Hulu Addis Radio Show, Bisrat FM 101.1

150 ሚሊዮን ብር በሚያሸልመው የፊልም ውድድር ለኢትዮጵያውያን የተሳትፎ ጥሪ ቀርቧል ።
ከፍተኛ ሽልማት የሚያስገኘውን የ "The Earthshot Prize 2025" ኢትዮጵያውያን እንዲወዳደሩ ጥሪ ቀረበ ።
በእንግሊዝ ልዑል ዊሊያምና ሮያል ፋውንዴሽን በፈረንጆቹ 2020የተቋቋመውና በዓለም አቀፍ ደረጃ ከአካባቢና አየር ብክለት የፀዳ፣ ለአረንጓዴ ኢኮኖሚ አስተዋፅኦ የሚያበረክትና ለተፈጥሮ ተስማሚ የሆነ ስራ የሚሰራ እየሰሩ ያሉ ተቋማትን፣ የቢዝነስ ፈጠራ ባለሙያዎችን ( ኢንተርፕረነሮችን) ወይም ግለሰቦችን የሚሸልመው "The Earthshot Prize" የዘንድሮ እጩ ተወዳዳሪዎችን መቀበል ጀምሯል።
በአፍሪካ የውድድሩ ዋና አጋር መልቲቾይስ አፍሪካ ኢትዮጵያውያን ስራ ፈጣሪዎች እንዲወዳደሩ ጥሪ አቅርቧል። በአምስት የተለያዩ ምድቦች የሚካሄደውን ይህንን ዓመታዊ ሽልማት በተለይ ለአካባቢ ስምሙ የሆኑና ተፈጥሮን የማይበክሉ ቢዝነሶችን የሚያንቀሳቅሱ ኢትዮጵያውያን ይህን ታላቅ ሽልማት ሊያመልጣቸው እንደማይገባ ተገልጿል።
ውድድሩ እስከ አንድ ሚሊዮን ፓውንድ ሽልማት የሚያስገኝ በመሆኑ ፕሮጀክቶቻቸውን ለማስፋፋትና እየተባባሰ ለመጣው የአየር ንብረት ለውጥ መፍትሄ እንዲያበረክቱ ያግዛል ተብሏል።
መልቲቾይስ አፍሪካ እንዳሳወቀው በደቡብ አፍሪካ በተከናወነው የ2024 ውድድር አሸናፊ የነበሩት ከ ጋና እና ከኬንያ ሲሆኑ "ግሪን አፍሪካ ዩዝ ኦርጋናዜሽን" ከ ጋና እንዲሁም "ኪፕ ኢት ኩል" የተሰኙት የአረንጓዴ ጉዳይ አቀንቃኞችና የስራ ፈጣሪዎች አሸናፊ እንደሆኑ አስታውሷል።ለዚህ ዓመቱ ሽልማት ማመልከት የሚቻለው እስከ ህዳር 25 2017 ዓም ሲሆን ኢትዮጵያውያን ስራ ፈጣሪዎች እና ተቋማት https://www.multichoice.com/earthshot-nomination.php#prId=324466 እንዲያመለክቱ ጥሪ አቅርቧል።

ትላንት ምሽት ልዩ አቀባበል የተደረገለት አሌክሳንደር አይሳክ !
በኤርትራ እና ሲውዲን ባንዲራ አቀባበል የተደረገለት አይሳክ ! 🇸🇪 🇪🇷

ቸልሲ በጥር ወር የውድድር አመቱ አጋማሽ ላይ ለአሌክሳንደር አይዛክ (ይስሃቅ ) 115 ሚሊየን ፓውንድ በመክፈል ከኒውካስል ዩናይትድ ለማስፈረም በእንቅስቃሴ ላይ መሆናቸውን ቲም ቶክ የተሰኘው ድረ ገፅ ዘግቧል ። ቸልሲ ብቻ ሳይሆን ሁነኛ ጨራሽ አጥቂ እያፈላለገ እንደሆነ የተነገረለት አርሰናልም የተጨዋቹ ፈላጊ ነው ።

በኒውካስል ቀሪ 3 አመት የሚያቆይ ኮንትራት ያለው ይስሃቅ የኮንትራት ማራዘምያ ቢቀርብለትም አልተቀበለውም ።

ይህ ስጋት የገባቸው የሚመስሉት የኒውካስል ደጋፊዎች ልብን የሚያሞቅ አቀባበል ትላንት ምሽት በዌስትሃም 2ለ0 በተሸነፏበት ጨዋታ ላይ አድርገውለታል ።

፨አንደኛው የጎል ጀርባ የሲውዲን ባንዲራ በሆነው ቢጫ እና ሰማያዊ ISAK ብለው ሲያፅፏ በተቃራኒው በኩል ደግሞ የኤርትራ እና የሲውዲን ባንዲራን ይዘው ''አሌክሳንደር ታላቁ'' የሚል ፅሁፍ ይዘው ታድመው ነበር ።
በኒውካስል 78 ጨዋታዎችን አድርጎ 40 ግቦች ከመረብ አሳርፎ 7 ለግብ የሚሆኑ ኳሶችን አቀብሏል ።

ቅዱስ ጊዮርጊስ ስፖርት ክለብ ክስ መስርቷል ።

ትላንት በኢትዮጵያ ፕሪሚየር ሊግ 8ኛ ሳምንት ጨዋታ ቅዱስ ጊዮርጊስ ከ ሲዳማ ቡና 0ለ0 በተለያዩበት ጨዋታ በሁለት አጋጣሚዎች ግልፅ የዳኝነት በደል ተፈፅሞብኛል በሚል ክስ አቅርቧል ።

ሁሉ አዲስ ባገኘው መረጃ በተለይ በ44ኛው ደቂቃ ላይ ተገኑ ተሾመ በፍፁም ቅጣት መምቻ ውስጥ ግልፅ ጥፋት ተፈፅሞበት ከሳጥን ውጭ ነው በማለት ተከልክያለሁ ብሎ ለዲሲፕሊን ኮሚቴ ቅሬታ አቅርቧል ።

የእለቱ አልቢትር ኢንተርናሽናል ዳኛ ኤፍሬም ደበሌ የነበሩ ሲሆን እረዳት ዳኛው ሚፍታ ሁሴን በቅርብ ርቀት ላይ የተገኙ ቢሆንም ፍፁም ቅጣት ምት ነው የሚል ጥቁምታ አልሰጥዋቸውም ።

ሌላኛው በእለቱ አልቢትር ላይ የቀረበው ክስ የመጨረሻ ተጨዋች ፍፁም ጥላሁን ከግብ ጠበቂው ጋር ብቻ የሚገናኝበትን አጋጣሚ ተጠልፎ በቀይ ካርድ ጥፋት የሰራው ተጨዋች መውጣት ቢኖርበትም በቢጫ ካርድ መታለፍ የለበትም የሚል ነው ። በዚህም የመሀል ዳኛው እና ረዳቱ ትግል ግዛው ተመካክረው በማስጠንቀቂያ ማለፋቸው ይታወቃል ።

በእለቱ ጨዋታ የዳኛ በደል በቡድናችን ላይ ተፈፅሟል ያሉ የቅዱስ ጊዮርጊስ ደጋፊዎች ሀይለቃል ተጠቅማችኋል በሚል ከፀጥታ አካላት ጋር መጠነኛ አለመግባባት ተፈጥሮ ተመልክተናል ።

ፋሲል ከተማ በተመሳሳይ ዘንድሮ የዳኝነት በደል ተፈፅሞብኛል ሲል ክስ አስመዝግቦ እንደነበር ይታወሳል ።

አውሮፓን ለሁለት የከፈሉት የእስራኤል ጠቅላይ ሚንስትር እና ሀንጋሪ

ለስድስት ወራት የአውሮፓ ህብረት ፕሬዝዳንት የሆነችው ሀንጋሪ የአይሲሲ መመስረቻን በመፈረም የፍርድቤቱ አባል መሆኗ ይታወቃል።
የፍርድቤቱ አባል የሆኑ 124 ሀገራት የእስር ማዘዣ የወጣበት ግለሰብ ግዛታቸውን እንደረገጠ በማሰር አሳልፈው ለመስጠት ስምምነት አላቸው።
ቪክቶር ኦርባን ግን የእስራኤሉ ጠቅላይ ሚኒስትር ያለምንም የደህንነት ስጋት ሀንጋሪን መጎብኘት እንደሚችሉ መግለጻቸውን ሬውተርስ ዘግቧል።
ከፑቲን ጋር ባላቸው ቅርበትና በሚሰጡት አስተያየት ከአውሮፓ መሪዎች ጋር የሚቃረኑት ኦርባን የኔታንያሁ ወዳጅ መሆናቸው ይነገራል።
የአለማቀፉ የወንጀለኞች ፍርድቤት በኔታንያሁ ላይ ያወጣው የእስር ማዘዣ የአውሮፓ ሀገራትን በሁለት ጎራ ከፍሏል።
ኔዘርላንድስ፣ ፊንላንድ፣ አየርላንድ፣ ጣሊያን እና ስፔን የፍርድቤቱን ትዕዛዝ ለማስፈጸም ቁርጠኛ መሆናቸውን ሲገልጹ፥ ጀርመን እና ፈረንሳይ የእስራኤሉ ጠቅላይ ሚኒስትር የሀገራቱን መሬት ቢረግጡ ምን እንደሚያደርጉ በግልጽ አቋማቸውን አላንጸባረቁም።
ሌላኛዋ የአይሲሲ አባል ብሪታንያም እንዲሁ የምትሰጠውን ምላሽ እስካሁን አላሳወቀችም።
የእስር ማዘዣ የወጣባቸውን ግለሰቦች በቁጥጥር ስር የሚያውል የራሱ ፖሊስ የሌለው የአለማቀፉ የወንጀለኞች ፍርድቤት ከአባል ሀገራቱ ጋር በዲፕሎማሲያዊ መንገድ በመነጋገር ተጠርጣሪዎች ታስረው ተላልፈው እንዲሰጡት ያደርጋል።

ሩሲያ ወደ ዩክሬን የተኮሰችው “ኦሬሽኒክ” የተሰኘው ሚሳኤል በርካታ የአውሮፓ ሀገራትን በ20 ደቂቃ ውስጥ መምታት የሚችል ነው ተባለ

በሰዓት ከ12 ሺህ ኪሎ ሜትር በላይ ይጓዛል የተባለው ይህ አዲስ ሚሳኤል ለመምታት አስቸጋሪ እንደሆነም ተገልጿል ሩሲያ ወደ ዩክሬን የተኮሰችው “ኦሬሽኒክ” የተሰኘው ሚሳኤል በርካታ የአውሮፓ ሀገራትን በ20 ደቂቃ ውስጥ መምታት የሚችል ነው ተባለ፡፡

አሜሪካ እና ሌሎች የኔቶ አባል ሀገራት ለዩክሬን የረጅም ርቀት የጦር መሳሪያዎችን መስጠታቸውን ተከትሎ ኪቭ ሞስኮን ከሰሞኑ አጥቅታለች፡፡ ይህን ተከትሎ ሩሲያ “ኦሬሽኒክ” በተሰኘ አዲስ አህጉር አቋራጭ ሚሳኤል ዩክሬንን መታለች፡፡

እንደ ሩሲያ መከላከያ መግለጫ ከሆነ ወደ ዩክሬን የተተኮሰው “ኦሬሽኒክ” ሚሳኤል በዲንፒሮ የሚገኘውን የሚሳኤል ማምረቻ እና የጦር መሳሪያ መጋዝንን አጥቅቷል፡፡ የአሜሪካ ጦር በዚህ ሚሳኤል ዙሪያ እንደገለጸው ሚሳኤሉ አዲስ እና አህጉር አቋራጭ፣ የኑክሌር አረር መሸከም የሚችል ነው ብሏል፡፡

ሩሲያ ሚሳኤሉን የተኮሰችው ለሙከራ ጭምር እንደሆነ ያሳወቀው የአሜሪካ ጦር ሚሳኤሉ በቀጣይ የመሻሻል አቅም እንዳለው እና ሞስኮ ይህንን ሚሳኤል በብዛት ሊኖራት እንደሚችልም ገልጿል ሩሲያ ወደ ዩክሬን አህጉር አቋራጭ ባለስቲክ ሚሳኤል መተኮሷ ተነገረ የብሪታንያ ጦር በበኩሉ የሩሲያ አዲሱ ሚሳኤል አውሮፓን ኢላማ ለማድረግ ተብሎ የተሰራ እንደሆነ ገልጿል፡፡

ከደቡባዊ ሩሲያ ወደ ዩክሬን የተተኮሰው ይህ ሚሳኤል ብሪታንያ ለመድረስ 19 ደቂቃ፣ ጀርመን ለመድረስ 14 እንዲሁም ፖላንድ ለመድረስ ስምንት ደቂቃዎች በቂ መሆናቸውን አርቲ ዘግቧል፡፡

ከዚህ በተጨማሪም በ40 ደቂቃዎች ውስጥ በአሜሪካ ያሉ ኢላማዎችን መምታት እንደሚችልም በዘገባው ላይ ተጠቅሷል፡፡

ከሳምንት በፊት በአውሮፓ ለ3 ወራት የሙዚቃ ስራውን ለማቅረብ ወደ ፈረንሳይ ያቀናው የሙዚቃ አቀናባሪ እና መምህር @Eyuel Mengistu ዛሬ በመድረክ ላይ ልደቱ ተከብሮለታል ።

በፈረንሳይ የተለያዩ ግዛቶችን ጨምሮ ራስ ገዟ ሞናኮ ቤልጅየም ፣ስዊዘርላንድ ከየማ ጋር በመሆን ስራቸውን ያቀርባሉ ።

ከፈረንሳይ እውቅ የሙዚቃ ባለሙያዎች ጋር በመቀናጀት ሰራቸውን ያቀርባሉ ።
መልካም ልደት እዮኤል መንግስቱ !
#YEma
#Paris

አለማየሁ ሄርጶ የአልበም ስራ ጀመረ ።

ተወዳጁ ድምፃዊ አለማየሁ ሄርጶ አዲስ አልበም ሊያወጣ መሆኑን የሙዚቃ ባለሙያው አለማየሁ ደመቀ ለሁሉ አዲስ ተናገረ ።

አለማየሁ ደመቀ አብላጫውን የግጥም ስራዎች አዘጋጅቷል ። ሙዚቃውን ፕሮዲዩስ የሚያደርጉት አለማየሁ ደመቀ እና አለማየሁ ሄርጶ በጋራ እንደሆነ ጠቁሞናል ። በሙዚቃ ቅንብር አዲስ ፈቃዱ ፣ፋኑ ጋር መሰራት ተጀምሯል ። ታምሩ አማረ፣ካሙዙእና አበጋዝ በቀጣይ በቅንብር ስራዎች መሳተፍ ይጀምራሉ ።
3 ነጠላ ዜማዎች ግን በቅድምያ ወደ አድማጭ እንዲደርሱ ለማድረግ ዝግጅት እየተጠናቀቀ ነው ።

ሳምፕሎቹ ተቀርፀው ያደመጡ አለማየሁ ሂርጶን አድንቀዋል ።

ከኢቫንጋዲ አልበም በኋላ 1 ነጠላ ዜማ ብቻ የሰራው አለማየሁ ሄርጶ ከሙዚቃ ስራ ራሱን አግልሏል ሲባል የነበረ ቢሆንም ዳግም ላድናቂዎቹ ስራውን ለማቅረብ ስቱዲዮ ገብቷል ።

አለማየሁ ከኖርዌይ የ19 አመታት የስደት ቆይታ ከወራት በፊት ወደ ሀገር ቤት መመለሱ ይታወሳል ።

ለንደን ለተቃውሞ በወጡ ገበሬዎች እና ትክተሮቻቸው ተሞልታ ውላለች
--------
ማክሰኞ የለንደን ጎዳናዎች በእንግሊዝ ገበሬ እና የማረሻ ትራክተሮች ተሞልተው ውለዋል።

በሺዎች የሚቆጠሩ ገበሬዎች የዳውኒንግ ጎዳናዎችን በተቃውሞ ሰልፍ አጥለቅልቀዋል። ሰልፉ የእንግሊዝ መንግስት ከ2026 ጀምሮ ከ1 ሚሊየን ፓውንድ እና ከዚያ በላይ አሴት ያላቸው ገበሬዎች 20% ግብር በአመት እንዲከፍሉ እንደሚያደርግ ማሳወቁን በመቃወም የተካሄደ ነው።


ሰልፈኞቹ እንደሚሉት የአብዛኛው የእንግሊዝ ገበሬ ዋንኛ ሃብት መሬት ፣ የማረሻ ትራክተር እና ሌሎች የማምረቻ መሳሪያዎች ናቸው። ይህ ማለት ብዙሃኑ አርሶአደር  1ሚሊዮን ፓውንድ እና ከዚያ በላይ ሃብት አለው። በገንዘብ ግን አቅማቸው ዝቅተኛ የሚባል ነው። ስለዚህም የሚጣልብንን ግብር ለመክፈል አሴታችንን ለመሸጥ እድንገደድ ያደርገናል ብለዋል።

የግብር ጭማሬው በቤተሰብ ሲወረስ የመጣን የእርሻ መሬት ለመውሰድ እና ነባር የመሬት ባለይዞታ የሆነውን አራሽ ማህበረሰብ በማደህየት ውርሱን ለማሳጣት ነው ሲሉም ተደምጠዋል ።

መላ ቤተሰቦቻቸውን ጭምር ይዘው በእንግሊዝ ምክር ቤት ፊትለፊት እና በዋና ዋና የለንደን ጎዳናዎች የተቃውሞ ድምፃቸውን አሰምተው ተመልሰዋል።
#ኢትዮ ፕላስ

ኢትዮጵያ ከ9 ጨዋታዎች በኋላ ወደ አሸናፊነት ተመልሳለች ።

የኢትዮጵያ ብሄራዊ ቡድን በ2025 አፍሪካ ዋንጫ ማጣሪያ የመጨረሻ ጨዋታ ድል አድርጋለች ።

ኪንሻሳ ላይ ኮንጎን 2ለ1 የኢትዮጵያ ብሄራዊ ቡድን ሲያሸንፍ ግቦቹን በረከት ደስታ እና መሀመድ ኑር ናስር አስቆጥረዋል ።
በ2016 መጋቢት ወር ላይ በወዳጅነት ጨዋታ ሌሴቶን 2ለ1 ካሸነፈ በኋላ የተገኘ የመጀመሪያ ድል ሆኗል ።

ከምድቡ ኮንጎ በ12 ነጥብ በአንደኝነት እንዲሁም ታንዛኒያ በ10 ነጥብ ሞሮኮ ለምታዘጋጀው የአፍሪካ ዋንጫ ሲያልፏ ሀገራችን በ4 ነጥብ የመጨረሻውን ደረጃ በመያዝ አጠናቃለች ።