አብሰራ ገብርኤል ለማርያም

🕊                      †                        🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

[  ከዚህ የተነሣ አደንቃለሁ !   ]

🕊                        💖                       🕊

❝ የተዋሐደውን ሥጋ ከመላእክት ባሕርይ የነሣው አይደለም ፥ ከአብርሃም ባሕርይ ነሣው እንጂ። [ ዕብ.፪፥፲፯] ።

ለዚህ ታላቅ ፍቅር አንክሮ ይገባል ፥ ከእግዚአብሔር ዘንድ ለሰው ወገን ለተደረገ ፤ ለማይመረመር ለዚህ ፍቅር አንክሮ ይገባል ፥ ይህ ለመላእክት ያላደረገው ነው።

የተነገረውን አስተውል ፤ እግዚአብሔር ከእኛ ባሕርይ የተዋሐደው ተዋሕዶ ጥቂት ክብር አይምሰልህ ፥ ይህንን ለመላእክት አላደረገውምና የመላእክት ባሕርይም አልተዋሐደችውምና የተዋሐደችው የኛ ባሕርይ ናት እንጂ።

ባሕርያችንን ተዋሕዶአል እንጂ ከባሕርያችን ከፍሎ ተዋሐደ ለምን አላለም ? ወዳጁ እንደ ኮበለለ ፥ እስኪያገኘውም ድረስ እንደሔደና እንደ አገኘው ሰው ፥ የእኛ ባሕርይ እንደዚህ ከእግዚአብሔር ተለይታ ነበርና ፥ ከእርሱም ፈጽማ ርቃ ነበርና ፥ ሥጋ በመሆን ገንዘብ እስኪአደርጋት ደርሶ ፈጥኖ ፈለጋት ፤ እርሷም ተዋሐደችው ፥ ይህንንም ተዋሕዶ እኛን በመውደድ እንዳደረገው የታወቀ ነው። [ መኃ.፫፥፩ ። ማቴ.፲፰፥፲፪–፲፬ ]

ለማይደፈር ለዚህ ድንቅ ምሥጢር አንክሮ ይገባል ፤ ከእግዚአብሔር ጋር በመተካከል የሚኖር መላእክትና የመላእክት አለቆች ሱራፌልና ኪሩቤል የሚሰግዱለት ሥጋ ከእኛ ባሕርይ ይገኝ ዘንድ ከዚህ የሚበልጥ አንድነት አለን ? ። [ ዕብ.፩፥፫-፰ ] ።

ይህን መላልሼ ባሰብሁት ጊዜ ሰው ያገኘውን ፤ ልክ መጠን የሌለውን ፍጹም ክብር ከእግዚአብሔር የተደገረውን ፤ ባሕርያችን ያገኘውን ታላቅ ፍቅር አይቼ ከዚህ የተነሣ አደንቃለሁ። [ ዮሐ.፫፥፲፮-፲፰ ። ፲፯ ። ፳፮ ። ፩ዮሐ.፫፥፩ ]። ❞

[    ቅዱስ ዮሐንስ አፈወርቅ    ]

▬▬▬▬▬▬▬▬▬▬▬▬▬▬

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።


†                         †                         †
💖                      🕊                      💖

እኔ ግን በምሕረትህ ብዛት ወደ ቤትህ እገባለሁ፤ አንተን በመፍራት ወደ ቅድስናህ መቅደስ እሰግዳለሁ።
፤ አቤቱ፥ ስለ ጠላቶቼ በጽድቅህ ምራኝ፤ መንገዴን በፊትህ አቅና።
በአፋቸው እውነት የለምና፥ ልባቸውም ከንቱ ነው፤ ጕሮሮአቸው የተከፈተ መቃብር ነው፤ በምላሳቸው ይሸነግላሉ።
፤ አቤቱ፥ ፍረድባቸው፥ በምክራቸውም ይውደቁ፤ ስለ ክፋታቸውም ብዛት አሳድዳቸው፥ እነርሱ ዐምፀውብሃልና።
፤ በአንተ የሚታመኑት ሁሉ ግን ደስ ይላቸዋል፤ ለዘላለሙ ደስ ይላቸዋል፥ እነርሱንም ትጠብቃለህ፤ ስምህንም የሚወድዱ ሁሉ በአንተ ይመካሉ።
፤ አንተ ጻድቁን ትባርከዋለህና፤ አቤቱ፥ እንደ ጋሻ በሞገስ ከለልኸን።
(መዝሙረ ዳዊት ምዕ. 5፣7-11

          #_ሰናይ__ቀን🙏

ለመቀላቀል👇👇👇👇
@Enatachn_mareyam
@Enatachn_mareyam

🕊

[ † እንኳን ለቅዱስ "ማቴዎስ ነዳይ" እና "ቅዱስ አውስግንዮስ አረጋዊ" ዓመታዊ የዕረፍት በዓል በሰላም አደረሳችሁ † ]

†  በስመ አብ ወወልድ ወመንፈስ ቅዱስ ፩ አምላክ፡፡ አሜን።

......................................................

🕊 † ቅዱስ አባ ማቴዎስ  †  🕊

- ቅዱሱ አባት በቤተ ክርስቲያናችን ስመ ጥር ነው:: በተለይ ትርጉዋሜ ወንጌል ላይ እንደ አብነት ሲጠቀስ የተአምረ ማርያምን ሥርዓት በማዘጋጀቱ የበዓላት መቅድመ ተአምር ላይ ስሙ አለ:: ቅዱሱ ለእመቤታችን በነበረው ፍቅር ድንግል ብዙ ጊዜ ትገለጥለት ነበርና::

- ቅዱስ ማቴዎስ ግብጻዊ አባት ሲሆን የነበረው በመካከለኛው ዘመን ውስጥ [ ማለትም በ፲፬ኛው መቶ ክ/ዘመን ] ነው:: በቤቱም መልካም ወላጆችና ያዕቆብ የሚባል ወንድምም ነበረው::

- እንዲያውም አንዴ እናቱ ቅዱሱን ጸንሳ ሳለች የበቁ አበው ሆዷን እጅ ነስተው "ቅዱስ ፍሬ በማኅጸንሽ ውስጥ አለ" እንዳሏት ይነገራል:: ቅዱስ ማቴዎስ በልጅነቱ ወደ እግዚአብሔር ከመገስገስ: ቅዱስ ቃሉን ከመማር በዘለለ ሌላ ሃሳብ አልነበረበትም::

- ወጣት ሲሆንም ወላጆቹ ተከታትለው በማረፋቸው ከወንድሙ ያዕቆብ ጋር ለብቻቸው ቀሩ:: ብዙ የወላጆቹ ሃብት ቢኖርም ቅዱስ ማቴዎስ ስለ መካፈል አላሰበም:: ከለበሳት ጨርቅ በቀር ምንም ሳይይዝ ወደ በርሃ ገሰገሰ::

- ሊመነኩስ ወዶ የደብረ ቅዱስ አቡፋናን አበው ቢጠይቃቸው "አይሆንም" አሉት:: ምክንያቱም በጊዜው ወንድሙን ያውቁት ስለ ነበር እየመጣ እንዳያውካቸው "አስፈቅድ" ማለታቸው ነበር:: ቅዱስ ማቴዎስ ግን ወደ ሌላ ገዳም ሔዶ አለቀሰ::

- አባቶችም ወደ ወንድሙ ሔደው ስለ ማለዱት ፈቀደለት:: ስለዚህም በደብረ አቡፋና መነኮሰ:: ትንሽ ቆይቶ ግን ወንድሙ ያዕቆብ "ለወንድሜ ያልሆነች ዓለም ለእኔም አትረባኝም" ብሎ: በርሃ ገብቶ በቅቶ ዐርፏል::

- ቅዱስ ማቴዎስም በገዳሙ በፍቅርና በመታዘዝ ሲያገለግል ዜና ትጋቱ ተሰማ:: ይህንን ከሰሙት ዻዻሳት አንዱ አባ ዼጥሮስ ያለ ፈቃዱ ከገዳም አስወጥቶ በመንበረ ዽዽስናው ረዳት አደረገው:: እርሱ ግን አንገቱን አቀርቅሮ ተጋድሎውን በጾምና በጸሎት ቀጠለ::

- ነገር ግን ሰይጣን በሴቶች አድሮ ፈተነው:: በጣም አዝኖ ዻዻሱን "አሰናብተኝ" አለው:: "እንቢ" ቢለው የክብር ልብሱን [ የዻዻሱን ] አውጥቶ በመቀስ ብጥስጥስ አደረገውና በዻዻሱ ፊት አኖረለት::

- ፈጽሞ የተበሳጨው ዻዻሱም በየቀኑ ፫ መቶ እንዲሰግድ: ወደ ቤት እንዳይጠለልና ሌሎች ቀኖናዎችን ቅጣት ሰጥቶ ወደ በርሃ አሳደደው:: ቅዱስ ማቴዎስም መሻቱ ይህቺው ነበረችና ደስ እያለው ሔደ::

- ለ፪ ዓመታትም የቀኑ ሐሩር: የሌሊቱ ቁር እየተፈራረቀበት ቅጣቱን በመፈጸሙ የፍትሐት ደብዳቤ ተላከለት:: አንድ ቀን ግን በገዳሙ የነበረ አንድ የበቃ አባት ክብረ ማቴዎስ ተገልጦለት "የብዙዎች አባት ትሆናለህ" አለው::

- ውዳሴ ከንቱን ፈጽሞ የሚጠላት ቅዱሱ ግን አዘነ:: ሰዎች እያከበሩት ስለተቸገረም ገዳሙን ለቀቀ:: በሔደበት ገዳምም ድንቅ ነገሮቹን እያዩ ሲያከብሩት በአንድ ገዳም የማይቀመጥ ሆነ:: ከአንዱ ወደ ሌላውም ይሔድ ነበረ::

- ቅዱስ ማቴዎስ ከዻዻሱ ዘንድ እያለ ቅስናን ሹሞት ነበርና በገዳማት ይቀድሳል:: ከብቃቱም የተነሳ በቅዳሴ ሰዓት ማሕበረ መላእክትን ያያቸው ነበር:: መድኃኒታችን ክርስቶስም ሕጻን መስሎ ከፊቱ ይቀመጥ ነበር:: ስለዚህ ነገርም ዕንባው እንደ ዥረት ውሃ ይፈስ ነበር:: እየቀደሰም ተመስጦ [ ተደሞ ] ይመጣበት ነበር::

- ዘወትር የፈጣሪውን ጌትነት እያደነቀ ይመራመር ነበርና አንዴ ቀና ቢል ፯ቱ ሰማያት ተከፈቱለት:: እግዚአብሔርንም ከጽርሐ አርያም [ ፯ኛው ሰማይ ] ከፍ ብሎ አየው:: ደንግጦ ዝቅ ቢል ደግሞ ከጥልቁ በታች ተመለከተው::

- በዚህ ጊዜ "ይህን ያሳየኸኝ ጌታየ እኔ ማነኝ!" ሲል አለቀሰ:: ሁሌ ዐርብም ሕማማተ ክርስቶስን: በተለይ መድኃኒታችን መቸንከሩን እያሰበ ረጅም ችንካርን በጉልበቱ ውስጥ ይከት ነበር:: ለቀናት ስለማያወጣውም ደሙ ፈሶ አካሉ መልኩ ይቀይር ነበር::

- እንዲህ ካሉ የቅድስናና የተጋድሎ ዓመታት በሁዋላም ሌላ ጥሪ ከፈጣሪው መጣለት:: አበው በጸሎት ላይ ሳለ መጥተው አሠሩት:: "ምን አደረኩዋችሁ አባቶቼ?" ቢላቸው የግብጽ ፓትርያርክ ነህ ከዚህ በሁዋላ" አሉት:: ቢለምናቸውም እንቢ አሉት::

- "እንግዲያውስ" ብሎ: ምላሱን አውጥቶ: በመቀስ ቆርጦ ጣላት:: መናገር የማይችል ሰው ክህነት አይሾምምና:: [ እንዲህ ነበር አበው ሥልጣንን የሚሸሿት ] ነገር ግን እመቤታችን ከሰማይ ወርዳ "ወዳጄ! ነገሩ የልጄ ፈቃድ ስለ ሆነ እሺ በላቸው" ብላ አዲስ ምላስን ሰጠችው::

- የግብጽ ፹፯ኛ ሊቀ ዻዻሳት ሆኖ ሥርዓተ ሲመቱ ሲፈጸም የወንጌላዊ ቅዱስ ማርቆስ ራሱ በዚያ ነበረችና ክንፍ አውጥታ: በራ ቅዱስ ማቴዎስን ስትስመው ሁሉም አዩ:: ከሰማይም ማሕበረ መላእክት "አክዮስ-ይገባዋል" ብለው ሲጮሁ ተሰማ::

- ቅዱስ ማቴዎስ ምንም ፓትርያርክ ቢሆንም ለትምሕርት: ለቅዳሴና መሰል ነገሮች ካልሆነ ከበዓቱ አይወጣም ነበር:: ገንዘብ የሌለው: ጥሩ ልብስ የማይለብስ ነበርና "ነዳዩ" እየተባለ እስካሁን ይጠራል::

- በዘመነ ዽዽስናው ብዙ ተግባራትን ሲከውን ዋኖቹ ግን የእመቤታችን ተአምር በሥርዓት እንዲነበብ ማድረጉ ቀድሞ ይጠቀሳል:: በተረፈም የጌታችን ግማደ መስቀሉ ወደ ኢትዮዽያ እንዲመጣም ትልቅ አስተዋጽኦን አድርጉዋል::

- በተሰጠው የትንቢት ሃብትም ወደ ፊት የሚፈጸሙ ነገሮችን ተመልክቷል:: የተናገራቸውም ሁሉ ተፈጽመዋል:: በመጨረሻው ግን ያሰቃየው የነበረው የወቅቱ የግብጽ ከሊፋ [ ክፉ ሰው ] አስጠርቶ አካሉ እስኪደቅ ድረስ ገረፈው::

- ቅዱስ ማቴዎስም ወደ እመቤታችን ጮኸ:: ድንግልም ወርዳ አጽናናችውና "አሳርፍሃለሁ" አለችው:: ሕዝቡን ተሰናብቶም በዚህች ቀን ዐርፏል::


🕊 † ቅዱስ አውስግንዮስ አረጋዊ †  🕊

- ይህ ቅዱስ ሽማግሌ በሃይማኖቱ ጽናት: በምግባሩ ብዛት ለወጣቶች አብነት መሆን የቻለ አባት ነው:: በብዛት የሚታወቀው በሰማዕትነቱ ቢሆንም በቅዱስ ሰውነቱ በርካታ መልካም ነገሮችን ሠርቷል::

- በ፬ኛው መቶ ክ/ዘመን መነሻ አካባቢ [ ዘመነ ሰማዕታት ሊጠናቀቅ ሲል ማለት ነው ] የቅዱስ ቆስጠንጢኖስ [ የንጉሡ ] ወታደር ሁኖ ተቀጠረ:: ንጉሡ ወደ መክስምያኖስ ለጦርነት ሲሔድ በሰማይ ላይ መስቀልና "ኒኮስጣጣን" የሚል ጽሑፍን ተመልክቷል::

- ሁሉም ሰው ለመተርጐም ሲፈራ ወጣቱ አውስግንዮስ ግን በድፍረት ለንጉሡ ክብረ መስቀልንና ትርጉሙን አስረዳ:: በቅዱሱ ንጉሥ ሥርም በወታደርነት ለ፳ ዓመታት አገለገለ::

- ከዚያም ሥጋዊ ተግባሩን ትቶ በጾምና በጸሎት: ሰዎችንም በማስታረቅ: በማስተማርም ተወሰነ:: ፈጣሪ ጸጋውን አብዝቶለትም ዕድሜው ፻፲ ዓመት ደረሰ::

- በጊዜውም የነበረው ከሃዲው ዑልያኖስ "ሰዎችን አስታርቀሃልና ክርስቶስን አምልከሃል" በሚል በዚህች ቀን አንገቱን አሰይፎታል:: ዑልያኖስን ደግሞ ቅዱስ መርቆሬዎስ ተበቅሎታል::

አምላከ ቅዱሳን ስለ አባቶቻችን ሲል ይማረን:: ከበረከታቸውም ይክፈለን::

🕊

[ ጥር ፭ [ 5 ] ቀን የሚከበሩ ዓመታዊ የቅዱሳን በዓላት ]

፩. ቅዱስ አባ ማቴዎስ
፪. ቅዱስ አውስግንዮስ አረጋዊ [ ሰማዕት ]
፫. ቅድስት እስክንድርያ
፬. ቅድስት አውስያ ሰማዕት

[ ወርሐዊ በዓላት ]

፩. ቅዱስ ዼጥሮስ ሊቀ ሐዋርያት
፪. ቅዱስ ዻውሎስ ብርሃነ ዓለም
፫. አቡነ ገብረ መንፈስ ቅዱስ
፬. ቅዱስ ዮሐኒ ኢትዮዽያዊ
፭. ቅዱስ አሞኒ ዘናሒሶ
፮. ቅድስት አውጋንያ [ ሰማዕትና ጻድቅ ]

" አባቶች ሆይ ! ከመጀመሪያ የነበረውን አውቃቹሃልና እጽፍላቹሃለሁ:: ጐበዞች ሆይ ! ክፉውን አሸንፋቹሃልና እጽፍላቹሃለሁ:: ልጆች ሆይ! አብን አውቃቹሃልና እጽፍላቹሃለሁ:: አባቶች ሆይ! ከመጀመሪያ የነበረውን አውቃቹሃልና እጽፍላቹሃለሁ:: ጐበዞች ሆይ ! ብርቱ ስለ ሆናችሁ: የእግዚአብሔርም ቃል በእናንተ ስለሚኖር: ክፉውንም ስላሸነፋችሁ እጽፍላቹሃለሁ::" [፩ዮሐ.፪፥፲፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]


         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

                       †                       

  [  🕊  ድምፀ ተዋሕዶ   🕊  ]  

🍒▬▬▬▬▬▬▬▬▬▬🍒               

[  ሕይወት የሚገኝባቸው የቅድስት ቤተክርስቲያን መንፈሳዊ ትምህርቶች በሊቃውንተ ቤተክርስቲያን በድምፅ ይቀርባሉ።  ]

[   ሳምንታዊ መርሐ-ግብር   ]

🕊             
             
❝ ጕልማሳ መንገዱን በምን ያነጻል ? ቃልህን በመጠበቅ ነው። ❞  [ መዝ . ፻፲፱ ፥ ፱  ]

▬▬▬▬▬▬   †    ▬▬▬▬▬▬


[ ሕይወተ ወራዙት [ የወጣቶች ሕይወት ! ]

             [   ክፍል -  ሰባት  -    ]

            💖   ድንቅ ትምህርት  💖

[ በመምህራችን በቀሲስ ኅብረት የሺጥላ ]

▬▬▬▬▬▬   †    ▬▬▬▬▬▬

[ ወጣትነት ላይ የአካልና የስሜት ለውጥ ! ]


❝ የሚሰማኝ ግን በእርጋታ ይቀመጣል ፥ ከመከራም ሥጋት ያርፋል። ❞ [ ምሳ.፩፥፴፫ ]


🕊                        💖                      🕊
                             👇

🕊                    💖                   🕊

[   💖  ቅዱስ ዮሐንስ ወንጌላዊ  💖  ]

                         🕊                       

[ ጥር ፬ [ 4 ] ቅዱስ ዮሐንስ ወንጌላዊ ፍልሠቱ ]

ካህናቱ በሰዓታት ምስጋናቸው የአምደ ሃይማኖት አባ ጊዮርጊስ ዘጋሥጫን ቃል አንደበታቸው በማድረግ እንዲህ ያመሰግኑታል።


❝ ዮሐንስ እንደ መላእክት ንጹሕ ነው ፤ ድንግል ዮሐንስ የቅዱሳን መመኪያ ነው ፤ ዮሐንስ በብርሃን መጎናጸፊያ ሐር የተጌጠ ነው ፤ ዮሐንስ የቤተክርስቲያን አርጋኖን ነው በኤፌሶን የአዋጅ ነጋሪ ዮሐንስ ኃጥአን ለምንሆን ለእኛ ይቅርታን ይለምንልን። ❞

🕊                        💖                       🕊

[ መከራ ተቀብሎ በመስቀል ላይ ደሙ በፈሰሰ ጊዜ ዮሐንስ ፍቅሩን አላጎደለም። በወዳጁህ በዮሐንስ ድንግልና በንጽሐ ሥጋውም አቤቱ ይቅር በለን።]

[  †  እንኩዋን ለፍቁረ እግዚእ ዮሐንስ ሐዋርያ: ወልደ ነጐድጉዋድ ዓመታዊ የፍልሠት በዓል በሰላም አደረሳችሁ  †  ]


🕊                        💖                       🕊

                       †                       
                    
†   🕊   ክብርት ሰንበት   🕊   †

💖

" ዕለተ እሑድንም የሚመጣው አዲስ ዓለም ምሳሌ አድርገን እናክብራት። ከዚያ በኋላ ዘላለማዊ ሕይወትን ገንዘብ እናደርግ ዘንድ በዚህች ዕለት ታላቅ ነገር ተደርጎልናልና።

ስለዚህ ከክርስቶስ ጋር ፍጹም በዓል እናደርጋታለን። እንደ ቅዱሳኑም “ወደ እግዚአብሔር ቤት ወደ ምስጋና መኖሪያ ሥፍራ እገባለሁና ፤ በዓል የሚያደርጉ ሰዎች የደስታና ምስጋና ቃል አሰሙ" እያልን እንጮኻለን፡፡ [መዝ.፵፪፥፬]

ሐዘን ፣ ስቃይና ሰቆቃ ይሰደዳሉ ፤ ደስታና ሐሴትም ይሆኑልናል ፤ ለእነዚህ ነገሮች የተገባን እንሆናለን፡፡ እንግዲህ በበዓሉ ድሆችን እናስታውስ ፤ ለእንግዶችም ርኅራኄ ማድረግን አንርሳ ፤ ከምንም በላይ እግዚአብሔርን በፍፁም ነፍሳችን በፍፁም ኃይላችን እንውደድ ፤ ባልንጀሮቻችንንም እንደራሳችን እንውደድ።

🕊

ስለዚህ ዓይን ያላያቸውን ፣ ጆሮ ያልሰማቸውን ፣ በሰው ልብ ያልታሰቡትን እግዚአብሔር ለሚወዱት ያዘጋጃቸውን ነገሮች እንቀበላለን፡፡ [፩ቆሮ.፪]

በአንድ ልጁ በጌታችን በኢየሱስ ክርስቶስ ፣ ለአብና ለመንፈስ ቅዱስ ክብር ይሁን ፤ ለዓለም ዓለም አሜን፡፡ በተቀደሰ ሰላምታ ሰላም ተባባሉ። ከእኔ ጋር ያሉ ወንድሞች ሁሉ ሰላምታ ያቀርቡላችኋል፡፡"

[    ቅዱስ አትናቴዎስ    ]

†                       †                        †
💖                    🕊                     💖

#ኖላዊ_መልካም_እረኛ____

ዘጠና ዘጠኝ መንጋዎች ይልቅ #የጠፋውን አንዱን በግ ፍለጋ የመጣው መልካሙ #እረኛ ጌታችን መድኀኒታችን ቸር ጠባቂያችን ኢየሱስ ክርስቶስ #መልካም_እረኝነት የባሕርዩ ነው፡፡《 አነ ውእቱ ኖላዊ ኄር ወኖላዊሰ ኄር ይሜጡ ነፍሶ ቤዛ አባግዒሁ #መልካም_እረኛ_እኔ_ነኝ መልካም እረኛ ነፍሱን ስለ በጎቹ ያኖራል።》(ዮሐ. ፲፥፲፩)፡፡

መቶ በግ ያለው ከእነርሱም አንዱ ቢጠፋ ዘጠና ዘጠኙን በበርሃ ትቶ የጠፋውን እስኪያገኘው ድረስ ሊፈልገው የማይሔድ ከእናንተ ማን ነው? ባገኘውም ጊዜ ደስ ብሎት በጫንቃው ይሸከመዋል ። ወደ ቤትም በመጣ ጊዜ ወዳጆቹንና ጐረቤቶቹን በአንድነት ጠርቶ 'የጠፋውን በጌን አግኝቼዋለሁና ከእኔ ጋር ደስ ይበላችሁ' ይላቸዋል ። እላችሁአለሁ: እንዲሁ #ንስሃ_ከማያስፈልጋቸው ከዘጠና ዘጠኝ ጻድቃን ይልቅ ንስሃ በሚገባ በአንድ #ኃጢአተኛ በሰማይ ደስታ ይሆናል ። (ሉቃ. ፲፭፥፫-፯)

         #መልካም__ቀን 🙏

ለኦርቶዶክስ ተዋሕዶ ልጆች👇
             •➢  ሼር // SHARE

@Enatachn_mareyam
@Enatachn_mareya

🕊                       

💖  እንኳን ለብርሃነ ልደቱ አደረሳችሁ  💖

†                       †                        †

[         ድምፅህን ሰምቼ ፈራሁ           ]

🕊

❝ ድምፅህን ሰምቼ ፈራሁ ፤ ሥራህን አይቼ አደነቅሁ ፤ በሁለት እንስሳት [ አህያና ላም ] መካከል አየሁህ ፤ ጊዜው ሳይቀርብ እንደ ቀረበ አድርጌ አውቅሃለሁ ፤ [ ዕለተ ልደት ሳይደርስ እንደ ደረሰ አድርጌ አስተውልሃለሁ ፤ ] ዘመኑም በደረሰ ጊዜ ተገለጥህ። ❞  [ ዕን. ፫፥፪ ]


[    የዓለም ሁሉ ቤዛ ዛሬ ተወለደ !     ]


💖   ድንቅ ትምህርት   💖


🕊 [ በርእሰ ሊቃውንት የኔታ አባ ገብረ ኪዳን ]


†                         †                          †
💖                      🕊                       💖

                          †                          

🕊  [ ከዚህ በኋላም አይደረግም  ]  🕊

💖                    🕊                      💖

❝ ሦስቱን ደጆች ያልከፈተ የአብን ልጅ ጥበብ አደንቃለሁ ፤ ያለ መለወጥ በኅቱም ድንግልና በመወለዱ ፣ የመቃብሩን ደጅ ሳይከፍት በመነሣቱ ፣ ደቀ መዝሙርቱ ተሰብስበው ወዳሉበት ቤት በተዘጋ ቤት በመግባቱ እና በሩን ሳይከፍት በመውጣቱ ስለነዚህም ሦስት ደጆች ልቤ አደነቀች፡፡

ከሁለቱ ይልቅ የመጀመሪያው እጅግ ያስደንቀኛል፡፡ ምክንያቱም ሁለቱን ከዚህ በፊት በመጽሐፍ ቅዱስ አውቃቸዋለሁ፡፡ የመቃብሩን ደጅ የሚመስለው ነገር አለ [ዮሐ.፳፥፲፱]፡፡ ብልጣሶር የተባለ ዳንኤልን በአንበሶች ጕድጓድ ውስጥ በጣሉት ጊዜ ጕድጓዱን በታላቅ መዝጊያ ዘጉት፡፡ ዳንኤልም በረሃብ እንደ ተጨነቀ ልዑል እግዚአብሔር ባየ ጊዜ መልአኩን ወደ ነቢዩ ዕንባቆም ላከ [ዳን. ፮፥፲፮-፲፯]፡፡ በራሱም ፀጕር አንሥቶ ተሸክሞ ወስዶ ዳንኤል ወዳለበት ጕድጓድ አገባው፡፡ ዳንኤልና ዕንባቆም እንጀራውንና ንፍሮውን በልተው እግዚአብሔርን አመሰገኑ፡፡ ዕንባቆምም ደጅ ተዘግቶ ሳለ ወጣ፡፡ ስለ ቤቱ ደጅም የሚመስል ነገር አለ፡፡ የእግዚአብሔር መልአክ ከሰማይ ወርዶ ጴጥሮስን ከግዞት ቤት እንዳወጣው በሐዋርያት ሥራ ተጽፏል፡፡ ጴጥሮስንም ካወጣው በኋላ ደጁ ተቈልፎ ዘበኞች በዅሉ ወገን ይጠብቁ ነበር [ ሐዋ. ፲፪፥፮ ]፡፡  

ለእነዚህ ለሁለቱ ደጆች ለቅዱሳን የተገኘውን ምክንያት አገኘሁ፡፡ ስለ ድንግልናሽ ደጅ እጠናለሁ ፤ ግን ምክንያት አላገኘሁም፡፡ በድንግልና የኖረች ሴትም አላየሁም፡፡ እንደዚህ ዓይነት ነገር ኾኖ አያውቅም፡፡ ኢኮነ እምቅድመ ዝ ወኢኮነ እምድኅረ ዝ – ከዚህ በፊት አልተደረገም ፤ ከዚህ በኋላም አይደረግም። ❞

[ 🕊 አርጋኖን ዘቀዳሚት 🕊 ]


†                        †                         †
💖                     🕊                      💖

#በረትን_ለሰማይ

#ልዑል_ለሆንክ_ለአንተ #ለንፅሕት_እናትህ
ለዮሴፍ ለሰሎሜ ፥ ለባለሟሎችህ
ማደርያ እንድሆን ፥ እኔ በረት ልጅህ
የሰማይ ስርዓት ፥ በእኔ እንዲገለጥ
በእኔ ውስጥ እንዲታይ
#በረት_እኔነቴን ፥ ታደርገው ዘንድ ሰማይ
ፀሐየ ጽድቅ አንተ ፥ በእኔ እንድታበራ
ጨረቃዋ ድንግል ፥ ንጽሕት ሙሽራ
ኮዋክብት መላእክት
በእኔ ሰማይነት
እንዲገለጡብኝ
ከልደትህ ብርሃን ሱታፌን እንዳገኝ
#የበዛ_ቸርነትህ ፥ #ጸጋህ_አይለየኝ
መድኃኔዓለም

ለመቀላቀል 👇👇👇👇
@Enatachn_mareyam
@Enatachn_mareyam

                       †                        

 
[   አሁን ሁሉም አዲስ ሆንዋል !   ]

🕊

❝ ክርስቶስ ተወልዶል ፥ ምስጋናን አቀርቡ ፤ ክርስቶስ ከሰማይ ነው ፥ እሱን ለማግኘት ሂዱ ፤ ክርስቶስ ምድር ላይ ነው ፤ ቀና ያላችው ሁኑ ፤ ምድር ሁሉ ለእግዚአብሔር አዲስ ምስጋናን ታቅርብ ፤ [ መዝ.፺፮፥፩ ] (96፥1)

ሰማያት ደስ ይበላቸው ምድርም ሐሴትን ታድርግ ፤ [ መዝ.፺፮፥፲፪ ] (96፥12) ሰማያዊው አሁን ምድራዊ ሆኗልና። [ ፩ቆሮ.፲፭፥፵፯ ] (15፥47) ክርስቶስ ሥጋን ለብሧልና ፥ በመፍራትና በመንቀጥቀት  በደስታ አመስግኑት ፤ [ መዝ.፪፥፲፩ ] (2፥11) መፍራትና መንቀጥቀጡ በኀጢአት ምክንያት ፥ ደስታው ደግሞ በተስፋ ምክንያት ነው።

ክርስቶስ ከድንግል ተወለደ ፤ ስለዚህም ሴቶች ክርስቶስን ትወልዱ ዘንድ ድንግልናን ተለማመዱ። ከሁሉ በፊት አስቀድሞ የነበረውን የማያመልክ ማን ነው? [ ፩ኛ ዮሐ.፩፥፩ ] (1.1) የሁሉ መጨረሻ የሆነውንስ የማያገን ማን ነው? [ ራእ.፩፥፲፯ ] (1፥17፤ 2፥8)

እንደገና ጨለማ ፈረሰ ፤ እንደገና ብርሃን ተቋቋመ ፤ [ ዘፍ.፩፥፫ ] (1፥3) እንደገና ግብጽ በጨለማ ተቀጣች ፤ [ ዘጸ.፲፥፳፩ ] (10፥21)  እንደገና እስራኤል በእሳት ዓምድ አበራች ፤ [ ዘጸ.፲፫፥፳፩ ] (13፥21)

ባለማወቅ ጨለማ ውስጥ የተቀመጡ ሰዎች ሁሉ ታላቁን የእውቀት ብርሃን ይመልከቱ ፤ [ ኢሳ.፱፥፪ ] (9፥2) ያረጁት ነገሮች አልፈዋል ፤ አሁን ሁሉም አዲስ ሆንዋል። [ ፪ቆሮ.፭፥፲፯ ] (5፥17)

ፊደል ወደኋላ ያስቀረራል መንፈስ ግን ወደፊት ያስቀድማል፤ [ ፪ቆሮ.፫፥፮ ] (3፥6) ጥላዎች ተገፈዋል ፥ እውነት እሱን ተከትሎ ገብቷል ፤ መልከ ጸዴቅ ተፈጽሟል ፥ እናት የሌለው አሁን አባት የሌለው ስለሆነ ተፈጽሟል ፤  በመጀመሪያ እናት አነበረውም ፥ በሁለተኛው አባት የለውም ፤ [ ዕብ.፯፥፫ ] (7፥3) የተፈጥሮ ባህሪይ ሕጎች ቀለጡ። ❞

[  ቅዱስ ጎርጎርዮስ ዘእንዚናንዙ  ]


†                       †                        †
💖                    🕊                     💖

#ጌታችን_መድኀኒታችን_ስለተወለደባት
ምሽት ቅዱስ ኤፍሬም አንዲህ አለ፦

#ይህች_ምሽት ንጹሕ የሆነውና እኛን ሊያነጻን የመጣው (አምላክ) የተገለጠባት ንጽሕት ምሽት ናት፡፡ ጆሮአችን ንጹሕ ይሁን ፤ ዓይኖቻችንም ወደ ንጹሕ ነገር ይመልከቱ ፤ የልባችን ስሜት ቅዱስ ይሁን! ንግግራችንም አክብሮትን ይሞላ!

#ይህች_ምሽት የዕርቅ ምሽት ናት ፤ ስለዚህ ማንም ሰው ወንድሙን ተቆጥቶ እንዳያስቀይም! ይህች ምሽት ለዓለም ሁሉ ሰላምን ያስገኘች ምሽት ስለሆነች ማንም ሰው አይሸበርባት፡፡ ይህች ምሽት የደግነት ምሽት ስለሆነች ማንም ሰው ክፉ አይሁን! ይህች ምሽት የትሕትና ምሽት ናትና ማንም ሰው እንዳይታበይባት።

#ዛሬ_እግዚአብሔር_ወደ_ኃጢአተኞች_የመጣበት ቀን ነው ፤ ስለዚህ ጻድቅ ሰው በኃጢአተኞች ላይ አይኩራባቸው! ዛሬ እጅግ ባለጠጋ የሆነው አምላክ ስለ እኛ ደሃ የሆነበት ቀን ነው፤ ስለዚህ ሀብታም ሰው ድሆችን ወደ ገበታው ይጥራቸው፡፡

ለመቀላቀል👇👇👇👇
@Enatachn_mareyam
@Enatachn_mareyam

- ሚስቱ ግን በረከቱን ሽታ ልታየው ብትሞክርም አልተሳካም:: ሕገ ምናኔ አይፈቅድምና:: በዚህ ነገር ፈጽማ ማዘኗን በጸጋ ያወቀው አባ ዮሐንስ ግን በራዕይ ወደ እርሷ መጣ:: "ሚ ሊተ ወለኪ ብእሲቶ - አንቺ ሆይ! ለምን ካላየሁህ እያልሽ ትዘበዝቢኛለሽ? እኔ ነቢይ ወይ ጻድቅ አይደለሁ" ብሏት ባርኯ ተሠወራት:: እርሷም ደስ ብሏት ለባሏ ነገረችው:: ባሏ ወደ ጻድቁ ሲሔድም ገና ሳይነጋገሩአባ ዮሐንስ ሳቅ ብሎ "ሚስትህ ደስ አላት አይደል?" ብሎታል:: ጻድቁ በ፺ [ 90 ] ዓመቱ በዚህች ቀን ዐርፎ ተቀብሯል::

አምላከ ጻድቃን ቅዱሳን ስለ ወዳጆቹ በጐ ምኞታችንን ይፈጽምልን:: ከበረከታቸውም ያድለን::

🕊

[  † ታሕሳስ ፴ [ 30 ] ቀን የሚከበሩ ዓመታዊ የቅዱሳን በዓላት   ]

፩. አባ ዮሐንስ አበ ምኔት
፪. አባ ዘካርያስ ገዳማዊ
፫. አባ ዮሐንስ ብጹዕ
፬. ፻፵፬ ሺህ "144 ሺ" ሕጻናት [ ሔሮድስ የገደላቸው ]

[   † ወርኀዊ በዓላት   ]

፩. ቅዱስ ማርቆስ ሐዋርያ
፪. ቅዱስ ዮሐንስ መጥምቀ መለኮት
፫. ቅዱስ ጐርጐርዮስ ነባቤ መለኮት
፬. ቅድስት ሶፍያ ሰማዕት
፭. አባ ሣሉሲ ክቡር ጻድቅ

" ስለዚህ የልቡናችሁን ወገብ ታጥቃችሁና በመጠን ኑራችሁ : ኢየሱስ ክርስቶስ ሲገለጥ የምታገኙትን ጸጋ ፈጽማችሁ ተስፋ አድርጉ:: እንደሚታዘዙ ልጆች ባለ ማወቃችሁ አስቀድሞ የኖራችሁበትን ምኞት አትከተሉ:: ዳሩ ግን 'እኔ ቅዱስ ነኝና ቅዱሳን ሁኑ' ተብሎ ስለ ተጻፈ የጠራችሁ ቅዱስ እንደ ሆነ እናንተ ደግሞ በኑሯችሁ ሁሉ ቅዱሳን ሁኑ::" [፩ዼጥ.፩፥፲፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]


         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊

[  † እንኩዋን ለቅዱሳን ጻድቃን ወገዳማውያን "አባ ዮሐንስ" : "አባ ዘካርያስ ወአባ ዮሐንስ" ዓመታዊ የዕረፍት በዓል በሰላም አደረሳችሁ †  ]

† በስመ አብ ወወልድ ወመንፈስ ቅዱስ አሐዱ አምላክ አሜን።

---------------------------------------------

🕊  †  አባ ዮሐንስ ዘአስቄጥስ  †  🕊

- ገዳማዊ ሕይወት ጥንቱ ብሉይ ኪዳን ነው:: በቀዳሚነትም በደብር ቅዱስ አካባቢ ይኖሩ የነበሩ ደቂቀ ሴት እንደ ጀመሩት ይታመናል:: ሕይወቱ በጐላ: በተረዳ መንገድ የታየው ግን በታላቁ ጻድቅ ሄኖክ: ከዚያም በቅዱሱ ካህን መልከ ጼዴቅ አማካኝነት ነው::

- ቀጥሎም እነ ቅዱስ ኤልያስ ነቢይ: እነ ኤልሳዕ ደቀ መዝሙሩ ኑረውበታል:: በሐዲስ ኪዳን ደግሞ ሙሉ ሕይወቱን በገዳም [ በበርሃ ] ያሳለፈው መጥምቀ መለኮት ቅዱስ ዮሐንስ ቅድሚያውን ይይዛል::

- ለስም አጠራሩ ስግደት ይሁንና መድኃኒታችን ክርስቶስ በገዳመ ቆረንቶስ ለ፵ ቀናት በትሕርምት ኑሮ ገዳማዊ ሕይወትን ቀድሷል: አስተምሯል:: በዘመነ ስብከቱም ያድርባት የነበረችው የደብረ ዘይቷ በዓቱ [ ኤሌዎን ዋሻ ] በራሷ ለዚህ ሕይወት ትልቅ ማሳያ ናት::

- ከጌታ ዕርገት በሁዋላም ክርስቲያኖቹ የዓለም ሁካታ ሲሰለቻቸው: አንድም በንጹሕና በተሸከፈ ልቡና ለፈጣሪያቸው መገዛትን ሲሹ ከከተማ ወጣ እያሉ ይኖሩ እንደ ነበር የታሪክ መዛግብት ያሳያሉ:: አኗኗራቸውም በቡድንም: በነጠላም ሊሆን ይችላል::

- ዋናው ነገር ግን በጾምና በጸሎት መትጋታቸው ነው:: ይሕም ሲያያዝ እስከ ፫ኛው መቶ ክ/ዘመን ደረሰ:: በዚህ ዘመን ግን አባ ዻውሊ የሚባል አንድ ንጹሕ ክርስቲያን ይሕንን ሕይወት ወደ ሌላ ደረጃ ከፍ አደረገው:: ለ፹ [ 80 ] ዓመታት ሰው ሳያይ ተጋድሎ "የባሕታውያን አባት" ተባለ:: ደንብ ያለው ተባሕትዎም ጀመረ::

- ይህ ከሆነ ከ ፳ [ 20 ] ዓመታት በሁዋላ ደግሞ አባ እንጦንስ የሚባሉ ደግ ክርስቲያን ይህንን ገዳማዊ ሕይወት በሌላ መንገድ አጣፈጡት:: በቅዱስ ሚካኤል አመንኩዋሽነት ገዳማዊ ሕይወት በምንኩስና ተቃኘ:: ስለዚህም አባ እንጦንስ የመነኮሳት አባት ተባሉ::

- እርሳቸውም ሕይወቱን ለማስፋፋት ከተለያዩ አሕጉር ደቀ መዛሙርትን እየተቀበሉ አመንኩሰዋል:: ቅዱሳን የአባ እንጦንስ ልጆችም ወደየ ሃገራቸው ተመልሰው: ሕይወቱን በተግባር አሳይተው ገዳማዊነትን አስፋፍተዋል::

- አባ እንጦንስ አባ መቃርስን: አባ መቃርስ አባ ዮሐንስን ወልደዋል:: አባ ዮሐንስም የታላቁ ገዳመ አስቄጥስ አበ ምኔት ሆነው በጸጋ አገልግለዋል:: አስቄጥስ በምድረ ግብጽ የሚገኝ: በስፋቱና ብዙ ቅዱሳንን በማፍራቱ ተወዳዳሪ የሌለው የዓለማችን ቁጥር አንድ ገዳም ነው::

- ሕይወተ ምንኩሰናም ወደ መላው ዓለም የተስፋፋ በዚህ ገዳም መናንያን አማካኝነት ነው:: በዚህ ገዳም ላይ የሚሾሙ አበው ደግሞ በብዛት መንፈስ ቅዱስ ያደረባቸውና አባታቸውን ቅዱስ መቃርስ ታላቁን የመሰሉ ናቸውና ኃላፊነቱ እጅግ ከባድ ነው::

- በ፭ኛው መቶ ክ/ዘመን በምድረ ግብጽ ተወልደው ያደጉት አባ ዮሐንስ ከመነኑባት ዕለት ጀምረው በፍጹም ተጸምዶና ተጋድሎ ለፈጣሪያቸው ስለ ተገዙ የታላቁ ገዳም አበ ምኔት ሊሆኑ ተገባቸው::

- በአበ ምኔትነት ዘመናቸውም መንጋውን ይጠብቁ ዘንድ ብዙ ደከሙ:: በተለይ ቅዱስ ቃሉን ያስተምሩ ዘንድ ተጉ:: ሕይወተ መላእክትንም ያሳዩ ዘንድ በቃል ብቻ ያይደለ በተግባር ሆነው ከመንፈሳዊ አብራካቸው ብዙ ቅዱሳንን ወለዱ::

- ከዋክብቱ አባ ገዐርጊ : አባ አብርሃም : አባ ሚናስ : አባ ዘካርያስ . . . የአባ ዮሐንስ ፍሬዎች ናቸውና:: ጻድቁ በዘመናቸው ብዙ ተአምራትን ሠርተዋል:: ከዕረፍታቸው በሁዋላ እንኩዋ መግነዛቸውና የልብሳቸው እራፊ ብዙ ድውያንን ፈውሷል::

- አንድ ጊዜም ለልጆቻቸው መነኮሳት ቤዛ ሆነው በበርበር [ አረማውያን ] ተማርከዋል:: በዚያም ክፉዎች ባሪያ ቢያደርጉዋቸው እግዚአብሔር ድንቅን ሠርቶ ወደ ገዳማቸው መልሷቸዋል:: ከብዙ ተጋድሎ በሁዋላም በ90 ዓመታቸው በዚህች ቀን ዐርፈው በበዓታቸው ተቀብረዋል::


🕊  † አባ ዘካርያስ ገዳማዊ  †  🕊

- ይሕም ቅዱስ የተነሳው በዚያው በዘመነ ጻድቃን ነው:: ምንም ክርስቲያን ቢሆንም በቀደመ ሕይወቱ ገንዘብ የሚጥመው ነጋዴ ነበር:: በንግድ ሥራውም ሃብታም መሆን ችሎ እንደ ነበር ዜና ሕይወቱ ይናገራል::

- እግዚአብሔር ሁሉም የሰው ልጆች ወደ መንግስተ ሰማያት ቢገቡ መልካም ፈቃዱ ነው:: ያ ብቻ አይደለም:: ለእያንዳንዱ ሰው የድኅነት ጥሪን በተለያየ መንገድ ያቀርብለታል:: ድምጹን ለሰማ ወደ ወንጌል ወደብ ያደርሰዋል::

- አንዳንዴ "እንቢ" ስንለው እንደ በጐ አባትነቱ በተግሣጹ ሊጠራንም ይችላል:: ተግሣጹም በደዌ: በአደጋና በመሰል መንገዶች ሊሆን ይችላል:: ዋናው ቁም ነገር ግን ጊዜው ሳያልፍብን: ቀኑም ሳይመሽብን ድምጹን መስማት: ለቃሉ መታዘዝ: ጥሪውንና ተግሣጹን አለማቃለል ነው::

- አባ ዘካርያስም የቅድስና ሕይወት ጥሪ የደረሰው ለሥጋ ገበያ ሲታትር ነበር:: አንድ ቀን ንብረቱን ይዞ ለንግድ መንገድ ላይ ሳለ ሽፍቶች ያዙት:: ሊያርዱት አጋድመውት ሳለ ግን የገዳመ ዻኩሚስ አበ ምኔት በሥፍራው ነበርና ጮኸባቸው::

- ቅዱሱ አበ ምኔት አካሉ በገድል ያለቀ ቢሆንም ድምጹ እንደ ነጐድጉዋድ ሲመጣ ገዳዮቹ ደንግጠው በረገጉ:: ዘካርያስም ከሞት ተረፈ:: እንደ ገና ሃብቱን ይዞ ወደ ከተማ ሲገባ በሃገረ ገዢው ተይዞ ሞት ተፈረደበት:: ከገንዘቡ መብዛት የተነሳ ዘራፊ መስሏቸው ነበርና:: በዚህ ጊዜም እግዚአብሔር በመኮንኑ ልብ ርሕራሔን ጨምሮ አዳነው::

- በዚያች ሌሊት ግን ነገሮችን ያስተዋለው ዘካርያስ የተፈጠሩት አጋጣሚወች የፈጣሪው ጥሪ እንደ ሆኑ አስተዋለ:: ወዲያውም ለዓይነ ሥጋ የሚያሳሳውን ያን ሁሉ ንብረቱን መጽውቶ በርሃ ገባ:: በደብረ አባ ዻኩሚስም መንኩሶ በዓት ወሰነ::

- ከዚያች ቀን ጀምሮም በፍጹም አምልኮ: በጾምና በጸሎት እግዚአብሔርን እያገለገለ ከርኩሳን መናፍስት ጋር ታገለ:: በእግሩም ወደ ኢየሩሳሌም ተጉዞ ቅዱሳት መካናትን ተሳለመ:: አንድ ጊዜም ሰይጣን ሰው መስሎ "አባትህ ሳልሞት ልየው እያለህ ነው" አለው:: ውስጡ ግን ፈቃደ ሥላሴ ነበረበትና "እሺ" ብሎ ሒዶ: አባቱን ቀብሮ ተመልሷል::

- ቅዱስ አባ ዘካርያስ ከብቃቱ የተነሳ የሚኖረው ከግሩማን አራዊት ጋር ነበር:: ሁሉንም አራዊትም ይመግባቸው ነበር:: በተለይ ደግሞ ዘንዶዎች ሰውን እንዳይጐዱ አዝዞ እርሱ ይመግባቸው ነበር:: የተጋድሎ ዘመኖቹን ከፈጸመ በሁዋላም በዚህች ቀን በክብር ዐርፏል::


🕊  †  አባ ዮሐንስ ብጹዕ  †  🕊

- ይህም ቅዱስ በተመሳሳይ የዘመነ ጻድቃን ቅዱሳን ፍሬ ነው:: "ኢትርአይ ገጻ : ወኢትስማዕ ድምጻ" በሚለው ሕገ ተባሕትዎ ለ40 ዓመታት ተወስኖ ኑሯል::

- ይህም ማለት አንድ ወንድ ከመነነ በሁዋላ ሴቶችን እንዲያይና ከእነርሱም ጋር እንዲያወራ አይፈቀድለትም:: ሴትም ብትመንን ሕጉ ያው ነው:: [ ዛሬ እየተደረገ ያለውን ግን ፈጣሪ ይመርምረው ]

- አባ ዮሐንስ ብጹዕም እንዲህ ባለ ፈሊጥ: ማለትም በጾምና በጸሎት: ከዓለም ተለይቶ: ከሴት ርቆ: ንጽሕ ጠብቆ ሲኖር አረጀ:: በጊዜው በከተማ የሚኖር አንድ መስፍን ወዳጅ ነበረው:: ይህ መስፍን ዘወትር ወደ ጻድቁ እየመጣ ይባረካል::

#ቅዱስ_ጎርጎርዮስ_ዘእንዚናንዙ ስለ ጌታው ልደት በተናገረበት ድርሳኑ እንዲህ አለ

"እግዚአብሔር በመወለዱ ለሰው ተገልጧል"

"በአዳም ምክንያት እንደሞትን እንዲሁ በክርስቶስ እንድንኖር ከክርስቶስ ጋ ተወልደን ከእርሱ ጋ ተሰቅለንም ከእርሱ ጋ ተቀብረናል ከእርሱም ጋ ተነስተናል"

#ቅዱስ_ዮሐንስ_አፈወርቅ ስለ ጌታው ልደት በተናገረበት ድርሳኑ እንዲህ አለ

"በገና(በክርስቶስ ልደት)አስደናቂ ነገር ተመልከቱ መላእክት እና የመላእክት አለቆች ድምፃቸውን ከፍአድርገው ይዘምራሉ ኪሩቤል የደስታ ውዳሴያቸውን ይዘምራሉ ሱራፌልም የክርስቶስን ክብር ከፍ ከፍ ያደርጋሉ እዚህ በምድር ያለውን አምላክ በሰማይ ያለውን ሰው እያዩ ይህን ቅዱስ በዓል ለማመስገን ሁሉም ተሰባሰቡ"

"እንግዲያው ኑ በዓሉን እናክብር በእውነት አስደናቂው የልደቱ አጠቃላይ ዜናመዋዕል ይህ ነው ዛሬ ጥንታዊው ባርነት አብቅቷል፣ዲያብሎስ ግራ ተጋብቷል፣አጋንንቶች ሸሹ፣የሞት ኃይል ተሽሯል፣ገነት ተከፍቷል፣እርግማን ተወስዷል፣ኃጥያት ከእኛ ተወገደ፣ተባረረ፣እውነት ተመልሷል፣በምድር ላይ የሰማይ ሂወት ተተክሏል መላእክት ያለፍርሃት ከሰዎች ጋር ይነጋገራሉ እናም ሰዎች አሁን መላእክት ጋር ይነጋገራሉ"

"ነፍሱን ስለበጎች አሳልፎ የሚሰጥ መልካሙን እረኛ እረኞች ሊያዩት መጡ...ዛሬ ቤተልሄም ሰማይን መሰለች"

#መልካም__በዓል🙏

ለመቀላቀል 👇👇👇👇
@Enatachn_mareyam
@Enatachn_mareyam

🕊

[  ✞  እንኩዋን "ለተአምረ እግዝእትነ ማርያም": "ቅዱስ ደቅስዮስ": "ቅዱስ አንሰጣስዮስ" እና "ቅዱስ ገብርኤል" ዓመታዊ በዓል በሰላም አደረሳችሁ ✞ ]

† በስመ አብ ወወልድ ወመንፈስ ቅዱስ አሐዱ አምላክ አሜን! †

---------------------------------------------

🕊  †  ተአምረ ማርያም  †  🕊

- "ተአምር" የሚለውን ቃል በቁሙ "ምልክት" ብሎ መተርጐም ይቻላል:: መሠረታዊ መልዕክቱ ግን ነጮቹ በልሳናቸው Miracle የሚሉት ዓይነት ነው:: ከተፈጥሮ ሕግ ውጪ [በላይ] : ከፍጡራንም ችሎታ የላቀ ነገር ሲሠራ [ሲፈጸም] ተአምር ይባላል::

- ተአምር የእግዚአብሔር የባሕርይ ገንዘቡ ነው:: እርሱ ዓለምን ከመፍጠሩ ጀምሮ እያንዳንዷ ተግባሩ ለእኛ ተአምራት ናቸው:: ስለዚህም ነው "ኤልሻዳይ - ከሐሌ ኩሉ - ሁሉን ቻይ" እያልን የምንጠራው::

- እግዚአብሔር ፍጡራኑን ይወዳልና እርሱ ለወደዳቸውና ደስ ላሰኙት ተአምራት ማድረግን ሰጥቷል:: በብሉይ ኪዳን እነ ሙሴ ባሕር ሲከፍሉ: መና ሲያዘንሙ: ውሃ ሲያፈልቁ [ኦሪትን ተመልከት] እነ ኤልያስ ሰማይን ሲለጉሙ: እሳትን ሲያዘንሙ: ሙታንን ሲያስነሱ [፩ ነገሥት] እንደ ነበር ይታወቃል::

- እንዲያውም በሙሉ መጽሐፍ ቅዱስ የተአምር መጽሐፍ ነው ብሎ ለመናገርም ያስደፍራል:: በሐዲስ ኪዳንም መድኃኒታችን ብዙ ተአምራትን ሠርቶ ለሐዋርያቱ የተአምራት ጸጋውን ሰጥቷቸዋል:: [ማቴ.፲፥፰, ፲፯፥፳, ማር.፲፮፥፲፯, ሉቃ.፲፥፲፯, ዮሐ.፲፬፥፲፪]

- እነርሱም በተሰጣቸው ሥልጣን ብዙ ተአምራትን ሠርተዋል:: [ሐዋ.፫፥፮, ፭፥፩, ፭፥፲፪, ፰፥፮, ፱፥፴፫-፵፫, ፲፬፥፰, ፲፱፥፲፩]

- በተአምራት ብዛት ደግሞ ከጌታ ቀጥላ ድንግል እመ ብርሃን ትጠቀሳለች:: ዛሬም የምናስበው የእርሷን ተአምራት ነው::

- የእግዝእትነ ማርያም ሙሉ ሕይወቷ ተአምር ነው:: አበው:- "ድንግል ተአምራት ማድረግ የጀመረችው ገና ሳትወለድ ነው" ሲሉ የሚጸንባቸው ሰዎች አሉ:: ከአዳም ውድቀት በሁዋላ በእርሷ እንደሚድን "ሴቲቱ" [ዘፍ.፫፥፲፭] በሚል ከተነገረው በሁዋላ ድንግል በብዙ ተአምራት [በምሳሌ] ተገልጣለች::

- ለአብነት ያህልም እግዚአብሔር ኖኅን ከጥፋት ውሃ እንዲሁ ማዳን ሲችል ተአምራቱን በመርከብ ገለጠ:: [ዘፍ.፯፥፩] ለሚያስተውለው ያቺ መርከብ ናት ድንግል::

- አብርሃም ይስሐቅን ሊሰዋ ሲል በተአምራት በግ በእፀ ሳቤቅ ተይዞ ተገኝቷል:: [ዘፍ.፳፪፥፲፫] ያዕቆብ በቤቴል ድንቅ መሰላልን ተመልክቷል:: [ዘፍ.፳፰፥፲፪] ሙሴ በጽላቱ ብዙ ተአምራትን ሠርቷል:: [ዘጸ.፴፬፥፳፱, ዘሌ.፲፥፩]

- የአሮን በትር ስትለመልም ድንቅ ተአምራቱ እመቤታችንን ያሳያል:: ኢሳይያስ የድንግልን መጽነስ "ምልክት [ተአምር] ይሰጣቹሃል" ሲል ገልጾታል:: [ኢሳ.፯፥፲፬]

- በሐዲስ ኪዳንም የድንግል :-

- ያለ በደል መጸነሷ:
- ንጽሕት ሆና መወለዷ:
- በቤተ መቅደስ ለ፲፪ ዓመታት ምድራዊ ምግብን አለመመገቧ:
- ያለ ወንድ ዘር መጸነሷ [ሉቃ.፩፥፳፮] :
- ያለ ምጥ መውለዷና
- በልደት ዕለት የታዩ ተአምራት [ሉቃ.፪፥፩] :
- እናትም: ድንግልም መሆኗ [ሕዝ.፵፬፥፩] ሁሉ በራሱ ድንቅ ተአምር ነው::

- ከዚህ ባለፈም በቃና ዘገሊላ ያደረገችውን ዐይነ ልቡናው ከታወረበት ሰው ውጪ ዓለም ያውቃል:: [ዮሐ.፪፥፩] ባለ ራዕዩ ቅዱስ ዮሐንስ ደግሞ:-

- "ታላቅ ምልክትም በሰማይ ታየ:: ፀሐይን ተጐናጽፋ: ጨረቃ ከእግሮቿ በታች ያላት: በራስዋም ላይ የአሥራ ሁለት ከዋክብት አክሊል የሆነላት አንዲት ሴት ነበረች" ብሎ የእመቤታችን መገለጥ [መታየት] በራሱ ተአምር መሆኑን ነግሮናል:: [ራዕይ.፲፪፥፩]

- ድንግል እመቤታችን በሕይወተ ሥጋ ከሠራችው ተአምራት በበዛ መንገድ ላለፉት ፪ሺ ዓመታት ስትሠራ ኑራለች:: እየሠራች ነው:: ገናም ትቀጥላለች:: ለሚያምናት ተአምራትን መሥራት ብቻ አይደለም: ነፍሱንም ከሲዖል ታድነዋለች::

- ሁሉን ቻይ ልጅ አላትና እርሷም ሁሉን ትችላለች:: እንኩዋን የፈጣሪ እናት ድንግል ማርያም የክርስቶስ ቅዱሳን ሐዋርያቱም "የሚሳናችሁ የለም" ተብለዋል:: [ማቴ.፲፯፥፳]


🕊  †  ቅዱስ ደቅስዮስ  †  🕊

- ይህ ታላቅ የቤተ ክርስቲያን ሊቅ በዘመነ ጻድቃን አካባቢ እንደ ነበረ ይታመናል:: ከምናኔ ሕይወቱ ባሻገር በመንፈስ ቅዱስ ምርጫ የጥልጥልያ ሃገር ዻዻስም ነበር:: ይሕ ቅዱስ ሰው በእውነቱ ያስቀናል::

- እመቤታችንን ሲወዳት መንጋትና መምሸቱ እንኩዋ አይታወቀውም ነበር:: ፍቅሯ በደም ሥሮቹ ገብቶ በደስታ ያቃጥለው ነበርና ዘወትር እያመሰገናት አልጠግብ አለ:: የሚያስደስትበትን ነገር ሲያስብ ደግሞ የተአምሯ ነገር ትዝ አለው::

- ከዚያ በፊት የእመቤታችን ተአምሯ በየቦታው ይነገራል: ይጻፋል: ይሰበካል:: ግን በአንድ ጥራዝ አልተያዘም ነበርና በሱባኤ: በፈጣሪው እርዳታ: በፍጹም ድካም የእመ ብርሃንን ተአምራት ሰብስቦ በአንድ ጠረዘውና ለአገልግሎት ቀረበ::

- እርሷን ከመውደዱ የተነሳ ይህንን አድርጉዋልና እመ ብርሃን ወደ እርሱ ወረደች:: "ወዳጄ ደቅስዮስ ደስ አሰኘኸኝ" አለችው:: መጽሐፉንም ተቀብላው ባረከችው:: "አመሰግንሃለሁ" ብላውም ተሰወረችው::

- በዚህ ጊዜ ቅዱሱ ሐሴትን አደረገ:: [እመቤታችን ማየት እንዴት ያለ ሞገስ ይሆን!]
ቅዱስ ደቅስዮስ ግን ፍቅሯ እንደ እሳት ልቡን አቃጠለው:: አሁንም ደስ ሊያሰኛት ምክንያትን ይሻ ነበር::

- እመቤታችን ጌታን የጸነሰችበት በዓል [መጋቢት ፳፱] ሁሌም ዐቢይ ጦም ላይ እየዋለ ለማክበር አይመችም ነበርና ቅዱሱ ታሕሳስ ፳፪ ቀን ሊያከብረው ወሰነ:: በሃገሩ ያሉ ክርስቲያኖችን ጠርቶ ታላቅ በዓልን ለድንግል አከበረ::

- ሕዝቡም ጸጋ በዝቶላቸው ስለ እመቤታችን ታላቅ ሐሴትን አደረጉ:: በዚያች ሌሊትም እመ ብርሃን በሞገስ ወረደች:: "ወዳጄ ደቅስዮስ! ዛሬም ፍጹም ደስ አሰኘኸኝ! እኔም ስለ ክብርህ ይህንን አመጣሁልህ" ብላ ሰማያዊ ልብስና ዙፋን ሰጠችው::

- ማንም እንዳይቀመጥበት ነግራው: ባርካው ዐረገች:: ከዚህች ዕለት በሁዋላ ቅዱስ ደቅስዮስ ፈጣሪውንና ድንግል እናቱን ሲያገለግል: ተአምሯን ሲሰበስብ: ምዕመናንን ሲመራ ኑሮ በዚህች ዕለት ዐርፏል:: ከእርሱ በሁዋላ የተሾመው ዻዻስም በድፍረት በእርሱ ዙፋን ላይ በመቀመጡ መልአክ ቀስፎ ገሎታል::

- የእመቤታችንን ተአምር መስማትና ማንበብ ያለውን ዋጋ የሚያውቅ ጠላት ሰይጣን ግን ዛሬም ድረስ ባሳታቸው ሰዎች አድሮ ተአምሯን ይቃወማል:: " እኛ ግን ለእመቤታችን እንሰግዳለን!! ተአምሯንም እንሰማለን!! ጥቅማችን እናውቃለንና!! "

- ለመረጃ ያህልም :-

- የእመቤታችን ተአምር የሰበሰበ [ ቅዱስ ደቅስዮስ ]
- የተአምሯን ሥርዓት ያዘጋጁ [ ቅዱሳን አበው ማቴዎስ: ማርቆስና አብርሃም ሶርያዊ ]
- እሰግድ ለኪን የደረሰው [ ቅዱስ ዮሐንስ አፈ ወርቅ ]
- የተአምሯን ሃሌታ [ ቅዱስ ያሬድ ]
- የዘወትሩን መቅድም [ ቅዱሳን ሊቃውንት ] ናቸው::

" ልመናዋ ክብሯ በእውነት ለዘለዓለሙ ይደርብን !! "


🕊  †  ቅዱስ አንስጣስዮስ   †  🕊

የግብጽ ፴፮ኛ ፓትርያርክ የሆነው ይህ አባት በ፮ኛው ክ/ዘ የተወለደ ሲሆን በትጋቱ: በትምሕርቱና በድርሰቱ ይታወቃል:: ምዕመናንን ለማስተማርም ከ፲፪ ሺህ በላይ ድርሰቶችን ደርሷል:: ብዙ መከራዎችን አሳል በ፯ኛው መቶ ክ/ዘ ዐርፏል::

🕊 † ሊቀ መላእክት ቅዱስ ገብርኤል † 🕊

- ሊቀ መላእክት ቅዱስ ገብርኤል ከ፯ቱ ሊቃናት አንዱ: በራማ አርባብ በሚባሉ ፲ ነገደ መላእክት ላይ የተሾመ: በመጀመሪያዋ የፍጥረት ቀን መላእክትን ያጸና: ቅዱሳንን ሁሉ የሚረዳ: ሠለስቱ ደቂቅን: ዳንኤልን: ሶስናን ከሞት የታደገ ታላቅ መልዐክ ነው::+ከምንም በላይ ቤተ ክርስቲያን "መጋቤ-ሐዲስ" ብላ ታከብረዋለች:: የስሙ ትርጏሜ "አምላክ ወሰብእ-እግዚእ ወገብር" ነውና ለሥነ ፍጥረት ሁሉ የሚሆን ሐዲስ ዜናን ወደ እመቤታችን ድንግል ማርያም አምጥቷል::
መልዐኩ እመቤታችንን ከመጸነሷ ጀምሮ ባይለያትም ከእግዚአብሔር ተልኮ አብስሯታል::

- ቅዱስ ገብርኤል ዛሬ የብሥራቱ መታሰቢያና ዳናህ በተባለ ሃገር ቅዳሴ ቤቱ የተከበረበት ነው::
"ገብርኤል ዜናዊ ምጽዓተ ክርስቶስ አንበሳ::
ለዛቲ በዓልከ በዘይትሌዓል ሞገሳ::
በዓለ ማርያም አንበረ ደቅስዮስ በርዕሳ::" እንዲል:: [አርኬ]

ጽንዕት በድንግልና እመቤታችን : ጸጋውን ክብሩን እንዳይነሳን ለምኚልን:: አዕምሮውን: ጥበቡን በልቡናችን አሳድሪብን::

 🕊

[  † ታሕሳስ ፳፪ [ 22 ] ቀን የሚከበሩ ዓመታዊ የቅዱሳን በዓላት  ]

፩. ተአምረ ማርያም
፪. ቅዱስ ደቅስዮስ ጻድቅ
፫. ቅዱስ ገብርኤል ሊቀ መላእክት
፬. ቅዱስ አንስጣስዮስ ሊቅ
፭. አባ አርኬላዎስ

[   † ወርኀዊ በዓላት   ]

፩. ቅዱስ ዑራኤል ሊቀ መላእክት
፪. አባ እንጦንስ
፫. አባ ዻውሊ የዋህ
፬. ቅዱስ ዮልዮስ
፭. ቅዱስ ሉቃስ ወንጌላዊ

" የጸጋም ስጦታ ልዩ ልዩ ነው:: መንፈስ ግን አንድ ነው:: አገልግሎትም ልዩ ልዩ ነው:: ጌታም አንድ ነው. . . ነገር ግን መንፈስ ቅዱስን መግለጥ ለእያንዳንዱ ለጥቅም ይሰጠዋል:: ለአንዱ ጥበብን መናገር . . . ለአንዱም በአንዱ መንፈስ የመፈወስ ስጦታ: ለአንዱም ተአምራትን ማድረግ . . . ይሰጠዋል::" [ ፩ቆሮ.፲፪፥፬ ]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]


         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

                         †                        

  [   🕊  ብሥራተ ገብርኤል  🕊   ]

💖                    🕊                     💖

❝ ርሱ ቅሉ እግዚአበሔር አብ ንጽሕናሽን ባየ ጊዜ ስሙ ገብርኤል የሚባል ብርሃናዊ መልአኩን ወደ አንቺ ላከ ፤ መንፈስ ቅዱስ በላይሽ ይመጣል የልዑል ኀይልም ይጋርድሻል አለሽ ፤ ከአባቱ አጠገብ ሳይለይ ቃል ወደ አንቺ መጣ ፤ ሳይወሰን ፀነስሺው በላይ ሳይጐድል በታችም ሳይጨመር በማሕፀንሽ ተወሰነ ፤ መጠንና መመርመር የሌለበት አሳተ መለኮት በማሕፀንሽ ዐደረ። ❞

[  🕊   ቅዱስ አባ ሕርያቆስ    🕊  ]

🕊

[  ✞  እንኩዋን "ለተአምረ እግዝእትነ ማርያም": "ቅዱስ ደቅስዮስ": "ቅዱስ አንሰጣስዮስ" እና "ቅዱስ ገብርኤል" ዓመታዊ በዓል በሰላም አደረሳችሁ ✞ ]



💖                     🕊                      💖

#ብስራተ__ገብርኤል

እመቤታችን ለመልአኩ ለቅዱስ ገብርኤል
"እንደ ቃልህ ይሁንልኝ" በማለት የሰጠችው መልስ አምላክ ሰው ይኾን ዘንድ የሰው ልጆችን ሁሉ ወክላ የሰጠችው መልስ ነው። ሉቃ 1፤38

የአምላክ_ሰው መሆን የእግዚአብሔር አብ፣ የኃያሉ የወልድና የመንፈስ ቅዱስ ሥራ ብቻ አይደለም። የድንግል_ማርያም ፈቃድና እምነት ጭምርም እንጂ።

አዳምና ሔዋን ነፃ ፈቃዳቸውን ለአመፅና ትዕዛዝ ለመተላለፍ መጠቀማቸው ለውድቀት ምክንያት ሆነዋል።  ዳግማዊት ሔዋን ድንግል ማርያም ደግሞ በትህትና በመታዘዝ ነፃ ፈቃዷን ከእግዚአብሔር ፈቃድ ጋር አንድ በማድረግ የመዳን ምክንያት ሆናለች። ስለዚህም እንዲህ እያልን እናመሰግናታለን።

"የመመኪያችን ዘውድ የድኀነታችን መጀመሪያ የንፅህናችንም  መሠረት እኛን ስለማዳን ሰው የሆነ የእግዚአብሔርን ቃል በወለደችን በድንግል ማርያም ተገኘልን። [የማክሰኞ ውዳሴ ማርያም]

አጫጭር ኦርቶዶክሳዊ ትምህርቶች
      •➢ 👇  ለማግኘት // 👇

#ለመቀላቀል👇
@Enatachn_mareyam
@Enatachn_mareyam

                       †                        

🕊  አስደናቂው የልደት ምስጢር  🕊 

💖

[  የአዳኛችንን በሥጋ መወለድ በተመለከተ በልደቱ ውስጥ ያለው አስደናቂ እና ጥልቅ መገለጥ  ]

💖                     🕊                     💖

❝ መላእክት ለእረኞች ለመንገር በችኮላ ወጡ ፤ ጠፍተው የነበሩት የባለ አእምሮ በጎች እረኛ መጥቷልና ፤ እነሆ የምድር ሕያዋን ሆይ የምሥራች ለእናንተ ሲሉ ሰማያውያን ሕያዋን ተጣሩ ፦ “ጌታ የኾነው መሲሕ [ክርስቶስ] በዳዊት ከተማ ለእናንተ በርቶላችኋል [ሉቃ.፲-፲፩ ] ፣ እነሆ አዳኙ ለተማረኩት መጣላቸው እነርሱ ግን አላወቁትም [ዮሐ ፩፡፲፩]

ዋና እረኛው ከመንጋው አጠገብ ቆመ እነርሱ ግን አላወቁትም ! እነሆ እስረኞቹን አርነት የሚያወጣው ኀያሉ ፤ ውጡና ስገዱለት እስረኞቹ ከድቅድቅ ጨለማ ወደ ታላቅ ብርሃን እንዲወጡ ያደርጋል፡፡ እነሆ በኀይሉ ምርኮን የሚያስመልሰው ኀያሉ ፤ አዳኞቹ ይወጉታል ፤ ርሱ ግን ኹላቸውንም ይረታቸዋል !

የሰው ዘር ሆይ ርሱ እንደመጣ እንደ ጎበኛችኹም ለምን አላስተዋላችኹም ፤ ርሱ በደጅ ቆሞ እናንተ ተኛችኍ ፤ ማመስገንም ተሳናችኍ፡፡ ተነሡና ውጡ ሕዝቡን ሊያድን የመጣውንም ንጉሥ እዩ [ሉቃ ያ.፲፩]፡፡

የተናቀ እና ዝቅ ዝቅ ያለ ነው ፥ ነገር ግን በምግባሩ ምድርን ዳግመኛ ያንጻታል ፤ ጎይሉ እንደመልኩ እይደለም ፤  የመንግሥቱ ኃያልነትም በአለባበሉ አይታይም፡፡ ርሱ አዳኝ ቢኾንም መውጊያ ጎራዴ በእጆቹ የሉም ፤ ርሱ ንጉሥ ቢኾን የተሸለመ ፈረስ ከበታቹ የለም፡፡

ርሱ ይዘዋወርበት ዘንድ ባለኹለት ፈረሶች ሠረገላ ለክብሩ አልተጫነም ፥ በተናቀ ግርግም ውስጥ ርሱ በመጠቅለያ ተጠቅልሏል ፤ እንደ ሕፃንም ተኝቷል፡፡ በዚኽ በውርደት ኹኔታ ታዩታላችኍ፡፡ ይኽ ምልክቱ ነውና ባያችኹት ጊዜ እንዳትጠራጠሩ” [ሉቃ ፪፡፲፪]፡፡ ❞

[  🕊 ቅዱስ ያዕቆብ ዘስሩግ  🕊 ]

💖                     🕊                     💖

❝ የድንግል ገናናነቷ ሊናገሩት አይቻልም ጌታ መርጧታልና የሚቀርበው በሌለ ብርሃን ውስጥ የሚኖር እርሱ መጥቶ አደረባት ዘጠኝ ወር በማኅፀንዋ አደረ የማይታይና የማይመረመር [ ታይቶ የማይታወቅ ] እርሱን በድንግልና ወለደችው ቅድስት ሆይ ለምኝልን፡፡ ❞ [ የማክሰኞ ውዳሴ ማርያም ]

†                       †                        †
💖                    🕊                     💖

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[ ቅዱስ መቃርዮስ ካስተማረው ትምህርት ]

[             ክፍል  ስድሳ አራት             ]

                         🕊  

[    ስለ ትጋት አስተማረ  !   ]

🕊

❝  አባ መቃርዮስ እንዲህ አለ ፦ “ ወደ ገሃነም የሚወስዱ መንገዶች ብዙ ናቸው ነገር ግን ወደ መንግሥተ ሰማያት የሚያደርሱ መንገዶች ግን ጥቂት ናቸው:: እነርሱም ፦  ጾም ወደዚያ ያደርስሃል ፣ ተዘክሮም ወደዚያ ያደርስሃል ፣ ርኅራሄም ወደዚያ ያደርስሃል ፣ ብሕትውናም ወደዚያ ያደርስሃል፡፡”
.
አኃውም ፦ “ አባታችን ! ትሕትናም ወደዚያ ያደርሳልን?” አሉት፡፡ እርሱም ፦ “ እውነተኛ ትሕትና በአፍ 'ይቅር በለኝ' ማለት ብቻ አይደለም፡፡ የእግዚአብሔር መንገድ ራሱን ከሚመራው ከማንኛውም ነገር የለየና የቆረጠ ነጻ ልብ ነው::

ከዚህ በተጨማሪም ራሱን አስቀድሞ የሚያዘጋጀውን ሰውም ማንም ሰው ሊሸጥና ሊገዛ የማይችልበት ጊዜ ሳይደርስና የከተማው በሮች ከመዘጋታቸው በፊት እንዳይዘጋጅና ግዴለሽ እንዲሆን ምክንያት አንሁነው፡፡ ከስንፍናቸውና ከግዴለሽነታቸው የተነሣ ከተዘጋባቸውና በውጭ ከቀሩ በኋላ በውጭ ሆነው እየጮኹና እያለቅሱ በሩን በማንኳኳት ላይ ላሉት ሰነፍ ሴቶች በሩን ክፈቱላቸው አልተባለምና፡፡

ስለዚህም ብቻህን ስትቀመጥም ሆነ በሰዎች መካከል ብትሆን በፍጹም ኃይልህ በንቃትና በትጋት ሁን፡፡ ❞

🕊

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

                       †                       

  [  🕊  ድምፀ ተዋሕዶ   🕊  ]  

🍒▬▬▬▬▬▬▬▬▬▬🍒               

[  ሕይወት የሚገኝባቸው የቅድስት ቤተክርስቲያን መንፈሳዊ ትምህርቶች በሊቃውንተ ቤተክርስቲያን በድምፅ ይቀርባሉ።  ]

[   ሳምንታዊ መርሐ-ግብር   ]

🕊             
             
❝ የእግዚአብሔር ሕግ ፍጹም ነው ፤ ነፍስን ይመልሳል ፤ የእግዚአብሔር ምስክር የታመነ ነው ፤ ሕፃናትን ጠቢባን ያደርጋል።

የእግዚአብሔር ሥርዓት ቅን ነው ፥ ልብንም ደስ ያሰኛል ፤ የእግዚአብሔር ትእዛዝ ብሩህ ነው ፥ ዓይንንም ያበራል። ❞

[ መዝ . ፲፱ ፥ ፯  ]

▬▬▬▬▬▬   †    ▬▬▬▬▬▬

[  ❝ የእግዚአብሔር ሕግ ፍጹም ነው ! ❞  ]

               [   ክፍል - ፴፱ -    ]

          💖   ድንቅ ትምህርት  💖

[ በመምህራችን በቀሲስ ኅብረት የሺጥላ ]

❝ የሚሰማኝ ግን በእርጋታ ይቀመጣል ፥ ከመከራም ሥጋት ያርፋል። ❞ [ ምሳ.፩፥፴፫ ]

         †              †               †
▬▬▬▬ ▬▬▬▬▬ ▬▬▬▬
                        👇

💛

🕊     ቅ ዱ ስ አ ማ ኑ ኤ ል     🕊

❝ ሰላም ለአስተርእዮቱ በሥጋ
ዘአስተርአየ ገሃድ ከመ የሀበነ ጸጋ ❞

[  በግልጽ ጸጋን ያድለን ዘንድ በሥጋ የተገለጠ ለኾነ ለእርሱ አገላለጥ ሰላምታ ይገባል ]

▬▬▬▬▬▬   †    ▬▬▬▬▬▬

❝ ስለዚህ ጌታ ራሱ ምልክት ይሰጣችኋል ፤ እነሆ ፥ ድንግል ትፀንሳለች ፥ ወንድ ልጅም ትወልዳለች ፥ ስሙንም አማኑኤል ብላ ትጠራዋለች። ❞

[ ኢሳ.፯፥፲፬ ]

" Therefore the Lord himself shall give you a sign; Behold, a virgin shall conceive, and bear a son, and shall call his name Immanuel."

[ Isaiah 7:14 ]


🕊                        💖                     🕊
                             👇

#አንተ_ግን_አላውቅህም_ትለኝ_ይሆን?

#አማኑኤል ሆይ በሔድኩበት ውጣውረድ የተሞላ መንገድ እምነቴ ደከመ፣ መንገዱ የሚወስደኝም በግራ ወደሚቆሙት፣ በደጅ ቆመው ክፈትልን ሲሉህ #አላውቃችሁም" ከምትላቸው ወገን ልሆን ነው።

#ጌታዬ_ሆይ እኔ አውቅሃለሁ፣ አንተ ግን አላውቅህም ትለኝ ይሆን? አቤቱ በአንተ ለማምን ለእኔ #ለኃጢአተኛው ራራልኝ። ብበድልህም እንኳን አሁንም በርህን እያንኳኳሁ ነው። #እየተጎተትኩም ቢሆን አሁንም የምጓዘው ወደ አንተ #ለመምጣት ነው። 🙏🙏🙏
        
  #ቅዱስ_ኤፍሬም_ሶርያዊ

        #_ሰናይ__ቀን🙏

አጫጭር ኦርቶዶክሳዊ ትምህርቶች
      •➢ 👇  ለማግኘት // 👇

@Enatachn_mareyam  
@Enatachn_mareyam

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

†  እንኩዋን ለአበው ቅዱሳን "አባ ሊቃኖስ ወአባ ሰረባሞን ሰማዕት" ዓመታዊ የዕረፍት በዓል በሰላም አደረሳችሁ †

" ኅዳር ፳፰ [ 28 ] "


🕊  †  አባ ሊቃኖስ ዘደብረ ቆናጽል  †   🕊

ጻድቁ ገድላቸውን የፈጸሙት በኢትዮዽያ ቢሆንም ሃገረ ሙላዳቸው የጥንቱ የሮም ግዛት የሆነችው ታናሽ እስያ ናት:: አባ ሊቃኖስ ከዘጠኙ [ተስዓቱ] ቅዱሳን አንዱ ናቸው:: ዘጠኙ ቅዱሳን ተወልደው ያደጉት ምንም በአንድ የሮም ግዛት ሥር ቢሆንም መነሻ ቦታቸው ግን የተለያየ ነው::

ሁሉንም አንድ ያደረጋቸው መንፈስ ቅዱስ በኪነ ጥበቡ ነው:: በምክንያት ደረጃ እንግለጸው ከተባለ ደግሞ የአንድነታቸው ምሥጢር :-

፩. የቀናች ሃይማኖታቸው ተዋሕዶ
፪. ዓላማ [የእግዚአብሔር መንግስት] እና
፫. ገዳማዊ ሕይወት ነው::

አባ ሊቃኖስን ጨምሮ ሁሉም ቅዱሳን ዘራቸው ከቤተ መንግስት ነው:: እነርሱ ግን ምድራዊውን ክብር ንቀው ሰማያዊውን ክብር ገንዘብ ማድረግን መርጠዋል:: አስቀድመው ቅዱሳት መጻሕፍትን ያጠኑት አበው በተለያየ ጊዜ እየመነኑ ከሮም ግዛት ወደ ግብጽ በርሃዎች ወርደዋል::

በምናኔ ቅድሚያውን አባ ዸንጠሌዎንና አቡነ አረጋዊ ይይዛሉ:: ዘመኑ የተዋሕዶ አማኞች የሚሰደዱበት ፭ኛው መቶ ክ/ዘመን ነበርና እምነትን ላለመለወጥ ዘጠኙ ቅዱሳን ስደትን መረጡ::

በወቅቱ ደግሞ ለስደት መጠለያ የምትሆንና ከኢትዮዽያ የተሻለች ሃገር አልነበረችም:: ስለዚህም በ፬ መቶ ፸ ዎቹ ዓ/ም አልዓሜዳ በኢትዮዽያ ነግሦ ሳለ ቅዱሳኑ በአረጋዊ መሪነት መጡ::

ንጉሡም ሲጀመር የእግዚአብሔር እንግዳ ስለሆኑ: ሲቀጥል ደግሞ ቅድስናቸውን ተመልክቶ መልካም አቀባበልን አደረገላቸው:: ማረፊያ ትሆናቸውም ዘንድ አክሱም ውስጥ አንዲት ቦታን ወስኖ ሰጣቸው:: ይህች ቦታ ቤተ ቀጢን ትባላለች::

አባ ሊቃኖስና ፰ቱ ቅዱሳን ወደ ሃገራችን እንደ ገቡ የመጀመሪያ ሥራቸው ቋንቋን መማር ነበር::

ልሳነ ግዕዝን በወጉ ተምረው እዛው አክሱም አካባቢ ሥራቸውን አንድ አሉ:: በወቅቱ በአቡነ ሰላማ: በአብርሃ ወአጽብሐና በአቡነ ሙሴ ቀዳማዊ የተቀጣጠለው ክርስትና በተወሰነ መንገድ ተቀዛቅዞ ነበርና እነ አባ ሊቃኖስ እንደ ገና አቀጣጠሉት::

ሕዝቡን በራሱ ልሳን ለክርስትና ይነቃቃ ዘንድ ሰበኩት::የካደውን እየመለሱ: የቀዘቀዘውን እያሟሟቁ ለዓመታት ወንጌልን ሰበኩ:: ቀጣዩ ሥራቸው ደግሞ መጻሕፍትን መተርጐም ሆነ::

ከሃገራቸው ያመጧቸውን ቅዱሳት መጻሕፍት ተከፋፍለው ወደ ግዕዝ ልሳን ተረጐሟቸው:: በዚህም ለሃገራችን ትልቁን ውለታ ዋሉ:: ይህ ሁሉ ሲሆን እነ አባ ሊቃኖስ የሚመገቡትም ሆነ የሚጸልዩት በማኅበር ነበር:: በመካከላቸውም ፍጹም ፍቅር ነበር:: ጸጋ እግዚአብሔር አልተለያቸውም::

የነ አባ ሊቃኖስ ቀጣዩ ተግባራቸው ደግሞ ገዳማዊ ሕይወትን ማስፋፋት ሆነ:: ይህንን ለማድረግ ግን የግድ መለያየት አስፈለጋቸው:: እያንዳንዱም መንፈስ ቅዱስ ወደ መራው ቦታ ሔደ::

- ዸንጠሌዎን በጾማዕት:
- ገሪማ በመደራ:
- አረጋዊ በዳሞ
- ጽሕማ በጸድያ
- አባ ይምዓታ በገርዓልታ
- ሌሎችም በሌላ ቦታ ገዳማትን መሠረቱ::

ልክ እንደ ባልንጀሮቻቸው ፰ቱ ቅዱሳን አባ ሊቃኖስም ከጻድቅነታቸው ባሻገር ለሃገራችን ትልቅ ባለውለታ ናቸው::በነገራችን ላይ 'አባ ሊቃኖስ' የመጀመሪያ ስማቸው ሳይሆን በትምሕርታቸው [በእውቀታቸው] የተደመመ የአክሱም ሕዝብ ያወጣላቸው ስም ነው::

ሊቃኖስን 'ሊቁ አባት' ማለት ነው ብለው የተረጐሙልን አበው አሉና:: ይሕስ በምን ይታወቃል ቢሉ :- ፱ኙ ቅዱሳን የማኅበር አገልግሎታቸውን ፈጽመው ወደየ ራሳቸው ገዳማት ሲሔዱ አባ ዸንጠሌዎንና አባ ሊቃኖስ እዚያው አክሱም አካባቢ በመቅረታቸው ይሏል::

ምክንያቱም ሕዝቡና ንጉሡ ፪ቱን አበው "አትራቁን" ብለው ለምነዋቸው ነበርና:: በዚህም የተነሳ አባ ዸንጠሌዎን ከአክሱም ከተማ በላይ ባለች ጾማዕት [እንዳባ ዸንጠሌዎን] በሚሏት ተራራ ላይ ሲያርፉ: አባ ሊቃኖስ ደግሞ ከዚያው ከጾማዕት ፩ ኪሎ ሜትር ርቆ በሚገኘው ደብረ ቆናጽል [የቀበሮዎችተራራ] ላይ ዐርፈዋል::

በመካከላቸው ደግሞ የቅድስት ማርያም መግደላዊት ቤተ ክርስቲያን ይገኛል:: አባ ሊቃኖስ በአታቸውን ካደራጁና ገዳም ካነጹ በኋላ ደቀ መዛሙርትን አፈሩ: አስተማሩ::

እጅግ ከበዛው ተጋድሏቸው ባልተናነሰ መንገድ ለ፳፩ ዓመታት ያህል ከተራራው እየተነሱ ወንጌልን ሰብከዋል:: መጽሐፍ ቅዱስና ሌሎች መጻሕፍትንም ከሱርስት [የሶርያ ልሳን] እና ከጽርዕ [የግሪክ ልሳን] ተርጉመዋል::

ሁልጊዜም ለአገልግሎት ሲወጡ በትረ ሙሴአቸውን አይለዩም ነበር:: ሲሰብኩም: ሲጸልዩም ተደግፈውባት ነበር:: ታዲያ ከዘመን ብዛት የእጃቸው መዳፍ መነደሉን አበው :-"ወበእሒዘ በትር ዘተሰቁረ ዕዱ" ሲሉ ይናገራሉ::

ዳግመኛ ማታ ማታ ለጸሎት እጆቻቸውን ሲያነሱ እንደ ፋና ቦግ ብለው ሲያበሩ ይታዩ ነበር:: ጻድቁ አባ ሊቃኖስ ሥሙር በሆነ ሕይወታቸው በእግዚአብሔር ብቻ ሳይሆን በነገሥታቱና በሕዝቡ ዘንድም ሞገስን አግኝተዋል:: ዛሬም ድረስ የአክሱም ሕዝብ ከልቡ ያከብራቸዋል::

አንድ ወቅትም ሳይገባን [በቸርነቱ] ሒደን ገዳማቸውን ተመልከተናል:: አበው እንደሚሉት በደብረ ቆናጽል ላይ ያለው ደን የብዙ ሥውራን መኖሪያ ነው:: ለ፩ ሺህ ፭ መቶ ዓመታት ተከብሮ ቢኖርም በ፲፱፻፳፰ቱ የጣልያን ወረራ ግን እንዳልነበረ ሆኖ ነበር::

ዛሬም በቀድሞ ገጽታው አይደለም:: በገዳሙም ያገኘነው አንድ አባትን ነው::

ዐይናችን ግን ብዙ ነገሮችን ተመልክቶ አድንቋል:: እንደ ሰማነውም ዛሬም መካነ ቅዱሳን በመሆኑ የጽዮን አገልጋዮችም ማረፊያ ነው:: ጻድቁ አባ ሊቃኖስ ያረፉት ሕዳር ፳፰ ቀን ነው::

🕊  † ቅዱስ ሰረባሞን ሰማዕት †  🕊

ቅዱሱ ሰው የዘመነ ሰማዕታት ፍሬ ሲሆን የቅዱሳን ሐዋርያት ዘመድ ነው:: እርሱ ተወልዶ ያደገው በ፫ኛው መቶ ክ/ዘመን በኢየሩሳሌም ነው:: የዘር ሐረጉ ሲቆጠርም በቀጥታ ከሊቀ ዲያቆናት ቅዱስ እስጢፋኖስና ከስምዖን ቀለዮዻ ይደርሳል::

በልጅነቱ ያደገው በሥርዓተ ኦሪት ነው:: ወጣት በሆነ ጊዜ ግን ፈጣሪ በሰጠው ሕሊና ተመራምሮ በክርስትና ለመኖር ወሰነ:: የወቅቱን የኢየሩሳሌም ኤዺስ ቆዾስ ሒዶ "አጥምቀኝ" ቢለው "ልጄ! ደስ ይለኝ ነበር:: ግን ወገኖችህ አይሁድ ይገድሉኛል" ሲል መለሰለት::

አክሎም "ወደ ግብጽ ሒደህ ግን ብትመጠመቅ የተሻለ ነው" ስላለው ከኢየሩሳሌም ግብጽ ገባ:: ግብጽ ደርሶ: ከቅዱስ ቴዎናስ [፲፮ኛ ፓትርያርክ] ክርስትናን ተምሮ ተጠመቀ::ቀጥሎም ወደ ገዳም ገብቶ ከመጀመሪያዎቹ መነኮሳት አንዱ ሆነ:: ምናኔን ከአባ እንጦንስ ተምሮ ስም አጠራሩ ከፍ አለ::

በተጋድሎውና በንጽሕናው ስለ ወደዱትም የኒቅዮስ ዻዻስ አደረጉት:: በዘመነ ሲመቱም ጣዖት አምልኮን ከአካባቢው አጥፍቷል:: ስለዚህ ፈንታም በዲዮቅልጢያኖስ ተይዞ በዚህች ቀን ተገድሏል:: ሲገደልም ልክ እንደ ቅድመ አያቱ ቅዱስ እስጢፋኖስ ፊቱ ያበራ ነበር::

አምላከ አበው ቅዱሳን መዓዛ ቅድስናቸውን
ያሳድርብን::ከበረከታቸውም ይክፈለን::

 🕊

[ ኅዳር ፳፰ [ 28 ] ቀን የሚከበሩ ዓመታዊ የቅዱሳን በዓላት ]

፩. አባ ሊቃኖስ ጻድቅ [ከተስዓቱ ቅዱሳን]
፪. ቅዱስ ሰረባሞን ሰማዕት

[ ወርኀዊ የቅዱሳን በዓላት ]

፩. አማኑኤል ቸር አምላካችን
፪. ቅዱሳን አበው /አብርሃም: ይስሐቅና ያዕቆብ/
፫. ቅዱስ እንድራኒቆስና ሚስቱ ቅድስት አትናስያ
፬. ቅድስት ዓመተ ክክርስቶስ
፭. ቅዱስ ቴዎድሮስ ሮማዊ [ሰማዕት]

" ጻድቃን ምድርን ይወርሳሉ:: በእርስዋም ለዘለዓለም ይኖራሉ:: የጻድቅ አፍ ጥበብን ያስተምራል:: አንደበቱም ፍርድን ይናገራል:: የአምላኩ ሕግ በልቡ ውስጥ ነው::በእርምጃውም አይሰናከልም::" [መዝ.፴፮፥፳፱]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]


         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

💛
▬▬▬▬▬▬▬▬▬▬▬▬▬

🕊     ም ክ ረ     ቅ ዱ ሳ ን     🕊

▷ ❝  ነገር ሁሉ ለበጎ ነው !  ❞


[ 💖 [    አቡነ ሺኖዳ ሳልሳዊ    ] 💖 ] 

[                        🕊                        ]
---------------------------------------------------

❝ እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን።  ❞

[ ሮሜ . ፰ ፥ ፳፰ ]


🕊                        💖                     🕊
                             👇

                         †                        

  [      🕊   ፍኖተ ቅዱሳን    🕊      ]

[ የቅዱሳን አባቶቻችን የቅድስናና የተጋድሎ ሕይወት ]

▬▬▬▬▬▬   †    ▬▬▬▬▬▬

[  ሁል ጊዜ በትጋትና በጥንቃቄ መሆን እንደሚገባ !  ]

🕊

" በክርስቶስ ቸርነትም ቤትህ ንጹሕ ይሆናል ! "
........

❝ አንድ አረጋዊ ለአንድ ወንድም እንዲህ አለው ፦ "ዲያብሎስ ጠላትህ ነው ፣ አንተ ደግሞ ቤት ነህ፡፡ ጠላት ያገኘውን [ክፉ] ነገር ሁሉ ወደ ቤትህ መወርወሩን አያቆምም ፣ ያገኘውን ቆሻሻ ነገር ሁሉ ያከማችብህ ዘንድ ይወረውርብሃል፡፡ እነዚህን መልሰህ እያወጣህ መጣል ደግሞ ያንተ ፋንታ ነው::

እንዲህ ካላደረግህ ግን ቤትህ በሁሉም ዓይነት ቆሻሻ ይሞላና ለመግባት የማትችልበት ደረጃ ላይ ትደርሳለህ፡፡ ነገር ግን እርሱ ወዳንተ የሚጥለውን ነገር ሁሉ ጥቂት በጥቂት መልሰህ እያወጣህ መጣል ይኖርብሃል ፣ በክርስቶስ ቸርነትም ቤትህ ንጹሕ ይሆናል፡፡ ❞


የአባቶቻችን ጸሎትና በረከት ይደርብን፡፡


†                       †                         †
💖                    🕊                     💖

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[              ክፍል  አርባ አራት               ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ ቅዱስ እንጦንስና ቅዱስ ጳኲሚስ ቅዱስ መቃርዮስን በራእይ እንደ ጐበኙት ]

                         🕊             

❝ አኃው ከተመለሱ በኋላ ፈጽሞ ታመመ ፣ ብቻውንም ወደ በአቱ ግብቶ ተኛ፡፡ መላ የዕድሜው ዘመን ዘጠና ሰባት ዓመት ሆነ፡፡ ከቀኑ ሰባት ሰዓት በሆነ ጊዜ እንደ ልማዱ በልቡ ከዚህ ዓለም ወጥቶ ስለሚሄድባት ሰዓት የሚያስብ ሆነ፡፡ እግዚአብሔርን እንዴት ብሎ ፊቱን እንደሚያየውና እንደሚገናኘው ፣ ያን ጊዜ ስለ እርሱ ከእግዚአብሔር ዘንድ ስለሚወጣው ፍርድ ፣ የሚሄድበት ቦታ ወዴት ስለ መሆኑ ያስብ ነበር፡፡ እንዲህ ስለ እነዚህ ነገሮች በማሰብ ላይ እያለ እግዚአብሔር ከዚህ ዓለም መከራ ሊያሳርፈው በወደደ ጊዜ ሁል ጊዜ የሚጎበኘውን ኪሩብ ወደ እርሱ ላከው::

ኪሩባዊውም ፦ “እኔ ወደ አንተ መጥቼ እወስድሃለሁና” ተዘጋጅ አለው:: ያን ጊዜም በአምላካዊ ብርሃንና በታላቅ ክብር የሚያበሩ ሁለት ቅዱሳን ተገለጡለት፡፡ ከእነርሱም አንዱ ስለ ሌላው ደስ እያለው ፈገግ ይል ነበር፡፡ አረጋዊው ቅዱስ መቃርዮስም ትንሽ አሰበ፡፡ ከሁለቱ አንዳቸው ቅዱስ መቃርዮስን ፦ “እኛ እነ ማን እንደ ሆንን አውቀኸናልን?” አለው፡፡ እርሱም ባየው ጊዜ በፊቱ ከነበረው ብርሃን ብዛት የተነሣ ሊያውቀው አልቻለም፡፡ ከጥቂት ጊዜ በኋላ “አባቴ ቅዱስ እንጦንስ ሆይ ፣ አወቅሁህ” አለ፡፡ ቅዱስ እንጦንስም ፦ “ይህ ሌላኛውስ ማን እንደ ሆነ አላወቅህምን?" አለው:: እርሱም ፈጥኖ መናገር አይወድምና ዝም አለ፡፡

ቅዱስ እንጦንስም ፦ “ይህ የዳውናስ መነኰሳት አባት አባ ጳኲሚስ ነው ፣ እነሆ ጌታ እንጠራህ ዘንድ ወደ አንተ ላከን ፣ እስከ ሰባት ቀን ድረስ የዚህን ዓለም ልብስ አውልቀህ ከእኛ ጋር ትሆን ዘንድ ወደ እኛ ትመጣለህና ፤ ዓይንህን ወደ ላይ አንሣና ደስ ይልህ ዘንድ ፣ በዕረፍትህም ሐሴት ታደርግ ዘንድ የተዘጋጀልህን አዳራሽ ተመልከት” አለው፡፡ እንዲህ እያሉት እያለ ከእርሱ ዘንድ ተሰወሩ፡፡

አረጋዊው ቅዱስ መቃርዮስም አኃው እንዳያዝኑና እርሱንም መልሰው እንዳያሳዝኑት ይህን ያየውን ነገር ለማንም አልተናገረም፡፡ ኣኃው ቅዱስ መቃርዮስን የሚያዩት በሠራዊቱ መካከል እንዳለ የሠራዊት አለቃ በመሆኑ አለቃቸው ከእነርሱ ቢወሰድ ራሳቸው ከሰውነታቸው እንደ ተቆረጠ ያህል ይሰማቸው ነበርና፡፡ መሪያቸው ከሌለ በጦርነት ውስጥ ኃይል አይኖራቸውምና፡፡ ደቀ መዛሙርቱ ብቻ ሳይሆኑ በተለያዩ ቦታዎች የሚኖሩ መነኰሳትም በሙሉ እርሱን የሚያዩት እንዲህ ነበር ፤ እርሱ ያጽናናቸውና ያበረታቸው ነበርና፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

                          †                          

🕊     [     እንኳን አደረሰን !    ]     🕊

  ▬▬▬▬▬▬▬▬▬▬▬▬▬

[ አባታችን ፥ መምህራችን ቅዱስ ዮሐንስ አፈወርቅ  ]

🕊

❝ ቅዱስ ዮሐንስ አፈወርቅ ቀጥተኛ ነበር፡፡ በቤተ መንግሥት ቅምጥሎችና ብልሹዎች ጠላትነት ከዓላማው አንድ ስንዝር ፈቀቅ አላለም። ከመጀመሪያ ስደቱ ከተመለሰ በኋላም ከዚያ በፊት ያደርግና ያስተምር እንደነበረው ፣ አሁንም ክፋትን ፣ ኃጢአትንና ግፍን መቃወምን ወደ ኋላ አላለም። ቤተ ክርስቲያንን ለሹማምንትና ለባለ ሥልጣናት እንድታጎበድድ አላደረገም ፣ የቤተ ክርስቲያንን ሉዐላዊነት ለማንም አሳልፎ አልሰጠም። በዚህም ስለ እውነት የመጨረሻውን ዋጋ ከፈለ። ተጋድሎውና ሕይወቱ በአንጾኪያና በቁስጥንጥንያ ሳለ ከነበረው በበለጠ በስደቱ በተቀበለው መከራ በሰማዕትነት ታተመ፡፡ ❞

በዚህች ዕለት የቅዱስ ዮሐንስ የፍልሰቱ መታሰቢያ በዓል ነው።

† ቅዱሱ ሲጠራ እንዲሕ ነው :-

- ቅዱስ ዮሐንስ አፈ ወርቅ
- አፈ በረከት
- አፈ መዐር [ ማር ]
- አፈ ሶከር [ ስኩዋር ]
- አፈ አፈው [ ሽቱ ]
- ልሳነ ወርቅ
- የዓለም ሁሉ መምሕር
- ርዕሰ ሊቃውንት
- ዓምደ ብርሃን [ የብርሃን ምሰሶ ]
- ሐዲስ ዳንኤል
- ሊቀ ዻዻሳት ዘበርትዕ [ እውነተኛው ]
- መምሕር ወመገስጽ ዘኢያደሉ ለገጽ
- ጥዑመ ቃል - - -

❝ እግዚአብሔር ሆይ ፣ እንዲህ ያለውን ቅዱስ አገልጋይህንና ባለሟልህን እንዳውቀው ስለፈቀድህልኝ አመሰግንሃለሁ። ❞ 

🕊

የቅዱስ ዮሐንስ አፈ ወርቅ ምልጃና ጸሎቱ ከዘለዓለም እሳት ያድነን:: ጸጋ በረከቱ ይክፈለን::


💖                    🕊                    💖

#ጾም_መድኃኒት_ናት አወሳሰድዋን በትክክል ላላወቁ ግን ጥቅም የላትም፡፡ ይህችን መድኃኒት የሚወስድ ሰው በየስንት ሰዓቱና በምን ያህል መጠን እንደምትወሰድ፣ ለምን ዓይነት በሽታ እንደምትጠቅም፣ በየትኛው አከባቢና የአየር ኹናቴ እንደምትወሰድ፣ ከእርሷ ጋር የሚኼዱና የማይኼዱ ምግቦችን እንዲሁም ከእርሷ ጋር የማይስማሙ ሌሎች ነገሮችን ለይቶ ማወቅ አለበት፡፡ እነዚህን ግምት ውስጥ አስገብቶ የማይወስዳት ሰው ግን ከጥቅሟ ይልቅ ጉዳቷ ታመዝንበታለች፡፡ አንድ በሐኪም የታዘዘልንን የደዌ ዘሥጋ መድኃኒት እንዲያሽለን ስንፈልግ በጥንቃቄ ልንወስደው ያስፈልጋል፤ የነፍሳችንን ደዌና በአእምሮአችን ውስጥ ያሉ ቁስሎችን ለመፈወስ ብለን በምንወስደው መድኃኒት ደግሞ ከዚህ የበለጠ መጠንቀቅ ይገባናል፡፡

        #_ሰናይ___ቀን🙏    

አጫጭር ኦርቶዶክሳዊ ትምህርቶች
      •➢ 👇  ለማግኘት // 👇

@Enatachn_mareyam  
@Enatachn_mareyam

🕊

[  † እንኳን ለዓለም ሁሉ መምሕር ቅዱስ ዮሐንስ አፈ ወርቅ እና ቅድስት ወለተ ጴጥሮስ ዓመታዊ በዓል በሰላም አደረሳችሁ ፤ አደረሰን። †  ]

† በስመ አብ ወወልድ ወመንፈስ ቅዱስ አሐዱ አምላክ አሜን! †

† ለቤተ ክርስቲያን የብርሃን ምሰሶ ስለሆነላት ስለ ታላቁ ሐዋርያዊ ሊቅ ቅዱስ ዮሐንስ አፈ ወርቅ ምን እላለሁ? ምንስ እናገራለሁ? እንደ እኔ ያለ ኃጥእ: ለባሴ ሥጋና ገባሬ ንስሃ ስለሱ ሊናገር አይቻለውምና:: አባቶቻችን እንደ ነገሩን ስለ አፈ ወርቅ ለመናገር አፈ ወርቅ መሆን ያስፈልጋል:: እስኪ በቅዱሱ አባት ምልጃ ጥቂት ልሞክር::


🕊 † ቅዱስ ዮሐንስ አፈ ወርቅ ማን ነው?  †  🕊

† ነገዱ ከሶርያ: የተወለደው በ፫፻፵፯ ዓ/ም በእስክንድርያ ሲሆን አባቱ አስፋኒዶስ እናቱ ደግሞ አትናስያ ይባላሉ:: እነርሱ ደግ ቢሆኑ ይህንን እንቁ ልጅ እግዚአብሔር ሰጣቸው:: ዮሐንስ ለክርስቲያን እንደሚገባ በትምሕርትና በጥበብ አደገ:: ገና በሕጻንነቱ ወደ ግሪክ ሔዶ የዘመኑን ሳይንስ [ፍልስፍና] ከአፉ እስከ ገደፉ ተምሮ ተመልሷል::

ቅዱስ ዮሐንስ አፈ ወርቅን ለየት ከሚያደርጉት ነገሮችም አንዱ ይሔው ነው:: በዘመናዊም ሆነ በመንፈሳዊ ትምሕርት ይህ ቀረህ የማይሉት ሊቅ የሆነው ገና በ፲፭ ዓመቱ ነበር:: በ፪ ወገን የተሳለ ሰይፍ በመሆኑ ስንኩዋን በሕይወተ ሥጋ እያለ ዛሬም ለንፉቃን ትልቅ የራስ ምታት ነው::

ቅዱሱ ገና በ፲፮ ዓመቱ ሃብት: ንብረት: ውበት: ክብርና እውቀት የሞላለት ቢሆንም ያለውን ሁሉ ለነዳያን ሰጥቶ መጻሕፍትን ብቻ ሰብስቦ ከባልንጀራው ቅዱስ ባስልዮስ ጋር በርሃ ገባ:: ሰውነቱን በጾምና በጸሎት እየቀጣ በበርሃ ሲኖር ወንጌላዊው ቅዱስ ዮሐንስና ሊቀ ሐዋርያት ቅዱስ ዼጥሮስ ወደ እርሱ መጡ:: ሊቀ ሐዋርያት የመንግስተ ሰማያትን መክፈቻ ስልጣን ቅዱስ ዮሐንስ ወንጌሉን ሰጥተው ተሰወሩት::

ከዚህች እለት በሁዋላ ቅዱስ ዮሐንስ አፈ ወርቅ ባሕረ ምስጢራት ሆነ:: ብሉይ ከሐዲስ: ከኦሪት ዘፍጥረት እስከ ራዕየ ዮሐንስ ድረስ በአንድምታ ትርጉዋሜ ተነተናቸው:: በተለይ ሐዲስ ኪዳንን እየመላለሰ አመሰጠረው:: ቅዱስ ሕሊናው ሳይታክት: ንጹሕ እጆቹ ሳይዝሉ የጻፋቸው ድርሳናት: መልዕክታትና ትርጉዋሜያት ቢቆጠሩ አሥር ሺህ ሞሉ:: በእውነት ለዚህ አንክሮ ይገባል! የሚገርመው ይህን ሁሉ ሲሰራ እድሜው ገና ለጋ: ማዕርጉም ዲቁና ነበር::

ከዚህ በሁዋላ በእግዚአብሔር ትእዛዝ ቅስና ተሹሞ በስብከተ ወንጌል ብዙ ቦታዎችን አዳረሰ:: በቅድስናው ወደውታልና የቁስጥንጥንያ ፓትርያርክ አድርገው ሾሙት:: አፈ ወርቅ ሲናገርም ሆነ ሲያስተምር እንኩዋን የሚያወራ ኮሽ የሚል የለም:: ከጣዕመ ትምሕርቱ የተነሳ ሕዝቡ በተደሞ ይሰሙት ነበር:: ሲያስተምር ምድራዊው ሰው ይቅርና ልዑላኑ መላእክት ተሰብስበው ያደንቁት ነበር:: አንዴም እመቤታችን በሕዝብ መካከል አፈ ወርቅ ብላ ጠርታዋለች:: ለዛም ነው አፈ ወርቅ የሚባለው:: ቅዱሱ በሥልጣነ ቃሉ መልዐከ ሞትን ገስፆ ፲ ዓመት አቁሞታል::

ቅዱስ ዮሐንስ አፈ ወርቅ ለሰው ፊት አያደላም:: በርሱ ዘንድ ንጉሥና ደሃ ነዳይ እኩል ነው:: ለሞት ያበቃውም ይሔው ነበር:: ምክንያቱም የወቅቱ ንግስት አውዶክስያ ያንዲት ድሃ መበለትን መሬት ቀምታ አልመልስም በማለቷ መክሮ አወገዛት:: እርሷ ግን ከኃጥአንና መናፍቃን ጋር መክራ 2 ጊዜ አጋዘችው:: በተሰደደበት ሃገር ፍሬ አፍርቶ: አስተምሮና አሳምኖ በ፬፻፯ ዓ/ም አርፏል:: ቤተ ክርስቲያንና ምእመናን ሳይጠግቡት እንደናፈቁት በ፷ ዓመቱ አጡት:: በወቅቱ ታላቅ ሐዘንና ለቅሶ ተደረገ::

አንድ ቀን የዘመኑ ደግ ንጉሥ አርቃድዮስ ግብር አገባ:: [ግብዣ አዘጋጀ] በዚያች ሌሊት ደግሞ ቅዱሱ ሊቅ ታጥቆ ሲጸልይ ሳለ: አባ ማርዳሪ የሚባል ጻድቅ ደግሞ ፲፪ቱ ሊቃነ መላእክት [እነ ቅዱስ ሚካኤል] ከሰማይ በግርማ ሲወርዱ ተመለከተ::

ደንግጦ "ወዴት ናችሁ ጌቶቼ" ቢላቸው "ቁስጥንጥንያ: ወደ ዮሐንስ አፈ ወርቅ እንሔዳለን:: እርሱ እመቤታችንን እንደሚያመሰግናት ጌታ ነግሮናልና" አሉት:: "እባካችሁ እኔም የአፈ ወርቅ ምስጋናው እንዲገለጥልኝ መርቁኝ" አላቸው:: ሊቃነ መላእክቱም መርቀውት ጐዳናቸውን ቀጠሉ::

በማግስቱ በቤተ መንግስት ውስጥ ሊቃውንቱ: መሳፍንቱ: ዻዻሳቱ: ሕዝቡ ሁሉ ተሰብስበው ከድግሱ በሉ:: ቅዱስ ዮሐንስ አፈ ወርቅ ግን በመንበሩ ተቀምጦ ነበር እንጂ አልበላም:: ድግሱ ሲጠናቀቅ ንጉሡ አርቃድዮስ ሊቁን "ጥያቄ አለኝ" ብሎ በጉባኤ መካከል ጠየቀው::

"ምነው ወንጌላዊ ማቴዎስ 'ኢያዕመራ ዮሴፍ እስከ አመ ወለደት ወለደ ዘበኩራ - የበኩር ልጇን እስክትወልድ ድረስ አላወቃትም' ማለቱ [ማቴ.፩፥፳፭] ስለ ምን ነው?" ቢለው ቅዱሱ ተነስቶ: በመንፈስ ቅዱስ ተቃኝቶ ይተረጉምለት ጀመር::

"ድንግል ማርያም ንጹሕ ብርሌን ትመስላለች:: ብርሌ የተለያየ ቀለም ያለው ፈሳሽ ቢያስገቡበት ቀለሙ አብሮ ይቀያየራል:: እመቤታችንም ጌታን ጸንሳለችና ሕብረ መለኮቱ ሲለዋወጥ መልኩዋ አብሮ ሲለዋወጥ እያየ ዮሴፍ ይደነግጥ ነበር::

'እርሷ ማን ናት? በማሕጸኗ ያለውስ ማን ነው?' እያለ ይጨነቅ ነበር:: ጌታን ከወለደች በሁዋላ ግን አንድ ሕብረ መልክ ሆናለችና:: አስቀድሞ ማን እንደ ነበረች አላወቀም::

አሁን ግን እርሷም ወላዲተ አምላክ: ልጇም አምላክ ዘበአማን መሆኗን አወቀ ማለት ነው" እያለ ሲተረጉም ሰምተው ሁሉም ሲያደንቁ: በዚያ የነበረች ስዕለ አድኅኖ "አፈ ወርቅ! ልሳነ ወርቅ! አፈ በረከት!" ስትል ተናገረች::

ያን ጊዜ አርቃድዮስ የወርቅ ልሳን በሊቁና በስዕሏ ላይ አደረገ:: አፈ ወርቅ ግን ባጭር ታጥቆ "እሰግድ ለኪ! እሰግድ ለኪ! ወእዌድሰኪ . . ." ብሎ ዛሬ በተአምረ ማርያም የምናውቀውን ምስጋና ሰተት አድርጐ አደረሰላት:: ይህንን ምስጋናም ሊቃነ መላእክቱ ሰምተው እያደነቁ ወደ ሰማይ ወጥተዋል::

ሊቁ ባረፈ በ፴፭ ዓመቱ በትንሹ ቴዎዶስዮስ ዘመን: በዚህ ቀን ሥጋው ፈልሷል:: ወደ ቁስጥንጥንያ ሲደርስም ከናፍቆት የተነሳ ታላቅ ዝማሬና እንባ ተደርጉዋል:: አፈ ወርቅም ቀና ብሎ ሕዝቡን ባርኩዋል::

† ቅዱሱ ሲጠራ እንዲሕ ነው :-

- ቅዱስ ዮሐንስ አፈ ወርቅ
- አፈ በረከት
- አፈ መዐር [ ማር ]
- አፈ ሶከር [ ስኩዋር ]
- አፈ አፈው [ ሽቱ ]
- ልሳነ ወርቅ
- የዓለም ሁሉ መምሕር
- ርዕሰ ሊቃውንት
- ዓምደ ብርሃን [ የብርሃን ምሰሶ ]
- ሐዲስ ዳንኤል
- ሊቀ ዻዻሳት ዘበርትዕ [ እውነተኛው ]
- መምሕር ወመገስጽ ዘኢያደሉ ለገጽ
- ጥዑመ ቃል - - -


🕊  † ቅድስት ወለተ ጴጥሮስ ኢትዮጵያዊት †  🕊

† ቆራጧ እናታችን ቅድስት ወለተ ዼጥሮስ ለእኛ ለኢትዮዽያውያን የተዋሕዶ አማኞች ሞገሳችን ናት:: እጅግ የሚደነቅ መንፈሳዊ አርበኝነትን በካቶሊኮች ላይ አሳይታለችና::

ቅድስት ወለተ ዼጥሮስ የተወለደችው በ፲፮ኛው መቶ ክ/ዘመን በምሥራቅ ኢትዮዽያ ዳውሮ አካባቢ ነው:: ወላጆቿ ባሕር አሰግድና ክርስቶስ ዕበያ ይባላሉ:: ክርስትናን በሚገባ አጥንታ አድጋ: በወላጆቿ ፈቃድ በሥርዓቱ ባል አገባች:: ግን ወዲያው አፄ ያዕቆብ ገደሉባት::

ወላጆቿም ግድ ብለው ስዕለ ክርስቶስ የተባለ የሱስንዮስን የጦር መሪ አጋቧት:: እስከ 24 ዓመቷም ልጆችን ወለደች:: በዚህ ሁሉ ጊዜ የጾምና የጸሎት ሰው ነበረች:: አፄ ሱስንዮስ ተዋሕዶን ክዶ ካቶሊክ በሆነ ጊዜ ባሏ ወደ ንጉሡ እምነት ገባ::በዚህ ስታዝን ይባስ ብሎ ጠዳ ላይ የአቡነ ስምዓን [ ዻዻሱን ] ልብስ ግዳይ ይዞ ቀረበ:: እርሷም ልቧ ቆረጠ:: ፈጣሪ ፫ቱን ልጆቿን አከታትሎ ወሰደ:: ደስ ብሏት ጠፍታ ሳጋ [ዛሬ ገዳሟ ያለበት] ገባች:: ቀጥላም መነኮሰች::

ከዚህ በሁዋላ እየዞረች መናፍቃን ስታሳፍር: ሕዝቡን ስታጸና ዓመታት አለፉ:: በሷ ስብከትም ብዙ መነኮሳትና ምዕመናን ሰማዕት ሆኑ:: እሷም በየገዳማቱ ተንከራተተች:: በደዌ ተሰቃየች:: በንጉሡ ተይዛ ፪ ጊዜ ወደ በርሃ ተሰደደች::

ፋሲል ነግሶ: ሃይማኖት ተመልሶ ሃገር ሲረጋጋ ወደ ምጽሊ: ከዚያም ወደ መንዞ መጥታ ገዳም መሥርታ: መናንያንን ሰብስባ: ስታጽናና ኑራለች:: በተወለደች በ፶ ዓመቷም በ፲፮፻፴ ዎቹ መጨረሻ አካባቢ ዐርፋ ተቀብራለች:: የተጋድሎ ዘመኗም ፳፮ ዓመታት ናቸው:: ቅድስት ወለተ ዼጥሮስ ሰማዕትም ጻድቅም ናት::

† የጥቡዓን አምላክ የሊቁን ምሥጢር: የቅድስቷን መጨከን: ከበረከታቸውም ይክፈለን::

🕊

[  † ኅዳር ፲፯ [ 17 ]ቀን  የሚከበሩ ዓመታዊ የቅዱሳን በዓላት  ]

፩. ቅዱስ ዮሐንስ አፈ ወርቅ [ፍልሠቱ]
፪. ቅድስት ወለተ ዼጥሮስ ኢትዮዽያዊት
፫. አባ ሲኖዳ [ዘደብረ ጽሙና - ጐጃም]
፬. ጻድቃን እለ ወጺፍ
፭. ቅዱሳን አብርሃምና ሐሪክ
፮. ቅድስት ወለተ ዻውሎስና ወለተ ክርስቶስ


[    † ወርኀዊ በዓላት    ]

፩. እስጢፋኖስ ሊቀ ዲያቆናት
፪. ያዕቆብ ሐዋርያ
፫. መክሲሞስና ዱማቴዎስ
፬. አባ ገሪማ
፭. አባ ዸላሞን
፮. አባ ለትጹን
፯. ቅዱስ ኤዺፋንዮስ

† " በድካምና በጥረት: ብዙ ጊዜም እንቅልፍ በማጣት: በራብና በጥም: ብዙ ጊዜም በመጦም: በብርድና በራቁትነት ነበርሁ . . . የቀረውን ነገር ሳልቆጥር ዕለት ዕለት የሚከብድብኝ የአብያተ ክርስቲያናት ሁሉ አሳብ ነው:: " † [ቆሮ.፲፩፥፳፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

💛
▬▬▬▬▬▬▬▬▬▬▬▬▬

🕊    ም ክ ረ ቅ ዱ ሳ ን   🕊

▷   "  የ ም ድ ር ጨ ው ና ች ሁ !  "

[   " ብፁዕ አቡነ ሺኖዳ ሳልሳዊ ... ! "  ]

[                        🕊                        ]
-----------------------------------------------

❝ እናንተ የምድር ጨው ናችሁ ፤ ጨው አልጫ ቢሆን ግን በምን ይጣፍጣል ? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም። ❞ [ ማቴ . ፭ ፥ ፲፫ ]


🕊                       💖                    🕊

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[              ክፍል  አርባ ሦስት               ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ [ የቅዱስ መቃርዮስ የመጨረሻ ዘመን ] ]

                         🕊     

የቅዱስ መቃርዮስ የመጨረሻ ዘመን - ፪ - ፦
                   

❝ ቅዱስ መቃርዮስም ከዘመን ብዛትና ተሰውሮ ከሚያደርጋቸው ብዙ ጸዋትወ ገድላት የተነሣ ሥጋው እየደከመ ሄደ፡፡

ገድሉን የሚያደርገው በአብዛኛው ተሰውሮ ስለ ነበር እስከ ዕለተ ዕረፍቱ ድረስ የሚያደርገውን ረቂቅ ተጋድሎ ሰው አያውቀውም ነበር፡፡ ነፍሱን ይጠብቅ ነበርና ፣ በተለይም ደግሞ ከኪሩባዊ አስቀድሞ እንደ ተነገረው ራሱን ከውዳሴ ከንቱ እጅግ አጥብቆ ይጠብቅ ነበር፡፡ የዓይኑም ብርሃን እየደከመ ሄደ ፣ ከድካም ብዛት የተነሣ በምድር ላይ መተኛት ጀመረ፡፡

ደቀ መዛሙርቱም በዙሪያው ይከቡትና እነርሱንም እያዳንዳቸውን እንደሚገባ ያጽናናቸውና ያረጋጋቸው ነበር፡፡ እንዲህም ይላቸው ነበር ፦ “ ከእናንተ ጋር በነበርሁበት በዚህ ዘመን ሁሉ ለነፍሳችሁ የሚጠቅማችሁን ነገር ሁሉ ከእናንተ ምንም ምን ነገር እንዳልሰወርኋችሁና እንደ ነገርኋችሁ ጌታ ያውቃል ፣ ለነፍሳችሁ እንደሚጠቅም ነገርኋችሁ እንጂ፡፡ ከእናንተ መካከል ማንም ትልቅም ቢሆን ትንሽም ቢሆን ፣ ማንም ወደ ኋላ የማለትና የመንሸራተት ግብር ውስጥ እንዳይሆን በተቻለኝ መጠን ሁሉ አድርጌያለሁ፡፡ ከእናንተ ስለ እያንዳንዳችሁ በልቤ ውስጥ ኃዘንና ሕማም አልተለየኝም:: ከእግዚአብሔር ትእዛዛት አንዱንም አልተላለፍሁም ፣ ለእግዚኣብሔር ያለኝን ፍቅርም አላጓደልሁም:: ወገኖቼን ስለ መውደዴና ለፍጥረት ሁሉ ያለኝ ፍቅርም በጌታ ዘንድ የታወቀ ነው ፤ እርሱ ያውቀዋል ፣ ምስክሬም እርሱ ነው::

ከእግዚአብሔር ዘንድ የተቀበልሁትን ድል አድራጊነትና የቸርነቱን ሥራዎች በሙሉ እኔ በኃይሌ ያደረግኩት ምንም ምን አንዳች ነገር እንደ ሌለ አውቃለሁ፡፡ አንዷን ነገር እንኳ እኔ እንዳደረግሁ ፈጽሞ አላስብም ፣ እንደዚያም ትዝ አይለኝም:: በሰይጣናት ላይ ድል ማድረግም ቢሆን ፣ ፈውሳትና ተአምራትም ቢሆኑ ሁሉንም ለእግዚአብሔር እሰጠዋለሁ ፣ ሁሉም የሆነውና የተደረገው ቅድስት በሆነች አምላካዊ ሥልጣኑ ነውና፡፡ ወንድሞቼ ሆይ ፦ አሁንም ስለ ነፍሳችሁ ድኅነት አስቡ ፣ ከጥቂት ጊዜ በኋላ ከእናንተ እወሰዳለሁና ንቁ፡፡”

አኃውም ከእርሱ ይህን ነገሩን ሲሰሙና ታላቅ ድካም እንደ ተጫነው ባዩ ጊዜ እርሱ ትቷቸው ሊለያቸው በመሆኑ ዓይናቸውን ወደ ሰማይ ቀና አድርገው ያለቅሱ ጀመር፡፡ እርሱም ሲያለቅሱ ባያቸው ጊዜ እንዲህ እያለ መከራቸው ፦

“አሁን ጊዜው ስላልደረሰ ዝም በሉ ፣ ልቤን ለምን እያለቀሳችሁ ታሳዝኑኛላችሁ ? ይህ ግብር ሁላችንንም በጊዜው ጊዜ የሚያገኘን አይደለምን ? ፍትሕስ ከእግዚአብሔር ዘንድ የሚወጣ አይደለምን ? ማንም ቢሆን የእግዚአብሔርን ሥራ ሊቃወም የሚችልም ማንም የለም፡፡” ይህን በሰሙ ጊዜ ዝም አሉ ፣ ሁሉም እያንዳንዱ ወደየ በኣቱ ሄደ፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

🕊                      †                        🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

[     ዘመንን አሳልፈው የሚኖሩ .... !     ]

🕊

▬▬▬▬▬▬▬▬▬▬▬▬▬▬

❝ [ ሥላሴ ] በስም ሦስት ናቸው እንላለን ፤ አብ ወልድ ፤ መንፈስ ቅዱስ አንድ ባሕርይ ፥ አንድ ሥልጣን ናቸው ፤ በአንድ መለኮት በባሕርይ አንድነት የጸኑ ሦስት አካላት ሲሆኑ ከሦስቱ አንዱ የሚበልጥ አንዱ የሚያንስ አይደለም ፤ በማይመረመር በአንድ ክብር የተካከሉ ናቸው እንጂ ።

ከአካላት አንዱም አንዱ በገጽ በመልኩ ፍጹም ነው ፤ አብም አብ ነው ፤ ወልድም ወልድ ነው ፤ መንፈስ ቅዱስም መንፈስ ቅዱስ ነው።

ከአካላት አንዱም አንዱ ከባሕርያቸው አይለወጡም ፤ አብ ወልድን መንፈስ ቅዱስን ለመሆን አይለወጥም ፤ ወልድም አብን መንፈስ ቅዱስን ለመሆን አይለወጥም ፤ መንፈስ ቅዱስም አብን ወልድን ለመሆን አይለወጥም።

እግዚአብሔርን በጌትነት ፤ ከዘመን አስቀድሞ የነበረ ፤ ትክክል በሚሆኑ በሦስቱ አካላት እንዳለ እናውቀዋለን ፣ ከዘመን አስቀድመው የነበሩ ዘመንን አሳልፈው የሚኖሩ ናቸውና ያለመለወጥም በመለኮት አንድ ናቸውና።

በኋላ ዘመንም ፣ ከሦስቱ አካላት አንዱ ጥንት የሌለው የእግዚአብሔር አብ ቃል ማንም ግድ ሳይለው በራሱ ፤ በአብ በመንፈስ ቅዱስ ፈቃድ ሰው ሆነ ፤ በአርያም ካሉ መላእክት ማንም ሰው መሆኑን አላወቀም ከአባትና ከእናት [ ከያቄም ከሐና ] በተወለደች በቅድስት ድንግል ማርያም ማሕፀን አደረ።

ሥጋ የሌለው እርሱ ሥጋዋን ተዋሕዶ እንደ ሰው ሁሉ ዘጠኝ ወር ከአምስት ቀን በጌትነቱ ሳለ በማሕፀኗ ተፀነሰ ፤ ዘጠኝ ወር ከአምስት ቀንም ከተፈጸመ በኋላ የሚወለድበት ቀን ቢደርስ በማይመረመር ግብር በሕቱም ድንግልና ተወለደ ፤ ማኅተመ ድንግልናዋም አልተለወጠም ፤ ማኅተመ ድንግልናዋ ሳይለወጥ ተወለደ እንጂ። ❞

[    ቅዱስ ጎርጎርዮስ  ዘእንዚናዙ    ]

▬▬▬▬▬▬▬▬▬▬▬▬▬▬

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።


†                       †                         †
💖                    🕊                     💖

#ኪዳነምህረት_ሆይ🙏

በአንቺ የተፈጸመው ድንቅ ነገር ለማንም ያልተደረገ እረቂቅ ነገር ነው። ኅብስት ህይወት ጌታን ያስገኘሽልን #ድንግል_ሆይ እናመሰግንሻለን። ኢየሱስ ክርስቶስ ስጋዬን የበላ ደሜንም የጠጣ የዘላለም ሕይወትን ይወርሳል በማለት ያስተማረን ከአንቺ የነሳውን ሥጋ እና ደሙን እንበላ እና እንጠጣ ዘንድ ነው። በሄዋን ምክንያት የተዘጋ ገነት በአንቺ የተከፈተብሽ #ድንግል_ሆይ በአንቺ ድንቅ ነገር እረቂቅ ሚስጥር ተደረገልን። ከአንቺ የተዋሐደውን ሥጋና ደም ተቀበልን። ገነት መንግስተ ሰማያት የምንወርስብሽ #ድንግል_ሆይ እናመሰግንሻለን። ከድቅድቅ ጨለማ ሳለን ብርሃን የተመለከትንብሽ። የብርሃን እናቱ #ድንግል_ማርያም_ሆይ እናመሰግንሻለን። በማህጸን የፈጠርሽን አምላክ በማህጽንሽ የተሸከምሽው #ድንግል_ሆይ እናከብርሻለን።
የእምናታችን ኪዳነ ምህረት በረከቷ ፍቅራ በሁላችን ላይ ይደርብን። 🙏🙏🙏

      #መልካም_ቀን 🙏

አጫጭር ኦርቶዶክሳዊ ትምህርቶች
      •➢ 👇  ለማግኘት // 👇

@Enatachn_mareyam  
@Enatachn_mareyam

🕊

† በስመ አብ ወወልድ ወመንፈስ ቅዱስ ፩ አምላክ አሜን! †

[  † እንኩዋን "ለ፺፱ [ 99 ] ኙ ነገደ መላእክት": "ቅዱስ አስከናፍር" እና "ቅዱስ ጢሞቴዎስ" ዓመታዊ በዓል በሰላም አደረሳችሁ †  ]


🕊   †  አእላፍ መላእክት †   🕊

እግዚአብሔር ቅዱሳን መላእክትን ሲፈጥራቸው በነገድ መቶ [፻] : በክፍለ ነገድ አሥር [፲] አድርጉዋቸዋል:: አቀማመጣቸውንም በ3፫ ሰማያትና በ፲ ከተሞች [ዓለማት] አድርጉዋል::

መላእክት ያሉባቸው ከተሞች ከታች ወደ ላይ "ኤረር: ራማና ኢዮር" ይባላሉ:: አሥሩ ክፍለ ነገድ ደግሞ ከነ አለቆቻቸው ይህንን ይመስላሉ:-

፩. አጋእዝት [ የቀድሞ አለቃቸው ሳጥናኤል: አህን የተረፉት በቅዱስ ሚካኤል ሥር ናቸው ]
፪. ኪሩቤል [ አለቃቸው ኪሩብ ]
፫. ሱራፌል [ አለቃቸው ሱራፊ ]
፬. ኃይላት [ አለቃቸው ሚካኤል ]
፭. አርባብ [ አለቃቸው ገብርኤል ]

፮. መናብርት [ አለቃቸው ሩፋኤል ]
፯. ስልጣናት [ አለቃቸው ሱርያል ]
፰. መኩዋንንት [ አለቃቸው ሰዳካኤል ]
፱. ሊቃናት [ አለቃቸው ሰላታኤል ]
፲. መላእክት [ አለቃቸው አናንኤል ] ናቸው::

ከእነዚህም - አጋእዝት: - ኪሩቤል - ሱራፌልና - ኃይላት መኖሪያቸው በኢዮር [በ፫ኛው ሰማይ] ነው::

- አርባብ: - መናብርትና - ስልጣናት ቤታቸው ራማ [በ፪ኛው ሰማይ] ነው::

- መኩዋንንት: - ሊቃናትና - መላእክት ደግሞ የሚኖሩት በኤረር [በ፩ኛው] ሰማይ ነው::

መላእክት ተፈጥሯቸው እምኀበ አልቦ ኀበ ቦ ነው:: አይራቡም: አይጠሙም: አይዋለዱም: አይሞቱም:: ተፈጥሯቸውም ረቂቅ ነው:: ተግባራቸውም ዘወትር "ቅዱስ: ቅዱስ: ቅዱስ" እያሉ ፈጣሪያቸውን ማመስገን ነው:: ምግባቸውም ይሔው ነው::

ዕረፍት ብሎ ነገርን አያውቁም:: "አኮቴቶሙ ዕረፍቶሙ: ወዕረፍቶሙ አኮቴቶሙ" እንዲል:: በተጨማሪም መልአክ ማለት ተላላኪ [አገልጋይ] ነውና ከፈጣሪ ወደ ሰው ልጆች ለምሕረትም: ለመዓትም ይላካሉ::

ምሕረትን ያወርዳሉ:: ልመናን ያሳርጋሉ:: ቅጡ ሲባሉም ይቀጣሉ:: ስነ ፍጥረት [አራቱ ወቅቶች] እንዳይዛቡ ይጠብቃሉ::

- ዘወትርም ስለ ሰው ልጆች ያማልዳሉ [ዘካ.፩፥፲፪]
- ምሥጢርን ይገልጣሉ [ዳን.፱፥፳፩]
- ይረዳሉ [ኢያ.፭፥፲፫]
- እንዳንሰናከል ይጠብቃሉ [መዝ.፺፥፲፩]
- ያድናሉ [መዝ.፴፫፥፯]
- ስግደት ይገባቸዋል [መሳ.፲፫፥፳, ኢያ.፭፥፲፫, ራዕ.፳፪፥፰]
- በፍርድ ቀንም ኃጥአንን ከጻድቃን ይለያሉ [ማቴ.፳፭፥፴፩]
- በአጠቃላይ ለሰው ልጆች ሕይወትና ድኅነት ሲባል ከፈጣሪያቸው የተሰጣቸውን ትዕዛዝ ሲጠብቁና ፈቃዱን ሲፈጽሙ ይኖራሉ::


🕊   †   አእላፍ    †   🕊

ይህ ዕለት በሊቃውንት አንደበት "አእላፍ" እየተባለ ይጠራል:: በሃይማኖት: በተልእኮትና በምስጋና የሚኖሩ ፺፱ኙ ነገደ መላእክት በአንድ ላይ የሚከበሩበት ቀን ነው:: ምንም እንኩዋን የጐንደሩን ፊት ሚካኤልን ጨምሮ በአንዳንድ አድባራት ታቦቱ ቢኖርም ሲያነግሡ ተመልክቼ አላውቅም::

ሊቃውንቱ በማሕሌት: ካህናቱም በቅዳሴ እንደሚያከብሯቸው ግን ይታወቃል:: ሕዳር ፲፫ ቀን ዓመታዊ በዓላቸው ነው ማለት በየወሩ በ፲፫ ወርሃዊ በዓላቸው መሆኑን ያሳያልና ዘወትር ልናስባቸው ይገባል::

ቅዱስ መጽሐፍ ቅዱሳን መላእክትን በስምና በማዕረግ እንደሚነግረን ሁሉ በማሕበር [በትዕይንት] አገልግሎታቸውም ይነግረናል::

ለምሳሌ :-

- ያዕቆብ = በረዥም መሰላል ሲወጡና ሲወርዱ ተመልክቷል:: [ዘፍ.፳፰፥፲፪]
- ኤልሳዕ ለግያዝ አሳይቶታል:: [፪ነገ.፮፥፲፯]
- ዳንኤል ተመልክቷል:: [ዳን.፯፥፲]
- በልደት ጊዜ በዝማሬ መገለጣቸውን ቅዱስ ሉቃስ ጽፏል:: [ሉቃ.፪፥፲፫]
- ዮሐንስ በራዕዩ አይቷቸዋል:: [ራዕይ.፭፥፲፩]

ከዚህም በላይ በብዙ የመጻሕፍት ክፍል ተጠቅሰዋል:: ቅዱሳን መላእክተ ብርሃን: መንፈሳውያን: ሰባሕያን: መዘምራን: መተንብላን [አማላጆች] ተብለውም ይጠራሉና ያስቡን ዘንድ ልናስባቸው ይገባል::


🕊 † ቅዱስ አስከናፍር ሮማዊ †  🕊

የዚህ ቅዱስ ሰው ሕይወት ታሪክ ደስ የሚያሰኝና የሚያስተምር ነው:: ቅዱሱ የገዳም ሰው አይደለም:: በሮም ከተማ እጅግ ሃብታም: ባለ ትዳር: የአንድ ልጅ አባትና የከተማዋ መስፍን ነው:: ይህ ሰው በጣም ደግና አብርሃማዊ ነው::

ከጧት እስከ ማታ ነዳያንን ሲቀበልና ሲጋብዝ ነበር የሚውለው:: ነገር ግን አንድና ብቸኛ ልጁ መጻጉዕ [ድውይ] ሆነበት:: ለ፴፭ ዓመታትም ከአልጋ ላይ ተጣብቆ ይኖር ነበር:: ቅዱስ አስከናፍር ግን ፈጣሪውን ያማርር: ደግነቱን ይቀንስ ዘንድ አልሞከረም:: አሁንም ነዳያኑን ማጥገቡን: እንግዳ መቀበሉን ቀጠለ እንጂ::

በዚያ ወራት ደግሞ በሮም ግዛት ቁዋንጃ የሚቆርጡ: ሰው እየገደሉ የሚዘርፉ ፲፫ ሽፍቶች ነበሩ:: ስለ ቅዱስ አስከናፍር ደግነት ሰምተው ገድለው ይዘርፉት ዘንድ ተማከሩ:: የሠራዊት አለቃ በመሆኑ በማታለል ሔዱ::

መነኮሳትን ይወዳልና ፲፫ቱም ልብሰ መነኮሳትን ለብሰው: ሰይፎቻቸውን ደብቀው: ከበሩ ደርሰው: "የእግዚአብሔር እንግዶች ነን: አሳድረን" አሉት:: ቅዱስ አስከናፍር ድምጻቸውን ሲሰማ ደነገጠ::

ብቅ ብሎ አያቸውና "ጌታየ! ምንም ኃጢአተኛ ብሆን አንድ ቀን ወደ ባሪያህ እንደምትመጣ አምን ነበር" ሲል በደስታ ተናገረ:: እንዲህ ያለው ሽፍቶቹ ፲፫ በመሆናቸው ጌታ ፲፪ቱን ሐዋርያት አስከትሎ የመጣ መስሎት ነው::

ወዲያውም ወደ ቤቱ አስገብቶ እግራቸውን አጠባቸው:: የእግራቸውን እጣቢ ወስዶም በልጁ ላይ አፈሰሰበት:: ድንገትም ለ፴፭ ዓመታት አልጋ ላይ ተጣብቆ የኖረው ልጅ አፈፍ ብሎ ከአልጋው ላይ ተነሳ::

በዚህ ጊዜ ቅዱስ አስከናፍር ለ፲፫ቱ ሽፍቶች በግንባሩ ሰገደ:: ሽፍቶቹ ግን ነገሩ ግራ ቢገባቸው ደነገጡ::

ጌታ ፲፪ቱን ሐዋርያት አስከትሎ መምጣቱን የሰሙ የሃገሩ ሰዎችም እየመጡ ይሰግዱላቸው ገቡ:: በዚህ ጊዜ ሽፍቶቹ ልብሳቸውን አውልቀው እውነቱን ተናገሩ:: "እኛ ሽፍቶች ነን:: የመጣነውም ልንገልህ ነው:: አምላክ ግን ባንተ ደግነት ይህንን ሁሉ ሠራ:: አሁንም እባክህ ትገድለን ዘንድ ሰይፋችንን ውሰድ" አሉት::

እርሱ ግን "ንስሃ ግቡ እንጂ መሞት የለባችሁም" ብሎ: ስንቅ ሰጥቶ አሰናበታቸው:: ፲፫ቱ ሽፍቶችም ጥቂት ምሥሮችን ይዘው ወደ ተራራ ወጡ:: ምስሩን በመሬት ላይ በትነው ማታ ብቻ እየቀመሱ በጾምና በጸሎት ተጋደሉ:: በዚህች ቀንም ፲፫ቱም በሰማዕትነት የክብር አክሊልን ተቀዳጁ:: ቅዱስ አስከናፍርም በተቀደሰ ሕይወቱ ተግቶ ኑሮ በዚህች ቀን ዐርፏል::


🕊  †  ቅዱስ ጢሞቴዎስ  †  🕊

ይህ ቅዱስ አባት በ3ኛው መቶ ክ/ዘመን በዘመነ ሰማዕታት የነበረ የእንጽና [ግብጽ] ክርስቲያን ነው:: በጐ ሕይወቱን የወደዱ አበው በወቅቱ የከተማዋ ዻዻስ: የሕዝቡም እረኛ እንዲሆን መርጠው ሾሙት::

ጊዜው የመከራ በመሆኑ ከትንሽ ጊዜ በሁዋላ የከተማው መኮንን ክርስቲያኖችን ይገድል ገባ:: ቅዱስ ጢሞቴዎስንም "ክርስትናህን ካልካድክ" በሚል አሠረው:: ጧት ጧት እያወጣም ደሙ እስኪፈስ ድረስ ይገርፈው ነበር:: ደቀ መዛሙርቱንም አንድ አንድ እያለ ፈጀበት::

ቅዱሱ ግን በትእግስት ሁሉን ቻለ:: በዚህ መካከል ዘመነ ሰማዕታት አልፎ ቅዱስ ጢሞቴዎስ ነጻ ወጣ:: ያን ጊዜም ሕዝቡን ሰብስቦ ጸሎትን አደረገ:: "ጌታ ሆይ! ይህንን መኮንን እባክህ ማርልኝ? ያደረገው ነገር ሁሉ ባለ ማወቅ ነውና::"

ይህንን ጸሎት በወሬ ነጋሪ የሰማው ያ መኮንን በጣም ተገርሞ በቅዱሱ ፊት ሔዶ በግንባሩ ተደፋ:: "ስጠላህ የወደድከኝ አባት ሆይ! ማረኝ?" አለው:: ቅዱስ ጢሞቴዎስም አስተምሮ አጠመቀው:: ፪ቱም አብረውሲጋደሉ ኑረው ዐርፈዋል::

አምላከ ቅዱሳን በረድኤተ መላእክት ጠብቆ በወዳጆቹ ምልጃ ይማረን:: ከበረከታቸውም ይክፈለን::

🕊

[  † ኅዳር ፲፫ [ 13 ] ቀን የሚከበሩ ዓመታዊ የቅዱሳን በዓላት  ]

፩. አእላፍ [፺፱ኙ] ነገደ መላእክት
፪. ቅዱስ አስከናፍር ሮማዊ
፫. "13ቱ" ግኁሳን አበው [ሽፍቶች የነበሩ]
፬. ቅዱስ ጢሞቴዎስ ዘእንጽና
፭. አባ ዘካርያስ ሊቀ ዻዻሳት

[   †  ወርኀዊ በዓላት    ]

፩. እግዚአብሔር አብ
፪. ቅዱስ ሩፋኤል ሊቀ መላዕክት
፫. ቅዱስ አርሳንዮስ ጠቢብ ገዳማዊ
፬. አቡነ ዘርዐ ቡሩክ

"ስለ መላእክትም :- "መላእክቱን መናፍስት: አገልጋዮቹንም የእሳት ነበልባል የሚያደርግ" ይላል . . . ነገር ግን ከመላእክት :-  "ጠላቶችህን የእግርህ መረገጫ እስካደርግልህ ድረስ በቀኜ ተቀመጥ" ከቶ ለማን ተብሏል? ሁሉ መዳንን ይወርሱ ዘንድ ስላላቸው ለማገዝ የሚላኩ: የሚያገለግሉም መናፍስት አይደሉምን?" [ዕብ.፩፥፯-፲፬]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

                        †                          

[ " ከክብሩም የተነሣ ምድር በራች "  ]

▪

- [ በመከራ ውስጥ ያለ የሚጸልየው ቅዱስ ሚካኤል ሆይ ፦ " በጠራሁህ ጊዜ ቅረበኝ ! " ]

- [ በጠራሁህ ጊዜ በምህረትና በይቅርታ ቅረበኝ ! ]

[ በሊቀ ማእምራን ቀሲስ ፕ/ሮ መምህር ዘበነ ለማ ለሰኔ ሚካኤል የተሰጠ ትምህርት ]

------------------------------------------------

❝ በሰማይም ሰልፍ ሆነ:: ሚካኤልና መላእክቱ ዘንዶውን ተዋጉ:: ዘንዶውም ከመላእክቱ ጋር ተዋጋ:: አልቻላቸውምም:: ከዚያም ወዲያ በሰማይ ሥፍራ አልተገኘላቸውም:: ዓለሙንም ሁሉ የሚያስተው ዲያብሎስና ሰይጣን የሚባለው ታላቁ ዘንዶ እርሱም የቀደመው እባብ ወደ ምድር ተጣለ:: ❞ † [ራዕ.፲፪፥፯]

❝ ከዚህ በኋላ ታላቅ ስልጣን ያለው ሌላ መልአክ ከሰማይ ሲወርድ አየሁ ፥ ከክብሩም የተነሣ ምድር በራች።❞ [ራእ.፲፰፥፩]

†                       †                        †
💖                    🕊                     💖

🕊

[    ርኅሩኁና የይቅርታ መልአክ    ]

የርኅራኄ መዝገብ፣ ትሑት፣ ታዛዥና ለዘለዓለም ፈጣሪውን አመስጋኝ ሊቀ መላእክት ቅዱስ ሚካኤል ጌታ በሚያደርገው ቸርነት ላይ ለሰው አንድ ወገን የሚሆን መልአክ ነው፡፡ [ ሄኖ.፮፥፭ ፣ ፲፪፥፭ ፣ ፲፥፲፪ ]

⇨ Michael, one of the Holy Angels, namely the one put in charge of the best part of humankind, in charge of the nation. [ሔኖ ፮፥፭]

⇨ This first is Michael, the merciful and long-suffering without an urge to harm. [ሔኖ ፲፥፲፪]

አምላካችን እግዚአብሔርን የሚፈሩትን እንደ አጥር ሆኖ የሚጠብቃቸው ፣ የመልእክት አለቃቸው ፣ ምሕረት ማድረግን የተሰጠው ፣ የክብር አክሊልን የተቀዳጀ ፣ በግርማው የተፈራ ፣ የቅዱሳን ወዳጅ ፣ የኃጥአን የምሕረት አማላጅ ፣ በብርሃን መጎናጸፍያ የሚጎናጽፍ ፣ ከክብሩ ብርሃን የተነሣ ምድርን በብርሃን የሚሞላት ፣ የቅዱሳንን ጸሎት ከዕጣኑ ጢስ ጋር ወደ እግዚአብሔር የሚያሳርግ ፣ በትንሣኤ ዘጉባኤ የመለከት ድምጽ የሚያሰማ ፣ በሰማይ ካሉ ሁሉ በላይ በማዕረግ የከበረ ፣ ድንቅ ተአምራትን የሚያደርግ ቅዱስ ሚካኤል !


† ሊቀ መላእክት በክንፈ ረድኤቱ ከክፉ ሁሉ ይጠብቀን::

†                       †                        †
💖                    🕊                     💖

#ሚካኤል_ሆይ በጠላት ተማርከው
ለሚጨነቁትና ለሚሰቃዩት ዋስ
ጠበቃቸው አንተ ነህና በእኔ ላይ
የሚተበትቡትን የጠላቶቼን የምክር
መረብ በጣጥሰህ ጣልልኝ ነፍሴንም
ስጋዬንም ለአንተ አደራ #ሰጥቼሀለሁና።

#ኃያሉ_ሚካኤል_ሆይ ኃይልህን የሰው
ኃይል ሊተካከለው አይችልምና
እንግደለው እናጥፋው የሚሉትን
ጠላቶቼን ጭጋግ በቀላቀለ በዓዉሎ
ንፋስ በትናቸው።🙏🙏🙏🙏🙏🙏

#ሊቀ_መላእክት_ቅዱስ_ሚካኤል ሆይ
ሀገራችን ያለችበት የመከራ ዘመን
አንተ መከራዋን አስታግስላት አሜን 🙏🙏🙏

@Enatachn_mareyam
@Enatachn_mareyam

#ህዳር 12 ቀን ታላቁ #መልአክ_ቅዱስ_ሚካኤል በኢዮር ባለችው በአራተኛይቷ ከተማ በሚኖሩት ኃይላት እና በአሥሩ ነገደ መላእክት ላይ #አለቃ_ሆኖ የተሾመበት ቀን ነው፡፡እግዚአብሔር ሳጥናኤልን በትዕቢቱ ምክንያት ከሥልጣኑ ገፍፎ ወደ ምድር ሲጥለው #ቅዱስ_ሚካኤል በእርሱ ቦታ በዐሥሩ ከተማ በመቶውም ነገደ መላእክት ላይ ተሹሟል፡፡

እንኳን ለታላቁ ለሊቀ መላእክት #ለቅዱስ_ሚካኤል
አመታዊ ክብረ በዓል በሰላም አደረሳችሁ ምልጃው አይለየን አሜን 🙏🙏🙏

     #መልካም___ቀን🙏

አጫጭር ኦርቶዶክሳዊ ትምህርቶች
      •➢ 👇  ለማግኘት // 👇

@Enatachn_mareyam  
@Enatachn_mareyam

                      †                       

[      🕊  መድኃኔ  ዓለም   🕊     ]

† እንኳን ለጌታችንና አምላካችን መድኃኔ ዓለም ኢየሱስ ክርስቶስ ዓመታዊ የስቅለት በዓል በሰላም አደረሳችሁ ፤ አደረሰን። †

🕊                       💖                   🕊

❝ ይትፌሣሕ ሰማይ ወትትሐሠይ ምድር ወይንፍሑ ቀርነ መሠረታተ ሕምዝ ወይወውዑ አድባር ወአውግር ወኵሉ ዕፀወ ገዳም ወዮምሰ ዓባይ ፍሥሐ በሰማያት ወምድርኒ ትገብር ፋሲካ ተሐፂባ በደመ ክርስቶስ ፤ ❞

ትርጉም ፦ [ ሰማይ ደስ ይለዋል ፣ ምድር ፍስሐን ታደርጋለች የምድር መሠረቶችም መለከትን ይነፋሉ ፣ ተራሮችና ኮረብቶችም ይነዋወጣሉ ፣ ሁሉም የበረሃ ዛፎችም [ ይነዋወጣሉ ] በሰማያትም ዛሬ እጅግ ትልቅ ደስታ ይደረጋል፣ ምድርም በክርስቶስ ደም ታጥባ ፋሲካን [ በከርስቶስ ደም በተገኘ ማዕዶት የተገኘ ደስታን ] ታደርጋለች። ]

[ ድጓ ዘፋሲካ ]

🕊                       💖                   🕊

❝ ብርሃን ዘመጽአ ውስተ ዓለም ዘያበርህ ላዕለ ጻድቃን መርአዊሃ ለቤተ ክርስቲያን ይርዳዕ ዘተኃጕለ ያስተጋብእ ዝርዋነ መጽአ ኀቤነ ፤ ❞

ትርጉም ፦ [ ወደ ዓለም የመጣው ብርሃን በጻድቃን ላይ የሚያበራ ነው ፣ የቤተ ክርስቲያን ሙሽራዋ ነው ፣ የጠፋው ይረዳ ዘንድ የተበተኑትን ይሰበስብ ዘንድ ወደ እኛ መጣ [ ሰው ሆነ ] ]

[ ድጓ ዘአስተምህሮ ]

†                       †                        †
💖                    🕊                     💖

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[               ክፍል  ሠላሳ ሁለት             ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ በሸመገለ ጊዜ አጋንንት በምሣር ሊያጠቁት መሞከራቸው ! ]

                         🕊                         

በአንድ ነገር ብቻ አንተ ታሸንፈናለህ ! .....

❝ አባታችን እየሸመገለ በመሄዱ ሰውነቱ የደከመ ቢመስልም ነፍሱ ግን ሁል ጊዜ በፍቅረ እግዚአብሔር የጸናችና ንቁ ነበረች፡፡

ዲያብሎስ በእባ መቃርዮስ ላይ ያለ ማቋረጥ ፈተና ቢያመጣበትም በጸሎቱና በትኅርምቱ ያማስነው ነበርና በእርሱ ዘንድ ዲያብሎስ ዓቅመ ቢስና ደካማ ነበር፡፡ በአጠቃላይ ርኲሳን መናፍስት አባ መቃርዮስን አብዝተው ይፈሩት ነበር፡፡

ቅዱስ መቃርዮስ በአንድ ወቅት ከአኃው ጋር የዘንባባ ቅጠል ይቆርጥ ዘንድ ማጭድ ይዞ በረሃውን አቋርጦ ሄደ፡፡ ያን ጊዜ የያዘውን ማጭድ ቀምተው ይገድሉት ዘንድ ሰይጣናት በእርሱ ላይ በአንድነት ተሰበሰቡ፡፡ ወዲያውም አባ መቃርዮስን ለመምታት ሞከሩ ፤ ነገር ግን አልቻሉም፡፡ አባ መቃርዮስም ልቡ እንደ አንበሳ ጽኑዕ ነበርና በታላቅ ድምፅ በእነርሱ ላይ በመጮኸ ፦ “ትመቱኝ ዘንድ ከእግዚአብሔር ተፈቅዶላችሁ ከሆነ ያሰባችሁትን ፈጽሙ ፤ አለበለዚያ ግን ከእኔ ዘንድ ወግዱ ፣ ወደ ጥልቁ ጨለማ ግቡ” አላቸው::

ያን ጊዜም ድምፃቸውን ከፍ አድርገው “መቃራ ሆይ ፤ ከአንተ የተነሣ ወዮልን ፡ ድካማችንና ግብራችን ሁሉ በአንተ ዘንድ ከንቱ ሆኖብናልና” አሉት፡፡ እነርሱም በአንድ ላይ በመሰባሰብ እየጮኹ ለአባ መቃርዮስ እንዲህ አሉት “መቃርዮስ ፡ አንተ በጣም ኃይለኛ ነህ ፣ በአንተ ላይ ምንም ነገር ለመሥራት አልቻልንም ፤ እስከ ዛሬ ድረስ አንተን ለማጥቃት በአንተ ላይ የተለያዩ ፈተናዎችን በማምጣት ብዙ ብንደክምም አንድስ እንኳ ረብ ጥቅም አላገኘንም:: ተመልከት ፣ ምንም ይሁን ምን ብትሠራ እኛም እንሠራለን ፤ አንተ ትጸማለህ ፣ እኛ እንዲያውም ከነጭራሹ ኣንበላም ፡ አንተ ሌሊት ከእንቅልፍ ጋር በመጋደል በጸሎት ትተጋለህ ፣ እኛ ፈጽሞ አንተኛም  በአንድ ነገር ብቻ አንተ ታሸንፈናለህ፡፡”

አባ መቃርዮስም ፦ “እርሱ ምንድን ነው?” አለው፡፡ ዲያብሎስም “ትሕትናህ ነው ፤ ከትሕትናህ የተነሣ በአንተ ላይ ምንም ነገር ላደርግ አልቻልኩም” አለው፡፡ ቅዱስ መቃርዮስም “ይህን የሚያደርገው የእኔ ኃይል አይደለም ፤ በውስጤ ያደረው የእግዚአብሔር ኃይል ነው እንጂ” አላቸው:: ያን ጊዜም ከእርሱ ተሰወሩ፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

                        †                           

🕊    💖  ቅዱስ   ያዕቆብ  💖    🕊

                         🕊                         

❝  ከሐዋርያት ጵጵስናን የተቀበለ በአብያተ ክርስቲያናት ውስጥ መሾሙ የቀደመ በሥጋ ዝምድና የጌታችን ወንድም ለኾነ ለያዕቆብ ሰላምታ ይገባል።   ❞


[ አቤቱ የሐዋርያት ተከታዮቻቸው ስለኾኑ ስለ ሰባ ኹለቱ አርድእት ብለኽ በምሕረትኽ ዐስበኝ። ... ስለ እነርሱ ማረኝ ፤ እኔን አገልጋይኽንም በሀገራቸው ውስጥ ከነርሱ ጋር ዕድል ፈንታዬን ጽዋ ተርታዬን አድርግ ፤ አሜን።

[   ተአምኆ ቅዱሳን   ]

▬▬▬▬▬▬   ♱    ▬▬▬▬▬▬

[        ከመልዕክቱ       ]

❝ ወንድሞቼ ሆይ ፥ እምነት አለኝ የሚል ፥ ሥራ ግን የሌለው ሰው ቢኖር ምን ይጠቅመዋል ? እምነቱስ ሊያድነው ይችላልን ? . . . እግዚአብሔር አንድ እንደ ሆነ አንተ ታምናለህ ፤ መልካም ታደርጋለህ ፤ አጋንንት ደግሞ ያምናሉ ይንቀጠቀጡማል።

አንተ ከንቱ ሰው ፥ እምነት ከሥራ ተለይቶ የሞተ መሆኑን ልታውቅ ትወዳለህን ? ❞ [ ያዕ . ፪ ፥ ፲፬ ] 

🕊

[  † እንኳን ለሐዋርያው ቅዱስ ያዕቆብ ዓመታዊ የዕረፍት በዓል በሰላም አደረሳችሁ ፤ አደረሰን። †  ]


🕊                        💖                     🕊

#ፍቅር_ከክብር___ይበልጣል

አንድ #___እውነት አለ
አንድ #___ምክንያት አለ

የሰው ልጅ ሁሉ በስሙ አምኖ የሚድንበት አንድ #እውነት። የሰው ልጅ ሁሉ ለነፍሱ ዕረፍት የሚያገኝበት አንድ #ምክንያት። የሰው ልጅ ሁሉ ሊከተለው የሚገባ አንድ #እውነት። የሰው ልጅ ሁሉ የዘላለም ሕይወት የሚያገኝበት አንድ #ምክንያት። የሰው ልጅ ሁሉ የሚታመንበት አንድ #እውነት። የሰው ልጅ ሁሉ ደስታን የነፍስ ሐሴትን የሚጎናጸፍበት አንድ #ምክንያት።

እርሱም የናዝሬቱ ጌታ የይሁዳ አንበሳ ጌታ #አማኑኤል ኢየሱስ ክርስቶስ ይባላል🙏🙏🙏

#ሰናይ__ቀን🙏

አጫጭር ኦርቶዶክሳዊ ትምህርቶች
•➢ 👇 ለማግኘት // 👇

@Enatachn_mareyam
@Enatachn_mareyam

🕊

† በስመ አብ ወወልድ ወመንፈስ ቅዱስ አሐዱ አምላክ ፡፡ አሜን

❖ ጥቅምት ፳፮ [ 26 ] ❖

[  † እንኩዋን ለሐዋርያት "ቅዱስ ያዕቆብ" እና
"ቅዱስ ጢሞና" ዓመታዊ የዕረፍት በዓል በሰላም
አደረሳችሁ † ]


† 🕊 ቅዱስ ያዕቆብ ሐዋርያ 🕊 †

ይህ ቅዱስ ሐዋርያ በአባቶቻችን ሐዋርያት መካከል ትልቅ ሞገስ የነበረውና የጌታችን ወንድም ተብሎ የተጠራ ነው:: ቅዱስ ያዕቆብ ወላጅ አባቱ አረጋዊው ቅዱስ ዮሴፍ [የእመቤታችን ጠባቂ] ሲሆን በልጅነቱ ጥላው የሞተች እናቱ ደግሞ ማርያም ትባላለች:: በቤት ውስጥም ስምዖን ዮሳና ይሁዳ የተባሉ ወንድሞችና ሰሎሜ የምትባል እህትም ነበረችው::

እናቱ ማርያም ከሞተች በሁዋላ ዕጉዋለ ማውታ [ደሃ አደግ] ሆኖ ነበር:: ነገር ግን በፈቃደ እግዚአብሔር አረጋዊ ዮሴፍ እመቤታችን ቅድስት ድንግል ማርያምን ከቤተ መቅደስ ሊጠብቃት [ሊያገለግላት] ተቀብሎ ሲመጣ ያ ቤተሰብ ተቀየረ:: የበረከት የምሕረትና የሰላም እመቤት የአምላክ እናቱ ገብታለችና ያ የሐዘን ቤት ደስታ ሞላው::

እመ ብርሃን ግን ገና ወደ ዮሴፍ ልጆች ስትደርስ አለቀሰች:: የአክስቷ ልጆች የሚንከባከባቸው አጥተው ቆሽሸው ነበር:: በተለይ ደግሞ ትንሹ ቅዱስ ያዕቆብ ያሳዝን ነበር:: እመ ብርሃን ማረፍ አልፈለገችም:: ወዲያው ማድጋ አንስታ ወደ ምንጭ ወርዳ ውሃ አምጥታ የሕጻኑን ገላ አጠበችው:: [በአምላክ እናት የታጠበ ሰውነት ምስጋና በጸጋ ይገባዋል]

እመቤታችን ጌታ ከመወለዱ በፊት ለ፱ ወራት ከተወለደ በሁዋላ ደግሞ ለ፪ ዓመታት ሕጻኑን ያዕቆብን ተንከባከበችው:: ለ፫ ዓመታት ከ፮ ወራት ግን ድንግል ማርያም አምላክ ልጇን ይዛ ተሰዳለችና ተለያዩ:: ከስደት መልስ ግን ለ፳፭ ዓመታት ቅዱስ ያዕቆብ ከጌታችን ጋር ሲያድግ ወላጅ እናቱ ትዝ ብላው አታውቅም:: አማናዊቷ እናት ከጐኑ ነበረችና::

ሊቃውንት እንደ ነገሩን እመቤታችን ለቅዱስ ያዕቆብ ያልሰጠችው ነገር ቢኖር ሐሊበ ድንግልናዋ [የድንግልና ወተትን] ብቻ ነው:: ስለዚህም :- "እመ ያዕቆብ በጸጋ ማርያም ንግሥተ ኩሉ" ይላል መጽሐፍ:: [መልክዐ ስዕል]

ቅዱስ ያዕቆብ "የጌታ ወንድም" ተብሎ በተደጋጋሚ በሐዲስ ኪዳን ተጠርቷል:: ለዚህ ምክንያቱ :-

፩= ለ፴ ዓመታት ሳይነጣጠሉ አብረው በማደጋቸው፡፡
፪= የጌታችን የሥጋ አያቱ የቅድስት ሐና የእህት ልጅ በመሆኑ፡፡
፫= በዮሴፍ በኩልም የአንድ ቅድመ አያት ልጆች በመሆናቸው፡፡
፬= ጌታችን ከትህትናው የተነሳ ደቀ መዛሙርቱን "ወንድሞች" ይላቸው ስለ ነበር ነው:: [ሥጋቸውን ተዋሕዶ ተገኝቷልና]

ራሱ ቅዱስ ያዕቆብ ግን "የጌታችን የኢየሱስ ክርስቶስ ባሪያ ነኝ" ብሎ በፈጣሪና በፍጡር መካከል ያለውን ልዩነት ገልጧል:: [ያዕ.፩፥፩]

- ቅዱስ ያዕቆብ ጌታችን ሲያስተምር ተከተለው
- ከ፸፪ቱ አርድእት ተቆጠረ
- ፫ ዓመት ከ፫ ወር ወንጌልን ተማረ
- ለመጀመሪያ ጊዜ ከድንግል ማርያምና ከቅዱስ ዮሐንስ ጋር ሆኖ "የጌታን ትንሳኤ ሳላይ እሕል አልቀምስም" ብሎ ማክፈልን አስተማረ
- መንፈስ ቅዱስን ተሞልቶ ወንጌልን አስተማረ
- የኢየሩሳሌም የመጀመሪያው ሊቀ ዻዻስ ሆኖ አገለገለ::

- በመጀመሪያዎቹ የክርስትና ዘመናት የሐዋርያት ሲኖዶሶችን በሊቀ መንበርነት መራ
- ሙታንን አስንስቶ: ድውያንን ፈውሶ የመካኖችን ማሕጸን ከፍቶ አጋንንትንም አስወጥቶ ብዙ ተእምራትን ሠራ:: እጅግ ብዙ አይሁዳውያንን ወደ አሚነ ክርስቶስ መልሶ መልካሙን ገድል ተጋደለ::

በመጨረሻ ዘመኑ ያላመኑ የአይሁድ አለቆች ወደ ቤቱ ተሰብስበው "የናዝሬቱ ኢየሱስ ማነው? የማንስ ልጅ ነው?" ሲሉ ጠየቁት:: እነርሱ ሰይጣን በሰለጠነበት ልቡናቸው "የዮሴፍ ልጅ ነው: የእኔም ወንድሜ ነው" እንዲላቸው ጠብቀው ነበር:: [ሎቱ ስብሐት ወአኮቴት!]

በልቡናቸው ያሰቡትን ተንኮል የተረዳው ሐዋርያ ወደ ቤቱ ጣራ ወጥቶ መናገር ጀመረ:: "ለስም አጠራሩ ጌትነት ይሁንና ጌታችን ኢየሱስ ክርስቶስ አምላክ ወልደ አምላክ ወልደ አብ ወልደ ማርያም ሥግው ቃል እግዚአብሔር ነው:: እኔም ፍጡሩና ባሪያው እንጂ እንደምታስቡት ወንድሙ አይደለሁም" አላቸው::

ንዴታቸውን መቆጣጠር ያልቻሉት አይሁድ ከላይ ወጥተው ወደ መሬት ወረወሩት:: በገድል የተቀጠቀጠ አካሉንም እየተፈራረቁ ደበደቡት:: አንዱ ግን ከእንጨት የተሠራ ትልቅ ገንዳ አምጥቶ የቅዱሱን ራስ ደጋግሞ መታው:: ጭንቅላቱም እንዳልነበር ሆነ:: ሰማዕቱ ሐዋርያ ቅዱስ ያዕቆብ ወደ ወደደው ክርስቶስ በዚህች ቀን ሔደ::

ቅዱሱ ሐዋርያ ያዕቆብ ቤቱን እንደ ቤተ መቅደስ አበው ሐዋርያት ይጠቀሙባት ነበር:: በመላ ዘመኑ የሚያገድፍ ነገር [ጥሉላት] ቀምሶ ጸጉሩን ተላጭቶ ገላውን ታጥቦና ልብሱን ቀይሮ አያውቅም::
"ወዝንቱ ጻድቅ እኅወ እግዚእነ
ኢያብአ ውስተ አፉሁ ሥጋ ወወይነ
ወኢገብረ ሎቱ ክልኤተ ክዳነ" እንዲል::

ከጾም ከጸሎትና ከመቆሙ ብዛትም እግሩ አብጦ አላራምድህ ብሎት ነበር:: ስለዚህም አበው "ጻድቁ [ገዳማዊው] ሐዋርያ" ይሉታል::

ጌታችን ኢየሱስ ክርስቶስ ወንድሙ ይባል ዘንድ ካደለው ሐዋርያ በረከትን ያድለን:: በምልጃውም ምሕረትን ይላክልን::


† 🕊 ቅዱስ ጢሞና ሐዋርያ 🕊 †

ቅዱሱ ሐዋርያ ቁጥሩ ከ፸፪ቱ አርድእትና ከ፯ቱ ዲያቆናት ነው:: በሐዲስ ኪዳን ስማቸው ከተጠቀሰ ሐዋርያትም አንዱ እርሱ ነው:: [ሐዋ.፮፥፮] በትውፊት ትምሕርት እንደ ተማርነው ቅዱስ ጢሞና ጌታችንን የተከተለው በመዋዕለ ስብከቱ ነው::

በቅዱስ ሉቃስ ወንጌል [፲፥፩] ላይ "ወፈነዎሙ በበክልኤቱ" እንዲል ሁለት ሁለት አድርጐ ሲልካቸው ቅዱስ ጢሞና አንዱ ነበር::

በሔዱበትም በስሙ አጋንንት ተገዝተውላቸው: ድውያንም ተፈውሰውላቸው ደስ ብሏቸዋል:: ጌታችን ግን "አጋንንት ስለ ተገዙላችሁ ደስ አይበላችሁ:: ይልቁንስ ስማችሁ በመንግስተ ሰማያት ስለ ተጻፈ ደስ ይበላችሁ" ብሏቸዋል:: [ሉቃ.፲፥፲፯]

ቅዱስ ጢሞና ጌታችንን እስከ ሕማሙ አገልግሎ: የጌታን ትንሳኤ ተመልክቶ: በዕርገቱ ተባርኮ: በበዓለ ሃምሳም ቅዱስ መንፈሱን ተቀብሎ ከፍጹምነት ደርሷል:: በመጀመሪያው ዘመንም ሐዋርያት አበው ለአገልግሎት ፯ቱን ዲያቆናት ሲመርጡ እርሱን መንፈስ ቅዱስ አብሮ መርጦታል:: [ሐዋ.፮፥፭]

በቅዱስ እስጢፋኖስ ሥር ሆኖም እንደሚገባ አገልግሏል:: ከቅዱስ እስጢፋኖስ መገደል በሁዋላም እንደ ሌሎቹ ሐዋርያት በዓለም ወንጌልን ሲሰብክ ኑሮ በዚህች ቀን በሰማዕትነት ዐርፏል::

ከበረከቱ ያድለን::

🕊

[ † ጥቅምት ፳፮ [ 26 ] ቀን የሚከበሩ ዓመታዊ የቅዱሳን በዓላት ]

፩. ቅዱስ ያዕቆብ ሐዋርያ [ወልደ ዮሴፍ]
፪. ቅዱስ ጢሞና ሐዋርያ ወዲያቆን
፫. ቅዱስ አግናጥዮስ
፬. ቅዱስ ፊልዾስ

[ †  ወርሐዊ በዓላት ]

፩. ቅዱስ ቶማስ ሐዋርያ
፪. አቡነ ሐብተ ማርያም ጻድቅ
፫. አቡነ ኢየሱስ ሞዐ ዘሐይቅ
፬. ቅዱሳን ሰማዕታተ ናግራን
፭. ቅዱስ አቡነ ሰላማ ከሣቴ ብርሃን

" የእግዚአብሔርና የጌታ የኢየሱስ ክርስቶስ ባሪያ ያዕቆብ: ለተበተኑ ለአሥራ ሁለቱ ወገኖች:: ሰላም ለእናንተ ይሁን:: ወንድሞቼ ሆይ! የእምነታችሁ መፈተን ትዕግስትን እንዲያደርግላችሁ አውቃችሁ ልዩ ልዩ ፈተና ሲደርስባችሁ እንደ ሙሉ ደስታ ቁጠሩት:: ትዕግስትም ምንም የሚጐድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም:: " [ያዕ.፩፥፩]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

                          †                          

💖  [   ጋብቻ ቅዱስ !  ] 💖


[ ክርስቶስ ቤተ ክርስቲያንን እንደ ወደዳት ! ]

🕊

❝ ዳሩ ግን ቤተ ክርስቲያን ለክርስቶስ እንደምትገዛ እንዲሁ ሚስቶች ደግሞ በሁሉ ለባሎቻቸው ይገዙ።

ባሎች ሆይ ፥ ክርስቶስ ደግሞ ቤተ ክርስቲያንን እንደ ወደዳት ሚስቶቻችሁን ውደዱ ፤ በውኃ መታጠብና ከቃሉ ጋር አንጽቶ እንዲቀድሳት ስለ እርስዋ ራሱን አሳልፎ ሰጠ ፤ እድፈት ወይም የፊት መጨማደድ ወይም እንዲህ ያለ ነገር ሳይሆንባት ቅድስትና ያለ ነውር ትሆን ዘንድ ክብርት የሆነችን ቤተ ክርስቲያን ለራሱ እንዲያቀርብ ፈለገ።

እንዲሁም ባሎች ደግሞ እንደ ገዛ ሥጋቸው አድርገው የገዛ ሚስቶቻቸውን ሊወዱአቸው ይገባቸዋል። የገዛ ሚስቱን የሚወድ ራሱን ይወዳል፤ ❞

[ ኤፌ.፭ ፥ ፳፬ ]

🕊                      💖                      🕊

                          †                          

💖  [    የትሕርምት ሕይወት !    ]  💖

🕊                      💖                      🕊

[     በፈተና መጽናትን በተመለከተ  !    ]

ጸጋ ሊሰጣቸሁ ሲል መከራ ይመጣባችኋል !

" ወንድሜ ሆይ ጠላትህ በአንተ ላይ ከሚያስበው ሐሳብ የተነሣ አትታወክ፡፡ ይህ የጦርነት መጀመሪያ ነው፡፡

ወንድሜ ሆይ በዝናብ ጊዜ ከሚሞላው ሐይቅ ተማር፡፡ ዝናቡ በጣለና ውኃው ሐይቁን በሚሞላበት ጊዜ መጀመሪያ ላይ ውኃው ይደፈርሳል፡፡ ነገር ግን የዝናቡ ጊዜ ሲያልፍ በቆይታ ሐይቁ መጠኑ ከመጨመሩ በላይ እንደ መስታወት ጥርት ብሎ በውስጡ የሚመላለሱት ዐሣትን ያሳየናል።

ስለዚህ ተወዳጆች ሆይ በመከራ ምክንያት ልባችሁ አይዛል። ጸጋ ሊሰጣቸሁ ሲል መከራ ይመጣባችኋልና መከራ ካለፈ በኋላ በጸጋው ይሞላችኋል ፤ ጽድቃችሁም በሰው ሁሉ ፊት የተገለጠ ይሆናል፡፡

ስለዚህ በመከራ ጽኑ፡፡ ወደ አምላክህም ፦ “ነፍሴ መከራን ጠግባለችና ፥ ሕይወቴም ወደ ሲኦል ቀርባለች .... አቤቱ መቅሠፍትህ በላዬ አለፈ ፥ ግርማህም አስደነገጠኝ፡፡ ሁልጊዜ እንደ ውኃ ከበቡኝ ፥ በአንድነትም ያዙኝ” [መዝ.፹፰፥፩-፲፯] በማለት አሳስቡ፡፡  እንዲሁም ፦ “በእግዚአብሔር ቃሉን አመሰግናለሁ ፣ በእግዚአብሔር ታመንሁ አልፈራም ሰው ምን ያደርገኛል” [መዝ.፶፮፥፬] በማለት ጸልይ፡፡ "

[  ቅዱስ ኤፍሬም ሶርያዊ  ]


🕊                        💖                    🕊

🕊                      †                        🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

[  ❝  በዚህ በአንድ አካል ይመጣል ! ❞  ]

🕊

❝ ዓለምን ሁሉ ፈጥሮ የሚገዛ የሚታየውን ፥ የማይታየውንም ሁሉ በፈጠረው በአንድ አምላክ በአብ እናምናለን።

ከአብ በተወለደ በአንድ በእግዚአብሔር ልጅ በአንዱ በጌታችን በኢየሱስ ክርስቶስ እናምናለን ፥ ቅድመ ዓለም ከአብ ባሕርይ ከተወለደ ፥ በኋላ ዘመንም በግብረ መንፈስ ቅዱስ ከእመቤታችን ከቅድስት ድንግል ማርያም ተወለደ።

ነፍስ ፤ ሥጋ ፥ ልብ ፥ ዕውቀት ፥ ከኃጢአት ብቻ በቀር ለሰው ያለው ሁሉ ገንዘቡ የሚሆን ፍጹም ሰው ሆነ።

በዘርዓ ብእሲ የተወለደ አይደለም ፥ በሰው ሁሉ እንደ ሚያድርም አላደረበትም ፤ እርሱ ሥጋን ነሥቶ ለእርሱ ለብቻው ገንዘብ አደረገው እንጂ ፥ በተዋሕዶም አንድ አደረገው እንጂ። አድሮ እንደ ተናገረባቸው እንደ ነቢያት ሁሉ አይደለም ፤ ፍጹም ሰው ሆነ እንጂ ፥ ቃል ሥጋ ሆነ ፤ አልተለወጠም ፥ መለኮቱን ሰው ወደመሆን አልለወጠውም ፥ ከመለኮት ጋር ጽኑዕ አንድነቱን በተዋሕዶ አደረገ እንጂ።

ጌታችን ኢየሱስ ክርስቶስ አንድ ነው ፥ ፈጣሪ ነው ፥ ንጉሥ ነው ፥ በሥጋ ሞቶ የተነሣ እርሱ ነው ፥ በዚህ አንድ አካል ወደ ሰማይ ዐረገ ፥ ዳግመኛም በሕያዋን በሙታን ይፈርድ ዘንድ በዚህ በአንድ አካል ይመጣል። ❞

[      ቅዱስ ኤጲፋንዮስ      ]

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።


†                       †                         †
💖                    🕊                     💖

#ነገ ለአንተ የተሸለ ነው"

ያለህበት ዛሬ ለአንተ እጅግ አሰልቺ ከሆነ #ለነገህ ኑር። በዚህ ነገህ ዉስጥ አንተን ለማረጋጋት የእግዚአብሔር እጅ ወደ አንተ መዘርጋቱን ተመልከት፡፡ ይህንን ካደረግህ በዚህ #ነገህ ዉስጥ ለችግሮችህ ብዙ #መፍትሔዎችን መመልከት ትችላለህ። የአንተ ዛሬ ጨለማ ከሆነ #ነገህ በፊትህ የብርሃን መስኮቶችን ይከፈትልሀል ፡፡
ቅዱሳን #ነገ ለሚያገኙት የዘለዓለም ህይወት ስለ ኖሩ ተስፋቸዉን ሁሉ በዚህ ነገ ላይ ጥለዉት ነበር። ሳዖል ባሳደደዉ ጊዜ ነብዩ ዳዊት የኖረዉ #ለነገዉ ነዉ። ነብዩ ዮናስ በዓሣ አንበሪ ሆድ ዉስጥ ሳለ የኖረዉም #ለነገዉ ነዉ። ቅዱስ ዮሴፍ በወኅኒ ሳለ አባቱ ቅዱስ ያዕቆብ ደግሞ በወንድሙ በዔሳዉ በተሳደደ ጊዜ የኖሩት #ለነጋቸዉ ነበር፤ ያዕቆብም ከመሰደድ ዮሴፍም ከግዞት ህይወት እንደሚወጡ በእግዚአብሔር ታምነዋልና።
ነገሮች ለአንተ አስቸጋሪ ከሆኑ ለራስህ ነገ መፍትሔ ይገኝላቸዋል ብለህ ንገረዉ። ከዚህም በኋላ ለዚህ #ነገህ በፈገግታና በደስታ ኑር!!
(ብጹዕ ወቅዱስ አቡነ ሽኖዳ)

         #_ሰናይ__ቀን🙏

ለመቀላቀል 👇👇👇👇
@Enatachn_mareyam  
@Enatachn_mareyam

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

[  "እንኩዋን ለታላቁ "ጻድቅና ሰማዕት አቡነ አቢብ": "አባ ዕብሎይ" እና "ቅዱስ ዮልዮስ ሰማዕት" ዓመታዊ በዓል በሰላም አደረሳችሁ"  ]


†  🕊  አቡነ አቢብ [ አባ ቡላ ]  🕊  †

ይህን ታላቅ ቅዱስ በምን እንመስለዋለን!

- እኛ ኃጥአን ጣዕመ ዜናውን: ነገረ ሕይወቱን ሰምተን ደስ ተሰኝተናል !

- ቅዱሱ አባታችን :- "ቡላ - የእግዚአብሔር አገልጋይ" ብለን እንጠራሃለን::

- ዳግመኛም "አቢብ - የብዙኃን አባት" ብለን እንጠራሃለን::

- እርሱ ቅሉ አባትነትህ አንተን ለመሰሉ ቅዱሳን ቢሆንም እኛን ኃጥአንን ቸል እንደማትለንም እናውቃለን::

- አባ! ማነው እንዳንተ የክርስቶስን ሕማማት የተሳተፈ!

- ማን ነው እንዳንተ በፈጣሪው ፍቅር ብዙ መከራዎችን የተቀበለ!

- ማንስ ነው እንዳንተ በአንዲት ጉርሻ አማልዶ ርስትን የሚያወርስ!

- የፍጡራንን እንተወውና በፈጣሪ አንደበት ተመስግነሃልና ቅዱሱ አባታችን ላንተ ክብር: ምስጋናና ስግደት በጸጋ ይገባሃል እንላለን::

†    ልደት    †

አባታችን አቡነ አቢብ የተወለደው በ3ኛው መቶ ክ/ዘመን መጨረሻ አካባቢ ሲሆን ሃገረ ሙላዱ ሮሜ ናት:: ወላጆቹ ቅዱስ አብርሃምና ቅድስት ሐሪክ እጅግ ጽኑ ክርስቲያኖች ነበሩ:: ልጅ ግን አልነበራቸውም:: ዘመነ ሰማዕታት ደርሶ ስደት በሆነ ጊዜ እነርሱም በርሃ ገቡ::

በዚያም ሳሉ በቅዱስ መልአክ ብሥራት ሐሪክ ጸንሳ ብሩሕ የሆነ ልጅ ወለደች:: ቅዱሱ ሕጻን ሲጸነስ ማንም ሳይተክለው የበቀለው ዛፍ ላይ መልአኩ እንዲህ የሚል የብርሃን ጽሑፍ ጽፎበት ወላጆቹ ዐይተዋል::
"ቡላ ገብሩ ለእግዚአብሔር: ወቅዱሱ ለአምላከ ያዕቆብ: ዘየኀድር ውስተ ጽዮን"

†     ጥምቀት     †

ቅዱሱ ሕጻን ከተወለደ በሁዋላ ሳይጠመቅ ለ ፩ ዓመት ቆየ::
ምክንያቱም ዘመኑ የጭንቅ ነውና ካህናትን እንኩዋን በዱር በከተማም ማግኘት አይቻልም ነበር:: እመቤታችን ግን ወደ ሮሙ ሊቀ ዻዻሳት አባ ሰለባስትርዮስ ሒዳ "አጥምቀው" አለችው::

ወደ በርሐ ወርዶ ሊያጠምቀው ሲል ሕጻኑ ተነስቶ: እጆቹንም ዘርግቶ:- "አሐዱ አብ ቅዱስ: አሐዱ ወልድ ቅዱስ አሐዱ ውዕቱ መንፈስ ቅዱስ" ብሎ አመስግኖ ተጠመቀ:: ከሰማይም ሕብስትና ጽዋዕ ወርዶላቸው ሊቀ ዻዻሳቱ ቀድሶ ሁሉንም አቆረባቸው:: የሕጻኑ ወላጆች "ለልጃችን ስም አውጣልን" ቢሉት "ቡላ" ብሎ ሰየመው:: እነርሱም ምሥጢሩን ያውቁ ነበርና አደነቁ::

†   ሰማዕትነት   †

የቅዱሱ ቡላ ወላጆች ለ፲ ዓመታት አሳድገውት ድንገት ሕዳር ፯ ቀን ተከታትለው ዐረፉ:: ሕጻኑን የማሳደግ ኃላፊነትን የአካባቢው ሰዎች ሆነ:: ሕጻኑ ቡላ ምንም የ፲ ዓመት ሕጻን ቢሆንም ያለ ማቁዋረጥ ሲጾም: ሲጸልይ ክፉ መኮንን "ለጣዖት ስገዱ" እያለ መጣ::

በዚህ ጊዜ በሕጻን አንደበቱ አምልኮተ ክርስቶስን ሰበከ:: በዚህ የተበሳጨ መኮንኑ ስቃያትን አዘዘበት:: በጅራፍ ገረፉት: በዘንግ ደበደቡት: ቆዳውን ገፈፉት: በመጋዝ ቆራርጠውም ጣሉት:: ነገር ግን ኃይለ እግዚአብሔር ከእርሱ ጋር ነበርና 2 ጊዜ ከሞት ተነሳ:: በመጨረሻ ግን ሚያዝያ ፲፰ ቀን ተከልሎ ሰማዕት ሆኗል::

†   ገዳማዊ ሕይወት     †

ቅዱስ ቡላ ሰማዕትነቱን ከፈጸመ በሁዋላ ቅዱስ ሚካኤል በአክሊላት አክብሮ ወስዶ በገነት አኖረው:: ከሰማዕታትም ጋር ደመረው:: በዚያም ቡላ ቅዱስ ጊዮርጊስን ተመልክቶ ተደነቀ:: መንፈሳዊ ቅንዐትን ቀንቷልና "እባክህን ወደ ዓለም መልሰኝና ስለ ፍቅርህ እንደ ገና ልጋደል" ሲል ጌታን ለመነ::

ጌታችን ግን "ወዳጄ ቡላ! እንግዲህስ ሰማዕትነቱ ይበቃሃል::
ሱታፌ ጻድቃንን ታገኝ ዘንድ ግን ፈቃዴ ነውና ሒድ" አለው:: ቅዱስ ሚካኤልም የቅዱስ ቡላን ነፍስ ከሥጋው ጋር አዋሕዶ: ልብሰ መነኮሳትንም አልብሶ ግብጽ በርሃ ውስጥ አኖረው::

†    ተጋድሎ    †

አባ ቡላ ወደ በርሃ ከገባ ጀምሮ ዐርብ ዐርብ የጌታን ሕማማት እያሰበ ራሱን ያሰቃይ ገባ:: ራሱን ይገርፋል: ፊቱን በጥፊ ይመታል: ሥጋውን እየቆረጠ ለአራዊት ይሰጣል: ከትልቅ ዛፍ ላይ ተሰቅሎ ወደ ታች ይወረወራል::

በጭንቅላቱ ተተክሎ ለብዙ ጊዜ ጸልዮ ጭንቅላቱ ይፈሳል:: ሌላም ብዙ መከራዎችን የጌታን ሕማማት እያሰበ ይቀበላል:: ስለ ጌታ ፍቅርም ምንም ነገር ሳይቀምስ ለ፵፪ ዓመታት ጹሟል:: ጌታችንም ስለ ክብሩ ዘወትር ይገለጥለት ነበር::

የሚታየውም እንደ ተወለደ: እንደ ተጠመቀ: እንደ ተሰቀለ: እንደ ተነሳ: እንዳረገ እየሆነ ነበር:: አንድ ቀንም ጌታችን መጥቶ "ወዳጄ ቡላ! እንዳንተ ስለ እኔ ስም መከራ የተቀበለ ሰው የለም:: አንተም የብዙዎች አባት ነሕና ስምህ አቢብ [ሃቢብ] ይሁን" አለው::

"እስከ ይቤሎ አምላክ ቃለ አኮቴት ማሕዘኔ:
ረሰይከኑ ለባሕቲትከ ኩነኔ:
ዘመጠነዝ ታጻሙ ነፍስከ በቅኔ" እንዲል::

†     ዕረፍት     †

አቡነ አቢብ ታላቁ ዕብሎን ጨምሮ በርካታ ደቀ መዛሙርትን አፈራ:: ከእመቤታችን ጋርም ዕለት ዕለት እየተጨዋወተ ዘለቀ:: በተጋድሎ ሕይወቱም ከ፲ ጊዜ በላይ ሙቶ ተነስቷል:: በዚህች ቀን ሲያርፍ ገዳሙ በመላእክት ተሞላ::

ጌታም ከድንግል እናቱ ጋር መጥቶ "ወዳጄ ቡላ! ስምህን የጠራውን: መታሰቢያህን ያደረገውን እምርልሃለሁ:: አቅም ቢያጣ "አምላከ አቢብ ማረኝ" ብሎ ፫ ጊዜ በዕለተ ዕረፍትህ የሚለምነኝን: በስምሕ እንኩዋ ቁራሽ የሚበላውን ሁሉ እምርልሃለሁ" ብሎት ነፍሱን በክብር አሳረገ: በሰማይም ዕልልታ ተደረገ::


†  🕊  ታላቁ አባ ዕብሎይ 🕊  † 

ይህ ቅዱስ የአቡነ አቢብ ደቀ መዝሙር ሲሆን በዚህ ስም ከሚጠሩ ቅዱሳንም ቀዳሚው ነው:: ብዙ መጻሕፍት "ርዕሰ ገዳማውያን" ይሉታል:: የቅዱሱ ተጋድሎ እጅግ ሰፊ በመሆኑ በዕለተ ዕረፍቱ [የካቲት ፫ ቀን] እንመለከተዋለንና የዚያ ሰው ይበለን::


†   🕊 ቅዱስ ዮልዮስ ሰማዕት 🕊  †

ከሁሉ አስቀደሞ ስለ ሰማዕታት ዜና ሲሰማ ለዚህ ቅዱስ አንክሮ [አድናቆት]: ክብርና የጸጋ ውዳሴ ይገባዋል:: ምክንያቱም ገድለ ሰማዕታትን የጻፈልን እርሱ ነውና:: ነገር ግን መጻፍ ሲባል: ነገሮች እንዲህ እንደ እኛው ዘመን ቀላል እንዳይመስሏችሁ:: ቅዱሱ ዜና ሰማዕታትን ለማዘጋጀት ሃብቱን: ንብረቱን: ቤተሰቦቹንና ሕይወቱንም ሰውቷል::

ይህስ እንደ ምን ነው ቢሉ :-

በመጨረሻው ዘመነ ሰማዕታት [በ፫ኛው መቶ ክ/ዘ] ዓለም በደመ ሰማዕታት ስትሞላ እንኩዋን የሰማዕታቱን ዜና የሚጽፍ: ሥጋቸውን እንኩዋ የሚቀብር አልተገኘም:: "ወኃጥኡ ዘይቀብሮሙ - የሚቀብራቸውም አጡ" እንዳለ ቅዱስ ዳዊት:: [መዝ.፸፰፥፫]

እግዚአብሔር ግን ስለ ወዳጆቹ ሰማዕታት ይህንን ቅዱስ አስነሳ:: ቅዱስ ዮልዮስ በዘመኑ ደግ ክርስቲያን: ትዳርና ልጆች ያሉት: እጅግ ባለ ጸጋና ፫ መቶ አገልጋዮች ያሉት: ምጽዋትንም የሚወድ ሰው ነበር::

በወቅቱ የክርስቲያኖች በየመንገዱ ወድቀው መታየታቸው ዕረፍት ቢነሳው ከቤተሰቦቹ ጋር መክሮ መልካም ግን ደግሞ ከባድ ውሳኔን አስተላለፈ:: ውሳኔውንም ታጥቆ ይተገብረው ጀመር::
በእውነት ድንቅ ሰው ነው:: በምን እንመስለዋለን! እርሱን የፈጠረውን ጌታ "ዕጹብ ዕጹብ" ብለን ከማድነቅ በቀር::

ሰማዕታቱም ስለ ደግነቱ የሚመልሱለት ቢያጡ ዝም ብለው ይመርቁት ነበር::+እንዲህ: እንዲህ እያለ ዘመነ ሰማዕታት ሊፈጸም ወራት ቀሩት:: በዚህ ጊዜ ለሰማዕትነት ከመነሳሳቱ የተነሳ ጌታችንን ተማጸነ:: ጌታችንም ተገልጾለት "ሒድና ሰማዕት ሁን: ፈቅጄልሃለሁ" አለው:: እርሱም ደስ እያለው ዜና ሰማዕታቱን ለሁነኛ ሰው ሰጥቶ: ሃብት ንብረቱን ለነዳያን አካፈለ::

ቀጥሎም ቤተሰቦቹንና አገልጋዮቹን ጨምሮ ወደ ሃገረ ገምኑዲ ሔደ:: በመኮንኑ ፊት የክርስቶስን አምላክነት ቢመሰክር ፈጽመው አሰቃዩት:: በማግስቱም ወታደሮቹ ለጣዖት ካልሰገድክ ሲሉት "ቆዩማ ላሳያችሁ" ብሎ በጸሎቱ ጣዖታትን ከነ ካህናቶቻቸው ምድር ተከፍታ እንድትውጣቸው አደረገ:: በተአምሩም መኮንኑና ሠራዊቱ አምነው ተከተሉት::

በፍጻሜውም በሌላ ሃገር መኮንኑ ቅዱስ ዮልዮስን ከቤተሰቡና ከ፩ ሺህ ፭ መቶ ያህል ተከታዮቹ ጋር: ፪ቱን የሃገረ ገዥዎች ጨምሮ አንገታቸውን አሰይፏቸዋል::

አምላከ ጻድቃን ወሰማዕት በቃል ኪዳናቸው እንዲምረን ቸርነቱ ይርዳን:: በረከታቸውንም አትርፎ ይስጠን::

🕊

[  †  ጥቅምት ፳፭ [ 25 ] ቀን የሚከበሩ ዓመታዊ የቅዱሳን በዓላት  ]

፩. አቡነ አቢብ [አባ ቡላ]
፪. አባ ዕብሎይ ገዳማዊ
፫. ቅዱስ ዮልዮስ ሰማዕት
፬. ቅዱሳን አብርሃምና ሐሪክ
፭. ቅዱሳን አሞኒና ሙስያ [የታላቁ ዕብሎ ወላጆች]

[    † ወርሐዊ በዓላት   ]

፩. ቅዱስ መርቆሬዎስ ሰማዕት
፪. ቅድስት ቴክላ ሐዋርያዊት
፫. ቅዱስ አበከረዙን ሰማዕት
፬. ቅዱስ ዱማድዮስ ሶርያዊ
፭. ቅዱስ አቡፋና ጻድቅ
፮. ታላቁ አባ ቢጻርዮን

" እኔን መከተል የሚወድ ቢኖር ራሱን ይካድ:: መስቀሉንም ተሸክሞ ይከተለኝ:: ነፍሱን ሊያድን የሚወድ ሁሉ ያጠፋታል:: ስለ እኔ ግን ነፍሱን የሚያጠፋ ሁሉ ያገኛታል:: " [ማቴ.፲፮፥፳፬]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

                       †                       

  [  🕊  ድምፀ ተዋሕዶ   🕊  ]  

🍒▬▬▬▬▬▬▬▬▬▬🍒               

[  ሕይወት የሚገኝባቸው የቅድስት ቤተክርስቲያን መንፈሳዊ ትምህርቶች በሊቃውንተ ቤተክርስቲያን በድምፅ ይቀርባሉ።  ]

[   ሳምንታዊ መርሐ-ግብር   ]

🕊             
             
❝ የእግዚአብሔር ሕግ ፍጹም ነው ፤ ነፍስን ይመልሳል ፤ የእግዚአብሔር ምስክር የታመነ ነው ፤ ሕፃናትን ጠቢባን ያደርጋል።

የእግዚአብሔር ሥርዓት ቅን ነው ፥ ልብንም ደስ ያሰኛል ፤ የእግዚአብሔር ትእዛዝ ብሩህ ነው ፥ ዓይንንም ያበራል። ❞

[ መዝ . ፲፱ ፥ ፯  ]

▬▬▬▬▬▬   †    ▬▬▬▬▬▬

[  ❝ የእግዚአብሔር ሕግ ፍጹም ነው ! ❞  ]

               [   ክፍል - ፴፩ -    ]

          💖   ድንቅ ትምህርት  💖

[ በመምህራችን በቀሲስ ኅብረት የሺጥላ ]

❝ የሚሰማኝ ግን በእርጋታ ይቀመጣል ፥ ከመከራም ሥጋት ያርፋል። ❞ [ ምሳ.፩፥፴፫ ]

         †              †               †
▬▬▬▬ ▬▬▬▬▬ ▬▬▬▬
                        👇

                       †                        

   [       ለጥያቄዎ ምላሽ !        ]

በስመ አብ ወወልድ ወመንፈስ ቅዱስ አሐዱ አምላክ አሜን፡፡


[ " እግዚአብሔር ይፍታችሁ! ብቻ አይበቃም ? " ]

[  ከምዕመናን የቀረበ ጥያቄ  ]
                                
🍒

" ከቅዳሴ በኋላም ሆነ ከጉባኤ በኋላ የሚያሳርጉት ካህን "እግዚአብሔር ይፍታችሁ" ይሉናል፡፡ እኛም ፦ ስናውቅ በድፍረት ሳናውቅ በስሕተት ከሠራነው የኃጢአት ማሠሪያ እንደምንፈታ እናምናለን፡፡ በመሆኑም ኃጢአታችንን ለንስሓ አባታችን ሳንናዘዝ ሥጋ ወደሙ ብንቀበል ምናለበት? በጉባኤው ላይ "እግዚአብሔር ይፍታችሁ" የተባለው አይበቃም?"

------------------------------------------------

[  የቅድስት ቤተክርስቲያን መልስ  ] ፦

አባቶች ካህናት ከቅዱሳን ሐዋርያት ጀምሮ ሲያያዝ በመጣው መዓርገ ክህነት መሠረት የመፍታትና የማሠር ሥልጣን አላቸው። [ማቴ. ፲፮፥፲፱ ፤ ፲፰፥፲፰] ጌታችን ለደቀ መዛሙርቱ ፦ "እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ፡፡" ማለቱ የሚያረጋግጥልን ይህንኑ ነው፡፡ [ማቴ.፳፰፥፳] በመሆኑም እነርሱ አዝዘው ኃጢአቱን ይቅር ያሉለት ሰው ሁሉ ኃጢአቱ ይቀርለታል ፣ የያዙበትም ሰው እንዲሁ ይያዝበታል፡፡ ይህም ኃጢአቱን ላስተሠረዩለት ሰው ይሠረይለታል ፤ ላላስተሠረዩለት ሰው ደግሞ አይሠረይለትም ማለት ነው። [ዮሐ፳፥፳፫]

በዚህም መሠረት የመጥምቀ መለኮት የቅዱስ ዮሐንስን የንስሐ ስብከት ሰምተው በዮርዳኖስ የተሰበሰቡ ሁሉ ኃጢአታቸውን ለቅዱስ ዮሐንስ ይናዘዙ እንደነበረ እኛም ኃጢአታችንን ለካህኑ እንናዘዛለን [ማቴ.፫፡፮] ካህኑም ኃጢአቱን ሰምተው ቀኖና ይሰጡናል፡፡ ቀኖናው ጾም ወይም ስግደት ወይም ምጽዋት ሊሆን ይችላል፡፡ በዚህ ዓይነት የተሰጠንን ቀኖናም ከፈጸምን በኋላ ወደ ካህኑ ስንመለስ "እግዚአብሔር ይፍታችሁ" ይሉናል፡፡ በዚህን ጊዜም ከኃጢአት ማሰሪያ ሁሉ የተፈታን እንሆናለን፡፡ ከዚህም የምንማረው ኃጢአትን ለንስሓ አባት መናዘዝ ግዴታ መሆኑን ነው፡፡

ይኸንን ይዘን ወደ ጥያቄው መንፈስ ስንመጣ እርስ በርሱ የሚጋጭ ይመስለን ይሆናል፡፡ ነገር ግን ለእኛ ይምሰለን እንጂ አባቶቻችን እርስ በርሱ የሚጋጭ ምንም ነገር አልሠሩልንም፡፡ ምክንያቱም በእነርሱ አድሮ ሥራ የሠራው መንፈስ ቅዱስ ነውና። እንግዲህ ከቅዳሴም ሆነ ከጉባኤ በኋላ "እግዚአብሔር ይፍታችሁ" ስንባል የምንፈታው እግዚአብሔር ከሚያውቀው እኛ ግን ከማናውቀው ኃጢአት ሲሆን ፣ በተጨማሪም የሰው ልጅ ከበደል ስለማይነጻ በየደቂቃውና በየሰዓቱ ከምንፈጽመውና አስታውሰነው ከማንናዘዘው ኃጢአት ነው፡፡ አባቶቻችን ካህናት ሲያሳርጉ "ሰይጣን ከሸመቀው / ከዓይነ ሥጋ እና ከአይነ ልቡና ከሰወረው/ መንፈስ ቅዱስ ግን ካወቀው ኃጢአት እግዚአብሔር ይፍታችሁ" የሚሉት ለዚህ ነው።

ተሳስተንም ይሁን በድፍረት ስለሠራነው እና ስለምናውቀው ኃጢአት ግን የግድ መናዘዝ አለብን፡፡

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡፡

ይቆየን !

†                       †                       †
💖                    🕊                    💖

💖

[    🕊   ክብርት ሰንበት   🕊 ]

" ንጉሥ ከእርሱ ርቀን የነበርን እኛ ቤዛችን በሚሆን በልጁ ሕማም ከእርሱ ምን ያህል ክብር እንዳገኘን ዐወቅህን? ሞት ጠፋ ፣ ዲያብሎስም ድል ተነሣ ፣ ሲዖል ታወከ ፣ በኃጢአት የተፈረደው ፍርድ ተፋቀ ፣ ሰይጣን ያመጣው ስሕተት ጠፋ። እንዳልነበረም ሆነ ገነት ተከፈተ ትንሣኤ ተገለጠ"

[ ቅዱስ ሳዊሮስ ዘአንጾኪያ ]

▬▬▬▬▬▬   ♱    ▬▬▬▬▬▬

[   ❝ ይህች ዕለት የተቀደች ናት  ❞  ]


❝  ዛቲ ዕለት ቅድስት ይእቲ ለውሉደ  ሰብእ  መድኀኒት ..."

ይህች ዕለት የተቀደች ናት ። ለሰው ልጆችም  መድሃኒት ናት። በየጊዜውና በየሰአቱ መሪ  ትሁነን። እግዚአብሔር ሰንበትን ቀደሰ።

ሁልጊዜ መሀሪ ሰውን ወዳጅ ክርስቶስ የዓለም ንጉሥ ሕዝቡን እንዲህ ብሎ አዘዛቸው ሰንበትን በእውነት አክብሩ። መዋደድን ገንዘብ አድርጉ። ሰንበትን አክብሩ ጽድቅንም ስሩ። ነቀዝ የማይበላውን የማያረጀውን የማይጠፋውን ሰማያዊ መዝገብ [ ሃብት ] አከማቹ። ❞

[    ቅዱስ ያሬድ    ]


[  🕊  ክብርት ሰንበት   🕊   ]


🕊                        💖                     🕊

#ተክለሃይማኖት_ሆይ፤ ከላይ ከሰማይ ለወረደው እግዚአብሔር አምላክ #ስግደትን #ለአዘወተሩ
አብራኮችህ ሰላም እላለሁ።
#ቅዱስ_አባት_ሆይ፤ በኔ ላይ የተጫነውን ከባድ ሸክም አቅልልኝ፤ ከትእዛዞችህ አንዱን ስንኳ ጠብቄ ባልገኝም አንተ ግን እንደ አባትነትህ ይቅርታ አድርገህ #ልጄ_ልጄ በለኝ።

#መልክአ_ተክለ_ሃይማኖት

     #መልካም_ዕለተ_ሰንበት 🙏

አጫጭር ኦርቶዶክሳዊ ትምህርቶች
      •➢ 👇  ለማግኘት // 👇

@Enatachn_mareyam  
@Enatachn_mareyam

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[                ክፍል  ሃያ ስድስት                 ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[  እግዚአብሔር የአባ መቃርዮስን ጩኸት እንደ መለሰለት  ]

                         🕊                         

❝ በአንድ ወቅት ታላቁ አባ መቃርዮስ ከአስቄጥስ ወደ ግብፅ እየሄደ ሳለ ትንሽ ቅርጫቶች ተሸክሞ ነበር፡፡ እርሱም በደከመው ጊዜ ቁጭ አለ፡፡ ዓይኖቹን ወደ ሰማይ አቅንቶ ፦ " ጌታ ሆይ ፣ ምን ያህል እንደ ደከመኝና እንደዛልኩ የምታይ አንተ ነህ " አለ፡፡ ይህን ካለ በኋላ ወዲያውኑ ራሱን ከቅርጫቶቹ ጋር በዓባይ ወንዝ ዳር ላይ ደርሶ አገኘው፡፡

የቅዱስ መቃርዮስ ደቀ መዝሙር የነበረው አባ በብኑዳ እንዲህ አለ ፦ " አንድ ቀን ቅዱስ መቃርዮስ ቆሞ ሲጸልይ ሳለ እግዚአብሔር እንዲህ ሲል ተናገረው ፦ ' መቃራ ሆይ ፣ እገሌ በምትባል ሀገር ያለማቋረጥ በትጋት የሚያገለግለኝንና የሚያመሰግነኝን አንድ ገበሬ ምሰል፡፡ ' ይህን በሰማ ጊዜ ከመጀመሪያዎቹ አርድእት አንዱ የሆንኩትን እኔን በብኑዳን ፦ ' ተነሥና ምርኩዝህን ይዘህ ከእኛ ጋር እገሌ ወደምትባል ሀገር እንሂድ ' አለኝ፡፡ ወደዚያ ሄደን ከወንዙ ሐይቅ ዳር ደረስን ፣ የሚያሻግረን በፈለግን ጊዜ አላገኘንም ነበርና ስፋቱን እየተመለከትን ሁላችንም ዝም ብለን በዚያ ተቀምጠን ነበር፡፡ ቅዱስ መቃርዮስ ግን በተመሥጦ ሆኖ ራእይን እያየ ነበር፡፡

እኔም አባታችን ፣ እግዚአብሔር ጸሎትህን እንደሚሰማ አውቃለሁና ይረዳን ዘንድ ጸልይ አልኩት፡፡ ያን ጊዜም እየማለደ ጸለየ፡፡ ወዲያውኑ ታላቅ አዞ ከባሕሩ ወጣ ፤ ቅዱሱም ' እግዚአብሔር ከወደደና አዝዞህ ከሆነ አሻግረን ' አለው፡፡ ያ አዞም ተሸከመንና ወደ ማዶ አሻገረን፡፡ ቅዱስ መቃርዮስም ያንን አዞ ' እግዚአብሔር ዋጋህን እስከሚሰጥህ ድረስ ወደ ውኃው ግባ ' አለው፡፡ እርሱም እራሱን ወደ ውኃው አጠለቀ፡፡

ወደ ሀገሩ በወጣንና ወደዚያ በደረስን ጊዜ በሀገረ ገዢው እርሻ ላይ ተሰማርተው የሚሠሩ ብዙ ገበሬዎችን አገኘን፡፡ አረጋዊው መቃራም እነዚያን ገበሬዎች እያንዳንዳቸውን እየተመለከተ በበሩ አንጻር ተቀመጠ፡፡ እግዚአብሔር ስለ እርሱ ያመለከተው ያ ገበሬ በመጣ ጊዜ በዙሪያው ከብባው ያለችውን ጸጋ እግዚአብሔር ተመለከተ ፣ በትዕግሥት የተከደነ መሆኑንም አየ፡፡ ሰላምታ ሰጥቶ የተቀደሰች መሳምን ሳመው፡፡ ከዚያም እርሱን ይዞ ለብቻው ገለል አደረገውና ፦ 'እግዚአብሔርን የምታገለግልበት ሥርዓተ ተልእኮህ ምንድን ነው ? ' አለው፡፡ ያ ገበሬም ፦ ' እኔ በዚህ ዓለም ለቀሲስ [ ለካህን ] እላላካለሁ ፣ ጌታዬ ሰማያዊ ንጉሥ ኢየሱስ ክርስቶስም ዋጋዬን ይሰጠኛል፡፡ ስለዚህም ይህን ያህል ዘመን ሁሉ ዘወትር አገለግላለሁ ፣ እኔም ልቤ የቀና ነው ' አለው፡፡

መቃርዮስም ፦ ' ይህን ሃሳብ ከየት አገኘኸው?' አለው፡፡ እርሱም ፦ " ሠራተኞቹን አምጧቸውና ደመወዛቸውን ስጧቸው " ካለው ከጌታ ቃል ነው ' አለው፡፡ ቅዱስ መቃርዮስም ይህን ነገር ከእርሱ በሰማ ጊዜ ሳመውና መከረው ፣ በላዩም ላይ ማሕየዊ በሆነ በትዕምርተ መስቀል ባረከው፡፡ ከዚያም ሲመለስ ነፍሱን ፦ ' መቃራ ሆይ ወዮልህ ፣ የዚህን ዓለማዊ ወንድም ያህል እንኳን አእምሮ የለህም ፣ ብታውቅበትና በምግባርህ እግዚአብሔርን ብታገለግል እርሱ ዋጋህን ይሰጥሃል' እያለ በመንገድ ላይ ሁሉ ታላቅ ለቅሶን ያለቅስ ነበር፡፡ "

" ወደ ወንዙ በደረስን ጊዜ የሚያሻግረን ስላጣን አባት መቃርዮስ በዚያ ጸለየ፡፡ እኛንም ፦ ' ልጆቼ ሆይ እግዚአብሔር እስኪረዳን ድረስ ተቀመጡ ' አለን፡፡ እኔም በዚያ ትንሽ ተኛሁና በነቃሁ ጊዜ እኔና እርሱን በበኣታችን በር ፊት ቆመን አገኘሁት፡፡ እኔም 'ይህ ነገር እንዴት ሆነ? አልኩት፡፡ እርሱም ፦ 'ልጄ ሆይ ነቢዩ እንባቆምን ከይሁዳ ምድር ወስዶ  ባቢሎን ከነቢዩ ዳንኤል ዘንድ እንደ ዓይን ጥቅሻ አድርሶ እንደ ገና ወደ ቦታው የመለሰው እርሱ ነውና እግዚአብሔርን አመስግን ፤ እኛንም ከዚህ ያደረሰን እርሱ ነው' አለው፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

🕊                        💖                       🕊   

[   🕊  የሥነ-ሥዕል ዐውደ ርእይ   🕊   ]

    ▬▬▬▬▬▬▬▬▬▬▬▬▬

       [           በእንተ ሉቃስ          ]

- ከጥቅምት ፲፯ - ፳፬ [ 17 - 24 ]


የላፍቶ ፥ ፈለገ ብርሃን : ቅድስት ሥላሴ እና ቅድስት ኪዳነ ምሕረት ቤተ ክርስቲያን ፍ/ብ/ሰ/ት/ቤት የአቅሌሲያ ሕፃናት ሥነ-ሥዕል ክፍል

            [       ተጋብዛችኋል !       ]

[ ሳሪስ 58 ኪዳነ ምሕረት ጠበል 100 ሜትር ገባ ብሎ ]


🕊                        💖                       🕊

የሚያሳድዷችሁን መርቁ . . . ደስ ከሚላቸው ጋር ደስ ይበላችሁ ከሚያለቅሱም ጋር አልቅሱ
እርስ በርሳችሁ በአንድ አሳብ ተስማሙ ። የትዕቢትን ነገር አታስቡ ። ነገር ግን የትሕትናን ነገር ለመሥራት ትጉ ። (ሮሜ. ፲፪፥፲፬-፲፮)

         #_ሰናይ__ቀን🙏

አጫጭር ኦርቶዶክሳዊ ትምህርቶች
      •➢ 👇  ለማግኘት // 👇

@Enatachn_mareyam  
@Enatachn_mareyam

በነዚህ ዓመታት ሁሉ ይህ አካሉ የተለወጠ ሕጻን ቅዱስ ዘካርያስ መሆኑን ያወቀ የለም:: እንዲህ የቆሰለውም አሲድነት ካለው የጉድጉዋድ ውሃ ውስጥ ሰጥሞ ለ፵ [40] ቀናት በመጸለዩ ነው::

በመጨረሻ ግን አባቱ በምልክት ለይቶት አለቀሰ:: "ልጄ! አንተ ለእኔ አባቴ ነህ" ብሎታል:: አበው መነኮሳትም ተሰብስበው እጅ ነስተውታል:: በ፯ [7] ዓመቱ የመነነው አባ ዘካርያስ በ፶፪ [52] ዓመቱ በዚህች ቀን ዐርፎ በክብር ተቀብሯል::

አምላከ አፈ ወርቅ ዮሐንስ የድንግል እመ ብርሃንን ፍቅሯንና ውዳሴዋን ይግለጽልን:: ከአባቶቻችን ክብርና በረከትንም ያሳትፈን::

[  † ጥቅምት ፲፫ [ 13 ] ቀን የሚከበሩ ዓመታዊ የቅዱሳን በዓላት   ]

፩. ቅዱስ ዮሐንስ አፈ ወርቅ
፪. አባ ዘካርያስ ገዳማዊ
፫. አባ ማርዳሪ ጻድቅ
፬. ቅዱስ አብጥማዎስ ሰማዕት

[    †  ወርኀዊ በዓላት    ]

፩. እግዚአብሔር አብ
፪. ቅዱስ ሩፋኤል ሊቀ መላዕክት
፫. ፺፩ "99ኙ" ነገደ መላዕክት
፬. ቅዱስ አስከናፍር
፭. ፲፫ "13ቱ" ግኁሳን አባቶች
፮. ቅዱስ አርሳንዮስ ጠቢብ ገዳማዊ
፯. አቡነ ዘርዐ ቡሩክ

" እናንተ የምድር ጨው ናችሁ . . . እናንተ የዓለም ብርሃን ናችሁ:: በተራራ ላይ ያለች ከተማ ልትሠወር አይቻላትም:: መብራትንም አብርተው በዕንቅብ በታች አይደለም እንጂ በመቅረዙ ላይ ያናሩታል:: በቤት ላሉት ሁሉም ያበራል:: መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ::" [ማቴ.፭፥፲፫-፲፮] (5:13-16)

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

 🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

❖ ጥቅምት ፲፫ [ 13 ] ❖

[  ✞ እንኩዋን ለዓለም ሁሉ መምሕር "ቅዱስ ዮሐንስ አፈ ወርቅ" እና ለአባ "ዘካርያስ ገዳማዊ" ዓመታዊ በዓል በሰላም አደረሳችሁ ✞  ]

†   🕊  ዮሐንስ አፈ ወርቅ  🕊   †

ለቤተ ክርስቲያን የብርሃን ምሰሶ ስለሆነላት ስለ ታላቁ ሐዋርያዊ ሊቅ ቅዱስ ዮሐንስ አፈ ወርቅ ምን እላለሁ? ምንስ እናገራለሁ? እንደ እኔ ያለ ኃጥእ: ለባሴ ሥጋና ገባሬ ንስሃ ስለሱ ሊናገር አይቻለውምና:: አባቶቻችን እንደ ነገሩን ስለ አፈ ወርቅ ለመናገር "አፈ ወርቅ" መሆን ያስፈልጋል:: እስኪ በቅዱሱ አባት ምልጃ ጥቂት ልሞክር::

ቅዱስ ዮሐንስ አፈ ወርቅ ማን ነው?

ነገዱ ከሶርያ: የተወለደው በ፫፻፵፯ [347] ዓ/ም በእስክንድርያ ሲሆን አባቱ አስፋኒዶስ እናቱ ደግሞ አትናስያ ይባላሉ:: እነርሱ ደግ ቢሆኑ ይህንን እንቁ ልጅ እግዚአብሔር ሰጣቸው:: ዮሐንስ ለክርስቲያን እንደሚገባ በትምሕርትና በጥበብ አደገ:: ገና በሕጻንነቱ ወደ ግሪክ ሔዶ የዘመኑን ሳይንስ [ፍልስፍና] ከአፉ እስከ ገደፉ ተምሮ ተመልሷል::

ቅዱስ ዮሐንስ አፈ ወርቅን ለየት ከሚያደርጉት ነገሮችም አንዱ ይሔው ነው:: በዘመናዊም ሆነ በመንፈሳዊ ትምሕርት ይህ ቀረህ የማይሉት ሊቅ የሆነው ገና በ፲፭ [15] ዓመቱ ነበር:: በ፪ [2] ወገን የተሳለ ሰይፍ በመሆኑ ስንኩዋን በሕይወተ ሥጋ እያለ ዛሬም ለንፉቃን ትልቅ የራስ ምታት ነው::

ቅዱሱ ገና በ፲፮ [16] ዓመቱ ሃብት: ንብረት: ውበት: ክብርና እውቀት የሞላለት ቢሆንም ያለውን ሁሉ ለነዳያን ሰጥቶ መጻሕፍትን ብቻ ሰብስቦ ከባልንጀራው ቅዱስ ባስልዮስ ጋር በርሃ ገባ:: ሰውነቱን በጾምና በጸሎት እየቀጣ በበርሃ ሲኖር ወንጌላዊው ቅዱስ ዮሐንስና ሊቀ ሐዋርያት ቅዱስ ዼጥሮስ ወደ እርሱ መጡ:: ሊቀ ሐዋርያት የመንግስተ ሰማያትን መክፈቻ ስልጣን ቅዱስ ዮሐንስ ደግሞ ወንጌሉን ሰጥተው ተሰወሩት::

ከዚህች እለት በሁዋላ ቅዱስ ዮሐንስ አፈ ወርቅ ባሕረ ምስጢራት ሆነ:: ብሉይ ከሐዲስ: ከኦሪት ዘፍጥረት እስከ ራዕየ ዮሐንስ ድረስ በአንድምታ ትርጉዋሜ ተነተናቸው:: በተለይ ሐዲስ ኪዳንን እየመላለሰ አመሰጠረው:: ቅዱስ ሕሊናው ሳይታክት: ንጹሕ እጆቹ ሳይዝሉ የጻፋቸው ድርሳናት: መልዕክታትና ትርጉዋሜያት ቢቆጠሩ አሥር ሺህ ሞሉ:: በእውነት ለዚህ አንክሮ ይገባል! የሚገርመው ይህን ሁሉ ሲሰራ እድሜው ገና ለጋ: ማዕርጉም ዲቁና ነበር::

ከዚህ በሁዋላ በእግዚአብሔር ትእዛዝ ቅስና ተሹሞ በስብከተ ወንጌል ብዙ ቦታዎችን አዳረሰ:: በቅድስናው ወደውታልና የቁስጥንጥንያ ፓትርያርክ አድርገው ሾሙት:: አፈ ወርቅ ሲናገርም ሆነ ሲያስተምር እንኩዋን የሚያወራ ኮሽ የሚል የለም:: ከጣዕመ ትምሕርቱ የተነሳ ሕዝቡ በተደሞ ይሰሙት ነበር:: ሲያስተምር ምድራዊው ሰው ይቅርና ልዑላኑ መላእክት ተሰብስበው ያደንቁት ነበር:: አንዴም እመቤታችን በሕዝብ መካከል "አፈ ወርቅ" ብላ ጠርታዋለች:: ለዛም ነው "አፈ ወርቅ" የሚባለው:: ቅዱሱ በሥልጣነ ቃሉ መልዐከ ሞትን ገስፆ ፲ [10] ዓመት አቁሞታል::

ቅዱስ ዮሐንስ አፈ ወርቅ ለሰው ፊት አያደላም:: በርሱ ዘንድ ንጉሥና ደሃ ነዳይ እኩል ነው:: ለሞት ያበቃውም ይሔው ነበር:: ምክንያቱም የወቅቱ ንግስት አውዶክስያ ያንዲት ድሃ መበለትን መሬት ቀምታ "አልመልስም" በማለቷ መክሮ አወገዛት:: እርሷ ግን ከኃጥአንና መናፍቃን ጋር መክራ 2 ጊዜ አጋዘችው:: በተሰደደበት ሃገር ፍሬ አፍርቶ: አስተምሮና አሳምኖ በ፬፻፯ [407] ዓ/ም አርፏል:: ቤተ ክርስቲያንና ምእመናን ሳይጠግቡት እንደናፈቁት በ፷ [60] ዓመቱ አጡት:: በወቅቱ ታላቅ ሐዘንና ለቅሶ ተደረገ::

ከዕረፍቱ አስቀድሞ አንድ ቀን የዘመኑ ደግ ንጉሥ
አርቃድዮስ ግብር አገባ:: [ግብዣ አዘጋጀ]

በዚያች ሌሊት ደግሞ ቅዱሱ ሊቅ ታጥቆ ሲጸልይ ሳለ: አባ ማርዳሪ የሚባል ጻድቅ ደግሞ ከሰማይ ፲፪ [12] ቱ ሊቃነ መላእክት [እነ ቅዱስ ሚካኤል] ከሰማይ በግርማ ሲወርዱ ተመለከተ::

ደንግጦ "ወዴት ናችሁ ጌቶቼ" ቢላቸው "ቁስጥንጥንያ: ወደ ዮሐንስ አፈ ወርቅ እንሔዳለን:: እርሱ እመቤታችንን እንደሚያመሰግናት ጌታ ነግሮናልና" አሉት:: "እባካችሁ እኔም የአፈ ወርቅ ምስጋናው እንገለጥልኝ መርቁኝ" አላቸው:: ሊቃነ መላእክቱም መርቀውት ጐዳናቸውን ቀጠሉ::

በማግስቱ በቤተ መንግስት ውስጥ ሊቃውንቱ: መሳፍንቱ: ዻዻሳቱ: ሕዝቡ ሁሉ ተሰብስበው ከድግሱ በሉ:: ቅዱስ ዮሐንስ አፈ ወርቅ ግን በመንበሩ ተቀምጦ ነበር እንጂ አልበላም:: ድግሱ ሲጠናቀቅ ንጉሡ አርቃድዮስ ሊቁን "ጥያቄ አለኝ" ብሎ በጉባኤ መካከል ጠየቀው::

"ምነው ወንጌላዊ ማቴዎስ 'ኢያዕመራ ዮሴፍ እስከ አመ ወለደት ወለደ ዘበኩራ-የበኩር ልጇን እስክትወልድ ድረስ አላወቃትም' ማለቱ [ማቴ.፩፥፳፭] (1:25) ስለ ምን ነው?" ቢለው ቅዱሱ ተነስቶ: በመንፈስ ቅዱስ ተቃኝቶ ይተረጉምለት ጀመር::

"ድንግል ማርያም ንጹሕ ብርሌን ትመስላለች:: ብርሌ የተለያየ ቀለም ያለው ፈሳሽ ቢያስገቡበት ቀለሙ አብሮ ይቀያየራል:: እመቤታችንም ጌታን ጸንሳለችና ሕብረ መለኮቱ ሲለዋወጥ መልኩዋ አብሮ ሲለዋወጥ እያየ ዮሴፍ ይደነግጥ ነበር::

'እርሷ ማን ናት? በማሕጸኗ ያለውስ ማን ነው?' እያለ ይጨነቅ ነበር:: ጌታን ከወለደች በሁዋላ ግን አንድ ሕብረ መልክ ሆናለችና:: አስቀድሞ ማን እንደ ነበረች አላወቀም::

አሁን ግን ልጇ አምላክ ዘበአማን: እርሷም ወላዲተ አምላክ መሆኗን አወቀ ማለት ነው" እያለ ሲተረጉም ሰምተው ሁሉም ሲያደንቁ በዚያ የነበረች ስዕለ አድኅኖ "አፈ ወርቅ! ልሳነ ወርቅ! አፈ በረከት!" ስትል ተናገረች::

ያን ጊዜ አርቃድዮስ የወርቅ ልሳን በሊቁና በስዕሏ ላይ አደረገ:: አፈ ወርቅ ግን ባጭር ታጥቆ "እሰግድ ለኪ! እሰግድ ለኪ! ወእዌድሰኪ . . ." ብሎ ዛሬ በተአምረ ማርያም የምናውቀውን ምስጋና ሰተት አድርጐ አደረሰላት:: ይህንን ምስጋናም ሊቃነ መላእክቱ ሰምተው እያደነቁ ወደ ሰማይ ወጥተዋል::

ቅዱሱ ሲጠራ እንዲሕ ነው :-

¤ ቅዱስ ዮሐንስ አፈ ወርቅ
¤ አፈ በረከት
¤ አፈ መዐር [ማር]
¤ አፈ ሶከር [ስኩዋር]
¤ አፈ አፈው [ሽቱ]
¤ ልሳነ ወርቅ
¤ የዓለም ሁሉ መምሕር
¤ ርዕሰ ሊቃውንት
¤ ዓምደ ብርሃን [የብርሃን ምሰሶ]
¤ ሐዲስ ዳንኤል
¤ ሊቀ ዻዻሳት ዘበርትዕ [እውነተኛው]
¤ መምሕር ወመገስጽ ዘኢያደሉ ለገጽ
¤ ጥዑመ ቃል - - -


†  🕊  አባ ዘካርያስ ገዳማዊ  🕊  †

ይህ ታላቅ ጻድቅ ባለ ጥዑም ዜና ነው:: ወላጆቹ እሱንና አንዲት ሴትን ከወለዱ በሁዋላ አባቱ መንኖ ገዳም ገባ:: ከዘመናት በሁዋላ ረሃብ በሃገሩ ሲገባ እናቱ ወስዳ ለአባቱ ሰጠችው:: ይህን ጊዜ ዕድሜው ፯ [7] ዓመት ነበር::

በገዳም ከአባቱ ጋር ሲኖር ከመልኩ ማማር የተነሳ አባቶች መነኮሳት "ይህ ልጅ ይህን መልክ ይዞ እንዴት መናኝ መሆን ይችላል!" ሲሉ ሰማ:: በሌሊትም ተነስቶ በሕጻን አንደበቱ "ጌታየ! መልኬ ካንተ ፍቅር ከሚለየኝ መልኬን አጠፋዋለሁ" አለ:: ከገዳሙም ጠፋ::

አባትም በጣም አዘነ:: ከ፵ [40] ቀናት በሁዋላ ግን ሊያዩት የሚያሰቅቅ: አካሉ ሁሉ የቆሳሰለ አንድ ነዳይ ሕጻን መጥቶ ወደ ገዳሙ ተጠጋ:: ይህ ሕጻን በጾም: በጸሎትና በትሕትና ተጠምዶ ለ፵፭ [45] ዓመታት አገለገለ::

                          †                          

💖  [    የትሕርምት ሕይወት !    ]  💖

🕊                       💖                      🕊


[      ❝ አገልግሎትን በተመለከተ ! ❞     ]

❝ ተወዳጆች ሆይ ! ጅማሬአችሁን መልካም እንዳደረጋችሁ እንዲሁ የዕርጅና ዘመናችሁን በደስታ ልትፈጽሙ ይገባችኋል። ብርሃናችሁም በዝቶ ለዓለም እንዲያበራ በቅድስና ሕይወት ተመላለሱ፡፡

ተወዳጆች ሆይ ! ከእናታችሁ ማሕፀን ኃጢአት የሚስማማው ባሕርይን ገንዘባችሁ አድርጋችሁ ተወልዳችሁ ነበር። በኃጢአት ሕይወትም ተመላልሳችሁ ነበር፡፡ ስለዚህ በጽድቅ ሥራ ስለመጽናትና እግዚአብሔርን ወደ መምሰል በማደግ ራሳችሁን ጽኑ በሆነ መሠረት ላይ ትመሠረቱ ዘንድ በአብ በወልድ በመንፈስ ቅዱስ ስም ተጠምቃችሁ አዲሱን ሰው ክርስቶስን ለብሳችሁታል፡፡

ስለዚህ ወንድሞች ሆይ ከሁሉ በላይ በጻድቃን የሚመሰገነውን እግዚአብሔር አምላካችሁን በመፍራት ተመላለሱ፡፡

ተወዳጆች ሆይ ! ትሑት የሆነውና እናንተን ከልጅነት ጀምሮ በጥበብ ያሳደጋችሁ እርሱ አምላካችሁ እስትንፋችሁ እንክትቋረጥ ድረስ የሚተዋችሁ አምላክ አይደለም፡፡

ከታዳጊነት ዕድሜአችሁ ጀምሮ የእርሱ ምርጥ ዕቃ ትሆኑ ዘንድ ለራሱ ካጫችኹ ከእግዚአብሔር ዘንድ ምስጋናን ትቀበሉና በእናንተ ምክንያት ሰዎች እርሱን እንዲያከብሩ ፍጻሜ ዘመናችሁን በቅድስና ፈጽሙ፡፡

እርሱ ሁሉ የእርሱ ሲሆን እኛን ባለጠጎች ሊያደርገን ደሀ ሆነ፡፡ ስለዚህ ተወዳጆች ሆይ ! ለነፍሳችሁ ዕረፍትን ታገኙ ዘንድ ራሳችሁን ከእርሱ ቀንበር በታች አኑሩ። “ራሱን ከፍ የሚያደርግ ሁሉ ይዋረዳልና።” [ሉቃ.፲፬፥፲፩] ብሎ ጌታችን አስተምሮአልና በትሕትና ሆነን እንመላለስ፡፡

ለእርሱ ክብር ይሁን ዛሬም ዘወትርም ለዘለዓለሙ አሜን፡፡ ❞

[  ቅዱስ ኤፍሬም ሶርያዊ  ]


🕊                       💖                   🕊

                          †                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[  የአባታችን የቅዱስ መቃርዮስ የተጋድሎ ሕይወቱና ትምህርቱ  ]

[                ክፍል  ሃያ አምስት                 ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[  አጋንንት ቅዱስ መቃርዮስን አብዝተው እንደ ተዋጉት  ] [ - ፪ - ]

                         🕊                         

❝ በአንድ ወቅት ከአኃው ጋር የውኃ ጉድጓድ እየቆፈሩ እያለ በእኩለ ቀን ላይ የፀሐይ ቃጠሎ ስለ ጸናባቸው ያርፉ ዘንድ በሄዱ ጊዜ ቅዱስ መቃርዮስ እጁን ለመታጠብ ብቻውን ወደ ኋላ ቀርቶ ነበር፡፡ ያን ጊዜ ሰይጣናት ወደ ውኃ ጉድጓድ ውስጥ ወረወሩት፡፡ አኃው በጉድጓዱ ዙሪያ አንጸዋቸው የነበሩትን ድንጋዮች ሁሉ እያነሡ ወደ እርሱ ወረወሩበት ፣ ድንጋዩም እስከ ግማሽ ሰውነቱ ያህል ሸፈነው፡፡

ይህን ነገርም ከአኃው አንዱ ባወቀ ጊዜ ወደ ጉድጓዱ ሲመጣ ቅዱስ መቃርዮስ ዙሪያውን በድንጋይ ተከቦ አየው ፤ ነገር ግን ከዚያ ሰይጣናት ከጣሉበት ጉድጓድ ውስጥ ያወጣው ዘንድ አልቻለም፡፡ ከመምጣት በዘገየ ጊዜ አኃው ወደዚያ ሲሄዱ ቅዱስ መቃርዮስ በድንጋይና በጭቃ ተከቦ ፣ የሠሩትም ሥራም ፈርሶ ድካማቸው ሁሉ ከንቱ ሆኖ አገኙት፡፡

አኃው እርስ በእርሳቸው " አባታችንን ዛሬ ምን አገኘው " አሉ፡፡ " ቅዱስ አባታችን ሆይ ይህን ያደረገብህ ማነው ? " አሉት፡፡ እርሱም ፈገግ አለና ፦ " ከዚህ ጉድጓድ አውጡኝ " አላቸው፡፡ እነርሱም አወጡት ፤ ከዚያም የሆነውን ነገር ሁሉ ነገራቸው፡፡ ከዚያ በኋላም ከበፊቱ የበለጠ ጥልቅ የሆነ ጉድጓድ ቆፈሩ፡፡ እንዲህ እያደረጉ አኃው ብዙ ጉድጓዶችን ቆፈሩ፡፡ በዚያ ሰይጣናት እርሱን በጣሉበት የውኃ ጉድጓድም ከዕረፍቱ በኋላ እግዚአብሔር ብዙ ተአምራትን በዚያ የጉድጓድ ውኃ አማካኝነት አደረገ፡፡

በሌላ ጊዜም ቅዱስ መቃርዮስ ብቻውን ቁጭ ብሎ እያለ ኪሩባዊው ተገለጠለት ፣ እርሱም ባየው ጊዜ እጅግ ፈራ፡፡ ኪሩባዊውም ፦ "በተጋድሎህ ጽና ፣ በሰይጣናት ጥላቻና ተንኮል ላይ በርታባቸው እንጂ እንዳትዘናጋ ተጠንቀቅ ፣ በሰዎች ላይ በምታደርገው ነገር ሁሉ እግዚአብሔርን አመስግን እንጂ ራስህን ከፍ ከፍ እንዳታደርግ ተጠበቅ " አለው፡፡ ቅዱስ መቃርዮስም ፦ " እነሆ ሰይጣናት ነፍስና ሥጋዬን እያስጨነቁኝና እያሰቃዩኝ ምኑን እታበየዋለሁ ፤ ከጌታዬ ከኢየሱስ ክርስቶስ በቀር ረዳት የለኝም ፣ ፈውስን የምታደርግልኝ ጸጋው ናትና" አለው፡፡ ኪሩባዊውም ፦ " የምታደርጋቸውን ድካምህንና ተጋድሎህን መከራህንና ችግርህን ሁሉ ከአንተ ዘንድ ያሉትን ታልፋቸዋለህ " አለው፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !


†                       †                         †
💖                    🕊                     💖

#ሚካኤል_ሆይ በጠላት ተማርከው
ለሚጨነቁትና ለሚሰቃዩት ዋስ
ጠበቃቸው አንተ ነህና በእኔ ለይ
የሚተበትቡትን የጠላቶቼን የምክር
መረብ በጣጥሰህ ጣልልኝ ነፍሴንም
ስጋዬንም ለአንተ አደራ ሰጥቼሀለሁና።

#ኃያሉ_ሚካኤል_ሆይ ኃይልህን የሰው
ኃይል ሊተካከለው አይችልምና
እንግደለው እናጥፋው የሚሉትን
ጠላቶቼን ጭጋግ በቀላቀለ በዓዉሎ
ንፋስ በትናቸው።

         #ሰናይ__ቀን 🙏

ለመቀላቀል
@Enatachn_mareyam  
@Enatachn_mareyam