አባይ ዜና Abbay news abay television አባይ ቲቢ አባይ ቴለቪዥን አውደ ዜናዎች awude zenawoch አባይ ሚድያ

📌 የቤት ተከራዮች ለሁለት ዓመት ያክል ያለምንም ጭማሪ በተከራዩት መኖሪያ ቤት ዉስጥ ተረጋግተዉ የመኖር መብት የሚሰጣቸው አዋጅ ፀደቀ‼️

በሀገሪቱ ከተሞች የሚስተዋለውን ያልተረጋጋና ፍትሀዊ ያልሆነ የቤት ኪራይ ዋጋ ጭማሪ የሚያስቀር እዲሁም የአከራይ እና የተከራይን መብት በፍትሀዊነት የሚያስጠብቅ ነዉ የተባለለት "የመኖሪያ ቤት ኪራይ ቁጥጥር እና አስተዳደር ረቂቅ አዋጅን" ማጽደቁን ዳጉ ጆርናል ሰምቷል።

የህዝብ ተወካዮች ምክርቤት የመኖሪያ ቤት ኪራይ ቁጥጥር እና አስተዳደር ረቂቅ አዋጅን በሶስት ድምጸ ታቅቦ አብላጫ ድምፅ በዛሬው ዕለት አፅድቋል።

የከተማና መሰረተ ልማት ሚኒስትሯ ወ/ሮ ጫልቱ ሳኒ ዜጎች ከሚያገኙት ገቢ ከ25 እስከ 30 በመቶ በላይ ለቤት ኪራይ ማዋል እንደማይጠበቅባቸው ገልፀው አንድ ተከራይ ለሁለት ዓመት ያክል ያለምንም ጭማሪ በተከራየው ቤት ውስጥ ተረጋግቶ የመኖር መብት የሚሰጠው አዋጅ ነዉ ብለዋል።

📌 በከተማዋ ለተከሰተዉ የነዳጅ ዕጥረት ምክንያቱ ጅቡቲ ላይ የደረሰ ከባድ ዝናብ መሆኑ ተገለጸ፡፡

ከሰሞኑ በመዲናዋ እየተስተዋለ ለሚገኘዉ የነዳጅ ዕጥረት ምክንያት ጅቡቲ ላይ ከባድ ዝናብ በመጣሉ ምክንያት የመንገድ መቆረጥ በማጋጠሙ መሆኑን ሰምተናል፡፡

በተጨማሪም አስቀድሞም ከቦታዉ በበቂ ሁኔታ ነዳጅ እየተጫነ ባለመሆኑ መሆኑን የኢትዮጵያ ነዳጅ አዳዮች ማህበር ለጣቢያችን ተናግሯል፡፡

የኢትዮጵያ ነዳጅ አዳዮች ማህበር የቦርድ አባል አቶ ደሳለኝ አበባየሁ እንደነገሩን ከሆነ እነዚህ ምክንያቶች ከነዳጅ አቅራቢ ኩባንያዎች የተነገራቸዉ ነዉ፡፡

ችግሩ ለመስተካከል ጊዜ ይወስድ እንደሆን የጠየቅናቸዉ አቶ ደሳለኝ‹‹ ጉዳዩ ትልቅ ነዉ፤ እንደ ቀላል የሚታይ አይደለም ያሉን ሲሆን፤ በእርግጠኝነት መንግስትም ሌት ተቀን ርብርብ አድርጎ ነገሮችን ያስተካክላል ብለን ተስፋ እናደርጋለን›› ብለዉናል፡፡

ከጅቡቲ ከሚመጣዉ በተጨማሪ ክምችት ዉስጥ ነዳጅ አልነበረም ወይ ያልናቸዉ አቶ ደሳለኝ፤ ቤንዚን ከአዋሽ ፣ ከሱሉልታ ዲፖዎች ነዉ እየተጫነ ያለዉ ያሉን ሲሆን፤ አሁን ላይ ግን ከክምችት ለመጫን ያልፈለጉበት የራሳቸዉ ምክንያት ይኖራቸዋል ፤ መንግስትም ይህንን አይቶ መፍትሄ ይሰጣል ብለን እንጠብቃለን ብለዉናል፡፡

አንድ ያለን መንገድ የጅቡቲ ብቻ ነዉ፤ መንገዱ የተበላሸ በመሆኑ ደግሞ የመቆራረጥ ችግር ያጋጥማል ከባድ ዝናብ ሲዘንብ ደግሞ ችግሩን ከፍ ያደርገዋል ያሉት አቶ ደሳለኝ፤እንደዚህ ዓይነት ችግሮች የሚያግጥሙ በመሆኑ ለተወሰነ ጊዜ በትዕግስት ማለፍ አስፈላጊ ነዉ ብለዋል፡፡

📌 በአክሱም ዩንቨርስቲ ኮምፕረሄንሲቭ ስፔሻላይዝድ ሆስፒታል በጭንቅላታቸው የተጣበቁ መንትዮች ተወለዱ‼️

መጋቢት 22 ቀን 2016 ዓ.ም ምሽት በሪፈራል የመጣች እናት በድምሩ 5 ኪሎ ግራም የሚመዝኑ ሁለት የተጣበቁ ሴት መንትዮች የወለደች ሲሆን እናት እና ህፃናቱ በጥሩ ጤንነት ላይ ይገኛሉ ተብሏል።

እናትየው በአካባቢው ጤና ጣቢያ የእርግዝና ክትትል ብታደርግም የአልትራሳውንድ ምርመራ ያhላደረገች በመሆኗ ምክንያት ክስተቱ ልጆችን በወለደችበት አጋጣሚ መታወቁን ብስራት ሬዲዮና ቴሌቪዥን ሰምቷል።

እንዲህ ዓይነቱ ክስተት በዓለም ዙሪያ ከ 189ሺ አንድ አዲስ የተወለዱ ላይ ህፃናት ይከሰታል የተባለ ሲሆን አብዛኛዎቹ ተጣብቀው እሚወለዱ መንትዮች በማህፀን ውስጥ የሚሞቱ ሲሆን በህይወት ከሚወለዱት መካከል ግማሽ ያህሉ ደግሞ  ከ 24 ሰዓታት በላይ በህይወት አይቆዩም። ከ24 ሰዓታት በላይ የመኖር እድል ያላቸው ተጣብቀው የተወለዱ መንትዮች ደግሞ 18 በመቶዎቹ ብቻ ናቸው።

አሜሪካ በአማራ ክልል ከሰሜን ሸዋና ኦሮሞ ብሔረሰብ ልዩ ዞን የሚወጡ የንጹሐን ግድያ ሪፖርቶች አሳስበውኛል አለች።

አሜሪካ በአማራ ክልላዊ መንግሥት ውስጥ በሚገኙት ሰሜን ሸዋና ኦሮሞ ብሔረሰብ ልዩ ዞን የሚወጡ የንጹሐን ግድያ ሪፖርቶቾ አሳስበውኛል ያለችው አዲስ አበባ በሚገኘው ኤምባሲዋ በኩል ነው።

በኢትዮጵያ አምባሳደር ኤርቪን ማሲንጋ በኩል በወጣው መግለጫ ላይ በሰሜን ሸዋና ኦሮሞ ብሔረሰብ ልዩ ዞን ሰዎች ንጹሐን ላይ ግድያ እና ጉዳት ከመድረሱ በተጨማሪ ከቤት ንብረታቸው መፈናቀላቸው ተመላክቷል።

የኤምባሲው መግለጫ ውስብስብ ያለውን የኢትዮጵያን የፖለቲካ እና የደህንነት ቀውስ ለመፍታት መፍትሔው ንግግር መሆኑን አፅንኦት ሰጥቶበታል። በአጣዬ ከተማ ሰሞኑን በነበረው ግጭት ወደ ሸዋሮቢት እና ደብረብርሃን ከተማ የተፈናቁ ነዋሪዎች እንዳሉ ታውቋል።

የኢትዮጵያ ሕዝባዊ አብዮታዊ ፓርቲ (ኢ.ሕ.አ.ፓ) ሊቀ መንበር በቁጥጥር ስር መዋላቸው ተገለጸ

የኢትዮጵያ ህዝባዊ አብዮታዊ ፓርቲ ሊቀመንበር ዝናቡ አበራ በፖሊስ በቁጥጥር ስር መዋላቸውን ፓርቲው አስታውቋል።

በቁጥጥር ስር መዋላቸውን ተከትሎ በአዲስ አበባ ሶስተኛ ፖሊስ ጣቢያ እንደሚገኙ አዲስ ማለዳ ማወቅ ችላለች።

ሊቀ መንበሩ በምን ምክንያት ተጠርጥረው በቁጥጥር ስር እንደዋሉ ይህ ዘገባ እስከወጣበት ሰዓት ድረስ ማወቅ አለተቻለም።

የኢ.ሕ.አ.ፓ ተቀዳሚ ሊቀ መንበር አብርሃም ሃይማኖት ሰላማዊ ሰልፍ አስተባብራችኋል በሚል ለሦስት ወራት በእስር ከቆዩ በኋላ ባሳለፍነው ሳምንት መፈታታቸው አይዘነጋም።

2 አገልጋዮች ከነሙሉ ቤተሰቦቻቸው በጥይት ተደብድበው ተገድለዋል " - የአካባቢው ምዕመናን

የደብረ ቅዱሳን ቅዱስ ገ/ ክርስቶስ ቤተክርስቲያን ሁለት አገልጋዮች #ከነሙሉ ቤተሰቦቻቸው መገደላቸውን የማህበረ ቅዱሳን ቴሌቪዥን ገለጸ።

በምዕራብ አርሲ ሀገረ ስብከት በዶዶላ የደብረ  ቅዱሳን ቅዱስ ገብረ ክርስቶስ ቤተክርስቲያን 2 አገልጋዮች ከነሙሉ ቤተሰቦቻቸው ጋር ለጊዜው " ማንነታቸው አልታወቀም " በተባሉ አካላት መገደላቸው ተነግሯል።

የቴሌቪዥን ጣቢያው ፤ ግድያው የተፈፀመው ትናንት መጋቢት 16 ቀን 2016 ዓ.ም ከምሽቱ 3:00 ገደማ መሆኑን የአካባቢው ምዕመናን እንደነገሩት ገልጿል።

በተፈጸመው በዚህ ግድያ የደብረ ቅዱሳን ቅዱስ ገብረ ክርስቶስ ቤተክርስቲያን  አገልጋይ የሆኑት አንድ መሪጌታና ዲያቆንን ጨምሮ 5 የቤተሰብ አባሎቻቸው በጥይት ተደብድበው መገደላቸው ተገልጿል።

የቴሌቪዥን ጣቢያው ፥ በዶዶላ ከተማ ጥቅምት 12 ቀን 2012 ዓ.ም በርካታ ኦርቶዶክሳውያን መገደላቸውን አስታውሷል።

አዲስ አበባ 2 ፖሊሶችና አንድ ደንብ ማስከበር ክፉኛ ተደበደቡ

አዲስ አበባ ኮተቤ ቀበሌ 02 የገበያ ማዕከል ዛሬ መጋቢት 11/2016 ዓም ፖሊስና ደንብ ማስከበር በጋራ ህገወጥ ነጋዴዎችን የመቆጣጠር ስራ ሲያከናውኑ አለመግባባት ተፈጥሮ እንደነበር ከስፍራው ያገኘሁት መረጃ ያመለክታል።

አለመግባባቱ ሊፈጠር የቻለው ህግ አስከባሪዎቹ በዱላ ህገወጥ የተባሉትን ጉሊት ነጋዴዎች መደብደብ በመጀመራቸው ነው።

በዚህም:—
ሁለት የቀን ሰራተኞቹ ላይ ከፍተኛ ጉዳት አጋጥሟል።

ሁለት የፖሊስ አባላት በደረሰባቸው ድብደባ ሆስፒታል ገብተዋል።

በተመሳሳይ አንዲት የደንብ ማስከበር በደረሰባት ከፍተኛ ጉዳት በአንድ የግል ሆስፒታል ፅኑ ህሙማን ክፍል ህክምና እየተደረገላት ነው።

ጌታቸው ረዳ‼️

የትግራይ ጊዜያዊ አስተዳደር ርዕሰ መስተዳድር ጌታቸው ረዳ፣ የኤርትራ ወታደሮች ትግራይ ውስጥ የፈጸሟቸውን ወንጀሎች ለመዳኘት አገራዊ የሽግግር ፍትህ ፖሊሲ ማዕቀፍ በቂ አይደለም በማለት ስጋታቸውን ገልጠዋል።

ጌታቸው ይህንኑ ስጋታቸውን የገለጡት፣ ከተመድ የሰብዓዊ መብት ኮሚሽን የምሥራቅ አፍሪካ ሃላፊ ማርሴል ክሊመንት ጋር መቀሌ ውስጥ በተወያዩበት ወቅት እንደኾነ የክልሉ ቴሌቪዥን ዘግቧል።

ክሊመንት በበኩላቸው፣ በጦርነቱ ወቅት የተፈጸሙ ወንጀሎችን የማየቱ ሂደት ተጎጂዎችን ማዕከል ያደረገ መኾን እንዳለበት መናገራቸውን ዘገባው አመልክቷል።

በርካታ አገር በቀል ሲቪል ማኅበራትም፣ በረቂቅ ደረጃ ላይ የሚገኘው የሽግግር ፍትህ ፖሊሲ ማዕቀፍ የኤርትራ ወታደሮች በጦርነቱ ወቅት የፈጸሟቸውን ወንጀሎች ጭምር እንዲያካትትና የኤርትራ ወታደሮችን ወንጀሎች የሚመለከት ልዩ ፍርድ ቤት እንዲቋቋም የሚጠይቅ የምክረ ሃሳብ ሰነድ በቅርቡ ለፍትህ ሚንስቴር ማስገባታቸው ይታወሳል።

በአማራ ክልል ሰሜን ሸዋ ዞን አጣዬ ከተማ ትናንት ጀምሮ እስከዚህ ሰዓት ድረስ ከፍተኛ ተኩስ መኖሩን ነዋሪዎቹ ገልፀዋል። ህዝቡም መውጫ አጥቶ ቤቱ ቁጭ ብሏል ብለዋል።

ነዋሪዎቹ እንደሚሉት  አጎራባች ከሆነው የኦሮሞ ብሄረሰብ ልዩ ዞን የመጡ ታጣቂዎች ጭምር በተኩሱ ተሳታፊ ናቸው ብለዋል።

ተኩሱ በማን መካከል እየተካሄደ እንደሆነ ለማወቅ እንዳልቻሉ ተናግረዋል።

የፌደራል ቤቶች ኮርፖሬሽን በአዲስአበባ በተከናወኑ ፈረሳዎች 980 ቤቶች ፈርሰዉበታል

የኢፌዴሪ የሕዝብ ተወካዮች ምክር ቤት በ18ኛ መደበኛ ስብሰባው "ለሕዝብ ጥቅም ሲባል የመሬት ይዞታ የሚለቀቅበት ፣ ካሳ የሚከፈልበት እና ተነሺዎች መልሰው የሚቋቋሙበትን ሁኔታ ለመወሰን የወጣ /ማሻሻያ/ ረቂቅ አዋጅን" በሚመለከት በዛሬዉ እለት ዉይይት ያደረገ ሲሆን አዋጁ ላይ ከም/ቤቱ አባላት በርካታ ጥያቄዎች ተነስቶበታል።

ዳጉ ጆርናል ጉባዔዉን እንደተከታተለዉ ፤ ስለ አዋጁ መሻሻል አስፈላጊነት በም/ቤቱ የመንግስት ተጠሪ አቶ ተስፋዬ በልጅጌ ማብራሪያ ሰጥተዉ ነበር። አዋጁ በዋነኛነት የልማት ስራዎችን የሚሰራዉ አካል ነዋሪዎችን ከቦታ ማስለቀቅ ፣ የሚያገኙት የካሳ ክፍያ እና የድንበር ማስከበር ጉዳዮችን ወደ ክልልሎች እና የከተማ መስተዳደሮች ለማስተላለፍ ያለመ መሆኑን ተናግረዋል። እነዚህ ስራዎች በተለይም በፌዴራል መንግስቱ የሚገነቡ የልማት ስራዎች በማጓተት እክል ይፈጥሩ እንደነበርም የመንግስት ተጠሪዉ በማብራሪያቸዉ አንስተዋል።

ይህንን ተከትሎም አባላቱ ጉዳዩን ለሚመረምረዉ ቋሚ ኮሚቴ ሊያተኩርባቸዉ ይገባል ባሏቸዉ ነጥቦች ላይ ጥያቄ አንስተዋል።በዋነኛነት የካሳ ክፍያ ጉዳይ ወደ ክልሎች እንዲዞር መታሰቡ በተለይም አንዳንድ ክልሎች ካለባቸዉ የበጀት እጥረት ጋር በተያያዘ እንዴት ሊተገበር ይችላል የሚል ጥያቄ አስነስቷል። ሌላዉ የፌዴራል ተቋማት ያልከፈሏቸዉ ከፍተኛ እዳዎች ወደ ክልልሎች ይዞራል ወይ የሚለዉ ጥያቄ ተነስቷል። በአንድ የም/ቤት አባል ከተነሳዉ ጥያቄ ዉስጥ የፌዴራል መንገዶች ባለስልጣን ለተነሺዎች ያልከፈለዉ 14 ቢሊዮን ብር እዳ ያለበት ሲሆን ይህ እዳ በምን መልኩ ተጣጥሞ ለተነሺዎች ይከፈላል የሚለዉ ትኩረት ሊሰጠዉ ይገባል ብለዋል።

ሌላዉ የመንግስት የልማት ድርጅቶች ዉስጥ ከሚገኙ ተቋማት ለአብነት የፌደራል ቤቶች ኮርፖሬሽን በአዲስአበባ በተከናወኑ ፈረሳዎች 980 ቤቶች እንደፈረሱበት እና ተገቢዉን ካሳ እንደማያገኝ እና ተተኪ መሬት እንደማይሰጠዉም ጥያቄ ያነሱ የም/ቤት አባል ነበሩ። ይህም የመንግስት ልማት ድርጅቶችን የሚዳክም ነዉ ብለዋል።

ረቂቅ አዋጁ ለዝርዝር እይታ ቁጥር 12/2016 ሆኖ በዋነኛነት ለከተማ መሰረተ ልማትና ትራንስፖርት ጉዳዮች እንዲሁም በተባባሪነት ለህግ እና ፍትህ ጉዳዮች ቋሚ ኮሚቴዎች ተመርቷል።

አሜሪካ ኢትዮጵያ ኤችአይቪ/ኤድስን ለመከላከል የምታደርገውን ጥረት የሚያግዝ 111 ሚሊየን ዶላር መለገሷ ተገለጸ

የዩናይትድ ስቴትስ ፕሬዚዳንት አስቸኳይ ጊዜ የኤችአይቪ/ኤድስ ምላሽ ዕቅድ (PEPFAR) ኢትዮጵያ ኤችአይቪ ኤድስን ለመከላከል የምታደርገውን ጥረት ለማገዝ የሚውል 111 ሚሊየን ዶላር መለገሱን አስታወቀ።

#የአሜሪካ መንግስት የገንዘብ ድጋፉን የሰጠው ኢትዮጵያ በ2030 ኤችአይቪ ኤድስን ለመቆጣጠር ለተቀመጠው እቅድ ማስፈጸሚያነት መሆኑም ተጠቁሟል።

ኤችአይቪ ኤድስን ለመቆጣጠር በሚደረገው ጥረት የሚያጋጥሙ እጥረቶችን ለማሟላት፣ እንክብካቤ የሚሽቱን ለማገዝ እና በዋናነት ስርጭቱ የሚያይልባቸው ቦታዎች በመለየት የመቆጣጠር ስራውን ለማገዝ እንዲያመች የገንዘብ ልገሳው ትልቅ አስተዋጽኦ እንደሚኖረው ተገልጿል።

የአሜሪካ መንግስት የገንዘብ ልገሳው ይፋ የተደረገው የዩኤስ ግሎባል ኤድስ ፕሮግራም አስተባባሪው አምባሳደር ዶ/ር ጆን ኬንጋሶንግ በኢትዮጵያ የአሜሪካን አምባሳደር ኤርቪን ማሲንጋ እና የጤና ሚኒስትሯ ዶ/ር መቅደስ ዳባ በተገኙበት መሆኑን ከኤምባሲው የተላከልን መረጃ ያሳያል።

ኤችአይቪ ኤድስን ስርጭት ለመቆጣጠር የወጣው ዕቅድ ዋነኛ ትኩረት በሀገሪቱ በተከሰቱ ግጭቶች ሳቢያ በሽታው የተስፋፋባቸውን እንደሚያደርግ አመላክቷል።

ባለፉት 21 አመታት የዩናይትድ ስቴትስ ፕሬዚዳንት አስቸኳይ ጊዜ የኤችአይቪ/ኤድስ ምላሽ ዕቅድ ፔፕፋር በኢትዮጵያ የኤችአይቪ/ኤድስ ስርጭትን ለመከላከልና ተጽእኖውን ለመቋቋም ከሶስት ቢሊዮን ዶላር በላይ ወጪ በማድረግ ከፍተኛ አስተዋፅኦ ማበርከቱን ከኤምባሲው ያገኘነው መረጃ ያሰያል።

        

#Update

" የትግራይ ጡረተኞች ክፍያው እንዲፈፀምላቸው ተወስኗል " - ዶ/ር እዮብ ተካልኝ

በትግራይ ክልል በነበረው ጦርነት ምክንያት የጡረታ ገንዘብ ያልተከፈላቸው ጡረተኞች፤ በፖለቲካ ውሳኔ መሰረት ደሞዝ እንዲከፈላቸው መወሰኑን የገንዘብ ሚኒስትር ዴኤታና የጡረታ ፈንድ የቦርድ አባል ዶክተር እዮብ ተካልኝ ማሳወቃቸውን ብሔራዊ ቴሌቪዥን ጣቢያ ዘግቧል።

ዶ/ር እዮብ ፤ የጡረታ መዋጮ ባልተሰበሰበበት ሁኔታ ጡረታ እንዲከፈል የሚፈቅድ አሰራር አለመኖሩን ጠቅሰው፤ ውሳኔው ፖለቲካዊ ስለመሆኑ ተናግረዋል።

በዚህም ከፕሪቶሪያው ስምምነት በፊት ክፍያ ተቋረጦባቸው የነበሩ ጡረተኞች፤ በሚቀጥሉት ሳምንታት ክፍያ ይፈፀምላቸዋል ብለዋል። አሰራሩ በመንግስት ተቋማት እና በግል ድርጅቶች ይሰሩ የነበሩ ጡረተኞችን እንደሚመለከት ጠቁመዋል።

ከትግራይ ጡረተኞች ክፍያ ጋር በተያያዘ ተደጋጋሚ ጥያቄ ሲነሳ እንደነበር ጠረተኞችም ሰላማዊ ሰልፍ እስከመውጣት መድረሳቸው ይታወሳል።

ከቀናት በፊት ጠ/ሚ ዶክተር ዐቢይ አህመድ ከትግራይ ክልል ከመጡ የህዝብ ተወካዮች ጋር ባደረጉት ውይይት፤ የጡረተኞች የደሞዝ ክፍያ አልተፈጸመም የሚል ቅሬታ ቀርቦ ነበር።

ጠ/ሚኒስትሩ ፤ " ከሚመለከታቸው የመንግስት የስራ ኃላፊዎች ጋር ተነጋግሬ በአጭር ጊዜ ምላሽ ይሰጣል " የሚል ምላሽ ሰጥተው እንደነበር ይታወሳል።

በተደረሰው ፖለቲካዊ ውሳኔ በጦርነቱ ምክንያት ያለተከፈለ የጡረተኞች ደሞዝ ተሰልቶ ይከፈላቸዋል ተብሏል።

የሸኔ ታጣቂዎች ህዝብ መዝረፋቸውን እና ማሰቃየታቸውን ቀጥለዋል። ካንፕ ሳይቀር መስርተው ወደ የከተሞች እየገቡ ንፁሃንን በማገት ገንዘብ አምጡ እያሉ ማሰቃየታቸውን ቀጥለዋል። ሰሞኑን ቢሾፍቱ ሆራ ሀይቅ ዳርቻ እገታ የተፈፀመ ሲሆን፣ ታጋቾች ሙሉ ለሙሉ ተዘርፈዋል። በጣም የሚገርመው ደግሞ፣ አጋቾቹ ባንክ አካውንት ሁሉ አላቸው።

ድርጊቱ የተፈፀመው የዛሬ ሁለት ሳምንት በቢሾፍቱ ሆራ ሀይቅ ዳርቻ ነው። በርካታ በጥቃቅን እና አነስተኛ የእደጥበብ ምርት እና ሽያጭ ላይ የተሰማሩ አብዛኞቹ ሴቶች የሆኑ ዜጎች በአንድ ጃማይካዊት አስተባባሪነት አነስተኛ ባዛር/የንግድ ትርኢት ያዘጋጃሉ።

ከቀኑ 11 ሰአት ሲሆን የታጠቁ ሰዎች ይመጡና እቃዎቻቸውን አይሱዙ መኪና ላይ ይጭናሉ፣ ሰዎቹንም እየመቱ በጫካ ውስጥ ሁለት ሰአት የፈጀ የእግር ጉዞ አድርገው ወስደው ወደ "ካምፓቸው" አደረሷቸው።

በዚህ ካምፓ ለአምስት ቀን ተይዘው ከቆዩ በኋላ ገንዘብ ይጠይቃሉ፣ ገንዘብ የለንም ሲሉ ግን መታወቂያዎቻቸውን በመቀበል በቀጥታ ወደ ባንኮች እየደወሉ ያላቸውን የገንዘብ መጠን አረጋገጡ፣ ከዛም በግድ ገንዘብ ትራንስፈር አስደረጓቸው።
ይህን ከፈፀሙ በኋላ በአምስተኛው ቀን ከለሊቱ 8 ሰአት ለቀዋቸው በድጋሜ 2 ሰአት በእግራቸው ተጉዘው ቢሾፍቱ ተመልሰዋል።

CBE ከትናንት በስተያ አርብ ለሊት ባጋጠመው የሞባይል ባንኪግ app system 2.4 ቢሊዮን ብር ወጪ እንደተረገበት Addis fortune ጋዜጣ አስነብቧል። አጠቃላይ 66,000 የሚጠጉ ሰዎች ቢያንስ 25,000 birr unauthorized የገንዘብ ዝውውር ፈፅመዋል ተብሏል።
በተለይ የዩኒቨርስቲ ተማሪዎች የወሰዱትን ብር እንዲመልሱ ዩኒቨርስቲዎች እያሳሰቡ ቢሆንም በሲስተም ብልሽቱ ምክንያት እስካሁን ምን ያህል ብር እንደተወሰደበት ባንኩ የሰጠው መረጃ የለም::

ደሳለኝ ጫኔ (ዶ/ር) በመታወቂያ ዋስትና ከእስር እንዲፈቱ ተወሰነላቸው

ደሳለኝ ጫኔ (ዶ/ር) በመታወቂያ ዋስትና ከእስር እንዲፈቱ ተወሰነላቸው፡፡ ባሳለፍነው ሀምሌ ወር ላይ በተመሳሳይ ከመኖሪያ ቤታቸው በጸጽታ ሀይሎች ተወስደው በእስር ላይ የነበሩት ሌላኛው የህዝብ ተወካዮች ምክር ቤት አባል የሆኑት አቶ ክርስቲያን ታደለ ያለመከሰስ መብታቸው ከታሰሩ ከሰባት ወራት በኋላ በህዝብ ተወካዮች ምክር ቤት ተነስቷል፡፡

ከሁለት ሳምንት በፊትም የአዲስ አበባ እና አማራ ክልል ምክር ቤቶች የካሳ ተሻገር (ዶ/ር) እና አቶ ዮሀንስ ቧያለው ያለመከሰስ መብታቸውን ማንሳታቸው አይዘነጋም፡፡

ባሳለፍነው ዓመት ሚያዚያ ወር የፌደራል መንግስት የክልል ልዩ ሀይሎችን መልሼ ለማደራጀት ወስኛለሁ ማለቱን ተከትሎ ነበር በአማራ ክልል ግጭት የተከሰተው፡፡
ይህ ግጭት ቀስ በቀስ እያደገ መጥቶ ወደ ጦርነት የተቀየረ ሲሆን የቀድሞው የክልሉ መንግስት በመደበኛ የክልሉ የጸጥታ ሀይል ህግ ማስከበር እንደማይችል እና የፌደራል መንግስት ጣልቃ እንዲገባ በይፋ በደብዳቤ ጠይቋል፡፡

ይህን ተከትሎም ከሀምሌ 28 ቀን 2015 ዓ.ም ጀምሮ የህዝብ ተወካዮች ምክር ቤት በአማራ ክልል ለስድስት ወራት የሚቆይ የአስቸኳይ ጊዜ አዋጅ ያወጀ ቢሆንም አዋጁ ለተጨማሪ አራት ወራት ተራዝሟል፡፡