African Leadership Excellence Academy

የአፍሌክስን የሪፎርም ስራዎች በተመለከተ ገለጻ ያደረጉት እሸቴ አበበ (ዶ/ር) ተቋሙ ከምን ተነስቶ ወደየት እየሄደ እንዳለ፣ እየከወናቸው የሚገኙትን ትልልቅ ስራዎች እንዲሁም ስለሱሉልታ ዳቮስ ፕሮጀክት አብራርተዋል።

ስልጠናው ለ4 ቀናት የሚቆይ ሲሆን ዛሬ በመጀመሪያው ቀን የኢቢሲ ምክትል ዋና ስራ አስፈጻሚ ረዳት ፕሮፌሰር ነብዩ ባዬ፣ ኪነ ጥበብ፣ ባህል እና ስፖርት ለሃገረ መንግስት ግንባታ በሚኖራቸው ሚና ዙሪያ ሰፊ ማብራሪያ አቅርበዋል።

ከዚህ ቀደም የአፍሪካ አመራር ልህቀት አካዳሚ በመጀመሪያ ዙር ከፌዴራል፤ ከክልሎችና ከሁለቱም የከተማ አስተዳደሮች ለተወጣጡ 250 የባህልና ስፖርት ሚኒስቴር አመራርና ባለሞያዎች ተመሳሳይ አላማ ያለው የአመራር ልማት ስልጠና መስጠቱ ይታወሳል።

የባህል እና ስፖርት ሚኒስቴር አመራሮች እና ባለሞያዎች በአፍሌክስ ስልጠና መውሰድ ጀመሩ

ሱሉልታ የካቲት 10/2017 ዓ.ም (አፍሌክስ)- አፍሌክስ ለባህል እና ስፖርት ሚኒስቴር አመራሮች እና ባለሞያዎች መስጠት በጀመረው 2ተኛ ዙር የአመራር ልማት ስልጠና 270 የሚኒስቴር መስሪያ ቤቱ አመራሮች እና ባለሞያዎች ተሳታፊ መሆን ችለዋል።

የሃገሪቱን ተቋማት የአመራር ብቃት ለማሳደግ በመስራት ላይ የሚገኘው አፍሌክስ ከባህል እና ስፖርት ሚኒስቴር ጋር በመተባበር ፤ለሚኒስቴር መስሪያ ቤቱ አመራሮች እና ባለሞያዎች 2ተኛ ዙር ስልጠና በአመራር ልማት ማዕከሉ መስጠት ጀምሯል።

ስልጠናው የአመራሩን ብቃት በማጠናከር ኪነ ጥበብ፣ ባህል፣ እና ስፖርት ለሃገር አንድነት እና ብልጽግና ያላቸውን ሚና አጠናክሮ ለማስቀጠል ያለመ እንደሆነ ተገልጿል።

በመክፈቻ ስነ ስርዐቱ ላይ ንግግር ያደረጉት የባህልና ስፖርት ሚኒስትሯ ክብርት ወ/ሮ ሸዊት ሻንካ “የዚህ ስልጠና ዋነኛ አላማ ባህልና ስፖርትን ለሃገረ መንግስት ግንባታ ለማዋል የሚያችለንን አቅም ማሳደግ ነው።” ብለዋል።

አያይዘውም ያደጉ ሃገራት ገጽታቸውን ለመገንባት ከተጠቀሙባቸው መሳሪያዎች መካከል ባህልና ስፖርት ዋነኞቹ መሆናቸውን ጠቅሰው፣ “ኢትዮጵያ ያሏትን ቱባ ባህሎችም ሆነ የስፖርቱን ዘርፍ ለሃገራዊ አንድነት እና ገጽታ ግንባታ ለማዋል ሃላፊነታችንን እየተወጣን ነው ወይ? ብለን ራሳችንን መጠየቅ ይኖርብናል።” ሲሉ ተናግረዋል።

አፍሌክስ ለጤና ሚኒስቴር እና ለተጠሪ ተቋማት አመራሮች ስልጠና መስጠት ጀመረ

ሱሉልታ የካቲት 10/2017 ዓ.ም (አፍሌክስ)-በአመራር መስኩ የጾታ እኩልነትን የማረጋገጥ አላማ ያለው የፐብሊክ ሊደሺፕ ፎር ጀንደር ኢኳሊቲ (PL4GE) ፕሮጀክት ለጤና ሚኒስቴር እና በስሩ ለሚገኙ ተጠሪ ተቋማት የስራ ሃላፊዎች በአፍሌክስ ስልጠና መስጠት ጀምሯል።

የአፍሌክስ፣ የሴቶች እና ማህበራዊ ጉዳዮች ሚኒስቴር እና የግሎባል ሴንተር ፎር ጀንደር ኢኳሊቲ ትብብር ውጤት የሆነው ይህ ፕሮጀክት በአመራር ዘርፍ የጾታ እኩልነትን ለማረጋገጥ በመስራት ላይ ይገኛል።

ዛሬ ሱሉልታ በሚገኘው የአፍሌክስ የአመራር ልማት ማዕከል የተጀመረው ስልጠናም የዚሁ አካል ሲሆን የጤና ሚኒስቴር አመራሮችን እንዲሁም በስሩ የሚገኙ ተጠሪ ተቋማትን የስራ ሃላፊዎች ያሳተፈ ነው።

የጤና ሚኒስቴርን ወክለው ስልጠናውን በንንግር ያስጀመሩት ዶ/ር አስናቀ ዋቅጅራ በጤናው አመራር ዘርፍ የጾታ እኩልነትን ለማረጋገጥ ሚኒስቴር መስሪያ ቤቱ አበክሮ እየሰራ ይገኛል ብለዋል።

ከሴቶችና ማህበራዊ ጉዳዮች ሚኒስቴር በመክፈቻው ላይ ንግግር ያደረጉት ትፍስሂት ሰለሞን (ዶ/ር) በሃገራችን በየመስኩ ባለው አመራር ዘንድ የጾታ እኩልነትን ለማረጋገጥ የሚሰራው ስራ አካል የሆነው ይህ ፕሮጀክት ሙሉ በሙሉ ወደትግበራ መግባቱ ደስ የሚያሰኝ መሆኑን ገልጸው፣ በጤናውም ሆነ በሌላው መስክ የጾታ እኩልነትን ለማረጋገጥ የሚሰራው ስራ ተጠናክሮ እንደሚቀጥል ተናግረዋል።

የፕሮጀክቱ የስራ ሃላፊ ኢሳያስ ታዬ (ዶ/ር) PL4GE በርካታ ሂደቶችን አልፎ ለዚህ በቅቷል ብለው፣ ለዚህም ጉልህ አስተዋጽዖ ላበረከቱ የፕሮጀክቱ አስተባባሪዎች ምስጋና አቅርበዋል።

ስልጠናው ከየካቲት 10 እስከ 12 እንደሚቆይ ተገልጿል።

Leadership-centered systems thinking Is essential for effective leadership in today’s complex environment.

This approach emphasizes understanding the needs, perspectives, and experiences of people within the system, fostering a culture of empathy and collaboration.

Leaders who adopt this mindset prioritize the well-being of their team members, recognizing that engaged and satisfied individuals drive organizational success.

By actively listening to feedback and involving team members in the decision-making process, leaders create an inclusive atmosphere where everyone feels valued.

Moreover, human-centered system thinking encourages leaders to view challenges holistically.

Instead of addressing problems in isolation, they consider the interconnectedness of various elements within the organization, enabling more sustainable and effective solutions.