AA Airport Customs branch office /አ.አ ኤርፖርት ጉምሩክ

ቅ/ጽ/ቤቱ የ2017 የመጀመሪያ ግማሽ አመት የገቢ ዕቅድ አፈጻጸም ዙሪያ ዉይይት አካሄደ፤
…………………………………………….
የአዲስ አበባ ኤርፖርት ጉ/ቅ/ጽ/ቤት የ2017 የመጀመሪያ ግማሽ ዓመት የገቢ ዕቅድ አፈጻጸም ዙሪያ በየደረጃዉ የሚገኙ አመራሮች በተገኙበት ዛሬ ጥር 2 ቀን 2017 ዓ.ም በቅ/ጽ/ቤቱ የመሰብሰቢያ አዳራሽ ዉይይት አካሄደ፡፡
"ለገቢ ዕቅድ አፈጻጸሙ ስኬት ባለቤቶች መላዉ የቅ/ጽ/ቤቱ አመራሮች እና ሰራተኞች በመሆናቸዉ ያለኝን ልባዊ ምስጋና እገልጻለሁ!" ያሉት የቅ/ጽ/ቤቱ ስራ አስኪያጅ አቶ ተፈሪ መኮንን ለሙሳ - በቀጣይ ወራት ለሚጠበቀዉ የተሻለ የገቢ ዕቅድ አፈጻጸም የአሰራር ክፍተቶችን በማረም ርብርብ ማድረግ እንደሚገባ በአጽንዖት አሳስበዋል፡፡
የፕላኒንግና ለውጥ ስራዎች ስራ ሂደት የሆኑት ወ/ሮ አየለች ጠምደሎ የ2017 የመጀመሪያ ግማሽ ዓመት የገቢ ዕቅድ አፈጻጸም በተመለከተ ባቀረቡት ጽሁፍ - በ6 ወራት ውስጥ 17,762,167,996.78 ብር ለመሰብሰብ ታቆዶ 18,434,774,204.58 ብር በመሰብሰብ የዕቅዱን 103.79% ማሳካት ተችሏል፤ ከባለፈው በጀት አመት ተመሳሳይ ወቅት ጋር ሲነፃፀር 10,268,426,895.06 ብር ወይም 125.74 በመቶ ብልጫ ያለው መሆኑን ገልፀዋል፡፡

በመጨረሻም የቅ/ጽ/ቤቱ ስራ አስኪያጅ አቶ ተፈሪ መኮንን በአጽንኦት እንደተናገሩት በገቢ አፈጻጸም ዕቅዶች ላይ ትኩረት በማድረግ ከተሰጠን ተቋማዊ እቅድ በላይ ማስመዝገብ ይገባል ብለዋል፡፡
………………..
የደንበኞች ትምህርት ቡድን
ጥር 2 ቀን 2017 ዓ.ም

ቅ/ጽ/ቤቱ ለሜቄዶንያ አረጋውያንና አዕምሮ ህሙማን መርጃ ማዕከል ድጋፍ አደረገ
………………
የአዲስ አበባ ኤርፖርት ጉምሩክ ቅ/ጽ/ቤት ግምታቸው ብር ሁለት ሚሊዮን ሁለት መቶ ስልሳ ስድስት ሺ ስምንት መቶ ሰላሳ ሶስት(2,266,833.00) የሚያወጡ የተለያዩ አላቂ እና ያገለገሉ ቋሚ ዕቃዎችን ለሜቄዶንያ አረጋውያንና አዕምሮ ህሙማን መርጃ ማዕከል ድጋፍ አደረገ፡፡
ድጋፉን ያስረከቡት የቅ/ጽ/ቤት የመንገደኞች ጓዝ ዘርፍ ም/ስራ አስኪያጅ የሆኑት ወ/ሮ ካሰች ገ/ዩሀንስ እንደተናገሩት ቅ/ጽ/ቤቱ ለመርጃ ማዕከሉ ድጋፍ በማድረጉ ትልቅ ኩራት እንደሚሰማቸውና በቀጣይ ተመሳሳይ ድጋፋ እንደሚያደርግ ቃል ገብተዋል፡፡
የደንበኞች ትምህርት ቡድን
ታህሳስ 28 ቀን 2017 ዓ.ም

በቅ/ጽ/ቤቱ የጸረ- ሙስና ቀን በድምቀት ተከበረ
………………….
የአዲስ አበባ ኤርፖርት ጉምሩክ ቅ/ጽ/ቤት አመራሮችና ሰራተኞች "ወጣቶችን ያማከለ የሙስና ትግል ስብዕናን ይገነባል!" በሚል መሪ ቃል በአለማቀፍ ደረጃ ለ21ኛ ጊዜ እየተከበረ ያለዉን የፀረ-ሙስና ቀን ዛሬ ታህሳሰ 17 ቀን 2017 ዓ.ም በድምቀት አከበሩ።
የአዲስ አበባ ኤርፖርት ጉ/ቅ/ጽ/ቤት ስራ አስኪያጅ አቶ ተፈሪ መኮንን፤ሙስናና ብልሹ አሰራርን መታገል የህግ ማስከበር ወይም የስነ ምግባር መከታተያ የስራ ክፍሎች ሀላፊነት ብቻ ሳይሆን ሁሉም ሊታገለው የሚገባ ችግር መሆኑን ጠቅሰዋል፡፡
አቶ ተፈሪ መኮንን አክለውም እንደተናገሩት እንደ ሀገር የመንግስትን ሀብትም ሆነ የሰራ ሰአት በአግባቡ መጠቀም ለምናልመዉ ስኬት ወሳኝነት ብለዋል።
በአገልግሎት አሰጣጥ ዙሪያ የሚስተዋሉ ክፍተቶችን በተመለከተ የቅ/ጽ/ቤቱ የስነ-ምግባር መከታተያ ቡድን አስተባባሪ በሆኑት አቶ መንግስቱ ጃኖ የመነሻ ሰነድ ቀርቦ ውይይት ተደርጎበታል።
በመድረኩ የቅ/ጽ/ቤቱ የስነ-ምግባር መከታተያ ቡድን አስተባባሪ አቶ መንግስቱ ጃኖ በአገልግሎት አሰጣጥ ዙሪያ የሚስተዋሉ ችግሮችን በመቀነሰ ዉጤታማ እና ቅቡልነት ያለዉ አገልግሎት በመስጠት እና የህግ የበላይነት በማስፈን መከተል የሚገቡ አካሄዶችን አመላክተዋል።
…………………………
የደንበኞች ትምህርት ቡድን
ታህሳስ 17 ቀን 2017 ዓ.ም

ጉምሩክ መጋዘን ባለ ፈቃድ ግዴታን አለማክበር
1. የጉምሩክ መጋዘን ባለፈቃድ ለጉምሩክ ስራ አስፈላጊ የሆኑ፡-
✔️ ቢሮዎችን፣ መሳሪያዎችን፣ ቴክኖሎጂዎችንና ሰራተኞችን ያላሟላ እንደሆነ፤
✔️ ወደ ጉምሩክ መጋዘን የሚገቡና የሚወጡ ዕቃዎችን የጉምሩክ ሥነ-ሥርዓት ተፈጽሞባቸው የሚለቀቁ ዕቃዎች ኮሚሽኑ በወሰነው የመዝገብ አያያዝ ሥርዓት መሠረት ያልተመዘገቡና በየጊዜው ሪፖርት ያላደረገ እንደሆነ፤
✔️በመጋዘኑ የሚቀመጡትን ዕቃዎች እንደ ዓይነታቸውና እንደ ባህሪያቸው በመለየት ለደህንነታቸው ተስማሚ በሆነና ለቁጥጥር በሚያመች ሁኔታ ያላስቀመጠ እንደሆነ፤
✔️የተሰጠውን የጉምሩክ መጋዘን ፈቃድ በወቅቱ ያላሳደሰ እንደሆነ፤
✔️በአያያዝ ጉድለት የጠፋ ወይም የተበላሹ ዕቃዎችን በሚመለከት የሚፈለገውን ቀረጥና ታክስ ያልከፈለ እንደሆነ፣
✔️መጋዘኑ ጊዜያዊ የጉምሩክ ማከማቻ ሲሆን የጉምሩክ ፎርማሊቲ የተከናወነበት ዕቃ በ2 የስራ ቀን ውስጥ ከመጋዘን እንዲወጣ ያላደረገ ከሆነ፤
✔️መጋዘኑ ጊዜያዊ የጉምሩክ ማከማቻ ሲሆን በተፈቀደው የጊዜ ገደብ ያለፈባቸውን በመጋዘን የተከማቹ ዕቃዎች ለኮሚሽኑ ያላሳወቀና ዕቃዎችን ወደ መንግስት የጉምሩክ መጋዘን ያላስተላለፈ ከሆነ ከነዚህ አንዱን ተላልፎ የተገኘ እንደሆነ ብር 50,000.00 ሺ ብር ይቀጣል።
2. ከላይ በተራ ቁጥር 1 ከተዘረዘሩት ጥፋቶች አንዱን ለሁለተኛ ጊዜ ፈጽሞ የተገኝ ብር 70.000.00 ሺህ ብር ይቀጣል፡፡
3. ከላይ በተራ ቁጥር 1 ከተዘረዘሩት ግዴታዎች ውስጥ ሁለት እና ከዚያ በላይ የሆኑትን ጥፋቶች በጣምራ ለመጀመሪያ ጊዜ ፈጽሞ ሲገኝ ብር 75,000.00 ሺ ብር ይቀጣል፡፡
4. ከላይ በተራ ቁጥር 1 ከተዘረዘሩት ውስጥ አንዱን ለሦስተኛ ጊዜ እና ከዚያ በላይ እንዲሁም ከላይ በተራ ቁጥር 3 የተገለጸውን የጣምራ ጥፋት ለሁለተኛ እና በላይ ፈጽሞ ሲገኝ ብር 100,000.00 ሺህ ብር ይቀጣል፡፡
5. ማንኛውም የጉምሩክ መጋዘን ባለፈቃድ፡-
✔️ የጉምሩክ ሹም ለሚያቀርባቸው ጥያቄዎች ተገቢ ምላሽ ያልሰጠ እንደሆነ ለቁጥጥርና ለምርመራ ስራ እንዲተባበር ተጠይቆ ያልተባበረ እንደሆነ ፤
✔️ ኮሚሽኑ ያልተፈቀደ ዕቃ ወደ መጋዘን እንዳይገባ ወይም ከመጋዘን እንዳይወጣ መቆጣጠር ሲገባው ያልተቆጣጠር እንደሆነ
✔️ ያልተፈቀደላቸው ሰዎች ወደ መጋዘን አስገብቶ የተገኘ እንደሆነ፣
✔️ የጤና ምርመራ ሊደረግበት የሚገባ ዕቃ ከማጓጓዠው እንደተራገፈ አስፈላጊው የጤና ምርመራ እስከሚፈጸም ድረስ ከሌሎች ዕቃዎች ተለይቶ በኳራንቲን ክልል እንዲቆይ ያላደረገ እንደሆነ፣
✔️ ወደ መጋዘኑ መግባት ያለባቸው ዕቃዎች ያልገቡ እንደሆነና ያለመግባታቸውን ወዲያውኑ ለኮሚሽኑ ሪፖርት ያላደረገ እንደሆነ ፣
✔️ መጋዘኑ ቦንድድ የጉምሩክ መጋዘን ከሆነ ዕቃዎቹ ለተፈቀደላቸው አላማ ሳይውሉ ሲቀሩ ማስያዝ የሚገባውን ዋስትና ያልያሳዘ እንደሆነ ብር 70,000.00 ሺህ ይቀጣል፡፡
6. ከላይ በተራ ቁጥር 1 እና 5 የተዘረዘሩትን ግዴታዎች በአንድ ላይ ፈጽሞ ሲገኝ ብር 100,000.00 ሺህ ይቀጣል፡፡
የደንበኞች ትምህርት ቡድን
ታህሳስ 16 ቀን 2017 ዓ.ም
ምንጭ ፡- የጉምሩክ ጥፋቶች አስተዳደራዊ ቅጣት እና የዕቃ ውርስ አፈፃፀም መመሪያ መመሪያ ቁጥር 112/2008፣

የቅ/ጽ/ቤቱ ወርሃዊ የዕቅድ አፈጻጸም ዉይይት አካሄደ
………………
የአዲስ አበባ ኤርፖርት ጉምሩክ ቅ/ጽ/ቤት የህዳር ወር የገቢ እና የዋና ዋና ስራዎች ዕቅድ አፈጻጸም ግምገማ መድረክ የቅ/ጽ/ቤት አመራሮች በተገኙበት ዛሬ ታህሳስ 10 ቀን 2017 ዓ.ም አካሄደ፡፡

የዉይይት መድረኩን የከፈቱት የቅ/ጽ/ቤቱ ስራ አስኪያጅ አቶ ተፈሪ መኮንን እንደገለጹት መላዉ የቅ/ጽ/ቤቱ አመራሮች እና ፈጻሚዎች ከዕቅድ በላይ አፈፃፀምን በማስመዝገብና ህገወጥ ንግድን በመቆጣጠር ረገድ በህግ በተሰጠዉ ስልጣንና ኃላፊነት መሰረት ሃላፊነቶቻቸዉን በመወጣት ላይ ስለመሆናቸዉ በወሩ የተመዘገበዉ አፈፃፀም ማሳያ መሆኑን አመላክተዋል፡፡

በ2017 በጀት ዓመት የህዳር ወር ዋና ዋና ተግባራት እቅድ አፈጻጸምን በተመለከተ ጽሁፍ ያቀረቡት የፕላኒንግና ለውጥ ስራዎች ስራ ሂደት የሆኑት ወ/ሮ አየለች ጠምደሎ በበኩላቸዉ በህዳር ወር ጥቅል የገቢ ዕቅድ 2,567,848,932.52 ቢሊዮን ብር ገቢ ለመሰብሰብ ታቅዶ 3,046,415,522.32 ቢሊዮን ብር ወይም 118.64% ለማሳካት ተችሏል፡፡ የወቅቱ አፈጻጸም ከባለፈው በጀት ዓመት ተመሳሳይ ወቅት ከተሰበሰበው ብር 1,288,024,552.64 ጋር ሲነፃፀር በብር 1,758,390,969.68 ወይም 136.52 በመቶ መጨመሩን በአጠቃላይ ባለፉት በ5 ወራት ውስጥ 14,434,997,532.53 ብር ለመሰብሰብ ታቆዶ 15,060,725,158.84 ብር በመሰብሰብ የዕቅዱን 104.33% ማሳካት ተችሏል፡፡

በመጨረሻም የቅ/ጽ/ቤቱ ስራ አስኪያጅ አቶ ተፈሪ መኮንን በአጽንኦት እንደተናገሩት በገቢ አፈጻጸም ዕቅዶች ላይ ትኩረት በማድረግና መሻሻል በላባቸው ከፍተቶች ላይ በመስራት ከተሰጠን ተቋማዊ እቅድ በላይ ማስመዝገብ ይገባል በማለት ውይይቱ ተጠናቋል፡፡
የደንበኞች ትምህርት ቡድን
ቀን ታህሳስ 10 ቀን 2017 ዓ.ም

ቅ/ጽ/ቤቱ ከአስመጪ፣ ላኪና አምራች ድርጅቶች ጋር የምክክር መድረክ አደረገ
........
የአዲስ አበባ ኤርፖርት ጉምሩክ ቅ/ጽ/ቤት ዛሬ ማለትም በቀን 27/03/2017 ዓ.ም ከአስመጪ፣ ላኪና አምራች ድርጅቶች ጋር “የንግዱ ማህበረሰብ ለአገር ብልጽግና የማይተካ ሚና አለው” በሚል መሪ ቃል በዋሽንግተን ሆቴል የምክክር መድረክ አደረገ፡፡
የቅ/ጽ/ቤቱ የህግ ተገዠነት ም/ስራ አስኪያጅ የሆኑት አቶ ስንታየሁ ረታ ጥሪ ለተደረገላቸው ተሳታፊዎች የእንኳን ደህና መጣችሁ መልዕክት በማስተላለፍ ውይይቱን ያሰጀመሩ ሲሆን አያይዘውም በአገልግሎት ሰጪና ተቀባይ የሚታዩ ችግሮች ላይ የጋራ ግንዛቤ ለመያዝ፣ በ2016 ዓ.ም በተደረጉ የውይይት መድረኮች የተነሱ ችግሮች ያሉበት ደረጃ ለማሳወቅና መሰብሰብ ያለበትን ቀረጥና ታክስ በወቅቱ ለመሰብሰብ ከንግዱ ማህበረሰብ ጋር ውይይት ማድረግ አስፈላጊ መሆኑን ገልፀዋል፡፡
የቅ/ጽ/ቤቱ ስራ አስኪያጅ አቶ ተፈሪ መኮንን ከንግዱ ማህበረሰብ ጋር በየጊዜው የሚደረጉ የግንኙነት መድረኮች ቅ/ጽ/ቤቱ አገልግሎት አሰጣጡን ከዕለት ዕለት እንዲያሻሽልና ቀረጥና ታክስ የመሰብሰብ አቅሙን እንዲያሳድግ ከፍተኛ የሆነ አስተዋጽ ያለው መሆኑን የገለፁ ሲሆን በቀጣይ እንደዚህ ያሉ የውይይት መድረኮች ተጠናክረው የሚቀጥሉ መሆኑን በመግለጽ ውይይቱ ተጠናቋል፡፡
የደንበኞች ትምህርት ቡድን
ህዳር 27 ቀን 2017 ዓ ም

ቅ/ጽ/ቤቱ አገልግሎት ላይ የማይውሉ ዕቃዎችን በቃጠሎ አስወገደ
የአዲስ አበባ ኤርፖርት ጉምሩክ ቅ/ጽ/ቤት ሃያ ሚሊዮን (20,000,000.00) ብር ግምታዊ ዋጋ ያላቸውን ዕቃዎች ወርቁ ሰፈር በሚገኘው የቃጠሎ ቦታ የማውደም ስራ አከናውኗል፡፡
የተወረሱ ዕቃዎ አስተዳደር የስራ ሂደት የሆኑት አቶ ተስፋዬ አንበሴ እንደተናገሩት የጉምሩክ ዕቃ አወጋገድ መመሪያ ቁጥር 167/2012 መሰረት ወደ መንግስት መጋዘን የሚገቡ ዕቃዎች ህጉን ተከትሎ በጨረታ፣ በስጦታ እና በማውደም(በቃጠሎ) የሚወገዱ መሆኑን ጠቅሰው በዛሬ ዕለት የሚከናወነው የቃጠሎ ተግባር በመመሪያው ምዕራፍ 2 አንቀጽ 4 ንዑስ አንቀጽ 11 በተቀመጠው መሰረት በክፍያም ሆነ ያለ ክፍያ ለሌላ አካል ሊተላለፉ ወይም በገበያ ላይ ሊውሉ የማይችሉ ዕቃዎች እንዲሁም ለጤና ጎጂ የሆኑ ወይም ከደረጃ በታች የሆኑ ዕቃዎች የማስወገድ ተግባር መሆኑን ገልፀዋል፡፡
የደንበኞች ትምህርት ቡድን
ህዳር 18 ቀን 2017 ዓ.ም

ቅ/ጽ/ቤቱ በጥቅምት ወር አመርቂ አፈጻጸም አስመዘገበ
……………………..
የአዲስ አበባ ኤርፖርት ጉምሩክ ቅ/ጽ/ቤት በቀን 12/03/2017 ዓ.ም የቅ/ጽ/ቤቱ አመራሮች በተገኙበት የጥቅምት ወር ዕቅድ አፈጻጸም ዉይይት አካሄደ፡፡
የአዲስ አበባ ኤርፖርት ጉ/ቅ/ጽ/ቤት ዋና ስራ አስኪያጅ አቶ ተፈሪ መኮንን ለሙሳ የወርሃዊ ዕቅድ አፈጻጸም ዉይይቱን ሲከፍቱ እንደተናገሩት የቅ/ጽ/ቤቱ አፈጻጸም ከጊዜ ወደ ጊዜ እየጨመረ የመሄዱ ሚስጥር መንግስት የወሰደው የኢኮኖሚ ማሻሻያ፣ የንግዱ ማህበረሰብ መንግስት የወሰደውን የኢኮኖሚ ማሻሻያ ለመፈፀም ያለውን ቁርጠኝነት ከፍተኛ መሆኑ እና በስልታዊ የአመራር ጥበብ እና ትጋት የተካኑ አመራሮች እና ፈጻሚዎች መኖራቸዉ መሆኑን ገልፀዋል፡፡
በመቀጠል የፕላኒንግና ለውጥ ስራዎች ስራ ሂደት የሆኑት ወ/ሮ አየለች ጠምደሎ እንደገለፁት ቅ/ጽ/ቤቱ ባለፈው ወር(በጥቀምት) ብር 2,696,652,689.64 አቅዶ ብር 3,128,586,011.99 ወይም የዕቅዱን 116.02% የሰበሰበ መሆኑን፣ የወቅቱ ክንውን ከባለፈው በጀት ዓመት ተመሳሳይ ወቅት ከተሰበሰበው ብር (1,230,839,729.72) ጋር ሲነፃፀር በብር 1,897,746,282.27 ወይም 154.18 በመቶ የጨመረ ገቢ መሰብሰቡን እና በአጠቃላይ ባለፉት አራት ወራት ብር 11,867,148,600.01 ብር ለመሰብሰብ ታቅዶ ብር 12,014,309,636.11 በመሰብሰብ የዕቅዱን 101.24% ማሳካት ተችሏል፡፡
በመጨረሻም የቅ/ጽ/ቤቱ ስራአስኪያጅ አቶ ተፈሪ መኮንን እንደገለፁት ቅ/ጽ/ቤቱ ከዚህ የተሻለ ዉጤት ለማስመዝገብ የሚያስችል የታመቀ አቅም ያለዉ የሰው ሀይል በመኖሩ የበለጠ መትጋት እንደሚገባ በአጽዕኖት ተናግረዋል፡፡
------//---------
የደንበኞች ትምህርት ቡድን
ህዳር 12 ቀን 2017 ዓ.ም
አዲስ አበባ

ቅ/ጽ/ቤቱ የቢሮ ማስፋፊያና ማሻሻያ ፕሮጀክት ላይ ውይይት አደረገ
የአዲስ አበባ ኤርፖርት ጉምሩክ ቅ/ጽ/ቤት የቢሮ ማስፋፊያና ማሻሻያ ፕሮጀክት ጽንሰ ሀሳባዊ ንድፍ (conceptual Design) ላይ የፕሮጀክቱ ባለቤት ከሆነው የኢትዮጵያ አየር መንገድና ስራውን ለመስራት ጨረታውን ካሸነፈው ኑድ ኮንስትራክሽን ኃ/የተ/የግ/ድ ሃላፊዎች በተገኙበት ዛሬ ጥቅምት 20 ቀን 2017 ዓ.ም በቅ/ጽ/ቤቱ የመሰብሰቢያ አዳራሽ ውይይት አደረገ ፡፡
ውይይቱን ያስጀመሩት የቅ/ጽ/ቤቱ ስራ አስኪያጅ አቶ ተፈሪ መኮንን የቢሮ ማስፋፊያና ማሻሻያ ያስፈለገበት ምክንያት ሲገልፁ ሁሉም ቢሮዎች በአንድ ቦታ የማይገኙ በመሆኑ የደንበኞቻችን ጊዜና ጉልበት የሚያባክን እና ምቾት የማስጥ መሆኑን ገልፀው ማስፋፊያው በተያዘለት መርሀ ግብር መሰረት የሚፈፀም ከሆነ የደንበኞችን ምቾት በጠበቀ መልኩ ቀልጣፋ አገልግሎት መስጠት እንደሚያስችል ገልፀዋል፡፡
የኮንስትራክሽኑ ፕሮጀክት ማኔጀር የሆኑት ወ/ሮ ቤልሳቤ ግርማ እንደገለፁት ፕሮጀክቱ ሁለት አይነት እንደሆነ የመጀመሪያው ነባሩን ህንፃ አንድ ፎቅ በመጨመርና ዘመናዊ የሆነ የቢሮ መዋቅር እንዲኖረው የሚያደርግ ስራ መሆኑን እና ሁለተኛው የሰራተኞች ካፍቴሪያና የመሰብሰቢያ አዳራሽ ያለው ጂ+4 አዲስ ህንፃ የመገንባት ስራን የሚያካትት መሆኑን የገለፁ ሲሆን ዕድሳቱና ማስፋፊያው በአምስት ወራት እንዲሁም ጂ+4ሩ በአስር ወራት የሚጠናቀቅ መሆኑን ገልፀዋል ፡፡
………………………………….
የደንበኞች ትምህርት ቡድን
ጥቅምት 20 ቀን 2017 ዓ.ም

የአዲስ አበባ ኤርፖርት ጉ/ቅ/ጽቤት ልሳን የሆነችው ወገግታ መጽሄት ተደራሽ ልትሆን ነው።
ጥቅምት 20 ቀን 2017 ዓ. ም