ራስን መለወጥ

ኢ/ር ቢጃይ ናይከር እንደፃፈው ✍️

🕹ትምህርት ወይሥ ሥልጠና?
(ኑሮህን የሚደጉም በቂ ገቢ ከየትኛው?)


ትማር.....ትማርና ተመርቀህ ወደ ሠፈርህ/ወደ ቀዬህ ትመለሣለህ....!

በኛ ግዜ ሥትመረቅ....

እንደ ሠርግ ይደገሥልሃል።ሢጠብሽህ የምትሾተው የአንገት ሃብልና የ ጣት ቀለበት ፤ለ ሥራ ቅጥር ኢንተርቪው የምትጫማው ሹል ጫማ፣የምትታጠቀው ባለ ጠቃጠቆው ቀበቶ፣ሽክ የምትልበት የተተኮሠ ሸሚዝ .... ከሠፈርተኛው፣ከጓደኞች፣ከእድር፣ከዘመድ አዝማድ በሥጦታ ወደፊት በብድራት የምትመልሠው (የመለሠ ያለ አይመሥለኝም) ይበረከትልሃል!!

ሃይሥኩል አብረሃት የተማርክ ለርኪ ፣ማትሪክ ቁሥለኛ አድርጎ ያሠናከላትና ሠፈር የቀረች፣ማህበረሠቡ የሚዘባበትባት.... ድሮ ትንሽ የተመቻቻችሁ - ደግሞ 'congratulation የኔ ፍቅር' የሚል የድሮ ፖሥት ካርድ ትገጭሃለች።ከዚህ ሃሜተኛ ማህበር መሃል ይዘሃት እንድትጠፋ ኦፈር ትሠጥሃለች። ትተማመንብሃለች 😂

ግና የተመረቀ ሁሉ ሥራ አይዝምና ...አራት ኪሎ የሥራ ማሥታወቂያ ለማንበብ ጆሊጋ ትኮለኮላለህ፣ሥራ ከየት ይምጣ? ዘመድ ከሌለህ፣አሪፍ ካድሬ ካላወቅህ፣የቀበሌ ሥብሠባ አተኩረህ ካልተሣተፍክ፣እንትን ካልሆንክ....

የተሠጠህን ሃብሉን፣ቀለበቱን፣ቀበቶውን፣ሹሉ ጫማህን፣የተመረቅህበት ሡፍህን ተራ በተራ ፒያሣና መርካቶ እየወሠድክ .... እየፖሸርክ ትቅ*ምበታለህ፣ ትጠ*ጣበታለህ፣ታጨ*ሥበታለህ፣ት***ታለህ።

¤¤

ሥራ እንዳገኘህ አይነት የሚያሠማህን የሥራ ማሥታወቂያ በ15 ሣንቲም ተከራይተህ ከ ....
አዲሥ ዘመን፣ ወደ
አዲሥ አድማሥ፣
ከ ፎርቹን፣ ወደ
ሪፖርተር ......ትገለባበጣለህ....ሥራ ኢንጅሩ!😂

ትፈልግ ትፈልግና ትደክማለህ 6 ወር፣አንድ አመት፣ሁለት አመት ወዘተ ሥራ ፈት ትሆናለህ።አንተም ኮሚኒቲውም ትሠለቻቻላችሁ።
በዜሮ አመት የሥራ ልምድ ማን ይቀጥርሃል? ኮታ እሥካልመጣ ድረሥ!? ለመሠደድ ሁሉ ታሥባለህ።

15 ሣንቲም የጋዜጣ ክራይ መክፈል ፣መ*ጠጫ፣ መ*ቃሚያ፣ማ*ጨሻ...ምናምን ይጠርርብሃል።ከዛሥ አይንህን ጨፍነህ ቤትህ ትቀራለህ፣ትነጫነጫለህ...ማሚህ፣ዳዲህ በድግሡ ግዜ እንዳልተደሠቱ ልባቸው ይሠበራል።

በለሥ የቀናው ...አብራችሁ ተመርቃችሁ ደሞዝ ያለው ጀለሥህ በወር አንዴ ይለቅብሃል። እሡም ከበቃው።

¤¤

ይህ ማለት ተመርቀህ ኳሊፋይድ ሆነህ ነው።የሥራ አጥ ዳታቤዝ ማሞቂያ ትሆናለህ። ክህሎት(ሥኪል) የለህማ......

እዚጋ ነው....ከገባህበት አዝእቅጥ ለመውጣት ክህሎቶችን ባጋጣሚ በማየት ትሠለጥናለህ።

ታቅፈህ ጥበቃ ትሠራህ፣ተመልክተህ ጋሪ ትነዳለህ፣ተደራጅተህ ኮብል ትፈልጣለህ፣ባጃጅ ትሾፍራለህ፣ሰልጥነህ ራይድ ትነዳለህ፣የሆቴል አሥተናጋጅ ትሆናለህ፣የሥፓ ጠባቂ ትሆናለህ፣ፓርኪንግ ትሠራለህ፣ትላላካለህ፣....መዝረፍ አትችልም!ተምረሃላ!

በቃ qualification and skills የተራራቁበት ባህር ውሥጥ ትዘፈቃለህ።

የመጀመሪያው ምታውቀውን እንዴት እንደምታሣይ ሢያደርግህ፤ሁለተኛው ክህሎት ደግሞ መሥራት የምትችለውን ነው።

ለዚህ ሤናሪዮ ከኳሊፊኬሽን በበለጠ ክህሎት ረጂ ነው!

ክህሎት በፍጥነት እና በተግባር ይለውጥሃል።ክህሎትን ለማግኘት ብዙ አመት እንደ ትምህርት አታሣልፍም።በሦሥት ወርበ ሁለት ወር ....ኮዲንግ ትሠለጥናለህ፣ሽያጭ ትሠለጥናለህ፣ሹፍርና ትሠለጥናለህ፣ወጥ መሥራት ትሠለጥናለህ፣ኢንትሪየር ዲዛይን ትሠለጥናለህ፣ብየዳ ትሠለጥናለህ ወዘተ ::

ሪል ወርልድ ቻሌንጆችን በክህሎት ትወጣዋለህ።ጂያንቶች እንደነ ጎግል፣አፕል ክህሎት እንጂ ዲግሪ አይቀጥሩም።ሥንት ሢቪል፣ቢዝነሥ፣ሜካኒካል ወዘተ ተምረው አሜሪካ ገብተው ፕሮግራሚንግ በአጭር ግዜ ሠልጥነው የእለት እንጀራቸውን የሚዘጉ ነፍ ናቸው።

ሞር ....ክህሎት ወደ ኢንተርፕሩነር የሚያሸጋግር ሃይል አለው።የእውነት አለም፣ገበያ ውሥጥ ልምምድ ሥለሚኖርህ።

ከደሞዝ ይልቅ ንግድ ትርፍን ለማጣጣም የተሻለው...ክህሎት ላይ የተመሠረተ ተፍ ተፍ ፣በት በት ሢኖርህ ነው።

የቻይኖች ተረት ...'ጦጣ ፊት ሙዝና ገንዘብ ብታሥቀምጥ...ሙዙን ይመርጣል። ጦጣው ገንዘብ ሙዝ እንደሚገዛ ሥለማያውቅ።' ይላሉ።

በፊትህ ከደሞዝ ወይንም ከንግድ ትርፍ (wage or profit) ምርጫ ቢሠጥህ ...ከቅጥር ሥራ እና ከንግድ እንደ መምረጥ ያህል ነው።

ብዙ ሠው የሚያውቀው ደሞዝ እንጂ ቢዝነሥ ብዙ ገንዘብ አለማምጣቱን ነው።

ችግር የማይፈታ ትምህርት ያመጣው በዲግሪ ለአብዛኛው ጀማ...

ድህነት እንዲነግሥብህ ፣አካባቢን እንዳታውቅ እና ፍርሃት እንዲጣባህ፣ ኢንተርፕሩኒያል ማይንድ ሤት እንዳይኖርህ ያደርጋል። የንግድ ኦፖርቹኒቲን እንዳታይ ያደርግሃል።ለጥቂቱ ይሠራል (ከጥቂቱ ከሆንክ እለፈው)

ችግር የማይፈታ ትምሮ....
ብዙህ ግዜህን ት/ቤትና ምርምር ላይ እንድታሣልፍ ያደርግሃል።በዚህ ሃገር ትምህርት ቤቱም ለደሞዝ እንድትሠራ አድርጎ ቀርጾ ያወጣሃል።ለዛ ነው ብዙ ባለሃብት ያልተማረ.. ብዙሁን የተማረን ተቀጣሪ ያደረገው።...ጥሬ ሃቅ።

ደግሞ መማር...የኢጎ፣የወረቀትና የድህነት ማማ ላይ ሠቅሎህ ቁጭ ይላል።ለራሥህ ችግርን የማይፈታ ትምህርት ራሥህን ሃሣብህን ከመሥራት ይልቅ ለሠው /ለሢሥተም እንድትሠራ ዘዴን ያሥተምርሃል።

የንግድ ትርፍ ከላብ ምንዳ/ደሞዝ መብለጡንና አንተም አኳየር ማድረግ እንደምትችል አይነግርህም። ምንዳ ይደግፍሃል ትርፍ ግን ሃብትን ያመጣል።

አብዝተህ ክህሎትን ፈልግ።ሠልጥን።

ዲፕሎም፣ዲግሪ፣ማሥተርሥ፣ፒ ኤች ዴ እራሥህን እንዲሁም ማህበረሠብ ላይ ተቆጣሪ ለውጥ ካላመጣ የብላኔ ጥበብ ነው።ለኢጎ እና ለፎቶ ከመሆን አያልፍም።
ትምህርት ላይ አጫጭር ተግባራዊ የክህሎት ሥልጠና ብትወሥድበት ሙሉ ይሆናል።ብቻውን ግን....😂👌

ትምህርት ወይሥ ሥልጠና?

በርቱ!
ከማህበራዊ ሚዲያ

ራስን መለወጥ

12 የዕውቀት ጠብታዎች ከኖህ መርከብ!

    ⚓️-⚓️-⚓️_

1️⃣ ወደ መልካም ነገር የምትወስድህ ጀልባ ስትመጣ ፈጥነህ ተሣፈር፣ የመዳንህ መርከብ ስትቀርብ በቶሎ በእርሷ ላይ ውጣ፤ በሕይወት ዘመንህ አንዴ ካልሆነ ያቺን መርከብ ደግመህ ላታገኛት ትችላለህና – በፍፁም መርከብህን አታስመልጥ!

2️⃣ ሁልጊዜ ይህን ነገር አስታውስ፡- ሁላችንም ያለነው በአንዲቱ ጀልባ ውስጥ ነው፤ ጀልባይቱ ብትሰበር ሁላችንም እናልቃለን፤ ጀልባይቱ በሠላም ብትጓዝ ሁላችን እንተርፋለን! ይሄን አትርሳ – ሁላችንም ያንዲት ጀልባ ተጓዦች መሆናችንን!

3️⃣ በህይወትህ ልታደርጋቸው የምትመኛቸውን ነገሮች አስቀድመህ ዐቅዳቸው! ልብ በል፤ ኖህ መርከቡን መገንባት የጀመረው ዝናቡ መዝነብ ከጀመረ በኋላ አልነበረም! ደመናም በሠማይ ሣይዞር፤ የዝናብ ጉርምርምታም ሣይሰማ – አስቀድሞ ነው መርከቢቱን ማነፅ የጀመረው!

4️⃣ የአካል ጥንካሬህን ሁልጊዜም ጠብቀህ ተገኝ፤ ሁልጊዜም ብቁ ሁን! ማን ያውቃል? ምናልባት በ600 ዓመትህ፤ የሆነ ሰው ድንገት መጥቶ፤ አንድን እጅግ ታላቅ ነገር እንድታከናውን ሊጠይቅህ ይችላልና!

5️⃣ መናቆርን ብቻ ሥራዬ ብለው በያዙ ነቃፊዎች ትችት በፍፁም አትበገር! መሥራት ያለብህ ትክክለኛ ነገር ካለ፤ ዝም ብለህ ሥራህን ቀጥል! ለወሬኛ መድኃኒቱ ያ ነው – ትክክለኛ ሥራህ በስተመጨረሻ ይገለጣል!

6️⃣ ወደፊት ልትደርስበት አጥብቀህ የምትፈልገውን የህይወት ራዕይ፤ በታላቅ ሥፍራ ላይ አኑረው! ታላቅን ሕልም አልም! ለከበበህ ቁጥቋጦ ሣትበገር፤ ከፍ ባለ ሥፍራ ላይ የሕይወትህን ዋርካ ቀልስ! በታላቅ ሥፍራ ላይ የራዕይህን ማደሪያ መቅደስ ለመገንባት – አልመህ፤ ቆርጠህ ተነስ!

7️⃣ ጥንድ ጥንድ ሆነህ መጓዝ፤ ለክፉም ለደጉም ይበጃልና፤ ጉዞህ የተቃና እንዲሆን፤ ከጥንድህ ጋር መጓዝን አስብበት!

8️⃣ ከፈጣኖች እንደ አንዱ ነኝ ብለህ፤ በፍጥነትህ አትመካ፤ ፍጥነት ሁልጊዜም ላያድንህ ይችላልና! በደንብ አስተውል፤ በመርከቡ ውስጥ እኮ፤ ቀርፋፋዎቹ ቀንዳውጣዎችም፤ ፈጣኖቹ አቦሸማኔዎችም – ሁለቱም እኩል ፍጥነት ባለው ቀሰስተኛ መርከብ ተጉዘው ነው፤ በህይወት የተረፉት!

9️⃣ ጭንቀት ሲይዝህ፤ ካለህበት ነገር ወጣ በል፤ ትንሽ ዘወር በል፤ ለተወሰነ ጊዜ ቅዘፍ! ከችግርህ በላይ ሆነህ ስትንሣፈፍ – ያስጨነቀህ ነገር እልፍ ማለቱ አይቀርም!

🔟 ይህን ነገር ሁሌም አስታውስ፤ የኖህ መርከብ የታነፀችው ልምድ በሌላቸው በአማተሮች እጅ ነው! እንዲያም ሆኖ፤ ታላቅን ማዕበል ተቋቁማ፤ የተጓዦቿን ህይወት አተረፈች! ታይታኒክስ? 

ታይታኒክ የተገነባችው፤ አሉ በሚባሉ ዕውቅ ባለሙያዎች ነው! ግን የአንድ ቀንን ማዕበል መቋቋም ተስኗት፤ ተሣፋሪዎቿን ውሃ አስበላቻቸው! አየህ አይደል?

በሙያ ልቀት ብቻ አትመካ፤ ከሌሎችም ዘንድ ከአንተ የበለጠ ጠቃሚ መፍትሄ ሊገኝ እንደሚችል ዕወቅ! የታናናሾችህ የእጅ ሥራ፤ ህይወትህን የመታደግ አቅም ሊኖረው እንደሚችል – በዘመንህ ሁሉ አስብ!  

1️⃣1️⃣ ማዕበሉ የቱንም ያህል ቢናወፅ፤ አምላክህ ከአንተ ጋር ካለ፤ ማዕበሉ ፀጥ እንደሚል፤ ቀስተደመናም በሠማይህ ላይ ሊወጣ እየጠበቀህ እንደሆነ፤ በፍፁም ልብህ እመን!

የማዕበሉ ወጀብ በመንገድህ ላይ በርትቶ ሲፀናብህ፤ የአንፀባራቂው ቀስተደመናህ መውጣት እውን ሊሆን መቃረቡን የሚያበሥር፤ አንዳች የተስፋ ምልክት እንደሆነ ዕወቅ!!

1️⃣2️⃣ በጉዞዎችህ ሁሉ ከላይ የተነገሩት ጥንቃቄዎች አይለዩህ! የቱንም ያህል ማዕበሉ በመንገድህ ቢፀና፤ በስተመጨረሻ ጉዞህ እንደ ኖህ የተቃና ይሆንልሃል!

ይህ የሚሆነው ግን፤ ጉዞህን ከራስህ አልፎ - የሌሎችንም ሕይወት የሚታደግ እንዲሆንልህ አድርገህ ስታቅደው ነው! እንደ ኖህ፤ ያሰብከው ይሰምርልህ ዘንድ፤ ሥራዎችህን፤ ጥረቶችህን፤ በረከቶችህን ሁሉ ለሌሎች የሚተርፉ አድርጋቸው!

መልካም ጉዞ!

ቦን ቮያዥ!

⚓️♥️

_

የእንግሊዝኛ መልዕክቱ (ከከበረ ምስጋና ጋር):-

«Everything I need to know about life, I learned from Noah’s Ark». ውርስ ትርጉም አሰፋ ኃይሉ(Assefa Hailu)

ራስን መለወጥ
t.me/changeitwow

ብዙ መጠሪያ ስሞች ያሉት ማይክ ታይሰን የሚሉት ቡጢኛ መቼስ ጉደኛ ሰው ነው። በጉብዝናው ዓመታት ከ400 ሚሊየን ዶላር በላይ ከስፖርቱ አግኝቷል። እንደ Rolls-Royce እና ፌራሪ የመሳሰሉ ከመቶ በላይ ውድ መኪኖች፣ ስድስት ቅንጡ ቤቶች፣ በርካታ የዳይመንድ ጌጣጌጦችን ሲሰበሰብ ኖረዋል። ለልብስ ብቻ ከሶስት ሚሊየን ዶላር በላይ ያወጣ እንደነበር ይነገራል። ሲዝናና እና ሲገዛ ለነገ አይልም። ከጓደኞቼ ጋር ዎክ እያረኩ ድንገት ወደሆነ መዝናኛ ቦታ እንሂድ ሲሉኝ ለሰከንድ ሳላቅማማ ወዲያው አዲስ መኪና ገዝቼ ይዣቸው ሄዳለሁ ይላል።

ብራዘር እኔ እኮ ገንዘብ አጠፋለሁ..አይበረክትልኝም አትበል። ማይክ ታይሰን አለልህ። ይበትናል ቢባል እንኳ አይገልጸውም። የሚስቱን ገላ መታጠቢያ ገንዳ በተለየ ሁኔታ ለማሰራት ያወጣውን ብትሰማ ታብዳለህ። ለልደቷ ድግስ ብቻ ከ400 ሺህ ዶላር በላይ አውጥቷል። [ያውም በእነሱ 80'ዎቹ ውስጥ]። በስፖርቱ እጅግ ስኬታማ ነበር። ከ56 ግጥሚያዎች ውስጥ 50ውን አሸንፈዋል። ያውም 44ቱን በዝረራ።

የጉብዝና ወራቱ ሲያልፉ ጡረታ ወጣ። ቁጭ ብሎ ጥሪቱን መብላት ጀመረ። ሱስ አጧጧፈ። ከዕፅ ጋር ተመቸቸ። ቁማር አስከተለ። ዝነኛው ቡጢኛ በአጭር ጊዜ ቀውስ ላይ ቀውስ እየጨመረ ተቃወሰ። በዚህ ላይ አስገድዶ የመድፈር ክስ እና እስር። የሃብቱ ተራራ በፍጥነት ተናደ። የገላ መታጠቢያን በወርቅ ያሰራላት ሚስቱ 9 ሚሊየን ዶላር ወስዳ ተሸበለለች። ተለየችው። ሌላ አገባ። እሷም ሃብቱን ተካፍላ እብስ አለች። ቀሪ ሃብቱን ቁማር እና መጠጥ ቤቶች ተከፋፈሉት። ጭራሽ መኪኖቹን እና ቤቶቹን በሙሉ በመሸጥ ወደ ዕዳ ገባ። 400 ሚሊየን ዶላሩን ጨርሶ ከ30 ሚሊየን ዶላር በላይ ዕዳ ተሸካሚ ሆነ። በብድር የተገዛትን መኪና ይዞ ለማደሪያ ጓደኛው ቤት በጥገኝነት ገባ።

በወቅቱ በሰጠው አንድ ቃለመጠይቅ እንዲህ አለ
[ ለሰላምታ የሚጠይቀኝ ሰው አልነበረም። የሚፈልጉኝ በሙሉ አበዳሪዎቼ ናቸው። እራሴን ጠላሁ። በጥልቀት መውደቄን አየሁ። የባከነ ሕይወት መምረጤን ተረዳሁ። እንደምንም በምንም ዋጋ ዕዳዬን ከፍዬ ከሰው ዓይን ዞር ማለት..ከአሜሪካ መራቅ ፈልግኩ ]

ዘመን አልፎ ዘመን ሲተካ አዲስ ፀሐይ ወጣች።
ከሱስ አገገመ። ከቁማር እና ዕፅ ራቀ። በተቋማት ታግዞ ዕዳውን ለመክፈል ዳግም ወደ ቦክሱ ሪንግ ተመለሰ። በተለያዩ ስፖንሰሮችም ታገዘ። ዕዳውንም መክፈል ቻለ። እንዳውም አሁን እስከ 10 ሚሊየን ዶላር የተጣራ ሃብት አፈራ።

እነሆ...
ዛሬ ንጋት በ58 ዓመቱ ከወጣቱ ጄክ ፓውል ጋር ዳግም ቡጢ ይጋጠማል። በዚህም ተጨማሪ ሚሊየን ዶላሮችን ይዝቃል። 70 ሺህ ተመልካች ፊት የሚደረገውን የቡጢ ግጥሚያ Netflix ለ280 ሚሊየን ደንበኞቹ በቀጥታ ያስተላልፋል።

እኔ ጠብ፣ ጠበኞች፣ ቡጢ እና ቡጢኞችም አይመቹኝም። ሰው እንዴት በድብድብ እንደሚዝናና አይገባኝም።

የሆነ ሆኖ...
👍ማይክ ታይሰን ወድቆ የመነሳት ተምሳሌት ነው።
ከማህበራዊ ሚዲያ

ራስን መለወጥ
t.me/changeitwow

ይህች ሴት የብዙ ኢትዮጵያውያን ወጣቶች ድምፅ ናት ።
.........
ተመርቄ ስራ እይዛለሁ ፡ እኔም አልፎልኝ ቤተሰቤንም እረዳለሁ በሚል ተስፋ ለአመታት ተቸግራ ተምራ ያሰበችበት ደረሰች ።

ሆኖም ስራ የለም ። ጠበቀች ፡ ጠበቀች ። ከረዥም ጊዜ አሰልች የጥበቃ አመታት በኋላ ግን. .. በትምህርት ያሳለፈችውን አመታት እንደባከኑ ቆጥራ የተመረቀችበት ፎቶ በመቅደድ እና በመወርወር. ብሶት ፡ መቸገሯንና ተስፋ መቁረጧን የምትገልፅ ወጣት ሴት ቪዲዮ በሶሻል ሚዲያ ላይ ሲዘዋወር አየን ።
....
ታዲያ አድራሻዋን አፈላልጎ አይዞሽ እኛ እያለንማ አንገትሽን አትደፊም ብሎ ፡ ቀና የሚያደርጋትና ፡ የምስራች የሚያሰማን ማን ይሆን ? አቅም ያላችሁ ሰወች ይህን ማድረግ ትችላላችሁና ብታደርጉት ።

መፍትሄ ምን ይሆን?
አሳብ ስጡበት!

#አዎ_ያለጥርጥር_የምታስበውን_ትሆናለህ!!!
📣📣📣📣📣📣📣📣📣📣📣

#1_ምን_እያሰብክ_ነው?

ሰው የአስተሳሰቡ ውጤት ነው ይባላል፤ አንተም የምታስበው ነገር ውጤት ነህ፤ መጥፎ ብታስብ መጥፎ ትሆናለህ፤ መልካም ብታስብ መልካም ትሆናለህ። ለመሆኑ የምታስበው ምንድነው?

👉ሰው ቀኑን ሙሉ የሚያስበውን ያንኑ ነው እንደሚባለው፣ ቀኑን ሙሉ እንዴት የብርታት፣ የድፍረት፣ የስኬት ሀሳቦችን ማሰብ እንዳለብህ ትማራለህ።

#2_የምትመገበውን_ነህ!

አእምሮህን ምን እየመገብከው ነው? የሚያበረታቱ፣ ጉልበት የሚሆኑ፣ አይዞህ፣ በርታ፣ ጀግን የሚሉ ሀሳቦችን ወይስ የሚያደክሙ፣ የሚያዝሉ፣ አትችልም የሚሉ ሀሳቦችን ነው?

👉ሰውነትህ በምትመግበው እንደሚዳብረው ሁሉ፣ አእምሮህም በምትመግበው ይፋፋል። አእምሮህን እንዴት እንደምትመግበውና እንደምታደልበው ትማራለህ!

#3_የምትናገረውን_ነህ!

የምታስበው የምትናገረው ይሆናል። ምን እየተናገርክ ነው? ውድቀት፣ ሽንፈትና አሉታዊ ወይስ ብርታት፣ ጀግንነት፣ ድፍረትና አዎንታዊ? ንግግርህ ሰዎችን የሚሰብር ነው ወይስ የሚጠግን?

👉የአፍህን ፍሬ ትበላለህና ልክ እንደምትናገረው እንደዚያው ስለምትሆን አንደበትህ መልካም ፍሬ እንዲያፈራ ትማራለህ!

#4_የምታምነውን_ነህ!

እምነትህ እንዴት ነው? በራስህ፣ በስራህ፣ በፈጣሪህ፣ በነገሮች ላይ ያለህ እምነት እንዴት ነው? የምታምነው ነገር አካል ይዞ፣ ነፍስ ገዝቶ በእውኑ ይገለጣል። እምነትህ ያለ ጥርጥር ያድንሃል። ጥያቄው ምን እና እንዴት እያመንክ ነው የሚለው ነው።

👉እንዴት የምታምነውን ያንኑ እንደምትሆንና እንደምታገኝ ትማራለህ።

#5_ትናንትናህን_ነህ!🛣

የትናንት ሀሳቦችህ፣ ምግቦችህ፣ እምነቶችህና ንግግሮችህ ውጤት ነህ! ትናንት ራስህን ምን ትመግበው ነበር? ትናንትናህ ነው የዛሬውን አንተን የፈጠረህ። የዛሬህ ደግሞ የነገውን አንተን ይፈጥራል።

👉እንዴት ትናትናህ ዛሬህን እንደፈጠረና እንዴት ዛሬህ ነገህን እንደሚፈጥር ትማራለህ።

#6_ቆም_ብለህ_አስብ

ምን እያደረግክ ነው? ትናንትን እንዴት ነው የመጣኸው? ዛሬስ ምን እያሰብክ፣ ምን እያደረግክ፣ ምን እየሆንክ ነው? ወርቃማውን አሁንና ነገንስ እንዴት እያሰብከው ነው?

👉ይህች ቅጽበት ቆም ብለህ በፍጥነት የምታስብባት ቅጽበት ናት፤ ለምን ያልክ እንደሆነ ምክንያቱም ከዚህች ቅጽበት ጀምሮ የምታስበውን ትሆናለህና!

#7_አዎ_ያለጥርጥር_የምታስበውን_ትሆናለህ!🫵

እወቀው፤ አሁን የምታስበውን አሁንና ነገ ትሆናለህ፤ አሁን አስተሳሰብህን ብትቀይር አሁንህና ነገህ ይቀየራል። የምታስበውን በመቀየር ራስህን እስከ ወዲያኛው ቀይር!!

ራስን መለወጥ

t.me/changeitwow

ይነበብ❗️
የነገ ሟች የዛሬ ሟችን ይቀብራል !!

ከ150 ዓመታት በኋላ ዛሬ በህይወት ካለነው ሰዎች አንዳንችም በህይወት አንገኝም፡፡ዛሬ ላይ ከምንታገልላቸው ነገሮች 70 በመቶ የሚሆኑት ከ150 ዓመታት በኋላ አንዳቸውም ለምልክት እንኳ አይገኙም ፈፁመው ይጠፋሉ ይረሳሉ፡፡

እስኪ ወደ ኋላ 150 ዓመታት እንሂድ፡፡ወቅቱ 1872 ገደማ ነው የሚሆነው፡፡ያኔ የሰው ልጅ እንደ እቃ በአደባባይ ተደርድሮ የሚሸጥበት ወቅት ነበር፡፡በወቅቱ ብርቅ የነበረውን የፊት መስታወት ለማግኘት ሲሉ የገዛ ዘመዶቻቸውን የሸጡ ሰዎች ዛሬ የታሉ? መስታወትንስ ዛሬ ላይ እንደ ሀብት የሚያስበው ማን ነው? ማንም፡፡

ጨው ወይም ጌጥ ወይም ሌላ ነገር ለማግኘት ሲሉ የተሻሻጡ ብዙ ሰዎች ነበሩ፡፡ዛሬ ላይ እነዚያ ሰዎች የሞቱላቸው የገደሉላቸው የተካካዱባቸው የተሻሻጡላቸው አብዛኞቹ ነገሮች ይህ ነው የሚባል የረባ ዋጋ ያላቸው አይደሉም፡፡በጊዜው ግን ለሰው ልጅ የሞትና የህይወት ልዩነት ነበሩ፡፡የሰው ልጅ በየጊዜው የሚታገልላቸው አብዛኞቹ ነገሮች ዛሬ ላይ ዞር ተብለው ሲታዩ በጣም የሚያስቁ ናቸው፡፡

አስታውሳለሁ የሀይስኩል ተማሪ እያለሁ የትምህርት ቤቱ ፌመስ ለመሆን ብዙ ነገር አደርግ ነበር፡፡ዛሬ ከጥቂት አመታት በኋላ እንኳን ያኔ የነበረኝን ዝና ቀርቶ በትምህርት ቤቱ መማሬንም የሚያስታውስ ሰው የለም፡፡አስቡት የዛሬ 150 ዓመታት ደግሞ … ጭራሽ ትምህርት ቤቱም ላይኖር ይችላል፡፡

አሁን አሁን ላይ ዘመኑ የኢንተርኔት በመሆኑ ኢንተርኔት ትዝታችንን ያስቀምጥልናል ብለን እናስብ ይሆናል፡፡ግን እስኪ በዚህ ዘመን እንኳ ዝነኛ የሆኑትን እናስታውስ፡፡ማይክል ጃክሰን በጊዜው ዝነኛ ነበር፡፡ነገር ግን ከሞተ ገና ሁለት አስርት አመታት እንኳ ሳይሞላው እየተረሳ ነው፡፡ዛሬ ላይ ካለው ትውልድ ማይክልን የሚያስታውሰው በጣም ጥቂቱ ነው፡፡እሱንም ገና ካወቁት ነው፡፡ ከ150 ዓመታት በኋላ ደግሞ ማይክል ጃክሰን የሚለው ስም ጨርሶ ለማንም የማይታወቅ ይሆናል፡፡

ማጠቃለያው ህይወትን ቀለል አድርገህ ኑር፡፡ምንም ሆነ ምንም ዘላለም የሚኖር የለም፥ ከዚህች ምድር በህይወት የሚወጣ ሰውም የለም፡፡ዛሬ ልትሞትለት እና ልትገድልለት የተዘጋጀኸው መሬት ከዚህ ቀደምም ብዙዎች ተጋድለውለት ሞተው ጭራሽ እንዳልነበሩ ሆነው ተረስተዋል፡፡

ከ150 ዓመታት በኋላ ዛሬ አንተ እንደ ትልቅ ሀብት የምታያቸው አብዛኞቹ ነገሮች ምንም ፋይዳ የሌላቸው ተራ ቁሶች ይሆናሉ፡፡እና ምን ለማለት ነው ፥ ፍቅር ይግዛን ፥ መጠላለፍ ከጀርባ መወጋጋት መቀናናት መፎካከር ይቅርብን፡፡ህይወት ከማንም ጋር የምታደርገው ፉክክር አይደለችም፡፡ቀደምንም ዘገየንም መጨረሻችን መቃብር ነው፡፡ ለዚች ምድር ዘላለማዊ ሳይሆን ተረኛ ነዋሪ ነን፣ነገ የምናልፍ።
(ከማህበራዊ ሚዲያ የተገኘ)

t.me/changeitwow

ስልክዎ የእርስዎ እንጂ እርስዎ የስልክዎ አይደሉም!

“ቀንዎ ጤናማ እንዲሆን ከፈለጉ ጠዋት ላይ ከእጅ ስልክዎ ጋር የሚኖሮትን ቁርኝት ይቀንሱ”- አጥኚዎች

አንተርኔት የሚጠቀሙ ሰዎች በቀን ውስጥ በአማካይ ከ96 ጊዜ በላይ የእጅ ስልካቸውን የሚነካኩ ሲሆን ከእንቅልፋቸው ከተነሱ በኋላም ከ30 ደቂቃ እስከ 1 ሰዓት ድረስ ሞባይላቸው ላይ እንደሚያሳልፉ የተለያዩ ጥናቶች ያመለክታሉ፡፡

አጥኚዎቹ እንደሚገልጹት ብዙዎች ከመኝታቸው ሲነቁ የእጅ ስልካቸው ላይ ከግማሽ ሰዓት በላይ የሚቆዩ በመሆናቸው በውሏቸው ስሜታቸው ሊረበሽ እንደሚችል እና ጥሩ የመስራት አቅም እንዳይፈጠርባቸው እንደሚያደርግ ገልጸዋል፡፡

በጠዋት ከኢንተርኔት እና ከስልክ መተግበርዎች ጋር ከመጠን ያለፈ ቆይታ ማድረግም አዕምሮ ሊያደርገው የሚገባውን የማሰብ እና ማሰላሰል ሒደት ላይ ተጽዕኖ ሊፈጥር እንደሚችል የሲ ኤን ኤን የጤና ድረ ገጽ አስፍሯል፡፡

ስልክዎ የእርስዎ እንጂ እርስዎ የስልክዎ አይደሉም ሲልም ጥንቃቄ ማድረግ እንደሚያስፈልግ አሳስቧል።

ከዚህ ድርጊት ለመላቀቅ መፍትሔ ሲል ያስቀመጠውም የበይነ መረብ እና የማሕበራዊ ትስስር ገጾች ላይ ከድንገቴ መልዕክቶች መቆጠብ፤ በደንብ ነቅተው እንቅስቃሴ እስኪያደርጉ ድረስ ስልክን ከአጠገብ ማራቅ እና አጠገብዎ ካሉ የትዳር አጋር ዘመድ አልያም ቤተሰብ ጋር በመነጋገር ጤናን መጠበቅ እንደሚያስፈልግ አስቀምጧል፡፡

(ፍቅረሚካኤል ዘየደ - NBC)

የቡርኪናፋሶዋ ገበሬ

ይህች ልጅ ስዋሚድዋ ሀቢዳዲ ትባላለች ሀገሯ የቶማስ ሳንካራዋ  ቡርኪናፋሶ 🇧🇫🇧🇫።

ገበሬ ነች ።  ወላጆቿ ከሞቱ በኋላ በ16 ዓመቷ ግብርና ጀመረች።

ከትምህርት ይልቅ እርሻን መረጠች ፤ ከቤተሰቧ በውርስ ያገኘችውን 6 ሄክታር መሬት ''አሸሼ ገዳሜ ብላ አላጠፋችውም ''። 6 ሄክታር መሬቷን  ለተለያዩ አዝርዕት እና ፍራፍሬ ከፋፍላ አሳረሰች ። ሩዝ፣ በቆሎ፣ ባቄላ፣ አኩሪ አተር እና ፍራፍሬ እና ሌሎችንም ዘራች ።

ከወላጆቿ የተረከበችውን 6 ሄክታር መሬት  ለእርሻ ብቻ አዋለችው ። መሬቱን በአጭር ጊዜ ውስጥ ዋና የገቢ ምንጭዋ ሆነ ።

ስዋሚድዋ በዚህ አመት 10,000 ከረጢት በቆሎ፣ 8,000 ከረጢት ሩዝ እና 5,000 ከረጢት የተፈጨ ለውዝ ሰበሰበች።

ከ900 በላይ ከብቶች፣ 500 ፍየሎች አልዋት ። 20 ወንድ እና 20 ሴቶች ቀጥራ ታሰራለች ። በቀላሉ ለማልማት የሚያስችል ትራክተርም አላት።

ከጋዜጠኛው ጋር ቆም ብላ ስታወራ Vx hilux መኪናዋን ተደግፋ ነው ። ከዚህ ተሽከርካሪ ሌላ እንደ 4 BMW፣ 2 Mercedes Benz wagon እና 3 range Rover  መኪኖች አሏት። ለእያንዳንዱ ሰራተኛ 40 ሞተር ሳይክል ገዝታለች ።

በአሁኑ ጊዜ በአካባቢዋ የበጎ አድራጎት በስፋት ትሳተፋለች ። መብራት ቧንቧ ውሃ ለአካባቢዋ አስገብታለች ። ለበርካቶች እንጀራ እንዲወጣላቸው ምክንያት ሆናለች ።

ከማህበራዊ ሚዲያ

t.me/changeitwow

#የአንተ_ስበብ ምንድነው?!

#1_ለምንህን_ፈልግ

መነቃቃትን ሳይሆን ለምንህን ፈልግ። ያን ጊዜ ባንተና በግብህ መካከል ሰበብ አይፈጠርም!

ለግቦችህና ለድርጊቶችህ ጠንካራ ምክንያት የሚሆንህ ለምን? ፈልግ እንጂ በየ ጊዜው የሚቀያየር የመነቃቃት ስሜትን በመጠበቅ ጊዜህን አታባክን። ሲደክምህም፣ ፈተና ሲበዛብህም ብርቱ የሚያደርግህ ለምንህ እንጂ ስሜትህ አይደለም።

#2_ካልፈራህ_በቀር_ሰበብ_አታበዛም!

አዎ ሰበብ የፈሪዎች መደበቂያ ነው። አንተ ግን ፈሪ አይደለህም። ስለማትፈራ ሰበብ በማብዛት አትደበቅም። ትወጣለህ፣ ትጋፈጣለህ፣ ታሸንፋለህ!

#3_የማታገኘውን_ዛሬህን_ሁሌም_በምታገኘው_ሰበብ_አትጣው!

ሰበብ ሁልጊዜ አለ። መልካም እድልና አጋጣሚ የሚመጣው ግን አልፎ አልፎ ነው። ሰበብን ከፈለግከው ዛሬ፣ ነገ ወይም ከዓመታት በኋላም አታጣውም። ዛሬህ ግን የዛሬ ብቻ ነውና ተጠቀምበት!

#4_ሰበብ_ማሸነፍን_አጥበቀው_ለማይፈልጉት_ሰዎች_ነው!

ግብህን ምን ያህል ትፈልገዋለህ? የአሸናፊነት ርሃብህ እስከ የት ድረስ ነው? ሰበብ ካበዛህ በቂ ፍላጎትና ርሃብ የለህም ማለት ነው።

#5_ወዴት_እየሄድክ_ነው?

የት ነበርክ ወይም የት ነህ የሚለው አያሳስብም። ዋናው ወደ የት እየሄድክ ነው የሚለው ነው። ሰበብ አታብዛ!

ዋናው ቁምነገር መድረሻህ ነው። መነሻህ የትም ሊሆን ይችላል። ሁሉም የተደላደለ መነሻ አይኖረውም፤ ሁሉም ግን መድረሻውን የተደላደለ ማድረግ ይችላል። ይህ የሚሆነው ደግሞ ሰበብን የቆሻሻ ቅርጫት ውስጥ በመጣል ነው!!

ሰበብህን የቆሻሻ ቅርጫት ውስጥ በመጣል ሕልምህን መኖር ያስፈልጋል!!!

ራስን መለወጥ

t.me/changeitwow

#የማይቀየሩ_እውነታዎች

#ምንም ነገር ለዘላለም አይቆይም፡፡ ችግሮችህ፣ የከበቡህ ሰዎች፣ ስራህ፣ ትዳርህ እና ግንኙነቶችህ ሁሉ ለጊዜዉ ነዉ፡፡ የሁሉም ነገር ፍፃሜ የሆነ ቀን ላይ ሲሆን ታየዋለህ፡፡ በህይወቴ ሁሉ አብረዉኝ ይኖራሉ ያልካቸዉ ነገሮች እንኳን ሳይቀሩ ሲፈረካከሱ ታያቸዋለህ።

#ለሁሉም ነገር ተራ አለዉ፡፡ ሰዉን ብትጠቅም ጊዜዉን ጠብቆ አምላክህ ይከፍልሃል፡፡ ብትጎዳም እንዲሁ። በሰፈርከዉ ማንነት ጊዜዉ ሲደርስ ትሰፈራለህ።

#ማንም ሰዉ ስላንተ አይጨነቅም፡፡ 20 ፐርሰንቱ ብቻ ስላንተ ሲጨነቁ (እነሱም የቅርብ ጓደኞችህና ቤተሰቦችህ መሆናቸዉን አትዘንጋ) 80 ፐርሰንቱ ግን ኑር አትኑር አንዳች ቅንጣት ስላንተ አያስቡም፡፡ ችግሮችህን ለነዚህ ለ 80 ፐርሰንት መናገር እራስህን ማባከን ነዉ ምክንያቱም ችግርህ ለነሱ ምናቸዉም አይደለምና! የራሳቸዉ ጉዳይ ብቻ ያሳስባቸዋልና ቆጠብ በል።

#ሰዎች በህይወትህ ይመጣሉ ደግሞም ይሄዳሉ፡፡ አንድ ቀን ለብቻህ ሰዉ በሌለበት ልትሞት ትችላለህና ሰዎችን አትደገፍ።

#ከ5-6 የልብ የምትላቸዉ ሰዎች በቀር ፌስቡክ ላይ ያሉት የጓደኛ ጋጋታ ምንም አይጠቅሙህም፡፡ ብትሞት እንኳ ቀብርህ ላይ የማይመጡ ብዙዎች መሆናቸዉን እወቅ።

#የስራ አለቃህ እንድታድግና የተሻለ ቦታ እንድትይዝ ሊመኝ ይችላል ግን መቼም እንድትበልጠዉ አይፈልግም፡፡ ምንም ሽልማትና ጭብጨባ ቢበዛልህ ከሱ እንደምትበልጥ ካሰበ አንተን ለመገፍተር ወደኋላ አይልም።

#98 ፐርሰንቱ ሰዉ መቼ እንደተወለድክ እንኳን አያዉቅም (2 ፐርሰንቱ መቼም እነማን እንደሆኑ መገመት አያቅትህም)፡፡ ካላመንከኝ ሞክረህ እየዉ!

#የዉሸት ጓደኞችህ የተሻለ ህይወት እንድትመራ በፍጹም አይፈልጉም፡፡ ነገሮች መልካም ሲሆኑ የሚሰበሰቡ ሰዎች ሊያስገርምህ አይገባም! አንድ ቀን ህልምህ 'ወለም' ብሎ ካዩ እጃቸዉን ቀስረዉ ይስቁብሃል፡፡ የዛኔ ያልሳቁብህን የልብ ጓደኞችህ አድርጋቸዉ።

#ገንዘብ ያለዉና ፀዳ ብሎ የሚመላስን ሰዉ ብዙዎች ሲያከብሩት ትመለከታለህ ፡፡ የማያዉቅህ እንኳን ቢሆን ፀዳ ካልክበት ሊያከብርህ ሲዳዳዉ ታየዋለህ።

#ለሰዎች ምክር መስጠት በጣም ቀላል ነዉ ነገር ግን ምክርን ወደተግባር መቀየር ከባዱና አስቸጋሪዉ ነገር ነዉ፡፡ አንዳንዴ ሰዉን ካለበት ማጥ ለማዉጣት ካሰብክ ከምክር በላይ የሆነ ስብዕና ሊኖርህ ይገባል፡፡

#አንድ ዉሸታም ጓደኛህ ከ 100 ጠላትህ ጋር እኩል ጥፋት ያደርሳል፡፡ ጠላቶችህን ተከታተላቸዉ ጓደኞችህን ደግሞ በጣም ተከታተላቸዉ።

#ነገሮች መልካም እንዲሆኑና እንዲሳኩ ያለ የሌለ ጥረትህን አድርገህ ሳይሳካልህ ቀርቶ ይሆናል፡፡ ይሄ ያንተ ደካማነት ሳይሆን ህይወት እንዲህ አይነት ገፅታም ስላላት ነገሩን ተቀበለዉ።

#ለመወደድ ልዩ ሰዉና ሁሉንም ሞካሪ መሆን አይጠበቅህም፡፡ እንዳንዴ ሰዉ ሁሉ ባይወድህ እንኳን ይሄ ምንም ማለት እንዳልሆነ ተረዳ፡፡

#በሰዎች መጠላትንም ቀለል አድርገህ ዉሰደዉ ምክንያቱም እንዴት እራስህን ማሳደግ እንዳለብህ ማጤን ወሳኙ ነገር ሲሆን የሰዎችን ስሜት እያዳመጥክ ከፍና ዝቅ እያልክ መኖር አይጠበቅብህም፡፡

#የራስህ አስተሳስብ ይኖርሃል፡፡ ሌሎችም እንዲሁ...ሰዎች በሀሳብህ አለመስማማታቸዉ አንተነትህ ላይ የሚያመጣዉ ነገር የለም፡፡ ሃሳብህን ለማሳመን የሰዎችን አስተሳሰብ ረጋግጠህ አትዉጣ፡፡ የሰዎችን ሃሳብ አክብር ሰዎችም ሃሳብህን እንዲያከብሩ አድርግ።

#ይቺ አለም የምትፈልግህ ጠቃሚ ነገር አንተ ጋር እንዳለ ስታምን ብቻ ነዉ፡፡ ባጠቃላይ አለም እራስ ወዳድ ናት።

#ሰዎች ስለ ደስታ አጋነዉ ሲያወሩ ትሰማ ይሆናል፡፡ በኣጭሩ ደስታ ማለት ስሜትህ ሳይሆን አእምሮህ ያለበት ሁኔታ ነዉ፡፡ ደስተኛ ሆነህ በሰዎች ልትጎዳ ትችላለህ፡፡

#ህይወት እኩል አይደለችም፡፡በሆነ ነገር ጎበዝ ብትሆን ካንተ የበለጠ በጣም ጎበዝ ሰዉ አለ...እኩልነት ዉሸት ነዉ፡ ስለዚህ በመኖርህ ብቻ ተደሰት፡፡

t.me/changeitwow

ራስን መለወጥ

ምንም ጠላት የሌለው የህንዱ ቢሊየነር...!
(A MAN WITH ZERO HATERS)
ራታን ታታ ፡ ጠላት አልባው ፡ ባለወርቅ ልብ ቢሊየነር ።
........

በወጣትነት እድሜው ወደ አሜሪካ ተጉዞ እዛው የተማረው  ወጣቱ ህንዳዊ ራታን ታታ ፡  ሎስ አንጀለስ በሚገኘው የአርክቴክቸር ካምፓኒ ውስጥ እያለ ነበር ከመጀመሪያ ፍቅረኛው ጋር የተገናኘው ።
....
ራታን ታታ ይህን ጊዜ ሲያስታውስ. .
በህይወቴ ምርጡ የምለው ጊዜ ይህ ከመጀመሪያ ገርልፍሬንዴ ጋር ያሳለፍኩት ጊዜ ነበር ይላል ።
.....
እና ከዚህች ልቡን ጥቅልል አድርጎ ከሰጣት ሴት ጋር ወደ ህንድ አብረው ተጉዘው በትዳር እንደሚኖሩ ወስነው እያለ ። ህንድና ቻይና ፡  በሂማልያ አካባቢ በሚገኙ ቦታዎች የነበራቸው የይገባኛል ጥያቄ እየከረረ ሄዶ ጦርነት ውስጥ ገቡ ።
......
ይህን የተረዱትና ፡ በልጃቸው ወደህንድ መጓዝ  ስጋት የገባቸው የፍቅረኛው ቤተሰቦች ልጃቸው ወደ ህንድ መላክ አልፈለጉም ።
....
ወጣቱ አርክቴክት ራታን ታታ ፡ የሚወዳትን ሴት ሳይወድ በግድ  ትቶ ወደ ህንድ ተጓዘ ።
.....
ያ የመጀመሪያ ፍቅሩን ያጣው ልቡ ሌላ ሴት አልለምድ አለው ። እና ሙሉ ትኩረቱን ስራው ላይ አድርጎ ፡ ያንን የወጣትነት ፍቅር እድሜ ልኩን እያስታወሰ ፡ ሳያገባ ፡ ሳይወልድ ኖረ ።
....
የፍቅር ህይወቱ ያልተሳካለት ራታን ታታ ፡ ሙሉ ትኩረቱን ስራው ላይ በማድረግ. . የቤተሰቡ ንብረት የሆነውን ፡ የ TATA  ፡ የጃጉዋር ፡ የሬንጅሮቨርና ላንድሮቨር መኪኖች አምራች  የሆነውን  ፡ ታታ ግሩፕን በመምራት ኩባንያውን ብቻ ሳይሆን ፡ ህንድንም ማሳደግ የቻለ ሰው ሆነ ።
.....
ሚስተር ራታን ታታ ከዚህም በላይ ፡  በዋናነት የሚታወቁበት " ባለወርቅ ልብ "  የሚል ቅፅል ስም እስከማግኘት ባደረሳቸው የሰብአዊ አድራጎታቸውና ፡ እጅግ በበዛ ትሁት ስብእናቸው  ነው  ።
.....
......
እና ይህ A Man With zero Haters በሚል ስም የሚታወቀው ፡ ከቢሊየን በላይ ህንዳውያን ያላንዳች ልዩነት የሚያከብሩት ፡ የሚወዱት ሰው ... ዘመኑን በሙሉ ለሰው ልጆች ሁሉ መልካም ሲያደርግ ኖሮ ዛሬ ምሽት  በ86 አመቱ ፡ መልካም ስሙን ትቶ ይህችን አለም መሰናበቱን በአለም አቀፍ ሚዲያዎች  በሰበር ዜና ሲዘግብ ሰማን ።

ታዋቂ የቦሊውድ የፊልም ተዋናዮች ፡ በኢንስታግራምና የፌስቡክ ፕሮፋይላቸውን በኚህ ደግ ፡ ትሁት ፡ እና ጎበዝ ሰው ምስል ቀየሩ ። ሚዲያዎች ጠቅላላ ፡ ህንድ አልማዟን አጣች ፡ የደግነት ፀሀይ ጠለቀ. ..  ሲሉ በሚያማምሩ ቃላት ስለ ህልፈታቸው ጻፉ ፡ ዘገቡ ።
.....
ከንግዲህ አደለም ህንዳውያን ፡ ሌላውም  ስለዚህ ሰው የሚያውቅ ሁሉ ራታን ታታ የሚለውን ስም ሲሰማ ጥሩ ምግባሩን ያስታውሳል ። ያ በህይወት እያሉ ያደረጉት መልካም ስራ ዘላለም ሲያስመሰግናቸው ይኖራል ።
.....
Legends are born, and they live forever !
ከዋሲሁን ተስፋዬ

ራስን መለወጥ
t.me/changeitwow

ከሊዮ ቶልስቶይ ተረቶች ውስጥ እንዲህ የሚል ይገኝበታል፡፡
አንድ ንሥር በዛፍ ላይ ጎጆ ትሠራለች፡፡ እዚያም ውስጥ ጫጩት ትፈለፍላለች፡፡ አንዲት አሳማ ደግሞ ግልገሎቿን ይዛ ዛፉ ሥር ትቀመጣለች፡፡ ንሥሩዋ ሩቅ በርራ አድና ልጆቿን ትቀልባለች፡፡ አሳማዋ ዛፉ ስር እየኖረች እጫካው ውስጥ እየገባች፣ እያደነች ውላ ማታ ለልጆቿ ምግብ ታመጣላቸዋለች፡፡ በዚህ ዓይነት ንስርና አሳማ እንደ ጎረቤት እየተማመኑ፣ እየተዋደዱ፣ አንዳቸው አንዳቸው ላይ ክፉ ላያስቡ ተስማምተው መኖራቸውን ይቀጥላሉ፡፡ በመሰረቱ ንሥርና አሳማ በተፈጥሯቸው አንዳቸው ያንዳቸውን ግልገል ካገኙ የማይምሩ፣ ተፃራሪ ፀባይ ያላቸውና ሊጠፋፉ የሚችሉ ናቸው፡፡ አንድ ቀን አንዲት አሮጊት ድመት ወደ ሁለቱ ሠፈር መጣች፡፡ የንሥሯንም ጫጩቶች፣ ጡት የሚጠቡትንም የአሳማዋ ግልገሎች ፣ ልትበላቸው አሰበች፡፡
ወደ ንስሯ ሄዳ፤
“ንሥር ሆይ፣ ለምግብና ለአደን ብለሽ ከእንግዲህ ሩቅ መንገድ እንዳትሄጂ፡፡ ይቺ አሳማ የምትተኛልሽ አይምሰልሽ፡፡ መጥፎ ተንኮል እያሰበችብሽ ነው፡፡ የዛፉን ሥር እየበጣጠሰችው ነው፡፡ እንደምታይው በየቀኑ የሥሩን አፈር እየማሰች ነው፡፡” አለቻት፡፡ ንሥሯም ስለ ምክሯ አመሰግናት ተለያዩ፡፡
ቀጥላ ደግሞ ወደ አሳማዋ ዘንድ ሄዳ፤
“አሣማ ሆይ፣ ዘንድሮ ጥሩ ጎረቤት አልተዋጣልሽም፡፡ ትላንት ማታ ንሥሯ ለጫጩቶቿ እንዲህ ስትል ሰማኋት፡፤ ወዳጄ ስለሆንሽ ሆዴ አልችል ብሎኝ ልነግርሽ መጣሁ አለች፡፡ አሳማም፤ “ምን አለችኝ እባክሽ?” ብላ በጉጉት ጠየቀች፡፡
ድመትም፣ “ምን ስትል ሰማኋት መሰለሽ፣ ልጆቼ፤ ከእንግዲህ አትራቡም፡፡ እንዲያውም ጥሩ ጥሩ ግልገል አሳሞች እያመጣሁ እቀልባችኋለሁ፡፡ አይዟችሁ፣ ይህቺ አሳማ የምንኖርበት ድረስ መጥታ ግልገሎቿን መሬት ላይ አፍስሳልናለች፡፡ እናታቸው ራቅ ብላ ስትሄድ ቆንጆ ቆንጆ ግልገሎቿን እያመጣሁ አበላችኋለሁ” አለች፡፡
ከዚህ ቀን ጀምሮ ንሥር ወደ ሩቅ ቦታ እየሄደች ማደኗን አቆመች፡፡
አሳማዋም ከዚህ ቀን ጀምሮ ወደ ጫካ መሄዷን አቆመች፡፡
የንሥርም ጫጩቶች፣ የአሳማም ግልገሎች ከቀን ወደ ቀን ለረሀቡ እየተጋለጡ ሄዱ፡፡ ውሎ አድሮ፣ የንሥር ልጆች አንድ በአንድ ከዛፍ ላይ እየተፈነቸሩ ይወድቁ ጀመር፡፡ የአሳማም ግልገሎች እናታቸው ለመኖሪያ በማሰችው ጉድጓድ ውስጥ ሞተው ይገኙ ጀመር፡፡ አሮጊቷ ድመት የሞቱትን ጫጬቶችና ግልገሎች እያፈራረቀች የተመጣጠነ ምግብ ማለት ይሁ ነው እያለች እየተመገበች ፌሽታ ስታደርግ ከረመች፡፡
ንስርና አሳማ ሲያለቅሱ ሰነበቱ፡፡

የስኬት ጉዟችን የሚሰናከለው በጥቂቶች ጥቅም ፈላጊነት የተነሳ እኛ መስዋዕት ስንሆን ነው

ራስን መለወጥ
t.me/changeitwow

የባህር ዳርቻ ወፍና የባህር አሣ ሲታገሉ፣ አሣ አጥማጅ ይጠቀማል

የዓለማችን የመጀመሪያው ትሪሊየነር ማን ሊሆን ይችላል?
ዓለማችን በ2027 የመጀመሪያውን ትሪሊየነር እንደምታገኝ ፎርብስ አስታውቋል።

በቴክኖሎጂ ዘርፍ የተሰማሩ ኩባንያዎች በየዓመቱ ከፍተኛ የተባለውን ትርፍ በማግኘት ላይ ሲሆኑ ዓለማችን ካሏቸው ቀዳሚ ባለጸጋዎች መካከልም ዋነኞቹ ናቸው፡፡

236 ቢሊዮን ዩሮ ሀብት በመያዝ የዓለማችን ቁጥር አንድ ባለጸጋ የሆነው ኢለን መስክ በ2027 በታሪክ ለመጀመሪያ ጊዜ ትሪሊየነር ደረጃን እንደሚይዝ የብሉምበርግ ቢሊየነር ሪፖርት ትንበያ ያስረዳል፡፡

እንደ ትንበያው ከሆነ ከኢለን መስክ በመቀጠል የህንዱ ጓታም አዳኒ በ2028 ለይ ሁለተኛው ትሪሊየነር እንደሚባልም ተገልጿል፡፡

የ61 ዓመቱ እና የኒቪዳ ኩባንያ ባለቤቱ ጄሰን ሁዋንግ በ2028 የሀብት መጠኑ ትሪሊየን ይገባል የተባለ ሲሆን አሁን ላይ 112 ቢሊዮን ዶላር ሀብት ባለቤት ነው፡፡

የኢንዶኔዥያው ፕራጆጎ ፓንግስቱ በተመሳሳይ በ2024 አራተኛው የዓለማችን ትሪሊየነር እንደሚሆን የተገመተ ሲሆን ማርክ ዙከርበርግ፣ ፊል ናይት እና በርናርድ አርናውልት ከአምስት ዓመት በኋላ የሀብት መጠናቸው ወደ ትሪሊነር ያድጋል ተብሏል፡፡

በአጠቃላይ እስከ ፈረንጆቹ 2037 ዓመት ድረስ 15 ዓለማችን በላጸጋዎች የሀብት መጠናቸው ከቢሊዮን ወደ ትሪሊየነርነት እንደሚያድግ ተገልጿል፡፡

በቀጣዮቹ 10 ዓመታት ውስጥ ሀብት መጠናቸው ወደ ትሪሊየነርነት ከሚገባላቸው ባለጸጋዎች መካከል አስሩ አሜሪካዊያን ሲሆኑ ሁለት ህንዳዊያን እንዲሁም ኢንዶኔዢያ ፈረንሳይ እና ቻይና ደግሞ እያንዳንዳቸው አንድ ትሪሊየነር ይኖራቸዋል ተብሏል፡፡

ከአል ዐይን
t.me/changeitwow

#ከመፅሀፍ_ገፆች...

ጆርዳን የተባለው ደራሲና የሥነ ልቦና ባለሙያ የሰው ልጆች ከተዛባ አመለካከት ወደ ቅን አሳቢነት የሚያሸጋግሩና መልካምነትን የሚያጎናፅፉ #ዘጠኝ አስተሳሰቦች ብሎ ያስቀመጣቸው እንደሚከተለው ቀርበዋል።

1. ለሰዎች መልካም ሁን፦

መልካምነት ለተረጋጋ ህይወት መጀመሪያ ነው። መልካምነት ካንተ ጋር ከሆነ ሁሉም ነገር አብሮህ ይኖራል። ለሰዎች መልካም ነገር ባደረክ ቁጥር የተረጋጋ ህይወትን ለመምራት የሚያስችልህን መንገድ እየጠረክ ትሄዳለህ። የመልካምነትን መንገድ መከተል የጀመረ ሰው ለተሳሳቱና ላልጠሩ አመለካከቶች የሚሆን ቦታ ስለማይኖረው፤ የሚያጋጥሙትን ችግሮች በተለየ አቅጣጫ እየተመለከተ ለመፍታት ይሞክራል።

2.ማገዝ ከሚችሉ ሰዎች ጋር ተወዳጅ፦

አብዛኛውን ጊዜ ሰዎች በራሳቸው ጥረት ብቻ የሚፈልጉት የስኬት ጫፍ ላይ ለመድረስ ሲታገሉ እንመለከታለን። በተለይ የተሳሳተ አመለካከት ያላቸው ሰዎች የሌሎችን እገዛ መጠየቅ የውድቀት መጀመሪያ መስሎ ይታያቸዋል። በዙሪያ የሚያግዙ ሰዎች መኖር ጥንካሬና ብርታትን ይሰጣል። ስለዚህ የሚያግዝህና ሃሳብህን የምታጋራው አስተዋይ ወዳጅ ይኑሩህ።

3. ኃላፊነቶችን ለመወጣት ዝግጁ ሁን፦

ኃላፊነትን ለመቀበል ዝግጁ መሆን የተሳሳተ አመለካከትን አሽቀንጥሮ ለመጣልና ቀና አመለካከት ለማካበት ከሚረዱ ነገሮች አንዱ ነው። ኃላፊነትን በተሸከምክ ቁጥር ስለ ሌሎች ሰዎች ማሰብና ራስህን በሌሎች ቦታ አስቀምጦ ፍርድ የመስጠት ልምድ ማግኘት ይቻላል። ለሰዎች ማሰብ መቻል ደግሞ ለቀና አመለካከት እንደ ማሳያነት ይቀርባል። በተጨማሪም ከዚህ በፊት በነገሮች ላይ የነበረህን የተሳሳተ ግንዛቤ እያጠራልህ ይሄዳል። ቀስ በቀስ አመለካከትህ ተቀይሮ ሁኔታዎችን የመለወጥ አቅም እንዳለህ ማመን ትጀምራለህ።

4. ይቅር ባይ ሁን፦

በይቅርታ ማመን መቻል ሌላኛው ቀና አመለካከት ያለው ሰው መገለጫ ባህሪ ነው። አንድን ሰው በሆነ አጋጣሚ ቢያስቀይምህና ከቀናት በኋላ የሠራው ሥራ ትክክል እንዳልነበረ ተረድቶ ይቅርታ ቢጠይቅህ ይቅርታህን አትንፈገው። ቀና አመለካከት ያለው ሰው ይቅርታ ለጠየቁት ሰዎች ምህረት ከማድረግ ባለፈ በጥፋቱ ይቅርታ የመጠየቅ ልምድ አለው።

5. ሙሉነት ይሰማህ፦

የሙሉነት ስሜት በሥነ ልቦና ባለሙያዎች ዘንድ ትልቅ ትኩረት የሚሰጠው ጉዳይ ነው። በህይወትህ ብዙ ነገሮች ሊያጋጥሙህና እንዳልነበሩ ሆነው ልታገኛቸው ትችላለህ። ለራስህ ግን ሁሉም ነገር ሙሉ እንደሆነና ዘወትር መልካም ነገር ላይ እንዳለህ አስብ።

አብዛኛውን ጊዜ የተሳሳተ አመለካከት ያላቸው ሰዎች በራሳቸው ሙሉነት አይሰ ማቸውም። ቀና አመለካከት ያላቸው ሰዎች ግን የተዘበራረቁ የህይወት መስመሮች ውስጥ ቢሆኑም እንኳን እንዳልተዘበራረቁ አድርገው ማሰብ ይችላሉ። የጎደለ ነገር ሁሉ ባዶ አይሆንምና ሁል ጊዜ በራስህ ሙሉነት ይሰማህ። ሰዎች ዛሬ የምታሳልፈው ቀን ደስ የማይል እንደሆነ አስረግጠው ቢነግሩህ እንኳን ፍፁም ደስተኛ ሆነህ ማሳለፍ እንደምትችል ውስጥህን አሳምነው።

6. ከመጠን ያለፈ አታስብ፦

ሁሉም ነገር በተፈቀደለት ጊዜ መሆኑ አይቀሬ ነው። አእምሮህ ከሚችለው በላይ በሃሳቦች መወጠር ቀና አመለካከት እንዳይኖር ያደርጋል። ስለአንድ ነገር አብዝተህ የምትጨነቅ ከሆነ ትኩረትህን ሁሉ ጉዳዩ ላይ ይሆንና በዙሪያህ ስላሉ ሰዎች ማሰብ ታቆማለህ። ያኔ ከሰዎች ጋር አለመግባባት ውስጥ ትገባለህ።

7. ደስታ አይራቅህ፦

አብዛኛውን ጊዜ የተሳሳተ አመለካከት ያላቸው ሰዎች ፍፁም ደስታ የራቃቸው ናቸው። ነገሮች ላይ አብዝተው ስለሚጨነቁ፣ በይቅርታ ስለማያምኑና ሙሉነት ስለማይሰማቸው ለራሳቸው ደስታን መፍጠር ይሳናቸዋል። ቀና አመለካከት ያላቸው ሰዎች ግን ሁል ጊዜ ሙሉ እንደሆኑ ስለሚሰማቸውና አርቀው ስለሚያስቡ ደስታቸው በእጃቸው ነው።

8. ለዋዛ ፈዛዛ ነገሮች ቦታ አለመስጠት፦

ለሚረባውም ለማይረባውም ነገር ቦታ መስጠት የተዛባ አመለካከት እንዲኖር ከማድረጉም በላይ መንፈስን ላላስፈላጊ ጭንቀት ይዳርጋል። በመሆኑም ትኩረት መስጠት ለሚያስፈልገው ጉዳይ ብቻ ትኩረት በመስጠት የቀና አመለካከት ጎዳናን ማስፋት ይቻላል።

9. ግርማ ሞገስ መላበስ፦

በሌሎች ዘንድ ተቀባይነትንና ተወዳጅነትን ለማግኘት የሰዎችን ቀልብ መሳብ መቻል ተገቢ ነው ። ማድረግ የምትፈልጋቸው ድርጊቶች ሁሉ ግርማ ሞገስን የተላበሱ ቢሆኑ መልካም ነው ።

ራስን መለወጥ
t.me/changeitwow

#የአለም__እውነታወች
1. የሚከተልህ ሁሉ አድናቂህ አይደለም

2. ውሻ ጭራውን የሚቆላው ላንተ ሳይሆን በእጅህ ላለው ዳቦ ነው ፣ አስመሳይና ተለማማጭ ሰውም እንዲሁ ነው ።

3. ሕይወት ድልድይ ናት፣ አቋርጣት እንጂ በላይዋ ላይ ቤት አትስራ ።

4. ውሀ ቅርፁን ከመያዣው ጋር እንደሚስማማ ሁሉ ብልህም ራሱን ከሁኔታው ጋር ይስማማል ።

5. ምንም ያህል ርቀት በተሳሳተ መንገድ
ብትጓዝም ወደኋላ ተመለስ ።

6. ዝቅ ብለህ ብትመለከት ምን ያክል ከፍ እንዳልክ ታውቀዋለህ ።

6. አንድ ሰው ስትተዋወቀው በልብሱ ልትመዝነው ትችላለህ ፣ ስትለየው ግን በአስተሳሰቡ ትመዝነዋለህ ።

7. ሠርግና ቀብር አንድ ናቸው ። ልዩነቱ የሠርግ አበባን ባለቤቱ ማሽተት መቻሉ ብቻ ነው ።

8. አምላክህን ደስታህን በቅንነት ብትጠይቀው ይሰጠሀል ። ብቻ በቤትህ በሀቀኝነት ኑር ።

9. ማንክያ የሾርባን ጣዕም እንደማያውቅ ሁሉ ለስሙ የተማረም የጥበብን ጣዕም አያውቅም ።

10. ሀገር እንዳትጠፋ ትልቅ ነገርን አታጥፋ ። "ሰው ሆይ በትዕቢትና በንቀት መወጠርህን አቁም ። የውሸት መኖርህን ፣ ሰዎችን መበደልህን ፣ ፈጣሪህን ማሳዘንህን አቁምና መልካም ነገርን አድርግ ። ልብ በል ሺህ ጊዜ የውሸት ብትኖር አንድ ጊዜ የእውነት መሞትህ አይቀርም ።

ራስን መለወጥ
t.me/changeitwow

ፓትሪስ ኤቭራ ስለ ክርስትያኖ ሮናልዶ 🎙

🗣 "አንዴ 'ከትሬኒንግ ቡኃላ ና' አለኝ። ከዛ ሄድኩኝ። ታውቃላችሁ በጣም ደክሞኝ ነበር። ጠረቤዛው ላይ ሰላጣ እና plain white chicken ብቻ ነበር ያለው። እና እኔ በውስጤ 'እሺ እንግዲ ይሁን አልኩኝ' ከዛ ደግሞ ውሃ ብቻ ነበር ምንም ጁስ የለም። ከዛ መመገባችንን ጀመርን። አሪፍ ስጋ ይመጣል ብዬ እየጠበኩ ነበር። ግን ምንም የለም።"

🗣 "ልክ እንደጨረስን ተነሳ እና በኳሷ መጫወት እና የተወሰኑ ስኪሎችን መስራት ጀመረ። ከዛ 'ና በሁለት ንክኪ እንጫወት አለኝ'። እኔ እባክህ በልቼ ልጨርስ አልኩት። 'አይ ና በሁለት ንክኪ እንጫወት' አለኝ እና መጫወት ጀመርን።"

🗣 "ና እስኪ ወደ መዋኛው እንሂድ አለኝ። እሽ አልኩት። ከዛ ከጃኩዚ እና ሳውና ቡኃላ አልቻልኩም። እንዲህ አልኩት 'ክርስትያኖ እዚህ የመጣነው ነገ ጨዋታ ስላለብን ነው ወይስ ምሳ ለመብላት?'"

🗣 "ለዚህ ነው ክርስትያኖ ወደ ቤቱ ሲጋብዛችሁ እምቢ በሉ የምለው። ይሄ ሰውዬ ማሽን ነው። ልምምድ መስራቱን ማቆም አይችልም"
Marki sport

እኛስ ምን ያህል ራሳችንን ለመቀየር ዝግጁ ነን? ስኬት ማማ ላይ ለመቆየት?!!!!!!
ራስን መለወጥ

"ሞት ሰራቂው ሞተ" በጣም የሚደንቅ ታሪክ!

በአንድ ወቅት አንድ ሰው የፈጣሪን ተአምር ለመመስከር እሩቅ አገር ለመሔድ ከተሳፋሪዎች ጋር በአውቶብስ ጉዞ ይጀምራል። ጉዞ ከተጀመረ በኋላ ግን መንገድ ላይ አንድ ከተማ ውስጥ ተሳፋሪው በሙሉ ምሳ ለመብላት ይወርዳል።

......ከተሳፋሪዎቹ መሐከልም አንዱ ወደ አንድ ምግብ ቤት ይሔድና ምሳውን ከበላ በኋላ ለመክፈል ቦርሳውን ሲፈልግ ያጣዋል።

......መሰረቁንም ከተረዳ በኋላ ለምግብ ቤት ባለቤቱ የደረሰበትን ስርቆት አስረድቶ በነበረበት ከተማ የሚያውቀው ዘመድ ስለነበር ገንዘብ አምጥቶ እንደሚከፍል ተናግሮ ገንዘብ ይዞ መጥቶ ይከፍልና ወደ አውቶብሱ ሲሔድ አውቶብሱ ለካ ጠብቆ ጠብቆ የደረሰበትን ነገር ስላላወቀ ትቶት ሔዷል።

........ ሠውየውም ገንዘቡም ተዘርፎ አውቶብሱም ጥሎት መሔዱ እየገረመው
"ይሄ_ፈተና_ነው_ሰይጣን_እፈር እኔ እንደሆነ ከአገልግሎት አልቀርም ብሎ ብዙ ከተንከራተተ በኋላ በሌላ አውቶብስ ተሳፍሮ ጉዞ ይጀምራል።

. ...... በመንገድ ላይም አንድ ትልቅ ገደል ውስጥ የገባ አውቶብስ ያያል። ከተሳፋሪዎቹም የተረፈ ሰው አለመኖሩ ይመለከታል። ደነገጠ።

....በጣም አዝኖ እያለም ወርዶ አውቶብሱን በደንብ
ሲያየው እርሱ ተሳፍሮባት የነበረችውና ጥላው የሔደችው አውቶብስ መሆንዋን ይረዳል።

....በጣም ገርሞት ለካ አውቶብሱ ጥሎኝ የሔደው ለበጎ_ነው በሚል ፈጣሪውን እያመሠገነ ጉዞ ይጀምራል። የሚያገለግልበት ቦታ ደርሶም ስለተደረገለት ነገር ለአንድ ሣምንት እዛው ፈጣሪውን ሲያመሰግን ሰንብቶ ወደ ቤቱ ሲመለስ መኖሪያ ቤቱ ድንኳን ተተክሎ ያያል።

.....ምን ተፈጥሮ ይሆን? በሚል ጠጋ ብሎ ሲመለከት ለቅሶ ነው። ጎረቤቶቹ በሙሉ ደንግጠው እርሱን ሲያዩት ያያል። ሠውየውም "ማን ነው የሞተው?" ብሎ ይጠይቃል።
እነርሱም "አንተ" ይሉታል።

እርሱም እንዴት እኔማ ይሄው አለሁ አይደል። ይላል። የእርሱን በሕይወት መምጣት የሰሙ ቤተሰቦቹም ማመን አቅቷቸው እየመጡ ይጠመጠሙበታል።

ሐዘኑም ወደ ደስታ ይለወጣል። ሰውየውም ቤተሰቡም ጎረቤቱም ረጋ ብለው ስለተፈጠረው ሁኔታ ያወራሉ።
...ለካ አውቶብሱ ሲገለበጥ አደጋው የከፋ ስለነበር የሰዎቹ ማንነት በመልክ መለየት ስላልተቻለ የሟቾች ኪስ ፓሊስ እየበረበረ ማንነታቸውን መለየት ሲጀምር የሰውየውም የጠፋው ቦርሳ አንዱ የሰረቀውና አንዱ ሟች ኪስ ውስጥ ይገኛል።

...ፓሊስም በመታወቂያው መሠረት ለሰውየው ቤተሰቦች መርዶ ይነገራል። ለቤተሰቡም በቤ/ክን በተዘጋጀ አዲስ የመቃብር ቦታ ይቀብሩታል።
ለካ ሠውየው ነው ተብሎ የተቀበረው ሌባው ነው። ሁሉም ሠው ይህን ሲሰማ ይገረማል።

ከሰወችም መካከል አንዷ ልጁ "የአንተ አዲሱ መቃብር የተቀበረው ሌባው ነው። አንተ መቃብር ላይ ሌባ አይቀበርም። ይውጣ።" ስትል

....ሠውየው አንድ አስገራሚ ነገርተናገረ "
አይሆንም ሌባውን እወደዋለሁ ሞቴን የወሰደልኝ ሞቴን የሰረቀኝ ባለውለታየ ነው። እርሱ ቦርሳየን ሰርቆኝ ለምሳ መክፈያ ብር ፍለጋ ባልሔድ ኖሮ አውቶብሱ አያመልጠኝም ነበር። እኔም ሟች ነበርኩ። አትንኩት።" ነበር ያለው።

ፈጣሪ ሲፈቅድ ለካ ሞትም ይሰረቃል። አይገርምም?
የሰውየው ንግግር በጣም ይገርማል። "ነገር ሁሉ ለበጎ ነው።'' ሁሌም በመንገዱ ፈጣሪውን ያስቀደመ አያፍርም!

from Yosi Yos
ራስን መለወጥ
t.me/changeitwow

ከማልቀስ... የቱ ይሻላል?

3ቱ ትልቅ ትምህርቶች
.
.
.
ራስን መለወጥ
t.me/changeitwow

ከመስከረም 16 እስከ ጥቅምት 5 ያለው ጊዜ በቤተ ጉራጌ ወጣቶች እጅግ ተወዳጅ ጊዜ ነው። በዚህ ጊዜ በተለያዩ የገበያ ቦታዎች እና አብያተ ክርስቲያናት ወጣቶች ባህላዊ ጭፈራዎቻቸውን ያሳያሉ፤ እግረ መንገዳቸውንም ለትዳር የምትሆናቸውን ጉብል መልከት መልከት ያደርጋሉ። የወጣቶቹ ባህላዊ ጨዋታ “አዳብና” በሚል ስያሜ የሚታወቅ ሲሆን እዚህም የተነፋፈቁ ወጣቶች ተገናኝተው በንግድና በተለያዩ ምክንያቶች ቆይተው ስለመጡባቸው ቦታዎች ይጨዋወታሉ። በአዳብና ጨዋታውም ወጣት ሴቶች ያላቸውን አዲስ ልብስ ለብሰው የሚወጡበትና የወደፊት የትዳር አጋራቸውን ያማልላሉ። ፀጉራቸውን ሹሩባ ተሰርተው፣ ቅቤ ተቀብተው ከወትሮው በተለየ መልኩ አምረውና ተኩለው ወደ “አዳብና” የጭፈራው ቦታ ይመጣሉ። ወጣት ወንዶችም ቀልባቸው ያረፈባትን ሴት ለሚ በመስጠት ይመርጣሉ፤ ከዚያም ለሃገር ሽማግሌዎች በመንገር ወጉን እና ባህሉን ጠብቀው ለከርሞ የትዳር አጋራቸውን ያገኛሉ።

በአዳብና ጭፈራ ወቅት ሌላው ሳይጠቀስ የማይታለፈው ጉዳይ “የሙየቶች” የተለየ የጥበብ ትዕይንት ነው። በቤተ ጉራጌ የተመረጡ ሰዎች ካልሆኑ በስተቀር ማንኛውም ሰው ‘ሙየት’ መሆን አይችልም። ሙየቶች የተለየ ቋንቋ እና አጨፋፈር ያላቸው የተረጡ ሰዎች ናቸው። ሙየቶች ለአዳብና ጨዋታው የተለየ ድባብን ያላብሱታል። የሚናገሩት ቋንቋ ብቻ ሳይሆን የሚይዙት ልምጭም በአደይ አበባ የተሽቆጠቆጠ ከመሆኑ ጋር በተያያዘ የተለየ ነው። ሙየቶች በዕለቱ ከመግደል በቀር በምድር ያለ ሁሉንም ስልጣን ይሰጣቸዋል። በጨዋታው ላይ ያልተገባ እንቅስቃሴ የሚያደርግ እድምተኛ ካጋጠማቸው በያዙት ልምጭ እንካ ቅመስ የማለት መብታቸው በአዳብናው ህግ የተረጋገጠ ነው። የተለየ ዜማቸውና ዳንሳቸው ሙየቶችን በአካባቢው ከሚታየው ቁጥር ስፍር ከሌለው ታዳሚ ለየት አድርጎ እንዲታዩ ያደርጋቸዋል። ይህንን የመሰሉ እሴቶችን ጠብቆ በማቆየት ለቀጣይ ትውልድ ከማስተላለፍ ባለፈ የቱሪዝም መስህብ በማድረግ ተጠቃሚ መሆን እንደሚቻል የቤተ ጉራጌ የመስቀል አከባበር በአል የሚነግረን ነገር የለም ትላላችሁ? አበቃሁ።

በዚሁ አጋጣሚ ለመላው የክርስትና እምነት ተከታዮች እንኩዋን ለመስቀል በአል በሰላም አደረሳችሁ ማለት እፈልጋልሁ::

በዓሉ የሰላም የፍቅር እና የአንድነት እንዲሆንላችሁ እመኛለሁ።

መልካም የመስቀል በአል !!!😍😍😍🙏

ጸሐፊ: #ቢኒ_ይመር
ተገኘ ከFacebook

#መስቀል_በጉራጌ በጨረፍታ

የመስቀል በአል ሃይማኖታዊ በአል ቢሆንም ኢትዮጵያውያን የተለያዩ ባህሎቻቸውን እና እሴቶቻቸውን በማሳየት የሚያከብሩት በአል ነው። የመስቀል በአልን ከሌሎች በአላት ለየት የሚያደርገው ሰዎች በተለያዩ ንድፎች ያማሩ ባህላዊ ልብሶቻቸውን በመልበስ በጋራ ዳመራ በመደመር የሚያከብሩት በአል መሆኑ ነው። የበአሉ አከባበርም በርካታ የውጭ ሃገር ቱሪስቶችን ቀልብ የሳበና የዳመራው በአል በሚከበርበት ወቅት በርካቶቹ ወደ ሃገራችን በመምጣት ታዳሚ መሆን ከጀመሩ ሰነባብተዋል።

የመስቀል ደመራ በአል በ2006 ዓ.ም በዩኔስኮ በአለም ቅርስነት ተመዝግቧል። ስለሆነም በአሉ ከሀገራችን አልፎ በሌሎች ልዩ ስፍራ እንዲሰጠው ምክንያት ሆኗል። በገጠራማው የሃገራችን ክፍል በወንዝ ሙላት ምክንያት ተለያይተው የከረሙ የማህበረሰብ ክፍሎችን በማገናኘቱ ረገድ የመስቀል በአል የራሱ አዎንታዊ ሚና አለው። የመስቀል በአል በሁሉም አካባቢዎች የሚከበር ቢሆንም በደቡቡ የሀገራችን ክፍል (በተለይም በጉራጌ ማህበረሰብ) በተለየ ድምቀትና ባህላዊ ሁነት ይከበራል። በደቡብ ኢትዮጵያ የመስቀል በኣል ከሃይማኖታዊ ገፅታው በተጨማሪ በተለያዩ ባህላዊና ማህበራዊ እሴቶች ታጅቦ ይከበራል። የበኣሉ አከባበር እንደ የአካባቢው ይለያያል። በጉራጌ፣ በከንባታ እና በዶርዜ የመስቀል በአል ልዩ ትኩረት ተሰጥቶት ይከበራል።

የመስቀል በአል በቤተ ጉራጌ ከወትሮው የተለየ ቦታ አለው። በስራ ምክንያት ተለያይተው የቆዩ ቤተሰቦች የሚገናኙበት ብቻም ሳይሆን በጋራ እየበሉና እየጠጡ የሚያከብሩት በኣል ነው። በቤተ ጉራጌ የመስቀልን በአል ሰዎች ብቻ ሳይሆኑ እንስሳትም ጭምር ያከብሩታል። ለወትሮው ወደ ግጦሽ ሜዳ ወጥተው የዕለት ጉርሳቸውን ያገኙ የነበሩ የቀንድም ሆኑ የጋማ ከብቶች ታጭዶ በተዘጋጀላቸው መኖ ከቤት ሳይወጡ በአሉን እንዲያሳልፉ ይደረጋሉ። በቤተ ጉራጌ የመስቀል በኣል ለአንድ ቀን ብቻ ተከብሮ የሚያልፍ ቀን አይደለም። በብሄረሰቡ ተወዳጅ የሆነው የመስቀል በኣል በቀናት ተከፋፍሎ የሚከበር በኣል ነው። በቤተ ጉራጌ የመስቀል በአል ከመስከረም 12 እስከ ጥቅምት 5 ቀን ይከበራል። ከህፃናት ጀምሮ ወጣቶች እና አዛውንቱ የብሄረሰቡን ባህላዊ ምግብ ክትፎና ሌሎችን በመመገብ፣ በጭፈራና በፈንጠዝያ የመስቀልን በአል ያከብራሉ። የቀናቶቹን ስያሜና ባህላዊ ክዋኔዎቹን ቀጥለን እንመልከት።

መስከረም 13 ቀን የወልቀነ /ወሬት የኸና /

በሰባት ቤት ጉራጌ 'ወሬት የኸና’ ማለት እንቅልፍ ከልካዩ ቀን የሚል ትርጓሜን የያዘ ሲሆን ለዚህም በምክንያትነት የጉራጌ ሴቶች ለበአሉ ዝግጅት ለማድረግ የሚጓጉበት ቀን ከመሆኑ ጋር በተያያዘ እንደሆነ ይነገራል። በዚህ ቀን ለበአሉ ለመመገቢያነት የሚያገለግሉ ባህላዊ ቁሳቁሶች ለአመት ከተሰቀሉበት ቦታ ወርደው በጥንቃቄ ተጣጥበው ዝግጁ ይሆናሉ። የፅዳት ተግባሩ ከአጥንት የተሰሩ ባህላዊ የመመገቢያ ማንኪያዎች፣ ከሸክላ የተሰሩ ጣባዎች እና ሌሎችንም ይጨምራል። ይኸው ቀን በሶዶ ክስታኔ ጉራጌዎች ‘የወልቀነ’ ወይም የሴቶች ቀን በመባል ይታወቃል። ቤቶች ከአፈር በተዘጋጁ ቀለማት ያሸበርቃሉ፤ አዳዲስ የኬሻ ጅባዎች ተነጥፎባቸው ለበኣሉ ዝግጁ ይሆናሉ።

መስከረም 14 ቀን #ደንጌሳት

ይህ ቀን ልጆች እና ህፃናት ደመራ ደምረው ባህላዊ ጭፈራዎቻቸውን የሚያቀልጡበት ነው። ‘ደንጌሳት’ ወይም የልጆች ደመራ/እሳት የሚል ትርጓሜን የያዘ ሲሆን ልጆች ቀኑን በተለያዩ ባህላዊ ዘፈኖች ለቀኑ ስላበቃቸው ፈጣሪያቸውን ያመሰግኑታል። ከደመራው በኋላም ሴቶች የጎመን ክትፎ በማዘጋጀት በእያንዳንዱ የቤተሰብ አባል ውክልና በተዘጋጀ ጣባ በማድረግ ለምግብነት ያዘጋጃሉ። ባለትዳር የሆኑ የቤተ ጉራጌ አባላት በአንድ ጣባ የጎመን ክትፎው ተዘጋጅቶ ይሰጣቸዋል። ተምሳሌትነቱም የትዳር አጋሮች አንድ አካል አንድ አምሳል ናቸው ተብሎ ስለሚታመን የሚፈፀም ነው።

መስከረም 15 ጨርቆስ /ወኸመያ /

የጨርቆስ ቀን በቤተ ጉራጌ ዋናው የመስቀል በኣል የሚከበርበት ቀን ነው። ‘ወኸመያ’ ወይም አመት በአል የሚል ትርጉም አለው። በዚህ ቀን በሁሉም የብሄረሰቡ አካባቢዎች የእርድ ቀን ነው። በዕለቱም የሚታረደው በሬም ሆነ ወይፈን ሽማግሌዎች ፊት ቀርቦ ስለ ሃገር ሰላም እንዲሁም ስለ በአሉ መልካሙን የመመኘት ምርቃት የሚወርድበት ነው። የቤተሰቡ አባላትም በእያንዳንዱ ምርቃት መጨረሻ ላይ ሶስት ጊዜ “ኬር ይሁን” በማለት ምርቃቱን ይቀበላሉ። ‘ኬር ይሁን’ ትርጉሙ ሰላም ይሁን እንደማለት ነው። በዚህ ባህላዊ የምርቃት ስነ ስርአት አብዛኛውን ጊዜ እንዲመርቁ የሚጋበዙት በዕድሜያቸው ገፋ ያሉ አረጋውያን ሲሆኑ ወንዶችም ሆኑ ሴቶች እኩል ተሳትፎ ይኖራቸዋል። ከምርቃቱ በኋላም የቀረበውን ሰንጋ በማረድ ቁርጥ ስጋውን በተነጠረ ቅቤ በተዘጋጀ መበያ (ጨፉየ) እየነከሩ መመገብ የተለመደ ጉዳይ ነው።

መስከረም 16 የጉርዝ እሳት /ያባንዳ እሳት /

የጉርዝ እሳት /ያባንዳ እሳት/ ማለት የአባቶች ደመራ ማለት ሲሆን በዚህ ዕለት ሁሉም የህብረተሰብ ክፍል ተሳትፎ የሚያደርግበት የደመራ በአል ይከወናል። በዕለቱ አባቶች የተለየ ክብር ተሰጥቷቸው የደመራ በአሉን በምርቃት ያስጀምሩታል። ቀኑ ከባህላዊው ይልቅ መንፈሳዊ ይዘትን ተላብሶ ይከበራል። ጎረምሳና ልጃገረዶች ዳመራውን በመክበብ በተለያዩ ጭፈራዎች አካባቢውን ያደምቁታል። እገረ መንገዱንም ወጣቶቹ ለመተጫጨት የመጀመሪያ እይታ የሚያደርጉበትም ቀን ነው። ከጭፈራው በኋላም ሁሉም ወደ ቤቱ በመመለስ በራሱ ጣባ የተዘጋጀለትን ክትፎ ይበላል። በአንዳንድ የቤተ ጉራጌ አካባቢዎች ዕለቱ ‘የብርንዶ ቀን’ የክትፎ ቀን በመባል ይታወቃል።

መስከረም 17 የከሰል ማይ /ንቅባር /

በዚህ ቀን ከማለዳው 12 ሰአት ጀምሮ በአንድ አካባቢ የሚገኙ የቤተ ጉራጌ ነዋሪዎች ዳመራው ወደ ተቃጠለበት ቦታ በመሄድ የአካባቢያቸውን የዕድር ዳኛ በመቀየር አዲስ የሚመርጡበትና ቃለ መሃላ የማስፈፀም ተግባርን የሚያከናውኑበት ነው። ሁሉም የአካባቢው የቤተሰብ አባላት የተቃጠለውን የደመራ ከሰል እየዘለሉ በመጪው ዘመን መልካም ነገር እንዲገጥማቸው የሚመኙበት አልፎ ተርፎም የሚማፀኑበት ቀንም ነው።

መስከረም 18 የፊቃቆ ማይ

የአካባቢው ልጃገረዶች ለመጠቀሚያነት የሚውሉ ሰፌዶችን ለመስፋት የሚያገለግሉ ስንደዶዎችን የሚለቅሙበት ቀን ነው። የስንደዶ ለቀማው በባህላዊ ዜማዎች ታጅቦ ይከወናል።

በቤተ ጉራጌ ከመስከረም 17 እስከ መስከረም 23 የዘመድ መጠየቂያ ጊዜ ነው፤ የጀወጀ/የጀመቸ ተብሎም ይጠራል። ለአመት ተነፋፍቀው የቆዩ ቤተሰቦች ተገናኝተው ናፍቆታቸውን የሚገልፁበት ጊዜ ነው። የባል እንዲሁም የሚስት እናት እና አባት የሚጠየቁበት የተለያዩ ነገሮች በስጦታ የሚቀበሉበት ዕለት ነው። ሴት ልጆች ለእናቶቻቸው የፀጉር ቅቤ፣ ባርኔጣ፣ ጭራ እና ሌሎች ስጦታዎችን ሲያቀርቡ ባሎቻቸው ደግሞ የበግ ሙክት በመያዝ ይጠይቋቸዋል። ስጦታው የቀረበላቸው እናትና አባቶችም የልጆቻቸውን ባሎች እና ሚስቶች በየተራ ይመርቋቸዋል።

ታሪክን በፎቶ
ምን ተማራችሁ?
ራስን መለወጥ