✞ማርያም አማላጅ ናት✞

🌺​​​​​​✞በታህሳስ ወራት የሚከበሩ አመታዊ የቅዱሳን በዓላት✞💝

ማክሰኞ ታህሳስ 1 [፩] ቅዱስ ኤሊያስ ርዕሰ ነቢያት

ሮቡዕ ታህሳስ 2 [፪] ቅዱሳን ሠለስቱ ደቂቅ (አናንያ.አዛርያ.ሚሳኤል)

ሐሙስ ታህሳስ 3 [፫] በዓታ ለእግዝእትነ ማርያም(እመቤታችን ወደ ቤተ መቅደስ የገባችበት ቀን)

አርብ ታህሳስ 4 [፬] ቅዱስ እንድርያስ ሐዋርያ ከ¹² ሐዋርያ (በዓለ ዕረፍቱ)

እሁድ ታህሳስ 6 [፮] ቅድስት አርሴማ ድንግል (ለቅድስት አርሴማና ለተከታዬቿ ሰማዕታት የፍልሰትና የቅዳሴ ቤት መታሰቢያ)

ሰኞ ታህሳስ 7 [፯] ቅዱስ ታላቁ አባ ዳንኤል (በዓለ ዕረፍቱ)
-ስብከት የምስራች አዲስ ዜና

ማክሰኞ ታህሳስ 8 [፰] አቡነ ኪሮስ ጻድቅ (የተወለዱበት ዕለት)

አርብ ታህሳስ 11 [፲፩] ቅዱስ ማር ገላውዴዎስ (በዓለ ውልደቱ)

ቅዳሜ ታህሳስ 12 [፲፪] አቡነ ሳሙኤል ዘዋልድባ (በዓለ ዕረፍቱ)

እሁድ ታህሳስ 13 [፲፫] አቡነ ዘርዓ ቡሩክ (በዓለ ልደታቸው)

ማክሰኞ ታህሳስ 15 [፲፭] ቅዱስ ጐርጐርዮስ ሊቅ ዘአርማንያ- (በዓለ ዕረፍቱ)

እሮብ ታህሳስ 16 [፲፮] ኃያል ጌዴዎን (በዓለ ዕረፍቱ)

አርብ ታህሳስ 18 [፲፰] ቅዱስ ቶማስ ሐዋርያ (ፍልሰቱ)
-አቡነ ሰላማ ካሳቴ ብርሃን

ቅዳሜ ታህሳስ 19 [፲፱] ቅዱስ ገብርኤል ሊቀ መላዕክት (ሰለስቱ ደቂቅ ህጻናትን ያዳነበት)

እሁድ ታህሳስ 20 [፳] ቅዱስ ሐጌ ነቢይ (ከ12 ደቃቀ ነቢያት)

ሰኞ ታህሳስ 21 [፳፩] ኖላዊ ሔር-የእረኛች አለቃ
-ቅዱስ በርናባስ ሐዋርያ (72 አርድዕት)

ማክሰኞ ታህሳስ 22 [፳፪] ቅዱስ ደቅስዮስ (ተአምረ ማርያምን የጻፈው) የእመቤታችን ወዳጅ
-ቅዱስ ገብርኤል ሊቀ መላእክት

እሮብ ታህሳስ 23 [፳፫] ቅዱስ ዳዊት ልበ አምላክ

ሐሙስ ታህሳስ 24 [፳፬] ኢትዮጵያዊው ጻድቅ አቡነ ተክለ ሃይማኖት ሐዋርያዊ (የተወለዱበት ቀን)

ሰኞ ታህሳስ 28 [፳፰] በዓለ/ ዕለተ ጌና
-አማኑኤል ቸር አምላካችን
-ዕለተ ማርያም

ማክሰኞ ታህሳስ 29 [፳፱] ልደተ ክርስቶስ
-ታኦዶኮስ (ድንግል ማርያም)
-ቅዱስ ኢያሱ ነቢይ (ልደቱ)
-ቅዱስ ላሊበላ (ልደቱ)
-አቡነ ገብረ መንፈስ ቅዱስ (ልደታቸው)
-ዮሴፍና ሰሎሜ

ዕሮብ ታህሳስ 30 [፴] መቶ አርባ አራት ሺህ ሕፃናት (ሄሮድስ የገደላቸው)

በሰላም ያድርሰን 🙏🏻💚 የአምላካችን ቸርነቱ፡ ምህረቱ አይለየን 🙏🏻💛
የእናቱ የቅድስት ድንግል ማርያም እና የቅዱሳን መላእክት፣ ጻድቃን፣ ሐዋርያት፣ ሰማዕታት፣ ደናግላን አማላጅነታቸው አይለየን በእውነት🙏🏻❤️

✍🌺✞ ማርያም አማላጅ ናት ✞🌺

ምንም የለኝም ደሃ ነኝ አትበሉ !🫵
፦አንብቡት
---------------------
፨አንድ ደሃ ወደ አንድ ገዳም ሄዶ በዚያ ያገኛቸውን መነኩሴ አባት ለምን በጣም ደሃ ሆንኩ ብሎ? ጠየቃቸው።

እሳቸውም የምትሰጠው ብዙ አለህ እኮ ግን አላወቅከውምን? ብለው በጥያቄ መለሱለት። ደሃውም የምሰጠው ምንም ነገር የለኝም አላቸው። እኚህ አባትም ከማንም የማያንስ የምትሰጠው ብዙ ነገር አለህ ተመልከት፦👀

ፊትህ፦ ይስቃል፥ ይደሰታል ለደስተኞች ፈገግታህን ትሰጣለህ ታካፍላለህ!
አፍህ፦ ውብ የሆኑ ቃላትን ትናገርበታለህ፥ ታመሰግንበታለህ፥ ሰዎችን ታበረታታለህ፥ ትመክራለህ፥ ታፅናናበታለህ!!
ልብህ፦ ለመልካምነት ፥ ለእውነትና እና ለትህትናን ልብህ ክፍት ነው!

ዓይንህ፦ ዓይንህ ጎስቋላና ችግረኞችን በፍቅርና በደግነት ትመለከታለች!! በሀዘን ለተዋጠው ዕንባን ትሰጣለች!
ሰውነትህ ፦ አቅም ያነሳቸውንና ጉልበት የሌላቸውን ታግዛቸዋለች።
ተመልከት ይሄን ሁሉ መስጠት ከቻልክ አንተ ደሃ አይደለህም..!!

ተወዳጆች ያለንን ብናውቅ እግዚአብሔር ያስቀረብን አንዳች የለም ከሁሉም በላይ አንድያ ልጁን ሰጥቷል ከዚህ በላይ ደግነት የለም!! ስለዚህ እናንተ ደሃ አይደላችሁም እግዚአብሔር ያላችሁ ባለጠጎች እንጂ!

ሁላችንም እንዲህ እንበል እውነት ነው አምላኬ ሆይ ለኔ የሰጠህኝ እጅግ ብዙ ነውና በጣም አድርጌ አመሰግንሀለሁ🙏🙏🙏
✥••●◉ ✞ ◉●••✥
@Maryam_Maryam2127
@Maryam_Maryam2127

❤️‍🩹 ለስልክ መጥሪያ መዝሙር
የምትፈልጉ እንሆ part 3 ❤️‍🩹🥰

ቀጣይም part 4 እንልቀቅ ወይስ ??? ❤️👍

♡ ሼር👉 
@Maryam_Maryam2127
@Maryam_Maryam2127

ክርስቶስን ካላየሁ አይኔ አይገለጥ ይጥፋ !
ክርስቶስን ካልሰማሁ ጆሮዬ ይደንቁር ይደፈን !
ክርስቶስን ካልተከተልኩ እግሬ ይጠር ይቆረጥ !
ክርስቶስን ካልተመኘሁ አእምሮዬ ይነቀል ይወገድ !
ክርስቶስን ካልያዝኩ ልቤም ትፈንዳ ትፍሰስ !

ያለ ክርስቶስ ኖሬ እንደ እቃ ወይም ትርጉም የለሽ መኾን አልፈልግም !🙏🏻

🌷ሰንበተ ክርስቲያን እሁድ

እሑድ ማለት:- ‹‹አሐደ›› ከሚለው የግእዝ ቃል የወጣ ሲሆን ትርጉሙም የመጀመሪያ ማለት ነው፡፡ ይህቺ ዕለት በመጽሐፍ ቅዱስ ‹‹ከሳምንቱ በፊተኛው ቀን›› በመባል ትታወቃለች፡፡ ዮሐንስም በራዕዩ ‹‹የጌታ ቀን›› ያላት ናት (ራእይ 1፤10) ፡፡

👉ቅዱስ ያሬድም በድጓው ላይ ‹‹ዕለተ እግዚአብሔር›› የሚላት ዕለተ እሑድ ናት፡፡

ዕለተ እሑድ እንደ ሰንበት የሚከበርበት ምክንያቶች፡- እግዚአብሔር ሥራው የጀመረባት ለሥነፍጥረት መጀመሪያ ዕለተ [ጥንተ ዕለት] ናትና ዕለተ ሥጋዌ ናት፡፡ ጌታ የተፀነሰባትና እርቅ የተወጠነባት የፍሰሐ ቀን፡፡ ዕለተ ትንሣኤ ናት፡፡ ጌታ ከሙታን ተለይቶ የተነሳባት ዕለት የቤተ/ክ የልደት ቅን ናት፡፡ መንፈስ ቅዱስ ለሐዋሪያት የወረደባት ኃይልና ፅናትን ያኙባት ዕለት ጌታ በክበበ ትስብእት በግርማ መለኮት ዳግም በቅዱሳን መላእክቱ ታጅቦ በጌትነቱ ለፍርድ የሚመጣባት ታላቅ የፍርድ ቀን ናትና የተለያዩ መንፈሳዊ አገልግሎቶች የሚካሄዱባት ዕለት ናት 1ኛ ቆሮ 16፤1

የሐዋሪያት ዘመንም በጤሮዓዳ ያሉ ክርስቲያኖች እሑድ ቀን ይሰበሰቡ ነበር የሐዋ 20 ፥7 በቤተክርስቲያን ታሪክ ንጉሥ ቆስጠንጢኖስ ዕለተ እሑድ የክርስቲያኖች ሰንበት ናት በማለት ሥራ እንዳይሰራባት አዋጅ አስነግሮ ነበር፡፡ ምንም እንኳን ይህቺ ዕለት በሐዲስ ኪዳን መከበር የጀመረ ቢሆንም በብሉይ ኪዳን ከፋሲካ በፊት የሰንበት

የቀዳሚት ማግስት በመባል በኩራት እና ቀዳሚያት የሚያቀርቡበት ቀን ነበር፡፡ ራዕ 1:10 በቀዳሚት ሰንበት ቅዱስ እግዚአብሔር ከሥራው ሁሉ አርፎ ሥጋዊ እረፍትን ለሰው እንዳስተማረ በእሑድ ቀን [በሰንበተ ክርስቲያን] በጌታችን መድኃኒታችን ኢየሱስ ክርስቶስ አዳኝነት የተገኘውን የዘላለማዊ የነፍስ ዕረፍት የምናስብበት ነው፡፡ ዕብ 4፡1-10

መልካም ዕለተ ሰንበት ❤️

ክፋ ትምርትን እንዳትማርብህ ባጠገብህ የምትተኛ ሚስትህን አታስቀናት።❤️‍🩹

ኅይልህን እንዳታደክምህ ለሴት ልብህን አትስጣት።
በወጥመዷ እንዳትሰነካከል የሰው ሚስት አታባብል።
በዘፈኗ እንዳታስትህ ከዘፋኝ ሴት ጋራ እትጫወት።
ፈቃዷ እንዳያስትህ ድንግልን አትቆንጥጣት።
ርስትህን እንዳታጣ ለአመንዝራ ርስትህን አትስጣት።

በከተማዎች መንገድ ዙሪያ አታማትር አደባባይዋን አያስትህ።
ከመልከ መልካም ሴት ፊትህን መልስ የሌላ ሰው ሚስትም ደም ግባት አያስጎምጅህ በሴት ደም ግባትም የሳቱ ሰዎች ብዙ ናቸው ስለነዚህ ነገር ፍቅሩ እንደ እሳት ይነዳል።
ከሰው ሚስት ጋራ አትቀመጥ ልቡናህን ወደሷ እንዳትወስድ ሰውነትህንም ለሞት እንዳትሰነካክል በመጠጥ ጊዜ ከሷ ጋራ አትቀመጥ።

ድንገተኛ ወዳጅ እንደሱ አይሆንሀምና የቀድሞ ወዳጅህን አትተወው ።
አዲስ ወዳጅ ጕሽ ጠጅ ነው ቢከርም ግን ደስ ብሎህ ትጠጣዋለህ።
እንዳጠፉ አታውቅምና የኃጥአን ብልጽግናቸው አያስቀናህ።
የእግዚአብሔርን ሕግ የዘነጉ ሰዎች ተድላቸው አያስጎምጅህ እስኪሞቱ ድረስ እንዳይከስሩ አስብ። 📚 መጽሐፈ ሲራክ ምህራፍ 9፥1-12

የእግዚአብሔር ይመስገን 🙏🏻❤️‍🩹

🥹ብዙዎቻችን ባጣነው ነገር እንበሳጫለን🤯

በአንድ ወቅት አንድ መንፈሳዊ አባት ከነበሩበት ቦታ ወደ በረሃ መሰደድ ግድ ሆነባቸው። ከቅዱስ መጽሐፋቸው ሌላ ሦስት ነገሮች ነበሯቸው። እነሱም፦ ቅዱስ መጽሐፉን በጨለማ ወቅት ለማንበብ የሚጠቅማቸው ኩራዝ፣ ጎህ ከመቅደዱ በፊት ከእንቅልፍ የሚቀሰቅሳቸው አንድ አውራ ዶሮ እና ለመጓጓዣነት የሚገለገሉበት አንድ አህያ ነበሩ።

አንድ ቀን ምሽት ከጉዞ የተነሣ በጣም ስለ ደከሙ እኚህ መንፈሳዊ አባት ወደ አንድ መንደር ቀርበው ማደሪያ ቢጠይቁም መንደርተኛው ፈቃደኛ ባለመሆኑ ማንም አላሳደራቸውም። ስለዚህም ከመንደሩ አቅራቢያ አንድ ጉድጓድ ያገኙና በዚያ ውስጥ ገብቶ ለማደር በመወሰን ገብተው አደሩ። እንደ ወትሮው ቅዱስ መጽሐፋቸውን ለማንበብ ኩራዛቸውን ቢለኩሱትም የነበረው ብርቱ ነፋስ አጠፋባቸው።
ስለዚህም ለመተኛት ጋደም እንዳሉ ተኩላ መጥቶ አውራ ዶሮዋቸውን፣ አንበሳም አህያቸውን በሉባቸው።

የተደራረበ ጉዳት ስለደረሰባቸው ሽማግሌው እርዳታን በመሻት ወደዚያ መንደር ቢመለሱ ዘራፊ ሽፍታዎች የመንደሩን ነዋሪዎች በሙሉ ገድለው ንብረት ዘርፈው ወና መንደር ሆኖ አገኙት። ሽማግሌው ይህን ሁሉ ባጤኑ ጊዜ እግዚአብሔር ምን ያህል መልካም ነገርን እንዳደረገላቸው አስተዋሉ። በዚያች ምሽት በመንደርተኞቹ በአንዱ ቤት ቢያድሩ ኖሮ የዘራፊዎች ሰለባ ሆነው ሊገደሉ በቻሉ ነበር።

ቀንዲላቸውንም ነፋስ ባያጠፋው የብርሃኑ ወጋገን እዚህ ጋር ሰው አለ በማለት ለሽፍታዎቹ ያሳብቅ ነበር። አውራ ዶሮአቸውና አህያቸውም ባይበሉ ኖሮ ከሽፍታዎቹ ተደብቀው ማደር ባልቻሉ ነበር።” እግዚአብሔር ከክፉ ነገሮች ውስጥ መልካም ነገር ማውጣት የሚችል አምላክ ነው።"እኛም የምንፈልገውን ነገር ፈጣሪ በከለከለን ጊዜ ልናመሰግነው እና የተሻለ እንዳሰበልን ልናስብ ይገባል።

በሉ ሰላም ይግጠመን በቸር ዋሉ🙏❤️

​​➡️"ለቅዱስ ቁርባን ማድረግ ያለብን ጥንቃቄ ምንድን ነው"❓
➡️"ለመቁረብ የሚያበቃን እና የማያበቃን ሁኔታዎች ምን ምን ናቸው"❓
➡️"ከቆረብን በኋላ ምን አይነት ጥንቃቄ ማድረግ አለብን"❓


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
1⃣ ለቅዱስ ቁርባን ማድረግ ያለብን ጥንቃቄ ምንድን ነው?❗

(ሀ)• የሚቆርቡና የሚቀድሱ ሰዎች በጋብቻ የሚኖሩ ከሆኑ ከመቀደሳቸውና ከመቁረባቸው በፊት 3 ቀን ከቁርባን በኋላ 2 ቀን ከሩካቤ መከልከል ይገባቸዋል።

(ለ)• ቅዱስ ቁርባን መቀበል ንሰሐ ገብቶ ከሀጥያት ነፅቶ ነው ከክርስቶስ ወገን ማንም ሰው የክርስቶስን ሥጋውን ደሙን ተቀብሎ ትንሳኤ ዘለሕይወትን ሊወርስ ቢወድ ልቡን ከቂምና ከበቀል ሰውነቱን ከበደል ንፁህ አድርጎ መቀበል አለበት።

ይህም ማለት ሰው ስለሚያውቀው ሀጥያት ተናዞ ስለማያውቀው ይቅር በለኝ እያለ በንፁህ ይቁረብ ማለት ነው። በሀጥያት ሳይነፃ ቢቀበል ግን የጌታ ስጋ እንደሆነ አላወቀምና እንደ ምድራዊ ምግብም አቃጥሎታልና በሀጥያት ሳለ ያለ ኃፍረት በድፍረት ሥጋውን ደሙን በመቀበሉ ሥላሴ ይፈርዱበታል። 1 ቆሮ 11፥ 23 - 29።

(ሐ)• ሥጋ ወደሙን ለመቀበል ለ18 ሰዓት ከእህልና ከውሃ ተከልክሎ መፆም ይገባል። ፍት .ነገ 13

(መ)• ሰው ዝንየት(ህልመ ሌሊት) ካጋጠው በዚያ ቀን አይቆርብም።

(ሠ)• ካህን በሚቀድስበት ቀን እንቅፋት ቢያገኘው ማለት ነስር ትውኪያ ማንኛውም የአካል መድማት መቁሰል ቢያጋጥመው በዚያ ዕለት መቀደስ ማቁረብም መቁረብም አይገባውም።

ከቁርባንም በኋላ ካለመጠንቀቅ የተነሳ እንዲህ ያለ ነገር ቢያጋጥመው ንሰሐ ሊሰጠው ይገባል። ንሰሐውን ሳይቀበል እንደገና መቁረብ አይገባውም ይህም ለካህን ብቻ ሳይሆን ምዕመናንንም የሚመለከት ነው።

2⃣ ለመቁረብ የሚያበቃን እና የማያበቃን ሁኔታዎች ምን ምን ናቸው?❗

(ሀ)• ቅዳሴ ሲጀመር ያልነበረ ሰው መቁረብ አይገባውም። ፍት. ነገ አንቀፅ 12

(ለ)• ከምዕመናን በስተቀር ያላመኑ ሰዎች ሥጋ ወደሙ እንዳይቀበሉ መጠበቅ ያስፈልጋል። ፍት . ነገ 13

(ሐ)• ጋኔን የሚጥለው ሕመም ያለበት ፡ ሰው የማያሰድበው ከጣለው በኋላ ዐረፋ የማያስደፍቀው ከሆነ ሥጋ ወደሙ ከመቀበል አይከለከልም። ፍት.ነገ 13

(መ)• የአቆራረብ ተራ ቀጥሎ እንደተዘረዘረው ነው።
-> ሊቀ ጳጳሳት
-> ጳጳሳት
-> ኤጲስ ቆጶሳት
-> ቆሞሳት
-> ቀሳውስት
-> ዲያቆናት
-> ንፍቅ ዲያቆናት በየ ተራቸው ይቆርባሉ።
ከእነርሱ ቀጥሎ ሁሉም በየማዕረጉ ይቆርባሉ ከካህናት ቀጥሎ በዕለቱ ክርስትና የተነሱ ይቆርባሉ ከዚያም ሕፃናት ቀጥሎም ደናግላን ከዚያ ቀጥሎም ህዝባውያን ምዕመናን ስርዓተ ቅዳሴው እንደሚያዘው ይቆርባሉ።

(ሠ)• ቅዱስ ቁርባን ተቀብለው ማየ መቁረር (የቅዳሴ ጠበል) ይሰጣል። ፍት. ነገ አን ፲፫።

3⃣ ከቆረብን በኋላ ምን አይነት ጥንቃቄ ማድረግ አለብን?❗

(ሀ)• ከቆረቡ በኋላ በዛው ዕለት ወደ ፍርድ ቤት መሔድና መሟገት ክልክል ነው።

(ለ)• በቆረቡበት ቀን ከሚስት ጋር መገናኘት ክልክል ነው።

(ሐ)• አብዝቶ መብላት መጠጣት ጥፍር መቁረጥ ፀጉር መላጨት ክልክል ነው።

(መ)• ዕለቱን በውኃ መታጠብ ከልብስ መራቆት ክልክል ነው። ሥርዓተ ቅዳሴ ቁጥር (፩፻፰፮)።

🔷አንብበው ጨርሰዋል? እንግዲያውስ ጠቃሚ ነው ብለው ካሰቡ ሼር በማድረግ ወንጌን ያዳርሱ!!

ረድኤተ እግዚአብሔር አይለየን🙏❤️

።።።። ወስበሐት ለእግዚአብሔር ።።።።
።።።።። ወለወላዲቱ ድንግል ።።።።።
።።።።። ወለመስቀሉ ክቡር ።።።።።

✍🏾 ዲ/ን ዮናስ ዘ ሆለታ ደብረ ኤዶም

Join ✅share ✅
@Maryam_Maryam2127
@Maryam_Maryam2127

📖አቤቱ ቸሩ መድኃኔዓለም ሆይ 🤲🙏

📖 እንደ እኛ ክፋት ሳይሆን እንደ ቸርነትህ ተመልከተን።
📖 እንደ እኛ ክፋት ሳይሆን ቃል ኪዳን ስለገባህላቸው ስለ እናትህ ስለ ቅድስት ድንግል ማርያም ብለህ ማረን።
📖 ስለ ቅዱሳን ጻድቃን ስማእታት ብለህ ማረን ይቅርም በለን።
📖 ስለ ባለ ሟሉ ሥለ አብረሃም ስለ ይስሀቅ ዘሩን በ12 ነገድ ስለከፈልከው ስለ ያህቆብ ብለህ ማረን ይቅርም በለን በምህረት አይኖችህ ተመልከተን።
📖 በቸርነትህም ሃይማኖታችን በተዋህዶ እምነታችን እንድንጸና ጠብቀን ።
📖 የተራቡትን የተጠሙትን ጎብኝልን።
📖 የአልጋ ቁራኛ የደዌ ዳኛ የሆኑትን በየ ሆስፒታሉ ያሊትንበየ ፀበል ቦታ የሚንከራተቱትን ጠዋሪ ቀባሪ ያጡትንም ወገኖቻችንን አንተ ጎብኝልን።
📖 መንገድ ለጠፋባቸውም ብረሀናቸው ሁንላችው።
📖 በፀሎት አስቡን አትርሱን ያሉንን ወገኖቻችንንም በምህረትህ አስባቸው።

ልዑል እግዚአብሔር ሆይ ሁሉ በእጅህ ነውና ቀኑን በሰላም አውለን
አሜን...አሜን...አሜን...🙏🏻💗

🙇ነገ ቀኑ 27 ቸሩ መድኃኔዓለም🕯🥰

ጸለየ ጸሎት’ንና ምልጃን የሚቀበል ግን እርሱ ነው፡፡

አለቀሰ የሰዎችን እንባ የሚያብስ ግን እርሱ ነው፡፡

እጅግ ርካሽ በሆነ በሰላሳ ዲናር ተሸጠ፤ ዓለም’ን እጅግ ውድ በሆነ ደሙ የገዛ ግን እርሱ ነው፡፡

እንደ በግ ለመታረድ ተነዳ እውነተኛው የበጎች እረኛ ግን እርሱ ነው፡፡

በሸላቾቹ ፊት ዝም እንደሚል በግ አፉን አልከፈተም፤ ዓለምን በቃሉ የፈጠረ ግን እርሱ ነው፡፡

ወንጀለኞችን ይፈውስ ዘንድ ከወንጀለኞች ጋራ ተሰቀለ፡፡

🤍🤍🤍ቸሩ መድኃኔዓለም
በምህረቱ ይመልከተን🙏🏻🤲🤍

እንኳን ለጻድቁ አባታችን አቡነ ሀብተ ማርያም ዕረፍት በዓል አደረሳችሁ አደረሰን 🙏❤️

በስመ አብ ወወልድ ወመንፈስ ቅዱስ አሐዱ አምላክ አሜን ፫ 🙏🥰
"ቅዱስ አቡነ ሀብተ ማርያም"

የዚህ ቅዱስ አባት የትውልድ አገሩ ኢትዮጵያ ውስጥ የራውዕይ በምትባል በስተ ምሥራቅ ባለች ሀገር ውስጥ ነው በዚያም ስሙ ፍሬ ቡሩክ የሚባል አንድ ሰው ነበረ ይህም ክቡራንና ታላላቅ ከሚባሉት ከዚች አገር ታላላቅ ሰዎች አንዱ ነው ። እጅግም ሀብታም ነበር ብዙ ንብረትም አለው በሕጋዊ ጋብቻም ስሟ ዮስቴና የምትባል ብላቴና ድንግልን አገባ ይቺም የተመረጠች በበጎ ሥራ የተሸለመችና ያጌጠች ናት።

ነገር ግን አስቀድመን በዚህ ዓለም ከሕግ ባሏ ጋር በንጹሕ ጋብቻ እግዚአብሔርን በመፍራት ምጽዋትን በመስጠት የዋህነትን ትሕትናን ፍቅርን ትዕግሥትን ገንዘብ አድርጋ በጾም በጸሎት ተወስና እንደኖረች እንነግራችኋለን ። በእንደዚህም ሳለች ጌታችን በወንጌል ሰው ዓለሙን ቢያተርፍ ነፍሱን ካጠፋ ምን ይጠቅመዋል እንዳለ ላንቺ በዚህ ዓለም መኖር ምን ይረባሽ የሚል ሐሳብ መጣባት ።

ከዚህም በኋላ ወጣች ፈጥናም በሀገርዋ ትይዩ ወደሆነ ምድረ በዳ ደርሳ ወደ መካከሉ ገባች በዚያም በረሀ አራዊት እንጂ ሰው አይኖርበትም በዚያም ደጃፍዋ የተከፈተ ታናሽ ዋሻ አግኝታ ምንም ምን ሳትነጋገር ወደ ውስጧ ገብታ ቆመች የዳዊትንም መዝሙር የሚጸልይ ሰው አይታ ደነገጠች።

እርሱም ባያት ጊዜ ፍርሀትና መንቀጥቀጥ በላዩ ወረደበት በመስቀል ምልክትም በላይዋ አማትቦ የእግዚአብሔርን ስም ጠራ እንዳልሸሸችም አይቶ ሰው መሆንዋን አወቀ በአወቀም ጊዜ እንዲህ ብሎ ገሠጻት ወደዚህ ምን አመጣሽ ለእኔ እንቅፋት ልትሆኚ ነውን አሁንም ከዚህ ፈጥነሽ ሒጂ አላት ።

እርሷም አባቴ ሆይ አንተ እንዳሰብከው አይደለሁም እኔ ለሕያው እግዚአብሔር ልጅ ለኢየሱስ ክርስቶስ አገልጋዩ ነኝ እንጂ በእርሱ ፍቅርና በእናቱ በእመቤቴ በቅድስት ድንግል ማርያም ፍቅር ያለኝን ሁሉ ትቼ ንቄ ከዓለም ወጥቼ ወደዚህ መጣሁ በዚህ ቦታም ከአራዊት በቀር ሰው እንዳለ አላወቅሁም አሁንም አባቴ ይቅርታ አድርግልኝ ወደ ሌላ ቦታ እሔዳለሁ አለችው ።

በዚያንም ጊዜ ከርሷ የሚሆነውን መንፈስ ቅዱስ ገልጾለት እንዲህ አላት ዜናው ወደ ዓለም ሁሉ የሚወጣ በሕይወተ ሥጋም እያለ የብዙዎች ሰዎች ነፍሳትን ከሲኦል የሚያወጣ እንደ መላእክትም ክንፎች ተሰጥተውት ወደ አርያም ወጥቶ የሥላሴን የአንድነትና የሦስትነትን ምሥጢር የሚያይ ልጅን ትወልጂ ዘንድ አለሽና ወደ ቤትሽ ተመለሽ አላት። ቅድስት ዮስቴናም ከዚያ ሽማግሌ ባሕታዊ ይህን በሰማች ጊዜ አድንቃ የፈጣሪዬ ፈቃዱ ከሆነ ብላ ወደቤቷ ተመለሰች።

ከጥቂት ቀኖችም በኋላ ፀንሳ ይህን ደም ግባቱ መልኩ የሚያምር ልጅን ወለደች በእናትና በአባቱ ቤትም ታላቅ ደስታ ሁኖ ለድኆችና ለጦም አዳሪዎች ለዘመዶቻቸውና ለጎረቤቶቻቸው ታላቅ ምሳ አደረጉ እነርሱም በጠገቡ ጊዜ እነርሱንም ሕፃኑንም መረቋቸው ።

ሕፃኑም አርባ ቀን በሆነው ጊዜ እንደ ሕጉና እንደ ሥርዓቱ ወደ ቤተ ክርስቲያን ወሰዱት ካህኑም ተቀብሎ በአጠመቀው ጊዜ ስሙን ሀብተ ማርያም ብሎ ሰይሞ ለክርስትና አባቱ ሰጠው ሕፃኑም ጥቂት በአደገ ጊዜ በቤተ ክርስቲያን ውስጥ እግዚኦ መሐረነ ክርስቶስ ሲሉ ሰምቶ ሕፃኑ ሀብተ ማርያም በልቡ ይቺ ጸሎት መልካም ናት እኔም መርጫታለሁ በዚህ ዓለም ስሕተትን አስቦ ከመሥራት በሚመጣውም ዓለም ከገሀነም እንደምድንባት አውቃለሁና አለ ። ይህንንም ብሎ የሚሠራውን ማንም ሳያውቅበት ይህን ጸሎት ከማዘውተር ጋር ሌሊቱን ሁሉ በመስገድ ይፀልይ ነበር ።

ከዚህም በኋላ አባቱ የበጎች ጠባቂ አደረገው በአንዲት ዕለትም በጎቹን አየጠበቀ ሳለ ብዙ የበግ ጠባቂዎች እሸት ተሸክመው መጥተው ና እንብላ አሉት እርሱ ግን ከወዴት እንዳመጣችሁት የማላውቀውን አልበላም አላቸው እነርሱም በቁጣ ዐይን ተመልክተው ተጠቃቀሱበት ።

እሸቱንም በልተው ከጨረሱ በኋላ የከበረ ሕፃን ሀብተ ማርያምም ታላቅ ዝናም ስለመጣ ወደየቤታችን እንመለስ ከዚህ የምንጠለልበትና የምንጠጋበት ቤት ወይም ዋሻ የለምና አላቸው ። እነርሱም እኛ የማናየውን የሚያይ ሌላ ዐይን አለህን በሰማይ ፊት ምንም ደመና ሳይኖር ሀገሩም ብራ ሆኖ ሲታይ እንዴት ይዘንማል ትላለህ አሉት እርሱም እኔ የማውቀውን እናንተ አታውቁትም ግን ወደ ቤታችሁ ግቡ አላቸው እረኞችም ባልሰሙት ጊዜ ፈጥኖ ተነሥቶ በጎቹን እያስሮጠ ወደ ቤቱ ገባ ። ወደ ቤቱም በገባ ጊዜ ታላቅ ዝናም መጣ ነፋሳትም ነፈሱ መብረቆችም ተብለጨለጩ ነጎድጓድም ተሰማ ደመናትም ተነዋወጹ ይህ ሁሉ በላያቸው ሲወርድ መሸሺያ አላገኙም ።

ከጥቂት ቀኖችም በኋላ በጎቹን እየጠበቀ ሳለ ብዙ የበግ እረኞችም አብረውት ነበሩ አንድ የበግ ጠባቂም መጥቶ የወጣት ሀብተ ማርያምን በትር ነጠቀውና ሔደ ብላቴና ሀብተ ምርያምም በትሬን ለምን ትቀማኛለህ አለው እረኛውም በትዕቢት ቃል በጉልበቴ ነጥቄሃለሁ አለው ብላቴና ሀብተ ማርያምም እኔ ኃይል የለኝም ነገር ግን በጎቼን የምጠብቅበትን በትሬን እንዳትወስድብኝ በሕያው እግዚአብሔር ስም አምልሃለሁ አለው ያም የበግ ጠባቂ እምቢ አልኩህ አለው።

ብላቴናው ሀብተ ማርያምም አንድ ጊዜ በፈጣሪዬ ስም አማልኩህ ከእንግዲህ ወዲያ ደግሜ አላምልህም በአንተ ላይ የሚደረገውን ራስህ ታውቀዋለህ ይህንንም ተናግሮ ዝም አለ ። በዚያንም ጊዜ ያ የበግ ጠባቂ በአየር ውስጥ ተዘቅዝቆ ተሰቀለ የእግዚአብሔር አገልጋይ ሀብተ ማርያም ማረኝ እያለ ይጮህ ጀመረ የልዑል እግዚአብሔርን ስም አቃልሏልና ተሰቅሎ ዋለ እረኞች ሁሉም አይተው አደነቁ ፈሩትም ይህን ሰነፍ ማርልን እግዚአብሔር ያደረገልህን ኃይል አይተናልና አሁንም ስለ እምቤታችን ድንግል ማርያም ይቅር በለው አሉት። ብላቴናው ሀብተ ማርያምም በውኑ እኔ የሰቀልኩት ነውን በእግዚአብሔር ስም አማልኩት እንጂ የኃይሉን ጽናት በላዩ ሊገልጥ እርሱ እግዚአብሔር ሰቀለው አሁን እርሱ ከፈቀደ ያውርደው እርሱ መሐሪና ይቅር ባይ ነውና ይህንንም በተናገረ ጊዜ ወርዶ በእግሩ ቆመ ወደርሱም መጥቶ ሰገደለት።

ከረጂም ዘመናትም በኋላ ስሟ እለአድባር ወደምትባል ገዳም ሒዶ ከዚያም የምንኩስናን ሥርዓትና ሕግ በአበምኔቱ በተመረጠ አባ መልከጸዴቅ እጅ ተቀበለ ከዚያም ቅዱሳን መነኰሳት ወደሚኖሩበት ሔዶ ታላቅ ተጋድሎ ጀመረ።

እርሱም በባሕር መካከል በመቆም የዳዊትን መዝሙር ሁሉንም ያነባል በባሕር ውስጥም ሰጥሞ ግምባሩ አሸዋ እስቲነካው አምስት መቶ ጊዜ ይሰግዳል ከሰንበት ቀኖችም በቀር እህል አይቀምስም ነበር ከዚህም በኋላ እህልን ትቶ እንደ ዋልያዎች የዱር ቅጠል የሚመገብ ሆነ።

አርባ አርባ ሰማንያ ሰማንያ ቀን የሚጾምበት ጊዜ አለ በባሕር ውስጥ በሌሊት ቁሞ በማደር በቀንም አራቱን ወንጌላት ያነባል ሌሎች መጻሕፍትንም በእንዲህ ያለ ሥራ ብዙ ዘመን ኖረ።

ብዙ ተጋድሎንና ድካምንም በአስረዘመ ጊዜ ጌታችንና መድኃኒታችን ኢየሱስ ክርስቶስ ወደርሱ ተገልጦ መጣ ከእርሱ ጋርም የመላእክት አለቆች የከበሩ ሚካኤልና ገብርኤል የመላእክት ማኅበርም ሁሉ በዙሪያው ሁነው እያመሰገኑት ነበር ወዳጄ ሀብተ ማርያም ሰላም ላንተ ይሁን አለው ። በዚያንም ጊዜ ከግርማው የተነሣ ወድቆ እንደ በድን ሆነ ጌታችንም በከበሩ እጆቹ አንሥቶ እፍ አለበትና ጽና ኃይልህን ላድሳት እንጂ ላጠፋህ አልመጣሁምና ተጋድሎህና ድካምህ ሁሉ በኢየሩሳሌም ሰማያዊት እንደ ተጻፈ በእውነት እነግርሃለሁ ።

እነሆ እኔ በጎ ዋጋህን በዚህም ዓለም በሚመጣውም ዓለም እከፍልሃለሁ የማቴዎስንና የማርቆስን ወንጌል በምታነብ ጊዜ በተራራዎችና በዋሻዎች በፍርኩታ ተሠውረው ወደሚኖሩ እንዳንተ ካሉ ቅዱሳን ጋር ለመገናኘት በላዩ ተቀምጠህ ወደ ምሥራቅ ወደ ምዕራብ ወደ ሰሜንና ደቡብ የምትበርበት የብርሃን ሠረገላ ሰጠሁህ ሉቃስና ዮሐንስ የጻፉትን ወንጌል ባነበብክ ጊዜ ሥጋዬንና ደሜን በዚያ ትቀበል ዘንድ በላዩ ተቀምጠህ ወደ ኢየሩሳሌም የምትሔድበት የእሳት ሠረገላ ሰጠሁህ አለው።

ከብዙ ዘመናትና ከብዙ ተጋድሎ በኋላ የሚሞትበት ጊዜ ሲደርስ ለሞቱ ምክንያት የሚሆን ቸነፈር ያዘው ክብር ይግባውና ጌታችን ኢየሱስ ክርስቶስ ወደርሱ መጥቶ ወዳጄ ሀብተ ማርያም ሰላም ላንተ ይሁን ዛሬ ግን የመጣሁት ከድካም ወደ እረፍት ልወስድህ ነው እነሆ ሰባት አክሊላትን አዘጋጅቼልሃለሁና አንዱ ስለ ድንግልናህ ሁለተኛው ዓለምንና በውስጡ ያለውን ሁሉን ትተህ በመውጣትህ ሦስተኛው ፍጹም ስለሆነው ምንኩስናህ አራተኛው አራቱን ወንጌሎች አዘውትረህ የምታነብ በመሆንህ አምስተኛው ስለ እኔ ፍቅር መራብና መጠማትን ስለታገሥክ ስድስተኛው በልብህ ቂምና በቀልን ባለማሳደርህ ሰባተኛውም ስለ ንጹሕ ክህነትህና ስለምታሳርገው ያማረ የተወደደ ዕጣንህና መሥዋዕትህ ሰጠሁህ እሊህ ሰባቱ አክሊላትም ለየአንዳንዳቸው ዐሥራ አምስት ዐሥራ አምስት ኅብር አላቸው።

መታሰቢያህን ካደረጉና በጸሎትህ ከተማፀኑ ጋር የምትገባበትን ቤት በውስጧ አምስት መቶ የወርቅ አምዶች የተተከሉባትን ሰጠሁህ ደግሞ የእሳት መስቀልን የወርቅ ጫማን የብርሀን ልብስን ሥውር የሆነ መና እሰጥሃለሁ አለው።

መድኃኒታችንም ይህን ቃል ኪዳን ሲሰጠው በየነገዳቸውና በየሥርዓታቸው ዘጠና ዘጠኝ የመላእክት ሠራዊት መጥተው ወዳጃችን ሰላም ላንተ ይሁን ዛሬስ ከፀሐይ ሰባት እጅ ወደምታበራ ሀገራችን በዝማሬና በማኅሌት አክብረን ልንወስድህ መጣን አሉት። አባታችን አባ ሀብተ ማርያምም በሰማያት ለእግዚአብሔር ምስጋና ይሁን በምድርም ሰላም ሆነ የሰው ነጻነቱ ሊሰጠው አለ።
ይህንንም በተናገረ ጊዜ ጌታችን
በሦስትነቱ ተገልጦ ታየውና የመጥምቁ ዮሐንስን ሀገር ተጠጋግታ ያለች ከፀሐይ ሰባት እጅ የምታበራ ሀገርን እሰጥህ ዘንድ በራሴ ማልኩልህ አለው።

መታሰቢያህን የሚያደርገውን በስምህ ለቤተ ክርስቲያን መባ የሚሰጠውን ስምህንም የጠራውን ወደዚች አገር አገባዋለሁ አራቱን ወንጌሎችም እያነበብክ ስለኖርክ የየአንዲቱን ቃል ፍሬዋን አንዳንድ ሽህ አደረግሁልህ ይኸውም ካንተ በኋላ ለሚመጡ ልጆችህ መጽሐፈ ገድልህን ለሚያነቡና በእምነት ለሚሰሙ የገድልህ መጽሐፍ በተነበበበት ውኃ ለሚረጩ ለሚነከሩበት ይህን ቃል ኪዳን ሰጥቼሃለሁ።

ከዚህም በኋላ መድኃኒታችን አፉን ሦስት ጊዜ ሳመው በዚያንም ጊዜ ከፍቅሩ ጣዕም ብዛት የተነሣ ነፍሱ ከሥጋው ተለየች ጌታችንም ተቀብሎ አቅፎ ከእርሱ ጋር አሳረጋት ። በመላእክት ጉባኤም ብዙ ምስጋና ተደረገ ።

አምላከ ቅዱሳን ከአባታችን አቡነ ሀብተ ማርያም ረድኤትና በረከትን ያሳትፈን በጸሎታቸውም ይማረን።🙏❤️

ብርታትም ጉብዝናም ከእግዚአብሔር ነው።
ክብርም ሞገስም ከእግዚአብሔር ነው።
ጥበብና አስተዋይነትም ከእግዚአብሔር ነው።
የሰው መውደድም መደነቅም ከእግዚአብሔር ነው።

ከእኛ የሆነ ምንም ነገር የለም!
ስለሆነውም ስላልሆነውም እግዚአብሔር ይመስገን! ❤️‍🩹🙏🏻

መልካም ቀን ይሁንልን 🙏🤍

​​✝ እንኳን ለታላቁ ሰማዕት ቅዱስ መርቆሬዎስ (ፒሉፓዴር) ዓመታዊ የተአምር በዓል በሰላም አደረሳችሁ፤ አደረሰን። †🙏🏻🥰

💠በስመ አብ ወወልድ ወመንፈስ ቅዱስ አሐዱ አምላክ አሜን!💠

👉 "ቅዱስ መርቆሬዎስ ኃያል"

ለክርስትና ሃይማኖት የሚከፈል ትልቁ ዋጋ ሰማዕትነት ነውና ቤተ ክርስቲያን ለምስክሮቿ ሰማዕታት ልዩ ክብር አላት:: ከኮከብ ኮከብ እንዲበልጥ ሁሉ ከሰማዕታትም ቅዱስ ጊዮርጊስን እና ቅዱስ መርቆሬዎስን የመሰሉት ደግሞ ክብራቸው በእጅጉ የላቀ ነው::

ቅዱስ መርቆሬዎስን ብዙ ጊዜ ሊቃውንት "ካልዕ (ሁለተኛው) ሊቀ ሰማዕታት" ሲሉ ይገልጹታል:: ጥንተ ነገሩስ እንደ ምን ነው ቢሉ:-
በ2ኛው መቶ ክ/ዘመን መጨረሻ አካባቢ ከሮም ግዛቶች በአንዱ (አስሌጥ) ከአባቱና ከሚስቱ ጋር የሚኖር "አሮስ" የሚሉት ሰው ይኖር ነበር:: ሚስቱ ደም ግባት የሠመረላት: እርሱም ደግነት ያለው ሰው ቢሆኑም የሚያመልኩት ግን ጣዖትን ነበር::

አንድ ቀን አሮስ ሚስቱን ከቤት ትቶ ለአደን ከአባቱ ጋር ወጣ:: እንደ ልማዳቸው ወጥመዱን አስተካክለው ተደበቁ:: የወጥመዱ ደወል ሲያቃጭል: "እንስሳ ተያዘልን" ብለው ሲሯሯጡ ዐይናቸው ያየው ነገር በድንጋጤ እንዲፈዙ አደረጋቸው:: 2 ገጻተ ከለባት በወጥመዱ ውስጥ ተይዘው ነበር::

እነዚህ ፍጡራን ሰዎች ናቸው:: ግን ባልታወቀ የተፈጥሮ አጋጣሚ እንደዚህ እንደ ሆኑ ይታመናል:: ግን እጅግ ግዙፍ: ከአንገታቸው በላይ እንደ ውሻ: ወገባቸው እንደ ሰው: ጉልበታቸው እንደ አንበሳ ሲሆን ታችኛው እግራቸው የጋለ የናስ ብረት ነው የሚመስል::

እነዚህን ፍጡራን ሰማያዊ ካልሆነ ምድራዊ ፍጡር አይችላቸውም:: አንበሳና ነብርን እንኩዋ እንደ ጨርቅ በጣጥሰው ይጥሏቸው እንደ ነበር ይነገራል:: ዐይናቸው እንደ እሳት ይነድ ስለ ነበር ማንም ትክ ብሎ ሊያያቸው አይችልም:: ምሥጢራቸውን ግን የሚያውቀው የፈጠራቸው አምላክ ነው::

ወደ ቀደመ ነገራችን እንመለስና:- አሮስና አባቱ ባዩአቸው ጊዜ ደንግጠው ወደቁ:: ገጻተ ከለባቱ የብረት ወጥመዱን እንደ ክር በጣጥሰው የአሮስን አባት በቅጽበት በሉት:: አሮስን ሊበሉት ሲሉ ግን ድንገት ቅዱስ መልአክ ወርዶ በእሳት ሰይፍ አጠራቸው::

"ከእርሱ የሚወጣ ቅዱስ ፍሬ አለና እንዳትነኩት" አላቸው:: ወዲያውም መልአኩ ያንን ኃይለኝነታቸውን አጠፋው:: በዚህ ጊዜ 2ቱም ወደ አሮስ ሒደው ሰገዱለት:: አሮስም ወደ ቤቱ ወስዶም ደበቃቸውና የሆነውን ሁሉ ለሚስቱ ነገራት::

ጥቂት ቆይታም ጸንሳ ወለደች:: ልጃቸውን ፒሉፓዴር (ፒሉፓተር) ሲሉ ስም አወጡለት:: ትርጉሙም "መፍቀሬ አብ - የአብ ወዳጅ" ማለት ነው:: ከዚያም አሮስ ሚስቱን : ልጁንና 2ቱን ገጻተ ከለባት ይዞ ወደ ቤተ ክርስቲያን ሒዶ ተጠመቀ::

አበው ካህናት እሱን "ኖኅ" : ሚስቱን "ታቦት" : ልጁን ደግሞ "መርቆሬዎስ" ሲሉ ሰየሟቸው:: መርቆሬዎስ ማለትም "ገብረ ኢየሱስ ክርስቶስ - የኢየሱስ ክርስቶስ አገልጋይ" እንደ ማለት ነው::

ከዚያም ደስ እያላቸው: ክርስቶስን እያመለኩ: ነዳያንን እያሰቡ: ልጃቸውን መርቆሬዎስን አሳደጉ:: ነገር ግን የገጻተ ከለባት ወሬ በመሰማቱ ንጉሡ "ካላመጣሃቸው" አለው:: ኖኅ ጸልዮ ወደ ኃይለኝነታቸው መልሷቸው ስለነበር ፊታቸው ገና ሲገለጥ ብዙ አሕዛብ በድንጋጤ ሞቱ::

ንጉሡም ስለ ፈራ ኖኅን የጦር መኮንን አደረገው:: በጦርነት ጊዜም ገጻተ ከለባቱ ኃይላቸው ስለሚመለስ ተሸንፎ አያውቅም ነበር:: አንድ ጊዜ ግን 2ቱን ገጻተ ከለባት ንጉሡ አታሎ ወሰዳቸው:: ሃይማኖታቸውን ሊያስክዳቸው ሲል "እንቢ" በማለታቸው አንዱ ሲገደል ሌላኛው አምልጦ ጠፋ::

በዚያ ወራትም ኖኅ ለጦርነት ወጥቶ ተማረከ:: ንጉሡ ደግሞ ታቦትን "ላግባሽ" ስላላት የ5 ዓመት ልጇን ቅዱስ መርቆሬዎስን ይዛ ተሰደደች:: በስደት ጥቂት እንደ ቆየች ግን ባሏን ኖኅን አየችው::

እርሷ ብታውቀውም እርሱ ዘንግቷት ነበር:: በሁዋላ ግን በሕጻኑ መርቆሬዎስ አማካኝነት ማስታወስ በመቻሉ ደስ አላቸው:: በዚያው በሮም ዙሪያ ሳሉም አንዱ ገጸ ከልብ መጥቶ አገኛቸው:: በዚህም ምክንያት በስደት ሃገርም መኮንን ሆኖ ተሾመ::

በዚያም ቤተ ክርስቲያንን አንጾ: ቤቱን ቤተ ነዳያን አድርጐ ኖኅ ለዓመታት ኖረ:: ቅዱስ መርቆሬዎስ ወጣት ሲሆንም ወላጆቹ ታቦትና ኖኅ ዐረፉ:: እርሱ ከባልንጀራው ገጸ ከልብ ጋር ሆኖ በጾምና ጸሎት ሲኖር ስለ አባቱ ፈንታ የጦር መሪ አደረጉት::

በጦርነትም እጅግ ኃያል: በሰው ዘንድም ፍጹም ተወዳጅ: የጾምና የጸሎት ሰው ሆነ:: ያን ጊዜ ግን ዳክዮስ ንጉሡ ክርስቶስን በመካዱ ምዕመናን ላይ ሞት ታወጀ:: በጊዜው ደግሞ የበርበር ሰዎች በሮም መንግስት ላይ ጦርነትን በማንሳታቸው ዳኬዎስና ቅዱስ መርቆሬዎስ ለጦርነት ወጡ::

ነገር ግን በርበሮች እንደ አሸዋ ፈሰው ብዛታቸውን ሲያይ ንጉሡ ደነገጠ:: ለማግስቱ ቀጠሮ ተይዞ ቅዱስ መርቆሬዎስ ሲጸልይ ቅዱስ ገብርኤል ወርዶ ሰይፍ ሰጠው::
በማግስቱም "ምን ይሻላል?" ሲባል ቅዱስ መርቆሬዎስ "እኔ የክርስቶስ ባሪያ ነኝና ብቻየን እቋቋማቸዋለሁ" ቢል ሳቁበት::

እርሱ ግን በጥቁር ፈረሱ (አብሮት ያደገ ነው) ተጭኖ በርበሮችን "ጠብ ይቅርባችሁ: በሰላም ሒዱ" ቢላቸው ተሳለቁበት:: ያን ጊዜም ጸሎት አድርሶ የመልአኩን ሰይፍ ሲመዘው ብዙዎቹ ወደቁ:: ከበርበሮችም ለወሬ ነጋሪነት እንኩዋ የተረፈ አልነበረም::

ነገሩ በሮም ሲሰማ ታላቅ ሐሴት ሆነ:: ዳሩ ግን ከሃዲው ዳኬዎስ "ድሉ የጣዖቶቼ የነ አዽሎን ነው" በማለቱ ቅዱስ መርቆሬዎስ ሲያዝን አደረ::

በ3ኛው ቀንም "ለጣዖት ሠዋ" የሚል ትዕዛዝ ከንጉሡ ዘንድ መጣ:: ቅዱሱ ግን ወደ አደባባይ ሔደ:: የክብር ልብሱንና መታጠቂያውን አውልቆ በንጉሡ ፊት ወረወረው::

"ሃብትከ ወክብርከ ይኩንከ ለኃጉል:: ሊተሰ ክብርየ ክርስቶስ ውዕቱ:: (ለእኔስ ክብሬ ክርስቶስ ነውና ንብረትህ ለጥፋት ይሁንህ)" ሲልም ንጉሡን በአደባባይ ዘለፈው:: ዳኬዎስም በቁጣ እሳት አስነድዶ: የብረት አልጋውንም አግሎ ቅዱስ መርቆሬዎስን በዚያ ላይ አስተኛው::

ያም አልበቃ:: ወታደሮች እየተፈራረቁ ሲደበድቡት ደሙ ፈሶ እሳቱን አጠፋው:: ለዚያ ነው ሊቃውንት:-
"አመ አንደዱ ላእሌከ ውሉደ መርገም::
እምቅሡፍ አባልከ እንተ ውኅዘ ደም::
አርአያ ዝናም ብዙኅ አጥፍኦ ለፍህም::" ያሉት::

ከዚያም ወስደው ወኅኒ ቤት ውስጥ ጣሉት:: ክርስቶስን ያስክደው ዘንድ በረሃብ: በግርፋት: በእሳት: በስለትም አሰቃየው:: በመጨረሻ ግን አሰቃይተው እንዲገድሉት ወደ እስያ ሰደደው:: በስፍራውም ብዙ አሰቃይተው ኅዳር 25 ቀን አንገቱን ሰይፈውታል::

እርሱ ካረፈ በሁዋላም የተባረከ ፈረሱ ለዓመታት ወንጌልን ሰብኩዋል:: አረማውያንንም ከአፉ በወጣ እሳት አጥፍቷል:: ተአምረኛውና ኃያሉ ሰማዕት ቅዱስ መርቆሬዎስ በ200 ዓ/ም እንደ ተወለደ: በ220 ዓ/ም መከራ መቀበል እንደ ጀመረና በ225 ዓ/ም ሰማዕት እንደሆነ ይታመናል::
ሰማዕቱ በዚህች ዕለት : በ4ኛው መቶ ክ/ዘመን ክርስቲያኖችን ያሰቃይና ይገድል የነበረውን ዑልያኖስን ያጠፋበት መታሠቢያ ይከበራል::
የቅዱሱ ክብር ታላቅ ነው!

አምላከ ቅዱስ መርቆሬዎስ በከበረ ቃል ኪዳኑ ይጠብቀን:: ከርስቱም አያናውጠን:: ከበረከቱም ይክፈለን::
ቸሩ እግዚአብሔር እድሜ ለንስሃ ዘመን ለፍሥሃ አይንሳን🙏🏻💙

join ✅share ✅
@Maryam_Maryam2127
@Maryam_Maryam2127

ሃያ አራቱ ካህናተ ሰማይ❤️

እንኳን ለሃያ አራቱ ካህናተ ሰማይ (ሱራፊ) ዓመታዊ ክብረ በዓል በሰላም አደረሰን !!!

✝️ቅዱሳን መላእክት ሱራፌል ከሦስቱ ሰማያት መካከልበኢዮር በሦስተኛው ከተማ ይኖራሉ

✝️ሱራፌል የነገደ መላእክቱ የብዙ ቁጥራቸው መጠሪያ ሲሆን በነጠላ (የአንዱ) ስማቸው ሱራፊ ይባላል
✝️ሱራፊ ማለት "የሚያነድ፣ የሚያጤስ፣ የሚያጥን፣ ዐጣኝ" የሚል ትርጓሜ አለው
➻ ይህም አገልግሎታቸውን ይገልጣል

✝️አባቶቻችን ካህናተ ሰማያቱ ሃያ አራት የሆኑበትን ምክንያት ሲያስቀምጡ "በሃያ አራት ሰዓት ሳያቋርጡ ለአምላክ ምስጋናና ፀሎት እያቀረቡ እራሳቸውንም ፍጥረትንም ጠብቀው ስለሚኖሩ አምላካችን ሃያ አራት አደረጋቸው"ይላሉ

✝️በተጨማሪም በብሉይ ኪዳን የእስራኤል ዘሥጋ መነሻ የሆኑት ዐሥራ ሁለቱን አበው በሐዲስ ኪዳን ደግሞ የእስራኤል ዘነፍስ መሠረት የሆኑትን ሐዋርያትንድምር ያሳያል ይላሉ
✝️ሱራፌል ዘወትር ማዕጠንተ ወርቃቸውን ይዘው፣አክሊላቸውን ተቀዳጅተው እግዚአብሔርን ያመሰግናሉ

✝️በማዕጠንታቸው ዘወትር የጻድቃንን ጸሎት፣ ምድራውያን ካህናት የማሰዉትን መሥዋዕትና የሚያጥኑትን ዕጣን ይዘው ወደአምላክ ያሳርጋሉ
✝️የሱራፌል ስድስቱ ክንፎቻቸው ሦስት ትምህርቶችን ይገልጻሉ
➻ እነዚህም ትምህርተ ፍርሃት፣ ትምህርተ ተልእኮና ትምህርተ መስቀልናቸው

❤በሁለቱ ክንፋቸው ፊታቸውን መሸፈናቸው፣ በሁለቱ ክንፋቸው እግራቸውን መጋረዳቸው የመለኮቱ እሳትነት እንዳያቃጥላቸው ነው
➻ ትምህርተ ፍርሀት
❤ሁለቱ ክንፋቸውን ወዲህና ወዲያ ማድረጋቸው ትምህርተ ተልእኮነው

❤በሁለቱ ክንፋቸው ፊታቸውን በሁለቱ ክንፋቸው እግራቸውን ሲሸፍኑ በሁለቱ ክንፋቸው ደግሞእስከ ጽንፍ ሲበሩ በአንድነት ትምህርተ መስቀል ይሆናል

የሀያ አራቱ ካህናተ ሰማይ በረከት ይደርብን፣ ጸሎታችንን በእግዚአብሔር ፊት ያቅርቡልን🙏

​​🥹በምጸልይበት ጊዜ ሐሳቤ አይሰበሰብም
✔ እንዲህ ከሆነ መጸለይ ቢቀርብኝ❓
 
አጭር አስተማሪ ታሪክ ነው አንብቡት👇

   
☞︎︎︎ ልቡናውን ሰብስቦ መጸለይ ያቃተው አንድ ደቀ መዝሙር አረጋዊውን አባት እንዲህ ሲል ይጠይቃቸዋል፡- “አባቴ የጸሎት መጽሐፍ ይዤ ስጸልይ ልቡናዬ አይሰበሰብልኝም፤ አፌ ቢያነበውም ልቡናዬ ግን ይበታተናል፡፡ እኔ ደግሞ ዝም ብዬ ሳስበው፦ ቅዱሳን በፍጹም ሐሳባቸው እያሰቡና እያራቀቁ እንባንና ጸጸትን እየጨመሩ የጻፉትን እኔ በልቤ ሌላ እያሰብኩ በአፌ ብቻ ባነበንበው እንደ ገደል ማሚቶ ፊደሉ አፌ ላይ  እየነጠረ ይሄዳል እንጅ ጸሎትም አይሆንልኝም ፡፡

☞︎︎︎ ስለዚህ አባቴ የአፍ ብቻ ጸሎቴ ቅድመ እግዚአብሔር የማይደርስ ከሆነ ጸሎቴን ብተወው ይሻላል ወይስ ባልተወው ይሻላል?" ብሎ ጠየቃቸው። አረጋዊው አባትም እንዲህ ሲሉ አስረዱት፡-

☞︎︎︎ “አየህ ልጄ ዐይነ ስውር ሰው በዘንጉ ምድር እየመታ ሲሄድ ከመንገድ ላይ ያለ እባብ ለጊዜው የበትሩን ድምጽ ሰምቶ ይመታኛል ብሎ ይሸሻል እንጅ ዐይነ ስውር ነው አላየኝም ብሎ ባለበት አይጠብቀውም። ስለዚህ አንተም አስተውለህ ብትጸልይ መልካም ቢሆንም ለጊዜው ግን ጭራሽ ከምታቆመው  በአፍህ ውስጥ ያለው የቃለ እግዚአብሔርን መንኳኳት የሚሰሙ አጋንንት መሸሻቸው አይቀርምና መቼም ቢሆን ጸሎትህን አትተው፡፡ አጋንንትንም ማባረር አንድ ታላቅ ጥቅም ነውና፡፡ ብዙ ከመጸለይህም አንጻር አንዳንድ ጊዜ ልብህ የሚወድቅባት ቃል ተጠራቅማ ወደ እግዚአብሔር ታደርስሃለች።

☞︎︎︎ እናም ልጄ ልብህ ምንም ዝርው ቢሆንም አፍህም የልዑል እግዚአብሔር ፍጥረት ነውና ይህንንም እንዳታቆመው። አሁን አንዱን ይዘህ ወደፊት ደግሞ ሁለቱንም ለማገናኘት መጣር ይኖርብሃል እንጅ አንተው በዳይ አንተው አኵራፊ ሆነህ ጭራሽ ከአምላክ ርቀህ የጠላት ሰይጣን መጫወቻ እንዳትሆን በማለት መለሰለት። ስለዚህ እኛም በምንጸልይበት ጊዜ ልቤ አይሰበሰብም  እንዲህ ከሆነ መጸለይ ቢቀርብኝስ ❓ ብላቹሁ እንዳታቆሙ እህት ወንድሞቼ!!🙏🏻

"...........እነሆ፥ የተወደደው ሰዓት አሁን ነው፤ የመዳን ቀን አሁን ነው"
--2ኛ ቆሮ 6፥2

የእግዚአብሔር ቃል ለሁሉም ይዳረስ ዘንድ #Share_ሼር✓
🔺@Maryam_Maryam2127
@Maryam_Maryam2127🔺

ቅዱስ ጊዮርጊስ 2️⃣3️⃣

የኢትዮጵያ ጠባቂ ብሩታዊትን ከዘንዶ ያወጣ ሊቀ ሰማእቱ ቅዱስ ጊዮርጊስ እኛንም ከሀይለ አጋንንት ከመከራ ስጋ፥ ከመከራ ነፍስ ያድነን፥ አምላከ ጊዮርጊስ ከክፉ ነገር ሁሉ ይጠብቀን❤🙏

ቅዱስ ጊዮርጊስ ሆይ በአፌ ብቻ ሣይሆን ከልቤ እወድሃለሁና ሰላም እልሃለሁ። ስለዚህ አባት ሆይ! ምስጋናዬን አታቃልብኝ ተቀብለህ ዋጋዬን አሰጠኝ እንጅ። ለእኔ የድሃው ንጹሕ ወርቄ አንተ ጊዮርጊስ ነህና።
(መልክአ ጊዮርጊስ)

ቅዱስ ጊዮርጊስ ሆይ! የዘወትር ጸሎቴንና የቃሌንም የልመና ጩኸት ትቀበል ዘንድ ለይቅርታና ለምሕረት ፈጥነህ ወደ እኔ ቅረብ።

ቅዱስ ጊዮርጊስ ሆይ አንተን በመታመን ለጠራህ ሁሉ ፈጥነህ ስትደርስለት ከዓውሎ ነፋስ ይልቅ በተፋጠነ ሩጫ ነው። ቅዱስ ጊዮርጊስ ፈጥኖ ደራሽ በመከራ ጊዜ ፈጥኖ ይድረስልን አጥንታችንን ለመፍጨት ደማችንን ለማፍሰስ የተነሱትን ቅዱስ ጊዮርጊስ ያፍዝዝልን ሃገራችንን ሰላም ያድርግልን አሜን!!❤🙏✝️

የሰማእቱ ቅዱስ ጊዮርጊስ በረከት አይለየን🤲💚💛❤

🫵 ኪስህን ብቻ ካየህ ተሰፋ ትቆርጣለህ!!

ያጣኸዉን ነገር ብቻ ከቆጠርክ አዎ ፀሎት ታቋርጣለህ። የጎደለብህን ነገር ብቻ የምትደምር ከሆነ ለቤተክርስቲያን ለቅዱስ እግዚአብሔር ጀርባህን ትሰጣለህ።

ጥለዉህ የሄዱትን ሰዎች ብቻ የምታይ ከሆነ ልዑል እግዚአብሔርን ትሳደባለህ ታማለህ።

እይታዉ ነዉ የሚወሰነዉ
ከጎደለህ ይልቅ የበዛብህን ማየት ስትችል ግን፡- ከጠፋዉ ነገር በላይ የጠፋዉን እጥፍ አድርጎ ሊሰጥህ የሚችለዉን አምላክ ማየት ብትችል ግን ያን ጊዜ ማመስገን ትጀምራለህ።🙏🏻🤎

✍ ምንጭ፦ከመምህር ኢዮብ ይመኑ ትምህርት የተወሰደ

ልጄ ሆይ ልብህን ስጠኝ ያለህ እግዚአብሔር ቸርነትህን ይጠብቃል!

ከአለም ርቀው ስለፍቅሩ ሲሉ በየበርሀው እና በየገዳማቱ ባዕታቸውን ቀልሰው ሌት ከቀን ለሚማፀኑልን ሰርክ የሚጸልዩ ስለ ዓለሙ ምልጃ የሚተጉ የሚያነቡ ገዳማውያን የልጆቻቸውን እጅ ናፍቀው ተጨነቁ ቢባል እግዜሩስ እንዴት ያየናል?!
ስለእኛ ለነፍሳችን በመድከም በመንፈሳዊ ህይወት መምህር የሚሆኑን የክርስቶስ እውነተኛ ሙሽሮች ገዳማውያን፣ ዛሬ ላይ ባለው ሰው ሰራሽም ሆነ ተፈጥሯዊ ነባራዊ ሁኔታዎች የሚቀመስ እፍኝ ቆሎም ጠፍቶ ረሀብ ጥማቱ በብርቱ እየተፈታተናቸው ለጾም ለጸሎት መቆም ተስኗቸው ከተፈጥሮ ጋር ግብ ግብን ይዘዋል።

እግዚአብሔርን የምትወዱ እርሱን ለመምሰል የምትተጉ ብጹዓን ጥቂት በመራራት የቸርነት እጃችሁን ለእነዚህ ገዳማውያን በመዘርጋት በረከተ እግዚአብሔርን ታገኙ ዘንድ እንጠይቃቹኋለን፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

🌺የከርሞ ሰዎች ትበለን🌺

እንደዛሬው ለከርሞ ያለ ችግርና ድካም ያለ ደዌና ሕማም እግዚአብሔር በደስታና በሰላም ያድርሰን🤲🙏

አምላካችን ልዑል እግዚአብሔር ሆይ እንደ ክፍታችን ብዛት ሳትቆጥርብን አንተ ጠብቀን።
💞💞💞ሰላም
💞💞💞ፍቅር
💞💞💞መተሳሰብ
💞💞💞መተባበርን
💞💞💞አንድነትን
💞💞💞ጤንነትን

በቤታችን ውስጥ በረከቱን አሳድርልን።

⛪አሜን ፫ 🙏 ⛪

❤️‍🩹 የድንግል ማርያምን " ምስለ ፍቁር ወልዳ" ስዕለ አድህኖ ትኩር ብሎ ማየት ብቻ ብዙ አጋንንትን፣ ብዙ ጭንቀትንና ብዙ ተስፋ መቁረጥን ያስወግዳል!!!
🙏🏻😊

💚💛❤️

😘 ተመስገን ዛሬ እኮ የእናታችን ቅድስት ድንግል ማርያም ቀን ነዉ❤😊
በድጋሚ እንኳን ለህዳር 21 ለእናታችን ለቅድስት ድንግል ማርያም አመታዊ ክብረ በአል አደረሳቹህ አደረሰን !!

🫴 እመ ብርሃን ፍቅሯ እኮ ይለያል አንኳንም ልጅሽ ሆንኩኝ 🥰

👉ማርያም ማለት ፡ ፀጋ ወሐብት ማለት ነዉ🙏

💙ደግመኛም ማርያም ማለት፡-

> ተፈስሒ ቤተ ይሁዳ ወተሐሰዪ ቤተ እስራኤል ማለት ነው።
> መርህ ለመንግስተ ሰማያት ማለት ነው።
> ሰረገላ ፀሐይ ማለት ነው።
> ውህብት (ስጥውት) ማለት ነው።
> ተላኪተ እግዚአብሔር ወስብእ ማለት ነው።
> ልዩ ከጣኦት ክብርት እምፍጥረታት ንጽህት እምኃጢአት መልአክ ከደም ግባት የተሰጣት ማለት ነው።

↪️ ማርያም ማናት ? ብትሉኝ ዳግሞ ‼️
                < እም እምልክ

               <  ወላዲተ ኣምላክ

                < እመ ብርሃን

               <  እመ ብዙሃን

                 < እህተ መላእክት

                < ድንግል ማርያም

                < ኪዳነ ምሕረት

                 < ማህደረ መለኮት

                  < ጽዮን ማርያም

                  < ቤዛዊተ ዓለም

                 < ተስፋሁ ለዓዳም

                  < ሃረገ ወይን

                  < ንፅህተ ንፁሃን

                  < ቅድስተ ቅዱሳን

                  <  እመ አዶናይ

                  < ዳግሚት ሰማይ

ማህደረ መለኮት> ድንግል ማርያም ናት🙏

✝️ እግዚአብሔር ጽዮንን መርጧታልና  ማደርያውም ትሆነው ዘንድ ወዷታልና እንዲህም ብሎ! ይህች የዘለዓለም ማረፊያዬ ናት::
(መዝ 131÷13-15)

✝ ​​እንኳን ለህዳር 21 ለጽዮን "ማርያም ማሕደረ አምላክ" ዓመታዊ በዓል በሰላም አደረሳችሁ አደረሰን 🙏🏻💙

❤️ "ጽዮን ማርያም"❤️

"ጽዮን" ማለት "ጸወን - አምባ - መጠጊያ" ማለት ነው:: አንድም በምሥጢሩ "ማሕደረ አምላክ" ማለት ነው:: ጽዮን የሚለው ስም በቁሙ ለቅዱስ ዳዊት ተራራና ለኪዳኑ ጽላት ሲያገለግል በትንቢታዊ ምሥጢሩ ግን ለድንግል ማርያም: ለቤተ ክርስቲያንና ለዘለዓለማዊት ርስት ያገለግላል::

እግዚአብሔር ከዘመነ አበው በሁዋላ በጊዜው ለእሥራኤላውያን ክብር: ሞገስ: አምባ የምትሆናቸውን ታቦተ ጽዮንን በቅዱስ ሙሴ አማካኝነት ሰጥቷቸዋል:: (ዘጸ. 31:18) ከዚያም ለ500 ዓመታት ከእነሱ ጋር በመሆኗ በፈጣሪና በእነሱ መካከል ድልድይ ሆና ኖራለች::

ከዚያም ባለቤቱ ሲፈቅድ በዘመነ ሳባ: በቀዳማዊ ምኒልክ (እብነ መለክ-እብነ ሐኪም) አማካኝነት ወደ ኢትዮዽያ መጥታለች:: እነሆ በሃገራችን የ3ሺ ዓመት ቆይታዋን ልትደፍን የቀራት ጥቂት ዓመታት ብቻ ናቸው:: ጌታ እንደ ፈቀደ ቅዱስ መስቀሉንና ታቦተ ጽዮንን ይዘን ይሔው በቸርነቱ እንኖራለን::

ያም ሆኖ ታቦተ ጽዮንን መስረቅ የሚፈልጉ ብዙ ቀሳጢዎች እንዳሉ እናውቃለን:: ግን አንጨነቅም:: ምክንያቱም የመጣችውም: የምትጠበቀውም በፈቃደ እግዚአብሔር ነውና እንጸልያለን እንጂ አንጨነቅም:: በተለያየ ወሬም ራሳችንን አናማጥንም:: ባለቤቱ እንድትሔድ ከፈቀደ ደግሞ ማንም ጉልበተኛ አያስቀራትም::

ታቦተ ጽዮን ብዙ ጊዜ "ጽላተ ኪዳን: ታቦተ ሕጉ" እየተባለች ትጠራለች:: "ጽሌ" ማለት "ሰሌዳ" እንደ ማለት ሲሆን "ጽላት" ደግሞ በብዙ ቁጥር ነው:: "ኪዳን" ደግሞ በፈጣሪና በሰው ልጆች መካከል ያለ "ውል - ስምምነት" ነው::

"ታቦት" ማለት "ማሕደር-ማደሪያ" እንደ ማለት ነው:: ሕጉ የተጻፈባቸውን ሰላድው "ጽላት" ስንላቸው የጽላቱ ማደሪያ ደግሞ "ታቦት" ይባላል:: ጽላት (ታቦትን) ያመጣ ፈጣሪ ነው:: በሐዲስ ኪዳንም ምሥጢርና ሐተታ ቢኖረውም 2 ቦታ ላይ ስለ ታቦት ተጠቅሶ እናገኛለን:: (2ቆሮ. 6:16, ራዕይ. 11:19)

በመጨረሻም ኅዳር 21 ቀን ጽዮን ማርያምን የምናከብርባቸውን ምክንያቶች እንመለከታለን:: በዚህች ቀን:-

1. ታቦተ ጽዮን (ጽላተ ኪዳን) ለሊቀ ነቢያት ቅዱስ ሙሴ መሰጠቷን እናስባለን:: ይሕ ሲሆንም ቅዱስ ሙሴ 40 መዓልት: 40 ሌሊት ጾሞ እንደ ተቀበለ ሳንዘነጋ ማለት ነው:: (ዘጸ. 31:18, ዘዳ. 9:19)

2. በዘመነ ኤሊ ሊቀ ካህናት ታቦተ ጽዮን በታሪኩዋ ለመጀመሪያ ጊዜ በአሕዛብ (ኢሎፍላውያን) እጅ ተማርካለች:: ግን ደግሞ ዳጐንን ቀጥቅጣዋለች:: (1ሳሙ. 5:1)

3. በዘመነ ልበ አምላክ ቅዱስ ዳዊት በአሚናዳብ ሠረገላ ሁና: ከአቢዳራ ቤት ስትመጣ ቅዱሱ ንጉሥ በታላቅ ሐሴት በፊቷ ዘመረ: አገለገለ:: ምድራዊ ክብሩን እስኪረሳ ድረስ ለታቦተ አምላክ ተቀኘላት:: በዚህም ሜልኮል ንቃው ማሕጸኗ ተዘግቷል:: (1ዜና. 15:25) ሊቃውንትም "ድንግል እመቤታችን ማርያም በትንቢት መነጽር ተመልክቷል" ብለውናል::

"ሰላም ለኪ ማርያም እምነ::
ዘሰመይናኪ ጸወነ::
ሶበ እምርሑቅ ርእየ ዘጽላሎትኪ ስነ::
ለቢሶ ዳዊት ልብሰ ክብር ዘየኀይድ ዓይነ:: ቅድመ ታቦተ ሕግ ኀለየ ወዓዲ ዘፈነ::" እንዲል:: (አርኬ ዘኅዳር 21)

4. በዘመነ ንጉሥ ሰሎሞን (መፍቀሬ ጥበብ) ግሩም የሆነ ቤተ መቅደስ ተሰርቶላት ስትገባ ታላቅ ሐሴት ተደርጉዋል:: እግዚአብሔርም በደመና ወርዶ ንጉሡን አነጋግሯል:: (2ዜና. 5:1, 1ነገ. 8:1)

5. በዚያው ዘመንም በፈጣሪ ፈቃድ ንጉሥ ምኒልክ ቀዳማዊ (ዕብነ ሐኪም) ታቦተ ጽዮንን ይዞ ወደ ኢትዮዽያ ገብቷል::

6. በዘመነ አፄ ባዜን (በ4 ዓ/ም አካባቢ) አማናዊት ጽዮን ድንግል ማርያም ወደ አክሱም ጽዮን በስደት መጥታ ገብታለች:: በዚህ ጊዜም 2ቱ ጽዮኖች ሲገናኙ ታላቅ ብርሃን አክሱምን ውጧታል::

7. በ4ኛው መቶ ክ/ዘመንም ነገሥት ጻድቃን አብርሐ ወአጽብሐ 12 መቅደሶች ያሏትን ግሩም ቤተ ክርስቲያን ለእመ ብርሃን ሠርተው በዚሁ ቀን በጌታችን ተቀድሷል::

8. በተጨማሪም በየጊዜው: ማለትም በዮዲት ጉዲትና በግራኝ አማካኝነት ስትፈርስ ወደ ዝዋይ ትሰደድ ነበር:: ተመልሳ ስትታነጽም ቅዳሴ ቤቷ የሚከበረው ኅዳር 21 ቀን ነው:: በእነዚህና በሌሎች ምክንያቶች ይህ በዓል ልዩ ነው::

" አማናዊት ጽዮን እመ ብርሃን ድንግል ማርያምን እንዲህ እንላታለን "
"ቅድስት" የሚለው ቃል ለሁሉም ቅዱሳት እናቶች ቢሰጥም ቅሉ ለድንግል ማርያም ሲሰጥ ግን ትርጉሙ ይለያል:: እርሷ "ቅድስተ ቅዱሳን: ንጽሕተ ንጹሐን: ቡርክት እምቡሩካን: ኅሪት እምኅሩያን" ናትና::

ከሰው ልጆችም ሁሉ ትበልጣለች:: ይቅርና የሰው ልጅን ንጹሐን መላእክትንም በንጽሕናና በቅድስና ትበልጣቸዋለች:: እርሷ እመ ብርሃን: የአምላክ እናቱ: የሰውነታችን መመኪያ ናትና::

እመቤታችንን "ቅድስት" ስንል "ጽንዕት: ንጽሕት: ክብርት: ልዩ" ማለታችን ነው::

1. "ንጽሕት" ትባላለች:: ሌሎች ቅዱሳን ቢነጹ ከገቢር: ከነቢብ ኃጢአት ነው እንጂ ከኃልዮ ኃጢአት አይደለም:: እርሷ ግን ከነቢብ: ከገቢር: ከኃልዮ ንጽሕት ናት:: "ለመኑ ተውኅቦ ተደንግሎ ኅሊና: ለመላእክትሂ ኢተክህሎሙ-ኃጢአትን ከማሰብ መጠበቅ ከሰው ልጆች ለማን ተሰጠው: ይህስ ለመላእክትም አልተቻላቸውም" እንዲል:: (ተአምረ ማርያም)

2. "ጽንዕት" እንላታለን:: ሴቶች ቢጸኑ ለጊዜው ነው እንጂ በሁዋላ በጊዜው ተፈትሆ አለባቸው:: እመቤታችን ግን ቅድመ ጸኒስ: ጊዜ ጸኒስ: ድኅረ ጸኒስ: ቅድመ ወሊድ: ጊዜ ወሊድ: ድኅረ ወሊድ ድንግል ናትና::

"ጽንዕት በድንግልና አልባቲ ሙስና" እንዳላት:: (ቅዱስ ያሬድ)
ታላቁ ቅዱስ ባስልዮስም "ወትረ ድንግል ማርያም-ማርያም ዘለዓለማዊት ድንግል ናት" እንዳለ:: (መጽሐፈ ቅዳሴ)

3. ድንግልን "ክብርት" እንላታለን:: ሌሎች ሴቶች ቢከብሩ ጻድቃን ሰማዕታትን: ነቢያት ሐዋርያትን ወልደው ነው:: እመቤታችንን ግን የምናከብራት "ወላዲተ አምላክ-የአምላክ እናቱ" ብለን ነውና::

4. እመቤታችንን "ልዩ" እንላታለን:: ከእርሷ በቀር እናት ሁና ድንግል: እመቤት ሁና አገልጋይ የሆነች: በድንግልና ወልዳ ወተትን (ሐሊበ ድንግልናዌን) ያስገኘች ሌላ ሴት የለችምና::

የአማናዊት ቅድስት ጽዮን ማርያም ጣዕሟ ፍቅሯ ጸጋ በረከቷ አማላጅነቷ ይደርብን 🙏🤲❤️

join ✅share ✅ '💚
@Maryam_Maryam2127
@Maryam_Maryam2127

"ሶበ ተዘከርናሃ ለጽዮን"🤗

ሶበ ተዘከርናሃ ለጽዮን 
ሶበ ተዘከርናሃ ለጽዮን
ውስተ አፍላገ ባቢሎን
ህየ ነበርነ ወበከይነ
እንዚራቲነ ሰቀልነ ውስተ ኲሓቲሃ

ባሰብናት ጊዜ ጽዮንን
ባሰብናት ጊዜ ጽዮንን
በባቢሎን ወንዞች አጠገብ
ተቀምጠን አለቀስን
መሰንቆአችንን ሰቀልን በዛፎቿ ላይ

ፅኑ መከራን ተቀበልን ተጨነቅን በፈተና
የደዌ ሞት በላያችን እንደዝናብ ወርዷልና
አሕዛብም ዘበቱብን እንዲህ ብለው በየተራ
ዘምሩለት ለአምላካችሁ ቢያድናችሁ ከመከራ

እግዚአብሔር ጽዮንን በመንግስቱ መርጧታል እና
ማደሪያው ትሆነው ዘንድ ወዷታል እና
ጽዮን ሆይ እናታችን ቅድስት ድንግል ማርያም
ጽዮን ሆይ እናታችን ቅድስት ቤተ ክርስቲያን
አንቺን ብንረሳ ቀኛችን ትርሳን

የማረኩን በጦራቸው በኃይላቸው የተመኩ
በጽዮን ደጅ ያለፍርሃት የጽዮንን ክብሯን ነኩ
ይህን ያየ ከላይ ሆኖ በደመና ተሸፍኖ
ባቢሎንን አሻገረ የማረኩንን በትኖ

እግዚአብሔር ጽዮንን በመንግስቱ መርጧታል እና
ማደሪያው ትሆነው ዘንድ ወዷታል እና
ጽዮን ሆይ እናታችን ቅድስት ድንግል ማርያም
ጽዮን ሆይ እናታችን ቅድስት ቤተ ክርስቲያን
አንቺን ብንረሳ ቀኛችን ትርሳን

ስጋችንን ሊገንዘን የሞት ጥላ ቢያጠላም
እናልፋለን ሁሉን ባንቺ
የአምላክ እናት ድንግል ማርያም
ቅድስት ሆይ ከባረክሽን
እንድናለን ከደዌያችን
ለስጋና ለነብሳችን መድኃኒት ነሽ እናታችን

እግዚአብሔር ጽዮንን በመንግስቱ መርጧታልና
ማደሪያው ትሆነው ዘንድ ወዷታልና
ጽዮን ሆይ እናታችን ቅድስት ድንግል ማርያም
ጽዮን ሆይ እናታችን ቅድስት ቤተ ክርስቲያን
አንቺን ብንረሳ ቀኛችን ትርሳን

🛎መጋቤ ሚስጢር ሰለሞን ተስፋዬ
🍀²¹🍀²¹🍀²¹🍀²¹🍀²¹🍀²¹🍀
🍀@Maryam_Maryam2127
🍀@Maryam_Maryam2127
🍀@Maryam_Maryam2127
🍀²¹🍀²¹🍀²¹🍀²¹🍀²¹🍀²¹🍀

🥰🌹አንዲት ሴት በአንድ ወቅት እንዲህ ተብላ ተጠየቀች፦🥰🌷

አዘውትረሽ ወደ እግዚአብሔር በመጸለይሽ ምን "ትርፍ" ታገኛለሽ?🤲🤲🤲

☦🙏እሷም መለሰች፦ ብዙውን ጊዜ "ምንም አላገኘሁም" ይልቁንም "ነገሮችን አጣለሁ"

እናም ወደ እግዚአብሔር በመጸለይ ያጣችውን ሁሉ ጠቀሰች፦👇

"ኩራቴን"  አጣሁ።
"ትዕቢቴን"  አጣሁ።
"ስግብግብነቴን"  አጣሁ።
"ክፉ ፍላጎቴን"  አጣሁ።
"ቁጣዬን"  አጣሁ።
"ራስ ወዳድነቴን"  አጣሁ።
"ተንኮለኛነቴን"  አጣሁ።
"ምቀኝነቴን"  አጣሁ።
"ፍትወትን" አጣሁ።
"የመዋሸት "  አጣሁ።
"አሉ ባልታን " አጣሁ።
"ቂም በቀልን " አጣሁ።
"የኃጢአትን ጣዕም" አጣሁ።
"ትዕግስት ማጣትን" አጣሁ።
"ተስፋ መቁረጥን" አጣሁ።

☦🌺 አንዳንድ ጊዜ የምንጸልየው አንድን ነገር ለማግኘት ብቻ ሳይሆን በመንፈሳዊ ህይወታችን እንድናድግ የማይፈቅዱልንን ክፉ ነገሮች እንድናጣ ነው።🙏

ጸሎት ያስተምራል፣ ያጠናክራል እናም ይፈውሳል። *ጸሎት መልስ ይዞ ከመምጣቱ በፊት ለጸሎታችን መልስ ምቹ አድርጎ ይሰራናል። ጸሎት በቀጥታ ከእግዚአብሔር ጋር የሚያገናኘን ድልድይ ነው።☦🌺

“ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና።” 1ኛ ተሰሎንቄ 5፥17-18
🔺@Maryam_Maryam2127
@Maryam_Maryam2127🔺

ዛሬ ቀኑ 19 መልአኩ ቅዱስ ገብርኤል❤️

አብሳሪው መልአክ ቅዱስ ገብርኤል ሆይ🙏🤲❣
እሳት የሆነ ቅናት
እሳት የሆነ መከፋፈል
እሳት የሆነ ዘረኝነት
እሳት የሆነ ክፋት
እሳት የሆነ የአለም ሀሳብ
እሳት የሆነ የርኩሰት ስራ
እሳት የሆነ የገንዘብ ፍቅር
እሳት የሆነ ጠብ ክርክር
እሳት የሆነ መገዳደል
እሳት የሆነ ባልጀራን መጥላት
እሳት የሆነ የአመፅ እንጀራ መብላት
እሳት የሆነ የወንድም ደም ማፍሰስ
እሳት የሆነ የስጋ ምኞት
እነዚህ ሁሉ ነግሰውብን ፍፁም ከእግዚአብሔር ርቀን በሀጥያት ረክሰን ወደ አዘቅት ወርደን ወድቀናልና
አብሳሪው መልአክ ሆይ በበትረ መስቀልህ እሳቱን አቀዝቅዘው, ለሀገራችን ለኢትዮጵያም ሰላምን ስጣት።
ጠላታችን ዲያብሎስን ከእግራችን በታች ጣልልን አሜን (3)🙏🏻❤️‍🩹

የከርሞ ሰው ይበለን🙏🏻🤗

የእግዚአብሔር መልአክ ቅዱስ ሚካኤል 🙏🏻❤️‍🩹
የታመሙትን ፈውሶ፡፡
የወጡትን በሰላም መልሶ፡፡
ያለቀሱትን እንባቸውን አብሶ፡፡
የወደቁትን አንስቶ፡፡
በግፍ የታሰሩትን ፈትቶ፡፡
የሞቱትንም ነፍሳቸውን ይማርልን፡፡
ለሀገራችን ሰላሙን ፍቅሩን ይላክልን።

አምላከ ቅዱስ ሚካኤል በክንፈ ሚካኤል ከክፉው ሁሉ ይሰውረን🙏🏻❤️‍🩹

🤲💚💛❤️🤲
እግዚአብሔር ሆይ! ተመስገን 🤲🥀

የቅዱስ ሚካኤል መዝሙሮች
ተጨማሪ ለማግኘት ይቀላቀሉ @m_ezmur21

" ከሚካኤል በቀር ማንም የሚያጸናኝ የለም። " ዳን፡10፥21

"የተጨነቀውን የተጨቆነውን ነፃ የምታወጣው ሚካኤል ሆይ፦ ሰላም ላንተ ይሁን ፡ ሠራተኛው ሠርቶ እንዲበላ ውሎ እንዲገባ የምትጠብቀው ሚካኤል ሆይ ሰላም ላንተ ይሁን፡፡

ችግረኛውን ለመርዳት ከልዑል ዘንድ የምትላክ ሚካኤል ሆይ ሰላም ላንተ ይሁን አዳኝነትህን በማመን የለመነህን በክንፈ ረድኤትህ የምትሠውረው ሚካኤል ሆይ ሰላም ላንተ ይሁን፡፡

በኀዘን በትካዜ ላይ ወድቆ የሚፍገመገመውን የሚንፈራገጠውን ፈጥነህ ደርሰህ ደግፈህ የምታጽናናው ሚካኤል ሆይ ፤ አንገትህን ዘንበል ቀለስ አድርገህ በፈጣሪ ፊት ሰግደህ እኛ ባሮቹን በቸርነቱ ይጎበኘን ዘንድ የማናዊት እጁን ዘርግቶ ይባርከን ዘንድ ለምን አማልድ ለዘላለሙ አሜን፡፡"
🌺 [መልክአ ሚካኤል] 🌺

የመልአኩ የቅዱስ ሚካኤል ምልጃውና ረድኤቱ ጥበቃው አይለየን አሜን ! 🙏🏻

🔔 የቅዱስ ሚካኤል መዝሙሮች
ለሁሉም ይዳረስ ዘንድ ሼር👉
💚💛❤️
@Maryam_Maryam2127
@Maryam_Maryam2127

🔔 የቅዱስ ሚካኤል መዝሙሮች
ለሁሉም ይዳረስ ዘንድ ሼር👉
💚💛❤️
@Maryam_Maryam2127
@Maryam_Maryam2127

​​💛 እንኳን ለሊቀ መላእክት "ቅዱስ ሚካኤል" እና "ለቅዱሳኑ" ዓመታዊ በዓል በሰላም አደረሳችሁ አደረሰን🙏🏻❤️

ቅዱስ ሚካኤል ሊቀ መላእክት ❤️

ቅዱስ ሚካኤል በጥንተ ተፈጥሮ በኢዮር: ኃይላት በተባሉት ነገደ መላእክት ተሹሞ ነበር:: ሳጥናኤል በካደ ጊዜ እግዚአብሔር ባወቀ: አንድም በትሕትናውና ደግነቱ በ99ኙ ነገደ መላእክት ላይ ሁሉ ተሹሟል::

ከፍጥረት ወገን ከእመቤታችን ቀጥሎ የቅዱስ ሚካኤልን ያሕል ክብርና ርሕሩሕ የለም:: በምልጃውም: በረዳትነቱም የታወቀ መልአክ ነው:: መጽሐፍ "መልአከ ምክሩ ለእግዚአብሔር" ይለዋል:: "ወስሙ መስተሣሕልም" ይለዋል:: ቂም የሌለው: ለምሕረት የሚፋጠን: ደግ መልአክ ነውና::

በብሉይ ኪዳን በመከራ ለነበሩ ቅዱሳን ሁሉ ሞገስ: ረዳትና አዳኝ ቢሆናቸው "መጋቤ ብሉይ" ተሰኝቷል:: እሥራኤልን 40 ዘመን በበርሃ መርቷል:: መግቧልም:: ቅዱስ መጽሐፍ ስለ እርሱ ብዙ ይላል:: (ዘፍ. 48:16, ኢያ. 5:13, መሳ. 13:17, ዳን. 10:21, 12:1, መዝ. 33:7, ራዕይ. 12:7)

ደስ የሚለው ደግሞ ርሕሩሑ መልአክ ከእመቤታችን ጋር ልዩ ፍቅር አለው:: ከእናቷ ማሕጸን ጀምሮ እስከ ዛሬ እነሆ አብሯት አለ:: ደስ ብሎት ይታዘዛታል:: ማማለድ ሲፈልግም "እመቤቴ ሆይ! ቅደሚ" ይላታል:: ወደ እሳት መጋረጃ አብረው ገብተው ለዓለም ምሕረትን: በረከትን ያወርዳሉ::

ዳግመኛ በዚህች ዕለት ቅዱስ ሚካኤል ኢያሱን እንደ ረዳው ታስተምራለች:: ይህስ እንደ ምን ነው ቢሉ:-
በመጽሐፈ ኢያሱ ምዕራፍ 5 ላይ እንደ ተጻፈው ቅዱሱ መልአክ ለኢያሱ ተገልጦለታል:: እሥራኤልን በምድረ በዳ የመራ ሊቀ ነቢያት ቅዱስ ሙሴ ሲያርፍ ታላቅ ሐዘንና ድንጋጤ ተፈጥሮ ነበር:: እግዚአብሔር ግን ኢያሱን አስነስቶ አረጋግቷቸዋል:: ቅዱስ ሚካኤል 40ውን ዘመን እሥራኤልን ደመና ጋርዶ: መና አውርዶ: ክንፉን ዘርግቶ: ጠላትን መክቶ ከሙሴ ጋ እንደ መራቸው ከኢያሱ ጋርም ይሆን ዘንድ ከሰማይ ወረደ::

በኢያሪኮ አካባቢም የተመዘዘ ሰይፉን ይዞ በግርማ ለኢያሱ ታየው:: ኢያሱም ወደ እርሱ ቀርቦ "አንተ ከእኛ ወገን ነህን? ወይስ ከጠላቶቻችን?" ሲል ጠየቀው:: ቅዱስ ሚካኤልም መልሶ "እረዳህ ዘንድ እነሆ የሠራዊት አለቃ ሆኜ ተሹሜ መጥተቻለሁ" አለው::
ያን ጊዜ ታላቁ ነቢይ ቅዱስ ኢያሱ በግንባሩ ተደፍቶ ለሊቀ መላእክት ቅዱስ ሚካኤል ሰገደለት:: ቅዱሱ መልአክም አክሎ "ፍታሕ ቶታነ አሳዕኒከ እም እገሪከ: እስመ ምድር እንተ ትከይዳ ቅድስት ይዕቲ - የረገጥካት ምድር የተቀደሰች ናትና ጫማህን ከእግርህ አውጣ" አለው::

ኢያሱም የተባለውን አደረገ:: ለዚህ ነው ቤተ ክርስቲያናችን "ለመላእክት የጸጋ (የአክብሮ) ስግደት ይገባል: በቅዱሳኑ ፊትም ጫማ ተለብሶ አይቆምም" የምትለው:: ያ መሬት ሊቀ መላእክት ቢቆምበት ተቀድሷል:: ዛሬም ቤቱ በታነጸበት: ታቦቱ በተቀረጸበት ቦታ ሁሉ ቅዱሱ መልአክ አለና ጫማን አውልቆ: ባጭሩ ታጥቆ መግባት ይገባል::

ሊቀ መላእክት ቅዱስ ሚካኤል ከኢያሱ ጋር ሆኖ አማሌቅን ጨምሮ የእሥራኤልን ጠላት አጥፍቷል:: ጥቅመ ኢያሪኮን (ቅጥሩን) አፍርሷል:: ምድረ ርስትን አውርሷል:: በገባኦን ፀሐይን: በቆላተ ኤሎምም ጨረቃን ሲያቆም ከእርሱ ጋር ሆኖ ረድቶታል::

         ዱራታኦስና ቴዎብስታ❤️
ቅዱሳኑ ዱራታኦስ (ዶርታኦስ) እና ቴዎብስታ (ቴዎብስትያ) የቅዱስ ሚካኤል ወዳጆች ናቸውና በዚህች ዕለት ይታሰባሉ:: በድርሳነ ሚካኤልና በመጽሐፈ ስንክሳር ተጽፎ እንደምናገኘው 2ቱ ቅዱሳን በተቀደሰ ትዳር ተወስነው: ሕጉን ትዕዛዙን ፈጽመው: ለነዳያን ራርተው: ቅዱስ ሥጋውንና ክቡር ደሙን ተቀብለው የሚኖሩ ነበሩ:: ይልቁኑ ግን የጌታችን: የእመቤታችንን እና የቅዱስ ሚካኤልን መታሰቢያ ያለማስታጐል ያደርጉ ነበር:: ከጊዜ በሁዋላ ግን ሐብት ንብረታቸው አልቆ ተቸገሩ:: ግን የጨነቃቸው መቸገራቸው ሳይሆን የቅዱስ ሚካኤልን መታሰቢያ ሊያቆሙ መሆናቸው ነው::

አማራጭ ሲያጡ ተቀምጠው ተመካከሩ:: የቅዱሱ መልአክ ዝክር ከሚቀር ልብሳቸውን (ያውም የክብር ልብሳቸውን) ሊሸጡ ተስማሙ:: በዚህ መሰረት ቅዱስ ዱራታኦስ ወደ ገበያ ሲሔድ ወዳጁ ቅዱስ ሚካኤል ከሰማይ ወረደለት:: መንገድ ላይም የጦር መኮንን ሃገረ ገዢ መስሎ ተገናኝቶ አጫወተው:: ችግሩን ጠይቆም መፍትሔውን ነገረው:: "እኔ እዋስሃለሁና ለበዓል የሚያስፈልጉህን ነገሮች ሁሉ ገዝተህ አሰናዳ" አለው::

"እኔ ወደ ቤትህ መጥቼ ስለምስተናገድ አንድ አሣ አምጥተህ አቆየኝ:: እኔ ሳልመጣ ግን አትረደው" አለው:: ቅዱስ ዱራታኦስ የተባለውን ሁሉ ፈጽሞ ወደ ቤቱ ሲሔድ ድንቅ ነገርን ተመለከተ:: ሚስቱ ቅድስት ቴዎብስታ በቤቱ መካከል ሁና ቤቱ በበረከት ሞልቷል::
ማሩ: ቅቤው: እሕሉ ሁሉ በየሥፍራው ሞልቷል:: ባልና ሚስቱ ደስ ብሏቸው:: ነዳያንን ሲያበሉ: እንግዳ ሲቀበሉ ዋሉ:: በሁዋላ ያ መኮንን (ቅዱስ ሚካኤል) በቤታቸው መጥቶ ተስተናገደ::

በእርሱ ትዕዛዝ የአሣው ራስ (ሆድ) ሲከፈት በውስጡ 300 ዲናር ወርቅ (እንቁ) ተገኘ:: ቅዱሳኑ ይህን ተመልክተው ሲደነግጡ ቅዱስ ሚካኤል ክንፉን ዘርግቶ ራሱን ገለጸላቸው:: ደንግጠው በግንባራቸው ተደፉ:: እርሱ ግን "በተገኘው ሃብት እዳችሁን ክፈሉ:: ከዚህ በሁዋላ ግን በምድር አትቸገሩም:: በሰማይም ክፍላችሁ ከእኔ ጋር ነው" ብሎ ባርኩዋቸው ወደ ሰማይ ዐረገ:: እነርሱም በሐሴትና በበጐ ምግባር ኖረው ዐርፈዋል:: ለርስቱም በቅተዋል::

          ቅዱስ ባሕራን ቀሲስ❤️
የደጋግ ክርስቲያኖች ግን የድሆች ልጅ::
በሕጻንነቱ በግፍ ወደ ባሕር የተጣለ::
በእግዚአብሔር ጥበብ አድጎ የግፈኛውን ንብረት የወረሰ::
በመልካም ትዳር በቅስና ያገለገለ::
ምጽዋትን ያዘወተረ::
አብያተ ክርስቲያናትን ያሳነጸ ደግ ክርስቲያን ነው::
አርፎ ቅዱስ ሚካኤል ወዳጁ በዕረፍተ ገነት አኑሮታል::

         አፄ በእደ ማርያም❤️
በዕደ ማርያም" ማለት "በማርያም እጅ" እንደ ማለት ነው:: እኒህ ሰው የኢትዮዽያ ንጉሥ ሲሆኑ የነገሡትም በ1460 ዓ/ም ነው:: ደጉ አባታቸው አፄ ዘርዓ ያዕቆብ ሲያርፉ በመንግስቱ ተተክተው ሃገራችንን አስተዳድረዋል:: ድርሰት ደርሰዋል:: አብያተ መቃድስ አንጸዋል::
በተለይ ለቅኔ ትምሕርት ማበብ ልዩ የሆነ አስተዋጽኦ እንዳደረጉ ይነገራል:: ልክ በነገሡ በ10 ዓመታቸው ግን መንግስተ ምድር በቃኝ ብለው በምናኔ በርሃ ገብተዋል:: በዙፋናቸውም አፄ እስክንድር ተተክተዋል:: ጻድቁ ንጉሥ ግን ቅዱስ ሚካኤልን ይወዱት ነበርና በዚህች ቀን ዐርፈዋል::

አምላከ ቅዱሳን በክንፈ ሚካኤል ከክፉው ሁሉ ይሰውረን:: ከቅዱሳኑ በረከታቸውም አይለየን
🌺💚💛❤️🌺
@Maryam_Maryam2127
@Maryam_Maryam2127

ቅድስት ሐና ልጅሽ ድንግል ማርያም አማላጃችን!❤️
የልጅ ልጅሽ መድኃኔዓለም ደግሞ አምላካችን !❤️

እናታችን ማርያም ሆይ ሰላም ላንቺ ይሁን እያልን እንሰግድልሻለን እንማልድሻለን ከአዳኝ አውሬ ታድኝን ዘንድ ተማጽነንብሻል ስለ እናትሽ ስለ ሐና ብለሽ ስለ አባትሽ ስለ እያቄም ብለሽ ድንግል ማኅበራችንን ዛሬ ባርኪልን።

🤍 በድጋሚ እንኳን ለቅድስት ሐና አመታዊ የዕረፍት መታሰቢያ በዓል አደረሰን አደረሳችሁ ❤️

"'ያለንን ብናውቅ የጎደለን የለም❤
                        
"ሁለት የሚዋደዱ ጓደኛሞች ጉዞ ላይ ሳሉ አንደኛው ያማሩ ቪላ ቤቶችን ያይና ለጓደኛው እንዲህ አለው።
''ፈጣሪ ይህን ሁሉ ሀብት ለእነዚህ ሰዎች ሲያድል እኛ የት ነበርን?''

ጓደኛውም አጠገቡ ነበረና #ና ብሎ ወደ ሆስፒታል ይዞት ሔዶ እንዲህ አለው።

''ለእነዚህ ሰዎች ሁሉ ፈጣሪ በሽታን ሲያድል እኛ የት ነበርን?''

  "ያለንን ብናውቅ የጎደለን የለም!
   ምንግዜም ባለን ነገር እናመስግን።"

           ስላልተወኝ አንዳች አጣህ ብሎ
            ሙሉ ሰው ነኝ የለኝም ጎዶሎ
             በከፍታ ብኖር በዝቅታ
              ደስተኛ ሁል ጊዜ በጌታ

መልካም ቀን 🙏🏻🤗

❤️‍🩹 ለስልክ መጥሪያ መዝሙር
የምትፈልጉ እንሆ ❤️‍🩹🥰

ቀጣይም እንልቀቅ ወይስ ???👍
♡ሼር👉 
@Maryam_Maryam2127
@Maryam_Maryam2127

3⃣..በዓታ ለማርያም 🤗

እንኳን ለወርሃዊው የበዓታ ለማርያም በዓል በሰላም አደረሳችሁ፣ አደረሰን !!!

" ልጄ ሆይ፥ ስሚ እዪ ጆሮሽንም አዘንብዪ፤ ወገንሽን ያባትሽንም ቤት እርሺ፤ ንጉሥ ውበትሽን ወድዶአልና፥ እርሱ ጌታሽ ነውና።"
መዝ. ፵፭፥፲-፲፩ /45፥10-11/

❤ በዚህች 3 ቀን የደስታችን መገኛ የሆነች እመቤታችን ቅድስት ድንግል ማርያም ወደ ቤተ መቅደስ የገባችበት ወርሃዊ መታሰቢያ በዓል ነው።

❤ ቅዱስ ኢያቄምና ቅድስት ሐና በእግዚአብሔር መንገድ የሚመላለሱ ቅዱሳን ነበሩ

❤ ልጅ ባይኖራቸውም እግዚአብሔርን ከማምለክና በትዕዛዙ ከመመላለስ ግን አልወጡም ነበር

❤ ለረዥም ጊዜ ልጅ ያላገኙት ቅዱስ ኢያቄምና ቅድስት ሐና ልጅ ይሰጣቸው ዘንድ እግዚአብሔርን አብዝተው ይለምኑ ነበር፣ ስእለትም ተሳሉ

❤ እግዚአብሔርም ልመናቸውን ሰምቶ እንደ ፀሐይ የምታበራ ሴት ልጅን በግንቦት ፩ ቀን አገኙ

❤ ቅዱስ ኢያቄምና ቅድስት ሐና ስእለታቸውን ይፈጽሙ ዘንድ እመቤታችንን በ ፫ ዓመት ዕድሜዋ ወደ ቤተ መቅደስ ወሰዷት

❤ ይህም ዕለት በቤተክርስቲያናችን በዓታ ለማርያም እየተባለ በድምቀት ይከበራል

የእመቤታችን ቅድስት ድንግል ማርያም ምልጃና በረከቷ አይለየን። በጸሎቷም ታስበን።🙏🏻🥰

🥀 ነገ ወር በገባ በ3 ቅድስት እናታችን በዓታ ማርያም ናት🙏🏽

በዓታ ማርያም ከጨለማ ህይወት እንድንወጣ ትርዳን 🙏🏻❤️

ከመከራ ስጋ ከመከራ ነፍስ ወቶ ከመቅረት ካልታሰበ አደጋ ከክፉ ነገር ሁሉ ትሰውረን 🙏❤

†🕊  እናታችን ማርያም   🕊

" ኢየሱስም እናቱን ይወደው የነበረውንም ደቀ መዝሙር በአጠገቡ ቆሞ ባየ ጊዜ እናቱን። አንቺ ሴት ፥ እነሆ ልጅሽ አላት። ከዚህ በኋላ ደቀ መዝሙሩን። እናትህ እነኋት አለው። ከዚህም ሰዓት ጀምሮ ደቀ መዝሙሩ ወደ ቤቱ ወሰዳት።" ዮሐ[ 19፥26-27 ]

🕊

[ ጻድቅ ሰው ፍርድ ሲመለስ ባየ ጊዜ ደስ እንዲለው ፤ ጠላትን [ አጋንንትን ] በመበቀል የታምራትሽን ኃይል ግለጪ አሳዪ፡፡ የአምላክ እናት ማርያም አንቺን የሰደበ እንዴት በሕይወት ሊኖር ይገባዋል? በእናት በአባቱ ላይ ክፉ ቃልን የተናገረ በልጅሽ ፍርድ ይሙት ተብሏልና፡፡ ( ዘዳ27፥16 ]
                
[ አባ ጽጌ ድንግል ] ❤️

"ሰይጣንም የአንቺን ምስጋና ወሬ ሲሰማ በብስጭት ጥርሱን ያፏጫል።

የምስጋናሽ ወሬ በእርሱ ዘንድ መራጃ ነውና እራሱን ይቆርጠዋል፡፡
ከስምሽ አጠራር የተነሣ መብረቅ በኃይል ሲጮኽ እንደ ሰማ ኹሉ ይደነግጣል፡፡

አንቺ ከተወለድሽ ጀምሮ ፈጽሞ ዕረፍት አላገኘም፡፡ ባንቺ ታመመ በልጅሽም ተጨነቀ በአንድ ልጅሽ መስቀል ሥቃይ አገኘው፡፡ ከፍጡራን ወገኖች ኹሉ ይልቅ ሰይጣን አንቺን ይጠላል፡፡"

  [ አባ ጊዮርጊስ ዘጋስጫ] ❤️

❝ ከቅዱሱ ስፍራ ከቤተክርስቲያን በቅዳሴው፣ በትምህርቱ፣ ሚስጥራቱን ሁላ ተሳትፋችሁም ሆነ የግል ጸሎት አድርጋችሁ እንዲሁ በጎ ነገር ሰርታችሁ ስትጨርሱ ውስጣችሁን የደስታ፣ የእረፍት፣ የተስፋ፣ አንዳች ስሜት በውስጣችሁ ከተሰማችሁ እርሱ መንፈስ ቅዱስ እንደሆነ አስተውሉ።

✍ብጹህ ወቅዱስ አቡነ ሽኖዳ ሳልሳዊ

ድንግልን በዚህ መዝሙር እንዲህ እንበላት 🥹🙏

ለምኚ ድንግል ለምኚ

ለምኚ ድንግል ለምኚ /2/ 
ለኃጥአን /3/ አኮ ለጻድቃን                

ለምኚ  ታላቅ ስጦታዬ               
ለምኚ  አዛኝ ሩህሩህ ነሽ            
ለምኚ  የጌታዬ እናት                 
ለምኚ  ጸጋን የተሞላሽ     
ለምኚ  የአምላክ ማደሪያ        
ለምኚ  ለምነሽ አስምሪኝ        
ለምኚ  አማናዊት ጽዮን          
ለምኚ  ከእኔ አትለዪኝ     
አዝ======
ለምኚ ሐዘንሽ ሐዘኔ              
ለምኚ ለኔ ይሁን ድንግል        
ለምኚ የተንከራተትሽው               
ለምኚ በሃገረ እስራኤል 
ለምኚ ትዕግስትሽን ሳየው 
ለምኚ ልቤ ይመሰጣል 
ለምኚ የሐዘን እንባ ጎርፍ 
   ለምኚ ዓይኔን ይላዋል 
አዝ======
ለምኚ በቀራንዮ አንባ 
ለምኚ በዚያ የፍቅር ቦታ 
ለምኚ በእግረ መስቀሉ ስር 
ለምኚ ከክርስቶስ ጌታ 
ለምኚ ለእኛ ተሰጥተሸል 
ለምኚ እናት እንድትሆኚ 
ለምኚ ልጆችሽ ነንና 
ለምኚ ምልጃሽ አይለየን 
አዝ======
ለምኚ  አንደበቴን ጌታ 
ለምኚ  በምስጋና ሙላው 
ለምኚ  ደስ ይበልሽ ብዬ 
ለምኚ  እኔም ላመስግናት 
ለምኚ  አንደበቴን ጌታ 
ለምኚ  በምስጋና ሙላው 
ለምኚ  ደስ ይበልሽ ብዬ 
ለምኚ  እኔም ላመስገግናት 
🙏🏻❤️‍🩹
@Maryam_Maryam2127    
@Maryam_Maryam2127
💚🍀💚🍀💚🍀💚🍀💚

​​​​🌺✞ ማርያም አማላጅ ናት ✞🌺

✞በህዳር ወራት የሚኖሩ አመታዊ የቅዱሳን በዓላት✞

እሁድ ህዳር 1 [፩] ቅዱስ ነአኩቶ ለአብ ጻድቅ (ንጉሰ ኢትዮጵያ) -የተሰወረበት

ማክሰኞ ህዳር 3 [፫] ነአኩቶ ለአብ ጻድቅ -ልደቱ
+ ቅዱስ ዓምደ ሚካኤል ጻድቅ ኢትዮጵያዊ
+ አቡነ መድኃኒነ እግዚእ- (በዓለ ዕረፍታቸው)

ሐሙስ ህዳር 5 [፭] ታላቁ አባ (ዮሐኒ ዘትግራይ)

አርብ ህዳር 6 [፮] ቅድስት ደብረ ቁስቋም (ሚጠታ ለማርያም)- የሰማይና የምድር ጌታ ለእኛ ሲል ካደረገው ስደቱ በዚህች ቀን ተመልሷል።

ቅዳሜ ህዳር 7 [፯] ቅዱስ ጊዮርጊስ ሊቀ ሰማዕታት (ቅዳሴ ቤቱ)

እሁድ ህዳር 8 [፰] ቅዱሳን አራቱ እንስሳ (ኪሩቤል)
+ቅዱስ አፍኒን ሊቀ መላዕክት

ሰኞ ህዳር 9 [፱] ቅዱሳን መቶ አስራ ስምንቱ ሊቃውንት (ጉባኤ ኒቂያ)- በሀገረ ኒቅያ በእመቤታችንና በአምላክ ልጇ የሚያምኑ 318ቱ ቅዱሳን ሊቃውን የተሰበሰቡበት።

እሮብ ህዳር 11 [፲፩] ቅድስት ሐና ቡሩክት-የድንግል ማርያም እናት ፡-በዓለ ዕረፍቷ

ሐሙስ ህዳር 12 [፲፪] ቅዱስ ሚካኤል ሊቀ መላዕክት

አርብ ህዳር 13 [፲፫] አእላፍ ዘጠና ዘጠኙ ነገደ መላዕክት

እሁድ ህዳር 15 [፲፭] በዓተ ጾመ ነቢያት
+ ልደተ ቅዱስ ቂርቆስ ህፃን
+ ቅዱስ ሚናስ ሰማዕት

ማክሰኞ ህዳር 17 [፲፯] ቅዱስ ዮሐንስ አፈ ወርቅ (ፍልሠቱ)
+ ቅድስት ወለተ ጴጥሮስ (ኢትዮጵያዊት)

ዕሮብ ህዳር 18 [፲፰] ቅዱስ ፊሊጶስ ሐዋርያ ከ (12ቱ ሐዋርያት)

ሐሙስ ህዳር 19 [፲፱] ቅዱስ በርተሎሚዎስ (ልደቱ)

አርብ ህዳር 20 [፳] ቅዱስ ቴዎድሮስ ኃያል ሰማዕት

ቅዳሜ ህዳር 21 [፳፩] ቅድስት ጽዮን ድንግል ማርያም

ሰኞ ህዳር 23 [፳፫] ቅዱስ አብድዬ ነቢይ (ዕረፍቱ)

ማክሰኞ ህዳር 24 [፳፬] ሃያ አራቱ ካህናተ ሰማይ (ሱራፌል)

ዕሮብ ህዳር 25 [፳፭] ቅዱስ መርቆሬዎስ ሰማዕት (አንገቱን የተሰየፈበት

ሐሙስ ህዳር 26 [፳፮] ቅዱስ ኢየሱስ ሞዐ ዘሐይቅ
+ ቅዱስ አቡነ ሃብተ ማርያም ንጹህ

አርብ ህዳር 27 [፳፯] ቅዱስ ያዕቆብ ዘግሙድ

ቅዳሜ ህዳር 28 [፳፰] ቅዱስ አባ ሊቃኖስ ጻድቅ (ከተሰዓቱ ቅዱሳን)-በዕለ ዕረፍታቸው

እሁድ ህዳር 29 [፳፱] ቅዱሳን ሰማዕታት(የሀሉም ሰማዕታት መታሰቢያ በዓል)

ሰኞ ህዳር 30 [፴] ቅዱስ ገብረ መስቀል ጻድቅ (ንጉሰ ኢትዮጵያ)- በዓለ ዕረፍቱ

➡️ ልዑል እግዚአብሔር
በፍቅር፣ በሰላም፣ በጤና ያድርሰን፣ ያድርሳችሁ🙏🏻🍀

ይቀላቀሉ👇
✍🌺✞ ማርያም አማላጅ ናት ✞🌺

የጽጌረዳ ወራት ባለፈ ጊዜ በስዕልሽ ፊት የማያልቅ ምስጋናሽን እያመሰገንኩ መቆምን አላፍርም አላቋርጥም።

በድጋሚ እንኳን አደረሳችሁ
አደረሰን 🙏🏻🤲❤️‍🩹

🌺 ተፈጸመ ማኅሌተ ጽጌ 🌺

ተፈጸመ ማህሌተ ጽጌ.. ✝️👏❤️💒

ናሁ ተፈጸመ ተፈጸመ ማህሌተ ጽጌ ስሙር ተፈጸመ ናሁ አክሊል አክሊል ማርያም ለጊዮርጊስ ቀጸላ መንግስቱ!

እነሆ በእመቤታችን ስም ተሰባስበን አበባ ይዘን ልጅዋን በአበባ እርስዋን በጽጌረዳ እየመሰልን የምንዘምርበት ያ የተወደደው የምስጋና የዝማሬ ወር አለፈ እመቤታችን ድንግል ማርያም ሆይ አንቺ የጊዮርጊስ የክብር ዘውድ ነሽ! እያሉ በተመስጦ እንደ ቅዱስ ያሬድ የቅዱስ ያሬድ ልጆች ሊቃውንቱ እናታቸውን ሲያመሰግኑ የሚያሳይ ግሩም (ማህሌተ ጽጌ)

እመቤታችን ዘውድነቷ ለቅዱስ ጊዮርጊስ ብቻ ሳይሆን ውዳሴዋን ቅዳሴዋን እየደገመ ስሟን እየጠራ ለሚማጸን በአማላጅነቷ በቃል ኪዳኗ ለሚያምን ሁሉ ዘውድ ናት!

ምዕመናንም ትምክህተ ዘመድነ! እያሉ ይዘምሩላታል፤ ያመስግኗታል! ድንግል ሆይ የባህርያችን መመኪያ ነሽ! ተስፋችን ነሽ! የድህነታችን ምልክታችን ነሽ! እያሉ በእናትነቷ ጥላ ስር ያሉ ምዕመናን ይዘምሩላታል! እርስዋም እንደ ቅዱስ ኤፍሬም ትባርካቸዋለች! ሁላችንም እናታችን ትባርከን!

ለእኛም ለልጆችሽ ሞገስ ሁኝን አማላጅነትሽ ቃልኪዳንሽ አይለየን!!✝️👏💒❤️

በአሁኑ ጊዜ መረጃው ጥሩም ይሁን መጥፎም ሁሉም በዲጅታል ዓለም ውስጥ ተጧጥፏል።

እርሶም ክህደታዊ የሆኑትን አስተምህሮዎች ለማወቅም ሆነ መናፍቃንን ለመመለስ እውቀትንም ለማሳደግ📈 በዲጅታሉ አለም ጥንቁቅ ሆኖ መቅረብ ግድ እንደሚል እንደተረዱ ግልፅ ነው።

ታድያ የመንፈሳዊ ህይወት መካሪ አስተማሪ የተባለለት ቤተክርስቲያን ያከበረችው  እርሱ በስራው ቤተክርስቲያንን የሚያስከብራት
🎁በመፅሐፍቶች የሚያነሳት
🎁በስብከቶቹ የማትጠፍ
🎁በግላዊ ህይወቱ የሚኖራት
🎁በተከታታይ ትምህርቱ የሚያስተምራት
ድንቁ መምህራችን መምህር ዲ/ን ሄኖክ ኃይሌ የእርሱን ትምህርቶች
የእርሱን መፅሀፎቶች
መንፈሳዊ ዕውቀቶች
ወቅታዊ የቤተክርስቲያን ጉዳዮች ለማግኘት
አሁኑኑ ይሄንን ቻናል ይቀላቀሉ 👉 CLICK
👇
https://t.me/hinokhailes_spiritual_teachings

"አይኗን ባላየውም ልክ እንደ ዶኪማስ
ከጎንዋ ቀርቤ ምን እንደሆነ እንጃ ትናፍቀኛለች በዱርዬ ልቤ
አይገርምም ወይ እጇ ለተዐምር የጻፈው
ከምን ቢሰራ ነው እሳት የታቀፈው"

💚💛❤️

ማርያም ማርያም ማርያም❤️🤗

ደስ ሲል ዛሬ መጥምቀ መለኮት ቅዱስ ዮሐንስ ነው።

❤ መጥምቁ ቅዱስ ዮሐንስ በጌታ ትዕዛዝ እና ሕግጋት ሁሉ ያለነቀፋ እየሄዱ በእግዚአብሔር ፊት ጻድቃን ነበሩ ከተባሉት ቤተሰቦች ተወለደ

❤ ገና በማሕፀን ሳለ በመንፈስ ቅዱስ አሰራር ለጌታ እናትና ለጌታው የሰገደ ጻድቅ

❤ በበረሃ እየኖረ የጌታን መምጣት የመንግሥተ ሰማያትን መድረስ ለሕዝብ እየዞረ የሰበከ የበረሃ ሰባኪ

❤ ነብይ፣ ካህን፣ መጥምቅ፣ መምህር፣ ጻድቅ፣ ሰማዕት፣ ሐዋርያ የሆነ መጥምቀ መለኮት ቅዱስ ዮሐንስ

❤️ዛሬ ጥቅምት 30 ይህች ዕለት ለቅዱሱ ዮሐንስ መጥምቅ 'አስተርዕዮተ ርዕሱ' ወይም ቅድስት ራሱ ከተሰወረችበት የተገለጠችበት ነው::

የመጥምቀ መለኮት ቅዱስ ዮሐንስ ምልጃና በረከቱ ይደርብን። ጸሎቱ አይለየን🙏❤️

ማርያም አበባዬ...❤️‍🩹

ማርያም አበባዬ ማርያም አበባ
ድንግል አበባዬ  ድንግል አበባ
ማርያም አበባዬ ማርያም አበባ
ድንግል አበባዬ  ድንግል አበባ
       አዝ-----
የነብያት ትንቢት   ማርያም አበባ
የመላዕክት እህት   ድንግል አበባ
ከሞላ በረሃ                 "
ያስማርሽው ዓለሙን    "
የሙሤ ደመና             "
የኤልያስ መና             "
ማርያም አበባዬ          "
ድንግል አበባዬ           "
       አዝ-----
ለተራቡት ቀለብ  ማርያም አበባ
ለታመሙት ብርታት ድንግል አበባ
የዓለም እመቤት     "
የደካሞች ጉልበት   "
በአባቶችሽ ፈንታ     "
ልጆች ተወለዱ       "
ስምሽን ለትውልድ  "
ሁሌ የሚያስረዱ    "
ማርያም አበባዬ     "
ድንግል አበባዬ      "
       አዝ-----
በምልጃሽ ተማምኖ ማርያም አበባ
ሞገድ የጀመረ        ድንግል አበባ
ስምሽን ሠንቆ              "
ጉዞ የጀመረ                 "
ማነው የረሣሽው            "
ማነው የተውሽው         "
በድል ተመልሷል          "
አላሳፈርሽው                "
ማርያም አበባዬ              "
ድንግል አበባዬ            "
       አዝ-----
ለተራቡት ቀለብ   ማርያም አበባ
ለታመሙት ብርታት ድንግል አበባ
የዓለም እመቤት        "
የደካሞች ጉልበት      "
በአባቶችሽ ፈንታ        "
ልጆች ተወለዱ          "
ስምሽን ለትውልድ     "
ሁሌ የሚያስረዱ        "
ማርያም አበባዬ         "
ድንግል አበባዬ          "
እናት አበባዬ              "
ድንግል አበባዬ          "

♡ሼር👉 
@Maryam_Maryam2127
@Maryam_Maryam2127

አንድ ዓይነ ሥውር በእጁ ደማቅ ብርሃን ያለው ፋኖስ ይዞ በጨለማ በመንደር ውስጥ እየሔደ ነው:: አንድ ሰው ድንገት ሲያልፍ አየውና ፋኖሱን ሲያይ ተገርሞ ጠየቀው::

"ይቅርታ ወንድሜ:: በእጅህ ፋኖስ አብርተህ ይዘሃል:: እንዳትደናቀፍ ነው እንዳልል እንደማይህ ዓይነ ሥውር ነህ:: የማታይ ከሆነ የፋኖሱ ብርሃን ምን ይጠቅምሃል?" አለው::
"ልክ ነህ የፋኖሱን ብርሃን አላይም:: የምይዘው እኔ በጨለማ ውስጥ ስሔድ እንዳልደናቀፍ አይደለም:: ሆኖም በጨለማ ውስጥ ብርሃን ሳልይዝ ከሔድኩ ሰዎች እኔን ስለማያዩኝ ከእኔ ጋር እንዳይጋጩ ወይንም እንዳይደናቀፉ ነው:: ፋኖሴንን ከያዝሁ በብርሃኑ እኔን ያዩኛል" ብሎ መለሰለት::

ወዳጄ በዚህች ጨለማ ዓለም ስትሔድ የልብህ ዓይን በመታወሩ ምክንያት የማታያቸው ብዙ እንቅፋቶች አሉ:: "ኸረ እኔ ዕውር አይደለሁም" ካልክ "ሀብታም ነኝና ባለጠጋ ሆኜአለሁ አንድም ስንኳ አያስፈልገኝም፡ የምትል ስለ ሆንህ፥ ጐስቋላና ምስኪንም ድሀም ዕውርም የተራቆትህም መሆንህን ስለማታውቅ" ነው:: (ራእ 3:17)

በጨለማው ዓለም ስትሔድ ለራስህ ብቻ ሳይሆን ለሌሎችም ማሰብ ትገደዳለህ:: እውነተኛውን ፋና ክርስቶስን በጉያህ ከያዝክ ሰዎች እሱን አይተው በአንተ ከመሰናከል ይድናሉ:: አለዚያ ግን በአንተ ምክንያት የሚደናቀፈው ሰው ብዙ ነው::

✍ ዲያቆን ሄኖክ ኃይሌ

ሁለት ሰዎች በአንድ ጉዳይ አብረው ይፀልያሉ አንደኛው ፀሎቱ ተመለሰለት አንደኛው ሳይመለስለት ቀረ። በዚህ ጊዜ ፀሎቱ ያልተመለሰለት ሰው "ጌታ ሆይ ሁለታችንም እኩል ፀልየን ለእርሱ ሰጥተኸው ለእኔ ከለከልኝ ለምንድ ነው?" አለው። እግዚዘብሔርም "ለእርሱ ባልሰጠው ይጠፋል፣ ላንተ ከሰጠሁህ ደግሞ ትጠፋለህ" አለው ይባላል።

እግዚአብሔር ከራሳችን በላይ እኛን ያውቀናል። ለአንዳችን በመስጠት፣ አንዳችንን በመከልከል ዕድሜያችንን ያረዝመዋል። መስጠቱም መንሳቱም ሁለቱም በፍቅር ነውና በልመናችን በፀሎታችን የአንተ ፈቃድ ይሁንልን ማለት ተገቢ ነው።

🙏🏻ስለ ሁሉም ነገር የእግዚአብሔር ስም የተመሰገነ ይሁን። አሜን!!💚

ስንደገፈው የሚሰበር ወዳጅ እንጂ ስንርቀው የሚርቀን አምላክ የለንም!

ለድንግል ማርያም ❝ይችን የመሰለ መልክ ይዘሽ ምን ያስለምንሻል❞ ብላ የዘለፈች ምድር፥ ይልቁን ለእኛ እንዴት ዝም ትለናለች? ድንግል ማርያም ሆይ የእውነት ንጽሕት ነሽ!!

እመ አምላክ ሆይ! ኀዘንሽን አስቦ ላዘነ፣ ጥምሽን አስታውሶ ለተጠማ፣ ስደትሽን አውስቶ በሐሳብ ለተሰደደ ለዚህ ሰው ትሕትናን አጎናጽፊው🙏

ቅድስት ሰሎሜ ሆይ! ለወዳጅ መሰደድ፣ ለወገን መራብና መጠማት ሰማያዊ ዋጋን ያስገኛል አይደል? ያኔ ከድንግል ማርያም ኋላ ኋላ ወደ ግብፅ ስትሄጂ ከላይ የሚወርድልሽ በረከት እጥፍ ድርብ ነበር አይደል?

ቅዱስ ዮሴፍ ሆይ! ከቅድስት ሰሎሜ ጋር አብረህ ና'ና ከእናንተ ጋር እኛም እንሰደድ🙏

#ከዚህም በኋላ መድኃኒታችን ለወዳጆቹ ለ12ቱ ሐዋርያት፣ ለ72ቱ አርድእት፣ ለ36ቱ ቅዱሳት አንስት ‹‹እስከ ሦስት ቀን እነሣላችኋለሁ እዘኑ አልቅሱ፣ እህል ውኃ አትቅመሱ በሏቸው›› ብሎ ለዮሴፍና ለኒቆዲሞስ አክፍሎት አስተማራቸው፡፡

#ዳግመኛም መድኃኔዓለም ክርስቶስ ከዕርገቱ በኋላ ለቅዱሳን ሐዋርያት የሞቱን መታሰቢያ እንዲያደርጉ ነግሯቸዋልና፡፡ ሕማሙንና ሞቱንም እንዲዘክሩ አዟቸዋልና አሁንም ያንን ሁሉ የመድኃኔዓለምን ሞቱን ያላሰበና የሞቱን መታሰቢያ በዓል ያላከበረና እርሱንም የማይወደው ቢኖር ዕድል ፈንታው ጽዋ ተርታው ከአይሁድ ጋር ነው፡፡ የአምላካችንን የመድኃኔዓለምን ሞቱን በሚመስል ሞት ከእርሱ ጋር ተባብረን ትንሣኤውን በሚመስል ትንሣኤ ከእርሱ ለመተባበር ያብቃን፡፡

#አባቶቻችን በሠሩልን ሥርዓት መሠረት የመጋቢት 27 የመድኃኔዓለም ክርስቶስ የስቅለቱን በዓል ወደ ጥቅምት 27 ቀን መጥቶ እንዲከበር አባቶቻችን ወስነዋል፡፡ #መልአኩ ቅዱስ ገብርኤል እመቤታችንን ያበሠራትና የጌታችንም ፅንሰት የተከናወነው #በመጋቢት ወር በ29ኛው ቀን በዕለተ እሁድ በ3 ሰዓት ነው፣ ነገር ግን #ብሥራቱና ፅንሰቱ ግን ታኅሣሥ 22 ቀን እንዲከበር ቅዱሳን አባቶች እነ ቅዱስ #ደቅስዮስ ወሰኑ፡፡ እነርሱም በዓሉን በዚሁ ዕለት አክብረውታል፡፡ አንድም ነገረ ልደቱን ከማክበር አስቀድሞ ነገረ ፅንሰቱን ማዘከር ማክበር ተገቢ ስለሆነ ነው፡፡ በዓቢይ ጾም ወቅት ደግሞ ፍጹም ሐዘን ልቅሶ ጾም ጸሎት ይያዛል እንጂ ደስታ ፌሽታ እልልታ ጭብጨባ የለም፡፡ ዓቢይ ጾም ፍጹም የሐዘን ወራት ነው፡፡ ታቦት አውጥቶ በዓል ማክበር ስህተት ነው፤ የአባቶችንም ሥርዓት ማፍረስ ነው፡፡ ምስጋና ይድርሳቸውና ቅዱሳን አባቶቻችን ሁሉንም ነገር በሥርዓት በሥርዓቱ አድርገው ሰፍረው ቆጥረው አስቀምጠውልናል፡፡ ከዓቢይ ጾም በኋላ ያሉትን 50 ቀናት ረቡዕና ዓርብንም ጭምር ሥጋ እንኳን እንድንበላ ነው ሥርዓት የሠሩልን፡፡ አባቶቻችን የሠሯት ሕግ ፍጽምት ናት፡፡ #በዚህም መሠረት አባቶቻችን ሥርዓትን ሠሩልንና የመጋቢት 27 የጌታችንን የስቅለቱን በዓል ወደ ጥቅምት 27 ቀን አምጥተው እንዲሁም የመጋቢት 5 የአቡነ ገብረ መንፈስ ቅዱስን የዕረፍት በዓል ወደ ጥቅምት 5 ቀን አዙረው እንዲከበር አድርገዋል፡፡

የቅዱሳን አምላክ ልዑል እግዚያብሔር እንደ ቸርነቱ ያስበን።

አንድ አምላክ በሚሆን በአብ በወልድ በመንፈስ ቅዱስ ስም አሜን ፫

#ጥቅምት 27-ዓለምን በመዳፉ የያዘ አምላክ በአይሁድ እጅ እንደሌባ ተያዘ፡፡ ሠራዊተ መላእክት ለምሥጋና በፊቱ የሚቆሙለት መድኃኔዓለም እርሱ ሊፈረድበት በፍርድ አደባባይ ቆመ፡፡ በእስራት ያሉትን የሚፈታ እርሱ በብረት ችንካር ተቸነከረ፡፡ ሰማይን በከዋክብት ምድርም በአበባ ያስጌጠ እርሱ ግን የእሾህ አክሊል በራሱ ላይ ደፋ፡፡ ዓለሙን ሁሉ በቸርነቱ የሚመግብ እርሱ ተጠማሁ አለ፡፡ወዮ የመድኃኔዓለም የማዳኑ ምሥጢር ምንኛ ድንቅ ነው! ወዮ ለዚህ ለመድኃኒዓለም ፍጹም ትዕግስት አንክሮ ይገባል!

#በመድኃኔዓለም ክርስቶስ ሞት በአንድነት እናለቅስ ዘንድ ቅዱሳን ሁላችሁ ኑ! መድኃኒታችን ሙቷልና ፍጥረታት ሁሉ ያለቅሳሉ፤ መያዝንና መታሠርን የተቀበለ መድኃኒታችን ሙቷልና፡፡ ጥፊንና ግርፋትን የተቀበለ መድኃኒታችን ሞተ፡፡ መደብደብንና መመታትን የታገሰ መድኃኒታችን ሞተ፡፡ ሄኖክ እግዚአብሔር ‹‹በሴም ቤት ይደር›› ብሎ አብ ስለራሱ የተናገረለት የመድኃኒታችንን ሞቱን ታይ ዘንድ ና፡፡ አብርሃም ቃልኪዳን የገባልህን የመድኃኒታችንን ሞቱን ታይ ዘንድ ና፡፡ ይስሐቅ ከሰይፍ ቤዛ የሆነህን የመድኃኒታችንን ሞቱን ታይ ዘንድ ና፡፡ ያዕቆብ በበረሃ የታገለህ የመድኃኒታችንን ሞቱን ታይ ዘንድ ና፡፡ ኢዮብ በደመና የታየህ የመድኃኒታችንን ሞቱን ታይ ዘንድ ና፡፡ ሙሴ ስለ እርሱ ‹እንደእኔ ያለ ነቢይ ይነሣል› ብለህ የተናገርኽለት የመድኃኒታችንን ሞቱን ታይ ዘንድ ና፡፡ ዳዊት ‹‹እነሆ በኤፍራታ ሰማነው፣ በበረሃ ዛፍም አገኘነው›› ብለህ የተናገርኽለት የመድኃኒታችንን ሞቱን ታይ ዘንድ ና፡፡ ኤርሚያስ ‹‹የክቡሩን ዋጋ ሠላሳ ብር ተቀበሉ›› ብለህ የተናገርኽለት የመድኃኒታችንን ሞቱን ታይ ዘንድ ና፡፡

#ኢሳይያስ ‹‹ወልድ ሰው ለመሆን ተገለጠልን፣ ሕፃን ተወለደልን፣ ድንቅ መካር ኃያል አምላክ›› ብለህ የተናገርኽለት የመድኃኒታችንን ሞቱን ታይ ዘንድ ና፡፡ ሕዝቅኤል ‹‹አምላክ ወደ ተዘጋች ደጃፍ ገባ፣ ከተዘጋች በርም ወጣ›› ብለህ የመድኃኒታችንን ሞቱን ታይ ዘንድ ና፡፡ ዳንኤል ነጭ ሐር ለብሶ ያየኸውን የመድኃኒታችንን ሞቱን ታይ ዘንድ ና፡፡ ኤልያስ ከሞት በፊት የሰወረህ በእሳት ፈረሶች ያሳረገህ የመድኃኒታችንን ሞቱን ታይ ዘንድ ና፡፡ ሕዝቅያስ የፀሐይ መግባቱን ያሳየህ የመድኃኒታችንን ሞቱን ታይ ዘንድ ና፡፡ ምናሴ ችንካሮችህን ከእግር ብረት የፈታ የመድኃኒታችንን ሞቱን ታይ ዘንድ ና፡፡ ኢዮስያስ ፋሲካውን ያደረግህ የመድኃኒታችንን ሞቱን ታይ ዘንድ ና፡፡ አናንያ፣ አዛርያና ሚሳኤል ከእሳት ምድጃ ያዳናች የመድኃኒታችንን ሞቱን ታይ ዘንድ ኑ፡፡ አብያና ሲላ ፌንቶስ ከመወለዱ አስቀድሞ ያመናችሁበት የመድኃኒታችንን ሞቱን ታይ ዘንድ ኑ፡፡ የቀድሞ አባቶች ነቢያት ሁላችሁ ከፋራን ተራራና ከቴማን ይመጣል ያላችሁት የመድኃኒታችንን ሞቱን ታይ ዘንድ ኑ፡፡ አሞፅ በአድማስ ቅጥር ያየኸው የመድኃኒታችንን ሞቱን ታይ ዘንድ ና፡፡ ዘካርያስ በተራራዎች መካከል ያየኸው የመድኃኒታችንን ሞቱን ታይ ዘንድ ና፡፡ ዕዝራ በአርፋድ በረሃ ያየኸው የመድኃኒታችንን ሞቱን ታይ ዘንድ ና፡፡
ስምዖን በክንድህ የታቀፍከውን ሕፃን የመድኃኒታችንን ሞቱን ታይ ዘንድ ና፡፡ ዮሴፍ እንደ አንተ የተሸጠ የመድኃኒታችንን ሞቱን ታይ ዘንድ ና፡፡ ጠራቢ ዮሴፍ በትከሻህ ያዘልከው በክንድህ የተሸከምከው ሕፃን የመድኃኒታችንን ሞቱን ታይ ዘንድ ና፡፡ መጥምቁ ዮሐንስ ከሕፃንነትህ ጀምሮ በበረሃ ያለ እናት ያለ አባት ያሳደገህ መንገዱንም እንድትጠርግለት ያዘጋጀህና መለኮትን እንድታጠምቅ የመረጠህ የመድኃኒታችንን ሞቱን ታይ ዘንድ ና፡፡ ኢያቄምና ሐና ሆይ የልጃችሁን ልቅሶዋን የልቧንም መዘንጋት ታዩ ዘንድ ኑ፡፡ ከሔዋን እስከ ፋኑኤል ልጅ እስከ ሐና ያላችሁ ሁላችሁ ቅዱሳት ሴቶች የድንግልን ልቅሶዋን ታዩ ዘንድ ኑ፣ አንድ ልጇ ሙቷልና፡፡

#የለመለመ የሥጋ ሞት ሕንፃ የተጀመረበት የአቤል ተከታዩ፣ ከጎኑ የፈሰሰው ደም ሔዋንን ከጥፋት ያዳናት የተገደለ መድኃኒታችን ነው፡፡ የናቡቴ ጓደኛው የተገፋው መድኃኒታችን ነው፡፡ አቤል ስለሚስቱ ሞተ፡፡ ናቡቴም ስለ ወይኑ ቦታ ሞተ፡፡ መድኃኒታችን ግን በቀኙ ያነጻት ዘንድ ስለቤተክርስቲያን ሞተ፡፡ ነፍሳችሁን ይወስዷታልና መውረዱንም አላወቁምና ስለ ወገኖቹ ኃጢአት እስከ ሞት ደረሰ ብሎ ስለ እርሱ የተናገረ አባቱን እንስማው፡፡ ሙሴም እርሱን ያውቁት ዘንድ አላሰቡትም፣ በሚመጣበት ቀንም አላወቁትም አለ፡፡ ዕዝራ በባሕር ጥልቅ ያለውን ማወቅ እንዳይችሉ ወልድንም ማወቅ እንዲሁ ሆነባቸው አለ፡፡ ጳውሎስም ብታውቁትስ ኖሮ የክብርን ጌታ እግዚአብሔርን ባልሰቀላችሁት ነበር አለ፡፡

#በመሰደድ፣ ያለምንም በደልም በፍርድ አደባባይ በመቆም መከራ መስቀልን በመሸከም አብነት የሆናችሁ ሰማዕታት ሁላችሁ ኑ የመድኃኔዓለምን የሞቱን ዕለት አስባችሁ በጋራ አልቅሱለት፡፡ ሁሉ የእርሱ ከእርሱ ለእርሱ ተፈጥሮ ሳለ በምድር ላይ ምንም ሳይኖረው ራሱን እንኳን የሚያስጠጋበት ቤት ሳይኖረው አብነት የሆናችሁ ባሕታውያንና መነኮሳት ሁላችሁ ኑ በዛሬዋ ዕለት ስለሞተው አምላካችሁ መሪር ዕንባን አልቅሱለት፡፡ ሕግ ጠብቆ፣ ሥርዓት አክብሮ፣ ነዳያንን በመመገብና ያዘኑትን በማጽናናት 33 ዓመት በምድር ላይ ኖሮ አብነት የሆናችሁ እናንት በዓለም ሆናችሁ ሕግ ጠብቃችሁ፣ አሥራት በኩራቱን አውጥታችሁ፣ ድሆችን በመርዳት የምትኖሩ ክርስቲያኖች ሁላችሁ የመድኃኔዓለምን የሞቱን ዕለት ታስቡ ኑ፡፡

#‹‹የተጠራችሁለት ለዚህ ነውና ክርስቶስ ደግሞ ፍለጋውን እንድትከተሉ ምሳሌ ትቶላችሁ ስለ እናንተ መከራን ተቀብሎአልና›› ብሎ ቅዱስ ጴጥሮስ እንደጻፈልን (1ኛ ጴጥ 2፡21) እርሱ ንጹሕ ባሕርይ ሲሆን ወደ መጥምቁ ቅዱስ ዮሐንስ ዘንድ ወደ ዮርዳኖስ በመሄድ ለተጠመቅን ለእኛ ለተነሣሕያን ለሁላችን አብነት የሆነን መድኃኒታችን ስለእኛ ሞቷልና ሞቱን እናስብ ዘንድ ኑ በቤቱ ተሰብስበን እናልቅስለት፡፡ መታሰያውንም እናድርግለት፡፡ ጌታችን ሞቶ ተቀብሮ ካረገ በኋላ ለቅዱሳን ሐዋርያትና ለቅዱሳን አባቶቻችን ለእነ አቡነ መባዓ ጽዮን፣ ለእነ አቡነ ዘርዐ ቡሩክ እንደነገራቸው የሞቱን መታሰቢያ የሚያደርግ ኃጠአተኛ እንኳ ቢሆን ሲኦልን አያያትም፡፡ የመድኃኔዓለምን የሞቱን መታሰቢያ የሚያድርግ ቢኖር ሲኦል ራሷ አፍ አውጥታ ‹‹ይህችን ነፍስ ወደኔ አታምጡብኝ›› ብላ ትጮሃለች እንጂ ችላ አትቀበለውም፡፡
የጌታችን ወዳጆቹ ዮሴፍ ኒቆዲሞስ በድርብ በፍታና በመቶ ወቄት ሽቱ ገንዘው በሐዲስ መቃብር ሊቀብሩት ቢሉ ጌታችን ያን ጊዜ ዐይኑን ክፍቶ ‹‹በሰውነቴ መዋቲ ብሆን በመለኮቴ ሕያው ነኝ እንጂ ምነው እንደ እሩቅ ብእሲ ዝም ብላችሁ ትገንዙኛላችሁን?›› አላቸው፡፡ ይህን ጊዜም ዮሴፍ ኒቆዲሞስ በታላቅ ድንዳጤ ሆነው ‹‹አቤቱ ጌታችን ሆይ! እንግዲያስ ምን እያልን እንገንዝህ?›› አሉት፡፡

#መድኃኒታችንም እንዲህ እያላችሁ ገንዙኝ አላቸው፡- ‹‹ቅዱስ እግዚአብሔር ቅዱስ ኃያል ቅዱስ ሕያው ዘኢይመውት ዘተወልደ እማርያም እምቅድስት ድንግል ተሣሃለነ እግዚኦ፡፡ ቅዱስ እግዚአብሔር ቅዱስ ኃያል ቅዱስ ሕያው ዘኢይመውት ዘተጠምቀ በዮርዳኖስ ወተሰቅለ ዲበ ዕፀ መስቀል ተሣሃለነ እግዚኦ፡፡ ቅዱስ እግዚአብሔር ቅዱስ ኃያል ቅዱስ ሕያው ዘኢይመውት ዘተንሥአ እሙታን አመ ሣልስት ዕለት ዐርገ በስብሐት ውስተ ሰማያት ወነበረ በየማነ አቡሁ ዳግመ ይመጽእ በስብሐት ይኰንን ሕያዋነ ወሙታነ ተሣሃለነ እግዚኦ› እያላችሁ ገንዛችሁ ቅበሩኝ አላቸው፡፡››

🌿" የጻድቅ ሞት በእግዚአብሔር ፊት የከበረ ነው " (መዝ 115:6)


🇪🇹 ኢትዮጽያዊው ጻዲቅ አቡነ ሀብተማርያም ለአምላክ የታመኑ፣ ያገለገሉ፣ ለህዝባቸው ምህረትን እንዲሰጥ የተማጸኑ ታላቅ ጻዲቅ ናቸው🙏

🌿 " ጌታ ሆይ, አጥንቴ በሚቀበርባት ሀገሬን :-

📌 ከመብረቅ📌 ከቸነፈር 📌 ከረሃብ📌 ከወርርሽኝ፣ ከእሳት ቃጠሎ📌 ካሉ መቅሰፍቶች ታድልኝ ዘንድ ቃል ኪዳን ትገባልኝ ዘንድ እለምንሃለሁ " ብለው የተማጸኑ አምላክም ቃል ኪዳን እንደገባላቸው ይነገራል🙏❣️🙏

🌹ጻዲቁ አባታችን ፍጹም ድንግል፣ ፍጹም መነኩሴ፣ ይህችን ዓለም ንቀው በጾም በጸሎት የተጉ ቅዱስ ሀዋርያም ነበሩ🙏

🌿 አምላክ ያከበረውን ያከብራልና በስምህ ለለመነ፣ ለተማጸነ፣ ለዘከረ እምረዋለሁ, አድነዋለሁ ብሎ ፊት ለፊት እንደ ሙሴ በሚያነጋግራቸው ሠዓት ብርሃን በፊቱ ተሳለ🙏

🌹ይህችን አለም ንቀው ፣ ስለእምነታቸው ተጋድለው ፣ስለህዝባቸው ምህረት, በጾመውና በፀሎት ተማጽነው ፣ ታላቅ ክብርን በአምላክ አግኝተው ህዳር 26, ቀን አርፈዋል 🙏

🌿ሀገራችንን ሠላም፣ ፍቅር፣ ጤና አምላክ ይሰጠን ዘንድ የአባታችን ጸሎት፣ ልመና፣በረከታቸው አይለየን❣️🙏

በአለም ላይ ትልቁ የኦርቶዶክስ ቤተክርስትያን በቡካሬስት ሮማኒያ ውስጥ እየተገነባ ነው።

እንደ አውሮፓውያን አቆጣጠር በ2025ዓ.ም ይጠናቀቃል ተብሎ እሚጠበቀው ይህ ቤተ መቅደስ ከ130 ሜትር በላይ ከፍታ ያለው ሲሆን "የሮማኒያ ሕዝባዊ ድኅነት ካቴድራል ኦርቶዶክስ ቤተ ክርስቲያን"በሚል ወደፊት የሮማኒያ ኦርቶዶክስ ዋና መቀመጫ እና በመላው ዓለም ረጅሙ እና በግዝፈቱም ቀዳሚ የሆነ የኦርቶዶክስ ቤተ ክርስቲያን ይሆናል።

ማስታወሻ💞 ምንም እንኳን እንደየ ሀገራት ቀኖናዊ የቤተ ክርስቲያን አሰራር ቢኖርም የዚህ ዘመን የኛ ሀገራት የቤተ ሕንጻ ባለሙያ መሀንዲሶች እና የቤተ ክርስቲያን ባለድርሻ አካላት በጣም ሊያስቡበት እና ሊመክሩበት የሚገባ ጉዳይ ነው።ይህም በሀገራችን የሚታየውን የቤተ ክርስቲያን ሕንጻ ንድፍ( Design) አሰራር ድግምግሞሽ ማስቀረትንም ይቻላል።በተጨማሪም የረቀቀ ንድፍ እና መልካም መልካሙን የቤተ ክርስቲያን አሰራር ከአውሮፓውያን በልምድ ልውውጥ በመቅሰም ከሀገራች የሕንጻ ጥበብ ጋር ማዋሐድ ይቻላል።

🌺✞ማርያም አማላጅ ናት✞🌺

​​ንዑድ ክቡር ጻድቅ ገዳማዊ መስተጋድል አባ አቢብ በወርኃ ጥቅምት ሀያ አምስት (25) ዐረፈ።

ለአቡነ አቢብ አባ ቡላ ጌታችን አምላካችን እና መድኃኒታችን ኢየሱስ ክርስቶስ የሰጣቸው ቃል ኪዳን

አስቀድሞ ጌታችን መድኃኒታችን አምላካችን ኢየሱስ ክርስቶስ ለአቡነ አቢብ ተገልጦላቸው ‹‹…ወዳጄ አቢብ ሆይ! የሰውን ልጅ ለማዳን የተቀበልኩትን ሕማማተ መስቀል እያሰብህ ይህንን ሁሉ ገድል ፈጽመሃልና ምን እንዳደርግልህ ትወዳለህ?›› አላቸው፡፡ ንዑድ ክቡር ቅዱስ አባታችን አቡነ አቢብም ‹‹ጌታዬ አምላኬ መድኃኒቴ ኢየሱስ ክርስቶስ ሆይ! መቼም ሰው ሁሉ ሳይመገብ አይውልም አያድርምና በተመገበ ጊዜ ስሜን ጠርቶ የተማጸነውን ማርልኝ›› አሉት፡፡ ጌታችን ኢየሱስ ክርስቶስም አባታችን አቡነ አቢብ ለሰው ልጆች ያላቸውን ፍቅር ካደነቀ በኋላ ‹‹…ከማዕድ በኋላ ስብሃት ተብሎ የተረፈውን ‹በእንተ አቢብ› ብሎ ሦስት ጊዜ የተመገበውን ሰው ሁሉ እምርልሃለሁ›› በማለት ታላቅ የምሕረት ቃልኪዳን ገብቶላቸዋል፡፡

ብዙዎች ስማቸውን ጠርተው በሚቀምሱት ምግብ አማካኝነት ከተለያዩ በሽታዎች የተፈወሱ አሉ፡፡ ይህ ቃልኪዳናቸው ለኹላችን ይደረግን ዘንድ ከመመገባችን አስቀድሞ የእግዚአብሔርን ስም እንጥራ (አቡነ ዘበሰማያትን ማለቱ ነው፡፡) ከተመገብን በኋላም የዕለት ምግባችንን ስለሰጠን እግዚአብሔርን እናመስግን፡፡ ዘወትር ከተመገብን በኋላ ሦስት ጊዜ ‹‹ስለ ወዳጅህ ስለ አቡነ አቢብ›› እያልን ሦስት ጊዜ እንቅመስ፡፡

“ወዳጄ አቢብ ሆይ ዛሬ በእኔ ደስ ይበልህ መሻትህን ሰጥቼ ያላሰብኸውንም እጨምርልሃለሁና። አምላከ አቡነ አቢብ ብሎ በአንተ ስም ወደ እኔ የሚጸልይ ሰው በጥቡዕ ልቡናም ስምህን የጠራ ከክርስቲያንም ቢኾን ከአረማዊም ቢኾን መልሼ ለንስሐ አብቅቼ የዘለዓለም መንግሥቴን አወርሰዋለሁ።

ከክርስቲያን ወገን ዝክርህን የዘከረና ቤተ ክርስቲያንህ እየሄደ ችግራቸውን እንደችሎታው ጠይቆ የሚረዳ ወይም በስምህ እንግዳ የሚቀበል ለነዳይና ለምስኪን የሚራራ በበዓልህ ቀን ምሕረትን ያደረገላቸውና ያበላቸውን የተራቡትን ያጠገባቸው የተራቆቱትን ያለበሰ የተጠማውን ያጠጣ ያዘነውን እንደሚገባ በአንተ ስም ያረጋጋ እንደተቻለው ያደረገለት ሰው እኔ በማደሪያዬ ኢየሩሳሌም ስማቸው ከተጻፈው ቅዱሳን ጋራ እደምረዋለሁ። በአገሬ ኢየሩሳሌም ለዘለዓለም በደስታ ይኖራል አለው።

የዚያም ሰው ልጅ ዝክርህን ቢዘክር በዓልህን ቢያከብር በሚቻለው በስምህ ቢመጸውት በመንግሥተ ሰማያት ኃጢአቱን ይቅር እለዋለሁ። ልጁንም የልጅ ልጁንም እስከ ዐሥር ትውልድ ለአንተ ዐሥራት አድርጌ እሰጥሃለሁ። ኃጢአታቸውንም ይቅር ብዬ የዘለዓለም ሕይወትን አወርሳቸዋለሁ።

ያልተጠመቁ የአረመኔ ልጆችም ቢሆኑ በስምህ ቢማፀኑ በዓልህን ቢያከብሩ ወደእኔ የምታደርሰውን ጎዳና እመራቸዋለሁ። ከገነት በምትፈሰው በሕይወት ውኃ አረካቸዋለሁ። የኃጢአታቸውን ሥርየት እሰጣቸዋለሁ። በስምህ ቤተ ክርስቲያንን የሠራ አንተን በመውደድ መጽሐፈ ገድልህን የጻፈ የአነበበ በጥቡዕ ልቡናም የሰማ እሊኽን ኹሉ በእኔ ዘንድ ተቀብዬ ማደሪያቸውን ከአንተ ጋራ አደርግላቸዋለሁ። ከአንደበቴ የወጣው ቃል ኪዳኔን እንደማላስቀርብህም። በቅድስናዬ በራሴ ምዬልሃለሁ። ወዳጄ አቢብን እንዳልዋሽ የተናገርኩት ለዘለዓለም ቃል ኪዳን ይኹንለት ብዬ ማልኩልህ።”

አምላኩ ለቅዱስ አባ አቢብ ስረይ ሊተ ኵሎ ኃጢአትየ
አምላኩ ለቅዱስ አባ አቢብ ስረይ ሊተ ኵሎ ኃጢአትየ
አምላኩ ለቅዱስ አባ አቢብ ስረይ ሊተ ኵሎ ኃጢአትየ

ተዘኪረከ ክርስቶስ ሥቃያተ አቢብ ብዙኀ፡
ወርኅፀተ ነፍሱ ፍሉሐ፡
ኢታጽንዕ ብየ ልበከ ርኅሩኀ፡
እስከ እትመየጥ መንገሌከ ጽንሐኒ ጸኒሐ፡
እስመ ድኅረ ሞቱ ለብእሲ አልቦቱ ንስሐ፠

“ለሚወድዱኝ፥ ትእዛዜንም ለሚጠብቁ እስከ ሺህ ትውልድ ድረስ ምሕረትን የማደርግ እኔ እግዚአብሔር”
ዘጸ. 20፥6

“ማንም ከእነዚህ ከታናናሾቹ ለአንዱ ቀዝቃዛ ጽዋ ውኃ ብቻ በደቀ መዝሙር ስም የሚያጠጣ፥ እውነት እላችኋለሁ፥ ዋጋው አይጠፋበትም”
ማቴ. 10፥42

በዛሬዋ ዕለት ጥቅምት 25 ቀን በዓመታዊ የዕረፍት በዓላቸው ታስበው የሚውሉት ጻድቁና ሰማዕቱ አቡነ አቢብ ከቃልኪዳናቸው ረድኤት በረከት ይክፈሉን!🙏❤️

ምንጭ፦
ገድለ ቅዱስ አቡነ አቢብ - ግእዝና አማርኛ፣ ክፍል 6፣ ገጽ 79-81፣ ክፍል 7 ቁጥር 5፣ ገጽ 89፣ የደብረ ሰላም ቃጭልታ አቡነ አቢብ ገዳም፣ 2010ዓ.ም

ክርስቲያን ሆኖ ዘረኛ በተለይ ደሞ ካህን ሆኖ በጣም ያስጠላል።
ለጥቅማጥቅም ለስልጣን ተብሎ የእንትን ቤተ ክህነት የእንትን መንበር እያሉ ቤተ ክርስቲያንን ወደቀበልኛ የሚያወርዱ በዘር ተጠምቀው የቀሩ በክርስቶስ ክርስቶሳዊ ላደረጋቸው ጥምቀት ያልተገዙ የቤተ ክርስቲያን ስጋቶችን እግዚአብሔር ያስታግስልን🙏

ክርስትና ከዘርም ከጎጥም በላይ ነው።

ርዕሰ ሊቃውንት አባ ገብረ ኪዳን ግርማ

❤ 24 ❤ የሀይማኖት ተክል
ጻድቁ አቡነ ተክለ ሃይማኖት

እንኳን ለጻድቁ አቡነ ተክለ ሃይማኖት ወርሃዊ የመታሰቢያ በዓል አደረሰን !!!

❤ አቡነ ተክለ ሃይማኖት፦
    ➻ በቡልጋ ደብረ ጽላልሽ፣ በቅዱስ ሚካኤል ቤተክርስቲያን የሰበካ ክልል በታህሣሥ ፳፬ /24/  ፲፩፻፺፯ /1197/ ዓ.ም ተወለዱ።

     ➻ ቤተሰቦቻቸው ፍስሐ ጽዮን አሏቸው። ትርጓሜውም "የጽዮን ተድላዋ" ማለት ነው

     ➻ በ፲፭/15 ዓመታቸው በእስክንድርያው አቡነ ቄርሎስ እጅ ድቁናን ተቀበሉ።

     ➻ በዱር ሳሉም ጌታችን መድኃኒታችን ኢየሱስ ክርስቶስ ለኢትዮጵያ ሐዲስ ሐዋርያ አድርጎ መረጣቸው፣ ስማቸውንም "ተክለ ሃይማኖት" አለው።

    ➻ "ለዓለሙ ጨው ለራሴ አልጫ ሆንኩ፣ ለዓለም ብርሃን ለራሴ ጨለማ ሆንኩ፤ ከእውነተኛው ዳኛ ከጌታዬ ፊት ስቀርብ ምን እመልሳለሁ" እያሉ ይፀልዩ ነበር።

    ➻ ወንጌልን በኢትዮጵያ በተለያየ አከባቢ እየዞሩ ሰበኩ፣ ክርስትናን አስፋፉ።

   ➻ ታላቁ ጻድቅ አቡነ ተክለ  ሃይማኖት ታላላቅ ተጋድሎዎችን እየፈፀሙ በቅድስና ኖሩ።

   ➻ በነሐሴ ፳፬/24 ቀንም ከዚህ ዓለም ድካም አረፉ።

የአባታቸውን የአቡነ ተክለ ሃይማኖት ልመናና ጸሎት አይለየን። በረከታቸው ይደርብን።🙏🏻🥰

#ዳግመኛም ጌታችን ለቅድስት ጸበለ ማርያም ሦስት በትሮችን ሰጥቷት በእነርሱ እየተመረኮዘች እስከሲኦል ድረስ ትሄድና ነፍሳትን ታወጣና ታስምር እንደነበር ራሷ ተናገረች፡፡ ዳግመኛም ስትናገር "ሰማያውያን ብዙ ስሞች አወጡልኝ፣ 'የወይን ፍሬ' እያሉ ይጠሩኛል፣ 'የበረከት ፍሬ' የሚሉኝም አሉ፣ 'የገነት ፍሬም' ይሉኛል" አለች፡፡ ዳግመኛም ከልዑል ዘንድ ብዙ ጸጋዎች እንደተሰጣት በሕይወት ሳለች ለአንደ ደገኛ ቄስ ነገረችው፡፡

#ከዕለታትም በአንደኛው ቀን አምላክን በድንግልና የወለደች ክብርት እመቤታችን ለቅድስት ጸበለ ማርያም ተገለጠችላትና  "ስሜን የተሸከምሽ ጸበለ ማርያም ሆይ! ሰላም ለአንቺ ይሁን" አለቻት፡፡ እመቤታችንም ብዙ ምሥጢርን ከነገረቻት በኋላ ጡቶቿንም አጠባቻትና በጸጋ የከበረች አደረገቻት፡፡ በስሟም ብዙ ተአምራትን የምታደርግ ሆነች፡፡

#ቅድስት እናታችን ጸበለ ማርያም ከነቢያት፣ ከሐዋርያትና ከሰማዕታት ዕድል የተሰጣት እናት ናት፡፡ እንደነቢያት የሚመጣውን ሁሉ እንዳለፈ አድርጋ ትናገራለች፡፡ ዳግመኛም የትምህርታቸውን ፍለጋ ስለተከተለችና ለሕጋቸው ስለተገዛች ከሐዋርያት ጋር ዕድል ተሰጣት፡፡ ሦስተኛ ግድ ሳይሏት በፈቃዷ ስለተቀበለቻቸው ግርፋቶቿና ስላገኛት መከራ የሰማዕታት ዕድል ተሰጣት፡፡ ከደናግል መነኮሳትም ዕድል ተሰጣት መነኩሲትም ድንግልም ናትና፡፡ ቅድስት እናታችን ጸበለ ማርያም መልካም የሆነውን ተጋድሎዋን ከፈጸመችና ጌታችን ታላቅ ቃልኪዳን ከገባላት በኋላ በሰላም ዐርፋለች፡፡ እንደ ንግሥት ዕሌኒም የሞቷን መስቀል ተሸክማ ተጠብቆላት ወዳለ ተስፋዋ በክብር ሄደች፡፡

✞ ✞ ✞
የቅድስት ጸበለ ማርያም ረድኤቷ በረከቷ አማላጅነቷ አይለየን 🙏❤️

✝አንድ አምላክ በሆነ በአብ በወልድ በመንፈስ ቅዱስ ስም ጥቅምት ሃያ አራት ቀን #የቅድስት_ጸበለ_ማርያም አመታዊ መታሰቢያ በዓሏ ነው።✝

✞ ✞ ✞
#ቅድስት_ጸበለ_ማርያም

#በዚህች ዕለት ታስባ የምትውለውንና ጌታችን በደሃ ሰው ተመስሎ ተገልጦ ቁራሽ እንጀራ የለመናትን በኋላም በጀርባዋ አዝላ የሸኘችው ቅድስት ጸበለ ማርያም እረፍቷ መስከረም ፲፰ ቀን ነውና ጥር ፲፰ ቀንም በዓል ነው። እርሷም በጎኗ ተኝታ የማታውቅ፣ በጌታችን ፵ ጾም ወራት ከሰንበት በቀር ምንም የማትቀምስ፣ ነብሮች የእግሯን ትቢያ ይልሱላት የነበረች ታላቅ ኢትዮጵያዊት ቅድስት ናት። ይኽችውም ከነቢያት፣ ከሐዋርያትና ከሰማዕታት ዕድል የተሰጣት እናት ናት፡፡ ከደናግል መነኮሳትም ዕድል ተሰጣት መነኩሲትም ድንግልም ናትና፡፡

#እናታችን_ቅድስት_ጸበለ_ማርያም፡- ቅድስት ጸበለ ማርያም ትውልዷ በጎንደር ጠቅላይ ግዛት ቀሐ አካባቢ ነው፡፡ ወላጆቿ አባቷ እንድርያስና እናቷ መስቀል ክብራ ፈሪሃ እግዚአብሔርንና ሥርዓተ ቤተ ክርስቲያንን እያስተማሩ በሃይማኖት በምግባር ኮትኮተው አሳደጓት፡፡ ከዕለታትም በአንደኛው ቀን ተከስተ ብርሃን የተባለ ደገኛ ባሕታዊ ወደ አባቷ ቤት መጥቶ ባደረበት መንፈስ ቅዱስ ኀይል የቅድስት ጸበለ ማርያምን ጸጋ አወቀ፡፡ ለወላጆቿም "ይኽቺ ልጅ ወደፊት ነፍሳት የሚድኑባት የከበረች ትሆናለች" ብሎ በእርሷ ላይ ትንቢት ተናገረ፡፡

#ቅድስት ጸበለ ማርያም ለአቅመ ሄዋን ስትደርስ ወላጆቿ በጋብቻ ሕግ እንድትወሰን ፈለጉ፡፡ ነገር ግን ቅድስት ጸበለ ማርያም "ቅዱስ ጳውሎስ ለእግዚአብሔር አጭቶኛልና ፈጣሪዬን በድንግልና ለማገልገል ተስያለሁ" በማለት ተቃወመቻቸው፡፡ ወደ አንድ ደገኛ ባሕታዊም ዘንድ ሄዳ በጸሎቱ ከዚህ ነገር እንዲያድናት ተማጸነችው፡፡ እርሱም ፈቃደ እግዚአብሔርን በጸሎት ከጠየቀላት በኋላ ማድረግ የሚገባትንና ወደፊት የሚገጥማትን ሁሉ ነገራት፡፡ እርሷም ለዕጣን እንዲሆን ጌጧን ሁሉ አውጥታ ሸጠችና "መሥዋዕቴን አሳርግልኝ" ብላ ለባሕታዊው ሰጠችው፡፡ እርሱም ከጸለየላት በኋላ የጸሎቱን ምላሽ ነገራት፡፡

#ወለጆቿም ያለፈቃዷ በሕግ ቢያጋቧትም ቅድስት ጸበለ ማርያም ግን በሌሊት ማንም ሳያያት ከጫጉላ ቤት ወጥታ ሄዳ በልዳው ፀሐይ በቅዱስ ጊዮርጊስ ስም ወደተሠራች ቤተክርስቲያን ሄዳ እያለቀሰች ጸሎት አደረገች፡፡ እመቤታችንም ከሚካኤል ወገብርኤል እንዲሁም ከቅዱስ ጊዮርጊስ ጋር ተገለጠችላትና እንዲጠብቋት ነገረቻቸው፡፡ ቤተሰቦቿም እንዳያዝኑባት ፈርታ ተመልሳ ወደ ባሏ ዘንድ ብትገባም ባሏ በግብር እንዳያውቃት መላእክቱ ይጠብቋት ነበር፡፡ ባሏንም ሰውነቷ እንደእሳት ያቃጥለው ነበር፡፡ እርሱም አእምሮውን ከሳተ ከ3 ቀን በኋላ ሲነቃ የደረሰበትን ለቤተ ዘመዶቹ ባስዳቸው ጊዜ "ከገዳም የመጣች ከሆነች ለእኛ ልትሆን አይገባም" አሉና አስጊጠውና ሸልመው መልሰው ወደ ቤተሰቦቿ ላኳት፡፡

#አባቷም ዳግመኛ ወደ ባሏ እንድትመለስ በማስገደድ ብዙ አሰቃቂ ግርፋት ቢገርፋትም በተአምራት ምንም እንዳላገኛት ሆነች፡፡ ከዚኽም በኋላ ወጥታ ወደ ምድረ በዳ ሄደች፡፡ ወደ ገዳምም ሄዳ ዋሻ ውስጥ ገብታ ስትጸልይ አድራ አረፍ ስትል ነብር መጥቶ የእግሯን ትቢያ ይልሳት ነበር፡፡ ከዚያም ወጥታ ንህበት ወደሚባል ሀገር መጥታ ቶማስ ከሚባል መነኩሴ ጋር በታላቅ ተጋድሎ ኖረች፡፡ ቆማ ስትጸልይ እንባዋ መሬቱን ያርስ ነበር ነገር ግን ሰው እንዳያውቅባት አፈር በላዩ ትጨምርበታለች፡፡ በአንድ ዕለትም በቤተክርስቲያን ቆማ ስትጸልይ በሁለቱ ማዕዘን የተቀበሩ ምውታን ሲጮኹ ሰማቻቸው፣ እነርሱ ግን በሲኦል ነበሩ፡፡ ጩኸታቸውንም በሰማች ጊዜ በእንባዋ ላይ እንባን በጸሎቷም ላይ ጸሎትን ጨምራ ስለ እነርሱ ለመነች፡፡ ስለእነርሱም ሱባኤ ያዘች፡፡ በባሕርይው ቸርና ይቅርባይ የሆነ ልዑል እግዚአብሔርም ጸሎቷን ሰምቶ እነዚያን ነፍሳት ማረላት፡፡

#ቅድስት ጸበለ ማርያም በምግባርና በትሩፋት በጾም በጸሎት ጸንታ ከኖረች በኋላ የምንኩስና ቀንበርን ትሸከም (በምናኔ ትኖር) ዘንድ በብሕትውና ወደሚኖረው ታላቁ አባት ወደ አቡነ ገብረ ማርያም ዘደብረ ሐንታ ዘንድ ሄደች፡፡ እርሱም ማኅሌተ ጽጌን ከአባ ጽጌ ድንግል ጋር የደረሰው ነው፡፡

#አቡነ ገብረ ማርያምም ካስተማራትና በኋላ አመነኮሳትና ስሟን "ጸበለ ማርያም" ብሎ ሰየማት፡፡ ከዚኽም በኋላ ተጋድሎዋን እጅግ በማብዛት ትሕርምትን ገንዘብ አደረገች፡፡ ከዕንጨት ፍሬዎች ውጭ የማትመገብ ሆነች፡፡ በተቀደሰችው የጌታችን ፵ ጾም ወራት ግን ከሰንበት በቀር እርሱንም ፈጽሞ አትቀምስም፣ እስከ ፋሲካም ድረስ ከበዓቷ ስለማትወጣ ማንም አያያትም ነበር፡፡ ከመነኮሰችም ጊዜ ጀምሮ በጎኗ ተኝታ አታውቅም፡፡ ባመማት ጊዜም ተቀምጣ ታንቀላፋ ነበር፡፡ በውርጭ ቅዝቃዜ መከራን እየተቀበለች በባሕር ውስጥም ቆማ እየጸለየች ታድራለች፡፡ በስግደቷም በቀን እስከ 8 እልፍ ትሰግድ ነበር፡፡ ከወንድሟ ቶማስም የቅዱሳት መጻሕፍትን ምሥጢር ተማረች፡፡ የዮሐንስን ወንጌልና የራእዩን መጽሐፍ ዘወትር በማንበብ ትጸልያለች፡፡ የእመቤታችን በዓል በሆነ ጊዜ አርጋኖን ውዳሴዋን በቀን ሦስት ጊዜ ታነባለች፣ አንቀጸ ብርሃንንም በየሰባቱ ጊዜ ትጸልያለች፡፡ የዳዊትንም መዝሙር በፈጸመች ጊዜ የጌታችንን መከራ ግርፋት እያሰበች ራሷን ሺህ ጊዜ ትገርፋለች፡፡ ዳግመኛም አገዛዛቸው መልካም ይሆን ዘንድ ስለ ጳጳሱና ስለ ንጉሡ አንድ አንድ ሺህ ጊዜ፣ ስለ መነኮሳትም ሺህ ጊዜ፣ ስለኃጥአንም ሺህ ጊዜ ራሷን ትገርፋለች፡፡ ዳግመኛም ነጭ ዕጣን በእጇ ይዛ ሰባት ቀን እስኪሆን ድረስ ዕንባዋን ታፈስበታለች፣ ያም ነጭ ዕጣን ከዕንባዋ ብዛት የተነሣ ጥቁር ይሆናል፡፡ በዓል በሚሆንበት በሰባተኛው ቀን አስቀድማ ዐውቃ በመሠዊያ ያሳርገው ዘንድ ያን ዕጣን ለቄሱ ትሰጠዋለች፡፡ እግዚአብሔርም እንደሱራፌል የጽናሕ መዐዛና እንደኪሩቤል ዕጣን ሽታ አድርጎ ከቄሱ እጅ ሲቀበል በግልጽ ታያለች፡፡

#ከዕለታትም በአንደኛው ቀን ቅድስት ጸበለ ማርያም እየጸለየች ሳለ የክብር ባለቤት ጌታችን አምላካችን ኢየሱስ ክርስቶስ በቆሰለ ችግረኛ ደሃ ሰው ተመስሎ ለቅድስት ጸበለ ማርያም ተገልጦ ወደ እርሷ በመምጣት ቁራሽ እንጀራ ለመናት፡፡ እርሷም ፈጥና ይዛ መጥታ ሰጠችው። እንጀራውንም ተቀብሎ ሲያበቃ "በመንገድ ብዛት ደክሜአለሁና በጀርባሽ አዝለሽ ትሸኚኝ ዘንድ እወዳለሁ" አላት፡፡ እርሷም ለድሆች አዛኝ ናትና አዝላው የድንጋይ መወርወሪያ ያህል እንደወሰደችው ቁስሉ ይድን ጀመር፡፡ ወዲያውም ቁስሉ ድኖ ምንም እንዳላገኘው ፍጹም ደህነኛ ሰው ሆነ፡፡ ያንጊዜም ፊቱ እንደፀሐይ አበራ፣ ሁለንተናውም ተለወጠ፡፡ የክብር ባለቤት ጌታችን ከጀርባዋ ወርዶ በፊት ለፊቷ ቆመና "የከበርሽ አገልጋዬ ጸበለ ማርያም ሆይ! ምን እንዳድርግልሽ ትወጃለሽ?" አላት፡፡ እርሷም ከድንጋጤዋ የተነሣ እንደበድን ሆና መሬት ላይ ወደቀች፡፡ ጌታችንም አበረታትና እጇን ይዞ አነሣትና "የልብሽን መሻት ለምኚኝ" አላት፡፡ እርሷም "አምላኬ ሆይ! በፊትህስ ሞገስ ካገኘሁ በሲኦል ያሉ ነፍሳትን ይቅር በላቸው" አለችው፡፡ በዚኽም ምክንያት በጌታችን ቸርነትና በእርሷም አማላጅነት ብዙ ነፍሳት ከሲኦል ወጡ፡፡ ጌታችንም ሰላምታ ሰጥቷት በክብር ዐረገ፡፡

ሊቀ ሰማዕታት ቅዱስ ጊዮርጊስ❤️‍🩹

እንኳን ለሊቀ ሰማዕታት ቅዱስ ጊዮርጊስ ወርሃዊ የመታሰቢያ በዓል በሰላም አደረሰን !!!

✝️ የልዳው ኮከብ፣ የልዳው ሰማዕት ገና በወጣትነቱ የኢየሱስ ክርስቶስ ወታደር ሆኖ በክርስቶስ ፍቅር ተማርኮ ጣኦታትን መዋጋት ጀመረ።

✝️ ዓለማዊውን የወታደርነት ሞያ ትቶ ለሰማያዊው መንግሥት ወታደር ሆነ።

✝️ በወቅቱ የነበሩ ነገሥታት ጣኦት አምላኪዎች ነበሩና ክርሰቲያን የሆኑ ሰዎች ያሳድዱ፣ ይገድሉም ነበር።

✝️ የቅዱስ ጊዮርጊስም ዕጣ ከእነዚህ ክርስቲያኖች የተለየ አልነበረም፤ ገና በጠዋቱ የሚዋጉት ፣ የሚያሳድዱት በዙ።

✝️ ለጣኦታት ካልሰገድክ በማለት ነገሥታት የተለያዩ ስቃዮች እና ጭካኔዎችን አደረጉበት።

✝️ ሊቀ ሰማዕታት ቅዱስ ጊዮርጊስ ግን በክርስትናው ጸና፣ ጣኦታትን ናቀ።

✝️ ይህንንም ያዩ አላውያኑ ነገሥታት ደግመው ደጋግም ስቃይና መከራ አፀኑበት፣ እርሱ ግን በእምነቱ ፀና።

✝️ በመጨረሻም ሚያዝያ ፳፫/23 ቀን ለሃይማኖቱ በመፅናት መስዋዕትነት ተቀበለ።

የሊቀ ሰማዕታት ቅዱስ ጊዮርጊስ በረከትና ምልጃ አይለየን። ከጽናቱም እንማር ዘንድ አምላካችን ይርዳን።

✞✞✞ በስመ አብ ወወልድ ወመንፈስ ቅዱስ አሐዱ አምላክ አሜን። ✞✞✞

እንኳን ለቅዱስ ሉቃስ ወንጌላዊ አመታዊ መታሰቢያ በዓል አደረሳችሁ።

+" ቅዱስ ሉቃስ ወንጌላዊ "+

*ቅዱስ ሉቃስ:-
*ሐዋርያ ነው
*ወንጌላዊ ነው
*ሰማዕት ነው
*ዓቃቤ ሥራይ (ዶክተር) ነው
*የጥበብ ሰው (ሰዓሊ) ነው

ዘጋቢ (የሐዋርያትን ዜና ሕይወት የጻፈ) ነው:: ይሕስ እንደምን ነው ቢሉ:-

#በመጀመሪያው መቶ ክ/ዘመን መነሻ አካባቢ: በተወደደች የጌታ ዓመት ከእሥራኤላውያን ወገኖቹ ቅዱስ ሉቃስ ተወልዷል:: ያደገውም መቄዶንያ አካባቢ ነው:: ጌታችን ተጠምቆ ማስተማር ሲጀምር ከተከተሉት የ5 ገበያ ሕዝብ መካከል 120ውን ለቤተሰብነት መምረጡ ይታወቃል::

#ታዲያ_እንዲጠቅም አውቆ ቅዱስ ሉቃስን #ከ72ቱ አርድእት ደምሮታል:: ቅዱስ ሉቃስ ጌታን ከተከተለ በኋላ ለ3 ዓመት ከ3 ወር: ከዋለበት እየዋለ: ካደረበትም እያደረ የቃሉን ትምሕርት: የእጆቹን ተአምራት በጥሞና ይከታተል ነበር::

#ጌታችን_ለዓለም ድኅነት ተሰቅሎ: ሙቶ: ከተነሳ በኋላ ስለዚህ ቅዱስ የሚናገር አንድ የወንጌል ክፍል እናገኛለን:: በሉቃስ ወንጌል ምዕራፍ 24 ላይ ከምናያቸው የኤማሁስ መንገደኞች አንዱ ይህ ቅዱስ እንደ ሆነ አባቶች አስተምረውናል::

#በእርግጥ 'ቀለዮዻ' የሚለው ስም በዘመኑ የብዙዎች መጠሪያ ቢሆንም እርሱም ጌታን ከመከተሉ በፊት በዚህ ስም ይጠራ እንደ ነበር ይታመናል:: በወቅቱ ታዲያ 2ቱ ደቀ መዛሙርት (ሉቃስና ኒቆዲሞስ) ወደ ኤማሁስ ሲሔዱ ጌታ መንገድ ላይ ተገልጦ እያጫወታቸው አብሮ ተጉዟል::

#እነርሱም_ማንነቱን አላወቁምና ስለ ራሱ ለራሱ እየሰበኩለት ተጉዘዋል:: ከሐዘናቸው ብዛት ማስተዋል ተስኗቸው: ቀቢጸ ተስፋም ወሯቸው ነበርና መድኃኒታችን ክርስቶስ የነቢያትን ትንቢት ተረጐመላቸው::

#በዚህ_ጊዜም ከነገሩ ማማር: ከምሥጢሩ መሥመር ጋር እየገረማቸው ልቦናቸው ይቃጠል (ይቀልጥባቸው) ነበር:: "አኮኑ ይነድደነ ልበነ" እንዲል:: ወደ ኤማሁስ ሲደርሱ ግን ደጐች ናቸውና "በቤት ካላደርክ: ራት ካልበላህ" ብለው ግድ አሉት::

#በማዕድ ሰዓት ግን ቡራኬውን ሰጥቷቸው: ቸር አምላክነቱን ገልጦላቸው ተሰወራቸው:: እነርሱም በሐሴት ከኤማሁት ተመልሰው እየሮጡ ኢየሩሳሌም ደርሰው ትንሳኤውን ሰበኩ::

#የመንገዱ ርዝመትም አልታወቃቸውም ነበር:: ከዚህ በኋላ ቅዱስ ሉቃስ እንደ ሐዋርያቱ መጽሐፈ ኪዳንን: ትምሕርተ ኅቡዓትን ተምሮ: መንፈስ ቅዱስን ተቀብሎ ለስብከተ ወንጌል ወጥቷል::

" ቅዱሱ ዶክተር "

#በትውፊት ትምሕርት እንደ ተማርነው ቅዱስ ሉቃስ ጌታን ከመከተሉ በፊት ሥራው ሐኪምነት (ዶክተር) ነበር:: በዚህም አበው "አቃቤ ሥራይ / ባለ መድኃኒት" ይሉታል:: በተሰጠው ሙያም ብዙዎችን አገልግሏል::

#የጌታ_ደቀ መዝሙር ከሆነ በኋላ ደግሞ "አቃቤ ሥራይ ዘነፍስ-የነፍስ ሐኪም" ተብሏል:: እንዲያውም አባቶቻችን ሐዋርያትን ያክማቸው ነበር ይባላል:: ምክንያቱም ቅዱሳን ሐዋርያት አብዛኞቹ በሽተኞች ነበርና ነው:: ከደግነታቸው የተነሳም እልፍ አእላፍ ድውያንን በተአምራት ሲፈውሱ እነርሱ ግን በስቃይ ይኖሩ ነበር::

#ሕመማቸው ሲጠናባቸው ግን ቅዱሱ ዶክተር ሉቃስ ይራዳቸው ነበር:: ይሕንንም ቅዱስ ዻውሎስ በቆላስይስ መልእክቱ ላይ "የተወደደው ባለ መድኃኒቱ ሉቃስ: ዴማስም ሰላምታ ያቀርቡላቹሃል" ሲል ገልጾታል:: (ቆላ. 4:14)

" ዘጋቢው ሐዋርያ "

#ቅዱስ_ሉቃስ እንደ ዛሬው ነገሮች ምቹ ባልነበሩበት ዘመን እጅግ አድካሚ የሆነ ጉዞ አድርጐ የሐዋርያትን ዜና ሕይወት ዘግቦልናል:: ልክ ወንጌሉን ለታኦፊላ (ቴዎፍሎስ) ደቀ መዝሙሩ እንደ ጻፈለት ግብረ ሐዋርያትንም ለእርሱ በትረካ መልክ አቅርቦለታል::

#ሲጽፍለትም "ሰማሁ" እያለ ሳይሆን: አብሮ እያለ ያየውንና የተሳተፈበትን ነው:: አተራረኩም በአንደኛና በ3ኛ መደብ አድርጐ እያቀያየረ ነው:: ማለትም አንዳንዴ "እኛ" እያለ ሌላ ጊዜ ደግሞ "እነርሱ" እያለ ነበር የሚተርክለት::

#መጽሐፉም_28 ምዕራፎች ሲኖሩት በጌታ ዕርገት ጀምሮ በኢየሩሳሌምና በአሕዛብ የነበረውን ስብከተ ወንጌል ገልጦ: የቅዱስ ዻውሎስን ጉዞዎች በሰፊው ዳስሶ ይጠናቀቃል::

" ወንጌላዊው ሐዋርያ "

#ቅዱስ_ሉቃስ ወንጌልን እንዲጽፉ ከተመረጡ (ከተፈቀደላቸው) ሐዋርያት አንዱ ነው:: በቤተ ክርስቲያንም "ዘላሕም" እየተባለ ይጠራል:: ለዚህም ምክንያቱ:-

1.ጌታችን ኢየሱስ ክርስቶስ በበረት: በላምና በአህያ መካከል መወለዱን በመጻፉ
2.ጌታችንን "መግዝአ ላሕም-የሚታረድ ሜልገች (ላም)" ብሎ በመግለጹ እና
3.ከ4ቱ እንስሳ (ኪሩቤል) አንዱ (ገጸ ላሕም) ይራዳው: ይጠብቀውም ስለ ነበር ነው::

#ቅዱስ_ሉቃስ ወንጌሉን የጻፈው ጌታ ባረገ በ22ኛው ዓመት ሲሆን ይኼውም በ56 ዓ/ም አካባቢ ማለት ነው:: ሲጽፍም ብቻውን አልነበረም:: ልክ ቅዱስ ማርቆስ ወንጌሉን የጻፈው ከሊቀ ሐዋርያት ቅዱስ ዼጥሮስ ጋር እንደ ሆነው ሁሉ: ቅዱስ ሉቃስም የጻፈው ከብርሃነ ዓለም ቅዱስ ዻውሎስ ጋር ነው:: ምክንያቱም ለረዥም ዓመታት አብረው ለስብከተ ወንጌል ተጉዘዋልና::

#ቅዱስ_ሉቃስ ወንጌሉን ሲጽፍ በነ ዘካርያስ ቤተሰብ ጀምሮ: ብሥራተ ገብርኤልን: ክብረ ድንግል ማርያምን: የጌታን ልደት: እድገት: መጠመቅ: ማስተማር: መሰቀል: መሞት: መነሳትና ማረግ በቅደም ተከተል ይተርክልናል::

+" ጥበበኛው (ሰዓሊው) ሐዋርያ "+

#ቅዱስ_ሉቃስን ለየት ከሚያደርጉት ነገሮች ሌላኛው ደግሞ ጐበዝ ሰዓሊ የነበረ መሆኑ ነው:: በሐዲስ ኪዳንም የመጀመሪያውን የእመቤታችንን ስዕል (ምስለ ፍቁር ወልዳን) የሳለው እሱ ነው::

#አንድ ቀን የአምላክ እናት ባለችበት ከጌታ አስፈቅዶ የሳላት ስዕለ አድኅኖ ሥጋን የለበሰች: ከፊቷ ወዝ የሚወጣ: የምታለቅስ: ስትወጋ የምትደማና ድውያንን የምትፈውስ ሆና ተገኝታለች:: ይህች ስዕል ዛሬ ሃገራችን ኢትዮዽያ ውስጥ አለች ይባላል::

+" ሰማዕቱ ሐዋርያ "+

#ቅዱስ_ሉቃስ እንዲህ ባለ ሕይወት ሲመላለስ በትጋት (ያለ ዕረፍት) ወንጌልን እየሰበከ ነበር:: በ66 እና በ67 ዓ/ም ብርሃናተ ዓለም ዼጥሮስ ወዻውሎስ በኔሮን ቄሣር እጅ ሲገደሉ የሮም ግዛት ክርስቲያኖች ኃላፊነት በእርሱ ላይ ነበረ::

#ከወንጌሉና ግብረ ሐዋርያቱ ባለፈ በመልእክታት: አንድም እየዞረ ክርስቲያኖችን አጸና: አሕዛብንም አሳመነ:: ከጥቂት ጊዜ በኋላ ግን ዝናውን የሰማው ኔሮን ሊገድለው ፈለገ:: በዚህ ጊዜ ቅዱስ ሉቃስ ከደቀ መዛሙርቱ መካከል ሲላስ የሚባለውን ሽማግሌ መርጦ መጽሐፎቹን ሁሉ አስረከበው::

#በድፍረትም ወደ ኔሮን ቄሣር ቀርቦ ተናገረው:: ንጉሡም "ክርስቶስን አምልኩ የምትል ቀኝ እጅህ መቆረጥ አለባት" ብሎ እጁን ከትክሻው በሰይፍ ለይቶ መሬት ላይ ጣለው:: ሁሉ ሰው ሲደነግጥ ቅዱሱ ተጐንብሶ የወደቀች እጁን አነሳትና እንደ ነበረችው አደረጋት::

#በዚያ_የነበሩ_አሕዛብም "ግሩም" አሉ:: መልሶ ግን "አሁን እጄ ሥራዋን ስለ ጨረሰች አልፈልጋትም" ብሎ እንደ ገና ለይቶ ጣላት::
"ከመ ያርኢ ኃይለ ቅድመ ኔሮን ወተዓይኑ:
አስተላጸቃ ወሌለያ ለምትርት የማኑ:
እስመ ላዕሌሁ ተሰውጠ ለክርስቶስ ስልጣኑ::" እንዲል::
+በዚህ ጊዜም ይህንን ድንቅ ያዩ 477 ያህል አሕዛብ በክርስቶስ አምነው አብረውት ተሰይፈዋል:: የስብከት ዘመኑም ከ36 ዓመታት በላይ ነው:: አምላከ ቅዱስ ሉቃስ ምሥጢሩን: ፍቅሩን: ጥበቡን ይግለጽልን:: ከሐዋርያው በረከትም ያሳትፈን::

ወስብሐት ለእግዚአብሔር🙏🙏🙏

🤗ደስ ሲል ዛሬ የምህረት
እናት - ኪዳነ ምህረት❤️ ናት!
 
ልክ ላልሆነው ዓለም ልክ የሆነ ጌታ  የተገለጠብሽ 💞

ለህመምተኛው ዓለም መድኃኒት የተገኘብሽ 💞

ጨለማ ለወረሳት ምድር ብርሃንን ያስገኘሽ 💞

የእውነት እና የህይወት ባለቤት የሆነንን አምላክ ያየነብሽ 💞

ሠላምን የወለድሽ የሠላም እናት እመቤቴ ኪዳነ ምህረት ሆይ ከሥላሴ ፊት በሚቆሙ ከሰማይ ካህናት ከሱራፌል ይልቅ ምስጋናን አብዝቶ ለሚናገር አንደበትሽ ሰላምታ ይገባል።

💁‍♂ኪዳነ ቃሏ ውሎአችንን ትባርክልን
🙏🏻¹⁶🙏🏻¹⁶🙏🏻❤️‍🩹❤️‍🩹❤️‍🩹

♡ ምስጢረኛዬ ነሽ ♡

አውቀዋለሁ ደጅሽን የእረፍት ቦታዬን
ጽኑ ሰላም ጸጥታ ማግኛዬን
የት እሄዳለው አልልም ሲከፋኝ
ኪዳነ_ምህረት አንቺ እያለሽልኝ/2/

ከአጸደ መቅደስሽ ከስዕልሽ ስር
እረፍቴ በዚያ ነው በቅዱሱ ደብር
ከተራራው አናት ከደጅሽ መጥቼ
ሰምሮልኛል ስምሽን ጠርቼ

ሚስጥረኛዬ ነሽ ሚስጥረኛዬ ነሽ
ኪዳነ_ምህረት መፅናኛዬ /2/

አዝ___

የሮማን አበባ መዓዛሽ ተወዳጅ
በረከትን ልቅሰም ሳልለይ ካንቺ ደጅ
አስራትሽ አድርጊኝ ጠቅልይኝ እናቴ
ታብብልኝ ትፍካልኝ ሕይወቴ

ሚስጥረኛዬ ነሽ ሚስጥረኛዬ ነሽ
ኪዳነ_ምህረት መፅናኛዬ /2/

አዝ___

አጠገቤ ጎኔ በዙሪያዬ እንዳለሽ
እንደርሱ ነው ልቤ እማ የሚያወራሽ
አልቅሼ ሲቀለኝ ነግሬሽ የውስጤን
አትዘገይም ስትሠሪልኝ ቤቴን

ሚስጥረኛዬ ነሽ ሚስጥረኛዬ ነሽ
ኪዳነ_ምህረት መፅናኛዬ /2/

አዝ___

የእንጦጦዋ እናቴ እምዬ የምልሽ
ኪዳንኪ ደጓ የልብን ሰሚ ነሽ
በሄድኩበት አለሽ ተከትለሽኛል
ስላለሽኝ ሰላም ይሰማኛል

ሚስጥረኛዬ ነሽ ሚስጥረኛዬ ነሽ
ኪዳነ_ምህረት መፅናኛዬ /2/
✥••┈┈••●◉ ✞ ◉●••┈┈••✥
    👉ዘማሪ አቤል መክብብ🔺
@Maryam_Maryam2127

ለተጨነቃችኹ ፣ ሸክም ለከበዳችኹ ፣ ፍርሃት ውስጣችኹ ለገባ ፣ ግራ ለተጋባችኹ ፣ ተስፋ ለቆረጣችኹ ፣ በበሽታ ለምትሰቃዮ ፣ በደዌ ለተያዛችኹ ፣ በድካም ላላችኹ ፣ በችግር ለታጠራችኹ ፣ መጽናኛችኹ ጌታ ኢየሱስ ክርስቶስ ነው ። የመስቀሉን ሞት በፈቃዱ የተቀበለላችኹ በድካማችኹ የሚራራ ሊቀ ካህናት ኢየሱስ ለእናንተው ነው። በርቱ አይዟችኹ ፤ ተጽናኑ ተስፋ አድርጉ።ስትደክሙ ብርቱ ሳለ የደከመውን ኢየሱስ ተመልከቱ ፣ ስትታመሙ ባለ መድኃኒቱ ክርስቶስ የናንተን ደዌ መቀበሉን አስቡ ፣ ስታጣጥሩ በመስቀል ላይ የጣርን ጩኸት ያሰማውን እርሱ ግን ጩኸታችንን የሚሰማውን መድኃኔ ዓለምን እዮ.......... 38 ዓመት በአልጋ ቁራኛ በደዌ ዳኛ ተይዞ የነበረውን መጻጉዕን የተሸከመውን አልጋ ተሸክሞ እንዲነሳ ያደረገው ጌታ የኛም ጌታ አይደለምን? 12 ዓመት ያለማቋረጥ ደም ሲፈሳት የነበረችውን በሰው ዘንድ የተጠላችውን የልብሱን ጫፍ ነክታ እንድትፈወስ ያደረጋት አምላክ የኛም አምላክ አይደለምን?

ታድያ ለምን ተስፋ እንቆርጣለን ❓ ልባችንስ ያዝንብናል❓ ዘወትር የአምላካችን ኢየሱስን ሥራ እናሰላስል በማዳኑ እንተማመን ፣ በብርቱ ክንዱ እንደገፍ ፣ በቤዛነቱ እንረፍ ፣ በመዋጀቱ እንጽና ........ወደ ቅዱስ መሥዋዕትነቱ " ቀርበን እንዲኽም እንበለው."
የክርስቶስ ሥጋ ሆይ ቀድሰኝ.......🙏🏻
የኢየሱስ ደም ሆይ አንጻኝ.......🙏🏻
የመድኃኔ ዓለም ሞት ሆይ አጽንተሕ እጠበኝ.......🙏🏻
የአማኑኤል ሕማም ሆይ አበርታኝ.......🙏🏻

🤲ጌታ ኢየሱስ ሆይ ባንተ እታመናለው ባንተም እደገፋለው ከቸር አባትህ ጋር ሕይወት ከሚሆን ከመንፈስ ቅዱስ ጋር ውዳሴ አምልኮ ላንተ ይሁን
አሜን.....🥰! ✝️❤️🙏

እኔ ልጅ ለመሆን አንሳለሁ እንጂ🥹
"ለአምላክ እናት የሆነችን እናቴ ማለት ምን ያሳፍራል" 🥰🙏


#Share------ማርያም---------#ሼር
🍀❤️🍀❤️🍀❤️🍀❤️🍀❤️🍀
@Maryam_Maryam2127
🍀❤️🍀❤️🍀❤️🍀❤️🍀❤️🍀

💠 ንሰሀ መግባት🙏🏻

❓ንስሀ ማለት ምን ማለት ነው

🔸ሊሰሩት የማይገባ ስራ ወይም ኃጢአት ከሰሩ በኋላ ምነው ባልሰራውት ምነው ባላደረኩት ብሎ ማዘን መቆጨት ነው።

🔹በሰራነው ኃጢአት ተፀፅተን የምንመለስበት ነው።
📖ማቴ 12፥31

❓ንስሀ እንዴት እንገባለን

🔹ካህናት ዘንድ ቀርበን መሆን እንዳለበት መጽሃፍ ቅዱስ ይነግረናል።
📖ኢያ 7፥16፤
📖ማቴ 18፥13

🔸ኃጢአታችን በመናዘዝ ማለትም የሠሩትን ኃጢአት በመዘርዘር ልቡናን ታዛቢ አንደበተን ከሳሽ፣ ካህኑን ዳኛ አድርጎ ራስን መውቀስ ማለት ነው፡፡

👌በተጨማሪም በጸሎትና በመራራ ልቅሶ፣ በስግደትና በምጽዋት መሆን አለበት።
📖ማቴ 26፥75

💠በንስሃ ከተመለስን በኋላ

🔸ዳግመኛ መበደል አይኖርብንም።

🔹ንሰሃ የሚደገም ቢሆንም ከኃጢያት መራቅ አለብን። 📖ዩሐ 5፥14፤ 
📖ሮሜ 6፤14

🔸ሥጋ ወደሙን መቀበል ይገባናል።
📖ዩሐ 6፥56፤
📖1ኛ ቆሮ 11፥26

🔹ፍጹም ሰላምን እናገኛለን። 📖ዩሐ 14፥27

‼️አስተውሉ

🔔ማንኛውም ክርስቲያን ነፍስ ካወቀ በኋላ የንስሃ አባት መያዝ አለበት፡፡

🔔የንስሃ አባት የሚሆነው ካህን በአጥቢያው ቢሆን ይመረጣል፡፡

👌ምክንያቱም በየጊዜው እየተገናኙ ለሠሩት ኃጢአት ቀኖና ለመቀበል እንዲሁም መንፈሳዊ ምክርን ለማግኘት ሲባል ነው፡፡

❓ቀኖና ማለት ምን ማለት ነው

🔸 መስፈሪያ፣ መለኪያ ማለት ነው።

👌በአንድ ሰው ንሰሃ መግባት በሰማይ ሳይቀር ደስታ እንደሚሆን ተገልጿል።
📖ሉቃ 15፥7፤
📖ማቴ 9፥13                                   
…✍እንማማር ሼር-JOIN ያደርጉ
👉ስለ ሃይማኖታችን መማር ይፈልጋሉ? ??
ከፈለጉ JOIN ያደርጉ በማርያም🙏🙏🙏🙏🙏🙏🙏🙏🙏🙏🙏🙏🙏
💚 @Maryam_Maryam2127 💚
💛 @Maryam_Maryam2127 💛
❤️ @Maryam_Maryam2127 ❤️

🌷🌷🌷

እንኳን ለመነኰስ ለአባ ዘካርያስ ለዕረፍት በዓልና ለታላቁ አባት ለቅዱስ ዮሐንስ አፈ ወርቅ ለመታሰቢያው በዓል እግዚአብሔር አምላክ በሰላምና በጤና አደረሰን። በተጨማሪ በዚች ቀን ከሚታሰቡ፦ ከቀሲስ አብጥልማኮስና ከወንድሞቹ በሰማዕትነት ከዐረፋ፣ ከአውስኖ ከአውሲኪስ ከታኦድራስ፣ ከአብላስከ ወንድሞቹ ከናውላውስና ከአቤላ ከመታሰቢያቸው እግዚአብሔር አምላክ ረድኤትና በረከትን ያሳትፈን።


🙏🏻🤲🤲🤲🙏🏻❤️

💚ሰላሜ ነሽ ድንግል🥰

ሰላሜ ነሽ ድንግል ዋስትናዬ
ውበቴ ነሽ ማርያም አለኝታዬ
የጭንቀቴ ደራሽ የህመሜ
ተፈታልኝ ባንቺ ፅኑ ህልሜ

ወገን ዘመድ ያልኩት ሁሉ ራቀኝ
ሃዘን ፅልመት ችግር ገዝፎ ታየኝ
ብራብ ምግቤ ሆነሽልኝ አይቻለው
ሰላም ባጣም ባንቺ እፅናናለው
   ፍቅርን ወልደሽ ሰላምን አገኘው
   ድንግል በምልጃሽ ተፈውሻለው
አዝ___
የሰላም ምንጭ የነፃነት አርማ
ክብር የምትሰጭ ሞገስ ታላቅ ግርማ
አንቺን ተስፋአድርጌ ወጥቻለው
ቀንና ለሊት ነይ እልሻለው ላንቺ ልንበርከክ አይዛል ጉልበቴ
     ውዳሴሽ ይብዛ ከአንደበቴ
አዝ___
ሱላማጢስ ስልሽ እረካለው
በህይወቴ ሰላም አግንቻለው
እንደ ሰው ልጅ ቀን እያየሽ የማትርቂኝ
የአማኑኤል እናት ዛሬም ባርኪኝ
      ተባርኬዋለው ድንግል በፍቅርሽ
      እሄሁ ቆሜያለው ልዘምርልሽ

#ባለ ማዕተቦችን ወደዚህ
   ቻናል ይጋብዙ

♡ለመቀላቀል 👉 
@Maryam_Maryam2127
@Maryam_Maryam2127

"ትሑት ሰው ምንጊዜም ቢሆን የእርሱን ድካም ስለሚያውቅና የእግዚአብሔርን እርዳታ ስለሚሻ የእግዚአብሔር ኃይል በእርሱ ላይ ያደርጋል።

💪በክንዱ ሳይመካ በእግዚአብሔር እርዳታ🙏ስለተመካም ያሸንፋል።"

✍️....ብጹዕ አቡነ ሺኖዳ ሳልሳዊ

ስድቤን አርቀሽ

ስድቤን አርቀሽ ነውሬን ሸፈንሽው
እመ አምላክ በአንች መቸም አላፍርም
ስምሽን ጠርቸ እጽናናለሁ
ሀዘኔን በአንች እረሳለሁ


ነውር አለብኝ ብዙ ስድብ
አንጀት የሚልጥ ልብ የሚያቆስል
ስሜን ለውጠው ቢያንቋሽሹኝ
በሀዘን በለቅሶ ድንግል መጣሁኝ
እንደሀና ሁኜ በቤተ መቅደስ
በመረረ ሀዘን ነው እኔ እማለቅስ
ፍረጅልኝ እና ልመለስ ከቤቴ
ሀዘኔን በደስታ ለውጭው እናቴ
በግራም በቀኜ ጠላት ቢከበኝ
አብዝቸ እጮሀለሁ እናቴ ስሚኝ

አዝ ======

መከራው በዝቶ ግራ ገብቶኛል
ድምጽሽን ልስማ ያረጋጋኛል
የሰው ህይወቱ ብርቱ ሰልፍ ነው
ደስታ እና ሀዘን የማይለየው
በእጃችን ወድቋል ሲሉ ጠላቶቸ
አመለጥኳቸው ስምሽን ጠርቸ
ሰው የዘራውን ያንኑ ያጭዳል
በቆፈረው ጉድጓድ እራሱ ይገባል
እናቴ እመቤቴ ብየ ስጠራሽ
ከመከራ ሁሉ ታወጭያለሽ

አዝ ======

በምርኮ ሳለሁ በሰው ሀገር
ግፍ ውለውብኝ ስኖር በእስር
ምልጃሽ ደርሶልኝ ተፈትቻለሁ
በታምራትሽ እኔ ድኛለሁ
ቃልሽን ሰምቶ ፅንሱ ሰገደ
ብላለች ኤልሳቤጥ ነውሬ ተወገደ
የጌታየ እናት እኔን አሰበችኝ
ታሪኬን ቀይራ ይሄው ባረከችኝ
የእመቤቴ ከሆንኩ ማን ይቃወመኛል
ወጀቡም ማዕበሉም ይታዘዝልኛል

አዝ ======

ወይን እኮ አልቋል የዶኪማስ ቤት
ድንግል አማልጅው ነይ የኛ እመቤት
ስምሽ ሲጠራ በየቦታው
ይሞላልናል የጎደለው
ግራ የገባው የቸገረው
ድንግልን ይጥራት እንድትረዳው
ሳዝን ስተክዝ የምታጽናና
እናት አለችኝ ርህርህተ ልቦና
እናቴ እመቤቴ ብየ ስጠራሽ
ከመከራ ሁሉ ታወጭኛለሽ

👉ቀሲስ እንግዳወርቅ በቀለ

#ባለ ማዕተቦችን ወደዚህ
   ግሩፕ ይጋብዙ

♡ለመቀላቀል 👉 
@Maryam_Maryam2127

📘ፃድቁ አባታችን አቡነ እስትንፋሰ ክርስቶስ📕🌹

📌💫•••ወር በገባ በ 9 የጻድቁ አባታችን የአቡነ እስትንፋሰ ክርስቶስ ወርሐዊ መታሰቢያው ነው፡ አባታችን የእስትንፋሰ ክርስቶስ ተአምር ይህ ነው ጸሎቱና በረከቱ ከሁላችን ጋር ይሁን ዛሬም ዘወትርም ለዘለዓለሙ አሜን፡፡

ከእለታት በአንድ ቀን አባታችን አቡነ እስትንፋሰ ክርስቶስ በዋሻ ውስጥ እየጸለዬ
ሣለ ሰይጣን በመነኩሴ ተመስሎ ወደ እርሱ መጥቶ አንተ መነኩሴ ለአንተ
ሰላምታ ይገባሃል በዚህን ዘመን አንቸንተ የሚጋደል መነኩሴ ማነው ማን አለ
ብሎ በውዳሴ ከንቱ ለመግባት ቢሞክር ያን ጊዜ አባታችን እስትፋሰ ክርስቶስ
በመስቀል ምልክት አማተበበት ወዲያውኑ እንደ ጢስ ተኖ እንደ ጉም በኖ ጠፋ
አንድ አንድ ቀን እየመጣ ደቀ መዛሙርቱን ይፈትናቸው ነበር።
ከዚህ በኋላ ከደቀ መዛሙርቱ መካከል አንዱን መነኩሴ ይዞት ያሣብደው ጀመር
ወደ መምህራችሁ አትውሰዱኝ እርሱ ያጠፋኛል ያሳድደኛልና አለ ደቀ
መዛሙርቱም ይህን በሰሙ ጊዜ አሰረው ወስደው ከአባታችን ዘንድ አደረሱት
ሰይጣኑም ለምን ታሳድደኛለህ በቤትና በእንጨት ሥር በተራራ ላይና
በየኮረብታው በእንስሳና በሰው ላይ እዳላድር አሳደድከኝ ይል ጀመር አባታችን
እስትንፋሰ ክርስቶስም ከፀሎት የትኛውን ትፈሩታላችሁ ብሎ ጠየቀው እርሱም
መልሶ የምንፈራው በንፅህና ሆኖ የሚያገለግል ካህንን ነው ከመዝሙረ ዳዊት
እግዚአብሔር በሰባ ዘመን ይነሣ ጠላቶቹም ከፊቱ ይበተኑ የሚለውንና ኪዳናትን
ወንጌልን ስመ ሥላሴን ይህን ከሰማን አፍረን ከሰው ላይ ፈርተን ተንቀጥቅጠን
ሸሽተን እንሄዳለን አለው።
ያን ጊዜ አቡነ እስትንፋሰ ክርስቶስም የጸለየበትን ውኃን ረጨው አንተ እርኩስ
መንፈስ ውጣ እነሆ አወገዝኩህ በሐዋርያት ሥልጣን የተለየህ ሁን አለው በዚያን
ጊዜ እንደተናገረው ወጥቶ በኖ ሄደ አነደገና ታላቅ ድንጋይ ተሸክሞ መጥቶ
አጥፍቻለሁና ይቅር በለኝ ማረኝ አለው አባታችን እስትንፋሰ ክርስቶስም ለተንኮል
አመጣጡን አውቆበት ሄደህ ከገደሉ ወደታች ቁልቁል ወረወረውና ወስዶ ከገደሉ
በታች ቁልቁል ዘቅዝቆ ሰቅሎ በጸሎቱ አሰረው ሰይጣንም በእዚሁ በገደል
መካከል ተሰቅዬ የምኖረው እስከመቼ ድረስ ነው ብሎ እስትንፋሰ ክርስቶስን
ጠየቀው አባታችን እስተንፋሰ ክርስቶስም አምዬሀለሁ አሰርኩህ በአብ በወልድ
በመንፈስ ቅዱስ ሥልጣን አወገዝኩህ ከገደሉ በላይ ልጆቸ ካሉበት አትውጣ
ከገደሉም አትውረድ ፈጣሪዬ ክርስቶስ እስኪመጣ ድረስ በዚሁ ኑር ብሎ ገዘተው
ፈጣሪዬ ክርስቶስ እስኪመጣ ድረስ በዚሁ ኑር ብሎ ገዘተው ያም ሳይጣን እስከ
ዛሬ ድረስ በገደል መካከል ተሰቅሎ ይኖራል እንደዚሁ የሚዋጉንን አጋንንትን
ፈፅሞ እስከ መጨረሻው በጸሎቱ ይሠራቸው ያጥፋቸው በእውነት ያለ ሐሰት
ይደረግልን።

(ገድለ አቡነ እስትንፋሰ ክርስቶስ)
☞ሲራክ ተክለጻዲቅ የተዋህዶ ልጅ

​​እግዚአብሔር ይመስገን!
.
እግዚአብሔር ይመስገን!
.
እግዚአብሔር ይመስገን!
.
ስለብዙ ነገር እግዚአብሔር ይመስገን!
.
ስለበዛልኝ ምሕረቱ እግዚአብሔር ይመስገን!
.
ስለምጓደድበት አባትነቱ፣ ስለምደፍርበት ርኅራኄው፣ ጠይቄ ስለምቀበልበት ታላቅ ስሙ እግዚአብሔር ይመስገን!
.
ከእርሱ ስለተቀበልሁት ሁሉ እግዚአብሔር ይመስገን!
.
ስለሰጠኝ ነገር ሁሉ እግዚአብሔር ይመስገን!
.
ስላልሰጠኝና ስለከለከለኝ ነገር ሁሉ እግዚአብሔር ይመስገን!
.
ስለገለጠልኝና መረዳቱን ስለሰጠኝ ነገር ሁሉ እግዚአብሔር ይመስገን!
.
ስላልገለጠልኝ፣ ስለሰወረብኝና ስለከለከለኝ ነገር ሁሉ እግዚአብሔር ይመስገን!
.
የእኔ ስለሆነውና ለእኔ ስላደረገልኝ ነገር ሁሉ እግዚአብሔር ይመስገን!
.
ስለጠበቀኝ፤ ስለሚጠብቀኝም እግዚአብሔር ይመስገን!
.
ከእጁ ስለተቀበልሁት የዕለት እንጀራዬ፤ በአፌ ውስጥ ስላጣፈጠልኝ ምግቤ እግዚአብሔር ይመስገን!
.
ስለማይቋረጥብኝ መግቦቱ፣ ስለ ጥበቃው፣ ስለመሰወሩና ስለመከለሉ እግዚአብሔር ይመስገን!
.
ከመነገር በላይ ስለሆነው በጎነቱ፣ ከቃላት በላይ ስለሆነው ብዙ ስጦታው እግዚአብሔር ይመስገን!
.
እኔን እንዲሁ ስለመውደዱና ስለመቀበሉ፣ ለሞት ስላደረሰው ፍቅሩ እግዚአብሔር ይመስገን!
.
በየዕለቱ ስለሚጨምርልኝ ዕልፍ ዕድሎች፣ በየቀኑ ስለምተነፍሰው ዐየርና በየነጋው ስለምኖረው ሕይወት እግዚአብሔር ይመስገን!
.
እርሱን ስለማመሰግንባቸው ብዙ ምክንያቶች፤ በየደቂቃውና በየሰከንዱ ስለምደገፍበት ብርታቱና ኃይሉ እግዚአብሔር ይመስገን!
.
አቅም ስላገኘሁበትና ስለምበረታበት ብርቱ ክንዱ እግዚአብሔር ይመስገን!
.
ስላሳለፈኝ፣ ስላሻገረኝ ነገር ሁሉ እግዚአብሔር ይመስገን!
.
ስለትናንቱ ነገር እግዚአብሔር ይመስገን! ስለዛሬውም ነገር እግዚአብሔር ይመስገን! ስለነገውም ነገር ሁሉ እግዚአብሔር ይመስገን!
.
ስለብዙ ነገር እግዚአብሔር ይመስገን!
.
ስለሁሉም ነገር እግዚአብሔር ይመስገን!
.
እግዚአብሔር ይመስገን!
.
እግዚአብሔር ይመስገን!
.
እግዚአብሔር ይመስገን!
💚💛❤️
@Maryam_Maryam2127
@Maryam_Maryam2127

​​❤ የአብረሀሙ ስላሴ

በጎ ቢሆን ልቡ መልካም ቢሆን ግብሩ
ስላሴን ጠራቸው ትህትና ፍቅሩ
ሰይጣን በክፋቱ ሊጎዳው አስቦ
ሰዎችን ቢያጠምድ በተንኮሉ ከቦ
እምነት ቅንነቱ ሃይማኖቱን አይተው
ቤቱን ባረኩለት አንድም ሶስትም ሆነው

❤ ወዳጅ መቼስ ሁል ጊዜ የአብረሀሙ ስላሴ ሲባል ትሰማለህ። ክርስቲያን ከሆንክ አንተም ከሚሉት መሀከል መሆንህ ሀቅ ነው። ነገር ግን ወዳጄ የአብረሀሙ ስላሴ የተባሉት ስላሴ የአብረሀም ብቻ ሆነው አይደለም። ይልቅ እርሱ መልካም ቅን የዋህ ታዛዥና ቃሉን አክባሪ በመሆኑና በመታዘዝ የስላሴን ተግባር በመፈጸሙ ነው።

❤ አየህ ስላሴ ሁሉን የፈጠሩ፣ ሁሉን የሚመግቡ፣ ሁሉን የሚያለብሱ፣ ሁሉን የሚጠብቁ፣ ሁሉን የሚያኖሩና ሁሉን የሚያውቁ ናቸው። እናም ህጋቸውን የጠበቀ፣ ትዕዛዛቸውን የፈጸመና ቃላቸውን ያከበረ ሁሉ ቤቱ፣ ኑሮው፣ ስራው፣ ትዳሩ፣ና ልጆቹ ሁሉ ይባረኩለታል።

❤ ታድያ ወዳጄ እኔና አንተ ግን ሀሳብ ምኞት ተግባራችን ሁሉ ከስላሴ ተቃራኒ ነው። እንኳን እንግዳ ልንቀበልና ሰዎችን ልንወድ ይቅርና በአንድ ማህጸን ከወጣንባቸው ቤተሰቦቻችን ጋር ኑሯችን ቂም በቀል ጥላቻ ሀሜት ቅናት ምቀኝነት ስድብ እልህ ከስ ቁጣ ንጽጽር ነው።

❤ ሀሳባችን የአለም፣ ጠባያችን የዲያቢሎስ፣ ምግባራችን የእንሰሳት ነው። ስለዚህ ጸሎት የማያውቅ አእምሮ፣ ስግደት የማያውቅ ሰውነት፣ አስራት የማያውቀው ገንዘብ ይዘን ስላሴን እንጠራለን። ያው መጥራቱን አይከለክሉንም። ፍሬአቸውን ግን ፈጽሞ አናገኘውም።

❤ አዎ ስላሴ በዛሬ ስንክሳራቸው "እንሰሳ አእዋፍ አራዊት ዛፍ ቅጠል ተራራ ወንዙ ሸለቆው ፍጥረት ሁሉ ሲያመሰግኑኝ። በራሳችን አምሳል የፈጠርነው፣ ክብር ሞገስ ሀይል ስልጣንን የሰጠነው የሰው ልጅ ግን አያመሰግነንም" ይላሉ። አዎ ወዳጄ በእውነት እግዚአብሔርን የሚያመሰግን ሰው ማን ነው።

🌺 እናቴ ማርያም ውድድድ የምታደርገኝ ትንሹ ሔኖክ ነኝ🌹

ቅድስት አርሴማ ሰማዕት

እንኳን ለሰማዕቷ ቅድስት አርሴማ ወርሃዊ የመታሰቢያ በዓል በሰላም አደረሳችሁ!!!

✝️ ሰማዕቷ ቅድስት አርሴማ ጣኦታ አምላኪ ነገሥታት እና አሕዛብ ባየሉበት ዘመን ተወልዳ በክርስትና ያበበች ከቅዱሳን አንስት አንዷ ናት

✝️ ከቤተሰቦቿ እና ከቅዱሳት መጻሕፍት የተማረችውን እውነት በተግባር የተረጎመች እናት ናት

✝️ በውበቷ ተማርከው ዓለማዊ ቁስን እንደ መደለያ ያቀረቡላት ነገሥታትን ንቃ ለሰማያዊው መንግሥት ሕይወቷን መስዋዕት ያደረገች ቅድስት እናት አርሴማ

✝️ ቅድስት አርሴማ እስከ ሕይወቷ ፍጻሜ በጾም፣ በጸሎትና ጌታዋን በማምለክ ጸንታለች

✝️ በገዳማዊ ሕይወት በድንግልና የኖረችው ቅድስት አርሴማ በብዙ መከራና ስቃይ ብትፈተንም በእምነቷ ከመጽናት ምንም አላገዳትም

✝️ በመጨረሻም በመስከረም 29 ቀን እምነቷን ጠብቃ ሰማዕትነትን ተቀበለች

የሰማዕቷ ቅድስት አርሴማ ምልጃና በረከት ይደርብን። በጸሎቷ ታስበን🙏🏻🙏🏻🙏🏻🥰

​​እንኳን አቡነ ገብረመንፈስ ቅዱስ ዓመታዊ የመታሰቢያ በዓል በሰላም አደረሰን!🙏❤️

አቡነ ገብረመንፈስ ቅዱስ ሀገራቸው ንሂሳ (ግብጽ ) ነው። አባታቸው ስምዖን እናታቸው አቅሌያስ ይባላሉ። ልጅ አጥተው 30 ዘመን ሲያዝኑ ኖረዋል።

አንድ ቀን አቅለያስ ቤተ እግዚአብሔር ገብታ ከስዕለ ስላሴ ስር ወድቃ ስትማጸን "" ንስኢ ወልደ ዘይትሌአል ቅርኑ አምኑኅ ሰማይ ... ክብሩ ከሰማይ ከፍታ የሚበልጥ ልጅ እንኪ ተቀበዪ " የሚል ድምጽ ሰማች። በዚህም መሰረት አባታችን መጋቢት 29 ቀን ተጸንሰው ታህሳስ 29 ቀን ተወለዱ።

አይን በገለጹ ጊዜ ከሚታይ ነገር ላይ እንዲያርፍ እርሳቸውም በተወለዱ ጊዜ አፈፍ ብለው ተነስተው "" ስብሐት ለአብ , ስብሐት ለወልድ , ስብሐት ለመንፈስቅዱስ ዘአውጻእከኒ እምጽልመት ውስተ ብርሐን >> ብለው በማመስገናቸውና ሀላም ምድራዊ መብል እና መጠጥ ሳይመገቡ : ሳይጠጡ ለምስጋና ተግተው በመኖራቸው መልአክትን ይመስላሉ

ሶስት አመት ሲሆናቸው መልአኩ ቅዱስ ገብርኤል ከእመቤታችንና በገነት ካሉ ቅዱሳን ዘንድ አስባርኮ ገዳማውያን ካሉበት ምኔት ወስዶ ከበሩ አኖራቸው :: አበመኔቱም አባ ዘመድብርሐን ምልክት ተነግሮት ቢሄድ ፍሱሐ ገጽ ሆነ አግኝተዋቸዋል። አበመኔቱም አሳድጎ አስተምሮ ከመአረገ ምንኩስና አድርሰዋቸዋል።

ከዚህ ቡሐላ ሐብተ ፈውስ ተሰጥቷቸውል። በአንድ ቀን እልፍ እውራንን እና እልፍ አንካሳ ፈውሰዋል። በዋላ ግን ኤጲስ ቆጶሳትና ካህናቱ ዝናቸውን ሰምተው እየመጡ ግብር የሚያስፈቱአቸው ቢሆን ቅዱስ ገብርኤል ነጥቆ ከጌታ ፊት አቀረባቸው።

በገድለህ : በትሩፋትህ : ከሞት ነፍስ ክርደት ገሀነም የሚድኑ ብዙ አሉና ከሰው ተለይተህ ወደ ጫካ ግባ። ኑሮህም ከስልሳ አናብስትና ከስልሳ አናብርት ጋር ይሁን አለው። ጌታዬ ምን ተመግበው ይኖራሉ አሉት ? "ዘኬድከ ጸበለ - እግረከ ይልህሱ ወበ ውእቱ ይጽግቡ ... የረገጥከውን ትቢያ ልሰው ያ ምግብ ሆኗቸው ይኖራሉ። ብሏቸው ውሳጤ ገዳም ገብተው : ከአናብስትና ከአናብርት ጋር ይኖሩ ጀመሩ። ዳንኤል ከአናብስት ጉድጉዋድ በተጣለ ጊዜ አናብስቱ እንደ ድመት ከእግሩ በታች ሆነው እንደተገኙ : አባታችን የረገጡትን ትቢያ እየላሱ እየታዘዙዋቸው ይኖሩ ነበር።

በዚህ መልኩ 30 አመት ከቆዩ ቡሐላ ጌታ በአንድነት በሶስትነት ተገልጾ ምን ላደርግልህ ትሻለህ ? አላቸው። መጀመሪያ ላሉበት መጸለይ ይገባልና የምድር ገቦታን ሰዎች ማርልኝ አሉት። 3000 ሐጥአንን ከሲኦል አውጥቶ ገነት አግብቶላቸዋል። ከዚህ ቡሐላ ሁር ምድረ ኢትዮጵያ ወበህኒ አልውከ ነፍሳት ወታወጽኦሙ .... ወደ ኢትዮጵያ ሂድ አላቸው። ቅዱስ ገብርኤል በሰረገላ ነፍስ ጭኖ ምድረ ከብድ አድርሷቸዋል።

ዳግመኛም ወደ ዝቁዋላ (ደብረቅዱስ ) ወስዷቸው ከዚያ ሆነው በንጹሀ ልቦና የኢትዮጵያን ሕዝብ ሐጢያት ከባህሩ ውስጥ ራሳቸውን ዘቅዝቀው ለ 100 አመት ይጽልዩ ነበር። 40 ቀን ሲሆናቸው መልአኩ መጥቶ ዘገብረ ተዝካርከ ወዘጽውአ ስምከ እምህር ለከ ብሎሀል አላቸው። እሳቸው ግን መላ ኢትዮጵያን ካልማረልኝ ከባህሩ አልወጣም ብለው 100 አመት በባህሩ ውስጥ በጭንቅላታቸው ተዘቅዝቀው ሲጸልዩ ኖረዋል። ከ 100 አመት ቡሐላ ጌታ ተንስእ ወጽእ መሀርኩ ለከ ኩሎ ኢትዮጵያ ... ምሬልሀለው ውጣ ብሏቸው ወጥተዋል።

ከዚህ ቡሐላ ምድረ ከብድ ወርደው ከምድር በላይ ከሰማይ በታች ሆነው 7አመት እንደ ትኩል አምድ ሆነው አይናቸውን ሳይከድኑ 7 አመት ሙሉ አይናቸውን ሳይከድኑ ቆመው ጸልየዋል። ሰይጣን ግን ለምቀኝነት አያርፍምና ቁራ መስሎ መጥቶ አይናቸውን አንቁሮ አሳወራቸው። 2 ሱባኤ ሲፈጽሙ ቅዱስ ሚካኤልና ቅዱስ ገብርኤል መጥተው እፍፍ ብለው አድነዋቸዋል።

ከዚያ ተነስተው ወደ ዝቁዋላ ሲሄዱ ስላሴን በአምሳሌ አረጋውያን ከጥላው ስር አርፈው አገኙዋቸው። በእግዚአብሔር ዙፋን ተማጽነንሀል አዝለክ አንድ አንድ ምህራፍ ሸኘን አሉዋቸው። አዝለው ከሸኙዋቸው ቡሐላ በአንድነት በሶስትነት ሆኖ ታያቸው። ድንግጠው ወደቁ : እግዚአብሔር ግን አንስቷቸው ሂድ ዝቁዋላ ሄደህ ጠላቶችህን ተበቀላቸው አላቸው :: በዛበነ መብረቅ ደርሰው 7 ቱን ሊቃነ መላእክት አጋዥ አድርገው እልፍ አእላፍ አጋንንትን አጭደዋል።

ጻድቁ አቡነ ገብረመንፈስ ቅዱስ እረፍታቸው መጋቢት 5 ቀን ነው ይህ ደግሞ በታላቁ ዓብይ ጾም ወቅት ነው ፍትሃ ነገስት አንቀጽ 15 ላይ በዓብይ ጾም በዓል ማክበር ይከለክላል የሀዘን ወቅት ነውና ከበሮ አይመታም እልልታና ጭብጨባ የለም ፍጹም ሀዘን እንጂ ስለዚህም ወደ ጥቅምት 5 ቀን ተዛውሮ እንዲከበር የመጋቢት 27 ስቅለት ደግሞ ጥቅምት 27 ቀን እንዲከበር ተደረገ፤ ከዚያን ጊዜ አንስቶ ይህ ስርዓት ሆነ።

ምንጭ - ገድለ አቡነ ገ/መንፈስ ቅዱስ ተአምር 14 
@Maryam_Maryam2127
@Maryam_Maryam2127

✞ ኧረ እንዴት ነው አቡኤ

ኧረ እንዴት ነው አቡዬ ኧረ እንዴት ነው ጻድቁ

>>  ተራራን በግርማ የሚሰነጥቁ

>>  የሌጌዎን ጭፍሮች በስምህ አለቁ

>>  በፆም በጸሎትህ በመብረቅ ወደቁ

>>  ገድሉ አንፀባራቂ ተአምሩ የገነነ

>>  በረከት ያገኛል ኪዳኑን ያመነ

>> እናቱ አቅሌሲያ አባቱ ስምዖን

>>  ምግቡ ምስጋና ነው ተሰጥቶታል ኪዳን

>>  ስእለትን ይሰማል ፀበሉ ፈዋሽ ነው

>>  የሳሪሱ አቦ ቅዱስ ለጠሩት አባት ነው

>>  አቡየን ጥሩልኝ እኚያን ባለጭራ

>>  ያወጡ የለም ወይ ከሲዖል መከራ

>>  ገብረ  መንፈስ ቅዱስ እንደኛ  ሰው ናቸው

>>  መስቀል ከሰማይ ላይ የወረደላቸው

>>  ፀበል ከጪንጫ ላ ይ የፈለቀላቸው

>>  አንበሳና ነብር የሰገደላቸው

>>  ለዝቋላው አቦ እልል በሉላቸው

>>  ለዚጊትው አቦ እልል በሉላቸው

>>  ለፈረንሳይ አቦ እልል በሉላቸው

>>  ለሳሪሱ አቦ እልል በሉላቸው

ለመቀላቀል👇👇
@Maryam_Maryam2127
@Maryam_Maryam2127
    
     🌿🌿🌿🌿🌿🌿🌿
🕊ለወዳጅ ለዘመዶ ያካፍሉ🕊

🕊

[  † እንኩዋን ለቅዱሳን ነገሥታት "አብርሃ ወአጽብሃ" እና ለቅዱስ "ሐናንያ ሐዋርያ" ዓመታዊ የዕረፍት በዓል በሰላም አደረሳችሁ †  ]


†  🕊 ቅዱሳን አብርሃ ወአጽብሃ  🕊  †

እነዚህ ነገሥታት ሞገሶቻችን: ብርሃኖቻችን ናቸውና ደስ እያለን እንወዳቸዋለን: እናከብራቸዋለን:: ሥላሴ ቢመርጧቸው ዛሬ ላለንበት ሕይወት መሠረቱን ጥለው አልፈዋልና::

፪ቱ ቅዱሳን ነግሥታት መንትያዎች ሲሆኑ ወላጆቻቸው ንጉሥ ታዜር / አይዛና / ሠይፈ አርዕድ እና ንግሥት አሕየዋ / ሶፍያ ይባላል:: ንጉሡና ባለቤቱ ልጅ ቢያጡ ወደ እግዚአብሔር ለመኑ:: ፈጣሪም በቅዱስ ሚካኤል አብሳሪነት ፪ ዕንቁዎችን አስረከባቸው::

ንግስት አሕየዋ [ሶፍያም] መጋቢት ፳፱ ቀን በ፫፻፲፩ ዓ/ም ጸንሳ: ታሕሳስ ፳፱ ቀን በ፫፻፲፪ ዓ/ም ፪ቱን ቅዱሳን ወልዳቸዋለች:: "አምላክ ሽሙጥን አራቀልኝ" ስትልም "አዝጉዋጉ" ብላቸዋለች:: እነዚህ ፪ ፍሬዎች በልጅነታቸው ከወቅቱ ሊቀ ካህናት እንበረም ኦሪቱን ጠንቅቀው ተምረዋል::

ከእግዚአብሔር የተሰጡ ናቸውና በ፲፪ ዓመታቸው ወደ ቤተ መቅደስ ገብተዋል:: ትንሽ ቆይቶ ግን አባታቸው ታዜር በማረፉ ሕዝቡ ፪ቱን ቅዱሳን "ንገሡልን" አሏቸው:: እነርሱም "እኛ የፈጣሪ አገልጋዮች ነንና አንችልም" በማለታቸው ለተወሰነ ጊዜ እናታቸው አስተዳደረች::

ቆይቶ ግን ቅዱስ ሚካኤል ለሊቀ ካህናቱ እንበረም "የፈጣሪ ፈቃዱ ስለ ሆነ አትዘኑ:: ፪ታችሁም በአንድ ዙፋን ላይ ንገሡ: ታላቅ ጸጋ ለሃገሪቱ ይሆናል በላቸው" አለው::

ሊቀ ካህናቱም የታዘዘውን ተናግሮ: በ፲፱ ዓመታቸው: ፪ቱንም በአንድ ዙፋን ላይ "ነገሥተ ኢትዮዽያ" ሲል አስቀምጦ ቀባቸው:: ስማቸውን "ኢዛና" እና "ሳይዛና" አላቸው:: ቅዱሳኑ እንደ ነገሡ ቀዳሚ ሥራቸው የቀናችውን ሃይማኖት መፈለግ ሆነ::

በወቅቱ ፍሬምናጦስ [የሁዋላው አቡነ ሰላማ] በቤተ መንግስቱ ውስጥ የቅርብ አማካሪ ነበርና ጠርተው ተጨዋወቱት:: "አንተ ወንድማችን! ክርስቶስ ይወርዳል: ይወለዳል ተብሎ የተቆጠረው ሱባኤ እኮ አልፏል:: ምነው ቀረሳ? በርግጥ ምሥጢሩ ንገረን" አሉት::

እርሱም አትቶ: አመሥጥሮ: ከ፫፻ ዓመታት በፊት አምላክ ሰው መሆኑንና ዓለምን ማዳኑን አስተማራቸው:: "አጥምቀን?" ቢሉት "አልችልም" አላቸው:: እነርሱም ከብዙ ስጦታ ጋር ወደ ግብጽ ላኩት::

ቅዱስ አትናቴዎስም ፍሬምናጦስን "አቡነ ሰላማ" ብሎ ከብዙ መጻሕፍት ጋር ላከው:: በመጀመሪያ ኢዛናና ሳይዛና ተጠመቁ:: ስማቸውም "አብርሃ ወአጽብሃ" ተባለ:: ቀጥሎም ሠራዊቱና ሕዝቡ ተጠመቀ::

ሃገራችንም በእነዚህ ቅዱሳን አማካኝነት ከጨለማ ወደ ብርሃን መጣች:: የክርስትና ደሴት ሆነች:: ሃገረ እግዚአብሔርነቷንም አጸናች:: ቅዱሳኑ ከዚህ በሁዋላ በሞገስ ክርስትናን ያስፋፉ ዘንድ ደከሙ:: ከ፻፶፬ በላይ አብያተ ክርስቲያናትን ሲያንጹ አብዛኞቹ ፍልፍል ነበሩ::

በተለይ ግን በአክሱም ከተማ ላይ ያነጿትና ፲፪ ቤተ መቅደሶች የነበሯት የጽዮን ቤተ ክርስቲያን ልናያት ትናፍቀናለች:: ጌጧ: ብርሃኗ ውል ውል ይልብናል:: ይህቺው ቤተ ክርስቲያን በ፲ ኛው ክ/ዘመን ዮዲት ጉዲት በእሳት አውድማታለችና:: መሠረቱ ግን ዛሬም አለ::

ቅዱሳን አብርሃ ወአጽብሃ ግን ክርስትናን ለማስፋፋትና መንግስትን ለማጽናት ሲሉ ከአክሱም በተጨማሪ በሽዋም ዙፋንን ዘረጉ:: ለብዙ ዓመታትም አምላክ በፈቀደው መንገድ እስከ የመን ድረስ ገዙ:: ክርስትናንም አስፋፉ::

ቅዱስ አብርሃ በተወለደ በ፶፪ ዓመቱ: በ፫፻፷፬ ዓ/ም ጥቅምት ፬ ቀን ሲያርፍ ወንድሙ ለ፲፭ ዓመታት ብቻውን አስተዳድሯል:: በ፫፻፸፱ ዓ/ም ደግሞ በዚሁ በጥቅምት ፬ ቀን ቅዱስ አጽብሃም በተወለደ በ፷፯ ዓመቱ በክብር ዐርፏል::

ከሁለቱም መቃብር ላይ ለ፴ ቀናት የብርሃን ምሰሶ ተተክሎ ታይቷል:: ጌታችንም በማይታበል ቃሉ "ስማችሁን የጠራውን: መታሰቢያችሁን ያደረገውንም እምርላቹሃለሁ" ሲል ቃል ኪዳን ገብቶላቸዋል::


†  🕊  ቅዱስ ሐናንያ ሐዋርያ  🕊  †

ሐናንያ ቁጥሩ ከ፸፪ቱ አርድእት ሲሆን መጽሐፍ ቅዱስ ላይ ስማቸው ተመዝግቦ ከተቀመጠልን ከጥቂቶቹ ዋነኛው ነው:: ከነገደ እሥራኤል ተወልዶ: በሕገ ኦሪት አድጐ: ከወጣትነት ዕድሜው ትንሽ እልፍ ሲል ጌታችን ወንጌልን ማስተማር ጀምሯልና ጠራው:: እርሱም በበጐ ፈቃድ ተከትሎታልና ከ፸፪ቱ አርድእት ደመረው::

ለ፫ ዓመታት ከጌታ እግር ተምሮ: ከዕለተ ስቅለት በፊት ሀብተ ፈውስም ተሰጥቶት ነበር:: ምክንያቱም ቅዱስ ሉቃስ እንደ ጻፈልን ሰብዐው አርድእት "ጌታ ሆይ! አጋንንት በስምህ ተገዙልን" ማለታቸውን አስቀምጦልናል:: [ሉቃ.፲፥፲፯] ቅዱስ ሐናንያ በበዓለ ዕርገት ተባርኮ በ፶ኛው ቀንም መንፈስ ቅዱስን ተቀብሎ ለስብከተ ወንጌል ወጥቷል::

በሚያስተምር ጊዜ የሶርያዋን ደማስቆን ማዕከል አድርጐ ነበር:: በሁዋላም አበው ሐዋርያት የዚህች ከተማ የመጀመሪያው ዻዻስ አድርገው ሹመውታል:: ጌታ ባረገ በ፰ኛው ዓመት ክርስቲያኖችን ያሰቃይ የነበረው ሳውል [የሁዋላው ቅዱስ ዻውሎስ] ወደ ደማስቆ የተጉዋዘው ክርስቲያኖችን በተለይም ቅዱስ ሐናንያን ለማሠር ነበር::

ለእግዚአብሔር ምርጥ ዕቃ ይሆን ዘንድ መብረቅ ዐይኑን አጠፋው:: ወዲያውም ጌታችን ሳውልን ወደ ሐናንያ እንዲሔድ ነው የነገረው:: ከ፫ ቀናት በሁዋላ ጌታችን ለሐናንያ ተገልጦ አነጋግሮታል:: ሳውል [ዻውሎስ] ወደ ሐናንያ የደረሰው በመሪ ነበር::

፪ቱ እንደተገናኙ ቅዱስ ሐናንያ ሳውልን አስተማረው: ፈወሰው: አጠመቀው: በጐ መንገድንም መራው:: በዚህ ምክንያት ቅዱሱ ሐዋርያ የቅዱስ ዻውሎስ የንስሃ አባቱ ይሰኛል:: [ሐዋ.፱፥፩-፲፱]

ከዚህ በሁዋላ ቅዱስ ሐናንያ ለብዙ ዓመታት በተለያዩ የዓለም ክፍሎች ወንጌልን አስተማረ መከራንም ተቀበለ:: በመጨረሻም በዚህ ቀን ክፉዎች ከብዙ ስቃይ በሁዋላ በድንጋይ ወግረው ገድለውታል::

አምላከ አብርሃ ወአጽብሃ "ድሃ ተበደለ: ፍርድ ተጉዋደለ" የሚል ዳኛ: ሃይማኖቱ የቀና መሪንም ያምጣልን:: የቅዱሳኑን ክብር በእኛ ላይ ያድርግልን::

🕊

[  † ጥቅምት ፬ [ 4 ] ቀን የሚከበሩ ዓመታዊ የቅዱሳን በዓላት  ]

፩. ቅዱሳን ነገሥት አብርሃ ወአጽብሃ
፪. ቅዱስ ሐናንያ ሐዋርያ [ከ፸፪ቱ አርድእት]
፫. ቅዱስ በርተሎሜዎስ ሐዋርያ
፬. ቅዱስ ባኮስ ሰማዕት
፭. ቅዱሳን ባባ እና ማማ
፮. ቅዱስ ዮሐንስ ሕጽው

[  † ወርኀዊ በዓላት  ]

፩. ቅዱስ ዮሐንስ ወንጌላዊ
፪. ቅዱስ እንድርያስ ሐዋርያ
፫. ቅድስት ሶፍያ ሰማዕት
፬. ቅዱስ ዮሐንስ ዘሐራቅሊ [ሰማዕት]

" እንግዲህ እግዚአብሔርን በመምሰልና በጭምትነት ሁሉ: ጸጥና ዝግ ብለን እንድንኖር: ልመናና ጸሎት: ምልጃም: ምስጋናም ስለ ሰዎች ሁሉ: ስለ ነገሥታትና መኩዋንንትም ሁሉ እንዲደረጉ ከሁሉ በፊት እመክራለሁ:: ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው:: " [ጢሞ.፪፥፩-፬]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

+ ማርያም +🤗

ብዙ ሰው "ሔዋን ለመውደቃችን ምክንያት ናት" ሲባል ይስማማል:: ድንግል ማርያም ግን ለመዳናችን ምክንያት ሆነች የሚለውን ግን አንዳንዶች ለመቀበል ይቸገራሉ:: ሔዋን ለመውደቃችን ካደረገችው ይልቅ ድንግል ማርያም ለመነሣታችን ያደረገችው ይበልጣል!

የድኅነታችን መጀመሪያ የሆነችውን ይህችን ድንግል ክብርዋን በሕሊናችን እንሳለው:: እሳታዊ መልአክ ቆሞ የዘመረላት ድንግል፤ አባትዋ ዳዊት ከሩቅ ሆኖ እያያት "ልጄ ሆይ ስሚ እዪም ጆሮሽን እዘንብዪ" እያለ የገብርኤልን ቃል እንድትሰማና ከሲኦል እንድታወጣው የሚማጸናትን ድንግል፤ ወንድምዋ ሰሎሞን "እኅቴ ሙሽራ ሆይ ሁለንተናሽ ውብ ነው ነውርም የለብሽም" እያለ የቀረበላትን 'የተባረክሽ ነሽ' የሚል ምስጋና እንድትቀበል የሚዘምርላትን፤ በእጆችዋ ሐርና ወርቅን፤ በማኅጸንዋ ሰውና አምላክን፤ በመውለድዋ ሰውና መላእክትን አስማምታ የፈተለችና ያዋሐደችዋን ይህች ድንግል እስቲ ለአፍታ እናስባት:: የባቢሎንን ሰባት እጥፍ የነደደ እሳት ያቀዘቀዘው ገብርኤል በፊትዋ በትሕትና አደግድጎ የቆመላትና ዘካርያስን ዲዳ ትሆናለህ ባለበት አንደበቱ "አንቺ የተባረክሽ ነሽ" እያለ የሚማጸናትን የዐሥራ አምስት ዓመት ብላቴና እስቲ እናስባት! ዓላማ ይዞ እንደተሰለፈ ሠራዊት የምታስፈራ ይህች ማናት?

ሽማግሌ አባትዋን ቅጠል ከለበሰበት ዛፍ አውጥታ ልጅዋን ሸማ አድርጋ ያለበሰች፤ እናትዋን ሔዋንንም የሚጎዳ ማሠሪያዋን ፈትታ ቁስልዋን ያከመች የሔዋን መድኃኒት ይህች ድንግል ማን ናት? የእርስዋን ክብር በኃጢአተኛ ብዕር እንደምን እጽፈዋለሁ?
ቅዱስ ያዕቆብ ዘሥሩግ ያለውን ብዬ ብዘጋው ይሻለኛል"የድንግል ማርያምን ክብር ከመግለጽ ፀሐይን ከነብርሃንዋና ከነሙቀትዋ መሣል ይቀልላል።"

"ክብር ለ ድንግል ማርያም ይሁን "

ድንግል ማርያም ሆይ 🕯

👉 ልጅሽን ቅዱሳን መላእክት ሊቀርቡት ይፈሩታል፤ አንቺ ግን ጸንሰሽ ወለድሽው።

👉 ልጅሽን  ፍጥረታት ሁሉ "ፈጣሪያችን" ይሉታል፤ አንቺ ግን ልጄ ትይዋለሽ።

👉 መልክና ባህሪሽ ልጅሽ ፈጣሪን  ይመስላል።

👉 የተባረኩት ሴቶች ቅዱሳንን ይወልዳሉ፤ አንቺ ግን ፈጣሪሽን ወለድሽ።

👉 ምስጢሩ ከሰው አእምሮ በላይ ስለሆነ እጹብ ድንቅ ተብሎ ማለፍ ነው እንጂ።🙏

እናታችን ቅድስት ድንግል ማርያም ለሀገራችን ሰላምን ለህዝባችን ፍቅርን ለታመሙት ፈውስን ለተራቡት ምግብን ታድልልን አሜን!🤲😥💚💛❤️🙏✝️

መስከረም ፳፱

በዚህች ዕለት ቅድስት አርሴማ እና አብረዋት የነበሩ ደናግሎች ሰማዕት ሆኑ።

ለንጉሥ ዲዮቅልጥያኖስ የቅድስት አርሴማን ሥዕሏንም ሥለው ላኩለት ንጉሡም ሥዕሏን በአየ ጊዜ እጅግ ደስ አለውና ለሠርግ እንዲመጡ ወደ መኳንንቱ ላከ ።

ደናግልሉም ይህን ነገር በአወቁ ጊዜ ይረዳቸው ዘንድ ወደ እግዚአብሔር ለመኑ ። ከዚህም በኋላ ተነሥተው ወደ አርማንያ በሥውር ሸሹ። ከእርሷ ጋርም ሰባ አምስት ወንዶችና ሠላሳ ዘጠኝ ሴቶች ነበሩ።

ለአርማንያ ንጉሥ ለድርጣድስ ከዲዮቅልጥያኖስ ሸሽታ እንደ መጣች የአርሴማን ሥራ ነገሩት እርሱም አንዱን ወታደር ወደ እኔ አምጣት ብሎ አዘዘው።እርሷም ወደ እርሱ መምጣትን እምቢ በአለች ጊዜ እየጎተቱ ወሰዷት።

ድርጣድስም እናቷ አጋታን እሺ ታሰኝለት ዘንድ አዘዛት አጋታም ወደርሷ ሒዳ ልቧን አስጨከነች እንዲህም አለቻት ። ሰማያዊ ሙሽራሽን እንዳትተዪ እርሱም ክብር ይግባውና የእግዚአብሔር ልጅ ሕያው ክርስቶስ ነው።

ንጉሡም ይዞ ወደ እልፍኙ ሊአስገባት ከአደባባይ መካከል ተነሥቶ ድንግል አርሴማን ያዛት ። በዚያንም ጊዜ በቅድስት አርሴማ ላይ የእግዚአብሔር ኃይል አደረባትና በምድር ላይ ጣለችው እርሱ ግን በጦርነት እጅግ የጸና አርበኛ ስለ ነበር
በታናሽ ሴት ብላቴና ስለተሸነፈ ያን ጊዜ አፈረ ። ራሷንም በሰይፍ ይቆርጡ ዘንድ አዘዘና ቆረጧት ከዚህም በኋላ ደናግሉን ሁሉ ከእናታቸው አጋታ ጋር ይገድሏቸው ዘንድ አዘዘ። በዚህች ዕለትም ሰማዕትነትን ተቀበሉ።

የቅዱሳን በረከታቸው ይደርብን አሜን !
ወስብሐት ለእግዚአብሔር

💀 የሰይጣን ለቅሶ 💀

አንድ ለመመንኮስ የፈለገ ወጣኒ ወደ አበመኔቱ ይሄድና እንዲያመነኩሰው ይጠይቀዋል አበመኔቱም እንዳመነኩስህ ከፈለክ ሂድና በእስክንድርያ አደባባዮች እኔ ዘማዊ ነኝ እያልክ ለመንገደኛው ሁሉ ንገር ይለዋል ይህም ወጣት እንደታዘዘው ሲያደርግ ውሎ በነጋታው ጠዋት ቤተክርስቲያን ሲገባ በዚያ የተሰበሰቡት ሁሉ "አንተ ዘማዊ እያሉ አፌዙበት
አበመኔቱም "አዎ አንተ ሀጢያተኛ ነህ" ብሎ አስወጣው ወጣቱም ምንም ሳይናገር ወጣ ይህ ወጣት ከወጣ በኋላ ግን አበመኔቱ ለተሰበሰቡት ምዕመናን እንዲህ አላቸው

👉"በትክክል ለምንኩስና የታጨች ነፍስ ይህቺ ናት እናንተ ስትስቁበት አጋንንት ግን ሲያለቅሱ አያቸው ነበር፣ እኛ ሀጢአቱን ስንዘረዝር መላእክት ግን ስሙን በብርሃን መዝገብ ሲፅፉት ተመለከትኩ አላቸው፣
ያንንም ወጣት ጠርቶ አመነኮሰው

👉ብዙ ሰዎችን ከቤተክርስቲያን ፣ ከመንፈሳዊ አገልግሎት፣ ከበጎ ስራ ከሚያርቁት ነገሮች ዋነኞቹ ትችት እና ሀሜት ነው ብንል ማጋነን አይሆንም በተለይ ደግሞ ለመንፈሳዊ ተግባር አዲስ የሆኑትን እስከመጨረሻው ላያስመልስ የሚችል ተግባር ነው

👉ወዳጄ የቱንም ያህል ብትሰደብ ፤ የቱንም ያህል ብትናቅ፤ የቱንም ያህል ሰዎች ተሰብስበው ስላንተ ቢያወሩ ፤ በተሰደብከው ልክ ክብርህም ይጨምራልና ከደጁ እንዳትርቅ

👉አንቺን ብሎ ጸሎተኛ ፤ አንቺን ብሎ ጾመኛ፤ አንቺን ብሎ ዘማሪ ፤አንቺን ብሎ ቤተክርስቲያን ተሳላሚ ፤ አንቺን ብሎ ቆራቢ ፤ .......ብዙ ብዙ ነገር እያሉ ሊያሸማቅቁሽ ቢሞክሩ ከመንገድሽ እንዳትወጪ ሰዎች በሳቁብሽ ልክ ፈታኝሽ ዲያቢሎስ ያለቅሳልና

👉 እናንተም ፈራጆች ሆይ ሰው ላይ ስትፈርዱ ሰይጣን በናንተ ይስቃል፣ የሰውን ሀጢአት ስትመዘግቡ ሰይጣን በደስታ የናንተን ሀጢአት ይፅፈዋል
ስለዚህ ለወዳጆችህ እየፀለይክ ሰይጣንን አስለቅሰው
በቅዱስ መስቀሉ ጠላታችን ዲያብሎስን ከእግራችን በታች ይጣልልን አሜን ፫🙏

ለተዋህዶ ልጆች ሼር👉
@Maryam_Maryam2127
@Maryam_Maryam2127
@Maryam_Maryam2127

♥
መድሃኒአለም የአለም ሁሉ መድሃኒት
ስጋውን ቆርሶ ደሙን አፍስሶ ለኛ ሲል ህይወቱን የሰጠ🙏🥹

ብንታመም መድኃኒታችን
ብንደክም ብርታችን
ብንፈተን ጽናታችን
ብንወድቅ ጉልበታችን
ቢጨልምን መብራታችን
ብንሞት ህይወታችን
ብንቸገር እረዳቴታችን

የድንግል ማርያም ልጅ ቸሩ መድኃኔዓለም አንተ ነህ አባቴ!

ቸሩ መድሀኒአለም በያለቹበት ይጠብቃችሁ
ወጥቶ ከመቅረት ከድንገተኛ አደጋ ይጠብቃችሁ አሜን🙏

ቅዱስ ዮሐንስ መጥምቅ ጽንሰቱ❤️

መስከረም ሃያ ስድስት በዚች ቀን እግዚአብሔር የመላእክት አለቃ ገብርኤልን ወደ በራክዩ ልጅ ዘካርያስ ልኮት መጥምቁ ዮሐንስ ከእርሱ ስለ መወለዱ አበሠረው።

ስሙ የተመሰገነ እግዚአብሔር ልጅን ይሰጠው ዘንድ አስቀድሞ ሁል ጊዜ በመጸለይ ወደ እግዚአብሔር ይማልድ ነበር። ልጅ ያልወለደውን እግዚአብሔር ብዙ ተባዙ ምድርን ምሉዋት ያለውን በረከት ያጣ ነው በማለት እስራኤል ይገዳደሩት ነበርና

ልመናውንም ሰማ በቤተ መቅደስም ቁሞ ዕጣንን ሲያሳርግ መልአኩን ላከለት በከበረ ወንጌልም እንደተባለ መንገዱን ይጠርግ ዘንድ በንጉሥ ክርስቶስ ፊት እንደሚሔድ የተነገረለት ታላቅ ነቢይ ዮሐንስ ከእርሱ መወለዱን አበሠረው።

ዘካርያስም የሰውነቱን መድከም የመውለጃውም ዘመን እንዳለፈና ፈጽሞ እንዳረጅ የሚስቱም እንዲሁ ዘመኗ እንዳለፈና ፈጽማ እንዳረጀች መካንም እንደሆነች ያውቃልና ስለዚህ ይህ ነገር እንዴት ይሆንልኛል እኔ ያረጀሁ ሽማግሌ ነኝ ሚስቴም እንዲሁ ዘመኗ አልፎ መካን ሁናለች ብሎ የእግዚአብሔርን መልአክ ተከራከረው።

መልአኩም እኔ ይህን ልነግርህ ከእግዚአብሔር ዘንድ ወዳንተ ተልኬ ነበር ልትጠራጠር ባልተገባህም ነበር አሁንም ይህ በጊዜው እስቲፈጸም ዲዳ ሁነህ መናገር ይሳንሃል ብሎ ገሠጸው። ዘካርያስም የወልደ እግዚአብሔርን መንገድ የሚጠርግ ዮሐንስ እስከሚወለድበት ጊዜ ድረስ ዲዳ ሆነ

በሚገረዝበትም ቀን የሕፃኑን አባት ዘካርያስን የሕፃኑን ስም ምን ብለው እንደሚሰይሙት ጠየቁት እርሱም ብራና ለምኖ ስሙ ዮሐንስ ነው ብሎ ጻፈ በዚያም ጊዜ አንደበቱ ተፈትቶ እግዚአብሔርን አመሰገነው። ስለ ልጁ ዮሐንስም እርሱ የልዑል ነቢይ እንዲባል መንገዱንም ይጠርግ ዘንድ በእግዚአብሔር ፊት እንደሚሔድ ትንቢት ተናገረ።

አምላከ ቅዱሳን ከመጥምቀ መለኮት ቅዱስ ዮሐንስ ረድኤት በረከት ያሳትፈን🙏🏻❤️