመለስ በሥጋ ሰብእ የተወለደው ጌታችን  ኣምላካችንና መድኃኒታችን ኢየሱስ ክርስቶስ እንኳን ለሁለት ሺሕ ዐሥራ ሰባት ዓመተ ምሕረት የልደት በዓል በሰላም አደረሰን አደረሳችሁ፡፡

“ስብሐት ለእግዚአብሔር በሰማያት ወሰላም በምድር ለዘሠምሮ ለሰብእ፤ ክብር በሰማያት ለእግዚአብሔር ይሁን›› በምድርም እጅግ ለወደደው የሰው ልጅ ሰላም ይሁን” (ሉቃ ፪÷፲፬)
ይህ ቃለ ሰላም በጌታችን ዕለተ ልደት የተነገረ ነው፣ ቃሉ የተነገረው እንዲሁ እንደ ተራ ነገር ሳይሆን በቃለ መዝሙር እየተደጋገመ ነው፡፡ የተዘመረውም በምድራውያን ደራሲዎች ሳይሆን በሰማያውያን መላእክተ እግዚአብሔር ነው፣ የያዘው መልእክትም ሰማያውያንና ምድራውያንን ሁሉ ያካለለ ነው፡፡ የመልእክቱ ገዢ ሓሳብም አምላክ ከሰውነታችን ጋር ባለመለያየት፣ ባለመጠፋፋት፣ ባለመቀላቀል፣ ባለመዋዋጥ፣ ባለመለዋወጥና ያለባዕድና አንድ አካል፣ አንድ ክዋኔ፣ አንድ ጠባይ ሆኖ በተዋሕዶ ተገልጾኣልና እግዚአብሔር ይክብር ይመስገን፡፡ የተዋሕዶውም ምስጢር ሰላምን ያሰፍናልና እግዚአብሔር ሰውን በእጅጉ መውደዱ ከዚህ ተዋሕዶ ዓውቀናል የሚል ነው፡፡

በእርግጥም እግዚአብሔር ሰውን ለመውደዱ ከዚህ የበለጠ ማሳያ ወይም ማስረጃ የለም፤ እንከን የለሽ ንጹህ አምላክ የእኛን ኃጢአተኛ ሰውነት አካሉ አድርጎ ተወለደ ሲባል ላስተዋለው ሰው ምንኛ ቢወደን ነው የሚለው ጥልቅ አድናቆትን ያጭራልና ነው፡፡ይህ ብቻም አይደለም በዚህ ነገረ ተዋሕዶ ምክንያት ሰውነታችን አምላክ ሆኖ በመንበረ ጸባኦት እንዲቀመጥ መብቃቱ የድኅነታችንና የክብራችን ከፍታ ምን ያህል አስተማማኝ ደረጃ ላይ እንደደረሰ መንፈሳችን በአንክሮ ይረዳዋል፡፡ድምር ውጤቱም በእግዚአብሔርና በሰው መካከል ፍጹምና አስተማማኝ ሰላም መፈጠሩን ያስረዳናል፤ ሰማያውያኑ መላእክተ እግዚአብሔር በመዝሙራቸው ያበሰሩን ይህንን የምስራች ነው፡፡

የተወደዳችሁ የመንፈስ ቅዱስ ልጆቻችን ምእመናንና ምእመናት!

እኛ ክርስቲያኖች እግዚአብሔር ፍቅር ነው፣ እግዚአብሔር በእጅጉ ይወደናል ስንል እንዲሁ ከሜዳ ተነሥተን ኣይደለም፡፡ በበደላችንና በኃጢአታችን ሳይጸየፈን ሰውነታችንን በረድኤት ወይም በኅድረት ያይደለ በኩነት ተዋሕዶ ወደ አምላክነት ደረጃ ከፍ ስላደረገው  ነው እንጂ፡፡ እግዚአብሔር በዚህ ፍጹምና ምሉእ ፍቅሩ ሰውነታችንን በመበረ ጸባኦት ኣስቀምጦ መላእክት ሳይቀሩ ፍጥረታትን በሙሉ እንድንገዛ አድርጎናል፤ ምክንያቱም መላእክት በዕለተ ልደት የዘመሩለት በተዋሕዶ አምላክም ሰውም ለሆነ ለቤተ ልሔሙ ሕፃን እንጂ ለመለኮት ብቻ ኣይደለምና ነው፡፡ የዕለተ ልደት መዝሙር ዛሬም በሰማያትም ሆነ በምድር በተዋሕዶ ሰውም ኣምላክም የሆነ አንዱ ኢየሱስ ክርስቶስ ይመለክበታል፣ ይመሰገንበታል፡፡የሰማዩና የምድሩ ዕርቅ ወደ ኋላ ላይመለስ ላንዴና ለመጨረሻ ጊዜ በዚህ ተከናውኖኣል፣ የእግዚአብሔር ፈቃድ የሰውም አዋጭ ምርጫ ይህ ዕርቅ ተጠብቆ እንዲኖር ነው፣ ያለ ዕርቅ ሰላም ሕይወት የለውምና፡፡

የተወደዳችሁ የመንፈስ ቅዱስ ልጆቻችን ምእመናንና ምእመናት!

የእግዚአብሔር ክብርና ሰላም በእጅጉ የተሳሰሩና የተቆራኙ ናቸው፤ እኛ እግዚአብሔርን ካከበርነው፣ ካዳመጥነው፣ ከታዘዝነውና ከተከተልነው ሰላም አለ ማለት ነው፡፡ ለሱ ካልታዘዝንና እሱን ካላከበርን ግን ዘላቂ ሰላምን ማግኘት ፈጽሞ የማይታሰብ ነው፤ ምክንያቱም ሰላምን ጨምሮ መልካም ነገር ሁሉ ያለው በእግዚአብሔር እጅ ነውና፡፡ ዛሬ በሁሉም የዓለማችን ማዕዘን የሚታየው የሰላም መደፍረስ እግዚአብሔርን ካለማክበራችንና ለሱ ካለመታዘዛችን የተነሣ እንደሆነ መዘንጋት የለብንም፡፡ ዓለም ከእግዚአብሔር ቃል ርቃ ለመሄድ በእጅጉ እየኳተነች ነው፤ በዚህ እኩይ ተግባርዋ ደግሞ እግዚአብሔር ለስጋትና ለጉስቁልና አሳልፎ እየሰጣት ነው፡፡ እግዚአብሔር በምስጢረ ሥጋዌው ቢታረቃትም ዕርቁን ማክበር አቅቶአታል፤ ይህንን የእግዚአብሔር ጸጋ ቸል ብላ የምታደርገው ሩጫ የትም ሊያደርሳት እንደማይችል ብታውቅና በንስሓ ብትመለስ እግጅ ተጠቃሚ ትሆናለች፡፡

የተወደዳችሁ የመንፈስ ቅዱስ ልጆቻችን ምእመናንና ምእመናት!

የእግዚአብሔር ቃል “እናንተስ ከማይጠፋ ዘር ተወለዳችሁ” ብሎ ተስፋውን እንደነገረን ምድባችን ከማይጠፋ ዘር እንዲሆን ክርስቲያኖች የሆን ሁላችን በአእምሮ ጐልብተን፣ በሥነ-ምግባር ኣምረን፣ ጤናማ ሕይወትን ልንመራ ይገባናል፡፡

የአምላካችንን በዓለ ልደት ስናከብር ነገረ እግዚአብሔርን፣ ነገረ ፍቅርን፣ ነገረ ዕርቅንና ነገረ ሰላምን በማኅበረሰባችን የማሥረጽ አጀንዳ ይዘን ልናከብር ይገባል፡፡

ጠቡ ፣ ጥላቻው፣ መለያየቱ፣ መጠፋፋቱ፣ ለወንድሜ  ከማለት ይልቅ ለኔ ለኔ ማለቱ ሲጎዳን እንጂ ሲጠቅመን ኣላየንም፡፡ አሁንም ወደ ልባችን እንመለስና በፍቅር፣ በዕርቅና በእኩልነት፣ በስምምነትና በወንድምነት ወደሚገኝ አንድነት እንምጣ፤ የልደቱ መዝሙር ያስተማረን ይህና ይህ ብቻ ነውና፡፡ በሌሎቹ ክፍለ ዓለማት እንደሆነው ሁሉ በሀገራችን የተከሠተው አላስፈላጊ ግጭት ብዙዎችን አሳጥቶናል፤ ብዙዎችንም ከቤት ንብረታቸው አፈናቅሎ ሜዳ ላይ ፈሰው የሰቆቃ ኑሮ እንዲገፉ አድርጎብናል፡፡ የሀገር ሀብት እንዲወድም ሆኖአል፤ ልጆቻችን ምናለ ከእንግዲህ ወዲህ ቢበቃንና ምድሪቱን የሰላም አየር እንድትተነፍስ ብንፈቅድላት፤ ይህ የወቅቱ የቤተክርስቲያናችን ዋነኛ መልእክትና ጥሪ ነው፡፡    

በመጨረሻም፡-

በዓለ ልደት የእግዚአብሔር በዓል ነውና፣ እግዚአብሔር በምድራችን ሰላምን ያወርድ ዘንድ ካለን ከፍለን ለተፈናቃዮች፣ ለነዳያን እና ለአካል ጉዳተኞች በመለገስ በዓሉን በመንፈሳዊ ደስታና በሰላም እንድናከብር አባታዊ መልእክታችንን በእግዚአብሔር ስም እናስተላልፋለን፤

መልካም በዓለ ልደት ያድርግልን፡፡
እግዚአብሔር ኢትዮጵያንና ሕዝቦችዋን ይባርክ
ወስብሐት ለእግዚአብሔር  አሜን!

      አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም ወዕጨጌ ዘመንበረ
ተክለሃይማኖት
ታኅሣሥ ፳፱ ቀን ፳፻፲፯ ዓ.ም
አዲስ አበባ ኢትዮጵያ

ሊቀ መአምራን የማነ ዘመንፈስ ቅዱስ በአጠቃላይ በቀኑ የተካሄደው ጉባኤ የቤተክርስትያን ጉዳይ ርእስ የሆነበት እና ሌሎች ክፍሎችም በዚሁ መልኩ በእቅድ የተመራ አሰራር ለማምጣት ሰንበት ት/ቤቶች ሀገረ ስብከቱን የመደገፍ ስራ መስራት አለባችሁ ያሉ ሲሆን ከዚህም በተጨማሪ ስርአተ ትምህሩቱን ለመተግበር ያለውን የሀገረ ስብከቱ የገጠመውን በጀት ችግር እንደ ሀገረ ስብከት እንደሌላው ሀገረ ስብከት ሁሉ በጀት እንደሚመደብ ተገልጿል።
የሰንበት ት/ቤቶች የመማሪያ እና ሌሎች አገልግሎት የሚውሉ ለቢሮ ግንባታ የሚውል ቦታ ጉዳይ ወጥ የሆነ የህንጻ ዲዛይን የአዲስአበባ ሀገረ ስብከት አንድነት እንዲያዘጋጅ መመርያ ያስተላለፋ ሲሆን በዛም መሰረት በየቦታው የሚገነቡ የሰንበት ት/ቤቶች ህንጻ አንድ አይነት እስታንዳርድ እንዲሆኑ እንዲሁም እስከ አሁን መማርያ መጽሐፍት ያልገዙ አጥቢያዎችን በሊስት እንዲቀርቡ መመረያ አስተላልፈዋል።
ብጹእ አቡነ ቀለሜንጦስ ለውጥ የሚመጣው እቅድን መሠረት አድርጎ ሲሰራ እና ዛሬ እንዳየነው ጉባኤ አባላት በጠንካራ ሀሳብ ሲሞግቱ መሆኑን ገልጸው ይህ አስራር ተጠናክሮ መቀጠል አለበት ብለዋል ከዛም በተጨማሪ የበጀት በአዲስ አበባ ሀገረ ስብከት አለመኖሩ ግርምት የፈጠረባቸው መሆኑ እና ለስንት ሀገረ ስብከት በፈሰስ እያስተዳደረ ያለ ምሳሌ የሆነ ሀገረ ስብከት እንዴት ለራሱ አካል አጠገቡ ላለው በጀት አይኖረውም የሚል ጥያቄ ለክቡር ስራ አስኪያጁ አቅርበዋል። በምላሹም የበጀት ጉዳይ ጅማሮ እንዳለ እና እልባት እንደሚያገኝ የሀገረ ስብከቱ ስራ አስኪያጅ ለብጹእነታቸው ቃል ገብተዋል።

በስተመጨረሻም በተጓደሉ አመራር ምትክ ዲ. በእሱፈቃድ የአዲስ አበባ ሀገረ ስብከት የሰንበት ት/ቤቶች አንድነት ዋናስራ አስፈጻሚ ሆነው እንዲያገለግሉ በጉባኤ ጸድቆ ጉባኤው ከምሽቱ 12:30 በጸሎት ተጠናቋል።

ለምሳ እረፍት ከመውጣቱ በፊት የሀገረስበከቱ ዋና ስራ አስኪያጅ ሊቀመአምራን የማነ ዘመንፈስ ቅዱስ ሀገረ ስብከቱ ሊመለሱ የሚገባቸውን ጥያቄዎች እና አጠቃላይ በእቅድ አፈጻጸም ሪፖርቱ ላይ ምክረ ሀሳብ ሰጥተው ጉባኤው ለምሳ እረፍት ወጥቷል።

ከሰአት በውኃላ ጉባኤው የቀጠለ ሲሆን ከዚህ ቀደም በትግበራ ሙከራ ላይ የነበረው የአዲስ አበባ ሰንበት ት/ቤቶችን የማንዎል መረጃ አያያዝ ቴክኖሎጂን በመጠቀም ወደ ዲጅታል የመቀየር እና የሰንበት ት/ቤቶችን አሰራር በማዘመን እና አገልግሎታቸውን ዘመኑን የዋጀ ለማድረግ ተጀምሮ የነበረውን እና በ25 ሰንበት ት/ቤቶች ሙከራ ላይ የነበረው የመጀመሪያ ዙር የዳታ ቤዝ ማበልጸግ የመጀመሪያ ደረጃ የተጠናቀቀ እና ከዛሬ ጀምሮ በሰንበት ት/ቤቶች ወደተግባር የሚገባ መሆኑ ተገልጿል።

በአበልጻጊው ባለሙያም ሰንበት ትቤቶችም ይህን በመተግበር አሰራራቸውን በማዘመን የተዘጋጀውን ሲስተም እንዲጠቀሙ ጥሪ ያስተላለፋ ሲሆን በዚህኛው ዙር ያለውን ጠንክረው በመተግበር ቀጣይ ለሚመጣው በከፍተኛ ደረጃ ሰንበት ት/ቤቶች አገልግሎትን ለማዘመን የሚያሰችለውን የሲስተም ማበልጸግ ስራ እድል እንዲጠቀሙ ጥሪ ተላልፏል ።

በሁለተኝነት በልማት ተነሺዎች ዙሪያ ከተደረገው ጥናት በመነሳት ሰንበት ት/ቤቶች ራሳቸውን ካለው ወቅታዊ የልማት ሂደት ጋራ አገልግሎታቸውን ቀጣይ እንዲሆን ምን ማድረገ ይችላሉ የሚለው እና አባላት ካሉበት ቦታ ወደ ሌላ ሲዛወሩ እንዴት መንፈሳዊ ትምህርታቸውን ይቀጥሉ የሚለው የቀረበ ሲሆን ሁሉም ሰንበት ት/ቤት የልማትስራው እየቀጠለ በመሆኑ ራሳቸውን ዝግጁ በማድረግ የአባለቱን መረጃ በተገቢው በመያዝ ኩነቱ በአጥቢያቸው ከደረሰ አባላቶቻቸው በሚሄዱበት ቦታ ሁሉ ትምህርታቸውን እንዲቀጥሉ ፣በማህበራዊ እና ኢኮኖሚያዊ ጉዳዬች ሊፈጠሩ የሚችሉ ተግዳሮቶችንም ሆነ እድሎችን እንዴት መጠቀም እንዳለባቸው በዲ.ዳንኤል ገብረ ማርያም የአዲስ አበባ ሀገረ ሰብከት ሰንበት ት/ቤት አንድነት ዋና ጸሐፊ ተብራርቷል።

ቀጥሎም በወጣት ኤልያስ አበበ የአራዳና ጉለሌ ክፍለ ከተማ ሰንበት ት/ቤቶች አንድነት ምክትል ሰብሳቢ በቤተክርስትያን አስተዳደርያዊ ችግሮች የሰንበት ት/ቤት ድርሻ በሚል መነሻ ሀሳብ የቀረበ ሲሆን በአጥቢያ፣ በመካከለኛ መወቅሮች እና በከፍተኛ መዋቅሮች ያሉ መሠረታዊ የቤተክርስትያን ችግሮች የተነሱ ሲሆን እነዚህ ችግሮች ካልተፈቱ እና ካልቀነሱ ለቤተክርስትያን አደጋ መሆናቸውን ግንዛቤ ተወስዶ ለመፍትሄው ሰንበት ት/ቤቶችም ከአጥቢያ ጀምሮ መረጃ እና ወቅታዋ ጉዳይ ክፍሉን በማደራጀት በተዋረድ ካሉ ክፍለ ከተማ አንድነት እና ሀገረስብከት አንድነት ከተዋቀሩ መረጃ እና ወቅታዊ ጉዳይ ክፍሎች ጋር በተወረድ በሚዘጋጁ መድረኮች በመወያየት ከሚመለከተው የቤተክርስትያን ኃላፊዎች ጋር በመረጃ በተደራጀ መልኩ በውይይት የሚፈቱትን በውይይት መፍታት እንዲሁም በውይይት የማይፈቱትን ባለን የልጅነት ግዴታ እና የአስተዳደር ድርሻ የሚመለከተውን አካል የቤተክርስትያናችንን ቃለ አዋዲ እና ሌሎች ህጎች በመንተራስ በመሞገት ወደ መፍትሄ እንዲመጡ የበኩላችንን እንድንወጣ ምክረ ሀሳብ ቀርቧል ።
በዚህም በተለይ አሁን አሁን አንድ አንድ ኃላፊዎች በቤተክርስትያን ጉዳይ ምእመናን ምን አገባቸው እና ሰንበት ት/ቤት ተወካዮችን አለማሳተፍ እና እንደ ባለቤት አለማየት ከፍተኛ ችግር እየሆነ መምጣቱ ተጠቁሟል ።

የአዲስ አበባ ሰንበት ት/ቤቶች አንድነት የ11ኛ አመት 1ኛ መደበኛ ጠቅላላ ጉባኤውን ታህሳስ 20/2017 ዓ.ም በአዲስ አበባ ሀገረ ስብከት የመሰብሰቢያ አዳራሽ አከናወነ።

በእለቱ ብጹዕ አቡነ ቀለሜንጦስ የሰሜን ሽዋ ሀገረስብከት እና በመንበረ ፖትርያሪክ ጠቅላይ ቤተ ክህነት  የሰንበት ት/ቤቶች ማደራጃ መምሪያ ሊቀጳጳስ ፣  ሊቀ መአምራን የማነ ዘመንፈስ ቅዱስ የአዲስ አበባ ሀገረ ስብከት ዋና ስራ አስኪያጅ፣  መጋቢ ሀዲስ ጸጋ ወልደ ትንሳኤ  የመንበረ ፖትርያሪክ ጠቅላይ ቤተ ክህነት ሰንበት ት/ቤቶች ማደራጃ መምሪያ ኃላፊ ፣ መምህር ደምስ አየለ የአዲስ አበባ ሀገረ ስብከት ሰንበት ት/ቤት ማደራጃ ዋና ክፍል ኃላፊ ለእከ ኄራን መንክር ግርማ የአዲስ አበባ ሀገረ ስብከት  ሰንበት ት/ቤቶች አንድነት ተቀዳሚ ምክትል ሰብሳቢ  የአዲስ አበባ ሰንበት ት/ቤቶች አንድነት አመራር እና አስፈጻሚዎች የክፍለ ከተማ አመራሮች እንዲሁም የገዳማት እና አድባራት ሰንበት ት/ቤት አመራሮች በተገኙበት ጉባኤው ተከናውኗል ።

መምህር ደምስ አየለ የእንኳን ደህና መጣችሁ መልእክት ያስተላለፋ ሲሆን ከዛ በመቀጠል የሀገረ ስብከቱ አንድነት የ6ወር የአፈጻጸም ሪፖርት በ ዲ.በሱፈቃድ የአዲስ አበባ ሰንበት ት/ቤቶች አንድነት ዋና ስራ አስፈጻሚ  የስራ አስፈጻሚውን ሪፖርት  ከእቅድ አንጻር አቅርበዋል።
ላእከ ሔራን መንክር ግርማ የአዲስ አበባ ሀገረስብከት ሰንበት ት/ቤቶች አንድነት ተቀዳሚ ምክትል ሰብሳቢ የስራ አመራሩን ሪፖርት ያቀረቡ ሲሆን ጉባኤተኞቹም በቀረበው ሪፖርት ላይ ጥያቄዎችን ያነሱ ሲሆን የሚመለከታቸው የአስፈጻሚ ክፍሎች እና የአመራር አባላት ለጥያቄዎቹ ምላሽ ሰጥተዋል ።

...... ለረዥም ና ዝግ ላለ ለዲያቢሎስ ውጊያ አይነተኛ ምሳሌ የሚሆነን ሱስ (ልማድ) ነው። ማንኛውም ሱስ ወይም ልማድ ሲጀምሩት ሱስ ሆኖ አይጀምርም ሰውየዉ ከጅምሩ ቢቀጨው ተቀጭቶ መቅረት ይችል ነበር ነገር ግን በረዥምና ዝግ ባለ ውጊያ ሊቆጣጠረውና ሊያቆመው ስለማይችል እርሱ(ሱሱ) ይቆጣጠረዋል። ምን አልባት ዲያቢሎስ በመጀመሪያ የሚናገረው አንዲት ቃል ብቻ ነው "ሞክር" ወይም " ቅመስ" የምትለዋን ከዚያ በመቀጠል ነው ህይወት ልምምድ ናት ሁሉን የምትወስነው አንተ ነህ በወደድክ ጊዜ ልታቆመው ወይም ልትተወው ትችላለህ የሚለው እንዲህ እንዲህ እያለ ሰውየዉ መቋቋም እስከማይችል ወይም ለመቋቋም ፍላጎቱን እስኪያጣ ድረስ ይዎጋዋል ይሁን እንጂ ሱስን ወይም ልማድን ማስወገድ ለሚወድ ሁሉ ማስወገድ ይቻላል ዲያቢሎስ ግን እንደማትችል ይነግርሀል ብትችል እንኳን ድጋሜ ወደ ተውከው ሱስ ትመለሳለ ይልሃል፡፡
ይህ የማያቋርጥ ውጊያ ስለሆነ አትንበርከክ ሱሰኝነት የሚመጣው ከሚደጋገም የፈቃድ ተግባር ነው፡፡ ይህን ተደጋጋሚ የፈቃድ ተግባር በሌሎች ተደጋጋሚና ተቀዋሚ የፈቃድ ተግባር ማስወገድ ትችላለህ፡፡ ታዲያ በእንዲባለ ተግባር ፅናት እንጂ መወላወል ሊታይበት አይገባም ፡፡ እንዲህ ያለውን የዲያቢሎስ አዝጋሚ የውጊያ ዕቅድ እንዴት መቋቋም እንድትችል የምንነግር ነገር ቢኖር ምንም እንኳን ሀሳቡ መልካም መስሎ ቢታይ እና ቀሎ እንዲታይ በማድረግ ዲያቢሎስ ቢያሳምንህም የመጀመሪያውን ደረጃ አለመፈፀም እንዳለብህ /መጀመሪያም መሞከር እንደሌለብህ/ ነው።.........
ምንጭ ፡- የዲያቢሎስ ውጊያዎች

‹‹አንድነታችን ለቤተክርስቲያናችን››

የአዲስ አበባ ሀገረ ስብከት የሰንበት ት/ቤቶች አንድነት #የ11ኛ_ዓመት #1ኛ ዙር የ2017 ዓ.ም መደበኛ ጠቅላላ ጉባዔውን ብጹዓን አበው ሊቃነ ጳጳሳት ፤ የክብር እንግዶች እና የአንድነቱ የጠቅላላ ጉባዔ አባላት በተገኙበት ታኅሣሥ 20/2017 ዓ.ም ከጠዋቱ 3:30-11:00 ሰዓት በአዲስ አበባ ሀገረ ስብከት የመሰብሰቢያ አዳራሽ ያከናውናል።

በመሆኑም 👇
የየሰንበት ት/ቤቱ የሥራ አመራር የጽ/ቤት አባላት (ሰብሳቢ፥ ም/ሰብሳቢ እና ጸሐፊ) የሆናችሁ ፤ የሰባቱም ክፍላተ ከተማ አንድነት የሥራ አመራር አባላት የሆናችሁ ፤ በአንድነቱ ክፍላት ውስጥ እያገለገላችሁ የምትገኙ አባላት ፤ እንዲሁም የቀድሞ የአንድነቱ አመራር የነበራችሁ በሙሉ በአዲስ አበባ ሀገረ ስብከት (4 ኪሎ) የስብሰባ አዳራሽ በመገኘት የስብሰባው ተሳታፊ እንድትሆኑ በልዑል እግዚአብሔር ስም ጥሪያችንን በጥብቅ እናሳተላልፋለን ።

#የአዲስ_አበባ_ሀገረ_ስብከት_የሰንበት_ትምህርት_ቤቶች_አንድነት

https://www.youtube.com/watch?v=SuZSvLQAa-E

<<ኦርቶዶክሳዊ መሪነት>>

በቦሌ ክ/ከተማ ሰንበት ት/ቤቶች አንድነት የስልጠናና አቅም ማጎልበቻ ክፍል ከአዲስ አበባ ሰንበት ት/ቤቶች አንድነት ጋር በመተባበር በአያት ምድብ ስር ላሉ 8 አጥቢያ ሰንበት ት/ቤቶች  አመራሮችና ስራ አስፈጻሚዎች << ኦርቶዶክሳዊ መሪነት >> ቀሚል ርዕስ ስልጠና አካሂዱዎል።
ቦታ:- በአያት ጸበል መድኃኔዓለም እና ቅድስት አርሴማ ቤ/ክን ወልድ ዋህድ
ቀን:- ታኅሣስ 13 ቀን 2017 ዓ ም 
ምንጭ:- የአ/አ/ሰ/ት/ቤቶች አንድነት

🌸 ‹‹#አንድነታችን ለቤተክርስቲያናችን››🌸
የአዲስ አበባ ሀገረ ስብከት የሰንበት ት/ቤቶች አንድነት #የ11ኛ_ዓመት #1ኛ ዙር የ2017 ዓ.ም መደበኛ ጠቅላላ ጉባዔውን ብጹዓን አበው ሊቃነ ጳጳሳት ፤ የክብር እንግዶች እና የአንድነቱ የጠቅላላ ጉባዔ አባላት በተገኙበት ታህሣሥ 20/2017 ዓ.ም ከጠዋቱ 3:30-11:00 ሰዓት በአዲስ አበባ ሀገረ ስብከት የመሰብሰቢያ አዳራሽ ያከናውናል።
#በጉባዔው_የሚነሱ_የመወያያ_አጀንዳዎች ፦
የስድስት ወራት የአፈጻጸም ሪፖርት እና ውይይት ፤
በተመረጡ ርዕሰ ጉዳዮች ላይ የውይይት አጀንዳዎች ናቸው።
በመሆኑም ፦
👉#ታህሣሥ_20_2017_ዓ_ም
👉#ከጠዋቱ_3_30_11_00_ሰዓት
የየሰንበት ት/ቤቱ የሥራ አመራር የጽ/ቤት አባላት (ሰብሳቢ፥ ም/ሰብሳቢ እና ጸሐፊ) የሆናችሁ ፤ የሰባቱም ክፍላተ ከተማ አንድነት የሥራ አመራር አባላት የሆናችሁ ፤ በአንድነቱ ክፍላት ውስጥ እያገለገላችሁ የምትገኙ አባላት ፤ እንዲሁም የቀድሞ የአንድነቱ አመራር የነበራችሁ በሙሉ በአዲስ አበባ ሀገረ ስብከት (4 ኪሎ) የስብሰባ አዳራሽ በመገኘት የስብሰባው ተሳታፊ እንድትሆኑ በልዑል እግዚአብሔር ስም ጥሪያችንን በጥብቅ እናሳተላልፋለን ።
#የአዲስ_አበባ_ሀገረ_ስብከት_የሰንበት_ትምህርት_ቤቶች_አንድነት
🌺🌺🌺🌺🌺🌺🌺🌺🌺🌸🌸🌸🌸🌸🌸🌸🌸🌸🌸🌺🌺🌺🌺🌺🌺🌺

💠💠💠💠💠💠💠💠💠💠💠💠💠💠💠💠💠💠

ገቢው ማኅበረ ቅዱሳን አዲስ አበባ ማእከል እያስገነባ ላለው ባለ 12 ፎቅ የሕፃናት እና ወጣቶች ስብእና መገንቢያ ማእከል እና አገልግሎት ማስፋፍያ የሚውል በመቶ ብር ትውልድ የሚታነጽበትን ፕሮጀክት እየደገፉ ይሸለሙ!!!
👉ሙሉ ወጪዎ ተችሎ ወደ ቅድስት ሀገር ኢየሩሳሌም ጉብኝት
👉የግብጽ ገዳማት ጉብኝት
👉 የሀገር ውስጥ ገዳማት ጉብኝት
👉የብራና ሥዕለ አድኅኖ
👉የአንገት ወርቅ እና ሌሎችም በርካታ ዕጣዎች ለባለ እድለኞች ተዘጋጅተዋል ይህ ሁሉ በመቶ ብር ።

🔻የዚህ ሕንጻ ፕሮጀክት አስፈላጊነት በጥቂቱ ፥
👉በሁለት በኩል የተሳለ ትውልድ ማፍራት
👉የግቢ ጉባኤ አገልግሎትን ማሳደግ
👉 የአብነት ትምህርትን ማስፋፋት
👉ዘመኑን የዋጁ ካህናትና ሰባኪያን ማፍራት
👉ኢ-አማንያንን ማስተማርና ማጥመቅ
👉ሴተኛ አዳሪ እህቶቻችንን ካሉበት ሕይወት ማውጣት
👉እነዚህን እና ሌሎች አገልግሎቶችን ለመደገፍ እና ለማስፋፋት በቋሚነት የቦታም ሆነ የፋይናንስ ችግር የሚፈታ የሕንጻ ፕሮጀክት ለመስራት የበኩልዎን ይወጡ።

♦ ትኬቶቹን :--
👉በሁሉም የአሐዱ ባንክ ቅርንጫፎች
👉በአቡነ ጎርጎርዮስ ት/ቤቶች
👉በማኅበረ ቅዱሳን ንዋየተ ቅድሳት መሸጫ ሱቆች
👉በአጥቢያ ቤተክርስቲያናት ሰንበት ት\ቤት በሙሉ ያገኙታል።

      ♦ድጋፍ ለማድረግ
አሐዱ ባንክ. 0002505310101
ኢ.ንግድ ባንክ. 1000303949112
አቢሲንያ ባንክ. 68960665
አዋሽ ባንክ. 01304868950900
ዳሽን ባንክ 0088211311011
ዓባይ ባንክ 1891119601313011

         ♦በለጠ መረጃ 👇
0902 50 11 31
0946 38 38 92

ለዚህ  የትውልድ መገንቢያ ሕንፃ ግንባታ የበረከት እጅዎን ይዘርጉ!!!
          #ማኅበረ_ቅዱሳን_አዲስ_አበባ_ማዕከል

💠💠💠💠💠💠💠💠💠💠💠💠💠💠💠💠💠💠

💫🌺⚜💫🌺🌷💐🌷⚜💫🌺💫⚜🌷💐🌷🌺⚜🌺🌺💫🌺

          ‹‹#ትብብራችን_ለአንድነታችን››

    በአዲስ አበባ ሀገረ ስብከት የሰንበት  ት/ቤቶች አንድነት ሥር ለምትገኙ የየሰንበት ት/ቤቱ የሥራ አመራር የጽ/ቤት አባላት (ዋና ሰብሳቢ ፥ ምክትል ሰብሳቢ እና ዋና ጸሐፊዎች)  በሙሉ የተላለፈ #የ11ኛ_ዓመት_1ኛ_መደበኛ_ጠቅላላ_ጉባዔ ጥሪ!!!

               #ታህሣሥ_20_2017_ዓ_ም
              #ከጠዋቱ_3_30_11_00_ሰዓት

የአዲስ አበባ ሀገረ ስብከት የሰንበት  ት/ቤቶች አንድነት #የ11ኛ_ዓመት #1ኛ ዙር የ2017 ዓ.ም መደበኛ ጠቅላላ  ጉባዔውን  ብጹዓን አበው ሊቃነ ጳጳሳት ፤ የክብር እንግዶች እና የአንድነቱ የጠቅላላ ጉባዔ አባላት በተገኙበት ታህሣሥ 20/2017 ዓ.ም ከጠዋቱ 3:30-11:00 ሰዓት በአዲስ አበባ ሀገረ ስብከት የመሰብሰቢያ  አዳራሽ ያከናውናል።

📌 #በጉባዔው_የሚነሱ_የመወያያ_አጀንዳዎች ፦
👉 የስድስት ወራት የአፈጻጸም ሪፖርት እና ውይይት ፤
👉 በተመረጡ ርዕሰ ጉዳዮች ላይ የውይይት  አጀንዳዎች ናቸው።

  📌 በመሆኑም ፦
👉#ታህሣሥ_20_2017_ዓ_ም 
👉#ከጠዋቱ_3_30_11_00_ሰዓት 
የየሰንበት ት/ቤቱ የሥራ አመራር  የጽ/ቤት አባላት (ሰብሳቢ፥ ም/ሰብሳቢ እና ጸሐፊ) የሆናችሁ ፤ የሰባቱም ክፍላተ ከተማ አንድነት የሥራ አመራር አባላት  የሆናችሁ ፤ በአንድነቱ ክፍላት ውስጥ እያገለገላችሁ የምትገኙ አባላት ፤ እንዲሁም የቀድሞ የአንድነቱ አመራር የነበራችሁ በሙሉ በአዲስ አበባ ሀገረ ስብከት (4 ኪሎ) የስብሰባ አዳራሽ በመገኘት የስብሰባው  ተሳታፊ እንድትሆኑ በልዑል እግዚአብሔር  ስም ጥሪያችንን በጥብቅ እናሳተላልፋለን ።

#የአዲስ_አበባ_ሀገረ_ስብከት_የሰንበት_ትምህርት_ቤቶች_አንድነት

💫🌺⚜💫🌺🌷💐🌷⚜💫🌺💫🌺🌺💫🌺⚜💫🌺🌷💐🌷💫🌺💫⚜🌺

በስመ አብ ወወልድ ወመንፈስ ቅዱስ አሐዱ አምላክ አሜን!!!

በ2016 ዓ.ም በሰንበት ት/ቤቶች ሥርዓተ ትምህርት መሠረት ትምህርታቸውን  ተከታትለው  ያጠናቀቁ እና በሀገረ ስብከት በብሔራዊ ደረጃ ምዘና ተደርጎላቸው ያለፉ  #የ4ኛ , #የ6ኛ እና #የ10ኛ ክፍል  ተማሪዎች የዕውቅና መስጠት መርሐ ግብር !!!

#ታህሳስ_6_2017_ዓ_ም  
#በቦሌ_መድኃኔዓለም_ካቴድራል

#በመርሐግብሩ_ላይ 👇
ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ፤ ብጹዓን አበው ሊቃነ ጳጳሳት ፤ የጠቅላይ ቤተክህነት የየመሪያው ኃላፊዎች ፤ የአዲስ አበባ ሀገረ ስብከት እና የክፍለ ከተማ ቤተክህነት  የየክፍሉ ኃላፊዎች ፤ የደብራት እና ገዳማት አስተዳዳሪዎች ፤ ሊቃውንተ ቤተክርስቲያን አባቶች ፤ ጥሪ የተደረገላቸው እንግዶች ፤ የየሰንበት  ት/ቤቱ አባላቶች ፤ የተመራቂ ተማሪ ወላጆች እንዲሁም ምዕመናን/ት ይገኛሉ።

 #ኑ_ተማሪዎቻችን_በጋራ_እንመርቅ!!!
          #የአዲስ_አበባ_ሰንበት_ትምህርት_ቤቶች_አንድነት

በቦሌ ክፍለ ከተማ ሰንበት ትምህርት ቤቶች አንድነት የገርጂ ምድብ የአንድነት መርሐግብር ህዳር 29/2017 ዓ.ም ከቀኙ 8፡00 ሰዓት ጀምሮ በገርጂ ቅድስት ማርያም ቤተክርስቲያን ኆኀተ ብርሃን ሰንበት ትምህርት ቤት አድራሻ ይከናወናል፡፡እርሶም መርሐግብሩ ላይ እንዲገኙ ተጋብዘዋል፡፡

በስመ አብ ወወልድ ወመንፈስ ቅዱስ አሐዱ አምላክ አሜን!!!
በ2016 ዓ.ም በሰንበት ት/ቤቶች ሥርዓተ ትምህርት መሠረት ትምህርታቸውን ተከታትለው ያጠናቀቁ እና በሀገረ ስብከት በብሔራዊ ደረጃ ምዘና ተደርጎላቸው ያለፉ የ4ኛ ፤ የ6ኛ እና የ10ኛ ክፍል ተማሪዎች የዕውቅና መስጠት መርሐ ግብር !!!
#ታህሳስ_6_2017_ዓ_ም
#በቦሌ_መድኃኔዓለም_ካቴድራል ይደረጋል
#በመርሐግብሩ_ላይ 👇
ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ፤ ብጹዓን አበው ሊቃነ ጳጳሳት ፤ የጠቅላይ ቤተክህነት የየመሪያው ኃላፊዎች ፤ የአዲስ አበባ ሀገረ ስብከት እና የክፍለ ከተማ ቤተክህነት የየክፍሉ ኃላፊዎች ፤ የደብራት እና ገዳማት አስተዳዳሪዎች ፤ ሊቃውንተ ቤተክርስቲያን አባቶች ፤ ጥሪ የተደረገላቸው እንግዶች ፤ የየሰንበት ት/ቤቱ አባላቶች ፤ የተመራቂ ተማሪ ወላጆች እንዲሁም ምዕመናን/ት ይገኛሉ።
«ኑ_ተማሪዎቻችን_በጋራ_እንመርቅ!!!»
አዘጋጅ፡- የአዲስ_አበባ_ሰንበት_ትምህርት_ቤቶች_አንድነት

Channel photo updated

‹‹ከእግዚአብሔር ቤት መረቅናችሁ›› መዝ 117፤26
ታላቅ የምርቃት መርሐግብር
በአ.አ ሀገረ ስብከት የአ/አ/ሰ/ት/ቤቶች አንድነት ለ4ኛ ጊዜ በ2016 ዓ.ም 4ኛ 6 እና 10ኛ ክፍል ያስተማቸውን ተማሪዎች ታህሳስ 6/2017 በደብረ ሳሌም መድኃኔዓለም እና መጥምቀ መለኮት ቅዱስ ዮሐንስ ወአቡነ አረጋዊ ካቴድራል በድምቀት ያስመርቃል።በዕለቱም ብፁዕ ወቅዱስ አቡነ ማቲያስ ብፁአን ሊቃነ ጳጳሳት የየመምሪያው ሃላፊዎች የገዳማትና የአድባራት አስተዳዳሪዎች እንዲሁም ተመራቂ ተማሪዎችና ቤተሰቦቻቸው ይገኛሉ። እርሶም በዕለቱ ተገኝተው ልጅዎን እንዲመርቁ በልዑል እግዚአብሔር ስም ጥሪያችንን እናስተላልፋለን።

የአ.አ ሰንበት ትምህርት ቤቶች አንድነት

በኢ/ኦ/ር/ተ/ቤ/ክ/የሰ/ት/ቤ/ማ/መ ማኀበረ ቅዱሳን የአዲስ አበባ ማዕከል <<ወደ ቀደመው ነገር እንመለስ>> በሚል መሪቃል ልዩ የአባላት መርሐግብር ህዳር 22,2017 ዓ.ም በቦሌ ደብረ ሳሌም መድኃኔዓለም እና መጥምቀ መለኮት ቅዱስ ዮሐንስ ወአቡነ አረጋዊ ካቴድራል አካሂዷል ።
በመርሐግብሩ ላይ የማኅበረ ቅዱሳን አዲስ አበባ ማእከል አባላት ወደቀድሞ የአገልግሎት ፍቅር እና ትጋት እንዲመለሱ መልክት ተላልፏል ።
ምንጭ፦የአዲስ አበባ ሰንበት ትምህርት ቤቶች አንድነት

በቦሌ ክፍለ ከተማ ሰንበት ትምህርት ቤቶች አንድነት የገርጂ ምድብ የአንድነት መርሐግብር ህዳር 29/2017 ዓ.ም ከቀኙ 8፡00 ሰዓት ጀምሮ በገርጂ ቅድስት ማርያም ቤተክርስቲያን ኆኀተ ብርሃን ሰንበት ትምህርት ቤት አድራሻ ይከናወናል፡፡እርሶም መርሐግብሩ ላይ እንዲገኙ ተጋብዘዋል፡፡

🔔🔔🔔🔔🔔🔔 💫💫💫💫 🔔🔔🔔🔔🔔 💫💫💫💫 🔔🔔🔔🔔🔔 💫💫💫💫 🔔🔔🔔🔔🔔

በስመ አብ ወወልድ ወመንፈስ ቅዱስ አሐዱ አምላክ አሜን!!!

በ2016 ዓ.ም በሰንበት ት/ቤቶች ሥርዓተ ትምህርት መሠረት ትምህርታቸውን  ተከታትለው  ያጠናቀቁ እና በሀገረ ስብከት በብሔራዊ ደረጃ ምዘና ተደርጎላቸው ያለፉ  #የ4ኛ , #የ6ኛ እና #የ10ኛ ክፍል  ተማሪዎች የዕውቅና መስጠት መርሐ ግብር !!!

#ታህሳስ_6_2017_ዓ_ም  
#በቦሌ_መድኃኔዓለም_ካቴድራል

#በመርሐግብሩ_ላይ 👇
ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ፤ ብጹዓን አበው ሊቃነ ጳጳሳት ፤ የጠቅላይ ቤተክህነት የየመሪያው ኃላፊዎች ፤ የአዲስ አበባ ሀገረ ስብከት እና የክፍለ ከተማ ቤተክህነት  የየክፍሉ ኃላፊዎች ፤ የደብራት እና ገዳማት አስተዳዳሪዎች ፤ ሊቃውንተ ቤተክርስቲያን አባቶች ፤ ጥሪ የተደረገላቸው እንግዶች ፤ የየሰንበት  ት/ቤቱ አመራር እና አባላቶች እንዲሁም ምዕመናን/ት ይገኛሉ።

 #ኑ_ተማሪዎቻችን_በጋራ_እንመርቅ!!!
          #የአዲስ_አበባ_ሰንበት_ትምህርት_ቤቶች_አንድነት

🔔🔔🔔🔔🔔🔔 💫💫💫💫 🔔🔔🔔🔔🔔 💫💫💫💫 🔔🔔🔔🔔🔔 💫💫💫💫 🔔🔔🔔🔔🔔

.....መልካም ነገሮችን ካገኘህ ባንተ ምክንያት ሳይሆን ከእግዚአብሔር እንደመጡ እርግጠኛ ሁን ። ምክንያቱም ጌታ እንዳለው እሱ ብቻ መቼም ጥሩ፣ፍፁምና ቅዱስ ነው። "መልካም የሆነ አንድ ነው" ማቲ19:17
መልካም ነገሮችን በውስጥህ ባገኘ ጊዜ ኩራትና ትምክህት አይሰማ። በመመጻደቅ ራስህን ከመልካም ነገር ጋር አትገዳድር ለእግዚአብሔር ምስጋናን አቅርብ እንጂ በጽድቅ አትመካ ይህ ከእግዚአብሔር እንጂ ከአንተ አይደለምና። የመልካም ነገር መገኛ እሱ ብቻ ነው። እርሱ በባህሪው መልካም ነው። አንተ ከእግዚአብሔር ውጪ ቦይ ነህ። አንዳች ልትሰራም አትችልም። ስለዚህ የእግዚአብሔርን ለአንተ አታድርግ አይገባህምና። ለምሳሌ ያህል አንተ እንደ ጨረቃ ብታበራ፣ ብርሃንህም አድጎ እንደ ጨረቃ ለብዙዎች ሲደርስም በእነዚህ ሁሉ ጨረቃ በጨለማው ሰማይ ላይ ነግሳ የምትሽከረከረው ብርሀኗን ቀን ከፀሀይ በመሰብሰብ እንጂ በራሷ የብርሃን ባለቤት እንዳልሆነች አስታውስ።ፀሀይ ከሌለች ጨረቃ በራሷ ልትኖር አትችልም። ስለዚህ ጨረቃ ስለ ብርሃኗ በፀሀይ ፊት መናገር ትችል ይሆን? ወዳጄ ሆይ አንተም በእግዚአብሔር ፊት ስለ ራስህ ማውራት አትችልም፡፡ .....
ምንጭ፡- የመንፈስ ነፃነት

የአ/አ/ሰ/ት/ቤቶች አንድነት ከልማት ጋር ተያይዞ የመኖሪያ አካባቢ ለቀዉ ወደ ሌላ አካባቢዎች የተዘዎወሩ እና የሚዘዋወሩ  አባላትን  መንፈሳዊ ትምህርታቸው እና አገልግሎታቸው  ለማስቀጠል ውይይት ተደረገ ።

የአ/አ ሰንበት ት/ቤቶች አንድነት ኅዳር 15/2017ዓ.ም ባደረገው ውይይት በኮሪደር ልማት ምክንያት ከየአጥቢያው የተነሱ ምእመናን እና የሰንበት ት/ቤት አባላቶቻቸው ወደ ሌሎች አካባቢዎች በመዘዋወራቸው በአጥቢያ ቤተክርስቲያኑ ብሎም በሰንበት ት/ቤቱ  አባላቶቻቸው ቁጥር ማነስ እና በአገልግሎት ላይ የሚያሳድረውን እና እያመጣ ያለውን ተግዳሮት አሳሳቢ መሆኑን በውይይቱ ላይ  በስንበት ት/ቤቶቹ ተነስቷል።
በዚህም ሰንበት ት/ቤቶቹ ከአባላት ከአካባቢው መነሳት ጋር ተያይዞ ከአምስት ፐርሰንት እስከ ሰማንያ ፐርሰንት አባላቶቻቸው መቀነሳቸው እና በስርአተ ትምህርት እየተማሩ ከነበሩ ተማሪዎች ከአንድ አጥቢያከ500 በላይ ተማሪ የነበረበት ወደ 30 የመቀነስ ሁኔታዎች እንደገጠሙ በውይይቱ ተነስቷል ከዛም ባለፈ ከሳምንታዊ ጉባኤያት ወደ ወርሐዊ ጉባኤ ለመዘዋወር የተገደዱ እንዳሉ እና በቀጣይም ሙሉ በሙሉ የህጻናት ጉባኤያት በአዲስ ሌላ ተማሪ  እስኪመጣ ሊቋርጥ የሚችልበት ስጋት መኖሩን ገልጸዋል።

በልማት አገልጋዮቻቸው  እና አባላቶቻቸው የተነሱባችው ሰንበት ት/ቤቶችም አሁን
ያለውን  የአገልግሎት  ችግር ለመቅረፍ እና አባላቶቻቸው በሄዱበት አካባቢ በሚገኝ አጥቢያ  አገልግሎታቸውን ለማሰቀጠል እና ከቤተክርስትያን እንዳይርቁ የሚያደርጉበትን ዋና ዋና ምክረ ሐሳቦችን ተወያይተዋል። ይህ ሁኔታ ቀጣይ ከመሆኑ አንጻር ሌሎችም ወደፊት ይህ ተግዳሮት ሲመጣ እንዴት ይለፋት ለሚለው ጥናቶች በችግሮቹ እና መፍትሔዎቻቸው ዙሪያ እንዲጠኑ እና ከባለድርሻ አካላት እና ከቤተክርስትያን የመዋቅር አመራር አባቶች ጋር ውይይት መደረግ እንዳለበት በጉባኤው ሀሳብ ተነስቷል

አንድነቱም ከክ/ከተማ ከሰንበት ትቤቶች አንድነት አመራሮች እና ከተነሺ  እና ተቀባይ አጥቢያ  ሰንበት ት/ቤት አመራሮች ጋር በመወያየት እና በማስተባበር አባላቱ ባሉበት መንፈሳዊ ትምህርታቸውን እና አገልግሎታቸውን ለማስቀጠል እንደሚሰራ እና የግንዛቤ መፍጠሪያ  ውይይቶችን በቀጣይም እንደሚደረግ ተገልጿል ። በማጠቃለያውም ሁሉም በጋራ በመተባበር በአጭር ጊዜ በመካከለኛ እና በረጅም ጊዜመሠራት ያለባቸውን ጉዳዮች ጥናት ላይ ተሞርኩዞ ተግዳሮቶቹን ለመቀነስ የሚፈጠሩ እድሎችን ለማስፋት ሁሉም የበኩሉን ድርሻ ለነገ ሳይል ከዛሬ ጀምሮ በጸሎት እና በተግባር ስራ ርብርብ እንዲያደርግ  ጥሪ ቀርቧል።

     ምንጭ ;;  የአ/አ ሰንበት ት ቤቶች አንድነት

https://youtu.be/5N0VyWh9JCw?si=dRl8AC29EF-qpXxB

ተማሪዎች አክለውም የወጣውን መመሪያ ምክንያት በማድረግ በአንዳንድ የጥበቃ አካላትና ግለሰቦች ጫና እየተደረገብን ነው ሲሉም ጠቁመዋል፡፡
ምግባችንን አውጥተን ለነዳያን መስጠትና መንፈሳዊ ጉዞ በምናከናውንበት ወቅት አውጥተን መጠቀም እንዳንችል ተደርጓልም ብለዋል፡፡
የግቢ ጉባኤያት አገልግሎት ማስተባበሪያ ኀላፊ አቶ አበበ በዳዳ ዩንቨርሲቲው በመጀመሪያው ረቂቅ መመሪያ ያወጣቸው ሕጎች ለኦርቶዶክሳውያን ተማሪዎች በጣም አስቸጋሪ ነበሩም ብለዋል፡፡
ነገር ግን በተማሪዎች በተቋቋመ ኮሚቴ በመመሪያው አንዳንድ አንቀጾች ላይ ማሻሻያ እንዲደረግ በቀረበው አስተያየት መሠረት ከበፊቱ የተሻለ ቢሆንም አሁንም ግን የተማሪዎችን ሃይማኖታዊ መብት የሚጋፋ መመሪያ መሆኑን ጠቅሰዋል፡፡
የማስተባበሪያው ኀላፊ አክለውም በተለይም ነጠላን አላስፈላጊ ልብስ በማለት የተገለጸው መመሪያ አግባብነት የሌለው ነውም ብለዋል፡፡
በመጨረሻም ይህ አካሄድ ሀገርን የማይጠቅም በመሆኑ ሊታሰብበት እንደሚገባ አሳስበው ዩንቨርሲቲው አሳማኝ ማስረጃ ማቅረብ የሚችሉ ሰዎች በልዩ ሁኔታ ሃይማኖቱ የሚፈቅደውን አለባበስ መልበስ ይችላሉ የሚል መመሪያ ስላለው የሚመለከታቸው አካላት ውይይትና ምክክር እንዲያደርጉ መልእክት አስተላልፈዋል፡፡
ምንጭ፡- ማኅበረ ቅዱሳን

የአዲስ አበባ ዩኒቨርሲቲ ሃይማኖታዊ ነጻነታችንን የሚጋፋ መመሪያ አውጥቷል ሲሉ ኦርቶዶክሳውያን ተማሪዎች ገለጹ፡፡
ተማሪዎቹ ይህንን ያሉት የአዲስ አበባ ዩኒቨርሲቲ በ2017 ዓ.ም ያወጣውን የሥነ መግባርና ዲሲፕሊን መመሪያ ተከትሎ ነው፡፡
በአዲስ አበባ ዩንቨርሲቲ የሚገኙ ኦርቶዶክሳውያን ተማሪዎች ወደ መመገቢያ አዳራሽ ሲሄዱ ነጠላ እንዳይለብሱና ምግብ እንዳያወጡ ሃይማኖታዊ መብታቸውን የሚጋፋ የሥነ ምግባርና ዲሲፕሊን መመሪያ መውጣቱን የግቢ ጉባኤያት አገልግሎት ማስተባበሪያ ኀላፊ አቶ አበበ በዳዳ ለማኅበረ ቅዱሳን ቴሌቪዥን ገልጸዋል።
አቶ አበበ በዳዳ ጠቅላይ ቤተ ክህነት ኦርቶዶክሳውያን የከፍተኛ ተቋማት ተማሪዎች ሃይማኖታዊ የመብት ጥሰት እንዳይፈጸምባቸው ከሚመለከታቸው አካላት ጋር መወያየት እንደሚገባም አሳስበዋል፡፡
ዩንቨርሲቲው በ2017 ዓ.ም ባወጣው የሥነ ምግባር ዲስፕሊን መመሪያ የተለያዩ እምነት ተከታይ ተማሪዎች በግቢው ስለሚያስተናገዱ ከሃይማኖትና ከበዓላት ጋር የተያያዙ የአለባበስ ሥርዓቶች የማንነትና የእምነት መገለጫዎች በመሆናቸው ሊከበሩ ይገባቸዋል ይላል፡፡
በሌላ በኩል የኒቨርሲቲው ሃይማኖታዊ ነጻነታችንን የሚጋፋ መመሪያ አውጥቷል ሲሉ ኦርቶዶክሳውያን ተማሪዎች ገልጸዋል፡፡
በተጨማሪም በምግብ ሰዓት የህሊና ጸሎት ካልሆነ በቀር ጸሎት እንዳናደርግና ከዳቦ ውጭ ምግብ እንዳናወ እንዲሁም በመመግቢያ አዳራሽ ውስጥ ነጠላ እንዳንለብስ መመሪያ ወጥቷል ብለዋል፡፡

⚰️ ዜና ዕረፍት
የደብረ ብስራት ቅዱስ ገብርኤል ቤተክርስቲያን አንቀጸ ብፁዓን ሰንበት ት/ቤት አገልጋይ የሆነችው እህታችን ወጣት ፀሀይ ኪሮስ ትናንት ህዳር 08 ቀን 2017 ዓ.ም በድንገተኛ መኪና አደጋ ከዚህ ዓለም ድካም አርፋለች። የሽኝት እና የቀብር ሥነስርዓት ዛሬ ህዳር 09 ከቀኑ 6:ዐዐ ጀምሮ ስለሚከናወን ሁላችንም ተገኝተን እህታችንን እንድንሸኝ እንዲሁም በምዕራፈ ፃድቃን አቡነ ገብረ መንፈስ ቅዱስ ( መካኒሳ አቦ) ሥርዓተ ቀብሩ ላይ እንድንገኝ ጥሪያችንን እናቀርባለን።
እግዚአብሔር አምላክ የእህታችንን ነፍስ ከአብርሃም ከይስሐቅ ከያዕቆብ ከደጋግ አባቶች አጠገብ ያሳርፍልን።
ነፍስ ይማር 🙏🙏

ሚዲያችን ለሰንበት ትምህርት ቤቱ እህት ወንድሞቿ፣ ለቤተሰቦቿ እና ለመላው ኦርቶዶክሳውያን በሙሉ መፅናናትን እንመኛለን።

መረጃው@ከሰንበት ት/ቤቱ የተገኘ ነው።

በሥርዓተ ጾታ ዙሪያ የተምሮ ማስተማር ስልጠና ተጀመረ!
ዛሬ ጥቅምት 30 ,2017ዓ.ም በዓለም አቀፍ ደረጃ አሳሳቢ እየሆነ የመጣው የሥርዓተ ጾታ ጉዳይ በማንሳት የቤተክርቲያን አስተምሮን እና ክርስቲያኖች ሊኖራቸው የሚገባውን አመለካከት በተመለከተ የአዲስ አበባ ሰንበት ትምህርት ቤቶች አንድነት ለሥስት ቀናት የሚቆይ ስልጠና አስጀምሮል።
ስልጠናውንም በዚህ ጉዳይ ላይ ከፍተኛ ልምድ ባላቸው በቀሲስ ታምራት ውቤ እየተሰጠ ይገኛል።
ሰልጣኞች ስልጠናቸውን እንደ ጨረሱ በተለያየመልኩ እንደሚያሰለጥኑ ይጠበቃል።

ምንጭ:-የአ/አ/ሰ/ት/ቤቶች አንድነት

የገዳመ ወንያት አቡነ ሐራ ድንግል አንድነት ገዳም የገቢ ማሰባሰቢያ መርሐ ግብር በሚሊኒየም አዳራሽ ተካሄደ፡፡

በሰሜን ጎጃም ሀገረ ስብከት ባሕር ዳር ዙሪያ የሚገኘውና ከተመሠረተ ከ400 ዓመት በላይ ያስቆጠረው ይህ ገዳም ጥቅምት 24 ቀን 2017 ዓ.ም በሚሊኒየም አዳራሽ የገቢ ማሰባሰቢያ መርሐ ግብር አካሂዷል፡፡

በመርሐ ግብሩ ብፁዓን አበው ሊቃነ ጳጳሳትን ጨምሮ የገዳሙ አባቶች ፤ ሊቃውንተ ቤተ ክርስቲያን እንዲሁም በርካታ ምእመናን ተገኝተዋል ሲል የዘገበው የኢ/ኦ/ተ/ቤ/ቴ/ቪዥን ነው።

# የሥርዓተ ጾታን ጉዳይ በግልጥ ለዚህ ትውልድ ማስተማር እንደሚገባ ተገለጠ#

በኢ/ኦ/ተ/ቤ/ያን የአ/አ/ሰንበት ት/ቤቶች አንድነት ከ ቀሲስ  ታምራት ውቤ የንስሐ ልጆች  እንዲሁም ከኤጲፋንያ የክርስቲያን ኅብረት ጋር በመሆን "ኦርቶዶክሳዊ ሥርዓተ ጾታ" በሚል መነሻ ርዕስ ውይይት አካሂደዋል
በውይይቱም በቀሲስ ታምራት ውቤ
የቀረበው ጥናታዊ ጽሁፍ የታዳጊዎች  እና የወጣቶች የጾታ ተግዳሮት እና ፈተና በዲጂታል ዘመን የሚል ሲሆን በጥናቱም  ህጻናት  እና ወጣቶች  በከፍተኛ ሁኔታ ዘመን አመጣሽ ነገሮችን በመጠቀም ራሳቸውን ቤተሰባቸውን ቤተክርስቲያንን  እና ሀገርን በእጅጉ እየጎዱ መምጣቱን ተገልጿል ።እነዚህ የዘመኑ ስር እየሰደዱ ያሉ ቤተክርስቲያንን የሚያጠፉ ተግባራቶች ከወዲሁ መፍትሄ ካልተበጀላቸው አያሌ ምዕመናንን ያሳገጣል ተብሏል

በመሆኑም  በዚህ  ጥናት  ተሳታፊ የነበሩ የቀ/ታምራት ንስሓ ልጆች የኤጲፋንያ ክርስቲያናዊ ኅብረት የህጻናት  አስተዳደግ  የትዳር አማካሪዎች ከተለያዩ ሰንበት ት/ቤት የመጡ አገልጋዮች እና ተጋባዥ  እንግዶች በሰጡት የመፍሔ አቅጣጫ መሠረት ቅድሚያ ኃላፊነቱን የሚወስደው የሰንበት ት/ቤቶች አንድነት  እንደሆነ እና በእርሱ መሪነት ሌሎች ባለ ድርሻ አካላት የግላቸውን አስተዋፅኦ  ማድረግ እንደሚጠበቅባቸው ተመላክቷል።

የቅዱስ ዮሐንስ አፈወርቅ ሕይወቱና ትምህርቱ
«...የጌታ ትእዛዝ እንዴት ቀላል እንደሆነ ትመለከቱ ዘንድ እለምናችኋለሁ ፡፡ ገንዘብ የሚያበድሩ ሰዎች ተበዳሪው ለማንም ያበድረው ምንም ይሥራበት የሚፈልጉት የተዋዋሉትን ወለድ ማግኘታቸውን ብቻ ነው፡፡ ተበዳሪው እንዳሰበው ማትረፍ ባይችል ይህ ለአበዳሪዎች ጉዳያቸው አይደለም ያስያዘው ሀብት ንብረትም ቢሆን ሽጦ እንዲከፈል ያደርጉታል እንጂ እግዚአብሔር ግን እንዲህ አያደርግም ፡፡እርሱ ከእኛ የሚፈልገውን ለለዋጮች አደራ እንድንሰጥ ብቻ ነው ከዚያ በኋላ ለሚከሠተው - ለትርፍ መጠን ገንዘቡ አደራ የተሰጣቸው ሰዎች ስለ መመለስ አለመመለሳቸው ጉዳይ የእኛ ኃላፊነት አይደለም ፡፡የእግዚአብሔር ቃል የሚናገረው ሰው ሰሚውን መምከር እንጂ ማሳመን አይችልማና ስለዚህም ‹‹እናንተን የምጠይቃችሁ አደራ ስለ መስጠት እንጂ ስለ ትርፉ መጠን አይደለም ›› አለን፡፡ከዚህ የቀለለ ኃላፊነት ምን አለ; ሆኖም ያ አገልጋይ ጌታውን ‹‹ጽኑና ጨካኝ›› አለው፡፡ ሰነፎች እና ውለታ ቢሶች እንዲህ ናቸውና ሁል ጊዜ የራሳቸውን ስህተትና ድካም በጌታቸው ማሳበብ ይወዳለሁ፡፡ስለዚህም ይህ ሰው ልቅሶና ጥርስ ማፋጨት ወዳለበት በውጭ ወዳለው ጨለማ ተጣለ፡፡
እኛም ይህ ቅጣት እንዳያገኘን እነርሱ ቢቀበሉት ባይቀበሉትም የምንችለውን ያህል ምክርና የእግዚአብሔርን ቃል በወንድሞቻችን ልቦና እናስቀምጥ ፡፡ቢቀበሉ ራሳቸውንም እኛንም ይጠቅማሉ ፡፡ባይቀበሉት ግን ራሳቸው የማይቀርላቸውን ቅጣት ይቀበላሉ፡፡የእነርሱ አለማመን በእኛ ላይ ግን ምንም ዓይነት ጉዳት ሊያደርስብን አይችልም ምክር በመስጠት የራሳችንን ድርሻ ተወጥተናልና፡፡ባይሰሙ ግን በመናገራችን የምንጎዳው አንዳች ነገር የለም፡፡ባለመምከራችንና ባለ መናገራችን እንጂ ባለ መስማማታችን ማሳመን ባለመቻላችን የሚያሳፍር ነገር የለንምና፡፡ስለዚህ ምናልባት ወንድሞቻችሁ ወደ ቤተ ክርስቲያን የማይመጡት እና ሕይወታቸው ያልተስተካከለው እንደሚገባ ዳጋግማችሁ በቃለ እግዚአብሔር ስላልመከራችኋቸው እንዳይሆን እሰጋለሁ፡፡ በተደጋጋሚ በእግዚብሔር ቃል የሚመከርና የሚገሠፅ ሰው አንድ ቀን ሕይወቱ መቀየሩ አይቀርምና ‹‹የማያቋርጥ የውኃ ጠብታ ዓለት ያጎደጉዳል ›› የሚለው የተለመደ አባባል ይህንን ያሳያል ከውኃ የለሰለሰ ምን አለ ? ከዓለት የጠነከረ ምን አለ ? ሆኖም የማያቋርጥ ድርጊት ተፈጥሮን እንኳ ያሸንፋል፡፡ተፈጥሮን ካሸነፈ ደግሞ አእምሮታዊ የሆነ የሰውን ነጻ ፍቃድ በበለጠ ይለውጣል ፡፡የምወዳችሁ ወንድሞቼ ሆይ ክርስትና የሕፃናት ጨዋታ አይደለም ምትክና ሁለተኛ ያለው ጉዳይ አይደለም፡፡.....»
በዲ/ን ያረጋል አበጋዝ

#የጠቅላላ_ጉባዔ_ጥሪ

በአዲስ አበባ ሀገረ ስብከት የኮልፌ ቀራንዮ ክፍለ ከተማ ሰ/ት/ቤቶች አንድነት ሥር ለምትገኙ ሰንበት ትምህርት ቤቶች ሥራ አመራር አባላት በሙሉ በአንድነት ስለ አንድ ዓላማ የምንመክርበት ነውና ሁላችንም በመገኘት መንፈሳዊ ግዴታችንን እንወጣ!!!

ለመፍታት ዕድል ስጡ፡፡ በእግዚአብሔር ስም ለመላው ኢትዮጵያውያን ወገኖቻችንና ልጆቻችን የምናስተላፈው ወቅታዊ መልእክታችን ይህ ነው፡፡ 

በመጨረሻም
በቅድስት ቤተ ክርስቲያናችን ሁለንተናዊ አገልግሎትና የስራ አፈጻጸም ላይ ለመምከርና ለመወሰን ኃላፊነት ያለው ቅዱስ ሲኖዶስ በዛሬው ዕለት መደበኛና ዓመታዊ ጉባኤውን የጀመረ መሆኑን ለሕዝበ ክርስቲያኑ እናበስራለን፡፡
እግዚአብሔር ጉባኤያችንን ይባርክ!
እግዚአብሔር አምላክ ኢትዮጵያንና ሕዝቦቿን ይባርክ!
ወስብሐት ለእግዚአብሔር አሜን::

      አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም
ወዕጨጌ ዘመንበረ ተክለ ሃይማኖት

ጥቅምት ፲፪ ቀን ፳፻፲፯ ዓ.ም.
አዲስ አበባ፣ ኢትዮጵያ፤

መልእክተ ቅዱስ ፓትርያርክ
በስመ አብ ወወልድ ወመንፈስ ቅዱስ አሐዱ አምላክ አሜን!
•ብፁዕ አቡነ አብርሃም
የመንበረ ፓትርያርክ ጠቅላይ ቤተ ክህነት ዋና ሥራ አስኪያጅ፣ የባሕር ዳርና የሰሜን ጐጃም አህጉረ ስብከት ሊቀ ጳጳስ፤
•ብፁዕ አቡነ ሄኖክ የአዲስ አበባ ሀገረ ስብከት ሊቀ ጳጳስ፤
•ብፁዓን አበው ሊቃነ ጳጳሳት የቅዱስ ሲኖዶስ አባላት፤
ዓመቱን ጠብቆ ስለ አጠቃላይ ተልእኮአችን ለመወያየት በዚህ ጉባኤ የሰበሰበን አምላካችን ስሙ የተመሰገነ ይሁን፤
“ወይእዜኒ ግብኡ ኀበ ኖላዊሃ ወዓቃቢሃ ለነፍስክሙ፤ አሁንም ወደ እረኛችሁና ወደ ነፍሳችሁ ጠባቂ ተመለሱ” (1 ጴጥ 2÷!5)
ሁሉን የሚችል አምላካችን እግዚአብሔር በፍቅሩና በፍቅሩ መነሻነት ብቻ ፍጥረታትን በሙሉ እንደፈጠረ ቅዱስ መጽሐፍ ያስተምረናል፤ ከፈጠረም በኋላ የክብሩ ተሳታፊ እንዲሆኑ ወዶ ክብሩን አድሎአቸዋል፡፡ እግዚአብሔር ለፍጡራኑ ካደላቸው ነገሮች አንዱ በየዓይነታቸው ጠባቂና መሪ እያደረገ በፍጡራን ላይ ፍጡራንን መሾሙ ነው፤ ይህ ስጦታ በሰማይም ሆነ በምድር ላሉ ፍጥረታት የተሰጠ የሱታፌ መለኮት ስጦታ ነው፡፡
ይህም በመሆኑ ሁሉም ፍጡራን አራዊትም ሆኑ እንስሳት ይብዛም ይነስ ጠባቂና መሪ እንዳላቸው እናስተውላለን፤ በተለይም የፍጥረታት ቁንጮ የሆኑ መላእክትና ሰዎች መሪና ሹም እንዳሏቸው የማንክደው ሓቅ ነው፡፡ ቅዱስ መጽሓፍም ይህንን ደጋግሞ ያስረዳል፤ የእነዚህ ሁሉ ላዕላዊ ጠባቂና መሪ ደግሞ እግዚአብሔር ነው፤ እግዚአብሔር በፍጡራን ላይ ፍጡራንን ጠባቂዎች አድርጎ ሲሾም ፍጡራንን የክብሩ ተሳታፊ ለማድረግ እንጂ የእሱ ጥበቃ አንሶ ወይም ድጋፍ ሽቶ አይደለም፡፡ ስለሆነም ፍጹምና ላዕላዊ የሆነ ጥበቃው ሁሉንም ያካለለ ነውና ከእሱ ቊጥጥርና ጥበቃ ውጭ አንድም ነገር እንደሌለ የምንስተው አይደለም ፡፡

•ብፁዓን አበው ሊቃነ ጳጳሳት
•የቅዱስ ሲኖዶስ አባላት!
በአምሳለ እግዚአብሔር በተፈጠረውና በክብር መልዕልተ ፍጡራን በሆነው ሰው ላይ በዚህ ዓለም የተሾሙ ሁለት አካላት አሉ፤ እነሱም የመንፈስና የዓለም መሪዎች ናቸው፡፡  በተለይም የመንፈስ መሪዎችና ጠባቂዎች የተባሉት በመንፈስ ቅዱስ ተሹመን በዚህ ክርስቶሳዊ ጉባኤ የተሰበሰብነው እኛ የቅዱስ ሲኖዶስ አባላት ነን፡፡
ይህ ጉባኤ በሀገር ውስጥና በውጭ ለሚገኙና በሚሊዮኖች ለሚቆጠሩ የኢትዮጵያ ኦርቶዶክስ ተዋሕዶ ቤተ ክርስቲያን ምእመናን መሪና ጠባቂ ነው፤ ከዚያም ባሻገር እንደ ቃሉ እስከ ዓለም ዳርቻ ድረስ ቃሉን በመስበክ ፍጥረተ ሰብእን በሙሉ የመጥራት ተልእኮ ለእኛ የተሰጠ የቤት ስራ ነው፡፡ ከዚህ አኳያ የተሰጠን ኃላፊነት እጅግ በጣም ታላቅ እንደመሆኑ የሚጠበቅብን ውጤትም በዚያው ልክ ትልቅ ነው፤ ብዙ ከተሰጠው ብዙ ይፈለግበታል ያለው የጌታችን አስተምህሮም ይህንን ያስታውሰናል፡፡

ሁላችን እንደምንገነዘበው አሁን የምንገኝበት ዘመን የጸላኤ ሠናያት መንፈስ በእግዚአብሔር ሕዝብ ላይ ከምንም ጊዜ በበለጠ ጦሩን ሰብቆ የተነሣበት ጊዜ ነው፤ አሁን ያለው ዓለም በሀገራችንም ሆነ በሌላው ክፍለ ዓለም ላሉ ኦርቶዶክሳውያን ከባድ ፈተና ደቅኖብናል፡፡ ክፉው መንፈስ የሰውን አእምሮ በማዛባት ምእመናንን በቅዱስ መጽሐፍና በሕገ ተፈጥሮ ከተመደበላቸው የጋብቻ ሕግ በማስወጣት እንስሳት እንኳ የማይፈጽሙት ነውረ ኃጢአት እንዲፈጽሙ በመገፋፋት ላይ ይገኛል፡፡ በአማንያን ልጆቻችን ላይም በረቀቀ ስልት ግድያ፣ እገታ፣ አፈና፣ የመብት ተጽዕኖ እና አድልዎ በማድረግ እንደዚሁም በአስመሳይ ስብከትና አምልኮ ጣዖትን በማለማመድ ሕዝቡ ሳይገባውና ሳይጠነቀቅ ከእግዚአብሔር መንግሥት እንዲወጣ እያደረገ ነው፡፡

•ብፁዓን አበው ሊቃነ ጳጳሳት
•የቅዱስ ሲኖዶስ አባላት!
ክፉው መንፈስ በተራቀቀና በተራዘመ ስልት ሊውጠን በተነሣ ልክ እኛም ከእሱ እጥፍ በሆነ መለኮታዊ ኃይል ልንመክተው ካልቻልን በፈጣሪም ሆነ በትውልድ እንደዚሁም በታሪክ ፊት በኃላፊነት መጠየቃችን አይቀርም፡፡ መከላከል የምንችለውም ችግሩን በውል ከመረዳት አንሥቶ ሕዝቡን በደምብ በማስተማርና በመጠበቅ እንደዚሁም ለመሪነታችን ዕንቅፋት ከሚሆኑን ዓለማዊ ነገሮች ራሳችንን በማራቅ ነው፡፡ ሕዝቡም በዚህ ዙሪያ ሊያደምጠንና ሊከተለን የሚችለው መስለን ሳይሆን ሆነን ስንገኝለት ነው፡፡ ሕዝቡ ሊከተለን የሚችለው እሱን በብቃት ለመጠበቅ ዓቅሙም ተነሣሽነቱም ቁርጠኝነቱም እንዳለን ሲመለከት፣ እንደዚሁም ከዕለት ተዕለት ተግባራችንና አኗኗራችን የሚያየው ተጨባጭ እውነታ ኅሊናውን ሲረታ እንደሆነ አንርሳ፡፡

የምናስተምረው ሌላ የምንሰራው ሌላ ከሆነ ግን ከሕዝቡ አእምሮ መውጣታችን እንደማይቀር መገንዘብ አለብን፤ በመሆኑም በሰብእናችን፣ በአስተዳደራችን፣ በአመራራችንና በጥበቃችን ሁሉ እንደቃሉና እንደቃሉ ብቻ ለመፈጸም መትጋትና በቁርጥ መነሣት ጊዜው አሁን ነው እንላለን፡፡ ይህ ሲሆን በምእመናንና በእኛ መካከል ያለው ግንኙነት አስተማማኝና እንከን የለሽ ይሆናል፤ ይህ ከሆነ እውነትም የመሪነት፣ የእረኝነትና የመልካም ተምሳሌነት ኃላፊነታችንን በትክክል ተወጥተናል ማለት እንችላለን፡፡

•ብፁዓን አበው ሊቃነ ጳጳሳት
•የቅዱስ ሲኖዶስ አባላት!
  የሰው ልጆች በዚህ ዓለም ሲኖሩ የተሟላ ሰላምና ጣዕመ ሕይወት ሊኖራቸው የሚችለው በመንፈሳዊ ኑሮአቸው የተሻለ ነገር ስላገኙ ብቻ አይደለም፡፡ ሰዎች ከሥጋዊ ክዋኔም ጭምር የተፈጠሩ እንጂ እንደመላእክት ሥጋ የሌላቸው መንፈስ ስላይደሉ ለኑሮአቸውና ለሥጋዊ ክዋኔአቸው የሚሆን ነገር ያስፈልጋቸዋል፡፡ በዚህም ዓለማዊው አስተዳደር የተመቻቸ መደላድል ሊፈጥርላቸው ግድ ነው፤ ዓለማዊው አስተዳደርም የመለኮትን ተልእኮ ለመፈጸም የተሾመ ሹመኛ እንደመሆኑ የእግዚአብሔርን ሕዝብ በትክልል መምራት ይጠበቅበታል፡፡ ምንም ቢሆን የተቀበለው ኃላፊነት የእግዚአብሔር ነውና በሚሰራው ሁሉ በሿሚው አምላክ ከመጠየቅ አያመልጥም፡፡

እኛም በዚህ ዓለም የእግዚአብሔር ወኪሎች ስለሆንን ቢሰሙንም ባይሰሙንም ዓለማውያን ሹማምንትን  የማስተማርና የመምከር ኃላፊነት አለብን፡፡ ይህ የሁለታችን ኃላፊነት እንደ እግዚብሔር ፈቃድ ስንፈጽም የሕዝብ ሰላምና በረከት፣ ፍቅና አንድነት፣ ዕድገትና ልማት በአስተማማኝ ሁኔታ ይረጋገጣል፡፡ ነገር ግን በአሁኑ ጊዜ በሀገራችንም ሆነ በአካባቢያችን እየሆነ ያለው ይህ አይደለም፤ አለመግባባት በዝቶአል፣ ማኵረፍና መቀያየም ሰፍቶአል፤ ነገሩ ሁሉ ግራ የሚያጋባና የተመሰቃቀለ ሆኖ ይታያል፡፡

ችግሩ ከሕዝብ አልፎ የአምልኮ ስፍራዎችንና የአምልኮው ፈጻሚዎችን ዒላማ ያደረገ እግዚአብሔርን መዳፈር እየተለመደ መጥቶአል፤ ይህ ለአንድ ሀገር ወይም ሕዝብ የውድቀት ምክንያት ከሚሆን በቀር ከቶውኑም የዕድገት ምልክት ሊሆን አይችልም፡፡
ከሁሉም በላይ የሚያሳዝነው ደግሞ ይህ ክፉ ድርጊት እየተፈጸመ ያለው በእኛው ልጆች በኢትዮጵያውያን መሆኑ ነው፤ ስለሆነም በከተማም፣ በጫካም፣ በገጠርም በየትኛውም ስፍራ የምትገኙ ልጆቻችን ምንም ይሁን ምን ሀገርንና ሕዝብን ከመጉዳት ተቆጠቡ፡፡ በተለይም ከቤተ ክርስቲያንና ከሀገር እንደዚሁም ሕዝቡን ከሚያገለግሉ ካህናትና ሲቪል ሰራተኞች እባካችሁ እጃችሁን አንሡ፤ ቤተ ክርስቲያን እኮ የእናንተና የሕዝቡ ሁሉ እናት ናት፤ በእናታችሁ ላይ መጨከንን እንዴት ተለማመዳችሁት? አሁንም ንስሐ ግቡ ያለፈው ይበቃል፡፡ ልብ በሉ ከእግዚአብሔር ጋር መጣላት አይበጅም፤ ሰውን መጉዳትና እግዚአብሔርን መዳፈር አቁሙ፤ የእግዚአብሔር ገንዘብ የሆነውን ሥርዓተ አምልኮም ያለቦታው አታውሉ፤ ጥያቄአችሁን በሰላማዊ መንገድ

በኢ/ ኦ/ ተ/ ቤ/ክ የሰንበት ት/ቤቶች ማደራጃ መምሪያ ለየአኅጉረ ስብከት ሥራ አስኪያጆችና ለሰንበት ት/ቤት ክፍል ኃላፊዎች የሁለት ቀን ሥልጠናና የምክክር መድረክ አከናውኗል።

(የሰንበት ት/ቤቶች አንድነት)
ጥቅምት 11/02/2017 ዓ.ም

በኢ/ኦ/ተ/ቤ/ክ የሰንበት ት/ቤቶች ማደራጃ መምሪያ ፵፫ኛውን የሰበካ ጉባኤ ለመካፈል ከተገኙ ከየአኅጉረ ስብከቱ ለመጡ ሥራ አስኪያጆች እና የሰንበት ት/ቤት ክፍል ሐላፊዎች ጋር በሰ/ት/ቤቶች አጠቃላይ እንቅስቃሴ ዙርያ የሥልጠናና የምክክር መድረክ ከጥቅምት 10-11/2017 ዓ.ም በጠቅላይ ቤተክህነት በጽርሐ ተዋሕዶ አዳራሽ ተከናውኗል።

በመርሐ ግብሩ  የዳውሮ ኮንታ ሀገረ ስብከት ሊቀ ጳጳስ ብፁዕ አቡነ ጢሞቲዎስ የተገኙበትና "በምንት ያረትዕ ወሬዛ ፍኖቶ በአቂበ እግዚአብሔር " በማለት " ወጣቶች ያሏት ቤተ ክርስቲያን ነገ ተረካቢ ትውልድ ይኖሯታልና ወጣቱን መጠበቅ የኛ የሁላችን ድርሻ መሆኑን አውቀን ተግተን ልንሠራ ይገባል።" የሚል አባታዊ መልዕክት በማስተላለፍ ተጀምሯል።

በመቀጠልም የማደራጃ መምሪያው ኃላፊ መጋቤ ሐዲስ ጸጋ ወልደ ትንሣኤ በእንኳን ደህና መጣችሁ መልዕክትና ማደራጃ መምሪያው እያከናወናቸው የሚገኙ ዋና ዋና ሥራዎችን  በማቅረብ የአኅጉረ ስብከት ሥራ አስኪያጆችና የክፍሉ ተጠሪዎች ከመቼውም ጊዜ በላይ ለወጣቶችና ለሰንበት ትምህርት ቤት አገልግሎት ትኩረት በመስጠት ሊሠሩ እንደሚገባ መልዕክት አስተላልፈዋል።

በሁለቱ ቀን መርሐ ግብር  በዲ/ን ዶ/ር ያየህ ነጋሽ "ትኩረት ለሰንበት ት/ቤት ለምን?" እና "የሰንበት ት/ቤት አጽተዋጽዎ ለቤተ ክርስቲያን "በሚል ርዕስ  በቀሲስ ዶ/ር መዝገቡ ካሳ የኢ/ኦ/ተ/ቤ/ክ መገናኛ ብዙኃን ሥራ አስኪያጅ እንዲሁም ስለ ሰንበት ት/ቤቶች ማደራጃ መምሪያ የሰንበት ት/ቤቶች አንድነት መዋቅር አደረጃጀትና ስለ ሥርዓተ ትምህርቱ ምንነትና ዓላማ በዲ/ን ስንታየሁ ምስጋናው በሀገር አቀፍ የሰንበት ት/ቤቶች አንድነት ተ/ም/ሰብሳቢ ለተሳታፊዎች ገለፃ ተደርጓል።

በሁለተኛው ቀን መርሐ ግብር በመገኘት መልዕክታቸውን ያስተላለፉት ብፁዕ አቡነ ኢጲፋንዮስ የምስራቅ ጉራጌና የማረቆ ሀገረ ስብከት ሊቀ ጳጳስ "እንግዲህ እንደተወደዱ ልጆች እግዚአብሔርን የምትከተሉ ኹኑ" (ኤፌ 5፥1) በሚል አምላካዊ ቃል መነሻነት " ወጣቶችና ሕፃናት የነገዎን ቤተ ክርስቲያን የሚያስቀጥሉ የሚረከቡ ናቸውና እናንተ ደግሞ የነሱ መሪ እንደመሆናችሁ ወጣቶችና ሕጻናት የሚመለከቱት እናንተን ነውና ብርሃናቹ በሰው ፊት ይብራ" በማለት አባታዊ መልዕክታቸውን አስተላልፈዎል።

በጉባኤው ማጠቃለያም በሰንበት ትምህርት ቤት አገልግሎትና በማደራጃ መምሪያውና የየሀገረ ስብከት ሥራ አስኪያጆች፤ ሰ/ት/ቤት ክፍል ኃላፊዎች ግንኙነት እና ቀጣይ ሊሰሠሩ ስለሚገቡ ሥራዎች የጋራ ውይይት ተደርጎ እንዲህ ዓይነት የጋራ መድረኮች መለመድ እንዳለባቸው በጋራ መግባቢያ ሐሳብ ተደርሶ የጉባኤው ፍፃሜ ሆኗል።

#የሰንበት_ትምህርት_ቤቶች_አንድነት

በአዲስ አበባ ሀገረ ስብከት ተከስተዋል የተባሉትን የመልካም አስተዳደር ችግሮችን በተመለከተ የተሰየመው አጣሪ ኮሚቴ ሪፖርቱን ለቋሚ ሲኖዶስ አቀረበ።

በአዲስ አበባ ሀገረ ስብከት ተከስተዋል የተባሉትን የመልካም አስተዳደር ችግሮችን በተመለከተ በዝርዝር በማጣራት የመፍትሔ ሐሳብ ጭምር እንደያቀርብ የተሰየመው አጣሪ ኮሚቴ ባለፉት ዐሥራ አምስት ቀናት ሲያከናውናቸው የሰነበተውን የማጣራት ሥራዎች በማስመልከት ያዘጋጀውን ሪፖርት ዛሬ ጥቅምት ፲፩ ቀን ፳፻፲፯ ዓ.ም ለቋሚ ሲኖዶስ አቅርቧል።

አጣሪ ኮሚቴው አዲስ አበባ ሀገረ ስብከት በአካል ተገኝቶ ማጣራት እንዳይችል የተከለከለ መሆኑን በመጥቀስ መረጃውን ለማሰባሰብ ይቻል ዘንድ ተበዳዮች በስልክ፣በቴሌግራምና በዋትስ አፕ እንዲሁም በአካል በመቅረብ በሰነድ ማስረጃ በማስደገፍ፣በድምጽና በቪዲዮ በተቀረጸ ማስረጃ ጭምር መረጃዎችን ማሰባሰቡን፣መተንተኑን፣ማደራጀቱንና ጥቅም ላይ ማዋሉን ገልጿል።

በሪፖርቱም ከመልካም አስተዳደርና ከብልሹ አሠራር ጋር ተያያዥነት ያላቸው ጉዳዮች በማስረጃ ተደግፈው የቀረቡ ሲሆን በማጣራት ሥራው የተረጋገጡ ጉድለቶችንና ጥፋቶችን መሰረት በማድረግም በጊዜያዊነትና በቋሚነት ችግሮቹን ለመፍታትና የካህናትና የአገልጋዮችን ቅሬታ ዘላቂነት ሊፈቱ ይችላሉ ተብለው የቀረቡ በሰባት ነጥቦች የተተነተኑ የመፍትሔ ሐሳቦችና በዘጠኝ ነጥቦች የተተነተኑ ችግሮቹንና የመፍትሔ ሐሳቦችን አቅርቧል።

የጥናት ሰነዱ በቅዱስ ሲኖዶስ ምልዓተ ጉባኤ ቀርቦ ውሳኔ የሚሰጥበት ይሆናል።

@የኢ/ኦ/ተ/ቤ/ክ ሕዝብ ግንኙነት መምሪያ