የኦርቶዶክስ ተዋሕዶ መዝሙር 🇪🇹

አቡነ ገብረ መንፈስ ቅዱስ

እንኳን ለወርሃዊው የአቡነ ገብረ መንፈስ ቅዱስ የመታሰቢያ በዓል በሰላም አደረሰን !!!

" ጻድቃን ጮኹ፥ እግዚአብሔርም ሰማቸው ከመከራቸውም ሁሉ አዳናቸው።"
መዝ. ፴፫፥፲፯ /33፥17/

❤ አቡነ ገብረ መንፈስ ቅዱስ በ፲፫/13/ኛው ክፍለ ዘመን ወደ ኢትዮጵያ የገቡ ቅዱስ አባት ናቸው

❤ ጻድቁ አባታችን የተወለዱት በታህሣሥ ፳፱/29/ ቀን ሲሆን ስማቸውም "ገብረ መንፈስ ቅዱስ" ተባለ

❤ ጻድቁ አባት ከ፭፻ /500/ ዓመት በላይ በዚህ ምድር ላይ የኖሩ ታላላቅ የቅድስና ስራዎችን የሰሩ ገዳማዊ ናቸው

❤ አቡነ ገብረ መንፈስ ቅዱስ ከገዳማዊነታቸውም በዘለለ ከትግራይ እስከ ሸዋ ባለው የሀገራችን ክፍል እየተዘዋወሩ ወንጌልን የሰበኩ አባት ናቸው

❤ ጻድቁ አባታችን ሁለት ታላላቅ ገዳማትን መትከላቸውን ታሪካቸው ያስረዳል
➻ ዝቋላ ደብረ ከዋክብት አቡነ ገብረ መንፈስ ቅዱስ ገዳምና ምድረ ከብድ ገዳም ናቸው

❤ ጻድቁ አባታችን በተወለዱበት ቤት አልኖሩም በበረሃ ብቻቸውን ኖሩ እንጂ

❤ በበዓታቸው እየጾሙ እየጸለዩ እግዚአብሔርን ሲያመሰግኑ የኖሩት ጻድቁ አባታችን በኖሩባት ምድር በኢትዮጵያ ብዙዎችን ወደ ክርስትና አምጥተዋል

❤ ጻድቁ አቡነ ገብረ መንፈስ ቅዱስ የአገልግሎት ዘመናቸው ሲፈፀም ጌታችን የተለያዩ ቃል ኪዳኖችን ከገባላቸው በኋላ ከዚህ ዓለም ድካም ዐረፉ

የጻድቁ አባታችን አቡነ ገብረ መንፈስ ቅዱስ ምልጃና በረከት አይለየን።

#አንዲት_ሐይማኖት_ኦርቶዶክስ_ተዋሕዶ
#አንዲት_ቤተክርስቲያን
#አንዲት_ጥምቀት
#ቅዱሳን
#ድንግል
#ተዋህዶ
#OrthodoxChurch
#ኢትዮጵያ
@ortodox_27

🥰 ነገ ወር በገባ በ 5 ጻድቁ አቡነ ገብረ መንፈስ ቅዱስ ናቸው 🤗

አባታችን አቡነ ገብረ መንፈስ ቅዱስ ሐገራቸው ንሂሳ ግብጽ ነው አባታቸው ስምዖን እናታቸው አቅሌስያ ይባላሉ፡፡ልጅ አጥተው 30 ዘመን ሲያዝኑ ኖረዋል፡፡ አንድ ቀን አቅሌሲያ ቤተ እግዚአብሔር ገብታ ከሥዕለ ሥላሴ ሥር ወድቃ ስትማጸን ክብሩ ከሰማይ ከፍታ የሚበጥ ልጅ እንኪ ተቀበይ የሚል ድምጽ ሰማች

በዚህ መሠረት ቅዱስ አባታችን ጻድቁ አቡዬ ገብረ መንፈስ ቅዱስ መጋቢት 29 ተፀንሰው ታኀሣስ 29 ተወለዱ

አባታችን ዓይን በገለጹ ጊዜ ከሚታይ ነገር ላይ እንዲያርፍ እርሳቸውም በተወለዱ ጊዜ አፈፍ ተነስተው «ስብሐት ለአብ ስብሐት ለወልድ ስብሐት ለመንፈስ ቅዱስ ዘዓውፃእከኒ እምጽልመት ውስተ ብረሃን» ብለው አመስግነዋል

በኋላም ምድራዊ መብል መጠጥ
ሳይመገቡ ሳይጠጡ ለምስጋና ተግተው በመኖራቸው መላዕክትን ይመስላሉ አባታችን ጻድቁ አቡነ ገብረ መንፈስ ቅዱስ በኢትዮጵያ 262 ኖረው በ562 ዓመታቸው በተስፋቸው ያመነውን በኪዳናቸው የተማጸነ ጌታ ከመከራ ሥጋ ከመከራ ነፍስ ሊምርላቸው ተስፋቸውን ተቀብለው በዕለተ እሁድ ዐርፈዋል
መላእክት በአክናፈ እሳት ኢየሩሳሌም ወስደው በየማነ ምስዋዕ ቀብረዋቸዋል

ለፅንሰትከ ገብረ መንፈስ ቅዱስ ሆይ በብሥራተ መልአክ ለተፀነስነከው መፀነስና በወርኃ ታኀሣሥ ለተወለድከው ልደትህ ሰላም እላለሁ

ክቡሩ አባት ሆይ ስለ ዓለሙ መድኃኒት ኢየሱስ ክርስቶስ ስለ ጌትነቱ ልደት ተርሴስ ግብር እንደገበረ፤እኔም ፍጹም ልባዊ የእጅ መንሻ ወርቅ አቀርብልሃለሁ

ለተኃፅኖትከ፥ ገብረ መንፈስ ቅዱስ ሆይ የቤተ ክርስቲያን መብራት የምትሆን የተመረጠች የክብርት እናትህን ጡት ባለመጥባት በመንፈስ ቅዱስ እንክብካቤ ስለ አደግኸው አስተዳደግህ ሰላም እላለሁ።

የአባታችን ገብረ መንፈስ ቅዱስ ረድኤት በረከታቸው አይለየን አሜን🙏❤️

ድል አለ በስምህ

ድል አለ በሰምህ
ድል አለ በቃልህ /2/
ተራራው ይናዳል አማኑኤል ሰልህ
ባህር ይከፈላል መድሀኒአለም ሰልህ

አዝ ====

ቃዴስን ታላቁን በርሀ
አለፍነው ሳንጠማ ውኃ
ፈርኦንን ከባህር የጣለው
ጌታዬ የፀና ሰምህ ነው
አምላኬ የፀና ሰምህ ነው

አዝ ====

በእልልታ ቢፈርሰ እያረኮ
ጠላትም ቢወድቅ ተማርኮ
ቢሰጠን ለእኛ ከተማው
የሆነው ሁሉ ባንተ ነው/2/

አዝ ======

ከክፋት ሁሉ ብናመልጥ
የማረ ውኃ ቢጣፍጥ
ብንበላ መና ከሰማይ
ሰለ ሆንክ ነው አ ዶናይ
ሰለ ሆንክ ነው ሁሉን ቻይ

አዝ=====

የቆምነው ዛሬ በህይወት
ሰምህን አድርገን ነው ጉልበት
ከሜዳ ተጠርተን ብንነግሰ
ሆነኸ ነው ክብርና

ዘማሪ ገ/ዮሀንስ ገ/ፃዲቅ
✥┈┈•◦●◈◎❖◎◈●◦•┈┈✥

•➢ ሼር // SHARE

💚 •✥• @ortodox_27•✥•💚
💛 •✥• @ortodox_27 •✥•💛
❤️ •✥• @ortodox_27•✥•❤

💗✞ የፍቅር ሐዋርያ ✞💗
==================

⛪️ ቤተ ክርስቲያን ቅዱስ ዮሐንስን 'የፍቅር ሐዋርያ' ትለዋለች። ለ70 ዘመናት በቆየ ስብከቱ ስለ ፍቅር ብዙ አስተምሯል። ፍቅርንም በተግባር አስተምሯል። በየደቂቃውም "ደቂቅየ ተፋቀሩ በበይናቲክሙ ልጆቼ ሆይ! እርስ በርሳችሁ ተዋደዱ" እያለ ይሰብክ ነበር።

➦​ በተለይ ደግሞ ከፈጣሪው ክርስቶስ ጋር የነበረው ፍቅር ፍጹም የተለየ ነበር። በዚህ ምክንያትም ጌታ ባረገ ጊዜ እንዲህ ብሎታል:- "ለፍጡር ከሚገለጥ ምሥጢር ከአንተ የምሠውረው የለኝም" ብሎታል።

➦​ ቀጥሎም በንጹሕ አፉ ስሞታል። ሊቁ:-
"ሰላም ለአፉከ ለዮሐንስ ዘሰዓሞ:
ንጽሐ ኅሊናሁ ወልቡ ለዐይነ ፍትወትከ ሶበ አደሞ" እንዳለው። (መልክዐ ኢየሱስ)

➦​ ቅዱስ ዮሐንስ ከእመቤታችንም ጋር ልዩ ፍቅር ነበረው። እርሷ እንደ ልጇ ስትወደው: እርሱ ደግሞ እንደ እናቱ ልቡ እስኪነድ ድረስ ይወዳት ነበር:: እስከ እግረ መስቀሉ ድረስ ተከትሎ ያገኛት እመቤቱ ናትና።

➦​ ከዚያ ሁሉ ጸጋና ማዕረግ የመድረሱ ምሥጢርም ድንግል ናት። ለ15 ዓመታት በጽላሎተ ረድኤቷ (በረዳትነቷ ጥላ) ተደግፎ አብሯት ሲኖር ብዙ ተምሯል ከመላእክትም በላይ ከብሯል። ከንጽሕናዋ በረከትም ተካፍሏል።

✝️ ስለ ድንግል ማርያምም "ነገረ ማርያም" የሚል ድርሰት ሲኖረው "የሰኔ ጐልጐታንም" የጻፈው እርሱ ነው።

➦​ ድንግል ባረፈችበት ቀንም ልክ እንደ ልጇ ክርስቶስ እርሷም ስማው: ታቅፋው ዐርፋለች። ሊቃውንቱ ለዚህ አይደል በንጹሕ ከንፈሮቿ መሳምን (መባረክን) ሲሹ "በከመ ሰዓምኪ ርዕሰ ዮሐንስ ቀዳሚ: ስዒሞትየ ማርያም ድግሚ" ያሉት።

➦​ ታላቁ ቅዱስ ሐዋርያ ዕድሜው 90 ዓመት በሆነው ጊዜ በዚህች ዕለት ተሰውሯል። ከዚያ አስቀድሞም የዓለምን ፍጻሜ ተመልክቷል። ዛሬ ያለበትን የየሚያውቅ ቸር ፈጣሪው ነው።

💠 እናት ቤተ ክርስቲያን ቅዱስ ዮሐንስን ስትጠራው እንዲሕ ነው።

✨ወንጌላዊ
✨ሐዋርያ
✨ሰማዕት ዘእንበለ ደም
✨አቡቀለምሲስ (ምሥጢራትን ያየ)
✨ታኦሎጐስ (ነባቤ መለኮት)
✨ወልደ ነጐድጉዋድ
✨ደቀ መለኮት ወምሥጢር
✨ፍቁረ እግዚእ
✨ርዕሰ ደናግል (የደናግል አለቃ)
✨ቁጹረ ገጽ
✨ዘረፈቀ ውስተ ሕጽኑ ለኢየሱስ (ከጌታ ጎን የሚቀመጥ)
✨ንስር ሠራሪ ልዑለ ስብከት
✨ምድራዊው መልዐክ
✨ዓምደ ብርሐን
✨ሐዋርያ ትንቢት
✨ቀርነ ቤተ ክርስቲያን
✨ኮከበ ከዋክብት

💠 በቅዱስ ዮሐንስ ላይ ያደረ የእመቤታችን ድንግል ማርያምና የአንድ ልጇ ፍቅር በእኛም ላይ ይደር።

@ortodox_27

ጥር 4/2017 #ፍቁረ_እግዚእ_ቅዱስ_ዮሐንስ

👉በስመ #አብ_ወወልድ_ወመንፈስ_ቅዱስ አሐዱ አምላክ አሜን መድኃኒታችን #ኢየሱስ_ክርስቶስን በሐዋርያው ስም ለምናመሰግንበት #ነባቢ_መለኮት_ቅዱስ_ዮሐንስን በአመታዊ ክብረ በአሉ ለምናከብርበት የንግስ በዐሉ እንኳን አደረሰን

👉ጥር አራት በዚህች ቀን ጌታችን #ኢየሱስ_ክርስቶስ የሚወደው የከበረና የተመሰገነ ወንጌልን የፃፈ ሐዋርያው #ቅዱስ_ዮሐንስ ተሠወረ

👉ለዚህም ቅዱስ ወደ እስያ ሀገር ይሔድ ዘንድ ዕጣው በወጣ ጊዜ እጅግ አዝኖ አለቀሰ እነርሱ ክፉዎች ከሀዲዎች ልባቸው የደነደነ መሆናቸውን አውቋልና ግን ከጌታችን ኃይልን መጽናናትን አግኝቶ ከደቀ መዝሙሩ #ከአብሮኮሮስ ጋር ወጥቶ ወደ ክፍሉ ሔደ

👉ወደ ኤፌሶንም ሊሔድ ወዶ በመርከብ ላይ ተሳፈረ መርከቡም ተሰበረ እየአንዳንዱ በመርከብ ስባሪ ሠሌዳ ላይ ተንጠለጠለ ደቀ መዝሙሩን አብሮኮሮስንም የባሕሩ ማዕበል ወደአንዲት ደሴት አደረሰው #ቅዱስ_ዮሐንስ ግን በባሕሩ ማዕበል መካከል አርባ መዓልት አርባ ሌሊት ኖረ

👉ከዚህም በኋላ ደቀ መዝሙሩ አብሮኮሮስ ወዳለበት ወደ የብስ ባሕሩ ተፋው ስለ መገናኘታቸውም እግዚአብሔርን አመሰገኑት በዚያን ጊዜም ተነሥተው ወደ ኤፌሶን ከተማ ገቡ ግን በክብር ባለቤት ጌታችን #ኢየሱስ_ክርስቶስ ስም ይሰብኩ ዘንድ አልተቻላቸውም የዚያ ሀገር ሰዎች እጅግ የከፉ ናቸውና

👉ስለዚህም ምክንያት ፈጥረው #ዮሐንስ ሮምና ለምትባል ሴት የውሽባ ቤት እሳትን የሚያነድ ሆነ ረድኡ አብሮኮሮስም አጣቢ ሆነ ያቺ ሴትም እጅግ ታሠቃያቸው ነበር መጻተኞችም ስለሆኑ ታጉሳቁላቸዋለች ትደበድባቸዋለች ትረግማቸዋለች ባሮቿም እንደሆኑ ጽፈውላታልና ለእርሷ ባሮች አደረገቻቸው በዚህ በታላቅ ጒስቊልና ውስጥ ኖሩ

👉ከዚህም በኋላ በአንዲት ዕለት ይታጠብ ዘንድ የአገረ ገዥው ልጅ ገባ በዚያም የውሽባ ቤት ከተሠራ ጀምሮ የሰይጣን ኃይል አለ የመኰንኑንም ልጅ አንቆ ገደለው በዚያንም ጊዜ የአገር ሰዎች ለዚያ ለሞተው ሊያለቅሱለት ተሰበሰቡ የከበረ #ዮሐንስም ከእርሳቸው ጋር መጥቶ እንደ ሰው ሁሉ ሊያይ በዚያ ቆመ

👉ሮምናም በአየችው ጊዜ ረገመችው አንተስ በጌታዬ ልጅ ሞት ደስ ብሎህ ልትዝትብኝ መጣህ አለችው ቅዱሱ ግን በቅንነት አይዞሽ አትዘኝ አላት ይህንንም ብሎ ወደ ሞተው ቀረብ ብሎ #በመስቀል ምልክት አማተበበት በፊቱም ላይ እፍ አለበት

👉በዚያንም ጊዜ ያ የሞተው ድኖ ተነሣ የአገር ሰዎችም ደነገጡ ሮምናም ወዮልኝ #እግዚአብሔር የሚሉት አምላክ አንተ ነህን አለች እርሱም አይደለሁም እኔ አገልጋይ ሐዋርያው ነኝ እንጂ አላት በእነርሱ ላይ የሠራችውን በደል ሁሉ ይቅር ይሏት ዘንድ መሪር ልቅሶ በማልቀስ ሐዋርያትን ለመነቻቸው እነርሱም አረጋጓት አጽናኗትም

👉ከሀገሩም ሰዎች ብዙዎቹ በክብር ባለቤት በጌታችን #ኢየሱስ_ክርስቶስ አመኑ የክርስትና ጥምቀትንም አጠመቃቸው በፊታቸውም ብዙዎች የሆኑ ድንቆች ተአምራትን አደረገ

👉ይህንንም አይተው የሀገሩ ሰዎች ሁሉም በጌታችን አመኑ ከጣዖታቱ አገልጋዮች በቀር እነርሱም ሰይጣን በእርሱ ላይ ስለሚያነሣሣቸው ሊገድሉት ይሹ ነበር ነገር ግን ምርጦቹን #እግዚአብሔር ጠበቃቸው

👉የከበረ #ዮሐንስም ሁሉንም እግዚአብሔርን ወደ ማወቅ እስከመለሳቸው ድረስ ታላቅ ድካምና ጭንቅ የሆነ መከራ ደረሰበት የከበረ ሐዋርያ ጳውሎስም ስለ ልቡናቸው ደንዳናነት ጣዖታትን ስለመውደዳቸውም ስለ እነርሱ መስክሮአል እርሱም ዮሐንስ በታላቅ ድካም ወደ ቀናች ሃይማኖት መለሳቸው ከዚህም በኋላ ኤጲስ ቆጶሳትን ቀሳውስትን ዲያቆናትን ሾመላቸው

👉ከዚህም በኋላ ከእስያ በዙርያዋ ወዳሉ አገሮች ሁሉ ወጥቶ አስተማረ #እግዚአብሔርንም ወደማወቅ መለሳቸው ይህም የከበረና የተመሰገነ ዮሐንስ በዚህ ዓለም #ዘጠና_ዓመት ኖረ እጅግም ሸመገለ ግን እንደ ባልንጀሮቹ ሐዋርያት በመሰየፍ ሞትን አልቀመሰም

👉ስለ ድንግልናውና ስለ ንፅሕናው ይህ ሆነ ሁሉም በክብር ይስተካከሉ ዘንድ እርሱም ወንጌልን ቀለም ሲስ የሚባለውን ራእይ ሦስት መልእክታትን የፃፈ ነው ራት ሲበሉ በጌታ #ኢየሱስ አጠገብ የተቀመጠውና አቤቱ የሚያሲዝህ ማነው ያለው ይህ እርሱ ነው

👉ጌታችንም በተሰቀለ ጊዜ ከእመቤታችን ቅድስት ድንግል #ማርያም ጋር በመስቀሉ አጠገብ የቆመ እናቱንም እነሆ ልጅሽ ያላት እርሱን ደቀ መዝሙሩንም እነኋት እናትህ ያለው ነው።

👉 #ጴጥሮስም እርሱን ሲከተለው በአየው ጊዜ ስለርሱ ጌታ ኢየሱስን አቤቱ ይህስ እንዴት ነው ብሎ የተናገረ ጌታ ኢየሱስም እስክመጣ ድረስ ይኖር ዘንድ ከወደዱኩ አንተ ምን አለህ አንተ ግን ተከተለኝ ያለለት ይህ ነው

👉የተመሰገነ #ዮሐንስም ከዚህ ዓለም የሚለይበት ሰዓት እንደ ቀረበ በአወቀ ጊዜ ሕዝቡን ጠራቸው ፀሎትንም ፀለየና ኅብስቱን ባርኮ ቆረሰ ይህም #የጌታችን_ሥጋውንና_ደሙን ሰጣቸው በቀናች ሃይማኖትም እንዲፀኑ አዘዛቸው ባረካቸው አፅናናቸውም

👉ከዚህም በኋላ ደቀ መዝሙሩ አብሮኮስን ከወንድሞችም ሌሎች ሁለትን መቆፈሪያ ይዘው ይከተሉት ዘንድ አዘዘ ከኤፌሶንም ከተማ ውጭ ወጣ ጐድጓድ እንዲቆፍሩም አዘዘ ከውስጥዋም ወርዶ ቆመ ልብሱንም አስወገደ ከአንድ የበፍታ ቀሚስ በቀር አላስቀረም

👉እጆቹንም አንሥቶ ፀለየና ወደ ከተማ ይመለሱ ዘንድ አሰናበታቸው #በክርስቶስም ሃይማኖት ይፀኑ ዘንድ ለሕዝቡ ይነግሩአቸው ዘንድ አዘዛቸው በጎ ሥራዎችንም ይሠሩ ዘንድ ጌታችን ለሁሉም እንደ ሥራው ይከፈለው ዘንድ አለውና

👉ሁለተኛም እንዲህ አላቸው እኔ ከሁላችሁም ደም ንጹሕ ነኝ #ከእግዚአብሔር ትእዛዝና ሕግ ሳልነግራችሁ የተውኩት ምንም ምን የለምና እናንተም ከእንግዲህ ከቶ ፊቴን አታዩኝም

👉ይህንንም በተናገረ ጊዜ አለቀሱ እጆቹንና እግሮቹን ስመው በጒድጓዱ ውስጥ ትተውት ወደ መንገድ ተመለሱና የሆነውን ሁሉ ለሰዎች ነገሩዋቸው ሁሉም ደንግጠው መጡ ግን ልብስና ጫማ እንጂ መቃብሩን አላገኙም እጅግም አደነቁ ደቀ መዝሙሩ #ዮሐንስን በዚህ በጎ ዕረፍት ያሳረፈው #እግዚአብሔርንም አመሰገኑት

👉ክብርህ ከመላእክት የተስተካከለ አምላካችን መድኃኒታችን #ኢየሱስ_ክርስቶስ እጅግ አብዝቶ የሚወድህ ፍቁረ እግዚእ #ቅዱስ_ዮሐንስ ምልጃ ፀሎትህ ይጠብቀን ረድኤት በረከትህ አይለየን የተቀደሰ #ሰንበተ_ክርስቲያን ይሁንልን "አሜን" ✝️ 💒 ✝️

👉ሰለሞን የገብርኤል
👉ጥር 4/2017
@ortodox_27

ቅዱስ ዮሐንስ ወልደ ነጎድጓድ

እንኳን ለወንጌላዊው ቅዱስ ዮሐንስ ዓመታዊ ክብረ በዓል በሰላም አደረሰን !!!

" ቃልም ሥጋ ሆነ፤ ጸጋንና እውነትንም ተመልቶ በእኛ አደረ፥ አንድ ልጅም ከአባቱ ዘንድ እንዳለው ክብር የሆነው ክብሩን አየን።"
ዮሐ. ፩፥፲፬ /1፥14/

✝️ ቅዱስ ዮሐንስ ልክ ወንጌሉን ሲጀምር " በመጀመሪያ ቃል ነበረ፥ቃልም በእግዚአብሔር ዘንድ ነበረ፥ ቃልም እግዚአብሔር ነበረ ይላል

✝️ ከአባቶቹ ነብያት ከወንድሞቹ ሐዋርያት መካከል እንደ ቅዱስ ዮሐንስ ምስጢረ ሥላሴን አምልቶ አስፍቶ የተናገረ ማንም የለም

✝️ ለዚህም ነው ታኦሎጎስ ወይም ነባቤ መለኮት በትርጓሜው "ስለመለኮት የሚናገር" መባሉ

✝️ ቅዱስ ዮሐንስ ወንጌላዊ ከገሊላ ባህር ላይ መረቡን እያበጀ ሳለ ከዓሣ አጥማጅነት ወደ ሰው አጥማጅነት የተጠራ ሐዋርያ ነው

✝️ በቀራንዮ አደባባይ በመስቀሉ ስር ሳለ ከጌታችን ታላቁን ስጦታ የተቀበለ (እናቱን ድንግል ማርያምን) ታላቅ ሐዋርያ ነው

" ኢየሱስም እናቱን ይወደው የነበረውንም ደቀ መዝሙር በአጠገቡ ቆሞ ባየ ጊዜ እናቱን። አንቺ ሴት፥ እነሆ ልጅሽ አላት።ከዚህ በኋላ ደቀ መዝሙሩን። እናትህ እነኋት አለው።"
ዮሐ. ፲፱፥፳፮-፳፯ /19፥26-27/

✝️ ቅዱስ ዮሐንስ ወንጌላዊ እንደ ሌሎች ሐዋርያት ሁሉ ብዙ ስቃይና መከራ ደርሶበታል

✝️ ጌታችን በትምህርቱ እንደተናገረ ሞትን የማይቀምሱ እንዳሉ የነገረን በቅዱስ ዮሐንስ ወንጌላዊ ተፈጽሞ አይተነዋል

" እውነት እላችኋለሁ፥ የሰው ልጅ በመንግሥቱ ሲመጣ እስኪያዩ ድረስ እዚህ ከሚቆሙት ሞትን የማይቀምሱ አንዳንድ አሉ።"
ማቴ. ፲፮፥፳፰ /16፥28/

✝️ ቅዱስ ዮሐንስ ወንጌላዊ ልክ በዛሬዋ ቀን በተወለደ በዘጠና ዓመቱ ከነስጋው ተሰወረ እንጂ ሞትን አልቀመሰም

የቅዱስ ዮሐንስ ወልደ ነጎድጓድ ምልጃና በረከት ይደርብን።

#አንዲት_ሐይማኖት_ኦርቶዶክስ_ተዋሕዶ
#አንዲት_ቤተክርስቲያን
#አንዲት_ጥምቀት
#ቅዱሳን
#ድንግል
#ተዋህዶ
#OrthodoxChurch
#ኢትዮጵያ
@ortodox_27

#ቅዱስ _ፋኑኤል

ከአባ ትምህርት ከተማርኩት

https://vm.tiktok.com/ZMk5Dp6Sq/

https://vm.tiktok.com/ZMkPc3G3u/

https://vm.tiktok.com/ZMkPc3G3u/

https://vm.tiktok.com/ZMkPkCJxK/

የእመቤቴ ከሆንኩ ማን
ይቃወመኛል....

https://vm.tiktok.com/ZMkPLpY29/

እግዚአብሔር በበረት ዉስጥ
ከመወለድ በላይ በእኛ ልብ መገኘቱ
ይበልጥ ምንም ነገር እንደማይፀይፍ
ያሳያል

https://vm.tiktok.com/ZMkfGmWc6/

" እግዚአብሔር እንደማይፀየፍ
ማሳያው በበረት ሳያንሰው በልባችን
መገኘቱ ነው ❤️‍🩹 "

https://vm.tiktok.com/ZMkfqvbNW/

https://vm.tiktok.com/ZMhvTfjdV/

☞ ኅዳር 15 የሰማዕትነት ክብሩ እንደ ቅዱስ ጊወርጊስ ለሆነ ለሰማዕቱ ቅድስ ሚናስ የዕረፍቱ በዓል በሰላም አደረሳችሁ፡፡
☞አባቱ አውዶክዮስ እናቱ አውፌያም ይባላሉ፡፡ እነዚህ የተከበሩ ባል እና ሚስት
ልጅ ስላልነበራቸው ዘወትር ወደ እመቤታችን ይፀሉ ነበር፡፡ ከዕለታት በ1ቀን ወደ
ቤተ ክርስቲያን በበዓለ ማርያም ገብታ ከሥዕለ ማርያም ፊት ቁማ ተማጸነች፡፡
ከሥዕሉም ሚናስ ሚናስ የሚል ሰማች፡፡ ኺዳም ለቧላ ነገረችው የእግዚአብሔር
ፈቃድ ብለው ተቀመጡ፡፡ ከጢቂት ወራትም በኃላ ፀነሰችና ወለደች፡፡
☞ስሙንም ከሥዕለ ማርያም እንደ ሰማችው ሚናስ አለችው፡፡
☞ለትምህርት በደረሰ ጊዜ የቤተ ክርስቲያንን ትምህርት አሰተማሩት፡፡ 12አመት
ሲሆነው አባቱ ዐረፈ፡፡ ከ3ዓመት በኃላ እናቱም ዐረፈችና ሚናስ ብቻውን ቀረ፡፡
መኳንንቱም አባቱ በጣም ከመውደዳቸው የተነሣ ሚናስ በአባቱ ፈንታ ሹሙት፡፡
☞እግዚአብሔርንም መንግስትንም በትጋት በቅንነት እያገለገለ እያለ ከሃዲው
ዲቅልጥያኖስ ነገሠና ክርስቲያኖችን ማረድ ጀመረ፡፡ ቅዱስ ሚናስ ይሆንን ሲሰማ
ሹመቱን ትቶ ወደ ገዳም ገባና በመንፈሳዊ ተጋድሎ ብዙ ዘመን ኖረ፡፡
☞አንድ ቀን ሰማይ ተከፍቶ ሰማዕታት የብርን አክሊል ሲቀዳጅ አየ፡፡ በዚህ ጊዜ
ወደ ከተማው ተመለሰና የጌታችን ኢየሱስ ክርስቶስ እውነተኛ አምላክነት
መመስከር ጀመረ፡፡ መኮኑኑም የመንግሥት ወገን መሆኑን ዐውቀው በማባበል
ብዙ ለመነው፡፡ የንጉስ ትዕዛዝ አትተላለፍ፡፡ እያለ ቢለምነው ቅዱስ ሚናስ ግን
አልሰማ አለው፡፡ ከዚያ በኃላ ልዮ ልዮ ሥቃዮች ያሠቃየው ጀመር፡፡ ማሰቃየቱም
በሰለቻቸው ጊዜ አንገቱን በሰይፍ እንዲቆርጡት አዘዘና ቅድስ ሚናስ ኅዳር 15
ቀን ተሰይፎ ሰማዕትነትን በድል ፈፀመ፡፡ በእርሱ ብዙዎች በክርስቶስ አምነው
ሰማዕት ሆኑ፡፡
☞የቅድስ ሚናስ ሥጋ አሳት አንድድደው በዚያ ጨመሩት፡፡ ነገር ግን አሳቱ
አልነካውም፡፡ ክርስቲያኖችም ሥጋውን ወሰደው የመከራ ዘመን አስኪያልፍ
ደብቀው በክብር አኖሩት፡፡
☞የመርዮጥ አገር ሰዎች ወደ አምስት አገሮች ሳጓዙ የቅዱስ ሚናስን ሥጋ
ረዳት ይሆናቸው ዘንድ በመንገድም እንዲጠብቃቸው አብረው ወሰዱት፡፡
በባሕርም ላይ በመርከብ ውስጥ ሳሉ ፊታቸው እንደ ከይሲ አንገታቸው እን
ግመል አንገት ያሉ አውሬዎች ከባሕር ወጡና የቅዱስ ሚናስ ሥጋ ይልሱት ዘንድ
አንገታቸውን ዘረጉ፡፡ ነገር ግን ከቅድስ ሚናስን ሥጋ ውስጥ አሳት ወጥታ እነዚያን
አራዊት አቃጥላ ገደለቻቸው፡፡
☞ወደ እስክንድርያ አገር ደርሰው ሥራቸው ፈጽመው ወደ አገራቸው በሚመለሱ
ጊዜ የቅድስ ሚናስን ሥጋ ይዘው ሊመለሱ ወደው በግመል ላይ ጫኑት፡፡ ነገር
ግን ግመሏ አልንቀሳቀስ አለች፡፡ ሁለተኛውም በሌላ ግመል ቢጭኑትም አሁንም
አልቀሳቀስ አለች፡፡ አብዘተው ቢደበድባቱም እምቢ አለች፡፡ አሁንም ሌላ ሦተኛም
ግመል ቢሞክሩም እርሷም እምቢ አለች፡፡ ከዚያ ይህ ቦታ እግዚአብሔር
የፈቀደለት ቦታ ነው ብለው ቦታውን አዘጋጅተው በዚያ ቀበረውታል ሄዱ፡፡
+የሰማዕቱ የቅዱስ ሚናስ የጸሎቱ በረከት በአማላጅነቱ ከምናም ከህዝበ ክርስቲያኑ ጋር ጸንቶ ይኑር።
+(ገድለ ቅዱስ ሚናስ)
+ሲራክ ተክለጻዲቅ የተዋህዶ ልጅ
+14-3-2017ዓ/ም
@ortodox_27

ጾመ ነቢያት ነገ እሑድ ኅዳር 15 ይገባል።
@ortodox_27

አንድ አምላክ በሚሆን በአብ በወልድ በመንፈስ ቅዱስ ስም አሜን
ኅዳር 15-ሰማዕቱ ቅዱስ ሚናስ አንገቱን ተሰይፎ ሰማዕትነቱን በድል ፈጸመ፡፡

ሰማዕቱ ቅዱስ ሚናስ፡- የዚህ ታላቅ ሰማዕት አባቱ አውዶክስዮስ ሲሆን ሀሩም አናቅዮስ ይባላል፡፡ እርሱም ሀገረ ገዥነት ተሹሞ ሳለ ወንድሙ ቀንቶበት በሐሰት ነገር በመሥራት ከንጉሡ ጋር አጣላው፡፡ ንጉሡም አፍራቅያ ወደምትባል ሌላ ሀገር ልኮት በዚያ ገዥ አድርጎ ሾመው፡፡ አውዶክስዮስ ፈሪሃ እግዚአብሔር ያደረበት ደግ ሰው ስለነበር በአፍራቅያ የሚገኙ ሕዝቦችም ደስ አላቸው፡፡ የአውዶክስዮስም ልጅ አልነበረውና ሚስቱ ወደ እመቤታችን ቤተ ክርስቲያን እየሄደች እመቤታችንን ትለምናት ነበር፡፡ አንድ ቀን ጸሎቷን ስትጨርስ ከእመቤታችን ሥዕሏ ድምፅ ወጣና አነጋገረቻት፡፡ ልጅ እንደምትወልድና ስሙንም ሚናስ እንደምትለው ነገረቻት፡፡ ሚናስም ተወለደና ወላጆቹ የቤተ ክርስቲያንን ትምህርት እያስተማሩ አሳደጉት፡፡ በ12 ዓመቱ አባቱ ዐረፈ፣ ከ3 ዓመት በኋላ እናቱም ዐረፈችና ሚናስ ብቻውን ቀረ፡፡ መኳንንቱም አባቱን በጣም ከመውደዳቸው የተነሣ ሚናስን በአባቱ ፈንታ መስፍንነት ሹሙት፡፡
እግዚአብሔርንም መንግሥትንም በትጋትና በቅንነት እያገለገለ እያለ ከሃዲው ዲዮቅልጥያኖስ ነገሠና ክርስቲያኖችን ማረድ ጀመረ፡፡ ቅዱስ ሚናስም ይህን ሲሰማ ሹመቱን ትቶ ወደ ገዳም ገባና በመንፈሳዊ ተጋድሎ ብቻ እየተጋደለ ብዙ ዘመን ኖረ፡፡ አንድ ቀን ሰማይ ተከፍቶ ሰማዕታት የብርሃን አክሊል ሲቀዳጁ አየ፡፡ በዚህም ጊዜ ወደ ከተማው ተመለሰና የጌታችን የመድኃታችን የኢየሱስ ክርስቶስን እውነተኛ አምላክነት መመስከር ጀመረ፡፡

መኰንኑም የመንግሥት ወገን መሆኑን ዐውቆ በማባበል ብዙ ለመነው፡፡ ‹‹የንጉሡን ትእዘዝ አትተላለፍ›› እያለ ቢለምነው ቅዱስ ሚናስ ግን አልሰማ አለው፡፡ ከዚህም በኋላ ልዩ ልዩ በሆኑ ሥቃዮች ያሠቃየው ጀመር፡፡ ማሠቃየቱም በሰለቸው ጊዜ አንገቱን በሰይፍ እንዲቆርጡት አዘዘና ቅዱስ ሚናስ ኅዳር 15 ቀን ተሰይፎ ሰማዕትነቱን በድል ፈጸመ፡፡
ቅዱስ ሚናስ ምክንያት ብዙዎች በክርስቶስ አምነው ሰማዕት ሆኑ፡፡ የቅዱስ ሚናስንም ሥጋ እሳት አንድደው በዚያ ጨመሩት፡፡ ነገር ግን እሳቱ አልነካውም፡፡ ክርስቲያኖችም ሥጋውን ወስደው የመከራ ዘመን እስኪያልፍ ደብቀው በክብር አኖሩት፡፡ የመርዩጥ አገር ሰዎች ወደ አምስት አገሮች ሲጓዙ የቅዱስ ሚናስን ሥጋ ረዳት ይሆናቸው ዘንድ በመንገድም እንዲጠብቃቸው አብረው ወሰዱት፡፡ በባሕርም ላይ በመርከብ ውስጥ ሳሉ ፊታቸው እንደ ከይሲ አንገታቸው እንደ ግመል አንገት ያሉ አውሬዎች ከባሕር ወጡና የቅዱስ ሚናስን ሥጋ ይልሱት ዘንድ አንገታቸውን ዘረጉ፡፡ ነገር ግን ከቅዱስ ሚናስን ሥጋ ውስጥ እሳት ወጥታ እነዚያን አራዊት አቃጥላ ገደለቻቸው፡፡ ሰዎቹም ይህን አይተው እጅግ ተደሰቱ፡፡ ወደ እስክንድርያ አገር ደርሰው ሥራቸውን ፈጽመው ወደ አገራቸው በሚመለሱ ጊዜ የቅዱስ ሚናስን ሥጋ ይዘው ሊመለሱ ወደው በግመል ላይ ጫኑት፡፡ ነገር ግን ግመሏ አልንቀሳቀስ አለች፡፡ ሁለተኛም በሌላ ግመል ቢጭኑትም አሁንም አልንቀሳቀስ አለች፡፡ አብዝተውም ቢደበድቧት እምቢ አለች፡፡ አሁንም ሌላ ሦስተኛ ግመል ቢሞክሩ እርሷም እምቢ አለች፡፡ ከዚያም ‹‹ይህ ቦታ እግዚአብሔር የፈቀደለት ቦታ ነው›› ብለው ቦታውን አዘጋጅተው በዚያ ቀብረውት ሄዱ፡፡

ሥጋውም ተሰውሮ ለብዙ ዘመን ከኖረ በኋላ በአንድ በግ ጠባቂ እረኛ አማካኝነት ያለበት ታወቀ፡፡ ይኸውም አንድ የታመመች በግ የቅዱስ ሚናስን ሥጋ ተደብቆ በሚኖርበት ኮረብታ አካባቢ ባለው ውኃ ውስጥ ገብታ ስትወጣ ዳነች፡፡ እረኛውም መዳኗን አይቶ ሌሎች የታመሙ በጎቹንም በውኃው ውስጥ እየከተተ ሲሞክራቸው ፍጹም ጤነኛ ሆኑለት፡፡ ቦታውም የታወቀ ሆነና ምክንያቱ ምን እንደሆነ ሳይታወቅ ሁሉም እየመጣ በውኃው እየተጠመቁና አፈሩን በውኃው እየለወሱ እየተቀቡ ይፈወሱበት ጀመር፡፡ ወሬውም እስከ ሮሙ ንጉሥ ድረስ ደረሰ፡፡ ንጉሡም የታመመች ሴት ልጅ ነበርችውና ወደ እረኛው ዘንድ ላካትና እርሷም ፍጹም ተፈወሰች፡፡ የንጉሡም ልጅ ይህ ፈውስ የሚደረግበት ነገር ምን እንደሆነ ታውቅ ዘንድ ወደደች፡፡ ቅዱስ ሚናስም በሕልሟ ተገለጠላትና ቅዱስ ሥጋውን አስቆፍራ እንድታወጣ እግዚአብሔር ያዘዛት መሆኑን ነገራት፡፡ እንደታዘዘችውን ቅዱስ ሥጋውን አስወጥታ ውብ የሆነች ቤተ ክርስቲያን አሠራችለት፡፡ ንጉሡም በቦታው ላይ ታላቅ ከተማ እንዲሠራ አዘዘና ከተማ ሆነች፣ ስሟንም መርዩጥ አሏት፡፡ እግዚአብሔርም በቅዱስ ሚናስ ሥጋ እስከዛሬ ድረስ እጅግ አስገራሚ ተአምራት እያደረገ ይገኛል፡፡ ለመናገር የሚከብዱ እጅግ ብዙ ተአምራት ይሠራሉ፡፡ ይህችም ቤተ ክርስቲያን የከበረችበት ዕለት ሰኔ 15 ነው፡፡

የቅዱስ ሚናስ ረድኤት በረከቱ ይደረርብን በጸሎቱ ይማረን አሜን።
https://t.me/ortodox_27

#ጸሎታችን_እምነት_ይጐድለዋል፤
ቴሌግራም ቻናል⤵️
https://t.me/MoaeTewahedoB
እንኳን አደረሳቹሁ💝
🥀የምንጸልየው በመንታ ልብ በሁለት ሐሳብ ነው። «ጥበብን ያጣት ሰው ቢኖር ፥ ሳይነቅፍና ሳይነፍግ ለሁሉ በልግስና የሚሰጥ እግዚአብሔርን ይለምን ፥ ለእርሱም ይሰጠዋል። ነገር ግን አምኖ ይለምን ፥ አይጠራጠርም (ሳይጠራጠር ይለምን) ፤ የሚጠራጠር በንፋስ የሚገፋና የሚነዋወጥ የባሕር ማዕበልን ይመስላልና። ለዚያ ሰው ከእግዚአብሔር ምንም የሚያገኝ አይምሰለው። ሁለት ልብ የሆነ ሰው በመንገዱ ሁሉ ይታወካልና። » ያዕ ፩ ፥ ፭-፰።
ጾማችን እምነት ይጐድለዋል፤

#የምንጾመው ቅዱስ ያሬድ ፦ «ይጹም ዓይን ፥ ይጹም ልሳን ፥ዕዝንኒ ይጹም እምሰሚዐ ኅሡም በተፋቅሮ፤» እንዳለው አልሆነም። በእምነት ልንጾማቸው የሚገባቸውን አጽዋማት የልማድ አድርገናቸዋል። ከእህል ከውኃ እንጂ ከኃጢአት ከበደል አልተከለከልንም። «ነገር ግን ጽድቅን እንደሚያደርግ የአምላኩን ፍርድ እንደማይተው ሕዝብ ዕለት ዕለት ይሹኛል ፥ መንገዴንም ያውቁ ዘንድ ይወድዳሉ። አሁንም እውነተኛውን ፍርድ ይለምኑኛል ፥ ወደ እግዚአብሔርም ለመቅረብ ይወድዳሉ። ስለምን ጾምን? አንተም አልተመለከትኸንም ፣ ሰውነታችንንስ ለምን አዋረድን? አንተም አላወቅኸንም ፥ ይላሉ። እነሆ ፥ በጾማችሁ ቀን ፈቃዳችሁን ታደርጋላችሁ ፥ ሠራተኞቻችሁንም ታስጨንቃላችሁ። እነሆ ፥ ለጠብና ለክርክር ትጾማላችሁ።» ኢሳ ፶፰፥፪-፬።
አገልግሎታችን እምነት ይጐድለዋል

🥀በቤተ መቅደስ ፥ በቅኔ ማኅሌት ፥ በዓውደ ምሕረት ፥ (በስብከት ፥ በመዝሙር)፥ በሰበካ ጉባኤ ፥ በሰንበት ት/ቤት ፥ በማኅበር የምናገለግል ሰዎች ሩጫችን ሁሉ የእምነት አይመስልም። ከሥጋ ጥቅም ወይም ከዝና ጋር የተቆራኘ ነው። ሰው አገልግሎ በሥጋው አይጠቀም ወይም በጸጋው አይታወቅ ማለት አይደለም። ምክንያቱም፦ «እህልን በምታበራይበት ጊዜ በሬውን አፉን አትሰረው፥ ለሚሠራም ደመወዙ ይገባዋል ይላልና።» ፩ኛ ጢሞ ፭፥፲፰፣ ዘዳ ፳፭፥፬፣ ማቴ ፲፥፲። በተጨማሪም «ከቶ በገዛ ገንዘቡ ወታደርነት የሚያገለግል ማነው? ወይስ መንጋ እየጠበቀ ከመንጋው ወተት የማይጠጣ ማነው? ይህን በሰው ሥልጣን ብቻ እላለሁን? ሕግስ ደግሞ ያን አይልምን? የሚያበራየውን በሬ አፉን አትሰር ተብሎ ተጽፎአልና። እግዚአብሔርስ ስለበሬዎች ይገደዋልን? ይህን የሚለው ፈጽሞ ስለ እኛ አይደለምን?. . . . . እኛ መንፈሳዊውን ነገር የዘራንላችሁ ከሆንን የእናንተን የሥጋዊን ነገር ብናጭድ ትልቅ ነገር ነውን? ሌሎች በእናንተ ላይ ይህን መብት የሚካፈሉ ከሆነ እኛማ ይልቁን እንዴታ?» የሚል አለ። ፩ኛ ቆሮ ፱፥፯-፲፪። ነገር ግን ዓላማችን ጽድቅ ይሁን ፥ በሩን ይዘን እንቅፋት አንሁን ለማለት ነው። አለበለዚያ ጻፎችና ፈሪሳውያን በተመቱበት በትር እንመታለን። ጌታ በወንጌል፦ «እናንተ ግብዞች ጻፎችና ፈሪሳዊያን መንግሥተ ሰማያትን በሰው ፊት ስለምትዘጉ፥ ወዮላችሁ፤ እናንተ አትገቡም ፥ የሚገቡትንም እንዳይገቡ ትከለክላላችሁ።» እንዳለ። ማቴ ፳፫፥፲፫።
ከዚህም ሁሉ ጋር ትኅትና፥ ትዕግሥት፥ ቸርነት፥ በጎነት፥ የዋሃት፥ ራስን መግዛት፥ ፍቅር፥ ደስታ፥ ሰላም ይጐድለናል። እነዚህም ፈቃዳተ ነፍስ ናቸው። ገላ ፭፥፳፪። እንዲህም ማለታችን በሚበዛው መናገራችን እንጂ አራቱ ባህርያተ ሥጋ የተስማሙላቸው፥ ፈቃደ ሥጋቸውን ለፈቃደ ነፍሳቸው አስገዝተው፥ ለፈቃደ ነፍስ አድልተው የሚኖሩ የሉም ማለት እይደለም። በከተማም በገጠርም፥ በደብርም በገዳምም እግዚአብሔር የሚያውቃቸው ከዋክብት አሉ። በሰውም ዘንድ የሚታወቁ አሉ። ስለዚህ፦ እገሌ፥ እነ እገሌ ምን ይጐድላቸዋል ? ሳይሆን እኔን የሚጐድለኝ ምንድነው? እንበል።
#ጾመ_ነቢያት (#የገና ጾም)

🥀ጾመ ነቢያት በየዓመቱ ከኅዳር ፲፭ ቀን ጀምሮ እስከ በዓለ ልደት ዋዜማ ድረስ የሚጾም፤ ከሰባቱ አጽዋማት መካከል አንደኛው ጾም ነው፡፡ እግዚአብሔር አምላክ ዓለምን ለማዳን ሲል የሰውን ሥጋ ስለ መልበሱ፤ ወደ ግብጽ ስለ መሰደዱ፤ በባሕረ ዮርዳኖስ ስለ መጠመቁ፤ በትምህርቱ ብርሃንነት ጨለማውን ዓለም ስለ ማብራቱ፤ ለሰው ልጆች ድኅነት ልዩ ልዩ መከራን ስለ መቀበሉ፤ ስለ መሰቀሉ፣ ስለ ሞቱ፣ ትንሣኤው፣ ዕርገቱና ዳግም ምጽአቱ በየዘመናቱ የተነሡ ቅዱሳን ነቢያት በመንፈስ ቅዱስ ተቃኝተው ትንቢት ተናግረዋል፤ ትንቢቱ ደርሶ፣ ተፈጽሞ ለመመልከትም ‹‹አንሥእ ኃይለከ ፈኑ እዴከ፤ ኃይልህን አንሣ፤ እጅህን ላክ›› እያሉ በጾም በጸሎት ተወስነው አምላክ ሰው የሚኾንበትን ጊዜ በቀናት፣ በሳምንታት፣ በወራትና በዓመታት እያሰሉ ሲጠባበቁ ቆይተዋል፡፡

🥀ይህ ጾም የእግዚአብሔርን ሰው መኾን ሲጠባበቁ የኖሩት የነቢያት ትንቢትና ጸሎት በጌታችን መወለድ ፍጻሜ ያገኘበት ወቅት በመኾኑ ‹‹ጾመ ነቢያት (የነቢያት ጾም)›› እየተባለ ይጠራል፡፡ ለአዳም የተነገረው የድኅት ተስፋ ስለ ተፈጸመበትም ‹‹ጾመ አዳም (የአዳም ጾም)›› ይባላል፡፡ ስለ እግዚአብሔር ሰው መኾን በስፋት ትምህርተ ወንጌል የሚሰጥበት ወቅት በመኾኑም ‹‹ጾመ ስብከት (የስብከት ጾም)››፤ የጾሙ መጨረሻ (መፍቻ) በዓለ ልደት በመኾኑ ደግሞ ‹‹ጾመ ልደት (የልደት ጾም)›› በመባል ይታወቃል፡፡ እንደዚሁም ‹‹ጾመ ሐዋርያት›› ይባላል፡፡ ቅዱሳን ሐዋርያት ‹‹በዓለ ትንሣኤን ዐቢይ ጾምን ጾመን እናከብረዋለን፤ በዓለ ልደትንስ ምን አድርገን እናከብረዋለን?›› በማለት ነቢያት የጾሙትን ከልደተ ክርሰቶስ በፊት ያለውን ጾም ጾመዋልና፡፡

🥀በተመሳሳይ መልኩ ይህ ጾም ‹‹ጾመ ፊልጶስ (የፊልጶስ ጾም)›› ተብሎ ይጠራል፡፡ ሐዋርያው ቅዱስ ፊልጶስ በአፍራቅያና አውራጃዋ ዅሉ እየተዘዋወረ በጌታችን አምላካችንና መድኀኒታችን ኢየሱስ ክርስቶስ ስም ወንጌልን በማስተማር፣ ድንቅ ድንቅ ተአምራትን በማድረግ ብዙዎችን ወደ አሚነ እግዚአብሔር ሲመልስ ቆይቶ ትምህርቱን በማይቀበሉ የአፍራቅያ ሰዎች አማካይነት በሰማዕትነት ዐርፏል፡፡ ደቀ መዛሙርቱ ሥጋውን ሊቀብሩ ሲሉም ስለ ተሰወረባቸው የሐዋርያውን ሥጋ ይመልስላቸው ዘንድ ሱባዔ ይዘው፣ በጾም በጸሎት ተወስነው በለመኑት ጊዜ እግዚአብሔር ልመናቸውን ተቀብሎ በ፫ኛው ቀን መልሶላቸው ሥጋውን (አስከሬኑን) በክብር አሳርፈውታል፡፡ ደቀ መዛሙርቱ የሐዋርያውን ሥጋ ካገኙ በኋላ እስከ ጌታችን ልደት ድረስ ጾመዋል፡፡ ስለዚህም ጾመ ነቢያት ‹‹ጾመ ፊልጶስ›› እየተባለ ይጠራል፡፡ ከዚሁ ዅሉ ጋርም ወልደ አምላክ ክርስቶስን በግብረ መንፈስ ቅዱስ እንደምትፀንሰው እመቤታችን ቅድስት ድንግል ማርያምን መልአኩ ቅዱስ ገብርኤል ካበሠራት በኋላ እመቤታችን ‹‹ሰማይና ምድር የማይወስኑትን አምላክ ፀንሼ ምን ሠርቼ እወልደዋለሁ?›› በማለት ጌታችንን ከመውለዷ አስቀድማ ጾማዋለችና ይህ ጾም ‹‹ጾመ ማርያም›› በመባልም ይታወቃል፡፡

🥀በአጠቃላይ በዚህ በገና ጾም ነቢያትም ሐዋርያትም ጾመው በረከት አግኝተውበታል፡፡ እኛ ምእመናንም እንደ እነርሱ በረከትን እናገኝ ዘንድ ይህንን ጾም መጾም እንደሚገባን የቤተ ክርስቲያን አባቶች ሥርዐት ሠርተውልናል፡፡ በዚህም መሠረት የነቢያት፣ የሐዋርያት፣ የጻድቃንና የሰማዕታት አምላክ ከእመቤታችን ቅድስት ድንግል ማርያም፣ ከቅዱሳን ነቢያትና ሐዋርያት በረከት እንዲያሳትፈን፤ መንግሥቱንም እንዲያወርሰን ዅላችንም በዚህ በጾመ ነቢያት ወቅት በጾም በጸሎት ተወስነን እግዚአብሔርን ልንማጸነው ይገባል፡፡

የእግዚአብሔር ቸርነት የድንግል ማርያም አማላጅነት አይለየን ፥ አሜን። (ፍቅርተ ኢየሱስ )

ምንጭ፡-ፍትሐ ነገሥት ንባቡና ትርጓሜው፣ አንቀጽ ፲፭፡፡
ቴሌግራም ቻናል⤵️ ማርያምልጅ ተዋህዶ ልጅ @ortodox_27
https://t.me/ortodox_27
https://t.me/ortodox_27
https://t.me/ortodox_27

ሶሲ የፈንታነሽ ልጅ

❗#ፆመ_ነብያት_መቼ_ይገባል?? ❗
❕#ለምንስ_እንፆማለን?❕

🔴👉 የዘንድሮ የ2017 ዓ.ም ፆመ ነብያት ወይም የገና ፆም እሁድ ህዳር 15 ይጀምራል ታህሳስ 29 ይፈታል።

🔷👉 ይህ ፆም ከቤተ ክርስቲያናችን የአዋጅ ፆሞች ውስጥ አንዱ ሲሆን አበው ነብያት የጌታችን የመድሃኒታችን የኢየሱስ ክርስቶስን መውረድ መወለድ በትንቢት መነፅር እየተመለከቱ የፆሙት ታላቅ ፆም ነው።
🔶👉 ዛሬም እኛ ክርስቲያኖች የአባቶቻችንን ፈለግ ተከትለን በፆምና በፀሎት ወቅቱን በማሳለፍ ኢየሱስ ክርስቶስ ራሱን ዝቅ አድርጎ ወደ አለም መምጣቱንና የዓለም ቤዛ መሆኑን የምናስብበት ነው።
🔴👉 ስለዚህ የፆመ ነብያት ቅበላ እስከ ህዳር 14 ቀን ድረስ ነው። ብዙ ሰዎች የቅበላን ስርዓት የሚያከናውኑበት መንገድ ፍፁም ስህተት ነው። ለመሆኑ ቅበላ ምንድን ነው የቅበላ ስርዓቱስ እንዴት ነው የሚለውን በአጭሩ እንመልከት !
🔴👉 ቅበላ ማለት በእንግድነት ለሚመጣው እንግዳ ለእንግዳው የሚመጥነውን ያህል ክብር ለመስጠት አዘጋጅቶና ተዘጋጅቶ መቀበል ነው::
🔵👉 ቅበላው መንፈሳዊ ከሆነ በመንፈሳዊ ሕይወት ጸድቶ መዘጋጀት ነው:: መጪው ጾም ከሆነ ለዚህ እንግዳ ንስሐ መግባትን በመጾም በመስገድ በጾሙ ወቅት ለሚፈጸሙ ሥርዓቶች ራስን አዘጋጅቶ መቀበል ነው:: በዚህም ምክንያት ቅበላን በመብል በመጠጥ ሳይሆን ጾምን ሯሷን ጹመው ቅበላ ያደርጉባታል አበው::
🔴👉 ምክንያቱም በጉጉት የሚጠብቋት የሚጠቀሙባት በዓመት የሚናፍቋትን የጾም እንግዳ ሊቀበሉ ነውና! እንግዳ ሲመጣ እንደ እንግዳው ክብር መዘጋጀት ይገባልና:: እኛ ልጆቻቸው ዛሬ እንደሚታየው እንደነርሱ ባንሆን እንኳ እነርሱ የሰሩትን ሥራ ሠርተን ልንመስላቸው ይገባናል እንጂ መጠጥ ቤቱን ጭፈራ ቤቱን የዝሙት መንደሩን ልናጨናንቅ አይገባም::
🔵👉 መፅሐፍ ከእንደዚህ ካለ ግብርም መንደርም ራቁ ተለዩ ነው የሚለው። ቅበላ ምግብን በመበቀል አልነበረም አይደለምም:: በጾም እንደ አበው ነው::
መንፈሳዊ ዝግጅትን በማድረግ ነገር ግን ለክርስቲያኖች በማይገባ በመብል በመጠጥ በዝሙት በጭፈራ በዳንኪራ ጾምን መቀበል ነውር ነው:: ኽረ ኃጢአትም ነው።
🔵👉 አንድ መንፈሳዊ ሰው ክርስቶስን ነው የተሸከመው በክርስቶስ ነውና ክርስትናን ያገኘው እና ክርስቲያን መሆን አለበት:: አንድ ክርስቲያን እኔ ክርስቲያን ነኝ እኔ በክርስቶስ ክርስቲያን ነኝ የሚለው በክርስትናው ሲመላለስ ነው። ክርስትና ደግሞ በፍቅር ሕግ ተገዝቶ በሥርዓት መኖር ነው። ሁሉ ተፈቅዶልናል ነገር ግን ሁሉ አይጠቅመንም እንደተባለ።
🔴👉 አብዝቶ መብላትና መጠጣትን በማንኛውም ቀን ቢሆን ለክርስቲያን በዚህ ግብር መታደም መታየትም ማሰብም አይገባም:: በክርስቶስ ደም የከበረን ሰውነት በዝሙት፣ በሥካር፣ በጭፈራ በእንደዚህ ያሉ ግብር ማቆሸሽ የአሕዛብ ሥራ ነው ለክርሲቲያን ግን ተገቢ አይደለም::
❗👉 ክርስቲያኖች ቅበላቸው በየደብሩና በየገዳሙም ሱባኤ በማሰብ ንስሐ በመግባት የበደልነውን በመካስ የቀማውን በመመለስ በፊት ከሚበላው ከሚጠጣው ቀንሶ በመጥን ብቻ ሳይሆን በዓይነትም ቀንሶ ለመጪው ጾም ይዘጋጃል ትክክለኛው የቅበላ ስርዓት ይህ ነውና ይህንን እንድናደርግ ይርዳን።
🔴👉 ይህ ፆም ፆመ ነብያት ፣ ፆመ ድህነት፣ ፆመ ማርያም ፣ ፆመ አዳም ፆመ ፊሊጶስ ፆመ ስብከት በመባል ይጠራል።
🔷👉 #ፆመ_ድህነት
የተባለበት ምክንያት መርገመ ስጋ መርገመ ነብስ የአዳም እዳ በደል ጠፍቶ ድህነት ስለተገኘበት ነው።
❗ፆሙን የሀጥያታችን መደምሰሻ መንግስተ ሰማያተን መውረሻ ያድርግልን። የቅዱሳን ነብያት አባቶቻችንንም በረከት በሁላችንም ላይ ያሳድርብን።❗
@ortodox_27

እንኳን አደረሳችሁ ፣ለታላቁ ሩህሩሁ መልአክ ሊቀ መላእክት👑 ቅዱስ ሚካኤል ዓመታዊ በዓል በሰላም አደረሳችሁ

On Telegram🖌
         • t.me/ortodox_27
         • t.me/ortodox_27
Share ✈️

https://vm.tiktok.com/ZMhWUqqPb/

ኅዳር 12
@ortodox_27
☝️☝️☝️☝️☝️☝️☝️
💌💌💌💌💌💌💌
በዓለ ቅዱስ ሚካኤልን ለምን እናከብራለን  ?
ለሰው ወገን የሚያዝን የሚራራ በእግዚአብሔር የጌትነት ዙፋን ፊት ሁልጊዜ ለምስጋና የሚቆም፥ ለፍጥረታት ሁሉ የሚማልድ፥ የመላእክት አለቃ ቅዱስ ሚካኤል  ኅዳር 12 መታሰቢያ  በዓሉ ነው።
           እንኳን አደረሳችሁ!!!
💌💌💌💌💌💌💌💌💌
በቀጣይ ለምንሰራቸው መንፈሳዊ  ስራዎች እንድንበረታ የእናንተ ድጋፍ እንሻለን።ተወዳጆች ከእናንተ የሚጠበቀው👉 ላይክ በማድረግ ፣
ሊንኩን በመጫን ወይም copy
አድርጋችሁ Youtube ላይ  Paste በማድረግ  እንድታዳምጡት እያሳሰብን በእግዚአብሔር ስም  እንድትመለከቱት ጋብዘናችኋል።
@ortodox_27

https://vm.tiktok.com/ZMhWUGJ72/

https://vm.tiktok.com/ZMhnvk8jW/

https://vm.tiktok.com/ZMhnQe3Hx/

ህዳር 10/2017 #መስቀለ_ኢየሱስ_ክርስቶስ

👉በስመ #አብ_ወወልድ_ወመንፈስ_ቅዱስ አሐዱ አምላክ አሜን ለአምላካችንና ለመድኃኒታችን #ለኢየሱስ_ክርስቶስ ቅዱስ እፀ መስቀል ለተገኘበት ወርሐዊ መታሠቢያ ክብረ በአል እንኳን አደረሰን

👉እውራንን የሚያበራው ድውያንን የሚፈውሰው ሰላመ #እግዚአብሔርን ያገኘንበት የድህነታችን አርማ ሀይላችን የምንመካበት የምንድንበት ቅዱስ #እፀ_መስቀላችን ነው

👉የድህነታችን አርማ የሆነውን ቅዱስ #እፀ_መስቀል አይሁድ በቅናት ተነሳስተው ቀበሩት ለዘመናት የቆሻሻ ክምር በመጣል መስቀሉ እዲሰወር አደረጉ

👉በ 320 ዓ.ም የንጉስ ቆስጠንጢኖስ እናት #ቅድስት_እሌኒ ልጇ ቆስጠንጢኖስ ከ አረማዊ እምነት ወደ ክርስትና እንዲመለስ ስለት ተሳለች በስለቷ መሰረት ልጇ ወደ ክርስትና አምነት ከተመለሰ #የጌታችን_ኢየሱስን_መስቀል ለማግኘት በተሳለችው ስለት መሰረት መስከረም 16 ደመራ ደምራ እጣን በውስጡ ጨምራ አበራች

👉በዚህም ወቅት ጢሱ ወደ ሰማይ ወጥቶ ተመልሶ ወደ ምድር ሰግዶ በዘመኑ ከነበሩት ብዙ የቆሻሻ ክምር ተራራዎች የጌታችን #ቅዱስ_እፀ_መስቀል ወዳለበት ተራራ አመለከተ

👉 #ቅድስት_አሌኒም መስከረም 17 ቁፋሮውን አስጀምራ መጋቢት 10 ቀን ቅዱስ እፀ መስቀሉ ተገኘ።

👉መድኃኒታችን #ኢየሱስ_ክርስቶስ ከመስቀሉ መታሰቢያ ክብረ በአል በረከት ያሣትፈን "አሜን" ✝️ 💒 ✝️
@ortodox_27

አመስግን❗

ከተመቻችሁ ሼር ማድረግ አትርሱ

4.380k subscribers Thank You! 🙏

JOIN US✈️ https://t.me/ortodox_27

አዲስ ቀን አዲስ ብርሀን አዲስ ሳምንት
ተሰቶናል ይህንን አዲስ ቀን የጨመረልን
አምላክ እግዚአብሔር የተመሰገነ ይሁን ! 🤍🙏🏻

#Share

💚 @ortodox_27 💚
💛 @ortodox_27 💛
❤️ @ortodox_27 ❤️

ክብሬ ነው ክብርህን መናገሬ ! 🙏🏻

#Share

💚 @ortodox_27 💚
💛 @ortodox_27 💛
❤️ @ortodox_27 ❤️

አቡነ እስትንፋስ ክርስቶስ

እንኳን ለቅዱሱ አባታችን አቡነ እስትንፋስ ክርስቶስ ወርሃዊ የመታሰቢያ በዓል በሰላም አደረሰን !!!

" የእግዚአብሔር ዓይኖች ወደ ጻድቃን ጆሮቹም ወደ ጩኸታቸው ናቸውና።"
መዝ. ፴፬፥፲፭ /34፥15/

✝️ ኢትዮጵያዊው ጻድቅ ወሎ ውስጥ በሚገኝ ዳዎንት በሚባል አከባቢ እግዚአብሔርን ከሚፈሩና በእግዚአብሔር ሕግ ጸንተው ከሚኖሩ ወላጆች ተወለዱ

✝️ አዳም በ40 ቀኑ ወደ ገነት እንደገባ አባታችንም በተወለዱ በ40ኛ ቀናቸው ስርዓቱን ጠብቀው ተጠመቁ

✝️ የእግዚአብሔር መልአክ ቅዱስ ሚካኤል እየጠበቃቸው በሞገስና በፀጋ አደጉ፤ የቤተክርስቲያን ስርዓትንም ተማሩ

✝️ ገና በወጣትነታቸውም የቤተክርስቲያን መጽሐፍትን አንብበው ቃሉን ከተረዱ በኋላ ዲቁናን ተቀበሉ

✝️ ይህንንም ዓለም ናቁ፤ ወደ ደብረ ሐይቅ ገዳምም በመሄድ የምንኩስናን ሕይወት ለመጀመር በአበምኔቱ ለሦስት ዓመት ተፈተኑ

✝️ በገዳምም የምንኩስናን ስርዓት ተምረው በጎንም እንጨት እየለቀሙ አባቶችን እያገዙ የምንኩስናን ሕይወት ጀመሩ

✝️ አባታችን አቡነ እስትንፋሰ ክርስቶስ በገዳም በበዓታቸው የሚተጉ፣ በጸሎት የጠነከሩ አባት ሆኑ

✝️ በዚያም ገዳም ብዙ ካገለገሉ በኋላ ወደ ተወለዱበት አከባቢ በመሄድ ቤተክርስቲያን አነጹ፣ በገዳማትም እየተዘዋወሩ የክርስቶስን ወንጌል እያስተማሩ ገዳማውያንን አበረቱ

✝️ የታመሙትን እየፈወሱ፣ በጸሎት እየተጉ በቅድስና የኖሩት አቡነ እስትንፋሰ ክርስቶስ ለብዙ መነኮሳት ምሳሌ፣ ለደቀ መዛሙርት አርአያ ሆነው ኖሩ

የአባታችን የአቡነ እስትንፋሰ ክርስቶስ በረከትና ምልጃ አይለን። ጸሎታቸው አይራቀን።

#አንዲት_ሐይማኖት_ኦርቶዶክስ_ተዋሕዶ
#አንዲት_ቤተክርስቲያን
#አንዲት_ጥምቀት
#ቅዱሳን
#ተዋህዶ
#orthodoxchurch
#ኢትዮጵያ
@ortodox_27

"ወር በገባ በ 9 ፃድቁ አቡነ እስትንፋሰ ክርስቶስ ናቸው።

ወቶ ከመቅረት ካልታሰበ አደጋ ከክፉ ነገር ሁሉ ይጠብቁን🙏💙
@ortodox_27

🌹ሰንበት ነው አንብቧት🤗❤

☑"ሰውዬው ጠዋት ወደ ስራ ሲሄድ ሚስቱ የረሳቸውን ነገሮች ሁሌም ታስታዉሰዋለች። አንዳንዴ የመኪና ቁልፍ ሌላ ጊዜ መንጃ ፈቃድ መጣሉን ትነግረዋለች። ብዙ ጊዜ ግን ሞባይሉን ትቶ እየሄደ ጠርታ ትሰጠዋለች። «በቃ አረጀህ ማለት ነው !» እያለች ታፌዝበታለች።

@ortodox_27
«እንዲህ የሷ መቀለጃ ሆኜ መቀጠልማ አልችልም» ብሎ ለችግሩ መፍትሄ ለማበጀት ቆረጠ። ከዚህ በፊት የሚረሳቸውን ነገሮች አንድ በአንድ በዝርዝር ማስታወሻ ደብተር ላይ አሰፈረ። ጠዋት ከእንቅልፉ ሲነቃ ማስታወሻ ደብተሩን ከፍቶ የጻፋቸውን ዕቃዎች መፈተሽ ጀመረ። ምንም የረሳው ነገር እንደሌለ ሲያረጋግጥ በፈገግታ ታጅቦ ቤቱን ለቆ ወጣ። የድል ስሜት ተሰማው። መኪናውን አስነስቶ ገና ከመንቀሳቀሱ ባለቤቱ እንደወትሮው ደወለችበት። «እባክሽን ዛሬ አንድም የረሳሁት ነገር ስለሌለ ሆን ብለሽ ከስራዬ እንዳታስተጓጉይኝ» ሲላት ምን ብትለው ጥሩ ነው ?? ... 

«ባክህ ዛሬ እሁድ ነው ስራ የለም ወደ ቤትህ ተመለስ» ስትለው 🤗

የባሰ አለ አገርህን አትልቀቅ አለ የሀገሬ ሰዉ።

🌹መልካም እለተ ሰንበት🌹❤

​​የምንኩስና ሕይወት አጀማመርና ዕድገት

ጌታችን ኢየሱስ ክርስቶስ «ፍጹም ልትሆን ብትወድ ሂድና ያለህን ሁሉ ሸጠህ ለድሆች ስጥና ተከተለኝ» «ሰው ዓለሙን ሁሉ ቢያተርፍ ነፍሱን ግን ካጣ ምን ይጠቅመዋል?» ብሎ የተናገራቸውን ቃል እንደ እቃ ጦር ታጥቀው የዚህን ዓለም ኃላፊነትና ጠፊነት በሚገባ ተረድተው አእምሯቸውን ጥበብ መንፈሳዊ ማለትም ይህንን ዓለም በመናቅ አበልጽገው የኖሩ የሚኖሩ ናቸው፡፡ በአጠቃላይ ሃይማኖትና ምግባር እንደ ነፍስና ሥጋ የተዋሐደላቸው እግዚአብሔር የሚወደውን ብቻ የሚወዱ እርሱ ባዘጋጀላቸው መንገድ ተጉዘው ከመርገመ ኃጥአው እና ከፍትወታት እኩያት ታግሰው ያሸነፉና ሕጉንና ትእዛዙን የፈጸሙ ለመፈጸም በቦታ ተወስነው የሚኖሩት መነኮሳት ይባላሉ፡፡

የምንኩስና ሕይወት አጀማመር እንደ እንግዳ ደራሽ እንደ ወፍ ዘራሽ የመጣ ሳይሆን ትንቢት ተነግሮለት ምሳሌ ተመስሎለት የመጣ ነው እንጂ፡፡

የምንኩስና ሕይወት አጀማመር ምሳሌ በሕገ ልቡናና በብሉይ ኪዳን ዘመን

ምንም እንኳን ሕግ ወጥቶለት ሥርዓት ተሠርቶለት የተጀመረው በዘመነ ሐዲስ ቢሆንም በቀድሞ ዘመን በሕገ ልቡና በዘመነ ብሉይ ለምንኩስና ሕይወት ምሳሌ የሚሆኑ ከሴት ርቀው ንጽሕና ጠብቀው በምስጋና ጸንተው በደብር ቅዱስ ሲኖሩ የነበሩት ደቂቀ ሴት፣ ሄኖክ በዚህ ዓለም ልጆችን ከወለደ በኋላ ይህ አናኗር ለመንፈሳዊ ፍላጎቱ አጥጋቢ ሆኖ ስላላገኘው የብሕትውና ኑሮ ጀምሯል፡፡ ዘፍ.5÷24 በተጨማሪም መልከጼዴቅ፤ ኤልያስ፣ መጥምቁ ዮሐንስ። ከሴት ወገን በምንኩስና ሕይወት የምትታወቀው ነብይት ሃና ሉቃስ 2÷36 በአጠቃላይ በሕገ ልቡና ለምንኩስና ሕይወት ምሳሌ የሚሆኑ ናቸው፡፡

የምንኩስና ሕይወት አጀማመር በሐዲስ ኪዳን

በዘመነ ሐዲስ ለገዳማዊ ሕይወት ለምንኩስናና ለብሕትውና ጀማሪውና መሪው መምህረ ትህትና ኢየሱስ ክርስቶስ ነው፡፡ ይኸውም እንደተጠመቀ ወዲያው ሳይውል ሳያድር ገዳመ ቆሮንቶስ ገብቶ ከቆመ ሳይቀመጥ ከዘረጋ ሳያጥፍ አርባ መዓልትና አርባ ሌሊት ምንም ነገር ሳይቀምስ በተባሕትዎ ቆይቷል። በዚህም ለባሕታውያን ብሕትውናን ባርኮና ቀድሶ ሰጥቶአል፡፡ እንዲሁም በድንግልና በመኖር ለደናግልና ለመነኮሳት አብነትና መምህር ሆኗል።

ጌታችን በሚያስተምርበት ዘመን ካደረበት የሚያድሩ ከዋለበት የሚውሉ ከእርሱ የማይለዩ መቶ ሃያ ቤተሰብ እንዲሁም የመጀመሪያዎቹ ክርስቲያኖች ለምንኩስና ሕይወት በዘመነ ሐዲስ ምሳሌ ናቸው፡፡

የሥርዓተ ምንኩስና አጀማመር

ምንኩስና ማለት ቃሉ የግእዝ ሲሆን ትርጉሙም በዓለም ያለውን ማንኛውም ነገር ትቶ በቆብ ቃልኪዳን የገባ የሞተ፣ የተለየ፣ ዓለምን የረሳ፣ ራሱን የጠላ ማለት ነው፡፡ በተመሳሳይ ዓላማና ሕይወት በአንድነት የሚኖሩ «ማኅበረ መነኮሳት» ይባላሉ፡፡ በማኅበር ሲራዱና ሲያገለግሉ ከቆዩ በኋላ ከሰው ተለይተው ቦታ ወስነው ብቻቸውን የሚኖሩት ባሕታውያን ይባላሉ፡፡ ከአንድነት ገዳም ርቀው በሚገኙ አንዳንድ ጫካዎችና ዋሻዎች እንደ መልከጼዴቅና እንደ ዮሐንስ መጥምቅ ከሰው ጋራ ሳይገናኙ የሚኖሩ የተለየ አለባበስና አስፈሪ ግርማ ሞገስ ያላቸው ባሕታውያንም አሉ፡፡ እነዚህ ዓይነቱ ባሕታውያን በኅብረተሰቡ አጠራር «ግሑሳን» ይባላሉ፡፡ «ግሑስ» ማለት ከሰው ርቆ የሚኖር ባሕታዊ ማለት ነው፡፡

በሐዲስ ኪዳን የመጀመሪያው ባሕታዊ ቅዱስ ጳውሊ ሲሆኑ ነገር ግን ሕግና ሥርዓት አውጥተውለት እንዲሰፋ ያደርጉት አባ እንጦንዮስ ናቸው፡፡ አባ ጳኩሚስ፤ መቃርስ፣ ዮሐንስ ሐፂር ተነስተው ለምንኩስና መስፋፋት ከፍተኛውን አስተዋጽኦ አድርገዋል፡፡

ወስብሐት ለእግዚአብሔር
ለኦርቶዶክስ ተዋሕዶ ልጆች👇
                •➢ ሼር // SHARE
     🔸 @ortodox_27
🔸🔹🔸 @ortodox_27
     🔸 @ortodox_27

✍️Comment @Tewahdo27

#በስድብ_ፈንታ_አመስግኑ

ብዙ ጊዜ ስንሳደብ እና መጥፎ ቋንቋ ስንጠቀም  “እኔ ይህን አለማድረግ አልችልም ልማዴ ነው" እንላለን፡፡ እናም ሲጎዱን አንድ ነገር መናገር ካለብንም፣ በስድብ ፈንታ ምስጋና መናገርን እራሳችንን እናስተምር።

ነገር ግን፣ ሰው እያሰቃየኝ ዝም ማለት አልችልም ትላለህ፡፡ ከመናገርም አልከለክልህም፡፡ ሆኖም ከመሳደብ ይልቅ ምስጋናን ተናገር፡፡ ከመበሳጨት ይልቅ ምስጋናህን ግለጽ፡፡

ለጌታህ መናዘዝ ትችላለህ፡፡ በጸሎትህ ውስጥ ጩኽ፤ እንዲሁ መከራህን ያቀልልሃል፣ ፈታኙም ሰይጣን በምስጋናህ ውስጥ ይሸሻል፣ የእግዚአብሔርም እርዳታ ወዳንተ ይቀርባል። ከተሳደብክ፣ የእግዚአብሔርን ስጦታ ትከለክላለህ፤ እናም ፈታኙ በአንተ ላይ እንዲበረታ ታደርጋለህ፤ በዚያም እራስህን የበለጠ በህመም ውስጥ ታስገባለህ፡፡ ብታመስግን ግን የክፉ መንፈስን ጥቃት ትቃወማለህ፡፡

ነገር ግን ምላስ ብዙውን ጊዜ በልማድ ኃይል አንዳንድ መጥፎ ቃላትን ከመናገር ወደኋላ ማለት አይችልም። ከዚያም በምትወድቅበት ጊዜ ኹሉ ቃሉ ከመናገርህ በፊት ጥርሶችህን ጠብቀው ይዘጉ፡፡ ምላስህ የደም ጠብታ ብታፈስስ ይሻላታል፤ ከስድብም በኋላ የማያቋርጥ ቅጣት ከምትቀበል በጊዜው ሥቃይን ብትታገሥ ይሻልሃልና፡፡

ቅዱስ ዮሐንስ አፈወርቅ

ለኦርቶዶክስ ተዋሕዶ ልጆች👇
                •➢ ሼር // SHARE
     🔸 @ortodox_27
🔸🔹🔸 @ortodox_27
     🔸 @ortodox_27

✍️Comment @Tewahdo27

#ሰባቱ_የጸሎት_ሰዓታትና_የሚጸለዩት_ጸሎቶች

"ስለ ጽድቅህ ፍርድ ሰባት ጊዜ በቀን አመሰግንሃለሁ። "
መ.ዝ 119:164

ሰላም ለእናንተ ይሁን ውድ የእግዚአብሔር ልጆች ኦርቶዶክሳውያን በብዙዎችሁ ጥያቄ መሠረት እነሆ #የሰባቱን_ጊዜ_ጸሎቶች አዘጋጅቼላችኋለሁ እስከ መጨረሻው አንብቡት ለሌሎችም እንዲደርስ #ላይክ_ሼር_ፎሎው ያድርጉ 🥰✝️

✝️1.ነግሕ፥ ጠዋት 11:00 ሰዓት
ወይም (በፈረንጆቹ 5:00 AM)
የሚጸለዩት ጸሎቶች

ዉዳሴ ማርያም፣ ይዌድስዋ መላእክት፣ ሠይፈ ሥላሴ፣ ሠይፈ መለኮት

ጠዋት 11:00 አንድ ክርስቲያን እግዚአብሔርን አምላክን በጸሎት የሚያመሰግንበት ምክንያት (ምሥጢር)

እግዚአብሔር አምላክ ሌሊቱንና ጨለማውን አሳልፎ ብርሃን እንድናይ ስላበቃን በዚህ ሰዓት እግዚአብሔር አምላካችንን እናመሰግነዋለን። አንድም በዚህ ሰዓት ጌታችን ለክስ ከጲላጦስ ፊት ቆሞ የተወቀሰበት ሰዓት ስለሆነ፤ በዚህ ሰዓት አባታችን አዳም ያልተፈደቀደለትን ዕፀ በለስ በልቶ ከገነት የተባረረበት ሰዓት ስለሆነ፤ ክርስቲያን ይህን እያሰበ ወደ አምላኩ እንዲጸልይ ታዝዟል።

✝️ 2.ሦስት ሰዓት ጠዋት 3:00 ሰዓት
ወይንም (በፈረንጆቹ 9:00 AM)
አርጋኖን ፣ መልክአ ገብርኤል፣ መዝሙረ ዳዊት

ሠልቱ ሰዓት ከጠዋቱ 3 ሰዓት አንድ ክርስቲያን እንዲጸልይ የታዘዘበት ምክንያት (ምሥጢር)

በዚህ ሰዓት እመቤታችን ቅድስት ድንግል ማርያም ብሥራተ ገብርኤልን የሰማችበት ሰዓት ስለሆነ፤ አንድም በዚህ ሰዓት እመቤታችን ቅድስት ድንግል ማርያም ጌታችንን የፀነሰችበት ሰዓት ስለሆነ፣ አንድም ጌታችን መድኃኒታችን ኢየሱስ ክርስቶስ ከጲላጦስ ፊት ቀርቦ የተገረፈበት ሰዓት ስለሆነ፤ እያንዳንዱ ክርስቲያን ይሄንን የመሳሰሉት ጸሎት ሁሉ እያሰበ እግዚአብሔር አምላኩን እንዲያመሰግን ታዝዟል።

✝️ 3. ሥድስት ሰዓት (ጊዜ ቀትር) 6:00 ሰዓት
ወይንም (12:00 PM በፈረንጆች)
መልክአ ሚካኤል ፣ መልክአ ሥላሴ

6:00 አንድ ክርስቲያን እኩለ ቀን (ከ ቀኑ 6 ሰዓት) ሲሆን እንዲጸልይ የታዘዘበት ምክንያት (ምሥጢር)

ጌታችን በቀራንዮ አደባባይ በመስቀል ተሰቅሎበታልና፤
አንድም ልብሱን ተገፎበታልና፤ አንድም ሳዶር፣ አላዶር፣ ዳናት፣ አዴራ፣ ሮዳስ በተባሉ ችንካሮች ተቸንክሮበታልና፤ በሌላም ቅዱስ ሚካኤል በዚህ ሰዓት ክፉ መናፍስትን አሸንፎ ጥሎበታልና አንድ ክርስቲያን ይህን እያሰበ በዚህ ሰዓት እንዲጸልይ ታዝዟል።

✝️ 4.ዘጠኝ ሰዓት ከሰዓት 9:00 ሰዓት
ወይንም (3:00 PM በፈረንጆች)
መልክአ መድኃኔዓለም፣ መልክአ ዑራኤል

ከቀኑ 9:00 ሰዓት ሲሆን አንድ ክርስቲያን የሚፀልይበት ምክንያት (ምሥጢር)

አይሁዶች ጌታችን መድኃኒታችን ኢየሱስ ክርስቶስን መራራ ሐሞት አጠጥተውበታል፤ አንድም ቅድስት ነፍሱን ከክቡር ሥጋው የለየበት ሰዓት ነውና፤ አንድም በመስቀል እንዳለ 7ቱን አፅርሐ መስቀል የተናገረበትና ቅዱስ ዑራኤል ሌንጊኖስ ከወጋው ጎኑ ደም በዋንጫ ቀድቶ ዓለም ላይ የረጨበትም ነውና፤ አንድ ክርስቲያን በዚህ ሰዓት ይህንን እያሰበ እንዲጸልይ ታዝዟል።

✝️ 5.ሰርክ አሥራ አንድ ሰዓት 11:00
ወይንም (5:00 ሰዓት በፈረንጆች)
መልአከ ሩፋኤል፣ ውዳሴ ማርያም፣ ሰኔ ጎለጎታ፣ ፣የሠርክ ጸሎት፣ የምኅላ ጸሎት

ሰርክ ሰዓት ከቀኑ 11:00) ሰዓት አንድ ክርስቲያን እንዲጸልይ የታዘዘበት ምክንያት ወይም (ምሥጢር)

ጌታችን መድኃኒታችን ኢየሱስ ክርስቶስ ወደ ከርሰ መቃብር የወረደበት ሰዓት ስለሆነ፣ አንድም ቀኑን በሰላም አሳልፎ ወደ ምሽት በሰላም ያደረሰን አምላክ ምስጋና ስለሚገባው ይህንን የመሳሰሉ ሁሉ ሕዝበ ክርስቲያን እያሰበ እንዲጸልይ ታዝዟል።

✝️ 6.ጸሎተ ንዋም ማታ 3:00
ወይንም (9:00 PM በፈረንጆች)
አርጋኖ፣ መልክአ ሩፋኤል

ከምሽቱ 3 ሰዓት በዚህ አንድ ክርስቲያን እንዲያመሰግን የታዘየበት ምክንያት (ምሥጢር)

በዚህ ሰዓት እራሱ ጌታችን መድኃኒታችን ኢየሱስ ክርስቶስ ስርዓተ ጸሎት አሳይቶበታልና፤ አንድም በዚህ ሰዓት ጌታችንን አይሁድ በይሁዳ ጠቁዋሚነት ተረባርበው የያዙበት ሰዓት ሰለሆነ፤ አንድም በዚህ ሰዓት አንድ ክርስቲያን ከመተኛቱ በፊት በሰላም ያዋለንንና ያስመሸንን አምላክ አመስግኖ መተኛት አለበትና ይህን ሁሉ እያሰበ እንዲጸልይ ታዝዟል።

✝️ 7.እኩለ ሌሊት 6:00 ሰዓት
ወይንም (12:00 AM በፈረንጆች)
መዝሙረ ዳዊት፣ መልክአ ሥላሴ፣ መልክአ ሚካኤል ሰይፈ ሥላሴ ዘወትር

መንፈቀ ሌሊት ከሌሊቱ 6ሰዓት በዚህ ሰአት አንድ ክርስቲያን እግዚአብሔር አምላኩን እንዲያመሰግንበት የታዘየበት ምክንያት ወይም (ምሥጢር)

በዚህ ሰዓት ጌታችን መድኃኒታችን ኢየሱስ ክርስቶስ ተወልዶበታልና፤ አንድም ጌታችን መድኃኒታችን ኢየሱስ ክርስቶስ ሙስና መቃብርን ድል አድርጎበታልና (ተነስቶበታልና)፤ በመዝሙረ ዳዊት 119፥62"62 ስለ ጽድቅህ ፍርድ፥ በእኩለ ሌሊት አመሰግንህ ዘንድ እነሣለሁ።" ባለው መሠረት ለምስጋና እንቆማለን።

ጽሑፉን ጠቃሚ ሆኖ ካገኙት እባክዎትን ለሌሎችም ይጠቅም ዘንድ #ያጋሩት #ሼር_ላይክ_ፎሎው አይረሳ ✝️🥰
@ortodox_27

💟 ነገ ወር በገባ ህዳር 7 ቀን የሊቀ ሰማዕታት የቅዱስ ጊዮርጊስ ቅዳሴ ቤቱ የከበረበት ዓመታዊ በዓሉ ነው፡፡💟

==========================
በዓሉ ስለ ሁለት ምክንያት ይከበራል

1 /በቅዱስ ጊዮርጊስ ሀገር በልዳ በስሙ ለመጀመሪያ ጊዜ ቤተክርስቲያን የታነፀበት ዕለት ነው::

2 /በአንዲት መበለት ቤት በረሃብ እንዲሞት ባሠሩት ጊዜ ቤቷን በበረከት የሞላበት ፣ልጇን የፈወሰበት እና የታሰረበትን የቤቱን ምሰሶ ያለመለመበት መታሰቢያ በዓል ነው።

የኢትዮጵያ ገበዝ ቅዱስ ጊዮርጊስ ሆይ በምልጃህ ሀገራችንን ፈውሳት።

የነገውን ቀን እንድናይ የሥላሴ ቸርነት አይለየን 🙏🏻❤️
@ortodox_27

ቅድስት ሥላሴ

እንኳን ለቅድስት ሥላሴ ወርሃዊ የመታሰቢያ በዓል በሰላም አደረሰን !!!

በሰማይ የሚመሰክሩ ሦስት ናቸው። እነርሱም አብ፣ ልጁም፣ መንፈስ ቅዱስም ናቸው። እነዚህ ሦስቱም አንድ ናቸው። (1ኛ ዮሐ. 5-7)

❤ " ቸርነታችሁ ከበዛና መስፈሪያም ልክ የሌለው ከመሆኑ የተነሳ፣ "ቅድስት" ተብላችሁ "በሴት አንቀጽ" የምትጠሩ የይቅርታ ጌቶች ሥላሴ ሆይ ለእናንተ ምስጋና ይገባል።"

❤ ቅድስት ሥላሴ

➻ አንድነት- በባሕርይ፣ በመለኮት፣ በህልውና፣ በፈቃድ፣ በፈጣሪነት፣ በአገዛዝና በስልጣን

➻ ሦስትነት- በአካል፣ በስም፣ በግብር

የቅድስት ሥላሴ ምህረትና ቸርነት አይለየን። ሃይማኖታችንን፣ ሀገራችንን ይጠብቁልን።

#አንዲት_ሐይማኖት_ኦርቶዶክስ_ተዋሕዶ
#አንዲት_ቤተክርስቲያን
#አንዲት_ጥምቀት
#ተዋህዶ
#orthodoxchurch
#ኢትዮጵያ
@ortodox_27

💚 ደስ ሲል ነገ ወር በገባ በ 5 ጻድቁ አቡነ ገብረ መንፈስ ቅዱስ ናቸው🌹

💛 የጻድቃን አለቃ፥ የቅዱሳን የበላይ፥ ተጋድሎአቸው ድንቅ፥ ተአምራቸው እንደ ሰማይ ከዋክብት
የበዛ የጻድቁ የአቡነ ገብረ መንፈስ ቅዱስ ረድኤት በረከታቸው ይደርብን።

❤️ አዳራችን በቅዱሱ አባታችን ምልጃ ያማረ የተወደደ ይሁንልን🙏🏻
@ortodox_27
አሜን³🙏❤️👏Amen³

ገብረ መንፈስ ቅዱስ ሆይ 🤲
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
👉 የብርሃኑ ጸዳል እጅግ በሚያበራ ዓምደ ብርሃን ለተቀረፀ ስም አጠራርህ ሰላም እላለሁ።

👉 ክቡሩ አባት ሆይ፤ በኃጢያት ድጥ ላይ ለመውደቅ የሚፍገመግሙትን በኃይል ክንድህ ፈጥነህ የምትደግፍ ነህና በዓለም ላይ መልካም ዝናን ለአተረፈው ስም አጠራርህ ኢትዮጵያ ታመሰግናለች፤ ግብፅም ትዘምራለች።
(መልክዐ ገብረ መንፈስ ቅዱስ: ለዝክረ ስምከ)

👉 ጻድቁ አባታችን አቡነ ገብረመንፈስ ቅዱስ ሆይ
ስምህን እየጠራን ዝክር ላደረግን፣ ፀበልህን ለጠጣን፣ እምነትህን ለተቀባን፣ በተቀደሰዉ የመታሰቢያህ ቅዱስ ቦታህ በመገኘት ለተማጸንህና ለጸለይን ሁሉ ፈዉስንና ምሕረትን ስጠን ፡፡

👉 ከሰለጠነብን ጽኑ የሥጋ ይሁን የነፍስ ደዌ እንድንድን፣ ስለኃጥያታችን ፀፀትና መመለስን፣ ስለ እዉነት በእውነት እንድንቆም፤

👉 የእግዚአብሔርን ፍቅር አዉቀን ትእዛዛቱን የምንፈጽምበት ጽናት ብርታት እንድናገኝ ስምህን እየጠራን እንማጸንሃለን !
@orodox_27
ታማልደን ዘንድ ቅዱስ ፈቃድህ ይሁንልን
🙏 አሜን 🙏፫

" በመጀመሪያው ቃል ነበረ፥ ቃልም በእግዚአብሔር ዘንድ ነበረ፥ ቃልም እግዚአብሔር ነበረ።"
                 ዮሐ. ፩፥፩ /1፥1/
@ortodox_27

“ነገ ለራሱ ይጨነቃልና ለነገ አትጨነቁ፤ ለቀኑ ክፋቱ ይበቃዋል።”
(ማቴዎስ 6፥34)
“ጌታ ቅርብ ነው። በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ።”
(ፊልጵስዩስ 4፥6)
ትናንት አልፏል። ዛሬ ላይ ትኩረት እናድርግ። እግዚአብሔር አዲስ ነገር ያደርጋል።
⁣
ነገ ምን ሊከሰት እና ሊመጣ ስላለው ነገር በማሰብ ተስፋ አንቁርጥ። በሚመጣው በማንኛውም አስቸጋሪ ነገር ሁሉ እግዚአብሔር ይረዳናል ፡፡
መጨነቃችንን እናቁም። ወደ ፊት መራመዳችንን እንቀጥል። ችግሩ ሊኖር ይችላል። እግዚአብሔር ሁልጊዜም ለእኛ ታማኝ መሆኑንም ማስታወስ አለብን፡፡ ⁣
⁣
ሁላችንም በእግዚአብሔር ጥበቃ ስር መሆናችን የሚታወቅና የተረጋገጠ እውነት ነው ፡፡ የእኛ እርዳታ የሚመጣው ከእርሱ ነው።
⁣
"እግዚአብሔርም ለድሆች መጠጊያ ሆናቸው፥ እርሱም በመከራቸው ጊዜ ረዳታቸው ነው። ስምህን የሚያውቁ ሁሉ በአንተ ይታመናሉ፥ አቤቱ፥ የሚሹህን አትተዋቸውምና።"
(መዝሙር 9 9-10) ⁣
⁣
# አትጨነቅ፣ ሁሉም ነገሮች በእግዚአብሔር እጅ ናቸው
@ortodox_27

ህዳር 3/2017 #እናታችን_ቅድስት_ባዕታ
#ቅዱስ_ፋኑኤል
#ፃድቁ_ዜና_ማርቆስ

👉በስመ #አብ_ወወልድ_ወመንፈስ_ቅዱስ አሐዱ አምላክ አሜን አምላካችን መድኃኒታችን #ኢየሱስ_ክርስቶስን በእናታችን ስም ለምናመሰግንበት ለእናታችን #ባዕታ_ማርያም ቤተ መቅደስ ለገባችበት ወርሐዊ መታሰቢያ ክብረ በአል እንኳን አደረሰን

ልዑል ማደሪያውን ቀደሰ መዝ.45፥4

👉 #ባዕታ ማለት ባዕት ከሚለው ግስ የወጣ ሲሆን መግባት ማለት ነው ባዕታ ለማርያም ስንል እመቤታችን ቅድስት ድንግል ማርያም ታኅሣሥ 3 ቀን ወደ #ቤተ_መቅደስ የገባችበት እለትን በመሆኑ ወር በገባ በ3ኛው ቀን የምናከብረው ታላቅ ቀን ነው

👉እናታችን #ባዕታ_ማርያም ለሰው ልጆች ድህነት ምክንያት እንድትሆን ከአምላክ የተሰጠች ታላቅ ስጦታ ነች

👉እመቤታችን ቅድስት ድንግል ማርያም የስደት ልጅ በመሆኗ ቅዱስ እያቄምና ቅድስት ሃና #በቤተ_መቅደስ እንድታድግ ብለው በ3 ዓመቷ አምጥተዋት ለሊቀ ካህኑ ለዘካሪያስ አስረከቧት ነገር ግን ካህኑ ምን በልታ ታድጋለች ብሎ ቢጨነቅም መልአኩ ቅዱስ #ፋኑኤል ከሠማይ መናን እያወረደ እየመገበ 12 ዓመት በቤተ መቅደስ ኖራለች

👉እመቤታችንም ቅድስት ድንግል ማርያም #እግዚአብሔርን እያመሰገነች ለመላእክት እያገለገለች ሐርና ወርቅን እያስማማች እየፈተለች በንፅህና በቅድስና #በቤተ_መቅደስ በምስጋና ኖራለች

👉እርሱ ጌታችን #ክርስቶስ መርጧታልና ልክ 15 ዓመት ሲሆናት ከሲዖል የታሰርነውን እኛን ለማዳን ሲል ከሥጋዋ ሥጋ ከነፍሷ ነፍስ ነስቶ 9 ወር ከ5 ቀን በማህፀኗ አደረ ተወልዶ አደገ

👉በዚህ ምድር ሲኖር አዳኛችን #ክርስቶስ ወንጌልን አስተማረ ምሳሌ ሆነ መከራን ተቀበለ በቀራኒዮ መስቀል ላይ ክቡር ደሙን አፈሰሰ ክቡር ሥጋውን ቆረሰ በእርሱ ሞት እኛን ነፃ አወጣን ክብርና ምስጋና ለስም አጠራሩ ይሁን ምስጋና ለድህነታችን ምክንያት ለሆነችው ለእናታችን #ባዕታ_ማርያም ይሁን

👉የእናታችን #ባዕታ_ማርያም ፍቅር በረከቷ ምልጃና ፀሎቷ ሁላችንንም ይጠብቀን ለሀገራችን ለህዝባችን ሠላሙን አንድነቱን ይስጥልን በዚህ እለት በመታሠቢያ በአላቸዉ የምናስባቸዉ የመልአኩ #ቅዱስ_ፋኑኤል ጥበቃዉ የአባታችን የፃድቁ አቡነ #ዜና_ማርቆስ ፀሎታቸዉ አይለየን "አሜን" ✝️ 💒 ✝️
@ortodox_27

እንኳን አደረሰን ለቅድስት ባዕታለማርያም በዓል።
ባዕታ ማርያም ማለት ማርያም በ3 አመቷ ለቤተ መቅደስ
አገልግሎት የተሰጠችበት ቀን መታሰቢያ ነው። ባህታ ለማርያም
በህይወታችን ትግባ አሜን ( ፫ ) 🤲🕯💒🕯🤲🌹🌹🙏

የእመቤታችን እናታቺን የበዓታ ለማርያም ረድኤት በረከት ምልጃ ፀሎት አይለየን። 🤲🕯💒🕯🤲 🌹🌹☦️🙏
ለሀገራችን ኢትዮጵያ ሰላም ለህዝባችን ፍቅር አንደነት ይስጥልን
🙏💚💛❤️🤲🕯💒🕯🤲💚💛❤️🙏
@ortodox_27

🕯🍂🕯🍂🕯🍂🕯🍂🕯🍂🕯🍂🕯🍂🕯
⛪️✍ #እመቤቴ_ማርያም ሆይ በሔኖክ መፅሐፍ ውስጥ #ትእዛዟ_የተጻፈ የመዐዛ ዕጽዋት የሚከቧት የትንቢት ተራራ ነሽ።"
(አባ ጊዮርጊስ )❤🙏❤

#እንኳን_አደረሳቹሁ_የእምየ_ተዋሕዶ_ልጆች

በዓታ ለማርያም እናቴ (፫🕯)

⛪️ #ገባች_ከመቅደሱ 🕯

ሰማይና ምድር
#የማይወስኑትን
እሱን ለመሸከም
የማይመጥኑትን
ትንሽ ብላቴና
የ15 አመት ልጅ
#እሱ_ግን መረጣት
እንድትሆነው ወላጅ
የሰው ልጅ ሲወለድ
በተፈጥሮ ሂደት
ወላጁን #አይመርጥም
ከቶ እንዲያሳድጉት
አምላክ ግን መረጣት
ከአለም ለይቶ
#ምሳሌ የሌለውን
ንጽሕናዋን አይቶ
እናም በዛሬው እለት
ሄደች ወደ #መቅደስ
ዙፋን እንድትሆነው
ለኢየሱስ ክርስቶስ
መላኩ ፋኑኤል
#መቅደሱ ላይ ረቦ
ህብስትን መገባት
ከአጠገቧ ቀርቦ
እያቄም #ወሐናም
እጅግ ደስ አላቸው
ካህናትም ሁሉ
እጅግ ደነቃቸው
#ህዝቡም_በእልልታ
በአታ ማርያም አሉ
አማናዊት መቅደስ
#አንቺን_ነሽ_እያሉ

🥀 ወር በገባ በ3 ቅድስት እናታችን በዓታ ማርያም ናት🙏🏽

በዓታ ማርያም ከጨለማ ህይወት እንድንወጣ ትርዳን 🙏🏻❤️

ከመከራ ስጋ ከመከራ ነፍስ ወቶ ከመቅረት ካልታሰበ አደጋ ከክፉ ነገር ሁሉ ትሰውረን 🙏❤

ወስብሐት ለእግዚአብሔር ❤🙏❤
@ortodox_27
🤲 🤲 🤲
#አሜን......... 🧡 .........#አሜን
⊹ #አሜን🙏³
🍂🕯🍂🕯🍂🕯🍂🕯🍂🕯🍂🕯🍂🕯🍂

ሊቀ መላእክት ቅዱስ ፋኑኤል

እንኳን ለሊቀ መላእክት ቅዱስ ፋኑኤል ወርሃዊ የመታሰቢያ በዓል በሰላም አደረሳችሁ፣ አደረሰን !!!

✝️ እመቤታችን ቅድስት ድንግል ማርያም በሦስት ዓመት እድሜዋ ወደ ቤተ መቅደስ በመጣች ጊዜ ቤተሰቦቿ እና ካህናት ስለምግቧ ተጨነቁ

✝️ ሊቀ ካህናቱ ቅዱስ ዘካርያስና የቤተመቅደሱ አገልጋዮች ቢጨነቁም እግዚአብሔር ለሁሉም መፍትሄ ያበጃል

✝️ ሊቀ መላእክት ቅዱስ ፋኑኤል ሰማያዊ ጽዋና ሰማያዊ ሕብስት ይዞ ረብቦ ታየ

✝️ እመቤታችንንም በክንፎቹ ሸፍኖ በሰው ቁመት ልክ ከፍ አድርጎ መግቧት አረገ

✝️ በዚህም "መጋቤ ድንግል" እየተባለ ይጠራል፣ ድንግል ማርያምን በቤተ መቅደስ ቆይታዋ መግቧታልና

✝️ ቅዱስ ፋኑኤል የሰው ልጅን የሚያሰናክሉና በልዩ ልዩ በሽታዎች የሚያጠቁ አጋንንትን ይዋጋል

እኛም ዘወትር የቅዱስ ፋኑኤል ጥበቃና ተራዳኢነት አይለየን። ምልጃው ከእኛ ጋር ይሁን።

#አንዲት_ሐይማኖት_ኦርቶዶክስ_ተዋሕዶ
#አንዲት_ቤተክርስቲያን
#አንዲት_ጥምቀት
#ቅዱሳን
#ተዋህዶ
#orthodoxchurch
#ኢትዮጵያ
@ortodox_27

ስድቤን አረቀሽ ነውሬን ሸፈንሽው


#christian #design #orthodox #tewahedo #ኦርቶዶክስ #ክርስቲያን #ኢየሱስ #ክርስቶስ #ማርያም #ድንግል #ኢትዮጵያ #ሀበሻ #አዲስአበባ #ethiopia #addisababa #Africa #ermophotography #oriental #jesus #orient #lyric #designers #instatravel #orthodox #jesuschrist #lord #pray #prayer #photography #church #መስቀል

https://vm.tiktok.com/ZMhgPYb7m/

https://vm.tiktok.com/ZMhbEBMT9/

እጠብቅሃለሁ

#ethiopian_tik_tok #fyp #habeshatiktok #ortdoxtehedo #decon amanuel Ayalew
#eyob
#እፁብየድንግልሌጅ

✅✅✅✅
"#ምስክሮችህ #ድንቆች #ናቸው፤#ስለዚህ #ነፍሴ #ፈለገቻቸው።"(መዝሙረ ዳዊት 119፥129)
#ሰማዕት ማለት በአጭሩ #ምስክር ማለት ነው፤ስለእግዚአብሔር መንግስት ሲል ራሱን ለሞት አሳልፎ የሰጠ ማለት ነው።#እስጢፋኖስ ማለት ደግሞ ወደብ ጸጥታ ማለት ሲሆን ቁጥሩ ከ72ቱ አርድዕት ነው።"ሰማዕቱ ቅዱስ እስጢፋኖስ ለምን ቀዳሚ ሰማዕት ተባለ ከሱ በፊት ሰማዕታት የሉም ነበርን?"ቢሉ መኖርስ አሉ እርሱ ግን ቀዳሚ ሰማእት መባሉ ከጌታችን ከኢየሱስ ክርስቶስ ዕርገት በኃላ ስለ ጌታችን መውረድ መወለድ መሰቀል መነሳት... መስክሮ ሰማእትነትን የተቀበለ የመጀመሪያው ሰማእት እርሱ ስለሆነ ነው።
👏😇👏ቅዱስ እስጢፋኖስ ለምን ሊቀ ዲያቆናት ተባለ ቢሉ በሐዋርያት እጅ ከተሾሙት ሰባቱ ዲያቆናት ውስጥ የሁሉም አለቃ እርሱ ስለሆነ ነው።
👏😇👏 (የሐዋ ሥራ 6 ፥5)
መጽሐፍ ቅዱስ ስለእስጢፋኖስ እንዲህ ሲል በእውነት መሰከረ "እስጢፋኖስም ጸጋንና ኃይልን ተሞልቶ በሕዝቡ መካከል ድንቅንና ታላቅ ምልክትን ያደርግ ነበረ...ፊቱም የመልአክ ፊት ይመስል ነበር ፤ ይናገርበት የነበረውን ጥበብና መንፈስ ይቃወሙ ዘንድ አልቻሉም።
👏😇👏(የሐዋ ሥራ 6፥8) አይሀድ አማጽያን መልስ መስጠት ቢያቅታቸው ድንጋይ አነሱ ልቡን አናቱን ጭንቅላቱን... እያሉ ወገሩት፤ ቀና ብሎ ቢመለከት ቅድስት ሥላሴን አየ፤ "አቤቱ ይህን ኃጢያት አትቁጠርባቸው ይቅር በላቸው" እያለ ነፍሱን ሰጠ።
👏😇(የሐዋ ሥራ 7፥60)👏😇

👏😇👏ቅዱስ እስጢፋኖስ የተወለደው በኢየሩሳሌም በምትገኝ ሐኖስ በተባለች ቦታ ነው:: አባቱ ስምዖን ሲባል እናቱ ደግሞ ሐና ትባላለች ነገዱ ከነገደ ብንያም ነው።የኦሪትን ሕግና ሥርዓት ከኦሪቱ ምሁር ከገማልያል ተምሯል::በሐዋርያት ሥራ ምዕ. 6 እንደምናነበው ሕዝቡን በማዕድ ያገለግሉ ዘንድ ሰባት ዲያቆናት ተመርጠዋ፤ ከእነዚህ መካከል ቅዱስ እስጢፋኖስ አንዱ ሲሆን ለስድስቱ ዲያቆናት ደግሞ አለቃ( ሊቀ ዲያቆን) ሆኖ ተሾሟል ይህም የሆነው በጥቅምት 17 ነው።
👏😇👏ቅዱስ እስጢፋኖስ በማዕድ አገልግሎት ሕዝቡን ከማገልገሉ በተጨማሪ ወንጌልን ይሰብክ ነበር፤ ተአምራትን የማድረግ ጸጋም ተሰጥቶት ነበር ።
✅በዚህም አገልግሎቱ ብዙዎችን ወደ ክርስትና መልሷል። በዚህም አይሁድ በቅናት ተነሳስተው በሐሰት ከሰሱት ከከተማውም ወደ ውጭ አውጥተው ቄዳር በተባለ ቦታ በድንጋይ ወገሩት በሚወግሩትም ጊዜ ሰማያት ተከፍተው ምሥጢረ ሥላሴን (እግዚአብሔርን በአንድነቱ በሦስትነቱ ) ተመለከተ።
🙏💒🙏💒ኢየሱስ ክርስቶስንም በአብ ቀኝ ተቀምጦ አየ ለሚወግሩትም ሰዎች ከአምላኩ እንዲህ በማለት ምሕረትን ለመነ "ጌታ ሆይ ይህንን ኃጢአት አትቁጠርባቸው "በመጨረሻም "ጌታ ኢየሱስ ሆይ ነፍሴን ተቀበል" ብሎ ነፍሱን ሰጠ ።(የሐዋርያት ሥራ ምዕ 7) በተወለደ በ 30 ዓመቱ በ35 ዓ.ም በሰማዕትነት ዐረፈ።
🙏💒🙏⛪ጌታ እኛንም መከራውን ፈተናውን አስችሎን የዘመኑን ሰማእትነት አልፈን እውነተኛ ምስክሮቹ ለመሆን ያብቃን!
ከሰማዕቱ ከቅዱስ እስጢፋኖስ በረከት ያሳትፈን አሜን! ከእኔ የበረታችሁ አስቡኝ በፀሎታችሁ ገብረመስቀል
👏😇ወስብሐት ለእግዚአብሔር🙏
👏😇ወለ ወላዲቱ ድንግል👏😇
👏😇ወለ መስቀሉ ክቡር👏😇
🙏አሜን🙏አሜን🙏አሜን🙏
@ortodox_27

#ኪዳነምሕረት
አረሳውም ያንን እለት






__
#christian #design #orthodox #tewahedo #ኦርቶዶክስ #ክርስቲያን #ኢየሱስ #ክርስቶስ #ማርያም #ድንግል #ኢትዮጵያ #ሀበሻ #አዲስአበባ #ethiopia #addisababa #Africa #ermophotography #oriental #jesus #orient #lyric #designers #instatravel #orthodox #jesuschrist #lord #pray #prayer #photography #church

‎
ጥቅምት ፲፬ የአባታችን አቡነ አረጋዊ የተሰወሩበት መታሰቢያ በዓል ነው

እንኳን ለአባታችን ለአቡነ አረጋዊ ዓመታዊ በዓል በሠላም አደረሳችሁ

ከአባታችን ከአቡነ አረጋዊ በረከት ረድኤት ያሳትፈን  ከቅዱስ አባታችን አቡነ አረጋዊ ከቅዱስ ሙሽራው ገብረ ክርስቶስ ከቅዱስ ፊልጶስ በረከት ረድኤት ይክፈለን ምልጃቸው አይለየን ወቶ ከመቅረት ካልታሰበ አደጋ ከክፉ ነገር ሁሉ ይሰውሩን አሜን በእውነት

    እስትንፋ ያለው ሁሉ እግዚአብሔርን ያመስግን( መዝ 150 - 6 )

የኢ/ኦ/ተ/ቤ/ክ መዝሙሮችን ለማግኘት
ይሄን link በመንካት ይቀላቀሉን 👇👇👇


@ortodox_27
#ሼር
🙏🙏🙏🙏🙏


🕊ለወዳጅ ለዘመዶ ያካፍሉ🕊

@ortodox_27