Binyam ZeChristos (ቢንያም ዘክርስቶስ)

።

‼️ክንደይ ጊዜ ኢየሱስ ኢልኻ?‼️
ገለ ገለ ሰባት ክርስቶስ ተሰቢኹ ንክበሃል ግድን "ተደጋጊሙ ኢየሱስ ኢየሱስ ምባል" ከምዝግባእ ይሓስቡ። ነዚ ድማ ኣብ ማእኸል ስብከቶም/ዝማሬኦም እናደጋገሙ ኢየሱስ ክብሉ ይፍትኑ። ክንዲ ናቶም ኣብዚሑ ኢየሱስ ዘይበለ ድማ ገና ክርስቶስ ከምዘይተረድኦ ይግምቱ። ንዓኣቶም ስሙ ምፅዋዕ ናይ ፍቕሪ ጉዳይ እንተይኮነስ፣ ናይ Statistics ጉዳይ እዩ። ካብ Pentecostalism ዝተቐድሐ ኢ-መጽሓፍ ቅዱሳዊ ትምህርቲ!

ወንጌል፣ ስሙ መድኃኒት ምዃኑ፣ ስም ጎይታ ዝፀወዐ ከምዝድሕን እምበር፣ ንምድሓን "ደጋጊምኻ ስሙ ምፅዋዕ" ከም ረቋሒ እንትቕመጥ ፍፁም ኣይንረኽቦን። ብተቓራኒኡ ግን ደጋሚምኻ "ኢየሱስ ኢየሱስ፣ ጎይታ ጎይታ" ብምባል ዝርከብ ገነት ከምዘየለ የረጋግፅ። «ፍቓድ እቲ ኣብ ሰማይ ዘሎ ኣቦይ ዝገብር እምበር፡ #ጐይታይ_ጐይታይ_ዝብለኒ ኹሉ፡ መንግስተ ሰማይ ዝኣቱ #ኣይኰነን» (ማቴ 7:21) ስለዚ ንክርስቶስ ዝፈልጥ ሰብ ዝበሃል፣ ዓሰርተ ሻብ "ኢየሱስ ኢየሱስ" ብምባሉ እንተይኮነስ ፈቓድ እግዚአብሔር እንትፍፅም እዩ።

ደቂቀ አስቄዋ ዝተብሃሉ ሰባት ነይሮም። ጳውሎስ ብኢየሱስ ስም ክፍውስ ሰሚዖም ንሳቶም እውን "ብኢየሱስ ስም ውፃእ" እንበሉ ክጭርሑ ጀመሩ። እቲ ጋኔን ግን ክዳውንቶም መንጢሉ ሎን ኣቑሲሉን ከምዘባረሮም ነንብብ። (ግብሪ 19:13-16) ንምንታይ ናይ ኢየሱስ ስም እናፀውዕሉ እቲ ጋኔን ዘይወፀ? እንተይልና፣ እቲ ፀገም ኣብቲ ስም እንተይኮነስ፣ እቶም ሰባት ስሙ ኣብ ኣፎም እምበር ኣብ ልቦም ስለዘይነበረ እዩ። አጋንንቲ ዝወፁ ደጋጊምኻ "ብኢየሱስ ስም" ኢልካ ስለዝጨራሕኻ እንተይኮነስ ስሙ ኣብ ህይወትኻ እንተኸቢሩ እዩ። ጴጥሮስን ጳውሎስን ናይ ኢየሱስ ስም እንተይፀውዑ፣ ብፅላሎቶምን ብቑሩፅ ጨርቆምን ከምዝፈወሱ እውን ኣይንዘንግዕ።
@Binyam ZeChristos  ጥሪ 16 - 2017

‼️ #ንሽማግለታት_ዘጥብብ_ሕጻን‼️
ቅድስና ብበዝሒ ዕድመ ከምዘይግነ፣ ጽድቂ እውን ብስብየት ፀጉሪ ከምዘይርከብ ምስክርና እዩ - ሕጻን ቅዱስ ቂርቆስ! ኣጋ እርጋን ዝርጋን ዝኾኑ ሰባት፣ ሽማግልና ኣብ ዝለኣኹሉ ዘመን ስድነት ዝለምዱ ኣካላት፣ "ሃይማኖት የብለይን" ዝብሉ መራሕቲ ዓድን ዓበይቲ ዓዲን ሽማግለታት ኣብ ዝለውሉ ዓለም ልቡ ምስ ክርስቶስ ዝገበረ ህፃን እዩ።

"ብቖልዓኻ ጸሎትስ ውሰደኒ ማለት" ዝብል ቃል-ሰይጣን እንተይሰምዐ፣ ሚዛን ሓቂ እውን ብመንጽር ቅዱስ ቃሉ እምበር ብስምዒት ኾነ ብጫውጫው፣ ብቲፎዞ ኾነ ብደጋፊ ከምዘይኮነ እንተይተጠራጠረ፣ ብፅንዓት ምስ ኣዲኡ ናብ ሓዊ ዝኣተወ ህፃን እዩ። ስለዚ ድማ ነዚ ንሽማግለታት ዘጥብብ ህፃን፣ ነዚ ንህፃናት ዘዕቢ ህፃን፣ ብቅዱስ ያሬድ ቃል ከምዚ ኢልና ነመስግኖ።

«ሕጻን ወእሙ፣ ክልኤሆሙ ፈጸሙ ገድሎሙ»

©Binyam ZeChristos ጥሪ 15 - 2017

🔥ጥምቀት ንድሕነት የድሊ ዶ?🔥
‼️Orthodox ~ Vs ~ Protestant‼️
     🔥 ~ Live Debate ~ 🔥

ፓስተር ዳዊት መኮነን ~Vs~ ቢንያም ተስፋይ

ሎሚ #ሠሉስ ምሸት 2:30፣ ኣብ ቲክቶክ ክህሊ እዩ።

እምነትኻ ተምሃር - Learn your Faith
እምነትኻ ፍለጥ - Know Your Faith
እምነትኻ መሃር - Teach Your Faith

@Binyam ZeChristos ጥሪ 13 - 2017

https://www.tiktok.com/@zechristoss?_t=8qOMmGDnHUs&_r=1

🔥 #ውቃበ 🔥
💦ብዙሕ ጊዜ "ውቃበኹም ጠብሩ፣ ውቃበኻ ይደሃል" ላተብሃለ እንትንሰምዕ፣ ውቃበ ማለት ልክዕ ሀም ዛር፣ ጥንቊልናይ ድግምትይ ልመስለና ዶ ንህሊ? የኾነይ! ውቃበ ልብል ቃል ሀምቶም ካብ ግዕዝ ተገንዮም ግና ድማ ልተበላሸው ቃላት (ሚካኤል -> ምቸኣል ፣ ጊዮርጊስ -> ጀወርግስ ፣ ቂርቆስ -> ጨርቆስ) ሓደ ኾይኑ፣ ኣቐዲሙ ዑቃቢ/ዓቃቢ/ ልብል ልነበረ እዩ። #ዑቃቢ ማለት ድማ ሓላዊ፣ ጓሳዪ ማለት ኾይኑ፣ እግዚአብሔር አምላኽ ልሕድሕድና ልሃበና ሓላዊ መልአክ (መልአከ ዑቃቢ) ለመላኽት ቃል እዩ።  (ብትግርኛና ወቃበ-መልክዕ፣ ወዝ፣ ፅባቐ ብዝብል እውን ይፍታሕ)

ሰባት ነናይ ባዕልና ሓላዊ መልአክ (ዑቃቢ - Guardian Angel) ሀምለለና ጎይታ ባዕሉ እንትናገር « ካብዞም ኣናእሽቱ ንሓደ እኳ ኸይትንዕቑ ተጠንቀቑ። #መላእኽቶም-their angels- ኣብ ሰማያት ኵሉ ሻዕ ገጽ እቲ ኣብ ሰማያት ዘሎ ኣቦይ ይርእዩ ኣለዉ» ይብል [ማቴ 18:10]። ቅዱስ ጴጥሮስ እውን ብሰንሰለት ተኣሲሩ እንተሎ ሓደ መልአክ ካብ ማእሰርቲ ፊቲሑ ንደገ ምስኣውፀኦ ላብ ሐዋርያት ኸይዱ በሪ ገዛ ኳሕኰሐ። ሐዋርያት ድማ ጴጥሮስ ክኾን ኢሎም ስለለይገመቱይ ናይ ጴጥሮስ ሓላዊ መልኣኽ ልጴጥሮስ መሲሉ ልመፀ ስለልመሰሎም «ሻቡ #መልኣኹ ዶ ይኸውን በሉ - It is his Angel » ሀምልበሉ ነንብብ። [ግብሪ 12:15]

💦ጎይታ ኣብ ማኅጸን እንተለና #ቅዱስ_ሩፋኤል ንክሕልወና ልፈቐደ እንትኸውን፣ ብድሕሪኡ ድማ ብመላእኽቲ ከምዝሕልወና ቅዱስ ድዮናስዮስ "ሰብ ብሥላሴ ስም ምስተጠመቐ ብቐትርይ ለይትይ ልሕልዎ፣ ስርሑ ድማ ላብ ሰማይ ለዕርገሉ ሓላዊ መልአክ (መልአከ ዑቃቢ) ይእዘዘሉ" ብምባል ይገልፀልና [ግብረ ሕማማት ገጽ 170] ኣብ ትርጓሜ መጽሐፈ ቅዳሴና እውን "ምዕመናን ብጥምቀት ማይ ከምዝተፀረገ ገዛ ይኾኑ፣ ኣብዚ ዕለት #ኽልተ መላዕክተ ዑቃቢ ይወሃቦም" ይብል። [መጽ.ቅዳ.ትር. ገጽ 167]

መልአከ ዑቃቢ ካብ ክፉእ ነገር ለሕልወናይ ለድሕነናይ፣ ብክፉእ ግብርና ልሓዝን፣ ብንስሐይ ጽድቅይ መንገድና ድማ ልሕጎስይ ለማልድይ እዩ። ኣቦና ያዕቆብ «ካብ ኩሉ ክፉእ ለድሐነኒ መልአክ ልዞም ደቂ ይባርኽ> ሀምልበሎ [ዘፍ 48:16] ቅዱስ ባስልዮስ ዘየዓቢ (Saint Basil the Great) እውን "ብጎይታ ኣብ ዝኣምን ሰብ ጎኑ ሓላዊ መልአኩ አሎ እዩሞ ንስሐ ይእቶ" ይብለና። ሉቁ ጠርጡለስ ድማ "ሰብ ብግሊ እንትጽሊ ሓላዊ መልአኩ ምስኡ ደው ስለልብል ልኽብሪ እቲ መልአክ ክብል ተቐሚጡ ኣይፀልይ" ኢሉ ይሕብረልና።

💦 ናይ ድንግል ማርያም መልአከ ዑቃቢ ልነበረ #ቅዱስ_ሚካኤል ከምዝነበረ ድርሳነ ማርያም ይዛረብ። ስለዙይ ‹ውቃበኻ ይደሃል› ማለት ሓላዊኻ ይርሓቕ፣ በይንኻ ኹን ከም ማለት እንትኸውን ሰብ ውቃብኡ እንትደሃል ካብ ብሰማያዊ ዘርኡ ንላዕሊ ብምድራዊ ብሔሩን ብዓሌቱን ላብ ምምካሕ፣ ካብ ባዕሉ ወጻኢ ንኻሊእ ዘይሓስብ ድንጉፅን ፈራሕን ይኸውን:: የዙይ ድዩ ሓላዊኻ ኣይግሽ ልበሃል! ሓደ ሓደ ጊዜ ምስ ደርፍን ጓይላን ተተሓሒዙ "ውቃበኻ ጠብር" ይበሃል::  ግና ብደርፊ ልጥበር ጋኔን እምበይ መልአክ የለይ'ሞ፣ ብሱሩ'ውን ንሕና ናይ ጋኔን ሓላዊ የብልናይ'ሞ እዚ ብሂል ጌጋ ይመስለኒ። ብሱሩ እውን ዝጥበር ውቃበ ተዝህሉ ነይሩ ክጥበር ዝኽእል ብጸሎትይ ጾምይ፣ ብፍቕርይ ይቕሬታይ እዩ! ሎመዓንቲ እንዝክሮ ናይ ውቃበና (ሓላዊ መልኣኽና) ናይ #ቅዱስ_ሩፋኤል አማላድነትን ተራዳእነትን ይብዘሐልና።

@Binyam ZeChristos  ጥሪ 13 - 2017

‼️ #መርዓ_ኣብርሃም Vs #ሓዳር_ኣብርሃም ‼️
ኣብ ብዙሕ መርዓታት "መርዓ ኣብርሃምን ሣራን ይግበረልኩም" ኢሎም ዝምርቑ ብዙሓት እንትኾኑ፣ ንዓይ ግን ካብ ምረቓነቱ ናብ መርገም ዝቐረበ መሲሉ ይስመዐኒ። ንዓይ! ንምንታይ?
📌1) ካብ መጀመሪኡ እንትንሪኦ ናይ ኣብርሃምን ሣራን መርዓ ከመይ ከምዝነበረ ኣይፍለጥን። መጽሐፍ ቅዱስ እውን "ኣብራምን ናሆርን ድማ ኣንስቲ ኣእተዉ። ስም ሰበይቲ ኣብራም ሣራ እዩ" [ዘፍ 11:29] ካብ ምባል ሓሊፉ ብዛዕባ ሓዳሮም እምበር፣ ብዛዕባ መርዖኦም ዝዛረቦ ዋላ ሓንቲ ነገር የለን። ስለዘየድልየና ኣይተፅሓፈን። መርዓ ሓንቲ መዓልቲ፣ ሓዳር ግና ሙሉእ ህይወት እዩ፤ ሰባት ንመርዓኻ እግዚአብሔር ድማ ንሓዳርኻ ይሓስብ። ስለዚ ድማ መርዓ ኣብርሃምን ሣራን ዝበሃል ነገር ኣይንረኽቦን።

📌2) መርዓ ኣብርሃምን ሣራን ሥምረት ኣምላኽ ዘይነበሮ፣ ጎይታ ዘይባረኾን፣ ገና ኣብ ኣምልኮተ ጣዖት እናሃለዉ ዝተፈፀመን እዩ። ኣብርሃምን ሣራን ጣዖት የምልኹሉ ኣብዝነበሩሉ እዋን #ቅድስናን_በረኸትን አምላኽ ምስኦም #ስለዘይነበረ ነታ መርዖኦም ብጣዖታት እምበር ብጎይታ ዝተባረኸት ኣይነበረትን። አብርሃም ገና <አብራም>፣ ሣራ እውን <ሦራ> እናሃለወት ዝገበርዎ መርዓ እዩ። ድሕሪ ጊዜ እዩ ናይ ናይ ኣብርሃም ልቢ ሪኡ ባዕሉ ጎይታ ዝተገለፀሉን ካብ ጣዖት አምልኮ (ካብ ዓዱን ቤተሰቡን) ንክወፅእ ኣዚዙ ዝባረኾን። "እግዚኣብሄር ድማ ንኣብራም በሎ፤ ካብ ምድርኻን ካብ ኣዝማድካን ካብ እንዳ ኣቦኻን ኣነ ናብ ዘርእየካ ምድሪ ኣቢልካ #ውጻእ። ንዓብዪ ህዝቢ ኽገብረካን ክባርኸካን ከኣ እየ፡ ንስምካውን ከዕብዮ እየ፡ #ንበረኸት ድማ ክትከውን ኢኻ" [ዘፍ 12:1-2]

📌እሞ ድኣ "መርዓ ኣብርሃምን ሣራን ይግበረልኩም" ምባል ድኣ ካበይ መፀ? መንኸ ኣምሀረና? ስለዚ ምረቓ እንተደሊና :- "ናይ አብርሃምን ሣራን #ሓዳር ይግበረልኩም" ምባል ዶ ኣይምሐሸን። ብአምሓርኛ እውን እንተኾነ "የአብርሃምና የሣራ ጋብቻ ይሁንላችሁ" እምበር "ሠርግ ይሁንላችሁ" ኣይበሃልን። ንምንታይ እንተይልና:- 1) መጽሐፍ ቅዱስ ብዛዕባ ኣብርሃምን ሣራን ሓዳር እምበር መርዓ ስለዘይነግረና። 2) ኣብርሃምን ሣራን እነመስግኖምን እነድንቖምን ብመርዐኦም እንተይኮነስ ብሓዳሮም እዩ። እዚ ድማ ጎይታ ዝባረኾን፣ ኣብ ማእኸሎም ድማ ብድኽነትን ብመከራን ዘይኸሰመ ሓያል ፍቅሪ ብምንባሩ እዩ። 3) ጎይታ ንአብርሃምን ሣራን ዝሃቦም ውላድ ድማ ይስሐቅ ስለዝኾነ። ንክሕረድ ኽሳዱ ዝህብ ናይ ክርስቶስ ምሳሌ ዝኾነ ቅዱስ ውሉድ! ይስሐቅ ግና ናይ ሓዳሮም ፍረ እምበር ናይ መርዐኦም ውፅኢት ኣይኮነን።

📌ብሱሩ እውን ሰብ ሓዳር ንክገብር እምበር፣ መርዓ ናይ ምግባር ግዴታ የብሉን። ብቅዱስ ስግኡን ብክቡር ደሙን ዝተባረኸ ሓዳር ንክገብር እምበር «ብላዕ ስተ» ንክብል ኣይግደድን። መርዓ ብቊርባን እምበር ግድን ብድግስ ንክኸውን ኣይተፅሓፈን። ሰብ ኣብ መርዓኻ፣ እግዚአብሔር ድማ ኣብ ሓዳርኻ ስለዝሰርሕ። እንተደሊና ግና ከምቶም ኣብ መርዕኦም ጎይታ ምስ ኣዲኡ ዝተረኸበሎም ናይ ዶኪማስ ገዛ ንክኸውን "መርዓ ዶኪማስ ይግበረልኩም" ምባል ይከኣል።

📌እሞ ዘመነ መርዓዊ (ወርሒ ጥሪ) ኢና ዘለና'ሞ ናብቲ ሕጋዊ ሓዳር ብቁርባኑ ንዝኣተኹም ኲልኹም ኣቐዲማ "ናይ ኣብርሃምን ሣራን #ሓዳር ይግበረልኩም፣ መርዓኹም እውን #መርዓ #ቤተ_ዶኪማስ ይኹነልኩም" ይብል።
@Binyam ZeChristos   ጥሪ 14 - 2017

ጥሪ 13 2015

‼️ #ብዛዕባ_በዓለ_ቃና_ዘገሊላ‼️/5 points/
1) "ቃና ዘገሊላ" ናይ ቦታ ስም ኾይኑ፣ እቲ ‹ገሊላ› ናይቲ ኣውራጃ፣ ‹ቃና› ድማ ናይታ መንደር ሥያመ እዩ። ቃና እትበሃል ኣብ ኻሊእ ቦታ ስለዝነበረት ካብኣ ንምፍላይ "ናይ ገሊላ ቃና" ወይ ድማ "ቃና ዘገሊላ" ትበሃል። ኣብ መጽሐፍ ቅዱስ 4 ጊዜ ኣብ ወንጌል ዮሐንስ ስማ ተጠቒሱ ኣሎ [ዮሐ 2:1፣ 2:11፣ 4:46፣ 21:2]

2) ኣብ ቃና ዘገሊላ ኣብ ዝነበረ መርዓ እም ብርሃን ምስ ወዳስ ደቀመዛሙርቱ ከምዝነበሩ፣ ኣብቲ መርዓ ድማ ዝስተ ወይኒ ተወዲኡዎም ከምዝተጨነቑ፣ እመ ብርሃን ድማ ጭንቀቶም ተረዲኣ "ወይኒኮ የብሎምን" ኢላ ከምዝለመነቶ፣ ወዳ ድማ ምልጃኣ ተቐቢሉ "ነተን ኣጋንእ ማይ ምልኡ" ብምባል ንማይ ናብ ወይኒ ቐይሩ ከምዝሃቦምን፣ ኲሎም ዕዱማት ከምዝገረሞምን ዝንገሩሉ ታሪኽ እዩ። (ዮሐ 2:1-10)

3) ጎይታ እየሱስ ምስ ተጠመቐ ናብ ገዳም/በረኻ ኸደ። 40 ዕለታት ጾይሙ ምስወደአ ናብ ከተማ መፂኡ፣ ኣብ 3ይ መዓልቱ ኣብ ቃና ዘገሊላ ኣብ ሓደ መርዓ ተፀዊዑ ማይ ናብ ወይኒ ብምልዋጥ ናይ #መጀመርይ_ተኣምሩ ዝገበረሉ እዩ።

4) በዓለ ቃና ዘገሊላ ካብቶም 9 ንኡሳን ናይ ጎይታ በዓላት ሓደ እዩ። (እተን ኻልኦት:- መስቀል/መስከ 16/፣ ስብከት፣ ብርሃን፣ ኖላዊ፣ ጌና /ታሕ 28/፣ ግዝረት/ጥሪ 6/፣ ደብረዘይት፣ ልደተ ሰምዖን/የካ 8/ እየን)

5) በዓለ ቃና ዘገሊላ የካቲት 23 ይኽበር ዝነበረ በዓል እንትኸውን ደሓር ናብ ጥሪ 12 ተዛወረ። ናይዚ ምኽንያት ድማ:- 1) የካቲት 23 ኣብ ዓብዪ ጾም ስለዝውዕልን ንምኽባር ስለዘፀግምን። 2) ቃና ዘገሊላ ጎይታ ኣብ ልዕሊ ማይ ተኣምር ዝሰርሐሉ፣ ጥምቀት እውን ኣብ ማይ ተአምር ዝገበረሉ ስለዝኾነ «ናይ ማይ በዓል ምስ ማይ ይቀራረብ» ብዝብል ፅባሕ ጥምቀት ክኽበር ተወሰነ።

6) በዓለ ቃና ዘገሊላ እንትነኽብር:- ጎይታ መርዓ ክንገብር ከምዝፈቐደን ምብራኹን፣ ናይ እምበይትና ማርያም ርህርህተ ሕሊናን ኣማላድነትን፣ ንመርዓና መርዓ ዝገብሮ ድማ ኣብቲ መርዓና ጎይታ ምስ ኣዲኡን ደቀ መዛሙርቱን እንትርከብ ምዃኑን እንመሃረሉ ዕለት እዩ።

@Binyam ZeChristos  ጥሪ 12 - 2017

#ኣብ_ጥምቀት_ናብ_ንስሐ_ኣቦ_ምኻድ ⁉️
ኣብ በዓል ጥምቀት ዝግበር ጽንሕ ዝበለ ልማድ ኣሎ:: ናብ ቐሺኻ ምኻድ! ኩሉ ምዕመን ናብ ንስሐ ኣቡኡ ስለዝኸይድ ድማ እቶም ካህናት ንኹሎም ደቂ ንስሐኦም ዝኸውን ብልዕን መስተን ከዳልዉ እንትግደዱ ምዕመናን እውን ብኣብዝሓ ቕርሺ ወይድማ ኣረቂ ሒዙ ንክኸድ ይግደድ! ዝብላዕ እንጀራን ጸብሕን ዝስተ ስዋን ኣብ መብዛሕትኦም ካህናት ዝዳሎ እኳ እንተኾነ ዳስ ዝዝርጉሑን ብዕራይ ዝሓርዱን ካህናት እውን ገጢሞሙኒ እዮም! እዚ ብቤ/ክ ኸመይ ይረአ?

1. #ብሥርዓተ_ቤተክርስቲያን:- ከም ናይ ኦርቶዶክሳዊት ቤ/ክ "ኣብ ጥምቀት ጊዜ ናብ ቐሽኻ ኽድ" ዝብል ሥርዓት ኾነ ትውፊት የብላን! ክደግሞ እየ ከምዚ ዝበለ ነገር ኣብ ዝተወሰኑ ቦታታት ዝተለመደ ልማድ እምበር ሥርዓት ቤ/ክ ኮነ ትውፊት ቤ/ክ ኣይኮነን! ጥምቀትኮ ጎይታ ዝኾነ ክርስቶስ ናብቲ ነቢይ ዝኾነ ዮሐንስ ኸይዱ ብምጥማቕ ትሕትና ዘርኣየሉ ከም ምዃኑ መጠን፣ እቶም ካህናት እዮም ናብ ምዕመናን ክኸዱ ዝነበሮም፤ ዋላ እዚ እውን ግን ቀኖና/ሥርዓት ቤ/ክ ኣይኮነን:: ስለዚ እቶም ካህናት እውን ዳስ ናይ ምስራሕ ኾነ በጊዕ ናይ ምሕራድ፣ እቶም ምዕመናን እውን ቕርሽን ኣረቅን ናይ ምውሳድ ግዴታ የብሎምን! ክገብር እየ ንዝበለ ግን "ሥርዓተ ቤ/ክ ከምዝኾነ" ብድፍረት ኣይናገር እምበር ከምድላይቱ!!

2. #ጥቕሙን_ጉድኣቱን:- ዋላ እኳ ከም ሥርዓት የለን እንተበልና፣ ምዕመናን ናብ ንስሐ ኣቦኦም ምኻዶም ዘመስግን እምበር ዘንቅፍ ኣይኮነን:: ነገር ግን ኣብ ካሊእ መዓልቲ ናብ ካህናት ንከይንኸድ ዝእግደና ዶ ኣሎ እዩ? ኩሉሻብ ካህናት ናብ ዳ ምዕመናን ይኽዱ ዝብል ኸ ኣሎ ዶ? ሕጊ ቤ/ክ ካህናት ንምዕመናን ንከምህሩዎምን ንስሐ ኣእቲዎም ንከቑርብዎምን እምበር ኣብ ናዳመን ገዛ ክራኸቡ ከምዝግባእ ኣይውሰንን! ኣብ ጥምቀት ምኳኑ ግን ዓቢይ ጉድኣት ኣለዎ!

📌2.1) #ቤተሰብ_ካህናት:- ኣብ በዓል ጥምቀት ናይ ካህናት ኣንሽቲ፣ ደቆምን ቤተሰቦምን ዳስ ክሰርሑ፣ ምግቢ ከዳልዉን ጋሻ ተቐቢሎም ከተኣናግዱን ዕረፍቲ የብሎምን! ኣብ ዓቢዪ ናይ ጎይታ በዓል ናብ ባሕረ ጥቀት ዘይወርዱን ዘይጥመቑን ናይ ካህናት ኣንሽትን ውላዳቶምን ይፈልጥ እየ! ካልኦት ነቲ በዓል ንከየኽብሩ ስለዝገብር ኣብ ጥምቀት መዓልቲ ምዃኑ ጉድኣት ኣለዎ!

📌2.2) #ድኻም_ካህናት:- ኣብ ደብርና ዘለዉ ካህናት ዳርጋ ኹሎም ልማድ ስለዝኾኖምን ንደቆም ከየቐይሙ እናበሉ እናተሰከፉ እምበር ነቲ ነገር ኣይድግፍዎን! ታቦት ኣብ ባሕረ ጥምቀት ኣውሪዶም፣ ሙሉእ ለይቲ እናገልገሉ ሓዲሮም ደሓር ድማ ታቦት ናብ መቅደስ ምስመለሱ ክንዲ ዕረፍቲ ምግባር ተመሊሶም ጋሻሹ ምትእንጋድ ምኻዶም ብሓቂ የሕዝን! ብሓቂ ይበለካ ኣለኹ ንስሐ ኣቦኻ ትፈትዎም እንተኾይንኻ ኣብ ጥምቀት በዓል ኣይትኽዶም!

📌2.3) #ኣከባብርኡ:- ኣብዚ ልማድ እዚ ምዕመናን ዳ ቐሾም ኸይዶም እውን ልክዕ ከም ዓለማዊ ድግስ በሊዖም፣ ሰትዮም ቐሊዶምን ተጫዊቶምን እምበር ቃል ኣምላኽ ዝመሃሩሉ ናብ ቁርባን ዝቐሩቡሉ ኣይኮነን! ገለገለ እውን ዘይዓቐኖም መስተ ወሲዶም ዝሰኽር ኣለዉ!

📌2.4) #ዘየድሊ_ወጻኢ:- እዚ ወፃኢ ንካህናትን ንምዕመናንን እዩ! ብሱሩ እቲ ካህናት ብኽንደይ ደሞዝ ከምዝነብር ንፈልጥ ዲና?! በዚ ደሞዝ ድዩ ዓመት ዓመት ኣብ ጥምቀት "ርብዒ ጎደል ልመርዓ" ዝኾነ ድግስ ክገብር? ንዓና ከየቐይሙ ኢሎም ተለቂሖም ብዕራይ ዝገዝኡ ካህናት ብድሕሪኡ ከመይ ኢሎም እዮም ቤትሰብ ከመሓድሩ? ካህናትስ ደሓን ቤተሰብ ይህልዉዎም እቶም ፈለስቲ ኣቦታትና ኸ? ምዕመናን ኸ እንተኾነ መዓዝ ቕርሺ በዚሑና? እቲ ዘመን ወርሒ ጥሪ ከም ምዃኑ መርዓታት ዝበዝሑሉ፣ ካብ ናይ ጾም ምግብታት ናብ ኽብራት ጥሉላት እንቕየሩ ጊዜ እዩ! ኣብ ልዕሊ እዚ ቕርሺ ኾነ ኣረቂ ናብ ቐሺ ውሳድ ሕማቕ ልማድ እዩ!
@Binyam ZeChristos  ጥሪ 11 - 2017

#ተገሪዝና_ዲና?
ኣብ ቤ/ክ ናይ ጎይታ 9 ዓበይቲ በዓላትን 9 ንኡሳን በዓላትን እንትህልዉ ካብቶም ንኡሳት በዓላት ዝበሃሉ ሓደ ሎሚ ጥሪ 6 ዝኽበር እዩ - ግዝረተ ኢየሱስ!! ሕጻን ወዲ ኣብ 8ይ መዓልቱ ተገዚሩ ህዝቢ እግዚአብሔር ንክኾን ዝነበረ ኦሪታዊ ትእዛዝ (ዘፍ 17:12 ፣ ዘሌዋ 12:13) ብትሕትና ንክፍፅም ጎይታ-ሙሴ ኢየሱስ ኣብ 8ይ መዓልቱ ተገዘረ::

ናይ ጎይታ ኢየሱስ ግዝረት ግና ንዓኻ ንዓኺን ንዓየን ዓብዪ ትርጉም ይህበና:: ንሱ ንዓይ ክብል ብሥጋ ካብ ተገዘረ ኣነ ድማ ብመንፈስ ልበይ ክግዘር ኣሰር ገደፈለይ:: ነዚ እዩ ነቢይ ኤርሚያስ "#ንእግዚአብሔር_ተገረዙ! ናይ #ልብኹም_ሸለፈት እውን #ኣወግዱ" ዝብለና:: (ኤር 4:4)

ኦሪት ኣወዳት ጥራሕ ክግረዙ ትእዝዝ፣ ክርስቶስ ግን ኹሎም ክርስቲያን ክግረዙ ይእዝዝ! ኦሪት ሥጋኻ፣ ክርስትና ግና ልብኻ ክትግረዝ ትሕግግ! ኦሪት ብበሊሕ መላፀ፣ ወንጌል ግና ብኽልተ ገጽ ካብ ዝበልሐ ሰይፊ ኣዝዩ ብዝተስሓለ ብቃል ኣምላኽ ክንግረዝ ትድንግግ! (ዕብ 4:12)

ከም ናተይ ብደርፊ ዝረኸሰ፣ ብፀርፊ ዝረሰሐ፣ ብሓሜት ዝተኣስረ፣ ብማሕላ ዝተቖረነ ኣንደበት ዶ ኣለኩም? እዚ እዩ ዘይተገረዘ መንነት ማለት! በደል እናቖፀረ ዝቕየም፣ ሕነ ንክፈዲ ድቃስ ዝስእን፣ ኣብ ልዕሊ ሓው ኽፍኣት ዝፍሕስ፣ ይቕሬታ ምግባር ሽንፈት ዝመስሎ ልቢ እንተሃልዩና ብጎይታ ክርስቶስ ተዘይተገሪዙ ፈውሲ የብሉን::
@Binyam ZeChristos ጥሪ 6 - 2016

ጥሪ 6 - 2015

📌 ይብፃሕ ናብ ኣባ ጋብር 📌
ቅዱስን ጻድቕን ኣቦይ ኣቡነ ገብረ መንፈስ ቅዱስ እንኳዕ ተወለድኻ! ካብ ኽብሪ ተላዒለ "ኣቱም ኣቦይ"፣ ካብ ፍቕረይ ተበጊሰ ድማ "ኣታ ኣቦይ" ዝበለካ ጻድቅ ኣቦ፣ ህይወትኻ ንክርስቶስ ብምሃብ ምሳሌ ስለ ዝኾንኻኒ፣ መንገዲ ቅድስና ብተግባር ፅሒፍኻ ስለዝመሃርካኒ ንምስጋናይ ደረት የብሉን። ኦ ኣቦይ ብሓጢኣት ንዝወደቐ መንነተይ፣ ብሐሜት ንዝረኸሰ ኣንደበተይ፣ ብደርፊ ንዝረስሐ ኣፈይ፣ ብትዕቢት ንዝሓበጠ ልበይ ፈውሲ ክትኾነኒ ንመሓሪ ፀበልኻ ይምሕፀን ኣለኹ። ኦ ኣቦይ ኣብ ውሽጢ ዓይነይ ዘሎ ጉንዲ ዕሽሽ ኢለ፣ ኣብ ዓይኒ ካህናት ዘሎ መንገፍ ዝነቅፍ ድኹም ሰብ እየሞ፣ ናይ ባዕለይ እልፊ ሓጢኣትን ርኹሰትን በዚሑ ነፍሰይ ጠቐር መሲላ እናሃለወት፣ ናይ ጳጳሳት በደልን ሓጢኣትን እናዘርዘርኩ ዝውዕል ከንቱ ሰብ እየሞ ብመስቀልኻ መልሰኒ!

ካብ ሰብ ሓሊፍካ ምስ ኣናብርን ኣናብስን ዝነበርኻ ባሕታዊ ኣቦይ፣ ምስ ሰብ ምስምዕማዕ ንዝኣበየኒ ኽፉእ ወድኻ ብኢድኻ ዳህስሰኒ። ኣራዊት ርጋፅኻ ልሒሶም ብፍቕሪ ምንባሮም ሰሚዐ! እሞ ደኣ ናተይ ቋንቋ ንዘይናገሩ ሰባት፣ ካብ ብሔረይ ወፃኢ ንዝኾኑ አካላት ብምፅላእ ትሕቲ ኣራዊት ኾይነ ንዝነብር ወድኻ ርጋፅ እግርኻ ኣበይ ክረኽቦ?

ኦ ኣቦይ! ኽዳን ዘይፈልጥ ኣካልኻ፣ ፅድቂ ንዘይብላ ነፍሰይ ዋሕስ ንክኾነኒ፣ ሥጋኻ ሸፊኑ መሬት ዝወረደ ፀጉርኻ፣ ብዝሙትን ስኽራንን ንዝዓረቐ መንነተይ ልብሲ ክኾነኒ ኣብ ስእልኻ ወዲቐ ይልምነካ ኣለኹ። «ከማይ ዘይሓሰበ ፀላእየይ እዩ» ካብ ዝብል ዝርጋን፣ «ብኣፍንጫይ ዘየሀንጠሸ ባንዳ እዩ» ካብ ዝብል ዕብዳን ብጸሎትኻ ንኽትስውረኒ ይምሕፀነካ ኣለኹ።

መንፈሳዊ ተባሂለ መንፈሳይ ካብ ምዃን፣ ብፍቕሪ ኣሚነ ፅልእን ክፍፍልን ካብ ምስባኽ ንክተድሕነኒ፣ ንፈተውተይ ጥራይ እንተይኾነስ ንዝፀልኡኒን ንዝቐትሉንን እውን ዘፍቅረሉ ዓቕምን ዓቕልን ሃበኒ። ሰኣን ፍልጦይ ብናይ ኣቦታት በደል ንኦርቶዶክሳዊት ቤ/ክ ካብ ምንቃፍን ምፅራፍን ሰውረኒ። ኽቡር ኣቦይ ናባኻ መልእኽቲ ንምልኣኽ ዘኽእል መንነት ዋላ ተዘይሃለወኒ፣ 100 ዓመት ኣብ ባሕሪ ኣቲኻ ንኃጥኣን እትልምን ኣቦ ኢኻ'ሞ ልመናይ ሰሚዕኻ ናብቲ ፈቃር ኣምላኽ ናብ ኢየሱስ ኣቕርበኒ!

ንዓኻ ምኽባር ንዝለኣኸካ ንክርስቶስ ምኽባር ምዃኑ ፈሊጠ የኽብረካ! ንክርስቶስ ዝነበረካ ፍቕርን ዝገበርካዮ አገልግሎትን ንዓይ ምሳሌ እዩሞ ዘወትር ንዓኻ ይዝክር፣ ንዓኻ ይኽተል! ንዓኻ ምፍታው ማለት ንክርስቶስ ዘይምፍላጥ ገይርኻ ካብ ምሕሳብ ሰውረኒ! አሜን!

ካብ ሓጥእን ኣባስን ወድኻ !
©Binyam ZeChristos ጥሪ 5 - 2016

📌 #ይብፃሕ_ናብ_ኣባ_ጋብር 📌
ቅዱስን ጻድቕን ኣቦይ ኣቡነ ገብረ መንፈስ ቅዱስ እንኳዕ ተወለድኻ! ካብ ኽብሪ ተላዒለ "ኣቱም ኣቦይ"፣ ካብ ፍቕረይ ተበጊሰ ድማ "ኣታ ኣቦይ" ዝበለካ ጻድቅ ኣቦ፣ ህይወትኻ ንክርስቶስ ብምሃብ ምሳሌ ስለ ዝኾንኻኒ፣ መንገዲ ቅድስና ብተግባር ፅሒፍኻ ስለዝመሃርካኒ ንምስጋናይ ደረት የብሉን። ኦ ኣቦይ ብሓጢኣት ንዝወደቐ መንነተይ፣ ብሐሜት ንዝረኸሰ ኣንደበተይ፣ ብደርፊ ንዝረስሐ ኣፈይ፣ ብትዕቢት ንዝሓበጠ ልበይ ፈውሲ ክትኾነኒ ንመሓሪ ፀበልኻ ይምሕፀን ኣለኹ። ኦ ኣቦይ ኣብ ውሽጢ ዓይነይ ዘሎ ጉንዲ ዕሽሽ ኢለ፣ ኣብ ዓይኒ ካህናት ዘሎ መንገፍ ዝነቅፍ ድኹም ሰብ እየሞ፣ ናይ ባዕለይ እልፊ ሓጢኣትን ርኹሰትን በዚሑ ነፍሰይ ጠቐር መሲላ እናሃለወት፣ ናይ ጳጳሳት በደልን ሓጢኣትን እናዘርዘርኩ ዝውዕል ከንቱ ሰብ እየሞ ብመስቀልኻ ባሪክኻ መልሰኒ!

ካብ ሰብ ሓሊፍካ ምስ ኣናብርን ኣናብስን ዝነበርኻ ባሕታዊ ኣቦይ፣ ምስ ሰብ ምስምዕማዕ ንዝኣበየኒ ኽፉእ ወድኻ ብኢድኻ ዳህስሰኒ። ኣራዊት ርጋፅኻ ልሒሶም ብፍቕሪ ምንባሮም ሰሚዐ! እሞ ደኣ ናተይ ቋንቋ ንዘይናገሩ ሰባት፣ ካብ ብሔረይ ወፃኢ ንዝኾኑ አካላት ብምፅላእ ትሕቲ ኣራዊት ኾይነ ንዝነብር ወድኻ ርጋፅ እግርኻ ኣበይ ክረኽቦ?

ኦ ኣቦይ! ኽዳን ዘይፈልጥ ኣካልኻ፣ ፅድቂ ንዘይብላ ነፍሰይ ዋሕስ ንክኾነኒ፣ ሥጋኻ ሸፊኑ መሬት ዝወረደ ፀጉርኻ፣ ብዝሙትን ስኽራንን ንዝዓረቐ መንነተይ ልብሲ ክኾነኒ ኣብ ስእልኻ ወዲቐ ይልምነካ ኣለኹ። «ከማይ ዘይሓሰበ ፀላእየይ እዩ» ካብ ዝብል ዝርጋን፣ «ብኣፍንጫይ ዘየሀንጠሸ ባንዳ እዩ» ካብ ዝብል ዕብዳን ብጸሎትኻ ንኽትስውረኒ ይምሕፀነካ ኣለኹ።

'መንፈሳዊ' ተባሂለ 'መንፈሳይ' ካብ ምዃን፣ ብፍቕሪ ኣሚነ ፅልእን ክፍፍልን ካብ ምስባኽ ንክተድሕነኒ፣ ንፈተውተይ ጥራይ እንተይኾነስ ንዝፀልኡኒን ንዝቐትሉንን እውን ዘፍቅረሉ ዓቕምን ዓቕልን ሃበኒ። ሰኣን ፍልጦይ ብናይ ኣቦታት በደል ጎይታ ብደሙ ንዝሰርሓ ኦርቶዶክሳዊት ቤ/ክ ካብ ምንቃፍን ምፅራፍን ሰውረኒ። ኽቡር ኣቦይ ናባኻ መልእኽቲ ንምልኣኽ ዘኽእል መንነት ዋላ ተዘይሃለወኒ፣ 100 ዓመት ኣብ ባሕሪ ኣቲኻ ንኃጥኣን እትልምን ኣቦ ኢኻ'ሞ ልመናይ ሰሚዕኻ ናብቲ ፈቃር ኣምላኽ ናብ ኢየሱስ ኣቕረበኒ! አሜን!

ካብ ሓጥእን ኣባስን ወድኻ
©Binyam ZeChristos ጥሪ 5 - 2015

‼️ አማላድነት አባ ጋብር‼️

ሎመዓንቲ ሰንበት ምሽት ሰዓት 2:30፣ ናይ አቡነ ገብረ መንፈስ ቅዱስ ልደት፣ ናይ ቅዱስ ዮሐንስ ወንጌላዊ ዕርገት ምኽንያት ብምግባር፣ ኣብ ቲክቶክ ኣብ ዙርያ #አማላጅነት_ቅዱሳን Live Discussion ክህልወና እዩ።

ነልዕሎም ነጥብታት
📌 ትርጉም ምልጃ
📌 አማላጅነት ንምንታይ ኣድለየ
📌 ቅዱሳን ይልምኑልና ዶ
📌 ፕሮቴስታትን "ኣየማልዱን" ንምባል ዘቕርብዎም ምኽንያታት
📌 ቅዱሳን ኣብ ምድሪ ዘሎ ነገር ይፈልጡ ዶ?

©Binyam ZeChristos ጥሪ 4 - 2017

https://www.tiktok.com/@zechristoss?_t=8qOMmGDnHUs&_r=1

🔥በዓላትና ብዝማሬ ዶ ብጓይላ?🔥

ሎመዓንቲ ሓሙስ ምሸት 2:30 "መንፈሳውያን በዓላት ብኸመይ ክነኽብሮም ይግባእ?" ብዝብል ዛዕባ ኣብ Tiktok  ናይ Live Discussion ጊዜ ክህልወና እዩ። ተሳተፉ፣ ሕተቱ፣ መልሱ!

1 ጴጥ 3:15:- ብዛዕባ እታ ኣባኻትኩም ዘላ ተስፋ፥ ንዅሉ ዝጥይቐኩም #ምላሽ_ምሃብ ምእንቲ ኽትክእሉ፥ ኵልሻዕ #ድልዋት_ኩኑ።

📌መንፈሳውያን በዓላት ብኸመይ ክኽበሩ ይግባእ?
📌ተጋሩ ንምንታይ በዓላትና ብደርፍን ጓይላን ነኽብር?
📌ባህልን ሃይማኖትን ከመይ ይሰማምዑ?
📌ጥምቀት ከመይ ክኽበር ይግባእ?

https://www.tiktok.com/@zechristoss?_t=8qaT2P5kyko&_r=1

« ምፍታሕ እፀልእ እየ፣ ይብል ኣምላኽ እስራኤል እግዚኣብሄር » ተባሂሉ ተፃሒፉ እዩ። (ሚልክያስ 2:16)

ነገር ግን እግዚአብሔር ዝፈትዎን ዘፍቅሮን 1 ፍትሕ ኣሎ።

ናይ ቤተ-ክህነትን ~ ቤተ-መንግሥትን ፍትሕ‼️

‼️ ናብ ቤተልሔም ንኺድ‼️
ልደት ጎይታ ኢየሱስ ኣብ ዓለም ንመጀመርያ ጊዜ ብኢስላማዊ መንዙማ(?ነሺዳ) ብሁራን ዘኽበርና ፍሉያት ፍጥረት ኢና ኾይንና ኣለና። ኣየ ትግራይ! እናሸፋፈናዮ እምበር ቑስልና ብዙሕ እዩ። ነቲ ሓደ እንተይሓከምና ናብ ኻልእ ቑስሊ! ክንድዙይ ዶ ትዋረድ ኢኻ? ካብ ሓጢኣት ዘድሕን መድሓኒት ተወሊዱ ኢልኻስ ብሕማም ነፍሲ ክተብዕሎ? "በትግራይ ደረጃ ዝኽበር በዓል" ዝበሃል ፈርኦናዊ አዋጅ መዘዙ ብዙሕ እዩ። ናይ ክርስቶስ ልደት ኣብ አጽቢን ሃይቂመስሓልን ተኸቢሩ።

እዚ እትሪእዎ ናይ ሃይቂመስሓል ይመስለኒ። ኣብ ዓብዪ ሚዳ፣ እዚ ኹሉ ሰብ ፀዊዕኻ፣ ኣቦታት ዓዲምኻ እንትተብቅዕ ላዘለልናይ ላኹደድና ክንውዕል! ካብ ክርስቶስ አካላነት ወፃኢ ዝኾኑ መራሕቲ እስልምና ድማ መንዙማ ዝመስል (?ነሺዳ) ወይ ካልእ ነገር የቕርቡ ኣለው። ታይ ከምዘራኸቦ ፈርዖናውያም ጥራሕ እዮም ዝፈልጡ።

እምነትኻ ፖለቲካ እንትወርሶ፣ ክርስትናኻ ባህሊ እንትውሕጦ፣ ቤተ ክህነትኻ ቤተመንግሥት እንትዕብልሎ ክንድዚ ትወድቕ! ንሕናስ ናብ ዝሐሸና ደኣ ንኺድ! ከምቶም ጓሶት ካብቲ ጓይላ ዘለዎ በረኻ ናብቲ ዝማሬ ዝፈሰሉ ቤተልሔም ደኣ ንኺድ። ከምቶም ሰብአ ሰገል፣ ጭፈራን ዝላይን ካብ ዘለዎ ቤተመንግሥት ናብቲ ምስጋና ዝቕድሐሉ ደንበ አባጊዕ ንኺድ! «ንዑ ናብ ቤተልሔም ንኺድ» (ሉቃ 2:15)
@Binyam Zechristos ታሕሳስ 29 - 2017

«ሕዝበይ ልቐቑ»‼️
ድሕሪ 450 ዓመታት ባርነትን መግዛእትን ንእስራኤላውያን ካብ ኢድ ፈርዖንን ግብፃውያን ንከድሕን ብአምላኽ ዝተልኣኸ ሙሴ ዝተናገሮ ናይ ሓርነት ሕቶ እዩ ነይሩ - "ንክስውአለይ ሕዝበይ ልቐቕ" ይብለካ ኣሎ እግዚአብሔር»። ፈርዖን ግና "ንእግዚአብሔር ኣይፈልጥን ንእስራኤል ኣይለቅቕን" በለ። ጎይታ ብኢድ ሙሴ ዘጨንቑ ዓበይቲ መቕዘፍትታት/ተአምራት ዋላ እንተርኣዮ፣ ንጊዜኡ ብፍርሒ "ክለቅቕ እየ" ይብል'ሞ እቲ መቕዘፍቲ እንትርሕቐሉ ድማ "ኣይለቅቕን" ይብል። አይሁድ ንብ አምላክም መሥዋእቲ ምቕራብ፣ ንፈርዖን ንሥልጣኑ ውርደት ከምዝኾነ ተሰመዖ። ጎይታ ግን ንዕኡ ንሥልጣኑን አጥፊኡ ንህዝቡ ኣውፀአ። መንፈሳዊነት ንሥልጣኑ ሓደጋ ዝመሰሎ ፈርዖን ጥራሕ ኣይነበረን፣ ሄሮድስ እውን ከምኡ ነይሩ!

ሮማዊ ሄሮድስ ዘየዓቢ (Herold the Great) እውን "ዝተወልደ ንጉሥ አይሁድ ኣበይ ኣሎ?" እንትብልዎ፣ ልቡ ትርትር ኢሉ ዝደንገፀ "ሰማያዊ ንጉሥ" ንሥልጣኑን ወንበሩን ሓደጋ ከምዝኸውን ብምሕሳቡ እዩ። እቲ ዝገርም ክርስቶስ እንትውለድ ሄሮድስ ወዲ 73 ዓመት ሽማግለ፣ ን38 ዓመታት ድማ ኣብ ኣይሁድ ዝነገሰ እዩ። ነገር ግን ንስልጣኑ ክብል፣ ነቲ ንህዝቢ ካብ ሓጢኣት ዘላቕቕ ንጎይታ ኢየሱስ ንክቐትሎ ደለየ። "ሕዝበይ ልቐቕ" ዝብል ድምፂ ኣይሰምዐን።

ናይ ግብፂ በዓል ሥልጣናት ግን ከም ሰብአ ሰገል ኣብ ቕድሚ እቲ ዝተወልደ ንጉሥ ንምስጋድ ሥልጣኖም ኣይኸልከሎምን። ምስቶም ጳጳሳት ብማዕረ ኮፍ ተዘይበልና ኣይበሉን። ምእንቲ ንዓና ክበሃል ጓይላን ጭፈራን ይገበር ኣይበሉን። በዓል ልደት ኣብ እከለ ከተማ በድምቀት ይከበር ኢሎም ክእዝዙ እውን ኣይተሰምዑን። ኣብ ገዛ እቲ ሰማያዊ ንገሥ ተራ ሰባት ምዃኖም ዘኪሮም ከም ምዕመንነቶም ኮፍ ኢሎም የኽብሩ ኣለው። "ሕዝበይ ልቐቕ" ንዝብል ድምፂ፣ "እንሆ ንዓኻ ንክኾኑ ለቒቕና ኣለና" ዝበሉ በዓል ሥልጣናት እዮም።

እዚ ድምዚ ንነገሥታት ትግራይ እውን ይጋዋሕ ኣሎ፣ "ህዝበይ ናይ ዝማሬ መስዋእቲ ንክስውአለይ ብደርፍን ጓይላን፣ ብፖለቲካን ዓሌታውነትን ንሕዝበይ ኣይትእሰሩ" ይብል ኣሎ። ሕዝበይ ልቐቑ‼️
@Binyam ZeChristos ታሕሳስ 30 - 2017

ሰብአ ሰገላዊ ~ ሄሮድሳዊ
ልደት ጎይታ ኢየሱስ ብክልተ ዓይነት መንገዲ ክተኽብሮ ትኽእል ኢኻ። ሄሮድሳውን ሰብአ ሰገላውን ኣከባብራ። ክልቲኦም ነገሰታት እዮም። ሰማያዊ ንጉሥ ከምዝተወልደ እንትፈልጡ ግን ዝተፈላለየ ግብረ-መልሲ ነይሩዎም። እትም 3 ጠቢባን/ነገሥታት (ሰብአ ሰገል) ልደት ሰማያዊ ንጉሥ ኣብቲ ንጉሥ ዘለዎ ቦታ ተረኺቦም ንኽብሩ ተምበርኪኾም ወርቂ፣ ዕጣን፣ ከርቤ አምኃ ሃቡዎ። ሄሮድስ ድማ ምውላዱ እንትሰምዕ "ንሱን ኢየሩሳሌምን ተጨነቑ"። ብልቡ ክቐትሎ እናደለየ ድማ " ኣነውን ንክሰግደሉ ኣበይ ከምዝተወልደ ንገሩኒ" በለ። ኽፍኣቱ መንፈሳዊት ከምስላ የመሳጥራ እዩ ዘሎ። ትሕቲ 2 ዕድመ ሕጻናት ቤተልጄም ድማ አጨፍጨፈ።

እዚ ብፎቶ ትሪኡዎ ዘለኹም ኣከባብራ ሰብአ ሰገላዊ እዩ። ናብቲ ንጉሥ ኸይዶም አምኃ ዘቕረቡሉ። መልአካዊ አከባብራ እዩ፣ ብብርሃን ደሚቖም ዝዘመሩሉ። ሕሰቡዎማ፣ ኣብ ታሕታይ ዓዲ "የአእላፋት ዝማሬ" ይዝመርሎ ፣ ኣብ ላዕላይ ዓዲ "የአእላፋት ሁራ 3" ይርገፅሎ። ኣብ ታሕታይ ዓዲ ያሬዳዊ ዝማሬ ብተመስጦ ይፈስስ ኣሎ፣ ኣብ ላዕላይ ዓዲ ስርግድዕን ስክትሽምን ናብ ምሥጢረ ሥላሴ ይትንተን ኣሎ።

እመነኒ! ጸላእትና ካብ እንብሎም ብላዕሊ፣ ልዕሊ ኹሉ ጸላእትና ባዕልና ኢና! ጸላእትናስ ንሥጋና እምበር ንነፍስና ክጎድኡ ኣይኽእሉን፣ ንሕና ግን ነፍስና ኳ እንቑስል ፀላእቲ-ርእስና ኢና። ናብ ሰብአ ሰገላዊ አምልኮ ንመለስ!
@Binyam Zechristos ታሕሳስ 29 - 2017

❤️ ልደት ምስ በዓል ልደት ❤️
እዛ ለይቲ ፍልይቲ እያ! ሰማያዊ ንጉሥ ካብ ጽርሐ አርያም ንዓና ክብል ደንበ ዝሓደረላ ፣ መልእክት ካብ ሰማይ፣ ጓሶት ካብ በረኻ፣ ነገሥታት ካብ ቤተመንግስት መፂኦም ዝዘመሩላ እያሞ፣ ነዚ ናይ ለይቲ ሙሉእ ማኅሌት ሒዝና ምስ ሊቃውንት እናዘመርና ኣብ መቅደሱ ንሕደር!

‼️ ነግሥ ‼️
ሰላም ለኵልያቲክሙ እለ ዕሩያን ብአካል
ዓለምክሙ ስላሴ አመ ሐወጸ ለሳህል
እምኔክሙ አሐዱ እግዚአብሔር ቃል
ተፈጸመ ተስፋ አበው በማርያም ድንግል
ወበቀራንዮ ተተክለ መድሐኒት መስቀል

‼️ ዚቅ ‼️
ኢይምሰልክሙ ዘመጻእኩ እሥዓሮሙ ለኦሪት ወለነቢያት ወኢከመ እንሥቶሙ አላ ዳዕሙ ዘእንበለ ከመ እፈጽሞሙ ይቤ እግዚእ በወንጌል ሰላሙ አማኑኤል ስሙ።

‼️ መልክዐ ሥላሴ ‼️
ሰላም ለአጻብዒክሙ እለ እምአጽፋር ኢይትሌለዩ፤
ለቤትክሙ ሥላሴ ዘኢየኃልቅ ንዋዩ፤
አመ አብዓልክሙ ሰብአ ድኅረ አንደዮ ጌጋዩ፤
ዘኢርእዩ እምቅድመ ዮም መላእክተ ሰማይ ርእዩ፤
ወአግብርተ ሰብእ መላእክተ ተሰምዩ።

‼️ ዚቅ ‼️
ርእይዎ ኖሎት አእኰትዎ መላእክት፤
ለዘተወልደ እማርያም እምቅድስት ድንግል፤
ዮም ሰማያዊ በጎል ሰከበ።

‼️+++ ወረብ +++‼️
ርእይዎ ኖሎት አእኰትዎ መላእክት
ዮም ሰማያዊ በጎል ሰከበ ለዘተወልደ እምቅድስት ድንግል

ሰላም ለዝክረ ስምኪ ዘመንክር ጣዕሙ፤
ለወልድኪ አምሳለ ደሙ፤
መሠረተ ሕይወት ማርያም ወጥንተ መድኃኒት ዘእምቀዲሙ፤
ኪያኪ ሠናይተ ዘፈጠረ ለቤዛ ዓለሙ፤
እግዚአብሔር ይትባረክ ወይትአኰት ስሙ።

‼️ ዚቅ ‼️
መሠረታቲሃ ውስተ አድባር ቅዱሳን፤ ወብእሲ ተወልደ በውስቴታ።

ሰላም ለልደትከ ኦ አማኑኤል፤
ዘቀዳሚ ወዘደኃሪ ብሉየ መዋዕል፤
ኢየሱስ ክርስቶስ ዘአብ ቃል፤
እፎ እፎ አግመረተከ ድንግል፤
ወእፎ እንዘ አምላክ ሰከብከ በጎል።

‼️ ዚቅ ‼️
በጎል ሰከበ በአጽርቅት ተጠብለለ፤
ውስተ ማኅጸነ ድንግል ኃደረ፤
እፎ ተሴሰየ ሀሊበ ከመ ሕፃናት።

‼️+++ ወረብ +++‼️
በጎል ሰከበ በአጽርቅት ተጠብለለ ኃደረ ማኅጸነ ድንግል
እፎ ተሴሰየ ሀሊበ ከመ ሕፃናት ተሴሰየ

‼️ መልክዐ ኢየሱስ ‼️
ሰላም ለዝክረ ስምከ ስመ መሐላ ዘኢይሔሱ፤
ዘአንበረ ቅድመ እግዚአብሔር በአትሮንሱ፤
ኢየሱስ ክርስቶስ ለዳዊት ባሕርየ ከርሱ፤
አክሊለ ስምከ እንዘ ይትቄጸል በርእሱ፤
አህጉረ ፀር ወረሰ ኢያሱ።

‼️ ዚቅ ‼️
ሃሌ ሉያ (x2) ንሰብከ ወልደ እምዘርዓ ዳዊት ዘመጽአ፤
ወተወልደ በሥጋ ሰብእ ፡ እንዘ ኢየዓርቅ እመንበረ ስብሐቲሁ
ውስተ ማኅጸነ ድንግል ኀደረ ፡ ሥጋ ኮነ ወተወልደ
ትጉሃን የአምኑ ልደቶ ፡ ወሱራፌል ይቀውሙ ዓውዶ
መጽአ ይቤዝወነ ፡ ውስተ ዓለም የሀበነ ሰላመ
ጋዳ ያበውዑ ቊርባነ፡፡

‼️ +++ ወረብ +++ ‼️
ውስተ ማኅጸነ ድንግል ኃደረ ሥጋ ኮነ
ወተወልደ በሥጋ ሰብእ ሥጋ ሰብእ በሥጋ ሰብእ

‼️ መልክዐ ኢየሱስ ‼️
ሰላም ለአጽፋረ እዴከ ዘሕበሪሆን ጸዓዳ፡
በምግባር ወግእዝ እለ ይትዋሓዳ፡
ኢየሱስ ክርስቶስ ምስፍና አባሉ ለይሁዳ፡
ለመንግሥትከ ሰፋኒት እንዘ ይትመሐለሉ ዐውዳ፡
ሰብአ ሰገል አወፈዩ ጋዳ ፡፡

‼️ ዚቅ ‼️
አንፈርዓፁ ሰብአ ሰገል፤ አምኃሆሙ አምጽኡ መድምመ፤
ረኪቦሙ ሕጻነ ዘተወልደ ለነ፡፡

‼️+++ ወረብ +++‼️
አንፈርዓፁ ሰብአ ሰገል
አምኃሁ አምጽኡ መድምመ

‼️ መልክዐ ኢየሱስ ‼️
እምኵሉ ይኄይስ በሥላሴከ ተአምኖ ፡
ወበወላዲትከ ተማኅፅኖ፡
ኢየሱስ ክርስቶስ እምቤተ መንግሥት ወተክህኖ፡
ተሰብኦተከ እመቦ ያስተሓቅር መኒኖ፡
ያንኰርኵር ታሕተ ደይን ግዱፈ ከዊኖ፡፡

‼️ዚቅ‼️
ወካዕበ ተማኅጸነ በማርያም እምከ፤
እንተ ይእቲ እግዝእትነ ወትምክህተ ዘመድነ፤
በወሊዶተ ዚአከ፡፡

‼️+++ ወረብ +++‼️
ትምክሕተ ዘመድነ በወሊዶተ ዚአከ
ይእቲ እግዝእትነ ማርያም ድንግል

‼️ማኅሌተ ጽጌ‼️
ኦዝ መንክር በዘዚአኪ አምሳል ፡
ኮከበ ትንቢት ዘቦቱ መልክአ ሕጻን ስዑል
ሠረቀ ያርኢ ተአምርኪ ድንግል ፡
ወመርሆሙ ለሰብአ ሰገል እምርሑቅ ደወል፡
ጽጌኪ ኀበ ሀሎ ሰኪቦ በጎል፡፡

‼️ ዚቅ ‼️
ወኖሎት በቤተልሔም አንከሩ እምዘርእዩ ወሰምዑ
ሰብአ ሰገል ርእዮሙ ኮከበ፤ መጽኡ እምርኁቅ ብሔር
ከመ ይስግዱ ለወልድኪ፤ ወይገንዩ ለኪ፡፡

‼️+++ ወረብ +++‼️
በኮከብ መጽኡ ሰብአ ሰገል
ይስግዱ ለአማኑኤል ይስግዱ

‼️+++ ምልጣን +++‼️
ዮም ፍሥሐ ኮነ በእንተ ልደቱ ለክርስቶስ፤
እምቅድስት ድንግል፤
ውእቱ ኢየሱስ ክርስቶስ፤
ዘሎቱ ሰብአ ሰገል ሰገዱ ሎቱ፤
አማን፤ መንክር ስብሐተ ልደቱ።

‼️ ++ አመላለስ +++‼️
አማን በአማን መንክር አማን በአማን
መንክር ስብሐተ ልደቱ

‼️++ ወረብ +++‼️
ዮም ፍሥሐ ኮነ በእንተ ልደቱ ለክርስቶስ
እምቅድስት ድንግል ውእቱ ኢየሱስ ክርስቶስ

‼️ ++ እስመ ለዓለም +++ ‼️
ተወልደ ኢየሱስ በቤተ ልሔም ዘይሁዳ፤
አዋልደ ጢሮስ አሜሃ ይሰግዳ፤
ሰብአ ሰገል አምጽኡ ሎቱ ጋዳ፤
ወይትኃሠያ አዋልደ ይሁዳ።

‼️ ++ አመላለስ +++ ‼️
ተወልደ ኢየሱስ በቤተ ልሔም ዘይሁዳ በቤተ ልሔም
አዋልደ ጢሮስ አሜሃ ይሰግዳ በቤተ ልሔም

‼️ +++ ዕዝል +++ ‼️
በጎል ሰከበ በአጽርቅት ተጠብለለ፤
ውስተ ማኅጸነ ድንግል ኃደረ፤
ዮም ተወልደ፤
እግዚእ ወመድኅን፤ ቤዛ ኲሉ ዓለም።

‼️+++ አመላለስ +++‼️
ቤዛ ኲሉ ዓለም ዮም ተወልደ
ቤዛ ኲሉ ዓለም ዮም ተወልደ

‼️+++ ሰላም +++‼️
ተሣሃልከ እግዚኦ ምድረከ ሃሌ ሉያ፤
ንሰብክ ወልደ እምዘርዓ ዳዊት ዘመጽአ፤
ወተወልደ በሥጋ ሰብእ፤ እንዘ ኢየዓርቅ እመንበረ ስብሐቲሁ፤
ውስተ ማኅጸነ ድንግል ኃደረ ሥጋ ኮነ ወተወልደ፤
ትጉሃን የአምኑ ልደቶ፤ ወሱራፌል ይቀውሞ ዓውዶ፤
መጽአ ይቤዝወነ ውስተ ዓለም የሀበነ ሰላመ፤ ጋዳ ያበውዑ ቁርባነ።

ስብሐት ለአብ ፈናዊ፣ ስብሐት ለወልድ ተፈናዊ ወስብሐት ለመንፈስ ቅዱስ ማሕየዊ ይእዜኒ ወዘልፈኒ ወለዓለመ ዓለም አሜን፡፡

©Binyam ZeChristos ታህሳስ 28 - 2017

ጓሳይ - #መድኃኔዓለም ኣቦይ

ኦ መፍቀሬ ሰብ መድኃኔ ዓለም ኣቦይ፣ ማዕረ ክንደይ ፎተኻኒ?! ስለ ዝፎተኻንስ ክንደይ ተዋረድካለይ?! እዚ ፍቕሪኻ ኣየናይ ልሳን ይገልጾ፣ ኣየኖት ቃላትኸ ክስእልዎ ይኽእሉ ይኾኑ?! ኦ ኣፍቃሪ ጎይታይ፣ ብአምሳልኻ ክትወልደኒ ብአምሳለይ ዝተወለድኻ፣ ናትካ ክትገብረኒ ንዓይ ዝመሰልካ፣ ንዓይ ክተኽብር ዝተዋረድካ፣ ንዓይ ክትደሊ ምድሪ ዝተረኸብካ፣ ኣብ መንግስትኻ ከተዕርፈኒ ኣብ ማህጸን ድንግል ኮይንኻ መዕረፊ ክትደሊ ኣብ ደንበ አባጊዕ ዝኣተኻ፣ ከተልዕለኒ ዝወደቕካ ንጉሰይ ኢኻሞ ኽበረለይ!

ኦ ጐይታይ ብሓቂ ስራሕካ ካብ ኣእምሮ ንላዕሊ እዩሞ ተመስገን! ነዚ ውዕለታኻ ከም ቅድስት ድንግል ኣብ ልቦም ዓቑሮም “ናትካ ስራሕ እጹብ እዩ" እናበልኩ ነፍሰይ ብምስጋና ኣብ ቅድሜኻ ካብ ምፍሳስ ወጻኢ እንታይ መግለጺ ይህልወኒ!? ብዘይ ምንም ዋጋ ዘፍቀርኻኒ፣ ንሰባክ ብዘይምንም ዋጋ ንከፍቅር ሓግዘኒ። ኢየሩሳሌም ተሰቒልኻ ብዝፈሰሰ ፈምኻ ዓለም ዝቐደስካ ቤዛይ፣ ዘለኽዎ ሃልየ ብቋንቋኦም ወይ ብሔሮም እንተይኮነስ ብሰብነቶም ክፈትዎም ኣኽእለኒ። መሪፀ ብዝኣምምን ሓጢኣተይ ዝሓፅብ ደምኻ ብዝፈሰሶ መስቀልኻ እምበር፣ መሪፀ ብዘይተወለድኹሉ ብሔርን ዓሌትን ከይምካሕ መስቀልኻ ይምርሓኒ! እንትሞት ዝተርፍ ብሔረይ እንተይኮነስ ዘለዓለም ዝነብረሉ ሰማያዊ መንነተይ ንክሓስብ ዓቕምን ዓቕልን ሃበኒ።

ኦ ንፍቅርኻ ጸግዒ፣ ንይቅሬታኻ ሓፁር ዘይብልኻ ክቡር ኣቦይ፣ ዝጸላእክዎ መንነተይ ንዓይ መሲልካ ቀዲስካዮ! ዘይቀደስካዮ ኣነነተይ ዋላ ሓደ የለን። ኩለንታይ ብደምካ ዝባረኽካ ጐይታይ ስምካ ይባረኽ! ወልደ ማርያም ድንግል ፍጹም ኣፍቃሪየይ፣ ናይ ኣነነተይ ሓቀኛ ኣፍቃሪ! ስምካ ልዕል ልዕል ይበል። ጐይታይ ዕለት ዕለት ንዓኻ ምፍላጥን ንዓኻ ምፍቃርን ንክኾነለይ ዝቖሰለ ኣእዳውካ ኣብ ልበይ ሰኣሎ! ኣቦየ: ብቕዓተይ ንስኻ ኢኻሞ ንዓይ ዝረኽቡ ኲሎም ንዓኻ እምበር ንዓይ ከይረኽቡ፣ ዝሪኡኒ ኲሎም ንዓይ እንተይኮነስ ንዓኻ ክሪኡ፣ ክቡር ስምኻ ብኣይ ከይፅረፍ ዘብርሆ ብርሃን ሃበኒ!

ኣብ ውሽጢ ልበይ ንስኻ ጥራሕ እምበር ኣነ ንከይነብር፣ ብፍቓድኻ እምበር ብፍቓደይ ከይጎዓዝ፣ ብሓጢኣት ንዝቖሰለ ልበይ ብቑስልኻ ለውጠለይ። በዛ ናይ ሎሚ መዓልቲ "መድኃኔዓለም" ዝብል ጥዑም ስምኻ ዘኪረ ፍቅርኻ ኣብ ልበይ ንክነግስ፣ መስቀልካን ፍቅርኻን እናሓሰብኩ ክውዕልን ክነብርን፣ ንዓኻ እውን እናዘመርኹ ብንብዓተይ ንክፅውዐካ ሓግዘኒ! ንዝበደሉኒ ይቕረ ዝብል፣ ንዝበደልክዎም ይቅሬታ ዝሓትት ትሑት ልቢ ዓድለኒ። ንዝፀልኡንን ሕማቕ ንዝገበሩንን ኹሎም ፍቕርኻን በረኸትኻን ኣብዝሐሎም እምበር "ሕንኡያ ዘይፈዲ ..." ብዝብል ምኽሪ ሰይጣን ተሰናኺለ ከይፀልኦምን ከይቕየሞምን ኣኽእለኒ።

ቋንቋ ተይመረፅኩ እናደረፍኩን እናዓበድኹን ንዝነበርኹ ከንቱ ወድኻ፣ ‹በትግርኛ ተዘይኾይኑ ቤ/ክ ኣይኸድን› ካብ ዘብል ጋኔን ሰዊርኻ፣ ናባኻ ንምቕራብ እምበር ካባኻ ንምርሓቕ ምክንያት ዝደሊ ከንቱ ሰብ ኣይትግበረኒ። ንፖለቲካ ብክርስትናይ እምበር ንኦርቶዶክሳዊነተይ ብፖለቲካ ካብዝምዝን ዕብዳን ግልሀኒ። ቅድሚ ኹሉን ልዕሊ ኹሉን ናይ ቤተ ክርስቲያን ሓሳብ ንከቃፅለኒ፣ አገልግሎተይ ንክሪኡኒ እንተይኮነስ ንክትሪአኒ ይኹነለይ! ፍቅሪ ኣዴኻ እመብርሃን ኣብ ልበይ፣ ጣዕማ ድማ ኣብ ኣንደበተይ ኣንብረለይ! ዘመነይ ኹሉ ኣብ መቕደስኻ ንክውዳእ፣ ናይ ኣዴኻ ምስጋና ከም ምግቢ ክበልዖ ከም ኽዳን ክለብሶ ናይ አባ ኤፍሬምን አባ ሕርያቆስን ጸጋ ዓድለኒ። ነዚ ንክኾነለይ መድሓኒት ብዝኾነለይ ስምካ፣ ሥርየት ብዝህበኒ ስጋኻን ደምኻን፣ ብዮሓንስ መጥምቅካ፣ ብእመ ብርሃን ወላዲትኻ ይልምነካ። ኣሜን!

©Binyam ZeChristos  ታሕሳስ 27 - 2017

🔥ንምንታይ ኦርቶዶክሳውያን ይጠፍኡ ?🔥

ሎመዓንቲ ዓርቢ ምሸት 2:00 "ኦርቶዶክሳውያን ምዕመናን ንምንታይ ይጠፍኡ?" ብዝብል ዛዕባ ኣብ Tiktok  ናይ Live Discussion ጊዜ ክህልወና እዩ። ተሳተፉ፣ ሕተቱ፣ መልሱ!

1 ጴጥ 3:15:- ብዛዕባ እታ ኣባኻትኩም ዘላ ተስፋ፥ ንዅሉ ዝጥይቐኩም #ምላሽ_ምሃብ ምእንቲ ኽትክእሉ፥ ኵልሻዕ #ድልዋት_ኩኑ።

📌ኦርቶዶክሳውያን ንምንታይ ናብ ካሊእ ደንብ ይኸዱ?
📌 እቶም ዝወፁ መርሚሮም ዶ ይወፁ ወይስ?
📌 ካባና እንታይ ይፅበ? ማሕበራዊ ሚድያ ኣገልግሎትና ከመይ ይኹን?

https://www.tiktok.com/@zechristoss?_t=8qaT2P5kyko&_r=1

አቡነ ተክለሃይማኖት ኣብ ግብፂ ቤ/ክ ካብ ዝኽበሩ ኢትዮጵያዊ ቅዱስ ሓደ እንትኾኑ፣ በዓለ ዕረፍቶም ጥራሕ እንተይኮነስ፣ ካብ ልደት ጎይታ፣ ልደት እመብርሃን፣ ልደት ዮሐንስ መጥምቅ ቐፂሎም ልደቶም ዘኽብሩሎም ብሕታዊ ጻድቅ፣ ብስሞም ድኅረገጽ (St-Takla.org) ዝሰርሑሎም ቅዱስ ኣቦ እዮም።

@Binyam ZeChristos ታሓሳስ 24 - 2017

ኦ ቅዱስ ገብርኤል፣ ናባና ይምፃእ‼️
ብብርሃናዊ ኣእዳው እውን ይዳህሰኒና‼️
ካብ ድኽመትና ንክንወፅእ ይምሃረኒ‼️
ጥበብን ምስትውዓልን እውን ይሃበና‼️

ዳንኤል 9:21:- እናፀለኹ እንተለኹ፥ እቲ ቕድም ብራእይ ሪአዮ ዝነበርኩ ሰብ፥ ገብርኤል ቀልጢፉ እናበረረ ናባይ #መፂኡ_ዳህሰሰኒ። ሽዑ ጊዜ መስዋእቲ ምሸት ነበረ። ንሱ #መሃረኒ፤ ተዛረበኒውን፦ “ዳንኤል! ኣነ ሕዚ #ጥበብን_ምስትውዓልን ክህበካ መፂአ ኣለኹ።

📌ገብርኤል በብሉይ ብሐዲስ

፩) የመልአኩ ስም በዕብራይስጡ ( גַּבְרִיאֵל‎ - ጋቭርኤል) ፣ ግሪኩ ( Γαβριήλ - ጋብርኤል) ፣ በቅብጡ (Ⲅⲁⲃⲣⲓⲏⲗ - ጋብሪሃ) ፣ በአረማይክ (ܓܒܪܝܝܠ‎ ጋብሪሃ) ፣ በዓረብኛው ( جبرائيل - ጅብሪል) ፣ በግዕዙ ደግሞ ገብርኤል እየተባለ በፍቅር ይጠራል።

፪) በዕብራይስጥ ( גַּבְרִיאֵל‎ - ጋቭርኤል) ሲለው ትርጓሜውም "እግዚአብሔር ኃይሌ ነው" ማለት ነው። ኢሳይያስ በትንቢቱ "ድንቅ መካር <ኃያል አምላክ>" የሚለው ዕብራይስጡ "ኤል ጋቮር" እንዲለው።

፫) ኪዳነ ወልድ ክፍሌ ደግሞ "ገብርኤል ማለት "ገብር-ሰው/አገልጋይ" ፣ "ኤል-አምላክ" ነውና <ገብርኤል ብሂል እግዚእ ወገብር አምላክ ወሰብእ - ሰውና አምላክ/ጌታና አገልጋይ> እንደሆነ ጽፈዋል።

፬) "በእባቦች ላይ በገነትም ባሉ ጻድቃን ላይኛ በኪሩቤልም ለይ የተሾመ ከከበሩ መላእክት አንዱ #ገብርኤል ነው" {ሄኖክ 6:7}

፭) "በዚህ ዓለም ስለሚኖሩ፣ በመላእክት ጌታ ስምም አምነው ስለሚለምኑ ሰዎች ፈጽመው ሲለምን ሦስተኛውን ቃል ሰማሁ። እርሱም ገብርኤል ነው" {ሄኖክ 10:7}

፮) "በኡባልም ወንዝ መካከል፡— ገብርኤል ሆይ፥ ራእዩን ለዚህ ሰው አስታውቀው ብሎ የሚጮኸውን የሰውን ድምፅ ሰማሁ" {ዳን 8:16}

፯) "ገናም በጸሎት ስናገር አስቀድሜ በራእይ አይቼው የነበረው ሰው ገብርኤል እነሆ እየበረረ መጣ፤ በማታም መሥዋዕት ጊዜ ዳሰሰኝ። አስተማረኝም፥ ተናገረኝም እንዲህም አለ፡— ዳንኤል ሆይ፥ ጥበብንና ማስተዋልን እሰጥህ ዘንድ አሁን መጥቻለሁ" {ዳን 9:21-22}

፰) "መልአኩም መልሶ፡— እኔ በእግዚአብሔር ፊት የምቆመው ገብርኤል ነኝ፥ እንድናገርህም ይህችንም የምሥራች እንድሰብክልህ ተልኬ ነበር" {ሉቃ 1:19}

፱) "በስድስተኛውም ወር መልአኩ ገብርኤል ናዝሬት ወደምትባል ወደ ገሊላ ከተማ" {ሉቃ 1:26}

@Binyam Zechristos ታሕሳስ 18 - 2017

#በእንተ_ገብርኤል
፩) የመልአኩ ስም በዕብራይስጡ ( גַּבְרִיאֵל‎ - ጋቭርኤል) ፣ ግሪኩ ( Γαβριήλ - ጋብርኤል) ፣ በቅብጡ (Ⲅⲁⲃⲣⲓⲏⲗ - ጋብሪሃ) ፣ በአረማይክ (ܓܒܪܝܝܠ‎ ጋብሪሃ) ፣ በዓረብኛው ( جبرائيل - ጅብሪል) ፣ በግዕዙ ደግሞ ገብርኤል እየተባለ በፍቅር ይጠራል።

፪) በዕብራይስጥ ( גַּבְרִיאֵל‎ - ጋቭርኤል) ሲለው ትርጓሜውም "እግዚአብሔር ኃይሌ ነው" ማለት ነው። ኢሳይያስ በትንቢቱ "ድንቅ መካር <ኃያል አምላክ>" የሚለው ዕብራይስጡ "ኤል ጋቮር" እንዲለው።

፫) ኪዳነ ወልድ ክፍሌ ደግሞ "ገብርኤል ማለት "ገብር-ሰው/አገልጋይ" ፣ "ኤል-አምላክ" ነውና <ገብርኤል ብሂል እግዚእ ወገብር አምላክ ወሰብእ - ሰውና አምላክ/ጌታና አገልጋይ> እንደሆነ ጽፈዋል።

፬) "በእባቦች ላይ በገነትም ባሉ ጻድቃን ላይኛ በኪሩቤልም ለይ የተሾመ ከከበሩ መላእክት አንዱ #ገብርኤል ነው" {ሄኖክ 6:7}

፭) "በዚህ ዓለም ስለሚኖሩ፣ በመላእክት ጌታ ስምም አምነው ስለሚለምኑ ሰዎች ፈጽመው ሲለምን ሦስተኛውን ቃል ሰማሁ። እርሱም ገብርኤል ነው" {ሄኖክ 10:7}

፮) "በኡባልም ወንዝ መካከል፡— ገብርኤል ሆይ፥ ራእዩን ለዚህ ሰው አስታውቀው ብሎ የሚጮኸውን የሰውን ድምፅ ሰማሁ" {ዳን 8:16}

፯) "ገናም በጸሎት ስናገር አስቀድሜ በራእይ አይቼው የነበረው ሰው ገብርኤል እነሆ እየበረረ መጣ፤ በማታም መሥዋዕት ጊዜ ዳሰሰኝ። አስተማረኝም፥ ተናገረኝም እንዲህም አለ፡— ዳንኤል ሆይ፥ ጥበብንና ማስተዋልን እሰጥህ ዘንድ አሁን መጥቻለሁ" {ዳን 9:21-22}

፰) "መልአኩም መልሶ፡— እኔ በእግዚአብሔር ፊት የምቆመው ገብርኤል ነኝ፥ እንድናገርህም ይህችንም የምሥራች እንድሰብክልህ ተልኬ ነበር" {ሉቃ 1:19}

፱) "በስድስተኛውም ወር መልአኩ ገብርኤል ናዝሬት ወደምትባል ወደ ገሊላ ከተማ" {ሉቃ 1:26}

፲) በቤ/ክ ትውፊት መሰረት በመጽሐፍ ቅዱስ ውስጥ ከቅዱስ ሚካኤል ጋር ሆኖ ሰዶምንና ገሞራን ያጠፋ {ዘፍ18:2} ፣ እመቤታችንን ይዞ ወደ ግብፅ የሸሸ {ማቴ 2:13} ፣ ሄሮድስ እንደሞተም በሕልም ለዮሴፍ የነገረ {ማታ 2:20} ፣ ሶምሶንን እንዲወልዱ ለማኑሄና ለሚስቱ ያበሰረ {መሳ 13:4} ፣ ሠለስቱ ደቂቅን ከነበልባል የሰወረ {ዳን 3:25} ፣ ቂርቆስንና ኢየሉጣን ከፈላ ውሃ የጠበቀ፣ ሐዋርያው ስምዖን በሰማዕትነት ሲያልፍ ተገልፆ ያበረታው ቅዱስ ጠባቂ ነው። {ድርሳነ ገብርኤል፣ ገድለ ሐዋርያት}

፲፩) መላእክት ሲፈጠሩ ከአስሩ ነገድ #የአርባብ ነገድ አለቃ የሆነ፣ በሳጥናኤል ምክንያት የመጀመርያው ክፍፍል ሲመጣም "ንቁም በበላዌነ እስከ ንረክቦ ለአምላክነ" ብሎ የሰበከ መላእክቱንም ያፀና ፣ ስለዚህም በኋለኛው ዘመን "እናቴን ታበስራታለህ" ተብሎ ቃል የተገባለት መልአክ ነው። {ቅዱስ ኤጲፋንዮስ - አክሲማሮስ ዘእሑድ}

፲፪) ቅዱስ ገብርኤል የናዝራውያኑ የሶምሶንን፣ የመጥምቁ ዮሐንስንና የጌታ ክርስቶስን ልደት ስላበሰረ፣ እረኞቹን ከሜዳ ጠርቶ ልደት እግዚእን የሰበከ {ሉቃ 2:11}፣ ጌታ በተጨነቀበት በዚያች ሰዓትም ፈጥኖ ያረጋጋው {ሉቃ22} ነውና "መልአክ ብሥራት ፣ አብሳሬ ትስብእት፣ መጋቤ ሐዲስ" እየተባለ ይጠራል።

፲፫) እንደ ኢ/ያ ኦርቶዶክሳዊት ቤ/ክ ታህሳስ 19 ሠለስቱ ደቂቅን ያዳነበት፣ ሐምሌ 19 ቂርቆስንና ኢየሉጣን የረዳበትን በዓል ይከበራል።

፲፬) "የተመረጠ ስራ ለተመረጠ መልአክ መሰጠቱ ድንገት ይመስልሃልን? ለምሳሌ ለሩፋኤል መፈወስና ማደን፣ #ለገብርኤል በጦርነት ውስጥ ማገዝን፣ ለሚካኤል የሰዎችን ጸሎትና አስተብቊዖት - is it the result of accident that a particular office is assigned to a particular angel:... to Gabriel, the conduct of wars..."
{ሊቁ ኦሪገን በእንተ መላእክት De Principiis, Chapter VIII.—On the Angels, pp 265-266}

፲፭) ራሳቸውን "የኋለኛው ዘመን ቅዱሳን (Latter Day Saint movement)" ብለው የሚጠሩት ሞርሞኖች  ደግሞ "ቅዱስ ገብርኤል በብሉይ ኪዳን ጻድቁ ኖኅ ይባል የነበረው ነው" ብለው ያምናሉ።

፲፮) በያዚዲዝም ሃይማኖት ደግሞ (ኢራቅና ሶርያ አካባቢ ያለ እምነት) ፈጣሪ ዓለምን ፈጥሮ እንዲጠብቋት አደራ ከሰጣቸው መላእክቶች (መልክ ጣኡስ - Melek Taus) አንዱ ገብርኤል እንደሆነ ይታመናል።

፲፯) በእስልምናም ለመጀመርያ ጊዜ ቁርዓንን ለመሐመድ ያወረደ፣ መሐመድን ዋሒ/ሲያወርድለት የኖረ፣ ውሻና ሥዕል ባለበት ቤት ለመግባት የሚፈራ፣ ሚስት ባልዋን ካኮረፈች ሌሊቱን ሙሉ ሚስትየዋን እየረገመ የሚያድር መልአክ እንደሆነ ይነገርለታል (ይህ ሁሉ ገብርኤል ባይቀበለውም)

©Binaym ZeChristos  ታሕሳስ 18 - 2017

‼️ዓይንኻ ዓሚትኻ ምጽላይ‼️
ኣብ ኦርቶዶክስ ቤ/ክ ኣዕይንትኻን ኣእዳውኻ ናብ ሰማይ ዘርጊሕኻ ምፅላይ (መጽሓፈ ጸሎት ተዘይሃልዩ) ሥርዓትን ትውፊትን ከምዝኾነ፣ ኣብ ፕሮቴስታንት ድማ ዓይንኻ ምዕማት ከም ግዴታ ከምዝኾነ ንሪኦ። መጽሐፍ ቅዱስ ብዛዕባ እዚ እንታይ ይብል? መጽሐፍ ቅዱስ ዓይንና ዓሚትና ንክንፅሊ ዝናገረሉ ዋላ ሓደ ክፍሊ የለን። ክጽሊ እንተሎ ኣዕይንቱ ዓሚቱ ዝጸለየ ጻድቅ ኣቦ፣ ነቢይ፣ ወይ ሐዋርያ እውን ኣይነርክብ።

1⃣ ኣዕንትኻ ገሊፅኻ፣ ኣብ ሰማይ ንዘሎ ኣምላኽ እውን ናብ ሰማይ እናጠመትካ ምጽላይ ግን ኣብ መጽሐፍ ቅዱስ ኾነ (ኣብ ብሉይን ኣብ ሐዲስን) ተደጋጊሙ ተጽሒፉ ንረኽቦ። ነቢይ ቅዱስ ዳዊት ኣዕይንቱ ኣልዕል ኣቢሉ እንትጽሊ ንረኽቦ። 📌መዝ 123:1:- ኣታ ኣብ ሰማያት እትነብር፣ #ኣዒንተይ_ናባኻ #የልዕል ኣሎኹ» ይብለና። ወዱ ጠቢቡ ሰሎሞን እውን ቤተመቅደስ ሰሪሑ ምስፈፀመ ኣእዳው ናብ ሰማይ ከምዝዘርገሐ ነንብብ። 📌1ይ ነገ 8:22:- « ሰሎሞን ከኣ ኣብ ቅድሚ መሰውኢ እግዚኣብሄር ቆይሙ፣ ኣብ ቅድሚ ዂሉ ማሕበር እስራኤል #ኣእዳዉ_ናብ_ሰማይ ዘርግሐ » ይብል።

ጎይታ ኢየሱስ ክርስቶስ እውን ንኣልኣዛር ካብ ሙታን ከልዕሎ እንተሎ ናብ ሰማይ ቋሕ ከምዝበለ ይነግረና። 📌ዮሐ 11:41:- «ኢየሱስ ከኣ #ኣዒንቱ_ንላዕሊ_ቋሕ_ኣቢሉ "ኣቦይ ስለ ዝሰማዕካኒ የመስግነካ አሎኹ" በለ» ይብለና። ኣብ ካልእ ቦታ ክጽሊ እንተሎ እውን 📌ዮሐ 17:1-2:- «ኢየሱስ እዚ ተዛሪቡ #ኣዒንቱ_ናብ_ሰማይ_ቋሕ ኣቢሉ "ኦ ኣቦ፡ ሐዚ እታ ጊዜ በጺሓ፣ ንወድኻ ኣኽብሮ"» ኢሉ ከምዝጸለየ ነንብብ። ዓይንኻ ናብ ሰማይ ቋሕ ምባል ዝኸብዶ እውን ዓይኑ ሰይሩ (ንመሬት ደኒኑ) ክጽሊ ይግባእ። « እቲ ተቐባሊ ቀረፅ ግና፥ ኣብ ርሑቕ ደው ኢሉ፥ ዓይኑ ናብ #ሰማይ_ቆላሕ ከብል እኳ #እንተይደፈረ፥ ‘ኦ ኣምላኽ፥ ንኣይ ንሓጢኣተኛ መሓረኒ’ እናበለ፥ ኣፍ ልቡ ይወቅዕ ነበረ» 📌[ሉቃ 18:13]

2⃣ ትምህርቲ መጽሐፍ ቅዱስን ትውፊት ቤ/ክንን እዚ ካብ ኮነ፣ "ሕሊናይ ንከይብተን ዓይነይ ተዓመትኩ ኸ?" ዝብል ሕቶ ይቐርብ እዩ። ብርግፅ ዓይንኻ ብምዕማት ጥራሕ ሕሊና ኣይእከብን። ኣእዛንናን ካልኦት ህዋሳትናን ኸ ናበይ ክንገብሮም? ኣብ መጽሐፍ ቅዱስ እውን ሕሊንኡ ንምእካብ ክብል ኣዕይንቱ ዓሚቱ ዝጸለየ ሰብ ኣይረአናን። እኳ ደኣስ ሕሊና ብዝርብሽ ሁከት ተኸቢቡ፣ ብዳርባ እምኒ እናተጨፍለቐ ዝነበረ ቅዱስ እስጢፋኖስ ኣዕይንቱ ናብ ሰማይ ቋሕ ኣቢሉ ከምዝጸለየ ነንብብ። 📌ግብሪ 7:55:- ንሱ ግና መንፈስ ቅዱስ መልኦ፣ ናብ #ሰማይ_ኣንቃዕሪሩ ኸኣ ክብሪ ኣምላኽን ኢየሱስ ድማ ኣብ የማን ኣምላኽ ደው ኢሉን ረኣየ እሞ "እንሆ ሰማይ ተኸፊቱ፣ ወዲ ሰብ ድማ ኣብ የማን ኣምላኽ ደው ኢሉ ይርኢ ኣሎኹ" በለ » ይብለና።

ካብዚ ወፃኢ ግን «ታይ ፀገም ኣለዎ? ዓይነይ ዓሚተ ተፀልየ ኣይሰምዐንይ ማለት ድዩ? ከም ድላየይ ገይረ እየ ዝፅሊ» ወዘተ እንበለ ዝበኣስ እንተሃለወ ግን ናይ ጳውሎስ ቃል ክነዘኻኽሮ። «ገለ ሰብ ግና ባእሲ ዝፈቱ እንተ ዀነ፣ #ንሕናን እተን #ኣብያተ_ክርስቲያናት ኣምላኽን ከምዚ ዝበለ #ልማድ_የብልናን» 📌[1ቆሮ 11:16] ነገር ግን ነዚ እውን ኣይሰምዕን ዝብል ሰብ ተሃልዩ ግን ጳውሎስ ከምዚ ይብል። 📌2ይ ተሰሎ 3:6:- «በቲ ኻባና ዝተቐበልኩምዎ ትምህርቲ ዘይነብር፥ #ብዘይ_ስርዓት ካብ ዝመላለስ ሓው #ክትፍለዩ፥ ብስም ጐይታና ኢየሱስ ክርስቶስ፥ ንእዝዘኩም ኣለና»
@Binyam ZeChristos ታሕሳስ 17 - 2017

‼️ንድንግል ማርያም ዘይተቐበለ ኣይድሕንን‼️

#Premise 1:- ድንግል ማርያም ካብ ቅዱሳን ኹሉ ዝኸበረት ቅድስቲ እያ።
📌ሉቃ 1:28:- ኣቲ ምልእቲ ጸጋ፡ እግዚኣብሄር ምሳኺ እዩ እሞ ደስ ይበልኪ። ካብ ኣንስቲ ብርኽቲ ኢኺ።

#Premise 2:- ንቅዱሳን ዘይተቐበለ ንክርስቶስ ኣይተቐበለን።
📌ማቴ 10:40: ንኣኻትኩም ዝቕበል ንዓይ እዩ ዝቕበል። እቲ ንዓይ ዝቕበል ድማ ነቲ ዝለኣኸኒ እዩ ዝቕበሎ።
📌ዮሐ 13:20:- ነቲ ዝለኣኽክዎ ዝቕበል ንዓይ ይቕበል። እቲ ንዓይ ዝቕበል ድማ ነቲ ዝለኣኸኒ እዩ ዝቕበል።

#Premise 3 :- ንክርስቶስ ዘይተቐበለ ድማ ኣይድሕንን!
📌 1 ዮሐ 5:12:- እቲ ወልድ ዘለዎ ህይወት አላቶ፣ ወዲ ኣምላኽ ዘይብሉ ግን #ህይወት_የብሉን።

#Conclusion:- ንድንግል ማርያም ዘይተቐበለ ንክርስቶስ ኣይተቐበለን'ሞ ኣይድሕንን‼️

©Binyam ZeChristos  ታሕሳስ 16 - 2017

#Challenge

LET US HELP A SOUL!

ሮዚና ዘርኣብርሃም 1000377604303
ንግዲ ባንኪ ኢትዮጵያ

ሪፈር ናብ ጀርመን ተባሂላ አላ፣ ንሓግዛ

ቅዳሴ ቤቱ ንቅዱስ ሩፋኤል

ታሕሳስ 13 - 2017

‼️ዘመነ ስብከት‼️
ካብ ጽባሕ ሰንበት ጀሚሩ ዘመነ ስብከት ይበሃል። ካብ መስከ 26 - ሕዳ 6 (ዘመነ ጽጌ) ፣ ካብ ሕዳር 7 - ታሕ 6 (ዘመነ አስተምህሮ) እንትበሃል፣ ካብ ታሕ 7 - ታሕ 28 ዘሎ ድማ ዘመነ ስብከት ይበሃል። ኣብዘን 3 ሰመናት/ሰንበት ዝሓዘ ዘመነ ስብከት ዘለው ሰንበታት እውን ነናይ ባዕሎም ስያመ፣ ትርጉምን ትምህርታትን ኣለዎ።

ፅባሕ ሰንበት (ታሕ 13-19) #ስብከት ትበሃል። ቐፂላ ዘላ ሰንበት (ታሕ 20-26) #ብርሃን ትበሃል። ናይ መወዳእታ ሰንበት (ታሕ 27-29) ድማ #ኖላዊ ትበሃል። እዘን 3 በዓላት ካብተን ናይ ጎይታ 9 ንኡሳት በዓላት ጎይታ ዝቑፀራን ዝኽበራን በዓላት እየን። (9 ንኡሳት በዓላት:- ስብከት ፣ ብርሃን ፣ ኖላዊ፣ ጌና/ታሕ 28/ ፣  ግዝረት/ጥሪ 6/ ፣ ልደተ ስምዖን/የካ 8/ ፣ ቃና ዘገሊላ/ጥሪ 11/ ፣ ደብረዘይት ፣ መስቀል... እየን። )

ኣብ ሰሙነ ስብከት ክርስቶስ ንክውለድ ነቢያት ዝሰበኽዎ ስብከትን ዝተናገሩዎ ትንቢትን ዝሕሰበሉ፣ ቤ/ክ እውን "ንክርስቶስ ኢየሱስ ከምትሰብኮ"ን እትሰብከሉ መንገድታትን ዝዝከረሉ ወቕቲ እትም ነዞም ወቕትታትት ስያመ ሂቡ፣ መዝሙራትን ስብከታትን ኣዴልዩ ዘቕመጠልና ድማ ማኅሌታት ቅዱስ ያሬድ እዩ። በረከት ቅዱስ ያሬድ፣ ምሕረት ክርስቶስ ምስ ኩላትና ይኹን።
©Binyam ZeChristos  ታሕሳስ 13 - 2017

ዕረፍቱ ንሐዋርያ ቶማስ
ናይ ህንዲ ኦርቶዶክስ ቤ/ክ (Indian Orthodox Malankara church) ሎሚ ታህሳስ 12 ናይ ቅዱስ ቶማስ በዓለ ዕረፍት ትዝክረሉ ዕለት እዩ።

በረከቱን ምሕረት አምላኹን ምሳና ይኹን!

‼️ዕረፍቱ ለአቡነ ሳሙኤል ዘዋልድባ ‼️
[ጻድቕ አቡነ ተክለሃይማኖት ➡️ አቡነ መድኃኒነ እግዚእ ➡️ አቡነ ሳሙኤል ዘዋልድባ]
📌 ኣቡኡ እስጢፋኖስ፣ እንኡ አመተ ማርያም እንትኾኑ፣ ኣብ መበል 14 ክ/ዘመ ቅድሚ ደቂቀ እስጢፋኖስ ምልዓሎም ኣብ #ኣኽሱም ዝተወለደ ጻድቅ እዩ።

📌 ምስ ዓበየ ግና ምንኲስና ህይወት ብምምራፅ ናብ ደብረ በንኰል አቡነ መድኃኒነ እግዚእ ብምኻድ ገዳም ኣትዩ ፣ ቃል ኣምላኽ እናተምህልረ፣ ወንጌል እናንበበ፣ ገድለ ቅዱሳን እናሰምዐ ብጸሎት፣ ብጾም፣ ብስግደትን ብአገልግሎትን ዝተፀመደ ኾነ። ካብ አቡነ መድኃኒነ እግዚእ ድማ ምስ ካልኦት 6 ቅዱሳን ብጾቱ መንኮሰ።

📌 እግዚአብሔር ምስኡ ስለዝነበረ እውን ኣብ በረኻ አራዊት ኣይተናኾልዎን ነይሮም፣ ክትወልድ ዝቐረበት ኣንበሳ እውን ክሳብ ምውላድ ዝበፅሑ፣ "ጻድቕ ንእስንስሳ ነፍሲ ይርህርህ" (ምሳሌ 12:10) ዝብል ቃል ተግባራዊ ዝገበረ ጻድቕ እዩ።

📌 አቡነ ሳሙኤል ናብ ዋልድባ ገዳም ብምኻድ ከም ብሓዱሽ ንክግደም ዝገበሩ፣ ደብረ ዓባይ ገዳም እውን ዝገደሙ፣ ሥግኦም ንፈጣሪ ንክርስቶስ ዘግዝኡ እዮም እሞ አራዊት ይእዘዙሎም ዝነበሩ፣ ኣብ ልዕሊ ኣንበሳ ኾይኖም ይጎዓዙን ይምህሩን ዝነበሩ ጻድቕ እዮም።

📌 አባ ሳሙኤል ብዘመኖም ካብ ግብፂ ናብ ኢትዮጵያ ዝመፁ ዓብዪ ጻድቕ ሰብ አቡነ #ገብረ_መንፈስቅዱስ ከምዘለው ሰሚዖም፣ ካብ ትግራይ ናብ ሸዋ ኦሮሚያ ፣ ናብ ምድረ ከብድ ገዳም ብምኻድ ካብ አቡነ ገ/መንፈስ ቅዱስ ተባሪኾም እዮም።

📌 ናይ ክርስቶስ ፍቕሪ ንዘለዎ ሰብ ናይ እምመብርሃን ፍቕሪ ይውሰኸሉ እዩሞ፣ ናይ ድንግል ማርያም ውዳሴኣ ምስ ቅዳሴኣ ኣተሓባቢሩ ይጽሊ ስለዝነበረ፣ እም ብርሃን ድማ ተገሊፃ ንኽብሩ #ዕጣን ንክህነቱ፣ #ዕንቊ ንንፅህንኡ ምሳሌ ክኸውን ሃበቶ። "ከማኻ ውዳሴይ ምስ ቅዳሴይ ኣተሓባቢሩ ዝፅሊ ከማኻ ክባርኾ እየ" ኡላ ድማ ቃልኪዳን ኣተወትሉ። ሎሚ ዋልድባ ገዳም፣ ደብረ ዓይን ውዳሴኣን ቅዳሴኣን ተይተፀለየ ኣይሕደርይ።

📌 እንሆ ዕረፍቶም ምስቲ ዝፈቱዎን ይሕዞም ዝነበረን ቅዱስ ሚካኤል ኣብ ዝኸብረላ ዕለት፣ ታሕሳስ 12 ኣብ ዋልድባ ገዳማት፣ ደብረ ዓባይ /ከባቢ ሽረ/፣ አብ ደብረ በንኰል መድኃኒነ እግዚእ ገዳም፣ አብ ደብረ ሊባኖስ አቡነ ተ/ሃይማኔት ገዳም ብድምቀት ይኽበር።
©Binyam ZeChristos  ታሕሳስ 112- 2017

‼️ጎይታ ዝኸብረሎም ዓመታዊ  በዓላት ታሕሳስ‼️
~ ታሕሳስ 3 - በዓታ ለድንግል ማርያም
~ ታሕሳስ 6 - ፍልሰታ ለቅድስት አርሴማ
~ ታሕሳስ 7 - ስብከት ዘክርስቶስ
~ ታሕሳስ 8 - ዕረፍታ ለቅድስት ባርባራ
~ ታሕሳስ 12 - አቡነ ሳሙኤል ዘዋልድባ
~ ታሕሳስ 13 - ቅዱስ ሩፋኤል ፣ አቡነ ዘርዓቡሩክ
~ ታሕሳስ 14 - ብርሃን ዘክርስቶስ
~ ታሕሳስ 19 - ቅዱስ ገብርኤል
~ ታሕሳስ 21 - ኖላዊ በክርስቶስ
~ ታሕሳስ 24 - ልደቱ ለአቡነ ተክለሃይማኖት
~ ታሕሳስ 28 - ጌና ዘክርስቶስ
~ ታሕሳስ 29 - ልደት ዘክርስቶስ
📌 «እቲ ነታ መዓልቲ ዘኽብራ ንጐይታ ኢሉ ይገብሮ » [ሮሜ 14:6]

⁉️ #ነዚኣተን_ትፈልጡ_ዶ?⁉️
📌1) ጾም ማለት #ምፍላይ፣ #ምርሓቕ #ምግዳፍ ማለት ኾይኑ ፣ ዓይነት ምግቢ እትቕይረሉ ጥራሕ እንተይኮነስ ውሽጥና እንቕይረሉ ፍሉይ ጊዜ እዩ። ጾም ማለት ካብ ምግቢ ን9 ሰዓትታት፣ ካብ ዝተወሰኑ ዓይነት ምግብታት ድማ ብምርሓቕ ዝጅመር ዋላኳ እንተኾነ፣ መፈፀምትኡ ግና ካብ ሥጋዊ ምግባራትን ሓሳባትን ብምርሓቕ ጊዜና ንኣምላኽ ብምሃብ መንፈሳዊን ሥነልቦናውን ልዕልና እንረኽበሉ ጊዜ እዩ!

📌2) ጾመ ነቢያት ማለት ኣብ ብሉይ ኩዳን ዝነበሩ ነቢያት፣ ጎይታ ንክወርድን ንክውለድን፣ ንክስቀልን ንከድሕኖምን ዝተማህለሉዎን ዝጾሙዎን ጾም መዘከርታ ኾይኑ፣ ንሕና ድማ ጎይታ ኣብ ልብና ተወሊዱ ፍቕሩ ንክህበና፣ ኣብ ሀገረና ተወሊዱ ሰላሙ ንክዕድለና እንጾሞ ናይ አዋጅ ጾም (ልዕሊ ፯ ዓመት ዝኾነ ኹሉ ክጾሞ ዝግባእ) እዩ። ዘወትር መእተዊኡ ፍርቂ ሕዳር ወይድማ ኣብ በዓለ ቅዱስ ሚናስ (ሕዳር 15) እንትኸውን መውጽኢኡ ድማ በዓለ ልደት እዩ::

📌3) ጾመ ነቢያት ዝወስዶ መጠን መዓልቲ 44 መዓልታት እንትኾና (ሕዳር 15 - ታሕሳስ 28) ኣብ ውሽጡ 3 አጽዋማት ዝሓዘ እዩ። እተን 40 መዓልቲ ናይ ነቢያት ጾም፣ እተን 3 #ጾመ_ኣብርሃም_ሶርያዊ፣ እታ 1 ድማ #ጾመ ገሃድ እያ::

📌4) እተን 3 መዓልቲ ጾመ አብርሃም ሶርያዊ ይበሃላ። ከሐድያን ኣብ ዝበዝሑሉ ዘመን እቶም ኢአመንቲ ናብ ንጉሥ ቐሪቦም "ኣብ ናይ ክርስቲያን መጽሓፍ «እምነት እንተልይኩም ነዚ ጎቦ ክተልዕሉ ትኽእሉ» ዝብል ጽሑፍ ኣሎ። ስለዚ ወይ ገይሮም የሪኡና ወይድማ ካብ ዓድና ይውፅኡ" ብምባል ኸሲሶሞም። እቲ ንጉሥ ድማ ነዚ ብተግባር ንከርእዩ በቲ ጊዜ ንዝነበረ ሊቀጳጳስ አቡነ አብርሃም ኣዘዞ። አቡነ አብርሃም ድማ ናይ 3 መዓልቲ ጾምን ጸሎት ሒዙ ንጎይታ ጠየቐሞ መልሲ ረኸበ። ስለዚ እውን ሰብ ኹሉ ተኣኪቡ እናረኣየ፣ ኣብቲ ጥቓ ከተማ ንዝነበረ ጎቦ ብመስቀሉ ብምብራኽ ንክለዓል ገይረዎ። በዚ ድማ ብዙሓት ከሐድቲ ናብ ክርስትና ተመለሱ፣ ስም እግዚአብሔር እውን ኸበረ። እዘን 3 መዓልትታት ኣብ ጾመ ነቢያት ውሽጢ ወሲኽና፣ ንዓና ድማ ናይ ሓጢኣት ጎቦ ካብ ሕቐና ንከልዕለልና ንጾመን።

📌5) እታ 1 ጾመ ገሀድ ዝተብሃለት ድማ ዘወትር ናይ ልደት ዋዜማ (ድሮ ልደት) ዘላ መዓልቲ ትጽወም ኾይና ኣብ ድሮ ጥምቀት እውን እትርከብ እያ። ስለዚ ድማ በዓለ ልደት ረቡዕ ወይድማ ዓርቢ ዋላ እንተወዓለ፣ ከክንዲኣፉ ገሃድ ስለዝጾምና ኣብ ልደት ካብ ጥሉላት ምግብታት (ሥጋ፣ ጸባ ...) እንተይረሓቕና #ብዘይጾም ነኽብሮ።

📌6) ጾመ ነቢያት ኣብ ውሽጡ 8 ሰንበታትን ክልተ ዘመናትን ( ዘመነ አስተምህሮን ዘመነ ስብከትን) ዝሓዘ እዩ። #ዘመነ_አስተምህሮ ዝበሃል ካብ ሕዳር 6 - ታሕሳስ 13 እንትኸውን ኣብ ውሽጡ 5 ሰሙናት/ሰንበታት/ ይሕዝ። እተን ሰሙናት ምስ ናይ ጾመ 40 ሰሙናት ብዝመሳሰሉ አስማት ¹አስተምህሮ፣ ²ቅድስት ³ምኲራብ፣ ⁴መጻጉዕን ደብረዘይትን እንናተብሃላ ይጽውዓ።

📌7) #ዘመነ_ስብከት ዝበሃል ድማ ናይ ጾመ ነቢያት ናይ መወዳእታ 3 ሰሙናት/ሰንበታት/ እንትኾና ንሳተን ድማ ¹ስብከት ፣ ²ብርሃን ፣ ³ኖላዊ ይበሃላ። ብድሕሪ እዚ ታሕሳስ 29 በዓለ ልደት ነኽብር።
@Binyam ZeChristos  ሕዳር 14 - 2017

አፈጣጥራ ቅዱስ ሚካኤል፣ ሕዳር 2014

ርህሩህ መልአክ፣ ሕዳር 2014

7 ሕዳር ሚካኤል
.......... #ሕቶ_ኣለኒ ........  - 7ይ
1.መንፈስ እግዚአብሔር ንጻድቕ ሎጥ ንመላእኽቲ ንክሰግድ ካብ ገበሮ
📌«እቶም ክልተ መላእኽቲ ድማ ምሸት ናብ ሶዶም መፁ። ሎጥ ድማ ምስ ረኣዮም ክቕበሎም ተንስአ፤ ብገጹ ኸኣ ናብ ምድሪ ተደፍአ።» (ዘፍ 19:1)

2.መንፈስ አምላኽ'ውን ኢያሱ ንመልኣኽ ንክሰግድ ካብ ገበሮ
📌«ንሱ ድማ ('ቲ መልኣኽ) ሓለቓ ሰራዊት እግዚኣብሄር ኰይነ ደኣ መጺአ ኣሎኹ በለ። እያሱ ኸኣ ብገጹ ኣብ ምድሪ ተደፊኡ #ሰገደ» (ኢያሱ 5:14)

3.መንፈስ ቅዱስ ንወንጌላዊ ዮሐንስ #ክልተ_ጊዜ ደጋጊሙ ንመልኣኽ ንክሰግድ ካብ ገበሮ
📌«ኣነ ኸኣ (ነቲ መልአኽ) #ክሰግደሉ ኢለ፡ ናብ ቅድሚ ኣእጋሩ ፍግም በልኩ» (ራእይ 19:9-10) ፣ «ኣብ ቅድሚ ኣእጋር እቲ ነዚ ዘርኣየኒ መልኣኽ #ክሰግድ ፍግም በልኩ» (ራእይ 22:8)

4.መንፈስ ቅደስ ባዕሉ እውን ንመልኣኽ ንክንሰግድ ከምዝገብርን ከምዝእዝዝን ካብ ነገረና
📌«ናብ #መልኣኽ ማሕበር ፊላደልፍያውን ጸሓፍ፡ ... እንሆ ንሳቶም ከም ዝመጹን፡ ኣብ ቅድሚ እግርኻ #ከም_ዝሰግዱን ኣነ ኸም ዘፍቀርኩኻውን ከም ዝፈልጡን #ክገብሮም_እየ » (ራእይ 3:7)

❓እቶም «ንመላእኽቲ ስግደት ኣይግባእን» ዝብሉን ዘይሰግዱን ደኣ ብናይ መንፈስ እዮም ዝምርሑ ዘለው?
©Binyam ZeChristos  ሕዳር 13 - 2017

፮ #ሕዳር_ሚካኤል
📌ንሚካኤል ስግደት ይግባእ ዶ?
ንመላእኽቲ ስግደት ስለዝግባእ ሎጥ ንመላእኽቲ ሰገደ‼️ «እቶም ክልተ መላእኽቲ ድማ ምሸት ናብ ሶዶም መጹ። ሎጥ ከኣ ክቕበሎም ተንስአ፡ ብገጹ ኸኣ ናብ ምድሪ ተደፍአ» (ዘፍ 19:1) ፣ ነቢይ ኢያሱ ንሚካኤል ሰገደ‼️ « (እቲ መልኣኽ) ኣነስ ሓለቓ ሰራዊት እግዚኣብሄር ኰይነ ደኣ መጺአ ኣሎኹ፡ በለ። እያሱ ኸኣ ብገጹ ኣብ ምድሪ ተደፊኡ ሰገደ » (ኢያሱ 5:14) ልብ አምላክ ዳዊት እውን ሰጊዱ። ቅዱስ ዮሐንስ ወንጌላዊ እውን ሰጊዱ። "ኣነ ድማ ነቲ መልኣኽ #ክሰግደሉ፥ ኣብ ትሕቲ እግሩ ወደቕኩ" (ራእይ 19:10)

#Premise 1:- መንፈስ እግዚአብሔር ዘለዎም ቅዱሳን ኣቦታትና ንመላእኽቲ ሰጊዶም።

#Premise 2:- ንኣቦታትና ድማ ክንመስል ድማ ተኣዚዝና ኢና። «ነቶም ቃል ኣምላኽ ዝነገሩኹም መራሕቲኹም ዘክርዎም፣ #ኣሰር_እምነቶም ስዓቡ» (ዕብራ 13:7)

#Conclusion :- ከም ኣቦታትና ንቅዱስ ሚካኤል ብፍቕሪ ንሰግድ‼️

©Binyam ZeChristos  ሕዳር 12 - 2017

፭ ሕዳር ሚካኤል
📌ሚካኤል ኣበይ ሓዲሩ? ⁉️
ሎሚ በዓለ ቅዱስ ሚካኤል ኣብ ሙሉእ ዓለም እንትነኽብሮ፣ ሚካኤል ኣብ መቐለ ዶ ነይሩ ኣብ ኣዲሳባ? ኣብ ሽረ ዶ ሓዲሩ ኣብ ማይጨው? ዶ ሓዲሩ ኣብ ገይሩ ምስ ኹልና ይውዕል? ከመይ ገይሩ ኣበየ ቦትኡ ይሰፍር? እንተይልና መልሱ:-

#Premise 1:- «መልኣኽ እግዚኣብሄር ኣብ #ዙርያ እቶም ዝፈርሕዎ #ይሰፍር፣ የድሕኖም ከኣ እዩ» (መዝ 34:7)

#Premise 2:- ንእግዚአብሔር ዝፈርሑን ሰባት በቢቦትኡ ኣብ ሙሉእ ዓለም ኣለው!

#Conclusion:- ስለዚ ቅዱስ ሚካኤል ኣብ ሙሉእ ዓለም ኾይንና ንጎይታ ንእንፈርሕን ንቅዱስ ሚካኤል ንእንፈቱን ኦርቶዶክሳውያን ኣብ ዙርያና ይሰፍር፣ የድሕነና ድማ እዩ። አሜን ሚካኤል ምሳኹም ይውዓል!
©Binyam ZeChristos  ሕዳር 12 - 2017

፬ #ሕዳር_ሚካኤል
📌 ሚካኤል ዝጸለናዮ ጸሎት ሰሚዑዎ ዶ ⁉️
በቢ ኣድባራቱ ኾይንና ሎመዓንቲ እነቕርቦ ጸሎትን ልመናን ሚካኤል ከምዝሰምዖ ትፈልጡ ዶ? ብሱሩ እቲ ዝጸለናዮ ጸሎት ናብ ቅድሚ ክርስቶስ ዘብፅሖን ዘዕርጎን ሚካኤል ምዃኑ ትፈልጡ ዶ? ነዚ እዩኮ ቤ/ክ «#አዕርግ_ጸሎተነ ቅድመ መንበሩ ለመድኃኔዓለም - ናብ መድኃኔዓለም መንበር ጸሎትና ኣዕርጎ» እንበልት ዝሓደረት! ከምዚ ኢልና ምእማንና ድማ ኣይተጋገናን! ኸመይ?

#Premise 1:- ጸሎትና ናብ ቅድሚ ኣምላኽ ዘዕርጉ መላእኽቲ እዮም። «እቲ ትኪ ዕጣን ከኣ ምስቲ ጸሎት እቶም ቅዱሳት ኰይኑ ኻብ #ኢድ_እቲ_መልኣኽ ናብ ቅድሚ ኣምላኽ #ደየበ » (ራእይ 8:4)

#Premise 2:- ቅዱስ ሚካኤል ድማ ካብ መላእኽቲ ሓደን ሓለቖኦምን እዩ።

#Conclusion:- ስለዚ ቅዱስ ሚካኤል ናትና ጸሎትን ልመናን ካብ ምስማዕ ሓሊፉ፣ ምስ ትኪ ዕጣን እናገበረ ናብ ቅድሚ አምላክ ዘደየብን ዘዕርግን እዩ ‼️

©Binyam ZeChristos   ሕዳር 12 - 2016

፫ #ሕዳር_ሚካኤል
📌ሚካኤል ኣብ ምድሪ ዘሎ ነገር ይፈልጥ ዶ?ኣብ ዝተፈላለዩ ኣድባራትን ገዳማለትን ኾይንና በዓሉ እንትነኽብር፣ እንትንፅውዖን እንትነመስግኖን ኣብ ሰማይ ኾይኑ ይሰምዖ ዶ? እንተይልና፣ እወ ይሰምዐና! ኸመይ እንተይልና ድማ:-

#Premise 1:- ኣብዛ ምድሪ በቢ ከባቢኡ፣ በቢሰዓቱን በቢመዓልቱን ብዙሓት ሓጢኣተኛታት ንስሃ ይኣትዉ እዮም።
#Premise 2:- «ብሓደ #ዝንሳሕ ሓጥእ፣ ኣብ ቅድሚ መላእኽቲ-ኣምላኽ ሓጐስ ይኸውን እዩ» (ሉቃ 15:10)
#Conclusion:- ስለዚ መላእኽቲ (ብፍላይ ቅዱስ ሚካኤል) ኣብዛ ዓለም ኣብ ዝተፈላለዩ ቦታታት ኾይንና እንገብሮ ነገር ይፈልጥን፣ በቲ ፅቡቕ ምግባርና ድማይሕጎስ እዩ።
#ሕዳር_ሚካኤል
©Binyam ZeChristos  ሕዳር 11 - 2017

፪ #ሕዳር_ሚካኤል
ንቅዱስ ሚካኤል ምልማን ጌጋ ድዩ⁉️
ቅዱሳን መላእኽቲ ንዓና ድሕነት ንክንወርስ ዘገልግሉ ቅዱሳን ንፁሃን ዓበይቲ ኣሕዋትና እዮም። ስለዚ ድማ ድሕነትና ንክንፍፅምን ናብ ክርስቶስ ንክንበፅሕን ምስኣቶም ንዘራረብ፣ ንዓኣቶም ንሓትት ንልምን። ንምንታይ? ብኣመክንዮ (Deductive Argument) ነቕምጣ!

📌premise 1:- ያዕቆብ ምስቲ መልኣኽ ምስተቓለሰ፣ ነቲ መልኣኽ #በኽዩ_ለመኖ። (ሆሴዕ 12:4)
📌Premise 2:- ንቀዳሞን ኣቦታትና ብእምነት ንክንመስሎም ቅዱስ ጳውሎስ ይእዝዝ  (ዕብ 13:7)
📌Conclusion:- ስለዚ ንሕና እውን ከም ኣቦና ያዕቆብ ንቅዱስ ሚካኤል በኺና ንልምኖ፣ ሓግዘና ኣማልደና ንብሎ‼️
©Binyam ZeChristos ሕዳር 10 - 2017

ንቅዱስ ሚካኤል እንታይ ዝሰኣኖ ነገር ኣሎ?⁉️
ብሓቂ ንቅዱስ ሚካኤል ኹሉ ይከኣሎ!‼️

#Premise 1:- ንዝኣምን ኹሉ ይከኣል እዩ። (ማር 9:23)
#Premise 2:- ቅዱስ ሚካኤል ብእግዚአብሔር ዝኣምን ቅዱስ መልአክ እዩ።
#Conclusion :- ንቅዱስ ሚካኤል ኹሉ እዩ ይከኣሎ!

..... #ሕዳር_ሚካኤል
©Binyam ZeChristos ሕዳር 10 - 2017

ነዚ እየ ነጻ ሐሳብ ዝፎቲ። ከምዚ ዝበሉ "ዘፍርሑን ዘይንክኡን" ዝመስሉ ጉዳያት ብነጻነትን ብምክብባርን ዝግበር ዘተ ምርኣይና ሠናይ እዩ። ናይና ሚድያታት ንቤተ ክህነት ትግራይ ዘየልዕልኦም ሕቶታት ናይ ታሕታይ ዓዲ ሚድያታት ብድፍረት ምሕታቶም ሠናይ እዩ። ልክዕ ከምዚ እቶም ናይ ታሕታይ ዓዲ ሚድያታት ኣብ ልዕሊ ቤተ ክህነት ኢ/ያ ዘየልዕልዎም ሕቶታት ድማ ናይና ሚድያታት ብግልፅን ነጻነትን ተዝሓቱዎም ብዙሕ ነገር መሻገረና። ብላዕልን ብታሕትን ዝዕፈን ሓሳብ ክህሊ የብሉን። ነዚ ክንርኢ ብቐዳምነት ዝፈቐዱን ሓሳቦም ዝገለፁን አቡነ አረጋዊ ዓብዪ ኽብሪ ኣለና።

ካብዚ ሓሊፉ ድማ ናይ ኽልቲኡ ቤተ ክህነት ኣቦታት ኣብ ሓደ መድረኽ ብነፃነት ዘተን ምይይጥን ዝገብሩሉን ብዙሕ ደንገርገራት ዘፅርዩሉን ዕለት ክርኢ ይምነ። /35 ደቒቓ እያዋ ንስመዓያ፣ ንዛተየላ/

https://youtu.be/O8MfhgaJ530?si=i5HtO1N1Q0mjYAEm

ሕዳር 6/2014

4ቱ እንስሳ - ሕዳር 8/2014

ማርያም ተማልድ፣ ሕዳር 6/2016

ቅዱሳን ይፈርዱ ሕዳር 5/2016

🩸 #አርባዕቱ_እንስሳ🩸
✝ ሎምዓንቲ ሕዳር 8 ኣብ ቤ/ክ ክብ ዝሕሰቡ ቅዱሳን "4ቱ እንስሳ" እዮም። 4ቱ እንስሳ ማለት ልክዕ ከም ሚካኤልን ገብርኤልን ቅዱሳን መላእኽቲ ዝኾኑ፣ ካብ መላእክት ድማ ፍልይ ኢሎም 6 አክናፍ ዝተውሃቦም፣ ካሊእ ስሞም ድማ "ኪሩቤል" ፣ "ፀወርተ መንበር" ዝበሃሉ እዮም።

✝ ኪሩቤል (4ቱ እንስሳ) ናይ ሥላሴ መንበር ዝሽከሙ መላእክቲ እንትኾኑ ናይ ቅድስት ሥላሴ ሥዕሊ እንትሰኣል በኣርባዕቲኡ ጫፍ እቲ ሥእሊ ዝሰኣሉ እዮም፣ መንበሩ ተሸከምቲ ምኻኖም ንምርዳእ።

✝ እዞም መላእኽቲ "4ቱ እንስሳ" ኢሉ ዝፀዎዖም ቅዱስ ዮሐንስ እብትኸውን (ራእይ 4:6፣ 5:6፣ 6:1) ነቢዩ ሕዝቅኤል እውን ንእግዚአብሔር ክሪኦ ከሎ፣ 4 ገጽ ዘለዎም (ገጽ ሰብ፣ ገጽ አንበሳ፣ ገጽ ላሕሚ፣ ገጽ ንስሪ) መላእኽቲ፣ ብ6 ክንፊ እናበረሩ ነቲ ናይ ሥላሴ መንበር ተሸኪሞሞ ተገሊፆሙሉ ነይሮም። (ሕዝ 1:10)

✝ ኪሩቤል (Cherubim) ዝብል ቃል፣ ንሓደ እንትኾን ኪሩብ (Cherub) ፣ ንብዙሓት ድማ ኪሩቤል (Cherubim) እንትበሃሉ ተሸከምቲ መንበር ማለት እዩ። (መዝ 80:1)

✝ አዳም ካብ ገነት እንትባረር ኣፍደገ ገነት ንክሕልዉ ዝተሾሙ (ዘፍ 3:24) ፣ ንመጀመርያ ጊዜ ሥዕሎም ብወርቂ ተሳኢሉ ኣብ ልዕሊ ታቦት ንክቕመጥ አምላክ ዝፈቐደሎም ቅዱሳን መላእኽቲ እዮም። (ዘጸ 25:18፣ 26:1)

✝ ኪሩቤል ብ4ተ እንስሳት አምሳል ምግላፆም ድማ ንሰባት፣ ንአራዊት፣ ንነፈርቲ፣ ንአንስሳ ዘቤት (ንኹሉ ፍጥረት) #ዝልምኑን #ዘማልዱን መላእኽቲ ምኻኖም ንምግላፅ እዩ እምበር መልክዖም ከምኡ እዩ ንምባል ኣይኮነን።

✝ ብሕጊ ኦርቶዶክሳዊት ቤ/ክ ኪሩቤል ኽብር ስም መላእኽቲ፣ ንደቂ ሰባት ኣይወሃብን። 1ይ ኪሩቤል ናይ ብዙሕ ቑፅሪ እዩ። ልክዕ ቢንያማት፣ ለምለማት፣ ሓጎሳት ኢልኻ ከም ምውፃእ እዩ። ኪሩብ ዝብል እውን እንተኾነ ግን ብቕድሚቱ ዘርፊ ብምውሳኽ (ዘኪሩብ፣ ፍቅረ ኪሩብ፣ ወልደ/ወለተ ኪሩብ) ይበሃል እምበር ብቑሙ ንሰባት አይፅወዐሉን።
❗️ናይ ቅዱሳን ኪሩቤል፣ ናይ ቡሩካን 4ቱ እንስሳ አማላድነት ኣይፈለየና❗️
‼️#ቤተክርስትያን_ባሕረ_ጥበባት!‼️

@Binyam ZeChristos ሕዳር 7 - 2017

‼️ ናብ ቈስቋም ልብና ‼️
ኣዶ ብርሃን እምበይተይ ማርያም፣ ካብ ስደት ተመሉስኺ ደብረ ቈስቋም ከምዝበፃሕኺ፣ ካብ መከራኺ ዓሪፍኺ ዓድኺ ናዝሬት ከምዝኣተኺ፣ ሰቆቃን ብኽያትን ሓሊፉ ፍሥሀን ሓጎስን ከምዝተመላእኺ፣ ኦ ድንግል ናባና እውን ተመለሲ። ሓመድ እግርኺ እንናፍቕ ቈስቋማት ንሕና ኢናሞ፣ ብዘርኣውነትን ናብ ዝደረቐ ልብና ተመለሲ። መዓዛኺ ከሽትት ሃረር ኢሉ "ንዒ ንዒ" ከምዝብለኪ ከም ከተማ ናዝሬት፣ ኣቲ ፍትውቲ ዕጣንና ብፅልኢትን ፀቢብነትን ንዝጨነወ ሕሊናና ብመዓዛኺ ኣምዕዝዮ።

ፍቕርኺ ዝሃረፎ ህይወትና፣ ሰላምኺ ዝፀምኦ ገዛና እዩሜ፣ ንሓጥኣን ዘይትንዕቒ ድንግል ናብ ገዛና እተዊ። ኣዶ ስድዱዳን፣ መፅናዕንዒት ትኩዛን፣ ደጋፊት ግፉዓን፣ ጽዬንና መፀጊዕትና ሰላምና ዝኾንኺ ሱላማጢስ፣ "ታይ ሓጢኣት ኣለና" ንእንብል ዕቡያት ናባና ንዒ።

ቐይሕን ፃዕዳን ዝኾነ እድል ብሕቐኽን ብጎንኽን ብምሽካም ንዝደኸምኺ ኣዶን ድንግልን፣ መገልገሊትን ንግሥትን ዝኾንኺ እመብርሃን፣ ብስደትኺ ዝረገጽኽያ ምድሪ ብደም ሰኺራ ኣላሞ፣ አሥራት ክትኾነኪ ዝተቐበልኽያ ዓዲ አኬልዳማ ኾይና'ላሞ፣ ስምኺ ዝተፀወዐሉ ከተማ ደቂ ቃኤል መሊእናያ ኢናሞ ብምልጃኺ ሓደ ግበርና። ልዕሊ ባቢሎናውያን ተፈላሊና፣ ልዕሊ ገሊላውያን ተናኺስና ኣይንወፆይ እሞ፣ ንጎይታ ብዝሓቐፉ ኣእዳውኪ ንብፃዩ ዘፍቅር ልቢ ሃብና። ብበረከት ምፂ ናብ ቈስቋም ልብና!
@Binyam ZeChristos ሕዳር 6 - 2016

‼️ #አማላጅቱ_ሆይ_ገሊላ_እትዊ ‼️
(ተፈጸመ ናሁ ማኅሌተ ጽጌ  ሥሙር)
የብርሃን እናቱ እመቤቴ ማርያም ሆይ፣ ከስደት ተመልሰሽ ደብረ ቈስቋም እንደደረስሽ፣ ከመከራሽ አርፈሽ ሀገርሽ ናዝሬት እንደገባሽ፣ ሰቆቃውና ብካዩ አልፎ ሳቅና ደስታ እንደተሞላሽ፣ ድንግል ሆይ ወደ እኛ ተመለሽ። የእግርሽን ትቢያ የምንናፍቅ ቈስቃሞች እኛ ነንና ኣቤቱ በዘረኝነት ወደ ደረቀው ልባችን ተመለሽ! መዓዛሽን ናፍቆ "ንዒ ንዒ" እንደሚልሽ የናዝሬት ከተማ፣ ውዷ ዕጣናችን ሆይ በጥላቻ የከረፋው ሕሊናችንን በመአዛሽ አውጅው።

የስዱዳን እናታቸው፣ የትኩዛን መፅናኛቸው፣ የግፉዓን ድጋፋቸው ጽዮናችን መጠግያችን ሰላማችን ሱላማጢስ ሆይ፣ በበዓልሽ ቀን ካህኑ ታርዷልና፣ ስምሽን የሚጠሩ መነኮሳት ተደፍረዋልና፣ የጽዮን ታቦትሽ ባለበት ደመ ምዕመናን ፈሷልና እመቤቴ ሆይ ወደ አክሱም ጽዮን ነይ! ሊዘምሩልሽ የመጡትን ሁሉ አንገታቸው ወደ ታረዱበት፣ ነይ ነይ የሚሉሽ ደናግል ወደ ተደፈረበት ወደ ደንገላት ማርያም ከልጅሽ ጋር ነይ!

ቀይና ነጭ ልጅሽን በጀርባሽና በጎንሽ በመሸከም ለደክምሽው ገርድ እና ንግስት፣ እናትና ድንግል ሆይ፣ በስደትሽ የረገጥሻት የኢትዮጵያ ምድር በደም ሰክራለችና፣ አስራት እንድትሆንሽ የተቀበልሻት ምድር አኬልዳማ ሆናለችና፣ ስምሽን መጥራት የማይታጎልባት መሬት የቃኤል ልጆች ሞልተንባታልና፣ እመ ብርሃን ሆይ ወደ ኢትዮጵያ ነይ! ከባቢሎን በላይ ተደበላልቀን፣ ከገሊላ ሰዎች በላይ እየተናከስን ልንጠፋ ነውና አንዱን ጌታ ባቀፉ እጆች አንድ አድርጊን! ሐዘናችንን ከነበቀሉ፣ ኩርፊያችንን ከነ እልሁ በግብፅ በረሃ ቀብረሽ፣ በፍቅር ድምፅሽ ከእኛ ዘንድ ግቢ! #ገሊላ_እትዊ!
@Binyam ZeChristos   ሕዳር 1 - 2014

ብዝኾነ ይኹን መለክዒ

ናይ ፖለቲካ መራሒ "እዚ ሃይማኖት ይሐይሽ፣ እዚ ሃይማኖት ግን ዘእምን ነገር የብሉን" ብምባል ኣብ ዘይመንጠቢኡ ክነጥብ ልክዕ ኣይኮነይ። ጌጋ!

ናይ ሃይማኖት ኣቦ እውን "እዚ ፓርቲ ሠናይ፣ እቲ ፓርቲ ግን ዘእምን ሓሳብ የብሉን" ብምባል ኣብ ዘይመንጠቢኡ ክነጥብ ልክዕ ኣይኾነይ። ነውሪ!

ቤ/ክ "ብልዑዎ" ኢላ ዘወትር ትሰብኮ ምግቢ ኣሎ። ቅዱስ ሥግኡን ክቡር ደሙን።
📌ዮሐ 6:55:- ስጋይ ናይ ብሓቂ ምግቢ እዩ፤ ደመይውን ናይ ብሓቂ መስተ እዩ እሞ። እቲ ስጋይ ዝበልዕ ደመይውን ዝሰቲ፥ ኣባይ ይነብር፤ ኣነውን ኣብኡ እነብር።

ቤ/ክ "ከይትብለዕዎ" ኢላ እትሰብኮ ምግቢታት ኣለው። "ደም፣ ንጣዖት ዝተሰወአ፣ ዝበኸተ፣ ብጉባኤ ዝተኸልከሉ መዐወኒ ዕፃት" እዮም።
📌ግብሪ 15:29- « እምበኣር ንርእስኹም፥ ንጣዖት ካብ ዝተሰውአ ምግብን፥ ካብ ደምን፥ ካብ ዝበኸተ ስጋ እንስሳን፥ ካብ ዝሙትን ተኸልከሉ። ካብዙይ እንተ ተኸልኪልኩም፥ ፅቡቕ ክትነብሩ ኢኹም፤ #ደሓን_ኩኑ።”

በሉ ደሓን ኩኑ። ሐዚ ናብ "ተፈጸመ ማኅሌተ ጽጌ"፣ ሐዚ ናብ ኣዴና እም ብርሃን ምስጋና!

🔥ማየ ጸሎታትና - Holy Water🔥
ሎሚ ዓርቢ ምሸት፣ 2:00 ብዛዕባ ማየ ጸሎትን ኣብ ዙርያ ማየጸሎት ዝግበሩ ነገራትን ክንዛተ ኣብ ቲክቶክ Live Discussion ክህልወና እዩ።

ዝለዓሉ ነጥብታት
📌 እንታይነትን ኣፈላላይን "ማየ ጸሎት" Vs "ጸበል"
📌 "ማየ ጸሎት" ብዓይኒ መጽሐፍ ቅዱስ
📌 ኣጋንንቲ ብሰንሰለት ይወፅእ ዶ?
📌 አጋንንቲ ብመቑፀሪያ ይወፅእ ዶ?
📌 አጋንንቲ ብምውቃዕን ብምርጋፅን ይወፅእ ዶ?
📌 "አርሴማ ፣ ማርያም" ተናጊራትኒ ዝብሉ?
📌 ኣብ ማየ ጸሎት "ገበል ኣሎ" ዝበሃል ነገር
📌 ኣዋልድ ዘይኣትወኦ ጸበል፣ ንምንታይ?
📌 ቅድስት አርሴማን ልምንታይ ቡና ትፀልእ?
📌 ወድን ጓልን ዕራቖም ብሓደ ዝሕፀቡሎም ቦታታት
ንኻልኦት ሼር ንግበሮ

@Binyam ZeChristos ጥቅምቲ 29 - 2017

ብእምነት ጥርሕ ክትጸድቕ ምሕሳብ

1. ምስ አጋጋንንቲ ማዕረ ምዃንን አጋጋንቲ እውን ይጸድቁ እዮም ከም ማለትን እዩ።
👉ያዕ 2:19:- "ንስኻስ ሓደ እግዚኣብሄር ከም ዘሎ ትኣምን ኢኻ፤ ፅቡቕ ገበርካ፤ ኣጋንንቲ እውን፥ ይኣምኑን ብፍርሒ ይንቅጥቀጡን እዮም"

2.ዓሻ ሰብ ምዃን እዩ።
👉ያዕ 2:20:- "#ኣታ_ዓሻ ሰብ፥ እምነት ብዘይ ተግባር፥ ዝሞተት ምዃና ኽትፈልጥዶ ትደሊ እካ?

3. ብምግባርና ንዝፈርደልና ንክርስቶስ ምንዓቅ እዩ።
👉 ራእይ 22:12:- “እንሆ፥ ቀልጢፈ እመፅእ ኣለኹ፤ ንነፍሲ ወከፍውን፥ ከከም ግብሩ ኽፈድዮ፥ ዓስበይ ምሳይ ኣሎ።

4. ኃጢኣት ዋላ ተሰራሕና ንድሕን ኢና ናብ ዝብል ክህደት ዝወስድ እዩ።
👉 ሉቃ 13:3:- እንተ ዘይተነሲህኹምስ፥ ኵልኻትኩምውን ከምኣቶም ክትጠፍኡ ኢኹም እብለኩም ኣለኹ።

አቡነ ይምዓታ 2014

መድኃኔዓለም 2014

ፍሬምናጦስ ካብ ቅ/ሥላሴ
ካብ ቅድስት ሥላሴ መንፈሳዊ ዩኒቨርስቲ ካብ ዝግበሩ ዘቕንኡኒ ነገራት እቲ ሓደ በቢዝተወሰነ ጊዜ ዝቐርቡ ፅንዓታዊ ጽሑፋት እዮም። ኦርቶዶክሳዊ አስተምህሮ ብጥልቀት ዝቐርበሎም፣ ዓለምለኻዊ ፍልስፍናታት ብፅንዓት ዝሙገተሎም፣ ሓደሽቲ መሳገርቲ ሓሳባት ዝውለዱሎም፣ ቤተክርስቲያን ሓዊ ዝለሓሱ መምህራን ከምዘለዉዋ ዝግለፀሎም መድረኻት እዮም። ብፍላይ ድማ ኣብቶም ተምሃሮ ዝፈጥሮ ናይ "ዐቃቤ እምነት ክኸው ን እየ" መንፈስ ደረት የብሉን፣ ነቲ ዩኒቨርስቲ ዝህልወካ ተኣማንነት እውን ይኽዕብት። ፕ/ር አባ ኃ/ገብርኤል ኣብ Mystical Theology ዘቕረቡዎ ፅንዓታዊ ጽሑፍ እዩ።

ኣብቲ ሊቃውንቲ ክፈርዩሉ እንትስፈወሉ መንፈሳዊ ኮሌጅና ፍሬምናጦስ አባ ሰላማ እውን ከምዚ ዓይነት መነቓቕሒ መድረኽ ንከይፍጠር እንታይ ዝኽልክለና ነገር ኣሎ? ተነኣሰ በቢወርሑ ሓንቲ መዓልቲ ፅንዓታዊ ጽሑፍ ንክዳሎ ዘይግበር? "ንወረቐት ጥራሕ እየ ዝመሃር ዘለኹ" ንዝብሉ ገለገለ ተማሃሮ እቲ ኬሎጅ መቐይሮ ነጥቢ ዶ ኣይምኾነን? ነቶም ነቲ ኮሌጅና ብምNFቅና ዝሓምይዎ እውን ኣፍ መዕበሲ፣ ነቶም ፈሪሖም ዝርሕቑዎ እውን አቕሪብኻ መብቅዒ ዶ ኣይምኾነን? ብፍላይ ድማ ነቲ እግሪ ዝተክል ዘሎ መንበረ ሰላማ በበይን ብኸመይ ክኸይድ ከምዘለዎ በላሕቲ ሓሳባት ዝጥነሱሉ ዶ ኣይምኾነን?
@Binyam Zechristos ጥቅምቲ 27 - 2017

‼️ በእንተ ታቦት - On the Altar‼️
ሎሚ ሠኑይ ምሸት 2:00 ኣብ #ቲክቶክ ብዛዕባ "ታቦት/መሠውኢ" ብLive Discussion ክንመሃሃር ኢናሞ ተዓዲምኹም ኣለኹም።

ዝለዓሉ ነጥብታት
✏️ እንታይነትን አድላይነትን ታቦት?
✏️ ታቦታት ጣዖታት ድዮም?
✏️ ንታቦት ዝግባእ ኽብሪ
✏️ ኣብ ሐዲስ ኪዳን ታቦት የድሊ ዶ?
✏️ አብ ሐዲስ ኪዳን መሥዋእቲ ኣለና ዶ?
✏️ ታቦት ንምንታይን ብኸመይን ይስረቕ?
✏️ ታቦት ኣየድልን ንምባል ዝቐርቡ ሕቶታት?
✏️ አድላይነት ታቦት ብቀዳሞት ሊቃውንቲ ቤ/ክ

@Binyam Zechristos ጥቅምቲ 25 - 2017 ዓ/ም

✝ አቡነ ተክለ አብ ገዳማት ትግራይ ✝
ናይ ትግራይ ገዳማት ብዛዕባ ጻድቅ አቦና አቡነ ተክለሃይማኖት ብዙሕ አሠርን ምልክትን ይርከብ።
📌1) #ገዳም_ደብረ_ዳሞ:- ገድለ አቡነ ተክለሃይማኖት ከምዝነግረና ቅዱስ ኣቦና ኣብ ደብረዳሞ 7 ዓመታት (ኣብ ትግራይ 12 ዓመታት) ተቐሚጦም እዮም:: ስለዚ ድማ ኣብ ገዳም ደብረ ዳሞ ኣሠር አቡነ ተክለ ንክንረክብ ተስፋ ንገብር:: ብሓብሊ ተጎቲትና ናብቲ ገዳም ምስደየብና፤ ካብቲ ቤ/ክ ብምብራቕ ገጽ ናይ አቡነ ኣረጋዊ ምስዋሮም፣ ብምራብ ድማ አዕጽምቲ ቅዱሳን ዝሓዘ በዓቲ ንረክብ:: ካብቲ በዓቲ ብምብራቕ ገጽ ሕልፍ እንትንብል ድማ ኣቡነ ተክለሃይማኖት ይጽልዩሉ ዝነበሩ በዓቲ እንትህሉ ኣብ ውሽጡ ድማ ስቁረት (ነዃል) ዘለወን ክልተ አእባን ንታሪኽ ይርከባ:: ካብዚ በዓቲ ንምዕራብ ገጽ ድማ ኣቡነ ተክለ ቐይሕን ጸሊምን ቀለማት ይብጽብጹሉ ዝነበሩ ስቁረታት ይርከባ:: ካብዚ ላዕሊ ቤ/ክ እንትወርዱ ድማ ትሕት ኢሉ ሓንቲ ቤ/ክ ትርኢ:: ታይ ቤ/ክ እያ እንተይልካ "ኣቡነ ተክለ በዚ ሓሊ እንትወርዱ ሰይጣን ነቲ ገመድ ምስ ቖሮጾ 6 ክንፊ ተዋሂቡዎም ነፊሮም ኣብ መሬት ዝዓረፉላ ቦታ እያ፣ ብስሞም ቤ/ክ ተሰሪሑ" ብምባል ኽብርን ቅድስናን እቶም ናይ መበል 13 ክዘ ቅዱስ ኣቡነ ተክለሃይማኖት ዘደብረሊባኖስ የዘንትዉልኻ::

📌2) #ሓውዜን_ደብረ_ሐዋዝ_አቡነ_ተክለ:- እዚ ገዳም እዚ ክንዲ ኽብሩ ዘይተነገረሉ ብንጉሥ አብርሃን አጽበሐን ዝተሃነጸት ጥንታዊት (1600 ዓመታት) ዝገበረት ካብ ሓደ እብኒ ዝተፈልፈለት ታሪኻዊት ደብሪ እንትኾን ብንጉስ አላሜዳ ዝመጹ ጻድቃን (ብ5ይ ክዘ) እውን ዝዓረፉላ እያ:: አቡነ ተክለሃይማኖት ኣብ ትግራይ 12 ዓመት እንትጸንሑ ካብ ዝተቐመጡለን አኣድባራትን ገድማትን ሓንቲ እንትኾን ገድሎም እውን "ወሖረ ምድረ ሐውዜን ወተአምኆሙ ለቅዱሳን እለ ሀለዉ ውስቴታ - ናብ ምድሪ ሓውዜን ድማ ኸደ:: ኣብኣ ንዝነበሩ ቅዱሳን እውን ሰላም በሎም" ብምባል ሓበሬታ ይህበና:: እቶም ገዳማውያን ካብቲ ቤተመቅደስ ብምብራቕ ገጽ ልዕል ኢሉ አቡነ ተክለሃይማኖት ዝጸለዩሉ በዓቲ እውን ብኢዶም የርእዩኻ በረከቶም ክትቕበል ነቲ በዓቲ ምስላምኻ ትጅምር::

📌3) #ደብረ_ዓሣ_አቡነ_ዮሐኒ_ገዳም:- እዚ ቖላ ተምቤን ዝርከብ ናይ አቡነ ዮሐኒ ገዳም ኣብ ውሽጡ 3 መቕደሳት እንትህልዉዎ እቲ ሓደ 4 ሜትር ቑመት ዘለዎ መቕደስ ግና ኣቡነ ተክለሃይማኖይ ይቕድሱሉን የቖርቡሉን ዝነበረ ምዃኑ ካብቶም ኣቦታት እንትንገረካ "ኹላ ምድሪ ድያ ብኣቡነ ተክለሃይማኖት ተባሪኻ" ብምባል ምድናቕኻ ኣይተርፍን::
@BinyamZeChristos  ጥቅምቲ 24 - 2017

ተክለ ሃይማኖትን ትግራይን ጥቅምት 24

❤️ክርስትና ምኽባዱ❤️
1) ንዝገርፉኻን ንዝብድሉኻን ባዕልኻ ይቕረ ክትብል ትግደድ።
📌ሉቃ 23:34: ኢየሱስ ድማ፥ “ኦ ኣቦይ! ዝገብርዎ ኣይፈልጡን እዮም እሞ፥ ይቕረ በለሎም” በለ።

2) ንዝጭፍልቑኻን ንዝቐትሉኻን ንምጽላይ ትግደድ።
📌ግብሪ 7:59: ብእምኒ ቐጥቂጦም ክቐትልዎ እንተለዉ ኸዓ እስጢፋኖስ “ኦ ጐይታ ኢየሱስ! ንነፍሰይ ተቐበላ” ኢሉ ፀለየ።

3) ንዝፀልኡኻ ክትፎቲ ትግደድ
📌 ማቴ 5:44-45: ኣነ ግና ፀላእትኹም ፍተዉ፤ ንዝረግሙኹም መርቑ። ውሉድ እቲ ኣብ ሰማያት ዘሎ ኣቦኻትኩም ምእንቲ ኽትኮኑ፥ ንሱ ንኽፉኣትን ንሕያዎትን ፀሓይ የብርቕ፤ ንፃድቃንን ንሓጥኣንን ድማ ዝናም የዝንም እዩ እሞ፥ ንዝፀልኡኹም ፅቡቕ ግበሩ፤ ስለ እቶም ዝፀርፉኹምን ዘሳጕጉኹምን ፀልዩ፥ እብለኩም ኣለኹ።

4) ንዘሳድዱኻን ንዝፀልኡኻን ክትምርቕ ትግደድ።
📌 ሮሜ 12:14:- ንዘሳጕጉኹም መርቑ፤ መርቑ እምበር ኣይትርገሙ።

🔥Icons on Fire - በእንተ ሥዕላት🔥

ሎመዓንቲ ሠኑይ ምሸት ካብ 2:00 ዝጅምር ኣብ Tiktok Live ብዛዕባ "ቅዱሳት ሥዕላት" ክንመሃሃር ኢናሞ ተዓዲምኹም ኣለኹም።

ዝለዓሉ ነጥብታት
📌 ትርጉምን ኣጀማራን ሥዕሊ
📌 እግዚአብሔር ሥዕሊ ይፈቅድ ዶ?
📌 ሥዕላት ጣዖታት ድዮም?
📌 ሥዕላት ንምንታይ ንጥቀመሎም
📌 ሥዕላት ኣበይ ክቕመጡ ይግባእ?
📌 ሥዕላት ኣብ ቲሸርት ምሕታም?
📌 ሥዕላት ተተበላሽዮም ከመይ ነወግዶም?
@Binyam Zechristos ጥቅምት 18 - 2017

‼️ ናይ ገለ ገለ ወንጌል /Soterology ‼️
1⃣ገለ ገለ ሰባት ንመርገም ዝተነገር ጥቅስ ንምልአተ ሓጢአት ብምጥምዛዝ፣ ትእዛዛት ጎይታ ሓልዩ ዝጸደቐ ሰብ የለን ይብሉ። መጽሐፍ ቅዱስ ግን
📌ዘፍ 7:1:- እግዚኣብሄር ንኖህ “ኣብዛ ትውልዲ እዚኣ፥ ኣብ ቅድመይ #ፃድቕ_ኴንካ ረኺበካ እየ" በሎ።
📌ሉቃ 1:6:- ዘካርያስን ኤልሳቤጥን ከዓ ኣብ ቅድሚ እግዚኣብሄር፥ #ብዅሉ_ትእዛዛት እግዚኣብሄርን ሕግጋቱን፥ ብዘይ ነቐፋ ዝመላለሱ #ፃድቃን ነበሩ።

2⃣ገለ ገለ ሰባት አብርሃም ብእምነቱ ጥራሕ ከምዝፀደቐ ይዛረቡም መጽሐፍ ቅደስ ግን ድሕሪ ምእማኑ ብተግባሩ ከምዝጸደቐ ይዛረብ።
📌ያዕ 2:21:- ኣቦና ኣብርሃም ንወዱ ይስሓቅ፥ ኣብ መሰውኢ ምስ ኣቕረቦ፥ #ብተግባሩ ዶ ኣይኮነን ዝፀደቐ?

3⃣ገለ ገለ ሰባት ሰብ በእምነት ጥራሕ እምበር ብተግባር ከምዘይጸድቕ እንተይሓፈሩ ይዛረቡ። መጽሐፍ ቅዱስ ግን ከምዚ ይብል።
📌 ያዕ 2:24:- ሰብ ብእምነት ጥራሕ #ዘይኮነስ፥ #ብተግባር ከም ዝፀድቕዶ ትርኢ ኣለኻ?

4⃣ገለ ገለ ሰባት ንሕግታት ክርስቶስ ምእዛዝን ምግልጋልን ጽድቂ ከምዘይብሉ በድፍረት ይዛረቡ። መጽሐፍ ቅዱስ ግን ትእዛዛት ምሕላው ጽድቂ ምዃኑ ይዛረብ።
📌ሮሜ 2:13:- ኣብ ቅድሚ እግዚኣብሄር፥ #ገበርቲ_ሕጊ ጥራሕ እዮም ዝፀድቁ እምበር፥ ሰማዕቲ ሕጊ ኣይኮኑን ዝፀድቁ።

5⃣ገለ ገለ ሰባት ሰብ ዝድሕን ወይ ዝፍረደሉ ብእምነቱ ጥራሕ እምበር፣ ምግባና ኣብ ድሕነት ና ትርጉም ከምዘይብሉ ይዛረቡ። መጽሑፍ ግን
📌 ዮሐ 5:28:- ኵላቶም እቶም ኣብ መቓብር ዘለዉ፥ ድምፁ ዝሰምዑላ ሰዓት ክትመፅእ እያ እሞ፥ ሽዑ እቶም #ሰናይ_ዝገበሩ፥ ናብ ናይ ትንሳኤ ህይወት፥ እቶም #ክፉእ_ዝገበሩ ድማ፥ ናብ ናይ ትንሳኤ ኵነኔ፥ ክኸዱ እዮም።
📌ማቴ 12:36-37:- “ኣነ ግና፥ #እትፀድቕ_ብቓልካ፥ እትዅነንውን ብቓልካ ኢኻ እሞ፥ ሰባት ብዝዛረብዎ ዅሉ ዘይጠቅም ቃል፥ ብመዓልቲ ፍርዲ ኽጥየቑሉ እዮም እብለኩም ኣለኹ።”

6⃣ ገለ ገለ ሰባት ኢየሱስ ንሓጢኣትና ስለዝሞተ፣ ሎሚ ሓጢኣት የብልናን ይብሉ። መጽሓፍ ቅዱስ ግን ክርስቲያን ሓጢአት ከምዝሰርሕን ንስሃ ተዘይኣትዩ ከምዝቕፃዕን የረጋግፅ።
📌 1 ዮሐ 1:8:- ሓጢኣት #የብልናን እንተ በልና፥ ንባዕልትና #ነታልል፤ እቲ ሓቂውን ኣባና የለን። ሓጢኣትና እንተ #ተናዘዝና፥ እግዚኣብሄር እሙንን ፃድቕን ስለ ዝኾነ፥ ንሓጢኣትና ይቕረ ኽብለልና፥ ካብ ኵሉ በደልናውን #ከንፅሀና እዩ።
📌 ራእይ 2:5:- ካበይ ከም ዝወደቕካ ዘክር፤ #ተነሳህ፤ ነቲ ቐዳማይ ግብርኻውን ግበር። እንተ #ዘይተነሲህኻ ግና፥ መፂአ ነቲ ቐዋሚ ቐንዲልካ፥ ካብቲ ስፍራኡ #ኸወግዶ እየ።

7⃣ገለ ገለ ሰባት ስለዝፀደቕና ንሰርሕ እምበር፣ ንምፅዳቕ ኣይንሰርሕን ይብሉ፣ መጽሓፍ ቅዱስ ግን ስለዝፀደቕናን ምእንቲ ጽድቅን ከምንሰርሕ የረጋግፅ።
📌 ማቴ 5:10:- #ምእንቲ_ፅድቂ ዝስደዱ ብፁኣን እዮም፤ መንግስተ ሰማያት ናታቶም እያ እሞ።
📌 ዕብ 4:11:- ስለዙይ፥ ሓደኳ ናይቲ ዘይምእዛዞም ኣርኣያ ተኸቲሉ #ኸይወድቕ፥ ናብቲ #ዕረፍቱ ኽንኣቱ #ንፅዓር።
@Binyam ZeChristos ጥቅምት 14 - 2017

* መግለፂታት ፍሉይ ወንጌል *
1⃣ ገለ ገለ ሰባት ንመላእኽቲ ስግደት ኣይግባእን ይብሉ። መጽሐፍ ቅዱስ ግን ከምዚ ይብል።
📌ዘፍ 19:1:- እቶም ክልተ መላእኽቲ ድማ ምስ መሰየ ናብ ሰዶም መፁ። ሎጥ ምስ ረኣዮም ድማ ኽቕበሎም ተስአ፤ ብገፁ ፍግም ኢሉውን ናብ ምድሪ #ሰገደ።
📌 ኢያሱ 5:14:- ንሱ (እቲ መልአክ) ድማ “ኣይፋለይን፥ ኣነስ ሓለቓ ሰራዊት እግዚኣብሄር ኮይነ ሕዚ መፂአ ኣለኹ” በሎ። ኢያሱ ኸዓ ብገፁ ኣብ ምድሪ ተደፊኡ #ሰገደ።

2⃣ ገለገለ ሰባት መላእኽቲ ከድሕኑ ኣይክእሉን ይብሉ። መጽሓፍ ቅዱስ ግን
📌 ዘፍ 48:16:- እቲ ኻብ ኵሉ ኽፉእ #ዘድሓነኒ_መልኣኽ፣ ንሱ ነዞም ደቂ እዚኦም ይባርኽ።
📌 መዝ 34:7:- መልኣኽ እግዚኣብሄር፥ኣብ ዙርያ እቶም ንእግዚኣብሄር ዝፈርሕዎ ይሰፍር፤
ንሱውን #የድሕኖም።

3⃣ ገለገለ ሰባት ናብ መላእኽቲ ምልማን ስሕተት እዩ ይብሉ። መጽሓፍ ቅዱስ ግን
📌 ሆሴዕ 12:4:- (ያዕቆብ) ምስ መልኣኽውን ተቓሊሱ ኣሸነፈ፤ #በኽዩ_ለመኖ፥ ንሱውን ኣብ ቤትኤል ረኸቦ፤ ኣብኡ ኸዓ ምሳና ተነጋገረ።
📌 ዘፍ 19:20:- ሎጥ ድማ ነቲ መልአክ "በይዛኻ እኒሃ እዛ ኸተማ እዚኣ ናብኣ ሃዲምካ ንምምላጥ ቀረባ እያ፤ ንእሽተይ ከዓ እያ፤ እምበኣር ነፍሰይ ንምድሓን ናብኣ ኽሃድም” በሎ።ንሱ (እቲ መልአክ) ኸዓ “ነዝ #ልመናኻ #ተቐቢለዮ_ኣለኹ፤ ነዛ እትዛረበላ ዘለኻ ኸተማውን ኣየጥፍኣን እየ።

4⃣ ገለገለ ሰባት መላእክቲ ኣብ ሰማይ ኾይኖም ኣብ ምድሪ ንዘሎ ናትና ህይወት ክፈልጡዎ ኣይኽእሉን ይብሉ። መጽሐፍ ቅዱስ ግን ንስሃ እንትንኣቲ እኳ ከምዝፈልጡን ከምዝሕጎሱን ይነግረና።
📌 ሉቃ 15:10: ከምኡ ኸዓ ብሓደ #ዝንሳሕ ሓጥእ፥ ኣብ ቅድሚ #መላእኽቲ እግዚኣብሄር፥ ሓጐስ ክኸውን እዩ እብለኩም ኣለኹ።”

5⃣ ገለ ገለ ሰባት መላእኽቲ ካብ ኣምላኽ ናባና ጥራሕ እምበር ካባና ናብ ጎይታ ኣይለኣኹን ይብሉ። መጽሐፍ ቅዱስ ግን ጸሎትና ናብ ኣምላኽ ዘዕርጉ ምዃኖም የረጋግፅ።
📌 ራእይ 8:3:- ካልእ መልኣኽውን፥ ወርቂ ፅንሃህ ሒዙ መፀ እሞ፥ ኣብ ቅድሚ መሰውኢ ደው በለ። ምስቲ #ፀሎት ኵሎም ቅዱሳን ወሲኹ፥ ኣብ ልዕሊ እቲ ኣብ ቅድሚ ዙፋን ዘሎ መሰውኢ ወርቂ፥ ምእንቲ ኸቕርቦ ኸዓ፥ ብዙሕ ዕጣን ተውሃቦ። ትኪ እቲ ዕጣን ከዓ፥ ምስቲ #ፀሎት
ቅዱሳን ኮይኑ፥ ካብ ኢድ እቲ መልኣኽ፥ ናብ ቅድሚ እግዚኣብሄር #ዓረገ።

6⃣ገለ ገለ ሰባት መላእኽቲ ኣየማልዱን ይብሉ። መጽሐፍ ቅደስ ግን ንዓና ከምዝቖሙን ከምዘማልዱን ይናገር።
📌 ዳን 12:1: “በቲ ዘመን እቱይ፥ እቲ ምእንቲ ደቂ ህዝብኻ እስራኤል #ዝቐውም፥ ዓብዪ ሓለቓ #ሚካኤል፥ #ክትስእ እዩ።
📌 ዘካ 1:12:- ሽዑ እቲ #መልኣኽ “ኦ ጐይታ ፥ ነዘን ሰብዓ ዓመት ዝተቘጣዕኻየን ኢየሩሳሌምን ከተማታት ይሁዳን፥ ክሳዕ መኣዝ ኢኻ #ዘይትምሕረን?” በሎ። እግዚኣብሄር ድማ ነቲ ምሳይ ዝዛረብ ዝነበረ መልኣኽ፥ #ብፅቡቕን ብዘፀናንዕን ቃል #መለሰሉ።

7⃣ ገለገለ ሰባት፣ መላእክቲ ኣብ ናትና ምድሓን ምንም ዓይነት ሓገዝን አገልግሎትን ከምዘይብሎም ይናገሩ። መጽሐፍ ቅዱስ ኸ?
📌ዕብ 1:14:- ኵላቶም #መላእኽቲ፥ #ንኣገልግሎት እቶም #ክድሕኑ_ዘለዎም ዝለኣኹ፥ ናይ ኣገልግሎት መናፍስቲዶ ኣይኮኑን?
✅ ሊቀ መላእክት ቅዱስ ሩፋኤል ጸሎቱ ኣማላድነቱ ናብ ክርስቶስ የቕርበና!
@Binyam Zechristos ጥቅምት 13 - 2017

🔥 Problem of Evil 🔥

ከም ኦርቶዶክሳውያን እቲ ኣብ ትግራይ ዝበፅሐ ቃላት ዘይገልፅዎ ግፍዕን ጭፍጨፋን ብኸመይ ክንርድኦን ክንገልፆን ይግባእ? ብዝብል ዛዕባ ሎሚ ሠሉስ ምሽት 2:00 ብTiktok Live ዘተ ክህልወና እዩሞ፣ ብግልፂ ንመሃሃር።

❇️ ዝለዓሉ መሠረታዊ ነጥብታት
📌 Does the problem of evil disproves the existence of a Good God?
📌 ፍትሐዊን መፍቀርን አምላክ ተዝህሉ፣ ከመይሉ ንክንጭፍጨፍ ፈቒዱ? ንምንታይ ዘየድሐነና?
📌 ብሓጢኣትና ምክንያት ድዩ?
📌 ቅዱሳን ጻድቃን ስለዝኾንና ድዩ?
📌 ብናይ ሰይጣን ፈተና ድዩ?
@Binyam ZeChristos ጥቅምቲ 12 - 2017

✅ 5 አዕማድ እምነትን ክሕደትን
📌5 አዕማድ እምነት (5 pillars of faith)
1) ምሥጢረ ሥላሴ (Mystery of Trinity)
2) ምሥጢረ ሥጋዌ (Mystery of Incarnation)
3) ምሥጢረ ጥምቀት (Mystery of Baptism)
4) ምሥጢረ ቊርባን (Mystery of Eucharist)
5) ምሥጢረ ትንሳኤ ሙታን (Mystery of Resurrection)

📌5 አዕማድ ክሕደት (5ተ "ጥራሓት")
1) ጸጋ ጥራሕ (Only Grace )
2) እምነት ጥራሕ (Only Faith)
3) መጽሐፍ ቅዱስ ጥራሕ (Only Bible)
4) ክርስቶስ ጥራሕ (Only Jesus)
5) ክብሪ ንአምላኽ ጥራሕ (Glory only to God)

«With out the correct dogma, there is no true spirituality - እቲ ርቱዕ አስተምህሮ ተዘይሃልዩ፣ ሓቀኛ መንፈሳዊነት ክህሊ ኣይኽእልን»

✝ #ዕርገቱ_አቡነ_አረጋዊ  ~  (14 Points) ✝
1⃣ ከነገስታት ወገን ከሆኑትና በቅድስና ከሚኖሩት አባታቸው #ይስሐቅና ከእናታቸው #እድና ተወልደው፣ በመጽሐፍ ቃልና በመንፈስ ቅዱስ እውቀት አደጉ! ገና በሕፃንነታቸውን የዚህን ዓለም ጣዕም ንቀው ወደ ግሪክ #ገዳመ_ዳውናስ በመሄድ ከአባ ጳኲሚስ ገዳም ገቡ!

2⃣ አባ ጳኩሚስ ግን 'ሕፃን ነህና ተመለስ' አለው! እርሱ ግን ወደ ዓለም መመለስን እምቢ አለ። ጥቂት ጊዜም ከፈተነው ብኋላ በሃይማኖት ጽናቱና በትሑት ጠባዩ ወደደው! በ14 ዓመቱም '#ዘሚካኤል' ብሎ አመነኮሰው! እርሱም በታላቅ ገድልና ትሩፋት መነኮሳቱንም በማገልገል ተጠመደ! እጅግም ይወዱት ነበር!

3⃣የእርሱን ዜና የሰሙ በሮም የነበሩ 7 ቅዱሳንም (አባ ሊቃኖስ ከቊስጥንጥንያ፣ አባ ይምዓታ ከቊስያ፣ አባ ጽሕማ ከአንጾኪያ፣ አባ ጉባ ከኪልቅያ፣ አባ አፍፄ ከእስያ፣ አባ ጰንጠሌዎን ከሮምያ፣ አባ አሌፍ ከቂሣርያ) ኣርኣያውን በመከተል እርሱ ወዳለበት ገዳም መጡ! (ኲንጉስ ለነበሩር ከአባ ይስሐቅ/ገሪማ በቀር) እየተላቀሱም ተቃቅፈው ተሳሳሙ! አባ ጳኩሚስም 7ቱን ወጣቶች ቅንነታቸውንና ቅድስናቸውን አይቶ አመነኮሳቸው! አባ ዘሚካኤል ግን ገና ሕፃን ቢሆንም በአስተዋይነቱና በጥበበኛነቱ የልጅ አዋቂ ስለነበረ '#አረጋዊ' እያሉ ይጠሩት ነበር!

4⃣ከጥቂት ጊዜም ብኋላ ግንቦት 12 ቀን አባ ጳኲሚስ ዓረፈ! ከዚያም ብኋላ የአባ ዘሚካኤል እናት 'እድና' ወደ ገዳም መጣች! ዘሚካኤልም 'እናቴ ሆይ ለምን መጣሽ?' ሲላት 'እኔም እንዳንተ እመነኩስ ዘንድ' አለችው! እርሱም በደስታ ጌታን እያመሰገነ ከሴቶች ገዳም አስገባት! 8ቱ ቅዱሳን ግን ወደ ሮም ተመልሰው የካቶሊክን ኑፋቄ እየተቃወሙ የተዋሕዶን ትምህርት እያስተማሩ ብዙዎች ይመልሱ ነበር!

5⃣ አባ ዘሚካኤልም ሆነ 7ቱ ቅዱሳን በመጻሕፍት ላይ ኢትዮጵያ የእመቤታችን የአስራት ሀገር እንደታባለች አውቀው ሊያይዋት ይመኙ ነበር! አንድ ቀንም አቡነ አረጋዊ ከ2 ደቀመዛሙርቱ ጋር በቅ.ሚካኤል ክንፍ ተጭነው አክሱም ከተማ ገቡ! አባታችንም በአንድ መምህር (አባ ሰላማ) ብቻ ክርስቲያን የሆነው ሕዝብ አይተው እጅግ ወደዷት! ወደ ሮምም ተመልሰው ያዩትን ሁሉ ለ7ቱ ቅዱሳን ነገሯቸው! ስለዚህም ታቦታቱን፣ መጻሕፍቱንና ካህናቱን ይዘው መልአክ እየመራቸው፣ ንጉስ አልአሜዳ በነገሰ (?480) በአምስተኛው ዓመት(?485) ሀገራችን ገቡ!

6⃣ የአባ ዘሚካኤል አጎት የነበረውና የሮም ንጉስ የነበረው ይስሐቅ (አባ ገሪማ) ዜናቸውን ሰምቶ፣ ንግስናውን ትቶ በቅ.ገብርኤል እየተመራ ወደ አክሱም ገባ! 9 ሆኑ! 9ኙ ቅዱሳን በብዙ ትምህርትና በብዙ ተአምራት በኪደተ እግራቸው ሀገሪቱን ቀደሷት! ግዕዝ ቋንቋንም በመማር ብዙ መጻሕፍቶችን ተረጎሙ! ከ3 ዓመት ብኋላ ንጉስ አልኣሜዳ ሲሞት የንጉስ ካሌብ አባት የሆነው #ታዜና ነገሰ! ከ6 ዓመታትም ብኋላ 'በአንድ ላይ መኖር ለምንኲስናችን አይመችምና የጸሎት ቦታችን እንለይ' በሚል ሐሳብ ተስማምተው እየተላቀሱ ተለያዩ!

7⃣ አባታችንም ብዙዎችን እየፈወሰ፣ ሙታንም እያስነሳ፣ #ምስጓጉ ከዚያም #ሰቊራ፣ ቀጥሎ #ምንግርጋር ከዚያም #ሙሐዝ የተባሉት ቦታዎችን ቢደርስም ለእርሱ የተሰጡ እንዳልሆኑ አውቆ አለፋቸው! ከዚያም #ዳሞ ሲደርስ ቦታውን ወደደው! ከታራራው ስር የምንጭ ውሃ እግኝቶ "#በዓተ_ልሞ - የእናቴ ማረፍያ" ብለው ሰየሙት! እሳቸው ግን ወደ ላይ መውጣትን ቢመኙም መውጫ የሌለው በመሆኑ ያዝኑ ነበር።

8⃣ አንድ ቀንም ቅ.ሚካኤል መጥቶ '60 ክንድ የሆነ ዘንዶ ጌታ ይልክልሃልና ኣትፍራ' አላቸው! ዘንዶውም ሲመጣ 'ጅራትህ አውርድና ወደ ላይ አውጣኝ' አሉት! ዘንዶው ግን በሰው አንደበት 'በተራራው ላይ ከውርጭና ከሐሩር በቀር ምንም የሚበላ የለምና ለምን ትወጣለህ' ሲላቸው፤ አባ አረጋዊ ግን 'እስመ እግዚአብሔር አልቦ ዘየኃጥአነ እምዘፈቀድነ - እግዚአብሔር ከምንፈልገው ነገር አያሳጣንም' አሉት! ከዚያም በመላእክት ታጅበው በዘንዶው ጅራቱ ተስበው ወደላይ ወጡ! ወደ ሜዳው በወረወራቸው ጊዜ በእግራቸው አርፈው 3 ጊዜ "ሃሌ ሉያ ለአብ ሃሌሉያ ለወልድ ሃሌሉያ ለመንፈስ ቅዱስ' በማለት አማስግነው ሰገዱ! ስለዚህም ደብረ ዳሞ ደብሩ '#ደብረ_ሃሌሉያ' ተባለ።

9⃣በተራራው በቀን አንዴ ብቻ ቁራሽ ሕብስት እየተመገቡ ቆዩ! የሐዲስ ኪዳን መስዋሥዕት የሚሆን የጌታ ስጋና ደም ለማቅረብ ሲያስቡም፣ የወርቅ ጻሕል፣ የብር ጽዋ፣ ትኩስ ሕብስት ያላት መሶበ ወርቅና ልብሰ ተክህኖ መላእክት ከሰማይ ይዘውላቸው ወርደው መስዋዕቱን አቅርበዋል!

🔟 በዚያም ጊዜ በናግራን የነበሩ ክርስቲያኖች በአረመኔው ንጉስ ፊንሐስ የሚጨፈጨፉበት ዘመን ነበር! የቊስጥንጥንያ ሊቀጳጳስ ጢሞቴዎስም ይህንን ዜና ለንጉስ ካሌብ ላከለት! ቅዱስ ንጉስ ካሌብም ይህንን ሰምቶ አቡነ አረጋዊን በጸሎት እንዲያስቡት ተማጸናቸው! እሳቸውም በራእይ ተገልጦላቸው ጌታ እንደሚያግዘው ነግረው ባረኩት! እርሱም ጠላቶቹን አሸንፎ፣ ክርስቲያኖችን አድኖ በመመለስ፣ የወርቅ ዘውዱን ኢየሩሳሌም ልኮ፣ ንግስናውን ትቶ ከአባ ጰንጠሌዎን ገዳም ገብቶ መነነ! በፈንታውም ልጁ ጻድቁ ንጉስ አጼ ገብረመስቀል ነገሰ!

1⃣1⃣አጼ ገብረ መስቀልም ወደ ብጹዕ አቡነ አረጋዊ ሄዶ እግራቸው ላይ በመደፋት ይባርኩት ዘንድ ለመነ! በአባታችንም ከታባረከ ብኋላ ከአክሱም ጽዮን በቀር ማንም የማይተካከላት በወቅርና ብር የተዋበች ቤተክርስቲያን ሰራላቸው! ከገዳሙ ሲወርድ ግን ወደ ተራራው መውጫ የተሰራውን ደረጃ "ላፍርሰውን ወይስ ልተወው?" ሲላቸው "ዳኅምሞ! - አፍርሰው! ነገር ግን ሰዎች ይወጡበት ዘንድ የገመድ መወጣጫ አብጅ" አሉት! ስለዚህም ተራራው "#ደብረ_ዳኅምሞ" ወይም "#ደብረ_ዳሞ" ተባለ!

1⃣2⃣ በዚያን ጊዜ ማኅሌታይ ቅዱስ ያሬድ የነበረበት ጊዜ ነውና፣ ከአባታችን አቡነ አረጋዊ በረከት ይቀበል ዘንድ፣ አፄ ገብረመስቀል የሰራትን ቤ.ክ ለመጎብኘት ወደ ደብረዳሞ ሄደ! ከአባታችን እግር ወድቆም ከተባረከ ብኋላ ቤ.ክኒቱን አይቶ ተገርሞ በደስታ "ዖድክዋ ዖድክዋ ወርኢኩ ሥነ ሕንፄሃ ለቅድስት ቤ/ክ - ዞርኳት ዞርኳት የቤ.ክ የሕንፃዋን ውበት አየሁ" እያለ ዘመረ! በዚያን ጊዜ በገዳሙ የነበሩ የአቡነ አረጋዊ ደቀመዛሙርት 6,000 መነኮሳት ነበሩ! ለሁሉም መምህራቸውም የንስሐ አባታቸውም እርሳቸው ነበሩ! ብጹዕ አቡነ አረጋዊ!

1⃣3⃣ በአንዲት ሌሊትም ጌታ ተገልጦ "ከዚህ ከንቱ ዓለም ወደ እኔ እወስድህ ዘንድ መጥቻለሁ! ገዳምህ እንደ ኢየሩሳሌሙ መቃብሬ አደርጋታለሁ! በስምህ የታማፀነውን፣ ገድልህ ያነበባውን፣ ቤ/ክንህ ያነፀውን እስከ 15 ትውልድ እምርልሃለሁ! ከቤትህ የሚገኘው አፈር ለፈውስና ለምሕረት አደርግልሃለሁ! አንተም መልአከ ሞት አያስደነግጥህም! እንደ ሄኖክና ኤልያስ ነቢያቶቼ ወደ #ብሔረ_ሕያዋን ታርጋለህ እንጂ" አላቸው! አባታችንም ማሕበረ መነኮሳቱን ሰብስበው መክረውና ገስፀው ተሰናበቷቸው! መቋምያቸውና መስቀላቸውን ትተው በ99 ዓመታቸው ጥቅምት 14 ቀን ከዚህ ዓለም ተሰውረው ዓረጉ! (በረከታቸውና ምልጃቸው ይጠብቀን)

1⃣4⃣ በኢትዮጵያ የነበሩና ያሉት ገዳማት እናታቸው ደብረ ዳሞ፣ በሀገራችን የነበሩትና ያሉት መነኮሳትም የአቡነ አረጋዊ ፍሬ ናቸው! የአቡነ አረጋዊ 7ኛ ልጅ #አቡነ_ዮሐኒ ሲሆኑ ከእሳቸውም ደግሞ ምድሪቱን በገዳማት ለሸፈኑ የሐይቁ #አቡነ_ኢየሱስ_ሞዓ እና ታላቁ ሐዲስ ሐዋርያ #አቡነ_ተክለሃይማኖት መንኩሰዋል! የአባታችንን በረከት ለመቀበል፣ ጥቅምት 14 ቀን ደብረዳሞ ደብረ ሃሌሉያ እንገናኝ!

..... #ይፍቱኝ_አቡነ_አረጋዊ .....
©Binyam ZeChristos  ጥቅምት 11 - 2017

‼️ ጽድቂ ዝቐፀረልና‼️

1⃣ #አብርሃም
1) አብርሃም ኣብ ጊዜ እርጋኑ ውላድ ከምዝረክብ ንዝነገሮ ንእግዚአብሔር ኣመነ።
📌ዘፍ 15:5:- “ንሰማይ ጠምት፤ ምቝፃሮም ትኽእል እንተ ዄንካ፥ ንኸዋኽብቲ ቝፀር ፣ ዘርእኻ ኸምኡ ኽበዝሕ እዩ” በሎ። ኣብራም ከዓ ብእግዚኣብሄር ኣመነ፤

2) ስለዚ ድማ አብርሃም እምነቱ ጽድቂ ኾይኑ ተቖፀረሉ።
📌ዘፍ 15:6:- ኣብራም ከዓ ብእግዚኣብሄር ኣመነ፤ ፅድቂ ኾይኑውን ተቘፀረሉ።

2⃣ #ፊንሀስ
1) ፊንሃስ ነቲ ኣብ ማእከል እስራኤል ርኹሰት ንክገብር ዝሓሰበ ሰብ ፈረደሉ፣ ኸይዱ እውን ቐተሎ።
📌ዘኁል 25:7: ፊንሃስ ካብ ማእኸል እቲ ጉባኤ ወፀ። ኲናት ወሲዱ ኸዓ፥ ደድሕሪ እቲ እስራኤላዊ ሰብኣይ ስዒቡ ናብታ ድንኳን ኣተወ፤ ነቲ እስራኤላዊ ሰብኣይን ነታ ሰበይትን ከዓ ንኽልቲኦም ከብዶም ወግኦም። እቲ መዓት ድማ ኻብ ደቂ እስራኤል ተወገደ።

2) ስለዚ ድማ ፊንሃስ እዚ ምግባሩ ጽድቂ ኾይኑ ተቖፀረሉ።
📌መዝ 106:30:- ሽዑ ፊንሃስ ተሲኡ ፈረዶም፤
እቲ መዓት ድማ ሓደገ። እዙይ ንሓዋሩ ንውሉድ ወለዶ፥ ፅድቂ ኾይኑ ተቘፀረሉ።

‼️Conclusion‼️
ጽድቂ ማለት ዕብየት እዩሞ፣ ምጽዳቕ በእምነት ጀሚርና ፣ ብምግባርና እናጸደቕና እንትፍፀም እዩሞ፣ እምነትንና ምግባርና ጽድቂ ኾይኑ ይቑፀረልና።
📌 ያዕ 2:24:- ሰብ ብእምነት ጥራሕ ዘይኮነስ፥ ብተግባር ከም ዝፀድቕዶ ትርኢ ኣለኻ?

‼️ ውላድ ካበይ መርከብ - Synergism ‼️
ውላድ ካብ ፈጣሪ ብጸግኡ ዝወሃበና ነገር እዩ ክትብሉ ትኽእሉ። መጽሐፍ እውን "ውሉድ፥ ውህብቶ እግዚኣብሄር እዮም፤ ፍረ ማህፀንውን፥ ናቱ ዋጋ እዩ።" ይብል (መዝ 127:3) ግን ድማ ሓንቲ ጓል ሙሉእ ዘመና ሓዳር እንተይገበረት ወይ ሩካቤ ተይፈፀመት "ውላድ ሃበኒ" ኢላ እንተጸለየት፣ ውላድ ትረክብ ዶ? ኣይትረክብን። ንምንታይ? አምላኽ ስለዘይኽእል ድዩ? ኣይኮነን፣ እመብርሃን ካብ መንፈስ ቅዱስ እንዶ ኣይጸነሰትን። ነገር ግን ሓዳር ስለዘይገበረት አምላኽ ውላድ ኣይህባን።

ስለዚ ውላድ ዝርከብ ካብ ህዳር/ብሩካቤ እዩ ክትብሉ ትኽእሉ። ርግፅ ቃሉ እውን "ብዝሑ ተባዝሑ ንምድሪ እውን ምልእዋ" ይብል (ዘፍ 1:28) ግን ድማ ሓዳር/ሩካቤ ስለዝገበርኻ ጥራሕ ውላድ ኣይተርክብን፣ ብዙሓር ሓዳር ገይሮም ሩካቤ እናፈፀሙ ውላድ ኣይረኸቡን። ንምንታይ? አምላኽ ተዘይፈቒዱ ብናትና ፃዕሪ ዝኾን ስለዘየለ።

እሞ ውላድ ኸመይ ይርከብ? ብጸጋ አምላኽ ወይስ ብናትና ፃዕሪ (ብሓዳር/ብሩካቤ) እንተይልማ፣ ብናይ ክልቲኡ ውህደት (Synergism) እዩ። እዚ ማላት ግን ነቲ ጸጋ አምላኽ ንሕግዞ ኣለና ማለት ድዩ? ብፍፁም! እኳ ደኣስ ጸግኡ ኣባና ንክሰርሕን ውላድ ንክህበናና፣ ምስ ፀግኡ ክንሰርሕን ክንሳተፍን ስለዝግባእ እዩ - ሓዳር/ሩካቤ

ጽድቂ እውን ከምኡ እዩ! ብጸጋ ጥራሕ ጽድቅን ድሕነትን የለን፣ ብናትና ፃዕሪ እውን ፍፁም ጽድቂ የለን። እኳ ደኣስ ጸግኡን ምስቲ ጸጋ ብዘለና ተሳትፎን ጽድቅናን ድሕነትናን ይፍፀም።

"ሰብ ብከመይ ይጸፍቕ?" ብዝብል ርእሲ ብሰፊሑ ሎመዓንቲ ምሽት ኣብ Tiktok ክንዛተ ኢና። ከይትተርፉ።
@Binyam Zechristos ጥቅምቲ 8 - 2017

ዘሐጉስ ዜና ንደለይቲ ትምህርቲ ልሳነ ግእዝ

#ከራድዮን_ማእኸል_ፅንዓትን_ምርምርን ምምሃርን ቋንቋ ግእዝ ኮለጅ ፥ አብ መቐለ ካብ ዘለው ናይ ግሊ ኮሌጃት ብዓውዲታት ስልጠንኡ ፍሉይን በዓል ነዊሕ ራእይን ዝኾነ ኮሌጅ እንትኸውን ሞያዊ ብቕዓቶም ብዘመስከሩ ፍሉጣት ሊቃውንትን መምህራንን ጥንታዊ ልሳነ ግእዝ በቢ ዓመቱ ብርክት ዝበሉ ተምሃሮ ብዝተፈላለዩ ሞያታት ልሳነ ግእዝ አሰልጢኑ እናመረቐ መፂኡ እዩ ፡፡

♦ሐዚ እውን ከም ትማሊ መፍትሕ ብዙሓት ዝተሰወሩ ጥበባት ሊቃውንቲ ወለድና ንዝኾነ #ልሳነ_ግእዝ ክትመሃሩ እትደልዩ ኹሉኹም ን2017(፳፻፲፯) ዓ/ም በዞም ዝስዕቡ መርሐ ግብርታት ብስሩዕን ብዘይስሩዕን ፥ ስልጠናታትን ትምህርቲን ልሳነ ግእዝ ንክህብ ብዝግባእ ተዳልዩ ይፅበየኩም አሎ፡-

#ብሰርቲፊኬት
☞ ብ መሰረታዊ ት/ቲ ልሳነ ግእዝ
☞ ብ ስልጠና አመሃህራ ልሳነ ግእዝ
☞ ብ ሥነ ቀመር

#ብስሩዕ ትምህርቲ
☞ ብ ሥነ ግእዝ
☞ ብ መፅናዕትን ምርምርን ሥነ ጥንታውያን መፃሕፍቲ

#አወሃህባ_ስልጠና
✍ብቐትሪ ✍ብርሕቐት
✍ብምሸታዊ ✍ብ Online
✍ብቐዳምን ሰንበትን

♥ዘሎ ቦታ ብጣዕሚ ውሱን ስለዝኾነ እዚ ዕድል ከየምልጠኩም! ቀልጢፉ ዝመፀና ንቐደም ነተአናግዶ ኢና ይብለና አሎ እቲ ኮሌጅ፡፡

#አድራሻ፡-
አብ ከተማ መቐለ ክፍለ ከተማ ቀዳማይ ወያነ ፥ኸባቢ ጅብሩኽ(ኢድ ብሩኽ) ጣብያ ሃረያ ፥አብ #መሰለች_ሕንፃ 2ይ ደብሪ ይርከብ፡፡

#ንዝበለፀ_ሓበረይታ፡-

✔ብ Face book ገፅ
Keradyon Geez Et Geez House

✔ብ Email Adress- [email protected] ይልአኹ፡፡

✔ብ phone number -0914-752590
-0914-117438

‼️ ሰብ ብምንታይ ይጸድቕ?‼️

🔥 ‹Righteousness› on Fire🔥

ሎመዓንቲ ረቡዕ ምሸት 2:00 "ሰብ ብምንታይ ይጸድቕ?" ብዝብል ርእሲ ኣብ Tiktok ኦርቶዶክሳዊ እምነትና እንፈልጠሉ፣ ባዕድ ትምህርታት እንምዝነሉ ናይ Live Discussion ጊዜ ክህልወና እዩ። ተሳተፉ፣ ሕተቱ፣ መልሱ!

ዝለዓሉ መሠረታዊ ነጥብታት
📌 «ጽድቂ» ትርጉሙ እንታይ እዩ?
📌 ንሕና ጻድቃን ዲና?
📌ሰብ ብእምነት ይጸድቕ ዶ?
📌 ሰብ ንጎይታ ብምእዛዝ ፅድቂ ይረክብ ዶ?
📌 "ጽድቂ ብእምነት ጥራሕ" ዝብል ሓሳብ ዘምፅኦ ፀገም!

1 ጴጥ 3:15:- ብዛዕባ እታ ኣባኻትኩም ዘላ ተስፋ፥ ንዅሉ ዝጥይቐኩም #ምላሽ_ምሃብ ምእንቲ ኽትክእሉ፥ ኵልሻዕ #ድልዋት_ኩኑ።

https://www.tiktok.com/@zechristoss?_t=8qaciGsHWVh&_r=1

ሓንቲ ድንግል
መጽሐፍ ቅዱስ ብዛዕባ ቅዱሳን ብምንጋርን ብምስባኽን እዩ ለክርስቶስ ዝሰብኮ። "መጽሐፈ አስቴር" ፣ "መጽሐፈ ሩት" ፣ "መጽሐፈ ዮዲት" ፣ "መጽሐፈ ሶስና" ዝበሉ መጻሕፍት መርትዖታትና እዮም። ብዛዕባ እዘን አንስቲ ምንባብ ምትራኽን ጠቓሚ ካብ ኮነ፣ ብዛዕባ ድንግል ማርያም ምንባብን ምትራኽንማ ክንደይ ኣብሊፁ ይጠቅም?

ኣብ ሐዲስ ኪዳን እውን፣ ነቲ ናይ ኢየሱስ ወንጌል እዩ "ማቴዎስ ወንጌል" ፣ "ማርቆስ ወንጌል" ተባሂሉ ብስሞም ይፅዋዕ። ጎይታ ኣብ ሐዋርያት ሓዲሩ ዝፈፆሞም ተአምራት ዝሓዘ መጽሐፍ እውን "ግብሪ-ክርስቶስ" ክበሃል እናተገቦኦ "ግብሪ ሐዋርያት" ተባሂሉ። ናይ እም ብርሃን ኽብሪማ ክሳብ ክንደይ ይኸውን?

ነታ ካብ ዝሙት ሕይወት ተመሊሳ፣ ኣብ እግሩ ወዲቓ ብንብዓታ እግሩ ዝሓፀበት ሰበይቲ ሓደ ቃልኪዳን ኣትዩላ። "ወንጌል ኣብ ዝስበኸሉ ቦታ ኹሉ እቲ ምሳ ዝገበረቶ ክንገረላ እዩ" በለ። ወንጌል ኣብ ዝተሰበኸሉ ቤ/ክ ኹሉ ናይ ዛ ዘማዊት ታሪክን ገድልን ክንገር ካብተገበአ፣ ናይ ድንግል ማርያም ቅድስናን ኽብርን ኣብ ኹሉ ቦታ ምንጋርማ ክንደየናይ ዝበለጸ ይኸውን።

📌እንሆ ንሓንቲ ድንግል በሰጊድ ሰላም ኢልና ተቐቢልናያ ኣለና'ሞ ነታ ሓንቲ እትደልዩ ኩለኹም ብድሕረይ ተሰለፉ።

አልተገናኝቶም‼️
በዓለ ዕርገት አቡነ አረጋዊ ኣብ ደብረዳሞ ክነኽብር 8 መዓልቲ እንትተርፋና፣ አበምኔት እቲ ገዳምን ኣቦታትን ይበል ዘብል መምርሒ ኣውሪዶም ኣለው። « ሃይማኖታዊ ትሕዝቶ ሓልዩ'ምበር ነቲ በዓል ዘህስሱ ከም #ጎይላን_ትልሂትን ካልኦትን ክውገዱ ኣለዎም»

📌 ዋና ኣማሓዳሪ ወረዳ ጉሎመኸዳ ነቲ በዓል ድምቀት ዝኸውን 3 ዓበይቲ ኮሚቴ (ፀጥታ፣ጥዕና፣ ኣሳሰይትን ተቐበልቲ ጋሻን) ኣቐዲሞም ምጥያሾም ክነመስግን ይግባእ።

📌ሓላፊ ዘፈር ሰላምን ፀጥታን ወረዳ ጉሎመኸዳ እውን ኩሉ ምድላዋት ፀጥታ ወጊኖም ትሕቲ መድኃኔዓለም ሰላምና ውሑስ ንምግባር ይፅበዩ ምህላዎም ይበል ዘብል እዩ።

📌ናይቲ ወረዳ ባህልን ቱሪዝምን ኸ ታይ ተትብል ፅቡቕ? «በዓል ኣቡነ ኣረጋዊ ዘደብረ ዳሞ ንዳግመ ህንፀትን ብሩህ መፃኢ ትግራይን  ብዝብል መራሒ ሓሳብ ክኽበር እዩ»

 1) ባህልን ቱሪዝምን ብዛዕባ ኣከባብራ በዓል አቡነ አረጋዊ እንታይ አፍልጦ ኣለዎ?

2) ናይቲ በዓል ወናኒ እናሃለወ ከመይሎም "መራሒ-ሓሳብ እቲ በዓል" ከውፅኡን ክምድቡን ኽኢሎም?

3) እቲ መንፈሳዊ በዓል "ንዳግመ ህንፀትን ብሩህ መፃኢ ትግራይን" ክብሉዎ ኸ መን ፈቒዱሎም? ሥልጣንን ክብርን መንበረ ሰላማ ምድ'ፋር ዶ ኣይኮነን!

ሓሪፍ ሰብ ኢኻ ትመስለኒ ነይርኻ፣ ለካ ምንኩስና ማለት ካብ ምምሃርን ምስራሕን፣ መሃይምነትን ልመናን ምምራፅ ከምዝኾነ ኢኻ ትሓስብ?! በይዛዋ! እስኪ አባ ኃይለ ገብርኤል ከም ኣብነት ክጠቕቀልካ።

📌ፕሮፌሰር ኣባ ኃይለ ገብርኤል ይበሃሉ። ኣብ ውሽጢ ዓድን ወፃእን ብዙሕ ትምህርታት ተማሂሮም።

📌ብ2 ዘርፊ ትምህርታት 2 ዶክትሬታት (PHD) ኣለዎም።

📌ብካልኦት 3 ዘርፍታት ትምህርቲ ድማ 3 ማስተርስ ኣለዎም።

📌 ብቋንቋ አምሓርኛ 1 ፣ ብቋንቋ ኢንግለዚኛ 6 መጻሕፍቲ፣ ከምኡ እውን ብዙሓት ጽንዓታዊ ጽሑፋት ጽሒፎም እዮም። (ንአብነት Counseling Psychology, Research methodology for Theological studies ) ወዘተ) ጽሒፎም።

📌ሐዚ ኣብ ቅ/ሥላሴ መንፈሳዊ ዩኒቨርስቲ ናይ ክፍሊ ትምህርቲ ምክትል ሓላፊን ብፕሮፌሰርነትን ይምህሩን ይመርሑን ኣለው።

⁉️ መንበረ ሰላማ ካብዚ እንታይ ይመሃር? ቅዱስ ፍሬምናጦስ አባ ሰማላ መንፈሳዊ ኮሌጅና ካብዚ እንታይ ይመሃር?

‼️ ዘፅድቕ ጸሎት‼️
ሓደ ጊዜ ኣብ ዓዲ እስራኤል ክልተ ሰባት ክፅልዩ ናብ ቤተ መቕደስ ደየቡ። እቲ ሓደ ሕጊ አምላክ ዝተምሃረ ፈሪሳዊ እንትኸውን፥ እቲ ኻልኣይ ድማ፥ ብሌብነቱ ዝፍለጥ ተቐባሊ ቀረፅ ነበሩ። እቲ ፈሪሳዊ ደው ኢሉ ብልቡ ‘ኦ እግዚኣብሄር፥ ከምቶም ካልኦት፥ ከተርቲ፥ ዓመፅቲ፥ ዘመውቲ ሰባት፥ ወይ ከምዝ ተቐባሊ ቀረፅ እዙይ ስለ ዘይኮንኩ፥ አመስግነካ ኣለኹ። ኣብ ሰሙን ክልተ መዓልቲ እፀውም፤ ካብ ኵሉ ዘጥረኹዎ'ውን ኣስራት ኣውፅእ ኣለኹ እናበለ ፀለየ።

እቲ ብሌብነቱ ዝፍለጥ ተቐባሊ ቀረፅ ግና፥ ኣብ ርሑቕ ደው ኢሉ፥ ዓይኑ ናብ ሰማይ ቈላሕ ከብል እኳ እንተይደፈረ፥ ‘ኦ ኣምላኽ፥ ንኣይ ንሓጢኣተኛ መሓረኒ’ እናበለ፥ ኣፍ ልቡ ይወቅዕ ነበረ።

ኣብ ቕድሚ እግዚአብሔር ድማ ካብቲ ፈሪሳዊ፥ እቲ ተቐባሊ ቀረፅ #ፀዲቑ ናብ ገዛኡ ተመለሰ። ኵሉ ንባዕሉ ልዕል ልዕል ዘብል፥ ክዋረድ፥ ኵሉ ንባዕሉ ዘትሕት ግና፥ ልዕል ክብል እዩ።

[ ወንጌል ሉቃስ 18: 9-13 ]

አብርሃ ወአጽብሐ - ጥቅምት 4

አቡነ አብሳዲ - መስከረም 30