ዜና ቤተክርስቲያን

እንኳን አደረሰን

"ፈወስናሃ ለባቢሎን ወኢተፈወሰት"
ባቢሎን ፈወስናት እርስዋ
ግን አልተፈወሰችም።
ትንቢት ኤርምያስ 51፤9

ጥር 7ቀን ሕንጻ ባቢሎን
የፈረሰበት ሐልወተ እግዚአብሔር
የተገለጠበት በዓል ነው።

ሐብተ ውልድና ስመ ክርስትና ይዘን
ቅዱሱን የእግዚአብሔር መንፈስ የምናሳዝን
በከበረ የደሙ ፈሳሽነት ወልደ እግዚአብሔር እንዳዳነን የዘነጋን በፈቃዳችን በእግረ አጋንንት የተረገጥን በጥላቻ የሰከርን
የሰናዖርን ሕንጻ መፈረስ እየተረክን እየሰበክን ነገር ግን ከባቢሎን ሰዎች ያልተማርን የዘረኝነትን ካብ ያልናድን አብረን ያለን የሚመስለን ግን ያልተግባባን ያልተናበብን ቋንቋችን እንደ ባቢሎናውያን የተደባለቀብን ፍቅር ከመሐላችን የጠፋችብን ልባችን ሐሳባችንም የተበታተነብን የዘረኝነት ጣኦት በየልቦናችን አቁመን ከሰውነት የወረድን ማስተዋል የተጋረደብን
ሕንጻ ሥላሴ መሆናችንን የዘነጋን በኪሎዋችን ልክ አፈር የተሸከምን በፈቃዳችን ያበድን በዘር ቁና ሰው የምንሰፍር በብሔር ከረጢት የተቋጠርን በዘረኝነት ቁስል የተመታን ብዙዎች ነንና መሐሪው ሥሉስ ቅዱስ እግዚአ ዓለማት ቅድስት ሥላሴ ይማረን ምሕረት ፈውስን ይላክልን ከዚ በላይ ከባድ በሽታ የለምና ከተራፊ ከራሚዎቹ ሕብረት ይደምረን ፍቅርን ይናኝብን አንድነታችንን ያጽናው የክርስቲያን ደም በከንቱ ፈሶ አያስቀርብን ከነፍስና ከስጋ መከራ ይሰውረን ብርሃን ይሁን ብለው ዓለማትን የፈጠሩ ቅድስት ሥላሴ በሕይወታችን በስራችን በሐገራችን የጨለመብን ብዙ ነገር አለና ቅዱስት ሥላሴ ብርሃን ይሁነን
አሜን አሜን አሜን

እንኳን ለብርሃነ ልደቱ አደረሳችሁ…!

"…ልዩ ከሆነች ድንግል ማርያም ይህ የአምላክ መወለድ ምን ይደንቅ? ቃልን ወሰነችው። ልደቱንም ዘር አልቀደመውም። በመወለዱም ድንግልናዋን አልለወጠም። ቃል ከአብ ያለ ድካም ወጣ። ከድንግልም ያለ ህማም ተወለደ። ሰብአሰገል ሰገዱለት። አምላክ ነውና ዕጣን አመጡለት። ንጉሥም ነውና ወርቅ አመጡለት። ስለኛ በፈቃዱ ለተቀበለው መዳኛችን ለሆነው ሞቱም ከርቤ አመጡለት። እርሱ ቸርና ሰውን ወዳጅ የሆነ አንድ እርሱ ብቻ ነው። ቅድስት ሆይ ለምኚልን።

"…ቤዛ ይስሐቅ በግዕ ከኅቱም ዕፀ ሳቤቅ እንደተገኘ፤ ለእስራኤልም በበረሀ ውስጥ ከኅቱም አለት ውኃ እንደ ፈለቀ፤ የተደነቀች የአሮን በትርም እንደለመለመችና እንደ አፈራች፤ በሶምሶንም እጅ ውስጥ ከአህያ መንጋጋ አጥንት ውኃ እንደ ፈሰሰ፤ እንዲሁ የጌታችን ልደት በኅቱም ድንግልና ሆነ። በዕፀ ጳጦስ ውስጥ እሳት እንደ ነደደች ዕፂቱም እንዳልተቃጠለች እንዲሁ የመለኮቱ እሳት ድንግልን አላቃጠላትም። ለእርሱም ከቸር አባቱ ከማሕየዊ መንፈስ ቅዱስ ጋር ጌትነት ክብር ምስጋና ሰጊድ ከርሱ ጋር በትክክልነት ይገባል ለዘላለሙ አሜን።

"…በዓለ ገናን ስናከብር በኀዘን በመከራ፣ በጭንቅ፣ በራብና በጥም፣ በሰቀቀን፣ በስደት፣ በወኅኒ ቤት፣ በአልጋ ቁራኛ በደዌ ደኛ፣ በፅኑ ህመም ተይዘው፣ በየቤቱ፣ በየጎዳናው፣ በየሆስፒታሉና በፀበል ስፍራዎች ሁሉ ያሉትን፣ ከሞቀ ቤትና ንብረታቸው ተፈናቅለው በየጥሻው የወደቁትን በማሰብ፣ በመንከባከብ፣ በመጠየቅ፣ በመጎብኘትና ማዕድ በማጋራት ይሁን። ሀገራችን ኢትዮጵያንና ጎረቤቶቿን፣ መላውንም ዓለም ሁሉ ሰላማዊው ኢየሱስ ክርስቶስ ሰላም ያድርግልን። አሜን።

"…እንኳን ለጌታችንና ለመድኃኒታችን ለአምላካችንና ለፈጣሪያችን ለኢየሱስ ክርስቶስ የልደት በዓል አደረሰን‼

እንኳን ለጻድቁ አቡነ ተክለ ሃይማኖት የልደታቸው መታስቢያ በዓል አደረስን!

ይህ የሚታየው፣ቅዱስ አባታችን አቡነ ተክለሃይማኖት የተወለዱበት ቦታ ኢትሳ ተክለሃይማኖት ገዳም ቡልጋ-ሽዋ-ኢትዮጽያ

#በረከቱ_ይደርብን

ገድሉ ተዓምራቱ እጅግ ብዙ ነዉ
ጣዖትን አዋርዶ የተሸለመዉ
የተዋህዶ ኮከብ ተክለ ሐዋርያ
አባ ተክለሃማኖት ዘኢትዮጲያ /2/
አዝ።።።።።።።።።።።።
ዳግማዊ ዮሐንስ ጠፈር የታጠቀ
ፍጹም ባህታዊ ጠላት ያስጨነቀ
የፀጋዘአብ ፍሬ ዛሬ ሆኖ በቀለ
በደብረ ሊባኖስ መናኝ አስከተለ
አዝ።።።።።።።።።።።።
ደካማ መስሏቸዉ በአንድ እግሩ ሲያዩት
ባለ ስድስት ክንፉ ተክልዬ የእኔ አባት
እርሱስ አንበሳ ነዉ ይናገር ደብረ አስኮ
ሌጊዮን ሲዋረድ እፍረት ተከናንቦ
አዝ።።።።።።።።።።።።።
ከካህናት መካከል ህሩይ ነዉ ተክልዬ
መጣሁ ከገዳምህ ልሳለምህ ብዬ
ኢትዮጲያዊዉ ፃድቅ አባ ተክለሃይማኖት
ወልድ ዋህድ ብለህ ምድሪቷን ቀደስካት
አዝ።።።።።።።።።።።።።።።
የባረከዉ ዉኃ የረገጥከዉ መሬት
ጥላህ ያረፈበት ሆኗል ፀበል እምነት
ኑና ተመልከቱ ደዉያን ሲፈቱ
ይሰብካል ተክልዬ ዛሬም እንደ ጥንቱ

"ሽርሽር በእሳት ውስጥ"!!!!!
-------
እሳቱን ውኃ ያደረገው መልአክ ቅዱስ ገብርኤል፣ ፈጥኖ ደራሹ፣ አብሳሬ ትስብእት፣ የሠለሥቱ ደቂቅ ረዳት ....

እንኳን አደረሳችሁ።
***
እግዚአብሔርን ያመኑ እንዲህ በእሳቱ ውስጥ በርጋታና በጸጥታ ይመላለሳሉ። ክብርና ምስጋና ለኃያሉ የቅዱስ ገብርኤል አምላክ ለእግዚአብሔር ይሁን።

አሜን

አጽመ ፍልሰቷ ለቅድስት አርሴማ

ታኅሣሥ 6 ቀን የእናታችን የቅድስት አርሴማ ፍልሰተ አጽሟ የሚታሰብበት ዕለት ነው፡፡

የቅድስት አርሴማ እናቷ ቅድስት አትናሲያ አባቷ ቅዱስ ቴዎድሮስ ይባላሉ፤ እናትና አባቷ እግዚአብሔርን የሚያመልኩ ከካህናት ወገን የሆኑ መልካም ምግባር የነበራቸው ነበሩ፤ ልጅ ስላልነበራቸው ልጅ እንዲወልዱ ስእለትን ተሳሉ፤ እግዚአብሔርም ልጅን ሰጣቸው፡፡ በሥነ ምግባርና ብሉይና አዲስ ኪዳንን እያስተማሯት አደገች፡፡

እርሷ በነበረችበት ዘመን ዲዮቅልጥያኖስ የተባለ ጨካኝ ንጉሥ ነበር፤ ክርስቲያኖችን ለጣዖት ስገዱ እያለ መከራ አጸናባቸው፤ ቅድስት አርሴማ እና ሃያ ሰባት ደናግል በገዳም በጾም በጸሎት እያሉ ጨካኙ ንጉሥ በሰይጣን ተገፋፍቶ ቅድስት አርሴማን ሊያገባት ፈለገ፡፡ እርሷ ግን በድንግልና ሕይወት መንኩሳ መኖርን መርጣ ነበርና ከጓደኞቿ ጋር ሆና አርማንያ ወደ ተባለ አገር ተሰደዱ፡፡

ለጊዜው ከጨካኙ ንጉሥ አምልጠው በገዳም ውስጥ በጾም በጸሎት ተግተው ሳለ ንጉሡ ለአርማንያ አገረ ገዢ ለንጉሥ ድርጣድስ መልእክት ላከ፤ ‹‹አንተ አገር ተሰደው የመጡ ደናግል አሉና ይዘህ ላክልን›› አለው፤ ከዚያም አፈላልገው ቅድስት አርሴማን አገኟት፤ ድርጣድስ ባያት ጊዜ ከደም ግባቷ ማማር የተነሣ ‹‹ላግባሽ›› ብሎ ጠየቃት፤ እርሷም ‹‹እኔ በድንግልና ሕይወት የምኖር የክርስቶስ ሙሽራ ነኝ፤ ማግባት አልፈልግም›› አለችው::

በግድ አስገድዶ ሊያገባት ሲሞክር እጁን ጠምዝዛ በዐደባባይ ጣለችው፤ በዚህን ጊዜ በጣም አፈረ፤ በእርሷ እና በደናግል ጓደኞቿ መከራ እንዲያጸኑባቸውም አዘዘ፡፡

ንጉሡም በዚህ ሁሉ ተቆጥቶ ቅድስት አርሴማን ሥቃይዋን ሊያበዛባት ወዶ ደናግላኑን እርሷን ፊት ለፊታቸው አሠራትና አንድ በአንድ አንገታቸውን ቀላቸው። እርሷ ግን ‹‹አይዟችሁ!›› እያለች ታጽናናቸው ነበር። የሚደንቀው ትሰቀቃለች ብሎ ያደረገው ነገር እንዲያውም ቅዱሳኑ ሰማያዊ አክሊልን ሲቀበሉ ትመለከትበት ነበር።

በኋላም ‹‹አንቺንስ እንደሌሎቹ ቶሎ አልገድልሽም›› ብሎ እጅግ ብዙ ሥቃያትን አሠቃያት። ከነዚህም አንደኛው ሁለቱን ድንግል ጡቶቿን ቆረጠ፤ ይህም አልበቃ ብሎት ሁለቱን ዐይኖቿን አወጣ፤ እርሷም እንዲህ ሳለች እመቤታችን ንጽሕት ድንግል ማርያም የብርሃን ልዩ ዐይኖችን ሰጠቻት።

በመጨረሻም ማሠቃየትን በሰለቸ ጊዜ ከቀሩት ደናግል ጋራ በመስከረም ሃያ ዘጠኝ ቀን አንገቷን ሰየፈና ሁላቸውም የሰማዕትነትን የድል አክሊል ተቀዳጁ። እኒህም ቁጥራቸው ሰባ አምስት ወንዶችና ሠላሳ ዘጠኝ ሴቶች ነበሩ።

ቅድስት አርሴማ ከሃያ ሰባቱ ደናግል ጋራ ሰማዕትነት ከተቀበለች በኋላ ንጉሡ ድርጣድስ ፈጽሞ ታመመ ታወከ። ቅዱስ ጎርጎርዮስም ሊቀ ጳጳሳትን አስቀድሞ አሥሮት ነበር። (ይኸውም በትውፊት ታላቅ ወንድሟ እንደኾነ ይገራል)።

በኋላም ቅዱስ ጎርጎርዮስን ፈታውና ከደዌው ዳነ፤ የቅዱሳን ደናግል እና የቅድስት አርሴማንም የቅዱሳን ሰማዕታቱን አፅም ፍልሠታቸው በዚህ በቅዱስ ጎርጎርዮስ እንዲደረግ ሆነ፤ ይህም ታኅሣሥ ስድስት ቀን ነው፡፡ እንዲሁ ደግሞ የእርሷ ማኅበርተኞች የሚባሉ የመቶ ዐሥራ ዘጠኝ ሰማዕታት ዝክራቸው ነው። የቅድስት አርሴማ አማላጅነት አይለየን

ስብሐት ለእግዚአብሔር አሜን!!!

ምንጭ፡-ገድለ ቅድስት አርሴማ( ዲ/ን ወልዱ አብርሃ 2013 ዓ.ም)
-ስንክሳር ዘወርኃ ኅዳር
-መዝገበ ታሪክ ቊጥር ፩ (መምህር ኅሩይ ኤርምያስ)

#ቅዱስ_ሚካኤል_ሆይ!!
ሰላም ለአደበትህ፡ ዕራይ ለሚገልጥ
ለጠፋብን ሁሉ፡ እውቀት ለምትሰጥ
አንደበቴን አቅናው፡ ጥበብን በይበልጥ
በክንፍህ ጋርደኝ፡ በእቅፍህ ልቀመጥ
መርከቤን ስራልኝ፡ በባህር እዳልሰምጥ
እረዳታችን ሁን፡ ጸንተን እድንኖር
ለፍጥረታት ሁሉ፡ በሰማይ ወበምድር
ዋስ ጠበቃ ሁነን፡ ሰላም እድንኖር፡፡

ኅዳር 12 እንኳን አደረሳችሁ ለሊቀ መላእክ ለቅዱስ ሚካኤል ዓመታዊ ክብረ በዓል!!!

https://www.fb.com/l/6lp1kJRRR

ማርያም ሆይ፣ አንቺ ብቻ "ልጄ ጌታዬ" ከምትይው፣ አንቺ ብቻ "እናቱ" ከምትባይ፣ "ጌታን ትወልጃለሽ" ስትባዪ "እነሆኝ የጌታ ባሪያ" ባስባለሽ ትህትና ባርኪን። ከጌታችን ከኢየሱስ ክርስቶስ ምህረትንና እና ይቅርታን ለምኝልን። ጸሎታችንን አሳርጊልን። 🙏🏿

"አሟሟትሽ በጥር
ነሀሴ መቃብር"

እንኳን አደረሰን!

❤️

እንኳን ለመስቀሉ ሥር ስጦታችን፣ ለእናታችን ለቅድስት ድንግል ማርያም፣ ለወላዲተ አምላክ፣ ለኪዳነ ምህረት በዓል በሰላም አደረሰን!

"ኪዳነ ምህረት እመቤት እመቤት
ነይልን ነይልን ካለንበት፤

ከሰማያት በላይ ካለው ከማደሪያሽ
ዝማሬ ከሞላው ከዘላለም ቤትሽ
የምድር ፍጥረታት ማርያም ማርያም ሲሉሽ
የቃል እናት እመቤቴ ነይ በሰረገላሽ"

ደብረ ታቦር የቤተ ክርስቲያን ምሳሌ ነች፤ ከብሉይና ከሐዲስ ሰብስባለችና፡፡ ከብሉይ ኪዳን ነቢያት ሙሴና ኤልያስን ከሐዲስ ኪዳን ሐዋርያት ጴጥሮስን ያዕቆብን፣ ዮሐንስን ከመምህራቸው ከክርስቶስ ጋር ሰብስባለችና፡፡ ቤተ ክርስቲያን በነቢያትና በሐዋርያት መሠረትነት ላይ ተመሥርታለች “እስመ ተሐነጽክሙ ዲበ መሠረተ ነቢያት ወሐዋርያት እንዘ ክርስቶስ ርዕሰ ማዕዘንተ ሕንጻ” “በነቢያትና በሐዋርያት መሠረት ላይ ታንጻችኋል፤ የማዕዘኑም ራስ ደንጋይ ክርስቶስ ነው” እንዲል፡፡
ኤፌ. 2፥20
የታቦር ተራራ
፩. የቤተ ክርስቲያን
፪. የወንጌል
፫. የመንግሥተ ሰማያት ምሳሌ ነው፡፡

እመቤታችን ሆይ የዐሥራት አገርሽን ኢትዮጵያን አስቢአት፥በረድኤትሽ ጎብኚአት።

የነሐሴ ፮ ምስባክ ዘነግህ፤
“ይትፌሥሓ አድባረ ጽዮን፥
ወይትሓሰያ አዋልደ ይሁዳ፥
በእንተ ፍትሕከ እግዚኦ።”መዝ፡፵፯፥፲፩።

ቅዱስ ዳዊት በመዝሙረ ትንቢት፡-፩ኛ:-“የጽዮን ተራሮች ደስ ይላቸዋል፤(ልዑላኑ ታላላቆቹ ደስ ይላቸዋል)፤” ፪ኛ:-“የይሁዳም ሴቶች ልጆች ሐሴት ያደርጋሉ፤(ትሑታኑ ታናናሾቹ ደስ ይላቸዋል)፤” ፫ኛ:-“አቤቱ ስለ ፍርድህ፤(አሕዛብን ፈርደህ ስላጠፋህ፥ እነርሱን ደግሞ በፍርድህ ስላዳንሃቸው ታላላቆችም ታናናሾችም ደስታን ይጎናጸፋሉ)፤”ብሏል።

ዛሬስ እግዚአብሔር ፈርዶ ኢትዮጵያን እና ቤተ ክርስቲያንን የሚያድናቸው መቼ ነው? ይህ ደሙም እንባውም እየፈሰሰ ያለ ሕዝብ ፍስሐ ወሐሴት የሚያደርገው መቼ ነው? እባክህ እግዚአብሔር ሆይ ስለ ድንግል ማርያም ብለህ ቀኑን ቅርብ አድርገው።
“እንግዲህ እግዚአብሔር በመዓልትና በሌሊት ወደ እርሱ ለሚጮኹ ለወዳጆቹ አይፈርድምን? ወይስ ቸል ይላቸዋልን? እላችኋለሁ ፈጥኖ ይፈርድላቸዋል።”ያለ ጌታ እግዚአብሔር ፍርዱ አይዘገይም።ሉቃ:፲፰፥፯። የእግዚአብሔር ቸርነት፥የድንግል ማርያም አማላጅነት አይለየን፥አሜን።

‹‹ተፈሥሒ ኦ ምልእተ ጸጋ፣ ተፈሥሒ እስመ ረከብኪ ሞገሰ በኀበ እግዚአብሔር፡- ምልእተ ጸጋ ሆይ ደስ ይበልሽ፤ በእግዚአብሔ ዘንድ ሞገስን አግኝተሻልና ደስ ይበልሽ››
(ሉቃ. 1÷28-30")

እንኳን ለጾመ ፍልሰታ አደረሰን!
#ፍልሰታ #ማርያም
በዚህች ጾም ጊዜ ፈቅዶላችሁ በማስቀደስ የምታሳልፉ አልያም ሳትችሉ በሥራና ትምህርት እያሰባችኋት የምታሳልፉ መልካሙን ጊዜ እየተመኘን ባላችሁበት ቦታ ቀጥታ የሚሰራጩ መርሀግብሮችን ተከታተሉ።

እንኳን አደረሳችሁ
ጻዲቁ አቡነ ሐብተ ማርያም ሆይ እኛ ልጆችህን ከክፉ ሁሉ ጠብቀን ወጥቶ ከመቅሰፍት ሰዉረን

እናት ሀገራችንን ኢትዮጵያን በተሰጠህ ቃል ኪዳን ጠብቅልን

ከድንገተኛ ሞት ሰዉረን አሜን!!!

የጻድቁ አቡነ ሀብተ ማርያም በረከቱና ረድኤቱ አይለየን።

ሊቀ ሰማዕታት ቅዱስ ጊዮርጊስ

እንኳን ለሊቀ ሰማዕታት ቅዱስ ጊዮርጊስ ወርሃዊ የመታሰቢያ በዓል በሰላም አደረሳችሁ፣ አደረሰን !!!

⛪️ ገና ከልጅነቱ ጀምሮ በክርስትና ስርዓት ያደገው ቅዱስ ጊዮርጊስ በ፳ ዓመት እድሜው የንጉሥ ዱድያኖስ ወታደር ሆኖ ሹመትን ሊቀበል ወደ ንጉሡ ሄደ

⛪️ ንጉሡም ክርስቲያኖችን ለጣኦት ካልሰገዳችሁ ብሎ ሲያሰቃይ አይቶ ንጉሡን ተቃወመ፣ ማዕረጉንም ተወ

⛪️ ለክርስቶስም ታምኖ የጣኦት አሰራርን መቃወም ጀመረ፤ ያለውንም ንብረት ሸጦ ለድሆች አካፈለ

⛪️ ዓለማዊውን መንግሥት ንቆ ለክርስቶስ በተገዛው በቅዱስ ጊዮርጊስ ድርጊት የተበሳጨው ንጉሥም ሊያባብለው ሞከረ፤ ግን አልተሳካለትም

⛪️ ሊቀ ሰማዕታት ቅዱስ ጊዮርጊስም እስከ ሰማዕትነት ጊዜው ድረስ በአምላኩ ታምኖ ጣኦት አምላኪዎችን እየተቃወመ አምላኩም በርሱ ድንቅ እያደረገ ኖረ

❤ የትውልድ ዘመን ጥር ፪ ፪፻፸፭ /275/

❤ የትውልድ ቦታ ቀጰዶቂያ

❤ የአባት ስም አንስጣስዮስ

❤ የእናት ስም ቴዎብስታ

❤ ሥራ ክርስቲያን፣ ሰማዕት

❤ የንግሥ በዓል ሚያዝያ ፳፫

❤ ታዋቂ ገዳም ደብረ ጽጌ ቅዱስ
ጊዮርጊስ ቤ/ያን

❤ የእረፍት ቀን ሚያዝያ ፳፫

የሊቀ ሰማዕታት ቅዱስ ጊዮርጊስ ጸሎትና በረከት ከእኛ ጋር ይሁን። ምልጃው ዘወትር አይለየን።

#አንዲት_ቤተክርስቲያን
#አንድ_ሲኖዶስ
#አንድ_ፓትርያርክ
#አንዲት_ጥምቀት
#ተዋህዶ
#orthodoxchurch
#ኢትዮጵያ

እንኳን አደረሳችሁ ከቅዱስ ኡራኤል ከቅዱስ ሉቃስ ከቅዱስ ያዕቆብ ምስራቃዊ ርድኤት በረከት ይክፈለን በምልጃቸው ይጠብቁን አሜን::

ጸሎታችሁን ቅዱስ ገብርኤል ይስማ!

ህጻን ወእሙ ክልኤሆሙ ፈጸሙ ገድሎሙ!

የመላእክት አለቃ የቅዱስ ገብርኤል ተራዳኢነት፣ የቅድስት ኢየሉጣ እና የቅዱስ ቂርቆስ ጸሎታቸው፣ ምልጃቸው ይጠብቀን፡፡ 🙏🙏🙏

ሰላም ለእስትንፋስኪ ዘመዓዛሁ ሕይወት
ከመ መዓዛ ዕፅ ኅሩይ ዘውስተ ገነት
ማርያም ድንግል ቤተ ቅድሳት
ጽንሕኒ ውስተ ሠናይ ወሰውርኒ እሞት
በአክናፍኪ ርግብየ ኅሪት ❤️ 🙏🏿

ጠብቆ አሳድጎ ከልጅነቴ
አባት እየሆነኝ ሚካኤል አባቴ
ይለይብኛል ሚካኤል ይለይብኛል
በክንፋ ሸፍኖ በቤቱ አሳድጎኛል
#ቅዱስ ሚካኤል አባቴ
እንኳን አደረሳችሁ/አደረሰን
ቅዱስ ሚካኤል ከክፋ ነገር ይጠብቀን።
1️⃣2️⃣

👉ዛሬ ሐምሌ 7 ቅድስት ሥላሴ ለአብርሃም የተገለጡበት የይስሐቅንም መወለድ የአበሠሩበት፡ በቤቱም የተስተናገዱበት ዕለት ነው፡፡ እንኳን አደረሳችሁ "ሀገራችንን ከጥፋት፡ህዝባችንን ከስደት ከሞት ይታደጉልን።🙏❤🥰

ቅድስት ሥላሴ በዕለተ ቀናቸው ያላሰብነውን ደስታ ይስጡን፡ መልካም እለተ ሰንበት ይሁንልን።🙏❤

በዓለ ጰራቅሊጦስ፤

ሊቁ ቅዱስ ዮሐንስ አፈ ወርቅ ይህቺን ቅድስት ዕለት የቤተ ክርስቲያን የልደት ቀን ናት ብሏታል። እውነት ነው፥ቤተ ክርስቲያን በቀራንዮ በኢየሱስ ክርስቶስ ደም ላይ ስትመሠረት ተፀነሰች፥ የጰራቅሊጦስ ዕለት ተወለደች፥ምክንያቱም በዚያች ዕለት ሁሉም የመንፈስ ቅዱስ ጸጋ ተሰጥቶአት ምሉዐ ጸጋ ሆናለችና ነው።ይህንንም በጥምቀት ለተወለዱ፥በሜሮን ለከበሩ፥በሥጋ ወደሙ ለታተሙ ልጆቿ ስታድል ትኖራለች።

የተሰጠንን ጸጋ ያጽናልን፥በጸጋ ላይ ጸጋ ይጨምርልን።

#ከድርሳነ #ሚካኤል #ዘሰኔ

በአብ በወልድ በመንፈስ ቅዱስ ስም አምነን በባሕርይ በህልውና አንድ አምላክ ብለን ክብር ምስጋና ይግባውና በዛሬው ዕለት እግዚአብሔር ቅዱስ ሚካኤልን በወገኖቹ በመላእክት ሁሉ ላይ ከክብሩና ከገናንነቱ ጋራ እንደሾመው እንናገራለን።

ንዑድ ክቡር የሚሆን የመላእክት አለቃ የቅዱስ ሚካኤል ተአምራቱ ብዙ የብዙ ብዙ ነውና ስለዚህ የቤተ ክርስቲያን ሊቃውንት የቅዱስ ሚካኤልን በዓል በየወሩ በአሥራ ሁለት ቀን እናከብር ዘንድ አዘውናል ጸሎቱና በረከቱ ከኛ ጋር ይኑር ለዘለዓለሙ አሜን።

ምንጭ፦
ድርሳነ ሚካኤል ዘሰኔ ቁጥር 133-134

"ይህም የከበረ መልአክ ክብር ይግባውና በጌታችን ፊት ስለ ሰው ልጆችና ስለ ፍጥረትም ሁሉ ይለምናል ይማልዳልም"
- ስንክሳር ዘወርኀ ሰኔ ቁጥር ፲

👉"ስለ ሕዝብህ ልጆች የሚቆመው ታላቁ አለቃ ሚካኤል" ዳን. 12፥1

👉"ማኑሄም የእግዚአብሔርን መልአክ፦ ነገርህ በደረሰ ጊዜ እንድናከብርህ ስምህ ማን ነው? አለው። የእግዚአብሔርም መልአክ። ስሜ ድንቅ ነውና ለምን ትጠይቃለህ? አለው።" መሳ. 13፥17-18

👉"ከክፉ ነገር ሁሉ ያዳነኝ መልአክ" ዘፍ. 48፥16

ለበዓለ ዕርገቱ እንኳን አደረሳችሁ
+++++
"ወበዕርገቱ ጼሐ ለነ ፍኖተ ሰማያት ወአርኀወ ለነ ኆኀተ ሰማይ::"

ትርጉም፦
"በዕርገቱም የሰማያትን ጎዳና ጠረገልን የሰማይንም ደጅ ከፈተልን::" (ድርሳነ ማሕየዊ)
++++

"ልባችሁ አይታወክ፤ በእግዚአብሔር እመኑ፥ በእኔም ደግሞ እመኑ። በአባቴ ቤት ብዙ መኖሪያ አለ፤ እንዲህስ ባይሆን ባልኋችሁ ነበር፤ ስፍራ አዘጋጅላችሁ ዘንድ እሄዳለሁና፤ ሄጄም ስፍራ ባዘጋጅላችሁ፥ እኔ ባለሁበት እናንተ ደግሞ እንድትሆኑ ሁለተኛ እመጣለሁ ወደ እኔም እወስዳችኋለሁ። ወደ ምሄድበትም ታውቃላችሁ፥ መንገዱንም ታውቃላችሁ።"
(ዮሐ. 14፥1)

ከበዓታ ለማርያም በረከት ረድኤት ይክፈለን።

ከቤተ መንግሥቱ ግቢ ውስጥ ያለሽ ታዕካ ነገሥት በዓታ ለማርያም:-ለሀገራችን ቅን መሪ፥ለቤተ ክርስቲ ያናችን ቅን አገልጋይ አድዪን።በአማላጅነትሽ ኢትዮጵያ አገራችንን፥ተዋህዶ ሃይማኖታችንን ከነደደ እሳት አውጪልን፥የመከራውን ዘመን አሳጥሪልን።