She'r sehri

​​БЕШИКДАГИ ЎЙЛАР
(Бадиҳа)

Хуллас, туфли тўшакнинг тагида ётарди...

▫️▫️▫️
Дунёга келганим етмаганидай, аъзойи баданим увишиб қолгунича аллақандай оғочга чирмаб ташлашлари жуда ортиқча-да энди...

▫️▫️▫️
Мудраб ётаман... Олдимга майин овознинг эгаси келади. Оғоч оҳиста тебранади. Қўшиқ чўзилади. Тўғрисини айтсам, анчадан бери бир хил мунгни эшитавериб юрагим сиқилиб кетган. Нолиётганим йўқ!

Майин овознинг эгаси негадир беҳаловат: кирди-чиқдиси кўп. Баъзан йиғимни эшитмайди ҳам... баъзан ўзи ҳам йиғлайди... Пайқайман! Шундай пайтларда очқасам ҳам, бурним оқса ҳам ёки ичим сиқилса ҳам негадир хархаша қилмасликка интиламан... Лекин...

Мени деб кечалари уйқиси ҳаром унинг. Ўзимга қолса, миқ этмай ётардим... аммо...

Меҳрибон овознинг эгаси эса – анча кайвони. Ҳамма нарсанинг фаҳмига боради. Менга кичик ва яширин ноқулайлик туғдираётган нарсагача дарҳол пайқайди, бартараф этади. Майин овоз эгасига ўргатади, тушунтиради. У ҳам ўз навбатида меҳрибон овозга гап-сўзсиз итоат этади.

Чучук овознинг эгаси – пакана тез-тез кириб келади. Шу паканани деб гоҳо уйқим бўлинади. Бошқалар қараб турганда роса меҳрибонлик кўрсатади: эркалайди, ўпади, ялаб-юлқайди-ю... Лекин уларнинг назари чалғиганда номаълум сабабларга кўра, менга чанг солган, ёноғимга тирноғини ботириб олган, пешонамга тарсиллатиб тортиб юборган ва ҳатто оғочимни ағдараёзган (хайрият, ушла-ушла туфайли тисарилиб эди!) пайтлари ҳам бўлди! У нега бундай қилади? Ўйлаб ўйимга етмайман, ҳайронман...

Яна бир овоз бор. Йўғон. Овознинг эгасини танийман! У мени “отажон”лаб ўпгани ўпган. Уни кўрсам, куламан: ҳар хил қилиқлар қилади, менга тақлидан овозлар чиқаради. Баъзан қаттиқ қучоқлайди, босиб-босиб ҳидлайди, секин иҳраб қўяди, баданим жимирлаб кетади. Алланечук қувват туяман. Бу қувватни ҳозирги сўз бойлигим билан ифодалай олсам эди... Йўғон овоз ҳам жойи келса, оғочни тебратиб туради, ишонасизми, ҳатто гоҳида қўшиқ айтиб қўяди. Йўқ-йўқ, майин овоз эгасининг бадимга урган мунгли қўшиғи эмас. Бошқача оҳанг! Менга ёқади! Бошдан-охир эсимда йўқ, бироқ қўшиқда: “устоз Ойбек”, “Ҳабиб Абдулла”, деган исмлар; “достон”, “кон”, “маъдан” каби сўзлар бор...

Хуллас, шу овозларга кўникиб бўлдим. Улар мен учун муқаддас...

▫️▫️▫️
Оғочнинг менга кўриниб турадиган лаш-лушлари ва кўзмунчоқлар илиб қўйилган дастасидаги турфа йўл-йўл ранглар (тебралганда) кўнглимни айнатишини уларга қандай тушунтирсам экан-а? Дарвоқе, рангларни кейин-кейин фарқлайдиган бўлдим. Исиб кетдимми, совуқ еяпманми – аниқ билишмайди ҳам. Ёстиғим баъзан қийшиқ қўйилади, ўйлашмайдики, бу ҳам эртага одам бўлади, қизиқчи айтганидай: қизларнинг олдига бориши бор – калласи пачоқ бўлиб қолмаслиги керак, бир умр ўксиниб юрмаслиги зурур... Эҳ-ҳ!..

▫️▫️▫️
Оғочда шароит яхши. Тўл орасидан кириб оладиган айрим хира пашшаларни айтмаса, қарийб аъло дейиш ҳам мумкин. Аммо боғлаб, белашлари чатоқ! Нега бир парча гўштлик чоғимдан оғзига туз ташланган қўйдай кулликланишим керак?! Оёқ-қўлимни эркин чўзолмайман? Ўз пашшамни ўзим орқайин қўрий олмайман? Терласам, совимаслигим, жунжиксам илимаслигим керак экан?! Тўғри, ҳозир кўпчилик менга одам ўрнида боқмайди! Лекин умр вафо қилса, ўлар жойданманми, эл қатори одам бўларман, ахир! Ўшанда оғочдаги чирмалишни баданим ҳам, ҳали лиқиллоғи қотмаган бошим ичидаги чакки ҳам унутармикан! Мен тўлиқ озод яшашим зарур!

▫️▫️▫️
Пакана жуда шум-да! Майин овоз эгасининг кунини туғдиради. Итдай қилади. То ухлаб қолгунча ундан кўз-қулоқ бўлиб турмаслик – катта хато эканлигини дунёга келишимдан аввалроқ исботлаб бўлган экан! Тегинмаган, қизиқмаган, бидирлаб сўрамаган нарсаси йўқ.

Ўша куни меҳрибон овоз эгасининг туфлисини ташқаридан келтириб, ўйнаб, оғоч ёнидаги йўғон ва майин овоз эгаларига тааллуқли тўшак тагига ташлаб кетган экан. Керак пайти излаб, роса сарсон бўлишди. Кўриб турибман: туфли тўшак тагида! Уларга туфлининг жойини айтолмай қийналаман денг! Айтай десам, ҳали тилим чиқмаган эди-да...


@Alibek_Anvariy

***

Yomg'irdan qochmadim, ho'l bo'ldi tanim,
Bor-budimni berdim sog'inchga, ishqqa.
Ko'ngling–ming yil orzu qilgan vatanim,
Ulgurding ko'nglimni vatan qilishga.

Oppoq orzularni tutdim qo'lingga,
Kuldim, yanog'imdan sizildi tomchi.
Ko'zimni to'rt qilib boqdim yo'lingga,
Adolat qilmadi hayot–aldamchi.

Seni izlayman deb yugurdim, yeldim,
Zimmamga yuklandi shunday buyuk ish.
Yomg'irdan qochmadim, ajab, ko'nglimdan,
Unib chiqaverdi senga bo'lgan ISHQ!

© Vinera Nurmamatova

@sherSehri

"Osima – malak"

Osima, ketaylik, bu yerlar gavjum,
Bizga joy yetmadi zamin pinjida.
Bir savol ayladi ko'ksimni g'ijim
– Ne sababki tushdik samo kunjidan?

Xayol og'ushida masrur kelgandik,
Tuyg'ular toshqinday, ko'ksimda – dengiz.
Hislarim to'kildi, to'rvam yirtiqdek
Barchasi qumlikka yo'g'rildi, esiz.

Taqdir taroj qildi ishq karvonimni,
Ko‘ksimni turtkilab lahzalar o'tdi.
Yillar xoʻp sovurdi baxt hirmonimni
Men uni kutdim-u meni unutdi.

Orzuga ishonib borimni tikdim,
Garov bog’ladim qismatim bilan,
Hamon tirikman-u lek tugab bitdim,
Qayta topishmadim, hislarim bilan.

Osima, ketaylik barchasi ro'yo –
Barchasi lahzaning o'tkinchi yodi.
Biz boshqa manzilga kelganmiz, goʼyo
Bizni manzillar hanuz kutayotir...

© Muhammadkamron

@sherSehri

Жоннинг роҳати-ку ахир бу ҳаво!
Бизлар табиати инжиқ одамлар...

@islomjon_ijodi

ХАСТАМЕН

Хастамен...
Фикрга, туйғуга тўлиб,
Ой менга ҳамқадам — сокин юрамен.
Соғайсам бир куни ёзамен тўйиб,
Ҳисларга қалбимни қўшиб ёзамен.

Кечалар юрурмен телбадай ҳориб,
Бошимда ой борур, менга ҳамқадам.
Хаёллар учади машъалдай ёниб,
Тўйиб ёзажакмен бир кун соғайсам...

©️ОЙБЕК

@sherSehri

“ШАРОБЛАР ИЧИЛДИ, ХУМ ҚОЛДИ, ЖОНИМ...”

Мансур Жумаев шеъри

🎥 Тасвир: Абдуманнон Муҳаммад
🎤 Ижро: Дилмурод Дўст

Telegram | Facebook | You tube | Instagram | twitter

* * *

Эсиз, эпкинларинг, эсиб кетдими?
Сендин шиква айлаб, безиб кетдими?
Тошлар дил қасрингни бузиб кетдими?
Вайронам, ўзингни ўнглай олмайсан.

Дунё мунғираган бир ғариб уйдир.
Аввали, охири кўринмас куйдир.
Сен ўзингни куйдир, мени ҳам куйдир,
Куймасанг бу куйни тинглай олмайсан.

Тунлар бўйнидаги ёқут маржоним,
Ярми қоним бўлса, ярмиси жоним.
Қўйнимда тўлғонган гўзал илоним,
Сен буни ҳеч қачон англай олмайсан.

© Сирожиддин Саййид
1990

@sherSehri

SEN SEVASAN

Avtobuslar hali qatnaydi...
Metrolar ham to‘xtamas bir zum.
Sen chiqasan – xayollaring hur,
Sen tushasan – ko‘zlaring ma’sum.

Kutib olar seni eshiklar,
Derazalar ichikkan juda.
Sen kelasan – olam yorishar,
Sen ketasan – dunyo osuda.

Qadamingni poylaydi taksi,
Manzilingga eltmoq istaydir.
Sen yurasan – izingda ilinj,
Sen kutasan – qatnovlar daydir.

Olam bir-u sen birsan, ajab,
Kelar o‘sha olamdan kechgim.
Sen sevmaysan – hammaga ayon,
Sen sevasan – bilmaydi hech kim...

👉 @xurshidabdurashid

ТЎРТЛИК

ҲАЁТНИНГ ЯРМИ ПУЧ, ЯРМИ ТЎҚ ЭКАН,
ТОҒИ БАЛАНД, ЖАРИ КЎРҚУДУҚ ЭКАН.
БАЪЗИ АҚЛИ ПАСТНИНГ САЙРАШИ АЖАБ,
БАЪЗИ АҚЛИ МЎЛНИНГ НУТҚИ ЙЎҚ ЭКАН.

✍️ Мустафо ЖЎРА

O’KINCH

✍🏻Amirqul Po’lkan
🎙️Dilmurod Do’st o’qidi.

https://t.me/amirqulpulkan

КЕЛДИМ

Осмон кўзёшини яширмаган кеч,
Ваъдабоз юлдузлар бўлганда мулзам.
Туним ғамга ботди – қололмадим ҳеч,
Мен сенинг қошингга келдим, азизам.

Бу йўллар мени гоҳ оловга отди,
Кўзёшинг асради, кўзёшинг – зам-зам.
Кўзингда тонг отиб, сўнгра кун ботди,
Мен сенинг қошингга келдим, азизам.

Гуллаган боғларда саробни кўрдим,
Денгизга ботирдим – тўлмади кўзам.
Аксимда бир ҳоли харобни кўрдим,
Мен сенинг қошингга келдим, азизам.

Келгунча минг марта адашганим бор,
Ялтироқ йўлларда оёғим тойган.
Малаклар қўлимга май тутиб маккор
Худди товусдайин қанотин ёйган.
Аммо улар айтган қўшиқлар зинҳор
Кўнглимга кирмайин соб бўлган сазам.
Умримнинг боғлари сарғайиб баҳор
Мен сенинг қошингга келдим, азизам.

Охир келдим... Мана эшигингдаман,
Қўнғироқ тугмаси – асрлик фурсат!
Азизам, ранжима, гуноҳкорингман,
Адашган итингга мурувват кўрсат.

© Исломжон ҚЎЧҚОРОВ

https://t.me/islomjon_ijodi

📚O‘SHA MEN EDIM

Derazang yoniga qo‘ndi kabutar
Ilkida o‘rog‘liq maktub bor edi.
Senga boqib turgan ma’yus ko‘zlari,
Shu onda nedandir umidvor edi.
Sen esa pardani yopib qo‘yding jim,
O‘sha men edim-ku, o‘sha men edim.

Ko‘chaga chiqding sen bog‘ aylangani,
Daydi shamollarday xayoling tarqoq.
Bog‘ kezib yurarding shunda nogahon
Oyog‘ing ostiga tushdi bir yaproq.
O‘sha yaproq kabi sochilgandi kim?
O‘sha men edim-ku, o‘sha men edim.

Bog‘da gullar terding avaylab asta
Nogoh qo‘llaringga sanchildi tikan.
Nozik qo‘ling bilan sug‘urding uni
Deding “Shunday gulda tikan bor ekan”.
Senga talpingandi shu tikan, gulim,
O‘sha men edim-ku, o‘sha men edim.

So‘ng qaytding uyingga o‘y surib sokin,
Deraza yoniga qo‘yding gullarni.
Tin olmoq dardida cho‘kding to‘shakka
Va yig‘lab o‘qiding “O‘tkan kunlar”ni.
Kimnidir o‘ylading, ko‘zlari sim-sim,
O‘sha men edim-ku, o‘sha men edim.

👉 @xurshidabdurashid

* * *
Қуёш қамашмасин қароқларингдан,
тутилмасин қошинг қасдига қамар,
гулгун юзларингни кўриб гулларим
сўлмасин ўзин хор сезиб, бесамар.

Гўзалларни рашкнинг ўтига солма,
уларнинг севгисин асра, майлими,
қайсики ҳаётга андармон юрган
минг-минг Қайсни тағин Мажнун айлама.

Ошиқиб ошиқлар сонин оширма,
мени-да бир мушкул савдога қўйма.
Чиқма остонангдан бир қадам нари,
чиқма – оламни ҳам ғавғога қўйма.

© Икром ИСКАНДАР

@sherSehri

#фахр
АБДУҚОДИР

Англиянинг “Манчестер-Сити” футбол клуби ҳимоячиси Абдуқодир Ҳусановга

Оламда нима гаплар,
Бўлмоқда нелар содир?
Ким юртидан жудо, ким
Тинчликдан мосуводир.
Фалак ҳам бўлди гўё
Таҳлика узра чодир,
Шукрким, биз томонда
Эртадан йўқ ҳавотир,
Рақиблар тўп йўқотди,
Тўп билан — Абдуқодир!

Гоҳида ғолиб келдик,
Арабу ажам билан,
Баъзида нолиб келдик,
Ғазабу алам билан,
Минг йиллар олиб келдик,
Дунёни қалам билан,
Даҳолар авлодлари,
Майдонда ҳам даҳодир,
Энди сен оламни ол,
Тўп билан Абдуқодир!

Футболда омад деган,
Бизларга кўп келмади,
Бошга не кунлар келди,
Оёққа тўп келмади,
Термамиз Мундиалда,
Музқаймоқ еб келмади,
Зарбангда ўшал аччиқ,
Армонлар заҳри жодир,
Йўл очгил Жаҳон сари,
Тўп билан Абдуқодир!

Кун келар, мухлисларинг,
Булоқдек қайнагайлар,
“Мазги”ни ўйнаганлар,
Лазгига ўйнагайлар...
Ўзбекни “чайнаганлар”
Қалампир чайнагайлар!
Август-сентябргача
Энди бамайлихотир,
Куйдиргин душманларни,
Тўп билан Абдуқодир!

Майдонда химоячи,
Юртингга эса қалқон,
Сендайлар ёв босганда,
Тоғларни қилар талқон,
Демишлар шаҳзодалар,
Ўзбекни учқур ўғлон,
Элу юрт, шону шавкат
Ҳам ғурур бебаҳодир,
Уларни ҳеч алишма,
Тўп билан Абдуқодир!

Шаънимиз олам аро,
Топмоқда кўрк, янгидан,
Ўғлонлар сабаб қаддин,
Тутмоқда юрт, янгидан,
Футболда ҳам ўтамиз,
Олмону фарангидан,
Ўсмоқда бу диёрда,
Ҳали минг-минг баҳодир,
Сен ғайрат бер ёшларга,
Тўп билан Абдуқодир!

©️Ғайрат Шералиев

@sherSehri

#tavallud

24-yanvar – shoir Najmiddin Ermatov tavallud topgan kun!

Hayronman kim-kimga otayapti oʻq,
Na oʻqni toʻxtatdim na boʻldim qalqon
Kecha oʻrasiga berkingan askar.
Bugun “tirikman” deb boʻlsa qahramon.

Hayronman ne uchun haq demas tilim,
Yoki oʻchirdimmi dildagi choʻgʻni,
Nega koʻnayapman haqsizlikka jim,
Menga bir qaranglar oʻlganim yoʻqmi.

Yoshlikjurnali.uz
@yoshlikjurnali

MAQOLNI YASHAGAN CHOL

Umri maqollarga ishonish
va bo‘ysunish bilan o‘tgan chol
Xalq bekorga gapirmas deya,
ter to‘kardi erta-kech. Halol.
O‘ylardiki, bir kunmas bir kun
rohat bo‘lar mehnatning tagi.
Isbotini topgan har holda,
mingyillik gap, emas kechagi.
Butun umr tinmay ishladi,
biri ikki bo‘lmasa ham u.
Ishonardi, bir kun baribir
mehnat izi rohat bo‘lar-ku.
Bolalari yetdi voyaga,
elga qo‘shdi, hech kam qilmadi.
Mehnatdan chol tolmadi aslo
ammo rohat hamon kelmadi.
Yer choparkan bir kun nogahon,
joni og‘rib, yotib qoldi chol.
Ko‘p yotmadi, ketdi dunyodan –
yolg‘on bo‘lib chiqdi u maqol.

👉 @xurshidabdurashid

KECHKI YO’QLAMA
Islomjon Qo’chqorov she’ri

…Quloqda qo’rg’oshin misol o’gitlar,
Dilda qasam, taqdir asiz boshida.
“Tizzasi yo’q” mardlar, turkiy yigitlar,
Tik turib uzildi Vatan qoshida!

Vatan tinchligi yo‘lida jon fido qilgan va bugun ham fidoyilik bilan xizmat qilayotgan Vatan himoyachilaridan minnatdormiz! Daxlsiz chegaralar va tinchlik uchun tashakkur!
—————————
Telegram kanallarimiz:
@erkinbozorovv
@islomjon_ijodi
@muinzoda

Facebook / Instagram / Youtube

***

Ko‘zyoshlar mavzusi eskirib qoldi,
boshlanar lahzada ayriliq darsi.
Xuddi har galgidek ketishing oldi
biror kalima ayt, vidoga qarshi.

Garchi to‘xtamagay beshafqat umr,
shovullab kunlarni qumday to‘kadi.
Vasling ko‘zni yumib ochgulik zumdir,
ko‘zlaring selida ko‘nglim cho‘kadi.

Yirtilar muhabbat varaqalari,
sochlar qo‘l izidan bo‘ladi xalos.
Seni ko‘p sevardim haddan tashqari,
bilmam, bu ayriliq kimdan iqtibos?

Hijronga birinchi qadam tashlaysan,
ketasan, ruhimda sokin bir ahvol.
Nega tushlarimga kira boshlaysan,
mening hayotimga kirmagan ayol!

👉 @xurshidabdurashid

"ҲАЗРАТИ ИШҚ" КЕЛДИ

Mansur Jumayevнинг "Ҳазрати ишқ" китобини қайта нашр эттирдик. Уларни бугун босмахонадан олиб келдик. Кимга керак бўлса ёзинг.

Китоб “Микрокредитбанк” ҳомийлигида “Чиғаноқ” лойиҳаси доирасида “Ижод нашр” нашриётида чоп этилганди.

Сиз ҳам ўз китобингизни олиб кетинг.

Телеграм каналда жойлашув манзилини бераман.

Китоб олмоқчи бўлсангиз, шу ердан ё шахсийга ёзинг. Ушбу рақамга қўнғироқ қилинг: +998909967125.

Китоб нархи 100 000 сўм.

Буюртма беринг.

Эълонни улашинг!

Фозил Фарҳод

👉 https://t.me/fozilfarhod 👈

YOLGʻON ZARUR

Qorning och-u, ko‘rkam shaharda
Sim qoqqanda onang nogahon.
Shunda biroz yolg‘on zarurdir:
Demoq uchun: «To‘qman, onajon!»

Qarar ekan umidbaxsh ko‘z-la,
Sevgilingdan sen ketar chog‘da.
Shunda yolg‘on naqadar zarur
Qaytib kelaman deb aytmoqqa.

Ishonmasang do‘stlaringga ham
Manfaatin qo‘ysalar ustun.
Biror yolg‘on o‘ylab top, tamom,
Do‘st maqomin saqlamoq uchun.

Bizni axir qanday cho‘chitar
Bor vijdonning elas izlari.
Hadik solar shoir aytganday,
Haqiqatning mudhish ko‘zlari.

Kun ko‘ramiz shu yolg‘on bilan
Haqiqatni yamlamay yutib.
Vatanni ham aldab sevamiz,
Aldovlarga mukofot kutib.

Men ham goho tonsam rost so‘zdan,
Yolg‘onchi deb bosmangiz muhr.
Aldanib ham baxtlidir inson,
Baxtga yolg‘on naqadar zarur...

👉 @xurshidabdurashid

ICHIMDA TUN IZGʻIR

Ichimga ming bitta sham yoqib qo‘ydim
ammo yorishmadi ko‘ksimdagi uy.

Mening tomirlarim oralab,
qon o‘rniga oqayotgan tun,
seni yaxshi ko‘raman.
Qorong‘u bo‘lsang ham yorug‘likdaysan.

Sen qaro tun kabi, tun sening kabi,
baxtini yopinib uxlayotganim.
Men baxtingning chegarasiga
sayoq kimsa kabi borib kelaman.

Ichimda tun izg‘ir, ichimda zulmat,
mayli, ne bo‘lsa ham o‘sha o‘zing bo‘l.

👉 @xurshidabdurashid

Кимга "Хавотир" керак?

Шоир Акмал Тошнинг "Хавотир" китобидан ким олади? Менда ундан 100 дона бор. Шошинг, тезда тугаб қолиши мумкин. Алоқага чиқинг.

Эртага, 17 январ куни соат 16:00да Ўзбекистон Миллий кутубхонасида Акмал Тошнинг ўзи кўрмаган "Хавотир" китоби тақдимоти ҳам бўлиб ўтади. Тақдимотга бориш эсдан чиқмасин.

Фозил Фарҳод

YUVOSH

Jindek yuvosh edi, “xo‘p” derdi faqat,
Birovga aqalli qaramasdi tik.
Boshini biror kim ko‘kda ko‘rmagan
Hamisha egik...

Beozor edi u dilozorlarga,
Otmasdi va zinhor ta’na toshini.
Shundanmi ololmay sarsondir endi
Oyoqlar ostida qolgan boshini...

👉 @xurshidabdurashid

SEN VA TOGʻLAR

Tog‘larning sukuti
va sening sukuting
orasida
birgina farq bor:
seniki mulzamlikka o‘xshagan
holdir,
tog‘niki – viqor...

Faqat jimlik deb qarasa,
sening jimligingga
o‘xshar
daraxtlarning jimligi,
ammo ular gullashdan umidvor
ularning yodida bordir kimligi...

👉 @xurshidabdurashid

Insonga azizdir talpingan joyi

Dushman tanlamaydi zamon yo makon,
Mudom sergak boʻlmoq har inson burchi.
Har bir er yurak Alp, Rustami doston,
Har bir qiz ruhida yashaydi Barchin.
Jasur jangchi qizlar, jasur oʻgʻlonlar
Maktabi erursan, milliy armiyam.
 
Qoʻlda qurol, dilda Vatanga mehr,
Askar jondan kechar, ontdankechmaydi,
Xalqni oila kabi avaylar, qoʻrir,
Ofitser shunchaki qasam ichmaydi.
Beshikda ulgʻayar Sohibqironlar,
Hamisha yovqursan, milliy armiyam.
 
Qonda boʻlmasa gar bekor, deydilar,
Oʻzbekning ajdodi oʻtgan kurashib.
Keragida erk-chun jonin qiydilar,
Gʻanimni yengdilar mudom birlashib.
Qoʻrquv yoʻq, xatar yoʻq oqshomutonglar,
Posbonga gʻurursan, milliy armiyam.
 
Kimdir yovqarasa qoni qaynaydi,
Yurtga tosh otganni sogʻ qoʻymas doim.
Asraydi, jonidan koʻp avaylaydi —
Insonga azizdir talpingan joyi.
Senda boʻy choʻzmishdir necha nihollar,
Senki jontomirsan, milliy armiyam.

©️Yulduz Òrmonova

@sherSehri

Bag‘ring alvon bo‘ldi, ko‘ksing-chi oppoq,
Noming dildan o‘chmas bir sha’n bo‘libdi.
Sharaf qoning bilan poklangan tuproq,
Bugun shunday ulug‘ Vatan bo‘libdi!

Vatan tinchligi yo‘lida jon fido qilgan va bugun har bir sohada fidoyilik bilan xizmat qilayotgan har bir yurt o‘g‘lonidan minnatdormiz! Daxlsiz chegaralar, osuda zamin va tinchlik uchun tashakkur!

Oyina.uz Vatan himoyasi yoʻlida qahramonlarcha halok boʻlgan millatning mard yigitlarini yodga oladi!

Full HD: https://youtu.be/WX1tdIIHLbI

Rasmiy sahifalarimiz👇

Telegram | Instagram | X | YouTube

BIR YOQDA
Najmiddin ERMATOV she’ri

Musiqa muallifi: Odina Abdulhayeva

Telegram kanallarimiz:
@erkinbozorovv

@Najmiddin_Ermatov

Facebook / Instagram / Youtube

КЕЧИРАСИЗ

Кечирасиз, хоним, ухлолмаяпсиз,
юрагингиз оғридими, ёки кўзингиз?
интиҳоси йўқ орзулар бўлса ўйланг,
ёки умидни вақтида узингиз.
Аммо бир гапни айтай,
сиз гўзалсиз ниҳоятда,
ниҳоятда самимий,
жавоб ҳам бермайсиз, сезяпман,
йиғлаяпсиз, ўзингиздан ўзингиз.

👉 @xurshidabdurashid

***

Билмадим, ҳар ҳолда
кеча соатим
сенинг ташрифингдан турарди интиқ.
Сен-ку келмадинг,
сен,
келмади ҳеч ким,
фақат оғир келди бу келмаслигинг.

👉 @xurshidabdurashid

ГУЛ

У ойдин кечада орзуларининг
устига ўзини ташлайди.
Ҳислари атиргул ғунчаларидай
бирма-бир очила бошлайди.
Хаёлин эшигин чертади,
на аччиқ изтироб, на алам,
Шу лаҳза дунёдан холи у,
ўзи ҳам гул Унинг, ўзи ҳам...

👉 @xurshidabdurashid

Ertangi taqdimotimiz Milliy Gvardiya Ma’naviyat va ma’rifat markazi binosida boʻlib oʻtadi.

Kirish rasmdagi binoning orqa tomonidan.

Lokatsiya

💥 Yaqinroq keling! Uzoq kutilgan yil hodisasi - "Izlam-2" taqdimotiga oz fursat qoldi!

Kelmasangiz nimalardan bebahra qolishingizni bilasizmi? 🤫

— ijodkorlarning o‘zlari tomonidan o‘qiladigan she’r va monologlarni tinglash;
— mualliflardan maxsus dasxatlar olish;
— "Izlam" kitoblarini xarid qilish;

Demak, 11-yanvar (shanba) 11:00 da ko‘rishamiz! Boshqa rejalaringizni ortga surib turing😊

Manzil: Alisher Navoiy ko‘chasi, Qashg‘ar mavzesi 9A
👉 Joylashuv | Mo‘ljal: Hyatt Regency mehmonxonasi

📘 @akademnashr

📌Maktabgacha va maktab taʼlimi vazirligi muassisligidagi gazeta va jurnallarning rasmiy telegram kanallari bilan tanishing:

📱"Ma'rifat" gazetasi: https://t.me/marifatziyo

📱"Учитель Узбекистана" gazetasi: https://t.me/teacherofUzbekistan

📱"Til va adabiyot ta'limi" jurnali: https://t.me/TAT_jurnal

📱"Boshlangʻich ta'lim" jurnali: https://t.me/BT1992

📱 "Xalq ta'limi" jurnali: https://t.me/xalq_talimi_jurnali

📱"Tong yulduzi" gazetasi: @tongyulduz

📱"Gulxan" jurnali: @gulxanjurnali @gulxan_uzb

📱"Gʻuncha" jurnali: @Guncha_jurnali

📱"Кlass" gazetasi: @klassgazeta



📱 Telegram     📱 Instagram
📱 Facebook    📱 Mobil ilova

🔥#ТАНЛОВ🔥

🔊 Ҳомийларимиз томонидан Мансур Жумаев шеърлари асосида «Шеър ва тасвир» 📹 🎤 🎹 энг яхши видеоролик танлови эълон қилинади.

🥇 Наврўз кунларида
битта биринчи ўрин

💵 1 200 000 сўм;

🥈🥈 иккита иккинчи ўрин

💷 700 000 сўмдан;

🥉🥉🥉 учта учинчи ўрин ҳар бири

💶 550 000 сўм билан;

🥇 ижтимоий тармоқлар (Тelegram, Facebook, Instagram ва YouTobe...)да энг кўп улашилган ва лайк йиққан видео

💶 350 000 сўм билан;

ва бу ҳаммаси эмас, яна уларнинг ҳар бири муаллифнинг янги нашр этилган китоби билан тақдирланади;

Ва бу ҳам ҳали ҳаммаси эмас: яна тўртта рағбатлантирувчи ўрин эгалари «Аkademnashr» нашриёти чоп этган «Излам» тўпламлари билан тақдирланади...

👉 Видеороликларни @Mansur_Jumayev телеграм манзилига юборасиз;

✅ танлов эълони ва видеороликларингизни ижтимоий тармоқлардаги саҳифаларингизда #шеър_ва_тасвир ҳештеги остида жойлаб бизни белгилайсиз.

Видеороликлар «Мансур Жумаев шеърлари» телеграм манзилида эълон қилиб борилади.

Ташкилотчилар томонидан энг яхши деб топилган ҳамда 👉 t.me/Mansur_Jumayev телеграм каналида энг кўп муносабат лайк 👍 йиққан видеороликлар ғолиб деб топилади.

Барчангизни Ўзбекистон ҳалқ шоири Усмон Азим ижодидан баҳра олишга https://t.me/UsmonAzimijodi га таклиф этамиз.

"Dadamga deganim"

Turkonning allasin koʻrdim,
Turonning yallasin koʻrdim.
Sherlar narasinimas
Sirtlonlar galasin koʻrdim.

Qushlari janubga uchgan
Tushlari bodalar ichgan.
Haqiqat qidirgan odamning
Hushlari tavbalar quchgan.

Haqiqat - devorga ildim,
Adolat – devorga ildim.
Shoqollar sirtmoq tutar
Bu elni taqdirin bildim.
Bu elni taqdirin bildim!

Gadoga tekkani qusur,
Qayerdan boshlanar huzur.
Isyonni ichga yutishni
Avvaldan bilmabman, uzr.
Quldorning yo‘rig‘i - qullik
Maqtagan boliga qulluq.
Tilini tishlagan el-u
Vatanning holiga qulluq!

Vatanning holiga qulluq!

© Nilufar

@Nilufar_Ergasheva

* * *
Шароблар ичилди, хум қолди, жоним,
Денгизлар қуриди, қум қолди, жоним.
Асрлар яшалди, фақат ёдимда
Сен билан ўтган бир зум қолди, жоним.

Агарчи ичимда вулқоним тирик,
Агарчи тилимда қалқоним тирик,
Валекин оғзимда талқоним тирик,
Валекин тишимда мум қолди, жоним.

Бошимдан ўтдилар фалокатларим,
Туғилиш, уйғониш, ҳалокатларим,
Хоразмий хатларим, суғдий хатларим...
“Дол”у “зол”, “лом” билан “мим” қолди, жоним.

Нобино кўрларим бинодай ўтди,
Синодай зўрларим Синодай ўтди,
Бир ярим соатлик кинодай ўтди...
Топинмоғим учун ким қолди, жоним?!

Саволми, жавобми бўйла боқишинг,
Муғнинг роҳибидай олов ёқишинг?..
Жавоб бермасанг ҳам майли, хоҳишинг,
Сендан катталар ҳам жим қолди, жоним.

Шароблар ичилди, хум қолди, жоним,
Денгизлар қуриди, қум қолди, жоним.
Асрлар яшалди, фақат ёдимда
Сен билан ўтган бир зум қолди, жоним.

2023 йил 5 февраль

Рассом: Акмал Нур.

#Top_100

Izohlarda yozib qoldiring, siz kimning ijodini ko‘proq kuzatasiz?

1. Azizbek Norov – @kitob_xiyoboni
2. Aziz Said – @vaqt_manzili
3. Alisher Fayzullayev – @perezagruzka_2021
4. Alisher Sabriy – @aruz_arzi
5. Ahmad A’zam – @ahmadazam_lib
6. Abdulaziz Ahmad – @Ijoddardi
7. Abdulla Chimirzayev – @Abdulla_Chimirzayev
8. Bahodir Bahrom – @eng_suluv_armon
9. Bahodir Iskandarov – @BahodirIskandarov
10. Bayram Ali – @BeshinchiTomon
11. Behzod Fazliddin – @Behzod_Fazliddin
12. Bek ALI – @bek_ali_ijodi
13. Bobur Elmurod – @Bobur_Elmurod
14. Botirjon Ergashev – @Botirjon_Ergashev
15. Davron Rajab – @Davron_rajab
16. Dilshod Rajab – @dilshod_rajab_ijodi
17. Dilafruz Choriyeva – @Dilafruz_Choriyeva
18. Dadaxon Muhammadiy – @dadaxonmuhammadiy
19. Do‘stbek Sulaymonov – @nasr_uz
20. Dilmurod Do‘st – @Dil_Dost
21. Erkin A’zam – @e_azam
22. Eshqobil Shukur – @Eshqobil_Shukur_ijodi
23. Elyor Murod – @elyormurodfan
24. Erkin Bozorov – @erkinbozorovv
25. Faxriyor – @fahriyor_poet
26. Faxriddin Hayit – @faxriddinhayit
27. Furqat Alimardon – @f_alimardonqoralamalari
28. Feruza Xayrullayeva – @FeruzaXayrullayeva
29. Guljamol Asqarova – @Guljamol_Asqarova
30. Gulnoz Mo‘minova – @dil_siniqlari
31. G‘ayrat Majid – @gayratmajidijodiykanali
32. Gulhayo Anorova – @GulhayoAVRON
33. Gulrux Xudoyorova – @Gulrux_Xudoyorova_ijodi
34. Halima Ahmad – @halima_ahmad
35. Husan Karvonli – @karvonli
36. Humoyun Fattoh – @humoyunfattoh
37. Iqbol Mirzo – @Iqbol_Mirzo_ijodi
38. Ikrom Iskandar – @Ikrom_Iskandar_ijodi
39. Islomjon Qo‘chqorov – @islomjon_ijodi
40. Islom Ali – @IslomAli_shoir
41. Jaloliddin Sayyid – @jaloliddinsayid
42. Javlon Jovliyev – @javlonjovliyev
43. Jontemir – @jontemir_t
44. Jo‘rabek Jahon – @j_jahon_ijodi
45. Jumanazar Yo‘ldosh – @Jumanazar_Yuldash
46. Karimberdi To‘ramurod – @karimberdi60
47. Kumush O‘sarova – @Oykumushingiz
48. Kumush Abdusalomova – @kumush_abdusalomova
49. Masihulloh (Madaminov) – @Masihulloh
50. Madina Norchayeva – @Madina_Norchayeva
51. Ma’mura Zohidova – @Mamurazohid
52. Murod Muhammad Do‘st – @lolazor_MMD
53. Muhammad Siddiq – @Muhammad_Siddiq
54. Mirzohid – @bobil_kutubxonasi
55. Mehrinoz Abbosova – @mehrnoz_abbos
56. MohiRa – @Altruistning_qizi
57. Muhiddin Nido – @qora_yigit
58. Nargiza Asad – @Nargiza_Asad
59. Najmiddin Ermatov – @Najmiddin_Ermatov
60. Navoiylik Alisher – (Boymurodov) @NavoiylikALISHER1
61. Nasurullo Ergash – @xayol_soyasi
62. Nodirjon Uzoq – @n_jonuzoq
63. Nosirjon Jo‘rayev – @Nosirjon_Jorayev
64. Nodirabegim Ibrohimova – @mittihaqiqatlar
65. Nozima Habibullayeva – @Nozima_Habibullayeva
66. Nargiza Odinayeva – @Nargiza_Odinayeva_ijodi
67. Nurmuhammad Abduzoir – @Nurmuhammad_Abduzoir
68. Orif To‘xtash – @Orif_Toxtash_ijodi
69. Oydinniso – @Oydinniso_Yuldosheva
70. Orif Tolib – @oriftolib
71. O‘lmasbek Samarqandiy – @Samarqandiy77
72. Raxshona Ahmedova – @RaxshonaAhmedova
73. Rahmat Bobojon – @Rahmat_Bobojon
74. Rashid Xo‘jamov – @R_Xojamov
75. Rustam Mirvohid – @Rustam_MIRVOKHID
76. Sanjar Toshbekov – @sanjar_toshbekov
77. Salim Ashur – @SalimAshur
78. Salomat Vafo – @vafosalomat
79. Sobir O‘nar – @sobir_unar_ijodi
80. Sirojiddin Sayyid – @sirojiddinsayyid
81. Sirojiddin Rauf – @SirojiddinRauf
82. Suhrob Ziyo – @suhrob_ziyo1
83. Sitorabonu Shomurodova – @sitorabonu_audiolar
84. Sevara Alijonova – @sevara_alijonova
85. Shodmonqul Salom – @Shodmonqul_SALOM
86. Shuhrat Orif – @shomuz
87. Sherzod Komil Halil – @Sherzodkomilkhalil
88. Shahriyor Shavkat – @shahriyor_shavkat
89. Shohsanam Nishonova – @Shohsanam_Nishonova
90. Shodiqul Hamro – @shodiqul_hamro_ijodi
91. Shodi Otamurod – @Shodi_Otamurod
92. Tillaniso Nuryog‘du – (Eshboyeva) @TillanisoEN
93. Usmon Azim – @usmon_azim
94. Ulug'bek Hamdam – @UlugbekHamdamijodi
95. Quddus Asad – @Quddus_Asad_sahifasi
96. Vafo Fayzulloh – @Vafo_Fayzulloh
97. Vohid Luqmon – @mujdauz
98. Xurshid Davron – @xurshiddavronkutubxonasi
99. Xosiyat Rustamova – @xosiyat_rustamova
100. Xurshid Abdurashid – @xurshidabdurashid

🔥#1

Turkiston mushoirasi | Dilmurod Doʻst

• Choʻlponning “Vijdon erki” sheʼri
• “Millatim iymondir...”
• “Manzil”

Ushbu yangi loyihamizning keyingi sonlarida kimlardan sheʼr tinglashni istaysiz?
Bu yerga yozing.

✅Jadid.uz’ga obuna bo‘ling

#Yangi_yil_ilhomlari #Tuyuqlar

* * *
O’z yerimga — osmonimga boshla, ko’ngil,
Devorlarga yorildim ko’p bosh-la, ko’ngil.
Bu hayotning bergani pand, olgani qasd,
Men tugadim. Sen yashashni boshla, ko’ngil.

* * *
Zarbi bitmas, netay yurak bosqonimni,*
Garchi bilgay o'zni qancha bosqonimni.
Jangchi hanjariday boʻlsin shakli ruhim,
Ay bosqonim, koʻksim qonar, bos qonimni.

* Bosqon — temirchining qizib turgan temirga urib shakl beradigan ish quroli.

* * *
Yaqinlardan kelgan shikast bitmaydi hech,
Seni bitirsa ham mehr bitmaydi hech.
Dunyo yaralgandan necha koʻshklar bitmish,
Hargiz bitta sabr koʻshki bitmaydi hech.

* * *
Boqdim, taqdir ko'p yog‘inlar taqamish —
Otning tuyog‘ida zangin taqamish.
Bitta ko'zyosh chiritsa ham tovonin,
Chopqir ruhin egolmas ming taqamish.*

* Taqamish — tamoman yengilmagan dushmanni holdan toydirish maqsadida olib boriladigan jang.

* * *
Vafo degani kutganimdan kelmadi sira,
Hatto o’lim maftun aylab o’tdi ora-sira.
Sobit qolgan faqat nechun degan sir qoldi,
Bilsam yetgan kimsa yo’qkan bu qadim sira.

* * *
Koʻksim yordim garchi kiymay sabr otliq sovutginani,
Ey dahri dun, yashash oʻtin alangalat, sovut ginani.
Qay dildaki yurtga, yorga muhabbat bor, oʻtqalagin,
Qay dildaki adovat bor sovutgin ani! Sovutgin ani!

Yulduz Oʻrmonova

@sherSehri

“Soʻrov“

🎙️ Najmiddin Ermatov

📘 @akademnashr

* * *
Соат чиқиллайди.
Тунги бир.
Эшик тақиллайди:
- Қани, кир!?
Бир бир босиб,
Ёна ва ёна
Ёнбошимга келиб турар.
Дўстлик баҳона,
Ўпка тўлдирар:
- Келмади...
Кейин,
Узоқ-узоқ ўйга толади.
Кейин...
Ухлаб қолади.
Мени ухлатиб,
Саҳар уйғониб,
Қайларгадир кетиб қолади.
У менинг ширин ўйларимни олиб,
Кимдандир нолиб,
Қайгадир йўқолади.
У, менинг қаҳрамоним,
Ўн олтида...
Ҳали кўп ўртанади жони.
Ҳали кўп...
Ҳали кўп кутишлар бор олдида.
Соат чиқиллайди.
Тунги бир.
Эшик тақиллайди:
- Қани, кир...
Бир-бир босиб,
Мастона-мастона,
Рўпарамга келиб ўтирар.
Лабининг қизили юзига кўчган, -
Лабининг қизили ўчган.
- Келди!!!
Лабида табассум ўйнайди.
Нимадир ўйлайди,
Кейин...
Ухлаб қолади.
У саҳар уйғонади:
Ширин ўйларимни олиб,
Қайгадир йўқолади.
У менинг қаҳрамоним.
Ҳали кўп ўртанади жони.
Ҳали кўп...
Ҳали кўп кутишлар бор олдинда.
Ҳали у
Ўн олтида.

© Чўлпон ЭРГАШ
1964

49 ДОНА "ҲАЗРАТИ ИШҚ" ҚОЛДИ

Кечаги ҳисоботдан сўнг яна 11 дона китоб сотилди. Энди 49 та қолди китоб. Менимча, халқимиз китобхон, икки кун ичида китобларнинг ҳаммасини сотиб олади.

Китоб “Микрокредитбанк” ҳомийлигида “Чиғаноқ” лойиҳаси доирасида “Ижод нашр” нашриётида чоп этилган. Ҳисса қўшганларга раҳмат!

Китоб олмоқчи бўлсангиз, шу ердан ё шахсийга ёзинг. Ушбу рақамга қўнғироқ қилинг: +998909967125.

Эълонни улашинг!

Китоб нархи 100 000 сўм. Аммо кимошди савдосига ўхшаб уни 150 000 сўм, 500 000 сўм, 1 000 000 сўм, 1 200 000 сўмга сотиб олаётганларам бор.

Шоирнинг қалам ҳақига берилган китоблар бу. Янги йилгача  ҳаммасини сотиб, пулларни эгаларига топширамиз. Ниятимизга етишимиз учун 49 дона китоблик масофа қолди! Бу масофани биргаликда босиб ўтамиз, насиб этса!

Эскартма: Sattarova Surayyo 4 дона китоб олдилар. Хайрли бўлсин!

Фозил Фарҳод

👉 https://t.me/fozilfarhod 👈

"ҲАЗРАТИ ИШҚ" ИШҚИДА ЯШАЯПМАН

Китоб сотиб маза қиляпман! Ўтирсам ҳам, турсам ҳам, чой ичсам ҳам, юрсам ҳам хаёлим "Ҳазрати ишқ" билан банд. Хуллас, "Ҳазрати ишқ" ишқида яшаяпман!

Бугун Мансур Жумаевнинг "Ҳазрати ишқ" китобидан 20 дона сотдим. "Микрокредитбанк" матбуот котиби Сарвар Очилов яна 20 дона ҳадя қилди. Хуллас, охирги ҳисоб-китобимга кўра, бизда 60 дона китоб қолди.

Китоб “Микрокредитбанк” ҳомийлигида “Чиғаноқ” лойиҳаси доирасида “Ижод нашр” нашриётида чоп этилган. Ҳисса қўшганларга раҳмат!

Китоб олмоқчи бўлсангиз, шу ердан ё шахсийга ёзинг. Ушбу рақамга қўнғироқ қилинг: +998909967125.

Эълонни улашинг!

Китоб нархи 100 000 сўм бўлса-да, аммо кимошди савдосидагидай уни қимматга олаётганларам бор. Харидорнинг ҳимматига боғлиқ бу.

Шоирнинг қалам ҳақига берилган китоблар эди бу. Янги йилгача 60 дона китобни сотиб, пулларни эгаларига топширамиз. Ниятимизга етишимиз учун 60 дона китоблик масофа қолди! Бу масофани биргаликда босиб ўтайлик, дўстлар!

Фозил Фарҳод

👉 https://t.me/fozilfarhod 👈

БУГУН БАРАКАЛИ КУН БЎЛДИ

Бугун Мансур Жумаевнинг "Ҳазрати ишқ" китобининг биттасини биров 1 000 000 сўмга сотиб олди, униям қайтиб берди.

Яна биров 1 200 000 сўмга бир дона китоб олди.

Яна 100 000 сўмдан 10 дона китоб сотдим.

Китобнинг ҳамма пули 20 960 000 сўм бўлди.

Бор-йўғи 53 та китоб қолди.

Шошилинг, китобингизни олиб кетинг!

Пластикка китоб учун пул ўтказиб, уни олиб кетмаганлар, менга эслатинг, илтимос. Адашмаслигим керак.

Китоб олмоқчи бўлсангиз, шу ердан ё шахсийга ёзинг. Ушбу рақамга қўнғироқ қилинг: +998909967125.

Китоб “Чиғаноқ” лойиҳаси доирасида “Микрокредитбанк” ҳомийлигида “Ижод нашр” нашриётида чоп этилди.

Эълонни улашинг!

Китоб нархи 100 000 сўм бўлса-да, аммо кимошди савдосидагидай уни қимматга олиб олаётганларам бўляпти. Харидорнинг ҳимматига боғлиқ бу.

Шоирнинг қалам ҳақига берилган китоблар эди бу. Янги йилгача 53 дона китобни сотиб, пулларни яқинларига топширамиз. Ниятимизга етишимиз учун 53 дона китоблик масофа қолди.

Шошилинг!

Фозил Фарҳод

👉 https://t.me/fozilfarhod 👈

* * *

Заминнинг тилини боғлайди
Кузакда адашган мезонлар.
Дарахтлар кўнглини доғлайди
Тўкилган япроқлар - сўзона.
Базм этмиш
Бўзимда чилтонлар,
Ёр десам
Ҳавода сурати.
Кўзимда уйғонди вулқонлар
Танимда сўнгаклар
Гуллади
Денгизлар булутга чўмилди
Чақмоқни балиқлар ютгани.
Кафтимга тирик йўл кўмилди
Адашган карвонлар ўтгани.
Рангталош кунларни йиғлатдик
Машшоқнинг куйида мавж надир.
Қол дедим қадаҳни кўрсатдинг
У куҳна ғам билан тўладир.
Базм этмиш
Бўзимда чилтонлар...

https://t.me/Madina_Norchayeva

HAMDARDLIK
(Ozarbayjon uchoği halokatiga bağishlanadi)

Allohga omonat etilmish har jon,
Dilda omonatning yodi boshlandi,
Qozoq tuproğida yongan uchoqning,
Menim yuragimda dodi boshlandi.

Ozarim ozori —mening ozorim,
Portlagan uchoqday portladi zorim,
Sening-da, mening-da turk erur borim,
Turklikning yana faryodi boshlandi.

Kuylangan kuylarning kuygan qanoti,
Bir kun Turk böladi dunyoning oti,
Ungacha, qardoshim, tik tut saboti,
Endi xayol qurmoq choği boshlandi.

Sizga salom bölsin, ey shahid jonlar,
Örtaga chiqqanda sirlar, ayonlar,
Bizniki böladi barcha osmonlar,
Yolğon saltanatlar bota boshladi.

Birlikda motam-u, bayram-töyimiz,
Yurtimiz, shahrimiz, söqoq, köyimiz,
Tilimiz, sözimiz, xayol, öyimiz:
Orzuning she'rda bunyodi boshlandi.

Suhrob ZIYO.

26.12.2024.
Baku — Lankaron

t.me/suhrob_ziyo1

Bir kunmas bir kuni boʻlolsang inson –
Inson topiladi bir kunmas bir kun...

Mansur Jumayev sheʼri

@katarsis_kundalik

Ошиқиб ошиқлар сонин оширма,
мени-да бир мушкул савдога қўйма.
Чиқма остонангдан бир қадам нари,
чиқма – оламни ҳам ғавғога қўйма.

© Икром ИСКАНДАР

​​ҲАПҚИРИҚ

               Дўстим Мансур
              Жумаев хотирасига

Шошма, вақт, дуосиз ўзгармас тақдир!
Кўз — сувга олинган, хаёлим — гилда.
Тўхта! Дўстим қолиб кетмоқда, ахир.
Икки минг
             йигирма
                           тўртинчи
                                          йилда.


@Alibek_Anvariy


ИЗОҲ:  Мазкур сурат 2024 йил, 5 июн куни Андижон шаҳрида олинган. Ўшанда Мансуржон бир автобус йигит-қизга бош бўлиб аллақандай издиҳомга келган экан. Водийнинг бир шаҳрида эканимиз маълум бўлгач кўришамизга тушдик. Ҳамроҳим — шоир Нурмуҳаммад Азиз — рўлда, икков шошиб кетяпмиз... Ҳилла улгурдик. Мансуржон ўт олиб, жўнашга ҳозир автобусдан тезда тушиб, қулочларини кенг ёйиб, бағрини очиб биз томон юриб келди... Дўстимни бағримга босарканман, автобус деразаларидан бизга қараб турган нигоҳларга бир-бир кўзим тушаркан: "Тез кетинг! Шунча олам кутиб турибди!", — дедим. Тезда ҳол-аҳвол сўрашдик. Орқайин кўришишни ният қилдик. Шу орада одатимга зид равишда ўзимизни суратга ҳам олдим негадир. Ҳаммаси кўз очиб-юмгунча содир бўлди... Ўшанда Мансуржон билан сўнгги марта кўришиб турганимизни билмас эдик...

ҲИЖРОН ҲАҚИДА ҚЎШИҚ

Саҳрода ёлғиз дарахт,
Баргсиз шохларида қушнинг уяси,
(Тухумларин еб кетган илон)
Ёлғиз дарахт…

Қушларнинг овози йўқдир суянса
Қушлар қайтмаётир негадир…
Чўкиб бораётир дарахт тобора.
Тобора ҳайбатли саҳро тўлқини.
Дарахт ёшлигини эслар ўкиниб.

Қушлар қайтиб келади бир кун,
Дарахт ёдларига тушади ногоҳ.
Шамоллар хўрсиниб қўяди,
Бир чайқалиб қўяди саҳро.

Дарахт чўкиб кетган бўлади
Қушлар қайтган кун…

©Farhod Arziyev

@sherSehri

​​ТО ТИРИК ЭКАНСАН КИМДИР РАНЖИЙДИ,
Кимдир кийиб олар тўнини чаппа.
Кимнидир билмасдан думин босасан,
Душманга айланар у ҳам албатта.
Бу худди кўчани ўтгандек кесиб,
Эътибор бермасдан қизил чироққа.
Кимнидир омадинг юборар эзиб,
Мардлигинг ҳам малол келар қўрқоққа.
Оғир кунларингда йўқ эди ҳамдам,
Ёлғиз ошагансан қайғу ошини.
Умринг давомида бир кун кулсанг ҳам,
Кимлардир чимириб турар қошини.
Очиғи, ўзимни қилмасман хафа,
Дилни шод этгани – май бор, газак бор.
Ё қишлоқ томонга қилурман сафар,
У ерда хотиржам мол бор, хашак бор.
У ерда жавобсиз қолган севгим бор,
У дарахт мисоли кўкка бўй чўзган.
Бечора муҳаббат дарахтини ҳам
Кимдир арралаган, япроғин узган.
Ё Ватан ҳақида куйладимми оз?
У билан боғладим умр йўлимни.
Шу ҳам ранжитади кимнидир бироз,
Жавобсиз қолдирар чўзган қўлимни.
Арази ёзилмас темурийларнинг,
Ота фарзандидан, ака укадан…
Суратин танийман қасоскор элнинг –
Отасин олдида тушмаган отдан,
Эй халқим, сен нодон ўғилми эдинг?
Ё ўғлин устига қўшин тортгувчи
Дунёга ҳирс қўйган отамисан сен?
Кўплашиб Туроннинг бошини единг!
Асрлар ўтса ҳам кетмаган бу хун
Боши бирикмаган элнинг қонидан.
Қўрқаман,
Қўрқаман,
Мен наҳот бир кун
Жой оламан Улуғбекнинг ёнидан!
То тирик экансан кимдир ранжийди,
Гўрингга ғишт қалаб туради кимдир.
Дардим тушунмаган отамми менинг?
Жонимга қасд қилган
Наҳот ўғлимдир?!

Бек АЛИ
2024 йил. Декабрь.

Telegram | Facebook | Instagram| YouTube

Muborakdir

Borar boʻlsam yoningizga shodlik ila,
Vafo izlab qalbingizdan tamomila,
Faqat sizga talpinadi ushbu yurak,
Sizni deya boʻlayotir jonim halak.

Yetib kelib sevmoqlikda mening galim,
Yuragimda paydo boʻldi oʻtli oftob.
Ne boʻlsa ham quloq soling siz goʻzalim,
Muborakdir sizga oshiq, menga azob...

✍ABDUVOSIT ABDURAHIMOV

YIG’LA, TURKISTON

Yig’la, yig’la, Turkiston, yig’la, Turkiston,
Ruhsiz tanlar tebransun, yig’la, Turkiston.
Turgil, darddan jismingni sog’la, Turkiston,
Donish o’tiga bag’ring dog’la, Turkiston.
Belga himmat kamarin bog’la, Turkiston,
Ma’rifatga yetmoqni chog’la, Turkiston
Yig’la, yig’la, Turkiston, yig’la, Turkiston,
Ruhsiz tanlar tebransun, yig’la, Turkiston.

Bog’li qoldi qo’limiz vahshat domida,
Boshlar chaynalmasunmu g’aflat komida?
Ko’krak qoni ko’rundi g’urbat jomida,
Mahv o’ldi shar’ nuri bid’at shomida.
Yig’la, yig’la, Turkiston, yig’la, Turkiston,
Ruhsiz tanlar tebransun, yig’la, Turkiston.

Ko’zlar uyqudan to’ymas, doim g’aflatda,
Ne saodat ko’rmishbiz, bilmam, vahshatda,
Bo’ldik bugun sargardon dashti zillatda,
O’tar o’xshar holimiz bo’yla zulmatda.
Yig’la, yig’la, Turkiston, yig’la, Turkiston,
Ruhsiz tanlar tebransun, yig’la, Turkiston.

Maktab oching, boyonlar, bo’ling himmatli,
Bo’lsun o’qur sibyonlar oliy g’ayratli.
Shoyad bo’lsun millatga sodiq xizmatli,
Bu ko’ngullar quvonsun qolmay hasratli.
Yig’la, yig’la, Turkiston, yig’la, Turkiston,
Ruhsiz tanlar tebransun, yig’la, Turkiston.

Darig’ tutmang ilm uchun ketsa mol-u jon,
O’quv farzligi ming yo’l qur’onda farmon.
Ma’rifatsiz tonulmas ahkomi iymon,
Ilmsizga aytulmas komil musulmon.
Yig’la, yig’la, Turkiston, yig’la, Turkiston.
Ruhsiz tanlar tebransun, yig’la, Turkiston.

Mahzun Nihon ko’p og’lar millat bog’iga,
Mavsum o’tub g’aflatdan tushgan dog’iga.
Bog’bonlar boqmayur so’l-u sog’iga,
Qish kelgach so’ng netarmiz gulshan zog’iga.
Yig’la, yig’la, Turkiston, yig’la, Turkiston,
Ruhsiz tanlar tebransun, yig’la, Turkiston.

Hamza Hakimzoda Niyoziy

@sherSehri

“ҚЎРБОШИЛАР ҚЎШИҒИ" театрлаштирилган шеърий консертига масофа, вақт ва бошқа сабабларга кўра кела олмаганлар учун тўлиқ видеоси тайёр бўлибди.

https://youtu.be/uPRh_QeIFdM?si=e8atezOY7raCe6y_

Chortoq tumanidagi 22-umum-taʼlim maktabi oʻquvchilari.
"Koʻk boʻri" sheʼrini Nurbek Dehqonov ,"Joʻra " sheʼrini Nurmuhammad Rahimjonov oʻqigan.

https://t.me/Najmiddin_Ermatov

ПЕЧКА ЁҚАЁТГАН АЁЛ

Деразага урилади қор,
Ташқарида елар изғирин.
Печга ўтин қалайди аёл,
Титкилайди маҳзун хотирин.

Аёл маъюс термулар печга,
Ловуллайди ичида исён.
Нигоҳлари оловга сингар,
Тутунларга тўлади осмон.

Тонг оқариб боради секин
Ташқарида совуқ увлайди.
Қоғоз ёнар, шитирлар сокин,
Мўрилардан кўкка ўрлайди.

Тонгги уйқу элитар танни
Деразага урилар шамол.
Ва бир тутам қоғозни қўшиб
Бир-бир печда ёқади аёл.

Юзларини артиб қўяр жим,
Тиқилади бўғзига овоз.
Ловуллайди ичида исён,
Печда эса ёнади қоғоз.

Аёл қоғоз ёқар-у, кўкка
Баланд-баланд ўрлар тутуни.
Ё Худога бир ёзгани бор,
Балки Худо эшитган уни...

©️Дадахон Муҳаммадиев

@dadaxonmuhammadiy

* * *
Ўша — мени ҳеч ким соғинмаган шом
Авто бекатида ҳайрона турдим.
Бошимни кўтариб боқдим бир замон.
Қаршимда бир йигит, бир қизни кўрдим,

Йигитнинг палтоси... Йўқ, ёдимда йўқ...
Аниқ, кўм-кўк эди қизнинг палтоси.
Белларини қучган белбоғи ҳам кўк.
Ҳатто кўм-кўк эди тўртта тугмаси...

Йигитнинг кўзлари... Эслай олмайман...
Ошкор жаранглатиб пинҳон ўйини,
Қизнинг кўзларида ёқарди гулхан.
Эркалик ва ишқнинг маъсум қуюни…

Йигитнинг юзида билмайман, нима...
Аммо қизнинг юзи қаршимда аён:
Уни кўмган эди гулгун шафаққа
Муҳаббат — энг мовий покиза осмон...

Қор бўлса ёғарди, қизнинг бошидан
Кумуш тангаларни аямай сочиб,
Шамол титар эди — кўзи, қошига
Манглайига тушган бир тутам сочин.

Йигит... Йигит билан қанча ишим бор!
Аммо қиз йигитни шундай суярди.
Ки, гоҳ термуларди ҳазин, беозор,
Гоҳо қўлларини ушлаб қўярди.

Тошкентдай шаҳарда, балки дунёда
Ягона — ҳаммадан гўзал эди қиз.
Чиқмаса ҳам телба орзум рўёбга,
Бўзлаб қаршисига чўкким келди тиз!

Йигит... Аммо нега сени ўйлайман,
Ҳозир ҳам ҳавасдан музлайди этим...
Мен қорли бекатда вайрон турган шом,
Сен мендан — ҳаммадан бахтиёр эдинг.

© Усмон Азим

😊 Yilning eng eksklyuziv sheʼriy spektaklidan lavhalar!

🔥 "Mutolaa" loyihasi doirasida tashkil etilgan sheʼriy kecha kutilganidan-da ajoyib atmosfera va unutilmas voqeliklar bilan oʻtdi!

• Ushbu tadbirda yosh hamda iqtidorli shoir Najmiddin Ermatov oʻz sheʼrlari bilan barchani qoyil qoldirgan boʻlsa, dastur mehmoni aktyor Erkin Bozorov chiqishlari tadbirni yanada fayzli oʻtishiga sababchi boʻldi.

Kechamizni tashkil qilishda yaqindan yordam koʻrsatgan Alisher Navoiy nomidagi Oʻzbekiston Milliy kutubxonasi rahbariyatiga tashakkur bildiramiz.

Bizni kuzatishda davom eting👇
Telegram | Instagram | Facebook | Ilova

​​Menga nimadir yoz.
Hamon tirikman
va yashab yuribman bir ilinj bilan.
Kunlarimni asrab oʻtaman bilsang
Sen jilmayib turgan xotiralardan.
Bebaxt lahzalarning kechishi mushkul
Intiho izlayman kun-u oy osha.
Balki baxtning umri qisqaroq edi
Men yetmagan manzil — peshonanggacha.
O, kimning koʻzida koʻrindim bekam,
Yashash osonmidi ich-etimni yeb?!
Yaxshiman, deb oʻzni aldashim uchun
Menga nimadir yoz
omonmisan, deb.

© Hilola Joʻraqulova

Rasm: "SMS", Alexandro del Valle.

🎨 ZakovArt

ЎЗИМГА ТАНБЕҲ
Мутойиба дафтаридан

Бошдин баланд сакрай олмадик нуқул,
Кўп борса, бош тегди дарахт шохига.
Алишер Навоий очди бир йўлким,
Ул йўл олиб чиқур фалак тоқига.

Ў, осмон қаерда? Биз қаердамиз?
Шеъримиз қиймати азалдин маълум.
Word формат саҳфасин бўяб-бежадик,
На бошдин шох чиқди, на орқадин дум.

👉 @xurshidabdurashid

#Olis_yaqin_ovozlar

★ ★ ★

Togʻday qanot soʻradim
Qanot bermadi qushlar.
Orzu boʻlib aldadi
Ertasi yorugʻ tushlar.
Men shamol boʻlmoqchidim,
Men ohang boʻlmoqchiydim,
Labimga kulgu bosdim,
Yovmit zafarlar quchmay.

Yakun topdi bolalik
Jimirlab ketar etim.
Men bilgan ertaklarda
Qullar ozod, hur edi.
Qachon ishonib qoldim
Qachon, kimlar avradi?
Malika boʻlmoqchiydim
Urtoʻqmoqlar aldadi.

Faqat osmon oʻzgarmas,
Bir-da yomgʻir, bir-da qor.
"Oq terakmi, koʻk terak"
Dunyo degan savdo bor.
Shamol sochimdan tortar
Chalgʻitadi oʻyimdan,
Endi qayga qochaman,
Ilon chiqqan uyimdan.

Mayda-mayda tashvishlar,
Maydalashib boraman,
Ovloqda sarkash bilan,
May talashib boraman.
Qoʻlimda bobomdan tugʻ,
Qiz boshimga mardona
Siz jim yoting botirlar,
Men savashib boraman.

Turon degan Vatanni
Men talashib boraman!

Nilufar Ergasheva

Yoshlikjurnali
@yoshlikjurnali

***
Borolmayman, ishq qilingan oq,
Diydorlarda vido uxlaydi.
O'ksib-o'ksib har kecha uzoq
Tushlarimda bir qiz yig'laydi.

Idrokimda izg'ib yurar g'am,
O... qo'rqaman uxlab qolishdan.
Sho'rlik qizning ohlari har dam
Eshitilib turar bolishdan.

Kipriklarda qotadi orom,
Yuguraman zulmatlar aro.
Bilmam seni qanday haydasam
Tushlarimdan ey baxtiqaro?!

O... ko'nglimni kemirgan bu dard,
Birozgina olsa edi tin.
Olloh meni keyingi safar
Yuragimdan ayro yaratgin.

...Tushlarimda yashovchi qo'rqib
Men u qizga o'xshamaymanmi?
Ayt, taqdirga la'natlar o'qib
Tushlaringda yig'lamaymanmi?


@majnuna_mirzayeva

📣 DIQQAT! TANLOV!

📰“Jadid“ gazetasining yangi soni nashr etildi: jadid.uz/elektron-gazeta

❗️Endi siz elektron gazetani tarqatish orqali har hafta pul ishlab olishingiz mumkin. Buning uchun
1. @Jadidmedia_testbot manzilida ro‘yxatdan o‘tasiz.
2. “Referal yig‘ish” tugmasini bosasiz. Bot sizga taqdim qilgan postda tanlov haqida batafsil ma’lumot keltirilgan.

✅Jadid.uz’ga obuna bo‘ling

Menga xush xabar ayt, yolgʻon boʻlsa ham…
Dardu mashaqqatlar oʻtgaydir bari,
Oʻksima, oyoqqa turgaysan, deb ayt.
Umringning farahbaxsh, totli onlari
Hali oldindadir, koʻrgaysan, deb ayt.

Menga xush xabar ayt, yolgʻon boʻlsa ham…
Doʻstlaring bordir-ku hali dunyoda.
Seni kulfatlarda qoldirmas, deb ayt.
Yovuzlik boʻlsa ham haddan ziyoda,
Seni changaliga oldirmas, deb ayt.

Menga xush xabar ayt, yolgʻon boʻlsa ham…
Olis muhabbating soʻnmagan hamon,
To hanuz unutmay yuribdi degil.
Sargʻaygan daftarin varaqlab pinhon,
U seni tushida koʻribdi degil.

Menga xush xabar ayt, yolgʻon boʻlsa ham…

©Абдулла Орипов

@sherSehri

* * *
Men seni olomon ichida
Yarim tovushingdan taniyman.
Tomoq qirishingdan taniyman.
Ismim qadar bilgum soyangni,
Yurak urishingdan taniyman.

Sen haqingda zarra xabar ham
Hayotimga nur ulashgaydir.
Jim sevganlar chin kurashgaydir.
Kipriklarim o’tqalar olov,
Ich-ichimga cho’g’ ilashgaydir.

Adashdim ishonib gohida,
Gohida ishonmay adashdim,
Sarobdan ko’zlarim qamashdi.
Nigohing tushgan har zarradan
Nigohim talashdi, talashdi.

Ichimda hayqiriq zanjirband,
Hayqirib dil sharhi hol istar.
Alamlar o'ldirar ohista.
Sen esa baridan bexabar
Xotirjam yashaysan olisda.

© Yulduz Oʻrmonova

@sherSehri

#Табрик 🎉🎉🎉

Бугун шоир, олим, дўст Дадахон Муҳаммадиевнинг туғилган куни!
Яратган жўрамизга узоқ ва баракали умр берсин!
Илм ва ижодда камол топаверсин!

* * *
Аёл кечирмади, лекин кечмади,
Эшик ёпилмади, бағир тўлмади.
Йиллар ортга қайтди, севги кўнгилга
Аммо... Бўлмади...

Аёлнинг саҳарда илинди кўзи,
Умид энг охирда сўнди йўл қараб.
Тун бўйи ғурурни босиб ўтолмай
Эркак остонадан қайтди эрталаб.

© Дадахон

@Dil_Dost

Бугун ака-жўрам Дадахон Муҳаммадий туғилган кун!

КЕЧИККАН ЙЎЛОВЧИ

Поезд кетиб бўлди. Энди қайтамиз.
Кечиккан йўловчи, не кечар ҳолинг?
Битта чиптачию бир қоровулдан
Бошқа ҳеч кимсага келмас малолинг.

Кечиккан йўловчи, кел, мен билан юр,
Иккиланяпсанми қайтишга, ахир?
Бир шунга қўл силтаб кетолмаяпсан,
Поезд – тақдир эмас, пешонанг – тақдир.

Йўловчи, кўнглингдан нималар кечди?
Ҳар мусофир – меҳмон, бизнинг ақида.
Қўшиқлар айтамиз, шеърлар айтамиз,
Кечикиш ҳақида, кечиш ҳақида...

Кўнглингдан ўтганин мен ҳам сезганман,
Зулматдан гўёки қочиб панага.
Мен ҳам кетмасликка баҳона излаб,
Бир ўзим қолганман чиптахонада.

Қаерга кетяпман – исмсиз манзил,
Чиптага ёзиб ҳам бўлмайдиган жой.
Кечикканинг, балки, фожеамасдир,
Сен ҳам бебахтмассан қолиб, ҳойнаҳой...

Поезд кетиб бўлди. Энди қайтамиз.
Кел, энди, дўстимми, инимми, оғам...
Ҳеч ким кузатгани келмади, тушун,
Атай поездига кечиккан одам!..

©Дадахон Муҳаммадиев

@dadaxonmuhammadiy

ЎТТИЗИНЧИ НОЯБРЬ

Ноябрь яшайди сўнгги кунини,
Сўнги саёҳатда, сўнги соатлар,
Тун тескари кийиб олар тўнини,
Қўлини чўзганча қолар дарахтлар.

О, майда қушлар ҳам билмагай тиним,
Ҳавода рақс этар, барглар уюми.
Ноябрь.
Ноябрь! Айланмас тилим,
Дунёдан кетмоқлик шунча қийинми?

Кексайган булутлар топар йўлини,
Ўзин тўфонига ўзин этар ғарқ,
Наҳот, хазонларга тўла умрингни,
Ноябрь, бир кунда этасанми тарк?

Хосият РУСТАМОВА

ТОМЧИЛАЙ БОШЛАСА ЁМҒИР

Томчилай бошласа ногаҳон ёмғир,
Ойнани шодланиб очган бу гўзал.
Энтикиб қараса кўзлари оғриб,
Айрилиқ рўмолин ечган бу гўзал.

Ёмғирлар рақсига сочларин ёйиб
Шерик бўлсамми деб хаёл сурарди.
Юзига тушганда томчилар тойиб,
Боладек қиқирлаб, маъсум куларди.

Кимнинг эртагидан дераза очди?
Кимнинг эртагига бир зум боқди у?
Сўнгра деразадан соғинчин сочди,
Ёмғирга қўшилиб узоқ оқди у...

👉 @xurshidabdurashid

* * *
Сени кўп ўйладим, ўйлаб соғиндим,
Елиб бораверди умр  -  бешафқат.
Минг рангда тусланди фасллар, аммо
Ўзгармади дилда ҳисларим фақат.

Йилларин етаклаб вақт ўтди шошқин,
Ер-осмон ўзгарди, ўзгарди иқлим.
Дўстлар ҳам ўзгарди, дўст эмаслар ҳам,
Фақат ўзгармади ишқим ва исмим.

Исмим ҳамон ошиқ,
қисмат экан ишқ...
Ўтар умр...
Юракдан ишқ аримайди.
Билдим, бу эскирган дунёю дунда
Висолсиз муҳаббат ҳеч қаримайди!

Дилмурод ДЎСТ

Бугунги ҳамма нарса пул билан ўлчанадиган, иқтисодий манфаатлар маънавий озуқадан устун бўлиб бораётган замонда ижодкорларнинг қўлтиғидан тутиб, асарларини тўплаб, эл дастурхонига қўйиш хайрия учун халққа ош беришдай гап, аслида. Замонамиз жадиди бўлган Sanjar Nazar ана шундай хайрли ишга қўл урди. “Академнашр” раҳбари энг истеъдодли деб топган 15 нафар ижодкорнинг сара асарларини жамлаб, “Излам” туркуми остида чоп эттирди. Тўпламда 8 та шеърий, 5 та насрий ва биттадан публицистик ва адабий танқидий мақолалар гулдастаси ўрин олган.

Уларнинг ижодини туташтирувчи умумий фикрлар, мотивлар ва мавзулар бўлса-да, услубда бир-биридан фарқ қилади. Бири бошқасини такрорламайдиган, муаллифини яшириб ўқисангиз ким ёзганини топиш мумкин бўлган ижодкорлар танланган. Тўпламлардаги умумийлик шундан иборатки, барчаси бугуннинг шоирлари, бугуннинг муаммосини, жамиятимизнинг оғриқларини, юртдошларимизнинг ички сезимлари, қуқвончу ташвишларини бирдек ҳис этади. Бугунги кун ёшлари истаётган, излаётган жамият қандай бўлиши кераклигини, атрофимиздаги инсонлар юраги ураётган тўлқинларни қаламга олади. Шу нуқтаи назардан XXI асрнинг биринчи чорагидаги Ўзбекистоннинг поетик манзарасини мана шу китоблар орқали кўриш мумкин.

Mansur Jumayev нинг фергантроп одамига саволлари, “бир юрак юртига” изҳорлари, севгилисига ва Ҳаққа айтилган илтижолари, тавбаю тазарруларга бурканган мисралари нафақат шоирнинг, балки ҳар биримизнинг кўнглимиздан кечиши мумкин бўлган туйғулар. Ҳаммамиз ҳам илк муҳаббатга дуч келганимизда севгининг ақлга сиғмаслигини тан олганмиз, кўнглимиз тўлиб, саждага бош қўйганимизда “бор дардимни йўқ қила қолгин”, деб Ҳаққа илтижолар айлаганмиз. Онамизга бағишланган “Оқ мактуб”имиз ҳам қалбимизда яширин. Аммо қани бу туйғуларни шоирдек ифода этолсак. Шунинг учун ҳам Мансурнинг шеърлари юрак-юрагимизга етиб боради. Айтмоқчи бўлганларимизни тилимизга чиқаради: қувонтиради, қайғуга кўмади, керак бўлса, йиғлатади...

Шоир шеърларида илоҳий ишқ васфи, тасаввуфий ифодалар устунлик қилади. Унинг “ақлга сиғмаган” севгиси Яратганнинг яратиғига эмас, балки унинг Ўзига экани сезилиб туради. “Тангрига мактублар” туркумида эса бу ҳолат янада яққол наомён бўлади. Висолга етиш иштиёқида ёнган ошиқ мудом ёрини излайди, ундан нажот кутади.

Фақат қонли ёшим бор – тўксам,
Сўзим бордир қарғасам, сўксам.
Бир жанггоҳга айланди дунё,
Бу жанггоҳда наҳот сен йўқсан?!

Лирик қаҳрамон Ҳақни излаш йўлида тинмай тер тўкади, ҳар нега разм солади, бутун дунёда ёр жамолини кўришни истайди, аммо қани тополса. Унинг илтижолари аста-секин жазавали тус олиб, шаккокликкача бориб етади.

...Бир қиёмат кўтарди дунё,
Бу урҳода наҳот сен йўқсан?!

Лирик қаҳрамоннинг бу исёнини салбий жиҳат деб қарамаслик керак. Зеро, у инкорда ҳам Яратганнинг борлигини тан оляпти, унга талпиняпти, сажда қиляпти ва умидини сўндиргани йўқ. Гарчи, “Тузган жаҳонингдан кўнглим тўлмади, Тангрим, қайтадан чиз яхшироғини!” деса-да, “Йўқдан бизни бор айлаган зот”га ихлосини, ишончини яширмайди. Унинг бу илтижолари, исёни замирида ўзига, қалбига ва атрофдаги кимсаларга қарата айтилган, айтмоқчи бўлган пандлар ётади.

Шоир ижодида болаларча соддалик, яхшиликка, эзгуликка ишонч, ёвузликка кучли нафрат сезилиб туради. “Ботинка ҳақида эртак”даги умид, “Қиш”, “Баҳор кулгуси” шеърларидаги самимият, “Катталар учун қўшиқ”даги оғриқли ҳислар унинг шахсиятини ҳам бир қадар очиб берадики, кўз ўнгизда шоирона қиёфадаги тоза кўнгил бир одам намоён бўлади.

Мансурни руҳият шоири, кўнгил кечинмалари мусаввири, деб бемалол айтиш мумкин. Унинг шеърлари ҳали қанча қалбларга севги нималигини, муҳаббат изтироби қандай бўлишини, висол, ҳижрон ва соғинч каби туйғуларнинг асл моҳиятини англатади. Ўзи дунёга нега келдим, яшашдан мақсадим нима, каби саволларни қўйишига сабаб бўлади. Натижада бу шеърият тиллардан тилларга, китоблардан китобларга кўчиб, яшайверади.

Bekzod Ibrohim

https://telegra.ph/Ko%CA%BBkto%CA%BBnliklar-11-27-2

***
Бу Ишқ эди...
гирдоб бағрида
пичирларди бир оят лаби...
Поёни йўқ туғён қаърида
қолдим урён денгизчи каби...
Мени ёндир...
совуқ сўнгаклар
қарсилласин чақин ургандек...
ва даҳшатга тушсин юраклар
Ишқ қонини ичиб кўргандек...
Мен ичдим бу оловли хунни
Бу — Ишқ эди...
Бу — Ишқ эдинг Сен!..
Агар гадо бўлсам бир куни
фақат сени тиланаман мен...

Asqar Mahkam

@sherSehri

KURSDOSHLARIMGA

Kursdoshlarim, olib ketgansiz
Yuragimning bir parchasini.
Sog'inaman siz bilan o'tgan
Talabalar shaharchasini.

Mana, katta hayot og'ushi
Birda baxtu birda esa yo'q.
Qoqilgan chog' ortga boqaman
Suyanchiqsiz, mening ko'nglim to'q.

Goh ranjitib qo'yganman sizni,
Gohi sizdan qildim arazlar.
Qochgan edik necha bor darsdan,
Bugun hayot o'tmoqda darslar.

Har biringiz el xizmatiga
Belni bog'lab turibsiz tayyor.
Yelkamizda millatning yuzi
Jurnalistday sharafli kasb bor.

Oson emas garchi non topmoq,
Nom topmoq eng mushkuli bilsam.
G'ururdaman jon kursdoshlarim
Nomingizni eshitib qolsam.

Axir to'rt yil mehr ulashib,
Hurmat tutdik o'zaro qo'lda.
Simirganmiz birga suv chiqsa,
Kemirganmiz tog' chiqsa yo'lda.

O'zMU - bizga ilohiy olam
Va beg'am baxt berar maskancha...
Unda ishqdan ayrilib takror
Sevgisini uchratgan qancha.

Kursdoshlarim, Vatan Lochini,
Yoningizda burgutman, sorman.
Sevmaganlar begona emas,
Sevganlarning safida borman.

Xudo panoh bo'lsin, kursdoshlar,
Toleyingiz hamisha kulsin.
El baxtiga omon bo'lingu
Safingizda Shavkat ham bo'lsin!

✍ Shavkat Odiljon

@sherSehri

#Tabrik

Bugun hayoti ham, ijodi ham havas qilgulik jo‘ram - Bobur Elmurodning tug‘ilgan kuni.
U bugun 35 yoshga to‘ldi.
Tilagim: umri uzoq, baxti butun bo‘lsin!
___

Fotoapparat va men

Sen boqqan chogʻ nega odamlar,
Xushsuratdir, kulgidan toʻygan.
Men termilsam – sargʻaygan oʻtlar
Va daraxtlar gullamay qoʻygan.

Sen koʻz solsang onam koʻp dilbar,
Otam bardam qad kerib turar.
Men boqqan chogʻ — onam mushtipar,
Otam esa hassada yurar.

Nigohingda doʻstim ulugʻvor,
Bekami koʻst turar muloyim.
Men qarasam u bechorahol,
Oqsoqlanib yuradi doim.

Vaqt yalmogʻiz – uchar xotirjam,
Koʻrganlarim oʻxshamas chinga.
Baxtli boʻlib koʻrinay men ham,
Bir zumgina koʻz tashla menga.

© Bobur Elmurod

@Dil_Dost

***

Кел, суҳбат қиламиз, озгина ўтир,
Барибир ўзгармас дунёи қўтир.

Ўзингдан гапиргин, хотиржам бошла,
Ҳаёт ташвишларин бир четга ташла.

Майли болаликни ёдга ол, рухсат,
Менга энг беғубор пайтимни эслат.

Болалик осмони қор каби оқдир,
Биламан, у биздан анча йироқдир.

Умримиз ипидан узилган варрак,
Биз уни қувамиз сарсон, жонсарак.

Барибир бўлсак-да қанча чопағон,
Қувиб етолмаймиз уни ҳеч қачон.

Орзулар ортидан кетамиз дайдиб,
Кетган нуқтамизга бормаймиз қайтиб.

Қандай асов эдик бир дамлар, қара,
Энди қаршимизда сокин манзара.

Қай бир истагимиз рўёбин кўрди?
Қай бири армонга дўниб улгурди?

Вақт эса бешафқат, тинмай чопади,
Бизга ҳар он битта эрмак топади.

Шу билан андармон ойлар, ҳафталар,
Суғур куни каби ҳар кун қайталар.

Сен эса хотиржам, сипо турасан,
Овқатингни ейсан, футбол кўрасан.

Шундай курашасан ҳаётинг билан,
Бўлса-да, учмайсан қанотинг билан.

Қанот нима керак? Парвозлар унут,
Орзулар олдида улкан бир сукут.

Болалик осмони ҳамон бор, ишон,
Биз уни кўрмаймиз, аммо ҳеч қачон.

Кўнгил соғинчларга тўлиб кетган дам,
Ўйлайман, бир пайтлар болаликда ҳам.

Учиш истагида бўлмаганман мен,
Ҳеч қачон учишни билмаганман мен...

👉 @xurshidabdurashid

ҚАШҚАДАРЁ

Оқ салласи осмонда, этаклари чўлдадир,
Бир боласи адирда, бир боласи йўлдадир,
Уловининг жилови ҳамишалик қўлдадир,
Сафар кўрмаган алпни шер демас Қашқадарё.

Нону ош берса берган, нону ош сўрмаган эл,
Миннатин тўқмоқ қилиб бошига урмаган эл,
Миннатлининг ошига мўлтираб турмаган эл,
Ол дейди Қашқадарё, бер демас Қашқадарё.

Ғурурин Ҳисортоғдай минор қилган улус бу,
Тантиликни ўзига шиор қилган улус бу,
Дунёнинг тенг ярмини диёр қилган улус бу,
Зафар деру забар дер, зер демас Қашқадарё.

Қарши – шуур қалъаси, Китоб – ғурурнинг ери,
Қайга борса тик борар, ўшал – сурурнинг ери,
Мағрибдан Машриққача ўғли Темурнинг ери,
Тери томмаган ерни ер демас Қашқадарё.

Бироз содда, бироз қўрс, бироз тўпори, далли,
Мардга мард келган мудом, дангалига дангали,
Хиёнат кўрса аммо тиғ бўлади чангали,
Ҳиммати йўқ эранни эр демас Қашқадарё.

Аҳли аёлга хожа, ор номус учун тўра,
Дўстдан жонни аяш йўқ, ёвга аёв йўқ, жўра,
Бўрилик қилган дуруст, итлик қилгандан кўра,
Қиммати йўқ эранни эр демас Қашқадарё.

Насафийлар руҳидан ёришган баланд-пасти,
Бедилу Хисрав бўлиб олқишлар икки дасти,
Авлиёлар юртига мен-ку шеър битдим асти,
Балки ёздиқларимни шеър демас Қашқадарё.

© Мансур Жумаев
2019
Қашқадарёликларга улашинг!

Yuz oh, Zahiriddin Muhammad Bobur,
Tuz oh, Zahiriddin Muhammad Bobur,
Ko‘rnamak avloddan ko‘ngilni zinhor
Uz oh, Zahiriddin Muhammad Bobur...

17 ноябрь — Халқаро талабалар куни!

Мирзо Кенжабек

ТАЛАБАЛИК ТУГАГАНИ ЙЎҚ...

...Талаба эдим мен. Баъзан оч эдим,
Сўнгги тангаларим мендан уялган –
Чўнтагимни тешиб, йўл топиб,
Костюм астарига қамалган.
У пайтлар иккинчи ётоғхонанинг
Ғиштин баданлари яланғоч эди,
Бизнинг хотиралар энди сувалган.

Унда талабалар ухлайди ҳануз –
Ҳар турли шеърларнинг одил ҳаками.
Уларни уйғотар
Йўлакдаги шип-шип товушлар –
Саҳархез қизларнинг юмшоқ қадами.
Улар тонгда ухлар донг қотиб,
Тан қатор, руҳ қатор, ўй қатор.
Уларни уйғотар «Тарих», «Фалсафа»,
«Сиёсий иқтисод» уйғотар!

Тонгда самолётлар уйғотар мени.
Ватан осмонида учоқлар рақси.
Қайси манзилларга бўлса ҳам, тонгда
Учиб кетаётган одамлар яхши. ..

👉🏻Тўлиқ ўқиш

@m_kenjabek
┈┈• ❀ 🌷☘️🌷 ❀ •┈┈•

Талабалик дафтаридан

ЭШИТЯПСАНМИ...

Олийгоҳ....
Маъруза...
Эшитяпсанми?
Орқа партадаги юрак зарбини.
Сен илк бор ўргандинг шу маърузада
Улкан муҳаббатнинг кичик ҳарфини.

Қизларнинг шовқини...
Йигитлар сўкар,
Булар - иккимиздан бегона дунё.
Улар бошқа гуруҳ бўлиб ўқийди,
Бошқа гуруҳдамиз иккимиз гўё.

Парталар оралаб синфхонанинг
Шовқинида сузар сезилмас севги.
Манави нигоҳга қараб тўймайман,
Секин жилмаяди.
Бу қандай белги?

Дарс эса давомлар...
Ёз, чиз ва тингла....
Норизо овози келди устознинг.
Бир онда ўзгарди шундоқ манзара,
Мен эсимдан оғдим...
Сен эса ёздинг.

Дарслар тугаб кетди....
Танаффуслар ҳам,
Соғинчларнинг охир келдими гали?
Сабоқдошлар ҳам йўқ.
Сен ҳам узоқда.
Қанисан жонажон маъруза зали?

Олийгоҳ...
Маъруза...
Эшитяпсанми?
Орқа партадаги юрак зарбини?

👉 @xurshidabdurashid

🎭 16 ноябрь куни Ўзбекистон халқ шоири Иқбол Мирзо асари асосида композитор Беҳзодбек Турсунбоев томонидан басталанган "Усмон Носир" опера-ораториясининг премьераси бўлиб ўтади.

Барчани намойишга таклиф этиб қоламиз.

🏛 Ўзбекистон давлат консерваторияси
⏰ 18:00

📱 Telegram | 🌐 Instagram | 🎞 YouTube

“ESINGDAMI AKA, YOZ OQSHOMLARI?”

She’r muallifi:
Mansur JUMAYEV

Tasvirchi:
Hojiakbar Nurmuhammedov

Ushbu she’r matnini va boshqa go’zal she’rlarni shoirning quyidagi telegram kanalidan topishingiz mumkin:

https://t.me/Mansur_Jumayev

Судхўрлик ҳақида ёзилган икки машҳур асар: “Судхўрнинг ўлими” (Садриддин Айний) ва “Гобсек” (Оноре де Балзак) қаҳрамонларининг ўхшашлиги фақат фойдахўрлик ортидан қувишида. Яъни улар учун фақат фойда муҳим, фоизга қарз бериб, шуни кўпайтириш йўлида жонҳалак одамлар. Лекин Гобсек билан Қори Ишкамбани инсон ўлароқ бир  қаторга қўйиш мумкин эмас.

Гобсек қанчалик молпараст бўлмасин, у ўзидаги нафснинг қанчалик баҳайбат эканини билади, ўзини англайди. Унинг Ишкамбадан устун томони: одам танийди, одамларнинг ичини ўқий олади. Унинг асосий мақсади одамларнинг пулини шилиш эмас, моддиятга қул, нафси юҳо кимсаларнинг устидан кулиш, уларни эрмак қилиш ва бу жараённи кузатиб, таҳлил қилиш. Гобсекнинг асар ровийсига айтиб берган ҳикояларида ҳам унинг кенг мушоҳада тарзи кўриниб туради.

Қори Ишкамба эса зоҳирию ботини очкўзликдан иборат кимса. Унга одамларни англаш, кузатиш деган тушунчалар бегона. У шунчалик паст ва юлғич одамки, ўқувчи унга ачинишга ҳам истиҳола қилади. 

Гобсек зоҳиран, Қори Ишкамба эса бутун вужуди билан Гоблинга ўхшайди. “Мерлин”даги Гоблинни эсланг, доим тилла қидириб юради, қайда олтин бўлса, ўша ерда ҳозиру нозир. Энг ёмони, тилла топгач, сўлакайини оқизиб,  ялаб қўяди...

👉 @xurshidabdurashid

Авваллари тарихий мавзудаги романларни ўқиш ёқарди. Ҳозир негадир ўқиёлмайман. Зерикарли ва оғир туюлади. Архаик сўзларнинг кўп ишлатилишидан безиб кетади одам.

Постмодерн романларда ҳам тарих мотивларидан фойдаланилади. Масалан, Ўрхон Памуқнинг романлари. Лекин унда тарих асарнинг бир детали, парчаси, холос. Тўлақонли тарихий роман эмас.

Бугун тарихий-бадиий асарларда услубни, ифода тарзини янгилаш керак. Навоий ҳам, Беруний ҳам ўзимизга ўхшаб гапираверсин. Ёмон жойи йўқ. Энди архаик сўзлар луғатини ёпиб қўяверсак бўлар. Ишлатганда ҳам меъёр билан, майли.

Муҳими — тарихий воқелик моҳияти ва ўша тарихий образнинг маънавий оламини кўрсатиш. Унинг ғоялари бугунги кун учун керакми? Ўзи у қандай ғоя? Бу каби саволларга асарда жавоб бўлиши керак.

Хўш, қаҳрамон “борадурғон, келадурғон” деб гапирмаса, тарихий образ бўлмай қоладими? Бўлаверади. Бемалол.

👉 @xurshidabdurashid

⚡️ “Jadid” gazetasining 2024-yil 8-noyabrdagi 46-soni bilan tanishing:

📱Elektron gazeta

➖ Oqil SALIMOV:
“Sharafli zamondosh”
➖ Ahmadjon MELIBOYEV:
“Turkiy dunyo rivojida yangi bosqich”
➖ Muhayyo PIRNAFASOVA:
“Saodat darvozasi”
➖ Shuhrat SIROJIDDINOV, Zulxumor XOLMANOVA:
“Ahli fazl va ahli hunarga yuksak ehtirom”
➖ Xusrav HAMIDOV:
“Bahramandlik baxti”
➖ Akmal SAIDOV:
“Ishonch va iymon bilan”
➖ Muhammad ALI:
“Qulf ursin mangulik hayotning guli” (she’rlar)
➖ Bahodir KARIM:
“Olimga yondashsang, ochilar ko‘zing...”
➖ B.NURMUHAMMAD:
“So‘kong‘ichning duosi”
➖ Ro‘zimboy HASAN:
“Bozor talabimi yoki sun’iy hosila?”
➖ Shahriyor SHAVKAT:
“To‘raqo‘rg‘on to‘rasi to‘g‘risinda”
➖ Ruxshona BOBONAZAROVA:
“Allomani tanish”
➖ Mulla XUNOB:
“Dardi bedavo”
➖ Eshqobil SHUKUR:
“Quyosh va gunesh”
➖ Bahoroy DO‘SMATOVA:
“Ostonasi tillo uy”

Кирилл алифбосида:
👉 @Jadidmedia_rasmiy

✅Jadidmedia’ga obuna bo‘ling

ЁМҒИР

Мансур Жумаевга

Ўз мавридин тополмади куз,
Қилолмади ҳаққига даъво.
Илиқ кунлар завқини берўз
Эгаллади совуқ нам ҳаво.

Безовтала бошланди фалак,
То тонггача ўртанди ёмғир.
Тун бағрида ипак толадай
Ял-ял ёнди - нурланди ёмғир.

Шу қадимий сарҳадлар бўйлаб,
Кезинди у тарих руҳидай.
У мусиқа каби таралди,
Халқ қувончи, ҳам андуҳидай.

Ёғди кузги боғда қунишган
Майсаларнинг умидин ҳушлаб.
Учди худди ҳақ ва ҳақиқат
Орасида девона қушлар.

Тун. Уйқуда эди одамлар,
Уйғотмоққа уриниб нолон
Ёмғир ерга сингани қадар,
Ёруғлашиб келарди осмон.

✍ Баҳодир БАҲРОМ

👇👇👇
https://t.me/eng_suluv_armon

МАНЗИЛ

Мансур Жумаевга

Йўқ, бу – дунё эмас, бу асли рўё,
Заррача дардингдан қилмайди халос.
Карвонлар адашган, йўллар зим-зиё
Кўнгилда ўлимтик илинж бор, холос.

Йўқ, бу – қуёш эмас, бу ўтли кўзёш,
Бир томчи нур тилаб энтикади жон.
Адолат сўрайсан – эримайди тош,
Томирингда қайнаб қотиб қолган қон.

Йўқ, бу – ёмғир эмас, бу аччиқ тақдир,
Бир ожиз кўнгилни ўртаган алам.
Очилмоқдан қўрқиб ўлаётган сир,
Бир томчи кўз ёшга кўмилган олам.

Йўқ, бу – севги эмас, шунчаки сезги,
Мудом тортаверар бир ёввойи ҳирс.
Юрагингда бўшлиқ, юзингда кулги,
Руҳсиз вужудингни тарк этар бир ҳис.

Йўқ, бу – ўлим эмас, бу менинг йўлим,
Сочиб юборилган минг битта имкон.
Биргина манзилга етмаган умрим,
Томоғимда титраб сўнаётган жон...

©️Дадахон

@dadaxonmuhammadiy

Shoir og’am Mansur Jumayevga

Odamizod aslida zavol ichra yashaydi,
“Nega” degan ulkan bir savol ichra yashaydi.
Og’a, hech kim kutmagan faslni kutganmiding,
Dardni misqollab yig’ib, ichingga yutganmiding?

Axir Orzudan Bunyod bo’lgandi-ku hayoting,
Bexos osmon gumburlab, sindi ikki qanoting.
Qara, gul-gul bahoring kul bo’ldi, kuzak bo’ldi,
Bu hol ochiq yaramga sepilgan tuzdak bo’ldi.

Jo’ralaring zulmatda sarson tushdek ko’rindi,
Otang yomg’irda qolgan mitti qushdek ko’rindi.
Nechun o’limga qarshi borolmayman, og’ajon,
Volidangning ko’ziga qarolmayman, og’ajon.

Qachon buncha ojiz-u, chorasiz qolar shoir?
Millatning musibati ortganda o’lar shoir.
Ketar chog’da shodmonu, xotirjam eding, balki,
Mansuri Halloj kabi “Anal-Haq”, deding, balki.

Bulutlar bo’zrayadi, yig’lamoqqa holi yo’q,
Mezon to’zg’in sochini yig’moqqa majoli yo’q. Yuragim tugab qoldi, qurib bitdi ko’zlarim,
Boshqa o’lmang, do’stlarim, boshqa o’lmang, do’stlarim…

✍️Mehrnoz

@mehrnoz_abbos

"Мен 29 ёшдаман"
Мансур Жумаев - Ўзбекистон Ёзувчилар уюшмаси бош мутахассиси, шоир
—
"Мне 29 лет"
Мансур Джумаев - главный специалист Союза писателей Узбекистана, поэт

Prezident.uz|Facebook|Instagram|YouTube|Twitter

Marsiya

Mansur Jumayevga

Toshkentdan Qarshi qadar yomg‘ir yog‘ib borodur,
O‘n bir dilpora do‘sting esdan og‘ib borodur,
Kuygan ko‘kay kuydirgi ko‘zni sog‘ib borodur,
Yo‘l ham bizga qo‘shilib,  zorlanib borar,  do‘stim.

Qatordan kamni sanab,  kuzak hayron boqodur,
Yulduzini uchirgan osmon vayron boqodur,
Sen kutgan fasl* kelib,  vale giryon boqodur,
Qilmishidan qismating orlanib borar,  do‘stim.

Oldinda bir ulov bor,  ichida ikki murg‘ak,
So‘lg‘in bitta gul bordir - sen sevgan o‘shal yurak,
Kim bosh bo‘lar ularga,  kim bo‘lar endi tirgak?..
Orzular xazon yanglig‘ xorlanib borar,  do‘stim.

Buncha uzun bu yo‘llar,  buncha bag‘ri yag‘irdir,
O‘n bir yo‘ldosh boradur,  bari yag‘ir bag‘irdir,
She'rlar qoldi shoirsiz,  nahot she'r ham sag‘irdir?..
Lek shoiri Tangriga yorlanib borar,  do‘stim.

Derazadan termulsam,  otilib chiqib oting,
Xayolimda siniqqan surating turar qotib,
Tark etdi deb ingrasam, battar o‘rtabon yoding
Borgan sari dunyoda borlanib borar,  do‘stim.

*''Biz kutgan fasl'' kitobi

МЕН ҚАЙТАМАН

Мен қайтаман, кипригинг соясига қайтаман,
ирмоқларга – дунёнинг доясига қайтаман,
бошларини тошларга урган кекса бургутнинг
полапони кўз очган қоясига қайтаман.

Мен қайтаман, дилу ёд орасида қайтаман,
мен қайтаман, кўзларинг қорасида қайтаман,
бир қизчанинг кулгичли чеҳрасида порлагум,
бир жунунваш ўғилнинг оразида қайтаман.

Мен шундайин куюк дил порасида яшарман,
мен шундайин беғубор, норасида яшарман,
мен шундайин беқарор – тупроқ, ҳаво, ўт ва сув
ҳимматидан зарралаб бино бўлган башарман.

Англамайман қандайин туғилмоқда айтарим;
қулоғингга шивирлаб айтаётган байтларим
андозаси руҳимда яралгандир, эҳтимол,
раббим билан фалакда ваъдалашган пайтларим.

Мен қайтаман, кетди деб суюнма бир лаҳза ҳам,
ё қароқда жимирлаб ўйнамасин зарра нам,
ғам чекмагин, Сендаман – пок дилингда зиндаман;
шоирлар ўлиш учун туғилмайди, жонгинам!

© Мансур ЖУМАЕВ

@sherSehri

Taʼziya

O‘zbekiston Yozuvchilar uyushmasi jamoasi isteʼdodli shoir, uyushma aʼzosi Mansur Jumayevning vafoti munosabati bilan oilasi va yaqinlariga chuqur hamdardlik bildiradi.

O‘zbekiston Yozuvchilar uyushmasi Axborot xizmati

* * *
Олдинда бир йўл бор кўп йироқ,
тарҳини, топмадим ким бичган:
қиличим дамидан ўткирроқ,
сочларинг торидан ингичка.

Олдинда кўприк бор — ости жар,
билмадим ўзим не бўламан,
азизим, сен ўтгил бехатар,
азизим, сен фақат қулама!

Олдинда чаман бор,
сафо бор,
хотиржам-хотиржам ҳаво бор...
азизим,
унгача озгина
ситам бор,
зулм бор,
жафо бор...

Ишқ дедим кезиб тўрт ёғингда,
ишқ дедим,
чорладим билмайин;
азизим, сен борар боғингда
мен кутиб оларман жилмайиб!

Унгача йўл бордир кўп йироқ,
тарҳини, топмадим, ким бичган:
қиличим дамидан ўткирроқ,
сочларинг торидан ингичка.

© Мансур ЖУМАЕВ

МАСТУ РОСТ

Даврамизга қўшилинг, шоирим!
Уч-тўрт кишимиз бор-йўғи:
Хотира, Ҳасрат, мен ва
Шеърнинг қораламаси.
Тўртта қурут, сигаретнинг чўғи,
Бир ҳўплам пива...
Даврамизга қўшилинг, шоирим!
Шайтон ораламасин!

Даврамизга қўшилинг, бовурим!
Ташқарида ҳайқириқ оқади,
Шоирлар сув каби топар йўлини:
Изҳорга кўмилган шаҳарлар –
Ватан деган фалсафа сўқади,
Ишқ ила узатар гўё кўнглини.
Даврамизга қўшилинг, бовурим!
Қадаҳда шеър бўлди заҳарлар!

Шеър ўқиб берингиз, шоирим!
Тарихдай оғриқли оҳанглар –
Ватанни рўйирост қурсинлар!
Бир гулни узгандай безарар
Изҳорсиз берсинлар чаманни,
Севги не? Шоирлар кўрсинлар!
Шеър ўқиб берингиз, шоирим!
Қароқда ўқингиз, Ватанни!

Нечун индамайсиз, шоирим?
Севгингиз тирикми, йиғлайсиз?
Ўқ каби отилинг – қалқингиз!
Айни дам маддоҳлар намойишидан,
Ўзини соқовдай панага олган
Ватанлигингизни билмайсиз.
Нечун индамайсиз, шоирим!
Қанча алданади яна халқингиз?..

© Алибек Анварий

@sherSehri

#Tabrik
Bugun iste’dodli shoira Iroda Rahmonaliyevaning tug’ilgan kuni!
Ijodkorga baland ijodiy parvozlar zavqi hamroh bo’lishini tilaymiz!

* * *
Sen dedim, nurlandi osmon dengizi,
Sen dedim, gulladi olti tomonim!
Ehtimol dunyoning har burchin kezib
Koʻzingdek maʼvoni topolmam, jonim...

Sogʻinchlar ortimdan keldi izma-iz,
Botinim koʻrmadi, netong, hech kimsa!
Qaytalab sabrimga choʻkaverdim tiz,
Sen esa
jimsan...

Ruhimning befarah oqshomlarida
Soʻzingni yod etgum, koʻzingni orzu.
Va qoʻlim silkiyman bari bariga
Huzun kechalardan topolmay huzur...

Sen dedim... Ulandi kechga kunduzim,
Sen dedim, belandi qonga osmonim!
Koʻzimning nurlari yoʻlingda sinsin,
Koʻzingdek maʼvoni topolsam, jonim...

© Iroda Rahmonaliyeva

@sherSehri

* * *
Умидларим йиғлаюрлар ғавғо солиб ичимда,
Ҳасратларим қувнаюрлар яғмо чалиб ичимда.

Билмам, менда неча мен бор, талош бўлди бу жоним,
Бири зоҳид, бири осий, бири толиб ичимда.

Ҳарб майдони каби қалбим қон ютади ҳар лаҳза,
Шому саҳар англаб бўлмас, қайси ғолиб ичимда.

Фасли навбаҳоримда ҳам кўнгилда илтижо йиғлар,
Ўзимнинг гул ҳаётимдан ўзим нолиб ичимда.

Куйди, охир хазон сипоҳига ўтди гулим,
Ки, ўлгач қўйиб гулимга бош андалиб ичимда.

…Мен ўзимни кўр ўзимдан бунчалар ҳам яширдим,
Мен ким бўлиб яшаб ўтдим ўзим қолиб ичимда…

© Бектемир Пирнафасов

@sherSehri

https://yoshlikjurnali.uz/xotira/eng-go-zal-izhorim-ichimda-qoldi/

Bugun marhum shoira Baxtinisoning tug'ilgan kuni. Hozir shu she'rini o'qidimu, bag'rim qo'porilib ketganday bo'ldi.
Tavba, biz 10 yil o'tib yetib kelgan tuyg'ularga, dardlarga u 20 yoshdayoq yetib kelgan ekan. Biz hozir "dunyoda yaxshiyam daraxt bor desak", u ehtimol gul o'smirlik va yoshlik yilini shu iqror qiroatida yashagan.
Ha, dard, chorasizlik dilni yupqa qilib qo'yadi - chorasizlikdan chora izlash tilsizlikka qaytaradi, tilingni tugadi, tilsiz dunyoga - tabiatga qaytib shundan taskin topasan go'yo. Chunki sen odamlar hayot deb atagan faollikdan ajralib chiqqan bo'lasan-da.

Ha narsaga so'zsiz bo'yin egib qo'ya qolasan.

Baxtinisoning dard , xastalik yaratgan poeziyasi alohida tahlil etilishi kerak.

Shoira Kumush Abdusalomovadan qiziga, umuman bolalarga atalgan otashin she’r!

“Mutolada she’riyat” spektaklidan

@javlonjovliyev

#Туғилган_кун

Бугун ука-жўрам, узангижўлдош биродарим Суҳроб Зиё туғилган кун!

ВАТАН ҚОЛСИН!
Жалолиддин Мангубердининг Темур Маликка айтгани

Ўжар бўлдим,
Ўжар бўлдинг,
Сен Малики Хўжанд бўлдинг.
Мен-ла сарсон кўчар бўлдинг.
Боламиздан кечар бўлдик,
Ёримиздан кечар бўлдик –
Боримиздан кечар бўлдик,
Ватан қолсин,
Ватан қолсин.

Жоним оқар Жайҳун бўлиб,
Жонинг оқар Сайҳун бўлиб.
Чингиз келар…
Чингиз келар
Ўтган ери ашк, хун бўлиб.
Ким номусдан маҳрум бўлиб,
Кимдир қолар маҳкум бўлиб,
Томирларим қақшаб кетар,
Ҳайқираман мажнун бўлиб:
Ватан қолсин,
Ватан қолсин.

Анов юрган Гурганчми-ё?
Унда ётган бир ганжими-ё?
Қўлларида ёв ялови,
Тўни кафан Шайхим Кубро:
«Донишидан тонган элга
Келган бало – кетмас қазо».
Ўзинг асра, Ё Илоҳо!
Ўзинг қўлла, Ё Илоҳо!
Ватан қолсин,
Ватан қолсин.

Отам қочса юртни ташлаб,
Онам юрса фитна бошлаб,
Иним Оқшоҳ пойлаб турса
Изларимдан тиғ тарошлаб.
Қайга борай дилни ғашлаб?
Қайга борай кўзни ёшлаб?
Пешволари юрса ошлаб,
Ботирлари жонни тикса,
Бизчи, кетсак жангга бошлаб,
Ватан қолсин,
Ватан қолсин.

Кунинг шуми, Хоразмюрт?
Гоҳи хор юрт, гоҳ азим юрт.
Сенга солсам бир разм, юрт,
Тўрт томонинг жанг – разм, юрт.
Истаганим тожу тахтмас,
Истадим юрт, истадим юрт.
Гулга чўмсин, истагим, юрт.
Нурга чўмсин, истагим, юрт.
Ватан қолсин,
Ватан қолсин.

Ватан надир, Ватан шулдир:
Султон ул дир, зобит улдир,
Ўз аҳдида собит улдир,
Ким бошини эгса, қулдир.
Темур Малик,
Темур Малик,
Шамширингни қучиб ухла,
Тушингда ҳам ёвни ўлдир,
Тушингда ҳам ёвни ўлдир.
Ватан қолсин,
Ватан қолсин.

Мунгли кўзлар мўлтиради,
Нажот кутиб ўлтиради,
Ноаҳл эл, ришвагар эл
Душманини кулдиради.
Душман бизга тенгсиз эмас,
Э-воҳ, бизни Чингиз эмас
Битта хоин ўлдиради,
Битта хоин ўлдиради.
Бироқ ўлим сўнгсўз эмас –
Ватан қолсин,
Ватан қолсин.

Суҳроб ЗИЁ

https://t.me/suhrob_ziyo1

#adiblar
#karikatura

Adabiyotga kim nima bilan kirib kelgan?

⁉️ Sharjda qaysi shoir aks etgan? Uning qanday asarlariga ishora qilinmoqda? Izohlarda yozib qoldiring.

🎉Eng to‘g‘ri va to‘liq javob egasiga shoir dastxati bilan kitob sovg‘a qilinadi.👇

Sayt | Telegram | Murojaat | Muhokama

Eksklyuziv she’riy spektaklga marhamat!

Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” nomli teatrlashtirilgan nazm kechasini taqdim etadi.

• Dastur qahramoni: taniqli shoira Kumush Abdusalomova

• Dastur mehmoni: taniqli aktyor va shoir Erkin Bozorov

📝 So‘z va adabiyot muxlislarini 22-oktabr (kuni) soat 18:00 da O‘zbekiston Milliy kutubxonasida kutib qolamiz.

👇 Ro’yxatdan o’tish uchun:
https://forms.gle/AnpwbeD8A2Qs2h398

BU UNUTILMAS KECHA BO‘LADI!

Telegram | Instagram | YouTube

Tajohil-ul orif

(Men tahsil olgan Zahiriddin Muhammad Bobur nomli oʻrta maktabning aziz ustozlariga bagʻishlanadi.

Manzil: https://t.me/Bobur_Elmurod

* * *

NIDO

Mayli, dardkashlarin unutsa Vatan,
Mayli, shoirligim olmasalar tan,
Hayratli, hasratli bu olam, zotan,
Yurt tili bo‘lsa bas onam bergan til.

Mayli, g‘iybatchilar foli ko‘paysin,
Xasis-nokaslarning moli ko‘paysin,
Qatlim istarga ham tole ko‘paysin,
Yurt tili bo‘lsa bas onam bergan til.

Ag‘yorim unvoni qo‘sh bo‘la qolsin,
Do‘stlarim ag‘yorga esh bo‘la qolsin,
Mayli, dasturxonim bo‘sh bo‘la qolsin,
Yurt tili bo‘lsa bas onam bergan til.

Shoir sukunati xato bo‘larkan,
Tilin kim yo‘qotsa, gado bo‘larkan.
Na faqat gado u, ado bo‘larkan...
Yurt tili bo‘lsa bas onam bergan til.

Mayli, meni qopsa biron-bir ko‘ppak,
Mayli, ag‘yorlarim chalishsa chapak...
Yurak xitob qilar, qontalash yurak:
«Yurtim tili bo‘lsin onam bergan til!»

1989 yil.


@Gulchehra Nurullaeva
Instagram
YouTube
Facebook

ONA TILIMGA

Sen – talosh xazina, arosat fasl,
Tugal bir mezon yo’q, qonun yo’q, kor yo’q.
Qasddan tahqirlanib kelding muttasil,
Seningdek to’kis yo’q, sendek abgor yo’q.

Pishmagan mevasan, na bahor kuzsan,
Kimga nima foyda bor-u yo’qliging?
Ilmiliq xayolsan, na olov, muzsan,
Na tirik, na murda – sevgim, ko’hligim.

Ayoldek ulug’san, ayoldek nochor,
Faqat bayramlarda tushasan yodga.
Ongimni g’ajiydi dahshatli savol:
Ayt, qachon qaytasan, yorug’ hayotga?!

✍️MehrNoz

21-okt(y)abr, Toshkent

@mehrnoz_abbos

КУЗ

Қорайибди юзинг офтобда,
Қўлинг ёриб тақдир битмиш сўз.
Ўтирибсан ғамгин шу тобда,
Пахта териб толиқдингми куз?

Юз кило дард кунлик йўлингда,
Ҳаёт сени эзиб ўтдими?
Шовуллаган баҳор кўнглингдан,
Кўзларингдан гулни ютдими?

Чарсилларди бир вақт чақмоқдай,
Юрагингда ўт олиб орзу.
Очилмасдан қолган чаноқдай
Ўтирибсан. Пахта… Тарозу…

Етар, ғамгин тикилма, эй куз,
Ортиқ эзма юрагимни, бас.
Сен ҳам алвон режаларни туз,
Шаҳарлар кез чиқармасдан сас.

Кез хиёбон, боғларда сайр эт,
Узунтирноқ баҳорларни кўр.
Куз, даладан бир кунгина кет,
Дадил бўлгин, тур, ўрнингдан тур!

… Синиққина куласан она,
Сен онамга ўхшайсан, кузим.
Баҳорга ўч фарзандларингга
Худо берсин чигитча тўзим.

🕰 2017 йил

✍ Баҳодир БАҲРОМ

👇👇👇
https://t.me/eng_suluv_armon

“Izlam”ning 2-fasli keyingi haftadan sotuvga chiqadi, inshaAlloh. Bu safar 16 nafar muallif saralab olindi. Yoʻnalishlar roʻyxati ham kengaydi: nasr, nazm, adabiy tanqid va publitsistika.

Mualliflar orasida adabiyotimiz uchun kashfiyotlar ham borligiga ishongim keladi. Allaqachon oʻz ovozi va oʻz oʻquvchisini topib ulgurgan ijodkorlar ham bor roʻyxatda. Oʻz syurprizi – “Istisno”si ham bor ;).

1-faslda boʻlganidek asosli-asossiz tanqidlar boʻlishi tabiiy. Va 1-faslda boʻlganidek adabiy jarayonni yana bir qalqitib yuborishidan ham umidvormiz.

@akademnashr

Telegram | Instagram | Facebook

* * *
Yomg'ir yog'sa, biz xursand -
Chumolilar xafamish.
Chunki ular yomg'irda
Qishga g'amlolmas yemish.

Yana bitta muammo:
Uyi suvga to'ladi.
Ammo bu muammoga
Yechim topsa bo'ladi.

Kelishaylik, yomg'irjon,
Yog'may turgin buguncha.
Men ularga mustahkam
Soyabon yasaguncha.

© Ruxshona Nishonova

@sherSehri

*  *  *
Qancha olislamay talpinar odam,
Kim ham bekamu ko’st, kimda ayb kanda?
Sendan ketish mushkul, ko’ngil uzmoq ham,
Yurak hapqiradi isming aytganda.

Sen-ey ilk muhabbat, yorug’ axtarim,
Hislar dengizida mayoqday yongan.
Daraxtday qulagan necha ahdlarim,
Niholday bo’y cho’zib qayta uyg’ongan.

Tafting olgan borki evrilar boshdan,
Tuyg’ular taloshdir, xayollar talosh.
O’zgacha to’kilar hatto ko’zyosh ham,
Faqat o’zing hargiz o’zgarmaysan, Tosh…

© Yulduz Oʻrmonova

@sherSehri

КУЗ

Куз келди,
Ёдимга келган ашъордай,
Куз келди сўроқлаб хотираларни.
Бағрим бутун эди - чалинмасди най,
Бугун тушунаман ноталарини.

Куз кирди,
Ул найнинг тешикларидан,
Куз кирди, сўроқлаб “Чўли ироқ”ни.
Кеча қизғонардим баҳорни жуда,
Меҳмон қилоламан бугун фироқни.

Куз тушди,
Вақтнинг зиналаридан,
Куз тушди, ўйнатиб сариқ тилларин.
Эшитилар “чиқ-чиқ” - қадам товуши,
Кузнинг оёғидир соат миллари...

© Шоди ОТАМУРОД

@sherSehri

#ijro✨

☆☆☆

Ikki koʻngil birlashgan joy - ufq
Quyoshni-da yoqib yuborgay.
Shunga dunyo oʻt olmasin deb,
Bizni Xudo ayro yuborgan...

Ketsam,
kuyma...
ishqimiz xolis,
Yurak doim hamohang urar.
Bizning ushbu ayriliq bois
Ikki dunyo bogʻlanib turar!

✍ Shukur Latif
🎤 Mahliyo Asqaraliyeva

Eksklyuziv she’riy spektaklga marhamat!

Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” nomli teatrlashtirilgan nazm kechasini taqdim etadi.

• Dastur qahramoni: taniqli shoira Kumush Abdusalomova

• Dastur mehmoni: taniqli aktyor va shoir Erkin Bozorov

📝 So‘z va adabiyot muxlislarini 22-oktabr (kuni) soat 18:00 da O‘zbekiston Milliy kutubxonasida kutib qolamiz.

👇 Ro’yxatdan o’tish uchun:
https://forms.gle/AnpwbeD8A2Qs2h398

BU UNUTILMAS KECHA BO‘LADI!

Telegram | Instagram | YouTube

ШАХМАТ МЕТАФОРАСИ

Отлиқлар бошлади бу сафар юриш,
Пиёдалар қадам босдилар секин.
Филлар, суворийлар шовқини аро
Жон берай демасди ҳеч бири лекин.

Тенглик ҳам одиллик ҳукм сургандай,
Ҳамма тенг жанг қилар, гўё хоин йўқ.
Отлиқ ҳам, пошшо ҳам курашда, аммо
Ҳар гал пиёдага тегаверар ўқ.

Дадахон

@dadaxonmuhammadiy

15 октябр - Қишлоқ аёллари куни!

ҚИШЛОҚ АЁЛИ

У балки пардозсиз яшаб ўтажак,
Балки тақмай ўтар тилло тақинчоқ.
Далада ўт юлиб заққум ютажак,
Тандир – суҳбатдоши, сирдоши – ўчоқ.

Қиммат емакхона кўрмаган ҳатто,
Рўмоли шойимас, кўйлаги одми.
Тирикликнинг оғир ташвиши аро
Бор-йўғи шул дея билар ҳаётни.

Иссиқ сув жўмракдан оқмас ҳеч қачон
Қумғонга ўт ёқиб қалайди тезак.
Унинг бардошини қотирган замон,
Умридан норизо бўлмаса керак.

Оилада меҳмон – етишмовчилик,
Фаровон эмасдир рўзғори баъзан.
Онамсан, опамсан, минг ишга черик,
Ором нималигин билмай яшайсан.

Ҳа, у кино кўрмас киносаройда,
“Истиқлол”га тушмас бир бора ҳатто.
Кесакка тўқанаб юрса шу фойда,
Боласин устини бутламоқ авло.

Минбарда керилиб ҳайқирган шоввоз,
Қандай бекитасан кемтикларингни?
Виждонинг уйғониб бермасми овоз,
Ҳақиқат сасидан энтикмадингми?

Юртни тўкис дея мадҳ этган онинг,
Улар ўтов қилар бийдай далада.
Ёлғондан оғринмас наҳотки жонинг,
Елкадош бўлмайсан, бермайсан далда.

Ўзим-чи... шу заққум ҳаётдан қочиб
Юрибман шаҳарда олифтанамо.
Ичимни кемирар нимадир янчиб
У нима... билмайман, билмайман аммо...


©Хуршид Абдурашид

@sherSehri

Vatan

Koʻzlarimda porlagan choʻgʻ,
Qalbda tug'yonsan, Vatan.
Ajdodlarim kabi buyuk,
Qadim mangusan, Vatan.

Satrlarga nurday tomgan,
Yangroq she'rimsan, Vatan.
Hurlik yalovin o'pgan,
Osmon, yerimsan, Vatan.

Suyib-suyib alla aytgan,
Munis onamsan, Vatan.
Dunyolarga alishmayman,
Durdonamsan, jon Vatan.

Tuprogʻingni koʻzga surtay,
Otam kabi ulugʻ Vatan.
Kaʼba kabi muqaddassan,
Mangu boqiysan, Vatan.

© Jahongir Shoh Ulugʻbek oʻgʻli

@sherSehri

* * *
Hayotimda yoʻq biror tartib,
Xayolim ham aslo boʻysunmas
Ishq yoʻq boʻlsa koʻz yoshim artib
Kelguvchining kelmogʻi abas...

Ochsam ikki koʻzimni ochib,
Qalb koʻzimni ocha olmayman.
Yoʻllariga mehrimni sochib,
Sof sevgimni socha olmayman...

Koʻpdir Uning menday zorlari,
Diydoriga hamma ham mushtoq.
Ishqim ortib borgani sari,
Koʻrgim kelar yanada koʻproq...

Tavbam bilan yaqinlashdim, lek
Oyogʻimdan tortdi gunohlar...
Xuddi quruq qoladigandek,
Guvohligin berdi guvohlar...

Vafo desam Undadir vafo
Boʻlmas Undan oʻzgasin suyib...
Oʻz qalbimga qilib men jafo,
Oʻzgasidan qolganman kuyib...

© Abduvosit Abdurahimov

@sherSehri

Koreyalik yozuvchining Nobel olishi bizdagi badiiy tarjimaning ahvoli naqadar ayanchli va jar yoqasiga kelganini yana bir bor isbotladi. Qanday deysizmi? Hozir tushuntiraman.

Turkiyadan eng noyob turkcha kitoblarni topib bera olishi bilan tanilgan Abdulazizning yozishicha, Han Kangning turkchada 4 ta kitobi bor. Ular bu kitoblarni yozuvchi Nobel olgandan keyin tarjima qilishmagan, yillardirki uning kitoblari sotuvda bor va turk kitobxoni u bilan tanish. Tanish bo‘lmasa endi uning asarlariga qiziqsa ularda o‘qib ko‘rish imkoniyati bor. O‘zbeklarda-chi?

Endi o‘zimizning og‘riqli nuqta haqida gaplashsak bo‘ladi.
Xo‘sh, biz qayerda, qachon xato qildik? Nega bunchalik ortda qolib ketdik? Bunday bo‘lishiga kimlar aybdor? Hozirgidek bo‘lmasligi uchun nima qilish kerak? Bu ishni kim qilishi kerak? Va hokazo…
Menda bunday savollar ko‘p. Ishonamanki, sizda ham kam emas. Eng yangi qilingan tarjimalarimiz ham dunyo yuzini 30-40 yil yoki bir asr avval ko‘rgan bo‘ladi. Qo‘limizda insoniyatning eng so‘nggi rusumli telefoni, ko‘chalarimizda Tesla-yu allambalo eng yangi elektrokarlar. Kitoblarimiz esa eng kamida 40-50 yil orqada. Nega bunday? Yoki biz telefon-u mashinadan boshqasiga qiziqmaydigan xalqmizmi?

Hang Kang dunyoga yetarlicha mashhur. Uni "Vegetarian" kitobi orqali taniyman, ammo asarlarini o‘qigan emasman. Yetarlicha mashhur, Nobel oladigan darajada nimasidir bor bo‘lgan yozuvchidan bitta ham tarjima asar yo‘q. Bunday yozuvchining borligidan o‘zbek kitobxonlarining aksari bexabar. Nega? (E’tibor qiling, aksar o‘zbeklarning xabari yo‘q demadim, balki aksar o‘zbek kitobxonining ham hattoki xabari yo‘q dedim. Tushunyapsizmi?)

Til o‘rgansin, asl tilida, boshqa tillardan o‘qisin deyishingiz mumkin. Gapingiz to‘g‘ri, siz yuz foiz haqsiz. Ammo bunday qilishga hammada ham imkoniyat(vaqt, pul) bo‘lmasligi mumkin va yoki hammada birdek til o‘rganishga iqtidor bo‘lmasligi ham tabiiy. Yana ham bizdagi ta’limning ahvoli bilan bu kamida ikki karra murakkabroq, qiyinroq. Ammo ularning ham eng so‘nggi, eng yangi kitoblarni o‘qishga haqlari bor deb o‘ylayman.

Bilaman, juda ko‘p o‘tlab ketdim. Demoqchimanki, shu tarjima sohamiz katta e’tiborga muhtoj. Sportchilar(ayniqsa, futbol va boks)dan ko‘ra ko‘proq parvarishga ehtiyoji bor. Chunki ahvoli ularnikidan ancha yomon. Qancha yillardirki reanimatsiyada yotibdi…

Yosh avlodning katta asarlarni, yangi nomlarni o‘zbekcha sayratayotgani esa kishiga umid beradi, baxtli yakun bo‘lishiga ishontiradi. Xuddi uzoq yillardan beri futbolchilarning Jahon Chempionatiga chiqishini orzu qilganimizdek puch bir narsa bo‘lib chiqmasligiga, hali gullab-yashnab ketishiga ishongim keladi…

🕊Telegram 📱Instagram

⚡️ Mutolaadan yana bir shedevr!

"Kichkinda shahzoda" hujjatli filmining premyerasi:
👉https://youtu.be/OfWI3jds690?si=zA2yoJPTsKNx770A

Kitobni o'qiganlar bormi?

Қиш эди. Ўттиз жон совуқ хонада,
Адабиёт дарсин тинглар эдик жим.
Муаллим саволлар берар гоҳида:
“Хамса”ни ким ёзган,
“Жангчи Турсун” ким?

Қўллар кўтарилар басма-басига,
Айтмасанг, кўксингдан чиқиб кетар жон.
Ўттиз овоз янграр қасдма-қасдига,
“Навоий”, “Навоий”, “Ҳамид Олимжон!”

Шундай чанқоқ эдик, дарсдан қолмасдик,
“Паскаль”ни билардик, даҳо “Ньютон”ни.
Аммо баъзи дўстлар топа олмасди,
Дунё картасидан Ўзбекистонни.

Улар кўп панд еди кўз ўнгимизда,
Бош эгиб, бурчакда тик турди мағрур.
Биз эса мақтандик ўз-ўзимизча,
Бунинг-чун жўралар, минг бора узр.

Эслайман, бу эълон “Учинчи “Б”га:
– Эртага ўн сўмдан келтиринг, тамом.
Парта жилдга денглар, кейин “байрам”га,
Яна “краска”га, сўнгра “металлом”.

Ўшанда пулим йўқ, ичим ёнарди,
Назоратчи қистар, қараб рўйхатга.
Адабиёт. Устоз таъриф берарди,
“Тажоҳилул ориф” деган санъатга.

Уйимда қолганди ўша кун овқат,
Қорним оч, сўмкамда нон йўқ егани.
Устоз такрорларди тинмай бу санъат:
“Билиб билмасликка олиш” дегани.

Ёдимдан ўчмайди ҳеч қачон бу ҳол,
Муаллим елкамга аста қўйди қўл.
Ҳеч кимга билдирмай, ҳеч кимга, алҳол,
Чўнтагимга буклаб солди ўн сўм пул.

Ўттиз қора кўзга изза бўлиш, воҳ,
Сездингиз, кўнглимни ёмон ўртарди.
Дўстлар, уриб турган юрагим гувоҳ,
Бир инсон ўксишдан мени қутқарди.

Ўша дарс ҳалиям берар кўп сабоқ,
Қорним оч, сўмкамда нон йўқ егани.
“Тажоҳилул ориф” – эй азиз устоз:
“Билиб билмасликка олиш дегани”.

Гарчи ўзингиз ҳам маошга яшаб,
Баъзан етказолмай бўлгансиз абгор.
Юрмас эдингиз ҳеч тўкинга ўхшаб,
Сизда йўқ эдими болалар, рўзғор?

На эҳсон эди у, на қарз эди у,
Ўйласам, бу ҳолнинг йўқдир жавоби.
Бир мурғак қалбига сажда эди бу,
Бир кўнгил уйининг пинҳон тавофи.

Шеър битди. Мен ҳамон қидириб таскин,
Олис мактабимга йўл оламан жим.
Билмайман, бу юртда устоз шарафин
Билиб, билмасликка олаётган ким?

Бобур Элмуродов

@sherSehri