የስኬት መንገድ አሐዱ ሬድዮ 94.3

አስተማሪ አጭር ታሪክ .!


አንድ ቤተሰብ ውስጥ አባት ከሞተ በኋላ የሚመገቡት እስኪያሳስባቸው ድረስ ይቸገራሉ ። አንድ ጌጣጌጥ መሸጫ ሱቅ ያለው ዘመድ አላቸው እና እናትየው ለልጇ ያላትን ለረጅም ጊዜ የተቀመጠ የአንገት እና የጣት ዳይመንድ ጌጥ ሰጥታው እዛ ሱቅ ሄዶ እንዲሸጠው ትሰጠዋለች፡፡

ልጁ የተባለው የዘመድ ጌጣ ጌጥ ሱቅ ሄዶ እናቱ እንደላከችው አስረድቶ እንዲገዛው ይጠይቃል፡፡ ሰውየውም ከመረመረው በኋላ "አሁን ገበያው ወድቋል ትንሽ ግዜ ጠብቀን በጥሩ ዋጋ
እንሸጠዋለን፡፡" ብሎ ይመልስለትና የተወሰነ ገንዘብ ከሰጠው በኋላ ለልጁም እስከዛው በየጊዜው እየመጣ እዛው ሱቅ ስራ እንዲሰራ ያደርጋል ።

ልጁ በየግዜው እየሄደ የጌጣጌጥአሰራር ጥበብ ተካነ ፡፡ የገበያም እውቀት አካበተ በስራውም ታዋቂም ለመሆን ቻለ ፡፡

ይሄኔ ባለሱቁ "የሆነ ግዜ ልትሸጠው አምጠተኸው የነበረውን ጌጥ አሁን አምጣው አሁን ገበያው ጣራ ነክቷል እና ታተርፋላችሁ ፡፡ ብሎ ይልከዋል ፡፡ ልጁ እንደተባለው እቤት ሄዶ ጌጣጌጡን በአይኑ በማየት ብቻ አርቴፊሻል ሆኖ ያገኘዋል፡፡

ወደ ሱቅ ይመለሳል ፡፡ባለቤቱ ይጠይቃል "ዳይመንዱስ ?" ልጁም "አርቴፊሻል ነው ግን እያወክ ያን ጊዜ ለምን አልገርከኝም ?አሁንስ ለምን ላከኝ?ሲል ጠየቀው፡፡ ዘመዱም "ያን ጊዜ ለረጅም ዘመን ዳይመንድ ነው ብላችሁ ያመናችሁትን ነበር ይዘህ የመጣኸው ፡፡ያለምንም እውቀት፤ ባዶህን እና በሙሉ እምነት ብቻ ! በሰዓቱ ባለህበት ሁኔታ ልክ ያልሆነ ነገር ለማስረዳት ይከብዳል፡፡ ምናልባት ላታምኑኝ ትችሉ ነበር ፡፡ምናልባትም ባለመግባባት የሚፈጠሩ የቃላት ልውውጥ አሁን ላይ መጥፎ ስሜት ሊያሳድርብን በቻለ ነበር ።" ብሎ በትህትና መለሰለት፡፡

እንዲህ ያለ የላቀ ስብዕና ባለቤትና ነገሮችን
በብዙ አቅጣጫ የምናይበት ህሊና ይስጠን፡፡

የማንነትህ መለኪያ ስኬት አይደለም

“በቅርጫ ኳስ ጨዋታ ዘመኔ 9 ሺህ ኳሶችን ሞክሬ ስቼአለሁ፡፡ 300 ውድድሮችን ተሸንፌአለሁ፡፡ ባስቆጥረው ቡድኔን ለዋንጫ የሚያበቃውን ኳስ እንድወረውር አምነው ሰጥተውኝ ስቼ አውቃለሁ፡፡ በሕይወቴ ደግሜና ደጋግሜ ወድቄአለሁ፡፡ ለዚህ ነው ስኬታማ የሆንኩት” - Michael Jordan

አብዛኛው ሰው ውስጡን የሚነዳው አንድ ጥማት አለው፡፡ ይህ ጥማት የተመሰከረለትና ጥንቅቅ ያለ ስኬታማ ሆኖ ለመታየት ያለው ጥማት ነው፡፡ “እንደዚህ ባደርግ፣ ይህኛውና ያኛው ነገር ቢኖረኝ፣ እዚያኛው ደረጃ ብደርስ ኖሮ … እረካና ሙሉ ስኬት ውስጥ እገባ ነበር” የሚል የውስጥ ጩኸት በብዙ ሰዎች ውስጥ ሲያስተጋባ ይሰማል፡፡ ስለዚህም፣ አንዳንድ ሰዎች ይህንን ጥማት ለማርካት ምንም ነገር ከማድረግና የትኛውንም ድንጋይ ከመፈንቀል አይመለሱም፡፡

የዚህ አመለካት ምንጩ፣ “ሙሉ ማንነት እንዲኖረኝ በኑሮዬ ስኬታማ መሆን አለብኝ” የሚለው አመለካከት ነው፡፡ የዚህ አመለካከትና የሕይወት ዘይቤ ውጤቱ ደግሞ “ስውር” ፍርሃት ነው፡፡ ሙሉ ማንነት እንዲኖረው ስኬታማ መሆን እንዳለበት ያመነ ሰው አለመሳካትን፣ ስህተትንና መውደቅን እጅግ የሚፈራ ሰው ነው፡፡ የሚሰራው ማንኛውም ስራ ስኬታማ የመሆኑና ያለመሆኑ ጉዳይ ከማንነቱ ዋጋ ጋር ምንም አይነት ግንኙነት እንደሌለው ባለማወቁ ምክንያት ለብዙ ስነ-ልቦናዊ ጥቃት ራሱን ያጋልጣል፡፡

የአንድ ሰው ማንነት የሚለካው በተሳካለትና ባልተሳካለት ነገር ከሆነ፣ ለዚያ ሰው ሩጫ ማቆሚያ፣ ለውድድሩም መጨረሻ የለውም፡፡ ይህ አይነቱ የሕይወት ዘይቤና አመለካከት የሚያስከትለው ዋነኛ መዘዝ የመውደቅ ወይም ስኬት የማጣት ፍርሃት ነው፡፡ ከዚህ የተዛባ የማንነት መመዘኛ ቀውስ ለመውጣት በስኬት ላይ ያለንን አመለካከት መቃኘት አስፈላጊ ነው፡፡

1. ስኬት ዘርፈ-ብዙ ነው
ለምሳሌ፣ አንድ ሰው በስራው ወይም በንግዱ አለም የተዋጣለት ሆኖና ያሰበው ደረጃ ደርሶ፣ በማሕበራዊውም ሆነ በቤተሰባዊው ኑሮው የተበላሸ ሁኔታ ውስጥ ራሱን ሊያገኘው ይችላል፡፡ በተመሳሳይ ሁኔታ፣ አካላዊም ሆነ ስሜታዊ ጤንነቱን ችላ ብሎ እውቀትን ወይም ንብረት ሲሰበስብ የሚኖር ሰው በቀኑ መጨረሻ “ስኬታማ ነኝ” ብሎ እንዲናገር የሚያደርገው ነገር ምንድን ነው? ስለዚህም፣ ስኬት የብዙ መሰረታዊና አስፈላጊ እውነታዎች ጥርቅም ነች እንጂ አንድ ገጽታ ብቻ የላትም፡፡  

2. ስኬት የሂደት ጉዳይ ነው
ስኬት የአንድ ጊዜ ክስተት ሳይሆን የሂደት ጉዳይ ነው፡፡ ስኬት፣ “አንድ ደረጃ ካልደረስኩ አልረጋጋም” ማለት ሳይሆን ጉዞውን በመጀመራችንና በሂደት ላይ በመሆናችን መርካትና መረጋጋት ማለት ነው፡፡ ዘርፈ-ብዙ የሆነው የስኬት ምስጢር ዘርፈ-ብዙ የሆነ ጥረትና ትጋት ይጠይቃል፡፡  ስኬታማ ሰው በሁሉም አቅጣጫ በአንድ ጊዜ ጥሩ ደረጃ ላይ የደረሰ ሰው ነው ብሎ ማሰብ ከእውነት እንድንርቅ ያደርገናል፡፡

3. ስኬት ተለዋዋጭ ነው
ትናንት ቀለል ያለው ሁኔታ ዛሬ ከበድ ሲል፣ ዛሬ የጨመረው ሁኔታ ነገ ሊቀንስ፣ ዛሬ የተነሳሳውና የጋለው ፍላጎት ነገ ቀዝቀዝ ሊል ይችላል፡፡ እንደ ሁኔታውና እንደ እለቱ ስሜት ጥረቱን የሚቀያይር ሰው እንደዚያው አይነት ውጤትን ያተርፋል፡፡ እንደ እለቱ ሁኔታና ስሜት ሳይሆን ከዓላማው አንጻር የሚሰራ ሰው ደግሞ ከዚያው አንጻር ስኬታማ ይሆናል፡፡ ይህ በፍጹም የማይለወጥ  ሕግ ነው፡፡

"የጉንዳኖች ፍልስፍና"

ጉንዳኖች ሲጓዙ መንገድ ብትዘጋባቸው ከጉዟቸው አይገቱም፤ሌላ መንገድ ፈልገው ጉዟቸውን ይቀጥላሉ፡፡ ከተስፋ መቁረጥ ጋር ፈጽሞ አይተዋወቁም፡፡

ጉንዳኖች ለመጪው ጊዜ ይዘጋጃሉ፡፡ በበጋ ወቅት ለክረምት ጊዜ የሚሆናቸውን ቀለብ ያከማቻሉ፡፡ በዝናብ ወቅት ወደ ውጭ ሳይወጡ ክረምቱን ለማሳለፍ  የቻሉትን ያህል ዝግጅት ያደርጋሉ፡፡ በክረምት ወቅት ነገ በጋ እንደሚመጣ ወይም ብራ እንደሚሆን እርግጠኞች ናቸው፡፡ ክረምቱ ለረዥም ጊዜ እንደማይዘልቅ ያውቃሉ፡፡ በጋውን በብሩህ ተስፋ ይጠብቃሉ፡፡ ጸሃይዋ ብጭ ስትልም ተግተልትለው ይወጣሉ፡፡

ጉንዳኖች ከአካላቸው ክብደት 20 እጥፍ የሚልቅ ነገር መሸከም ይችላሉ፡፡ ፈጣንም ናቸው፡፡ ሁልጊዜ በሥራ ተጠምደው ነው የሚታዩት፤ ምንጊዜም በእንቅስቃሴ ላይ ናቸው፡፡ መሰራት ያለበትን ሁሉ በትጋት ይሰራሉ፡፡ ለዛሬ ብቻ ሳይሆን ለነጋቸውም ያስባሉ - መኖሪያቸውን ይገነባሉ፤ቀለባቸውን ይሰንቃሉ፡፡

የሰው ልጅ ታዲያ ከጉንዳኖች ህይወት ምን ይማራል?

በአሜሪካ የሞቲቬሽናል አባት የሚባለው ጂም ሮን፣ ከጉንዳኖች ለህይወት ስኬት የሚጠቅሙ አራት መመሪያዎችን መቅሰም እንችላለን፤ ይላል፡፡ "የጉንዳኖች ፍልስፍና" ሲልም ሰይሞታል፡፡ አራቱ የስኬት መመሪያዎች የሚከተሉት ናቸው፡-
•  ምንጊዜም ተስፋ አትቁረጡ
•  ሁልጊዜም ለነገ ወይም ለወደፊቱ አስቡ
•  አዎንታዊ ብሩህ ተስፋ ይኑራችሁ
•  የምትችሉትን ሁሉ አድርጉ

የራእይ ጉልበት!

ታዋቂው ጸሐፊ ስቲቨን (Stephen Covey)  First Things First በተሰኘው መጽሐፉ ውስጥ ስለአንድ ቪክቶር (Viktor Frankl) ስለሚባል የአውስትራያዊ የስነ-ልቦና ባለሞያ ታሪክ ይናገራል፡፡ ይህ የስነ-ልቦና ባለሞያ ከናዚ (ጀርመን) የሞት ካምፕ የተረፈ ሰው ነው፡፡ ቪክቶር በናዚ የሞት ካምፕ ውስጥ ታሽገው ከነበሩ ሰዎች መካከል አንዳንዶቹ በሞት ሲያልፉ አንዳንዶቹ ግን እንዴት ያንን ለሞት የሚዳርግ ሁኔታ አሸንፈው ሊወጡ እንደቻሉ በምርምር ደረሰበት፡፡

በጥናቱ ብዙ ነገሮችን ተመልክቷል - የጤንነታቸው ሁኔታ፣ የቤተሰባቸው ሁኔታ፣ ብልህነታቸው፣ ችግርን የመቋቋም ብቃት እና የመሳሰሉት፡፡ በመጨረሻ የደመደመው፣ ከእነዚህ ነገሮች መካከል አንዱም እንኳን ለእነዚህ ሰዎች በሕይወት መኖር ምክንያት እንደልሆነ ነበር፡፡ በዚያ ከባድ ሁኔታ ውስጥ በሕይወት የቆዩት ሰዎች አንድ የጋራ ነገር ነበራቸው፡፡ ይህ ነገር የወደፊት ራእይ ነበር፡፡ እነዚህ ሰዎች በሕይወት የመኖርን ነገር ጠንክረው እንዲይዙ ያደረጋቸው ብቸኛውና ጉልህ የሆነው ምክንያት በፊታቸው ገና ያላከናወኑት ራእይ እንዳላቸው የማመናቸው ሁኔታ ነበር፡፡

ጸሐፊው እንደ ቬትናም እና የመሳሰሉት ብዙ የጦር ምርኮኞች በስቃይ በሚታጎሩባቸው ካምፖችም ውስጥም ተመሳሳይ ሁኔታ እንደታየ ይናራል፡፡ አሳማኝ እና ወደፊት ላይ ያተኮረ ራዕይ ብዙዎቹን በህይወት እንዲኖሩ ያደረጋቸው ዋና ሃይል ነበር (ምንጭ፡- Stephen Covey, First Things First, p 103)፡፡

•  አንድ ሰው የሚሞተው ጤናው ሲጠፋ ብቻ አይደለም … ራእይ ሲጠፋም ጭምር ነው!

•  አንድ ሰው የሚከስረው ስራ ሲበላሽ ብቻ አይደለም … የራእዩ ሁኔታ ሲበላሽም ጭምር ነው!

•  አንድ ሰው ብቸኝነት የሚሰማው ሰው ሲርቀው ብቻ አይደለም … ራእይ ሲርቀውም ጭምር ነው!

•  አንድ ሰው ተስፋ የሚቆርጠው ሁኔታዎች አልታይ ሲሉት ብቻ አይደለም … ራእይ አልታይ ሲለውም ጭምር ነው!

•  አንድ ሰው ውዳቂ የሚሆነው ስለወደቀ ብቻ አይደለም … ራእዩን ሲጥል ጭምር ነው!

. . . እያለ እውነታው ይቀጥላል፡፡ ይህ እውነታ እንደሚያሳየን አንድ ሰው ምንም እንኳን በተለያዩ ሁኔታዎች ውስጥ ሲያልፍ የዚያን ሁኔታ ውጤት መቅመሱ ባይቀርም፣ የመጨረሻውን ውሳኔ ከሚያስተላልፉትና በብርታትና በደካማነት መካከል ከሚወስኑት ሁኔታዎች መካከል አንጋፋው ራእይ የመኖሩና ያለመኖሩ ጉዳይ ነው፡፡

አሁን ከምታልፉበት አስቸጋሪና ተስ አስቆራጭ ነገር ባሻገር እንድትሄዱ ሊያደርጋችሁ የሚችል ዋነኛው የፈጣሪ ስጦታ ራእይ ይባላል፡፡ 

ራእያችሁን አግኙና እሱን በመኖር አሁን ያለውን ከባድ ዘመን አሳልፉት!

የማንነትህ መለኪያ ስኬት አይደለም

“በቅርጫ ኳስ ጨዋታ ዘመኔ 9 ሺህ ኳሶችን ሞክሬ ስቼአለሁ፡፡ 300 ውድድሮችን ተሸንፌአለሁ፡፡ ባስቆጥረው ቡድኔን ለዋንጫ የሚያበቃውን ኳስ እንድወረውር አምነው ሰጥተውኝ ስቼ አውቃለሁ፡፡ በሕይወቴ ደግሜና ደጋግሜ ወድቄአለሁ፡፡ ለዚህ ነው ስኬታማ የሆንኩት” - Michael Jordan

አብዛኛው ሰው ውስጡን የሚነዳው አንድ ጥማት አለው፡፡ ይህ ጥማት የተመሰከረለትና ጥንቅቅ ያለ ስኬታማ ሆኖ ለመታየት ያለው ጥማት ነው፡፡ “እንደዚህ ባደርግ፣ ይህኛውና ያኛው ነገር ቢኖረኝ፣ እዚያኛው ደረጃ ብደርስ ኖሮ … እረካና ሙሉ ስኬት ውስጥ እገባ ነበር” የሚል የውስጥ ጩኸት በብዙ ሰዎች ውስጥ ሲያስተጋባ ይሰማል፡፡ ስለዚህም፣ አንዳንድ ሰዎች ይህንን ጥማት ለማርካት ምንም ነገር ከማድረግና የትኛውንም ድንጋይ ከመፈንቀል አይመለሱም፡፡

የዚህ አመለካት ምንጩ፣ “ሙሉ ማንነት እንዲኖረኝ በኑሮዬ ስኬታማ መሆን አለብኝ” የሚለው አመለካከት ነው፡፡ የዚህ አመለካከትና የሕይወት ዘይቤ ውጤቱ ደግሞ “ስውር” ፍርሃት ነው፡፡ ሙሉ ማንነት እንዲኖረው ስኬታማ መሆን እንዳለበት ያመነ ሰው አለመሳካትን፣ ስህተትንና መውደቅን እጅግ የሚፈራ ሰው ነው፡፡ የሚሰራው ማንኛውም ስራ ስኬታማ የመሆኑና ያለመሆኑ ጉዳይ ከማንነቱ ዋጋ ጋር ምንም አይነት ግንኙነት እንደሌለው ባለማወቁ ምክንያት ለብዙ ስነ-ልቦናዊ ጥቃት ራሱን ያጋልጣል፡፡

የአንድ ሰው ማንነት የሚለካው በተሳካለትና ባልተሳካለት ነገር ከሆነ፣ ለዚያ ሰው ሩጫ ማቆሚያ፣ ለውድድሩም መጨረሻ የለውም፡፡ ይህ አይነቱ የሕይወት ዘይቤና አመለካከት የሚያስከትለው ዋነኛ መዘዝ የመውደቅ ወይም ስኬት የማጣት ፍርሃት ነው፡፡ ከዚህ የተዛባ የማንነት መመዘኛ ቀውስ ለመውጣት በስኬት ላይ ያለንን አመለካከት መቃኘት አስፈላጊ ነው፡፡

1. ስኬት ዘርፈ-ብዙ ነው
ለምሳሌ፣ አንድ ሰው በስራው ወይም በንግዱ አለም የተዋጣለት ሆኖና ያሰበው ደረጃ ደርሶ፣ በማሕበራዊውም ሆነ በቤተሰባዊው ኑሮው የተበላሸ ሁኔታ ውስጥ ራሱን ሊያገኘው ይችላል፡፡ በተመሳሳይ ሁኔታ፣ አካላዊም ሆነ ስሜታዊ ጤንነቱን ችላ ብሎ እውቀትን ወይም ንብረት ሲሰበስብ የሚኖር ሰው በቀኑ መጨረሻ “ስኬታማ ነኝ” ብሎ እንዲናገር የሚያደርገው ነገር ምንድን ነው? ስለዚህም፣ ስኬት የብዙ መሰረታዊና አስፈላጊ እውነታዎች ጥርቅም ነች እንጂ አንድ ገጽታ ብቻ የላትም፡፡  

2. ስኬት የሂደት ጉዳይ ነው
ስኬት የአንድ ጊዜ ክስተት ሳይሆን የሂደት ጉዳይ ነው፡፡ ስኬት፣ “አንድ ደረጃ ካልደረስኩ አልረጋጋም” ማለት ሳይሆን ጉዞውን በመጀመራችንና በሂደት ላይ በመሆናችን መርካትና መረጋጋት ማለት ነው፡፡ ዘርፈ-ብዙ የሆነው የስኬት ምስጢር ዘርፈ-ብዙ የሆነ ጥረትና ትጋት ይጠይቃል፡፡  ስኬታማ ሰው በሁሉም አቅጣጫ በአንድ ጊዜ ጥሩ ደረጃ ላይ የደረሰ ሰው ነው ብሎ ማሰብ ከእውነት እንድንርቅ ያደርገናል፡፡

3. ስኬት ተለዋዋጭ ነው
ትናንት ቀለል ያለው ሁኔታ ዛሬ ከበድ ሲል፣ ዛሬ የጨመረው ሁኔታ ነገ ሊቀንስ፣ ዛሬ የተነሳሳውና የጋለው ፍላጎት ነገ ቀዝቀዝ ሊል ይችላል፡፡ እንደ ሁኔታውና እንደ እለቱ ስሜት ጥረቱን የሚቀያይር ሰው እንደዚያው አይነት ውጤትን ያተርፋል፡፡ እንደ እለቱ ሁኔታና ስሜት ሳይሆን ከዓላማው አንጻር የሚሰራ ሰው ደግሞ ከዚያው አንጻር ስኬታማ ይሆናል፡፡ ይህ በፍጹም የማይለወጥ  ሕግ ነው፡፡

http://t.me/psychologypages

https://serveglobal.org/

1. ገንዘብህን በብልሃት አስተዳድረው!

ብዙ ሰዎች ገንዘብ ማግኘት ይችላሉ፣ ነገር ግን ሁሉም ሰው እንዴት በትክክል ማስተዳደር እንዳለበት አይማርም። 

የፋይናንስ ብልህነት (Financial intelligence) የሚጀምረው በገቢና ወጭህ መካከል ያለውን ልዩነት ከመረዳት ነው። ከምታወጣው የበለጠ ገቢ እንዳለህ አረጋግጥ ፣ ይህም  የበለጠ ሀብታም ያደርግሃል ።

2. መጀመሪያ ራስህ ላይ ኢንቨስት አድርግ! 

ብዙ ሰዎች  የሚያገኙትን ገንዘብ የሚያውሉት እዳቸውን ለመክፈል ነው።

ብልህ ሰው ግን ሁልጊዜ ከሚያገኘው ገቢ ውስጥ  
- ኮርሶችን ለመውሰድ
- መጽሐፍት ለመግዛትና
- ልምድ ለመውሰድ ያውላል። 

3. ቁጠባ እና ኢንቨስት ማድረግ የተለያዩ ናቸው!

መቆጠብ ግዴታ እና ጥሩ ልማድ ተደርጎ ይቆጠራል። ነገር ግን ገንዘብህን ከዋጋ ግሽበቱ በበለጠ በሚያድግበት ነገር  ላይ ኢንቨስት ማድረግ ያስፈልግሀል። 

መቆጠብ የገንዘብን የመግዛት አቅም ሲያዳክም ኢንቬስትመንት ግን የገንዘብን ዋጋ ይጨምራል።

4. በአንድ የገቢ ምንጭ ላይ ብቻ ጥገኛ አትሁን!

ብዙ ሰዎች በአንድ የገቢ ምንጭ ላይ ብቻ ጥገኛ ናቸው። ከእነዚህ ውስጥ አንዱ ከሆንክ በፍፁም ሀብታም መሆንና የገንዘብ ነፃነት ላይ መድረስ አትችልም።

ተጨማሪ ገንዘብ የምታገኝበት ሌላ አማራጭ ሊኖርህ ይገባል።

 
5.  ሪስክ በመውሰድ ብልህ ትሆናለህ!

በህይወትህ ሪስክ እስካልወሰድክ ድረስ ማደግ አትችልም። 

በህይወት ውስጥ አንዳንድ እድሎች የህይወትህን  አቅጣጫ የመቀየር አቅም ስላላቸው ሪስክ መውሰድ አለብህ። 

6. ማንኛውም ሰው የገንዘብ እውቀት ሊኖረው ይገባል!

በዓለም ዙሪያ ያለው የትምህርት ሥርዓት የሚያሳዝነው ነገሩ  ለገንዘብ መሥራትን የሚያስተምር መሆኑ  ነው።

የትምህርት ስርዓቱ ገንዘቡን እንዴት ማግኘት፣  ማስተዳደር እና ጠብቆ ማቆየት እንደሚቻል በጭራሽ አያስተምርም።

ማንኛውም ሰው ሀብትን እንዴት መፍጠር እንደሚቻል  መማርና የፋይናንስ ነፃነትን ለማግኘት እቅድ ማውጣት አለበት።  

7. አስተሳሰብ ሁሉም ነገር ነው!

ደሃ  አባቴ ሁልጊዜ እንዲህ ይለኝ  ነበር "ይህን ለመግዛት አንችልም "ሀብታም አባቴ  ግን "እንዴት መግዛት እንደምችል?" ያስተምረኛል። .

በዚህ መንገድ አፍራሽ አስተሳሰብህን  ወደ አወንታዊ  አስተሳሰብ ቀይረው።  ይህን ስታደርግ በእርግጠኝነት ግብህን ለማሳካት መንገዶችን ታገኛለህ። 

የአንተ አመለካከት እና አስተሳሰብ ከሁሉም በላይ አስፈላጊ ነው።

ማንኛውንም ነገር ለማድረግ የመጀመሪያው እና ዋናው ነገር በራስህ ማመን ነው። 

8.  ከአንተ የበለጠ ብልህ በሆኑ ሰዎች ራስህን ከበብ!

‘በክፍሉ ውስጥ በጣም ብልህ ሰው ከሆንክ፣ የተሳሳተ ክፍል ውስጥ ነህ።’ የሚል በጣም ታዋቂ አባባል አለ።

ብልህ መሆን ከፈለግክ ከአንተ የበለጠ ብልህ በሆኑ ሰዎች እራስህን ከበብ።

9. ስሜቶችህን ተቆጣጠር!

ስሜትህን መቆጣጠር በማትችልበት ወቅት ሁኔታው  በጣም የከፋ ይሆናል። ይህ መመሪያ በግል እና በሙያ ህይወትህ  ልትተገብረው የሚገባ ነው።
ስኬታማ ቀን ይሁንልን 🙏🙏🙏

የነፃነት ጉዞ!
፨፨///////፨፨
የእውቀት ውሱንነት፣ የመረጃ እጦት፣ የብስለት ማነስ፣ የተነሳሽነት ችግር፣ በእራስ የመቆም ፍራቻ የነፃነታችን ዋነኛ ፀር ናቸው። የወረደ ህይወት እንድንኖር፣ በየጊዜው ለፈተና እንድንጋለጥ፣  ህይወታችን አቅጣጫ እንዲያጣ፣  ከአምናው ከካቻምናው የተሻለ ስፍራ እንዳንገኝ የሚያደርገን ትልቁ ነገር የእውቀት ማነስ ነው። አላዋቂ ይፈራል፣ አላዋቂ በሃሳቡ ብቻ ነገሮች የሚቀየሩ ይመስለዋል፤ አላዋቂ ነገሮች ሁሉ በምኞት እንዲከናወኑለት የሚጠብቅ አይነት ሰው ነው። እውቀትህ የነፃነትህ መሰረት ነው፤ መረዳትህ ትልቁ የስኬትህ በር ነው። አንብብ፣ ተማር፣ ቁጭ ብለህ አስተማሪ ታሪኮችን አዳምጥ፣ ጊዜ ሰተህ የሚገነቡህን ተግባራት ፈፅም። ነፃነት በአንዴ የሚመጣ አይደለም፤ ነፃነት ከተወሰኑ መፅሃፍትና ንግግሮች ቦሃላ የሚከሰት አይደለም። የሚሰሩህን፣ የሚያንፁህን፣ ለምትገነባው ህንፃ መሰረት የሚሆኑህን መፅሐፍት ያለማቋረጥ ልታነብ ይገባል።

አዎ! ጀግናዬ..! የነፃነትህ ጉዞ ለእውቀት ባለህ ጥማት የሚፈፀም ነው፤ የስኬትህ ሚስጥር እራስህ ላይ ለመስራት ቆራጥ የመሆንህ ነው። አዲስ ተዓምር የለውም፤ እያንዳንዱን የምታደርጋቸውን ነገሮች ከለውጥና እድገትህ ጋር አያይዛቸው፤ የከፍታህ፣ የስኬትህ ግብዓት አድርጋቸው። ብዙ ነገር ባወክ ልክ ብዙ በሮች እየተከፈቱልህ ይመጣሉ፣ ማንነትህን በሚገባ ትረዳለህ፣ ቀጣዩ እርምጃህ አያስፈራህም፣ የወደፊት መዳረሻህ አያስጨንቅህም፣ በባዶ ተስፋ የምትኖርበት ምክንያት አይኖርም። ተማር፣ አንብብ፣ እወቅ ካንተም በላይ የብዙዎችን ህይወት መቀየር ጀምር። የለውጥ ፍራቻ ትልቆቹ ምክንያቶች የእውቀት ውሱንነትና ውድቀት ናቸው። ሳታውቀው በምትጀምረው የትኛውም ስራ ስኬታማ የምትሆንበት መንገድ አይኖርም። ጉዞህን ከመጀመርህ በፊት ስለጉዞው ምንነት መጠየቅ፣ ማወቅና መረዳት ይኖርብሃል።

አዎ! የቻይናዎችን አባባል አስታውስ "ስለመንገዱ ማወቅ ከፈለክ የሚመለሱትን ጠይቅ።" አንተ ልትጓዝበት የምትፈልገው መንገድ ቢያስፈራህ፣ ቢያስጨንቅህ፣ ጉዞህን ለመጀመር ደጋግመህ የምታመነታ ከሆነ ያለምንም ቅድመሁኔታ ካንተ በፊት በጉዞው ላይ የተሳተፉ ሰዎችን ጠይቅ፣ ከእነርሱ ተማር፣ የእነርሱን የጉዞ ታሪክ አጥና፣ መውሰድ የሚገባህንም ትምህርት ውሰድ። እወቀት ለተጠማት ሁሌም ቅርብ ነች፤ ጥበብና ብስለት ለሚፈልጋቸው ዘወትር ዝገጁ ናቸው። እራስህን በእራስህ ብቁ ካላደረክ ማንም አንተን ብቁ ሊያደርግህ የሚመጣ አካል አይኖርም። እያንዳንዳችን የገዛ ሃላፊነታችንን የመውሰድ ግዴታ አለብን። ካንተ በላይ እንደሆኑ የምታስባቸው አብዛኞቹ ሰዎች አንተ የማታውቀውን ያውቃሉ፣ አንተ የማታደርገውን ያደርጋሉ፣ አንተ የምትፈራውን እነርሱ ይደፍራሉ። የእውቀት ጥማትህን ጨምር፣ በየጊዜው እራስህን ማደስህን ቀጥል፣ በጥበብ በማስተዋል ወደ ወሳኙ የህይወት ግብህ በልበሙሉነት ተጓዝ።
ግሩም ድንቅ ቀን ይሁንልን!

ያለፈ ማንነትህን እርሳው!
የኃላ ታሪካችንን ዘወትር እያሰብን የምንብሰከሰክ ከሆነ አንለወጥም።
ባለፈው ታሪካችን የወደቅንባቸውና ያልተሳኩልን ነገሮች የአሁን ማንነታችን ሊሆኑ አይገባም።
በጊዜ ውስጥ መቆጣጠር የምትችለው ነገር አሁንን ብቻ ነው። ያለፈው አልፏል። አሁን ላይ ኑር!!!

አንድ ፈረሰኛ ወደ አንድ ከፍተኛ ተራራ ይጓዝ ነበር፡፡ ወደ ተራራው ወገብ ላይ ሲደርስ አንድ ምስኪንና አንድ እግሩ ሽባ የሆነ ሰው እንዳቅሙ ቋጥኙን እየቧጠጠ ለመውጣት ሲፍጨረጨር ያገኛል፡፡

ፈረሰኛው፤
"ወዳጄ፤ ይህን የሚያህል ተራራ እንዲህ ተንፏቀህ የሚገፋ አይደለም፡፡ ስለዚህ እንደምንም ፈረሴ ላይ ላውጣህና አፈናጥጬ ዳገቱ ጫፍ ላይ ላድርስህ?"

ሰውዬው፤
"እግዚአብሔር የባረከህ ሰው ነህ! ግን ሥጋቴ እንዳላጣብብህ ነው፡፡ ለማፈናጠጥ ይበቃል ብለህ ነውን?"

ፈረሰኛው፤
"እንደምንም ተጣበን እንወጣዋለን እንጂ በዚህ ሁኔታ በፍፁም ጥዬህ ብሄድ ግፍ ይሆንብኛል፡፡ ሰው እንኳ ባይኖር ተራራውም ይታዘበኛል፡፡ ስለዚህ ና ውጣ ግዴለህም፡፡"

ሰውዬው፤
"ፈጣሪ ምስክሬ ነው፤ ለእኔ የተላክ ውድ አዳኝ መልዐክ ነህ፡፡ አምላክ ውለታህን ይክፈልህ!"

ፈረሰኛው ተሸክሞ ፈረሱ ላይ አስቀመጠውና ተራራውን ተያያዙት፡፡ ጥቂት እንደሄዱ ግን፤

ሰውዬው
"ወዳጄ፤ ቅድም እንደፈራሁት በጣም ተጣበናል፡፡ ብወርድልህ ይሻላል፡፡"

ፈረሰኛው፤
"እንደሱማ አይሆንም፡፡ ባይሆን የተወሰነውን ዳገት እኔ በእግሬ ልሞክረው፤ አንተ ፈረሱን ያዝ" አለውና ፈረሱን ሰጥቶት ወረደ፡፡ ሰውየው እየጋለበ ዳገቱን እየወጣ እየራቀ ሄደ፡፡

ፈረሰኛው በእግሩ ዳገቱን ተያያዘው፡፡ ሆኖም ባለፈረሱ እየራቀ ሄደ፡፡ ፈረሰኛው ሥጋት እየገባው በተቻለው ፍጥነት ሊከተለውና ሊጠጋው ቢሞክርም ሰውዬው ፈረሱን ይብስ አፈጠነው፡፡

ፈረሰኛው መጣራት ጀመረ፡፡ ወይ የሚለው ግን አጣ፡፡ ሰውዬው ፈረሱን ይዞ ሊጠፋ መሆኑ ለፈረሰኛው ገባው፡፡

“አንተ ሰው፤ ግዴለም ፈረሱን ይዘኸው ትሄዳለህ፡፡ ግን አንድ ነገር ቆም ብለህ ስማኝ እባክህ፡፡ እንደማልደርስብህ ታውቃለህ፡፡ ጆሮህን ብቻ አውሰኝ?” ሲል ለመነው፡፡

ሰውዬው ርቀቱን በደንብ ካረጋገጠ በኋላ፤
“እሺ ምንድነው ልትነግረኝ የፈለከው?”

ፈረሰኛውም፤
“ወዳጄ፤ መቼም አንድ ቦታ ወርደህ ከሰው መቀላቀልህ አይቀርም፡፡ አደራህን ይሄን አሁን እኔን የሰራኸኝን ነገር ለማንም ሰው እንዳትነግር፡፡ አለበለዚያ ደግ የሚሰራ ሰው ይጠፋል!”

#ምንጭ:- "ታሪክና ምሳሌ" ከክቡር ዶ/ር ከበደ ሚካኤል

ኬቨን ሃርት የተባለው ኮሜዲያን እዚህ የስኬት ጫፍ ላይ ከመድረሱ በፊት ብዙ መከራ ያሳለፈና አትችልም ተብሎ የተገፋ ሰው ሲሆን፣ ከሲንግል እናቱ ቤት ሥራ ፍለጋ ሲወጣ እናቱ የሰጡት ስጦታ መጽሐፍ ቅዱስ ነበር።

ኬቨን አንድ ቀን የሚመገበው አጥቶ በጣም ቸግሮት ለእናቱ ይደውላል፣ ''ማሚ ስራ ማግኘት አልቻልኩም እባክሽ እርጂኝ" አላቸው።

እናቱም "የሰጠውህን መጽሐፍ ቅዱስ አነበብክ ወይ?" ነበር መልሳቸው።

እርሱም "ራበኝ እያልኩሽ የምን መጻሕፍ ነው የምትይው" አላቸው።

"ልጄ! የሰጠሁህን መጻሕፍ ቅዱስን አንብበህ ቢሆን ኖሮ እኮ አይርብህም ነበር" አሉት።

ኬቨን አንብብ ያሉትን መጻሕፍ ቅዱስ ሳያነብ እናቱ በማኅፀን በር ካንሰር ያርፋሉ፣ እርሱም በዓለም ምርጡ ኮሜዲያን ውዱ አከተርም ከሆነ በኋላ አንድ ቀን የልጅነት ፎቶግራፎቹን ለፊልም ፈልጎ ሲበረብር ያንን እናቱ የሰጡትን መጻሕፍ ቅዱስንም ገለጠው፣ ውስጡ እናቱ ለስራ መፈለጊያና መጠነኛ ቤት መከራያ እንዲሆነው የተውለትን 1ሺ ዶላር አገኘ።

ገንዘቡ ለአሁኑ ኬቨን ምንም ብትሆንም እናቱ ግን ንብረታቸውን ሸጠው ነበር ለልጃቸው የሰጡት።

መጻሕፍት ውስጥ ብዙ መልሶች አሉና መጻሕፍትን እናንብብ። ቀና ብሎ በዕውቀት ለማውራት ብዙ አጎንብሶ ማንበብን ይጠይቃል።

(ፍፁም አብርሃም)

#አልዘገየህም_አልቀደምክም

* አንድ ሰው በ22 ዓመቱ ተመረቀ፣ ነገር ግን ጥሩ ሥራ ሳይሰራ 5 ዓመት ጠበቀ።

* አንድ ሰው በ25 ዓመቱ ዋና ስራ አስኪያጅ ሆነ፣ በ50 ዓመቱ ሞተ።

* ሌላው በ50 ዓመቱ ዋና ስራ አስኪያጅ ሲሆን፣ 90 ዓመት ኖሯል።

* አንድ ሰው እስካሁን ያላገባ ነው፣ ከትምህርት ቤቱ ጓደኛ የሆነ ሰው ግን አያት ሆኗል።

* ኦባማ በ55 ዓመቱ ጡረታ ወጣ፣ ትራምፕ በ70 ዓመቱ ጀመረ፡፡

በዚህ አለም ላይ ሁሉም ሰው የሚሰራው የጊዜ ክልሉን መሰረት አድርጎ ነው። በዙሪያህ ያሉ ሰዎች ከፊትህ ያሉ ሊመስሉ ይችላሉ፣ አንዳንዶች ደግሞ ከኋላህ ያሉ ሊመስሉ ይችላሉ። ሁሉም ግን የራሱን ሩጫ በራሱ ጊዜ እየሮጠ ነው። እነሱ በራሳቸው የጊዜ ክልል ውስጥ ናቸው፣ አንተ ደግሞ በራስህ ውስጥ ነህ።

አልዘገየህም አልቀደምክም፤ ባለህ ጊዜ ተጠቀም 👏

#ሰላም_ውድ_ቤተሰቦች


በህይወት እስካለህ ልትሳሳት ፣ ልትወድቅ ትቸላለህ ፣ ሰዎች ላይቀበሉህ ይችላሉ ፣ ወይም ሀሳብህን ላይረዱህ ፣ ቦታ ላይሰጡህ ይችላሉ ፣ በእጅህ ላይ ያለው ሙሉ በሙሉ አመድ ሆኖ ልታገኘው ትችላለህ ፣ ሰዎች ሊጠሉህ ፣ ሊያሙህ ፣ ወይ ስም ሊያወጡልህ ፣ አሊያም ሊስቁብህ ፣ ይችላሉ።
:
" በህይወት ውስጥ ትልቁ ስህተት ለሁሉም ሰው ትክክለኛ ሆኖ ለመታየት መሞከር ነው። መልካም ብትሆን ክፉዎች ይጠሉሀል። አዋቂ ብትሆን አላዋቂዎች ባዶነታቸውን ስለምትገልጥባቸው አብዝተው ይፀየፉሀል። ብርሃናዊ ራዕይ ቢኖርህ የጨለምተኞችን ጨለማ ስለምታሳይ መኖርህ ያንገበግባቸዋል። ነፃ አውጭ ብትሆን ጨቋኞች ያሳድዱሀል።
:
ምናለፋህ በአለም ስትኖር በሙሉ ድምፅ ልትወደድም፣ ልትጠላም አትችልም። ስለዚህ በደረስክበት ሁሉ ልክ እንደ ውሃ ቅርፅህን አትቀያይር! ከምንም በላይ በፈጣሪህ ፊት ትክክል ሁን!"
አንድ ነገር ልንገራችሁ!
:
በህይወትሁ ማንንም አትውቀሱ
ጥሩ ሰዎች ደስታን ይሰጡዃችሀል
መጥፎ ሰዎች ልምድ ይሆኑዃችሀል
ክፉ ሰዎች ማስጠንቀቂያ ይሆኑዃችሀል
ምርጥ ሰዎች ትዝታ ይሆኑዃችሀል።
(ጋሽ ስብሃት ገብረእግዚአብሄር)


(በየቀኑ አነቃቂ መልእክቶችን፣የስኬት ስነልቦና ለመገንባት የሚያስችሉ ነገሮችን ለማግኘት  ቴሌግራም ገፃችንን ይቀላቀሉ።)

ይቆጭሃል!
፨፨//////፨፨
መሃል ደርሰህ ያቆምክበት ጊዜ ይቆጭሃል፤ ያልተገባ ውሳኔ የወሰንክበት ጊዜ ይቆጭሃል፤ ሲነገርህ ያልሰማህበት፣ በስሜትህ የተነዳህበት፣ በጭፍን የተጓዝክበት፣ ያለማመዛዘን የወሰንክበት ጊዜ ወደኋላ ተመልሰህ ስታስበው ይቆጭሃል። መቀደም ሳይኖርብህ ስትቀደም፣ መጥፋት ሳይኖርብህ ስትጠፋ፣ መዋረድ ሳይገባህ ስትዋረድ በእርግጥም መታመምህ አይቀርም። ሰውነትህ ብቻ ሳይሆን አዕምሮህ ይታወካል፤ አመለካከትህ ይመረዛል፤ ተስፋህ ይጨልማል፤ ቁጪት ይቆጣጠርሃል። ቁጪትህን መቅደም ባለብህ ጊዜ ቅደመው፤ የኋላውን ህመም አሁን አስቀረው። የፈሰሰ ውሃ አይታፈስም፤ ያመለጠህ ጊዜና አጋጣሚም ድጋሜ አይገኝም። እዬንዳንዷ ቅፅበት ለቁጪት እንድትዳርገንም ሆነ እንድታኮራን የምናደርገው እኛው እራሳችን ነን። እንደ ባሪያ ለመስራት ማሰብ አሁን እንጂ ነገ አይደለም።

አዎ! ጀግናዬ..! ይቆጭሃል! እንዲ እንደ ዋዛ የሚያልፈው ጊዜህ ነገ ይቆጭሃል፤ ዛሬ በማይረባ ተግባር ላይ የምታጠፋው ስሜትህ ነገ ያንገበግብሃል። የማይፈልጉህ ሰዎች እንዲፈልጉህ፣ የማይወዱህ ሰዎች እንዲወዱህ የተጓዝክበትን ርቀት ተመልከት፤ ነገ ጥሎህ ለሚሔድ ጓደኛህ ብለህ የገባህበትን የማይሆን ህይወት አስታውስ፤ በይሉኝታ ሰበብ የምትጨነቅበትን የፍቅር ህይወትህን አስተውል። አንዳንዴ ያለንበት ግንኙነት እንደማይቀጥል እናውቃለን ነገር ግን ዛሬም እዛው ነን፤ ጨክነን የሚያስጨንቀንን ጉዳይ ብንናገረው እንደሚወጣልን እናውቃለን ነገር ግን ዛሬም በዛም አንድ ሃሳብ እንብሰለሰላለን፤ መሽቶ በነጋ ቁጥር ወደ ህይወታችን መጨረሻ እንደምንጠጋ እናውቃለን ነገር ግን ዛሬም ያንኑ ትርጉም የማይሰጠንን ተግባር እየፈፀምን እንገኛለን።

አዎ! ከቁጪት መዳን ከፈለክ ለእራስህ ማዘን ጀምር፤ ያለህበትን ሁኔታ ተመልከት፤ አሁናዊ ማንነትህን አጥናው። አሁን ቀላል የመሰለህ ህይወት ነገ ትልቅ መዘዝ ይዞብህ ሊመጣ እንደሚችል ተገንዘብ። ነገሮች ቢመቻቹልህ፣ ችግር ባይኖርብህ፣ ለእራስህ ብቁ እንደሆንክ እስካላወክ ድረስ መቼም ነፃ መውጣት አትችልም። አንድን ቀን በነፃነት ለመኖር ሳይሆን እያንዳንዱን ቀን ትርጉም ባለው ነፃና ውጤታማ ተግባር ለማሳለፍ ሞክር። ዋጋ መክፈል፣ መፋለም፣ መዋደቅ የሚባሉትን ነገሮች አትፍራ። ሁሌም ቢሆን ቀላል ህይወት ያለው ከከባዱና እልህ አስጨራሹ ጉዞ ቦሃላ ነው። ቀላል መንገድ መርጠህ ቀላል ህይወት ልትኖር አትችልም። አደጋን ለመጋፈጥ በደፈርክ ቁጥር ለዘላቂው ነፃነትህ እየቀረብክ ትመጣለህ። ያበቃ የመሰለህ ጉዞ ከቁጪት የሚያድንህ ሲሆን ብቻ እንደሚያበቃ ደጋግመህ ለእራስህ ንገረው። የነገር ምሬቱ እውነትነቱን መሸፈን እንደማይችልም እወቅ።
ስኬታማ ቀን ይሁንልን 🙏🙏🙏

ጉዞህን ቀጥል!
፨፨፨///////፨፨፨
ጥንካሬህን አስታውስ፤ መነሻህን ጠንቅቀህ እወቅ፤ ያለብህን ሃላፊነት ተረዳ፤ የጉዞህን አቅጣጫ፣ መዳረሻህን አስቀድመህ አስቀምጥ። አለም ለሚቆም ሰው ቦታ የላትም፤ ተስፋ ለሌለው ሰው ዋጋ አትሰጥም፤ ምድር የማይንቀሳቀስን ሰው ዞር ብላ አታይም። እንቅስቃሴህ ላንተ ብቻ ሳይሆን ከጀርባህ ላሉ ቤተሰቦችህ፣ ጓደኞችህና ወዳጆችህም ጠቃሚ እንደሆነ ተረዳ። አንድ ምርጫ ቢኖርህ እርሱም ጉዞህን መቀጠል ብቻ መሆን አለበት። ወደኋላ የምትመለስበት፣ ለመሰናክሎችህ እውቅና የምትሰጥበት፣ ችግሮችህን የምታዳምቅበት፣ መሰናክሎችህን የምታጎላበት ጊዜ የለህም። ጨከን፣ ጠንከር፣ ጀገን የምትለው አዋጩ ምርጫህ እርሱ ስለሆነ ነው። በትናንት መቆጨት፣ ለነገው መጨነቅ የሴትነት ልኬትሽ አይደለም፤ ማለቃቀስ ወድነትህን አያሳይም፤ ከሰው መጠበቅህ የመጨረሻ መገለጫህ አይደለም። በእርግጥም ህይወት ከገባህ እርምጃህ መፍጠን ይኖርበታል።

አዎ! ጀግናዬ..! ጉዞህን ቀጥል! ጥንካሬህ ላይ በርታበት፤ ምርጫህን በተግባር አክብረው፤ ፍላጎትህ እንዲያስከብርህ፣ ውሳኔህ እንዲያኮራህ በፍፁም የጀመርከውን ትክክለኛ ጉዞ እንዳታቆም። ትከሻህ ብዙ ሃላፊነት አለበት፤ ልብህ ብዙ ትላልቅ ሃሳቦች ይጠብቁታል፤ እግርህ የሚጓዘው ረጅም ርቀት ይኖረዋል። ስትበስል ሁሉም እንደሚገባህ አትጠራጠር። አሁን ግን ዋናው ጫወታ ለውሳኔህ መታመን ነው፤ ወደፊትህን በተስፋ መመልከት ነው፤ የእግዚአብሔርን ፍቃድ መጠበቅ ነው፤ ለአምላክህ ዘወትር ፀሎት ማድረስ ነው፤ መንገድህን እንዲመራህ ፍቃድ መስጠት ነው። ዞር ብለህ መነሻህን ስትመለከት የመጣህበትን ርቀት ታስተውላለህ። መነሻህ የትም ቢሆን አሁን ያለህበት ቦታ ያለሀው ጉዞህን ስላላቆምክ ነው። በፅናት እስከተጓዝክ ድረስ የመጨረሻውን መዳረሻህን የሚያውቀው እግዚአብሔር ብቻ ነው።

አዎ! አንዳንድ ነገር በተከሰተ ቁጥር የማቆም ሃሳብ መምጣቱ አይቀርም። መሰናክሎች ሲደራረቡ፣ እንቅፋቶች ሲበዙ ፅናትህ ይፈተናል፤ ጉዞህ እክል ይገጥመዋል፤ መንገድህ ከባድ ይሆናል። ነገር ግን በዚህ ሁሉ መሃል አልፈህ ግብህን መምታት ትችላለህ፤ እስከፈለከው ርቀት መጓዝ፣ የምትመኘው ከፍታ ድረስ መወንጨፍ ትችላለህ። ከእራስህ ውጪ ማንም ሊያቆምህ አይችልም፤ ለእራስህ ከምትሰጠው የወረድ አመለካከት በቀር በዋናነት ሊያስቆምህ የሚችል ነገር የለም። ከእራስህ ጋር ያለህን ችግር ቅረፍ፤ ለእራስህ የምትሰጠውን ጊዜና ቦታ አስተካክል። መጨከን ካለብህ እራስህን ለማክበር፣ ማንነትህን ለማስከበር፣ በውሳኔህ ለመፅናት፣ ለእራስህም ሆነ ለሌሎች መሱዓትነት ለመክፈል እንደሆነ ተረዳ።
መልካም ቀን ይሁንልን!

ምርጥ ምርጡን አድርግ!
፨፨፨፨፨///////////፨፨፨፨፨
ጊዜ እየከነፈ ነው፤ ሰው ዋጋ እያጣ ነው፤ የቅርብ ሰዎች ጥለውን እየሔዱ ነው፤ በነጋ ቁጥር የህይወት ክብደት እየጨመረ ነው፣ ለይደር ያስቀመጥነው ችግር አፍጥጦ ይጠብቀናል፤ ችላ ያልነው ቁስል መርቅዞ ይገኛል፤ ጊዜ ያልሰጠነው ነገር በተራው ጊዜ ሲያሳጣን እናገኘዋለን፤ ትናንት ተስፋ ያደረግነው ሰው ዛሬ ተስፋችንን ሸጦታል፤ ቃሉን አጥፏል፤ እምነታችንን በልቷል። የህይወት መንገድ እንደ ጠበቅነው አልጋ በአልጋና የተመቻቸ አልሆነልንም። ስላልተመቸን፣ ደስተኛ ስላልሆንን፣ ስለማናመሰግን ግን እድሜያችን ቢያጥር እንጂ በፍፁም አይጨምርም። አምላክን እያጠለሹ፣ እራስን እያኮሰሱ፣ እራስ ላይ እየጨከኑ፤ በህይወት እየቀለዱ፣ እንዲሁ እንደዋዛ በዋዛ ፈዛዛ ቀንን እያሳለፉ የህይወት ጠዓሙ፣ የመኖር እርካታው፣ መትረፍረፉ፣ መሞላቱ፣ ማረፉ ኬት ይመጣል?

አዎ! ጀግናዬ..! ምርጥ ምርጡን አድርግ፤ በህይወት እስካለህ፣ ቀን እስከተጨመረልህ፣ እድሜ እስከተሰጠህ ምርጥ ምርጡን እየመረጥክ ለእራስህ አድርግ፤ ለሰዎች አድርግ፤ በቃላትህ መትረፍረፍ ጀምር፤ በአዎንታዊነት ዘርፍ ሰልጥን፤ በመልካምነት ዳርቻ እራስህን አብቃ፤ ልዕልናህን ከፍ አድርግ፤ በመኖርህ እሴትን ጨምር፤ ከእራስህ ጀምሮ ከባቢህን በፍቅር ዋጅ። ስለ ችግር አብዝተህ ስታስብ ችግር ሆነህ እንዳትቀር ተጠንቀቅ፤ ለጭንቀትህ የበዛ ጊዜ እየሰጠህ ቀናትህን እንዳታጣ እራስህን ጠብቅ። ውድ ነህና ውድና ምርጡን ነገር ለእራስህ አድርግ፤ የሚገባህ ከሰዎች የሚሰጥህ ትንሽ ነገር እንዳልሆነ ተገንዘብ። የእያንዳንዳችን የመኖር ልኬት የተገደበ ነውና ለምድሪቱ ብርቅና ጊዜያዊ እንቁ እንደሆንን ማሰብ ይኖርብናል።

አዎ! የሚያልቅ እድሜ ይዘህ እንደማያልቅና ዘላለም እንደምትኖር ጊዜህን አታባክን። ውድ ስጦታህን በውድ ተግባር፣ ከውድ ወዳጆችህ ጋር አሳልፍ። መኖርህን ለመጥላት፣ ጊዜህን ለማባከን፣ በእራስህ ለመፀፀት፣ በችግሮችህ ለመለካት፣ በጊዜያዊ አጣብቂኞችህ ለመገለፅ፣ ውድቀትህን ለማካበድ፣ ህይወትህን ለማወሳሰብ ጊዜ እንደሌለህ አስታውስ። ቀላል፣ አስደሳችና ትርፋማ ህይወት እንደሚገባህ አስብ። ሳትኖር፣ ህይወትን በሙላት ሳታጣጥም፣ መልካሙን ስሜትህን ሳታጋራ፣ ትርፋማ ህይወት ሳይኖርህ ምድርን ለመለየት አትፍጠን። በስስት መኖርን ዛሬ ጀምር፤ ውሎህን ማስተካከል፣ ደስታህን መፍጠር፣ የሚመጥንህን ታላቅነት ማሰብ፣ የሚገባህን ከፍታ መለየት፣ ለምርጫህ መታመን ዛሬን ጀምር። በቀላል መንገድ ምርጥ ምርጡን ለእራስህ ወደማድረግ ተሸጋገር።
ውብ ደማቅ ቀን ይሁንልን!

ከታሪካችሁ ከፍ በሉ!
፨፨፨፨/////////፨፨፨፨
ማንም ታሪክ አልባ ሰው የለም፤ ሁሉም ትናንት ነበረው፣ አምና ነበረው፣ ካቻምና ነበረው፣ ከዛም በላይ ዛሬ አለው፣ እንዲሁ ነገም ይኖረዋል። ትናንቱ በልጅነት እሳቤ፣ በልጅነት ጫወታና ባልተገራ ማንነት፣ ባልተቃኘ ስብዕና ያልፋል። ማስተዋል አለመቻሉን ሲያስብ፣ ብስለት ከማጣቱ የተነሳ ያጠፋውን ጥፋት፣ የደረሰበትን ችግር ዞር ብሎ ሲመለከት የሆነ ነገር የማይታመን አይነት ታሪክ መስሎ ሊታየው ይችላል። አንዳንድ ሰሞን በእራሳችሁ ማዘዘ እንደማትችሉ፤ እቅዳችሁን ማስፈፀም፣ ፍላጎታችሁን ማስቀደም፣ የልብ መሻታችሁን መከተል የማትችሉበት አጋጣሚ መኖሩ አይቀርም። ሃሳባችሁ ሌላ፣ እቅዳችሁ ሌላ ስታደርጉ የምትገኙት ነገር ደግሞ የእርሱ ተቃራኒ ሆኖ ታገኙታላችሁ። ማደግ የሚባለው ማንነት እስኪመጣ ድረስ አመለካከታችሁ በሙሉ ወሱንነት ያጠቃዋል፤ በጊዜያዊ ደስታ የታሰረ ይሆናል፤ የሚታያችሁ በሙሉ የሚያልቅባችሁ ይመስል ዛሬ አሁኑኑ ሁሉንም ካላደረግን፣ ሁሉንም ካልተጠቀመን ትላላችሁ። ይህም አንድ ቀን ታሪክ ሆኖ ታገኙታላችሁ።

አዎ! ጀግናዬ..! አንተ ያልተቆጣጠርከው ተግባር በምትኩ አንተን ይቆጣጠርሃል፤ አንተ ትኩረት ያልሰጠሀው፣ በአግባቡ ያልፈታሀው፣ በጊዜ መፍትሔ ያላገኘህለት ጉዳይ እያደር አንተን ከጫወታው ውጪ እያደረገህ ይመጣል። ቀድመህ መገኘት ባለብህ ስፍራ ስትዘገይ ምን ልታጣ እንደምትችል በቦታው ላይ ስትሆን ታውቀዋለህ። የዛሬ ተግባር ቀኑ ዛሬ ነው፤ የአሁን ክዋኔ ከአሁን በተሻለ የሚፈፀምበት ጊዜ የለም። ብዙ ጊዜ ነገሮች ከባድ እየሆኑና እየተወሳሰቡ የሚመጡት በጊዜያቸው መፍትሔ ስላልተሰጣቸው፣ ትኩረት ስለተነፈጉና ክብርንም ስላጡ ነው። የትናንት ድክመትህ ዛሬም ላይ የሚረብሽህና የሚያስጨንቅህ ከሆነ ዛሬም ሳይዘገይ የመፍታቱ ሃላፊነት ያንተ ነው።

አዎ! ከታሪካችሁ ከፍ በሉ፤ ከትናንትናችሁ በላይ መኖር ጀምሩ። ትኩረታችሁን፣ ሃሳባችሁን፣ መገኘታችሁን ዛሬ አሁን ላይ ማድረግን ተለማመዱ። በትናንት እስራት፣ በነገ ከንቱ ምኞት መሃል የዛሬውን ልዩ ውበት፣ የአሁንን ውብ ማዓዛ አትጡ። ዋጋ የተሰጠው ጉዳይ በየትኛውም መንገድ ውስጣችን እያደገ እኛን መቆጣጠሩ የማይቀር ጉዳይ ነውና ከታሪካችሁ ከፍ ብላችሁ፤ ከመጣችሁበት መንገድ በላይ ዛሬ ላይ አተኩራችሁ፤ የአሁን ችግራችሁን ከስር ከስር እየፈታችሁ የማትጓዙ ከሆነ ታሪክ እንደሚደግም አስተውሉ። ካለፋችሁበት በተሻለ ዛሬ ያላችሁበትና ነገ የሚመጣው ትልቅ ትርጉም አለው። ጊዜያችሁን ታሪክ ከማውራት በተሻለ ታሪክ ለመስራት ተጠቀሙበት፤ በትናንታችሁ ከመታሰር በተሻለ በዛሬ ነፃ ለመውጣት ተገልገሉበት። መቀየር የሚችለውን በመፈለግ ቀይሩ፤ መስተካከል የሚችለውን አስተካክሉ፤ የትናንት ጠባሳችሁን ግን እግዚአብሔር አምላክ እንዲሽርላችሁ ሁሉን ለእርሱ ስጡ።
ብሩህ ጣፋጭ ቀን ይሁንልን!

በህይወት እስካለህ ልትሳሳት ፣ ልትወድቅ ትቸላለህ ፣ ሰዎች ላይቀበሉህ ይችላሉ ፣ ወይም ሀሳብህን ላይረዱህ ፣ ቦታ ላይሰጡህ ይችላሉ ፣ በእጅህ ላይ ያለው ሙሉ በሙሉ አመድ ሆኖ ልታገኘው ትችላለህ ፣ ሰዎች ሊጠሉህ ፣ ሊያሙህ ፣ ወይ ስም ሊያወጡልህ ፣ አሊያም ሊስቁብህ ፣ ይችላሉ።
:
" በህይወት ውስጥ ትልቁ ስህተት ለሁሉም ሰው ትክክለኛ ሆኖ ለመታየት መሞከር ነው። መልካም ብትሆን ክፉዎች ይጠሉሀል። አዋቂ ብትሆን አላዋቂዎች ባዶነታቸውን ስለምትገልጥባቸው አብዝተው ይፀየፉሀል። ብርሃናዊ ራዕይ ቢኖርህ የጨለምተኞችን ጨለማ ስለምታሳይ መኖርህ ያንገበግባቸዋል። ነፃ አውጭ ብትሆን ጨቋኞች ያሳድዱሀል።
:
ምናለፋህ በአለም ስትኖር በሙሉ ድምፅ ልትወደድም፣ ልትጠላም አትችልም። ስለዚህ በደረስክበት ሁሉ ልክ እንደ ውሃ ቅርፅህን አትቀያይር! ከምንም በላይ በፈጣሪህ ፊት ትክክል ሁን!"
አንድ ነገር ልንገራችሁ!
:
በህይወትሁ ማንንም አትውቀሱ
ጥሩ ሰዎች ደስታን ይሰጡዃችሀል
መጥፎ ሰዎች ልምድ ይሆኑዃችሀል
ክፉ ሰዎች ማስጠንቀቂያ ይሆኑዃችሀል
ምርጥ ሰዎች ትዝታ ይሆኑዃችሀል።
(ጋሽ ስብሃት ገብረእግዚአብሄር)

https://www.facebook.com/groups/1904189086479119/permalink/3594909640740380/?mibextid=rS40aB7S9Ucbxw6v

ግሩሞ ስኬታማ የመሆን ቁልፎች"
የትኛውን ወደዳችሁት

1.) ገደብህ እይታህ ነውና አርቀህ ተመልከት!!

2.)ማንንም ሳትጠብቅ በራስህ ያ ሰብከውን ለማድረግ ጣር!!

3.)እቅዶችህን አሁን ማድረግ ስትችል ለነገ አታሳድራቸው!!

4.)ከምቾት ቀጠና እስካልወጣህ ድረስ ታላላቅ ነገሮችን ማከናወን አትችልም!!

5.)አላማህን አቅደው፣ ተመኘው፣ ሁነው!!!!

6.)ስኬት በመቀመጥ አይመጣምና ተንቀሳቀስ!!

7.)ስኬት ራሳቸውን ለተቀበሉ ሰዎች ነውና ራስህን ተቀበል!!

8.)ጠንክረህ በሰራኸው ልክ ውጤት ጠብቅ፤ ነገር ግን የምትሰራውን ሁሉ በእውቀት በጥበብና በማስተዋል ስራ!!

9.)ስለደከምክ ሳይሆን ማቆም ያለብህ ስለጨረስክ ነው!!

10.) በመሰጠት መንፈስ ከእቅልፍህ ተነስ ከዚያም በእርካታ ወደቤትህ ግባ!!

11.)ትንንሽ ነገሮች ትልቅ ቀንን ይሰራሉና አትናቃቸው!!

12.)ህልምህን አልመው፣ እመነው፣ ገንባው፣ ሁነው!!!