ገድለ ቅዱሳን

                       †                        

  🕊     ቅዱስ አግናጥዮስ     🕊 

💖

❝ ክርስትያን ተብዬ ብቻ መጠራት የምፈልግ አይደለሁም ፤ ይልቁንም መሆንን እፈልጋለሁ ... ስጋዬን ለአውሬዎች ይስጡት በአውሬዎቹም ጥርስ ልፈጭ ፤ ንጹህ የክርስቶስ ህብስት ሆኜ ልገኝ ፤ ከአካሌም ምንም አያስቀሩ ፣ ምናልባት ለእናንተ ሥራ እንዳልሆንባችሁ፡፡ ❞

[ ቅዱስ አግናጥዮስ ዘአንጾክያ ለአራዊት ሊሰጥ ለሰማእትነት እየሄደ ሳለ ለሮሜ ሰዎች ከላከው መልእክት ]

🕊     

❝ በቅዱስ መስቀል አምሳያ ዘወትር ያለ ድካም ለጸሎት ለሚዘረጉትና በአሥር ጨካኝ ወታደሮች በብረት ሰንሰለት ታስረው ለተጎተቱት እጆችህ ሰላምታ ይገባል። ጵጵስናን ከቅዱስ ጴጥሮስ የተቀበልክ ሰማዕተ ክርስቶስ ቅዱስ አግናጥዮስ ሆይ ፣ ከታሰርኩበት የኃጢአት ሰንሰለት በተሰጠህ ሰማያዊ ሥልጣን ፍታኝ በብርሃን እጆችህም በፍጹም በረከት ባርከኝ። ❞

💖                    🕊                     💖

❝ ከቅዱሳን ሁሉ ጋር ስፋቱና ርዝመቱ ከፍታውም ጥልቅነቱም ምን ያህል መሆኑን ለማስተዋል ፥ ከመታወቅም የሚያልፈውን የክርስቶስን ፍቅር ለማወቅ ትበረቱ ዘንድ ፥ እስከ እግዚአብሔርም ፍጹም ሙላት ደርሳችሁ ትሞሉ ዘንድ። ❞ [ ኤፌ.፫፥፲፰ ]

[ የአባታችን የቅዱስ አግናጥዮስ የከበረች ጸሎቱና ምልጃው አይለየን። ከረከቱ ይክፈለን። ]


†                       †                        †
💖                    🕊                     💖

                         †                         

🕊     ቅዱስ ተክለ ሃይማኖት     🕊 

💖

❝ አብ ወልድ መንፈስ ቅዱስ ሥላሴን በማመን ተተከለ [ ተገኘ ]። በማስተዋል ስሙት ፣ በጸጥታ እና በርጋታም ሆናችሁ አድምጡት። በጌታው የሠርግ ቀን [ በዕለተ ምጽዓት ] በመከራው ከሚገኘው ደስታ ትሳተፉ ዘንድ ፣ የነፍስ አባታችን ቅዱስ ተክለ ሃይማኖት ብላችሁ መጥራት ይቻላችሁ ዘንድ በመገዛት ፣ በማኅሌት እና ኅሊናን በመሰብሰብ በዐሉን አክብሩ። ❞

[ ገድለ ተክለ ሃይማኖት ]

🕊

እንኳን ለአቡነ ተክለ ሃይማኖት ለበዓለ ልደቱ መታሰቢ አደረሳችሁ።


†                       †                        †
💖                    🕊                     💖

🕊

†  ታኅሳስ  ፳፬  [  24   ]  †

[  ✞ እንኩዋን ለቅዱስ አቡነ ተክለ ሃይማኖት: ቅዱስ አግናጥዮስ እና ቅድስት አስቴር ዓመታዊ የዕረፍት በዓል በሰላም አደረሳችሁ ✞   ]

† በስመ አብ ወወልድ ወመንፈስ ቅዱስ አሐዱ አምላክ አሜን። †

---------------------------------------------

🕊 ቅዱስ  ተክለ ሃይማኖት ሐዋርያዊ  🕊

†    ልደት   †

- መልካም ዛፍ መልካም ፍሬን ያፈራልና ተክለ ሃይማኖትን የወለዱት ደጋጉ : ጸጋ ዘአብ  ካህኑና  እግዚእ ኃረያ ናቸው:: እርሱ በክህነቱ: እርሷ በደግነቷ: በምጽዋቷ ጸንተው ቢኖሩ እግዚአብሔር ጣፋጭ ፍሬን ሰጥቷቸዋል::

- በዳሞቱ ገዢ በሞተለሚ አደጋ ቢደርስባቸው  ቅዱስ ሚካኤል : ጸጋ ዘአብን ከሞት: እግዚእ ኃረያን ከትድምርተ አረሚ [ ከአረማዊ ጋብቻ ] አድኗቸዋል:: በኋላም የቅዱሱን መወለድ አብስሯቸዋል::

- አቡነ ተክለ ሃይማኖት የጸነሱት መጋቢት ፳፬, በ፩ ሺህ ፪ መቶ ፮ [1206] (1196) ሲሆን የተወለዱት ታሕሳስ ፳፬ [24] , በ፲፻፯ [1207] (1197) ዓ/ም ነው:: በተወለዱበት ቀንም ብዙ ተአምራት ተገልጸዋል:: ቤታቸውም በበረከት ሞልቷል::

†  ዕድገት  †

- የጻድቁ የመጀመሪያ ስማቸው " ፍሥሃ_ጽዮን " ይሰኛል:: ይሕንን ስም ይዘው: አባታቸው ጸጋ ዘአብን ተከትለው አድገዋል:: በተለይ ቅዱሳት መጻሕፍትን [ብሉያት: ሐዲሳትን] ተምረዋል:: በሥጋዊው ጐዳናም ብርቱ አዳኝ እንደ ነበሩ ይነገራል:: ዲቁና ከወቅቱ ዻዻስ አባ ጌርሎስ  ተቀብለዋል::

†  መጠራት  †

- አንድ ቀን ፍሥሃ ጽዮን ለአደን ወጥቶ ሲያነጣጥር ድንገት ከሰማይ አስደንጋጭ ድምጽ ተሰማ:: የክብር ባለቤት  ጌታችን ኢየሱስ ክርስቶስ አእላፍ መላእክት እያመሰገኑ በሚካኤል ክንፍ ተቀምጦ ወረደ::

- የወጣቱን አዳኝ ፍርሃቱን አርቆ ጌታችን ተናገረ:

" ከዛሬ ጀምሮ ስምህ ተክለ ሃይማኖት [ ተክለ ሥላሴ ] ይሁን:: አራዊትን ሳይሆን ነፍሳትን ታድናለህ:: ዘወትር ካንተ ጋር ነኝ" ብሎ በግርማ ዐረገ:: ቅዱስ ተክለ ሃይማኖት ከዚህ ጊዜ በኋላሰዓትን አላጠፉም:: ንብረታቸውን ለነዳያን በትነው በትር ብቻ ይዘው ቤታቸው እንደ ተከፈተ ወደ ምናኔ ወጡ::

†   አገልግሎት   †

- ቅዱስ ተክለ ሃይማኖት ከዻዻሱ ቅስና ተቀብለው የወንጌል አገልግሎትን ጀመሩ:: በመጀመሪያ ስብከታቸው እዚያው ሽዋ [ ጽላልሽ ] አካባቢ ብቻ በ ፲ ሺ የሚቆጠሩ ሰዎችን አሳምነው አጠመቁ:: ያንጊዜ ኢትዮዽያ ፪ መልክ ነበራት::

፩. ዮዲት [ ጉዲት ] በፈጠረችው ጣጣና በእስላሞች ተጽዕኖ ወደ ደቡብ አካባቢ ያለው ነዋሪ አንድም ሃይማኖቱን ክዷል: ወይም በባዕድ አምልኮ ተጠምዷል::

፪. ደግሞ በዛግዌ ነገሥታት ጥረት ክርስትናና ምናኔ ተነቃቅቶ ነበር::

- ግማሹ ሃገር በጨለመበት ወቅት የደረሱት  ሐዲስ ሐዋርያ አባ ተክለ ሃይማኖት በወጣት ጉልበታቸውና በኃይለ መንፈስ ቅዱስ ብዙ ቦታዎችን አደረሱ:: ሕዝቡን: መሣፍንቱን ወደ ሃይማኖት መልሰው: ማርያኖችን [ ጠንቁዋዮችን ] አጥፍተዋል::

†  ገዳማዊ ሕይወት   †

- ቅዱስ ተክለ ሃይማኖት በወንጌል ብርሃን ኢትዮዽያን ከማብራታቸው ባለፈ ገዳማዊ ሕይወትንም አስፋፍተዋል:: እርሳቸው ከሁሉ የተሻሉ ሳሉም በ ፫ ገዳማት በረድዕነት አገልግለዋል::

- እነዚህም በአቡነ በጸሎተ ሚካኤል ገዳም ለ፲፪ ዓመታት: በአቡነ ኢየሱስ ሞዐ ዘሐይቅ ገዳም ለ ፯ ዓመታት: በደብረ ዳሞ ከአቡነ ዮሐኒ  ጋር ለ ፯ ዓመታት: በአጠቃላይ ለ፳፮ ዓመታት አገልግለዋል::

- በአቡነ ኢየሱስ ሞዐ ከመነኮሱ በኋላም ወደ ምድረ ሽዋ ዞረሬ ተመልሰው በአንዲት በዓት ውስጥ ለ ፳፪ ዓመታት ቆመው ጸልየዋል:: በተሰበረ እግራቸውም ፮ ጦሮችን በግራና በቀኝ ተክለው ለ ፯ ዓመታት ጸልየዋል::

†  ስድስት ክንፍ   †

- ኢትዮዽያዊው ጻድቅና ሐዋርያ ቅዱስ ተክለ ሃይማኖት ከኢትዮዽያ ወደ ኢየሩሳሌም ተጉዘው ከቅዱሳት መካናት ተባርከዋል:: ጻድቁ ምድረ እሥራኤል  የገቡት በየመንገዱ መንፈሳዊ ዘርን እየዘሩ: እያስተማሩና እያሳመኑ ነበር::

- የወቅቱ ሊቀ ዻዻሳት አባ ሚካኤል  ጋርም ተገናኝተው ቡራኬን ተሰጣጥተዋል:: ዋናው ጉዳይ ግን ከዚህ በኋላ ነው:: ጻድቁ እመቤታችንና ጌታችን ከጽንሰታቸው እስከ ዕርገታቸው የረገጧቸውን ቦታዎች ሲመለከቱ በፍጹም ተደሞ እንባቸው ይፈስ ነበር::

- ምክንያቱም እግዚአብሔር ስላበቃቸው ተክለ ሃይማኖት የሚያዩት ቦታውን አልነበረም:: በገሃድ :-

- በቤተ መቅደስ ብስራቱን
- በቤተ ልሔም ልደቱን
- በቤተ ዮሴፍ ግዝረቱን
- በፈለገ ዮርዳኖስ ጥምቀቱን
- በቤተ አልዓዛር ተአምራቱን ይመለከቱ ነበር::

- የጉብኝታቸው የመጨረሻ ክፍል ወደሆነው  ቀራንዮ ደርሰው ጌታቸውን እንደ ተሰቀለ ሆኖ ቢመለከቱት ከዓይናቸው ይፈስ የነበረው ቁጡ እንባ መልኩን ቀየረና ዓይናቸው ጠፋ:: በዚያች ቅጽበት ስም አጠራሯ የከበረ  እመቤታችን ድንግል ማርያም ፈጥና ደርሳ ጻድቁን ወደሰማይ አሳረገቻቸው::

†  በዚያም :-

- የብርሃን ዐይን ተቀብለው
- ፮ ክንፍ አብቅለው
- የወርቅ ካባ ላንቃ ለብሰው
- ማዕጠንተ ወርቁን ይዘው
- ከ፳፬ቱ ካህናተ ሰማይም ተደምረው
- ሥላሴን በአንድነቱና ሦስትነቱ ተመልክተው
- "ስብሐት ወክብር ለሥሉስ ቅዱስ ይደሉ" ብለው መንበረ ጸባኦትን አጥነው ወደ መሬት ተመልሰዋል::

†  ተአምራት   †

- የጻድቁ ተአምራት እንደ ሰማይ ከዋክብት የበዛ ነው::

- ሙት አንስተዋል
- ድውያንን ፈውሰዋል
- አጋንንትን አሳደዋል
- እሳትን ጨብጠዋል
- በክንፍ በረዋል
- ደመናን ዙፋን አድርገዋል::

- ብዙ ደቀ መዛሙርትን አፍርተው ደብረ ሊባኖስን መሥርተዋል:: በዚያም ሴትና ወንድ መነኮሳት እንደ ሕጻናት አብረው ኑረዋል:: በዘመናቸው ሰይጣን ታሥሯልና::

†   ዕረፍት    †

- ጻድቅ: ሰማዕትና ሐዋርያ አቡነ ተክለ ሃይማኖት ብርሃን ሆነው መከራን በብዙ ተቀብለው: አእላፍ ፍሬን አፍርተው: በተወለዱ በ፺፱ [99] ዓመት: ከ ፰ [8] ወር: ከ ፩ [1] ቀናቸው ነሐሴ ፳፬ [24] , በ፲፻፫፮ [1306] [1296] ዓ/ም ዐርፈዋል:: ጌታ: ድንግል ማርያምና ቅዱሳን ከሰማይ ወርደው ተቀብለዋቸዋል:: ፲ ትውልድ የሚያስምር ቃል ኪዳንም ተቀብለዋል::

† የጻድቁ አባታችን ቅዱስ ተክለ ሃይማኖት የቅድስናና የክብር ስሞች :-

፩. ተክለ አብ: ተክለ ወልድ: ተክለ መንፈስ ቅዱስ
፪. ፍስሐ ፅዮን
፫. ሐዲስ ሐዋርያ
፬. መምሕረ ትሩፋት
፭. ካህነ ሠማይ
፮. ምድራዊ መልዐክ
፯. እለ ስድስቱ ክነፊሁ [ባለስድስት ክንፍ]
፰. ጻድቅ ገዳማዊ
፱. ትሩፈ ምግባር
፲. ሰማዕት
፲፩. የኢትዮዽያ መነኮሳት አለቃ
፲፪. ፀሐይ ዘበፀጋ
፲፫. የኢትዮዽያ ብርሃኑዋ
፲፬. ብእሴ እግዚአብሔር [የእግዚአብሔር ሰው]
፲፭. መናኒ
፲፮. ኤዺስ ቆዾስ [እጨጌ]

እነዚህ የአባታችን ስሞች እንደዘመኑ ሰው ለመሞጋገስ የወጡ ሳይሆኑ ሁሉም በትክክል ሥራዎቹንና ለቤተ ክርስቲያን የሆነላትን የሚያዘክሩ ናቸው:

🕊  †  ቅዱስ አግናጥዮስ  †  🕊

ይህ ቅዱስ ሰው ከመንፈስ ቅዱስ ጸጋ የጠገበ በመሆኑ በመላው ዓለም ዝነኛ ነው:: እርሱ :-

- በክርስቶስ እጅ ተባርኩዋል
- ፈጣሪውን ፊት ለፊት አይቷል
- ሐዋርያትን አገልግሏል
- ከምሥጢር አባት ከዮሐንስ ወንጌላዊ እግር ተምሯል
- ስለ ክርስትና ለአንበሶች ተጥሎ በመገደሉ "ምጥው ለአንበሳ" ይባላል::

- ቅዱስ አግናጥዮስ የተወለደው በክርስቶስ አምላካችን መዋዕለ ስብከት [በ፴ ዓ/ም አካባቢ] እንደ ሆነ ይታመናል:: በትውፊትም በማቴ.፲፰፥፩] ላይ ያለው ሕጻን እርሱ ነው ይባላል::

- ሐዋርያት ከመካከላቸው ማን እንደሚበልጥ ሲጠይቁት አንድ ሕጻንን [ አግናጥዮስን ] ከመሃል አቁሞ "ካልተመለሳችሁ: እንደዚህም ሕጻን ካልሆናችሁ ከቶውንም ወደ እግዚአብሔር መንግስት አትገቡም" ብሏቸዋል::

- ከጌታ ዕርገት በሁዋላም ሐዋርያት ለወንጌል ሲፋጠኑ ሕጻኑ ቅዱስ አግናጥዮስ እየተከተለ አገልግሏል: ተምሯል:: ኢየሩሳሌም በጥጦስ አስባስያኖስ ቄሣር በጠፋችበት ዓመት [በ፸ ዓ/ም] ቅዱሱ የአንጾኪያ ሊቀ ዻዻሳት ሆኖ ተሹሟል::

- ከዚህ በሁዋላም ለ ፪ እና ፫ አሠርት ዓመታት ከወንጌላዊ ዮሐንስ ጋር አብሮ ወንጌልን ሰብኩዋል:: የዚህ ቅዱስ ተጋድሎ ጫፍ የደረሰው ከ ፻ ዓ/ም በሁዋላ ሁሉም ሐዋርያት ሰማዕት በመሆናቸውና ትልቁን ኃላፊነት እርሱ በመሸከሙ ነው:: የወቅቷን ቤተ ክርስቲያን ከቅዱሳኑ ቀሌምንጦስ ዘሮምና ፖሊካርፐስ ዘሰርምኔስ ጋር ሆኖ እስከ ደም ጠብታ ጠብቁዋል::

- ከዚህ በሁዋላ ቅዱስ አግናጥዮስ ለዘመናት ወንጌልን እየሰበከ በሕይወቱና በትምሕርቱ አስተማረ:: ብዙ መልእክቶችን [ ድርሳናትንም ] ጻፈ:: በመጨረሻው ግን በጠራብሎስ ቄሣር ተይዞ: በብረት ሰንሰለት ታስሮ: ከአንጾኪያ [ ሶርያ ] ወደ ሮም [ ጣልያን ] ተወሰደ::

- ደሙ እስኪፈስም ገረፉት:: ዛሬ በሮም ከተማ ግማሽ አካሉ ፈርሶ በሚታየው ስታዲየም [ በአባቶቻችን አጠራር ተያጥሮን ] እንዲገደል ተወሰነበት:: በወቅቱ ባደረገው ንግግርም ቄሣሩና ሕዝቡ ድፍረቱን አደነቁ:: በመጨረሻም ለአንበሳ እንዲሰጥ ተደርጐ በዚህች ቀን ሰማዕት ሆነ::

🕊  †  ቅድስት አስቴር   †   🕊 

- ይህቺ ቅድስት እናት :-

- እሥራኤል በባቢሎን ምርኮ ሳሉ የነበረች
- አባቷ አሚናዳብ ባለ መኖሩ በአጐቷ መርዶክዮስ እጅ ያደገች
- እጅግ ውብ በመሆኗ የአርጤክስስ ሚስት [ ንግሥት ] ለመሆን የበቃች
- ራሷን መስዋዕት አድርጋ ወገኖቿን አይሁድን ከሞት ያተረፈች
- ለመርዶክዮስ ክብርን: ለአማሌቃዊው ሐማ ደግሞ ስቅላትን ያስፈረደች እና
- እግዚአብሔር ሞገስ የሆናት እናት ናት::
- ዛሬ ዕረፍቷ ነው::

አምላከ ቅዱሳን ወዳጆቹን ባጸናበት ቅዱስ መንፈሱ እኛንም ያጽናን:: ከበረከታቸውም ይክፈለን::

🕊

[   † ታሕሳስ ፳፬ [ 24 ] ቀን የሚከበሩ ዓመታዊ የቅዱሳን በዓላት   ]

፩. ቅዱስ አቡነ ተክለ ሃይማኖት
፪. ቅዱሳን ጸጋ ዘአብና እግዚእ ኃረያ
፫. ቅዱስ አግናጥዮስ ሐዋርያ
፬. ቅድስት አስቴር
፭. አባ ፊሎንጐስ ሊቀ ዻዻሳት
፮. አባ ዻውሊ ጻድቅ
፯. ጻድቃን ቅዱሳን ዘከዲህ

[   † ወርኀዊ በዓላት   ]

፩. ቅዱስ ቶማስ ዘመርዐስ
፪. አቡነ ዘዮሐንስ ጻድቅ ዘክብራን
፫. ቅዱስ አጋቢጦስ [ ጻድቅ ኤዺስቆዾስ ]
፬. ቅዱስ አብላርዮስ ታላቁ
፭. ፳፬ "24ቱ" ካኅናተ ሰማይ [ ሱራፌል ]
፮. ቅዱስ አባ ሙሴ ጸሊም [ ኢትዮዽያዊ ]
፯. ቅድስት ክርስቶስ ሠምራ

" ንግሥቲቱም አስቴር መልሳ:- 'ንጉሥ ሆይ ! በአንተ ዘንድ ሞገስን አግኝቼ እንደ ሆነ: ንጉሡንም ደስ ቢያሰኘው: ሕይወቴ በልመናዬ: ሕዝቤም በመሻቴ ይሰጠኝ:: እኔና ሕዝቤ ለመጥፋትና ለመገደል: ለመደምሰስም ተሸጠናልና::" [አስቴር.፯፥፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]


         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

✍️ እንኳን አደረሰን አደረሳችሁ።

🤲🤲 የልደት (የገናን) በዐል ስጦታችንን ለገጠሪቷ ቤተክርስቲያን ለተአምራዊቷ ለጎፎሬዋ በኣታ ለማርያም ሁላችንም የኦርቶዶክስ ተዋሕዶ ልጆች እናበርክት 🤲 🤲

❤ በኢትዮጵያ ኦርቶዶክስ ተዋሕዶ ቤተክርስቲያን በከምባታ ጠምባሮና አላባ ሀገረ ስብከት በጠምባሮ ልዩ ወረዳ የሚትገኘው የጎፎሬ ደብረ መንክራት በዓታ ለማርያም ቤተክርስቲያን አሁን ያለው ቤተመቅደስ ዝናብ በማፍሰስና ሌሎችም ችግሮች ይገኙበታል ይህንንም ችግር ለመቅረፍ  ሁላችንም የምንችለውን እንድናበረክት በበኣታ ለማርያም ስም እንጠይቃለን!!

❤ እኔም ለበኣታ ለማርያም አለሁ ከ200 ብር ጀምሮ ለገጠሪቱ ቤተክርስቲያን ሁላችንም እንሳተፍ የእመቤታችንን ቤት እንስራ!!

❤«አሁንም እንሆ እግዚአብሔር ለመቅደስ የሚሆን ቤትን ትሠራ ዘንድ መርጦሃልና ፥ ጠንክረህ ፈጽመው ።»
መጽሐፈ ዜና መዋዕል ቀዳማዊ 28 ፥10


ህዝበ ክርስቲያን ከበረከቱ ተሳተፉ
የህንፃ አሳሪ ኮሚቴ የባንክ አካውንት ቁጥር፦
1, #የኢትዮጵያ_ንግድ_ባንክ፦ #1000624326281 የጎፎሬ ደብረ መንክራት በዓታ ለማርያም ህንፃ አሠሪ (Gofere D/M/B/Mariam B/k Hintsa Ase)

2, #ዓባይ_ባንክ፦ #3621111079916110 (አጭር ቁጥር 10799161) የጎፎሬ ደብረ መንክራት በአታ ለማርያም ህንፃ አሰሪ ኮሚቴ (Gofere/B/K/Hin/Aseri Comite)

👉 #ለበለጠ_መረጃ፦
የህንጻ አሰሪ ኮሚቴ ሰብሳቢ ዲያቆን ደግነት፦ #0933055802፣ #0911414852።

                         †                                    

[  † የታኅሣሥ ቅዱስ ገብርኤል ሥርዓተ ማኅሌት   ]

🕊


ሥርዓተ ማኅሌት አመ ፲ወ፱ ለታኅሣሥ ቅዱስ ገብርኤል

🟢             🟡            🔴

†                       †                        †
💖                    🕊                     💖

❤ "በስመ አብ  ወወልድ ወመንፈስ ቅዱስ አሐዱ አምላክ አሜን"። ❤

         ❤ #ታኅሣሥ ፲፰ (18) ቀን።

❤ እንኳን #ለኢትዮጽያ_ለመጀመርያ_ሊቀ_ጳጳስ #ለአቡነ_ፍሬምናጦስ (ለአባ ሰላማ ከሣቴ ብርሃን) በእስክድርያ ሃያኛ ሊቀ ጳጳስ #በአባ_አትናቴዎስ እጅ #በ330 ዓ.ም ጵጵስና ለተሾሙበት ቀን ዓመታዊ መታሰቢያ በዓል እግዚአብሔር አምላክ በሰላምና በጤና አደረሰን።


                           ✝️ ✝️ ✝️
❤ #አቡነ_ሰላማ_ከሣቴ_ብርሃን፡- ቅዱስ አባታችን አቡነ ሰላማ ከሣቴ ብርሃን ከጌታችን ከኢየሱስ ክርስቶስ ልደት በኋላ በ245 ዓ.ም በቅድስት ሀገር ኢየሩሳሌም ኅዳር 26 ቀን ሲወለዱ ታላቅ ብርሃን ከሰማይ ወርዶ ለ7 ቀናት አብርቷል፡፡ ቅዱሳን መላእክትም ወደ ምድር ወርደው ጻደቁ በመወለዳቸው ታላቅ ደስታን አድርገዋል፡፡ አባታችን በተወለዱ ጊዜ "ለአብ ስግለት ለወልድ ስግደት ለመንፈስ ቅዱስ ስግደት ይገባል፣ ከጨለማ ወደ ብርሃን ለአወጡኝ ቅድመ ዓለም ለነበሩ ዛሬም ላሉ ዓለምን አሳልፈው ለሚኖሩ ለአብ ለወልድ ለመንፈስ ቅዱስ ምስጋና ይገባል" ብለው ዳግመኛም "አሐዱ አብ ቅዱስ አሐዱ ወልድ ቅዱስ አሐዱ ውእቱ መንፈስ ቅዱስ" ብለው ፈጣሪያቸውን በአንድነት በሦስትነት አመስግነዋል፡፡ ቅዱስ አባታችን በሌላኛው ስማቸው ፍሬምናጦስ እየተባሉ ይጠራሉ፡፡ በ40 ቀናቸው ጌታ በተጠመቀበት በዮርዳኖስ ያጠመቋቸውና ስመ ክርስትና የሰጧቸው ሊቀ ጳጳስ "ይህ ሕፃን ለኢትዮጵያውን ሁሉ ብርሃን ይሆንላቸዋል" በማለት ትንቢት ተናግረዋል፡፡

❤ አቡነ ሰላማ በሊቀ ጳጳሱ በቅዱስ አትናቴዎስ በሚገባ ተምረው ካደጉ በኋላ በ257 ዓ.ም ከኢየሩሳሌም ወደ ኢትዮጵያ ስሙ ሜርጵዮስ ከሚባል ከአንድ ነጋዴ ጋር መጡ፡፡ ከእነሱም ጋር አድስዮስ የሚባል ልጅ ነበር፡፡ ወደ ሀገራችንም ሊመጡ የቻሉት እንዴት ነው? ቢሉ መጀመሪያ ለሰባት ወር በአንድ ሌላ አገር ኖረው ወደ ኢየሩሳሌም ሊመለሱ ሲሉ የበረሃ ሽፍቶች ሜርጵዮስንና ሌሎች መንገደኞችን ገደሏቸውና ሁለቱን ልጆች ማርከው ወስደው ስሙ አልአሜዳ ለሚባል ለአክሱም ንጉሥ ሰጡት፡፡ እርሱም አድስዮስን የቤተክርስቲያን የአልባሳትና የዕቃ ቤት ጠባቂ አድርጎ ሲሾመው ፍሬምናጦስን ደግሞ የቤተ ክርስቲያንና የሕግ ጠባቂ አደረገው-የቤተ ክርስቲያንን ሥርዓቷንና አገልግሎቷን ጠንቅቆ ያውቅ ነበርና፡፡ እርሱም በአክሱምም በተጋድሎና በትጋት ኖረ፡፡ ቅዳሜና እሁድ የዛፍ ቅጠሎችን ከመመገብ በቀር ሌላ ምግብ አይቀምስም ነበር፡፡ በየቀኑም አምስት ሺህ ስግደትን ይሰግድ ነበር፡፡ በእርሱም የተጋድሎ ዘመን ደጋግ የሆኑ ነገሥታት አብርሃና አጽብሓ ነገሡ፡፡ እነርሱም ሆኑ የኢትዮጵያ ሕዝብ ፍሬምናጦስን በጣም ይወዱት ነበር፡፡

❤ አንድ ቀን ፍሬምናጦስ የአክሱሙን ኤጲስ ቆጶስ ቅዱስ ሚናስን "ግዝረትና እምነት በእናንተ ዘንድ አለ ነገር ግን ጥምቀትና ሥጋ ወደሙ መቀበል በእናንተ ዘንድ የለም" አለው፡፡ ቅዱስ ሚናስም "ግዝረትንስ አባቶቻችን ሌዋውያን አመጡ፣ በክርስቶስ ማመንን ሕንደኬ የተባለች የኢትዮጵያ ንግሥት ጃንደረባ አመጣልን፡፡ ስለ ጥምቀትና ሥጋ ወደሙ ሐዋርያ ወደ እኛ አልተላከም ነገር ግን ያልከውን ሁሉ የሚያደርግልን የሚባርከንና የሚቀድሰን ጳጳስን ታመጣልን ዘንድ ሊቀ ጳጳሱ ወዳለበት ወደ እስክንድሪያ አገር አንተ ሂድ" አለው፡፡ ጥምቀትስ በጃንደረባው በኩል አገራችን ገብቶ ነበር ነገር ግን ገና ስላልተጠናከና ብዙ ሕዝብም አልተጠመቀም ነበርና አባታችን ፍሬምናጦስ አጠናክሮ ያልተጠመቀውን ሁሉ አጥምቆአል፡፡

❤ ፍሬምናጦስም ወደ እስክንድሪያ ለመሄድ አስቦ ሳለ እንደተኛ እመቤታችን ድንግል ማርያም ተገልጣለት "ዲቁናና ቅስናን መቀበል ይገባሃል፣ ለጵጵስና ተዘጋጅ፣ እግዚአብሔር ይህችን ከፍ ያለችውን ማዕረግ ሰጥተሃልና የልጄ ወዳጅ ሆይ በጸሎትህና በልመናህ በስብከትህም የኢትዮጵያ ሰዎች ሁሉ ይድናሉ፣ በእጅህ ጥምቀትንና ሥጋ ወደሙን ይቀበላሉ" አለችው፡፡ ጌታችንም እንዲሁ ተገልጦለት "ወደ ሊቀ ጳጳሳት ወደ አትናቴዎስ ሄደህ ከፍ ያችውን ማዕረግ ተቀብለህ የኢትዮጵያን ሰዎች አጥምቅልኝ፣ ነቢዩ ዳዊት ስለ እነርሱ "ኢትዮጵያ እጆቿን ወደ እግዚአብሔር ትዘረጋለች" ብሎ ተናግሯልና" አለው፡፡ ከዚህም በኋላ አቡነ ሰላማ ቅዱሳኑን ነገሥታት አብርሃንና አጽብሓን አግኝቶ ከእነርሱም ጋር ተማክሮ ወደ እስክንድሪያ ሄዶ በቅዱስ አትናቴዎስ እጅ በአገራችን ላይ የመጀመሪያው ሊቀ ጳጳስ ሆኖ ታኅሳስ 18 ቀን ተሾመ፡፡ ስሙንም ሰላማ ከሣቴ ብርሃን አለው፡፡ ሰላማ ማለት እግዚአብሔርንና ሰውን የሚያስታርቅ ማለት ነው፡፡ ከሣቴ ብርሃን ማለትም ሃይማኖትን ገልጦ የሚያስተምር ማለት ነው፡፡ ቅዱስ አትናቴዎስም ከሾመው በኋላ ታቦትና በጣም ብዙ ንዋያተ ቅድሳትንና መገልገያ ዕቃዎችን ሰጥቶ መርቆ በሰላም ወደ ኢትዮጵያ ላከው...፡፡ አቡነ ሰላማ ከሳቴ ብርሃን ረድኤትና በረከትን ያሳትፈን። ምንጭ፦ መዝገበ ቅዱሳን።   

@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=ZbWKwL

❤ "በስመ አብ  ወወልድ ወመንፈስ ቅዱስ አሐዱ አምላክ አሜን"። ❤

         ❤ #ታኅሣሥ ፲፰ (18) ቀን።

❤ እንኳን #ለሐዋርያው_ለቅዱስ_ቶማስ ለሥጋው ፍልሰት በዓልና ለሐዋርያው #ቅዱስ_ጳውሎስ_ደቀ_መዝሙር_ለቅዱስ_ቲቶ ሥጋው ከአቅራጥስ ከሚባል አገር ወደ ቊስጥንጥንያ ከተማ ለፈለሰበት ለመታሰቢያ በዓል እግዚአብሔር አምላክ በሰላምና በጤና አደረሰን። በተጨማሪ በዚች ቀን ከሚታሰቡ፦ #ከኢርቅና በሰማዕትነት ከሞተ በብሕትውና ከሚኖር #ከቀሲስ_ፊልሞና ከዕረፍታቸው መታሰቢያ፣ #የፍርክዮን_ከኢልኮዮስ_ከበሳንቅስ፣_ከዮናስ፣ ከባልጀሮቻቸው ሰማዕታትም ከመታሰቢያቸው፣ #ከአርሲስ_ከዳስያና_ከዲሞንም ከሥጋቸው ፍልሰት እግዚአብሔር አምላክ ረድኤትና በረከትን ያሳትፈን።


                             ✝ ✝ ✝
❤ በዚች ቀን #የሐዋርያ_ቅዱስ_ቶማስ_የሥጋው ፍልሰት መታሰቢያ ሆነ ከሥጋውም አስደናቂዎች የሆኑ ብዙ ተአምራት በተገለጡ ጊዜ ቤተ ክርስቲያን ሠሩለት ሥጋውንም በውስጧ አኖሩ። ለእግዚአብሔርም ምስጋና ይሁን እኛንም በሐዋርያው ቅዱስ ቶማስ በጸሎቱ ይማረን በከቱም ከእኛ ትኑር ለዘላለሙ አሜን። ምንጭ፦ የታኅሣሥ 18 ስንክሳር።
                                                     
                          
                           ✝ ✝ ✝
❤ #የቅዱስ_ቲቶ_የሥጋ_ፍልሰት ወደ #ቊስጥንጥንያ_ከተማ፦ ይህም እንዲህ ነው ታላቁ ጻድቅ ቈስጠንጢኖስ በእግዚአብሔር ፈቃድ በነገሠ ጊዜ ስለ አብያተ ክርስቲያናት ሥራ አስቦ በሚገዛቸው አገሮቹ ሁሉ ሠርቶ በመልካም ጌጥ አስጌጣቸው በዕንቊዎችና በከበሩ ደንጊያዎችም ይልቁንም በቊስጥንጥንያ ከተማ እርሷ መናገሻ ከተማው ናትና። የሐዋርያትንም ሥጋቸውን ከሁሉ ቦታ ከከበሩ ሰማዕታትም ብዙውን ሰበሰበ ስለ ሐዋርያው ቅዱስ ቲቶ ሥጋ አቅራጥስ በሚባል አገር እንዳለ በሰማ ጊዜ የካህናትን አለቆች ከብዙ ገንዘብ ጋር ላካቸው እነርሱም የቅዱስ ቲቶን ሥጋ በታላቅ ክብር ተሸክመው ወደ ቊስጥንጥንያ  ከተማ አደረሱት ንጉሡም ያማረች ቤተ ክርስቲያንን ሠራለት ሥጋውንም ከከበረ ደንጊያ በተሠራ ሣጥን ውስጥ አኖረ።

❤ እግዚአብሔርም ታላላቅ አስደናቂዎች ተአምራትን ከሥጋው ገለጠ ከዕብነ በረድ የተሠራ ሥጋው ያለበትን ሣጥን በተሸከሙ ጊዜ ከአንድ ሰው ላይ ወድቆ እግሩን ቀጥቅጦ ሰበረው እርሱም ከቅዱስ ቲቶ ሥዕል ፊት ካለው የመብራት ቅባት የተሰበረ እግሩን ቀብቶ ሲያመው እየጮኸ አሠረው። ወደ ቤቱም መሔድ ባልቻለው ጊዜ የቅዱስ ቲቶ ሥጋ ሣጥን በአለበት በዚያ አደረ። በማግሥቱም አይቶ በውስጡ መድኃኒት ሊያደርግ እግሩን በፈታው ጊዜ ከቶ ምንም ምን ሕማም እንዳላገኘው እንደሁለተኛው ደኅና ሁኖ አገኘው ግን የደም ፍለጋ ምልክት አለ ይህን ድንቅ ሥራ ያዩ እጅግ አደነቁ እግዚአብሔርንም አመሰገኑት እርሱም የዳነው ፈጽሞ እያመሰገነ ወደ ቤቱ ገባ።  ለእግዚአብሔርም ምስጋና ይሁን እኛንም በሐዋርያው ቅዱስ ቲቶ ጸሎት ይማረን በረከቱም ከእኛ ጋር ትኑር ለዘላለሙ አሜን።


                           ✝ ✝ ✝
❤ "#ሰላም_እብል_ለፍልሰተ_ሥጋሁ_በዘምሮ። #ለረድአ_ጳውሎስ_ቲቶ_እግዚአብሔር_እንተ አፍቀሮ። ሣፁነ ሥጋሁ ዘዕብን አመ ለብእሲ ሰበሮ። ረከበ ፈውስ ወጥዒና ከመ መንፈስ ቅዱስ አምከሮ። እምቅብዐ ማኅቶት ዘገጸ ሥዕሉ ሶበ ቀብዐ እግሮ"። #ሊቁ_አርከ_ሥሉስ (አርኬ) #የታኅሣሥ_18።

                             ✝ ✝ ✝
❤ #የዕለቱ_ምስባክ፦ "አልቦ ነገር ወአልቦ ነቢብ ዘኢተሰምዐ ቃሎሙ። ውስተ ኵሉ ምድር ወፅአ ነገሮሙ። ወእስከ አፅናፈ ዓለም በጽሐ ነቢቦሙ"። መዝ 18፥3-4። የሚነበቡት መልዕክታት  2ኛ ቆሮ 7፥13-ፍ.ም፣ 1ኛ ይሁ 1፥17-ፍ.ም እና የሐዋ ሥራ 5፥12-17። የሚነበበው ወንጌል ዮሐ 11፥9-17። የቅዱሳን ሐዋርያት ቅዳሴ ነው። መልካም የአቡነ ሰላማ ከሣቴ ብርሃን የሲመት በዓልና የሐዋራዊው ቅዱስ ቶማስና የቅዱስ ቲቶ የሥጋ ፍልሰት በዓልና የነቢያት (የገና) የጾም ጊዜ ለሁላችንም ይሁንልን።


@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=ZbWKwL

💛
▬▬▬▬▬▬▬▬▬▬▬▬▬

🕊       [   ምክረ ቅዱሳን   ]        🕊


▷     "  የ ን ጽ ህ ና ሕ ይ ወ ት ! "


[  💖   አቡነ ሺኖዳ ሳልሳዊ   💖 ] 

[                        🕊                        ]
-------------------------------------------------

❝  ወዳጆች ሆይ ፥ አሁን የእግዚአብሔር ልጆች ነን ፥ ምንም እንደምንሆን ገና አልተገለጠም። ዳሩ ግን ቢገለጥ እርሱ እንዳለ እናየዋለንና እርሱን እንድንመስል እናውቃለን።

በእርሱም ይህን ተስፋ የሚያደርግ ሁሉ እርሱ ንጹሕ እንደ ሆነ ራሱን ያነጻል። ❞

[  ፩ዮሐ . ፫ ፥ ፪  ]


🕊                       💖                     🕊

                       †                        

🕊  አስደናቂው የልደት ምስጢር  🕊 

💖

[  የአዳኛችንን በሥጋ መወለድ በተመለከተ በልደቱ ውስጥ ያለው አስደናቂ እና ጥልቅ መገለጥ  ]

💖                     🕊                     💖

❝ ክብር በአርያም ፤ ሰላም በምድር ፤ ለአዳም ተስፋና ውዳሴ በኹሉም ስፍራ !

መላእክት ተደነቁ ጉባኤዎችም በደስታ አሰምተው ተናገሩ ሥልጣናትም እንዲኹ ፤ ክፍላተ ሰራዊት አመሰገኑ ሰልፈኞችም ተንቀጠቀጡ ፤ እናም ወደ ምድር ወረዱ ፤ ሕያዋን እሳታሞች በድምቀት አበሩ ፤ ረቂቃን ሕያዋንም እስትንፋስን አወጡ ፤ መዘምራንም ተሰበሰቡ ፤ ሺዎች ከአእላፍ ጋር በታላቅ ድምፅ አመሰገኑ በረሓማው ምድር ከሰማያውያን ሰራዊት ጋር አስተጋባ፡፡

የመላእክት ውበትም በግርማው በሌሊት ወጣ ፤ የእሳት ብልጭታዎች እየተጠማዘዙ ምድርን ከበቡ ፤ የብርሃን ፍንጣቂዎችም ተቀጣጠሉ እና ጨለማው ተገፈፈ ፤ የእሳት ክንፎች ተዘረጉ ምሽቶችም ጠፉ የሰማይ ሕያዋን ወደታች ወረዱ በምድርም ላይ ተመላለሱና ሰማይ አደረጉት፡፡

ዳርቻዎች ለገናንነት ንጉሥ የምስጋናን ዘውድ አዘጋጁ ፤ አንዱ ከሰማይ ሌላኛውም ከምድር ለርሱ ተበረከቱ ፤ የሰማይ እና የምድር ሕያዋን አንዱ ከሌላው ጋር ተቀላቀሉ እና ብቻውን የኹሉ ጌታ ለኾነው የምስጋናን ዘውድ አበጁ [ ጠለፉ ]፡፡ ለሰዎች ያበሥሩ ዘንድ መላእክት ወረዱ፡፡

እንዲኽ ባበራው በወልድ አማካይነት ከምድር ወደ ሰማይ ይሸጋገራሉና ፤ አንዱ ወገን ከሌላኛው ጋር ተያያዘ እና ምስጋና አስተጋባ። መላእክት እና ሰዎች በተለያየ ድምፅ በዚያ አመሰገኑ ፤ ከገብርኤል ቤት የኾኑት ከአዳም ቤት ለኾኑት ድምፅን ሰደዱ ፤ በሰማያውያን ሕያዋን ምስጋና [ ውዳሴ ] ይቀሰቀሱ ዘንድ፡፡

የነገደ ሚካኤል መዘምራን በጣፋጭ ዜማ ተጣሩ ፤ የሰው ዘርም ይሰማ እና የእነርሱን ዝማሬ ይማር ዘንድ ፤ የኪሩቤል ድምፅ በታላቅ መናወጥ አስተጋባ።  የተዘጉ አንደበቶችን ለምስጋና ያነሣሣ ዘንድ ፤ እንደ መለከትም ያንን የሱራፌልን “ቅዱስ ፤ ቅዱስ ፤ ቅዱስ” አሰማ ፤ ያመሰግኑ ዘንድ ሰዎችን ለመቀስቀስ ፤ ከፈጣኖቹ ሠረገላዎች ነጐድጓድ ወጣ እና ምድሪቱን ነቀነቃት ተናውጣ እንድትነሣ ፤ ጌታዋ መጥቷልና በምስጋና እንድትዘምርም ሰማያውያን ሕያዋን በበገኖቻቸው የዝማሬያቸውን ዜማ አሰሙ።

ክብር በአርያም ፤ ለምድር ሰላም ፤ ተስፋም ለአዳም፡፡ በላይ በሰማይ የክብር ዘውድ ለሰማያት ጌታ እና በታች በምድር ላይ ለሰዎች በጎ ፈቃድ፡፡ እረኞቹ እና መንጎቻቸው በሰሙት መልካም ዜና ደስ አላቸው ፤ አጥብቀው አመኑ ፣ ክብርንም ሰጡ ፣ እንዲኹም ስጦታዎችን ተሸክመው አመጡ። ❞

[  🕊 ቅዱስ ያዕቆብ ዘስሩግ  🕊 ]

💖                     🕊                     💖

❝ ከዳዊት ሥር የተገኘሽ ባሕርይ ዘር አንቺ ነሽ መድኃኒታችን ኢየሱስ ክርስቶስን በሥጋ ወልደሽልናልና ከአብ የተወለደ ከዓለም በፊት የነበረ አንዱ ቃል ራሱን [ ባሕርይውን ] ሠወረ ካንቺም የተገዢን [ የሰውን ] አርአያ ነሣ ቅድስት ሆይ ለምኝልን፡፡ " [ የቅዳሜ ውዳሴ ማርያም ]

†                       †                        †
💖                    🕊                     💖

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[ ቅዱስ መቃርዮስ ካስተማረው ትምህርት ]

[               ክፍል  ስድሳ ሁለት               ]

                         🕊  

[ ስለ ነፍስና ንስሐ ያስተማረው  ትምህርት ! ]

🕊

❝  አንድ እኁ [ ወንድም ] ፦  “ዘይኄድሳ ከመ ንሥር ለውርዙትከ - ጎልማስነትህን እንደ ንሥር ያድሳል።" ስለሚለው ቃል ጠየቀው፡፡

አባ መቃርዮስም እንዲህ አለው ፦ “ወርቅ በእሳት ውስጥ ቢገባና ቢያፍሙት አዲስና የበለጠ ጽሩይ ይሆናል፡፡ በነፍስም እንዲሁ ነው ፤ በመልካም ምግባር ሕይወት የምትኖር ከሆነችና ከክርስትና ጉድለቶች ሁሉ የነጻች ከሆነች እየታደሰች ትሄዳለች ወደ ላይ ወደ ከፍታም ትወጣለች፡፡”

ያ እኁም ፦ “አባቴ ሆይ ፣ ይህ ወደ ላይ ወደ ከፍታዎች መውጣት ምንድን ነው?” ብሎ ጠየቀው፡፡ አባ መቃርዮስም እንዲህ አለው ፦ “ንሥር ወደ አየር ከፍታ በርሮ ከወጣ ከአዳኞች ወጥመድ ያመልጣል፡፡ ነገር ግን ተመልሶ ወደ መሬት ቢመጣ በአዳኞች ወጥመድ ላይ ይወድቃል፡፡ በነፍስም እንዲሁ ነው ፣ ግዴለሽ ከሆነችና ከቅድስና ሕይወት ከፍታ ከወረደች በመንፈሳዊው አዳኝ ወጥመድ ትወድቃለች፡፡”

አባ መቃርዮስ እንደ ገናም እንዲህ አለ ፦ “በእርሱ ታርፍ ዘንድና ከማንኛውም ነውርና ከዝገት ሁሉ ያነጻት ዘንድ ፣ ከክፉ አራዊት ይጠብቃት ዘንድ ጌታ እግዚአብሔርን የማትማጸንና ደጅ የማትጸና ነፍስ ወዮላት፡፡

ክፉ አራዊትም በትናንሽ ፍጥረታትና ማታ ውር ውር በሚሉ በትንኞች መልክ የሚገለጡ የክፉው መንፈሶች ናቸው:: እነዚህ ውር ውር የሚሉ ነፍሳት የሚነድ እሳት ወይም መብራት በርቀት ካዩ ወደ እርሱ እየበረሩ መጥተው በነበልባሉ ገብተው ይቃጠላሉ፡፡ በሁሉም ነገር በራሱ ሃሳብና ምርጫ ብቻ የሚጓዝና የሚታመን ሰውም እንዲሁ ነው ፣ ይህ ሰው በመጨረሻ የሚገኘው በዘለዓለማዊ እሳት ውስጥ ነው፡፡”

አባ መቃርዮስ አሁንም እንዲህ አለ ፦ "በአንድ ሌሊት እንዳበበችውና ፍሬም እንዳፈራችው የአሮን በትር በተጋድሎ የጸና ሰው ነፍስም እንዲሁ ናት ፤ ጌታ ወደ እርሷ ሲመጣ በክርስቶስ በሆነው ገንዘብ መንፈሳዊ አበባዎችን ታወጣለች ፣ የመንፈስ ፍሬዎችንም ታፈራለች ፣ እነዚህን አበባዎችና ፍሬዎችም ለፈጠራቸውና ለቸሩ ንጉሥ ለክርስቶስ ትሰጣለች፡፡ ❞

🕊

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

                       †                       

  [  🕊  ድምፀ ተዋሕዶ   🕊  ]  

🍒▬▬▬▬▬▬▬▬▬▬🍒               

[  ሕይወት የሚገኝባቸው የቅድስት ቤተክርስቲያን መንፈሳዊ ትምህርቶች በሊቃውንተ ቤተክርስቲያን በድምፅ ይቀርባሉ።  ]

[   ሳምንታዊ መርሐ-ግብር   ]

🕊             
             
❝ የእግዚአብሔር ሕግ ፍጹም ነው ፤ ነፍስን ይመልሳል ፤ የእግዚአብሔር ምስክር የታመነ ነው ፤ ሕፃናትን ጠቢባን ያደርጋል።

የእግዚአብሔር ሥርዓት ቅን ነው ፥ ልብንም ደስ ያሰኛል ፤ የእግዚአብሔር ትእዛዝ ብሩህ ነው ፥ ዓይንንም ያበራል። ❞

[ መዝ . ፲፱ ፥ ፯  ]

▬▬▬▬▬▬   †    ▬▬▬▬▬▬

[  ❝ የእግዚአብሔር ሕግ ፍጹም ነው ! ❞  ]

               [   ክፍል - ፴፰ -    ]

          💖   ድንቅ ትምህርት  💖

[ በመምህራችን በቀሲስ ኅብረት የሺጥላ ]

❝ የሚሰማኝ ግን በእርጋታ ይቀመጣል ፥ ከመከራም ሥጋት ያርፋል። ❞ [ ምሳ.፩፥፴፫ ]

         †              †               †
▬▬▬▬ ▬▬▬▬▬ ▬▬▬▬
                        👇

                          †                          

❝ ወደ ኦርቶዶክስ መመለስ ! ❞ 

🕊 

በጃን ማዕተብ የተሰናዳውን "ወደ ኦርቶዶክስ መመለስ" የተሰኘውን ዘጋቢ ፊልም በጃንደረባው ሚድያ አሁን መመልከት ይችላሉ::

ኦርቶዶክስ ማለት ርትዕት የቀናች ማለት እንደመሆኑ ወደ ኦርቶዶክስ መመለስ ማለት "ወደ ርትዕት ሃይማኖት መመለስ" ማለት ነው::

በዚህ ዘለግ ያለ ፊልም ላይ ወደ እናት ቤተ ክርስቲያን የተመለሱ ልጆች " ለምን ሔዱ ? ለምን መጡ ? እንዴት እንመናቸው ? " የሚሉ አንገብጋቢ ጥያቄዎችና በአጠቃላይ ተቅዋማዊ ዕቅበተ እምነት ላይ ዝርዝር መረጃዎች ቀርበዋል::

ስለ ቅድስት ቤተ ክርስቲያን አገልግሎት የምትጨነቁ የሚመለሱ ሰዎችም አመላለሳቸው ምን መምሰል እንዳለበት የሚገዳችሁ ሁሉ ይህንን ዘለግ ያለ ዘጋቢ ፊልም በትዕግሥት ተመልከቱ::

[ https://youtu.be/HqyhPq_Jf-g ]

[ ከጃንደረባው ገጽ ላይ የቀረበ ]


💖                     🕊                    💖

▬▬▬▬▬▬   †    ▬▬▬▬▬▬

❝ ይህች ዕለት የተቀደች ናት  ❞ 

🕊  💖                 💖  🕊

❝  ዛቲ ዕለት ቅድስት ይእቲ ለውሉደ  ሰብእ  መድኀኒት ...

ይህች ዕለት የተቀደች ናት ። ለሰው ልጆችም  መድሃኒት ናት።በየጊዜውና በየሰአቱ መሪ ትሁነን። እግዚአብሔር ሰንበትን ቀደሰ።

ሁልጊዜ መሀሪ ሰውን ወዳጅ ክርስቶስ የዓለም ንጉሥ ሕዝቡን እንዲህ ብሎ አዘዛቸው ሰንበትን በእውነት አክብሩ። መዋደድን ገንዘብ አድርጉ። ሰንበትን አክብሩ ጽድቅንም ስሩ። ነቀዝ የማይበላውን የማያረጀውን የማይጠፋውን ሰማያዊ መዝገብ [ሃብት] አከማቹ። ❞

[    ቅዱስ ያሬድ    ]


❝ እግዚአብሔር ለድሀ ዳኝነትን ለችግረኛም ፍርድን እንዲያደርግ አወቅሁ። ❞ [ መዝ.፻፬፥፲፪ ]


  🕊   ክብርት ሰንበት  🕊


💖                     🕊                    💖

❤ "በስመ አብ ወወልድ ወመንፈስ ቅዱስ አሐዱ አምላክ አሜን"። ❤

           ❤ #ኅዳር ፳፪ (22) ቀን።

❤ እንኳን በንጉሥ ዲዮቅልጥያኖስ እጅ ሰማዕትነት ለተቀበሉ በድዮማ ከተማ አረምያ ከምትባል አገር ለሆኑ #ለቅዱሳን_ለቆዝሞስና_ለድምያኖስ ለወንድሞቻቸው #ለአላድዮስ_ለአቢሞስ_ለአብራንዮስና ለእናታቸው #ለቅድስት_ቴውዳዳ_ለዕረፍታቸው_በዓል እግዚአብሔር አምላክ በሰላምና በጤና አደረሰን። በተጨማሪ በዚች ቀን ከሚታሰቡ፦ #ከቅዱስ_ቆዝሞስ ማኅበር #ሰማዕታት_ከሁለት_መቶ_ስልሳ_ሁለት ወንዶችን፣ #ከአርባ_ዘጠኝ_ሴቶችና_ከቀሌምንጦስ ዕረፍት እግዚአብሔር አምላክ ረድኤትና በረከትን ያሳትፈን።

                     

                            ✝ ✝ ✝
❤ #ቅዱሳን_ቆዝሞስና_ድምያኖስ ወንድሞቻቸው #አንቲቆስ_ዮንዲኖስና_አብራንዮስ እናታቸው #ቅድስት_ቴዌዳዳ፦ እሊህም ድዮማ ከምትባል ከተማ ስለ እግዚአብሔር ልጅ የታነፀች ግምብ ከአለችበት አረምያ ከምትባል አገር ናቸው። እናታቸውም ቴዌዳዳ እግዚአብሔርን የምትፈራና የምትራራ መጻተኞችንና ድኆችን የምትወዳቸው የምትረዳቸው ናት አባታቸውም ከሞተ በኋላ ልጆቿን እያስተማረች አሳደገቻቸው። እሊህም ሁለቱ ቆዝሞስና ድምያኖስ የሕክምና ጥበብን ተምረው በሽተኞችን ያለ ዋጋ የሚፈውሱአቸው ይልቁንም ድኆችን አብዝተው የሚረዷቸው ሆኑ። ወንድሞቻቸው ሦስቱ ግን ወደ ገዳም ሒደው መነኰሱ በጾምና በጸሎትም ተጠመዱ።

❤ ከአባ አጋግዮስ አደራ በአስጠበቀው በንጉሠ ቊዝ ልጅ ምክንያት ዲዮቅልጥያኖስ ክዶ የረከሱ ጣዖታትን በአመለከ ጊዜ በምዕመናን ላይ መከራ ሆነ ገንዘብ ወዳጅ አጋግዮስ ብዙ ወርቅን ተቀብሎ የንጉሠ ቊዝን ልጅ ወደ አባቱ ልኮታልና ከዚህም በኋላ የንጉሠ ቊዝን ልጅ ዲዮቅልጥያኖስ ዳግመኛ ከጦር ሜዳ አግኝቶ ማረከው እርሱንም ንጉሡን ልጅ ሠውሮ አባ አጋግዮስን ጠራው ያንንም አደራ የሰጠውን የንጉሠ ቊዝን ልጅ እንዲአመጣ አዘዘው  አጋግዮስም ሙቶ ተቀብሮአል ብሎ በሐሰት ተናገረ በዚያንም ጊዜ በመሠዊያው ፊት አማለው እሳትም ከሰማይ ወርዳ እንደምታቃጥለው ጠበቀ የእሳትም መውረድዋ በዘገየ ጊዜ ወርቅን በእሳት አቅልጦ አጠጣውና አቃጠለው ስለዚህም ከወርቅና ከብር የተሠሩ ጣዖታትን አመለከ።

❤ ቆዝሞስና ድምያኖስ በአገሩ ሁሉ ስለ ክርስቶስ እነርሱ እንደሚያስተምሩ ዲዮቅልጥያኖስ በሰማ ጊዜ ወደርሱ እንዲአቀርቧቸው አዘዘ በደረሱም ጊዜ ለአገረ ገዢው ለሉልዮስ እንዲአሠቃያቸው ሰጠው። እነርሱም በብዙ ሥቃዮች ማሠቃየትን ጀመረ በእሳት የሚያቃጥልበት ጊዜ አለ በግርፋት የሚገርፍበት ጊዜ አለ ሦስት ወንድሞችም እንዳሏቸው ሰምቶ እነርሱንም ወደርሱ አስመጣቸውና አምስቱንም በመንኰራኵር ውስጥ እንዲአሠቃዩአቸው አዘዘ። ከዚህም በኋላ ከእሳት ውስጥ ጨምሩዋቸው በውስጡም ሦስት ቀኖችና ሌሊቶች ኖሩ ያለ ጥፋትም በጤንነት ወጡ ዳግመኛም ከብረት አልጋ ላይ አስተኝተው ከበታቻቸው እሳቱን አነደዱ እግዚአብሔርም ያለ ጥፋት ጠበቃቸው።

❤ መኰንኑም እነርሱን ማሰቃየት በሰለቸው ጊዜ ወደ ንጉሥ መለሳቸው ንጉሡም ዳግመኛ ታላቅ ሥቃይን አሠቃያቸው ቴዎዳዳ እናታቸውም የምታስታግሣቸው ንጉሡንና የረከሱ ጣዖቶቹን የምትረግም ሆነች። በዚያንም ጊዜ አንገቷን በሰይፍ እንዲቆርጡ አዘዘ የሰማዕትነት አክሊልንም ተቀበለች ሥጋዋ ግን በምድር ላይ ወድቆ ነበር ቆዝሞስም እንዲህ ብለሸ ጮኸ "የዚች አገር ሰዎች ሆይ ይችን አሮጊት መበለት ሥጋዋን አፈር አልብሶ ይሠውራት ዘንድ ከውስጣችሁ ርኅራኄ በልቡ ያደረበት የለምን?" የህርማኖስ ልጅ ቅዱስ ፊቅጦርም በሰማ ጊዜ ተደፋፍሮ ሥጋዋን ገንዞ ቀበራት።

❤ ንጉሡም እነርሱን ማሠቃየት በሰለቸ ጊዜ ራሶቻቸውን በሰይፍ  እንዲቆርጡ አዘዘ የሰማዕትነት አክሊልንም በመንግሥተ ሰማያት ተቀበሉ። ከመከራውም ዘመን በኋላ ቤተ ክርስቲያን ተሠርታላቸው ሥጋቸውን በውስጧ አኖሩ ከእርሳቸውም ድንቆች የሆኑ ብዙዎች ተአምራት ተገለጡ። ለእግዚአብሔር ምስጋና ይሁን እኛንም በእሊህ በቅዱሳን ሰማዕታት ጸሎት ይማረን በረከታቸውም ከእኛ ጋር ትኑር ለዘላለሙ አሜን።
                                              
@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=61552828743736&mibextid=ZbWKwL

https://www.facebook.com/profile.php?id=100063896616886

፩. ቅዱስ ዑራኤል ሊቀ መላእክት
፪. ቅዱስ ደቅስዮስ [የእመቤታችን ወዳጅ]
፫. አባ እንጦንስ አበ መነኮሳት
፬. አባ ጳውሊ የዋህ
፭. ቅዱስ ዮልዮስ ሰማዕት
፮. ቅዱስ ሉቃስ ወንጌላዊ ሐዋርያ

† " ልጆች ሆይ እናንተ ከእግዚአብሔር ናችሁ:: አሸንፋችሁአቸውማል:: በዓለም ካለው ይልቅ በእናንተ ያለው ታላቅ ነውና:: እነርሱ ከዓለም ናቸው:: ስለዚህ ከዓለም የሆነውን ይናገራሉ:: ዓለሙም ይሰማቸዋል:: እኛ ከእግዚአብሔር ነን:: እግዚአብሔርን የሚያውቅ ይሰማናል:: ከእግዚአብሔር ያልሆነ አይሰማንም::" † [፩ዮሐ. ፬፥፬]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊

[  † እንኳን ለቅዱሳን ሰማዕታት ቆዝሞስና ድምያኖስ ዓመታዊ የዕረፍት በዓል በሰላም አደረሳችሁ ፤ አደረሰን። †  ]

† በስመ አብ ወወልድ ወመንፈስ ቅዱስ አሐዱ አምላክ አሜን! †


🕊 † ቅዱሳን ቆዝሞስ ወድምያኖስ  † 🕊

† እስኪ ዛሬ ስለ ክርስትናና ወጣትነት እነዚህን ቡሩካን ወንድማማች ክርስቲያኖች መሠረት አድርገን ጥቂት እንመልከት:: ከዚህ በፊት የበርካታ ወጣት ሰማዕታትን ዜና ሰምተናል:: መጽሐፍ እንደሚል "ወኩሉ ዘተጽሕፈ ለተግሣጸ ዚአነ ተጽሕፈ" - "የተጻፈው ሁሉ እኛ ልንማርበት: ልንገሠጽበት ነውና" [ሮሜ.፲፭፥፬] ልናስተውል ይገባናል::

† ዜና ቅዱሳን የሚነገረን እንደ ታሪክ እንዲሁ ሰምተን እንድናልፈው አይደለም::

፩. ከልቡ ለሚሰማው [ ለሚያነበው ] በረከት አለው::

፪. ከቅዱሱ [ቅድስቷ] ቃል ኪዳን በእምነት ተካፋይ መሆን ይቻላል::

፫. ቅዱሳኑ ክርስትናቸውን ያጸኑበት: የጠበቁበትና ለሰማያዊ ክብር የበቁበትን መንገድ እንማርበታለን:: ትልቁም ጥቅማችን ይሔው ነው::

ቁጥራችን ቀላል የማይባል የተዋሕዶ ልጆች ሕይወተ ቅዱሳንን እንደ ተራ ታሪክ ወይ ጀምረን እንተወዋለን:: ምናልባትም በግዴለሽነት እናነበዋለን:: ደስ ሲለንም ምስሉ ላይ 'like' የምትለውን ተጭነን እናልፈዋለን::

አንዳንድ ጊዜ ደግሞ በደንብ አንብበን "ወይ መታደል!" ብለን አድንቀን እናልፋለን:: ማድነቃችንስ ጥሩ ነበር:: ግንኮ ቅዱሳኑ ለዚህ የበቁት የታደሉ ስለ ሆኑ ብቻ አይደለም:: ከእነርሱ የሚጠበቀውንም በሚገባ ሥለ ሠሩ እንጂ::

እግዚአብሔር የሚያዳላ አምላክ አይደለም:: "ኩኑ ቅዱሳነ እስመ ቅዱስ አነ-እኔ ቅዱስ እንደሆንኩ እናንተም ቅዱሳን ሁኑ" [ዘሌ.፲፱፥፪ , ፩ጴጥ.፩፥፲፭] ብሎ የተናገረው ለጥቂት ወይም ለተለዩ ሰዎች አይደለም:: በስሙ ለሚያምኑ ሁሉ ነው እንጂ::

ስለሆነም እኛ ክርስቲያኖች: በተለይም ወጣቶች ከቀደምቶቻችን ተገቢውን ትምሕርት ወስደን ልንጸና: ልንበረታ: ለቤተ ክርስቲያናችንም "አለሁልሽ" ልንላት ይገባል:: ዛሬ እናት ቤተ ክርስቲያን በተለይ በከተሞች የወላድ መካን እየሆነች ነው::

"ይህን ያህል ሚሊየን ሰንበት ተማሪና ወጣት አላት" ይባላል:: ሲፈተሽ ግን በትክክለኛ ቦታው የሚገኘው ከመቶው ስንቱ እንደ ሆነ ለመናገርም ያሳፍራል:: የሆነውስ ሆነ: መፍትሔው ምንድነው ብንል:- እባካችሁ ከቅዱሳን ቀደምት ክርስቲያኖች መሥራት ያለብንን ቀስመን: ከዘመኑ ጋር አዋሕደን [ዘመኑን ዋጅተን] ራሳችንን: ቤተ ክርስቲያንንና ሃገራችንን እንደግፍ:: ካለንበት ያለማስተዋል አዘቅትም እንውጣ::
ለዚህም ቁርጥ ልቡና እንዲኖረን አምላካችን ይርዳን ብለን ወደ ቅዱሳኑ ዜና ሕይወት እንለፍ::

ቅዱሳን ቆዝሞስና ድምያኖስ በ፫ኛው መቶ ክ/ዘመን መጨረሻ አካባቢ በምድረ ሶርያ ተወልደው ያደጉ የዘመኑ ክርስቲያኖች ናቸው:: አባታቸው በልጅነታቸው በማረፉ ፭ ወንድ ልጆችን የማሳደግ ሃላፊነት በእናታቸው ትክሻ ላይ ወደቀ:: እናታቸው ቅድስት ቴዎዳዳ ትባላለች::

እጅግ የምትገርም: ቡርክት እናት ናት:: አምስቱ ልጆቿ "ቆዝሞስ: ድምያኖስ: አንቲቆስ: አብራንዮስና ዮንዲኖስ" ይባላሉ:: በእርግጥ ለአንዲት እናት የመጀመሪያ ጭንቀቷ "ልጆቼ ምን ይብሉ" ነው:: ለቅድስት ቴዎዳዳ ዋናው ጉዳይ ይሔ አልነበረም::

ጌታችን እንዳስተማረን "ኢትበሉ ምንተ ንበልእ: ወምንተ ንሰቲ: ወምንተ ንትከደን - ምን እንበላለን: ምን እንጠጣለን: ምንስ እንለብሳለን ብላችሁ አትጠጨነቁ" ብሏልና ዘወትር የምትጨነቀው ስለ ልጆቿ ሰማያዊ ዜግነት ነበር:: [ማቴ.፮፥፴፩]

በዚህም ምክንያት አምስቱም ልጆቿን ዕለት ዕለት ወደ ቤተ እግዚአብሔር ትወስዳቸው: ከቅዱስ ቃሉ ታሰማቸው: መንፈሳዊ ሕይወትን ታለማምዳቸው ነበር:: አምላክ ከእኛ የሚፈልገው በጐ ፈቃዳችንንና በቅንነት የሆነች ትንሽ ጥረታችንን ነውና ቅድስት ቴዎዳዳ ተሳካላት:: ልጆቿ በአካልም: በመንፈሳዊ ሕይወትም አደጉላት::

ዘመኑ እንደ ዛሬ ተድላ ሥጋ የበዛበት ሳይሆን ክርስቲያን መሆን ለሞት የሚያበቃበት ነበር:: ከዚህ በፊት እንደ ተመለከትነው ከክርስቶስ ልደት ፪፻፸፭ ዓመታት በኋላ በሶርያና በሮም የነገሡት ሁለቱ አራዊት [ዲዮቅልጢያኖስና መክስምያኖስ] ክርስቲያኖችን ከዋሉበት አላሳድሩ: ካደሩበትም አላውሉ አሉ::

ቀዳሚ ፈተናዋን በሚገባ የተወጣችው ቅድስት ቴዎዳዳ ይህኛውንም ትጋፈጠው ዘንድ አልፈራችም:: ግን ከልጆቿ ጋር መመካከር ነበረባትና ለውይይት ተቀመጡ:: ሦስቱ ልጆቿ ከልጅነታቸው ጀምረው ሲሹት የነበረውን ምናኔ መረጡ::

ቅድስቷ እናት በምርጫቸው መሠረት ቅዱሳን አንቲቆስ: ዮንዲኖስና አብራንዮስን መርቃ ወደ በርሃ ሸኘች:: እርሷም ከሁለቱ ቅዱሳን ልጆቿ ቆዝሞስና ድምያኖስ ጋር ቀረች::

እነዚህ ቅዱሳን በከተማ የቀሩት ግን ዓለም ናፍቃቸው አይደለም:: በእሥራት መከራን የሚቀበሉ የእግዚአብሔርን ቅዱሳን ያገለግሉ ዘንድ ነው እንጂ::

ቅድስት ቴዎዳዳ በቤቷ ነዳያንን ስትቀበልና ስታበላ ሁለቱ ቅዱሳን ልጆቿ ቀኑን ሙሉ እየዞሩ እሥረኞችን [ስለ ክርስቶስ የታሠሩትን] ሲጠይቁ: ሲያጽናኑ: ቁስላቸውን ሲያጥቡ አንጀታቸውንም በምግብ ሲደግፉ ይውሉ ነበር::

ይሕ መልካም ሥራቸው ለፈጣሪ ደስ ቢያሰኝም አውሬው ዲዮቅልጢያኖስን ግን ከመጠን በላይ አበሳጨው:: ወዲያውኑ ተይዘው እንዲቀርቡለት አዘዘ:: በትዕዛዙ መሠረትም ቆዝሞስና ድምያኖስ ታሥረው ቀረቡ::

"እንዴት ብትደፍሩ ትዕዛዜን ትሽራላችሁ! አሁንም ከስቃይ ሞትና ለእኔ ከመታዘዝ አንዱን ምረጡ" አላቸው:: ቅዱሳኑ ምርጫቸው ግልጽ ነበር:: ከክርስቶስ ፍቅር ከቶውኑ ሊለያቸው የሚችል ኃይል አልነበረምና:: [ሮሜ.፰፥፴፮]

ንጉሡም "ግረፏቸው" አለ:: ልብሳቸውን ገፈው: ዘቅዝቀው አሥረው: በብረትና በእንጨት ዘንግ ደበደቧቸው:: ደማቸውም መሬት ላይ ተንጠፈጠፈ:: እነርሱ ግን ፈጣሪን ይቀድሱት ነበር::

ይህ ዜና ፈጥኖ ወደ እናታቸው ደርሶ ነበርና ቅድስት ቴዎዳዳ እየባከነች ወደ ሰማዕታት አደባባይ ሮጠች:: አንዲት እናት ልጆቿ በአደባባይ ተሰቅለው ደማቸው ሲንጠፈጠፍ ስታይ ምን ሊሰማት እንደሚችል የሚያውቅ የደረሰበት ብቻ ነው::

ግን ክብራቸውን አስባ ተጽናናች:: ፈጥናም በሕዝቡ መካከል ስለ ሰነፍነቱ ከሀዲውን በድፍረት ዘለፈችው:: ንጉሡም በቁጣ አንገቷን በሰይፍ አስመታት:: ሁለቱ ቅዱሳን ይህንን በዓይናቸው አዩ:: አንዲት ነገርንም ተመኙ:: የእናታቸውን አካል የሚቀብር ሰው::

ግን ደግሞ ሁሉ ስለ ፈራ የቅድስቷ አካል መሬት ላይ ወድቆ ዋለ:: ያን ጊዜ ተዘቅዝቆ ሳለ ቅዱስ ቆዝሞስ አሰምቶ ጮኸ:: "ከእናንተ መካከል ለዚህች ሽማግሌ ጥቂት ርሕራሔ ያለው ሰው የለም?" ሲልም አዘነ:: ድንገት ግን ኃያሉ የጦር መሪ ቅዱስ ፊቅጦር ደረሰ::

ሰይፉን ታጥቆ: በመካከል ገብቶ የቅድስቷን አካል አነሳ:: በክብር ተሸክሞም ወስዶ ቀበራት:: በመጨረሸ ግን የሦስቱ ወንድሞቻቸው ዜና በመሰማቱ ከበርሃ በወታደሮች ተይዘው መጡ:: ከዚያም በብዙ መከራ አሰቃይተው በዚህች ቀን አምስቱንም አሰልፈው ገደሏቸው:: የክብር ክብርንም ከእናታቸው ጋር ወረሱ::

† አምላከ ሰማዕታት ከትእግስታቸው: ከጽናታቸውና ከበረከታቸው ያሳትፈን::

🕊

[  † ኅዳር ፳፪ [ 22 ] ቀን የሚከበሩ ዓመታዊ የቅዱሳን በዓላት ]

፩. ቅዱሳን ቆዝሞስ ወድምያኖስ [ሰማዕታት]
፪. ቅድስት ቴዎዳዳ [እናታቸው]
፫. ቅዱሳን አንቲቆስ: ዮንዲኖስና አብራንዮስ [ወንድሞቻቸው]
፬. "፫፻፲፩" ሰማዕታት [የነ ቆዝሞስ ማኅበር]

[   † ወርኀዊ በዓላት    ]

የእመ ብርሃንን ስዕለ አድኅኖ በአበባ ተከባ: በብርሃንም ተውጣ ተመለከቱ:: በዚህ ምክንያትም ዛሬ በጣፋጭነቱ የሚታወቀውን ማኅሌተ ጽጌን ፻፶ ዓርኬ አድርግው ደረሱ:: እስከ ዕለተ ዕረፍታቸውም እመቤታችንና ልጇን በገዳማቸው [ወለቃ አካባቢ የሚገኝ] ሲያመሰግኑ ኑረዋል:: ጻድቁ ያረፉት ጥቅምት ፳፯ ሲሆን ዛሬ የቃል ኪዳን በዓላቸው ነው::

ቸሩ መድኃኔ ዓለም የድንግል እናቱን ስደት አስቦ ከመንግስተ ሰማያት ስደት ይሠውረን:: ከስደቱ በረከትም ያድለን::

🕊

[  † ኅዳር ፮ [ 6 ] ቀን የሚከበሩ ዓመታዊ የቅዱሳን በዓላት  ]

፩. ቅድስት ደብረ ቁስቁዋም [ሚጠታ ለማርያም]
፪. ቅዱስ ዮሴፍ አረጋዊ
፫. ቅድስት ሰሎሜ ቡርክት
፬. ቅዱስ ዮሳ [ ወልደ ዮሴፍ ]
፭. ቅዱስ ቴዎፍሎስ ሊቅ
፮. አባ ጽጌ ድንግል ዘወለቃ
፯. አባ ፊልክስ ዘሮሜ

[  † ወርኀዊ የቅዱሳን በዓላት ]

፩. ቅድስት ደብረ ቁስቁዋም
፪. አባታችን አዳምና እናታችን ሔዋን
፫. አባታችን ኖኅና እናታችን ሐይከል
፬. ቅዱስ ኤልያስ ነቢይ
፭. ቅዱስ ባስልዮስ ዘቂሣርያ
፮. ቅዱስ ዮሴፍ አረጋዊ
፯. ቅድስት ሰሎሜ
፰. አባ አርከ ሥሉስ
፱. አባ ጽጌ ድንግል
፲. ቅድስት አርሴማ ድንግል

" ዘንዶውም ሴቲቱ በወለደች ጊዜ ሕጻኗን እንዲበላ ልትወልድ ባላት ሴት ፊት ቆመ:: አሕዛብንም ሁሉ በብረት ዘንግ ይገዛቸው ዘንድ ያለውን ልጅ: ወንድ ልጅ ወለደች:: ልጇም ወደ እግዚአብሔርና ወደ ዙፋኑ ተነጠቀ:: ሴቲቱም ሺህ ከሁለት መቶ ስድሳ ቀን በዚያ እንዲመግቧት በእግዚአብሔር ተዘጋጅቶላት ወደ ነበረው ሥፍራ ወደ በረሃ ሸሸች::" [ራዕይ.፲፪፥፬-፯]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊

በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡

🕊  †  ኅዳር ፮ [ 6 ] ቀን የሚከበሩ ዓመታዊ የቅዱሳን በዓላት  †  🕊


✞ 🌹በዓለ ደብረ ቁስቁዋም🌹 ✞

የአርያም ንግሥት: የፍጥረታት ሁሉ እመቤት ድንግል ማርያም የባሕርይ አምላክ ልጇን አዝላ ወደ ምድረ ግብፅ ወርዳለች:: በወንጌል ላይ [ማቴ.፪፥፩-፲፰] እንደተጻፈው ጌታችን በተወለደ በ፪ ዓመቱ የጥበብ ሰዎች [ሰብአ ሰገል] ወደ ቤተ ልሔም መጥተው ሰግደውለት ወርቅ: እጣን: ከርቤውን ገበሩ: አገቡለት::

ንጉሥ ተወልዷል መባሉን የሰማ ሔሮድስ መቶ አርባ አራት ሺህ [144,000] ሕጻናትን ሲፈጅ በቅዱስ ገብርኤል ትዕዛዝ እመቤታችን ቅድስት ድንግል ማርያም ፩ አምላክ ልጇን አዝላ: በአንዲት አህያ ጥቂት ስንቅ ቁዋጥራ: ከዮሴፍና ከሰሎሜ ጋር ስደት ወጣች::

ከገሊላ ተነስታ በጭንቅ: በመከራ: በረሃብና በጥም: በሐዘንና በድካም: በላበትና በእንባ ተጉዛ በዚሕች ቀን ምድረ ግብፅ ገብታለች::

- የአምላክ እናቱ እሳትን አዝላ በብርድ ተንገላታለች::
- ለእኛ የሕይወት እንጀራን ተሸክማ እርሷ ተራበች::
- የሕይወትን ውሃ ተሸክማ ተጠማች::
- የሕይወት ልብስን ተሸክማ ተራቆተች::
- የሕይወት ፍስሐን ተሸክማ አዘነች::
- እመ አምላክ ተራበች: ተጠማች: ታረዘች: ደከመች: አዘነች: አለቀሰች: እግሯ ደማ: ተንገላታች::

ለሚገባው ይሕ ሁሉ የተደረገው ለእኛ ድኅነት ነው:: በእውነት ይህንን እያወቀ ለድንግል ማርያም ክብር የማይሰጥ ሰይጣን ብቻ ነው:: አራዊት: ዕፀዋትና ድንጋዮች እንኳ ለአመላክ እናት ክብር ይሰጣሉ::

አረጋዊው ቅዱስ ዮሴፍና ቅድስት ሰሎሜ ደግሞ የክብር ክብር ይገባቸዋል:: ከአምላክ እናት ከድንግል ማርያምና ከቸር ልጇ ጋር መከራ መቀበልን መርጠዋልና::

"መድኃኔ ዓለም ጌታችን ኢየሱስ ክርስቶስ ለምን ተሰደደ? ለምን ስደቱን ወደ ግብፅና ኢትዮዽያ አደረገ?"

፩. ትንቢቱን ይፈጽም ዘንድ:: በፈጣን ደመና ወደ ግብፅ እንደሚወርድ ተነግሯልና [ኢሳ.፲፱፥፩, ዕን.፫፥፯]

፪. ምሳሌውን ለመፈጸም:: የሥጋ አባቶቹ እነ አብርሃም: ያዕቆብ [እሥራኤል] : ኤርምያስ ወደዚያው ተሰደዋልና::

፫. ከግብፅ ጣዖት አምልኮን ያጠፋ ዘንድ:: [ኢሳ.፲፱፥፩]

፬. የግብፅና የኢትዮዽያ ገዳማትን ይቀድስ ዘንድ::

፭. ሰው መሆኑ በአማን እንጂ ምትሐት እንዳልሆነ ለማጠየቅ:: [ሰው ባይሆን ኑሮ አይሰደድም ነበር:: ሔሮድስ ቢያገኘው ደግሞ ሊገድለው አይችልም:: ያለ ፈቃዱና ያለ ዕለተ ዐርብ ደሙ አይፈስምና::]

፮. ስደትን ለሰማዕታት ባርኮ ለመስጠት:: እና

፯. የአዳምን ስደት በስደቱ ለመካስ ነው::

እመ ብርሃን ድንግል ማርያም ለ፫ ዓመታት ከ፮ ወራት [ወይም ለ፵፪ ወራት] በስደት የቆየችባቸው ቦታዎች አሉ:: ድንግል ማርያም ከርጉም ሔሮድስ ስትሸሽ መጀመሪያ የሔደችው ከገሊላ ወደ ሶርያ ደንበር [ደብረ ሊባኖስ] ነው::

በዚያ የሸሸጋት ቅዱስ ጊጋር መስፍኑ በሔሮድስ ሲገደል ወደ ምድረ ግብጽ ወረደች:: በግብጽም ለብዙ ጊዜ ከአንዱ ወደ ሌላው ስትሸሽ ቆየች::
"እንዘ ከመ በግዕት ግድፍት አመ ሳኮይኪ ውስተ ምድረ በዳ" እንዲል:: [እሴብሕ ጸጋኪ]

ቀጥላም በሰሜኑ የሃገራችን ክፍል ገብታ ደብረ ቢዘን ላይ [አሁን ኤርትራ ውስጥ ነው] ዐረፈች:: ከደብረ ቢዘን በደብረ ዳሙ: አክሱም: ደብር ዓባይ: ዋልድባ አድርጋ እየባረከች ጣና ደርሳለች:: በጣና ገዳማትም: በተለይ በጣና ቂርቆስ ለ፻ ቀናት ቆይታ ቀጥታ በጐጃም ወደ ሽዋ ሒዳ ደብረ ሊባኖስን ቀድሳለች::

ቀጥላም እስከ ደብረ ወገግና ደብረ ሐዘሎ ደርሳለች:: በእግሯ ያልደረሰችባቸውን የሃገራችን ክፍሎች በደመና ተጭና ዐይታ ባርካቸዋለች:: ከልጇም በአሥራትነት ተቀብላለች:: ሔሮድስ መሞቱን መልአከ ብሥራት ቅዱስ ገብርኤል የነገራትም እዚሁ ኢትደዮዽያ ውስጥ መሆኑን ትውፊት ያሳያል::

እመ ብርሃንም ከሃገራችን ሰዎች [ከሰብአ ኦፌር] የተቀበለችውን ስንቅና ስጦታ በ፭ ግመሎች ጭና ከቅዱሳኑ ዮሴፍና ሰሎሜ ጋር በዚህች ቀን ደብረ ቁስቁዋም ውስጥ ገብተው ከድካም ዐርፈዋል:: ሐሴትንም አድርገዋል::

ዳግመኛም ከክርስቶስ ስደት ፬፻ ዓመታት በኋላ በዚህች ቀን የግብጿ ደብረ ቁስቁዋም ታንጻ ተቀድሳለች:: የቅዱሳን ማደሪያም ሁናለች:: ይህስ እንደ ምን ነው ቢሉ:-

ለስም አጠራሩ ጌትነት ይሁንና መድኃኒታችን ኢየሱስ ክርስቶስ በ፫፻፺ዎቹ አካባቢ ድንግል እናቱን: ቅዱሳን ሐዋርያትን: አእላፍ መላእክትን: ጻድቃን ሰማዕታትን: አስከትሎ ወረደ::

የወቅቱ የግብጽ ፓትርያርክ ቅዱስ ቴዎፍሎስና ሊቁ ቅዱስ ቄርሎስ ቤተ ክርስቲያኑን አንጸው: ሕዝቡን ሰብስበው ይጠብቁት ነበርና ወርዶ ቀድሶላቸው ታላቅ ደስታ ሁኗል::

ስደቷን መሳተፍን ሽተው አበው :-

"እመ ኀሎኩ በጐይዮቱ ውእተ መዋዕለ:
እምተመነይኩ ኪያሁ በዘባንየ ሐዚለ:
ወበልሳንየ እልሐስ ዘአእጋሪሁ ጸበለ:
ወከመ አዕርፍ ምስሌሁ በትረ ዮሴፍ ኀበ ተተክለ:
ለወልደ ማርያም በሐጸ ፍቅሩ ልቡናየ ቆስለ::" እንዳሉ:: [ሰቆቃወ ድንግል]
እኛም እመ ብርሃንን ልንሻት ያስፈልገናል::

ይህቺ ቀን ለእኛ ለክርስቲያኖች ሁሉ እጅግ የደስታ ቀን ነውና ሐሴትን እናድርግ:: የሰማይና የምድር ጌታ ለእኛ ሲል ካደረገው ስደቱ በዚህች ቀን ተመልሷልና:: ስደቷን አስበን ካዘንን: መመለሷን አስበን ደስ ልንሰኝ ይገባልና::

"አብርሒ አብርሒ ናዝሬት ሃገሩ:
ንጉሥኪ በጽሐ ዘምስለ ማርያም መጾሩ" ልንልም ይገባል::


+" 🌷አባ ጽጌ ድንግል ዘወለቃ 🌷 "+

ጻድቁ አቡነ ጽጌ ድንግል በ፲፬ኛው መቶ ክ/ዘመን የነበሩ ሊቅና ገዳማዊ ናቸው:: የዘር ሐረጋቸው ምንም ከቤተ እሥራኤል እንደሚመዘዝ ቢታወቅም ኢትዮዽያዊ ናቸው:: አስቀድመው አይሁዳዊ በመሆናቸው ኢየሱስ ክርስቶስንና ድንግል እናቱን አያምኑም ነበር::

የተማሩትም ብሉይ ኪዳንን ብቻ ነበር:: በጊዜውም "ክርስቶስ አልተወለደም: ትክክለኛው እምነት ይሁዲ ነው" እያሉ ከክርስቲያኖች ጋር ይከራከሩ ነበሩ:: አንድ ቀን ግን ከታላቁ ሊቅና ገዳማዊ አቡነ ዜና ማርቆስ ጋር ተገናኙ::

ጻድቁን ስላልቻሏቸው ተሸንፈው በክርስቶስ አመኑ:: አቡነ ዜና ማርቆስም አስተምረው ክርስትና ሲያነሷቸው /ሲያጠምቁዋቸው 'ጽጌ ድንግል' አሏቸው:: ሲመነኩሱም 'ጽጌ ብርሃን' ተብለዋል:: ቀጥለውም በጾምና በጸሎት ሲጋደሉ: እመቤታችንንም ሲለምኑ ምሥጢር ተገለጠላቸው::

🔔


[  እ ና ታ ች ን ቤ ተ ክ ር ስ ቲ ያ ን !  ]


†               †                 †


በሐሰተኛ መንፈስና አሠራር ቅድስት ቤተክርስቲያንን እየፈተኑና ምዕመናንን እያጎሳቆሉ ስለሚገኙ ሐሰተኛ አጥማቂያን እግዚአብሔር ቢፈቅድና ብንኖር ተከታታይ መርሐ-ግብር ከቀጣይ ሳምንት ጀምሮ የሚቀርብ ይሆናል !

ይከታተሉ !



                †       †       †
▬▬▬▬▬▬▬▬▬▬▬▬▬▬

                           †                           

      [   🕊 ድንግል ሆይ ፦  🕊    ]  

🌼▬▬▬▬▬▬▬▬▬▬▬▬🌼

🌹    ተፈጸመ ናሁ ማሕሌተ ጽጌ     🌹

🕊

❝ ሕብረ ሐመልሚል ቀይሕ ወጸአድዒድ አርአያ ኰሰኰስ ዘብሩር ተአምርኪ ንጹሕ በአምሳለ ወርቅ ግቡር ተፈጸመ ናሁ ማሕሌተ ጽጌ ሥሙር አስምኪ ቦቱ ንግሥተ ሰማያት ወምድር ከመ በሕጽንኪ ያሰምክ ፍቁር ❞


[ የሚያብረቀርቅ ቀይና ነጭ ቀለም ያለው አርአያው የብር ዝንጒርጒር ጠቃጠቆ የኾነ ንጹሕ ተአምርሽ በወርቅ አምሳል የተሠራ ነው ፤ እነሆ የተወደደ [ መልካም ] ማሕሌተ ጽጌ ደረሰ ተፈጸመ ፤ የሰማይና የምድር ንግሥት ማርያም ሆይ የተወደደ ልጅሽ በጒያሽ [ በዕቅፍሽ ] እንዲጠጋ [ እንዲደገፍ ፣ እንዲንተራስ ] በርሱ ዐማጽኚ፡፡ ]

[ አባ ጽጌ ድንግል [ ማህሌተ ጽጌ ] ]

🕊

❝ እመቤቴ ማርያም ሆይ በመገዛት አመሰግንሻለሁ:: በመማጸንም አገንሻለሁ። አንቺ የሊቀ ካህናቱ መሠውያ ሁነሻልና ልጅሽም በእውነት ለሚመገበው የሕይወት ምግብ ነው::

ሕፃንሽ ከልብ ለሚያዳምጠው ምክሩ ጣፋጭ ነው። ቁጣ የሌለብሽ ርኅሩኅ ሆይ ወደ አንቺ እጸልያለሁ ፤ በመማለድም ወደ አንቺ እለምናለሁ:: በኵርሽ /ልጅሽ ክርስቶስ/ አካሔዴን ወደ ጽድቅ መንገድ ያቅና ስምሽን በማስታወስ በጠራሁት ጊዜም በእውነት ይነጋግረኝ።

አንቺም ለዚህ ለአገልጋይ የሚጠቅመውን ስጠው በሥልጣንህ እርዳው ፤ በእጅህም አጽናው ፤ ከሚያስፈራው የሕይወት ጠላቱም መፈራትን አጐናጽፈው በይው:: ለዘለዓለሙ አሜን:: ❞


" ሱላማጢስ ሆይ ተመለሺ ! " [መሓ. ፯:፩]


💖                     🕊                    💖

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[         ክፍል  ሠላሳ ስምንት          ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[  የአንድን ባለ ሥልጣን ልጅ ከበሽታዋ እንደ ፈወሳት  !   ]

                         🕊                         

❝ ስለ አባ መቃርዮስ እንዲህ ተባለ ፦ “ የአንጾኪያ ባለ ሥልጣን [ የንጉሥ አማካሪ ] የሆነ አጋቶኒከስ የተባለ ሰው አባ መቃርዮስ በጌታችን በመድኃኒታችን ኢየሱስ ክርስቶስ በሽተኞችን የመፈወስ ታላቅ ስጦታ እንዳለው በሰማ ጊዜ በርኲስ መንፈስ ተይዛ የምትሰቃየውን ልጁን ይጸልይላት ዘንድ ወደ አባ መቃርዮስ ላካት:: በዚህም ቀን አባ መቃርዮስ ማታ ላይ ኅብስት ሊቀምስ ሳለ ከደቀ መዛሙርቱ አንዱ መጣና “በልሳነ ዮናኒ የሚናገር አንድ ሰው መጥቷል ፣ እርሱም አለባበሱ የመኳንንት አለባበስ ይመስላል፡፡ ከእርሱም ጋር አሳዛኝና የተጎዳ የሚመስል ሕፃን አብሮት አለ፡፡ እነርሱም ከአንተ ይባረኩ ዘንድ ይፈልጋሉ” አለው::

እርሱም ፦ “ወደ እኔ እንዲገቡ እዘዛቸው” አለው፡፡ እነርሱም ሲገቡ ቅዱስ መቃርዮስ ተቀበላቸው ፣ ግብራቸውን ሁሉ በመንፈስ ቅዱስ አወቀው፡፡ ረዱን ፦ “በሰላም ሂድ” ካለው በኋላ አብረው ተቀምጠው ሳለ ያን ሰው ፦ “ምን ትሻለህ?” አለው:: እርሱም ፦ “ይህ ሕፃን ልጄ ነው ፣ በእርሱ ላይ የሰይጣናት አለቃ አለበት ፣ ራሱ ሲናገር እኔ ከሰይጣናት ሠራዊት አለቃ ነኝ ይላል፡፡ በየጊዜው ይጥለዋል ፣ ያሰቃየዋልም፡፡ በሀገራችን ወዳሉ ብዙ ቅዱሳን ወስደነው ነበር ፣ ያድኑት ዘንድ ግን አልቻሉም፡፡ ከልብሱ ይራቆታል ፣ ሰውነቱንም ይነክሳል ፣ ስለዚህም ይህን ጨርቅ አለበስሁት አለው::”

ቅዱስ አባታችን መቃርስም ፦ “ይህች ልጅ ሴት ስትሆን ወደዚህ ገዳም ይዘሃት ትገባ ዘንድ እንዴት ደፈርክ ? ይህም ብቻ አልበቃህም ፣ ጸጋ መንፈስ ቅዱስን ዋሽተሃልና ፤ እርሷ የአንጾኪያው ገዥ ልጅ ስትሆን ከአንተ ጋር በስውር ወደዚህ አመጣሃት” አለው:: ያም ሰው ይህን በሰማ ጊዜ ፈራ ፣ በቅዱስ መቃርዮስ እግር ፊትም መሬት ላይ ወደቀ፡፡ ቅዱስ መቃርዮስም ፦ “ተነሥ አይዞህ አትፍራ ፣ እንዳትዋሽም ተጠንቀቅ” አለው:: እርሱም ፦ “ጌታዬና አባቴ ሆይ ይቅር ትለኝ ዘንድ እለምንሃለሁ ፣ እኔ ምስኪን የሆንኩ የዚህች ልጅ አገልጋይዋ ነኝና ፣ እንደ ታዘዝኩ እንዲሁ አደረግሁ ፤ እኔ ለእግዚአብሔርና ለጌቶቼ ታዛዥ ነኝና" አለው:: ቅዱስ መቃርዮስም ዘይት ያመጡለት ዘንድ አዘዘ ፤ በዘይቱም ላይ ጸልዮ በልጅቷ ጆሮ ዙሪያ ዘይቱን በመስቀል ምልክት እያደረገ ቀባት ፣ ያን ጊዜም ዳነች፡፡

ቅዱስ መቃርዮስም ፦ “ተነሥና ወደ ሀገርህ ሂድ ፣ አብረውህ ካሉት ከወንዶችና ከሴቶች ብዛት የተነሳ ይህን ሌሊት በዚህ ገዳም አትደር፡፡ ወደ ግብጽ ሄዳችሁ በቅርብ በምታገኙት ቦታ እደሩ፡፡ የልጅቷ ወላጆች በቅዱሳን ላይ ስላላቸው እምነትና በቀናች ሃይማኖት ውስጥ በመሆናቸው እነሆ እግዚአብሔር መዳንን ሰጥቷታል” አለው፡፡ ያን ጊዜም ያ ሰው ከበአት ርቀው ከቆሙት ከዚያች ልጅ አገልጋዮች ውስጥ አንዱን ጠራው:: እርሱም በውስጡ አራት መቶ ዲናር ያለው ሳጥን ወደ ቅዱስ መቃርዮስ አመጣለት፡፡

ያ ሰውም ፦ “አባቴ ሆይ ፣ ይህን መጠኑ አራት መቶ ዲናር የሆነ የጌታዬን በረከት ትቀበል ዘንድና ገንዘቡን ለአኃው ለሚያስፈልጋቸው ነገሮችና ቅድስናህ ለወደደው ነገር ያውለው ዘንድ እለምንሃለሁ" አለው:: ቅዱስ መቃርዮስም እንዲህ አለው ፡- “የእግዚአብሔር ጸጋ በገንዘብ በብርና በወርቅ ፈጽሞ አይገኝም ፤ እኒህ በዚህ ያሉ ድሆች የሆኑ መነኰሳትም ወርቅና ብር አይፈልጉም ፣ እነርሱ ወደዚህ የመጡት ስለ እግዚአብሔር ነውና እምነታቸውም በእርሱ ላይ ነውና ፣ እርሱም በሚያስፈልጋቸው ነገር ሁሉ ያስብላቸዋል፡፡ አንተም ገንዘብህን ያዝና ወደ ላከህ ሰው በሰላም ሂድ፡፡” ይህም ሰው ከተባረከ በኋላ ቅዱስ መቃርዮስ እንዳዘዘው ያን ሌሊት በዚያ ገዳም ሳያድር ወጥቶ ወደ ግብጽ ሄደ፡፡ እናት አባቷም በመቃርስ ጸሎትና አማላጅነት ጌታችን መድኃኒታችን ኢየሱስ ክርስቶስ ያደረገውን ተአምር በተመለከቱ ጊዜ ጌታችን መድኃኒታችን ኢየሱስ ክርስቶስን አመሰገኑት፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

🕊  💖  ▬▬    †    ▬▬  💖  🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

[   ❝  ከአንቺ ግን .... !  ❞  ]

🕊

❝ እግዚአብሔር ዐሥሩን ቃላት በእጁ የጻፈባቸውን ሁለቱን ጽላት በደብረ ሲና ሰጠ ከአንቺም እግዚአብሔር ቅዱስ ጽላትን ፈጠረ ይኸውም ሥጋው ነው። [ዘፀአ.፴፬፥፳፰-፴]

ከደብረ ሲና እሳት ጨለማ መጣ ፤ ከአንቺ ግን ሰው የሆነ አምላክ ተገኘልን፡፡

በደብረ ሲና በአይሁድ ላይ ድንጋፄ ሀውክ ተደረገ ፤ በአንቺም በአይሁድ በሄሮድስ በዲያብሎስና በሠራዊቱ ላይ ጽኑ ድንጋፄ ተደረገ፡፡ [ዘፀአ.፳፥፲፰ ፡፡ ዕብ.፲፪፥፲፱]  ❞

[      ቅዱስ ኤፍሬም      ]



†                       †                         †
💖                    🕊                     💖

🕊

[   † እንኩዋን ለታላቁ ጻድቅ "አባ ዮሐኒ" እና "ቅዱስ ለንጊኖስ" ዓመታዊ በዓል በሰላም አደረሳችሁ †   ]

[ በፎቶው ላይ የምትመለከቱት ትግራይ ውስጥ የሚገኘው አስደናቂው የጻድቁ ገዳም ነው ]


🕊  †  ታላቁ አባ ዮሐኒ  †   🕊

በምድረ ኢትዮዽያ ዝናቸው ከወጣና ቀደምት ከሚባሉ ጻድቃን አንዱ ቅዱስ አባ ዮሐኒ ["ኒ" ጠብቆ ይነበብ] ነው:: አበው ሊቃውንት የቅዱሱን ታሪክና ገድል ገና በልጅነት ስለ ነገሩን አንረሳውም:: እጅግ ጣፋጭ ዜና ሕይወት ያለው አባት ነውና:: ጥንተ ነገሩስ እንደ ምን ነው ቢሉ :-

በ፮ኛው መቶ ክ/ዘመን በሃገራችን ቅዱስ አፄ ካሌብ ነግሦ ሳለ: አንድ ቅዱስ ሰው ከግብጽ ወደ ኢትዮዽያ መጡ:: እኒህ ሰው "አሞኒ ዘናሕሶ" ይባላሉ:: ቅዱሱ ዓለምን ላለማየት ቃል ገብተው በትግራይ በርሃ ይጋደሉ ነበር::

በዘመኑ አፄ ካሌብ የናግራን [የመን] ክርስቲያኖችን ለመታደግ ዘመቻ አድርጎ ነበር:: ታዲያ አንድ የንጉሡ ወታደር ወደ ዘመቻ ሲሔድ ሚስቱን ይጠብቅለት ዘንድ ትንሽ ወንድሙን አደራ ይለዋል:: ወንድሙ ግን አደራውን ትቶ የትልቅ ወንድሙን ሚስት አስገድዶ ይደርስባትና ትጸንሳለች::

ከዘመቻ የተመለሱት ከ፩ ዓመት በሁዋላ ነውና ሚስቱን ምጥ ላይ ያገኛት ወታደር ደነገጠ:: ተቆጣ:: የጸነሰችው ከእርሱ እንዳልሆነ ያውቃልና ምጥ ላይ ሆና ሊያዝንላት አልፈለገም::

ለገልጋይ አስቸግሮ ሚስቱን ይደበድባት ገባ:: በዚህ ምጥ: በዚህ ዱላ ነፍሷን ከሥጋዋ ሊለየው የደረሰችው ያቺ ሴት ግን "ወንድማማችን አላጋድልም" ብላ ቻለችው:: በዚህ ጊዜ ቅዱስ መልአክ ያን ግብጻዊ ባሕታዊ [አባ አሞኒን] አምጥቶ ከሰዎቹ በር ላይ አቆመው::

"ከእሱ ነው በይ" አላት:: እርሷም "ከዚያ ባሕታዊ ነው" ብላ ተናገረች:: ወታደሩ ባሏም በቁጣ ወጥቶ ቅዱስ አሞኒን በዱላ ስብርብር እስኪል ድረስ ደበደበው:: ልጁ ልክ ሲወለድም ከእናቱ ነጥቆ ለባሕታዊው አሳቅፎ አባረረው::

ቅዱስ አሞኒም ሕጻኑን አቅፎ ወደ ተምቤን በርሃ አካባቢ ወሰደው:: ግን ምን ምግብ: ምን ልብስ: ምን መኝታ እንደሚሰጠው ጨንቆት ጻድቁ አለቀሰ:: በዚህ ጊዜም ቅዱስ መልአክ የጸጋ ምንጣፍን አነጠፈለት::

ጆፌ አሞራ መጥቶ ክንፉን ሲያለብሰው አጋዘን መጥታ ጡት አጠባችው:: በዚህ የተደነቀው ቅዱስ አሞኒ ሕጻኑን "ዮሐኒ" ሲል ስም አወጣለት:: ትርጉሙም "ወልደ አራዊት - ወላጆችህ [አሳዳጊዎችህ] አራዊት ናቸው" እንደ ማለት ነው::

ሕጻኑ ዮሐኒ በዚህ መንገድ ከአሞኒና ከአራዊቱ ጋር አደገ:: ፭ ዓመት በሞላው ጊዜም ትምሕርተ ሃይማኖትን: የቅድስና ሕይወትን ተማረ:: ልክ እንደ መንፈሳዊ አባቱ በጾምና በጸሎት ተወሰነ:: ግን እርሱ ከእርሱ: ከአሞኒና ከአራዊቱ በቀር ሌላ ፍጥረት: ዓለም [ብዙ ሰዎች] መኖራቸውን አያውቅም::

፲፪ ዓመት በሞላው ጊዜ ግን ክህነት ይገባዋል ብሎ መንፈስ ቅዱስ ስላሳሰባቸው ቅዱሱ አሞኒ ዮሐኒን ወደ ዻዻሱ ወሰዱት:: መንገድ ላይም ቅዱስ ዮሐኒ ወጣት ሴቶች ተሰብሰበው ሲጫወቱ ተመልክቶ "አባ! እነዚህ ጸጉራቸው የረዘመ: ደረታቸው ወደ ፊት የወጣ ፍጥረቶች ምንድን ናቸው?" ሲል ጠየቀ::

አባ አሞኒም "ልጄ! እነዚህ ሴቶች ናቸው:: ግን ለእንደ እኔና አንተ ያሉ የበርሃ ሰዎች አይሆኑምና አትቅረባቸው" አለው:: ቅዱስ ዮሐኒ መልሶ "አባቴ!ድንገት ቢመጡብኝ ምን ላድርግ?" ሲል ጠየቀ:: አባ አሞኒም "ልጄ! ከዘለዓለም ርስት ከምትነቀል ሩጠህ ብታመልጥ ይሻላል" አለው::

ከ፮ ዓመታት በሁዋላ [ዮሐኒ ፲፰ ዓመት ሲሞላው ማለት ነው] ቅዱስ አሞኒ ኅዳር ፭ ቀን ዐረፈ:: ለ፲፬ ዓመታትም ቅዱስ ዮሐኒ ከአራዊትና አባ አበይዶን ከመሰሉ አባቶች ጋር ኖረ:: ከንጽሕናው የተነሳም ቅዱሳን መላእክት ያነጋግሩት ነበር::

ስም አጠራሩ በምድረ ትግራይ ሲወጣ ወላጅ እናቱ በሕይወት ነበረችና ሰማች:: የአካባቢዋን ሴቶች ሰብስባም ልትገናኘው ወዳለበት ተራራ ገሰገሰች:: ወደ ተራራው ደርሳ ስትጠራው ቅዱሱ ተመለከታት::

ወዲያው ትዝ ያለው አባቱ ቅዱስ አሞኒ "ሴት ስታይ ሩጥ" ያለው ነውና እግሩን አንስቶ ሮጠ:: እናቱ ስትከተለው: እርሱ ሲሮጥ ከገደሉ ጫፍ ደረሰ:: ወደ ሁዋላ ሲመለከት ሊደርሱበት ነው::

በስመ ሥላሴ ፊቱን አማትቦ ወደ ገደሉ ተወረወረ:: በዚህ ጊዜ ግን መንፈሳዊ ክንፍ ተሰጥቶት ተሰወረ:: ቅዱስ መልአክም ብሔረ ሕያዋን አስገብቶታል:: ይህንን ታሪክ ሲያደንቁ አበው እንዲህ ብለዋል::

"ሰላም ዕብል ለዘኮነ ሱቱፈ::
ምስለ እለ ገብሩ ሰብእ ብሔረ ሕያዋን ምዕራፈ::
እምሥርዓተ መላእክት ዮሐኒ ምንትኒ ኢያትረፈ::
ከመ ሕይወቶሙ ሕይወተ ተጸገወ ዘልፈ::
ወከመ ክንፎሙ አብቆለ አክናፈ::" [አርኬ]


🕊  † ቅዱስ ለንጊኖስ ሰማዕት †  🕊

ለንጊኖስ ማለት በጌታችን ኢየሱስ ክርስቶስ የስብከት ዘመን የዺላጦስ ወታደር የነበረ ሰው ነው:: ስለ ጌታችን ተአምራት በየጊዜው ይሰማ ነበር:: ሔዶ እንዳያገኘው ግን አይሁድን ይፈራ ነበር:: እነርሱ "በክርስቶስ ያመነ ሁሉ ከምኩራብ ይባረር" ብለው ነበርና:: [ዮሐ.፱፥፳፪]

ጌታችን በተሰቀለባት ዕለተ ዐርብ ግን ጭንቅ ሆነበት:: ጌታን እንዲሰቅሉ ከታዘዙ ወታደሮች እንደ አንዱ ተመርጦ ነበርና በዘዴ አሞኛል ብሎ እስከ ፱ ሰዓት ድረስ ቆየ::

በሁዋላ ግን አይሁድ "በክርስቶስ ሞት ያልተባበረ ሁሉ ወንጀለኛ ነው" የሚል አዋጅ በማስነገራቸው እየፈራ ወደ ቀራንዮ ሲደርስ "ጐኑን ውጋው" ብለው ረዥምና ጥቁር ጦር ሰጡት:: ለንጊኖስ ወደ ጌታችን ዐይን ተመለከተ:: እያየው እንዳልሆነ ገመተ::

ቅድስት ነፍሱን ከቅዱስ ሥጋው በባሕርይ ሥልጣኑ ለይቷልና ጦሩን ጨብጦ ወደ ጌታ ጐን ልኮ ወጋው:: ከጌታ ቀኝ ጐንም በ"ለ" አምሳል ትኩስ ደምና ውሃ ፈሰሰ:: አንዷ ፍንጣቂ ሔዳ የታወረች ዐይኑ ላይ ዐርፋ ዐይኑን አበራች::

ለለንጊኖስ ታላቅ ደስታ ሆነ:: ለእኛ ግን ማየ ገቦና ደመ ገቦ ፈለቀልን:: የጌታችን ትእግስቱና ቸርነቱ ግን ይደንቃል::
"ከመ ኢየሐስብ ቦቱ ዘኩናተ እዱ ርግዘቶ::
በኃጣውኢሁ ለዘኢፈቀደ ሞቶ::
ምሕረቶ እሴብሕ ወዐዲ ትዕግስቶ::" እንዳሉ ሊቃውንት::

ጌታችን ከተነሳ በሁዋላ ለንጊኖስ ወደ ቅዱስ ዼጥሮስ ዘንድ ሒዶ ስለ እውነት: ስለ ሃይማኖትም ተማረ:: ተጠምቆ: ምድራዊ ወታደርነቱን ትቶ እየሰበከ ከኢየሩሳሌም ወደ ቀዸዶቅያ ወረደ:: ለዘመናትም ጌታችን ክርስቶስን በሥርዓተ ወንጌል አገለገለ::

በመጨረሻ በጢባርዮስ ቄሣር ዘመን አይሁድ አሳደዱት:: አንገላቱት:: የነርሱ ወገን ስለነበረም መከራ አጸኑበት:: የጽቅድ አርበኛና የክርስቶስ ሐዋርያ ቅዱስ ለንጊኖስ ግን ጸና:: አይሁድም አንገቱን ቆርጠውት ለሰማዕትነት በቃ:: ቅዱሱ በሕይወቱም በዕረፍቱም ተአምራትን ሠርቷል::

" አስተርዮተ ርዕሱ "

ይሕች ዕለት አስተርዮተ ርዕሱ ትባላለች:: እርሱን ከገደሉ በሁዋላ አይሁድ ራሱን ወደ ኢየሩሳሌም ወስደው ጥለዋት ነበር:: የእርሱን ሰማዕትነት ያየች አንዲት ክርስቲያንም ከለቅሶ ብዛት ዐይኗ ቢጠፋ ሕጻን ልጇን ይዛ ወደ ኢየሩሳሌም ሔደች::

ወዲያው ግን ሕጻን ልጇ ሞተባትና ሐዘኗ ከልኩ አለፈ:: ለአንዲት እናት ዐይንንና ልጅን በአንዴ ማጣት እጅግ ጭንቅ ነው:: በሌሊት ግን ቅዱስ ለንጊኖስ በራዕይ ተገልጦ ደስታ ነገራት::

"ልጅሽ በገነት ሐሴትን ያደርጋል:: አንቺ ግን ራሴን ከተቀበረችበት አውጪ" አላት:: ወደ ጠቆማት ቦታ በመሪ ስትቆፍር ብርሃን ወጥቶ ዐይኗ በራላት:: በታላቅ ሐሴትም ቅድስት ራሱን ወደ ሃገሯ ወስዳታለች::

አምላከ ቅዱሳን የቀደምቶቻችንን የዋህነት ለእኛም ያድለን:: ከበረከታቸውም ይክፈለን::

🕊

[  † ኅዳር ፭ [ 5 ] ቀን የሚከበሩ ዓመታዊ የቅዱሳን በዓላት   ]

፩. ታላቁ ቅዱስ ዮሐኒ [ዘትግራይ]
፪. አባ አሞኒ ዘናሕሶ
፫. ቅዱስ ለንጊኖስ ሰማዕት
፬. ቅዱስ ቴዎድሮስ ሊቀ ሠራዊት
፭. ቅዱስ ጢሞቴዎስ ሰማዕት

[   †  ወርሐዊ በዓላት    ]

፩. ቅዱስ ዼጥሮስ ሊቀ ሐዋርያት
፪. ቅዱስ ዻውሎስ ብርሃነ ዓለም
፫. ቅድስት አውጋንያ [ሰማዕትና ጻድቅ]
፬. አቡነ ገብረ መንፈስ ቅዱስ ጻድቅ

" ወደ ጌታ ኢየሱስ በመጡ ጊዜ ግን እርሱ ፈጽሞ እንደ ሞተ አይተው ጭኑን አልሰበሩም:: ነገር ግን ከጭፍሮች አንዱ ጐኑን በጦር ወጋው:: ወዲያውም ደምና ውሃ ወጣ:: ያየውም መስክሯል:: ምስክሩም እውነት ነው:: እናንተም ደግሞ ታምኑ ዘንድ: እርሱ እውነት እንዲናገር ያውቃል:: ይህ የሆነ:- "ከእርሱ አጥንት አይሰበርም" የሚል የመጽሐፍ ቃል እንዲፈጸም ነው:: ደግሞም ሌላው መጽሐፍ:- "የወጉትን ያዩታል" ይላል::" [ዮሐ.፲፱፥፴፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊

[ †  እንኩዋን ለቅዱሳን ጻድቃን "አቡነ መድኃኒነ እግዚእ" : "ቅዱስ ዓምደ ሚካኤል" እና "ቅዱስ ኪርያቆስ" ዓመታዊ የዕረፍት በዓል በሰላም አደረሳችሁ † ]


🕊  †  አቡነ መድኃኒነ እግዚእ  †  🕊

መዘንጋታቸው እጅግ ከሚያስቆጭ ኢትዮጽያውያን አባቶች ትልቁን ሥፍራ እኒህ አባት ይወስዳሉ:: የማር ወለላን በሚያስንቅ ጣዕመ ሕይወታቸው ሃገራችንን ያጣፈጡ: ብርሃን ሆነው ብዙ ቅዱሳንን የለኮሱ ታላቅ ጻድቅ ናቸው::

አባ መድኃኒነ እግዚእ የተወለዱት በ፲፫ኛው መቶ ክ/ዘመን አካባቢ ትግራይ [አዲግራት] ውስጥ ነው:: ወላጆቻቸውም ቀሲስ ሰንበትና ሒሩተ ማርያም ይባላሉ:: በደግነትም እጅግ የታወቁ እንደ ነበሩ ገድላቸው ይናገራል:: "መድኃኒነ እግዚእ" ማለት "ጌታ መድኃኒታችን ነው" ማለት ነው::

ብዙ ጊዜም "ዘደብረ በንኮል - ሙራደ ቃል" እየተባሉ ይጠራሉ:: "ደብረ በንኮል" ማለት ትግራይ ውስጥ የሚገኝና ጻድቁ በ14ኛው መቶ ክ/ዘመን ያነጹት ገዳም ነው:: "ሙራደ ቃል" ደግሞ "የቃል [የምሥጢር] መውረጃ" እንደ ማለት ሲሆን በቦታው ሱባኤ የያዘ ሰው ልክ እንደ ቅዱስ ያሬድ ምሥጢር እንደሚገጥለት የሚጠቁም ስም ነው::

ጻድቁ መድኃኒነ እግዚእ በልጅነታቸው ከሊቁ ካህን አባታቸውና ከሌሎችም መምሕራን ተምረው: ምናኔን መርጠው ገዳም ገብተዋል:: በጾም: በጸሎትና በስግደት ተግተው ጸጋ እግዚአብሔር ሲሰጣቸው ወደ ደብረ በንኮል ሒደው ገዳም መሠረቱ::

በኢትዮዽያ ቤተ ክርስቲያን ታሪክ መካከለኛው ዘመን [በተለይ ከ፲፫ኛው እስከ ፲፭ኛው መቶ ክ/ዘመን ድረስ ያለው] የብርሃን ዘመን ይባላል:: ምክንያቱም ዘመኑ ፦

- ክርስትና ያበበበት::
- መጻሕፍት የተደረሱበት::
- ስብከተ ወንጌል የተስፋፋበት::
- ገዳማዊ ሕይወት የሠመረበት ወቅት በመሆኑ ነው::

ለዚህ ትልቁ አስተዋጽኦ ደግሞ :-

- አቡነ ተክለ ሃይማኖት::
- አቡነ ኤዎስጣቴዎስ::
- አባ ሰላማ ካልዕ::
- አቡነ ያዕቆብ::
- ቅዱሱ ንጉሥ ዘርዓ ያዕቆብ::
- አቡነ ኢየሱስ ሞዐ ዘሐይቅ::
- አቡነ መድኃኒነ እግዚእን የመሰሉ አበው መነሳታቸው ነው::

በተጨማሪም :-

- ፲፪ ቱ ንቡራነ ዕድ::
- ፯ቱ ከዋክብት::
- ፵፯ቱ ከዋክብት::
- ፭ቱ ከዋክብት የሚባሉ አበው አስተዋጽኦም ልዩ ነበር:: ከእነዚህ መካከልም የ፯ቱ እና የ፵፯ቱ ከዋክብት አስተማሪ: የአበው ፫ቱ ሳሙኤሎች [ዘዋልድባ: ዘጣሬጣና ዘቆየጻ] : የሌሎችም እልፍ አእላፍ ቅዱሳን አባት የሆኑት አባ መድኃኒነ እግዚእ የአንበሳውን ድርሻ ይወስዳሉ::

ጻድቁ ቅዱሳኑን ሰብስበው: አስተምረው: አመንኩሰው: መርቀው ሰደው: ሃገራችንን እንዲያበሩ በማድረጋቸው እንደ አባ ኢየሱስ ሞዐ እርሳቸውም "ወላዴ አእላፍ ቅዱሳን" ይባላሉ:: ታላቁ ጻድቅና ሰባኬ ወንጌል አባ ዓቢየ እግዚእም [ጐንደር ውስጥ እባብና ጅብ እንዳይጐዳ የገዘቱ አባት ናቸው] የእርሳቸው ደቀ መዝሙር ነበሩ ይባላል::

ጻድቁ መድኃኒነ እግዚእ በተትረፈረፈ የቅድስና ሕይወታቸው ብዙ ተአምራትን ሠርተዋል:: አራዊትን ገዝተዋል: በአንበሳ ጀርባ ላይ እቃ ጭነዋል:: ከረዥም የተጋድሎ ሕይወት በሁዋላም ኅዳር ፫ ቀን ዐርፈዋል:: እድሜአቸውም ፻፹ ነው::

" መድኃኒነ እግዚእ አቡነ መስተጋድል::
ምንኩስናሁ ምዑዝ ከመ ኮል::
በመንፈሰ ጸጋ ክሉል::" [መጽሐፈ ሰዓታት]

" ተአምረ ኃይልከ አባ መድኃኒነ እግዚእ አቡነ::
እም አፈ ዜናዊ ሰማዕነ:: ወበዓይነ ሥጋ ርኢነ::
መንክርኬ አእላፈ ቤትከ ንሕነ::
ባሕቱ በዝ ተአምሪከ ርድአነ::
ለሰይፈ አርዕድ ንጉሥ ዘወሀብኮ ኪዳነ::
ከመ ረድኤቱ ታፍጥን ጊዜ ጸብዕ ኮነ::" [አርኬ]


🕊  †   ቅዱስ ዓምደ ሚካኤል  †  🕊

የዚህ ቅዱስ ኢትዮዽያዊ ዜና ሕይወት ለሁላችንም ትልቅ ትምርትነት ያለው ነው:: በተለይ በምክንያት ከቅድስና ሕይወት እንዳንርቅ ያግዘናል ብየም ተስፋ አደርጋለሁ:: የቅዱሱ ወላጆች ገላውዴዎስና ኤልሳቤጥ ሲባሉ በምድረ ሽዋ በበጐ ምጽዋታቸው የተመሰከረላቸው ነበሩ::

ፈጣሪ ሰጥቷቸው ኅዳር ፰ ቀን [በበዓለ አርባዕቱ እንስሳ] ወልደውታልና "ዓምደ ሚካኤል - የሚካኤል ምሰሶ" ሲሉ ሰይመውታል:: ገና በልጅነቱ ብዙዎችን ያስገርም የነበረው ቅዱሱ አንዴ በ ፫ ዓመቱ ከቅዳሴ መልስ ጠፋቸው::

ወላጆቹ እያለቀሱ በሁሉ ቦታ ፈለጉት:: ግን ሊገኝ አልቻለም:: በ3ኛው ቀን የሞቱን መታሠቢያ ሊያደርጉ ካህናትና ምዕመናን ወደ ቤተ ክርስቲያን ሲገቡ ግን ባዩት ነገር ተገረሙ:: ሕጻኑ ዓምደ ሚካኤል ከቤተ መቅደሱ መሃል: ከታቦቱ በታች ካለው መንበር [ከርሠ ሐመር ይሉታል] ቁጭ ብሎ ይጫወታል::

ያየ ሁሉ "ዕጹብ ዕጹብ" ሲልም አደነቀ:: ምክንያቱም በተፈጥሮ ሥርዓት ሕጻን ልጅ ያለ ምግብ ፫ ቀን መቆየት ስለማይችልና ሕጻኑ በዚያ የቅድስና ሥፍራ ላይ ምንም ሳይጸዳዳ በመገኘቱ ነው::

ብጹዕ ዓምደ ሚካኤል ሥርዓተ ቤተ ክርስቲያንን እየተማረ: በጾምና በጸሎት አደገ:: በ፲፭ኛው ክ/ዘመን አጋማሽ ላይ ንጉሥ የነበረው ጻድቁ አፄ ዘርዓ ያዕቆብም ቅዱሱን የሠራዊት አለቃ [ራስ ቢትወደድ] : ወይም በዘመኑ አገላለጽ የጦር ሚኒስትር አድርጐ ሾመው::

መቼም እዚህ ቦታ ላይ ተቀምጦ መልካምን መሥራት ልዩ ነገርን ይጠይቃል:: በተለይ ደግሞ በዙሪያው የሚከቡትን ተንኮለኞች ድል መንሳቱ ቀላል አልነበረም:: ቅዱስ ዓምደ ሚካኤል ግን በዘመነ ሲመቱ እነዚህን ሠራ:-

፩. በጠዋት ተነስቶ ነዳያንን ይሰበስብና ቁርስ: ምሳ ያበላቸዋል:: ይሕም ዕለት ዕለት የማይቁዋረጥ በመሆኑ ሃብቱ አልቆ ደሃ ሆነ::

፪. ከቀትር በሁዋላ ዘወትር ቆሞ ያስቀድስና ጸበል ተጠምቆ ይጠጣል:: ማታ ብቻ እህልን ይቀምሳል::

፫. ሽፍታ ተነሳ ሲባል ወደ ዱር ወርዶ: ጸልዮ: ሽፍታውን አሳምኖት ይመጣል እንጂ አይጐዳውም::

፬. ጦርነት በሚመጣ ጊዜ ክተት ሠራዊት ብሎ ይወርዳል:: ግን ለምኖ: ጸልዮ: ታርቆ ይመጣል እንጂ ጥይት እንዲተኮስ አይፈቅድም ነበር::

በዚህ መንገድ በ፫ቱ ነገሥታት [በዘርዐ ያዕቆብ: በዕደ ማርያምና እስክንድር] ዘመን ሁሉ አካባቢውን ሰላም አደረገው:: ዓለም ግን ዓመጸኛ ናትና በአፄ እስክንድር ዘመን (በ፲፬፻፸ዎቹ) በሃሰት ተከሶ ስደት ተፈረደበትና ወደ በርሃ ተጋዘ::

በዚያም ቅዱስ ሚካኤል ሰማያዊ መናን እየመገበው: ሥጋ ወደሙን እያቀበለው ኖረ:: ትንሽ ቆይቶ ግን የሞት ፍርድ ተፈርዶበት በንጉሡ አደባባይ ተገደለ:: ለ፴ ቀናትም በመቃብሩ ላይ የብርሃን ምሰሶ ወረደ በዚህም ንጉሡ በእጅጉ ተጸጸተ::


🕊  †   ቅዱስ ኪርያቆስ  †    🕊

ሊቅነትን ከገዳማዊ ሕይወት የደረበው ቅዱስ ኪርያቆስ የቆረንቶስ ሰው ሲሆን አበው "ጥዑመ ቃል - አንደበቱ የሚጣፍጥ" ይሉታል:: ገና በልጅነቱ ቤተ ክርስቲያን ውስጥ ሲያነብ ከአንደበቱ ማማር: ከነገሩ መሥመር የተነሳ ከዻዻሱ እስከ ሕዝቡ ድረስ ተደመው ያደምጡት ነበር::

በወጣትነቱ ጣዕመ ዓለምን ንቆ ከቆረንቶስ ኢየሩሳሌም ገብቷል:: ቀጥሎም ወደ ፍልስጥኤም ተጉዞ የታላቁ አባ ሮማኖስ ደቀ መዝሙር ሁኖ መንኩሷል:: በገዳሙ ለበርካታ ዘመናት ሲኖርም እጅግ ብዙ ተአምራትን ሠርቷል::

በ፫፻፹፩ ዓ/ም መቅዶንዮስ: አቡሊናርዮስና ሰባልዮስ በካዱ ጊዜም ለጉባኤው ወደ ቁስጥንጥንያ ከሔዱ ሊቃውንት አንዱ ይሔው ቅዱስ ኪርያቆስ ነው:: ወደ ጉባኤው የሔዱትም ከታላቁ ሊቅና የኢየሩሳሌም ሊቀ ዻዻሳት ቅዱስ ቄርሎስ መንፈሳዊ ጋር ነው::+ሁለቱ እጅግ ወዳጆች ነበሩና:: በጉባኤውም መናፍቃንን ረትተው: ሃይማኖትን አጽንተው: ሥርዓትን ሠርተው ተመልሰዋል:: ቅዱስ ኪርያቆስም በተረፈ ዘመኑ በቅድስና ኑሮ በዚህች ቀን ዐርፏል:: አምላከ አበው የወዳጆቹን የቅድስና ምሥጢር ለእኛም ይግለጽልን:: በረከታቸውንም አትረፍርፎ ይስጠን::

[ ኅዳር ፫ [ 3 ] ቀን የሚከበሩ ዓመታዊ የቅዱሳን በዓላት ]

፩. አቡነ መድኃኒነ እግዚእ ጻድቅ [ዘደብረ በንኮል]
፪. ቅዱስ ዓምደ ሚካኤል ጻድቅ [የሠራዊት አለቃ]
፫. ቅዱስ ኪርያቆስ ሊቅ
፬. ቅዱስ ነአኩቶ ለአብ ንጉሥ [ልደቱ]
፭. ቅዱሳን አትናቴዎስና እህቱ ኢራኢ [ሰማዕታት]
፮. አቡነ ፍሬ ካህን

[ ወርኀዊ በዓላት ]

፩. በዓታ ለእግዝእትነ ማርያም ድንግል ወላዲተ አምላክ
፪. ቅዱሳን ኢያቄም ወሐና
፫. ቅዱሳን ሊቃነ ካህናት አበው [ዘካርያስና ስምዖን]
፬. አባ ሊባኖስ ዘመጣዕ
፭. አቡነ ዜና ማርቆስ
፮. ቅዱስ ቄርሎስ ሊቅ [ዓምደ ሃይማኖት]

"በረከት በጻድቅ ሰው ራስ ላይ ነው:: የኀጥአንን አፍ ግን ግፍ ይከድነዋል:: የጻድቅ መታሰቢያ ለበረከት ነው:: የኀጥአን ስም ግን ይጠፋል::" [ምሳሌ.፲፥፮]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]


         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

                       †                       


❝ አጽናኑ ፥ ሕዝቤን አጽናኑ ❞ [ ኢሳ.፵፥፩ ]


❝ እግዚአብሔርን ተስፋ አድርግ ፤ በርታ ፥ ልብህም ይጽና ፤ እግዚአብሔርን ተስፋ አድርግ። ❞ [ መዝ.፳፯ ፥ ፲፬ ]

በሌላ ስፍራም ፦

❝ እኔ ከአንተ ጋር ነኝና አትፍራ ፤ እኔ አምላክህ ነኝና አትደንግጥ ፤ አበረታሃለሁ ፥ እረዳህማለሁ። ❞ [ ኢሳ.፵፩ ፥፲ ]


💖                    🕊                     💖

                          †                          

💖  [    የትሕርምት ሕይወት !    ]  💖

🕊                      💖                      🕊

[   በፈተና መጽናትን በተመለከተ  !   ]

------------------------------------------------

በዚች ሌሊት ነፍስህን ከአንተ ሊወስዱአት ይፈልጓታል !

" ተወዳጆች ሆይ በሰው ፊት በአግባቡ ተመላለሱ ፤ በእግዚአብሔርም የበረታችሁ ሁኑ፡፡ እርሱ ምሕረቱ ለዘለዓለም ነውና፡፡

ተወዳጆች ሆይ ! ሰዎች ከቤተሰቦቻችሁ ስለምትወርሱት ሀብት ያነሱባችሁ እንደሆነ ፦ “አንተ ሰነፍ ፥ በዚች ሌሊት ነፍስህን ከአንተ ሊወስዱአት ይፈልጓታል ፤ ይህስ የሰበሰብኸው ለማን ይሆናል?” ተብሎ ተጽፎአል በሏቸው፡፡ [ሉቃ.፲፪፥፳]

ጨምራችሁም ፦ “ብልሃተኞች እንዲሞቱ ፥ ሰነፎችና ደንቆሮች በአንድነት እንዲጠፉ ፥ ገንዘባቸውንም ለሌሎች እንዲተዉ አይቶአል” ተብሎ ተጽፎአል በሏቸው፡፡ ስለዚህ ገንዘብ መውደድ ለእኔ ጥፋትና የኃጢአት ሥር ነው፡፡

ጌታችንም ፦ “ብልና ዝገት በሚያጠፉት ሌቦችም ቆፍረው በሚሠርቁት ዘንድ ለእናንተ በምድር ላይ መዝገብ አትስብስብ፡፡ ነገር ግን ብልም ዝገትም በማያጠፉት ሌቦችም ቆፍረው በማይሠርቁት ዘንድ ለእናንተ በሰማይ መዝገብ ሰብስቡ ፤ መዝገብህ ባለበት ልብህ ደግሞ በዚያ ይሆናልና፡፡” ብሎ አስተምሮኛል በል” ብሎ ይመክራል፡፡ [ማቴ.፮፥፲፱]  "

🕊

[  ቅዱስ ኤፍሬም ሶርያዊ  ]


🕊                        💖                    🕊

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[            ክፍል  ሠላሳ አምስት          ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[  የአጋዘን ግልገሎችን እንደ ፈወሰ !  ]

                         🕊                         

❝ አባ መቃርዮስ እንዲህ አለ ፡- “ አንድ ወቅት በበረሓው የሰሌን ቅርንጫፍ እየሰበሰብኩ ሳለ አንዲት አጋዘን ወደ እኔ መጣችና ፀጉሯን እየነጨች ዕንባዋ ወደ መሬት እስኪወርድ ድረስ ታለቅሳለች፡፡ ራሷን መሬት ላይ ጥላ ከእግሬ ጫፍ ላይ ወድቃ በዕንባዋ እግሬን አራሰችው፡፡ እኔም በዕንባዋ መፍሰስና በሁኔታዋ ተገርሜ ቁጭ አልኩና ፊቷን ዳስሼ በእጆቼ ቀባኋት ፣ እርሷም ትኩር ብላ ታየኝ ነበር፡፡ ከዚያም አጽፌን ያዘችና ትጎትተኝ ጀመር፡፡ እኔም ተከተልኳት፡፡

“ወደ ምትኖርበት በወሰደችኝ ጊዜ በዚያ ሦስት ልጆቿ ተኝተው አገኘሁ፡፡ ቁጭ ባልሁ ጊዜ እነዚያን ልጆቿን በየተራ እያመጣች ጭኔ ላይ አደረገቻቸው፡፡ በነካኋቸው ጊዜም አካላቸው የተበላሸና ችግር ያለበት መሆኑን ተረዳሁ ፣ ፊታቸው ወደ ኋላቸው የዞረ ነበር፡፡ እናታቸው እያለቀሰች ነበር ፡ እኔም አሳዘኑኝና እንዲህ እያልሁ ስለ እነርሱ ወደ አምላኬ ጮኽኩ ፡-

'እጅግ ብዙ የሆነ የምሕረት መዝገብ ያለህና ለፍጥረቱ ሁሉ የምታስብ አምላክ ጌታዬ ኢየሱስ ክርስቶስ ሆይ እባክህ በፈጠርካቸው ፍጥረታትህ ላይ ምሕረትህን አድርግላቸው ፤ እዘንላቸው፡፡ በጌታዬ በኢየሱስ ክርስቶስ ፊት እነዚህን ቃላት በዕንባ ሆኜ በተናገርኩ ጊዜ እጆቼን ዘርግቼ በአጋዘኗ ልጆች ላይ አዳኝ የሆነ የመስቀልን ምልክት አደረግሁ [ አማተብሁ ] ፣ ያን ጊዜም ተፈወሱ፡፡ ከጭኔ ባወረድኳቸው ጊዜ እናታቸው ወዲያውኑ ተቀበለቻቸውና ትንከባከባቸው ጀመረች፡፡

እነርሱም ወደ ጡቶቿ ሄደው ይጠቡ ጀመር፡፡ እርሷም በእነርሱ መፈወስ እጅግ በጣም ደስ አላት፣ በታላቅ ደስታ ሆና ዓይን ዓይኔን ትክ ብላ ትመለከተኛለች፡፡ እኔም ለእኔ ባደረገው ቸርነትና ለሚያስብላቸው ለሌሎች እንስሳትም ባለው መጋቢነት እግዚአብሔርን አደነቅሁ፡፡ እግዚአብሔርን ስለ ደግነቱና ቸርነቱ ፣ ለእያንዳንዱ ለፈጠረው ፍጥረት ሁሉ ስላለው የቸርነት ብዛት እያመሰገንሁ ተነሥቼ ሄድኩ፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

🕊                      †                        🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

[     የሦስቱ ፈቃድ አንድ ነው እንጂ !     ]

🕊

❝ ከሁሉ አስቀድሞ በአካል ልዩ በክብር አንድ የሚሆን ሦስትነትን እናስተምራለን ፥ እሊህም አብ ወልድ መንፈስ ቅዱስ ናቸው ፤ ሥላሴ በመለኮት አንድነት መለየት የለባቸውም ፤ አካላት ግን በባሕርይ መለየት ሳይኖር እያንዳንዱ አካል በገጽ ፥ በመልክ ፍጹም ነው።

ለአብ የአባትነት ስም ፤ የአባትነት ክብር አለው ፤ ለወልድም በባሕርይ ክብሩ ከአብ ሳያንስ የልጅነት ስም ፤ የልጅነት ክብር አለው ፤ መንፈስ ቅዱስም እንዲህ በክበር አይለይም ፤ ነገር ግን ተለውጦ አብ ወልድ አይባልም ፤ በዚህ ጊዜ ተገኘ አይባልም ፤ በመለኮት እንደ አብ እንደ ወልድ ነው እንጂ ፤ እስትንፋሳቸው ነውና ሦስቱም ትክክል ናቸውና።

ማንም ማን የጌትነታቸውን ነገር መፈጸም አይችልም ፤ የሦስቱን አካላት ባሕርይ ይለይ ዘንድ ማንም ማን አይድፈር ፤ ሦስቱን አንድ የሚያደርጋቸው ባሕርይ አንድ ነው እንጂ።

ዳግመኛም በየስማቸው በየገጻቸው ሦስቱን አካላት እንወቅ ፤ ከመለኮት ባሕርይ የተለየ አካል የለም ፤ በአካላትም በማይመረመር ክብር መለየት የለም ፤ የሦስቱ ሥልጣን የሦስቱ ፈቃድ አንድ ነው እንጂ። ❞

[      ቅዱስ ኤጲፋንዮስ      ]

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።


†                       †                         †
💖                    🕊                     💖

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[               ክፍል  ሠላሳ አራት             ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ ድውያንን መፈወሱና ሙት ማስነሣቱ ! ]

                         🕊                         

............. በልቡ ይጸልይ ነበር ! ..........

❝ ወደ ቅዱስ መቃርዮስ የተለያዩ በሽተኞችን ከግብጽ ሀገር ብቻ ሳይሆን ከተለያዩ ሀገሮችም ያመጧቸው ነበር፡፡ እርሱም አስቀድሞ ቅዱስ እንጦንዮስ ፦ “ እግዚአብሔር ለአባት መቃርዮስ የመፈወስ ጸጋን ሰጥቶታል ” ብሎ እንደ ተናገረ ሁሉንም እንደ ቅዱሳን ሐዋርያት ይፈውሳቸው ነበር፡፡ ሁል ጊዜ በበኣቱ ዙሪያም በሽተኞችና ርኲሳን መናፍስት ያለባቸው ሰዎች አይጠፉም ነበር፡፡ እርሱም እውነተኛ አምላክ በሆነው በኢየሱስ ክርስቶስ ስም ሲጸልይላቸው ሁሉንም በሽተኞች ይፈውሳቸውና ርኲሳን መናፍስትንም ያሳድዳቸው ነበር፡፡ ሌሎች የተለያየ በሽታ ያለባቸውንና የአእምሮ በሽተኞችን ሁሉ በኃይለ እግዚአብሔር እየፈወሳቸው እነርሱም እግዚኣብሔርን እያመሰገኑ ወደየ መጡበት ይመለሱ ነበር፡፡ ሙታንንም ያስነሣ ነበር ፤ በአጠቃላይ ቅዱስ መቃርዮስ በአምላኩ ኃይል ሊያደርገው ያልቻለው ነገር አልነበረም፡፡

መስማት የተሣነውንና አንደበቱ ዲዳ የሆነውን ፈወሰው

በአንድ ወቅት ርኲስ መንፈስ ያደረበትንና አንደበቱ ዲዳ የሆነ ምንም የማይናገርን ሰው ወደ እርሱ አመጡት፡፡ ያ ሰውም ከታሰረበት ገመድ በተፈታ ጊዜ በሚያገኘው ሰው ሁሉ ላይ ጉዳት ለማድረስ ያስቸግር ነበር፡፡ ወደ እርሱ ባመጡት ጊዜም ቅዱስ መቃርዮስ ይዘው ያመጡትን ሰዎች ፦ “ ተውት ልቀቁት ” አላቸው፡፡ እነርሱም ፦ “ አባታችን ሆይ ፣ ከለቀቅነውማ በዚህ በተሰበሰቡት ሰዎች ሁሉ ላይ ጉዳት ያደርሳል” አሉት፡፡ እርሱም ፦ “ዳግመኛ እኔ የምላችሁን ስሙ ፣ ልቀቁት ” አላቸው፡፡ በለቀቁት ጊዜም ታስሮበት የነበረውን ሰንሰለትና ገመድ ራሱ ፈታው፡፡ ከዚያም በኃይል እየጮኸ ወደ ተራራ ይሮጥ ነበር፡፡ ያመጡት ሰዎችም ቅዱስ መቃርዮስን ፦ " አባታችን ሆይ ፣ እነሆ አሁን ሁላችንንም ሊያጠፋን ነው” አሉት፡፡ እርሱም ፦ “አትፍሩ ኣይዟችሁ” ብሏቸው በልቡ ይጸልይ ነበር። በሽተኛውም በተራራው ላይ ከአንዱ ቦታ ወደ ሌላ ቦታ ይዘዋወር ነበር፡፡

እንዲያ ከዞረ በኋላ ተመልሶ ወደ ቅዱስ መቃርዮስ መጣ፡፡ አባት መቃርዮስም ፦ “ስምህ ማነው?” አለው ፤ ርኲስ መንፈሱም ፦ “ስሜን ትጠይቃለህን ? ሌጌዎን ነኝ ፣ ብዙዎች ነን” አለው፡፡ ቅዱስ መቃርዮስም ፦ " የሁሉ አምላክ በሆነው በኢየሱስ ክርስቶስ ስም አሁን ከዚህ ሰው ውጣ ፤ ወደ እርሱም መቼም ቢሆን ፈጽመህ አትግባ ፤ አምላኬ እንዲህ ያዝሃልና” አለው፡፡ ያን ጊዜም ያ ሰው መሬት ላይ ተዘረጋ ፣ እንደ ሞተ ሰውም ሆነ፡፡ ቅዱስ መቃርዮስም ጸሎት ያደረገበትን ውኃ በፊቱ ላይ ረጨው፡፡ በጆሮውና በአፉ ላይ በመስቀል ምልክት አማተበ ፣ ከዚያም ትንሽ ይተኛ ዘንድ ተወው፡፡ በዘይት ላይ በመጸለይ ሰውነቱን ቀባውና “ወደ ማደሪያህ ሂድ” አለው:: በተነሣ ጊዜም ከደዌው ሁሉ ተፈውሶ መስማትና መናገር የሚችል ሆነ ፤ እግዚአብሔርንም ያመሰግን ነበር፡ ፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

🕊                      †                        🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

[ እምነታችንም በዕሩቅ ብእሲ አይደለም ! ]

🕊

❝ ድኅነታችንም በዕሩቅ ብእሲ አይደለም ፥ እምነታችንም በዕሩቅ ብእሲ አይደለም ፥ መጽሐፍ በዕሩቅ ብእሲ የሚያምን ርጕም ይሁን ብሏልና" [ዘዳግ.፳፯፥፲፭]

ክርስቶስ ዕሩቅ ብእሲ እንደሆነ ስለሚናገሩ ሰዎች ምን እንላለን ? እርሱ እግዚአብሔር ቃል እንደሆነ በሁሉ ዘንድ የታወቀ የተረዳ ሲሆን ፥ እኛ ግን እግዚአብሔር ቃል ሰው እንደ ሆነ ያለመጠራጠር እናምንበታለን ፥ በእውነት ሰው ኾነ እንጂ በሐሰት አይደለም።

ዕሩቅ ብእሲ ሆኖ ከዚህ በኋላ መለኮት ያደረበት አይደለም ፥ አለኝታችን ደኅንነታችን ከዕሩቅ ብእሲ የተገኘ አይደለም።

ከአዳም ጀምሮ እስከ ዛሬ ከተፈጠረው ፍጥረት ሁሉ ማንም ማን ሊያድነን አልቻለም ፤ ከእግዚአብሔር ቃል በቀር ፥ በሰው ቢሆን አለኝታችን ከንቱ እንዳይሆን የባሕርይ አምላክ እርሱ ሰው ኾነ እንጂ። ❞

[      ቅዱስ ኤጲፋንዮስ      ]

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።


†                       †                         †
💖                    🕊                     💖

" በእሸቅድምድም ሥፍራ የሚሮጡት ሁሉ እንዲሮጡ: ነገር ግን አንዱ ብቻ ዋጋውን እንዲቀበል አታውቁምን? እንዲሁም ታገኙ ዘንድ ሩጡ:: የሚታገልም ሁሉ በነገር ሁሉ ሰውነቱን ይገዛል:: እነዚያም የሚጠፋውን አክሊል ሊያገኙ ነው:: እኛ ግን የማይጠፋውን::" [፩ቆሮ.፱፥፳፬]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊

† በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ †

[  እንኩዋን ለአበው ቅዱሳን "ሳሙኤል ዘወገግ": "ጸቃውዐ ድንግል" እና "ድሜጥሮስ" ዓመታዊ የዕረፍት በዓል በሰላም አደረሳችሁ።   ]


🕊  † አባ ሳሙኤል ዘወገግ  †  🕊

ሃገራችን ኢትዮዽያ ማኅደረ ቅዱሳን [ምዕራፈ ቅዱሳን] እንደ መሆኗ ፍሬ ክብር: ፍሬ ትሩፋት ያፈሩ ብዙ አባቶችና እናቶችን አፍርታለች:: ብርሃን ሁነው ካበሩላት ቅዱሳን መካከል አንዱ ደግሞ አቡነ ሳሙኤል ዘወገግ ናቸው::

በእኛው ሃገር ብቻ ብዙ "ሳሙኤል" የሚባሉ ቅዱሳን በመኖራቸው ስንጠራቸው "ዘእንትን" እያልን ነው:: ለምሳሌም:

- ሳሙኤል ዘዋሊ
- ሳሙኤል ዘወገግ [የዛሬው]
- ሳሙኤል ዘጣሬጣ
- ሳሙኤል ዘቆየጻ
- ሳሙኤል ዘሃሌ ሉያና
- ሳሙኤል ዘግሺን መጥቀስ እንችላለን:: ሁሉም የመካከለኛው ዘመን ሐዋርያዊ አባቶች ናቸው::

ጻድቁ አቡነ ሳሙኤል ዘወገግ የተወለዱት በ፲፫ኛው መቶ ክ/ዘመን ሲሆን ሃገረ ሙላዳቸው የብዙ ቅዱሳን ቤት የሆነችው ሽዋ ናት:: መንደራቸውም ከአቡነ ተክለ ሃይማኖት ብዙም አይርቅም::

የጻድቁ ወላጆች እንድርያስና አርሶንያ የሚባሉ ሲሆን ደጐች ነበሩ:: ጻድቁ በተወለደ ጊዜ የቤታቸው ምሰሶ ለምልሞ ተገኝቷል:: አቡነ ሳሙኤል ከልጅነታቸው መጻሕፍትን ተምረው በጉብዝናቸው ወራት ይህችን ዓለም ንቀዋል::

የታላቁ ጻድቅ አቡነ ተክለ ሃይማኖት ደቀ መዝሙር ሆነው በደብረ ሊባኖስ መንነዋል:: ከ፲፪ቱ ኅሩያን [ምርጦች] አርድእት አንዱ ነበሩና በክህነታቸው ደብረ ሊባኖስን ተግተው ያጥኑ ነበር:: በዚያውም በንጹሕ ልቡና በጾምና ጸሎት ይተጉ ነበር::

አቡነ ተክለ ሃይማኖት ካረፉ በሁዋላ በደጉ ዻዻስ በአቡነ ያዕቆብ ዘመን ፲፪ቱ ንቡራነ እድ ተመረጡ:: እነዚህ አባቶች በወንጌል አገልግሎት: በተለይ ደቡብና ምሥራቁን የሃገራችን ክፍል ያበሩ ናቸው:: ቅዱሳኑ ሲመረጡም ከአቡነ ፊልዾስ ቀጥለው በ፪ኛ ደረጃ የተመረጡ አቡነ ሳሙኤል ዘወገግ ናቸው::

ሃገረ ስብከታቸውም ሐረርና ሱማሌ ነበር:: ጻድቁ በሃገረ ስብከታቸው ወርደው በሐረርና ሱማሌ አካባቢ ለዘመናት የወንጌልን ዘር ዘርተው እልፍ ፍሬን አፍርተዋል:: አካባቢውንም መካነ ቅዱሳን አድርገውታል::

ቀጥለው ገዳማዊ ሕይወትን ያጸኑ ዘንድ በምሥራቁ የሃገራችን ክፍል በአፋር ሱባኤ ገቡ:: ቦታውም ደብር ሐዘሎ ነበር:: በቦታው ለ፻፶፭ ቀናት ከቆሙ ሳያርፉ: ከዘረጉ ሳያጥፉ: እህል ውሃ ሳይቀምሱ ጸለዩ::

በሱባኤያቸው ፍጻሜ ግን ቅዱስ መልአክ መጥቶ "ሳሙኤል ወደዚያ ተራራ ሒድ:: የስምህ መጠሪያ እርሱ ነውና:: ይህ ግን የሌላ ሰው [የአባ አንበስ ዘሐዘሎ] ርስት ነው" አላቸው:: ጻድቁም ወዳላቸው ተራራ ሒደው ቢጸልዩ ከሰማይ ብርሃን ወረደላቸው::

በመንፈቀ ሌሊት የበራው ብርሃን እስከ ጐረቤት መንደር ሁሉ በመድረሱ የአካባቢው ሰው "ወገግ አለኮ-ነጋ" ብለውዋል:: በዚህ ምክንያት ዛሬም "ደብረ ወገግ" ይባላል:: ይህ ቦታ ዛሬም ድረስ ንጹሕ ልብ ላላቸው አበው በብርሃን ተከቦ ይታያል::

ጻድቁ የወለዷቸው ብዙ ሥውራንም በሥፍራው ይገኛሉ:: ቦታው የአንበሶች መኖሪያ በመሆኑ ጠላት መናንያኑን ማጥቃት አይችልም:: ሳሙኤል ዘወገግም የሚጸልዩት በአናብስት ተከበው ነበር:: በቦታው አንዳንዴም አንበሶች ሲሰግዱ ይታያል ይባላል:: ጻድቁ አቡነ ሳሙኤል ግን እንዲህ በቅድስና ተመላልሰው በ፲፬ኛው መቶ ክ/ዘመን ሱማሌ ክልል ውስጥ በዚህች ቀን ዐርፈዋል:: የጻድቁ ልደት ሐምሌ ፱ : ፍልሠታቸው ደግሞ ግንቦት ፳፯ ነው::


🕊 † አባ ጸቃውዐ ድንግል † 🕊

እኒህ ጻድቅም ኢትዮዽያዊ ናቸው:: የስማቸው ትርጉም "የድንግል ማርያም ወለላ ማር" ማለት ሲሆን ዜና ሕይወታቸው እንደ ስማቸው ጣፋጭ ነው::

የእኒህ ጻድቅ አባታቸው የተመሰከረላቸው ሊቅና የገዳም መምሕር ናቸው:: ምክንያቱም ጸቃውዐ ድንግልን ከወለዱ በሁዋላ መንነዋልና:: አባት የደብረ ዘኸኝ መምሕር ሳሉ ልጃቸው ጸቃውዓ ድንግልን ወደ ገዳሙ ወስደው አሳደጉዋቸው::

በዚያውም ጾምና ጸሎትን: ትዕግስትና ትሕርምትን አስተማሯቸው:: ቅዱሳት መጻሕፍትንም በወጉ አስጠኗቸው:: አባ ጸቃውዐ ድንከግልም በጐውን የምናኔ ጐዳና ከተማሩ በሁዋላ መዓርገ ምንኩስናን ተቀበሉ::

፵ ዓመት ሲሞላቸው ግን አባታቸው ዐረፉ:: መነኮሳት አበውም ተሰብስበው "ከአንተ የተሻለ የለም" ሲሉ ጸቃውዐ ድንግልን የደብረ ዘኸኝ መምሕር አድርገው ሾሟቸው:: ጻድቁም ቀን ቀን ሲያስተምሩ ይውሉና ሌሊት ባሕር ውስጥ ሰጥመው ሲጸልዩ ያድሩ ነበር::

በሌሊትም ከባሕሩ ወጥተው የአካላቸው ርጥበት ደርቆ ላበታቸው እስኪንጠፈጠፍ ድረስ ይሰግዱ ነበር:: በዚህ መንገድም ራሳቸውን ገዝተው: መነኮሳትንም ገርተው ያዙ:: እግዚአብሔርም ክብራቸውን ይገልጽ ዘንድ ብዙ ተአምራትን በእጃቸው አሳይቷል::

አንድ ቀን አባ ጸቃውዐ ድንግል መንገድ ሲሔዱ ሁለመናው በቁስል የተመታ አንድ መጻጉዕ ነዳይ ወድቆ አዩ:: ወደ እርሱ ሲደርሱ ምጽዋትን ለመናቸው:: ጻድቁ ግን "የምሰጥህ ነገር የለኝም:: ግን የፈጣሪየን ስጦታ እሰጥሃለሁ" ብለው: በውሃ ላይ ጸልየው ረጩት::

ያ መጻጉዕም አካሉ ታድሶ: እንደ እንቦሳ ዘሎ ተነሳ:: ደስ እያለው: ፈጣሪውንም እያከበረ ወደ ቤቱ ሔዷል:: አባ ጸቃውዐ ድንግልም በዚህች ቀን ዐርፈው በገዳማቸው ተቀብረዋል::


🕊 † ቅዱስ ድሜጥሮስ ሰማዕት † 🕊

ይህ ቅዱስ በዘመነ ሰማዕታት: በ፫ኛው መቶ ክ/ዘመን መጨረሻ አካባቢ ከነበሩ ክርስቲያኖች አንዱ ነው:: ቅዱስ ድሜጥሮስ ስቅጣር ከሚባል ደግ ባልንጀራው ጋር በበጐው ጐዳና ሲኖሩ የመከራው ዘመን ደረሰ:: መወሰን ነበረባቸውና ፈጣሪያቸውን ከሚክዱ ሞትን መረጡ::

አስቀድሞም ሲያስተምር በመገኘቱ ቅዱስ ድሜጥሮስ በንጉሡ እጅ ወደቀ:: ንጉሡ መክስምያኖስም እሥራትን አዘዘበት:: በዚያ ወራት ደግሞ የንጉሡ ወታደር የሆነና በጣዖት የሚመካ አንድ ጉልበተኛ ነበር::

ማንም በትግል አሸንፎት ስለማያውቅ ጣዖታዊው ንጉሥ ይመካበት ነበር:: አንድ ቀን ግን አንድ ክርስቲያን ወደ እሥር ቤት ገብቶ ቅዱስ ድሜጥሮስን "ባርከኝና ያንን ጣዖታዊ ጉልበተኛ እጥለዋለሁ" አለው::

የቅዱሱን ጸሎትና በረከት ተቀብሎም በንጉሡ አደባባይ ታግሎ ጣለው:: ንጉሡና የጣዖቱ ካህናትም በእጅጉ አፈሩ:: በሁዋላ ግን ይህንን ያደረገው ቅዱስ ድሜጥሮስ መሆኑ በመታወቁ ከባልንጀራው ቅዱስ ስቅጣር ጋር በዚህች ቀን ገድለዋቸዋል::

አምላከ አበው ቅዱሳን ጸጋ ክብራቸውን ያብዛልን:: ከበረከታቸውም ይክፈለን::

🕊

[ † ጥቅምት ፳፱ [ 29 ] ቀን የሚከበሩ ዓመታዊ የቅዱሳን በዓላት ]

፩. አቡነ ሳሙኤል ጻድቅ [ዘደብረ ወገግ]
፪. አባ ጸቃውዐ ድንግል [ዘደብረ ዘኸኝ]
፫. ቅዱስ ድሜጥሮስ ሰማዕት
፬. ቅዱስ ስቅጣር ሰማዕት

[ † ወርኀዊ በዓላት ]

፩. የፈጣሪያችን ኢየሱስ ክርስቶስ ልደት
፪. ቅዱስ ዼጥሮስ ተፍጻሜተ ሰማዕት
፫. ቅዱስ ማርቆስ ዘቶርማቅ
፬. ቅድስት ፍቅርተ ክርስቶስ ኢትዮዽያዊት
፭. ቅዱስ ዘርዐ ክርስቶስ
፮. ቅድስት አርሴማ ድንግል

                           †                           

[  🕊 መላእክት ሁሉ ይዘምሩላታል 🕊 ]  

🌼▬▬▬▬▬▬▬▬▬▬▬▬🌼

❝ በሰማያት ኵሎሙ መላእክት ይኬልልዋ… ወበምድርኒ ኵሎሙ ቅዱሳን ይቄድስዋ... እስመ ወለደት ወልደ ዘበኵራ ያፈቅርዋ እንዘ ንጽሕት በድንግልና… አልባቲ ሙስና ፤ ❞

ትርጉም ፦ በሰማያት መላእክት ሁሉ ይዘምሩላታል ፣ … በምድርም ቅዱሳን ሁሉ ያመሰግኗታል ፣ … በድንግልናዋ ንጽሕት ስትሆን የበኵር ልጇን ወልድን ስለወለደች ይወዷታልና ፣ … እሷ ርኵሰት የሌለባት ናት"

🕊

[   ድጓ ዘክረምት   ]


†                       †                      †
💖                    🕊                   💖

                          †                          

💖  [    የትሕርምት ሕይወት !    ]  💖

🕊                      💖                      🕊

[     በፈተና መጽናትን በተመለከተ  !    ]

አብዝቶ እንዲያፈራ ያጠራዋል  !

❝ ክፉ ሐሳብም ወደአእምሮህ በገባ ጊዜ በልቅሶ ሆነህ ፦ “ጌታዬ ሆይ ራራልኝ ኃጢአተኛ ነኝና ይቅር በለኝ ሰውን ወዳጅ ሆይ ይህ ክፉ ሐሳብ ከእኔ አውጥተህ ጣልልኝ” ብለህ ወደ አምላክ በነፍስህ ጩኽ፡፡

እግዚአብሔር በሕሊናህ የሚመላለሰውን ሐሳብ ያውቃልና እርሱ ከክፉ ፈቃድ የሆነውን አስተሳሰብ ይለያልና፡፡ እንዲሁ ከሚዋጉን ክፉ አጋንንት እንጂ ከእኛ ያልመነጨውን የእኛ ሐሳብ አስመስለው በአእምሮአችን ያስገቡትን የአጋንንትን ሥራ ያውቃል፡፡

ይህንን ልብ በል ፤ ብዙ በተጋደልህና በጽናት ሆነህ ጌታህን ባገለገልኽ ቍጥር አእምሮህና አስተሳሰብህ የፊትን መልክ እንደሚያሳይ ጥርት እንዳለ ውኃ ከክፉ ሐሳብ ንጹሕ ይሆንልሃል፡፡ ይህም ጌታችን “...ፍሬ የሚያፈራውንም ሁሉ አብዝቶ እንዲያፈራ ያጠራዋል” ብሎ እንደተናገረው ነው፡፡ [ዮሐ.፲፭፥፪]

ምክንያቱም ጌታችን ከእኛ የሚሻው እና እርሱ ሊያግዘን የሚወድደው መዳናችንን ለመፈጸም በጽናት ሆነን የተጋደልን እንደሆነ ብቻ ነውና፡፡ ክፉ አስተሳሰቦችን በተመለከተ ጌታችን የተናገረውን ልብ በሉ ፦ ወይኑ በተገረዘ ጊዜ ፍሬው ወይን ጠጅ ይሰጥ ዘንድ በመጥመቂያው ውስጥ ይጣላል ፣ በእግርም ይረገጣል ፣ ከዚያም ወይን ጠጅ ለመሆን ይዘጋጃል፡፡ የተረገጠው ወይን የወይን ጠጅ ለመሆን እንዲፈላ ይደረጋል፡፡ ወይኑ ከመፍላቱ የተነሣ የሚፈላበት ጋን የወይኑን ኃይል መቋቋም ስለማይችል ጋኑን እንዳይሠብረው ሲባል መግጠሚያው ይነሣል፡፡ እንዲሁ በሰዎች አእምሮ ውስጥ ይህ ይሆናል፡፡ ❞

[  ቅዱስ ኤፍሬም ሶርያዊ  ]


🕊                        💖                    🕊

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[               ክፍል  ሠላሳ ሦስት             ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ አጋንንት ዳግመኛ በእርግናው ወራት አባ መቃርዮስን ሊፈትኑት መጡ ! ]

                         🕊                         

ባወቀባቸው ጊዜ ዝም እላቸው ! .....

❝ ድካም እየተጫጫነው እየሄደ እያለ በእንድ ወቅት በበኣቱ ውስጥ ሳለ ሰይጣናት ምጽዋትን በሚለምኑ ሰዎች አምሳል ሆነው ፦ " ምጽዋት ትሰጠን ዘንድና ምሕረትን ታደርግልን ዘንድ እንለምንሃለን " እያሉ የበኣቱን በር አንኳኩ ፣ እርሱም ነግራቸውን ባወቀባቸው ጊዜ ዝም እላቸው ምንም ቃል አልመለሰላቸውም፡፡

እነርሱም እርስ በእርሳቸው “ ተኝቷል ! እንቅልፍ ዓይኑን አክብዶታል ፣ ሞቶልን በሆነ ባረፍንና ከእርሱ በተገላገልን ነበር " ይሉ ነበር፡፡ እርሱ ግን ነፍሱ በእግዚአብሔር የጸናች ንቅህት ነበረችና እነርሱ የሚያደርጉትን ከንቱ የሆነ እሳሳችና ምትሃታዊ ድርጊት እንደ ኢምንት ቆጠረባቸው፡፡ሰይጣናቱም ፦ “ ሞቶ ከሆነ ከብዙ ተጋድሎው እናርፋለን ፤ ከእርሱ ሞት በኋላ ይህን የመነኰሳት ማኅበር እንበትነዋለን ፣ ይህን ገዳምም ከእነዚህ መነኰሳት ነጻ እናደርገዋለን ፣ እነርሱ ወደዚህ ከመምጣታቸው በፊት እንደ ነበረው ማድረግ አለብን” አሉ፡፡

ቅዱስ መቃርዮስም እንዲህ ሲሉት ይሰማቸው ነበርና እሳፈራቸው ፤ በአርምሞው ዘለፋቸው ጸሎቱን ያለ ማቋረጥ በመጸለይ ችላ ባላቸውና ባሳፈራቸው ጊዜ ታወኩ ፤ ተረበሹ፡፡  ከዚያም የበኣቱን በር በድንጋይ ይሰብሩ ዘንድ ተነሡ ፡ በዚህም ነፍሱ አልተናወጸችም ዳግመኛም ድንጋይ አነሡና ከወደ ውጭ ይደበድቡት ጀመር፡፡ ሆኖም እግዚኣብሔር ከእነርሱ ስለ ሰወረው ከእነርሱ አንዳች ጥፋት አላገኘውም፡፡ እርሱ አሁንም በአርምሞ ሆኖ ዝም ብሎ ይመለከታቸው ነበር፡፡ እነርሱ የሚወረዉሩት ድንጋይም ወደ ራሳቸው እየተመለሰ የአንዱ ድንጋይ ሌላውን የሚመታው ሆነ፡፡ እነርሱም ምንም እንደማይመልስላቸው ባዩ ጊዜ እነሆ መቃራ በእውነት ሞቷል" እያሉ በመሞቱ እጅግ ደስ እያላቸው ይጮኹ ጀመር፡

ቃላቸውን ከፍ አድርገው አኃው እስኪሰሟቸውና ምን እንደ ሆነ መጥተው እስኪያዩ ድረስ በኃይል እልል ይሉ ነበር፡፡ ከዚህ በኋላ አረጋዊ ቅዱስ በኃይለ መንፈስ ቅዱስ ተነሣና “እግዚአብሔር ያሳፍራችሁ ፣ ከምድር ሁሉ ያውካችሁ” አላቸው:: ቃሉን በሰሙ ጊዜ እንዳልሞተ አወቁ፡፡ ያን ጊዜ ትቢያ ከመሬት ላይ እያነሡ ወደ አየር እየበተኑ “ ሽምግልናህ የከፋ ክፉ የሆንክ አረጋዊ ፣ አንተ በእኛ ላይ በርትተህብናል ፣ አሸንፈኸናልም ” አሉ፡፡ እርሱም በጌታ ስም ገሠጻቸው ፤ እነርሱም እንደ ብዙ አንበጣ ሆነው በደመና አምሳል እየበረሩ
ሄዱ፡፡

ከዚያን ጊዜ ጀምሮ እግዚአብሔር ቅዱስ መቃርዮስን ከሰይጣናት ፈተናና ከተንኮላቸው ሁሉ ያሳርፈው ዘንድ ወደደ፡ ፡ እርሱም ከዚያን ጊዜ ጀምሮ በዕረፍትና በጸጥታ ልብ መኖር ጀመረ ፤ ከዚህ ዓለም እስከሚሄድበት ጊዜ ድረስም ከዚያ በኋላ ከኃዘናትና ከፈተናዎች አንድም እንኳ ያውከው ዘንድ አልመጣበትም፡፡ እርሱ ግን ኃዘናትና ፈተናዎች የሚመጡበት እየመሰለው ይጠባበቅ ነበር፡፡ ስለዚህም ሁል ጊዜ ልክ ከልጅነቱ ጀምሮ እስከ እርግናው ያደርግ እንደ ነበረው ልቡ ንቁህ ነበር፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

💛

🕊     ቅ ዱ ስ አ ማ ኑ ኤ ል     🕊

❝ ሰላም ለአስተርእዮቱ በሥጋ
ዘአስተርአየ ገሃድ ከመ የሀበነ ጸጋ ❞

[  በግልጽ ጸጋን ያድለን ዘንድ በሥጋ የተገለጠ ለኾነ ለእርሱ አገላለጥ ሰላምታ ይገባል ]

▬▬▬▬▬▬   †    ▬▬▬▬▬▬

❝ ስለዚህ ጌታ ራሱ ምልክት ይሰጣችኋል ፤ እነሆ ፥ ድንግል ትፀንሳለች ፥ ወንድ ልጅም ትወልዳለች ፥ ስሙንም አማኑኤል ብላ ትጠራዋለች። ❞

[ ኢሳ.፯፥፲፬ ]

" Therefore the Lord himself shall give you a sign; Behold, a virgin shall conceive, and bear a son, and shall call his name Immanuel."

[ Isaiah 7:14 ]


🕊                        💖                     🕊
                             👇

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

✞ ጥቅምት ፲፰ [ 18 ] ቀን የሚከበሩ ዓመታዊ የቅዱሳን በዓላት ✞

† 🕊  ቅዱስ ቴዎፍሎስ ሊቅ  🕊 †

✞ በምድረ ግብጽ ከተነሱና ለቤተ ክርስቲያን አብዝተው ከደከሙ አባቶች አንዱ አባ ቴዎፍሎስ ነው:: የተወለደው በ፬ [4]ኛው መቶ ክ/ዘመን መጀመሪያ አካባቢ ሲሆን ቴዎፍሎስ [ታኦፊላ] በመባል ይታወቃል:: ገና ልጅ እያለ ቴዎዶስዮስ ከሚባል ባልንጀራው ጋ በተመሳሳይ ሌሊት ተመሳሳይ ሕልምን ያያሉ::

+ ፪ [2]ቱ ሕጻናት ያዩት እንጨት ሲለቅሙ ነበር:: ሕልምን የሚተረጉመው ሰውም ቴዎዶስዮስን "ትነግሣለህ" ሲለው ቴዎፍሎስን "ፓትርያርክ ትሆናለህ" አለው:: ለጊዜው አልመሰላቸውም::

+ ከዚያም ወደ ት/ቤት ገብተው: መጻሕፍትን ተምረው ቴዎዶስዮስ ወደ ንጉሡ ከተማ ቁስጥንጥንያ ሲሕድ ቅዱስ ቴዎፍሎስ ግን የታላቁ ሊቅ አባ አትናቴዎስ ደቀ መዝሙር ሆነ:: በዚያም ከቅዱሱ እየተማረ: እያገለገለ ዘመናት አለፉ::

+ ቅዱስ አትናቴዎስ ካረፈ በኋላም ለ፪ [2] ፓትርያርኮች ረዳት ሆኖ ተመርጧል:: በመጨረሻ ግን ሕልም ተርጉዋሚው ያለው አልቀረምና ቴዎዶስዮስ 'ታላቁ' ተብሎ በቁስጥንጥንያ ላይ ሲነገሥ ቅዱስ ቴዎፍሎስም ፓትርያርክ [ሊቀ ዻዻሳት] ተብሎ በመንበረ ማርቆስ ላይ ተቀመጠ::

+ በ፫፻፹፬ [384] ዓ/ም የእስክንድርያ 23ኛው ሊቀ ዻዻሳት ከሆነ በኋላ የመጀመሪያ ሥራው በዘመኑ ገነው የነበሩ መናፍቃንን መዋጋት ነበር:: ለዚህም ይረዳው ዘንድ የእህቱ ልጅ የሆነውን ቅዱስ ቄርሎስን ወስዶ አስተማረው:: ፪ [2]ቱ አባቶች እየተጋገዙም ቤተ ክርስቲያንን ከአራዊት [መናፍቃን] ጠበቁ:: ዛሬ በሃይማኖተ አበው የምናውቀውን ጨምሮ ቅዱሱ በርካታ ድርሰቶችንም ደረሰ::

+ ቅዱስ ቴዎፍሎስን ለየት ከሚያደርጉት ነገሮች መካከል ጥቂቶቹን እንመልከት:-

፩. ቅዱሱ በዘመኑ ከመንበረ ዽዽስናው በር ቁጭ ብሎ ይተክዝ ነበርና አንዲት ባለ ጸጋ ሴት መጥታ "አባቴ! ምን ያስተክዝሃል?" ስትል ጠየቀችው::

+ ሊቁም "ልጄ! እዚህ የቆምንበት ቦታ ውስጥ ወርቅ ተቀብሮ ሳለ ነዳያን ጦማቸውን ያድራሉ:: አባቴ አትናቴዎስ እንዳዘነ አለፈ:: እኔም ያው ማለፌ ነው" አላት:: ባዕለ ጸጋዋም "አባ አንተ ጸሎት: እኔ ጉልበትና ሃብት ሁነን እናውጣው" አለችው::

+ "እሺ" ብሏት ሱባኤ ገባና ከመሬት በታች ፫ [3] ጋን ሙሉ ወርቅ ተገኝቶ ደስ አላቸው:: ግን በላያቸው ላይ ተመሣሣይ "ቴዳ: ቴዳ: ቴዳ" የሚል ጽሑፍ ነበረውና ማን ይፍታው:: በዚህ ጊዜ ቅዱስ ቴዎፍሎስ ወደ እመቤታችን አመልክቶ ምሥጢር ተገለጠለትና ሲተረጉመው ማሕተሞቹ ተፈቱ::

+ ሲተረጐምም ቴዳ ፩ [1] "ክርስቶስ" ማለት ሆነ:: ይሔም ለነዳያን ተበተነ:: ቴዳ ፪ [2] "ቴዎፍሎስ" ማለት ሆነ:: አብያተ ክርስቲያናት ታነጹበት:: ቴዳ ፫ [3] ደግሞ "ቴዎዶስዮስ" ሆነ:: 'የቄሣርን ለቄሣር' እንዲል ፫ [3]ኛው ጋን የአቡነ ኪሮስ ወንድምና የገብረ ክርስቶስ መርዓዊ አባት ለሆነው ለደጉ ንጉሥ ቴዎዶስዮስ ተላከለት::

+ ንጉሡ ግን ከወርቁ ጥቂት ለበረከት ወስዶ ለአባ ቴዎፍሎስ መለሰለት:: አብያተ ጣዖቶችን እያፈረሰ አብያተ ክርስቲያናትን እንዲያንጽም ስልጣን ሰጠው:: ቅዱስ ቴዎፍሎስም በዚህ ገንዘብ በመቶ የሚቆጠሩ አብያተ ክርስቲያናትን እንዳነጸበት ይነገራል::

+ በተለይ ደግሞ የቅዱስ ሩፋኤልን ቤት በአሣ አንበሪ ጀርባ ላይ ያነጸው እርሱ ነው:: [ድርሳነ ሩፋኤል] የድንግል ማርያምን ሲያንጽም እመቤታችን ተገልጣለታለች::

+ የቅዱስ ዮሐንስ መጥምቁን አጽም አፍልሦ ከነቢዩ ኤልሳዕ ጋር ቤቱን ሲቀድስለትም ተአምራት ተደርገዋል:: የሠለስቱ ደቂቅን ቤተ ክርስቲያን አንጾ የቀደሰ ጊዜ ደግሞ ቅዱሳኑ ከሰማይ ወርደውለታል::

፪.ቅዱስ ቴዎፍሎስ እመቤታችንን ይወዳት ነበርና ለ፰ [8] ጊዜ ያህል ተገልጣ አነጋግራዋለች:: "ደፋሩ አርበኛ" ስትል ጠርታ: ሙሉ ዜና ስደቷንና ሕይወቷን አጽፋዋለች:: [ተአምረ ማርይም]

፫. ሕጻናትን ሲያጠምቅም ከብቃት የተነሳ የብርሃን መስቀል ይወርድለት ነበር:: ቅዱስ ቴዎፍሎስ በሊቀ ዽዽስና በቆየባቸው ፳፰ [28] ዓመታት እንዲህ ተመላልሶ በ፬፻፲፪ [412] ዓ/ም ዐርፎ ቅዱስ ቄርሎስ በመንበሩ ተተክቷል:: ነገር ግን አንዳንድ የዘመናችን 'ጸሐፊ ነን ባዮች' የመናፍቃንን መጻሕፍት እየገለበጡ ቅዱሱን ይሳደባሉና ብንጠነቀቅ እመክራለሁ::

† 🕊 ቅዱስ ሮማኖስ ሰማዕት 🕊 †

✞ ይህ ቅዱስ ሰማዕት ብዙ ጊዜ "ኃያሉ" እየተባለ ነው የሚጠራው:: በዘመነ ሰማዕታት ከራሱ አልፎ ብዙ ክርስቲያኖችን በድፍረት ያጸናቸው ነበር:: በወቅቱ በምድረ ግብጽ መከራው እጅግ ስለ በዛ ብዙዎቹ አልቀው: እኩሉም ተሰደው: አንዳንዶቹ ደግሞ መካዳቸውን ሲሰማ ቅዱሱ ለጸሎት ከተወሰነበት ቦታ ወጥቶ: ሕዝቡን ሰብስቦ መከራቸው::

+ "ወገኖቼ! ልቡናችንን በክርስቶስ ፍቅር ካጸናነው ሞት ቀላልና አስደሳች ነገር ነው" ብሎም አበረታታቸው:: ይህን የሰማ መኮንኑ ግን ተቆጥቶ አስጠራው:: በዓየር ላይ ዘቅዝቆም ኢ-ሰብአዊ በሆነ ጭካኔ ደሙ እስኪንጠፈጠፍ ድረስ አሰቃየው::

+ ይህ ሁሉ እየሆነበት ቅዱስ ሮማኖስ ልቡ በአምላኩ ፍቅር ተመስጦ ነበርና አንዳች አልመለሰም:: መኮንኑ ግን ገርሞት "እንዴት ይህ ሁሉ እየሆነብህ ዝም አልክ?" ቢለው የ፫ [3] ዓመት ሕጻን ጥራና ስለ እውነተኛው አምላክ ጠይቀው" አለው::

+ አንድ ሕጻን አስመጥቶ በአደባባይ ጠየቀው:: ሕጻኑም መለሰና "አዕምሮ የጐደለህ መኮንን ሆይ! አስተውል:: ከክርስቶስ በቀር ሌላ አምላክ የለም" ሲል ገሰጸው:: መኮንኑ በቁጣ ሕጻኑን በዓየር ላይ አሰቅሎ አስገረፈው:: ሕጻኑ ሕጻኑ ደሙ ሲፈስ እናቱን "ውሃ አጠጪኝ?" አላት:: እርሷ ግን "ልጄ! እኔ ውሃ የለኝም:: ወደ ሕይወት ውሃ ክርስቶስ ሒድ" አለችው::

+ በዚያን ጊዜ መኮንኑ የሕጻኑን ራስና የቅዱስ ሮማኖስን ምላስ አስቆረጠ:: ቅዱሱ ግን መንፈሳዊ ልሳን ተሰጥቶት ፈጣሪውን አመሰገነው:: የሚያደርገውን ያጣው መኮንኑም በዚህ ዕለት ቅዱሱን ገድሎታል::

✞ አምላከ ቅዱሳን ጸጋውን ክብሩን አይንሳን:: የአባቶቻችንንም በረከት ያብዛልን::

[  † ጥቅምት ፲፰ [ 18 ] ቀን የሚከበሩ ዓመታዊ የቅዱሳን በዓላት  ]

፩. ቅዱስ ቴዎፍሎስ ሊቅ
፪. ቅዱስ ሮማኖስ ሰማዕት
፫. ቅዱስ ዮሐንስ ሰማዕት
፬. ቅድስት አስማኒትና ፯ [7]ቱ ልጆቿ

[  † ወርኀዊ የቅዱሳን በዓላት   ]

፩. ቅዱስ ፊልዾስ ሐዋርያ
፪. አቡነ ኤዎስጣቴዎስ ሰባኬ ሃይማኖት [ረባን]
፫. አቡነ አኖሬዎስ ዘደብረ ጽጋጋ
፬. ማር ያዕቆብ ግብፃዊ
፭. ቅዱስ ያዕቆብ ሐዋርያ [ከ ፸፪ [72]ቱ አርድእት]
 

" ሞቱን በሚመስል ሞት ከእርሱ ጋር ከተባበርን: ትንሳኤውን በሚመስል ትንሳኤ ደግሞ ከእርሱ ጋር እንተባበራለን:: ከእንግዲህስ ወዲያ ለኃጢአት እንዳንገዛ የኃጢአት ሥጋ ይሻር ዘንድ አሮጌው ሰዋችን ከእርሱ ጋር እንደ ተሰቀለ እናውቃለን::" [ሮሜ.፮፥፭] (6:5)

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🌹 #ታላቅ_የምሥራች_የሁለት_ቅዱሳን_ገድል_በአንድ ላይ ታትሟል።


🌹 እንደ እግዚአብሔር መልካም ፈቃድ #ሃያ_ኹለት_ዓመት_ተረግዞ ኖሮ በኃላ በጸሎታቸው ኃይል ፂምና ጥርስ ያለው ልጅ እንዲወለድ ያደረጉት፣ ታቦተ ጽዮንን 40 ዓመት ያጠኑ፣ አንበሳን 7 ዓመት ውኃ ያስቀዱት፣ ንግሥናን ንቀው የመነኑ ታላቁ ጻድቅ #አቡነ_አላኒቆስ እና ኤርትራ አገር የሚነኘው #ደብረ_ጥሉል_ገዳምን_የመሰረቱ በዐፄ ሱስንዮስ ዘመን የነበረውን የቤተ ክርስቲያንን ጥፋት ላለማየት ሳይወለዱ በእናታቸው ማኅፀን 7 ዓመት ከ6 ወር የቆዩት #የታላቁ_አባት_አቡነ_አብራኒዮስ ገድላቸው በአንድ ላይ ታትሟል።



🌹 እግዚአብሔር አምላክ ከአቡነ አላኒቆስ እና ከአቡነ አብራንዮስ ረድኤትና በረከትን ያሳትፈን፣ በጸሎታቸው ይማረን!።

🌹 በዚያንም ጊዜ ሮማኖስ መኰንኑን እንዲህ አለው "እነሆ ስንፍናህን እዘልፍ ዘንድ ፈጣሪዬ አፌን ከፈተ እውነት ነገርን ብታውቅ ለእግዚአብሔር እንሰግድ ዘንድ ይገባ እንደሆነ ወይም ለአማልክት እንዲነግረን ሕፃን ልጅ እንዲአመጡ እዘዝ" መኰንኑም ታናሽ ሕፃንን እንዲአመጡ አዘዘ መኰንኑም ሕፃኑን "ስግደት ለማን እንዲገባ ዕውነቱን ንገረን" አለው። ሕፃኑም "ልብ የሌለህ ደንቆሮ መኰንን በአንዲት ቃል ዓለሙን ሁሉ ለፈጠረ ለሕያው እግዚአብሔር ስግደትና አምልኮ እንዲገባ አታውቅምን" አለው።

✝ መኰንኑም ሕፃኑን ይሰቅሉት ዘንድ አዘዘ የሕፃኑም እናት ልታየው መጣች ሕፃኑም እናቱን "ተጠምቻለሁና ውኃ አጠጭኝ" አላት። እናቱም "ልጄ ሆይ ከዚህ ውኃ የለም ነገር ግን ወደ ሕይወት ውኃ ሒድ" አለችው።

🌹 በዚያንም ጊዜ የሕፃኑን ራስ በሰይፍ እንዲቆርጡ የቅዱስ ሮማኖስንም ምላሱን ከግንዱ እንዲቆርጡ መኰንኑ አዘዘ። ያን ጊዜ መኰንኑን ይዘልፍ ዘንድ ለአባ ሮማኖስ ረቂቅ አንደበት ተሰጠው ሲዘልፈውም መኰንኑ ሰምቶ ምላሱ እንዳልተቆረጠ ተጠራጠረ። ወታደሩንም ጠርቶ "ምላሱን ያልቆረጥክ ለምንድን ነው" አለው ወታደሩም "የምላሱን ቁራጭ ያመጡ ዘንድ እዘዝ" አለው አምጥተውለትም አይቶ መኰንኑም ወደ ወህኒ ቤት አስገብተው በዚያ አንቀው እንዲገድሉት አዘዘ። እንዲህም ምስክርነቱን ፈጽሞ የምስክርነት አክሊልን በመንግሥተ ሰማያት ተቀበለ። ለእግዚአብሔርም ምስጋና ይሁን እኛንም በመስተጋድል በመኰስ ቅዱስ ሮማኖስ ጸሎት ይማረን በረከቱም ከእኛ ጋር ትኑር ለዘላለሙ አሜን።

+ + +
🌹 #የዕለቱ_ምስባክ፦ "ወይረውዩ እምጠለ ቤትከ። ወትሠቅዮሙ እምፈለገ ትፍሥሕትከ። እስመ እምኀቤየ ነቅዐ ሕይወት"። መዝ 35፥8-9 የሚነበቡት መልዕክታት ቲቶ 1፥7-12፣ 1ኛ ጴጥ 1፥6-10 እና የሐዋ ሥራ 20፥30-ፍ.ም። የሚነበበው ወንጌል ማቴ 22፥15-22። የሚቀደሰው ቅዳሴ የቅዱስ ባስልዮስ ቅዳሴ ነው። መልካም የአቡነ ቴዎፍሎስ የዕረፍት በዓል ለሁላችንም ይሁንልን።

❤ በየቀኑ ይህን ቴሌግራም ላይ ማግት ከፈለጉ ከታች ያለውን ሊኩን ይጫኑት።

✝ በየቀኑ ይህን ፌስቡክና ቴሌግራም ላይ ማግት ከፈለጉ ከታች ያሉትን ሊኮች ይጫኑት።

@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=Zb

🌹 "በስመ አብ ወወልድ ወመንፈስ ቅዱስ አሐዱ አምላክ አሜን"። 🌹

🌹 #ጥቅምት ፲፰ (18) ቀን።

🌹 እንኳን #ለእስክድርያ_ሃያ_ሦስተኛ_ሊቀ_ጳጳስ ለታላቁ አባት #ለአቡነ_ቴዎፍሎስና ክርስቲያኖችን በአሳደደ በመኰንን አስቅልጵያኖስ ዘመን በሰማዕትነት ለዐረፈ ለከበረ #ለመነኰስ_ቅዱስ_ሮማኖስ ለዕረፍታቸው በዓል በሰላም አደረሰን። በተጨማሪ በዚች ቀን ከሚታሰቡ፦ #ከሰማዕት_ቅዱስ_ዮሐንስ፣ #ከቅዱሳን_አድራኒ_ከአርቴማዎስ_ከአርስጦስ #ከሉዲኖስ_ከአስማኒትና
_ከሰባቱ ልጆቿ እግዚአብሔር አምላክ ረድኤትና በረከትን ያሳትፈን።



✝ ✝ ✝
🌹 #የእስክንድርያ_ሃያ_ሦስተኛ_ሊቀ_ጳጳሳት #አቡነ_ቴዎፍሎስ፦ ይህም አባት ንጉሥ ቴዎዶስዮስ በነገሠ በስድስተኛ ዓመት ተሾመ በወንጌላዊ ማርቆስም ወንበር ሃያ ስምንት ዓመት ኖረ።

🌹 በዘመኑ ብዙ መጻሕፍትን የተረጎመ ከእሳቸውም የወንጌላዊ ዮሐንስን ራእይና የሐዋርያ ጳውሎስን መልእክት የተረጎመ ዮሐንስ አፈ ወርቅ ተነሣ ዳግመኛም ለደሴተ ቆጵሮስ ኤጲስቆጶስ የሆነ ኤጲፋንዮስ ነበረ።

🌹 በዘመኑም ሰባቱ ደቂቅ ሦስት መቶ ሰባ ሁለት ዓመት ከአንቀላፉ በኋላ ተነሡ። ይህም አባት የሐዋርያዊ ሊቀ ጳጳሳት አባት አትናቴዎስ ደቀ መዝሙር ነው የቤተ ክርስቲያንንም መጻሕፍትና ሥርዓቱን ሁሉ እየተማረ በእርሱ ዘንድ አደገ። ከእርሱ በፊት የነበረ ሊቀ ጳጳሳት አባ ጢሞቴዎስም በዐረፈ ጊዜ ይህ አባት በእስክንድርያ አገር ላይ ሊቀ ጵጵስና ተሾመ አዋቂና አስተዋይም ስለሆነ ስለ ፍቅር ስለ ርኅራኄ ከንሰሐ በፊት ሥጋውንና ደሙን ከመቀበል መጠበቅ ስለ ሚገባ ስለ ሙታን መነሣትና ለኃጥአን ስለ ተዘጋጀ ስለዘላለማዊ ሥቃይ ሌሎችም ጠቃሚ የሆኑ ድርሳናትንና ተግሣጻትን ደረሰ።

🌹 ቅዱስ ቄርሎስም ለዚህ አባት ቴዎፍሎስ የእኅቱ ልጅ ነው እርሱም በበጎ አስተዳደግ አሳደገው የቤተ ክርስቲያንንም ትምህርት አስተማረው።ከዚያም በኋላ ወደ አባ ሰራብዮን ላከው አባ ሰራብዮንም መንፈሳዊ ተግባርን ሁሉ አስተማረው።

🌹 በአትናቴዎስም ዘመን አስቀድሞ እንዲህ ሆነ "በጎ ዘመን ባገኝ ይህን ኮረብታ ባስጠረግሁት ነበር። ለከበሩ ለመጥምቁ ዮሐንስና ለነቢይ ኤልሳዕም ቤተ ክርስቲያን በሠራሁም ነበር" ሲል ይህ አባት ቴዎፍሎስ አባ አትናቴዎስን ይሰማው ነበር። በሹመቱ ወራትም ይህን ነገር አስታውሶ የሚያዝንና ክብር ይግባውና ወደ ጌታችን የሚጸልይ ሆነ።

🌹 በዚያ ወራትም ባሏ ብዙ ገንዘብ ትቶላት የሞተ አንዲት ባለጸጋ ሴት ከሮሜ አገር መጣች ሁለት ልጆቿም ከእርሷ ጋር አሉ ሊቀ ጳጳሳት አባ ቴዎፍሎስንም ሲያዝን አየችውና "ክብር አባት ሆይ ምን ያሳዝንሐል" አለችው። እርሱም "ብዙ ወርቅ በዚህ ኮረብታ ውስጥ እያለ ድኆች ይራባሉና" አላት እርሷም "አንተ ስለ እኔ ጸልይ እኔም አስጠርገዋለሁ" አለችው።

🌹 ይህንንም ብላ ያን ኮረብታ አስጠረገችው በውስጡም በደንጊያ ሠሌዳ እየአንዳንዱ የተከደኑ ሦስት ሣጥኖች ተገለጡ። በላያቸው ቴዳ ቴዳ ቴዳ የሚል ተጽፎባቸዋል አባ ቴዎፍሎስም በአየው ጊዜ በመንፈስ ቅዱስ ምሥጢራቸውን አውቆ "ቴዳ ማለት የጌታ ስም ነው ይህም ለድኆች ይገባል" አለ "ሁለተኛውም ቴዳ የንጉሥ ቴዎዶስዮስ ነው ሦስተኛውም ቴዳ ቴዎፍሎስ ማለት ነው። የእኔ ገንዘብ ስለሆነ በዚህም አብያተ ክርስቲያናትን እሠራለሁ" አለ። እሊህም ሣጥኖች በመቄዶንያዊው ፊልጶስ ልጅ በንጉሥ እስክንድር ዘመን እንደ ተቀበሩ የዘመን ቊጥር ተገኘ እርሱም ሰባት መቶ ዘመናት ነው።

🌹 ከዚህም በኋላ ያን የወርቅ ሣጥን ለንጉሥ ቴዎዶስዮስ ላከለት ስለዚያም የወርቅ መዝገብ አስረድቶ ቦታውን መጥቶ እንዲያይ አሳሰበው እርሱም በመርከብ ተጭኖ ወደ እስክንድርያ አገር መጥቶ ሁሉንም አየ የዚያንም ወርቅ እኵሌታ መለሰለት አባ ቴዎፍሎስም ብዙዎች አብያተ ክርስቲያንን ሠራ። አስቀድሞም በቅዱሳን በመጥምቁ ዮሐንስና በነቢይ ኤልሳዕ በስማቸው ቤተ ክርስቲያን ሠራ ሥጋቸውንም ከእስራኤል አገር አፍልሶ አምጥቶ በውስጧ አኖረ እርሷም የታወቀች ናት ዴማስ በሚባል ቦታ ሁለተኛም በእመቤታችን በቅድስት ድንግል ማርያም ስም በሀገሩ ምሥራቅ በኩል ሠራ ከዚህም በኋላ በሊቀ መላእክት ሩፋኤል ስም በደሴት ውስጥ ሠራ ሌሎችንም ብዙዎች አብያተ ክርስቲያን አሳነፀ።

🌹 ንጉሡም አብያተ ክርስቲያናትን ለመሥራት ያለውን የሊቀ ጳጳሳቱን ፍቅር አይቶ በግብጽ አገር ያሉትን የጣዖታት ቤቶችን ሁሉንም ሰጠው እርሱም ተቀብሎ አፈረሳቸውና በቦታቸው አብያተ ክርስተከያናትንና የእንግዶች ቤቶችን ሠራ ሁለተኛም ምድራቸውን ሁሉ ሰጠው። ይህም አባት ቴዎፍሎስ የክርስትና ጥምቀትን በሚያጠምቅ ጊዜ የብርሃን በትረ መስቀል በሚጠመቁት ላይ በመስቀል ምልክት ሲያማትብ ያይ ነበር።

🌹 ይህ አባት ቴዎፍሎስና ንጉሥ ቴዎዶስዮስ ልጆች በሆኑበት ጊዜ ሁለቱም በአንዲት ሌሊት አንዲት የሆነች ራእይን እነርሱ እንጨቶችን እንደሚለቅሙ አዩ። ከእነርሱም አንዱ ንጉሥ እንደሚሆን ሁለተኛውም ሊቀ ጳጳሳት እንደሚሆን ያቺን ራእይ ተረጎሟት እንዲሁም ሆነ። ይህም አባት ቴዎፍሎስ ሊቀ ጵጵስና በተሾመባት በመጀመሪያዪቱ ዓመት ንጉሥ ቴዎዶስዮስ ሃይማኖትን እናስተምራለን የሚሉ ሁሉ ሃይማኖታቸውን በመጽሐፍ ጽፈው ወደርሱ እንዲአቀርቡ አዘዛቸው እንዳዘዛቸውም አደረጉ።

🌹 ከዚህም በኋላ ንጉሡና ሊቀ ጳጳሳቱ ተነሥተው እነዚያን ጽሑፎች በመሠዊያው ላይ አድርገው ወደ እግዚአብሔር ጸለዩ ጌታም ወልድ በመለኮቱ ከአብ ከመንፈስ ቅዱስ ጋር ትክክል ነው ብሎ ከሚታመን በቀር ከውስጣቸው በቀናች ሃይማኖት የጸና እንደ ሌለ ገለጠላቸው። በዚያንም ጊዜ እሊህን የመናፍቃን መጻሕፍትን እንዲአቃጥሏቸው እነዚያንም መናፍቃን ከሚገዛው አገር እንዲአሳድዷቸው ንጉሥ አዘዘ።

🌹 ቅዱስ ዮሐንስ አፈወርቅም መጻሕፍትን ማንበብና መመርመር ያበዛ ነበር ስለዚህም የአውጋርዮስን መጻሕፍት አወገዘ ያወግዙ ዘንድም ወደ እስክንድርያ ሊቀ ጳጳሳት ወደዚህ አባት ወደ ቴዎፍሎስ ወደ ቆጵሮስ ኤጲስቆጶስ ወደ ኤጲፋንዮስ ወደ ኤዺስቆጶሳት ሁሉ በየሀገሩ ላከ።

🌹 ከዚህም በኋላ መልካም ጒዞውን በፈጸመ ጊዜ እግዚአብሔርንም አገልግሎ ጥቅምት 18 ቀን በሰላም ዐረፈ። ለእግዚአብሔር ምስጋና ይሁን እኛንም በአባ ቴዎፍሎስ ጸሎት ይማረን በረከቱም ከእኛ ጋራ ትኑር ለዘላለሙ አሜን።


✝ ✝ ✝
🌹 #መነኰስ_ቅዱስ_ሮማኖስ፦ ይህም ቅዱስ ክርስቲያኖችን በአሳደደ በመኰንን አስቅልጵያኖስ ዘመን ሰማዕት የሆነ ነው። የክርስቲያን ወገኖችን መኰንኑ እንዳሳደዳቸው በሰማ ጊዜ ከቀሳውስትና ከዲያቆናት ጋር የክርስቲያን ወገኖችን ሁሉ በአንድነት ሰበሰባቸው ስለ ክርስቶስ ሃይማኖትም መክሮ አጸናቸው።

🌹 አስቅልጵያኖስም ይህን ሰምቶ እንዲአመጡት አዘዘ በፊቱም በቆመ ጊዜ አስቅልጵያኖስ "በወገን የከበርክ ሮማኖስ አንተ ነህን?" አለው ቅዱሱም "የወገን ክብር ምን ይጠቅመኛል ክብሬ ግን ክርስቶስ ነው" ብሎ መለሰለት። መኰንኑም ሰምቶ እንዲሰቅሉትና ጉንጮቹን ይሰነጣጥቁ ዘንድ አዘዘ ጉንጮቹንም ሲሰነጣጥቁት ምንም አልተናገረምና መኰንኑ ትዕግሥቱን አደነቀ።

                       †                       

  [  🕊  ድምፀ ተዋሕዶ   🕊  ]  

🍒▬▬▬▬▬▬▬▬▬▬🍒               

[  ሕይወት የሚገኝባቸው የቅድስት ቤተክርስቲያን መንፈሳዊ ትምህርቶች በሊቃውንተ ቤተክርስቲያን በድምፅ ይቀርባሉ።  ]

[   ሳምንታዊ መርሐ-ግብር   ]

🕊             
             
❝ የእግዚአብሔር ሕግ ፍጹም ነው ፤ ነፍስን ይመልሳል ፤ የእግዚአብሔር ምስክር የታመነ ነው ፤ ሕፃናትን ጠቢባን ያደርጋል።

የእግዚአብሔር ሥርዓት ቅን ነው ፥ ልብንም ደስ ያሰኛል ፤ የእግዚአብሔር ትእዛዝ ብሩህ ነው ፥ ዓይንንም ያበራል። ❞

[ መዝ . ፲፱ ፥ ፯  ]

▬▬▬▬▬▬   †    ▬▬▬▬▬▬

[ ❝ የእግዚአብሔር ሕግ ፍጹም ነው ! ❞  ]

              [   ክፍል - ፳፱ -    ]

          💖   ድንቅ ትምህርት  💖

[ በመምህራችን በቀሲስ ኅብረት የሺጥላ ]

❝ የሚሰማኝ ግን በእርጋታ ይቀመጣል ፥ ከመከራም ሥጋት ያርፋል። ❞ [ ምሳ.፩፥፴፫ ]

         †              †               †
▬▬▬▬ ▬▬▬▬▬ ▬▬▬▬
                        👇

                          †                          

💖  [    ቀ ዳ ሜ ሰ ማ ዕ ት !    ]  💖

🕊                      💖                      🕊

እንኳን ለቀዳሜ ሰማዕት ቅዱስ እስጢፋኖስ በዓለ ሲመቱ በሰላም አደረሳችሁ። 

[  እንደ መልአክ ፊት ሆኖ ፊቱን አዩት ! ]

----------------------------------------

❝ የእግዚአብሔርም ቃል እየሰፋ ሄደ ፥ በኢየሩሳሌምም የደቀ መዛሙርት ቍጥር እጅግ እየበዛ ሄደ ፤ ከካህናትም ብዙ ሰዎች ለሃይማኖት የታዘዙ ሆኑ። እስጢፋኖስም ጸጋንና ኃይልን ተሞልቶ በሕዝቡ መካከል ድንቅንና ታላቅ ምልክትን ያደርግ ነበር።
...
በሸንጎም የተቀመጡት ሁሉ ትኵር ብለው ሲመለከቱት እንደ መልአክ ፊት ሆኖ ፊቱን አዩት። ❞ [ ሥራ.፮፥፯-፲፭ ]
..............................................
❝ ከከተማም ወደ ውጭ አውጥተው ወገሩት። ምስክሮችም ልብሳቸውን ሳውል በሚሉት በአንድ ጎበዝ እግር አጠገብ አኖሩ። እስጢፋኖስም። ጌታ ኢየሱስ ሆይ ፥ ነፍሴን ተቀበል ብሎ ሲጠራ ይወግሩት ነበር።

ተንበርክኮም። ጌታ ሆይ ፥ ይህን ኃጢአት አትቍጠርባቸው ብሎ በታላቅ ድምፅ ጮኸ። ይህንም ብሎ አንቀላፋ። ❞ [ ሥራ.፯፥፶፰ ]
                        
🕊

❝ ሰማዕታት የዚችን አለም ጣዕም ናቁ ፤ ደማቸውንም ስለ እግዚአብሔር አፈሰሱ ፤ ስለመንግስተ ሠማያት መራራ ሞትን ታገሡ፡፡ ❞

[ ውዳሴ ማርያም ዘሐሙስ ]


🕊                      💖                      🕊

🕊  💖  ▬▬   †    ▬▬  💖  🕊

  [  🕊  መዝሙረ ተዋሕዶ   🕊  ]  
          

[  ኦርቶዶክሳዊ የተቀደሰ ያሬዳዊ ዝማሬ ሰዓት  ]

[ ሳምንታዊ መርሐ-ግብር ]

🕊

በስመ አብ ፡ ወወልድ ፡ ወመንፈስ ቅዱስ አሐዱ አምላክ አሜን፡፡

ኦርቶዶክሳዊ መዝሙር ንጹሕና የተቀደሰ ነው ፥ ለእግዚአብሔር ምስጋናና ልመና የሚቀርብበት ፣ ይቅርታና ምሕረት የሚጠየቅበት ፣ ሰውን ሳይሆን እግዚአብሔርን ደስ ለማሰኘት የሚዘጋጅ ንጹሕ መስዋዕት ነው ፥ በአበው ጸሎት ይዘጋጃል ፥ ከስጋዊና ከደማዊ ሀሳብ የራቀ ነው ፥ ልቦናን ወደ ንስሐ ይጠራል ፥ ከኃጢአትና ከክፉ ሥራ የመለየት ኃይል አለው ፥ ክፉ መንፈስን ከሰው ልብ ያርቃል ፥ መረጋጋትን ልቦናን ዘልቆ የሚሰማ ውስጣዊ ሰላምን ይሰጣል ፥ በአሚነ ሥላሴ ያጸናል ፥ የክርስቶስን የባህርይ አምላክነትና መሐሪነት ይመሰክራል ፥ የእመቤታችንን ፍቅር በልቦና ያሳድራል ፥ በእናትነቷና በምልጃዋ እንድንታመን ያደርጋል ፥ በቅዱሳን ጸሎትና በቃል ኪዳናቸው ያጸናናል ፥ ሥርዓተ ቤተክርስቲያንን እናውቅ ዘንድ መንገድ ይመራናል ፥ ፈሪሐ  እግዚአብሔርንና ፍቅረ እግዚአብሔርን ያጎናጽፈናል፡፡

▬▬▬▬▬▬   ♱    ▬▬▬▬▬▬

ተወዳጆችሆይ ፦ በተቀደሰ ሰማያዊ ያሬዳዊ ዜማ ነብሳችንን እናስጊጣት፡፡ ከደጋጎቹ አባቶቻችን ጋር ከዓለም ርኩሰት በተለየ የተቀደሰ ዝማሬ አምላካችን እግዚአብሔርን እናመሥግን፡፡ ለስጋዊ ጆሮዎች ከሚመች ከረከሰ የተሃድሶ የኑፋቄ እርሾ ልቦናችንን እንጠብቅ፡፡ ገንዘብን ስለመውደድ ከሆነ ከሥጋዊ ሥራ ፈጽሞ እንለይ፡፡

🍒

❝ እግዚአብሔር የድሆችን ምኞት ሰማ ፥ ጆሮውም የልባቸውን አሳብ አደመጠች ፥ ፍርዱ ለድሀ አደግና ለችግረኛ ይደረግ ዘንድ ፥ ሰዎች በምድር ላይ አፋቸውን ከፍ ከፍ ማድረግ እንዳይደግሙ። ❞

{   መዝ . ፲ ፥ ፲፯   }  


†                       †                       †
💖                    🕊                    💖

በዚያም ታላቅ የአንድነት በዓል ተከበረ:: ታላቁ እረኛ ቅዱስ አትናስዮስ እነሆ በዚህ መንገድ ቤተ ክርስቲያንን ከ፪ ከመከፈል ታደጋት:: ቅዱሱ ሲጋደል ኑሮ በዚህች ቀን ዐርፏል::

✞ ቸሩ አምላክ እንዲህ ለመንጋው የሚራሩ እረኞችን አይንሳን:: ከሐዋርያው: ከሰማዕቱና ከደጉ ፓትርያርክም ጸጋ በረከትን ይክፈለን::✞

🕊

[  † ጥቅምት ፱ [ 9 ] ቀን የሚከበሩ ዓመታዊ የቅዱሳን በዓላት  ]

፩. ቅዱስ ቶማስ ሐዋርያ
፪. ቅዱስ እስጢፋኖስ ካልዕ [ሰማዕት]
፫. ቅዱስ አትናስዮስ ብጹዕ
፬. ቅዱስ ስምዖን ሰማዕት
፭. ቅዱስ ሊዋርዮስ ሊቀ ዻዻሳት
፮. ቅዱስ ባስልዮስ ዘቂሣርያ
፯. ቅዱስ ቄርሎስ ሊቀ ዻዻሳት
፰. አቡነ መዝገበ ሥላሴ ጻድቅ [ኢትዮዽያዊ]
፱. አፄ ዳዊት ጻድቅ ንጉሠ ኢትዮዽያ [ግማደ መስቀሉን ያመጡ]


[  † ወርኀዊ የቅዱሳን በዓላት  ]

፩. አባ በርሱማ ሶርያዊ [ለሶርያ መነኮሳት ኁሉ አባት]
፪. አቡነ እስትንፋሰ ክርስቶስ /ኢትዮዽያዊ/
፫. ፫፻፲፰ "318ቱ" ቅዱሳን ሊቃውንት [ርቱዐነ ሃይማኖት ዘኒቅያ]
፬. የብሔረ ብፁዐን ጻድቃን
፭. አባ መልከ ጼዴቅ ዘሚዳ [ኢትዮዽያዊ]
፮. ቅዱስ ዞሲማስ ጻድቅ [ዓለመ ብፁዐንን ያየ አባት]

" ለመንጋው ምሳሌ ሁኑ እንጂ ማኅበሮቻችሁን በኃይል አትግዙ:: የእረኞችም አለቃ በሚገለጥበት ጊዜ የማያልፈውን የክብርን አክሊል ትቀበላላችሁ:: እንዲሁም ጐበዞች ሆይ! ለሽማግሌዎች ተገዙ:: ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ:: እግዚአብሔር ትዕቢተኞችን ይቃወማልና:: ለትሑታን ግን ጸጋን ይሰጣል::" ✞ [፩ዼጥ.፭፥፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

[  † ጥቅምት ፱ [ 9 ] ቀን የሚከበሩ ዓመታዊ የቅዱሳን በዓላት †  ]


†  🕊  ቅዱስ ቶማስ ሐዋርያ  🕊  †

ደጉ ሐዋርያ ቅዱስ ቶማስ ከኢትዮዽያ እስከ ሕንድና ባርቶስ በደረሰች ስብከቱ እጅግ ድንቅ የሆኑ ተአምራትን ሠርቷል:: 'አሐደ እምተአምራቲሁ' እንዲሉ አበው ከእነዚህ ዛሬ አንዱን እንመለከታለን::

ቅዱስ ቶማስ ጐና ወደምትባል የሕንድ አውራጃ መግቢያ ፈሊጥ ቢያጣ ጌታ ወርዶ አበኒስ ለሚባል ነጋዴ ባሪያ አድርጐ ይሸጠዋል:: በመጀመሪያ በንጉሡ ሠርግ ቤት ውስጥ ተአምራትን አሳይቶ ሕዝቡን ከነ ሙሽሮቹና ንጉሣቸው አሳምኗል::

ቀጥሎ ግን ጎንዶፎር ለሚባል ሌላ ንጉሥ 'ቤተ መንግስት ሥራ' ተብሎ ይላካል:: ሐዋርያውም ንጉሡን "የማንጽበትን ወርቅና ብር ስጠኝ" ብሎት ይሰጠዋል:: ንጉሡ ዘወር ሲል ግን "ወእሁብ ዘንጉሥ ለንጉሥ-የምድራዊው ንጉሥ ለሰማያዊው ንጉሥ እሰጣለሁ" እያለ ገንዘቡን ሁሉ ለነዳያን በተነው::

ገንዘቡ ሲያልቅበት "ንጉሥ ሆይ! መሠረቱ ታንጿልና ለግድግዳው ላክልኝ" ይለዋል:: ሲልክለት ይመጸውተዋል:: አሁንም "ንጉሥ ሆይ! ለጣሪያው ላክልኝ" ይለውና ይመጸውተዋል:: መጽሐፍ እንደሚል ምጽዋት ለሐዋርያው ልማዱ ነውና::

በመጨረሻ ግን ንጉሡ ሲመጣ ባዶ መሬት ላይ ነዳያን ገንዘቡን ሲበሉት አገኘ:: ተበሳጭቶም ቅዱስ ቶማስን ይገድለው ዘንድ አሠረው:: በዚያች ሌሊት ግን የንጉሡ ወንድም ጋዶን ሙቶ ሐዘን በሆነ ጊዜ ሐዋርያው አስነሳው::

ጋዶንም ለቅዱሱ ሰግዶ በሰማይ ለንጉሥ ጐንዶፎር ትልቅ ቤት ታንጾ ማየቱን ተናገረ:: ንጉሡና ሠራዊቱም በፊቱ ሰግደው አመኑ:: አጥምቋቸውም ሔዷል::


†  🕊  ቅዱስ እስጢፋኖስ ካልዕ 🕊  †

በዚህ ስም ከሚጠሩ ቅዱሳን ሊቀ ዲያቆናቱ ቅድሚያውን ሲይዝ ዛሬ የምናከብረው ቅዱስ ደግሞ 'ካልዕ እስጢፋኖስ'  [ሁለተኛው] ይባላል:: ፪ቱም 'ቀዳሜ ሰማዕት' ይባላሉ:: ዋናው በሐዋርያት ዘመን ቀድሞ እንደተሰዋ ሁሉ ሁለተኛው በዘመነ ዲዮቅልጢያኖስ ርጉም ቀድሞ ተሰይፏል::

ቅዱሱ የተወለደው በ፫ኛው መቶ ክ/ዘመን አጋማሽ ሲሆን በአንጾኪያ ቤተ መንግስት ውስጥ ከነበሩ ልዑላንና የጦር መሪዋችም አንዱ ነበር:: በዝምድና ደረጃም የታላቁ ቅዱስ ፋሲለደስ የእህቱ ልጅ ነው:: በቤተ ፋሲለደስ ከማደጉ የተነሳም የእርሱ ልጅ እንደ ሆነ በገድሉ ተጠቅሷል::

ቅዱስ እስጢፋኖስ ካልዕ ማለት መልክ ከደም ግባት የተባበረለት: ጾምና ጸሎትን የሚወድ: የነዳያን አጉራሽ: ኃያል የጦር ሰውና ተወዳጅ ክርስቲያን ነው:: ያ ክፉ አውሬ በዓለም በሚገኙ ምዕመናን ሁሉ ላይ ሞትና ስቃይን ሲያውጅ በአካባቢው የነበረ ይኼው ቅዱስ ነው::

በቦታው ከነበሩ ብዙ ሺህ ሰዎች ንጉሡን ደፍሮ የተናገረው አንድም አልነበረም:: ቅዱስ እስጢፋኖስ ግን ለክርስቶስ ቀና:: ከሕዝቡ መካከልም እየሮጠ አልፎ በንጉሡ ፊት አዋጅ የሚያነበውን ወታደር ቀማውና በአደባባይ ያችን የክህደት ደብዳቤ ቦጫጭቆ ጣላት::

ንጉሡንም "ሰነፍ" ሲል ገሠጸው:: እጅግ የተቆጣው ንጉሡ ግን ቅዱሱን በሰይፍ ሰንዝሮ ከ፪ ከፈለው:: አካሉ መሬት ላይ ሲወድቅ ራሱ ግን በዓየር ላይ ሁና ለ፫ ቀናት ትንቢትን ተናገረች:: ለዚያ አስጨናቂ የመከራ ዘመንም በር ከፋቹ ቅዱስ እስጢፋኖስ ካልዕ ሆነ::


†   🕊 ቅዱስ አትናስዮስ ብጹዕ 🕊  †

ይህ ቅዱስ አባት ደግሞ ባለ አስደናቂ ታሪክ ነው:: ዜና ሕይወቱ ሲሰማ ጣዕመ ነፍስን ያድላል:: ተወልዶ ባደገባት ሶርያ በመናኝነቱ የሚታወቀው ቅዱስ አትናስዮስ ሕይወቱ በጽሙና የተሞላ ነበር:: በገዳም ገብቶም በዓት ለይቶ ሰውነቱን ለእግዚአብሔር ሲያስገዛት ዘመናት አልፈዋል::

በዘመኑ የአንጾኪያ ፓትርያርክ አርፎ ነበርና ለመንበሯ የሚገባውን ሰው ፍለጋ በየበርሃው ዞሩ:: ነገር ግን ከቅዱሱ አትናስዮስ የተሻለ ሰው አላገኙም:: እርሱ መጻሕፍትን ጠንቅቆ የሚያውቅ: ለመንጋውም የሚራራ በጐ እረኛ ነውና ይዘውት ወደ ከተማ መጡ::

በሃገራቸው ባሕል መሠረት ሊቀ ዻዻሳት የሚሾመው የሁሉም አሕጉረ ስብከት ዻዻሳት ባሉበት ነውና ጠበቁ:: ሁሉ ተገኝቶ በሶርያ የሰልቅ ዻዻስ የነበረው አባ እልመፍርያን ግን ዘገየ:: ለ፶ ቀናት ጠብቀው አባ አትናስዮስን 'ፓትርያርክ ዘአንጾኪያ' ብለው ሹመውት ተለያዩ::

በ፶፩ኛው ቀን አባ እልመፍርያን ሲደርስ በዓለ ሲመቱ መጠናቀቁን ሲነግሩት ተቆጣ:: "እኔ በሌለሁበት የተሾመው አይሠራምና አትናስዮስን ፓትርያርክ ብሎ የሚጠራ ሁሉ የተወገዘ ይሁን" ብሎ ወደ ሰልቅ ተመለሰ:: ቅዱስ አትናስዮስ ይህንን ነገር ሲሰማ ፈጽሞ አዘነ::

ከቀድሞውም አስገድደውት እንጂ እርሱ ሹመቱን ፈልጐ አልመጣም:: ልክ በዘመኑ እንደምንመለከተው ቅዱሱ መልሶ ማውገዝ ይችላል:: ለዚያውም በሥልጣን ይበልጠዋል:: ቅዱሱ ግን ለግል ክብሩ ሲል ቤተ ክርስቲያንና ምዕመናን ሲከፈሉ ማየትን አልወደደም::

ደቀ መዝሙሩን ጠራውና "ልጄ! እሺ በለኝ: ነፍሴ ትመርቅሃለች:: እኔ ለ፩ ዓመት መንገድ ስለምወጣ አንተ በእኔ ፈንታ እዘዝ: እሠር: ፍታ:: ሕዝቡ ከጠየቁህ ወደ ገዳም ሔዷል በላቸው" ብሎት ከመንበረ ዽዽስናው ወጣ:: እጅግ የነተበ የበርሃ ልብሱን ለብሶ: ለ፩ ቀን በእግሩ ተጉዞ ሰልቅ ውስጥ ደረሰ::

ወደ አባ እልመፍርያን ዘንድ ገብቶም በፊቱ ሰገደ:: "አባቴ! ነዳይ ነኝና አስጠጋኝ?" ብሎ ለመነው:: አባ እልመፍርያንም ከመነኮሳቱ ጋር እንዲኖር ፈቀደለት::

ቅዱስ አትናስዮስ ፓትርያርክ ሲሆን ወገቡን ታጥቆ ያገለግል ገባ:: ውሃ ይቀዳል: ዳቦ ይጋግራል: ቤቶችን ይጠርጋል: መጸዳጃ ቤቶችን ያጸዳል: የመነኮሳቱን እግር ያጥባል:: በዚህ ሁሉ ላበቱ እየተንጠፈጠፈ በሰውነቱ ላይ ይወርድ ነበር::

አባቶች ትጋቱንና ትሕትናውን ሲያዩ ለዲቁና አጩት:: ዻዻሱም ጠርቶ "ዲቁና ልሹምሕ" ቢለው ፓትርያርኩ ቅዱስ አትናስዮስ አለቀሰ:: "ምነው?" ቢለው "አባቴ! በነውር ተይዞብኝ ነው እንጂ ዲቁናስ አለኝ" አለው:: አሁንም ለ፯ ወራት በዲቁና አገልግሎት ቆይቶ ቅስና ተሾም ቢሉት እንደ ቀደመው እያለቀሰ መለሰላቸው::

ልክ በዓመቱ ግን ለአንዲት ሃገረ ስብከት ዻዻስ ያደርጉት ዘንድ በዕለተ እሑድ ተሰበሰቡ:: ቅዱስ አትናስዮስ እንዲተውት እያለቀሰ ለመናቸው:: "ለሹመቱ ትገባለህ" ብለው ግድ ሲሉት ግን "ምሥጢር ልንገራችሁ" ብሎ "ፓትርያርኩ አትናስዮስ ይሏችኋል እኮ እኔ ነኝ" አላቸው::

የሰማውን ነገር ማመን ያቃተው አባ እልመፍርያን ደንግጦ በግንባሩ መሬት ላይ ወደቀ:: እየተንከባለለም አለቀሰ:: "ወየው ለእኔ! ጌታየን አትናስዮስን እንደ አገልጋይ ላዘዝኩ" እያለም ተማለለ:: በአካባቢው የነበሩ ዻዻሳት: ካህናት: መነኮሳትና ምዕመናንም ከቅዱስ አትናስዮስ የትህትና ሥራ የተነሳ ፈጽመው አደነቁ::

መንበረ ዽዽስና አምጥተው እየዘመሩ ተሸክመውት ዞሩ:: ቅዳሴንም ቀድሶ ሥጋውን ደሙን አቀብሏቸው ታላቅ ደስታ ሆነ:: በማግስቱም ቅዱሱን ባማረች በቅሎ ላይ አስቀምጠው: አባ እልመፍርያን በእግሩ [በራሱ ፈቃድ] እየተጓዘ በታላቅ ዝማሬ አንጾኪያ ደረሱ::

🌹 #ታላቅ_የምሥራች_አንብቡና_ሼር_ሼር_አድርጉ።

🌹 #በኢትዮጵያ_ኦርቶዶክስ_ተዋሕዶ ቤ/ክ #በከምባታ_ጠምባሮና_አላባ_ሀገረ_ስብከት #በጠምባሮ_ልዩ_ወረዳ_የጎፎሬ_ደብረ_መንክራት_በዓታ_ለማርያም ቤ/ክ አዲስ የሚሠራው ህንፃ ቤ/ክ እንደ እግዚአብሔር መልካም ፈቃድ በእናተው እገዛ የቅየሳ ሥራው #ከጥቅምት_2_02_17 ተጀምሮ #ጥቅምት 05_02_17 ተጠናቋል። የመሠረቱም የቁፍሮ ሥራም ተጠናቋል።

🌹 ከዚህ በኋላ የሚቀጥለው ለመሠረቱ ሥራው ለግንባታ የሚያስፈልጉ ግብአቶች ናቸው፦
 
1,ድንጋይ 5 ሲኖትራክ መኪና።
2,አሸዋ 3 ሲኖትራክ መኪና።
3, ጣጣር 3 ሲኖትክር መኪና።
4, ሲሚንቶ 100 ኩንታል።
5, ብረት ባለ 8፣ 10፣ 12፣ 14 እና 16 ሌሎችንም ለግንባታ የሚያስፈልጉ እቃዎችን ስለሆኑ፤ እስከ ታኅሣሥ በዓታ ለማርያም በዓል ድረስ የመሠረቱ ሥራ ለማጠናቀቅ ስላሰብን፤ የተከበራችሁ ውድ የኦርቶዶክስ ተዋሕዶ ምዕመናን ልጆች በሀገር ውስጥና በውጪ የሚትገኙ በዚሁ የበረከት ሥራ እንድትሳተፉና የበኩላችሁ አስተዋጾ እድታደርጉና ተባብረን እንድንሠራው በእናታችን በእመቤታችን በቅድስት ድንግል ማርያም ስም እንጠይቃለን።

1, #የኢትዮጵያ_ንግድ_ባንክ፦ #1000624326281 የጎፎሬ ደብረ መንክራት በአታ ለማርያም ህንፃ አሠሪ (Gofere D/M/B/Mariam B/k Hintsa Ase)

2, #ዓባይ_ባንክ፦ #3621111079916110 (አጭር ቁጥር 10799161) የጎፎሬ ደብረ መንክራት በአታ ለማርያም ህንፃ አሰሪ ኮሚቴ (Gofere/B/K/Hin/Aseri Comite)

👉 #ለበለጠ_መረጃ፦ የህንጻ አሰሪ ኮሚቴ ሰብሳቢ ዲያቆን ደግነት፦ #0933055802፣ #0911414852።