Vialikaje Kniastva Numizmatyka 🪙

@skarbmin

Грошы – банкноты, манеты і нават маркі – увасабляюць культуру кожнага народа ды сімвалізуюць сваю эпоху. Гэта значная частка нашай з вами гісторыі, любові і павагі, якія спарадзілі асобную навуку. Акурат ёй і прысвечаны канал – нумізматыцы 🪙
@Hunginpun

Vialikaje Kniastva Numizmatyka 🪙 (Belarusian)

Калі вы зацікаўленыя ў гісторыі і культуры, то канал "Vialikaje Kniastva Numizmatyka 🪙" для вас! Гэты канал прысвечаны нумізматыцы - справе збору і даследавання манет, банкнот і нават марк. Грошы - гэта не проста абменныя аб'екты, яны ўвасабляюць культуру розных народаў і сімвалізуюць розныя эпохі. Тут вы зможаце даведацца багата цікавай інфармацыі аб гісторыі грошай, іх значэнні і ролі ў сусветнай культуры. Падпісвайцеся на канал "Vialikaje Kniastva Numizmatyka 🪙" і разам з намі адкрыўце захапляльны свет нумізматыкі! @Sulugunh

Vialikaje Kniastva Numizmatyka 🪙

13 Feb, 18:59

Талер Жыгімонта ІІІ Стакгольмскага манетнага двара

Звышрэдкая манета, рэдкасць якой выклікана тым, што шведскія манеты Жыгімонта, пасля яго звяржэння са шведскага прастола, былі адпраўлены на пераплаўку.

След у верхняй частцы манеты на партрэтным баку сведчыць аб тым, што манету выкарыстоўвалі як упрыгожванне.

Манета, якую так сама выкарыстоўвалі як падвеску, паказана на прыкладзе аўстрыйскага талера.

#РэчПаспалітая #Швецыя #нумізматыка
VKN

244

Vialikaje Kniastva Numizmatyka 🪙

13 Feb, 09:04

Шаноўнае спадарства!

Прапануем канал "Rodnaja historyja" - гісторыя Беларусі ў спалучэньні з роднай мовай, а таксама цікавыя факты з культуры беларускага народа й края! Таксама можна знайсьці допісы на беларускай лацінцы!
Сардэчна запрашаем, перайсьці тут:

https://t.me/historianinBelarus

290

Vialikaje Kniastva Numizmatyka 🪙

09 Feb, 10:05

Эрэ Жыгімонта ІІІ

Пасля смерці свайго бацькі Юхана ІІІ у 1592 годзе Жыгімонт атрымаў у спадчыну шведскую карону, якой каранаваўся ў 1594 годзе, тым самым стварыўшы унію паміж Рэччу Паспалітай і Швецыяй.

Па вяртанні ў РП Жыгімонт прызначыў рэгентам Швецыі свайго дзядзьку Карла, які заручыцца падтрымкай шведскага дваранства і ў 1599 годзе, адхіліўшы Жыгімонта ад улады, сам стане шведскім каралём.

Жыгімонт ад сваіх правоў на Швецыю не адмовіўся, з-за чаго РП была ўцягнута ў некалькі войнаў са Швецыяй, якія працягнуліся з 1600 па 1660 год.

Падчас кіравання Жыгімонта ў Стакгольме біліся манеты, якія ў наш час лічацца рэдкімі і не таннымі.

На фота паказана манета наміналам у 1 эрэ, якая была прададзена на адным з аўкцыёнаў за 700 еўра.

#РэчПаспалітая #Швецыя #нумізматыка
VKN

516

Vialikaje Kniastva Numizmatyka 🪙

04 Feb, 17:48

Манеты Італіі пры праўленні Віктара Эмануіла III. Шэдэўры свайго часу.

#нумiзматыка #Італія
VKN

649

Vialikaje Kniastva Numizmatyka 🪙

02 Feb, 08:21

Тысячагоддзе Рэйнланда

Веймарская рэспубліка - гэта ўмоўная назва перыяду нямецкай гісторыі ў перыяд з 1918 па 1933 год, калі ў краіне ўзнікла парламенцкая дэмакратыя.

Пасля першай сусветнай у Нямеччыне панавалі галеча і нестабільнасць, а каштоўныя металы сыходзілі на выплаты рэпарацый.

Першыя памятныя манеты Веймарскай рэспублікі з'явіліся толькі ў 1925 годзе, пасля стабілізацыі абстаноўкі.

Першы юбілейны выпуск (3 і 5 марак) выбіты ў 1925 годзе ў гонар 1000-годдзя Рэйнланда, гістарычнай зямлі на захадзе Веймарскай рэспублікі. На аверсе намаляваны германскі кароль Генрых I Птушкалоў, вядомы барацьбой з франкамі, вугорцамі і падпарадкаваннем палабскіх славян.

Памятныя манеты Веймарскай рэспублікі з'яўляюцца аднымі з самых папулярных манет сярод нумізматаў.

На сённяшні дзень манета 5 рэйхсмарак "Тысячагоддзе Рэйнланда" ў добрым стане можа дасягаць цаны ў 200-300+ долараў.

#нумiзматыка #Нямеччына
VKN

545

Vialikaje Kniastva Numizmatyka 🪙

30 Jan, 14:38

Талер Нюрнберга, 1763 год.

На першы погляд можа здацца, што жанчына, намаляваная на манеце, гатуе нейкае варыва. На справе ж гэта алегорыя Нюрнберга, а ў руцэ яна трымае лаўровую галіну - сімвал перамогі.

Манета прысвечана канчатку сямігадовай вайны і міру, які прыйшоў у Нюрнберг.

#нумiзматыка #Нямеччына
VKN

533

Vialikaje Kniastva Numizmatyka 🪙

25 Jan, 13:04

Грашовая рэформа 1787 года.

Рэформа была выклікана запаланеннем Рэчы Паспалітай прускай манетай, што выклікала спусташэнне эканомікі.

Яшчэ ў 1782 годзе было забаронена хаджэнне прускіх грошай на тэрыторыі РП і забаронены вываз нацыянальнай валюты ў Прусію.

Але ўведзеныя забароны не маглі быць эфектыўнымі без радыкальных грашовых рэформаў і таму проба ўсіх срэбных манет была паніжана, што выключыла магчымасць выкарыстоўваць іх для спекуляцыі.

Срэбныя манеты наміналам 1 і 2 гроша страцілі сэнс і іх біццё спынілася. Была у́ведзена срэбная манета з абазначэннем яе кошту - 10 грошаў медных.

Гэтая грашовая рэформа палепшыла эканамічную сітуацыю на некаторы час, напоўніўшы краіну стабільнымі грашыма.

#нумiзматыка #РэчПаспалітая
VKN

777

Vialikaje Kniastva Numizmatyka 🪙

23 Jan, 09:42

Дукат 1766 года

Першы тып дуката Панятоўскага, які біўся толькі ў 1766 годзе на манетным двары Варшавы.

На аверсе манеты знаходзіцца выява Ордэна Святога Станіслава, у цэнтры якога размешчаны вензель Панятоўскага.

Манета, дыяметрам 23 мм, пры вазе 3,49 гр, на сённяшні дзень, мае цану ў раёне 60.000 долараў.

#нумiзматыка #РэчПаспалітая
VKN

610

Vialikaje Kniastva Numizmatyka 🪙

19 Jan, 10:38

💵 Паўграшовік Жыгімонта ІІ Аўгуста 1548 г. Яму 477 гадоў. Манета са Стаўпцоўскага раёна. Адбіты на Віленскім манетным двары.

💰 Паўгрош літоўскі — манета Вялікага Княства Літоўскага вартасьцю ½ гроша, або 5 дынарыяў. Вага 1,2 грама срэбра. Паўграшовікі пачаў у ВКЛ адбіваць Вялікі князь Александр (1492-1506 гг.).

🛡 На аверсе - Пагоня, надпіс: "moneta · magni · dvcat · litva" (манэта Вялікага Княства Літоўскага); На рэвэрсе - Арол і надпіс: "sigis · avg · rex · po · mag · dvx. Lі" (Жыгімонт Аўгуст кароль польскі Вялікі князь літоўскі).

🪓 Цікава, што манета разбіта на дзьве часткі. Хутчэй за ўсё, у чалавека не было меншых наміналаў манет і таму ён разсёк манету на дзьве часткі. Манета знаходзіцца ў экспазіцыі музея ў горадзе Стоўпцы.

#Стоўбцы #экспанат #манета

734

Vialikaje Kniastva Numizmatyka 🪙

18 Jan, 11:01

Жывёлы, расьліны, прыродныя зьявы, жывыя здымкі й цікавыя допісы — усё гэта вас чакае тутай!

https://t.me/Carstva_Pryrody

Калі вы ёсьць аматарам прыроды й біялёгіі — сардэчна запрашаем у Царства прыроды

294

Vialikaje Kniastva Numizmatyka 🪙

17 Jan, 08:42

Сціплая калекцыя барацінак з бракам падвойнага ўдару.

Падвойны ўдар - брак які ўзнікае, калі манета трапляе пад удар штэмпеля два ці большую колькасць разоў, тым самым ствараючы на манеце некалькі малюнкаў.

Падзяліцца сваімі калекцыямі вы можаце тут @Sundupup

#нумiзматыка #РэчПаспалiтая
VKN

315

Vialikaje Kniastva Numizmatyka 🪙

15 Jan, 09:59

Талер Марыі Тэрэзіі

Марыя Тэрэзія заняла трон у 1740 годзе пасля смерці смерці Карла IV, які не пакінуў спадчыннікаў мужчынскага полу.

У Марыі не было ні грошай, ні войска, чым вырашылі скарыстацца Прусія і яе саюзнікі, пачаўшы вайну за Аўстрыйскую спадчыну.

Сітуацыю выратавала Вугоршчына, у якой Марыя Тэрэзія атрымала неверагодную народную падтрымку, а разам з ёй і вялізнае добраахвотніцкае войска.

Талер Марыі Тэрэзіі пачынае сваю гісторыю ў 1741 годзе.

Дзякуючы сваім якасцям біцця, апрацоўкі і прывабнаму дызайну талер хутка стаў адной з самых папулярных манет не толькі ў Еўропе, але і на блізкім усходзе і Эфіопіі, дзе гэтая манета была ў ходзе аж да першай сусветнай вайны.

Талеры Марыі Тэрэзіі працягвалі біцца нават пасля яе смерці (вядома пра 276 мільёнаў талераў аднаго толькі 1780 г.) і працягваюць выпускацца ў нашы дні, у якасці інвестыцыйнай манеты.

#нумiзматыка #Аўстрыя #Вугоршчына #Нямеччына
VKN

411

Vialikaje Kniastva Numizmatyka 🪙

13 Jan, 06:04

Грош Яна Казіміра

Грош Віленскага манетнага двара, які біўся толькі ў 1652 годзе.

Пры дыяметры 19 мм і вазе 1 грам манета мае 250 пробу срэбра.

На рэверсе, пад вершнікам, знаходзіцца выява герба "Годзава" - герб Гедэона Трызны, які займаў пасаду падскарбія ВКЛ з 1644 па 1652 год.

#нумiзматыка #РэчПаспалітая
VKN

467

Vialikaje Kniastva Numizmatyka 🪙

09 Jan, 18:46

Ядвіга, Яніна ці ўсё ж Палонія?

Самая распаўсюджаная срэбная манета міжваеннай Польшчы выпускалася з 1932 па 1934 год.

Найбольш распаўсюджанай назвай для гэтай манеты з'яўляецца "Ядвіга". Гэта, у першую чаргу, звязана з тым, што знаходзяць знешнюю сувязь партрэта на манеце з надмагіллем каралевы.

Аднак вядома, што мадэллю для партрэта стала Яніна Жултоўская, ад чаго манета займела сваю другую назву.

На маю думку найбольш правільнай назвай будзе "Палонія", бо выявы жанчын часта выкарыстоўваюць як алегорыю на краіну, напрыклад мексiканскi Лiбертад або Брытанія. Польская манета, вiдавочна, з гэтай жа катэгорыі.

Многія, вядома, палічылі за лепшае не запарвацца над назвай і назвалі манету коратка і ясна - "Галава жанчыны". Пад такой назвай найбольш часта манета сустракаецца на польскіх аўкцыёнах. У Беларусi, амаль заўсёды, Палонію завуць Ядзвігай.

Фота надмагілля Ядвігі ў каментарах.

#Польшча #нумiзматыка
VKN

686

Vialikaje Kniastva Numizmatyka 🪙

06 Jan, 15:14

Палова дуката Яна Казіміра

Прадстаўленыя на фота манеты біліся на манетных дварах Кракава і Вільні.

Дзякуючы сваім вонкавым і метрычным падабенствам з барацінкамі, паўдукаты гэтага перыяду станавіліся ахвярамі фальшываманетчыкаў, якія, наносячы пазалоту, спрабавалі выдаць медную манету за залатую.

Адна з такіх фальшывак будзе паказана ў каментарах.

#нумiзматыка #РэчПаспалітая
VKN

690

Vialikaje Kniastva Numizmatyka 🪙

03 Jan, 11:21

Літархіў - шуфлядка з цікавосткамі!

Для тых, хто цікавіцца беларускай літаратурай прапануем новы канал з матэрыяламі, што паспелі стаць гісторыяй!🔥

❗️Ніякіх рэпостаў і банальшчыны -

❗️❗️толькі ўнікальны кантэнт: вокладкі старых кніг, рарытэтныя фотаздымкі, рукапісы твораў, цытаты класікаў, архіўныя матэрыялы і шмат іншага!

👉 Падпісвайцеся на “Літархіў” і адкрывайце забытыя і малавядомыя старонкі беларускай літаратуры!

https://t.me/litarchiu

452

Vialikaje Kniastva Numizmatyka 🪙

03 Jan, 08:01

Падвойны дукат Яна Сабескага

Пры Сабескім падвойныя дукаты біліся на манетных дварах Быдгашча, Гданьска і Кракава.

Кракаўскія падвойныя дукаты Сабескага настолькі рэдкія, што нават у інтэрнэце знайсці іх выявы не атрымалася.

Быдгашцкія і Гданьскія пачынаюць свой кошт ад 50.000 долараў пры вазе 6.9 г. (Гданьскі) і 6.8 г. (манетнага двара Быгдашча).

#нумiзматыка #РэчПаспалітая
VKN

760

Vialikaje Kniastva Numizmatyka 🪙

31 Dec, 16:56

З надыходзячым усіх новым годам!

Жадаю ўсім і кожнаму, каб 2025 год аказаўся лепшым за папярэдні і, вядома ж, новых, жаданых папаўненняў у калекцыю!

P.S
А пра вашыя нумізматычныя вынікі гэтага года і самыя цікавыя папаўненні можаце выхваляцца ў каментарах🌚

434

Vialikaje Kniastva Numizmatyka 🪙

30 Dec, 18:12

Год Змяі

Манета з серыі "Кітайскі каляндар", якая выйшла ў абарачэнне яшчэ ў 2012 годзе тыражом 8.000 штук.

У продажы манета сустракаецца не часта і мае сярэдні кошт 400 рублёў.

Ідэя для падарунка, калі вы так і не прыдумалі, што дарыць родным і блізкім🌚

#Беларусь #нумiзматыка
VKN

567

Vialikaje Kniastva Numizmatyka 🪙

29 Dec, 08:19

Талер "Аблога Торуня"

У заключным этапе войн са Швецыяй (1600—1629), пасля паразы войскаў РП у бітве пры Гужна шведы аблажылі Торунь, разлічваючы на хуткае яго ўзяцце.

Амаль адразу шведы робяць атаку на браму святой Кацярыны і на Хельмінскую браму, што скончылася поспехам абаронцаў.

На наступны дзень, пасля няўдалага штурму, шведы правялі масіраваны абстрэл горада і прапанавалі ганаровую капітуляцыю, але, атрымаўшы адмову, шведы згарнулі аблогу.

У памяць аб гэтым былі выбіты талеры, якія дарыліся абаронцам горада.

На сённяшні момант іх кошт можа дасягаць больш за 100.000 даляраў.

#нумiзматыка #РэчПаспалітая
VKN

454

Vialikaje Kniastva Numizmatyka 🪙

26 Dec, 16:21

Падборка манет Марка Аўрэлія

Марк Аўрэлій быў выхадцам з дынастыі Антанінаў і з'яўляўся апошнім з пяці выдатных імператараў - пяць паслядоўна кіруючых рымскіх імператараў, чыё праўленне адзначылася стабільнасцю і ростам.

Марк не валодаў ваяўнічым характарам, аддаючы большую частку ўвагі развіццю філасофіі. Але ўсё ж імператару даводзілася ўдзельнічаць у ваенных паходах, падчас аднаго з якіх ён памёр ці то ад воспы, ці то ад чумы.

Пасля смерці Марк Аўрэлій быў афіцыйна абагаўлены. Час яго кіравання лічыцца ў антычнай гістарычнай традыцыі залатым стагоддзем. Самога Марка нараклі "філосафам на троне".

Манеты Рымскай Імперыі, у тым ліку і Марка Аўрэлія, у Беларусі не рэдкасць. Іх часта знаходзяць уздоўж буйных, суднаходных рэк.

#Антычнасць #нумiзматыка
VKN

648

Vialikaje Kniastva Numizmatyka 🪙

24 Dec, 17:02

Запрашаем вас у захапляльнае касмічнае падарожжа з падкастам «Праз космас».

Вы даведаецеся гісторыі аб загадках космасу, захапляльных экспедыцыях да іншых планет і мноства фактаў аб Сусвеце.

Ці гатовыя вы да вялікіх адкрыццяў? Падпішыцеся на канал падкасту.

417

Vialikaje Kniastva Numizmatyka 🪙

24 Dec, 07:42

Хрысцільны талер (Таўфталер)

Такія талеры належаць да катэгорыі "дароўных" талераў і прызначаліся для падарунка хроснага хросніку на хрэсьбінах.

Пазнаць такі талер не цяжка. З аднаго боку прысутнічае сцэна з евангелля - хрышчэнне Ісуса Хрыста ў рацэ Іардан Янам Хрысціцелем. З адваротнага боку - тэкст з Бібліі.

Амаль заўсёды тауфталеры маюць добры стан. Гэта абумоўлена тым, што манета пакаленнямі захоўвалася як памяць, сямейная рэліквія. Аднак, тау́фталеры сустракаюцца і са слядамі зносу, што сведчыць аб тым, што яны гэтак жа ўдзельнічалі ў грашовым абарачэнні.

#Нямеччына #нумiзматыка
VKN

531

Vialikaje Kniastva Numizmatyka 🪙

18 Dec, 14:08

Сестрарэцкі рубель

Ідэя стварэння медных рублёў існавала яшчэ пры Пятры ІІІ, але Пётр памёр і ідэя стварэння такога рубля ўвасобілася толькі ў 1771 годзе.

Кацярына мела патрэбу ў велізарных грошах, якія сыходзілі на аплату ваенных выдаткаў. Таму пачаўся выпуск папяровых грошай - асігнацый.

Папяровыя выпускі былі забяспечаны толькі меддзю і маглі быць абмяняны на манеты. Але манетныя двары не спраўляліся з выпускам такой колькасці манет, таму было прынята рашэнне наладзіць выпуск вялізных медных рублёў на артылерыйскім заводзе ў Сестрарэцку.

Лічылася, што лягчэй выбіць 900-грамовы рубель, чым 20 манет па 5 капеек, але на справе ўсе спосабы біцця такой манеты аказаліся няздзейснымі або занадта дарагімі.

На сённяшні момант вядома аб існаванні ўсяго 4 арыгінальных сестрарэцкіх рублёў (дзе знаходзяцца 2 з іх - невядома). Аднак існуюць наваробы - манеты пазнейшага выпуску, якія біліся па замове калекцыянераў на арыгінальных штэмпелях.

Вядома аб існаванні каля 40 наваробаў, кошт кожнага з якіх можа дасягаць больш за 10.000 долараў.

#нумiзматыка #Расея
VKN

631

Vialikaje Kniastva Numizmatyka 🪙

01 Dec, 08:27

Акупацыйная капейка (ост-капейка)

На франтах першай сусветнай вайны падзеі разгортваліся не на карысць Расеі. У выніку наступлення нямецкіх войскаў былі акупаваны тэрыторыі цяперашніх краін Балтыі, Беларусі, часткі Украіны . Немцам прыйшлося вырашаць пытанне грашовага абарачэння, бо манеты са срэбра і золата мясцовае насельніцтва хавала, а папяровыя грошы хутка абясцэніліся.

Пачалося біццё 1,2 і 3 капеек для акупаваных тэрыторый з таннага жалеза, якія сілай раўняліся да капеек медных.

На манетах ёсць надпіс "Gebiet des Oberbefehls ibors OST", што перакладаецца як "Ведамства Вярхоўнага галоўнакамандуючага Усходу" і з-за надпісу OST манеты атрымалі назву "ост-капейкі".

Ост-капейкі былі ўведзены ў 1916 годзе і знаходзіліся ў звароце нават пасля падпісання Брэсцкага міру. Так, напрыклад, у Летуве яны выкарыстоўваліся аж да 1922 года.

Нажаль, у наш час, больш 50% усіх ост-капеек прадстаўленых на рынку з'яўляюцца падробкамі, з-за адсутнасці складанасцяў у вырабе гэтай манеты.

#Нямеччына #нумiзматыка
VKN

Vialikaje Kniastva Numizmatyka 🪙

28 Nov, 08:59

Адам Міцкевіч - 200 гадоў (1798-1854)

Адна з самых дарагіх манет Беларусі.

На дадзены момант у продажы выстаўлена ўсяго адна такая манета з коштам 18 900 рублёў.

Сваёй цане манета абавязана няправільнаму ўказанню на аверсе даты смерці паэта (1854 замест 1855).

Памылка, вядома, была знойдзена, а ўвесь тыраж канфіскаваны, але 94 такія манеты паспелі патрапіць у рукі калекцыянераў.

#Беларусь #нумiзматыка
VKN

348

Vialikaje Kniastva Numizmatyka 🪙

22 Nov, 09:00

Грош Альбрэхта

Апошні магістр Тэўтонскага ордэна і першы герцаг Прусіі з'яўляўся праўнукам Ягайлы і пляменнікам Жыгімонта, супраць якога Альбрэхт ваяваў за незалежнасць ордэна ад Польшчы.

Нават нягледзячы на буйную фінансавую дапамогу з боку Маскоўскага Княства ордэн вайну прайграваў і 8 красавіка 1525 года быў падпісаны Кракаўскі мір, па якім Прусія, быўшы царкоўнай дзяржавай, была пераўтворана ў герцагства і стала свецкай дзяржавай, падуладнай Польшчы і пераходзячай у спадчыну сямейству Альбрэхта, а 10 красавіка на гарадской плошчы Кракава Альбрэхт прылюдна прынёс прысягу каралю Польшчы як герцаг Прусіі.

Папулярная сярод беларускіх нумізматаў манета, кошт якой вар'іруецца ў раёне 30-70 долараў.

#нумiзматыка #РэчПаспалітая #Польшча #Нямеччына
VKN

567

Vialikaje Kniastva Numizmatyka 🪙

20 Nov, 15:01

Талер "Дасягненне суверэнітэту над Усходняй Прусіяй"

У 1525 годзе апошні магістр Тэўтонскага ордэна Альбрэхт Гогенцолерн рэфармаваў ордэн у Прускае герцагства, прыняў лютэранства і прынёс вассальную прысягу Жыгімонту.

Няхай Прусія і лічылася васалам Рэчы Паспалітай, кіравалі ёй герцагі брандэнбургскія, якія атрымалі Прусію ў спадчыну ў 1618 годзе.

Толькі ў 1657 годзе, скарыстаўшыся цяжкім становішчам Рэчы Паспалітай ў войнах са Швецыяй, Расеяй і запарожскімі казакамі, Брандэнбург, пад кіраваннем Фрыдрыха І, дамогся падпісання Веляўска-Быдгашцкай дамовы, па якой герцагства Прусія станавілася незалежным і прымыкала да Брандэнбургу.

У гонар гэтага пачалося біццё памятнага талера, кошт якога, на сённяшні дзень, у залежнасці ад стану, пачынаецца ад 6.000 долараў.

#Нямеччына #нумiзматыка
VKN

528

Vialikaje Kniastva Numizmatyka 🪙

17 Nov, 18:47

Ахтбрудэрталер (талер васьмі братоў)

Назва серыі сямейных талераў 1607—1619 гадоў герцагства Саксен-Веймар з выявай васьмі сыноў Іагана III: Іагана Эрнста, Фрыдрыха, Вільгельма, Альбрэхта, Іагана Фрыдрыха, Эрнста, Фрыдрыха Вільгельма і Бернгарда.

У 1605 годзе памёр герцаг
Іаган III. 8 непаўналетнім сынам была неабходна апека.
Апекуном па распараджэнні імператара Рудольфа II стаў курфюрст Саксоніі Крысціян II. Пры ім у 1607 годзе было дазволена пачаць біццё ахтбрюдерталеров, на аверсе і рэверсе якіх адлюстроўвалася па 4 браты.

У 1616 годзе 22-гадовы Іаган Эрнст заняў пасад (не без цяжкасцяў - ён дамагаўся гэтага з 1612 года) і прыняў апеку над сваімі братамі, што адразу ж адбілася і на манетах. Яго выяву змясцілі ў цэнтр, а вакол невялікія партрэты братоў.

Кошт такіх талераў, у залежнасці ад стану, пачынаецца ад 200 долараў.

#Нямеччына #нумiзматыка
VKN

607

Vialikaje Kniastva Numizmatyka 🪙

16 Nov, 18:01

Спадарства! Мы (група аўтараў беларускага кантэнту ў ТГ) рады прадаставіць вам адноўленую папку «Кантэнт 2.0».
Дапрацаваны спіс годных паблікаў на самыя розныя тэмы: мемы, этнаграфія, архітэктура, сэкс-асвета і шмат чаго яшчэ.
Давайце разам падтрымліваць годны беларускамоўны кантэнт!

https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi

Калі нехта жадае далучыцца да падборкі зьвяртайцеся сюды ў "Прышпільныя коміксы": @pryshpilny_bot

507

Vialikaje Kniastva Numizmatyka 🪙

16 Nov, 14:10

Шэляг Эрнста Бірона

З пачаткам Паўночнай вайны Курляндыя стала тэатрам ваенных дзеянняў, пераходзячы з рук шведаў у рукі расейцаў.
Канчаткова шведы пакінулі Курляндыю пасля Палтаўскай бітвы.

З гэтага часу расейскі ўплыў значна ўзмацняецца ў Курляндыі, а апошні прадстаўнік роду Кетлераў пазбаўляецца ўлады кіруючай радай.

Калі ў 1733 годзе ўзнікла пытанне аб атрыманні вакантнай кароны Рэчы Паспалітай, Расея падтрымлівала кандыдатуру Аўгуста III, які пагадзіўся за тое прызнаць герцагам курляндскім фаварыта імператрыцы Ганны, Эрнста Іагана Бірона. Апошняга прызналі і дваране Курляндыі.

У 1769 годзе Бірон, знясілены барацьбой паміж "прапольскай" і "прарускай" партыямі, адмовіўся ад праўлення на карысць свайго сына Пятра, супраць якога адразу пачаўся рух незадаволенага дваранства; ён утрымаўся на пасадзе толькі дзякуючы Расеі, якая канчаткова "з'есць" герцагства пасля трэцяга падзелу Рэчы Паспалітай.

#нумiзматыка #РэчПаспалітая #Латвія
VKN

535

Vialikaje Kniastva Numizmatyka 🪙

15 Nov, 11:01

@belarus_sacral - гэта ўласны досвед тутэйшага валацугі ў пошуках згубленай і невядомай Беларусі. Закінутыя маёнткі і храмы ў перамешку з музеямі ды мэйнстрымнымі комплексамі.
І канешне, старыя могілкі. Шмат могілак!

Далучайцеся. Будзем спазнаваць родную гісторыю навобмацак разам!

308

Vialikaje Kniastva Numizmatyka 🪙

14 Nov, 08:12

Шэляг Готхарда Кетлера

Будучы 9 дзіцем у сям'і нямецкага рыцара Готхард наўратлі мог разлічваць на спадчыну і, у пошуках прыкметнай пасады і заробку, у 1538 годзе ўступае ў Лівонскі ордэн.

Готхард хутка сябе зарэкамендаваў і набыў рэпутацыю аднаго з найбольш уплывовых дыпламатаў ордэна, наладзіўшы адносіны з ВКЛ і Польшчай.

21 кастрычніка 1559 года, амаль праз год пасля пачатку Лівонскай вайны, Готхард фон Кетлер становіцца магістрам Лівонскага ордэна.

Вайна ішла вельмі няўдала для ордэна і 31 жніўня 1559 года Кетлер быў вымушаны заключыць саюз з Жыгімонтам ІІ Аўгустам, які, фактычна, фінансавай і ваеннай дапамогі не аказваў.

У выніку, 5 сакавіка 1562 года, апошні магістр Лівонскага ордэна прынёс вассальную прысягу Жыгімонту.

З гэтага моманту ордэн спыніў сваё існаванне, а замест яго было сфарміравана васальнае герцагства Курляндскае, якім дынастыя Кетлераў кіравала амаль усю яго гісторыю.

#нумiзматыка #РэчПаспалітая #Латвія
VKN

575

Vialikaje Kniastva Numizmatyka 🪙

12 Nov, 17:16

Манеты РСФСР

Пасля рэвалюцыі грашовае абарачэнне перажывала крах.
Насельніцтва Беларусі працягвала выкарыстоўваць "раманаўскія" і польскія грошы, якія лінулі на рынак Беларусі з пачаткам польска-савецкай вайны.

Для ўпарадкавання грошаў 31 жніўня 1920 г. абнародаваны загад, паводле якога, за ігнараванне савецкіх грашовых знакаў і за выкарастанне польскіх, усталёўваліся суровыя пакаранні, у тым ліку растрэл.

Самі ж савецкія грашовыя знакі хутка страцілі сваю здольнасць і каштоўнасць.
У такіх умовах эканоміка
дзяржавы не магла нармальна функцыянаваць і пачаліся працы па ўмацаванню рубля, якое адбылося толькі ў 1922 годзе, калі папяровыя грошы сталі забяспечвацца золатам.

Нягледзячы на цяжкае эканамічнае становішча ў 1921 годзе Петраградскі манетны двор пачаў біццё манет, якія па ўсім параметрам адпавядалі апошнім манетам Расeйскай імперыі тых жа наміналаў: 10, 15, 20, 50 капеек і 1 рубель.

Абсалютная большасць гэтых манет выкарыстоўвалася для замежных плацяжоў.

#СССР #Расея #нумiзматыка
VKN

502

Vialikaje Kniastva Numizmatyka 🪙

10 Nov, 10:31

Нацыянальная бібліятэка Беларусі. 100 гадоў.

Нац.бібліятэка Беларусі была заснавана ў 1922 годзе. На момант 1941 года ў бібліятэцы налічвалася больш за 2 млн. тамоў, але баявыя дзеянні і 3 гады акупацыі практычна знішчылі бібліятэку.

Адразу пасля вызвалення Менска пачалося аднаўленне бібліятэкі, але з часам узнікла неабходнасць узвядзення новага будынка бібліятэкі.
У 1989 г. быў праведзены міжнародны конкурс на найлепшае архітэктурнае рашэнне будынка.
Пераможцам конкурсу стаў праект "беларускага дыяменту".
Праект быў рэалізаваны толькі праз 13 гадоў.

Манета была ўведзена ў абарачэнне яшчэ ў 2022 годзе тыражом 1000 штук срэбных і 1500 медна-нікелевых, але ў продажы яна пачала з'яўляцца зусім нядаўна.
На дадзены момант кошт срэбнай манеты дасягае 160р, а медна-нікелевай да 80р.

#Беларусь #нумiзматыка
VKN

445

Vialikaje Kniastva Numizmatyka 🪙

07 Nov, 09:51

Браўншвейгскі дзікун

Дзікун упершыню з'яўляецца на манетах у 1539 годзе пры герцагу Генрыху V Браўншвейг-Люнебургскім, пасля чаго, на працягу больш чым двух стагоддзяў, дзікун стаў стабільна адлюстроўвацца на манетах.

Позняму сярэднявеччу быў характэрны гатычны стыль і на манетах было прынята адлюстроўваць крыжы, выявы святых, кіраўнікоў і сімвалы ўлады, але з цягам культурнага развіцця, з пачаткам рэфармацыі, змяніўся і светапогляд людзей, людзі зноў сталі цікавіцца антычнасцю і міфамі, пачалі з'яўляцца новыя матывы на манетах.

Паводле легенды, дзікун уяўляўся магутным волатам, духам лесу, узброеным вялізнай елкай.
Аднак выявы як самога волата, так і ўсяго малюнка, маглі змяняліся ў залежнасці ад кіраўніка, манетнага двара і розных падзей. Так, напрыклад, падчас сумеснага праўлення Рудольфа Аўгуста і Антона Ульрыха, на талерах адлюстроўваліся два волаты.

Талеры з дзікунамі з'яўляюцца жаданай манетай для любой калекцыі і іх кошт, як правіла, пачынаецца ад 300 долараў.

#Нямеччына #нумiзматыка
VKN

235

Vialikaje Kniastva Numizmatyka 🪙

31 Oct, 17:22

5 злотых "Ніка"

У 1924 годзе была ўведзена ў абарачэнне новая валюта - польскі злоты, і быў заснаваны Банк Польшчы, адказны за яе выпуск. Гэта было часткай грашовай рэформы, якая выратавала Польшчу ад фінансавага краху, стабілізавала эканоміку і ўмацавала яе эканамічнае становішча.

У 1924 - 1925 гадах ішла падрыхтоўка да выпуску срэбных пяцізлотых манет.
Першай манетай гэтага наміналу павінна была стаць "Канстытуцыя" (па малюнку на ёй юнака, які трымае ў руках польскую канстытуцыю), аднак у яе быў вельмі маленькі тыраж і ў зварот яна не патрапіла.

Першай манетай у пяць злотых, якая трапіла ў рукі палякаў, была так званая "Ніка" 1928 года, якая паказвае багіню перамогі.
Яе праект распрацаваў скульптар Эдвард Вітыг.

Білася "Ніка" ў 1928, 1930-1932 гадах. Самы вялікі намінал (17.500.000) быў у 1928 гады і сярэдні кошт у манеты гэтага года вар'іруецца ў раёне 400 даляраў.

#Польшча #нумiзматыка
VKN

504

Vialikaje Kniastva Numizmatyka 🪙

30 Oct, 09:00

Вітаем вас, шаноўнае спадарства! Гэта канал пра беларускую мову для ўсіх.

Вядома, чытаць на гулянках годныя слоўнікі бывае лянотна. Гэта зробім за вас мы.
Мы хочам ня проста ўзбагаціць нечы слоўнікавы запас, а прадэманстраваць, што любая мова, як і беларуская (як і заходнепалеская)), — гэта пра ўсё й для кожнага. Яна не абмяжоўваецца сялом, не абмяжоўваецца школаю, не абмяжоўваецца інтэлігенцыяй. Гэта відавочна, так. Але не для ўсіх. Гэта трэ паказаць. Мы ставім сваёю мэтаю адрадзіць сапраўдную, жывую беларускую, годную для ўсяго чыста. Моўныя факты з разраду "шок-кантэнт", самабытныя назвы пачуцьцяў, лексыка для штодзённага ўжытку, наглая лаянка й шмаааат усяго — у "Паролі")

Беларуская мова мае быць неўміручаю.

https://t.me/mahutnaje_slova

488

Vialikaje Kniastva Numizmatyka 🪙

29 Oct, 12:40

Медны шэляг 1650 года

У 1650 годзе пры каралю Яне Казіміры на манетных дварах Быдгашча і Усхова быў біты першы медны солід, які быў роўны 1/4 гроша.

Манета з'яўляецца дастаткова рэдкай, бо білася яна ўсяго год і, прынамсі масава, да тэрыторый сучаснай Беларусі не дайшла.

#нумiзматыка #РэчПаспалітая
VKN

419

Vialikaje Kniastva Numizmatyka 🪙

26 Oct, 11:01

Шатландскі тэрнер

Многія думаюць, што першым прадстаўніком меднаграшовага абарачэння на тэрыторыі Беларусі была барацінка, але ў 1640-1650-х гг. пачала з'яўляцца манета без абазначэння даты і з выявай кветкі чартапалоху - шатландскі тэрнер (2 пенса).

Гэтую манету завозілі як шатландскія гандляры, якія актыўна гандлявалі ў РП з другой паловы XVI стагоддзя, так і палітычныя і рэлігійныя эмігранты, для якіх Рэч Паспалітая і, асабліва ВКЛ, мела рэпутацыю вельмі талерантнай дзяржавы.

Пераехаўшыя ў РП шатландцы, у асноўным, займаліся рамесніцтвам і гандлем.
Вядома, што асабліва шмат іх жыло ў Слуцку і Вільні, што спрыяла ажыўленню мясцовага гандлю.
Прычым узровень актыўнасці гандлёвай дзейнасці шатландцаў дасягнуў такога ўзроўню, што тэрмін "шкот" становіцца сінонімам "перакупшчыка", "барыгі".

Тыя, хто не знаходзіў сябе ў мірным жыцці, сыходзілі ў найміты. Сярод іх быў і Георг Лермант - продак паэта Лермантава.

#нумiзматыка #РэчПаспалітая #Шатландыя
VKN

563

Vialikaje Kniastva Numizmatyka 🪙

25 Oct, 06:51

Дэнар (пенязь) Жыгімонта ІІ

Пенязь быў самым маленькім наміналам на працягу ўсёй гісторыі ВКЛ/РП (за выключэннем малараспаўсюджанага абола, які біўся ў 1546-1547 гадах) з пачатку яго з'яўлення ў XIV стагоддзі.

Мы ўжо пісалі кароткую гісторыю і характарыстыкі гэтай манеты - https://t.me/skarbmin/1165 , але што можна было купіць ў свой час за адзін пенязь? На гэта нам даюць адказ захаваўшыеся пісьмовыя крыніцы і дакументы:

У 1558 г. нейкі Данцэвіч скардзіцца суду на тое, што быў знячэшчаны "словы неучтивыми" і выгнаны "у зашиек" з карчмы, куды зазірнуў з намерамі "хотечи за свой пенезь власны пива выпити".

Гэта значыць, што за адзін дэнар у часы праўлення Жыгімонта ІІ можна было купіць умоўны кубак піва.

Што ж тычыцца больш ранніх згадак пенязя, то вядома, што пры Ягайле за гэтую манету можна было купіць два яйкі, а пры яго сыне Уладзіславе - ужо адно.

#нумiзматыка #РэчПаспалітая
VKN

374

Vialikaje Kniastva Numizmatyka 🪙

24 Oct, 06:07

Нягледзячы на высокі ўзровень развіцця грашовай гаспадаркі ВКЛ у канцы XV-XVI стагоддзях, яе рынкі працягваюць выкарыстоўваць практыку расплачвання таварам, а не манетай. Найбольш часта "тавара-грашыма" з'яўляюцца меха пушнога звера.

7 красавіка 1514 г. грамата Жыгімонта І вызначае памеры пабораў з Магілёўскай воласці: "Перш за ўсё наш дзяржаўны прыход: трыста коп грошаў (копа - адзінка рахунку, роўная 60 штукам чаго-небудзь), ...а баброў шэрсцію шэсць, а куніц паўтараста ".

19 ліпеня 1540 г. на жыхароў Свіслачы накладаецца даніна - "бобры шерстию, або за бобра по сороку и по пяти грошей, а за куницу - по шести грошей".

У 1578 г. віленчанка Аўдоцця Раманаўна скардзіцца на свайго брата, якi з маёмасці яе нябожчыка мужа даў ёй толькі "шаснаццаць грошаў перцам".

З другой паловы XVI эканамічнае становішча ВКЛ і Польшчы значна пагаршаецца з-за ўцечкі манет за мяжу. Відавочна гэта гэтак жа адбілася на захаванні практыкі аплаты таварам, а не грашыма.

#нумiзматыка #РэчПаспалітая
VKN

588

Vialikaje Kniastva Numizmatyka 🪙

21 Oct, 09:40

Траяк Жыгімонта І

З уваходам на пасад Жыгімонт праводзіць грандыёзныя грашовыя рэформы, якія закранулі грашовыя сістэмы Польшчы, ВКЛ і Прусіі.

Новаўвядзеннем рэформы 1526-28 гг. стала з'яўленне манеты наміналам 3 грошы. Траякі біліся маленькімі тыражамі на манетных дварах Кракава і вялікімі тыражамі на дварах Эльблонга, Торуні і Гданьска.

Кракаўскія траякі адрозніваліся ад астатніх вялікай вагой (~6 г. супраць ~3г.), пры больш нізкай пробе.

#нумiзматыка #РэчПаспалітая
VKN

479

Vialikaje Kniastva Numizmatyka 🪙

17 Oct, 10:32

Гісторыя банкаў Беларусі

Не так даўно ў продажы з'явіліся манеты, прысвечаныя гісторыі банкаў Беларусі.

На аверсе манеты намалявана стылізаваная выява механізму работы банкаўскай сістэмы, элементы якога на срэбнай манеце выдзелены золатам.

На рэверсе знаходзяцца выявы, якія сімвалізуюць развіццё банкаўскай сістэмы са старажытнасці да цяперашняга часу.

Усяго ў абарачэнне было ўведзена 10.000 медна-нікелевых, з сярэдняй цаной у 80 рублёў, і 5.000 срэбных манет, якія банкі прадаюць, у сярэднім, за 400 рублёў.

#Беларусь #нумiзматыка
VKN

523

Vialikaje Kniastva Numizmatyka 🪙

11 Oct, 12:12

Манеты Аляксандра І Варшаўскага манетнага двара

19 лістапада 1815 года быў выдадзены ўказ аб манетнай сістэме Царства Польскага, якое знаходзілася ў складзе Расейскай імперыі, якім за злотым афіцыйна замацоўваўся статус асноўнай грашовай адзінкі, але ўстанаўліваўся яго фіксаваны курс да рубля: 1 злоты роўны 15 капейкам срэбрам, а 1 грош - ½ срэбнай капейкі.
У тым жа годзе на Варшаўскім манетным двары пасля доўгага перапынку была пачата чаканка манет, намінаваныя ў грошах і злотых з легендай на польскай мове.

Пры Аляксандры Варшаўскі двор выпускаў медныя манеты наміналам 1 і 3 грошы, білонныя (нізкапробнае срэбра) 5 і 10 грошаў, срэбныя 1, 2, 5, 10 злотых і залатыя 25 і 50 злотых.

#нумiзматыка #Расея #Польшча
VKN

666

Vialikaje Kniastva Numizmatyka 🪙

05 Oct, 10:45

Куфічны дырхем

Назва манеты паходзіць ад грэцкай "драхмы".
Назву "куфічны" такія дырхемы атрымалі ад асаблівай арабскай пісьменнасці "куфі".

Біліся дырхемы ў буйных гарадах на вялікім шаўковым шляху і ў 9-11 стагоддзі распаўсюдзіліся па ўсходняй і паўночнай Еўропе, што не дзіўна, бо Арабскі Халіфат быў асноўным гандлёвым партнёрам Русі.

Згодна з правіламі ісламу на манетах не біліся выявы кіраўнікоў. Першапачаткова надпісы на манетах утрымлівалі цытаты з Карана, год (па мусульманскім летазлічэнні) і месца выпуску манеты, пазней - імёны правіцеляў.

Скарб з 7690 такіх дырхемаў быў знойдзены пад Полацкам.
Існуе версія, што гэта была частка казны Рагвалода, якую вынеслі жыхары горада, пасля ўзяцця горада Уладзімірам.

#нумiзматыка
VKN

784

Vialikaje Kniastva Numizmatyka 🪙

29 Sep, 14:54

Вікарыятны талер Аўгуста ІІІ

Пасля смерці імператара Свяшчэннай Рымскай Імперыі Іосіфа І Аўгуст ІІІ (у Саксоніі Аўгуст ІІ) выконваў абавязкі вікарыя - рэгента, які замяняў імператара да абрання новага.

У гэты перыяд на манетных дварах Лейпіга і Дрэздэна біліся асаблівыя "вікарыяцкія" манеты, у тым ліку талер, на якім намаляваны Аўгуст на кані і пустуючы трон імератара СРІ.

Кошт такога талера можа дасягаць 6.000 долараў.

#РэчПаспалiтая #Нямеччына #нумізматыка
VKN

838

Vialikaje Kniastva Numizmatyka 🪙

27 Sep, 13:06

Талер Фрыдрыха Крысціяна

З нараджэння Фрыдрых быў слабым, хваравітым дзіцем, таму рабіліся спробы прымусіць яго прыняць манаства. Аднак смерць старэйшых братоў умацавала яго пазіцыю і ў рэшце рэшт ён стаў курфюстам Саксоніі, няхай і ненадоўга - Фрыдрых паспеў праправіць усяго 2 месяцы, пакуль воспа не забрала яго.

Крысціян Аўгуст, быўшы сынам Аўгуста ІІІ, з'яўляўся адным з асноўных прэтэндэнтаў на пасад Рэчы Паспалітай і меркавалася, што менавіта ён атрымае карону, аднак, зноў жа, усе планы разбурыла яго раптоўная смерць.

#РэчПаспалiтая #Нямеччына #нумізматыка
VKN

660