የሑሴን ሙንጭርጭሪቶች ✍📲👌👍

ቤትም እንስገድ! (ድጌ የተለጠፈ)

✍ በሑሴን ኢብኑ ኡሚህ

የመስጂድና መስጂድ የመስገድ ትሩፋቶች እንደተጠበቁ ሆነው ፤ ቤት በመስገድ ፣ በመቅራትና በሌሎችም ዒባዳዎች ፤ ቤታችንን የአምልኮ ስፍራ ማድረግ መዘንጋት የሌለብን ወሳኝ ነገር ነው ።

በተለይ ለሴት…

በአላህና በመጨረሻው ቀን አምና መልእክተኛዋን ለምትከተል ሙስሊም ሴት … በጥቅሉ የተሻለው መስገጃ ፤ ቤትዋ, ለዛውም ክፍሏ ነው ።

 عَنْ عَمَّتِهِ أُمِّ حُمَيْدٍ - امْرَأَةِ أَبِي حُمَيْدٍ السَّاعِدِيِّ - أَنَّهَا جَاءَتِ النَّبِيَّ صَلَّى اللَّهُ عَلَيْهِ وَسَلَّمَ، فَقَالَتْ : يَا رَسُولَ اللَّهِ، إِنِّي أُحِبُّ الصَّلَاةَ مَعَكَ. قَالَ : " قَدْ عَلِمْتُ أَنَّكِ تُحِبِّينَ الصَّلَاةَ مَعِي، وَصَلَاتُكِ فِي بَيْتِكِ خَيْرٌ لَكِ مِنْ صَلَاتِكِ فِي حُجْرَتِكِ، وَصَلَاتُكِ فِي حُجْرَتِكِ خَيْرٌ مِنْ صَلَاتِكِ فِي دَارِكِ، وَصَلَاتُكِ فِي دَارِكِ خَيْرٌ لَكِ مِنْ صَلَاتِكِ فِي مَسْجِدِ قَوْمِكِ، وَصَلَاتُكِ فِي مَسْجِدِ قَوْمِكِ خَيْرٌ لَكِ مِنْ صَلَاتِكِ فِي مَسْجِدِي ". قَالَ : فَأَمَرَتْ، فَبُنِيَ لَهَا مَسْجِدٌ فِي أَقْصَى شَيْءٍ مِنْ بَيْتِهَا وَأَظْلَمِهِ، فَكَانَتْ تُصَلِّي فِيهِ، حَتَّى لَقِيَتِ اللَّهَ عَزَّ وَجَلَّ.

ኢማም አሕመድ በሙስነዳቸው በዘገቡት ሐዲስ ላይ ኡሙ ሑመይድ የተባለች ሰሐቢያህ (ረዲየሏሁዐንሀ) ወደ ረሱል (ሰለሏሁ ዐለይሂ ወሰለም) መጥታ "አንቱ የአላህ መልእክተኛ ሆይ! እኔ ከእርሶ ጋር (መስጂድ መጥቼ) መስገድ እወዳለሁ ።" አለቻቸው ። ረሱላችንም (ሰለሏሁ ዐለይሂ ወሰለም) ሲመልሱላት "በእርግጥ ከእኔ ጋር መስገድ እንደምትወጂ አውቃለሁ ። (ነገር ግን) በክልልሽ (የግል ክፍል ውስጥ ደበቅ ያለ ቦታ) የምትሰግጂው ሰላት ፤ በክፍልሽ ከምትሰግጂው የተሻለ ነው ፣ በክፍልሽ የምትሰግጂው ሰላት ፤ በቤትሽ ከምትሰግጂው የተሻለ ነው ፣ በቤትሽ የምትሰግጂው ደግሞ በሰፈርሽ መስጂድ ከምትሰግጂ ይሻልልሻል ፣ በሰፈርሽ መስጂድ የምትሰግጂው ደግሞ በእኔ መስጂድ ከምትሰግጂው ይበልጥልሻል ።" አሏት ። እርሷም… ከቤቷ ጥግ ፣ ድብቅና ጨለም ያለ ቦታ ላይ መስገጃ አሰርታ ፤ እስከለተሞትዋ ድረስ እዚያው ነበር የምትሰግደው ። (ረዲየሏሁ ዐንሀ)

ለወንድሳ? …

ወንድ ደግሞ ግዴታ ከሆኑና ከኢማም ጋር ከሚሰግዳቸው ሰላቶች ውጪ ያለውን ተጨማሪ ሱና ሰላቶች ፤ ቤቱ ቢሰግድ የተሻለ ነው ።

عَنْ زَيْدِ بْنِ ثَابِتٍ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ اتَّخَذَ حُجْرَةً ، قَالَ : حَسِبْتُ أَنَّهُ قَالَ : مِنْ حَصِيرٍ فِي رَمَضَانَ فَصَلَّى فِيهَا لَيَالِيَ، فَصَلَّى بِصَلَاتِهِ نَاسٌ مِنْ أَصْحَابِهِ، فَلَمَّا عَلِمَ بِهِمْ جَعَلَ يَقْعُدُ، فَخَرَجَ إِلَيْهِمْ فَقَالَ : " قَدْ عَرَفْتُ الَّذِي رَأَيْتُ مِنْ صَنِيعِكُمْ، فَصَلُّوا أَيُّهَا النَّاسُ فِي بُيُوتِكُمْ ؛ فَإِنَّ أَفْضَلَ الصَّلَاةِ صَلَاةُ الْمَرْءِ فِي بَيْتِهِ إِلَّا الْمَكْتُوبَةَ

"የወንድ ልጅኮ በላጩ ሰላት ፤ እቤቱ የሚሰግደው ሰላት ነው ።" ቡኻሪ ዘግበውታል

እናም… ግዴታችንን መስጂድ ከሰገድን በኋላ ወደ ቤታችን የምንመለስ ከሆነ ፤ አዝካርና ዱዐ መስጂድ ጨርሰን ሱናዎቹን ቤት ብንሰግዳቸው የበለጠ ነው ። ነገር ግን ቤት መስገድ የማይቻልበትና ለኹሹዕ ምናምን የምንቸገርበት ሁኔታ ሲኖር ፤ መስጂድ መጨረሱ የተሻለ ነው ።

والله أعلم

ለማንኛውም ተቃረቡ ↴☘☘☘
https://t.me/yehussenmun

ክፍት የስራ ማስታወቂያ (ድጌ የተለጠፈ)

ከታች በሚዘረዘሩ 6 የስራ መደቦች ላይ ፤ ሁሉንም ወይም የተወሰነውን መስራት የምትችሉና መስፈርቱን የምታሟሉ ሰዎችን ሁሉ አሳትፈን የትልቅ ትርፍ ባለድርሻ እንድትሆኑ ስንጋብዝ በታላቅ ደስታ ነው ።

ፆታ ፡· ወንድ ወይም ሴት
እድሜ ፡· ለአካለ መጠን የደረሰ ሁሉ

የስራ አይነቶችና ደሞዞቻቸው

1, በቀን ከ24 ሰአታት ውስጥ 5✘10 (50) ደቂቃ ብቻ ወስዶ 5 ወቅት ሰላትን ጠብቆ መስገድ
ደሞዝ ፡· "በመካከላቸው ያሉትን (ትናንሽ) ወንጀሎች ይማርለታል ።" (ሀዲሱን ሙስሊም ዘግበውታል)

2, ከሰላት በኋላ የሚባለውን አዝጋር አዘውትሮ ማለት ።
ደሞዝ ፡· "አንድ ሙስሊም ባርያ አያዘወትራቸውም ፤ ጀነት ቢገባ እንጂ" (አቡዳውድ ዘግበውታል)

3, "ረዋቲብ" የሚባሉ ሱና ሰላቶችን መስገድ ። እነርሱም ፡· ከሱብሒ (ግዴታ ሰላት) በፊት 2 ረከዐ + ከዝሁር በፊት 4 (2,2) ረከዐ + ከዝሁር በኋላ 2 ረከዐ + ከመግሪብ በኋላ 2 ረከዐ + ከዒሻ በኋላ 2
ደሞዙ ፡· "በእነርሱ (ሰበብ) ጀነት ውስጥ ቤት ይገነባለታል ።" (ሙስሊም ዘግበውታል)

ዘ ገራሚያን… ሐዲሱን ያስተላለፈቺው ኡሙ ሐቢባህ (ረዲየሏሁዐንሀ) "ከረሱል (ሰለላሁ ዐለይሂ ወሰለም) ከሰማሁኝ ጊዜ ጀምሮ ትቼያቸው አላውቅም ።" ትላለች ። ከርሷ የሚያስተላልፈውም ዐንበሰህ "ከኡሙ ሐቢባ ከሰማሁኝ ጊዜ ጀምሮ ትቼያቸው አላውቅም ።" ይላል ። ከእርሱ የሚያስተላልፈው ዐምር ቢን ዐውስም "ከ ዐንበሳህ ከሰማሁ ጊዜ አንስቶ ትቼያቸው አላውቅም ።" ይላል ። ከእርሱ የሚያስተላልፈው ኑዕማን ቢን ሳሊምም "ከ ዐምር ቢን ዐውስ ከሰማሁኝ ጊዜ ጀምሮ ትቼያቸው አላውቅም ።" ይላል ።
… እኛስ? ስንቴ ሰምተን አልሰማንም?!

4, የምናውቀውንም ሆነ የማናውቀውን ሙስሊም ስናገኝ "አሰላሙ ዐለይኩም ወራሕመቱላሂ ወበረካቱህ" በማለት ሙሉ ሰላምታን ማቅረብ ።
ደሞዝ ፡· በ1 ሙሉ ሰላምታ 30 ሐሰናት (አቡዳውድና ሌሎችም ዘግበውታል)
(አንድ ሐሰና ዱንያና ዱንያ ከያዘችው ይበልጣል)

5, ቢያንስ በቀን 5 ገፅ የጌታችንን ቃል ቁርኣን መቅራት ። (ከእያንዳንዱ ሰላት በኋላ 1 ገፅ ብንቀራ)
ደሞዝ ፡· አንድ ፊደል ለቀራንበት አስር አጅር ይከፈለናል ። (አንዱ ገፅ ከ1,000 በላይ ፊደል አለው ✘ 5 = 5,000 ✘ 10 = + 50,000 አጅር)
(ቲርሚዚይ ዘግበውታል)

6, ይህንን ፅሁፍ ሼር ማድረግ
ደሞዝ ፡· እኛ ሼር በማድረጋችን አንብቦ የሰራበትን ሰው አጅር ሁሉ እናገኛለን ። ሐቢባችን (ሰለላሁ ዐለይሂ ወሰለም) እንዳሉት "ወደ መልካም ያመላከተ እንደ ሰራው ሰውዬ ምንዳ አለው ።" (ሙስሊም ዘግበውታል)

አሏሁመ ሶሊ ወሰሊም ዐላ ሐቢቢና ሙሐመድ

(በዚህ ወርሀ ረመዳን ደግሞ የመልካም ስራዎች ምንዳ እጥፍ ድርብ ሆኖ ይነባበራልና…)

ተቃረቡ ↴☘☘☘☘☘☘☘
https://t.me/yehussenmun

ቁርኣን መቅራት ለምትችሉ … (ድጌ የተለጠፈ)

(ሙስሊም ሆናችሁ ቁርኣን መቅራት የማትችሉ ግን ፤ ቲንሽ እንኳ አይሸምማቹም?)

✍ በሑሴን ኢብኑ ኡሚህ

ድምፅን ከፍ አድርጎ ማስረቅረቅ ደስ ይላል ። የመቅራት ነሻጣችንንም ይጨምራል ። እንዲሁም ከንፈራችንን ሳናንቀሳቅስ የምንቀራው ቁርኣንና የምንዘክረው ዚክር አጅር እንደሌለው ዑለማዎች ይናገራሉ ።

ነገር ግን … በአቅራቢያችን የሚሰግድ ፣ የሚዘክርና ፣ ዱዐ የሚያደርግና የተኛ ሰው ካለ ፤ ለርሱ በማይሰማውና በማይወሰውሰው ያህል ድምፃችንን መቀነስና በአፍ እንቅስቃሴ ብቻ መቅራት ይኖርብናል ።

عَنِ الْبَيَاضِيِّ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ خَرَجَ عَلَى النَّاسِ وَهُمْ يُصَلُّونَ، وَقَدْ عَلَتْ أَصْوَاتُهُمْ بِالْقِرَاءَةِ، فَقَالَ : " إِنَّ الْمُصَلِّيَ يُنَاجِي رَبَّهُ، فَلْيَنْظُرْ بِمَا يُنَاجِيهِ بِهِ، وَلَا يَجْهَرْ بَعْضُكُمْ عَلَى بَعْضٍ بِالْقُرْآنِ ".

ኢማማ ማሊክ በ"ሙወጠዐ" እና ኢማም ማሊክ በ ሙስነዳቸው እንደዘገቡት "የአላህ መልእክተኛ (ሰለሏሁ ዐለይሂ ወሰለም) ድምፃቸውን በቁርኣን ከፍ አድርገው (በየግላቸው) በሚሰግዱ ሰዎችን አጠገብ ሲያልፉ እንዲህ አሉ ፡· አንድ ሰጋጅ ጌታውን ነው የሚመሰጥረውና ማንን እንደሚያናግር ያስተውል (በኹሹዕ ይስገድ) ። እናም አንዳቹ ሌላቹ ላይ ድምፁን በቁርኣን ከፍ አያድርግበት ። "

በተለይ …ፆመኛ በሆንን ወቅት የ "ኢነርጂ" እጥረት ስለሚኖር ፣ ድምፃችንን ከፍ ለማድረግ የምናወጣው ብክነት ከተጨመረ ፤ አቅም ያሳጣናልና ዝግ ባለ ድምፅ መቅራቱ የተሻለ ነው ።

በተያያዘ… የሚሰግድ ሰው እንዳይወሰወስ "ድምፅ ከፍ አያድርግበት" የተባለውኮ በቁርኣን ነው ። ከቁርኣን ውጪ ባሉ ድምፅና ጫጫታዎች የምንረብሸውስ ምን እንባል?!

ለማንኛውም ተቃረቡ ↴☘☘☘
https://t.me/yehussenmun

ሲገባኝ …

✍ በሑሴን ኢብኑ ኡሚህ

"ቀንን ቀን እየተካ … ጊዜ ሄዶ ጊዜ ሲመጣ
ታላቁ ወር ረመዳን … በረካውን ይዞ መጣ"
ብዬ ነበር አምናም … በደስታ ሰምጬ
የቤቴን ግድግዳ … ቀለማት ለውጬ

ግን መጣና ተቀበልኩት ፣
ተነስቼ አስቀመጥኩት ፣
አወደስኩት አሞገስኩት
ዋናውን ግን ረሳሁት

ከማእዱም ሞላ … ቤቴም ደማመቀ
ከወትሮ ተለየ … በፌሽታ ታመቀ

ግና እንግዳዬ ረመዳን… … …

ጊዜውን ገድቦ … ሊቀይረኝ የመጣው
"ቻው"ም ሳይለኝ ነበር … ከመኖርያዬ የወጣው
ለኔ ያለውን ስጦታ … ከቋቱም ሳያወጣው

ምን አጠፋው?

ለካስ አሁን ሲገባኝ … ዝግጅቱ ያኔ
የመንፈሱ ነበር … የጎደለኝ እኔ

እንኳንም ነቃሁኝ አልደግመውምና … ስህተቴን ዘንድሮ
በዚህ በረመዳን … እጀምራለሁኝ የተሻለ ኑሮ

የተሻለ ባህሪ ፣ የተሻለ ፀባይ
የተሻለ ስራ ፣ የደጎቹን መሳይ

እከስባለሁኝ ፡ በጀሊሉ ፍቃድ
ብዬ ተስፋ አድርጌ ፡ ልጀምረው ስጣድ
እንዳያስቸግረኝ ፡ የከረመው ልማድ
ዱዐ አድርጉልኝ ፡ በ"ሲር"ም በገሀድ

ሰሊምቱም!

ለማንኛውም ተቃረቡ ↴☘☘☘
https://t.me/yehussenmun

"ምራቻን ጨ’መራቸው"

✍ በሑሴን ኢብኑ ኡሚህ

እውቀት ወሳኝነቱ ለስራ መዳረሻነቱ እንደሆነ ከተረዳን ወዲያ ፡ "።ብዙ ጊዜ በምናውቀው (አንዳንድ) ነገሮች የማንሰራው ለምንድነው?" የሚለውን መመለስ አለብን ። በተለይ አምላካዊ መመሪያ የሆኑትን ቁርአንና ሐዲስ ፡ ትእዛዝና ክልከላዎቻቸውን ከተረዳን ኋላ ችላ የምንልባቸው ብዙ የተገለፁና የተደበቁ ሰበቦች አሉ ።

(1) ያወቅነውን ነገር በዝርዝር ተጨባጭ አምነን መቀበል የምንችልበት መረዳት ላይ ስላልደረስንና በተወሰነ መልኩ ትክክለኛነቱን ስለምንጠራጠር ።

(2) አሁን ካለንበት ጊዜ ፣ ቦታና ሁኔታ አንፃር ያንን ማድረግ ወይም መተው እንደማንችል ራሳችንን ስላሳመንን ።

ሌሌች ሰበቦች ቢኖሩም ለጊዜው ከላይ የጠቀስናቸውን ሁለት ምክንያቶች ጠቅልለን እናስቀምጠው ።

አንድ መደረግ አለበት ተብሎ የታዘዘን ነገር ለመስራትም ሆነ መተው አለበት ተብሎ የተከለከለን ነገር ለመተው ፡ ሁሉ ነገር በሳይንስና በልምድ ተረጋግጦ እስኪመጣልን እንጠብቃለን ። የዚያን ያህል ያሳመነን ነገርን ደግሞ አንድ ቀን በሚገርመው ተለውጠን ሁሉን የማድረግና የመተው አቅም እስክናገኝ ድረስ እናቆየዋለን ።

ልክ አይደለም ። ልክ የሚሆነው ባወቅነውና በቻልነው ልክ ስንታዘዝና ስንሰራ ነው ። "አጠቃላዩ ያልተገኘ ፡ ከነው አይተውም" በሚለው መርሆ መሰረት… በገባንና በምንችለው ልክ ስንኖር ያልገባንን ወደመረዳትና ያልቻልነው ወደመቻል በየጊዜው እናድጋለን ።

وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ

{እነዚያም የተመሩት (አላህ) መመራትን ጨመረላቸው ፡፡ (ከእሳት) መጥጠበቂያቸውንም ሰጣቸው ።} ሙሐመድ 17

የአንቀፁ ጉልህ መልእክት … "ጨመረላቸው" ቢሆንም አገላለፁ ግን "ጨመራቸው" የሚለውን ነው የሚያሲዘን ። ዛደ ፡ ጨመረ ፣ ሁም ፡ እነርሱ = ዛደሁም ፡ ጨመራቸው

= ምራቻ ፡ እኛ ባለንበት ሆነን የሚጨምር ነገር ሳይሆን ፡ እኛ ወደ ምራቻው ጎዳና ከፍ ብለን የምንጨመር መሆኑን ያስረዳናል ።

… ነገር ግን በገባውና በአቅሙ ልክ ፡ የአላህና የመልእክተኛውን ሀሳብና እውቀት ከራሱና ከሌሎችም ፍጡሮች ሀሳብና እውቀት አስቀድሞ ታዛዥ ያልሆነና…

وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا

{ቅኑም መንገድ ለእርሱ ከተገለጸ በኋላ መልክተኛውን የሚጨቃጨቅና ከምእምኖቹ መንገድ ሌላ የኾነን የሚከተል ሰው (በዚህ ዓለም) በተሾመበት (ጥመት) ላይ እንሾመዋለን፤ ገሀነምንም እናገባዋለን፡፡ መመለሻይቱም ከፋች! ።} ኒሳእ 114

ገብቶት የነበረውን እውቀትና ይችልበት የነበረውንም አቅም እያጣ የተወዘጋገበ ኑሮ እንዲኖር ይደረጋል ። ና…

እንወቅ ፣ በገባንና በምንችለው ልክ ታዘን እንስራ ፡ ምራቻን እንጨመር … ሰሊምቱም!

ለማንኛውም ተቃረቡ ↴☘☘☘
https://t.me/yehussenmun

ጠቃሚ ንዴት

✍ በሑሴን ኢብኑ ኡሚህ

ንዴት ሁሉ ጎጂ አይደለም ። ንዴት ፡ አንድን መስተካከል ያለበትን ችግር ለመለወጥ እንድንነሳሳ የሚያደርገን ግፊት ነው ። ይህ አይነቱ (መጠነኛ) ንዴት ፡ ችግሮቻችንን እንድንፈታ በተፈጥሮ የተቸረን መልካም ስሜት ነው ።

ንዴት ጎጂ የሚሆነው ፡· (1) አያያዙን ካልቻልንበትና (2) ማስተካከል በማንችለው ነገር ከሆነ ነው ።

አቢ ሁረይራህ (ረዲየሏሁ ዐንህ) ባስተላለፉትና ቡኻሪ በዘገቡት ሐዲስ ላይ እንደተወሳው ፤ አንድ ሰው ወደ ረሱል (ሰለሏሁ ዐለይሂ ወሰለም) መጥቶ "ምከሩኝ" ባላቸው ጊዜ ፡ ደጋግመው "አትቆጣ ፣ አትቆጣ ፣ አትቆጣ " ብለውታል ።

ይህንንም ሐዲስ ያብራሩ ዑለማዎች ፡ "አትቆጣ!" ማለት (1) ለቁጣ የሚዳርጉህን (የተለመዱ) ነገሮችን ራቅ ። (2) ቁጣህ ገንፍሎ ወጥቶ አጓጉል ነገር እንዳታደርግ ተቆጣጠረው ። … ማለት ነው ፤ ብለዋል ።

እንዲሁም በሌላ አቢ ሁረይራህ (ረዲየሏሁ ዐንህ) ባስተላለፉትና ቡኻሪ በዘገቡት ሐዲስ ላይ እንዲህ ብለውናል ፡· "ጠንካራነት ፡ ታግሎ በጣለ አይደለም ። ይልቁንም ጠንካራው ማለትማ ያ በንዴት ጊዜ ራሱን የሚቆጣጠር ነው ።"

ስለ አያያዙ የምናነሳው በመነሻው ጥሩ የነበረው ስሜት ወደ ጭፍንነት ስለሚከተን ነው ። አንዳንድ ችግሮች ደግሞ ካለንበት ሁኔታ አንፃር የመለወጡ እድል አናሳ ይሆናሉ ። እንደዚህ አይነት ችግሮች በተፈጠሩ ቁጥር ፡ እራሳችንን ለንዴት አሳልፎ መስጠት አለ ጥቅም መጎዳት ነው ።

አንቆጣ (አለ ጥቅም) … ወሰላም!

ተቃረቡ ↴☘☘☘☘☘☘☘
https://t.me/yehussenmun

መልካም አቀባበል

✍ በሑሴን ኢብኑ ኡሚህ

መልካምነት ፡ በመስጠት ብቻ ሳይሆን በመቀበልም ይመዘናል ። ጥቂት የማይባሉ የወዳጅነት ግንኙነቶቻችን ችግር ፡ አለመስጠት ብቻ ሳይሆን በመልካም አለመቀበልም ነው ።

"ስንሰጥ ፡ በምትኩ የሚመለስልን ነገር ጠብቀን መሆን የለበትም ።" የሚለው አባባል ልክ የሚሆነው ጥቂት አጋጣሚዎች ላይ ብቻ ነው ። ህይወት ፡ ሰጥቶ መቀበል ፣ ተቀብሎም መስጠት ነውና ። ደስታና ፍቅር የሚቀጣጠለውም በዚህ ቅብብሎሽ ነው ።

… … …

ትዳር ፡ በፍቅርና በደስታ እንዲቀጥል መስጠት ብቻ ሳይሆን በመልካም መቀበልም አስፈላጊ ነው ። የጠበቀ ጓደኝነትም ተፈጥሮ እንዲያድግ ፤ የሚታዩትንም ሆነ የማይታዩትን ስጦታዎችን በመልካሙ መቀበል ሸርጥ ነው ።

የአቀባበል ችግር የማይጎዳው ግንኙነት ፤ በወላጅና በህፃናት ልጆች መካከል ያለውን ነው ። ነገር ግን ልጆች ካደጉ በኋላ የሚኖር የአቀባበል ችግር ግንኙነቱን ያበላሸዋል (ከሌሎች አንፃር ቀለል ያለ ቢባልም) ። በተለይ ደግሞ ሰጪው ልጆች ፣ ተቀባይ ደግሞ ወላጆች በሆኑበት ሁኔታ የሚፈጠር የአቀባበል ችግር ሐቃቸውን ወደ ማጓዳል ያመራል ።

(የወላጅ ሐቅ በአቀባበላቸው ችግር የማይቀር ትልቅ ሀላፊነት ነው ።)

አቀባበላችንን ባለማሳመራችን ሰበብ እየቀነሰ መጥቶ በሚቀረው ስጦታ ተጎጂውም ተወቃሹም እኛው ነን ። በመጀመሪያ የግንኙነት ወቅቶች የነበሩት መልካም ነገሮች እየቀሩ ወደ መሰለቻቸት የሚ’ገባው በአቀባበል ችግር ነው ።

እናም የአቀባበላችን መበላሸት ሌላ እንዳይጨመርልን የማገድ አቅሙ ከፍተኛ መሆኑን አውቀን ማስተካከል አለብን ። (አንዳንድ ሰዎች መልካም ነገር እንደሚገባቸውና ሌሎች የሚያደርጉላቸውን መልካም ነገር እንደ ግዴታ የሚቆጥሩ ናቸው ።)

1, በመልካም መረዳት

መልካም አቀባበል ፡ የሰጪውን ፍላጎት በመልካም ከመረዳት ይጀምራል ። (2) በቀጣይ የሚመጣው ደግሞ ምስጋና ነው ። (ምስጋና ፡ ተቀባይ ስጦታውን ምን ያህል እንደተቀበለው ለሰጪው የሚያሳይበት አቀባበል ነው ።)

3, ውለታ መመለስ

እንደ እስልምና አስተምህሮ መሰረት ፡ መልካም ነገርን መመለስ (ከተቻለም ከተሰጠን ጨምረን) ፡ ታላቅ ስብእና ነው ።

وَإِذَا حُيِّيتُم بِتَحِيَّةٍ فَحَيُّوا بِأَحْسَنَ مِنْهَا أَوْ رُدُّوهَا ۗ إِنَّ اللَّهَ كَانَ عَلَىٰ كُلِّ شَيْءٍ حَسِيبًا

{በሰላምታ በተከበራችሁም ጊዜ ከእርሷ ይበልጥ ባማረ (ሰላምታ) አክብሩ ፡፡ ወይም (እርሷኑ) መልሷት፡፡ አላህ በነገሩ ሁሉ ላይ ተቆጣጣሪ ነውና፡፡} ኒሳእ 86

ኡሳማ ቢን ዘይድ (ረዲየሏሁ ዐንህ) አስተላልፈውት አቢ ዳውድ እንደዘገቡት ረሱላችን (ሰለሏሁ ዐለይሂ ወሰለም) "በጎ የሰራላችሁን ሰው ውለታውን መልሱ ። " ብለዋል ።

እኛን ዘና ለማድረግ ቀልድ ለነገረን ሰው ፤ (ምንም እንኳ ቀልሱ ባያስቅ) እኛን ለማዝናናት ያደረገውን ጥረት በመልካሙ ለመቀበል ፈገግ ማለት አለብን ።

(ማሳቅ እንጂ መሳቅ ማነስ ይመስለናል ። መፎገር እንጂ መ‘ፎገር አንፈልግም ።)

እንዲሁም ፡ አንዳች (የምናውቀው) ነገር አስገርሞት ለነገረን ሰው እኛም ያወቅን ጊዜ ተገርመን እንደነበረና አሁንም ድረስ ያስገርመን ከሆነም ያንን በመንገር ፈንታ "እስከ አሁን አታውቅም ነበር?! " አይነት መልሶች ግንኙነትን ለማሻከር "ጥሩ" አቀባበል ናቸው ።

በዚህ ቻናል ላይ የሚፖሰቱ ሙንጭርጭሪቶችን አስመልክቶ ያሉ የመልካም አቀባበል ድክመቶችን ፤ ከነመፍትሄው ለእናንተው ትቼዋለሁ ።

ለማንኛውም ተቃረቡ ↴☘☘☘
https://t.me/yehussenmun

ዛሬ ማታ … ኢንሻአላህ

ውስዋስ ላይ ነኝ

✍ በሑሴን ኢብኑ ኡሚህ

ምን እንዳማረኝ ታውቃላቹህ? አታውቁም! ሚስቴ እንኳን አታውቅም (መልካም ሚስት የባሏን አይን በማየት ምን እንዳማረው ታውቃለች ይባል የለ?!) ወዴት ወዴት? አረ ፍሬኑን አፍኑት! አምሮት ምናምን ብዬ ወደ ሚስት ስሄድ ሌላ ነገር ትሰባላቹ እንዴ?! ህዝቤኮ በቃ ፍንጭ ሲሰጠው ይዞ መሮጥ ነው ስራው ። በተለይ sexuality case ከሆነ ሳይጀምሩለት ነው የሚጨርሰው ።

ለማንኛውም እኔ ያማረኝ አንድ ረጋ ያለ ሀገር ሄጄ ፣ ፀጥ ባለ ከተማ ፣ ጭር ባለ ሰፈር ፣ ባዶ ክላስ ውስጥ ሆኜ ፤ በቀን 3ቴ ብቻ እየበላሁ (ብሬክና መክሰስን ሳይጨምር) ፣ ትኩስ ነገሬን ፉት እያልኩ ፤ የምመኛቸውን ኪታቦችና መፅሐፍቶች መኮምኮም ነው ።

ከሆነልኝ ለ1, 5 አመት ፣ ካልሆነ ለ3 ፣ ቢያንስ ግን ለ1 አመት ። እንዲህ ስል የሆነ "ዲስኦርደር" ተጠቂ ሆነካል ፣ እየፈጨጭክ ነው ምናምን የሚለኝ ሚስኪን እንደሚኖር እገምታለሁ ። ካልደረሰባቹ ስሜቴ አይገባቹምና ብትፈርዱብኝም አልፈርድባቹህም ።

(አንዴ አንድ ጀለሴ ወደ መስጂድ ለመሄድ ከላይብረሪ ስወጣ ተደዋወልንና "የት ነህ?" ሲለኝ "ላይብረሪ" አልኩት ። እናም ተገርሞ ይሁን እንጃ "ምን እያደረክ? እያጠናህ?" አለኝ ሙድ እንደመያዝ ። "አይ" አልኩት "እየተዝናናው" ፤ ሳቀ ። "ወላሂ የምሬን ነው ፡ በንባብ እየተዝናናሁ ነው ።" ስለው ደግሞ "አላህ ዐፍያ ያድርግህ" ብቻ ነው ያለኝ ።)

ይህ ሁሉ ካልተመቻቸ ግን ከነጭራሹ ማንበብን መተው የለብኝም ። በሳምንት አንዴም ይሁን ፣ በቀን ለተወሰነ ጊዜም ይሁን አደርገዋለሁ ። ዐረቦች ይህን አስመልክቶ ጥሩ አባባል አላቸው ።

مالا يدرك كله لا يترك جله
"አጠቃላዩ የማይገኝ ነገር ሙሉ ለሙሉ አይተውም ።" 100 ብር አተርፍበታለሁ ባልከው እቃ ማትረፍ የምትችለው 10 ብር ሆኖ ካገኘከው ፤ 100 ካልሆነ 10 ብሩ ይቅርብኝ ብለህ ሙሉውን አትክሰር ለማለት ነው ።
… … …

ትንሽ ይቆይና ደግሞ ቢልየነር መሆን ያምረኛል ። "አሁንማ ለየልህ!" ይለኝ ይሆናል አንዱ ። አይ የኔ ነገር ፤ እንኳን አግኝቼው ስመኘውም ምቀኛዬ ብዙ ነው ።

"አንባቢም ሀብታምም መሆን ይቻላል እንዴ?" ብላቹ ደግሞ ብዙ እንዳታስሞነጫጭሩኝ ።

አሁንም ቆየት ይልና የሆነ ነገር ያምረኛል ። "እርጉዝ ነህ እንዴ? አማረኝ አበዛህ" ነው ያላችሁኝ? … አዎ ብላቹህምኮ አታምኑኝም ። ባለፈውስ "ወለድኩኝ" ስላቹ መች አመናችሁኝና?!

ደግሞኮ … ስለማይነፋ ይብራብን ብለን ነው እንጂ ስንት ነገር ያምረናል ። 😜😜😏

ለጊዜው ግን ፍፁም ያማረኝ… share ነው ።

ለማንኛውም ተቃረቡ ↴☘☘☘
https://t.me/yehussenmun

የ ሌባም ሌባ

✍ በሑሴን ኢብኑ ኡሚህ

ሊተካ የሚችልን ተራ ንብረትና ገንዘብን የሚሰርቁ ሰዎችን ፤ ሌባ ብለን እናቃልላቸዋለን እንቀጣቸዋለን ፣… ። እኛም እነዚህን ንብረትና ገንዘቦች ስላልሰረቅን ጥሩዎች እንደሆንን እናስባለን ።

ነገር ግን የሌባም ሌባ በሆንን እኛና ሌሎችም ፤ ጊዜ ሲሰረቅ ያን ያህል አያንገበግበንም ። ሰዎችም ጊዜያችንን ሲሰርቁን የምንበግነው በወቅቱ ያሳጡንን የተወሰነ ጥቅም አስበን ነው ። እንጂ ለጊዜ ምን ገዶን!

ካሰብነውኮ… ማንኛውም ጥቅም ያለ ጊዜ ያገኘነውና የምናገኘው የለም ። እናም ጊዜዎች ወደዚያ ግኡዝ ጥቅም ተቀይረው እንደሆነ ካልገባን ነው ከጊዜያችን በላይ ለንብረትና ገንዘባችን መጥፋት የምንቆጨው ።

እና ማለት ነው… የተለያዩ የግልም ሆነ የህብረት ቀጠሮዎችን መፍታት ጊዜን መስረቅ ነውና (የሌባም) ሌብነታችን ይግባን ። የሰዎች ውድ ሀብት የሆነውን ጊዜ ከመስረቅ እንቆጠብ ።

ለማንኛውም ተቃረቡ ↴☘☘☘
https://t.me/yehussenmun

የበላይ ልብ …

✍ በሑሴን ኢብኑ ኡሚህ

الْيَدُ الْعُلْيَا خَيْرٌ مِنَ الْيَدِ السُّفْلَى

ሐኪም ቢን ሒዛም እንዳስተላለፉትና ቡኻሪ እንደዘገቡት ረሱሉላህ (ሰለሏሁ ዐለይሂ ወሰለም) እንዲህ ይሉናል ፡· "የበላይ (ሰጪ) እጅ ፣ ከበታች (ተቀባይ) እጅ ይበልጣል ።"

ሁሌም ማንኛውንም መልካም ነገር ሰጪ ሰው ከተቀባይ ይበልጣል ። በመጥፎው ደግሞ ተቀባዩ ነው ከሰጪው የሚበልጠው ።

መልካምነት ይበልጥ የሚመዘነው መልካም ለሚያደርጉልን ሰዎች ውለታ በመመለስ አይደለም ። ያልነኩትንም አለመንካት ፣ ያልጎዱትን አለመጉዳት የመልካምነት መነሻ እንጂ ልኩ አይደለም ።

ከዚህ ከፍ ስንል በብዙ ወደተወደሰው ይቅር ባይነት እናድጋለን ። ከዚህ በደንብ ከፍ ብለን በነፃነት ስንበር ደግሞ የበላይ ልብ ላይ እንደርሳለን ። …አላህ ይወፍቀንና!

መልካምን ለማይሰጡንና ጭራሽ ለበደሉንም ሰዎች ሁሉ እንሰጣለን ፤ የበላይ ሰጪ ልብ ስላለን ።
ክፉን ላለመስጠት ከመጠንቀቅ ባለፈ ሌሎች ተሳስተውም ሆነ ሆን ብለው የሚሰጡንን ክፋት በጥሩ አያያዝ እንቀበላለን ።

መጥፎን በመጥፎ እኩኩል አድርጎ መመለስ በሸሪዐ ያልተከለከለ ነው ። ከዚህ ከፍ ብለው ይቅር የሚሉ ሰዎች የመልካምነትን አንድ ደረጃ ወጥተዋል ። ከዚህም ከፍ ብለው የተበላሸ ግንኙነትን ለማስተካከል መልካምን የሚሰጡና ፣ ክፋትን ችለው የሚቀበሉ ከፍተኛው ደረጃ ላይ ይሰቀላሉ ። ያላቸውንም ምንዳ ከሰጪው አላህ በቀር ማንም አያውቀውም ፤ እንዴሌሎች መልካም ስራዎች ተቆጥሮ አልተነገረምና ።

وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ
{የመጥፎም ነገረ ዋጋ ብጤዋ መጥፎ ናት፡፡ ይቅርም ያለና ያሳመረ ሰው ምንዳው በአላህ ላይ ነው፡፡ እርሱ በደለኞችን አይወድም ።} ሹራ 40

ከፍተኛውን መልካምነትን ይብራብን ብለን ፣ ዝቅተኛው ዐውፍታ እንኳ ከብዳን መጥፎን በመጥፎ ለመለስ ስንሞክር ፤ ከተሰራብን ጨምረን በደል ውስጥ እንገባለን ። ከበላይ ልብ ተቃራኒ ክፋትን ሰጪ እንሆናል ።

ግና

ከመበደል መ’በደል ይሻላል ብለን ክፋትን ሰጪ ሳይሆን ተቀባይ ብንሆንና ዐውፍ ከማለት ከፍ ብለን መልካምን ብቻ የሚሰጡ የባለ ውድ ልቦች ባለቤት ብንሆን ፤ አቤት ሰላማችን ፣ አቤት ደስታችን… ፊ ዱንያ ወኡኽራ!

በሚለው ፡· እዝነትን ፣ ደስታን ፣ ተስፋን ፣ ይቅርታን እንስጥ… ከፍ ያለ የበላይ ልብ ይኑረን… ወሰላም!

ለማንኛውም ተቃረቡ ↴☘☘☘
https://t.me/yehussenmun

"እኛኮ ብናነብ… "

✍ በሑሴን ኢብኑ ኡሚህ

ስለ መፅሐፍ ንባብ ብዙ ሰምተናል ፣ (በሚፖሰቱት) አንብበናልም ። የሆኑ ጊዜዎች ደግሞ አሉ ስለ ማንበብ በቁም ነገር ያሰብንባቸው ። አንባቢ ብንሆን ህይወታችን ላይ የሚመጣው የሆነ ለውጥ ፤ ከእኛም አልፎ ሌሎችን እንደሚያጠቃቅም ።

እናም የሆነ ጊዜ አንብበን ፣ አነብንበን ያገኘናትንና የተቋረጠች ጥቅም እያስታወስን "እኔኮ ባነም… " እንላለን ፤

ቆ’ራጭ ብንሆን ግን ከዚያን ወዲያ እንኳ እስከ አሁን ስንት አንብበን ፣ ስንት አውቀን ፣ ስንት ገብቶን ፣ ስንት ተለውጠን ነበር ። እኛኮ (በቆ’ራጭነት) ብናነብኮ …

አረ እናንብብ!

ለማንኛውም ተቃረቡ ↴☘☘☘
https://t.me/yehussenmun

ቆራ’ጭነት (የቀጠለ)

✍ በሑሴን ኢብኑ ኡሚህ

አብዛሀኛው ስንፍናችን ተፈጥሮ ሳይሆን በሁኔታዎችና በጊዜ ሂደት የምንሆነው ልማዳችን ነው ። ብዙዎቻችን በስንፍና ውስጥ እየዋኘ ያለውን እራሳችንን ስናንቆለፖፕስ "እኔኮ ባጠና ፣ …" የምትለዋን እንጉርጉሮ እናዜማታለን ።

ጎበዝ የምንሆነው ጥሩ ጭንቅላት ስላለን ብቻ አይደለም ። ይልቁንስ ጥሩ ጭንቅላትና አቅማችን እንዳይባክን አስበን በአግባቡ ለመጠቀም ስንንቀሳቀስ ነው ። እንኳን ገራሚው ጭንቅላታችን ፡ የሚባክን ነገር ሁሉ የኋላ ኋላ ጭንቀትና ፀፀት እንደሚያተርፉ ሲገባን ማለት ።

ያንን አስበን ጉ’ብዝ የምንለው … የፈለግነውን ለመስራት የግድ የሆነውን ቁርጠኝነት በልካችን ስናዳብር ነው ። ስንፍና ሁሌም የሚኖረው የቆራጥነት (determination) ታቃራኒ ሆኖ ነው ። ቆራጥነት ደግሞ በፍላጎትና በጥረት መካከል ፤ ያለ ገለፃ የሚቀመጥ የስኬት ሸርጥ (መስፈርት) ነው ።
وَمَنْ أَرَادَ الْآخِرَةَ وَسَعَىٰ لَهَا سَعْيَهَا وَهُوَ مُؤْمِنٌ فَأُولَٰئِكَ كَانَ سَعْيُهُم مَّشْكُورًا
{መጨረሻይቱንም ዓለም የፈለገ ሰው እርሱ አማኝ ኾኖ ለርሷ (ተገቢ) ሥራዋን የሠራም ሰው እነዚህ ሥራቸው የተመሰገነ ይኾናል ።} ኢስራእ 19

ያለ ጥረት ስኬት ፣ ያለ ቆራጥነት ጥረት ፣ ያለ ፍላጎት ቆራጥነት የለም ። የዚህ ሁሉ ሂደት ሞተሩ ግን ቁርጠኝነት ነው ። የፈለጉትን ነገር ካሰቡና ካቀዱ ወዲያ ፤ የሚያታልሉና የሚያሰንፉ ሁኔታዎችን በማሸነፍ ገግሞ መስራት ነው ፤ ቆራ’ጭነት።

"አቤት! እኛኮ ብንሰራ… " ፐፐፐ

እና ማለት ነው… እየቆረጥን ፣ እየሄድን!!

ለማንኛውም ተቃረቡ ↴☘☘☘
https://t.me/yehussenmun

መታከታችን

✍ በሑሴን ኢብኑ ኡሚህ

አቡሁረይራህ (ረዲየሏሁ ዐንህ) አስተላልፈውት ሙስሊም በዘገቡት ሐዲስ ላይ ረሱላችን (ሰለሏሁ ዐለይሂ ወሰለም) እንዲህ ይላሉ ፡· "ጠንካራ አማኝ ከደካማው አማኝ በላይ ወደ አላህ የተወደደ ነው ፤ በሁለቱም ኸይር ቢኖርም ። (እናም) በሚጠቅምህ ነገር ላይ ጓጓ ፣ በአላህም ታገዝ ፣ አትታክትም ።"

መታከትና ስንፍና በእስልምና ከተጠሉ መጥፎ መገለጫዎች መካከል ይጠቀሳሉ ።

አነስ (ረዲየሏሁ ዐንህ) … ረሱሊችን (ሰለሏሁ ዐለይሂ ወሰለም) "አላህ ሆይ! ከመታከትና ከስንፍና በአንተ እጠበቃለሁ ።" ይሉ ነበር ፤ እንደለ ቡኻሪ ላይ ተዘግቧል ።

መስነፍን የሚፈልግ ባለመኖሩ ሆን ብለን አይደለም የምንሰንፈው ። ዳሩ ግን የሚያሰንፉንን ነገሮች ከተወሰኑ ም/ቶች እንደሚሻገሩ አለማወቃችን ስንፍና እንዲያሸንፈን የሚገባበት ትልቁ በር ነው ።

ለስንፍና ሰበብ ከሚሆኑ ነገሮች መካከል …

የበዛ ድካም ፣

ስራዎችን መቆጣጠርና ማመጣጠን አቅቶን ከተደራረቡ ፤ ሰውነት ብቻ ሳይሆን አእምሮአችንም ይደክማል ፡ እንሰንፋለን ።

የ (በቂ) እረፍት ማጣት ፣

እረፍቱ ዝቅተኛ የሆነ የድካም ውጣ ወረድ ያለበት ሰው ፤ ዘይት ጨርሶ ለመቆም ጥቂት ጊዜ ብቻ ነው የሚቆየው ።

የጊዜ አጠቃቀም ፣

የጊዜ አጠቃቀም ችግራችን ከላይ የጠቀስናቸውን ችግሮች ከሚፈጥሩ ነገሮች መካከል አንዱ ነው ።
የጊዜ አጠቃቀም እንቅስቄሴያችንን ድካመ ብዙ ያደርገዋል ። በቀጣይ ስራዎችም ውጤት ከወዲሁ ተስፋ እንድንቆርጥ ያደርገናል ።

የወሬና ተራ ነገሮች ውዴታ ፣

ይህ ደግሞ የጊዜ አጠቃቀም ስርአታችን ላይ አደፍርስ የሚሆንብን አጉል ልምዳችን ነው ። ተጫውተን ፣ ተዝናንተን ወደ ጉዳያችን መለስ ስንል ፤ የስራው ቁልል ከመስራት ያሰንፈናል ። ስንሰራውም በቂ ጊዜ ስለማይኖረን ማለቅ ካለበት ጊዜ እናዘገየዋለን ።…

የአመጋገብ ስርኣት ፣

በጣም ዝቅተኛና በጣም ከፍተኛ ምግብ መመገብ ፤ አእምሮአችንም ሆነ ሰውነታችን በሚፈለገው ልክ ስራቸውን እንዳያከናውኑ በማድረግ ስንፍና ውስጥ ይዘፈዝፈናል ።

ያልተገባ ንፅፅር ፣

እራሳችን ከሌሎች ሰዎች ጋር ማነፃፀርና እኛ የሌለንን በማሰብ የበታችነት ስሜት ውስጥ መግባት መጨረሻው እራስን ወደመናቅና የተሻሉ ነገሮችን ከማድረግ ወደመስነፍ ውስጥ እንገባለን ።

ተስፋ መቁረጥ

ስንፍናን ከሚያሸልሙ ውግዝ ተግባራት መካከል አንዱና (ምናልባትም) ዋነኛው ተስፋ መቁረጥ ነው ። ይህ ስሜት ደግሞ ያልተገባ ንፅፅርን ጨምሮ በብዙ ምክንያቶች ሊፈጠር ይችላል ። ቢሆንም…

{…ከአላህም እዝነት ተስፋ አትቁረጡ ፡፡ እነሆ ከአላህ እዝነት ከሓዲዎች ሕዝቦች እንጂ ተስፋ አይቆርጥም» ፡፡} ዩሱፍ 87

… … … ሌሎች አስባቦችም ቢኖሩም…

"በሚጠቅምህ ነገር ላይ ጓጓ ፣ በአላህም ታገዝ ፣ አትታክትም ።"

(አሏሁመ ሶሊ ወሰሊም ዐላ ሐቢቢና ሙሐመድ)

ለማንኛውም ተቃረቡ ↴☘☘☘
https://t.me/yehussenmun

ማሰብ ያድናል!

በሑሴን ኢብኑ ኡሚህ

وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ
{«የምንሰማ ወይም የምናስብ በነበርንም ኖሮ በነዳጅ እሳት ጓዶች ውስጥ ባልኾን ነበር» ይላሉ ።} ሙልክ 10

ሰምተን ፣ አንብበን ባወቅነው እውቀት ሳይሆን ፤ ጊዜ ሰጥተን ባሰብንበት ሀሳብ ነው የምንተርፈው ።

አንዳንዶቻችን በስራ ስንዋከብ ፣ ሌሎቻችን በእውቀት ተወጥረን እንውላለን ። (ጥቂቶቻችን ደግሞ በሁለቱም) በእውቀትና ስራ መካከል በበቂ ሁኔታ መኖር ላለበት ሀሳብ ግን የሚገባውን ቦታና ጊዜ ሰጥተን አንጠቀምበትም ።

… በዱንያም ሆነ በአኺራ ከሚፈሩት ተጠብቆ የሚፈልጉትን በማግኘት ስኬታማ ለመሆን ፤ ማሰብ ፣ አሁንም ደግሞ ደጋግሞ ማሰብና ማስተንተን ግድ ይለናል ።

ለማንኛውም ተቃረቡ ↴☘☘☘
https://t.me/yehussenmun

የእንግዳ ክብካቤ

✍ በሑሴን ኢብኑ ኡሚህ

አቢ ሁረይራህ ባስተላለፉትና ቡኻሪና ሙስሊም በዘገቡት ሐዲስ ላይ ረሱላችን (ሰለሏሁ ዐለይሂ ወሰለም) እንዲህ ይላሉ ፡· "በአላህና በመጨረሻው ቀን ያመነ ፤ እንግዳውን ያክብር (ይንከባከብ) ።"

እንግዳን ማክበርና መንከባከብ በተለያዩ እምነቶችና ባህሎች የተወደሰ ምስጉን ተግባር ቢሆንም ፤ ከተለያዩ ም/ች አንፃር መሆን ካለበት መጠን በላይ ማድረግ ፤ ሊያስወቅስ እንጂ ሊያስወድስ አይገባም ።

የእንግዳ ክብካቤ መሰረታዊያን

1, አይቸገር

2, የሚፈልገው (በአቅም ልክ) ይሟላለት

3, ከተቻለ ያላሰበው ተጨማሪ ስጦታ ይበርከትለት

እነዚህን ስናደርግ እኛ ከምንፈልገውና ከለመድነው ይልቅ ፤ ሸሪዐ በሚፈቅደውና እንግዳው በሚፈልገው መልኩ መሆን አለበት ።

በአንዳንድ የሀገራችን ገጠራማ ስፍራዎች ያሉ የእንግዳ አቀባበሎች በአንድ ጎናቸው ፤ በዛ ልክ እንግዳን ማክበራቸው የሚደነቅ ቢሆንም ክብር የተገለፀባቸው መንገዶች ግን ሊፈተሹና ሊመረመሩ ይገባል ።

ለምሳሌ ፡· እግር አጥቦ መሳም ፤ ሸሪዐን ከመፃረሩ በፊት የእንግዳውን ኮምፈርት የሚነሳ ነው ።

አንዳንድ ቦታዎች ደግሞ ለወንድ እንግዳዎች ከማደሪያ ክፍል ተጨማሪ አስተዳዳሪ (ሴት) ይሰጣቸዋል ። (ለሂጅራ ሰበብ እንዳልሆን ፤ ቦታውን አልናገርም)

ለማንኛውም… ከላይ የጠቀስናቸውን ሶስት የክብካቤ መሰረታዊያንን በአቅማችን ልክ አሟልተን ፤ ከእምነታችን ጋር በማይጋጭና እንግዳውን በማያስጨንቅ መልኩ እንደየ ባህላችን እንንከባከብ ።… 👊 (ግጭ)

ተቃረቡ ↴☘☘☘☘☘☘☘
https://t.me/yehussenmun

! አይ ወልድም ፣ ! አይ ወለድም

በሑሴን ኢብኑ ኡሚህ

አብና ወልድ መንፈስቅዱስን ጨምሮ 3 ስላሴዎች ናቸው ። እናም ፈጣሪ በአብ በኩል ወላጅ ፣ በወልድ በኩል ደግሞ ልጅ ሆኖ በብዙ ክርስቲያን ወገኖቻችን ይመለካል ።

እንደ ኢስላም አስተምህሮ ግን ፤ ፈጣሪ ወላጅም ተወላጅም አይደለም ። በአብ ፣ በወልድና በመንፈስቅዱስ ለ3 ተከፋፍሎ "አንድም ሶስትም" ሳይሆን አንድና አንድ ብቻ ነው ። አለማትን ብቻውን የፈጠረ ። የማንንም ምንም ጥቅም የማይፈልግ ። በራሱ የተብቃቃና ረዳት, ደጋፊ, ምትክ የማያስፈልገው ሁሉን ቻይ ጌታ ነው ፤ አላህ ።

قُلْ هُوَ اللَّهُ أَحَدٌ
{በል «እርሱ አላህ አንድ ነው፡፡

اللَّهُ الصَّمَدُ
«አላህ (የሁሉ) መጠጊያ ነው፡፡

لَمْ يَلِدْ وَلَمْ يُولَدْ
«አልወለደም፤ አልተወለደምም፡፡

وَلَمْ يَكُن لَّهُ كُفُوًا أَحَدٌ
«ለእርሱም አንድም ብጤ የለውም፡፡»} የኢኽላስ ሙሉ ምእራፍ

ሰዎች ሚስትና ልጅ የሚፈልጉት ፤ እንደፍጡር ያለባቸውን ጉድለት ለመሙላትና አምሳያዎቻቸውን ምድር ላይ ለመተካት ነው ። እናም ሁሉን ቻይ ፣ የተብቃቃና ምትክም ሆነ አምሳያ የሌለውን ፈጣሪ ፤ አንዴ አባት ፣ አንዴ ልጅ ማድረግ ለልእልናው የማይመጥን ትልቅ ቅጥፈት ነው ።

يَا أَهْلَ الْكِتَابِ لَا تَغْلُوا فِي دِينِكُمْ وَلَا تَقُولُوا عَلَى اللَّهِ إِلَّا الْحَقَّ ۚ إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَىٰ مَرْيَمَ وَرُوحٌ مِّنْهُ ۖ فَآمِنُوا بِاللَّهِ وَرُسُلِهِ ۖ وَلَا تَقُولُوا ثَلَاثَةٌ ۚ انتَهُوا خَيْرًا لَّكُمْ ۚ إِنَّمَا اللَّهُ إِلَٰهٌ وَاحِدٌ ۖ سُبْحَانَهُ أَن يَكُونَ لَهُ وَلَدٌ ۘ لَّهُ مَا فِي السَّمَاوَاتِ وَمَا فِي الْأَرْضِ ۗ وَكَفَىٰ بِاللَّهِ وَكِيلًا
{እናንተ የመጽሐፉ ሰዎች ሆይ! በሃይማኖታችሁ ወሰንን አትለፉ፡፡ በአላህም ላይ እውነትን እንጅ አትናገሩ፡፡ የመርየም ልጅ አልመሲሕ ዒሳ የአላህ መልክተኛ ፣ ወደ መርየም የጣላት «የኹን» ቃሉም ፣ ከእርሱ የኾነ መንፈስም ብቻ ነው፡፡ በአላህና በመልክተኞቹም እመኑ፡፡ « (አምላክ) ሦስት ነው» አትበሉም፡፡ ተከልከሉ፤ ለእናንተ የተሻለ ይኾናልና፡፡ አላህ አንድ አምላክ ብቻ ነው፡፡ ለእርሱ ልጅ ያለው ከመኾን የጠራ ነው፡፡ በሰማያትና በምድር ያለ ሁሉ የርሱ ነው፡፡ መመኪያም በአላህ በቃ ።} የኒሳእ ምእራፍ ፡ አንቀፅ 171

قَالُوا اتَّخَذَ اللَّهُ وَلَدًا ۗ سُبْحَانَهُ ۖ هُوَ الْغَنِيُّ ۖ لَهُ مَا فِي السَّمَاوَاتِ وَمَا فِي الْأَرْضِ ۚ إِنْ عِندَكُم مِّن سُلْطَانٍ بِهَٰذَا ۚ أَتَقُولُونَ عَلَى اللَّهِ مَا لَا تَعْلَمُونَ

{«አላህ ልጅን ያዘ (ወለደ)» አሉ፡፡ (ከሚሉት) ጥራት ተገባው፡፡ እርሱ ተብቃቂ ነው፡፡ በሰማያትና በምድር ያለው ሁሉ የርሱ ነው፡፡ እናንተ ዘንድ በዚህ (በምትሉት) ምንም አስረጅ የላችሁም፡፡ በአላህ ላይ የማታውቁትን ትናገራላችሁን?! } የዩኑስ ምእራፍ ፡ አንቀፅ 68

ሰው ፤ "የለመድኩትና ያደግኩበት ነው" በሚል ብዙ አይነት እምነቶችንና አመለካከቶችን ይዞ ሙጭጭ ሲል ይገርማል ። ገርሞ ገርሞ የሚገርመው ግን ፤ ስለፈጣሪ የሚያምነውን እምነት እንደ አንድ የቁስ አደራ ላለመተው መጣጣርና ምንም እንዳላወቀና እንዳልገባው መሆን ነው ።

لَّقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ ۘ وَمَا مِنْ إِلَٰهٍ إِلَّا إِلَٰهٌ وَاحِدٌ ۚ وَإِن لَّمْ يَنتَهُوا عَمَّا يَقُولُونَ لَيَمَسَّنَّ الَّذِينَ كَفَرُوا مِنْهُمْ عَذَابٌ أَلِيمٌ
{እነዚያ «አላህ የሦስት ሦስተኛ ነው» ያሉ በእርግጥ ካዱ፡፡ ከአምላክም አንድ አምላክ እንጅ ሌላ የለም፡፡ ከሚሉትም ነገር ባይከለከሉ ከነሱ እነዚያን የካዱትን አሳማሚ ቅጣት በእርግጥ ይነካቸዋል ።}

أَفَلَا يَتُوبُونَ إِلَى اللَّهِ وَيَسْتَغْفِرُونَهُ ۚ وَاللَّهُ غَفُورٌ رَّحِيمٌ
{ወደ አላህ አይመለሱምና ምሕረትን አይለምኑትምን አላህም መሓሪ አዛኝ ነው ።} የማኢዳ ምእራፍ ፡ አንቀፅ 73–74

በፈጣሪ ጉዳይ … ከላይ የጠቀስነው አይነት የተሳሳተ እምነት ያላቹ ወገኖች ፤ አመለካከታችሁን በመመርመር አስተካክላቹ ወደ ተፈጥሮአዊውና ትክክለኛው እምነት ተመለሱ ፤ ወደ እስልምና ። አንድዬ አላህ ፤ ያለፈ ወንጀላችሁን ሁሉ ይምራልና ።

ፈጣሪ ቀጥተኛውን መንገድ ይምራን!!!

ለማንኛውም ተቃረቡ ↴☘☘☘
https://t.me/yehussenmun