የመንግስት ሰራተኞች ማህበራዊ ዋስትና አስተዳደር(PSSSA)

የአስተዳደሩ አመራሮች እና ሰራተኞች "የህልም ጉልበት ለእምርታዊ እድገት" በሚል ርዕስ በተዘጋጀዉ ሰነድ ላይ ዉይይት አካሄዱ
============//============
የመንግሰት ሠራተኞች ማኅበራዊ ዋስትና አስተዳደር አመራሮች እና ሠራተኞች "የህልም ጉልበት ለእምርታዊ እድገት" በሚል ርዕሰ ጉዳይ በተዘጋጀ ሰነድ ላይ ህዳር 06/2017 ውይይት አካሄዱ፡፡

የዉይይት ሰነዱን ያቀረቡት የአስተዳዳሩ ኮርፖሬት ሪሶርስ ማኔጅመንት ዘርፍ ም/ዋና ሥራ አስፈጻሚ አምባሳደር ምስጋናዉ አድማሱ ሲሆን መንግስት የሚያስቀምጣቸው የልማት እቅዶችና ህልሞች በመንግሥት ሰራተኛው ርብርብ የሚሳካ በመሆኑ የጋራ ግንዛቤ መያዝና  መፈፀም እንደሚገባ አመላክቷል።

ም/ዋና ሥራ አስፈጻሚዉ እንዳሉት አሁን ኢትዮጵያ ያላት መንግስት የልዕልና ህልም ያለዉ መንግስት መሆኑን ያመላከቱ ሲሆን የልማት እቅዶችና ህልሞች እንዲሳኩ የሁሉም ዜጎች ተሳትፎና ርብርብ  አስፈላጊ ነዉ ብሏል፡፡ የጋራ ሀገር እንዲኖረን ሁሉምን ዜጋ የጋራ የሚያደርገንን ብሄራዊ ትርክቶች ላይ በማተኮር መስራት እንደሚገባ ሥራ አስፈጻሚዉ ጨምረው ገልጸዋል፡፡
በተለይም ከዚህ በፊት ከነበረዉን የግብርና መር ኢኮኖሚ ወደ የብዙሃ መር ኢኮኖሚ ሽግግር ከጫፍ እንድደርስ ተግቶ መሥራት እንደሚገባ ገልጸዋል፡፡

የመድረኩ ተሳታፊዎችም ማህበራዊ ፣ ኢኮኖሚያዊ ፣ ፖለቲካዊ እንዲሁም ቀጠናዊ ጉዳዮችን አንስተው ተወያይተዋል፡፡

በዚህ በተዘጋጀዉ የዉይይት መድረክ ላይ የተቋሙን አመራሮች እና ሰራተኞች ተካፍለዋል።

//****
ህዳር 06/2017
አዲስ አበባ

አስተዳደሩ የአንደኛ ሩብ ዓመት ዕቅድ አፈጻጸም ላይ ውይይት አካሄደ
=========//===========
የመንግስት ሠራተኞች ማህበራዊ ዋስትና አስተዳደር የ2017 የመጀመሪያ ሩብ ዓመት ዕቅድ አፈጻጸም ላይ ውይይት አካሄደዋል።

በዚህ የውይይት መድረክ አስተዳደሩ በመጀመሪያው ሩብ ዓመት ያከናወናቸዉን ስራዎች ለውይይት የቀረበ ሲሆን በሪፖርቱ ከተጠቀሱት ውስጥ በዋናነት የምዝገባና አበል ውሳኔ አገልግሎት፣ የመረጃ ተደራሽነትን በቴክኖሎጂ የማሻሻል፣ የጡረታ ፈንድ ገቢን የማሳደግ፣ የአሠራር ስርዓትን የማሻሻል፣ የክትትልና የቁጥጥር ስራዎችን የማጠናከር፣ የሰው ሃይል ልማትና ክህሎት ማሳደግ፣ የስራ አካባቢ ምቹነትና የማህበራዊ ድጋፍ ስራዎችን የማሳደግ ተግባራት ተከናውነዋል የተባለ ሲሆን፣ በሩብ ዓመቱም የዕቅዱን 91 በመቶ መፈጸሙም ተገልጿል።

ከዕቅድ አፈጻጸም ዉይይት በተጨማሪ ለተሳታፊዎች በመልካም አስተዳደርና በአገልግሎት አሰጣጥ፤ በስራ አፈጻጸም እና በውጤት ተኮር ምዘና መመሪያ፣ በኦዲት ግኝት፣ በሱፐርቪዥን ግብረመልስ፣ በመልካም አስተዳደር ዕቅድ፣ በዜጎች ቻርተር ረቂቅ ሠነድ እና በመንግስት የመቶ ቀን አፈጻጸም ላይ ውይይት ተካሂዷል።

በውይይት መድረኩ ላይ እንደተገለጸው በቀጣይ ዝቅ ያለ አፈጻጸም የተመዘገበባቸውን ተግባሮች ከዋና መስሪያ ቤት እስከ መስክ ጽ/ቤት ድረስ በጋራ እና በተናበበ አካሄድ ስራዎችን ማከናወን እንደሚገባ አቅጣጫ ተቀሚጠዋል።

ከጥቅምት 19-22/2017 ድረስ ለተከታታይ አራት ቀናት በቢሾፍቱ ከተማ በተካሄደው የዚህ የዕቅድ አፈጻጸምና የስልጠና መድረክ ላይ የተቋሙን አመራሮች ጨምሮ የሪጅን ጽ/ቤት ኃላፊዎች እና የዋናው መ/ቤት የስራ ኃላፊዎች ተካፍለዋል።

//****
ጥቅምት 22/2017
ቢሾፍቱ

የመንግስት የመቶ ቀን የሪፎርምና ዋና ዋና የኢኮኖሚ አፈጻጸም ላይ ውይይት ተካሄደ
የመንግስት ሠራተኞች ማህበራዊ ዋስትና አስተዳደር የስራ ኃላፊዎችና ሠራተኞች በመንግስት የ100 ቀናት ዕቅድ አፈጻጸም እና በተቋሙ የሩብ ዓመት ዕቅድ አፈጻጸም ላይ ጥቅምት 18/2017 በዋናው መ/ቤት ውይይት አካሄዱ።
በመድረኩ ላይ እንደተገለጸው በመንግስት የመቶ ቀናት አፈጻጸም ውስጥ የተከናወኑ ተግባራትና የተገኙ ውጤቶችን በተመለከተ ሪፖርት የቀረበ ሲሆን፣ የሪፎርሙ ተጠባቂ ፋይዳዎች፣ የግብር ኢኮኖሚ ማሻሻያ ፋይዳዎች፣ በዕዳ አስተዳደር ላይ ያለ አፈጻጸም፣ የተረጋጋ የማክሪ ኢኮኖሚ፣ የዘርፎች ምርታማነትና ተወዳዳሪነት የሚሉና ሌሎችም የቀረቡ ሲሆን፣ በዋና ዋና ፕሮጀክቶች አፈጻጸምም የህዳሴ ግድብ አሁን ያለበት ደረጃ 97.6 በመቶ መድረሱን፣ የአዲስና የፍጥነት መንገዶች ግንባታ በመከናወን ላይ መሆኑን ተገለጿል። በቀጣይም የወጪ ንግድን በተመለከተ በቅንጅት የሚሰራ መሆኑን፣ የቁጥጥር ስራዎችም ተጠናክረው እንደሚቀጥሉ፣ ክልሎችን ወደ ኤሌክትሮኒክስ ፋይናንስ ስርዓት የማምጣትና የተጣጣመ የታክስና ፋይናንስ ስርዓት ትኩረት የሚሹ ጉዳዮች ናቸው ተብሏል።
በተያያዘም የአስተዳደሩ የመጀመሪያ ሩብ ዓመት የእቅድ አፈጻጸም ሪፖርት ለውይይት የቀረበ ሲሆን፣ ለ32,741 (102%) የመንግስት ሠራተኞች የማህበራዊ ዋስትና መለያ ቁጥር መሰጠቱን፣ ለ18,967 አዳዲስ ባለመብቶች የጡረታ አበል መወሰኑን፣ ባንክ ባልተከፈተባቸው አካባቢዎች ለ5862 ባለመብቶች የጡረታ አበል በመስክ አገልግሎት ክፍያ መፈጸሙን፣ ከ875 የመንግስት መ/ቤቶች ለተሳተፉ 3,519 ኃላፊዎች እና ባለሙያዎች የግንዛቤ ማስጨበጫ ስልጠና መሰጠቱን፣ ብር 9.94 ቢሊ. የጡረታ መዋጮ ገቢ መሰብሰቡንና ሌሎችም ተከናውነዋል ተብሏል።

አስተዳደሩ የተለያዩ ሠነዶችን ለሚያዘጋጁ አመራሮች እና ሠራተኞች ተግባር ተኮር ስልጠና መስጠት ጀመረ
============//===========
የመንግስት ሠራተኞች ማህበራዊ ዋስትና አስተዳደር ስድስት የተለያዩ ሠነዶችን ለሚያዘጋጁ አመራሮች እና ሠራተኞች ከጥቅምት 05 ቀን 2017 ጀምሮ በቢሾፍቱ ከተማ ተግባር ተኮር ስልጠና በመስጠት ላይ ይገኛል።
ተግባር ተኮር ስልጠናው የተለያዩ ስትራቴጂዎች እና መመሪያዎችን ለማዘጋጀት የሚያግዙ ርዕሰ ጉዳዮች ላይ ትኩረት ያደረገ ሲሆን በስልጠናዉ ጎን ለጎን አስተዳደሩ ወደ ኢንቨስትመንት ዉስጥ በስፋት እንዲሳተፍ የሚያግዝ የኢንቨስትመንት ስትራቴጂ፣ የአስተዳደሩን ገጽታ የሚገነባ እና ተቋማዊ ሚናውን አጉልቶ የሚያሳይ የኮሙኒኬሽን ስትራቴጂ፣ የአዋጭነት ዳሰሳ ጥናት፣ የሥራ አፈጻጸም ምዘና መመሪያ፣ የመልካም አስተዳደር ችግሮች መፍቻ መመሪያ እንዲሁም የዜጎች ቻርተር እየተዘጋጀ ይገኛል።
በዚህ ተግበራ ተኮር ስልጠና እና ስትራቴጂ እና መመሪያ ዝግጅት ስራ ላይ 35 የአስተዳደሩ አመራሮች፣ የስራ ኃላፊዎች እና ሠራተኞች በመሳተፍ ላይ ናቸው።
//****
ጥቅምት 8 / 2017
ቢሾፍቱ

17ኛው የሰንደቅ ዓላማ ቀን በድምቀት ተከበረ
=========//=======
የመንግስት ሠራተኞች ማህበራዊ ዋስትና አስተዳደር አመራሮችና ሠራተኞች 17ኛውን የሰንደቅ ዓላማ ቀን “ሰንደቅ ዓላማችን ለብሔራዊ አንድነታችን፣ ለሉዓላዊነታችንና ለኢትዮጵያ ከፍታ!”  በሚል መሪ ቃል ጥቅምት 4/2017 በድምቀት አከበሩ።

በበዓሉ አከባበር ላይ የአስተዳደሩ የኮርፖሬት ሪሶርስ ማኔጅመንት ዘርፍ ምክትል ዋና ስራ አስፈጻሚ አምባሳደር ምስጋና አድማሱ፣ ሠንደቅ ዓላማ የብሔራዊ አንድነት መገለጫ፤ ዜጎች አገራዊ ፍቅርና ብሔራዊ ስሜታቸውን የሚገልፁበት፤ ታሪካዊ ትስስርና ስነ-ልቦናዊ አንድነት የሚንፀባረቅበት የአንድነትና ህብረት ዓርማና ምልክት ነው ያሉ ሲሆን፣ ሀገራችን ክብሯን እና ነጻነቷን ጠብቃ፣ አሁን የተጋረጡባትን ፈተናዎች ሁሉ አልፋ፣ የብልጽግና ጉዞዋን ለማስቀጠል፣ ለበርካታ ሀገራትም የነጻነት ተምሳሌት የሆነውን የሠንደቅ ዓላማችንን ክብር በማስጠበቅ ለብሔራዊ አንድነታችንና ሉዓላዊነታችን ያለንን ቁርጠኝነት የምናድስበትና ከምን ጊዜውም በላይ ኃላፊነታችንን የምንወጣበት ወሳኝ ወቅት ላይ እንገኛለን ብለዋል። አምባሳደሩ አክለውም የሀገራችንን ልማት እና ዕድገት የማይፈልጉ የውስጥና የውጭ ጠላቶቻችን በነጻነታችን እና በሉዓላዊነታችን ላይ የጋረጡብንን ፈተና ለመመከትና ለመቀልበስ ሁላችንም በመናበብና በመደራጀት በተባበረ ክንድ በጋራ ልንቆም ይገባል ብለዋል፡፡

17ኛው የሰንደቅ ዓላማ ቀን በዋናው መ/ቤት፣ በሪጅኖች እና በቅርንጫፍ ጽ/ቤቶችም ጭምር በተለያዩ ዝግጅቶች በድምቀት የተከበረ መሆኑንም ለማወቅ ተችሏል።

//****
ጥቅምት 4 / 2017
አዲስ አበባ

ለተተኪ ህጻናት የትምህርት ቁሳቁስ ድጋፍ ተደረገ
============//===========
የመንግስት ሠራተኞች ማህበራዊ ዋስትና አስተደዳር የምዕራብ ሪጅን ጽ/ቤት ሠራተኞች ድጋፍ ለሌላቸዉ 22 ተተኪ ህጻናት የትምህርት ቁሳቁስ ድጋፍ አድርገዋል፡፡

//***

እንኳን ለኢሬቻ  በዓል በሰላም አደረሳችሁ!
=========//===========
የመንግስት ሠራተኞች ማኀበራዊ ዋስትና አስተዳደር እንኳን ለኢሬቻ በዓል በሰላም አደረሳችሁ እያለ መልካም ምኞቱን ይገልጻል፡፡

ኢሬቻ በኦሮሞ ዘንድ ፆታ፣ እድሜ፣ ኃይማኖት እና መሰል ልዩነቶች ሳይገድቡት ይቅር በመባባል፣ በአብሮነት እንዲሁም ከክረምት ወደ በጋ፣ ከጨለማ ወደ ብርሀን፣ በወንዝ ሙላት ከመለያየት ወደ አንድነት፣ ከዘመን ወደ ዘመን ያሸጋገረውን ፈጣሪዉን የሚያመሰግንበት ታላቅ በዓል ነዉ።

በዓሉ የሰላም፣ የፍቅርና የበረከት እንዲሆን እንመኛለን!

መልካም በዓል!

የመንግስት ሠራተኞች ማኅበራዊ ዋስትና አስተዳደር

://***