NEBIYU PSYCHIATRY E-CLINIC

ትችሉ ነበር አሁንም ትችላላችሁ!

አንዳንድ ሰዎች የእሳቤ ሂደት ይህንን ይመስላል፡-

“እንደምችል አውቀዋለሁ” በሚል ጠንካራ እሳቤ ይጀምራሉ፡፡

ትንሽ ተራምደው ያልጠበቁት ሁኔታ ሲገጥማቸው ቀስ በቀስ፣ “የምችል ይመስለኛል” ወደሚለው የጥርጣሬ ዘር ወዳለበት እሳቤ ወረድ ይላሉ፡፡

ብዙም ሳይቆዩ፣ “የምችል ይመስለኝ ነበር” ወደሚለው ደከም ወዳለ እሳቤ ይንሸራተታሉ፡፡

በመጨረሻ “አልችል” በማለት ጭራሹኑ ያቆሙታል፡፡

አንባቢዎቼ!!! ይህ ለብዙዎች ውድቀት ምክንያት የሆነ የእሳቤ ሂደት ለእናንተ አልተፈቀደላችሁም፡፡

እንደምንችል እናውቀው ነበር! እንችል ነበር! አሁንም እንችላለን!
በርቱና . . .

1. አንድን ነገር ከመጀመራችሁ በፊት ደካማ ጎናችሁ ላይ ሳይሆን ዝንባሌያችሁና ብርቱ ጎናችሁ ላይ አተኩሩ፡፡

2. የምትጀምሩት ነገር ውጤታማ የሚያደርጋችሁ እስከሆነ ድረስ እንቅፋት እንደሚያጋጥማችሁ አትዘንጉ፡፡

3. ካለማቋረጥ ራሳችሁን አሻሽሉ፡፡

4. ስትወድቁም ሆነ ስትሳሳቱ ከልምምዱ የምታገኙትን ትምህርታችሁን ያዙና ወደፊት ቀጥሉ፡፡

5. በፍጹም ተስፋ አትቁረጡ፡፡

ዶር አዮብ ማሞ

ነብዩ ስነ አእምሮ E-CLINIC

ከውደዱት ያጋሩ ይቀላቀሉን 👇👇
@Psychiatry1 @Psychiatry1
@Psychiatry1 @Psychiatry1

Live stream finished (1 hour)

Live stream started

ማቆም ያሉባቸው ነገሮች

👉ከመጠን በላይ ማሰብ
👉ለውጡን መፍራት
👉ባለፈው መኖር
👉ሁሉንም ሰው ለማስደሰት መሞከር
👉ልዩነትን መፍራት
👉በቂ እንዳልሆንክ ማሰብን
👉ምንም አላማ እንደሌለህ ማሰብ
👉በስህተት እራስህን መምታት
👉ደስታህን ለሌሎች መስዋዕት ማድረግ

በእነዚህ ከተችገሩ ያናግሩን 👉 ነብዩ ጃግሶ

ነብዩ ስነ አእምሮ E-CLINIC

የባለሞያ እርዳታ ለማግኘት 👇👇👇
📞 +251922077637
📞 +251712299056 ይደዉሉልን
ቴሌግራም👉 @Mentalhealth_NJ

ከውደዱት ይቀላቀሉን 👇👇
@Psychiatry1 @Psychiatry1
@Psychiatry1 @Psychiatry1

https://vm.tiktok.com/ZMhth8XCh/

👉ሰዎች አትችልም ሲሉ — አልችልም ማለታቸው ነው!

👉 ይከብድሃል ሲሉ — ለእኔ ከባድ ነው ማለታቸው ነው!

👉 አይሆንልህም ሲሉ - እኔ አይሆንልኝም ማለታቸው ነው!

የሚያወሩት እነሱ አእምሯቸው ውስጥ ስላለው ገደብ እንጂ ስላንተ አይደለም።

አትስማቸው ወይም ገልብጠህ ስማቸው!!

@PSYCHIATRY1

ሁሉም ነገር ለበጎ ነው!

አንድ ሃብታም ጎብኚ ወደ አንዲት ሃገር ከተጓዘ በኋላ ከከተማ ራቅ ወዳለ ስፍራ ለጉብኝት ሄደ፡፡ በዚያም አንድን እጅግ በጣም ደሃ የሆነ አስጎብኚ ቀጠረውና አካባቢውን እያሳየው ሲጓዙ ሳለ ጎብኚው አንድ ከዚህ በፊት አይቶት የማያውቀው አይነት ዛፍ ተመለከተ፡፡ በነገሩ ተገረመና ውስጡ ምን እንደሆነ ለማወቅ ለጉዞ የያዘውን አነስተኛ መጥረቢያ አንስቶ ዛፉን እቆርጣለሁ ብሎ ተሳስቶ ጣቱን ቆርጦ ጣለው፡፡

ይህ ባለጠጋ ጎብኚ በስቃይ ሲጮህ አስጎብኚው፣ “አይዞህ ሁሉም ለበጎ ነው” እያለ በመደጋገም ሲነግረው እጅግ ተበሳጨና አጠገባቸው የሚገኝ ጉድጓድ ውስጥ ገፍትሮ ጥሎት ሄደ፡፡ ይህ ጎብኚ ትንሽ ከተጓዘ በኋላ ጸጉረ ልውጥ ሰው ሲያገኙ ቀቅለው የሚበሉ ጎሳዎች አገኙት፡፡ የሚበላ ሰው በማግኘታቸው የተደሰቱት እነዚህ ሰዎች ጥፍር ካሰሩት በኋላ እንደልማዳቸው እሳታቸውን አንድደውና መቀቀያውን ጥደው በዙሪያው ከጨፈሩ በኋላ ጎብኚውን መቀቀያው ውስጥ ሊጨምሩት ሲሉ በድንገት የተቆረጠውን ጣቱን ተመለከቱ፡፡ በእምነታቸው መሰረት እንደዚህ አይነት ሰው መብላት ክልክል ስለሆነ ሃሳባቸውን ቀይረው እንዲሄድ ለቀቁት፡፡

ይህ ጎብኚ የነበረበት የፍርሀት መንቀጥቀጥ ረገብ ሲልለት መጀመሪያ ትዝ ያለው በንዴት ገደል ውስጥ ገፍቶ የጣለው አስጎብኚው ነበረና ሄዶ ጎትቶ በማውጣት ይቅርታን ጠየቀው፡፡ የአስጎብኚው መልስ አሁንም እንደተለመደው፣ “ችግር የለውም፣ ሁሉም ነገር ለበጎ ነው” የሚል ነበር፡፡ ጎብኚው ይህንን መልስ በድጋሚ በመስማቱ፣ ምን ለማለት እንደፈለገ ጠየቀው፡፡

የአስጎብኚው መልስ እንደዚህ የሚል ነበር፡- “አንዱ ጣትህ በመቆረጡ ምክንያት በእነዚህ ሰዎች ከመበላት ዳንክ ስለዚህ አንዱ ጣትህ መቆረጡ ጥሩ ልምምድ ባይሆንም የኋላ ኋላ ግን ለበጎ ሆነ፡፡ አንተ ደግሞ እኔን በንዴት ገደል ውስጥ መክተትህ ምንም ጥሩ ነገር ባይሆንም፣ ያንን በማድረግህ ምክንያት እዚሁ ባልቀርና አብሬህ ብጓዝ ኖሮ አንተን ትተው እኔን ይበሉኝ ነበረ፡፡ ይህም ለበጎ ሆነ”፡፡

ካጠፋ በኋላ የሚመለስና ይቅርታ የሚጠይቅ ማንነት ላለው ሰው ሁሉም ነገር ለበጎ ነው!

ይቅርታ ሲጠየቅ መለስ ብሎ ይቅር የሚል ጨዋ ማንነት ላለው ሰው ሁሉም ነገር ለበጎ ነው!

በሁሉም ነገር በፈጣሪው ላይ ያለውን እምነት ለማይተው ሰው ሁሉም ነገር ለበጎ ነው!

በአሁኑ ወቅት የምታልፉበት አስቸጋሪ ሁኔታ ለበጎ እንዲለወጥላችሁ ጸሎቴና ምኞቴ ነው፡፡

ዶር አዮብ ማሞ

ነብዩ ስነ አእምሮ E-CLINIC

ከውደዱት ያጋሩ ይቀላቀሉን 👇👇
@Psychiatry1 @Psychiatry1
@Psychiatry1 @Psychiatry1

ሁሉም ነገር ለበጎ ነው!

እንኳን በሕይወት ነቃችሁ!

በሰላም ስላደራችሁ ደስ ይበላችሁ!

በዓለም ላይ በቀን ወደ አንድ መቶ ሺህ (100 ሺህ) አካባቢ አይሮፕላኖች እየተነሱ በሰላም ያሰቡበት በመድረስ ያርፋሉ፡፡ ከእነዚህ በረራዎች መካከል ግን የአንዱም እንኳን በሰላም መግባት በዜናዎች ላይ ሲነገር አንሰማም፡፡ ሆኖም፣ አንድ በረራ ላይ አደጋ ከደረሰ ግን ትኩረት ይስባል፣ ዜናውን ይሞላዋል፣ ወሬው ይሸጣል፡፡

የአንድ ጤናማ ሰው ልብም ቢሆን በቀን ወደ አንድ መቶ ሺህ (100 ሺህ) አካባቢ ይመታል፡፡ ይህንን ያህል ጠንክሮ የሚሰራው አካላችን ግን በቀን ውስጥ ትዝም አይለን፡፡ የምናስታውሰው መምታት ለማቆም ሲዳዳውና የምቱ ድግግሞሽ ሲለይብን ነው፡፡ ለምን? መልካሙ ነገር ተለምዷል፡፡ የምስራች የሆነው ነገር ትዝም አይለን፡፡

ዛሬ መልካም መልካሙን ላስታውሳችሁ፡፡ ዛሬ የምስራቹ ትዝ ይበላችሁ፡፡ በሰላም የመንቃታችሁ ጉዳይ፣ በሌሎች ላይ የደረሰ እናንተ ላይ ያለመድረሱ ጉዳይ፣ የደረሰባችሁ ነገር ከዚህ የከፋ ያለመሆኑ ጉዳይ . . . ትዝ ይበላችሁ፡፡

ከደረሰብን ክፉ ነገር የሆነልን መልካም ነገር ይበዛልና ደስ ይበላችሁ፡፡

ፈጣሪን አመስግኑ! ቤተሰቦቻችሁን፣ ጓደኞቻችሁንና በሕይወታችሁ ላይ መልካም ተጽእኖ ያደረጉ ሰዎችን አድንቁ!

መልካም ቀን!

ዶ/ር እዮብ ማሞ

@PSYCHIATRY1

ነፃ የሆነ ነገር የለም

ያለህመም ማግኘት የለም

ያለምንም አደጋ ሽልማት የለም

ያለታማኝነት ፍቅር የለም

ያለመተማመን ጓደኝነት የለም

ያለዲሲፕሊን ውጤት የለም

ያለምንም መስዋዕትነት ድል የለም

መልካም ምሽት

@PSYCHIATRY1

Mental Health Matters
==================

በሰዎች ተከበው ብቻቸውን የሆኑ እና ብቸኝነት የሚያሰቃያቸው ብዙ ሰዎች አሉ:: በአካል አብረን ስለዋልን አብረን ስላደርን አብረን ነን ማለት አይደለም::

አብረውን ካሉ ሰዎች ጋር በስነልቦናም በመንፈስም ልንገናኝ ይገባል:: Spiritual and Emotional Intimacy ሊኖረን ይገባል ደስተኛ ሆነን ሰዎችን ደስተኛና ጤናማ ለመሆንም ለማድረግም::

ብዙ ነገራችን አብሮ መዋል ወይም ማደር ላይ ብቻ ስለሚመሰረት ብዙዎች የውስጣቸውን መከፋት , ብሶት , ጭንቀት እና ፍርሀት አብረዋቸው ላሉ ሰዎች ማጋራት ሳይችሉ ቀርተው በጭንቀት በድብርት የሚሰቃዩ ብዙዎች ናቸው::አለፍ ሲልም ራሳቸውን የሚያጠፉ ሰዎች እየተበራከቱ ነው::

ከጎናችን ላለ ሰው የአእምሮ ሁኔታ ቅድሚያ መስጠት እጅግ በጣም አስፈላጊ ነገር ነው:: ስሜታችንን ልንፈታተሽ ይገባል:: እንዴት ነህ ? ዛሬ ምን አስደሰተህ ? ዛሬ ምን አስከፋሽ ? ወዘተ የሚሉት ጥያቄዎች ትንሽ ቢመስሉም ተጠይቀው ለሚመልሱት ሰዎች ግን እፎይታን ይሰጣል::

የሚሰማችሁን በውስጣችሁ አምቃችሁ አትያዙ:: ንስሀ አባት የሌላችሁ የንስሀ አባት ይዛችሁ ስለመንፈሳዊ ጤናችሁ ተመካከሩ::

ስነልቦናዊ እና እለታዊ ጉዳዮችን የቅርቤ ለምትሉት ሰው አጋሩ:: የሚሰማችሁን አምቃችሁ አትያዙ!! ከጎናችሁ ያለን ሰው አዋሩ::

ከፍ ያለ የስሜት መረበሽ ሲገጥማችሁ የህክምና እርዳታ ለማግኘት ሞክሩ::
ድብርት ቅብጠት አይደለም ህመም ነው::

Yohannes Yaya (mental health specialist)

@PSYCHIATRY1

ሚዛናዊ የስሜት አገላለጥ

ከሰዎች ጋር ባላችሁ ግንኙነት ስሜታችሁን የሚነካ ነገር ሲያጋጥማችሁ ከሁለት ስህቶች ተጠንቀቁ፡፡

1. ስሜታችሁን እንደወረደ ከመልቀቅ መጠንቀቅ

አንድ ስሜት ሲሰማን ያንን ስሜት ካለምንም ገደብና ሚዛናዊነት እንደወረደ ስንለቀው ያልተጠበቀና ልንቆጣጠረው የማንችለው ውጤት ሊያስከትልብን ይችላል፡፡ ከእነዚህ አጉል ውጤቶች መካከል፣ ሰዎችን መጉዳት፣ ከቁጥጥር ውጪ የሆነና ነገሩን የሚያባብስ የሰዎች ምላሽ መከሰት እና የመሳሰሉት ይገኙበታል፡፡ እነዚህ ሁኔታዎች ነገሮች እየተባባሱ የኋላ ኋላ የማንፈልጋቸውንና መዘዝ የሚያመጡ ሁኔታዎችን ሊወልዱ ይችላሉ፡፡

2. ስሜታችሁን ከማፈን መጠንቀቅ

ሰዎች ስሜታዊ የሚያደርገንን ነገር ሲያደርጉብን፣ የሚሰማንን ስሜት አምቀን በያዝነው ቁጥር ከፍተኛ የሆነ ጉዳትን በራሳችን ላይ ያስከትላል፡፡ ከእነዚህ ጉዳቶች አንዱ፣ በታመቀው ስሜት ምክንያት የሚመጣ የውስጥ መጎዳት ነው፡፡ ከዚህ የተለየውና ብዙዎች የማያስተውሉት ሌላው ጉዳት፣ ስሜታችንን አምቀን ከቆየን በኋላ ሲብስን ድንገት “የመፈንዳት” ሁኔታ የሚያስከትለው መዘዝ ነው፡፡

የዚህ ሁኔታ ችግሩ፣ አምቀን የቆየነውንና ማንም ሰው የማያውቀውን ስሜት በድንገት ስንለቀው ሰዎች እስካሁን ያለፍንበትን ሁኔታ እና ያመቅነውን ስሜት ስለማያውቁት፣ እንደ አጉል ስሜታዊ ይቆጥሩንና ጥፋቱን ሁሉ በእኛ ላይ ያደርጉታል፡፡ ይህ ደግሞ ሌላ ጉዳትን ያስከትልብናል፡፡

እነዚህ ከላይ የተጠቀሱት ጎጂ ሁኔታዎች እንዳይከሰቱ ለማድረግ ከፈለግን ስሜታችንን ለትክክለኛው ሰው፣ በትክክለኛው ቦታ፣ በትክክለኛው ጊዜ እና በትክክለኛው መጠን መግለጥን መለማመድ አስፈላጊ ነው፡፡ ይህንን ሁኔታ የተለማመደ ሰው ከፍተኛ የስሜት ብልህነት ደረጃ ላይ ያለ ሰው ነው፡፡ ምንም እንኳን ሙሉ ለሙሉ ከስሜታዊነት ነጻ የሆነ ልምምድ ባይኖረንም በተቻለን መጠን ግን ይህንን መመሪያ መከተል ለግልም ሆነ ለማሕበራ ስኬታማነታች አስፈላጊና ወሳኝ ነው፡፡

ዶ/ር እዮብ ማሞ

ነብዩ ስነ አእምሮ እ-ክሊኒክ

@PSYCHIATRY1

💧ማልቀስ   ይጠቅማል?
ማልቀስ የሰው ልጅ ለተለያዩ ስሜቶች ከከባድ ሀዘን  እስከ ከፍተኛ ደስታ ድረስ የሚሰጠዉ  የተፈጥሮ ምላሽ ነው።
ማልቀስ በርካታ የስነ ልቦና ጥቅሞች አሉት:_
1. ስሜታዊነት ይቀንሳል :- ራስን ለማረጋጋት እና የተጎዳንባቸዉ ስሜቶችን  በፍጥነት ለመላቀቅ  ይረዳል።
2. ጭንቀት ይቀንሳል- እንባ ማፍሰስ የጭንቀት ሆርሞኖችን እና መርዛማ ንጥረ ነገሮችን ከሰውነት ለማስወገድ ይረዳል።
3. ስሜትን ያማሻሻል፡- ማልቀስ ስሜትን ወደ መሻሻል ይመራዋል
4. የህመም ያስታግሳል ማልቀስ ኢንዶርፊን(Eendorphins) እንዲለቀቅ ስለሚያደርግ  ተፈጥሯዊ የህመም ማስታገሻ እና የመጽናናት ስሜት ይፈጥራል።
5. ማህበራዊ ግንኙነት ያጠናክራል ፡ እንባ የሌሎች ጭንቀትን መጋራትን እና, ማህበራዊ ድጋፍን እና ርህራሄን ያጎለብታል.
6. ስሜታዊ ግልጽነት ያሳያል፡- ሰዎች ካለቀሱ በኋላ በችግራቸው ወይም በስሜታቸው ላይ የበለጠ ግልጽ የሆነ አመለካከት እንደነበራቸው ይናገራሉ።
የአካል ጥቅማጥቅሞች፡-
7 .ማልቀስ አይንን እርጥበት እንዲይዝ  ስለሚያደርግ ከበሽታዎች ይጠብቃል።
እነዚህ የማልቀስ ጥቅሞች በሳይንሳዊ ምርምር የተደገፉ ቢሆኑም፣ ከመጠን በላይ ወይም ረዘም ላለ ጊዜ ማልቀስ፣ በተለይም ከዲፕሬሽን ወይም ከሌሎች የአዕምሮ ጤና ሁኔታዎች አንፃር የባለሙያ ድጋፍ እና ጣልቃ ገብነት ሊጠይቅ እንደሚችል ልብ ሊባል ይገባል።  እርስዎ ወይም የሚያውቁት ሰው ከልክ ያለፈ ጭንቀት ወይም ረዘም ያለ የሀዘን ጊዜ እያጋጠመዉ ከሆነ ከጤና ባለሙያ እርዳታ ይጠይቁ

ⒸTizita Ayele (psychologist)

ነብዩ ስነ አእምሮ እ-ክሊኒክ

@PSYCHIATRY1

ሁልጊዜም ይህን አስታውስ

👉ትላንት አይቀየርም።
👉 የሁሉም ሰው ጉዞ ይለያል:።
👉 ፈገግታ ይተላለፋል።
👉ነገሮች ሁሉ በጊዜ ይሻሻላሉ:።
👉 የደስታህ ምንጭ ውስጥህ  ነው።
👉በጎ ሐሳቦች በጎ ነገሮችን ይፈጥራሉ።
👉 ሁሉም ነገር ወደ መጣበት ይመለሳል።
👉 የማታቋርጥ ከሆነ ታሸነፋለህ።

ማጋራት አይረሳ

ነብዩ ስነ አእምሮ እ-ክሊኒክ

@PSYCHIATRY1

"No"vember

Practice No in necessary conditions.

አስፈላጊ ሆኖ ስገኝ እንቢ ማለት ተለማመድ።

NEBIYU PSYCHIATRY E-CLINIC

@PSYCHIATRY1

የእንቅልፍ ንጽሕና ለመጠበቅ 👇👇👇

https://youtu.be/eAFDUdSBRCk?si=_EBd86ERuC2gAZks

በድል ተወጣቸው! 

ዛሬ እንዳሰብከው አላለፈ ይሆናል!
ዛሬ ያቀድከውን ሁሉ አላሳካህ ይሆናል!
ዛሬ በሕመም አልፎ ይሆናል!
ዛሬ ውድ ነገሮችህን አጥተህ ይሆናል!

ግን ራስህን አላጣህም! በሕይወት አለህ!

በሕይወት ላለ ሁሉ ደግሞ ነገ የተሻለ ቀን ነው!!

የዛሬ ፈተናዎችህና እንቅፋቶችህ ሁሉ ወደምትመኘውና ወደ ጸለይክለት እድገት የሚያደርሱህ እድሎች ሊሆኑ ይችላሉና በድል ተወጣቸው!

ለነገ ድልህም ራስህን አዘጋጅ!

ነብዩ ስነ አእምሮ እ-ክሊኒክ

@PSYCHIATRY1

የኔም ታሪክ ነው ድባቴ (Depression) አጋጥሞኛል ሙሉ ታሪኬን ከYouTube ገፄ ታገኛላችሁ። ትማራላችሁ

Depression ነብዩ አደለም ህመም ነው !

አመሰግናለሁ

ነብዩ ጃግሶ (ስነ አእምሮ ባለሙያ)

YouTube👇👇
https://youtu.be/nHMsDgfY8sw?si=Cyw-DPJjkjnr9axc

በዓለም የአእምሮን ጤና ቀን የስነ ጥብብ ህክምና ያለውን አስተዋጽኦ የዳሰስንበትን መርሀ ግብር እንድትመለከቱ ጋበዝናችሁ

https://youtu.be/hTbsbmgCDyM?si=Bbinmcr1eyXyG6SX

ስጦታ - ቃል ሳይሆን ተግባር!