Addis Ababa Police Official

ከ2300 ሊትር በላይ በህገ-ወጥ መንገድ የተከማቸ ቤንዚን መያዙን የልደታ ክ/ከተማ ፖሊስ መምሪያ ገለፀ።
***
የወንጀል ድርጊቱ የተፈፀመው በልደታ ክ/ከተማ ወረዳ 7 ልዩ ስሙ ሰንጋ ተራ ተብሎ በሚጠራው አካባቢ ነው። መንግስት የነዳጅ አቅርቦት ሰንሰለቱ በህጋዊ መንገድ እንዲደረግና ግብይቱም በቴሌ ብር ብቻ እንዲሆን ከማድረግ ጀምሮ በርካታ ስራዎችን እየሰራ ይገኛል።

ይሁንና አንዳንድ ግለሰቦች የግል ጥቅማቸውን ብቻ ታሳቢ በማድረግ በህገ-ወጥ መንገድ ግብይት በመፈፀም ህጋዊ የግብይት ሰንሰለቱን ወደ ጎን በመተው የሀገር ሀብት የሆነውን ነዳጅ በማሸሽ በውድ ዋጋ ለመሸጥ ሲታትሩ ይስተዋላል፤ ይህንን ችግር ለመፍታት ፖሊስ በርካታ ስራዎችን እየሰራ ሲሆን የዚሁ ስራ አካል የሆነው የልደታ ክ/ከተማ ፖሊስ ባደረገው ብርቱ ክትትል በህገ-ወጥ መንገድ በአንድ ኮንቴነር ውስጥ በጀሪካን ተሸሽጎ የነበረ 2360 ሊትር ቤንዚል ከሁለት ግለሰቦች ጋር በቁጥጥር ስር ውሎ ምርመራ እየተጣራባቸው እንደሚገኝ የልደታ ክ/ከተማ ፖሊስ መምሪያ አስታውቋል።

ግለሰቦቹ መንግስት ያወጣውን የነዳጅ መመሪያ በመተላለፍ የሀገር ሀብት የሆነውን ነዳጅ በህገ-ወጥ መንገድ ሊሸጡ ሲሉ መያዛቸውን የፖሊስ የምርመራ መዝገብ ያስረዳል።

ህብረተሰቡ በመሰል የወንጀል ድርጊት ውስጥ የሚሳተፉ ግለሰቦችን ሲመለከት ለፖሊስ ጥቆማ እንዲሰጥም የአዲስ አበባ ፖሊስ አስታውቋል።
*
ዘገባ፦ ረዳት ሳጅን ፍፁም በቀለ    
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የአዲስ አበባ ፖሊስ ከተማ አቀፍ የፖሊስ ውድድርና ፌስቲቫል መክፈቻ "ስፖርታዊ እንቅስቃሴ ለላቀ ፖሊሳዊ አገልግሎት" በሚል መሪ ቃል በአዲስ አበባ ስታዲየም ተካሄደ።
***
ስፖርታዊ እንቅስቃሴ ለላቀ ፖሊሳዊ አገልግሎት በሚል መሪ ቃል የከተማ አቀፍ የአዲስ አበባ ፖሊስ ስፖርት ፌስቲቫልና ውድድር መክፈቻ ስነ-ሥርዓት ጥር 17 ቀን 2017 ዓ/ም በአዲስ አበባ ስታዲየም በይፋ ተከፍቷል ።

ክቡር አቶ ሞገስ ባልቻ በምክትል ከንቲባ ማዕረግ የአዲስ አበባ ከተማ የዴሞክራሲ ስርዓት ግንባታ ማስተባበሪያ ኃላፊ፣ የአዲስ አበባ ከተማ አስተዳደር ወጣቶች እና ስፖርት ቢሮ ኃላፊ አቶ በላይ ደጀን፣ የአዲስ አበባ ፖሊስ ኮሚሽነር ጌቱ አርጋው፣ የአዲስ አበባ ፖሊስ እና የስፖርት ቢሮ በየደረጃ የሚገኙ አመራርና አባላት፣ የሠላም ሰራዊትና የደንብ ማስከበር አባላት እንዲሁም የአዲስ አበባ ከተማ ነዋሪዎች በስፖርት ፌስቲቫሉ የመክፈቻ መርሀ ግብሩ ላይ ተገኝተዋል።

በአዲስ አበባ ስታዲየም በተካሄደው የመክፈቻ ስነ-ስርዓት ላይ የተገኙት የዕለቱ የክብር እንግዳ ክቡር አቶ ሞገስ ባልቻ ባደረጉት ንግግር አዲስ አበባ የተለያዩ ዓለም አቀፍና አህጉራዊ ኮንፈረንሶች የሚካሄዱባት ከተማ በመሆኗ የሠላምና ደህንነት ተምሳሌት እንድትሆን ፖሊስ ከነዋሪውና ከሌሎች የፀጥታ አካላት በጋራ ባከናወነው ተግባር ሠላምን ማረጋገጥ ተችሏል ሲሉ ተናግረዋል።

ፖሊስ በሀገራችን የስፖርት እንቅስቃሴ ታሪክ ጉልህ አስተዋፅኦ ያበረከተና በተለያዩ ስፖርት ዘርፎች ሀገርን ያስጠሩ ስፖርተኞች የተገኙበት ተቋም መሆኑንም ገልፀዋል። በተጨማሪም ፌስቲቫሉ ፖሊስ በስፖርት የዳበረ አካላዊ ብቃትን ተላብሶ ተልዕኮውን በላቀ ሁኔታ እንዲወጣ ያግዘዋል ሲሉ አቶ ሞገስ ባልቻ ተናግረዋል።

የአዲስ አበባ ከተማ አስተዳደር ወጣቶች እና ስፖርት ቢሮ ኃላፊ አቶ በላይ ደጀን በበኩላቸው ስፖርትና ፖሊስ የማይነጣጠሉ የአንድ ሳንቲም ሁለት ገፅታ መሆናቸውን ገልፀው ፖሊስ በሀገራችን የስፖርት እድገት ውስጥ ጉልህ ሚና እንዳለው እና በዓለም አቀፍ መድረክ የሀገራችንን ክብር ከፍ ያደረጉ ስፖርተኞች የተገኘበት ተቋም መሆኑን ጠቅሰዋል።

አቶ በላይ ደጀን አያይዘው ፣ መሰል ውድድር የአባላትን ጓዳዊ ትስስር የሚያሳድግ በመሆኑ ለወደፊቱ ተጠናክሮ ሊቀጥል ይገባል ብለዋል። የአዲስ አበባ ፖሊስ ለሚያከናውነው ስፖርታዊ እንቅስቃሴ የከተማው ስፖርት ቢሮ አስፈላጊውን ድጋፍ እንደሚያደርግ አቶ በላይ ደጀን ገልፀዋል።

የአዲስ አበባ ፖሊስ ኮሚሽነር ጌቱ አርጋው፣ ባደረጉት ንግግር ለፖሊሳዊ ተልዕኮ ስኬት ስፖርታዊ እንቅስቃሴ ወሳኝ መሆኑን የተረዳው ፖሊስ የሚያበረታታ መነቃቃት ላይ እንደሚገኝ ገልፀው ስፖርት የፖሊስ አባላት ህብረተሰቡን በብቃት እንዲያገለግሉ የሚያበረክተው አስተዋፅኦ ቀላል የሚባል አይደለም ሲሉ ተናግረዋል።

አዲስ አበባ ፖሊስ በስፖርቱ ዘርፍ በሀገር አቀፍና በዓለማቀፍ መድረክ ተሳታፊ የሆኑ ስፖርተኞችን ከማስመረጥ ባለፈ የበርካታ ሜዳሊያዎችና ዋንጫዎች ባለቤት በመሆን ውጤታማ ነው ያሉት ኮሚሽነር ጌቱ ውጤታማነቱ ተጠናክሮ እንደሚቀጥል ገልፀው ከስፖርት ፌስቲቫልና ወድድሩ ጠንካራ፣ አሸናፊና ተተኪ ስፖርተኞችን ማፍራት በቀጣይ የሚጠበቅ ነው ብለዋል። አያይዘውም ለዚህ ውድድር መሳካት አስተዋፅኦ ላበረከቱ አካላት በሙሉ ኮሚሽነሩ ምስጋናቸውን አቅርበዋል።

የአዲስ አበባ ፖሊስ የኮሚሽን ፅ/ቤት ኃላፊና የስታፍ ዳይሬክቶሬት ዳይሬክተር ምክትል ኮሚሽነር አህመዲን ጀማል የዕለቱን መርሀ-ግብር ካስተዋወቁ በኃላ " ስፖርታዊ እንቅስቃሴ ለላቀ ፖሊሳዊ አገልግሎት " በሚል መሪ ቃል መካሄድ የጀመረው የአዲስ አበባ ፖሊስ ከተማ አቀፍ የስፖርት ፌስቲቫልና ውድድር በቀጣይ ቀናት በእግር ኳስ፣ በአትሌቲክስ፣ በገመድ ጉተታ፣ በጠረጴዛ ቴኒስ፣ በዳርትና በሌሎች የስፖርት ዓይነቶች በጠንካራ ፉክክር እንደሚቀጥል ገልፀው በቀጣይም ለ19ኛው ሀገር አቀፍ የመላው ፖሊስ ስፖርት ውድድር ከተማ አስተዳደሩን በሁሉም የስፖርት መስኮች የሚወክሉ ስፖርተኞች የሚመረጡበት እንደሚሆንም አክለው ገልፀዋል።
*
ዘገባ፦ ሳጅን ኤርሚያስ ዘውዴ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ክብርት ከንቲባ አዳነች አቤቤ ለ340 የፖሊስ እና ሌሎች የጸጥታ አካላት የመኖሪያ ቤት አስተላለፉ
***
የአዲስ አበባ ከተማ ክብርት ከንቲባ አዳነች አቤቤ ለ340 የፖሊስ እና ሌሎች የጸጥታ አካላት የመኖሪያ ቤት ማስተላለፋቸውን በማህበራዊ ትስስር ገፃቸው አስታውቀዋል፡፡

2ኛውን ዙር የኮሪደር ልማት ለመተግበር የፖሊሶችን ካምፕ ስንጎበኝ የሰራዊቱ አባላት ካምፕ ውስጥ ከቤተሰቦቻቸው እና ከልጆቻቸው ጋር እጅግ በማይመች ሁኔታ ውስጥ እየኖሩ መሆኑን በመረዳት ለነዋሪዎች እንዳደረግነዉ ሁሉ ለ340 ቤተሰብ ላላቸው የጸጥታ አካላት የመኖሪያ ቤቶችን አስተላልፈናልም ብለዋል ።

ፖሊስ ቅድሚያ ለህዝብ በማለት ለሀገር ደህንነት ዋጋ እየከፈለ የሚያገለግል እንደመሆኑ መጠን በቀጣይም ለሰራዊቱ ምቹ የኑሮ ሁኔታ እንዲኖረዉ ከተቋሞቻቸዉ እና ከባለድርሻ አካላት ጋር የምንሰራ ይሆናል ብለዋል ከንቲባዋ በመልእክታቸው::

አዲስ አበባን ውብ እና ጽዱ እንዲሁም ለኑሮ ምቹ ለማድረግ እየተሰራ ባለው ስራ ቅድሚያ የነዋሪውን ህይወት ለማሻሻል ትኩረት ተሰጥቶ መሠራቱን የተናገሩት ከንቲባ አዳነች በተለያዩ አካባቢዎች በሚገኙ ካምፖች ሲኖሩ የነበሩ የፌደራል እና የአዲስ አበባ ፖሊስ አባላት የተሻለ ኑሮ መኖር እንዲችሉ ቤቶች እንዲሰጣቸው መደረጉን ተናግረዋል።

የመኖሪያ ቤቶቹን ለጸጥታ አካላት ባስተላለፉበት ወቅት የኢትዮጵያ ፌደራል ፖሊስ የወንጀል መከላከል ጠቅላይ መምሪያ አዛዥ ም/ኮሚሽነር ጄነራል መላኩ ፋንታ፣ የአዲስ አበባ ከተማ አስተዳደር ሠላምና ጸጥታ ቢሮ ኃላፊ ወ/ሮ ሊዲያ ግርማ እንዲሁም የአዲስ አበባ ፖሊስ ጠቅላይ መምሪያ አዛዥ ኮሚሽነር ጌቱ አርጋው ተገኝተዋል።

ከርክክቡ በኋላም የአዲስ አበባ ፖሊስ ጠቅላይ መምሪያ አዛዥ ኮሚሽነር ጌቱ አርጋው ባደረጉት ንግግር የከተማ አስተዳደሩ በየጊዜው ለጸጥታ አካሉ እያደረገ የሚገኘው ድጋፍ ከፍተኛ መሆኑን አስታውቀው መሠል ድጋፎች በተለይም ለጸጥታ አካሉ የተልዕኮ ስኬት አጋዥ እንደሚሆን ጠቁመዋል።

አያይዘውም በዛሬው ዕለት የከተማ አስተዳደሩ ባደረገው ድጋፍ የተሠማቸውን ደስታ በመግለጽ ክብርት ከንቲባንና ካቢኔያቸውን በአዲስ አበባ ፖሊስ እና በራሳቸው ስም ምስጋና አቅርበዋል።

ምቹ ካልሆኑ ካምፖች እንዲነሱ የተደረጉት ከእነዚህ የፖሊስ አባላት ውስጥ ቤተሰብ የመሠረቱት ቅድሚያ ተሰጥቷቸው የቤት ተጠቃሚ መደረጋቸውም ተገልጿል።   
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በሙያ ስነ ምግባርና በአገልጋይነት ስሜት ህዝብን ማገልገል ታላቅ ክብር ነው ሲሉ የአዲስ አበባ ከተማ አስተዳደር ከንቲባ ክብርት ወ/ሮ አዳነች አቤቤ ገለፁ። የአዲስ አበባ ፖሊስ በመደበኛ ፖሊስነት ለ29ኛ ዙር ያሰለጠናቸውን የፖሊስ አባላት አስመርቋል።
***
ጥር 3 ቀን 2017 ዓ/ም ኮልፌ በሚገኘው የአዲስ አበባ ፖሊስ አካዳሚ የምረቃ መርሀ ግብሩ የተካሄደ ሲሆን የአዲስ አበባ ከተማ ከንቲባ ክብርት ወ/ሮ አዳነች አቤቤ፣ የአዲስ አበባ ከተማ ሠላምና ፀጥታ ቢሮ ኃላፊ ወ/ሮ ሊዲያ ግርማ፣ የአዲስ አበባ ፖሊስ ኮሚሽነር ጌቱ አርጋው እንዲሁም በየደረጃው የሚገኙ የአዲስ አበባ ፖሊስ ከፍተኛ የስራ ኃላፊዎች በምረቃ መርሃ ግብሩ ላይ ተገኝተዋል፡፡

የአዲስ አበባ ከተማ አስተዳደር ከንቲባ ክብርት ወ/ሮ አዳነች አቤቤ፤ ባደረጉት ንግግር የአዲስ አበባ ፖሊስ አገልግሎት አሰጣጥ ከጊዜ ወደ ጊዜ እየዘመነ መምጣቱን ገልፀው በተለይም ከለውጡ ወዲህ ተቋሙ በሰው ኃይል እንዲያድግና በቴክኖሎጂ ተግባራት እንዲዘምን ተደርጓል ሲሉ ተናግረዋል።

በየጊዜው እየተወሳሰበ የመጣውን የወንጀል ድርጊት ለመከላከል በርካታ ተግባራት እየተከናወኑ እንደሚገኝ የጠቆሙት ክብርት ከንቲባዋ ከለውጡ ወዲህ የፖሊስ አገልግሎትን ተደራሽ ለማድረግ የፖሊስ ጣቢያዎችን ቁጥር መጨመርና መምሪያዎችን የማስፋፋት ስራ ተሰርቷል ሲሉም ገልፀዋል። ከንቲባዋ አክለውም የአዲስ አበባ ፖሊስ የከተማችንን ሠላም በዘላቂነት ለማረጋገጥ ከፀጥታ አካላትና ከህብረተሰቡ ጋር በመቀናጀት ተልዕኮውን እየተወጣ እንደሚገኝ አስታውቀው የዛሬ ተመራቂ ፖሊሶችም ከህዝብ የወጣችሁ የህዝብ ልጆች እንደመሆናችሁ መጠን በስነ ምግባር፣ በክህሎት፣ በአገልጋይነት መንፈስ ህዝብን ማገልገል ከተልዕኮ በላይ ታላቅ ክብር በመሆኑ በስልጠና ያገኛችሁትን ዕውቀት በተግባር መተርጎም ይጠበቅበችኋል ብለዋል። አይይዘውም የአዲስ አበባ ፖሊስ አካዳሚን ወደ ኮሌጅ ደረጃ ለማሳደግ እየተከናወነ የሚገኘው ተግባር የሚበረታታ መሆኑን የገለፁት ክብርት ከንቲባዋ ለተቋሙ የተልዕኮ ስኬት ከተማ አስተዳደሩ በማንኛውም መልኩ ድጋፉን አጠናክሮ እንደሚቀጥል አስታውቀዋል።

የአዲስ አበባ ፖሊስ ኮሚሽነር ጌቱ አርጋው በበኩላቸው የአዲስ አበባ ፖሊስ አካዳሚ ከለውጡ ወዲህ ለ9ኛ ጊዜ ምልምል ፖሊሶችን አሰልጥኖ ማስመረቁን ገልፀው ከተማችን አዲስ አበባ ስሟን በሚመጥን መልኩ እየዘመነችና እያደገች እንደመሆኗ መጠን እየተከናወነ የሚገኘው የልማት ስራ ውጤታማ እንዲሆን የአዲስ አበባ ፖሊስ የፀጥታ ስራውን በላቀ ደረጃ እያከናወነ እንደሚገኝ ጠቁመው በዚህም ባለፉት ስድስት ወራት ከባድ ወንጀልን መቀነስ እንደተቻለ አብራርተዋል።

በአዲስ አበባ ፖሊስ እየተከናወኑ ከሚገኙ የሪፎርም ስራዎች መካከል ጥራት ያለው የሰው ኃይል ማፍራት፣ የሎጀስቲክ አቅምን ማሳደግና ዘመኑን የዋጀ የቴክኖሎጂ ውጤቶችን መጠቀም በዋናነት እንደሚጠቀሱ ኮሚሽነር ጌቱ ጠቁመው፤ አዲስ አበባ ሦስተኛዋ የዲፕሎማት ከተማ፣ የበርካታ አለም ዓቀፍ ተቋማት መገኛ እና ልዩ ልዩ ኃይማኖታዊና ህዝባዊ የአደባባይ በዓላት የሚከበሩባት ከተማ እንደመሆኗ መጠን ይህን የሚመጥን የፖሊስ ኃይል ገንብተናል ሲሉ ኮሚሽነር ጌቱ ተናግረዋል።

የፖሊስን አገልግሎት ሁሉም በእኩልነት የሚፈልጉት ሙያ በመሆኑ የዛሬ ተመራቂዎች ይህን ለማሳካት ጠንክራችሁ ልትሰሩ ይገባልም ብለዋል። አዲስ አበባ ከተማን ሠላሟ የተረጋገጠ ለማድረግ የአዲስ አበባ ፖሊስ ዘመኑ የሚዋጀውን ቴክኖሎጂ ከመጠቀም ባሻገር በሰው ኃይል ተደራሽ በመሆን በሙያ የአገልግሎት ጥራትን በማረጋገጥ የበቃ ፖሊስ ለማፍራት ሌት ተቀን እየሰራ እንደሚገኝ የገለፁት የአዲስ አበባ ፖሊስ አካዳሚ ዳይሬክተር ም/ኮሚሽነር ተከታይ ያዜ ለ29ኛ ዙር ሲሰለጥኑ የነበሩ 536 ወንድ እና 238 ሴት በድምሩ 874 ምልምል የፖሊስ አባላትን ማስመረቅ እንደተቻለ ገልፀዋል። የሰልጠና አካዳሚውን ወደ ኮሌጅ ለመቀየር በርካታ ተግባራት እንደተከናወነ የገለፁት ም/ኮሚሽነር ተከታይ ያዜ የተቀላጠፈ እና ተደራሽ የሆነ ፖሊሳዊ አገልግሎት ለመስጠት እንዲያስችል ብቃት ያለው የፖሊስ አባላት ከማፍራት አንፃር አካዳሚው እያከናወነ ያለውን ተግባር አጠናክሮ እንደሚቀጥል ገልፀዋል።
ያነጋገርናቸዉ አሰልጣኝና ተመራቂዎች በበኩላቸው የተሰጣቸውን የአካል ብቃትና ፖሊሳዊ ትምህርቶችን ወደ ተግባር በመቀየር የተሰጣቸውን ኃላፊነት በመልካም ስነ ምግባር ለመወጣት መዘጋጀታቸውን ገልፀዋል።
*
ዘገባ፦ ሳጅን ኤርሚያስ ዘውዴ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የአዲስ አበባ ፖሊስ ጥር 3 ቀን 2017 ዓ.ም ለ29ኛ ዙር ያሰለጠናቸውን መደበኛ የፖሊስ አባላትን እያስመረቀ ይገኛል።
***
የአዲስ አበባ ከተማ ከንቲባ ክብርት አዳነች አቤቤ፣ የአዲስ አበባ ከተማ ሠላምና ፀጥታ ቢሮ ኃላፊ ወ/ሮ ሊዲያ ግርማ፣ የአዲስ አበባ ፖሊስ ኮሚሽነር ጌቱ አርጋው እንዲሁም በየደረጃው የሚገኙ የአዲስ አበባ ፖሊስ የስራ ኃላፊዎች በምረቃ መርሃ ግብሩ ላይ ተገኝተዋል፡፡
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የተሰረቁ ስልኮችን እንደሚገዛ የተጠረጠረን ግለሰብ በቁጥጥር ስር ማዋሉን የጉለሌ ክ/ከተማ ፖሊስ መምሪያ አስታወቀ ።
***
ከህብረተሰቡ በመጣ ጥቆማ ህጋዊ የንግድ ፈቃድን ሽፋን በማድረግ የተሰረቁ ሞባይል ስልኮችን ይገዛል በሚል የተጠረጠረውን ግለሰብ በቁጥጥር ስር በማዋል ተገቢውን ምርመራ እያጣራ መሆኑን የጉለሌ ክ/ ከተማ ፖሊስ መምሪያ አስታውቋል ።

ታህሳስ 8 ቀን 2017 ዓ/ም ከቀኑ 9:00 ሠዓት በጉለሌ ክ/ከተማ ወረዳ 5 ልዩ ቦታው አስኮ ገብርኤል ተብሎ በሚጠራው አካባቢ ፖሊስ ከህብረተሰቡ የደረሰውን ጥቆማ መነሻ በማድረግና ተገቢውን የፍርድ ቤት የመያዣና የብርበራ ትዕዛዝ በማውጣት በተጠርጣሪው ሞባይል ጥገና ሱቅ ውስጥ ባደረገው ብርበራ የተለያየ ሞዴል ያላቸውን 30 ተቀሳቃሽ ስልኮችን እና ሁለት ታብሌቶችን ከነተጠርጣሪው ይዞ ምርመራ እያጣራ እንደሚገኝ ተገልጿል ።

ተመሳሳይ ወንጀል ተፈጽሞብኛል የሚል ካለ አስኮ አካባቢ ፖሊስ ጣቢያ በአካል በመቅረብ የተሠረቀበትን ስልክ መለየትና መረከብ የሚቻል ሆኖ ህብረተሰቡ መሠል የወንጀል ድርጊቶችን ለመከላከል በተለያዩ መንገድ የተሰረቁ ንብረቶችን ባለመግዛት ፖሊስ እየሰራ ያለውን የወንጀል መከላከል ስራ ማገዝ እንደሚኖርበትም የአዲስ አበባ ፖሊስ መልዕክቱን ያስተላልፋል።
*
ዘገባ፦ ሳጅን ፈለጉሽ አሻግሬ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የ2017 ዓ/ም የገና በዓል የፀጥታ ማስከበር ተግባራትን አስመልክቶ ለጥምር የፀጥታ አካላት አመራር የሥራ መመሪያ ተሰጠ።
***
ጥምር የፀጥታ አካላት አመራር የ2017 ዓ/ም የገና በዓል የፀጥታ ማስከበር ተግባራትን አስመልክቶ ታህሳስ 25/2017 ዓ/ም በአዲሰ አበባ ፖሊስ ሠላም አዳራሽ ለአመራሩ የሥራ መመሪያ ተሰጥቷል። በመድረኩ የህግ ማስከበሩን ሥራ በውጤት ለማከናውን የሚያስችል ዕቅድ ቀርቦ ውይይት ተደርጎበታል።

ውይይቱን የመሩትና መመሪያ የሰጡት የፌዴራል ፖሊስ ወንጀል መከላከል ጠቅላይ መምሪያ አዛዥ ም/ኮሚሽነር ጀነራል መላኩ ፋንታ ባስተላለፉት መልዕክት በዓላት ሲከበሩ አሉታዊ ፍላጎት ያላቸው ግለሰቦችም ሆኑ ቡድኖች እንደመልካም አጋጣሚ እንዳይጠቀሙበት ከሚከናወነው መደበኛ የወንጀል መከላከል ስራ ጎን ለጎን የህብረተሰቡን አቅም መጠቀም ፈፅሞ መዘንጋት የሌለበት ሥራ መሆኑን አስታውቀው ቅንጅታዊ የሥምሪት አቅጣጫን በመከተል ጠንካራ የወንጀል መከላከል ተግባር ማከናወን እንደሚገባ አስታውቀዋል። አያይዘውም የፀጥታ አካላቱ ዋና ግብ በህግ የበላይነት ሠላምና ፀጥታን ማረጋገጥ በመሆኑ ሁሉም አመራርና አባል ይህን ተገንዝቦ በዓሉ በሠላም እንዲከበር እንደ ከዚህ ቀደሙ ኃላፊነቱን በብቃት ሊወጣ እንደሚገባ መመሪያ ሰጥተዋል፡፡

የአዲስ አበባ ከተማ አስተዳደር ሠላምና ፀጥታ ቢሮ ኃላፊ ወ/ሮ ሊዲያ ግርማ በበኩላቸው ጥምር የፀጥታ ኃይሉ ተቀናጅቶ በመስራቱ ስኬታማ መሆን እንደተቻለ ተናግረው የከተማችንን ሠላምና ፀጥታ በማረጋገጥ በኩል የድርሻውን እየተወጣ የሚገኘው የሠላም ሠራዊት እንደ ሁልጊዜው ከፀጥታ አካላቱ ጋር ተቀናጅቶ ኃላፊነቱ ለመወጣት ዝግጁ ነው ብለዋል፡፡ በዓሉ በሠላም እንዲከበር ሁሉም የድርሻውን እንዲወጣ ለማስቻል ከማህበረሰቡ፣ ከኃይማኖት አባቶች እና የበአሉ ጉዳይ ከሚመለከታቸው አደረጃጀቶች ጋር መድረክ ተዘጋጅቶ ውይይት መደረጉንም ተናግረዋል፡፡

የመረጃ ሥርዓትን በማጠናከር የሥምሪት አቅጣጫን ከበዓሉ አከባበር ሁኔታ አንፃር በማየት የሥምሪት አቅጣጫ መከተል እንደሚገባ ያስገነዘቡት ደግሞ የአዲስ አበባ ፖሊስ ኮሚሽነር ጌቱ አርጋው የገና በዓልን በተመለከተ ከሚከናወኑት ቅድመ ወንጀልና ትራፊክ አደጋ መከላከል ሥራዎች ባሻገር ለፀጥታ ስጋት የሆኑ ቦታዎችን በጥናት በመለየት ጠንካራ ስራዎች እየተሰሩ መሆኑን ጨምረው ገልፀዋል፡፡

በእምነት ቦታዎች፣ በገበያ ስፍራዎች፣ በመዝናኛና በትራንስፖርት መጠበቂያ ስፍራዎች እና ሌሎች የህዝብ እንቅስቃሴ በሚበዛባቸው አካባቢዎች ግርግሩን እንደ መልካም አጋጣሚ ተጠቅመው ወንጀል ለመፈፀም የሚንቀሳቀሱ ግለሰቦችን ለመቆጣጠር በቂ የፀጥታ ኃይል መመደቡን ኮሚሽነሩ ተናግረው የፀጥታ ስራው በቴክኖሎጂ እየታገዘ እንደሚከናወንም ጨምረው ገልጸዋል፡፡
በግብይት ወቅት የሚከሰቱ የስርቆት ወንጀሎችን፣ የሀሰተኛ ገንዘብ ኖት ስርጭት እንዲሁም ህገ-ወጥ የዋጋ ንረትን ለመከላከል በሚደረጉ ጥረቶች እና በዓሉ በሠላም እንዲከበር ለማስቻል ህብረተሰቡ የተለመደ ትብብሩን ሊያደርግ እንደሚገባ ኃላፊዎቹ አሳስበዋል፡፡

አልኮል ጠጥተው የሚያሽከረክሩ አሽከርካሪዎችን ከሚመለከታቸው ባለድርሻ አካላት ጋር በመቀናጀት ከሚደረገው ቁጥጥር ባሻገር ለመንገድ ትራፊክ አደጋ በሚያጋልጡ ደንብ መተላለፎች ላይ ተገቢው ትኩረት ተሰጥቶት እንደሚሰራ በውይይቱ ላይ ተገልፆል።

በመጨረሻም በዓሉ የሠላምና የደስታ እንዲሆን መላው የፀጥታ ተቋማት መልካም ምኞታቸውን ገልፀው ህብረተሰቡ ለሠላም እንቅፋት የሆኑ አጠራጣሪ ነገሮች ሲያጋጥሙት በ011-1-26-43-59 ፣ 011-5-52-63-02/03፣ 011-5-52-40-77፣ 011-5-54-36-78 እና 011-5-54-36-81 እንዲሁም በ987፣ 991 እና 816 ነፃ የስልክ መስመሮች ጥቆማ በመስጠትና አስፈላጊውን ትብብር በማድረግ የበኩሉን ድርሻ እንዲወጣ መልዕክት አስተላልፏል።
*

ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ጤነኛ የሆነን ታዳጊ ህመምተኛ አስመስላ በማጭበርበር ስትለምን የነበረች ግለሰብ በእስራት መቀጣቷን የጉለሌ ክ/ከተማ ፖሊስ መምሪያ አስታወቀ፡፡
***
በከተማችን በተለያዩ ጊዜያት ያልተገባ ጥቅም ለማግኘት ሲሉ ሙሉ ጤነኛ ሆነው ሳለ ህመምተኛ በመምሰልና በማስመሰል ህብረተሰቡን ሲያጭበረብሩ የነበሩ ግለሰቦችና ተባባሪዎቻቸው በእስራት መቀጣታቸው ይታወቃል፤ በተመሳሳይም ህዳር 10 ቀን 2017 ዓ/ም በጉለሌ ክ/ከተማ ወረዳ 8 አካባቢ ተከሳሽ እማዋይ የተባለች ግለሰብ ወንድሜ መናገርም ሆነ መንቀሳቀስ አይችልም በማለት በዊልቸር ላይ አስተኝታ ስትለምንበት በቦታው በነበሩ የደንብ ማስከበር ባለሙያዎች ተይዛ ለፖሊስ ተላልፋ ተሰጥታለች፡፡

የጉለሌ ክ/ከተማ ፖሊስ መምሪያም ተጠርጣሪዋን ተረክቦ ተገቢውን ምርመራ የማጣራት ተግባር ሲከውን ቆይቷል፡፡ ፖሊስ በምርመራ መዝገቡ ላይ የግል ተበዳይ የሰባት ዓመት ታዳጊና የተከሳሽ ወንድም ሲሆን ከትውልድ አካባቢው ወደ አዲስ አበባ ትምህርት ላስተምረው በማለት አምጥታ መለመኛ ማድረጓንም ያትታል፡፡

ፖሊስ የተከሳሿን የምርመራ መዝገብ በተገቢው የሰውና የሰነድ ማስረጃ በማደራጀት ለዐቃቤ ህግ በማቅረቡ የፌደራሉ የመጀመሪያ ደረጃ ፍርድ ቤት አራዳ ምድብ 3ኛ ወንጀል ችሎት ተከሳሿን ያርማል ሌሎችን ከመሰል ድርጊታቸው እንዲቆጠቡ ያስተምራል ሲል በ6 ወር ቀላል እስራት እንድትቀጣ ወስኖባታል፡፡

በተለያዩ ቦታዎች ላይ መሠል የወንጀል ድርጊቶች እንደሚፈፀሙ ያስታወቀው ፖሊስ ህብረተሰቡ አጠራጣሪ ሁኔታ ሲያይ እንደተለመደው ለፀጥታ አካላት በመጠቆም ተባባሪነቱን አጠናክሮ እንዲቀጥል የአዲስ አበባ ፖሊስ መልዕቱን አስተላልፏል ።
* 
ዘገባ፦ ሳጅን ፈለጉሽ አሻግሬ
*

ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የፈረንጆች አዲስ ዓመት በዓልን ምክንያት በማድረግ ርችት እንደሚተኮስ የኢ.ፌ.ዴ.ሪ ብሔራዊ መረጃና ደህንነት አገልግሎት የደህንነትና ልዩ ኦፕሬሽን ዋና መምሪያ ማስታወቁን የአዲስ አበባ ፖሊስ ገለፀ።
***
የኢ.ፌ.ዴ.ሪ ብሔራዊ መረጃና ደህንነት አገልግሎት የደህንነትና ልዩ ኦፕሬሽን ዋና መምሪያ ለአዲስ አበባ ፖሊስ በላከው ደብዳቤ እንዳስታወቀው ዛሬ ታህሳስ 22 ቀን 2017 ዓ/ም የሚከበረውን የፈረንጆቹን የአዲስ ዓመት ዋዜማ በዓል ምክንያት በማድረግ ከሌሊቱ 6:00 እስከ 6:15 ሰዓት ላይ በሸራተን ሆቴል ርችት ይተኮሳል፡፡

በመሆኑም ህብረተሰቡ ተገቢው መረጃ እንዲኖረው ሲል የአዲስ አበባ ፖሊስ አስታውቋል፡፡
*
ዘገባ፦ ረ/ኢንስፔክተር ዳዊት እርገጤ   
*  
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ለ42ኛ ጊዜ የተካሄደው ጆርካ የአዲስ አበባ ጃንሜዳ ሀገር አቋራጭ 1ኛ እና 2ኛ ዲቪዚዮን ውድድር ላይ የተሳተፈው የአዲስ አበባ ፖሊስ አትሌቲክስ ቡድን ውድድሩን በአጥጋቢ ውጤት አጠናቀቀ።
***
ታህሳስ 20 ቀን 2017 ዓ/ም ለ42ኛ ጊዜ የተዘጋጀው ጆርካ አዲስ አበባ  ጃንሜዳ ሀገር አቋራጭ 1ኛ እና 2ኛ ዲቪዚዮን  ሩጫ ወድድር ላይ የተሳተፈው የአዲስ አበባ ፖሊስ አትሌቲክስ ቡድን በተለያዩ ርቀቶች የተወዳደረ ሲሆን በተወዳደረባቸው የተለያዩ ርቀቶች 3ወርቅ፣ 2ብር ፣3ነሀስ ሜዳሊያና በ4ተኛ ደረጃ ሁለት የዲኘሎማ እንዲሁም ሁለት ዋንጫ በ 8ኪ.ሜ ድብልቅ ሪሌ ሁለተኛ ዲቪዚዮን እና በወንዶች በ10ኪ.ሜ  በሁለተኛ ዲቪዚዮን አንደኛ ደረጃ የዋንጫ ተሸላሚ በመሆን ውድድሩን አጠናቋል።

በ5 የአትሌቲክስ ዘርፍ 49 ተወዳዳሪዎችን ይዞ የቀረበው የአዲስ አበባ ፖሊስ አትሌቲክስ ቡድን ያስገኘው ውጤት ለቀጣይ ውድድሮች ጠንካራና ደካማ ጎናችንን ያየንበት ነው ያሉት የአትሌቲክስ ቡድኑ ዋና አሰልጣኝ ረ/ኢ/ር ጥጋቡ አሰፋ ያገኙት ውጤት አመርቂ እንደሆነም ተናግረዋል።

ተወዳዳሪዎች ውድድሩ አስደሳች እንደነበር እና ተቋማቸውን ወክለው ባመጡት ውጤት ደስተኛ መሆናቸውን ገልፀው ቀጣይ ከዚህ በበለጠ በመስራትና በተለያዩ ውድድሮች ላይ በመሳተፍ ከዚህ በተሻለ ጠንክሮው በመወዳደር የተቋማቸውን ስም ከፍ ለማድረግ እንደሚሰሩ ገልፀዋል።

የአዲስ አበባ ፖሊስ በተለያዩ የስፖርት ዘርፎች ተተኪና ብቁ ስፖርተኞችን ለሀገር በማፍራት ረገድ እያደረገ ያለውን እንቅስቃሴ እና እያበረከተ ያለው አስተዋጽኦ ከፍተኛ መሆኑን እና ለሌሎች ተቋማት ተምሳሌት እንደሆነም በአዲስ አበባ አትሌትክስ ፌዴሬሽን የቴክኒክ ሰብሳቢ የሆኑት አትሌት ኮማንደር አበበ መኮንን ገልፀዋል።
*
ዘገባ፦ ሳጅን ጤናው ፈጠነ
*  
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ህፃን ልጅ ጠፍቶብኛል የሚል ግለሰብ አራዳ ክፍለ ከተማ ፖሊስ መምሪያ ቀርቦ መረከብ ይችላል ተብሏል
***
ዕድሜው በግምት 1 ዓመት ከ6 ወር የሚሆነው ህፃን ታህሳስ 7 ቀን 2017 ዓ/ም በአራዳ ክፍለ ከተማ ወረዳ 1 ልዩ ቦታው አድዋ ሙዚየም አካባቢ መገኘቱን የክፍለ ከተማው ፖሊስ መምሪያ ለክፍላችን በፃፈው ደብዳቤ ጠቅሷል፡፡

ህፃኑ በአሁኑ ሰዓት በህጻናት ማሳደጊያ ተቋም ውስጥ እንደሚገኝ የገለፀው ፖሊስ መምሪያው፤ የህፃኑ ወላጆች ወይም አሳዳጊዎች አራዳ ክፍለ ከተማ ፖሊስ መምሪያ በአካል ቀርበው በማነጋገር ህፃኑን መረከብ እንደሚችሉ አስታውቋል፡፡
*
ዘገባ፦ ኢንስፔክተር ተዘራ አብሽር  
*  
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በውብድና ወንጀል ተጠርጥሮ የተያዘው ግለሰብ ቤት ውስጥ የህክምና ማይክሮስኮፕ መገኘቱን ፖሊስ ገለፀ።
***
ተጠርጣሪው ግለሰብ ከግብረ አበሩ ጋር በመሆን በንፋስ ስልክ ላፍቶ ክፍለ ከተማ ወረዳ 13 ጀሞ አንደኛ በር ከንጋቱ 12:30 ሰዓት አካባቢ አንዲት ግለሰብ ከቤቷ ወጥታ ወደ ስራ እየሄደች በነበረበት ወቅት አንገቷን አንቀው በመያዝ በአጠቃላይ 117ሺ ብር ግምት ያላቸው ንብረቶችን ሰርቀው ይሰወራል።

ከግል ተበዳይ አቤቱታ የደረሰው ፖሊስም ምርመራ በማጣራት የውንብድና ወንጀል ፈፅመዋል የተባሉትን ሁለቱን ግለሰቦች በህብረተሰቡ ጥቆማ በቁጥጥር ስር ማዋል ችሏል። ፖሊስ ተጠርጣሪዎችን ከያዘ በኋላ የፍርድቤት መበርበሪያ ትዕዛዝ በማውጣት የግል ተበዳይ ተወሰዱብኝ ያለቻቸውን ንብረቶች ለማስመለስ የቤት ብርበራ በሚያደርግበት ወቅት ከአንደኛው ተጠርጣሪ መኖሪያ ቤት ውስጥ ከየት እንደመጣ የማይታወቁ 5 የህክምና ማይክሮስኮፕ ተገኝቷል ሲል ፖሊስ መምሪያው ገልጿል።

የንፍስ ስልክ ላፍቶ ክፍለ ከተማ ፖሊስ መምሪያም እነዚህ ማይክሮስኮፖች ከየት እንደመጡ እና በግለሰብ ደረጃ መያዝ ይቻላል ወይስ አይቻልም የሚለውን ለማረጋገጥ ለኢትዮጵያ ምግብ እና መድኃኒት ባለስልጣን ደብዳቤ የፃፈ ሲሆን ከፖሊስ ደብዳቤው የደረሰው ባለስልጣን መስሪያ ቤቱም በአዋጅ ቁጥር1112/2011 መሰረት የህክምና መሳሪያ መሸጥ የሚቻለውም ሆነ ማንቀሳቀስ የሚቻለው በጤና ዘርፍ የተሰማሩ ህጋዊ ፈቃድ ያላቸው ድርጅቶች እንደሆነ ለፖሊስ በላከው ግብረ መልስ ገልጿል። ስለዚህም በዚህ ተጠርጣሪ ቤት የተገኙት 5 ማይክሮስኮፖች ህገ ወጥ መሆናቸውን አረጋግጧል ብሏል ፖሊስ።

ሁለቱንም ተጠርጣሪዎች ይዞ ምርመራውን እያጣራ እንደሚገኝ የገለፀው ፖሊስ መምሪያው ማይክሮስኮፕ ተሰርቂያለሁ የሚል ድርጅት ወይም ግለሰብ ካለ በንፋስ ስልክ ላፍቶ ክፍለ ከተማ ፖሊስ መምሪያ ቀርቦ ማመልከት ይችላልም ብሏል።
*
ረ/ሳጅን አባይነህ እኔምአየሁ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በተሽከርካሪ በመንቀሳቀስ በተለምዶ ሿሿ የተባለውን ወንጀል የፈፀሙት 3 ተጠርጣሪዎች በቁጥጥር ስር ውለው ምርመራ እየተጣራባቸው እንደሚገኝ የአዲስ አበባ ፖሊስ አስታወቀ። 
***
ተጠርጣሪዎቹ የወንጀል ድርጊቱን የፈፀሙት በአቃቂ ቃሊቲ ክፍለ ከተማ ወረዳ 9 ቂሊንጦ አካባቢ ነው። በአቃቂ ቃሊቲ ክፍለ ከተማ ወረዳ 9 ቂሊንጦ አካባቢ የተጠርጣሪዎቹ  መነሻ ቦታ ሲሆን ኮድ2,A,62663አ.አ ቪትስ ተሽከርካሪ በመያዝ አንድን ግለሰብ መንገድ ስለጠፋብን አሳየን በማለት ወደ ተሽከርካሪያቸው ካስገቡትና 100 ሜትር ያህል ከተጓዙ በኋላ መንገዱን አግኝተነዋል ብለው ከተሽከርካሪው  ያስወርዱታል።

የግል ተበዳይም ከወረደ በኋላ ስልኩ እንደተወሰደበት  ወዲያው በማረጋገጡ ስልኬን ሰርቀውኝ ነው ያዙልኝ እያለና እየጮኸ ይከተላቸዋል። የግለሰቡን የድረሱልኝ ጥሪ የሰሙ በአካባቢው ላይ የነበሩ ግለሰቦች በተሽከርካሪያቸው ሳሪስ አቦ አካባቢ ድረሰ ተከታትለው በአካባቢው ላገኟቸው ፖሊሶች ጉዳዩን አስረድተው ፖሊስ ተከታትሎ  በንፋስ ስልክ ላፍቶ ክፍለ ከተማ ወረዳ 9 ውሃ ጋን አካባቢ ሦስቱንም ተጠርጣሪዎች በቁጥጥር ስር  አውሏቸዋል።

ከንፋስ ስልክ ላፍቶ ክፍለ ከተማ ፖሊስ መምሪያ በተገኘው መረጃ መሠረት ተጠርጣሪዎቹ በቁጥጥር ስር ከዋሉ በኋላ ተሽከርካሪው  ሲፈተሽ የግለ ተበዳይ ተሰረቅኩ ያለው ስልክ መገኘቱን ያስታወቀው ፖሊስ በኮድ2,A,62663 አ.አ ቪትስ በሆነ ተሽከርካሪ እና በነዚህ ሦስት ተጠርጣሪዎች  ወንጀል ተፈፅሞብኛል የሚል ማነኛውም ግለሰብ ወደ ፖሊስ ቀርቦ ማመልከት ይችላል ብሏል።

ህብረተሰቡም በመሰል የወንጀል ድርጊት ሰለባ እንዳይሆን ጥንቃቄ ከማድረጉም ባሻገር ፈፃሚዎችን ሲመለከት ለሚመለከተው የፀጥታ አካል መጠቆም ይኖርበታልም ሲል የአዲስ አበባ ፖሊስ መምሪያ አሳስቧል።
፡
*
ዘገባ፡- ረ/ሳጅን አባይነህ እኔምአየሁ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የኮልፌ ቀራኒዮ ክ/ከተማ ፖሊስ መምሪያ በጥናት ላይ ተመርኩዞ ባደረገው ፍተሻ የተለያዩ ኤግዚቢቶች መያዙን የአዲስ አበባ ፖሊስ አስታወቀ፤ በሌባ ተቀባዮች ላይ የሚደረገው ቁጥጥር ተጠናክሮ እንደሚቀጥልም ፖሊስ አስታወቋል፡፡
***
የኮልፌ ቀራኒዮ ክ/ከተማ ፖሊስ መምሪያ ከህብረተሰቡ የደረሰውን ጥቆማ መነሻ በማድረግ በኮልፌ ቀራኒዮ ክ/ከተማ ወረዳ 9 ልዩ ቦታው ጦር ኃይሎች አካባቢ ጥናትን መነሻ አድርጎ በህግ አግባብ በሞባይል ጥገና ስም በተከፈተ ሱቅ ውስጥ ባደረገው ፍተሻ 29 የተለያዩ መጠን ያላቸው ሞባይል ስልኮች߹ 26 የእጅ ሰዓቶች߹ 6 የእጅ ብራስሌቶችን እና አንድ ተጠርጣሪን በቁጥጥር ስር አውሏል።

ፖሊስ በጀመረው ምርመራ ግለሰቡ ምንም አይነት የንግድ ፈቃድ ሳይኖረው የሞባይል ጥገና አገልገሎት የሚሰጥ በመምሰል የተሰረቁ ሞባይሎችንና  የተለያዩ ቁሳቁሶችን ከሌቦች የሚቀበል ተጠርጣሪ መሆኑን አስታወቋል ፡፡     
በተጠርጣሪው ላይ የሚደረገው ምርመራ የቀጠለ መሆኑን የገለፀው ፖሊስ የተሰረቀ እቃ የሚገዙ ህገ-ወጦች ለወንጀል መስፋፋት መንስኤ በመሆናቸው የሌባ ተቀባዮች ላይ እየተደረገ ያለው ቁጥጥር ተጠናክሮ እንደሚቀጥል አሳስቦ ንብረታቸው የተሰረቀባቸው ግለሰቦች ወደ ኮልፌ ቀራኒዮ ክ/ከተማ ፖሊስ መምሪያ በአካል በመሔድ መረከብ እንደሚችሉ የአዲስ አበባ ፖሊስ ገልጿል፡፡  
*
ለፈጣን መረጃዎች
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የተበላሸና ከባዕድ ነገር ጋር ተቀላቅሎ ወደ ህብረተሰቡ ሊሰራጭ የነበረ በርበሬ በቁጥጥር ስር ዋለ፤ ህብረተሰቡ ለፀጥታ አካላት እያደረገ ያለው እገዛ ተጠናክሮ መቀጠል እንዳለበት ተገልጿል።
***
የተበላሸና ከባዕድ ነገር ጋር ተቀላቅሎ ለህብረተሰቡ ሊሰራጭ የነበረ በርበሬ በቁጥጥር ስር የዋለው በኮልፌ ቀራንዮ ክፍለ ከተማ ወረዳ 7 ልዩ ቦታው ቅዱስ ሚካኤል ቤተክርስቲያን አካባቢ ከሚገኝ መጋዘን ውስጥ ነው።

ከጉዳዩ ጋር በተያያዘ በቁጥጥር ስር የዋለው ግለሰብ በተከራየው መጋዘን ቤት ውስጥ ማንም ሰው በማይጠረጥርበት ሁኔታ የተበላሸና ከተለያዩ ባዕድ ነገሮች ጋር የተቀላቀለ በርበሬን  ወደ ህብረተሰቡ እንደሚያሰራጭ በክፍለ ከተማው ፖሊስ መምሪያ ለቤቴል አካባቢ ፖሊስ ጣቢያ ከህብረተሰቡ በደረሰው ጥቆማ የፍርድ ቤት መበርበሪያ ትዕዛዝ በማውጣትና ከተለያዩ ባለድርሻ አካላት ጋር በመቀናጀት መጋዘን ቤቱ  ሲፈተሽ  ከበርበሬ ጋር ተቀላቅሎ ሊሸጥ የነበረ ባዕድ ነገርና የተበላሸ በርበሬ በቁጥጥር ስር ሊውል መቻሉን የቤቴል አካባቢ ፖሊስ ጣቢያ ወንጀል ምርመራ ማስተባበሪያ ኃላፊ ኢንስፔክተር አየለ ተሾመ ተናግረዋል።

በአዲስ አበባ ከተማ ምግብና መድሀኒት ቁጥጥር ባለስልጣን የኮልፌ ቀራንዮ  ክፍለ ከተማ ቅርንጫፍ  ፅህፈት ቤት የምግብና ጤና ነክ ተቋማት ቁጥጥር ዳይሬክተር አቶ ውበት ተረፈ በበኩላቸው በቁጥጥር ስር የዋለው በርበሬ ትክክለኛ በርበሬ የማይመስልና ለእይታ የሚቀፍ መሆኑን ጠቅሰው ግለሰቡ በርበሬ እያዘጋጀ ለህብረተሰቡ እንዲያከፋፍል ከምግብና መድሃኒት ቁጥጥር ባለስልጣን ፍቃድ እንዳልተሰጠውና የጥራት ማረጋገጫ ሰነድ እንደሌለው ገልፀዋል።

ዳይሬክተሩ አያይዘውም በቁጥጥር ስር የዋለው በርበሬ ወደ ህብረተሰቡ ቢሰራጭ ኖሮ  ከፍተኛ የጤና ጉዳት እንደሚያስከትል ተናግረው በቀጣይም በህብረተሰቡ ጤና ላይ ችግር የሚያመጡ ነገሮች ላይ ከፖሊስና ከተለያዩ ባለድርሻ አካላት ጋር በመቀናጀት በትኩረት እንሰራለን ብለዋል።

የማህበረሰቡ ጉዳት ምንም ሳይሰማቸው በአቋራጭ ለመበልፀግ አስበው በተለያዩ ህገ-ወጥ ተግባራትና ወንጀሎች ላይ የሚሳተፉ ግለሰቦችን ህብረተሰቡ  ጥቆማ ከመስጠት ጀምሮ ለፀጥታ አካላት እያደረገ ያለውን እገዛ አጠናክሮ መቀጠል እንዳለበት የአዲስ አበባ ፖሊስ ጥሪውን አቅርቧል።
*
ዘጋቢ ፦ ዋና ሳጅን ዘላለም አበበ 
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የአቃቂ ቃሊቲ ክፍለ ከተማ ፖሊስ አመራር እና አባላት ለህዳሴ ግድብ እያደረጉ ያለውን ድጋፍ አጠናክረው እንደሚቀጥሉ ገለጹ።
***
የአዲስ አበባ ፖሊስ አመራርና እና አባላት ለኢትዮጵያ ህዳሴ ግድብ ድጋፍ ማድረግ ከጀመሩ ዓመታትን አስቆጥረዋል። የአቃቂ ቃሊቲ ክፍለ ከተማ ፖሊስ አመራር እና አባላትም ህዳር 21/2017 ዓ/ም የሠላም ዋንጫ በሚል ስያሜ የተሰጠውን የህዳሴ ግድብ የገቢ ማሰባሰቢያ ዋንጫ ከቦሌ ክፍለ ከተማ ፖሊስ መምሪያ ተረክበዋል።

በርክክቡ ፕሮግራም ላይ በመገኘት ዋንጫን የተረከቡት የአቃቂ ቃሊቲ ክፍለ ከተማ የማህበረሰብ አቀፍ ፖሊስ አገልግሎት እና የወንጀል መከላከል ምክትል ዳይሬክተር ኮማንደር አባተ አጎ ፖሊስ ወንጀልን አስቀድሞ ከመከላከል ባሻገር በተለያዩ ሀገራዊ የለውጥ ስራዎች ላይ ድጋፋችንን አጠናክረን ቀጥለናል ካሉ በኃላ እንደ ጀመርነው እንጨርሰዋለን በሚል መሪ ቃል የጀመርነውን ለታላቁ ግድባችን መጠናቀቅ የአዲስ አበባ ፖሊስ የጀመረውን ድጋፍ የማድረግ ተግባራችንን እናስቀጥላለን ብለዋል። የፖሊስ ተቀዳሚ ተግባሩ ወንጀልን በመከላከል ሠላምን ማስፈን ቢሆንም ግድቡን በመጨረስ ሌሎች ማህበራዊ ጉዳዮች ላይ ተሳትፎ በማድረግ ኃላፊነታችንን ለመወጣት ዝግጁዎች ነን ሲሉም ኮማንደር አባተ አክለው ተናግረዋል።

የቦሌ ክፍለ ከተማ ከአዲስ አበባ ፖሊስ ዋንጫውን ተቀብሎ ለሦስት ወራት ገቢ ሲያስባስብ መቆየቱን የገለፁት በቦሌ ክፍለ ከተማ የጨፌ አካባቢ ፖሊስ ጣቢያ አዛዥ ምክትል ኮማንደር ኤፍሬም አለሙ የአቃቂ ክፍለ ከተማ ፖሊስ አመራር እና አባላት ከኛ በተሻለ መልኩ ገቢ በማሰባሰብ ለህዳሴው ግድብ አጋርነታቸውን እንደሚያሳዩ እምነት አለኝ ብለዋል።

ያነጋገርናቸው የአቃቂ ቃሊቲ ክፍለ ከተማ ፖሊስ አባላት በበኩላቸው ለህዳሴው ግድብ ከዚህ ቀደምም ቦንድ በመግዛት ድጋፍ ሲያደርጉ እንደነበር አስታውሰው አሁን የህዳሴ ግድቡ እስኪጠናቀቅ ድረስ ድጋፋቸውን አጠናክረው እንደሚቀጥሉም ገልፀዋል።
*
ዘገባ፦ ረ/ሳጅን አባይነህ እኔማየሁ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የአዲስ አበባ እና የድሬዳዋ ፖሊስ ኮሚሽሮች በቻይና ቤይጂንግ የሀገራት ዋና ከተሞች የህዝብ ደህንነት 2024 ጉባኤ ላይ በመገኘት በአዲስ አበባ ከተማ የሚከናወኑ የፀጥታና ደህንነት ሥራዎች ምርጥ ተሞክሮዎችን ማቅረባቸው ተገለፀ።
***
ከአፍሪካና ከመላው ዓለም የተውጣጡ የአስራ ስምንት ሐገራት የፖሊስና የፀጥታ አካላት የተሳተፉበት የሀገራት የዋና ከተሞች የህዝብ ደህንነት 2024 ጉባዔ (Metropolitan Public Security conference 2024) በቻይናዋ ዋና ከተማ ቤይጂንግ ተካሂዷል፡፡

እ.ኤ.አ. ከDEC 25-27 በተካሄው ጉባዔ ላይ ኢትዮጵያን በመወከል የአዲስ አበባ ፖሊስ ኮሚሽነር ጌቱ አርጋውና የድሬዳዋ ፖሊስ ኮሚሽነር ዓለሙ መግራ በጉባዔው ላይ ተሳትፈዋል፡፡ በህዝባዊ ቻይና ሪፐብሊክ ምክትል የህዝብ ደህንነት የተከበሩ ሺ ያንጁን ኢትዮጵያን ወክለው በጉባዔው ላይ ለተሳተፉት የአዲስ አበባና ድሬዳዋ ፖሊስ ኮሚሽነሮች የክብር አቀባበል አድርገውላቸዋል፡፡

በጉባዔው ላይ የአዲስ አበባን የፀጥታና ደህንነት አጠባበቅ ( Best practices of Addis Ababa) በሚል ርዕሰ - ጉዳይ ላይ ያተኮረ ተሞክሮ ለሀገራቱ ዋና ከተማ ተወካዮች በገለፃ ያቀረቡት የአዲስ አበባ ፖሊስ ኮሚሽነር ጌቱ አርጋው አዲስ አበባ ፖሊስ የከተማዉን ፀጥታና ደህንነት ለማረጋገጥ በተለይም የአደንዛዥ ዕጽ ዝውወር߹ ህገ-ወጥ የጦር መሳሪያ ዝውውርንና ሌሎች ወንጀሎችን ከመቆጣጠር አንፃርና የከተማችንን ፀጥታ ለማስጠበቅ የተከናወኑ ውጤታማ ተግባራትና የቴክኖሎጂ አጠቃቀማችንን በተመለከተ ተሞክሮ አቅርበዋል።

የአዲስ አበባ ፖሊስ ኮሚሽነር ጌቱ አርጋው በህዝባዊ ቻይና ሪፐብሊክ ከምክትል የህዝብ ደህንነት ሺ ያንጁን ጋር አዲስ አበባ ፖሊስ ከቤጂንግ ፖሊስ ጋር ቀጣይ በሚኖረው የትብብር ግንኙነት ዙሪያ የጎንዮሽ ውይይቶች አድርገዋል። የዜጎችን ሠላምና ደህንነት በማስጠበቅ ዙሪያ በፀጥታ ኃይሉ የሚከናወኑ ተግባራት የሀገራችንን የተቀባይነት ደረጃ ያሳየና የአዲስ አበባ ፖሊስ የተልዕኮው ስኬት ማሳያ ነው።

በጉባዔው ፖሊስ በሪፎርም ስራዎቹ ያከናወናቸውን የቴክኖሎጂ እመርታዎች፣ ህገ-ወጥ ገንዘብን ህጋዊ አድርጎ የመጠቀም ወንጀልን ለመቀነስ የተሰሩ የቅድመ ወንጀል መከላከል ሥራዎችን፣ የማህበረሰብ አቀፍ የፖሊስ አገልግሎት ምርጥ ተሞክሮዎችና በተለይም እንደ ፀጥታ ተቋም የሽብርተኝነት ወንጀልን ለመከላከል እየተከናወኑ የሚገኙ ውጤታማ ተግባራትን ለጉባዔው ተሳታፊዎች ኮሚሽነር ጌቱ አርጋው በገለጻቸው አቅርበዋል፡፡

ጉባዔው አዲስ አበባ በዓለም አቀፍ ደረጃ ያላትን ሁሉን አቀፍ ተቀባይነት ወደ ላቀ ደረጃ ለማድረስ ምቹ መደላድልን የፈጠረ ከመሆኑም ባሻገር የአዲስ አበባ ሠላማዊነት ከተማዋ ለቱሪዝም መዳረሻነት ያላት ተመራጭነት ያስተዋወቀ ጉባዔ እንደነበረ ተገልጿል፡፡
ባለፈው ወር በተከበሩ ሺ ያንጁን የህዝባዊ ቻይና ሪፐበሊክ ምክትል የህዝብ ደህንነት የተመራ የልዑካን ቡድን በአዲስ አበባ ፖሊስ የስራ ጉብኝት ማድረጉ የሚታወስ ነው፡፡
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በሴቶችና ህጻናት ላይ በበይነ መረብ የሚፈጸሙ ወንጀሎችና ጥቃቶችን ለመከላከል ለአዲስ አበባ ፖሊስ የወንጀል ምርመራ አመራሮችና አባላት የአቅም ግንባታ ስልጠና ተሰጠ።
***
የአዲስ አበባ ፖሊስ በሴቶችና ህጻናት ላይ የሚፈጸሙ ወንጀሎችና ጥቃቶችን ለመከላከል እና ወንጀሎች ከተፈፀሙ በኋላም ተገቢውን የምርመራ ስራ በመስራት ወንጀል ፈጻሚዎችን በህግ ተጠያቂ ለማድረግ ከፍትህ ሚኒስቴር፣ ከጠቅላይ ፍርድ ቤት እና ከዩኒሴፍ ጋር በመተባበር ለአዲስ አበባ ፖሊስ የወንጀል ምርመራ አመራሮች እና አባላት ወቅቱን የጠበቀ የአቅም ግንባታ ስልጠና በቢሾፍቱ ከተማ ተሰጥቷል።

በስልጠና መርሀ ግብሩ ወቅት የመክፈቻ ንግግር ያደረጉት በአዲስ አበባ ፖሊስ የልዩ ልዩ እና የተደራጁ ወንጀሎች ምርመራ ዳይሬክቶሬት ዳይሬክተር ረዳት ኮሚሽነር ሽፈራው ጉቱ እንደገለጹት በሴቶችና ህጻናት ላይ የሚፈፀሙ ወንጀሎችንና ጥቃቶችን ለመከላከልና የምርመራ ስራ ለመስራት የአዲስ አበባ ፖሊስ መንግስታዊና መንግስታዊ ካልሆኑ ተቋማት ጋር በመቀናጀት እየሰራ ይገኛል ብለዋል።

ወንጀል ወይም ጥቃት ተፈፅሞባቸው ወደ ፖሊስ የሚመጡ ሴቶችና ህጻናትን በመቀበል ከምርመራ ስራ ጎን ለጎን ተጠቂዎቹን ከሚመለከታቸው መንግስታዊና መንግስታዊ ካልሆኑ ተቋማት ጋር በመቀናጀት የህክምና፣ የስነ ልቦና፣ እና የህግ አገልግሎት እንዲያገኙ የማድረግ ስራ የአዲስ አበባ ፖሊስ እየሰራ እንደሚገኝ ረዳት ኮሚሽነር ሽፈራው ጉቱ ገልጸዋል።

የመርማሪ ፖሊስ አመራር እና አባላትን የተሻለ የህግ እውቀት፣ ጠንካራ የጉዳይ አስተዳደርና ተጎጂን አነጋግሮ ምላሽ መስጠት የሚችሉበትን ክህሎት ለማዳበር ከሚመለከታቸው አካላት ጋር በመነጋገር የተሰጠ ስልጠና መሆኑን የጠቀሱት ረዳት ኮሚሽነር ሽፈራው በአሁኑ ሰዓት በዓለም አቀፍ ደረጃ ከፍተኛ ስጋት እየሆነ የመጣው በኮምፒዩተር ወይም በበይነ መረብ የሚፈጸሙ ፆታዊ ጥቃቶችና ወንጀሎችን ለመከላከልና ለመመርመር ተቋማችን ከመቼውም ጊዜ በላይ እየሰራ ይገኛል ብለዋል።

በጠቅላይ ፍርድ ቤት የህጻናት ፕሮጀክት ዳይሬክተር ዳኛ ተክለኃይማኖት ዳኜ እንደገለጹት ወንጀሎችና ጾታዊ ጥቃቶች በሴቶችና ህጻናት ላይ በአካል በማግኘት እና በዲጂታል ቴክኖሎጂዎችን በመጠቀም ይፈጸምባቸዋል ብለዋል። በኮምፒዩተር፣ በስልክ እና በሌሎች ዲጅታል ቴክኖሎጂን በመጠቀም ለህጻናት የማይሆኑ ምስሎችን፣ ይዘታቸው ለህጻናት የማይመጥኑ ቪዲዮችን፣ ወሲባዊ ይዘት ያላቸውን ጉዳዮች መመልከት እና በይዘትና በግንኙነት ስጋት፣ በአጠቃላይ ልጆች ዲጂታል ቴክኖሎጂዎች በመጠቀማቸው ምክንያት የሚያውቋቸውን ወይም የማያውቋቸውን ሠዎች በማግኘት ሊቃጣባቸው የሚችለውን ፆታዊ ጥቃቶችና በደሎች ለመከላከል፣ ለመመርመር፣ ምላሽ ለመስጠት እና ወደ ፍትህ አካል ለማምጣት የሚረዳ ስልጠና መሆኑን ዳኛ ተክለኃይማኖት ዳኜ ገልጸዋል።

በዲጂታል ቴክኖሎጂ አማካኝነት በህጻናት ላይ የሚፈፀመውን ፆታዊ ጥቃትና በደንልን በተመለከተ የህግ ማዕቀፍ ቢኖሩውም በወላጆች እና በልጆች ዘንድ ካለው የግንዛቤ እና እውቀት ማነስ አንጻር ክፍተቶች መኖራቸውን ዳኛ ተክለ
ኃይማኖት ዳኜ ጠቅሰዋል።

ዲጅታል ፎረንሲክን በተመለከተ ስልጠና የሰጡት በኢትዮጵያ ፌደራል ፖሊስ ዩኒቨርስቲ የዲፓርትመንት ሄድ እና መምህር ምክትል ኮማንደር ሲሳይ ተሰማ በበኩላቸው የአዲስ አበባ ፖሊስ በህጻናት ላይ የሚፈጸሙ  ፆታዊ ጥቃቶችና በደሎችን በተመለከተ የምርመራ ስራ ያከናውናል። ወንጀል መርማሪ ፖሊሶች ከመደበኛው ምርመራ ውጭ በበይነ መረብ በህጻናት ላይ የሚፈጸሙ ጥቃቶችን ማስረጃ ለማሰባሰብ፣ ማስረጃ አያያዝ፣ አቀማመጥ፣ ማስረጃ አጠባበቅና አጓጓዝን በተመለከተ የዲጅታል ፎረንሲክ መርሆችን እንዲገነዘቡ ያለመ ስልጠና መሆኑን ገልጸዋል።

በስልጠናው የተሳተፉ የአዲስ አበባ ፖሊስ የወንጀል ምርመራ አመራሮች እና አባላት በሚሰሩት የወንጀል ምርመራ ስራ ተጨማሪ አቅም የሚፈጥር መሆኑን የገለጹ ሲሆን ጥቃቱ የደረሰባቸው ተጎጂዎች ወደ ፖሊስ ሲመጡ በአግባቡ ቃል ከመቀበል ጀምሮ ማስረጃዎችን በማሰባሰብ፣ የምርመራ መዝገብ ማደራጀት፣ ክስ ማስመስረት እና ተጎጂዎች ፍትህ እንዲያገኙ ጠንክሮ በመስራት ወንጀል ፈጻሚዎች በህግ አግባብ ቅጣት እንዲያገኙ ለማድረግ አቅም የሚፈጥር መሆኑን ገልጸዋል።
ገልፀዋል።
*
ዘገባ፦ ረ/ሳጅን ዓለም ልጅዓለም  
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የአዲስ አበባ ፖሊስ ከፍተኛ የሥራ ኃላፊዎች በልደታ ክ/ከተማ ፖሊስ መምሪያ የተሰሩ የሪፎርምና የልማት ስራዎችን ጎበኙ።
***
የአዲስ ፖሊስ ኮሚሽነር ጌቱ አርጋውን ጨምሮ  የተቋሙ ከፍተኛ የስራ ኃላፊዎች በልደታ ክ/ከተማ ፖሊስ መምሪያ ሪፎርሙን ተከትሎ የተሰሩ ሰው ተኮር የልማት ስራዎች እና በቴክኖሎጂ አጋዥነት እየተከናወኑ የሚገኙ  የወንጀልና ትራፊክ አደጋ መከላከል ፣ የምርመራና  ሌሎች ፖሊሳዊ ተግባራትን ጎብኝተዋል።

በጉብኝት መርሃ ግብሩ ላይ የፖሊስ ስራን በመደገፍ አስተዋፆ ላበረከቱ አካላት እና ተቋማት እውቅና የተሰጠ ሲሆን በእውቅና መርሃ ግብር ላይ ንግግር ያደረጉት የልደታ ክ/ከተማ ፖሊስ መምሪያ ኃላፊ ኮማንደር በኃይሉ ደጀኔ እንደገለፁት የ2016 በጀት ዓመት የህብረተሰቡን  ሠላም እና ደህንነት እንዲሁም የወንጀል መከላከል ስራን ከማከናወን ጎን ለጎን የአዲስ አበባ ፖሊስ ካስቀመጠው የሪፎርም አፈፃፀም አቅጣጫ አንፃር  የከተማችንን ዕድገትና ህብረተሰቡን የሚመጥን አገልግሎትና ፖሊስ ጣቢያዎችን በመገንባት ከ10 ወረዳዎች 9 ወረዳዎች የፖሊስ አገልግሎትን ተደራሽ ማድረግ እንደተቻለ ገልፀዋል።

በጉብኝት መርሃ ግብሩ ላይ ንግግር በማድረግ ለአመራርና አባላቱ የስራ መመሪያ የሰጡት የአዲስ አበባ ፖሊስ ኮሚሽነር ጌቱ አርጋው እንደገለፁት ለውጡን ተከትሎ በተሰራው የሪፎርምና የልማት ስራ በተለይም የልደታ ክ/ከተማ ፖሊስ መምሪያ በአጭር ጊዜ ውስጥ ከፍተኛ ለውጥ ማምጣቱን ገልፀው ህብረተሰቡ በገንዘቡ፣ በጉልበቱና በሐሳቡ ተሳትፎ በማድረግ ደረጃቸውን የጠበቁ ፖሊስ ጣቢያዎችና የማህበረሰብ አቀፍ የፖሊስ አገልግሎት ማዕከላት እንዲገነቡ በማድረግ ለነበረው ሁሉን አቀፍ ትብብርና ተግባር ምስጋናቸውን አቅርበው የህብረተሰቡ ትብብር ተጠናክሮ እንዲቀጥል አሳስበዋል።

አንዳንድ ያነጋገርናቸው እውቅና የተሰጣቸው የማህበረሰብ ክፍሎች እና የፖሊስ አመራሮች እንዲሁም አባላት መሰል እውቅናዎች ድርብ ኃላፊነትን እንደሚጥልባቸው ገልጸው ዕውቅናው የተሰጣቸውን ተግባር  በኃላፊነት ስሜት እንዲወጡ ትልቅ ብርታት እንደፈጠረባቸው  ገልፀዋል።
*
ዘገባ፦ ረ/ሳጅን ፍፁም በቀለ   
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በቤት ሰራተኝነት ተቀጥራ ከምትሰራበት ቤት ከ2 ሚሊየን ብር በላይ የሚገመት ንብረት እና ገንዘብ ሰርቃ የተሰወረች ተጠርጣሪ በቁጥጥር ስር መዋሏን የአዲስ አበባ ፖሊስ ገለፀ።
***
ተጠርጣሪዋ ወንጀሉን የፈጸመችው በለሚ ኩራ ክፍለ ከተማ ወረዳ 2 አያት ዞን1 ተብሎ ከሚጠራው አካባቢ ጥቅምት 22 ቀን 2017 ዓ/ም ነው፡፡ ተጠርጣሪዋ በደላላ አማካኝነት በቤት ሰራተኝነት ከተቀጠረችበት መኖሪያ ቤት በሶስተኛው ቀን ቆይታዋ  የግል ተበዳይ ወደ ስራ በሄዱበት ወቅት አጋጣሚውን በመጠቀም በቤቱ ውስጥ የተቀመጠውን የተለያዩ ሀገራት ገንዘቦች እንዲሁም የተለያዩ የወርቅ ጌጣጌጦችን ሰርቃ በመሰወሯ የግል ተበዳይ የተፈፀመባቸውን የወንጀል ድርጊት ለመሪ ሉቄ አካባቢ ፖሊስ ጣቢያ አመልክተዋል፡፡

ተጠርጣሪዋ የወንጀል ድርጊቱን ከፈፀመች በኋላ የግል ተበዳይ ጋር ከመቀጠሯ በፊት በክፍለ ከተማው ወረዳ 14 አባዶ አካባቢ ኮንዶሚኒየም ቤት ለሦስት ወራት ተከራይታ በነበረበት ቤት ተደብቃ በክትትል የፖሊስ አባላት ከሰረቀቻቸው የተለያዩ አልባሳት፣ የተለያዩ የሴትና የወንድ ጫማዎች፣ 18 ሺህ የአሜሪካ ዶላርና የህንድ ሩፒ፣ የተለያዩ የወርቅና ልዩ ልዩ  ጌጣጌጦች ጋር በቁጥጥር ስር መዋሏን ከክ/ከተማው የተገኘው መረጃ ያስረዳል። በተጨማሪም በሁለት የተለያዩ ስሞች የነዋሪነት መታወቂያ እንደተገኘባትም ተገልጿል።

በለሚ ኩራ ክፍለ ከተማ ፖሊስ መምሪያ የመሪ ሉቄ አካባቢ ፖሊስ ጣቢያ የወንጀል ምርመራ ማስተባበሪያ ኃላፊ ኢንስፔክተር ሰለሞን አበበ እንደገለፁት የግል ተበዳይ ተጠርጣሪዋን ለስራ ሲቀጥሯት ያቀረበችው የተያዥ ፎርም የራሷን ፎቶ በትክክል እንዳይለይ አድርጋ የለጠፈች ሲሆን የግል ተበዳይም ይህንን ሳያረጋግጡ በእምነት የቀጠሯት መሆኑን ገልፀው ህብረተሰቡ የቤት ሰራተኛ በአጋዥነት መቅጠሩ ተገቢ ቢሆንም በህጋዊ መንገድ በቂ ተያዥ በማስቀረብ የተያዣቸውን አድራሻና ማንነት በአግባቡ በማጤን መቅጠር እንደሚገባና ውድ የሆኑ ንብረቶችንና ገንዘቦችን ደህንነቱ በተጠበቀ ቦታ በማስቀመጥ በተገቢው ሊቆጣጠሩና ንብረታቸውን ከስርቆት ወንጀል ሊታደጉ እንደሚገባም ተናግረዋል። ዘጋቢ ፦ዋና ሳጅን አዳነ  
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በ2017 ዓ/ም አንደኛ ዙር የክለቦች ሻምፒዮና ተሳታፊ የሆነው የአዲስ አበባ ፖሊስ የቦክስ ቡድን በሴቶች አንደኛ እና በወንዶች ሁለተኛ ደረጃን በመያዝ አጠናቀቀ፡፡
***
አስራ ሁለት ክለቦችን ተሳታፊ ያደረገውና በኢትዮጵያ ቦክስ ፌደሬሽን በተዘጋጀው የ2017 ዓ/ም የአንደኛ ዙር የቦክስ የክለቦች ሻምፒዮና ተሳታፊ የሆነው የአዲስ አበባ ፖሊስ የቦክስ ቡድን በሴቶች ምድብ እና አራት ክለቦችን ተሳታፊ ባደረገው የአንደኛ ዙር ውድድር በሴቶች 2 ወርቅ፣ አንድ ብርና ሁለት ነሀስ ሜዳሊያዎችን በማምጣት የዙሩን ውድድር በአንደኝነት ማጠናቀቅ ችሏል፡፡

የሴቶች የቦክስ ቡድኑ በተለይም በ54 ኪ/ግ ሮማን አሰፋን ከኢትዮጵያ ስፖርት አካዳሚ ቡጢኛ ያገናኘ ሲሆን ተፋላሚዋን በመርታት አሸናፊነቷን ስታበስር፤ በ57 ኪ.ግ የተሳተፈችው ገነት ጸጋዬ እንደ ቡድን አጋሯ ሁሉ የኢትዮጵያ ወጣቶች አካዳሚ ተወዳዳሪን በመርታት ለክለቧ የወርቅ ሜዳሊያን ማምጣት ችላለች፡፡ ሌላዋ በውድድሩ ብቸኛውን የብር ሜዳሊያ በ50 ኪ.ግ ተወዳዳሪዋ ትዝታ ደመላሽ ማስመዝገብ የተቻለ ሲሆን በ48 ኪ.ግ እና በ52 ኪ.ግ ተሳታፊ የሆኑት ነፃነት ታምሩና ፅዮን ማሙሽ ከፍተኛ ተጋድሎን በማድረግ ለክለባቸው የነሀስ ሜዳሊያን ማጥለቅ ችለዋል፡፡

ሌላው ስምንት ክለቦችን ተሳታፊ ባደረገው በወንዶች ምድብ 3 የወርቅ፣ 4 የብር እና 3 የነሀስ ሜዳሊያ በማምጣት የዙሩን ውድድር በሁለተኛነት ማጠናቀቅም ተችሏል፡፡ የ48ኪ.ግ ተወዳዳሪው አቤል አባትዬ የኦሜድላ ተጋጣሚው ሲረታ፣ በ54 ኪ/ግ ደግሞ ደሳለኝ ሲሳይ የድሬዳዋ ከነማን ቡጠኛ እንዲሁም የ57 ኪ.ግ ተወዳዳሪው ሀይማኖት ደሳለኝ እርሱም በተመሳሳይ የድሬዳዋ ከነማውን ተፋላሚ በመርታት የወርቅ ሜዳሊያን ማምጣት ችለዋል፡፡

ብርቱ ፉክክር በታዩባቸው በ51 ኪ.ግ፣ በ57 ኪ.ግ፣ በ71 ኪ.ግ እና በ80 ኪ.ግ ውድድሮች ላይ የተሳተፉት ውጤታማዎቹ የአዲስ አበባ ፖሊስ ቡጢኞች ኢብራሒም አስራር፣ ተመስን ተስፋዬ፣ መስፍን ብሩና በረከት አድራሮ ተፋላሚዎቻቸውን በማሸነፍ የብር ሜዳሊያን ማጥለቅ ችለዋል፡፡
በ54 ኪ.ግ የተወዳደረው ኢዮብ ብሩ፣ በ48 ኪ.ግ ኪሊዮን ፍሬዘርና የ63.5 ኪ.ግ ተወዳዳሪው ዘርዓይ ድረስ እያንዳንዳቸው ለክለባቸው የነሀስ ሜዳሊያን ማስመዝገብ የቻሉ ሲሆን የአዲስ አበባ ፖሊስ የቦክስ ቡድን በአንደኛ ዙር የቦክስ ክለቦች ሻምፒዮን ውድድር በአጠቃላይ 15 ሜዳሊያዎችን ማስመዝገብም ችሏል፡፡
*
ዘገባ፡- ረ/ኢንስፔክተር ዳዊት እርገጤ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በተሽከርካሪ በመንቀሳቀስ የመኪና ዕቃ በመስረቅ የተጠረጠሩ 5 ግለሰቦችን ከነኤግዚቢቱ  በቁጥጥር ስር ማዋሉን የአዲስ አበባ ፖሊስ ገለፀ።
***
ወንጀል ድርጊቱ የተፈፀመው  ጥቅምት 28 ቀን 2017 ዓ/ም ነው፤ ቦታው ደግሞ በለሚ ኩራ ክፍለ ከተማ ወረዳ 8 ሰንሻይን መኖሪያ ቤቶች አካባቢ በክ/ከተማው የሲ.ኤም. ሲ አካባቢ ፖሊስ ጣቢያ የወንጀል ምርመራ ማስተባበሪያ ኃላፊ ኢንስፔክተር አባይ ወርቁ  እንደገለፁት ተጠርጣሪዎቹ  የወንጀል ድርጊቱን ፈፅመው ተሰውረዋል፡፡

በዚህ ያላበቁት ተጠርጣሪዎች የግል ተበዳይን የመኪናህን ዕቃ የምትፈልግ ከሆነ 1መቶ 70 ሺህ ብር ቀብድ በምንነግርህ አካውንት አስገባ ይህን ካላደረግክ ንብረትህን አታገኝም ብለው በማስፈራራት ገንዘቡ በአንደኛው ተጠርጣሪ አካውንት እንዲገባ አድርገዋል፡፡

ፖሊስም የደረሰውን ጥቆማ መነሻ በማድረግና በአካውንቱ ገንዘብ የገባለትን ተጠርጣሪ በቁጥጥር ስር በማዋል ባደረገው ምርመራ የማስፋት ስራና ብርቱ ክትትል በወንጀሉ የተጠረጠሩና  ከጉዳዮ ጋር ግንኙነት ያላቸውን ቀሪዎቹን 4 ተጠርጣሪዎች ከእነ ኤግዚቢቱ በቁጥጥር ስር አውሏል፡፡

በአጠቃላይ የዋጋ ግምታቸው 650ሺህ የሚያወጡ የተሽከርካሪው ሙሉ እቃ ስፖኪዮ፣ የግንባር መስታወት፣ የመኪናው የተለያዩ አካሎች (ዕቃዎች) እንዲሁም ለወንጀል ተግባር የሚገለገሉበት 2 ተሽከርካሪዎች ጋር በቁጥጥር ስር መዋላቸውን የገለፁት ኢንስፔክተር አባይ ወርቁ  ህብረተሰቡም በየአካባቢው የሚቀጥራቸው የአካባቢ ቅጥር ጥበቃዎች ስራቸውን በተገቢው መስራት አለመስራታቸውን በተገቢው ሊቆጣጠር እንደሚገባና ንብረቱንም በልዩነት ሊከታተል ይገባልም ብለዋል፡፡

አክለውም ወንጀል ፈፃሚዎች ጠንካራ ቅጥር ጥበቃ በሌለበት  ወንጀሎችን የሚፈፅሙበት ሁኔታዎች ስለሚኖሩ ሌባን እና የሌባን ተቀባይ በህግ እንዲጠየቁ ህብረተሰቡም እያደረገ ያለው ተግባር የሚበረታታና ጥቆማ ሰጪነቱ ተጠናክሮ ሊቀጥል ይገባልም ሲሉ በመልዕክታቸው አሳስበዋል፡፡ 
*               
ዘጋቢ፦ ዋና ሳጅን አዳነ ደስታ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ለ24ኛ ጊዜ የተዘጋጀው ታላቁ ሩጫ በኢትዮጵያ ተጀምሮ እስከሚጠናቀቅ የተወሰኑ መንገዶች ለተሽከርካሪ ዝግ እንደሚሆኑ አዲስ አበባ ፖሊስ አስታወቀ።
***
በርካታ የሀገር ውስጥና የውጪ ሀገራት ተሳታፊዎች ፣ አምባሳደሮች ፣ ተጋባዥ አትሌቶች የሚታደሙበት መነሻና መድረሻውን መስቀል አደባባይ ያደረገው ታላቁ ሩጫ በኢትዮጵያ ያዘጋጀው የሩጫ ውድድር ህዳር 8 ቀን 2017 ዓ/ም በአዲስ አበባ ይካሄዳል፡፡ ውድድሩ ተጀምሮ እስከሚጠናቀቅ የተወሰኑ መንገዶች ለተሽከርካሪ ዝግ እንደሚሆኑ አዲስ አበባ ፖሊስ አስታውቋል፡፡

ለጋራ ደህንነት ሲባል ፍተሻ እንደሚኖር የውድድሩ ተሳታፊዎች ተገንዝበው አስፈላጊውን ትብብር ማድረግ እንዳለባቸው ፖሊስ ገልፆ የወድድሩ ተሳታፊዎች በሚያልፉት አካባቢ የሚኖሩ ነዋሪዎች እንደ ከዚህ ቀደሙ ከፀጥታ ኃይሉ ጎን በመቆም ትብብራቸውን አጠናክረው እንዲቀጥሉ አዲስ አበባ ፖሊስ ጥሪውን እያስተላለፈ ውድድሩ የከተማችንን ዋና ዋና መንገዶች የሚያካልል በመሆኑ ሩጫው ተጀምሮ እስከሚጠናቀቅ የተወሰኑ መንገዶች ለተሽከርካሪ ዝግ እንደሚሆኑ አዲስ አበባ ፖሊስ አስታውቆ ውድድሩ በሰላም እንዲጠናቀቅ የፀጥታ አካላት አስፈላጊው ቅድመ ዝግጅት አጠናቀው ስራ መጀመራቸውን አዲስ አበባ ፖሊስ ገልጿል። ከውድድሩ ዓላማ ውጪ ህገ-ወጥ ተግባራትንና መልእክቶችን ማስተላለፍ የውድድሩን መንፈስ የሚረብሽ ስለሆነ አዘጋጅ ተቋሙ እና ተሳታፊዎች ተገቢውን ጥንቃቄ ማድረግ እንደለባቸው እያሳሰበውድድሩ ተጀምሮ እስከሚጠናቀቅ ፡-

-ከኦሎምፒያ አደባባይ ወደ መስቀል አደባባይ (ኦሎምፒያ አደባባይ )
- ከጥላሁን አደባባይ ወደ ሳንጆሴፍ መብራት (ጥላሁን አደባባይ ) ለከባድ ተሽከርካሪ አጎና ሲኒማ
- ከአፍሪካ ህብረት መብራት ወደ ሜክሲኮ አደባባይ (ጥይት ቤት መስቀለኛ )
-ከፓርላማ መብራት ወደ ኮንሰን መታጠፊያ (ፓርላማ መብራት )
- ከኮንሰን መታጠፊያ ወደ ገብርኤል (ኮንሰን መታጠፊያ )
ከጥይት ቤት ወደ ገብርኤል በጀርባው (ጥይት ቤት መታጠፊያ )
ከሴቶች አደባባይ ወደ ካዛንቺስ (ሴቶች አደባባይ )
- ከሴቶች አደባባይ ወደ ካዛንቺስ ቶታል (ሴቶች አደባባይ )
- ከ22 አደባባይ ወይም ዘሪሁን ህንፃ ወደ ዑራኤል አደባባይ (ዘሪሁን ህንፃ መስቀለኛ )
- ከፒኮክ አዲሱ መንገድ ወደ ዑራኤል አደባባይ (ፒኮክ መብራት)
- ከጋዜቦ አደባባይ ወደ ደንበል (ጋዜቦ አደባባይ)
- ከቂርቆስ ቤ/ክርስቲያን መስቀለኛ ወደ ለገሃር መብራት (ቂርቆስ ቤ/ክርሰቲያን ነርክ ተራ )
- ከላንድ ማርክ ሆስፒታል መታጠፊያ ገነት ሆቴል ወይም ወደ ገነት መብራት (ላንድ ማርክ ሆስፒታል መስቀለኛ )
- ከጠማማ ፎቅ ወደ ሜክሲኮ አደባባይ (ጠማማ ፎቅ መስቀለኛ )
- ከአፍሪካ ህብረት መብራት ወደ ሜክሲኮ አደባባይ (ሜክሲኮ ጥይት ፋብሪካ መስቀለኛ )
- ከፈረሰኛ መብራት ወደ ጨፌ ሜዳ (ፈረሰኛ መብራት )
- ከሞላ ማሩ መስቀለኛ ወደ ጌጃ ሰፈር (ጌጃ ሰፈር መስቀለኛ )
- ከከፍተኛ ፍ/ቤት አደባባይ ወደ ሜክሲኮ አደባባይ (ከፍተኛ ፍ/ቤት አደባባይ)
- ከሠንጋ ተራ 40/60 ወደ ሠንጋ ተራ መብራት (ሠንጋ ተራ 40/60 መታጠፊያ)
- ከጎማ ቁጠባ መብራት ወደ ብ/ቲያትር (ጎማ ቁጠባ መብራት)
- ከሜትሮሎጂ መታጠፊያ ወደ ፖስታ ቤት መብራት (ሜትሮዎሎጂ መታጠፊያ )
- ከጥቁር አንበሳ ሼል ወደ ኢምግሬሽን (ጥቁር አንበሳ ሼል)
- ከጎላ ሚካኤል መስቀለኛ ወደ ኢምግሬሽን (ጎላ ሚካኤል መስቀለኛ)
- ከቴዎድሮስ አደባባይ ወደ አገር አስተዳደር መብራት (ቴዎድሮስ አደባባይ)
ከንጋቱ 11:30 - ሰዓት ጀምሮ ውድድሩ እስከሚጠናቀቅ የተጠቀሱት መንገዶች የሚዘጉ ሲሆን በተጨማሪም በተገለፁት መስመሮች ላይ ቅዳሜ ከምሽቱ 12:00 ሰዓት ጀምሮ መኪና ለአጭርም ይሁን ለረጅም ጊዜ ማቆም የተከለከለ መሆኑን የአዲስ አበባ ፖሊስ እያስታወቀ የፖሊስን አገልግሎት ለማግኘት 011 1110111 ወይም ነጻ የስልክ መስመር 991 መጠቀም እንደሚቻል ፖሊስ አስታውቋል።
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በአዲስ አበባ የሚካሄደው የዘንድሮው ታላቁ ሩጫ በኢትዮጵያ ፍፁም ሠላማዊ ሆኖ እንዲጠናቀቅ ጥምር የፀጥታ ኃይሉ ዝግጅቱን አጠናቆ ወደ ስራ መግባቱን አስታወቀ።
***
በከተማችን አዲስ አበባ በየዓመቱ ከሚካሄዱ የአደባባይ ኩነቶች አንዱ የሆነው እና ዘንድሮ 50 ሺህ ተሳታፊዎች ይታደሙበታል ተብሎ የሚጠበቀው ታላቁ ሩጫ በኢትዮጵያ ለ24ኛ ጊዜ ህዳር 8 ቀን 2017 ዓ/ም ይካሄዳል፡፡

ስፖርታዊ ክንውኑ ፍፁም ሠላማዊ ሆኖ እንዲጠናቀቅ ለማድረግ አስፈላጊውን ቅድመ ዝግጅት አድርጎ ወደ ስራ መግባቱን ጥምር የፀጥታ ኃይሉ አስታውቋል። ለፀጥታው ስራው ማስፈፀሚያ በተዘጋጀው ዕቅድ ላይ በአዲስ አበባ ፖሊስ መሰብሰቢያ አዳራሽ ውይይት በተካሄደበት ወቅት የአዲስ አበባ ከተማ ሠላምና ፀጥታ አስተዳደር ቢሮ ኃላፊ ወ/ሮ ሊዲያ ግርማ ባስተላለፉት መልዕክት በልዩ ልዩ የአደባባይ ኩነቶች ላይ ጥምር የፀጥታ ኃይሉ በሚያከናውነው ተግባር ከተማችን ፍፁም የተረጋጋ ሠላም እንዲኖራት እና ፀጥታ የሰፈነባት እንድትሆን ማድረግ እንደተቻለ ገልፀዋል፡፡

ከዚህ በፊት የተከናወኑ የአደባባይ ኩነቶች በሠላም እንዲጠናቀቁ ሠላም ወዳዱ የከተማችን ነዋሪ ያበረከተው አስተዋፅኦ ከፍተኛ መሆኑን ያስታወሱት ወ/ሮ ሊዲያ፤ የዘንድሮው የታላቁ ሩጫ ስፖርታዊ ውድድርም በሠላም ተጀምሮ በሠላም እንዲጠናቀቅ ህብረተሰቡ ከፀጥታ አካላት ጎን በመቆም የተለመደ ትብብሩን እንዲያደርግ ጥሪ አቅርበዋል፡፡

የአዲስ አበባ ፖሊስ ኮሚሽነር ጌቱ አርጋው በበኩላቸው ስፖርታዊ ውድድሩ የከተማችንን መልካም ገፅታ የሚያጎላ መሆኑን ጠቁመው ከስፖርታዊ ተልዕኮው ውጭ ማንኛውም ዓይነት የተቃረነ መልዕክትን ማስተላለፍ ፈፅሞ የተከለከለ መሆኑንና የፀጥታ ኃይሉም ጥብቅ ቁጥጥር እንደሚያደርግ አስታውቀው ውድድሩ በጨዋነት መንፈስ መካሄድ ይኖርበታል ብለዋል።

በዘንድሮው ታላቁ ሩጫ በኢትዮጵያ ላይ እንዲህ አይነት እንቅስቃሴዎችን መቆጣጠር በሚያስችል መልኩ ዝግጅት መደረጉን የገለፁት ኮሚሽነር ጌቱ፤ ተሳታፊዎቹ ለሠላም እና ለውድድሩ ዓላማ ብቻ በመቆም ለፀጥታ አካላቱ ተግባር ሊተባበሩ ይገባል ሲሉ መልዕክታቸውን አስተላልፈዋል።

ከተሳታፊው ቁጥር አንፃር ፕሮግራሙን የሚመጥን ዝግጅት መደረጉን የጠቆሙት በኢትዮጵያ ፌዴራል ፖሊስ የፀጥታና ተቋማት ጥበቃ ዋና መምሪያ ኃላፊ ምክትል ኮሚሽነር አበራ ሁንዴ በውይይቱ ላይ ባነሱት ሃሳብ ቀደም ሲል የተከናወኑ ውድድሮች በሠላም የተጠናቀቁ ቢሆንም የራሳቸው አጀንዳ ያላቸው ግለሰቦችና ቡድኖች የውድድሩን ዓላማ ለማበላሽት ሙከራ ማድረጋቸውን አስታውሰው ጥምር የፀጥታ ኃይሉ እኩይ ተግባራትን መቆጣጠር በሚያስችል ዝግጅት በቁርጠኝነት እንደሚሰራ ተናግረዋል።
*
ዘገባ፡- ሳጅን አባበል ከበደ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በህዝባዊት ቻይና ሪፐብሊክ ምክትል የህዝብ ደህንነት የተከበሩ ሺ ያንጁን, የተመራ የልዑካን ቡድን በአዲስ አበባ ፖሊስ የስራ ጉብኝት እያደረገ ይገኛል። በጉብኝቱም በኢትዮጵያ የቻይና አምባደር ሺን ሀይን፣ የቤይጂንግ ከተማ ፖሊስ ኃላፊ ጃኦ ጃንሺን እንዲሁም የሪፐብሊኩ ከፍተኛ የስራ ኃላፊዎች ተገኝተዋል።

የአዲስ አበባ ፖሊስ ኮሚሽነር ጌቱ አርጋው እና የማኔጅመንት አባላቶቻቸው የሁለቱን ወንድማማች ህዝቦች የቆየ ትስስር በማንሳት እንኳን ደህና መጣችሁ ብለዋል፡፡
በተለይም የአዲስ አበባ ፖሊስ ቴክኖሎጂ መር የወንጀል መከላከል ስራዎች ላይ የጀመራቸውን ስራዎች በተመለከተ ገለፃ የሚደረግላቸውም ይሆናል፡፡
*
ዘገባ፡- ረ/ኢንስፔክተር ዳዊት እርገጤ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ተሽከርካሪን በመጠቀም በተለያዩ ቦታዎች እየተንቀሳቀሱ ወንጀል ሲፈፅሙ የነበሩ ተጠርጣሪዎች  በተደረገባቸው  ክትትል  በቁጥጥር  ስር  ዋሉ
***
የአዲስ አበባ ፖሊስ የክትትልና ኦፕሬሽን ክፍል በቁጥጥር ስር ያዋላቸው ተጠርጣሪዎች የተለያዩ ዘዴዎችን እየተጠቀሙ በተሽከርካሪ በመንቀሳቀስ የስርቆት እና የቅሚያ ወንጀል የሚፈፅሙ ናቸው ተብሏል፡፡

ተጠርጣሪዎቹ  ሳሪስ አካባቢ በአንድ ግለሰብ ላይ ምራቅ በመትፋት እና ምራቁን የተፉት ባለማወቅ እንደሆነ ተናግረው  ይቅርታ በመጠየቅ ምራቁን ከግለሰቡ ላይ የሚጠርጉ በመምሰል ከኪሱ ውስጥ ሞባይል ስልክ ሰርቀው በተለምዶ “ትፍታ” የሚባለውን ወንጀል ፈፅመው የሰሌዳ ቁጥር ኮድ 2-B41536 አ.አ በሆነ ተሽከርካሪ  ተሳፍረው ተሰውረዋል፡፡

በአዲስ አበባ ፖሊስ የክትትልና ኦፕሬሽን ክፍል አባላት ክትትል ሲደረግባቸው የነበሩት እነዚህ ተጠርጣሪዎች በድጋሚ ወደ ለገሃር አካባቢ በመምጣት ተመሳሳይ ወንጀል ለመፈፀም ሙከራ አድርገው ሲያመልጡ የክትትል አባላቱ  ቸርችል ጎዳና አካባቢ በቁጥጥር ስር አውለዋቸዋል፡፡

ተጠርጣሪዎቹ  ለወንጀል ተግባር የሚጠቀሙበት ተሽከርካሪ ሲፈተሽ አራት ሞባይል ስልኮች ተገኝተዋል። ከእነዚህ ስልኮች መካከልም አንዱ የህጻናት ፎቶ በእስክሪኑ ላይም የሚገኝ ሲሆን በእነዚህ ተጠርጣሪዎች ወንጀል ተፈፅሞብኛል የሚል ግለሰብ አራዳ ክፍለ ከተማ ፖሊስ መምሪያ በአካል በመቅረብ መረጃ መስጠት እንደሚችልም ተገልጿል፡፡
*
ዘገባ፡- ረዳት ሳጅን ሳምሶን ሰለሞን
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ከ 11 ሚሊዮን ብር በላይ የሚገመት የተለያዩ የኮንትሮባንድ እቃዎችን የጫነ ተሽከርካሪ ከነተጠርጣሪው በቁጥጥር ስር አውሎ ምርመራ እያጣራ መሆኑን ፖሊስ ገለፀ።
***
የኮንትሮባንድ እቃዎቹን የጫነ ተሽከርካሪ ከነ ተጠርጣሪው በቁጥጥር ስር የዋለው በአዲስ ከተማ ክፍለ ከተማ ወረዳ 13 ልዩ ቦታው አስኮ ጨረታ ተብሎ በሚጠራው አካባቢ ከሚገኝ መኖሪያ ግቢ ውስጥ ነው።

80 ቦንዳ አልባሳት፤ 9 ሺህ እሽግ መድኃኒትና የመኪና አላርሞችን ጭኖ ይንቀሳቀስ የነበረ  ኮድ 3 A 08669 አ.አ  ኤፍ ኤስ አር ተሽከርካሪ በህብረተሰቡ ጥቆማ ሰጪነት በኢትዮጵያ ፌዴራል ፖሊስ ኢንተለጀንስ እና በአዲስ አበባ ፖሊስ አባላት በቁጥጥር ስር ውሎ በተጠርጣሪው ላይ ምርመራ እየተጣራ መሆኑን በአዲስ ከተማ ክፍለ ከተማ ፖሊስ መምሪያ የሙስና ገቢዎችና ሸማቾች ወንጀል መርማሪ የሆኑት ረዳት ኢንስፔክተር ቻሌ ይግዛው ገልፀዋል።
                     
መሰል ህገ-ወጥ ተግባራት ሀገርን ከመጉዳት ባለፈ በህጋዊ ነጋዴዎች ላይ የሚያሳድረው አሉታዊ ተጽዕኖ ከፍተኛ መሆኑን በመረዳት ድርጊቱን በመታገል እና በመከላከል ረገድ ሁሉም የዜግነት ድርሻውን ሊወጣ እንደሚገባ ፖሊስ  መልዕክቱን አስተልፏል።
*
ዘጋቢ፦ሳጅን ጤናው ፈጠነ  
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

ከተለያዩ  ቦታዎች የተሰረቁ በርካታ የመኪና ጎማዎችና ቸርኬዎች በቁጥጥር ስር ዋሉ።
***
የአዲስ አባባ ፖሊስ ህገ-ወጥ ተግባራትና ወንጀል ፈፃሚዎች እንዲሁም ህጋዊ የንግድ ፍቃድን ሽፋን በማድረግ የተሰረቁ የተለያዩ ንብረቶችን ከሌቦች በሚቀበሉ ግለሰቦች ላይ እያደረገ ያለውን የቁጥጥር ስራ አጠናክሮ ቀጥሏል።

በኮልፌ ቀራንዮ ክፍለ ከተማ ፖሊስ መምሪያ የቤቴል አካባቢ ፖሊስ ጣቢያ ወረዳ 7 ቢጫ ፎቅ አካባቢ ከህብረተሰቡ በደረሰው ጥቆማና ከፍርድ ቤት የመበርበሪያ ትዕዛዝ በማውጣት በአንድ ግለሰብ ጎሚስታ ቤት ውስጥ በተደረገ ፍተሻ  ከተለያዩ ቦታዎች የተሰረቁ 73 የመኪና ጎማዎችና 17 ቸርኬዎች በቁጥጥር ስር መዋላቸውን ከክፍለ ከተማው ፖሊስ መምሪያ ያገኘነው መረጃ ያመለክታል።

ከጉዳዩ ጋር በተያያዘም አንድ ተጠርጣሪ በቁጥጥር ስር ውሎ ምርመራ እየተጣራበት እንደሚገኝና ግለሰቡ ጎሚስታ ለመስራት የንግድ ፍቃድ በማውጣት፤ ህጋዊ የንግድ ፍቃዱን ሽፋን በማድረግ ከሌቦች እየተቀበለ የመኪና ጎማዎቹንና ቸርኬዎቹን እንዳከማቸ የምርመራ መዝገቡ ይጠቁማል።


ህብረተሰቡ ህገ-ወጥ ተግባራትና ወንጀሎችን የሚፈፅሙ ግለሰቦች በቁጥጥር ስር ውለው በህግ እንዲጠየቁ ጥቆማ ከመስጠት ጀምሮ  እያደረገ ያለው ተግባር የሚበረታታ መሆኑን የገለፀው የአዲስ አበባ ፖሊስ በአቋራጭ ለመበልጸግ አስበው ህጋዊ ባልሆነ መንገድ የሚንቀሳቀሱ ግለሰቦች ላይ የሚወሰደውን ህጋዊ እርምጃ  አጠናክሮ እንደሚቀጥልም አስታውቆ የተሽከርካሪ ጎማም ይሁን ቸርኬ የጠፋባቸው ወይም የተሰረቀባቸው ግለሰቦች ወደ ቤተል አካባቢ ፖሊስ ጣቢያ በአካል በመምጣት  መምረጥ ይችላሉም ብሏል።
*
ዘጋቢ ፦ዋና ሳጅን ዘላለም አበበ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በአንድ ግለሰብ መኖሪያ ቤት ውስጥ በርካታ የኢትዮ ቴሌኮምና የኤሌክትሪክ ማስተላለፊያ ገመድ በቁጥጥር ስር ዋለ። ህብረተሰቡ ለፀጥታ አካላት እያደረገ ያለውን ተሳትፎ አጠናክሮ መቀጠል እንዳለበት ተጠቁሟል።
***
በኮልፌ ቀራንዮ ክፍለ ከተማ ወረዳ 3 አካባቢ ለካራ አካባቢ ፖሊስ ጣቢያ ከህብረተሰቡ በደረሰው ጥቆማ መሰረት ከፍርድ ቤት የመበርበሪያ ትዕዛዝ በማውጣት በግለሰብ መኖሪያ ቤት ውስጥ የተከማቹ በርካታ የኢትዮ ቴሌኮምና የኤሌክትሪክ ገመድ እንዲሁም የኤሌክትሪክ ፖል ላይ የሚታሰር የገመድ ማቀፊያ በቁጥጥር ስር መዋሉን የክፍለ ከተማው ፖሊስ መምሪያ የልዩ ልዩ ወንጀል ምርመራ ማስተባበሪያ ኃላፊ ዋና ኢንስፔክተር በልሁ ወልደየስ ተናግረዋል።

ከጉዳዩ ጋር በተያያዘም 2 ግለሰቦች በቁጥጥር ስር ውለው የተያዙትን ንብረቶች ከየት እንዳመጡና እንዳከማቹ የምርመራ ስራው መቀጠሉንም ዋና ኢንስፔክተር በልሁ ገልጸዋል።

በመሰረተ ልማቶች ላይ የሚፈፀሙ ወንጀሎች ጉዳታቸው እንደ ሀገር በመሆኑ አስቀድሞ ለመከላከል ፖሊስ ትኩረት ሰጥቶ እየሰራ እንደሚገኝ የገለፀው የአዲስ አበባ ፖሊስ ማህበረሰቡ የሀገር ሀብት የሆኑ ንብረቶች ላይ የሚደርሱ ጉዳቶችን ለመቆጣጠር እንደ ከዚህ ቀደሙ እያደረገ ያለውን ተሳትፎ አጠናክሮ መቀጠል እንዳለበት ጥሪ አቅርቧል።
*
ዘጋቢ ፦ዋና ሳጅን ዘላለም አበበ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በሌባ ተቀባዮችና ወንጀል ፈፃሚዎች ላይ በተደረገ ኦፕሬሽን በርካታ ሞባይሎችና የተለያዩ የኤሌክትሪክ እቃዎች በቁጥጥር ስር ዋሉ።
***
የኮልፌ ቀራንዮ ክፍለ ከተማ ፖሊስ መምሪያ ከህብረተሰቡ የደረሰውን ጥቆማ መነሻ በማድረግና ከፍርድ ቤት የመበርበሪያ ትዕዛዝ በማውጣት ከሌባ ተቀባዮች ላይ የተለያዩ መጠን ያላቸውን ሞባይሎችና ሌሎች ንብረቶችን በቁጥጥር ስር አውሏል።

ግለሰቦቹ ህጋዊ ንግድ ፈቃድን ሽፋን አድርገው በኤሌክትሪክ ጥገና ሱቅ ውስጥ ከተለያዩ ቦታዎች የተሰረቁ ንብረቶችን ከሌቦች ላይ እየተቀበሉ እንዳከማቹ ለክፍለ ከተማው ፖሊስ መምሪያ ከህብረተሰቡ በደረሰው ጥቆማ እንዲሁም የተለያዩ ወንጀሎችን ፈፅመው በተያዙ ግለሰቦች ላይ በተደረገ ፍተሻ 148 ሞባይል፣ 45 ታብሌት፣ 29 ሪጉሌተር፣ 5 ላፕቶፕ፣ 9 ሞንታርቦ፣ 1 ጀኔሬተር፣ 1 ፍላት ቴሌቪዥንና 6 የመኪና ጎማ ከ16 ቸርኬዎች ጋር እንዲሁም ብዛት ያላቸው የተለያዩ የመኪና መለዋወጫ እቃዎች በቁጥጥር ስር መዋላቸውን ከክፍለ ከተማው ፖሊስ መምሪያ ያገኘነው መረጃ ይጠቁማል።

ከጉዳዩ ጋር በተያያዘም 15 ግለሰቦች በቁጥጥር ስር ውለው አስፈላጊው ምርመራ እየተጣራባቸው እንደሚገኝ የጠቀሰው ፖሊስ መምሪያው በቀጣይም የቁጥጥሩን ስራ እና ህጋዊ እርምጃ የመውሰዱን ተግባር አጠናክሮ እንደሚቀጥል ገልጿል።

ሞባይልና ሌሎች የተጠቀሱ ንብረቶች የተሰረቀባቸው ግለሰቦች በአቅራቢያቸው ባሉ ፖሊስ ጣቢያዎች እና በክፍለ ከተማው ፖሊስ መምሪያ በአካል በመቅረብ ንብረቶቻቸውን በመምረጥ መውሰድ እንደሚችሉ ፖሊስ መምሪያው አሳስቧል።

ህብረተሰቡ ለፀጥታ አካላት እያደረገ ያለው እገዛ ከፍተኛ እንደሆነ የገለፀው የአዲስ አበባ ፖሊስ በቀጣይም ጥቆማ ከመስጠት ጀምሮ የሚያደርገውን ተሳትፎ አጠናክሮ እንዲቀጥል ጥሪ አቅርቧል።
*
ዘጋቢ ፦ዋና ሳጅን ዘላለም አበበ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

በ29ኛው የፔፕሲ አዲስ አበባ ማራቶን ውድድር የአዲስ አበባ ፖሊስ አትሌቲክስ ቡድን በ2ኛ ዲቪዚዮን 1ኛ በመውጣት የወርቅና ዋንጫ ተሸላሚ ሆነ።
***
የአዲስ አባባ ከተማ አትሌቲክስ ፌዴሬሽን ፕሬዚዳንት አቶ መልካሙ ተገኝና ሌሎች ጥሪ የተደረገላቸው እንግዶች በተገኙበት ጥቅምት 24 ቀን 2017 ዓ/ም 29ኛው የፔፕሲ አዲስ አበባ ማራቶን ውድድር ደራርቱ አደባባይ አካባቢ ተካሂዷል።

በውድድሩ ላይ የአዲስ አበባ ፖሊስ፣ ኢትዮጵያ ንግድ ባንክ፣ ፌደራል ፖሊስ፣ መቻል እና ኢትዮ ኤሌክትሪክ አትሌቲክስ ቡድንን ጨምሮ 11 ክለቦች የተሳተፉ ሲሆን በ2ኛ ዲቪዚዮን የማራቶን ውድድር የአዲስ አበባ ፖሊስ አትሌቲክስ ቡድን 1ኛ በመውጣት ወርቅና ዋንጫ በማስገኘት ሻምፒዮን ሆኗል።

የአዲስ አበባ ፖሊስ አትሌቲክስ ቡድን ከ11 ክለቦች በ1ኛ እና 2ኛ ዲቪዚዮን 5ኛ ደረጃን በመያዝ ውድድሩን በማጠናቀቅ ኮከብ አሰልጣኝና ተወዳዳሪዎች የገንዘብ ሽልማት አግኝተዋል።
*
ዘጋቢ፦ ዋና ሳጅን ዘላለም አበበ
*
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”

የአዲስ አበባ ከተማ አስተዳደር መካከለኛና ከፍተኛ አመራሮ የአዲስ አበባ ፖሊስ ያከናወናቸው የሪፎርም ስራዎች ጎበኙ ።
***
የአዲስ አበባ ፖሊስ ሀገራዊ ለውጡን ተከትሎ ያከናወናቸው የሪፎርም ስራዎችን በአዲስ አበባ ብልፅግና ፅ/ቤት ምክትል ኃላፊ እና የፖለቲካ ዘርፍ ኃላፊ በክቡር አቶ አለማየሁ እጅጉ የተመራ የከተማ አስተዳደሩ መካከለኛ አመራሮች ጎብኝተዋል።

በጉብኝት መርሀ ግብሩ ላይ የአዲስ አበባ ፖሊስ ኮሚሽነር ጌቱ አርጋውን ጨምሮ ሌሎች የተቋሙ ከፍተኛ አመራሮች ለጎብኚዎቹ አቀባበል አድርገዋል። ኮሚሽነር ጌቱ አርጋው ለጎብኚዎች ባደረጉት ንግግር የአዲስ አበባ ፖሊስ ከለውጡ ማግስት ጀምሮ የተሰጠውን ተልዕኮ ለመወጣት በርካታ ስራዎችን ከህብረተሰቡ እና ከሌሎች ባለድርሻ አካላት ጋር በመቀናጀት እየሰራ እንደሚገኝ አስታውሰው ከተሰሩት ስራዎች መካከል መዲናዋን የሚመጥን የፖሊስ ተቋምን መገንባት ስራ ላይ ያተኮረ ተግባር ማከናወኑን ተናግረው የከተማውን ዕድገት የሚመጥን የወንጀልና ትራፊክ አደጋ መከላከል ስራ በቴክኖሎጂ አጋዥነት በልዩ ትኩረት እየተሰራ ይገኛል ብለዋል። የፀረ-ሠላም ኃይሎችን እንቅስቃሴ ለመግታት ከተለያዩ የፀጥታ ተቋማት ጋር ከሚሰራው የትስስር ስራ ባሻገር የቴክኖሎጂ አቅማችን ብቃት ከፍተኛ ሚና እንደነበረው ተናግረዋል።

ከጉብኝቱ መልስ ለሰራዊቱ እና ለመካከለኛ አመራሮቹ የስራ መመሪያ የሰጡት ክቡር አቶ አለማየሁ እጅጉ በበኩላቸው የአዲስ አበባ ፖሊስ ያከናወናቸው የለውጥ ስራዎች ይበል የሚያሰኝ መሆኑን ተናግረው የመዲናዋን ሠላም ለማደፍረስ የሚንቀሳቀሱ የፀረ ሠላም ኃይሎችን ተልዕኮ ለማክሸፍ ለተከፈለው የህይወትና የአካል መስዋዕትነት ልባዊ ምስጋና አቅርበዋል።

አንዳንድ ያነጋገርናቸው ጎብኚዎች በሰጡት አስተያየት እንደገለፁት ከዚህ ቀደም ፖሊስ በዚህ ልክ በቴክኖሎጂ የረቀቀ ስራ እንደሚሰራ ግንዛቤ እንዳልነበራቸው በመግለፅ የተሰራው ስራ ለሌሎች የመንግስት ተቋማትም ጥሩ ተሞክሮ እንደሚሆን ገልፀዋል።
*
ዘገባ፦ ረ/ሳጅን ፍፁም በቀለ
ለፈጣን መረጃዎች:
በፌስቡክ :- https://www.facebook.com/Addisababapolice
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
“በጀግንነት መጠበቅ በሰብዓዊነት ማገልገል!”
“Protect with courage, Serve with Compassion!”