Gubae Nikodimos ጉባኤ ኒቆዲሞስ - የቦሌ ደብረ ሳሌም መድኃኔዓለም መጥምቁ ቅዱስ ዮሐንስ ወአቡነ አረጋዊ ካቴድራል ፈለገ ዮርዳኖስ ሰ/ት/ቤት

እንኳን ለቅዱስ ሚካኤል ዓመታዊ ክብረ በዓል አደረሰን አደረሳችሁ!!!
ዛሬ በባለፈው ሳምንት ስለ ተስፋ የጀመርነውን ተከታታይ ትምህርት ይቀጥላል። ኹላችሁም በተለመደው ሰዓት በመገኘት እረፍት የሆነውን የእግዚአብሔርን መዐድ ተሳታፊ ይሆኑ ዘንድ ተጋብዘዋል።
ሰላመ እግዚአብሔር ከሁላችን ጋር ይሁን።

"በተስፋ ደስ ይበላችሁ" ሮሜ 12:12
በቤቱ ተገኝተው ዘላለማዊ መንግስቱን ለመውረስ የሚያስችለንን ተከታታይ ትምህርት በሰዓቱ ተገኝተው እንዲማሩ በልዑል እግዚአብሔር ስም ጠርተንዎታል።
አክባሪዎ፡ ፈለገ ዮርዳኖስ ሰ/ት/ቤት ጉባኤ ኒቆዲሞስ
ነገ ኅሙስ 05/03/2017 ዓ.ም

ሰላም የተወደዳችሁ የእግዚአብሔር  ቤተሰቦች!
በቦሌ መድኃኔዓለም ፈለገ ዮርዳኖስ ሰንበት ት/ቤት ሳምንታዊ የጉባኤ  ኒቆዲሞስ መርሐግብር ተዘጋጅቶ ይጠብቃችኋል። ኹላችንም በቤቱ ተገኝተን የመዐዱ ተሳታፊ እንሁን።
ኀሙስ 28/02/2017
ቦታ፡ የስብከተ ወንጌል አዳራሽ

እንኳን ለጻድቁ አባታችን አቡነ አረጋዊ ዓመታዊ ክብረ በዓል በሠላም አደረሳችሁ!
ነገ ኀሙስ 14/02/2017 ዓ.ም የመጨረሻው የዘመነ ጽጌ ክፍል ሦስት ትምህርት ተዘጋጅቶ ይጠብቃችኋል። ኹላችሁም በተለመደው ሰዓት በመገኘት ሕይወት የሆነውን የእግዚአብሔርን መዐድ ትካፈሉ ዘንድ ተጋብዛችኋል።
ሰላመ እግዚአብሔር ከኹላችን ጋር ይሁን!

የተወደዳችሁ የጉባኤ ኒቆዲሞስ ቤተሰቦች እግዚአብሔር ቢፈቅድ ዛሬ ማታ የጥቅምት ወር ትምህርት " ክርስትያንያዊ ሕይወትና የጠባይ ለውጥ" በሚል ርዕስ ከመምህር ሳምሶም ወርቁ ጋር ጥሩ የትምህርት ጊዜ ይኖረናል ፤ አምላከ ቅዱሳን በሰዓቱ ገብተን የሚነግረንን ለመስማት የበቃን ያድርገን  ወዳጆቻችንን ብንጋብዝ በጣም እንጠቅማቸዋለን ። 

የዛሬ የኒቆዲሞስ ጉባዔ የሚጀምረው በአዲስ አበባ ማታ በ3፡00 ሰዓት ሲሆን  ከግማሽ ሰዓት ቀደም ብሎ  ሩሙ ክፍት ይሆና ል።

Zoom ID: 829 4703 4142
Pwd:  582639

or

Link : https://us02web.zoom.us/j/82947034142?pwd=ZCtnQ1c3VXprTmpya0RqVkMzZnNRQT09


ከሰላምታ ጋር

"ሰማይን በከዋክብት ምድርን በጽጌያት ውበት ያስጌጠ እርሱ የተመሰገነ ይሁን።"
ሕይወታችንን በቅዱስ ቃሉ ለማስጌጥ የፊታችን ኀሙስ 07/02/2017 ዓ.ም. በጉባዔ ኒቆዲሞስ በ"ዘመነ ጽጌ" ክፍል ኹለት ትምህርት ተሳታፊ ይሁኑ።
የአባታችን የአቡነ ገብረ መንፈስ ቅዱስ በረከት ከኹላችን ጋር ይሁን።

ሰላም ውድ የጉባኤ ኒቆዲሞስ ቤተሰቦች!
ዛሬ መስከረም 30/2017 ዓ.ም ዘመነ ጽጌ በሚል ርዕስ በመምህር ኢዮብ በቀለ የሦስት ሳምንት ተከታታት ትምህርት ይጀምራል። ሁላችሁም በተለመደው ሰዓት በመገኘት እረፍት የሆነውን የእግዚአብሔርን ቃል ትማሩ ዘንድ ተጋብዛችኋል።

ሰላም ውድ የጉባኤ ኒቆዲሞስ ቤተሰቦች
ዛሬ እንደ ልዑል እግዚአብሔር መልካም ፈቃድ በበዓል መደራረብ ምክንያት ተቋርጦ የነበረው መርሕግብር የሚቀጥል ሲሆን ኹላችሁም በተለመደው ሰዓት በመገኘት እረፍት የሆነውን የእግዚአብሔር ቃል እንድትማሩ ተጠርታችኋል።
ሰላመ እግዚአብሔር ከሁላችን ጋር ይሁን።

https://youtu.be/m1yWCZHdiOQ?si=0etF-XMNbmUqX1E

ሰላም ውድ የኒቆዲሞስ መርሐግብር ተከታታዮቻችን!
የቀድሞ የሰንበት ት/ቤታችን ዋና ሰብሳቢ የነበሩት የቴዎደሮስ ታዬ እና የወንድማቸው ዘካርያስ ታዬ አባት  ስላረፉ የቻላችሁ ቀብራቸው ወደ ሚፈጸምበት የካ ደብረ ሳህል  ቅዱስ ሚካኤል  ቤተክርስቲያን ዛሬ በ12/1/17 በ8:00 ሰዓት እኖድትገኙ እናሳስባለን።

እግዚአብሔር የአባታችንን ነፍስ በደጋጎቹ አባቶቻችን ነፍስ አጠገብ ያሳርፍልን ለቤተሰቦቻቸውም መጽናናትን ያድልልን

  እኛንም ለንስሐ ሞት ያብቃን!!!

ሰላም ውድ የጉባኤ ኒቆዲሞስ ተከታታዮቻችን!
ዛሬ ነሐሴ 30/2016 የመጥምቀ መለኮት ቅዱስ ዮሐንስ ወርሃዊ በዓል ስለሆነ እና በቀጣይ ሳምንትም እንዲሁ የመጥምቁ ዓመታዊ ክብረ በዓል ስለሆነ ሳምንታዊ ጉባኤ አይኖረንም። የጀመርነው ተከታታይ ትምህርት መስከረም 09፟/2017 ዓ.ም የምንቀጥል ይሆናል። ለዛሬ ግን በዐውደ ምሕረት የሚሰጠውን የወንጌል አገልግሎት ላይ እንድትሳተፉ ስንል መልዕክታችንን እናስተላልፋለን።

የቅዱስ ዮሐንስ መጥምቅ በረከት ከሁላችን ጋር ይሁን፤ በቸር ያገናኘን! መልካም አዲስ ዓመት!

ሰላም ውድ የጉባኤ ኒቆዲሞስ ቤተሰቦች!
እንዃን ለእመቤታችን የዕርገት በዓል አደረሰን አደረሳችሁ። ዛሬ በደብራችን የንግስ በዓል ስለሆነ በዐውደ ምህረት የተዘጋጀውን ጉባኤ እንድትሳተፉ በትህትና እንገልጻለን።

በታላላቅ የቤተክርስቲያን ጉባኤያት የተሰነደው እና በቤተክርስቲያናችን በጸሎትም በትምህርትም ከፍተኛ ድርሻ ያለው ጸሎተ ሃይማኖት በአዲስ አማኝ ዘንድ የእምነት ማረጋገጫ፣ በአማንያን ዘንድ መታመኛ እንዲኹም በአሕዛብ ዘንድ ደግሞ የእምነታችን መግለጫ ኾኖ ያገለግላል።

ይኽ ጸሎት በጸሎት መጻሕፍት ተጠርዞ በአዋልድ መጻሕፍት ውስጥ ይገኛል። አዋልድ መጻሕፍት የመጽሐፍ ቅዱስ ልጆች ናቸውና መጽሐፍ ቅዱስ እንደሚተረጎመው ኹሉ እነርሱም ትርጓሜ ያሻቸዋልና ጸሎተ ሃይማኖት ይተረጎማል፤ ይብራራል።

በቦሌ ደብረሳሌም መድኃኔዓለም መጥምቁ ቅዱስ ዮሐንስ እና አቡነ አረጋዊ ካቴድራል ፈለገ ዮርዳኖስ ሰንበት ትምህርት ቤት በየሳምንቱ ኀሙስ ምሽት ከ12:15-1:45 በሚሰናዳው ጉባኤ ኒቆዲሞስ የጸሎተ ሃይማኖት ማብራሪያ በተከታታይ ትምህርት እየተሰጠ ይገኛልና ከወዳጅዎ ጋር በመገኘት እምነትዎን በጽኑዕ መሠረት ላይ ያንፁ።

እንኳን ጾመ ፍልሰታ (ማርያም) በሰላም አደረሰን አደረሳችሁ!
ዛሬ በተለመደው ሰዓት ትምህርተ ሃይማኖት ትርጓሜ ክፍል ሁለት ተዘጋጅቶ ይጠብቃችኋል። ሁላችሁም ከዚህ ማዕድ ተሳታፊ ትሆኑ ዘንድ ተጋብዛችኋል።
እኛን  ስለማዳን ሰው ከሆነ ልጅሽ
"ጽንዕት በድንግልና ሥርጉት በቅድስና እመቤታችን ሆይ ልጅሽ ጸጋውን ክብሩን እንዳይነሳን ለምኚልን አእምሮውን ጥበቡን ፍቅርሽን በልቡናችን ሳይብን አሳድሪብን፡፡"

ሰላም ውድ የጉባኤ ኒቆዲሞስ ቤተሰቦች
ዛሬ እንደ ልዑል እግዚአብሔር መልካም ፈቃድ አዲስ ተከታታይ ትምህርት በጸሎተ ሃይማኖት ዙሪያ በወንድማችን ዲን.ብንያም አድማሱ የሚሰጥ ይሆናል። ኹላችሁም በተለመደው ሰዓት በመገኘት እረፍት የሆነውን የእግዚአብሔር ቃል እንድትማሩ ተጠርታችኋል።
ሰላመ እግዚአብሔር ከሁላችን ጋር ይሁን።

ሥጋ በሥጋ ሕግ ተስቦ ለኃጢአት ከተሰጠ ከሕይወት ይልቅ መርገምን ከመረጠ ፍጻሜው የሞት ሞት ከኾነ ከንቱ ኑሮ ከመባዘን ...

በመንፈስ ሕግ ተስቦ በንጽሕና ደምቆ በቅድስና አሸብርቆ ዘለዓለማዊነትን ተላብሶ ከመኖር ...

ምርጫችን የትኛው ነው?

እንግዲያውስ ...

የሥጋ እና የመንፈስን ትግል በኃጢአት እና በንሥሐ አንጻር ለመቃኘት በተዘጋጀው የትምህርት መርሐግብር ኀሙስ በሳምንታዊው ጉባኤ ኒቆዲሞስ 12:15 ላይ ተሳተፉና ሕይወትን አትርፉ!

«እንግዲህ ከጌታ ፊት የመጽናናት ዘመን እንዲመጣላችሁ ኃጢአታችሁ ይደመሰስ ዘንድ ንስሐ ግቡ ተመለሱም።” የሐዋ.3÷19
በቤቱ ተገኝተው ዘላለማዊ መንግስቱን ለመውረስ የሚያስችለንን መሰረታዊ ትምህርት በሰዓቱ ተገኝተው እንዲማሩ በልዑል እግዚአብሔር ስም ጠርተንዎታል።
አክባሪዎ፡ ፈለገ ዮርዳኖስ ሰ/ት/ቤት ጉባኤ ኒቆዲሞስ

"ምኞት ፀንሳ ኀጢአትን ትወልዳለች ኀጢአትም ካደገች በኋላ ሞትን ትወልዳለች።" ሐዋ11:18 በተባለላት አካሔዷ የክፋት በኾነው እና "ለሕይወት የሚኾን ንስሓን ሰጣቸው እያሉ እግዚአብሔርን አከበሩ።" ያዕ 1:15 በተባለላት መነሣትን በምታነሣ ንስሓ መካከል እግራችን ወደየት ያመራል?

ኀሙስ በ04/11/2016 ዓ.ም. ምሽት 12:15 በጉባኤ ኒቆዲሞስ ተገኝተን በዚኽ በሞት እና ሕይወት ትግል ውስጥ ምክረ እግዚአብሔርን እናድምጥ።

https://youtu.be/OtpA9clJR1Q

https://www.youtube.com/watch?v=pRhRpkif53I&ab_channel=FelegeYordanosSundaySchool

ኃጢአትን ብንሠራ ምን ይኾናል?
ኃጢአት በእርግጥ ማጣትን ያስከትላል ።

የምናጣው ግን ምንድን ነው?
እግዚአብሔርን ያኽል ጌታ ገነትን ታኽል ቦታ!

በእኛ ግን ኃጢአት አለ?
ኹሉ ኀጢአትን ሠርተዋልና፥የእግዚአብሔርም ክብር ጎድሏቸዋል።

የእግዚአብሔር ክብር እንደጎደለን ልንቀር ነው?
ብትመለሱ ፊቱን ከእናንተ አያዞርምና ... ምሕረትን ያገኛሉ።

እንዴት እንመለስ?
እንግዲኽ ለንስሓ የሚገባ ፍሬ አድርጉ።

ለንስሓ የሚገባ ፍሬ እንደምን ያለ ነው?
ኀሙስ በ12:00 በጉባኤ ኒቆዲሞስ በተዘጋጀው ጉባኤ ምላሽ በሰፊው አለ። አያምልጥዎ!

https://youtu.be/ReHpraxNXds?si=XqvbaXyWgqphBPHD

ቅዱስ ዮሐንስ አፈወርቅ የቤተክርስትያን ልደት ብሎ በሚጠራት በዕለተ ጰራቅሊጦስ ሰኔ 16/2016 ዓም ከቀኑ በ7:00 ሰዓት በቦሌ መድኃኔዓለም ቤተክርስትያን ትልቁ አዳራሽ ታላቅ መንፈሳዊ ጉባኤ ይዘረጋል። የጉባኤው ምክንያት በኢትዮጵያ ኦርቶዶክስ ተዋህዶ ቤተክርስቲያን የማኅበራት ማደራጃ መምሪያ የማኅበረ ሠላም የመዝሙርና የስነ ጥበብ የሙያ ማኅበር 32ተኛ ዓመት የልደት በዓል ስለሚከበር ነው ። ብዙዎቻችን እንደምናውቀው ላለፉት 32 ዓመታት ስርዓተ ቤተክርስትያንን በጠበቀ የመዝሙር አገልግሎት በካሴትና በመድረክ ያገለገለን በቤተክርስትያናችን ታሪክ የመጀመሪያውን የሠርግ መዝሙር ያበረከተልን ዛሬ ላይ የሕዝብ መዝሙር የሆኑትን ሁለቱም አንድ ሆኑ ዛሬ ፤ ደመቀ አበራልን ፤ በሰርጋቸን ዕለት ሌሎችንም ዘመን የማይሽራቸው መዝሙሮችን የሰጠን የሰርግ መዝሙሩን ጨምሮ 7 ካሴቶችን ለቤተክርስትያን አበርክተው  ሰርጋችንን በአውደ ምህረት ፤ የገደማት መርጃ መርሐ ግብር ላይ ፤ የተሀድሶ እንቅስቃሴ በሚያጠቃቸው አካባቢ ምዕመናንን ለመታደግ በገጠር በከተማ ሰፊ አገልግሎት እየሰጠን ያለ ማኅበር ሲሆን ዛሬ ደግሞ ሁላችንንም በናፈቀን በድሮው ለዛ ኑ አብረን እንዘምር ይለናል ። የድሮውን ለዛ የቀመሰ ማንም አይቀርም ስለዚህ እንደ ሐዋርያት በአንድ ልብ ሆነን በቤቱ እንሰብሰብና ፀጋ መንፈስ ቅዱስን እንቀበል።